JKCL-KABUM-07-JA-022

Previous Text"JA" is not a number. Back to Volume Page"JA" is not a number.Next Text "JA" is not a number.

Wylie title
Location	chos kyi blo gros bka' 'bum Volume , Text 22, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"JA" is not a number.

1 Texts in this Section (sde tshan or chos tshan)

403-405	ནཱ་རོ་མཁའ་སྤྱོད་མའི་ཚོགས་མཆོད་བསྐང་བཤགས་བསྡུས་པ། nA ro mkha' spyod ma'i tshogs mchod bskang bshags bsdus pa Confessions - bshags pa   ·   Feast Offering - tshogs mchod - tshogs kyi 'khor lo   ·   Mending Rituals - bskang chog	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

"JA" is not a number.

Tibetan Text

Wylie

[edit]

ནཱ་རོ་མཁའ་སྤྱོད་མའི་ཚོགས་མཆོད་བསྐང་བཤགས་བསྡུས་པ་བྱ་བར་སྤྲོ་ན། །ཐབས་ཤེས་ཀྱི་རྫས་དག་ཅིང་གཙང་བ་ཅི་འབྱོར་པ་བཤམས་ལ། རྣལ་འབྱོར་པ་ལྷ་ཡི་ང་རྒྱལ་ལ་གནས་ཏེ། ཨོཾ་སུམྦྷ་ནི་སུམྦྷ་ནི་ཧུྃ་ཧཱུྃ་ཕཊ། ཨོཾ་གྲྀཧྞ་གྲྀཧྞ་ཧུྃ་ཧཱུྃ་ཕཊ། ཨོཾ་གྲྀཧྞ་པ་ཡ་གྲྀཧྞ་པ་ཡ་ཧུྃ་ཧཱུྃ་ཕཊ། ཨོཾ་ཨ་ན་ཡ་ཧོ་བྷ་ག་ཝཱན་བཛྲ་རཱ་ཛ་ཧུྃ་ཧཱུྃ་ཕཊ། ཅེས་ནང་མཆོད་གཏོར་བས་བསང་། ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤདྡྷོ྅་ཧཾ་གིས་སྦྱངས། སྟོང་པའི་ངང་ལས་རླུང་མེ་ཐོད་སྒྱེད་སྟེང་། ཨོཾ་ལས་ཆོས་དབྱིངས་དང་མཉམ་ཀ་པཱ་ལར། ཨཱཿལས་ཚོགས་གཏོར་ཤ་ལྔ་བདུད་རྩི་ལྔ། ཧཱུྃ་གིས་ཟག་མེད་ཡེ་ཤེས་བདུད་རྩིར་བསྒྱུར། །ཧ་ཧོ་ཧྲཱིཿཡིས་འདོད་ཡོན་མཐའ་རྒྱས་སྤེལ། །ཕྱག་རྒྱ་དང་བཅས། ཨོཾ་ཨཱཿཧཱུྃ་ཧ་ཧོ་ཧྲཱིཿལན་མང་བརྗོད། འབར་བའི་ཕྱག་རྒྱ་དང་བཅས། ཕཻཾ། འོག་མིན་རྡོ་རྗེ་བཙུན་མོའི་གནས་མཆོག་ནས། །རྒྱལ་ཀུན་ཡུམ་གྱུར་རྡོ་རྗེ་རྣལ་འབྱོར་མ། །གནས་གསུམ་དཔའ་བོ་མཁའ་འགྲོའི་ཚོགས་དང་བཅས། །ཚོགས་ཀྱི་འདུ་བར་སྤྱན་འདྲེན་གཤེགས་སུ་གསོལ། །ཨོཾ་གུ་རུ་བཛྲ་ཡོ་གི་ནཱི་མཎྜལ་ས་པ་རི་ཝཱ་ར་བཛྲ་ས་མཱ་ཛཿཛཿཧཱུྃ་བྃ་ཧོཿས་མདུན་བསྐྱེད་ལ་གཉིས་མེད་བསྟིམ། ཚོགས་ཕུད་རིམ་པར་མཆོད་དེ། ཨོཾ་ཨཱཿཧཱུྃ། རྒྱལ་བ་ཀུན་གྱི་བརྟེན་བྱའི་གཞིར་གྱུར་པ། །དངོས་གྲུབ་མཆོག་གི་དམ་རྫས་བདུད་རྩི་འདི། །བླ་མ་ཡི་དམ་རྣལ་འབྱོར་མ་དཔལ་དང་། །མཁའ་འགྲོ་ཆོས་སྐྱོང་ནོར་ལྷའི་ཚོགས་ལ་འབུལ། ཨོཾ་ཨཱཿཧཱུྃ། རོ་བརྒྱ་ལྡན་པའི་ཚོགས་གཏོར་འདོད་ཡོན་སྤྲིན། །རྡོ་རྗེའི་དབང་པོ་དྲུག་ལ་དགྱེས་རྒུར་སྟོབས། །ཟག་མེད་བདེ་བ་མཆོག་གིས་རབ་མཉེས་ནས། །མཆོག་དང་ཐུན་མོང་དངོས་གྲུབ་སྩལ་དུ་གསོལ། ཨོཾ་གུ་རུ་བཛྲ་ཡོ་གི་ནཱི་ས་པ་རི་ཝཱ་ར་ག་ཎ་ཙཀྲ་པཱུ་ཛ་ཧོཿཨོཾ་ཨཱཿཧཱུྃ། ཕྱི་མཆོད་ཉེར་སྤྱོད་ནང་མཆོད་འདོད་ཡོན་ལྔ། །བཀྲ་ཤིས་རྫས་རྟགས་རིན་ཆེན་སྣ་བདུན་དང་། །དཔག་བསམ་ཤིང་དང་འདོད་འབྱུང་གཏེར་བུམ་སོགས། །རབ་འབྱམས་རྒྱ་མཚོའི་ཞིང་རྡུལ་གྲངས་སྙེད་ཀྱི། །སྲིད་ཞིའི་ཕུན་ཚོགས་ཇི་སྙེད་མཆིས་པ་དང་། །གསང་མཆོད་རྡོ་རྗེའི་རིག་མ་བསམ་ཡས་པས། །སྙོམས་འཇུག་བདེ་ཆེན་དགའ་བཞིའི་རོལ་རྩེད་ཀྱིས། །འདྲེན་པའི་བདེ་སྟོང་ཡེ་ཤེས་ཆེན་པོ་ཡི། །རྨད་དུ་བྱུང་བའི་མཆོད་པ་བླ་མེད་འདིས། །དཀྱིལ་འཁོར་ལྷ་ཚོགས་མ་ལུས་ཐུགས་དམ་བསྐང་། །བཅས་དང་རང་བཞིན་ཉེས་པའི་ཚོགས་ཀུན་བཤགས། །གྲུབ་ཆེན་བརྒྱད་དང་དབང་བཅུའི་དངོས་གྲུབ་སྩོལ། །ཡིག་བརྒྱ་བརྗོད། ཚོགས་ལ་རོལ་མཐར་དམ་ཚིག་གཙང་མའི་ལྷག་མ་རྣམས་བསྡུས་ལ་ཆུ་ཆང་གིས་བྲན། ཕཻཾ། དཀྱིལ་འཁོར་ལྷག་ལ་དབང་བ་ཡི། །ཞིང་སྐྱོང་ཕོ་ཉ་འཕྲོག་མ་དང་། །མ་མོ་གྲུབ་པ་ལ་སོགས་པ། །ལྷག་མའི་གཏོར་མ་འདི་བཞེས་ལ། །བཅོལ་པའི་ཕྲིན་ལས་འགྲུབ་པར་མཛོད། །ཨོཾ་ཨུཥྩི་ཊ་བ་ལིཾ་ཏ་བྷཀྵ་སི་སྭཱ་ཧཱ། ཞེས་གཙང་སར་དོར། རྡོ་རྗེའི་རྣལ་འབྱོར་དཀྱིལ་འཁོར་དུ། །བདེ་ཆེན་ཚོགས་ཀྱི་མཆོད་པ་ཡིས། །བདག་ཅག་རྡོ་རྗེའི་རྣལ་འབྱོར་རྣམས། །དམ་ཚིག་ཉམས་ཆག་ཀུན་བྱང་ནས། །དཀྱིལ་འཁོར་གཅིག་ཏུ་འགྲུབ་པར་ཤོག །ཅེས་སྨོན་ལམ་གདབ་བོ། །ཞེས་པའང་ཁྲོམ་ཐར་བསྒྲུབ་བརྩོན་བླ་མ་ངག་དབང་ཤེས་རབ་ནས་བསྐུལ་ངོར་ཆོས་ཀྱི་བློ་གྲོས་པས་སོ།། །།

[edit]

nA ro mkha' spyod ma'i tshogs mchod bskang bshags bsdus pa bya bar spro na/__/thabs shes kyi rdzas dag cing gtsang ba ci 'byor pa bshams la/__rnal 'byor pa lha yi nga rgyal la gnas te/__oM sum+b+ha ni sum+b+ha ni hu~M hU~M phaT/__oM gr-ih+Na gr-ih+Na hu~M hU~M phaT/__oM gr-ih+Na pa ya gr-ih+Na pa ya hu~M hU~M phaT/__oM a na ya ho b+ha ga wAn badz+ra rA dza hu~M hU~M phaT/__ces nang mchod gtor bas bsang /__oM swa b+hA wa shud+d+haHsarba d+harmAHswa b+hA wa shad+d+ho\u0f85 haM gis sbyangs/__stong pa'i ngang las rlung me thod sgyed steng /__oM las chos dbyings dang mnyam ka pA lar/__AHlas tshogs gtor sha lnga bdud rtsi lnga/__hU~M gis zag med ye shes bdud rtsir bsgyur/__/ha ho hrIHyis 'dod yon mtha' rgyas spel/__/phyag rgya dang bcas/__oM AHhU~M ha ho hrIHlan mang brjod/__'bar ba'i phyag rgya dang bcas/__phaiM/__'og min rdo rje btsun mo'i gnas mchog nas/__/rgyal kun yum gyur rdo rje rnal 'byor ma/__/gnas gsum dpa' bo mkha' 'gro'i tshogs dang bcas/__/tshogs kyi 'du bar spyan 'dren gshegs su gsol/__/oM gu ru badz+ra yo gi nI maN+Dal sa pa ri wA ra badz+ra sa mA dzaHdzaHhU~M ba~M hoHsa mdun bskyed la gnyis med bstim/__tshogs phud rim par mchod de/__oM AHhU~M/__rgyal ba kun gyi brten bya'i gzhir gyur pa/__/dngos grub mchog gi dam rdzas bdud rtsi 'di/__/bla ma yi dam rnal 'byor ma dpal dang /__/mkha' 'gro chos skyong nor lha'i tshogs la 'bul/__oM AHhU~M/__ro brgya ldan pa'i tshogs gtor 'dod yon sprin/__/rdo rje'i dbang po drug la dgyes rgur stobs/__/zag med bde ba mchog gis rab mnyes nas/__/mchog dang thun mong dngos grub stsal du gsol/__oM gu ru badz+ra yo gi nI sa pa ri wA ra ga Na tsakra pU dza hoHoM AHhU~M/__phyi mchod nyer spyod nang mchod 'dod yon lnga/__/bkra shis rdzas rtags rin chen sna bdun dang /__/dpag bsam shing dang 'dod 'byung gter bum sogs/__/rab 'byams rgya mtsho'i zhing rdul grangs snyed kyi/__/srid zhi'i phun tshogs ji snyed mchis pa dang /__/gsang mchod rdo rje'i rig ma bsam yas pas/__/snyoms 'jug bde chen dga' bzhi'i rol rtsed kyis/__/'dren pa'i bde stong ye shes chen po yi/__/rmad du byung ba'i mchod pa bla med 'dis/__/dkyil 'khor lha tshogs ma lus thugs dam bskang /__/bcas dang rang bzhin nyes pa'i tshogs kun bshags/__/grub chen brgyad dang dbang bcu'i dngos grub stsol/__/yig brgya brjod/__tshogs la rol mthar dam tshig gtsang ma'i lhag ma rnams bsdus la chu chang gis bran/__phaiM/__dkyil 'khor lhag la dbang ba yi/__/zhing skyong pho nya 'phrog ma dang /__/ma mo grub pa la sogs pa/__/lhag ma'i gtor ma 'di bzhes la/__/bcol pa'i phrin las 'grub par mdzod/__/oM uSh+tsi Ta ba liM ta b+hak+Sha si swA hA/__zhes gtsang sar dor/__rdo rje'i rnal 'byor dkyil 'khor du/__/bde chen tshogs kyi mchod pa yis/__/bdag cag rdo rje'i rnal 'byor rnams/__/dam tshig nyams chag kun byang nas/__/dkyil 'khor gcig tu 'grub par shog__/ces smon lam gdab bo/__/zhes pa'ang khrom thar bsgrub brtson bla ma ngag dbang shes rab nas bskul ngor chos kyi blo gros pas so//___//