DKR-KABUM-13-PA-022: Difference between revisions

From Khyentse Lineage - A Tsadra Foundation Project
DKR-KABUM-13-PA-022
No edit summary
m (Text replacement - "Khyentse Metadata" to "Text")
 
(7 intermediate revisions by 2 users not shown)
Line 1: Line 1:
{{WyliePageHeader}}
{{Text
 
|classification=Tibetan Publications
<div class="wylie-content"
|subclass=Tibetan Texts
 
|sectionheading=No
|fulltitletib=རྟ་ཁྱུང་འབར་བའི་བསྙེན་ཐོ་རིན་ཆེན་སྒྲོན་མེ།
|fulltitle=rta khyung 'bar ba'i bsnyen tho rin chen sgron me
|citation=[[Khyentse, Dilgo]]. ''Rta khyung 'bar ba'i bsnyen tho rin chen sgron me''. In ''Skyabs rje dil mgo mkhyen brtse rin po che'i bka' 'bum'', Vol. 13: 324-344. Delhi: Shechen Publications, 1994.
|collectiontitletib=དིལ་མགོ་མཁྱེན་བརྩེ་བཀའ་འབུམ།
|collectiontitle=dil mgo mkhyen brtse bka' 'bum
|author=Khyentse, Dilgo
|authortib=དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
|sourcerevealer='jigs med gling pa
|sourcerevealertib=འཇིགས་མེད་གླིང་པ་
|tibgenre=Recitation Manual - bsnyen yig, Records - tho
|terma=No
|dkroutline=Five
|cycle=bla ma drag po rta khyung 'bar ba
|cycletib=བླ་མ་དྲག་པོ་རྟ་ཁྱུང་འབར་བ་
|parentcycle=klong chen snying gi thig le
|parentcycletib=ཀློང་ཆེན་སྙིང་གི་ཐིག་ལེ་
|language=Tibetan
|volumenumber=013
|volnumtib=༡༣
|volyigtib=པ་
|totalvolumes=25
|textnuminvol=022
|pagenumbers=324-344
|totalpages=42
|beginfolioline=1a
|endfolioline=21b5
|totalfolios=21
|multivolumework=No
|rectonotes=bsnyen tho
|versonotes=klong snying drag po rta khyung
|colophontib=།ཞེས་ཀུན་མཁྱེན་འཇིགས་མེད་བསྟན་པའི་ཉི་མའི་གསུང་གི་བརྩམ་གཞིར་སོང་བས་ཚིག་སྣ་བསྡུས་ཆེས་ཏེ། བློ་དམན་གྱི་གོ་དཀའ་ཕྱིར་ཞལ་གསལ་དུ་སྤྲོས་ཞེས་གྲུབ་ཆེན་སྐུ་ཕྲེང་བཞི་པ་འཇིགས་མེད་ཀུན་བཟང་ཐུབ་བསྟན་ཕྲིན་ལས་དཔལ་བཟང་གི་ཞབས་རིམ་པ་དད་མོས་ལྡན་པ་དགེ་སློང་སངས་རྒྱས་ནས་ཡང་ཡང་བསྐུལ་ངོར་འཇིགས་མེད་མཁྱེན་བརྩེའི་འོད་ཟེར་གྱིས་ལྷོ་འབྲུག་རྒྱལ་ཁབ་ཀྱི་བྱེ་བྲག་རྟ་བབ་བདེ་ཆེན་རྩེར་རང་གི་གོ་ཚོད་ཅི་ནུས་སུ་གཟུ་ལུམ་སྤང་ཏེ་དད་མོས་ཀྱིས་བྲིས་པའི་དགེ་བས་འབྲེལ་ཚད་སློབ་དཔོན་ཆེན་པོ་སངས་རྒྱས་གཉིས་པས་རྗེས་སུ་འཛིན་པའི་རྒྱུར་གྱུར་ཅིག །ཡེ་ཤེས་བྱ་ཁྱུང་རྒན་འདུས་སྔ་འགྱུར་གྱི། །སྔགས་རྒན་བཀའ་གཏེར་ཤིང་རྟ་རྡོ་རྒན་གསུང༌། །སྔགས་རྒན་མང་བརྡུང་ཆོས་རྒན་ལྷའི་རྔ་རྒན། །ཁམས་རྒན་གྱིས་བརྡུང་ཕྱོགས་ལས་རྣམ་རྒྱལ་ཤོག།
|colophonwylie=/zhes kun mkhyen 'jigs med bstan pa'i nyi ma'i gsung gi brtsam gzhir song bas tshig sna bsdus ches te/_blo dman gyi go dka' phyir zhal gsal du spros zhes grub chen sku phreng bzhi pa 'jigs med kun bzang thub bstan phrin las dpal bzang gi zhabs rim pa dad mos ldan pa dge slong sangs rgyas nas yang yang bskul ngor 'jigs med mkhyen brtse'i 'od zer gyis lho 'brug rgyal khab kyi bye brag rta bab bde chen rtser rang gi go tshod ci nus su gzu lum spang te dad mos kyis bris pa'i dge bas 'brel tshad slob dpon chen po sangs rgyas gnyis pas rjes su 'dzin pa'i rgyur gyur cig_/ye shes bya khyung rgan 'dus snga 'gyur gyi/_/sngags rgan bka' gter shing rta rdo rgan gsung*/_/sngags rgan mang brdung chos rgan lha'i rnga rgan/_/khams rgan gyis brdung phyogs las rnam rgyal shog/
|pdflink=File:DKR-KABUM-13-PA-022.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
<onlyinclude>
 
{{TibP|༄༅། །རྟ་ཁྱུང་འབར་བའི་བསྙེན་ཐོ་རིན་ཆེན་སྒྲོན་མེ་བཞུགས་སོ།<br><br>
rta khyung 'bar ba'i bsnyen tho rin chen sgron me bzhugs so/
༄༅། །བླ་མ་བདེ་བ་ཆེན་པོར་མཆོད། །རྟ་ཁྱུང་འབར་བའི་ཟིན་ཐོ་ལ། །ཕྱི་སྒྲུབ་བླ་མའི་རྣལ་འབྱོར་ལས། །འདི་ལྟ་བུའི་མན་ངག་ནི་བསྐྱེད་རིམ་གྱི་གནད༔ རྫོགས་རིམ་གྱི་བཅུད༔ གནས་ལུགས་ཀྱི་ཚང༔ མན་ངག་གི་མདུད་ཡིན་པས་ཆོས་སྒོ་བརྒྱད་ཁྲི་བཞི་སྟོང་ཞལ་བསྡུར་ཀྱང་གནད་འདི་ལས་ཟབ་པ་འབྱུང་མི་སྲིད་པའི་ཟབ་རྒྱ་ཡིན་པས་སྐལ་བཟང་རྣམས་ཀྱི་སྙིང་ལ་གཅེས་པར་ཟུངས་ཤིག༔ ཅེས་དང༌། རིག་འཛིན་འདུས་པའི་བསྙེན་ཡིག་ལས། སྒྲུབ་པ་ཐམས་ཅད་ཀྱི་ནང་ནས་བླ་མ་སྒྲུབ་པ་མཆོག་ཏུ་གསུངས་ཤིང༌། ཁྱད་པར་སློབ་དཔོན་ཆེན་པོ་ནི་སངས་རྒྱས་ཐམས་ཅད་ཀྱི་སྤྱི་གཟུགས་ཡིན་པས་ཉིད་ཀྱི་ཞལ་ནས། ང་མཐོང་སངས་རྒྱས་ཐམས་ཅད་མཐོང༔ ང་སྒྲུབ་སངས་རྒྱས་ཐམས་ཅད་འགྲུབ༔ ང་ནི་བདེ་གཤེགས་འདུས་པ་ཡིན༔ ཞེས་གསུངས་པ་ལ་བསླུ་བ་མེད་པ་མངོན་སུམ་ཚད་མའོ།  །ཞེས་གསུངས་པ་ལྟར་སྐབས་འདིའི་བསྒྲུབ་བྱའི་ལྷ་ནི་རྩ་བ་གསུམ་ལས། ཆོས་འདི་རིག་འཛིན་བླ་མའི་སྒྲུབ་སྐོར་ཡིན་པས་རང་རེ་ཕྱོགས་བཅུའི་སངས་རྒྱས་སུས་ཀྱང་མ་ཐུལ་བའི་དམུ་རྒོད་སྙིགས་མའི་སེམས་ཅན་སངས་རྒྱས་དངོས་བྱུང་གི་ཞལ་མཐོང་གསུང་ཐོས་པའི་སྐལ་བ་མེད་པ་ལ། རྒྱལ་བའི་ཕྲིན་ལས་མི་ཡི་གཟུགས་སུ་བྱོན་པའི་བླ་མ་རྣམས་ཀྱིས་ཞལ་བསྟན་ཆོས་གསུངས་ནས་འབྲས་བུའི་ས་ལ་མཚམས་སྦྱོར་བའི་བཀའ་དྲིན་སངས་རྒྱས་ལས་ཀྱང་ལྷག་པས་བླ་མ་ལ་གསོལ་བ་བཏབ་པས་སངས་རྒྱས་ཐམས་ཅད་ཀྱི་བྱིན་རླབས་འཇུག་ཅིང་ཐུགས་རྗེའི་ཤུགས་མྱུར་བ་དང༌། ལྷག་པར་གུ་རུ་རིན་པོ་ཆེའི་གདུལ་བྱ་ཁྱད་པར་ཅན་བོད་ཡུལ་ཡིན་ཞིང་དུས་ཀྱི་ཐ་མའི་བོད་འབངས་ལ་ལྷག་པར་ཐུགས་བརྩེ། བྱིན་གྱིས་རློབ་པའི་ཞལ་བཞེས་བསླུ་མེད་ཀྱིས་རྗེས་སུ་བཟུང་བས་ན་དེ་ཉིད་བསྒྲུབས་པས་རྟགས་མཚན་མྱུར་དུ་འཆར་བ་དང༌། གཏེར་ཆོས་ཐམས་ཅད་ཀྱི་གཙོ་བོ་བླ་རྫོགས་ཐུགས་གསུམ་དུ་གསུངས་པ་ལྟར་ཡིན་ཞིང་ཁྱད་པར་བླ་མ་སྒྲུབ་པ་འདི་སངས་རྒྱས་བྱང་སེམས་སྐུ་དངོས་ཀྱིས་འདུལ་མ་ནུས་པ་བླ་མས་འདུལ་བར་མཛད་ཅིང༌། བླ་མ་དགེ་བའི་བཤེས་གཉེན་གྱི་ཚུལ་གྱིས་སངས་རྒྱས་ཀྱི་མཛད་པ་མཛད་ནུས་པས་བྱིན་རླབས་ཚན་ཆེ་ལ་དངོས་གྲུབ་ཀྱང་མྱུར། བླ་མ་སྒྲུབ་པ་དེ་ལ་ཕྱི་གསོལ་འདེབས། ནང་སྐུ་གསུམ། གསང་བ་རླུང་སེམས་དབྱེར་མེད། ཡང་གསང་བླ་མ་དྲག་པོའི་སྒྲུབ་ཚུལ་བཞི་ལས་འདི་ནི་ཡང་གསང་བླ་མ་དྲག་པོ་ཕྲིན་ལས་ཀྱི་སྐོར་ཡིན། དེའི་དགོས་པ་དུས་ཀྱི་ཐ་མ་ཆོས་བྱེད་ཡོངས་ལ་བར་ཆད་བྱུང་ན་དྲག་པོའི་ལྷ་སྔགས་ཀྱིས་སྐྱོབ་པའི་རྟེན་འབྲེལ་ཡོད་པའི་རྒྱུ་མཚན་བོད་དུ་སངས་རྒྱས་ཀྱི་བསྟན་པ་ཐོག་མར་དར་བའི་སྐབས་མཁན་ཆེན་ཞི་བ་འཚོ་སོགས་ཀྱིས་ཞི་བའི་ཕྲིན་ལས་ཀྱིས་མ་ཐུལ་བ་ལྟར་མཛད་ནས་གུ་རུ་རིན་པོ་ཆེའི་དབང་དྲག་གི་ཕྲིན་ལས་ཀྱིས་མི་དང་མི་མིན་ཐམས་ཅད་བཏུལ་ནས་བོད་ཐུགས་རྗེ་ཆེན་པོའི་གདུལ་ཞིང་དོན་ལ་གནས་པའི་བཀའ་དྲིན་གྱིས་ད་ལྟ་བདག་ཅག་སྙིགས་དུས་ཀྱི་གདུལ་བྱ་འགལ་རྐྱེན་མང་བའི་སྐབས་བླ་མ་དྲག་པོའི་ལྷ་སྔགས་ཀྱིས་ཞི་བས་མི་ཐུལ་བས་དྲག་སྒྲུབ་དགོས་པའི་རྒྱུ་མཚན་དཔལ་འདུས་ལས། གུ་རུའི་ཐུགས་སྒྲུབ་བསྐུལ་བས་བར་ཆད་མེད་ཅིང༌། བཀྲ་ཤིས་དངོས་གྲུབ་ཀྱི་མཚན་མ་གཞན་ལས་ཆེ་བ་ནི། དེ་ཚེ་གཉེན་པོ་སྟོབས་ཀྱི་ལྷ༔ ཕལ་གྱིས་ཐུལ་བར་མི་འགྱུར་བས༔ ཕྱི་ལྟར་བྱང་སེམས་ནང་རིག་འཛིན༔ གསང་བ་དྲག་གཏུམ་འབར་བའི་ལྷ༔ ཞེས་གསུངས་པ་ལྟར་ཞི་རྒྱས་ཕྲིན་ལས་ཀྱིས་རྗེས་སུ་འཛིན་པས་གདུལ་དཀའ་ཞིང་རྒྱུད་མ་རུང་པའི་བདུད་དང་རུ་ཏྲའི་ཚོགས་ལ་དབང་དང་དྲག་པོའི་ཕྲིན་ལས་ཀྱིས་ཚར་བཅད་དེ་འདུལ་བའི་ཕྱིར་ཁྲོ་བོའི་སྐུར་བཞེངས་པ་ཡིན་པས་ཕྲིན་ལས་རྣོ་ལ་མྱུར། དེའང་གུར་དྲག་ཕལ་ཆེར་བེ་ཧར་འདུལ་དུས་ཀྱི་ལོ་རྒྱུས་དང་འབྲེལ་ཀྱང༌། འདི་ནི་གདུག་པ་ཀླུ་འདུལ་མཛད་པ་དང་འབྲེལ་བའི་གུར་དྲག་ཡིན་ཏེ། འདི་ཉིད་ཀྱི་སྒྲུབ་རྟེན་རྫས་གཏེར་ཕུར་པ་གནམ་ལྕགས་ཐོག་རྒོད་བསམ་ཡས་ཧས་པོ་རི་ནས་གཏེར་དུ་བཞེས་པའི་ལོ་རྒྱུས་ལས་གཏེར་སྲུང་རྡོ་རྗེ་ལེགས་པས། ཕུར་པ་མེ་སྟག་འཕྲོ་བ་ཞིག་ཕྱིན་ནས་འདི་སློབ་དཔོན་ཆེན་པོའི་མལ་གྲོའི་ཀླུ་བཏུལ་བའི་ཕུར་པ་ཡིན་ཟེར། ཆོས་འདི་བྱིན་རླབས་ཤིན་ཏུ་མྱུར་བས་དམ་སྲིའི་བར་ཆད་བཟློག་ཅིང་ཚེ་འཕྲང་སེལ། ཀོ་སྒོམ་ཆོས་ཉིད་ཀྱིས་བསྙེན་པ་བྱས་པའི་ཚེ། སྦལ་པ་ཞིག་གིས་ཁ་གདངས་ནས་བཞད་པའི་ཚུལ་གྱིས་ཕྱག་བྱེད་པ་ལན་གསུམ། བྱ་སྐྱ་ཀ་ཞིག་མཚོ་ནང་དུ་འཇུག་ནས་སྦྲུལ་གྱི་འཇུག་མ་ནས་བཟུང་སྟེ་བཏོན་པའི་མགོ་ལ་མེ་འབར་བ་སོགས་བྱུང་ནས་ཀླུ་གཉན་ལ་ཤིན་ཏུ་གནོད་པར་དོགས་པས་འཇིགས་ཏེ་བཞག་པ་ཡིན་ཟེར། འདིའི་ཆོས་དང་རྫས་གཏེར་གཉིས་ཀ་གདུག་པ་ཀླུའི་གཉེན་པོར་གྱུར་པ་ཡིན། ཞེས་སོགས་ཀྱིས་ཤེས། དབུ་གཙུག་ནས་རྟ་ཁྱུང་གི་ཞལ་གཉིས་ཕྱུང་བའང་ངོ་བོ་གུ་རུ་ཉིད་རྣམ་པ་ཀླུ་ཡི་གཤེད་མའམ་གཉེན་པོ་ཆེད་དུ་བསྔགས་པའི་ལྷ་རྟ་མགྲིན་དང་དབྱེར་མེད་པ་དང་སྐུར་བཞེངས་པའི་བརྡར་སྣང༌། དུག་སྦྲུལ་བཅུ་གཉིས་ཀྱི་གདན་དང་གཡོན་པའི་ཕྱག་མཚན་མེ་ཁྱུང་དང༌། ཀླུ་ཆེན་བརྒྱད་སྦྲུལ་གྱི་རྣམ་པས་སྐུ་ལ་བརྒྱན་པས། བ་སྤུ་ལས་ཁྱུང་གི་ཚྭ་ཚྭ་འཕྲོ་བ་རྣམས་ཀྱི་ཤེས། རྫས་གཏེར་གྱི་ལོ་རྒྱུས་དེའི་རྟ་ཁྱུང་ཆོས་བཀའ་འདི་ཀུན་མཁྱེན་གྱི་དགུང་གྲངས་རེ་དྲུག་གི་བར་ཆད་ཀྱི་འཕྲང་སེལ་ཆེད་གུ་རུ་རིན་པོ་ཆེའི་ལྷ་སྔགས་འདི་ལྟ་བུ་རྣམ་པར་བཞེངས་པས་སྐུ་ཚེའི་འདུ་བྱེད་བྱིན་གྱིས་བརླབས་པའི་ཆེད་བྱུང་ཞིང༌། རྟ་ཁྱུང་གི་ཆོས་སྐོར་འདི་ཐུན་མོང་གི་གདུལ་བྱའི་སྤྱོད་ཡུལ་དུ་དེ་ལྟར་སྣང་བའི་དོན་ལ་དགོངས་པ་ཙམ་ལས། དེ་གོང་རྟ་ཁྱུང་གི་ལྷ་སྔགས་འདི་ཉིད་ཀྱི་རྣམ་པ་མེད་སྙམ་དོགས་པ་སེལ་ལོ།  །ཨཱརྻ་པ་གླིང་གིས་སེ་ཕུང་ལ་གནས་པའི་ཀླུས་བོད་ཀྱི་ལྷ་འདྲེ་བསྐུལ་ནས་བསམ་ཡས་བརྩིག་ཏུ་མ་སྟེར་བའི་དབང་གིས་ས་འདུལ་ལ་སྤྱན་དྲངས་པར་བཤད་དེ། སྡེ་བརྒྱད་རྒྱལ་པོ་སོགས་དུག་གསུམ་རང་རྒྱུད་དུ་སྤྱོད་པའི་ཕོ་མོ་མ་ནིང་གི་རྒྱུད་གསུམ་འབྱུང་པོའི་ནང་ན་གཏི་མུག་ནི་ཉོན་མོངས་ཀུན་གྱི་རྩ་བ་ཡིན་པས་དེའི་རང་གཟུགས་ཀླུ་ནུས་སྟོབས་སོགས་ཚན་ཆེ་ཞིང༌། འཛམ་གླིང་གི་མི་རྒྱ་མཚོའི་དབུས་སུ་ས་ཆུ་ལ་གནས་པས། གདོན་ཁྲོལ་ལས། བྱོལ་སོང་གདུག་པ་ཀླུ་ཡི་རིགས༔ འབྱུང་བ་ཀུན་ལ་གནས་བཅས་ཤིང༔ ཞེས་གསུངས་པ་ལྟར་ནམ་མཁར་གནས་པའི་གཉན་གྱི་རིགས༔ ས་ལ་དབང་བྱེད་ས་བདག་སོགས༔ གནམ་ས་བར་སྣང་ཐམས་ཅད་ཀླུ་གཉན་ས་བདག་གསུམ་གྱི་མ་ཁྱབ་པ་མེད་པས་འདི་ཉིད་ལས། མདོར་ན་སྣོད་ཀྱི་འཇིག་རྟེན་ཀུན༔ ཁྱོད་དང་མ་འབྲེལ་གང་ཡང་མེད༔ སོགས་གསུངས་ལ། མལ་གྲོའི་ཀླུ་འདུལ་ཕྱིར་གུ་རུ་རིན་པོ་ཆེའི་ཀླུ་འདུལ་གྱི་ཏིང་ངེ་འཛིན་ལ་བཞུགས་པས་ཀླུ་བཅུན་པའི་ཚེ། ཀླུ་ཡིས་ཆོས་རྒྱལ་ཁྲི་སྲོང་བསྐུལ་ཏེ་བསམ་ཡས་བརྩིགས་པའི་སྡོང་གྲོགས་བྱེད་པར་ཁས་བླང་བས་གུ་རུ་རིན་པོ་ཆེའི་དགོངས་པ་ཀློད་པ་མངའ་བདག་གིས་གསོལ་བ་བཏབ་པས་གུ་རུ་རིན་པོ་ཆེའི་ཁྱུང་གི་སྐུར་བཞེངས་པའི་སྤྲུལ་པ་བསྡུས་ཏེ་ཀླུའི་ལུས་ངག་དམ་ལ་ཐོག་ཀྱང་ཡིད་དམ་ལ་མ་ཐོག་པས་དུས་མཐར་ཀླུ་གདོན་གྱིས་གནོད་པ་མང་བར་གསུངས་པ་ལྟར་སྡེ་བརྒྱད་ལས་གདུལ་དཀའ་ཤོས་ཀླུ་རྒྱུད་ཡིན་ཏེ་གཟུགས་མཛེས་པའི་ལུས་ལ་ཆགས་སེམས་ཀྱི་ཞུགས་ནས་ཀླུས་མི་གཏོང་བ་དང༌། ཀླུ་གདོལ་པའི་རིགས་རྟ་གདོང་གི་ལྕགས་རི་ལ་གནས་པ་རྣམས་ཁྱུང་ཕལ་པས་ཟོས་པས་ཞེ་སྡང་གི་སྙིང་ལ་མེ་འབར་ནས་ཁྱུང་གི་ལུས་བསྲེགས། སྙིང་ལྕགས་གོང་མེ་འབར་བར་ལྟ་བུར་གྱུར་ཏེ་རྒྱ་མཚོའི་བྱེ་མའི་ནང་ཞེ་སྡང་གིས་རྒྱུགས་པས་ལྕགས་རིའི་ནགས་ཀྱང་མེ་འབར་བར་གསུངས་པ་དང༌། ཀླུ་གདོལ་པའི་རིགས་དང་འགྲས་པས་སྐྱེ་བ་བདུན་གྱི་བར་དུ་གནོད་པ་བསྐྱལ་ཏེ་མི་བཏང་བ་ཕྱག་རྡོར་དྲེགས་འདུལ་གྱི་རྒྱུད་ལས་གསུངས་པ་བཞིན་གླེན་པ་ཀླུ་ཞེས་ཞེ་གནག་པའི་རྒྱལ་པོར་གྲགས་སོ།  །དེའི་ཕྱིར་འདི་ནི་ལོག་འདྲེན་འདུལ་བའི་ལྷ་སྔགས་ཀྱི་མཆོག་ཏུ་གྲུབ་ཅིང་གཙོ་བོའི་གདུལ་བྱ་ལ་བསམ་ནས་དེ་ལྟར་བཤད་ཀྱི། རྒྱལ་བསེན་དམ་སྲི་གཞན་གྱི་གཉེན་པོ་སྟོབས་ཀྱི་ལྷ་ཕུལ་དུ་བྱུང་བ་ཡིན་ཏེ། གནོད་བྱེད་སྡེ་བརྒྱད་ཐལ་བར་བརླག༔ ཅེས་དང༌། རྫས་ཕུར་གྱི་གཏེར་འབྱུང་དུ། ཆོས་འདི་བྱིན་རླབས་ཤིན་ཏུ་མྱུར་བས་དམ་སྲིའི་བར་ཆད་བཟློག །ཚེ་འཕྲང་བསལ། ཞེས་པའི་ཆོས་འབྱུང་ཐད། དམ་སྲི་རས་གོས་ཅན་གྱི་ཀུན་མཁྱེན་གྱི་སྐུ་ཚེ་ལ་བར་ཆད་རྩོམ་པར་ཆས་པ་དགོངས་པས་གཟིར་བས་གླག་ལྟ་མ་ནུས་པས་ཟིལ་གྱིས་མནན་པའི་དེ་མ་ཐག །གུ་རུའི་ཞལ་བསྟན་ནས་ལྷ་སྔགས་འདི་དགོངས་ཀློང་ལས་བརྡོལ་ཏེ་གཏན་ལ་ཕབ་ནས་ལས་ཅན་རྣམས་ལ་སྤེལ་བའི་ལོ་རྒྱུས་བཞིན་རང་རེ་རྗེས་འཇུག་རྣམས་ལ་ཚེ་ཆོས་ཀྱི་བར་ཆད་སེལ་ཞིང་དངོས་གྲུབ་ཐོབ་པར་མཚོན་ནུས་ཤིང༌། ལྷག་པར་སློབ་དཔོན་རྒྱུད་ཀྱི་ལྷ་སྲུང་ཟེར་བའི་དཔེ་ལྟར་ཀུན་མཁྱེན་བླ་མ་ཉིད་ཀྱི་སྐུ་ཚེའི་གེགས་འཕྲང་བསལ་བའི་རྟེན་འབྲེལ་གྱིས་རང་ཅག་ཆོས་བརྒྱུད་འཛིན་པ་རྣམས་ལ་ཤིན་ཏུ་ཤིས་པའི་ཟབ་ཆོས་ཁྱད་པར་ཅན་ནོ།  །དེ་ཡང་བོད་ཀྱི་ལྷ་འདྲེ་འདུལ་བའི་ཕྱིར་གུ་རུ་ཉིད་རྡོ་རྗེ་གྲོ་ལོད་ཀྱི་སྐུར་བཞེངས་ནས་དབང་དུ་བསྡུས་ཤིང་དམ་ལ་བཏགས་ནས་ཕྱི་མའི་དོན་དུ་དེ་ཉིད་ཀྱི་ལྷ་སྔགས་ཀྱི་སྒྲུབ་ཐབས་མང་པོ་གཏེར་དུ་སྦས་པས་དམ་སྲི་འབྱུང་པོ་འདུལ་བ་ལ་སྒོས་སུ་བསྔགས་པ་རྡོ་རྗེ་གྲོ་ལོད་ཡིན་ལ། འདི་ཡང་རྡོ་རྗེ་གྲོ་ལོད་ཀྱི་བྱེ་བྲག་ཡིན་པར་འཇིགས་བྱེད་རྡོ་རྗེ་གྲོ་བོ་ལོད༔ ཅེས་སོ།  །གྲོ་ལོད་ཅེས་པ་ལེགས་སྦྱར་ལ་ཀྲོ་དྷ་ལོ་ཀོཏྟ་ར་ཞེས་པ་ཟུར་ཆག་སྟེ། སྒྲ་བསྒྱུར་ན། ཁྲོ་བོ་འཇིག་རྟེན་མཆོག་ཟེར་བ་ཡིན་གསུང་དོན་དུ་ཁྲོ་བོ་ཀུན་གྱི་སྤྱི་རྗེ་ལྷ་སྲིན་སྡེ་བརྒྱད་ཐམས་ཅད་འདུལ་བའི་གཉེན་པོ་ཟླ་མེད་མཆོག་ཏུ་མཚོན་པའི་མཚན་འཇིག་རྟེན་འདས་མ་འདས་ཐམས་ཅད་ཀྱི་ཁྲོ་བོའི་ཚོགས་རྗེར་བྱོན་ཅིང་འགྲུབ་སླ་བྱིན་རླབས་ཚན་ཆེ་བས་འཆོལ་བའི་ཁྲོ་རྒྱལ་ཞེས་གྲགས་པའོ།  །འདིར་སྐུ་གུར་དྲག །གསུང་རྟ་མགྲིན། ཐུགས་མཁའ་ལྡིང་ལྟར་བསྐྱེད་པ་བསྟོད་པའི་གཞུང་དུ་གསལ་ཏེ། སྐུ་གསུང་ཐུགས་བསམ་གྱི་མི་ཁྱབ་པའི་དབུ་གསུམ་ལྡན་པ། ཞེས་གསང་སྙིང་ལས་གསུངས་པས་ཕྱོགས་འདྲ་ཞིང་ཞེས་པ་ནི། རིག་འཛིན་བླ་མ་ནི་གདུལ་བྱ་མཆོག་དམན་མཐའ་དག་ལ་སྣང་བས་ཕྲིན་ལས་ཕྱོགས་རེར་མ་གྱུར་ཅིང༌། བླ་མའི་གཟུགས་སྐུའི་རྣམ་པས་སངས་རྒྱས་ཀྱི་མཛད་པ་སྒྲུབ་ནུས་པ་དེ་ཉིད་དྲག་པོའི་སྐུར་བཞེངས་ཀྱང་དོན་དམ་མཁའ་ཁྱབ་ཡེ་ཤེས་རྡོ་རྗེའི་སྐུ་ཡིན་ཕྱིར་སྐུ་རྫུ་འཕྲུལ་ཆེན་པོས་འདུལ་བ་ཡིན་ལ། གསུང་རྡོ་རྗེའི་མཁའ་ཁྱབ་པདྨ་དྲག་པོ་རྟ་མགྲིན་གྱི་རྟ་སྐད་ཐེང་གསུམ་བགྲོགས་པས་ཟབ་རྒྱས་ཀྱི་ཆོས་སྒོ་ཐམས་ཅད་མཚོན་པ་ལྷ་འདིའི་གསུང༌། ཐུགས་གསང་བདག་གིས་ཡེ་ཤེས་སྤྲུལ་པ་ཁྱུང་ཡིན་ཞིང་དེའི་སྲིད་རྩ་གཏི་མུག་གི་ཀླུ་སྲིན་འདུལ་བྱེད་ཕོ་ཉ་ཡིན་ཕྱིར་མཁྱེན་བརྩེའི་དགོངས་པ་མྱུར་བ་མཚོན་པའི་ཐུགས་ཏེ་རིགས་གསུམ་གཅིག་བསྡུས་སུ་བསྔགས་པས་སངས་རྒྱས་ཀུན་དང་གསང་གསུམ་དབྱེར་མེད་དུ་གསུང་ངམ་སྙམ། གུར་དྲག་ནི་ལྷ་སྔགས་ཀྱི་དངོས་བསྟན་ལམ་གྱི་གཙོ་བོ་ཡིན་པས་རྩ་བའི་ལྷ། གུ་རུའི་སྤྲུལ་གཞི་དང༌། གུ་རུ་དྲག་དམར་པདྨའི་རིགས་ཡིན་པས་རྟ་མགྲིན་མཚོན་བྱེད་རྟ་ཞལ་གཙུག་ན་ཡོད་པ་རིགས་བདག །བཀའ་བརྒྱད་སྐབས་ཆེ་མཆོག་གི་དབུ་གཙུག་ཏུ་ཁྱུང་ཆེན་ལྡིང་བ་ཆེ་བཙན་འགྲན་བྲལ་དུ་མཚོན་པ་བཞིན་བྱ་ཁྱུང་དབང་དྲག་གི་ཕྲིན་ལས་ཀྱིས་ཕྱོགས་ལས་རྣམ་པར་རྒྱལ་བའི་རྒྱལ་མཚན་གྱི་ཚུལ་དུ་བྱས་ཀྱང་རུང་བ་འདྲ། ཡང་ན་འདི་པདྨ་གསུང་གི་སྒྲུབ་བཀའ་ཡིན་པས་རྟ་མགྲིན་གསུང་རྡོ་རྗེ། ནམ་མཁའ་ལྡིང་ཐུགས་ཀྱི་ལྷ་གཉིས་ནི་སྐབས་འདིའི་བསྒྲུབ་བྱའི་ལྷ་སྟེ། སངས་རྒྱས་ཀྱི་གསང་བ་མཐར་ཐུག་ཡེ་ཤེས་ཆོས་ཀྱི་སྐུ་ཡིན་ཡང་དེ་ནི་སངས་རྒྱས་རང་གི་སོ་སོ་རང་རིག་གི་མཁྱེན་པའི་ཡེ་ཤེས་ཀྱི་སྤྱོད་ཡུལ་དུ་གྱུར་པ་ཉིད། གཞན་སྣང་དུ་གསང་བ་དེ་མཚོན་ཅིང་སྟོན་བྱེད་ནི་བརྩེ་བའི་སྙིང་རྗེའི་བདག་ཉིད་གསུང་རྡོ་རྗེ་སྒྲ་ཚིག་གི་ཚུལ་དུ་སྣང་བ་སྟེ། དེ་གཉིས་རྣམ་པ་ཙམ་ལས་དོན་ལ་ཐ་མི་དད་པ་མཁྱེན་བརྩེའི་ཡེ་ཤེས་གཅིག་གི་བདག་ཉིད་ཡིན་པའི་ཕྱིར། དེའི་རྟེན་སྐུ་ནི་ཤུགས་བསྟན་དུ་སྒྲུབ་པ་སྟེ། མདོར་ན་སྐུ་གསུང་ཐུགས་རྣམ་པ་ཐམས་ཅད་པའི་བདག་ཉིད་སངས་རྒྱས་ཀུན་གྱི་གསང་བ་མི་ཟད་རྒྱན་གྱི་འཁོར་ལོ་འབྲས་བུའི་མཐར་ཐུག་ཏུ་མཚོན་པ་གང༌། བདག་ཅག་གདུལ་བྱ་དམན་པ་རྣམས་ལ་སངས་རྒྱས་ཀྱི་བྱིན་རླབས་སྟེར་བ་པོ་བླ་མ་ཁོ་ན་ཡིན་པའི་ཕྱིར་དེའི་རྣམ་པ་ལྟར་བསྒྲུབས་ན་འགྲུབ་ཐག་ཉེ་ཞིང་མོས་གུས་སྐྱེ་སླ་ཞིང༌། དེ་ཡང་དྲག་པོ་ལྟར་བསྒྲུབས་ན་སྙིགས་དུས་རྒྱལ་བསེན་དམ་སྲིའི་བར་ཆད་འདུལ་བའི་གཉེན་པོ་མཆོག་ཏུ་ཆེ་བའི་ཕྱིར་གུ་རུ་ནི་བསྒྲུབ་བྱེད་རིག་འཛིན་གྱི་ཚུལ་དུ་འཕྲུལ་བ་སྟེ་དེས་ན་བསྒྲུབ་བྱེད་རྟ་ཁྱུང་ཉིད་སྒྲུབ་བྱའི་ངོ་བོར་སོན་པས། བསྒྲུབ་བྱ་ཉིད་སོ་སོའི་རྣམ་པར་བཞེངས་པ་ཡིན་པས་དོན་ལ་སྒྲུབ་བྱ་སྒྲུབ་བྱེད་ཐ་མི་དད་པ་སྟེ། བཀའ་ཐང་ལས། སྔོན་ཚེ་སྣང་བ་མཐའ་ཡས་འོད་དཔག་མེད༔ རི་བོ་ཏཱ་ལར་མགོན་པོ་སྤྱན་རས་གཟིགས༔ དྷ་ན་ཀོ་ཤར་པདྨ་འབྱུང་གནས་སྐུ༔ མཚོན་ཚུལ་ཙམ་ལས་གསུམ་དུ་སྣང་གྱུར་ཀྱང༔ དོན་ལ་དབྱེར་མེད་སོ་སོར་ཐ་མི་དད༔ ཅེས་གསུངས་པའི་ཕྱིར་རོ།  །རྣམ་པའི་དབྱེ་བས་བསྒྲུབ་བྱ་སྒྲུབ་བྱེད་དུ་མཛད་པའི་དགོས་པ་ཡང་རིག་འཛིན་གཏེར་བདག་གླིང་པའི་བླ་མ་དྲག་པོའི་ལོ་རྒྱུས་ལས། ཁྱད་པར་བྱིན་རླབས་དངོས་གྲུབ་མྱུར་འདོད་ན༔ པདྨ་ང་བསྒོམ་མཆོད་དང་སུས་སྒྲུབ་པ༔ ཇི་ལྟར་ཡིད་བཞིན་ནོར་བུ་རིན་ཆེན་ལ༔ གསོལ་བཏབ་དགོས་འདོད་ངང་གིས་འབྱུང་བ་བཞིན༔ རྒྱལ་བ་རྒྱ་མཚོས་བྱིན་རློབ་བུ་བཞིན་སྐྱོང༔ དམ་ཅན་མཁའ་འགྲོ་དངོས་གྲུབ་ཆར་ལྟར་འབེབས༔ སྣང་སྲིད་དྲེགས་པས་ཅི་བཅོལ་ལས་རྣམས་སྒྲུབ༔ ཕྲིན་ལས་ལྷུན་གྲུབ་མཐའ་ཡས་སེམས་ཅན་སྒྲོལ༔ དེ་དག་ཐམས་ཅད་བདག་ཉིད་བསྟེན་ལས་འབྱུང༔ ཐེ་ཚོམ་སྤོངས་ལ་འབད་པས་ཉམས་སུ་ལོངས༔ བསླུས་ན་པད་འབྱུང་ཞན་ནོ་རྗེ་འབངས་རྣམས༔ ཞེས་གསུངས་པའི་རྒྱུ་མཚན། བསྒྲུབ་བྱའི་སྐུ་རྟ་ཁྱུང་ལ་མཁྱེན་བརྩེ་ནུས་པའི་སྟོབས་ཀྱིས་སྤྲ་བ་སྐམ་པོ་ལ་མེའི་ནུས་པ་ཡོད་པ་ཆོས་ཉིད་ཡིན་ཡང་སྒྲུབ་པ་པོའི་སྒྲུབ་བྱེད་ཀྱི་ཚུལ་བསྟན་གུ་རུ་དྲག་པོ་མེ་ཤེལ་གྱི་ནོར་བུ་ལྟ་བུས་མཚམས་མ་སྦྱར་ན་སྲེག་བྱེད་ཀྱི་མེ་དངོས་སུ་མི་འབྱུང༌། དེ་གཉིས་མཉམ་པར་སྦྱར་ནས་བྱིན་རླབས་མི་འབྱུང་བའི་རང་དབང་མེད་པའི་རྒྱུ་རྐྱེན་རྟེན་འབྲེལ་ཐམས་ཅད་ཚོགས་པས་སྒྲུབ་པའི་དྲག་སྒྲུབ་འདི་ཉིད་སྤྲ་བ་མེ་ཤེལ་ལ་བཅུག་ནས་མེ་ཐབས་མཁས་ཀྱི་སྒྲུབ་པས་དཀའ་ངལ་གྱིས་ཡུན་རིང་དུ་འབད་རྩོལ་ཆེས་མི་དགོས་པར་ཡུད་ཙམ་ནས་མེ་འབྱུང་བ་བགེགས་ཀྱི་སྤྲ་བ་སྐམ་པོ་སྦྱོང་བ་ལ་ཆེས་རྣོ་བ་ཡིན་ནོ།  །དེ་སྐད་དུ་ཡང་ལམ་ཟབ་ལས། ཉི་མའི་འོད་ཟེར་རབ་ཚ་ཡང༌། །མེ་ཤེལ་མེད་པར་མེ་མི་འབྱུང༌། །དེ་བཞིན་སངས་རྒྱས་བྱིན་རླབས་ཀྱང༌། །བླ་མ་མེད་པར་འབྱུང་མི་སྲིད། །ཅེས་གསུངས་སོ།  །བསྒྲུབ་བྱ་སྒྲུབ་བྱེད་ཀྱི་བཤད་ཚུལ་འདི་རིག་འཛིན་རྩ་རྒྱུད་ཐོད་པའི་དུམ་བུ་ལ་བརྟེན་ནོ་ཞེས་གསུངས་པ་ཡང་རྒྱུད་དེ་ཉིད་ལས། སྟོན་བྱེད་གཙོ་དང་སྡུད་བྱེད་འཁོར༔ བསྒྲུབ་བྱའི་ཆོས་དང་སྒྲུབ་བྱེད་ཀུན༔ རང་ལས་ལོགས་སུ་མ་ཡིན་ཏེ༔ ཞེས་གསུངས་པས་ན་བསྒྲུབ་གཞི་ཡེ་ཤེས་ཀྱི་ལྷ་རྟ་མགྲིན། ལས་ཀྱི་ལྷ་ཁྱུང་གུར་དྲག་སོགས་སྡེ་བརྒྱད་འདུལ་བྱེད་རྣམས་སྟོབས་ནུས་ཆེ་བའི་བཤད་ཚུལ་གྱི་རྣམ་གྲངས་ཡིན་པའི་ཕྱིར། དོན་གནད་སྙིང་པོ་རིགས་ཀུན་གྱི་ཁྱབ་བདག་གི་བླ་མ་དྲག་པོ་རྟ་ཁྱུང་འབར་བ་ཞེས་མཚན་གྱིས་བསྟན་པ་ལྟར་གུ་རུ་ཉིད་བསྒྲུབ་བྱའི་གཙོ་བོ་ཡིན་པ་ནི་བཤད་ཅི་དགོས་པས་མདོར་ན་མེ་ལོང་གཅིག་ཏུ་གཟུགས་བརྙན་དུ་མ་ཤར་བ་བཞིན་ལྷ་ཐམས་ཅད་གུ་རུའི་ཡེ་ཤེས་ཀྱི་རོལ་བར་ཐག་བཅད་དེ་དེ་ཉིད་ལ་ཀུན་འདུས་ནོར་བུའི་ལུགས་སུ་ཤེས་པས་བློ་གཏད་བྱ་བ་ནི་གནད་ཀྱི་སྙིང་པོ་ཡིན་ནོ།  །དུམ་བུ་དང་པོ་ལོ་རྒྱུས་ཀྱི་སྐོར་ཚོའོ།  །སྒྲུབ་ཐབས་ཀྱི་ཐོག་མཐའི་ལས་གཞུང་ད་ལྟ་ཀུན་གྱི་ཁ་རྒྱུག་འདི། །ཆོས་འདིའི་བཀའ་བབ་ཏུ་ཀུན་མཁྱེན་འཇིགས་གླིང་དང༌། །རྡོ་གྲུབ་ཆེན་འཇིགས་མེད་ཕྲིན་ལས་འོད་ཟེར་ཡབ་སྲས་ཀྱིས་ཆེད་དུ་བསྔགས་ཤིང༌། །མཁྱེན་རྟོགས་བསམ་གྱི་མི་ཁྱབ་པའི་བདག་ཉིད་ཀྱི་སྐྱེས་བུ་རྒྱ་རོང་ནམ་མཁའ་ཚེ་དབང་མཆོག་གྲུབ་ཀྱིས་མཛད་པ་ཁྱད་འཕགས་ཡིན་མོད་ཀྱི་གཏེར་གཞུང་གི་ཚིག་ཟིན་དངོས་རིག་འདུས་ཀྱི་དཀྱུས་བཞིན་བྱེད་པ་ཉིད་ཡིན་ཏེ། ཞི་ཁྲོ་ངན་སོང་སྦྱོང་བའི་ཚོགས་མཆོད་དུས། བཞེངས་ཤིག་རིག་འཛིན་འདུས་པའི་ལྷ༔ སོགས་ལ་འདོན་པ་བསྒྱུར་མི་དགོས་པ་རྒྱུ་མཚན་དང་བཅས་ཏེ་ཀུན་མཁྱེན་ཉིད་ཀྱིས་སྐྱབས་འགྲོ་སེམས་བསྐྱེད་ཀྱིས་མཚོན་ཚིག་ཕྲད་རིག་འཛིན་ཞེས་པ། ཞི་ཁྲོ་ཞེས་བསྒྱུར་བའང་རྟོག་བརྟགས་གོ་བ་ཆུང་བ་རྣམས་ལ་དགོངས་པ་སྟེ། དངོས་དོན་ལྷོངས་པའི་བློ་ཆེན་ལ་ལྷུན་གྲུབ་རིག་འཛིན་སངས་རྒྱས་ཉག་གཅིག་ཡིན་པས། དེ་ལས་གཞན་པའི་རྒྱལ་བ་ཞི་ཁྲོ་མེད་པའི་ཕྱིར་ཚིག་བསྒྱུར་ཡང་མི་དགོས་སོ།  །ཞེས་གསུངས་པ་ལྟར་རིག་འཛིན་ཞེས་པ་གར་བྱུང་དུ་རྟ་ཁྱུང་ཞེས་བསྒྱུར་བ་སོགས་དགོས་པ་མ་གོ །ཞེས་གསུངས་པ་ཀུན་མཁྱེན་གྱི་ལུགས་འདིའི་རྩ་གསུམ་ཐམས་ཅད་ངོ་བོ་བླ་མ་རིག་འཛིན་གྱི་སྒྲུབ་པའི་དགོངས་དོན་བློ་ཆེན་སྐལ་པ་རབ་ཀྱི་སྤྱོད་ཡུལ་དང་རྒྱ་རོང་རིན་པོ་ཆེས་དང་པོའི་ལས་ཅན་གྱི་མོས་ངོར་འཆར་བདེ་བ་ལ་གཙོ་བོར་གསུངས་པས་དོན་ལ་འགལ་འདུར་མི་གནས་སྙམ་མོ།  །བསྙེན་པ་མཚམས་བཅད་དམ་དུ་བྱ༔ ཞེས་པ་ནི་ལུས་མཚམས་བཅད། ངག་སྨྲ་བཅད། སེམས་གཞན་དུ་མ་ཡེངས་བ་རྣམས་གལ་ཆེ་བ་བསྙེན་པའི་གནད་བྱང་གི་མཆན་ལས། མཚམས་ཇི་ཙམ་རིང་ངག་སྨྲ་བཅད་དམ་པས་དམིགས་པ་སེམས་མ་ཡེངས་པ་ཁོ་ན་གཙོ་ཆེ་ཞིང་གསུངས་པ་ལྟར་རོ།  །མཚམས་བཅད་པ་བར་ཆད་མི་འཇུག་པའི་ཕྱིར་ཡིན་པས་སྲུང་འཁོར་གྱི་དམིགས་པ་གནད་གལ་ཆེ་བའི་ཕྱིར། གདོན་ཁྲོལ་ལས། རྡོ་རྗེ་སྲུང་བའི་གུར་གྱིས་དཀྲིགས༔ ཞེས་དང་ལས་གཞུང་གི་མཚམས་གཅོད་ལྟར་རིག་འཛིན་གྱི་བསྙེན་ཡིག་ལས་སྲུང་འཁོར་གྱི་གཙོ་བོར་རང་སེམས་སྐྱེ་འགག་མེད་པའི་མཚམས་བཅད་ལ་བགེགས་བདེན་མེད་དུ་ཤེས་པར་བྱ། དེ་ཙམ་བློས་མ་ནུས་ན་སྣ་ཚོགས་རྡོ་རྗེའི་གུར་ལྕགས་རྨོག་ཁ་སྦུབ་པ་ལྟ་བུ་བསྒོམ། ཀུན་རྫོབ་ཀྱི་སྲུང་གུར་དང་དེའི་ཚིག་དོན་ལ་ཇི་ལྟར་རྟོན་ན་རྣམ་རྟོག་ནི་གློ་བུར་བའི་བགེགས་ཡིན་ལ། ཆོས་ཉིད་ཀྱི་དོན་གདོད་ནས་རྡོ་རྗེའི་ཁམས་སུ་འགྱུར་བ་མེད་པའི་དོན་རྟོགས་སོ།  །དོན་དམ་སྲུང་འཁོར་ཞེས་གསུངས་པ་ཀུན་རྫོབ་དང་དོན་དམ་པའི་སྲུང་བ་རྒྱུན་དུ་གཅེས། སྤྱིར་རིག་འཛིན་ཐུགས་སྒྲུབ་དཔལ་ཆེན་འདུས་པ་མཆོག་སྒྲུབ་ཀྱི་ལྷ་དང༌། རྟ་ཁྱུང་འདི་ཐུན་མོང་གི་ལས་སྒྲུབ་ཀྱི་ལྷའི་བྱེ་བྲག་གི་དགོངས་པ་ལྟར་སྣང་ཡང༌། ཧྲཱིཿ རྣམ་ཐར་གསུམ་ལྡན་སྟོང་པ་ཉིད་སོགས་ལྟར་སྒྲུབ་ཐབས་འདི་ལ་འཆི་སྲིད་ཆོས་སྐུར་སྦྱོང་བྱེད་དེ་ཏིང༌། མ་རྟོགས་འཁྲུལ་པ་སོགས་ཀྱིས་བར་དོ་ལོངས་སྐུའི་སྦྱོང་བྱེད་ཀུན་སྣང༌། ནམ་མཁས་གར་ཁྱབ་སོགས་སྐྱེ་བ་སྤྲུལ་སྐུར་སྦྱོང་བྱེད་ཕྱག་རྒྱ་གཅིག་པ་རྒྱུ་ཡི་ཐུགས་སྲོག་ཧྲཱིཿ རགས་པ་སྣོད་བཅུད་ལྷ་བསྐྱེད་ཀྱི་རིག་འཛིན་ཏེ་མཆོག་སྒྲུབ་ཀྱི་གནད་ཆེ་བ་རྣམས་དངོས་བསྟན་དུ་ཚང་བས་རྫོགས་རིམ་གྱི་སྨིན་བྱེད་དུ་འགྲོ་བའང་བྱར་ཡོད་པས་སྒྲུབ་ཚུལ་གྱི་ཟབ་གནད་ལ་མཁས་ན་མཆོག་དངོས་ལ་སྦྱོར་ནུས། སྣོད་བཅུད་མ་དག་སྣང་བའི་གཉེན་པོ་ལྷ་སྐུའི་རྣམ་པ་གསལ་བ་ལས་བྱང་དུ་གསལ་བ་ལྟར་དང༌། ཞེན་པའི་གཉེན་པོ་དག་དྲན་ནི། ཐུགས་རྗེས་སེམས་ཅན་ལ་ཆགས་པས་སྐུ་མདོག་དམར་པོ། ཐིག་ལེ་ཉག་གཅིག་གི་རང་བཞིན་རྩ་བའི་ཞལ་གཅིག །གོང་སྨོས་ལྟར་དབང་དྲག་གི་ལས་གཉིས་མཛད་པས་རྟ་ཁྱུང་གི་ཞལ་གཉིས་བྱུང་བ། དུས་གསུམ་གཟིགས་པས་སྤྱན་གསུམ་སྐྱེ་ཤི་རྩད་གཅོད་མཆེ་བ་གཙིགས་པ། སྣང་སྲིད་ཟིལ་གྱིས་གནོན་པས་གསང་གོས་དང་ཕོད་ཚོན། ཕ་རོལ་ཕྱིན་དྲུག་རྫོགས་པས་རུས་རྒྱན། རྡོ་རྗེའི་ང་རྒྱལ་གྱིས་དཔའ་བས་སྟག་ཤམ། སེམས་བྱུང་ལྔ་བཅུ་སྲོག་བྲལ་དུ་གྱུར་པས་མགོ་ཕྲེང་མནབ་པ། འདིར་གསང་ཕོད་ཀྱི་སྟེང་ན་སྟག་ཤམ་རུས་རྒྱན་སོགས་གསོལ་བ་མཛེས་འདྲ། བྲིས་ཆ་རྙིང་པ་འགར་ནི་གསང་ཕོད་ཀྱི་ནང་དུ་རུས་རྒྱན་མནབ་པ་བྱས་སྣང༌། ཡེ་ཤེས་ལྔའི་ཐོད་སྐམ་གྱིས་དབུ་བརྒྱན་པ། རྣམ་པར་མི་རྟོག་པའི་ཡེ་ཤེས་ཀྱི་རལ་པ་གྱེན་དུ་བརྫེས་པ། འཁྲུལ་སྣང་གི་བྲག་རི་འཇོམས་པས་ཕྱག་མཚན་རྡོ་རྗེ་གུར་དྲག་ཁ་ཅིག་ལ་ཕྱག་མཚན་གསེར་རྡོར་བྱེད་ཀྱང༌། འདིར་གནམ་ལྕགས་ཀྱི་རྡོ་རྗེ་རྡོ་གྲུབ་དབང་གཞུང་དུ་འབྱུང་ཞིང༌། རྭ་དགུ་པ་ཡང་དེས་བཤད་དེ། རྭ་གདེངས་མེ་འབར་བྱའོ།  །ཕྲིན་ལས་ཐོགས་པ་མེད་པའི་བརྡར་གཡོན་མེ་ཁྱུང༌། དེའང་སྡིགས་མཛུབ་ཕྱིར་བསྟན་གྱི་མེ་ཁྱུང་ཕྲ་ཐབས་སུ་འགྱེད་པ་ནི་ཟིན་བྲིས་རྙིང་པ་ཞིག་ཏུ་བཤད། སྣང་སྟོང་གི་མཐའ་གནོན་པས་ཞབས་གཉིས་གཡོན་བརྐྱང་གིས་བགྲད་པ་རྣམ་རྟོག་གི་མཚོན་ཆ་ལས་རྒྱལ་བས་ཁྱུང་གི་གོ་ཆ་འདི་རྟ་མགྲིན་གསང་སྒྲུབ་ལྟར་མགྲིན་པ་ནས་ལོང་བུའི་བར་བྱས་ན་བདེ། བཟོད་པར་དཀའ་བའི་ཡེ་ཤེས་ཀྱི་སྣང་བ་རྣོན་པོ་སྤྲོ་བས། སྟོབས་ཀྱི་འོད་ཟེར་མེ་རུ་འབར༔ ཞེས་པ་ལྟར། མེ་ཕུང་གི་ཀློང་ན་བརྗིད་པ། ལུང་འདིས་རྡོ་རྗེ་མེའི་ཏིང་ངེ་འཛིན་གྱི་རང་གི་སྒོ་གསུམ་ལ་ནུས་པ་བསྐྱེད་ཚུལ་ཤེས་གསུངས་པ་ལྷ་ཡི་སྐུ་གསུང་ཐུགས་ཀྱི་ཡེ་ཤེས་རྣམ་པ་མེ་ཟེར་རྣོན་པོའི་ཚུལ་དུ་འཕྲོ་ཞིང་འབར་བས་མེ་ཡི་ནུས་པས་ཇི་ཙམ་འབར་བཞིན་ཚིམས་པ་མེད་པ་བུད་ཤིང་ཐམས་ཅད་བསྲེགས་པ་བཞིན་ཡེ་ཤེས་ཀྱི་མེས་མཚན་རྟོག་ཐམས་ཅད་བསྲེགས་བཞིན་ཡེ་ཤེས་ཀྱི་སྣང་བ་ཤུགས་ཆེར་སོང་སྟེ་རྒྱུ་སྒོ་གསུམ་ཐ་མལ་གྱི་ཞེན་རྟོག །འབྲས་བུ་ནད་གདོན་སྒྲིབ་པའི་ཚོགས་བསྲེགས། སྐུ་གསུང་ཐུགས་རྡོ་རྗེའི་བདག་ཉིད་ཡེ་ཤེས་འབར་བ་མེ་ཡི་གཟི་འོད་འབར་ཞིང་འཁྲུགས་པའི་བདག་ཉིད་དུ་སྒོམ་པ་ཡིན་ནམ་སྙམ། རིག་པ་ཡེ་ཤེས་ཀྱི་ཁྲོ་བོས་གཏི་མུག་ལས་གྱུར་བའི་རྟེན་འབྲེལ་ཡན་ལག་རྣམས་གནོན་བའི་གོ་སྐབས་བརྩམས་པས་སྦྲུལ་གདན་ལ་འགྱིང་བའི་སྦྲུལ་རྣམས་ཀྱི་མཇུག་མ་ནང་དང༌། མགོ་བོ་ཕྱིར་བསྟན་དུ་བསྣོལ་བའི་མགོ་རྣམས་ཞབས་ཀྱིས་བརྫིས་པ་ཡིག་རྙིང་ཞིག་ཏུ་སྣང་བ་བདེ་བར་མངོན་ཡང༌། རྡོ་གྲུབ་དབང་ཆོག་ལས་མགོ་བོ་ནང་དུ་བསྣོལ་བར་བཤད་པས་དཔྱད། འཁོར་བའི་སྐྱོན་གྱིས་མ་གོས་ཐབས་ཤེས་འབྲེལ༔ ཞེས་པས་པདྨ་ཉི་ཟླའི་གདན་ནོ།  །ཚོགས་བརྒྱད་ལས་གྱུར་མ་རིག་གདོན༔ ཀླུ་ཆེན་བརྒྱད་པོ་ཞེས་པ་ཕྱོགས་མཚམས་སུ་འགོད་གསུངས། སྐུ་མདོག་སོགས་ཀླུ་ཆོག་སྤྱིའི་སྐབས་དང་འདྲ་འམ་སྙམ་པས། ཐམས་ཅད་ཀྱང་སྣང་བ་ཡུལ་ཅན་ཐབས། ཡུལ་སྟོང་ཉིད་ཤེས་རབ། དེ་གཉིས་དབྱེར་མེད་ལྷ་ཡབ་ཡུམ་སྦྱོར་བའི་དོན་གྱི་གནད་རྟོགས་ན་ཡུལ་དབང་ཤེས་གསུམ་འདུས་སྟེ་རེག་པས་ལས་བསགས་མི་ནུས་པས་གཏི་མུག་འཁྲུལ་པའི་འཇིགས་པ་ལས་སྐྱོབ་པའི་བརྡར་ཀླུ་ཐམས་ཅད་ཐལ་སྦྱར་ཅན་དུ་བཤད་དོ།  །དེའང་ཀུན་གཞིའི་རྨོངས་ཆ་ལས་མཆེད་པའི་གློ་བུར་ཚོགས་བརྒྱད་ཀྱི་རླུང་སེམས་མཐའ་དག་ཟང་ཐལ་རིག་པའི་ཁྲོ་བོའི་བཀའ་འབངས་སམ་གཞན་དབང་གྱུར་པའི་བརྡ་རྟགས་སོ།  །གནས་གསུམ་བྱིན་རླབས་ཀྱི་ལྷ་རྣམས་རིགས་དང་སྐུ་མདོག་གི་དབྱེ་བས་ཁྱད་མེད་པ་འདྲའང་བརྟག་གསུང་པ་མ་གོ །འཇམ་དཔལ་གྱི་སྤྱི་བོར་ཨོཾ། པདྨའི་མགྲིན་པར་ཨཱཿ ཡང་དག་གི་ཐུགས་ཀར་ཧཱུྃ་གསུམ་ནི་རྣམ་དག་སྐུ་གསུང་ཐུགས་རྡོ་རྗེ་གསུམ་གྱི་ས་བོན་ཡིན་ཀྱང༌། ངོ་བོ་ཐམས་ཅད་གསུང་ཡི་གེའི་གཟུགས་སུ་བསྒོམ་པ་གསུང་ཆོས་ཀྱི་ཕྱག་རྒྱ། ཡེ་ཤེས་ཀྱི་ཕྱག་རྒྱ་རྔ་ཡབ་གླིང་སོགས་སྐུ་གསུམ་གྱི་ཞིང་ན་བཞུགས་པའི་ཡེ་ཤེས་སེམས་དཔའ། ལས་རྒྱ་ལྕགས་ཀྱུ་སོགས་ཚད་མེད་བཞིའི་ཕྱག་རྒྱའི་རྣམ་པ་ཅན་གྱི་འོད་ཟེར་གྱིས་ཡེ་ཤེས་པའི་ཐུགས་རྒྱུད་བསྐུལ་ནས་སྐུ་དམ་རྒྱ་དམ་ཚིག་པ་ལ་གཉིས་མེད་དུ་བསྟིམ་པས་ཕྱག་རྒྱ་ཞེས་པ་རྒྱས་བཏབ་པ་ལས་མི་འདའ་བའི་དོན་ཡིན་པས་གདོད་ནས་དམ་ཡེ་གཉིས་མེད་ཀྱི་གནས་ལུགས་གསལ་འདེབས་ཕྱིར་ཕྱག་རྒྱ་བཞི་དང་དམ་ཡེ་དབྱེར་མེད་དུ་བསྲེས་ཏེ་བསྟིམ་པའོ།  །མཆོད་པའི་ཚིག་རྐང་དང་པོའི། དབང་པོ་དྲུག་ལ་ཉེར་སྤྱོད་རྫས༔ ཞེས་ཡིད་དུ་འོང་བའི་གཟུགས། སྙན་འཇེབས་ཀྱི་སྒྲ། ཞིམ་པོའི་དྲི། མངར་པོའི་ཟས། འཇམ་པོའི་རེག་བྱ་ཕྱི་ལྷ་རྫས་ཀྱི་འདོད་ཡོན། སྒོ་ལྔའི་རྣམ་ཤེས་ཀྱི་རྟེན་དབང་པོའི་མེ་ཏོག །ཚིལ་ཆེན་གྱི་རྒྱུ་མ་དང་ཤ། དེའི་སྙིགས་བད་མཁྲིས་གྱུར་པས་ཚིལ་གསུར་གྱི་སྤོས། རྐང་ཞུན་གྱི་འབྲས་བུ་ཞུ་བ་ལས་ལུས་ཀྱི་བཀྲག་མདངས་འབྱུང་བས་ཞུན་གྱི་མར་མེ། ཤ་ཁྲག་ཏུ་སྨིན་པས་ཕུང་ཁམས་གསོ་བའི་ཕྱིར་ཤ་ཁྲག་གི་ཞལ་ཟས་ཏེ་དྲག་པོའི་འདོད་ཡོན། སྣང་སྟོང་གི་གཟུགས། གཞོམ་མེད་ནཱ་དའི་སྒྲ། འཕོ་མེད་ཚུལ་ཁྲིམས་ཀྱི་དྲི། དགའ་བ་བཞིའི་རོ། འབར་འཛག་གཏུམ་མོའི་རེག་བྱ་ཆོས་དབྱིངས་བདེ་བ་ཆེན་པོའི་ཡེ་ཤེས་འདྲེན་པ་གསང་བའི་འདོད་ཡོན་དྲུག་དང༌། གཉིས་པ་ཡུལ་དང་ཡུལ་ཅན་མཉམ་པར་རོལ༔ དེ་རྣམས་བདེ་བའི་རོལ་པར་རྟོག་པ་བསྟན་ཞིང༌། སྦྱོར་སྒྲོལ་ཚོགས་ཀྱི་འཁོར་ལོས་མཆོད༔ གསུམ་པ་རྩ་བརྒྱད་སྟོང་སྦྱར་གྱི་སྨན་བཟའ་བཅའ་བཏུང་བའི་དམ་རྫས་ལ་འདོད་ཡོན་གྱི་ཟེར་འཕྲོ་བའི་གཏེར་རམ། ཁམས་གསུམ་གྱི་ཞེན་རྟོག་དབྱིངས་སུ་བསྒྲལ་བའི་རྒྱུད་དྲུག་རྣམ་དག་གི་རཀྟ། བཞི་པའི་དོན་ལ་བདེ་ཆེན་རིག་མའི་འདོད་ཡོན་སྤྲོས་ནས་ཡབ་ཡུམ་རྗེས་ཆགས་ཀྱིས་ལྟ་བ་གཟུགས། སྦྱོར་བ་ཧ་སིད་ཀྱི་སྒྲ། བདེ་བས་ཚིམས་པའི་དྲི། ཞུ་བདེ་མྱོང་བའི་རོ། མཁའ་གསང་ནང་དཀར་དམར་རེག་པས་སྙོམ་འཇུག་གི་ཕྱི་ནང་གི་ཆོས་ཀུན་བདེ་སྟོང་དུ་ཤར་བའི་གསང་བའི་ཚོགས་ཀྱིས་མཆོད་པ་འབུལ་བ་ཡང་ཡོད་པར་མངོན་པས་དེའི་དུས་སུ་བདེ་བས་ཐབས་བྱས་པའི་ལྷན་སྐྱེས་ཀྱི་དེ་ཁོ་ཉིད་ལ་བློ་བཞག་པས་འཁོར་འདས་ཀྱི་འཛིན་རྟོག་གི་བདུད་དགྲ་སྒྲོལ་བའི་མཆོད་པའང་ཡིན་ཞིང༌། དེ་ཉིད་དག་པའི་སྣོད་བཅུད་དུ་ཤར་བའི་ང་རྒྱལ་སྐྱོང་བ་ནི་བསྐྱེད་རིམ་གྱི་ལམ་གནད་ཟབ་པ་ཞིག་སྟེ། ལས་སྒྲུབ་པ་ལའང་འདི་ཡོད་ན་རྣམ་ཁྱད་ཆེའོ། །བསྟོད་པའི་དོན་སྐུ་ཕྱག་རྒྱའི་རྒྱན་ཆས་ཀྱིས་མཛེས་པས་སྒེག་པ། དྲག་ཤུལ་གྱི་སྟོབས་དང་ལྡན་པས་དཔའ་བ། ཁྲོ་གཉེར་གྱིས་འཇིགས་སུ་རུང་བས་མི་སྡུག་པའི་ཉམས་ཅན་གཏུམ་དྲག་དམར་ནག་བླ་མ་དྲག་པོའི་སྐུ། བདེ་ཆེན་གྱི་ཆགས་ཤིང་དགྱེས་པའི་ཧ་ཧའི་སྒྲས་དགོད་པ་ཧི་ཧིའི་རྟ་སྐད་ཐོས་པ་ཙམ་གྱིས་དྲེགས་པ་ཅན་འདར་ཞིང་ཞུམ་པས་གཤེ་བ། ཧེ་ཧིན་ཧོ་ཧི་སོགས་ཀྱི་སྒྲ་སྒྲོགས་པས་མ་མོ་མཁའ་འགྲོ་དབང་དུ་སྡུད་ཅིང་བྲན་དུ་བཀོལ་བའི་དཔལ་གྱི་རྟ་སྐད་ཀྱི་གསུང་དང་ལྡན་པའི་དཔལ་རྟ་མགྲིན་ཡིན་པ་དང༌། གདུལ་དཀའ་གཏི་མུག་གི་སེམས་ཅན་རྗེས་སུ་འཛིན་པའི་སྙིང་རྗེ། ཞི་དྲག་གི་ལས་ཅི་ཡང་སྒྲུབ་པས་རྔམས་པ་ལྟར་སྟོན་ཀྱང་དོན་ལ་སྲིད་ཞིའི་མཐའ་ལས་འདས་པའི་ཆོས་ཉིད་ཞི་བའི་དབྱིངས་སུ་ཐིམ་པ་དོན་དམ་ཡེ་ཤེས་ཀྱི་ཁྱུང་གི་ཐུགས་མཚོན་པ་སྟེ། དེ་གསུམ་ཀས་བླ་མ་དྲག་པོའི་ཞེ་སྡང༌། རྟ་མགྲིན་གྱིས་འདོད་ཆགས། ཁྱུང་གིས་གཏི་མུག་གི་ལོག་འདྲེན་འདུལ་བའི་གཉེན་པོའི་སྐུར་བཞེངས་པ་ལ་བསྟོད་པའོ།  །དུམ་བུ་གཉིས་པ་ལྷ་བསྐྱེད་ལ་སོགས་པའི་སྐོར་རོ།  །ཐུགས་ཀའི་སྔགས་ཕྲེང་ཞལ་ནང་བསྟན་དུ་དབང་ཆོག་རྡོ་རྗེ་ཕ་ལམ་ལས་ནི་ཞལ་ནི་དང་པོ་གང་ནས་ཀློག་པའི་ཕྱོགས་ལ་བསྟན་པ་དེ་མིན་གྱི་ལེབ་ངོས་མ་ཡིན་ནོ།  །བསྙེན་ཡིག་ཏུ་སྔགས་འཁོར་གྱི་གཟུགས་སྒྲ་ལ་དམིགས་པ་གཙོ་བོར་གསུངས་ཏེ། དེ་དག་ལ་སེམས་ཇི་ཙམ་གོམས་པ་དེ་ཙམ་དུ་སྔགས་ཀྱི་བྱིན་རླབས་རླུང་སེམས་ལ་ཞུགས་ནས་བཟླས་བརྗོད་ཀྱི་ནུས་པ་སྐྱེ་བས་ཐོག་མར་དེ་ལ་བསླབ་དགོས་ཏེ། སྔགས་འཁོར་དང་ལྷ་ལ་གསལ་སྣང་སྦྱོང་ན་རྫིང་གི་ཕུ་ཆུ་བསྐྱིལ་བ་ལྟ་བུ་ཞེས་རྫིང་གཅིག་ཏུ་ཆུ་ཆུད་ཟོས་མ་སོང་བར་བསགས་ན་མྱུར་དུ་ཁེང་བ་ལྟར་ལྷ་སྔགས་ལ་གསལ་སྣང་གི་ཞི་གནས་བསྒྲུབས་ཏེ་སེམས་གཞན་དུ་མི་འགྲོ་བར་རྩེ་གཅིག་ཏུ་གནས་པས་དངོས་གྲུབ་ཀྱི་མཚན་མ་མྱུར་དུ་ཐོབ་པ་དང་འོད་ཟེར་སྤྲོ་བསྡུ་ལ་སྒྲུབ་པ་རྫིང་ཆུ་ཡུར་བར་འདྲེན་པ་ལྟ་བུ་ཞེས་རྫིང་ཆུའི་ཁོང་ནས་ཞིང་སར་བཀྲམ་པ་སོགས་ལས་བྱེད་དགོས་པ་ལྟར་ཏིང་འཛིན་སྔ་མའི་གསལ་སྣང་བརྟན་པ་མེ་ཤུགས་དྲག་འབར་བ་ལ་བཟླས་བརྗོད་རླུང་ལྟ་བུས་བསྐུལ་ནས་དངོས་གྲུབ་བཟའ་བཏུང་ལྟ་བུ་གཡོ་བཀོལ་གྱིས་བརྩམ་དགོས་པས་ན་འོད་ཟེར་སྤྲོ་བསྡུས་དོན་གཉིས་སྒྲུབ་པར་བར་ཆད་འདུལ་བ་སོགས་ཏིང་ངེ་འཛིན་ཁོ་ནས་སྒྲུབ་ནུས་པའི་གཏིང་ཐོབ་པ་དང༌། སྔ་མ་ལྷ་སྔགས་ཀྱི་གསལ་སྣང་བརྟན་པོ་མ་ཐོབ་པར་ཕྱི་མ་སྤྲོ་བསྡུ་སོགས་བྱས་ཀྱང་རྫིང་ན་མེད་པ་ཡུར་བར་ཆུ་འདྲེན་པས་རྫིང་གི་ཆུ་བསྐམ་ཞིང་ལོ་ཐོག་སོགས་ལ་ཕན་པ་མེད་པ་ལྟར་ཏིང་འཛིན་དང་པོ་ཡིད་ཡུལ་དུ་མི་འཆར་བ་དང་དངོས་གྲུབ་རྒྱུད་ལ་འདྲེན་མི་ནུས་པར་འགྱུར་བའི་ཕྱིར་ལྷ་སྐུའི་ཕྱག་རྒྱ་ལ་གསལ་སྣང་བརྟན་པོས་ཏིང་འཛིན་གྱི་གཞི་སྒྲུབ་པ་གལ་ཆེ། ཁྱད་པར་ད་ལྟ་བདག་ཅག་རྣམས་ལ་ལྷ་ཉིད་སྔགས་ཀྱི་གཟུགས་སུ་བསྟན་པས་བཟླ་བྱའི་སྔགས་ཉིད་དབྱིངས་རིག་གཉིས་མེད་བླ་མ་དྲག་པོ་རྟ་ཁྱུང་འབར་བའི་ཡེ་ཤེས་ཉིད་རྣམ་པ་སྔགས་སུ་བཞེངས་པ། བཟླས་པ་ཙམ་གྱི་བྱིན་རླབས་དང་དངོས་གྲུབ་དབང་མེད་དུ་རྒྱུད་ལ་འདྲེན་ནུས་པའི་ཡེ་ཤེས་སྲོག་གི་སྙིང་པོ། བླ་མ་དྲག་པོ་དངོས་དང་རྣམ་དབྱེར་མེད་པའི་མཐུ་སྟོབས་ནུས་པའི་བདག་ཉིད་ཅན་དུ་ངེས་ཤེས་བསྐྱེད་ལ་བཟླས་པས། རང་རྒྱུད་ཀྱི་ལས་ཉོན་སྒྲིབ་པའི་ཚོགས་བཟླས་པ་ཙམ་གྱིས་ཤིང་སྐམ་ལ་མེ་མཆེད་པ་ལྟར་ཡུད་ཙམ་གྱིས་སྦྱངས་ཏེ། སྔགས་འདི་ལྷ་ཡི་གཟུགས་སུ་གནས་གྱུར་ནས་ཞལ་བསྟན་པ། བྱིན་གྱིས་རླབས་པའི་རྟགས་མཚན་འབྱུང་བས་ན་ལྷ་སྔགས་གཉིས་རྒྱུད་ཐ་དད་དུ་མི་བཟུང་བར་ངོ་བོ་དབྱེར་མེད་དང༌། དེ་གཉིས་རང་རིག་གཉུག་མའི་ཆོས་ཉིད་དང་ཐ་དད་བཟང་ངན་མེད་པར་གདོད་ནས་འདུ་འབྲལ་མེད་པར་བཞུགས་པས་ལོགས་སུ་ཚོལ་མི་དགོས་པར་ཤེས་པ་རབ་མྱོང་ཐོག་ཏུ་བཞག་པ་དང༌། དེ་ཙམ་མ་བྱུང་ཀྱང་དོན་དེ་ལ་མོས་པ་བརྟན་པོ་བསྐྱེད་དེ་སེམས་བཟོ་མེད་ཀྱི་རང་ངོ་བལྟ་བ་ནི་དགོངས་པ་མི་འགྱུར་བའི་གཟེར་ཞེས་ཤིན་ཏུ་གནད་ཆེ། མན་ངག་འདི་དང་ལྡན་ན་བསྒྲུབ་བྱ་དུར་ཁྲོད་ཀྱི་འདྲེ་ངན་ལྕགས་ཁམས་ལྟ་བུ་བསྒྲུབས་ཀྱང་དགོངས་པ་ཆོས་ཉིད་ཀྱི་ཏིང་འཛིན་གསེར་འགྱུར་གྱི་རྩི་ལྟ་བུས་ཐེབ་པས་མཆོག་གི་དངོས་གྲུབ་རིན་པོ་ཆེའི་ཁམས་མི་འབྱུང་བའི་ཐབས་མེད་པ་ཡིན་པ་ཡང་ཡང་གསུངས་སོ།  །དེས་ན་ཟང་ཐལ་རིག་པའི་ཡེ་ཤེས་ཀྱི་སྣང་ཆ་ལྷར་འཆར། སྐུ་གསུམ་འབྲས་བུའི་ཡོན་ཏན་ངོ་བོའི་གཤིས་ཀློང་དུ་གདོད་ནས་རྫོགས་པའི་ཡིན་ལུགས་ཚུར་མཐོང་གི་གདུལ་བྱའི་དོན་དུ་ལྷ་སྐུ་ཞལ་ཕྱག་གི་རྣམ་པ་ཐབས་མཁས་ཀྱི་མཛད་པ་ཤར་བ་དེའི་རང་བཞིན་ལས་སྣོད་བཅུད་རྒྱུད་གསུམ་མ་འདས་པར་ཤེས་པའི་གནས་ལུགས་ལ་བློ་བཞག་ནུས་ན་དག་རྫོགས་སྨིན་གསུམ་གྱི་གནད་གཅིག་ཏུ་རྫོགས་པའི་ཟབ་ཏིག་ཐུན་མོང་མ་ཡིན་པའོ།  །དེ་ནས་འོད་ཟེར་སྤྲོ་བསྡུས་སངས་རྒྱས་ཀྱི་མཛད་པ་སྤྱིར་རྩལ་སྦྱངས་བ་དང༌། སྒོས་མཛད་ཀླུ་འདུལ་གྱི་དགོངས་པ་ལ་བསླབ་པ་གཉིས་ལས། དང་པོ་ནི། སྔགས་འཁོར་ལས་འོད་ཟེར་འཕྲོས་པས་ཕྱོགས་བཅུའི་རྒྱལ་བ་སྲས་བཅས་དང༌། ཁྱད་པར་ཟངས་མདོག་དཔལ་རིར་གུ་རུ་རིན་པོ་ཆེའི་རིག་འཛིན་ཌཱ་ཀིའི་ཚོགས་དང་བཅས་པ་བཞུགས་པའི་ཐུགས་རྒྱུད་བསྐུལ་སྐུ་གསུང་ཐུགས་ཀྱི་བྱིན་རླབས་དངོས་གྲུབ་འོད་ཟེར་གྱི་རྣམ་པར་བསྡུས་ནས་བདག་དོན་ཡེ་ཤེས་འབེབས་པ་དང༌། ཡང་འཕྲོས་སེམས་ཅན་ཐམས་ཅད་ལ་ཕོག་པས་དེ་རྣམས་ཀྱི་གཟུང་འཛིན་འཁྲུལ་པའི་ཟུག་རྔུ་མཐའ་དག་བསལ། སྣོད་བཅུད་ཐམས་ཅད་རིག་འཛིན་དྲག་པོའི་དཀྱིལ་འཁོར་དུ་སྦྱང་བར་བསམས་ནས་གཞན་དོན་ཕྲིན་ལས་ཀྱི་རྟེན་འབྲེལ་བསྒྲིགས་པ་སྟེ། བསྙེན་པའི་གནད་བྱང་ལས། འོད་ཟེར་སྤྲོ་བསྡུས་དོན་གཉིས་བྱ༔ ཞེས་རྩ་ཐོར་ཡོད་པས་ཆད་དུ་མི་རུང༌། ཀླུ་གདོན་སོགས་ཀྱི་སྡུག་བསྔལ་དང་གནོད་སེམས་ཞི་བའི་དམིགས་པ་འབུར་དོད་བྱེད་ན་ཕྱི་མ་གཞན་དོན་ཕྲིན་ལས་ཀྱི་དམིགས་པ་འདིའི་ཁོངས་སུ་བཅུག་པས་འགྲུབ། གཉིས་པ་ནི། སྔགས་ཀྱི་འོད་ཟེར་མེ་སྟག་ལྟ་བུ་དང༌། སྐུའི་ཆ་ཐམས་ཅད་ནས་ཁྱུང་གི་ཚོགས་འཕྲོས་པའི་འོད་ཀྱིས་གནོད་བྱེད་ཐམས་ཅད་རྫས་ལ་མེ་མཆེད་ལྟར་ཚིག་པར་བསམ་པ་གཏེར་གཞུང་མཆན་བུར་གསུངས་ཏེ། འདིའི་དོན་སྔགས་ལས་འབར་བའི་འོད་ཟེར་དང་ཁྱུང་གི་ཚྭ་ཚྭ་འཕྲོས་པས་ལུས་ཀྱི་ནང་ཐམས་ཅད་གང༌། ནད་གདོན་སྡིག་སྒྲིབ་ཐམས་ཅད་ལྷག་མེད་དུ་སྦྱངས་ཏེ། བ་སྤུའི་སྒོ་ནས་ཕྱིར་འཕྲོས། ལོག་འདྲེན་རྣམས་ཀྱི་ལུས་བུད་ཤིང་བཞིན་བསྲེགས་པར་བསམ་ཞེས་ཟིན་བྲིས་རྙིང་པར་འབྱུང་བ་མེ་དམིགས་ཀྱིས་དང་པོར་ལུས་གདོན། དེ་ནས་གནས་གདོན། མཐར་སྟོང་གསུམ་གྱི་བར་གྱི་བགེགས་སྦྱང་བའི་མེ་དམིགས་སྐོར་གསུམ་གཏེར་ཁ་གཞན་དུ་ཡང་འབྱུང་བས་ལེགས་ཁྱད་ཡོད་ཀྱང༌། མཆན་བུའི་སྐུའི་ཆ་ཐམས་ཅད་ལས། ཞེས་པ་ལས་གཞུང་གི་བ་སྤུའི་བུ་ག་ཐམས་ཅད་ཀྱང༔ ཁྱུང་གི་ཚྭ་ཚས་གཏམས་ཤིང་འཕྲོ༔ ཞེས་པ་ལྟར་དམིགས་པ་བྱ་རྒྱུ་མངོན་པས། ཟིན་བྲིས་རྙིང་པ་དང་གཞུང་གཉིས་མི་མཐུན་པས་དོགས་པ་ཕྲའུ་ཡོད་གསུངས་སམ་སྙམ། འདིའི་སྟེང་ཞལ། གོ་ཆ། ཕྱག་མཚན་བཅས་བྱ་ཁྱུང་གིས་མཛད་ཅིང༌། ལྷག་པར་སྒོས་མཛད་གཙོ་བོ་དེས་བསྒྲུབས་པས་ཁྱུང་གི་དམིགས་པ་རྩལ་འདོན་པར་སྣང་སྟེ་འཇིག་རྟེན་སྨན་སྔགས་ཀྱིས་སྦྱོང་རྒྱུར་སོགས་ལ་མི་ལྟོས་པར་ཀླུའི་དུག་ལྗོན་ཟ་ནུས་པའི་མཆོག་ནམ་མཁའ་ལྡིང་ཡིན་པས་དེ་དང་སྒོ་བསྟུན་པ་སྟེ། རྟ་མགྲིན་ཁམས་གསུམ་རོལ་བའི་གཏོར་ཟློག་ཏུ། བྱ་ཁྱུང་འབར་བས་ཀླུ་གཉན་རྒུམ་བུར་ཐུ༔ ཞེས་སོ། །ཁྱུང་གི་ཁ་དོག་ལ་གཡོན་པའི་ཕྱག་མཚན་ཐད་མེ་ཁྱུང་དམར་པོ་ཞེས་བསྙེན་ཡིག་ཏུ་གསུངས་པ་གདོན་འགྲོལ་ལས། བྱ་ཁྱུང་ནག་པོའི་ཁྲ་ཐབས་གཏོང༔ ཞེས་འབྱུང་བ་རྒྱ་རོང་རིན་པོ་ཆེས། སྲེག་བྱེད་ཁྲོ་ཆུང་ཞུན་མའི་ལུས་ཅན། ཞེས་གསུངས་པ་ལྟར་མཐིང་དམར་ལྕགས་སྲེག་གི་མདོག་ལྟ་བུར་བྱས་ན་འགྲིགས་པར་མངོན། སླར་ཡང་དབུ་གཙུག་རྟ་ཞལ་གྱི་འཚེར་སྐད་དྲག་པོ་བྱུང་བས་སྲིད་པ་གསུམ་གྱི་འབྱུང་པོའི་གནས་ཐམས་ཅད་ཤིག་ཤིག་ཡོམ་ཡོམ་བྱེད་ཅིང༌། ཕྱོགས་སྐྱོང་བཅུ་སྡེ་དང་བཅས་པའི་ལུས་སེམས་ཆེར་གཡོ་སྙིང་རྩ་སྒུལ། དཔའ་ཟིལ་ཆག །དྲན་པ་མྱོས། བྱ་སྤུ་རླུང་ཁྱེར་ལྟར་རང་དབང་བརྟན་པ་དང་བྲལ་ཏེ། དབང་གི་འོད་དམར་ལྕགས་ཀྱུས་ཞབས་འོག་ཏུ་བཀུག་ནས་འགུལ་མི་ནུས་པར་བསམ་ལ་གཟིར། དེའང་གནོད་བྱེད་དངོས་བྱ་ཁྱུང་གིས་བསད་བསྲེགས་བྱེད་ཅིང༌། དེ་དག་གི་གབ་ཁུང་ལྟ་བུའི་བསྡོང་ཟླ་དང་རྒྱབ་བརྟེན་ཕྱོགས་སྐྱོང་ཁོང་གཏོགས་རྣམས་རྟ་མགྲིན་གྱིས་དབང་དུ་སྡུད་པའི་དབང་དྲག་སྦྲགས་མ་ཡིན་ནམ་སྙམ། འདི་ལྟར་ན་རྣམ་སྣང་མངོན་བྱང་འགྲེལ་པར་ཁྲོ་གཉེར་ཅན་གྱི་རྒྱབ་ཏུ་མཐུ་ཆེན་ཐོབ་འགོད་པ་ནི་དཔུང་བྱ་བའི་ཕྱིར་རོ།  །ཞེས་པའི་རིགས་པ་ལྟར། ཀླུ་འདུལ་གྱི་ལས་བྱེད་དངོས་བྱ་ཁྱུང་དང༌། དེའི་དཔུང་གྲོགས་རྟ་མགྲིན། གུར་དྲག་གཉིས་ཀྱི་རྩ་བའི་ལྷར་བྱེད་དམ་དཔྱད། གདོན་འགྲོལ་དུས། བཟླས་པའི་ཚེ་ཁྱུང་དམིགས་མི་བྱེད་པར་རྟ་སྐད་ཀྱིས་འཇིག་རྟེན་གཡོ་ཞིང་བསྒུལ་བས། འོད་ཟེར་གྱིས་ཀླུ་གདོན་ཞབས་འོག་ཏུ་དྲངས་ཏེ་ཟིལ་གྱི་གནོན་པ་ཙམ་བྱེད་པ་དབུའི་ཡིག་ཆུང་གི་དོན་དུ་མངོན་པས་དཀྱུས་དང་མི་འདྲ་ཡང༌། དེ་ནི་ཞི་བས་བརྔན་དང་དྲག་པོས་གཟིར༔ ཞེས་སོགས་ལྟར་ཀླུ་གསོ་བ་དང༌། འཁོན་གཅུགས་སྦྱོང་བའི་ལས་རིམ་དང་འབྲེལ་བས་དང་པོ་ནས་མནན་བསྲེག་མི་བྱེད་པ་ཡིན་པ་བསམ་སྟེ། སྤྱིར་བཏང་དམིགས་བསལ་ལྟ་བུའི་ཁྱད་དོ།  །རྒྱལ་བསེན་ལྟ་བུ་སྒོས་སུ་འདུལ་ན། ཁྱུང་གི་ཚྭ་ཚྭས་ལོག་འདྲེན་བསྲེགས༔ ཞེས་པའི་ལོག་འདྲེན་གྱི་མཚན་གཞིར་རྒྱལ་བསེན་བཞག་པས་ཆོག་སྟེ་སྲི་ཀེག་དང༌། ཐེལ་འགོང༌། རྦད་འདྲེ་སོགས་གཞན་ལའང་དེས་འགྲེས་སྦྱོར་ཞིང་སྟེང་གདོན་འདུལ་བའི་དམིགས་པ་བསྙེན་ཡིག་གི་མཆན་དུ་བལྟའོ།  །བགེགས་རྣམས་བསད་གཟིར་བྱས་ཏེ་ས་གསུམ་ལས་རྣམ་པར་རྒྱལ་བའི་ང་རྒྱལ་ཡུན་རིང་དུ་བཟུང་བའི་མཐར་གནོད་བྱ་ལ་གནོད་བྱེད་གཉེན་པོར་སྣང་བའི་སྤྲོས་པ་ཐམས་ཅད་རྨི་ལམ་གཉིད་ཀྱི་ཀློང་དུ་རང་གྲོལ་བ་བཞིན་གདོད་ནས་རྣམ་དག་རིག་པའི་ངང་དུ་བསྲེས་ཏེ། དེའི་ངང་ལ་མཉམ་པར་བཞག་ཅིང༌། དེ་ཉིད་ཀྱི་རང་མདངས་རིག་འཛིན་བླ་མ་དྲག་པོའི་དཀྱིལ་འཁོར་དུ་ལམ་མེ་བའི་རྒྱུན་སྐྱོང་བ་ནི་ལྷུན་གྲུབ་རིག་འཛིན་དགོངས་པས་དམར་འབྱིན་བྱེད་ཚུལ་ཡིན་ཏེ་ལས་གཞུང་གི་སྣོད་བཅུད་སྦྱང་བ་སོགས་ན་བསྙེན་ཡིག་ལས། གདོན་ཀྱང་རང་སེམས་འཁྲུལ་བའི་རྩལ༔ སོགས་རྩ་འགྲེལ་དུ་སྦྱར་བའི་ལུགས་སོ།  །དེ་ལྟར་ནད་གདོན་སོགས་མ་དག་པའི་དངོས་སྣང་དངོས་འཛིན་ཐམས་ཅད་ཆོས་དབྱིངས་ཞི་བ་ཆེན་པོའི་ཀློང་དུ་ན་བུན་ཡལ་བ་ལྟར་དེངས་བས་ཀ་དག་གི་རིག་པ་གཅེར་བུ་སོང་བ་ཉིད་ཧུར་ཕྱུང་སྟེ་སྒོམ་པ་ནི་གནས་ལུགས་དོན་གྱི་ཀུན་བཟང་པདྨ་འབྱུང་གནས་ཞལ་བལྟ་ཚུལ་དང༌། རྟ་སྐད་ཐེང་གཅིག་གི་དགོངས་པས། རྡོ་རྗེ་ནམ་མཁའ་ལྡིང་གི་ངེས་དོན་མཐར་ཐུག་པ་ཡིན་ཞིང༌། བར་ཆད་ཀྱིས་ནམ་ཡང་གཞོམ་དུ་མེད་པ་ཆོས་ཉིད་ཀྱི་ལྟ་བའི་བཙན་རྫོང་འཛིན་ཚུལ་ཟབ་པའང་ཡིན་ནོ།  །བཟླས་སྔགས་ཀྱི་དོན་ནི། ཨོཾ་ཨཱཿཧཱུྃ་ནི་རྡོ་རྗེ་གསུམ་གྱི་ས་བོན་གྱི་ཐོག་དྲངས་ཏེ་བཛྲ་ནི་མཚན་རྟོག་གི་སྤྲོས་པས་མི་ཕྱེད་པའི་ཆོས་སྐུ་སྣང་མཐའ་དང༌། མ་ཧཱ་ནི་ཁ་སྦྱོར་ཡན་ལག་བདུན་དང་ལྡན་པའི་བདེ་ཆེན་གྱི་ཡོན་ཏན་དང་ལྡན་པ་ལོངས་སྐུ་ཐུགས་རྗེ་ཆེན་པོ། གུ་རུ་ནི་དེ་ཉིད་གདུལ་བྱ་ཐུན་མོང་ཐུན་མིན་ཀུན་ཕྱོགས་སུ་མ་ལྷུང་བའི་ཕྲིན་ལས་ཀྱི་འདུལ་བའི་སྤྲུལ་སྐུའི་ཚུལ་དུ་བྱོན་པ་པདྨ་འབྱུང་གནས། ཨརྩིག་ནི་ཤིན་ཏུ་ཁྲོ་བ། ནིརྩིག་ནི་རབ་ཏུ་ཁྲོས་པ་ཞེས་དགོངས་འདུས་རྣམ་བཤད་ལས་གསུངས་པས་ཆོས་ཉིད་ཀྱི་རང་ངོ་སྤང་བྱ་དང་ལྷན་ཅིག་གཟོད་ནས་མི་གནས་པ་ཆོས་སྐུ་ངང་གིས་ཁྲོས་པ་ལ་ཤིན་ཏུ་ཁྲོས་པ། སྟོང་ཆ་ཤེས་རབ་ཀྱི་རྩལ་ཁྲོ་བོའི་རྣམ་པར་བསྟན་པས་གདུག་པ་ཅན་འདུལ་ཕྱིར་ཐུགས་རྗེའི་ཤུགས་ཀྱིས་ཁྲོས་པ། ལོངས་སྐུ་རང་སྣང་གི་གཙོ་བོ་སྤྱིར་སེམས་ཅན་ཐམས་ཅད་བྱེ་བྲག་གི་གདུལ་བྱ་བདུད་དང་རུ་ཏྲ་སོགས་འདུལ་ཕྱིར་ཐུགས་སྙིང་རྗེ་ཆེན་པོའི་གར་དགུས་བརྗིད་པའི་ཁྲོ་བོ་ལྟར་བཅོས་པ་སྤྲུལ་སྐུའི་ཁྲོ་བོ་སྟེ་གཟུགས་སྐུ་གཉིས་རྣམ་པ་དང༌། ངོ་བོ་གཉིས་ཀ་ཁྲོ་བོར་བསྟན་པས་རབ་ཏུ་ཁྲོས་པ་སྟེ། སྐུ་གསུམ་དབྱེར་མེད་པའི་སྐུ་གསུང་ཐུགས་རྟ་གུར་ཁྱུང་གསུམ་འདྲིལ་བའི་སྔགས་དངོས་ནི། ཨོཾ་ནི་རིགས་ཀྱི་ཁྱབ་བདག་ཡེ་ཤེས་ལྔ་ལྡན་ཉིད་གསུང་རྡོ་རྗེ་པདྨ་གར་དབང༌། ཧྲཱིཿ རྟ་མགྲིན་དེ་ཉིད་དྲག་པོའི་སྐུར་བསྟན་པ། ཧཱུྃ་དེ་ལས་ཆེར་ཁྲོས་ཤིང་འཆོལ་བའི་ཕྲིན་ལས་མྱུར་རྣོན་ཅན་གུར་དྲག །ཁྲོཾ་ལས་ཀྱི་ཕོ་ཉ་ཁྱུང་ཅེས་པ་ལ་ངོས་བཟུང་དགོས་ཏེ། གདོན་ཁྲོལ་དུ་ཡང་ཡང་འབྱུང༌། ཕཊ་ཁྲོ་རྒྱལ་གསུམ་གྱི་ནུས་སྟོབས་ཀྱིས་མི་མཐུན་ཕྱོགས་ཐམས་ཅད་གཏོར་ཤིག་ཅེས་དང་ལྷག་མ་གུ་རུ་དྲག་པོའི་སྔགས་སོ།  །མདོར་ན་རིག་འཛིན་སྤྱི་སྙིང་དང་གུར་དྲག་རྟ་ཁྱུང་གཅིག་དྲིལ་ཏེ། རིག་འཛིན་འདུས་པའི་སྐབས་སུ་སྒྲུབ་པ་པོའི་རྒྱུད་ལྷ་སྔགས་ཡེ་ཤེས་ཀྱིས་བྱིན་གྱིས་བརླབ་པས་དངོས་གྲུབ་ཀྱིས་སྣང་རྒྱུད་དུ་བྱེད་ཕྱིར་བཛྲ་གུ་རུའི་བསྙེན་པ། དངོས་གྲུབ་དངོས་སུ་སྒྲུབ་པའི་ནུས་པ་བསྐྱེད་བྱེད་སྒྲུབ་སྔགས་རིག་འཛིན་སྤྱི་སྙིང༌། ལས་སྦྱོར་ནི་བསྙེན་སྒྲུབ་གཉིས་ལས་སྒྲུབ་པའི་རྗེས་འབྲེལ་དུ་སྦྱོར་ཆོག་པས་འདིར་ལས་སྒྲུབ་ཀྱི་ལྷ་ཡིན་པས་སྒྲུབ་སྔགས་རིག་འཛིན་སྤྱི་སྙིང་དང་དམིགས་བསལ་རྟ་གུར་ཁྱུང་གསུམ་ཕྲིན་ལས་ཀྱི་ལྷ་ཀུན་འདྲིལ་དུ་སྦྱར་བས་རིག་འཛིན་སྤྱི་སྙིང་བསྙེན་པ། རྟ་གུར་ཁྱུང་གསུམ་སྒྲུབ་པ། ཕཊ་ལས་སྦྱོར་ཏེ་སྔགས་འདི་ཙམ་ནི་བསྙེན་སྒྲུབ་ལས་གསུམ་གཅིག་དྲིལ་དུ་གོ་རུང་ངོ་སྙམ། དེ་རྣམས་ལ་ཏིང་འཛིན་རྣམ་གསུམ་དང་དག་དྲན་སོགས་བསྐྱེད་པ་ལྷ་ཡི་ཏིང་ངེ་འཛིན་གྱི་གཟེར། སྔགས་དོན་དང་ལྷ་སྔགས་དབྱེར་མེད་དུ་བཤད་པ་སོགས་སྙིང་པོ་སྔགས་ཀྱི་གཟེར། ལྷ་སྔགས་ཐམས་ཅད་ཆོས་ཉིད་གཅིག་གི་རོལ་པར་ལམ་དུ་ཁྱེར་ཚུལ་རྣམས་དགོངས་པ་མི་འགྱུར་བའི་གཟེར། འོད་ཟེར་སྤྲོ་བསྡུའི་སྐོར་འཕྲོ་འདུ་ཕྲིན་ལས་ཀྱི་གཟེར་ཡིན་ཚུལ་ཡང་ཤེས་པར་བྱ་སྟེ་སླའོ།  །དུམ་བུ་གསུམ་པ་ཛཔ་དགོངས་ཀྱི་སྐོར་ཚོའོ། །དུས་ནམ་ཡང་གུ་རུ་རིན་པོ་ཆེ་མཁྱེན་སྙམ་པའི་མོས་གུས་དུང་ངེ་བ་དང༌། རིག་འཛིན་ཧེ་རུ་ཀའི་ཞིང་སྐུའི་སྣང་ཞེན་མི་འབྲལ་བ་སྲོག་ལྟར་གཅེས། སྐབས་ཅི་རིགས་པར་འདི་ཉིད་ཀྱི་ཐུགས་དམ་བསྐུལ་བའི་གསོལ་འདེབས་གྲངས་བསགས་བྱེད་ན་དབང་གི་གནད་ཡིག་ལྟར་ཚིག་བདུན་གསོལ་འདེབས་ལ་བྱས་ཤིང༌། བསམ་པ་མྱུར་འགྲུབ་ཀྱང་ཤིན་ཏུ་འབྱོར་བས་ཐུན་མཚམས་སུ་ཡང་དམིགས་པ་རྒྱུན་མི་གཅོད་པ་ཡང་ཡང་གསལ་སྣང་བསྐྱེད་དེ་ཏིང་ངེ་འཛིན་ཁ་གསོ་བ་ལ་སློབ་ཞེས་མཁས་གྲུབ་གཏེར་སྟོན་ཆེན་པོ་མངའ་རིས་པཎ་ཆེན་སྐུ་མཆེད་གཉིས་ཀྱིས་གསུངས་ཏེ། ཕྱི་གཙུབ་ཤིང་གི་མེ་སྒྲུབ་པ་ལ་ངལ་བསོ་མེད་པར་འབད་རྩོལ་དགོས་པ་བཞིན་དུ་ནང་བསམ་གཏན་གྱི་མེ་ལའང་འདྲ་བས་གནད་ཆེ་བར་གོ །ནད་གདོན་མར་ལྟ་བུར་འགའ་ཞིག་བཟླས་བརྗོད་ཀྱི་མེ་མཐུ་ཆུང་དང་ཡུན་ཐུང་ངུ་ཞིག་གིས་བཞུ་བར་ནུས་མོད། ལྕགས་ལྟ་བུ་འགའ་ཞིག་བཞུ་བ་ལ་སྟོབས་ལྡན་དང་ཡུན་བསྲིང་བ་དགོས་པས་ངང་ཐུང་མི་བྱ། གདོན་དང་པོར་སློང་རྟགས་སུ་ན་ཚ་སོགས་ཤུགས་ཆེ་རུ་འགྲོ་བ་དང༌། ཉམས་རྨིས་རྩུབ་པ་དང༌། བར་དུ་ཆུམ་རྟགས་སུ་གདོན་དཔའ་སྙིང་ཆག་སྟེ་འཚུབ་སྣང་ཞི་ཞིང་གུས་འདུད་སོགས་འགྱུར་བ། ཐ་མ་ཐུལ་རྟགས་བཀའ་ཉན་སྲོག་སྙིང་ཕུལ་བ། ནད་གདོན་ལས་གྲོལ་བ་སོགས་སོ་སོར་འོང་བ་བཤད་པའི་རྣམ་དབྱེ་འབྱེད་དགོས། རེ་དོགས་མང་ན་བགེགས་འཇུག་ཅིང་གདོན་བྱིངས་ཆེ་ན་དང་པོ་ཐུལ་རྟགས་འབྱུང་བ་ལ་མངོན་རློམས་ཞུགས་ན་སླར་གནོད་ཚབ་ཆེར་བྱེད་པ་སོགས་རྟགས་མཚན་ཕྱིན་ཅི་ལོག་གི་མགོ་སྐོར་འོང་བ་ཡང་བཤད་པས་རྟགས་བཟང་ངན་ཅི་བྱུང་ཡང་རེ་དོགས་དང་དགའ་བྲོད་འཇིགས་ཞུམ་གང་ཡང་མ་ཤོར་བར་ནམ་མཁའ་མདུང་བསྐོར་ལྟར་བྱ། ཉམས་དང་རྣམ་རྟོག་ཆེར་འཕྲོ་བ། གོང་དུ་དྲངས་པའི། གདོན་ཀྱང་རང་སེམས་འཁྲུལ་པའི་རྩལ༔ སོགས་ལྟར་གང་ཤར་རིག་པའི་རང་རྩལ་དང༌། རང་སྣང་ཡེ་ཤེས་ཀྱིས་འཁོར་ལོར་རྩལ་སྦྱང་བྱ་ཞིང༌། ཐོག་བརྫིས་ཀྱི་བརྟུལ་ཞུགས་ཀྱང་རྒྱགས། དེ་ཙམ་དུ་མ་ཟད། དངོས་འཛིན་གྱི་མེ་རོ་སྐད་ཅིག་ཀྱང་མི་སློང་བར་མཉམ་བཞག་ཏུ་ལྷའི་གསལ་སྣང་དང་རྗེས་ཐོབ་ཀྱི་སྤྱོད་ཡུལ་ཐམས་ཅད་སྒྱུ་མ་ལྟ་བུའི་དཔེ་བཅུའི་ཚུལ་ལྟར་ཤེས་པའི་རྣལ་འབྱོར་གྱིས་སྣང་བའི་དངོས་ཞེན་ཟིལ་གྱིས་གནོན་པ། འོག་མིན་བགྲོད་པར་ལམ་ཁྱེར་ཤེས་པ་བཅུ་གསུངས་པའི་གནད་དོན་ཡིན། རིག་འཛིན་བསྙེན་ཡིག་ཏུ་མཚམས་ཀྱི་ཀུན་སྤྱོད་གཏོར་མཆོད་ཕོངས་མེད་དུ་འབུལ་བ་སྦྱིན་པ། དམ་བཅའ་རིས་སུ་མི་བོར་བ་ཚུལ་ཁྲིམས། དཀའ་སྤྱད་བྲེ་གཞོག་གི་དབང་དུ་མི་གཏོང་བ་བཟོད་པ། སོས་དལ་དུ་སྐད་ཅིག་ཀྱང་མི་གཏོང་བ་བརྩོན་འགྲུས། ལྷའི་གསལ་སྣང་གིས་ཐ་མལ་གྱིས་འཛིན་རྟོག་ལ་མི་གཡེང་པ་བསམ་གཏན། ཐམས་ཅད་ཆོས་ཉིད་ཀྱི་རོལ་པར་ཤེས་པ་ཤེས་རབ་སྟེ་ཕར་ཕྱིན་དྲུག་དང་སྦྱར་ནས་གསུངས་པ་དང༌། གབ་བྱང་ལས་ཀུན་བཟང་སྤྱོད་པ་ལྔས་བསྙེན་སྒྲུབ་ཀྱི་གནས་དང་ཡོ་བྱད་ལྷ་སྔགས་གྲོགས་དམ་ཚིག་སོགས་རྣམ་པར་དག་དགོས་པ་བསྟན་ཅིང༌། འོག་མིན་བགྲོད་པར་ལྷ་སྔགས་དང་སྒྲུབ་ཐབས་སྟེར་བའི་བླ་མ་ལ་མོས་གདུང་རྒྱུན་མི་གཅོད་པ་དང༌། ཏིང་ངེ་འཛིན་གྱི་མཐུན་རྐྱེན་སྒྲུབ་པ། མི་མཐུན་ཕྱོགས་འདོར་བ། སྤྱོད་ལམ་ཀུན་ཏུ་ཏིང་འཛིན་མི་གཏོང་བ། ཡི་དམ་མི་སྤོང་བ། སྣོད་མིན་ལ་སྒོམ་སྤྱོད་ཀྱི་གསང་བ་མི་སྟོན་པའི་དམ་ཚིག་དྲུག་གསུངས་པས་མཚོན་བསྙེན་དུས་ཀྱི་སྤང་བླང་སྟོན་པའི་སྐོར་རྣམས་བཤགས་སྦྱང་གཏོང་བ་ཁ་སྐོང་ཞི་བའི་སྦྱིན་སྲེག་བྱེད་ན་ཡེ་ཤེས་མེ་ལྕེ་སྦྱོར། ལྷ་སྔགས་ལས་བྱུང་བའི་དྲོད་ཚད་རྙེད་པ་ལ་རྟག་འགྲུས་ཀྱི་བརྩོན་འགྲུས་གཉིས་པོ་འཛོམས་དགོས་པས་བསྙེན་མཚམས་བསྡམ་པ་ངེས་པར་དགོས་ཤིང༌། ཕྱིས་སུའང་ལྷའི་ཐུགས་རྒྱུད་འཁུལ་བ་དང༌། བྱིན་རླབས་ཀྱི་རྒྱུན་གསོ་ཞིང་གོང་དུ་འཕེལ་བ་སོགས་ཀྱི་ཆེད་དུ་ཆགས་མེད་ཀྱི་དམ་བཅའ་བཟུང༌། དེར་མ་ཟད་གདོན་ཐུལ་རྟགས་དང་ལྷ་ཉེ་བའི་མཚན་མ་ཅི་རིགས་མཐོང་ནས་རང་ལ་བར་ཆད་ཀྱིས་མི་ཚུགས་སྙམ་པ་ཡོད་དེ། གཡུལ་དུ་མཚོན་ཆས་མི་ཆོམས་པ་ལ་གོ་ཆ་ཡོད་པས་མི་ཆོག །ལུས་ལ་གྱོན་པ་དགོས་པ་ལྟར་བཟླས་བསྒོམ་མི་གཡེལ་བ་གལ་ཆེ། བསྙེན་པ་རྫོགས་ནས་གསང་རྫོགས་ཀྱི་རྒྱུད་ལས་གསུངས་པ་ལྟར་འོད་ཟེར་སྤྲོ་བསྡུས་ལྡེ་ཁ་བསྒྱུར་ཚུལ་དང༌། སྔགས་ལ་སྤེལ་ཚིག་གང་འདོད་སྦྱར་བ་ཙམ་གྱིས་ལས་སྣ་ཚོགས་ཤིག་འགྲུབ་ལ་བསྐྱེད་རིམ་སྤྲིང་ཡིག་བྱེད་ན་ཕྱོགས་བཅུའི་གདོན་ཚོགས་ལ་སྤྲིང་བ་ལྷ་མ་ཡིན་གྱི་གཏོར་སྦྱར་ན་འཐད་དོ།  །ལྷག་བསམ་དག་པས་དེ་ལྟ་བུའི་ཚུལ་གྱིས་བསྟན་འགྲོའི་དོན་རྒྱ་ཆེར་སྤྱོད་པའམ་ཨོ་རྒྱན་རིན་པོ་ཆེ་མཛད་ཕྲིན་གྱིས་འཕྲོ་བསྐྱང་བར་འགྱུར་བས་ལེགས་མོད་ཀྱི་སྐལ་ལྡན་མཆོག་ནི་ཚེ་ཐུང་འདིར་ལས་སྒྲུབ་ཀྱི་ནང་དུ་མགོ་མི་འཁོར་བར་མཐོང་བའི་ཆོས་ལ་རིག་འཛིན་གྱི་ས་བགྲོད་པའམ་དེ་མ་བྱུང་ཡང་ཕྱི་མ་ཟངས་མདོག་དཔལ་རིར་ཐོགས་མེད་དུ་འགྲོ་བའི་གསང་ལམ་དམ་པར་བཟུང་ནས་དངོས་གྲུབ་མཆོག་གི་འབྱོར་བ་རྒྱས་པར་བྱེད་དོ།  །དུམ་བུ་བཞི་པ་རྗེས་སྤྱོད་སོགས་ཀྱི་སྐོར་ཚོའོ།  །ལར་ཀློང་ཆེན་སྔ་ཕྱིའི་ཆོས་འདི་དག་དགོངས་གཏེར་གྱི་རྒྱལ་པོ་ཡིན་ཏེ། སྔ་མ་གཞན་དུ་ཤེས། ཕྱི་མ་ཆོས་ཀྱི་བབ་ལུགས་ཀྱི་སྒྲོམ་ནས་འོད་གསལ་སྙིང་ཐིག་ལམ་གནད་ཀྱི་ཕྱུག་པའི་གཟེར་བུ་ཐེབ་ངེས་པ་རྟོགས་བརྗོད་ཆུ་ཟླའི་ནང་བཞུགས་ཏེ་བལྟ་ཤེས་ན་ཡ་མཚན་པོ་ཡོད། གཏེར་ཁ་སོ་སོར་བཀའ་བབ་ཀྱི་སྒོས་ཁྱད་རེ་ཡོད་པ་ལས། ཀུན་མཁྱེན་ཕྱི་མ་འདི་རྫོགས་ཆེན་སྙིང་ཐིག་རིག་འཛིན་བླ་མའི་སྒྲུབ་སྐོར་གྱི་བཀའ་བབས་སུ་ལུང་བསྟན་བཀའ་རྒྱས་བསྟན་པ་ལྟར་ཉིད་ཀྱིས་གསུངས་ཏེ། འདིའི་ཐུགས་རྗེ་ཆེན་པོ་དང༌། བཀའ་བརྒྱད་སེང་གདོང་སོགས་བླ་མའི་གསང་སྒྲུབ། རིག་འཛིན་ཐུགས་སྒྲུབ། རིག་འཛིན་ཡུམ་བཀའི་གསང་སྒྲུབ་སོགས་ཟེར་བ་དེ་ཡིན་ནོ།  །ཡང་རྗེ་འདིས་དགོངས་འདུས་རྣམ་བཤད་རྩོམ་དུས་དབུ་གཙུག་ནས་རྟ་སྐད་འཚེར་བ། གུ་རུ་རིན་པོ་ཆེའི་པདྨ་དབང་ཆེན་ཞེས་མཚན་བཏགས་པ། མཐེ་བོང་ཐུགས་སྲོག་ཧྱ་ཡིས་མཚན༔ ཞེས་པ་མཁའ་འགྲོས་ངོ་སྤྲད་པ། རྟ་མགྲིན་གྱི་རྣལ་འབྱོར་ལ་བརྩོན་པའི་སྐབས་སུ་རང་བཞིན་རྫོགས་པ་ཆེན་པོའི་ཆོས་ཉིད་ཀྱི་བདེན་དོན་གཟིགས་པར་གསུངས་པ་སོགས་ཀྱི་རྒྱུ་མཚན་ལས་རྟ་མགྲིན་གྲུབ་པའི་དཔའ་བོར་ཤེས་སོ།  །ཀློང་སྙིང་འདིར་གུར་དྲག་མཐིང་དམར་གཉིས་གསུངས་པའི་དྲག་མཐིང་བླ་མ་བཀའ་བརྒྱད་དུ་བྱས་པ་དང་དྲག་དམར་རྟ་ཁྱུང་གཉིས་དང་སྦྲག་ནས་གསུངས་ལ། བྱ་སླ་ཁྱེར་བདེ་བྱིན་རླབས་ཆེ༔ ཞེས་ལྟ་བུའི་ཕྱི་མ་སྟེ། པདྨ་གསུང་ལ་རྩལ་འདོན་ན་ལྷག་པར་ཡང་དེ་ཟབ་བོ།  །དེ་ལྟར་ན་རིག་འཛིན་ཆོས་འདིའི་དགོངས་གཏེར་གྱི་བླ་མ་རིག་འཛིན་རྟ་མགྲིན་དང་སྦྲགས་པའི་སྒྲུབ་གཞུང་ཞིག་ཉམས་སུ་ལེན་རྒྱུ་བྱུང་ན་རྣོ་ནུས་གཞན་དང་མི་འདྲ་ཞིང༌། རྟ་མགྲིན་ཁམས་གསུམ་རོལ་པ་སོགས་ཀྱང་རིག་འཛིན་ཐུགས་སྒྲུབ་ཀྱི་སྐོར་ཡིན་ཡང༌། །དེ་ལྟར་གུ་རུ་ནི་ཞི་དྲག་གང་གི་མིང་འདོགས་མི་བྱེད་ཀྱི། ཁྱད་པར་བླ་མ་དྲག་པོ་རྟ་མགྲིན། ཁྱུང་ཐམས་ཅད་གཅིག་དྲིལ་དུ་དེ་རྣམས་རྫོགས་པ་ལ་རྟ་ཁྱུང་འབར་བ་འདི་རང་ཕུལ་དུ་བྱུང་བར་མཐོང་ངོ༌། །དེས་ན་ལས་གཞུང་དང་གནད་ཡིག་གཉིས་ཀར། ཤིན་ཏུ་ཡང་ཟབ་ཐུགས་ཀྱི་གཏེར། ཞེས་གུ་རུ་ཉིད་ཀྱིས་ཟབ་པར་བསྔགས་པས། ཕ་མེས་ཀྱི་རྡོ་རྗེ་ལག་བརྒྱུད་ཙམ་མ་ཡིན་པར་བརྒྱུད་པ་དང་ཆོས་ཀྱི་རྒྱུས་ལ་བྱང་བར་བྱས་ན་དད་པས་ཁམས་སོས་པར་འགྱུར་རོ།  །རྗེ་བཙུན་བོད་འབངས་འགྲོ་ལ་ལྷག་པར་བརྩེ། ད་དུང་བོད་འདིར་གདུལ་བྱའི་ལྷག་མ་མཆིས། འདི་ལྟར་སྤྱན་འདྲེན་སྦྱོར་བ་བཤམས་ནུས་ན། པདྨའི་འཛུམ་ཞལ་མྱུར་དུ་མཇལ་བར་ངེས། རྟ་ཁྱུང་འབར་བའི་བསྙེན་ཐོ་རིན་པོ་ཆེ་སྒྲོན་མེ་ཞེས་བྱ་བ་བྱ་རྒན་ཚོགས་པའི་ནགས་རྒན་མར། རྡོ་རྒན་གྱིས་བྲིས་པ། སྔགས་རྒན་མང་པོས་བརྡུང་རྒྱུ་རྔ་རྒན་དུ་གྱུར་ཅིག །ལྕགས་ཕག་ཁྲུམས་ཟླར་བྱས་པ། སྤྲིང་ཡིག་བྱེད་ན། སྟེང་དུ་ཕྱག་རྟགས་འོག་ཏུ་སྤྲིང་ཡིག་འབྲི། ཕྱག་རྟགས་ནི་ཕྱག་མཚན་གཉིས་པའམ། བསྡུ་ན་རྡོ་རྗེ་རྭ་གདེངས་མེ་འབར་གཅིག་ཏུ་བྱ། སྒོ་གོང་ངམ་གནོད་པའི་ཕྱོགས་སུ་བསྟན་ནོ།  །ཞེས་ཀུན་མཁྱེན་འཇིགས་མེད་བསྟན་པའི་ཉི་མའི་གསུང་གི་བརྩམ་གཞིར་སོང་བས་ཚིག་སྣ་བསྡུས་ཆེས་ཏེ། བློ་དམན་གྱི་གོ་དཀའ་ཕྱིར་ཞལ་གསལ་དུ་སྤྲོས་ཞེས་གྲུབ་ཆེན་སྐུ་ཕྲེང་བཞི་པ་འཇིགས་མེད་ཀུན་བཟང་ཐུབ་བསྟན་ཕྲིན་ལས་དཔལ་བཟང་གི་ཞབས་རིམ་པ་དད་མོས་ལྡན་པ་དགེ་སློང་སངས་རྒྱས་ནས་ཡང་ཡང་བསྐུལ་ངོར་འཇིགས་མེད་མཁྱེན་བརྩེའི་འོད་ཟེར་གྱིས་ལྷོ་འབྲུག་རྒྱལ་ཁབ་ཀྱི་བྱེ་བྲག་རྟ་བབ་བདེ་ཆེན་རྩེར་རང་གི་གོ་ཚོད་ཅི་ནུས་སུ་གཟུ་ལུམ་སྤང་ཏེ་དད་མོས་ཀྱིས་བྲིས་པའི་དགེ་བས་འབྲེལ་ཚད་སློབ་དཔོན་ཆེན་པོ་སངས་རྒྱས་གཉིས་པས་རྗེས་སུ་འཛིན་པའི་རྒྱུར་གྱུར་ཅིག །ཡེ་ཤེས་བྱ་ཁྱུང་རྒན་འདུས་སྔ་འགྱུར་གྱི། །སྔགས་རྒན་བཀའ་གཏེར་ཤིང་རྟ་རྡོ་རྒན་གསུང༌། །སྔགས་རྒན་མང་བརྡུང་ཆོས་རྒན་ལྷའི་རྔ་རྒན། །ཁམས་རྒན་གྱིས་བརྡུང་ཕྱོགས་ལས་རྣམ་རྒྱལ་ཤོག། །།
bla ma bde ba chen por mchod/_/rta khyung 'bar ba'i zin tho la/_/phyi sgrub bla ma'i rnal 'byor las/_/'di lta bu'i man ngag ni bskyed rim gyi gnad:_rdzogs rim gyi bcud:_gnas lugs kyi tshang:_man ngag gi mdud yin pas chos sgo brgyad khri bzhi stong zhal bsdur kyang gnad 'di las zab pa 'byung mi srid pa'i zab rgya yin pas skal bzang rnams kyi snying la gces par zungs shig:_ces dang*/_rig 'dzin 'dus pa'i bsnyen yig las/_sgrub pa thams cad kyi nang nas bla ma sgrub pa mchog tu gsungs shing*/_khyad par slob dpon chen po ni sangs rgyas thams cad kyi spyi gzugs yin pas nyid kyi zhal nas/_nga mthong sangs rgyas thams cad mthong:_nga sgrub sangs rgyas thams cad 'grub:_nga ni bde gshegs 'dus pa yin:_zhes gsungs pa la bslu ba med pa mngon sum tshad ma'o/__/zhes gsungs pa ltar skabs 'di'i bsgrub bya'i lha ni rtsa ba gsum las/_chos 'di rig 'dzin bla ma'i sgrub skor yin pas rang re phyogs bcu'i sangs rgyas sus kyang ma thul ba'i dmu rgod snyigs ma'i sems can sangs rgyas dngos byung gi zhal mthong gsung thos pa'i skal ba med pa la/_rgyal ba'i phrin las mi yi gzugs su byon pa'i bla ma rnams kyis zhal bstan chos gsungs nas 'bras bu'i sa la mtshams sbyor ba'i bka' drin sangs rgyas las kyang lhag pas bla ma la gsol ba btab pas sangs rgyas thams cad kyi byin rlabs 'jug cing thugs rje'i shugs myur ba dang*/_lhag par gu ru rin po che'i gdul bya khyad par can bod yul yin zhing dus kyi tha ma'i bod 'bangs la lhag par thugs brtse/_byin gyis rlob pa'i zhal bzhes bslu med kyis rjes su bzung bas na de nyid bsgrubs pas rtags mtshan myur du 'char ba dang*/_gter chos thams cad kyi gtso bo bla rdzogs thugs gsum du gsungs pa ltar yin zhing khyad par bla ma sgrub pa 'di sangs rgyas byang sems sku dngos kyis 'dul ma nus pa bla mas 'dul bar mdzad cing*/_bla ma dge ba'i bshes gnyen gyi tshul gyis sangs rgyas kyi mdzad pa mdzad nus pas byin rlabs tshan che la dngos grub kyang myur/_bla ma sgrub pa de la phyi gsol 'debs/_nang sku gsum/_gsang ba rlung sems dbyer med/_yang gsang bla ma drag po'i sgrub tshul bzhi las 'di ni yang gsang bla ma drag po phrin las kyi skor yin/_de'i dgos pa dus kyi tha ma chos byed yongs la bar chad byung na drag po'i lha sngags kyis skyob pa'i rten 'brel yod pa'i rgyu mtshan bod du sangs rgyas kyi bstan pa thog mar dar ba'i skabs mkhan chen zhi ba 'tsho sogs kyis zhi ba'i phrin las kyis ma thul ba ltar mdzad nas gu ru rin po che'i dbang drag gi phrin las kyis mi dang mi min thams cad btul nas bod thugs rje chen po'i gdul zhing don la gnas pa'i bka' drin gyis da lta bdag cag snyigs dus kyi gdul bya 'gal rkyen mang ba'i skabs bla ma drag po'i lha sngags kyis zhi bas mi thul bas drag sgrub dgos pa'i rgyu mtshan dpal 'dus las/_gu ru'i thugs sgrub bskul bas bar chad med cing*/_bkra shis dngos grub kyi mtshan ma gzhan las che ba ni/_de tshe gnyen po stobs kyi lha:_phal gyis thul bar mi 'gyur bas:_phyi ltar byang sems nang rig 'dzin:_gsang ba drag gtum 'bar ba'i lha:_zhes gsungs pa ltar zhi rgyas phrin las kyis rjes su 'dzin pas gdul dka' zhing rgyud ma rung pa'i bdud dang ru tra'i tshogs la dbang dang drag po'i phrin las kyis tshar bcad de 'dul ba'i phyir khro bo'i skur bzhengs pa yin pas phrin las rno la myur/_de'ang gur drag phal cher be har 'dul dus kyi lo rgyus dang 'brel kyang*/_'di ni gdug pa klu 'dul mdzad pa dang 'brel ba'i gur drag yin te/_'di nyid kyi sgrub rten rdzas gter phur pa gnam lcags thog rgod bsam yas has po ri nas gter du bzhes pa'i lo rgyus las gter srung rdo rje legs pas/_phur pa me stag 'phro ba zhig phyin nas 'di slob dpon chen po'i mal gro'i klu btul ba'i phur pa yin zer/_chos 'di byin rlabs shin tu myur bas dam sri'i bar chad bzlog cing tshe 'phrang sel/_ko sgom chos nyid kyis bsnyen pa byas pa'i tshe/_sbal pa zhig gis kha gdangs nas bzhad pa'i tshul gyis phyag byed pa lan gsum/_bya skya ka zhig mtsho nang du 'jug nas sbrul gyi 'jug ma nas bzung ste bton pa'i mgo la me 'bar ba sogs byung nas klu gnyan la shin tu gnod par dogs pas 'jigs te bzhag pa yin zer/_'di'i chos dang rdzas gter gnyis ka gdug pa klu'i gnyen por gyur pa yin/_zhes sogs kyis shes/_dbu gtsug nas rta khyung gi zhal gnyis phyung ba'ang ngo bo gu ru nyid rnam pa klu yi gshed ma'am gnyen po ched du bsngags pa'i lha rta mgrin dang dbyer med pa dang skur bzhengs pa'i brdar snang*/_dug sbrul bcu gnyis kyi gdan dang g.yon pa'i phyag mtshan me khyung dang*/_klu chen brgyad sbrul gyi rnam pas sku la brgyan pas/_ba spu las khyung gi tshwa tshwa 'phro ba rnams kyi shes/_rdzas gter gyi lo rgyus de'i rta khyung chos bka' 'di [⁽111b⁾]na mkhyen gyi dgung grangs re drug gi bar chad kyi 'phrang sel ched gu ru rin po che'i lha sngags 'di lta bu rnam par bzhengs pas sku tshe'i 'du byed byin gyis brlabs pa'i ched byung zhing*/_rta khyung gi chos skor 'di thun mong gi gdul bya'i spyod yul du de ltar snang ba'i don la dgongs pa tsam las/_de gong rta khyung gi lha sngags 'di nyid kyi rnam pa med snyam dogs pa sel lo/__/Ar+Ya pa gling gis se phung la gnas pa'i klus bod kyi lha 'dre bskul nas bsam yas brtsig tu ma ster ba'i dbang gis sa 'dul la spyan drangs par bshad de/_sde brgyad rgyal po sogs dug gsum rang rgyud du spyod pa'i pho mo ma ning gi rgyud gsum 'byung po'i nang na gti mug ni nyon mongs [⁽111b⁾]na gyi rtsa ba yin pas de'i rang gzugs klu nus stobs sogs tshan che zhing*/_'dzam gling gi mi rgya mtsho'i dbus su sa chu la gnas pas/_gdon khrol las/_byol song gdug pa klu yi rigs:_'byung ba [⁽111b⁾]na la gnas bcas shing:_zhes gsungs pa ltar nam mkhar gnas pa'i gnyan gyi rigs:_sa la dbang byed sa bdag sogs:_gnam sa bar snang thams cad klu gnyan sa bdag gsum gyi ma khyab pa med pas 'di nyid las/_mdor na snod kyi 'jig rten [⁽111b⁾]na:_khyod dang ma 'brel gang yang med:_sogs gsungs la/_mal gro'i klu 'dul phyir gu ru rin po che'i klu 'dul gyi ting nge 'dzin la bzhugs pas klu bcun pa'i tshe/_klu yis chos rgyal khri srong bskul te bsam yas brtsigs pa'i sdong grogs byed par khas blang bas gu ru rin po che'i dgongs pa klod pa mnga' bdag gis gsol ba btab pas gu ru rin po che'i khyung gi skur bzhengs pa'i sprul pa bsdus te klu'i lus ngag dam la thog kyang yid dam la ma thog pas dus mthar klu gdon gyis gnod pa mang bar gsungs pa ltar sde brgyad las gdul dka' shos klu rgyud yin te gzugs mdzes pa'i lus la chags sems kyi zhugs nas klus mi gtong ba dang*/_klu gdol pa'i rigs rta gdong gi lcags ri la gnas pa rnams khyung phal pas zos pas zhe sdang gi snying la me 'bar nas khyung gi lus bsregs/_snying lcags gong me 'bar bar lta bur gyur te rgya mtsho'i bye ma'i nang zhe sdang gis rgyugs pas lcags ri'i nags kyang me 'bar bar gsungs pa dang*/_klu gdol pa'i rigs dang 'gras pas skye ba bdun gyi bar du gnod pa bskyal te mi btang ba phyag rdor dregs 'dul gyi rgyud las gsungs pa bzhin glen pa klu zhes zhe gnag pa'i rgyal por grags so/__/de'i phyir 'di ni log 'dren 'dul ba'i lha sngags kyi mchog tu grub cing gtso bo'i gdul bya la bsam nas de ltar bshad kyi/_rgyal bsen dam sri gzhan gyi gnyen po stobs kyi lha phul du byung ba yin te/_gnod byed sde brgyad thal bar brlag:_ces dang*/_rdzas phur gyi gter 'byung du/_chos 'di byin rlabs shin tu myur bas dam sri'i bar chad bzlog_/tshe 'phrang bsal/_zhes pa'i chos 'byung thad/_dam sri ras gos can gyi [⁽111b⁾]na mkhyen gyi sku tshe la bar chad rtsom par chas pa dgongs pas gzir bas glag lta ma nus pas zil gyis mnan pa'i de ma thag_/gu ru'i zhal bstan nas lha sngags 'di dgongs klong las brdol te gtan la phab nas las can rnams la spel ba'i lo rgyus bzhin rang re rjes 'jug rnams la tshe chos kyi bar chad sel zhing dngos grub thob par mtshon nus shing*/_lhag par slob dpon rgyud kyi lha srung zer ba'i dpe ltar [⁽111b⁾]na mkhyen bla ma nyid kyi sku tshe'i gegs 'phrang bsal ba'i rten 'brel gyis rang cag chos brgyud 'dzin pa rnams la shin tu shis pa'i zab chos khyad par can no/__/de yang bod kyi lha 'dre 'dul ba'i phyir gu ru nyid rdo rje gro lod kyi skur bzhengs nas dbang du bsdus shing dam la btags nas phyi ma'i don du de nyid kyi lha sngags kyi sgrub thabs mang po gter du sbas pas dam sri 'byung po 'dul ba la sgos su bsngags pa rdo rje gro lod yin la/_'di yang rdo rje gro lod kyi bye brag yin par 'jigs byed rdo rje gro bo lod:_ces so/__/gro lod ces pa legs sbyar la kro d+ha lo kot+ta ra zhes pa zur chag ste/_sgra bsgyur na/_khro bo 'jig rten mchog zer ba yin gsung don du khro bo [⁽111b⁾]na gyi spyi rje lha srin sde brgyad thams cad 'dul ba'i gnyen po zla med mchog tu mtshon pa'i mtshan 'jig rten 'das ma 'das thams cad kyi khro bo'i tshogs rjer byon cing 'grub sla byin rlabs tshan che bas 'chol ba'i khro rgyal zhes grags pa'o/__/'dir sku gur drag_/gsung rta mgrin/_thugs mkha' lding ltar bskyed pa bstod pa'i gzhung du gsal te/_sku gsung thugs bsam gyi mi khyab pa'i dbu gsum ldan pa/_zhes gsang snying las gsungs pas phyogs 'dra zhing zhes pa ni/_rig 'dzin bla ma ni gdul bya mchog dman mtha' dag la snang bas phrin las phyogs rer ma gyur cing*/_bla ma'i gzugs sku'i rnam pas sangs rgyas kyi mdzad pa sgrub nus pa de nyid drag po'i skur bzhengs kyang don dam mkha' khyab ye shes rdo rje'i sku yin phyir sku rdzu 'phrul chen pos 'dul ba yin la/_gsung rdo rje'i mkha' khyab pad+ma drag po rta mgrin gyi rta skad theng gsum bgrogs pas zab rgyas kyi chos sgo thams cad mtshon pa lha 'di'i gsung*/_thugs gsang bdag gis ye shes sprul pa khyung yin zhing de'i srid rtsa gti mug gi klu srin 'dul byed pho nya yin phyir mkhyen brtse'i dgongs pa myur ba mtshon pa'i thugs te rigs gsum gcig bsdus su bsngags pas sangs rgyas [⁽111b⁾]na dang gsang gsum dbyer med du gsung ngam snyam/_gur drag ni lha sngags kyi dngos bstan lam gyi gtso bo yin pas rtsa ba'i lha/_gu ru'i sprul gzhi dang*/_gu ru drag dmar pad+ma'i rigs yin pas rta mgrin mtshon byed rta zhal gtsug na yod pa rigs bdag_/bka' brgyad skabs che mchog gi dbu gtsug tu khyung chen lding ba che btsan 'gran bral du mtshon pa bzhin bya khyung dbang drag gi phrin las kyis phyogs las rnam par rgyal ba'i rgyal mtshan gyi tshul du byas kyang rung ba 'dra/_yang na 'di pad+ma gsung gi sgrub bka' yin pas rta mgrin gsung rdo rje/_nam mkha' lding thugs kyi lha gnyis ni skabs 'di'i bsgrub bya'i lha ste/_sangs rgyas kyi gsang ba mthar thug ye shes chos kyi sku yin yang de ni sangs rgyas rang gi so so rang rig gi mkhyen pa'i ye shes kyi spyod yul du gyur pa nyid/_gzhan snang du gsang ba de mtshon cing ston byed ni brtse ba'i snying rje'i bdag nyid gsung rdo rje sgra tshig gi tshul du snang ba ste/_de gnyis rnam pa tsam las don la tha mi dad pa mkhyen brtse'i ye shes gcig gi bdag nyid yin pa'i phyir/_de'i rten sku ni shugs bstan du sgrub pa ste/_mdor na sku gsung thugs rnam pa thams cad pa'i bdag nyid sangs rgyas [⁽111b⁾]na gyi gsang ba mi zad rgyan gyi 'khor lo 'bras bu'i mthar thug tu mtshon pa gang*/_bdag cag gdul bya dman pa rnams la sangs rgyas kyi byin rlabs ster ba po bla ma kho na yin pa'i phyir de'i rnam pa ltar bsgrubs na 'grub thag nye zhing mos gus skye sla zhing*/_de yang drag po ltar bsgrubs na snyigs dus rgyal bsen dam sri'i bar chad 'dul ba'i gnyen po mchog tu che ba'i phyir gu ru ni bsgrub byed rig 'dzin gyi tshul du 'phrul ba ste des na bsgrub byed rta khyung nyid sgrub bya'i ngo bor son pas/_bsgrub bya nyid so so'i rnam par bzhengs pa yin pas don la sgrub bya sgrub byed tha mi dad pa ste/_bka' thang las/_sngon tshe snang ba mtha' yas 'od dpag med:_ri bo tA lar mgon po spyan ras gzigs:_d+ha na ko shar pad+ma 'byung gnas sku:_mtshon tshul tsam las gsum du snang gyur kyang:_don la dbyer med so sor tha mi dad:_ces gsungs pa'i phyir ro/__/rnam pa'i dbye bas bsgrub bya sgrub byed du mdzad pa'i dgos pa yang rig 'dzin gter bdag gling pa'i bla ma drag po'i lo rgyus las/_khyad par byin rlabs dngos grub myur 'dod na:_pad+ma nga bsgom mchod dang sus sgrub pa:_ji ltar yid bzhin nor bu rin chen la:_gsol btab dgos 'dod ngang gis 'byung ba bzhin:_rgyal ba rgya mtshos byin rlob bu bzhin skyong:_dam can mkha' 'gro dngos grub char ltar 'bebs:_snang srid dregs pas ci bcol las rnams sgrub:_phrin las lhun grub mtha' yas sems can sgrol:_de dag thams cad bdag nyid bsten las 'byung:_the tshom spongs la 'bad pas nyams su longs:_bslus na pad 'byung zhan no rje 'bangs rnams:_zhes gsungs pa'i rgyu mtshan/_bsgrub bya'i sku rta khyung la mkhyen brtse nus pa'i stobs kyis spra ba skam po la me'i nus pa yod pa chos nyid yin yang sgrub pa po'i sgrub byed kyi tshul bstan gu ru drag po me shel gyi nor bu lta bus mtshams ma sbyar na sreg byed kyi me dngos su mi 'byung*/_de gnyis mnyam par sbyar nas byin rlabs mi 'byung ba'i rang dbang med pa'i rgyu rkyen rten 'brel thams cad tshogs pas sgrub pa'i drag sgrub 'di nyid spra ba me shel la bcug nas me thabs mkhas kyi sgrub pas dka' ngal gyis yun ring du 'bad rtsol ches mi dgos par yud tsam nas me 'byung ba bgegs kyi spra ba skam po sbyong ba la ches rno ba yin no/__/de skad du yang lam zab las/_nyi ma'i 'od zer rab tsha yang*/_/me shel med par me mi 'byung*/_/de bzhin sangs rgyas byin rlabs kyang*/_/bla ma med par 'byung mi srid/_/ces gsungs so/__/bsgrub bya sgrub byed kyi bshad tshul 'di rig 'dzin rtsa rgyud thod pa'i dum bu la brten no zhes gsungs pa yang rgyud de nyid las/_ston byed gtso dang sdud byed 'khor:_bsgrub bya'i chos dang sgrub byed [⁽111b⁾]na:_rang las logs su ma yin te:_zhes gsungs pas na bsgrub gzhi ye shes kyi lha rta mgrin/_las kyi lha khyung gur drag sogs sde brgyad 'dul byed rnams stobs nus che ba'i bshad tshul gyi rnam grangs yin pa'i phyir/_don gnad snying po rigs [⁽111b⁾]na gyi khyab bdag gi bla ma drag po rta khyung 'bar ba zhes mtshan gyis bstan pa ltar gu ru nyid bsgrub bya'i gtso bo yin pa ni bshad ci dgos pas mdor na me long gcig tu gzugs brnyan du ma shar ba bzhin lha thams cad gu ru'i ye shes kyi rol bar thag bcad de de nyid la [⁽111b⁾]na 'dus nor bu'i lugs su shes pas blo gtad bya ba ni gnad kyi snying po yin no/__/dum bu dang po lo rgyus kyi skor tsho'o/__/sgrub thabs kyi thog mtha'i las gzhung da lta [⁽111b⁾]na gyi kha rgyug 'di/_/chos 'di'i bka' bab tu [⁽111b⁾]na mkhyen 'jigs gling dang*/_/rdo grub chen 'jigs med phrin las 'od zer yab sras kyis ched du bsngags shing*/_/mkhyen rtogs bsam gyi mi khyab pa'i bdag nyid kyi skyes bu rgya rong nam mkha' tshe dbang mchog grub kyis mdzad pa khyad 'phags yin mod kyi gter gzhung gi tshig zin dngos rig 'dus kyi dkyus bzhin byed pa nyid yin te/_zhi khro ngan song sbyong ba'i tshogs mchod dus/_bzhengs shig rig 'dzin 'dus pa'i lha:_sogs la 'don pa bsgyur mi dgos pa rgyu mtshan dang bcas te [⁽111b⁾]na mkhyen nyid kyis skyabs 'gro sems bskyed kyis mtshon tshig phrad rig 'dzin zhes pa/_zhi khro zhes bsgyur ba'ang rtog brtags go ba chung ba rnams la dgongs pa ste/_dngos don lhongs pa'i blo chen la lhun grub rig 'dzin sangs rgyas nyag gcig yin pas/_de las gzhan pa'i rgyal ba zhi khro med pa'i phyir tshig bsgyur yang mi dgos so/__/zhes gsungs pa ltar rig 'dzin zhes pa gar byung du rta khyung zhes bsgyur ba sogs dgos pa ma go_/zhes gsungs pa [⁽111b⁾]na mkhyen gyi lugs 'di'i rtsa gsum thams cad ngo bo bla ma rig 'dzin gyi sgrub pa'i dgongs don blo chen skal pa rab kyi spyod yul dang rgya rong rin po ches dang po'i las can gyi mos ngor 'char bde ba la gtso bor gsungs pas don la 'gal 'dur mi gnas snyam mo/__/bsnyen pa mtshams bcad dam du bya:_zhes pa ni lus mtshams bcad/_ngag smra bcad/_sems gzhan du ma yengs ba rnams gal che ba bsnyen pa'i gnad byang gi mchan las/_mtshams ji tsam ring ngag smra bcad dam pas dmigs pa sems ma yengs pa kho na gtso che zhing gsungs pa ltar ro/__/mtshams bcad pa bar chad mi 'jug pa'i phyir yin pas srung 'khor gyi dmigs pa gnad gal che ba'i phyir/_gdon khrol las/_rdo rje srung ba'i gur gyis dkrigs:_zhes dang las gzhung gi mtshams gcod ltar rig 'dzin gyi bsnyen yig las srung 'khor gyi gtso bor rang sems skye 'gag med pa'i mtshams bcad la bgegs bden med du shes par bya/_de tsam blos ma nus na sna tshogs rdo rje'i gur lcags rmog kha sbub pa lta bu bsgom/[ ⁽111b⁾]na rdzob kyi srung gur dang de'i tshig don la ji ltar rton na rnam rtog ni glo bur ba'i bgegs yin la/_chos nyid kyi don gdod nas rdo rje'i khams su 'gyur ba med pa'i don rtogs so/__/don dam srung 'khor zhes gsungs pa [⁽111b⁾]na rdzob dang don dam pa'i srung ba rgyun du gces/_spyir rig 'dzin thugs sgrub dpal chen 'dus pa mchog sgrub kyi lha dang*/_rta khyung 'di thun mong gi las sgrub kyi lha'i bye brag gi dgongs pa ltar snang yang*/_hrIH_rnam thar gsum ldan stong pa nyid sogs ltar sgrub thabs 'di la 'chi srid chos skur sbyong byed de ting*/_ma rtogs 'khrul pa sogs kyis bar do longs sku'i sbyong byed [⁽111b⁾]na snang*/_nam mkhas gar khyab sogs skye ba sprul skur sbyong byed phyag rgya gcig pa rgyu yi thugs srog hrIH_rags pa snod bcud lha bskyed kyi rig 'dzin te mchog sgrub kyi gnad che ba rnams dngos bstan du tshang bas rdzogs rim gyi smin byed du 'gro ba'ang byar yod pas sgrub tshul gyi zab gnad la mkhas na mchog dngos la sbyor nus/_snod bcud ma dag snang ba'i gnyen po lha sku'i rnam pa gsal ba las byang du gsal ba ltar dang*/_zhen pa'i gnyen po dag dran ni/_thugs rjes sems can la chags pas sku mdog dmar po/_thig le nyag gcig gi rang bzhin rtsa ba'i zhal gcig_/gong smos ltar dbang drag gi las gnyis mdzad pas rta khyung gi zhal gnyis byung ba/_dus gsum gzigs pas spyan gsum skye shi rtsad gcod mche ba gtsigs pa/_snang srid zil gyis gnon pas gsang gos dang phod tshon/_pha rol phyin drug rdzogs pas rus rgyan/_rdo rje'i nga rgyal gyis dpa' bas stag sham/_sems byung lnga bcu srog bral du gyur pas mgo phreng mnab pa/_'dir gsang phod kyi steng na stag sham rus rgyan sogs gsol ba mdzes 'dra/_bris cha rnying pa 'gar ni gsang phod kyi nang du rus rgyan mnab pa byas snang*/_ye shes lnga'i thod skam gyis dbu brgyan pa/_rnam par mi rtog pa'i ye shes kyi ral pa gyen du brdzes pa/_'khrul snang gi brag ri 'joms pas phyag mtshan rdo rje gur drag kha cig la phyag mtshan gser rdor byed kyang*/_'dir gnam lcags kyi rdo rje rdo grub dbang gzhung du 'byung zhing*/_rwa dgu pa yang des bshad de/_rwa gdengs me 'bar bya'o/__/phrin las thogs pa med pa'i brdar g.yon me khyung*/_de'ang sdigs mdzub phyir bstan gyi me khyung phra thabs su 'gyed pa ni zin bris rnying pa zhig tu bshad/_snang stong gi mtha' gnon pas zhabs gnyis g.yon brkyang gis bgrad pa rnam rtog gi mtshon cha las rgyal bas khyung gi go cha 'di rta mgrin gsang sgrub ltar mgrin pa nas long bu'i bar byas na bde/_bzod par dka' ba'i ye shes kyi snang ba rnon po spro bas/_stobs kyi 'od zer me ru 'bar:_zhes pa ltar/_me phung gi klong na brjid pa/_lung 'dis rdo rje me'i ting nge 'dzin gyi rang gi sgo gsum la nus pa bskyed tshul shes gsungs pa lha yi sku gsung thugs kyi ye shes rnam pa me zer rnon po'i tshul du 'phro zhing 'bar bas me yi nus pas ji tsam 'bar bzhin tshims pa med pa bud shing thams cad bsregs pa bzhin ye shes kyi mes mtshan rtog thams cad bsregs bzhin ye shes kyi snang ba shugs cher song ste rgyu sgo gsum tha mal gyi zhen rtog_/'bras bu nad gdon sgrib pa'i tshogs bsregs/_sku gsung thugs rdo rje'i bdag nyid ye shes 'bar ba me yi gzi 'od 'bar zhing 'khrugs pa'i bdag nyid du sgom pa yin nam snyam/_rig pa ye shes kyi khro bos gti mug las gyur ba'i rten 'brel yan lag rnams gnon ba'i go skabs brtsams pas sbrul gdan la 'gying ba'i sbrul rnams kyi mjug ma nang dang*/_mgo bo phyir bstan du bsnol ba'i mgo rnams zhabs kyis brdzis pa yig rnying zhig tu snang ba bde bar mngon yang*/_rdo grub dbang chog las mgo bo nang du bsnol bar bshad pas dpyad/_'khor ba'i skyon gyis ma gos thabs shes 'brel:_zhes pas pad+ma nyi zla'i gdan no/__/tshogs brgyad las gyur ma rig gdon:_klu chen brgyad po zhes pa phyogs mtshams su 'god gsungs/_sku mdog sogs klu chog spyi'i skabs dang 'dra 'am snyam pas/_thams cad kyang snang ba yul can thabs/_yul stong nyid shes rab/_de gnyis dbyer med lha yab yum sbyor ba'i don gyi gnad rtogs na yul dbang shes gsum 'dus ste reg pas las bsags mi nus pas gti mug 'khrul pa'i 'jigs pa las skyob pa'i brdar klu thams cad thal sbyar can du bshad do/__/de'ang [⁽111b⁾]na gzhi'i rmongs cha las mched pa'i glo bur tshogs brgyad kyi rlung sems mtha' dag zang thal rig pa'i khro bo'i bka' 'bangs sam gzhan dbang gyur pa'i brda rtags so/__/gnas gsum byin rlabs kyi lha rnams rigs dang sku mdog gi dbye bas khyad med pa 'dra'ang brtag gsung pa ma go_/'jam dpal gyi spyi bor oM/_pad+ma'i mgrin par AH_yang dag gi thugs kar hU~M gsum ni rnam dag sku gsung thugs rdo rje gsum gyi sa bon yin kyang*/_ngo bo thams cad gsung yi ge'i gzugs su bsgom pa gsung chos kyi phyag rgya/_ye shes kyi phyag rgya rnga yab gling sogs sku gsum gyi zhing na bzhugs pa'i ye shes sems dpa'/_las rgya lcags kyu sogs tshad med bzhi'i phyag rgya'i rnam pa can gyi 'od zer gyis ye shes pa'i thugs rgyud bskul nas sku dam rgya dam tshig pa la gnyis med du bstim pas phyag rgya zhes pa rgyas btab pa las mi 'da' ba'i don yin pas gdod nas dam ye gnyis med kyi gnas lugs gsal 'debs phyir phyag rgya bzhi dang dam ye dbyer med du bsres te bstim pa'o/__/mchod pa'i tshig rkang dang po'i/_dbang po drug la nyer spyod rdzas:_zhes yid du 'ong ba'i gzugs/_snyan 'jebs kyi sgra/_zhim po'i dri/_mngar po'i zas/_'jam po'i reg bya phyi lha rdzas kyi 'dod yon/_sgo lnga'i rnam shes kyi rten dbang po'i me tog_/tshil chen gyi rgyu ma dang sha/_de'i snyigs bad mkhris gyur pas tshil gsur gyi spos/_rkang zhun gyi 'bras bu zhu ba las lus kyi bkrag mdangs 'byung bas zhun gyi mar me/_sha khrag tu smin pas phung khams gso ba'i phyir sha khrag gi zhal zas te drag po'i 'dod yon/_snang stong gi gzugs/_gzhom med nA da'i sgra/_'pho med tshul khrims kyi dri/_dga' ba bzhi'i ro/_'bar 'dzag gtum mo'i reg bya chos dbyings bde ba chen po'i ye shes 'dren pa gsang ba'i 'dod yon drug dang*/_gnyis pa yul dang yul can mnyam par rol:_de rnams bde ba'i rol par rtog pa bstan zhing*/_sbyor sgrol tshogs kyi 'khor los mchod:_gsum pa rtsa brgyad stong sbyar gyi sman bza' bca' btung ba'i dam rdzas la 'dod yon gyi zer 'phro ba'i gter ram/_khams gsum gyi zhen rtog dbyings su bsgral ba'i rgyud drug rnam dag gi rak+ta/_bzhi pa'i don la bde chen rig ma'i 'dod yon spros nas yab yum rjes chags kyis lta ba gzugs/_sbyor ba ha sid kyi sgra/_bde bas tshims pa'i dri/_zhu bde myong ba'i ro/_mkha' gsang nang dkar dmar reg pas snyom 'jug gi phyi nang gi chos [⁽111b⁾]na bde stong du shar ba'i gsang ba'i tshogs kyis mchod pa 'bul ba yang yod par mngon pas de'i dus su bde bas thabs byas pa'i lhan skyes kyi de kho nyid la blo bzhag pas 'khor 'das kyi 'dzin rtog gi bdud dgra sgrol ba'i mchod pa'ang yin zhing*/_de nyid dag pa'i snod bcud du shar ba'i nga rgyal skyong ba ni bskyed rim gyi lam gnad zab pa zhig ste/_las sgrub pa la'ang 'di yod na rnam khyad che'o/_/bstod pa'i don sku phyag rgya'i rgyan chas kyis mdzes pas sgeg pa/_drag shul gyi stobs dang ldan pas dpa' ba/_khro gnyer gyis 'jigs su rung bas mi sdug pa'i nyams can gtum drag dmar nag bla ma drag po'i sku/_bde chen gyi chags shing dgyes pa'i ha ha'i sgras dgod pa hi hi'i rta skad thos pa tsam gyis dregs pa can 'dar zhing zhum pas gshe ba/_he hin ho hi sogs kyi sgra sgrogs pas ma mo mkha' 'gro dbang du sdud cing bran du bkol ba'i dpal gyi rta skad kyi gsung dang ldan pa'i dpal rta mgrin yin pa dang*/_gdul dka' gti mug gi sems can rjes su 'dzin pa'i snying rje/_zhi drag gi las ci yang sgrub pas rngams pa ltar ston kyang don la srid zhi'i mtha' las 'das pa'i chos nyid zhi ba'i dbyings su thim pa don dam ye shes kyi khyung gi thugs mtshon pa ste/_de gsum kas bla ma drag po'i zhe sdang*/_rta mgrin gyis 'dod chags/_khyung gis gti mug gi log 'dren 'dul ba'i gnyen po'i skur bzhengs pa la bstod pa'o/__/dum bu gnyis pa lha bskyed la sogs pa'i skor ro/__/thugs ka'i sngags phreng zhal nang bstan du dbang chog rdo rje pha lam las ni zhal ni dang po gang nas klog pa'i phyogs la bstan pa de min gyi leb ngos ma yin no/__/bsnyen yig tu sngags 'khor gyi gzugs sgra la dmigs pa gtso bor gsungs te/_de dag la sems ji tsam goms pa de tsam du sngags kyi byin rlabs rlung sems la zhugs nas bzlas brjod kyi nus pa skye bas thog mar de la bslab dgos te/_sngags 'khor dang lha la gsal snang sbyong na rdzing gi phu chu bskyil ba lta bu zhes rdzing gcig tu chu chud zos ma song bar bsags na myur du kheng ba ltar lha sngags la gsal snang gi zhi gnas bsgrubs te sems gzhan du mi 'gro bar rtse gcig tu gnas pas dngos grub kyi mtshan ma myur du thob pa dang 'od zer spro bsdu la sgrub pa rdzing chu yur bar 'dren pa lta bu zhes rdzing chu'i khong nas zhing sar bkram pa sogs las byed dgos pa ltar ting 'dzin snga ma'i gsal snang brtan pa me shugs drag 'bar ba la bzlas brjod rlung lta bus bskul nas dngos grub bza' btung lta bu g.yo bkol gyis brtsam dgos pas na 'od zer spro bsdus don gnyis sgrub par bar chad 'dul ba sogs ting nge 'dzin kho nas sgrub nus pa'i gting thob pa dang*/_snga ma lha sngags kyi gsal snang brtan po ma thob par phyi ma spro bsdu sogs byas kyang rdzing na med pa yur bar chu 'dren pas rdzing gi chu bskam zhing lo thog sogs la phan pa med pa ltar ting 'dzin dang po yid yul du mi 'char ba dang dngos grub rgyud la 'dren mi nus par 'gyur ba'i phyir lha sku'i phyag rgya la gsal snang brtan pos ting 'dzin gyi gzhi sgrub pa gal che/_khyad par da lta bdag cag rnams la lha nyid sngags kyi gzugs su bstan pas bzla bya'i sngags nyid dbyings rig gnyis med bla ma drag po rta khyung 'bar ba'i ye shes nyid rnam pa sngags su bzhengs pa/_bzlas pa tsam gyi byin rlabs dang dngos grub dbang med du rgyud la 'dren nus pa'i ye shes srog gi snying po/_bla ma drag po dngos dang rnam dbyer med pa'i mthu stobs nus pa'i bdag nyid can du nges shes bskyed la bzlas pas/_rang rgyud kyi las nyon sgrib pa'i tshogs bzlas pa tsam gyis shing skam la me mched pa ltar yud tsam gyis sbyangs te/_sngags 'di lha yi gzugs su gnas gyur nas zhal bstan pa/_byin gyis rlabs pa'i rtags mtshan 'byung bas na lha sngags gnyis rgyud tha dad du mi bzung bar ngo bo dbyer med dang*/_de gnyis rang rig gnyug ma'i chos nyid dang tha dad bzang ngan med par gdod nas 'du 'bral med par bzhugs pas logs su tshol mi dgos par shes pa rab myong thog tu bzhag pa dang*/_de tsam ma byung kyang don de la mos pa brtan po bskyed de sems bzo med kyi rang ngo blta ba ni dgongs pa mi 'gyur ba'i gzer zhes shin tu gnad che/_man ngag 'di dang ldan na bsgrub bya dur khrod kyi 'dre ngan lcags khams lta bu bsgrubs kyang dgongs pa chos nyid kyi ting 'dzin gser 'gyur gyi rtsi lta bus theb pas mchog gi dngos grub rin po che'i khams mi 'byung ba'i thabs med pa yin pa yang yang gsungs so/__/des na zang thal rig pa'i ye shes kyi snang cha lhar 'char/_sku gsum 'bras bu'i yon tan ngo bo'i gshis klong du gdod nas rdzogs pa'i yin lugs tshur mthong gi gdul bya'i don du lha sku zhal phyag gi rnam pa thabs mkhas kyi mdzad pa shar ba de'i rang bzhin las snod bcud rgyud gsum ma 'das par shes pa'i gnas lugs la blo bzhag nus na dag rdzogs smin gsum gyi gnad gcig tu rdzogs pa'i zab tig thun mong ma yin pa'o/__/de nas 'od zer spro bsdus sangs rgyas kyi mdzad pa spyir rtsal sbyangs ba dang*/_sgos mdzad klu 'dul gyi dgongs pa la bslab pa gnyis las/_dang po ni/_sngags 'khor las 'od zer 'phros pas phyogs bcu'i rgyal ba sras bcas dang*/_khyad par zangs mdog dpal rir gu ru rin po che'i rig 'dzin DA ki'i tshogs dang bcas pa bzhugs pa'i thugs rgyud bskul sku gsung thugs kyi byin rlabs dngos grub 'od zer gyi rnam par bsdus nas bdag don ye shes 'bebs pa dang*/_yang 'phros sems can thams cad la phog pas de rnams kyi gzung 'dzin 'khrul pa'i zug rngu mtha' dag bsal/_snod bcud thams cad rig 'dzin drag po'i dkyil 'khor du sbyang bar bsams nas gzhan don phrin las kyi rten 'brel bsgrigs pa ste/_bsnyen pa'i gnad byang las/_'od zer spro bsdus don gnyis bya:_zhes rtsa thor yod pas chad du mi rung*/_klu gdon sogs kyi sdug bsngal dang gnod sems zhi ba'i dmigs pa 'bur dod byed na phyi ma gzhan don phrin las kyi dmigs pa 'di'i khongs su bcug pas 'grub/_gnyis pa ni/_sngags kyi 'od zer me stag lta bu dang*/_sku'i cha thams cad nas khyung gi tshogs 'phros pa'i 'od kyis gnod byed thams cad rdzas la me mched ltar tshig par bsam pa gter gzhung mchan bur gsungs te/_'di'i don sngags las 'bar ba'i 'od zer dang khyung gi tshwa tshwa 'phros pas lus kyi nang thams cad gang*/_nad gdon sdig sgrib thams cad lhag med du sbyangs te/_ba spu'i sgo nas phyir 'phros/_log 'dren rnams kyi lus bud shing bzhin bsregs par bsam zhes zin bris rnying par 'byung ba me dmigs kyis dang por lus gdon/_de nas gnas gdon/_mthar stong gsum gyi bar gyi bgegs sbyang ba'i me dmigs skor gsum gter kha gzhan du yang 'byung bas legs khyad yod kyang*/_mchan bu'i sku'i cha thams cad las/_zhes pa las gzhung gi ba spu'i bu ga thams cad kyang:_khyung gi tshwa tshas gtams shing 'phro:_zhes pa ltar dmigs pa bya rgyu mngon pas/_zin bris rnying pa dang gzhung gnyis mi mthun pas dogs pa phra'u yod gsungs sam snyam/_'di'i steng zhal/_go cha/_phyag mtshan bcas bya khyung gis mdzad cing*/_lhag par sgos mdzad gtso bo des bsgrubs pas khyung gi dmigs pa rtsal 'don par snang ste 'jig rten sman sngags kyis sbyong rgyur sogs la mi ltos par klu'i dug ljon za nus pa'i mchog nam mkha' lding yin pas de dang sgo bstun pa ste/_rta mgrin khams gsum rol ba'i gtor zlog tu/_bya khyung 'bar bas klu gnyan rgum bur thu:_zhes so/_/khyung gi kha dog la g.yon pa'i phyag mtshan thad me khyung dmar po zhes bsnyen yig tu gsungs pa gdon 'grol las/_bya khyung nag po'i khra thabs gtong:_zhes 'byung ba rgya rong rin po ches/_sreg byed khro chung zhun ma'i lus can/_zhes gsungs pa ltar mthing dmar lcags sreg gi mdog lta bur byas na 'grigs par mngon/_slar yang dbu gtsug rta zhal gyi 'tsher skad drag po byung bas srid pa gsum gyi 'byung po'i gnas thams cad shig shig yom yom byed cing*/_phyogs skyong bcu sde dang bcas pa'i lus sems cher g.yo snying rtsa sgul/_dpa' zil chag_/dran pa myos/_bya spu rlung khyer ltar rang dbang brtan pa dang bral te/_dbang gi 'od dmar lcags kyus zhabs 'og tu ba[⁽111b⁾]ga nas 'gul mi nus par bsam la gzir/_de'ang gnod byed dngos bya khyung gis bsad bsregs byed cing*/_de dag gi gab khung lta bu'i bsdong zla dang rgyab brten phyogs skyong khong gtogs rnams rta mgrin gyis dbang du sdud pa'i dbang drag sbrags ma yin nam snyam/_'di ltar na rnam snang mngon byang 'grel par khro gnyer can gyi rgyab tu mthu chen thob 'god pa ni dpung bya ba'i phyir ro/__/zhes pa'i rigs pa ltar/_klu 'dul gyi las byed dngos bya khyung dang*/_de'i dpung grogs rta mgrin/_gur drag gnyis kyi rtsa ba'i lhar byed dam dpyad/_gdon 'grol dus/_bzlas pa'i tshe khyung dmigs mi byed par rta skad kyis 'jig rten g.yo zhing bsgul bas/_'od zer gyis klu gdon zhabs 'og tu drangs te zil gyi gnon pa tsam byed pa dbu'i yig chung gi don du mngon pas dkyus dang mi 'dra yang*/_de ni zhi bas brngan dang drag pos gzir:_zhes sogs ltar klu gso ba dang*/_'khon gcugs sbyong ba'i las rim dang 'brel bas dang po nas mnan bsreg mi byed pa yin pa bsam ste/_spyir btang dmigs bsal lta bu'i khyad do/__/rgyal bsen lta bu sgos su 'dul na/_khyung gi tshwa tshwas log 'dren bsregs:_zhes pa'i log 'dren gyi mtshan gzhir rgyal bsen bzhag pas chog ste sri keg dang*/_thel 'gong*/_rbad 'dre sogs gzhan la'ang des 'gres sbyor zhing steng gdon 'dul ba'i dmigs pa bsnyen yig gi mchan du blta'o/__/bgegs rnams bsad gzir byas te sa gsum las rnam par rgyal ba'i nga rgyal yun ring du bzung ba'i mthar gnod bya la gnod byed gnyen por snang ba'i spros pa thams cad rmi lam gnyid kyi klong du rang grol ba bzhin gdod nas rnam dag rig pa'i ngang du bsres te/_de'i ngang la mnyam par bzhag cing*/_de nyid kyi rang mdangs rig 'dzin bla ma drag po'i dkyil 'khor du lam me ba'i rgyun skyong ba ni lhun grub rig 'dzin dgongs pas dmar 'byin byed tshul yin te las gzhung gi snod bcud sbyang ba sogs na bsnyen yig las/_gdon kyang rang sems 'khrul ba'i rtsal:_sogs rtsa 'grel du sbyar ba'i lugs so/__/de ltar nad gdon sogs ma dag pa'i dngos snang dngos 'dzin thams cad chos dbyings zhi ba chen po'i klong du na bun yal ba ltar dengs bas ka dag gi rig pa gcer bu song ba nyid hur phyung ste sgom pa ni gnas lugs don gyi [⁽111b⁾]na bzang pad+ma 'byung gnas zhal blta tshul dang*/_rta skad theng gcig gi dgongs pas/_rdo rje nam mkha' lding gi nges don mthar thug pa yin zhing*/_bar chad kyis nam yang gzhom du med pa chos nyid kyi lta ba'i btsan rdzong 'dzin tshul zab pa'ang yin no/__/bzlas sngags kyi don ni/_oM AHhU~M ni rdo rje gsum gyi sa bon gyi thog drangs te badz+ra ni mtshan rtog gi spros pas mi phyed pa'i chos sku snang mtha' dang*/_ma hA ni kha sbyor yan lag bdun dang ldan pa'i bde chen gyi yon tan dang ldan pa longs sku thugs rje chen po/_gu ru ni de nyid gdul bya thun mong thun min [⁽111b⁾]na phyogs su ma lhung ba'i phrin las kyi 'dul ba'i sprul sku'i tshul du byon pa pad+ma 'byung gnas/_artsig ni shin tu khro ba/_nirtsig ni rab tu khros pa zhes dgongs 'dus rnam bshad las gsungs pas chos nyid kyi rang ngo spang bya dang lhan cig gzod nas mi gnas pa chos sku ngang gis khros pa la shin tu khros pa/_stong cha shes rab kyi rtsal khro bo'i rnam par bstan pas gdug pa can 'dul phyir thugs rje'i shugs kyis khros pa/_longs sku rang snang gi gtso bo spyir sems can thams cad bye brag gi gdul bya bdud dang ru tra sogs 'dul phyir thugs snying rje chen po'i gar dgus brjid pa'i khro bo ltar bcos pa sprul sku'i khro bo ste gzugs sku gnyis rnam pa dang*/_ngo bo gnyis ka khro bor bstan pas rab tu khros pa ste/_sku gsum dbyer med pa'i sku gsung thugs rta gur khyung gsum 'dril ba'i sngags dngos ni/_oM ni rigs kyi khyab bdag ye shes lnga ldan nyid gsung rdo rje pad+ma gar dbang*/_hrIH_rta mgrin de nyid drag po'i skur bstan pa/_hU~M de las cher khros shing 'chol ba'i phrin las myur rnon can gur drag_/khroM las kyi pho nya khyung ces pa la ngos bzung dgos te/_gdon khrol du yang yang 'byung*/_phaT khro rgyal gsum gyi nus stobs kyis mi mthun phyogs thams cad gtor shig ces dang lhag ma gu ru drag po'i sngags so/__/mdor na rig 'dzin spyi snying dang gur drag rta khyung gcig dril te/_rig 'dzin 'dus pa'i skabs su sgrub pa po'i rgyud lha sngags ye shes kyis byin gyis brlab pas dngos grub kyis snang rgyud du byed phyir badz+ra gu ru'i bsnyen pa/_dngos grub dngos su sgrub pa'i nus pa bskyed byed sgrub sngags rig 'dzin spyi snying*/_las sbyor ni bsnyen sgrub gnyis las sgrub pa'i rjes 'brel du sbyor chog pas 'dir las sgrub kyi lha yin pas sgrub sngags rig 'dzin spyi snying dang dmigs bsal rta gur khyung gsum phrin las kyi lha [⁽111b⁾]na 'dril du sbyar bas rig 'dzin spyi snying bsnyen pa/_rta gur khyung gsum sgrub pa/_phaT las sbyor te sngags 'di tsam ni bsnyen sgrub las gsum gcig dril du go rung ngo snyam/_de rnams la ting 'dzin rnam gsum dang dag dran sogs bskyed pa lha yi ting nge 'dzin gyi gzer/_sngags don dang lha sngags dbyer med du bshad pa sogs snying po sngags kyi gzer/_lha sngags thams cad chos nyid gcig gi rol par lam du khyer tshul rnams dgongs pa mi 'gyur ba'i gzer/_'od zer spro bsdu'i skor 'phro 'du phrin las kyi gzer yin tshul yang shes par bya ste sla'o/__/dum bu gsum pa dzapa dgongs kyi skor tsho'o/_/dus nam yang gu ru rin po che mkhyen snyam pa'i mos gus dung nge ba dang*/_rig 'dzin he ru ka'i zhing sku'i snang zhen mi 'bral ba srog ltar gces/_skabs ci rigs par 'di nyid kyi thugs dam bskul ba'i gsol 'debs grangs bsags byed na dbang gi gnad yig ltar tshig bdun gsol 'debs la byas shing*/_bsam pa myur 'grub kyang shin tu 'byor bas thun mtshams su yang dmigs pa rgyun mi gcod pa yang yang gsal snang bskyed de ting nge 'dzin kha gso ba la slob zhes mkhas grub gter ston chen po mnga' ris paN chen sku mched gnyis kyis gsungs te/_phyi gtsub shing gi me sgrub pa la ngal bso med par 'bad rtsol dgos pa bzhin du nang bsam gtan gyi me la'ang 'dra bas gnad che bar go_/nad gdon mar lta bur 'ga' zhig bzlas brjod kyi me mthu chung dang yun thung ngu zhig gis bzhu bar nus mod/_lcags lta bu 'ga' zhig bzhu ba la stobs ldan dang yun bsring ba dgos pas ngang thung mi bya/_gdon dang por slong rtags su na tsha sogs shugs che ru 'gro ba dang*/_nyams rmis rtsub pa dang*/_bar du chum rtags su gdon dpa' snying chag ste 'tshub snang zhi zhing gus 'dud sogs 'gyur ba/_tha ma thul rtags bka' nyan srog snying phul ba/_nad gdon las grol ba sogs so sor 'ong ba bshad pa'i rnam dbye 'byed dgos/_re dogs mang na bgegs 'jug cing gdon byings che na dang po thul rtags 'byung ba la mngon rloms zhugs na slar gnod tshab cher byed pa sogs rtags mtshan phyin ci log gi mgo skor 'ong ba yang bshad pas rtags bzang ngan ci byung yang re dogs dang dga' brod 'jigs zhum gang yang ma shor bar nam mkha' mdung bskor ltar bya/_nyams dang rnam rtog cher 'phro ba/_gong du drangs pa'i/_gdon kyang rang sems 'khrul pa'i rtsal:_sogs ltar gang shar rig pa'i rang rtsal dang*/_rang snang ye shes kyis 'khor lor rtsal sbyang bya zhing*/_thog brdzis kyi brtul zhugs kyang rgyags/_de tsam du ma zad/_dngos 'dzin gyi me ro skad cig kyang mi slong bar mnyam bzhag tu lha'i gsal snang dang rjes thob kyi spyod yul thams cad sgyu ma lta bu'i dpe bcu'i tshul ltar shes pa'i rnal 'byor gyis snang ba'i dngos zhen zil gyis gnon pa/_'og min bgrod par lam khyer shes pa bcu gsungs pa'i gnad don yin/_rig 'dzin bsnyen yig tu mtshams kyi [⁽111b⁾]na spyod gtor mchod phongs med du 'bul ba sbyin pa/_dam bca' ris su mi bor ba tshul khrims/_dka' spyad bre gzhog gi dbang du mi gtong ba bzod pa/_sos dal du skad cig kyang mi gtong ba brtson 'grus/_lha'i gsal snang gis tha mal gyis 'dzin rtog la mi g.yeng pa bsam gtan/_thams cad chos nyid kyi rol par shes pa shes rab ste phar phyin drug dang sbyar nas gsungs pa dang*/_gab byang las [⁽111b⁾]na bzang spyod pa lngas bsnyen sgrub kyi gnas dang yo byad lha sngags grogs dam tshig sogs rnam par dag dgos pa bstan cing*/_'og min bgrod par lha sngags dang sgrub thabs ster ba'i bla ma la mos gdung rgyun mi gcod pa dang*/_ting nge 'dzin gyi mthun rkyen sgrub pa/_mi mthun phyogs 'dor ba/_spyod lam [⁽111b⁾]na tu ting 'dzin mi gtong ba/_yi dam mi spong ba/_snod min la sgom spyod kyi gsang ba mi ston pa'i dam tshig drug gsungs pas mtshon bsnyen dus kyi spang blang ston pa'i skor rnams bshags sbyang gtong ba kha skong zhi ba'i sbyin sreg byed na ye shes me lce sbyor/_lha sngags las byung ba'i drod tshad rnyed pa la rtag 'grus kyi brtson 'grus gnyis po 'dzoms dgos pas bsnyen mtshams bsdam pa nges par dgos shing*/_phyis su'ang lha'i thugs rgyud 'khul ba dang*/_byin rlabs kyi rgyun gso zhing gong du 'phel ba sogs kyi ched du chags med kyi dam bca' bzung*/_der ma zad gdon thul rtags dang lha nye ba'i mtshan ma ci rigs mthong nas rang la bar chad kyis mi tshugs snyam pa yod de/_g.yul du mtshon chas mi choms pa la go cha yod pas mi chog_/lus la gyon pa dgos pa ltar bzlas bsgom mi g.yel ba gal che/_bsnyen pa rdzogs nas gsang rdzogs kyi rgyud las gsungs pa ltar 'od zer spro bsdus lde kha bsgyur tshul dang*/_sngags la spel tshig gang 'dod sbyar ba tsam gyis las sna tshogs shig 'grub la bskyed rim spring yig byed na phyogs bcu'i gdon tshogs la spring ba lha ma yin gyi gtor sbyar na 'thad do/__/lhag bsam dag pas de lta bu'i tshul gyis bstan 'gro'i don rgya cher spyod pa'am o rgyan rin po che mdzad phrin gyis 'phro bskyang bar 'gyur bas legs mod kyi skal ldan mchog ni tshe thung 'dir las sgrub kyi nang du mgo mi 'khor bar mthong ba'i chos la rig 'dzin gyi sa bgrod pa'am de ma byung yang phyi ma zangs mdog dpal rir thogs med du 'gro ba'i gsang lam dam par bzung nas dngos grub mchog gi 'byor ba rgyas par byed do/__/dum bu bzhi pa rjes spyod sogs kyi skor tsho'o/__/lar klong chen snga phyi'i chos 'di dag dgongs gter gyi rgyal po yin te/_snga ma gzhan du shes/_phyi ma chos kyi bab lugs kyi sgrom nas 'od gsal snying thig lam gnad kyi phyug pa'i gzer bu theb nges pa rtogs brjod chu zla'i nang bzhugs te blta shes na ya mtshan po yod/_gter kha so sor bka' bab kyi sgos khyad re yod pa las/[ ⁽111b⁾]na mkhyen phyi ma 'di rdzogs chen snying thig rig 'dzin bla ma'i sgrub skor gyi bka' babs su lung bstan bka' rgyas bstan pa ltar nyid kyis gsungs te/_'di'i thugs rje chen po dang*/_bka' brgyad seng gdong sogs bla ma'i gsang sgrub/_rig 'dzin thugs sgrub/_rig 'dzin yum bka'i gsang sgrub sogs zer ba de yin no/__/yang rje 'dis dgongs 'dus rnam bshad rtsom dus dbu gtsug nas rta skad 'tsher ba/_gu ru rin po che'i pad+ma dbang chen zhes mtshan btags pa/_mthe bong thugs srog h+ya yis mtshan:_zhes pa mkha' 'gros ngo sprad pa/_rta mgrin gyi rnal 'byor la brtson pa'i skabs su rang bzhin rdzogs pa chen po'i chos nyid kyi bden don gzigs par gsungs pa sogs kyi rgyu mtshan las rta mgrin grub pa'i dpa' bor shes so/__/klong snying 'dir gur drag mthing dmar gnyis gsungs pa'i drag mthing bla ma bka' brgyad du byas pa dang drag dmar rta khyung gnyis dang sbrag nas gsungs la/_bya sla khyer bde byin rlabs che:_zhes lta bu'i phyi ma ste/_pad+ma gsung la rtsal 'don na lhag par yang de zab bo/__/de ltar na rig 'dzin chos 'di'i dgongs gter gyi bla ma rig 'dzin rta mgrin dang sbrags pa'i sgrub gzhung zhig nyams su len rgyu byung na rno nus gzhan dang mi 'dra zhing*/_rta mgrin khams gsum rol pa sogs kyang rig 'dzin thugs sgrub kyi skor yin yang*/_/de ltar gu ru ni zhi drag gang gi ming 'dogs mi byed kyi/_khyad par bla ma drag po rta mgrin/_khyung thams cad gcig dril du de rnams rdzogs pa la rta khyung 'bar ba 'di rang phul du byung bar mthong ngo*/_/des na las gzhung dang gnad yig gnyis kar/_shin tu yang zab thugs kyi gter/_zhes gu ru nyid kyis zab par bsngags pas/_pha mes kyi rdo rje lag brgyud tsam ma yin par brgyud pa dang chos kyi rgyus la byang bar byas na dad pas khams sos par 'gyur ro/__/rje btsun bod 'bangs 'gro la lhag par brtse/_da dung bod 'dir gdul bya'i lhag ma mchis/_'di ltar spyan 'dren sbyor ba bshams nus na/_pad+ma'i 'dzum zhal myur du mjal bar nges/_rta khyung 'bar ba'i bsnyen tho rin po che sgron me zhes bya ba bya rgan tshogs pa'i nags rgan mar/_rdo rgan gyis bris pa/_sngags rgan mang pos brdung rgyu rnga rgan du gyur cig_/lcags phag khrums zlar byas pa/_spring yig byed na/_steng du phyag rtags 'og tu spring yig 'bri/_phyag rtags ni phyag mtshan gnyis pa'am/_bsdu na rdo rje rwa gdengs me 'bar gcig tu bya/_sgo gong ngam gnod pa'i phyogs su bstan no/__/zhes [⁽111b⁾]na mkhyen 'jigs med bstan pa'i nyi ma'i gsung gi brtsam gzhir song bas tshig sna bsdus ches te/_blo dman gyi go dka' phyir zhal gsal du spros zhes grub chen sku phreng bzhi pa 'jigs med [⁽111b⁾]na bzang thub bstan phrin las dpal bzang gi zhabs rim pa dad mos ldan pa dge slong sangs rgyas nas yang yang bskul ngor 'jigs med mkhyen brtse'i 'od zer gyis lho 'brug rgyal khab kyi bye brag rta bab bde chen rtser rang gi go tshod ci nus su gzu lum spang te dad mos kyis bris pa'i dge bas 'brel tshad slob dpon chen po sangs rgyas gnyis pas rjes su 'dzin pa'i rgyur gyur cig_/ye shes bya khyung rgan 'dus snga 'gyur gyi/_/sngags rgan bka' gter shing rta rdo rgan gsung*/_/sngags rgan mang brdung chos rgan lha'i rnga rgan/_/khams rgan gyis brdung phyogs las rnam rgyal shog/_//
}}
 
</onlyinclude>
</onlyinclude>
 
{{TsagliCall}}
</div>
<headertabs/>
== Footnotes ==
<references/>
==Other Information==
{{Footer}}
[[Category:DKR-KABUM-Volume-13-PA]]
[[Category:DKR-KABUM-Volume-13-PA]]
[[Category:Khyentse Lineage Project]]
[[Category:Khyentse Lineage Project]]

Latest revision as of 08:09, 1 June 2024

Previous Text Back to Volume PageNext Text
Wylie title rta khyung 'bar ba'i bsnyen tho rin chen sgron me DKR-KABUM-13-PA-022.pdf
Location dil mgo mkhyen brtse bka' 'bum
Volume 13, Text 22, Pages 324-344 (Folios 1a to 21b5)
Author དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön འཇིགས་མེད་གླིང་པ་ ('jigs med gling pa)
Citation Khyentse, Dilgo. Rta khyung 'bar ba'i bsnyen tho rin chen sgron me. In Skyabs rje dil mgo mkhyen brtse rin po che'i bka' 'bum, Vol. 13: 324-344. Delhi: Shechen Publications, 1994.
Genre Recitation Manual - bsnyen yig  ·  Records - tho
Cycle བླ་མ་དྲག་པོ་རྟ་ཁྱུང་འབར་བ་ (bla ma drag po rta khyung 'bar ba)
Parent Cycle ཀློང་ཆེན་སྙིང་གི་ཐིག་ལེ་ (klong chen snying gi thig le)
Colophon

།ཞེས་ཀུན་མཁྱེན་འཇིགས་མེད་བསྟན་པའི་ཉི་མའི་གསུང་གི་བརྩམ་གཞིར་སོང་བས་ཚིག་སྣ་བསྡུས་ཆེས་ཏེ། བློ་དམན་གྱི་གོ་དཀའ་ཕྱིར་ཞལ་གསལ་དུ་སྤྲོས་ཞེས་གྲུབ་ཆེན་སྐུ་ཕྲེང་བཞི་པ་འཇིགས་མེད་ཀུན་བཟང་ཐུབ་བསྟན་ཕྲིན་ལས་དཔལ་བཟང་གི་ཞབས་རིམ་པ་དད་མོས་ལྡན་པ་དགེ་སློང་སངས་རྒྱས་ནས་ཡང་ཡང་བསྐུལ་ངོར་འཇིགས་མེད་མཁྱེན་བརྩེའི་འོད་ཟེར་གྱིས་ལྷོ་འབྲུག་རྒྱལ་ཁབ་ཀྱི་བྱེ་བྲག་རྟ་བབ་བདེ་ཆེན་རྩེར་རང་གི་གོ་ཚོད་ཅི་ནུས་སུ་གཟུ་ལུམ་སྤང་ཏེ་དད་མོས་ཀྱིས་བྲིས་པའི་དགེ་བས་འབྲེལ་ཚད་སློབ་དཔོན་ཆེན་པོ་སངས་རྒྱས་གཉིས་པས་རྗེས་སུ་འཛིན་པའི་རྒྱུར་གྱུར་ཅིག །ཡེ་ཤེས་བྱ་ཁྱུང་རྒན་འདུས་སྔ་འགྱུར་གྱི། །སྔགས་རྒན་བཀའ་གཏེར་ཤིང་རྟ་རྡོ་རྒན་གསུང༌། །སྔགས་རྒན་མང་བརྡུང་ཆོས་རྒན་ལྷའི་རྔ་རྒན། །ཁམས་རྒན་གྱིས་བརྡུང་ཕྱོགས་ལས་རྣམ་རྒྱལ་ཤོག།

/zhes kun mkhyen 'jigs med bstan pa'i nyi ma'i gsung gi brtsam gzhir song bas tshig sna bsdus ches te/_blo dman gyi go dka' phyir zhal gsal du spros zhes grub chen sku phreng bzhi pa 'jigs med kun bzang thub bstan phrin las dpal bzang gi zhabs rim pa dad mos ldan pa dge slong sangs rgyas nas yang yang bskul ngor 'jigs med mkhyen brtse'i 'od zer gyis lho 'brug rgyal khab kyi bye brag rta bab bde chen rtser rang gi go tshod ci nus su gzu lum spang te dad mos kyis bris pa'i dge bas 'brel tshad slob dpon chen po sangs rgyas gnyis pas rjes su 'dzin pa'i rgyur gyur cig_/ye shes bya khyung rgan 'dus snga 'gyur gyi/_/sngags rgan bka' gter shing rta rdo rgan gsung*/_/sngags rgan mang brdung chos rgan lha'i rnga rgan/_/khams rgan gyis brdung phyogs las rnam rgyal shog/

[edit]
༄༅། །རྟ་ཁྱུང་འབར་བའི་བསྙེན་ཐོ་རིན་ཆེན་སྒྲོན་མེ་བཞུགས་སོ།

༄༅། །བླ་མ་བདེ་བ་ཆེན་པོར་མཆོད། །རྟ་ཁྱུང་འབར་བའི་ཟིན་ཐོ་ལ། །ཕྱི་སྒྲུབ་བླ་མའི་རྣལ་འབྱོར་ལས། །འདི་ལྟ་བུའི་མན་ངག་ནི་བསྐྱེད་རིམ་གྱི་གནད༔ རྫོགས་རིམ་གྱི་བཅུད༔ གནས་ལུགས་ཀྱི་ཚང༔ མན་ངག་གི་མདུད་ཡིན་པས་ཆོས་སྒོ་བརྒྱད་ཁྲི་བཞི་སྟོང་ཞལ་བསྡུར་ཀྱང་གནད་འདི་ལས་ཟབ་པ་འབྱུང་མི་སྲིད་པའི་ཟབ་རྒྱ་ཡིན་པས་སྐལ་བཟང་རྣམས་ཀྱི་སྙིང་ལ་གཅེས་པར་ཟུངས་ཤིག༔ ཅེས་དང༌། རིག་འཛིན་འདུས་པའི་བསྙེན་ཡིག་ལས། སྒྲུབ་པ་ཐམས་ཅད་ཀྱི་ནང་ནས་བླ་མ་སྒྲུབ་པ་མཆོག་ཏུ་གསུངས་ཤིང༌། ཁྱད་པར་སློབ་དཔོན་ཆེན་པོ་ནི་སངས་རྒྱས་ཐམས་ཅད་ཀྱི་སྤྱི་གཟུགས་ཡིན་པས་ཉིད་ཀྱི་ཞལ་ནས། ང་མཐོང་སངས་རྒྱས་ཐམས་ཅད་མཐོང༔ ང་སྒྲུབ་སངས་རྒྱས་ཐམས་ཅད་འགྲུབ༔ ང་ནི་བདེ་གཤེགས་འདུས་པ་ཡིན༔ ཞེས་གསུངས་པ་ལ་བསླུ་བ་མེད་པ་མངོན་སུམ་ཚད་མའོ། །ཞེས་གསུངས་པ་ལྟར་སྐབས་འདིའི་བསྒྲུབ་བྱའི་ལྷ་ནི་རྩ་བ་གསུམ་ལས། ཆོས་འདི་རིག་འཛིན་བླ་མའི་སྒྲུབ་སྐོར་ཡིན་པས་རང་རེ་ཕྱོགས་བཅུའི་སངས་རྒྱས་སུས་ཀྱང་མ་ཐུལ་བའི་དམུ་རྒོད་སྙིགས་མའི་སེམས་ཅན་སངས་རྒྱས་དངོས་བྱུང་གི་ཞལ་མཐོང་གསུང་ཐོས་པའི་སྐལ་བ་མེད་པ་ལ། རྒྱལ་བའི་ཕྲིན་ལས་མི་ཡི་གཟུགས་སུ་བྱོན་པའི་བླ་མ་རྣམས་ཀྱིས་ཞལ་བསྟན་ཆོས་གསུངས་ནས་འབྲས་བུའི་ས་ལ་མཚམས་སྦྱོར་བའི་བཀའ་དྲིན་སངས་རྒྱས་ལས་ཀྱང་ལྷག་པས་བླ་མ་ལ་གསོལ་བ་བཏབ་པས་སངས་རྒྱས་ཐམས་ཅད་ཀྱི་བྱིན་རླབས་འཇུག་ཅིང་ཐུགས་རྗེའི་ཤུགས་མྱུར་བ་དང༌། ལྷག་པར་གུ་རུ་རིན་པོ་ཆེའི་གདུལ་བྱ་ཁྱད་པར་ཅན་བོད་ཡུལ་ཡིན་ཞིང་དུས་ཀྱི་ཐ་མའི་བོད་འབངས་ལ་ལྷག་པར་ཐུགས་བརྩེ། བྱིན་གྱིས་རློབ་པའི་ཞལ་བཞེས་བསླུ་མེད་ཀྱིས་རྗེས་སུ་བཟུང་བས་ན་དེ་ཉིད་བསྒྲུབས་པས་རྟགས་མཚན་མྱུར་དུ་འཆར་བ་དང༌། གཏེར་ཆོས་ཐམས་ཅད་ཀྱི་གཙོ་བོ་བླ་རྫོགས་ཐུགས་གསུམ་དུ་གསུངས་པ་ལྟར་ཡིན་ཞིང་ཁྱད་པར་བླ་མ་སྒྲུབ་པ་འདི་སངས་རྒྱས་བྱང་སེམས་སྐུ་དངོས་ཀྱིས་འདུལ་མ་ནུས་པ་བླ་མས་འདུལ་བར་མཛད་ཅིང༌། བླ་མ་དགེ་བའི་བཤེས་གཉེན་གྱི་ཚུལ་གྱིས་སངས་རྒྱས་ཀྱི་མཛད་པ་མཛད་ནུས་པས་བྱིན་རླབས་ཚན་ཆེ་ལ་དངོས་གྲུབ་ཀྱང་མྱུར། བླ་མ་སྒྲུབ་པ་དེ་ལ་ཕྱི་གསོལ་འདེབས། ནང་སྐུ་གསུམ། གསང་བ་རླུང་སེམས་དབྱེར་མེད། ཡང་གསང་བླ་མ་དྲག་པོའི་སྒྲུབ་ཚུལ་བཞི་ལས་འདི་ནི་ཡང་གསང་བླ་མ་དྲག་པོ་ཕྲིན་ལས་ཀྱི་སྐོར་ཡིན། དེའི་དགོས་པ་དུས་ཀྱི་ཐ་མ་ཆོས་བྱེད་ཡོངས་ལ་བར་ཆད་བྱུང་ན་དྲག་པོའི་ལྷ་སྔགས་ཀྱིས་སྐྱོབ་པའི་རྟེན་འབྲེལ་ཡོད་པའི་རྒྱུ་མཚན་བོད་དུ་སངས་རྒྱས་ཀྱི་བསྟན་པ་ཐོག་མར་དར་བའི་སྐབས་མཁན་ཆེན་ཞི་བ་འཚོ་སོགས་ཀྱིས་ཞི་བའི་ཕྲིན་ལས་ཀྱིས་མ་ཐུལ་བ་ལྟར་མཛད་ནས་གུ་རུ་རིན་པོ་ཆེའི་དབང་དྲག་གི་ཕྲིན་ལས་ཀྱིས་མི་དང་མི་མིན་ཐམས་ཅད་བཏུལ་ནས་བོད་ཐུགས་རྗེ་ཆེན་པོའི་གདུལ་ཞིང་དོན་ལ་གནས་པའི་བཀའ་དྲིན་གྱིས་ད་ལྟ་བདག་ཅག་སྙིགས་དུས་ཀྱི་གདུལ་བྱ་འགལ་རྐྱེན་མང་བའི་སྐབས་བླ་མ་དྲག་པོའི་ལྷ་སྔགས་ཀྱིས་ཞི་བས་མི་ཐུལ་བས་དྲག་སྒྲུབ་དགོས་པའི་རྒྱུ་མཚན་དཔལ་འདུས་ལས། གུ་རུའི་ཐུགས་སྒྲུབ་བསྐུལ་བས་བར་ཆད་མེད་ཅིང༌། བཀྲ་ཤིས་དངོས་གྲུབ་ཀྱི་མཚན་མ་གཞན་ལས་ཆེ་བ་ནི། དེ་ཚེ་གཉེན་པོ་སྟོབས་ཀྱི་ལྷ༔ ཕལ་གྱིས་ཐུལ་བར་མི་འགྱུར་བས༔ ཕྱི་ལྟར་བྱང་སེམས་ནང་རིག་འཛིན༔ གསང་བ་དྲག་གཏུམ་འབར་བའི་ལྷ༔ ཞེས་གསུངས་པ་ལྟར་ཞི་རྒྱས་ཕྲིན་ལས་ཀྱིས་རྗེས་སུ་འཛིན་པས་གདུལ་དཀའ་ཞིང་རྒྱུད་མ་རུང་པའི་བདུད་དང་རུ་ཏྲའི་ཚོགས་ལ་དབང་དང་དྲག་པོའི་ཕྲིན་ལས་ཀྱིས་ཚར་བཅད་དེ་འདུལ་བའི་ཕྱིར་ཁྲོ་བོའི་སྐུར་བཞེངས་པ་ཡིན་པས་ཕྲིན་ལས་རྣོ་ལ་མྱུར། དེའང་གུར་དྲག་ཕལ་ཆེར་བེ་ཧར་འདུལ་དུས་ཀྱི་ལོ་རྒྱུས་དང་འབྲེལ་ཀྱང༌། འདི་ནི་གདུག་པ་ཀླུ་འདུལ་མཛད་པ་དང་འབྲེལ་བའི་གུར་དྲག་ཡིན་ཏེ། འདི་ཉིད་ཀྱི་སྒྲུབ་རྟེན་རྫས་གཏེར་ཕུར་པ་གནམ་ལྕགས་ཐོག་རྒོད་བསམ་ཡས་ཧས་པོ་རི་ནས་གཏེར་དུ་བཞེས་པའི་ལོ་རྒྱུས་ལས་གཏེར་སྲུང་རྡོ་རྗེ་ལེགས་པས། ཕུར་པ་མེ་སྟག་འཕྲོ་བ་ཞིག་ཕྱིན་ནས་འདི་སློབ་དཔོན་ཆེན་པོའི་མལ་གྲོའི་ཀླུ་བཏུལ་བའི་ཕུར་པ་ཡིན་ཟེར། ཆོས་འདི་བྱིན་རླབས་ཤིན་ཏུ་མྱུར་བས་དམ་སྲིའི་བར་ཆད་བཟློག་ཅིང་ཚེ་འཕྲང་སེལ། ཀོ་སྒོམ་ཆོས་ཉིད་ཀྱིས་བསྙེན་པ་བྱས་པའི་ཚེ། སྦལ་པ་ཞིག་གིས་ཁ་གདངས་ནས་བཞད་པའི་ཚུལ་གྱིས་ཕྱག་བྱེད་པ་ལན་གསུམ། བྱ་སྐྱ་ཀ་ཞིག་མཚོ་ནང་དུ་འཇུག་ནས་སྦྲུལ་གྱི་འཇུག་མ་ནས་བཟུང་སྟེ་བཏོན་པའི་མགོ་ལ་མེ་འབར་བ་སོགས་བྱུང་ནས་ཀླུ་གཉན་ལ་ཤིན་ཏུ་གནོད་པར་དོགས་པས་འཇིགས་ཏེ་བཞག་པ་ཡིན་ཟེར། འདིའི་ཆོས་དང་རྫས་གཏེར་གཉིས་ཀ་གདུག་པ་ཀླུའི་གཉེན་པོར་གྱུར་པ་ཡིན། ཞེས་སོགས་ཀྱིས་ཤེས། དབུ་གཙུག་ནས་རྟ་ཁྱུང་གི་ཞལ་གཉིས་ཕྱུང་བའང་ངོ་བོ་གུ་རུ་ཉིད་རྣམ་པ་ཀླུ་ཡི་གཤེད་མའམ་གཉེན་པོ་ཆེད་དུ་བསྔགས་པའི་ལྷ་རྟ་མགྲིན་དང་དབྱེར་མེད་པ་དང་སྐུར་བཞེངས་པའི་བརྡར་སྣང༌། དུག་སྦྲུལ་བཅུ་གཉིས་ཀྱི་གདན་དང་གཡོན་པའི་ཕྱག་མཚན་མེ་ཁྱུང་དང༌། ཀླུ་ཆེན་བརྒྱད་སྦྲུལ་གྱི་རྣམ་པས་སྐུ་ལ་བརྒྱན་པས། བ་སྤུ་ལས་ཁྱུང་གི་ཚྭ་ཚྭ་འཕྲོ་བ་རྣམས་ཀྱི་ཤེས། རྫས་གཏེར་གྱི་ལོ་རྒྱུས་དེའི་རྟ་ཁྱུང་ཆོས་བཀའ་འདི་ཀུན་མཁྱེན་གྱི་དགུང་གྲངས་རེ་དྲུག་གི་བར་ཆད་ཀྱི་འཕྲང་སེལ་ཆེད་གུ་རུ་རིན་པོ་ཆེའི་ལྷ་སྔགས་འདི་ལྟ་བུ་རྣམ་པར་བཞེངས་པས་སྐུ་ཚེའི་འདུ་བྱེད་བྱིན་གྱིས་བརླབས་པའི་ཆེད་བྱུང་ཞིང༌། རྟ་ཁྱུང་གི་ཆོས་སྐོར་འདི་ཐུན་མོང་གི་གདུལ་བྱའི་སྤྱོད་ཡུལ་དུ་དེ་ལྟར་སྣང་བའི་དོན་ལ་དགོངས་པ་ཙམ་ལས། དེ་གོང་རྟ་ཁྱུང་གི་ལྷ་སྔགས་འདི་ཉིད་ཀྱི་རྣམ་པ་མེད་སྙམ་དོགས་པ་སེལ་ལོ། །ཨཱརྻ་པ་གླིང་གིས་སེ་ཕུང་ལ་གནས་པའི་ཀླུས་བོད་ཀྱི་ལྷ་འདྲེ་བསྐུལ་ནས་བསམ་ཡས་བརྩིག་ཏུ་མ་སྟེར་བའི་དབང་གིས་ས་འདུལ་ལ་སྤྱན་དྲངས་པར་བཤད་དེ། སྡེ་བརྒྱད་རྒྱལ་པོ་སོགས་དུག་གསུམ་རང་རྒྱུད་དུ་སྤྱོད་པའི་ཕོ་མོ་མ་ནིང་གི་རྒྱུད་གསུམ་འབྱུང་པོའི་ནང་ན་གཏི་མུག་ནི་ཉོན་མོངས་ཀུན་གྱི་རྩ་བ་ཡིན་པས་དེའི་རང་གཟུགས་ཀླུ་ནུས་སྟོབས་སོགས་ཚན་ཆེ་ཞིང༌། འཛམ་གླིང་གི་མི་རྒྱ་མཚོའི་དབུས་སུ་ས་ཆུ་ལ་གནས་པས། གདོན་ཁྲོལ་ལས། བྱོལ་སོང་གདུག་པ་ཀླུ་ཡི་རིགས༔ འབྱུང་བ་ཀུན་ལ་གནས་བཅས་ཤིང༔ ཞེས་གསུངས་པ་ལྟར་ནམ་མཁར་གནས་པའི་གཉན་གྱི་རིགས༔ ས་ལ་དབང་བྱེད་ས་བདག་སོགས༔ གནམ་ས་བར་སྣང་ཐམས་ཅད་ཀླུ་གཉན་ས་བདག་གསུམ་གྱི་མ་ཁྱབ་པ་མེད་པས་འདི་ཉིད་ལས། མདོར་ན་སྣོད་ཀྱི་འཇིག་རྟེན་ཀུན༔ ཁྱོད་དང་མ་འབྲེལ་གང་ཡང་མེད༔ སོགས་གསུངས་ལ། མལ་གྲོའི་ཀླུ་འདུལ་ཕྱིར་གུ་རུ་རིན་པོ་ཆེའི་ཀླུ་འདུལ་གྱི་ཏིང་ངེ་འཛིན་ལ་བཞུགས་པས་ཀླུ་བཅུན་པའི་ཚེ། ཀླུ་ཡིས་ཆོས་རྒྱལ་ཁྲི་སྲོང་བསྐུལ་ཏེ་བསམ་ཡས་བརྩིགས་པའི་སྡོང་གྲོགས་བྱེད་པར་ཁས་བླང་བས་གུ་རུ་རིན་པོ་ཆེའི་དགོངས་པ་ཀློད་པ་མངའ་བདག་གིས་གསོལ་བ་བཏབ་པས་གུ་རུ་རིན་པོ་ཆེའི་ཁྱུང་གི་སྐུར་བཞེངས་པའི་སྤྲུལ་པ་བསྡུས་ཏེ་ཀླུའི་ལུས་ངག་དམ་ལ་ཐོག་ཀྱང་ཡིད་དམ་ལ་མ་ཐོག་པས་དུས་མཐར་ཀླུ་གདོན་གྱིས་གནོད་པ་མང་བར་གསུངས་པ་ལྟར་སྡེ་བརྒྱད་ལས་གདུལ་དཀའ་ཤོས་ཀླུ་རྒྱུད་ཡིན་ཏེ་གཟུགས་མཛེས་པའི་ལུས་ལ་ཆགས་སེམས་ཀྱི་ཞུགས་ནས་ཀླུས་མི་གཏོང་བ་དང༌། ཀླུ་གདོལ་པའི་རིགས་རྟ་གདོང་གི་ལྕགས་རི་ལ་གནས་པ་རྣམས་ཁྱུང་ཕལ་པས་ཟོས་པས་ཞེ་སྡང་གི་སྙིང་ལ་མེ་འབར་ནས་ཁྱུང་གི་ལུས་བསྲེགས། སྙིང་ལྕགས་གོང་མེ་འབར་བར་ལྟ་བུར་གྱུར་ཏེ་རྒྱ་མཚོའི་བྱེ་མའི་ནང་ཞེ་སྡང་གིས་རྒྱུགས་པས་ལྕགས་རིའི་ནགས་ཀྱང་མེ་འབར་བར་གསུངས་པ་དང༌། ཀླུ་གདོལ་པའི་རིགས་དང་འགྲས་པས་སྐྱེ་བ་བདུན་གྱི་བར་དུ་གནོད་པ་བསྐྱལ་ཏེ་མི་བཏང་བ་ཕྱག་རྡོར་དྲེགས་འདུལ་གྱི་རྒྱུད་ལས་གསུངས་པ་བཞིན་གླེན་པ་ཀླུ་ཞེས་ཞེ་གནག་པའི་རྒྱལ་པོར་གྲགས་སོ། །དེའི་ཕྱིར་འདི་ནི་ལོག་འདྲེན་འདུལ་བའི་ལྷ་སྔགས་ཀྱི་མཆོག་ཏུ་གྲུབ་ཅིང་གཙོ་བོའི་གདུལ་བྱ་ལ་བསམ་ནས་དེ་ལྟར་བཤད་ཀྱི། རྒྱལ་བསེན་དམ་སྲི་གཞན་གྱི་གཉེན་པོ་སྟོབས་ཀྱི་ལྷ་ཕུལ་དུ་བྱུང་བ་ཡིན་ཏེ། གནོད་བྱེད་སྡེ་བརྒྱད་ཐལ་བར་བརླག༔ ཅེས་དང༌། རྫས་ཕུར་གྱི་གཏེར་འབྱུང་དུ། ཆོས་འདི་བྱིན་རླབས་ཤིན་ཏུ་མྱུར་བས་དམ་སྲིའི་བར་ཆད་བཟློག །ཚེ་འཕྲང་བསལ། ཞེས་པའི་ཆོས་འབྱུང་ཐད། དམ་སྲི་རས་གོས་ཅན་གྱི་ཀུན་མཁྱེན་གྱི་སྐུ་ཚེ་ལ་བར་ཆད་རྩོམ་པར་ཆས་པ་དགོངས་པས་གཟིར་བས་གླག་ལྟ་མ་ནུས་པས་ཟིལ་གྱིས་མནན་པའི་དེ་མ་ཐག །གུ་རུའི་ཞལ་བསྟན་ནས་ལྷ་སྔགས་འདི་དགོངས་ཀློང་ལས་བརྡོལ་ཏེ་གཏན་ལ་ཕབ་ནས་ལས་ཅན་རྣམས་ལ་སྤེལ་བའི་ལོ་རྒྱུས་བཞིན་རང་རེ་རྗེས་འཇུག་རྣམས་ལ་ཚེ་ཆོས་ཀྱི་བར་ཆད་སེལ་ཞིང་དངོས་གྲུབ་ཐོབ་པར་མཚོན་ནུས་ཤིང༌། ལྷག་པར་སློབ་དཔོན་རྒྱུད་ཀྱི་ལྷ་སྲུང་ཟེར་བའི་དཔེ་ལྟར་ཀུན་མཁྱེན་བླ་མ་ཉིད་ཀྱི་སྐུ་ཚེའི་གེགས་འཕྲང་བསལ་བའི་རྟེན་འབྲེལ་གྱིས་རང་ཅག་ཆོས་བརྒྱུད་འཛིན་པ་རྣམས་ལ་ཤིན་ཏུ་ཤིས་པའི་ཟབ་ཆོས་ཁྱད་པར་ཅན་ནོ། །དེ་ཡང་བོད་ཀྱི་ལྷ་འདྲེ་འདུལ་བའི་ཕྱིར་གུ་རུ་ཉིད་རྡོ་རྗེ་གྲོ་ལོད་ཀྱི་སྐུར་བཞེངས་ནས་དབང་དུ་བསྡུས་ཤིང་དམ་ལ་བཏགས་ནས་ཕྱི་མའི་དོན་དུ་དེ་ཉིད་ཀྱི་ལྷ་སྔགས་ཀྱི་སྒྲུབ་ཐབས་མང་པོ་གཏེར་དུ་སྦས་པས་དམ་སྲི་འབྱུང་པོ་འདུལ་བ་ལ་སྒོས་སུ་བསྔགས་པ་རྡོ་རྗེ་གྲོ་ལོད་ཡིན་ལ། འདི་ཡང་རྡོ་རྗེ་གྲོ་ལོད་ཀྱི་བྱེ་བྲག་ཡིན་པར་འཇིགས་བྱེད་རྡོ་རྗེ་གྲོ་བོ་ལོད༔ ཅེས་སོ། །གྲོ་ལོད་ཅེས་པ་ལེགས་སྦྱར་ལ་ཀྲོ་དྷ་ལོ་ཀོཏྟ་ར་ཞེས་པ་ཟུར་ཆག་སྟེ། སྒྲ་བསྒྱུར་ན། ཁྲོ་བོ་འཇིག་རྟེན་མཆོག་ཟེར་བ་ཡིན་གསུང་དོན་དུ་ཁྲོ་བོ་ཀུན་གྱི་སྤྱི་རྗེ་ལྷ་སྲིན་སྡེ་བརྒྱད་ཐམས་ཅད་འདུལ་བའི་གཉེན་པོ་ཟླ་མེད་མཆོག་ཏུ་མཚོན་པའི་མཚན་འཇིག་རྟེན་འདས་མ་འདས་ཐམས་ཅད་ཀྱི་ཁྲོ་བོའི་ཚོགས་རྗེར་བྱོན་ཅིང་འགྲུབ་སླ་བྱིན་རླབས་ཚན་ཆེ་བས་འཆོལ་བའི་ཁྲོ་རྒྱལ་ཞེས་གྲགས་པའོ། །འདིར་སྐུ་གུར་དྲག །གསུང་རྟ་མགྲིན། ཐུགས་མཁའ་ལྡིང་ལྟར་བསྐྱེད་པ་བསྟོད་པའི་གཞུང་དུ་གསལ་ཏེ། སྐུ་གསུང་ཐུགས་བསམ་གྱི་མི་ཁྱབ་པའི་དབུ་གསུམ་ལྡན་པ། ཞེས་གསང་སྙིང་ལས་གསུངས་པས་ཕྱོགས་འདྲ་ཞིང་ཞེས་པ་ནི། རིག་འཛིན་བླ་མ་ནི་གདུལ་བྱ་མཆོག་དམན་མཐའ་དག་ལ་སྣང་བས་ཕྲིན་ལས་ཕྱོགས་རེར་མ་གྱུར་ཅིང༌། བླ་མའི་གཟུགས་སྐུའི་རྣམ་པས་སངས་རྒྱས་ཀྱི་མཛད་པ་སྒྲུབ་ནུས་པ་དེ་ཉིད་དྲག་པོའི་སྐུར་བཞེངས་ཀྱང་དོན་དམ་མཁའ་ཁྱབ་ཡེ་ཤེས་རྡོ་རྗེའི་སྐུ་ཡིན་ཕྱིར་སྐུ་རྫུ་འཕྲུལ་ཆེན་པོས་འདུལ་བ་ཡིན་ལ། གསུང་རྡོ་རྗེའི་མཁའ་ཁྱབ་པདྨ་དྲག་པོ་རྟ་མགྲིན་གྱི་རྟ་སྐད་ཐེང་གསུམ་བགྲོགས་པས་ཟབ་རྒྱས་ཀྱི་ཆོས་སྒོ་ཐམས་ཅད་མཚོན་པ་ལྷ་འདིའི་གསུང༌། ཐུགས་གསང་བདག་གིས་ཡེ་ཤེས་སྤྲུལ་པ་ཁྱུང་ཡིན་ཞིང་དེའི་སྲིད་རྩ་གཏི་མུག་གི་ཀླུ་སྲིན་འདུལ་བྱེད་ཕོ་ཉ་ཡིན་ཕྱིར་མཁྱེན་བརྩེའི་དགོངས་པ་མྱུར་བ་མཚོན་པའི་ཐུགས་ཏེ་རིགས་གསུམ་གཅིག་བསྡུས་སུ་བསྔགས་པས་སངས་རྒྱས་ཀུན་དང་གསང་གསུམ་དབྱེར་མེད་དུ་གསུང་ངམ་སྙམ། གུར་དྲག་ནི་ལྷ་སྔགས་ཀྱི་དངོས་བསྟན་ལམ་གྱི་གཙོ་བོ་ཡིན་པས་རྩ་བའི་ལྷ། གུ་རུའི་སྤྲུལ་གཞི་དང༌། གུ་རུ་དྲག་དམར་པདྨའི་རིགས་ཡིན་པས་རྟ་མགྲིན་མཚོན་བྱེད་རྟ་ཞལ་གཙུག་ན་ཡོད་པ་རིགས་བདག །བཀའ་བརྒྱད་སྐབས་ཆེ་མཆོག་གི་དབུ་གཙུག་ཏུ་ཁྱུང་ཆེན་ལྡིང་བ་ཆེ་བཙན་འགྲན་བྲལ་དུ་མཚོན་པ་བཞིན་བྱ་ཁྱུང་དབང་དྲག་གི་ཕྲིན་ལས་ཀྱིས་ཕྱོགས་ལས་རྣམ་པར་རྒྱལ་བའི་རྒྱལ་མཚན་གྱི་ཚུལ་དུ་བྱས་ཀྱང་རུང་བ་འདྲ། ཡང་ན་འདི་པདྨ་གསུང་གི་སྒྲུབ་བཀའ་ཡིན་པས་རྟ་མགྲིན་གསུང་རྡོ་རྗེ། ནམ་མཁའ་ལྡིང་ཐུགས་ཀྱི་ལྷ་གཉིས་ནི་སྐབས་འདིའི་བསྒྲུབ་བྱའི་ལྷ་སྟེ། སངས་རྒྱས་ཀྱི་གསང་བ་མཐར་ཐུག་ཡེ་ཤེས་ཆོས་ཀྱི་སྐུ་ཡིན་ཡང་དེ་ནི་སངས་རྒྱས་རང་གི་སོ་སོ་རང་རིག་གི་མཁྱེན་པའི་ཡེ་ཤེས་ཀྱི་སྤྱོད་ཡུལ་དུ་གྱུར་པ་ཉིད། གཞན་སྣང་དུ་གསང་བ་དེ་མཚོན་ཅིང་སྟོན་བྱེད་ནི་བརྩེ་བའི་སྙིང་རྗེའི་བདག་ཉིད་གསུང་རྡོ་རྗེ་སྒྲ་ཚིག་གི་ཚུལ་དུ་སྣང་བ་སྟེ། དེ་གཉིས་རྣམ་པ་ཙམ་ལས་དོན་ལ་ཐ་མི་དད་པ་མཁྱེན་བརྩེའི་ཡེ་ཤེས་གཅིག་གི་བདག་ཉིད་ཡིན་པའི་ཕྱིར། དེའི་རྟེན་སྐུ་ནི་ཤུགས་བསྟན་དུ་སྒྲུབ་པ་སྟེ། མདོར་ན་སྐུ་གསུང་ཐུགས་རྣམ་པ་ཐམས་ཅད་པའི་བདག་ཉིད་སངས་རྒྱས་ཀུན་གྱི་གསང་བ་མི་ཟད་རྒྱན་གྱི་འཁོར་ལོ་འབྲས་བུའི་མཐར་ཐུག་ཏུ་མཚོན་པ་གང༌། བདག་ཅག་གདུལ་བྱ་དམན་པ་རྣམས་ལ་སངས་རྒྱས་ཀྱི་བྱིན་རླབས་སྟེར་བ་པོ་བླ་མ་ཁོ་ན་ཡིན་པའི་ཕྱིར་དེའི་རྣམ་པ་ལྟར་བསྒྲུབས་ན་འགྲུབ་ཐག་ཉེ་ཞིང་མོས་གུས་སྐྱེ་སླ་ཞིང༌། དེ་ཡང་དྲག་པོ་ལྟར་བསྒྲུབས་ན་སྙིགས་དུས་རྒྱལ་བསེན་དམ་སྲིའི་བར་ཆད་འདུལ་བའི་གཉེན་པོ་མཆོག་ཏུ་ཆེ་བའི་ཕྱིར་གུ་རུ་ནི་བསྒྲུབ་བྱེད་རིག་འཛིན་གྱི་ཚུལ་དུ་འཕྲུལ་བ་སྟེ་དེས་ན་བསྒྲུབ་བྱེད་རྟ་ཁྱུང་ཉིད་སྒྲུབ་བྱའི་ངོ་བོར་སོན་པས། བསྒྲུབ་བྱ་ཉིད་སོ་སོའི་རྣམ་པར་བཞེངས་པ་ཡིན་པས་དོན་ལ་སྒྲུབ་བྱ་སྒྲུབ་བྱེད་ཐ་མི་དད་པ་སྟེ། བཀའ་ཐང་ལས། སྔོན་ཚེ་སྣང་བ་མཐའ་ཡས་འོད་དཔག་མེད༔ རི་བོ་ཏཱ་ལར་མགོན་པོ་སྤྱན་རས་གཟིགས༔ དྷ་ན་ཀོ་ཤར་པདྨ་འབྱུང་གནས་སྐུ༔ མཚོན་ཚུལ་ཙམ་ལས་གསུམ་དུ་སྣང་གྱུར་ཀྱང༔ དོན་ལ་དབྱེར་མེད་སོ་སོར་ཐ་མི་དད༔ ཅེས་གསུངས་པའི་ཕྱིར་རོ། །རྣམ་པའི་དབྱེ་བས་བསྒྲུབ་བྱ་སྒྲུབ་བྱེད་དུ་མཛད་པའི་དགོས་པ་ཡང་རིག་འཛིན་གཏེར་བདག་གླིང་པའི་བླ་མ་དྲག་པོའི་ལོ་རྒྱུས་ལས། ཁྱད་པར་བྱིན་རླབས་དངོས་གྲུབ་མྱུར་འདོད་ན༔ པདྨ་ང་བསྒོམ་མཆོད་དང་སུས་སྒྲུབ་པ༔ ཇི་ལྟར་ཡིད་བཞིན་ནོར་བུ་རིན་ཆེན་ལ༔ གསོལ་བཏབ་དགོས་འདོད་ངང་གིས་འབྱུང་བ་བཞིན༔ རྒྱལ་བ་རྒྱ་མཚོས་བྱིན་རློབ་བུ་བཞིན་སྐྱོང༔ དམ་ཅན་མཁའ་འགྲོ་དངོས་གྲུབ་ཆར་ལྟར་འབེབས༔ སྣང་སྲིད་དྲེགས་པས་ཅི་བཅོལ་ལས་རྣམས་སྒྲུབ༔ ཕྲིན་ལས་ལྷུན་གྲུབ་མཐའ་ཡས་སེམས་ཅན་སྒྲོལ༔ དེ་དག་ཐམས་ཅད་བདག་ཉིད་བསྟེན་ལས་འབྱུང༔ ཐེ་ཚོམ་སྤོངས་ལ་འབད་པས་ཉམས་སུ་ལོངས༔ བསླུས་ན་པད་འབྱུང་ཞན་ནོ་རྗེ་འབངས་རྣམས༔ ཞེས་གསུངས་པའི་རྒྱུ་མཚན། བསྒྲུབ་བྱའི་སྐུ་རྟ་ཁྱུང་ལ་མཁྱེན་བརྩེ་ནུས་པའི་སྟོབས་ཀྱིས་སྤྲ་བ་སྐམ་པོ་ལ་མེའི་ནུས་པ་ཡོད་པ་ཆོས་ཉིད་ཡིན་ཡང་སྒྲུབ་པ་པོའི་སྒྲུབ་བྱེད་ཀྱི་ཚུལ་བསྟན་གུ་རུ་དྲག་པོ་མེ་ཤེལ་གྱི་ནོར་བུ་ལྟ་བུས་མཚམས་མ་སྦྱར་ན་སྲེག་བྱེད་ཀྱི་མེ་དངོས་སུ་མི་འབྱུང༌། དེ་གཉིས་མཉམ་པར་སྦྱར་ནས་བྱིན་རླབས་མི་འབྱུང་བའི་རང་དབང་མེད་པའི་རྒྱུ་རྐྱེན་རྟེན་འབྲེལ་ཐམས་ཅད་ཚོགས་པས་སྒྲུབ་པའི་དྲག་སྒྲུབ་འདི་ཉིད་སྤྲ་བ་མེ་ཤེལ་ལ་བཅུག་ནས་མེ་ཐབས་མཁས་ཀྱི་སྒྲུབ་པས་དཀའ་ངལ་གྱིས་ཡུན་རིང་དུ་འབད་རྩོལ་ཆེས་མི་དགོས་པར་ཡུད་ཙམ་ནས་མེ་འབྱུང་བ་བགེགས་ཀྱི་སྤྲ་བ་སྐམ་པོ་སྦྱོང་བ་ལ་ཆེས་རྣོ་བ་ཡིན་ནོ། །དེ་སྐད་དུ་ཡང་ལམ་ཟབ་ལས། ཉི་མའི་འོད་ཟེར་རབ་ཚ་ཡང༌། །མེ་ཤེལ་མེད་པར་མེ་མི་འབྱུང༌། །དེ་བཞིན་སངས་རྒྱས་བྱིན་རླབས་ཀྱང༌། །བླ་མ་མེད་པར་འབྱུང་མི་སྲིད། །ཅེས་གསུངས་སོ། །བསྒྲུབ་བྱ་སྒྲུབ་བྱེད་ཀྱི་བཤད་ཚུལ་འདི་རིག་འཛིན་རྩ་རྒྱུད་ཐོད་པའི་དུམ་བུ་ལ་བརྟེན་ནོ་ཞེས་གསུངས་པ་ཡང་རྒྱུད་དེ་ཉིད་ལས། སྟོན་བྱེད་གཙོ་དང་སྡུད་བྱེད་འཁོར༔ བསྒྲུབ་བྱའི་ཆོས་དང་སྒྲུབ་བྱེད་ཀུན༔ རང་ལས་ལོགས་སུ་མ་ཡིན་ཏེ༔ ཞེས་གསུངས་པས་ན་བསྒྲུབ་གཞི་ཡེ་ཤེས་ཀྱི་ལྷ་རྟ་མགྲིན། ལས་ཀྱི་ལྷ་ཁྱུང་གུར་དྲག་སོགས་སྡེ་བརྒྱད་འདུལ་བྱེད་རྣམས་སྟོབས་ནུས་ཆེ་བའི་བཤད་ཚུལ་གྱི་རྣམ་གྲངས་ཡིན་པའི་ཕྱིར། དོན་གནད་སྙིང་པོ་རིགས་ཀུན་གྱི་ཁྱབ་བདག་གི་བླ་མ་དྲག་པོ་རྟ་ཁྱུང་འབར་བ་ཞེས་མཚན་གྱིས་བསྟན་པ་ལྟར་གུ་རུ་ཉིད་བསྒྲུབ་བྱའི་གཙོ་བོ་ཡིན་པ་ནི་བཤད་ཅི་དགོས་པས་མདོར་ན་མེ་ལོང་གཅིག་ཏུ་གཟུགས་བརྙན་དུ་མ་ཤར་བ་བཞིན་ལྷ་ཐམས་ཅད་གུ་རུའི་ཡེ་ཤེས་ཀྱི་རོལ་བར་ཐག་བཅད་དེ་དེ་ཉིད་ལ་ཀུན་འདུས་ནོར་བུའི་ལུགས་སུ་ཤེས་པས་བློ་གཏད་བྱ་བ་ནི་གནད་ཀྱི་སྙིང་པོ་ཡིན་ནོ། །དུམ་བུ་དང་པོ་ལོ་རྒྱུས་ཀྱི་སྐོར་ཚོའོ། །སྒྲུབ་ཐབས་ཀྱི་ཐོག་མཐའི་ལས་གཞུང་ད་ལྟ་ཀུན་གྱི་ཁ་རྒྱུག་འདི། །ཆོས་འདིའི་བཀའ་བབ་ཏུ་ཀུན་མཁྱེན་འཇིགས་གླིང་དང༌། །རྡོ་གྲུབ་ཆེན་འཇིགས་མེད་ཕྲིན་ལས་འོད་ཟེར་ཡབ་སྲས་ཀྱིས་ཆེད་དུ་བསྔགས་ཤིང༌། །མཁྱེན་རྟོགས་བསམ་གྱི་མི་ཁྱབ་པའི་བདག་ཉིད་ཀྱི་སྐྱེས་བུ་རྒྱ་རོང་ནམ་མཁའ་ཚེ་དབང་མཆོག་གྲུབ་ཀྱིས་མཛད་པ་ཁྱད་འཕགས་ཡིན་མོད་ཀྱི་གཏེར་གཞུང་གི་ཚིག་ཟིན་དངོས་རིག་འདུས་ཀྱི་དཀྱུས་བཞིན་བྱེད་པ་ཉིད་ཡིན་ཏེ། ཞི་ཁྲོ་ངན་སོང་སྦྱོང་བའི་ཚོགས་མཆོད་དུས། བཞེངས་ཤིག་རིག་འཛིན་འདུས་པའི་ལྷ༔ སོགས་ལ་འདོན་པ་བསྒྱུར་མི་དགོས་པ་རྒྱུ་མཚན་དང་བཅས་ཏེ་ཀུན་མཁྱེན་ཉིད་ཀྱིས་སྐྱབས་འགྲོ་སེམས་བསྐྱེད་ཀྱིས་མཚོན་ཚིག་ཕྲད་རིག་འཛིན་ཞེས་པ། ཞི་ཁྲོ་ཞེས་བསྒྱུར་བའང་རྟོག་བརྟགས་གོ་བ་ཆུང་བ་རྣམས་ལ་དགོངས་པ་སྟེ། དངོས་དོན་ལྷོངས་པའི་བློ་ཆེན་ལ་ལྷུན་གྲུབ་རིག་འཛིན་སངས་རྒྱས་ཉག་གཅིག་ཡིན་པས། དེ་ལས་གཞན་པའི་རྒྱལ་བ་ཞི་ཁྲོ་མེད་པའི་ཕྱིར་ཚིག་བསྒྱུར་ཡང་མི་དགོས་སོ། །ཞེས་གསུངས་པ་ལྟར་རིག་འཛིན་ཞེས་པ་གར་བྱུང་དུ་རྟ་ཁྱུང་ཞེས་བསྒྱུར་བ་སོགས་དགོས་པ་མ་གོ །ཞེས་གསུངས་པ་ཀུན་མཁྱེན་གྱི་ལུགས་འདིའི་རྩ་གསུམ་ཐམས་ཅད་ངོ་བོ་བླ་མ་རིག་འཛིན་གྱི་སྒྲུབ་པའི་དགོངས་དོན་བློ་ཆེན་སྐལ་པ་རབ་ཀྱི་སྤྱོད་ཡུལ་དང་རྒྱ་རོང་རིན་པོ་ཆེས་དང་པོའི་ལས་ཅན་གྱི་མོས་ངོར་འཆར་བདེ་བ་ལ་གཙོ་བོར་གསུངས་པས་དོན་ལ་འགལ་འདུར་མི་གནས་སྙམ་མོ། །བསྙེན་པ་མཚམས་བཅད་དམ་དུ་བྱ༔ ཞེས་པ་ནི་ལུས་མཚམས་བཅད། ངག་སྨྲ་བཅད། སེམས་གཞན་དུ་མ་ཡེངས་བ་རྣམས་གལ་ཆེ་བ་བསྙེན་པའི་གནད་བྱང་གི་མཆན་ལས། མཚམས་ཇི་ཙམ་རིང་ངག་སྨྲ་བཅད་དམ་པས་དམིགས་པ་སེམས་མ་ཡེངས་པ་ཁོ་ན་གཙོ་ཆེ་ཞིང་གསུངས་པ་ལྟར་རོ། །མཚམས་བཅད་པ་བར་ཆད་མི་འཇུག་པའི་ཕྱིར་ཡིན་པས་སྲུང་འཁོར་གྱི་དམིགས་པ་གནད་གལ་ཆེ་བའི་ཕྱིར། གདོན་ཁྲོལ་ལས། རྡོ་རྗེ་སྲུང་བའི་གུར་གྱིས་དཀྲིགས༔ ཞེས་དང་ལས་གཞུང་གི་མཚམས་གཅོད་ལྟར་རིག་འཛིན་གྱི་བསྙེན་ཡིག་ལས་སྲུང་འཁོར་གྱི་གཙོ་བོར་རང་སེམས་སྐྱེ་འགག་མེད་པའི་མཚམས་བཅད་ལ་བགེགས་བདེན་མེད་དུ་ཤེས་པར་བྱ། དེ་ཙམ་བློས་མ་ནུས་ན་སྣ་ཚོགས་རྡོ་རྗེའི་གུར་ལྕགས་རྨོག་ཁ་སྦུབ་པ་ལྟ་བུ་བསྒོམ། ཀུན་རྫོབ་ཀྱི་སྲུང་གུར་དང་དེའི་ཚིག་དོན་ལ་ཇི་ལྟར་རྟོན་ན་རྣམ་རྟོག་ནི་གློ་བུར་བའི་བགེགས་ཡིན་ལ། ཆོས་ཉིད་ཀྱི་དོན་གདོད་ནས་རྡོ་རྗེའི་ཁམས་སུ་འགྱུར་བ་མེད་པའི་དོན་རྟོགས་སོ། །དོན་དམ་སྲུང་འཁོར་ཞེས་གསུངས་པ་ཀུན་རྫོབ་དང་དོན་དམ་པའི་སྲུང་བ་རྒྱུན་དུ་གཅེས། སྤྱིར་རིག་འཛིན་ཐུགས་སྒྲུབ་དཔལ་ཆེན་འདུས་པ་མཆོག་སྒྲུབ་ཀྱི་ལྷ་དང༌། རྟ་ཁྱུང་འདི་ཐུན་མོང་གི་ལས་སྒྲུབ་ཀྱི་ལྷའི་བྱེ་བྲག་གི་དགོངས་པ་ལྟར་སྣང་ཡང༌། ཧྲཱིཿ རྣམ་ཐར་གསུམ་ལྡན་སྟོང་པ་ཉིད་སོགས་ལྟར་སྒྲུབ་ཐབས་འདི་ལ་འཆི་སྲིད་ཆོས་སྐུར་སྦྱོང་བྱེད་དེ་ཏིང༌། མ་རྟོགས་འཁྲུལ་པ་སོགས་ཀྱིས་བར་དོ་ལོངས་སྐུའི་སྦྱོང་བྱེད་ཀུན་སྣང༌། ནམ་མཁས་གར་ཁྱབ་སོགས་སྐྱེ་བ་སྤྲུལ་སྐུར་སྦྱོང་བྱེད་ཕྱག་རྒྱ་གཅིག་པ་རྒྱུ་ཡི་ཐུགས་སྲོག་ཧྲཱིཿ རགས་པ་སྣོད་བཅུད་ལྷ་བསྐྱེད་ཀྱི་རིག་འཛིན་ཏེ་མཆོག་སྒྲུབ་ཀྱི་གནད་ཆེ་བ་རྣམས་དངོས་བསྟན་དུ་ཚང་བས་རྫོགས་རིམ་གྱི་སྨིན་བྱེད་དུ་འགྲོ་བའང་བྱར་ཡོད་པས་སྒྲུབ་ཚུལ་གྱི་ཟབ་གནད་ལ་མཁས་ན་མཆོག་དངོས་ལ་སྦྱོར་ནུས། སྣོད་བཅུད་མ་དག་སྣང་བའི་གཉེན་པོ་ལྷ་སྐུའི་རྣམ་པ་གསལ་བ་ལས་བྱང་དུ་གསལ་བ་ལྟར་དང༌། ཞེན་པའི་གཉེན་པོ་དག་དྲན་ནི། ཐུགས་རྗེས་སེམས་ཅན་ལ་ཆགས་པས་སྐུ་མདོག་དམར་པོ། ཐིག་ལེ་ཉག་གཅིག་གི་རང་བཞིན་རྩ་བའི་ཞལ་གཅིག །གོང་སྨོས་ལྟར་དབང་དྲག་གི་ལས་གཉིས་མཛད་པས་རྟ་ཁྱུང་གི་ཞལ་གཉིས་བྱུང་བ། དུས་གསུམ་གཟིགས་པས་སྤྱན་གསུམ་སྐྱེ་ཤི་རྩད་གཅོད་མཆེ་བ་གཙིགས་པ། སྣང་སྲིད་ཟིལ་གྱིས་གནོན་པས་གསང་གོས་དང་ཕོད་ཚོན། ཕ་རོལ་ཕྱིན་དྲུག་རྫོགས་པས་རུས་རྒྱན། རྡོ་རྗེའི་ང་རྒྱལ་གྱིས་དཔའ་བས་སྟག་ཤམ། སེམས་བྱུང་ལྔ་བཅུ་སྲོག་བྲལ་དུ་གྱུར་པས་མགོ་ཕྲེང་མནབ་པ། འདིར་གསང་ཕོད་ཀྱི་སྟེང་ན་སྟག་ཤམ་རུས་རྒྱན་སོགས་གསོལ་བ་མཛེས་འདྲ། བྲིས་ཆ་རྙིང་པ་འགར་ནི་གསང་ཕོད་ཀྱི་ནང་དུ་རུས་རྒྱན་མནབ་པ་བྱས་སྣང༌། ཡེ་ཤེས་ལྔའི་ཐོད་སྐམ་གྱིས་དབུ་བརྒྱན་པ། རྣམ་པར་མི་རྟོག་པའི་ཡེ་ཤེས་ཀྱི་རལ་པ་གྱེན་དུ་བརྫེས་པ། འཁྲུལ་སྣང་གི་བྲག་རི་འཇོམས་པས་ཕྱག་མཚན་རྡོ་རྗེ་གུར་དྲག་ཁ་ཅིག་ལ་ཕྱག་མཚན་གསེར་རྡོར་བྱེད་ཀྱང༌། འདིར་གནམ་ལྕགས་ཀྱི་རྡོ་རྗེ་རྡོ་གྲུབ་དབང་གཞུང་དུ་འབྱུང་ཞིང༌། རྭ་དགུ་པ་ཡང་དེས་བཤད་དེ། རྭ་གདེངས་མེ་འབར་བྱའོ། །ཕྲིན་ལས་ཐོགས་པ་མེད་པའི་བརྡར་གཡོན་མེ་ཁྱུང༌། དེའང་སྡིགས་མཛུབ་ཕྱིར་བསྟན་གྱི་མེ་ཁྱུང་ཕྲ་ཐབས་སུ་འགྱེད་པ་ནི་ཟིན་བྲིས་རྙིང་པ་ཞིག་ཏུ་བཤད། སྣང་སྟོང་གི་མཐའ་གནོན་པས་ཞབས་གཉིས་གཡོན་བརྐྱང་གིས་བགྲད་པ་རྣམ་རྟོག་གི་མཚོན་ཆ་ལས་རྒྱལ་བས་ཁྱུང་གི་གོ་ཆ་འདི་རྟ་མགྲིན་གསང་སྒྲུབ་ལྟར་མགྲིན་པ་ནས་ལོང་བུའི་བར་བྱས་ན་བདེ། བཟོད་པར་དཀའ་བའི་ཡེ་ཤེས་ཀྱི་སྣང་བ་རྣོན་པོ་སྤྲོ་བས། སྟོབས་ཀྱི་འོད་ཟེར་མེ་རུ་འབར༔ ཞེས་པ་ལྟར། མེ་ཕུང་གི་ཀློང་ན་བརྗིད་པ། ལུང་འདིས་རྡོ་རྗེ་མེའི་ཏིང་ངེ་འཛིན་གྱི་རང་གི་སྒོ་གསུམ་ལ་ནུས་པ་བསྐྱེད་ཚུལ་ཤེས་གསུངས་པ་ལྷ་ཡི་སྐུ་གསུང་ཐུགས་ཀྱི་ཡེ་ཤེས་རྣམ་པ་མེ་ཟེར་རྣོན་པོའི་ཚུལ་དུ་འཕྲོ་ཞིང་འབར་བས་མེ་ཡི་ནུས་པས་ཇི་ཙམ་འབར་བཞིན་ཚིམས་པ་མེད་པ་བུད་ཤིང་ཐམས་ཅད་བསྲེགས་པ་བཞིན་ཡེ་ཤེས་ཀྱི་མེས་མཚན་རྟོག་ཐམས་ཅད་བསྲེགས་བཞིན་ཡེ་ཤེས་ཀྱི་སྣང་བ་ཤུགས་ཆེར་སོང་སྟེ་རྒྱུ་སྒོ་གསུམ་ཐ་མལ་གྱི་ཞེན་རྟོག །འབྲས་བུ་ནད་གདོན་སྒྲིབ་པའི་ཚོགས་བསྲེགས། སྐུ་གསུང་ཐུགས་རྡོ་རྗེའི་བདག་ཉིད་ཡེ་ཤེས་འབར་བ་མེ་ཡི་གཟི་འོད་འབར་ཞིང་འཁྲུགས་པའི་བདག་ཉིད་དུ་སྒོམ་པ་ཡིན་ནམ་སྙམ། རིག་པ་ཡེ་ཤེས་ཀྱི་ཁྲོ་བོས་གཏི་མུག་ལས་གྱུར་བའི་རྟེན་འབྲེལ་ཡན་ལག་རྣམས་གནོན་བའི་གོ་སྐབས་བརྩམས་པས་སྦྲུལ་གདན་ལ་འགྱིང་བའི་སྦྲུལ་རྣམས་ཀྱི་མཇུག་མ་ནང་དང༌། མགོ་བོ་ཕྱིར་བསྟན་དུ་བསྣོལ་བའི་མགོ་རྣམས་ཞབས་ཀྱིས་བརྫིས་པ་ཡིག་རྙིང་ཞིག་ཏུ་སྣང་བ་བདེ་བར་མངོན་ཡང༌། རྡོ་གྲུབ་དབང་ཆོག་ལས་མགོ་བོ་ནང་དུ་བསྣོལ་བར་བཤད་པས་དཔྱད། འཁོར་བའི་སྐྱོན་གྱིས་མ་གོས་ཐབས་ཤེས་འབྲེལ༔ ཞེས་པས་པདྨ་ཉི་ཟླའི་གདན་ནོ། །ཚོགས་བརྒྱད་ལས་གྱུར་མ་རིག་གདོན༔ ཀླུ་ཆེན་བརྒྱད་པོ་ཞེས་པ་ཕྱོགས་མཚམས་སུ་འགོད་གསུངས། སྐུ་མདོག་སོགས་ཀླུ་ཆོག་སྤྱིའི་སྐབས་དང་འདྲ་འམ་སྙམ་པས། ཐམས་ཅད་ཀྱང་སྣང་བ་ཡུལ་ཅན་ཐབས། ཡུལ་སྟོང་ཉིད་ཤེས་རབ། དེ་གཉིས་དབྱེར་མེད་ལྷ་ཡབ་ཡུམ་སྦྱོར་བའི་དོན་གྱི་གནད་རྟོགས་ན་ཡུལ་དབང་ཤེས་གསུམ་འདུས་སྟེ་རེག་པས་ལས་བསགས་མི་ནུས་པས་གཏི་མུག་འཁྲུལ་པའི་འཇིགས་པ་ལས་སྐྱོབ་པའི་བརྡར་ཀླུ་ཐམས་ཅད་ཐལ་སྦྱར་ཅན་དུ་བཤད་དོ། །དེའང་ཀུན་གཞིའི་རྨོངས་ཆ་ལས་མཆེད་པའི་གློ་བུར་ཚོགས་བརྒྱད་ཀྱི་རླུང་སེམས་མཐའ་དག་ཟང་ཐལ་རིག་པའི་ཁྲོ་བོའི་བཀའ་འབངས་སམ་གཞན་དབང་གྱུར་པའི་བརྡ་རྟགས་སོ། །གནས་གསུམ་བྱིན་རླབས་ཀྱི་ལྷ་རྣམས་རིགས་དང་སྐུ་མདོག་གི་དབྱེ་བས་ཁྱད་མེད་པ་འདྲའང་བརྟག་གསུང་པ་མ་གོ །འཇམ་དཔལ་གྱི་སྤྱི་བོར་ཨོཾ། པདྨའི་མགྲིན་པར་ཨཱཿ ཡང་དག་གི་ཐུགས་ཀར་ཧཱུྃ་གསུམ་ནི་རྣམ་དག་སྐུ་གསུང་ཐུགས་རྡོ་རྗེ་གསུམ་གྱི་ས་བོན་ཡིན་ཀྱང༌། ངོ་བོ་ཐམས་ཅད་གསུང་ཡི་གེའི་གཟུགས་སུ་བསྒོམ་པ་གསུང་ཆོས་ཀྱི་ཕྱག་རྒྱ། ཡེ་ཤེས་ཀྱི་ཕྱག་རྒྱ་རྔ་ཡབ་གླིང་སོགས་སྐུ་གསུམ་གྱི་ཞིང་ན་བཞུགས་པའི་ཡེ་ཤེས་སེམས་དཔའ། ལས་རྒྱ་ལྕགས་ཀྱུ་སོགས་ཚད་མེད་བཞིའི་ཕྱག་རྒྱའི་རྣམ་པ་ཅན་གྱི་འོད་ཟེར་གྱིས་ཡེ་ཤེས་པའི་ཐུགས་རྒྱུད་བསྐུལ་ནས་སྐུ་དམ་རྒྱ་དམ་ཚིག་པ་ལ་གཉིས་མེད་དུ་བསྟིམ་པས་ཕྱག་རྒྱ་ཞེས་པ་རྒྱས་བཏབ་པ་ལས་མི་འདའ་བའི་དོན་ཡིན་པས་གདོད་ནས་དམ་ཡེ་གཉིས་མེད་ཀྱི་གནས་ལུགས་གསལ་འདེབས་ཕྱིར་ཕྱག་རྒྱ་བཞི་དང་དམ་ཡེ་དབྱེར་མེད་དུ་བསྲེས་ཏེ་བསྟིམ་པའོ། །མཆོད་པའི་ཚིག་རྐང་དང་པོའི། དབང་པོ་དྲུག་ལ་ཉེར་སྤྱོད་རྫས༔ ཞེས་ཡིད་དུ་འོང་བའི་གཟུགས། སྙན་འཇེབས་ཀྱི་སྒྲ། ཞིམ་པོའི་དྲི། མངར་པོའི་ཟས། འཇམ་པོའི་རེག་བྱ་ཕྱི་ལྷ་རྫས་ཀྱི་འདོད་ཡོན། སྒོ་ལྔའི་རྣམ་ཤེས་ཀྱི་རྟེན་དབང་པོའི་མེ་ཏོག །ཚིལ་ཆེན་གྱི་རྒྱུ་མ་དང་ཤ། དེའི་སྙིགས་བད་མཁྲིས་གྱུར་པས་ཚིལ་གསུར་གྱི་སྤོས། རྐང་ཞུན་གྱི་འབྲས་བུ་ཞུ་བ་ལས་ལུས་ཀྱི་བཀྲག་མདངས་འབྱུང་བས་ཞུན་གྱི་མར་མེ། ཤ་ཁྲག་ཏུ་སྨིན་པས་ཕུང་ཁམས་གསོ་བའི་ཕྱིར་ཤ་ཁྲག་གི་ཞལ་ཟས་ཏེ་དྲག་པོའི་འདོད་ཡོན། སྣང་སྟོང་གི་གཟུགས། གཞོམ་མེད་ནཱ་དའི་སྒྲ། འཕོ་མེད་ཚུལ་ཁྲིམས་ཀྱི་དྲི། དགའ་བ་བཞིའི་རོ། འབར་འཛག་གཏུམ་མོའི་རེག་བྱ་ཆོས་དབྱིངས་བདེ་བ་ཆེན་པོའི་ཡེ་ཤེས་འདྲེན་པ་གསང་བའི་འདོད་ཡོན་དྲུག་དང༌། གཉིས་པ་ཡུལ་དང་ཡུལ་ཅན་མཉམ་པར་རོལ༔ དེ་རྣམས་བདེ་བའི་རོལ་པར་རྟོག་པ་བསྟན་ཞིང༌། སྦྱོར་སྒྲོལ་ཚོགས་ཀྱི་འཁོར་ལོས་མཆོད༔ གསུམ་པ་རྩ་བརྒྱད་སྟོང་སྦྱར་གྱི་སྨན་བཟའ་བཅའ་བཏུང་བའི་དམ་རྫས་ལ་འདོད་ཡོན་གྱི་ཟེར་འཕྲོ་བའི་གཏེར་རམ། ཁམས་གསུམ་གྱི་ཞེན་རྟོག་དབྱིངས་སུ་བསྒྲལ་བའི་རྒྱུད་དྲུག་རྣམ་དག་གི་རཀྟ། བཞི་པའི་དོན་ལ་བདེ་ཆེན་རིག་མའི་འདོད་ཡོན་སྤྲོས་ནས་ཡབ་ཡུམ་རྗེས་ཆགས་ཀྱིས་ལྟ་བ་གཟུགས། སྦྱོར་བ་ཧ་སིད་ཀྱི་སྒྲ། བདེ་བས་ཚིམས་པའི་དྲི། ཞུ་བདེ་མྱོང་བའི་རོ། མཁའ་གསང་ནང་དཀར་དམར་རེག་པས་སྙོམ་འཇུག་གི་ཕྱི་ནང་གི་ཆོས་ཀུན་བདེ་སྟོང་དུ་ཤར་བའི་གསང་བའི་ཚོགས་ཀྱིས་མཆོད་པ་འབུལ་བ་ཡང་ཡོད་པར་མངོན་པས་དེའི་དུས་སུ་བདེ་བས་ཐབས་བྱས་པའི་ལྷན་སྐྱེས་ཀྱི་དེ་ཁོ་ཉིད་ལ་བློ་བཞག་པས་འཁོར་འདས་ཀྱི་འཛིན་རྟོག་གི་བདུད་དགྲ་སྒྲོལ་བའི་མཆོད་པའང་ཡིན་ཞིང༌། དེ་ཉིད་དག་པའི་སྣོད་བཅུད་དུ་ཤར་བའི་ང་རྒྱལ་སྐྱོང་བ་ནི་བསྐྱེད་རིམ་གྱི་ལམ་གནད་ཟབ་པ་ཞིག་སྟེ། ལས་སྒྲུབ་པ་ལའང་འདི་ཡོད་ན་རྣམ་ཁྱད་ཆེའོ། །བསྟོད་པའི་དོན་སྐུ་ཕྱག་རྒྱའི་རྒྱན་ཆས་ཀྱིས་མཛེས་པས་སྒེག་པ། དྲག་ཤུལ་གྱི་སྟོབས་དང་ལྡན་པས་དཔའ་བ། ཁྲོ་གཉེར་གྱིས་འཇིགས་སུ་རུང་བས་མི་སྡུག་པའི་ཉམས་ཅན་གཏུམ་དྲག་དམར་ནག་བླ་མ་དྲག་པོའི་སྐུ། བདེ་ཆེན་གྱི་ཆགས་ཤིང་དགྱེས་པའི་ཧ་ཧའི་སྒྲས་དགོད་པ་ཧི་ཧིའི་རྟ་སྐད་ཐོས་པ་ཙམ་གྱིས་དྲེགས་པ་ཅན་འདར་ཞིང་ཞུམ་པས་གཤེ་བ། ཧེ་ཧིན་ཧོ་ཧི་སོགས་ཀྱི་སྒྲ་སྒྲོགས་པས་མ་མོ་མཁའ་འགྲོ་དབང་དུ་སྡུད་ཅིང་བྲན་དུ་བཀོལ་བའི་དཔལ་གྱི་རྟ་སྐད་ཀྱི་གསུང་དང་ལྡན་པའི་དཔལ་རྟ་མགྲིན་ཡིན་པ་དང༌། གདུལ་དཀའ་གཏི་མུག་གི་སེམས་ཅན་རྗེས་སུ་འཛིན་པའི་སྙིང་རྗེ། ཞི་དྲག་གི་ལས་ཅི་ཡང་སྒྲུབ་པས་རྔམས་པ་ལྟར་སྟོན་ཀྱང་དོན་ལ་སྲིད་ཞིའི་མཐའ་ལས་འདས་པའི་ཆོས་ཉིད་ཞི་བའི་དབྱིངས་སུ་ཐིམ་པ་དོན་དམ་ཡེ་ཤེས་ཀྱི་ཁྱུང་གི་ཐུགས་མཚོན་པ་སྟེ། དེ་གསུམ་ཀས་བླ་མ་དྲག་པོའི་ཞེ་སྡང༌། རྟ་མགྲིན་གྱིས་འདོད་ཆགས། ཁྱུང་གིས་གཏི་མུག་གི་ལོག་འདྲེན་འདུལ་བའི་གཉེན་པོའི་སྐུར་བཞེངས་པ་ལ་བསྟོད་པའོ། །དུམ་བུ་གཉིས་པ་ལྷ་བསྐྱེད་ལ་སོགས་པའི་སྐོར་རོ། །ཐུགས་ཀའི་སྔགས་ཕྲེང་ཞལ་ནང་བསྟན་དུ་དབང་ཆོག་རྡོ་རྗེ་ཕ་ལམ་ལས་ནི་ཞལ་ནི་དང་པོ་གང་ནས་ཀློག་པའི་ཕྱོགས་ལ་བསྟན་པ་དེ་མིན་གྱི་ལེབ་ངོས་མ་ཡིན་ནོ། །བསྙེན་ཡིག་ཏུ་སྔགས་འཁོར་གྱི་གཟུགས་སྒྲ་ལ་དམིགས་པ་གཙོ་བོར་གསུངས་ཏེ། དེ་དག་ལ་སེམས་ཇི་ཙམ་གོམས་པ་དེ་ཙམ་དུ་སྔགས་ཀྱི་བྱིན་རླབས་རླུང་སེམས་ལ་ཞུགས་ནས་བཟླས་བརྗོད་ཀྱི་ནུས་པ་སྐྱེ་བས་ཐོག་མར་དེ་ལ་བསླབ་དགོས་ཏེ། སྔགས་འཁོར་དང་ལྷ་ལ་གསལ་སྣང་སྦྱོང་ན་རྫིང་གི་ཕུ་ཆུ་བསྐྱིལ་བ་ལྟ་བུ་ཞེས་རྫིང་གཅིག་ཏུ་ཆུ་ཆུད་ཟོས་མ་སོང་བར་བསགས་ན་མྱུར་དུ་ཁེང་བ་ལྟར་ལྷ་སྔགས་ལ་གསལ་སྣང་གི་ཞི་གནས་བསྒྲུབས་ཏེ་སེམས་གཞན་དུ་མི་འགྲོ་བར་རྩེ་གཅིག་ཏུ་གནས་པས་དངོས་གྲུབ་ཀྱི་མཚན་མ་མྱུར་དུ་ཐོབ་པ་དང་འོད་ཟེར་སྤྲོ་བསྡུ་ལ་སྒྲུབ་པ་རྫིང་ཆུ་ཡུར་བར་འདྲེན་པ་ལྟ་བུ་ཞེས་རྫིང་ཆུའི་ཁོང་ནས་ཞིང་སར་བཀྲམ་པ་སོགས་ལས་བྱེད་དགོས་པ་ལྟར་ཏིང་འཛིན་སྔ་མའི་གསལ་སྣང་བརྟན་པ་མེ་ཤུགས་དྲག་འབར་བ་ལ་བཟླས་བརྗོད་རླུང་ལྟ་བུས་བསྐུལ་ནས་དངོས་གྲུབ་བཟའ་བཏུང་ལྟ་བུ་གཡོ་བཀོལ་གྱིས་བརྩམ་དགོས་པས་ན་འོད་ཟེར་སྤྲོ་བསྡུས་དོན་གཉིས་སྒྲུབ་པར་བར་ཆད་འདུལ་བ་སོགས་ཏིང་ངེ་འཛིན་ཁོ་ནས་སྒྲུབ་ནུས་པའི་གཏིང་ཐོབ་པ་དང༌། སྔ་མ་ལྷ་སྔགས་ཀྱི་གསལ་སྣང་བརྟན་པོ་མ་ཐོབ་པར་ཕྱི་མ་སྤྲོ་བསྡུ་སོགས་བྱས་ཀྱང་རྫིང་ན་མེད་པ་ཡུར་བར་ཆུ་འདྲེན་པས་རྫིང་གི་ཆུ་བསྐམ་ཞིང་ལོ་ཐོག་སོགས་ལ་ཕན་པ་མེད་པ་ལྟར་ཏིང་འཛིན་དང་པོ་ཡིད་ཡུལ་དུ་མི་འཆར་བ་དང་དངོས་གྲུབ་རྒྱུད་ལ་འདྲེན་མི་ནུས་པར་འགྱུར་བའི་ཕྱིར་ལྷ་སྐུའི་ཕྱག་རྒྱ་ལ་གསལ་སྣང་བརྟན་པོས་ཏིང་འཛིན་གྱི་གཞི་སྒྲུབ་པ་གལ་ཆེ། ཁྱད་པར་ད་ལྟ་བདག་ཅག་རྣམས་ལ་ལྷ་ཉིད་སྔགས་ཀྱི་གཟུགས་སུ་བསྟན་པས་བཟླ་བྱའི་སྔགས་ཉིད་དབྱིངས་རིག་གཉིས་མེད་བླ་མ་དྲག་པོ་རྟ་ཁྱུང་འབར་བའི་ཡེ་ཤེས་ཉིད་རྣམ་པ་སྔགས་སུ་བཞེངས་པ། བཟླས་པ་ཙམ་གྱི་བྱིན་རླབས་དང་དངོས་གྲུབ་དབང་མེད་དུ་རྒྱུད་ལ་འདྲེན་ནུས་པའི་ཡེ་ཤེས་སྲོག་གི་སྙིང་པོ། བླ་མ་དྲག་པོ་དངོས་དང་རྣམ་དབྱེར་མེད་པའི་མཐུ་སྟོབས་ནུས་པའི་བདག་ཉིད་ཅན་དུ་ངེས་ཤེས་བསྐྱེད་ལ་བཟླས་པས། རང་རྒྱུད་ཀྱི་ལས་ཉོན་སྒྲིབ་པའི་ཚོགས་བཟླས་པ་ཙམ་གྱིས་ཤིང་སྐམ་ལ་མེ་མཆེད་པ་ལྟར་ཡུད་ཙམ་གྱིས་སྦྱངས་ཏེ། སྔགས་འདི་ལྷ་ཡི་གཟུགས་སུ་གནས་གྱུར་ནས་ཞལ་བསྟན་པ། བྱིན་གྱིས་རླབས་པའི་རྟགས་མཚན་འབྱུང་བས་ན་ལྷ་སྔགས་གཉིས་རྒྱུད་ཐ་དད་དུ་མི་བཟུང་བར་ངོ་བོ་དབྱེར་མེད་དང༌། དེ་གཉིས་རང་རིག་གཉུག་མའི་ཆོས་ཉིད་དང་ཐ་དད་བཟང་ངན་མེད་པར་གདོད་ནས་འདུ་འབྲལ་མེད་པར་བཞུགས་པས་ལོགས་སུ་ཚོལ་མི་དགོས་པར་ཤེས་པ་རབ་མྱོང་ཐོག་ཏུ་བཞག་པ་དང༌། དེ་ཙམ་མ་བྱུང་ཀྱང་དོན་དེ་ལ་མོས་པ་བརྟན་པོ་བསྐྱེད་དེ་སེམས་བཟོ་མེད་ཀྱི་རང་ངོ་བལྟ་བ་ནི་དགོངས་པ་མི་འགྱུར་བའི་གཟེར་ཞེས་ཤིན་ཏུ་གནད་ཆེ། མན་ངག་འདི་དང་ལྡན་ན་བསྒྲུབ་བྱ་དུར་ཁྲོད་ཀྱི་འདྲེ་ངན་ལྕགས་ཁམས་ལྟ་བུ་བསྒྲུབས་ཀྱང་དགོངས་པ་ཆོས་ཉིད་ཀྱི་ཏིང་འཛིན་གསེར་འགྱུར་གྱི་རྩི་ལྟ་བུས་ཐེབ་པས་མཆོག་གི་དངོས་གྲུབ་རིན་པོ་ཆེའི་ཁམས་མི་འབྱུང་བའི་ཐབས་མེད་པ་ཡིན་པ་ཡང་ཡང་གསུངས་སོ། །དེས་ན་ཟང་ཐལ་རིག་པའི་ཡེ་ཤེས་ཀྱི་སྣང་ཆ་ལྷར་འཆར། སྐུ་གསུམ་འབྲས་བུའི་ཡོན་ཏན་ངོ་བོའི་གཤིས་ཀློང་དུ་གདོད་ནས་རྫོགས་པའི་ཡིན་ལུགས་ཚུར་མཐོང་གི་གདུལ་བྱའི་དོན་དུ་ལྷ་སྐུ་ཞལ་ཕྱག་གི་རྣམ་པ་ཐབས་མཁས་ཀྱི་མཛད་པ་ཤར་བ་དེའི་རང་བཞིན་ལས་སྣོད་བཅུད་རྒྱུད་གསུམ་མ་འདས་པར་ཤེས་པའི་གནས་ལུགས་ལ་བློ་བཞག་ནུས་ན་དག་རྫོགས་སྨིན་གསུམ་གྱི་གནད་གཅིག་ཏུ་རྫོགས་པའི་ཟབ་ཏིག་ཐུན་མོང་མ་ཡིན་པའོ། །དེ་ནས་འོད་ཟེར་སྤྲོ་བསྡུས་སངས་རྒྱས་ཀྱི་མཛད་པ་སྤྱིར་རྩལ་སྦྱངས་བ་དང༌། སྒོས་མཛད་ཀླུ་འདུལ་གྱི་དགོངས་པ་ལ་བསླབ་པ་གཉིས་ལས། དང་པོ་ནི། སྔགས་འཁོར་ལས་འོད་ཟེར་འཕྲོས་པས་ཕྱོགས་བཅུའི་རྒྱལ་བ་སྲས་བཅས་དང༌། ཁྱད་པར་ཟངས་མདོག་དཔལ་རིར་གུ་རུ་རིན་པོ་ཆེའི་རིག་འཛིན་ཌཱ་ཀིའི་ཚོགས་དང་བཅས་པ་བཞུགས་པའི་ཐུགས་རྒྱུད་བསྐུལ་སྐུ་གསུང་ཐུགས་ཀྱི་བྱིན་རླབས་དངོས་གྲུབ་འོད་ཟེར་གྱི་རྣམ་པར་བསྡུས་ནས་བདག་དོན་ཡེ་ཤེས་འབེབས་པ་དང༌། ཡང་འཕྲོས་སེམས་ཅན་ཐམས་ཅད་ལ་ཕོག་པས་དེ་རྣམས་ཀྱི་གཟུང་འཛིན་འཁྲུལ་པའི་ཟུག་རྔུ་མཐའ་དག་བསལ། སྣོད་བཅུད་ཐམས་ཅད་རིག་འཛིན་དྲག་པོའི་དཀྱིལ་འཁོར་དུ་སྦྱང་བར་བསམས་ནས་གཞན་དོན་ཕྲིན་ལས་ཀྱི་རྟེན་འབྲེལ་བསྒྲིགས་པ་སྟེ། བསྙེན་པའི་གནད་བྱང་ལས། འོད་ཟེར་སྤྲོ་བསྡུས་དོན་གཉིས་བྱ༔ ཞེས་རྩ་ཐོར་ཡོད་པས་ཆད་དུ་མི་རུང༌། ཀླུ་གདོན་སོགས་ཀྱི་སྡུག་བསྔལ་དང་གནོད་སེམས་ཞི་བའི་དམིགས་པ་འབུར་དོད་བྱེད་ན་ཕྱི་མ་གཞན་དོན་ཕྲིན་ལས་ཀྱི་དམིགས་པ་འདིའི་ཁོངས་སུ་བཅུག་པས་འགྲུབ། གཉིས་པ་ནི། སྔགས་ཀྱི་འོད་ཟེར་མེ་སྟག་ལྟ་བུ་དང༌། སྐུའི་ཆ་ཐམས་ཅད་ནས་ཁྱུང་གི་ཚོགས་འཕྲོས་པའི་འོད་ཀྱིས་གནོད་བྱེད་ཐམས་ཅད་རྫས་ལ་མེ་མཆེད་ལྟར་ཚིག་པར་བསམ་པ་གཏེར་གཞུང་མཆན་བུར་གསུངས་ཏེ། འདིའི་དོན་སྔགས་ལས་འབར་བའི་འོད་ཟེར་དང་ཁྱུང་གི་ཚྭ་ཚྭ་འཕྲོས་པས་ལུས་ཀྱི་ནང་ཐམས་ཅད་གང༌། ནད་གདོན་སྡིག་སྒྲིབ་ཐམས་ཅད་ལྷག་མེད་དུ་སྦྱངས་ཏེ། བ་སྤུའི་སྒོ་ནས་ཕྱིར་འཕྲོས། ལོག་འདྲེན་རྣམས་ཀྱི་ལུས་བུད་ཤིང་བཞིན་བསྲེགས་པར་བསམ་ཞེས་ཟིན་བྲིས་རྙིང་པར་འབྱུང་བ་མེ་དམིགས་ཀྱིས་དང་པོར་ལུས་གདོན། དེ་ནས་གནས་གདོན། མཐར་སྟོང་གསུམ་གྱི་བར་གྱི་བགེགས་སྦྱང་བའི་མེ་དམིགས་སྐོར་གསུམ་གཏེར་ཁ་གཞན་དུ་ཡང་འབྱུང་བས་ལེགས་ཁྱད་ཡོད་ཀྱང༌། མཆན་བུའི་སྐུའི་ཆ་ཐམས་ཅད་ལས། ཞེས་པ་ལས་གཞུང་གི་བ་སྤུའི་བུ་ག་ཐམས་ཅད་ཀྱང༔ ཁྱུང་གི་ཚྭ་ཚས་གཏམས་ཤིང་འཕྲོ༔ ཞེས་པ་ལྟར་དམིགས་པ་བྱ་རྒྱུ་མངོན་པས། ཟིན་བྲིས་རྙིང་པ་དང་གཞུང་གཉིས་མི་མཐུན་པས་དོགས་པ་ཕྲའུ་ཡོད་གསུངས་སམ་སྙམ། འདིའི་སྟེང་ཞལ། གོ་ཆ། ཕྱག་མཚན་བཅས་བྱ་ཁྱུང་གིས་མཛད་ཅིང༌། ལྷག་པར་སྒོས་མཛད་གཙོ་བོ་དེས་བསྒྲུབས་པས་ཁྱུང་གི་དམིགས་པ་རྩལ་འདོན་པར་སྣང་སྟེ་འཇིག་རྟེན་སྨན་སྔགས་ཀྱིས་སྦྱོང་རྒྱུར་སོགས་ལ་མི་ལྟོས་པར་ཀླུའི་དུག་ལྗོན་ཟ་ནུས་པའི་མཆོག་ནམ་མཁའ་ལྡིང་ཡིན་པས་དེ་དང་སྒོ་བསྟུན་པ་སྟེ། རྟ་མགྲིན་ཁམས་གསུམ་རོལ་བའི་གཏོར་ཟློག་ཏུ། བྱ་ཁྱུང་འབར་བས་ཀླུ་གཉན་རྒུམ་བུར་ཐུ༔ ཞེས་སོ། །ཁྱུང་གི་ཁ་དོག་ལ་གཡོན་པའི་ཕྱག་མཚན་ཐད་མེ་ཁྱུང་དམར་པོ་ཞེས་བསྙེན་ཡིག་ཏུ་གསུངས་པ་གདོན་འགྲོལ་ལས། བྱ་ཁྱུང་ནག་པོའི་ཁྲ་ཐབས་གཏོང༔ ཞེས་འབྱུང་བ་རྒྱ་རོང་རིན་པོ་ཆེས། སྲེག་བྱེད་ཁྲོ་ཆུང་ཞུན་མའི་ལུས་ཅན། ཞེས་གསུངས་པ་ལྟར་མཐིང་དམར་ལྕགས་སྲེག་གི་མདོག་ལྟ་བུར་བྱས་ན་འགྲིགས་པར་མངོན། སླར་ཡང་དབུ་གཙུག་རྟ་ཞལ་གྱི་འཚེར་སྐད་དྲག་པོ་བྱུང་བས་སྲིད་པ་གསུམ་གྱི་འབྱུང་པོའི་གནས་ཐམས་ཅད་ཤིག་ཤིག་ཡོམ་ཡོམ་བྱེད་ཅིང༌། ཕྱོགས་སྐྱོང་བཅུ་སྡེ་དང་བཅས་པའི་ལུས་སེམས་ཆེར་གཡོ་སྙིང་རྩ་སྒུལ། དཔའ་ཟིལ་ཆག །དྲན་པ་མྱོས། བྱ་སྤུ་རླུང་ཁྱེར་ལྟར་རང་དབང་བརྟན་པ་དང་བྲལ་ཏེ། དབང་གི་འོད་དམར་ལྕགས་ཀྱུས་ཞབས་འོག་ཏུ་བཀུག་ནས་འགུལ་མི་ནུས་པར་བསམ་ལ་གཟིར། དེའང་གནོད་བྱེད་དངོས་བྱ་ཁྱུང་གིས་བསད་བསྲེགས་བྱེད་ཅིང༌། དེ་དག་གི་གབ་ཁུང་ལྟ་བུའི་བསྡོང་ཟླ་དང་རྒྱབ་བརྟེན་ཕྱོགས་སྐྱོང་ཁོང་གཏོགས་རྣམས་རྟ་མགྲིན་གྱིས་དབང་དུ་སྡུད་པའི་དབང་དྲག་སྦྲགས་མ་ཡིན་ནམ་སྙམ། འདི་ལྟར་ན་རྣམ་སྣང་མངོན་བྱང་འགྲེལ་པར་ཁྲོ་གཉེར་ཅན་གྱི་རྒྱབ་ཏུ་མཐུ་ཆེན་ཐོབ་འགོད་པ་ནི་དཔུང་བྱ་བའི་ཕྱིར་རོ། །ཞེས་པའི་རིགས་པ་ལྟར། ཀླུ་འདུལ་གྱི་ལས་བྱེད་དངོས་བྱ་ཁྱུང་དང༌། དེའི་དཔུང་གྲོགས་རྟ་མགྲིན། གུར་དྲག་གཉིས་ཀྱི་རྩ་བའི་ལྷར་བྱེད་དམ་དཔྱད། གདོན་འགྲོལ་དུས། བཟླས་པའི་ཚེ་ཁྱུང་དམིགས་མི་བྱེད་པར་རྟ་སྐད་ཀྱིས་འཇིག་རྟེན་གཡོ་ཞིང་བསྒུལ་བས། འོད་ཟེར་གྱིས་ཀླུ་གདོན་ཞབས་འོག་ཏུ་དྲངས་ཏེ་ཟིལ་གྱི་གནོན་པ་ཙམ་བྱེད་པ་དབུའི་ཡིག་ཆུང་གི་དོན་དུ་མངོན་པས་དཀྱུས་དང་མི་འདྲ་ཡང༌། དེ་ནི་ཞི་བས་བརྔན་དང་དྲག་པོས་གཟིར༔ ཞེས་སོགས་ལྟར་ཀླུ་གསོ་བ་དང༌། འཁོན་གཅུགས་སྦྱོང་བའི་ལས་རིམ་དང་འབྲེལ་བས་དང་པོ་ནས་མནན་བསྲེག་མི་བྱེད་པ་ཡིན་པ་བསམ་སྟེ། སྤྱིར་བཏང་དམིགས་བསལ་ལྟ་བུའི་ཁྱད་དོ། །རྒྱལ་བསེན་ལྟ་བུ་སྒོས་སུ་འདུལ་ན། ཁྱུང་གི་ཚྭ་ཚྭས་ལོག་འདྲེན་བསྲེགས༔ ཞེས་པའི་ལོག་འདྲེན་གྱི་མཚན་གཞིར་རྒྱལ་བསེན་བཞག་པས་ཆོག་སྟེ་སྲི་ཀེག་དང༌། ཐེལ་འགོང༌། རྦད་འདྲེ་སོགས་གཞན་ལའང་དེས་འགྲེས་སྦྱོར་ཞིང་སྟེང་གདོན་འདུལ་བའི་དམིགས་པ་བསྙེན་ཡིག་གི་མཆན་དུ་བལྟའོ། །བགེགས་རྣམས་བསད་གཟིར་བྱས་ཏེ་ས་གསུམ་ལས་རྣམ་པར་རྒྱལ་བའི་ང་རྒྱལ་ཡུན་རིང་དུ་བཟུང་བའི་མཐར་གནོད་བྱ་ལ་གནོད་བྱེད་གཉེན་པོར་སྣང་བའི་སྤྲོས་པ་ཐམས་ཅད་རྨི་ལམ་གཉིད་ཀྱི་ཀློང་དུ་རང་གྲོལ་བ་བཞིན་གདོད་ནས་རྣམ་དག་རིག་པའི་ངང་དུ་བསྲེས་ཏེ། དེའི་ངང་ལ་མཉམ་པར་བཞག་ཅིང༌། དེ་ཉིད་ཀྱི་རང་མདངས་རིག་འཛིན་བླ་མ་དྲག་པོའི་དཀྱིལ་འཁོར་དུ་ལམ་མེ་བའི་རྒྱུན་སྐྱོང་བ་ནི་ལྷུན་གྲུབ་རིག་འཛིན་དགོངས་པས་དམར་འབྱིན་བྱེད་ཚུལ་ཡིན་ཏེ་ལས་གཞུང་གི་སྣོད་བཅུད་སྦྱང་བ་སོགས་ན་བསྙེན་ཡིག་ལས། གདོན་ཀྱང་རང་སེམས་འཁྲུལ་བའི་རྩལ༔ སོགས་རྩ་འགྲེལ་དུ་སྦྱར་བའི་ལུགས་སོ། །དེ་ལྟར་ནད་གདོན་སོགས་མ་དག་པའི་དངོས་སྣང་དངོས་འཛིན་ཐམས་ཅད་ཆོས་དབྱིངས་ཞི་བ་ཆེན་པོའི་ཀློང་དུ་ན་བུན་ཡལ་བ་ལྟར་དེངས་བས་ཀ་དག་གི་རིག་པ་གཅེར་བུ་སོང་བ་ཉིད་ཧུར་ཕྱུང་སྟེ་སྒོམ་པ་ནི་གནས་ལུགས་དོན་གྱི་ཀུན་བཟང་པདྨ་འབྱུང་གནས་ཞལ་བལྟ་ཚུལ་དང༌། རྟ་སྐད་ཐེང་གཅིག་གི་དགོངས་པས། རྡོ་རྗེ་ནམ་མཁའ་ལྡིང་གི་ངེས་དོན་མཐར་ཐུག་པ་ཡིན་ཞིང༌། བར་ཆད་ཀྱིས་ནམ་ཡང་གཞོམ་དུ་མེད་པ་ཆོས་ཉིད་ཀྱི་ལྟ་བའི་བཙན་རྫོང་འཛིན་ཚུལ་ཟབ་པའང་ཡིན་ནོ། །བཟླས་སྔགས་ཀྱི་དོན་ནི། ཨོཾ་ཨཱཿཧཱུྃ་ནི་རྡོ་རྗེ་གསུམ་གྱི་ས་བོན་གྱི་ཐོག་དྲངས་ཏེ་བཛྲ་ནི་མཚན་རྟོག་གི་སྤྲོས་པས་མི་ཕྱེད་པའི་ཆོས་སྐུ་སྣང་མཐའ་དང༌། མ་ཧཱ་ནི་ཁ་སྦྱོར་ཡན་ལག་བདུན་དང་ལྡན་པའི་བདེ་ཆེན་གྱི་ཡོན་ཏན་དང་ལྡན་པ་ལོངས་སྐུ་ཐུགས་རྗེ་ཆེན་པོ། གུ་རུ་ནི་དེ་ཉིད་གདུལ་བྱ་ཐུན་མོང་ཐུན་མིན་ཀུན་ཕྱོགས་སུ་མ་ལྷུང་བའི་ཕྲིན་ལས་ཀྱི་འདུལ་བའི་སྤྲུལ་སྐུའི་ཚུལ་དུ་བྱོན་པ་པདྨ་འབྱུང་གནས། ཨརྩིག་ནི་ཤིན་ཏུ་ཁྲོ་བ། ནིརྩིག་ནི་རབ་ཏུ་ཁྲོས་པ་ཞེས་དགོངས་འདུས་རྣམ་བཤད་ལས་གསུངས་པས་ཆོས་ཉིད་ཀྱི་རང་ངོ་སྤང་བྱ་དང་ལྷན་ཅིག་གཟོད་ནས་མི་གནས་པ་ཆོས་སྐུ་ངང་གིས་ཁྲོས་པ་ལ་ཤིན་ཏུ་ཁྲོས་པ། སྟོང་ཆ་ཤེས་རབ་ཀྱི་རྩལ་ཁྲོ་བོའི་རྣམ་པར་བསྟན་པས་གདུག་པ་ཅན་འདུལ་ཕྱིར་ཐུགས་རྗེའི་ཤུགས་ཀྱིས་ཁྲོས་པ། ལོངས་སྐུ་རང་སྣང་གི་གཙོ་བོ་སྤྱིར་སེམས་ཅན་ཐམས་ཅད་བྱེ་བྲག་གི་གདུལ་བྱ་བདུད་དང་རུ་ཏྲ་སོགས་འདུལ་ཕྱིར་ཐུགས་སྙིང་རྗེ་ཆེན་པོའི་གར་དགུས་བརྗིད་པའི་ཁྲོ་བོ་ལྟར་བཅོས་པ་སྤྲུལ་སྐུའི་ཁྲོ་བོ་སྟེ་གཟུགས་སྐུ་གཉིས་རྣམ་པ་དང༌། ངོ་བོ་གཉིས་ཀ་ཁྲོ་བོར་བསྟན་པས་རབ་ཏུ་ཁྲོས་པ་སྟེ། སྐུ་གསུམ་དབྱེར་མེད་པའི་སྐུ་གསུང་ཐུགས་རྟ་གུར་ཁྱུང་གསུམ་འདྲིལ་བའི་སྔགས་དངོས་ནི། ཨོཾ་ནི་རིགས་ཀྱི་ཁྱབ་བདག་ཡེ་ཤེས་ལྔ་ལྡན་ཉིད་གསུང་རྡོ་རྗེ་པདྨ་གར་དབང༌། ཧྲཱིཿ རྟ་མགྲིན་དེ་ཉིད་དྲག་པོའི་སྐུར་བསྟན་པ། ཧཱུྃ་དེ་ལས་ཆེར་ཁྲོས་ཤིང་འཆོལ་བའི་ཕྲིན་ལས་མྱུར་རྣོན་ཅན་གུར་དྲག །ཁྲོཾ་ལས་ཀྱི་ཕོ་ཉ་ཁྱུང་ཅེས་པ་ལ་ངོས་བཟུང་དགོས་ཏེ། གདོན་ཁྲོལ་དུ་ཡང་ཡང་འབྱུང༌། ཕཊ་ཁྲོ་རྒྱལ་གསུམ་གྱི་ནུས་སྟོབས་ཀྱིས་མི་མཐུན་ཕྱོགས་ཐམས་ཅད་གཏོར་ཤིག་ཅེས་དང་ལྷག་མ་གུ་རུ་དྲག་པོའི་སྔགས་སོ། །མདོར་ན་རིག་འཛིན་སྤྱི་སྙིང་དང་གུར་དྲག་རྟ་ཁྱུང་གཅིག་དྲིལ་ཏེ། རིག་འཛིན་འདུས་པའི་སྐབས་སུ་སྒྲུབ་པ་པོའི་རྒྱུད་ལྷ་སྔགས་ཡེ་ཤེས་ཀྱིས་བྱིན་གྱིས་བརླབ་པས་དངོས་གྲུབ་ཀྱིས་སྣང་རྒྱུད་དུ་བྱེད་ཕྱིར་བཛྲ་གུ་རུའི་བསྙེན་པ། དངོས་གྲུབ་དངོས་སུ་སྒྲུབ་པའི་ནུས་པ་བསྐྱེད་བྱེད་སྒྲུབ་སྔགས་རིག་འཛིན་སྤྱི་སྙིང༌། ལས་སྦྱོར་ནི་བསྙེན་སྒྲུབ་གཉིས་ལས་སྒྲུབ་པའི་རྗེས་འབྲེལ་དུ་སྦྱོར་ཆོག་པས་འདིར་ལས་སྒྲུབ་ཀྱི་ལྷ་ཡིན་པས་སྒྲུབ་སྔགས་རིག་འཛིན་སྤྱི་སྙིང་དང་དམིགས་བསལ་རྟ་གུར་ཁྱུང་གསུམ་ཕྲིན་ལས་ཀྱི་ལྷ་ཀུན་འདྲིལ་དུ་སྦྱར་བས་རིག་འཛིན་སྤྱི་སྙིང་བསྙེན་པ། རྟ་གུར་ཁྱུང་གསུམ་སྒྲུབ་པ། ཕཊ་ལས་སྦྱོར་ཏེ་སྔགས་འདི་ཙམ་ནི་བསྙེན་སྒྲུབ་ལས་གསུམ་གཅིག་དྲིལ་དུ་གོ་རུང་ངོ་སྙམ། དེ་རྣམས་ལ་ཏིང་འཛིན་རྣམ་གསུམ་དང་དག་དྲན་སོགས་བསྐྱེད་པ་ལྷ་ཡི་ཏིང་ངེ་འཛིན་གྱི་གཟེར། སྔགས་དོན་དང་ལྷ་སྔགས་དབྱེར་མེད་དུ་བཤད་པ་སོགས་སྙིང་པོ་སྔགས་ཀྱི་གཟེར། ལྷ་སྔགས་ཐམས་ཅད་ཆོས་ཉིད་གཅིག་གི་རོལ་པར་ལམ་དུ་ཁྱེར་ཚུལ་རྣམས་དགོངས་པ་མི་འགྱུར་བའི་གཟེར། འོད་ཟེར་སྤྲོ་བསྡུའི་སྐོར་འཕྲོ་འདུ་ཕྲིན་ལས་ཀྱི་གཟེར་ཡིན་ཚུལ་ཡང་ཤེས་པར་བྱ་སྟེ་སླའོ། །དུམ་བུ་གསུམ་པ་ཛཔ་དགོངས་ཀྱི་སྐོར་ཚོའོ། །དུས་ནམ་ཡང་གུ་རུ་རིན་པོ་ཆེ་མཁྱེན་སྙམ་པའི་མོས་གུས་དུང་ངེ་བ་དང༌། རིག་འཛིན་ཧེ་རུ་ཀའི་ཞིང་སྐུའི་སྣང་ཞེན་མི་འབྲལ་བ་སྲོག་ལྟར་གཅེས། སྐབས་ཅི་རིགས་པར་འདི་ཉིད་ཀྱི་ཐུགས་དམ་བསྐུལ་བའི་གསོལ་འདེབས་གྲངས་བསགས་བྱེད་ན་དབང་གི་གནད་ཡིག་ལྟར་ཚིག་བདུན་གསོལ་འདེབས་ལ་བྱས་ཤིང༌། བསམ་པ་མྱུར་འགྲུབ་ཀྱང་ཤིན་ཏུ་འབྱོར་བས་ཐུན་མཚམས་སུ་ཡང་དམིགས་པ་རྒྱུན་མི་གཅོད་པ་ཡང་ཡང་གསལ་སྣང་བསྐྱེད་དེ་ཏིང་ངེ་འཛིན་ཁ་གསོ་བ་ལ་སློབ་ཞེས་མཁས་གྲུབ་གཏེར་སྟོན་ཆེན་པོ་མངའ་རིས་པཎ་ཆེན་སྐུ་མཆེད་གཉིས་ཀྱིས་གསུངས་ཏེ། ཕྱི་གཙུབ་ཤིང་གི་མེ་སྒྲུབ་པ་ལ་ངལ་བསོ་མེད་པར་འབད་རྩོལ་དགོས་པ་བཞིན་དུ་ནང་བསམ་གཏན་གྱི་མེ་ལའང་འདྲ་བས་གནད་ཆེ་བར་གོ །ནད་གདོན་མར་ལྟ་བུར་འགའ་ཞིག་བཟླས་བརྗོད་ཀྱི་མེ་མཐུ་ཆུང་དང་ཡུན་ཐུང་ངུ་ཞིག་གིས་བཞུ་བར་ནུས་མོད། ལྕགས་ལྟ་བུ་འགའ་ཞིག་བཞུ་བ་ལ་སྟོབས་ལྡན་དང་ཡུན་བསྲིང་བ་དགོས་པས་ངང་ཐུང་མི་བྱ། གདོན་དང་པོར་སློང་རྟགས་སུ་ན་ཚ་སོགས་ཤུགས་ཆེ་རུ་འགྲོ་བ་དང༌། ཉམས་རྨིས་རྩུབ་པ་དང༌། བར་དུ་ཆུམ་རྟགས་སུ་གདོན་དཔའ་སྙིང་ཆག་སྟེ་འཚུབ་སྣང་ཞི་ཞིང་གུས་འདུད་སོགས་འགྱུར་བ། ཐ་མ་ཐུལ་རྟགས་བཀའ་ཉན་སྲོག་སྙིང་ཕུལ་བ། ནད་གདོན་ལས་གྲོལ་བ་སོགས་སོ་སོར་འོང་བ་བཤད་པའི་རྣམ་དབྱེ་འབྱེད་དགོས། རེ་དོགས་མང་ན་བགེགས་འཇུག་ཅིང་གདོན་བྱིངས་ཆེ་ན་དང་པོ་ཐུལ་རྟགས་འབྱུང་བ་ལ་མངོན་རློམས་ཞུགས་ན་སླར་གནོད་ཚབ་ཆེར་བྱེད་པ་སོགས་རྟགས་མཚན་ཕྱིན་ཅི་ལོག་གི་མགོ་སྐོར་འོང་བ་ཡང་བཤད་པས་རྟགས་བཟང་ངན་ཅི་བྱུང་ཡང་རེ་དོགས་དང་དགའ་བྲོད་འཇིགས་ཞུམ་གང་ཡང་མ་ཤོར་བར་ནམ་མཁའ་མདུང་བསྐོར་ལྟར་བྱ། ཉམས་དང་རྣམ་རྟོག་ཆེར་འཕྲོ་བ། གོང་དུ་དྲངས་པའི། གདོན་ཀྱང་རང་སེམས་འཁྲུལ་པའི་རྩལ༔ སོགས་ལྟར་གང་ཤར་རིག་པའི་རང་རྩལ་དང༌། རང་སྣང་ཡེ་ཤེས་ཀྱིས་འཁོར་ལོར་རྩལ་སྦྱང་བྱ་ཞིང༌། ཐོག་བརྫིས་ཀྱི་བརྟུལ་ཞུགས་ཀྱང་རྒྱགས། དེ་ཙམ་དུ་མ་ཟད། དངོས་འཛིན་གྱི་མེ་རོ་སྐད་ཅིག་ཀྱང་མི་སློང་བར་མཉམ་བཞག་ཏུ་ལྷའི་གསལ་སྣང་དང་རྗེས་ཐོབ་ཀྱི་སྤྱོད་ཡུལ་ཐམས་ཅད་སྒྱུ་མ་ལྟ་བུའི་དཔེ་བཅུའི་ཚུལ་ལྟར་ཤེས་པའི་རྣལ་འབྱོར་གྱིས་སྣང་བའི་དངོས་ཞེན་ཟིལ་གྱིས་གནོན་པ། འོག་མིན་བགྲོད་པར་ལམ་ཁྱེར་ཤེས་པ་བཅུ་གསུངས་པའི་གནད་དོན་ཡིན། རིག་འཛིན་བསྙེན་ཡིག་ཏུ་མཚམས་ཀྱི་ཀུན་སྤྱོད་གཏོར་མཆོད་ཕོངས་མེད་དུ་འབུལ་བ་སྦྱིན་པ། དམ་བཅའ་རིས་སུ་མི་བོར་བ་ཚུལ་ཁྲིམས། དཀའ་སྤྱད་བྲེ་གཞོག་གི་དབང་དུ་མི་གཏོང་བ་བཟོད་པ། སོས་དལ་དུ་སྐད་ཅིག་ཀྱང་མི་གཏོང་བ་བརྩོན་འགྲུས། ལྷའི་གསལ་སྣང་གིས་ཐ་མལ་གྱིས་འཛིན་རྟོག་ལ་མི་གཡེང་པ་བསམ་གཏན། ཐམས་ཅད་ཆོས་ཉིད་ཀྱི་རོལ་པར་ཤེས་པ་ཤེས་རབ་སྟེ་ཕར་ཕྱིན་དྲུག་དང་སྦྱར་ནས་གསུངས་པ་དང༌། གབ་བྱང་ལས་ཀུན་བཟང་སྤྱོད་པ་ལྔས་བསྙེན་སྒྲུབ་ཀྱི་གནས་དང་ཡོ་བྱད་ལྷ་སྔགས་གྲོགས་དམ་ཚིག་སོགས་རྣམ་པར་དག་དགོས་པ་བསྟན་ཅིང༌། འོག་མིན་བགྲོད་པར་ལྷ་སྔགས་དང་སྒྲུབ་ཐབས་སྟེར་བའི་བླ་མ་ལ་མོས་གདུང་རྒྱུན་མི་གཅོད་པ་དང༌། ཏིང་ངེ་འཛིན་གྱི་མཐུན་རྐྱེན་སྒྲུབ་པ། མི་མཐུན་ཕྱོགས་འདོར་བ། སྤྱོད་ལམ་ཀུན་ཏུ་ཏིང་འཛིན་མི་གཏོང་བ། ཡི་དམ་མི་སྤོང་བ། སྣོད་མིན་ལ་སྒོམ་སྤྱོད་ཀྱི་གསང་བ་མི་སྟོན་པའི་དམ་ཚིག་དྲུག་གསུངས་པས་མཚོན་བསྙེན་དུས་ཀྱི་སྤང་བླང་སྟོན་པའི་སྐོར་རྣམས་བཤགས་སྦྱང་གཏོང་བ་ཁ་སྐོང་ཞི་བའི་སྦྱིན་སྲེག་བྱེད་ན་ཡེ་ཤེས་མེ་ལྕེ་སྦྱོར། ལྷ་སྔགས་ལས་བྱུང་བའི་དྲོད་ཚད་རྙེད་པ་ལ་རྟག་འགྲུས་ཀྱི་བརྩོན་འགྲུས་གཉིས་པོ་འཛོམས་དགོས་པས་བསྙེན་མཚམས་བསྡམ་པ་ངེས་པར་དགོས་ཤིང༌། ཕྱིས་སུའང་ལྷའི་ཐུགས་རྒྱུད་འཁུལ་བ་དང༌། བྱིན་རླབས་ཀྱི་རྒྱུན་གསོ་ཞིང་གོང་དུ་འཕེལ་བ་སོགས་ཀྱི་ཆེད་དུ་ཆགས་མེད་ཀྱི་དམ་བཅའ་བཟུང༌། དེར་མ་ཟད་གདོན་ཐུལ་རྟགས་དང་ལྷ་ཉེ་བའི་མཚན་མ་ཅི་རིགས་མཐོང་ནས་རང་ལ་བར་ཆད་ཀྱིས་མི་ཚུགས་སྙམ་པ་ཡོད་དེ། གཡུལ་དུ་མཚོན་ཆས་མི་ཆོམས་པ་ལ་གོ་ཆ་ཡོད་པས་མི་ཆོག །ལུས་ལ་གྱོན་པ་དགོས་པ་ལྟར་བཟླས་བསྒོམ་མི་གཡེལ་བ་གལ་ཆེ། བསྙེན་པ་རྫོགས་ནས་གསང་རྫོགས་ཀྱི་རྒྱུད་ལས་གསུངས་པ་ལྟར་འོད་ཟེར་སྤྲོ་བསྡུས་ལྡེ་ཁ་བསྒྱུར་ཚུལ་དང༌། སྔགས་ལ་སྤེལ་ཚིག་གང་འདོད་སྦྱར་བ་ཙམ་གྱིས་ལས་སྣ་ཚོགས་ཤིག་འགྲུབ་ལ་བསྐྱེད་རིམ་སྤྲིང་ཡིག་བྱེད་ན་ཕྱོགས་བཅུའི་གདོན་ཚོགས་ལ་སྤྲིང་བ་ལྷ་མ་ཡིན་གྱི་གཏོར་སྦྱར་ན་འཐད་དོ། །ལྷག་བསམ་དག་པས་དེ་ལྟ་བུའི་ཚུལ་གྱིས་བསྟན་འགྲོའི་དོན་རྒྱ་ཆེར་སྤྱོད་པའམ་ཨོ་རྒྱན་རིན་པོ་ཆེ་མཛད་ཕྲིན་གྱིས་འཕྲོ་བསྐྱང་བར་འགྱུར་བས་ལེགས་མོད་ཀྱི་སྐལ་ལྡན་མཆོག་ནི་ཚེ་ཐུང་འདིར་ལས་སྒྲུབ་ཀྱི་ནང་དུ་མགོ་མི་འཁོར་བར་མཐོང་བའི་ཆོས་ལ་རིག་འཛིན་གྱི་ས་བགྲོད་པའམ་དེ་མ་བྱུང་ཡང་ཕྱི་མ་ཟངས་མདོག་དཔལ་རིར་ཐོགས་མེད་དུ་འགྲོ་བའི་གསང་ལམ་དམ་པར་བཟུང་ནས་དངོས་གྲུབ་མཆོག་གི་འབྱོར་བ་རྒྱས་པར་བྱེད་དོ། །དུམ་བུ་བཞི་པ་རྗེས་སྤྱོད་སོགས་ཀྱི་སྐོར་ཚོའོ། །ལར་ཀློང་ཆེན་སྔ་ཕྱིའི་ཆོས་འདི་དག་དགོངས་གཏེར་གྱི་རྒྱལ་པོ་ཡིན་ཏེ། སྔ་མ་གཞན་དུ་ཤེས། ཕྱི་མ་ཆོས་ཀྱི་བབ་ལུགས་ཀྱི་སྒྲོམ་ནས་འོད་གསལ་སྙིང་ཐིག་ལམ་གནད་ཀྱི་ཕྱུག་པའི་གཟེར་བུ་ཐེབ་ངེས་པ་རྟོགས་བརྗོད་ཆུ་ཟླའི་ནང་བཞུགས་ཏེ་བལྟ་ཤེས་ན་ཡ་མཚན་པོ་ཡོད། གཏེར་ཁ་སོ་སོར་བཀའ་བབ་ཀྱི་སྒོས་ཁྱད་རེ་ཡོད་པ་ལས། ཀུན་མཁྱེན་ཕྱི་མ་འདི་རྫོགས་ཆེན་སྙིང་ཐིག་རིག་འཛིན་བླ་མའི་སྒྲུབ་སྐོར་གྱི་བཀའ་བབས་སུ་ལུང་བསྟན་བཀའ་རྒྱས་བསྟན་པ་ལྟར་ཉིད་ཀྱིས་གསུངས་ཏེ། འདིའི་ཐུགས་རྗེ་ཆེན་པོ་དང༌། བཀའ་བརྒྱད་སེང་གདོང་སོགས་བླ་མའི་གསང་སྒྲུབ། རིག་འཛིན་ཐུགས་སྒྲུབ། རིག་འཛིན་ཡུམ་བཀའི་གསང་སྒྲུབ་སོགས་ཟེར་བ་དེ་ཡིན་ནོ། །ཡང་རྗེ་འདིས་དགོངས་འདུས་རྣམ་བཤད་རྩོམ་དུས་དབུ་གཙུག་ནས་རྟ་སྐད་འཚེར་བ། གུ་རུ་རིན་པོ་ཆེའི་པདྨ་དབང་ཆེན་ཞེས་མཚན་བཏགས་པ། མཐེ་བོང་ཐུགས་སྲོག་ཧྱ་ཡིས་མཚན༔ ཞེས་པ་མཁའ་འགྲོས་ངོ་སྤྲད་པ། རྟ་མགྲིན་གྱི་རྣལ་འབྱོར་ལ་བརྩོན་པའི་སྐབས་སུ་རང་བཞིན་རྫོགས་པ་ཆེན་པོའི་ཆོས་ཉིད་ཀྱི་བདེན་དོན་གཟིགས་པར་གསུངས་པ་སོགས་ཀྱི་རྒྱུ་མཚན་ལས་རྟ་མགྲིན་གྲུབ་པའི་དཔའ་བོར་ཤེས་སོ། །ཀློང་སྙིང་འདིར་གུར་དྲག་མཐིང་དམར་གཉིས་གསུངས་པའི་དྲག་མཐིང་བླ་མ་བཀའ་བརྒྱད་དུ་བྱས་པ་དང་དྲག་དམར་རྟ་ཁྱུང་གཉིས་དང་སྦྲག་ནས་གསུངས་ལ། བྱ་སླ་ཁྱེར་བདེ་བྱིན་རླབས་ཆེ༔ ཞེས་ལྟ་བུའི་ཕྱི་མ་སྟེ། པདྨ་གསུང་ལ་རྩལ་འདོན་ན་ལྷག་པར་ཡང་དེ་ཟབ་བོ། །དེ་ལྟར་ན་རིག་འཛིན་ཆོས་འདིའི་དགོངས་གཏེར་གྱི་བླ་མ་རིག་འཛིན་རྟ་མགྲིན་དང་སྦྲགས་པའི་སྒྲུབ་གཞུང་ཞིག་ཉམས་སུ་ལེན་རྒྱུ་བྱུང་ན་རྣོ་ནུས་གཞན་དང་མི་འདྲ་ཞིང༌། རྟ་མགྲིན་ཁམས་གསུམ་རོལ་པ་སོགས་ཀྱང་རིག་འཛིན་ཐུགས་སྒྲུབ་ཀྱི་སྐོར་ཡིན་ཡང༌། །དེ་ལྟར་གུ་རུ་ནི་ཞི་དྲག་གང་གི་མིང་འདོགས་མི་བྱེད་ཀྱི། ཁྱད་པར་བླ་མ་དྲག་པོ་རྟ་མགྲིན། ཁྱུང་ཐམས་ཅད་གཅིག་དྲིལ་དུ་དེ་རྣམས་རྫོགས་པ་ལ་རྟ་ཁྱུང་འབར་བ་འདི་རང་ཕུལ་དུ་བྱུང་བར་མཐོང་ངོ༌། །དེས་ན་ལས་གཞུང་དང་གནད་ཡིག་གཉིས་ཀར། ཤིན་ཏུ་ཡང་ཟབ་ཐུགས་ཀྱི་གཏེར། ཞེས་གུ་རུ་ཉིད་ཀྱིས་ཟབ་པར་བསྔགས་པས། ཕ་མེས་ཀྱི་རྡོ་རྗེ་ལག་བརྒྱུད་ཙམ་མ་ཡིན་པར་བརྒྱུད་པ་དང་ཆོས་ཀྱི་རྒྱུས་ལ་བྱང་བར་བྱས་ན་དད་པས་ཁམས་སོས་པར་འགྱུར་རོ། །རྗེ་བཙུན་བོད་འབངས་འགྲོ་ལ་ལྷག་པར་བརྩེ། ད་དུང་བོད་འདིར་གདུལ་བྱའི་ལྷག་མ་མཆིས། འདི་ལྟར་སྤྱན་འདྲེན་སྦྱོར་བ་བཤམས་ནུས་ན། པདྨའི་འཛུམ་ཞལ་མྱུར་དུ་མཇལ་བར་ངེས། རྟ་ཁྱུང་འབར་བའི་བསྙེན་ཐོ་རིན་པོ་ཆེ་སྒྲོན་མེ་ཞེས་བྱ་བ་བྱ་རྒན་ཚོགས་པའི་ནགས་རྒན་མར། རྡོ་རྒན་གྱིས་བྲིས་པ། སྔགས་རྒན་མང་པོས་བརྡུང་རྒྱུ་རྔ་རྒན་དུ་གྱུར་ཅིག །ལྕགས་ཕག་ཁྲུམས་ཟླར་བྱས་པ། སྤྲིང་ཡིག་བྱེད་ན། སྟེང་དུ་ཕྱག་རྟགས་འོག་ཏུ་སྤྲིང་ཡིག་འབྲི། ཕྱག་རྟགས་ནི་ཕྱག་མཚན་གཉིས་པའམ། བསྡུ་ན་རྡོ་རྗེ་རྭ་གདེངས་མེ་འབར་གཅིག་ཏུ་བྱ། སྒོ་གོང་ངམ་གནོད་པའི་ཕྱོགས་སུ་བསྟན་ནོ། །ཞེས་ཀུན་མཁྱེན་འཇིགས་མེད་བསྟན་པའི་ཉི་མའི་གསུང་གི་བརྩམ་གཞིར་སོང་བས་ཚིག་སྣ་བསྡུས་ཆེས་ཏེ། བློ་དམན་གྱི་གོ་དཀའ་ཕྱིར་ཞལ་གསལ་དུ་སྤྲོས་ཞེས་གྲུབ་ཆེན་སྐུ་ཕྲེང་བཞི་པ་འཇིགས་མེད་ཀུན་བཟང་ཐུབ་བསྟན་ཕྲིན་ལས་དཔལ་བཟང་གི་ཞབས་རིམ་པ་དད་མོས་ལྡན་པ་དགེ་སློང་སངས་རྒྱས་ནས་ཡང་ཡང་བསྐུལ་ངོར་འཇིགས་མེད་མཁྱེན་བརྩེའི་འོད་ཟེར་གྱིས་ལྷོ་འབྲུག་རྒྱལ་ཁབ་ཀྱི་བྱེ་བྲག་རྟ་བབ་བདེ་ཆེན་རྩེར་རང་གི་གོ་ཚོད་ཅི་ནུས་སུ་གཟུ་ལུམ་སྤང་ཏེ་དད་མོས་ཀྱིས་བྲིས་པའི་དགེ་བས་འབྲེལ་ཚད་སློབ་དཔོན་ཆེན་པོ་སངས་རྒྱས་གཉིས་པས་རྗེས་སུ་འཛིན་པའི་རྒྱུར་གྱུར་ཅིག །ཡེ་ཤེས་བྱ་ཁྱུང་རྒན་འདུས་སྔ་འགྱུར་གྱི། །སྔགས་རྒན་བཀའ་གཏེར་ཤིང་རྟ་རྡོ་རྒན་གསུང༌། །སྔགས་རྒན་མང་བརྡུང་ཆོས་རྒན་ལྷའི་རྔ་རྒན། །ཁམས་རྒན་གྱིས་བརྡུང་ཕྱོགས་ལས་རྣམ་རྒྱལ་ཤོག། །།

[edit]

rta khyung 'bar ba'i bsnyen tho rin chen sgron me bzhugs so/ bla ma bde ba chen por mchod/_/rta khyung 'bar ba'i zin tho la/_/phyi sgrub bla ma'i rnal 'byor las/_/'di lta bu'i man ngag ni bskyed rim gyi gnad:_rdzogs rim gyi bcud:_gnas lugs kyi tshang:_man ngag gi mdud yin pas chos sgo brgyad khri bzhi stong zhal bsdur kyang gnad 'di las zab pa 'byung mi srid pa'i zab rgya yin pas skal bzang rnams kyi snying la gces par zungs shig:_ces dang*/_rig 'dzin 'dus pa'i bsnyen yig las/_sgrub pa thams cad kyi nang nas bla ma sgrub pa mchog tu gsungs shing*/_khyad par slob dpon chen po ni sangs rgyas thams cad kyi spyi gzugs yin pas nyid kyi zhal nas/_nga mthong sangs rgyas thams cad mthong:_nga sgrub sangs rgyas thams cad 'grub:_nga ni bde gshegs 'dus pa yin:_zhes gsungs pa la bslu ba med pa mngon sum tshad ma'o/__/zhes gsungs pa ltar skabs 'di'i bsgrub bya'i lha ni rtsa ba gsum las/_chos 'di rig 'dzin bla ma'i sgrub skor yin pas rang re phyogs bcu'i sangs rgyas sus kyang ma thul ba'i dmu rgod snyigs ma'i sems can sangs rgyas dngos byung gi zhal mthong gsung thos pa'i skal ba med pa la/_rgyal ba'i phrin las mi yi gzugs su byon pa'i bla ma rnams kyis zhal bstan chos gsungs nas 'bras bu'i sa la mtshams sbyor ba'i bka' drin sangs rgyas las kyang lhag pas bla ma la gsol ba btab pas sangs rgyas thams cad kyi byin rlabs 'jug cing thugs rje'i shugs myur ba dang*/_lhag par gu ru rin po che'i gdul bya khyad par can bod yul yin zhing dus kyi tha ma'i bod 'bangs la lhag par thugs brtse/_byin gyis rlob pa'i zhal bzhes bslu med kyis rjes su bzung bas na de nyid bsgrubs pas rtags mtshan myur du 'char ba dang*/_gter chos thams cad kyi gtso bo bla rdzogs thugs gsum du gsungs pa ltar yin zhing khyad par bla ma sgrub pa 'di sangs rgyas byang sems sku dngos kyis 'dul ma nus pa bla mas 'dul bar mdzad cing*/_bla ma dge ba'i bshes gnyen gyi tshul gyis sangs rgyas kyi mdzad pa mdzad nus pas byin rlabs tshan che la dngos grub kyang myur/_bla ma sgrub pa de la phyi gsol 'debs/_nang sku gsum/_gsang ba rlung sems dbyer med/_yang gsang bla ma drag po'i sgrub tshul bzhi las 'di ni yang gsang bla ma drag po phrin las kyi skor yin/_de'i dgos pa dus kyi tha ma chos byed yongs la bar chad byung na drag po'i lha sngags kyis skyob pa'i rten 'brel yod pa'i rgyu mtshan bod du sangs rgyas kyi bstan pa thog mar dar ba'i skabs mkhan chen zhi ba 'tsho sogs kyis zhi ba'i phrin las kyis ma thul ba ltar mdzad nas gu ru rin po che'i dbang drag gi phrin las kyis mi dang mi min thams cad btul nas bod thugs rje chen po'i gdul zhing don la gnas pa'i bka' drin gyis da lta bdag cag snyigs dus kyi gdul bya 'gal rkyen mang ba'i skabs bla ma drag po'i lha sngags kyis zhi bas mi thul bas drag sgrub dgos pa'i rgyu mtshan dpal 'dus las/_gu ru'i thugs sgrub bskul bas bar chad med cing*/_bkra shis dngos grub kyi mtshan ma gzhan las che ba ni/_de tshe gnyen po stobs kyi lha:_phal gyis thul bar mi 'gyur bas:_phyi ltar byang sems nang rig 'dzin:_gsang ba drag gtum 'bar ba'i lha:_zhes gsungs pa ltar zhi rgyas phrin las kyis rjes su 'dzin pas gdul dka' zhing rgyud ma rung pa'i bdud dang ru tra'i tshogs la dbang dang drag po'i phrin las kyis tshar bcad de 'dul ba'i phyir khro bo'i skur bzhengs pa yin pas phrin las rno la myur/_de'ang gur drag phal cher be har 'dul dus kyi lo rgyus dang 'brel kyang*/_'di ni gdug pa klu 'dul mdzad pa dang 'brel ba'i gur drag yin te/_'di nyid kyi sgrub rten rdzas gter phur pa gnam lcags thog rgod bsam yas has po ri nas gter du bzhes pa'i lo rgyus las gter srung rdo rje legs pas/_phur pa me stag 'phro ba zhig phyin nas 'di slob dpon chen po'i mal gro'i klu btul ba'i phur pa yin zer/_chos 'di byin rlabs shin tu myur bas dam sri'i bar chad bzlog cing tshe 'phrang sel/_ko sgom chos nyid kyis bsnyen pa byas pa'i tshe/_sbal pa zhig gis kha gdangs nas bzhad pa'i tshul gyis phyag byed pa lan gsum/_bya skya ka zhig mtsho nang du 'jug nas sbrul gyi 'jug ma nas bzung ste bton pa'i mgo la me 'bar ba sogs byung nas klu gnyan la shin tu gnod par dogs pas 'jigs te bzhag pa yin zer/_'di'i chos dang rdzas gter gnyis ka gdug pa klu'i gnyen por gyur pa yin/_zhes sogs kyis shes/_dbu gtsug nas rta khyung gi zhal gnyis phyung ba'ang ngo bo gu ru nyid rnam pa klu yi gshed ma'am gnyen po ched du bsngags pa'i lha rta mgrin dang dbyer med pa dang skur bzhengs pa'i brdar snang*/_dug sbrul bcu gnyis kyi gdan dang g.yon pa'i phyag mtshan me khyung dang*/_klu chen brgyad sbrul gyi rnam pas sku la brgyan pas/_ba spu las khyung gi tshwa tshwa 'phro ba rnams kyi shes/_rdzas gter gyi lo rgyus de'i rta khyung chos bka' 'di [⁽111b⁾]na mkhyen gyi dgung grangs re drug gi bar chad kyi 'phrang sel ched gu ru rin po che'i lha sngags 'di lta bu rnam par bzhengs pas sku tshe'i 'du byed byin gyis brlabs pa'i ched byung zhing*/_rta khyung gi chos skor 'di thun mong gi gdul bya'i spyod yul du de ltar snang ba'i don la dgongs pa tsam las/_de gong rta khyung gi lha sngags 'di nyid kyi rnam pa med snyam dogs pa sel lo/__/Ar+Ya pa gling gis se phung la gnas pa'i klus bod kyi lha 'dre bskul nas bsam yas brtsig tu ma ster ba'i dbang gis sa 'dul la spyan drangs par bshad de/_sde brgyad rgyal po sogs dug gsum rang rgyud du spyod pa'i pho mo ma ning gi rgyud gsum 'byung po'i nang na gti mug ni nyon mongs [⁽111b⁾]na gyi rtsa ba yin pas de'i rang gzugs klu nus stobs sogs tshan che zhing*/_'dzam gling gi mi rgya mtsho'i dbus su sa chu la gnas pas/_gdon khrol las/_byol song gdug pa klu yi rigs:_'byung ba [⁽111b⁾]na la gnas bcas shing:_zhes gsungs pa ltar nam mkhar gnas pa'i gnyan gyi rigs:_sa la dbang byed sa bdag sogs:_gnam sa bar snang thams cad klu gnyan sa bdag gsum gyi ma khyab pa med pas 'di nyid las/_mdor na snod kyi 'jig rten [⁽111b⁾]na:_khyod dang ma 'brel gang yang med:_sogs gsungs la/_mal gro'i klu 'dul phyir gu ru rin po che'i klu 'dul gyi ting nge 'dzin la bzhugs pas klu bcun pa'i tshe/_klu yis chos rgyal khri srong bskul te bsam yas brtsigs pa'i sdong grogs byed par khas blang bas gu ru rin po che'i dgongs pa klod pa mnga' bdag gis gsol ba btab pas gu ru rin po che'i khyung gi skur bzhengs pa'i sprul pa bsdus te klu'i lus ngag dam la thog kyang yid dam la ma thog pas dus mthar klu gdon gyis gnod pa mang bar gsungs pa ltar sde brgyad las gdul dka' shos klu rgyud yin te gzugs mdzes pa'i lus la chags sems kyi zhugs nas klus mi gtong ba dang*/_klu gdol pa'i rigs rta gdong gi lcags ri la gnas pa rnams khyung phal pas zos pas zhe sdang gi snying la me 'bar nas khyung gi lus bsregs/_snying lcags gong me 'bar bar lta bur gyur te rgya mtsho'i bye ma'i nang zhe sdang gis rgyugs pas lcags ri'i nags kyang me 'bar bar gsungs pa dang*/_klu gdol pa'i rigs dang 'gras pas skye ba bdun gyi bar du gnod pa bskyal te mi btang ba phyag rdor dregs 'dul gyi rgyud las gsungs pa bzhin glen pa klu zhes zhe gnag pa'i rgyal por grags so/__/de'i phyir 'di ni log 'dren 'dul ba'i lha sngags kyi mchog tu grub cing gtso bo'i gdul bya la bsam nas de ltar bshad kyi/_rgyal bsen dam sri gzhan gyi gnyen po stobs kyi lha phul du byung ba yin te/_gnod byed sde brgyad thal bar brlag:_ces dang*/_rdzas phur gyi gter 'byung du/_chos 'di byin rlabs shin tu myur bas dam sri'i bar chad bzlog_/tshe 'phrang bsal/_zhes pa'i chos 'byung thad/_dam sri ras gos can gyi [⁽111b⁾]na mkhyen gyi sku tshe la bar chad rtsom par chas pa dgongs pas gzir bas glag lta ma nus pas zil gyis mnan pa'i de ma thag_/gu ru'i zhal bstan nas lha sngags 'di dgongs klong las brdol te gtan la phab nas las can rnams la spel ba'i lo rgyus bzhin rang re rjes 'jug rnams la tshe chos kyi bar chad sel zhing dngos grub thob par mtshon nus shing*/_lhag par slob dpon rgyud kyi lha srung zer ba'i dpe ltar [⁽111b⁾]na mkhyen bla ma nyid kyi sku tshe'i gegs 'phrang bsal ba'i rten 'brel gyis rang cag chos brgyud 'dzin pa rnams la shin tu shis pa'i zab chos khyad par can no/__/de yang bod kyi lha 'dre 'dul ba'i phyir gu ru nyid rdo rje gro lod kyi skur bzhengs nas dbang du bsdus shing dam la btags nas phyi ma'i don du de nyid kyi lha sngags kyi sgrub thabs mang po gter du sbas pas dam sri 'byung po 'dul ba la sgos su bsngags pa rdo rje gro lod yin la/_'di yang rdo rje gro lod kyi bye brag yin par 'jigs byed rdo rje gro bo lod:_ces so/__/gro lod ces pa legs sbyar la kro d+ha lo kot+ta ra zhes pa zur chag ste/_sgra bsgyur na/_khro bo 'jig rten mchog zer ba yin gsung don du khro bo [⁽111b⁾]na gyi spyi rje lha srin sde brgyad thams cad 'dul ba'i gnyen po zla med mchog tu mtshon pa'i mtshan 'jig rten 'das ma 'das thams cad kyi khro bo'i tshogs rjer byon cing 'grub sla byin rlabs tshan che bas 'chol ba'i khro rgyal zhes grags pa'o/__/'dir sku gur drag_/gsung rta mgrin/_thugs mkha' lding ltar bskyed pa bstod pa'i gzhung du gsal te/_sku gsung thugs bsam gyi mi khyab pa'i dbu gsum ldan pa/_zhes gsang snying las gsungs pas phyogs 'dra zhing zhes pa ni/_rig 'dzin bla ma ni gdul bya mchog dman mtha' dag la snang bas phrin las phyogs rer ma gyur cing*/_bla ma'i gzugs sku'i rnam pas sangs rgyas kyi mdzad pa sgrub nus pa de nyid drag po'i skur bzhengs kyang don dam mkha' khyab ye shes rdo rje'i sku yin phyir sku rdzu 'phrul chen pos 'dul ba yin la/_gsung rdo rje'i mkha' khyab pad+ma drag po rta mgrin gyi rta skad theng gsum bgrogs pas zab rgyas kyi chos sgo thams cad mtshon pa lha 'di'i gsung*/_thugs gsang bdag gis ye shes sprul pa khyung yin zhing de'i srid rtsa gti mug gi klu srin 'dul byed pho nya yin phyir mkhyen brtse'i dgongs pa myur ba mtshon pa'i thugs te rigs gsum gcig bsdus su bsngags pas sangs rgyas [⁽111b⁾]na dang gsang gsum dbyer med du gsung ngam snyam/_gur drag ni lha sngags kyi dngos bstan lam gyi gtso bo yin pas rtsa ba'i lha/_gu ru'i sprul gzhi dang*/_gu ru drag dmar pad+ma'i rigs yin pas rta mgrin mtshon byed rta zhal gtsug na yod pa rigs bdag_/bka' brgyad skabs che mchog gi dbu gtsug tu khyung chen lding ba che btsan 'gran bral du mtshon pa bzhin bya khyung dbang drag gi phrin las kyis phyogs las rnam par rgyal ba'i rgyal mtshan gyi tshul du byas kyang rung ba 'dra/_yang na 'di pad+ma gsung gi sgrub bka' yin pas rta mgrin gsung rdo rje/_nam mkha' lding thugs kyi lha gnyis ni skabs 'di'i bsgrub bya'i lha ste/_sangs rgyas kyi gsang ba mthar thug ye shes chos kyi sku yin yang de ni sangs rgyas rang gi so so rang rig gi mkhyen pa'i ye shes kyi spyod yul du gyur pa nyid/_gzhan snang du gsang ba de mtshon cing ston byed ni brtse ba'i snying rje'i bdag nyid gsung rdo rje sgra tshig gi tshul du snang ba ste/_de gnyis rnam pa tsam las don la tha mi dad pa mkhyen brtse'i ye shes gcig gi bdag nyid yin pa'i phyir/_de'i rten sku ni shugs bstan du sgrub pa ste/_mdor na sku gsung thugs rnam pa thams cad pa'i bdag nyid sangs rgyas [⁽111b⁾]na gyi gsang ba mi zad rgyan gyi 'khor lo 'bras bu'i mthar thug tu mtshon pa gang*/_bdag cag gdul bya dman pa rnams la sangs rgyas kyi byin rlabs ster ba po bla ma kho na yin pa'i phyir de'i rnam pa ltar bsgrubs na 'grub thag nye zhing mos gus skye sla zhing*/_de yang drag po ltar bsgrubs na snyigs dus rgyal bsen dam sri'i bar chad 'dul ba'i gnyen po mchog tu che ba'i phyir gu ru ni bsgrub byed rig 'dzin gyi tshul du 'phrul ba ste des na bsgrub byed rta khyung nyid sgrub bya'i ngo bor son pas/_bsgrub bya nyid so so'i rnam par bzhengs pa yin pas don la sgrub bya sgrub byed tha mi dad pa ste/_bka' thang las/_sngon tshe snang ba mtha' yas 'od dpag med:_ri bo tA lar mgon po spyan ras gzigs:_d+ha na ko shar pad+ma 'byung gnas sku:_mtshon tshul tsam las gsum du snang gyur kyang:_don la dbyer med so sor tha mi dad:_ces gsungs pa'i phyir ro/__/rnam pa'i dbye bas bsgrub bya sgrub byed du mdzad pa'i dgos pa yang rig 'dzin gter bdag gling pa'i bla ma drag po'i lo rgyus las/_khyad par byin rlabs dngos grub myur 'dod na:_pad+ma nga bsgom mchod dang sus sgrub pa:_ji ltar yid bzhin nor bu rin chen la:_gsol btab dgos 'dod ngang gis 'byung ba bzhin:_rgyal ba rgya mtshos byin rlob bu bzhin skyong:_dam can mkha' 'gro dngos grub char ltar 'bebs:_snang srid dregs pas ci bcol las rnams sgrub:_phrin las lhun grub mtha' yas sems can sgrol:_de dag thams cad bdag nyid bsten las 'byung:_the tshom spongs la 'bad pas nyams su longs:_bslus na pad 'byung zhan no rje 'bangs rnams:_zhes gsungs pa'i rgyu mtshan/_bsgrub bya'i sku rta khyung la mkhyen brtse nus pa'i stobs kyis spra ba skam po la me'i nus pa yod pa chos nyid yin yang sgrub pa po'i sgrub byed kyi tshul bstan gu ru drag po me shel gyi nor bu lta bus mtshams ma sbyar na sreg byed kyi me dngos su mi 'byung*/_de gnyis mnyam par sbyar nas byin rlabs mi 'byung ba'i rang dbang med pa'i rgyu rkyen rten 'brel thams cad tshogs pas sgrub pa'i drag sgrub 'di nyid spra ba me shel la bcug nas me thabs mkhas kyi sgrub pas dka' ngal gyis yun ring du 'bad rtsol ches mi dgos par yud tsam nas me 'byung ba bgegs kyi spra ba skam po sbyong ba la ches rno ba yin no/__/de skad du yang lam zab las/_nyi ma'i 'od zer rab tsha yang*/_/me shel med par me mi 'byung*/_/de bzhin sangs rgyas byin rlabs kyang*/_/bla ma med par 'byung mi srid/_/ces gsungs so/__/bsgrub bya sgrub byed kyi bshad tshul 'di rig 'dzin rtsa rgyud thod pa'i dum bu la brten no zhes gsungs pa yang rgyud de nyid las/_ston byed gtso dang sdud byed 'khor:_bsgrub bya'i chos dang sgrub byed [⁽111b⁾]na:_rang las logs su ma yin te:_zhes gsungs pas na bsgrub gzhi ye shes kyi lha rta mgrin/_las kyi lha khyung gur drag sogs sde brgyad 'dul byed rnams stobs nus che ba'i bshad tshul gyi rnam grangs yin pa'i phyir/_don gnad snying po rigs [⁽111b⁾]na gyi khyab bdag gi bla ma drag po rta khyung 'bar ba zhes mtshan gyis bstan pa ltar gu ru nyid bsgrub bya'i gtso bo yin pa ni bshad ci dgos pas mdor na me long gcig tu gzugs brnyan du ma shar ba bzhin lha thams cad gu ru'i ye shes kyi rol bar thag bcad de de nyid la [⁽111b⁾]na 'dus nor bu'i lugs su shes pas blo gtad bya ba ni gnad kyi snying po yin no/__/dum bu dang po lo rgyus kyi skor tsho'o/__/sgrub thabs kyi thog mtha'i las gzhung da lta [⁽111b⁾]na gyi kha rgyug 'di/_/chos 'di'i bka' bab tu [⁽111b⁾]na mkhyen 'jigs gling dang*/_/rdo grub chen 'jigs med phrin las 'od zer yab sras kyis ched du bsngags shing*/_/mkhyen rtogs bsam gyi mi khyab pa'i bdag nyid kyi skyes bu rgya rong nam mkha' tshe dbang mchog grub kyis mdzad pa khyad 'phags yin mod kyi gter gzhung gi tshig zin dngos rig 'dus kyi dkyus bzhin byed pa nyid yin te/_zhi khro ngan song sbyong ba'i tshogs mchod dus/_bzhengs shig rig 'dzin 'dus pa'i lha:_sogs la 'don pa bsgyur mi dgos pa rgyu mtshan dang bcas te [⁽111b⁾]na mkhyen nyid kyis skyabs 'gro sems bskyed kyis mtshon tshig phrad rig 'dzin zhes pa/_zhi khro zhes bsgyur ba'ang rtog brtags go ba chung ba rnams la dgongs pa ste/_dngos don lhongs pa'i blo chen la lhun grub rig 'dzin sangs rgyas nyag gcig yin pas/_de las gzhan pa'i rgyal ba zhi khro med pa'i phyir tshig bsgyur yang mi dgos so/__/zhes gsungs pa ltar rig 'dzin zhes pa gar byung du rta khyung zhes bsgyur ba sogs dgos pa ma go_/zhes gsungs pa [⁽111b⁾]na mkhyen gyi lugs 'di'i rtsa gsum thams cad ngo bo bla ma rig 'dzin gyi sgrub pa'i dgongs don blo chen skal pa rab kyi spyod yul dang rgya rong rin po ches dang po'i las can gyi mos ngor 'char bde ba la gtso bor gsungs pas don la 'gal 'dur mi gnas snyam mo/__/bsnyen pa mtshams bcad dam du bya:_zhes pa ni lus mtshams bcad/_ngag smra bcad/_sems gzhan du ma yengs ba rnams gal che ba bsnyen pa'i gnad byang gi mchan las/_mtshams ji tsam ring ngag smra bcad dam pas dmigs pa sems ma yengs pa kho na gtso che zhing gsungs pa ltar ro/__/mtshams bcad pa bar chad mi 'jug pa'i phyir yin pas srung 'khor gyi dmigs pa gnad gal che ba'i phyir/_gdon khrol las/_rdo rje srung ba'i gur gyis dkrigs:_zhes dang las gzhung gi mtshams gcod ltar rig 'dzin gyi bsnyen yig las srung 'khor gyi gtso bor rang sems skye 'gag med pa'i mtshams bcad la bgegs bden med du shes par bya/_de tsam blos ma nus na sna tshogs rdo rje'i gur lcags rmog kha sbub pa lta bu bsgom/[ ⁽111b⁾]na rdzob kyi srung gur dang de'i tshig don la ji ltar rton na rnam rtog ni glo bur ba'i bgegs yin la/_chos nyid kyi don gdod nas rdo rje'i khams su 'gyur ba med pa'i don rtogs so/__/don dam srung 'khor zhes gsungs pa [⁽111b⁾]na rdzob dang don dam pa'i srung ba rgyun du gces/_spyir rig 'dzin thugs sgrub dpal chen 'dus pa mchog sgrub kyi lha dang*/_rta khyung 'di thun mong gi las sgrub kyi lha'i bye brag gi dgongs pa ltar snang yang*/_hrIH_rnam thar gsum ldan stong pa nyid sogs ltar sgrub thabs 'di la 'chi srid chos skur sbyong byed de ting*/_ma rtogs 'khrul pa sogs kyis bar do longs sku'i sbyong byed [⁽111b⁾]na snang*/_nam mkhas gar khyab sogs skye ba sprul skur sbyong byed phyag rgya gcig pa rgyu yi thugs srog hrIH_rags pa snod bcud lha bskyed kyi rig 'dzin te mchog sgrub kyi gnad che ba rnams dngos bstan du tshang bas rdzogs rim gyi smin byed du 'gro ba'ang byar yod pas sgrub tshul gyi zab gnad la mkhas na mchog dngos la sbyor nus/_snod bcud ma dag snang ba'i gnyen po lha sku'i rnam pa gsal ba las byang du gsal ba ltar dang*/_zhen pa'i gnyen po dag dran ni/_thugs rjes sems can la chags pas sku mdog dmar po/_thig le nyag gcig gi rang bzhin rtsa ba'i zhal gcig_/gong smos ltar dbang drag gi las gnyis mdzad pas rta khyung gi zhal gnyis byung ba/_dus gsum gzigs pas spyan gsum skye shi rtsad gcod mche ba gtsigs pa/_snang srid zil gyis gnon pas gsang gos dang phod tshon/_pha rol phyin drug rdzogs pas rus rgyan/_rdo rje'i nga rgyal gyis dpa' bas stag sham/_sems byung lnga bcu srog bral du gyur pas mgo phreng mnab pa/_'dir gsang phod kyi steng na stag sham rus rgyan sogs gsol ba mdzes 'dra/_bris cha rnying pa 'gar ni gsang phod kyi nang du rus rgyan mnab pa byas snang*/_ye shes lnga'i thod skam gyis dbu brgyan pa/_rnam par mi rtog pa'i ye shes kyi ral pa gyen du brdzes pa/_'khrul snang gi brag ri 'joms pas phyag mtshan rdo rje gur drag kha cig la phyag mtshan gser rdor byed kyang*/_'dir gnam lcags kyi rdo rje rdo grub dbang gzhung du 'byung zhing*/_rwa dgu pa yang des bshad de/_rwa gdengs me 'bar bya'o/__/phrin las thogs pa med pa'i brdar g.yon me khyung*/_de'ang sdigs mdzub phyir bstan gyi me khyung phra thabs su 'gyed pa ni zin bris rnying pa zhig tu bshad/_snang stong gi mtha' gnon pas zhabs gnyis g.yon brkyang gis bgrad pa rnam rtog gi mtshon cha las rgyal bas khyung gi go cha 'di rta mgrin gsang sgrub ltar mgrin pa nas long bu'i bar byas na bde/_bzod par dka' ba'i ye shes kyi snang ba rnon po spro bas/_stobs kyi 'od zer me ru 'bar:_zhes pa ltar/_me phung gi klong na brjid pa/_lung 'dis rdo rje me'i ting nge 'dzin gyi rang gi sgo gsum la nus pa bskyed tshul shes gsungs pa lha yi sku gsung thugs kyi ye shes rnam pa me zer rnon po'i tshul du 'phro zhing 'bar bas me yi nus pas ji tsam 'bar bzhin tshims pa med pa bud shing thams cad bsregs pa bzhin ye shes kyi mes mtshan rtog thams cad bsregs bzhin ye shes kyi snang ba shugs cher song ste rgyu sgo gsum tha mal gyi zhen rtog_/'bras bu nad gdon sgrib pa'i tshogs bsregs/_sku gsung thugs rdo rje'i bdag nyid ye shes 'bar ba me yi gzi 'od 'bar zhing 'khrugs pa'i bdag nyid du sgom pa yin nam snyam/_rig pa ye shes kyi khro bos gti mug las gyur ba'i rten 'brel yan lag rnams gnon ba'i go skabs brtsams pas sbrul gdan la 'gying ba'i sbrul rnams kyi mjug ma nang dang*/_mgo bo phyir bstan du bsnol ba'i mgo rnams zhabs kyis brdzis pa yig rnying zhig tu snang ba bde bar mngon yang*/_rdo grub dbang chog las mgo bo nang du bsnol bar bshad pas dpyad/_'khor ba'i skyon gyis ma gos thabs shes 'brel:_zhes pas pad+ma nyi zla'i gdan no/__/tshogs brgyad las gyur ma rig gdon:_klu chen brgyad po zhes pa phyogs mtshams su 'god gsungs/_sku mdog sogs klu chog spyi'i skabs dang 'dra 'am snyam pas/_thams cad kyang snang ba yul can thabs/_yul stong nyid shes rab/_de gnyis dbyer med lha yab yum sbyor ba'i don gyi gnad rtogs na yul dbang shes gsum 'dus ste reg pas las bsags mi nus pas gti mug 'khrul pa'i 'jigs pa las skyob pa'i brdar klu thams cad thal sbyar can du bshad do/__/de'ang [⁽111b⁾]na gzhi'i rmongs cha las mched pa'i glo bur tshogs brgyad kyi rlung sems mtha' dag zang thal rig pa'i khro bo'i bka' 'bangs sam gzhan dbang gyur pa'i brda rtags so/__/gnas gsum byin rlabs kyi lha rnams rigs dang sku mdog gi dbye bas khyad med pa 'dra'ang brtag gsung pa ma go_/'jam dpal gyi spyi bor oM/_pad+ma'i mgrin par AH_yang dag gi thugs kar hU~M gsum ni rnam dag sku gsung thugs rdo rje gsum gyi sa bon yin kyang*/_ngo bo thams cad gsung yi ge'i gzugs su bsgom pa gsung chos kyi phyag rgya/_ye shes kyi phyag rgya rnga yab gling sogs sku gsum gyi zhing na bzhugs pa'i ye shes sems dpa'/_las rgya lcags kyu sogs tshad med bzhi'i phyag rgya'i rnam pa can gyi 'od zer gyis ye shes pa'i thugs rgyud bskul nas sku dam rgya dam tshig pa la gnyis med du bstim pas phyag rgya zhes pa rgyas btab pa las mi 'da' ba'i don yin pas gdod nas dam ye gnyis med kyi gnas lugs gsal 'debs phyir phyag rgya bzhi dang dam ye dbyer med du bsres te bstim pa'o/__/mchod pa'i tshig rkang dang po'i/_dbang po drug la nyer spyod rdzas:_zhes yid du 'ong ba'i gzugs/_snyan 'jebs kyi sgra/_zhim po'i dri/_mngar po'i zas/_'jam po'i reg bya phyi lha rdzas kyi 'dod yon/_sgo lnga'i rnam shes kyi rten dbang po'i me tog_/tshil chen gyi rgyu ma dang sha/_de'i snyigs bad mkhris gyur pas tshil gsur gyi spos/_rkang zhun gyi 'bras bu zhu ba las lus kyi bkrag mdangs 'byung bas zhun gyi mar me/_sha khrag tu smin pas phung khams gso ba'i phyir sha khrag gi zhal zas te drag po'i 'dod yon/_snang stong gi gzugs/_gzhom med nA da'i sgra/_'pho med tshul khrims kyi dri/_dga' ba bzhi'i ro/_'bar 'dzag gtum mo'i reg bya chos dbyings bde ba chen po'i ye shes 'dren pa gsang ba'i 'dod yon drug dang*/_gnyis pa yul dang yul can mnyam par rol:_de rnams bde ba'i rol par rtog pa bstan zhing*/_sbyor sgrol tshogs kyi 'khor los mchod:_gsum pa rtsa brgyad stong sbyar gyi sman bza' bca' btung ba'i dam rdzas la 'dod yon gyi zer 'phro ba'i gter ram/_khams gsum gyi zhen rtog dbyings su bsgral ba'i rgyud drug rnam dag gi rak+ta/_bzhi pa'i don la bde chen rig ma'i 'dod yon spros nas yab yum rjes chags kyis lta ba gzugs/_sbyor ba ha sid kyi sgra/_bde bas tshims pa'i dri/_zhu bde myong ba'i ro/_mkha' gsang nang dkar dmar reg pas snyom 'jug gi phyi nang gi chos [⁽111b⁾]na bde stong du shar ba'i gsang ba'i tshogs kyis mchod pa 'bul ba yang yod par mngon pas de'i dus su bde bas thabs byas pa'i lhan skyes kyi de kho nyid la blo bzhag pas 'khor 'das kyi 'dzin rtog gi bdud dgra sgrol ba'i mchod pa'ang yin zhing*/_de nyid dag pa'i snod bcud du shar ba'i nga rgyal skyong ba ni bskyed rim gyi lam gnad zab pa zhig ste/_las sgrub pa la'ang 'di yod na rnam khyad che'o/_/bstod pa'i don sku phyag rgya'i rgyan chas kyis mdzes pas sgeg pa/_drag shul gyi stobs dang ldan pas dpa' ba/_khro gnyer gyis 'jigs su rung bas mi sdug pa'i nyams can gtum drag dmar nag bla ma drag po'i sku/_bde chen gyi chags shing dgyes pa'i ha ha'i sgras dgod pa hi hi'i rta skad thos pa tsam gyis dregs pa can 'dar zhing zhum pas gshe ba/_he hin ho hi sogs kyi sgra sgrogs pas ma mo mkha' 'gro dbang du sdud cing bran du bkol ba'i dpal gyi rta skad kyi gsung dang ldan pa'i dpal rta mgrin yin pa dang*/_gdul dka' gti mug gi sems can rjes su 'dzin pa'i snying rje/_zhi drag gi las ci yang sgrub pas rngams pa ltar ston kyang don la srid zhi'i mtha' las 'das pa'i chos nyid zhi ba'i dbyings su thim pa don dam ye shes kyi khyung gi thugs mtshon pa ste/_de gsum kas bla ma drag po'i zhe sdang*/_rta mgrin gyis 'dod chags/_khyung gis gti mug gi log 'dren 'dul ba'i gnyen po'i skur bzhengs pa la bstod pa'o/__/dum bu gnyis pa lha bskyed la sogs pa'i skor ro/__/thugs ka'i sngags phreng zhal nang bstan du dbang chog rdo rje pha lam las ni zhal ni dang po gang nas klog pa'i phyogs la bstan pa de min gyi leb ngos ma yin no/__/bsnyen yig tu sngags 'khor gyi gzugs sgra la dmigs pa gtso bor gsungs te/_de dag la sems ji tsam goms pa de tsam du sngags kyi byin rlabs rlung sems la zhugs nas bzlas brjod kyi nus pa skye bas thog mar de la bslab dgos te/_sngags 'khor dang lha la gsal snang sbyong na rdzing gi phu chu bskyil ba lta bu zhes rdzing gcig tu chu chud zos ma song bar bsags na myur du kheng ba ltar lha sngags la gsal snang gi zhi gnas bsgrubs te sems gzhan du mi 'gro bar rtse gcig tu gnas pas dngos grub kyi mtshan ma myur du thob pa dang 'od zer spro bsdu la sgrub pa rdzing chu yur bar 'dren pa lta bu zhes rdzing chu'i khong nas zhing sar bkram pa sogs las byed dgos pa ltar ting 'dzin snga ma'i gsal snang brtan pa me shugs drag 'bar ba la bzlas brjod rlung lta bus bskul nas dngos grub bza' btung lta bu g.yo bkol gyis brtsam dgos pas na 'od zer spro bsdus don gnyis sgrub par bar chad 'dul ba sogs ting nge 'dzin kho nas sgrub nus pa'i gting thob pa dang*/_snga ma lha sngags kyi gsal snang brtan po ma thob par phyi ma spro bsdu sogs byas kyang rdzing na med pa yur bar chu 'dren pas rdzing gi chu bskam zhing lo thog sogs la phan pa med pa ltar ting 'dzin dang po yid yul du mi 'char ba dang dngos grub rgyud la 'dren mi nus par 'gyur ba'i phyir lha sku'i phyag rgya la gsal snang brtan pos ting 'dzin gyi gzhi sgrub pa gal che/_khyad par da lta bdag cag rnams la lha nyid sngags kyi gzugs su bstan pas bzla bya'i sngags nyid dbyings rig gnyis med bla ma drag po rta khyung 'bar ba'i ye shes nyid rnam pa sngags su bzhengs pa/_bzlas pa tsam gyi byin rlabs dang dngos grub dbang med du rgyud la 'dren nus pa'i ye shes srog gi snying po/_bla ma drag po dngos dang rnam dbyer med pa'i mthu stobs nus pa'i bdag nyid can du nges shes bskyed la bzlas pas/_rang rgyud kyi las nyon sgrib pa'i tshogs bzlas pa tsam gyis shing skam la me mched pa ltar yud tsam gyis sbyangs te/_sngags 'di lha yi gzugs su gnas gyur nas zhal bstan pa/_byin gyis rlabs pa'i rtags mtshan 'byung bas na lha sngags gnyis rgyud tha dad du mi bzung bar ngo bo dbyer med dang*/_de gnyis rang rig gnyug ma'i chos nyid dang tha dad bzang ngan med par gdod nas 'du 'bral med par bzhugs pas logs su tshol mi dgos par shes pa rab myong thog tu bzhag pa dang*/_de tsam ma byung kyang don de la mos pa brtan po bskyed de sems bzo med kyi rang ngo blta ba ni dgongs pa mi 'gyur ba'i gzer zhes shin tu gnad che/_man ngag 'di dang ldan na bsgrub bya dur khrod kyi 'dre ngan lcags khams lta bu bsgrubs kyang dgongs pa chos nyid kyi ting 'dzin gser 'gyur gyi rtsi lta bus theb pas mchog gi dngos grub rin po che'i khams mi 'byung ba'i thabs med pa yin pa yang yang gsungs so/__/des na zang thal rig pa'i ye shes kyi snang cha lhar 'char/_sku gsum 'bras bu'i yon tan ngo bo'i gshis klong du gdod nas rdzogs pa'i yin lugs tshur mthong gi gdul bya'i don du lha sku zhal phyag gi rnam pa thabs mkhas kyi mdzad pa shar ba de'i rang bzhin las snod bcud rgyud gsum ma 'das par shes pa'i gnas lugs la blo bzhag nus na dag rdzogs smin gsum gyi gnad gcig tu rdzogs pa'i zab tig thun mong ma yin pa'o/__/de nas 'od zer spro bsdus sangs rgyas kyi mdzad pa spyir rtsal sbyangs ba dang*/_sgos mdzad klu 'dul gyi dgongs pa la bslab pa gnyis las/_dang po ni/_sngags 'khor las 'od zer 'phros pas phyogs bcu'i rgyal ba sras bcas dang*/_khyad par zangs mdog dpal rir gu ru rin po che'i rig 'dzin DA ki'i tshogs dang bcas pa bzhugs pa'i thugs rgyud bskul sku gsung thugs kyi byin rlabs dngos grub 'od zer gyi rnam par bsdus nas bdag don ye shes 'bebs pa dang*/_yang 'phros sems can thams cad la phog pas de rnams kyi gzung 'dzin 'khrul pa'i zug rngu mtha' dag bsal/_snod bcud thams cad rig 'dzin drag po'i dkyil 'khor du sbyang bar bsams nas gzhan don phrin las kyi rten 'brel bsgrigs pa ste/_bsnyen pa'i gnad byang las/_'od zer spro bsdus don gnyis bya:_zhes rtsa thor yod pas chad du mi rung*/_klu gdon sogs kyi sdug bsngal dang gnod sems zhi ba'i dmigs pa 'bur dod byed na phyi ma gzhan don phrin las kyi dmigs pa 'di'i khongs su bcug pas 'grub/_gnyis pa ni/_sngags kyi 'od zer me stag lta bu dang*/_sku'i cha thams cad nas khyung gi tshogs 'phros pa'i 'od kyis gnod byed thams cad rdzas la me mched ltar tshig par bsam pa gter gzhung mchan bur gsungs te/_'di'i don sngags las 'bar ba'i 'od zer dang khyung gi tshwa tshwa 'phros pas lus kyi nang thams cad gang*/_nad gdon sdig sgrib thams cad lhag med du sbyangs te/_ba spu'i sgo nas phyir 'phros/_log 'dren rnams kyi lus bud shing bzhin bsregs par bsam zhes zin bris rnying par 'byung ba me dmigs kyis dang por lus gdon/_de nas gnas gdon/_mthar stong gsum gyi bar gyi bgegs sbyang ba'i me dmigs skor gsum gter kha gzhan du yang 'byung bas legs khyad yod kyang*/_mchan bu'i sku'i cha thams cad las/_zhes pa las gzhung gi ba spu'i bu ga thams cad kyang:_khyung gi tshwa tshas gtams shing 'phro:_zhes pa ltar dmigs pa bya rgyu mngon pas/_zin bris rnying pa dang gzhung gnyis mi mthun pas dogs pa phra'u yod gsungs sam snyam/_'di'i steng zhal/_go cha/_phyag mtshan bcas bya khyung gis mdzad cing*/_lhag par sgos mdzad gtso bo des bsgrubs pas khyung gi dmigs pa rtsal 'don par snang ste 'jig rten sman sngags kyis sbyong rgyur sogs la mi ltos par klu'i dug ljon za nus pa'i mchog nam mkha' lding yin pas de dang sgo bstun pa ste/_rta mgrin khams gsum rol ba'i gtor zlog tu/_bya khyung 'bar bas klu gnyan rgum bur thu:_zhes so/_/khyung gi kha dog la g.yon pa'i phyag mtshan thad me khyung dmar po zhes bsnyen yig tu gsungs pa gdon 'grol las/_bya khyung nag po'i khra thabs gtong:_zhes 'byung ba rgya rong rin po ches/_sreg byed khro chung zhun ma'i lus can/_zhes gsungs pa ltar mthing dmar lcags sreg gi mdog lta bur byas na 'grigs par mngon/_slar yang dbu gtsug rta zhal gyi 'tsher skad drag po byung bas srid pa gsum gyi 'byung po'i gnas thams cad shig shig yom yom byed cing*/_phyogs skyong bcu sde dang bcas pa'i lus sems cher g.yo snying rtsa sgul/_dpa' zil chag_/dran pa myos/_bya spu rlung khyer ltar rang dbang brtan pa dang bral te/_dbang gi 'od dmar lcags kyus zhabs 'og tu ba[⁽111b⁾]ga nas 'gul mi nus par bsam la gzir/_de'ang gnod byed dngos bya khyung gis bsad bsregs byed cing*/_de dag gi gab khung lta bu'i bsdong zla dang rgyab brten phyogs skyong khong gtogs rnams rta mgrin gyis dbang du sdud pa'i dbang drag sbrags ma yin nam snyam/_'di ltar na rnam snang mngon byang 'grel par khro gnyer can gyi rgyab tu mthu chen thob 'god pa ni dpung bya ba'i phyir ro/__/zhes pa'i rigs pa ltar/_klu 'dul gyi las byed dngos bya khyung dang*/_de'i dpung grogs rta mgrin/_gur drag gnyis kyi rtsa ba'i lhar byed dam dpyad/_gdon 'grol dus/_bzlas pa'i tshe khyung dmigs mi byed par rta skad kyis 'jig rten g.yo zhing bsgul bas/_'od zer gyis klu gdon zhabs 'og tu drangs te zil gyi gnon pa tsam byed pa dbu'i yig chung gi don du mngon pas dkyus dang mi 'dra yang*/_de ni zhi bas brngan dang drag pos gzir:_zhes sogs ltar klu gso ba dang*/_'khon gcugs sbyong ba'i las rim dang 'brel bas dang po nas mnan bsreg mi byed pa yin pa bsam ste/_spyir btang dmigs bsal lta bu'i khyad do/__/rgyal bsen lta bu sgos su 'dul na/_khyung gi tshwa tshwas log 'dren bsregs:_zhes pa'i log 'dren gyi mtshan gzhir rgyal bsen bzhag pas chog ste sri keg dang*/_thel 'gong*/_rbad 'dre sogs gzhan la'ang des 'gres sbyor zhing steng gdon 'dul ba'i dmigs pa bsnyen yig gi mchan du blta'o/__/bgegs rnams bsad gzir byas te sa gsum las rnam par rgyal ba'i nga rgyal yun ring du bzung ba'i mthar gnod bya la gnod byed gnyen por snang ba'i spros pa thams cad rmi lam gnyid kyi klong du rang grol ba bzhin gdod nas rnam dag rig pa'i ngang du bsres te/_de'i ngang la mnyam par bzhag cing*/_de nyid kyi rang mdangs rig 'dzin bla ma drag po'i dkyil 'khor du lam me ba'i rgyun skyong ba ni lhun grub rig 'dzin dgongs pas dmar 'byin byed tshul yin te las gzhung gi snod bcud sbyang ba sogs na bsnyen yig las/_gdon kyang rang sems 'khrul ba'i rtsal:_sogs rtsa 'grel du sbyar ba'i lugs so/__/de ltar nad gdon sogs ma dag pa'i dngos snang dngos 'dzin thams cad chos dbyings zhi ba chen po'i klong du na bun yal ba ltar dengs bas ka dag gi rig pa gcer bu song ba nyid hur phyung ste sgom pa ni gnas lugs don gyi [⁽111b⁾]na bzang pad+ma 'byung gnas zhal blta tshul dang*/_rta skad theng gcig gi dgongs pas/_rdo rje nam mkha' lding gi nges don mthar thug pa yin zhing*/_bar chad kyis nam yang gzhom du med pa chos nyid kyi lta ba'i btsan rdzong 'dzin tshul zab pa'ang yin no/__/bzlas sngags kyi don ni/_oM AHhU~M ni rdo rje gsum gyi sa bon gyi thog drangs te badz+ra ni mtshan rtog gi spros pas mi phyed pa'i chos sku snang mtha' dang*/_ma hA ni kha sbyor yan lag bdun dang ldan pa'i bde chen gyi yon tan dang ldan pa longs sku thugs rje chen po/_gu ru ni de nyid gdul bya thun mong thun min [⁽111b⁾]na phyogs su ma lhung ba'i phrin las kyi 'dul ba'i sprul sku'i tshul du byon pa pad+ma 'byung gnas/_artsig ni shin tu khro ba/_nirtsig ni rab tu khros pa zhes dgongs 'dus rnam bshad las gsungs pas chos nyid kyi rang ngo spang bya dang lhan cig gzod nas mi gnas pa chos sku ngang gis khros pa la shin tu khros pa/_stong cha shes rab kyi rtsal khro bo'i rnam par bstan pas gdug pa can 'dul phyir thugs rje'i shugs kyis khros pa/_longs sku rang snang gi gtso bo spyir sems can thams cad bye brag gi gdul bya bdud dang ru tra sogs 'dul phyir thugs snying rje chen po'i gar dgus brjid pa'i khro bo ltar bcos pa sprul sku'i khro bo ste gzugs sku gnyis rnam pa dang*/_ngo bo gnyis ka khro bor bstan pas rab tu khros pa ste/_sku gsum dbyer med pa'i sku gsung thugs rta gur khyung gsum 'dril ba'i sngags dngos ni/_oM ni rigs kyi khyab bdag ye shes lnga ldan nyid gsung rdo rje pad+ma gar dbang*/_hrIH_rta mgrin de nyid drag po'i skur bstan pa/_hU~M de las cher khros shing 'chol ba'i phrin las myur rnon can gur drag_/khroM las kyi pho nya khyung ces pa la ngos bzung dgos te/_gdon khrol du yang yang 'byung*/_phaT khro rgyal gsum gyi nus stobs kyis mi mthun phyogs thams cad gtor shig ces dang lhag ma gu ru drag po'i sngags so/__/mdor na rig 'dzin spyi snying dang gur drag rta khyung gcig dril te/_rig 'dzin 'dus pa'i skabs su sgrub pa po'i rgyud lha sngags ye shes kyis byin gyis brlab pas dngos grub kyis snang rgyud du byed phyir badz+ra gu ru'i bsnyen pa/_dngos grub dngos su sgrub pa'i nus pa bskyed byed sgrub sngags rig 'dzin spyi snying*/_las sbyor ni bsnyen sgrub gnyis las sgrub pa'i rjes 'brel du sbyor chog pas 'dir las sgrub kyi lha yin pas sgrub sngags rig 'dzin spyi snying dang dmigs bsal rta gur khyung gsum phrin las kyi lha [⁽111b⁾]na 'dril du sbyar bas rig 'dzin spyi snying bsnyen pa/_rta gur khyung gsum sgrub pa/_phaT las sbyor te sngags 'di tsam ni bsnyen sgrub las gsum gcig dril du go rung ngo snyam/_de rnams la ting 'dzin rnam gsum dang dag dran sogs bskyed pa lha yi ting nge 'dzin gyi gzer/_sngags don dang lha sngags dbyer med du bshad pa sogs snying po sngags kyi gzer/_lha sngags thams cad chos nyid gcig gi rol par lam du khyer tshul rnams dgongs pa mi 'gyur ba'i gzer/_'od zer spro bsdu'i skor 'phro 'du phrin las kyi gzer yin tshul yang shes par bya ste sla'o/__/dum bu gsum pa dzapa dgongs kyi skor tsho'o/_/dus nam yang gu ru rin po che mkhyen snyam pa'i mos gus dung nge ba dang*/_rig 'dzin he ru ka'i zhing sku'i snang zhen mi 'bral ba srog ltar gces/_skabs ci rigs par 'di nyid kyi thugs dam bskul ba'i gsol 'debs grangs bsags byed na dbang gi gnad yig ltar tshig bdun gsol 'debs la byas shing*/_bsam pa myur 'grub kyang shin tu 'byor bas thun mtshams su yang dmigs pa rgyun mi gcod pa yang yang gsal snang bskyed de ting nge 'dzin kha gso ba la slob zhes mkhas grub gter ston chen po mnga' ris paN chen sku mched gnyis kyis gsungs te/_phyi gtsub shing gi me sgrub pa la ngal bso med par 'bad rtsol dgos pa bzhin du nang bsam gtan gyi me la'ang 'dra bas gnad che bar go_/nad gdon mar lta bur 'ga' zhig bzlas brjod kyi me mthu chung dang yun thung ngu zhig gis bzhu bar nus mod/_lcags lta bu 'ga' zhig bzhu ba la stobs ldan dang yun bsring ba dgos pas ngang thung mi bya/_gdon dang por slong rtags su na tsha sogs shugs che ru 'gro ba dang*/_nyams rmis rtsub pa dang*/_bar du chum rtags su gdon dpa' snying chag ste 'tshub snang zhi zhing gus 'dud sogs 'gyur ba/_tha ma thul rtags bka' nyan srog snying phul ba/_nad gdon las grol ba sogs so sor 'ong ba bshad pa'i rnam dbye 'byed dgos/_re dogs mang na bgegs 'jug cing gdon byings che na dang po thul rtags 'byung ba la mngon rloms zhugs na slar gnod tshab cher byed pa sogs rtags mtshan phyin ci log gi mgo skor 'ong ba yang bshad pas rtags bzang ngan ci byung yang re dogs dang dga' brod 'jigs zhum gang yang ma shor bar nam mkha' mdung bskor ltar bya/_nyams dang rnam rtog cher 'phro ba/_gong du drangs pa'i/_gdon kyang rang sems 'khrul pa'i rtsal:_sogs ltar gang shar rig pa'i rang rtsal dang*/_rang snang ye shes kyis 'khor lor rtsal sbyang bya zhing*/_thog brdzis kyi brtul zhugs kyang rgyags/_de tsam du ma zad/_dngos 'dzin gyi me ro skad cig kyang mi slong bar mnyam bzhag tu lha'i gsal snang dang rjes thob kyi spyod yul thams cad sgyu ma lta bu'i dpe bcu'i tshul ltar shes pa'i rnal 'byor gyis snang ba'i dngos zhen zil gyis gnon pa/_'og min bgrod par lam khyer shes pa bcu gsungs pa'i gnad don yin/_rig 'dzin bsnyen yig tu mtshams kyi [⁽111b⁾]na spyod gtor mchod phongs med du 'bul ba sbyin pa/_dam bca' ris su mi bor ba tshul khrims/_dka' spyad bre gzhog gi dbang du mi gtong ba bzod pa/_sos dal du skad cig kyang mi gtong ba brtson 'grus/_lha'i gsal snang gis tha mal gyis 'dzin rtog la mi g.yeng pa bsam gtan/_thams cad chos nyid kyi rol par shes pa shes rab ste phar phyin drug dang sbyar nas gsungs pa dang*/_gab byang las [⁽111b⁾]na bzang spyod pa lngas bsnyen sgrub kyi gnas dang yo byad lha sngags grogs dam tshig sogs rnam par dag dgos pa bstan cing*/_'og min bgrod par lha sngags dang sgrub thabs ster ba'i bla ma la mos gdung rgyun mi gcod pa dang*/_ting nge 'dzin gyi mthun rkyen sgrub pa/_mi mthun phyogs 'dor ba/_spyod lam [⁽111b⁾]na tu ting 'dzin mi gtong ba/_yi dam mi spong ba/_snod min la sgom spyod kyi gsang ba mi ston pa'i dam tshig drug gsungs pas mtshon bsnyen dus kyi spang blang ston pa'i skor rnams bshags sbyang gtong ba kha skong zhi ba'i sbyin sreg byed na ye shes me lce sbyor/_lha sngags las byung ba'i drod tshad rnyed pa la rtag 'grus kyi brtson 'grus gnyis po 'dzoms dgos pas bsnyen mtshams bsdam pa nges par dgos shing*/_phyis su'ang lha'i thugs rgyud 'khul ba dang*/_byin rlabs kyi rgyun gso zhing gong du 'phel ba sogs kyi ched du chags med kyi dam bca' bzung*/_der ma zad gdon thul rtags dang lha nye ba'i mtshan ma ci rigs mthong nas rang la bar chad kyis mi tshugs snyam pa yod de/_g.yul du mtshon chas mi choms pa la go cha yod pas mi chog_/lus la gyon pa dgos pa ltar bzlas bsgom mi g.yel ba gal che/_bsnyen pa rdzogs nas gsang rdzogs kyi rgyud las gsungs pa ltar 'od zer spro bsdus lde kha bsgyur tshul dang*/_sngags la spel tshig gang 'dod sbyar ba tsam gyis las sna tshogs shig 'grub la bskyed rim spring yig byed na phyogs bcu'i gdon tshogs la spring ba lha ma yin gyi gtor sbyar na 'thad do/__/lhag bsam dag pas de lta bu'i tshul gyis bstan 'gro'i don rgya cher spyod pa'am o rgyan rin po che mdzad phrin gyis 'phro bskyang bar 'gyur bas legs mod kyi skal ldan mchog ni tshe thung 'dir las sgrub kyi nang du mgo mi 'khor bar mthong ba'i chos la rig 'dzin gyi sa bgrod pa'am de ma byung yang phyi ma zangs mdog dpal rir thogs med du 'gro ba'i gsang lam dam par bzung nas dngos grub mchog gi 'byor ba rgyas par byed do/__/dum bu bzhi pa rjes spyod sogs kyi skor tsho'o/__/lar klong chen snga phyi'i chos 'di dag dgongs gter gyi rgyal po yin te/_snga ma gzhan du shes/_phyi ma chos kyi bab lugs kyi sgrom nas 'od gsal snying thig lam gnad kyi phyug pa'i gzer bu theb nges pa rtogs brjod chu zla'i nang bzhugs te blta shes na ya mtshan po yod/_gter kha so sor bka' bab kyi sgos khyad re yod pa las/[ ⁽111b⁾]na mkhyen phyi ma 'di rdzogs chen snying thig rig 'dzin bla ma'i sgrub skor gyi bka' babs su lung bstan bka' rgyas bstan pa ltar nyid kyis gsungs te/_'di'i thugs rje chen po dang*/_bka' brgyad seng gdong sogs bla ma'i gsang sgrub/_rig 'dzin thugs sgrub/_rig 'dzin yum bka'i gsang sgrub sogs zer ba de yin no/__/yang rje 'dis dgongs 'dus rnam bshad rtsom dus dbu gtsug nas rta skad 'tsher ba/_gu ru rin po che'i pad+ma dbang chen zhes mtshan btags pa/_mthe bong thugs srog h+ya yis mtshan:_zhes pa mkha' 'gros ngo sprad pa/_rta mgrin gyi rnal 'byor la brtson pa'i skabs su rang bzhin rdzogs pa chen po'i chos nyid kyi bden don gzigs par gsungs pa sogs kyi rgyu mtshan las rta mgrin grub pa'i dpa' bor shes so/__/klong snying 'dir gur drag mthing dmar gnyis gsungs pa'i drag mthing bla ma bka' brgyad du byas pa dang drag dmar rta khyung gnyis dang sbrag nas gsungs la/_bya sla khyer bde byin rlabs che:_zhes lta bu'i phyi ma ste/_pad+ma gsung la rtsal 'don na lhag par yang de zab bo/__/de ltar na rig 'dzin chos 'di'i dgongs gter gyi bla ma rig 'dzin rta mgrin dang sbrags pa'i sgrub gzhung zhig nyams su len rgyu byung na rno nus gzhan dang mi 'dra zhing*/_rta mgrin khams gsum rol pa sogs kyang rig 'dzin thugs sgrub kyi skor yin yang*/_/de ltar gu ru ni zhi drag gang gi ming 'dogs mi byed kyi/_khyad par bla ma drag po rta mgrin/_khyung thams cad gcig dril du de rnams rdzogs pa la rta khyung 'bar ba 'di rang phul du byung bar mthong ngo*/_/des na las gzhung dang gnad yig gnyis kar/_shin tu yang zab thugs kyi gter/_zhes gu ru nyid kyis zab par bsngags pas/_pha mes kyi rdo rje lag brgyud tsam ma yin par brgyud pa dang chos kyi rgyus la byang bar byas na dad pas khams sos par 'gyur ro/__/rje btsun bod 'bangs 'gro la lhag par brtse/_da dung bod 'dir gdul bya'i lhag ma mchis/_'di ltar spyan 'dren sbyor ba bshams nus na/_pad+ma'i 'dzum zhal myur du mjal bar nges/_rta khyung 'bar ba'i bsnyen tho rin po che sgron me zhes bya ba bya rgan tshogs pa'i nags rgan mar/_rdo rgan gyis bris pa/_sngags rgan mang pos brdung rgyu rnga rgan du gyur cig_/lcags phag khrums zlar byas pa/_spring yig byed na/_steng du phyag rtags 'og tu spring yig 'bri/_phyag rtags ni phyag mtshan gnyis pa'am/_bsdu na rdo rje rwa gdengs me 'bar gcig tu bya/_sgo gong ngam gnod pa'i phyogs su bstan no/__/zhes [⁽111b⁾]na mkhyen 'jigs med bstan pa'i nyi ma'i gsung gi brtsam gzhir song bas tshig sna bsdus ches te/_blo dman gyi go dka' phyir zhal gsal du spros zhes grub chen sku phreng bzhi pa 'jigs med [⁽111b⁾]na bzang thub bstan phrin las dpal bzang gi zhabs rim pa dad mos ldan pa dge slong sangs rgyas nas yang yang bskul ngor 'jigs med mkhyen brtse'i 'od zer gyis lho 'brug rgyal khab kyi bye brag rta bab bde chen rtser rang gi go tshod ci nus su gzu lum spang te dad mos kyis bris pa'i dge bas 'brel tshad slob dpon chen po sangs rgyas gnyis pas rjes su 'dzin pa'i rgyur gyur cig_/ye shes bya khyung rgan 'dus snga 'gyur gyi/_/sngags rgan bka' gter shing rta rdo rgan gsung*/_/sngags rgan mang brdung chos rgan lha'i rnga rgan/_/khams rgan gyis brdung phyogs las rnam rgyal shog/_//

Footnotes

Other Information

Retrieved from "https://khyentselineage.tsadra.org/index.php?title=DKR-KABUM-13-PA-022&oldid=53498"
Khyentse Lineage
Collected Works of the Masters
A Tsadra Foundation initiative designed to house the writings and revelations of the masters of the Khyentse lineage.
Join the Tsadra Foundation mailing list:

Tsadra Foundation
Translation & Transmission Conference
DharmaCloud Tibetan eBooks
Buddha-Nature
Śāntideva's Life and Works
Rinchen Terdzö Chenmo
Damngak Rinpoche Dzö
Dharma Dictionary

About us
Privacy policy
General disclaimer
Site guide

Project Description

Welcome to the Khyentse Lineage Project, a Tsadra Foundation initiative designed to house the writings and revelations of the masters of the Khyentse lineage in a digital format that allows for open access to these materials in authoritative modern Tibetan editions for the sake of scholars, translators, and practitioners the world over.

About us

© Tsadra Foundation. Please feel free to use this website and its content in accordance with fair use policies for teaching, scholarship, education, and research.
See General disclaimer for more information.