རྩ་གསུམ་ཆོས་སྲུང་རྒྱ་མཚོའི་གཏོར་བསྔོ་དང་སྐོང་བཤགས་ཀྱི་ཆོ་ག་ཉེ་བར་བསྡུས་པ་ཕྲིན་ལས་རོལ་མཚོ།

🚧 This website is under continued development. We appreciate your patience!

Previous Text Back to Volume PageNext Text

Wylie title	rtsa gsum chos srung rgya mtsho'i gtor bsngo dang skong bshags kyi cho ga nye bar bsdus pa phrin las rol mtsho
Location	mkhyen brtse'i bka' 'bum Volume 21, sde tshan 1, Text 21, Pages 70-74 (Folios 35b3 to 37b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rtsa gsum chos srung rgya mtsho'i gtor bsngo dang skong bshags kyi cho ga nye bar bsdus pa phrin las rol mtsho. In 'jam dbyangs mkhyen brtse'i dbang po'i bka' 'bum, Vol. 21: 70-74. Khams sde dge rdzong sar dgon: Rdzong sar blo gros phun tshogs, 2020.
Genre	Confessions - bshags pa  ·  Mending Rituals - bskang chog  ·  Ritual and Liturgical Texts - cho ga phyag len  ·  Torma-offering Rituals - gtor chog
Colophon	།ཞེས་པའང་བསམ་འགྲུབ་ཤེལ་གྱི་བྲག་ཕུག་གི་མདུན་རོལ་གྲུབ་པས་བསྟེན་པའི་བྲག་སྐྱིབས་སུ་རྒྱལ་ཁམས་ཉུལ་བའི་དཱ་རི་དྲཱ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་དགེ་ལེགས་སུ་གྱུར་ཅིག། །།མངྒ་ལཾ།
	zhes pa'ang bsam 'grub shel gyi brag phug gi mdun rol grub pas bsten pa'i brag skyibs su rgyal khams nyul ba'i dA ri drA mtsho skyes bla ma dgyes pa'i 'bangs mkhyen brtse'i dbang pos bris pa dge legs su gyur cig/__//mang+ga laM/

1 Texts in this Section (sde tshan or chos tshan)

21 70-74	རྩ་གསུམ་ཆོས་སྲུང་རྒྱ་མཚོའི་གཏོར་བསྔོ་དང་སྐོང་བཤགས་ཀྱི་ཆོ་ག་ཉེ་བར་བསྡུས་པ་ཕྲིན་ལས་རོལ་མཚོ། rtsa gsum chos srung rgya mtsho'i gtor bsngo dang skong bshags kyi cho ga nye bar bsdus pa phrin las rol mtsho Confessions - bshags pa   ·   Mending Rituals - bskang chog   ·   Ritual and Liturgical Texts - cho ga phyag len   ·   Torma-offering Rituals - gtor chog	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །རྩ་གསུམ་ཆོས་སྲུང་རྒྱ་མཚོའི་གཏོར་བསྔོ་དང་སྐོང་བཤགས་ཀྱི་ཆོ་ག་ཉེ་བར་བསྡུས་པ་ཕྲིན་ལས་རོལ་མཚོ་ཞེས་བྱ་བ་བཞུགས་སོ། །ན་མོ་གུ་རུ་དེ་བ་ཌཱ་ཀི་ནཱི་དྷརྨ་པཱ་ལཱ་ཡ། འདིར་རྩ་གསུམ་ཆོས་སྲུང་རྒྱ་མཚོའི་གཏོར་བསྔོ་དང་སྐོང་བཤགས་མདོར་བསྡུས་ཏེ་བྱ་བར་འདོད་པས། རང་ཉིད་གཉུག་མའི་ལྷར་གསལ་བཞིན་པའི་ངང་། མཆོད་གཏོར་རྣམས། རྃ་ཡྃ་ཁྃ ་གྱིས་བསངས་སྦྱངས། སྟོང་པའི་ངང་ལས་གནས་ཡུལ་ཀུན། །དུར་ཁྲོད་དྲག་པོའི་གཞལ་ཡས་དབུས། །ཕྱི་ནང་གསང་བའི་མཆོད་རྫས་རྣམས། །མི་ཟད་ནམ་མཁའི་མཛོད་དུ་གྱུར། །ན་མསྶརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུངྒ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ནམ་མཁའ་མཛོད་ཀྱི་སྔགས་རྒྱས་བརླབ། རང་གི་སྙིང་ག་ནས་འོད་ཟེར་འཕྲོས་པས་རྩ་གསུམ་ཆོས་སྲུང་རྒྱ་མཚོའི་ཚོགས་བསམ་གྱིས་མི་ཁྱབ་པ་མདུན་གྱི་ནམ་མཁར་བཛྲ་ས་མཱ་ཛཿ ཧཱུྃ་ཧྲཱིཿ ཕྱོགས་དུས་ཞིང་ཁམས་རབ་འབྱམས་ནས། །རྩ་གསུམ་དཀྱིལ་འཁོར་ལྷ་ཚོགས་རྣམས། །མཆོག་ཐུན་དངོས་གྲུབ་སྩོལ་བའི་ཕྱིར། །གནས་འདིར་སྤྱན་འདྲེན་གཤེགས་སུ་གསོལ། །སེམས་དང་སེམས་བྱུང་རྟོག་ཚོགས་ཀུན། །འོད་གསལ་དབུ་མར་ཐིམ་པའི་སྩལ། །དབྱིངས་ལས་ཡེ་ཤེས་རང་ཤར་བའི། །སྔགས་ཀྱི་སྲུང་མ་ཨེ་ཀ་ཛ། །དཔལ་ལྡན་མགོན་པོ་མ་ནིང་ནག །ཁྱབ་འཇུག་ཆེན་པོ་སྒྲ་གཅན་འཛིན། །སྐྱེས་མཆོག་བཛྲ་ཐིག་ལེ་རྩལ། །གནོད་སྦྱིན་ནོར་ལྷ་གཏེར་བདག་སོགས། །རྒྱུད་གསུམ་དྲེགས་པའི་ཚོགས་རྣམས་ཀུན། །སངས་རྒྱས་བསྟན་པ་སྲུང་བའི་ཕྱིར། །དུར་ཁྲོད་དྲག་པོའི་གནས་འདིར་གཤེགས། །ཨོཾ་ཨཱཿཧཱུྃ་གུ་རུ་དེ་བ་ཌཱ་ཀི་ནཱི་ཤྲཱི་བཛྲ་དྷརྨ་པཱ་ལ་བ་སུ་དེ་བ་ས་པ་རི་ཝཱ་ར་བཛྲ་ས་མཱ་ཛཿ དོན་དམ་འགྲོ་འོང་མ་དམིགས་ཀྱང་། །ཀུན་རྫོབ་སྒྱུ་མའི་སྣང་ཆ་རུ། །དམ་ཚིག་ཡེ་ཤེས་དབྱེར་མེད་པར། །དགྱེས་བཞིན་བྱིན་གྱིས་རློབ་ཕྱིར་བཞུགས། །ཛཿཧཱུྃ་བཾ་ཧོ་ས་མ་ཡ་ཏིཥྛནྟུ། བྱིན་རླབས་ཆར་འབེབས་དངོས་གྲུབ་མཛོད། །ཕྲིན་ལས་ཐོགས་མེད་བསྟན་པ་སྲུང་། །རྩ་གསུམ་ཆོས་སྲུང་རྒྱ་མཚོ་ལ། །གུས་པའི་ཡིད་ཀྱི་ཕྱག་འཚལ་ལོ། །ཨ་ཏི་པུ་ཧོ། པྲ་ཏཱིཙྪ་ཧོ། ཨོཾ་ཨཱཿཧཱུྃ། ཉེར་སྤྱོད་འདོད་པའི་ཡོན་ཏན་དང་། །སྨན་རཀ་གཏོར་ཚོགས་གསང་བའི་རྫས། །གུས་པའི་བློ་ཡིས་འབུལ་ལགས་ན། །བཞེས་ནས་མཆོག་ཐུན་དངོས་གྲུབ་སྩོལ། །ཨོཾ་ཨཱཿཧཱུྃ་བཛྲ་གུ་རུ་དེ་ཝ་ཌཱ་ཀི་ནཱི་ཤྲཱི་བཛྲ་དྷརྨ་པཱ་ལ་བ་སུ་དེ་བ་ས་པ་རི་ཝཱ་ར་ཨརྒྷཾ་སོགས་ཀྱིས་ཕྱི་མཆོད་དང་། གོང་གི་སྔགས་མཐར། ན་མསྶརྦ་ཏ་ཐཱ་ག་ཏ་བྷྱོ་བི་ཤྭ་སོགས་ལན་གསུམ་གྱིས་གཏོར་མ། མ་ཧཱ་པཉྩ་ཨ་མྲྀ་ཏ་ཁཱ་ཧི། མ་ཧཱ་རཀྟ་ཁྭ་ཧི། ཞེས་པས་སྨན་རཀ་རྣམས་ཕུལ། སྐོང་བཤགས་ནི། ཧཱུྃ་ཧྲཱིཿ དངོས་བཤམས་ཡིད་ལས་བྱུང་བ་ཡི། །ཕྱི་ནང་གསང་བའི་མཆོད་རྫས་དང་། །རྟེན་རྫས་སྐོང་རྫས་སྒྲུབ་རྫས་སོགས། །རང་རང་མཐུན་པའི་དམ་རྫས་ཀྱིས། །བྱིན་རླབས་ཆར་འབེབས་དཀྱིལ་འཁོར་གཙོ། །རྩ་བརྒྱུད་བླ་མའི་ཐུགས་དམ་བསྐང་། །དངོས་གྲུབ་ཡིད་བཞིན་སྩོལ་མཛད་པ། །ཡི་དམ་ལྷ་ཚོགས་ཐུགས་དམ་བསྐང་། །རྣམ་བཞིའི་ཕྲིན་ལས་ཐོགས་མེད་པའི། །དཔའ་བོ་མཁའ་འགྲོའི་ཐུགས་དམ་བསྐང་། །རྡོ་རྗེ་བཙུན་མོ་དབྱིངས་ཀྱི་ཡུམ། །ཨེ་ཀ་ཛཱ་ཊཱིའི་ཐུགས་དམ་བསྐང་། །སྣང་སྲིད་དྲེགས་པའི་འཁོར་ལོས་སྒྱུར། །མ་ནིང་ནག་པོའི་ཐུགས་དམ་བསྐང་། །མཐུ་སྟོབས་དྲག་པོས་བསྟན་པ་སྲུང་། །ཁྱབ་མཇུག་ཆེན་པོའི་ཐུགས་དམ་བསྐང་། །སྡེ་བརྒྱད་ཡོངས་ཀྱི་དེད་དཔོན་ཆེ། །རྡོ་རྗེ་ལེགས་པའི་ཐུགས་དམ་བསྐང་། །དགོས་འདོད་ཆར་འབེབས་གཏེར་གྱི་བདག །གནོད་སྦྱིན་ནོར་ལྷའི་ཐུགས་དམ་བསྐང་། །མདོར་ན་ཡེ་ཤེས་འཇིག་རྟེན་གྱི། །རྒྱུད་གསུམ་དྲེགས་པའི་ཐུགས་དམ་བསྐང་། །མི་ཤེས་ཉོན་མོངས་བག་མེད་པས། །མ་གུས་འཁྲུལ་པའི་གཞན་དབང་གིས། །ཐུགས་དང་འགལ་པའི་ནོངས་པ་ཀུན། །སྙིང་ནས་བཤགས་སོ་ཚངས་པར་སྩོལ། །བདག་ཅག་བྱང་ཆུབ་མ་ཐོབ་བར། །བྱིན་རླབས་དངོས་གྲུབ་སྩོལ་བ་དང་། །རྣམ་བཞིའི་ཕྲིན་ལས་རབ་འབྱམས་ཀྱིས། །ཕན་བདེའི་འདོད་རྒུ་རྫོགས་པར་མཛོད། །བསྟོད་ཅིང་ཕྲིན་ལས་བཅོལ་བ་ནི། ཧཱུྃ་ཧྲཱིཿ རྩ་བརྒྱུད་བླ་མ་ཡི་དམ་ལྷ། །མཁའ་འགྲོ་ཆོས་སྲུང་ནོར་ལྷའི་ཚོགས། །རབ་འབྱམས་མཆོད་འོས་རྒྱ་མཚོ་ལ། །གུས་པའི་བློ་ཡིས་བསྟོད་པར་བགྱི། །བྱིན་རླབས་བདུད་རྩིས་དབང་བསྐུར་ཞིང་། །དངོས་གྲུབ་རྣམ་གཉིས་དགའ་སྟོན་གྱིས། །ཕྲིན་ལས་ཐོག་མེད་འགྲུབ་པ་དང་། །རྣམ་བཞིའི་ལས་ཀྱི་དངོས་གྲུབ་སྩོལ། །ཧཱུྃ་བྷྱོཿ སྔོན་ཚེ་ཀུན་བཟང་རྡོ་རྗེ་སེམས། །འཆི་མེད་པདྨ་ཐོད་ཕྲེང་སོགས། །བརྒྱུད་གསུམ་རིག་འཛིན་རྒྱ་མཚོ་ཡིས། །དམ་ལ་བཏགས་པའི་ཆོས་སྲུང་ཚོགས། །ཇི་ལྟར་ཞལ་བཞེས་དམ་བཅས་བཞིན། །མཆོད་གཏོར་རྒྱན་ལྡན་འདི་བཞེས་ལ། །འགྲོ་ལ་ཕན་བདེ་འབྱུང་བའི་གཞི། །བཤད་སྒྲུབ་བསྟན་པ་ཕྱོགས་བཅུར་སྤེལ། །བསྟན་འཛིན་སྐྱེས་བུའི་སྐུ་ཚེ་དང་། །མཛད་ཕྲིན་སྲིད་མཐར་རྒྱས་པར་མཛོད། །སྣོད་བཅུད་རྒུད་པ་ཀུན་ཞི་ཞིང་། །འཇིག་རྟེན་བདེ་བའི་དཔལ་ལ་སྦྱོར། །རྣལ་འབྱོར་བདག་ཅག་འཁོར་བཅས་ཀྱི། །ནད་གདོན་འཇིགས་བརྒྱད་ཞི་བ་དང་། །ཚེ་བསོད་དཔལ་འབྱོར་ཡེ་ཤེས་སྤོར། །ཁམས་གསུམ་འགྲོ་ཀུན་དབང་དུ་སྡུས། །མི་མཐུན་དགྲ་བགེགས་རྡུལ་དུ་རློག །མདོར་ན་མཆོག་དང་ཐུན་མོང་གི། །ཕྲིན་ལས་རབ་འབྱམས་འགྲུབ་པར་མཛོད། །ཅེས་བརྗོད་ཕུད་དང་གཏོར་མ་གཙང་སར་གཤེགས། ནོངས་པ་བཤགས། རྟེན་ཡོད་ན་བརྟན་བཞུགས་དང་། མེད་ན་གཏོར་མགྲོན་རྣམས་གཤེགས། དགེ་བ་བསྔོ་ཞིང་སྨོན་ལམ་གདབ། ཤིས་པ་བརྗོད་པས་མེ་ཏོག་གི་ཆར་སིལ་མ་དགྲམ་པར་བྱའོ། །ཞེས་པའང་བསམ་འགྲུབ་ཤེལ་གྱི་བྲག་ཕུག་གི་མདུན་རོལ་གྲུབ་པས་བསྟེན་པའི་བྲག་སྐྱིབས་སུ་རྒྱལ་ཁམས་ཉུལ་བའི་དཱ་རི་དྲཱ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་དགེ་ལེགས་སུ་གྱུར་ཅིག། །།མངྒ་ལཾ། ། ༈

[edit]

rtsa gsum gtor bsngo skong bshags nyer bsdus phrin las rol mtsho/__ @#/_/rtsa gsum chos srung rgya mtsho'i gtor bsngo dang skong bshags kyi cho ga nye bar bsdus pa phrin las rol mtsho zhes bya ba bzhugs so/__/na mo gu ru de ba DA ki nI d+harma pA lA ya/__'dir rtsa gsum chos srung rgya mtsho'i gtor bsngo dang skong bshags mdor bsdus te bya bar 'dod pas/__rang nyid gnyug ma'i lhar gsal bzhin pa'i ngang /__mchod gtor rnams/__ra~M ya~M kha~M_ gyis bsangs sbyangs/__stong pa'i ngang las gnas yul kun/__/dur khrod drag po'i gzhal yas dbus/__/phyi nang gsang ba'i mchod rdzas rnams/__/mi zad nam mkha'i mdzod du gyur/__/na mas+sarba ta thA ga te b+h+yo bi shwa mu khe b+h+yaHsarba thA khaM ung+ga te s+pha ra Na i maM ga ga na khaM swA hA/__nam mkha' mdzod kyi sngags rgyas brlab/__rang gi snying ga nas 'od zer 'phros pas rtsa gsum chos srung rgya mtsho'i tshogs bsam gyis mi khyab pa mdun gyi nam mkhar badz+ra sa mA dzaH__hU~M hrIH__phyogs dus zhing khams rab 'byams nas/__/rtsa gsum dkyil 'khor lha tshogs rnams/___/mchog thun dngos grub stsol ba'i phyir/__/gnas 'dir spyan 'dren gshegs su gsol/__/sems dang sems byung rtog tshogs kun/__/'od gsal dbu mar thim pa'i stsal/__/dbyings las ye shes rang shar ba'i/__/sngags kyi srung ma e ka dza/__/dpal ldan mgon po ma ning nag__/khyab 'jug chen po sgra gcan 'dzin/__/skyes mchog badz+ra thig le rtsal/__/gnod sbyin nor lha gter bdag sogs/__/rgyud gsum dregs pa'i tshogs rnams kun/__/sangs rgyas bstan pa srung ba'i phyir/__/dur khrod drag po'i gnas 'dir gshegs/__/oM AHhU~M gu ru de ba DA ki nI shrI badz+ra d+harma pA la ba su de ba sa pa ri wA ra badz+ra sa mA dzaH__don dam 'gro 'ong ma dmigs kyang /_/kun rdzob sgyu ma'i snang cha ru/__/dam tshig ye shes dbyer med par/__/dgyes bzhin byin gyis rlob phyir bzhugs/__/dzaHhU~M baM ho sa ma ya tiSh+Than+tu/__byin rlabs char 'bebs dngos grub mdzod/__/phrin las thogs med bstan pa srung /__/rtsa gsum chos srung rgya mtsho la/__/gus pa'i yid kyi phyag 'tshal lo/__/a ti pu ho/__pra tIts+tsha ho/__oM AHhU~M/__nyer spyod 'dod pa'i yon tan dang /__/sman raka gtor tshogs gsang ba'i rdzas/__/gus pa'i blo yis 'bul lags na/__/bzhes nas mchog thun dngos grub stsol/__/oM AHhU~M badz+ra gu ru de wa DA ki nI shrI badz+ra d+harma pA la ba su de ba sa pa ri wA ra ar+g+haM sogs kyis phyi mchod dang /__gong gi sngags mthar/__na mas+sarba ta thA ga ta b+h+yo bi shwa sogs lan gsum gyis gtor ma/__ma hA pany+tsa a mr-i ta khA hi/__ma hA rak+ta khwa hi/__zhes pas sman raka rnams phul/__skong bshags ni/__hU~M hrIH__dngos bshams yid las byung ba yi/__/phyi nang gsang ba'i mchod rdzas dang /__/rten rdzas skong rdzas sgrub rdzas sogs/__/rang rang mthun pa'i dam rdzas kyis/__/byin rlabs char 'bebs dkyil 'khor gtso/__/rtsa brgyud bla ma'i thugs dam bskang /__/dngos grub yid bzhin stsol mdzad pa/__/yi dam lha tshogs thugs dam bskang /__/rnam bzhi'i phrin las thogs med pa'i/__/dpa' bo mkha' 'gro'i thugs dam bskang /__/rdo rje btsun mo dbyings kyi yum/__/e ka dzA TI'i thugs dam bskang /__/snang srid dregs pa'i 'khor los sgyur/__/ma ning nag po'i thugs dam bskang /__/mthu stobs drag pos bstan pa srung /__/khyab mjug chen po'i thugs dam bskang /__/sde brgyad yongs kyi ded dpon che/__/rdo rje legs pa'i thugs dam bskang /__/dgos 'dod char 'bebs gter gyi bdag__/gnod sbyin nor lha'i thugs dam bskang /__/mdor na ye shes 'jig rten gyi/__/rgyud gsum dregs pa'i thugs dam bskang /__/mi shes nyon mongs bag med pas/__/ma gus 'khrul pa'i gzhan dbang gis/__/thugs dang 'gal pa'i nongs pa kun/__/snying nas bshags so tshangs par stsol/__/bdag cag byang chub ma thob bar/___/byin rlabs dngos grub stsol ba dang /__/rnam bzhi'i phrin las rab 'byams kyis/__/phan bde'i 'dod rgu rdzogs par mdzod/__/bstod cing phrin las bcol ba ni/__hU~M hrIH__rtsa brgyud bla ma yi dam lha/__/mkha' 'gro chos srung nor lha'i tshogs/__/rab 'byams mchod 'os rgya mtsho la/__/gus pa'i blo yis bstod par bgyi/__/byin rlabs bdud rtsis dbang bskur zhing /__/dngos grub rnam gnyis dga' ston gyis/__/phrin las thog med 'grub pa dang /__/rnam bzhi'i las kyi dngos grub stsol/__/hU~M b+h+yoH__sngon tshe kun bzang rdo rje sems/_/'chi med pad+ma thod phreng sogs/__/brgyud gsum rig 'dzin rgya mtsho yis/__/dam la btags pa'i chos srung tshogs/__/ji ltar zhal bzhes dam bcas bzhin/__/mchod gtor rgyan ldan 'di bzhes la/__/'gro la phan bde 'byung ba'i gzhi/__/bshad sgrub bstan pa phyogs bcur spel/__/bstan 'dzin skyes bu'i sku tshe dang /__/mdzad phrin srid mthar rgyas par mdzod/__/snod bcud rgud pa kun zhi zhing /__/'jig rten bde ba'i dpal la sbyor/__/rnal 'byor bdag cag 'khor bcas kyi/__/nad gdon 'jigs brgyad zhi ba dang /__/tshe bsod dpal 'byor ye shes spor/__/khams gsum 'gro kun dbang du sdus/__/mi mthun dgra bgegs rdul du rlog__/mdor na mchog dang thun mong gi/__/phrin las rab 'byams 'grub par mdzod/__/ces brjod phud dang gtor ma gtsang sar gshegs/__nongs pa bshags/__rten yod na brtan bzhugs dang /__med na gtor mgron rnams gshegs/__dge ba bsngo zhing smon lam gdab/__shis pa brjod pas me tog gi char sil ma dgram par bya'o/__/zhes pa'ang bsam 'grub shel gyi brag phug gi mdun rol grub pas bsten pa'i brag skyibs su rgyal khams nyul ba'i dA ri drA mtsho skyes bla ma dgyes pa'i 'bangs mkhyen brtse'i dbang pos bris pa dge legs su gyur cig/__//mang+ga laM/___/___!