JKW-KABUM-14-PHA-024

From Khyentse Lineage - A Tsadra Foundation Project
Revision as of 14:30, 15 December 2022 by Mort (talk | contribs) (Text replacement - "cycle=Bla ma'i thugs sgrub bar chad kun sel" to "cycle=bla ma'i thugs sgrub bar chad kun sel")
(diff) ← Older revision | Latest revision (diff) | Newer revision → (diff)

མཆོག་གླིང་ཐུགས་སྒྲུབ་བར་ཆད་ཀུན་སེལ་གྱི་ཕྱི་སྒྲུབ་བླ་མཆོད་བྱིན་རླབས་ཆར་འབེབས།
Wylie title mchog gling thugs sgrub bar chad kun sel gyi phyi sgrub bla mchod byin rlabs char 'bebs JKW-KABUM-14-PHA-024.pdf
Location mkhyen brtse'i bka' 'bum
Volume 14, sde tshan 24, Pages 391-433 (Folios 1a to 22a2)
Author འཇམ་དབྱངས་མཁྱེན་བརྩེའི་དབང་པོ་
Less details More details
Tertön མཆོག་གྱུར་གླིང་པ་ (mchog gyur gling pa)
Associated People པདྨ་འབྱུང་གནས་ (pad+ma 'byung gnas)
Citation 'jam dbyangs mkhyen brtse'i dbang po. mchog gling thugs sgrub bar chad kun sel gyi phyi sgrub bla mchod byin rlabs char 'bebs. In 'jam dbyangs mkhyen brtse'i dbang po'i bka' 'bum, Vol. 14: 391-433. Khams sde dge rdzong sar dgon: Rdzong sar blo gros phun tshogs, 2020.
Genre Guru Offering Texts- bla ma mchod pa
Cycle བླ་མའི་ཐུགས་སྒྲུབ་བར་ཆད་ཀུན་སེལ་ (bla ma'i thugs sgrub bar chad kun sel)
RTZ In the Rinchen Terdzö: https://rtz.tsadra.org/index.php/Terdzo-CA-048
Colophon

།ཅེས་པའང་ཐར་ལམ་བླ་མའི་བཀའ་དྲིན་ཁོ་ན་ལ་རེ་བ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་རང་གཞན་གྱི་རྒྱུད་ལ་ཚོགས་ཟུང་སྒོ་དུ་མ་ནས་སྤེལ་བ་དང་། བསྟན་འགྲོའི་དགེ་ལེགས་ཀྱི་དུས་སྟོན་རྒྱས་པར་དར་བའི་རྟེན་འབྱུང་སོགས་དགོས་པ་ཁྱད་པར་ཅན་གྱི་སླད་དུ་དམིགས་ནས་ཉུངས་གསལ་སྙིང་པོར་དྲིལ་ཏེ་སྦྱར་བ་དགེ་ལེགས་མཆོག་ཏུ་གྱུར་ཅིག། །སརྦ་དཱ་ཀཱ་ལྱཱ་ཎཾ་བྷ་བ་ཏུ།།

/ces pa'ang thar lam bla ma'i bka' drin kho na la re ba mtsho skyes bla ma dgyes pa'i 'bangs mkhyen brtse'i dbang pos rang gzhan gyi rgyud la tshogs zung sgo du ma nas spel ba dang /__bstan 'gro'i dge legs kyi dus ston rgyas par dar ba'i rten 'byung sogs dgos pa khyad par can gyi slad du dmigs nas nyungs gsal snying por dril te sbyar ba dge legs mchog tu gyur cig/__/sarba dA kA l+yA NaM b+ha ba tu/

":Property:textsubnumber|textsubnumber" can not be assigned to a declared number type with value 1.

[edit]
༅། །གུ རོ ཤྩི ཏྟ སཱ དྷ ན པྲ ཏི བ ནྡྷཱ གྲ ས ནེ བྷྱཿ དྭི ག ཎཽ བ རྡྷ ཏི བི དྷྱ དྷི ཥྛཱ ནཾ པྲྀ ཥྚྱཱ བེ ཤ ནཾ ནཱ མ བི ཧི དྷཱཾ དྷྱེ ཥ ཎཱ ཡཱ ན ཡཾ སཱ ངྷ ན ཤྩཱ ནུ ས ངྒ བི ཧ ར ཏི སྨ ། །

༅། །བླ་མའི་ཐུགས་སྒྲུབ་བར་ཆད་ཀུན་སེལ་ལས། ཕྱི་གསོལ་འདེབས་ཀྱི་ཚུལ་དུ་སྒྲུབ་པ་དང་རྗེས་སུ་འབྲེལ་བའི་ཚོགས་གཉིས་སྤེལ་བའི་ཆོ་ག་བྱིན་རླབས་ཆར་འབེབས་ཞེས་བྱ་བ་བཞུགས་སོ།

།ན་མོ་གུ་རུ་པདྨཱ་ཀ་རཱ་ཡ། འཆི་མེད་རྟག་བ་དམ་པའི་ཡེ་ཤེས་ནི། །གང་འདུལ་སྒྱུ་འཕྲུལ་དྲྭ་བའི་རྣམ་རོལ་ཅན། །རྩ་གསུམ་ཀུན་འདུས་པདྨ་སཾ་བྷ་བས། །དངོས་གྲུབ་རྒྱ་མཚོའི་གནས་སུ་དབུགས་འབྱིན་མཛོད། །གང་དེ་མཆོད་ཅིང་བསྙེན་པ་ལས། །བྱིན་རླབས་བདུད་རྩིའི་ཟླ་སྣང་གིས། །ཚོགས་ཟུང་ཆུ་གཏེར་འཕེལ་བའི་ཐབས། །དད་པའི་ཡིད་མཁར་དེང་འདིར་འཆར། །འདི་ལ་གསུམ་སྦྱོར་བ། དངོས་གཞི། རྗེས་སོ། །དང་པོ་ལ་གཉིས། ཆོ་གར་མ་གཏོགས་པའི་སྦྱོར་བ་དང་། ཆོ་གར་གཏོགས་པའི་སྦྱོར་བའོ། །དང་པོ་ནི། གནས་དབེན་ལ་ཡིད་དང་རྗེས་སུ་མཐུན་པར་ཕྱག་དར་ལེགས་པར་བསྟར་བའི་གུང་གི་ཆར་རྩ་གསུམ་གྱི་སྣང་བརྙན་སོགས་དཀོན་མཆོག་གི་རྟེན་བཀྲམ་པའི་སྤྱན་སྔར་སྨན་རག་གཏོར་གསུམ་དང་། ཆུ་གཉིས་སྔོན་འགྲོའི་ཉེར་སྤྱོད། བྱེ་བྲག་ཏུ་མེ་ཏོག་ལ་སོགས་པའི་མཆོད་པ་རྣམ་ལྔ་བརྒྱ་རྩ་སོགས་གང་འབྱོར། མཎྜལ། དྲི་བཟང་གི་ཆུ། ཚོམ་བུའི་རྒྱུ། ཉེ་ལོགས་གང་བདེར་སྔོན་གཏོར་དང་། ཚོགས་ཀྱི་ཡོ་བྱད། རོལ་མོའི་བྱེ་བྲག་སོགས་འདུ་བྱའོ། །གཉིས་པ་ལ་གསུམ། འགལ་རྐྱེན་བསལ་བ། མཐུན་རྐྱེན་བསྒྲུབ་པ། རྒྱུད་སྦྱང་བའོ། །དང་པོ་ནི། རང་ཉིད་སྐད་ཅིག་གིས་དབང་ཆེན་རྟ་མཆོག་རོལ་པའི་སྐུར་གྱུར་པར་བསམས་ལ། སྔོན་གཏོར། ཨོཾ་ཧ་ཡ་གྲཱི་བ་ཧཱུྃ་ཕ྄ཊ་ཀྱིས་བསང་། སྭ་བྷཱ་ཝས་སྦྱང་། སྟོང་བའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ཨོཾ་ཨཱཿཧཱུྃ་གིས་བརླབ། བྷཱུ་མི་པ་ཏི་ས་པ་རི་ཝཱ་ར་བཛྲ་ས་མཱ་ཛཿས་མགྲོན་དགུག །སྠཱ་ན་པ་ཏི་ཀྵེ་ཏྲ་པ་ལཱཉྩ་ན་མསྶརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་གྲྀ་ཧྞེ་དཾ་བ་ལིནྟ་སྭཱ་ཧཱ། ལན་གསུམ་གྱིས་གཏོར་མ་བསྔོས་ཏེ། གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོའམ་གཞན་དག་ལ། །སྔགས་སྤྱོད་དོན་དུ་ས་ཕྱོགས་འདི། །བདག་ཞུ་ཁྱེད་ཀྱིས་སྩལ་དུ་གསོལ། །བྷཱུ་མི་པ་ཏི་ས་པ་རི་ཝཱ་ར་གཙྪཿས་དཀར་ཕྱོགས་པ་རྣམས་གཤེགས་སུ་གསོལ་བ་དང་ཆབ་གཅིག །ནག་ཕྱོགས་པ་རྣམས་ཀྱང་གཏོར་མའི་ལྷག་མས་ཚིམ་པར་བསམས་ལ། ཨོཾ་ཧ་ཡ་གྲཱི་བ་ཧཱུྃ་ཕ྄ཊ། ཅེས་དང་། སུམྦྷ་སོགས་བརྗོད་པས་བསྐྲད། ཨོཾ་བཛྲ་རཀྵ་རཀྵ་བྷྲཱུྃ། ཕྱོགས་མཚམས་སྟེང་འོག་ཐམས་ཅད་རྡོ་རྗེ་སྲུང་བའི་འཁོར་ལོས་ཡོངས་སུ་བསྐོར་བར་གྱུར་པར་བསམ། གཉིས་པ་ནི། གནས་དང་མཆོད་པའི་ཡོ་བྱད་རྣམས་ལ་དམིགས་ཏེ། ཧཱུྃ་ཧྲཱིཿ བདག་ཉིད་དབང་ཆེན་རོལ་བའི་གནས་གསུམ་ནས༔ ཡིག་འབྲུ་གསུམ་ལས་རྃ་ཡྃ་ཁྃ་འཕྲོས་པས༔ ཡེ་ཤེས་མེ་ཡིས་དངོས་འཛིན་དྲི་མ་བསྲེགས༔ ཆོས་ཉིད་རླུང་གིས་བག་ཆགས་མཚན་མ་གཏོར༔ བྱང་སེམས་ཆུ་ཡིས་འཁྲུལ་པའི་རྟོག་ཚོགས་བཀྲུས༔ སྣོད་བཅུད་སྟོང་གསལ་གཉུག་མའི་དབྱིངས་སུ་ཐིམ༔ རྃ་ཡྃ་ཁྃ་སྥ་ར་ཎ་ཕཊ༔ དྷརྨ་དྷཱ་ཏུ་ཨཿ སླར་ཡང་རིག་རྩལ་ཕྱག་རྒྱའི་ཆོ་འཕྲུལ་ཆེ༔ བྷྲཱུྃ་ལས་གནས་ཁང་པདྨོ་བཀོད་པའི་ཞིང་༔ མཚན་ཉིད་ཡོངས་རྫོགས་སྤྲུལ་པའི་ཕོ་བྲང་དབུས༔ ཏྲཱྃ་ཡིག་ཡོངས་གྱུར་རྒྱན་གྱི་བྱེ་བྲག་དང་༔ ཧྲཱིཿལས་ཀུན་བཟང་མཆོད་པའི་སྤྲིན་ཆེན་པོ༔ རྒྱུན་མི་འཆད་པ་ནམ་མཁའ་མཛོད་ཀྱི་གཏེར༔ རྩ་གསུམ་ལྷ་ཚོགས་དགྱེས་པ་སྐོང་བའི་རྫས༔ ཟག་མེད་བདེ་ཆེན་ཡེ་ཤེས་རོལ་པར་གྱུར༔ ཨོཾ་བྷྲཱུྃ་ཏྲཱྃ་ཧྲཱིཿ ཨོཾ་བཛྲ་ཨརྒྷཾ་ཨཱཿཧཱུྃ༔ ཨོཾ་བཛྲ་པཱདྱཾ་ཨཱཿཧཱུྃ༔ ཨོཾ་བཛྲ་པུཥྤེ་ཨཱཿཧཱུྃ༔ ཨོཾ་བཛྲ་དྷཱུ་བེ་ཨཱཿཧཱུྃ༔ ཨོཾ་བཛྲ་ཨཱ་ལོ་ཀེ་ཨཱཿཧཱུྃ༔ ཨོཾ་བཛྲ་གནྡྷེ་ཨཱཿཧཱུྃ༔ ཨོཾ་བཛྲ་ནཻ་བིདྱཱ་ཨཱཿཧཱུྃ༔ ཨོཾ་བཛྲ་ཤཔྡ་ཨཱཿཧཱུྃ༔ ཞེས་པས་ཕྱི་མཆོད་དང་། ཨོཾ་རཱུ་པ་ཤཔྡ་གནྡྷེ་རཱ་ས་སྤཪྴེ་དྷརྨ་དྷཱ་ཏུ་ཨཱཿཧཱུྃ་གིས་ནང་མཆོད། ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཀུཎྜ་ལཱི་ཧཱུྃ་ཧྲཱིཿཋཱ༔ ཨོཾ་ཨཱཿཧཱུྃ་མ་ཧཱ་བ་ལིནྟ་ཏེ་ཛོ་བ་ལིནྟ་བ་ལ་བ་ཏེ་གུ་ཧྱ་ས་མ་ཡ་ཧཱུྃ་ཧྲཱིཿཋཱ༔ ཨོཾ་ཨཱཿཧཱུྃ་མ་ཧཱ་རཀྟ་ཛྭ་ལ་མཎྜ་ལ་ཧཱུྃ་ཧྲཱིཿཋཱ༔ ཞེས་པས་ཁྱད་པར་གྱི་མཆོད་པ་རྣམས་བྱིན་གྱིས་བརླབ་སོ། །གསུམ་པ་ལ། ངེས་འབྱུང་གསལ་གདབ་སྐྱབས་སུ་འགྲོ། །སེམས་བསྐྱེད་སྒྲིབ་སྦྱང་ཚོགས་བསག་གོ །ཞེས་པ་ལྟར་ལྔ་ལས། དང་པོ་ངེས་འབྱུང་གི་བློ་བཅོས་པ་ནི། དལ་འབྱོར་འདི་ནི་ཤིན་ཏུ་རྙེད་པར་དཀའ། །སྐྱེས་བུས་དོན་གྲུབ་ཐོབ་པར་གྱུར་པ་ལ། །གལ་ཏེ་འདི་ལ་ཕན་པ་མ་བསྒྲུབས་ན། །ཕྱིས་འདི་ཡང་དག་འབྱོར་པར་ག་ལ་འགྱུར། །སྲིད་གསུམ་མི་རྟག་སྟོན་ཀའི་སྤྲིན་དང་འདྲ། །འགྲོ་བའི་སྐྱེ་འཆི་གར་ལ་བལྟ་དང་མཚུངས། །འགྲོ་བའི་ཚེ་འགྲོ་ནམ་མཁའི་གློག་འདྲ་སྟེ། །རི་གཟར་འབབ་ཆུ་བཞིན་དུ་མྱུར་མགྱོགས་འགྲོ། །དུས་ཀྱིས་བསྙེན་ནས་རྒྱལ་བོ་འགྲོ་གྱུར་ན། །ལོངས་སྤྱོད་མཛའ་དང་གཉེན་བཤེས་རྗེས་མི་འབྲངས། །སྐྱེས་བུ་དག་ནི་གར་གནས་གར་འགྲོ་ཡང་། །ལས་ནི་གྲིབ་མ་བཞིན་ཏུ་རྗེས་སུ་འབྲངས། །སྲེད་སྲིད་མ་རིག་དབང་གིས་སྐྱེ་བོ་རྣམས། །མི་དང་ལྷ་དང་ངན་སོང་རྣམ་གསུམ་པོ། །འགྲོ་བ་ལྔ་བོ་དག་ཏུ་མི་མཁས་འཁོར། །དཔེར་ན་རྫ་མཁན་འཁོར་ལོ་འཁོར་བ་བཞིན། །སྲིད་གསུམ་རྒ་དང་ནད་ཀྱི་སྡུག་བསྔལ་འབར། །འདི་ན་འཆི་མེ་རབ་འབར་མགོན་མེད་དེ། །སྲིད་ལས་བྱུང་ལ་འགྲོ་བ་རྟག་ཏུ་རྨོངས། །བུམ་པར་ཆུད་པའི་བུང་བ་འཁོར་བ་བཞིན། །དེ་ལྟའི་འཇིགས་རུང་སྲིད་པའི་སྡུག་བསྔལ་ལས། །རང་གཞན་འགྲོ་ཀུན་ཡོངས་སུ་བསྒྲལ་བའི་ཕྱིར། །བླ་མ་མཆོག་དང་དཀོན་མཆོག་རིན་པོ་ཆེར། །རྩེ་གཅིག་གུས་པས་སྐྱབས་སུ་གཟུང་བར་བགྱི། །ཞེས་སྐྱེས་བུ་ཆེན་པོའི་བློས་མཚམས་སྦྱར་ཏེ། གཉིས་པ་སྐྱབས་སུ་འགྲོ་བ་ནི། མདུན་གྱི་ནམ་མཁར་སྐྱབས་ཡུལ་རྣམས་མངོན་སུམ་བཞིན་དུ་གསལ་བའི་སྤྱན་སྔར་བདག་དང་སེམས་ཅན་ཐམས་ཅད་སྒོ་གསུམ་འཇུག་པ་གཅིག་པས་སྐྱབས་སུ་འགྲོ་བར་གྱུར་པར་མོས་ཏེ། ན་མོ༔ བདག་དང་མཁའ་མཉམ་སེམས་ཅན་མ་ལུས་ཀུན༔ བླ་མ་སངས་རྒྱས་ཆོས་དང་དགེ་འདུན་དང་༔ ཡི་དམ་དཔའ་བོ་མཁའ་འགྲོ་ཆོས་སྐྱོང་ཚོགས༔ ཐུགས་རྗེ་ཆེ་ལྡན་རྣམས་ལ་སྐྱབས་སུ་མཆི༔ ཞེས་ཅི་ནུས་མཐར་སྐྱབས་ཡུལ་རྣམས་ཀྱི་འོད་ཟེར་གྱིས་བདག་གཞན་གྱི་སྡིག་སྒྲིབ་སྦྱངས་པར་བསམ། གསུམ་པ་སེམས་བསྐྱེད་པ་ལ་གསུམ། སྨོན་སེམས་བསྐྱེད་པ། ཚོགས་བསག་པ། འཇུག་པ་བྱང་ཆུབ་ཀྱི་སེམས་ལ་བློ་སྦྱང་པའོ། །དང་པོ་ནི། ཚོགས་ཞིང་རྣམས་དབང་པོའི་ཚུལ་དུ་བྱས་ཏེ་དོན་ཡིན་ལ་དྲན་བཞིན་པས། ཧོཿ སྔོན་གྱི་རྒྱལ་བ་སྲས་དང་བཅས་རྣམས་ཀྱིས༔ བླ་མེད་བྱང་ཆུབ་མཆོག་ཏུ་ཐུགས་བསྐྱེད་ལྟར༔ བདག་ཀྱང་མར་གྱུར་མཁའ་མཉམ་འགྲོ་ཀུན་ལ༔ ཕན་གདགས་སླད་དུ་སངས་རྒྱས་བསྒྲུབ་པར་བགྱི༔ གཉིས་པ་ནི། རང་གཞན་སེམས་ཅན་ཐམས་ཅད་སྒོ་གསུམ་གུས་པས་ཕྱག་འཚལ་ཞིང་། མཆོད་པའི་སྤྲིན་རབ་འབྱམས་སྤྲོ་བ་སོགས་དམིགས་འདོན་ཟུང་དུ་ཆུད་པས། ཨོཾ་ཨཱཿཧཱུྃ་ཧྲཱིཿ རིག་འཛིན་པདྨ་འབྱུང་གནས་ལ་སོགས་པའི༔ ཕྱོགས་བཅུའི་སྐྱབས་ཡུལ་རྣམས་ལ་ཕྱག་འཚལ་ལོ༔ དངོས་སུ་འབྱོར་དང་ཡིད་ལས་བྱུང་བ་ཡི༔ ཀུན་བཟང་མཆོད་སྤྲིན་ནམ་མཁའ་གང་བས་མཆོད༔ སོ་ཐར་བྱང་ཆུབ་སེམས་དཔའི་བསླབ་པ་དང་༔ རིག་འཛིན་སྔགས་ཀྱི་དམ་ཚིག་ཉམས་ཆག་བཤགས༔ འཕགས་དང་སོ་སོ་སྐྱེ་བོའི་ཚོགས་རྣམས་ཀྱིས༔ རྒྱལ་སྲས་སྤྱོད་པ་སྤྱད་ལ་རྗེས་ཡི་རང་༔ མཐའ་ཡས་འགྲོ་བ་སྡུག་བསྔལ་གྱུར་པ་ལ༔ ཕན་པ་ཇི་ལྟར་འཚམས་པའི་ཆོས་འཁོར་བསྐོར༔ བསྐལ་པ་བྱེ་བ་བསམ་ཡས་ཇི་སྙེད་དུ༔ འགྲོ་བའི་དོན་ཕྱིར་མྱ་ངན་མི་འདའ་བཞུགས༔ བདག་གིས་དུས་གསུམ་བསགས་པའི་དགེ་བ་རྣམས༔ འགྲོ་ཀུན་བྱང་ཆུབ་སྙིང་པོ་ཐོབ་ཕྱིར་བསྔོ༔ གསུམ་པ་ནི། བདག་གི་བདེ་བ་གཞན་ལ་གཏོང་བའི་བྱམས་པ་དང་། གཞན་གྱི་སྡུག་བསྔལ་རང་གིས་བླང་བའི་སྙིང་རྗེ། དེ་དག་དང་མི་འབྲལ་བར་སྨོན་པའི་དགའ་བ། ཐམས་ཅད་མཉམ་ཉིད་དུ་བཏང་སྙོམས་པའི་བློ་ཕྱོགས་རིས་དང་བྲལ་བས་རྒྱལ་སྲས་ཀྱི་སྤྱོད་པ་རླབས་པོ་ཆེ་ལ་བསླབ་པའི་འདུན་པ་དང་བཅས། བསོད་ནམས་འདི་ཡིས་འགྲོ་ཀུན་བདེ་དང་ལྡན༔ སྡུག་བསྔལ་ཀུན་བྲལ་བདག་ལ་སྨིན་གྱུར་ཅིག༔ སྡུག་བསྔལ་མེད་པའི་བདེ་དང་མི་འབྲལ་ཞིང་༔ ཆོས་ཀུན་མཉམ་ཉིད་བཏང་སྙོམས་ལ་གནས་ཤོག༔ ཅེས་བརྗོད། བཞི་པ་སྡིག་སྒྲིབ་སྦྱོང་བ་རྡོ་རྗེ་སེམས་དཔའི་སྒོམ་བཟླས་ལ། ཐོག་མར་རྟེན་གྱི་སྟོབས་ལྷ་གསལ་གདབ་པ་ནི། ཨཿ བདག་གི་སྤྱི་བོར་པད་ཟླའི་སྟེང་༔ སངས་རྒྱས་ཀུན་གྱི་ཡེ་ཤེས་སྐུ༔ རྡོ་རྗེ་སེམས་དཔའ་བདེ་བ་ཆེ༔ དྲི་མེད་སྟོན་ཀའི་ཟླ་བའི་མདངས༔ ཕྱག་གཉིས་རྡོ་རྗེ་དྲིལ་བུ་བསྣམས༔ རང་འོད་སྙེམས་མ་དགྱེས་བར་འཁྲིལ༔ དར་དང་རིན་ཆེན་རྒྱན་གྱིས་མཛེས༔ ཞབས་ཟུང་རྡོ་རྗེའི་སྐྱིལ་ཀྲུང་གིས༔ འཇའ་ཟེར་ཐིག་ལེའི་ཀློང་ན་བཞུགས༔ ཞེས་གསལ་བཏབ་སྟེ། རྣམ་པར་སུན་འབྱིན་པའི་སྟོབས་སྡིག་ལྟུང་ལ་གནོང་འགྱོད་དྲག་པོ་སྔོན་དུ་འགྲོ་བས། གཉེན་པོ་ཀུན་ཏུ་སྤྱོད་པའི་སྟོབས་སྔགས་བཟླ་བའི་དམིགས་པ་ཡིད་ལ་བྱ་བ་ནི། ཐུགས་ཀར་ཟླ་བའི་དཀྱིལ་འཁོར་དབུས༔ བདེ་གཤེགས་ཀུན་གྱི་ཐུགས་སྲོག་ཧཱུྃ༔ ཡི་གེ་བརྒྱ་པའི་སྔགས་ཀྱིས་བསྐོར༔ བཟླས་པས་འོད་འཕྲོས་དོན་གཉིས་བྱས༔ ཚུར་འདུས་བདུད་རྩིའི་ཆུ་རྒྱུན་བབས༔ རང་གི་ཚངས་པའི་སྒོ་ནས་ཞུགས༔ སྡིག་སྒྲིབ་ཉམས་ཆག་ཀུན་བྱང་ནས༔ དག་ཅིང་དྲི་མ་མེད་པར་གྱུར༔ ཅེས་བརྗོད་ཅིང་བསམས་ལ། ཨོཾ་བཛྲ་ས་ཏྭ་ས་མ་ཡ༔ མ་ནུ་པཱ་ལ་ཡ༔ བཛྲ་ས་ཏྭ་ཏྭེ་ནོ་པ༔ ཏིཥྛ་དྲྀ་ཌྷོ་མེ་བྷ་ཝ༔ སུ་ཏོཥྱོ་མེ་བྷ་ཝ༔ སུ་པོ་ཥྱོ་མེ་བྷ་ཝ༔ ཨ་ནུ་རཀྟོ་མེ་བྷ་ཝ༔ སརྦ་སིདྡྷི་མྨེ་པྲ་ཡཙྪ༔ སརྦ་ཀརྨ་སུ་ཙ་མེ༔ ཙིཏྟཾ་ཤྲེ་ཡ་ཀུ་རུ་ཧཱུྃ༔ ཧ་ཧ་ཧ་ཧ་ཧོཿ བྷ་ག་ཝཱན་སརྦ་ཏ་ཐཱ་ག་ཏ་བཛྲ་མཱ་མེ་མུཉྩ༔ བཛྲཱི་བྷ་ཝ་མ་ཧཱ་ས་མ་ཡ་ས་ཏྭ་ཨཱཿ ཞེས་ཅི་ནུས་དང་། ཨོཾ་བཛྲ་ས་ཏྭ་ཨཱཿ ཞེས་པའང་ཅི་རིགས་པ་བཟླས་མཐར་སྤྲོ་ཞིང་ནུས་ན། ཧོཿ ཐུགས་རྗེ་ཆེན་པོ་བཅོམ་ལྡན་རྡོ་རྗེ་སེམས༔ ཞེས་སོགས་སྨྲེ་བཤགས་བྱ་ཞིང་། མི་ནུས་ན། མགོན་པོ་བདག་ནི་མི་ཤེས་རྨོངས་པ་ཡིས། །དམ་ཚིག་ལས་ནི་འགལ་ཞིང་ཉམས། །བླ་མ་མགོན་པོས་སྐྱབས་མཛོད་ཅིག །གཙོ་བོ་རྡོ་རྗེ་འཛིན་པ་སྟེ། །ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཙོ་ལ་བདག་སྐྱབས་མཆི། །སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་ཆག་ཐམས་ཅད་མཐོལ་ཞིང་བཤགས་སོ། །སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ། །ཞེས་གསོལ་བ་བཏབ་པས། བླ་མ་རྡོ་རྗེ་སེམས་དཔའ་དགྱེས་ཤིང་འཛུམ་པ་དང་བཅས་པས་རིགས་ཀྱི་བུ་ཁྱོད་ཀྱི་སྡིག་སྒྲིབ་ཉེས་ལྟུང་ཐམས་ཅད་དག་པ་ཡིན་ནོ། །ཞེས་གནང་བ་བྱིན་ཅིང་འོད་དུ་ཞུ་ནས་རང་ལ་ཐིམ་པས་རང་ཉིད་ཀྱང་དཔལ་རྡོ་རྗེ་སེམས་དཔའི་སྐུར་གྱུར་པར་བསམ།། །།ལྔ་པ་ཚོགས་བསག་པའི་སླད་དུ་མཎྜལ་འབུལ་བ་ནི། རིན་པོ་ཆེའི་མཎྜལ་དྲི་བཟང་གི་ཆུ་ཚོམ་བུའི་རྒྱུ་སོགས་སྟ་གོན་བྱས་ལ། ལུས་ཀྱིས་ཚོམ་བུ་དགོད་པ་དང་བསྟུན་ནས་ངག་ཏུ། ཨོཾ་ཨཱཿཧཱུྃ༔ བདག་དང་མཐའ་ཡས་སེམས་ཅན་གྱི༔ ལུས་དང་ལོངས་སྤྱོད་དགེ་ཚོགས་ཀུན༔ གླིང་བཞི་རི་རབ་ཉི་ཟླར་བཅས༔ ལྷ་མིའི་ལོངས་སྤྱོད་བསམ་མི་ཁྱབ༔ ཀུན་བཟང་མཆོད་པའི་སྤྲིན་ཕུང་ཆེ༔ རྒྱུན་མི་ཆད་བར་སྤྲུལ་བྱས་ཏེ༔ དཀོན་མཆོག་རིན་ཆེན་རྩ་བ་གསུམ༔ ཆོས་སྲུང་ནོར་ལྷ་རྒྱ་མཚོ་ལ༔ གུས་པས་རྟག་ཏུ་འབུལ་བར་བགྱི༔ བསོད་ནམས་ཚོགས་ཆེན་རབ་རྫོགས་ནས༔ ཡེ་ཤེས་སྣང་བ་རྒྱས་པར་ཤོག༔ ཨོཾ་གུ་རུ་དེ་བ་ཌཱ་ཀི་ནཱི་སརྦ་རཏྣ་མཎྜ་ལ་པཱུ་ཛ་མེ་གྷ་ཨཱཿཧཱུྃ༔ བསྡུ་ན། ཨོཾ་ཨཱཿཧཱུྃ༔ ཁམས་གསུམ་སྣོད་བཅུད་དཔལ་འབྱོར་དང་༔ བདག་ལུས་ལོངས་སྤྱོད་དགེ་ཚོགས་ཀུན༔ ཐུགས་རྗེའི་བདག་ཉིད་རྣམས་ལ་འབུལ༔ བཞེས་ནས་བྱིན་གྱིས་བརླབ་ཏུ་གསོལ༔ ཨོཾ་སརྦ་ཏ་ཐཱ་ག་ཏ་རཏྣ་མཎྜལ་པཱུ་ཛ་ཧོ༔ ཞེས་བརྗོད་ཅིང་ཡིད་ཀྱིས་རི་རབ་གླིང་བཞི་ལྷ་མིའི་ལོངས་སྤྱོད་ཞིང་རྡུལ་གྱི་གྲངས་དང་མཉམ་པར་སྤྲུལ་ཏེ་ཕུལ་བ་ཕྱིའི་མཎྜལ། རང་རང་གི་ཕུང་ཁམས་སྐྱེ་མཆེད་གཅེས་པར་བཟུང་བའི་བདོག་དགུའི་ཚོགས་དང་བཅས་ཏེ་ཕུལ་བ་ནང་གི་མཎྜལ། དེ་ཐམས་ཅད་འཁོར་གསུམ་མི་དམིགས་པའི་ལྟ་བས་རྒྱས་ཐེབས་པ་གསང་བའི་མཎྜལ་ཏེ། གསུམ་ཀ་ཕྲུགས་གཅིག་ལ་མང་དུ་འབུལ་ཞིང་མཐར་ཚོགས་ཞིང་རྣམས་རང་ལ་བསྟིམ་མོ།། །། གཉིས་པ་དངོས་གཞི་ལ་གསུམ། མདུན་རྟེན་ཚོགས་ཞིང་བསྒྲུབ་པ། ཚོགས་བསག་རྒྱས་པར་སྤེལ་བ། ཕུར་ཚུགས་སུ་གསོལ་བ་གདབ་པའོ། །དང་པོ་ནི། རང་ཉིད་གཉུག་མའི་ལྷ་གང་ཡང་རུང་བའམ། དཔལ་རྡོ་རྗེ་སེམས་དཔར་གསལ་བཞིན་པའི་ངང་། ཐ་མལ་གྱི་སྣང་བ་ཐམས་ཅད་འོད་གསལ་གྱི་དབྱིངས་སུ་ཐིམ་པ་ལས། སྣོད་རྣམ་པར་དག་པ་འོག་མིན་པདྨོ་བཀོད་པའི་ཞིང་ཁམས། གནས་རྣམ་པར་དག་པ་ཐར་པ་ཆེན་པོའི་གཞལ་མེད་ཁང་། བཅུད་རྣམ་པར་དག་པ་རིག་འཛིན་བླ་མའི་ལྷ་ཚོགས་ཀྱི་ཕྱག་རྒྱར་སད་པའི་མོས་འདུན་རྩེ་གཅིག་པས་འདི་ལྟར་གསལ་གདབ་པར་བྱ་སྟེ། ཨོཾ་སྭ་བྷཱ་བ་ཤུདྡྷཿསརྦ་དྷརྨཱཿསྭ་བྷཱ་བ་ཤུ་དྡྷོ྅་ཧཾ། གཟུང་འཛིན་འཁྲུལ་བའི་སྣང་བ་ཇི་སྙེད་ཀུན། །འོད་གསལ་སྟོང་ཉིད་དབྱིངས་སུ་ཐིམ་པའི་རྩལ། །ཟུང་འཇུག་སྒྱུ་འཕྲུལ་དྲྭ་བའི་རྣམ་རོལ་ནི། །ཕྱི་སྣོད་བདེ་ཅན་པདྨོ་བཀོད་པའི་ཞིང་། །མནན་ནེམ་བཏེག་འཕར་གསེར་གྱི་ས་གཞི་ལ། །བཻཌཱུར་ཞུན་མའི་རེ་ཁཱ་ཅིར་ཡང་བཀྲ། །རིན་ཆེན་རི་བོ་ནོར་བུའི་བྲག་སྐྱིབས་དང་། །ཡན་ལག་བརྒྱད་ལྡན་བདུད་རྩིའི་ཆུ་ཀླུང་འབབས། །དགོས་འདོད་ཀུན་འབྱུང་དཔག་བསམ་ལྗོན་པའི་ཤིང་། །སྤྲུལ་པའི་བྱ་དང་རི་དྭགས་ཚོགས་ཀྱིས་བརྒྱན། །མེ་ཏོག་ཆར་འབེབས་འཇའ་ཟེར་ཐིག་ལེའི་སྤྲིན། །རྣམ་མང་མཆོད་པའི་བྱེ་བྲག་དུ་མ་སོགས། །ཡིད་འཕྲོག་ངོ་མཚར་བཀོད་པས་མཛེས་པའི་གཞིར། །བྱང་ཆུབ་སེམས་དཔའི་ནོར་བུའི་གཞལ་མེད་ཁང་། །ཡངས་ཤིང་རྒྱ་ཆེ་འོད་ཟེར་འབར་བའི་དཀྱིལ། །རང་མདུན་ནམ་མཁར་མཆོད་སྤྲིན་རྒྱ་མཚོའི་དབུས༔ སེང་ཁྲི་པདྨ་ཉི་ཟླ་བརྩེགས་པའི་སྟེང་༔ སྐྱབས་གནས་ཀུན་འདུས་ཨོ་རྒྱན་ཐོད་ཕྲེང་རྩལ༔ ཞལ་གཅིག་ཕྱག་གཉིས་ཁྲོ་འཛུམ་གཟི་འོད་འབར༔ པད་ཞྭ་གསང་ཕོད་ཆོས་གོས་ཟ་བེར་གསོལ༔ ཕྱག་གཡས་རྡོ་རྗེ་གཡོན་པས་ཐོད་བུམ་བསྣམས༔ གསང་བའི་ཕྱག་རྒྱ་སྦས་ཚུལ་ཁ་ཊྭཱཾ་འཁྱུད༔ ཞབས་གཉིས་རོལ་སྟབས་འཇའ་ཚོན་འོད་ལྔའི་ཀློང་༔ རབ་འབྱམས་རྩ་བ་གསུམ་གྱི་སྤྲིན་ཕུང་འཕྲོ༔ སྣང་སྲིད་དཔལ་ལྡན་བླ་མའི་ངོ་བོར་གྱུར༔ ཅེས་པ་ཙམ་མམ། སྤྲོ་ཞིང་ནུས་ན། དེ་ལྟར་དུ་གསལ་བའི་སྐུ་ལས་སྐྱེས་པའི་འོད་ཀྱི་ཕུང་པོའི་ཀློང་དུ་ཉིད་ལས་མི་གཞན་བའི་ཐོད་ཕྲེང་རིགས་ལྔ་དང་། རིག་འཛིན་རྩལ་འཆང་བཅུ་གཉིས། སྤྲུལ་པའི་གུ་རུ་མཚན་བརྒྱད། ཡིད་བཞིན་ནོར་བུ་གུ་རུ་བཅུ་གསུམ། འགྲོ་འདུལ་གུ་རུ་རིགས་དྲུག །འཕྲུལ་མཚན་བཞི་བཅུ་རྩ་ལྔ། མཚན་གྱི་བྱེ་བྲག་བརྒྱ་རྩ་ལ་སོགས་པའི་སྤྲུལ་པ་དང་ཡང་སྤྲུལ་ཉི་ཟེར་གྱི་རྡུལ་ལྟར་སྤྲོ་ཞིང་སྡུད་པའི་བདག་ཉིད་ཆེན་པོའི་དབུའི་སྤྱི་བོའི་གཙུག་ཏུ་པདྨ་དང་ཟླ་བའི་གདན་ལ་རིག་འཛིན་ཤྲཱི་སིཾ་ཧ་སྐུ་མདོག་དམར་སྨུག་གཡས་སྡིགས་མཛུབ་ནམ་མཁར་སྒྲེང་ཞིང་། གཡོན་མཉམ་བཞག་གི་སྟེང་ན་ཐོད་པ་བདུད་རྩིས་གང་བ་བསྣམས་པ་རྣལ་འབྱོར་སྤྱོད་པའི་ཆ་ལུགས་ཅན། གཡས་སུ་སློབ་དཔོན་འཇམ་དཔལ་བཤེས་གཉེན། གཡོན་དུ་པཎ་ཆེན་ཛྙཱ་ན་སཱུ་ཏྲ། དེའི་དབུའི་སྤྱི་བོའི་གཙུག་ཏུ་སྤྲུལ་སྐུ་དགའ་རབ་རྡོ་རྗེ། གཡས་སུ་མགོན་པོ་འོད་དཔག་མེད། གཡོན་དུ་འགྲོ་འདུལ་ཐུགས་རྗེ་ཆེན་པོ། དེའི་དབུའི་སྤྱི་བོའི་གཙུག་ཏུ་ལོངས་སྐུ་རྡོ་རྗེ་སེམས་དཔའ་དང་། རྒྱལ་བ་ཁྱབ་བདག་རྡོ་རྗེ་འཆང་། ཆོས་སྐུ་ཀུན་བཟང་ཡབ་ཡུམ་རྣམས་མཐོ་བརྩེགས་ཀྱི་ཚུལ་དུ་བཞུགས་པ་ལ་ཆོས་ཉིད་མངོན་སུམ་དང་། ཉམས་སྣང་གོང་འཕེལ་དང་། རིག་པ་ཚད་ཕེབས་དང་། ཆོས་ཉིད་ཟད་པའི་ས་ལ་བཞུགས་པའི་འོད་གསལ་སྙིང་ཏིག་གི་བླ་མ་བརྒྱུད་པ་རྣམས་དང་། གཞན་ཡང་མཁས་པ་ཉི་ཤུ་རྩ་གཅིག་སོགས་སེམས་ཀློང་མན་ངག་ཕྱི་ནང་གསང་སྐོར་གྱི་བླ་མ་བརྒྱུད་པ་རྣམས་ཀྱིས་བསྐོར་བ། གཡས་ཀྱི་ཆར་སེང་ཁྲི་པད་ཟླའི་སྟེང་དུ་ཆོས་རྒྱལ་ལུང་བསྟན་རྡོ་རྗེ་ཕྱག་གཡས་ཆོས་འཆད་དང་། གཡོན་མཉམ་བཞག་གི་སྟེང་ན་རྒྱུད་ལུང་གི་གླེགས་བམ་བསྣམས་བ་འཁོར་ལོས་སྒྱུར་བའི་ཆ་བྱད་ཅན་གྱི་དབུ་གཙུག་ཏུ་དམ་པའི་རིགས་ཅན་དྲྭ་མ་ལྔ། རྒྱལ་སྲས་རིགས་གསུམ་མགོན་པོ། རིགས་ལྔ་ཧེ་རུ་ཀ་ཡབ་ཡུམ། མཐའ་སྐོར་དུ་འདུན་པ་སེམས་པ་དང་། རིགས་ཆེན་འབྱེད་པ་དང་། དབུགས་ཆེན་འབྱིན་པ་དང་། ལུང་ཆེན་ཐོབ་པ་དང་། རྩལ་ཆེན་རྫོགས་པའི་རྣལ་འབྱོར་གྱི་ས་ལ་བཞུགས་པའི་ལུང་ཨ་ནུ་ཡོ་གའི་རིག་འཛིན་བླ་མ་བྱེ་བ་ས་ཡའི་ཚོགས་ཀྱིས་བསྐོར་བ། གཡོན་ཕྱོགས་ཀྱི་ཆར་སེང་ཁྲི་པད་ཟླའི་སྟེང་དུ་ཤིང་རྟ་ཆེན་པོ་སངས་རྒྱས་གསང་བ་གཡས་ཆོས་འཆད་དང་། གཡོན་མཉམ་བཞག་གི་སྟེང་ན་སྒྱུ་འཕྲུལ་དྲྭ་བའི་གླེགས་བམ་བསྣམས་པ་པཎྜི་ཏའི་ཆ་བྱད་ཅན་གྱི་དབུ་གཙུག་ཏུ་སློབ་དཔོན་ཆེན་པོ་སྒེག་པའི་རྡོ་རྗེ། རིག་འཛིན་སློབ་དཔོན་རྣམ་བརྒྱད་སོགས་རྒྱུད་དང་སྒྲུབ་སྡེའི་ཤིང་རྟ་ཆེན་པོ་རྣམས་དང་། མཐའ་སྐོར་དུ་རྣམ་པར་སྨིན་པ་དང་། ཚེ་ལ་དབང་བ་དང་། ཕྱག་རྒྱ་ཆེན་པོ་དང་། ལྷུན་གྱིས་གྲུབ་པའི་ས་ལ་བཞུགས་པའི་བསྐྱེད་པ་མ་ཧཱ་ཡོ་གའི་རིག་འཛིན་གྲུབ་པ་བསམ་གྱིས་མི་ཁྱབ་པས་བསྐོར་བ། དེ་དག་གི་བར་མཚམས་རྣམས་སུ་བྱ་སྤྱོད་རྣལ་འབྱོར་གྱི་རྒྱུད་ལས་དངོས་གྲུབ་བརྙེས་པ་རྣམས་དང་། འཛམ་གླིང་མཛེས་པར་བྱེད་པའི་རྒྱན་དྲུག །རྨད་དུ་བྱུང་བའི་སློབ་དཔོན་གཉིས་སོགས་སྡེ་སྣོད་གསུམ་གྱི་ཤིང་རྟ་ཆེན་པོ་རྣམས་སྤྲིན་ཕུང་འཐིབས་པ་ལྟར་བཞུགས་པ། གཙོ་མཆོག་སྣང་སྲིད་ཟིལ་གནོན་རྩལ་གྱི་སྐུའི་གཡས་ཕྱོགས་སུ་འོད་གསལ་འཕོ་བ་ཆེན་པོའི་སྐུ་བརྙེས་པའི་སློབ་དཔོན་བི་མ་ལ་མི་ཏྲ། གཡོན་དུ་བྱང་ཆུབ་སེམས་དཔའ་ཆེན་པོ་ཞི་བ་འཚོ། མཐའ་སྐོར་ཀུན་ཏུ་མཁྱེན་རབ་ཀྱི་བདག་པོ་ཆོས་རྒྱལ་ཁྲི་སྲོང་ལྡེའུ་བཙན། དཔལ་ཧེ་རུ་ཀ་ནམ་མཁའི་སྙིང་པོ། འཇམ་དཔལ་ཁྲག་འཐུང་སངས་རྒྱས་ཡེ་ཤེས། དབང་ཆེན་གྲུབ་པ་རྒྱལ་བ་མཆོག་དབྱངས། གསང་སྔགས་ཆུ་བོ་བཞིའི་བཀའ་བབས་བནྡེ་དྲི་མེད་ཟླ་ཤར། མཐུ་སྟོབས་ཀྱི་མངའ་བདག་ལང་གྲོ་ལོ་ཙཱ་བ་དཀོན་མཆོག་འབྱུང་གནས། བོད་ཁམས་ཕུར་ཐོགས་ཡོངས་ཀྱི་རྗེ་བཙུན་སྔགས་པ་རྡོ་རྗེ་བདུད་འཇོམས། སློབ་དཔོན་ཉིད་དང་དགོངས་པ་མཉམ་པའི་རྣམ་པར་སྣང་མཛད་བཻ་རོ་ཙ་ན། སྤྲུལ་པའི་བྱང་ཆུབ་སེམས་དཔའ་ཆེན་བོ་དཔལ་ལྷའི་སྲས་པོ་ཡེ་ཤེས་རོལ་པ་རྩལ་མཆེད་དང་། རྡོ་རྗེའི་གཟུངས་མ་མཁར་ཆེན་ཡེ་ཤེས་མཚོ་རྒྱལ་སོགས་རྗེ་འབངས་ལོ་པཎ་གྲུབ་ཐོབ་རྒྱ་མཚོ་དུས་གསུམ་དུ་གཤེགས་ཤིང་བཞུགས་ལ་འབྱོན་པར་འགྱུར་པའི་ཚོགས་ཀྱིས་བསྐོར་བ། དེ་རྣམས་ཀྱི་མདུན་ཕྱོགས་སུ་བཅོམ་ལྡན་འདས་དཔལ་རྡོ་རྗེ་སེམས་དཔའ་ཡབ་ཡུམ་ལ། རྒྱུད་སྡེ་དྲུག་དང་འབྲེལ་བའི་ཡི་དམ་དཀྱིལ་འཁོར་གྱི་ལྷ་ཚོགས་དང་། གཡས་སུ་དཔལ་རྒྱལ་བ་ཤཱཀྱ་ཐུབ་པ་ལ་དུས་གསུམ་གྱི་སངས་རྒྱས་སྤྲུལ་སྐུའི་རྣམ་པ་ཅན་རྣམས་ཀྱིས་བསྐོར་བ། རྒྱབ་ཏུ་ལུང་རྟོགས་ཀྱིས་བསྡུས་པའི་ཆོས་དཀོན་མཆོག་གླེགས་བམ་བྲག་རི་བརྩེགས་པའི་རྣམ་པ། གཡོན་དུ་བྱང་ཆུབ་སེམས་དཔའ་ཉེ་བའི་སྲས་བརྒྱད་དང་། གནས་བརྟན་བཅུ་དྲུག་སོགས་ཐེག་པ་ཆེ་ཆུང་གི་དགེ་འདུན། བར་མཚམས་རྣམས་སུ་གནས་གསུམ་གྱི་དཔའ་བོ་མཁའ་འགྲོ་ཆོས་སྐྱོང་ནོར་ལྷ་གཏེར་བདག་གི་ཚོགས་དང་བཅས་པ་སྤྲིན་གྱི་ཕུང་པོ་འཐིབས་པ་ལྟར་བཞུགས་པ། དེ་ཐམས་ཅད་ཀྱང་བླ་མ་ཨོ་རྒྱན་རིན་པོ་ཆེ་སྐུ་དགྱེས་པའི་འཛུམ་མཚན་དཔེའི་གཟི་བྱིན་གྱིས་སྣང་སྲིད་ཐམས་ཅད་ཟིལ་གྱིས་གནོན་པ། གསུང་ཚངས་པའི་དབྱངས་ཀྱིས་ཆོས་སྒོ་མཐའ་ཡས་པ་ཕྱེ་བ། ཐུགས་ཀ་དག་གཏིང་གསལ་འདུས་མ་བྱས་པའི་དབྱིངས་ལས་མ་གཡོས་བཞིན་དུ། མཁྱེན་བརྩེ་ནུས་པའི་ཡོན་ཏན་གྱིས་ཕྲིན་ལས་ཐམས་ཅད་ལྷུན་གྱིས་གྲུབ་པ། སྲིད་ཞི་ཀུན་གྱི་སྤྱི་དཔལ་ཆེན་པོར་བཞུགས་པའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོའི་ཡེ་ཤེས་ཀྱི་རོལ་པ་གང་འདུལ་སྒྱུ་འཕྲུལ་དྲྭ་བའི་རྣམ་རོལ་རྩ་གསུམ་རྒྱལ་བ་རབ་འབྱམས་ཀྱི་འཁོར་ལོར་ཡོངས་སུ་གསལ་བར་གྱུར་པའི་སྤྱི་བོར་ཨོཾ་དཀར་པོ། མགྲིན་བར་ཨཱཿདམར་པོ། ཐུགས་ཀར་ཧཱུྃ་སྔོན་པོ་རྣམས་ཀྱིས་མཚན་པ་ལས་འོད་ཟེར་འཕྲོས་པས་རང་བཞིན་གྱི་གནས་དང་། རྔ་ཡབ་དཔལ་རི་སྤྲུལ་པའི་ཞིང་ནས་མ་ཧཱ་གུ་རུ་པདྨ་ཐོད་ཕྲེང་རྩལ་འཁོར་རྩ་གསུམ་ཆོས་སྲུང་རྒྱ་མཚོའི་ཚོགས་ཀྱིས་བསྐོར་བ་མདུན་གྱི་ནམ་མཁར་བཛྲ་ས་མཱ་ཛཿ ཞེས་བརྗོད་ཅིང་བསམས་ལ། སྤོས་བཏུལ་ཞིང་སྙན་བའི་དབྱངས་དང་བཅས་ཏེ། ཧཱུྃ་ཧྲཱིཿ བཞེངས་ཐུགས་སྒྲུབ་དགོངས་པ་ཀུན་འདུས་སོགས་ལས་གསུངས། ཤིག་པདྨ་འབྱུང་གནས་མཁའ་འགྲོའི་ཚོགས༔ དགོངས་ཤིག་ཕྱོགས་བཅུ་དུས་གསུམ་བདེ་གཤེགས་རྣམས༔ རྗེ་བཙུན་ཆེན་པོ་པདྨ་ཐོད་ཕྲེང་རྩལ༔ རིག་འཛིན་མཁའ་འགྲོའི་གནས་ནས་གཤེགས་སུ་གསོལ༔ དབུ་སྐྲ་མཛེས་པའི་ཐོར་ཚུགས་ཤིགས་སེ་ཤིག༔ རིན་ཆེན་རྒྱན་ཆ་མང་པོ་སི་ལི་ལི༔ དུར་ཁྲོད་རུས་ཆེན་རྒྱན་ཆ་ཁྲོ་ལོ་ལོ༔ སྒྲ་དང་རོལ་མོ་མང་པོ་འུ་རུ་རུ༔ ཡི་དམ་ལྷ་ཚོགས་ཧཱུྃ་སྒྲ་དི་རི་རི༔ མཁའ་འགྲོ་སྡེ་ལྔས་གར་བྱེད་ཤིགས་སེ་ཤིག༔ གིང་ཆེན་དཔའ་བོས་བྲོ་རྡུང་ཁྲབས་སེ་ཁྲབ༔ མ་མོ་མཁའ་འགྲོ་སྤྲིན་ལྟར་ཐིབས་སེ་ཐིབ༔ ཆོས་སྐྱོང་སྡེ་བརྒྱད་ལས་བྱེད་ཁྱུགས་སེ་ཁྱུག༔ ཞུབས་ཅན་སྟོང་གི་སྒྲ་སྐད་སི་ལི་ལི༔ གཡས་ན་དཔའ་བོ་ཕོ་རྒྱུད་སྤུངས་སེ་སྤུང་༔ གཡོན་ན་མོ་རྒྱུད་མཁའ་འགྲོ་ཤ་ར་ར༔ བར་སྣང་ཐམས་ཅད་དར་དུ་ལྷབས་སེ་ལྷབ༔ དྲི་ཞིམ་སྤོས་ཀྱི་ངད་ལྡང་ཐུ་ལུ་ལུ༔ མཁའ་འགྲོ་གསང་བའི་བརྡ་སྐད་དི་རི་རི༔ གིང་ཆེན་དཔའ་བོའི་བཤུགས་གླུ་ཀྱུ་རུ་རུ༔ ཧཱུྃ་གི་སྣང་གླུ་མང་པོ་དི་རི་རི༔ ཕ྄ཊ་ཀྱི་བརྡ་སྐད་དྲག་པོ་སངས་སེ་སང་༔ སྒྲུབ་པའི་གནས་མཆོག་འདི་རུ་བྱིན་ཕོབ་ལ༔ རྣལ་འབྱོར་སྒྲུབ་མཆོག་བདག་ལ་དབང་བཞི་སྐུར༔ བགེགས་དང་ལོག་འདྲེན་བར་ཆད་ཐམས་ཅད་སོལ༔ མཆོག་དང་ཐུན་མོང་དངོས་གྲུབ་སྩལ་དུ་གསོལ༔ ཞེས་དང་། ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿསིདྡྷི་ཕ་ལ་ཧཱུྃ་ཨཱཿ ཞེས་ཡང་ཡང་བརྗོད་པས་བྱིན་དབབ། ཛཿཧཱུྃ་བྃ་ཧོཿ སྤྱན་དྲངས་བའི་ལྷ་ཚོགས་རྣམས་མདུན་གྱི་ཚོགས་ཞིང་རྣམས་དང་དབྱེར་མེད་དུ་བཞུགས་པར་བསམས་ལ་མོས་གུས་ཀྱི་ཤུགས་དྲག་ཏུ་བསྐྱེད་དོ། །གཉིས་པ་ ཚོགས་བསགས་རྒྱས་པར་སྤེལ་བ་ལ་ཡན་ལག་བདུན་ལས་དང་པོ་ཕྱག་འཚལ་བ་ནི། མདུན་གྱི་ནམ་མཁར་ཚོགས་ཞིང་རྣམས་མངོན་སུམ་དུ་བཞུགས་པའི་སྤྱན་སྔར་རང་གཞན་སེམས་ཅན་ཐམས་ཅད་ལུས་ཞིང་གི་རྡུལ་སྙེད་དུ་སྤྲུལ་ཏེ་ཕྱག་སོགས་མཆོད་པའི་ལས་རིམ་ལ་འཇུག་པར་གྱུར་པའི་མོས་པས། ཡིད་འོང་རྫིང་བུའི་ནང་ན་གནས་པ་ཡི། །འཆར་ཀའི་པདྨ་ཁ་འབུས་བྱེ་འདྲ་བ། །ལག་གཉིས་སྤྱི་བོར་ཐལ་སྦྱར་བསྟོད་དབྱངས་བཅས། །ལུས་དཔག་མེད་པར་སྤྲུལ་ནས་གུས་ཕྱག་འཚལ། །བླ་མ་མཉམ་མེད་སངས་རྒྱས་རིན་པོ་ཆེ། །དུས་གསུམ་བདེ་གཤེགས་སྲས་བཅས་ཐམས་ཅད་ཀྱི། །སྐུ་གསུང་ཐུགས་ཀྱི་རང་བཞིན་བྱིན་བརླབས་པ། །བཀའ་དྲིན་ཆེན་པོའི་ཞབས་ལ་ཕྱག་འཚལ་ལོ། །ཀུན་བཟང་རིགས་ལྔ་རིགས་གསུམ་དགའ་རབ་རྗེ། །ཤྲཱི་སིཾ་རིགས་ཅན་རྣམ་ལྔ་རྒྱལ་པོ་ཛཿ །སངས་རྒྱས་གསང་བ་རིག་འཛིན་མཆོག་བརྒྱད་སོགས། །བཀའ་བབས་བླ་མ་རྣམས་ལ་ཕྱག་འཚལ་ལོ། །ཉན་རང་བྱང་སེམས་བྱ་སྤྱོད་རྣལ་འབྱོར་རྒྱུད། །རྣལ་འབྱོར་ཆེ་དང་ཨ་ནུ་ཨ་ཏི་སྟེ། །ཐེག་པ་རིམ་དགུའི་ཆོས་ཚུལ་རྒྱ་མཚོ་ཡི། །བརྒྱུད་པའི་བླ་མ་རྣམས་ལ་ཕྱག་འཚལ་ལོ། །སོ་ཐར་བྱང་སེམས་གསང་སྔགས་སྡོམ་པ་དང་། །འདུལ་བ་མངོན་པ་མདོ་སྡེ་རིན་པོ་ཆེ། །ལེགས་པར་གསུངས་དང་དེ་ཡི་དགོངས་འགྲེལ་གྱི། །བརྒྱུད་པའི་བླ་མ་རྣམས་ལ་ཕྱག་འཚལ་ལོ། །དུས་གསུམ་རྒྱལ་བ་ཀུན་དངོས་རིགས་བརྒྱའི་བདག །ཕྲིན་ལས་རྣམ་བཞིའི་འཁོར་ལོས་སྒྱུར་བ་པོ། །སྣང་སྲིད་དབང་དུ་སྡུད་པའི་མཐུ་སྟོབས་ཅན། །པདྨ་འབྱུང་གནས་ཞབས་ལ་ཕྱག་འཚལ་ལོ། །ཆོས་སྐུ་ཀུན་བཟང་དྲུག་པ་རྡོ་རྗེ་འཆང་༔ སྟོན་པ་རྡོར་སེམས་བཅོམ་ལྡན་ཤཱཀྱའི་རྒྱལ༔ མགོན་པོ་ཚེ་དཔག་མེད་དང་སྤྱན་རས་གཟིགས༔ དབྱེར་མེད་པདྨ་དེ་ལ་ཕྱག་འཚལ་ལོ༔ སྐུ་ཡི་བདག་ཉིད་འཇམ་དཔལ་གཤིན་རྗེའི་གཤེད༔ གསུང་གི་བདག་ཉིད་དབང་ཆེན་རྟ་སྐད་འཚེར༔ ཐུགས་ཀྱི་བདག་ཉིད་ཡང་དག་ཧེ་རུ་ཀ༔ གུ་རུ་ཡིད་བཞིན་ནོར་བུ་ལ་ཕྱག་འཚལ་ལོ༔ ཡོན་ཏན་ཟིལ་གནོན་ཆེ་མཆོག་ཧེ་རུ་ཀ༔ ཕྲིན་ལས་བདག་ཉིད་རྡོ་རྗེ་གཞོན་ནུའི་སྐུ༔ མ་མོ་མཁའ་འགྲོའི་གཙོ་བོ་མངོན་རྫོགས་རྒྱལ༔ དཔལ་ཆེན་ཐོད་ཕྲེང་རྩལ་ལ་ཕྱག་འཚལ་ལོ༔ སྐུ་ཡི་དབྱིངས་སུ་སྒྱུ་འཕྲུལ་ཞི་ཁྲོའི་ངང་༔ གསུང་གི་གདངས་སྐད་ཡན་ལག་བཅུ་གཉིས་ལྡན༔ ཐུགས་ཀྱི་དགོངས་པ་ཟང་ཐལ་ཡོངས་ལ་ཁྱབ༔ མཁའ་འགྲོའི་གཙོ་བོ་རྗེ་ལ་ཕྱག་འཚལ་ལོ༔ སྐུ་ཚབ་ལུང་བསྟན་གསུང་ཚབ་གཏེར་དུ་སྦས༔ ཐུགས་ཀྱི་དགོངས་པ་ལས་ཅན་བུ་ལ་གཏད༔ བརྩེ་བའི་ཞལ་ཆེམས་བོད་འབངས་ཡོངས་ལ་བཞག༔ དྲིན་ཆེན་སྤྲུལ་པའི་སྐུ་ལ་ཕྱག་འཚལ་ལོ༔ རིགས་ཀུན་ཁྱབ་བདག་པདྨ་ཐོད་ཕྲེང་གི །གསང་གསུམ་མི་ཟད་རྒྱན་གྱི་འཁོར་ལོའི་སྤྲིན། །གང་འདུལ་མོས་ངོར་སྒྱུ་འཕྲུལ་དྲྭ་བའི་ཚུལ། །སྐྱབས་གནས་རྒྱ་མཚོའི་ཚོགས་ལ་ཕྱག་འཚལ་ལོ། །འཇའ་ལུས་ཤིང་རྟའི་སྲོལ་འབྱེད་བི་མ་ལ། །གངས་ཅན་བསྟན་པའི་ཉི་མ་ཞི་བ་འཚོ། །འཇམ་དཔལ་རྡོ་རྗེ་ཁྲི་སྲོང་ཡབ་སྲས་སོགས། །བཀའ་དྲིན་ཆེ་ལྡན་རྣམས་ལ་ཕྱག་འཚལ་ལོ། །ཐུགས་སྲས་ཉེར་ལྔ་སོ་ཟུར་གནུབས་ཉང་སོགས། །ལོ་པཎ་མཁས་གྲུབ་རིམ་པར་བྱོན་རྣམས་དང་། །འགྲོ་འདུལ་སྤྲུལ་པའི་གཏེར་སྟོན་རྒྱ་མཚོར་བཅས། །བཀའ་གཏེར་བླ་མ་རྣམས་ལ་ཕྱག་འཚལ་ལོ། །སྟོན་པ་བླ་མེད་སངས་རྒྱས་རིན་པོ་ཆེ། །སྐྱོབ་པ་བླ་མེད་དམ་ཆོས་རིན་པོ་ཆེ། །འདྲེན་པ་བླ་མེད་དགེ་འདུན་རིན་པོ་ཆེ། །སྐྱབས་གནས་དཀོན་མཆོག་གསུམ་ལ་ཕྱག་འཚལ་ལོ། །མི་རྟོག་རྡོ་རྗེ་ཐབས་ཀྱི་ཡེ་ཤེས་ནི། །དམིགས་མེད་ཤེས་རབ་ཡུམ་གྱི་ངང་དུ་རྟོགས། །ཐུགས་རྗེའི་བྱེ་བྲག་སྣ་ཚོགས་ཅིར་ཡང་སྟོན། །རྡོ་རྗེ་སེམས་དཔའ་ཆེ་ལ་ཕྱག་འཚལ་ལོ། །བྱ་སྤྱོད་རྣལ་འབྱོར་བསྐྱེད་རྫོགས་རྫོགས་པ་ཆེའི། །རྒྱུད་སྡེ་དྲུག་ལས་ལེགས་པར་གསུངས་པ་ཡི། །དངོས་གྲུབ་ཆར་འབེབས་ཞི་དང་ཁྲོ་བོའི་ཚུལ། །ཡི་དམ་ལྷ་ཚོགས་རྣམས་ལ་ཕྱག་འཚལ་ལོ། །ཐབས་མཁས་ཐུགས་རྗེས་ཤཱཀྱའི་རིགས་སུ་འཁྲུངས། །གཞན་གྱིས་མི་ཐུབ་བདུད་ཀྱི་དཔུང་འཇོམས་པ། །གསེར་གྱི་ལྷུན་པོ་ལྟ་བུར་བརྗིད་པའི་སྐུ། །ཤཱཀྱའི་རྒྱལ་པོའི་ཞབས་ལ་ཕྱག་འཚལ་ལོ། །མར་མེ་མཛད་སོགས་རྒྱལ་བ་འདས་པ་དང་། །བྱང་ཆུབ་ཆེན་པོ་ད་ལྟར་བཞུགས་པ་དང་། །བྱམས་པ་ལ་སོགས་སླད་ནས་འབྱོན་པ་ཡི། །དུས་གསུམ་སངས་རྒྱས་རྣམས་ལ་ཕྱག་འཚལ་ལོ། །འགོག་བདེན་ཞི་བ་དམ་པ་གང་ཆེན་མཚོ། །ལམ་བདེན་ལུང་གི་འཁོར་ལོ་བདུད་རྩིའི་སྤྲིན། །གདུལ་བྱའི་ཁམས་དང་མཐུན་པར་ཡོངས་ཤར་བའི། །རིམ་དགུའི་ཐེག་པའི་ཆོས་ལ་ཕྱག་འཚལ་ལོ། །རླབས་ཆེན་སྤྱོད་པའི་ཚུལ་ནི་རབ་བཟུང་ནས། །བསྡུ་བ་རྣམ་བཞིས་འགྲོ་དོན་མཛད་གྱུར་པ། །རབ་དགའ་ལ་སོགས་ས་ལ་བཞུགས་པ་ཡི། །བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །རྒྱུན་ཞུགས་ཕྱིར་འོང་ཕྱིར་མི་འོང་ལ་སོགས། །དགྲ་བཅོམ་རིགས་གྱུར་སྐྱེས་བུ་ཟུང་བཞི་དང་། །ཚོགས་ན་སྤྱོད་དང་བསེ་རུ་ལྟ་བུ་ཡི། །འཕགས་པ་རང་རྒྱལ་རྣམས་ལ་ཕྱག་འཚལ་ལོ། །རྡོ་རྗེའི་རང་བཞིན་གནས་མཆོག་དམ་པ་ནས། །མངོན་ཤེས་རྫུ་འཕྲུལ་མངའ་བའི་ཐུགས་རྗེ་ཡིས། །སྒྲུབ་པ་པོ་ལ་མ་ཡེངས་བུ་བཞིན་སྐྱོང་། །གནས་གསུམ་མཁའ་འགྲོའི་ཚོགས་ལ་ཕྱག་འཚལ་ལོ། །གང་གིས་འཕྲུལ་དང་མངོན་པར་མཁྱེན་པའི་དཔལ། །ཉེ་བར་དགོངས་ནས་ཐུབ་པའི་བཀའ་བཞིན་དུ། །བསྟན་པ་རིན་ཆེན་བང་མཛོད་ལེགས་སྐྱོང་བའི། །རྡོ་རྗེའི་ཆོས་སྐྱོང་རྣམས་ལ་ཕྱག་འཚལ་ལོ། །གང་སྔོན་སྦྱིན་པ་རྒྱ་མཚོའི་དགེ་བསགས་པས། །ཚེ་དང་ནོར་དང་མཐུ་ཡི་དཔལ་བརྙེས་ཤིང་། །སྒྲུབ་པ་པོ་ལ་དབྱིག་གི་ཆར་འབེབས་པའི། །གནོད་སྦྱིན་ནོར་སྐྱོང་རྣམས་ལ་ཕྱག་འཚལ་ལོ། །ཕྱག་བྱར་འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡིས་རྣམ་ཀུན་ཏུ། །མཆོག་ཏུ་དད་པས་ཕྱག་འཚལ་ལོ། །ཨོཾ་གུ་རུ་སརྦ་ཏ་ཐཱ་ག་ཏ་ཀཱ་ཡ་ཝཱ་ཀྲ་ཙིཏྟ་པྲ་ཎ་མེ་ན་བནྡ་ནཾ་ཀ་རོ་མཱི། ཞེས་ཕྱག་བྱ། གཉིས་པ་མཆོད་པ་ལ། ཕྱི་ནང་གསང་བ་ཁྱད་པར་དང་། །མཐར་ཐུག་ཐུན་མོང་ཏིང་འཛིན་ནོ། །ཞེས་པ་ལྟར་བདུན་ལས། དང་པོ་ཕྱི་ཉེར་སྤྱོད་ཀྱི་མཆོད་པ་ནི། མཆོད་རྫས་རྣམས། ན་མོ་རཏྣ་ཏྲ་ཡཱ་ཡ། ཨོཾ་ན་མོ་བྷ་ག་བ་ཏེ་བཛྲ་སཱ་ར་པྲ་མརྡྷ་ནེ། ཏ་ཐཱ་ག་ཏཱ་ཡ། ཨརྷ་ཏེ་སམྱ་ཀྶཾ་བུདྡྷཱ་ཡ། ཏདྱ་ཐཱ། ཨོཾ་བཛྲེ་བཛྲེ་མ་ཧཱ་བཛྲེ། མ་ཧཱ་ཏེ་ཛོ་བཛྲེ། མ་ཧཱ་བིདྱཱ་བཛྲེ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མཎྜོ་པ་སཾ་ཀྲ་མ་ཎ་བཛྲེ། སརྦ་ཀརྨ་ཨཱ་བ་ར་ཎ་བི་ཤོདྷ་ན་བཛྲེ་སྭཱ་ཧཱ། ཞེས་མཆོད་པའི་སྤྲིན་གྱི་སྔགས་བརྗོད་པས་སླར་ཡང་རྒྱས་པར་སྤེལ་ལ། ཧཱུྃ་ཧྲཱིཿ བླ་མ་ཡི་དམ་མཁའ་འགྲོའི་སྤྱན་ལམ་དུ༔ དངོས་འབྱོར་ཡིད་ཀྱིས་རྣམ་པར་སྤྲུལ་པ་ཡི༔ ཡན་ལག་བརྒྱད་ལྡན་མཆོད་ཡོན་མཚོ་ལྟར་བསྐྱིལ༔ འབུལ་ལོ་བཞེས་ནས་མཆོག་ཐུན་དངོས་གྲུབ་སྩོལ༔ ཨོཾ་ཨཱཿཧཱུྃ་གུ་རུ་དྷེ་ཝ་དྷཱ་ཀི་ནཱི་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ༔ དེ་བཞིན་ཏུ། བླ་མ་ཡི་དམ༴ དངོས་འབྱོར་ཡིད་ཀྱིས༴ དྲི་མེད་ཞབས་བསིལ་གངྒའི་རྒྱུན་བཞིན་སྦྲེང་༔ འབུལ་ལོ་བཞེས་ནས༴ པཱདྱཾ༴ བླ་མ༴ དངོས་འབྱོར༴ ལྷ་རྫས་མེ་ཏོག་ཆར་གྱིས་ནམ་མཁའ་བཀང་༔ འབུལ་ལོ༴ པུཥྤེ༴ བླ་མ༴ དངོས་འབྱོར༴ དྲི་ཞིམ་སྤོས་ཀྱི་དུད་སྤྲིན་བར་སྣང་ཁྱབ༔ འབུལ་ལོ༴ དྷཱུ་པེ༴ བླ་མ༴ དངོས་འབྱོར༴ སྣང་གསལ་ཉི་ཟླའི་ཚོགས་རྣམས་འོད་རབ་འབར༔ འབུལ་ལོ༴ ཨཱ་ལོ་ཀེ༴ བླ་མ༴ དངོས་འབྱོར༴ བྱུགས་པས་བདེ་བ་སྐྱེད་པ་བདུད་རྩིའི་ཆུ༔ འབུལ་ལོ༴ གནྡྷེ༴ བླ་མ༴ དངོས་འབྱོར༴ རོ་བཅུད་ནུས་པ་ཕུན་ཚོགས་ཞལ་ཟས་རིགས༔ འབུལ་ལོ༴ ནཻ་བིདྱཱ༴ བླ་མ༴ དངོས་འབྱོར༴ རོལ་མོ་གླུ་དབྱངས་ཀུན་བཟང་དབྱིངས་ཁྱབ་པ༔ འབུལ་ལོ༴ ཤཔྡ་པྲ་ཏཱིཙྪ་སྭཱ་ཧཱ༔ གཉིས་པ་ནང་འདོད་ཡོན་གྱི་མཆོད་པ་ནི། ཨོཾ། ཆོས་དབྱིངས་ཡེ་ཤེས་ངོ་བོ་ཉིད༔ སྣང་སྟོང་གཟུགས་ཀྱི་རྡོ་རྗེ་མ༔ དཔག་ཡས་ནམ་མཁའི་དབྱིངས་ཁྱབ་པ༔ རྩ་གསུམ་ལྷ་ཚོགས་སྤྱན་ལ་ཐིམ༔ ཨོཾ་རཱུ་པ་བཛྲཱི་ཨོཾ༔ དེ་བཞིན་དུ། ཧཱུྃ། མེ་ལོང་ཡེ་ཤེས༴ གྲགས་སྟོང་སྒྲ་ཡི་རྡོ་རྗེ་མ༔ དཔག་ཡས༴ རྩ་གསུམ་ལྷ་ཚོགས་སྙན་ལ་ཐིམ༔ ཨོཾ་ཤཔྡ་བཛྲཱི་ཧཱུྃ༔ ཏྲཱྃ༔ མཉམ་ཉིད་ཡེ་ཤེས༴ ཚོར་སྟོང་དྲི་ཡི་རྡོ་རྗེ་མ༔ དཔག་ཡས༴ རྩ་གསུམ་ལྷ་ཚོགས་ཤངས་ལ་ཐིམ༔ ཨོཾ་གནྡྷེ་བཛྲཱི་ཏྲཱྃ༔ ཧྲཱིཿ སོར་རྟོག་ཡེ་ཤེས༴ མྱོང་སྟོང་རོ་ཡི་རྡོ་རྗེ་མ༔ དཔག་ཡས༴ རྩ་གསུམ་ལྷ་ཚོགས་ལྗགས་ལ་ཐིམ༔ ཨོཾ་རཱ་ས་བཛྲཱི་ཧྲཱིཿ ཨཱཿ བྱ་གྲུབ་ཡེ་ཤེས༴ གསལ་སྟོང་རེག་བྱའི་རྡོ་རྗེ་མ༔ དཔག་ཡས༴ རྩ་གསུམ་ལྷ་ཚོགས་སྐུ་ལ་ཐིམ༔ ཨོཾ་སྤཪྴེ་བཛྲཱི་ཨཱཿ ཨ༔ འོད་གསལ་ཡེ་ཤེས༴ རིག་སྟོང་ཆོས་ཀྱི་རྡོ་རྗེ་མ༔ དཔག་ཡས༴ རྩ་གསུམ་ལྷ་ཚོགས་ཐུགས་ལ་ཐིམ༔ ཨོཾ་དྷརྨ་དྷཱ་ཏུ་བཛྲཱི་ཨ༔ གསུམ་པ་གསང་བ་བདེ་ཆེན་གྱི་མཆོད་པ་ནི། ཧཱུྃ་ཧྲཱིཿ བླ་མ་ཡི་དམ་མཁའ་འགྲོའི་ཚོགས་བཅས་ལ༔ བད་ཅན་དུང་ཅན་རི་དྭགས་གླང་སྣ་ཅན༔ རི་མོ་ཅན་སོགས་མཉེན་ལྕུག་འཁྲིལ་ལྡེམ་གྱི༔ འཛ་སྒེག་ཉམས་ལྡན་རིན་ཆེན་ཕྲེང་བས་མཛེས༔ གླུ་གར་སྒྱུར་མཛད་མཛེས་པའི་ཕུལ་ཕྱིན་མ༔ རོལ་མོའི་རིགས་ཐོགས་བཅུ་དྲུག་ཕྲག་དུ་མ༔ དགའ་བཞི་སྐྱེད་ཕྱིར་རྩ་གསུམ་ལྷ་ལ་འབུལ༔ ཟག་མེད་བདེ་ཆེན་ངང་དུ་བཞེས་སུ་གསོལ༔ ཨོཾ་ཨཱཿཧཱུྃ་བཛྲ་གུ་རུ་དྷེ་ཝདྷཱ་ཀི་ནཱི་བཛྲ་ལཱ་སྱ་མཱ་ལེ་གཱིརྟི་ནཱིརྟི་ཨཱཿཧཱུྃ༔ བཞི་པ་ཁྱད་པར་གྱི་མཆོད་པ་ལ་གསུམ་ལས། དང་པོ་བདུད་རྩིའི་མཆོད་པ་ནི། ཨོཾ༔ རང་བྱུང་གདོད་ནས་རྣམ་པར་དག་པའི་རྫས༔ རྩ་བརྒྱད་ཡན་ལག་སྟོང་སྦྱར་སྨན་གྱི་མཆོག༔ རྡོ་རྗེའི་དམ་ཚིག་ཤ་ལྔ་བདུད་རྩི་ལྔ༔ རིགས་ལྔ་ཡེ་ཤེས་ལྔ་ལྡན་བདེ་བ་ཆེ༔ ཁ་དོག་དྲི་རོ་ནུས་བཅུད་ཕུན་སུམ་ཚོགས༔ ཟེགས་མ་གང་ལ་རེག་པས་དོན་འགྲུབ་པའི༔ ཕན་ནུས་ལྡན་པའི་ཕུད་འདི་འབུལ་བར་བགྱི༔ ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ༔ ཨོཾ་ཨཱཿཧཱུྃ་གུ་རུ་དྷེ་ཝ་དྷཱ་ཀི་ནཱི་སརྦ་པཉྩ་ཨམྲྀ་ཏ་ཁཱ་ཧི༔ གཉིས་པ་རཀྟའི་མཆོད་པ་ནི། ཨཱཿ དུང་ཆེན་སྣོད་དུ་མཚན་འཛིན་རུ་དྲ་བཀུག༔ ཁྲོ་བོའི་མཚོན་ཆ་རྡོ་རྗེས་རབ་བསྒྲལ་ཏེ༔ དམར་ཆེན་རྦ་རླབས་ཕྱོགས་བཅུ་ཀུན་ཏུ་གཡོ༔ བདེ་སྟོང་ཆགས་མེད་རཀྟའི་མཆོད་པ་འབུལ༔ ཨོཾ་ཨཱཿཧཱུྃ་གུ་རུ་དྷེ་བ་དྷཱ་ཀི་ནཱི་མ་ཧཱ་རཀྟ་ཁཱ་ཧི༔ གསུམ་པ་གཏོར་མའི་མཆོད་པ་ནི། ཧཱུྃ། སྣང་བ་སྣོད་ཀྱི་འཇིག་རྟེན་གཏོར་གཞོང་དུ༔ སྲིད་པ་བཅུད་ཀྱི་སེམས་ཅན་གཏོར་མར་སྦྱར༔ དཔལ་གྱི་གཏོར་མ་བརྗིད་ལྡན་འགྱིང་བ་འདི༔ བླ་མ་ཡི་དམ་མཁའ་འགྲོའི་ཚོགས་ལ་འབུལ༔ ཨོཾ་ཨཱཿཧཱུྃ་གུ་རུ་དྷེ་བ་དྷཱ་ཀི་ནཱི་མ་ཧཱ་བ་ལིནྟ་ཁཱ་ཧི༔ ལྔ་པ་མཐར་ཐུག་དོན་གྱི་མཆོད་པ་ནི། ཨཱཿ ཆོས་དབྱིངས་རྩལ་ལས་སྤྲུལ་པའི་མཆོད་པ་རྣམས༔ གཉིས་མེད་རོལ་པ་ཆེན་པོའི་ཀློང་དུ་ཐིམ༔ ཡེ་ནས་མཆོད་དང་མཆོད་ཡུལ་དམིགས་གཏད་བྲལ༔ རང་བྱུང་ལྷུན་གྲུབ་མཆོད་པ་ཆེན་པོའོ༔ ཨོཾ་ཨཱཿཧཱུྃ་གུ་རུ་དྷེ་བ་དྷཱ་ཀི་ནཱི་དྷརྨ་དྷཱ་ཏུ་ཨཱཏྨ་ཀོ྅་ཧཾ༔ དྲུག་པ་ཐུན་མོང་མཎྜལ་གྱི་མཆོད་པ་ནི། རིན་པོ་ཆེའི་མཎྜལ་བྱི་དོར་ལེགས་པར་བྱས་པ་ལ་དྲི་བཟང་པོའི་རླན་དང་བཅས་ཏེ་སྨན་དང་འབྲུ་དང་རིན་པོ་ཆེ་སོགས་ཀྱི་ཚོམ་བུ་དགོད་ཅིང་། ཨོཾ་བཛྲ་བྷཱུ་མི་ཨཱཿཧཱུྃ། གཞི་ཡོངས་སུ་དག་པ་དབང་ཆེན་གསེར་གྱི་ས་གཞི། ཨོཾ་བཛྲ་རེ་ཁེ་ཨཱཿཧཱུྃ། ཕྱི་ལྕགས་རི་ཁོར་ཡུག་གིས་བསྐོར་བའི་དབུས་སུ་ཧཱུྃ། རིའི་རྒྱལ་པོ་རི་རབ། ཤར་ལུས་འཕགས་པོ། ལྷོ་ཛམ་བུ་གླིང་། ནུབ་བ་ལང་སྤྱོད། བྱང་སྒྲ་མི་སྙན། ལུས་དང་ལུས་འཕགས། རྔ་ཡབ་དང་རྔ་ཡབ་གཞན། གཡོ་ལྡན་དང་ལམ་མཆོག་འགྲོ། སྒྲ་མི་སྙན་དང་སྒྲ་མི་སྙན་གྱི་ཟླ། རིན་པོ་ཆེའི་རི་བོ། དཔག་བསམ་གྱི་ཤིང་། འདོད་འཇོའི་བ། མ་རྨོས་པའི་ལོ་ཏོག །འཁོར་ལོ་རིན་པོ་ཆེ། ནོར་བུ་རིན་པོ་ཆེ། བཙུན་མོ་རིན་པོ་ཆེ། བློན་པོ་རིན་པོ་ཆེ། གླང་པོ་རིན་པོ་ཆེ། རྟ་མཆོག་རིན་པོ་ཆེ། དམག་དཔོན་རིན་པོ་ཆེ། གཏེར་ཆེན་པོའི་བུམ་པ། སྒེག་པ་མ། ཕྲེང་བ་མ། གླུ་མ། གར་མ། བདུག་སྤོས་མ། མེ་ཏོག་མ། མར་མེ་མ། དྲི་ཆབ་མ། ཉི་མ། ཟླ་བ། རིན་པོ་ཆེའི་གདུགས། ཕྱོགས་ལས་རྣམ་པར་རྒྱལ་བའི་རྒྱལ་མཚན། ལྷ་དང་མིའི་དཔལ་འབྱོར་ཕུན་སུམ་ཚོགས་པ་མ་ཚང་བ་མེད་པ་འདི་ཉིད་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང་ཡི་དམ་དཀྱིལ་འཁོར་གྱི་ལྷ་ཚོགས་སངས་རྒྱས་དང་བྱང་ཆུབ་སེམས་དཔལ་མཁའ་འགྲོ་ཆོས་སྐྱོང་ནོར་ལྷ་གཏེར་བདག་གི་ཚོགས་དང་བཅས་པ་རྣམས་ལ་འབུལ་བར་བགྱིའོ། །ཐུགས་རྗེས་འགྲོ་བའི་དོན་དུ་བཞེས་སུ་གསོལ། །བཞེས་ནས་བྱིན་གྱིས་བརླབ་ཏུ་གསོལ། །ས་གཞི་སྤོས་ཆུས་བྱུགས་ཤིང་མེ་ཏོག་བཀྲམ། །རི་རབ་གླིང་བཞི་ཉི་ཟླས་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་ཕུལ་བ་ཡིས། །འགྲོ་ཀུན་རྣམ་དག་ཞིང་ལ་སྤྱོད་པར་ཤོག །ཨི་དཾ་རཏྣ་མཎྜ་ལ་ཀཾ་ནིཪྻཱ་ཏ་ཡཱ་མི། ཞེས་དང་། ཨོཾ་ཨཱཿཧཱུྃ༔ བདག་དང་མཐའ་ཡས་སེམས་ཅན་གྱི༔ ཞེས་སོགས་གོང་སྦྱོར་བའི་སྐབས་སུ་སྨོས་པ་དག་ལན་བརྒྱ་སྟོང་སོགས་ཅི་ནུས་སུ་འབུལ་ལོ། །བདུན་པ་ལྷག་པ་ཏིང་ངེ་འཛིན་གྱི་མཆོད་པ་ནི། གཞན་ཡང་མཆོད་པའི་བྱེ་བྲག་བསམ་གྱིས་མི་ཁྱབ་པ་ནམ་མཁའ་གང་བར་སྤྲོས་ཏེ་ཕུལ་བར་མོས་པས། ཨོཾ། མཆོད་པའི་ཕྱག་རྒྱ་ཆེན་པོ་ནི། །སེམས་ཀྱི་ཡིད་བཞིན་སྤྲིན་ཚོགས་ཀྱིས། །ཕྱོགས་བཅུ་ཐམས་ཅད་སངས་རྒྱས་ཞིང་། །མཉེན་འཇམ་རེག་ན་བདེ་བ་དང་། །སྣ་ཚོགས་རིན་པོ་ཆེ་ཡི་གཞི། །མཛེས་པར་བྲེས་ཤིང་སྤྲས་པ་དང་། །ཀུན་འབྱུང་རིན་ཆེན་ཕུང་པོར་འབར། །དབྱིབས་ལེགས་རྫིང་བུ་བྲོ་མཆོག་བསིལ། །རིན་ཆེན་ཁང་པ་སྣ་ཚོགས་དང་། །རྒྱན་དང་དཔག་བསམ་ལྗོན་པའི་ཚལ། །གླུ་དབྱངས་ཚིགས་སུ་བཅད་པའི་སྒྲ། །བླ་རེ་རྒྱལ་མཚན་ན་བཟའ་གདུགས། །དོ་ཤལ་དཔུང་རྒྱན་སེ་མོ་དོ། །བཟའ་དང་བཏུང་བའི་མཆོག་རྣམས་དང་། །རང་ལ་མཛེས་པར་བརྒྱན་པ་ཡི། །ལྷ་དང་ལྷ་མོ་རྡུལ་སྙེད་ཀྱི། །བྲོ་གར་ལ་སོགས་བསམ་ཡས་ཀྱིས། །ཕྱོགས་བཅུ་ནམ་མཁའི་ཁམས་བཀང་ནས། །རྩ་གསུམ་ལྷ་ལ་རྒྱས་པར་འབུལ། །ཐུགས་རྗེས་བརྩེར་དགོངས་བཞེས་སུ་གསོལ། །ཞེས་དང་། ན་མོ་རཏྣ་ཏྲ་ཡཱ་ཡ། ཞེས་སོགས་མཆོད་པའི་སྤྲིན་གྱི་གཟུངས་ཀྱང་བརྗོད་དོ། །གསུམ་པ་སྡིག་པ་བཤགས་པ་སོགས་ཡན་ལག་ལྷག་མ་རྣམས་ནི། རིག་འཛིན་པདྨ་འབྱུང་གནས་ལ་སོགས་པའི། །ཕྱོགས་བཅུ་དུས་བཞིའི་རྩ་བརྒྱུད་བླ་མ་དང་། །དུས་གསུམ་བདེ་གཤེགས་རྒྱལ་བ་འཁོར་དང་བཅས། །རྡོ་རྗེ་དམ་ཅན་མ་ལུས་དགོངས་སུ་གསོལ། །དང་པོར་བྱང་ཆུབ་མཆོག་ཏུ་སེམས་བསྐྱེད་དེ། །སྒྲུབ་པའི་རིག་འཛིན་བྱང་ཆུབ་གོ་འཕང་དུ། །སྐུ་གསུང་ཐུགས་ཀྱི་རྡོ་རྗེ་བསྒྲུབ་པའི་ཕྱིར། །ཡི་དམ་ལྷ་དང་རྡོ་རྗེ་སློབ་དཔོན་དང་། །གསང་བའི་དམ་ཚིག་གྲངས་སུ་མནོས་པ་ལས། །དམ་བཅས་བཀའ་ལས་འདའ་བར་མི་བགྱི་སྟེ། །ལས་དང་སྐལ་བས་དམྱལ་བར་སྐྱེ་བར་འགྱུར། །འདོད་ཆགས་ཞེ་སྡང་གཏི་མུག་ང་རྒྱལ་དང་། །ཕྲག་དོག་ལ་སོགས་ཤོར་ནས་ནོངས་བགྱིས་པ། །རྡོ་རྗེ་སློབ་དཔོན་བསྟན་པའི་སྒྲོན་མེ་ལ། །སྙིང་ནས་སྨད་ཅིང་དམ་ཚིག་ཉམས་པ་དང་། །དམ་ཚིག་གཅིག་པའི་རྡོ་རྗེ་སྤུན་རྣམས་ལ། །ངན་སེམས་ལོག་པར་ལྟ་བ་ལ་སོགས་པ། །སྐུ་ཡི་དམ་ཚིག་ཉམས་པ་མཐོལ་ལོ་བཤགས། །ཡི་དམ་ལྷ་ཡི་ཕྱག་རྒྱ་མ་གསལ་ཞིང་། །སྔགས་ཀྱི་བསྙེན་པ་གྲངས་ལས་ཆད་པ་དང་། །དུས་དྲུག་ལས་ཀྱི་མཆོད་པ་ཁྱད་པར་དུ། །བསྙེན་སྒྲུབ་སྐོང་བའི་ཆོ་ག་མ་བགྱིས་ཏེ། །བཀའ་ལྟར་མ་ལྕོགས་གཞུང་བཞིན་རྔོ་མ་ཐོགས། །གསུང་གི་དམ་ཚིག་ཉམས་པ་མཐོལ་ལོ་བཤགས། །རྡོ་རྗེ་སློབ་དཔོན་བྱམས་པའི་བཀའ་དྲིན་གྱིས། །སྙན་ཁུངས་བརྒྱུད་ནས་སེམས་ཀྱི་དཀྱིལ་དུ་བཞག །ཐུགས་ཀྱི་མན་ངག་བྱིན་པས་དམ་ཚིག་འདྲེས། །གསང་མཚམས་འདས་ནས་འཆོལ་བར་སྨྲས་ལ་སོགས། །ཐུགས་ཀྱི་དམ་ཚིག་ཉམས་པ་མཐོལ་ལོ་བཤགས། །ཆོས་རྣམས་མཉམ་པ་ཉིད་དུ་མ་རྟོགས་ཏེ། །ཡན་ལག་དམ་ཚིག་ཉམས་པ་མཐོལ་ལོ་བཤགས། །ལེ་ལོ་སྙོམ་ལས་གཉིད་ཀྱི་དབང་གྱུར་ཏེ། །བསྙེན་སྒྲུབ་དམ་ཚིག་ཉམས་པ་མཐོལ་ལོ་བཤགས། །ལུས་ངག་ཡིད་ཀྱི་བསྲུང་བྱ་འདས་པ་ཡིས། །སྐུ་གསུང་ཐུགས་ཀྱི་དམ་ཚིག་ཉམས་པ་བཤགས། །རྗེ་བཙུན་བླ་མ་རྣམས་ཀྱི་སྤྱན་ལམ་དུ། །ཡོ་བྱད་འབྱོར་ཚོགས་ཆུང་བ་མཐོལ་ལོ་བཤགས། །ཡི་དམ་ལྷ་ཚོགས་རྣམས་ཀྱི་སྤྱན་ལམ་དུ། །མངོན་རྟོགས་སྤང་ལེན་བགྱིས་པ་མཐོལ་ལོ་བཤགས། །མཁའ་འགྲོ་སྡེ་བཞི་རྣམས་ཀྱི་སྤྱན་ལམ་དུ། །ཁས་བླང་དམ་བཅའ་ཉམས་པ་མཐོལ་ལོ་བཤགས། །ཆོས་སྐྱོང་སྲུང་མ་རྣམས་ཀྱི་སྤྱན་ལམ་དུ། །གཏོར་མ་ལོ་ཟླར་འགྱངས་པ་མཐོལ་ལོ་བཤགས། །དུས་གསུམ་ཕ་མ་རྣམས་ཀྱི་སྤྱན་ལམ་དུ། །དྲིན་ལ་ལན་གྱིས་མ་ལོན་མཐོལ་ལོ་བཤགས། །མཆེད་དང་ལྕམ་དྲལ་རྣམས་ཀྱི་སྤྱན་ལམ་དུ། །དམ་ཚིག་བརྩེ་གདུང་ཆུང་བ་མཐོལ་ལོ་བཤགས། །འགྲོ་དྲུག་སེམས་ཅན་རྣམས་ཀྱི་སྤྱན་ལམ་དུ། །སྙིང་རྗེ་ཕན་སེམས་ཆུང་བ་མཐོལ་ལོ་བཤགས། །སོ་སོར་ཐར་པ་རྣམས་ཀྱི་སྡོམ་པ་དང་། །བྱང་ཆུབ་སེམས་དཔའ་རྣམས་ཀྱི་བསླབ་པ་དང་། །རིག་པ་འཛིན་པ་སྔགས་ཀྱི་དམ་ཚིག་སོགས། །ཉམས་པ་ཐམས་ཅད་མཐོལ་བཤགས་མི་འཆབ་བོ། །མི་སྦེད་སླན་ཆད་གཅོད་ཅིང་བསྡམ་པར་བགྱི། །དུས་གསུམ་བྱས་བསགས་སྡིག་སྒྲིབ་མཐོལ་བཤགས་ན། །ཚངས་པར་མཛད་ནས་སྐུ་གསུང་ཐུགས་ལ་སོགས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །ཅེས་དང་ཡི་གེ་བརྒྱ་པ་བརྗོད། རྫོགས་སངས་རྒྱས་ཀུན་བྱང་ཆུབ་སེམས་དཔའ་དང་། །འཕགས་གཉིས་སོ་སོ་སྐྱེ་བོ་མ་ལུས་པའི། །དུས་གསུམ་དགེ་བ་བགྱིས་དང་བགྱིད་སྩལ་དང་། །བགྱིད་པར་འགྱུར་པ་ཀུན་ལ་རྗེས་ཡི་རང་། །གློ་བུར་ཉོན་མོངས་དང་ལྡན་སེམས་ཅན་རྣམས། །ཁམས་དེའི་རང་བཞིན་དག་པ་མཐོང་བྱའི་ཕྱིར། །ཕྱི་ནང་གསང་བ་བླ་ན་མེད་པ་ཡི། །ཆོས་ཀྱི་འཁོར་ལོ་རྨད་བྱུང་བསྐོར་དུ་གསོལ། །སངས་རྒྱས་འཇིག་རྟེན་ཉི་མ་གང་དུ་བྱོན། །འགྲོ་བའི་གཉེན་གྱུར་སྲས་དང་བཅས་པ་ཀུན། །སྲིད་པའི་མུན་ནག་འཐིབ་པོ་བསལ་སླད་དུ། །འཁོར་བ་ཇི་སྲིད་སྒྲོན་མེ་མཛད་པར་གསོལ། །ཡོན་ཏན་དགེར་འོས་རྒྱལ་བའི་བྱང་ཆུབ་མཆོག །སྐྱེ་དགུ་ཀུན་གྱིས་ཐོབ་པར་བྱ་བའི་ཕྱིར། །བསོད་ནམས་ཕུང་པོ་ཡོངས་སུ་བསྔོ་བགྱིས་པས། །འགྲོ་ཀུན་ཐར་པའི་ལམ་དུ་ཕྱིན་པར་ཤོག །ཡན་ལག་བདུན་པ་གྲངས་གསོག་ན། ཨོཾ་ཨཱཿཧཱུྃ་ཧྲཱིཿ རིག་འཛིན་པདྨ་འབྱུང་གནས་ལ་སོགས་པའི༔ ཕྱོགས་བཅུའི་སྐྱབས་ཡུལ་རྣམས་ལ་ཕྱག་འཚལ་ལོ༔ ཞེས་སོགས་ཅི་རིགས་པ་བསག །ཞར་བྱུང་སྡོམ་པ་གཟུང་བར་སྤྲོ་ན། རྒྱས་པར་དམ་བཅའ་ཉེར་བརྒྱད་པ་སོགས་བྱ་བའམ། བསྡུ་ན། ཨོ་རྒྱན་གདུང་འཛིན་རྒྱལ་བའི་སྲས༔ རྡོ་རྗེ་སློབ་དཔོན་དགོངས་སུ་གསོལ༔ བདག་གིས་དེང་བཟུང་བྱང་ཆུབ་བར༔ སོ་སོར་ཐར་དང་བྱང་ཆུབ་སེམས༔ རིག་འཛིན་ནང་གི་དམ་ཚིག་རྣམས༔ ཡང་དག་ཉིད་དུ་བཟུང་བྱས་ཏེ༔ སྲོག་གི་ཕྱིར་ཡང་མི་གཏོང་ན༔ བདག་ལ་བྱིན་གྱིས་བརླབ་ཏུ་གསོལ༔ ཞེས་ལན་གསུམ་གྱིས་གཟུང་ངོ་།། །།གསུམ་པ་ཕུར་ཚུགས་སུ་གསོལ་བ་གདབ་པ་ལ་གསུམ། སྤྱི་དང་། བྱེ་བྲག །ཁྱད་པར་རོ། །དང་པོ་ནི། ཨོ་རྒྱན་རིན་པོ་ཆེ་ཉིད་ཀྱི་རྡོ་རྗེའི་གསུང་ལས། སྤྱིར་རང་ལ་ལམ་སྟོན་པའི་བླ་མ་དེ་སངས་རྒྱས་ཐམས་ཅད་ཀྱི་ཕྲིན་ལས་གཅིག་ཏུ་བསྡུས་པ་ཡིན་ཅིང་༔ བྱེ་བྲག་ཏུ་གསང་སྔགས་ཀྱི་གདམས་པ་གནང་བའི་བླ་མ་དེ་དུས་གསུམ་གྱི་སངས་རྒྱས་ལས་ཀྱང་ལྷག༔ དེ་ལ་མོས་གུས་ཁ་ཙམ་མིན་པ་མེད་ན་ཆོས་ཀྱི་རྩ་བ་རུལ་འགྲོ་བར་འདུག༔ ཁྱད་པར་བོད་ཡུལ་ཆོས་བྱེད་ཀུན་གྱི་བླ་མ་ནི་བདག་ཁོ་ན་ལ་ཐུག་པ་ཡིན་ཏེ༔ ང་ཉིད་ཆོས་སྐུའི་སངས་རྒྱས་ཐམས་ཅད་དང་དགོངས་པ་དབྱེར་མེད་དུ་བཞུགས༔ ལོངས་སྐུའི་སངས་རྒྱས་ཐམས་ཅད་སྤྲོ་ཞིང་སྡུད༔ སྤྲུལ་སྐུའི་སངས་རྒྱས་ཐམས་ཅད་དང་ཡེ་ཤེས་རོ་གཅིག་པ་ལས་ཐ་དད་པའི་ཚུལ་དུ་བསྟན་ནས༔ ཛམ་བུ་གླིང་སྤྱི་དང་བྱེ་བྲག་གདོང་དམར་བོད་ཀྱི་རྒྱལ་ཁམས་འདུལ་བའི་སླད་ཆེད་དུ་སྤྲུལ་པ་ཡིན་པས་ན༔ ད་ལྟར་བཞུགས་པའི་ཆོས་རྒྱལ་ལོ་པཎ་སྐྱེས་མཆོག་རྣམས་དང་༔ མ་འོངས་པ་ན་བོད་ཁམས་འདིར་སངས་རྒྱས་ཀྱི་བསྟན་པ་ནམ་གནས་ཀྱི་བར་དུ་འབྱོན་པར་འགྱུར་པའི་བསྟན་འཛིན་གྱི་སྐྱེས་བུ་དམ་པ་རྣམས་ཀྱང་༔ བདག་པདྨ་འབྱུང་གནས་ཀྱི་ཐུགས་ཡེ་ཤེས་ཆེན་པོའི་ངང་ལས༔ གང་འདུལ་སྒྱུ་འཕྲུལ་དྲྭ་བར་བསྟན་པ་ཙམ་ཡིན་ནོ༔ དེ་བས་ན་ཁོ་བོ་ལ་སྐྱབས་གནས་ཐམས་ཅད་ཀྱི་བདག་ཉིད༔ རྩ་བརྒྱུད་ཀྱི་བླ་མ་ཀུན་འདུས་སུ་མོས་པས་དུས་རྒྱུན་དུ་མ་བརྗེད་པར་གསོལ་བ་ཐོབ་ཅིག་དང་༔ འདོད་པའི་དངོས་གྲུབ་ཐམས་ཅད་འགྲུབ་བར་མ་གྱུར་ན་ཁོ་བོས་དུས་གསུམ་གྱི་རྒྱལ་བ་ཐམས་ཅད་བསླུས་པར་འགྱུར་རོ༔ ཞེས་གསུངས་པ་ལྟར། རང་གི་རྩ་བའི་བླ་མ་དང་ཨོ་རྒྱན་རིན་པོ་ཆེ་དབྱེར་མེད་པ་ཉིད་སྐྱབས་གནས་ཐམས་ཅད་འདུས་པའི་བདག་ཉིད་དུ་ངེས་པས་མདུན་གྱི་ནམ་མཁར་བཞུགས་པའི་བླ་མ་ཡི་དམ་སངས་རྒྱས་བྱང་སེམས་དཔའ་བོ་མཁའ་འགྲོ་ཆོས་སྐྱོང་ནོར་ལྷ་གཏེར་བདག་དང་བཅས་པའི་སྐྱབས་ཡུལ་ཐམས་ཅད་ཀྱང་བླ་མ་པདྨ་ཐོད་ཕྲེང་གི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོའི་རྣམ་འཕྲུལ་དུ་ཐག་བཅད། ངེས་ཤེས་བསྐྱེད། མོས་གུས་གདུང་ཤུགས་དྲག་པོས་གསོལ་འདེབས་ལེའུ་བདུན་པ་བསམ་པ་ལྷུན་གྲུབ་མ་དང་བཅས་བའི་སྒོ་ནས་གསོལ་བ་གདབ། གཞན་ཡང་ཨོ་རྒྱན་རིན་པོ་ཆེའི་གསོལ་འདེབས་ཀྱི་རིགས་བྱིན་རླབས་ཅན་རྣམས་དང་། ཡོ་ག་གསུམ་སོགས་རྩ་བརྒྱུད་ཀྱི་བླ་མའི་གསོལ་འདེབས་ཀྱང་བྱ། དེ་ཙམ་མི་ནུས་ན། གཏེར་ཁ་འདི་ཉིད་ཀྱི། ཨེ་མ་ཧོཿ ཆོས་སྐུ་ཀུན་བཟང་དྲུག་པ་རྡོ་རྗེ་འཆང་༔ ཞེས་སོགས་ཇི་ལྟར་ནུས་པ་བརྗོད།། །།གཉིས་པ་བྱེ་བྲག་ཏུ་ཕྱི་གསོལ་འདེབས་ལ་བརྟེན་ནས་སྒྲུབ་པ་དངོས་ནི། རྡོ་རྗེའི་གསུང་ལས། དམ་པའི་ཆོས་ཚུལ་བཞིན་དུ་བྱེད་པ་ལ་བར་ཆད་ཀྱི་རྣམ་པ་མཐའ་ཡས་པ་ཞིག་འབྱུང་ནའང་༔ དེ་སེལ་བའི་ཐབས་ནི་བླ་མ་ལ་གསོལ་བ་འདེབས་པ་ཁོ་ན་ཡིན་ཏེ༔ དེ་ལས་ལྷག་པའི་གདམས་པ་ནི་དུས་གསུམ་གྱི་སངས་རྒྱས་ཀྱིས་ཀྱང་མ་གསུངས་མི་གསུང་གསུང་བར་མི་འགྱུར་རོ༔ བར་ཆད་ཐམས་ཅད་བསལ་ན་དངོས་གྲུབ་ཀྱང་དེས་ཐོབ་པ་ཡིན༔ དེ་ལ་བརྟེན་ནས་ལམ་ཐམས་ཅད་ཀྱང་བགྲོད་པ་ཡིན་པས༔ ཐོག་མར་ཕྱི་ནང་གསང་བའི་བར་ཆད་ཐམས་ཅད་སེལ་བའི་སླད་དུ་བླ་མ་ལ་གསོལ་བ་འདེབས་པ་འདི་ཉིད་གལ་ཆེའོ༔ ཞེས་དང་། ཁྱད་པར་བར་ཆད་སེལ་བའི་དོན་དུ་གསོལ་བ་འདི་ལྟར་དུ་ཐོབ་ཅིག༔ ཅེས་གསུངས་པ་ལྟར། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཆོས་སྐུ་སྣང་བ་མཐའ་ཡས་ལ་གསོལ་བ་འདེབས༔ ཞེས་སོགས་གསོལ་འདེབས་རྒྱས་པ་བརྒྱ་རྩ་སོགས་གང་འགྲུབ་དང་། གསོལ་འདེབས་ཐམས་ཅད་ཀྱི་དོན་བསྡུས། དུས་གསུམ་སངས་རྒྱས་གུ་རུ་རིན་པོ་ཆེ༔ དངོས་གྲུབ་ཀུན་བདག་བདེ་བ་ཆེན་པོའི་ཞབས༔ བར་ཆད་ཀུན་སེལ་བདུད་འདུལ་དྲག་པོ་རྩལ༔ གསོལ་བ་འདེབས་སོ་བྱིན་གྱིས་བརླབ་ཏུ་གསོལ༔ ཕྱི་ནང་གསང་བའི་བར་ཆད་ཞི་བ་དང་༔ བསམ་པ་ལྷུན་གྱིས་འགྲུབ་པར་བྱིན་གྱིས་རློབས༔ ཞེས་རྡོ་རྗེའི་ཚིག་རྐང་དྲུག་པ་འདི་ཉིད་གྲངས་ཅི་མང་དུ་བསག་གོ། །།གསུམ་པ་ཁྱད་པར་གསོལ་འདེབས་ཀྱི་བསྙེན་པ་བཟླ་བ་ནི། དེ་ལྟར་གསོལ་བ་བཏབ་པས་ཚོགས་ཞིང་རྣམས་ཀྱི་གནས་གསུམ་ནས་འཇའ་འོད་ཐིག་ལེ་སྐུ་དང་ཡིག་འབྲུ་ཕྱག་མཚན་གྱི་རྣམ་པ་གྲངས་མེད་པ་བྱུང་ནས་རང་གི་གནས་གསུམ་དུ་ཐིམ་པས་དབང་དང་བྱིན་རླབས་དངོས་གྲུབ་མ་ལུས་པ་ཐོབ་པར་གྱུར་པའི་མོས་པ་དང་བཅས། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཞེས་ཅི་ནུས་སུ་བཟླ། སྐབས་སྐབས་སུ་གསོལ་འདེབས་རྒྱས་བསྡུས་ཇི་ལྟར་རིགས་པའང་བྱ། ཐུན་བསྡུ་བ་ན། ཨོཾ་ཨཱཿཧཱུྃ། །དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །ཀུན་ཏུ་བཟང་པོ་བླ་མེད་མཆོད་པའི་སྤྲིན། །མཁའ་དབྱིངས་རྣམ་དག་རྒྱ་ཆེར་ཡོངས་བཀོད་དེ། །ཕྱི་ནང་གསང་བའི་མཆོད་པ་རྒྱ་མཚོས་མཆོད། །ཨོཾ་ཨཱཿཧཱུྃ་གུ་རུ་དྷེ་བ་དྷཱ་ཀི་ནཱི་ས་པ་རི་ཝཱ་ར་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་བིདྱ་ཤཔྡ་སརྦ་པཱུ་ཛ་པྲ་ཏཱི་ཙྪ་སྭཱ་ཧཱ། ཞེས་མཆོད། སྐྱབས་ཀུན་འདུས་ཞལ་གུ་རུ་རིན་པོ་ཆེར༔ གསོལ་བ་འདེབས་སོ་དབང་བཞིའི་ཡེ་ཤེས་སྐྱེད༔ སྒྲིབ་བཞི་དག་ཅིང་ལམ་བཞི་འབྱོང་བ་དང་༔ སྐུ་བཞིའི་གོ་འཕང་ཐོབ་པར་བྱིན་གྱིས་རློབས༔ ཞེས་གསོལ་བ་བཏབ་པས། ཚོགས་ཞིང་རྣམས་ཀྱི་གནས་བཞི་ནས་འོད་ཟེར་དཀར་དམར་མཐིང་ག་དང་སྣ་ཚོགས་པའི་མདོག་ཅན་བྱུང་། རང་གི་གནས་བཞིར་ཐིམ་པས་དབང་བཞི་ཐོབ་པར་བསམས་ལ། བླ་མ་ལྷར་བཅས་སྐུ་ཡི་གནས་བཞི་ནས༔ འོད་ཟེར་བྱུང་བ་བདག་གི་གནས་བཞིར་ཐིམ༔ སྐུ་གསུང་ཐུགས་དང་ཡེ་ཤེས་རྡོ་རྗེ་ཡི༔ བྱིན་གྱིས་བརླབས་ནས་དབང་བཞི་ཐོབ་པར་གྱུར༔ ཅེས་བརྗོད་པས་ཞར་བྱུང་དབང་བླང་ངོ་།། །།གསུམ་པ་རྗེས་ཀྱི་རིམ་པ་ལ། ཚོགས་མཆོད་གཏང་རག་དབང་བཞི་བླང་། །ཉེར་བསྡུ་བསྔོ་སྨོན་ཤིས་བརྗོད་དོ། །ཞེས་པ་ལྟར་ལྔ་ལས། དང་པོ་ནི། ཆོས་སྲུང་སྤྱི་བྱེ་བྲག་གི་གཏོར་མ་བསྔོ་བར་འདོད་ན། སྐབས་འདིར་གཏོར་ཆོག་རྒྱས་བསྡུས་ཇི་ལྟར་རིགས་པས་གཏང་། དེ་ནས་བཱ་ལ་དང་། མ་ད་ན་གཙོ་བོར་གྱུར་བའི་ཐབས་ཤེས་ཀྱི་ཚོགས་རྫས་བཤམས་ལ་བདུད་རྩིས་བྲན་ནས་བྱིན་གྱིས་བརླབ་བ་ནི། རྃ་ཡྃ་ཁྃ། བདག་ཉིད་ལྷར་གསལ་ཐུགས་ཀའི་ས་བོན་ལས༔ རྃ་ཡྃ་ཁྃ་འཕྲོས་ཚོགས་རྫས་དངོས་འཛིན་སྦྱངས༔ འབྲུ་གསུམ་འོད་ཀྱིས་ཡེ་ཤེས་བདུད་རྩིར་བསྒྱུར༔ འདོད་ཡོན་མཆོད་སྤྲིན་ནམ་མཁའ་གང་བར་གྱུར༔ ཨོཾ་ཨཱཿཧཱུྃ་ལན་གསུམ། ཚོགས་ཞིང་སྤྱན་འདྲེན་པ་ནི། ཧཱུྃ་ཧཱུྃ་ཧཱུྃ༔ བཞེངས་ཤིག་སྐུ་གསུམ་རྒྱལ་བ་རྒྱ་མཚོའི་ཚོགས༔ འོད་གསལ་སྤྲོས་དང་བྲལ་བའི་ངང་ཉིད་ལས༔ བདག་ཅག་ཚོགས་བསག་སྒྲིབ་པ་སྦྱང་སླད་དུ༔ ཡེ་ཤེས་སྒྱུ་མར་རོལ་བཞིན་གཤེགས་སུ་གསོལ༔ བཛྲ་ས་མ་ཡ་ཛ་ཛཿ ཚོགས་ཕུད་རིམ་པ་གསུམ་དུ་སྤྲོས་ལ། ཨོཾ་ཨཱཿཧཱུྃ༔ ཚོགས་ཀྱི་ངོ་བོ་ཡེ་ཤེས་བདུད་རྩིའི་སྤྲིན༔ རྣམ་པ་འདོད་ཡོན་ལྷ་མོས་ནམ་མཁའ་གང་༔ ཟག་མེད་བདེ་བ་ཆེན་པོའི་ལོངས་སྤྱོད་འདིས༔ རྩ་གསུམ་དཀྱིལ་འཁོར་ལྷ་ཚོགས་མཉེས་གྱུར་ཅིག༔ སརྦ་ག་ཎ་ཙ་ཀྲ་པཱུ་ཛ་ཧོཿ ཧོཿ ཐོག་མེད་བསགས་པའི་སྡིག་སྒྲིབ་ཉེས་ལྟུང་དང་༔ ཁྱད་པར་རྩ་བ་ཡན་ལག་དམ་ཚིག་ལས༔ འགལ་ཞིང་ཉམས་པར་གྱུར་པ་ཐམས་ཅད་ཀུན༔ འདོད་ཡོན་ཚོགས་ཀྱི་མཆོད་པས་བསྐང་ཞིང་བཤགས༔ ས་མ་ཡ་ཤུདྡྷེ་ཨཱཿ ཧཱུྃ། དཔལ་ཆེན་ཐུགས་སྤྲུལ་རྡོ་རྗེའི་ཀིང་ཀ་རས༔ གཟུང་འཛིན་བདུད་བགེགས་ཚོགས་རྣམས་བཀུག་ཅིང་བསྟིམ༔ འོད་གསལ་དབྱིངས་སུ་བསྒྲལ་བའི་ཤ་ཁྲག་རུས༔ རྩ་གསུམ་དཀྱིལ་འཁོར་ལྷ་ཚོགས་ཞལ་དུ་བསྟབ༔ སརྦ་བིགྷྣཱན་ཤ་ཏྲཱུ་ན་མཱ་ར་ཡ་ཁ་ཁ་ཁཱ་ཧི་ཁཱ་ཧི༔ ཧ་ཧ་ཧི་ཧི་ཧཱུྃ་ཧཱུྃ་ཕ྄ཊ༔ ཅེས་རིམ་པར་ཕུལ། སྤྲོ་ན་སྐོང་བཤགས་རྒྱས་བསྡུས་ཇི་ལྟར་རིགས་པའང་གཏང་། ལས་ཀྱི་རྡོ་རྗེས་ཐབས་ཤེས་ཀྱི་རྫས་བསྣོལ་མར་ཐོགས་ཏེ། ཧོཿ ཚོགས་ཀྱི་མཆོད་པ་རྒྱན་དུ་རོལ༔ ཞེས་ཕུལ་བ། ཨ་ལ་ལ་ཧོཿ ཞེས་པས་བླངས་ཏེ། ནང་གི་སྦྱིན་སྲེག་གི་ཚུལ་དུ་ཚིམས་པར་རོལ་པའི་མཐར་ལྷག་མ་བསྡུས་ཏེ། ཨོཾ་ཨཱཿཧཱུྃ་ཧོཿས་བརླབ། ཕེཾ་ཕེཾ་ཞེས་པས་ལྷག་སྡུད་སྤྱན་དྲང་། བྷྱོ། དཔལ་གྱི་བཀའ་ཉན་ཕོ་ཉའི་ཚོགས༔ ལྷག་མའི་ལོངས་སྤྱོད་འདི་གསོལ་ལ༔ སྔོན་ཚེ་གཡར་དམ་བཅས་པ་བཞིན༔ བར་ཆད་ཀུན་སེལ་མཐུན་རྐྱེན་སྤེལ༔ མ་མ་ཧྲཱིཾ་ཧྲཱིཾ་བ་ལིནྟ་ཁཱ་ཧི༔ ཞེས་ཕྱི་རོལ་དུ་ཕུལ། བླ་མ་རིག་འཛིན་ལྷ་ཚོགས་ལ༔ ཚོགས་ཀྱི་མཆོད་པ་ཕུལ་བ་ཡིས༔ བདག་དང་མཁའ་མཉམ་འགྲོ་བ་ཀུན༔ བདེ་ཆེན་ཡེ་ཤེས་སྐུ་འགྲུབ་ཤོག༔ ཆོས་སྐྱོང་གི་གཏོར་འབུལ་ཡོད་ན་སྐབས་འདིར་འབུལ་ཞིང་། ཅེས་སྨོན་ལམ་གདབ། གྲངས་གསོག་ན། སླར་ཡང་མཆོད་གཏོར་ཞལ་གསོ། མདུན་གྱི་ཚོགས་ཞིང་རྣམས་མངོན་སུམ་དུ་བཞུགས་པའི་ཞེས་སོགས་གོང་གི་ཕྱག་འཚལ་ནས་བཟུང་འདི་ཡན་བསྐྱར། དེའང་གསོལ་འདེབས་གྲངས་གསོག་ན་ཚར་རྗེས་མའི་སྨོན་ལམ་གྱི་མཇུག་ཏུ་འབུལ་ལོ། །སྐབས་ལེའུ་བདུན་མ་སྡེ་ཚན་རེ་རེ་ནས་རེས་མོས་སུ་གཏང་། མཇུག་ཏུ། ཕྱོགས་བཅུ་དུས་བཞིའི་སོགས་སྨོན་ལམ་རྒྱས་བསྡུས་ཇི་ལྟར་རིགས་པ་བཏབ་ལ་གྲངས་གཟུང་ངོ་།། །།གཉིས་པ་གཏང་རག་འབུལ་བ་ནི། མཆོད་བ་གསར་དུ་བཤམ་པའམ་ཞལ་གསོས་ལ་མཆོད་པའི་སྤྲིན་གྱི་སྔགས་བརྗོད་པས་རྒྱས་པར་སྤེལ། ཨོཾ། ཡེ་ཤེས་སྐུ་མཆོག་རང་བཞིན་དཀྱིལ་འཁོར་ནི། །ཞེས་སོགས་ཀྱི་མཐར། གང་ཞིག་ཐོག་མེད་སྲིད་པའི་ཆུ་ཀླུང་དུ། །མ་ལུས་ཀུན་རྟོག་གིས་བསགས་རྙོག་པ་རྣམས། །ཐུགས་རྗེ་ཆེ་ལྡན་སྤྱན་སྔར་དེ་དག་ནི། །ཆོ་ག་བཞིན་དུ་ཐམས་ཅད་བཤགས་བར་བགྱི། །རྫོགས་སངས་རྒྱས་དང་བྱང་ཆུབ་སེམས་དཔའ་དང་། །འཕགས་པ་གཞན་གྱིས་དགེ་བ་གང་མཛད་པ། །མ་ལུས་འགྲོ་བའི་བསོད་ནམས་རྒྱ་མཚོའི་ཚོགས། །དེ་དག་ཀུན་ལ་རྗེས་སུ་ཡི་རང་ངོ་། །མོས་དང་བསམ་པ་ཇི་བཞིན་ཟབ་པ་དང་། །རྒྱ་ཆེའི་ཆོས་འཁོར་ཆད་པ་མེད་པར་བསྐུལ། །སྤྲུལ་པ་འགྲོ་ལ་སྨན་སླད་རྟག་བཞུགས་གསོལ། །བསོད་ནམས་བླ་མེད་བྱང་ཆུབ་ཕྱིར་བསྔོའོ། །ཞེས་ཡན་ལག་བདུན་པ་ཚང་བར་བྱ། གསུམ་པ་དབང་བཞི་བླང་བ་ལ། ཏིང་ངེ་འཛིན་གྱི་དབང་བསྐུར་ཅུང་ཟད་རྒྱས་པར་བླང་བར་སྤྲོ་ན་མཎྜལ་ཕུལ། སྐྱབས་ཀུན་འདུས་ཞལ་གུ་རུ་རིན་པོ་ཆེར༔ གསོལ་བ་འདེབས་སོ་དབང་བཞིའི་ཡེ་ཤེས་སྐྱེད༔ སྒྲིབ་བཞི་དག་ཅིང་ལམ་བཞི་འབྱོང་བ་དང་༔ སྐུ་བཞིའི་གོ་འཕང་ཐོབ་པར་བྱིན་གྱིས་རློབས༔ ཞེས་གསོལ་བ་བཏབ་པས། འཁོར་གྱི་ཚོགས་ཞིང་རྣམས་དགྱེས་པ་ཆེན་པོས་འོད་དུ་ཞུ་ནས་རིགས་ཀུན་ཁྱབ་བདག་བླ་མ་ཨོ་རྒྱན་རིན་པོ་ཆེ་ལ་ཐིམ། བླ་མ་ཉིད་སྐྱབས་གནས་ཀུན་འདུས་སུ་བཞུགས་པའི་ཐུགས་ཀ་ནས་གདན་གསུམ་ཚང་བའི་དབང་གི་ལྷ་ནམ་མཁའ་གང་བར་སྤྲོས་ཏེ། ཡུམ་རྣམས་ཀྱིས་རིན་པོ་ཆེའི་བུམ་པ་བདུད་རྩིས་གང་བ་ཐོགས་ནས་དབང་བསྐུར་བར་གྱུར་པར་བསམས་ལ། ཨོཾ། ཏིལ་ཞེས་སྙིང་བྱང་གི་རབ་གནས་ལས་སོ། །གྱི་གོང་བུ་བཞིན་གང་བའི༔ རྒྱལ་བས་བུམ་པ་བཟུང་ནས་ནི༔ སངས་རྒྱས་རྡོ་རྗེའི་སྐུ་འགྲུབ་ཕྱིར༔ བཀྲ་ཤིས་བུམ་པའི་དབང་བསྐུར་རོ༔ ཨོཾ་སརྦ་ཏ་ཐཱ་ག་ཏ་ཀཱ་ཡ་ཨ་བྷི་ཥིཉྩ་ཨོཾ༔ གསུངས་ཤིང་དབང་བསྐུར་བས་བདུད་རྩིའི་ཆུ་རྒྱུན་གྱིས་ལུས་ཀྱི་ནང་ཐམས་ཅད་གང་། ཉོན་མོངས་པ་ལྔའི་དྲི་མ་སྦྱངས། ཕུང་པོ་ལྔ་གནས་གྱུར། ཡེ་ཤེས་ལྔ་མངོན་དུ་བྱས། །དབང་རྟགས་སུ་དེ་བཞིན་གཤེགས་པ་རིགས་ལྔས་དབུ་བརྒྱན། དབང་གི་ལྷ་རྣམས་ཀྱང་རང་ཉིད་ལ་ཐིམ། དེས་བུམ་པའི་དབང་ཐོབ། ལུས་ཀྱི་དྲི་མ་སྦྱངས། ལམ་བསྐྱེད་རིམ་བསྒོམ་པ་ལ་དབང་། འབྲས་བུ་སྤྲུལ་སྐུ་ཐོབ་པའི་སྐལ་པ་ཅན་དུ་བྱས་སོ། །བླ་མ་རྡོ་རྗེ་འཆང་ཆེན་པོ་ཡབ་ཡུམ་གྱི་རྣམ་པར་བཞེངས་ཏེ་སྙོམས་པར་ཞུགས་པའི་བྱང་ཆུབ་ཀྱི་སེམས་སངས་རྒྱས་ཐམས་ཅད་འདུས་པའི་ངོ་བོ་ལྕེ་ཐོག་ཏུ་བཞག་པར་གྱུར་པའི་མོས་པས། ཨཱཿ མཁའ་ཁྱབ་རྒྱལ་བ་སྲས་བཅས་ཀུན༔ མཉམ་སྦྱོར་བྱང་ཆུབ་སེམས་ཀྱི་ཆུས༔ སངས་རྒྱས་རྡོ་རྗེའི་གསུང་འགྲུབ་ཕྱིར༔ བདེ་ཆེན་གསང་བའི་དབང་བསྐུར་རོ༔ ཨོཾ་སརྦ་ཏ་ཐཱ་ག་ཏ་ཝཱ་ཀ་ཨ་བྷི་ཥིཉྩ་ཨཱཿ ཞེས་བྱིན་པའི་བདུད་རྩི་དེ་ཉིད་ཨོཾ་ཨཱཿཧཱུྃ་གིས་མྱངས་པས་གསལ་སྟོང་རྣམ་པར་མི་རྟོག་པའི་ཏིང་ངེ་འཛིན་རྒྱུད་ལ་སྐྱེས། དེས་གསང་བའི་དབང་ཐོབ། ངག་གི་དྲི་མ་སྦྱངས། ལམ་རྩ་རླུང་བསྒོམ་པ་ལ་དབང་། འབྲས་བུ་ལོངས་སྐུ་ཐོབ་པའི་སྐལ་པ་ཅན་དུ་བྱས་སོ། །བླ་མའི་ཐུགས་ཀ་ནས་རིག་མ་གཟུགས་དང་ལང་ཚོ་རྫོགས་པ་རྡོ་རྗེ་བཙུན་མོའི་ངོ་བོ་ཅན་སྤྲོས་ཏེ་ཐར་པ་བསྟེན་པར་བསྐུལ་བར་གྱུར་པའི་མོས་པས། ཧཱུྃ། དགའ་བའི་གནས་སྦྱིན་ལྷ་མོ་ནི༔ སྣ་ཚོགས་གཟུགས་ཅན་ཡིད་འོང་མས༔ སངས་རྒྱས་རྡོ་རྗེའི་ཐུགས་འགྲུབ་ཕྱིར༔ ཤེས་རབ་ཡེ་ཤེས་དབང་བསྐུར་རོ༔ ཨོཾ་སརྦ་ཏ་ཐཱ་ག་ཏ་ཙིཏྟ་ཨ་བྷི་ཥིཉྩ་ཧཱུྃ༔ ཕྱག་རྒྱ་དང་འདུ་ཤེས་གསུམ་ལྡན་གྱིས་མཉམ་པར་སྦྱར་བས་དགའ་བ་བཞིའི་རིམ་པས་མཚོན་བྱེད་དཔེའི་ཡེ་ཤེས་ཉམས་སུ་མྱངས། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱཏྨ་ཀོ྅ཧཾ། དེས་ཤེས་རབ་ཡེ་ཤེས་ཀྱི་དབང་ཐོབ། ཡིད་ཀྱི་དྲི་མ་སྦྱངས། ལམ་ཐིག་ལེ་བསྒོམ་པ་ལ་དབང་། འབྲས་བུ་ཆོས་སྐུ་ཐོབ་པའི་སྐལ་པ་ཅན་དུ་བྱས་སོ། །དབང་བཞི་པའི་སླད་དུ། བླ་མ་རྡོ་རྗེ་འཆང་ཆེན་པོས་རྡོ་རྗེའི་ཚིག་གིས་ངོ་སྤྲད་པར་གྱུར་པའི་མོས་པས། ཨཿ བདེ་བའི་རང་བཞིན་སྟོང་པ་ཉིད༔ ཟུང་འཇུག་དགོངས་པའི་རྩལ་ཆེན་པོས༔ སངས་རྒྱས་ཡེ་ཤེས་མངོན་འགྱུར་ཕྱིར༔ བསམ་གྱིས་མི་ཁྱབ་དབང་བསྐུར་རོ༔ ཨོཾ་སརྦ་ཏ་ཐཱ་ག་ཏ་ཛྙཱ་ན་ཨ་བྷི་ཥིཉྩ་ཨ་ཨ་ཨཿ བྱིན་རླབས་འཕོ་བའི་རིམ་པས་མཚོན་བྱ་དོན་གྱི་ཡེ་ཤེས་ཆོས་ཉིད་བསམ་གྱིས་མི་ཁྱབ་པའི་གནས་ལུགས་མངོན་སུམ་དུ་ མཐོང་བར་བསམས་ལ་མཉམ་པར་གཞག །དེས་དབང་བཞི་པ་ཐོབ། ཡེ་ཤེས་ཀྱི་དྲི་མ་སྦྱངས། ལམ་རྫོགས་པ་ཆེན་པོ་བསྒོམ་པ་ལ་དབང་། འབྲས་བུ་ངོ་བོ་ཉིད་ཀྱི་སྐུ་ཐོབ་པའི་སྐལ་པ་ཅན་དུ་བྱས་སོ། །སླར་ཡང་མཎྜལ་ཕུལ། བསྡུ་ན་གོང་དུ་སྨོས་པ་ལྟར་འོད་ཟེར་སྤྲོ་བསྡུའི་ཚུལ་ལ་བརྟེན་ནས་བླང་ནའང་རུང་ངོ་། །བཞི་པ་ཉེར་བསྡུའི་རྣལ་འབྱོར་ནི། སྐྱབས་གནས་ཀུན་འདུས་བླ་མ་རྡོ་རྗེ་འཆང་། །བདག་གི་སྒོ་གསུམ་གཉུག་མའི་ཡེ་ཤེས་དང་། །བྱང་ཆུབ་བར་དུ་འབྲལ་མེད་རྟག་བཞུགས་ནས། །དབང་དང་བྱིན་རླབས་དངོས་གྲུབ་སྩལ་དུ་གསོལ། ཞེས་གསོལ་བ་བཏབ་པས། བླ་མ་ཨོ་རྒྱན་ཆེན་པོ་ཉིད༔ དགྱེས་པ་ཆེན་པོས་རང་ལ་ཐིམ༔ རང་ཡང་ཀུན་གཞི་མ་བཅོས་པའི༔ ངང་ལ་ཡིད་ནི་འཛིན་པ་བྲལ༔ རྣམ་དག་སྤྲོས་བྲལ་ཆོས་ཀྱི་སྐུ༔ ཞེས་བརྗོད་ཅིང་བསམས་ལ་དབྱིངས་རིག་དབྱེར་མེད་ཀྱི་དགོངས་ཉམས་བསྐྱང་ངོ་། །ལྔ་པ་བསྔོ་སྨོན་ཤིས་བརྗོད་ནི། རྒྱས་པར་སྤྲོ་ན་བཟང་པོ་སྤྱོད་པ་སོགས་མདོ་རྒྱུད་ནས་འབྱུང་བའི་བསྔོ་སྨོན་རྒྱ་ཆེར་བྱ་ཞིང་། བསྡུ་ན། ཧོཿ ཆོས་དབྱིངས་རོལ་པ་ཆེན་པོའི་དཀྱིལ་འཁོར་དུ༔ ཐེག་ཆེན་གསང་སྔགས་སྤྱོད་པའི་དགེ་བ་དང་༔ དུས་གསུམ་བསགས་པའི་དགེ་ཚོགས་ཀུན་བསྡམས་ཏེ༔ བླ་མེད་བྱང་ཆུབ་སྙིང་པོར་བསྔོ་བར་བགྱི༔ བསོད་ནམས་འདི་ཡིས་མཐའ་ཡས་འགྲོ་བ་ཀུན༔ ཕྱི་ནང་གསང་བའི་བར་ཆད་ཀུན་ཞི་ཞིང་༔ རིམ་གཉིས་ལམ་གྱི་བགྲོད་པ་མཐར་ཕྱིན་ནས༔ པདྨ་རྒྱལ་པོའི་གོ་འཕང་མྱུར་ཐོབ་ཤོག༔ ཅེས་དང་། ཐུགས་སྒྲུབ་ཡིད་བཞིན་ནོར་བུ་ལས་སོ། །ཨོཾ། དགེ་ལེགས་ཀུན་གྱི་འབྱུང་གནས་རྫོགས་སངས་རྒྱས༔ ཉོན་མོངས་གདུང་སེལ་བདུད་རྩི་དམ་པའི་ཆོས༔ བསོད་ནམས་ཞིང་མཆོག་རྒྱལ་སྲས་འཕགས་པའི་ཚོགས༔ བླ་མེད་དཀོན་མཆོག་གསུམ་གྱི་བཀྲ་ཤིས་ཤོག༔ བྱིན་རླབས་མཁའ་ལ་སྤྲིན་འཁྲིགས་བླ་མ་རྗེ༔ དངོས་གྲུབ་ཆར་འབེབས་ཡི་དམ་ཞི་དང་ཁྲོ༔ དགོས་འདོད་འབྲས་བུ་སྨིན་མཛད་མཁའ་འགྲོའི་ཚོགས༔ རྩ་གསུམ་དཀྱིལ་འཁོར་ལྷ་ཡི་བཀྲ་ཤིས་ཤོག༔ མ་བཅོས་སྤྲོས་མེད་འོད་གསལ་ཆོས་ཀྱི་དབྱིངས༔ བདེ་ཆེན་ཡེ་ཤེས་རིགས་ལྔའི་སྤྲིན་ཕུང་འཕྲོ༔ གང་འདུལ་འགྲོ་བའི་དོན་མཛད་ཐུགས་རྗེའི་གཏེར༔ སྐུ་གསུམ་ལྷ་ཚོགས་རྣམས་ཀྱི་བཀྲ་ཤིས་ཤོག༔ གནས་སྐབས་ཕྱི་ནང་རྒུད་པ་ཀུན་ཞི་ཞིང་༔ ཕན་བདེའི་བསམ་ཀུན་ལྷུན་གྱིས་གྲུབ་པ་དང་༔ མཐར་ཐུག་སྐུ་དང་ཡེ་ཤེས་དབྱེར་མེད་པ༔ མཆོག་གི་དངོས་གྲུབ་འགྲུབ་པའི་བཀྲ་ཤིས་ཤོག༔ གནས་འདིར་ཉིན་མོ་བདེ་ལེགས་སོགས་བརྗོད་ཅིང་མེ་ཏོག་གི་ཆར་སིལ་མར་བསྙིལ། སླར་ཡང་། ཕྱོགས་བཅུ་དུས་བཞིའི་སོགས་སྨོན་ལམ་དང་བདེན་པའི་སྟོབས་བརྗོད་པས་དགེ་ལེགས་སུ་བྱའོ།། །།

འདིའི་སྒོ་ནས་ཕྱི་སྒྲུབ་ལ་བརྟེན་པའི་བསྙེན་པ་གཏོང་བར་འདོད་ན་ཇི་སྐད་བཤད་པའི་རིམ་པས་ཐུན་བཞིའམ་གསུམ་དུ་བཅད་ལ་གསོལ་འདེབས་བར་ཆད་ལམ་སེལ་ཁྲི་དང་སྟོང་སོགས་གང་འགྲུབ། བསྡུས་བ་དུས་གསུམ་སངས་རྒྱས་མ་འབུམ་ཐེར། གསོལ་འདེབས་ཀྱི་སྙིང་པོ་འབུམ་ཕྲག་བཅུ་གཉིས་རྣམས་བཟླ་ཞིང་། ཚོགས་བསག་གི་རིམ་པའང་ཅི་ནུས་སུ་འབད་པས་བྱིན་རླབས་ཞུགས་པའི་རྟགས་རྣམས་མཐོང་བ་དང་། ཉམས་རྟོགས་ཀྱི་ཡོན་ཏན་དབྱར་གྱི་མྱུ་གུ་ལྟར་རྒྱས་པར་འགྱུར་རོ། །དེ་ལྟར་གྱི་རིམ་པ་འདིའང་། ཞལ་གདམས་སྙིང་བྱང་ཡིད་བཞིན་ནོར་བུའི་རིམ་པར་ཕྱེ་བ་དང་པོའི་སྐབས་སུ་ཕྱི་གསོལ་འདེབས་ཀྱི་ཚུལ་དུ་སྒྲུབ་པ་དང་། སྐབས་བཞི་པར་གསུངས་པའི་བླ་མའི་རྣལ་འབྱོར་གྱི་དམིགས་རིམ་གཉིས་འབྲེལ་བསྡེབས་ཤིང་། གཏེར་གཞུང་རྡོ་རྗེའི་གསུང་རྣམས་ལ་རིགས་མཐུན་གྱི་ཚིག་གིས་མཚམས་སྦྱར་བ་དང་བཅས་ཅུང་ཟད་རྒྱས་པར་སྤེལ་བ་སྟེ། དེའང་བླ་མའི་རྣལ་འབྱོར་ལ་ལྟོས་པའི་ཕྱི་ནང་གསང་གསུམ་གྱི་བསྒྲུབ་ཚུལ་ཐམས་ཅད་དོན་གྱིས་ཚང་བར་འགྱུར་ནའང་། སྤྱིར་བཏང་མདུན་བསྐྱེད་གཙོ་བོར་བཏོན་ནས་ཚོགས་གསོག་པ་དང་། གསོལ་བ་གདབ་ཅིང་དབང་བླང་བ་ཙམ་སྐབས་དོན་གྱི་སྙིང་པོར་ངེས་པས་ན་ཕྱི་གསོལ་འདེབས་ཀྱི་ཚུལ་དུ་སྒྲུབ་པ་ཞེས་སྨོས་པའང་ཤེས་པར་བྱའོ། །ཚུལ་འདི་ལྟ་བུའི་རྣལ་འབྱོར་ཟབ་མོ་རྒྱུན་དང་དུས་སུ་བརྩོན་པས་བར་ཆད་ཐམས་ཅད་ཞི་བ་དང་། དངོས་གྲུབ་རྣམ་པ་གཉིས་དཀའ་བ་མེད་པར་འགྲུབ་པ་ནི་མདོ་རྒྱུད་བསྟན་བཅོས་དང་བཅས་པ་ལས་རྒྱ་ཆེར་གསུངས་ཤིང་། མན་ངག་གི་མྱོང་བས་ཀྱང་གྲུབ་པའི་ཕྱིར་བདག་ལེགས་སུ་འདོད་པའི་སྐལ་བཟང་རྣམ་དཔྱོད་ཅན་རྣམས་ཀྱིས་ནན་ཏན་དུ་ཉམས་སུ་བླང་བར་བྱ་བ་ཉིད་དོ།། །།མཚོ་སྐྱེས་བླ་མའི་བྱིན་རླབས་ཀྱི། །བདུད་རྩིའི་ཆུ་གཏེར་རྒྱས་པ་ལས། །དངོས་གྲུབ་འདོད་རྒུའི་ཆར་འབེབས་པའི། །ཐབས་ཚུལ་དཔག་བསམ་ཤིང་འདི་འཁྲུངས། །དེ་ལས་བྱུང་བའི་ལེགས་བྱས་འཆི་མེད་བཅུད། །བྱང་ཆུབ་སྤྱོད་པའི་རྒྱ་མཚོར་རོ་གཅིག་པས། །འགྲོ་ཀུན་སྲིད་ཞིའི་གདུང་བ་ཀུན་སེལ་ཞིང་། །ཕན་བདེའི་ངལ་འཚོ་རྟག་ཏུ་རྒྱས་གྱུར་ཅིག །ཅེས་པའང་ཐར་ལམ་བླ་མའི་བཀའ་དྲིན་ཁོ་ན་ལ་རེ་བ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་རང་གཞན་གྱི་རྒྱུད་ལ་ཚོགས་ཟུང་སྒོ་དུ་མ་ནས་སྤེལ་བ་དང་། བསྟན་འགྲོའི་དགེ་ལེགས་ཀྱི་དུས་སྟོན་རྒྱས་པར་དར་བའི་རྟེན་འབྱུང་སོགས་དགོས་པ་ཁྱད་པར་ཅན་གྱི་སླད་དུ་དམིགས་ནས་ཉུངས་གསལ་སྙིང་པོར་དྲིལ་ཏེ་སྦྱར་བ་དགེ་ལེགས་མཆོག་ཏུ་གྱུར་ཅིག། །སརྦ་དཱ་ཀཱ་ལྱཱ་ཎཾ་བྷ་བ་ཏུ།། །།སྤྲུལ་པའི་གཏེར་ཆེན་རྒྱ་མཚོའི་འཁོར་ལོས་སྒྱུར། །འགྲོ་འདུལ་མཆོག་གྱུར་བདེ་ཆེན་གླིང་བ་ཡི། །རིང་ལུགས་ཕྱོགས་དུས་ཀུན་ཏུ་ཁྱབ་པ་དང་། །ཕན་བདེའི་དགེ་མཚན་རྒྱས་པའི་བཀྲ་ཤིས་ཤོག། །།
[edit]

mchog gling thugs sgrub bar chad kun sel gyi phyi sgrub bla mchod byin rlabs char 'bebs/

  1. /__/gu_ro_sh+tsi_t+ta_sA_d+ha_na_pra_ti_ba_n+d+hA_gra_sa_ne_b+h+yaH_dwi_ga_Nau_ba_r+d+ha_ti_bi_d+h+ya_d+hi_Sh+ThA_naM_pr-i_Sh+T+yA_be_sha_naM_nA_ma_bi_hi_d+hAM_d+h+ye_Sha_NA_yA_na_yaM_sA_ng+ha_na_sh+tsA_nu_sa_ng+ga_bi_ha_ra_ti_sma_/_/
  2. /__/bla ma'i thugs sgrub bar chad kun sel las/__phyi gsol 'debs kyi tshul du sgrub pa dang rjes su 'brel ba'i tshogs gnyis spel ba'i cho ga byin rlabs char 'bebs zhes bya ba bzhugs so/__/

na mo gu ru pad+mA ka rA ya/__'chi med rtag ba dam pa'i ye shes ni/_/gang 'dul sgyu 'phrul drwa ba'i rnam rol can/__/rtsa gsum kun 'dus pad+ma saM b+ha bas/__/dngos grub rgya mtsho'i gnas su dbugs 'byin mdzod/_/gang de mchod cing bsnyen pa las/__/byin rlabs bdud rtsi'i zla snang gis/__/tshogs zung chu gter 'phel ba'i thabs/__/dad pa'i yid mkhar deng 'dir 'char/__/'di la gsum sbyor ba/__dngos gzhi/__rjes so/__/dang po la gnyis/__cho gar ma gtogs pa'i sbyor ba dang /__cho gar gtogs pa'i sbyor ba'o/__/dang po ni/__gnas dben la yid dang rjes su mthun par phyag dar legs par bstar ba'i gung gi char rtsa gsum gyi snang brnyan sogs dkon mchog gi rten bkram pa'i spyan sngar sman rag gtor gsum dang /__chu gnyis sngon 'gro'i nyer spyod/__bye brag tu me tog la sogs pa'i mchod pa rnam lnga brgya rtsa sogs gang 'byor/__maN+Dal/__dri bzang gi chu/__tshom bu'i rgyu/__nye logs gang bder sngon gtor dang /__tshogs kyi yo byad/__rol mo'i bye brag sogs 'du bya'o/__/gnyis pa la gsum/__'gal rkyen bsal ba/__mthun rkyen bsgrub pa/__rgyud sbyang ba'o/__/dang po ni/__rang nyid skad cig gis dbang chen rta mchog rol pa'i skur gyur par bsams la/__sngon gtor/__oM ha ya grI ba hU~M pha?T kyis bsang /__swa b+hA was sbyang /__stong ba'i ngang las b+h+rU~M las rin po che'i snod yangs shing rgya che ba'i nang du gtor ma kha dog dri ro nus pa phun sum tshogs par gyur/__oM AHhU~M gis brlab/__b+hU mi pa ti sa pa ri wA ra badz+ra sa mA dzaHsa mgron dgug__/s+thA na pa ti k+She tra pa lAny+tsa na mas+sarba ta thA ga te b+h+yo bi shwa mu khe b+h+yaHsarba thA khaM ut+ga te s+pha ra Na i maM ga ga na khaM gr-i h+Ne daM ba lin+ta swA hA/__lan gsum gyis gtor ma bsngos te/__gang dag 'dir gnas lha dang klu/__/gnod sbyin srin po'am gzhan dag la/__/sngags spyod don du sa phyogs 'di/__/bdag zhu khyed kyis stsal du gsol/__/b+hU mi pa ti sa pa ri wA ra gats+tshaHsa dkar phyogs pa rnams gshegs su gsol ba dang chab gcig__/nag phyogs pa rnams kyang gtor ma'i lhag mas tshim par bsams la/__oM ha ya grI ba hU~M pha?T/__ces dang /__sum+b+ha sogs brjod pas bskrad/__oM badz+ra rak+Sha rak+Sha b+h+rU~M/__phyogs mtshams steng 'og thams cad rdo rje srung ba'i 'khor los yongs su bskor bar gyur par bsam/__gnyis pa ni/__gnas dang mchod pa'i yo byad rnams la dmigs te/__hU~M hrIH__bdag nyid dbang chen rol ba'i gnas gsum nas:__yig 'bru gsum las ra~M ya~M kha~M 'phros pas:__ye shes me yis dngos 'dzin dri ma bsregs:__chos nyid rlung gis bag chags mtshan ma gtor:__byang sems chu yis 'khrul pa'i rtog tshogs bkrus:__snod bcud stong gsal gnyug ma'i dbyings su thim:__ra~M ya~M kha~M s+pha ra Na phaT:__d+harma d+hA tu aH__slar yang rig rtsal phyag rgya'i cho 'phrul che:__b+h+rU~M las gnas khang pad+mo bkod pa'i zhing :__mtshan nyid yongs rdzogs sprul pa'i pho brang dbus:__trA~M yig yongs gyur rgyan gyi bye brag dang :__hrIHlas kun bzang mchod pa'i sprin chen po:__rgyun mi 'chad pa nam mkha' mdzod kyi gter:__rtsa gsum lha tshogs dgyes pa skong ba'i rdzas:__zag med bde chen ye shes rol par gyur:__oM b+h+rU~M trA~M hrIH__oM badz+ra ar+g+haM AHhU~M:__oM badz+ra pAd+yaM AHhU~M:__oM badz+ra puSh+pe AHhU~M:__oM badz+ra d+hU be AHhU~M:__oM badz+ra A lo ke AHhU~M:__oM badz+ra gan+d+he AHhU~M:__oM badz+ra nai bid+yA AHhU~M:__oM badz+ra shap+da AHhU~M:__zhes pas phyi mchod dang /__oM rU pa shap+da gan+d+he rA sa spaR+she d+harma d+hA tu AHhU~M gis nang mchod/__oM AHhU~M sarba pany+tsa a mr-i ta kuN+Da lI hU~M hrIHThA:__oM AHhU~M ma hA ba lin+ta te dzo ba lin+ta ba la ba te gu h+ya sa ma ya hU~M hrIHThA:__oM AHhU~M ma hA rak+ta dz+wa la maN+Da la hU~M hrIHThA:__zhes pas khyad par gyi mchod pa rnams byin gyis brlab so/__/gsum pa la/__nges 'byung gsal gdab skyabs su 'gro/__/sems bskyed sgrib sbyang tshogs bsag go__/zhes pa ltar lnga las/__dang po nges 'byung gi blo bcos pa ni/__dal 'byor 'di ni shin tu rnyed par dka'/__/skyes bus don grub thob par gyur pa la/__/gal te 'di la phan pa ma bsgrubs na/__/phyis 'di yang dag 'byor par ga la 'gyur/__/srid gsum mi rtag ston ka'i sprin dang 'dra/__/'gro ba'i skye 'chi gar la blta dang mtshungs/__/'gro ba'i tshe 'gro nam mkha'i glog 'dra ste/__/ri gzar 'bab chu bzhin du myur mgyogs 'gro/__/dus kyis bsnyen nas rgyal bo 'gro gyur na/__/longs spyod mdza' dang gnyen bshes rjes mi 'brangs/__/skyes bu dag ni gar gnas gar 'gro yang /__/las ni grib ma bzhin tu rjes su 'brangs/__/sred srid ma rig dbang gis skye bo rnams/__/mi dang lha dang ngan song rnam gsum po/__/'gro ba lnga bo dag tu mi mkhas 'khor/__/dper na rdza mkhan 'khor lo 'khor ba bzhin/__/srid gsum rga dang nad kyi sdug bsngal 'bar/__/'di na 'chi me rab 'bar mgon med de/__/srid las byung la 'gro ba rtag tu rmongs/__/bum par chud pa'i bung ba 'khor ba bzhin/__/de lta'i 'jigs rung srid pa'i sdug bsngal las/__/rang gzhan 'gro kun yongs su bsgral ba'i phyir/__/bla ma mchog dang dkon mchog rin po cher/__/rtse gcig gus pas skyabs su gzung bar bgyi/__/zhes skyes bu chen po'i blos mtshams sbyar te/__gnyis pa skyabs su 'gro ba ni/__mdun gyi nam mkhar skyabs yul rnams mngon sum bzhin du gsal ba'i spyan sngar bdag dang sems can thams cad sgo gsum 'jug pa gcig pas skyabs su 'gro bar gyur par mos te/__na mo:__bdag dang mkha' mnyam sems can ma lus kun:__bla ma sangs rgyas chos dang dge 'dun dang :__yi dam dpa' bo mkha' 'gro chos skyong tshogs:__thugs rje che ldan rnams la skyabs su mchi:__zhes ci nus mthar skyabs yul rnams kyi 'od zer gyis bdag gzhan gyi sdig sgrib sbyangs par bsam/__gsum pa sems bskyed pa la gsum/__smon sems bskyed pa/__tshogs bsag pa/__'jug pa byang chub kyi sems la blo sbyang pa'o/__/dang po ni/__tshogs zhing rnams dbang po'i tshul du byas te don yin la dran bzhin pas/__hoH__sngon gyi rgyal ba sras dang bcas rnams kyis:__bla med byang chub mchog tu thugs bskyed ltar:__bdag kyang mar gyur mkha' mnyam 'gro kun la:__phan gdags slad du sangs rgyas bsgrub par bgyi:__gnyis pa ni/__rang gzhan sems can thams cad sgo gsum gus pas phyag 'tshal zhing /__mchod pa'i sprin rab 'byams spro ba sogs dmigs 'don zung du chud pas/__oM AHhU~M hrIH__rig 'dzin pad+ma 'byung gnas la sogs pa'i:__phyogs bcu'i skyabs yul rnams la phyag 'tshal lo:__dngos su 'byor dang yid las byung ba yi:__kun bzang mchod sprin nam mkha' gang bas mchod:__so thar byang chub sems dpa'i bslab pa dang :__rig 'dzin sngags kyi dam tshig nyams chag bshags:__'phags dang so so skye bo'i tshogs rnams kyis:__rgyal sras spyod pa spyad la rjes yi rang :__mtha' yas 'gro ba sdug bsngal gyur pa la:__phan pa ji ltar 'tshams pa'i chos 'khor bskor:__bskal pa bye ba bsam yas ji snyed du:__'gro ba'i don phyir mya ngan mi 'da' bzhugs:__bdag gis dus gsum bsags pa'i dge ba rnams:__'gro kun byang chub snying po thob phyir bsngo:__gsum pa ni/__bdag gi bde ba gzhan la gtong ba'i byams pa dang /__gzhan gyi sdug bsngal rang gis blang ba'i snying rje/__de dag dang mi 'bral bar smon pa'i dga' ba/__thams cad mnyam nyid du btang snyoms pa'i blo phyogs ris dang bral bas rgyal sras kyi spyod pa rlabs po che la bslab pa'i 'dun pa dang bcas/__bsod nams 'di yis 'gro kun bde dang ldan:__sdug bsngal kun bral bdag la smin gyur cig:__sdug bsngal med pa'i bde dang mi 'bral zhing :__chos kun mnyam nyid btang snyoms la gnas shog:__ces brjod/__bzhi pa sdig sgrib sbyong ba rdo rje sems dpa'i sgom bzlas la/__thog mar rten gyi stobs lha gsal gdab pa ni/__aH__bdag gi spyi bor pad zla'i steng :__sangs rgyas kun gyi ye shes sku:__rdo rje sems dpa' bde ba che:__dri med ston ka'i zla ba'i mdangs:__phyag gnyis rdo rje dril bu bsnams:__rang 'od snyems ma dgyes bar 'khril:__dar dang rin chen rgyan gyis mdzes:__zhabs zung rdo rje'i skyil krung gis:__'ja' zer thig le'i klong na bzhugs:__zhes gsal btab ste/__rnam par sun 'byin pa'i stobs sdig ltung la gnong 'gyod drag po sngon du 'gro bas/__gnyen po kun tu spyod pa'i stobs sngags bzla ba'i dmigs pa yid la bya ba ni/__thugs kar zla ba'i dkyil 'khor dbus:__bde gshegs kun gyi thugs srog hU~M:__yi ge brgya pa'i sngags kyis bskor:__bzlas pas 'od 'phros don gnyis byas:__tshur 'dus bdud rtsi'i chu rgyun babs:__rang gi tshangs pa'i sgo nas zhugs:__sdig sgrib nyams chag kun byang nas:__dag cing dri ma med par gyur:__ces brjod cing bsams la/__oM badz+ra sa twa sa ma ya:__ma nu pA la ya:__badz+ra sa twa twe no pa:__tiSh+Tha dr-i D+ho me b+ha wa:__su toSh+yo me b+ha wa:__su po Sh+yo me b+ha wa:__a nu rak+to me b+ha wa:__sarba sid+d+hi m+me pra yats+tsha:__sarba karma su tsa me:__tsit+taM shre ya ku ru hU~M:__ha ha ha ha hoH__b+ha ga wAn sarba ta thA ga ta badz+ra mA me muny+tsa:__badz+rI b+ha wa ma hA sa ma ya sa twa AH__zhes ci nus dang /__oM badz+ra sa twa AH__zhes pa'ang ci rigs pa bzlas mthar spro zhing nus na/__hoH__thugs rje chen po bcom ldan rdo rje sems:__zhes sogs smre bshags bya zhing /__mi nus na/__mgon po bdag ni mi shes rmongs pa yis/__/dam tshig las ni 'gal zhing nyams/__/bla ma mgon pos skyabs mdzod cig__/gtso bo rdo rje 'dzin pa ste/__/thugs rje chen po'i bdag nyid can/__/'gro ba'i gtso la bdag skyabs mchi/__/sku gsung thugs rtsa ba dang yan lag gi dam tshig nyams chag thams cad mthol zhing bshags so/__/sdig sgrib nyes ltung dri ma'i tshogs thams cad byang zhing dag par mdzad du gsol/__/zhes gsol ba btab pas/__bla ma rdo rje sems dpa' dgyes shing 'dzum pa dang bcas pas rigs kyi bu khyod kyi sdig sgrib nyes ltung thams cad dag pa yin no/__/zhes gnang ba byin cing 'od du zhu nas rang la thim pas rang nyid kyang dpal rdo rje sems dpa'i skur gyur par bsam//__//lnga pa tshogs bsag pa'i slad du maN+Dal 'bul ba ni/__rin po che'i maN+Dal dri bzang gi chu tshom bu'i rgyu sogs sta gon byas la/__lus kyis tshom bu dgod pa dang bstun nas ngag tu/__oM AHhU~M:__bdag dang mtha' yas sems can gyi:__lus dang longs spyod dge tshogs kun:__gling bzhi ri rab nyi zlar bcas:__lha mi'i longs spyod bsam mi khyab:__kun bzang mchod pa'i sprin phung che:__rgyun mi chad bar sprul byas te:__dkon mchog rin chen rtsa ba gsum:__chos srung nor lha rgya mtsho la:__gus pas rtag tu 'bul bar bgyi:__bsod nams tshogs chen rab rdzogs nas:__ye shes snang ba rgyas par shog:__oM gu ru de ba DA ki nI sarba rat+na maN+Da la pU dza me g+ha AHhU~M:__bsdu na/__oM AHhU~M:__khams gsum snod bcud dpal 'byor dang :__bdag lus longs spyod dge tshogs kun:__thugs rje'i bdag nyid rnams la 'bul:__bzhes nas byin gyis brlab tu gsol:__oM sarba ta thA ga ta rat+na maN+Dal pU dza ho:__zhes brjod cing yid kyis ri rab gling bzhi lha mi'i longs spyod zhing rdul gyi grangs dang mnyam par sprul te phul ba phyi'i maN+Dal/__rang rang gi phung khams skye mched gces par bzung ba'i bdog dgu'i tshogs dang bcas te phul ba nang gi maN+Dal/__de thams cad 'khor gsum mi dmigs pa'i lta bas rgyas thebs pa gsang ba'i maN+Dal te/__gsum ka phrugs gcig la mang du 'bul zhing mthar tshogs zhing rnams rang la bstim mo//__// gnyis pa dngos gzhi la gsum/__mdun rten tshogs zhing bsgrub pa/__tshogs bsag rgyas par spel ba/__phur tshugs su gsol ba gdab pa'o/__/dang po ni/__rang nyid gnyug ma'i lha gang yang rung ba'am/__dpal rdo rje sems dpar gsal bzhin pa'i ngang /__tha mal gyi snang ba thams cad 'od gsal gyi dbyings su thim pa las/__snod rnam par dag pa 'og min pad+mo bkod pa'i zhing khams/__gnas rnam par dag pa thar pa chen po'i gzhal med khang /__bcud rnam par dag pa rig 'dzin bla ma'i lha tshogs kyi phyag rgyar sad pa'i mos 'dun rtse gcig pas 'di ltar gsal gdab par bya ste/__oM swa b+hA ba shud+d+haHsarba d+harmAHswa b+hA ba shu d+d+ho\u0f85 haM/__gzung 'dzin 'khrul ba'i snang ba ji snyed kun/__/'od gsal stong nyid dbyings su thim pa'i rtsal/__/zung 'jug sgyu 'phrul drwa ba'i rnam rol ni/__/phyi snod bde can pad+mo bkod pa'i zhing /__/mnan nem bteg 'phar gser gyi sa gzhi la/__/baiDUr zhun ma'i re khA cir yang bkra/__/rin chen ri bo nor bu'i brag skyibs dang /__/yan lag brgyad ldan bdud rtsi'i chu klung 'babs/__/dgos 'dod kun 'byung dpag bsam ljon pa'i shing /__/sprul pa'i bya dang ri dwags tshogs kyis brgyan/__/me tog char 'bebs 'ja' zer thig le'i sprin/__/rnam mang mchod pa'i bye brag du ma sogs/__/yid 'phrog ngo mtshar bkod pas mdzes pa'i gzhir/__/byang chub sems dpa'i nor bu'i gzhal med khang /__/yangs shing rgya che 'od zer 'bar ba'i dkyil/__/rang mdun nam mkhar mchod sprin rgya mtsho'i dbus:__seng khri pad+ma nyi zla brtsegs pa'i steng :__skyabs gnas kun 'dus o rgyan thod phreng rtsal:__zhal gcig phyag gnyis khro 'dzum gzi 'od 'bar:__pad zhwa gsang phod chos gos za ber gsol:__phyag g.yas rdo rje g.yon pas thod bum bsnams:__gsang ba'i phyag rgya sbas tshul kha T+wAM 'khyud:__zhabs gnyis rol stabs 'ja' tshon 'od lnga'i klong :__rab 'byams rtsa ba gsum gyi sprin phung 'phro:__snang srid dpal ldan bla ma'i ngo bor gyur:__ces pa tsam mam/__spro zhing nus na/__de ltar du gsal ba'i sku las skyes pa'i 'od kyi phung po'i klong du nyid las mi gzhan ba'i thod phreng rigs lnga dang /__rig 'dzin rtsal 'chang bcu gnyis/__sprul pa'i gu ru mtshan brgyad/__yid bzhin nor bu gu ru bcu gsum/__'gro 'dul gu ru rigs drug__/'phrul mtshan bzhi bcu rtsa lnga/__mtshan gyi bye brag brgya rtsa la sogs pa'i sprul pa dang yang sprul nyi zer gyi rdul ltar spro zhing sdud pa'i bdag nyid chen po'i dbu'i spyi bo'i gtsug tu pad+ma dang zla ba'i gdan la rig 'dzin shrI siM ha sku mdog dmar smug g.yas sdigs mdzub nam mkhar sgreng zhing /__g.yon mnyam bzhag gi steng na thod pa bdud rtsis gang ba bsnams pa rnal 'byor spyod pa'i cha lugs can/__g.yas su slob dpon 'jam dpal bshes gnyen/__g.yon du paN chen dz+nyA na sU tra/__de'i dbu'i spyi bo'i gtsug tu sprul sku dga' rab rdo rje/__g.yas su mgon po 'od dpag med/__g.yon du 'gro 'dul thugs rje chen po/__de'i dbu'i spyi bo'i gtsug tu longs sku rdo rje sems dpa' dang /__rgyal ba khyab bdag rdo rje 'chang /__chos sku kun bzang yab yum rnams mtho brtsegs kyi tshul du bzhugs pa la chos nyid mngon sum dang /__nyams snang gong 'phel dang /__rig pa tshad phebs dang /__chos nyid zad pa'i sa la bzhugs pa'i 'od gsal snying tig gi bla ma brgyud pa rnams dang /__gzhan yang mkhas pa nyi shu rtsa gcig sogs sems klong man ngag phyi nang gsang skor gyi bla ma brgyud pa rnams kyis bskor ba/__g.yas kyi char seng khri pad zla'i steng du chos rgyal lung bstan rdo rje phyag g.yas chos 'chad dang /__g.yon mnyam bzhag gi steng na rgyud lung gi glegs bam bsnams ba 'khor los sgyur ba'i cha byad can gyi dbu gtsug tu dam pa'i rigs can drwa ma lnga/__rgyal sras rigs gsum mgon po/__rigs lnga he ru ka yab yum/__mtha' skor du 'dun pa sems pa dang /__rigs chen 'byed pa dang /__dbugs chen 'byin pa dang /__lung chen thob pa dang /__rtsal chen rdzogs pa'i rnal 'byor gyi sa la bzhugs pa'i lung a nu yo ga'i rig 'dzin bla ma bye ba sa ya'i tshogs kyis bskor ba/__g.yon phyogs kyi char seng khri pad zla'i steng du shing rta chen po sangs rgyas gsang ba g.yas chos 'chad dang /__g.yon mnyam bzhag gi steng na sgyu 'phrul drwa ba'i glegs bam bsnams pa paN+Di ta'i cha byad can gyi dbu gtsug tu slob dpon chen po sgeg pa'i rdo rje/__rig 'dzin slob dpon rnam brgyad sogs rgyud dang sgrub sde'i shing rta chen po rnams dang /__mtha' skor du rnam par smin pa dang /__tshe la dbang ba dang /__phyag rgya chen po dang /__lhun gyis grub pa'i sa la bzhugs pa'i bskyed pa ma hA yo ga'i rig 'dzin grub pa bsam gyis mi khyab pas bskor ba/__de dag gi bar mtshams rnams su bya spyod rnal 'byor gyi rgyud las dngos grub brnyes pa rnams dang /__'dzam gling mdzes par byed pa'i rgyan drug__/rmad du byung ba'i slob dpon gnyis sogs sde snod gsum gyi shing rta chen po rnams sprin phung 'thibs pa ltar bzhugs pa/__gtso mchog snang srid zil gnon rtsal gyi sku'i g.yas phyogs su 'od gsal 'pho ba chen po'i sku brnyes pa'i slob dpon bi ma la mi tra/__g.yon du byang chub sems dpa' chen po zhi ba 'tsho/__mtha' skor kun tu mkhyen rab kyi bdag po chos rgyal khri srong lde'u btsan/__dpal he ru ka nam mkha'i snying po/__'jam dpal khrag 'thung sangs rgyas ye shes/__dbang chen grub pa rgyal ba mchog dbyangs/__gsang sngags chu bo bzhi'i bka' babs ban+de dri med zla shar/__mthu stobs kyi mnga' bdag lang gro lo tsA ba dkon mchog 'byung gnas/__bod khams phur thogs yongs kyi rje btsun sngags pa rdo rje bdud 'joms/__slob dpon nyid dang dgongs pa mnyam pa'i rnam par snang mdzad bai ro tsa na/__sprul pa'i byang chub sems dpa' chen bo dpal lha'i sras po ye shes rol pa rtsal mched dang /__rdo rje'i gzungs ma mkhar chen ye shes mtsho rgyal sogs rje 'bangs lo paN grub thob rgya mtsho dus gsum du gshegs shing bzhugs la 'byon par 'gyur pa'i tshogs kyis bskor ba/__de rnams kyi mdun phyogs su bcom ldan 'das dpal rdo rje sems dpa' yab yum la/__rgyud sde drug dang 'brel ba'i yi dam dkyil 'khor gyi lha tshogs dang /__g.yas su dpal rgyal ba shAkya thub pa la dus gsum gyi sangs rgyas sprul sku'i rnam pa can rnams kyis bskor ba/__rgyab tu lung rtogs kyis bsdus pa'i chos dkon mchog glegs bam brag ri brtsegs pa'i rnam pa/__g.yon du byang chub sems dpa' nye ba'i sras brgyad dang /__gnas brtan bcu drug sogs theg pa che chung gi dge 'dun/__bar mtshams rnams su gnas gsum gyi dpa' bo mkha' 'gro chos skyong nor lha gter bdag gi tshogs dang bcas pa sprin gyi phung po 'thibs pa ltar bzhugs pa/__de thams cad kyang bla ma o rgyan rin po che sku dgyes pa'i 'dzum mtshan dpe'i gzi byin gyis snang srid thams cad zil gyis gnon pa/__gsung tshangs pa'i dbyangs kyis chos sgo mtha' yas pa phye ba/__thugs ka dag gting gsal 'dus ma byas pa'i dbyings las ma g.yos bzhin du/__mkhyen brtse nus pa'i yon tan gyis phrin las thams cad lhun gyis grub pa/__srid zhi kun gyi spyi dpal chen por bzhugs pa'i sku gsung thugs yon tan phrin las mi zad pa rgyan gyi 'khor lo'i ye shes kyi rol pa gang 'dul sgyu 'phrul drwa ba'i rnam rol rtsa gsum rgyal ba rab 'byams kyi 'khor lor yongs su gsal bar gyur pa'i spyi bor oM dkar po/__mgrin bar AHdmar po/__thugs kar hU~M sngon po rnams kyis mtshan pa las 'od zer 'phros pas rang bzhin gyi gnas dang /__rnga yab dpal ri sprul pa'i zhing nas ma hA gu ru pad+ma thod phreng rtsal 'khor rtsa gsum chos srung rgya mtsho'i tshogs kyis bskor ba mdun gyi nam mkhar badz+ra sa mA dzaH__zhes brjod cing bsams la/__spos btul zhing snyan ba'i dbyangs dang bcas te/__hU~M hrIH__bzhengs thugs sgrub dgongs pa kun 'dus sogs las gsungs/__shig pad+ma 'byung gnas mkha' 'gro'i tshogs:__dgongs shig phyogs bcu dus gsum bde gshegs rnams:__rje btsun chen po pad+ma thod phreng rtsal:__rig 'dzin mkha' 'gro'i gnas nas gshegs su gsol:__dbu skra mdzes pa'i thor tshugs shigs se shig:__rin chen rgyan cha mang po si li li:__dur khrod rus chen rgyan cha khro lo lo:__sgra dang rol mo mang po 'u ru ru:__yi dam lha tshogs hU~M sgra di ri ri:__mkha' 'gro sde lngas gar byed shigs se shig:__ging chen dpa' bos bro rdung khrabs se khrab:__ma mo mkha' 'gro sprin ltar thibs se thib:__chos skyong sde brgyad las byed khyugs se khyug:__zhubs can stong gi sgra skad si li li:__g.yas na dpa' bo pho rgyud spungs se spung :__g.yon na mo rgyud mkha' 'gro sha ra ra:__bar snang thams cad dar du lhabs se lhab:__dri zhim spos kyi ngad ldang thu lu lu:__mkha' 'gro gsang ba'i brda skad di ri ri:__ging chen dpa' bo'i bshugs glu kyu ru ru:__hU~M gi snang glu mang po di ri ri:__pha?T kyi brda skad drag po sangs se sang :__sgrub pa'i gnas mchog 'di ru byin phob la:__rnal 'byor sgrub mchog bdag la dbang bzhi skur:__bgegs dang log 'dren bar chad thams cad sol:__mchog dang thun mong dngos grub stsal du gsol:__zhes dang /__oM AHhU~M badz+ra gu ru pad+ma thod phreng rtsal badz+ra sa ma ya dzaHsid+d+hi pha la hU~M AH__zhes yang yang brjod pas byin dbab/__dzaHhU~M ba~M hoH__spyan drangs ba'i lha tshogs rnams mdun gyi tshogs zhing rnams dang dbyer med du bzhugs par bsams la mos gus kyi shugs drag tu bskyed do/__/gnyis pa _tshogs bsags rgyas par spel ba la yan lag bdun las dang po phyag 'tshal ba ni/__mdun gyi nam mkhar tshogs zhing rnams mngon sum du bzhugs pa'i spyan sngar rang gzhan sems can thams cad lus zhing gi rdul snyed du sprul te phyag sogs mchod pa'i las rim la 'jug par gyur pa'i mos pas/__yid 'ong rdzing bu'i nang na gnas pa yi/__/'char ka'i pad+ma kha 'bus bye 'dra ba/__/lag gnyis spyi bor thal sbyar bstod dbyangs bcas/__/lus dpag med par sprul nas gus phyag 'tshal/__/bla ma mnyam med sangs rgyas rin po che/__/dus gsum bde gshegs sras bcas thams cad kyi/__/sku gsung thugs kyi rang bzhin byin brlabs pa/__/bka' drin chen po'i zhabs la phyag 'tshal lo/__/kun bzang rigs lnga rigs gsum dga' rab rje/__/shrI siM rigs can rnam lnga rgyal po dzaH__/sangs rgyas gsang ba rig 'dzin mchog brgyad sogs/__/bka' babs bla ma rnams la phyag 'tshal lo/__/nyan rang byang sems bya spyod rnal 'byor rgyud/__/rnal 'byor che dang a nu a ti ste/__/theg pa rim dgu'i chos tshul rgya mtsho yi/__/brgyud pa'i bla ma rnams la phyag 'tshal lo/__/so thar byang sems gsang sngags sdom pa dang /__/'dul ba mngon pa mdo sde rin po che/__/legs par gsungs dang de yi dgongs 'grel gyi/__/brgyud pa'i bla ma rnams la phyag 'tshal lo/__/dus gsum rgyal ba kun dngos rigs brgya'i bdag__/phrin las rnam bzhi'i 'khor los sgyur ba po/__/snang srid dbang du sdud pa'i mthu stobs can/__/pad+ma 'byung gnas zhabs la phyag 'tshal lo/__/chos sku kun bzang drug pa rdo rje 'chang :__ston pa rdor sems bcom ldan shAkya'i rgyal:__mgon po tshe dpag med dang spyan ras gzigs:__dbyer med pad+ma de la phyag 'tshal lo:__sku yi bdag nyid 'jam dpal gshin rje'i gshed:__gsung gi bdag nyid dbang chen rta skad 'tsher:__thugs kyi bdag nyid yang dag he ru ka:__gu ru yid bzhin nor bu la phyag 'tshal lo:__yon tan zil gnon che mchog he ru ka:__phrin las bdag nyid rdo rje gzhon nu'i sku:__ma mo mkha' 'gro'i gtso bo mngon rdzogs rgyal:__dpal chen thod phreng rtsal la phyag 'tshal lo:__sku yi dbyings su sgyu 'phrul zhi khro'i ngang :__gsung gi gdangs skad yan lag bcu gnyis ldan:__thugs kyi dgongs pa zang thal yongs la khyab:__mkha' 'gro'i gtso bo rje la phyag 'tshal lo:__sku tshab lung bstan gsung tshab gter du sbas:__thugs kyi dgongs pa las can bu la gtad:__brtse ba'i zhal chems bod 'bangs yongs la bzhag:__drin chen sprul pa'i sku la phyag 'tshal lo:__rigs kun khyab bdag pad+ma thod phreng gi__/gsang gsum mi zad rgyan gyi 'khor lo'i sprin/__/gang 'dul mos ngor sgyu 'phrul drwa ba'i tshul/__/skyabs gnas rgya mtsho'i tshogs la phyag 'tshal lo/__/'ja' lus shing rta'i srol 'byed bi ma la/__/gangs can bstan pa'i nyi ma zhi ba 'tsho/__/'jam dpal rdo rje khri srong yab sras sogs/__/bka' drin che ldan rnams la phyag 'tshal lo/__/thugs sras nyer lnga so zur gnubs nyang sogs/__/lo paN mkhas grub rim par byon rnams dang /__/'gro 'dul sprul pa'i gter ston rgya mtshor bcas/__/bka' gter bla ma rnams la phyag 'tshal lo/__/ston pa bla med sangs rgyas rin po che/__/skyob pa bla med dam chos rin po che/__/'dren pa bla med dge 'dun rin po che/__/skyabs gnas dkon mchog gsum la phyag 'tshal lo/__/mi rtog rdo rje thabs kyi ye shes ni/__/dmigs med shes rab yum gyi ngang du rtogs/__/thugs rje'i bye brag sna tshogs cir yang ston/__/rdo rje sems dpa' che la phyag 'tshal lo/__/bya spyod rnal 'byor bskyed rdzogs rdzogs pa che'i/__/rgyud sde drug las legs par gsungs pa yi/__/dngos grub char 'bebs zhi dang khro bo'i tshul/__/yi dam lha tshogs rnams la phyag 'tshal lo/__/thabs mkhas thugs rjes shAkya'i rigs su 'khrungs/__/gzhan gyis mi thub bdud kyi dpung 'joms pa/__/gser gyi lhun po lta bur brjid pa'i sku/__/shAkya'i rgyal po'i zhabs la phyag 'tshal lo/__/mar me mdzad sogs rgyal ba 'das pa dang /__/byang chub chen po da ltar bzhugs pa dang /__/byams pa la sogs slad nas 'byon pa yi/__/dus gsum sangs rgyas rnams la phyag 'tshal lo/__/'gog bden zhi ba dam pa gang chen mtsho/__/lam bden lung gi 'khor lo bdud rtsi'i sprin/__/gdul bya'i khams dang mthun par yongs shar ba'i/__/rim dgu'i theg pa'i chos la phyag 'tshal lo/__/rlabs chen spyod pa'i tshul ni rab bzung nas/__/bsdu ba rnam bzhis 'gro don mdzad gyur pa/__/rab dga' la sogs sa la bzhugs pa yi/__/byang chub sems dpa' rnams la phyag 'tshal lo/__/rgyun zhugs phyir 'ong phyir mi 'ong la sogs/__/dgra bcom rigs gyur skyes bu zung bzhi dang /__/tshogs na spyod dang bse ru lta bu yi/__/'phags pa rang rgyal rnams la phyag 'tshal lo/__/rdo rje'i rang bzhin gnas mchog dam pa nas/__/mngon shes rdzu 'phrul mnga' ba'i thugs rje yis/__/sgrub pa po la ma yengs bu bzhin skyong /__/gnas gsum mkha' 'gro'i tshogs la phyag 'tshal lo/__/gang gis 'phrul dang mngon par mkhyen pa'i dpal/__/nye bar dgongs nas thub pa'i bka' bzhin du/__/bstan pa rin chen bang mdzod legs skyong ba'i/__/rdo rje'i chos skyong rnams la phyag 'tshal lo/__/gang sngon sbyin pa rgya mtsho'i dge bsags pas/__/tshe dang nor dang mthu yi dpal brnyes shing /__/sgrub pa po la dbyig gi char 'bebs pa'i/__/gnod sbyin nor skyong rnams la phyag 'tshal lo/__/phyag byar 'os pa thams cad la/__/zhing rdul kun gyi grangs snyed kyi/__/lus btud pa yis rnam kun tu/__/mchog tu dad pas phyag 'tshal lo/__/oM gu ru sarba ta thA ga ta kA ya wA kra tsit+ta pra Na me na ban+da naM ka ro mI/__zhes phyag bya/__gnyis pa mchod pa la/__phyi nang gsang ba khyad par dang /__/mthar thug thun mong ting 'dzin no/__/zhes pa ltar bdun las/__dang po phyi nyer spyod kyi mchod pa ni/__mchod rdzas rnams/__na mo rat+na tra yA ya/__oM na mo b+ha ga ba te badz+ra sA ra pra mar+d+ha ne/__ta thA ga tA ya/__ar+ha te samya k+saM bud+d+hA ya/__tad+ya thA/__oM badz+re badz+re ma hA badz+re/__ma hA te dzo badz+re/__ma hA bid+yA badz+re/__ma hA bo d+hi tsit+ta badz+re/__ma hA bo d+hi maN+Do pa saM kra ma Na badz+re/__sarba karma A ba ra Na bi shod+ha na badz+re swA hA/__zhes mchod pa'i sprin gyi sngags brjod pas slar yang rgyas par spel la/__hU~M hrIH__bla ma yi dam mkha' 'gro'i spyan lam du:__dngos 'byor yid kyis rnam par sprul pa yi:__yan lag brgyad ldan mchod yon mtsho ltar bskyil:__'bul lo bzhes nas mchog thun dngos grub stsol:__oM AHhU~M gu ru d+he wa d+hA ki nI sa pa ri wA ra ar+g+haM pra tIts+tsha swA hA:__de bzhin tu/__bla ma yi dam=__dngos 'byor yid kyis=__dri med zhabs bsil gang+ga'i rgyun bzhin sbreng :__'bul lo bzhes nas=__pAd+yaM=__bla ma=__dngos 'byor=__lha rdzas me tog char gyis nam mkha' bkang :__'bul lo=__puSh+pe=__bla ma=__dngos 'byor=__dri zhim spos kyi dud sprin bar snang khyab:__'bul lo=__d+hU pe=__bla ma=__dngos 'byor=__snang gsal nyi zla'i tshogs rnams 'od rab 'bar:__'bul lo=__A lo ke=__bla ma=__dngos 'byor=__byugs pas bde ba skyed pa bdud rtsi'i chu:__'bul lo=__gan+d+he=__bla ma=__dngos 'byor=__ro bcud nus pa phun tshogs zhal zas rigs:__'bul lo=__nai bid+yA=__bla ma=__dngos 'byor=__rol mo glu dbyangs kun bzang dbyings khyab pa:__'bul lo=__shap+da pra tIts+tsha swA hA:__gnyis pa nang 'dod yon gyi mchod pa ni/__oM/__chos dbyings ye shes ngo bo nyid:__snang stong gzugs kyi rdo rje ma:__dpag yas nam mkha'i dbyings khyab pa:__rtsa gsum lha tshogs spyan la thim:__oM rU pa badz+rI oM:__de bzhin du/__hU~M/__me long ye shes=__grags stong sgra yi rdo rje ma:__dpag yas=__rtsa gsum lha tshogs snyan la thim:__oM shap+da badz+rI hU~M:__trA~M:__mnyam nyid ye shes=__tshor stong dri yi rdo rje ma:__dpag yas=__rtsa gsum lha tshogs shangs la thim:__oM gan+d+he badz+rI trA~M:__hrIH__sor rtog ye shes=__myong stong ro yi rdo rje ma:__dpag yas=__rtsa gsum lha tshogs ljags la thim:__oM rA sa badz+rI hrIH__AH__bya grub ye shes=__gsal stong reg bya'i rdo rje ma:__dpag yas=__rtsa gsum lha tshogs sku la thim:__oM spaR+she badz+rI AH__a:__'od gsal ye shes=__rig stong chos kyi rdo rje ma:__dpag yas=__rtsa gsum lha tshogs thugs la thim:__oM d+harma d+hA tu badz+rI a:__gsum pa gsang ba bde chen gyi mchod pa ni/__hU~M hrIH__bla ma yi dam mkha' 'gro'i tshogs bcas la:__bad can dung can ri dwags glang sna can:__ri mo can sogs mnyen lcug 'khril ldem gyi:__'dza sgeg nyams ldan rin chen phreng bas mdzes:__glu gar sgyur mdzad mdzes pa'i phul phyin ma:__rol mo'i rigs thogs bcu drug phrag du ma:__dga' bzhi skyed phyir rtsa gsum lha la 'bul:__zag med bde chen ngang du bzhes su gsol:__oM AHhU~M badz+ra gu ru d+he wad+hA ki nI badz+ra lA s+ya mA le gIrti nIrti AHhU~M:__bzhi pa khyad par gyi mchod pa la gsum las/__dang po bdud rtsi'i mchod pa ni/__oM:__rang byung gdod nas rnam par dag pa'i rdzas:__rtsa brgyad yan lag stong sbyar sman gyi mchog:__rdo rje'i dam tshig sha lnga bdud rtsi lnga:__rigs lnga ye shes lnga ldan bde ba che:__kha dog dri ro nus bcud phun sum tshogs:__zegs ma gang la reg pas don 'grub pa'i:__phan nus ldan pa'i phud 'di 'bul bar bgyi:__thugs rjes brtser dgongs dbang dang dngos grub stsol:__oM AHhU~M gu ru d+he wa d+hA ki nI sarba pany+tsa amr-i ta khA hi:__gnyis pa rak+ta'i mchod pa ni/__AH__dung chen snod du mtshan 'dzin ru dra bkug:__khro bo'i mtshon cha rdo rjes rab bsgral te:__dmar chen rba rlabs phyogs bcu kun tu g.yo:__bde stong chags med rak+ta'i mchod pa 'bul:__oM AHhU~M gu ru d+he ba d+hA ki nI ma hA rak+ta khA hi:__gsum pa gtor ma'i mchod pa ni/__hU~M/__snang ba snod kyi 'jig rten gtor gzhong du:__srid pa bcud kyi sems can gtor mar sbyar:__dpal gyi gtor ma brjid ldan 'gying ba 'di:__bla ma yi dam mkha' 'gro'i tshogs la 'bul:__oM AHhU~M gu ru d+he ba d+hA ki nI ma hA ba lin+ta khA hi:__lnga pa mthar thug don gyi mchod pa ni/__AH__chos dbyings rtsal las sprul pa'i mchod pa rnams:__gnyis med rol pa chen po'i klong du thim:__ye nas mchod dang mchod yul dmigs gtad bral:__rang byung lhun grub mchod pa chen po'o:__oM AHhU~M gu ru d+he ba d+hA ki nI d+harma d+hA tu At+ma ko\u0f85 haM:__drug pa thun mong maN+Dal gyi mchod pa ni/__rin po che'i maN+Dal byi dor legs par byas pa la dri bzang po'i rlan dang bcas te sman dang 'bru dang rin po che sogs kyi tshom bu dgod cing /__oM badz+ra b+hU mi AHhU~M/__gzhi yongs su dag pa dbang chen gser gyi sa gzhi/__oM badz+ra re khe AHhU~M/__phyi lcags ri khor yug gis bskor ba'i dbus su hU~M/__ri'i rgyal po ri rab/__shar lus 'phags po/__lho dzam bu gling /__nub ba lang spyod/__byang sgra mi snyan/__lus dang lus 'phags/__rnga yab dang rnga yab gzhan/__g.yo ldan dang lam mchog 'gro/__sgra mi snyan dang sgra mi snyan gyi zla/__rin po che'i ri bo/__dpag bsam gyi shing /__'dod 'jo'i ba/__ma rmos pa'i lo tog__/'khor lo rin po che/__nor bu rin po che/__btsun mo rin po che/__blon po rin po che/__glang po rin po che/__rta mchog rin po che/__dmag dpon rin po che/__gter chen po'i bum pa/__sgeg pa ma/__phreng ba ma/__glu ma/__gar ma/__bdug spos ma/__me tog ma/__mar me ma/__dri chab ma/__nyi ma/__zla ba/__rin po che'i gdugs/__phyogs las rnam par rgyal ba'i rgyal mtshan/__lha dang mi'i dpal 'byor phun sum tshogs pa ma tshang ba med pa 'di nyid rtsa ba dang brgyud par bcas pa'i dpal ldan bla ma dam pa rnams dang yi dam dkyil 'khor gyi lha tshogs sangs rgyas dang byang chub sems dpal mkha' 'gro chos skyong nor lha gter bdag gi tshogs dang bcas pa rnams la 'bul bar bgyi'o/__/thugs rjes 'gro ba'i don du bzhes su gsol/__/bzhes nas byin gyis brlab tu gsol/__/sa gzhi spos chus byugs shing me tog bkram/__/ri rab gling bzhi nyi zlas brgyan pa 'di/__/sangs rgyas zhing du dmigs te phul ba yis/__/'gro kun rnam dag zhing la spyod par shog__/i daM rat+na maN+Da la kaM niR+YA ta yA mi/__zhes dang /__oM AHhU~M:__bdag dang mtha' yas sems can gyi:__zhes sogs gong sbyor ba'i skabs su smos pa dag lan brgya stong sogs ci nus su 'bul lo/__/bdun pa lhag pa ting nge 'dzin gyi mchod pa ni/__gzhan yang mchod pa'i bye brag bsam gyis mi khyab pa nam mkha' gang bar spros te phul bar mos pas/__oM/__mchod pa'i phyag rgya chen po ni/__/sems kyi yid bzhin sprin tshogs kyis/__/phyogs bcu thams cad sangs rgyas zhing /__/mnyen 'jam reg na bde ba dang /__/sna tshogs rin po che yi gzhi/__/mdzes par bres shing spras pa dang /__/kun 'byung rin chen phung por 'bar/__/dbyibs legs rdzing bu bro mchog bsil/__/rin chen khang pa sna tshogs dang /__/rgyan dang dpag bsam ljon pa'i tshal/__/glu dbyangs tshigs su bcad pa'i sgra/__/bla re rgyal mtshan na bza' gdugs/__/do shal dpung rgyan se mo do/__/bza' dang btung ba'i mchog rnams dang /__/rang la mdzes par brgyan pa yi/__/lha dang lha mo rdul snyed kyi/__/bro gar la sogs bsam yas kyis/__/phyogs bcu nam mkha'i khams bkang nas/__/rtsa gsum lha la rgyas par 'bul/__/thugs rjes brtser dgongs bzhes su gsol/__/zhes dang /__na mo rat+na tra yA ya/__zhes sogs mchod pa'i sprin gyi gzungs kyang brjod do/__/gsum pa sdig pa bshags pa sogs yan lag lhag ma rnams ni/__rig 'dzin pad+ma 'byung gnas la sogs pa'i/__/phyogs bcu dus bzhi'i rtsa brgyud bla ma dang /__/dus gsum bde gshegs rgyal ba 'khor dang bcas/__/rdo rje dam can ma lus dgongs su gsol/__/dang por byang chub mchog tu sems bskyed de/__/sgrub pa'i rig 'dzin byang chub go 'phang du/__/sku gsung thugs kyi rdo rje bsgrub pa'i phyir/__/yi dam lha dang rdo rje slob dpon dang /__/gsang ba'i dam tshig grangs su mnos pa las/__/dam bcas bka' las 'da' bar mi bgyi ste/__/las dang skal bas dmyal bar skye bar 'gyur/__/'dod chags zhe sdang gti mug nga rgyal dang /__/phrag dog la sogs shor nas nongs bgyis pa/__/rdo rje slob dpon bstan pa'i sgron me la/__/snying nas smad cing dam tshig nyams pa dang /__/dam tshig gcig pa'i rdo rje spun rnams la/__/ngan sems log par lta ba la sogs pa/__/sku yi dam tshig nyams pa mthol lo bshags/__/yi dam lha yi phyag rgya ma gsal zhing /__/sngags kyi bsnyen pa grangs las chad pa dang /__/dus drug las kyi mchod pa khyad par du/__/bsnyen sgrub skong ba'i cho ga ma bgyis te/__/bka' ltar ma lcogs gzhung bzhin rngo ma thogs/__/gsung gi dam tshig nyams pa mthol lo bshags/__/rdo rje slob dpon byams pa'i bka' drin gyis/__/snyan khungs brgyud nas sems kyi dkyil du bzhag__/thugs kyi man ngag byin pas dam tshig 'dres/__/gsang mtshams 'das nas 'chol bar smras la sogs/__/thugs kyi dam tshig nyams pa mthol lo bshags/__/chos rnams mnyam pa nyid du ma rtogs te/__/yan lag dam tshig nyams pa mthol lo bshags/__/le lo snyom las gnyid kyi dbang gyur te/__/bsnyen sgrub dam tshig nyams pa mthol lo bshags/__/lus ngag yid kyi bsrung bya 'das pa yis/__/sku gsung thugs kyi dam tshig nyams pa bshags/__/rje btsun bla ma rnams kyi spyan lam du/__/yo byad 'byor tshogs chung ba mthol lo bshags/__/yi dam lha tshogs rnams kyi spyan lam du/__/mngon rtogs spang len bgyis pa mthol lo bshags/__/mkha' 'gro sde bzhi rnams kyi spyan lam du/__/khas blang dam bca' nyams pa mthol lo bshags/__/chos skyong srung ma rnams kyi spyan lam du/__/gtor ma lo zlar 'gyangs pa mthol lo bshags/__/dus gsum pha ma rnams kyi spyan lam du/__/drin la lan gyis ma lon mthol lo bshags/__/mched dang lcam dral rnams kyi spyan lam du/__/dam tshig brtse gdung chung ba mthol lo bshags/__/'gro drug sems can rnams kyi spyan lam du/__/snying rje phan sems chung ba mthol lo bshags/__/so sor thar pa rnams kyi sdom pa dang /__/byang chub sems dpa' rnams kyi bslab pa dang /__/rig pa 'dzin pa sngags kyi dam tshig sogs/__/nyams pa thams cad mthol bshags mi 'chab bo/__/mi sbed slan chad gcod cing bsdam par bgyi/__/dus gsum byas bsags sdig sgrib mthol bshags na/__/tshangs par mdzad nas sku gsung thugs la sogs/__/mchog dang thun mong dngos grub stsal du gsol/__/ces dang yi ge brgya pa brjod/__rdzogs sangs rgyas kun byang chub sems dpa' dang /__/'phags gnyis so so skye bo ma lus pa'i/__/dus gsum dge ba bgyis dang bgyid stsal dang /__/bgyid par 'gyur pa kun la rjes yi rang /__/glo bur nyon mongs dang ldan sems can rnams/__/khams de'i rang bzhin dag pa mthong bya'i phyir/__/phyi nang gsang ba bla na med pa yi/__/chos kyi 'khor lo rmad byung bskor du gsol/__/sangs rgyas 'jig rten nyi ma gang du byon/__/'gro ba'i gnyen gyur sras dang bcas pa kun/__/srid pa'i mun nag 'thib po bsal slad du/__/'khor ba ji srid sgron me mdzad par gsol/__/yon tan dger 'os rgyal ba'i byang chub mchog__/skye dgu kun gyis thob par bya ba'i phyir/__/bsod nams phung po yongs su bsngo bgyis pas/__/'gro kun thar pa'i lam du phyin par shog__/yan lag bdun pa grangs gsog na/__oM AHhU~M hrIH__rig 'dzin pad+ma 'byung gnas la sogs pa'i:__phyogs bcu'i skyabs yul rnams la phyag 'tshal lo:__zhes sogs ci rigs pa bsag__/zhar byung sdom pa gzung bar spro na/__rgyas par dam bca' nyer brgyad pa sogs bya ba'am/__bsdu na/__o rgyan gdung 'dzin rgyal ba'i sras:__rdo rje slob dpon dgongs su gsol:__bdag gis deng bzung byang chub bar:__so sor thar dang byang chub sems:__rig 'dzin nang gi dam tshig rnams:__yang dag nyid du bzung byas te:__srog gi phyir yang mi gtong na:__bdag la byin gyis brlab tu gsol:__zhes lan gsum gyis gzung ngo //__//gsum pa phur tshugs su gsol ba gdab pa la gsum/__spyi dang /__bye brag__/khyad par ro/__/dang po ni/__o rgyan rin po che nyid kyi rdo rje'i gsung las/__spyir rang la lam ston pa'i bla ma de sangs rgyas thams cad kyi phrin las gcig tu bsdus pa yin cing :__bye brag tu gsang sngags kyi gdams pa gnang ba'i bla ma de dus gsum gyi sangs rgyas las kyang lhag:__de la mos gus kha tsam min pa med na chos kyi rtsa ba rul 'gro bar 'dug:__khyad par bod yul chos byed kun gyi bla ma ni bdag kho na la thug pa yin te:__nga nyid chos sku'i sangs rgyas thams cad dang dgongs pa dbyer med du bzhugs:__longs sku'i sangs rgyas thams cad spro zhing sdud:__sprul sku'i sangs rgyas thams cad dang ye shes ro gcig pa las tha dad pa'i tshul du bstan nas:__dzam bu gling spyi dang bye brag gdong dmar bod kyi rgyal khams 'dul ba'i slad ched du sprul pa yin pas na:__da ltar bzhugs pa'i chos rgyal lo paN skyes mchog rnams dang :__ma 'ongs pa na bod khams 'dir sangs rgyas kyi bstan pa nam gnas kyi bar du 'byon par 'gyur pa'i bstan 'dzin gyi skyes bu dam pa rnams kyang :__bdag pad+ma 'byung gnas kyi thugs ye shes chen po'i ngang las:__gang 'dul sgyu 'phrul drwa bar bstan pa tsam yin no:__de bas na kho bo la skyabs gnas thams cad kyi bdag nyid:__rtsa brgyud kyi bla ma kun 'dus su mos pas dus rgyun du ma brjed par gsol ba thob cig dang :__'dod pa'i dngos grub thams cad 'grub bar ma gyur na kho bos dus gsum gyi rgyal ba thams cad bslus par 'gyur ro:__zhes gsungs pa ltar/__rang gi rtsa ba'i bla ma dang o rgyan rin po che dbyer med pa nyid skyabs gnas thams cad 'dus pa'i bdag nyid du nges pas mdun gyi nam mkhar bzhugs pa'i bla ma yi dam sangs rgyas byang sems dpa' bo mkha' 'gro chos skyong nor lha gter bdag dang bcas pa'i skyabs yul thams cad kyang bla ma pad+ma thod phreng gi sku gsung thugs yon tan phrin las mi zad pa rgyan gyi 'khor lo'i rnam 'phrul du thag bcad/__nges shes bskyed/__mos gus gdung shugs drag pos gsol 'debs le'u bdun pa bsam pa lhun grub ma dang bcas ba'i sgo nas gsol ba gdab/__gzhan yang o rgyan rin po che'i gsol 'debs kyi rigs byin rlabs can rnams dang /__yo ga gsum sogs rtsa brgyud kyi bla ma'i gsol 'debs kyang bya/__de tsam mi nus na/__gter kha 'di nyid kyi/__e ma hoH__chos sku kun bzang drug pa rdo rje 'chang :__zhes sogs ji ltar nus pa brjod//__//gnyis pa bye brag tu phyi gsol 'debs la brten nas sgrub pa dngos ni/__rdo rje'i gsung las/__dam pa'i chos tshul bzhin du byed pa la bar chad kyi rnam pa mtha' yas pa zhig 'byung na'ang :__de sel ba'i thabs ni bla ma la gsol ba 'debs pa kho na yin te:__de las lhag pa'i gdams pa ni dus gsum gyi sangs rgyas kyis kyang ma gsungs mi gsung gsung bar mi 'gyur ro:__bar chad thams cad bsal na dngos grub kyang des thob pa yin:__de la brten nas lam thams cad kyang bgrod pa yin pas:__thog mar phyi nang gsang ba'i bar chad thams cad sel ba'i slad du bla ma la gsol ba 'debs pa 'di nyid gal che'o:__zhes dang /__khyad par bar chad sel ba'i don du gsol ba 'di ltar du thob cig:__ces gsungs pa ltar/__oM AHhU~M badz+ra gu ru pad+ma sid+d+hi hU~M:__chos sku snang ba mtha' yas la gsol ba 'debs:__zhes sogs gsol 'debs rgyas pa brgya rtsa sogs gang 'grub dang /__gsol 'debs thams cad kyi don bsdus/__dus gsum sangs rgyas gu ru rin po che:__dngos grub kun bdag bde ba chen po'i zhabs:__bar chad kun sel bdud 'dul drag po rtsal:__gsol ba 'debs so byin gyis brlab tu gsol:__phyi nang gsang ba'i bar chad zhi ba dang :__bsam pa lhun gyis 'grub par byin gyis rlobs:__zhes rdo rje'i tshig rkang drug pa 'di nyid grangs ci mang du bsag go/__//gsum pa khyad par gsol 'debs kyi bsnyen pa bzla ba ni/__de ltar gsol ba btab pas tshogs zhing rnams kyi gnas gsum nas 'ja' 'od thig le sku dang yig 'bru phyag mtshan gyi rnam pa grangs med pa byung nas rang gi gnas gsum du thim pas dbang dang byin rlabs dngos grub ma lus pa thob par gyur pa'i mos pa dang bcas/__oM AHhU~M badz+ra gu ru pad+ma sid+d+hi hU~M:__zhes ci nus su bzla/__skabs skabs su gsol 'debs rgyas bsdus ji ltar rigs pa'ang bya/__thun bsdu ba na/__oM AHhU~M/_/dngos su 'byor dang yid kyis rnam sprul pa'i/__/kun tu bzang po bla med mchod pa'i sprin/__/mkha' dbyings rnam dag rgya cher yongs bkod de/__/phyi nang gsang ba'i mchod pa rgya mtshos mchod/__/oM AHhU~M gu ru d+he ba d+hA ki nI sa pa ri wA ra ar+g+haM pA d+yaM puSh+pe d+hU pe A lo ke gan+d+he nai bid+ya shap+da sarba pU dza pra tI ts+tsha swA hA/__zhes mchod/__skyabs kun 'dus zhal gu ru rin po cher:__gsol ba 'debs so dbang bzhi'i ye shes skyed:__sgrib bzhi dag cing lam bzhi 'byong ba dang :__sku bzhi'i go 'phang thob par byin gyis rlobs:__zhes gsol ba btab pas/__tshogs zhing rnams kyi gnas bzhi nas 'od zer dkar dmar mthing ga dang sna tshogs pa'i mdog can byung /__rang gi gnas bzhir thim pas dbang bzhi thob par bsams la/__bla ma lhar bcas sku yi gnas bzhi nas:__'od zer byung ba bdag gi gnas bzhir thim:__sku gsung thugs dang ye shes rdo rje yi:__byin gyis brlabs nas dbang bzhi thob par gyur:__ces brjod pas zhar byung dbang blang ngo //___//gsum pa rjes kyi rim pa la/__tshogs mchod gtang rag dbang bzhi blang /__/nyer bsdu bsngo smon shis brjod do/__/zhes pa ltar lnga las/__dang po ni/__chos srung spyi bye brag gi gtor ma bsngo bar 'dod na/__skabs 'dir gtor chog rgyas bsdus ji ltar rigs pas gtang /__de nas bA la dang /__ma da na gtso bor gyur ba'i thabs shes kyi tshogs rdzas bshams la bdud rtsis bran nas byin gyis brlab ba ni/__ra~M ya~M kha~M/__bdag nyid lhar gsal thugs ka'i sa bon las:__ra~M ya~M kha~M 'phros tshogs rdzas dngos 'dzin sbyangs:__'bru gsum 'od kyis ye shes bdud rtsir bsgyur:__'dod yon mchod sprin nam mkha' gang bar gyur:__oM AHhU~M lan gsum/__tshogs zhing spyan 'dren pa ni/__hU~M hU~M hU~M:__bzhengs shig sku gsum rgyal ba rgya mtsho'i tshogs:__'od gsal spros dang bral ba'i ngang nyid las:__bdag cag tshogs bsag sgrib pa sbyang slad du:__ye shes sgyu mar rol bzhin gshegs su gsol:__badz+ra sa ma ya dza dzaH__tshogs phud rim pa gsum du spros la/__oM AHhU~M:__tshogs kyi ngo bo ye shes bdud rtsi'i sprin:__rnam pa 'dod yon lha mos nam mkha' gang :__zag med bde ba chen po'i longs spyod 'dis:__rtsa gsum dkyil 'khor lha tshogs mnyes gyur cig:__sarba ga Na tsa kra pU dza hoH__hoH__thog med bsags pa'i sdig sgrib nyes ltung dang :__khyad par rtsa ba yan lag dam tshig las:__'gal zhing nyams par gyur pa thams cad kun:__'dod yon tshogs kyi mchod pas bskang zhing bshags:__sa ma ya shud+d+he AH__hU~M/__dpal chen thugs sprul rdo rje'i king ka ras:__gzung 'dzin bdud bgegs tshogs rnams bkug cing bstim:__'od gsal dbyings su bsgral ba'i sha khrag rus:__rtsa gsum dkyil 'khor lha tshogs zhal du bstab:__sarba big+h+nAn sha trU na mA ra ya kha kha khA hi khA hi:__ha ha hi hi hU~M hU~M pha?T:__ces rim par phul/__spro na skong bshags rgyas bsdus ji ltar rigs pa'ang gtang /__las kyi rdo rjes thabs shes kyi rdzas bsnol mar thogs te/__hoH__tshogs kyi mchod pa rgyan du rol:__zhes phul ba/__a la la hoH__zhes pas blangs te/__nang gi sbyin sreg gi tshul du tshims par rol pa'i mthar lhag ma bsdus te/__oM AHhU~M hoHsa brlab/__pheM pheM zhes pas lhag sdud spyan drang /__b+h+yo/__dpal gyi bka' nyan pho nya'i tshogs:__lhag ma'i longs spyod 'di gsol la:__sngon tshe g.yar dam bcas pa bzhin:__bar chad kun sel mthun rkyen spel:__ma ma hrIM hrIM ba lin+ta khA hi:__zhes phyi rol du phul/__bla ma rig 'dzin lha tshogs la:__tshogs kyi mchod pa phul ba yis:__bdag dang mkha' mnyam 'gro ba kun:__bde chen ye shes sku 'grub shog:__chos skyong gi gtor 'bul yod na skabs 'dir 'bul zhing /__ces smon lam gdab/__grangs gsog na/__slar yang mchod gtor zhal gso/__mdun gyi tshogs zhing rnams mngon sum du bzhugs pa'i zhes sogs gong gi phyag 'tshal nas bzung 'di yan bskyar/__de'ang gsol 'debs grangs gsog na tshar rjes ma'i smon lam gyi mjug tu 'bul lo/__/skabs le'u bdun ma sde tshan re re nas res mos su gtang /__mjug tu/__phyogs bcu dus bzhi'i sogs smon lam rgyas bsdus ji ltar rigs pa btab la grangs gzung ngo //__//gnyis pa gtang rag 'bul ba ni/__mchod ba gsar du bsham pa'am zhal gsos la mchod pa'i sprin gyi sngags brjod pas rgyas par spel/__oM/__ye shes sku mchog rang bzhin dkyil 'khor ni/__/zhes sogs kyi mthar/__gang zhig thog med srid pa'i chu klung du/__/ma lus kun rtog gis bsags rnyog pa rnams/__/thugs rje che ldan spyan sngar de dag ni/__/cho ga bzhin du thams cad bshags bar bgyi/__/rdzogs sangs rgyas dang byang chub sems dpa' dang /__/'phags pa gzhan gyis dge ba gang mdzad pa/__/ma lus 'gro ba'i bsod nams rgya mtsho'i tshogs/__/de dag kun la rjes su yi rang ngo /__/mos dang bsam pa ji bzhin zab pa dang /__/rgya che'i chos 'khor chad pa med par bskul/__/sprul pa 'gro la sman slad rtag bzhugs gsol/__/bsod nams bla med byang chub phyir bsngo'o/__/zhes yan lag bdun pa tshang bar bya/__gsum pa dbang bzhi blang ba la/__ting nge 'dzin gyi dbang bskur cung zad rgyas par blang bar spro na maN+Dal phul/__skyabs kun 'dus zhal gu ru rin po cher:__gsol ba 'debs so dbang bzhi'i ye shes skyed:__sgrib bzhi dag cing lam bzhi 'byong ba dang :__sku bzhi'i go 'phang thob par byin gyis rlobs:__zhes gsol ba btab pas/__'khor gyi tshogs zhing rnams dgyes pa chen pos 'od du zhu nas rigs kun khyab bdag bla ma o rgyan rin po che la thim/__bla ma nyid skyabs gnas kun 'dus su bzhugs pa'i thugs ka nas gdan gsum tshang ba'i dbang gi lha nam mkha' gang bar spros te/__yum rnams kyis rin po che'i bum pa bdud rtsis gang ba thogs nas dbang bskur bar gyur par bsams la/__oM/__til zhes snying byang gi rab gnas las so/__/gyi gong bu bzhin gang ba'i:__rgyal bas bum pa bzung nas ni:__sangs rgyas rdo rje'i sku 'grub phyir:__bkra shis bum pa'i dbang bskur ro:__oM sarba ta thA ga ta kA ya a b+hi Shiny+tsa oM:__gsungs shing dbang bskur bas bdud rtsi'i chu rgyun gyis lus kyi nang thams cad gang /__nyon mongs pa lnga'i dri ma sbyangs/__phung po lnga gnas gyur/__ye shes lnga mngon du byas/__/dbang rtags su de bzhin gshegs pa rigs lngas dbu brgyan/__dbang gi lha rnams kyang rang nyid la thim/__des bum pa'i dbang thob/__lus kyi dri ma sbyangs/__lam bskyed rim bsgom pa la dbang /__'bras bu sprul sku thob pa'i skal pa can du byas so/__/bla ma rdo rje 'chang chen po yab yum gyi rnam par bzhengs te snyoms par zhugs pa'i byang chub kyi sems sangs rgyas thams cad 'dus pa'i ngo bo lce thog tu bzhag par gyur pa'i mos pas/__AH__mkha' khyab rgyal ba sras bcas kun:__mnyam sbyor byang chub sems kyi chus:__sangs rgyas rdo rje'i gsung 'grub phyir:__bde chen gsang ba'i dbang bskur ro:__oM sarba ta thA ga ta wA ka a b+hi Shiny+tsa AH__zhes byin pa'i bdud rtsi de nyid oM AHhU~M gis myangs pas gsal stong rnam par mi rtog pa'i ting nge 'dzin rgyud la skyes/__des gsang ba'i dbang thob/__ngag gi dri ma sbyangs/__lam rtsa rlung bsgom pa la dbang /__'bras bu longs sku thob pa'i skal pa can du byas so/__/bla ma'i thugs ka nas rig ma gzugs dang lang tsho rdzogs pa rdo rje btsun mo'i ngo bo can spros te thar pa bsten par bskul bar gyur pa'i mos pas/__hU~M/__dga' ba'i gnas sbyin lha mo ni:__sna tshogs gzugs can yid 'ong mas:__sangs rgyas rdo rje'i thugs 'grub phyir:__shes rab ye shes dbang bskur ro:__oM sarba ta thA ga ta tsit+ta a b+hi Shiny+tsa hU~M:__phyag rgya dang 'du shes gsum ldan gyis mnyam par sbyar bas dga' ba bzhi'i rim pas mtshon byed dpe'i ye shes nyams su myangs/__oM sarba ta thA ga ta a nu rA ga Na badz+ra swa b+hA ba At+ma ko\u0f85haM/__des shes rab ye shes kyi dbang thob/__yid kyi dri ma sbyangs/__lam thig le bsgom pa la dbang /__'bras bu chos sku thob pa'i skal pa can du byas so/__/dbang bzhi pa'i slad du/__bla ma rdo rje 'chang chen pos rdo rje'i tshig gis ngo sprad par gyur pa'i mos pas/__aH__bde ba'i rang bzhin stong pa nyid:__zung 'jug dgongs pa'i rtsal chen pos:__sangs rgyas ye shes mngon 'gyur phyir:__bsam gyis mi khyab dbang bskur ro:__oM sarba ta thA ga ta dz+nyA na a b+hi Shiny+tsa a a aH__byin rlabs 'pho ba'i rim pas mtshon bya don gyi ye shes chos nyid bsam gyis mi khyab pa'i gnas lugs mngon sum du _mthong bar bsams la mnyam par gzhag__/des dbang bzhi pa thob/__ye shes kyi dri ma sbyangs/__lam rdzogs pa chen po bsgom pa la dbang /__'bras bu ngo bo nyid kyi sku thob pa'i skal pa can du byas so/__/slar yang maN+Dal phul/__bsdu na gong du smos pa ltar 'od zer spro bsdu'i tshul la brten nas blang na'ang rung ngo /__/bzhi pa nyer bsdu'i rnal 'byor ni/__skyabs gnas kun 'dus bla ma rdo rje 'chang /__/bdag gi sgo gsum gnyug ma'i ye shes dang /__/byang chub bar du 'bral med rtag bzhugs nas/__/dbang dang byin rlabs dngos grub stsal du gsol/__zhes gsol ba btab pas/__bla ma o rgyan chen po nyid:__dgyes pa chen pos rang la thim:__rang yang kun gzhi ma bcos pa'i:__ngang la yid ni 'dzin pa bral:__rnam dag spros bral chos kyi sku:__zhes brjod cing bsams la dbyings rig dbyer med kyi dgongs nyams bskyang ngo /__/lnga pa bsngo smon shis brjod ni/__rgyas par spro na bzang po spyod pa sogs mdo rgyud nas 'byung ba'i bsngo smon rgya cher bya zhing /__bsdu na/__hoH__chos dbyings rol pa chen po'i dkyil 'khor du:__theg chen gsang sngags spyod pa'i dge ba dang :__dus gsum bsags pa'i dge tshogs kun bsdams te:__bla med byang chub snying por bsngo bar bgyi:__bsod nams 'di yis mtha' yas 'gro ba kun:__phyi nang gsang ba'i bar chad kun zhi zhing :__rim gnyis lam gyi bgrod pa mthar phyin nas:__pad+ma rgyal po'i go 'phang myur thob shog:__ces dang /__thugs sgrub yid bzhin nor bu las so/__/oM/__dge legs kun gyi 'byung gnas rdzogs sangs rgyas:__nyon mongs gdung sel bdud rtsi dam pa'i chos:__bsod nams zhing mchog rgyal sras 'phags pa'i tshogs:__bla med dkon mchog gsum gyi bkra shis shog:__byin rlabs mkha' la sprin 'khrigs bla ma rje:__dngos grub char 'bebs yi dam zhi dang khro:__dgos 'dod 'bras bu smin mdzad mkha' 'gro'i tshogs:__rtsa gsum dkyil 'khor lha yi bkra shis shog:__ma bcos spros med 'od gsal chos kyi dbyings:__bde chen ye shes rigs lnga'i sprin phung 'phro:__gang 'dul 'gro ba'i don mdzad thugs rje'i gter:__sku gsum lha tshogs rnams kyi bkra shis shog:__gnas skabs phyi nang rgud pa kun zhi zhing :__phan bde'i bsam kun lhun gyis grub pa dang :__mthar thug sku dang ye shes dbyer med pa:__mchog gi dngos grub 'grub pa'i bkra shis shog:__gnas 'dir nyin mo bde legs sogs brjod cing me tog gi char sil mar bsnyil/__slar yang /__phyogs bcu dus bzhi'i sogs smon lam dang bden pa'i stobs brjod pas dge legs su bya'o//__// 'di'i sgo nas phyi sgrub la brten pa'i bsnyen pa gtong bar 'dod na ji skad bshad pa'i rim pas thun bzhi'am gsum du bcad la gsol 'debs bar chad lam sel khri dang stong sogs gang 'grub/__bsdus ba dus gsum sangs rgyas ma 'bum ther/__gsol 'debs kyi snying po 'bum phrag bcu gnyis rnams bzla zhing /__tshogs bsag gi rim pa'ang ci nus su 'bad pas byin rlabs zhugs pa'i rtags rnams mthong ba dang /__nyams rtogs kyi yon tan dbyar gyi myu gu ltar rgyas par 'gyur ro/__/de ltar gyi rim pa 'di'ang /__zhal gdams snying byang yid bzhin nor bu'i rim par phye ba dang po'i skabs su phyi gsol 'debs kyi tshul du sgrub pa dang /__skabs bzhi par gsungs pa'i bla ma'i rnal 'byor gyi dmigs rim gnyis 'brel bsdebs shing /__gter gzhung rdo rje'i gsung rnams la rigs mthun gyi tshig gis mtshams sbyar ba dang bcas cung zad rgyas par spel ba ste/__de'ang bla ma'i rnal 'byor la ltos pa'i phyi nang gsang gsum gyi bsgrub tshul thams cad don gyis tshang bar 'gyur na'ang /__spyir btang mdun bskyed gtso bor bton nas tshogs gsog pa dang /__gsol ba gdab cing dbang blang ba tsam skabs don gyi snying por nges pas na phyi gsol 'debs kyi tshul du sgrub pa zhes smos pa'ang shes par bya'o/__/tshul 'di lta bu'i rnal 'byor zab mo rgyun dang dus su brtson pas bar chad thams cad zhi ba dang /__dngos grub rnam pa gnyis dka' ba med par 'grub pa ni mdo rgyud bstan bcos dang bcas pa las rgya cher gsungs shing /__man ngag gi myong bas kyang grub pa'i phyir bdag legs su 'dod pa'i skal bzang rnam dpyod can rnams kyis nan tan du nyams su blang bar bya ba nyid do//__//mtsho skyes bla ma'i byin rlabs kyi/__/bdud rtsi'i chu gter rgyas pa las/__/dngos grub 'dod rgu'i char 'bebs pa'i/__/thabs tshul dpag bsam shing 'di 'khrungs/__/de las byung ba'i legs byas 'chi med bcud/__/byang chub spyod pa'i rgya mtshor ro gcig pas/__/'gro kun srid zhi'i gdung ba kun sel zhing /__/phan bde'i ngal 'tsho rtag tu rgyas gyur cig__/ces pa'ang thar lam bla ma'i bka' drin kho na la re ba mtsho skyes bla ma dgyes pa'i 'bangs mkhyen brtse'i dbang pos rang gzhan gyi rgyud la tshogs zung sgo du ma nas spel ba dang /__bstan 'gro'i dge legs kyi dus ston rgyas par dar ba'i rten 'byung sogs dgos pa khyad par can gyi slad du dmigs nas nyungs gsal snying por dril te sbyar ba dge legs mchog tu gyur cig/__/sarba dA kA l+yA NaM b+ha ba tu//__//sprul pa'i gter chen rgya mtsho'i 'khor los sgyur/__/'gro 'dul mchog gyur bde chen gling ba yi/__/ring lugs phyogs dus kun tu khyab pa dang /__/phan bde'i dge mtshan rgyas pa'i bkra shis shog/__// [�]

Footnotes

Other Information