JKCL-KABUM-06-CHA-033

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	chos kyi blo gros bka' 'bum Volume 6, Text 33, Pages (Folios 1a1 to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. '. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 6: . Bir, H.P.: Khyentse Labrang, 2012.
Genre	Sadhanas - Evocation Ritual - sgrub thabs

1 Texts in this Section (sde tshan or chos tshan)

429-438	ཀློང་གསལ་རྡོ་རྗེ་མི་འཁྲུགས་པའི་ཞི་བའི་སྲེག་བླུགས་ཀྱི་ཆོ་ག་སྡིག་སྒྲིབ་རྣམ་སྦྱོང་། klong gsal rdo rje mi 'khrugs pa'i zhi ba'i sreg blugs kyi cho ga sdig sgrib rnam sbyong Fire Offerings - sbyin sreg   ·   Ritual and Liturgical Texts - cho ga phyag len	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

༄༅། །ཀློང་གསལ་རྡོ་རྗེ་མི་འཁྲུགས་པའི་ཞི་བའི་སྲེག་བླུགས་ཀྱི་ཆོ་ག་སྡིག་སྒྲིབ་རྣམ་སྦྱོང་བཞུགས་སོ། ། ན་མོ་གུ་རུ་བཛྲ་ཨ་ཀྵོ་བྷྱཿསྔོན་སྨོན་ཐུགས་བསྐྱེད་མཐའ་ཡས་པ། །མངོན་དགའི་ཞིང་གི་འདྲེན་པ་མཆོག །ལས་སྒྲིབ་ཀུན་སྦྱོང་མི་འཁྲུགས་རྒྱལ། །གུས་བཏུད་སྲེག་བླུགས་ཆོ་ག་སྤེལ། །དེ་ལ་དབང་ཐོབ་ཅིང་བསྙེན་པ་མཐར་ཕྱིན་པ་ན་སྔགས་ཀྱི་ལྷག་ཆད་སྐོང་བ་དང་། གཞན་ཡང་སྡིག་སྒྲིབ་ཞི་བ་སོགས་ཀྱི་དོན་དུ་སྲེགས་བླུགས་བྱ་བར་འདོད་པས། སྦྱོར་བ་དངོས་གཞི་རྗེས་གྱི་རིམ་པའོ། །དང་པོ་ནི། གང་དུ་བྱ་བའི་ས་ཕྱོགས་དེར་ས་བདག་ལྷ་ཀླུ་ལ་གཏོར་མ་གསེར་སྐྱེམས་འབུལ་བ་དང་། ཕྱག་བདར་རྐྱང་ནུལ་སོགས་གསང་བ་སྤྱི་འགྲོས་ལྟར་བྱས་ལ། སྟེགས་བུའི་སྟེང་དུ་ཚངས་ཟུར་གྱི་ཐིག་བཏབ། དབུས་ནས་ཁྲུ་ཕྱེད་ཀྱི་ཟླུམ་པོར་བསྐོར་བའི་ཕྱིར་སོར་བཞི་པའི་མཆུ་དང་ཁ་ཁྱེར་ཏེ། ཟླུམ་སྐོར་གསུམ་གྱི་ནང་དུ་པདྨ་འདབ་བརྒྱད་ཐབ་མཚན་རྡོ་རྗེ་སྔོན་པོ་རྩེ་ལྔ་པ་དང་བཅས་པ། ཁ་ཁྱེར་ལ་རྡོ་རྗེའི་ཕྲེང་བ། གྲྭ་བཞིར་ཟླ་ཕྱེད་རྡོ་རྗེ་དང་བཅས་པ་བྲིའོ། །ཡམ་ཤིང་བ་ལུ་དཀར་པོ་སོགས་འཛུབ་གང་བ་དྲི་བཟང་གིས་བྱུག་ཅིང་རྩེ་མོ་གཉིས་མར་ཁུ་དང་སྦྲང་རྩི་བྱུགས་ལ། མར་ཁུ། ཏིལ། ཡུངས་ཀར། དུརྦ། འབྲས། ཟས་མཆོག །ཀུ་ཤ། སོ་བ། ནས། གྲོ། སྲན་དཀར། ཤིང་ཏོག་རྣམས་འདས་པ་མ་འདས་པ་ཚན་གཉིས། སློབ་དཔོན་གྱི་གཡོན་ལོགས་སུ་བཤམས། སློབ་དཔོན་གྱི་གཡས་ལོགས་སུ་འདས་གཏོར་དང་། མེ་ལྷ་གཉིས་ལ་གཏོར་མ་དཀར་ཟླུམ་རེ་རེ་ཉེར་སྤྱོད་ལྔ་བཅས་བཤམས། སློབ་དཔོན་ཆས་གོས་དཀར་པོ་ཞལ་ཤར་དུ་ཕྱོགས་པའི་མདུན་དུ་ཐབ་སྟེགས་ལ་བུད་ཤིང་ཟླུམ་བོར་བརྩེག་པ་དང་། ལས་བུམ། རྡོ་དྲིལ། མེ་ཏོག །དགང་བླུགས། རླུང་གཡབ། མེ་ཡོལ་ཀྱང་བཞག །འདུག་སྟངས་ནི་ཕྱིན་པ་གཡས་གཡོན་པས་མནན་མཐེ་བོང་གཉིས་རྩེ་སྤྲད་པུས་མོ་གཉིས་སར་ཕབ་སྟེ་པདྨའི་སྟངས་ཀྱིས་འདུག་ནས་སྲེག་བླུགས་ཀྱི་བྱ་བ་ལ་འཇུག་གོ །གཉིས་པ་དངོས་གཞི་ལ། བདག་གི་རྣལ་འབྱོར་དང་མེ་ལྷ་མཆོད་པ་དང་། འདས་པའི་ལྷ་མཆོད་པའོ། །དང་པོ་ནི་འཇམ་མགོན་གུ་ཎའི་ཆོག་འགྲིགས་ལྟར་བདག་གི་རྣལ་འབྱོར་བསྐྱེད་བཟླས་དང་། མདུན་བསྐྱེད་སྒྲུབ་མཆོད་ཀྱང་བྱས་ན་ལེགས། སྦྱིན་སྲེག་གང་དུ་བྱ་བའི་སར་ཕྱིན་ནས་གོང་དུ་བཤད་པའི་འདུག་སྟངས་ཀྱིས་འཁོད་དེ། ཨོཾ་མ་ཧཱ་བཛྲ་ཧཱུྃ་གིས་རྡོ་རྗེ་དང་། ཨོཾ་བཛྲ་གྷནྜེ་ཨཱཿ ཧཱུྃ་གིས་དྲིལ་བུ་བཟུང་། འཁྱུད་པའི་རྒྱས། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་བཛྲ་སྭ་བྷཱ་ཝ་ཨཱདྨ་ཀོ྅་ཧཾཿཞེས་བརྗོད་དེ་དམ་ཚིག་གསུམ་དྲན་པར་བྱ། མེ་སྦར་བ་ནི། ཨོཾ་ཨགྣ་ཡེ་ཛྭ་ལ་རཾ་གྱིས་ཐབ་ཀྱི་ཤར་ལྷོ་ནས་མེ་སྦར། མར་ཁུ་བླུགས་གཟར་གང་གིས་མེ་གསོ། ཧཱུྃ་གསུམ་བརྗོད་ནས་རླུང་གཡབ་བོ། །སྲེག་རྫས་བྱིན་རླབས་ནི། ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་སྲེག་རྫས་རྣམས་རང་རང་གི་མིང་ཡིག་དང་པོ་ཐིག་ལེས་བརྒྱན་པ་ལས་བྱུང་བའི་ཡེ་ཤེས་བདུད་རྩིའི་རང་བཞིན་བསྲེག་རྫས་སོ་སོའི་རྣམ་པར་གསལ་བར་གྱུར། ཞེས་རྡོ་རྗེ་རྩེ་གཅིག་པའི་ཕྱག་རྒྱས་རེག་ལ། ཨོཾ་སྭཱ་ཧཱ་ས་རྫས་རྣམས་བཀྲུ། ཡམ་ཤིང་ལ། ཨོཾ་ཨཱཿ སྭཱ་ཧཱ། མར་ཁུ་ཨོཾ་ཤྲིཾ་སྭཱ་ཧཱ། འབྲུ་རྣམས་ཨོཾ་ཛྲིཾ་སྭཱ་ཧཱ། རྫས་གཞན་རྣམས་ལ། ཨོཾ་ཀུ་རུ་ཀུ་རུ་སྭཱ་ཧཱ། ཞེས་རྫས་སྔགས་རྣམས་གསུམ་གསུམ་བརྗོད་པས་བྱིན་གྱིས་བརླབ་བོ། །གཉིས་པ་ལ་མེ་ལྷ་མཆོད་པ་ནི། མེ་ཐབ་མི་དམིགས་སྟོང་པའི་ངང་ཉིད་ལས། །པདྨ་ཉི་མའི་གདན་གྱི་སྟེང་ཉིད་དུ། །རྃ་ལས་ཨགྣེ་རཱ་ཛ་སྐུ་མདོག་དཀར། ཞལ་གཅིག་ཕྱག་གཉིས་བགྲང་ཕྲེང་མེ་ཐབ་འཛིན། །འགྱིང་བག་ར་སྐྱེས་གདན་ལ་མངོན་པར་རོལ། །གནས་གསུམ་ཡིག་འབྲུ་གསུམ་ལས་འོད་འཕྲོས་པས། །རང་བཞིན་གནས་ནས་མེ་ལྷ་སྤྱན་དྲང་ངོ་། །སྤྱན་འདྲེན་པ་ནི། ཧཱུྃཿདད་པ་དང་ནི་དམ་ཚིག་གིས། །ཚུར་གཤེགས་ཚུར་སྤྱོན་འབྱུང་པོ་ཆེ། །མེ་ལྷའི་རྒྱལ་པོ་དྲང་སྲོང་མཆོག །རང་བཞིན་གནས་ནས་སྤྱན་འདྲེན་ནོ། །འབར་བ་མེ་ཡི་གདན་ལ་བཞུགས། །སྒོ་གསུམ་དད་པས་ཕྱག་འཚལ་ལོ། །ཨོཾ་ཨགྣེ་དེ་ཝ་རྀ་ཥི་ཛྙཱ་ན་ཛ་ཛཿཨོཾ་ཨགྣེ་དེ་ཝ་ཨེ་ཧྱེ་ཧི་ས་མ་ཡ་ཛཿཧཱུྃ་བྃ་ཧོཿཨོཾ་ཨགྣེ་དེ་ཝ་རྀ་ཥི་ས་མ་ཡཿཨཱ་ཝེ་ཤ་ཡ་ཏིཥྛ་ལྷནཿཨ་ཏི་པཱུ་ཧོཿཔྲ་ཏིཙྪ་ཧོཿཧཱུྃཿམེ་ཏོག་བདུག་སྤོས་དྲི་ཞལ་རོལ་མོ་དང་། །གཟུགས་སྒྲ་དྲི་རོ་རེག་བྱ་ཆོས་ལ་སོགས། །ཀུན་བཟང་མཆོད་པའི་སྤྲིན་གྱི་ཕུང་པོ་བཞེས། །ཨགྣེ་མེ་ལྷའི་རྒྱལ་པོར་འདི་འབུལ་བས། །བཞེས་ནས་ཚེ་ལྡན་ནམ་ཚེ་འདས་སྡིག་སྒྲིབ་ཞི་བར་ཤོག །ཨོཾ་ཨགྣ་ཡེ་བཛྲ་ཨརྒྷཾ་པཱ་དྱཾ་སོགས་རཱུ་པ་ཤབྡ་གྷནྡྷེར་ས་སྤཪྴེ་སཔྟ་མ་ཧཱ་རཏྣ་ཨཥྚ་མངྒ་ལཾ་ཝ་ས་སྱེ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུྃ། བྱོན་སྐྱེམས་ནི། མེ་ལྷ་ཅུང་ཟད་འཛུམ་པའི་ལྗགས་དང་གཟར་བུ་གཉིས་ཀྱི་ཁ་ལ་རཾ་ཡིག་གིས་མཚན་པར་གྱུར། ཨོཾ་ཨགྣ་ཡེ་སྭཱ་ཧཱ། ཞེས་མར་ཁུ་བླུགས་གཟར་ལན་བདུན། ཨོཾ་ཨགྣ་ཡེ་དཱི་བྱ་དཱི་བྱ་བི་ཤུདྡྷེ་མ་ཧཱ་ཤྲཱི་ཧ་བྱ་ཀ་བྱ་བཱ་ཧ་ནཱ་ཡ་ཧཱུྃ་ཕཊ་སྭཱ་ཧཱ། བདུན་ཚན་གསུམ་གྱིས་འབུལ། བདག་ཅག་འཁོར་དང་བཅས་པའི་སྡིག་སྒྲིབ་ཐམས་ཅད་ཤཱནྟིཾ་ཀུ་རུ་སྭཱ་ཧཱ། སྲེག་རྫས་འབུལ་པ་ནི། ཡམ་ཤིང་། ཨོཾ་ཨགྣ་ཡེ་བོ་དྷི་བྲྀ་ཀྵཱ་ཡ་སྭཱ་ཧཱ། རོ་བསྲེགས་སྐབས་ཚེ་འདས་ཁ་བསྒྱུར། བདག་ཅག་འཁོར་དང་བཅས་པའི་སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ། མར་ཁུ། ཨོཾ་ཨགྣ་ཡེ་ཨ་མྲྀ་ཏ་ཁཱ་ཧི། འདོད་གསོལ་འགྲེས། ཏིག་ཨོཾ་ཨགྣ་ཡེ་སརྦ་པཱ་པཾ་ད་ཧ་ན་བཛྲཱ་ཡ་སྭཱ་ཧཱ། ཡུངས་ཀར། ཨོཾ་ཨགྣེ་ཡེ་སརྦ་ཨརྠ་སིདྡྷི་ཡེ་སྭཱ་ཧཱ། དུརྦ། ཨོཾ་ཨགྣ་ཡེ་བཛྲ་ཨཱ་ཡུ་ཥེ་སྭཱ་ཧཱ། འབྲས། ཨོཾ་ཨགྣ་ཡེ་བཛྲ་པུཥྚ་ཡ་སྭཱ་ཧཱ། ཟས་མཆོག །ཨོཾ་ཨགྣ་ཡེ་བཛྲ་སརྦ་སམྤ་དེ་སྭཱ་ཧཱ། ཀུ་ཤ། ཨོཾ་ཨགྣ་ཡེ་ཨ་པྲ་ཏི་ཧ་ཏ་བཛྲ་ཡ་སྭཱ་ཧཱ། སོ་བ། ཨོཾ་ཨགྣ་ཡེ་བཛྲི་བཱི་ཛཱ་ཡ་སྭཱ་ཧཱ། ནས། ཨོཾ་ཨགྣ་ཡེ་མ་ཧཱ་བེ་གཱ་ཡ་སྭཱ་ཧཱ། གྲོ། ཨོཾ་ཨགྣ་ཡེ་བཛྲ་གྷ་སྨ་རྱཻ་སྭཱ་ཧཱ། སྲན་མ། ཨོཾ་ཨགྣ་ཡེ་མ་ཧཱ་བ་ལཱ་ཡ་སྭཱ་ཧཱ། ཤིང་ཏོག །ཨོཾ་ཨགྣ་ཡེ་ག་གྷ་ག་བྷ་ནི་བི་ལོ་ཀི་ཏེ་སྭཱ་ཧཱ། ཞེས་པ་རྣམས་བདུན་ནམ་ཉེར་གཅིག་རེ་འབུལ། ཧཱུྃ། དྲང་སྲོང་འབྱུང་པའི་མཐུ་ཡིས་ལས་བཞི་འགྲུབ། །དེང་འདིར་སྒྲུབ་ཅིང་གསོལ་བ་བཏབ་པའི་དོན། །བདག་ཅག་ཚེ་འདས་ཞེས་སྦྱར་རོ། །སྡིག་སྒྲིབ་ཞི་ཕྱིར་ཕྱག་འཚལ་བསྟོད། །ཁྱེད་ཀྱིས་སྔོན་ཚེ་རྒྱལ་བར་དམ་བཅས་པའི། །ལས་རྣམས་མི་འགྲུབ་པ་ཡི་མིང་ཡང་མེད། །མེ་ཉིད་ཡེ་ཤེས་མེ་རུ་བྱིན་བརླབས་ནས། །སྡིག་སྒྲིབ་སྡུག་བསྔལ་ཐམས་ཅད་ཞི་བར་མཛོད། གསུམ་པ་འཇིག་རྟེན་ལས་འདས་པའི་མེ་ལྷ་མཆོད་པ་ལ། དམ་ཚིག་པ་བསྐྱེད་ཅིང་སྤྱན་འདྲེན་མཆོད་བསྟོད་བྱ་བ་ནི། མེ་ལྷའི་ལྟོ་བ་ཡངས་པའི་གཞལ་ཡས་དབུས། །པདྨ་ཟླ་བ་རབ་ཏུ་རྒྱས་པའི་གདན། །དེ་སྟེང་བཅོམ་ལྡན་མགོན་པོ་མི་འཁྲུགས་པ། སོགས་བདག་བསྐྱེད་བསྟོད་པའི་བར་དང་། དགང་བླུགས་འབུལ་བ་ནི། དཀྱིལ་འཁོར་གྱི་ལྷ་ཡི་ཞལ་ཅུང་ཟད་འཛུམ་པའི་ལྗགས་དང་གཟར་བུ་གཉིས་ཀྱི་ཁ་ལ་རྃ་ཡིག་གིས་མཚན་པར་གྱུར། ཅེས་བརྗོད་ལ་བླུགས་གཟར་མར་ཁུ་དང་རྩ་སྔགས་ལན་བདུན་མཐར་གཟུངས་རིང་ཚར་གཅིག་བཏགས་པ་བདུན་ཚན་གསུམ་སོགས་འབུལ། བསྲེག་རྫས་འབུལ་བ་ལ་ཡམ་ཤིང་ནས་ཤིང་ཐོག་གི་བར། རྩ་སྔགས་ལ་རྫས་སྔགས་བཏགས་པ་བདུན་རེའི་མཐར། གཟུངས་རིང་ཚར་གཅིག་དང་འདོད་གསོལ་བཏགས་པ་གྲངས་ཅི་ནུས་སུ་དབུལ། གཤེགས་སྐྱེམས་ཀྱི་ཆེད་དུ་གོང་བཞིན་དགང་བླུགས་ཕུལ། ལས་གཞུང་ལྟར་གཏོར་མ་འབུལ། ཕྱི་གཏོར་མ་གྲུབ་ཀྱང་ཆོག །གཏང་རག་གི་མཆོད་བསྟོད་ནོངས་བཤགས་བཟོད་གསོལ་བྱ། ཨོཾ་ཁྱེད་ཀྱིས་སེམས་ཅན་སོགས་ཀྱིས། ཡེ་ཤེས་པ་གཤེགས། དམ་ཚིག་པ་བདག་ལ་བསྟིམ། གསུམ་པ་རྗེས་ལ། མེ་ལྷའི་གཏང་རག་གི་གཏོར་མ་འབུལ་བ་ནི། ཨགྣེ་ཛྭ་ལ་རྃ་མར་ཁུ་བླུགས་གཟར་གང་གིས་མེ་གསོ། མར་ཁུ་འབུལ་བ་ནས་ཤིང་ཏོག་གི་བར་རྫས་སྔགས་ཚར་གསུམ་རེ་ཙམ་དབུལ། འདོད་གསོལ་བྱ། ཨོཾ་ཨགྣེ་དེ་ཝ་རྀ་ཥི་བཛྲ་ཨརྒྷཾ་སོགས་ཀྱིས་མཆོད། ཨོཾ་ཨགྣེ་དེ་ཝ་རྀ་ཥི་ཨ་ཀཱ་རོ་སོགས་བཏགས་པ་ལན་གསུམ་དང་། མེ་སྟེ་བསྲེག་བྱ་ཟ་བའི་ལྷ། །དྲང་སྲོང་རྒྱལ་པོ་གདོན་གྱི་བདག །ཤར་ལྷོ་མེ་ལྷའི་ཚོགས་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །མཆོད་སྦྱིན་གཏོར་མ་འདི་བཞེས་ལ་སོགས་ཀྱིས་འབུལ། ཧྲཱིཿམེ་ལྷ་ཨགྣེ་རཱ་ཛ་ལ། སྦྱིན་སྲེག་མཆོད་པ་འདི་འབུལ་བས། །མ་འབྱོར་པ་དང་མ་ཚང་བ། །བདག་གིས་འགལ་འཁྲུལ་ཅི་མཆིས་པ། །དེ་དག་ཐམས་ཅད་བཟོད་པར་གསོལ། །ཡིག་བརྒྱ་བརྗོད། བདག་གི་དོན་དང་གཞན་གྱི་དོན། །བྱིན་ཟ་ཁྱེད་ཀྱི་གྲུབ་ཀྱིས་གཤེགས། །ཇི་བཞིན་དུས་སུ་སླར་བྱོན་ཏེ། །བདག་གི་དངོས་གྲུབ་ཐམས་ཅད་སྒྲུབས། །ཨོཾ་ཨགྣེ་དེ་ཝ་རྀ་ཥི་ས་པ་རི་ཝཱ་ར་བཛྲ་མུཿམེ་ལྷ་རང་གནས་སུ་གཤེགས་སུ་གསོལ། ཨ་ཀཱ་རོ་བརྗོད་བཞིན་དྲི་བཟང་ཆུ་དང་འོ་མས་མེ་གཞིལ་དགེ་བསྔོ་ཤིས་བརྗོད་ལས་གཞུང་ལྟར་བྱའོ།། །།༈རོ་སྲེག་གི་ཆོ་གའི་ཁྱད་པར་ལ། དམ་པ་རྣམས་ལ་མཆོད་རྟེན་བུམ་པའི་བྲེ་བརྩིགས་པ་དང་། ཕལ་པ་ལ་མཁར་ཐབ་ལྟ་བུ་བརྩིགརྐེད་པར་རྫས་ཁུང་། སྟེང་དུ་དུད་ཁུང་། རྩ་བར་སྦར་ཁུང་སོགས་གཏོད། དཀར་རྩི་བྱུག །རྡོ་ལེབ་སྟེང་བྲི་ཐབ་ལྟར་ཚོན་བཀྱེ་བ་དབུས་སུ་བཞག །བདག་མདུན་བུམ་གསུམ་གྲུབ་ནས་གནས་ལུང་གི་དབང་བསྐུར་ཟས་གཏད་ཡན་བྱ་བའམ། བསྡུ་ན། བདག་བསྐྱེད་རྗེས་ལས་བུམ་སྒྲུབ་ནས། རོ་ལ་སྦྱོང་བ་དང་། ཕྱིན་དྲུག་གི་ཁྲུས་བྱ། གནས་ཡིག་གདགས་ཚེ་འདས་སྐད་ཅིག་གིས་མི་འཁྲུགས་པའི་སྐུར་བསྐྱེད་མཆོད་བསྟོད་བྱས་ནས་རོ་ཁང་དུ་དྲངས། རྡོར་དྲིལ་དང་བསྲེག་རྫས་བྱིན་རླབས་གྲུབ་ནས། མེ་སྦར་བ་ནི། འདི་ནི་མགོན་པོ་མི་འཁྲུགས་པའི། །ཡེ་ཤེས་ལྔ་ཡི་རང་མདངས་མེ། །ཚེ་འདས་མ་རིག་དུག་ལྔ་བསྲེག །ཡེ་ཤེས་སྣང་བ་འབར་གྱུར་ཅིག །གཟུངས་སྔགས་བརྗོད་ལ་མེ་སྦར། གང་ཟག་མཆོག་ལ། རྡོ་རྗེ་སློབ་དཔོན་དགོངས་སུ་གསོལ། །འདི་ནི་མགོན་པོ་མི་འཁྲུགས་པའི། །ཡེ་ཤེས་ལྔ་ཡི་རང་མདངས་མེས། །བདག་ཅག་སྒྲིབ་པ་སྦྱོང་བའི་ཕྱིར། །ཡེ་ཤེས་སྣང་བ་འབར་གྱུར་ཅིག །ཅེས་དང་། གཟུངས་སྔགས་བརྗོད་ལ་སྦར་རོ། །བསྲེག་བླུགས་དངོས་གཞིར་དམ་པ་རྣམས་ཀྱི་གདུང་ནི་དཀྱིལ་འཁོར་གྱི་གཙོ་བོ་དང་དབྱེར་མེད་དུ་བསྐྱེད་ནས་བསྲེག་རྫས་འབུལ་བ་དང་། དམན་པ་ལ་ཤ་ཁྲག་བདུད་རྩིའི་རང་བཞིན་གྱི་མཆོད་རྫས་སུ་དམིགས་པ་སྤེལ་ཀྱང་ཆོག་ལ། ས་དང་ལམ་གྱི་བར་དུ་གཅོད་པ་ཐམས་ཅད་ཤཱནྟིཾ་སོགས། ཕལ་པ་ལ། ཚེ་ལས་འདས་པའི་སྡིག་སྒྲིབ་ཐམས་ཅད་ཤཱནྟིཾ་ཞེས་བྱ། རྫས་འབུལ་བའི་སྐབས་དམིགས་ཡུལ་རྗེས་སུ་དྲན་པས། རྫས་སྔགས་རྣམས་ཉེར་གཅིག་སོགས་རྫོགས་པ་དང་། གཙོ་བོར་ཀཾ་ཀ་ནི་དང་རྫས་ཏིལ་ནག་ཁོ་ན་ལ་གྲངས་བཟུང་། བདག་དང་ལྷ་དང་མཆོད་རྫས་དང་། མེ་ལས་ཡེ་ཤེས་ཀྱི་འོད་ཟེར་དཀར་པོ་འཕྲོས། །དམིགས་ཡུལ་ལ་ཐིམ་པས་དེའི་སྡིག་སྒྲིབ་ཀྱི་ཉེས་པ་ཐམས་ཅད་སེལ་བར་བྱེད་པར་བསམ་མོ། །བསྲེག་རྫས་རྫོགས་པ་ན། ཚེ་འདས་ཧཱུྃ་གི་ས་བོན་ལས་སྐྱེས་པའི་གཙོ་བོའི་སྐུ་རྡོ་རྗེ་ལྟ་བུར་བསམ་ནས། ཨོཾ་བཛྲ་རཀྵ་ཧཾ། གིས་བསྲུང་བར་བྱ། ལྷ་རྣམས་ཀྱི་འོད་ཟེར་གྱིས་དབང་བསྐུར་བར་བསམས་ལ། གནས་ལུང་དང་འབྲེལ་མིན་གང་ལྟར་ཡང་ལམ་སྦྱང་བསྟན་བྱའོ། །རོ་བསྲེགས་ཚར་བའི་རྗེས་སུ་མི་འཁྲུགས་པའི་ང་རྒྱལ་གྱིས། སཾ་ཧ་ར་ཎ་ཧཱུྃཿཞེས་རུས་བུ་རྣམས་བསྡུས་ལ། རུས་སྦྱོང་དང་སཱཙྪའི་ཆོ་ག་ཟུར་གསལ་ལྟར་བྱའོ། །འདི་བྲིས་དགེ་བས་ནམ་མཁའ་དང་། །མཉམ་པའི་འགྲོ་རྣམས་མངོན་དགའ་རུ། །སྐྱེས་ནས་བྱང་ཆུབ་མཆོག་བརྙེས་ཏེ། །མི་འཁྲུགས་མགོན་དང་དབྱེར་མེད་ཤོག །ཅེས་པའང་མཁན་རིན་པོ་ཆེ་དུལ་བའི་སྡེས་བཀའ་སྩལ་ལྟར། ཆོས་ཀྱི་བློ་གྲོས་པས་ཁྲིགས་སུ་བསྡེབས་པ་དགེ་ལེགས་སུ་གྱུར་ཅིགཡི་གེ་པ་ནི་དོན་དམ་ཆོས་མཆོག་གིས་གུས་པས་བགྱིད་པའོ། །མངྒ་ལཾ།། །།

[edit]

@#/__/klong gsal rdo rje mi 'khrugs pa'i zhi ba'i sreg blugs kyi cho ga sdig sgrib rnam sbyong bzhugs so/__/ na mo gu ru badz+ra a k+Sho b+h+yaHsngon smon thugs bskyed mtha' yas pa/__/mngon dga'i zhing gi 'dren pa mchog__/las sgrib kun sbyong mi 'khrugs rgyal/__/gus btud sreg blugs cho ga spel/__/de la dbang thob cing bsnyen pa mthar phyin pa na sngags kyi lhag chad skong ba dang /__gzhan yang sdig sgrib zhi ba sogs kyi don du sregs blugs bya bar 'dod pas/__sbyor ba dngos gzhi rjes gyi rim pa'o/__/dang po ni/__gang du bya ba'i sa phyogs der sa bdag lha klu la gtor ma gser skyems 'bul ba dang /__phyag bdar rkyang nul sogs gsang ba spyi 'gros ltar byas la/__stegs bu'i steng du tshangs zur gyi thig btab/__dbus nas khru phyed kyi zlum por bskor ba'i phyir sor bzhi pa'i mchu dang kha khyer te/__zlum skor gsum gyi nang du pad+ma 'dab brgyad thab mtshan rdo rje sngon po rtse lnga pa dang bcas pa/__kha khyer la rdo rje'i phreng ba/__grwa bzhir zla phyed rdo rje dang bcas pa bri'o/__/yam shing ba lu dkar po sogs 'dzub gang ba dri bzang gis byug cing rtse mo gnyis mar khu dang sbrang rtsi byugs la/__mar khu/__til/__yungs kar/__durba/__'bras/__zas mchog__/ku sha/__so ba/__nas/__gro/__sran dkar/__shing tog rnams 'das pa ma 'das pa tshan gnyis/__slob dpon gyi g.yon logs su bshams/__slob dpon gyi g.yas logs su 'das gtor dang /__me lha gnyis la gtor ma dkar zlum re re nyer spyod lnga bcas bshams/__slob dpon chas gos dkar po zhal shar du phyogs pa'i mdun du thab stegs la bud shing zlum bor brtseg pa dang /__las bum/__rdo dril/__me tog__/dgang blugs/__rlung g.yab/__me yol kyang bzhag__/'dug stangs ni phyin pa g.yas g.yon pas mnan mthe bong gnyis rtse sprad pus mo gnyis sar phab ste pad+ma'i stangs kyis 'dug nas sreg blugs kyi bya ba la 'jug go__/gnyis pa dngos gzhi la/__bdag gi rnal 'byor dang me lha mchod pa dang /__'das pa'i lha mchod pa'o/__/dang po ni 'jam mgon gu Na'i chog 'grigs ltar bdag gi rnal 'byor bskyed bzlas dang /__mdun bskyed sgrub mchod kyang byas na legs/__sbyin sreg gang du bya ba'i sar phyin nas gong du bshad pa'i 'dug stangs kyis 'khod de/__oM ma hA badz+ra hU~M gis rdo rje dang /__oM badz+ra g+han+De AH_hU~M gis dril bu bzung /__'khyud pa'i rgyas/__oM sarba ta thA ga ta ma hA a nu rA ga Na badz+ra swa b+hA wa Ad+ma ko\u0f85 haMHzhes brjod de dam tshig gsum dran par bya/__me sbar ba ni/__oM ag+na ye dz+wa la raM gyis thab kyi shar lho nas me sbar/__mar khu blugs gzar gang gis me gso/__hU~M gsum brjod nas rlung g.yab bo/__/sreg rdzas byin rlabs ni/__a mr-i tas bsangs/__swa b+hA was sbyangs/__stong pa'i ngang las sreg rdzas rnams rang rang gi ming yig dang po thig les brgyan pa las byung ba'i ye shes bdud rtsi'i rang bzhin bsreg rdzas so so'i rnam par gsal bar gyur/__zhes rdo rje rtse gcig pa'i phyag rgyas reg la/__oM swA hA sa rdzas rnams bkru/__yam shing la/__oM AH_swA hA/__mar khu oM shriM swA hA/__'bru rnams oM dz+riM swA hA/__rdzas gzhan rnams la/__oM ku ru ku ru swA hA/__zhes rdzas sngags rnams gsum gsum brjod pas byin gyis brlab bo/__/gnyis pa la me lha mchod pa ni/__me thab mi dmigs stong pa'i ngang nyid las/__/pad+ma nyi ma'i gdan gyi steng nyid du/__/ra~M las ag+ne rA dza sku mdog dkar/__zhal gcig phyag gnyis bgrang phreng me thab 'dzin/__/'gying bag ra skyes gdan la mngon par rol/__/gnas gsum yig 'bru gsum las 'od 'phros pas/__/rang bzhin gnas nas me lha spyan drang ngo /__/spyan 'dren pa ni/__hU~MHdad pa dang ni dam tshig gis/__/tshur gshegs tshur spyon 'byung po che/__/me lha'i rgyal po drang srong mchog__/rang bzhin gnas nas spyan 'dren no/__/'bar ba me yi gdan la bzhugs/__/sgo gsum dad pas phyag 'tshal lo/__/oM ag+ne de wa r-i Shi dz+nyA na dza dzaHoM ag+ne de wa e h+ye hi sa ma ya dzaHhU~M ba~M hoHoM ag+ne de wa r-i Shi sa ma yaHA we sha ya tiSh+Tha lhanaHa ti pU hoHpra tits+tsha hoHhU~MHme tog bdug spos dri zhal rol mo dang /__/gzugs sgra dri ro reg bya chos la sogs/__/kun bzang mchod pa'i sprin gyi phung po bzhes/__/ag+ne me lha'i rgyal por 'di 'bul bas/__/bzhes nas tshe ldan nam tshe 'das sdig sgrib zhi bar shog__/oM ag+na ye badz+ra ar+g+haM pA d+yaM sogs rU pa shab+da g+han+d+her sa spaR+she sap+ta ma hA rat+na aSh+Ta mang+ga laM wa sa s+ye pra tIts+tsha pU dza me g+ha sa mu dra s+pha ra Na sa ma ye hU~M/__byon skyems ni/__me lha cung zad 'dzum pa'i ljags dang gzar bu gnyis kyi kha la raM yig gis mtshan par gyur/__oM ag+na ye swA hA/__zhes mar khu blugs gzar lan bdun/__oM ag+na ye dI bya dI bya bi shud+d+he ma hA shrI ha bya ka bya bA ha nA ya hU~M phaT swA hA/__bdun tshan gsum gyis 'bul/__bdag cag 'khor dang bcas pa'i sdig sgrib thams cad shAn+tiM ku ru swA hA/__sreg rdzas 'bul pa ni/__yam shing /__oM ag+na ye bo d+hi br-i k+ShA ya swA hA/__ro bsregs skabs tshe 'das kha bsgyur/__bdag cag 'khor dang bcas pa'i sdig pa dang sgrib pa thams cad shAn+tiM ku ru swA hA/__mar khu/__oM ag+na ye a mr-i ta khA hi/__'dod gsol 'gres/__tig oM ag+na ye sarba pA paM da ha na badz+rA ya swA hA/__yungs kar/__oM ag+ne ye sarba ar+tha sid+d+hi ye swA hA/__durba/__oM ag+na ye badz+ra A yu She swA hA/__'bras/__oM ag+na ye badz+ra puSh+Ta ya swA hA/__zas mchog__/oM ag+na ye badz+ra sarba sam+pa de swA hA/__ku sha/__oM ag+na ye a pra ti ha ta badz+ra ya swA hA/__so ba/__oM ag+na ye badz+ri bI dzA ya swA hA/__nas/__oM ag+na ye ma hA be gA ya swA hA/__gro/__oM ag+na ye badz+ra g+ha sma r+yai swA hA/__sran ma/__oM ag+na ye ma hA ba lA ya swA hA/__shing tog__/oM ag+na ye ga g+ha ga b+ha ni bi lo ki te swA hA/__zhes pa rnams bdun nam nyer gcig re 'bul/__hU~M/__drang srong 'byung pa'i mthu yis las bzhi 'grub/__/deng 'dir sgrub cing gsol ba btab pa'i don/__/bdag cag tshe 'das zhes sbyar ro/__/sdig sgrib zhi phyir phyag 'tshal bstod/__/khyed kyis sngon tshe rgyal bar dam bcas pa'i/__/las rnams mi 'grub pa yi ming yang med/__/me nyid ye shes me ru byin brlabs nas/__/sdig sgrib sdug bsngal thams cad zhi bar mdzod/__gsum pa 'jig rten las 'das pa'i me lha mchod pa la/__dam tshig pa bskyed cing spyan 'dren mchod bstod bya ba ni/__me lha'i lto ba yangs pa'i gzhal yas dbus/__/pad+ma zla ba rab tu rgyas pa'i gdan/__/de steng bcom ldan mgon po mi 'khrugs pa/__sogs bdag bskyed bstod pa'i bar dang /__dgang blugs 'bul ba ni/__dkyil 'khor gyi lha yi zhal cung zad 'dzum pa'i ljags dang gzar bu gnyis kyi kha la ra~M yig gis mtshan par gyur/__ces brjod la blugs gzar mar khu dang rtsa sngags lan bdun mthar gzungs ring tshar gcig btags pa bdun tshan gsum sogs 'bul/__bsreg rdzas 'bul ba la yam shing nas shing thog gi bar/__rtsa sngags la rdzas sngags btags pa bdun re'i mthar/__gzungs ring tshar gcig dang 'dod gsol btags pa grangs ci nus su dbul/__gshegs skyems kyi ched du gong bzhin dgang blugs phul/__las gzhung ltar gtor ma 'bul/__phyi gtor ma grub kyang chog__/gtang rag gi mchod bstod nongs bshags bzod gsol bya/__oM khyed kyis sems can sogs kyis/__ye shes pa gshegs/__dam tshig pa bdag la bstim/__gsum pa rjes la/__me lha'i gtang rag gi gtor ma 'bul ba ni/__ag+ne dz+wa la ra~M mar khu blugs gzar gang gis me gso/__mar khu 'bul ba nas shing tog gi bar rdzas sngags tshar gsum re tsam dbul/__'dod gsol bya/__oM ag+ne de wa r-i Shi badz+ra ar+g+haM sogs kyis mchod/__oM ag+ne de wa r-i Shi a kA ro sogs btags pa lan gsum dang /__me ste bsreg bya za ba'i lha/__/drang srong rgyal po gdon gyi bdag__/shar lho me lha'i tshogs bcas la/__/mchod cing bstod de phyag kyang 'tshal/__/mchod sbyin gtor ma 'di bzhes la sogs kyis 'bul/__hrIHme lha ag+ne rA dza la/__sbyin sreg mchod pa 'di 'bul bas/__/ma 'byor pa dang ma tshang ba/__/bdag gis 'gal 'khrul ci mchis pa/__/de dag thams cad bzod par gsol/__/yig brgya brjod/__bdag gi don dang gzhan gyi don/__/byin za khyed kyi grub kyis gshegs/__/ji bzhin dus su slar byon te/__/bdag gi dngos grub thams cad sgrubs/__/oM ag+ne de wa r-i Shi sa pa ri wA ra badz+ra muHme lha rang gnas su gshegs su gsol/__a kA ro brjod bzhin dri bzang chu dang 'o mas me gzhil dge bsngo shis brjod las gzhung ltar bya'o//___//!ro sreg gi cho ga'i khyad par la/__dam pa rnams la mchod rten bum pa'i bre brtsigs pa dang /__phal pa la mkhar thab lta bu brtsigarked par rdzas khung /__steng du dud khung /__rtsa bar sbar khung sogs gtod/__dkar rtsi byug__/rdo leb steng bri thab ltar tshon bkye ba dbus su bzhag__/bdag mdun bum gsum grub nas gnas lung gi dbang bskur zas gtad yan bya ba'am/__bsdu na/__bdag bskyed rjes las bum sgrub nas/__ro la sbyong ba dang /__phyin drug gi khrus bya/__gnas yig gdags tshe 'das skad cig gis mi 'khrugs pa'i skur bskyed mchod bstod byas nas ro khang du drangs/__rdor dril dang bsreg rdzas byin rlabs grub nas/__me sbar ba ni/__'di ni mgon po mi 'khrugs pa'i/__/ye shes lnga yi rang mdangs me/__/tshe 'das ma rig dug lnga bsreg__/ye shes snang ba 'bar gyur cig__/gzungs sngags brjod la me sbar/__gang zag mchog la/__rdo rje slob dpon dgongs su gsol/__/'di ni mgon po mi 'khrugs pa'i/__/ye shes lnga yi rang mdangs mes/__/bdag cag sgrib pa sbyong ba'i phyir/__/ye shes snang ba 'bar gyur cig__/ces dang /__gzungs sngags brjod la sbar ro/__/bsreg blugs dngos gzhir dam pa rnams kyi gdung ni dkyil 'khor gyi gtso bo dang dbyer med du bskyed nas bsreg rdzas 'bul ba dang /__dman pa la sha khrag bdud rtsi'i rang bzhin gyi mchod rdzas su dmigs pa spel kyang chog la/__sa dang lam gyi bar du gcod pa thams cad shAn+tiM sogs/__phal pa la/__tshe las 'das pa'i sdig sgrib thams cad shAn+tiM zhes bya/__rdzas 'bul ba'i skabs dmigs yul rjes su dran pas/__rdzas sngags rnams nyer gcig sogs rdzogs pa dang /__gtso bor kaM ka ni dang rdzas til nag kho na la grangs bzung /__bdag dang lha dang mchod rdzas dang /__me las ye shes kyi 'od zer dkar po 'phros/__/dmigs yul la thim pas de'i sdig sgrib kyi nyes pa thams cad sel bar byed par bsam mo/__/bsreg rdzas rdzogs pa na/__tshe 'das hU~M gi sa bon las skyes pa'i gtso bo'i sku rdo rje lta bur bsam nas/__oM badz+ra rak+Sha haM/__gis bsrung bar bya/__lha rnams kyi 'od zer gyis dbang bskur bar bsams la/__gnas lung dang 'brel min gang ltar yang lam sbyang bstan bya'o/__/ro bsregs tshar ba'i rjes su mi 'khrugs pa'i nga rgyal gyis/__saM ha ra Na hU~MHzhes rus bu rnams bsdus la/__rus sbyong dang sAts+tsha'i cho ga zur gsal ltar bya'o/__/'di bris dge bas nam mkha' dang /__/mnyam pa'i 'gro rnams mngon dga' ru/__/skyes nas byang chub mchog brnyes te/__/mi 'khrugs mgon dang dbyer med shog__/ces pa'ang mkhan rin po che dul ba'i sdes bka' stsal ltar/__chos kyi blo gros pas khrigs su bsdebs pa dge legs su gyur cigayi ge pa ni don dam chos mchog gis gus pas bgyid pa'o/__/mang+ga laM//___//