DKR-KABUM-05-CA-012

🚧 This website is under continued development. We appreciate your patience!

Previous Text Back to Volume PageNext Text

Wylie title	'
Location	dil mgo mkhyen brtse bka' 'bum Volume 5, Text 12, Pages (Folios 1a to )
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation	Khyentse, Dilgo. '. In Skyabs rje dil mgo mkhyen brtse rin po che'i bka' 'bum, Vol. 5: . Delhi: Shechen Publications, 1994.
Genre	Sadhanas - Evocation Ritual - sgrub thabs

Tibetan Text

Wylie

[edit]

༄༅། སྒོས་བཀའ་སོ་སོའི་མངོན་རྟོགས་བསྒྱུར་སོ་ལས། །བརྒྱད་པ་དྲེགས་པ་ཀུན་འདུལ་གྱི་མངོན་རྟོགས་ནི། རྒྱུ་ཡིག་མཐིང་ནག་གདན་སྟེང་བབས་པ་ལས། །དྲེགས་པ་ཀུན་འདུལ་ཞལ་གསུམ་ཕྱག་དྲུག་ཁམ། །གཡས་དཀར་གཡོན་མཐིང་དབུས་ཁམ་ཁྲོ་ཞིང་གཏུམ། །སྤྱན་བགྲད་ཞལ་གདངས་ལྗགས་འདྲིལ་མཆེ་བ་གཙིགས། །སྨིན་མ་སྨ་ར་དབུ་སྐྲ་དམར་སེར་འབར། །དང་པོའི་ཕྱག་གཉིས་རྡོ་རྗེ་དུང་ཁྲག་བསྣམས། །ལྷག་རྣམས་ལྷ་བརྒྱད་ཀླུ་བརྒྱད་མགོ་བོ་འཛིན། །དཔལ་དང་དུར་ཁྲོད་ཆས་ཀྱིས་རྣམ་པར་བརྒྱན། །ཞབས་བཞི་གཡས་བསྐུམ་གཡོན་བརྐྱང་དོར་སྟབས་བགྲད། །ཁམས་གསུམ་སྤྱི་འདུལ་རྡོ་རྗེ་ཐོད་འཛིན་འཁྱུད། །མདུན་དུ་དབང་ཕྱུག་སེང་ཞོན་གྲི་སྙིང་འཛིན། །ཤར་དུ་གཤིན་རྗེ་གླང་ཞོན་བེ་ཅོན་དབྱུག །ལྷོ་རུ་བསྐོས་རྗེ་རྟ་ཞོན་ཁྲམ་དགྲ་སྟྭ། །ནུབ་ཏུ་གློག་ཕྲེང་འབྲུག་ཞོན་ཐོག་སེར་འཕེན། །བྱང་དུ་མེ་དབལ་སྟག་ཞོན་རིན་ཆེན་གྲི། །ལྔ་ཀའང་རང་རང་ཡུམ་དང་ལྷན་གཅིག་གནས། །སྲིད་རྒྱལ་ལ་སོགས་སྡེ་དཔོན་སུམ་ཅུ་གཉིས། །ཆ་ལུགས་བཞོན་པ་མ་ངེས་ཅིར་ཡང་བསྒྱུར།། །། ༄༅། སྒོས་བཀའ་སོ་སོའི་མངོན་རྟོགས་བསྒྱུར་སོ་ལས། དགུ་པ་དྲག་སྔགས་ཀྱི་མངོན་རྟོགས་ནི། རྒྱུ་ཡིག་མཐིང་ནག་གདན་སྟེང་བབས་པ་ལས། །སྟོབས་ལྡན་ནག་པོ་ཞལ་གསུམ་ཕྱག་དྲུག་པ། །སྤྱན་བགྲད་ཞལ་གདངས་ལྗགས་འདྲིལ་མཆེ་བ་གཙིགས། །སྨིན་མ་སྨ་ར་དབུ་སྐྲ་ཁམ་སེར་འབར། །རྩ་བའི་ཕྱག་གཉིས་རྡོ་རྗེ་ར་གདེངས་མཚོན། །ལྕང་ལོར་བཅས་པའི་བྷནྡྷ་ཁྲག་གང་ཅན། །ལྷག་རྣམས་ལྷ་བརྒྱད་ཀླུ་བརྒྱད་དོན་སྙིང་འཛིན། །དཔལ་དང་དུར་ཁྲོད་ཆས་ཀྱིས་རྣམ་པར་བརྒྱན། །ཞབས་བཞི་གཡས་བསྐུམ་གཡོན་བརྐྱང་དོར་སྟབས་བགྲད། །འབྱུང་ལྔའི་བདག་མོ་མཁར་འདེགས་ས་གནོན་འཁྱུད། །ཤར་དུ་འཆི་བདག་གཤིན་རྗེ་གྲི་ཐོད་འཛིན། །ལྷོར་བདུད་མེ་ཡི་ཁ་རླངས་ཁྲམ་ཤིང་ཞགས། །ནུབ་ཏུ་སྲིན་པོ་གསོད་བྱེད་གྲི་ཐོད་བསྣམས། །བྱང་དུ་གནོད་སྦྱིན་གང་བཟང་གྲི་མདུང་འཛིན། །བཞི་ཀའང་ཡུམ་བཅས་མུ་སྟེགས་ཀཱ་ལ་སོགས། །ཉི་ཤུ་རྩ་བརྒྱད་ལྷ་སྲིན་དྲེགས་པའི་ཚོགས། །སྣ་ཚོགས་རྒྱན་དང་རྣམ་འགྱུར་ཅིར་ཡང་སྟོན། །བསྐལ་པའི་མེ་དཔུང་འབར་བའི་དབུས་ན་བཞུགས།། །།

[edit]

@#/__sgos bka' so so'i mngon rtogs bsgyur so las/_/brgyad pa drag sngags kyi mngon rtogs ni/_rgyu yig mthing nag gdan steng babs pa las/_/stobs ldan nag po zhal gsum phyag drug pa/_/spyan bgrad zhal gdangs ljags 'dril mche ba gtsigs/_/smin ma sma ra dbu skra kham ser 'bar/_/rtsa ba'i phyag gnyis rdo rje ra gdengs mtshon/_/lcang lor bcas pa'i b+han+d+ha khrag gang can/_/lhag rnams lha brgyad klu brgyad don snying 'dzin/_/dpal dang dur khrod chas kyis rnam par brgyan/_/zhabs bzhi g.yas bskum g.yon brkyang dor stabs bgrad/_/'byung lnga'i bdag mo mkhar 'degs sa gnon 'khyud/_/shar du 'chi bdag gshin rje gri thod 'dzin/_/lhor bdud me yi kha rlangs khram shing zhags/_/nub tu srin po gsod byed gri thod bsnams/_/byang du gnod sbyin gang bzang gri mdung 'dzin/_/bzhi ka'ang yum bcas mu stegs kA la sogs/_/nyi shu rtsa brgyad lha srin dregs pa'i tshogs/_/sna tshogs rgyan dang rnam 'gyur cir yang ston/_/bskal pa'i me dpung 'bar ba'i dbus na bzhugs//__//