DKR-KABUM-19-DZA-011

🚧 This website is under continued development. We appreciate your patience!

Previous Text Back to Volume PageNext Text

Wylie title	'
Location	dil mgo mkhyen brtse bka' 'bum Volume 19, Text 11, Pages (Folios 1a to )
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ (Khyentse, Dilgo)
Citation	Khyentse, Dilgo. '. In Skyabs rje dil mgo mkhyen brtse rin po che'i bka' 'bum, Vol. 19: . Delhi: Shechen Publications, 1994.
Genre	Longevity Rituals - tshe sgrub
Cycle	འཆི་མེད་པདྨ་ཚེ་ཡི་སྙིང་ཐིག་ ('chi med pad+ma tshe yi snying thig)
Deity	tshe dpag med

Tibetan Text

Wylie

[edit]

༄༅། །འཆི་མེད་ཉེ་དབང་ཙཎྜི་ཀའི། །བསྐང་བཤགས་ཟབ་མོའི་རིམ་པ་བཞུགས། ། ཧྲཱིཿ བདེ་ཆེན་ཡེ་ཤེས་བསྐྱེད་མཛད་མ། །འཆི་མེད་ཉེ་དབང་ལྷ་མོ་ནི། །ཙཎྜི་ཀ་སོགས་མིང་བརྒྱ་མ། །མིང་བརྒྱ་མ་ལ་མཚན་སྟོང་མ། །འབྱུང་བཞི་བསྐྱེད་ཅིང་སྡུད་པ་མོ། །ནམ་མཁའ་དབྱིངས་ཀྱི་དཔལ་མོ་བཙན། །འཁོར་འདས་དྭངས་བཅུད་དབང་སྡུད་མ། །མཆེད་བདུན་སྤྲུལ་པ་ཡང་སྤྲུལ་རྣམས། །འདིར་གཤེགས་ཐུགས་དམ་སྐོང་བའི་རྫས། །དབང་གི་ཕོ་བྲང་ཉམ་རེ་དགའ། །རིན་ཆེན་ཨུཏྤལ་ཕྲེང་མཛེས་དང༌། །ཙནྡན་བྱེ་རུ་པད་རག་ཕྲེང༌། །བསིལ་སྨན་སྣ་ཚོགས་སྦྱར་བ་ཡི། །མཆོད་ཡོན་བཟང་པོ་དཀར་མངར་གྱི། །སྐྱེམས་ཕུད་མཆོད་གཏོར་སྣ་ཚོགས་པ། །དབང་གི་ལྕགས་ཀྱུ་རྣོན་པོ་དང༌། །ཉི་ཟླའི་ཟེར་གྱི་ཞགས་པ་སོགས། །བྱང་སེམས་དཀར་དམར་མཚལ་ཆེན་ཐིག །སྨན་གཏོར་རཀྟ་ལ་སོགས་པ། །སྲིད་ཞིའི་ཁམས་ན་འབྱོར་པ་ཡིས། །བསྐང་རྒྱུའི་དངོས་པོ་ཅི་མཆིས་པས། །ལྷ་མོ་འཁོར་བཅས་ཐུགས་དམ་བསྐངས། །ཐུགས་དམ་བསྐངས་ལ་ཉམས་ཆག་གསོ། །ལྟ་སྒོམ་སྤྱོད་པ་ནོར་བ་དང༌། །སྒོ་གསུམ་བག་མེད་གྱུར་པ་བཤགས། ཁོང་ནས་འཁྲུགས་པ་དབྱིངས་སུ་སྟིམས། །རྔམ་པའི་བརྟུལ་ཞུགས་བགེགས་ལ་ཕོབ། །དགྲ་དཔུང་བདུན་བརྒྱུད་རྩད་ནས་ཆོད། །བགེགས་དཔུང་ཐལ་བའི་རྡུལ་དུ་རློག །བདག་འཁོར་ཡོན་བདག་བུ་བཞིན་སྐྱོངས། །རྣལ་འབྱོར་སྐུ་ཚེ་བསྲིང་བ་དང༌། །ཉེ་རྒྱུའི་སྤྱོད་པའི་གྲོགས་མཛད་ཅིང༌། །ཡེ་ཤེས་བདེ་བ་ཆེན་པོ་ཡི། །ཉམས་རྩལ་རྟོགས་པ་སྦར་དུ་གསོལ། །མདོར་ན་ཡིད་ལ་གང་འདོད་པའི། །མཆོག་ཐུན་ཕྲིན་ལས་ཐམས་ཅད་པ། །འབད་མེད་འགྲུབ་པར་མཛད་དུ་གསོལ། །ཅེས་ཡིག་བརྒྱ་བཟླའོ། །པདྨ་ཚེ་ཡི་སྙིང་ཐིག་གི །སྲུང་མའི་བསྐང་བཤགས་ཉུང་ངུ་འདི། །ཚེ་དབང་གྲུབ་པ་རྩལ་གྱིས་སྦྱར། །དགེ་བས་རྡོ་རྗེའི་སྲོག་འགྲུབ་ཤོག །བཀྲ་ཤིས་ཞལ་དྲོ། །དགེའོ།། །།

[edit]

@#/__/'chi med nye dbang tsaN+Di ka'i/_/bskang bshags zab mo'i rim pa bzhugs/_/_hrIH_bde chen ye shes bskyed mdzad ma/_/'chi med nye dbang lha mo ni/_/tsaN+Di ka sogs ming brgya ma/_/ming brgya ma la mtshan stong ma/_/'byung bzhi bskyed cing sdud pa mo/_/nam mkha' dbyings kyi dpal mo btsan/_/'khor 'das dwangs bcud dbang sdud ma/_/mched bdun sprul pa yang sprul rnams/_/'dir gshegs thugs dam skong ba'i rdzas/_/dbang gi pho brang nyam re dga'/_/rin chen ut+pal phreng mdzes dang*/_/tsan+dan bye ru pad rag phreng*/_/bsil sman sna tshogs sbyar ba yi/_/mchod yon bzang po dkar mngar gyi/_/skyems phud mchod gtor sna tshogs pa/_/dbang gi lcags kyu rnon po dang*/_/nyi zla'i zer gyi zhags pa sogs/_/byang sems dkar dmar mtshal chen thig_/sman gtor rak+ta la sogs pa/_/srid zhi'i khams na 'byor pa yis/_/bskang rgyu'i dngos po ci mchis pas/_/lha mo 'khor bcas thugs dam bskangs/_/thugs dam bskangs la nyams chag gso/_/lta sgom spyod pa nor ba dang*/_/sgo gsum bag med gyur pa bshags/_khong nas 'khrugs pa dbyings su stims/_/rngam pa'i brtul zhugs bgegs la phob/_/dgra dpung bdun brgyud rtsad nas chod/_/bgegs dpung thal ba'i rdul du rlog_/bdag 'khor yon bdag bu bzhin skyongs/_/rnal 'byor sku tshe bsring ba dang*/_/nye rgyu'i spyod pa'i grogs mdzad cing*/_/ye shes bde ba chen po yi/_/nyams rtsal rtogs pa sbar du gsol/_/mdor na yid la gang 'dod pa'i/_/mchog thun phrin las thams cad pa/_/'bad med 'grub par mdzad du gsol/_/ces yig brgya bzla'o/_/pad+ma tshe yi snying thig gi_/srung ma'i bskang bshags nyung ngu 'di/_/tshe dbang grub pa rtsal gyis sbyar/_/dge bas rdo rje'i srog 'grub shog_/bkra shis zhal dro/_/dge'o//__//