JKCL-KABUM-05-CA-041

Previous Text"CA" is not a number. Back to Volume Page"CA" is not a number.Next Text "CA" is not a number.

Wylie title
Location	chos kyi blo gros bka' 'bum Volume , Text 41, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"CA" is not a number.

"CA" is not a number.

Tibetan Text

Wylie

[edit]

རྩ་གསུམ་རིགས་འདུས་དྲིལ་སྒྲུབ་རྒྱུན་ཁྱེར་བཞུགས། བདག་གཞན་མཁའ་ཁྱབ་འགྲོ་བ་ཀུན། །རྩ་བ་གསུམ་ལ་སྐྱབས་སུ་མཆི། །བླ་མེད་བྱང་ཆུབ་མྱུར་ཐོབ་ཕྱིར། །རིམ་གཉིས་རྣལ་འབྱོར་བསྒོམ་པར་བགྱི། །ཨ། སྟོང་དང་སྙིང་རྗེ་ཟུང་འཇུག་ལས། །རང་ཉིད་གུ་རུ་པདྨ་འབྱུང་། །ཞལ་གཅིག་ཕྱག་གཉིས་དཀར་དམར་མདངས། །ཕྱག་གཡས་རྡོ་རྗེ་རྩེ་ལྔ་ཕྱར། །གཡོན་པས་བྷནྡྷ་ཚེ་བུམ་བསྣམས། །མནྡ་ར་དང་གཉིས་མེད་འཁྲིལ། །སྤྱི་བོར་བླ་མ་ཀུན་ཏུ་བཟང་། །མཐིང་གསལ་མཉམ་བཞག་ཕྱག་རྒྱ་ཅན། །མགྲིན་པར་སེམས་ཉིད་ངལ་གསོ་དཀར། །ཕྱག་གཡས་མཆོག་སྦྱིན་གཡོན་གདན་སྟེང་། །པད་དཀར་སྡོང་བུ་རྒྱས་པ་བསྣམས། །སྙིང་གར་པད་ཉིའི་གདན་སྟེང་དུ། །ཡི་དམ་ཡང་དག་ཧེ་རུ་ཀ། མཐིང་ནག་ཞལ་གཅིག་ཕྱག་གཉིས་ཀྱི། །རྡོར་དྲིལ་ཀྲོ་དྷི་ཤྭ་རིར་འཁྱུད། །དུར་ཁྲོད་ཆས་བརྒྱད་འདོར་སྟབས་ཅན། །དབང་ཕྱུག་ཕོ་མོའི་གདན་ལ་འགྱིང་། །ལྟེ་བར་པད་ཉི་བམ་རོའི་སྟེང་། །མཁའ་འགྲོ་བདེ་ཆེན་རྒྱལ་མོ་ནི། །དམར་གསལ་ཅང་ཏེ་གྲི་གུག་བསྣམས། །པུཎྜ་རཱི་ཀའི་རྒྱན་གྱིས་མཛེས། །གསང་བར་ཁྲག་མཚོ་འཁྱིལ་པའི་ཀློང་། །མ་མགོན་གཟའ་དང་དམ་ཅན་དང་། །གེ་སར་གཡུ་སྒྲོན་ལ་སོགས་པ། །རྒྱུད་གསུམ་དམ་ཅན་ཚོགས་རྣམས་བཞུགས། །གནས་གསུམ་ཡིག་འབྲུ་གསུམ་པོ་ལས། །འོད་འཕྲོས་ཡེ་ཤེས་སྤྱན་དྲངས་གྱུར། །ཧཱུྃ། ཨོ་རྒྱན་ཡུལ༴སོགས་སིདྡྷི་དང་ཐོད་ཕྲེང་རྩལ་མཐར། ཛཿཧཱུྃ་བྃ་ཧོཿས་མ་ཡ་ཏིཥྛ་ལྷན༔ཨ་ཏི་པཱུ་ཧོཿཔྲ་ཏཱིཙྪ་ཧོཿཕྱི་ནང་གསང་བའི་མཆོད་པས་མཆོད། །སྐུ་གསུང་ཐུགས་ཡོན་ཕྲིན་ལས་བསྟོད། །ཉམས་ཆགས་འགལ་འཁྲུལ་ཐམས་ཅད་བཤགས། །མཆོག་དང་ཐུན་མོང་དངོས་གྲུབ་སྩོལ། ལྷ་རྣམས་ཐུགས་ཀར་པད་ཟླ་དང་། །ཉི་སྟེང་རང་སྲོག་སྔགས་ཀྱིས་མཚན། །འོད་འཕྲོས་བྱིན་བསྡུས་འགྲོ་སྒྲིབ་བསལ། །སྣོད་བཅུད་རྩ་གསུམ་དཀྱིལ་འཁོར་རྫོགས། སྔགས་འབྲུ་གསུམ་དང་སིདྡྷི། མ་ཎི༴ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཨོཾ་པདྨོ་ཡོ་གི་ནི་ཛྙཱ་ན་ཝཱ་ར་ཧི་ཧཱུྃ། མ་མ་ཏྲ་ཀ་རཀྴ་ཨེ་ཀ་ཙ་ཏི། མ་ཧ་ཀཱ་ལ་ཤ་རུ་རཀ་རཾ། བཛྲ་ས་དྷུ་ཏྲི། སིང་ཧ་མ་ནི་ར་ཛ། བཛྲ་པྲ་མོ་ཧ་ཧཱུྃ་ཕཊ་སྭཱ་ཧཱ། ལྷར་སྣང་འོད་གསལ་ངང་དུ་བསྟིམ། །སླར་ཡང་རིགས་འདུས་སྐུ་རུ་ལྡང་། །གནས་གསུམ་འབྲུ་གསུམ་མཚན་པར་གྱུར། །དགེ་བ་འདི་ཡིས་མྱུར་དུ་བདག །རྩ་གསུམ་ལྷ་ཚོགས་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་སོགས་དགེ་བསྔོ་ཤིས་བརྗོད་གང་ཤེས་བྱ། ཨོ་རྒྱན་མཚོའི་ངོར་ཆོས་ཀྱི་བློ་གྲོས་པས་སྤེལ་བ་དགེ་ལེགས་སུ་གྱུར་ཅིག །།། ཨ། རང་མདུན་ནམ་མཁར་འཇའ་འོད་འཁྲིགས་པའི་ཀློང་། །སེང་ཁྲི་པད་དཀར་ཟླ་བ་རྒྱས་པའི་སྟེང་། །རྩ་བའི་བླ་མ་ཨོ་རྒྱན་རིན་པོ་ཆེ། །སྣང་སྲིད་ཟིལ་གནོན་གསལ་བའི་ཐུགས་ཀ་རུ། །འཇམ་དབྱངས་བླ་མ་དམར་སེར་རལ་གླེགས་བསྣམས། །ཐུགས་ཀར་དྷཱིཿཡིག་འོད་ཟེར་འབར་བ་ལས། །འོད་ཟེར་ཁ་དོག་སྣ་ལྔ་འཕྲོས་པ་ཡིས། །རྨོངས་པའི་མུན་པ་ཐམས་ཅད་སེལ་བར་གྱུར། །ཨོཾ་ཨཱཿབཛྲ་གུ་རུ་པདྨ་པྲཛྙཱ་ཛྙཱ་ན་སརྦ་སིདྡྷི་ཕ་ལ་ཧཱུྃ། ཞེས་བཟླ། མཐར་ནི་བླ་མ་འོད་ཞུ་རང་ལ་ཐིམ་ཇི་ལྟ་ཇི་སྙེད་མཁྱེན་གཉིས་རྒྱས་པར་བསམ། དགེ་བསྔོ་བྱའོ། །ཅེས་པའང་སྤྲེལ་ལོ་སྤྲེལ་ཟླའི་ཚེས་བཅུ་ལ་ལྷོ་བྲག་མཁར་ཆུ་ལྕགས་ཕུར་ཅན་དུ་བྲིས་པའོ། །། །

[edit]

rtsa gsum rigs 'dus dril sgrub rgyun khyer bzhugs/__bdag gzhan mkha' khyab 'gro ba kun/__/rtsa ba gsum la skyabs su mchi/__/bla med byang chub myur thob phyir/__/rim gnyis rnal 'byor bsgom par bgyi/__/a/__stong dang snying rje zung 'jug las/__/rang nyid gu ru pad+ma 'byung /__/zhal gcig phyag gnyis dkar dmar mdangs/__/phyag g.yas rdo rje rtse lnga phyar/__/g.yon pas b+han+d+ha tshe bum bsnams/__/man+da ra dang gnyis med 'khril/__/spyi bor bla ma kun tu bzang /__/mthing gsal mnyam bzhag phyag rgya can/__/mgrin par sems nyid ngal gso dkar/__/phyag g.yas mchog sbyin g.yon gdan steng /__/pad dkar sdong bu rgyas pa bsnams/__/snying gar pad nyi'i gdan steng du/__/yi dam yang dag he ru ka/__mthing nag zhal gcig phyag gnyis kyi/__/rdor dril kro d+hi shwa rir 'khyud/__/dur khrod chas brgyad 'dor stabs can/__/dbang phyug pho mo'i gdan la 'gying /__/lte bar pad nyi bam ro'i steng /__/mkha' 'gro bde chen rgyal mo ni/__/dmar gsal cang te gri gug bsnams/__/puN+Da rI ka'i rgyan gyis mdzes/__/gsang bar khrag mtsho 'khyil pa'i klong /__/ma mgon gza' dang dam can dang /__/ge sar g.yu sgron la sogs pa/__/rgyud gsum dam can tshogs rnams bzhugs/__/gnas gsum yig 'bru gsum po las/__/'od 'phros ye shes spyan drangs gyur/__/hU~M/__o rgyan yul=sogs sid+d+hi dang thod phreng rtsal mthar/__dzaHhU~M ba~M hoHsa ma ya tiSh+Tha lhan:a ti pU hoHpra tIts+tsha hoHphyi nang gsang ba'i mchod pas mchod/__/sku gsung thugs yon phrin las bstod/__/nyams chags 'gal 'khrul thams cad bshags/__/mchog dang thun mong dngos grub stsol/__lha rnams thugs kar pad zla dang /__/nyi steng rang srog sngags kyis mtshan/__/'od 'phros byin bsdus 'gro sgrib bsal/__/snod bcud rtsa gsum dkyil 'khor rdzogs/__sngags 'bru gsum dang sid+d+hi/__ma Ni=oM ru lu ru lu hU~M b+h+yo hU~M/__oM pad+mo yo gi ni dz+nyA na wA ra hi hU~M/__ma ma tra ka rak+sha e ka tsa ti/__ma ha kA la sha ru raka raM/__badz+ra sa d+hu tri/__sing ha ma ni ra dza/__badz+ra pra mo ha hU~M phaT swA hA/__lhar snang 'od gsal ngang du bstim/__/slar yang rigs 'dus sku ru ldang /__/gnas gsum 'bru gsum mtshan par gyur/__/dge ba 'di yis myur du bdag__/rtsa gsum lha tshogs 'grub gyur nas/__/'gro ba gcig kyang ma lus pa/__/de yi sa la 'god par shog__/ces sogs dge bsngo shis brjod gang shes bya/__o rgyan mtsho'i ngor chos kyi blo gros pas spel ba dge legs su gyur cig__///__a/__rang mdun nam mkhar 'ja' 'od 'khrigs pa'i klong /__/seng khri pad dkar zla ba rgyas pa'i steng /__/rtsa ba'i bla ma o rgyan rin po che/__/snang srid zil gnon gsal ba'i thugs ka ru/__/'jam dbyangs bla ma dmar ser ral glegs bsnams/__/thugs kar d+hIHyig 'od zer 'bar ba las/__/'od zer kha dog sna lnga 'phros pa yis/__/rmongs pa'i mun pa thams cad sel bar gyur/__/oM AHbadz+ra gu ru pad+ma pradz+nyA dz+nyA na sarba sid+d+hi pha la hU~M/__zhes bzla/__mthar ni bla ma 'od zhu rang la thim ji lta ji snyed mkhyen gnyis rgyas par bsam/__dge bsngo bya'o/__/ces pa'ang sprel lo sprel zla'i tshes bcu la lho brag mkhar chu lcags phur can du bris pa'o/__//__/