དཔལ་རྟ་མཆོག་རོལ་པ་བདེ་གཤེགས་དྲེགས་པ་ཀུན་སྒྲོལ་གྱི་ཕྲིན་ལས་དང་མངོན་རྟོགས་ཁྲིགས་སུ་བསྡེབས་པ།

🚧 This website is under continued development. We appreciate your patience!

Previous Text Back to Volume PageNext Text

Wylie title	dpal rta mchog rol pa bde gshegs dregs pa kun sgrol gyi phrin las dang mngon rtogs khrigs su bsdebs pa
Location	mkhyen brtse'i bka' babs Volume 11, Text 12, Pages 327-375 (Folios 1a to 25a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	གྲུ་གུ་ཡང་དབང་, འཇམ་དབྱངས་མཁྱེན་བརྩེའི་དབང་པོ་ (gru gu yang dbang, 'jam dbyangs mkhyen brtse'i dbang po)
Associated People	བཻ་རོ་ཙཱ་ན་ (Bai ro tsa na)
Citation	'jam dbyangs mkhyen brtse'i dbang po. dpal rta mchog rol pa bde gshegs dregs pa kun sgrol gyi phrin las dang mngon rtogs khrigs su bsdebs pa. In Rdzong sar 'jam dbyangs mkhyen brtse'i dbang po'i bka' babs, Vol. 11: 327-375. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Activity Manual - las byang  ·  Revelations - gter ma
Cycle	རྟ་མགྲིན་དྲེགས་པ་ཀུན་སྒྲོལ་ (rta mgrin dregs pa kun sgrol)
Deity	rta mgrin
Karchag page	JKW-KABAB-Volume-11-DA-Karchag
RTZ	In the Rinchen Terdzö: https://rtz.tsadra.org/index.php/Terdzo-RA-036
Colophon	Treasure colophon: ཨོ་རྒྱན་གྱི་སློབ་དཔོན་པདྨ་འབྱུང་གནས་ཀྱིས་རྗེ་ལྷ་གཅིག་མངའ་བདག་ཁྲི་སྲོང་ལྡེའུ་བཙན་དང་༔ ལོ་ཆེན་བཻ་རོ་ཙ་ན་ལ་རྗེས་སུ་གདམས་པའི་དཔལ་རྟ་མཆོག་རོལ་པ་བདེ་གཤེགས་དྲེགས་པ་ཀུན་སྒྲོལ་གྱི་ཕྲིན་ལས་ཀྱི་བྱང་བུ་རྣམས་དང་༔ མངོན་པར་རྟོགས་པ་ཁྲིགས་སུ་བསྡེབས་པ་རྫོགས་སོ༔
	Treasure colophon: o rgyan gyi slob dpon pad+ma 'byung gnas kyis rje lha gcig mnga' bdag khri srong lde'u btsan dang :__lo chen bai ro tsa na la rjes su gdams pa'i dpal rta mchog rol pa bde gshegs dregs pa kun sgrol gyi phrin las kyi byang bu rnams dang :__mngon par rtogs pa khrigs su bsdebs pa rdzogs so:

Tibetan Text

Wylie

[edit]

༄༅༔ དཔལ་རྟ་མཆོག་རོལ་པ་བདེ་གཤེགས་དྲེགས་པ་ཀུན་སྒྲོལ་གྱི་ཕྲིན་ལས་དང་མངོན་རྟོགས་ཁྲིགས་སུ་བསྡེབས་པ་བཞུགས་སོ༔དབང་གི་རྒྱལ་པོ་ཁྲོ་བོ་རྟ་མགྲིན་ལ་ཕྱག་འཚལ་ལོ༔ རྟ་མཆོག་བདེ་གཤེགས་འདུས་པའི་ཕྲིན་ལས་ཀྱི་རིམ་པ་ནི༔ བདག་ཉིད་བསྐྱེད་བསྒོམ་གསལ་བར་བྱས་ལ༔ དང་པོ་མཚམས་བཅད་པ་ནི༔ བགེགས་གཏོར་བྱིན་གྱིས་བརླབས་ལ༔ བདེན་པ་བདར་ཏེ་འདི་སྐད་དོ༔ ཧཱུྃ༔ ཡང་དག་གསང་བའི་དཀྱིལ་འཁོར་འདིར༔ འདུ་བའི་ལྷ་ལ་མ་གཏོགས་པའི༔ མི་དང་མི་མིན་འབྱུང་པོའི་ཚོགས༔ རྒྱུད་དྲུག་གནས་པའི་སེམས་ཅན་རྣམས༔ སྔགས་དང་བཅས་པའི་སྦྱིན་གཏོར་གྱིས༔ ཁྱོད་ཀྱི་རེ་བ་བསྐངས་ཟིན་གྱི༔ འདི་རུ་མ་གནས་གཞན་དུ་དེངས༔ ཅི་སྟེ་མི་འགྲོ་འདུག་གྱུར་ན༔ རྡོ་རྗེ་འཛིན་རྒྱལ་ཁྲོས་ནས་ནི༔ ཐོ་ཆེན་ལྕགས་ཀྱུ་འཁྲིགས་པ་དང་༔ རལ་གྲི་མཚོན་ཆ་མང་པོ་ཡིས༔ ཁྱོད་ཀྱི་ལུས་སྲོག་མ་ལུས་ཀུན༔ རྡུལ་ཕྲན་བཞིན་དུ་བརླག་པར་བྱེད༔ ཕཊ་ན་མསྶ་མནྟ་ཀཱ་ཡ་ཝཱ་ཀ་ཙིཏྟ་ནན་ཧཱུྃ་ཕཊ༔ ཧཱུྃ༔ ཕྱོགས་མཚམས་ཀུན་ཏུ་རྡོ་རྗེའི་མེ༔ རྣམ་པར་འབར་ཞིང་འཕྲོས་པས་ནི༔ མ་རུངས་པ་ནི་ཚིག་པར་འགྱུར༔ བགེགས་རྣམས་ཐམས་ཅད་སོ་སོར་བྱེར༔ རཾ་རཾ་ཛྭ་ལ་རཾ་བཛྲ་ཛྭ་ལ་རཾ་བཛྲ་ཛྭ་ལ་ཨ་ན་ལཱརྐ་ཧཱུྃ་ཧཱུྃ༔ སྔགས་དེ་ལན་གསུམ་བཟླས་པས༔ རང་ཡི་དམ་གྱི་ལྷར་བསྒོམས་པའི༔ སྤྱན་གཡས་པ་ཉི་མ་ལས་མེ་བྱུང་བས་བསྲེགས༔ གཡོན་ཟླ་བ་ལས་ཆུ་བྱུང་བས་བཀྲུས༔ ཤངས་ནས་རླུང་བྱུང་བས་གཏོར་བར་བསམ༔ དེ་ནས་ཕྱོགས་བཅུ་ཁྲོ་བོས་མཚམས་བཅད་པ་ནི༔ ཧཱུྃ༔ པདྨ་དབང་གི་དཀྱིལ་འཁོར་དུ༔ ཕྱོགས་བཅུའི་གདུག་པ་ཚར་གཅོད་པའི༔ དབང་གི་ལས་མཛད་ཁྲོ་བོ་བཅུ༔ ཕྱོགས་མཚམས་དྲེགས་པའི་གདན་ལ་བཞུགས༔ ཞི་རྒྱས་དབང་དང་མངོན་སྤྱོད་སོགས༔ སོ་སོའི་ལས་རྣམས་གྲུབ་པར་མཛོད༔ ཧཱུྃ༔ ཤར་གྱི་ཕྱོགས་ནས་མཚམས་གཅོད་པ༔ རྣམ་པར་རྒྱལ་བ་ཁྲོ་བོའི་རྒྱལ༔ དྲི་ཟ་ལ་སོགས་གདོན་ཚོགས་རྣམས༔ ཁྲོ་ཆེན་འབར་བས་མཚམས་ཆོད་ཅིག༔ ཧཱུྃ༔ ལྷོ་ཡི་ཕྱོགས་ནས་མཚམས་གཅོད་པ༔ གཤིན་རྗེ་རྒྱལ་པོ་ཁྲོ་བོའི་རྒྱལ༔ གྲུལ་བུམ་ལ་སོགས་གདོན་ཚོགས་རྣམས༔ ཁྲོ་ཆེན་འབར་བས་མཚམས་ཆོད་ཅིག༔ ཧཱུྃ༔ ནུབ་ཀྱི་ཕྱོགས་ནས་མཚམས་གཅོད་པ༔ རྟ་མགྲིན་རྒྱལ་པོ་ཁྲོ་བོའི་རྒྱལ༔ ཀླུ་ལ་སོགས་པའི་གདོན་ཚོགས་རྣམས༔ ཁྲོ་ཆེན་འབར་བས་མཚམས་ཆོད་ཅིག༔ ཧཱུྃ༔ བྱང་གི་ཕྱོགས་ནས་མཚམས་གཅོད་པ༔ བདུད་རྩི་འཁྱིལ་བ་ཁྲོ་བོའི་རྒྱལ༔ གནོད་སྦྱིན་ལ་སོགས་གདོན་ཚོགས་རྣམས༔ ཁྲོ་ཆེན་འབར་བས་མཚམས་ཆོད་ཅིག༔ ཧཱུྃ༔ ཤར་ལྷོའི་མཚམས་ནས་མཚམས་གཅོད་པ༔ ཁྲོ་བོའི་རྒྱལ་པོ་དབྱུག་སྔོན་ཅན༔ མེ་ལྷ་འདུལ་མཛད་དབྱུག་པ་ཕྱར༔ འཇིགས་བྱེད་ཆེན་པོ་ཁྲོ་བོའི་རྒྱལ༔ དྲང་སྲོང་ལ་སོགས་གདོན་ཚོགས་རྣམས༔ མཚམས་ཀྱི་ཁྲོ་བོས་མཚམས་ཆོད་ཅིག༔ ཧཱུྃ༔ ལྷོ་ནུབ་མཚམས་ནས་མཚམས་གཅོད་པ༔ མི་གཡོ་མགོན་པོ་ཁྲོ་བོའི་རྒྱལ༔ སྲིན་པོ་འདུལ་འཛད་རལ་གྲི་ཕྱར༔ བདུད་འདུལ་ཆེན་པོ་ཁྲོ་བོའི་རྒྱལ༔ སྲིན་པོ་ལ་སོགས་གདོན་ཚོགས་རྣམས༔ མཚམས་ཀྱི་ཁྲོ་བོས་མཚམས་ཆོད་ཅིག༔ ཧཱུྃ༔ ནུབ་བྱང་མཚམས་ནས་མཚམས་གཅོད་པ༔ ཁྲོ་ཆེན་གཞན་གྱིས་མི་ཐུབ་པ༔ རླུང་ལྷ་འདུལ་མཛད་ཐོ་བ་ཕྱར༔ རླུང་ལྷ་ལ་སོགས་གདོན་ཚོགས་རྣམས༔ མཚམས་ཀྱི་ཁྲོ་བོས་མཚམས་ཆོད་ཅིག༔ ཧཱུྃ༔ བྱང་ཤར་མཚམས་ནས་མཚམས་གཅོད་པ༔ ཁྲོ་བོའི་རྒྱལ་པོ་ཁམས་གསུམ་རྒྱལ༔ འབྱུང་པོ་འདུལ་མཛད་རྡོ་རྗེ་ཕྱར༔ དབང་ལྡན་ལ་སོགས་གདོན་ཚོགས་རྣམས༔ མཚམས་ཀྱི་ཁྲོ་བོས་མཚམས་ཆོད་ཅིག༔ ཧཱུྃ༔ སྟེང་གི་ཕྱོགས་ནས་མཚམས་གཅོད་པ༔ ཧཱུྃ་ཀ་ར་སྟེ་ཁྲོ་བོའི་རྒྱལ༔ སྟེང་ཕྱོགས་ལྷ་རྣམས་འདུལ་མཛད་པ༔ གཟའ་སྐར་ལ་སོགས་གདོན་ཚོགས་རྣམས༔ ཁྲོ་ཆེན་འབར་བས་མཚམས་ཆོད་ཅིག༔ ཧཱུྃ༔ འོག་གི་ཕྱོགས་ནས་མཚམས་གཅོད་པ༔ སྟོབས་པོ་ཆེ་སྟེ་ཁྲོ་བོའི་རྒྱལ༔ འོག་ཕྱོགས་བདག་འདུལ་མཛད་པ༔ ས་བདག་ལ་སོགས་གདོན་ཚོགས་རྣམས༔ ཁྲོ་ཆེན་འབར་བས་མཚམས་ཆོད་ཅིག༔ ཁྲོ་བོ་ཆེན་པོ་བཅུ་རྣམས་ཀྱང་༔ ཞལ་གསུམ་ཕྱག་དྲུག་གདུག་པ་འདུལ༔ ཕྱག་ན་མཚོན་ཆ་སྣ་ཚོགས་བསྣམས༔ མཚོན་ཆའི་རྩེ་ལས་མེ་རི་འབར༔ མེ་ཕུང་ཀློང་ནས་མཚོན་ཕྲན་འཕྲོ༔ རྡོ་རྗེ་ཕུར་པ་རལ་གྲི་དང་༔ ཐོ་བ་དགྲ་སྟྭ་ཞགས་པ་དང་༔ བིང་དང་འཁོར་ལོ་ཐོ་ལུམ་དང་༔ ཏི་ལི་ཤག་ཏི་ཐོ་ལུམ་དང་༔ མདའ་དང་གཏུན་ཤིང་ཁ་ཊྭཱྃ་ག༔ དྲིལ་བུ་ལྕགས་ཀྱུ་རྡོ་རྗེ་དང་༔ མཚོན་ཆ་སྣ་ཚོགས་འཕྲོས་པ་ཡིས༔ བགེགས་ཀྱི་སྦྱོར་བ་མཚམས་ཆོད་ཅིག༔ སྐུ་ཡི་བ་སྤུ་རེ་རེ་ལས༔ ཁྲོ་ཆུང་སྤྲུལ་པ་སྐར་ལྟར་འཕྲོ༔ སྟེང་འོག་ཕྱོགས་མཚམས་ཁྲོ་བོ་གཏམས༔ ཁྲོ་བོ་འབར་བའི་གུར་ཆེན་ལ༔ བགེགས་ཞེས་བྱ་བའི་མིང་ཡང་མེད༔ ཐམས་ཅད་དབང་གི་ད་ལ་སྟེ༔ པདྨ་དབང་གི་མཚམས་ལས་མ་འདའ་ཞིག༔ ཨོཾ་ཧ་ཡ་གྲཱི་བ་པདྨ་ཀྲོ་དྷཱི་ཤཱ་རཱི༔ བཛྲ་པ་ཎི་བཛྲ་ཀཱི་ལི་ཀཱི་ལ་ཡ༔ མ་ཧཱ་ཀཱ་ལ་ཡཀྵ་ཡ་མཱནྟ་ཀ༔ ཀཱ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཧཱུྃ་ཕཊ༔ ཨོཾ་ག་རུ་ཌ་ཙ་ལེ་ཙ་ལེ་ཧཱུྃ་ཕཊ༔ ཨོཾ་ཀྲོ་དྷ་ནི་ཀྲོ་དྷ་ནི་བི་ཛ་ཡ་ཧ་ན་ཧ་ན་ཧཱུྃ་ཕཊ༔ ཨོཾ་ཀྲོ་དྷ་ནི་ཀྲོ་དྷ་ནི་ནཱི་ལ་དཎྜ་ད་ཧ་ད་ཧ་ཧཱུྃ་ཕཊ༔ ཨོཾ་ཀྲོ་དྷ་ནི་ཀྲོ་དྷ་ནི་ཡ་མཱནྟ་ཀ་པ་ཙ་པ་ཙ་ཧཱུྃ་ཕཊ༔ ཨོཾ་ཀྲོ་དྷཱ་ནི་ཀྲོ་དྷ་ནི་ཨཱརྱ་ཨ་ཙ་ལ་བྷནྡྷ་བྷནྡྷ་ཧཱུྃ་ཕཊ༔ ཨོཾ་ཀྲོ་དྷ་ནི་ཀྲོ་དྷ་ནི་ཧ་ཡ་གྲཱི་བ་ཧུ་ལུ་ཧུ་ལུ་ཧཱུྃ་ཕཊ༔ ཨོཾ་ཀྲོ་དྷ་ནི་ཀྲོ་དྷ་ནི་ཨ་པ་རཱ་ཛི་ཏ་ཏིཥྛ་ཏིཥྛ་ཧཱུྃ་ཕཊ༔ ཨོཾ་ཀྲོ་དྷ་ནི་ཀྲོ་དྷ་ནི་ཨ་མྲྀ་ཏ་ཀུནྡྷ་ལི་ཚིནྡྷ་ཚིནྡྷ་ཧཱུྃ་ཕཊ༔ ཨོཾ་ཀྲོ་དྷ་ནི་ཀྲོ་དྷ་ནི་ཏྲཻ་ལོ་ཀྱ་བི་ཛ་ཡ་བྷིནྡྷ་བྷིནྡྷ་ཧཱུྃ་ཕཊ༔ ཨོཾ་ཀྲོ་དྷ་ནི་ཀྲོ་དྷ་ནི་ཧཱུྃ་ཀ་ར་གརྫ་གརྫ་ཧཱུྃ་ཕཊ༔ ཨོཾ་ཀྲོ་དྷ་ནི་ཀྲོ་དྷ་ནི་མ་ཧཱ་བཱ་ལ་སྥོ་ཊ་སྥོ་ཊ་ཧཱུྃ་ཕཊ༔ ཞེས་ཏིང་ངེ་འཛིན་དང་ལྡན་པས་མཚམས་བཅད་དོ༔ དེ་ནས་སྐྱབས་སུ་འགྲོ་བ་ནི༔ བདག་དང་ཁམས་གསུམ་སེམས་ཅན་རྣམས༔ བླ་མ་རྣམས་ལ་སྐྱབས་སུ་མཆི༔ ཡི་དམ་ལྷ་ལ་སྐྱབས་སུ་མཆི༔ མཁའ་འགྲོའི་ཚོགས་ལ་སྐྱབས་སུ་མཆི༔ ཁྱེད་རྣམས་ཐུགས་རྗེ་དགོངས་ནས་ཀྱང་༔ བྱིན་གྱིས་བརླབ་ཅིང་བསྐྱབ་མཛད་གསོལ༔ སེམས་བསྐྱེད་ནི༔ བདག་གིས་སེམས་ཅན་ཐམས་ཅད་ཀྱི་དོན་དུ་དཔལ་རྟ་མགྲིན་གྱི་གོ་འཕང་ཐོབ་པར་བྱས་ནས༔ བདག་ལ་གནོད་པར་བྱེད་ཅིང་འཚེ་བ་ཐམས་ཅད་སྙིང་རྗེ་ཆེན་པོས་ལོག་རྟོག་བཅོམ་སྟེ་བདེ་གཤེགས་ཀྱི་ས་ལ་འགོད་པར་བྱའོ༔ མཆོད་གཏོར་བྱིན་གྱིས་བརླབ་པ་ནི༔ ཧཱུྃ་ཞེས་བརྗོད་པས་མཆོད་གཏོར་གྱི་བགེགས་བསང་སྟེ་སྟོང་པའི་ངང་ལས༔ བྷྲཱུྃ་ལས་གནས་ཁང་རིན་པོ་ཆེའི་ཕོ་བྲང་བརྒྱན་དང་ལྡན་པ་ཡངས་ཤིང་རྒྱ་ཆེར་བཀོད་པའི་དབུས་སུ༔ ཨོཾ་ཨཱཿཧཱུྃ་ལས་ཉེར་སྤྱོད་འདོད་ཡོན་རྒྱལ་སྲིད་སྣ་བདུན་ལྷའི་ཞལ་ཟས་རྨད་དུ་བྱུང་བའི་མཆོད་སྤྲིན་རྒྱ་མཚོས་གང་ཞིང་ཚོགས་ཞིང་དཀྱིལ་འཁོར་ལྷ་དང་བཅས་པས་ལོངས་སྤྱོད་པར་གྱུར༔ ཨོཾ་ཨཱཿཧཱུྃ༔ མཆོད་པ་འབྱུང་བའི་སྔགས་ཀྱང་བརྗོད་དོ༔ དེ་ནས་བརྡའི་སྒོ་དབྱེ་བ་ནི༔ ཧཱུྃ༔ སྲིད་གསུམ་གཞལ་ཡས་རང་བཞིན་ལ༔ ཕྱོགས་དང་རྒྱ་ཡང་མ་ཆད་པའི༔ མཉམ་སྦྱོར་བདག་ཉིད་ཆེན་པོར་གནས༔ དེ་བཞིན་ཉིད་དབྱིངས་དཀྱིལ་འཁོར་དུ༔ གསང་བའི་དངོས་གྲུབ་ཐོབ་བྱའི་ཕྱིར༔ དབང་ཆེན་དཀྱིལ་འཁོར་སྒོ་ཕྱེས་ཤིག༔ ཧྲཱིཿཔྲ་ཝེ་ཤ་ཡ་ཕཊཿ དེ་ནས་བརྡའ་ཕྱག་བསྐུལ་བ་ནི༔ ཧྲཱིཿ དབང་ཆེན་སངས་རྒྱས་ཀུན་གྱི་གཙོ༔ བདེ་ཆེན་འདུ་འབྲལ་མེད་པའི་མཆོག༔ དབང་ཆེན་རྟ་མཆོག་འཁོར་བཅས་ལ༔ མི་ཕྱེད་དད་པས་ཕྱག་འཚལ་ལོ༔ དེ་ནས་དམ་བཅའ་བ་ནི༔ ཧཱུྃ༔ བདུད་དང་སྲིན་པོ་མ་ལུས་འདུལ་བ་དང་༔ གདུག་པའི་དགྲ་བགེགས་མ་ལུས་བསྒྲལ་བ་དང་༔ དབང་དང་དངོས་གྲུབ་མ་ལུས་ཐོབ་བྱའི་ཕྱིར༔ ཁྱེད་ཀྱི་ཕྲིན་ལས་མ་ལུས་འགྲོ་བའི་དོན་དུ་བགྱི༔ ཧཱུྃ་ས་མ་ཡ་སྟྭཾ༔ བདག་ལ་བྱིན་དབབ་པ་ནི༔ ཧྲཱིཿ སྲིད་གསུམ་གདུག་པ་མ་ལུས་འདུལ་བ་དང་༔ དབང་དང་དངོས་གྲུབ་མ་ལུས་བླང་བྱའི་ཕྱིར༔ དུས་གསུམ་བདེ་གཤེགས་འཁོར་བཅས་དང་༔ དབང་ཆེན་ཡི་དམ་ལྷ་ཚོགས་དང་༔ ཆོས་སྐྱོང་སྲུང་མ་རིག་འཛིན་རྣམས༔ དཀྱིལ་འཁོར་འདི་ལ་བརྟན་པར་བཞུགས༔ རྣལ་འབྱོར་བདག་ལ་དབང་ཞིག་སྐུར༔ མཐུ་དང་རྫུ་འཕྲུལ་བྱིན་གྱིས་རློབས༔ སརྦ་ས་མ་ཡ་ཨཱ་བེ་ཤ་ཡ་ཨ་ཨཱཿ དེ་ནས་བཤགས་པ་བྱ་བ་ནི༔ ཧཱུྃ༔ སྐྱེས་མཆོག་མཐའ་ཡས་རྒྱ་མཚོ་འདྲ་ཀུན་ལ༔ བློ་ཆུང་བདག་འདྲས་སྤྲོས་པ་འདི་གསོལ་ནས༔ རྒྱུད་ལྔའི་སྐྱེ་བོས་འཕྱ་བར་རང་མོད་ཀྱང་༔ ཡེ་ཤེས་སྤྱན་གྱིས་ད་གཟིགས་བཟོད་པར་གསོལ༔ ཐུགས་རྗེའི་ངང་ཉིད་བསྐུལ་ཡང་མི་འཚལ་ཏེ༔ བློ་ཆུང་སྦྱང་ཕྱིར་དད་པས་སྤྱན་འདྲེན་ན༔ སྐྱོན་མེད་བྱམས་པའི་སེམས་ཀྱིས་འདིར་གཤེགས་ལ༔ བདག་རྟོག་ཚོགས་སྐྱོན་ཀུན་ནས་གསལ་དུ་གསོལ༔ རྩ་བ་ཡན་ལག་དམ་ཚིག་འགལ་གྱུར་པ༔ རྟ་མཆོག་འཁོར་བཅས་སྐུ་ལ་བཟོད་པར་གསོལ༔ བཟོད་པར་བཞེས་ནས་ཚངས་པ་སྩལ་དུ་གསོལ༔ ཞེས་དང་ཡི་གེ་བརྒྱ་པའང་བརྗོད་དོ༔ ཁྱད་པར་གྱི་མཆོད་པ་ཚོགས་དང་གཏོར་མ་སོགས་གང་བྱེད་ཀྱང་སྨན་རཀ་གཏོར་གསུམ་བྱིན་གྱིས་བརླབ་པར་བྱ་སྟེ༔ དེ་ལ་ཐོག་མར་སྨན་བྱིན་གྱིས་བརླབ་པ་ནི༔ ཨོཾ་ཞེས་བརྗོད་པས་ཐོད་པའི་སྣོད་དམ་རྫས་དང་བཅས་པ་མི་དམིགས་ཏེ་སྟོང་པར་བསམ༔ སྟོང་པའི་ངང་ལས་ཀཾ་ལས་ཐོད་པའི་སྒྱེད་བུ་གསུམ་གྱི་དབུས་སུ་རྃ་ལས་མེའི་དཀྱིལ་འཁོར་ཟུར་གསུམ་པ༔ དེའི་འོག་ཏུ་ཡྃ་ལས་རླུང་གི་དཀྱིལ་འཁོར་གཞུའི་དབྱིབས་ཅན་བ་དན་བཞིས་མཚན་པ༔ སྟེང་དུ་ཨ་ལས་ཀ་པཱ་ལ་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བ༔ ཧཱུྃ་ལས་དམ་ཚིག་ཆེན་པོའི་བདུད་རྩི་གང་བའི་སྟེང་དུ་ཨོཾ་ཨཱཿཧཱུྃ་སྭཱ་ཧཱའ་ལས་རིགས་ལྔ་ཡབ་ཡུམ་བཅུར་གྱུར༔ རང་གི་ཐུགས་ཀ་ནས་འོད་ཟེར་འཕྲོས་པས་ཡྃ་ལ་ཕོག༔ ཡྃ་ལས་རླུང་བྱུང་༔ རླུང་གིས་མེ་སྦར༔ མེས་ཐོད་པ་དྲོས༔ རྫས་རྣམས་ཞུ་ཞིང་ཁོལ་བའི་ཀློང་དུ་རིགས་ལྔ་ཡབ་ཡུམ་སྙོམས་པར་ཞུགས་པའི་སྦྱོར་མཚམས་ནས་བྱང་ཆུབ་སེམས་དཀར་དམར་འདྲེས་པར་མེར་གྱིས་གང་ཞིང་༔ སླར་ཡང་རིགས་ལྔ་ཡབ་ཡུམ་བཅུ་འོད་དུ་ཞུ་བ་ལས་ཡེ་ཤེས་ཀྱི་བདུད་རྩི་འོད་ཟེར་ལྔ་དང་ལྡན་པ་ཁ་དོག་དཀར་ལ་དམར་བའི་མདངས་ཆགས་པ་དཔག་ཏུ་མེད་པ་འཁྱིལ་བར་གྱུར༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋཿ ཞེས་ལན་གསུམ་མམ་བདུན་བརྗོད་པས་བྱིན་གྱིས་བརླབ༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཞེས་ལན་གསུམ་བརྗོད་པའི་དང་པོའི་དུས་རྡོ་རྗེའི་རྩེ་མོས་བདུད་རྩི་དཀྲུགས༔ གཉིས་པ་ཕྱོགས་བཅུར་གཏོར་བས་བགེགས་རིགས་ཐམས་ཅད་ཚར་བཅད༔ གསུམ་པ་གནས་ཁང་ལ་གཏོར་བས་ཕྱི་ནང་ཐམས་ཅད་ཁྲོ་ཆུང་གིས་གོ་མཚམས་མེད་པར་གཏམས་པར་བསམ་མོ༔ གཉིས་པ་རཀྟ་བྱིན་གྱིས་བརླབ་པ་ནི༔ ཨོཾ་ཞེས་བརྗོད་པས་རཀྟའི་རྫས་ཀྱི་དངོས་པོ་ཐམས་ཅད་ཤིན་ཏུ་དག་པར་བྱས༔ ཨ་ལས་ཀ་པཱ་ལ་ཡངས་ཤིང་རྒྱ་ཆེ་བ་ལྕང་ལོ་དང་བཅས་པའི་ནང་དུ༔ ཧཱུྃ་ལས་ཁམས་གསུམ་གྱི་རཀྟ་དམར་ཆེན་ཁྲག་གི་རྒྱ་མཚོ་འཁྱིལ་བ་ཞིང་གི་སྣས་འཕྱོ་བ༔ ལྦུ་ཕྲེང་ཐོལ་ཐོལ་དུ་གཡོ་བ་ལས་འདོད་པའི་ལྷ་མོ་དཔག་ཏུ་མེད་པ་འཕྲོ་བར་གྱུར༔ ཨོཾ་མ་ཧཱ་རཀྟ་ཛྭ་ལ་མཎྜལ་ཨཱཿཧཱུྃ༔ གསུམ་པ་གཏོར་མ་བྱིན་བརླབ་པ་ནི༔ གོང་གི་བདུད་རྩི་བྱིན་རླབས་ལྟར་ལ༔ ཁ་དོག་དཀར་ལ་དམར་བའི་མདངས་ཆགས་པ་ཞེས་པའི་མཚམས་འདོད་པའི་ཡོན་ཏན་རྣམ་པ་ལྔའི་སྤྲིན་འཕྲོ་ཞིང་༔ ཤ་ཁྲག་རུས་གསུམ་སོགས་བཟའ་བཅའ་བཏུང་བའི་ཕུང་པོ་ཐང་མར་བརྡལ་ཞིང་འཁྱིལ་བར་གྱུར༔ ཨོཾ་ཨཱཿཧཱུྃ་མ་ཧཱ་བ་ལིཾ་ཏ་ཏེ་ཛོ་བ་ལིཾ་ཏ་བ་ལ་བ་ཏེ་གུ་ཧྱ་ས་མ་ཡ་ཧཱུྃ་ཧྲཱིཿཋ༔ ཞེས་ལན་བདུན་བརྗོད་པས་བྱིན་གྱིས་བརླབ་བོ༔ དེས་ནི་སྔོན་དུ་འགྲོ་བའི་ཆོས་རྣམས་ཐལ༔ དེ་ནི་འདི་ནས་མར་ལ་དངོས་གཞིའི་ལས་རིམ་རྣམས་བསྟན་པར་བྱ་སྟེ༔ སྒྲུབ་པ་པོ་རྣམ་རྟོག་གཞན་གྱིས་བར་མ་ཆོད་པར་གསལ་ཞིང་ངར་དང་ལྡན་པས༔ བདག་ཐ་མལ་དུ་གནས་པའི་རྐང་པའི་ཞབས་སུ་ཡྃ༔ རྐང་བོལ་དུ་རྃ་འབར་བ་དང་བཅས་པ༔ རྃ་ཞེས་ཡིད་ཀྱིས་བརྗོད་པས་དེ་ལས་ཡེ་ཤེས་ཀྱི་མེ་ཆེར་འབར་ཏེ་རྣམ་སྨིན་གྱི་ལུས་གཞོབ་ཐུལ་གྱིས་བསྲེགས༔ བདག་གི་གཟུང་འཛིན་མི་དམིགས་པར་སྐྱེ་བ་མེད་པའི་ཡེ་ཤེས་ཀྱི་རང་བཞིན་མེ་རི་མེ་ཕུང་དུ་གྱུར་པར་བསམས་ལ་སེམས་བཟུང་༔ དྲག་སྔགས་བཟླ༔ དེ་ནི་ལྟ་བ་སྐྱེ་མེད་ཀྱི་ཏིང་ངེ་འཛིན་ཏོ༔ དེ་ནས་དེ་བཞིན་ཉིད་ཀྱི་ཏིང་ངེ་འཛིན་ནི༔ ཆོས་རྣམས་ཐམས་ཅད་རང་གི་སེམས༔ སྣང་སྲིད་འཁོར་འདས་སྐྱེ་བ་མེད༔ གདོད་ནས་མ་སྐྱེས་ཆོས་ཀྱི་སྐུ༔ སྨྲ་བསམ་བརྗོད་ལས་རྣམ་པར་འདས༔ དེ་ནས་ཀུན་ཏུ་སྣང་བའི་ཏིང་ངེ་འཛིན་ནི༔ སྣང་སྲིད་འཁོར་འདས་སྐྱེ་བ་མེད་པར་མ་རྟོགས་པར༔ རང་གི་སེམས་ཀྱི་རྣམ་པར་རྟོག་པས་བཅིངས་པ་འདི་སྙིང་རྗེ་བསམ་པས་འགྲོ་བ་ཀུན་ལ་ཁྱབ་པའོ༔ དེ་ནས་རྒྱུའི་ཏིང་ངེ་འཛིན་ནི༔ སེམས་ཉིད་ཡེ་ཤེས་ལྔའི་ངོ་བོ༔ ཧཱུྃ་སྨུག་ནག་འབར་བ་ཞིག་ཏུ་བསམ༔ དེ་ལས་ཨེ་ཞིག་ཆད་ནས་འོག་གི་ཕྱོགས་སུ༔ ཆོས་འབྱུང་གྲུ་གསུམ་ཁ་དོག་ཀུན་དང་མཐུན་པར་བསྒོམ༔ ཡྃ་ཞིག་ཆད་པ་ལས་རླུང་གི་དཀྱིལ་འཁོར༔ གཞུའི་དབྱིབས་ལྟ་བུ་ཞིག་བསྒོམ༔ རྃ་ཞིག་ཆད་པ་ལས་མེའི་དཀྱིལ་འཁོར༔ ཟུར་གསུམ་པ་ཞིག་ཏུ་བསྒོམ༔ ར་ཞིག་ཆད་པ་ལས་རཀྟའི་རྒྱ་མཚོ༔ ཞིང་གི་སྣས་འཕྱོ་བ་ཟླུམ་པོ་ཞིག་ཏུ་བསམ༔ སུྃ་ཞིག་ཆད་པ་ལས་དབང་ཆེན་གསེར་གྱི་ས་གཞི༔ གྲུ་བཞི་པ་ཞིག་ཏུ་བསམ༔ ཀིཾ་ཞིག་ཆད་པ་ལ་ཀེང་རུས་ཀྱི་རི་རབ། ཁ་ཁྱེར་ཤིན་ཏུ་ཆེ་བ་ཞིག་ཏུ་བསམ༔ དེ་ནས་སུྃ་རཏྣ་མཎྜལ་བྷྲཱུྃ༔ ཅེས་བརྗོད་པས་ཐམས་ཅད་འོད་དུ་ཞུ་བས༔ རྒྱུ་པདྨ་རཱ་ག་ལས་གྲུབ་པའི༔ སངས་རྒྱས་ཀྱི་ཞིང་ཁམས་འོད་ཟེར་སྣ་ལྔ་འཕྲོ་བ༔ ཆོས་ཀྱི་དབྱིངས་ཁྱབ་པའོ༔ ཧཱུྃ་ལས་བྷྲཱུྃ་ཞིག་ཆད་པ་ལས༔ བྷྲཱུྃ་སྥ་ར་ཎ་ཕཊ༔ ཅེས་བརྗོད་པས༔ འོད་ཟེར་ཕྱོགས་བཅུར་འཕྲོས་པས༔ རྒྱལ་བ་སྲས་དང་བཅས་པ་རྣམས་ལ་ཕོག་པས༔ ཐུགས་དམ་གྱི་རྒྱུད་བསྐུལ༔ སཾ་ཧ་ར་ཎ་ཧཱུྃ་ བྷྲཱུྃ༔ ཞེས་བརྗོད་པས་སླར་བྷྲཱུྃ་ལ་ཐིམ༔ བྷྲཱུྃ་བི་ཤྭ་བི་ཤུདྡྷེ་ཙཀྲ་ཀ་པཱ་ལ་བྷྲཱུྃ༔ ཅེས་བརྗོད་པས་ཆོས་ཀྱི་དབྱིངས་ཁྱབ་གཞལ་ཡས་ཁང་དུ་གསལ་བའོ༔ ཕྱི་རིན་པོ་ཆེ་སྣ་ལྔ་་་་་་་་གཞལ་ཡས་ཁང་གྲུ་བཞི་ཆད་པ་སྒོ་བཞི་པ༔ ཤར་ཤེལ་ལས་གྲུབ་པ༔ ལྷོ་བཻ་ཌཱུརྻ་ལས་གྲུབ་པ༔ ནུབ་པདྨ་རཱ་ག་ལས་གྲུབ་པ༔ བྱང་མ་རྒད་ལས་གྲུབ་པ༔ ཟུར་བཞིར་གནམ་ལྕགས་ཀྱི་འཛེར་མགོ་བཏབ་པ་ཞིག་ཡིན༔ ལས་གྲུབ་པ༔ ནང་ཐོད་པ་སྐམ་རློན་ལས་གྲུབ་པ༔ ལྷ་ཆེན་པོ་བརྒྱད་ལ་ཀ་བ་བྱས་པ༔ ཀླུ་ཆེན་པོ་བརྒྱད་ལ་གདུང་མ་བྱས་པ༔ ལྷ་སྲིན་སྡེ་བརྒྱད་ལ་དྲལ་དྲ་བ་དང་བད་མགུལ་གྱི་ཚུལ་དུ་བྱས་པ༔་་་་་པད་མགུལ་ནས་སྐུ་སྟོད་འབྱུང་བ་ཙམ་ཡིན་གསུང་༔ དུར་ཁྲོད་ཀྱི་རྒྱན་བརྒྱད་ཀྱིས་ཡང་དག་པར་བརྗིད་པ༔་་་་་་་་ཤ་ཆེན་གྱི་ཐོག་རས་རཀྟའི་རྐང་རས༔ རོ་དུམ་བུ་ཕྱེད་ཚལ་ལྷུ་དུམ༔ ཞིང་གི་བ་དན༔ གཞལ་ཡས་ཁང་གི་ནང་དུ༔ ཉི་ཟླ་གཉིས་ཀླད་ལ་ལྡིང་བ༔ ཕྱོགས་ཀྱི་སྒོ་བཞི་རྒྱལ་ཆེན་བཞི་ལས་བྱས་པ༔ འབྲུག་རི་དྭགས་ཀྱིས་སྒྲ་སྒྲོག་པ༔ ཙིཏྟའི་ཕོ་ལོང་འཕྱང་བ༔ རྡོ་རྗེའི་ཐོག་མདའ་འཕྲོ་བ༔ ཁྲག་གི་ཞམ་ཆུ་འབབ་བ༔ བསྐལ་པའི་རླུང་ནག་འཚུབས་པ༔ ཡེ་ཤེས་ཀྱི་མེ་རི་འབར་བ༔ ཞིང་གི་རྒྱལ་མཚན་དང་༔ བ་དན་རྩེ་གསུམ་པས་བརྒྱན་པའོ༔ གཞལ་ཡས་ཁང་ཆེན་པོ་དེའི་ཕོ་བྲང་དུ༔ འཁོར་ལོ་སེར་པོ་རྩིབས་བརྒྱད་པ༔ དེ་རྒྱབ་མུ་ཁྱུད༔ དེ་རྒྱབ་འཁོར་ལོ་སྔོན་པོ་རྩིབས་བཅུ་པ༔ དེའི་རྒྱབ་ཏུ་ཕུར་བུ་དང་༔ རལ་གྲི་དང་༔ རྡོ་རྗེ་དང་༔ གྲི་གུག་དང་༔ མེ་རིའི་གུར་ཁང་བསྒོམ༔ གཞལ་ཡས་ཁང་གི་ཕྱི་རོལ་དུ༔ འཁོར་ལོ་ལས་དཔག་ཏུ་མེད་པ་འཕྲོ་བ་གཡས་སུ་འཁོར་བའོ༔ ཕུར་པ་རལ་གྲི་རྡོ་རྗེ་གྲི་གུག༔ ལྟེ་བ་ཟླ་གམ་དམར་པོ་སྒོ་གཅིག་ཡོད་པ༔ དབང་གི་གཞལ་ཡས་ཁང་མཚོན་པའོ༔ རྩིབས་མཆན་དམར་ལ་མུ་ཁྱུད་དཀར་པོའོ༔ གྲུ་ཆད་ནི་ཤར་དཀར་ལྷོ་སེར་ནུབ་དམར་བྱང་ལྗང་བ༔ རྟ་བབས་སྒོ་དང་སྒོ་རྒྱན་གྱིས་མཛེས་པའོ༔ ཕོ་བྲང་གི་དབུས་སུ་པདྨ་དང་ཉི་ཟླའི་སྟེང་དུ༔ ཀླུ་བདུད་ཕོ་མོ་དང་ས་བདག་དང་མ་ཧཱ་དེ་ཝའི་ཁྲི་བརྩེགས་པའི་གདན་སྟེང་དུ༔ ཧཱུྃ་དེ་བབས་པ་ལས་འོད་ཟེར་ཕྱོགས་བཅུར་འཕྲོས་པས༔ བདེ་བར་གཤེགས་པ་རྣམས་ལ་ཕོག་པས༔ སྐུ་གསུང་ཐུགས་ལ་མཉེས་པའི་མཆོད་པ་ཕུལ༔ སེམས་ཅན་ཐམས་ཅད་ཀྱི་ལུས་ངག་ཡིད་གསུམ་གྱི་སྒྲིབ་པ་སྦྱངས་ནས༔ དཔལ་རྟ་མགྲིན་དུ་གྱུར༔ དེ་ནས་སླར་ཡང་འོད་ཟེར་ཧཱུྃ་ལ་འདུས་ནས༔ རྡོ་རྗེ་སྨུག་ནག་འབར་བ་ཧཱུྃ་གིས་མཚན་པ་ཞིག་ཏུ་གྱུར༔ དེ་ཡོངས་སུ་གྱུར་པ་ལས་བདག་ཉིད་རྟ་མགྲིན་སྐུ་མདོག་སྨུག་ནག་འབར་བ༔ ཞལ་གསུམ་ཕྱག་དྲུག་པ༔ ཞབས་བཞི་བརྐྱང་བསྐུམ་གྱི་ཚུལ་དུ་བཞུགས་པ༔ ཞལ་གཡས་དཀར་བ་གཡོན་དམར་བ༔ དབུས་སྨུག་ནག་ས་བདག་ཀླུ་གཉན་ཟས་སུ་ཟ་བ༔ ཕྱག་གཡས་པ་གསུམ་ན་རྡོ་རྗེའི་ཐོ་བ་རེ་རེ༔ གཡོན་པ་གསུམ་ནི་སྡིག་མཛུབ་ཀྱི་རྩེ་ལ་མེ་འབར་བ༔ རལ་པ་ཁམས་ནག་སྲིད་རྩེར་འབར་བ༔ དབུ་གསུམ་གྱི་སྟེང་དུ་རྟ་མགོ་ལྗང་ཞུར་གསུམ༔ རྟ་སྐད་ཕྱོགས་བཅུ་ན་སྒྲོགས་པ༔ སྲིད་པ་གསུམ་སྐྲག་ཅིང་འདར་བར་བྱེད་པ༔ རྟ་མགོ་དབུས་མའི་སྟེང་དུ་གསུང་གི་ཁྱུང་དམར་པོ༔ གཡས་པའི་སྟེང་དུ་སྐུའི་ཁྱུང་དཀར་པོ༔ གཡོན་པའི་སྟེང་དུ་ཐུགས་ཀྱི་ཁྱུང་མཐིང་ག༔ འཁོར་ལོ་རལ་གྲི་རྡོ་རྗེའི་གཤོག་པ་ནམ་མཁའི་ཁམས་ཁེབ་བ༔ གནམ་ལྕགས་ཀྱི་མཆུ་སྡེར་སྔོ་ཟང་ངེ་འདུག་པ༔ ཀླུ་བདུད་ནག་པོ་ཞལ་དུ་གསོལ་བ༔ སྤུ་རུ་མཚོན་ཆ་སྣ་ཚོགས་ཀྱིས་གཏམས་པ༔ སྤྱན་སེར་ལ་འོད་འབར་བ༔ སྤྲུལ་པ་དང་ཡང་སྤྲུལ་ཉིང་སྤྲུལ་གྱི་ཁྱུང་བསམ་གྱིས་མི་ཁྱབ་པས་ས་བདག་དང་ཀླུ་གཉན་ཐམས་ཅད་དུས་གཅིག་ཏུ་བརླག་པར་བསམ༔ སྤྱན་དགུ་སྡང་མིག་ལྡོག་པས༔ སྟོང་ཁམས་ཐམས་ཅད་ཡེ་ཤེས་ཀྱི་མེས་ཁེབས་པ༔ ས་བདག་དང་ཀླུ་གཉན་ཐམས་ཅད་དུས་གཅིག་ཏུ་སྲེག་པར་བསམ༔ སྐུ་སྟོད་ལ་གླང་ཆེན་གྱི་ཀོ་རློན༔ སྐུ་སྨད་ལ་སྟག་གི་ཤམ་ཐབས༔ ཞིང་ལྤགས་ཀྱི་སྐེད་དཀྲིས༔ ཐོད་རློན་ལྔ་བཅུ་རྩ་གཅིག་གི་ཕྲེང་བ་སེ་རལ་ཁར་ཐོགས་པ༔ ཐོད་པ་སྐམ་པོ་ལྔས་དབུ་བརྒྱན་པའི་རྩ་བར༔ སྦྲུལ་དཀར་པོས་དཀྲིས་པ༔ སེར་པོས་རྣ་ཆ་བྱས་པ༔ དམར་པོས་ལག་གདུབ་དང་མགུལ་རྒྱན་བྱས་པ༔ ནག་པོས་རྐང་གདུབ་དང་སྐེ་རགས་བྱས་པ༔ མཁུར་ཚོས་ལ་ཞག་གི་ཟོ་རིས་བྱས་པ༔ བྲང་ལ་རཀྟའི་ཐིག་ལེ༔ རྩིབས་ལོགས་ལ་ཐལ་བའི་ཚོམ་བུ༔ ཡན་ལག་ལ་ཀེང་རུས་ཀྱིས་བརྒྱན་པའོ༔ དེ་ལྟ་བུའི་གཏུམ་རྔམས་འཇིགས་པའི་སྐུར་བདག་བསྒོམ་མོ༔ དེའི་ཐུགས་ཀར་པད་ཟླ་ཉི་མའི་སྟེང་དུ༔ ཧཱུྃ་མཐིང་ནག་ལས༔ དཔལ་ཕྱག་ན་རྡོ་རྗེ་སྐུ་མདོག་མཐིང་ནག་འབར་བ་ལ༔ ཞལ་གཅིག་ཕྱག་གཉིས་པ༔ མཆེ་བ་གཙིགས་པ༔ ཕྱག་གཡས་རྡོ་རྗེ་རྩེ་ལྔ་པ༔ གཡོན་སྡིགས་མཛུབ་ལས་མེ་འབར་བ༔ སྤྱན་གསུམ་སྡང་མིག་ཏུ་བགྲད་པ༔ ཞབས་གཉིས་བརྐྱང་བསྐུམ་དུ་བཞུགས་པ༔ ཡན་ལག་སྤྲུལ་དང་རིན་པོ་ཆེས་བརྒྱན་པ༔ ཐུགས་ཀར་རྡོ་རྗེ་རྩེ་ལྔ་ལ་ཧཱུྃ་གིས་མཚན་པ་ལ༔ བདེ་གཤེགས་སྙིང་པོ་གཡས་སུ་་་་་་་་སྔགས་འོད་ཟེར་དང་བཅས་པ་རྡོ་རྗེ་ནས་པདྨ་ནས༔ ཡུམ་གྱི་ཐུགས་ཀ་ནས༔ ཡབ་གྱི་ཞལ་དུ་སོང་བར་བསམ་མོ༔ འཁོར་བར་བསྒོམ༔ ཧྲཱིཿ ཧྲཱིཿལས་ཡུམ་པདྨ་གཟི་ལྡན་མ༔ སྐུ་མདོག་དམར་མོ་གཡས་འཁོར་ལོ་ཡབ་ལ་འཁྱུད་པ༔ གཡོན་ཐོད་ཁྲག་ཡབ་ལ་སྟོབ་པ༔ དུར་ཁྲོད་ཀྱི་རྒྱན་གྱིས་བརྒྱན་པ་ཡབ་ལ་འཁྲིལ་བའོ། །གནས་ལྔར་རིགས་ལྔའི་ཧེ་རུ་ཀ་ལྔ་བསྒོམ་པར་བྱའོ༔་་་་་་གནས་ལྔར་ཧེ་རུ་ཀ་ལྔ་ནི༔ སྤྱི་བོར་བུདྡྷ་ཧེ་རུ་ཀ༔ སྐུ་མདོག་དཀར་པོ་་་་་་་་རྒྱན་ཆ་ལུགས་ཡབ་དང་མཐུན། འཁོར་ལོ་དང་ཐོད་ཁྲག་བསྣམས་པའོ༔ མགྲིན་པར་པདྨ་ཧེ་རུ་ཀ་སྐུ་མདོག་དམར་པོ༔ པདྨ་དང་ཐོད་ཁྲག་བསྣམས་པའོ༔ ཐུགས་ཀར་བཛྲ་ཧེ་རུ་ཀ་སྐུ་མདོག་མཐིང་ནག༔ རྡོ་རྗེ་དང་ཐོད་ཁྲག་བསྣམས་པའོ༔ ལྟེ་བར་རཏྣ་ཧེ་རུ་ཀ༔ སྐུ་མདོག་སེར་པོ་གཡས་རིན་པོ་ཆེ༔ གཡོན་ཐོད་ཁྲག་བསྣམས་པའོ༔ གསང་གནས་སུ་ཀརྨ་ཧེ་རུ་ཀ༔ སྐུ་མདོག་ལྗང་གུ་གཡས་རྒྱ་གྲམ༔ གཡོན་ཐོད་ཁྲག་བསྣམས་པའོ༔ འདི་རྣམས་ཀྱི་གཡས་རང་རྟགས༔ གཡོན་ཐོད་ཁྲག་བསྣམས་པའོ༔ དེ་ནས་བདག་གི་ཐུགས་ཀའི་ཧཱུྃ་ལས༔ ཧཱུྃ་བཞི་རིམ་པ་བཞིན་དུ་སྤྲོས་པ་༔ འཁོར་ཡབ་ཡུམ་བརྒྱད་བསྐྱེད་པ་ནི༔ ཤར་ཕྱོགས་ཀྱི་རྩིབས་སྟེང་དུ༔ རྡོ་རྗེ་གཞོན་དུ་སྐུ་མདོག་མཐིང་ནག་གཡས་རྡོ་རྗེ་ཕུར་པ༔ གཡོན་ཐོད་ཁྲག༔ ལྷོ་ཕྱོགས་ཀྱི་རྩིབས་སྟེང་དུ༔ གཤིན་རྗེའི་གཤེད་སྐུ་མདོག་སྔོ་ནག༔ གཡས་རལ་གྲི་གཡོན་ཐོད་ཁྲག༔ ནུབ་ཕྱོགས་ཀྱི་རྩིབས་སྟེང་དུ༔ ཕྱག་ན་རྡོ་རྗེ་ལྗང་ནག༔ གཡས་རྡོ་རྗེ་གཡོན་ཐོད་ཁྲག་༔ བྱང་ཕྱོགས་ཀྱི་རྩིབས་སྟེང་དུ༔ མགོན་པོ་ནག་པོ་གཡས་གྲི་གུག་གཡོན་ཐོད་ཁྲག༔ ཤར་ལྷོའི་མཚམས་སུ་རྡོ་རྗེ་མཁའ་འགྲོ་མ༔ སྐུ་མདོག་དཀར་མོ་གཡས་རྡོ་རྗེ་གཡོན་ཐོད་ཁྲག་བསྣམས་ནས་ཡབ་ལ་སྟོབ་པའོ༔ ལྷོ་ནུབ་ཀྱི་མཚམས་སུ་རིན་ཆེན་མཁའ་འགྲོ་མ༔ སྐུ་མདོག་སེར་པོ་གཡས་རིན་པོ་ཆེ་གཡོན་ཐོད་ཁྲག་བསྣམས་ནས་ཡབ་ལ་སྟོབ་པའོ༔ ནུབ་བྱང་མཚམས་སུ་པདྨ་མཁའ་འགྲོ་མ༔ སྐུ་མདོག་དམར་མོ་གཡས་པདྨ་གཡོན་ཐོད་ཁྲག་བསྣམས་ནས་ཡབ་ལ་སྟོབ་པའོ༔ བྱང་ཤར་གྱི་མཚམས་སུ་ལས་ཀྱི་མཁའ་འགྲོ་མ༔ སྐུ་མདོག་ལྗང་གུ་གཡས་རལ་གྲི་གཡོན་ཐོད་ཁྲག་བསྣམས་ནས་ཡབ་ལ་སྟོབས་པའོ༔ ཡང་ཐུགས་ཀ་ནས་ཧཱུྃ་བཅུ་འཕྲོས་པ་ལས༔ འཁོར་ལོ་སྔོན་པོ་རྩིབས་བཅུ་པའི་སྟེང་དུ༔ ཁྲོ་བོ་ཆེན་པོ་བཅུ་སྲུང་བའི་དུས་སུ༔ སྐུ་མདོག་དཀར་པོ་གཡས་རྡོ་རྗེ་གཡོན་དྲིལ་བུ་ཅན༔ ཁྲོ་བོ་བཅུ་ནི༔ ཤར་དུ་རྣམ་པར་རྒྱལ་བ༔ ཤར་ལྷོར་དབྱུག་པ་སྔོན་པོ༔ ལྷོ་རུ་གཤིན་རྗེའི་གཤེད༔ ལྷོ་ནུབ་ཏུ་མི་གཡོ་མགོན༔ ནུབ་ཏུ་རྟ་མགྲིན་དཔལ༔ ནུབ་བྱང་དུ་གཞན་གྱིས་མི་ཐུབ་པ༔ བྱང་ཕྱོགས་སུ་བདུད་རྩི་འཁྱིལ་བ༔ བྱང་ཤར་དུ་ཁམས་གསུམ་དགྲ་ལས་རྣམ་པར་རྒྱལ་བ༔ སྟེང་དུ་ཧཱུྃ་ཀ་ར༔ འོག་ཏུ་སྟོབས་པོ་ཆེ༔ པདྨ་འཁྱིལ་བའང་ཟེར༔ ཟློག་པའི་དུས་སྐུ་མདོག་ནག་པོ༔ གཡས་ཐོ་བ་གཡོན་ལྕགས་ཀྱུ་བསྣམས་པའོ༔ ཤར་སྒོར་ཛཿལས་སྒོ་མ་ལྕགས་ཀྱུ་མ་དཀར་མོ༔ གཡས་ལྕགས་ཀྱུ་གཡོན་སྡིགས་མཛུབ་ཅན༔ ལྷོ་སྒོར་ཧཱུྃ་ལས་ཞགས་པ་མ་སེར་མོ༔ གཡས་ཞགས་པ་གཡོན་སྡིག་མཛུབ་ཅན༔ ནུབ་སྒོར་བཾ་ལས་ལྕགས་སྒྲོག་མ་དམར་མོཿ གཡས་ལྕགས་སྒྲོག་གཡོན་སྡིགས་མཛུབ་ཅན༔ བྱང་སྒོར་ཧོཿལས་དྲིལ་བུ་མ་ལྗང་ཁུ༔ གཡས་དྲིལ་བུ་གཡོན་སྡིག་མཛུབ་ཅན་ནོ༔ སྐུ་ལ་དུར་ཁྲོད་ཀྱི་ཆས་བརྒྱད་དང་ལྡན་པའོ༔ གཞལ་ཡས་ཁང་གི་ཕྱི་ནང་ཐམས་ཅད་ཡེ་ཤེས་ཀྱི་མེ་རི་དང་མེ་ཕུང་དང་༔ སྤྲུལ་པའི་ཁྲོ་ཆུང་ཕྱག་ན་མཚོན་ཆ་ཐོགས་པ༔ ཕྱོགས་དང་ཕྱོགས་མཚམས་རྣམས་སུ་འཕྲོ་བར་བསྒོམ༔ དེ་ནས་ཚོགས་རྟེན་ཡེ་ཤེས་སེམས་དཔའ་སྤྱན་དྲང་བ་ནི༔ བཛྲ་ས་མ་ཡ་ཛཿཛཿཧཱུྃ་བྃ་ཧོཿ དམ་ཚིག་སེམས་དཔའ་ཇི་ལྟར་བསྐྱེད་པ་བཞིན་མདུན་གྱི་ནམ་མཁར་སྤྱན་དྲངས་པ་ལ༔ པདྨ་དབང་ཆེན་ལྷ་ཚོགས་ལ༔ གུས་པས་ཕྱག་འཚལ་མཆོད་པ་འབུལ༔ སྡིག་པ་ཐམས་ཅད་སོ་སོར་བཤགས༔ ཆོས་ཀྱི་འཁོར་ལོ་བསྐོར་བར་བསྐུལ༔ དགེ་བ་ཀུན་ལ་རྗེས་ཡི་རང་༔ བདག་ལ་གཉིས་མེད་བྱིན་བརླབ་གསོལ༔ ཛ༔ཧཱུྃ་བྃ་ཧོཿཚོགས་རྟེན་གྱི་ཡེ་ཤེས་པ་རང་ལ་ཐིམ་པས་རྒྱུད་བྱིན་གྱིས་བརླབས་པར་བསམ༔ དེ་ནས་བྱེ་བྲག་ཏུ་སྐུ་གསུང་ཐུགས་བྱིན་གྱིས་བརླབ་པ་ནི༔ རང་གི་སྤྱི་བོར་ཟླ་བའི་སྟེང་དུ་ཨོཾ་དཀར་པོ༔ མགྲིན་པར་པདྨའི་སྟེང་དུ་ཨཱཿདམར་པོ༔ ཐུགས་ཀར་ཉི་མའི་སྟེང་དུ་ཧཱུྃ་མཐིང་ནག་རྣམས་ཀྱིས་མཚན་པ་གསལ་ཞིང་འབར་བ་དང་བཅས་པའི་འོད་ཟེར་འཕྲོ་བས་བདག་གི་ལུས་ངག་ཡིད་གསུམ་སངས་རྒྱས་ཐམས་ཅད་ཀྱི་སྐུ་གསུང་ཐུགས་རྡོ་རྗེའི་རང་བཞིན་དུ་གྱུར༔ དེ་ནས་དབང་བསྐུར་བ་ནི༔ སླར་ཡང་ཐུགས་ཀའི་འོད་ཀྱིས་རྒྱལ་བ་རིགས་ལྔ་ཡབ་ཡུམ་སྤྱན་དྲངས༔ མདུན་གྱི་ནམ་མཁར་བཞུགས་པར་བསམ༔ ཨོཾ་བཛྲ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་བིདྱཱ་ཤཔྡ་ཨཱཿཧཱུྃ་གིས་ཕྱི་མཆོད༔ ཨོཾ་ཨཱཿཧཱུྃ་གིས་ནང་མཆོད༔ ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ་གིས་གསང་མཆོད་ཕུལ༔ ཇི་ལྟར་རྡོ་རྗེ་འཆང་ཆེན་པོས༔ རང་གི་སྲས་ལ་དབང་བསྐུར་ལྟར༔ དེ་བཞིན་བདག་ལ་དབང་བསྐུར་ནས༔ གོ་འཕང་ཐོབ་པར་མཛད་དུ་གསོལ༔ ཞེསགསོལ་བ་བཏབ་པས་རིགས་ལྔས་དབང་བསྐུར་གྱི་དགོངས་པ་མཛད༔ ཡུམ་རྣམས་ཀྱིས་བདུད་རྩིའི་བུམ་པ་བསྣམས་ནས་དབང་བསྐུར༔ བྱང་ཆུབ་སེམས་དཔའ་རྣམས་ཀྱིས་བཀྲ་ཤིས་ཀྱི་ཚིགས་སུ་བཅད་པ་བརྗོད༔ སེམས་མ་རྣམས་ཀྱིས་མཆོད་པའི་ལས་བརྩམ༔ ཁྲོ་བོ་རྣམས་ཀྱིས་བར་ཆད་ཀྱི་བགེགས་སྲུང་བ་དང་བཅས་པས་མངོན་པར་དབང་བསྐུར་བར་བསམས་ལ༔ ཧཱུྃ༔ པདྨ་དབང་གི་དཀྱིལ་འཁོར་དུ༔ དུག་ལྔ་རྣམ་པར་དག་པ་ཡི༔ ཡེ་ཤེས་ལྔ་ཡི་དབང་མཆོག་འདི༔ རྒྱལ་བའི་སྲས་པོ་ཁྱོད་ལ་བསྐུར༔ ཨོཾ་བུདྡྷ་ཨ་བྷི་ཥིཉྩ་ཨོཾ༔ ཞེས་དབང་གི་ཚིགས་སུ་བཅད་པས་དབང་བསྐུར་བའི་བུམ་པའི་བདུད་རྩི་སྤྱི་བོར་བླུགས་པས་ལུས་ཡེ་ཤེས་ཀྱི་བདུད་རྩིས་གང་ནས་ཤེས་བྱའི་སྒྲིབ་པ་དག༔ ལྷ་རྣམས་ཀྱང་བདག་ལ་ཐིམ༔ བདུད་རྩིའི་ལྷག་མ་ཡར་འཁྱིལ་བ་ལས་དབང་རྟགས་སུ་གཙོ་བོ་ཡབ་ཡུམ་ལ་སྣང་བ་མཐའ་ཡས༔ རྡོ་རྗེ་གཞོན་ནུ་ཡབ་ཡུམ་ལ་རྡོ་རྗེ་སེམས་དཔའ༔ གཤིན་རྗེ་གཤེད་ཡབ་ཡུམ་ལ་རིན་ཆེན་འབྱུང་ལྡན༔ ཕྱག་ན་རྡོ་རྗེ་ཡབ་ཡུམ་དང་༔ དཔལ་ལྡན་མགོན་པོ་དང་༔ ཁྲོ་བོ་བཅུ་སྒོ་མ་བཞི་རྣམས་ལ་མི་བསྐྱོད་པ་གཙོ་བོར་གྱུར་པའི་རིགས་ལྔས་དབུ་བརྒྱན་པར་བསམ་མོ༔ དེ་ནི་གཙོ་བོར་དམ་ཚིག་པ་བསྐྱེད་པའི་རིམ་པའོ༔ དེ་ནས་ཡེ་ཤེས་ཀྱི་འཁོར་ལོ་སྤྱན་དྲངས་པ་ལ་གཉིས་ཏེ༔ སྙན་གསན་དབབ་པ་དང་༔ སྤྱན་དྲངས་པ་དངོས་སོ༔ དང་པོ་ནི༔ ཧོཿདགོངས་སུ་གསོལ་ལོ༔ མཉམ་པ་ཉིད་ཀྱི་དབྱིངས༔ སྟུག་པོ་བཀོད་པའི་ཞིང་༔ རྣམ་པར་དག་པའི་ངང་༔ ཡེ་ཤེས་སྒྱུ་མའི་སྐུ༔ སྤྲོས་པ་མེད་པའི་སྤྱོད་ཡུལ༔ ཀེང་རུས་ཆེན་པོའི་རི་རབ་ཀྱི་སྟེང་༔ དུར་ཁྲོད་ཆེན་པོའི་གཞལ་ཡས་ཁང་གི་དབུས༔ འཁོར་ལོ་འབར་བའི་ཕོ་བྲང་ནས༔ ཉི་ཟླ་པདྨ་བརྩེགས་པའི་གདན༔ ཀླུ་བདུད་ཕོ་མོ་བརྩེགས་པའི་ཁྲི་སྟེང་དུ༔ སངས་རྒྱས་ཐམས་ཅད་ཀྱི་གསུང་གི་བདག་ཉིད༔ དཔལ་རྟ་མཆོག་ཧེ་རུ་ཀ་ཆེན་པོ༔ མཁའ་འགྲོ་མ་ཐམས་ཅད་ཀྱི་རྒྱལ་མོ༔ ཡུམ་པདྨ་གཟི་ལྡན་མ༔ སྤྱི་བོར་ཡེ་ཤེས་ཀྱི་བྱ་ཁྱུང་ལྡིང་བ༔ ཐུགས་ཀར་དཔལ་གསང་བའི་བདག་པོ༔ ཡེ་ཤེས་སྤྲུལ་པའི་ཁྲོ་བོ་ཆེན་པོ་ལྔ༔ ཤར་ཕྱོགས་འཁོར་ལོ་འབར་བའི་རྩིབས་སྟེང་ནས༔ བཅོམ་ལྡན་འདས་དཔལ་རྡོ་རྗེ་གཞོན་ནུ༔ ལྷོ་ཕྱོགས་འཁོར་ལོ་འབར་བའི་རྩིབས་སྟེང་ནས༔ བཅོམ་ལྡན་འདས་ཤྲཱི་ཡ་མཱནྟ་ཀ༔ ནུབ་ཕྱོགས་འཁོར་ལོ་འབར་བའི་རྩིབས་སྟེང་ནས༔ བཅོམ་ལྡན་འདས་གསང་བའི་བདག་པོ་ཕྱག་ན་རྡོ་རྗེ༔ བྱང་ཕྱོགས་འཁོར་ལོ་འབར་བའི་རྩིབས་སྟེང་ནས༔ དཔལ་མགོན་པོ་ནག་པོ༔ རིགས་ཀྱི་ཡུམ་བཞི༔ སྤྲུལ་པའི་ཁྲོ་བོ་ཆེན་པོ་བཅུ༔ བདུད་བཞིའི་སྒོ་གཅོད་སྒོ་མ་བཞི་ལ་སོགས་ཏེ༔ བཅོམ་ལྡན་འདས་བདེ་གཤེགས་གསང་བའི་ལྷ་ཚོགས་རྣམས༔ སྤྱན་འདྲེན་བཞུགས་སུ་གསོལ༔ ཕྱག་འཚལ་མཆོད་པ་འབུལ༔ བསྟོད་པ་བགྱིད་ནོངས་པ་བཤགས༔ ཐུགས་དམ་བསྐུལ་ཕྲིན་ལས་བཅོལ་ན༔ ཐུགས་རྗེ་དང་ཐུགས་དམ་གྱི་དབང་གིས་གསན་ཅིང་དགོངས་སུ་གསོལ་ལོ༔ བཛྲ་ས་མ་ཡ་ཛཿ ས་མ་ཡ་ཧོཿ ས་མ་ཡ་སྟྭཾ༔ ཞེས་བརྗོད༔ གཉིས་པ་སྤྱན་དྲང་བ་དངོས་ནི༔ ཤ་ཆེན་དང་སྦྱར་སྤོས་བསྲེག༔ སྙན་ཅིང་བརྗིད་པའི་དབྱངས་དང་རོལ་མོ་དང་བཅས་འདི་སྐད་དོ༔ ཧྲཱིཿ ནུབ་ཕྱོགས་བདེ་ལྡན་པདྨའི་ཞིང་ཁམས་ནས༔ རླུང་ནག་མེ་ཕུང་འབར་བའི་ཀློང་དཀྱིལ་ནས༔ ཀླུ་གདོན་ཕོ་མོ་བསྣོལ་བའི་གདན་སྟེང་ན༔ དབང་གི་རྒྱལ་པོ་ཁྲོ་བོ་རྟ་མཆོག་དཔལ༔ ཞལ་གསུམ་ཕྱག་དྲུག་སྐུ་མདོག་སྨུག་ནག་ལ༔ ཞབས་བཞི་བརྐྱང་བསྐུམ་ཀླུ་བདུད་ཉི་སྟེང་བགྲད༔ ཐུགས་ཀར་ཉི་སྟེང་ཧྲཱིཿཡིག་འཕྲོ་འདུ་འབར༔ ཡུམ་ཆེན་གཟི་ལྡན་དུར་ཁྲོད་ཆས་ཀྱིས་བརྒྱན༔ རལ་པ་དམར་འབར་སྤྱན་གསུམ་སྡང་མིག་བགྲད༔ ཕྱག་གཉིས་འཁོར་ལོ་ཐོད་པ་ཁྲག་བཀང་བསྣམས༔ སྤྱི་གཙུག་མཁའ་ལྡིང་ག་རུ་ཌ༔ ཐུགས་ཀར་གསང་བདག་ཕྱག་ན་རྡོ་རྗེ་དང་༔ འབར་བའི་རྒྱལ་པོ་ཁྲག་འཐུང་ཡབ་ཡུམ་དང་༔ རྟ་མཆོག་རྒྱལ་པོ་ཡབ་ཡུམ་འཁོར་དང་བཅས་པ་རྣམས༔ ཀླུ་གདོན་གདུག་པ་འདུལ་བའི་དོན་སླད་དུ༔ རྔམས་བརྗིད་འགྱིང་བའི་ཚུལ་དུ་སྤྱན་འདྲེན་ན༔ དབང་གི་རྟ་སྐད་འཚེར་ཞིང་གཤེགས་སུ་གསོལ༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་ནས༔ ཞེ་སྡང་ཐུགས་མཆོག་ཡཀྴ་ཧེ་རུ་ཀ༔ འཁོར་ལོ་རྒྱས་འདེབས་མ་དང་ཐབས་གཅིག་ཏུ༔ རྡོ་རྗེ་གཞོན་ནུ་ཡབ་ཡུམ་འཁོར་བཅས་རྣམས༔ དམ་ཚིག་ཚུལ་བཞིན་དབང་གིས་སྤྱན་འདྲེན་ན༔ ཐུགས་དམ་དབང་གིས་གནས་འདིར་གཤེགས་སུ་གསོལ༔ ཧཱུྃ༔ རྣལ་འབྱོར་དད་དང་ལྷ་མཆོག་དམ་ཚིག་གིས༔ ཚུར་གཤེགས་ཚུར་གཤེགས་བཅོམ་ལྡན་གཤིན་རྗེ་གཤེད༔ ཡ་མཱནྟ་ཀ་ཡབ་ཡུམ་འཁོར་བཅས་རྣམས༔ དམ་ཚིག་ཚུལ་བཞིན་དབང་གིས་སྤྱན་འདྲེན་ན༔ ཐུགས་དམ་དབང་གིས་གནས༴ ཧཱུྃ༔ མི་མཐུན་འཇོམས་མཛད་ཡེ་ཤེས་གཉེན་པོ་ཆེ༔ དགྲ་བགེགས་གདུག་པ་ཐམས་ཅད་འདུལ་སླད་དུ༔ བཅོམ་ལྡན་གསང་བདག་ཡབ་ཡུམ་འཁོར་བཅས་རྣམས༔ དམ་ཚིག་ཚུལ་བཞིན་དབང་གི་སྤྱན་འདྲེན་ན༔ ཐུགས་དམ་དབང་གིས་གནས་འདིར་གཤེགས་སུ་གསོལ༔ ཧཱུྃ༔ རྣལ་འབྱོར་དད་དང་ལྷ་མཆོག་དམ་ཚིག་གིས༔ ཚུར་གཤེགས་ཚུར་སྤྱོན་མ་ཧཱ་ཀཱ་ལ་ཆེ༔ དཔལ་ལྡན་མགོན་པོ་ཡབ་ཡུམ་འཁོར་བཅས་རྣམས༔ དམ་ཚིག་ཚུལ་བཞིན་དབང་གིས་སྤྱན་འདྲེན་ན༔ ཐུགས་དམ་དབང་གིས་གནས་འདིར་གཤེགས་སུ་གསོལ༔ ཛཿཧཱུྃ་བྃ་ཧོཿ ཨེ་ཧྱེ་ཧི་པདྨ་ཀྲོ་དྷ་ཧ་ཡ་གྲཱི་ཝ་ས་མ་ཡ་ཛཿཛཿ དེ་ནས་བཞུགས་སུ་གསོལ་བ་ནི༔ ཧཱུྃ༔ བརྗོད་མེད་སྤྲོས་བྲལ་བདེ་ཆེན་དབྱིངས་ཉིད་ལས༔ སྐྱེ་བའི་ཆོ་འཕྲུལ་འབར་བའི་སྐུར་བསྟན་པ༔ དབང་དྲག་སྲིད་གསུམ་མ་ལུས་འདུལ་བའི་ལྷ༔ བདག་དང་གཉིས་མེད་ངང་དུ་བསྒྲུབ་པའི་ཕྱིར༔ རྟ་མགྲིན་དབང་གི་དཀྱིལ་འཁོར་མ་ལུས་ཀུན༔ རྔམས་བརྗིད་འགྱིང་བའི་ཚུལ་གྱིས་བཞུགས་སུ་གསོལ༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་ན༔ ཞེ་སྡང་ཐུགས་མཆོག་ཡཀྴ་ཧེ་རུ་ཀ༔ རུ་དྲ་ཉི་ཟླ་བརྩེགས་པའི་གདན་སྟེང་དུ༔ རྡོ་རྗེ་གཞོན་ནུ་ཡབ་ཡུམ་བཞུགས་སུ་གསོལ༔ ཧཱུྃ༔ སེམས་ཅན་དོན་ཕྱིར་ནན་ཏན་མཆོག་བསྐྱེད་དེ༔ ཡེ་ཤེས་ཐུགས་རྗེས་དེང་འདིར་དགོངས་ནས་ཀྱང་༔ གཉིས་མེད་དངོས་གྲུབ་བདག་ལ་སྩལ་སླད་དུ༔ ཡ་མཱནྟ་ཀ་ཡབ་ཡུམ་བཞུགས་སུ་གསོལ༔ ཧཱུྃ༔ དབྱིངས་ལས་གཉིས་མེད་གདུག་པ་འདུལ་མཛད་པ༔ བཅོམ་ལྡན་རྡོ་རྗེ་འཛིན་རྒྱལ་ཁྲོ་བོའི་གཙོ༔ དཔལ་ཆེན་ཕྱག་ན་རྡོ་རྗེ་ཡབ་ཡུམ་རྣམས༔ དགྲ་བགེགས་གདུག་པ་འདུལ་ཕྱིར་བཞུགས་སུ་གསོལ༔ ཧཱུྃ༔ བསྐལ་པ་མེ་ལྟར་འབར་བའི་ཀློང་དཀྱིལ་ན༔ དཔལ་ལྡན་མགོན་པོ་ནག་པོ་ཆེན་པོ་ནི༔ དྲེགས་པའི་དགྲ་བགེགས་མ་ལུས་འདུལ་བའི་ཕྱིར༔ དུར་ཁྲོད་དྲག་པོའི་གནས་འདིར་བཞུགས་སུ་གསོལ༔ ཨོཾ་ཧ་ཡ་གྲཱི་བ་པདྨཱནྟ་ཀྲྀ་ཏ་ས་མ་ཡ་ཏིཥྛ་ལྷན༔ དེ་ནས་ཕྱག་འཚལ་བ་ནི༔ ཧཱུྃ༔ མཉམ་ཉིད་ཆོས་སྐུ་ཀློང་ཡངས་བརྡལ་བ་ལས༔ དྲག་སྔགས་མཐུ་མངའ་རྟ་མགྲིན་དབང་གི་ལྷ༔ མ་རུངས་རྣམས་ལ་ཐུགས་རྗེས་ཁྲོས་པའི་ཚུལ༔ པདྨ་གསུང་མཆོག་རྒྱལ་ལ་ཕྱག་འཚལ་ལོ༔ དཔལ་ཆེན་ཀུན་འདུས་རྟ་མགྲིན་དབང་གི་ལྷ༔ དབང་གི་སྐུ་མདོག་བསྐལ་པའི་མེ་ལྟར་འབར༔ རྟ་གདོང་ལྗང་གུ་འཁོར་དང་བཅས་པ་ལ༔ བརྐྱང་བསྐུམ་བརྗིད་པའི་ཚུལ་གྱིས་ཕྱག་འཚལ་ལོ༔ ཧཱུྃ༔ རྟ་མཆོག་སྐུ་ལ་གཉིས་མེད་འཁྲིལ་བའི་ཡུམ༔ གསང་མཆོག་དབྱིངས་ལས་འགྲོ་བ་སྐྱེད་བྱེད་མ༔ ཤེས་རབ་མཁའ་ལ་གཉིས་མེད་དགའ་བདེས་རོལ༔ གཟི་ལྡན་གསང་བའི་ཡུམ་ལ་ཕྱག་འཚལ་ལོ༔ ཧཱུྃ༔ བསྐལ་པ་མེ་ལྟར་འབར་བའི་ཀློང་དཀྱིལ་ནས༔ ཕྲིན་ལས་མངའ་མཛད་ཡཀྵ་ཧེ་རུ་ཀ༔ ཁམས་གསུམ་མ་ལུས་དབང་དུ་སྡུད་མཛད་པའི༔ རྡོ་རྗེ་གཞོན་ནུའི་སྐུ་ལ་ཕྱག་འཚལ་ལོ༔ དུས་གསུམ་རྒྱལ་བ་ཐམས་ཅད་སྐྱེད་མཛད་ཡུམ༔ བདེ་ཆེན་དབྱིངས་ནས་སྤྲུལ་པའི་འབྱུང་གནས་གཙོ༔ རྒྱས་འདེབས་གསང་བའི་ཡུམ་ལ་ཕྱག་འཚལ་ལོ༔ ཧཱུྃ༔ དབྱིངས་ནས་གཉིས་མེད་ཆོས་སྐུ་དག་པའི་ངང་༔ གཤིན་རྗེ་རུ་དྲ་གཏན་ནས་བརླག་མཛད་པའི༔ བདུད་འདུལ་ཁྲོ་བོ་ཆེན་པོའི་སྐུར་སྟོན་པ༔ བཅོམ་ལྡན་ཡ་མཱནྟ་ཀ་ཡབ་ཡུམ་ལ༔ སྒོ་གསུམ་རབ་ཏུ་དང་བས་ཕྱག་འཚལ་ལོ༔ ཧཱུྃ་མཛད་ཧཱུྃ་སྟེ་ཙཎྜ་རོ་ཥ་ན༔ མི་མཐུན་ལོག་འདྲེན་མ་ལུས་འཇོམས་མཛད་པའི༔ བཅོམ་ལྡན་གསང་བའི་བདག་པོ་འཁོར་དང་བཅས་པ་ལ༔ སྒོ་གསུམ་དང་བས་རབ་ཏུ་ཕྱག་འཚལ་ལོ༔ ཧཱུྃ༔ གྲུ་གསུམ་མཐིང་ནག་འབར་བའི་ཕོ་བྲང་ནས༔ དཔལ་ལྡན་མགོན་པོ་ཆེན་པོ་ནི༔ ཞལ་གཅིག་ཕྱག་གཉིས་སྤྱན་གསུམ་བགྲད༔ དབུ་ལ་ཐོད་པའི་ཕྲེང་བས་བརྒྱན༔ བསྟན་པའི་དགྲ་བགེགས་འཇོམས་མཛད་པའི༔ དཔལ་ལྡན་མགོན་པོ་ཡབ་ཡུམ་ལ༔ སྒོ་གསུམ་དང་བས་རབ་ཏུ་ཕྱག་འཚལ་ལོ༔ ཨོཾ་ཧ་ཡ་གྲཱི་བ་པདྨཱནྟ་ཀྲྀ་ཏ་ན་མོ་ཨ་ཏི་པུ་ཧོ༔ པྲ་ཏཱིཙྪ་ཧོཿ ཨ་ལ་ལ་ཧོཿ དེ་ནས་མཆོད་པ་འབུལ་བ་ནི༔ ཧཱུྃ༔ དབུས་མཐའ་མེད་པ་ཀུན་ཏུ་བཟང་མོའི་མཁའ༔ ཡེ་ཤེས་དབྱིངས་ལས་མཆོད་རྫས་སྣ་ཚོགས་ཤར༔ སྣང་སྲིད་མ་ལུས་སྐུ་གསུང་ཐུགས་ཀྱི་རྒྱན༔ མཆོད་པའི་བྱེ་བྲག་སྤྲིན་ཚོགས་མཐའ་དག་དང་༔ ཀུན་བཟང་མཆོད་པའི་ལོངས་སྤྱོད་སྣ་ཚོགས་རྣམས༔ གཉིས་སུ་མེད་པའི་དོན་གྱིས་བདག་གིས་ནི༔ བླང་དོར་ཐ་དད་སྤངས་ཏེ་འབུལ་ལགས་ན༔ རྒྱལ་བའི་དཀྱིལ་འཁོར་རབ་འབྱམས་མཉེས་གྱུར་ཅིག༔ ཨ་ལ་ལ་སྟེ་བདག་གིས་མཆོད་པ་འབུལ༔ ཨ་ལ་ལ་སྟེ་ཚིམ་པར་བཞེས་སུ་གསོལ༔ ཧཱུྃ༔ བཅོམ་ལྡན་བདེ་གཤེགས་ལྷ་ཚོགས་འཁོར་བཅས་ལ༔ གཟུགས་ཀྱི་མཆོད་པ་འབུལ་བ་ནི༔ མེ་ཏོག་ཆུ་སྐྱེས་ཐང་སྐྱེས་དང་༔ བཟང་ཤིང་འབྲས་བུ་རྣམ་པ་དང་༔ གཟུགས་མཛེས་རྣམ་པ་སྣ་ཚོགས་ཀུན༔ སྤྱན་གྱི་མཆོད་པར་བཞེས་སུ་གསོལ༔ བཅོམ་ལྡན་བདེ་གཤེགས་ལྷ་ཚོགས་འཁོར་བཅས་ལ༔ སྒྲ་ཡི་མཆོད་པ་འབུལ་བ་ནི༔ པི་ཝང་གླིང་བུ་མཁར་བའི་རྔ༔ རྫ་རྔ་ཅང་ཏེའུ་རོལ་མོའི་དབྱངས༔ དུང་དང་ཆ་ལང་སིལ་སྙན་དང་༔ སྒྲ་སྙན་རྣམ་པ་ཇི་སྙེད་པ༔ སྙན་གྱི་མཆོད་པར་བཞེས་སུ་གསོལ༔ བཅོམ་ལྡན་བདེ་གཤེགས་ལྷ་ཚོགས་འཁོར་བཅས་ལ༔ དྲི་ཡི་མཆོད་པ་འབུལ་བ་ནི༔ ཨ་ག་རུ་དང་དུ་རུ་ཥ༔ ལི་ཤི་ག་བུར་ཛ་ཏི་དང་༔ ཀ་ར་ལ་སོགས་སྦྱར་བའི་དྲི༔ ཙནྡན་དྲི་ཞིམ་ཤངས་ཀྱི་སྤོས༔ ཤངས་ཀྱི་མཆོད་པར་བཞེས་སུ་གསོལ༔ བཅོམ་ལྡན་བདེ་གཤེགས་ལྷ་ཚོགས་འཁོར་བཅས་ལ༔ རོ་ཡི་མཆོད་པ་འབུལ་བ་ནི༔ ཞལ་ཟས་རྣམ་པ་སྣ་ཚོགས་དང་༔ དབང་པོ་ཚིམ་བྱེད་བཤོས་གཙང་དང་༔ རོ་མཆོག་མངར་བ་ཅི་མཆིས་པ༔ ལྗགས་ཀྱི་མཆོད་པར་བཞེས་སུ་གསོལ༔ བཅོམ་ལྡན་བདེ་གཤེགས་ལྷ་ཚོགས་འཁོར་བཅས་ལ༔ རེག་བྱའི་མཆོད་པ་འབུལ་བ་ནི༔ པཉྩ་ལི་ཀཱ་ལ་སོགས་པ༔ ལྷ་ཡི་ན་བཟའ་སྣ་ཚོགས་དང་༔ མཛེས་ཤིང་རེག་འཇམ་ཅི་མཆིས་པ༔ སྐུ་ཡི་མཆོད་པར་བཞེས་སུ་གསོལ༔ ཧཱུྃ༔ བཅོམ་ལྡན་བདེ་གཤེགས་ལྷ་ཚོགས་འཁོར་བཅས་ལ༔ ཕྱི་ཡི་མཆོད་པ་འབུལ་བ་ནི༔ མེ་ཏོག་ཡོན་ཆབ་བདུག་སྤོས་དང་༔ དྲི་མཆོག་སྣང་གསལ་ཞལ་ཟས་དང་༔ རོལ་མོ་དུང་རྐང་གླིང་བུ་རྔ་སྒྲའི་རྒྱུན༔ དྲིལ་བུ་སྙན་པ་རྣམ་གྲོལ་ཚངས་པའི་དབྱངས༔ བླ་བྲེ་རྒྱལ་མཚན་འཕན་གདུགས་བ་དན་རྣམས༔ ཕྱི་ཡི་མཆོད་པར་འབུལ་ལོ་བཞེས་སུ་གསོལ༔ རྒྱལ་སྲིད་སྣ་བདུན་འབུལ་བ་ནི༔ གླིང་བཞི་དབང་སྒྱུར་འཁོར་ལོ་དང་༔ དབུལ་བ་སེལ་བའི་ནོར་བུ་དང་༔ དགོས་འདོད་འབྱུང་བའི་བཙུན་མོ་དང་༔ ཤེར་རབ་ཤུགས་ལྡན་ལྷུན་པོ་དང་༔ སྟོབས་བཅུའི་རྩལ་ལྡན་གླང་པོ་དང་༔ སྤྲིན་གྱི་ཤུགས་ལྡན་རྟ་མཆོག་དང་༔ བདུད་ཀྱི་ཚོགས་འཇོམས་དམག་དཔོན་རྣམས༔ དཔལ་ཆེན་འཁོར་བཅས་རྣམས་ལ་འབུལ༔ ནང་གི་མཆོད་པ་འབུལ་བ་ནི༔ ཨ་ལས་བྷནྡྷ་ཁོར་ཡུག་བཅུད་ཡངས་སུ༔ ཤ་ཆེན་ལྔ་དང་སྨན་ལྔ་བདུད་རྩི་ལྔ༔ ཛ་གད་ཆང་དང་བདུད་རྩི་རཀྟ་བཅས༔ བྷནྡྷ་མཛེས་པའི་སྣོད་དུ་བླུགས་བྱས་ནས༔ རྣལ་འབྱོར་ཆེན་པོའི་མདུན་དུ་བཞག་བྱས་ཏེ༔ རླུང་གིས་མེ་སྦར་མེ་ཡིས་ཐོད་པ་དྲོས༔ ཧཱུྃ་གི་རྡོ་རྗེས་རབ་ཏུ་དཀྲུགས་བྱས་ནས༔ ཨ་དཀར་འབར་བས་ཁ་ཟས་དུག་བཅོམ་སྟེ༔ དཔའ་བོ་འབྲུ་ལྔས་གཏོར་མ་བྱིན་གྱིས་བརླབས༔ བཅོམ་ལྡན་དཔལ་ཆེན་དབང་གི་སྐུར་བཞེངས་ལ༔ ཞིང་ཆེན་ཤ་དང་རུས་ཆེན་རྐང་༔ སྣུམ་ཆེན་ཚིལ་དང་དམར་ཆེན་ཁྲག༔ དཔལ་ཆེན་འཁོར་དང་བཅས་ལ་འབུལ༔ གསུར་ཆེན་ཤ་ལ་རོལ་ཏེ་བཞེས་སུ་གསོལ༔ དམར་ཆེན་ཁྲག་ལ་རོལ་ཏེ་བཞེས་སུ་གསོལ༔ སྣུམ་ཆེན་ཚིལ་ལ་རོལ་ཏེ་བཞེས་སུ་གསོལ༔ རུས་ཆེན་རྐང་ལ་རོལ་ཏེ་བཞེས་སུ་གསོལ༔ གསོལ་ལོ་རོལ་ཅིག་མཆོག་ཏུ་དགྱེས་པར་མཛོད༔ མ་ཧཱ་མཱཾ་ས་ལ་ཁ་རཾ་ཁཱ་ཧི༔ མ་ཧཱ་རཀྟ་ལ་ཁ་རཾ་ཁཱ་ཧི༔ མ་ཧཱ་ཙིཏྟ་ལ་ཁ་རཾ་ཁཱ་ཧི༔ མ་ཧཱ་བ་སུ་ཏ་ལ་ཁ་རཾ་ཁཱ་ཧི༔ མ་ཧཱ་གོ་རོ་ཙ་ན་ལ་ཁ་རཾ་ཁཱ་ཧི༔ དེ་ནས་དུག་གསུམ་གྱི་མཆོད་པ་འབུལ་བ་ནི༔ ཧཱུྃ༔ བཅོམ་ལྡན་དཔལ་ཆེན་འཁོར་བཅས་ལ༔ དུག་གསུམ་མཆོད་པ་འབུལ་བ་ནི༔ གཏི་མུག་མཆོད་པ་བླ་ན་མེད༔ གཏི་མུག་མཆོད་པ་ཤ་བཞེས་ལ༔ སྐུ་ཡི་དངོས་གྲུབ་སྩལ་དུ་གསོལ༔ ཧཱུྃ༔ འདོད་ཆགས་མཆོད་པ་བླ་ན་མེད༔ འདོད་ཆགས་མཆོད་པ་ཁྲག་བཞེས་ལ༔ གསུང་གི་དངོས་གྲུབ་སྩལ་དུ་གསོལ༔ ཧཱུྃ༔ ཞེ་སྡང་མཆོད་པ་བླ་ན་མེད༔ ཞེ་སྡང་མཆོད་པ་རུས་བཞེས་ལ༔ ཐུགས་ཀྱི་དངོས་གྲུབ་སྩལ་དུ་གསོལ༔ དེ་ནས་བདུད་རྩི་སྨན་མཆོད་འབུལ་བ་ནི༔ ཧཱུྃ༔ རང་བྱུང་གདོད་ནས་དག་པའི་རྫས༔ རྩ་བརྒྱད་སྟོང་ལ་སྦྱར་བའི་སྨན༔ རྩ་བ་འབུམ་ཕྲག་ཡངས་པའི་བཅུད༔ རིགས་ལྔ་དམ་ཚིག་ལྔ་ཡི་དངོས༔ ཡེ་ཤེས་ལྔ་རྫོགས་གྲུབ་པའི་རྫས༔ རྒྱུད་ལྔ་སེམས་ཅན་ཀུན་སྒྲོལ་བའི༔ དུག་ལྔ་སེལ་བའི་བདུད་རྩི་འདི༔ ཕྱོགས་བཅུའི་སངས་རྒྱས་ཐམས་ཅད་དང་༔ བྱང་ཆུབ་སེམས་དཔའི་ཚོགས་ཆེན་དང་༔ ལྷ་དང་ལྷ་མོ་རྣལ་འབྱོར་པ༔ ཐམས་ཅད་དབྱིངས་ཉིད་སྐུལ་བའི་མཆོག༔ འདི་ནི་སྔོན་གྱི་ཐ་ཚིག་སྟེ༔ སྐུ་གསུང་ཐུགས་ཀྱི་བདག་ཉིད་དུ༔ བདག་ཅིག་དད་པས་འབུལ་ལགས་ན༔ ཐུགས་རྗེས་དགོངས་ཏེ་བཞེས་སུ་གསོལ༔ དགོངས་ནས་ཀུན་ཀྱང་དགྱེས་པར་མཛོད༔ འཕྲུལ་གྱི་དངོས་གྲུབ་སྩལ་དུ་གསོལ༔ ཨོཾ་ན་མཿསརྦ་ཏ་ཐཱ་ག་ཏ་ཨམྲྀ་ཏ་ཁ་ཁ་ཁ་རཾ་ཁཱ་ཧི༔ དེ་ནས་རཀྟ་འབུལ་བ་ནི། ཧཱུྃ༔ རཀྟ་དམར་གྱི་ཨརྒྷཾ་ཆེན་པོ་འདི༔ བདེ་གཤེགས་ཐུགས་ཀྱི་དངོས་གྲུབ་བསྒྲུབ་པ་དང་༔ བགེགས་ཀྱི་དཔུང་ཚོགས་མ་ལུས་བཅོམ་པ་དང་༔ བདུད་ཀྱི་རྒྱལ་པོའི་མཐུ་རྩལ་འཕྲོག་པ་དང་༔ དྲེགས་པ་ཕོ་མོ་བསྒོ་བ་ཉན་པའི་ཕྱིར༔ ཁམས་གསུམ་རཀྟའི་མཆོད་པར་འབུལ་ལགས་ན༔ སྐུ་གསུང་ཐུགས་ཀྱི་རྒྱུད་རྣམས་མཉེས་གྱུར་ཅིག༔ ཨོཾ་མ་ཧཱ་རཀྟ་ཛྭ་ལ་མཎྜ་ལ་ཁ་ཁ་ཁཱ་ཧི་ཁཱ་ཧི༔ དེ་ནས་གཏོར་མ་འབུལ་བ་ནི༔ གཏོར་མ་འདུད་རྩིའི་རྒྱ་མཚོར་འཁྱིལ་བ་ལྷ་ཚོགས་རྣམས་ཀྱི་ལྗགས་རྡོ་རྗེའི་སྦུ་གུས་བཅུད་རྣམས་དྲངས་ཏེ་གསོལ་བས་ཤིན་ཏུ་མཉེས་པར་བསམས་ལ༔ ཧཱུྃ༔ བདེ་གཤེགས་འདུས་པའི་ལྷ་ཚོགས་དང་༔ འཁོར་གྱི་དྲེགས་པ་ཕོ་མོའི་ཚོགས༔ གཡོག་དང་བྲན་དུ་བཅས་པ་ལ༔ འདོད་ཡོན་གཏོར་མའི་མཆོད་པ་འདི༔ བདག་ཅག་དད་པས་འབུལ་ལགས་ན༔ འདོད་པའི་དོན་རྣམས་བསྒྲུབ་ཏུ་གསོལ༔ ཨོཾ་ཨཱཿཧཱུྃ་མ་ཧཱ་བ་ལིཾ་ཏ་ཏེ་ཛོ་བ་ལིཾ་ཏ་བ་ལ་བ་ཏེ་གུ་ཧྱ་སིདྡྷི་ས་མ་ཡ་ཁ་ཁ་ཁཱ་ཧི་ཁཱ་ཧི༔ ཧཱུྃ༔ ཁོར་ཡུག་བཅས་པའི་བྷནྡྷ་ཆེན་པོ་རུ༔ རྒྱུད་དྲུག་རྟོག་པའི་རང་བཞིན་རྣམ་དག་པས༔ དུས་གསུམ་རྒྱལ་བའི་དཀྱིལ་འཁོར་མ་ལུས་པའི༔ སྐུ་གསུང་ཐུགས་ཀྱི་རྒྱུད་རྣམས་ཚིམ་གྱུར་ཅིག༔ ཨ་ལ་ལ་སྟེ་ཐུགས་རྗེས་བཞེས་སུ་གསོལ༔ ཨ་ལ་ལ་སྟེ་བཞེས་ནས་དགྱེས་པར་མཛོད༔ ས་མ་ཡ་སྟྭཾ༔ ས་མ་ཡ་ཧོཿ ས་མ་ཡ་སིདྡྷི་ཕ་ལ་ཨ་ལ་ལ་ཧོཿ དེ་ནས་བསྟོད་པ་བྱ་བ་ནི༔ ཧྲཱིཿ ནུབ་ཕྱོགས་སྣང་བ་མཐའ་ཡས་ཞིང་ཁམས་ནས༔ དབང་གི་ཟླ་གམ་དམར་པོ་གདེངས་པ་ན༔ རྟ་མཆོག་ཧ་ཡ་གྲཱི་བ་དབང་གི་ལྷ༔ སྐུ་ལ་དུར་ཁྲོད་རོལ་པའི་ཆས་བརྒྱད་བརྒྱན༔ སྟག་གི་ཤམ་ཐབས་དཔའ་བརྗིད་ལྡན་པ་དང་༔ ཐོད་པའི་ཕྲེང་བ་འཁོར་བ་འདམ་ནས་འདྲེན༔ ཞིང་ལྤགས་གཡང་གཞི་ཐབས་ལ་མཁས་པ་དང་༔ གླང་ཆེན་ཀོ་རློན་རྒྱན་དུ་ཆེ་བ་དང་༔ ཁྲག་གི་ཐིག་ལེ་མཁའ་འགྲོ་དགྱེས་སྡུད་དང་༔ ཞག་གི་ཟོ་རིས་དགྲ་བགེགས་ཤ་ལ་ཟ༔ ཐལ་ཆེན་ཚོམ་བུ་དུར་ཁྲོད་གནས་སུ་འདྲེན༔ སྦྲུལ་ནག་ཆུན་པོ་གདུག་པ་མ་ལུས་བསྒྲལ༔ གཡས་གསུམ་རྡོ་རྗེ་ཐོ་བ་ཡིས༔ གདུག་པའི་དགྲ་བགེགས་སྤྱི་ནས་བཅོམ༔ གཡོན་གསུམ་སྡིགས་མཛུབ་མེ་ཆེན་གྱིས༔ དབང་ཆེན་ཀླུ་དང་ས་བདག་སྲེག༔ ཞབས་བཞིས་གདུག་པ་མ་ལུས་གནོན༔ དབུ་སྐྲ་ཁམས་ནག་རྩེ་ནས་འཕར༔ དབུ་ལ་དབང་གི་རྟ་མགོ་ལྗང་ཞུར་གྱིས༔ ཕྱོགས་བཅུར་གཟིགས་ཤིང་རྟ་སྐད་ལྷང་ལྷང་འཚེར༔ རྔོག་མ་དབང་གི་ལེ་བརྒན་མེ་ལྟར་འབར༔ རྟ་སྐད་ཕྱོགས་བཅུར་སྒྲོགས་པ་ཡིས༔ རྒྱལ་བ་རྒྱ་མཚོར་མཉེས་མཆོད་འབུལ༔ ཕྲུམ་ཕྲུམ་གསེབ་ནས་གནམ་ལྕགས་ཚྭ་ཚྭ་འཕྲོ༔ དཔྲལ་བ་ཞུར་པོ་བྱམས་པའི་ཉི་མ་ཤར༔ སྡང་མིག་དམར་པོ་གྱེན་དུ་ལྡོག་པ་ཡིས༔ ཁམས་གསུམ་སྲིད་གསུམ་མ་ལུས་དུས་གཅིག་གསོལ༔ སྨིན་མ་ཁྲོ་གཉེར་བསྐལ་པའི་གློག་སྟོང་འགྱུ༔ ཤངས་ནས་རླུང་ནག་འཚུབས་མ་འཁྱིལ༔ ཞལ་ནས་ཕཊ་སྒྲོགས་སྲིད་གསུམ་ཚོགས་སོར་འགྱེད༔ དབང་གི་ལས་མཛད་སྤྲུལ་པའི་ཁྲོ་རྒྱལ་མཆོག༔ ཡོན་ཏན་བརྗོད་ཀྱིས་མི་ལངས་ཁྱེད་ལ་བསྟོད༔ ཨོཾ་ཧྲཱིཿཔདྨ་ཀྲོ་དྷ་ཀྲོ་དྷཱི་ཤྭ་རི་ཧ་ཡ་གྲི་བ་ཧུ་ལུ་ཧུ་ལུ་ཧཱུྃ་ཕཊ༔ ཧྲཱིཿ སྤྱི་གཙུག་མཁའ་ལྡིང་རྒྱལ་པོ་ག་རུ་ཌ༔ འཁོར་ལོ་རལ་གྲིའི་གཤོག་པ་འབར་བ་ལ༔ སྤུ་ཕྲན་སྤུ་གྲིའི་མཚོན་ཆ་འབར་བས་གཏམས༔ སྤྱན་མིག་འབར་བས་ཐུར་དུ་གཟིགས༔ གདུག་པའི་ཀླུ་རྣམས་ཁོང་དུ་ཟ༔ གདུག་པའི་ས་བདག་ཐལ་བར་རློག༔ མཁའ་ལྡིང་རྒྱལ་པོ་ཁྱོད་ལ་ཕྱག་འཚལ་བསྟོད༔ ཨོཾ་ཁྲོཾ་ག་རུ་ཌ་ཙ་ལེ་ཙ་ལེ་ཧཱུྃ་ཕཊ༔ ཧཱུྃ༔ ལྕང་ལོ་ཅན་གྱི་གནས་མཆོག་དམ་པ་ནས༔ བཅོམ་ལྡན་དཔལ་ཆེན་ཕྱག་ན་རྡོ་རྗེ་ནི༔ གསང་སྔགས་རིགས་སྔགས་ཀུན་གྱི་བདག་པོ་སྟེ༔ ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པའི༔ བཅོམ་ལྡན་རྡོ་རྗེ་བསྣམས་ལ་ཕྱག་འཚལ་བསྟོད༔ ཧཱུྃ་མཛད་ཧཱུྃ་སྟེ་ཙཎྜ་རོ་ཥ་ཎ༔ བདེན་གཉིས་ཐུགས་ཆུད་སྤྲུལ་པའི་སྐུར་བསྟན་པ༔ སྤྲུལ་པའི་སྐུ་བརྙེས་ཕྱག་ན་རྡོ་རྗེ་ཆེ༔ དུས་མཐའི་མེ་ལྟར་འབར་ལ་ཕྱག་འཚལ་བསྟོད༔ ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ ཧཱུྃ༔ གཉིས་མེད་ཡུམ་ཆེན་ཀྲོ་དྷཱི་ཤྭ་རི་ནི༔ འཁོར་ལོ་ཐོད་ཁྲག་འབར་བ་ཡབ་ལ་སྟོབ༔ སྐུ་མདོག་དམར་སེར་གཟིག་གི་ཤམ་ཐབས་ཅན༔ རིགས་དྲུག་དབང་སྡུད་ཡུམ་ལ་ཕྱག་འཚལ་བསྟོད༔ ཧཱུྃ༔ སྐྱེ་མེད་ཀློང་ན་རཀྵ་ཧེ་རུ་ཀ༔ འཆི་མེད་སྲ་བརྟན་རྡོ་རྗེ་གཞོན་ནུའི་སྐུ༔ འབར་བའི་ཀློང་ནས་ལྷ་ཆེན་བསྒྲལ་ནས་ཀྱང་༔ ཁྲོ་མཆོག་མཁའ་འགྲོ་འབུམ་གྱི་དབུས་ན་འགྱིངས༔ རྡོ་རྗེ་གཞོན་ནུ་ཆེ་ལ་ཕྱག་འཚལ་བསྟོད༔ ཚམ་རྔམས་དྲག་པོས་དགྲ་བགེགས་མ་ལུས་བསྒྲལ༔ ཞིང་བཅུ་རྡུལ་དུ་བརླག་པའི་ལས་མཛད་པའི༔ ཁྲོ་རྒྱལ་སྲས་མཆོག་བཅུ་ལ་ཕྱག་འཚལ་བསྟོད༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ༔ ཧཱུྃ༔ དྲེགས་པ་འཇོམས་མཛད་གཤིན་རྗེ་གཤེད་ཀྱི་ལྷ༔ ཁྲམ་དང་གསལ་ཤིང་བེ་ཅོན་ཕྱག་ན་བསྣམ༔ ཆུ་གླང་མ་ཧེ་གཤིབས་པའི་ཁྲི་ལ་བཞུགས༔ ཁྲོ་རྒྱལ་གཤིན་རྗེ་གཤེད་ལ་ཕྱག་འཚལ་བསྟོད༔ ཐུགས་ཀྱི་སྲས་མཆོག་ཡ་མ་རཱ་ཙ་དང་༔ ཐུགས་ལས་བསྐྱེད་པའི་གཤིན་རྗེ་མེ་རུ་ཙེ༔ དུག་གསུམ་གཤེད་བཞི་མཐར་བྱེད་ཁྲོ་ཆེན་བརྒྱད༔ གིང་བདུད་ཕོ་ཉ་རྣལ་འབྱོར་མ་ཡི་ཚོགས༔ འཇམ་དཔལ་གཤིན་རྗེའི་ཚོགས་ལ་ཕྱག་འཚལ་བསྟོད༔ ཨོཾ་ཤྲཱི་ཡ་མཱནྟ་ཀ་ཧ་ན་མ་ཐ་བྷཉྫ་ར་ཎ་ཧཱུྃ་ཕཊ༔ ཧཱུྃ་དང་ཧཱུྃ་ལས་བྱུང་བའི་ཁྲོ་རྒྱལ་མཆོག༔ རྡོ་རྗེའི་མཆེ་བ་གཙིགས་པས་ཀླུ་གདོན་གསོལ༔ གདུག་པ་ཟ་བའི་ཡ་སོས་མ་མཆུ་མནན༔ ལྗགས་འདྲིལ་གློག་ལྟར་འགྱུ་བའི་ཨ་ལ་ལ༔ སྤྱན་གསུམ་མེ་འབར་ཁམས་གསུམ་སྲིད་གསུམ་སྲེག༔ ཞལ་རྒྱས་ཁྲོ་གཉེར་སྨིན་མ་དཔྲལ་བར་འབར༔ རྡོ་རྗེ་རྣམ་ཐར་ཞལ་ལ་ཕྱག་འཚལ་བསྟོད༔ གཤིན་རྗེ་གཤེད་ཀྱི་སྐུ་ནི་གསུས་པོ་ཆེ༔ ཕྱག་གིས་ཀླུ་བརྒྱད་བཟུང་ཞིང་སྙིང་ནས་འདྲེན༔ གཡས་གཡོན་ཕྱག་གཉིས་རྡོ་རྗེ་དྲིལ་བུ་འཛིན༔ བཛྲ་པཱ་ཎི་དྲག་སྔགས་འབྲུག་ལྟར་སྒྲོགས༔ ཡ་མཱནྟ་ཀའི་ཐུགས་དམ་རྩེ་གཅིག་འདྲེན༔ ཕྲིན་ལས་ཀརྨ་ཞི་རྒྱས་དབང་དྲག་མཛད༔ སྲིན་པོ་རཀྵ་གཅོད་ཅིང་མི་བཟད་པ༔ སྙིང་ནས་འདྲེན་པའི་གསུང་ལ་ཕྱག་འཚལ་བསྟོད༔ ཨོཾ་བཛྲ་པཱ་ཎི་ཧཱུྃ་ཕཊ༔ ཧཱུྃ༔ སྲིན་པོའི་གཟུགས་ཀྱི་གདུག་པ་ཅན༔ ཚར་གཅོད་བྱང་ཆུབ་སེམས་དཔའ་སྟེ༔ གྲོང་ཁྱེར་སུམ་བརྩེགས་འཇོམས་མཛད་པའི༔ གཏུམ་པོ་ཁྱོད་ལ་བདག་བསྟོད་དོ༔ མདོག་ནག་གཟུགས་ཐུང་གཟི་བརྗིད་ཅན༔ གདུག་པ་ཚར་གཅོད་གྲི་གུག་གཡས༔ སྐྱེ་འགྲོ་གསོད་བྱེད་ཐོད་ཁྲག་གཡོན༔ ཐོད་ཕྲེང་ཅན་ལ་བདག་བསྟོད་དོ༔ ཁྲོས་པའི་ཞབས་བརྡབས་ས་གཞི་གཡོ༔ འཇིགས་པའི་གད་མོས་རི་རབ་བསྙིལ༔ དམ་ཚིག་ཉམས་པའི་སྙིང་འབྱིན་པ༔ དམ་ཚིག་ཅན་ལ་བདག་བསྟོད་དོ༔ ཨོཾ་ཤྲཱི་མ་ཧཱ་ཀཱ་ལ་ཧཱུྃ་ཕཊ༔ ཧཱུྃ༔ སྔོ་ཆག་འབར་བའི་རལ་པ་ཅན༔ སེར་ནག་འབར་བའི་འཕྲོ་འདུ་ཅན༔ དམར་ནག་འབར་བའི་ཚུལ་མདངས་ཅན༔ ལྗང་ནག་འབར་བའི་འོད་ཟེར་ཅན༔ ཀུན་ཀྱང་ཞལ་གཅིག་ཕྱག་གཉིས་ཏེ༔ མཆེ་བ་ཟླ་བ་ཚེས་པ་འདྲ༔ དུར་ཁྲོད་རྒྱན་གྱིས་མ་ཚོགས་མཁའ་འགྲོ་འདུ༔ དགྲ་བགེགས་འདུལ་ལ་ཕྱག་འཚལ་བསྟོད༔ ཧཱུྃ༔ ཁྲོ་བོའི་རྒྱལ་པོ་རྣམ་པར་རྒྱལ༔ དྲི་ཟ་འདུལ་ཕྱིར་ཕྱག་འཚལ་བསྟོད༔ ཁྲོ་བའི་རྒྱལ་པོ་དབྱུག་སྔོན་ཅན༔ མེ་ལྷ་འདུལ་ཕྱིར་ཕྱག་འཚལ་བསྟོད༔ ཁྲོ་བོའི་རྒྱལ་པོ་གཤིན་རྗེ་གཤེད༔ གྲུལ་བུམ་འདུལ་ཕྱིར་ཕྱག་འཚལ་བསྟོད༔ ཁྲོ་བོའི་རྒྱལ་པོ་མི་གཡོ་མགོན༔ སྲིན་པོ་འདུལ་ཕྱིར་ཕྱག་འཚལ་བསྟོད༔ ཁྲོ་བོའི་རྒྱལ་པོ་རྟ་མགྲིན་དཔལ༔ ཀླུ་གདོན་འདུལ་ཕྱིར་ཕྱག་འཚལ་བསྟོད༔ ཁྲོ་བོའི་རྒྱལ་པོ་ཁྲོས་པའི་དཔལ༔ རླུང་ལྷ་འདུལ་ཕྱིར་ཕྱག་འཚལ་བསྟོད༔ ཁྲོ་བོའི་རྒྱལ་པོ་བདུད་རྩི་འཁྱིལ༔ གནོད་སྦྱིན་འདུལ་ཕྱིར་ཕྱག་འཚལ་བསྟོད༔ ཁྲོ་བོའི་རྒྱལ་པོ་ཁམས་གསུམ་རྒྱལ༔ དབང་ལྡན་འདུལ་ཕྱིར་ཕྱག་འཚལ་བསྟོད༔ ཁྲོ་བོའི་རྒྱལ་པོ་ཧཱུྃ་ཀ་ར༔ གཟའ་སྐར་དབང་སྡུད་ཕྱག་འཚལ་བསྟོད༔ ཁྲོ་བོའི་རྒྱལ་པོ་པདྨ་འཁྱིལ༔ ས་བདག་འདུལ་ཕྱིར་ཕྱག་འཚལ་བསྟོད༔ ཧཱུྃ༔ ཤར་སྒོ་སྲུང་བའི་ཁྲོ་མོ་ནི༔ དཀར་མོ་ཕྱག་ན་ལྕགས་ཀྱུ་བསྣམས༔ ལྷོ་སྒོ་སྲུང་བའི་ཁྲོ་མོ་ནི༔ སེར་མོ་ཕྱག་ན་ཞགས་པ་བསྣམས༔ ནུབ་སྒོ་སྲུང་བའི་ཁྲོ་མོ་ནི༔ དམར་མོ་ཕྱག་ན་ལྕགས་སྒྲོག་འཛིན༔ བྱང་སྒོ་སྲུང་བའི་ཁྲོ་མོ་ནི༔ ལྗང་གུ་ཕྱག་ན་དྲིལ་བུ་འཛིན༔ སྒོ་སྲུང་ཁྲོ་མོ་བཞི་ལ་ཕྱག་འཚལ་བསྟོད༔ དེས་ལྷ་སྒོམ་པའི་ཕྲིན་ལས་གྱི་རིམ་པ་ཚར་རོ༔ དེ་ནས་བཟླས་པ་སྔགས་ཀྱི་རིམ་པ་ལ༔ ཛབ྄་དགོངས་གསལ་གདབ་པ་ནི༔ ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་ཡིག་དམར་པོའི་མཐར་སྔགས་འབྲུ་རེ་རེ་བཞིན་མེའི་རང་བཞིན་གཡས་སུ་དམར་འཁྱིལ་ཏེ་འཁོར་བ་བདག་གིས་སྔགས་བཟླས་པས་ཐུགས་ཀའི་གསང་བདག་དང་༔ སྤྱི་བོའི་བྱ་ཁྱུང་དང་༔ འཁོར་ཁྲོ་བོའི་ཡབ་ཡུམ་བརྒྱད་དང་༔ སྤྲུལ་པའི་ཁྲོ་བོ་བཅུ་དང་༔ སྒོ་མ་བཞི་དང་༔ གཞན་ཡང་བ་སྤུའི་བུ་ག་ཐམས་ཅད་ཁྲོ་ཆུང་གིས་གོ་མཚམས་མེད་པར་གཏམས་པ་རྣམས་ཀྱིས་ཀྱང་སྔགས་ཀྱི་སྒྲ་དི་རི་རི་བསྒྲགས་པ་ལ་བརྟེན་ནས་ཡེ་ཤེས་ཀྱི་གཟི་བྱིན་འབར༔ སྣང་སྲིད་ཐམས་ཅད་དབང་དུ་འདུས༔ ཟིལ་གྱིས་མནན༔ གདུག་པ་ཅན་ཐམས་ཅད་ཚར་བཅད༔ མཆོག་དང་ཐུན་མོང་གི་དངོས་གྲུབ་མ་ལུས་པ་ལྷུན་གྱིས་གྲུབ་པར་བསམས་ལ༔ བཟླ་བྱའི་སྔགས་ནི༔ ཨོཾ་ཧ་ཡ་གྲཱི་བ་པདྨ་ཀྲོ་དྷཱི་ཤྭ་རི༔ བཛྲ་པཱ་ཎི༔ བཛྲ་ཀཱི་ལི་ཀཱི་ལ་ཡ༔ མ་ཧཱ་ཀཱ་ལ་ཡཀྴ༔ ཡ་མཱནྟ་ཀ་ཀ་ལ་རུ་པ༔ ཀརྨ་རྃ་རྃ་ཛྭ་ལ་རྃ་ཧཱུྃ་ཧཱུྃ་ཕཊ་ཕཊ༔ ཨོཾ་ག་རུ་ཌ་ཙ་ལེ་ཙ་ལེ་ཧཱུྃ་ཕཊ༔ ཅེས་གཙོ་བོར་བཟླ་བ་ནི་བསྙེན་པའི་སྔགས་ཏེ༔ ལས་རུང་ཙམ་བྱེད་ན་འབུམ་ཕྲག་གཅིག་བཟླས་པས་གྲུབ་བོ༔ ནད་དང་གནོད་པ་སོགས་ལ་བསྙེན་པ་སྔོན་དུ་སོང་བས་ཤམ་བུ་གདགས་པ་ལ་གཉིས་ཏེ༔ དང་པོ་སྤྱིར་གདགས་པ་ནི༔ གོང་གི་སྔགས་ཤམ་དུ༔ ཨེ་ཛཿཧཱུྃ་བྃ་ཧོཿ སརྦ་ཨེ་ཏྲིག་ནན༔ ཨེ་ཧུར་ཐུམ་ཛ༔ ཨེ་མཱ་ར་ཡ་རྦད༔ ཅེས་སོ༔ གཉིས་པ་བྱེ་བྲག་ཏུ་གདགས་པ་ནི༔ ༡ཡ་མ་ཡ༔་་་་གཤིན་རྗེ༔ ༢མ་མ་རུ་ལུ་མ༔་་་མ་མོ༔ ༣མ་ཧཱ་དེ་ཝ་ཨ༔་་་་་ལྷ་ཆེན༔ ༤ཏཱིརྟི་ཀ་དུ༔་་་་་་མུ་སྟེགས༔ ༥ཡཀྴ་ཤྭ༔་་་་་་གནོད་སྦྱིན༔ ༦རཱ་ཙ་ཙ༔་་་་་་རྒྱལ་པོ༔ ༧ཤུ་ཡ་ཙ་ཙ་་་་་་་དྲེགས་པ་སྲོག་ཟན་དམར་པོ༔ ༨ཧཾ་ཤཾ་ཏྲི་་་་་འགོང་པོ༔ ༩རཀྴྀ་ར་་་་་་སྲིན་པོ༔ ༡༠རུ་དྲ་ཧ་་་་་་བདུད༔ ༡༡བཛྲ་སཱ་དྷཱུ་ཏྲི་་་་་་རྡོ་རྗེ་ལེགས་པ༔ ༡༢རུ་དྲ་རུ་་་་་་དམ་སྲི༔ ༡༣བིཥྞུ་ར་་་་གཟའ༔ ༡༤མུན་མུན་པ་་་་་་བདུད༔ ༡༥བི་ནཱ་ཡ་ཀ་ཏྲི་་་་་བགེགས༔ ༡༦ཨ་བི་ཤུ་ལ་ཛ༔་་་་་བཙན་ཡ་བ་རྐྱ་བདུན༔ ༡༧ཏྲི་ནུ་ཤུ་ལ་ཏྲི༔་་་་་་ཐེའུ་རང་༔ ༡༨ནཱ་ག་ཕུུ་་་་་ུ་་་ཀླུ་བདུད་རྣམས་ཀྱི་སྲོག་སྙིང་༔ ཨེ་སརྦ་སྙིང་གཟིར་བྲེང་ཤག་ཡཾ་རྦད་་་་་་གཟིར་སྔགས་སོ༔ ཅེས་བཟླ་ཞིང་༔ དེའི་ཚེ་དམིགས་པ་ནི༔ སྔགས་རྣམས་མཚོན་ཆའི་རང་བཞིན་ཅན༔ དྲེགས་པ་གང་གནོད་བསྒྲལ་བར་བསམ༔ དེ་ལས་ཡེ་ཤེས་མེ་ཕུང་དང་༔ དྲག་སྔགས་མཚོན་ཆའི་འཁོར་ལོ་འཕྲོས༔ ཕོ་རྒྱུད་མོ་རྒྱུད་ལྷ་སྲིན་དང་༔ འབྱུང་པོ་ཀླུ་རིགས་རྒྱལ་བསེན་སོགས༔ མེ་ལྕེའི་ཁ་ཡི་སྦྲང་མ་བཞིན༔ ཐམས་ཅད་མ་ལུས་བསྲེགས་པར་བསམ༔ ཞེས་སོ༔ དེ་ལྟར་བཟླས་པ་ཐེམས་ནས་སྟོང་ཚིགས་ཀྱི་མཆོད་བསྟོད་འབུལ༔ ཡི་གེ་བརྒྱ་པ་བརྗོད༔ དེ་ནི་སྔགས་བཟླ་བའི་རིམ་པའོ༔ དེས་དངོས་གཞིའི་ལས་རིམ་ཚར༔ དེ་ནས་རྗེས་ཀྱི་ལས་རིམ་ལ༔ ཚོགས་ཀྱི་མཆོད་པ་བྱ་བར་འདོད་ན༔ སྦྱོར་བའི་སྐབས་ནས་དངོས་གྲུབ་བླང་བའི་ཕྱིར་དཀྱིལ་འཁོར་གྱི་དབུས་སུ་དཔལ་གཏོར་ལྷ་གྲངས་དང་མཉམ་པ་དངོས་གྲུབ་གྱི་རྫས་ཀྱིས་བསྐོར་བ་བཤམ༔ དཀྱིལ་འཁོར་གྱི་མདུན་དུ་ཞིང་ངམ་གཅན་གཟན་ལྤགས་པའི་གདན་གྱི་སྟེང་ཐོད་པ་ལ་སོགས་པའི་སྣོད་དུ་ཚོགས་རྫས་ཤ་ལྔ་བདུད་རྩི་ལྔ་སོགས་བཟའ་བཅའ་བཏུང་བ་ཕུང་པོར་སྤུངས༔ གཞན་ཡང་གཟུགས་སྒྲ་དྲི་རོ་རེག་བྱ་སོགས་མཆོད་པ་མང་པོས་བརྒྱན༔ མཚམས་བཅད་པ་སོགས་དང་བདག་མདུན་གྱི་དཀྱིལ་འཁོར་གསལ་གདབ༔ བཟླས་པ་སོགས་གྲུབ་ནས་ཚོགས་ཀྱི་ཡོ་བྱད་ལ་བསང་ཆུ་གཏོར༔ ཧཱུྃ༔ བདག་ཉིད་ལྷ་ཡི་ཐུགས་ཀ་ནས༔ ཧ་ཧོཿཧྲཱིཿཡི་ཡི་གེ་འཕྲོས༔ ཞལ་ཟས་ཚོགས་ཀྱི་ལོངས་སྤྱོད་རྣམས༔ ཁ་དོག་དྲི་རོའི་ཉེས་སྐྱོན་བསལ༔ ཨོཾ་ཨཱཿཧཱུྃ་དང་སྭཱ་ཧཱ་འཕྲོས༔ ཡེ་ཤེས་ལྔ་ལྡན་བདུད་རྩིའི་བཅུད༔ འདོད་ཡོན་ཆར་ཆེན་འབེབ་པར་གྱུར༔ ཧ་ཧོཿཧྲཱིཿ ལན་གསུམ་གྱིས་ཉེས་སྐྱོན་བསལ༔ ཨོཾ་ཨཱཿཧཱུྃ་སྭཱ་ཧཱ་ལན་བདུན་གྱིས་བྱིན་གྱིས་བརླབས་ནས༔ ཐོག་མར་མདུན་གྱི་དཀྱིལ་འཁོར་ལ་འདོན་ཡོན་གྱི་མཆོད་པ་སྤྱིར་དབུལ་བ་ནི༔ ཧཱུྃ་ གཟུགས་སྒྲ་དྲི་དང་རོ་དང་རེག༔ ཆོས་དང་ཡིད་ཀྱི་ལྷ་མོ་ཡིས༔ ནམ་མཁའི་ཁམས་ནི་རབ་བཀང་ནས༔ འདོད་པའི་ལྷ་མོ་གཟུགས་བཟང་མ༔ གསལ་བྱེད་མེ་ལོང་ཕྱག་ན་བསྣམས༔ བདེ་གཤེགས་རྒྱལ་བའི་སྤྱན་ལ་འབུལ༔ དགྱེས་པའི་ཚུལ་དུ་བཞེས་སུ་གསོལ༔ སྒྲ་ཡི་ལྷ་མོ་པི་ཝང་བསྣམས༔ བདེ་གཤེགས་རྒྱལ་བའི་སྙན་ལ་འབུལ༔ དགྱེས་པའི་ཚུལ་དུ་བཞེས་སུ་གསོལ༔ དྲི་ཡི་ལྷ་མོ་སྤོས་ཁང་བསྣམས༔ བདེ་གཤེགས་རྒྱལ་བའི་ཤངས་ལ་འབུལ༔ དགྱེས་པའི་ཚུལ་དུ་བཞེས་སུ་གསོལ༔ རོ་ཡི་ལྷ་མོ་དུང་ཕོར་བསྣམས༔ བདེ་གཤེགས་རྒྱལ་བའི་ཞལ་དུ་འབུལ༔ དགྱེས་པའི་ཚུལ་དུ་བཞེས་སུ་གསོལ༔ རེག་བྱའི་ལག་གཉིས་ཡོངས་འཁྱུད་མ༔ འཇམ་དང་རེག་དང་འཁྲིལ་དང་སྦྱོར༔ རེག་བྱའི་ལྷ་མོ་སྐུ་ལ་འབུལ༔ དགྱེས་པའི་ཚུལ་དུ་བཞེས་སུ་གསོལ༔ དབྱིངས་ཀྱི་ལྷ་མོ་བདེ་ཆེན་མ༔ ཕྱག་ན་རྡོ་རྗེ་དྲིལ་བུ་འཛིན༔ དབྱིངས་ཀྱི་ལྷ་མོ་དབྱིངས་ལ་འབུལ༔ སྐུ་གསུང་ཐུགས་མཆོག་མཉེས་གྱུར་ཅིག༔ ཨོཾ་པདྨ་ཤྲཱི་ཧེ་རུ་ཀ་མཎྜ་ལ་ས་པ་རི་ཝཱ་ར་རཱུ་པ་ཤཔྡ་གནྡེ་ར་ས་སྤརྴེ་དྷརྨ་དྷཱ་ཏུ་མ་ཧཱ་པཱུ་ཛ་ཧོཿ ཁྱད་པར་ཚོགས་ཀྱི་མཆོད་པ་འབུལ་བ་ལ༔ ཚོགས་ཞིང་སྤྱན་འདྲེན་ཅིང་བཞུགས་སུ་གསོལ་བ་ནི༔ ཧཱུྃ༔ དབང་གི་རྒྱལ་པོ་ཟླ་གམ་གདེངས་པ་ནས༔ བཅོམ་ལྡན་དཔལ་ཆེན་པདྨ་ཧེ་རུ་ཀ༔ འབར་བའི་རྒྱལ་པོ་ཁྲག་འཐུང་ཡབ་ལྔ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་རྣམས༔ འདོད་ཡོན་ཚོགས་ལ་སྤྱན་འདྲེན་གཤེགས་སུ་གསོལ༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་ནས༔ བཅོམ་ལྡན་དཔལ་ཆེན་རྡོ་རྗེ་གཞོན་ནུ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་རྣམས༔ འདོད་ཡོན་ཚོགས་ལ་སྤྱན་འདྲེན་གཤེགས་སུ་གསོལ༔ ཧཱུྃ༔ གྲུ་གསུམ་སེར་ནག་འབར་བའི་དཀྱིལ་འཁོར་ནས༔ བཅོམ་ལྡན་དཔལ་ཆེན་ཡ་མཱནྟ་ཀ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་རྣམས༔ འདོད་ཡོན་ཚོགས་ལ་སྤྱན་འདྲེན་གཤེགས་སུ་གསོལ༔ ཧཱུྃ༔ གྲུ་གསུམ་སྨུག་ནག་འབར་བའི་དཀྱིལ་འཁོར་ནས༔ བཅོམ་ལྡན་དཔལ་ཆེན་ཕྱག་ན་རྡོ་རྗེ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་རྣམས༔ འདོད་ཡོན་ཚོགས་ལ་སྤྱན་འདྲེན་གཤེགས་སུ་གསོལ༔ ཧཱུྃ༔ གྲུ་གསུམ་ལྗང་ནག་འབར་བའི་དཀྱིལ་འཁོར་ནས༔ བཅོམ་ལྡན་དཔལ་ཆེན་མགོན་པོ་ནག་པོ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་རྣམས༔ འདོད་ཡོན་ཚོགས་ལ་སྤྱན་འདྲེན་གཤེགས་སུ་གསོལ༔ ཧཱུྃ༔ སྟེང་ཕྱོགས་ནམ་མཁའ་ཡངས་པའི་དཀྱིལ་འཁོར་ནས༔ མཁའ་ལྡིང་རྒྱལ་པོ་གསེར་མིག་འཁྱིལ་བ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་རྣམས༔ འདོད་ཡོན་ཚོགས་ལ་སྤྱན་འདྲེན་གཤེགས་སུ་གསོལ༔ ཨོཾ་ཧ་ཡ་གྲཱི་བ༔ པདྨ་ཀྲོ་དྷཱི་ཤྭ་རཱི༔ བཛྲ་པཱ་ཎི༔ བཛྲ་ཀཱི་ལི་ཀཱི་ལ་ཡ༔ མ་ཧཱ་ཀཱ་ལ་ཡཀྴ༔ ཡ་མཱནྟ་ཀ༔ ཀཱ་ལ་རཱུ་པ༔ ཀརྨ་རྃ་རྃ༔ ག་རུ་ཌ༔ བཛྲ་ཨང་ཀུ་ཤ་ཛཿ ཛཿཧཱུྃ་བཾ་ཧོཿ ཧཱུྃ༔ དུར་ཁྲོད་འཇིགས་སུ་རུང་བའི་དཀྱིལ་འཁོར་འདིར༔ དྲེགས་པ་ཕོ་མོ་བསྣོལ་བའི་གདན་སྟེང་དུ༔ ཉི་ཟླ་པདྨ་བརྩེགས་པའི་གདན་སྟེང་ན༔ བདེ་གཤེགས་རྒྱལ་བའི་དཀྱིལ་འཁོར་མ་ལུས་པ༔ མི་གཡོ་དགྱེས་ཤིང་བརྟན་པར་བཞུགས་སུ་གསོལ༔ བཛྲ་ས་མ་ཡ་ཏིཥྛ་ལྷན༔ ཞེས་མདུན་བསྐྱེད་དང་དབྱེར་མེད་དུ་བཞུགས་པར་མོས་ལ༔ ཕུད་དང་པོ་མཆོད་པ་ནི༔ ཧཱུྃ༔ ཟླ་གམ་དམར་པོ་དབང་གི་དཀྱིལ་འཁོར་ན༔ བཅོམ་ལྡན་དཔལ་ཆེན་པདྨ་ཧེ་རུ་ཀ༔ འབར་བའི་རྒྱལ་པོ་ཁྲག་འཐུང་ཡབ་ལྔ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ གཉིས་མེད་གུས་པའི་ཚུལ་གྱིས་ཕྱག་འཚལ་ལོ༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་ན༔ བཅོམ་ལྡན་དཔལ་ཆེན་རྡོ་རྗེ་གཞོན་ནུ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ གཉིས་མེད་གུས་པའི་ཚུལ་གྱིས་ཕྱག་འཚལ་ལོ༔ ཧཱུྃ༔ གྲུ་གསུམ་སེར་ནག་འབར་བའི་དཀྱིལ་འཁོར་ན༔ བཅོམ་ལྡན་དཔལ་ཆེན་ཡ་མཱནྟ་ཀ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ གཉིས་མེད་གུས་པའི་ཚུལ་གྱིས་ཕྱག་འཚལ་ལོ༔ ཧཱུྃ༔ གྲུ་གསུམ་སྨུག་ནག་འབར་བའི་དཀྱིལ་འཁོར་ན༔ བཅོམ་ལྡན་དཔལ་ཆེན་ཕྱག་ན་རྡོ་རྗེ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ གཉིས་མེད་གུས་པའི་ཚུལ་གྱིས་ཕྱག་འཚལ་ལོ༔ ཧཱུྃ༔ གྲུ་གསུམ་ལྗང་ནག་འབར་བའི་དཀྱིལ་འཁོར་ན༔ བཅོམ་ལྡན་དཔལ་ཆེན་མགོན་པོ་ནག་པོ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ གཉིས་མེད་གུས་པའི་ཚུལ་གྱིས་ཕྱག་འཚལ་ལོ༔ ཧཱུྃ༔ སྟེང་ཕྱོགས་ནམ་མཁའ་ཡངས་པའི་དཀྱིལ་འཁོར་ན༔ མཁའ་ལྡིང་རྒྱལ་པོ་གསེར་མིག་འཁྱིལ་པ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ གཉིས་མེད་གུས་པའི་ཚུལ་གྱིས་ཕྱག་འཚལ་ལོ༔ ཨ་ཏི་པུ་ཧོཿ པྲ་ཏཱིཙྪ་ཧོཿ ཧཱུྃ༔ བཅོམ་ལྡན་དཔལ་ཆེན་པདྨ་ཧེ་རུ་ཀ༔ འབར་བའི་རྒྱལ་པོ་ཁྲག་འཐུང་ཡབ་ལྔ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ འདོད་ཡོན་ཚོགས་ཀྱི་མཆོད་པ་འབུལ་ལགས་ན༔ གཉིས་མེད་རོལ་པའི་ཚུལ་གྱིས་བཞེས་སུ་གསོལ༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་ན༔ བཅོམ་ལྡན་དཔལ་ཆེན་རྡོ་རྗེ་གཞོན་ནུ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ འདོན་ཡོན་ཚོགས་ཀྱི་མཆོད་པ་འབུལ་ལགས་ན༔ གཉིས་མེད་རོལ་པའི་ཚུལ་གྱིས་བཞེས་སུ་གསོལ༔ ཧཱུྃ༔ གྲུ་གསུམ་སེར་ནག་འབར་བའི་དཀྱིལ་འཁོར་ན༔ བཅོམ་ལྡན་དཔལ་ཆེན་ཡ་མཱནྟ་ཀ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ འདོད་ཡོན་ཚོགས་ཀྱི་མཆོད་པ་འབུལ་ལགས་ན༔ གཉིས་མེད་རོལ་པའི་ཚུལ་གྱིས་བཞེས་སུ་གསོལ༔ ཧཱུྃ༔ གྲུ་གསུམ་སྨུག་ནག་འབར་བའི་དཀྱིལ་འཁོར་ན༔ བཅོམ་ལྡན་དཔལ་ཆེན་ཕྱག་ན་རྡོ་རྗེ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ འདོད་ཡོན་ཚོགས་ཀྱི་མཆོད་པ་འབུལ་ལགས་ན༔ གཉིས་མེད་རོལ་པའི་ཚུལ་གྱིས་བཞེས་སུ་གསོལ༔ ཧཱུྃ༔ གྲུ་གསུམ་ལྗང་ནག་འབར་བའི་དཀྱིལ་འཁོར་ན༔ བཅོམ་ལྡན་དཔལ་ཆེན་མགོན་པོ་ནག་པོ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ འདོད་ཡོན་ཚོགས་ཀྱི་མཆོད་པ་འབུལ་ལགས་ན༔ གཉིས་མེད་རོལ་པའི་ཚུལ་གྱིས་བཞེས་སུ་གསོལ༔ ཧཱུྃ༔ སྟེང་ཕྱོགས་ནམ་མཁའ་ཡངས་པའི་དཀྱིལ་འཁོར་ན༔ མཁའ་ལྡིང་རྒྱལ་པོ་གསེར་མིག་འཁྱིལ་བ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ འདོད་ཡོན་ཚོགས་ཀྱི་མཆོད་པ་འབུལ་ལགས་ན༔ གཉིས་མེད་རོལ་པའི་ཚུལ་གྱིས་བཞེས་སུ་གསོལ༔ མ་ཧཱ་པཱུ་ཛ་ས་མ་ཡེ་ཧཱུྃ༔ ཧཱུྃ༔ བཅོམ་ལྡན་དཔལ་ཆེན་པདྨ་ཧེ་རུ་ཀ༔ འབར་བའི་རྒྱལ་པོ་ཁྲག་འཐུང་ཡབ་ལྔ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ དུག་གསུམ་པདྨར་སྦྱར་བའི་རྫས་མཆོག་དང་༔ སྦྱོར་དང་སྒྲོལ་བའི་བདུད་རྩིར་ཚོགས་ལགས་ཀྱིས༔ འདོད་རྒུའི་མཆོད་པ་འབུལ་ལོ་བཞེས་སུ་གསོལ༔ ཧཱུྃ༔ གྲུ་གསུམ་མཐིང་ནག་འབར་བའི་དཀྱིལ་འཁོར་ན༔ བཅོམ་ལྡན་དཔལ་ཆེན་རྡོ་རྗེ་གཞོན་ནུ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ དུག་གསུམ་པདྨར་སྦྱར་བའི་རྫས་མཆོག་དང་༔ སྦྱོར་དང་སྒྲོལ་བའི་བདུད་རྩིར་ཚོགས་ལགས་ཀྱིས༔ འདོད་རྒུའི་མཆོད་པར་འབུལ་ལོ་བཞེས་སུ་གསོལ༔ ཧཱུྃ༔ གྲུ་གསུམ་སེར་ནག་འབར་བའི་དཀྱིལ་འཁོར་ན༔ བཅོམ་ལྡན་དཔལ་ཆེན་ཡ་མཱནྟ་ཀ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ དུག་གསུམ་པདྨར་སྦྱར་བའི་རྫས་མཆོག་དང་༔ སྦྱོར་དང་སྒྲོལ་བའི་བདུད་རྩིར་ཚོགས་ལགས་ཀྱིས༔ འདོད་རྒུའི་མཆོད་པར་འབུལ་ལོ་བཞེས་སུ་གསོལ༔ ཧཱུྃ༔ གྲུ་གསུམ་སྨུག་ནག་འབར་བའི་དཀྱིལ་འཁོར་ན༔ བཅོམ་ལྡན་དཔལ་ཆེན་ཕྱག་ན་རྡོ་རྗེ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ དུག་གསུམ་པདྨར་སྦྱར་བའི་རྫས་མཆོག་དང་༔ སྦྱོར་དང་སྒྲོལ་བའི་བདུད་རྩིར་ཚོགས་ལགས་ཀྱིས༔ འདོད་རྒུའི་མཆོད་པར་འབུལ་ལོ་བཞེས་སུ་གསོལ༔ ཧཱུྃ༔ གྲུ་གསུམ་ལྗང་ནག་འབར་བའི་དཀྱིལ་འཁོར་ན༔ བཅོམ་ལྡན་དཔལ་ཆེན་མགོན་པོ་ནག་པོ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ དུག་གསུམ་པདྨར་སྦྱར་བའི་རྫས་མཆོག་དང་༔ སྦྱོར་དང་སྒྲོལ་བའི་བདུད་རྩིར་ཚོགས་ལགས་ཀྱིས༔ འདོད་རྒུའི་མཆོད་པ་འབུལ་ལོ་བཞེས་སུ་གསོལ༔ ཧཱུྃ༔ སྟེང་ཕྱོགས་ནམ་མཁའ་ཡངས་པའི་དཀྱིལ་འཁོར་ན༔ མཁའ་ལྡིང་རྒྱལ་པོ་གསེར་མིག་འཁྱིལ་བ་དང་༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་ལ༔ དུག་གསུམ་པདྨར་སྦྱར་བའི་རྫས་མཆོག་དང་༔ སྦྱོར་དང་སྒྲོལ་བའི་བདུད་རྩིར་ཚོགས་ལགས་ཀྱིས༔ འདོད་རྒུའི་མཆོད་པ་འབུལ་ལོ་བཞེས་སུ་གསོལ༔ ཨོཾ་ཤྲཱི་པདྨ་ཧེ་རུ་ཀ་ས་པ་རི་ཝཱ་ར་མ་ཧཱ་ག་ཎ་ཙ་ཀྲ་པཱུ་ཛཿཧོཿ བར་པ་སྐོང་ཞིང་བཤགས་པ་ནི༔ ཧཱུྃ༔ དབང་ཆེན་རྟ་མཆོག་རོལ་པའི་ལྷ་ཚོགས་རྣམས༔ དམིགས་མེད་བརྩེ་བའི་ཐུགས་ཀྱིས་བདག་ལ་དགོངས༔ བདག་ཅག་མ་རིག་ཡིད་ཀྱིས་འཁྲུལ་པ་ལས༔ བག་མེད་ཚུལ་གྱིས་དམ་ལས་འགལ་གྱུར་རྣམས༔ ཞལ་ཟས་ཚོགས་ཀྱི་མཆོད་པས་ཐུགས་དམ་བསྐང་༔ མཐོལ་ལོ་བཤགས་སོ་ཚངས་པ་སྩལ་དུ་གསོལ༔ ཞེས་དང་ཡི་གེ་བརྒྱ་པ་བརྗོད༔ ཐ་མ་ཚོགས་བསྒྲལ་ནི༔ དམིགས་རྟེན་དང་བཅས་འབེམ་དུ་བཅས་ལ༔ སྤྲོ་ན་ཐུགས་དམ་བསྐུལ༔ གསེར་སྐྱེམས་མཆོད༔ དཔང་དུ་གཟུག་པ་སོགས་སྤྱི་ལྟར་བྱ༔ གང་ལྟར་ཡང་༔ ཨེ་ལས་གྲུ་གསུམ་མཐིང་ནག་འབར་བའི་ཧོཾ་ཁུང་རྒྱ་ཆེ་ཞིང་གཏིང་ཟབ་པར་དམིགས་རྟེན་ནྲྀ་དང་ཏྲི་ལས་དགྲ་བགེགས་གདུག་པ་ཅན་དངོས་སུ་གསལ་བར་གྱུར༔ ཧཱུྃ༔ འབར་བའི་རྒྱལ་པོ་བཅོམ་ལྡན་ཧེ་རུ་ཀ༔ པདྨ་དབང་ཆེན་ཐུགས་དམ་དུས་ལ་བབ༔ བསྟན་པ་བཤིག་པའི་དགྲ་དང་བགེགས་ཀྱི་ཚོགས༔ མྱུར་དུ་ཁུག་ལ་བསྒྲལ་བའི་ལས་མཛོད་ཅིག༔ ཅེས་བསྐུལ༔ སོ་སོའི་ཕྱག་རྒྱ་དང་སྟངས་སྟབས་བསྒྱུར་ཞིང་༔ ཛཿ ཁྲག་འཐུང་ལྷ་ཚོགས་ཐུགས་ལས་སྤྲུལ་པ་ཡི༔ ལྕགས་ཀྱུ་དཀར་མོའི་ཚོགས་ནི་སྐར་ལྟར་འཁྲུགས༔ དགྲ་བགེགས་རྣམ་ཤེས་རྟེན་ལ་མྱུར་དུ་ཁུག༔ ཁུག་ཅིག་བཛྲ་ཨཾ་ཀུ་ཤ་ཡ་ཛཿ ཧཱུྃ༔ ཁྲག་འཐུང་ལྷ་ཚོགས་ཐུགས་ལས་སྤྲུལ་པ་ཡི༔ ཞགས་པ་སེར་མོའི་ཚོགས་ནི་སེར་ལྟར་འདྲིལ༔ དགྲ་བགེགས་རྣམ་ཤེས་རྟེན་དང་དབྱེར་མེད་སྟིམ༔ སྟིམས་ཤིག་བཛྲ་ཨཱ་བེ་ཤ་ཡ་ཧཱུྃ༔ བྃ༔ ཁྲག་འཐུང་ལྷ་ཚོགས་ཐུགས་ལས་སྤྲུལ་པ་ཡི༔ ལྕགས་སྒྲོག་དམར་མོའི་ཚོགས་ནི་ཟེར་ལྟར་འཁྲུགས༔ དགྲ་བགེགས་རྣམ་ཤེས་རྟེན་དང་དབྱེར་མེད་ཆིངས༔ ཆིངས་ཤིག་བཛྲ་སྥོ་ཊ་ཡ་བྃ༔ ཧོ༔ ཁྲག་འཐུང་ལྷ་ཚོགས་ཐུགས་ལས་སྤྲུལ་པ་ཡི༔ དྲིལ་བུ་ལྗང་མོའི་ཚོགས་ནི་ཐོག་ལྟར་འབེབས༔ དགྲ་བགེགས་ལུས་སེམས་རབ་ཏུ་མྱོས་པར་གྱིས༔ མྱོས་ཤིག་བཛྲ་གྷཱཎྜེ་ག་ཡ་ཧོཿ ཕཊཿ ཁྲག་འཐུང་ལྷ་ཚོགས་ཐུགས་ལས་སྤྲུལ་པ་ཡི༔ དབྱེ་བྱེད་འུག་གདོང་ཚོགས་ནི་ཆར་ལྟར་འབེབས༔ དགྲ་བགེགས་རྣམ་ཤེས་མགོན་སྐྱབས་ལྷ་དང་ཕྲོལ༔ ལྷ་དང་ཕྲོལ་ཅིག་པྲ་བེ་ཤ་ཡ་ཕཊ༔ ཨཱཿ ཁྲག་འཐུང་ལྷ་ཚོགས་ཐུགས་ལས་སྤྲུལ་པ་ཡི༔ འབེབས་བྱེད་སྤྱང་མོའི་ཚོགས་ནི་མུན་ལྟར་གཏིབས༔ དགྲ་བགེགས་རྣམ་ཤེས་ཕུང་པོའི་རྟེན་ལ་ཕོབ༔ ཕོབ་ཅིག་བཛྲ་ཨཱ་བེ་ཤ་ཡ་ཨཿ ཞེས་དང་བསྙེན་སྔགས་ཀྱི་མཐར་བཛྲ་ཨཾ་ཀུ་ཤ་སོགས་བཏགས་པ་དང་༔ རྒྱས་པར་སྤྲོ་ན་འགུགས་བསྟིམ་གཞན་ཡང་བྱ༔ དེ་ནས་ཕུར་པ་ཐོགས་ལ༔ ཧཱུྃ༔ ང་ནི་ཆེ་མཆོག་པདྨ་ཧེ་རུ་ཀ༔ ཕྱག་གཡས་ལྕགས་ཀྱུས་དགྲ་བགེགས་འཆོར་མེད་གཟུང་༔ གཡོན་པས་ཕུར་བུས་དགྲ་བགེགས་སྙིང་གར་གཟིར༔ ཚེ་དང་བསོད་ནམས་དྲངས་ལ་རང་ལ་བསྟིམ༔ འོད་ཟེར་བདུད་རྩིས་རྒྱུད་དྲུག་དྲི་མ་སྦྱངས༔ རྣམ་ཤེས་འོག་མིན་ཆོས་དབྱིངས་ཀློང་དུ་ཕཊ༔ སྙིགས་མ་རྡུལ་དུ་བྱས་ནས་ཚོགས་སུ་འབུལ༔ སྔགས་མཐར་སརྦ་དུཥྟཱཾ་ཨ་ཡཾ་ཕཊ༔ མཱ་ར་ཡ་རྦད༔ ཅེས་གདབ༔ ཐུན་བྲབས༔ རལ་གྲི་ཐོགས་ལ༔ ཧཱུྃ༔ ང་ནི་ལས་ཀྱི་འཇམ་དཔལ་གཤིན་རྗེ་གཤེད༔ ཡེ་ཤེས་རལ་གྲི་འབར་བ་རྣོ་ངར་གདེངས༔ དགྲ་བགེགས་ཕོ་རྣམས་རྐང་པ་གཡས་ནས་བཏུབས༔ དགྲ་བགེགས་མོ་རྣམས་རྐང་པ་གཡོན་ནས་གཏུབས༔ ཁོག་པ་ཁ་ཕྱེ་རྡུལ་ཕྲན་བཞིན་དུ་བྱ༔ སརྦ་དུཥྟཱན་མཱ་ར་ཡ་བྷིནྡྷ་བྷིནྡྷ་ཧཱུྃ་ཕཊ༔ ཅེས་དུམ་བུར་གཏུབས༔ བསྟབ་པ་ནི༔ ཧཱུྃ༔ བཅོམ་ལྡན་དཔལ་ཆེན་པདྨ་ཧེ་རུ་ཀ༔ འབར་བའི་རྒྱལ་པོ་ཁྲག་འཐུང་ཡབ་ལྔ་དང་༔ བཅོམ་ལྡན་དཔལ་ཆེན་རྡོ་རྗེ་གཞོན་ནུ་དང་༔ ལྷ་ཡི་རྒྱལ་པོ་འཇམ་དཔལ་གཤིན་རྗེ་གཤེད༔ གསང་བའི་བདག་པོ་བཅོམ་ལྡན་གོས་སྔོན་ཅན༔ མགོན་པོ་ནག་པོ་ཆོས་སྐྱོང་ཡོངས་ཀྱི་རྗེ༔ མཁའ་ལྡིང་རྒྱལ་པོ་བྱ་ཁྱུང་ག་རུ་ཌ༔ ཡེ་ཤེས་སྤྲུལ་པའི་ཁྲོ་ཚོགས་བཅས་པ་རྣམས༔ སྐུ་ནི་རྔམས་བརྗིད་འཇིགས་པའི་འོད་དང་ལྡན༔ གཏུམ་པའི་ཞལ་གདངས་རྡོ་རྗེའི་མཆེ་བ་གཙིགས༔ གདུག་པའི་དགྲ་བགེགས་མ་ལུས་ཞལ་དུ་བསྟབས༔ ལྷག་མེད་བཞེས་ཤིག་རོལ་ཅིག་ཁ་རཾ་ཁཱ་ཧི༔ ཤྲཱི་པདྨ་ཧེ་རུ་ཀ་མ་ཧཱ་བཛྲ་ས་མ་ཡ་སརྦ་དུཥྟཱན་མཱཾ་ས་རཀྟ་ཀིཾ་ནི་རི་ཏི་ཙིཏྟ་བ་སུ་ཏ་གོ་རོ་ཙ་ན་ཁ་རཾ་ཁཱ་ཧི༔ ཞེས་ཕུལ་ལོ༔ དེ་ནས་རྣལ་འབྱོར་པ་རྣམས་ཀྱིས་ཡོ་བྱད་ལ་ཚིམས་པར་རོལ༔ ལྷག་ཆོག་རྒྱས་པར་བྱ༔ བསྡུ་ན་བྱིན་གྱིས་བརླབས་ལ༔ ཧཱུྃ༔ དཔལ་ཆེན་བྲན་དང་བཀའ་ཉན་ཕོ་ཉའི་ཚོགས༔ མཐུ་ཆེན་རྩལ་དྲག་དྲག་ཤུལ་སྟོབས་ལྡན་དང་༔ ཁས་བླངས་དང་བཅས་འཇིག་རྟེན་མ་མོའི་ཚོགས༔ ཁ་རག་ལ་སོགས་བཅུ་གཉིས་འཁོར་དང་བཅས༔ བ་ལིཾ་འབུལ་ལོ་བྱམས་པའི་སྡོང་གྲོགས་མཛོད༔ འཁོར་སྲུང་རྐྱེན་ཟློག་ཚེ་དང་བསོད་ནམས་སྤེལ༔ མི་མཐུན་ཀུན་ཞི་མཐུན་རྐྱེན་ཡིད་བཞིན་སྒྲུབས༔ བཛྲ་ས་མ་ཡ་ཨུཙྪིཥྟ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཞེས་འབུལ་ཞིང་བཤལ་ཆུས་ཀྱང་མཆོད༔ ཚོགས་ཀྱི་སྨོན་ལམ་ཡང་གདབ་བོ༔ དེ་ནས་སྤྲོ་ན་སྐུལ་དང་ཆད་མདོ་བྲོ་རབས་སོགས་རྒྱས་པར་བྱ༔ དུས་རྒྱུན་དུ་མི་སྤྲོ་ན་མ་བྱས་ཀྱང་རུང་༔ རྗེས་ཆོག་དངོས་ནི༔ གཏང་རག་གི་མཆོད་བསྟོད་བྱ༔ དངོས་གྲུབ་བླང་བའི་ཕྱིར་གཏོར་ཆེན་དང་དངོས་གྲུབ་ཀྱི་རྫས་བཏེགས་ལ༔ ཧཱུྃ༔ མཁའ་ལྟར་ཁྱབ་པའི་པདྨ་དབང་ཆེན་ལྷས༔ དངོས་གྲུབ་སྩལ་དང་སྩོལ་བར་མི་དམིགས་ཀྱང་༔ བདག་ཅག་གཉིས་སྣང་དྲི་མ་སྦྱང་བའི་ཕྱིར༔ སྐུ་གསུང་ཐུགས་ཀྱི་སིདྡྷི་སྩལ་དུ་གསོལ༔ ཀཱ་ཡ་སིདྡྷི་ཨོཾ༔ ཝཱ་ཀ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ སརྦ་སིདྡྷི་ཕ་ལ་ཨ་ལ་ལ་ཧོཿ ཞེས་བརྗོད་ཅིང་གཏོར་མ་གནས་གསུམ་དུ་རེག༔ དངོས་གྲུབ་ཀྱི་རྫས་ལ་ལོངས་སྤྱད༔ བཤགས་པ་ནི༔ ཐལ་མོ་སྦྱར་ཏེ༔ ལེགས་སྤྱད་འདི་ལ་ཉེས་བྱས་དང་༔ གཞན་ཡང་སྒོ་གསུམ་སྡིག་ལྟུང་ཚོགས༔ གང་རྣམས་ལུས་ཅན་སྐྱབས་གྱུར་པ༔ དེ་ཀུན་ཁྱོད་ཀྱིས་བཟོད་མཛད་གསོལ༔ ཨཱ་ལི་ཀཱ་ལི་དང་ཡིག་བརྒྱ་མང་དུ་བཟླའོ༔ བསྡུ་རིམ་ནི༔ བདག་དང་སྣོད་བཅུད་གཞལ་ཡས་ལྷ་ཚོགས་ཀུན༔ མཁའ་ལ་སྤྲིན་ལྟར་མི་དམིགས་ངང་དུ་ཐིམ༔ ཐོག་མཐའ་དབུས་མེད་སྨྲ་བསམ་བརྗོད་ལས་འདས༔ དེ་བཞིན་ཉིད་དབྱིངས་མ་བཅོས་ཀློང་དུ་བཞག༔ ཅེས་དགོངས་པ་བསྐྱང་༔ ཐུན་མཚམས་སུ༔ སླར་ཡང་རང་ཉིད་སྐད་ཅིག་གི་པདྨ་དབང་ཆེན་གྱི་སྐུར་གྱུར་པའི་གནས་གསུམ་དུ་ཨོཾ་ཨཱཿཧཱུྃ་དང་༔ བ་སྤུའི་བུ་ག་ཐམས་ཅད་ཀྱང་ཁྲོ་ཆུང་གི་གོ་ཆས་གཏམས་པར་བསམ༔ དགེ་བ་འདི་ཡིས་བདག་གཞན་སེམས་ཅན་ཀུན༔ པདྨ་དབང་ཆེན་གོ་འཕང་འགྲུབ་གྱུར་ནས༔ མི་མཐུན་འཇིགས་པའི་བདུད་བཞིའི་ཚོགས་བཅོམ་ཞིང་༔ བླ་མེད་སྐུ་དང་ཡེ་ཤེས་ལྡན་པར་ཤོག༔ ཅེས་དགེ་བ་བསྔོ༔ བཀྲ་ཤིས་ནི༔ བདེ་གཤེགས་ཀུན་འདུས་པདྨ་ཧེ་རུ་ཀ༔ རྡོ་རྗེའི་གར་མཛད་སྲིད་གསུམ་དྲེགས་པ་འདུལ༔ རྟ་མཆོག་དབང་གི་བཀྲ་ཤིས་གང་ལགས་པ༔ དེང་འདིར་གསལ་ཞིང་བཀྲ་ཤིས་བདེ་ལེགས་ཤོག༔ དབང་གི་ཡུམ་ཆེན་པདྨ་གཟི་ལྡན་མ༔ བདེ་ཆེན་འབྲལ་མེད་ཡབ་ཀྱི་སྐུ་ལ་འཁྲིལ༔ ཤེས་རབ་མཁའ་འགྲོའི་བཀྲ་ཤིས་གང་ལགས་པ༔ དེང་འདིར་གསལ་ཞིང་བཀྲ་ཤིས་བདེ་ལེགས་ཤོག༔ བདུད་བཞིའི་དཔུང་བཅོམ་ཡེ་ཤེས་བཞི་དང་ལྡན༔ རིགས་བཞིའི་ཁྲོ་ཆེན་ཤེས་རབ་ལྷ་མོར་བཅས༔ སྙིང་རྗེ་ཁྲོས་པའི་བཀྲ་ཤིས་གང་ལགས་པ༔ དེང་འདིར་གསལ་ཞིང་བཀྲ་ཤིས་བདེ་ལེགས་ཤོག༔ ཕྱོགས་བཅུའི་བགེགས་འཇོམས་ཁྲོ་རྒྱལ་ཆེན་པོ་དང་༔ བྱ་ཁྱུང་རྒྱལ་པོ་ཚད་མེད་སྒོ་སྐྱོང་བཞི༔ དཀྱིལ་འཁོར་ཡོངས་རྫོགས་བཀྲ་ཤིས་གང་ལགས་པ༔ དེང་འདིར་གསལ་ཞིང་བཀྲ་ཤིས་བདེ་ལེགས་ཤོག༔ བདག་དང་ཡོན་གྱི་བདག་པོ་འཁོར་བཅས་རྣམས༔ མི་མཐུན་ཀུན་ཞི་ཚེ་བསོད་ཡེ་ཤེས་རྒྱས༔ དངོས་གྲུབ་རྣམ་གཉིས་དཀའ་བ་མེད་པར་འགྲུབ༔ བཀྲ་ཤིས་ཤིན་ཏུ་རྣམ་པར་རྒྱལ་གྱུར་ཅིག༔ ཅེས་མེ་ཏོག་འཐོར་ཞིང་རོལ་མོའི་སྒྲ་དང་བཅས་ཏེ་དགེ་ལེགས་སུ་བྱའོ༔ ཨོ་རྒྱན་གྱི་སློབ་དཔོན་པདྨ་འབྱུང་གནས་ཀྱིས་རྗེ་ལྷ་གཅིག་མངའ་བདག་ཁྲི་སྲོང་ལྡེའུ་བཙན་དང་༔ ལོ་ཆེན་བཻ་རོ་ཙ་ན་ལ་རྗེས་སུ་གདམས་པའི་དཔལ་རྟ་མཆོག་རོལ་པ་བདེ་གཤེགས་དྲེགས་པ་ཀུན་སྒྲོལ་གྱི་ཕྲིན་ལས་ཀྱི་བྱང་བུ་རྣམས་དང་༔ མངོན་པར་རྟོགས་པ་ཁྲིགས་སུ་བསྡེབས་པ་རྫོགས་སོ༔

[edit]

@#:__dpal rta mchog rol pa bde gshegs dregs pa kun sgrol gyi phrin las dang mngon rtogs khrigs su bsdebs pa bzhugs so:dbang gi rgyal po khro bo rta mgrin la phyag 'tshal lo:__rta mchog bde gshegs 'dus pa'i phrin las kyi rim pa ni:__bdag nyid bskyed bsgom gsal bar byas la:__dang po mtshams bcad pa ni:__bgegs gtor byin gyis brlabs la:__bden pa bdar te 'di skad do:__hU~M:__yang dag gsang ba'i dkyil 'khor 'dir:__'du ba'i lha la ma gtogs pa'i:__mi dang mi min 'byung po'i tshogs:__rgyud drug gnas pa'i sems can rnams:__sngags dang bcas pa'i sbyin gtor gyis:__khyod kyi re ba bskangs zin gyi:__'di ru ma gnas gzhan du dengs:__ci ste mi 'gro 'dug gyur na:__rdo rje 'dzin rgyal khros nas ni:__tho chen lcags kyu 'khrigs pa dang :__ral gri mtshon cha mang po yis:__khyod kyi lus srog ma lus kun:__rdul phran bzhin du brlag par byed:__phaT na mas+sa man+ta kA ya wA ka tsit+ta nan hU~M phaT:__hU~M:_phyogs mtshams kun tu rdo rje'i me:__rnam par 'bar zhing 'phros pas ni:__ma rungs pa ni tshig par 'gyur:__bgegs rnams thams cad so sor byer:__raM raM dz+wa la raM badz+ra dz+wa la raM badz+ra dz+wa la a na lArka hU~M hU~M:__sngags de lan gsum bzlas pas:__rang yi dam gyi lhar bsgoms pa'i:__spyan g.yas pa nyi ma las me byung bas bsregs:__g.yon zla ba las chu byung bas bkrus:__shangs nas rlung byung bas gtor bar bsam:__de nas phyogs bcu khro bos mtshams bcad pa ni:__hU~M:_pad+ma dbang gi dkyil 'khor du:__phyogs bcu'i gdug pa tshar gcod pa'i:__dbang gi las mdzad khro bo bcu:__phyogs mtshams dregs pa'i gdan la bzhugs:__zhi rgyas dbang dang mngon spyod sogs:__so so'i las rnams grub par mdzod:__hU~M:_shar gyi phyogs nas mtshams gcod pa:__rnam par rgyal ba khro bo'i rgyal:__dri za la sogs gdon tshogs rnams:__khro chen 'bar bas mtshams chod cig:__hU~M:__lho yi phyogs nas mtshams gcod pa:__gshin rje rgyal po khro bo'i rgyal:__grul bum la sogs gdon tshogs rnams:__khro chen 'bar bas mtshams chod cig:__hU~M:_nub kyi phyogs nas mtshams gcod pa:__rta mgrin rgyal po khro bo'i rgyal:__klu la sogs pa'i gdon tshogs rnams:__khro chen 'bar bas mtshams chod cig:__hU~M:_byang gi phyogs nas mtshams gcod pa:__bdud rtsi 'khyil ba khro bo'i rgyal:__gnod sbyin la sogs gdon tshogs rnams:__khro chen 'bar bas mtshams chod cig:__hU~M:_shar lho'i mtshams nas mtshams gcod pa:__khro bo'i rgyal po dbyug sngon can:__me lha 'dul mdzad dbyug pa phyar:__'jigs byed chen po khro bo'i rgyal:__drang srong la sogs gdon tshogs rnams:__mtshams kyi khro bos mtshams chod cig:__hU~M:_lho nub mtshams nas mtshams gcod pa:__mi g.yo mgon po khro bo'i rgyal:__srin po 'dul 'dzad ral gri phyar:__bdud 'dul chen po khro bo'i rgyal:__srin po la sogs gdon tshogs rnams:__mtshams kyi khro bos mtshams chod cig:__hU~M:_nub byang mtshams nas mtshams gcod pa:__khro chen gzhan gyis mi thub pa:__rlung lha 'dul mdzad tho ba phyar:__rlung lha la sogs gdon tshogs rnams:__mtshams kyi khro bos mtshams chod cig:__hU~M:_byang shar mtshams nas mtshams gcod pa:__khro bo'i rgyal po khams gsum rgyal:__'byung po 'dul mdzad rdo rje phyar:__dbang ldan la sogs gdon tshogs rnams:__mtshams kyi khro bos mtshams chod cig:__hU~M:_steng gi phyogs nas mtshams gcod pa:__hU~M ka ra ste khro bo'i rgyal:__steng phyogs lha rnams 'dul mdzad pa:__gza' skar la sogs gdon tshogs rnams:__khro chen 'bar bas mtshams chod cig:__hU~M:_'og gi phyogs nas mtshams gcod pa:__stobs po che ste khro bo'i rgyal:__'og phyogs bdag 'dul mdzad pa:__sa bdag la sogs gdon tshogs rnams:__khro chen 'bar bas mtshams chod cig:__khro bo chen po bcu rnams kyang :__zhal gsum phyag drug gdug pa 'dul:__phyag na mtshon cha sna tshogs bsnams:__mtshon cha'i rtse las me ri 'bar:__me phung klong nas mtshon phran 'phro:__rdo rje phur pa ral gri dang :__tho ba dgra s+t+wa zhags pa dang :__bing dang 'khor lo tho lum dang :__ti li shag ti tho lum dang :__mda' dang gtun shing kha T+wA~M ga:__dril bu lcags kyu rdo rje dang :__mtshon cha sna tshogs 'phros pa yis:__bgegs kyi sbyor ba mtshams chod cig:__sku yi ba spu re re las:__khro chung sprul pa skar ltar 'phro:__steng 'og phyogs mtshams khro bo gtams:__khro bo 'bar ba'i gur chen la:__bgegs zhes bya ba'i ming yang med:__thams cad dbang gi da la ste:__pad+ma dbang gi mtshams las ma 'da' zhig:__oM ha ya grI ba pad+ma kro d+hI shA rI:__badz+ra pa Ni badz+ra kI li kI la ya:__ma hA kA la yak+Sha ya mAn+ta ka:__kA la rU pa karma raM raM dz+wa la raM hU~M hU~M phaT:__oM ga ru Da tsa le tsa le hU~M phaT:__oM kro d+ha ni kro d+ha ni bi dza ya ha na ha na hU~M phaT:__oM kro d+ha ni kro d+ha ni nI la daN+Da da ha da ha hU~M phaT:__oM kro d+ha ni kro d+ha ni ya mAn+ta ka pa tsa pa tsa hU~M phaT:__oM kro d+hA ni kro d+ha ni Ar+ya a tsa la b+han+d+ha b+han+d+ha hU~M phaT:__oM kro d+ha ni kro d+ha ni ha ya grI ba hu lu hu lu hU~M phaT:__oM kro d+ha ni kro d+ha ni a pa rA dzi ta tiSh+Tha tiSh+Tha hU~M phaT:__oM kro d+ha ni kro d+ha ni a mr-i ta kun+d+ha li tshin+d+ha tshin+d+ha hU~M phaT:__oM kro d+ha ni kro d+ha ni trai lo kya bi dza ya b+hin+d+ha b+hin+d+ha hU~M phaT:__oM kro d+ha ni kro d+ha ni hU~M ka ra gardza gardza hU~M phaT:__oM kro d+ha ni kro d+ha ni ma hA bA la s+pho Ta s+pho Ta hU~M phaT:__zhes ting nge 'dzin dang ldan pas mtshams bcad do:__de nas skyabs su 'gro ba ni:__bdag dang khams gsum sems can rnams:__bla ma rnams la skyabs su mchi:__yi dam lha la skyabs su mchi:__mkha' 'gro'i tshogs la skyabs su mchi:__khyed rnams thugs rje dgongs nas kyang :__byin gyis brlab cing bskyab mdzad gsol:__sems bskyed ni:__bdag gis sems can thams cad kyi don du dpal rta mgrin gyi go 'phang thob par byas nas:__bdag la gnod par byed cing 'tshe ba thams cad snying rje chen pos log rtog bcom ste bde gshegs kyi sa la 'god par bya'o:__mchod gtor byin gyis brlab pa ni:__hU~M zhes brjod pas mchod gtor gyi bgegs bsang ste stong pa'i ngang las:__b+h+rU~M las gnas khang rin po che'i pho brang brgyan dang ldan pa yangs shing rgya cher bkod pa'i dbus su:__oM AHhU~M las nyer spyod 'dod yon rgyal srid sna bdun lha'i zhal zas rmad du byung ba'i mchod sprin rgya mtshos gang zhing tshogs zhing dkyil 'khor lha dang bcas pas longs spyod par gyur:__oM AHhU~M:__mchod pa 'byung ba'i sngags kyang brjod do:__de nas brda'i sgo dbye ba ni:__hU~M:_srid gsum gzhal yas rang bzhin la:__phyogs dang rgya yang ma chad pa'i:__mnyam sbyor bdag nyid chen por gnas:__de bzhin nyid dbyings dkyil 'khor du:__gsang ba'i dngos grub thob bya'i phyir:__dbang chen dkyil 'khor sgo phyes shig:__hrIHpra we sha ya phaTaH__de nas brda' phyag bskul ba ni:__hrIH__dbang chen sangs rgyas kun gyi gtso:__bde chen 'du 'bral med pa'i mchog:__dbang chen rta mchog 'khor bcas la:__mi phyed dad pas phyag 'tshal lo:__de nas dam bca' ba ni:__hU~M:_bdud dang srin po ma lus 'dul ba dang :__gdug pa'i dgra bgegs ma lus bsgral ba dang :__dbang dang dngos grub ma lus thob bya'i phyir:__khyed kyi phrin las ma lus 'gro ba'i don du bgyi:__hU~M sa ma ya s+t+waM:__bdag la byin dbab pa ni:__hrIH__srid gsum gdug pa ma lus 'dul ba dang :__dbang dang dngos grub ma lus blang bya'i phyir:__dus gsum bde gshegs 'khor bcas dang :__dbang chen yi dam lha tshogs dang :__chos skyong srung ma rig 'dzin rnams:__dkyil 'khor 'di la brtan par bzhugs:__rnal 'byor bdag la dbang zhig skur:__mthu dang rdzu 'phrul byin gyis rlobs:__sarba sa ma ya A be sha ya a AH__de nas bshags pa bya ba ni:__hU~M:_skyes mchog mtha' yas rgya mtsho 'dra kun la:__blo chung bdag 'dras spros pa 'di gsol nas:__rgyud lnga'i skye bos 'phya bar rang mod kyang :__ye shes spyan gyis da gzigs bzod par gsol:__thugs rje'i ngang nyid bskul yang mi 'tshal te:__blo chung sbyang phyir dad pas spyan 'dren na:__skyon med byams pa'i sems kyis 'dir gshegs la:__bdag rtog tshogs skyon kun nas gsal du gsol:__rtsa ba yan lag dam tshig 'gal gyur pa:__rta mchog 'khor bcas sku la bzod par gsol:__bzod par bzhes nas tshangs pa stsal du gsol:__zhes dang yi ge brgya pa'ang brjod do:__khyad par gyi mchod pa tshogs dang gtor ma sogs gang byed kyang sman raka gtor gsum byin gyis brlab par bya ste:__de la thog mar sman byin gyis brlab pa ni:__oM zhes brjod pas thod pa'i snod dam rdzas dang bcas pa mi dmigs te stong par bsam:__stong pa'i ngang las kaM las thod pa'i sgyed bu gsum gyi dbus su ra~M las me'i dkyil 'khor zur gsum pa:__de'i 'og tu ya~M las rlung gi dkyil 'khor gzhu'i dbyibs can ba dan bzhis mtshan pa:__steng du a las ka pA la phyi dkar la nang dmar ba yangs shing rgya che ba:__hU~M las dam tshig chen po'i bdud rtsi gang ba'i steng du oM AHhU~M swA hA' las rigs lnga yab yum bcur gyur:__rang gi thugs ka nas 'od zer 'phros pas ya~M la phog:__ya~M las rlung byung :__rlung gis me sbar:__mes thod pa dros:__rdzas rnams zhu zhing khol ba'i klong du rigs lnga yab yum snyoms par zhugs pa'i sbyor mtshams nas byang chub sems dkar dmar 'dres par mer gyis gang zhing :__slar yang rigs lnga yab yum bcu 'od du zhu ba las ye shes kyi bdud rtsi 'od zer lnga dang ldan pa kha dog dkar la dmar ba'i mdangs chags pa dpag tu med pa 'khyil bar gyur:__oM AHhU~M sarba pany+tsa a mr-i ta hU~M hrIHThaH__zhes lan gsum mam bdun brjod pas byin gyis brlab:__oM badz+ra a mr-i ta kuN+Da lI ha na ha na hU~M phaT:__zhes lan gsum brjod pa'i dang po'i dus rdo rje'i rtse mos bdud rtsi dkrugs:__gnyis pa phyogs bcur gtor bas bgegs rigs thams cad tshar bcad:__gsum pa gnas khang la gtor bas phyi nang thams cad khro chung gis go mtshams med par gtams par bsam mo:__gnyis pa rak+ta byin gyis brlab pa ni:__oM zhes brjod pas rak+ta'i rdzas kyi dngos po thams cad shin tu dag par byas:__a las ka pA la yangs shing rgya che ba lcang lo dang bcas pa'i nang du:__hU~M las khams gsum gyi rak+ta dmar chen khrag gi rgya mtsho 'khyil ba zhing gi snas 'phyo ba:__lbu phreng thol thol du g.yo ba las 'dod pa'i lha mo dpag tu med pa 'phro bar gyur:__oM ma hA rak+ta dz+wa la maN+Dal AHhU~M:__gsum pa gtor ma byin brlab pa ni:__gong gi bdud rtsi byin rlabs ltar la:__kha dog dkar la dmar ba'i mdangs chags pa zhes pa'i mtshams 'dod pa'i yon tan rnam pa lnga'i sprin 'phro zhing :__sha khrag rus gsum sogs bza' bca' btung ba'i phung po thang mar brdal zhing 'khyil bar gyur:__oM AHhU~M ma hA ba liM ta te dzo ba liM ta ba la ba te gu h+ya sa ma ya hU~M hrIHTha:__zhes lan bdun brjod pas byin gyis brlab bo:__des ni sngon du 'gro ba'i chos rnams thal:__de ni 'di nas mar la dngos gzhi'i las rim rnams bstan par bya ste:__sgrub pa po rnam rtog gzhan gyis bar ma chod par gsal zhing ngar dang ldan pas:__bdag tha mal du gnas pa'i rkang pa'i zhabs su ya~M:__rkang bol du ra~M 'bar ba dang bcas pa:__ra~M zhes yid kyis brjod pas de las ye shes kyi me cher 'bar te rnam smin gyi lus gzhob thul gyis bsregs:__bdag gi gzung 'dzin mi dmigs par skye ba med pa'i ye shes kyi rang bzhin me ri me phung du gyur par bsams la sems bzung :__drag sngags bzla:__de ni lta ba skye med kyi ting nge 'dzin to:__de nas de bzhin nyid kyi ting nge 'dzin ni:__chos rnams thams cad rang gi sems:__snang srid 'khor 'das skye ba med:__gdod nas ma skyes chos kyi sku:__smra bsam brjod las rnam par 'das:__de nas kun tu snang ba'i ting nge 'dzin ni:__snang srid 'khor 'das skye ba med par ma rtogs par:__rang gi sems kyi rnam par rtog pas bcings pa 'di snying rje bsam pas 'gro ba kun la khyab pa'o:__de nas rgyu'i ting nge 'dzin ni:__sems nyid ye shes lnga'i ngo bo:__hU~M smug nag 'bar ba zhig tu bsam:__de las e zhig chad nas 'og gi phyogs su:__chos 'byung gru gsum kha dog kun dang mthun par bsgom:__ya~M zhig chad pa las rlung gi dkyil 'khor:__gzhu'i dbyibs lta bu zhig bsgom:__ra~M zhig chad pa las me'i dkyil 'khor:__zur gsum pa zhig tu bsgom:__ra zhig chad pa las rak+ta'i rgya mtsho:__zhing gi snas 'phyo ba zlum po zhig tu bsam:__su~M zhig chad pa las dbang chen gser gyi sa gzhi:__gru bzhi pa zhig tu bsam:__kiM zhig chad pa la keng rus kyi ri rab/__kha khyer shin tu che ba zhig tu bsam:__de nas su~M rat+na maN+Dal b+h+rU~M:__ces brjod pas thams cad 'od du zhu bas:__rgyu pad+ma rA ga las grub pa'i:__sangs rgyas kyi zhing khams 'od zer sna lnga 'phro ba:__chos kyi dbyings khyab pa'o:__hU~M las b+h+rU~M zhig chad pa las:__b+h+rU~M s+pha ra Na phaT:__ces brjod pas:__'od zer phyogs bcur 'phros pas:__rgyal ba sras dang bcas pa rnams la phog pas:__thugs dam gyi rgyud bskul:__saM ha ra Na hU~M _b+h+rU~M:__zhes brjod pas slar b+h+rU~M la thim:__b+h+rU~M bi shwa bi shud+d+he tsakra ka pA la b+h+rU~M:__ces brjod pas chos kyi dbyings khyab gzhal yas khang du gsal ba'o:__phyi rin po che sna lnga gzhal yas khang gru bzhi chad pa sgo bzhi pa:__shar shel las grub pa:__lho bai DUr+Ya las grub pa:__nub pad+ma rA ga las grub pa:__byang ma rgad las grub pa:__zur bzhir gnam lcags kyi 'dzer mgo btab pa zhig yin:__las grub pa:__nang thod pa skam rlon las grub pa:__lha chen po brgyad la ka ba byas pa:__klu chen po brgyad la gdung ma byas pa:__lha srin sde brgyad la dral dra ba dang bad mgul gyi tshul du byas pa: pad mgul nas sku stod 'byung ba tsam yin gsung :__dur khrod kyi rgyan brgyad kyis yang dag par brjid pa: sha chen gyi thog ras rak+ta'i rkang ras:__ro dum bu phyed tshal lhu dum:__zhing gi ba dan:__gzhal yas khang gi nang du:__nyi zla gnyis klad la lding ba:__phyogs kyi sgo bzhi rgyal chen bzhi las byas pa:__'brug ri dwags kyis sgra sgrog pa:__tsit+ta'i pho long 'phyang ba:__rdo rje'i thog mda' 'phro ba:__khrag gi zham chu 'bab ba:__bskal pa'i rlung nag 'tshubs pa:__ye shes kyi me ri 'bar ba:__zhing gi rgyal mtshan dang :__ba dan rtse gsum pas brgyan pa'o:__gzhal yas khang chen po de'i pho brang du:___'khor lo ser po rtsibs brgyad pa:__de rgyab mu khyud:__de rgyab 'khor lo sngon po rtsibs bcu pa:__de'i rgyab tu phur bu dang :__ral gri dang :__rdo rje dang :__gri gug dang :__me ri'i gur khang bsgom:__gzhal yas khang gi phyi rol du:__'khor lo las dpag tu med pa 'phro ba g.yas su 'khor ba'o:__phur pa ral gri rdo rje gri gug:__lte ba zla gam dmar po sgo gcig yod pa:__dbang gi gzhal yas khang mtshon pa'o:__rtsibs mchan dmar la mu khyud dkar po'o:__gru chad ni shar dkar lho ser nub dmar byang ljang ba:__rta babs sgo dang sgo rgyan gyis mdzes pa'o:__pho brang gi dbus su pad+ma dang nyi zla'i steng du:__klu bdud pho mo dang sa bdag dang ma hA de wa'i khri brtsegs pa'i gdan steng du:__hU~M de babs pa las 'od zer phyogs bcur 'phros pas:__bde bar gshegs pa rnams la phog pas:__sku gsung thugs la mnyes pa'i mchod pa phul:__sems can thams cad kyi lus ngag yid gsum gyi sgrib pa sbyangs nas:__dpal rta mgrin du gyur:__de nas slar yang 'od zer hU~M la 'dus nas:__rdo rje smug nag 'bar ba hU~M gis mtshan pa zhig tu gyur:__de yongs su gyur pa las bdag nyid rta mgrin sku mdog smug nag 'bar ba:__zhal gsum phyag drug pa:__zhabs bzhi brkyang bskum gyi tshul du bzhugs pa:__zhal g.yas dkar ba g.yon dmar ba:__dbus smug nag sa bdag klu gnyan zas su za ba:__phyag g.yas pa gsum na rdo rje'i tho ba re re:__g.yon pa gsum ni sdig mdzub kyi rtse la me 'bar ba:__ral pa khams nag srid rtser 'bar ba:__dbu gsum gyi steng du rta mgo ljang zhur gsum:__rta skad phyogs bcu na sgrogs pa:__srid pa gsum skrag cing 'dar bar byed pa:__rta mgo dbus ma'i steng du gsung gi khyung dmar po:__g.yas pa'i steng du sku'i khyung dkar po:__g.yon pa'i steng du thugs kyi khyung mthing ga:__'khor lo ral gri rdo rje'i gshog pa nam mkha'i khams kheb ba:__gnam lcags kyi mchu sder sngo zang nge 'dug pa:__klu bdud nag po zhal du gsol ba:__spu ru mtshon cha sna tshogs kyis gtams pa:__spyan ser la 'od 'bar ba:__sprul pa dang yang sprul nying sprul gyi khyung bsam gyis mi khyab pas sa bdag dang klu gnyan thams cad dus gcig tu brlag par bsam:__spyan dgu sdang mig ldog pas:__stong khams thams cad ye shes kyi mes khebs pa:__sa bdag dang klu gnyan thams cad dus gcig tu sreg par bsam:__sku stod la glang chen gyi ko rlon:__sku smad la stag gi sham thabs:__zhing lpags kyi sked dkris:__thod rlon lnga bcu rtsa gcig gi phreng ba se ral khar thogs pa:__thod pa skam po lngas dbu brgyan pa'i rtsa bar:__sbrul dkar pos dkris pa:__ser pos rna cha byas pa:__dmar pos lag gdub dang mgul rgyan byas pa:__nag pos rkang gdub dang ske rags byas pa:__mkhur tshos la zhag gi zo ris byas pa:__brang la rak+ta'i thig le:__rtsibs logs la thal ba'i tshom bu:__yan lag la keng rus kyis brgyan pa'o:__de lta bu'i gtum rngams 'jigs pa'i skur bdag bsgom mo:__de'i thugs kar pad zla nyi ma'i steng du:__hU~M mthing nag las:__dpal phyag na rdo rje sku mdog mthing nag 'bar ba la:__zhal gcig phyag gnyis pa:__mche ba gtsigs pa:__phyag g.yas rdo rje rtse lnga pa:__g.yon sdigs mdzub las me 'bar ba:__spyan gsum sdang mig tu bgrad pa:__zhabs gnyis brkyang bskum du bzhugs pa:__yan lag sprul dang rin po ches brgyan pa:__thugs kar rdo rje rtse lnga la hU~M gis mtshan pa la:__bde gshegs snying po g.yas su sngags 'od zer dang bcas pa rdo rje nas pad+ma nas:__yum gyi thugs ka nas:__yab gyi zhal du song bar bsam mo:__'khor bar bsgom:__hrIH__hrIHlas yum pad+ma gzi ldan ma:__sku mdog dmar mo g.yas 'khor lo yab la 'khyud pa:__g.yon thod khrag yab la stob pa:__dur khrod kyi rgyan gyis brgyan pa yab la 'khril ba'o/__/gnas lngar rigs lnga'i he ru ka lnga bsgom par bya'o: gnas lngar he ru ka lnga ni:__spyi bor bud+d+ha he ru ka:__sku mdog dkar po rgyan cha lugs yab dang mthun/__'khor lo dang thod khrag bsnams pa'o:__mgrin par pad+ma he ru ka sku mdog dmar po:__pad+ma dang thod khrag bsnams pa'o:__thugs kar badz+ra he ru ka sku mdog mthing nag:__rdo rje dang thod khrag bsnams pa'o:__lte bar rat+na he ru ka:__sku mdog ser po g.yas rin po che:__g.yon thod khrag bsnams pa'o:__gsang gnas su karma he ru ka:__sku mdog ljang gu g.yas rgya gram:__g.yon thod khrag bsnams pa'o:__'di rnams kyi g.yas rang rtags:__g.yon thod khrag bsnams pa'o:__de nas bdag gi thugs ka'i hU~M las:__hU~M bzhi rim pa bzhin du spros pa :__'khor yab yum brgyad bskyed pa ni:__shar phyogs kyi rtsibs steng du:__rdo rje gzhon du sku mdog mthing nag g.yas rdo rje phur pa:__g.yon thod khrag:__lho phyogs kyi rtsibs steng du:__gshin rje'i gshed sku mdog sngo nag:__g.yas ral gri g.yon thod khrag:__nub phyogs kyi rtsibs steng du:__phyag na rdo rje ljang nag:__g.yas rdo rje g.yon thod khrag :__byang phyogs kyi rtsibs steng du:__mgon po nag po g.yas gri gug g.yon thod khrag:__shar lho'i mtshams su rdo rje mkha' 'gro ma:__sku mdog dkar mo g.yas rdo rje g.yon thod khrag bsnams nas yab la stob pa'o:__lho nub kyi mtshams su rin chen mkha' 'gro ma:__sku mdog ser po g.yas rin po che g.yon thod khrag bsnams nas yab la stob pa'o:__nub byang mtshams su pad+ma mkha' 'gro ma:__sku mdog dmar mo g.yas pad+ma g.yon thod khrag bsnams nas yab la stob pa'o:__byang shar gyi mtshams su las kyi mkha' 'gro ma:__sku mdog ljang gu g.yas ral gri g.yon thod khrag bsnams nas yab la stobs pa'o:__yang thugs ka nas hU~M bcu 'phros pa las:__'khor lo sngon po rtsibs bcu pa'i steng du:__khro bo chen po bcu srung ba'i dus su:__sku mdog dkar po g.yas rdo rje g.yon dril bu can:__khro bo bcu ni:__shar du rnam par rgyal ba:__shar lhor dbyug pa sngon po:__lho ru gshin rje'i gshed:__lho nub tu mi g.yo mgon:__nub tu rta mgrin dpal:__nub byang du gzhan gyis mi thub pa:__byang phyogs su bdud rtsi 'khyil ba:__byang shar du khams gsum dgra las rnam par rgyal ba:__steng du hU~M ka ra:__'og tu stobs po che:__pad+ma 'khyil ba'ang zer:__zlog pa'i dus sku mdog nag po:__g.yas tho ba g.yon lcags kyu bsnams pa'o:__shar sgor dzaHlas sgo ma lcags kyu ma dkar mo:__g.yas lcags kyu g.yon sdigs mdzub can:__lho sgor hU~M las zhags pa ma ser mo:__g.yas zhags pa g.yon sdig mdzub can:__nub sgor baM las lcags sgrog ma dmar moH__g.yas lcags sgrog g.yon sdigs mdzub can:__byang sgor hoHlas dril bu ma ljang khu:__g.yas dril bu g.yon sdig mdzub can no:__sku la dur khrod kyi chas brgyad dang ldan pa'o:__gzhal yas khang gi phyi nang thams cad ye shes kyi me ri dang me phung dang :__sprul pa'i khro chung phyag na mtshon cha thogs pa:__phyogs dang phyogs mtshams rnams su 'phro bar bsgom:__de nas tshogs rten ye shes sems dpa' spyan drang ba ni:__badz+ra sa ma ya dzaHdzaHhU~M ba~M hoH__dam tshig sems dpa' ji ltar bskyed pa bzhin mdun gyi nam mkhar spyan drangs pa la:__pad+ma dbang chen lha tshogs la:__gus pas phyag 'tshal mchod pa 'bul:__sdig pa thams cad so sor bshags:__chos kyi 'khor lo bskor bar bskul:__dge ba kun la rjes yi rang :__bdag la gnyis med byin brlab gsol:__dza:hU~M ba~M hoHtshogs rten gyi ye shes pa rang la thim pas rgyud byin gyis brlabs par bsam:__de nas bye brag tu sku gsung thugs byin gyis brlab pa ni:__rang gi spyi bor zla ba'i steng du oM dkar po:__mgrin par pad+ma'i steng du AHdmar po:__thugs kar nyi ma'i steng du hU~M mthing nag rnams kyis mtshan pa gsal zhing 'bar ba dang bcas pa'i 'od zer 'phro bas bdag gi lus ngag yid gsum sangs rgyas thams cad kyi sku gsung thugs rdo rje'i rang bzhin du gyur:__de nas dbang bskur ba ni:__slar yang thugs ka'i 'od kyis rgyal ba rigs lnga yab yum spyan drangs:__mdun gyi nam mkhar bzhugs par bsam:__oM badz+ra puSh+pe d+hU pe A lo ke gan+d+he nai bid+yA shap+da AHhU~M gis phyi mchod:__oM AHhU~M gis nang mchod:__oM sarba ta thA ga ta ma hA a nu rA ga Na dz+nyA na badz+ra swa b+hA ba At+ma ko\u0f85haM gis gsang mchod phul:__ji ltar rdo rje 'chang chen pos:__rang gi sras la dbang bskur ltar:__de bzhin bdag la dbang bskur nas:__go 'phang thob par mdzad du gsol:__zhesagasol ba btab pas rigs lngas dbang bskur gyi dgongs pa mdzad:__yum rnams kyis bdud rtsi'i bum pa bsnams nas dbang bskur:__byang chub sems dpa' rnams kyis bkra shis kyi tshigs su bcad pa brjod:__sems ma rnams kyis mchod pa'i las brtsam:__khro bo rnams kyis bar chad kyi bgegs srung ba dang bcas pas mngon par dbang bskur bar bsams la:__hU~M:_pad+ma dbang gi dkyil 'khor du:__dug lnga rnam par dag pa yi:__ye shes lnga yi dbang mchog 'di:__rgyal ba'i sras po khyod la bskur:__oM bud+d+ha a b+hi Shiny+tsa oM:__zhes dbang gi tshigs su bcad pas dbang bskur ba'i bum pa'i bdud rtsi spyi bor blugs pas lus ye shes kyi bdud rtsis gang nas shes bya'i sgrib pa dag:__lha rnams kyang bdag la thim:__bdud rtsi'i lhag ma yar 'khyil ba las dbang rtags su gtso bo yab yum la snang ba mtha' yas:__rdo rje gzhon nu yab yum la rdo rje sems dpa':__gshin rje gshed yab yum la rin chen 'byung ldan:__phyag na rdo rje yab yum dang :__dpal ldan mgon po dang :__khro bo bcu sgo ma bzhi rnams la mi bskyod pa gtso bor gyur pa'i rigs lngas dbu brgyan par bsam mo:__de ni gtso bor dam tshig pa bskyed pa'i rim pa'o:__de nas ye shes kyi 'khor lo spyan drangs pa la gnyis te:__snyan gsan dbab pa dang :__spyan drangs pa dngos so:__dang po ni:__hoHdgongs su gsol lo:__mnyam pa nyid kyi dbyings:__stug po bkod pa'i zhing :__rnam par dag pa'i ngang :__ye shes sgyu ma'i sku:__spros pa med pa'i spyod yul:__keng rus chen po'i ri rab kyi steng :__dur khrod chen po'i gzhal yas khang gi dbus:__'khor lo 'bar ba'i pho brang nas:__nyi zla pad+ma brtsegs pa'i gdan:__klu bdud pho mo brtsegs pa'i khri steng du:__sangs rgyas thams cad kyi gsung gi bdag nyid:__dpal rta mchog he ru ka chen po:__mkha' 'gro ma thams cad kyi rgyal mo:__yum pad+ma gzi ldan ma:__spyi bor ye shes kyi bya khyung lding ba:__thugs kar dpal gsang ba'i bdag po:__ye shes sprul pa'i khro bo chen po lnga:__shar phyogs 'khor lo 'bar ba'i rtsibs steng nas:__bcom ldan 'das dpal rdo rje gzhon nu:__lho phyogs 'khor lo 'bar ba'i rtsibs steng nas:__bcom ldan 'das shrI ya mAn+ta ka:__nub phyogs 'khor lo 'bar ba'i rtsibs steng nas:__bcom ldan 'das gsang ba'i bdag po phyag na rdo rje:__byang phyogs 'khor lo 'bar ba'i rtsibs steng nas:__dpal mgon po nag po:__rigs kyi yum bzhi:__sprul pa'i khro bo chen po bcu:__bdud bzhi'i sgo gcod sgo ma bzhi la sogs te:__bcom ldan 'das bde gshegs gsang ba'i lha tshogs rnams:__spyan 'dren bzhugs su gsol:__phyag 'tshal mchod pa 'bul:__bstod pa bgyid nongs pa bshags:__thugs dam bskul phrin las bcol na:__thugs rje dang thugs dam gyi dbang gis gsan cing dgongs su gsol lo:__badz+ra sa ma ya dzaH__sa ma ya hoH__sa ma ya s+t+waM:__zhes brjod:__gnyis pa spyan drang ba dngos ni:__sha chen dang sbyar spos bsreg:__snyan cing brjid pa'i dbyangs dang rol mo dang bcas 'di skad do:__hrIH__nub phyogs bde ldan pad+ma'i zhing khams nas:__rlung nag me phung 'bar ba'i klong dkyil nas:__klu gdon pho mo bsnol ba'i gdan steng na:__dbang gi rgyal po khro bo rta mchog dpal:__zhal gsum phyag drug sku mdog smug nag la:__zhabs bzhi brkyang bskum klu bdud nyi steng bgrad:__thugs kar nyi steng hrIHyig 'phro 'du 'bar:__yum chen gzi ldan dur khrod chas kyis brgyan:__ral pa dmar 'bar spyan gsum sdang mig bgrad:__phyag gnyis 'khor lo thod pa khrag bkang bsnams:__spyi gtsug mkha' lding ga ru Da:__thugs kar gsang bdag phyag na rdo rje dang :__'bar ba'i rgyal po khrag 'thung yab yum dang :__rta mchog rgyal po yab yum 'khor dang bcas pa rnams:__klu gdon gdug pa 'dul ba'i don slad du:__rngams brjid 'gying ba'i tshul du spyan 'dren na:__dbang gi rta skad 'tsher zhing gshegs su gsol:__hU~M:_gru gsum mthing nag 'bar ba'i dkyil 'khor nas:__zhe sdang thugs mchog yak+sha he ru ka:__'khor lo rgyas 'debs ma dang thabs gcig tu:__rdo rje gzhon nu yab yum 'khor bcas rnams:__dam tshig tshul bzhin dbang gis spyan 'dren na:__thugs dam dbang gis gnas 'dir gshegs su gsol:__hU~M:_rnal 'byor dad dang lha mchog dam tshig gis:__tshur gshegs tshur gshegs bcom ldan gshin rje gshed:__ya mAn+ta ka yab yum 'khor bcas rnams:__dam tshig tshul bzhin dbang gis spyan 'dren na:__thugs dam dbang gis gnas=__hU~M:_mi mthun 'joms mdzad ye shes gnyen po che:__dgra bgegs gdug pa thams cad 'dul slad du:__bcom ldan gsang bdag yab yum 'khor bcas rnams:__dam tshig tshul bzhin dbang gi spyan 'dren na:__thugs dam dbang gis gnas 'dir gshegs su gsol:__hU~M:_rnal 'byor dad dang lha mchog dam tshig gis:__tshur gshegs tshur spyon ma hA kA la che:__dpal ldan mgon po yab yum 'khor bcas rnams:__dam tshig tshul bzhin dbang gis spyan 'dren na:__thugs dam dbang gis gnas 'dir gshegs su gsol:__dzaHhU~M ba~M hoH__e h+ye hi pad+ma kro d+ha ha ya grI wa sa ma ya dzaHdzaH__de nas bzhugs su gsol ba ni:__hU~M:_brjod med spros bral bde chen dbyings nyid las:__skye ba'i cho 'phrul 'bar ba'i skur bstan pa:__dbang drag srid gsum ma lus 'dul ba'i lha:__bdag dang gnyis med ngang du bsgrub pa'i phyir:__rta mgrin dbang gi dkyil 'khor ma lus kun:__rngams brjid 'gying ba'i tshul gyis bzhugs su gsol:__hU~M:__gru gsum mthing nag 'bar ba'i dkyil 'khor na:__zhe sdang thugs mchog yak+sha he ru ka:__ru dra nyi zla brtsegs pa'i gdan steng du:__rdo rje gzhon nu yab yum bzhugs su gsol:__hU~M:__sems can don phyir nan tan mchog bskyed de:__ye shes thugs rjes deng 'dir dgongs nas kyang :__gnyis med dngos grub bdag la stsal slad du:__ya mAn+ta ka yab yum bzhugs su gsol:__hU~M:__dbyings las gnyis med gdug pa 'dul mdzad pa:__bcom ldan rdo rje 'dzin rgyal khro bo'i gtso:__dpal chen phyag na rdo rje yab yum rnams:__dgra bgegs gdug pa 'dul phyir bzhugs su gsol:__hU~M:__bskal pa me ltar 'bar ba'i klong dkyil na:__dpal ldan mgon po nag po chen po ni:__dregs pa'i dgra bgegs ma lus 'dul ba'i phyir:__dur khrod drag po'i gnas 'dir bzhugs su gsol:__oM ha ya grI ba pad+mAn+ta kr-i ta sa ma ya tiSh+Tha lhan:__de nas phyag 'tshal ba ni:__hU~M:__mnyam nyid chos sku klong yangs brdal ba las:__drag sngags mthu mnga' rta mgrin dbang gi lha:__ma rungs rnams la thugs rjes khros pa'i tshul:__pad+ma gsung mchog rgyal la phyag 'tshal lo:__dpal chen kun 'dus rta mgrin dbang gi lha:__dbang gi sku mdog bskal pa'i me ltar 'bar:__rta gdong ljang gu 'khor dang bcas pa la:__brkyang bskum brjid pa'i tshul gyis phyag 'tshal lo:__hU~M:__rta mchog sku la gnyis med 'khril ba'i yum:__gsang mchog dbyings las 'gro ba skyed byed ma:__shes rab mkha' la gnyis med dga' bdes rol:__gzi ldan gsang ba'i yum la phyag 'tshal lo:__hU~M:__bskal pa me ltar 'bar ba'i klong dkyil nas:__phrin las mnga' mdzad yak+Sha he ru ka:__khams gsum ma lus dbang du sdud mdzad pa'i:__rdo rje gzhon nu'i sku la phyag 'tshal lo:__dus gsum rgyal ba thams cad skyed mdzad yum:__bde chen dbyings nas sprul pa'i 'byung gnas gtso:__rgyas 'debs gsang ba'i yum la phyag 'tshal lo:__hU~M:__dbyings nas gnyis med chos sku dag pa'i ngang :__gshin rje ru dra gtan nas brlag mdzad pa'i:__bdud 'dul khro bo chen po'i skur ston pa:__bcom ldan ya mAn+ta ka yab yum la:__sgo gsum rab tu dang bas phyag 'tshal lo:__hU~M mdzad hU~M ste tsaN+Da ro Sha na:__mi mthun log 'dren ma lus 'joms mdzad pa'i:__bcom ldan gsang ba'i bdag po 'khor dang bcas pa la:__sgo gsum dang bas rab tu phyag 'tshal lo:__hU~M:__gru gsum mthing nag 'bar ba'i pho brang nas:__dpal ldan mgon po chen po ni:__zhal gcig phyag gnyis spyan gsum bgrad:__dbu la thod pa'i phreng bas brgyan:__bstan pa'i dgra bgegs 'joms mdzad pa'i:__dpal ldan mgon po yab yum la:__sgo gsum dang bas rab tu phyag 'tshal lo:__oM ha ya grI ba pad+mAn+ta kr-i ta na mo a ti pu ho:__pra tIts+tsha hoH__a la la hoH__de nas mchod pa 'bul ba ni:__hU~M:__dbus mtha' med pa kun tu bzang mo'i mkha':__ye shes dbyings las mchod rdzas sna tshogs shar:__snang srid ma lus sku gsung thugs kyi rgyan:__mchod pa'i bye brag sprin tshogs mtha' dag dang :__kun bzang mchod pa'i longs spyod sna tshogs rnams:__gnyis su med pa'i don gyis bdag gis ni:__blang dor tha dad spangs te 'bul lags na:__rgyal ba'i dkyil 'khor rab 'byams mnyes gyur cig:__a la la ste bdag gis mchod pa 'bul:__a la la ste tshim par bzhes su gsol:__hU~M:__bcom ldan bde gshegs lha tshogs 'khor bcas la:__gzugs kyi mchod pa 'bul ba ni:__me tog chu skyes thang skyes dang :__bzang shing 'bras bu rnam pa dang :__gzugs mdzes rnam pa sna tshogs kun:__spyan gyi mchod par bzhes su gsol:__bcom ldan bde gshegs lha tshogs 'khor bcas la:__sgra yi mchod pa 'bul ba ni:__pi wang gling bu mkhar ba'i rnga:__rdza rnga cang te'u rol mo'i dbyangs:__dung dang cha lang sil snyan dang :__sgra snyan rnam pa ji snyed pa:__snyan gyi mchod par bzhes su gsol:__bcom ldan bde gshegs lha tshogs 'khor bcas la:__dri yi mchod pa 'bul ba ni:__a ga ru dang du ru Sha:__li shi ga bur dza ti dang :__ka ra la sogs sbyar ba'i dri:__tsan+dan dri zhim shangs kyi spos:__shangs kyi mchod par bzhes su gsol:__bcom ldan bde gshegs lha tshogs 'khor bcas la:__ro yi mchod pa 'bul ba ni:__zhal zas rnam pa sna tshogs dang :__dbang po tshim byed bshos gtsang dang :__ro mchog mngar ba ci mchis pa:__ljags kyi mchod par bzhes su gsol:__bcom ldan bde gshegs lha tshogs 'khor bcas la:__reg bya'i mchod pa 'bul ba ni:__pany+tsa li kA la sogs pa:__lha yi na bza' sna tshogs dang :__mdzes shing reg 'jam ci mchis pa:__sku yi mchod par bzhes su gsol:__hU~M:__bcom ldan bde gshegs lha tshogs 'khor bcas la:__phyi yi mchod pa 'bul ba ni:__me tog yon chab bdug spos dang :__dri mchog snang gsal zhal zas dang :__rol mo dung rkang gling bu rnga sgra'i rgyun:__dril bu snyan pa rnam grol tshangs pa'i dbyangs:__bla bre rgyal mtshan 'phan gdugs ba dan rnams:__phyi yi mchod par 'bul lo bzhes su gsol:__rgyal srid sna bdun 'bul ba ni:__gling bzhi dbang sgyur 'khor lo dang :__dbul ba sel ba'i nor bu dang :__dgos 'dod 'byung ba'i btsun mo dang :__sher rab shugs ldan lhun po dang :__stobs bcu'i rtsal ldan glang po dang :__sprin gyi shugs ldan rta mchog dang :__bdud kyi tshogs 'joms dmag dpon rnams:__dpal chen 'khor bcas rnams la 'bul:__nang gi mchod pa 'bul ba ni:__a las b+han+d+ha khor yug bcud yangs su:__sha chen lnga dang sman lnga bdud rtsi lnga:__dza gad chang dang bdud rtsi rak+ta bcas:__b+han+d+ha mdzes pa'i snod du blugs byas nas:__rnal 'byor chen po'i mdun du bzhag byas te:__rlung gis me sbar me yis thod pa dros:__hU~M gi rdo rjes rab tu dkrugs byas nas:__a dkar 'bar bas kha zas dug bcom ste:__dpa' bo 'bru lngas gtor ma byin gyis brlabs:__bcom ldan dpal chen dbang gi skur bzhengs la:__zhing chen sha dang rus chen rkang :__snum chen tshil dang dmar chen khrag:__dpal chen 'khor dang bcas la 'bul:__gsur chen sha la rol te bzhes su gsol:__dmar chen khrag la rol te bzhes su gsol:__snum chen tshil la rol te bzhes su gsol:__rus chen rkang la rol te bzhes su gsol:__gsol lo rol cig mchog tu dgyes par mdzod:__ma hA mAM sa la kha raM khA hi:__ma hA rak+ta la kha raM khA hi:__ma hA tsit+ta la kha raM khA hi:__ma hA ba su ta la kha raM khA hi:__ma hA go ro tsa na la kha raM khA hi:__de nas dug gsum gyi mchod pa 'bul ba ni:__hU~M:__bcom ldan dpal chen 'khor bcas la:__dug gsum mchod pa 'bul ba ni:__gti mug mchod pa bla na med:__gti mug mchod pa sha bzhes la:__sku yi dngos grub stsal du gsol:__hU~M:__'dod chags mchod pa bla na med:__'dod chags mchod pa khrag bzhes la:__gsung gi dngos grub stsal du gsol:__hU~M:__zhe sdang mchod pa bla na med:__zhe sdang mchod pa rus bzhes la:__thugs kyi dngos grub stsal du gsol:__de nas bdud rtsi sman mchod 'bul ba ni:__hU~M:__rang byung gdod nas dag pa'i rdzas:__rtsa brgyad stong la sbyar ba'i sman:__rtsa ba 'bum phrag yangs pa'i bcud:__rigs lnga dam tshig lnga yi dngos:__ye shes lnga rdzogs grub pa'i rdzas:__rgyud lnga sems can kun sgrol ba'i:__dug lnga sel ba'i bdud rtsi 'di:__phyogs bcu'i sangs rgyas thams cad dang :__byang chub sems dpa'i tshogs chen dang :__lha dang lha mo rnal 'byor pa:__thams cad dbyings nyid skul ba'i mchog:__'di ni sngon gyi tha tshig ste:__sku gsung thugs kyi bdag nyid du:__bdag cig dad pas 'bul lags na:__thugs rjes dgongs te bzhes su gsol:__dgongs nas kun kyang dgyes par mdzod:__'phrul gyi dngos grub stsal du gsol:__oM na maHsarba ta thA ga ta amr-i ta kha kha kha raM khA hi:__de nas rak+ta 'bul ba ni/__hU~M:__rak+ta dmar gyi ar+g+haM chen po 'di:__bde gshegs thugs kyi dngos grub bsgrub pa dang :__bgegs kyi dpung tshogs ma lus bcom pa dang :__bdud kyi rgyal po'i mthu rtsal 'phrog pa dang :__dregs pa pho mo bsgo ba nyan pa'i phyir:__khams gsum rak+ta'i mchod par 'bul lags na:__sku gsung thugs kyi rgyud rnams mnyes gyur cig:__oM ma hA rak+ta dz+wa la maN+Da la kha kha khA hi khA hi:__de nas gtor ma 'bul ba ni:__gtor ma 'dud rtsi'i rgya mtshor 'khyil ba lha tshogs rnams kyi ljags rdo rje'i sbu gus bcud rnams drangs te gsol bas shin tu mnyes par bsams la:__hU~M:__bde gshegs 'dus pa'i lha tshogs dang :__'khor gyi dregs pa pho mo'i tshogs:__g.yog dang bran du bcas pa la:__'dod yon gtor ma'i mchod pa 'di:__bdag cag dad pas 'bul lags na:__'dod pa'i don rnams bsgrub tu gsol:__oM AHhU~M ma hA ba liM ta te dzo ba liM ta ba la ba te gu h+ya sid+d+hi sa ma ya kha kha khA hi khA hi:__hU~M:__khor yug bcas pa'i b+han+d+ha chen po ru:__rgyud drug rtog pa'i rang bzhin rnam dag pas:__dus gsum rgyal ba'i dkyil 'khor ma lus pa'i:__sku gsung thugs kyi rgyud rnams tshim gyur cig:__a la la ste thugs rjes bzhes su gsol:__a la la ste bzhes nas dgyes par mdzod:__sa ma ya s+t+waM:__sa ma ya hoH__sa ma ya sid+d+hi pha la a la la hoH__de nas bstod pa bya ba ni:__hrIH__nub phyogs snang ba mtha' yas zhing khams nas:__dbang gi zla gam dmar po gdengs pa na:__rta mchog ha ya grI ba dbang gi lha:__sku la dur khrod rol pa'i chas brgyad brgyan:__stag gi sham thabs dpa' brjid ldan pa dang :__thod pa'i phreng ba 'khor ba 'dam nas 'dren:__zhing lpags g.yang gzhi thabs la mkhas pa dang :__glang chen ko rlon rgyan du che ba dang :__khrag gi thig le mkha' 'gro dgyes sdud dang :__zhag gi zo ris dgra bgegs sha la za:__thal chen tshom bu dur khrod gnas su 'dren:__sbrul nag chun po gdug pa ma lus bsgral:__g.yas gsum rdo rje tho ba yis:__gdug pa'i dgra bgegs spyi nas bcom:__g.yon gsum sdigs mdzub me chen gyis:__dbang chen klu dang sa bdag sreg:__zhabs bzhis gdug pa ma lus gnon:__dbu skra khams nag rtse nas 'phar:__dbu la dbang gi rta mgo ljang zhur gyis:__phyogs bcur gzigs shing rta skad lhang lhang 'tsher:__rngog ma dbang gi le brgan me ltar 'bar:__rta skad phyogs bcur sgrogs pa yis:__rgyal ba rgya mtshor mnyes mchod 'bul:__phrum phrum gseb nas gnam lcags tshwa tshwa 'phro:__dpral ba zhur po byams pa'i nyi ma shar:__sdang mig dmar po gyen du ldog pa yis:__khams gsum srid gsum ma lus dus gcig gsol:__smin ma khro gnyer bskal pa'i glog stong 'gyu:__shangs nas rlung nag 'tshubs ma 'khyil:__zhal nas phaT sgrogs srid gsum tshogs sor 'gyed:__dbang gi las mdzad sprul pa'i khro rgyal mchog:__yon tan brjod kyis mi langs khyed la bstod:__oM hrIHpad+ma kro d+ha kro d+hI shwa ri ha ya gri ba hu lu hu lu hU~M phaT:__hrIH__spyi gtsug mkha' lding rgyal po ga ru Da:__'khor lo ral gri'i gshog pa 'bar ba la:__spu phran spu gri'i mtshon cha 'bar bas gtams:__spyan mig 'bar bas thur du gzigs:__gdug pa'i klu rnams khong du za:__gdug pa'i sa bdag thal bar rlog:__mkha' lding rgyal po khyod la phyag 'tshal bstod:__oM khroM ga ru Da tsa le tsa le hU~M phaT:__hU~M:__lcang lo can gyi gnas mchog dam pa nas:__bcom ldan dpal chen phyag na rdo rje ni:__gsang sngags rigs sngags kun gyi bdag po ste:__log 'dren bgegs kyi tshogs rnams 'joms mdzad pa'i:__bcom ldan rdo rje bsnams la phyag 'tshal bstod:__hU~M mdzad hU~M ste tsaN+Da ro Sha Na:__bden gnyis thugs chud sprul pa'i skur bstan pa:__sprul pa'i sku brnyes phyag na rdo rje che:__dus mtha'i me ltar 'bar la phyag 'tshal bstod:__oM badz+ra tsaN+Da ma hA ro Sha Na hU~M phaT:__hU~M:__gnyis med yum chen kro d+hI shwa ri ni:__'khor lo thod khrag 'bar ba yab la stob:__sku mdog dmar ser gzig gi sham thabs can:__rigs drug dbang sdud yum la phyag 'tshal bstod:__hU~M:__skye med klong na rak+Sha he ru ka:__'chi med sra brtan rdo rje gzhon nu'i sku:__'bar ba'i klong nas lha chen bsgral nas kyang :__khro mchog mkha' 'gro 'bum gyi dbus na 'gyings:__rdo rje gzhon nu che la phyag 'tshal bstod:__tsham rngams drag pos dgra bgegs ma lus bsgral:__zhing bcu rdul du brlag pa'i las mdzad pa'i:__khro rgyal sras mchog bcu la phyag 'tshal bstod:__oM badz+ra kI li kI la ya sarba big+h+nAn ba~M hU~M phaT:__hU~M:__dregs pa 'joms mdzad gshin rje gshed kyi lha:__khram dang gsal shing be con phyag na bsnam:__chu glang ma he gshibs pa'i khri la bzhugs:__khro rgyal gshin rje gshed la phyag 'tshal bstod:__thugs kyi sras mchog ya ma rA tsa dang :__thugs las bskyed pa'i gshin rje me ru tse:__dug gsum gshed bzhi mthar byed khro chen brgyad:__ging bdud pho nya rnal 'byor ma yi tshogs:__'jam dpal gshin rje'i tshogs la phyag 'tshal bstod:__oM shrI ya mAn+ta ka ha na ma tha b+hany+dza ra Na hU~M phaT:__hU~M dang hU~M las byung ba'i khro rgyal mchog:__rdo rje'i mche ba gtsigs pas klu gdon gsol:__gdug pa za ba'i ya sos ma mchu mnan:__ljags 'dril glog ltar 'gyu ba'i a la la:__spyan gsum me 'bar khams gsum srid gsum sreg:__zhal rgyas khro gnyer smin ma dpral bar 'bar:__rdo rje rnam thar zhal la phyag 'tshal bstod:__gshin rje gshed kyi sku ni gsus po che:__phyag gis klu brgyad bzung zhing snying nas 'dren:__g.yas g.yon phyag gnyis rdo rje dril bu 'dzin:__badz+ra pA Ni drag sngags 'brug ltar sgrogs:__ya mAn+ta ka'i thugs dam rtse gcig 'dren:__phrin las karma zhi rgyas dbang drag mdzad:__srin po rak+Sha gcod cing mi bzad pa:__snying nas 'dren pa'i gsung la phyag 'tshal bstod:__oM badz+ra pA Ni hU~M phaT:__hU~M:__srin po'i gzugs kyi gdug pa can:__tshar gcod byang chub sems dpa' ste:__grong khyer sum brtsegs 'joms mdzad pa'i:__gtum po khyod la bdag bstod do:__mdog nag gzugs thung gzi brjid can:__gdug pa tshar gcod gri gug g.yas:__skye 'gro gsod byed thod khrag g.yon:__thod phreng can la bdag bstod do:__khros pa'i zhabs brdabs sa gzhi g.yo:__'jigs pa'i gad mos ri rab bsnyil:__dam tshig nyams pa'i snying 'byin pa:__dam tshig can la bdag bstod do:__oM shrI ma hA kA la hU~M phaT:__hU~M:__sngo chag 'bar ba'i ral pa can:__ser nag 'bar ba'i 'phro 'du can:__dmar nag 'bar ba'i tshul mdangs can:__ljang nag 'bar ba'i 'od zer can:__kun kyang zhal gcig phyag gnyis te:__mche ba zla ba tshes pa 'dra:__dur khrod rgyan gyis ma tshogs mkha' 'gro 'du:__dgra bgegs 'dul la phyag 'tshal bstod:__hU~M:__khro bo'i rgyal po rnam par rgyal:__dri za 'dul phyir phyag 'tshal bstod:__khro ba'i rgyal po dbyug sngon can:__me lha 'dul phyir phyag 'tshal bstod:__khro bo'i rgyal po gshin rje gshed:__grul bum 'dul phyir phyag 'tshal bstod:__khro bo'i rgyal po mi g.yo mgon:__srin po 'dul phyir phyag 'tshal bstod:__khro bo'i rgyal po rta mgrin dpal:__klu gdon 'dul phyir phyag 'tshal bstod:__khro bo'i rgyal po khros pa'i dpal:__rlung lha 'dul phyir phyag 'tshal bstod:__khro bo'i rgyal po bdud rtsi 'khyil:__gnod sbyin 'dul phyir phyag 'tshal bstod:__khro bo'i rgyal po khams gsum rgyal:__dbang ldan 'dul phyir phyag 'tshal bstod:__khro bo'i rgyal po hU~M ka ra:__gza' skar dbang sdud phyag 'tshal bstod:__khro bo'i rgyal po pad+ma 'khyil:__sa bdag 'dul phyir phyag 'tshal bstod:__hU~M:__shar sgo srung ba'i khro mo ni:__dkar mo phyag na lcags kyu bsnams:__lho sgo srung ba'i khro mo ni:__ser mo phyag na zhags pa bsnams:__nub sgo srung ba'i khro mo ni:__dmar mo phyag na lcags sgrog 'dzin:__byang sgo srung ba'i khro mo ni:__ljang gu phyag na dril bu 'dzin:__sgo srung khro mo bzhi la phyag 'tshal bstod:__des lha sgom pa'i phrin las gyi rim pa tshar ro:__de nas bzlas pa sngags kyi rim pa la:__dzaba? dgongs gsal gdab pa ni:__thugs kar nyi ma'i dkyil 'khor gyi steng du hU~M yig dmar po'i mthar sngags 'bru re re bzhin me'i rang bzhin g.yas su dmar 'khyil te 'khor ba bdag gis sngags bzlas pas thugs ka'i gsang bdag dang :__spyi bo'i bya khyung dang :__'khor khro bo'i yab yum brgyad dang :__sprul pa'i khro bo bcu dang :__sgo ma bzhi dang :__gzhan yang ba spu'i bu ga thams cad khro chung gis go mtshams med par gtams pa rnams kyis kyang sngags kyi sgra di ri ri bsgrags pa la brten nas ye shes kyi gzi byin 'bar:__snang srid thams cad dbang du 'dus:__zil gyis mnan:__gdug pa can thams cad tshar bcad:__mchog dang thun mong gi dngos grub ma lus pa lhun gyis grub par bsams la:__bzla bya'i sngags ni:__oM ha ya grI ba pad+ma kro d+hI shwa ri:__badz+ra pA Ni:__badz+ra kI li kI la ya:__ma hA kA la yak+sha:__ya mAn+ta ka ka la ru pa:__karma ra~M ra~M dz+wa la ra~M hU~M hU~M phaT phaT:__oM ga ru Da tsa le tsa le hU~M phaT:__ces gtso bor bzla ba ni bsnyen pa'i sngags te:__las rung tsam byed na 'bum phrag gcig bzlas pas grub bo:__nad dang gnod pa sogs la bsnyen pa sngon du song bas sham bu gdags pa la gnyis te:__dang po spyir gdags pa ni:__gong gi sngags sham du:__e dzaHhU~M ba~M hoH__sarba e trig nan:__e hur thum dza:__e mA ra ya rbad:__ces so:__gnyis pa bye brag tu gdags pa ni:__1ya ma ya: gshin rje:__2ma ma ru lu ma: ma mo:__3ma hA de wa a: lha chen:__4tIrti ka du: mu stegs:__5yak+sha shwa: gnod sbyin:__6rA tsa tsa: rgyal po:__7shu ya tsa tsa dregs pa srog zan dmar po:__8haM shaM tri 'gong po:__9rak+sh-i ra srin po:__10ru dra ha bdud:__11badz+ra sA d+hU tri rdo rje legs pa:__12ru dra ru dam sri:__13biSh+Nu ra gza':__14mun mun pa bdud:__15bi nA ya ka tri bgegs:__16a bi shu la dza: btsan ya ba rkya bdun:__17tri nu shu la tri: the'u rang :__18nA ga phu+u \u0f74 klu bdud rnams kyi srog snying :__e sarba snying gzir breng shag yaM rbad gzir sngags so:__ces bzla zhing :__de'i tshe dmigs pa ni:__sngags rnams mtshon cha'i rang bzhin can:__dregs pa gang gnod bsgral bar bsam:__de las ye shes me phung dang :__drag sngags mtshon cha'i 'khor lo 'phros:__pho rgyud mo rgyud lha srin dang :__'byung po klu rigs rgyal bsen sogs:__me lce'i kha yi sbrang ma bzhin:__thams cad ma lus bsregs par bsam:__zhes so:__de ltar bzlas pa thems nas stong tshigs kyi mchod bstod 'bul:__yi ge brgya pa brjod:__de ni sngags bzla ba'i rim pa'o:__des dngos gzhi'i las rim tshar:__de nas rjes kyi las rim la:__tshogs kyi mchod pa bya bar 'dod na:__sbyor ba'i skabs nas dngos grub blang ba'i phyir dkyil 'khor gyi dbus su dpal gtor lha grangs dang mnyam pa dngos grub gyi rdzas kyis bskor ba bsham:__dkyil 'khor gyi mdun du zhing ngam gcan gzan lpags pa'i gdan gyi steng thod pa la sogs pa'i snod du tshogs rdzas sha lnga bdud rtsi lnga sogs bza' bca' btung ba phung por spungs:__gzhan yang gzugs sgra dri ro reg bya sogs mchod pa mang pos brgyan:__mtshams bcad pa sogs dang bdag mdun gyi dkyil 'khor gsal gdab:__bzlas pa sogs grub nas tshogs kyi yo byad la bsang chu gtor:__hU~M:__bdag nyid lha yi thugs ka nas:__ha hoHhrIHyi yi ge 'phros:__zhal zas tshogs kyi longs spyod rnams:__kha dog dri ro'i nyes skyon bsal:__oM AHhU~M dang swA hA 'phros:__ye shes lnga ldan bdud rtsi'i bcud:__'dod yon char chen 'beb par gyur:__ha hoHhrIH__lan gsum gyis nyes skyon bsal:__oM AHhU~M swA hA lan bdun gyis byin gyis brlabs nas:__thog mar mdun gyi dkyil 'khor la 'don yon gyi mchod pa spyir dbul ba ni:__hU~M __gzugs sgra dri dang ro dang reg:__chos dang yid kyi lha mo yis:__nam mkha'i khams ni rab bkang nas:__'dod pa'i lha mo gzugs bzang ma:__gsal byed me long phyag na bsnams:__bde gshegs rgyal ba'i spyan la 'bul:__dgyes pa'i tshul du bzhes su gsol:__sgra yi lha mo pi wang bsnams:__bde gshegs rgyal ba'i snyan la 'bul:__dgyes pa'i tshul du bzhes su gsol:__dri yi lha mo spos khang bsnams:__bde gshegs rgyal ba'i shangs la 'bul:__dgyes pa'i tshul du bzhes su gsol:__ro yi lha mo dung phor bsnams:__bde gshegs rgyal ba'i zhal du 'bul:__dgyes pa'i tshul du bzhes su gsol:__reg bya'i lag gnyis yongs 'khyud ma:__'jam dang reg dang 'khril dang sbyor:__reg bya'i lha mo sku la 'bul:__dgyes pa'i tshul du bzhes su gsol:__dbyings kyi lha mo bde chen ma:__phyag na rdo rje dril bu 'dzin:__dbyings kyi lha mo dbyings la 'bul:__sku gsung thugs mchog mnyes gyur cig:__oM pad+ma shrI he ru ka maN+Da la sa pa ri wA ra rU pa shap+da gan+de ra sa spar+she d+harma d+hA tu ma hA pU dza hoH__khyad par tshogs kyi mchod pa 'bul ba la:__tshogs zhing spyan 'dren cing bzhugs su gsol ba ni:__hU~M:__dbang gi rgyal po zla gam gdengs pa nas:__bcom ldan dpal chen pad+ma he ru ka:__'bar ba'i rgyal po khrag 'thung yab lnga dang :__ye shes sprul pa'i khro tshogs bcas pa rnams:__'dod yon tshogs la spyan 'dren gshegs su gsol:__hU~M:__gru gsum mthing nag 'bar ba'i dkyil 'khor nas:__bcom ldan dpal chen rdo rje gzhon nu dang :__ye shes sprul pa'i khro tshogs bcas pa rnams:__'dod yon tshogs la spyan 'dren gshegs su gsol:__hU~M:__gru gsum ser nag 'bar ba'i dkyil 'khor nas:__bcom ldan dpal chen ya mAn+ta ka dang :__ye shes sprul pa'i khro tshogs bcas pa rnams:__'dod yon tshogs la spyan 'dren gshegs su gsol:__hU~M:__gru gsum smug nag 'bar ba'i dkyil 'khor nas:__bcom ldan dpal chen phyag na rdo rje dang :__ye shes sprul pa'i khro tshogs bcas pa rnams:__'dod yon tshogs la spyan 'dren gshegs su gsol:__hU~M:__gru gsum ljang nag 'bar ba'i dkyil 'khor nas:__bcom ldan dpal chen mgon po nag po dang :__ye shes sprul pa'i khro tshogs bcas pa rnams:__'dod yon tshogs la spyan 'dren gshegs su gsol:__hU~M:__steng phyogs nam mkha' yangs pa'i dkyil 'khor nas:__mkha' lding rgyal po gser mig 'khyil ba dang :__ye shes sprul pa'i khro tshogs bcas pa rnams:__'dod yon tshogs la spyan 'dren gshegs su gsol:__oM ha ya grI ba:__pad+ma kro d+hI shwa rI:__badz+ra pA Ni:__badz+ra kI li kI la ya:__ma hA kA la yak+sha:__ya mAn+ta ka:__kA la rU pa:__karma ra~M ra~M:__ga ru Da:__badz+ra ang ku sha dzaH__dzaHhU~M baM hoH__hU~M:__dur khrod 'jigs su rung ba'i dkyil 'khor 'dir:__dregs pa pho mo bsnol ba'i gdan steng du:__nyi zla pad+ma brtsegs pa'i gdan steng na:__bde gshegs rgyal ba'i dkyil 'khor ma lus pa:__mi g.yo dgyes shing brtan par bzhugs su gsol:__badz+ra sa ma ya tiSh+Tha lhan:__zhes mdun bskyed dang dbyer med du bzhugs par mos la:__phud dang po mchod pa ni:__hU~M:__zla gam dmar po dbang gi dkyil 'khor na:__bcom ldan dpal chen pad+ma he ru ka:__'bar ba'i rgyal po khrag 'thung yab lnga dang :__ye shes sprul pa'i khro tshogs bcas pa la:__gnyis med gus pa'i tshul gyis phyag 'tshal lo:__hU~M:__gru gsum mthing nag 'bar ba'i dkyil 'khor na:__bcom ldan dpal chen rdo rje gzhon nu dang :__ye shes sprul pa'i khro tshogs bcas pa la:__gnyis med gus pa'i tshul gyis phyag 'tshal lo:__hU~M:__gru gsum ser nag 'bar ba'i dkyil 'khor na:__bcom ldan dpal chen ya mAn+ta ka dang :__ye shes sprul pa'i khro tshogs bcas pa la:__gnyis med gus pa'i tshul gyis phyag 'tshal lo:__hU~M:__gru gsum smug nag 'bar ba'i dkyil 'khor na:__bcom ldan dpal chen phyag na rdo rje dang :__ye shes sprul pa'i khro tshogs bcas pa la:__gnyis med gus pa'i tshul gyis phyag 'tshal lo:__hU~M:__gru gsum ljang nag 'bar ba'i dkyil 'khor na:__bcom ldan dpal chen mgon po nag po dang :__ye shes sprul pa'i khro tshogs bcas pa la:__gnyis med gus pa'i tshul gyis phyag 'tshal lo:__hU~M:__steng phyogs nam mkha' yangs pa'i dkyil 'khor na:__mkha' lding rgyal po gser mig 'khyil pa dang :__ye shes sprul pa'i khro tshogs bcas pa la:__gnyis med gus pa'i tshul gyis phyag 'tshal lo:__a ti pu hoH__pra tIts+tsha hoH__hU~M:__bcom ldan dpal chen pad+ma he ru ka:__'bar ba'i rgyal po khrag 'thung yab lnga dang :__ye shes sprul pa'i khro tshogs bcas pa la:__'dod yon tshogs kyi mchod pa 'bul lags na:__gnyis med rol pa'i tshul gyis bzhes su gsol:___hU~M:__gru gsum mthing nag 'bar ba'i dkyil 'khor na:__bcom ldan dpal chen rdo rje gzhon nu dang :__ye shes sprul pa'i khro tshogs bcas pa la:__'don yon tshogs kyi mchod pa 'bul lags na:__gnyis med rol pa'i tshul gyis bzhes su gsol:__hU~M:__gru gsum ser nag 'bar ba'i dkyil 'khor na:__bcom ldan dpal chen ya mAn+ta ka dang :__ye shes sprul pa'i khro tshogs bcas pa la:__'dod yon tshogs kyi mchod pa 'bul lags na:__gnyis med rol pa'i tshul gyis bzhes su gsol:__hU~M:__gru gsum smug nag 'bar ba'i dkyil 'khor na:__bcom ldan dpal chen phyag na rdo rje dang :__ye shes sprul pa'i khro tshogs bcas pa la:__'dod yon tshogs kyi mchod pa 'bul lags na:__gnyis med rol pa'i tshul gyis bzhes su gsol:__hU~M:__gru gsum ljang nag 'bar ba'i dkyil 'khor na:__bcom ldan dpal chen mgon po nag po dang :__ye shes sprul pa'i khro tshogs bcas pa la:__'dod yon tshogs kyi mchod pa 'bul lags na:__gnyis med rol pa'i tshul gyis bzhes su gsol:__hU~M:__steng phyogs nam mkha' yangs pa'i dkyil 'khor na:__mkha' lding rgyal po gser mig 'khyil ba dang :__ye shes sprul pa'i khro tshogs bcas pa la:__'dod yon tshogs kyi mchod pa 'bul lags na:__gnyis med rol pa'i tshul gyis bzhes su gsol:__ma hA pU dza sa ma ye hU~M:__hU~M:__bcom ldan dpal chen pad+ma he ru ka:__'bar ba'i rgyal po khrag 'thung yab lnga dang :__ye shes sprul pa'i khro tshogs bcas pa la:__dug gsum pad+mar sbyar ba'i rdzas mchog dang :__sbyor dang sgrol ba'i bdud rtsir tshogs lags kyis:__'dod rgu'i mchod pa 'bul lo bzhes su gsol:__hU~M:__gru gsum mthing nag 'bar ba'i dkyil 'khor na:__bcom ldan dpal chen rdo rje gzhon nu dang :__ye shes sprul pa'i khro tshogs bcas pa la:__dug gsum pad+mar sbyar ba'i rdzas mchog dang :__sbyor dang sgrol ba'i bdud rtsir tshogs lags kyis:__'dod rgu'i mchod par 'bul lo bzhes su gsol:__hU~M:__gru gsum ser nag 'bar ba'i dkyil 'khor na:__bcom ldan dpal chen ya mAn+ta ka dang :__ye shes sprul pa'i khro tshogs bcas pa la:__dug gsum pad+mar sbyar ba'i rdzas mchog dang :__sbyor dang sgrol ba'i bdud rtsir tshogs lags kyis:__'dod rgu'i mchod par 'bul lo bzhes su gsol:__hU~M:__gru gsum smug nag 'bar ba'i dkyil 'khor na:__bcom ldan dpal chen phyag na rdo rje dang :__ye shes sprul pa'i khro tshogs bcas pa la:__dug gsum pad+mar sbyar ba'i rdzas mchog dang :__sbyor dang sgrol ba'i bdud rtsir tshogs lags kyis:__'dod rgu'i mchod par 'bul lo bzhes su gsol:__hU~M:__gru gsum ljang nag 'bar ba'i dkyil 'khor na:__bcom ldan dpal chen mgon po nag po dang :__ye shes sprul pa'i khro tshogs bcas pa la:__dug gsum pad+mar sbyar ba'i rdzas mchog dang :__sbyor dang sgrol ba'i bdud rtsir tshogs lags kyis:__'dod rgu'i mchod pa 'bul lo bzhes su gsol:__hU~M:__steng phyogs nam mkha' yangs pa'i dkyil 'khor na:__mkha' lding rgyal po gser mig 'khyil ba dang :__ye shes sprul pa'i khro tshogs bcas pa la:__dug gsum pad+mar sbyar ba'i rdzas mchog dang :__sbyor dang sgrol ba'i bdud rtsir tshogs lags kyis:__'dod rgu'i mchod pa 'bul lo bzhes su gsol:__oM shrI pad+ma he ru ka sa pa ri wA ra ma hA ga Na tsa kra pU dzaHhoH__bar pa skong zhing bshags pa ni:__hU~M:__dbang chen rta mchog rol pa'i lha tshogs rnams:__dmigs med brtse ba'i thugs kyis bdag la dgongs:__bdag cag ma rig yid kyis 'khrul pa las:__bag med tshul gyis dam las 'gal gyur rnams:__zhal zas tshogs kyi mchod pas thugs dam bskang :__mthol lo bshags so tshangs pa stsal du gsol:__zhes dang yi ge brgya pa brjod:__tha ma tshogs bsgral ni:__dmigs rten dang bcas 'bem du bcas la:__spro na thugs dam bskul:__gser skyems mchod:__dpang du gzug pa sogs spyi ltar bya:__gang ltar yang :__e las gru gsum mthing nag 'bar ba'i hoM khung rgya che zhing gting zab par dmigs rten nr-i dang tri las dgra bgegs gdug pa can dngos su gsal bar gyur:__hU~M:__'bar ba'i rgyal po bcom ldan he ru ka:__pad+ma dbang chen thugs dam dus la bab:__bstan pa bshig pa'i dgra dang bgegs kyi tshogs:__myur du khug la bsgral ba'i las mdzod cig:__ces bskul:__so so'i phyag rgya dang stangs stabs bsgyur zhing :__dzaH__khrag 'thung lha tshogs thugs las sprul pa yi:__lcags kyu dkar mo'i tshogs ni skar ltar 'khrugs:__dgra bgegs rnam shes rten la myur du khug:__khug cig badz+ra aM ku sha ya dzaH__hU~M:__khrag 'thung lha tshogs thugs las sprul pa yi:__zhags pa ser mo'i tshogs ni ser ltar 'dril:__dgra bgegs rnam shes rten dang dbyer med stim:__stims shig badz+ra A be sha ya hU~M:__ba~M:__khrag 'thung lha tshogs thugs las sprul pa yi:__lcags sgrog dmar mo'i tshogs ni zer ltar 'khrugs:__dgra bgegs rnam shes rten dang dbyer med chings:__chings shig badz+ra s+pho Ta ya ba~M:__ho:__khrag 'thung lha tshogs thugs las sprul pa yi:__dril bu ljang mo'i tshogs ni thog ltar 'bebs:__dgra bgegs lus sems rab tu myos par gyis:__myos shig badz+ra g+hAN+De ga ya hoH__phaTaH__khrag 'thung lha tshogs thugs las sprul pa yi:__dbye byed 'ug gdong tshogs ni char ltar 'bebs:__dgra bgegs rnam shes mgon skyabs lha dang phrol:__lha dang phrol cig pra be sha ya phaT:__AH__khrag 'thung lha tshogs thugs las sprul pa yi:__'bebs byed spyang mo'i tshogs ni mun ltar gtibs:__dgra bgegs rnam shes phung po'i rten la phob:__phob cig badz+ra A be sha ya aH__zhes dang bsnyen sngags kyi mthar badz+ra aM ku sha sogs btags pa dang :__rgyas par spro na 'gugs bstim gzhan yang bya:__de nas phur pa thogs la:__hU~M:__nga ni che mchog pad+ma he ru ka:__phyag g.yas lcags kyus dgra bgegs 'chor med gzung :__g.yon pas phur bus dgra bgegs snying gar gzir:__tshe dang bsod nams drangs la rang la bstim:__'od zer bdud rtsis rgyud drug dri ma sbyangs:__rnam shes 'og min chos dbyings klong du phaT:__snyigs ma rdul du byas nas tshogs su 'bul:__sngags mthar sarba duSh+tAM a yaM phaT:__mA ra ya rbad:__ces gdab:__thun brabs:__ral gri thogs la:__hU~M:__nga ni las kyi 'jam dpal gshin rje gshed:__ye shes ral gri 'bar ba rno ngar gdengs:__dgra bgegs pho rnams rkang pa g.yas nas btubs:__dgra bgegs mo rnams rkang pa g.yon nas gtubs:__khog pa kha phye rdul phran bzhin du bya:__sarba duSh+tAn mA ra ya b+hin+d+ha b+hin+d+ha hU~M phaT:__ces dum bur gtubs:__bstab pa ni:__hU~M:__bcom ldan dpal chen pad+ma he ru ka:__'bar ba'i rgyal po khrag 'thung yab lnga dang :__bcom ldan dpal chen rdo rje gzhon nu dang :__lha yi rgyal po 'jam dpal gshin rje gshed:__gsang ba'i bdag po bcom ldan gos sngon can:__mgon po nag po chos skyong yongs kyi rje:__mkha' lding rgyal po bya khyung ga ru Da:__ye shes sprul pa'i khro tshogs bcas pa rnams:__sku ni rngams brjid 'jigs pa'i 'od dang ldan:__gtum pa'i zhal gdangs rdo rje'i mche ba gtsigs:__gdug pa'i dgra bgegs ma lus zhal du bstabs:__lhag med bzhes shig rol cig kha raM khA hi:__shrI pad+ma he ru ka ma hA badz+ra sa ma ya sarba duSh+tAn mAM sa rak+ta kiM ni ri ti tsit+ta ba su ta go ro tsa na kha raM khA hi:__zhes phul lo:__de nas rnal 'byor pa rnams kyis yo byad la tshims par rol:__lhag chog rgyas par bya:__bsdu na byin gyis brlabs la:__hU~M:__dpal chen bran dang bka' nyan pho nya'i tshogs:__mthu chen rtsal drag drag shul stobs ldan dang :__khas blangs dang bcas 'jig rten ma mo'i tshogs:__kha rag la sogs bcu gnyis 'khor dang bcas:__ba liM 'bul lo byams pa'i sdong grogs mdzod:__'khor srung rkyen zlog tshe dang bsod nams spel:__mi mthun kun zhi mthun rkyen yid bzhin sgrubs:__badz+ra sa ma ya uts+tshiSh+ta ba liM ta kha kha khA hi khA hi:__zhes 'bul zhing bshal chus kyang mchod:__tshogs kyi smon lam yang gdab bo:__de nas spro na skul dang chad mdo bro rabs sogs rgyas par bya:__dus rgyun du mi spro na ma byas kyang rung :__rjes chog dngos ni:__gtang rag gi mchod bstod bya:__dngos grub blang ba'i phyir gtor chen dang dngos grub kyi rdzas btegs la:__hU~M:__mkha' ltar khyab pa'i pad+ma dbang chen lhas:__dngos grub stsal dang stsol bar mi dmigs kyang :__bdag cag gnyis snang dri ma sbyang ba'i phyir:__sku gsung thugs kyi sid+d+hi stsal du gsol:__kA ya sid+d+hi oM:__wA ka sid+d+hi AH__tsit+ta sid+d+hi hU~M:__sarba sid+d+hi pha la a la la hoH__zhes brjod cing gtor ma gnas gsum du reg:__dngos grub kyi rdzas la longs spyad:__bshags pa ni:__thal mo sbyar te:__legs spyad 'di la nyes byas dang :__gzhan yang sgo gsum sdig ltung tshogs:__gang rnams lus can skyabs gyur pa:__de kun khyod kyis bzod mdzad gsol:__A li kA li dang yig brgya mang du bzla'o:__bsdu rim ni:__bdag dang snod bcud gzhal yas lha tshogs kun:__mkha' la sprin ltar mi dmigs ngang du thim:__thog mtha' dbus med smra bsam brjod las 'das:__de bzhin nyid dbyings ma bcos klong du bzhag:__ces dgongs pa bskyang :__thun mtshams su:__slar yang rang nyid skad cig gi pad+ma dbang chen gyi skur gyur pa'i gnas gsum du oM AHhU~M dang :__ba spu'i bu ga thams cad kyang khro chung gi go chas gtams par bsam:__dge ba 'di yis bdag gzhan sems can kun:__pad+ma dbang chen go 'phang 'grub gyur nas:__mi mthun 'jigs pa'i bdud bzhi'i tshogs bcom zhing :__bla med sku dang ye shes ldan par shog:__ces dge ba bsngo:__bkra shis ni:__bde gshegs kun 'dus pad+ma he ru ka:__rdo rje'i gar mdzad srid gsum dregs pa 'dul:__rta mchog dbang gi bkra shis gang lags pa:__deng 'dir gsal zhing bkra shis bde legs shog:__dbang gi yum chen pad+ma gzi ldan ma:__bde chen 'bral med yab kyi sku la 'khril:__shes rab mkha' 'gro'i bkra shis gang lags pa:__deng 'dir gsal zhing bkra shis bde legs shog:__bdud bzhi'i dpung bcom ye shes bzhi dang ldan:__rigs bzhi'i khro chen shes rab lha mor bcas:__snying rje khros pa'i bkra shis gang lags pa:__deng 'dir gsal zhing bkra shis bde legs shog:__phyogs bcu'i bgegs 'joms khro rgyal chen po dang :__bya khyung rgyal po tshad med sgo skyong bzhi:__dkyil 'khor yongs rdzogs bkra shis gang lags pa:__deng 'dir gsal zhing bkra shis bde legs shog:__bdag dang yon gyi bdag po 'khor bcas rnams:__mi mthun kun zhi tshe bsod ye shes rgyas:__dngos grub rnam gnyis dka' ba med par 'grub:__bkra shis shin tu rnam par rgyal gyur cig:__ces me tog 'thor zhing rol mo'i sgra dang bcas te dge legs su bya'o:__o rgyan gyi slob dpon pad+ma 'byung gnas kyis rje lha gcig mnga' bdag khri srong lde'u btsan dang :__lo chen bai ro tsa na la rjes su gdams pa'i dpal rta mchog rol pa bde gshegs dregs pa kun sgrol gyi phrin las kyi byang bu rnams dang :__mngon par rtogs pa khrigs su bsdebs pa rdzogs so:_