DKR-KABUM-09-TA-026

🚧 This website is under continued development. We appreciate your patience!

Previous Text Back to Volume PageNext Text

Wylie title	gnyis pa rgyas pa'i sbyin sreg
Location	dil mgo mkhyen brtse bka' 'bum Volume 9, Text 26, Pages 229-239 (Folios 1a1 to 11a3)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	མཆོག་གྱུར་གླིང་པ་ (mchog gyur gling pa)
Citation	Khyentse, Dilgo. Gnyis pa rgyas pa'i sbyin sreg. In Skyabs rje dil mgo mkhyen brtse rin po che'i bka' 'bum, Vol. 9: 229-239. Delhi: Shechen Publications, 1994.
Genre	Fire Offerings - sbyin sreg
Cycle	ཟབ་བདུན་རྩ་གསུམ་ཚེའི་ཟབ་པ་ (zab bdun rtsa gsum tshe'i zab pa)
Parent Cycle	ཐུགས་དམ་ཟབ་པ་སྐོར་བདུན་ (thugs dam zab pa skor bdun)

Tibetan Text

Wylie

[edit]

༄༅། གཉིས་པ་རྒྱས་པའི་སྦྱིན་སྲེག་ནི། འདོན་བྱ་ཁོག་སྔར་སྨོས་པའི་ཞི་སྦྱིན་ལྟར་ལ། བྱེ་བྲག་གི་ཁྱད་པར། མེ་ཐབ་སྟེགས་བུའི་སྟེང་དུ་དྲི་བཟང༌། བ་བྱུང་བདུད་རྩི་ལྔ་དང་སྦྱར་བའི་ཆག་ཆག་བཏབ་ལ། ཚངས་ཟུར་གྱི་ཐིག་སྤྱི་མཐུན་དུ་བཏབ་པའི་དབུས་ནས་སོར་ཉེར་བཞིས་ཟླུམ་པོར་བསྐོར། དེའི་ཕྱི་རོལ་དུ་སོར་བརྒྱད་པའི་ཚད་ཅན་རིམ་པ་གཉིས་བསྐོར། དེ་ནས་ཟུར་ཐིག་རྣམས་ཀྱི་སྟེང་དུ་མཚན་མ་བྱས་པ་རེ་ཁཱ་བཅད་པས་གྲུ་བཞི་ཕྱི་ནང་གསུམ་འབྱུང་བ། དང་པོ་ཐབ་རྒྱ། གཉིས་པ་མུ་རན། གསུམ་པ་ཁ་ཁྱེར། དབུས་སུ་སོར་བརྒྱད་པ་གཅིག་བསྐོར་བ་པདྨའི་ལྟེ་བ། དེ་རྒྱབ་འདབ་བརྒྱད་དབུས་སུ་ནོར་བུ་མེ་འབར། མུ་རན་ལ་མེ་རི་སེར་པོ་གཡས་བསྐོར་དང༌། དེའི་ཕྱི་རིམ་ཁ་ཁྱེར་ལ་ནོར་བུའི་ཕྲེང་བ། ཟུར་བཞི་ལ་རིན་པོ་ཆེ་འབར་བས་མཚན་པ་བྲི། ཐམས་ཅད་ཁ་དོག་སེར་པོ། བཅད་ཚོན་སོགས་ཀྱང་ངུར་སྨྲིག་གིས་མཚོན་ཇི་ལྟར་རིགས་པ་ལས་ནག་པོ་སོགས་ཚོན་སེལ་གྱིས་མ་ཕོག་པ་གལ་ཆེའོ། །དེར་ཚེར་མ་མེད་པའི་འབྲས་བུ་དང་བཅས་པའི་ཤིང་གི་བར་ཆ་ལས་བྱུང་བའི་ཡམ་ཤིང་ཁྲུ་གང་པ་དྲི་དང་མངར་གསུམ་མར་ཁུས་སྦགས་པ། ཤིང་ཐོག་བིལ་བ་སོགས་སེར་པོ་དང་དར་སེར་སྤོས་ཤེལ་གསེར་སྦུག་སོགས་སྐུད་པ་སེར་པོ་ལ་བརྒྱུས་པ། ཁ་སྐོང་བྱེད་ན། འབྲུ་སྣ་རིན་པོ་ཆེ་སྣ་ཚོགས་པ་ཟས་བཟང་པོ། ཁྱད་པར་དུ་ཚེ་སྤེལ་པ་ལ་དཱུརྦ་ལྟ་བུ། གང་གཙོར་བྱེད་པའི་རྫས་མང་དུ་བསགས། སྣོད་དང་རྫས་དང་སྟེགས་ཐམས་ཅད་དབྱིབས་གྲུ་བཞི། ཁ་དོག་སེར་པོ། ཡར་ངོ་ཚེས་བརྒྱད་དམ་བཅོ་ལྔ་ལ་སོགས་པའི་སྔ་དྲོའི་ཆ་ལ། སློབ་དཔོན་ཆས་རྒྱན་སེར་པོ་དགའ་བའི་སེམས་དང་བཟང་པོའི་སྟབས་ཀྱིས་སྟན་སེར་པོ་ལ་ཁ་བྱང་དུ་ཕྱོགས་ཏེ་འཁོད་ནས་ལས་རིམ་ལ་འཇུག །དེ་ནས་སྦྱིན་སྲེག་ཁོལ་སྒྲུབ་ཀྱི་སྐབས་བདག་བསྐྱེད་རྒྱས་བསྡུས་ཇི་ལྟར་རིགས་པ་བསྒོམ་ཤིང་ལས་བུམ་བདུད་རྩི་འཁྱིལ་བའི་བསྐྱེད་བཟླས་བྱ། སྒྲུབ་མཆོད་དང་འབྲེལ་བའི་ཚེ་རྩ་བསྙེན་ལ། ཕཊ་ཛཿ བཏགས་པ་བརྗོད་པས། རང་ཉིད་དཀྱིལ་འཁོར་གྱི་གཙོ་བོ་ལས་མར་མེ་གཅིག་ལས་གཉིས་མཆེད་ཀྱི་ཚུལ་དུ་གར་གྱི་དབང་ཕྱུག་ཚེ་དཔག་མེད་ཞལ་གཅིག་ཕྱག་གཉིས་པའི་རྣམ་པར་ཐོན་ནས་སྦྱིན་སྲེག་གི་ལས་རིམ་ལ་འཇུག་པར་མོས་ལ། རྡོར་དྲིལ། ཨ་མྲྀ་ཏས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་རྡོ་རྗེ་ཐབས་ཀྱི་རང་བཞིན་ཡེ་ཤེས་ལྔའི་ངོ་བོ་ཨོཾ་མ་ཧཱ་བཛྲ་ཧཱུྃ། ཞེས་ལག་གཡས་ཀྱི་རྡོ་རྗེ་གསོར་ཞིང་སྙིང་གར་བཟུང༌། དྲིལ་བུ་ཤེས་རབ་ཀྱི་རང་བཞིན་སྟོང་ཉིད་ཆོས་ཀྱི་སྒྲ་དབྱངས་སྒྲོགས་པ། ཨོཾ་བཛྲ་གཎྜེ་ཨཱཿ གཡོན་པས་དྲིལ་བུ་དཀྲོལ་ཞིང་དཀུར་བརྟེན། གཉིས་ཀའང་དོན་དམ་བྱང་ཆུབ་སེམས་ཀྱི་རང་བཞིན་ཐུགས་ཀར་འཁྱུད་རྒྱ་བྱས་ལ། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་བཛྲ་སྭ་བྷཱ་ཝ་ཨཏྨ་ཀོ྅་ཧཾ། ཞེས་དམ་ཚིག་གསུམ་དྲན་པར་བྱས་ལ། ཆོ་ག་མ་གྲུབ་ཀྱི་བར་དུ་ཡིད་ཏིང་ངེ་འཛིན། ལག་རྡོར་དྲིལ་དང་མ་བྲལ་བར་བྱའོ། །དགང་བླུགས་བསང་སྦྱང༌། རང་གི་སྙིང་ག་ནས་འོད་ཟེར་འཕྲོས་ཡེ་ཤེས་ལྷའི་ཐུགས་རྒྱུད་བསྐུལ། ཐབས་དང་ཤེས་རབ་ཀྱི་རང་བཞིན་ཡེ་ཤེས་སེམས་དཔའི་འོད་ཟེར་གྱི་ཚུལ་དུ་བཀུག་དགང་བླུགས་ལ་ཐིམ་པས་དངོས་གྲུབ་འབྱུང་བའི་དམ་ཚིག་གི་ཡོ་བྱད་དུ་གྱུར། མཆོད་བསྲེག་གི་རྫས་རྣམས་བསང་ཆུས་བྲན། ཨ་མྲྀ་ཏས་བསང༌། སྭ་བྷཱ་ཝས་སྦྱང༌། ཏྲཱཾ་ལས་བདེ་བ་ཆེན་པོའི་ཞིང་ཁམས་དབུས༔ བྷྲཱུྃ་ལས་རིན་པོ་ཆེ་ཡི་གཞལ་ཡས་ཁང༔ རིན་ཆེན་སྣོད་དུ་ཧཱུྃ་ལས་མཆོད་ཡོན་དང༔ ཞབས་བསིལ་མེ་ཏོག་བདུག་སྤོས་མར་མེ་དང༔ དྲི་ཆབ་ཞལ་ཟས་ཀུན་བཟང་མཆོད་སྤྲིན་སྤྲོ༔ ཧྲཱིཿལས་རོལ་མོའི་གཞལ་ཡས་ཁང་དུ་གྱུར༔ ཨོཾ་བཛྲ་ཨརྒྷཾ་ཨཱཿཧཱུྃ༔ པཱ་དྱཾ་སོགས། ཤཔྟ་ཨཱཿཧཱུྃ༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋཿ ཨོཾ་ཨཱཿཧཱུྃ་མ་ཧཱ་རཀྟ་ཛྭ་ལ་མཎྜ་ལ་ཧཱུྃ་ཧྲཱིཿཋཿ ཨོཾ་ཨཱཿཧཱུྃ་མ་ཧཱ་བྷ་ལིཾ་ཏ་ཏེ་ཛོ་བ་ལིཾ་ཏ་བ་ལ་བ་ཏེ་གུ་ཧྱ་ས་མ་ཡ་ཧཱུྃ་ཧྲཱིཿཋཿ ཞེས་བྱིན་གྱིས་བརླབས། བསྲེག་རྫས་རྣམས་བདུད་རྩིས་བྲན་ལ། རྡོ་རྗེ་རྩེ་གཅིག་པའི་ཕྱག་རྒྱས་རེག་ཅིང༌། ཨོཾ་སྭཱ་ཧཱ། ཕྱག་རྒྱ་དེ་ཉིད་ཡམ་ཤིང་ལ། ཨོཾ་ཨཱཿསྭཱ་ཧཱ། ཞུན་མར། ཨོཾ་ཤྲཱིཾ་སྭཱ་ཧཱ། འབྲུ་རྣམས་ལ། ཨོཾ་ཛྲིཾ་སྭཱ་ཧཱ། རྫས་གཞན་རྣམས་ལ། ཨོཾ་ཀུ་རུ་ཀུ་རུ་སྭཱ་ཧཱ། རྫས་རྣམས་ཀྱི་མ་དག་པའི་ཉེས་སྐྱོན་ཐམས་ཅད་སྦྱངས་ཏེ་སྟོང་པར་གྱུར། སྟོང་པའི་ངང་ལས་རྫས་རྣམས་བྷྲཱུྃ་ལས་རིན་པོ་ཆེའི་སྣོད་དུ་ཨོཾ་ཨཱཿཧཱུྃ་ཞུ་བ་ལས་བྱུང་བའི་ངོ་བོ་ཡེ་ཤེས་ཀྱི་བདུད་རྩི་རྣམ་པ་བསྲེག་རྫས་སོ་སོར་གྱུར་པས་ལྷ་རྣམས་མཉེས་ཤིང་ཚེ་དང་བསོད་ནམས་སོགས་འབྱོར་དྲུག་རྒྱས་པའི་མཐུ་དང་ལྡན་པར་གྱུར༔ ཨོཾ་ཨཱཿཧཱུྃ། གཅིག །ཨོཾ་བོ་དྷི་བྲིཀྵ་ཡ་སྭཱ་ཧཱ། གསུམ། དེ་བཞིན་དུ། ཨོཾ་ཨཱཿཧཱུྃ། ཨོཾ་ཨགྣ་ཡེ་སྭཱ་ཧཱ། ཨོཾ་ཨཱཿཧཱུྃ། ཨོཾ་སརྦ་པཱ་པཾ་ད་ཧ་ན་བཛྲ་ཡ་སྭཱ་ཧཱ། ཨོཾ་ཨཱཿཧཱུྃ། ཨོཾ་སརྦ་སམྦ་དེ་སྭཱ་ཧཱ། ཨོཾ་ཨཱཿཧཱུྃ། ཨོཾ་བཛྲ་པུཥྚཱ་སྭཱ་ཧཱ། ཨོཾ་ཨཱཿཧཱུྃ། ཨོཾ་བཛྲ་བི་ཛ་ཡ་སྭཱ་ཧཱ། ཨོཾ་ཨཱཿཧཱུྃ། ཨོཾ་མ་ཧཱ་བེ་གཱ་ཡ་སྭཱ་ཧཱ། ཨོཾ་ཨཱཿཧཱུྃ། ཨོཾ་མ་ཧཱ་བ་ལ་ཡ་སྭཱ་ཧཱ། ཨོཾ་ཨཱཿཧཱུྃ། ཨོཾ་བཛྲ་གྷསྨ་རི་སྭཱ་ཧཱ། ཨོཾ་ཨཱཿཧཱུྃ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཨོཾ་ཨཱཿཧཱུྃ། ཨོཾ་ཨ་པྲ་ཏི་ཧ་ཏ་བཛྲ་ཡ་སྭཱ་ཧཱ། ཨོཾ་ཨཱཿཧཱུྃ། ཨོཾ་བཛྲ་ཥཱི་བ་ཡ་སྭཱ་ཧཱ། ཨོཾ་ཨཱཿཧཱུྃ། ཨོཾ་ཨཱ་ཧ་ར་ཨཱ་ཧ་ར་སརྦ་བིདྱཱ་དྷ་ར་བཛྲ་པཱུ་ཛི་ཏེ་ཨཱཿཧཱུྃ། གསུམ་རེ་བརྗོད་པས་བྱིན་གྱིས་བརླབས། མེ་རྒྱལ་རིགས་ཀྱི་ཁྱིམ་དང༌། རྩུབ་ཤིང་ལས་བྱུང་བས་སྦར། ཧཱུྃ། ཆོས་དབྱིངས་རྣམ་དག་སྐྱེ་མེད་ངང་ཉིད་ལས༔ སྐྱེ་བའི་ཆོ་འཕྲུལ་འབར་བའི་བྱིན་རླབས་ལས༔ ཡེ་ཤེས་རྣམ་པར་རོལ་པའི་མེ་སྦར་བས༔ རྒྱས་པའི་ཕྲིན་ལས་མ་ལུས་མྱུར་འགྲུབ་ཤོག༔ ཛྙཱ་ན་ཛྭ་ལ་རཾ། ཞེས་གཡས་བསྐོར་གྱིས་ཐབ་ཏུ་བཅུག །ཧཱུྃ་ཧཱུྃ་ཧཱུྃ། ཞེས་རླུང་གཡབ་ཀྱིས་བསྐུལ། དེ་ནས་ཀུ་ཤ་སྔོ་ལྗང་དྲི་མ་མེད་པ་ལས་ཆུས་བྲན། ཨ་མྲྀ་ཏས་བསང༌། ཨོཾ། ཀུ་ཤ་འདི་ནི་གཙང་ཞིང་དགེ །ཚངས་པ་ལྷ་རྣམས་དག་བྱེད་ཡིན། །དཀོན་མཆོག་གསུམ་ནི་མཉེས་བྱེད་པ། །ས་ལས་སྐྱེས་པ་འདབ་མའི་སྙིང༌། །བདག་གི་བགེགས་རྣམས་ཐམས་ཅད་ནི། །ཞི་དང་བཀྲ་ཤིས་མཛད་དུ་གསོལ། །ཞེས་དང༌། སྭཱ་ཧཱ། ཞེས་ལན་ལྔ་བརྗོད་རིམ་བཞིན་དུ་ཀུ་ཤ་གཉིས་གཉིས་རྩེ་མོ་གཤིབས་པར་རང་གི་གཡོན་ནས་བརྩམས་ཏེ་ཐབ་ལ་གཡས་བསྐོར་གྱིས་ཤར་ལྷོ། ནུབ་བྱང་རྣམས་ལ་དགྲམ་པ། རྩེ་མོ་རྣམས་རིམ་པ་ལྟར་བྱང༌། ཤར། ལྷོ། ནུབ་ཏུ་བསྟན་པ་རྒྱབ་མ་རྣམས་ཀྱི་རྩེ་མོས་སྔོན་མ་རྣམས་ཀྱི་རྩ་བ་ནོན་པར་བྱའོ། །སླར་ཡང་རྩེ་མོ་བྱང་དུ་བསྟན་པ་བ་གླང་གི་རྣ་བ་ལྟ་བུའི་ཀུ་ཤ་ཧ་ཅང་མི་རིང་བས་སྟེང་ནས་གཡོགས་པར་བྱའོ། །ཐབ་བསྐྱེད་པ་ལ། ཨ་མྲྀ་ཏས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་ཏྲཱཾ་ལས་རྒྱས་པའི་ཐབ་ཁུང་སེར་པོ་གྲུ་བཞི་པ་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ། རིན་པོ་ཆེ་ཟུར་བརྒྱད་པ་དབུས་སུ་རིན་པོ་ཆེ་འབར་བ་ཏྲཱཾ་ཡིག་སེར་པོས་མཚན་པར་གྱུར། དེ་ལས་དྲང་སྲོང་མེ་ལྷ་སེར་པོ་ཤ་རྒྱས་པ་གཟི་བརྗིད་དང་ལྡན་པ༔ རིན་པོ་ཆེའི་རྒྱན་ཐམས་ཅད་ཀྱིས་བརྒྱན་ཅིང༔ ར་སྐྱེས་སེར་པོའི་ཁྲི་ལ་བཞུགས་པ༔ དེའི་སྤྱི་བོར་ཨོཾ༔ མགྲིན་པར་ཨཱཿ ཐུགས་ཀར་ཧཱུྃ་གིས་མཚན་པར་གྱུར༔ བདག་གི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་མེ་ལྷ་འཁོར་བཅས་སྤྱན་དྲངས་པར་བསམ་ལ། གཡས་མི་འཇིགས་པའི་རྒྱས་སོར་མོ་བསྒྲེང་ཞིང་མཐེབ་བོང་གཡབ་པ་དང་བཅས་པས། ཧཱུྃ། དད་པ་དང་ནི་དམ་ཚིག་གིས༔ ཚུར་གཤེགས་ཚུར་གཤེགས་འབྱུང་པོ་ཆེ༔ མེ་ལྷའི་རྒྱལ་པོ་དྲང་སྲོང་མཆོག༔ སྲེག་བླུག་མཆོད་པ་བཞེས་སླད་དུ༔ འདི་ཉིད་དུ་ནི་གཤེགས་སུ་གསོལ༔ ཨོཾ་ཨགྣ་ཡེ་ཨེ་ཧྱ་ཧི༔ ཞེས་སྤྱན་དྲངས། ཨོཾ་བིགྷྣཱནྟ་ཀྲྀཏ་ཕཊ༔ ཞེས་ཡུངས་ཀར་ཐབ་ཏུ་གཏོར་ལ་ཕྱི་འབྲང་གི་བགེགས་བསྐྲད། ཀུ་ཤ་རྒྱ་གྲམ་དུ་བཅིངས་པ་འཕང་ལ། ས་མ་ཡ་ཏིཥྛ་ལྷན། ཞེས་གདན་འབུལ། ཛཿཧཱུྃ་བྃ་ཧོཿདབྱེར་མེད་དུ་བསྟིམ། ན་མོ་ན་མཿ ཨོཾ་ཨགྣ་ཡེ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་ཡེ་སྭཱ་ཧཱཿ དང༌། ཤཔྟའི་བར་གྱི་མཆོད། དེ་ནས་བྱོན་སྐྱེམས་ནི། མེ་ལྷ་ཞལ་འཛུམ་པ་དང་བཅས་པས་ཅུང་ཟད་གདངས་པའི་ལྗགས་ལ་རྃ་ཡིག་གིས་མཚན་པ་དང༔ གཟར་བུ་གཉིས་ཀྱི་ཁ་ལའང་རྃ་ཡིག་གིས་མཚན་པས་སྲེག་བླུགས་ཀྱི་མཆོད་པ་ཕུལ་བས་མཉེས་ཤིང་ཕྲིན་ལས་སྒྲུབ་པར་གྱུར༔ ལག་པ་གཉིས་ཁུ་ཚུར་བྱས་ལ་མཐེབ་མཛུབ་གཉིས་རྩེ་སྤྲད་པའི་རིན་པོ་ཆེའི་ཁུ་ཚུར་གྱིས་དགང་བླུགས་བཟུང་ལ། ཨོཾ་ཨགྣ་ཡེ་སྭཱ་ཧཱ། ལན་བདུན་གྱིས་མར་ཁུས་དགང་གཟར་བཀང་ལ། ཨོཾ་ཨགྣ་ཡེ་ཨཱ་དི་བྱཱ་བཧྣ་ཡ་ཧ་བྱ་ཀ་བྱཱ་བཧྣཱ་ཡེ་སྭཱ་ཧཱ༔ ཞེས་གཡས་བསྐོར་གྱིས་ལན་གསུམ་འབུལ། མཐར། ཧོ༔ དྲང་སྲོང་མེ་ལྷའི་ལྷ་ཚོགས་རྣམས༔ སྲེག་བླུགས་མཆོད་པ་འདི་བཞེས་ལ༔ བདག་ཅག་དཔོན་སློབ་འཁོར་བཅས་ཀྱི༔ བསྙེན་སྒྲུབ་ལས་གསུམ་འགྲུབ་པའི་རྟགས༔ རིགས་སྔགས་སྦྱོར་བའི་སྟོབས་རྣམས་དང༔ ཉམས་དང་རྟོག་པ་ཡེ་ཤེས་རྩལ༔ བློ་གྲོས་ཡོན་ཏན་འཕེལ་བའི་སྟོབས༔ འཁོར་དང་རིགས་བརྒྱུད་ཕུན་སུམ་ཚོགས༔ ལོངས་སྤྱོད་དཔལ་འབྱོར་སྙན་གྲགས་དང༔ འབྲུ་ནོར་ཆོས་བརྒྱུད་འཛིན་པ་རྣམས༔ རབ་ཏུ་རྒྱས་པར་མཛད་དུ་གསོལ༔ པུཥྚིཾ་ཀུ་རུ་ཡེ་སྭཱ་ཧཱ༔ ཞེས་ལན་གཅིག་གིས་འབུལ་ཞིང་མེ་པྲ་བརྟག །དེ་ནས་རྫས་རྣམས་ལ་ཞུ་བའི་རང་བཞིན་ཅན་རྣམས་ཞལ་དང༌། ཡམ་ཤིང༌། དཱུརྦ། ཀུ་ཤ་སོགས་འོད་ཀྱི་དཀྱིལ་འཁོར་དང༌། ཞོ་ཟན་དང་ཏིལ་སོགས་ཕྱག་ཏུ་འབུལ་བར་མོས་ཏེ། ལག་གིས་བཟུང་དུ་བཏུབ་པ་རྣམས་གཡས་པའི་མཐེབ་སྲིན་སྦྱར་བའི་མཆོད་སྦྱིན་གྱི་ཚུལ་དང༌། དེ་ལས་གཞན་རྣམས་བླུགས་གཟར་གྱིས་འབུལ། དེ་ནས་རྫས་རྣམས་རིམ་པ་བཞིན་དུ་འབུལ་ལ། ཡམ་ཤིང༌། ཨོཾ་བོ་དྷི་བྲིཀྵ་ཡ་སྭཱ་ཧཱ༔ མར་ཁུ། ཨོཾ་ཨགྣ་ཡེ་སྭཱ་ཧཱ༔ ཏིལ། ཨོཾ་སརྦ་པཱ་པཾ་ད་ཧ་ན་བཛྲ་ཡ་སྭཱ་ཧཱ༔ ཟས་མཆོག །ཨོཾ་སརྦ་སམྦ་དེ་སྭཱ་ཧཱ༔ འབྲས། ཨོཾ་བཛྲ་པུཥྚཱ་ཡ་སྭཱ་ཧཱ༔ སོ་བ། ཨོཾ་བཛྲ་བི་ཛ་ཡ་སྭཱ་ཧཱ༔ ནས། ཨོཾ་མ་ཧཱ་བེ་གཱ་ཡ་སྭཱ་ཧཱ༔ སྲན་མ། ཨོཾ་མ་ཧཱ་བ་ལ་ཡ་སྭཱ་ཧཱ༔ གྲོ། ཨོཾ་བཛྲ་གྷསྨ་རི་སྭཱ་ཧཱ༔ དཱུརྦ། ཨོཾ་བཛྲ་ཨཱ་ཡུ་ཥེ་སྭཱ་ཧཱ༔ ཀུ་ཤ། ཨོཾ་ཨ་པྲ་ཏི་ཧ་ཏ་བཛྲ་ཡ་སྭཱ་ཧཱ༔ ཤིང་ཐོག །ཨོཾ་བཛྲ་ཥཱི་བཱ་ཡ་སྭཱ་ཧཱ༔ རྫས་གཞན་ལ། ཨོཾ་ཨཱ་ཧ་ར་ཨཱ་ཧ་ར་སརྦ་བིདྱཱ་དྷ་ར་བཛྲ་པཱུ་ཛི་ཏེ་ཨཱཿཧཱུྃ༔ ཞེས་ལན་བདུན་རེའི་མཐར། ཧོཿ དྲང་སྲོང་མེ་ལྷའི་ལྷ་ཚོགས་རྣམས༔ སྲེག་བླུགས་མཆོད་པ་འདི་བཞེས་ལ༔ བདག་ཅག་དཔོན་སློབ་འཁོར་བཅས་ཀྱི༔ བསྙེན་སྒྲུབ་ལས་གསུམ་འགྲུབ་པའི་རྟགས༔ རིགས་སྔགས་སྦྱོར་བའི་སྟོབས་རྣམས་དང༔ ཉམས་དང་རྟོགས་པ་ཡེ་ཤེས་རྩལ༔ བློ་གྲོས་ཡོན་ཏན་འཕེལ་བའི་སྟོབས༔ འཁོར་དང་རིགས་བརྒྱུད་ཕུན་སུམ་ཚོགས༔ ལོངས་སྤྱོད་དཔལ་འབྱོར་སྙན་གྲགས་དང༔ འབྲུ་ནོར་ཆོས་བརྒྱུད་འཛིན་པ་རྣམས༔ རབ་ཏུ་རྒྱས་པར་མཛད་དུ་གསོལ༔ པུཥྚིཾ་ཀུ་རུ་ཡེ་སྭཱ་ཧཱ༔ ཞེས་སྦྱར། ཚུལ་འདིས་མཚོན་སྟེ་རྫས་ཐམས་ཅད་ལ་འདོད་གསོལ་འདི་ཁོ་ན་སྦྱར། རྫས་ཐམས་ཅད་རྫོགས་པ་དང༌། ན་མོ། རིག་པའི་རྒྱལ་པོ་ཁྱོད་ཀྱིས་ལས་ཐམས་ཅད་བྱེད་པས་སྲེག་རྫས་ལྷའི་ཞལ་དུ་འབུལ་བ་དང༌། མེ་ཉིད་ཡེ་ཤེས་ཀྱི་མེར་བྱིན་གྱིས་བརླབས་ནས་བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་ཚེ་བསོད་དབང་ཐང་ཆུས་སྲིད་ཉམས་རྟོགས་ཡོན་ཏན་ཡེ་ཤེས་ཐམས་ཅད་མྱུར་དུ་རྒྱས་པའི་ཕྲིན་ལས་མཛད་དུ་གསོལ། ཞེས་འདོད་དོན་གསོལ། དེ་དག་གི་དམིགས་པ་ནི། བདེར་འདུས་གཞུང་ལས། བསྲེག་རྫས་བདུད་རྩི་འབུལ་བས་མེ་ལྷ་མཉེས་ཏེ། འོད་ཟེར་བྱུང་ནས་བདག་གི་ཐུགས་ཀར་ཕོག་པས། ལུས་ངག་ཡིད་གསུམ་གྱི་སྒྲིབ་པ་བསྲེག་སྟེ། སླར་འོད་ཟེར་ཆུ་རྒྱུན་ལྟ་བུས་བཀྲུས་ནས། བཤང་བའི་ལམ་ནས་ཐོན་པར་བསམ་པའམ། ཡང་ན་མེ་ལྷའི་འོད་ཀྱིས་ལུས་ངག་ཡིད་གསུམ་གྱི་སྡིག་པ་ལ་སོགས་པ་སྙིང་ག་ནས་སམ། བ་སྤུའི་བུ་ག་ཐམས་ཅད་ནས་བཏོན་ཏེ། རྫས་ལ་བསྟིམ་པས་མཆོད་པ་ནི་མན་ངག་གོ །དེ་བཞིན་དུ་ནད་དང་དགྲ་དང་འབྱུང་པོའི་གདོན་ལ་སོགས་པ་ཐམས་ཅད་ལ་ཡང་སྦྱར་བར་བྱའོ། །གལ་ཏེ་ཕ་མའམ་སློབ་དཔོན་ལ་སོགས་པའི་ཆེད་དུ་བྱེད་ནའང་དེ་བཞིན་དུ་བྱའོ། །ཞེས་གསུངས། ནོངས་བཤགས་ནི། བདག་ཅག་དུས་ངན་པའི་སེམས་ཅན་དུ་གྱུར་པས་དུས་རྣམས་འཛོལ་བ་དང༌། རྫས་དང་ཡོ་བྱད་མ་ཚང་བ་དང༌། སྔགས་དང་ཆོ་ག་མ་དག་པ་དང༌། ལྷ་དང་ཏིང་ངེ་འཛིན་མ་གསལ་བ་ལ་སོགས་པ་ཉེས་པ་ཐམས་ཅད་དྲང་སྲོང་ཆེན་པོ་ཁྱེད་ཀྱིས་བཟོད་པར་མཛད་དུ་གསོལ། གཉིས་པ་འདས་པའི་མེ་ལྷ་མཆོད་པ་ལ་གཉིས། སྒྲུབ་མཆོད་དང་མ་འབྲེལ་བ་དང༌། འབྲེལ་བའོ། །དང་པོ་ལྟར་ན། བུད་ཤིང་ཅུང་ཟད་ཁ་གསོ་བསང་ཆུ་འཐོར་ལ་བསང་སྦྱང༌། མེ་ལྷ་ཡེ་ཤེས་པ་ཤར་ལྷོར་གཤེགས། དམ་ཚིག་པ་ལྟོ་བ་ཡངས་ཤིང་རྒྱ་ཆེ་བའི་དབུས་སུ་འཆི་མེད་ཚེ་དཔག་མེད་སྒྱུ་འཕྲུལ་དྲྭ་བའི་རྟེན་དང་བརྟེན་པར་བཅས་པ་ཐམས་ཅད་གསལ་ཞིང་ཡོངས་སུ་རྫོགས་པ། འོད་ཟེར་སེར་པོའི་ཕྲེང་བ་མཁའ་ཁྱབ་ཏུ་སྤྲོ་བར་གྱུར། ཅེས་པ་ཙམ་མམ། སྤྲོ་ན་གཞུང་གི་ལྷ་བསྐྱེད་ཡོངས་རྫོགས་སྦྱར། དེ་ནས་སྤྱན་འདྲེན། བཞུགས་གསོལ། ཕྱག་མཆོད། སྨན་རཀ་གཏོར་གསུམ་སྔགས་ཙམ་བསྟོད་པ་ཚང་བར་གྲུབ་ནས། །འོག་གི་དཀྱིལ་འཁོར་པ་དང་བཅས་པའི་ལྷ་ཐམས་ཅད་སོགས་བྱོན་སྐྱེམས་ལ་འཇུག་པ་ཡིན་ནོ། །གཉིས་པ་སྒྲུབ་མཆོད་དང་འབྲེལ་བའི་སྐབས་བུད་ཤིང་ཁ་གསོས་ལ། བཛྲ་མུཿ མེ་ལྷ་ཡེ་ཤེས་པ་ཐབ་ཀྱི་ཤར་ལྷོར་བཞུགས་ཤིང་ཕྲིན་ལས་མཛད་པར་བསམ། དམ་ཚིག་གི་མེ་ལྷ་ལྟོ་བ་ཡངས་ཤིང་རྒྱ་ཆེ་བའི་དབུས་སུ། འབྱུང་བ་རིམ་བརྩེགས་རི་རབ་མེ་དཔུང་ཀློང༔ སླར་ཡང་ཧཱུྃ་ལས་པྃ་བྷྲཱུྃ་ཧཱུྃ་འཕྲོས་པས༔ པདྨ་འདབ་སྟོང་རྡོ་རྗེའི་ས་གཞིའི་དབུས༔ རིན་ཆེན་གཞལ་ཡས་མཚན་ཉིད་ཡོངས་སུ་རྫོགས༔ ནང་དུ་པདྨ་རིན་ཆེན་འཇའ་འོད་འཁྲིགས༔ སེང་གེ་གླང་རྟ་རྨ་བྱ་ཤང་ཤང་ཁྲིར༔ པདྨ་ཉི་ཟླ་དར་ཟབ་ལྷོད་འབོལ་བརྩེགས༔ གཞལ་ཡས་གདན་བཅས་སྣང་སྟོང་འོད་དུ་འབར༔ བྷྲཱུྃ་བི་ཤྭ་བི་ཤུདྡྷེ་ཛྙཱ་ན་མཎྜ་ལ་བྷྲཱུྃ༔ རཏྣ་པདྨ་སཱུརྻ་ཙནྡྲ་མཎྜ་ལ་བྷྲཱུྃ༔ ཞེས་གཞལ་ཡས་ཁང་དང་གདན་གསལ་གདབ་ལ། དེ་ནས་སྤྱན་འདྲེན་པ་ནི། ཧཱུྃ་ཧྲཱིཿ འོག་མིན་ཆོས་དབྱིངས་ལྔ་ལྡན་ཞིང་ཁམས་ནས༔ བདེ་གཤེགས་ཚེ་བདག་རིགས་ལྔ་འཁོར་དང་བཅས༔ མོས་པའི་བུ་ལ་བྱིན་གྱིས་བརླབ་པའི་ཕྱིར༔ མྱུར་བ་ཉིད་དུ་གནས་འདིར་གཤེགས་ནས་ཀྱང༔ བྱིན་རླབས་དབང་དང་དངོས་གྲུབ་བསྩལ་བ་དང༔ འགྲོ་བའི་དོན་ཕྱིར་དགྱེས་པར་བཞུགས་སུ་གསོལ༔ བཛྲ་ས་མ་ཡ་ཛཿཛཿ ཞེས་པའི་བར་གྱི་སྤྱན་འདྲེན་གྱི་ཚིག་བརྗོད་པ་དང་བསྟུན་ལས་རྡོར་གྱིས་གཙོ་འཁོར་རྣམས་ཀྱི་སྔགས་བརྗོད་ཅིང་སྒྲུབ་དཀྱིལ་ལས་མཎྜལ་མེ་ཏོག་གིས་མཚན་པར་སྤྱན་དྲངས་པས་སློབ་དཔོན་ལ་གཡས་སུ་བསྐོར་ཏེ་གཡོན་ཕྱོགས་ནས་ཕུལ་ཏེ་མེ་ཏོག་ཐབ་ཏུ་དོར་བ་དང་མཉམ་དུ་གཙོ་འཁོར་སོ་སོའི་སྔགས་ལ། ས་མ་ཡ་ཏིཥྛ་ལྷན༔ བཏགས་པ་བརྗོད་མཐར་གསལ་གདབ་ནི། གཞལ་ཡས་དབུས་ཀྱི་སེང་གེའི་ཁྲི་ཡི་སྟེང༔ བཅོམ་ལྡན་མགོན་པོ་རྣམ་སྣང་ཚེ་དཔག་མེད༔ དཀར་གསལ་ལོངས་སྤྱོད་ཡོངས་རྫོགས་ཆས་ཀྱི་སྤྲས༔ མཉམ་བཞག་ཕྱག་ན་ཚེ་བུམ་འཁོར་ལོ་འཛིན༔ རྡོ་རྗེ་སྐྱིལ་ཀྲུང་བཞུགས་པ་དེ་ཡི་པང༔ ཚེ་ཡི་བདག་མོ་དབྱིངས་ཕྱུག་དཀར་མོས་འཁྱུད༔ རིན་ཆེན་རྒྱན་ལྡན་མདའ་དར་ཚེ་བུམ་བསྣམས༔ སྙོམས་འཇུག་བདེ་རོལ་བྱང་སེམས་འཕྲོ་འདུ་ལས༔ རིགས་བཞི་ཚེ་བདག་མཐིང་སེར་དམར་ལྗང་མདོག༔ ཀུན་ཀྱང་ལོངས་སྐུའི་རྒྱན་རྫོགས་མཉམ་བཞག་སྟེང༔ ཚེ་བུམ་རིགས་ཀྱི་ཕྱག་རྒྱས་སྤྲས་པ་འཛིན༔ སྒོ་བཞིར་མགྱོགས་མ་རང་རྟགས་མཚན་མ་འཛིན༔ གཞན་ཡང་རབ་འབྱམས་ཚེ་ལྷ་འཁོར་དང་བཅས༔ སྣང་སྟོང་སྒྱུ་མ་ལྟ་བུའི་སྐུ་རུ་གསལ༔ ཕྱག་འཚལ་བ་ནི། ཧཱུྃ་ཧྲཱིཿ བཅོམ་ལྡན་ཚེ་བདག་རྒྱལ་བ་རིགས་ལྔའི་ལྷ༔ རང་བྱུང་སྐུ་གསུང་ཐུགས་དང་ཡོན་ཏན་ལྡན༔ ཕྲིན་ལས་མཛད་པའི་ཆོ་འཕྲུལ་བསམ་མི་ཁྱབ༔ འཁོར་དང་བཅས་ལ་གུས་པས་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏཱིཙྪ་ཧོཿ མཆོད་པ་ནི། ཧཱུྃ་ཧྲཱི༔ བླ་མེད་མཆོད་སྤྲིན་ནམ་མཁའི་དབྱིངས་ཁྱབ་པ༔ དཀྱིལ་འཁོར་ལྷ་ཚོགས་རྣམས་ལ་འབུལ་ལགས་ན༔ ཐུགས་རྗེའི་བརྩེ་བས་དགྱེས་པར་བཞེས་ནས་ཀྱང༔ མི་འགྱུར་མི་ཤིགས་ཚེ་དང་ལྡན་པར་མཛོད༔ ཨོཾ་བཛྲ་ཨརྒྷཾཔཱ་དྱཾ་སོགས་ཤཔྟ་པཉྩ་ཨ་མྲྀ་ཏ་རཀྟ་བ་ལིཾ་ཏ་པཱུ་ཛ་ཧོཿ བསྟོད་པ་ནི། ཧཱུྃ་ཧྲཱིཿ ཡེ་ཤེས་ལྔ་བདག་བཅོམ་ལྡན་ཚེ་ཡི་ལྷ༔ རིགས་ལྔ་ཡབ་ཡུམ་སྤྲུལ་པ་འཁོར་དང་བཅས༔ མ་ལུས་རྒྱལ་བ་ཐམས་ཅད་འདུས་པའི་དཔལ༔ སྐུ་བཞིའི་བདག་ཉིད་རྣམས་ལ་ཕྱག་འཚལ་བསྟོད༔ དེ་ནས། དཀྱིལ་འཁོར་པ་དང་བཅས་པས་ལྷ་ཐམས་ཅད་གསེར་གཙོ་མ་ལྟ་བུའི་འོད་ཟེར་སེར་པོའི་ཕྲེང་བ་ཞིང་ཐམས་ཅད་དུ་ཁྱབ་པར་འཆར་བས་རྒྱས་པའི་ཕྲིན་ལས་མཛད་པར་བསམ་ལ། བྱོན་སྐྱེམས་ནི། དཀྱིལ་འཁོར་གྱི་ལྷ་རྣམས་ཞལ་འཛུམ་པ་དང་བཅས་པས་ཅུང་ཟད་གདངས་པའི་ལྗགས་རིན་པོ་ཆེ་སེར་པོའི་རྣམ་པ་ཅན་དང༌། གཟར་བུ་གཉིས་ཀྱི་ཁ་ལ་བྷྲཱུྃ་ཡིག་གིས་མཚན་པས་སྲེག་བླུགས་ཀྱི་བདུད་རྩིའི་རྒྱུན་དྲངས་ཏེ་གསོལ་བས་སྐུ་གསུང་ཐུགས་མཉེས་ནས་ཕྲིན་ལས་གང་འདོད་པ་སྩོལ་བར་གྱུར༔ ཨོཾ་བུདྡྷ་ཨ་ཡུརྫྙཱ་ན་ཚེ་བྷྲཱུྃ༔ ལན་བདུན་གྱིས་གཡས་པའི་བླུགས་གཟར་གྱིས་མར་ཁུས་གཡོན་པའི་དགང་གཟར་བཀང་ལ། མཚན་བརྒྱ་རྩ་བརྒྱད་པའི་གཟུངས་ཚར་གཅིག་གིས་གཡས་བསྐོར་གྱིས་ཐབ་ཏུ་འབུལ། མཐར། ཧཱུྃ། ཡེ་ཤེས་ཀློང་ཡངས་འཁྱིལ་བའི་ཐབ་ཁུང་དུ༔ དམ་རྫས་བདུད་རྩི་བདུད་རྩིའི་སྲེག་བླུགས་འདི་འབུལ་གྱིས༔ ཡེ་ཤེས་ལྷ་ཚོགས་ཐུགས་དམ་བསྐང་བ་དང༔ སྒྲུབ་པའི་འབྲས་བུ་དུས་འདིར་སྩལ་དུ་གསོལ། ཞེས་འདོད་དོན་གསོལ། ཚུལ་དེ་ལྟ་བུས་ལན་གསུམ་འབུལ། དེ་ནས་ཡམ་ཤིང་སོགས་བསྲེགས་རྫས་གཞན་རྣམས་གཙོ་སྔགས་ལན་རེའི་མཐར་རྫས་སྔགས་ཁོ་ནའི་བཅུ་ལ་སོགས་པ་ཇི་ལྟར་རིགས་པར་འབུལ་ཞིང༌། རྫས་སྔགས་སོ་སོའི་མཐར། ཧཱུྃ༔ དཀྱིལ་འཁོར་ལྷ་ཚོགས་མ་ལུས་ལ༔ སྲེག་བླུགས་བདུད་རྩི་འདི་ཕུལ་བས༔ བདག་ཅག་དཔོན་སློབ་འཁོར་བཅས་ཀྱི༔ བསྙེན་སྒྲུབ་གསུམ་ལས་གསུམ་འགྲུབ་པའི་རྟགས༔ རིགས་སྔགས་སྦྱོར་བའི་སྟོབས་རྣམས་དང༔ ཉམས་དང་རྟོགས་པ་ཡེ་ཤེས་རྩལ༔ བློ་གྲོས་ཡོན་ཏན་འཕེལ་བའི་སྟོབས༔ འཁོར་དང་རིགས་བརྒྱུད་ཕུན་སུམ་ཚོགས༔ ལོངས་སྤྱོད་དཔལ་འབྱོར་སྙན་གྲགས་དང༔ འབྲུ་ནོར་ཆོས་བརྒྱུད་འཛིན་པ་རྣམས༔ རབ་ཏུ་རྒྱས་པར་མཛད་དུ་གསོལ༔ པུཥྚིཾ་ཀུ་རུ་ཡེ་སྭཱ་ཧཱ༔ ཞེས་སྦྱར། དེའང་གཙོ་བོ་ལ་བརྒྱ་སོགས། རིགས་བཞི་ལ་བཅུ་ཆའམ་ཕྱེད་ཕྱེད་ཀྱིས་དམན་པར་བྱ། རྫས་རྣམས་རྫོགས་ནས་ལས་བཅོལ་བའི་ཚེ། ལྷ་རྣམས་ཀྱི་ཐུགས་ཀ་ནས་སྤྲོས་པའི་སངས་རྒྱས་རྣམས་ཀྱིས་གསེར་གྱི་བུམ་པ་བདུད་རྩི་དང་རིན་པོ་ཆེས་གང་བ་འཛིན་པས་རིན་པོ་ཆེ་སེར་པོ་ལ་གནས་པའི་བསྒྲུབ་བྱའི་སྟེང་ཕྱོགས་ནས་བདུད་རྩི་དང་རིན་པོ་ཆེའི་ཆར་ཕབ་པས་དེའི་ལུས་དང་ཁྱིམ་གང་སྟེ་ཚེ་དང་བསོད་ནམས་ནོར་དང་ལོངས་སྤྱོད་ཐམས་ཅད་རྒྱས་པར་བསམ་པ་ཁོ་ནའམ། རྩ་སྔགས་ལ། པུཥྚིཾ་ཀུ་རུ་ཡེ་སྭཱ་ཧཱ། ཞེས་ཤམ་བུ་ཅན་བཟླ་བའང་འགའ་ཞིག་གི་ཕྱག་བཞེས་སུ་སྣང་བས་ལོངས་སྐབས་དང་སྦྱར་རོ། དཀྱིལ་འཁོར་གྱི་ལྷ་རྣམས་ཞལ་འཛུམ་པ་དང་བཅས་པས་ཅུང་ཟད་གདངས་བའི་ལྗགས་དང་གཟར་བུ་གཉིས་ཁ་ལ་བྷྲཱུྃ་ཡིག་གིས་མཚན་པས་སྲེག་བླུགས་ཀྱི་བདུད་རྩིའི་རྒྱུན་དྲངས་ཏེ་གསོལ་བས་སྐུ་གསུང་ཐུགས་མཉེས་ནས་ཕྲིན་ལས་གང་འདོད་པ་སྩོལ་བར་གྱུར༔ ཨོཾ་བུདྡྷ་ཨ་ཡུརྫྙཱ་ན་ཚེ་བྷྲཱུྃ༔ མཚན་བརྒྱ་རྩ་བརྒྱད་པའི་གཟུངས་མཐར། ཧཱུྃ༔ ཡེ་ཤེས་ཀློང་ཡངས་འཁྱིལ་བའི་ཐབ་ཁུང་དུ༔ དམ་རྫས་བདུད་རྩིའི་སྲེག་བླུགས་འདི་འབུལ་གྱིས༔ ཡེ་ཤེས་ལྷ་ཚོགས་ཐུགས་དམ་བསྐང་བ་དང༔ སྒྲུབ་པའི་འབྲས་བུ་དུས་འདིར་བསྩལ་དུ་གསོལ༔ ཞེས་འདོད་གསོལ་སྦྱར། ལན་གསུམ་འབུལ། ཨོཾ་བཛྲ་ཏམྦུ་ལ་ཡ་སྭཱ་ཧཱ༔ སོ་རྩི་འབུལ། ཨོཾ་བཛྲ་ཝསྟྲཱ་ཡ་སྭཱ་ཧཱ༔ གོས་ཟུང་འབུལ། ཨོཾ་རཏྣ་ཨ་ལཾ་ཀཱ་ར་སྭཱ་ཧཱ༔ ཞེས་རིན་པོ་ཆེའི་རྒྱན་ཕུལ་བར་མོས། དེ་ནས་ཡེ་ཤེས་པའི་མཆོད་པ་ཁ་གསོ་ཞིང༌། ཨོཾ་བཛྲ་ཨརྒྷཾ་པཱ་དྱཱཾ་སོགས་ཤཔྟ་པཉྩ་ཨ་མྲྀ་ཏ་རཀྟ་བ་ལིཾ་ཏ་པཱུ་ཛ་ཧོ༔ བསྟོད་པ་ནི། ཧཱུྃ་ཧྲཱིཿ ཡེ་ཤེས་ལྔ་བདག་བཅོམ་ལྡན་ཚེ་ཡི་ལྷ༔ རིགས་ལྔ་ཡབ་ཡུམ་སྤྲུལ་པ་འཁོར་དང་བཅས༔ མ་ལུས་རྒྱལ་བ་ཐམས་ཅད་འདུས་པའི་དཔལ༔ སྐུ་བཞིའི་བདག་ཉིད་རྣམས་ལ་ཕྱག་འཚལ་བསྟོད༔ མ་རྙེད་ཡོངས་སུ་མ་ཚང་དང༌། །གང་ཡང་ནུས་པ་མ་མཆིས་པ། །འདིར་ནི་བགྱིས་བ་གང་ནོངས་པ། །དེ་ཀུན་ཁྱོད་ཀྱིས་བཟོད་མཛད་རིགས། །ཞེས་དང་ཡིག་བརྒྱ་ལན་གསུམ་གྱིས་ནོངས་པ་བཤགས། ཁྱེད་ཀྱི་སེམས་ཅན་སོགས་དང༌། ཨོཾ་ཨཱཿཧཱུྃ་མཱུཿཞེས་བརྗོད་ཅིང༌། སྒྲུབ་མཆོད་དང་འབྲེལ་བའི་ཚེ། དཀྱིལ་འཁོར་པའི་ལྷ་རྣམས་སྒྲུབ་པའི་དཀྱིལ་འཁོར་ལ་གཤེགས་པར་བསམ་ཞིང༌། མཎྜལ་མེ་ཏོག་སྤོས་དང་རོལ་མོས་མཚོན་པར་སྒྲུབ་དཀྱིལ་དུ་སྤྱན་དྲངས། གཞལ་ཡས་ཁང་གདན་དང་བཅས་པར་རང་ལ་ཐིམ་པར་བསམ་ཞིང༌། སྲེག་རྐྱང་གི་སྐབས་སུ་ཡེ་ཤེས་པ་ཆོས་དབྱིངས་སུ་གཤེགས་ཤིང་དམ་ཚིག་པ་རང་ལ་བསྡུ། འོན་ཀྱང་བླ་མེད་ཐུན་མོང་མ་ཡིན་པའི་སྐབས་འདིར་དམ་ཡེ་གཉིས་མེད་དབུགས་རྔུབ་པའི་སྦྱོར་བ་དང་བསྟུན། རང་ལ་བསྟིམས་པས་མི་ཤིགས་པའི་ཐིག་ལེ་དང་རོ་གཅིག་ཏུ་གྱུར་པར་བསམས་ཀྱང་ལེགས་སོ། །གསུམ་པ་རྗེས་ཀྱི་རིམ་པ་ནི། ཐབ་བསང་ཆུས་བྲན་ལ། ཨ་མྲྀ་ཏས་བསང༌། བཛྲ་ས་མཱ་ཛཿ མེ་ལྷ་ཡེ་ཤེས་པ་སྤྱན་དྲངས་ནས་དམ་ཚིག་པ་དང་དབྱེར་མེད་དུ་གྱུར༔ མེ་ལྷའི་ཞལ་འཛུམ་པ་དང་བཅས་པས་ཅུང་ཟད་གདངས་པའི་ལྗགས་ལ་རྃ་ཡིག་གིས་མཚན་པ་དང༌། གཟར་བུ་གཉིས་ཀྱི་ཁ་ལའང་རྃ་ཡིག་གིས་མཚན་པས་སྲེག་བླུགས་ཀྱི་མཆོད་པ་ཕུལ་བས་མཉེས་ཤིང་ཕྲིན་ལས་སྒྲུབ་པར་གྱུར། དགང་བླུགས་བཟུང་ལ། ཨོཾ་ཨགྣ་ཡེ་སྭཱ་ཧཱ༔ ལན་བདུན་གྱིས་དགང་གཟར་བཀང་ལ། ཨོཾ་ཨགྣ་ཡེ་ཨཱ་དི་བྱ་བཧྣཱ་ཡ་ཧ་བྱ་ཀ་བྱ་བཧྣཱ་ཡ་སྭཱ་ཧཱ༔ ཞེས་གཡས་བསྐོར་གྱིས་ལན་གསུམ་འབུལ། ཧོཿ དྲང་སྲོང་མེ་ལྷའི་ལྷ་ཚོགས་རྣམས༔ སྲེགས་བླུགས་མཆོད་པ་འདི་བཞེས་ལ༔ བདག་ཅག་དཔོན་སློབ་འཁོར་བཅས་ཀྱི༔ བསྙེན་སྒྲུབ་ལས་གསུམ་འགྲུབ་པའི་རྟགས༔ རིགས་སྔགས་སྦྱོར་བའི་སྟོབས་རྣམས་དང༔ ཉམས་དང་རྟོགས་པ་ཡེ་ཤེས་རྩལ༔ བློ་གྲོས་ཡོན་ཏན་འཕེལ་བའི་སྟོབས༔ འཁོར་དང་རིགས་བརྒྱུད་ཕུན་སུམ་ཚོགས༔ ལོངས་སྤྱོད་དཔལ་འབྱོར་སྙན་གྲགས་དང༔ འབྲུ་ནོར་ཆོས་བརྒྱུད་འཛིན་པ་རྣམས༔ རབ་ཏུ་རྒྱས་པར་མཛད་དུ་གསོལ༔ པུཥྚིཾ་ཀུ་རུ་ཡེ་སྭཱ་ཧཱ༔ ཞེས་ལན་གཅིག་གིས་འབུལ། རྫས་ལྷག་རྣམས། ཨོཾ་བོ་དྷི་བྲིཀྵ་ཡ་སྭཱ་ཧཱ༔ ཨོཾ་ཨགྣ་ཡེ་སྭཱ་ཧཱ༔ ཨོཾ་སརྦ་པཱ་པཾ་ད་ཧ་ན་བཛྲ་ཡ་སྭཱ་ཧཱ༔ ཨོཾ་སརྦ་སམྦ་དེ་སྭཱ་ཧཱ༔ ཨོཾ་བཛྲ་པུཥྚཱ་ཡ་སྭཱ་ཧཱ༔ ཨོཾ་བཛྲ་བི་ཛ་ཡ་སྭཱ་ཧཱ༔ ཨོཾ་མ་ཧཱ་བེ་གཱ་ཡ་སྭཱ་ཧཱ༔ ཨོཾ་མ་ཧཱ་བ་ལ་ཡ་སྭཱ་ཧཱ༔ ཨོཾ་བཛྲ་གྷསྨ་རི་སྭཱ་ཧཱ༔ ཨོཾ་བཛྲ་ཨཱ་ཡུ་ཥེ་སྭཱ་ཧཱ༔ ཨོཾ་ཨ་པྲ་ཏི་ཧ་ཏ་བཛྲ་ཡ་སྭཱ་ཧཱ༔ ཨོཾ་བཛྲ་ཥཱི་བཱ་ཡ་སྭཱ་ཧཱ༔ ཨོཾ་ཨཱ་ཧ་ར་ཨཱ་ཧ་ར་སརྦ་བིདྱཱ་དྷ་ར་བཛྲ་པཱུ་ཛི་ཏེ་ཨཱཿཧཱུྃ༔ ལན་རེས་འབུལ། ཧོཿ དྲང་སྲོང་མེ་ལྷའི་ལྷ་ཚོགས་རྣམས༔ སྲེག་བླུགས་མཆོད་པ་འདི་བཞེས་ལ༔ བདག་ཅག་དཔོན་སློབ་འཁོར་བཅས་ཀྱི༔ བསྙེན་སྒྲུབ་ལས་གསུམ་འགྲུབ་པའི་རྟགས༔ རིགས་སྔགས་སྦྱོར་བའི་སྟོབས་རྣམས་དང༔ ཉམས་དང་རྟོགས་པའི་ཡེ་ཤེས་རྩལ༔ བློ་གྲོས་ཡོན་ཏན་འཕེལ་བའི་སྟོབས༔ འཁོར་དང་རིགས་བརྒྱུད་ཕུན་སུམ་ཚོགས༔ ལོངས་སྤྱོད་དཔལ་འབྱོར་སྙན་གྲགས་དང༔ འབྲུ་ནོར་ཆོས་བརྒྱུད་འཛིན་པ་རྣམས༔ རབ་ཏུ་རྒྱས་པར་མཛད་དུ་གསོལ༔ པུཥྚིཾ་ཀུ་རུ་ཡེ་སྭཱ་ཧཱ༔ རྫས་རྣམས་ལྷག་མ་བཞག་ཏུ་མི་རུང་བས། ཐམས་ཅད་ལྷག་མེད་དུ་དབུལ་བར་བྱའོ། །མེ་ལྷའི་གཏོར་མ་བྲན་ལ། ཨ་ཀཱ་རོས་བྱིན་གྱིས་བརླབས། ཨོཾ་ཨགྣ་ཡེ་ས་པ་རི་ཝཱ་ར་ཨི་དམ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ལན་གསུམ་གྱིས་འབུལ། མེ་ལྷ་འཁོར་དང་བཅས་པ་ཡིས༔ མཆོད་སྦྱིན་གཏོར་མ་འདི་བཞེས་ལ༔ བདག་ཅག་དཔོན་སློབ་འཁོར་བཅས་ཀྱིས༔ བསྙེན་སྒྲུབ་ལས་གསུམ་འགྲུབ་པའི་རྟགས༔ རིག་སྔགས་སྦྱོར་བའི་སྟོབས་རྣམས་དང༔ ཉམས་དང་རྟོགས་པའི་ཡེ་ཤེས་རྩལ༔ བློ་གྲོས་ཡོན་ཏན་འཕེལ་བའི་སྟོབས༔ འཁོར་དང་རིགས་བརྒྱུད་ཕུན་སུམ་ཚོགས༔ ལོངས་སྤྱོད་དཔལ་འབྱོར་སྙན་གྲགས་དང༔ འབྲུ་ནོར་ཆོས་བརྒྱུད་འཛིན་པ་རྣམས༔ རབ་ཏུ་རྒྱས་པར་མཛད་དུ་གསོལ༔ པུཥྚིཾ་ཀུ་རུ་ཡེ་སྭཱ་ཧཱ༔ ཞེས་ཕྲིན་ལས་བཅོལ། ཨོཾ་ཨགྣ་ཡེ་ས་པ་རི་ཝཱ་ར་པུཥྤེ་དྷཱུ་པེ་སོགས་ཤཔྟ་པྲ་ཏཱིཙྪ་སྭཱ་ཧཱ༔ ཞེས་མཆོད་ལ་བསྟོད་པ་ནི། ཧཱུྃ། ཚངས་དབང་འཇིག་རྟེན་མགོན་གྱིས་སྲས༔ མེ་ལྷའི་རྒྱལ་པོ་དྲང་སྲོང་མཆོག༔ མཐུ་སྟོབས་རྫུ་འཕྲུལ་བསམ་མི་ཁྱབ༔ འཁོར་དང་བཅས་ལ་ཕྱག་འཚལ་བསྟོད༔ ཞེས་དང༌། སྲེགས་བླུགས་དམ་ཚིག་ལས་འདས་ཤིང༔ ཆོ་ག་ལྷག་ཆད་འགལ་འཁྲུལ་སོགས༔ ཉེས་པའི་ཚོགས་རྣམས་མཐོལ་ལོ་བཤགས༔ བཟོད་པར་བཞེས་ནས་དངོས་གྲུབ་སྩོལ༔ ཞེས་དང་ཡིག་བརྒྱས་ནོངས་པ་བཤགས། ཨོཾ་བཛྲ་ཏམྦུ་ལ་སྭཱ་ཧཱ༔ སོ་རྩི་འབུལ། ཨོཾ་བཛྲ་ཝསྟྲཱ་སྭཱ་ཧཱ༔ གོས་ཟུང་འབུལ། བདག་གི་དོན་དང་གཞན་གྱི་དོན༔ སྒྲུབ་བྱེད་བསྲེག་བྱ་ཟ་བ་གཤེགས༔ ཇི་བཞིན་དུས་སུ་ཚུར་བྱོན་ལ༔ བདག་གི་དངོས་གྲུབ་ཐམས་ཅད་སྒྲུབས༔ བཛྲ་མུཿ ཞེས་མེ་ལྷ་ཡེ་ཤེས་པ་རང་གནས་སུ་གཤེགས། དམ་ཚིག་པ་རང་གི་ལྟེ་བའི་ཨ་ཤད་ལ་ཐིམ་པར་གྱུར། ལས་མཇུག་བྲོ་ཡི་བསྡུ་བ་ནི། རྒྱས་པའི་ཕུར་བུ་འདྲིལ་ལ། བྲོ་ར་གྲུ་བཞིའམ་དེར་མོས་ལ། ཧཱུྃ༔ གཏུམ་ཆེན་འབར་བ་ཁྲོ་བོའི་ཚོགས༔ ཆོས་ཀྱི་དབྱིངས་ནས་སྐུར་བཞེངས་ལ༔ ཡེ་ཤེས་བྲོ་དང་གླུ་ལ་བསྐུལ༔ སྙིང་པོའི་དཀྱིལ་འཁོར་ཆེན་པོ་འདིར༔ དཔལ་ཆེན་ཡབ་ཡུམ་འགྱིང་ཞིང་རོལ༔ ཁྲོ་བོའི་ཚོགས་རྣམས་སྤྲིན་ལྟར་གཏིབས༔ ཁྲོ་མོའི་ཚོགས་རྣམས་ལས་ལ་རྔམས༔ ཁྲོ་ཆུང་མང་པོ་སྤྲུལ་པར་འགྱེད༔ ཀཾ་ཀ་འདབ་ཆགས་སྐར་ལྟར་འཁྲུགས༔ གཅན་གཟན་མུ་ཁ་སྤྲིན་ལྟར་འཐིབས༔ དཔལ་གྱི་བྲོ་ཆེན་འདི་ལྟར་བརྡུངས༔ ལྷོ་རུ་རྒྱས་པའི་བྲོ་བརྡུངས་པས༔ ཚེ་བསོད་དཔལ་འབྱོར་ཡོན་ཏན་རྒྱས༔ རྒྱས་པར་མ་གྱུར་གང་ཡང་མེད༔ པུཥྚིཾ་ཀུ་རུ་ཡེ་སྭཱ་ཧཱ༔ ཧཱུྃ༔ ཆོས་ཀྱི་དབྱིངས་ཀྱི་བྲོ་ར་འདིར༔ རིག་པ་ཡེ་ཤེས་བྲོ་ཆེན་བརྡུངས༔ དབྱིངས་ཡེ་ཟུང་འཇུག་གླུ་བླངས་པས༔ བྲོ་ནི་སྐྱེ་བ་མེད་པའི་བྲོ༔ གླུ་ནི་འགག་པ་མེད་པའི་གླུ༔ སྐྱེ་འགག་གནས་བྲལ་བྲོ་བརྡུངས་པས༔ བདག་ཏུ་ལྟ་བའི་ཉོན་མོངས་འཇོམས༔ གསང་བའི་དགྲ་གསུམ་བསད་པའི་བྲོ༔ འཇིགས་པའི་བདུད་བཞི་བཅོམ་པའི་བྲོ༔ རྫོགས་པ་ཆེན་པོའི་བྲོ་བརྡུངས་པས༔ ཐམས་ཅད་ཆོས་ཀྱི་དབྱིངས་སུ་ཐིམ༔ ཨོཾ་ལཾ་ཧཱུྃ་ལཾ་སྟྭཾ་བྷ་ཡ་ནན༔ ཅེས་བརྡུངས་ལ། མཐར་དགེ་བའི་རྩ་བ་བླ་མེད་བྱང་ཆུབ་ཏུ་བསྔོ་ཞིང་ཤིས་པ་བརྗོད་པས་མཐའ་རྒྱས་སུ་བྱ། སྒྲུབ་མཆོད་སྲེག་རྐྱང་གང་ཡིན་ཀྱང་དཀྱིལ་འཁོར་རྗེས་ཀྱི་བྱ་བ་སྲུང་མའི་གཏོར་འབུལ་སོགས་ཕྱག་ལེན་དཀྱུས་མཐུན་བྱ་ཞིང༌། དེ་ལྟར་སྦྱིན་སྲེག་བྱས་པའི་མེ་ལ་དཀྲུགས་བདལ་ལ་སོགས་མི་བྱ་བར་མེ་ཡི་བྱ་བ་ཞི་བ་ལྟར་ལ་ཐལ་སོལ་མཛོད་དུ་སྦ། གལ་ཏེ་རབ་གནས་དང་འབྲེལ་བར་འོ་ཐུག་བསྒྲུབ་ན་ལག་ལེན་སོགས་སྤྱི་ལྟར་བྱའོ། དགེའོ།།

[edit]

@#/_gnyis pa rgyas pa'i sbyin sreg ni/_'don bya khog sngar smos pa'i zhi sbyin ltar la/_bye brag gi khyad par/_me thab stegs bu'i steng du dri bzang*/_ba byung bdud rtsi lnga dang sbyar ba'i chag chag btab la/_tshangs zur gyi thig spyi mthun du btab pa'i dbus nas sor nyer bzhis zlum por bskor/_de'i phyi rol du sor brgyad pa'i tshad can rim pa gnyis bskor/_de nas zur thig rnams kyi steng du mtshan ma byas pa re khA bcad pas gru bzhi phyi nang gsum 'byung ba/_dang po thab rgya/_gnyis pa mu ran/_gsum pa kha khyer/_dbus su sor brgyad pa gcig bskor ba pad+ma'i lte ba/_de rgyab 'dab brgyad dbus su nor bu me 'bar/_mu ran la me ri ser po g.yas bskor dang*/_de'i phyi rim kha khyer la nor bu'i phreng ba/_zur bzhi la rin po che 'bar bas mtshan pa bri/_thams cad kha dog ser po/_bcad tshon sogs kyang ngur smrig gis mtshon ji ltar rigs pa las nag po sogs tshon sel gyis ma phog pa gal che'o/_/der tsher ma med pa'i 'bras bu dang bcas pa'i shing gi bar cha las byung ba'i yam shing khru gang pa dri dang mngar gsum mar khus sbags pa/_shing thog bil ba sogs ser po dang dar ser spos shel gser sbug sogs skud pa ser po la brgyus pa/_kha skong byed na/_'bru sna rin po che sna tshogs pa zas bzang po/_khyad par du tshe spel pa la dUrba lta bu/_gang gtsor byed pa'i rdzas mang du bsags/_snod dang rdzas dang stegs thams cad dbyibs gru bzhi/_kha dog ser po/_yar ngo tshes brgyad dam bco lnga la sogs pa'i snga dro'i cha la/_slob dpon chas rgyan ser po dga' ba'i sems dang bzang po'i stabs kyis stan ser po la kha byang du phyogs te 'khod nas las rim la 'jug_/de nas sbyin sreg khol sgrub kyi skabs bdag bskyed rgyas bsdus ji ltar rigs pa bsgom shing las bum bdud rtsi 'khyil ba'i bskyed bzlas bya/_sgrub mchod dang 'brel ba'i tshe rtsa bsnyen la/_phaT dzaH_btags pa brjod pas/_rang nyid dkyil 'khor gyi gtso bo las mar me gcig las gnyis mched kyi tshul du gar gyi dbang phyug tshe dpag med zhal gcig phyag gnyis pa'i rnam par thon nas sbyin sreg gi las rim la 'jug par mos la/_rdor dril/_a mr-i tas bsang*/_swa b+hA was sbyang*/_stong pa'i ngang las rdo rje thabs kyi rang bzhin ye shes lnga'i ngo bo oM ma hA badz+ra hU~M/_zhes lag g.yas kyi rdo rje gsor zhing snying gar bzung*/_dril bu shes rab kyi rang bzhin stong nyid chos kyi sgra dbyangs sgrogs pa/_oM badz+ra gaN+De AH_g.yon pas dril bu dkrol zhing dkur brten/_gnyis ka'ang don dam byang chub sems kyi rang bzhin thugs kar 'khyud rgya byas la/_oM sarba ta thA ga ta ma hA a nu rA ga Na badz+ra swa b+hA wa at+ma ko\u0f85 haM/_zhes dam tshig gsum dran par byas la/_cho ga ma grub kyi bar du yid ting nge 'dzin/_lag rdor dril dang ma bral bar bya'o/_/dgang blugs bsang sbyang*/_rang gi snying ga nas 'od zer 'phros ye shes lha'i thugs rgyud bskul/_thabs dang shes rab kyi rang bzhin ye shes sems dpa'i 'od zer gyi tshul du bkug dgang blugs la thim pas dngos grub 'byung ba'i dam tshig gi yo byad du gyur/_mchod bsreg gi rdzas rnams bsang chus bran/_a mr-i tas bsang*/_swa b+hA was sbyang*/_trAM las bde ba chen po'i zhing khams dbus:_b+h+rU~M las rin po che yi gzhal yas khang:_rin chen snod du hU~M las mchod yon dang:_zhabs bsil me tog bdug spos mar me dang:_dri chab zhal zas kun bzang mchod sprin spro:_hrIHlas rol mo'i gzhal yas khang du gyur:_oM badz+ra ar+g+haM AHhU~M:_pA d+yaM sogs/_shap+ta AHhU~M:_oM AHhU~M sarba pany+tsa a mr-i ta hU~M hrIHThaH_oM AHhU~M ma hA rak+ta dz+wa la maN+Da la hU~M hrIHThaH_oM AHhU~M ma hA b+ha liM ta te dzo ba liM ta ba la ba te gu h+ya sa ma ya hU~M hrIHThaH_zhes byin gyis brlabs/_bsreg rdzas rnams bdud rtsis bran la/_rdo rje rtse gcig pa'i phyag rgyas reg cing*/_oM swA hA/_phyag rgya de nyid yam shing la/_oM AHswA hA/_zhun mar/_oM shrIM swA hA/_'bru rnams la/_oM dz+riM swA hA/_rdzas gzhan rnams la/_oM ku ru ku ru swA hA/_rdzas rnams kyi ma dag pa'i nyes skyon thams cad sbyangs te stong par gyur/_stong pa'i ngang las rdzas rnams b+h+rU~M las rin po che'i snod du oM AHhU~M zhu ba las byung ba'i ngo bo ye shes kyi bdud rtsi rnam pa bsreg rdzas so sor gyur pas lha rnams mnyes shing tshe dang bsod nams sogs 'byor drug rgyas pa'i mthu dang ldan par gyur:_oM AHhU~M/_gcig_/oM bo d+hi brik+Sha ya swA hA/_gsum/_de bzhin du/_oM AHhU~M/_oM ag+na ye swA hA/_oM AHhU~M/_oM sarba pA paM da ha na badz+ra ya swA hA/_oM AHhU~M/_oM sarba sam+ba de swA hA/_oM AHhU~M/_oM badz+ra puSh+TA swA hA/_oM AHhU~M/_oM badz+ra bi dza ya swA hA/_oM AHhU~M/_oM ma hA be gA ya swA hA/_oM AHhU~M/_oM ma hA ba la ya swA hA/_oM AHhU~M/_oM badz+ra g+hasma ri swA hA/_oM AHhU~M/_oM badz+ra A yu She swA hA/_oM AHhU~M/_oM a pra ti ha ta badz+ra ya swA hA/_oM AHhU~M/_oM badz+ra ShI ba ya swA hA/_oM AHhU~M/_oM A ha ra A ha ra sarba bid+yA d+ha ra badz+ra pU dzi te AHhU~M/_gsum re brjod pas byin gyis brlabs/_me rgyal rigs kyi khyim dang*/_rtsub shing las byung bas sbar/_hU~M/_chos dbyings rnam dag skye med ngang nyid las:_skye ba'i cho 'phrul 'bar ba'i byin rlabs las:_ye shes rnam par rol pa'i me sbar bas:_rgyas pa'i phrin las ma lus myur 'grub shog:_dz+nyA na dz+wa la raM/_zhes g.yas bskor gyis thab tu bcug_/hU~M hU~M hU~M/_zhes rlung g.yab kyis bskul/_de nas ku sha sngo ljang dri ma med pa las chus bran/_a mr-i tas bsang*/_oM/_ku sha 'di ni gtsang zhing dge_/tshangs pa lha rnams dag byed yin/_/dkon mchog gsum ni mnyes byed pa/_/sa las skyes pa 'dab ma'i snying*/_/bdag gi bgegs rnams thams cad ni/_/zhi dang bkra shis mdzad du gsol/_/zhes dang*/_swA hA/_zhes lan lnga brjod rim bzhin du ku sha gnyis gnyis rtse mo gshibs par rang gi g.yon nas brtsams te thab la g.yas bskor gyis shar lho/_nub byang rnams la dgram pa/_rtse mo rnams rim pa ltar byang*/_shar/_lho/_nub tu bstan pa rgyab ma rnams kyi rtse mos sngon ma rnams kyi rtsa ba non par bya'o/_/slar yang rtse mo byang du bstan pa ba glang gi rna ba lta bu'i ku sha ha cang mi ring bas steng nas g.yogs par bya'o/_/thab bskyed pa la/_a mr-i tas bsang*/_swa b+hA was sbyang*/_stong pa'i ngang las trAM las rgyas pa'i thab khung ser po gru bzhi pa mtshan nyid thams cad yongs su rdzogs pa'i nang du/_rin po che zur brgyad pa dbus su rin po che 'bar ba trAM yig ser pos mtshan par gyur/_de las drang srong me lha ser po sha rgyas pa gzi brjid dang ldan pa:_rin po che'i rgyan thams cad kyis brgyan cing:_ra skyes ser po'i khri la bzhugs pa:_de'i spyi bor oM:_mgrin par AH_thugs kar hU~M gis mtshan par gyur:_bdag gi thugs ka'i hU~M las 'od zer 'phros pas me lha 'khor bcas spyan drangs par bsam la/_g.yas mi 'jigs pa'i rgyas sor mo bsgreng zhing mtheb bong g.yab pa dang bcas pas/_hU~M/_dad pa dang ni dam tshig gis:_tshur gshegs tshur gshegs 'byung po che:_me lha'i rgyal po drang srong mchog:_sreg blug mchod pa bzhes slad du:_'di nyid du ni gshegs su gsol:_oM ag+na ye e h+ya hi:_zhes spyan drangs/_oM big+h+nAn+ta kr-ita phaT:_zhes yungs kar thab tu gtor la phyi 'brang gi bgegs bskrad/_ku sha rgya gram du bcings pa 'phang la/_sa ma ya tiSh+Tha lhan/_zhes gdan 'bul/_dzaHhU~M ba~M hoHdbyer med du bstim/_na mo na maH_oM ag+na ye sa pa ri wA ra ar+g+haM pra tIts+tsha ye swA hAH_dang*/_shap+ta'i bar gyi mchod/_de nas byon skyems ni/_me lha zhal 'dzum pa dang bcas pas cung zad gdangs pa'i ljags la ra~M yig gis mtshan pa dang:_gzar bu gnyis kyi kha la'ang ra~M yig gis mtshan pas sreg blugs kyi mchod pa phul bas mnyes shing phrin las sgrub par gyur:_lag pa gnyis khu tshur byas la mtheb mdzub gnyis rtse sprad pa'i rin po che'i khu tshur gyis dgang blugs bzung la/__oM ag+na ye swA hA/_lan bdun gyis mar khus dgang gzar bkang la/_oM ag+na ye A di byA bah+na ya ha bya ka byA bah+nA ye swA hA:_zhes g.yas bskor gyis lan gsum 'bul/_mthar/_ho:_drang srong me lha'i lha tshogs rnams:_sreg blugs mchod pa 'di bzhes la:_bdag cag dpon slob 'khor bcas kyi:_bsnyen sgrub las gsum 'grub pa'i rtags:_rigs sngags sbyor ba'i stobs rnams dang:_nyams dang rtog pa ye shes rtsal:_blo gros yon tan 'phel ba'i stobs:_'khor dang rigs brgyud phun sum tshogs:_longs spyod dpal 'byor snyan grags dang:_'bru nor chos brgyud 'dzin pa rnams:_rab tu rgyas par mdzad du gsol:_puSh+TiM ku ru ye swA hA:_zhes lan gcig gis 'bul zhing me pra brtag_/de nas rdzas rnams la zhu ba'i rang bzhin can rnams zhal dang*/_yam shing*/_dUrba/_ku sha sogs 'od kyi dkyil 'khor dang*/_zho zan dang til sogs phyag tu 'bul bar mos te/_lag gis bzung du btub pa rnams g.yas pa'i mtheb srin sbyar ba'i mchod sbyin gyi tshul dang*/_de las gzhan rnams blugs gzar gyis 'bul/_de nas rdzas rnams rim pa bzhin du 'bul la/_yam shing*/_oM bo d+hi brik+Sha ya swA hA:_mar khu/_oM ag+na ye swA hA:_til/_oM sarba pA paM da ha na badz+ra ya swA hA:__zas mchog_/oM sarba sam+ba de swA hA:_'bras/_oM badz+ra puSh+TA ya swA hA:_so ba/_oM badz+ra bi dza ya swA hA:_nas/_oM ma hA be gA ya swA hA:_sran ma/_oM ma hA ba la ya swA hA:_gro/_oM badz+ra g+hasma ri swA hA:_dUrba/_oM badz+ra A yu She swA hA:_ku sha/_oM a pra ti ha ta badz+ra ya swA hA:_shing thog_/oM badz+ra ShI bA ya swA hA:_rdzas gzhan la/_oM A ha ra A ha ra sarba bid+yA d+ha ra badz+ra pU dzi te AHhU~M:_zhes lan bdun re'i mthar/_hoH_drang srong me lha'i lha tshogs rnams:_sreg blugs mchod pa 'di bzhes la:_bdag cag dpon slob 'khor bcas kyi:_bsnyen sgrub las gsum 'grub pa'i rtags:_rigs sngags sbyor ba'i stobs rnams dang:_nyams dang rtogs pa ye shes rtsal:_blo gros yon tan 'phel ba'i stobs:_'khor dang rigs brgyud phun sum tshogs:_longs spyod dpal 'byor snyan grags dang:_'bru nor chos brgyud 'dzin pa rnams:_rab tu rgyas par mdzad du gsol:_puSh+TiM ku ru ye swA hA:_zhes sbyar/_tshul 'dis mtshon ste rdzas thams cad la 'dod gsol 'di kho na sbyar/_rdzas thams cad rdzogs pa dang*/_na mo/_rig pa'i rgyal po khyod kyis las thams cad byed pas sreg rdzas lha'i zhal du 'bul ba dang*/_me nyid ye shes kyi mer byin gyis brlabs nas bdag cag dpon slob yon mchod 'khor dang bcas pa'i tshe bsod dbang thang chus srid nyams rtogs yon tan ye shes thams cad myur du rgyas pa'i phrin las mdzad du gsol/_zhes 'dod don gsol/_de dag gi dmigs pa ni/_bder 'dus gzhung las/_bsreg rdzas bdud rtsi 'bul bas me lha mnyes te/_'od zer byung nas bdag gi thugs kar phog pas/_lus ngag yid gsum gyi sgrib pa bsreg ste/_slar 'od zer chu rgyun lta bus bkrus nas/_bshang ba'i lam nas thon par bsam pa'am/_yang na me lha'i 'od kyis lus ngag yid gsum gyi sdig pa la sogs pa snying ga nas sam/_ba spu'i bu ga thams cad nas bton te/_rdzas la bstim pas mchod pa ni man ngag go_/de bzhin du nad dang dgra dang 'byung po'i gdon la sogs pa thams cad la yang sbyar bar bya'o/_/gal te pha ma'am slob dpon la sogs pa'i ched du byed na'ang de bzhin du bya'o/_/zhes gsungs/_nongs bshags ni/_bdag cag dus ngan pa'i sems can du gyur pas dus rnams 'dzol ba dang*/_rdzas dang yo byad ma tshang ba dang*/_sngags dang cho ga ma dag pa dang*/_lha dang ting nge 'dzin ma gsal ba la sogs pa nyes pa thams cad drang srong chen po khyed kyis bzod par mdzad du gsol/_gnyis pa 'das pa'i me lha mchod pa la gnyis/_sgrub mchod dang ma 'brel ba dang*/_'brel ba'o/__/dang po ltar na/_bud shing cung zad kha gso bsang chu 'thor la bsang sbyang*/_me lha ye shes pa shar lhor gshegs/_dam tshig pa lto ba yangs shing rgya che ba'i dbus su 'chi med tshe dpag med sgyu 'phrul drwa ba'i rten dang brten par bcas pa thams cad gsal zhing yongs su rdzogs pa/_'od zer ser po'i phreng ba mkha' khyab tu spro bar gyur/_ces pa tsam mam/_spro na gzhung gi lha bskyed yongs rdzogs sbyar/_de nas spyan 'dren/_bzhugs gsol/_phyag mchod/_sman raka gtor gsum sngags tsam bstod pa tshang bar grub nas/_/'og gi dkyil 'khor pa dang bcas pa'i lha thams cad sogs byon skyems la 'jug pa yin no/_/gnyis pa sgrub mchod dang 'brel ba'i skabs bud shing kha gsos la/_badz+ra muH_me lha ye shes pa thab kyi shar lhor bzhugs shing phrin las mdzad par bsam/_dam tshig gi me lha lto ba yangs shing rgya che ba'i dbus su/_'byung ba rim brtsegs ri rab me dpung klong:_slar yang hU~M las pa~M b+h+rU~M hU~M 'phros pas:_pad+ma 'dab stong rdo rje'i sa gzhi'i dbus:_rin chen gzhal yas mtshan nyid yongs su rdzogs:_nang du pad+ma rin chen 'ja' 'od 'khrigs:_seng ge glang rta rma bya shang shang khrir:_pad+ma nyi zla dar zab lhod 'bol brtsegs:_gzhal yas gdan bcas snang stong 'od du 'bar:_b+h+rU~M bi shwa bi shud+d+he dz+nyA na maN+Da la b+h+rU~M:_rat+na pad+ma sUr+Ya tsan+d+ra maN+Da la b+h+rU~M:_zhes gzhal yas khang dang gdan gsal gdab la/_de nas spyan 'dren pa ni/_hU~M hrIH_'og min chos dbyings lnga ldan zhing khams nas:_bde gshegs tshe bdag rigs lnga 'khor dang bcas:_mos pa'i bu la byin gyis brlab pa'i phyir:_myur ba nyid du gnas 'dir gshegs nas kyang:_byin rlabs dbang dang dngos grub bstsal ba dang:_'gro ba'i don phyir dgyes par bzhugs su gsol:_badz+ra sa ma ya dzaHdzaH_zhes pa'i bar gyi spyan 'dren gyi tshig brjod pa dang bstun las rdor gyis gtso 'khor rnams kyi sngags brjod cing sgrub dkyil las maN+Dal me tog gis mtshan par spyan drangs pas slob dpon la g.yas su bskor te g.yon phyogs nas phul te me tog thab tu dor ba dang mnyam du gtso 'khor so so'i sngags la/_sa ma ya tiSh+Tha lhan:_btags pa brjod mthar gsal gdab ni/_gzhal yas dbus kyi seng ge'i khri yi steng:_bcom ldan mgon po rnam snang tshe dpag med:_dkar gsal longs spyod yongs rdzogs chas kyi spras:_mnyam bzhag phyag na tshe bum 'khor lo 'dzin:_rdo rje skyil krung bzhugs pa de yi pang:_tshe yi bdag mo dbyings phyug dkar mos 'khyud:_rin chen rgyan ldan mda' dar tshe bum bsnams:_snyoms 'jug bde rol byang sems 'phro 'du las:_rigs bzhi tshe bdag mthing ser dmar ljang mdog:_kun kyang longs sku'i rgyan rdzogs mnyam bzhag steng:_tshe bum rigs kyi phyag rgyas spras pa 'dzin:_sgo bzhir mgyogs ma rang rtags mtshan ma 'dzin:_gzhan yang rab 'byams tshe lha 'khor dang bcas:_snang stong sgyu ma lta bu'i sku ru gsal:_phyag 'tshal ba ni/_hU~M hrIH_bcom ldan tshe bdag rgyal ba rigs lnga'i lha:_rang byung sku gsung thugs dang yon tan ldan:_phrin las mdzad pa'i cho 'phrul bsam mi khyab:_'khor dang bcas la gus pas phyag 'tshal lo:_a ti pU hoH_pra tIts+tsha hoH_mchod pa ni/_hU~M hrI:_bla med mchod sprin nam mkha'i dbyings khyab pa:_dkyil 'khor lha tshogs rnams la 'bul lags na:_thugs rje'i brtse bas dgyes par bzhes nas kyang:_mi 'gyur mi shigs tshe dang ldan par mdzod:_oM badz+ra ar+g+haMpA d+yaM sogs shap+ta pany+tsa a mr-i ta rak+ta ba liM ta pU dza hoH_bstod pa ni/_hU~M hrIH_ye shes lnga bdag bcom ldan tshe yi lha:_rigs lnga yab yum sprul pa 'khor dang bcas:_ma lus rgyal ba thams cad 'dus pa'i dpal:_sku bzhi'i bdag nyid rnams la phyag 'tshal bstod:_de nas/_dkyil 'khor pa dang bcas pas lha thams cad gser gtso ma lta bu'i 'od zer ser po'i phreng ba zhing thams cad du khyab par 'char bas rgyas pa'i phrin las mdzad par bsam la/_byon skyems ni/_dkyil 'khor gyi lha rnams zhal 'dzum pa dang bcas pas cung zad gdangs pa'i ljags rin po che ser po'i rnam pa can dang*/_gzar bu gnyis kyi kha la b+h+rU~M yig gis mtshan pas sreg blugs kyi bdud rtsi'i rgyun drangs te gsol bas sku gsung thugs mnyes nas phrin las gang 'dod pa stsol bar gyur:_oM bud+d+ha a yur+dz+nyA na tshe b+h+rU~M:_lan bdun gyis g.yas pa'i blugs gzar gyis mar khus g.yon pa'i dgang gzar bkang la/_mtshan brgya rtsa brgyad pa'i gzungs tshar gcig gis g.yas bskor gyis thab tu 'bul/_mthar/_hU~M/_ye shes klong yangs 'khyil ba'i thab khung du:_dam rdzas bdud rtsi bdud rtsi'i sreg blugs 'di 'bul gyis:_ye shes lha tshogs thugs dam bskang ba dang:_sgrub pa'i 'bras bu dus 'dir stsal du gsol/_zhes 'dod don gsol/_tshul de lta bus lan gsum 'bul/_de nas yam shing sogs bsregs rdzas gzhan rnams gtso sngags lan re'i mthar rdzas sngags kho na'i bcu la sogs pa ji ltar rigs par 'bul zhing*/_rdzas sngags so so'i mthar/_hU~M:_dkyil 'khor lha tshogs ma lus la:_sreg blugs bdud rtsi 'di phul bas:_bdag cag dpon slob 'khor bcas kyi:_bsnyen sgrub gsum las gsum 'grub pa'i rtags:_rigs sngags sbyor ba'i stobs rnams dang:_nyams dang rtogs pa ye shes rtsal:_blo gros yon tan 'phel ba'i stobs:_'khor dang rigs brgyud phun sum tshogs:_longs spyod dpal 'byor snyan grags dang:_'bru nor chos brgyud 'dzin pa rnams:_rab tu rgyas par mdzad du gsol:_puSh+TiM ku ru ye swA hA:_zhes sbyar/_de'ang gtso bo la brgya sogs/_rigs bzhi la bcu cha'am phyed phyed kyis dman par bya/_rdzas rnams rdzogs nas las bcol ba'i tshe/_lha rnams kyi thugs ka nas spros pa'i sangs rgyas rnams kyis gser gyi bum pa bdud rtsi dang rin po ches gang ba 'dzin pas rin po che ser po la gnas pa'i bsgrub bya'i steng phyogs nas bdud rtsi dang rin po che'i char phab pas de'i lus dang khyim gang ste tshe dang bsod nams nor dang longs spyod thams cad rgyas par bsam pa kho na'am/_rtsa sngags la/_puSh+TiM ku ru ye swA hA/_zhes sham bu can bzla ba'ang 'ga' zhig gi phyag bzhes su snang bas longs skabs dang sbyar ro/_dkyil 'khor gyi lha rnams zhal 'dzum pa dang bcas pas cung zad gdangs ba'i ljags dang gzar bu gnyis kha la b+h+rU~M yig gis mtshan pas sreg blugs kyi bdud rtsi'i rgyun drangs te gsol bas sku gsung thugs mnyes nas phrin las gang 'dod pa stsol bar gyur:_oM bud+d+ha a yur+dz+nyA na tshe b+h+rU~M:_mtshan brgya rtsa brgyad pa'i gzungs mthar/_hU~M:_ye shes klong yangs 'khyil ba'i thab khung du:_dam rdzas bdud rtsi'i sreg blugs 'di 'bul gyis:_ye shes lha tshogs thugs dam bskang ba dang:_sgrub pa'i 'bras bu dus 'dir bstsal du gsol:_zhes 'dod gsol sbyar/_lan gsum 'bul/_oM badz+ra tam+bu la ya swA hA:_so rtsi 'bul/_oM badz+ra was+t+rA ya swA hA:_gos zung 'bul/_oM rat+na a laM kA ra swA hA:_zhes rin po che'i rgyan phul bar mos/_de nas ye shes pa'i mchod pa kha gso zhing*/_oM badz+ra ar+g+haM pA d+yAM sogs shap+ta pany+tsa a mr-i ta rak+ta ba liM ta pU dza ho:_bstod pa ni/_hU~M hrIH_ye shes lnga bdag bcom ldan tshe yi lha:_rigs lnga yab yum sprul pa 'khor dang bcas:_ma lus rgyal ba thams cad 'dus pa'i dpal:_sku bzhi'i bdag nyid rnams la phyag 'tshal bstod:_ma rnyed yongs su ma tshang dang*/_/gang yang nus pa ma mchis pa/_/'dir ni bgyis ba gang nongs pa/_/de kun khyod kyis bzod mdzad rigs/_/zhes dang yig brgya lan gsum gyis nongs pa bshags/_khyed kyi sems can sogs dang*/_oM AHhU~M mUHzhes brjod cing*/_sgrub mchod dang 'brel ba'i tshe/_dkyil 'khor pa'i lha rnams sgrub pa'i dkyil 'khor la gshegs par bsam zhing*/_maN+Dal me tog spos dang rol mos mtshon par sgrub dkyil du spyan drangs/_gzhal yas khang gdan dang bcas par rang la thim par bsam zhing*/_sreg rkyang gi skabs su ye shes pa chos dbyings su gshegs shing dam tshig pa rang la bsdu/_'on kyang bla med thun mong ma yin pa'i skabs 'dir dam ye gnyis med dbugs rngub pa'i sbyor ba dang bstun/_rang la bstims pas mi shigs pa'i thig le dang ro gcig tu gyur par bsams kyang legs so/__/gsum pa rjes kyi rim pa ni/_thab bsang chus bran la/_a mr-i tas bsang*/_badz+ra sa mA dzaH_me lha ye shes pa spyan drangs nas dam tshig pa dang dbyer med du gyur:_me lha'i zhal 'dzum pa dang bcas pas cung zad gdangs pa'i ljags la ra~M yig gis mtshan pa dang*/_gzar bu gnyis kyi kha la'ang ra~M yig gis mtshan pas sreg blugs kyi mchod pa phul bas mnyes shing phrin las sgrub par gyur/_dgang blugs bzung la/_oM ag+na ye swA hA:_lan bdun gyis dgang gzar bkang la/_oM ag+na ye A di bya bah+nA ya ha bya ka bya bah+nA ya swA hA:_zhes g.yas bskor gyis lan gsum 'bul/_hoH_drang srong me lha'i lha tshogs rnams:_sregs blugs mchod pa 'di bzhes la:_bdag cag dpon slob 'khor bcas kyi:_bsnyen sgrub las gsum 'grub pa'i rtags:_rigs sngags sbyor ba'i stobs rnams dang:_nyams dang rtogs pa ye shes rtsal:_blo gros yon tan 'phel ba'i stobs:_'khor dang rigs brgyud phun sum tshogs:_longs spyod dpal 'byor snyan grags dang:_'bru nor chos brgyud 'dzin pa rnams:_rab tu rgyas par mdzad du gsol:_puSh+TiM ku ru ye swA hA:_zhes lan gcig gis 'bul/_rdzas lhag rnams/_oM bo d+hi brik+Sha ya swA hA:_oM ag+na ye swA hA:_oM sarba pA paM da ha na badz+ra ya swA hA:_oM sarba sam+ba de swA hA:_oM badz+ra puSh+TA ya swA hA:_oM badz+ra bi dza ya swA hA:_oM ma hA be gA ya swA hA:_oM ma hA ba la ya swA hA:__oM badz+ra g+hasma ri swA hA:_oM badz+ra A yu She swA hA:_oM a pra ti ha ta badz+ra ya swA hA:_oM badz+ra ShI bA ya swA hA:_oM A ha ra A ha ra sarba bid+yA d+ha ra badz+ra pU dzi te AHhU~M:_lan res 'bul/_hoH_drang srong me lha'i lha tshogs rnams:_sreg blugs mchod pa 'di bzhes la:_bdag cag dpon slob 'khor bcas kyi:_bsnyen sgrub las gsum 'grub pa'i rtags:_rigs sngags sbyor ba'i stobs rnams dang:_nyams dang rtogs pa'i ye shes rtsal:_blo gros yon tan 'phel ba'i stobs:_'khor dang rigs brgyud phun sum tshogs:_longs spyod dpal 'byor snyan grags dang:_'bru nor chos brgyud 'dzin pa rnams:_rab tu rgyas par mdzad du gsol:_puSh+TiM ku ru ye swA hA:_rdzas rnams lhag ma bzhag tu mi rung bas/_thams cad lhag med du dbul bar bya'o/_/me lha'i gtor ma bran la/_a kA ros byin gyis brlabs/_oM ag+na ye sa pa ri wA ra i dam ba liM ta kha kha khA hi khA hi:_lan gsum gyis 'bul/_me lha 'khor dang bcas pa yis:_mchod sbyin gtor ma 'di bzhes la:_bdag cag dpon slob 'khor bcas kyis:_bsnyen sgrub las gsum 'grub pa'i rtags:_rig sngags sbyor ba'i stobs rnams dang:_nyams dang rtogs pa'i ye shes rtsal:_blo gros yon tan 'phel ba'i stobs:_'khor dang rigs brgyud phun sum tshogs:_longs spyod dpal 'byor snyan grags dang:_'bru nor chos brgyud 'dzin pa rnams:_rab tu rgyas par mdzad du gsol:_puSh+TiM ku ru ye swA hA:_zhes phrin las bcol/_oM ag+na ye sa pa ri wA ra puSh+pe d+hU pe sogs shap+ta pra tIts+tsha swA hA:_zhes mchod la bstod pa ni/_hU~M/_tshangs dbang 'jig rten mgon gyis sras:_me lha'i rgyal po drang srong mchog:_mthu stobs rdzu 'phrul bsam mi khyab:_'khor dang bcas la phyag 'tshal bstod:_zhes dang*/_sregs blugs dam tshig las 'das shing:_cho ga lhag chad 'gal 'khrul sogs:_nyes pa'i tshogs rnams mthol lo bshags:_bzod par bzhes nas dngos grub stsol:_zhes dang yig brgyas nongs pa bshags/_oM badz+ra tam+bu la swA hA:_so rtsi 'bul/_oM badz+ra was+t+rA swA hA:_gos zung 'bul/_bdag gi don dang gzhan gyi don:_sgrub byed bsreg bya za ba gshegs:_ji bzhin dus su tshur byon la:_bdag gi dngos grub thams cad sgrubs:_badz+ra muH_zhes me lha ye shes pa rang gnas su gshegs/_dam tshig pa rang gi lte ba'i a shad la thim par gyur/_las mjug bro yi bsdu ba ni/_rgyas pa'i phur bu 'dril la/_bro ra gru bzhi'am der mos la/_hU~M:_gtum chen 'bar ba khro bo'i tshogs:_chos kyi dbyings nas skur bzhengs la:_ye shes bro dang glu la bskul:_snying po'i dkyil 'khor chen po 'dir:_dpal chen yab yum 'gying zhing rol:_khro bo'i tshogs rnams sprin ltar gtibs:_khro mo'i tshogs rnams las la rngams:_khro chung mang po sprul par 'gyed:_kaM ka 'dab chags skar ltar 'khrugs:_gcan gzan mu kha sprin ltar 'thibs:_dpal gyi bro chen 'di ltar brdungs:_lho ru rgyas pa'i bro brdungs pas:_tshe bsod dpal 'byor yon tan rgyas:_rgyas par ma gyur gang yang med:_puSh+TiM ku ru ye swA hA:_hU~M:_chos kyi dbyings kyi bro ra 'dir:_rig pa ye shes bro chen brdungs:_dbyings ye zung 'jug glu blangs pas:_bro ni skye ba med pa'i bro:_glu ni 'gag pa med pa'i glu:_skye 'gag gnas bral bro brdungs pas:_bdag tu lta ba'i nyon mongs 'joms:_gsang ba'i dgra gsum bsad pa'i bro:_'jigs pa'i bdud bzhi bcom pa'i bro:_rdzogs pa chen po'i bro brdungs pas:_thams cad chos kyi dbyings su thim:_oM laM hU~M laM s+t+waM b+ha ya nan:_ces brdungs la/_mthar dge ba'i rtsa ba bla med byang chub tu bsngo zhing shis pa brjod pas mtha' rgyas su bya/_sgrub mchod sreg rkyang gang yin kyang dkyil 'khor rjes kyi bya ba srung ma'i gtor 'bul sogs phyag len dkyus mthun bya zhing*/_de ltar sbyin sreg byas pa'i me la dkrugs bdal la sogs mi bya bar me yi bya ba zhi ba ltar la thal sol mdzod du sba/_gal te rab gnas dang 'brel bar 'o thug bsgrub na lag len sogs spyi ltar bya'o/_dge'o//