Property:colophontib
From Khyentse Lineage - A Tsadra Foundation Project
This is a property of type Text.
བ
།ཅེས་པའང་ཡང་ཟབ་རིན་པོ་ཆེ་འདི་ཉིད་ཀྱི་ཆ་ལག་ཏུ་བྷུ་སུ་ཀུ་པ་ཀློང་ཆེན་ཡེ་ཤེས་རྡོ་རྗེས་སྤ་གྲོ་སྟག་ཚང་དུ་བྲིས་པ་ཤུ་བྷཾ།། +
བླ་ཕུར་ཐུགས་ཀྱི་ཐིག་ལེ་ལས། སྨིན་བྱེད་ཀྱི་དབང་བསྐུར་ཁྲིགས་ཆགས་སུ་བཀོད་པ་ཕྲིན་ལས་གསང་བའི་བཅུད་བསྡུས། +
།ཅེས་ཟབ་གསང་རྨད་དུ་བྱུང་བ་འདི་ཉིད་ཀྱི་ལས་བྱང་དཔལ་ཆེན་རང་རྫོགས་དང་དབང་གི་རྩ་ཐོ་ཙམ་ལས་གཏན་ལ་འབེབས་པར་མ་གནང་བས་དད་དང་སྐལ་པ་ལྡན་པའི་རྗེས་འཇུག་རྣམས་ལ་ཕན་པའི་ཕྱིར་དང༌། བསྟན་རྒྱུན་འཛིན་པའི་སྐྱེས་བུ་དག་ལ་ཉེར་མཁོ་གྱུར་པས་ཅིས་ཀྱང་འབྲི་བར་འོས་ཞེས་གསང་ཡུམ་མཆོག་དང་སྐུ་གསུང་ཐུགས་ཀྱི་སྲས་མཆོག་སྤྲུལ་རིན་པོ་ཆེ་པདྨ་དབང་རྒྱལ་སྐུ་མཆེད་ལྕམ་དྲལ་རྣམས་ནས་རྟེན་དང་བཅས་ཏེ་ཡང་ཡང་བཀས་བསྐུལ་བ་བཞིན་མཁས་གྲུབ་དབང་པོ་བླ་མ་མཆོག་གི་ཐུན་མོང་མ་ཡིན་པའི་ཐུགས་བརྩེས་སྐྱང་ཤིང་སྐུ་གསུང་ཐུགས་ཀྱི་བྱིན་རླབས་ཟབ་མོས་དབུགས་དབྱུང་བའི་ངེས་ཤེས་ལ་བརྟེན་སློབ་དཔོན་སངས་རྒྱས་གཉིས་པའི་ཕྲིན་ལས་ཀྱི་གདུགས་དཀར་པོར་ངལ་འཚོ་ཐོབ་པའི་རྙིང་སྔགས་རྒན་པོ་པདྨ་གར་དབང་བདེ་ཆེན་འོད་གསལ་མདོ་སྔགས་གླིང་པས་ལྷོ་འབྲུག་རྒྱལ་ཁབ་ཆེན་པོའི་ལྗོངས་ཀྱི་ཆར་ལྷོ་མོན་ཁའི་བྲག་གི་སྐུ་རྗེས་རྡོ་རྗེ་བརྩེགས་པའི་ཀེའུ་ཚང་གི་མདུན་དུ་སྨན་ལྗོངས་ལྗོན་ཤིང་གི་སྐྱེད་མོས་ཚལ་ཏུ་རྒྱུ་བའི་ཚེ། ཡི་གེ་བཀོད་པའི་མཐུན་འགྱུར་བློ་གསལ་དད་མོས་དགེ་བ་སྤྲུལ་སྐུ་ཀུན་དགའ་བཀྲ་ཤིས་པའི་སྡེས་ཞུས་པ་འདིས་ཀྱང་རང་གཞན་དཔལ་ལྡན་བླ་མའི་ཟབ་གསང་ཐུགས་ཀྱི་མཛོད་ལ་རྫོགས་པར་ལོངས་སྤྱོད་པ་དང༌། བསྟན་འགྲོའི་རྒུད་པ་ཞི་བའི་དགེ་ལེགས་ཀྱི་དཔལ་ཕུན་སུམ་ཚོགས་པས་ཕྱོགས་དུས་གནས་སྐབས་ཀུན་ཏུ་འབྱོར་ཞིང་རྒྱས་པའི་རྒྱུར་གྱུར་ཅིག །སརྦ་དཱ་མངྒ་ལཾ། དགེའོ།། +
ཅེས་པའང་མཁས་ཤིང་དངོས་གྲུབ་བརྙེས་པའི་རྡོ་རྗེ་སློབ་དཔོན་ཆེན་པོ་ཀློང་ཆེན་ཡེ་ཤེས་རྡོ་རྗེའི་ཟབ་གཏེར་གྱི་ཉིང་ཁུ་སྤ་གྲོ་སྟག་ཚང་རྡོ་རྗེའི་བྲག་གི་ཀེའུ་ཚང་ནས་གསང་གཏེར་དུ་བཞེས་པའི་བླ་ཕུར་ཐུགས་ཀྱི་ཐིག་ལེ་ལ་དབང་གི་རྩ་ཐོ་ཙམ་ལས་གཏན་ལ་ཕབ་མ་མཛད་པས་དབང་འཇུག་བདེ་ཞིག་གལ་ཆེ་བས་ཁྱེད་ནས་འབྲི་བར་འོས་ཞེས་རྗེ་བླ་མའི་གསང་ཡུམ། སྐུ་གསུང་ཐུགས་ཀྱི་སྲས་ལྕམ་དྲལ་རྣམས་ནས་རྟེན་དང་བཅས་ཏེ་བཀའ་ནན་བསྩལ་བ་ལྟར་སྙིང་བཅགས་ཞུས་པ་དབང་ཟིན་སྟ་གོན་དངོས་གཞི་བཅས་གསུངས་པ། ལས་བྱང་རྒྱས་ཙམ་ཞིག་མ་བྱུང་ཐབས་མེད་སེམས་པ་བཞིན་ལྕགས་སྤྲེལ་ཆུ་སྟོད་ཟླ་བའི་ཚེས་བཅུར་ལྷོ་མོན་སྤ་གྲོ་སྟག་ཚང་དཔལ་ཕུག་ཏུ་ག་ཎ་ཙཀྲ་འབུམ་ཕྲག་དང༌། སྣང་གསལ་གྱི་མཆོད་པ་ཆིག་འབུམ་བཅས་འབུལ་སྐབས་གནས་དུས་ཆོས་གྲོགས་ཀྱི་རྟེན་འབྲེལ་བཟང་པོའི་མཚམས་སྦྱར་ཏེ་པདྨ་གར་དབང་འོད་གསལ་མདོ་སྔགས་གླིང་པས་བྲིས་པ་འདིས་ཀྱང་སྙིགས་དུས་བསྟན་འགྲོ་ལ་ཕན་པའི་དབུགས་འབྱིན་ཁྱད་པར་ཅན་ཐོབ་པའི་རྒྱུར་མཚོ་སྐྱེས་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། རྗེས་འཇུག་རྣམས་ཀྱི་ཉམས་ལེན་ནི། རྗེ་བླ་མའི་རྡོ་རྗེའི་གསུང་ཕྲིན་ལས་དཔལ་ཆེན་རང་རྫོགས་ཉིད་བྱིན་རླབས་ཀྱི་གཟི་བྱིན་མ་ཉམས་པ་ཁོ་ན་གཅེས་སོ། །འདི་ལ་བརྒྱུད་འདེབས་སྨན་མཆོད་བསྐང་བ་སོགས་རྗེ་བླ་མའི་གསུང་སྦྱར་བར་བྱའོ།། །དགེའོ།། +
མངྒ་ལས་སོ། །ཕྱག་བྲིས་དངོས་ལས་ཞལ་བཤུས་པའོ།། +
།ཅེས་པའང་རྗེ་བཙུན་ས་སྐྱ་པཎྜི་ཏས་མཛད་པའི་འཁོར་ལོ་བདེ་མཆོག་གི་བླ་བརྒྱུད་གསོལ་འདེབས་ཀྱི་བརྒྱུད་པ་ཕྱི་མ་རྣམས་རིམ་པར་བསྣན་པ་འཇམ་མགོན་ཀུན་དགའ་བསོད་ནམས་ཀྱིས་མཛད་པའི་ནཱ་རོ་མཁའ་སྤྱོད་ཀྱི་དཀྱིལ་ཆོག་ལས་འབྱུང་བ་ལྟར་ལ། དཀོན་མཆོག་ལྷུན་གྲུབ་མན་ཆད་ཀྱི་ཁ་སྐོང་རྣམས་ངོར་ཨེ་ཝཾ་པ་ཆེན་པོ་ནས་བརྒྱུད་པའི་རྣལ་འབྱོར་མའི་བྱིན་རླབས་ཀྱི་བརྒྱུད་རིམ་དང་མཐུན་པར་འཇམ་དབྱངས་མཁྱེན་བརྩེའི་དབང་པོས་བྲིས་པའོ། །སརྦ་མངྒ་ལཾ་བྷ་ཝ་ཏུ།། +
།ཞེས་པའང་དད་དམ་རྨད་བྱུང་ལུགས་གཉིས་ཀྱི་མཁྱེན་སྤྱན་ཡངས་པ་ཕྱག་མཛོད་འགྱུར་མེད་དམ་ཆོས་ཀྱིས་ཆེད་དུ་བསྐུལ་བའི་ངོར། བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པ་དོན་དང་ལྡན་པར་གྱུར་ཅིག +
* '''Colophon page 471:''' །ཅེས་པའང་རང་གཞན་རྣམས་ཀྱིས་རྒྱུན་གྱི་རྣལ་འབྱོར་ཁྱེར་བདེ་བའི་ཕྱིར་གཏེར་སྟོན་གྲུབ་ཐོབ་ཐམས་ཅད་ཀྱི་རྒྱལ་པོ་གུ་རུ་ཆོས་ཀྱི་དབང་ཕྱུག་གིས་ལྷོ་བྲག་གནས་སྐས་ཅན་ནས་སྤྱན་དྲངས་པའི་གཏེར་གཞུང་རྩ་བ་ལས་ངག་འདོན་སྙིང་པོར་དྲིལ་བ་འདི་ཡང་། རིག་འཛིན་གྱི་བཙུན་པ་མཉྫཱུ་གྷོ་ཥས་སྦྱར་བའི་དགེ་བས་འགྲོ་ཀུན་ཨོ་རྒྱན་རྡོ་རྗེ་འཆང་ཆེན་པོའི་གོ་འཕང་ཚེ་འདི་ཉིད་ལ་ཐོབ་པའི་རྒྱུར་གྱུར་ཅིག
+
།ཚུལ་འདི་ཤིང་ལུག་ཟླ་༨ཚེས་༢༠ལ། །མོས་གུས་སྦྲང་རྩིའི་ཟིལ་དངར་ནི། །ཅུང་ཟད་སྤྲོས་ལས་བྱུང་བ་འདི། །ཆོས་ཀྱི་བློ་གྲོས་ཞེས་བྱས་བྲིས། སརྦ་མངྒ་ལཾ།། +
།བླ་མ་བསང་བ་འདུས་པའི་ཚེས་བཅུའི་མཆོད་པ་དང་འབྲེལ་བར་གཏོར་དབང་གནད་ཀྱི་ཤོག་གཅིག་མ་ཇི་ལྟར་བསྐུར་བའི་ཚུལ་བཀླགས་ཆོག་ཏུ་བཀོད་པ་འདིའང་། ཤཱཀྱའི་དགེ་སློང་རིག་པ་འཛིན་པ་མཚོ་སྐྱེས་བླ་མ་དགྱེས་པའི་འབངས་ཀྱིས་སྦྱར་བའི་དགེ་བས་མཐའ་ཀླས་པའི་ཡིད་ཅན་རྒྱ་མཚོའི་རྡུལ་སྙེད་པདྨ་དྲྭ་བ་ཅན་གྱི་དགའ་ཚལ་དུ་འདོད་རྒུར་རྩེན་པའི་རྒྱུར་གྱུར་ཅིག། །།སརྦ་དཱ་ཀ་ལྱཱ་ཎཾ་བྷ་བ་ཏུ།། +
།ཞེས་པའང་མེ་སྤྲེལ་སྨིན་ཟླའི་དཀར་ཕྱོགས་ཀྱི་རྒྱལ་བ་གསུམ་པར་འཇམ་དབྱངས་ཆོས་ཀྱི་བློ་གྲོས་པས་མ་གྷ་དྷའི་གནྡྷོ་ལ་ཆེན་པོའི་ཉེ་ལོགས་སུ་བྲིས་པ་དོན་དང་ལྡན་པར་བྱིན་གྱིས་བརླབ་ཏུ་གསོལ། སརྦ་མངྒ་ལཾ།། +
།ཞེས་པའང་གཏེར་གཞུང་རྩ་བའི་དགོངས་པ་དང་། རིག་འཛིན་གཏེར་བདག་གླིང་པས་མཛད་པའི་རྒྱུན་ཁྱེར་དང་། འཁོར་ལོའི་རབ་གནས་བྱ་ཚུལ་སོགས་སྦྱར་ཏེ་ཤིན་ཏུ་གསལ་བར་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པའི་དགེ་བས་མཁའ་ཁྱབ་ཀྱི་འགྲོ་ཀུན་བསམ་པའི་དོན་ཐམས་ཅད་ཆོས་དང་མཐུན་པར་ཡིད་བཞིན་དུ་འགྲུབ་པའི་རྒྱུར་གྱུར་ཅིག། །སརྦ་དཱ་མངྒ་ལཾ་བྷ་བ་ཏུ།། +
བླ་མ་དང་ཁྱབ་བདག་འཇམ་དཔལ་དཔའ་བོ་ལ་བསྟོད་པ་ཡེ་ཤེས་མཆོག་སྩོལ་དང་འཇམ་དབྱངས་བསྟོད་པ་བྱིན་རླབས་མྱུར་འཇུག། +
ཞེས་པའང་ཐམས་ཅད་མཁྱེན་པ་ཆོས་ཀྱི་འབྱུང་གནས་ཀྱི་རྗེ་དབོན་བསམ་གཏན་མཆོག་སྤྲུལ་གྱི་སྐྱེ་ཕྲེང་གསུམ་པས་ལྷ་རེག་བཅས་གསུང་བསྐུལ་ངོར། ཆོས་ཀྱི་བློ་གྲོས་བས་དཔལ་སྤུངས་ཡིད་དགའ་ཆོས་འཛིན་གྱི་སྐྱེད་ཚལ་དུ་བྲིས་པ་དགེའོ། ། +
ཅེས་པའང་ལྷག་པའི་ལྷ་མཆོག་འདི་ཡི་བསྙེན་སྒྲུབ་སྐབས་ལྕགས་ཡོས་གནམ་ལོ་གསར་ཚེས་ཀྱི་དགའ་བ་དང་པོར་འཇམ་དབྱངས་ཆོས་ཀྱི་བློ་གྲོས་པས་བསྟོད་ཅིང་གསོལ་འདེབས་སྨོན་ཚིག་ཏུ་བྲིས་པ་ཤིན་ཏུ་དགེ་ཞིང་བཀྲ་ཤིས་པར་གྱུར་ཅིག །སརྦ་དཱ་མངྒ་ལཾ། ། +
།ཅེས་པའང་ཆུ་སྦྲུལ་ཟླ་༡༠ཚེས་༦ལ་རང་ནས་ཡིད་སྐྱོ་བས་སྨོན་ལམ་དུ་བྲིས་པའོ།། +
།ཞེས་པའང་དབུ་མཛད་བསོད་རྒྱལ་མཆེད་ཀྱི་ཁ་ཏོན་དུ་འཇམ་དབྱངས་མཁྱེན་བརྩེའི་དབང་པོས་བྲིས་པ་དགེ་ཞིང་བཀྲ་ཤིས།། +
།ཞེས་པའང་མཁྱེན་བརྩེའི་དབང་པོས་སྤེལ་བ་དགེ། +
།ཅེས་པའང་ཤིང་ཁྱི་གནམ་ལོ་གསར་དུ་ཚེས་པའི་དགའ་བ་དང་པོར་ཀུན་བཟང་འོད་གསལ་སྙིང་པོ་རྩལ་གྱིས་དཔལ་ཆེན་པོའི་བཟླས་ཐུན་ལ་གསོལ་བ་བཏབ་པ་སིདྡྷི་རསྟུ། ། +
།ཅེས་པའང་དད་སློབ་ཧོར་གདོང་ཐོག་དགོན་གྲྭ་མགོན་པོ་ཚེ་བརྟན་གྱིས་བཀྲ་ཤིས་ལྷ་རེག་རིན་ཆེན་གཉིས་པ་འཁོར་ལོའི་མཎྜལ་དང་བཀས་བསྐུལ་ངོར། འཇམ་དབྱངས་ཆོས་ཀྱི་བློ་གྲོས་པས་མེ་བྱ་སྨལ་པོའི་ཟླ་ཚེས་ལ་འཕགས་ཡུལ་རྡོ་རྗེ་གདན་གྱི་བྱང་ཆུབ་ཤིང་དྲུང་དུ་བྲིས་པ་དགེའོ། །སརྦ་མངྒ་ལཾ།། +
།དེ་བ་ས་པ་ཊ་ཀཾ་མཉྫུ་གྷོ་ཥཱཏ།། +
།ཅེས་འཆི་མེད་པདྨ་རྒྱལ་པོས་བྱིན་རླབས་ཀྱི་བདུད་རྩིའི་ཟིལ་མངར་ཕྲ་མོ་ཐོབ་པའི་པདྨ་གར་དབང་འོད་གསལ་མདོ་སྔགས་གླིང་པས་ནག་ཟླའི་བཟང་པོ་དང་པོའི་ཉིན་འཆི་མེད་ཚེའི་སྨིན་བྱེད་དང་ཆབས་ཅིག་ཕུལ་བས་མཁའ་ཁྱབ་ཡིད་ཅན་རྒྱ་མཚོ་ཚེ་དང་ཡེ་ཤེས་ཀྱི་སྣང་བ་དམ་པས་དབུགས་དབྱུང་བའི་རྒྱུར་གྱུར་ཅིག། +
