JKW-KABAB-07-JA-008

🚧 This website is under continued development. We appreciate your patience!

Previous Text Back to Volume PageNext Text

དྲང་སྲོང་ཁྲོས་པའི་གཏོར་བཟློག་བཅུད་ཕུར།

Wylie title	drang srong khros pa'i gtor bzlog bcud phur
Location	mkhyen brtse'i bka' babs Volume 7, Text 8, Pages 361-372 (Folios 1a to 6b4)
Author	མི་ཕམ་རྒྱ་མཚོ་
Less details More details
Citation	Mi pham rgya mtsho. drang srong khros pa'i gtor bzlog bcud phur. In Rdzong sar 'jam dbyangs mkhyen brtse'i dbang po'i bka' babs, Vol. 7: 361-372. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Revelations - gter ma  ·  Torma-offering Rituals - gtor chog
Karchag page	JKW-KABAB-Volume-07-JA-Karchag
Colophon	།ཞེས་པའང་རིགས་ཀུན་ཁྱབ་བདག་གཏེར་ཆེན་བླ་མ་མཆོག་གི་ཞལ་སྔ་ནས་ཚུལ་འདིའི་སྨིན་གྲོལ་ནོས་ཤིང་གཏོར་བཟློག་གི་རིམ་པ་འདི་ལྟ་བུའི་ཆོག་ཁྲིགས་གྱིས་ཞེས་རྗེས་སུ་གནང་བ་ལ་བརྟེན་ནས་བླ་མའི་བྲན་དུ་གྱུར་པ་མི་ཕམ་རྣམ་པར་རྒྱལ་བས་བྲིས་པ་འདིས་འགྲོ་ཀུན་བར་ཆད་བདུད་ཀྱི་གཡུལ་ལས་རྒྱལ་ཞིང་དཔལ་ཧེ་རུ་ཀའི་གོ་འཕང་གྲུབ་པའི་རྒྱུར་གྱུར་ཅིག །སརྦ་མངྒ་ལཾ།།
	zhes pa'ang rigs kun khyab bdag gter chen bla ma mchog gi zhal snga nas tshul 'di'i smin grol nos shing gtor bzlog gi rim pa 'di lta bu'i chog khrigs gyis zhes rjes su gnang ba la brten nas bla ma'i bran du gyur pa mi pham rnam par rgyal bas bris pa 'dis 'gro kun bar chad bdud kyi g.yul las rgyal zhing dpal he ru ka'i go 'phang grub pa'i rgyur gyur cig__/sarba mang+ga laM/

Tibetan Text

Wylie

[edit]

༄༅། །དྲང་སྲོང་ཁྲོས་པའི་གཏོར་བཟློག་བཅུད་ཕུར་བཞུགས་སོ། །ན་མོ་གུ་རུ་རི་ཥི་ཀྲོ་དྷཱ་ཡ། འདིར་མན་ངག་ཟབ་མོའི་ཆོས་སྡེ་རིག་པ་འཛིན་པའི་སྙིང་ཐིག་ལས། ས་བཅད་དྲུག་པ་དྲང་སྲོང་དྲི་མེད་མཐིང་ནག་ལ་བརྟེན་ནས་མངོན་སྤྱོད་དམོད་པའི་ལས་བརྩམ་པ་ནི། མདུན་དུ་ཕུང་སའི་ཧོམ་ནང་དགྲ་བགེགས་ལིང་ག་གཞུག །དེ་སྟེང་མཎྜལ་འཁོར་ལོ་རྩིབས་བརྒྱད་པའི་ཁར་དམར་གཏོར་གཙོ་འཁོར་དགུ་པ་ཤ་ཁྲག་མཚེ་ཡུངས་སོགས་ཀྱིས་བརྒྱན་པ། །དྲག་མཆོད་དང༌། ཐུན་རྫས་ཐུན་གཏོར་བཅས་བཤམས། ཐོག་མར་མདུན་དུ་སྐྱབས་ཡུལ་གསལ་ལ། རྡོ་རྗེ་སློབ་དཔོན་སོགས། ཡན་ལག་བརྒྱད་པ་བྱས་ནས་ཚོགས་ཞིང་རང་ལ་ཐིམ་པར་བསམ། མཆོད་པ་བྱིན་གྱིས་བརླབས་པ་ནི། རྃ་ཡྃ་ཁྃ། །སྟོང་པའི་ངང་ལས་གནས་ཡུལ་ཀུན། །དག་པ་རབ་འབྱམས་ཞིང་ཁམས་ཆེར། །དངོས་འབྱོར་ཡིད་སྤྲུལ་མཆོད་པའི་ཚོགས། །ནམ་མཁའ་མཛོད་ཀྱི་འཁོར་ལོར་གྱུར། ཨོཾ་ཨཱཿཧཱུྃ། བདག་མདུན་བསྒོམ་པ་ནི། ཤཱུ་ནྱ་ཏས་སྦྱངས་ཏེ། སྟོང་པའི་ངང་ལས་སྐད་ཅིག་གིས། །རྡོ་རྗེ་སྲུང་བའི་གུར་ཆེན་དབུས། །ཡེ་ཤེས་ལས་དང་འཇིག་རྟེན་གྱི། །ཆོས་སྲུང་རྒྱ་མཚོ་སྤྲིན་ཕུང་འཁྲིགས། །དེ་དབུས་པད་ཉི་དགྲ་བགེགས་སྟེང༌། ལོཀྟྲི་པཱ་ལ་ཤིན་ཏུ་འཇིགས། །མཐིང་ནག་དབུ་བརྒྱ་ཕྱག་སྟོང་འབར། །ཕྱག་མཚན་མཚོན་ཆ་སྣ་ཚོགས་གདེངས། །དེ་ཡི་ཐུགས་ཀར་དྲང་སྲོང་ཁྲོས། །ཡེ་ཤེས་་་་་་ཕྱག་བཞི་མཆན་ སེམས་དཔའི་སྤྲུལ་སྐུར་བཞེངས། །དེ་ཡི་ཐུགས་དཀར་དྲི་མེད་ཞི། །ལོངས་སྤྱོད་ཡོངས་སུ་རྫོགས་པའི་ཚུལ། །དེ་ཡི་ཐུགས་ཀར་རྡོ་རྗེ་འཛིན། །ཆོས་ཀྱི་སྐུ་དང་དབྱེར་མེད་བཞུགས། མདུན་དུ་གནམ་ལྕགས་འཁོར་ལོ་ནི། །རྩིབས་བརྒྱད་རྣོ་ངར་ལྡན་པའི་དབུས། །པད་ཉི་དྲེགས་པའི་གདན་གྱི་སྟེང༌། །མངོན་སྤྱོད་དམོད་པ་སྟོབས་ཀྱི་ལྷ། །ཞེ་སྡང་རྡོ་རྗེ་གསང་བའི་བདག །འཇིག་རྟེན་སྒྲོལ་མཛད་སྐུ་མདོག་མཐིང༌། །ཕྱག་བཞི་ཐོ་བ་རལ་གྲི་དང༌། །ཐ་གཉིས་གནམ་ལྕགས་ཕྱག་མཐིལ་ལ། །ལྕགས་སྡིག་སོར་མོ་འབར་བ་གདེངས། །གཅེར་བུ་རྒྱན་མེད་ཤིན་ཏུ་འཇིགས། །ཡེ་ཤེས་མེ་དཔུང་དོར་ཐབས་རོལ། །རྩིབས་བརྒྱད་རང་འདྲའི་སྤྲུལ་པ་བརྒྱད། །སྤྱི་བོར་རིགས་བདག་པད་འབྱུང་དང༌། །ཐུགས་ཀར་དྲང་སྲོང་དྲི་མེད་བཞུགས། །མཐའ་བསྐོར་ཡེ་ཤེས་འཇིག་རྟེན་གྱི། །ཆོས་སྲུང་རྒྱ་མཚོ་སྤྲིན་ལྟར་གཏིབས། །བདག་དང་མདུན་གྱི་ལྷ་ཚོགས་ཀྱི། །གནས་གསུམ་དེ་བཞིན་གཤེགས་ཀུན་གྱི། །སྐུ་གསུང་ཐུགས་ཀྱི་ངོ་བོ་ནི། །ཡི་གེ་གསུམ་ལས་འོད་འཕྲོས་པས། །ཡེ་ཤེས་ལྷ་ཚོགས་སྤྱན་དྲངས་གྱུར། བཛྲ་ས་མ་ཛ༔ ཛ༔ཧཱུྃ་བྃ་ཧོཿ ས་མ་ཡ་ཏིཥྛ་ལྷནཿ ཨོཾ་ཨཱཿཧཱུྃ། མཆོད་པའི་ཕྱག་རྒྱ་ཆེན་པོ་ནི། །སེམས་ཀྱི་ཡིད་བཞིན་སྤྲིན་ཚོགས་ལས། །མཁའ་ཁྱབ་འདོད་ཡོན་རྒྱ་མཚོའི་གཏེར། །བདེ་བ་ཆེན་པོར་བཞེས་སུ་གསོལ། །སརྦ་པཱུ་ཛ་ས་མ་ཡ་ཧཱུྃ། ཧཱུྃ། སངས་རྒྱས་རྣམས་ནི་ཐམས་ཅད་ཀྱི། །སྐུ་གསུང་ཐུགས་ཀྱི་གསང་བ་འཛིན། །དྲང་སྲོང་ཞེ་སྡང་རྡོ་རྗེ་ནི། །འཁོར་དང་བཅས་ལ་ཕྱག་འཚལ་བསྟོད། །ཐོག་མར་སྲུང་དམིགས་ནི། ཐུགས་སྲོག་ཧཱུྃ་གི་ཐིག་ལེ་དང༌། །བསྲུང་བྱའི་སྒོ་གསུམ་དབྱེར་མེད་འདྲེས། །མི་ཤིགས་གསུམ་ལྡན་འོད་ཟེར་སྤྲིན། །མེ་མཚོན་ཁྲོ་བོའི་ཚུལ་དུ་འཕྲོས། །ཕྱོགས་དུས་རྒྱལ་བ་མཆོད་པས་མཉེས། །གནོད་བྱེད་འབྱུང་པོ་རྡུལ་དུ་བརླག །བྱད་ཕུར་རྦོད་གཏོང་དབྱིངས་སུ་བཟློག །ཐམས་ཅད་རིག་རྩལ་གཉུག་མའི་ངང༌། །ཚུར་འདུས་ཐུགས་སྲོག་ཐིག་ལེར་ཐིམ། །བྱིན་རླབས་ནུས་སྟོབས་འབར་བར་གྱུར། ཅེས་པའི་དོན་ལ་དམིགས་པ་རྩེ་གཅིག་པས། ཨོཾ་ལོག་ཏྲི་པཱ་ལ་ནན་སྲུངས། ས་ག་པ་ཤ་ནན་སྲུངས། ནཱ་ག་དུ་དུ་ནན་སྲུངས། མ་མཾ་མ་མཾ་སྲུངས། ཙི་ཙར་ཙི་ཙར་སྲུངས། བཾ་རུ་ལུ་བཾ་རུ་ལུ་སྲུངས། རྦད་ཏྲ་ཀོ་ཤ་ཡ་རྦད་ཏྲ་ཀོ་ཤ་ཡ་སྲུངས། ཧོ་ར་ཧོ་ར་ནན་སྲུངས། ཙི་དུ་སོད་ཙི་དུ་སོད། ཤིག་ལྷུར་གཏུབས། ཧ་ལ་པ་ཏི་ནན། འཁོར་བ་ཐུལ། གནོད་བྱེད་འབྱུང་པོ་ཀཱ་ཝཱ་ཙི་བརླག་བརླག་ནྲི་བྷྲཱུྃ་ཧཱུྃ་ཛཿ མ་མ་སརྦ་རཀྵ་རཀྵ་བྷྲཱུྃ༔ ཞེས་ཅི་རིགས་བཟླ་ཞིང་སྟོང་ཚིག་གི་མཆོད་བསྟོད་བྱའོ། །དེ་ལྟར་རང་རྡོ་རྗེའི་གུར་དུ་ཞུགས་ནས་ཕས་རྒོལ་གཞོམ་པའི་ལས་དངོས་ལ་འཇུག་པ་ནི་གཞུང་ལས། འོག་ཏུ་གནམ་ལྕགས་ཁང་སྤྲོས་དབུས། །དགྲ་བགེགས་བྱད་མ་དངོས་སུ་གསལ། །ཛཿཧཱུྃ་བྃ་ཧོས་དབྱེར་མེད་བསྟིམ། །མདུན་བསྐྱེད་ཕྱག་མཚན་ཐོ་བ་དང༌། རལ་གྲིའི་ཆར་བབས་བསད་བཅད་གཏུབ། །སོར་མོའི་ལྕགས་སྡིག་གྲངས་མེད་པས། །ཤ་ཁྲག་ཧབ་ཧབ་ཟོས་པར་བསམ། །ཞེས་གསུངས་པ་ལྟར་ལག་ཏུ་ལེན་པ་ལ། ཐོག་མར་གསེར་སྐྱེམས་ནི། ཧཱུྃ། རིག་འཛིན་རྩ་བརྒྱུད་བླ་མ་དམ་པ་དང༌། །བདེ་གཤེགས་ཀུན་འདུས་ཞི་ཁྲོ་རབ་འབྱམས་ལྷ། །ཁྱད་པར་ཞེ་སྡང་རྡོ་རྗེའི་ལྷ་ཚོགས་རྣམས། །གསེར་སྐྱེམས་འདི་བཞེས་སོགས་དང་གཟུ་དཔང་ནི། ཧཱུྃ། མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །དྲང་སྲོང་ཁྲོས་པའི་ལྷ་ཚོགས་འཁོར་བཅས་རྣམས། །མི་མངོན་དབྱིངས་ནས་གསན་ཅིང་དགོངས་སུ་གསོལ། །རྣལ་འབྱོར་བདག་གི་གཟུ་དང་དཔང་པོར་མཛོད། བསྡུ་ན་དེ་ཙམ་དང༌། སྤྲོ་ན་གཟུ་དཔང་གཞན་ཡང་བྱའོ། །དེ་ནས་ཨེ་ཁང་བསྐྱེད་པ་སོགས་ནི། །མདུན་འོག་དུར་ཁྲོད་འཇིགས་སུ་རུང་བ་ཡི། །ཨེ་ལས་གཞལ་ཡས་ལྕགས་ཁང་སྒོ་མེད་པའི། །ནང་དུ་གྲུ་གསུམ་ནག་པོ་གཏིང་ཟབ་པ། །དེ་དབུས་ནྲི་ལས་གནོད་བྱེད་བྱད་མ་རྣམས། །མགོན་མེད་མྱ་ངན་ཕྱག་རྒྱ་ཅན་དུ་གྱུར། ཞེས་གསལ་བཏབ་ལ། ན་མོ་རྩ་རྒྱུད་བླ་མ་རྒྱལ་བ་ཞི་ཁྲོའི་ཚོགས། །དཔའ་བོ་མཁའ་འགྲོ་དམ་ཅན་སྲུང་མར་བཅས། །སྔགས་འཆང་བདག་གི་སྔགས་དང་ཏིང་ངེ་འཛིན། །དཀོན་མཆོག་གསུམ་སོགས་བཀའ་ཡི་བདེན་པ་དང༌། །ཁྱད་པར་མངོན་སྤྱོད་དམོད་པ་སྟོབས་ཀྱི་ལྷ། །དྲང་སྲོང་ཁྲོས་པ་ཞེ་སྡང་རྡོ་རྗེའི་སྐུ། །མ་ལུས་འཁོར་དང་བཅས་པའི་བདེན་པའི་མཐུས། །བླ་མའི་སྐུ་དགྲ་བསྟན་དང་བསྟན་འཛིན་སྨོད། །ཆོས་བྱེད་ཡོངས་ལ་འཚེ་བ་དམ་སྲིའི་དཔུང༌། །ཁྱད་པར་བདག་ཅག་དཔོན་སློབ་འཁོར་བཅས་ལ། །བསམ་ངན་སྦྱོར་རྩུབ་བྱད་ཕུར་རྦོད་གཏོང་དང༌། །འགལ་རྐྱེན་བར་ཆད་རྩོམ་པའི་དགྲ་བགེགས་རྣམས། །གང་ན་ཡོད་ཀྱང་དམིགས་རྟེན་འདི་ཉིད་ལ། །ཁུག་ཅིག་བཛྲ་ཨངྐུ་ཤ་ཡ་ཛཿ། །སྐེ་ནས་ཆིངས་ཤིག་བཛྲ་པཱ་ཤ་ཧཱུྃ། །ཡན་ལག་སྡོམས་ཤིག་བཛྲ་སྥོ་ཊ་བཾ། །མྱོས་པར་གྱིས་ཤིག་བཛྲ་གཎྜེ་ཧོཿ །ཕྱེས་ཤིག་བཛྲ་པྲ་བེ་ཤཱ་ཡ་ཕཊ། །དབྱེར་མེད་བསྟིམས་ཤིག་ཨཱ་བེ་ཤ་ཡ་ཨཱཿ ཞེས་དང་ནན་ཆེ་ན་བླ་འགུགས་ཀྱི་སྔགས་ཀྱང་ཅི་རིགས་བཟླའོ། །དེ་ནས་བསད་པའི་དམིགས་པ་ནི། །མདུན་བསྐྱེད་ཕྱག་མཚན་གནམ་ལྕགས་ཐོ་བ་དང༌། །རལ་གྲིའི་ཆར་བ་ཐོག་གི་བུ་ཡུག་བཞིན། །དགྲ་བགེགས་བྱད་མའི་སྟེང་དུ་དབབ་པ་ཡིས། །ལུས་སྲོག་དབང་པོ་དུམ་བུར་གཅོད་ཅིང་གཏུབས། །སོར་མོ་ལྕགས་ཀྱི་སྡིག་པ་གྲངས་མེད་པས། །ཤ་ཁྲག་མ་ལུས་ཧབ་ཧབ་ཟོས་པར་གྱུར། ཞེས་བསད་པའི་དམྀགས་པ་གསལ་བཏབ་ལ། ཨོཾ་ལོག་ཏྲི་པཱ་ལ་ནན། ས་ག་པ་ཤ་ནན། ནཱ་ག་དུ་དུ་ནན། མ་མཾ་མ་མཾ། ཙི་ཙར་ཙི་ཙར། བཾ་རུ་ལུ་བཾ་རུ་ལུ། རྦད་ཏྲ་ཀོ་ཤ་ཡ། རྦད་ཏྲག་ཀོ་ཤ་ཡ། ཧོ་ར་ཧོ་ར་ནན། ཙི་དུ་སོད། ཙི་དུ་སོད། ཤིག་ལྷུར་གཏུབ། ཧ་ལ་བ་ཏི་ནན། འཁོར་བ་ཐུལ། ཨ་ཡ་མ་དུ་རུ་ཙ་ཤ་ན། གནོད་བྱེད་དགྲ་བགེགས་འབྱུང་པོ་ཀཱ་བཱ་ཙི་བརླག་བརླག །ཐུམ་རིལ་མྱོགས་རྨུགས་མཱ་ར་ཡ་རྦད་རྦད། ཅེས་བྲག་ཁ་ནས་ཆུ་འབབ་པ་ལྟར་བཟླ། ཐུན་མཐར་ཐུན་རྫས་ལ་བསྔགས་ཤིང༌། ཐུན་གཏབ་པ་ནི། ཧཱུྃ། རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཞེས་བྱས་ལ་སྔགས་རིང་དང་དྲང་སྲོང་དམོད་པ་ཚར་གཅིག་བཅས་ཐུན་བརྡེག་ཅིང༌། བསྒྲལ་བའི་ཤ་ཁྲག་རྣམས་དང༌། ཐུན་གཏོར་བཅས་ལ་རཀྟ་བྲན་ཏེ། རཾ་ཡཾ་ཁཾ། དགྲ་བགེགས་བསྒྲལ་བའི་ཤ་ཡི་རི་བོ། ཁྲག་གི་རྒྱ་མཚོ། རུས་པའི་གྲམ་ཁྲོད་ཆེན་པོ་བདུད་རྩིའི་རང་བཞིན་དུ་གྱུར། ཨོཾ་ཨཱཿཧཱུཾ་ལན་གསུམ་གྱིས་བརླབས། ཨོཾ་མ་ཧཱ་རི་ཥི་ཀྲོ་དྷ་རཱ་ཛ་ས་པ་རི་ཝཱ་ར་ཨི་དམ་བ་ལིངྟ་ཁ་ཁ་ཁཱ་ཧི་ཁཱ་ཧི། ལན་གསུམ། བཛྲ་པུཥྤེ་སོགས་ཀྱིས་མཆོད། ཧཱུྃ། །ཁྲོ་བོ་ཞེ་སྡང་གནས་ལས་སྐྱེས། །གསོད་པ་ལ་སོགས་རྟག་ཏུ་བརྩོན། །བདུད་བཞི་འཇོམས་ཤིང་གདུལ་དཀའ་འདུལ། །འཁོར་བཅས་རྣམས་ལ་ཕྱག་འཚལ་བསྟོད། ཧཱུྃ། ཞེ་སྡང་རྡོ་རྗེའི་ལྷ་ཚོགས་འཁོར་བཅས་ལ། །དགྲ་བགེགས་ཤ་ཁྲག་རུས་པ་ནང་ཁྲོལ་ཚོགས། །ལྷུན་པོར་སྤུངས་པའི་འདོད་རྒུའི་བ་ལིང་ཏ། །ཕྱི་ནང་ཉེར་སྤྱོད་སྨན་རཀ་བདུད་རྩིའི་ཚོགས། །འབུལ་ལོ་དགྱེས་པར་རོལ་ལ་བདག་ཅག་གི །ནད་གདོན་ཀུན་ཞི་ཚེ་དཔལ་ལོངས་སྤྱོད་སྤེལ། །ཁམས་གསུམ་དབང་བསྡུས་དགྲ་བགེགས་བདུད་སྡེའི་དཔུང༌། །ཐམས་ཅད་མིང་གི་ལྷག་མར་ཚར་ཆོད་ཅིག །ཕས་རྒོལ་བསམ་ངན་སྦྱོར་རྩུབ་བྱད་སྟེམས་དཔུང༌། །ཐམས་ཅད་རང་གཤེད་ཕོབ་ལ་མཐུ་ནུས་ཤིག །ལུས་ངག་ཡིད་གསུམ་མཐུ་སྟོབས་ནུས་པ་རྣམས། །ནམ་ཡང་ལྡང་མེད་བརླག་པའི་ལས་མཛོད་ཅིག །མདོར་ན་བདག་གི་རེ་འབྲས་གང་ཡིན་པ། །འབད་མེད་ལྷུན་གྱིས་གྲུབ་པའི་ཕྲིན་ལས་མཛོད། །ཞེས་ཐུན་གཏོར་འབུལ། དེ་ནས་བཟློག་པའི་དམིགས་པ་ནི། མདུན་བསྐྱེད་ཀྱི་འཁོར་རྣམས་ཞལ་ཕྱིར་གཟིགས་ཤིང་བཟློག་སྔགས་བཟླས་པ་དང་ལྷན་ཅིག་ཏུ་རང་འདྲའི་སྤྲུལ་པ་དང་ལས་བྱེད་ཉི་ཟེར་གྱི་རྡུལ་ལྟར་འཕྲོས་པས་མི་མཐུན་པའི་ཚོགས་ཐམས་ཅད་ཕྱིར་བཟློག་པར་བསམས་ལ། ཨོཾ་ལོཀྟྲི་པཱ་ལ་ནན་སོགས་ནས། ཀཱ་ཝ་ཙི་བརླག་བརླག །དགྲ་བགེགས་བྱད་མ་ལ་སྲུང་དང་བཅས་པ་ཐམས་ཅད་མཱ་ར་ཡ་བྷྱོ་བྷྱོ་བཟློག་བཟློག །ཅེས་ཅི་ནུས་བཟླས་ལ། མཐར་དམོད་པ་དང་བཅས་ཐལ་མོ་བརྡབ་པའི་བར་དུ་བྱད་མ་འཁོར་བཅས་སྒོ་ང་བྲག་བར་བཅར་བ་ལྟར་མིང་མེད་དུ་བརླག་པར་བསམ་ལ། ན་མོ། །རིག་འཛིན་རྩ་བརྒྱུད་སོགས་ནས། ཁྱད་པར་བཅོམ་ལྡན་འདས་དྲང་སྲོང་ཁྲོ་བོའི་རྒྱལ་པོ་ཞེ་སྡང་རྡོ་རྗེའི་དཀྱིལ་འཁོར་གྱི་ལྷ་ཚོགས་བཀའ་སྡོད་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང༌། བདེན་པ་ཆེན་པོའི་མཐུ་ལ་བརྟེན་ནས་རྣལ་འབྱོར་པ་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་རྣམས་ཀྱི་སྔོན་གྱི་ལས་དང་འཕྲལ་གྱི་རྐྱེན་ངན་པ་ཐམས་ཅད་དང་ཁྱད་པར་བན་བོན་སྔགས་པའི་མཐུ་བྱད། རྦད་འདྲེ་རྦོད་གཏོང་ཐན་དང་ལྟས་ངན་མི་མཐུན་པའི་ཕྱོགས་ཐམས་ཅད་མཱ་ར་ཡ་བྷྱོ་བྷྱོ་བཟློག་བཟློག་བཀའ་ལྟར་མི་བྱེད་ཅིང་དམ་ལ་མི་གནས་པ་ཐམས་ཅད་འདིར་མ་གནས་པར་གཞན་དུ་དེངས་ཤིག །སྲིད་པ་སྤྱི་ནས་ཤིག་ཅིག །སྲིད་གསུམ་རྨངས་ནས་བསྒྱེལ་ཅིག །འཁོར་བ་གཏིང་ནས་ཕྱུངས་ཤིག །བསྐལ་པའི་མེས་སྲེགས་ཤིག །དམ་ཚིག་གི་དམོད་པས་སྡིགས་ཤིག །བཀའ་ཡི་ཆད་པ་ཆོད་ཅིག །གནམ་ལྕགས་རལ་གྲིས་སྤྱི་བོའི་གཙུག་ནས་ཁོས་ཤིག །སུམ་བྷ་ནིས་ནོན་ཅིག །སྲིད་གསུམ་གར་སྐྱེས་ཀྱང་སྡིག་ཅན་འདིའི་སྟེང་དུ་གནམ་ལྕགས་རྡོ་རྗེའི་ཆར་ཆེན་པོ་ཕོབ་ཅིག །གནོད་བྱེད་ཤ་ཏྲཱུཾ་མཱ་ར་ཡ་རྦད་རྦད༔ སྦྱོར་བ་ངན་པ་ཐམས་ཅད་འདིས་ཐུལ་ཅིག༔ ཞེས་བདེན་སྟོབས་བརྗོད་པ་དང་དམོད་པས་གཟིར་ཞིང་ཐལ་མོ་བརྡབ་པ་ལན་གསུམ་བྱའོ། །དེ་ནས་བཟློག་པའི་ཕྲིན་ལས་བཅོལ་བ་ནི། ཧཱུྃ་བྷྱོ༔་་་་་་་་་་་་་་་་ཞལ་གདམས་སྙིང་བྱང་རཀྴ་ཐོད་ཕྲེང་གི་བཟློག་པ། མཆན། མཐིང་ནག་གྲུ་གསུམ་ཨེ་ཡི་ཀློང་༔ ཙཀྲ་འབར་བའི་གཞལ་ཡས་ནས༔ སངས་རྒྱས་ཀུན་གྱི་མཐུ་སྟོབས་བདག༔ ཞེ་སྡང་རྡོརྗེ་དབྱིངས་ནས་བཞེངས༔ སྤྲུལ་པའི་ཁྲོ་ཚོགས་ལས་ལ་ཆོས༔ ཡང་སྤྲུལ་ཁྲོ་བོ་ཁྲོ་མོ་དང་༔ དྲང་སྲོང་དམོད་པའི་མཚོན་འཆང་བ༔ ལོཀྟྲི་པ་ལས་སྟོང་ཁམས་གང་༔ དགྲ་བགེགས་དམ་སྲི་བསྒྲལ་བ་ཡི༔ ཤ་ཁྲག་གཏོར་མ་འདི་བཞེས་ལ༔ འདི་ནས་ཚིག་རྐང་བདུན་ཁ་སྐོང༌། རྣལ་འབྱོར་བདག་ཅག་འཁོར་བཅས་ཀྱི༔ སྔོན་ལས་འཕྲལ་རྐྱེན་ལས་བྱུང་བའི༔ དགྲ་གྱོད་མི་ཁ་དམོད་བྱད་དང་༔ སྡེ་བརྒྱད་གདུག་རྩུབ་ཆོ་འཕྲུལ་དང་༔ ཐན་དང་ལྟས་ངན་དལ་ཡམས་དང་༔ ཆགས་ཆེ་ཉམས་ང་འཇིགས་པའི་ཚོགས༔ ནད་གདོན་བར་ཆད་མི་མཐུན་ཕྱོགས༔ ལོ་ཟླ་ཞག་དུས་ལ་འཁོར་བའི༔ ཆེ་སྲི་ཆུང་སྲི་དར་མའི་སྲི༔ ཕོ་སྲི་མོ་སྲི་རྒས་གཞོན་སྲི༔ ནད་སྲི་དུར་སྲི་ངན་པ་དང་༔ གློ་བུར་རྩུབ་པའི་བགེགས་རིགས་ཀུན༔ བཟློག་གོ་དམར་ཆེན་གཏོར་མས་བཟློག༔ གནོད་བྱེད་བགེགས་ཀྱི་སྟེང་དུ་བཟློག༔ བསྒྱུར་རོ་ལྟས་ངན་དགྲ་ལ་སྒྱུར༔ ཞིང་བཅུ་ཚང་བའི་དགྲ་ལ་བསྒྱུར༔ ཟློག་བསྒྱུར་བཅོལ་བའི་ཕྲིན་ལས་མཛོད༔ དེ་ནས་གང་དུ་འཕེན་པའི་ཕྱོགས་སུ་གསེར་སྐྱེམས་དང་གཟུ་དཔང་སྔོན་དུ་འགྲོ་བས། དམིགས་བྱའི་རཱུ་པ་ལ་དགུག་གཞུག་བྱ་ཞིང་དེ་འབེན་དུ་བཅས་ལ་ཟོར་འཕང་བ་ནི། ཧཱུྃ། །གདུག་པའི་དམ་ཉམས་དགྲ་དང་བགེགས། །བསྟན་པའི་རུ་དྲ་མ་གཏོགས་པའི། །སྟེང་འོག་ཕྱོགས་མཚམས་གནས་པ་ཡི། །ལྷ་ཀླུ་གཞི་བདག་སྐུ་བཟུར་ཅིག །གཏོར་ཟོར་དགྲ་བགེགས་སྙིང་ལ་རྒྱོབ།་་་་་་་་ཡིག་རྙིང་ལས་སོ། འདི་མན་གསར་རྩོམ། །རྒྱལ་ཀུན་མཐུ་སྟོབས་ནུས་པ་དྲག་པོའི་རྩལ། །དྲང་སྲོང་དམོད་པའི་མཚོན་ཆར་ཡོངས་ཤར་བ། །དམར་ཆེན་གཏོར་ཟོར་གདུག་པའི་དུག་དབལ་ཅན། །དམ་ཉམས་སྡིག་ཅན་བསྟན་དགྲའི་སྙིང་ལ་འཕེན། །རྩ་གསུམ་སྲུང་མའི་ཚོགས་ཀྱི་མཐུ་བསྐྱེད་ལ། །སྣང་སྲིད་སྡེ་བརྒྱད་དྲེག་པ་ལས་ལ་བྷྱོ། །གང་ལ་བརྣགས་པའི་དགྲ་བགེགས་སྙིང་ལ་ཡ། །རྗེས་ཤུལ་མེད་པར་ཐལ་བའི་རྡུལ་དུ་རློག །རྦད་ཐུཾ་རི་ལི་ལི། །ཞེས་དང་སྔགས་རིང་དང་དམོད་པའི་མཐར། ཏྲིལ་ཤག་སྲོག་ཁྱེར་བྷྱོ། ཏྲི་མྱགས་ཀ་པ་ཡ༔ སླར་ཡང་སྲུང་འཁོར་བསྒོམ་ཞིང་ནང་དུ་ལོག་ལ། དྲང་སྲོང་ཞི་བའི་ཚེ་འགུགས་བྱ་ཞིང་ལས་རྗེས་སྤྱི་ལྟར་བྱའོ། །གཞན་ཡང་སྤྲོ་ན་ཚོགས་ཀྱི་མཆོད་པ་སོགས་དྲང་སྲོང་ཞི་བའི་གཞུང་ལྟར་བྱའོ། །གསང་བདག་རྡོ་རྗེ་འཛིན་པའི་ཡེ་ཤེས་སྐུ། །རིག་འཛིན་གྲུབ་པའི་ཚུལ་འཆང་མདོ་སྔགས་གླིང༌། །གང་གི་ཞལ་ལུང་ཟབ་མོའི་མན་ངག་འདི། །ཐོབ་ཅིང་རྗེས་སུ་གནང་བས་འདི་བྲིས་སོ། །གྲུབ་པའི་བྱིན་རླབས་མི་ཤིགས་རྡོ་རྗེའི་མཚོན། །མི་བཟོད་དམོད་པ་དྲག་པོའི་རྣོ་དབལ་ཅན། །སྡིག་ཅན་སྙིང་ལ་བསྣུན་པས་བདུད་སྡེའི་གཡུལ། ཕ་མཐར་བྱེད་འདི་བསྟན་པའི་བཙས་སུ་ཤོག །ཞེས་པའང་རིགས་ཀུན་ཁྱབ་བདག་གཏེར་ཆེན་བླ་མ་མཆོག་གི་ཞལ་སྔ་ནས་ཚུལ་འདིའི་སྨིན་གྲོལ་ནོས་ཤིང་གཏོར་བཟློག་གི་རིམ་པ་འདི་ལྟ་བུའི་ཆོག་ཁྲིགས་གྱིས་ཞེས་རྗེས་སུ་གནང་བ་ལ་བརྟེན་ནས་བླ་མའི་བྲན་དུ་གྱུར་པ་མི་ཕམ་རྣམ་པར་རྒྱལ་བས་བྲིས་པ་འདིས་འགྲོ་ཀུན་བར་ཆད་བདུད་ཀྱི་གཡུལ་ལས་རྒྱལ་ཞིང་དཔལ་ཧེ་རུ་ཀའི་གོ་འཕང་གྲུབ་པའི་རྒྱུར་གྱུར་ཅིག །སརྦ་མངྒ་ལཾ།།

[edit]

@#/__/drang srong khros pa'i gtor bzlog bcud phur bzhugs so/__/na mo gu ru ri Shi kro d+hA ya/__'dir man ngag zab mo'i chos sde rig pa 'dzin pa'i snying thig las/__sa bcad drug pa drang srong dri med mthing nag la brten nas mngon spyod dmod pa'i las brtsam pa ni/__mdun du phung sa'i hom nang dgra bgegs ling ga gzhug__/de steng maN+Dal 'khor lo rtsibs brgyad pa'i khar dmar gtor gtso 'khor dgu pa sha khrag mtshe yungs sogs kyis brgyan pa/__/drag mchod dang*/__thun rdzas thun gtor bcas bshams/__thog mar mdun du skyabs yul gsal la/__rdo rje slob dpon sogs/__yan lag brgyad pa byas nas tshogs zhing rang la thim par bsam/__mchod pa byin gyis brlabs pa ni/__ra~M ya~M kha~M/__/stong pa'i ngang las gnas yul kun/__/dag pa rab 'byams zhing khams cher/__/dngos 'byor yid sprul mchod pa'i tshogs/__/nam mkha' mdzod kyi 'khor lor gyur/__oM AHhU~M/__bdag mdun bsgom pa ni/__shU n+ya tas sbyangs te/__stong pa'i ngang las skad cig gis/__/rdo rje srung ba'i gur chen dbus/__/ye shes las dang 'jig rten gyi/__/chos srung rgya mtsho sprin phung 'khrigs/__/de dbus pad nyi dgra bgegs steng*/__lok+t+ri pA la shin tu 'jigs/__/mthing nag dbu brgya phyag stong 'bar/__/phyag mtshan mtshon cha sna tshogs gdengs/__/de yi thugs kar drang srong khros/__/ye shes phyag bzhi mchan _sems dpa'i sprul skur bzhengs/__/de yi thugs dkar dri med zhi/__/longs spyod yongs su rdzogs pa'i tshul/__/de yi thugs kar rdo rje 'dzin/__/chos kyi sku dang dbyer med bzhugs/__mdun du gnam lcags 'khor lo ni/__/rtsibs brgyad rno ngar ldan pa'i dbus/__/pad nyi dregs pa'i gdan gyi steng*/__/mngon spyod dmod pa stobs kyi lha/__/zhe sdang rdo rje gsang ba'i bdag__/'jig rten sgrol mdzad sku mdog mthing*/__/phyag bzhi tho ba ral gri dang*/__/tha gnyis gnam lcags phyag mthil la/__/lcags sdig sor mo 'bar ba gdengs/__/gcer bu rgyan med shin tu 'jigs/__/ye shes me dpung dor thabs rol/__/rtsibs brgyad rang 'dra'i sprul pa brgyad/__/spyi bor rigs bdag pad 'byung dang*/__/thugs kar drang srong dri med bzhugs/__/mtha' bskor ye shes 'jig rten gyi/__/chos srung rgya mtsho sprin ltar gtibs/__/bdag dang mdun gyi lha tshogs kyi/__/gnas gsum de bzhin gshegs kun gyi/__/sku gsung thugs kyi ngo bo ni/__/yi ge gsum las 'od 'phros pas/__/ye shes lha tshogs spyan drangs gyur/__badz+ra sa ma dza:__dza:hU~M ba~M hoH__sa ma ya tiSh+Tha lhanaH__oM AHhU~M/__mchod pa'i phyag rgya chen po ni/__/sems kyi yid bzhin sprin tshogs las/__/mkha' khyab 'dod yon rgya mtsho'i gter/__/bde ba chen por bzhes su gsol/__/sarba pU dza sa ma ya hU~M/__hU~M/__sangs rgyas rnams ni thams cad kyi/__/sku gsung thugs kyi gsang ba 'dzin/__/drang srong zhe sdang rdo rje ni/__/'khor dang bcas la phyag 'tshal bstod/__/thog mar srung dmigs ni/__thugs srog hU~M gi thig le dang*/__/bsrung bya'i sgo gsum dbyer med 'dres/__/mi shigs gsum ldan 'od zer sprin/__/me mtshon khro bo'i tshul du 'phros/__/phyogs dus rgyal ba mchod pas mnyes/__/gnod byed 'byung po rdul du brlag__/byad phur rbod gtong dbyings su bzlog__/thams cad rig rtsal gnyug ma'i ngang*/__/tshur 'dus thugs srog thig ler thim/__/byin rlabs nus stobs 'bar bar gyur/__ces pa'i don la dmigs pa rtse gcig pas/__oM log tri pA la nan srungs/__sa ga pa sha nan srungs/__nA ga du du nan srungs/__ma maM ma maM srungs/__tsi tsar tsi tsar srungs/__baM ru lu baM ru lu srungs/__rbad tra ko sha ya rbad tra ko sha ya srungs/__ho ra ho ra nan srungs/__tsi du sod tsi du sod/__shig lhur gtubs/__ha la pa ti nan/__'khor ba thul/__gnod byed 'byung po kA wA tsi brlag brlag n+ri b+h+rU~M hU~M dzaH__ma ma sarba rak+Sha rak+Sha b+h+rU~M:__zhes ci rigs bzla zhing stong tshig gi mchod bstod bya'o/__/de ltar rang rdo rje'i gur du zhugs nas phas rgol gzhom pa'i las dngos la 'jug pa ni gzhung las/__'og tu gnam lcags khang spros dbus/__/dgra bgegs byad ma dngos su gsal/__/dzaHhU~M ba~M hos dbyer med bstim/__/mdun bskyed phyag mtshan tho ba dang*/__ral gri'i char babs bsad bcad gtub/__/sor mo'i lcags sdig grangs med pas/__/sha khrag hab hab zos par bsam/__/zhes gsungs pa ltar lag tu len pa la/__thog mar gser skyems ni/__hU~M/__rig 'dzin rtsa brgyud bla ma dam pa dang*/__/bde gshegs kun 'dus zhi khro rab 'byams lha/__/khyad par zhe sdang rdo rje'i lha tshogs rnams/__/gser skyems 'di bzhes sogs dang gzu dpang ni/__hU~M/__mthing nag gru gsum 'bar ba'i dkyil 'khor nas/__/drang srong khros pa'i lha tshogs 'khor bcas rnams/__/mi mngon dbyings nas gsan cing dgongs su gsol/__/rnal 'byor bdag gi gzu dang dpang por mdzod/__bsdu na de tsam dang*/__spro na gzu dpang gzhan yang bya'o/__/de nas e khang bskyed pa sogs ni/__/mdun 'og dur khrod 'jigs su rung ba yi/__/e las gzhal yas lcags khang sgo med pa'i/__/nang du gru gsum nag po gting zab pa/__/de dbus n+ri las gnod byed byad ma rnams/__/mgon med mya ngan phyag rgya can du gyur/__zhes gsal btab la/__na mo rtsa rgyud bla ma rgyal ba zhi khro'i tshogs/__/dpa' bo mkha' 'gro dam can srung mar bcas/__/sngags 'chang bdag gi sngags dang ting nge 'dzin/__/dkon mchog gsum sogs bka' yi bden pa dang*/__/khyad par mngon spyod dmod pa stobs kyi lha/__/drang srong khros pa zhe sdang rdo rje'i sku/___/ma lus 'khor dang bcas pa'i bden pa'i mthus/__/bla ma'i sku dgra bstan dang bstan 'dzin smod/__/chos byed yongs la 'tshe ba dam sri'i dpung*/__/khyad par bdag cag dpon slob 'khor bcas la/__/bsam ngan sbyor rtsub byad phur rbod gtong dang*/__/'gal rkyen bar chad rtsom pa'i dgra bgegs rnams/__/gang na yod kyang dmigs rten 'di nyid la/__/khug cig badz+ra ang+ku sha ya dzaH/__/ske nas chings shig badz+ra pA sha hU~M/__/yan lag sdoms shig badz+ra s+pho Ta baM/__/myos par gyis shig badz+ra gaN+De hoH__/phyes shig badz+ra pra be shA ya phaT/__/dbyer med bstims shig A be sha ya AH__zhes dang nan che na bla 'gugs kyi sngags kyang ci rigs bzla'o/__/de nas bsad pa'i dmigs pa ni/__/mdun bskyed phyag mtshan gnam lcags tho ba dang*/__/ral gri'i char ba thog gi bu yug bzhin/__/dgra bgegs byad ma'i steng du dbab pa yis/__/lus srog dbang po dum bur gcod cing gtubs/__/sor mo lcags kyi sdig pa grangs med pas/__/sha khrag ma lus hab hab zos par gyur/__zhes bsad pa'i dm-igs pa gsal btab la/__oM log tri pA la nan/__sa ga pa sha nan/__nA ga du du nan/__ma maM ma maM/__tsi tsar tsi tsar/__baM ru lu baM ru lu/__rbad tra ko sha ya/__rbad trag ko sha ya/__ho ra ho ra nan/__tsi du sod/__tsi du sod/__shig lhur gtub/__ha la ba ti nan/__'khor ba thul/__a ya ma du ru tsa sha na/__gnod byed dgra bgegs 'byung po kA bA tsi brlag brlag__/thum ril myogs rmugs mA ra ya rbad rbad/__ces brag kha nas chu 'bab pa ltar bzla/__thun mthar thun rdzas la bsngags shing*/__thun gtab pa ni/__hU~M/__rdo rje gsang ba'i bka' las ni/__/sdig can gang zhig 'da' byed pa/__/stobs chen khro bo chen po yis/__/klad pa tshal pa brgya ru khos/__/zhes byas la sngags ring dang drang srong dmod pa tshar gcig bcas thun brdeg cing*/__bsgral ba'i sha khrag rnams dang*/__thun gtor bcas la rak+ta bran te/__raM yaM khaM/__dgra bgegs bsgral ba'i sha yi ri bo/__khrag gi rgya mtsho/__rus pa'i gram khrod chen po bdud rtsi'i rang bzhin du gyur/__oM AHhUM lan gsum gyis brlabs/__oM ma hA ri Shi kro d+ha rA dza sa pa ri wA ra i dam ba ling+ta kha kha khA hi khA hi/__lan gsum/__badz+ra puSh+pe sogs kyis mchod/__hU~M/__/khro bo zhe sdang gnas las skyes/__/gsod pa la sogs rtag tu brtson/__/bdud bzhi 'joms shing gdul dka' 'dul/__/'khor bcas rnams la phyag 'tshal bstod/__hU~M/__zhe sdang rdo rje'i lha tshogs 'khor bcas la/__/dgra bgegs sha khrag rus pa nang khrol tshogs/__/lhun por spungs pa'i 'dod rgu'i ba ling ta/__/phyi nang nyer spyod sman raka bdud rtsi'i tshogs/__/'bul lo dgyes par rol la bdag cag gi__/nad gdon kun zhi tshe dpal longs spyod spel/__/khams gsum dbang bsdus dgra bgegs bdud sde'i dpung*/__/thams cad ming gi lhag mar tshar chod cig__/phas rgol bsam ngan sbyor rtsub byad stems dpung*/__/thams cad rang gshed phob la mthu nus shig__/lus ngag yid gsum mthu stobs nus pa rnams/__/nam yang ldang med brlag pa'i las mdzod cig__/mdor na bdag gi re 'bras gang yin pa/__/'bad med lhun gyis grub pa'i phrin las mdzod/__/zhes thun gtor 'bul/__de nas bzlog pa'i dmigs pa ni/__mdun bskyed kyi 'khor rnams zhal phyir gzigs shing bzlog sngags bzlas pa dang lhan cig tu rang 'dra'i sprul pa dang las byed nyi zer gyi rdul ltar 'phros pas mi mthun pa'i tshogs thams cad phyir bzlog par bsams la/__oM lok+t+ri pA la nan sogs nas/__kA wa tsi brlag brlag__/dgra bgegs byad ma la srung dang bcas pa thams cad mA ra ya b+h+yo b+h+yo bzlog bzlog__/ces ci nus bzlas la/__mthar dmod pa dang bcas thal mo brdab pa'i bar du byad ma 'khor bcas sgo nga brag bar bcar ba ltar ming med du brlag par bsam la/__na mo/__/rig 'dzin rtsa brgyud sogs nas/__khyad par bcom ldan 'das drang srong khro bo'i rgyal po zhe sdang rdo rje'i dkyil 'khor gyi lha tshogs bka' sdod dam can rgya mtsho'i tshogs dang bcas pa rnams kyi bka' bden pa dang*/__bden pa chen po'i mthu la brten nas rnal 'byor pa bdag cag dpon slob yon mchod 'khor dang bcas pa rnams kyi sngon gyi las dang 'phral gyi rkyen ngan pa thams cad dang khyad par ban bon sngags pa'i mthu byad/__rbad 'dre rbod gtong than dang ltas ngan mi mthun pa'i phyogs thams cad mA ra ya b+h+yo b+h+yo bzlog bzlog bka' ltar mi byed cing dam la mi gnas pa thams cad 'dir ma gnas par gzhan du dengs shig__/srid pa spyi nas shig cig__/srid gsum rmangs nas bsgyel cig__/'khor ba gting nas phyungs shig__/bskal pa'i mes sregs shig__/dam tshig gi dmod pas sdigs shig__/bka' yi chad pa chod cig__/gnam lcags ral gris spyi bo'i gtsug nas khos shig__/sum b+ha nis non cig__/srid gsum gar skyes kyang sdig can 'di'i steng du gnam lcags rdo rje'i char chen po phob cig__/gnod byed sha trUM mA ra ya rbad rbad:__sbyor ba ngan pa thams cad 'dis thul cig:__zhes bden stobs brjod pa dang dmod pas gzir zhing thal mo brdab pa lan gsum bya'o/__/de nas bzlog pa'i phrin las bcol ba ni/__hU~M b+h+yo: zhal gdams snying byang rak+sha thod phreng gi bzlog pa/__mchan/__mthing nag gru gsum e yi klong :__tsakra 'bar ba'i gzhal yas nas:__sangs rgyas kun gyi mthu stobs bdag:__zhe sdang rdorje dbyings nas bzhengs:__sprul pa'i khro tshogs las la chos:__yang sprul khro bo khro mo dang :__drang srong dmod pa'i mtshon 'chang ba:__lok+t+ri pa las stong khams gang :__dgra bgegs dam sri bsgral ba yi:__sha khrag gtor ma 'di bzhes la:__'di nas tshig rkang bdun kha skong*/__rnal 'byor bdag cag 'khor bcas kyi:__sngon las 'phral rkyen las byung ba'i:__dgra gyod mi kha dmod byad dang :__sde brgyad gdug rtsub cho 'phrul dang :__than dang ltas ngan dal yams dang :__chags che nyams nga 'jigs pa'i tshogs:__nad gdon bar chad mi mthun phyogs:__lo zla zhag dus la 'khor ba'i:__che sri chung sri dar ma'i sri:__pho sri mo sri rgas gzhon sri:__nad sri dur sri ngan pa dang :__glo bur rtsub pa'i bgegs rigs kun:__bzlog go dmar chen gtor mas bzlog:__gnod byed bgegs kyi steng du bzlog:__bsgyur ro ltas ngan dgra la sgyur:__zhing bcu tshang ba'i dgra la bsgyur:__zlog bsgyur bcol ba'i phrin las mdzod:___de nas gang du 'phen pa'i phyogs su gser skyems dang gzu dpang sngon du 'gro bas/__dmigs bya'i rU pa la dgug gzhug bya zhing de 'ben du bcas la zor 'phang ba ni/__hU~M/__/gdug pa'i dam nyams dgra dang bgegs/__/bstan pa'i ru dra ma gtogs pa'i/__/steng 'og phyogs mtshams gnas pa yi/__/lha klu gzhi bdag sku bzur cig__/gtor zor dgra bgegs snying la rgyob/ yig rnying las so/__'di man gsar rtsom/__/rgyal kun mthu stobs nus pa drag po'i rtsal/__/drang srong dmod pa'i mtshon char yongs shar ba/__/dmar chen gtor zor gdug pa'i dug dbal can/__/dam nyams sdig can bstan dgra'i snying la 'phen/__/rtsa gsum srung ma'i tshogs kyi mthu bskyed la/__/snang srid sde brgyad dreg pa las la b+h+yo/__/gang la brnags pa'i dgra bgegs snying la ya/__/rjes shul med par thal ba'i rdul du rlog__/rbad thuM ri li li/__/zhes dang sngags ring dang dmod pa'i mthar/__tril shag srog khyer b+h+yo/__tri myags ka pa ya:__slar yang srung 'khor bsgom zhing nang du log la/__drang srong zhi ba'i tshe 'gugs bya zhing las rjes spyi ltar bya'o/__/gzhan yang spro na tshogs kyi mchod pa sogs drang srong zhi ba'i gzhung ltar bya'o/__/gsang bdag rdo rje 'dzin pa'i ye shes sku/__/rig 'dzin grub pa'i tshul 'chang mdo sngags gling*/__/gang gi zhal lung zab mo'i man ngag 'di/__/thob cing rjes su gnang bas 'di bris so/__/grub pa'i byin rlabs mi shigs rdo rje'i mtshon/__/mi bzod dmod pa drag po'i rno dbal can/__/sdig can snying la bsnun pas bdud sde'i g.yul/__pha mthar byed 'di bstan pa'i btsas su shog__/zhes pa'ang rigs kun khyab bdag gter chen bla ma mchog gi zhal snga nas tshul 'di'i smin grol nos shing gtor bzlog gi rim pa 'di lta bu'i chog khrigs gyis zhes rjes su gnang ba la brten nas bla ma'i bran du gyur pa mi pham rnam par rgyal bas bris pa 'dis 'gro kun bar chad bdud kyi g.yul las rgyal zhing dpal he ru ka'i go 'phang grub pa'i rgyur gyur cig__/sarba mang+ga laM//_