JKW-KABUM-12-NA-006

Previous Section Back to Volume PageNext Section

ཉང་གཏེར་བཀའ་བརྒྱད་ཀྱི་ཕྱག་རྒྱ་ཧཱུྃ་སྒྲུབ་དང་རྐྱང་སྒྲུབ་ཀྱི་རྒྱུན་ཁྱེར་བདེ་ཆེན་སྙིང་པོ།

Wylie title	nyang gter bka' brgyad kyi phyag rgya hU~M sgrub dang rkyang sgrub kyi rgyun khyer bde chen snying po
Location	mkhyen brtse'i bka' 'bum Volume 12, sde tshan 6, Pages 383-398 (Folios 1a to 8b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	ཉང་རལ་ཉི་མ་འོད་ཟེར་ (nyang ral nyi ma 'od zer)
Source Author(s)	སྨིན་གླིང་ལོ་ཆེན་དྷརྨ་ཤྲཱི་ (Smin gling lo chen d+harma shrI)
Citation	'jam dbyangs mkhyen brtse'i dbang po. nyang gter bka' brgyad kyi phyag rgya hU~M sgrub dang rkyang sgrub kyi rgyun khyer bde chen snying po. In 'jam dbyangs mkhyen brtse'i dbang po'i bka' 'bum, Vol. 12: 383-398. Khams sde dge rdzong sar dgon: Rdzong sar blo gros phun tshogs, 2020.
Genre	Daily Practice - rgyun khyer  ·  Revelations - gter ma  ·  Sadhanas - Evocation Ritual - sgrub thabs
Cycle	བཀའ་བརྒྱད་བདེ་གཤེགས་འདུས་པ་ (bka' brgyad bde gshegs 'dus pa)
Deity	bka' brgyad
RTZ	In the Rinchen Terdzö: https://rtz.tsadra.org/index.php/Terdzo-PHA-032
Colophon	།ཞེས་པའང་རྨད་དུ་བྱུང་བའི་མ་ཧཱ་ལོ་ཙཱ་བ་དྷ་རྨ་ཤྲཱིའི་གསུང་རབ་བསྙེན་ཡིག་རིན་ཆེན་སྒྲོན་མེ་ལས་ཁོལ་དུ་བྱུང་ཞིང་བཀླགས་པས་གྲུབ་པར་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་དགེ
	zhes pa'ang rmad du byung ba'i ma hA lo tsA ba d+ha rma shrI'i gsung rab bsnyen yig rin chen sgron me las khol du byung zhing bklags pas grub par mtsho skyes bla ma dgyes pa'i 'bangs mkhyen brtse'i dbang pos bris pa dge

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །ཉང་གཏེར་བདེ་གཤེགས་འདུས་པའི་ཕྱག་རྒྱ་རྐྱང་སྒྲུབ་དང་ཧཱུྃ་སྒྲུབ་རྒྱུན་ཁྱེར་བཀླགས་ཆོག་ཏུ་བཀོད་པ་བདེ་ཆེན་སྙིང་པོ་ཞེས་བྱ་བ་བཞུགས་སོ།། །།

ཨོཾ་སྭ་སྟི། ཉང་གཏེར་བཀའ་བརྒྱད་བདེ་གཤེགས་འདུས་པའི་རྒྱུན་བཟླས་ནར་མར་བྱ་བའི་ཚུལ་ལ་གཉིས། ཕྱག་རྒྱ་རྐྱང་སྒྲུབ་ཆིག་སྒྲིལ་དུ་སྒྲུབ་པ་དང་། ལུས་དཀྱིལ་ལ་བརྟེན་པའི་ཧཱུྃ་གི་དྲིལ་སྒྲུབ་གཉིས་ལས། དང་པོ་ནི། སེམས་ཅན་ཐམས་ཅད་ཀྱི་དོན་དུ་དཔལ་ཧེ་རུ་ཀའི་གོ་འཕང་ཐོབ་པར་བྱ། དེའི་ཆེད་དུ་བདག་གིས་བདེ་གཤེགས་འདུས་པའི་སྒྲུབ་པ་བྱའོ་སྙམ་དུ་སེམས་བསྐྱེད་ནས། རང་ཉིད་ཞེ་སྡང་རྡོ་རྗེར་གསལ་བའི་སྙིང་གར་ཟླ་བ་ལ་གནས་པའི་ཧཱུྃ་ཡིག །དེ་ལས་བྱུང་བའི་འོད་ཟེར་གྱིས་ཚོགས་ཞིང་མཁའ་ཁྱབ་ཏུ་སྤྱན་དྲངས་པར་གྱུར་པར་བསམས་ལ། རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ། །མཆོག་གསུམ་བསྟེན་པའི་ཞིང་གྱུར་ལ། །གཉིས་མེད་ཡིད་ཀྱིས་སྐྱབས་སུ་མཆི། །དངོས་འབྱོར་ཡིད་ཀྱིས་རྣམ་སྤྲུལ་པའི། །དག་པའི་མཆོད་པ་བཞེས་སུ་གསོལ། །དངོས་གྲུབ་ཆུ་བོ་གཅོད་པའི་གེགས། །ཉེས་བྱས་མ་ལུས་བཤགས་པར་བགྱི། །ཕྱོགས་བཅུ་འཁོར་གསུམ་དག་པའི་ཆོས། །མ་ཆགས་སྤྱོད་ལ་རྗེས་ཡི་རང་། །དག་པའི་མཐའ་བཞི་དྲི་མ་མེད། །རྫོགས་པའི་བྱང་ཆུབ་སེམས་བསྐྱེད་དོ། །བདེ་གཤེགས་བྱང་ཆུབ་སེམས་དཔའ་ལ། །དག་པ་གསུམ་གྱི་ལུས་དབུལ་ལོ། །ཚེ་རབས་བགྲངས་པའི་ལས་རྣམས་ཀུན། །བསྡུས་ཏེ་བྱང་ཆུབ་ཆེན་པོར་བསྔོ། །ཞེས་ཡན་ལག་བརྒྱད་ཀྱི་སྒོ་ནས་ཚོགས་བསག །སེམས་ཅན་བདེ་དང་ལྡན་གྱུར་ཅིག །སྡུག་བསྔལ་ཀུན་དང་བྲལ་བར་ཤོག །བདེ་དང་རྟག་ཏུ་མི་འབྲལ་ཞིང་། །ཆོས་ཀུན་མཉམ་ཉིད་རྟོགས་པར་ཤོག །ཅེས་ཚད་མེད་བཞི་བསྒོམ། ཛཿཧཱུྃ་བྃ་ཧོཿ ཚོགས་ཞིང་རྣམས་རང་ལ་ཐིམ་པར་གྱུར། དེ་ནས། ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། ཞེས་པའི་སྔགས་ཀྱིས། ཆོས་ཐམས་ཅད་རང་བཞིན་གྱིས་རྣམ་པར་དག་པའི་སྟོང་པ་ཉིད་དུ་གྱུར། སྟོང་པའི་ངང་ལས་རང་ལུས་འཇའ་ཚོན་ལྟ་བུའི་དབུས་སུ་རང་རིག་ཧཱུྃ་ཡིག་སྔོན་པོར་འབར་བ། དེ་ལས་ཙ་ཡིག་སེར་པོ་ཆད་པ་ཡོངས་སུ་གྱུར་པ་ལས། འཁོར་ལོ་སེར་པོ་རྩིབས་བརྒྱད་ཕྱོགས་དང་རྩ་རྩེ་སྟེང་འོག་དུ་ཕྱོགས་པ་ཁོག་པ་ཡངས་ཤིང་རྒྱ་ཆེ་བའི་ནང་དུ་ལུས་འོད་ཀྱི་ཕུང་པོ་ཧཱུྃ་ལ་འདུས་ཏེ་ཉི་གདན་གྱི་སྟེང་དུ་བབས་པ་ཡོངས་སུ་གྱུར་པ་ལས། རང་ཉིད་ཁྲོ་བོ་གནོད་མཛེས་མཐིང་ནག་ཞལ་བཞི་ཕྱག་བཞི་པ། དང་པོ་གཉིས་ཐུགས་ཀར་ཧཱུྃ་མཛད་ཀྱི་ཕྱག་རྒྱས་རྡོར་དྲིལ་དང་། འོག་མ་གཉིས་ཞགས་པ་དང་ལྕགས་ཀྱུ། གཡོན་བརྐྱང་གི་སྟབས་ཀྱིས་བཞུགས་པའི་གནས་གསུམ་དུ་ཨོཾ་ཨཱཿཧཱུྃ། ཧཱུྃ་ལས་འོད་ཟེར་འཕྲོས་པས་ཡེ་ཤེས་པ་བཛྲ་ས་མཱ་ཛཿས་སྤྱན་དྲང་། ཛཿཧཱུྃ་བྃ་ཧོཿས་བསྟིམ། སླར་ཡང་ཐུགས་ཀའི་ཧཱུྃ་ལས་ཧཱུྃ་བཅུ་ཆད། སྟེང་འོག་ཕྱོགས་མཚམས་ཀྱི་རྩིབས་སྟེང་དུ་འཕྲོས་པ་ལས་ཁྲོ་བོ་བཅུ་པོ་ཐམས་ཅད་མཐིང་ནག་ཞགས་པ་དང་ལྕགས་ཀྱུ་འཛིན་པའི་སྐུར་གྱུར། བདག་གི་རྩ་ཞལ་ནས། ཨོཾ་སུསྦྷ་སོགས་ཧཱུྃ་བཞི་པ་བརྗོད་པས། ཁྲོ་བོ་བཅུ་ལས་རང་འདྲའི་སྤྲུལ་པ་གྲངས་མེད་སྤྲོས་པས་བགེགས་ཐམས་ཅད་བསྡིགས་བསྐྲད། གཙོ་བོ་ཕྱོགས་སྐྱོང་བཅུ་བཀུག་པའི་སྤྱི་མགྲིན་སྙིང་གར། གཤིན་རྗེ་དང་། རྟ་མགྲིན་དང་། བདུད་རྩི་འཁྱིལ་པ་ལ་སྨད་ཟུར་གསུམ་མེ་འབར་བའི་ཕུར་བུ་གསུམ་སྡེར་མོའི་སྔགས་བརྗོད་ཅིང་བཏབ་པས་བགེགས་རྣམས་རྟོག་པ་དང་བྲལ་ཏེ་བདེ་བ་ཆེན་པོའི་ངོ་བོར་མྱོས་པར་གྱུར། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྟཱན་ཧཱུྃ་ཕཊ། ཀཱི་ལཱ་ཡ་ཀཱི་ལཱ་ཡ་སརྦ་པཱ་པྃ་ཕཊ། ཧཱུྃ་ཧཱུྃ་ཧཱུྃ་བཛྲ་ཀཱི་ལཱ་ཡ་བཛྲ་དྷཱ་ར་ཨཱཛྙཱ་ལ་ཡ་ཏི་སརྦ་བིགྷྣན་ཀཱ་ཡ་ཝཱ་ཀ་ཙིཏྟ་བཛྲ་ཀཱི་ལཱ་ཡ་ཧཱུྃ་ཕཊ། རང་གི་ཐུགས་ཀའི་འོད་ཟེར་གྱིས་བགེགས་ལྷག་མ་རོ་དང་བཅས་པ་བསྲེགས་ཤིང་སྦྱངས། སླར་ཡང་ཐུགས་ཀའི་འོད་ཟེར་གྱིས་འཁོར་ལོའི་ཕྱི་རོལ་དུ་རྡོ་རྗེའི་ས་གཞི་ར་བ་དྲྭ་བ་གུར་དང་བླ་རེ། དེ་དག་ལས་ཀྱང་མདའི་དྲྭ་བ་མདེའུ་ཕྱིར་བསྟན་པ། མེ་རབ་ཏུ་འབར་བའི་སྲུང་འཁོར་གྱིས་ཁྱབ་པས་ཅིས་ཀྱང་མི་ཤིགས་པར་གྱུར། འཁོར་ལོའི་ནང་དུ་བདག་གི་ཐུགས་ཀ་ནས་བྷྲཱུྃ་ཡིག་ཆད་པ་ཡོངས་སུ་གྱུར་པ་ལས་རིན་པོ་ཆེའི་གཞལ་ཡས་ཁང་གྲུ་བཞི་སྒོ་བཞི་པ་རྟ་བབས་བཞིས་བརྒྱན་པ། མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ་པད་ཉི་ཟླ་བའི་ལྟེ་བར་ཚངས་པ་དང་བརྒྱ་བྱིན་གྱི་གདན་ལ་རང་ཉིད་འཁོད་པར་གྱུར། སྙིང་གའི་འོད་ཀྱིས་སྲུང་འཁོར་གྱི་ཁྲོ་བཅུ་རང་ལ་བསྡུས་ཏེ་ཤར་དང་ཤར་ལྷོ་གཉིས་ཤར་སྒོ་ནས་རྩ་ཞལ་ལ་ཐིམ། ལྷོ་དང་ལྷོ་ནུབ་གཉིས་ལྷོ་སྒོ་ནས་གཡས་ཞལ་ལ་ཐིམ། ནུབ་དང་ནུབ་བྱང་གཉིས་ནུབ་སྒོ་ནས་རྒྱབ་ཞལ་ལ་ཐིམ། བྱང་དང་བྱང་ཤར་གཉིས་བྱང་སྒོ་ནས་གཡོན་ཞལ་ལ་ཐིམ། སྟེང་འོག་གཉིས་སྤྱི་བོ་དང་གསང་གནས་ནས་ཐིམ་པའི་རྐྱེན་གྱིས་བདག་ཉིད་འོད་དུ་ཞུ་བ་གདན་གྱི་སྟེང་དུ་འོད་ཀྱི་གོང་བུ་ཆ་གཉིས་སུ་ཆད་དེ་ཟླ་དཀྱིལ་ཨ་དམར་པོས་མཚན་པ་དང་། དེའི་སྟེང་དུ་ཉི་དཀྱིལ་ཧཱུྃ་མཐིང་གས་མཚན་པ་ཁ་སྦྱོར་གྱི་རྣམ་པ་ཅན། ཨ་དང་ཧཱུྃ་ལས་འོད་ཟེར་འཕྲོས། སེམས་ཅན་གྱི་དོན་བྱས། ཚུར་འདུས་ཟླ་ཉི་ས་བོན་དང་བཅས་པ་ལ་ཐིམ་པས་གསུམ་ག་འོད་དུ་ཞུ་བ་ལས། རྡོ་རྗེ་རྩེ་ལྔ་པ་ཧཱུྃ་སྔོན་པོ་དང་དྲིལ་བུ་ཨས་མཚན་པར་གྱུར། དེ་ལས་འོད་ཟེར་འཕྲོས། སངས་རྒྱས་ཀྱི་མཛད་པ་བསྒྲུབས། ཚུར་འདུས་ཡོངས་སུ་གྱུར་པ་ལས་བདག་ཉིད་དཔལ་ཆེན་པོ་བདེ་གཤེགས་འདུས་པའི་སྤྱི་གཟུགས་ཆེ་མཆོག་ཧེ་རུ་ཀ་སྐུ་མདོག་མཐིང་ནག་ཞལ་གཅིག་ཕྱག་གཉིས་པ་རྡོ་རྗེ་རྩེ་ལྔ་པ་དང་དུང་ཁྲག་སྟེང་འོག་ཏུ་འཛིན་པས་ཡུམ་གནམ་ཞལ་དབྱིངས་ཕྱུག་མ་སྔོ་ནག་དྲིལ་བུ་དང་ཐོད་ཁྲག་སྟོབ་པ་ལ་འཁྱུད་པ། ཁྲོ་གཏུམ་བཟོད་པར་དཀའ་བ་འབར་བ་ཆེན་པོའི་འོད་ཟེར་ཅན། དུར་ཁྲོད་རོལ་པའི་ཆས་ཀྱིས་བརྒྱན་ཅིང་། ཞབས་གཡོན་བརྐྱང་བའི་དོར་སྟབས་ཀྱིས་ཡེ་ཤེས་ཀྱི་མེའི་ཀློང་ན་བཞུགས་པ། དེའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། སྙིང་གར་ཧཱུྃ་སྔོན་པོ། ཧཱུྃ་གི་འོད་ཟེར་གྱིས་དབང་གི་ལྷ་རིགས་ལྔ་འཁོར་བཅས་སྤྱན་དྲངས། དེ་རྣམས་ཀྱིས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲི་ཡེ་ཧཱུྃ། ཞེས་གསུང་ཞིང་བུམ་པའི་ཆུས་དབང་བསྐུར། སྐུ་གང་། དྲི་མ་དག །ཆུ་ལྷག་སྤྱི་བོའི་གནས་ལྔར་འཁྱིལ་པ་ལས་མི་བསྐྱོད་པས་གཙོ་བྱས་པའི་རིགས་ལྔས་དབུ་བརྒྱན། སླར་ཡང་སྙིང་གའི་ཧཱུྃ་ལས་འོད་ཟེར་འཕྲོས་པས་དཔལ་ཆེན་དཀྱིལ་འཁོར་དགུའི་ལྷ་ཚོགས་ལ་སངས་རྒྱས་བྱང་སེམས་དཔའ་བོ་མཁའ་འགྲོའི་ཚོགས་ཀྱིས་བསྐོར་བ་བཛྲ་ས་མཱ་ཛཿས་སྤྱན་དྲང་། ཛཿཧཱུྃ་བྃ་ཧོཿ གཉིས་སུ་མེད་པར་གྱུར། སྙིང་ག་ནས་སྤྲོས་པའི་ལྷ་མོ་རྣམས་ཀྱིས་བདག་ཉིད་ལ་མཆོད་པར་མོས་ལ། ཨོཾ་སརྦ་ཏ་ཐཱ་ག་ཏ་བཛྲ་མ་ཧཱ་ཀྲོ་དྷ་ཤྲཱི་ཧེ་རུ་ཀ་ས་པ་རི་ཝཱ་ར་བཛྲ་ཨརྒྷཾ་ནས། ཤཔྡ་པྲ་ཏཱིཙྪ་སྭཱ་ཧཱའི་བར་དང་། པཉྩ་ཨ་མྲྀ་ཏ་ཁཱ་ཧི། མ་ཧཱ་བ་ལིཾ་ཏ་ཁཱ་ཧི། མ་ཧཱ་རཀྟ་ཁཱ་ཧི་བོ་དྷི་ཙིཏྟ་མ་ཧཱ་སུ་ཁ་ཧོཿ ཞེས་པས་མཆོད་ནས། བསྟོད་པ་ནི། ཧཱུྃ། བདེ་གཤེགས་ཐམས་ཅད་མཉམ་ཉིད་ཐུགས་ཀྱི་ངང་༔ ཆོས་སྐུ་སྐྱེ་མེད་དབྱིངས་ལས་མ་གཡོས་ཀྱང་༔ ཐབས་ལ་མཁས་པས་དྲག་པོའི་སྐུར་སྟོན་པ༔ སྒྲུབ་པ་བཀའ་བརྒྱད་ལྷ་ལ་ཕྱག་འཚལ་བསྟོད༔ དེ་ནས་ལྷའི་གསལ་སྣང་ང་རྒྱལ་ལ་མཉམ་པར་གཞག །དེས་སྐྱོ་ན། རང་གི་ཐུགས་རིན་པོ་ཆེ་ཟུར་བརྒྱད་པ་མཆོང་གུར་ཕུབ་པ་ལྟ་བུའི་ཀློང་དུ་པད་ཉི་ལ་རང་འདྲའི་ཡེ་ཤེས་སེམས་དཔའ་ཚོན་གང་པ། དེའི་ཐུགས་ཀར་ཟླ་བའི་སྟེང་དུ་རྡོ་རྗེ་སྔོན་པོ་རྩེ་ལྔ་པའི་ལྟེ་བར་ཟླ་བ་ལ་གནས་པའི་ཧཱུྃ་ཡིག་སྔོན་པོ་ཕྲ་ཞིང་འབར་བ་ལ་བཟླ་བྱའི་སྔགས་ཕྲེང་དམར་པོས་གཡས་སུ་འཁོར་བ་ལས་འོད་ཟེར་བྱུང་བ་ཡབ་ཀྱི་ཡེ་ཤེས་སེམས་དཔའ་དང་དམ་ཚིག་སེམས་དཔའི་ཞལ་ནས་ཐོན། ཡུམ་གྱི་ཞལ་དུ་ཞུགས། སྐུའི་དབྱིབས་བརྒྱུད། པདྨར་སོན། ཡབ་ཀྱི་རྡོ་རྗེའི་ལམ་ནས་ཞུགས་པ་ཐུགས་ཀར་ཐིམ། དེའི་ཚེ་སྔགས་ཀྱི་འོད་ཟེར་མེ་འོད་ལྟར་འབར་བས་ནད་གདོན་སྡིག་སྒྲིབ་ཐམས་ཅད་བསྲེགས་ཤིང་སྦྱངས་པའམ། ཡང་ན་འོད་ཟེར་དཀར་པོ་འོ་མའི་རྒྱུན་ལྟ་བུས་སྦྱངས་ཤིང་བཀྲུས་པས་ལུས་ནང་ཤེལ་ལྟར་དྲི་མ་མེད་པར་བསམས་ལ། ཞི་བ་ལ། ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱཿ ཞེས་སྤྱི་བསྡུས་ཀྱི་སྙིང་པོ་དང་། ཁྲོ་བོར་བྱེ་བྲག་དཔལ་དགུའི་སྙིང་པོ་སོ་སོར་བཟླ་ན། ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ། ཆེ་མཆོག་གོ། །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ། ཡང་དག་གོ། །ཨོཾ་ཨ་ཀྲ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ། གཤིན་རྗེའོ། །ཨོཾ་པདྨཱནྟ་ཀྲིཏ་བཛྲ་ཀྲོ་དྷ་ཧ་ཡ་གྲཱི་ཝ་ཧཱུྃ་ཕཊ། རྟ་མགྲིན་ནོ། །ཨོཾ་བཛྲ་ཀཱི་ལི་ཀཱི་ལཱ་ཡ་སརྦ་བིགྷྣཱན་བྃ་ཧཱུྃ་ཕཊ། །ཕུར་པའོ། །ཨོཾ་གུ་ཡ་ཛྙཱ་ན་ཤྲཱི་ཧེ་རུ་ཀ་གུ་ཡ་ཛྙཱ་ན་ཀྲོ་དྷཱི་ཤྭ་རཱི་སྟྭཾ་མ་མ་ཡོ་གི་ནཱི་རུ་ལུ་རུ་ལུ་བྷྱོ་ཧཱུྃ་ཕཊ། མ་མོའོ། །ཨོཾ་བཛྲ་མ་ཧཱ་གུ་རུ་སརྦ་སིདྡྷི་ཧཱུྃ་ཕཊ། རིག་འཛིན་ནོ། །ཨོཾ་བཛྲ་ཙཎྜ་སརྦ་དུཥྟཱན་ཧཱུྃ་ཕཊ། དྲེགས་པའོ། །ཨོཾ་བཛྲ་སརྦ་དུཥྟཱན་ཧཱུྃ་ཕཊ། དྲག་སྔགས་སོ། །ཨོཾ་བཛྲ་སརྦ་ཡཀྵ་ས་མ་ཡ་ཧཱུྃ་ཕཊ། བཀའ་སྡོད་དོ། །ཨོཾ་བཛྲ་མ་ཧཱ་ཀྲོོ་དྷ་པདྨ་ཀྲོ་དྷཱི་ཤྭ་རཱི་བཛྲ་ཀཱི་ལི་ཀཱི་ལཱ་ཡ་མ་ཧཱ་ཡཀྴ་ཀཱ་ལ་རཱུ་པ་ཀརྨ་རྃ་རྃ་ཛྭ་ལ་རྃ་ཧཱུྃ་ཕཊ། ཅེས་སྤྱི་དྲིལ་དྲག་སྔགས་སོ། །དེ་རྣམས་ཅུང་ཟད་རེ་དང་། གཙོ་བོར། ཨོཾ་བཛྲ་ཙཎྜ་སརྦ་དུཥྟཱན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ། ཅེས་ཁྲོ་བོ་སྤྱི་སྔགས་རྒྱས་པ་འབྲུ་བཅུ་དགུ་པའམ། ཡང་ན་སྤྱི་སྔགས་བསྡུས་པ་ཨོཾ་ཨཱཿཧཱུྃ་གིས་ཡིད་བཟླས་དང་ངག་བཟླས་སྤེལ་མ་དང་། ཤིན་དུ་བསྡུས་པ་ཧཱུྃ་རིང་ཧུྃ་ཐུང་བཟླ་བ་སྟེ། ཕྱི་མ་གཉིས་ལ་ཐུགས་ཀའི་ཧཱུྃ་མཐར་སྔགས་ཕྲེང་འཁོར་བར་མི་སྒོམ་པས། ཧཱུྃ་ཡིག་ལས་འོད་ཟེར་བྱུང་བ་ཡབ་ཀྱི་ཞལ་ནས་ཐོན་པའི་ཁྱད་པར་མ་གཏོགས་གཞན་འདྲའོ། །ཐུན་མཐར་གཏོར་མ་འབུལ་ན། རྃ་ཡྃ་ཁྃ་གྱིས་བསང་སྦྱང་། ཨོཾ་ཨཱཿཧཱུྃ་ཧོཿས་བརླབ། རང་གི་སྙིང་ག་ནས་འོད་ཟེར་འཕྲོས་པས་དཔལ་ཆེན་གཙོ་དགུའི་དཀྱིལ་འཁོར་གྱི་ལྷ་ཚོགས་འཁོར་དང་བཅས་པ་ཐམས་ཅད་མདུན་གྱི་ནམ་མཁར་བཛྲ་ས་མཱ་ཛཿས་གཏོར་མགྲོན་སྤྱན་དྲང་། ཨོཾ་ཤྲི་བཛྲ་ཧེ་རུ་ཀ་ས་པ་རི་ཝཱ་རེ་བྷྱཿབཛྲ་ཨརྒྷཾ་ནས། ཤཔྡ་པྲ་ཏཱིཙྪ་སྭཱ་ཧཱ་ས་ཕྱི་མཆོད་དང་། བཛྲ་པཉྩ་ཨ་མྲྀ་ཏ་ཁ་རཾ་ཁཱ་ཧི། མ་ཧཱ་རཀྟ་ཁ་རྃ་ཁཱ་ཧི་ཞེས་སྨན་རག་བསྟབ། ལྷ་རྣམས་ཀྱི་ཞལ་ནས་ལྗགས་ཧཱུྃ་ལས་བྱུང་བའི་རྡོ་རྗེའི་སྦུ་གུ་ཅན་གྱི་འོད་ཟེར་གྱིས་གཏོར་མའི་བཅུད་དྲངས་ཏེ་གསོལ་བར་བསམས་ལ། ཞི་ཁྲོའི་སྤྱི་སྔགས་སྦྲེལ་བའི་མཐར། ས་པ་རི་ཝཱ་ར་ཨི་དཾ་བ་ལིཾ་གྲྀཧྞནྟུ་མ་མ་སརྦ་སིདྡྷི་མྨེ་པྲ་ཡཙྪ། ཞེས་ལན་གསུམ་གྱིས་གཏོར་མ་ཕུལ། བཅོམ་ལྡན་ཁྲོ་བོའི་རྒྱལ་པོ་ནི། །སངས་རྒྱས་ཀུན་གྱི་འཁོར་ལོས་སྒྱུར། །གདུལ་དཀའ་མ་ལུས་འདུལ་བ་པོ། །ཁྲོ་བོའི་རྒྱལ་ལ་ཕྱག་འཚལ་ལོ། །ཞེས་བསྟོད། ཧེ་རུ་ཀ་དཔལ་འཁོར་བཅས་རྣམས། །མཆོད་སྦྱིན་གཏོར་མ་འདི་བཞེས་ལ། །སོགས་ཀྱིས་འདོད་དོན་གསོལ། གཏོར་མ་མི་འབུལ་ན་མཆོད་བསྟོད་ཙམ་བྱ། གང་ལྟར་ཡང་ཡི་གེ་བརྒྱ་པས་ནོངས་པ་བཤགས། ཨོཾ་ཨཱཿཧཱུྃ་མུཿ ཞེས་པས་ཡེ་ཤེས་པ་གཤེགས། ཧཱུྃ་ཧཱུྃ་ཧཱུྃ། ཆོས་ཉིད་སྐྱེ་བ་མེད་པ་ལས། །འགག་མེད་ཁྲག་འཐུང་ཆེན་པོར་ཤར། །འགག་པ་ཉིད་ན་འགག་མེད་པ། །སྤྲོས་བྲལ་ཀ་དག་ཀློང་དུ་ཐིམ། །ཞེས་པས་སྣོད་བཅུད་ལྷ་དང་བཅས་པ་དབྱིངས་སུ་བསྡུས་ཏེ་འོད་གསལ་སྟོང་ཉིད་ཀྱི་ངང་ལ་ཅི་གནས་སུ་མཉམ་པར་གཞག །དེ་ལས་ལྡང་བ་ན། ཕཊ་ཕཊ་ཕཊ། སླར་ཡང་རང་སྐད་ཅིག་གིས་དཔལ་ཧེ་རུ་ཀའི་སྐུར་གྱུར་པའི་གནས་གསུམ་དུ་ཨོཾ་ཨཱཿཧཱུྃ་གིས་མཚན་པར་བསམས་ལ། ཨོཾ་བཛྲ་ཀཱ་ཝཱ་ཙི་རཀྵ་རཀྵ་ཧཱུྃ། ཞེས་པས་རྡོ་རྗེའི་གོ་བགོ ཧཱུྃ། མི་གནས་ཡེ་ཤེས་ཐུགས་ཀྱི་དཀྱིལ་འཁོར་དུ། །འགྱུར་བ་མེད་པར་ལྷུན་གྱིས་གྲུབ་པ་དང་། །རབ་འབྱམས་རྒྱལ་བ་རྣམས་ཀྱི་གནས་ཐོབ་ནས། །འགྲོ་བ་ཡོངས་ཀྱི་དཔལ་དུ་འགྱུར་བར་ཤོག །བྱིན་རླབས་མཆོག་སྩོལ་རྩ་བརྒྱུད་བླ་མ་དང་། །དངོས་གྲུབ་ཆར་འབེབས་ཞི་ཁྲོ་བཀའ་བརྒྱད་ལྷ། །དྲེགས་པའི་སྡེ་དཔོན་དམ་ཅན་གཏེར་སྲུང་སོགས། །རབ་འབྱམས་དཀྱིལ་འཁོར་འཁོར་ལོའི་བཀྲ་ཤིས་ཤོག །ཅེས་སོགས་བསྔོ་སྨོན་ཤིས་བརྗོད་ཀྱིས་མཚམས་སྦྱར་ཏེ་སྤྱོད་ལམ་ལ་འཇུག་པའམ། ཡང་ན་ཐུན་དང་པོ་རྣམས་ལ་གཤེགས་བསྡུ་གཉིས་ཀ་མི་བྱེད་པར་ལྷའི་ཐུགས་ཀ་ནས་རང་ཉིད་སྲས་ཀྱི་ཚུལ་དུ་སྤྱོད་ལམ་ལ་འཇུག་ཅིང་། བྱ་བ་ཟིན་ནས་རང་ལ་བསྟིམ། ཐུན་ཐ་མ་ལ་གཤེགས་གསོལ་དང་ཉེར་བསྡུ་བྱ་བ་ཡིན་ནོ།། །། ༈ གཉིས་པ་ལུས་དཀྱིལ་ལ་བརྟེན་པའི་ཧཱུྃ་གི་དྲིལ་སྒྲུབ་ནི། རྡོ་རྗེ་སློབ་དཔོན་སངས་རྒྱས་དཔལ། །ཞེས་སོགས་ཡན་ལག་བརྒྱད་པ་དང་། སེམས་ཅན་བདེ་དང་ལྡན་གྱུར་ཅིག །སྡུག་བསྔལ་ཀུན་དང་བྲལ་བར་ཤོག །བདེ་དང་རྟག་ཏུ་མི་འབྲལ་ཞིང་། །ཆོས་ཀུན་མཉམ་ཉིད་རྟོགས་པར་ཤོག །ཅེས་ཚད་མེད་བཞི་བསྒོམས་པས་བསོད་ནམས་དང་། ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭཱ་བྷཱ་ཝ་ཨཱཏྨ་ཀོ྅་ཧཾ། ཞེས་གདོད་མའི་སྟོང་ཆེན་གྱི་ངང་དུ་མཉམ་པར་བཞག་པས་ཡེ་ཤེས་ཀྱི་ཚོགས་བསགས་སྔོན་དུ་འགྲོ་བས། སྟོང་པའི་ངང་ལས་འོད་གསལ་གྱི་རང་མདངས་རྡོ་རྗེ་སྲུང་བའི་འཁོར་ལོ་ཆེན་པོས་མི་ཤིགས་པར་བཅིངས་པའི་དབུས་སུ་ཧཱུྃ་ཧཱུྃ། ཞེས་བརྗོད་པས་རང་ཉིད་སྐད་ཅིག་གིས་ཆེ་མཆོག་ཧེ་རུ་ཀ་སྐུ་མདོག་མཐིང་ནག་ཞལ་གཅིག་ཕྱག་གཉིས་པ། གཡས་རྡོ་རྗེས་གཡོན་པའི་དུང་དམར་དཀྲུགས་པ། པད་ཟླ་ཉི་མ་དྲེགས་པའི་གདན་ལ་ཞབས་གཉིས་གཡོན་བརྐྱང་བའི་སྟབས་ཀྱིས་བཞུགས་པ། རང་འདྲའི་ཡུམ་དང་གཉིས་སུ་མེད་པར་འཁྲིལ་བ། ཡབ་ཀྱི་སྐུའི་ནང་སྟོང་ཆེན་སྒྲིབ་ཐོགས་དང་བྲལ་བ་འོད་ཀྱི་རང་བཞིན་ཅན་གྱི་དབུས་སུ་རྩ་འཁོར་རྣམས་གསལ་བར་མོས་ནས། རང་གི་སྤྱི་བོའི་གཙུག་ཏུ་པད་ཉི་ཟླ་བའི་གདན་ལ་ཧཱུྃ་ཧཱུྃ་ཞེས་བརྗོད་པས་རྡོ་རྗེ་སློབ་དཔོན་དེ་བཞིན་དུ། སྤྱི་བོ་སྐུའི་འཁོར་ལོའི་དབུས་སུ་ཧཱུྃ་ཧཱུྃ་འཇམ་དཔལ་གཤིན་རྗེ་ཡབ་ཡུམ། མགྲིན་པ་གསུང་གི་འཁོར་ལོར་ཧཱུྃ་ཧཱུྃ་རྟ་མགྲིན་ཡབ་ཡུམ། སྙིང་ག་ཐུགས་ཀྱི་འཁོར་ལོ་ཧཱུྃ་ཧཱུྃ་ཡང་དག་ཡབ་ཡུམ། ལྟེ་བ་ལས་ཀྱི་འཁོར་ལོར་ཧཱུྃ་ཧཱུྃ་རྡོ་རྗེ་གཞོན་ནུ་ཡབ་ཡུམ། གསང་གནས་བདེ་བའི་འཁོར་ལོར་ཧཱུྃ་ཧཱུྃ་བླ་མེད་ཧེ་རུ་ཀ་ཡབ་ཡུམ། རྐང་པ་རླུང་གི་འཁོར་ལོ་གཡས་པར་ཧཱུྃ་ཧཱུྃ་དྲེགས་འདུལ་ཡབ་ཡུམ། གཡོན་པར་ཧཱུྃ་ཧཱུྃ་དྲག་སྔགས་ཡབ་ཡུམ། དེ་ཐམས་ཅད་ཀྱང་སྐུ་མདོག་མཐིང་ག་ཞལ་གཅིག་ཕྱག་གཉིས་རྡོ་རྗེ་དང་དུང་ཁྲག་འཛིན་པས་རང་འདྲའི་ཡུམ་དང་འཁྲིལ་བ། ཞབས་གཡོན་བརྐྱང་བའི་དོར་སྟབས་ཅན་ནོ། །སྒོམ་ཚུལ་འདི་ཉིད་ཡེ་ནས་རང་བྱུང་གི་ལྷའི་རྣམས་ལམ་བྱེད་དེ། གཉུག་མའི་ལྷ་དེ་བློ་བུར་དྲི་བྲལ་གྱི་རྒྱལ་བ་རྣམས་དང་གདོད་མ་ནས་རང་བཞིན་དབྱེར་མེད་དུ་བཞུགས་པས་ན་ཡེ་ཤེས་སྤྱན་དྲངས་ནས་བསྟིམ་པ་སོགས་མི་དགོས་སོ། །དེ་ལྟར་མེ་ལོང་ནང་གི་གཟུགས་བརྙན་ལྟར་རྣམ་པ་གསལ་ལ་དེར་འཛིན་མེད་པའི་ལྷ་སྐུ་གསལ་སྟོང་གི་ངང་ལ་ཅི་གནས་མཉམ་པར་གཞག །དེས་སྐྱོ་ན་བཟླས་པ་ལ་འཇུག་སྟེ། སྤྱི་བོའི་བླ་མ་ནས་གསང་བའི་བླ་མེད་ཧེ་རུ་ཀའི་བར་གྱི་ལྷའི་ཐུགས་ཀའི་ཧཱུྃ་ལས་འོད་ཟེར་རིམ་པར་འཕྲོས། རྐང་པའི་རྩ་བོ་ཆེ་གཡས་གཡོན་ནས་སོང་སྟེ་དྲེགས་འདུལ་དང་དྲག་སྔགས་ཀྱི་ཐུགས་ཀའི་ཧཱུྃ་ལ་ཞུགས། དེ་ལས་འོད་ཟེར་ཕྱིར་འཕྲོས་པ་ཕྱོགས་བཅུའི་རྒྱལ་བ་སྲས་བཅས་ལ་ཕོག་པས་ཡང་དག་པའི་ཡེ་ཤེས་ཀྱི་དབྱིངས་སུ་བསྡུས། སེམས་ཅན་ཐམས་ཅད་ལ་ཕོག་པས་སེམས་ཅན་གྱི་དྲན་རྟོག་དང་ཉོན་མོངས་པའི་དྲི་མ་སྦྱངས་ནས་ཡེ་ཤེས་ཀྱི་ལྷར་གྱུར། རང་གི་སྒོ་གསུམ་གྱི་སྡིག་སྒྲིབ་སྦྱངས། ཧཱུྃ་གི་འོད་ཟེར་དཀར་འཚེར་གྱིས་གྱུར་ནས་དམིགས་མེད་བསམ་བརྗོད་དང་བྲལ་བའི་ངང་ལ་བཞག་པས་ཉོན་སྒྲིབ་དག་པར་བསམས་ལ། མཆུ་བཙུམས་ཏེ་རླུང་གི་རྟས་དྲངས་ནས་ཧཱུྃ་ཧཱུྃ་ཞེས་རིང་པོར་བཟླ་བའོ། །ཡང་ཕྱོགས་བཅུའི་རྒྱལ་བ་སྲས་བཅས་དང་སེམས་ཅན་ཐམས་ཅད་ཡེ་ཤེས་ཀྱི་ལྷར་གྱུར་པ་དེ་ཐམས་ཅད་ཀྱི་ཐུགས་ཀའི་འོད་ཟེར་ཚུར་འདུས་དྲེགས་འདུལ་དང་དྲག་སྔགས་ལ་ཐིམ། དེ་ལས་འོད་ཟེར་ཡར་རིམ་པར་སྤྲོས་པས་མ་མོ་ལ་ཐིམ་པས་བྱ་གྲུབ། རྡོ་རྗེ་གཞོན་ནུར་ཐིམ་པས་སོར་རྟོག །ཡང་དག་ལ་ཐིམ་པས་མེ་ལོང་ལྟ་བུ། རྟ་མགྲིན་ལ་ཐིམ་པས་མཉམ་ཉིད། གཤིན་རྗེ་ལ་ཐིམ་པས་ཆོས་ཀྱི་དབྱིངས་ཀྱི་ངང་དུ་གསལ་བར་བསམ། དེ་ལས་འཕྲོས་པའི་འོད་ཟེར་སྤྱི་བོའི་བླ་མ་ལ་ཕོག་པས་ཡེ་ཤེས་ལྔར་དབང་བསྐུར། ཆོས་ཉིད་རང་བྱུང་གི་ཡེ་ཤེས་གསལ་ལ་མ་འདྲེས་འགག་མེད་དུ་རང་ཤར་བས་ཤེས་སྒྲིབ་དག་པར་བསམས་ལ། སྔར་བཞིན་ཧཱུྃ་རིང་པོར་བཟླའོ། །དེ་ནས་སྦྱོར་བའི་སྒོ་ནས་བདེ་བའི་ཡེ་ཤེས་བསྐྱེད་པ་ནི། སྤྱི་བོའི་བླ་མ་ཡབ་ཡུམ་རྗེས་ཆགས་ཀྱིས་སྙོམས་པར་ཞུགས་པའི་བྱང་སེམས་བབས་པ་བདག་གི་ཚངས་བུག་ཏུ་ཐིམ་པ་སོགས་རིམ་པར་རླུང་འཁོར་གྱི་བར་འཁོར་ལོ་དྲུག་གི་ལྷ་ཐམས་ཅད་མཉམ་པར་སྦྱོར་བའི་བྱང་སེམས་བབས་པས་འཁོར་འདས་གཉིས་མེད་བདེ་བ་ཆེན་པོའི་ཡེ་ཤེས་ལྷག་གིས་སྐྱེས་པར་བསམས་ལ་མཉམ་པར་བཞག་ནས། སྔར་བཞིན་ཧཱུྃ་རིང་པོར་བཟླའོ། །ཡང་སྒྲོལ་བའི་སྒོ་ནས་དགྲ་བགེགས་ཚར་བཅད་པ་ནི། སྤྱི་བོའི་རིག་འཛིན་བླ་མའི་ཐུགས་ཀ་ནས་འོད་ཟེར་འཕྲོས་པས་འཇམ་དཔལ་སྐུའི་ལྷ་ལ་ཕོག་པས། དེའི་གཡས་ཕྱོགས་ནས་ཁྲོ་བོ་དང་གཡོན་ཕྱོགས་ནས་ཁྲོ་མོ་བརྒྱད་ཅུ་རྩ་གཉིས་མཚོན་ཆ་ཐོགས་པ་བྱུང་ནས། མགྲིན་པ་ལ་སོགས་པ་འཁོར་ལོ་ལྔ་རིམ་གྱིས་བརྒྱུད། རྐང་པ་ནས་ཕྱིར་འཕྲོས་པས་དགྲ་བགེགས་ཐམས་ཅད་རྩད་ནས་བཅད་པར་བསམ་པ་ནི་ཐུགས་རྗེས་གཞན་བསྒྲལ་བའོ། །ཁྲོ་བོ་དང་ཁྲོ་མོ་རྣམས་ཚུར་འདུས་ནས་འོད་དུ་ཞུ་བ་དྲེགས་འདུལ་དང་དྲག་སྔགས་ལ་ཐིམ། དེ་ནས་ཡང་རིམ་བཞིན་གནས་ལྔའི་ལྷ་ལ་ཐིམ་པས་དུག་ལྔ་རྩད་ནས་བཅད། ཡེ་ཤེས་ལྔའི་རང་བཞིན་དུ་གྱུར་ཏེ་རིག་འཛིན་བླ་མའི་ཐུགས་ཀར་ཐིམ་པས་རང་གཞན་ལྷ་སྔགས་ཀྱི་སྣང་བ་ཐམས་ཅད་གསལ་སྟོང་མི་དམིགས་པའི་ཀློང་དུ་གྲོལ་བས་དེའི་ངང་བསྐྱང་བ་ནི་རྟོག་པས་བདག་བསྒྲལ་བ་སྟེ། དེ་ལྟར་གསལ་བཏབ་ནས་ཧཱུྃ་དྲག་ཅིང་ཐུང་བར་བཟླ་བ་ཡིན་ནོ། །ཐུན་བསྡུ་བ་ན་ཧཱུྃ་ཧཱུྃ་ཞེས་བརྗོད་པས། ལུས་ཀྱི་ལྷ་རྣམས་གནས་དེ་དང་དེར་འོད་དུ་ཞུ། གཞིའི་ལྷ་ཡང་ནམ་མཁའ་ལ་སྤྲིན་དེངས་པ་ལྟར་འོད་གསལ་གྱི་དབྱིངས་སུ་ཐིམ་པར་བསམས་ལ། རྣམ་པར་མི་རྟོག་པ་རྟོག་མེད་ལྷུན་གྲུབ་ནམ་མཁའ་ལྟ་བུའི་ངང་དུ་ཅི་གནས་སུ་མཉམ་པར་གཞག །ཐུན་མཚམས་ཀྱི་བྱ་བ་ལ་འཇུག་པ་ན། སླར་ཡང་དེའི་ངང་ལས་ཆུ་ལས་ཉ་ལྡང་བ་ལྟར་རང་ཉིད་སྐད་ཅིག་གིས་དཔལ་ཧེ་རུ་ཀའི་སྐུར་གྱུར་པའི་གནས་གསུམ་དུ་ཨོཾ་ཨཱཿཧཱུྃ་གིས་མཚན་པར་གྱུར་པའི་མོས་པ་བྱ། དགེ་བ་འདི་ཡིས་མྱུར་དུ་བདག །ཧེ་རུ་ཀ་དཔལ་འགྲུབ་གྱུར་ནས། །ཞེས་སོགས་བསྔོ་སྨོན་དང་ཤིས་བརྗོད་ཇི་ལྟར་རིགས་པ་བྱའོ། །དེའང་ལས་དང་པོ་པ་བསྐྱེད་རིམ་ལ་གཙོ་བོ་འདོན་པས་སྔ་མ་དང་། བསྐྱེད་པའི་གསལ་སྣང་ལ་གོམས་པ་ཅུང་ཟད་བརྟན་ཅིང་རྫོགས་རིམ་ལ་སློབ་པར་མོས་པས་ཕྱི་མ་ལྟར་ཉམས་སུ་བླང་བ་ཡིན་ནོ། །ཞེས་པའང་རྨད་དུ་བྱུང་བའི་མ་ཧཱ་ལོ་ཙཱ་བ་དྷ་རྨ་ཤྲཱིའི་གསུང་རབ་བསྙེན་ཡིག་རིན་ཆེན་སྒྲོན་མེ་ལས་ཁོལ་དུ་བྱུང་ཞིང་བཀླགས་པས་གྲུབ་པར་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་དགེ། །།

[edit]

nyang gter bka' brgyad kyi phyag rgya hU~M sgrub dang rkyang sgrub kyi rgyun khyer bde chen snying po ldeb/ @#/__/nyang gter bde gshegs 'dus pa'i phyag rgya rkyang sgrub dang hU~M sgrub rgyun khyer bklags chog tu bkod pa bde chen snying po zhes bya ba bzhugs so//__// oM swa sti/__nyang gter bka' brgyad bde gshegs 'dus pa'i rgyun bzlas nar mar bya ba'i tshul la gnyis/__phyag rgya rkyang sgrub chig sgril du sgrub pa dang /__lus dkyil la brten pa'i hU~M gi dril sgrub gnyis las/__dang po ni/__sems can thams cad kyi don du dpal he ru ka'i go 'phang thob par bya/__de'i ched du bdag gis bde gshegs 'dus pa'i sgrub pa bya'o snyam du sems bskyed nas/__rang nyid zhe sdang rdo rjer gsal ba'i snying gar zla ba la gnas pa'i hU~M yig__/de las byung ba'i 'od zer gyis tshogs zhing mkha' khyab tu spyan drangs par gyur par bsams la/__rdo rje slob dpon sangs rgyas dpal/__/dus gsum bzhugs la phyag 'tshal lo/__/mchog gsum bsten pa'i zhing gyur la/__/gnyis med yid kyis skyabs su mchi/__/dngos 'byor yid kyis rnam sprul pa'i/__/dag pa'i mchod pa bzhes su gsol/__/dngos grub chu bo gcod pa'i gegs/__/nyes byas ma lus bshags par bgyi/__/phyogs bcu 'khor gsum dag pa'i chos/__/ma chags spyod la rjes yi rang /__/dag pa'i mtha' bzhi dri ma med/__/rdzogs pa'i byang chub sems bskyed do/__/bde gshegs byang chub sems dpa' la/__/dag pa gsum gyi lus dbul lo/__/tshe rabs bgrangs pa'i las rnams kun/__/bsdus te byang chub chen por bsngo/__/zhes yan lag brgyad kyi sgo nas tshogs bsag__/sems can bde dang ldan gyur cig__/sdug bsngal kun dang bral bar shog__/bde dang rtag tu mi 'bral zhing /__/chos kun mnyam nyid rtogs par shog__/ces tshad med bzhi bsgom/__dzaHhU~M ba~M hoH__tshogs zhing rnams rang la thim par gyur/__de nas/__oM ma hA shU n+ya tA dz+nyA na badz+ra swa b+hA wa At+ma ko\u0f85 haM/__zhes pa'i sngags kyis/__chos thams cad rang bzhin gyis rnam par dag pa'i stong pa nyid du gyur/__stong pa'i ngang las rang lus 'ja' tshon lta bu'i dbus su rang rig hU~M yig sngon por 'bar ba/__de las tsa yig ser po chad pa yongs su gyur pa las/__'khor lo ser po rtsibs brgyad phyogs dang rtsa rtse steng 'og du phyogs pa khog pa yangs shing rgya che ba'i nang du lus 'od kyi phung po hU~M la 'dus te nyi gdan gyi steng du babs pa yongs su gyur pa las/__rang nyid khro bo gnod mdzes mthing nag zhal bzhi phyag bzhi pa/__dang po gnyis thugs kar hU~M mdzad kyi phyag rgyas rdor dril dang /__'og ma gnyis zhags pa dang lcags kyu/__g.yon brkyang gi stabs kyis bzhugs pa'i gnas gsum du oM AHhU~M/__hU~M las 'od zer 'phros pas ye shes pa badz+ra sa mA dzaHsa spyan drang /__dzaHhU~M ba~M hoHsa bstim/__slar yang thugs ka'i hU~M las hU~M bcu chad/__steng 'og phyogs mtshams kyi rtsibs steng du 'phros pa las khro bo bcu po thams cad mthing nag zhags pa dang lcags kyu 'dzin pa'i skur gyur/__bdag gi rtsa zhal nas/__oM sus+b+ha sogs hU~M bzhi pa brjod pas/__khro bo bcu las rang 'dra'i sprul pa grangs med spros pas bgegs thams cad bsdigs bskrad/__gtso bo phyogs skyong bcu bkug pa'i spyi mgrin snying gar/__gshin rje dang /__rta mgrin dang /__bdud rtsi 'khyil pa la smad zur gsum me 'bar ba'i phur bu gsum sder mo'i sngags brjod cing btab pas bgegs rnams rtog pa dang bral te bde ba chen po'i ngo bor myos par gyur/__oM g+ha g+ha g+hA ta ya g+hA ta ya sarba duSh+tAn hU~M phaT/__kI lA ya kI lA ya sarba pA pa~M phaT/__hU~M hU~M hU~M badz+ra kI lA ya badz+ra d+hA ra Adz+nyA la ya ti sarba big+h+nan kA ya wA ka tsit+ta badz+ra kI lA ya hU~M phaT/__rang gi thugs ka'i 'od zer gyis bgegs lhag ma ro dang bcas pa bsregs shing sbyangs/__slar yang thugs ka'i 'od zer gyis 'khor lo'i phyi rol du rdo rje'i sa gzhi ra ba drwa ba gur dang bla re/__de dag las kyang mda'i drwa ba mde'u phyir bstan pa/__me rab tu 'bar ba'i srung 'khor gyis khyab pas cis kyang mi shigs par gyur/__'khor lo'i nang du bdag gi thugs ka nas b+h+rU~M yig chad pa yongs su gyur pa las rin po che'i gzhal yas khang gru bzhi sgo bzhi pa rta babs bzhis brgyan pa/__mtshan nyid thams cad yongs su rdzogs pa'i dbus su pad nyi zla ba'i lte bar tshangs pa dang brgya byin gyi gdan la rang nyid 'khod par gyur/__snying ga'i 'od kyis srung 'khor gyi khro bcu rang la bsdus te shar dang shar lho gnyis shar sgo nas rtsa zhal la thim/__lho dang lho nub gnyis lho sgo nas g.yas zhal la thim/__nub dang nub byang gnyis nub sgo nas rgyab zhal la thim/__byang dang byang shar gnyis byang sgo nas g.yon zhal la thim/__steng 'og gnyis spyi bo dang gsang gnas nas thim pa'i rkyen gyis bdag nyid 'od du zhu ba gdan gyi steng du 'od kyi gong bu cha gnyis su chad de zla dkyil a dmar pos mtshan pa dang /__de'i steng du nyi dkyil hU~M mthing gas mtshan pa kha sbyor gyi rnam pa can/__a dang hU~M las 'od zer 'phros/__sems can gyi don byas/__tshur 'dus zla nyi sa bon dang bcas pa la thim pas gsum ga 'od du zhu ba las/__rdo rje rtse lnga pa hU~M sngon po dang dril bu as mtshan par gyur/__de las 'od zer 'phros/__sangs rgyas kyi mdzad pa bsgrubs/__tshur 'dus yongs su gyur pa las bdag nyid dpal chen po bde gshegs 'dus pa'i spyi gzugs che mchog he ru ka sku mdog mthing nag zhal gcig phyag gnyis pa rdo rje rtse lnga pa dang dung khrag steng 'og tu 'dzin pas yum gnam zhal dbyings phyug ma sngo nag dril bu dang thod khrag stob pa la 'khyud pa/__khro gtum bzod par dka' ba 'bar ba chen po'i 'od zer can/__dur khrod rol pa'i chas kyis brgyan cing /__zhabs g.yon brkyang ba'i dor stabs kyis ye shes kyi me'i klong na bzhugs pa/__de'i dpral bar oM dkar po/__mgrin par AHdmar po/__snying gar hU~M sngon po/__hU~M gi 'od zer gyis dbang gi lha rigs lnga 'khor bcas spyan drangs/__de rnams kyis/__oM sarba ta thA ga ta a b+hi She ka te sa ma ya shri ye hU~M/__zhes gsung zhing bum pa'i chus dbang bskur/__sku gang /__dri ma dag__/chu lhag spyi bo'i gnas lngar 'khyil pa las mi bskyod pas gtso byas pa'i rigs lngas dbu brgyan/__slar yang snying ga'i hU~M las 'od zer 'phros pas dpal chen dkyil 'khor dgu'i lha tshogs la sangs rgyas byang sems dpa' bo mkha' 'gro'i tshogs kyis bskor ba badz+ra sa mA dzaHsa spyan drang /__dzaHhU~M ba~M hoH__gnyis su med par gyur/__snying ga nas spros pa'i lha mo rnams kyis bdag nyid la mchod par mos la/__oM sarba ta thA ga ta badz+ra ma hA kro d+ha shrI he ru ka sa pa ri wA ra badz+ra ar+g+haM nas/__shap+da pra tIts+tsha swA hA'i bar dang /__pany+tsa a mr-i ta khA hi/__ma hA ba liM ta khA hi/__ma hA rak+ta khA hi bo d+hi tsit+ta ma hA su kha hoH__zhes pas mchod nas/__bstod pa ni/__hU~M/__bde gshegs thams cad mnyam nyid thugs kyi ngang :__chos sku skye med dbyings las ma g.yos kyang :__thabs la mkhas pas drag po'i skur ston pa:__sgrub pa bka' brgyad lha la phyag 'tshal bstod:__de nas lha'i gsal snang nga rgyal la mnyam par gzhag__/des skyo na/__rang gi thugs rin po che zur brgyad pa mchong gur phub pa lta bu'i klong du pad nyi la rang 'dra'i ye shes sems dpa' tshon gang pa/__de'i thugs kar zla ba'i steng du rdo rje sngon po rtse lnga pa'i lte bar zla ba la gnas pa'i hU~M yig sngon po phra zhing 'bar ba la bzla bya'i sngags phreng dmar pos g.yas su 'khor ba las 'od zer byung ba yab kyi ye shes sems dpa' dang dam tshig sems dpa'i zhal nas thon/__yum gyi zhal du zhugs/__sku'i dbyibs brgyud/__pad+mar son/__yab kyi rdo rje'i lam nas zhugs pa thugs kar thim/__de'i tshe sngags kyi 'od zer me 'od ltar 'bar bas nad gdon sdig sgrib thams cad bsregs shing sbyangs pa'am/__yang na 'od zer dkar po 'o ma'i rgyun lta bus sbyangs shing bkrus pas lus nang shel ltar dri ma med par bsams la/__zhi ba la/__oM bo d+hi tsit+ta ma hA su kha dz+nyA na d+hA tu AH__zhes spyi bsdus kyi snying po dang /__khro bor bye brag dpal dgu'i snying po so sor bzla na/__oM badz+ra kro d+ha ma hA shrI he ru ka hU~M phaT/__che mchog go/__/oM ru lu ru lu hU~M b+h+yo hU~M phaT/__yang dag go/__/oM a kra te ka ya mAn+ta ka ha na ma tha b+hany+dza hU~M phaT/__gshin rje'o/__/oM pad+mAn+ta krita badz+ra kro d+ha ha ya grI wa hU~M phaT/__rta mgrin no/__/oM badz+ra kI li kI lA ya sarba big+h+nAn ba~M hU~M phaT/__/phur pa'o/__/oM gu ya dz+nyA na shrI he ru ka gu ya dz+nyA na kro d+hI shwa rI s+t+waM ma ma yo gi nI ru lu ru lu b+h+yo hU~M phaT/__ma mo'o/__/oM badz+ra ma hA gu ru sarba sid+d+hi hU~M phaT/__rig 'dzin no/__/oM badz+ra tsaN+Da sarba duSh+tAn hU~M phaT/__dregs pa'o/__/oM badz+ra sarba duSh+tAn hU~M phaT/__drag sngags so/__/oM badz+ra sarba yak+Sha sa ma ya hU~M phaT/__bka' sdod do/__/oM badz+ra ma hA kro+o d+ha pad+ma kro d+hI shwa rI badz+ra kI li kI lA ya ma hA yak+sha kA la rU pa karma ra~M ra~M dz+wa la ra~M hU~M phaT/__ces spyi dril drag sngags so/__/de rnams cung zad re dang /__gtso bor/__oM badz+ra tsaN+Da sarba duSh+tAn ta ka ha na da ha pa tsa hU~M phaT/__ces khro bo spyi sngags rgyas pa 'bru bcu dgu pa'am/__yang na spyi sngags bsdus pa oM AHhU~M gis yid bzlas dang ngag bzlas spel ma dang /__shin du bsdus pa hU~M ring hu~M thung bzla ba ste/__phyi ma gnyis la thugs ka'i hU~M mthar sngags phreng 'khor bar mi sgom pas/__hU~M yig las 'od zer byung ba yab kyi zhal nas thon pa'i khyad par ma gtogs gzhan 'dra'o/__/thun mthar gtor ma 'bul na/__ra~M ya~M kha~M gyis bsang sbyang /__oM AHhU~M hoHsa brlab/__rang gi snying ga nas 'od zer 'phros pas dpal chen gtso dgu'i dkyil 'khor gyi lha tshogs 'khor dang bcas pa thams cad mdun gyi nam mkhar badz+ra sa mA dzaHsa gtor mgron spyan drang /__oM shri badz+ra he ru ka sa pa ri wA re b+h+yaHbadz+ra ar+g+haM nas/__shap+da pra tIts+tsha swA hA sa phyi mchod dang /__badz+ra pany+tsa a mr-i ta kha raM khA hi/__ma hA rak+ta kha ra~M khA hi zhes sman rag bstab/__lha rnams kyi zhal nas ljags hU~M las byung ba'i rdo rje'i sbu gu can gyi 'od zer gyis gtor ma'i bcud drangs te gsol bar bsams la/__zhi khro'i spyi sngags sbrel ba'i mthar/__sa pa ri wA ra i daM ba liM gr-ih+Nan+tu ma ma sarba sid+d+hi m+me pra yats+tsha/__zhes lan gsum gyis gtor ma phul/__bcom ldan khro bo'i rgyal po ni/__/sangs rgyas kun gyi 'khor los sgyur/__/gdul dka' ma lus 'dul ba po/__/khro bo'i rgyal la phyag 'tshal lo/__/zhes bstod/__he ru ka dpal 'khor bcas rnams/__/mchod sbyin gtor ma 'di bzhes la/__/sogs kyis 'dod don gsol/__gtor ma mi 'bul na mchod bstod tsam bya/__gang ltar yang yi ge brgya pas nongs pa bshags/__oM AHhU~M muH__zhes pas ye shes pa gshegs/__hU~M hU~M hU~M/__chos nyid skye ba med pa las/__/'gag med khrag 'thung chen por shar/__/'gag pa nyid na 'gag med pa/__/spros bral ka dag klong du thim/__/zhes pas snod bcud lha dang bcas pa dbyings su bsdus te 'od gsal stong nyid kyi ngang la ci gnas su mnyam par gzhag__/de las ldang ba na/__phaT phaT phaT/__slar yang rang skad cig gis dpal he ru ka'i skur gyur pa'i gnas gsum du oM AHhU~M gis mtshan par bsams la/__oM badz+ra kA wA tsi rak+Sha rak+Sha hU~M/__zhes pas rdo rje'i go bgo__hU~M/__mi gnas ye shes thugs kyi dkyil 'khor du/__/'gyur ba med par lhun gyis grub pa dang /__/rab 'byams rgyal ba rnams kyi gnas thob nas/__/'gro ba yongs kyi dpal du 'gyur bar shog__/byin rlabs mchog stsol rtsa brgyud bla ma dang /__/dngos grub char 'bebs zhi khro bka' brgyad lha/__/dregs pa'i sde dpon dam can gter srung sogs/__/rab 'byams dkyil 'khor 'khor lo'i bkra shis shog__/ces sogs bsngo smon shis brjod kyis mtshams sbyar te spyod lam la 'jug pa'am/__yang na thun dang po rnams la gshegs bsdu gnyis ka mi byed par lha'i thugs ka nas rang nyid sras kyi tshul du spyod lam la 'jug cing /__bya ba zin nas rang la bstim/__thun tha ma la gshegs gsol dang nyer bsdu bya ba yin no//___//__!_gnyis pa lus dkyil la brten pa'i hU~M gi dril sgrub ni/__rdo rje slob dpon sangs rgyas dpal/__/zhes sogs yan lag brgyad pa dang /__sems can bde dang ldan gyur cig__/sdug bsngal kun dang bral bar shog__/bde dang rtag tu mi 'bral zhing /__/chos kun mnyam nyid rtogs par shog__/ces tshad med bzhi bsgoms pas bsod nams dang /__oM ma hA shU n+ya tA dz+nyA na badz+ra swA b+hA wa At+ma ko\u0f85 haM/__zhes gdod ma'i stong chen gyi ngang du mnyam par bzhag pas ye shes kyi tshogs bsags sngon du 'gro bas/__stong pa'i ngang las 'od gsal gyi rang mdangs rdo rje srung ba'i 'khor lo chen pos mi shigs par bcings pa'i dbus su hU~M hU~M/__zhes brjod pas rang nyid skad cig gis che mchog he ru ka sku mdog mthing nag zhal gcig phyag gnyis pa/__g.yas rdo rjes g.yon pa'i dung dmar dkrugs pa/__pad zla nyi ma dregs pa'i gdan la zhabs gnyis g.yon brkyang ba'i stabs kyis bzhugs pa/__rang 'dra'i yum dang gnyis su med par 'khril ba/__yab kyi sku'i nang stong chen sgrib thogs dang bral ba 'od kyi rang bzhin can gyi dbus su rtsa 'khor rnams gsal bar mos nas/__rang gi spyi bo'i gtsug tu pad nyi zla ba'i gdan la hU~M hU~M zhes brjod pas rdo rje slob dpon de bzhin du/__spyi bo sku'i 'khor lo'i dbus su hU~M hU~M 'jam dpal gshin rje yab yum/__mgrin pa gsung gi 'khor lor hU~M hU~M rta mgrin yab yum/__snying ga thugs kyi 'khor lo hU~M hU~M yang dag yab yum/__lte ba las kyi 'khor lor hU~M hU~M rdo rje gzhon nu yab yum/__gsang gnas bde ba'i 'khor lor hU~M hU~M bla med he ru ka yab yum/__rkang pa rlung gi 'khor lo g.yas par hU~M hU~M dregs 'dul yab yum/__g.yon par hU~M hU~M drag sngags yab yum/__de thams cad kyang sku mdog mthing ga zhal gcig phyag gnyis rdo rje dang dung khrag 'dzin pas rang 'dra'i yum dang 'khril ba/__zhabs g.yon brkyang ba'i dor stabs can no/__/sgom tshul 'di nyid ye nas rang byung gi lha'i rnams lam byed de/__gnyug ma'i lha de blo bur dri bral gyi rgyal ba rnams dang gdod ma nas rang bzhin dbyer med du bzhugs pas na ye shes spyan drangs nas bstim pa sogs mi dgos so/__/de ltar me long nang gi gzugs brnyan ltar rnam pa gsal la der 'dzin med pa'i lha sku gsal stong gi ngang la ci gnas mnyam par gzhag__/des skyo na bzlas pa la 'jug ste/__spyi bo'i bla ma nas gsang ba'i bla med he ru ka'i bar gyi lha'i thugs ka'i hU~M las 'od zer rim par 'phros/__rkang pa'i rtsa bo che g.yas g.yon nas song ste dregs 'dul dang drag sngags kyi thugs ka'i hU~M la zhugs/__de las 'od zer phyir 'phros pa phyogs bcu'i rgyal ba sras bcas la phog pas yang dag pa'i ye shes kyi dbyings su bsdus/__sems can thams cad la phog pas sems can gyi dran rtog dang nyon mongs pa'i dri ma sbyangs nas ye shes kyi lhar gyur/__rang gi sgo gsum gyi sdig sgrib sbyangs/__hU~M gi 'od zer dkar 'tsher gyis gyur nas dmigs med bsam brjod dang bral ba'i ngang la bzhag pas nyon sgrib dag par bsams la/__mchu btsums te rlung gi rtas drangs nas hU~M hU~M zhes ring por bzla ba'o/__/yang phyogs bcu'i rgyal ba sras bcas dang sems can thams cad ye shes kyi lhar gyur pa de thams cad kyi thugs ka'i 'od zer tshur 'dus dregs 'dul dang drag sngags la thim/__de las 'od zer yar rim par spros pas ma mo la thim pas bya grub/__rdo rje gzhon nur thim pas sor rtog__/yang dag la thim pas me long lta bu/__rta mgrin la thim pas mnyam nyid/__gshin rje la thim pas chos kyi dbyings kyi ngang du gsal bar bsam/__de las 'phros pa'i 'od zer spyi bo'i bla ma la phog pas ye shes lngar dbang bskur/__chos nyid rang byung gi ye shes gsal la ma 'dres 'gag med du rang shar bas shes sgrib dag par bsams la/__sngar bzhin hU~M ring por bzla'o/__/de nas sbyor ba'i sgo nas bde ba'i ye shes bskyed pa ni/__spyi bo'i bla ma yab yum rjes chags kyis snyoms par zhugs pa'i byang sems babs pa bdag gi tshangs bug tu thim pa sogs rim par rlung 'khor gyi bar 'khor lo drug gi lha thams cad mnyam par sbyor ba'i byang sems babs pas 'khor 'das gnyis med bde ba chen po'i ye shes lhag gis skyes par bsams la mnyam par bzhag nas/__sngar bzhin hU~M ring por bzla'o/__/yang sgrol ba'i sgo nas dgra bgegs tshar bcad pa ni/__spyi bo'i rig 'dzin bla ma'i thugs ka nas 'od zer 'phros pas 'jam dpal sku'i lha la phog pas/__de'i g.yas phyogs nas khro bo dang g.yon phyogs nas khro mo brgyad cu rtsa gnyis mtshon cha thogs pa byung nas/__mgrin pa la sogs pa 'khor lo lnga rim gyis brgyud/__rkang pa nas phyir 'phros pas dgra bgegs thams cad rtsad nas bcad par bsam pa ni thugs rjes gzhan bsgral ba'o/__/khro bo dang khro mo rnams tshur 'dus nas 'od du zhu ba dregs 'dul dang drag sngags la thim/__de nas yang rim bzhin gnas lnga'i lha la thim pas dug lnga rtsad nas bcad/__ye shes lnga'i rang bzhin du gyur te rig 'dzin bla ma'i thugs kar thim pas rang gzhan lha sngags kyi snang ba thams cad gsal stong mi dmigs pa'i klong du grol bas de'i ngang bskyang ba ni rtog pas bdag bsgral ba ste/__de ltar gsal btab nas hU~M drag cing thung bar bzla ba yin no/__/thun bsdu ba na hU~M hU~M zhes brjod pas/__lus kyi lha rnams gnas de dang der 'od du zhu/__gzhi'i lha yang nam mkha' la sprin dengs pa ltar 'od gsal gyi dbyings su thim par bsams la/__rnam par mi rtog pa rtog med lhun grub nam mkha' lta bu'i ngang du ci gnas su mnyam par gzhag__/thun mtshams kyi bya ba la 'jug pa na/__slar yang de'i ngang las chu las nya ldang ba ltar rang nyid skad cig gis dpal he ru ka'i skur gyur pa'i gnas gsum du oM AHhU~M gis mtshan par gyur pa'i mos pa bya/__dge ba 'di yis myur du bdag__/he ru ka dpal 'grub gyur nas/__/zhes sogs bsngo smon dang shis brjod ji ltar rigs pa bya'o/__/de'ang las dang po pa bskyed rim la gtso bo 'don pas snga ma dang /__bskyed pa'i gsal snang la goms pa cung zad brtan cing rdzogs rim la slob par mos pas phyi ma ltar nyams su blang ba yin no/__/zhes pa'ang rmad du byung ba'i ma hA lo tsA ba d+ha rma shrI'i gsung rab bsnyen yig rin chen sgron me las khol du byung zhing bklags pas grub par mtsho skyes bla ma dgyes pa'i 'bangs mkhyen brtse'i dbang pos bris pa dge/__//