ཐུགས་སྒྲུབ་བར་ཆད་ཀུན་སེལ་གྱི་སྲུང་མའི་གཏོར་བསྔོ།

🚧 This website is under continued development. We appreciate your patience!

Previous Section Back to Volume PageNext Section

Wylie title	thugs sgrub bar chad kun sel gyi srung ma'i gtor bsngo
Location	mkhyen brtse'i bka' 'bum Volume 15, sde tshan 7, Pages 187-192 (Folios 1a to 3b2)
Author	འཇམ་མགོན་ཀོང་སྤྲུལ་
Less details More details
Tertön	མཆོག་གྱུར་གླིང་པ་ (mchog gyur gling pa)
Citation	'jam mgon kong sprul. thugs sgrub bar chad kun sel gyi srung ma'i gtor bsngo. In 'jam dbyangs mkhyen brtse'i dbang po'i bka' 'bum, Vol. 15: 187-192. Khams sde dge rdzong sar dgon: Rdzong sar blo gros phun tshogs, 2020.
Genre	Torma-offering Rituals - gtor chog
Cycle	བླ་མའི་ཐུགས་སྒྲུབ་བར་ཆད་ཀུན་ (bla ma'i thugs sgrub bar chad kun sel)
Deity	bka' srung, gter srung
Colophon	ཅེས་པའང་ཀུན་མཁྱེན་འཇམ་དབྱངས་བླ་མའི་བཀའ་བཞིན་པདྨ་གར་གྱི་དབང་ཕྱུག་རྩལ་གྱིས་བྲིས་པ་དགེ་ལེགས་འཕེལ།། །།མངྒ་ལཾ།།
	ces pa'ang kun mkhyen 'jam dbyangs bla ma'i bka' bzhin pad+ma gar gyi dbang phyug rtsal gyis bris pa dge legs 'phel//__//mang+ga laM/

1 Texts in this Section (sde tshan or chos tshan)

187-192	ཐུགས་སྒྲུབ་བར་ཆད་ཀུན་སེལ་གྱི་སྲུང་མའི་གཏོར་བསྔོ། thugs sgrub bar chad kun sel gyi srung ma'i gtor bsngo Torma-offering Rituals - gtor chog	Text page View PDF
	འཇམ་མགོན་ཀོང་སྤྲུལ་ ('jam mgon kong sprul)

Tibetan Text

Wylie

[edit]

༄༅། །ཐུགས་སྒྲུབ་བར་ཆད་ཀུན་སེལ་གྱི་བཀའ་གཏེར་སྲུང་མའི་གཏོར་བསྔོ་བསྡུས་པ་བཞུགས་སོ། །

ཨོཾ་སྭ་སྟི། གཏེར་གསར་ཐུགས་སྒྲུབ་བར་ཆད་ཀུན་སེལ་གྱི་བཀའ་སྲུང་ཚེ་རིང་མཆེད་ལྔ་དང་། གཏེར་སྲུང་ཁྱུང་བཙུན་མའི་གཏོར་བསྔོ་ཉུང་བསྡུས་ནི། གཏོར་མ། རྃ་ཡྃ་ཁྃ་གྱིས་བསང་། ཨོཾ་ཨཱཿཧཱུྃ་ཧོཿཞེས་པས་བྱིན་བརླབ། རང་གི་ཐུགས་ཀའི་ས་བོན་ལས་བྱུང་བའི་འོད་ཟེར་གྱིས་བཀའ་སྲུང་བཀྲ་ཤིས་ཚེ་རིང་མཆེད་ལྔ་དང་། གཏེར་སྲུང་རྡོ་རྗེ་ཁྱུང་བཙུན་མ་འཁོར་ཡང་འཁོར་སྤྲུལ་པ་ཡང་སྤྲུལ་དང་བཅས་པ་བཛྲ་ས་མཱ་ཛཿ ཞེས་པས་སྤྱན་དྲང་། ཨོཾ་བཛྲ་དྷཱ་ཀི་ནཱི་ཨཱ་ཡུ་ཥེ་ཤྭ་རཱི་ཧྲཱིཿམྃ་ལྃ་ཨྃ་ཏྃ་ཙིཏྟ་ཧྲཱིང་ཧྲཱིང་ཛཿཛཿ ཞེས་ཐུགས་དམ་བསྐུལ། ཨོཾ་བཛྲ་ཨརྒྷཾ་ནས། ཤབྡ་པྲ་ཏཱིཙྪ་སྭཱ་ཧཱ། མ་ཧཱ་པཉྩ་ཨ་མྲྀ་ཏ་རཀྟ་མ་ཧཱ་སུ་ཁ་བ་ལིཾ་ཏ་བྷུཉྫ་ཧོཿ ཞེས་པས་མཆོད། སྨན་བཙུན་མཆེད་ལྔ་འཁོར་དང་བཅས་པའི་ལྗགས་རྡོ་རྗེའི་སྦུ་གུ་ཅན་གྱི་འོད་ཀྱིས་གཏོར་མའི་བཅུད་དྲངས་ཏེ་གསོལ་བར་གྱུར། ཨོཾ་བཛྲ་དྷཱ་ཀི་ནཱི་ཨཱ་ཡུ་ཥེ་ཤྭ་རཱི་ས་མ་ཡ་ཛཿ ཨཱ་ཡུ་པུཎྱེ་པུཥྚིཾ་ཀུ་རུ་སྭཱ་ཧཱ། ཨོཾ་ཛྙཱ་ན་དྷཱ་ཀི་ནཱི་མྃ་ལྃ་ཨྃ་ཏྃ་སརྦ་སིདྡྷི་ཧཱུྃ་ཧཱུྃ༔ ཨོཾ་བཛྲ་མ་ཏི་ཧཱུྃ། ས་པ་རི་ཝཱ་ར་ཨེ་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ་གྱིས་གཏོར་མ་ཕུལ། དཔལ་ཞིང་ལས་སྐྱེས་པའི་དྷཱ་ཀིའི་དབང་ཕྱུག་མ༔ དབྱིངས་ཆོས་སྐུ་སྤྲོས་པ་དང་བྲལ་བ་ལས་མ་གཡོས་བཞིན་ཏུ༔ རིག་པ་རང་སྣང་ལོངས་སྐུ་ཡེ་ཤེས་མཁའ་འགྲོ་རྣམ་པ་ལྔ་ཡི་ཚུལ་དུ་བཞེངས་ཏེ༔ སྤྲུལ་སྐུ་སྨན་མོའི་ཚུལ་གྱིས་སངས་རྒྱས་ཀྱི་བསྟན་པ་སྲུང་བར་མཛད་པ་ཇོ་མོ་བཀྲ་ཤིས་ཚེ་ཡི་དབང་ཕྱུག་མ༔ མཐིང་གི་ཞལ་བཟང་མ༔ མི་གཡོ་གླང་བཟང་མ༔ ཅོད་པན་མགྲིན་བཟང་མ༔ ཏལ་དཀར་འགྲོ་བཟང་མ༔ ཁ་རག་ཁྱུང་བཙུན་མ༔ འཁོར་སྲིད་པ་གསུམ་གྱི་སྨན་མོ་འབུམ་ཕྲག་ཡངས་པའི་ཚོགས་དང་བཅས་པ་ལ་གསོལ་ལོ༔ མཆོད་དོ༔ འབུལ་ལོ༔ མཉེས་རབ་ཀྱི་མཆོག༔ དགྱེས་རབ་ཀྱི་ཕུལ་དམ་པར་གྱུར་ཏེ༔ རྣལ་འབྱོར་པ་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ལ་དགྱེས་པའི་ཞལ་སྟོན༔ འཛུམ་པའི་མདངས་ཕྱུངས༔ ལུས་དང་གྲིབ་མ་བཞིན་ཏུ་མི་འབྲལ་བར་འགྲོགས་ཏེ་ཆོས་དང་མཐུན་པའི་ལོངས་སྤྱོད་རྒྱ་ཆེན་པོ་སྩལ་བ་དང་༔ རྒྱལ་པོའི་ཆད་པའི་འཇིགས་པ་སོགས་འཕྲལ་རྐྱེན་ངན་པ་ཐམས་ཅད་ཞི་བ་དང་༔ ཅི་བསམ་པའི་དོན་ཐམས་ཅད་ཆོས་དང་མཐུན་པ་ཡིད་བཞིན་ཏུ་འགྲུབ་པར་མཛད་དུ་གསོལ༔ ཀྱཻ། ཡེ་ཤེས་སྐྱེད་མཛད་ཆོས་སྐུ་ཡུམ་ཆེན་མོ༔ རྒྱལ་ཀུན་རྡོ་རྗེའི་བཙུན་མོ་རྣལ་འབྱོར་མ༔ ལོངས་སྐུ་རིགས་ལྔའི་ཡུམ་མཆོག་དབྱིངས་ཕྱུག་ལྔ༔ ཁྲག་འཐུང་དགྱེས་སྡེ་ཀྲོ་དྷཱི་ཤྭ་རཱིར་སྣང་༔ སྤྲུལ་སྐུ་བདེ་གཤེགས་རྡོ་རྗེ་རིན་པོ་ཆེ༔ པདྨ་ལས་ཀྱི་མཁའ་འགྲོའི་གར་མཛད་པས༔ གནས་ཡུལ་དུར་ཁྲོད་ཀུན་ཏུ་སྣ་ཚོགས་གཟུགས༔ གངས་ཅན་སངས་རྒྱས་བསྟན་སྲུང་འཁོར་ལོའི་བདག༔ ལྷན་ཅིག་སྐྱེས་མའི་ཡེ་ཤེས་རྣམ་རོལ་ལས༔ དངོས་གྲུབ་མཆོག་སྩོལ་སྨན་བཙུན་མཆེད་སྡེ་ལྔ༔ སྤྲུལ་པ་ཡང་སྤྲུལ་ཉིང་སྤྲུལ་བསམ་མི་ཁྱབ༔ སྣང་སྲིད་དྷཱ་ཀི་ཀུན་གྱི་འཁོར་ལོས་སྒྱུར༔ བསམ་ཡས་སྒྱུ་འཕྲུལ་དྲྭ་བའི་ཚོགས་རྣམས་ལ༔ གུས་པས་བསྟོད་དོ་འདོད་དགུའི་དངོས་གྲུབ་སྩོལ༔ ཅེས་བསྟོད་ཅིང་ཕྲིན་ལས་གསོལ་ལོ། །ཞེས་པའང་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་གཏེར་གཞུང་རྩ་བ་ནས་བསྡུས་ཏེ་བཀོད་པ་དགེ་ལེགས་སུ་གྱུར་ཅིག། །།གཏེར་གསར་ཚེ་རིང་མའི་གཏོར་མ་འབུལ་བའི་འདོད་གསོལ་བཞུགས་སོ། །ཧྲཱིཿ འོད་གསལ་དབྱིངས་ལས་བདེ་ཆེན་ཡེ་ཤེས་མདངས། །ཞིང་སྐྱོང་ལྷ་སྨན་རྒྱལ་མོ་མཆེད་ལྔ་དང་། །རིགས་ཀྱི་ཚོམ་བུ་འབུམ་སྡེ་འཁོར་བཅས་ཀྱིས། །གཏོར་མ་གསེར་སྐྱེམས་ཕུད་མཆོད་དགྱེས་བཞེས་ལ། །རྒྱལ་བའི་བསྟན་སྲུངས་བླ་མའི་སྐུ་ཚེ་སྲིངས། །འདུས་པའི་སྡེ་རྒྱས་འཕགས་པའི་ནོར་གྱིས་ཕྱུག །རྣལ་འབྱོར་ཚེ་དབང་འབྱོར་པ་སྙན་གྲགས་སྤེལ། །བདེ་སྟོང་ཡེ་ཤེས་སྐྱེད་པའི་གྲོགས་མཛོད་ཅིག །གཞི་བྱེས་ཉིན་དང་མཚན་མོ་དུས་རྟག་ཏུ། །བདག་འཁོར་ཡོན་བདག་བྱམས་པའི་ཐུགས་ཀྱིས་སྐྱོངས། །འཇིགས་དང་བར་ཆད་འཚེ་བ་ཀུན་ལས་སྐྱོབས། །བཀྲ་ཤིས་དགེ་ལེགས་དབྱར་མཚོ་ལྟར་རྒྱས་མཛོད། །རྒྱལ་ཁམས་ཀུན་ཏུ་ནད་མུག་མཚོན་འཁྲུགས་ཞི། །ལོ་ཕྱུགས་ལེགས་ཤིང་དགེ་བའི་ཆོས་སྤྱོད་འཕེལ། །སྐྱེ་དགུའི་མོས་སྣང་དམ་པའི་ཆོས་ལ་སྒྱུར། །དག་པ་མཁའ་སྤྱོད་གནས་སུ་བསུ་སྐྱེལ་མཛོད། །ཐུགས་དམ་མ་བསྙེལ་བརྩེ་གདུང་མ་ཆུང་བར། །མདོར་ན་འཇིག་རྟེན་འཇིག་རྟེན་འདས་པ་ཡི། །ལས་དང་དངོས་གྲུབ་ཇི་ལྟར་བསམ་པའི་དོན། །ཐོགས་མེད་མྱུར་དུ་འགྲུབ་པའི་ཕྲིན་ལས་མཛོད། །ཅེས་པའང་ཀུན་མཁྱེན་འཇམ་དབྱངས་བླ་མའི་བཀའ་བཞིན་པདྨ་གར་གྱི་དབང་ཕྱུག་རྩལ་གྱིས་བྲིས་པ་དགེ་ལེགས་འཕེལ།། །།མངྒ་ལཾ།།

[edit]

thugs sgrub bar chad kun sel gyi srung ma'i gtor bsngo/ @#/__/thugs sgrub bar chad kun sel gyi bka' gter srung ma'i gtor bsngo bsdus pa bzhugs so/__/ oM swa sti/__gter gsar thugs sgrub bar chad kun sel gyi bka' srung tshe ring mched lnga dang /__gter srung khyung btsun ma'i gtor bsngo nyung bsdus ni/__gtor ma/__ra~M ya~M kha~M gyis bsang /__oM AHhU~M hoHzhes pas byin brlab/__rang gi thugs ka'i sa bon las byung ba'i 'od zer gyis bka' srung bkra shis tshe ring mched lnga dang /__gter srung rdo rje khyung btsun ma 'khor yang 'khor sprul pa yang sprul dang bcas pa badz+ra sa mA dzaH__zhes pas spyan drang /__oM badz+ra d+hA ki nI A yu She shwa rI hrIHma~M la~M a~M ta~M tsit+ta hrIng hrIng dzaHdzaH__zhes thugs dam bskul/__oM badz+ra ar+g+haM nas/__shab+da pra tIts+tsha swA hA/__ma hA pany+tsa a mr-i ta rak+ta ma hA su kha ba liM ta b+huny+dza hoH__zhes pas mchod/__sman btsun mched lnga 'khor dang bcas pa'i ljags rdo rje'i sbu gu can gyi 'od kyis gtor ma'i bcud drangs te gsol bar gyur/__oM badz+ra d+hA ki nI A yu She shwa rI sa ma ya dzaH__A yu puN+ye puSh+TiM ku ru swA hA/__oM dz+nyA na d+hA ki nI ma~M la~M a~M ta~M sarba sid+d+hi hU~M hU~M:__oM badz+ra ma ti hU~M/__sa pa ri wA ra e daM ba liM ta kha kha khA hi khA hi/__lan gsum gyis gtor ma phul/__dpal zhing las skyes pa'i d+hA ki'i dbang phyug ma:__dbyings chos sku spros pa dang bral ba las ma g.yos bzhin tu:__rig pa rang snang longs sku ye shes mkha' 'gro rnam pa lnga yi tshul du bzhengs te:__sprul sku sman mo'i tshul gyis sangs rgyas kyi bstan pa srung bar mdzad pa jo mo bkra shis tshe yi dbang phyug ma:__mthing gi zhal bzang ma:__mi g.yo glang bzang ma:__cod pan mgrin bzang ma:__tal dkar 'gro bzang ma:__kha rag khyung btsun ma:__'khor srid pa gsum gyi sman mo 'bum phrag yangs pa'i tshogs dang bcas pa la gsol lo:__mchod do:__'bul lo:__mnyes rab kyi mchog:__dgyes rab kyi phul dam par gyur te:__rnal 'byor pa bdag cag dpon slob yon mchod 'khor dang bcas pa la dgyes pa'i zhal ston:__'dzum pa'i mdangs phyungs:__lus dang grib ma bzhin tu mi 'bral bar 'grogs te chos dang mthun pa'i longs spyod rgya chen po stsal ba dang :__rgyal po'i chad pa'i 'jigs pa sogs 'phral rkyen ngan pa thams cad zhi ba dang :__ci bsam pa'i don thams cad chos dang mthun pa yid bzhin tu 'grub par mdzad du gsol:__kyai/__ye shes skyed mdzad chos sku yum chen mo:__rgyal kun rdo rje'i btsun mo rnal 'byor ma:__longs sku rigs lnga'i yum mchog dbyings phyug lnga:__khrag 'thung dgyes sde kro d+hI shwa rIr snang :__sprul sku bde gshegs rdo rje rin po che:__pad+ma las kyi mkha' 'gro'i gar mdzad pas:__gnas yul dur khrod kun tu sna tshogs gzugs:__gangs can sangs rgyas bstan srung 'khor lo'i bdag:__lhan cig skyes ma'i ye shes rnam rol las:__dngos grub mchog stsol sman btsun mched sde lnga:__sprul pa yang sprul nying sprul bsam mi khyab:__snang srid d+hA ki kun gyi 'khor los sgyur:__bsam yas sgyu 'phrul drwa ba'i tshogs rnams la:__gus pas bstod do 'dod dgu'i dngos grub stsol:__ces bstod cing phrin las gsol lo/__/zhes pa'ang mtsho skyes bla ma dgyes pa'i 'bangs mkhyen brtse'i dbang pos gter gzhung rtsa ba nas bsdus te bkod pa dge legs su gyur cig/__//gter gsar tshe ring ma'i gtor ma 'bul ba'i 'dod gsol bzhugs so/__/hrIH__'od gsal dbyings las bde chen ye shes mdangs/__/zhing skyong lha sman rgyal mo mched lnga dang /__/rigs kyi tshom bu 'bum sde 'khor bcas kyis/__/gtor ma gser skyems phud mchod dgyes bzhes la/__/rgyal ba'i bstan srungs bla ma'i sku tshe srings/__/'dus pa'i sde rgyas 'phags pa'i nor gyis phyug__/rnal 'byor tshe dbang 'byor pa snyan grags spel/__/bde stong ye shes skyed pa'i grogs mdzod cig__/gzhi byes nyin dang mtshan mo dus rtag tu/__/bdag 'khor yon bdag byams pa'i thugs kyis skyongs/__/'jigs dang bar chad 'tshe ba kun las skyobs/__/bkra shis dge legs dbyar mtsho ltar rgyas mdzod/__/rgyal khams kun tu nad mug mtshon 'khrugs zhi/__/lo phyugs legs shing dge ba'i chos spyod 'phel/__/skye dgu'i mos snang dam pa'i chos la sgyur/__/dag pa mkha' spyod gnas su bsu skyel mdzod/__/thugs dam ma bsnyel brtse gdung ma chung bar/__/mdor na 'jig rten 'jig rten 'das pa yi/__/las dang dngos grub ji ltar bsam pa'i don/__/thogs med myur du 'grub pa'i phrin las mdzod/__/ces pa'ang kun mkhyen 'jam dbyangs bla ma'i bka' bzhin pad+ma gar gyi dbang phyug rtsal gyis bris pa dge legs 'phel//__//mang+ga laM//