DKR-KABUM-22-ZA-016

🚧 This website is under continued development. We appreciate your patience!

Previous Text<ul><li>"textnuminvol::" can not be assigned to a declared number type with value 15.</li> <!--br--><li>Some use of "" in your query was not closed by a matching "".</li></ul> Back to Volume Page<ul><li>"]]" is not a number.</li> <!--br--><li>Some use of "" in your query was not closed by a matching "".</li></ul>Next Text <ul><li>"textnuminvol::" can not be assigned to a declared number type with value 17.</li> <!--br--><li>Some use of "" in your query was not closed by a matching "".</li></ul>

སྒྲོལ་དཀར་གཏེར་གཞུང༌། སངས་རྒྱས་ཆོས་དང་ཚོགས་ཀྱི་མཆོག་སོགས།

Wylie title	sgrol dkar gter gzhung/ sangs rgyas chos dang tshogs kyi mchog sogs
Location	dil mgo mkhyen brtse bka' 'bum Volume ', Text 16', Pages 170 (Folios 1a1 to 1b6)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ག་གྱུར་གླིང་པ་ (Khyentse, Dilgo)
Citation	Khyentse, Dilgo. Sgrol dkar gter gzhung sangs rgyas chos dang tshogs kyi mchog sogs. In Skyabs rje dil mgo mkhyen brtse rin po che'i bka' 'bum, Vol. 22: 170. Delhi: Shechen Publications, 1994.
Genre	Root Treasure - gter gzhung  ·  Sadhanas - Evocation Ritual - sgrub thabs
Deity	sgrol ma dkar mo
Karchag page	<ul><li>"]]dkarchagpage::+" is not a number.</li> <!--br--><li>Some use of "" in your query was not closed by a matching "".</li></ul>
Colophon	ཅེས་པའང་མངྒ་ལ་ཤྲཱི་བྷཱུ་ཏིས་སོ།།
	ces pa'ang mang+ga la shrI b+hU tis so//

Tibetan Text

Wylie

[edit]

༁ྃ༔ སངས་རྒྱས་ཆོས་དང་ཚོགས་ཀྱི་མཆོག༔ ལྷ་མིར་སྣང་ལ་བདག་སྐྱབས་མཆི༔ འགྲོ་ཀུན་འཆི་མེད་མཆོག་ཐོབ་ཕྱིར༔ སྨོན་འཇུག་དོན་དམ་བྱང་སེམས་བསྐྱེད༔ ལན་གསུམ། དཀོན་མཆོག་གསུམ་ལྡན་དགོངས་སུ་གསོལ༔ ཕྱག་འཚལ་མཆོད་འབུལ་སྡིག་པ་བཤགས༔ དགེ་ལ་ཡི་རང་ཆོས་འཁོར་བསྐོར༔ མྱ་ངན་མི་འདའ་འགྲོ་ཀུན་སྒྲོལ༔ འཆི་མེད་རྡོ་རྗེའི་སྲོག་ཐོབ་ཤོག༔ ཨ་ཞེས་སྣང་སྲིད་ཕྱི་ནང་ཐམས་ཅད་བདག་མེད་སྟོང་པར་སྦྱངས༔ སྟོང་པའི་སྙིང་པོ་ཨ་ཟླ་བའི་གདན་སྟེང་དུ་ཏཱཾ་དཀར་པོ་ཡོངས་སུ་གྱུར་པ་ལས་སྒྲོལ་མ་དཀར་མོ་མདངས་སེར་ཙམ་པ༔ ཞལ་གཅིག་ཕྱག་གཉིས་པ་གཡས་མཆོག་སྦྱིན༔ གཡོན་ཨུཏྤལ་ཁ་གསུམ་རྩ་བ་ནས་བཟུང་བ༔ སྐུ་ལ་དར་དཔྱངས་རཏྣ་སྣ་ཚོགས་པས་བརྒྱན་པ་འོད་འབར་བ༔ སྤྱི་གཙུག་ན་རིན་ཆེན་འབྱུང་ལྡན་བཞུགས་པ༔ ཉི་ཟླ་པདྨའི་སྟེང་དུ་ཞབས་ཕྱེད་སྐྱིལ་ཚུལ་དུ་བཞུགས་པ༔ ཡེ་ཤེས་སེམས་དཔའ་དགུག ཆོས་དབྱིངས་རྣམ་དག་མཁའ་ལ་ཡེ་ཤེས་ལྷ་མོ་རང་འདྲ་བ་ཞིག་རིགས་ལྔས་དབུ་བརྒྱན༔ མདུན་དུ་བར་སྣང་བཞུགས་པ་ལ༔ ཨོཾ་ཨཱཿཧཱུྃ༔ དྷཱུ་པེ༔ པུཥྤེ༔ ཨཱ་ལོ་ཀེ༔ གནྡྷེ༔ ཤབྡ་སརྦ་པཱུ་ཛ་ཧོ༔ ཧོ༔ ཀུན་ཁྱབ་རྗེ་བཙུན་མ་ཁྱེད་ཀྱི༔ བདག་ལ་ཚེ་དང་ཡེ་ཤེས་ཀུན༔ ཤིན་ཏུ་རྒྱས་པར་སྤེལ་མཛད་གསོལ༔ ལན་གསུམ་བརྗོད། ཚད་མེད་བཞིའི་ངང་ནས་ཛཿཧཱུྃ་བཾ་ཧོཿའི་འོད་འཕྲོས་ལྷ་མོ་རང་ལ་བསྟིམ༔ རང་གི་སྙིང་ནང་ཟླ་སྟེང་གི་ཏཱྃ་ཡིག་དཀར་པོའི་མཐར་སྔགས་ཀྱིས་བསྐོར་བ་ལས་འོད་ཡར་འཕྲོས་བདེ་གཤེགས་ཐམས་ཅད་ལ་སྐུ་གསུང་ཐུགས་མཉེས་མཆོད་ཕུལ༔ ཚུར་འདུས་འཆི་མེད་ཚེའི་དངོས་གྲུབ་ཐོབ་པར་བསམ༔ འོད་ཟེར་ཕར་ལ་འཕྲོས་པས་སེམས་ཅན་གྱི་སྒྲིབ་གཉིས་སྦྱངས༔ ཕྱི་ནང་སྣོད་བཅུད་ཀྱི་ཡོན་ཏན་ཐམས་ཅད་ཚུར་འདུས་པར་བསམ༔ ཨོཾ་ཏཱ་རེ་ཏུཏྟཱ་རེ་ཏུ་རེ་མ་མ་ཨཱ་ཡུརྫྙཱ་ན་པུཥྚིཾ་ཀུ་རུ་ཡེ་སྭཱ་ཧཱ༔ བདག་གི་ཚེ་འཕེལ་བར་བསམ་ཞིང་བཟླ༔ སྣང་སྲིད་གདན་དུ་བསྡུ༔ གདན་ལྷ་ལ་བསྡུ༔ ལྷ་ཐུགས་ཀའི་ལྷ་ལ་བསྡུ༔ སྔགས་ཏཱཾ་ལ་བསྡུ༔ ཏཱཾ་ཐིག་ལེར་རྫོགས༔ ཐིག་ལེ་མེ་ལོང་ལ་ཧས་བཏབ་རླངས་ལྟར་ཡལ༔ ཆོས་ཀྱི་དབྱིངས་སུ་ཐིམ་པས་ཚེ་ཟད་མི་ཤེས་པའོ༔ བདག་གི་སྒོ་གསུམ་དགེ་རྩ་འདིས༔ འགྲོ་བ་མ་ལུས་བྱང་ཆུབ་བསྔོ༔ དཀོན་མཆོག་གསུམ་གྱི་བདེན་སྟོབས་མཐུས༔ བརྩམས་པའི་ལས་འདི་མྱུར་འགྲུབ་ནས༔ འགྲོ་བ་མ་ལུས་དོན་སྤྱོད་དོ༔ བླ་མེད་བྱང་ཆུབ་འབྲས་ཐོབ་ཤོག༔ ཅེས་པའང་མངྒ་ལ་ཤྲཱི་བྷཱུ་ཏིས་སོ།། །།

[edit]

@#/_brda yig_10_sangs rgyas chos dang tshogs kyi mchog:_lha mir snang la bdag skyabs mchi:_'gro kun 'chi med mchog thob phyir:_smon 'jug don dam byang sems bskyed:_lan gsum/_dkon mchog gsum ldan dgongs su gsol:_phyag 'tshal mchod 'bul sdig pa bshags:_dge la yi rang chos 'khor bskor:_mya ngan mi 'da' 'gro kun sgrol:_'chi med rdo rje'i srog thob shog:_a zhes snang srid phyi nang thams cad bdag med stong par sbyangs:_stong pa'i snying po a zla ba'i gdan steng du tAM dkar po yongs su gyur pa las sgrol ma dkar mo mdangs ser tsam pa:_zhal gcig phyag gnyis pa g.yas mchog sbyin:_g.yon ut+pal kha gsum rtsa ba nas bzung ba:_sku la dar dpyangs rat+na sna tshogs pas brgyan pa 'od 'bar ba:_spyi gtsug na rin chen 'byung ldan bzhugs pa:_nyi zla pad+ma'i steng du zhabs phyed skyil tshul du bzhugs pa:_ye shes sems dpa' dgug_chos dbyings rnam dag mkha' la ye shes lha mo rang 'dra ba zhig rigs lngas dbu brgyan:_mdun du bar snang bzhugs pa la:_oM AHhU~M:_d+hU pe:_puSh+pe:_A lo ke:_gan+d+he:_shab+da sarba pU dza ho:_ho:_kun khyab rje btsun ma khyed kyi:_bdag la tshe dang ye shes kun:_shin tu rgyas par spel mdzad gsol:_lan gsum brjod/_tshad med bzhi'i ngang nas dzaHhU~M baM hoH'i 'od 'phros lha mo rang la bstim:_rang gi snying nang zla steng gi tA~M yig dkar po'i mthar sngags kyis bskor ba las 'od yar 'phros bde gshegs thams cad la sku gsung thugs mnyes mchod phul:_tshur 'dus 'chi med tshe'i dngos grub thob par bsam:_'od zer phar la 'phros pas sems can gyi sgrib gnyis sbyangs:_phyi nang snod bcud kyi yon tan thams cad tshur 'dus par bsam:_oM tA re tut+tA re tu re ma ma A yur+dz+nyA na puSh+TiM ku ru ye swA hA:_bdag gi tshe 'phel bar bsam zhing bzla:_snang srid gdan du bsdu:_gdan lha la bsdu:_lha thugs ka'i lha la bsdu:_sngags tAM la bsdu:_tAM thig ler rdzogs:_thig le me long la has btab rlangs ltar yal:_chos kyi dbyings su thim pas tshe zad mi shes pa'o:_bdag gi sgo gsum dge rtsa 'dis:_'gro ba ma lus byang chub bsngo:_dkon mchog gsum gyi bden stobs mthus:_brtsams pa'i las 'di myur 'grub nas:_'gro ba ma lus don spyod do:_bla med byang chub 'bras thob shog:_ces pa'ang mang+ga la shrI b+hU tis so//_//