ཐུགས་རྗེ་ཆེན་པོ་ཡི་གེ་དྲུག་པའི་གསོལ་འདེབས་ཀྱི་སྒྲུབ་ཐབས་བྱིན་རླབས་ཅན།

🚧 This website is under continued development. We appreciate your patience!

Previous Text Back to Volume PageNext Text

Wylie title	thugs rje chen po yi ge drug pa'i gsol 'debs kyi sgrub thabs byin rlabs can
Location	mkhyen brtse'i bka' babs Volume 12, Text 15, Pages 495-504 (Folios 1a to 5b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	མངའ་རིས་པ་ཚུལ་ཁྲིམས་བཟང་པོ་, འཇམ་དབྱངས་མཁྱེན་བརྩེའི་དབང་པོ་ (mnga' ris pa tshul khrims bzang po, 'jam dbyangs mkhyen brtse'i dbang po)
Associated People	ཐང་སྟོང་རྒྱལ་པོ་ (thang stong rgyal po)
Citation	'jam dbyangs mkhyen brtse'i dbang po. thugs rje chen po yi ge drug pa'i gsol 'debs kyi sgrub thabs byin rlabs can. In Rdzong sar 'jam dbyangs mkhyen brtse'i dbang po'i bka' babs, Vol. 12: 495-504. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Revelations - gter ma  ·  Sadhanas - Evocation Ritual - sgrub thabs
Cycle	ཐུགས་རྗེ་ཆེན་པོ་ཡི་གེ་དྲུག་པའི་གསོལ་འདེབས་ (thugs rje chen po yi ge drug pa'i gsol 'debs)
Deity	thugs rje chen po
Karchag page	JKW-KABAB-Volume-12-NA-Karchag
RTZ	In the Rinchen Terdzö: https://rtz.tsadra.org/index.php/Terdzo-'A-021
Colophon	First colophon page 502: ཞེས་གྲུབ་ཆེན་ཐང་སྟོང་རྒྱལ་པོ་དང་ཐུགས་རྒྱུད་གཅིག་པ་མངའ་རིས་སྟོད་ཀྱི་གུ་གེ་རོང་དུ་བྱུང་བའི་སྦས་པའི་རྣལ་འབྱོར་པ་གྲུབ་མཆོག་ཚུལ་ཁྲིམས་བཟང་པོ་ཞེས་མི་ཡུལ་དུ་ལོ་བརྒྱ་དང་སུམ་ཅུ་བཞུགས་ཀྱང་བསྐུུ་ལ་བགྲེས་རྒུད་ཀྱི་སྐྱོན་མེད་ཅིང་མཐར་སྐུ་འོད་ཀྱི་ཕུང་པོར་ཐིམ་པ་དེ་ཉིད་ལ་འཕགས་པ་ཐུགས་རྗེ་ཆེན་པོས་མངོན་སུམ་དུ་སྩལ་བའི་རྡོ་རྗེའི་གསུང་བྱིན་རླབས་ཅན་གྱི་ལེ་ཚན་ནོ།། །།འདི་ལ་རིག་པ་གཏད་པའི་རྗེས་གནང་ཡང་ཡོད། མངྒ་ལཾ་བྷ་བ་ཏུ། Second colophon page 504: །ཅེས་པ་འདི་ནི་གྲུབ་ཆེན་ཐང་སྟོང་རྒྱལ་པོས་རྗེ་རང་གི་སྐྱེ་བ་གོང་མ་དགེ་སློང་པདྨ་དཀར་པོར་འཁྲུངས་བའི་སྐབས་དགུང་ལོ་ཉི་ཤུ་ནས་བརྒྱད་ཅུའི་བར་དུ་སྨྱུང་བར་གནས་པས་འཕགས་པ་སྤྱན་རས་གཟིགས་ལ་རྩེ་གཅིག་ཏུ་གསོལ་བ་བཏབ་པའི་ཚིག་འདི་སྔོན་གནས་རྗེས་དྲན་དུ་གསུངས་པ་སྟེ། བྱིན་རླབས་ཀྱི་ཚན་ཁ་མཆོག་དང་ལྡན་པ་ལགས་སོ།།
	First colophon page 502: zhes grub chen thang stong rgyal po dang thugs rgyud gcig pa mnga' ris stod kyi gu ge rong du byung ba'i sbas pa'i rnal 'byor pa grub mchog tshul khrims bzang po zhes mi yul du lo brgya dang sum cu bzhugs kyang bsku+u la bgres rgud kyi skyon med cing mthar sku 'od kyi phung por thim pa de nyid la 'phags pa thugs rje chen pos mngon sum du stsal ba'i rdo rje'i gsung byin rlabs can gyi le tshan no//__//'di la rig pa gtad pa'i rjes gnang yang yod/__mang+ga laM b+ha ba tu/ Second colophon page 504: ces pa 'di ni grub chen thang stong rgyal pos rje rang gi skye ba gong ma dge slong pad+ma dkar por 'khrungs ba'i skabs dgung lo nyi shu nas brgyad cu'i bar du smyung bar gnas pas 'phags pa spyan ras gzigs la rtse gcig tu gsol ba btab pa'i tshig 'di sngon gnas rjes dran du gsungs pa ste/__byin rlabs kyi tshan kha mchog dang ldan pa lags so

Tibetan Text

Wylie

[edit]

༄༅། །ཐུགས་རྗེ་ཆེན་པོ་ཡེ་གེ་དྲུག་པའི་གསོལ་འདེབས་ཀྱི་སྒྲུབ་ཐབས་བྱིན་རླབས་ཅན་བཞུགས་སོ།། །།

༄༅། ཇོ་བོ་ཐུགས་རྗེ་ཆེན་པོ་ལ་ཕྱག་འཚལ་ལོ། །ཨོཾ་མ་ཎི་པདྨེ་ཧཱུྃ། མགོན་སྤྱན་རས་གཟིགས་ལ་སྐྱབས་སུ་མཆི། །མ་འགྲོ་དྲུག་དོན་དུ་བྱང་སེམས་བསྐྱེད། །བྱམས་སྙིང་རྗེ་དགའ་བ་བཏང་སྙོམས་བསྒོམ། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །དབྱིངས་ཏིང་འཛིན་གསལ་བའི་ཆོ་འཕྲུལ་ལས། །དཔལ་ཀུན་ཏུ་བཟང་པོའི་མཆོད་པའི་སྤྲིན། །ཡུལ་མཁའ་ཁྱབ་རྒྱུན་མི་ཆད་པར་གྱུར། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །ཆོས་ཐམས་ཅད་སྟོང་པ་ཉིད་ཀྱི་ངང༌། །གནས་ཡུལ་ཀུན་རི་བོ་པོ་ཏ་ལའི། །ཞིང་གཞལ་ཡས་ཁང་བཅས་གསལ་ལ་རྫོགས། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །དེ་དབུས་སུ་རང་ཉིད་སྤྱན་རས་གཟིགས། །སྐུ་དཀར་གསལ་འོད་ཟེར་འབུམ་ཕྲག་འཕྲོ། །མཚན་དཔེ་བྱད་ཞི་འཛུམ་སྒེག་པའི་ཉམས། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། ཞལ་ཆོས་སྐུ་ཐིག་ལེ་གཅིག་ཏུ་འཁྱིལ། །སྤྱན་ཐབས་ཤེས་སྙིང་རྗེ་ཟིམ་བུར་གཟིགས། །ཕྱག་ཚད་མེད་བཞི་ལྡན་འཇམ་ཞིང་མཉེན། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །རྩ་ཕྱག་གཉིས་ཐུགས་ཀར་ཐལ་མོ་སྦྱར། །གཡས་འོག་མས་ཤེལ་གྱི་ཕྲེང་བ་དང༌། །གཡོན་འོག་མས་པདྨ་དཀར་པོ་བསྣམས། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །སྐྲ་མཐོན་མཐིང་ཐོར་ཚུགས་སྤྱི་བོར་བཅིངས། །ལྷག་མ་རྣམས་ལྕང་ལོའི་ཚུལ་དུ་འཕྱང༌། །སྤྱི་གཙུག་ཏུ་ནོར་བུ་འབར་བས་མཚན། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །དར་སྣ་ཚོགས་ཅོད་པན་ན་བཟས་བཀླུབས། །རྒྱན་རིན་ཆེན་དུུ་མས་ཀུན་ནས་མཛེས། །རི་དྭགས་ཀྱི་པགས་པས་ནུ་གཡོན་བཀབ། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །སྐུ་བ་སྤུའི་ཁུང་བུ་རེ་རེ་བཞིན། །ཇི་སྙེད་ཀྱི་ཞིང་ཁམས་རབ་འབྱམས་རྫོགས། །དེ་སྙེད་ཀྱི་སངས་རྒྱས་བྱང་སེམས་བཞུགས། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །གསུང་ཕྱི་ནང་སྣོད་བཅུད་སྒྲ་སྐད་ཀུན། །སྔགས་ཡི་གེ་དྲུག་ཏུ་བྱིན་བརླབས་པས། །མཐོང་ཐོས་དང་དྲན་རེག་གྲོལ་བར་མཛད། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །ཐུགས་སྟོང་ཉིད་ངང་ལས་མ་གཡོས་བཞིན། །གདངས་དམིགས་མེད་སྙིང་རྗེ་ཆེན་པོ་ཡིས། །མ་འགྲོ་དྲུག་ཀུན་ལ་བུ་ལྟར་དགོངས། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །གདན་པད་དཀར་ཟླ་བ་རྒྱས་པའི་སྟེང༌། །ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས། །ཕྱོགས་ཀུན་ཏུ་འོད་ཀྱི་སྣང་བས་ཁྱབ། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །གནས་གསུམ་དུ་ཨོཾ་དཀར་ཨཱཿདམར་པོ། །ཧཱུྃ་མཐིང་གའི་ཡི་གེ་གསལ་ལ་འཚེར། །དོན་རྡོ་རྗེ་གསུམ་གྱི་ངོ་བོར་རྫོགས། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། ཐུགས་དྭངས་མའི་སྲོག་ལས་འོད་ཟེར་འཕྲོས། །ཡེ་ཤེས་ཀྱི་སེམས་དཔའ་ཆར་ལྟར་བབས། །དམ་ཚིག་གི་ཕྱག་རྒྱར་དབྱེར་མེད་ཐིམ། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །སླར་འོད་འཕྲོས་དབང་ལྷ་སྤྱན་དྲངས་ནས། །དབང་བསྐུར་ཞིང་སྒྲིབ་དག་ཡོན་ཏན་རྫོགས། །དཔལ་སྣང་བ་མཐའ་ཡས་དབུ་ལ་བརྒྱན། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །སྤྱིར་འགྲོ་དྲུག་ཀུན་ལ་བུ་ལྟར་བརྩེ། །སྒོས་གངས་ཅན་འགྲོ་ལ་ལྷག་པར་དགོངས། །མགོན་སྤྱན་རས་གཟིགས་ལ་ཕྱག་འཚལ་ལོ། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །རྒྱུ་དངོས་སུ་བཤམས་པས་མཚོན་བྱས་ཏེ། །རྐྱེན་ཏིང་ངེ་འཛིན་གྱིས་རྣམ་སྤྲུལ་པའི། །ཟག་མེད་ཀྱི་མཆོད་སྤྲིན་རྒྱ་མཚོ་འབུལ། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །ཐབས་ཤེས་རབ་མཆོག་ལ་མངའ་བརྙེས་ཤིང༌། །དཔལ་ཡེ་ཤེས་ཡོན་ཏན་བསམ་མི་ཁྱབ། །མགོན་སྤྱན་རས་གཟིགས་ལ་གུས་པས་བསྟོད། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །ཐུགས་པད་དཀར་འདབ་དྲུག་ལྟེ་བར་ཧྲཱིཿ །འདབ་མ་རྣམས་ཡི་གེ་དྲུག་པས་མཚན། །སྔགས་རང་སྒྲ་སྒྲོགས་ཤིང་འོད་ཟེར་འབར། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །ངག་བཟླས་པའི་ཀྱེན་གྱིས་བསྐུལ་བ་ལས། །ཧྲཱིཿཡིག་གི་འོད་ཀྱིས་འཕགས་པ་མཆོད། །བྱིན་རླབས་ཀུན་ཚུར་འདུས་བདག་ལ་ཐིམ། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །ཨོཾ་དཀར་པོ་ལྷ་ཡི་ཡུལ་དུ་འཕྲོས། །རྒྱུད་ང་རྒྱལ་འཕོ་ལྟུང་སྡུག་བསྔལ་སྦྱངས། །དོན་མཉམ་ཉིད་ཡེ་ཤེས་མངོན་དུ་གྱུར། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །མ་ལྗང་གུ་ལྷ་མིན་ཡུལ་དུ་འཕྲོས། །རྒྱུད་ཕྲག་དོག་འཐབ་རྩོད་སྡུག་བསྔལ་སྦྱངས། །དོན་བྱ་གྲུབ་ཡེ་ཤེས་མངོན་དུ་གྱུར། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །ཎི་སེར་པོ་མི་ཡི་ཡུལ་དུ་འཕྲོས། །རྒྱུད་ཐེ་ཚོམ་བྲེལ་ཕོངས་སྡུག་བསྔལ་སྦྱངས། །དོན་རང་བྱུང་ཡེ་ཤེས་མངོན་དུ་གྱུར། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །པད་མཐིང་ག་དུད་འགྲོའི་ཡུལ་དུ་འཕྲོས། །རྒྱུད་གཏི་མུག་བླུན་རྨོངས་སྡུག་བསྔལ་སྦྱངས། །དོན་ཆོས་དབྱིངས་ཡེ་ཤེས་མངོན་དུ་གྱུར། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །མེ་དམར་པོ་ཡི་དྭགས་ཡུལ་དུ་འཕྲོས། །རྒྱུད་འདོད་ཆགས་བཀྲེས་སྐོམ་སྡུག་བསྔལ་སྦྱངས། །དོན་སོར་རྟོག་ཡེ་ཤེས་མངོན་དུ་གྱུར། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །ཧཱུྃ་མཐིང་ནག་དམྱལ་བའི་ཡུལ་དུ་འཕྲོས། །རྒྱུད་ཞེ་སྡང་ཚ་གྲང་སྡུག་བསྔལ་སྦྱངས། །དོན་མེ་ལོང་ཡེ་ཤེས་མངོན་དུ་གྱུར། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །ཁམས་གསུམ་གྱི་གཟུགས་སྣང་སྤྱན་རས་གཟིགས། །སྒྲ་གྲགས་ཀུན་སྔགས་ཀྱི་རང་སྒྲར་འུར། །དྲན་རྟོག་གི་གཟུང་འཛིན་འོད་གསལ་ངང༌། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །ཀྱེ་གངས་རིའི་མགོན་པོ་སྤྱན་རས་གཟིགས། །བདག་གསོལ་འདེབས་བུ་ལ་བརྩེ་བས་དགོངས། །རྒྱུད་བྱིན་གྱིས་བརླབ་པར་མཛད་དུ་གསོལ། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །སྣང་གྲགས་ཀུན་འོད་གསལ་དབྱིངས་སུ་ཐིམ། །གཞི་མ་བཅོས་གཉུག་མ་ཕྱག་རྒྱ་ཆེ། །ལམ་བྱར་མེད་འཕགས་པའི་རང་ཞལ་བལྟ། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །མཁའ་ཁྱབ་ཀྱི་སྟོང་ཉིད་ནམ་མཁའི་ངང༌། །སླར་འཕགས་པའི་སྐུ་རུ་ལམ་གྱིས་ལྡང༌། །བྱམས་སྙིང་རྗེས་འགྲོ་བའི་དོན་ལ་སྤྱོད། །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །བདག་སྒོམ་བཟླས་འདི་ཡིས་མཚོན་བྱས་ཏེ། །དུས་གསུམ་དུ་བསགས་པའི་དགེ་བའི་མཐུས། །མ་འགྲོ་དྲུག་འཁོར་བ་དོང་སྤྲུགས་ཤོག །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །ནམ་ཚེ་འདིའི་སྣང་བ་འཕོས་མ་ཐག །ནུབ་བདེ་ཆེན་ཞིང་དུ་སྐྱེས་ནས་ཀྱང༌། །བྱང་ཆུབ་ཀྱི་གོ་འཕང་མྱུར་ཐོབ་ཤོག །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །སྐྱབས་དཀོན་མཆོག་གསུམ་གྱི་ངོ་བོ་ཉིད། །མགོན་སྤྱན་རས་གཟིགས་དབང་བྱིན་རླབས་ཀྱིས། །ཕྱོགས་དུས་ཀུན་བཀྲ་ཤིས་བདེ་ལེགས་ཤོག །ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུྃ། །དེ་ལྟར་ཚིགས་བཅད་རྣམས་ཀྱི་དོན་བསྒོམ་ཞིང༌། མཚམས་རྣམས་སུ་ཡི་གེ་དྲུག་པ་བརྒྱ་རྩ་སོགས་ཅི་ནུས་བཟླས་པས་ཏིང་ངེ་འཛིན་གསལ་གདབ། ཉིན་རེ་བཞིན་མ་ཆག་པར་བྱས་ན་འཆི་འཕོས་མ་ཐག་བདེ་བ་ཅན་གྱི་ཞིང་དུ་སྐྱེ་བར་གདོན་མི་ཟའོ། །ཞེས་གྲུབ་ཆེན་ཐང་སྟོང་རྒྱལ་པོ་དང་ཐུགས་རྒྱུད་གཅིག་པ་མངའ་རིས་སྟོད་ཀྱི་གུ་གེ་རོང་དུ་བྱུང་བའི་སྦས་པའི་རྣལ་འབྱོར་པ་གྲུབ་མཆོག་ཚུལ་ཁྲིམས་བཟང་པོ་ཞེས་མི་ཡུལ་དུ་ལོ་བརྒྱ་དང་སུམ་ཅུ་བཞུགས་ཀྱང་བསྐུུ་ལ་བགྲེས་རྒུད་ཀྱི་སྐྱོན་མེད་ཅིང་མཐར་སྐུ་འོད་ཀྱི་ཕུང་པོར་ཐིམ་པ་དེ་ཉིད་ལ་འཕགས་པ་ཐུགས་རྗེ་ཆེན་པོས་མངོན་སུམ་དུ་སྩལ་བའི་རྡོ་རྗེའི་གསུང་བྱིན་རླབས་ཅན་གྱི་ལེ་ཚན་ནོ།། །།འདི་ལ་རིག་པ་གཏད་པའི་རྗེས་གནང་ཡང་ཡོད། མངྒ་ལཾ་བྷ་བ་ཏུ། ༄༅། །རྗེ་གྲུབ་ཐོབ་ཆེན་པོ་དགེ་སློང་པདྨ་དཀར་པོར་སྐྱེ་བ་བཞེས་པའི་ཚེ་འཕགས་པ་སྤྱན་རས་གཟིགས་ལ་གསོལ་བ་བཏབ་པའི་རྡོ་རྗེའི་གསུང་བཞུགས་སོ།། །།གསོལ་བ་འདེབས་སོ་བླ་མ་སྤྱན་རས་གཟིགས། །གསོལ་བ་འདེབས་སོ་ཡི་དམ་སྤྱན་རས་གཟིགས། །གསོལ་བ་འདེབས་སོ་འཕགས་མཆོག་སྤྱན་རས་གཟིགས། །གསོལ་བ་འདེབས་སོ་སྐྱབས་མགོན་སྤྱན་རས་གཟིགས། །གསོལ་བ་འདེབས་སོ་བྱམས་མགོན་སྤྱན་རས་གཟིགས། །ཐུགས་རྗེས་ཟུང་ཞིག་རྒྱལ་བ་ཐུགས་རྗེ་ཅན། །མཐའ་མེད་འཁོར་བར་གྲངས་མེད་འཁྱམས་གྱུར་ཅིང༌། །བཟོད་མེད་སྡུག་བསྔལ་མྱོང་བའི་འགྲོ་བ་ལ། །མགོན་པོ་ཁྱེད་ལས་སྐྱབས་གཞན་མ་མཆིས་སོ། །རྣམ་མཁྱེན་སངས་རྒྱས་ཐོབ་པར་བྱིན་གྱིས་རློབས། །ཐོག་མེད་དུས་ནས་ལས་ངན་བསགས་པའི་མཐུས། །ཞེ་སྡང་དབང་གིས་དམྱལ་བར་སྐྱེས་གྱུར་ཏེ། །ཚ་གྲང་སྡུག་བསྔལ་མྱོང་བའི་སེམས་ཅན་རྣམས། །ལྷ་མཆོག་ཁྱེད་ཀྱི་དྲུང་དུ་སྐྱེ་བར་ཤོག །ཨོཾ་མ་ཎི་པདྨེ་ཧཱུྃ། །ཐོག་མེད་དུས་ནས་ལས་ངན་བསགས་པའི་མཐུས། །སེར་སྣའི་དབང་གིས་ཡི་དྭགས་གནས་སུ་སྐྱེས། །བཀྲེས་སྐོམ་སྡུག་བསྔལ་མྱོང་བའི་སེམས་ཅན་རྣམས། །ཞིང་མཆོག་པོ་ཏ་ལ་རུ་སྐྱེ་བར་ཤོག །ཨོཾ་མ་ཎི་པདྨེ་ཧཱུྃ། །ཐོག་མེད་དུས་ནས་ལས་ངན་བསགས་པའི་མཐུས། །གཏི་མུག་དབང་གིས་དུད་འགྲོར་སྐྱེས་གྱུར་ཏེ། །གླེན་ལྐུགས་སྡུག་བསྔལ་མྱོང་བའི་སེམས་ཅན་རྣམས། །མགོན་པོ་ཁྱེད་ཀྱི་དྲུང་དུ་སྐྱེ་བར་ཤོག །ཨོཾ་མ་ཎི་པདྨེ་ཧཱུྃ། །ཐོག་མེད་དུས་ནས་ལས་ངན་བསགས་པའི་མཐུས། །ཕྲག་དོག་དབང་གིས་ལྷ་མིན་གནས་སུ་སྐྱེས། །འཐབ་རྩོད་སྡུག་བསྔལ་མྱོང་བའི་སེམས་ཅན་རྣམས། །པོ་ཏ་ལ་ཡི་ཞིང་དུ་སྐྱེ་བར་ཤོག །ཨོཾ་མ་ཎི་པདྨེ་ཧཱུྃ། །ཐོག་མེད་དུས་ནས་ལས་ངན་བསགས་པའི་མཐུས། །ང་རྒྱལ་དབང་གིས་ལྷ་ཡི་གནས་སུ་སྐྱེས། །འཕོ་ལྟུང་སྡུག་བསྔལ་མྱོང་བའི་སེམས་ཅན་རྣམས། །པོ་ཏ་ལ་ཡི་ཞིང་དུ་སྐྱེ་བར་ཤོག །ཨོཾ་མ་ཎི་པདྨེ་ཧཱུྃ། །བདག་ནི་སྐྱེ་ཞིང་སྐྱེ་བ་ཐམས་ཅད་དུ། །སྤྱན་རས་གཟིགས་དང་མཛད་པ་མཚུངས་པ་ཡིས། །མ་དག་ཞིང་གི་འགྲོ་རྣམས་སྒྲོལ་བ་དང༌། །གསུང་མཆོག་ཡིག་དྲུག་ཕྱོགས་བཅུར་རྒྱས་བྱེད་ཤོག །འཕགས་མཆོག་ཁྱེད་ལ་གསོལ་བ་བཏབ་པའི་མཐུས། །བདག་གི་གདུལ་བྱར་གྱུར་པའི་འགྲོ་བ་རྣམས། །ལས་འབྲས་ལྷུར་ལེན་དགེ་བའི་ལས་ལ་བརྩོན། །འགྲོ་བའི་དོན་དུ་ཆོས་དང་ལྡན་པར་ཤོག །ཅེས་པ་འདི་ནི་གྲུབ་ཆེན་ཐང་སྟོང་རྒྱལ་པོས་རྗེ་རང་གི་སྐྱེ་བ་གོང་མ་དགེ་སློང་པདྨ་དཀར་པོར་འཁྲུངས་བའི་སྐབས་དགུང་ལོ་ཉི་ཤུ་ནས་བརྒྱད་ཅུའི་བར་དུ་སྨྱུང་བར་གནས་པས་འཕགས་པ་སྤྱན་རས་གཟིགས་ལ་རྩེ་གཅིག་ཏུ་གསོལ་བ་བཏབ་པའི་ཚིག་འདི་སྔོན་གནས་རྗེས་དྲན་དུ་གསུངས་པ་སྟེ། བྱིན་རླབས་ཀྱི་ཚན་ཁ་མཆོག་དང་ལྡན་པ་ལགས་སོ།། །།

[edit]

@#/__/thugs rje chen po ye ge drug pa'i gsol 'debs kyi sgrub thabs byin rlabs can bzhugs so//__// @#/__jo bo thugs rje chen po la phyag 'tshal lo/__/oM ma Ni pad+me hU~M/__mgon spyan ras gzigs la skyabs su mchi/__/ma 'gro drug don du byang sems bskyed/__/byams snying rje dga' ba btang snyoms bsgom/__/lha thugs rje chen por gsol ba 'debs/__/oM ma Ni pad+me hU~M/__/dbyings ting 'dzin gsal ba'i cho 'phrul las/__/dpal kun tu bzang po'i mchod pa'i sprin/__/yul mkha' khyab rgyun mi chad par gyur/__/lha thugs rje chen por gsol ba 'debs/__/oM ma Ni pad+me hU~M/__/chos thams cad stong pa nyid kyi ngang*/__/gnas yul kun ri bo po ta la'i/__/zhing gzhal yas khang bcas gsal la rdzogs/__/lha thugs rje chen por gsol ba 'debs/__/oM ma Ni pad+me hU~M/__/de dbus su rang nyid spyan ras gzigs/__/sku dkar gsal 'od zer 'bum phrag 'phro/__/mtshan dpe byad zhi 'dzum sgeg pa'i nyams/__/lha thugs rje chen por gsol ba 'debs/__/oM ma Ni pad+me hU~M/__zhal chos sku thig le gcig tu 'khyil/__/spyan thabs shes snying rje zim bur gzigs/__/phyag tshad med bzhi ldan 'jam zhing mnyen/__/lha thugs rje chen por gsol ba 'debs/__/oM ma Ni pad+me hU~M/__/rtsa phyag gnyis thugs kar thal mo sbyar/__/g.yas 'og mas shel gyi phreng ba dang*/__/g.yon 'og mas pad+ma dkar po bsnams/__/lha thugs rje chen por gsol ba 'debs/__/oM ma Ni pad+me hU~M/__/skra mthon mthing thor tshugs spyi bor bcings/__/lhag ma rnams lcang lo'i tshul du 'phyang*/__/spyi gtsug tu nor bu 'bar bas mtshan/__/lha thugs rje chen por gsol ba 'debs/__/oM ma Ni pad+me hU~M/__/dar sna tshogs cod pan na bzas bklubs/__/rgyan rin chen du+u mas kun nas mdzes/__/ri dwags kyi pags pas nu g.yon bkab/__/lha thugs rje chen por gsol ba 'debs/__/oM ma Ni pad+me hU~M/__/sku ba spu'i khung bu re re bzhin/__/ji snyed kyi zhing khams rab 'byams rdzogs/__/de snyed kyi sangs rgyas byang sems bzhugs/__/lha thugs rje chen por gsol ba 'debs/__/oM ma Ni pad+me hU~M/__/gsung phyi nang snod bcud sgra skad kun/__/sngags yi ge drug tu byin brlabs pas/__/mthong thos dang dran reg grol bar mdzad/__/lha thugs rje chen por gsol ba 'debs/__/oM ma Ni pad+me hU~M/__/thugs stong nyid ngang las ma g.yos bzhin/__/gdangs dmigs med snying rje chen po yis/__/ma 'gro drug kun la bu ltar dgongs/__/lha thugs rje chen por gsol ba 'debs/__/oM ma Ni pad+me hU~M/__/gdan pad dkar zla ba rgyas pa'i steng*/__/zhabs rdo rje'i skyil mo krung gis bzhugs/__/phyogs kun tu 'od kyi snang bas khyab/__/lha thugs rje chen por gsol ba 'debs/__/oM ma Ni pad+me hU~M/__/gnas gsum du oM dkar AHdmar po/__/hU~M mthing ga'i yi ge gsal la 'tsher/__/don rdo rje gsum gyi ngo bor rdzogs/__/lha thugs rje chen por gsol ba 'debs/__/oM ma Ni pad+me hU~M/__thugs dwangs ma'i srog las 'od zer 'phros/__/ye shes kyi sems dpa' char ltar babs/__/dam tshig gi phyag rgyar dbyer med thim/__/lha thugs rje chen por gsol ba 'debs/__/oM ma Ni pad+me hU~M/__/slar 'od 'phros dbang lha spyan drangs nas/__/dbang bskur zhing sgrib dag yon tan rdzogs/__/dpal snang ba mtha' yas dbu la brgyan/__/lha thugs rje chen por gsol ba 'debs/__/oM ma Ni pad+me hU~M/__/spyir 'gro drug kun la bu ltar brtse/__/sgos gangs can 'gro la lhag par dgongs/__/mgon spyan ras gzigs la phyag 'tshal lo/__/lha thugs rje chen por gsol ba 'debs/__/oM ma Ni pad+me hU~M/__/rgyu dngos su bshams pas mtshon byas te/__/rkyen ting nge 'dzin gyis rnam sprul pa'i/__/zag med kyi mchod sprin rgya mtsho 'bul/__/lha thugs rje chen por gsol ba 'debs/__/oM ma Ni pad+me hU~M/__/thabs shes rab mchog la mnga' brnyes shing*/__/dpal ye shes yon tan bsam mi khyab/__/mgon spyan ras gzigs la gus pas bstod/__/lha thugs rje chen por gsol ba 'debs/__/oM ma Ni pad+me hU~M/__/thugs pad dkar 'dab drug lte bar hrIH__/'dab ma rnams yi ge drug pas mtshan/__/sngags rang sgra sgrogs shing 'od zer 'bar/__/lha thugs rje chen por gsol ba 'debs/__/oM ma Ni pad+me hU~M/__/ngag bzlas pa'i kyen gyis bskul ba las/__/hrIHyig gi 'od kyis 'phags pa mchod/__/byin rlabs kun tshur 'dus bdag la thim/__/lha thugs rje chen por gsol ba 'debs/__/oM ma Ni pad+me hU~M/__/oM dkar po lha yi yul du 'phros/__/rgyud nga rgyal 'pho ltung sdug bsngal sbyangs/__/don mnyam nyid ye shes mngon du gyur/__/lha thugs rje chen por gsol ba 'debs/__/oM ma Ni pad+me hU~M/__/ma ljang gu lha min yul du 'phros/__/rgyud phrag dog 'thab rtsod sdug bsngal sbyangs/__/don bya grub ye shes mngon du gyur/__/lha thugs rje chen por gsol ba 'debs/__/oM ma Ni pad+me hU~M/__/Ni ser po mi yi yul du 'phros/__/rgyud the tshom brel phongs sdug bsngal sbyangs/__/don rang byung ye shes mngon du gyur/__/lha thugs rje chen por gsol ba 'debs/__/oM ma Ni pad+me hU~M/__/pad mthing ga dud 'gro'i yul du 'phros/__/rgyud gti mug blun rmongs sdug bsngal sbyangs/__/don chos dbyings ye shes mngon du gyur/__/lha thugs rje chen por gsol ba 'debs/__/oM ma Ni pad+me hU~M/__/me dmar po yi dwags yul du 'phros/__/rgyud 'dod chags bkres skom sdug bsngal sbyangs/__/don sor rtog ye shes mngon du gyur/__/lha thugs rje chen por gsol ba 'debs/__/oM ma Ni pad+me hU~M/__/hU~M mthing nag dmyal ba'i yul du 'phros/__/rgyud zhe sdang tsha grang sdug bsngal sbyangs/__/don me long ye shes mngon du gyur/__/lha thugs rje chen por gsol ba 'debs/__/oM ma Ni pad+me hU~M/__/khams gsum gyi gzugs snang spyan ras gzigs/__/sgra grags kun sngags kyi rang sgrar 'ur/__/dran rtog gi gzung 'dzin 'od gsal ngang*/__/lha thugs rje chen por gsol ba 'debs/__/oM ma Ni pad+me hU~M/__/kye gangs ri'i mgon po spyan ras gzigs/__/bdag gsol 'debs bu la brtse bas dgongs/__/rgyud byin gyis brlab par mdzad du gsol/__/lha thugs rje chen por gsol ba 'debs/__/oM ma Ni pad+me hU~M/__/snang grags kun 'od gsal dbyings su thim/__/gzhi ma bcos gnyug ma phyag rgya che/__/lam byar med 'phags pa'i rang zhal blta/__/lha thugs rje chen por gsol ba 'debs/__/oM ma Ni pad+me hU~M/__/mkha' khyab kyi stong nyid nam mkha'i ngang*/__/slar 'phags pa'i sku ru lam gyis ldang*/__/byams snying rjes 'gro ba'i don la spyod/__/lha thugs rje chen por gsol ba 'debs/__/oM ma Ni pad+me hU~M/__/bdag sgom bzlas 'di yis mtshon byas te/__/dus gsum du bsags pa'i dge ba'i mthus/__/ma 'gro drug 'khor ba dong sprugs shog__/lha thugs rje chen por gsol ba 'debs/__/oM ma Ni pad+me hU~M/__/nam tshe 'di'i snang ba 'phos ma thag__/nub bde chen zhing du skyes nas kyang*/__/byang chub kyi go 'phang myur thob shog__/lha thugs rje chen por gsol ba 'debs/__/oM ma Ni pad+me hU~M/__/skyabs dkon mchog gsum gyi ngo bo nyid/__/mgon spyan ras gzigs dbang byin rlabs kyis/__/phyogs dus kun bkra shis bde legs shog__/lha thugs rje chen por gsol ba 'debs/__/oM ma Ni pad+me hU~M/__/de ltar tshigs bcad rnams kyi don bsgom zhing*/__mtshams rnams su yi ge drug pa brgya rtsa sogs ci nus bzlas pas ting nge 'dzin gsal gdab/__nyin re bzhin ma chag par byas na 'chi 'phos ma thag bde ba can gyi zhing du skye bar gdon mi za'o/__/zhes grub chen thang stong rgyal po dang thugs rgyud gcig pa mnga' ris stod kyi gu ge rong du byung ba'i sbas pa'i rnal 'byor pa grub mchog tshul khrims bzang po zhes mi yul du lo brgya dang sum cu bzhugs kyang bsku+u la bgres rgud kyi skyon med cing mthar sku 'od kyi phung por thim pa de nyid la 'phags pa thugs rje chen pos mngon sum du stsal ba'i rdo rje'i gsung byin rlabs can gyi le tshan no//__//'di la rig pa gtad pa'i rjes gnang yang yod/__mang+ga laM b+ha ba tu/__@#/__/rje grub thob chen po dge slong pad+ma dkar por skye ba bzhes pa'i tshe 'phags pa spyan ras gzigs la gsol ba btab pa'i rdo rje'i gsung bzhugs so//__//gsol ba 'debs so bla ma spyan ras gzigs/__/gsol ba 'debs so yi dam spyan ras gzigs/__/gsol ba 'debs so 'phags mchog spyan ras gzigs/__/gsol ba 'debs so skyabs mgon spyan ras gzigs/__/gsol ba 'debs so byams mgon spyan ras gzigs/__/thugs rjes zung zhig rgyal ba thugs rje can/__/mtha' med 'khor bar grangs med 'khyams gyur cing*/__/bzod med sdug bsngal myong ba'i 'gro ba la/__/mgon po khyed las skyabs gzhan ma mchis so/__/rnam mkhyen sangs rgyas thob par byin gyis rlobs/__/thog med dus nas las ngan bsags pa'i mthus/__/zhe sdang dbang gis dmyal bar skyes gyur te/__/tsha grang sdug bsngal myong ba'i sems can rnams/__/lha mchog khyed kyi drung du skye bar shog__/oM ma Ni pad+me hU~M/__/thog med dus nas las ngan bsags pa'i mthus/__/ser sna'i dbang gis yi dwags gnas su skyes/__/bkres skom sdug bsngal myong ba'i sems can rnams/__/zhing mchog po ta la ru skye bar shog__/oM ma Ni pad+me hU~M/__/thog med dus nas las ngan bsags pa'i mthus/__/gti mug dbang gis dud 'gror skyes gyur te/__/glen lkugs sdug bsngal myong ba'i sems can rnams/__/mgon po khyed kyi drung du skye bar shog__/oM ma Ni pad+me hU~M/__/thog med dus nas las ngan bsags pa'i mthus/__/phrag dog dbang gis lha min gnas su skyes/__/'thab rtsod sdug bsngal myong ba'i sems can rnams/__/po ta la yi zhing du skye bar shog__/oM ma Ni pad+me hU~M/__/thog med dus nas las ngan bsags pa'i mthus/__/nga rgyal dbang gis lha yi gnas su skyes/__/'pho ltung sdug bsngal myong ba'i sems can rnams/__/po ta la yi zhing du skye bar shog__/oM ma Ni pad+me hU~M/__/bdag ni skye zhing skye ba thams cad du/__/spyan ras gzigs dang mdzad pa mtshungs pa yis/__/ma dag zhing gi 'gro rnams sgrol ba dang*/__/gsung mchog yig drug phyogs bcur rgyas byed shog__/'phags mchog khyed la gsol ba btab pa'i mthus/__/bdag gi gdul byar gyur pa'i 'gro ba rnams/__/las 'bras lhur len dge ba'i las la brtson/__/'gro ba'i don du chos dang ldan par shog__/ces pa 'di ni grub chen thang stong rgyal pos rje rang gi skye ba gong ma dge slong pad+ma dkar por 'khrungs ba'i skabs dgung lo nyi shu nas brgyad cu'i bar du smyung bar gnas pas 'phags pa spyan ras gzigs la rtse gcig tu gsol ba btab pa'i tshig 'di sngon gnas rjes dran du gsungs pa ste/__byin rlabs kyi tshan kha mchog dang ldan pa lags so//__//___