JKW-KABAB-10-THA-005

From Khyentse Lineage - A Tsadra Foundation Project

ཡང་ཟབ་རྩ་གསུམ་སྙིང་པོའི་སྐོར་ལས། བླ་མ་དྲག་པོ་པདྨ་གཏུམ་པོའི་སྒྲུབ་ཐབས་དྲེགས་པ་ཚར་གཅོད།
Wylie title yang zab rtsa gsum snying po'i skor las bla ma drag po pad+ma gtum po'i sgrub thabs dregs pa tshar gcod JKW-KABAB-10-THA-005.pdf
Location mkhyen brtse'i bka' babs
Volume 10, Text 5, Pages 205-213 (Folios 1a to 5a4)
Author འཇམ་དབྱངས་མཁྱེན་བརྩེའི་དབང་པོ་
Less details More details
Tertön རྒྱ་མ་མི་འགྱུར་ལས་འཕྲོ་གླིང་པ་, འཇམ་དབྱངས་མཁྱེན་བརྩེའི་དབང་པོ་ (rgya ma mi 'gyur las 'phro gling pa, 'jam dbyangs mkhyen brtse'i dbang po)
Citation 'jam dbyangs mkhyen brtse'i dbang po. yang zab rtsa gsum snying po'i skor las bla ma drag po pad+ma gtum po'i sgrub thabs dregs pa tshar gcod. In Rdzong sar 'jam dbyangs mkhyen brtse'i dbang po'i bka' babs, Vol. 10: 205-213. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre Revelations - gter ma  ·  Root Treasure - gter gzhung  ·  Sadhanas - Evocation Ritual - sgrub thabs
Cycle ཡང་ཟབ་རྩ་གསུམ་སྙིང་པོའི་སྐོར་ (yang zab rtsa gsum snying po'i skor)
Deity pad+ma gtum po
Karchag page JKW-KABAB-Volume-10-THA-Karchag
RTZ In the Rinchen Terdzö: https://rtz.tsadra.org/index.php/Terdzo-NA-034
Colophon
  • Treasure colophon: བྱང་ཆུབ་སྒྲུབ་ལ་བར་གཅོད་པའི༔ སྲོག་བདག་གཟའ་ཀླུ་རྒྱལ་འགོང་བཙན༔ བདུད་བཞིའི་འཇིགས་པ་ཐམས་ཅད་ཀྱི༔ གཉེན་པོ་གཅིག་ཏུ་དྲིལ་བའི་ལྷ༔ པདྨ་གཏུམ་པོའི་རྗེས་སྒྲུབ་ཐབས་འདི༔ ཨོ་རྒྱན་བླ་མའི་ཐུགས་ཁྲག་སྟེ༔ མ་འོངས་བོད་ཁམས་སྡུག་བསྔལ་དུས༔ ལས་འཕྲོ་ཅན་གྱི་དཔལ་དུ་ཤོག༔ ས་མ་ཡ༔ རྒྱ་རྒྱ་རྒྱ༔ ཟབ་རྒྱ༔ གཉན་རྒྱ༔ གསང་རྒྱ༔ ཁ་ཐཾ༔ གུ་ཧྱ༔
  • Revealer colophon: མི་འགྱུར་ལས་འཕྲོ་གླིང་པའི་གཏེར་མའོ། །དཔེ་གཏེར་གཞུང་དངོས་དང༌། སྨིན་གྲོལ་དག་སྣང་ཉེ་བརྒྱུད་དེ། ལས་འཕྲོ་གླིང་པའི་ཡེ་ཤེས་ཀྱི་སྐུ་ལས་པདྨ་འོད་གསལ་མདོ་སྔགས་གླིང་པས་གསན། དེས་བདག་རྗེས་སུ་བཟུང་བའོ།།
  • Treasure colophon: byang chub sgrub la bar gcod pa'i:__srog bdag gza' klu rgyal 'gong btsan:__bdud bzhi'i 'jigs pa thams cad kyi:__gnyen po gcig tu dril ba'i lha:__pad+ma gtum po'i rjes sgrub thabs 'di:__o rgyan bla ma'i thugs khrag ste:__ma 'ongs bod khams sdug bsngal dus:__las 'phro can gyi dpal du shog:__sa ma ya:__rgya rgya rgya:__zab rgya:__gnyan rgya:__gsang rgya:__kha thaM:__gu h+ya:
  • Revealer colophon: mi 'gyur las 'phro gling pa'i gter ma'o/__/dpe gter gzhung dngos dang*/__smin grol dag snang nye brgyud de/__las 'phro gling pa'i ye shes kyi sku las pad+ma 'od gsal mdo sngags gling pas gsan/__des bdag rjes su bzung ba'o//

":Property:textsubnumber|textsubnumber" can not be assigned to a declared number type with value 1.

[edit]
༁ྃ༔ ཡང་ཟབ་རྩ་གསུམ་སྙིང་པོའི་སྐོར་ལས༔ བླ་མ་དྲག་པོ་པདྨ་གཏུམ་པོའི་སྒྲུབ་ཐབས་དྲེགས་པ་ཚར་གཅོད་བཞུགས་སོ༔

༡༢༣༤༥༔ ཐོད་ཕྲེང་རྩལ་ལ་ཕྱག་འཚལ་ལོ༔ དྲེགས་པ་ཐམས་ཅད་ཚར་གཅོད་ཕྱིར༔ གུ་རུ་དྲག་པོ་ཆེ་བའི་མཆོག༔ པདྨ་གཏུམ་པོ་བསྒྲུབ་འདོད་ན༔ དུར་ཁྲོད་གནས་སུ་མཆོད་གཏོར་བཤམ༔ སྐྱབས་སེམས་ཚོགས་བསགས་སྔོན་འགྲོ་བས༔ བསྐྱེད་ཅིང་བཟླས་པ་འདི་ལྟར་བྱ༔ ཧཱུྃ༔ སྟོང་གསལ་ངང་ལས་སྣོད་བཅུད་ཀུན༔ རབ་འཇིགས་དྲག་པོའི་ཞིང་ཁམས་དབུས༔ པདྨ་ཉི་མ་བདུད་བཞིའི་སྟེང་༔ རང་རིག་ཆུ་ལས་ཉ་འཕར་ལྟར༔ སྐད་ཅིག་དྲན་རྫོགས་ཐོད་ཕྲེང་རྩལ༔ གསང་བདག་པདྨ་གཏུམ་པོའི་སྐུ༔ མཐིང་དམར་ལྕགས་བསྲེགས་ལྟ་བུའི་མདོག༔ རབ་ཁྲཽས་གར་དགུའི་ཉམས་དང་ལྡན༔ ཕྱག་གཡས་རྡོ་རྗེ་ལྕགས་ཀྱུ་ཡིས༔ སྡེ་བརྒྱད་འབྱུང་པོའི་སྲོག་ནས་འདྲེན༔ གཡོན་པས་སྡིག་མཛུབ་ཕུར་བུ་འདྲིལ༔ མ་རུངས་ལོགས་འདྲེན་སྲོག་རྩ་གཅོད༔ རྩེ་ལས་སྤྲུལ་པའི་ལྕགས་སྡིག་འཕྲོ༔ དམ་སྲི་འགོང་པོ་ཧབ་ཧབ་ཟ༔ སྤྱི་གཙུག་རྟ་གདོང་རྔམས་བཞད་འཚེར༔ སྲིད་གསུམ་གཡོ་ཞིང་དབང་དུ་སྡུད༔ སྐུ་སྨད་གནམ་ལྕགས་ཕུར་པའི་དབལ༔ བར་ཆད་བདུད་བཞིའི་སྙིང་ལ་གཟིར༔ དུར་ཁྲོད་ཆས་བརྒྱད་རབ་ཏུ་བརྗིད༔ མཁའ་འགྲོ་ཆོས་སྐྱོང་ལས་ལ་གཟུད༔ གཤོག་རྩེར་ཁྱུང་ཆེན་ཁྲ་ཐབས་ལྡིང་༔ ས་བདག་ཀླུ་སྲིན་ཐལ་བར་རློག༔ བ་སྤུའི་ཁུང་བུ་ཐམས་ཅད་ཀུན༔ རབ་འབྱམས་ཁྲོ་བོའི་ཕྱག་རྒྱས་གཏམས༔ གནས་གསུམ་ཡི་གེ་གསུམ་གྱིས་མཚན༔ ཐུགས་ཀའི་ཧཱུྃ་འོད་ལྕགས་ཀྱུ་ཡིས༔ ཡེ་ཤེས་འཁོར་བཅས་སྤྱན་དྲངས་བསམ། ཧཱུྃ༔ ལྷོ་ནུབ་རཀྴའི་ཕོ་བྲང་ནས༔ མ་ཧཱ་གུ་རུ་ཐོད་ཕྲེང་རྩལ༔ པདྨ་གཏུམ་པོའི་སྐུར་བཞེངས་ལ༔ གནས་འདིར་སྤྱན་འདྲེན་གཤེགས་སུ་གསོལ༔ བཛྲ་ས་མ་ཡ་ཛཿཛཿ དམ་ཡེ་དབྱེར་མེད་བརྟན་པར་བཞུགས༔ སྒོ་གསུམ་གུས་པའི་དད་ཕྱག་འཚལ༔ ཕྱི་ནང་གསང་མཆོད་སྨན་གཏོར་རཀ༔ མཆོད་པའི་ཕྱག་རྒྱ་ཆེན་པོར་བཞེས༔ སརྦ་པཱུ་ཛ་ས་མ་ཡ་ཧོ༔ པཉྩ་ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ ཧཱུྃ༔ སངས་རྒྱས་ཀུན་འདུས་ཐོད་ཕྲེང་རྩལ༔ དྲེགས་པ་འདུལ་ཕྱིར་ཁྲོ་བོའི་ཚུལ༔ པདྨ་གཏུམ་པོ་ཧེ་རུ་ཀར༔ གུས་པས་བསྟོད་དོ་དངོས་གྲུབ་སྩོལ༔ ཐུགས་ཀར་རྡོ་རྗེའི་ལྟེ་བར་ཧཱུྃ༔ སྔགས་མཚན་འབར་བའི་འོད་ཟེར་གྱིས༔ རྩ་གསུམ་མཆོད་ཅིང་བྱིན་ནུས་བསྡུས༔ འགྲོ་དྲུག་སྒྲིབ་སྦྱངས་ལྷ་རུ་བསྒྱུར༔ དྲེགས་པ་སྡེ་བརྒྱད་ཟིལ་གྱིས་མནན༔ དམ་ལ་མི་གནས་གདུག་པ་ཀུན༔ ཡེ་ཤེས་མེ་ཡིས་གཞོབ་བཞིན་བསྲེགས༔ རྗེས་ཤུལ་ལྷག་མ་མེད་པར་བསམ༔ བསྙེན་སྒྲུབ་སྔགས་འདི་འབུམ་ཚོ་བཞི༔ བཟླས་པས་ལས་ཀུན་འགྲུབ་པར་འགྱུར༔ ཨོཾ་ཨཱཿཧཱུྃ་ཧྲཱིཿམ་ཧཱ་གུ་རུ་པདྨ་ཙཎྜ་བཛྲ་ཀཱི་ལི་ཀཱི་ལ་ཡ་ཁྲོཾ་ག་རུ་ཌ་རུ་བྷ་ཤ་སརྦ་དུཥྟཱན་ཧཱུྃ་ཕཊ༔ ཐུན་མཐར་མཆོད་བསྟོད་དངོས་གྲུབ་བླང་༔ དགེ་བ་བསྔོ་ཞིང་བཀྲ་ཤིས་བརྗོད༔ རྫོགས་རིམ་ཀ་དག་ངང་དུ་བཞག༔ ས་མ་ཡ་རྒྱ༔ ཐུན་མཚམས་ཤ་ཁྲག་གཏོར་མ་བཤམ༔ དགྲ་བགེགས་དགུག་བསྒྲལ་ཞལ་དུ་བསྟབ༔ ཨེ་སརྦ་ཤཱའ་ཏྲཱུན་བིགྷྣཱན་ནྲྀ་ཏྲི་ཛ་མཱ་ར་ཡ་རྦད༔ མ་ཧཱ་མཱཾ་ས་རཀྟ་ཀིཾ་ནི་རི་ཏི་བ་ལིཾ་ཏ་ཁ་ཁ་ཁཱ་ཧི་ཁཱ་ཧི༔ ཧཱུྃ༔ བཅོམ་ལྡན་དཔལ་ཆེན་པདྨ་གཏུམ་པོ་ཆེ༔ དབྱིངས་ནས་བརྩེར་དགོངས་འདིར་གཤེགས་བྱིན་གྱིས་རློབས༔ དགྲ་བགེགས་བསྒྲལ་བའི་ཤ་ཁྲག་གཏོར་མ་དང་༔ སྨན་རཀ་ཕུད་ཀྱི་འདོད་ཡོན་མཆོད་པར་བཞེས༔ རྡོ་རྗེའི་གོ་ཆས་འགལ་རྐྱེན་བར་ཆད་སྲུང་༔ མི་མཐུན་ཞི་ཞིང་མཐུན་རྐྱེན་ལེགས་ཚོགས་སྤེལ༔ ཁམས་གསུམ་དབང་སྡུས་ལོག་ལྟ་ཆམ་ལ་ཕོག༔ རྣལ་འབྱོར་བྱང་ཆུབ་སྒྲུབ་ལ་འཚེ་བ་ཡི༔ གདུག་པའི་དགྲ་བགེགས་སྲོག་རྩ་དམར་པོ་ཆོད༔ སྡེ་བརྒྱད་ཆོ་འཕྲུལ་འབྱུང་བཞིའི་གཡོ་འཁྲུགས་དང་༔ ནད་མཚོན་མུ་གེ་བྱད་ཕུར་རྦོད་གཏོང་ཟློག༔ མངོན་སྤྱོད་སྟོབས་ཀྱི་ཕྲིན་ལས་ཡོངས་རྫོགས་མཛོད༔ ཨཿཡཿམཿདུཿརུཿཙཿཤཿནཿས་མ་ཡ་བྷྱོ་བྷྱོ་ཟློག་ཟློག༔ ཐལ་བརྡབ་གཏོར་མ་དགྲ་ཕྱོགས་འཕང་༔ བར་ཆད་ཐམས་ཅད་བཟློག་པར་འགྱུར༔ ས་མ་ཡ་རྒྱ༔ དེ་ནས་རྫས་ཀྱི་སྦྱོར་བ་ནི༔ ཨ་རུ་བོང་ང་གླ་བའི་རྩི༔ རུ་རྟ་ཤུ་དག་གིའུ་ཝཾ༔ གུ་གུལ་དཀར་ནག་རྡོ་རྗེ་གཉིས༔་་་་་་་གཟའ་བདུད་དང་ཀླུ་བདུད་རྡོ་རྗེ། གྲི་ཤ་སྙིང་གསུམ་་་་གྲི་སྙིང་སྤྲེའུ་དང་རི་བོང་སྙིང༌། ཁྲག་སྣ་གསུམ༔་་་་་པདྨ་རཀྟ་གྲི་ཁྲག་དང་གླང་དམར་ཁྲག སྟག་ཤ་མིང་ཅན་སྤྲུ་བ་ནག༔ ཡུང་བ་ཆུ་རྩ་བྱ་རྒོད་སྤོས༔ སྤང་སྤོས་ཡུངས་ཀར་ཀྱི་ཀྱེ་བ༔ མཁན་དམར་སྤྱང་ཚེར་དྲི་ཅན་དགུ་་་་་དྲི་ཆེན། རྟ་བོན། སྤྱང་བྲུན། མུ་ཟི་གཉིས། བ་བླ། ལྡོང་རོས། ཤིང་ཀུན། སྒོག་སྐྱ། གླང་དམར་རྭ་གཞོབ་དང་བཅས་པ༔ སྐམ་རྣམས་ཞིབ་བཏགས་ཁྲག་སྣ་དང་༔ ཆུ་སྣ་གསུམ་གྱིས་་་་སྔགས་པ་ནུས་ལྡན། བྱིས་པ་ལོ་བརྒྱད་དྲི་ཆུ། ར་ཐུག་གི་ཆུ། རིལ་བུའམ༔ ཡང་ན་གཤེར་དུ་སྦྱར་ཡང་རུང་༔ མི་བསད་གཡག་རྒོད་རྭ་ནང་བླུགས༔ རང་ཉིད་གཏུམ་པོའི་ང་རྒྱལ་བརྟན༔ ཨོཾ་པདྨ་ཙཎྜ་བཛྲ་ཀཱི་ལི་ཀཱི་ལ་ཡ་ནཱ་ག་དུ་ཙྪནྡེ་ཙྪནྡེ་མི་ལི་མི་ལི་བྷནྡྷ་བྷནྡྷ་ནཱ་ག་ན་ནི་སྭཱ་ཧཱ༔ རྩ་བའི་རིག་པ་ཁྲི་དང་ནི༔ ནེར་སེང་ཛྭ་རཾ་རྦད༔ ཁ་ཊ་རུ་ཊ་རྦད༔ ནཱ་ག་དུ་ན་རྦད༔ ཙ་ར་ཙ་ཏྲི་རྦད༔ རཱ་ཙ་ཐིག་ནན་རྦད༔ མ་ཏྲི་མ་ཞུང་རྦད༔ མ་ཏྲ་ཐུམ་རིལ་རྦད༔ ཁ་བསྒྱུར་སྟོང་ཕྲག་གཅིག་གིས་འགྲུབ༔ བྱུགས་བདུག་ལུས་ལ་འཆང་བས་ཀྱང་༔ ནད་གདོན་གནོད་པ་ཐམས་ཅད་ཐུབ༔ རྡོ་རྗེའི་རྫོང་དུ་ཚུད་དང་འདྲ༔ མང་དུ་མ་སྤེལ་དམ་ཚིག་རྒྱ༔ ས་མ་ཡ་རྒྱ༔ ཁྱད་པར་མཆོག་གི་སྲུང་བ་ནི༔ ཐོ་རངས་ལུས་གནད་ལེགས་པར་བཅའ༔ རླུང་དུག་དབྱུང་ལ་བསྐྱེད་རིམ་གསལ༔ རང་ཉིད་པདྨ་གཏུམ་པོ་ཡི༔ ཐུགས་ལས་འོད་ཟེར་གྲངས་མེད་འཕྲོས༔ རྩ་གསུམ་རྒྱལ་བའི་བྱིན་རླབས་དང་༔ གསང་རིག་གཟུངས་སྔགས་ནུས་པ་དང་༔ འབྱུང་བའི་བཅུད་ཀྱི་དངས་མ་ཀུན༔ འུབ་ཀྱིས་བསྡུས་ཏེ་ཧཱུྃ་ལ་ཐིམ༔ དེ་ལས་ཁྲོ་བོའི་ནུས་ལྡན་པའི༔ གནམ་ལྕགས་ཞུན་ཆུ་ཆིལ་ཆིལ་བབས༔ ལུས་གང་ནད་གདོན་སྡིག་སྒྲིབ་སྦྱང་༔ ཁྲག་འཐུང་ཉིད་དང་དབྱེར་མེད་བསམ༔ རྩ་སྔགས་དང་ནི་རྫས་ཀྱི་སྔགས༔ ཁ་བསྒྱུར་དང་བཅས་ཅི་རིགས་དང་༔ རྣམ་པར་འཇོམས་པའི་གཟུངས་ཀྱང་བཟླ༔ ཐུན་མཐར་རྡོ་རྗེའི་སྦུ་གུ་ནས༔ མེ་འོད་དང་བཅས་བབས་པར་བསམ༔ དྲི་ཆུ་བར་པ་ཁྱོར་པར་བཟུང་༔ ཕུད་ཀྱིས་བདུད་རྩི་བཞིན་དུ་མཆོད༔ བར་པ་རང་གིས་འཐོར་འཐུང་བྱ༔ དབང་པོའི་སྒོ་རྣམས་ཐིག་ལེས་གདབ༔ འདི་ཡིས་མི་ཐུབ་གང་ཡང་མེད༔ ཁྱད་པར་ཉིན་ཞག་གཅིག་གི་བར༔ སྟོང་གསུམ་འཁྲུགས་ཀྱང་ཡ་མི་ང་༔ ལྷག་མ་དམ་ཚིག་ལྡན་ངེས་པར༔ བྱིན་ཀྱང་རུང་སྟེ་ཤིན་ཏུ་གསང་༔ ས་མ་ཡ་རྒྱ༔ སྣོད་རུང་དབང་བསྐུར་ཆོ་ག་ནི༔ དཀྱིལ་འཁོར་རྫས་བཤམ་ནུས་ལྡན་བསྒྲུབ༔ སློབ་མའི་དྲི་དང་བགེགས་སྦྱངས་ལ༔ སྲུང་འཁོར་གསལ་བཏབ་མཎྜལ་ཕུལ༔ དེ་ནས་གསོལ་བ་གདབ་པ་ནི༔ དཔལ་ལྡན་བླ་མ་རྡོ་རྗེ་འཆང་༔ པདྨ་གཏུམ་པོ་བདག་ལ་དགོངས༔ ཁྲོ་རྒྱལ་ཆེན་པོའི་དཀྱིལ་འཁོར་དུ༔ བྱིན་རླབས་དབང་མཆོག་སྩལ་དུ་གསོལ༔ ཚོགས་བསགས་ཡེ་ཤེས་དབབ་ཅིང་བརྟན༔ སྐུ་དང་བུམ་པ་སྤྱི་བོར་བཞག༔ ཧཱུྃ༔ ཁྲག་འཐུང་པདྨ་གཏུམ་པོ་ཡི༔ སྐུ་ནི་སྣང་ལ་རང་བཞིན་བྲལ༔ སྐལ་ལྡན་བུ་ལ་དབང་བསྐུར་བས༔ བསྐྱེད་པ་ལྷ་ཡི་དབང་ཐོབ་ཤོག༔ ཀཱ་ཡ་ཨ་བྷི་ཥིཉྩ་ཧཱུྃ༔ སྔགས་ཀྱི་ཡི་གེ་མགྲིན་པར་བཞག༔ ཧཱུྃ༔ ཁྲག་འཐུང་པདྨ་གཏུམ་པོ་ཡི༔ གསུང་ནི་མ་འགགས་རང་བྱུང་དབྱངས༔ སྐལ་ལྡན་བུ་ལ་དབང་བསྐུར་བས༔ བཟླས་པ་སྔགས་ཀྱི་དབང་ཐོབ་ཤོག༔ ཝཱ་ཀ་ཨ་བྷི་ཥིཉྩ་ཧཱུྃ༔ ཕྱག་མཚན་རྡོ་རྗེ་སྙིང་གར་བཞག༔ ཧཱུྃ༔ ཁྲག་འཐུང་པདྨ་གཏུམ་པོ་ཡི༔ ཐུགས་ནི་སྟོང་ཉིད་རྡོ་རྗེའི་དབྱིངས༔ སྐལ་ལྡན་བུ་ལ་དབང་བསྐུར་བས༔ ཏིང་འཛིན་དགོངས་པའི་དབང་ཐོབ་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ དཔལ་གྱི་གཏོར་མ་ལྟེ་བར་བཞག༔ ཧཱུྃ༔ ཁྲག་འཐུང་པདྨ་གཏུམ་པོ་ཡི༔ ཡོན་ཏན་རེ་སྐོང་ཡིད་བཞིན་གཏེར༔ སྐལ་ལྡན་བུ་ལ་དབང་བསྐུར་བས༔ གང་འདུལ་འགྲོ་བ་སྒྲོལ་བར་ཤོག༔ གུ་ཎ་ཨ་བྷི་ཥིཉྩ་ཧཱུྃ༔ ལྕགས་ཀྱུ་ཕུར་པ་གཡས་གཡོན་གཏད༔ ཧཱུྃ༔ ཁྲག་འཐུང་པདྨ་གཏུམ་པོ་ཡི༔ ཕྲིན་ལས་དགྲ་བགེགས་དགུག་ཅིང་སྒྲོལ༔ སྐལ་ལྡན་བུ་ལ་དབང་བསྐུར་བས༔ མངོན་སྤྱོད་སྟོབས་ཀྱི་དབང་ཐོབ་ཤོག༔ ཀརྨ་ཨ་བྷི་ཥིཉྩ་ཧཱུྃ༔ སྤྲོ་ན་དགྲ་བགེགས་དགུག་བསྒྲལ་བསྟབ༔ བསྐུལ་ཞིང་གཏོར་མ་དགྲ་ཕྱོགས་འཕང་༔ བཀྲ་ཤིས་རོལ་མོ་རྒྱ་ཆེར་བྱ༔ རྗེས་སུ་དམ་ཚིག་བསྒོ་བ་ནི༔ དེ་རིང་ཕྱིན་ཆད་བུ་ཁྱོད་ཀྱིས༔ བྱང་ཆུབ་མཆོག་ཏུ་སེམས་བསྐྱེད་ལ༔ བླ་མ་གཙུག་གི་རྒྱན་དུ་ཟུངས༔ ལྷ་བསྒོམ་སྔགས་བཟླས་རྒྱུན་མ་བཅད༔ རང་གཞན་དོན་ཀུན་རྟག་ཏུ་སྒྲུབས༔ བུས་ཀྱང་ཁས་བླངས་གཏང་རག་འབུལ༔ དབང་འདི་ལན་གཅིག་ཐོབ་པས་ཀྱང་༔ པདྨ་གཏུམ་པོས་བྱིན་བརླབས་ནས༔ བར་ཆད་ཀུན་གྱིས་ཉེ་མི་ནུས༔ མཐར་ཐུག་དངོས་གྲུབ་རྣམ་གཉིས་འགྲུབ༔ ས་མ་ཡ་རྒྱ༔ བྱང་ཆུབ་སྒྲུབ་ལ་བར་གཅོད་པའི༔ སྲོག་བདག་གཟའ་ཀླུ་རྒྱལ་འགོང་བཙན༔ བདུད་བཞིའི་འཇིགས་པ་ཐམས་ཅད་ཀྱི༔ གཉེན་པོ་གཅིག་ཏུ་དྲིལ་བའི་ལྷ༔ པདྨ་གཏུམ་པོའི་རྗེས་སྒྲུབ་ཐབས་འདི༔ ཨོ་རྒྱན་བླ་མའི་ཐུགས་ཁྲག་སྟེ༔ མ་འོངས་བོད་ཁམས་སྡུག་བསྔལ་དུས༔ ལས་འཕྲོ་ཅན་གྱི་དཔལ་དུ་ཤོག༔ ས་མ་ཡ༔ རྒྱ་རྒྱ་རྒྱ༔ ཟབ་རྒྱ༔ གཉན་རྒྱ༔ གསང་རྒྱ༔ ཁ་ཐཾ༔ གུ་ཧྱ༔ མི་འགྱུར་ལས་འཕྲོ་གླིང་པའི་གཏེར་མའོ། །དཔེ་གཏེར་གཞུང་དངོས་དང༌། སྨིན་གྲོལ་དག་སྣང་ཉེ་བརྒྱུད་དེ། ལས་འཕྲོ་གླིང་པའི་ཡེ་ཤེས་ཀྱི་སྐུ་ལས་པདྨ་འོད་གསལ་མདོ་སྔགས་གླིང་པས་གསན། དེས་བདག་རྗེས་སུ་བཟུང་བའོ།། །།

[edit]

\u0f01\u0f83:__yang zab rtsa gsum snying po'i skor las:__bla ma drag po pad+ma gtum po'i sgrub thabs dregs pa tshar gcod bzhugs so:__12345:__thod phreng rtsal la phyag 'tshal lo:__dregs pa thams cad tshar gcod phyir:__gu ru drag po che ba'i mchog:__pad+ma gtum po bsgrub 'dod na:__dur khrod gnas su mchod gtor bsham:__skyabs sems tshogs bsags sngon 'gro bas:__bskyed cing bzlas pa 'di ltar bya:__hU~M:__stong gsal ngang las snod bcud kun:__rab 'jigs drag po'i zhing khams dbus:__pad+ma nyi ma bdud bzhi'i steng :__rang rig chu las nya 'phar ltar:__skad cig dran rdzogs thod phreng rtsal:__gsang bdag pad+ma gtum po'i sku:__mthing dmar lcags bsregs lta bu'i mdog:__rab khraus gar dgu'i nyams dang ldan:__phyag g.yas rdo rje lcags kyu yis:__sde brgyad 'byung po'i srog nas 'dren:__g.yon pas sdig mdzub phur bu 'dril:__ma rungs logs 'dren srog rtsa gcod:__rtse las sprul pa'i lcags sdig 'phro:__dam sri 'gong po hab hab za:__spyi gtsug rta gdong rngams bzhad 'tsher:__srid gsum g.yo zhing dbang du sdud:__sku smad gnam lcags phur pa'i dbal:__bar chad bdud bzhi'i snying la gzir:__dur khrod chas brgyad rab tu brjid:__mkha' 'gro chos skyong las la gzud:__gshog rtser khyung chen khra thabs lding :__sa bdag klu srin thal bar rlog:__ba spu'i khung bu thams cad kun:__rab 'byams khro bo'i phyag rgyas gtams:__gnas gsum yi ge gsum gyis mtshan:__thugs ka'i hU~M 'od lcags kyu yis:__ye shes 'khor bcas spyan drangs bsam/__hU~M:__lho nub rak+sha'i pho brang nas:__ma hA gu ru thod phreng rtsal:__pad+ma gtum po'i skur bzhengs la:__gnas 'dir spyan 'dren gshegs su gsol:__badz+ra sa ma ya dzaHdzaH__dam ye dbyer med brtan par bzhugs:__sgo gsum gus pa'i dad phyag 'tshal:__phyi nang gsang mchod sman gtor raka:__mchod pa'i phyag rgya chen por bzhes:__sarba pU dza sa ma ya ho:__pany+tsa a mr-i ta rak+ta ba liM ta khA hi:__hU~M:__sangs rgyas kun 'dus thod phreng rtsal:__dregs pa 'dul phyir khro bo'i tshul:__pad+ma gtum po he ru kar:__gus pas bstod do dngos grub stsol:__thugs kar rdo rje'i lte bar hU~M:__sngags mtshan 'bar ba'i 'od zer gyis:__rtsa gsum mchod cing byin nus bsdus:__'gro drug sgrib sbyangs lha ru bsgyur:__dregs pa sde brgyad zil gyis mnan:__dam la mi gnas gdug pa kun:__ye shes me yis gzhob bzhin bsregs:__rjes shul lhag ma med par bsam:__bsnyen sgrub sngags 'di 'bum tsho bzhi:__bzlas pas las kun 'grub par 'gyur:__oM AHhU~M hrIHma hA gu ru pad+ma tsaN+Da badz+ra kI li kI la ya khroM ga ru Da ru b+ha sha sarba duSh+tAn hU~M phaT:__thun mthar mchod bstod dngos grub blang :__dge ba bsngo zhing bkra shis brjod:__rdzogs rim ka dag ngang du bzhag:__sa ma ya rgya:__thun mtshams sha khrag gtor ma bsham:__dgra bgegs dgug bsgral zhal du bstab:__e sarba shA' trUn big+h+nAn nr-i tri dza mA ra ya rbad:__ma hA mAM sa rak+ta kiM ni ri ti ba liM ta kha kha khA hi khA hi:__hU~M:__bcom ldan dpal chen pad+ma gtum po che:__dbyings nas brtser dgongs 'dir gshegs byin gyis rlobs:__dgra bgegs bsgral ba'i sha khrag gtor ma dang :__sman raka phud kyi 'dod yon mchod par bzhes:__rdo rje'i go chas 'gal rkyen bar chad srung :__mi mthun zhi zhing mthun rkyen legs tshogs spel:__khams gsum dbang sdus log lta cham la phog:__rnal 'byor byang chub sgrub la 'tshe ba yi:__gdug pa'i dgra bgegs srog rtsa dmar po chod:__sde brgyad cho 'phrul 'byung bzhi'i g.yo 'khrugs dang :__nad mtshon mu ge byad phur rbod gtong zlog:__mngon spyod stobs kyi phrin las yongs rdzogs mdzod:__aHyaHmaHduHruHtsaHshaHnaHsa ma ya b+h+yo b+h+yo zlog zlog:__thal brdab gtor ma dgra phyogs 'phang :__bar chad thams cad bzlog par 'gyur:__sa ma ya rgya:__de nas rdzas kyi sbyor ba ni:__a ru bong nga gla ba'i rtsi:__ru rta shu dag gi'u waM:__gu gul dkar nag rdo rje gnyis: gza' bdud dang klu bdud rdo rje/__gri sha snying gsum gri snying spre'u dang ri bong snying*/__khrag sna gsum: pad+ma rak+ta gri khrag dang glang dmar khrag__stag sha ming can spru ba nag:__yung ba chu rtsa bya rgod spos:__spang spos yungs kar kyi kye ba:__mkhan dmar spyang tsher dri can dgu dri chen/__rta bon/__spyang brun/__mu zi gnyis/__ba bla/__ldong ros/__shing kun/__sgog skya/__glang dmar rwa gzhob dang bcas pa:__skam rnams zhib btags khrag sna dang :__chu sna gsum gyis sngags pa nus ldan/__byis pa lo brgyad dri chu/__ra thug gi chu/__ril bu'am:__yang na gsher du sbyar yang rung :__mi bsad g.yag rgod rwa nang blugs:__rang nyid gtum po'i nga rgyal brtan:__oM pad+ma tsaN+Da badz+ra kI li kI la ya nA ga du ts+tshan+de ts+tshan+de mi li mi li b+han+d+ha b+han+d+ha nA ga na ni swA hA:__rtsa ba'i rig pa khri dang ni:__ner seng dz+wa raM rbad:__kha Ta ru Ta rbad:__nA ga du na rbad:__tsa ra tsa tri rbad:__rA tsa thig nan rbad:__ma tri ma zhung rbad:__ma tra thum ril rbad:__kha bsgyur stong phrag gcig gis 'grub:__byugs bdug lus la 'chang bas kyang :__nad gdon gnod pa thams cad thub:__rdo rje'i rdzong du tshud dang 'dra:__mang du ma spel dam tshig rgya:__sa ma ya rgya:__khyad par mchog gi srung ba ni:__tho rangs lus gnad legs par bca':__rlung dug dbyung la bskyed rim gsal:__rang nyid pad+ma gtum po yi:__thugs las 'od zer grangs med 'phros:__rtsa gsum rgyal ba'i byin rlabs dang :__gsang rig gzungs sngags nus pa dang :__'byung ba'i bcud kyi dngas ma kun:__'ub kyis bsdus te hU~M la thim:__de las khro bo'i nus ldan pa'i:__gnam lcags zhun chu chil chil babs:__lus gang nad gdon sdig sgrib sbyang :__khrag 'thung nyid dang dbyer med bsam:__rtsa sngags dang ni rdzas kyi sngags:__kha bsgyur dang bcas ci rigs dang :__rnam par 'joms pa'i gzungs kyang bzla:__thun mthar rdo rje'i sbu gu nas:__me 'od dang bcas babs par bsam:__dri chu bar pa khyor par bzung :__phud kyis bdud rtsi bzhin du mchod:__bar pa rang gis 'thor 'thung bya:__dbang po'i sgo rnams thig les gdab:__'di yis mi thub gang yang med:__khyad par nyin zhag gcig gi bar:__stong gsum 'khrugs kyang ya mi nga :__lhag ma dam tshig ldan nges par:__byin kyang rung ste shin tu gsang :__sa ma ya rgya:__snod rung dbang bskur cho ga ni:__dkyil 'khor rdzas bsham nus ldan bsgrub:__slob ma'i dri dang bgegs sbyangs la:__srung 'khor gsal btab maN+Dal phul:__de nas gsol ba gdab pa ni:__dpal ldan bla ma rdo rje 'chang :__pad+ma gtum po bdag la dgongs:__khro rgyal chen po'i dkyil 'khor du:__byin rlabs dbang mchog stsal du gsol:__tshogs bsags ye shes dbab cing brtan:__sku dang bum pa spyi bor bzhag:__hU~M:__khrag 'thung pad+ma gtum po yi:__sku ni snang la rang bzhin bral:__skal ldan bu la dbang bskur bas:__bskyed pa lha yi dbang thob shog:__kA ya a b+hi Shiny+tsa hU~M:__sngags kyi yi ge mgrin par bzhag:__hU~M:__khrag 'thung pad+ma gtum po yi:__gsung ni ma 'gags rang byung dbyangs:__skal ldan bu la dbang bskur bas:__bzlas pa sngags kyi dbang thob shog:__wA ka a b+hi Shiny+tsa hU~M:__phyag mtshan rdo rje snying gar bzhag:__hU~M:__khrag 'thung pad+ma gtum po yi:__thugs ni stong nyid rdo rje'i dbyings:__skal ldan bu la dbang bskur bas:__ting 'dzin dgongs pa'i dbang thob shog:__tsit+ta a b+hi Shiny+tsa hU~M:__dpal gyi gtor ma lte bar bzhag:__hU~M:__khrag 'thung pad+ma gtum po yi:__yon tan re skong yid bzhin gter:__skal ldan bu la dbang bskur bas:__gang 'dul 'gro ba sgrol bar shog:__gu Na a b+hi Shiny+tsa hU~M:__lcags kyu phur pa g.yas g.yon gtad:__hU~M:__khrag 'thung pad+ma gtum po yi:__phrin las dgra bgegs dgug cing sgrol:__skal ldan bu la dbang bskur bas:__mngon spyod stobs kyi dbang thob shog:__karma a b+hi Shiny+tsa hU~M:__spro na dgra bgegs dgug bsgral bstab:__bskul zhing gtor ma dgra phyogs 'phang :__bkra shis rol mo rgya cher bya:__rjes su dam tshig bsgo ba ni:__de ring phyin chad bu khyod kyis:__byang chub mchog tu sems bskyed la:__bla ma gtsug gi rgyan du zungs:__lha bsgom sngags bzlas rgyun ma bcad:__rang gzhan don kun rtag tu sgrubs:__bus kyang khas blangs gtang rag 'bul:__dbang 'di lan gcig thob pas kyang :__pad+ma gtum pos byin brlabs nas:__bar chad kun gyis nye mi nus:__mthar thug dngos grub rnam gnyis 'grub:__sa ma ya rgya:__byang chub sgrub la bar gcod pa'i:__srog bdag gza' klu rgyal 'gong btsan:__bdud bzhi'i 'jigs pa thams cad kyi:__gnyen po gcig tu dril ba'i lha:__pad+ma gtum po'i rjes sgrub thabs 'di:__o rgyan bla ma'i thugs khrag ste:__ma 'ongs bod khams sdug bsngal dus:__las 'phro can gyi dpal du shog:__sa ma ya:__rgya rgya rgya:__zab rgya:__gnyan rgya:__gsang rgya:__kha thaM:__gu h+ya:__mi 'gyur las 'phro gling pa'i gter ma'o/__/dpe gter gzhung dngos dang*/__smin grol dag snang nye brgyud de/__las 'phro gling pa'i ye shes kyi sku las pad+ma 'od gsal mdo sngags gling pas gsan/__des bdag rjes su bzung ba'o//__//

Footnotes

Other Information