DKR-KABUM-21-ZHA-024

Previous Text Back to Volume PageNext Text

དྲག་པོའི་ཧོམ་མཆོད་མདོར་བསྡུས།

Wylie title	drag po'i hom mchod mdor bsdus
Location	dil mgo mkhyen brtse bka' 'bum Volume 21, Text 24, Pages 218 (Folios 1a1 to 1b3)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ (Khyentse, Dilgo)
Associated People	གཉགས་ཛྙཱ་ན་ཀུ་མཱ་ར་ (gnyags dz+nyA na ku mA ra)
Citation	Khyentse, Dilgo. Drag po'i hom mchod mdor bsdus. In Skyabs rje dil mgo mkhyen brtse rin po che'i bka' 'bum, Vol. 21: 218. Delhi: Shechen Publications, 1994.
Genre	Fire Offerings - sbyin sreg
Cycle	སྙན་བརྒྱུད་སྙིང་གི་གསང་མཛོད་ (snyan brgyud snying gi gsang mdzod)
Deity	rje mo siM ha'i zhal

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །དྲག་པོའི་ཧོམ་མཆོད་མདོར་བསྡུས་བྱེད་ན། ལྕགས་སྣོད་ལྟ་བུར་ཨེ་གྲུ་གསུམ་བྲིས་པའི་ཁར་སྐྱེར་བའི་བུད་ཤིང་གྲུ་གསུམ་བརྩིགས་པར། ཨེ་ཡཾ་ཛྭ་ལ་རྃ་ཞེས་མེ་སྦར། ཧཱུྃ་ཧཱུྃ་ཧཱུྃ་ཞེས་བརྗོད་པས་རླུང་གཡབ་སྟེ། སྐད་ཅིག་གིས་མདུན་དུ་དྲག་པོའི་མེ་ཧོམ་གྲུ་གསུམ་པ་བསྐལ་པ་འཇིགས་པའི་མེ་དཔུང་ལྟར་དྲག་ཏུ་འབར་ཞིང་འཁྲུགས་པའི་ཨེ་ཀློང་དུ་ཡེ་ཤེས་ཌཱ་ཀི་ནི་བདུད་འདུལ་སིང་ཧ་མུ་ཁ་ཡབ་ཡུམ་རིགས་ལྔའི་མཁའ་འགྲོ་ཕྱིར་ཟློག་ཆེན་མོ་རིགས་བཞི་དང་བཅས་གཙོ་འཁོར་ཡོངས་སུ་རྫོགས་པ་རྔམ་དྲག་གཏུམ་པའི་གཟི་བྱིན་ཆེར་འཁྲུགས་ཤིང་འབར་བའི་བདག་ཉིད་ཅན་དུ་ལྷག་གིས་གསལ་བར་གྱུར། ཞུན་ཆེན་ཁྲག་སྣ་དང་བཅས་པ། དགང་བླུགས་ཀྱིས་ཕུལ་སྟེ། ཨཿཀཿསཿམཿརཿཙ་ཤཿདཿརཿསཿམཿརཿཡཿཕཊ྄ཿ ཨོཾ་སི་ཏ་ཏ་པ་ཏྲེ༔ ཨ་ན་ལེ་ཨ་ན་ལེ༔ བི་ཤུདྡྷེ་བི་ཤུདྡྷེ་བཻ་ར་བཻ་ར། བཛྲ་དྷཱ་ར་ནི༔ བཛྲ་པ་ཎི་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ༔ དགྲ་བགེགས་ཕུང་སྲི་བྱད་མ་སྡེ་དང་བཅས་པ་ཐུ་གེ་ཐུ་གི་སོད༔ ཁཱ་ཧི་ཁཱ་ཧི༔ རྃ་རྃ་ཛྭ་ལ་རྃ༔ ཧ་ཧ་ཧི་ཧི་ཧཱུྃ་ཕཊ༔ ཞེས་སྦྱར་བ་དང༌། གཞན་ཡང་ལིངྒ་ཡུངས་ཀར་ནག་ཤ་སྣ་ཁྲག་སྣ་སོགས་གྲངས་བརྒྱ་རྩའམ་དྲུག་ཅུ་རྩ་བཞི་འབུལ། ཧཱུྃ༔ གདུག་པའི་དགྲ་བགེགས་ཐམ་ཅད་ཀྱི༔ སྲོག་ལུས་ཁ་རྗེ་དབང་ཐང་དང༔ ཕུང་པོ་ཁམས་དང་སྐྱེ་མཆེད་རྣམས༔ འབར་བ་མེ་ཡིས་ལྷ་ཚོགས་ཀྱི༔ ཞལ་དུ་བསྟབ་བོ་ཛྭ་ལ་རྃ༔ ལྷག་མ་མེད་པ་བཞེས་སུ་གསོལ༔ རྩ་སྔགས་སྤྱི་དྲིལ་མཐའ་དགྲ་བགེགས་ཛྭ་ལ་རྃ༔ ལྷ་ཚོགས་ཀྱི་དགྲ་བགེགས་ལྷག་མེད་དུ་བཞེས་ནས་ཡེ་ཤེས་ཀྱི་འཁོར་ལོ་དབྱིངས་སུ་གཤེགས། དམ་ཚིག་པ་འབར་བའི་རྣམ་པར་གྱུར། ཅེས་བརྗོད་ལ་མེ་ཁྲག་ཆུས་བསད། ཐལ་པ་ཟོར་དང༌། མནན་ལིང་དུ་བླུགས་པས་གྲུབ་པའོ། །དགེའོ།། །།

[edit]

@#/_/drag po'i hom mchod mdor bsdus byed na/_lcags snod lta bur e gru gsum bris pa'i khar skyer ba'i bud shing gru gsum brtsigs par/_e yaM dz+wa la ra~M zhes me sbar/_hU~M hU~M hU~M zhes brjod pas rlung g.yab ste/_skad cig gis mdun du drag po'i me hom gru gsum pa bskal pa 'jigs pa'i me dpung ltar drag tu 'bar zhing 'khrugs pa'i e klong du ye shes DA ki ni bdud 'dul sing ha mu kha yab yum rigs lnga'i mkha' 'gro phyir zlog chen mo rigs bzhi dang bcas gtso 'khor yongs su rdzogs pa rngam drag gtum pa'i gzi byin cher 'khrugs shing 'bar ba'i bdag nyid can du lhag gis gsal bar gyur/_zhun chen khrag sna dang bcas pa/_dgang blugs kyis phul ste/_aHkaHsaHmaHraHtsa shaHdaHraHsaHmaHraHyaHphaTa?H_oM si ta ta pa tre:_a na le a na le:_bi shud+d+he bi shud+d+he bai ra bai ra/_badz+ra d+hA ra ni:_badz+ra pa Ni hU~M hU~M hU~M phaT swA hA:_dgra bgegs phung sri byad ma sde dang bcas pa thu ge thu gi sod:_khA hi khA hi:_ra~M ra~M dz+wa la ra~M:_ha ha hi hi hU~M phaT:_zhes sbyar ba dang*/_gzhan yang ling+ga yungs kar nag sha sna khrag sna sogs grangs brgya rtsa'am drug cu rtsa bzhi 'bul/_hU~M:_gdug pa'i dgra bgegs tham cad kyi:_srog lus kha rje dbang thang dang:_phung po khams dang skye mched rnams:_'bar ba me yis lha tshogs kyi:_zhal du bstab bo dz+wa la ra~M:_lhag ma med pa bzhes su gsol:_rtsa sngags spyi dril mtha' dgra bgegs dz+wa la ra~M:_lha tshogs kyi dgra bgegs lhag med du bzhes nas ye shes kyi 'khor lo dbyings su gshegs/_dam tshig pa 'bar ba'i rnam par gyur/_ces brjod la me khrag chus bsad/_thal pa zor dang*/_mnan ling du blugs pas grub pa'o/_/dge'o//_//