DKR-KABUM-21-ZHA-007

🚧 This website is under continued development. We appreciate your patience!

Previous Text Back to Volume PageNext Text

གཉགས་ཕུར་སྒྲུབ་པའི་སྐབས་ཡོན་ཏན་ལ་དམིགས་པའི་ཛཔ་དགོངས།

Wylie title	gnyags phur sgrub pa'i skabs yon tan la dmigs pa'i dzap dgongs
Location	dil mgo mkhyen brtse bka' 'bum Volume 21, Text 7, Pages 69 (Folios 1a1 to 1b2)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ (Khyentse, Dilgo)
Associated People	གཉགས་ཛྙཱ་ན་ཀུ་མཱ་ར་ (gnyags dz+nyA na ku mA ra)
Citation	Khyentse, Dilgo. Gnyags phur sgrub pa'i skabs yon tan la dmigs pa'i dzap dgongs. In Skyabs rje dil mgo mkhyen brtse rin po che'i bka' 'bum, Vol. 21: 69. Delhi: Shechen Publications, 1994.
Genre	Mantra Repetition Preparatory Liturgies - dzab khang dbye ba - dzab bskul  ·  Sadhanas - Evocation Ritual - sgrub thabs
Cycle	སྙན་བརྒྱུད་སྙིང་གི་གསང་མཛོད་ (snyan brgyud snying gi gsang mdzod)
Deity	rdo rje phur pa

Tibetan Text

Wylie

[edit]

གཉགས་ཕུར་སྒྲུབ་པའི་སྐབས་ཡོན་ཏན་ལ་དམིགས་པའི་ཛཔ་དགོངས་ནི། བདག་ཉིད་ལས་མདུན་རྟེན་གྱི་དཀྱིལ་འཁོར་ཕཊ྄་ཛཿས་ཕྱེ་བ་མདུན་གྱི་ནམ་མཁར་བཞུགས་པར་མོས། བདག་ཉིད་ཀྱི་ཐུགས་སྲོག་ཧཱུྃ་གི་འོད་ཟེར་འབྲུ་དགུའི་རྣམ་པ་མང་པོ་སྤྲོས། ཕྱོགས་བཅུའི་བདེ་གཤེགས་ཐམས་ཅད་དང༌། གཙོ་བོ་ཁྲོ་ཚོགས་སྲས་མཆོག་སྒོ་མ་དམ་ཅན་གྱི་ཕུར་བུ་ཐམས་ཅད་ཀྱི་ཐུགས་ཀར་ཐིམ། དགྱེས་པ་བསྐྱེད། ཐུགས་དམ་བསྐུལ། སྐུ་གསུང་ཐུགས་ཀྱི་དངོས་གྲུབ་ཐམས་ཅད་སྔགས་ཕྲེང་དམར་པོའི་རྣམ་པར་ལྷ་སོ་སོའི་ལྟེ་བ་ནས་བྱུང༌། བདག་གི་ལྟེ་བར་ཞུགས། ཐུགས་ཀའི་ས་བོན་ལ་ཐིམ། སླར་ཡང་ཐུགས་ཀ་ནས་སྔར་བཞིན་སྤྲོས་པ་འགལ་མེ་ལྟར་འཁོར་བ་ལ་དམིགས་ནས་ཛཔ་བཟླ། སླར་ཡང་འོད་ཟེར་འཕྲོས་པས་སྣོད་བཅུད་ཀྱི་འཇིག་རྟེན་ཐམས་ཅད་ཁྱབ། འབྱུང་བཞི་རིན་ཆེན་སྨན་རྫས་ཐམས་ཅད་ཀྱི་ཚེ་རིང་ནད་གདོན་སེལ་བྱེད་ཀྱི་བཅུད་ཐམས་ཅད་བསྡུས་ཏེ་བདག་ལ་ཐིམ་པས་གཟི་མདངས་བསྐྱེད། བཅུད་སེམས་ཅན་ཐམས་ཅད་ལ་འཕྲོས་པས་ལས་ཉོན་མ་རིག་པའི་བག་ཆགས་སྦྱངས། རྡོ་རྗེ་གཞོན་ནུའི་རང་བཞིན་དུ་གྱུར། དཀྱིལ་འཁོར་གྱི་ལྷ་ཚོགས་དང་ཕྱོགས་བཅུའི་སངས་རྒྱས་ཐམས་ཅད་ལ་འཕྲོས་མཉེས་མཆོད་ཕུལ། དགྱེས་པ་བསྐྱེད། ཐུགས་དམ་བསྐུལ། སྐུ་གསུང་ཐུགས་ཀྱི་དངོས་གྲུབ་ཐམས་ཅད་ཨོཾ་ཨཱཿཧཱུྃ་གི་རྣམ་པར་བསྡུས་ནས་བདག་ལ་ཐིམ་པས་ལས་ཉོན་བག་ཆགས་དང་བཅས་པ་སྦྱངས་རྡོ་རྗེ་གཞོན་ནུའི་རང་བཞིན་དུ་གྱུར། སྐུ་གསུང་ཐུགས་ཡོན་ཏན་ཕྲིན་ལས་ཡོངས་རྫོགས་ཀྱི་དངོས་གྲུབ་ཐོབ་པར་བསམ་ལ་ཛཔ་བཟླ། ལས་སྦྱོར་ནི། ཐུགས་ཀ་ནས་སྔགས་ཀྱི་འོད་ཟེར་ལྗང་ནག་འཕྲོས་པས་བདེ་གཤེགས་རྒྱལ་བ་ཞི་ཁྲོའི་ཐུགས་རྒྱུད་བསྐུལ། མཐུ་སྟོབས་བྱིན་རླབས་ནུས་པ་ཐམས་ཅད་བསྡུས་ནས་བདག་ལ་ཐིམ་པས་བདག་ཉིད་ནུས་ལྡན་དུ་བྱས། དམ་ཅན་སྲུང་མ་རྣམས་ལ་ཕོག་པས་ལས་ལ་བསྐུལ། གཟས་པོ་རང་དབང་མེད་པར་བཀུག་ནས་ལིངྒ་ལ་བསྟིམ། ཁོའི་ཚེ་དང་ནུས་པ་ཐམས་ཅད་བདག་ལ་ཐིམ། སླར་ཡང་དམ་ཅན་ཚོགས་རྣམས་བྱ་གཅན་ཤ་ལ་རུབ་པ་བཞིན་དུ་འདུས་ནས་བསྒྲལ་བར་བསམ་ལ་ཛཔ་བཟླ། ཨོཾ་པདྨ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་དགྲ་བགེག་མ་ར་ཡ་མཱ་ར་ཡ་ཧཱུྃ་ཕཊ྄༔ ཕུར་པའི་དགོས་དོན་དྲུག་ནི། ལྟ་བའི་མཚམས་གཅད། སྒོམ་པས་དྲོད་དང་ལྡན། སྤྱོད་པས་བོགས་དབྱུང༌། དབང་གིས་གདིང་བཙལ། དམ་ཚིག་གི་དོན་ལས་མི་འདའ། འབྲས་བུ་ལ་བཟླ་བའོ།། །།

[edit]

gnyags phur sgrub pa'i skabs yon tan la dmigs pa'i dzapa dgongs ni/_bdag nyid las mdun rten gyi dkyil 'khor phaTa? dzaHsa phye ba mdun gyi nam mkhar bzhugs par mos/_bdag nyid kyi thugs srog hU~M gi 'od zer 'bru dgu'i rnam pa mang po spros/_phyogs bcu'i bde gshegs thams cad dang*/_gtso bo khro tshogs sras mchog sgo ma dam can gyi phur bu thams cad kyi thugs kar thim/_dgyes pa bskyed/_thugs dam bskul/_sku gsung thugs kyi dngos grub thams cad sngags phreng dmar po'i rnam par lha so so'i lte ba nas byung*/_bdag gi lte bar zhugs/_thugs ka'i sa bon la thim/_slar yang thugs ka nas sngar bzhin spros pa 'gal me ltar 'khor ba la dmigs nas dzapa bzla/_slar yang 'od zer 'phros pas snod bcud kyi 'jig rten thams cad khyab/_'byung bzhi rin chen sman rdzas thams cad kyi tshe ring nad gdon sel byed kyi bcud thams cad bsdus te bdag la thim pas gzi mdangs bskyed/_bcud sems can thams cad la 'phros pas las nyon ma rig pa'i bag chags sbyangs/_rdo rje gzhon nu'i rang bzhin du gyur/_dkyil 'khor gyi lha tshogs dang phyogs bcu'i sangs rgyas thams cad la 'phros mnyes mchod phul/_dgyes pa bskyed/_thugs dam bskul/_sku gsung thugs kyi dngos grub thams cad oM AHhU~M gi rnam par bsdus nas bdag la thim pas las nyon bag chags dang bcas pa sbyangs rdo rje gzhon nu'i rang bzhin du gyur/_sku gsung thugs yon tan phrin las yongs rdzogs kyi dngos grub thob par bsam la dzapa bzla/_las sbyor ni/_thugs ka nas sngags kyi 'od zer ljang nag 'phros pas bde gshegs rgyal ba zhi khro'i thugs rgyud bskul/_mthu stobs byin rlabs nus pa thams cad bsdus nas bdag la thim pas bdag nyid nus ldan du byas/_dam can srung ma rnams la phog pas las la bskul/_gzas po rang dbang med par bkug nas ling+ga la bstim/_kho'i tshe dang nus pa thams cad bdag la thim/_slar yang dam can tshogs rnams bya gcan sha la rub pa bzhin du 'dus nas bsgral bar bsam la dzapa bzla/_oM pad+ma kI li kI la ya sarba big+h+nAn ba~M dgra bgeg ma ra ya mA ra ya hU~M phaTa?:_phur pa'i dgos don drug ni/_lta ba'i mtshams gcad/_sgom pas drod dang ldan/_spyod pas bogs dbyung*/_dbang gis gding btsal/_dam tshig gi don las mi 'da'/_'bras bu la bzla ba'o//_//