DKR-KABUM-21-ZHA-006

Previous Text Back to Volume PageNext Text

ཕུར་པའི་ཚེ་སྒྲུབ་ཀྱི་བཟླས་དམིགས།

Wylie title	phur pa'i tshe sgrub kyi bzlas dmigs
Location	dil mgo mkhyen brtse bka' 'bum Volume 21, Text 6, Pages 68 (Folios 1a1 to 1b3)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ (Khyentse, Dilgo)
Associated People	གཉགས་ཛྙཱ་ན་ཀུ་མཱ་ར་ (gnyags dz+nyA na ku mA ra)
Citation	Khyentse, Dilgo. Phur pa'i tshe sgrub kyi bzlas dmigs. In Skyabs rje dil mgo mkhyen brtse rin po che'i bka' 'bum, Vol. 21: 68. Delhi: Shechen Publications, 1994.
Genre	Longevity Rituals - tshe sgrub
Cycle	སྙན་བརྒྱུད་སྙིང་གི་གསང་མཛོད་ (snyan brgyud snying gi gsang mdzod)
Deity	rdo rje phur pa

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

ཕུར་པའི་ཚེ་སྒྲུབ་ཀྱི་བཟླས་དམིགས་ནི། བདག་ཉིད་དཔལ་ཆེན་རྡོ་རྗེ་གཞོན་ནུར་གསལ་བའི་ཐུགས་སྲོག་ས་བོན་ལ་ནྲྀ་ཡིག་དམར་ལྗང་གིས་མཚན་པ་ལས་འོད་ཟེར་འཕྲོས་པས་ཕྱི་འབྱུང་བ་བཞིའི་དྭངས་བཅུད། ནང་སེམས་ཅན་ཐམས་ཅད་ཀྱི་ཚེ་བསོད་དཔལ་འབྱོར་དྭངས་མ་ཐམས་ཅད་དང༌། གསང་བ་རྒྱལ་བ་སྲས་བཅས་ཀྱི་མཁྱེན་བརྩེ་ནུས་པའི་ཡེ་ཤེས་དྭངས་བཅུད། ཁྱད་པར་རང་གི་བླ་ཚེ་སྲོག་གསུམ་འཁྱམས་པ། ཡར་བ། འཐོར་བ། སྡེ་བརྒྱད་ཀྱིས་བརྐུས་འཕྲོག་བཅོམ་པ། བན་བོན་མཐུ་བོ་ཆེས་བྱད་དུ་བཅུག་པ་སོགས་ཐམས་ཅད་འོད་ཟེར་ཐིག་ལེ་ཁ་དོག་སྣ་ཚོགས་པའི་རྣམ་པར་བསྡུས་ནས་རང་གི་སྒོ་གསུམ་དང༌། མདུན་གྱི་ཚེ་རྫས་ལ་ཐིམ་པས་བླ་ཚེ་ཉམས་པ་གསོས། ཡར་བ་བསྡུས། སྙིང་དབུས་དྭངས་མའི་ཐིག་ལེ་བཀྲག་མདངས་གཟི་བརྗིད་དང་ལྡན་པར་མོས་ལ། ཕུར་པའི་རྩ་སྔགས་མཐར། ཨོཾ་བཛྲ་ཨཱ་ཡུ་ཥེ་ཧཱུྃ་ཛཿ ཞེས་བཏགས་པ་བཟླ། ཐུན་མཐར་ཚེ་འགུགས་ནི། མདའ་དར་གཡབ་སྟེ། ཧཱུྃ། བསྙེན་ཅིང་སྒྲུབ་པའི་དཀྱིལ་འཁོར་ལྷ་ཚོགས་རྣམས། །ཐུགས་རྗེ་ནུས་པ་མཐུ་དང་དཔུང་བསྐྱེད་ལ། །འོད་ཟེར་ཕོ་ཉ་ཕྱག་མཚན་འཕྲོ་འདུ་ཡིས། །བདག་གི་བླ་ཚེ་ཆད་ཉམས་ཡར་བ་དང༌། །འཁོར་འདས་བརྟན་གཡོའི་ཚེ་བཅུད་དྭངས་མ་ཀུན། །འོད་ཟེར་ཐིག་ལེ་ཡིག་འབྲུའི་རྣམ་པར་བཀུག །བདག་ལ་བསྟིམ་པས་བཀྲག་མདངས་གཟི་བརྗིད་རྒྱས། །འཆི་མེད་རྡོ་རྗེའི་ཚེ་མཆོག་གྲུབ་པར་གྱུར། །ཕུར་པའི་རྩ་སྔགས་མཐར། ཚེ་བྷྲཱུཾ་གཡུ་བྷྲཱུཾ། གཡུ་ཚེ་བྷྲཱུཾ། ཨཱ་ཡུ་ཛྙཱ་ན་གཡུ་ཚེ་བྷྲཱུཾ། ཨཱཿ སྤྲོས་པས་སྲིད་ཞི་ཀུན་ལ་ཁྱབ། །བསྡུས་པས་ཐིག་ལེ་ཉག་གཅིག་ཀློང༌། །འཕོ་འགྱུར་མེད་པར་རྒྱས་བཏབ་པས། །ཡེ་ཤེས་ཆེན་པོའི་སྲོག་ཐོབ་གྱུར། །དྷརྨ་དྷཱ་ཏུ་རཀྵ་རཀྵ་ཨཱཿ ཞེས་སྦྱར་རོ།། །།

[edit]

phur pa'i tshe sgrub kyi bzlas dmigs ni/_bdag nyid dpal chen rdo rje gzhon nur gsal ba'i thugs srog sa bon la nr-i yig dmar ljang gis mtshan pa las 'od zer 'phros pas phyi 'byung ba bzhi'i dwangs bcud/_nang sems can thams cad kyi tshe bsod dpal 'byor dwangs ma thams cad dang*/_gsang ba rgyal ba sras bcas kyi mkhyen brtse nus pa'i ye shes dwangs bcud/_khyad par rang gi bla tshe srog gsum 'khyams pa/_yar ba/_'thor ba/_sde brgyad kyis brkus 'phrog bcom pa/_ban bon mthu bo ches byad du bcug pa sogs thams cad 'od zer thig le kha dog sna tshogs pa'i rnam par bsdus nas rang gi sgo gsum dang*/_mdun gyi tshe rdzas la thim pas bla tshe nyams pa gsos/_yar ba bsdus/_snying dbus dwangs ma'i thig le bkrag mdangs gzi brjid dang ldan par mos la/_phur pa'i rtsa sngags mthar/_oM badz+ra A yu She hU~M dzaH_zhes btags pa bzla/_thun mthar tshe 'gugs ni/_mda' dar g.yab ste/_hU~M/_bsnyen cing sgrub pa'i dkyil 'khor lha tshogs rnams/_/thugs rje nus pa mthu dang dpung bskyed la/_/'od zer pho nya phyag mtshan 'phro 'du yis/_/bdag gi bla tshe chad nyams yar ba dang*/_/'khor 'das brtan g.yo'i tshe bcud dwangs ma kun/_/'od zer thig le yig 'bru'i rnam par bkug_/bdag la bstim pas bkrag mdangs gzi brjid rgyas/_/'chi med rdo rje'i tshe mchog grub par gyur/_/phur pa'i rtsa sngags mthar/_tshe b+h+rUM g.yu b+h+rUM/_g.yu tshe b+h+rUM/_A yu dz+nyA na g.yu tshe b+h+rUM/_AH_spros pas srid zhi kun la khyab/_/bsdus pas thig le nyag gcig klong*/_/'pho 'gyur med par rgyas btab pas/_/ye shes chen po'i srog thob gyur/_/d+harma d+hA tu rak+Sha rak+Sha AH_zhes sbyar ro//_//