ཀུན་བཟང་ཐུགས་གཏེར་གྱི་བཀའ་སྲུང་མ་མགོན་ལྕམ་དྲལ་གཏོར་ཆོག་མདོར་བསྡུས།

🚧 This website is under continued development. We appreciate your patience!

Previous Text Back to Volume PageNext Text

Wylie title	kun bzang thugs gter gyi bka' srung ma mgon lcam dral gtor chog mdor bsdus
Location	mkhyen brtse'i bka' babs Volume 11, Text 9, Pages 207-216 (Folios 1a to 5b5)
Author	འཇམ་མགོན་ཀོང་སྤྲུལ་
Less details More details
Tertön	བྱང་ཆུབ་གླིང་པ་, འཇམ་དབྱངས་མཁྱེན་བརྩེའི་དབང་པོ་ (byang chub gling pa, 'jam dbyangs mkhyen brtse'i dbang po)
Citation	'jam mgon kong sprul. kun bzang thugs gter gyi bka' srung ma mgon lcam dral gtor chog mdor bsdus. In Rdzong sar 'jam dbyangs mkhyen brtse'i dbang po'i bka' babs, Vol. 11: 207-216. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Torma-offering Rituals - gtor chog
Cycle	ཡང་དག་ཞི་ཁྲོ་ཕུར་གསུམ་ (yang dag zhi khro phur gsum)
Parent Cycle	ཀུན་བཟང་ཐུགས་གཏེར་ (kun bzang thugs gter)
Karchag page	JKW-KABAB-Volume-11-DA-Karchag
RTZ	In the Rinchen Terdzö: https://rtz.tsadra.org/index.php/Terdzo-SHA-020
Colophon	།ཞེས་པའང་ཉེར་མཁོའི་ཆེད་དུ་བློ་གྲོས་མཐའ་ཡས་ཀྱིས་གཏེར་གཞུང་ལས་བསྡུས་ཏེ་བྲིས་པ་ཉེས་འགལ་མཆིས་ན་རྩ་གསུམ་དམ་ཅན་ཚོགས་ལ་བཟོད་པར་གསོལ་ལོ། །དགེ་ལེགས་འཕེལ།།
	zhes pa'ang nyer mkho'i ched du blo gros mtha' yas kyis gter gzhung las bsdus te bris pa nyes 'gal mchis na rtsa gsum dam can tshogs la bzod par gsol lo/__/dge legs 'phel//

Tibetan Text

Wylie

[edit]

༄༅། །ཀུན་བཟང་ཐུགས་གཏེར་གྱི་བཀའ་སྲུང་མ་མགོན་ལྕམ་དྲལ་གཏོར་ཆོག་མདོར་བསྡུས་བཞུགས་སོ། ན་མོ་གུ་རུ་ཤྲཱི་ཧེ་རུ་ཀཱ་ཡ། ཡང་དག་ཞི་ཁྲོ་ཕུར་གསུམ་གྱི་བཀའི་སྲུང་མ་གཉན་པོ་རཀྴ་མ་ཧཱ་ཀཱ་ལ་དང་ལྷ་མོ་རང་བྱུང་རྒྱལ་མོ་ལ་རྒྱུན་གྱི་གཏོར་མ་འབུལ་བའི་ཕྲིན་ལས་བྱ་བར་འདོད་ན། ཐོད་པའམ་ཟངས་ལྕགས་ཀྱི་སྣོད་དུ་མགོན་པོ་ལ་འབྲུ་ནག་གི་གཏོར་མ་ཟུར་གསུམ་ཤ་ཁྲག་གིས་བརྒྱན་པ། ཆང་དང་ལ་དུ་ལ་ཕུག་བཅས་པ་དང༌། ལྷ་མོ་ལ་ཤ་ཁྲག་གི་གཏོར་མ་ཟུར་གསུམ་ཆང་གིས་བྲན་པ་བཤམ། བཀའ་གཏད་བྱེད་སྐབས་གཉིས་ཀ་ལ་དར་ནག་གི་གདུགས་དབུབ། རང་ཉིད་དཔལ་ཧེ་རུ་ཀའི་ང་རྒྱལ་དང་ལྡན་པས། རྃ་ཡྃ་ཁྃ། གཏོར་མའི་མ་དག་པ་བསྲེགས་གཏོར་བཀྲུས། རང་གི་ཐུགས་ཀའི་ས་བོན་ལས་ཡྃ་རྃ་ཀྃ་ཨ་རྣམས་སྤྲོས་པ་ལས་རླུང་མེ་ཐོད་སྒྱེད་ཀྱི་སྟེང་དུ་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ་ཨོཾ་ཨཱཿཧཱུྃ་ལས་ཤ་ལྔ་བདུད་རྩི་ལྔར་གྱུར། རླུང་གིས་མེ་སྦར། ཐོད་པའི་དམ་རྫས་ཞུ་ཞིང་ཁོལ་བས་དམ་ཚིག་གི་བདུད་རྩིར་གྱུར་པའི་འོད་ཟེར་གྱིས་ཡེ་ཤེས་ཀྱི་བདུད་རྩི་བཀུག་སྟེ་ཐིམ། དམ་ཡེ་གཉིས་སུ་མེད་པའི་བདུད་རྩིའི་རྒྱ་མཚོ་འདོད་ཡོན་གྱི་རོལ་མོ་ཅིར་ཡང་འཆར་བར་གྱུར། ཨོཾ་ཨཱཿཧཱུྃ། ལན་གསུམ་གྱིས་བྱིན་བརླབ། །ཕྲིན་ལས་དངོས་ཀྱི་ཐོག་མ་སྒྲུབ་པའི་སྐབས་རང་རྒྱུད་པའི་ལས་མགོན་ཟིལ་གྱིས་གནོན་པ་སྦྱར་དགོས་ཀྱང་རྒྱུན་གྱི་གཏོར་ཆོག་སོགས་ལ་མི་དགོས་པར་གསུངས་པས་ཡེ་ཤེས་མགོན་པོ་གསལ་གདབ་པ་ནི། ཨོཾ་མ་ཧཱ་ཤཱུ་ནྱ་ཏཱ་སོགས་ཀྱིས་སྦྱང༌། སྟོང་པའི་ངང་ལས་མདུན་གྱི་གཞིར༔ པད་ཉི་དགྲ་བགེགས་གདན་སྟེང་དུ༔ ཧཱུྃ་ཡིག་མཐིང་ནག་འོད་ཟེར་འབར༔ དེ་ཉིད་མ་ཧཱ་ཀཱ་ལར་གྱུར༔ ནག་པོ་ཆེན་པོ་གཟི་བརྗིད་ཅན༔ སྐུ་ལ་མཐའ་བེར་བརྩེགས་མ་གསོལ༔ སྟག་གི་གོང་ལག་འབར་བས་སྤྲས༔ དུར་ཁྲོད་ཆས་བརྒྱད་སྦྲུལ་གྱིས་བརྒྱན༔ ཞབས་ལ་ལྕགས་ཀྱི་འབོའུ་གསོལ༔ དགྲ་བགེགས་བསྒྱེལ་བའི་སྟེང་ན་བསྒྲད༔ ཕྱག་གཡས་ཁ་ཊྭཱྃ་རྩེ་གསུམ་གསོར༔ གཡོན་པས་ཐོད་ཁྲག་ཞལ་དུ་རྔུབས༔ རལ་པ་ཐོར་ཅོག་གྱེན་དུ་བརྫེས༔ ཞལ་བསྒྲད་མཆེ་གཙིགས་སྨ་ར་སེར༔ རྡོ་རྗེ་སྲིན་མོ་ཡུམ་ཉིད་གཡོན༔ ལས་བྱེད་སྲིན་པོ་བདུད་ཚོགས་བཅས༔ སྟེང་ན་མཁའ་ལྡིང་འོག་ན་གཅན་ཟན་ཚོགས༔ ཀུན་ཀྱང་རྔམ་པའི་སྒྲ་སྒྲོགས་པའི༔ ཐུགས་ཀའི་ཧཱུྃ་ལས་འོད་ཟེར་གྱིས༔ འོག་མིན་གནས་ནས་མགོན་པོའི་ཚོགས༔ སྤྱན་དྲངས་གཉིས་སུ་མེད་པར་ཐིམ༔ ཧཱུྃ། དད་པ་དང་དང་ནི་དམ་ཚིག་གིས། །དཔལ་ལྡན་མགོན་པོ་སྤྱན་འདྲེན་ན། །ཐུགས་རྗེ་ཐུགས་དམ་དབང་གིས་ནི། །བསྟན་པ་བསྲུང་ཕྱིར་གཤེགས་སུ་གསོལ། །ཨོཾ་བྷུར་ཀུར་མ་ཧཱ་ཀཱ་ལ་རཀ་མོ་ཀྲོ་ཏཱི་ཤྭ་རཱི༔ ས་མ་ཡ་ཧྲིཾ་ཛ༔ ཛཿཧཱུྃ་བྃ་ཧོཿ ས་མ་ཡ་སྟྭཾ༔ ཞེས་ཡེ་ཤེས་པ་སྤྱན་དྲངས་གཉིས་སུ་མེད་པར་བརྟན་པར་བཞུགས། སླར་ཡང་དཔལ་ཧེ་རུ་ཀའི་དཀྱིལ་འཁོར་པ་རྣམས་ཀྱིས་དབང་བསྐུར་ཅིང་བྱིན་གྱིས་བརླབས། རིགས་ཀྱི་བདག་པོ་མི་བསྐྱོད་པས་རྒྱས་བཏབ་པར་གྱུར། ཨོཾ་ཨཱཿཧཱུྃ་བཛྲ་ཨ་མྲྀ་ཏ་ཨེ་ཧྱེ་ཧི་སརྦ་མཎྜ་ལ་ཧཱུྃ༔ ཨ་བྷི་ཥིཉྩ་མཱྃ་ཧཱུྃ་ཧྲཱིཿཋ༔ བདག་ཉིད་དཔལ་ཆེན་པོས་སྔགས་བརྗོད་པས་ཐུགས་དམ་བསྐུལ་བར་བསམས་ལ། རྡོ་རྗེ་སྨེ་བརྩེགས་དམ་ཚིག་གི་སྔགས། ཨོཾ་བྷུ་རུ་ཀུ་རུ་ཨི་ཙི་ཀྱི་བྱི་ཨུ་ཙུསྨ་ཀྲོ་ཏ་ཧཱུྃ་ཕཊ༔ ཨོཾ་བྷུ་ར་ཀི་ཕཊ༔ ཞེས་པ་ཅུང་ཟད་བཟླ། གསང་བ་ཐུགས་ཀྱི་སྙིང་པོ། ཨོཾ་མ་ཧཱ་ཀཱ་ལ་གུ་ཎ་ཧྲྀ་ད་ཧཱུྃ་ཕཊ༔ ཅེས་ཅི་འགྲུབ་བཟླ། ཨོཾ་ཤྲཱི་མ་ཧཱ་ཀ་ལ་ས་པཱ་རི་ཝཱ་ར་མ་ཧཱ་ཤྨ་ཤཱ་ན་ཨརྒྷཾ་ནས། ཤཔྡ་པྲ་ཏཱིཙྪ་སྭཱ་ཧཱས་མཆོད། ཧཱུྃ༔ མངའ་བདག་ཆེན་པོ་མ་རུངས་པ༔ རྡོ་རྗེ་སེམས་དཔའི་སྤྲུལ་པ་སྟེ༔ ཁྲོ་བོའི་རྒྱལ་པོ་གིང་ཆེན་པོ༔ མངའ་བདག་བདུད་ཀྱི་རྒྱལ་པོ་བཞེངས༔ དུས་ངན་གདུལ་དཀའི་དགྲ་བགེགས་རྣམས༔ མ་ཐོགས་མྱུར་དུ་བསྒྲལ་བའི་ཕྱིར༔ རྣལ་འབྱོར་ཆེན་པོ་ངས་བསྟོད་ཀྱི༔ ཁྱོད་ལ་མཐུན་པའི་དམ་རྫས་འབུལ༔ སྔོན་གྱི་བསྐལ་པ་བཟང་པོ་ལ༔ ཁས་བླངས་དམ་བཅས་མནའ་བོར་བའི༔ དམ་བཅའ་ཐ་ཚིག་མ་བཏང་ཅིག༔ སྔོན་གྱི་དམ་ཚིག་ཇི་བཞིན་དུ༔ ད་ལྟ་རྣལ་འབྱོར་བདག་སྒྲུབ་ན༔ བམ་རི་ཐོད་པའི་མཁར་རྩེ་ནས༔ སྒྲོལ་གིང་ཆེན་པོ་སྐུ་སྐྱོད་ལ༔ རུ་མཚོན་ནག་པོ་པུ་རུ་རུ༔ མཚོན་ཆ་སྣ་ཚོགས་ཆར་དུ་འབེབས༔ བདུད་མདའ་ནག་པོ་ཟངས་སེ་ཟང་༔ བདུད་བྱ་ནག་པོ་ལྡིང་ཞིང་འཇུམ༔ སྣ་ཚོགས་དུར་ཁྲོད་རྒྱན་རྣམས་རྫོགས༔ མཆེ་གཙིགས་རྔམས་པའི་ཞལ་གདངས་ནས༔ ཉམས་པའི་སྙིང་ཁྲག་ཞལ་དུ་རྔུབ༔ ལྷ་ཆེན་ཁྱོད་ཀྱི་བཀའ་འཁོར་ན༔ སྤྲུལ་པའི་ཁྲོ་བོ་ཁྲོ་མོ་འཁྲིགས༔ སྲིན་པོ་སྲིན་མོ་རྐན་སྒྲ་རྡེབ༔ གནོད་སྦྱིན་ཕོ་མོའི་དམག་དཔུང་བཅས༔ ཟ་བྱེད་ཕོ་མོ་ཤ་ཁྲག་རོལ༔ ལྕེ་ནི་གློག་འགྱུར་ང་རོ་འབྲུག༔ གཞན་ཡང་འཇིག་རྟེན་དྲེགས་པའི་ཚོགས༔ རང་རང་འཁོར་དང་བཅས་པ་རྣམས༔ དཔལ་གྱི་སྤྱན་སྔར་དམ་བཅས་པ༔ ཚོགས་ཀྱི་དཀྱིལ་འཁོར་ཆེན་པོ་འདི༔ མིང་ཙམ་འཛིན་པར་བྱེད་པ་ཡང་༔ གཙུག་གི་ནོར་བུ་འབར་བ་ལྟར༔ གཡོ་སྒྱུ་མེད་ཅིང་གུས་ལྡན་པའི༔ སེམས་ཀྱིས་བླངས་ཏེ་སྤྱི་བོ་ཡིས༔ གཙུག་ཏུ་བཞག་སྟེ་བཀུར་བར་བྱ༔ ཇི་ལྟར་ཁས་བླངས་དམ་བཅས་བཞིན༔ ལས་རྣམས་མ་ཐོགས་མངོན་པར་ཕྱུངས༔ སྨན་གཏོར་རཀྟའི་ཕུད་མཆོད་བཞེས༔ རྣལ་འབྱོར་སྔགས་འཆང་བདག་ཅག་གིས༔ ཇི་ལྟར་བཅོལ་བའི་ཕྲིན་ལས་ཀུན༔ མ་ཐོགས་མྱུར་དུ་བསྒྲུབ་པར་མཛོད༔ ཨོཾ་བྷུར་ཀུར་མ་ཧཱ་ཀཱ་ལ་རཀ་མོ་ཀྲོ་ཏཱི་ཤྭ་རི་ཀྲོ་ཏ་ཡག་ཤ་རཀྴ་ཙིཏྟ་ཛྭ་ལ༔ མ་ཧཱ་པཉྩ་ཨ་མྲྀ་ཏ་ཁཱ་ཧི༔ མ་ཧཱ་བ་ལིཾ་ཏ་ཁཱ་ཧི༔ མ་ཧཱ་རཀྟ་ཁཱ་ཧི༔ སྔགས་ལན་གསུམ་གྱིས་མཆོད། དམ་བསྲེ་བ་ནི། ནང་མཆོད་མྱང་ཞིང་ཐིག་གཏོར་འབུལ་ལ། ཨོཾ་མ་ཧཱ་ཀཱ་ལ་གྷུ་ན་ཧྲྀ་ཏ་ཧཱུྃ༔ ས་མ་ཡ་བཛྲ་ཨ་མྲྀ་ཏ་པཱུ་ཙ་སི་ཏི༔ ཁ་ད་པྲ་མ་ནན་བྷི་ཛ་ཡ་ཧཱུྃ་ཨཱ༔ གཏོར་ཆོག་རྐྱང་པའི་སྐབས་རྟེན་རྫས་ལ་ཐིམ་ཞིང་བདག་དང་མི་འབྲལ་བར་བསམས་ལ། ཨི་ཨི་ཨཱིཿ ཧྲི་སྟི་ཨཿ ཨོཾ་མ་ཧཱ་ཀཱ་ལ་གུ་ཎ་ཧྲྀ་ཏ་ཧཱུྃ༔ ཨཱཏྨ་ཀོ་བཛྲ་ཧཱུྃ༔ ཞེས་བརྗོད། བཀའ་གཏད་བྱེད་ན་འདི་རྗེས་ཆོག་སྐབས་སུ་སྦྱར་དགོས། དཔལ་ལྷ་མོའི་གཏོར་ཆོག་ནི། གཏོར་མ་གོང་ལྟར་བྱིན་བརླབ། མདུན་དུ་ར་ལས་ཁྲག་གི་རྒྱ་མཚོའི་སྟེང་དུ༔ རཾ་ལས་མེ་རླུང་འཁྲུགས་པའི་དཀྱིལ་དུ༔ ཏི་ར་བྃ༔ ཅེས་པས༔ མི་རོ་རྟ་རོ་བཅལ་དུ་བཀྲམ་པའི་སྟེང་དུ༔ མ་ལས་ལྷ་མོ་ནག་མོ་ནི༔ མཐིང་ནག་ཞལ་གཅིག་ཕྱག་གཉིས་མ༔ སྐུ་སྟོད་གླང་ལྤགས་རློན་པ་བསྣམས༔ རྒྱ་བོང་ག་དམར་ཆིབས་སུ་ཆིབས༔ སྐུ་སྨད་རེ་ལྡེའི་ཤམ་བུ་ཅན༔ ཕྱག་གཡས་གཅོད་བྱེད་ཀརྟ་རི༔ གཡོན་པས་ནེའུ་ལེའི་རྐྱལ་པ་བསྣམས༔ སྙིང་ནང་ཟླ་སྟེང་མ་ནག་པོ༔ མི་ལྤགས་རློན་པའི་སློད་སྟན་ལ༔ ཐོད་པ་སྔ་རུ་ཕྱི་རུ་བྱས༔ རུ་སྦལ་ལྤགས་པ་ནག་པོས་གཡོགས༔ སྔ་ཤད་བདུད་ཀྱི་ཁྲམ་བམ་བཀལ༔ ཕྱི་ཤད་ནད་ཀྱི་རྐྱལ་པ་བཏགས༔ སྦྲུལ་དང་སེང་གེས་སྙན་ལ་བརྒྱན༔ སྤྱི་བོར་ཟླ་ཚེས་ལྟེ་བར་ཉི་མས་བརྒྱན༔ འདོད་ཁམས་དབང་བྱེད་ནག་མོར་བསྒོམ༔ ཟླ་གམ་གསུམ་ལ་དྲེལ་རྟའི་སྟེང་༔ སྐུ་གསུང་ཐུགས་ཀྱི་སྤྲུལ་པ་གསུམ༔ རོ་ཁ་མ་དང་ནམ་གྲུ་མ༔ ཙ་མུན་ཏྲི་དང་རྣམ་གསུམ་མོ༔ མཐིང་ནག་སྔོན་མོ་སྨུག་ནག་མ༔ ཁྲམ་དང་རྡོ་རྗེ་ཐོད་དབྱུག་འཛིན༔ རྒྱན་དང་ཆ་ལུགས་གཙོ་དང་མཐུན༔ ཁྱམས་ལ་གདུག་པའི་སྲིན་མོ་བདུན༔ ཅེ་སྤྱང་གཟུགས་འཛིན་རྔམ་ཞིང་རྒྱུག༔ གཞན་ཡང་གདུག་པའི་འཁོར་ཚོགས་བཅས༔ སྤྲིན་ལྟར་གཏིབས་པའི་ཐུགས་སྲོག་ལས༔ འོད་འཕྲོས་ཡེ་ཤེས་སྤྱན་དྲངས་གྱུར༔ བྷྱོ་ ཁྱོད་ཀྱི་སྤྱི་བོའི་གཙུག་རུམ་ནས༔ ཉི་མ་ཟླ་བའི་འོད་ཟེར་འཕྲོ༔ ནག་མོ་མི་བཟད་ཆོ་འཕྲུལ་ཅན༔ དུས་ལ་བབས་ཀྱིས་ད་ཚུར་བྱོན༔ ནག་མོ་ཏིང་ལཾ་མ་མ་དུན་བྷྱོ༔ རོ་ཁ་ན་མ་གྲུ་ཙ་མུན་ཏྲི༔ ཛཿཧཱུྃ་བྃ་ཧོ༔ ཞེས་པས་དྲང་ཞིང་བསྟིམ། དུ་ན་བྷྱོ་ས་མ་ཡ་ཛཿཛ༔ ཨེ་ཨ་རལླི་ཧྲཱིཾ་ཛ༔ ཞེས་ཟིལ་གྱིས་མནན། ཤྲཱི་ཧེ་རུ་ཀ་མ་མོ་ནག་མོ་དུན༔ ས་མ་ཡ་ནན༔ པཉྩ་ཨ་མྲྀ་ཏ་ཁཱ་ཧི༔ མ་ཧཱ་བ་ལིན་ཏ་ཁཱ་ཧི༔ མ་ཧཱ་རཀྟ་ཁཱ་ཧི༔ ཞེས་སྐྱེམས་འབུལ། སླར་ཡང་དབང་གི་ལྷ་རྣམས་ཀྱིས་དབང་བསྐུར༔ རིགས་བདག་དཔལ་ཧེ་རུ་ཀས་དབུ་བརྒྱན༔ ཧེ་རུ་ཀ་ས་མ་ཡ་ཨ་བྷི་ཥིཉྩ་ཧཱུྃ༔ ལྷ་མོ་འཁོར་བཅས་ལ་དམ་ཚིག་གི་བདུད་རྩི་སྦྱིན་ཅིང་སྔོན་གྱི་དམ་བཅའ་བསྐུལ་བར་བསམས་ལ། ཨོཾ་ཨཱཿཧཱུྃ༔ ཀུ་རུ་ཀུ་སུ་ས་མ་ཡ་མ་ཧཱ་པཉྩ་ཨ་མྲི་ཏ༔ ས་མ་ཡ༔ ཨི་དན་ཏེ་ན་ར་ཀན༔ དམ་ཚིག་གི་སྔགས་ཀྱིས་འགོ་དྲང་བ་ནི། ཏདྱ་ཐཱ༔ ཨོཾ་རུ་རུ་རོ་རུ་བྷེ་ཏི་སྟ༔ བྷ་ཏོ་སི་སྭཱ་ཧཱ༔ རོ་ཁ་མ་དུན་བྷྱོ༔ ནམ་གྲུ་མ་དུན་བྷྱོ༔ ཙ་མུན་ཏྲི་དུན་བྷྱོ༔ ལན་གཅིག་གམ་གསུམ་བརྗོད། བསྙེན་སྒྲུབ་ཆུན་དྲིལ་གྱི་འཛབ་ནི། མ་མ་ཏྲག་རག་ཤ་སྙིང་ཁ་རག་རེ་མ་ཏི༔ རོ་ཁ་མ༔ ནམ་གྲུ་མ༔ ཙ་མུན་ཏྲི་ཙིཏྟ་སྲོག་དུང་དུང་༔ ཛཿཛཿཧཱུྃ་ཧཱུྃ༔ ཞེས་ཅི་འགྲུབ་བཟླས་པའི་མཐར། ལྗགས་འོད་ཟེར་གྱི་སྦུག་གུས་སྨན་གཏོར་རཀྟའི་བཅུད་དྲངས་ཏེ་གསོལ་བར་བསམས་ལ་གོང་བཞིན་སྙིང་པོ། མ་མ་ཏྲག་རཀྴ་ནས། ཙ་མུནྟྲི་ས་པཱ་རི་བ་ར་པཉྩ་ཨ་མྲྀ་ཏ་ཁཱ་ཧི༔ མ་ཧཱ་བ་ལིནྟ་ཁཱ་ཧི༔ མ་ཧཱ་རཀྟ་ཁཱ་ཧི༔ ལན་གསུམ་གྱིས་འབུལ། ཨོཾ་ཤྲཱི་དེ་བཱི་ཀཱ་ལཱི་ས་པཱ་རི་བཱ་ར་མ་ཧཱ་ཤྨ་ཤཱ་ན་ཨརྒྷཾ་ནས། ཤཔྡ་པྲ་ཏཱིཙྪ་སྭཱ་ཧཱ། ཞེས་མཆོད་ཅིང་བསྟོད་བསྐུལ་ནི། ཧཱུྃ་བྷྱོ༔ དོན་དམ་ཆོས་ཀྱི་དབྱིངས་ལས་མ་གཡོས་ཀྱང་༔ རྣལ་འབྱོར་སྐྱོང་ཕྱིར་མཚན་མའི་སྐུར་བསྟན་པ༔ སྐུ་མདོག་མཐིང་ནག་ཆར་སྤྲིན་ལྟ་བུར་བརྗིད༔ འགྲོ་བ་ཐུགས་རྗེས་སྐྱོང་ཕྱིར་ཡུམ་གྱི་ཚུལ༔ བརྩོན་འགྲུས་ཤུགས་ལྡན་དྲེལ་སྟེང་བཙན་སྐྱིལ་བཞུགས༔ རང་གི་ཕྱག་མཚན་རལ་གྲིས་འཁོར་བའི་གཡུལ་ངོ་ཟློག༔ དགོས་འདོད་སྟེར་ཕྱིར་རིན་ཆེན་ནེའུ་ལེ་འཛིན༔ གླང་ཆེན་སྟག་ཤམ་རེ་ལྡེ་སྦྲུལ་ཆུན་སོགས༔ ཁྲག་ཞག་ཐིག་ལེ་དུར་ཁྲོད་རྒྱན་གྱིས་སྤྲས༔ ཞེ་སྡང་གདུག་པ་དབང་སྡུད་ཟིལ་གནོན་ཕྱིར༔ དུག་སྦྲུལ་མི་འཇིགས་སེང་གེའི་སྙན་ཆ་ཅན༔ ཐལ་ཆེན་ཐིག་ལེ་ཟླ་རྒྱས་སྤྱི་བོར་མཚན༔ ཤེས་རབ་ཉི་མས་འགྲོ་སྐྱོང་ལྟེ་བར་གསལ༔ མ་འདྲེས་ཐེག་པ་ཡོངས་རྫོགས་དབུ་སྐྲ་གཅིག་ཏུ་འཁྱིལ༔ བདག་འཛིན་འཁོར་བ་རྩད་གཅོད་མགོ་ཕྲེང་དོ་ཤལ་བྱས༔ མཐའ་གཉིས་མི་གནས་སྤྲོས་བྲལ་ཡུམ་ལ་འདུད༔ སྔོན་ཚེ་རྒྱལ་བའི་སྤྱན་སྔ་རུ༔ འདོད་ཁམས་དབང་བསྒྱུར་བསྟན་པ་བསྲུང་བར་བྱས༔ མཐུ་དང་རྫུ་འཕྲུལ་ཀུན་གྱིས་འགྲན་ཟླ་བྲལ༔ དེ་ཕྱིར་འདོད་ཁམས་དབང་མོ་ཁྱོད་ལ་འདུད༔ རྔམས་པའི་ཚུལ་འཆང་བདུད་མོ་སྲིན་མོ་བདུན༔ གཞན་ཡང་གདུག་ཅིང་གཏུམ་པའི་འཁོར༔ སླས་དང་ཕྱི་འབྲང་བྲན་མོའི་ཚོགས༔ སྡེ་བརྒྱད་སྤྲུལ་པ་བསམ་ལས་འདས༔ རང་རང་བྲན་གཡོག་དཔུང་དང་བཅས༔ སྔོན་ཚེ་ཕྱག་ན་རྡོ་རྗེ་ཡིས༔ དབང་བསྡུས་ཟིལ་གནོན་དམ་རྫས་བྱིན༔ རང་རང་སྲོག་གི་སྙིང་པོ་ཕུལ༔ ཐེག་ཆེན་བསྟན་པ་བསྲུང་བར་བསྐོས༔ སྔོན་ཚེ་སྤྱན་སྔར་དམ་བཅས་ལྟར༔ བཀའ་ལས་མ་འདའ་དམ་ལ་འདུ༔ དམ་རྫས་མཐུན་པའི་ལོངས་སྤྱོད་བཞེས༔ བཅོལ་བའི་ལས་རྣམས་གྲུབ་པར་མཛོད༔ བཞེངས་ཤིག་ཆོས་ཀྱི་དབྱིངས་ནས་བཞེངས༔ བསྐུལ་ལོ་སེམས་ཅན་དོན་ལ་བསྐུལ༔ མཛོད་ཅིག་འགྲོ་བའི་དོན་མཛོད་ཅིག༔ སྐྱོངས་ཤིག་རྩོལ་བྲལ་ཐེག་པ་སྐྱོངས༔ སོལ་ཅིག་ལམ་གྱི་བར་ཆོད་སོལ༔ སྒྲོལ་ཅིག་བསྟན་པ་བཤིགས་པ་སྒྲོལ༔ དུར་ཁྲོད་གནས་པའི་མ་མོ་རྣམས༔ རྨད་བྱུང་དམ་རྫས་འདི་བཞེས་ལ༔ བདག་ཅག་རྣལ་འབྱོར་འཁོར་བཅས་ཀྱི༔ སྡང་བྱེད་དགྲ་དང་གནོད་བྱེད་བགེགས༔ བཀའ་གཅོག་དམ་དྲལ་དབང་དུ་སྡུས༔ བཅོལ་བའི་ལས་རྣམས་འགྲུབ་པར་མཛོད༔ ཅེས་བསྟོད་ཅིང་བསྐུལ། རྟེན་ཡོད་ན་བསྟིམ། མེད་ན། གཙྪ་གཙྪ་སྭ་བྷཱ་བཱ་ནཱཾ། གྱིས་གཤེགས་སུ་གསོལ་ལོ། །ཞེས་པའང་ཉེར་མཁོའི་ཆེད་དུ་བློ་གྲོས་མཐའ་ཡས་ཀྱིས་གཏེར་གཞུང་ལས་བསྡུས་ཏེ་བྲིས་པ་ཉེས་འགལ་མཆིས་ན་རྩ་གསུམ་དམ་ཅན་ཚོགས་ལ་བཟོད་པར་གསོལ་ལོ། །དགེ་ལེགས་འཕེལ།།

[edit]

@#/__/kun bzang thugs gter gyi bka' srung ma mgon lcam dral gtor chog mdor bsdus bzhugs so/__na mo gu ru shrI he ru kA ya/__yang dag zhi khro phur gsum gyi bka'i srung ma gnyan po rak+sha ma hA kA la dang lha mo rang byung rgyal mo la rgyun gyi gtor ma 'bul ba'i phrin las bya bar 'dod na/___thod pa'am zangs lcags kyi snod du mgon po la 'bru nag gi gtor ma zur gsum sha khrag gis brgyan pa/__chang dang la du la phug bcas pa dang*/__lha mo la sha khrag gi gtor ma zur gsum chang gis bran pa bsham/__bka' gtad byed skabs gnyis ka la dar nag gi gdugs dbub/__rang nyid dpal he ru ka'i nga rgyal dang ldan pas/__ra~M ya~M kha~M/__gtor ma'i ma dag pa bsregs gtor bkrus/__rang gi thugs ka'i sa bon las ya~M ra~M ka~M a rnams spros pa las rlung me thod sgyed kyi steng du ka pA la yangs shing rgya che ba'i nang du oM AHhU~M las sha lnga bdud rtsi lngar gyur/__rlung gis me sbar/__thod pa'i dam rdzas zhu zhing khol bas dam tshig gi bdud rtsir gyur pa'i 'od zer gyis ye shes kyi bdud rtsi bkug ste thim/__dam ye gnyis su med pa'i bdud rtsi'i rgya mtsho 'dod yon gyi rol mo cir yang 'char bar gyur/__oM AHhU~M/__lan gsum gyis byin brlab/__/phrin las dngos kyi thog ma sgrub pa'i skabs rang rgyud pa'i las mgon zil gyis gnon pa sbyar dgos kyang rgyun gyi gtor chog sogs la mi dgos par gsungs pas ye shes mgon po gsal gdab pa ni/__oM ma hA shU n+ya tA sogs kyis sbyang*/__stong pa'i ngang las mdun gyi gzhir:__pad nyi dgra bgegs gdan steng du:__hU~M yig mthing nag 'od zer 'bar:__de nyid ma hA kA lar gyur:__nag po chen po gzi brjid can:__sku la mtha' ber brtsegs ma gsol:__stag gi gong lag 'bar bas spras:__dur khrod chas brgyad sbrul gyis brgyan:__zhabs la lcags kyi 'bo'u gsol:__dgra bgegs bsgyel ba'i steng na bsgrad:__phyag g.yas kha T+wA~M rtse gsum gsor:__g.yon pas thod khrag zhal du rngubs:__ral pa thor cog gyen du brdzes:__zhal bsgrad mche gtsigs sma ra ser:__rdo rje srin mo yum nyid g.yon:__las byed srin po bdud tshogs bcas:__steng na mkha' lding 'og na gcan zan tshogs:__kun kyang rngam pa'i sgra sgrogs pa'i:__thugs ka'i hU~M las 'od zer gyis:__'og min gnas nas mgon po'i tshogs:__spyan drangs gnyis su med par thim:__hU~M/_dad pa dang dang ni dam tshig gis/__/dpal ldan mgon po spyan 'dren na/__/thugs rje thugs dam dbang gis ni/__/bstan pa bsrung phyir gshegs su gsol/__/oM b+hur kur ma hA kA la raka mo kro tI shwa rI:__sa ma ya hriM dza:__dzaHhU~M ba~M hoH__sa ma ya s+t+waM:__zhes ye shes pa spyan drangs gnyis su med par brtan par bzhugs/__slar yang dpal he ru ka'i dkyil 'khor pa rnams kyis dbang bskur cing byin gyis brlabs/___rigs kyi bdag po mi bskyod pas rgyas btab par gyur/__oM AHhU~M badz+ra a mr-i ta e h+ye hi sarba maN+Da la hU~M:__a b+hi Shiny+tsa mA~M hU~M hrIHTha:__bdag nyid dpal chen pos sngags brjod pas thugs dam bskul bar bsams la/__rdo rje sme brtsegs dam tshig gi sngags/__oM b+hu ru ku ru i tsi kyi byi u tsusma kro ta hU~M phaT:__oM b+hu ra ki phaT:__zhes pa cung zad bzla/__gsang ba thugs kyi snying po/__oM ma hA kA la gu Na hr-i da hU~M phaT:__ces ci 'grub bzla/__oM shrI ma hA ka la sa pA ri wA ra ma hA sh+ma shA na ar+g+haM nas/__shap+da pra tIts+tsha swA hAs mchod/__hU~M:__mnga' bdag chen po ma rungs pa:__rdo rje sems dpa'i sprul pa ste:__khro bo'i rgyal po ging chen po:__mnga' bdag bdud kyi rgyal po bzhengs:__dus ngan gdul dka'i dgra bgegs rnams:__ma thogs myur du bsgral ba'i phyir:__rnal 'byor chen po ngas bstod kyi:__khyod la mthun pa'i dam rdzas 'bul:__sngon gyi bskal pa bzang po la:__khas blangs dam bcas mna' bor ba'i:__dam bca' tha tshig ma btang cig:__sngon gyi dam tshig ji bzhin du:__da lta rnal 'byor bdag sgrub na:__bam ri thod pa'i mkhar rtse nas:__sgrol ging chen po sku skyod la:__ru mtshon nag po pu ru ru:__mtshon cha sna tshogs char du 'bebs:__bdud mda' nag po zangs se zang :__bdud bya nag po lding zhing 'jum:__sna tshogs dur khrod rgyan rnams rdzogs:__mche gtsigs rngams pa'i zhal gdangs nas:__nyams pa'i snying khrag zhal du rngub:__lha chen khyod kyi bka' 'khor na:__sprul pa'i khro bo khro mo 'khrigs:__srin po srin mo rkan sgra rdeb:__gnod sbyin pho mo'i dmag dpung bcas:__za byed pho mo sha khrag rol:__lce ni glog 'gyur nga ro 'brug:__gzhan yang 'jig rten dregs pa'i tshogs:__rang rang 'khor dang bcas pa rnams:__dpal gyi spyan sngar dam bcas pa:__tshogs kyi dkyil 'khor chen po 'di:__ming tsam 'dzin par byed pa yang :__gtsug gi nor bu 'bar ba ltar:__g.yo sgyu med cing gus ldan pa'i:__sems kyis blangs te spyi bo yis:__gtsug tu bzhag ste bkur bar bya:__ji ltar khas blangs dam bcas bzhin:__las rnams ma thogs mngon par phyungs:__sman gtor rak+ta'i phud mchod bzhes:__rnal 'byor sngags 'chang bdag cag gis:__ji ltar bcol ba'i phrin las kun:__ma thogs myur du bsgrub par mdzod:__oM b+hur kur ma hA kA la raka mo kro tI shwa ri kro ta yag sha rak+sha tsit+ta dz+wa la:__ma hA pany+tsa a mr-i ta khA hi:__ma hA ba liM ta khA hi:__ma hA rak+ta khA hi:__sngags lan gsum gyis mchod/__dam bsre ba ni/__nang mchod myang zhing thig gtor 'bul la/__oM ma hA kA la g+hu na hr-i ta hU~M:__sa ma ya badz+ra a mr-i ta pU tsa si ti:__kha da pra ma nan b+hi dza ya hU~M A:__gtor chog rkyang pa'i skabs rten rdzas la thim zhing bdag dang mi 'bral bar bsams la/__i i IH__hri sti aH__oM ma hA kA la gu Na hr-i ta hU~M:__At+ma ko badz+ra hU~M:__zhes brjod/__bka' gtad byed na 'di rjes chog skabs su sbyar dgos/__dpal lha mo'i gtor chog ni/__gtor ma gong ltar byin brlab/__mdun du ra las khrag gi rgya mtsho'i steng du:__raM las me rlung 'khrugs pa'i dkyil du:__ti ra ba~M:__ces pas:__mi ro rta ro bcal du bkram pa'i steng du:__ma las lha mo nag mo ni:__mthing nag zhal gcig phyag gnyis ma:__sku stod glang lpags rlon pa bsnams:__rgya bong ga dmar chibs su chibs:__sku smad re lde'i sham bu can:__phyag g.yas gcod byed karta ri:__g.yon pas ne'u le'i rkyal pa bsnams:__snying nang zla steng ma nag po:__mi lpags rlon pa'i slod stan la:__thod pa snga ru phyi ru byas:__ru sbal lpags pa nag pos g.yogs:__snga shad bdud kyi khram bam bkal:__phyi shad nad kyi rkyal pa btags:__sbrul dang seng ges snyan la brgyan:__spyi bor zla tshes lte bar nyi mas brgyan:__'dod khams dbang byed nag mor bsgom:__zla gam gsum la drel rta'i steng :__sku gsung thugs kyi sprul pa gsum:__ro kha ma dang nam gru ma:__tsa mun tri dang rnam gsum mo:__mthing nag sngon mo smug nag ma:__khram dang rdo rje thod dbyug 'dzin:__rgyan dang cha lugs gtso dang mthun:__khyams la gdug pa'i srin mo bdun:__ce spyang gzugs 'dzin rngam zhing rgyug:__gzhan yang gdug pa'i 'khor tshogs bcas:__sprin ltar gtibs pa'i thugs srog las:__'od 'phros ye shes spyan drangs gyur:__b+h+yo _khyod kyi spyi bo'i gtsug rum nas:__nyi ma zla ba'i 'od zer 'phro:__nag mo mi bzad cho 'phrul can:__dus la babs kyis da tshur byon:__nag mo ting laM ma ma dun b+h+yo:__ro kha na ma gru tsa mun tri:__dzaHhU~M ba~M ho:__zhes pas drang zhing bstim/__du na b+h+yo sa ma ya dzaHdza:__e a ral+li hrIM dza:__zhes zil gyis mnan/__shrI he ru ka ma mo nag mo dun:__sa ma ya nan:__pany+tsa a mr-i ta khA hi:__ma hA ba lin ta khA hi:__ma hA rak+ta khA hi:__zhes skyems 'bul/__slar yang dbang gi lha rnams kyis dbang bskur:__rigs bdag dpal he ru kas dbu brgyan:__he ru ka sa ma ya a b+hi Shiny+tsa hU~M:__lha mo 'khor bcas la dam tshig gi bdud rtsi sbyin cing sngon gyi dam bca' bskul bar bsams la/__oM AHhU~M:__ku ru ku su sa ma ya ma hA pany+tsa a mri ta:__sa ma ya:__i dan te na ra kan:__dam tshig gi sngags kyis 'go drang ba ni/__tad+ya thA:__oM ru ru ro ru b+he ti sta:__b+ha to si swA hA:__ro kha ma dun b+h+yo:__nam gru ma dun b+h+yo:__tsa mun tri dun b+h+yo:__lan gcig gam gsum brjod/__bsnyen sgrub chun dril gyi 'dzab ni/__ma ma trag rag sha snying kha rag re ma ti:__ro kha ma:__nam gru ma:__tsa mun tri tsit+ta srog dung dung :__dzaHdzaHhU~M hU~M:__zhes ci 'grub bzlas pa'i mthar/__ljags 'od zer gyi sbug gus sman gtor rak+ta'i bcud drangs te gsol bar bsams la gong bzhin snying po/__ma ma trag rak+sha nas/__tsa mun+t+ri sa pA ri ba ra pany+tsa a mr-i ta khA hi:__ma hA ba lin+ta khA hi:__ma hA rak+ta khA hi:__lan gsum gyis 'bul/__oM shrI de bI kA lI sa pA ri bA ra ma hA sh+ma shA na ar+g+haM nas/__shap+da pra tIts+tsha swA hA/__zhes mchod cing bstod bskul ni/__hU~M b+h+yo:__don dam chos kyi dbyings las ma g.yos kyang :__rnal 'byor skyong phyir mtshan ma'i skur bstan pa:__sku mdog mthing nag char sprin lta bur brjid:__'gro ba thugs rjes skyong phyir yum gyi tshul:__brtson 'grus shugs ldan drel steng btsan skyil bzhugs:__rang gi phyag mtshan ral gris 'khor ba'i g.yul ngo zlog:__dgos 'dod ster phyir rin chen ne'u le 'dzin:__glang chen stag sham re lde sbrul chun sogs:__khrag zhag thig le dur khrod rgyan gyis spras:__zhe sdang gdug pa dbang sdud zil gnon phyir:__dug sbrul mi 'jigs seng ge'i snyan cha can:__thal chen thig le zla rgyas spyi bor mtshan:__shes rab nyi mas 'gro skyong lte bar gsal:__ma 'dres theg pa yongs rdzogs dbu skra gcig tu 'khyil:__bdag 'dzin 'khor ba rtsad gcod mgo phreng do shal byas:__mtha' gnyis mi gnas spros bral yum la 'dud:__sngon tshe rgyal ba'i spyan snga ru:__'dod khams dbang bsgyur bstan pa bsrung bar byas:__mthu dang rdzu 'phrul kun gyis 'gran zla bral:__de phyir 'dod khams dbang mo khyod la 'dud:__rngams pa'i tshul 'chang bdud mo srin mo bdun:__gzhan yang gdug cing gtum pa'i 'khor:__slas dang phyi 'brang bran mo'i tshogs:__sde brgyad sprul pa bsam las 'das:__rang rang bran g.yog dpung dang bcas:__sngon tshe phyag na rdo rje yis:__dbang bsdus zil gnon dam rdzas byin:__rang rang srog gi snying po phul:__theg chen bstan pa bsrung bar bskos:__sngon tshe spyan sngar dam bcas ltar:__bka' las ma 'da' dam la 'du:__dam rdzas mthun pa'i longs spyod bzhes:__bcol ba'i las rnams grub par mdzod:__bzhengs shig chos kyi dbyings nas bzhengs:__bskul lo sems can don la bskul:__mdzod cig 'gro ba'i don mdzod cig:__skyongs shig rtsol bral theg pa skyongs:__sol cig lam gyi bar chod sol:__sgrol cig bstan pa bshigs pa sgrol:__dur khrod gnas pa'i ma mo rnams:__rmad byung dam rdzas 'di bzhes la:__bdag cag rnal 'byor 'khor bcas kyi:__sdang byed dgra dang gnod byed bgegs:__bka' gcog dam dral dbang du sdus:__bcol ba'i las rnams 'grub par mdzod:__ces bstod cing bskul/__rten yod na bstim/__med na/__gats+tsha gats+tsha swa b+hA bA nAM/__gyis gshegs su gsol lo/__/zhes pa'ang nyer mkho'i ched du blo gros mtha' yas kyis gter gzhung las bsdus te bris pa nyes 'gal mchis na rtsa gsum dam can tshogs la bzod par gsol lo/__/dge legs 'phel//_