JKW-KABAB-02-KHA-065

🚧 This website is under continued development. We appreciate your patience!

Previous Text Back to Volume PageNext Text

Wylie title	thugs sgrub bar chad kun sel las rig 'dzin rak+sha thod phreng gi phrin las dang dbang bskur bklags chog tu bkod pa bdud 'joms zhun thigs
Location	mkhyen brtse'i bka' babs Volume 2, Text 65, Pages 573-599 (Folios 1a to 14a2)
Author	འཇམ་མགོན་ཀོང་སྤྲུལ་
Less details More details
Tertön	མཆོག་གྱུར་གླིང་པ་ (mchog gyur gling pa)
Citation	'jam mgon kong sprul. thugs sgrub bar chad kun sel las rig 'dzin rak+sha thod phreng gi phrin las dang dbang bskur bklags chog tu bkod pa bdud 'joms zhun thigs. In Rdzong sar 'jam dbyangs mkhyen brtse'i dbang po'i bka' babs, Vol. 2: 573-599. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Activity Manual - las byang  ·  Revelations - gter ma  ·  Empowerment Ritual - dbang chog - dbang skur
Cycle	བླ་མའི་ཐུགས་སྒྲུབ་བར་ཆད་ཀུན་སེལ་ (bla ma'i thugs sgrub bar chad kun sel)
Deity	rig 'dzin rak+sha thod phreng
Karchag page	JKW-KABAB-Volume-02-KHA-Karchag
RTZ	In the Rinchen Terdzö: https://rtz.tsadra.org/index.php/Terdzo-BI-052
Colophon	།འདི་ལ་སྒྲུབ་ཐབས་གཏེར་ཆེན་མཆོག་ནས་མཛད་པ་ཡོད་ཀྱང་ཕྲིན་ལས་ཀྱི་ཡན་ལག་གཞན་ལ་ལྟོས་དགོས་པ་སོགས་ཀྱིས་འདིར་རང་རྐང་ཚུགས་པར་བྱེད་བདེའི་སླད་དུ་ཕྲིན་ལས་དབང་བསྐུར་དཀྱུས་གཅིག་ཏུ་སྲེས་ཏེ། སྔགས་རིག་འཛིན་པ་པདྨ་གར་དབང་རྩལ་གྱིས་རྫོང་ཤོད་བདེ་གཤེགས་འདུས་པའི་ཕོ་བྲང་ཆེན་པོར་བགྱིས་བ་དགེ་ལེགས་འཕེལ།།
	'di la sgrub thabs gter chen mchog nas mdzad pa yod kyang phrin las kyi yan lag gzhan la ltos dgos pa sogs kyis 'dir rang rkang tshugs par byed bde'i slad du phrin las dbang bskur dkyus gcig tu sres te/__sngags rig 'dzin pa pad+ma gar dbang rtsal gyis rdzong shod bde gshegs 'dus pa'i pho brang chen por bgyis ba dge legs 'phel

Tibetan Text

Wylie

[edit]

༄༅། །ཐུགས་སྒྲུབ་བར་ཆད་ཀུན་སེལ་ལས། རིག་འཛིན་རཀྴ་ཐོད་ཕྲེང་གི་ཕྲིན་ལས་དང་དབང་བསྐུར་བཀླགས་ཆོག་ཏུ་བཀོད་པ་བདུད་འཇོམས་ཞུན་ཐིགས་ཞེས་བྱ་བ་བཞུགས་སོ།།

༄༅། །ན་མོ་གུ་རུ་རཀྴ་ཧེ་རུ་ཀཱ་ཡ། །ཡེ་ཤེས་དབྱིངས་ལས་འབར་བའི་སྐུ། །བདུད་དགྲ་དམ་སྲིའི་གཤེད་པོ་ཆེ། །ཁྲག་འཐུང་རྒྱལ་པོས་ཕྱི་ནང་གི །བགེགས་ཚོགས་ཀུན་ཆོམས་བྱིན་རླབས་སྩོལ། །འདིར་གློ་བུར་ཀེག་སྲི་བར་གཅོད་ཀྱི་གཉེན་པོ་རྡོ་རྗེ་སྲིན་པོ་རཀྴ་ཐོད་ཕྲེང་རྩལ་གྱི་ལས་རིམ་ལ་འཇུག་པ་ལ་ཉེ་བར་མཁོ་བ་གཉིས་ཏེ། ཕྲིན་ལས་དང་དབང་བསྐུར་རོ། །དང་པོ་ལ་གསུམ། སྔོན་འགྲོ་དངོས་གཞི་རྗེས་སོ། །དང་པོ་གནས་ཁང་གི་ཕུག་ལོགས་སུ་དམ་ཚིག་གི་བྲིས་སྐུ་སོགས་རྟེན་བཀྲམ་ཐོད་པའམ་ཟངས་ལྕགས་ཀྱི་སྣོད་དུ་ཁྲག་ཆང་གིས་སྦྲུས་པའི་ཟན་ལ་གཏོར་མ་ཟུར་གསུམ་བརྗིད་ལྡན་ཐེབས་ཀྱུ་བཅུས་བསྐོར་བ་མེ་རིའི་རྒྱན་ལྡན་སྤོད་ཀྱིས་བྲན། སྐུ་ཙཀ་དང་དར་གདུགས་སྨུག་ནག་ཕུབ་པའི་གཡས་གཡོན་ཏུ་སྨན་རཀ །མདུན་ཏུ་དྲག་མཆོད་བཅས་སྟེགས་གཙང་མར་བཀོད། གཏོར་ཚོགས་སོགས་མཁོ་བའི་ཡོ་བྱད་རྣམས་འདུ་བྱས་ལ། བརྒྱུད་པའི་གསོལ་འདེབས་དང༌། གཞི་གནས་བདག་པོར་དཀར་གཏོར་གསེར་སྐྱེམས་འབུལ། སྐྱབས་འགྲོ་ནི། ན་མོ༔ རིགས་ཀུན་ཁྱབ་བདག་བླ་མ་རྗེ༔ དངོས་གྲུབ་འབྱུང་གནས་ཡི་དམ་ལྷ༔ བར་ཆད་ཀུན་སེལ་མཁའ་འགྲོའི་ཚོགས༔ རྩ་བ་གསུམ་ལ་སྐྱབས་སུ་མཆི༔ ལན་གསུམ། ཧོཿ མ་གྱུར་སེམས་ཅན་མཐའ་དག་ཀུན༔ སངས་རྒྱས་གོ་འཕང་འཐོབ་བྱའི་ཕྱིར༔ ཉེས་སྤྱོད་ཀུན་སྡོམ་དགེ་ཆོས་སྡུད༔ གཞན་ཕན་བྱང་སེམས་རྟག་ཏུ་བསྐྱེད༔ ལན་གསུམ། རྒྱུན་བཤགས་ནི། རྡོ་རྗེ་སློབ་དཔོན་སངས་རྒྱས་དཔལ་སོགས་བརྗོད་ལ་ཚད་མེད་བཞི་བསྒོམ། རང་ཉིད་སྐད་ཅིག་གིས་དཔལ་ཆེན་རྡོ་རྗེ་སྲིན་པོའི་སྐུར་གྱུར། བགེགས་གཏོར། རྃ་ཡྃ་ཁྃ་གིས་བསང་སྦྱང༌། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཟབ་ཅིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་མཐུ་ཕུན་སུམ་ཚོགས་པར་གྱུར། ཨོཾ་ཨཱཿཧཱུྃ་ཧ་ཧོཿཧྲཱིཿས་བྱིན་གྱིས་བརླབ། སརྦ་བྷུ་ཏ་ཨཱ་ཀརྵ་ཡ་ཛཿས་མགྲོན་དགུག །སརྦ་བིགྷྣཱན་ན་མཿསརྦ་སོགས་ནམ་མཁའ་མཛོད་ཀྱི་སྔགས་རྒྱ་ལན་གསུམ་གྱིས་བསྔོས་ལ། བཀའ་བསྒོ་བ་ནི། ཧཱུྃ་ཧྲཱིཿ གཉིས་སྣང་འཁྲུལ་པའི་གདོན་བགེགས་འབྱུང་པོའི་ཚོགས༔ གཏོར་མ་འདི་ལོངས་རང་རང་གནས་སུ་དེངས༔ གལ་ཏེ་མི་འགྲོ་རྡོ་རྗེའི་མཚོན་ཆར་གྱིས༔ དྲག་ཤུལ་རྡོ་རྗེའི་རོལ་པས་ཚར་བཅད་དོ༔ ཞེས་དང་དྲག་སྔགས་རོལ་མོས་མཚམས་བཅད། སྲུང་འཁོར་ནི། ཧཱུྃ་ཧྲཱི༔ བདག་ཉིད་དཔལ་ཆེན་པདྨ་དབང་གི་སྐུ༔ འཁོར་འདས་ཐམས་ཅད་གསང་གསུམ་ཕྱག་རྒྱར་རྫོགས༔ གཉིས་མེད་ཡེ་ཤེས་ལྷ་སྔགས་ཆོས་སྐུའི་ངང་༔ མཚམས་ཀྱི་དཀྱིལ་འཁོར་རང་བཞིན་ལྷུན་གྱིས་གྲུབ༔ ཧཱུྃ་སརྦ་ཀྲོ་དྷ་ཏཱིཀྵྞ་ཛྭ་ལ་རཾ་རཾ་དྷརྨ་དྷ་ཏུ་ཛྙཱ་ན་ཤུདྡྷེ་ཨ༔ རཀྵ་རཀྵ་ཧཱུྃ་ཕཊ༔ ནོངས་བཤགས་ནི། ཧོཿ བདེ་གཤེགས་སྙིང་པོ་རང་བཞིན་འོད་གསལ་ལ༔ འཁྲུལ་པའི་དབང་གིས་སྒྲོ་དང་སྐུར་བཏབ་སྟེ༔ ལོག་པའི་ལམ་དུ་གོལ་བའི་ནོངས་པ་ཀུན༔ གཉིས་མེད་བློ་ལས་འདས་པའི་ངང་དུ་བཤགས༔ ས་མ་ཡ་ཤུདྡྷེ་ཨ༔ བྱིན་དབབ་པ་ནི། ཧཱུྃ་ཧྲཱིཿ ཡུལ་གྱི་མིང་ནི་ལྷོ་ནུབ་རྔ་ཡབ་གླིང་༔ དཔལ་རི་པདྨ་འོད་ཀྱི་གཞལ་ཡས་ནས༔ རྩ་གསུམ་ཀུན་འདུས་རཀྴ་ཐོད་ཕྲེང་རྩལ༔ བདུད་འདུལ་ཁྲོ་བོ་སྤྲུལ་འཁོར་ཕོ་ཉ་བཅས༔ སྔོན་གྱི་ཞལ་བཞེས་ཐུགས་དམ་མ་གཡེལ་བར༔ ཕྱི་ནང་གསང་བའི་དཀྱིལ་འཁོར་དམ་རྫས་ལ༔ སྐུ་གསུང་ཐུགས་ཀྱི་རྡོ་རྗེའི་བྱིན་ཆེན་ཕོབས༔ སྒྲུབ་མཆོག་རྣམས་ལ་དབང་བསྐུར་བྱིན་གྱིས་རློབས༔ ཨོཾ་ཨཱཿཧཱུྃ་བཛྲ་གུ་རུ་དྷེ་བ་དྷཱ་ཀི་ནི་ཛྙཱ་ན་ཨཱ་བེ་ཤ་ཡ་ཨ་ཨཱཿ མཆོད་པ་བྱིན་བརླབ་ནི། རྃ་ཡྃ་ཁྃ། མེ་རླུང་ཆུ་ཡིས་དངོས་འཛིན་རྟོག་སྒྲིབ་སྦྱངས། །སྟོང་པའི་ངང་ལས་གསང་ཆེན་རོལ་པའི་ཞིང༌། །ཧཱུྃ་ལས་ཕྱི་ནང་གསང་བའི་མཆོད་སྤྲིན་རྣམས། །ཕུང་ཁམས་སྐྱེ་མཆེད་གདོད་ནས་རྣམ་དག་པ། །དུར་ཁྲོད་དྲག་པོའི་རྫས་སུ་བྱིན་གྱིས་བརླབ། ཨོཾ་བཛྲ་ཨརྒྷཾ་ནས། ཤབྡ་པཉྩ་ཀཱ་མ་གུ་ཎ་མ་ཧཱ་སརྦ་པཱུ་ཛ་ས་མ་ཡེ་ཨཱཿཧཱུྃ། ཨོཾ་སརྦ་པཉྩ་ཨ་མྲྀ་ཏ་མ་ཧཱ་རཀྟ་བ་ལིཾ་ཏ་ཨཱཿཧཱུྃ། ལན་གསུམ་གྱིས་སྦྱང་རྟོགས་སྤར་རོ། །གཉིས་པ་དངོས་གཞིའི་ལས་རིམ་ལས། དམ་ཚིག་པ་བསྐྱེད་པ་ནི། ཧཱུྃ༔ དམིགས་མེད་དེ་བཞིན་ཉིད་ཀྱི་དབྱིངས༔ ལྷུན་གྱིས་གྲུབ་པའི་རིག་རྩལ་ལས༔ རྒྱུ་ཡི་ཡི་གེ་ཧཱུྃ་མཐིང་ནག༔ མཁའ་ལ་ཉི་མ་བཞིན་དུ་ཤར༔ འབར་བ་ཆེན་པོའི་འོད་ཟེར་གྱིས༔ སྣོད་བཅུད་དངོས་འཛིན་སྟོང་པར་སྦྱངས༔ སྟོང་པའི་ངང་ལས་སྐད་ཅིག་གིས༔ ཕྱི་སྣོད་དུར་ཁྲོད་རོལ་པའི་ཞིང་༔ ཁྲག་འཐུང་ལྷ་ཚོགས་ཕོ་བྲང་དབུས༔ སྣ་ཚོགས་རྡོ་རྗེའི་ལྟེ་བ་རུ༔ བྷྲཱུྃ་ལས་བདུད་འདུལ་མཆོད་རྟེན་ནི༔ ཡངས་ཤིང་རྒྱ་ཆེ་མཚན་ཉིད་རྫོགས༔ དེ་ཕྱིར་འཁོར་ལོ་རྩིབས་བཅུ་གསུམ༔ ལྟེ་བ་མི་གཡོ་རྩིབས་རྣམས་ཀུན༔ ཤུགས་དྲག་འཁོར་བའི་ཁོང་གསེང་དུ༔ རྡོ་རྗེའི་སྔགས་ཀྱི་ཡི་གེས་མཚན༔ དེ་ལས་རྡོ་རྗེའི་ཚྭ་ཚྭ་དང་༔ མེ་འོད་འཕྲོས་པས་ཕྱོགས་ཀུན་ཁྱབ༔ གཞོམ་མེད་སྲུང་བའི་གུར་ཁང་ཆེར༔ ལས་ཀྱི་ཁྲོ་ཚོགས་རླུང་ལྟར་འཚུབས༔ མཆོད་རྟེན་ཏོག་ཟླུམ་འོད་ལྔའི་ཀློང་༔ རྩ་བརྒྱུད་བླ་མའི་སྤྲིན་ཕུང་འཕྲོ༔ བཅུ་གསུམ་གདུགས་ཀྱི་ནང་ཁོངས་སུ༔ བཅོམ་ལྡན་ཤཱཀྱ་སེང་གེ་སོགས༔ སངས་རྒྱས་བྱང་སེམས་བསམ་མི་ཁྱབ༔ བྲེ་ནང་རྒྱུད་སྡེ་ཆེན་པོ་བཞིའི༔ དཀྱིལ་འཁོར་ཞི་ཁྲོ་རབ་འབྱམས་བཞུགས༔ བུམ་པ་ཡངས་ཤིང་རྒྱ་ཆེའི་དབུས༔ སྟེང་འོག་འཁོར་ལོ་རྩིབས་དྲུག་པའི༔ ལྟེ་བར་པད་ཉི་དམ་སྲིའི་སྟེང་༔ ཧཱུྃ་ལས་བདག་ཉིད་སྐད་ཅིག་གིས༔ གསང་བའི་བདག་པོ་རྡོ་རྗེ་འཛིན༔ དྲག་ཏུ་ཁྲོས་པ་སེང་གེའི་སྒྲ༔ དཔལ་ཆེན་རཀྴ་ཐོད་ཕྲེང་རྩལ༔ སྨུག་ནག་ཞལ་གཅིག་ཕྱག་གཉིས་པ༔ སྐུ་ཆེ་ཡན་ལག་ཤིན་ཏུ་རགས༔ ཕྱག་གཉིས་རྡོ་རྗེ་དུང་ཁྲག་བསྣམས༔ དབུ་སྐྲ་གྱེན་བརྫེས་ཐོད་སྐམ་བརྒྱན༔ སྟག་ཤམ་རུས་པའི་ཕྱག་རྒྱས་སྤྲས༔ ཐོད་པའི་ཕྲེང་བ་ག་ཤལ་མཛད༔ མཐིང་འོད་འབར་མ་ནམ་མཁའི་མདོག༔ གྲི་ཐོད་འཛིན་པས་ཡབ་ལ་འཁྱུད༔ ཞབས་ཟུང་བརྐྱང་བསྐུམ་དོར་སྟབས་ཀྱིས༔ ཡེ་ཤེས་མེ་ཕུང་འབར་བའི་དབུས༔ རབ་ཁྲོས་གར་དགུའི་ཉམས་ཀྱིས་རོལ༔ སྟེང་འོག་ཕྱོགས་མཚམས་མེ་ཕུང་ཀློང་༔ བདུད་འདུལ་ཁྲོ་བོ་ཆེན་པོ་བཅུ༔ སྐུ་མདོག་དུས་མཐའི་མེ་ལྟར་འབར༔ ཕྱག་གཡས་རྡོ་རྗེ་རྩེ་དགུ་གསོར༔ སྲི་ངན་འབྱུང་པོ་སྲུང་ཞིང་ཟློག༔ གཡོན་པས་གནམ་ལྕགས་ཕུར་པ་འདྲིལ༔ དམ་སྲི་གདུག་པ་གཟིར་ཞིང་གསོད༔ སྐུ་སྨད་ཕུར་པའི་དཔལ་རྣོན་པོས༔ ཕྱོགས་བཅུའི་དགྲ་སྲིའི་སྙིང་ལ་འབིགས༔ ཞལ་ནས་ཧཱུྃ་ཆེན་སྔགས་ཀྱི་སྒྲས༔ ཁམས་གསུམ་འབྱུང་པོ་འདར་ཞིང་འདུད༔ ཁྲོ་བོ་ཆེན་པོའི་ཆས་ཀུན་རྫོགས༔ འཁོར་ལོ་གཉིས་ཀྱི་བར་སྣང་དང་༔ སྟེང་འོག་རྩིབས་ལ་སྔགས་བཅུ་གསུམ༔ མེ་ཕུང་འབར་ཞིང་རང་སྒྲ་སྒྲོགས༔ འོད་ཟེར་རྡོ་རྗེའི་ཚྭ་ཚྭ་འཕྲོ༔ འབྲུག་སྟོང་ལྡིར་བ་ལྟ་བུར་བསམ༔ སེང་ཁྲིའི་ནང་གི་ཕྱོགས་མཚམས་སུ༔ ཆོས་སྲུང་ཕོ་མོ་མ་ནིང་སྡེ༔ ཅི་བགྱིའི་བཀའ་ཉན་ལས་བྱེད་ཕྱིར༔ སྐར་ལྟར་འཁྲུགས་ཤིང་སེར་ལྟར་འདྲིལ༔ གཙོ་འཁོར་ཀུན་གྱི་གནས་གསུམ་གྱི༔ ཡི་གེ་གསུམ་ལས་འོད་འཕྲོས་པས༔ རབ་འབྱམས་དག་པའི་ཞིང་ཁམས་ནས༔ དཀོན་མཆོག་རྩ་གསུམ་ཆོས་སྲུང་ཚོགས༔ ཆར་ལྟར་བབས་ནས་གཉིས་མེད་ཐིམ༔ ཡེ་ཤེས་གཟི་བྱིན་ཆེར་འབར་གྱུར༔ ཡེ་ཤེས་པ་སྤྱན་འདྲེན་པ་ནི། ཧཱུྃ་ཧཱུྃ༔ འོག་མིན་ཆོས་དབྱིངས་མེ་རི་འབར་བ་དང་༔ དབང་དྲག་པདྨ་འོད་ཀྱི་ཕོ་བྲང་ནས༔ དུས་གསུམ་བདེ་གཤེགས་བླ་མ་ཡི་དམ་ལྷ༔ དཔའ་བོ་མཁའ་འགྲོ་ཆོས་སྐྱོང་ཚོགས་རྣམས་ཀུན༔ སངས་རྒྱས་འདུས་པའི་ཕྲིན་ལས་སྲིན་པོའི་རྒྱལ༔ རིག་འཛིན་རྩལ་འཆང་རཀྴ་ཐོད་ཕྲེང་ཆེ༔ གཙོ་འཁོར་སྤྲུལ་པར་བཅས་པའི་སྐུར་བཞེངས་ལ༔ དུར་ཁྲོད་དྲག་པོའི་གནས་འདིར་གཤེགས་སུ་གསོལ༔ ཨོཾ་ཨཱཿཧཱུྃ་བཛྲ་གུ་རུ་རཀྴ་ཐོད་ཕྲེང་རྩལ་ས་པ་རི་ཝཱ་ར་ཨེ་ཨཱ་རལླི་ཧྲིཾ་ཧྲིཾ་ཕེཾ་ཕེཾ༔ ཛཿཧཱུྃ་བྃ་ཧོ༔ བཞུགས་སུ་གསོལ་བ་ནི། ཧཱུྃ་བྷྱོ༔ མཐིང་ནག་གྲུ་གསུམ་ཨེ་ཡི་ཀློང་༔ ཙཀྲ་འབར་བའི་གཞལ་ཡས་ན༔ རཀྴ་ཐོད་ཕྲེང་འཁོར་དང་བཅས༔ དགྱེས་ཤིང་བརྟན་པར་བཞུགས་སུ་གསོལ༔ ས་མ་ཡ་ཏིཥྛ་ལྷན༔ ཕྱག་དང་མཆོད་པ་བྱ་བ་ནི། ཧཱུྃ༔ དུས་གསུམ་སངས་རྒྱས་ཐམས་ཅད་ཀྱི༔ དྲག་པོའི་མཐུ་རྩལ་གཅིག་བསྡུས་པ༔ རཀྴ་ཐོད་ཕྲེང་ཧེ་རུ་ཀ༔ འཁོར་དང་བཅས་ལ་ཕྱག་འཚལ་ལོ༔ ཨ་ཏི་པཱུ་ཧོ༔ པྲ་ཏཱིཙྪ་ཧོཿ ཧཱུྃ༔ དུར་ཁྲོད་དྲག་པོའི་གཞལ་མེད་ཁང་ཆེན་པོ༔ རྡོ་རྗེ་འཛིན་ཀྱང་འཇིགས་པའི་ཕོ་བྲང་དུ༔ དགྲ་བགེགས་བསྒྲལ་བའི་ཁྲག་གི་མཆོད་ཡོན་དང་༔ དབང་པོའི་མེ་ཏོག་ཚིལ་གསུར་བདུག་པའི་སྤྲིན༔ ཞུན་ཆེན་མར་མེ་མཁྲིས་པའི་དྲི་ཆབ་རྫིང་༔ ཤ་རུས་ཞལ་ཟས་རྐང་གླིང་ཐོད་རྔའི་སྒྲ༔ བྱང་སེམས་དཀར་དམར་བདུད་རྩི་རཀྟའི་མཚོ༔ ཕུང་པོ་མ་ཚང་མེད་པའི་གཏོར་མ་ཆེ༔ རྨད་དུ་བྱུང་བའི་དམ་རྫས་རྒྱ་ཆེན་པོས༔ བླ་མ་དྲག་པོ་འཁོར་བཅས་ཐུགས་དམ་བསྐང་༔ དགྱེས་པར་བཞེས་ལ་དྲག་པོའི་ཕྲིན་ལས་མཛོད༔ ཨོཾ་བཛྲ་ཨརྒྷཾ་པདྱཾ་སོགས་ཤཔྡ་བོ་དྷི་ཙིཏྟ་མ་ཧཱ་རཀྟ་མཱཾ་ས་བ་ལིཾ་ཏ་པཱུ་ཛ་ཧོཿ བསྟོད་པ་ནི། ཧཱུྃ་བྷྱོ༔ དུར་ཁྲོད་དྲག་པོ་མེ་རླུང་འཚུབས་པའི་ཀློང་༔ དཔལ་ཆེན་ཁྲོ་རྒྱལ་རཀྴ་ཐོད་ཕྲེང་རྩལ༔ སངས་རྒྱས་འདུས་པའི་ཕྲིན་ལས་སྲིན་པོའི་རྒྱལ༔ ཁྱབ་བདག་ཧེ་རུ་ཀ་ལ་ཕྱག་འཚལ་བསྟོད༔ ངང་ཉིད་ཡེ་ཤེས་དབྱིངས་ལས་མ་གཡོས་ཀྱང་༔ གདུག་པ་འདུལ་ཕྱིར་ཁྲོ་རྒྱལ་ཁྲོས་པའི་སྐུ༔ ཁྲོ་བཅུའི་ཚུལ་སྣང་ཕྱག་རྒྱའི་སྤྲིན་འཕྲོ་བ༔ ཁྲག་འཐུང་འཁོར་ལོས་སྒྱུར་ལ་ཕྱག་འཚལ་བསྟོད༔ ཡེ་ཤེས་རོལ་པའི་བདག་ཉིད་དཔལ་ཆེན་ལྷ༔ རིགས་ཀྱི་ཚོམ་བུ་སྤྲུལ་འཁོར་མཐའ་ཡས་ཤིང་༔ རྒྱུད་གསུམ་དྲེགས་པའི་དམག་དཔུང་རླུང་ལྟར་འཚུབས༔ དབང་དྲག་རོལ་པའི་དཀྱིལ་འཁོར་ལྷ་ལ་བསྟོད༔ འཛབ་བཟླ་བ་ནི། ཧཱུྃ་ཧྲཱི༔ སྙིང་པོ་བྱང་ཆུབ་སེམས་ཀྱི་དཀྱིལ་འཁོར་དུ༔ ཡེ་ཤེས་སྒྱུ་མར་རོལ་པའི་ལྷ་ཚོགས་རྣམས༔ མི་འདའ་རྡོ་རྗེའི་དམ་ཚིག་རྗེས་དགོངས་ལ༔ བྱིན་རླབས་དབང་དང་དངོས་གྲུབ་སྩལ་དུ་གསོལ༔ ཞེས་བསྐུལ་ནས། བསྙེན་པ་ནི། ཐུགས་ཀར་པདྨ་ཉི་མའི་སྟེང་༔ གནམ་ལྕགས་རྡོ་རྗེའི་ལྟེ་བར་ཧཱུྃ༔ དེ་མཐར་སྔགས་ཀྱི་ཕྲེང་བས་བསྐོར༔ བཟླས་པས་རྒྱུད་བསྐུལ་འོད་ཟེར་འཕྲོས༔ ཕྱོགས་དུས་རྒྱལ་བ་སྲས་བཅས་མཆོད༔ སྡེ་བརྒྱད་འབྱུང་པོ་ལས་ལ་གཟིར༔ སྲིད་གསུམ་བརྟན་གཡོའི་སྣང་ཆ་ཀུན༔ ཐམས་ཅད་མ་བཅོས་རྩ་བའི་ལྷ༔ འཆོལ་བའི་ཁྲོ་རྒྱལ་ཆེན་པོར་བཞེངས༔ སྒྲ་གྲགས་ཧཱུྃ་གི་རང་སྒྲ་དང་༔ དྲན་རྟོག་ཀ་དག་སྤྲོས་བྲལ་དབྱིངས༔ རིག་པ་ཡེ་ཤེས་ཐིག་ལེར་འཁྱིལ༔ ཞེས་པའི་ཏིང་ངེ་འཛིན་ལ་ཡིད་རྩེ་གཅིག་པས། ཨོཾ་བཛྲ་ཙཎྜ་སརྦ་དུཥྟཱན་ཧཱུྃ་ཕཊ༔ ཅེས་འབུམ་ཕྲག་བཅུའམ་བཅུ་གཅིག་བཟླ། སྒྲུབ་པ་ལ་གཉིས་ལས་སྤྱིར་བསྟན་པ་ནི། རིག་འཛིན་རཀྴ་ཐོད་ཕྲེང་ཐུགས་ཀ་རུ༔ ཉི་སྟེང་ཧཱུྃ་མཐར་སྔགས་ཀྱི་ཕྲེང་བས་བསྐོར༔ འོད་ཟེར་མེ་ཕུང་ཁྱུང་གི་ཚྭ་ཚྭ་དང་༔ སྤྲུལ་པ་ཡང་སྤྲུལ་འཇིག་རྟེན་ཁྱབ་པར་འཕྲོས༔ ཁམས་གསུམ་སྡེ་བརྒྱད་དྲེགས་པ་ལས་ལ་བཀོལ༔ དམ་སྲི་འབྱུང་པོའི་དཔུང་ཚོགས་ཐལ་བར་བརླག༔ ཐམས་ཅད་རིག་རྩལ་ཀ་དག་ཟང་ཐལ་ངང་༔ ཚུར་འདུས་བདག་ཐིམ་ནུས་སྟོབས་འགྲན་བྲལ་གྱུར༔ ཅེས་དམིགས་ལ་གོང་གི་སྙིང་པོ་བཟླ། ཁྱད་པར་བ་ནི། རང་གི་ཐུགས་ཀར་འོད་ཀྱི་ཀློང་༔ ཕ་ལམ་ལས་གྲུབ་རྡོ་རྗེའི་ལྟེར༔ རླུང་སེམས་གཉིས་མེད་ཧཱུྃ་མཐིང་གའི༔ ཐིག་ལེའི་དབུས་སུ་བླ་མ་དང་༔ ཁོག་པར་བསྲུང་བྱའི་གཙོ་བོ་སྟེ༔ མཐའ་བསྐོར་བསྲུང་བྱ་གཞན་རྣམས་ཀུན༔ མངོན་སུམ་ལྟ་བུར་གསལ་བའི་མཐར༔ རྩ་བའི་སྔགས་ཀྱི་ཕྲེང་བས་བསྐོར༔ བཟླས་པས་ཐུགས་སྲོག་སྔགས་ཕྲེང་ལས༔ ཁྲོ་བོ་ཆེན་པོ་འདོད་པའི་རྒྱལ༔ ལྕགས་ཀྱུ་ཐོགས་པ་དཔག་མེད་སྤྲོས༔ སྲི་རྣམས་དབང་མེད་བཀུག་བྱས་ཏེ༔ ཕྱི་རོལ་འཁོར་ལོའི་རྩིབས་བར་ཚུད༔ ནམ་ཡང་འཆོར་བ་མེད་པར་གྱུར༔ ཅེས་དམིགས་ལ། གོང་གསལ་རྩ་བསྙེན་བཟླ། སྔ་ཕྱི་གཉིས་ཀའི་གྲངས་ཚད་བསྙེན་པ་དང་མཚུངས་སོ། །ལས་སྦྱོར་ནི། འཁོར་གྱི་ཁྲོ་བཅུ་ཞལ་ཕྱིར་གཟིགས༔ དྲག་སྔགས་འབྲུག་སྒྲ་ལྟར་སྒྲོགས་པས༔ འཁོར་ལོ་སྟེང་་་གཡས་འོག་་་གཡོན་ཤུགས་དྲག་འཁོར༔ སྲི་རྣམས་ཐམས་ཅད་ཕྱེ་མར་བརླག༔ རང་གི་ཡ་རྐན་མ་རྐན་ནི༔ གནམ་ས་ལྟ་བུར་གདངས་པའི་བར༔ ལྕེ་ནི་རྡོ་རྗེ་རྩེ་བཅུ་གསུམ༔ སྔགས་ཀྱིས་མཚན་པའི་རང་སྒྲ་ཡིས༔ ཕྱེ་མའང་དམིགས་མེད་དབྱིངས་སུ་ཐིམ༔ སྙིང་པོའི་ཤམ་དུ། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ༔ ཨོཾ་དྷུ་རུ་དྷུ་རུ་ཙཀྲ༔ ཛ་ཡ་ཛ་ཡ་ཙཀྲ༔ ཧ་ན་ཧ་ན་ཙཀྲ༔ བྷུ་རུ་བྷུ་རུ་ཙཀྲ༔ སྨ་ར་སྨ་ར་ཙཀྲ༔ བྷི་དུ་མ་ནི་ཙཀྲ༔ ཛྭ་ལ་ཛྭ་ལ་ཙཀྲ༔ སཾ་བྷ་བེ་ག་ན་ནཱ་ཡ་ས་ར་ཙཀྲ༔ སཱ་ལ་ཡ་སཱ་ལ་ཡ་ཙཀྲ༔ ནཱ་ཤ་ཡ་ནཱ་ཤ་ཡ་ཙཀྲ༔ བྃ་བྃ་ཙཀྲ༔ ཧཱུྃ་ཧཱུྃ་ཕཊ་ཕཊ་ས་མནྟ་ག་ར་ཙཀྲ༔ ཏཱིཔྟ་ཙཀྲ་ཧཱུྃ་ཕཊ༔ ཅེས་འབུམ་ཕྲག་གཅིག་གི་གྲངས་ཐེམས་ངེས་སུ་བཟླ། ཐུན་མཐར་ཐལ་རྡེབ་ནི། ཐུགས་ནས་ལོཀྟྲི་པཱ་ལ་ནི༔ སྔོ་ནག་རབ་ཁྲོས་འཇིགས་པའི་གཟུགས༔ གྲངས་མེད་སྲིད་གསུམ་ཁྱབ་པར་འཕྲོས༔ ཕྱག་གཉིས་གནམ་ལྕགས་ངར་མའི་དབལ༔ ཆ་ལང་བཞིན་ཏུ་བརྡབ་པའི་བར༔ བགེགས་དང་ལོག་འདྲེན་ཐམས་ཅད་དང་༔ ཁྱད་པར་བཅུ་གསུམ་སྲི་ཡི་རིགས༔ སྡེ་དང་དཔུང་དང་བརྒྱུད་བཅས་པ༔ སྒོང་ལྐོག་བཙིར་བ་བཞིན་དུ་འཐར༔ ལུས་ངག་ཐལ་བའི་རྡུལ་བཞིན་གྱུར༔ རྣམ་ཤེས་ཀ་དག་དབྱིངས་སུ་ཐིམ༔ མིང་གི་ལྷག་མ་མེད་པར་གྱུར༔ ཨོཾ་ལོཀྟྲི་པཱ་ལ་ནན། ས་ག་པཱ་ཤ་ནན། ནཱ་ག་དུ་དུ་ནན། མ་མཾ་མ་མཾ། ཙིར་ཙར་ཙིར་ཙར། བྃ་རུ་ལུ་བྃ་རུ་ལུ༔ རྦད་ཏྲ་ཀོ་ཤ་ཡ་རྦད་ཏྲ་ཀོ་ཤ་ཡ། ཧོ་ར་ཧོ་ར། ཙི་དུ་སོད་ཙི་དུ་སོད། ཤིག་ལྷུ་རུ་གཏུབས། ཧ་ལ་པ་ཏི་ནན། འཁོར་བ་ཐུལ། གནོད་བྱེད་འབྱུང་པོའི་ཀཱ་ཝཱ་ཙི་རླག་རླག །ཅེས་ཉེར་གཅིག་ཙམ་གྱི་རྗེས། ན་མོ༔ དཀོན་མཆོག་གསུམ་གྱི་བདེན་པ་དང་༔ རྩ་གསུམ་ལྷ་ཡི་བྱིན་རླབས་དང་༔ ཆོས་སྐྱོང་སྲུང་མའི་མཐུ་རྩལ་དང་༔ སྔགས་རྒོད་དམོད་པའི་མཚོན་ཆའི་མཐུས༔ ལོ་ཟླ་ཞག་དུས་ལ་འཆར་བའི༔ ཆེ་ཆུང་ཕོ་མོ་རྒན་གཞོན་དང་༔ ནད་སྲི་དུར་གྱི་སྲི་ངན་སོགས༔ མི་མཐུན་གནོད་པའི་བགེགས་སྲི་ཀུན༔ མེད་པར་གྱུར་ཅིག་ཞི་གྱུར་ཅིག༔ རབ་ཏུ་ཞི་ཞིང་སྟོང་གྱུར་ཅིག༔ གལ་ཏེ་སྟོང་པར་མ་གྱུར་ན༔ བསྟན་པ་བཤིག་པའི་དགྲ་ལ་བྷྱོ༔ ནག་ཕྱོགས་བདུད་རིགས་བགེགས་ལ་ཟློག༔ བྷྱོ་བྷྱོ་ཟློག་ཟློག་མཱ་ར་ཡ༔ ཞེས་ལན་གསུམ་དང༌། རྩ་སྔགས་ལས་སྔགས་ལོཀྟྲིའི་སྔགས་བཅས་སྦྲེལ་བའི་མཐར་དམོད་པ་ནི༔ བཀའ་ལྟར་མི་བྱེད་ཅིང་དམ་ལ་མི་གནས་པ་ཐམས་ཅད་འདིར་མ་གནས་པར་གཞན་དུ་དེངས་ཤིག །སྲིད་པ་སྤྱི་ནས་ཤིག་ཅིག །སྲིད་གསུམ་རྨང་ནས་སྒྱེལ་ཅིག །འཁོར་བ་གཏིང་ནས་ཕྱུང་ཞིག །བསྐལ་བའི་མེས་སྲེགས་ཤིག །དམ་ཚིག་དམོད་པས་སྡིགས་ཤིག །བཀའི་ཆད་པ་ཆོད་ཅིག །གནམ་ལྕགས་རལ་གྲིས་སྤྱི་བོའི་གཙུག་ནས་ཁོས་ཤིག །སུམྦྷ་ནིས་ནོན་ཅིག །སྲིད་གསུམ་གར་སྐྱེས་གར་གནས་ཀྱང་སྡིག་ཅན་འདིའི་སྟེང་དུ་རྡོ་རྗེ་མེའི་ཆར་ཆེན་པོ་ཕོབ་ཅིག །གནོད་བྱེད་ཐམས་ཅད་མཱ་ར་ཡ་ཕཊ། སྦྱོར་བ་ངན་པ་ཐུལ་ཅིག །ཅེས་ཐལ་རྡེབ་ཚར་གསུམ་བྱས་ལ། སྤྲུལ་པའི་ཁྲོ་ཚོགས་ཚུར་འདུས་ནས༔ ཕྱི་རོལ་སྲུང་བའི་ཕྲིན་ལས་མཛད༔ ཁྲོ་བཅུའི་ཞལ་རྣམས་ནང་དུ་གཟིགས༔ རྡོ་རྗེའི་སྲུང་བའི་ཏིང་འཛིན་ལས༔ ནམ་ཡང་གཡོ་བ་མེད་པ་ཡིས༔ ཀེག་སྲི་འབྱུང་པོ་ཐམས་ཅད་ཀྱིས༔ བསྐལ་པའི་བར་དུ་འདར་མེད་གྱུར༔ ཅེས་དམིགས་ལ་དབྱངས་གསལ་རྟེན་སྙིང་ལན་གསུམ་བརྗོད་པས་བརྟན་པར་བྱ། ནམ་མཁའ་མེད་པར་གྱུར་ན་ཡང་༔ སྔགས་ཀྱི་དངོས་གྲུབ་མེད་མི་འགྱུར༔ ལྷ་དང་དྲང་སྲོང་གིས་བཤད་པའི༔ རིག་སྔགས་བསླུ་བར་མི་འགྱུར་ན༔ འདོད་ཆགས་བྲལ་བས་བྱས་པ་ཡི༔ གསང་སྔགས་སྦྱོར་བས་བསླུ་བ་ནི༔ མ་བྱུང་འབྱུང་བར་མི་འགྱུར་རོ༔ སྔགས་དང་རྟེན་འབྲེལ་མི་བསླུ་ཞིང་༔ ཏིང་འཛིན་ནུས་པ་བསམ་མི་ཁྱབ༔ དཀོན་མཆོག་གསུམ་དང་རྩ་གསུམ་གྱི༔ བདེན་པ་ཆེན་པོའི་མཐུ་སྟོབས་ཀྱིས༔ བཅུ་གསུམ་ཀེག་སྲིའི་གནོད་པ་ལས༔ དེང་ནས་རྟག་ཏུ་རྒྱལ་གྱུར་ཅིག༔ ཛ་ཡ་ཛ་ཡ་སུ་ཛ་ཡ༔ ཞེས་དང་ཤིས་བརྗོད་བྱའོ། །འདི་ཉིད་ཆེད་དུ་སྒྲུབ་ན་བསྙེན་སྒྲུབ་རྣམས་ཀྱི་ཐུན་མཐར་སྟོང་ཚིག་མཆོད་བསྟོད་བར་ཆད་ལམ་སེལ་གྱི་གསོལ་འདེབས་བསྡུ་ལྡངས་བསྔོ་སྨོན་སྤྱི་འགྲེ་བྱའོ། །གསུམ་པ་རྗེས་ཚོགས་མཆོད་ལ་བྱིན་བརླབ་ནི། རྃ་ཡྃ་ཁྃ༔ བདག་ཉིད་ལྷར་གསལ་ཐུགས་ཀའི་ས་བོན་ལས༔ རྃ་ཡྃ་ཁྃ་འཕྲོས་ཚོགས་རྫས་དངོས་འཛིན་སྦྱངས༔ འབྲུ་གསུམ་འོད་ཀྱིས་ཡེ་ཤེས་བདུད་རྩིར་བསྒྱུར༔ འདོད་ཡོན་མཆོད་སྤྲིན་ནམ་མཁའ་གང་བར་གྱུར༔ ཨོཾ་ཨཱཿཧཱུྃ༔ གསུམ་བརྗོད། སྤྱན་འདྲེན་ནི། ཧཱུྃ་ཧཱུྃ་ཧཱུྃ༔ བཞེངས་ཤིག་སྐུ་གསུམ་རྒྱལ་བ་རྒྱ་མཚོའི་ཚོགས༔ འོད་གསལ་སྤྲོས་དང་བྲལ་བའི་ངང་ཉིད་ལས༔ བདག་ཅག་ཚོགས་བསགས་སྒྲིབ་པ་སྦྱོང་སླད་དུ༔ ཡེ་ཤེས་སྒྱུ་མར་རོལ་བཞིན་གཤེགས་སུ་གསོལ༔ བཛྲ་ས་མ་ཡ་ཛཿཛཿ མཆོད་པ་ནི། ཨོཾ་ཨཱཿཧཱུྃ༔ ཚོགས་ཀྱི་ངོ་བོ་ཡེ་ཤེས་བདུད་རྩིའི་སྤྲིན༔ རྣམ་པ་འདོད་ཡོན་ལྷ་མོས་ནམ་མཁའ་གང་༔ ཟག་མེད་བདེ་བ་ཆེན་པོའི་ལོངས་སྤྱོད་འདིས༔ རྩ་གསུམ་དཀྱིལ་འཁོར་ལྷ་ཚོགས་མཉེས་གྱུར་ཅིག༔ སརྦ་ག་ཎ་ཙཀྲ་པཱུ་ཛ་ཧོཿ བཤགས་པ་ནི། ཧོཿ ཐོག་མེད་བསགས་པའི་སྡིག་སྒྲིབ་ཉེས་ལྟུང་དང་༔ ཁྱད་པར་རྩ་བ་ཡན་ལག་དམ་ཚིག་ལས༔ འགལ་ཞིང་ཉམས་པར་གྱུར་པ་ཐམས་ཅད་ཀུན༔ འདོད་ཡོན་ཚོགས་ཀྱི་མཆོད་པས་བསྐང་ཞིང་བཤགས༔ ས་མ་ཡ་ཤདྡྷེ་ཨཱཿ བསྒྲལ་བསྟབ་ནི། བདེན་སྟོབས་དང༌། ཨེ་ནྲྀ་ཏྲི་སརྦ་ཤ་ཏྲཱུྃ་བིགྷྣཱན་ཛཿཧཱུྃ་བྃ་ཧོཿས་བཀུག་བསྟིམས་བྱས་ལ། ཧཱུྃ༔ དཔལ་ཆེན་ཐུགས་སྤྲུལ་རྡོ་རྗེའི་གིང་ཀ་རས༔ གཟུང་འཛིན་བདུད་བགེགས་ཚོགས་རྣམས་བཀུག་ཅིང་བསྟིམས༔ འོད་གསལ་དབྱིངས་སུ་བསྒྲལ་བའི་ཤ་ཁྲག་རུས༔ རྩ་གསུམ་དཀྱིལ་འཁོར་ལྷ་ཚོགས་ཞལ་དུ་བསྟབ༔ སརྦ་བིགྷྣཱན་ཤ་ཏྲཱུན་མཱ་ར་ཡ་ཁ་ཁཱ་ཁཱ་ཧི་ཁཱ་ཧི༔ ཧ་ཧ་ཧི་ཧི་ཧཱུྃ་ཧཱུྃ་ཕཊ༔ དེ་ནས་བརྡའི་འབུལ་ལེན་བཅས་ཚོགས་ལ་རོལ། ལྷག་མ་སྤྱི་ལྟར་བྱིན་བརླབས་ལ། བྷྱོཿ དཔལ་གྱི་བཀའ་ཉན་ཕོ་ཉའི་ཚོགས༔ ལྷག་མའི་ལོངས་སྤྱོད་འདི་གསོལ་ལ༔ སྔོན་ཚེ་གཡར་དམ་བཅས་པ་བཞིན༔ བར་ཆད་ཀུན་སོལ་མཐུན་རྐྱེན་སྤེལ༔ མ་མ་ཧྲིཾ་ཧྲིཾ་བ་ལིཾ་ཏ་ཁཱ་ཧི༔ ཆད་མདོ་ནི། ཧཱུྃ༔ སྔོན་གྱི་བསྐལ་པའི་དང་པོ་ལ༔ བརྒྱུད་གསུམ་བླ་མ་རིག་འཛིན་གྱིས༔ དམ་ལ་བཏགས་པའི་ལྷ་འདྲེ་རྣམས༔ ཆོས་ཉིད་བདེན་པའི་བཀའ་ལ་ཉོན༔ དབང་གི་རྒྱལ་པོ་པདྨ་ཡིས༔ ལྷ་སྲིན་ཐམས་ཅད་དམ་ལ་བཏགས༔ ང་ནི་རིག་འཛིན་དེ་ཡི་གདུང་༔ ཁྱེད་རྣམས་ལྷ་འདྲེ་དེ་ཡི་རིགས༔ སྔོན་ཚེ་སློབ་དཔོན་བཀའ་མ་བཅག༔ ད་ལྟ་རྣལ་འབྱོར་དམ་མ་འདྲལ༔ རྒྱན་གྱི་གཏོར་མ་འདི་བཞེས་ལ༔ བཅོལ་བའི་ཕྲིན་ལས་འགྲུབ་པར་མཛོད༔ བརྟན་མ་མཆོད་པ་ནི། ཧཱུྃ༔ རྒྱ་གར་ཡུལ་གྱི་ཚུ་རོལ་དང་༔ བལ་པོའི་ཡུལ་གྱི་ཕ་རོལ་མཐར༔ ཨ་སུ་ར་ཡི་བྲག་ཕུག་ཏུ༔ རིག་འཛིན་རྡོ་རྗེ་དྲག་པོ་དང་༔ སློབ་དཔོན་བཱ་སུ་དྷཱ་ར་ཡིས༔ ཞིང་ཆེན་བརྡལ་བའི་ཁྲི་སྟེང་དུ༔ ཚོགས་ཀྱི་གྲལ་དུ་བཅུག་ནས་ཀྱང་༔ དམ་ཚིག་བདུད་རྩི་བྱིན་པ་ཡི༔ བརྟན་མ་ཆེན་མོ་བཅུ་གཉིས་རྣམས༔ མཆོད་གཏོར་བདུད་རྩི་འདི་བཞེས་ལ༔ རྣལ་འབྱོར་བཅོལ་བའི་ཕྲིན་ལས་སྒྲུབས༔ ཨོཾ་མ་མ༔ ལ་ལ༔ ལེ་ལེ༔ ཏཾ་ཏཾ༔ ཏེ་ཏེ༔ ཁ་རཀྨ༔ མ་མ་སྲིང་འགྲོ་མ་ཧཱུྃ་བྷྱོ་ཧཱུྃ༔ རྟ་བྲོ་ནི། ཧཱུྃ་བྷྱོ༔ རྟ་ཡི་བརྟུལ་ཞུགས་ཆེན་པོ་ནི༔ དབང་ཆེན་རྔམས་པའི་བྲོ་བརྡུངས་པས༔ དགྲ་བགེགས་དམ་སྲི་རྡུལ་དུ་བརླག༔ ཞི་རྒྱས་དབང་དྲག་ལྷུན་གྱིས་གྲུབ༔ གཟུང་འཛིན་ལྟར་སྣང་དམ་སྲིའི་ཚོགས༔ རྫོགས་པ་ཆེན་པོའི་ཀློང་དུ་མནན༔ ཧཱུྃ་ཧཱུྃ་སྟྭམྦྷ་ཡ་ལཾ་ནན༔ གཏང་རག་མཆོད་བསྟོད་ཕུལ། ཧཱུྃ་ཧྲཱི༔ སྙིང་པོ་བྱང་ཆུབ་སེམས་ཀྱི་སོགས་དང༌། ཐོད་ཕྲེང་རྩལ་གྱི་སྔགས་མཐར། ཀཱ་ཡ་ཝཱ་ཀ་ཙིཏྟ་ཛྙཱ་ན་ཀརྨ་སརྦ་སིདྡྷི་ཕ་ལ་ཧཱུྃ་ཨཱཿ ཞེས་པས་དངོས་གྲུབ་བླང༌། ནོངས་བཤགས་དང་ཡིག་བརྒྱ་བརྗོད། ཡེ་ཤེས་པ་རྟེན་ཡོད་ན་བརྟན་བཞུགས་བྱ། མེད་ན་དམ་ཡེ་ཆབ་གཅིག་ཏུ། ཧཱུྃ༔ མ་སྐྱེས་སྟོང་པའི་རྩལ་ཤར་བ༔ ཆོ་འཕྲུལ་ཆེན་པོའི་དཀྱིལ་འཁོར་ལྷ༔ ཐམས་ཅད་རང་ལ་རྣམ་པར་ཐིམ༔ མི་དམིགས་རྫོགས་པའི་ངང་དུ་བཞག༔ ཧཱུྃ་ཧཱུྃ་ཧཱུྃ༔ ཞེས་འོད་གསལ་གྱི་དབྱིངས་སུ་བསྡུ། ཕཊ་ཕཊ་ཕཊ༔ བཛྲ་ཀཱ་ཝཱ་ཙི་རཀྵཱ་ཧཾཿ ཨོཾ་ཨཱཿཧཱུྃ༔ ཞེས་གཉུག་མའི་ལྷར་ལྡངས་ལ་གོ་བགོ །བསྔོ་སྨོན་ནི། ཧོཿ བསོད་ནམས་འདི་ཡིས་མཐའ་ཡས་འགྲོ་བ་ཀུན༔ ཕྱི་ནང་གསང་བའི་བར་ཆད་ཀུན་ཞི་ཞིང་༔ རིམ་གཉིས་ལམ་གྱི་བགྲོད་པ་མཐར་ཕྱིན་ནས༔ པདྨ་རྒྱལ་པོའི་གོ་འཕང་མྱུར་ཐོབ་ཤོག༔ བཀྲ་ཤིས་ནི། རྩ་བརྒྱུད་བླ་མའི་བྱིན་རླབས་སྙིང་ལ་ཞུགས༔ ཡི་དམ་མཁའ་འགྲོ་ལུས་དང་གྲིབ་བཞིན་འགྲོགས༔ ཆོས་སྐྱོང་སྲུང་མས་བར་ཆད་ཀུན་བསལ་ནས༔ མཆོག་ཐུན་དངོས་གྲུབ་འགྲུབ་པའི་བཀྲ་ཤིས་ཤོག༔ ཅེས་པས་མཚོན་ཏེ་ཤིས་བརྗོད་རྒྱས་པར་སྤེལ་ལ་དགེ་ལེགས་སུ་བྱའོ། །གཉིས་པ་དབང་བསྐུར་བའི་ཆོ་ག་ནི། སྟེགས་བུར་ཚོམ་བུ་སྨུག་ནག་གཅིག་ལ་འཁོར་བཅུས་བསྐོར་བ་བཀོད་པའི་མཎྜལ་ཀྱི་སྟེང་དུ་བུམ་པ་བཅུད་ལྡན། སྐུ་ཙཀ །སྔགས་བྱང་དང་རཀྴའི་ཕྲེང་བ། ཕྱག་མཚན་རྡོ་རྗེ་ཐོད་ཁྲག །དཔལ་གཏོར་རྣམས་བཀོད་ལེགས་སུ་བཤམས། དམར་གཏོར་སོགས་མནན་བསྲེག་འཕང་བའི་ཆས་མདོར་བསྡུས་དང༌། མཆོད་གཏོར་ཚོགས་རྫས། ལས་བུམ་སོགས་ཉེར་མཁོ་རྣམས་ཚོགས་པར་བྱས་ནས་ཕྲིན་ལས་གཞུང་བསྲང༌། བདག་མདུན་དབྱེར་མེད་དུ་བསྒྲུབ་པའམ། བདག་བསྐྱེད་དཀྱུར་ལྟར་ལ་མདུན་བསྐྱེད་དྲག་པོའི་ཕོ་བྲང་གི་དབུས་སུ་རཀྴ་ཐོད་ཕྲེང་ཁྲོ་བོའི་འཁོར་ཚོགས་བཅས་སྤྱི་མཐུན་བསྐྱེད་ཀྱང་ཆོག །གོང་ལྟར་བསྙེན་སྒྲུབ་ཀྱི་དམིགས་པའི་འཕྲོ་འདུ་དང་བཟླས་པ་བྱ། ལས་ཀྱི་སྔགས་ཤམ་ཡང་ཅུང་ཟད་སྦྱར། ཐལ་རྡེབ་མི་དགོས། བུམ་པ་ལའང་བསྐྱེད་བཟླས་སྤྱི་མཐུན་དང་ལས་བུམ་རྟ་མགྲིན་སྒོམ་བཟླས་ཀྱིས་བྱིན་བརླབ། རིག་པའི་མེ་ཏོག་དོར་ལ་གནང་བ་ནོད་དོ། །དེ་ནས་སློབ་མ་ལ་ཁྲུས་དང་བགེགས་བསྐྲད་བྱ། སྲུང་འཁོར་བསྒོམ། སེམས་བསྐྱེད་གསལ་བཏབ་ནས། མཚམས་སྦྱོར་ཁྱད་པར་དུ། དེའང་ངོ་བོ་རྒྱལ་བ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བའི་མཛོད་འཛིན་པ་བཅོམ་ལྡན་འདས་ལག་ན་རྡོ་རྗེ་དང་དབྱེར་མེད་པ་མུ་སྟེགས་བདུད་ཀྱི་གཤེད་པོ་དཔལ་ཆེན་སེང་གེ་སྒྲ་སྒྲོག་ཉིད། སྙིགས་དུས་གློ་བུར་བར་ཆད་དམ་སྲི་ཕོ་མོ་གཙོ་བོར་གྱུར་པའི་སྲི་ཀེག་གདུག་པ་ཅན་རྣམས་འདུལ་བའི་གཉེན་པོར་ཁྲག་འཐུང་འཁོར་ལོས་སྒྱུར་བའི་མཐུ་སྟོབས་ཀྱི་རྩལ་ཤུགས་ཟླ་མེད་པ་སྲིན་རྒྱལ་རཀྴ་ཐོད་ཕྲེང་རྩལ་གྱི་སྐུར་སྣང་བ་སྟེ། གཞུང་ལས། དངོས་གྲུབ་ཆེན་པོ་བསྒྲུབ་པ་དང་༔ གཞན་དོན་ལས་ལ་འཇུག་པ་སོགས༔ གང་ལའང་སྲི་ཡིས་བར་གཅོད་ན༔ རྣམ་པ་ཀུན་ཏུ་དོན་ཉམས་ཤིང་༔ མི་མཐུན་ཁོ་ནའི་དབང་དུ་འགྲོ༔ དེ་ཕྱིར་དེ་ཉིད་འདུལ་བའི་ཐབས༔ སྲིན་རྒྱལ་རཀྴ་ཐོད་ཕྲེང་རྩལ༔ གཉེན་པོ་སྟོབས་ཀྱི་ཕྱག་རྒྱ་བསྒྲུབ༔ ཅེས་དགོངས་པ་དང་བཅས་ཏེ་དཔལ་གྱི་མགུལ་ནས་རྗེས་སུ་གདམས་པ་འདི་ནི། དེང་སང་སྙིགས་མའི་དུས་མཐའ་མི་ཐུབ་པ་ལྔ་བདོ་ཞིང་སྡོམ་པ་དང་དམ་ཚིག་ཉམས་པ་མང་བའི་དབང་གིས་ནག་ཕྱོགས་བདུད་རིགས་དམ་སྲི་ཁ་ཕྱུར་བའི་སྐབས་འདིར་གཅིག་ཆོག་གི་གཉེན་པོ་ཟབ་གཏེར་གཞན་ལ་མེད་པའི་ཁྱད་ཆོས། དགེ་ལ་གཞོལ་བའི་སྐྱེ་དགུ་སྤྱི་དང་ཁྱད་པར་ཆོས་བྱེད་ཕོ་མོའི་བར་ཆད་སེལ་བ་ལ་ཆེད་དུ་བསྔགས་པས་མེད་དུ་མི་རུང་བའི་གདམས་པ་ཟབ་མོ་སྟེ། གཞུང་ལས། དེ་ལྟར་གློ་བུར་བར་ཆད་ཀྱི༔ གཙོ་བོ་ཀེག་སྲི་ངན་པ་སྟེ༔ སྙིགས་མའི་དུས་སུ་ལྷག་པར་ལྡང་༔ ཆོས་བྱེད་རྣམས་ལ་ཁྱད་པར་གནོད༔ དེ་ཕྱིར་འདུལ་བའི་ཐབས་ཚུལ་ཀྱང་༔ མང་དུ་བསྟན་ཅིང་བཤད་མོད་དེ༔ གཟུངས་དང་རྒྱུད་སྡེའི་དགོངས་པའི་དོན༔ དྲག་པོ་ལས་ཀྱི་མན་ངག་གནད༔ ཟབ་གནད་ཐམས་ཅད་ཟུང་འབྲེལ་བ༔ འདི་འདྲ་སྔོན་ཆད་བཤད་པ་མེད༔ དེང་འདིར་མངའ་བདག་ཡབ་སྲས་དང་༔ ལས་ལྡན་རྗེ་འབངས་གྲོགས་རྣམས་ཀྱི༔ གློ་བུར་བར་ཆད་ཞི་བ་དང་༔ མ་འོངས་ལྔ་བརྒྱའི་འགྲོ་བ་ལ༔ ཤིན་ཏུ་བརྩེ་བའི་བསམ་པས་གདམས༔ ཉམས་སུ་ལོངས་ཤིག་ཕྱི་རབས་རྣམས༔ བར་ཆད་ཞི་བར་ཐེ་ཚོམ་མེད༔ ཅེས་བསྔགས་པ་དོན་དང་ལྡན་པ་འདི་ཉིད་སྙིགས་འགྲོའི་སྐྱབས་གཅིག་སྤྲུལ་པའི་གཏེར་ཆེན་རིག་འཛིན་གྱི་རྒྱལ་པོ་རྣམ་པ་གཉིས་ཀྱི་ཟབ་གཏེར་སྔ་ཕྱིའི་གསང་བ་གཅིག་ཏུ་འདྲིལ་བ་ཡིད་ཆེས་བྱིན་རླབས་ཀྱི་ཚན་ཁ་དང་ལྡན་པ་སྟེ་དེ་ལྟ་བུའི་སྨིན་བྱེད་ཀྱི་དབང་བསྐུར་བགྱི་བ་ལ་སོགས་ཀྱིས་མཚམས་སྦྱར་ནས་མཎྜལ་འབུལ་དུ་གཞུག །སློབ་དཔོན་དཔལ་ཆེན་རཀྴ་ཐོད་ཕྲེང་དངོས་སུ་གསལ་བ་ལ་དད་མོས་གདུང་བས་གསོལ་བ་འདེབས་པ་འདིའི་རྗེས་ཟློས་མཛོད། ཧེ་རུ་ཀ་དཔལ་བླ་མ་དགོངས༔ བདག་ཅག་སྐལ་ལྡན་རིགས་ཀྱི་བུར༔ རཀྴ་ཁྲག་འཐུང་ཆེན་པོ་ཡི༔ ཕྱིན་རླབས་དབང་བསྐུར་སྩལ་དུ་གསོལ༔ ལན་གསུམ། ཧེ་རུ་ཀ་དཔལ་རིག་འཛིན་རཀྴ་ཐོད་ཕྲེང་རྩ་གསུམ་ཆོས་སྲུང་རྒྱ་མཚོ་ཡེ་ཤེས་རྣམ་པར་རོལ་པའི་སྤྲིན་ཕུང་མཁའ་ཁྱབ་ཏུ་བཀོད་པ་ལ་བདག་གཞན་འགྲོ་ཀུན་བྱང་ཆུབ་མ་ཐོབ་ཀྱི་བར་དུ་སྐྱབས་སུ་འགྲོ་བའི་འདུན་པས་འདིའི་རྗེས་ཟློས། ན་མོ༔ རིགས་ཀུན་ཁྱབ་བདག་བླ་མ་རྗེ༔ དངོས་གྲུབ་འབྱུང་གནས་ཡི་དམ་ལྷ༔ བར་ཆད་ཀུན་སེལ་མཁའ་འགྲོའི་ཚོགས༔ རྩ་བ་གསུམ་ལ་སྐྱབས་སུ་མཆི༔ ལན་གསུམ། མ་གྱུར་སེམས་ཅན་ཐམས་ཅད་དཔལ་ཆེན་ཁྲག་འཐུང་ཆེན་པོའི་གོ་འཕང་ལ་དགོད་པའི་ཕྱིར་དུ་གསང་བ་ཟབ་མོའི་སྒོར་ཞུགས་ནས་ལམ་ལ་ཚུལ་བཞིན་སློབ་པའི་མོས་པས་སེམས་བསྐྱེད་པ་འདིའི་རྗེས་ཟློས། ཧོཿ མ་གྱུར་སེམས་ཅན་མཐའ་དག་ཀུན༔ སངས་རྒྱས་གོ་འཕང་འཐོབ་བྱའི་ཕྱིར༔ ཉེས་སྤྱོད་ཀུན་སྡོམ་དགེ་ཆོས་སྡུད༔ གཞན་ཕན་བྱང་སེམས་རྟག་ཏུ་བསྐྱེད༔ ལན་གསུམ། དེས་རྒྱུད་སྦྱོང་བ་སྔོན་དུ་སོང་ནས་དངོས་གཞི་དབང་གི་གཞི་དགོད་པའི་སླད་དུ་ཡེ་ཤེས་པ་དབབ་པ་ཡིན་པས་ལུས་ངག་ཡིད་གསུམ་གྱི་གནད་གཅུན་ལ་དམིགས་པ་འདི་ལྟར་སྒོམས་ཤིག །ལས་སྔགས་ཀྱིས་བསང༌། ཨོཾ་མ་ཧཱ་ཤུ་ནྱ་ཏཱ་སོགས་ཀྱིས་སྦྱང༌། ཆོས་ཐམས་ཅད་འོད་གསལ་སྟོང་པ་ཉིད་ཀྱི་ངང་ལས། ཁྱེད་རང་གང་དུ་འཁོད་པའི་གོ་སར་པདྨ་དང་ཉི་མ་དམ་སྲི་ཕོ་མོ་བསྣོལ་བའི་གདན་གྱི་སྟེང་དུ་རང་སེམས་རིག་པའི་ངོ་བོ་ཧཱུྃ་སྨུག་ནག་ཡོངས་སུ་གྱུར་པ་ལས། ཁྱེད་རང་རྣམས་སྐད་ཅིག་གིས་དཔལ་ཆེན་རཀྴ་ཐོད་ཕྲེང་རྩལ་སྐུ་མདོག་སྨུག་ནག་འབར་བ་ཆེན་པོ་སྐུ་ཆེ་ཞིང་ཡན་ལག་རགས་པ། ཞལ་གཅིག་ཕྱག་གཉིས་ཀྱིས་རྡོ་རྗེ་དང་དུང་ཁྲག་བསྣམས་པས་ཡུམ་མཐིང་འོད་འབར་མ་ནམ་མཁའི་མདོག་ཅན་གྲི་ཐོད་འཛིན་པ་ལ་འཁྱུད་པ། དབུ་སྐྲ་ཁམ་ནག་གྱེན་དུ་བརྫེས་པ་ལ་ཐོད་སྐམ་ལྔས་བརྒྱན་ཅིང་ཐོད་ཕྲེང་གི་ག་ཤ་སྟག་ཤམ་དང་རུས་པའི་ཕྱག་རྒྱས་སྤྲས་པ་ཤིན་ཏུ་ཁྲོ་ཞིང་གཏུམ་ལ་གར་དགུའི་ཉམས་ལྡན་ཡེ་ཤེས་ཀྱི་མེ་ཕུང་དྲག་ཏུ་འབར་བའི་ཀློང་ན་ཞབས་བརྐྱང་བསྐུམ་གྱིས་འགྱིང་བའི་གནས་གསུམ་དུ་ཨོཾ་ཨཱཿཧཱུྃ་གསུམ་གྱིས་མཚན་པ་དང༌། སློབ་དཔོན་གྱི་ཐུགས་ཀ་ནས་ཀྱང་འོད་ཟེར་ནམ་མཁའ་གང་བར་འཕྲོས་པས་ཕྱོགས་བཅུ་དུས་བཞིའི་དཀོན་མཆོག་རྩ་བ་གསུམ་དང༌། ཁྱད་པར་དཔལ་རི་པདྨ་འོད་དབང་དྲག་རོལ་པའི་ཕོ་བྲང་ནས་རིག་འཛིན་རཀྴ་ཐོད་ཕྲེང་རྩལ་སྤྲུལ་འཁོར་བཅས་པའི་ཐུགས་རྒྱུད་བསྐུལ། ཐམས་ཅད་ཀྱང་དཔལ་ཆེན་གསང་བདག་སེང་གེའི་སྒྲ་རྡོ་རྗེ་སྲིན་པོའི་སྐུར་བཞེངས་ཏེ་ཆར་ཆེན་བབས་པ་ལྟར་བྱོན་ནས་ཁྱེད་རང་རྣམས་ལ་ཐིམ་པས་གཉིས་མེད་དུ་གྱུར་པར་མོས་ཤིག །སྤོས་རོལ་བཅས། ཧཱུྃ་ཧཱུྃ༔ ཡུལ་གྱི་མིང་ནི་རྔ་ཡབ་གླིང་༔ ཟངས་མདོག་དཔལ་གྱི་རི་བོའི་རྩེར༔ པདྨ་འོད་ཀྱི་གཞལ་ཡས་ནས༔ སངས་རྒྱས་ཀུན་འདུས་ཐོད་ཕྲེང་རྩལ༔ རྡོ་རྗེ་སྲིན་པོའི་སྐུར་བཞེངས་ལ༔ བར་ཆད་དམ་སྲི་ཚར་གཅོད་ཕྱིར༔ གནས་འདིར་སྤྱན་འདྲེན་གཤེགས་སུ་གསོལ༔ ལུས་ལ་སྐུ་ཡི་བྱིན་གྱིས་རློབས༔ ངག་ལ་གསུང་གི་ནུས་པ་སྩོལ༔ ཡིད་ལ་ཐུགས་ཀྱི་བྱིན་ཆེན་ཕོབ༔ བདག་དང་མོས་པའི་བུ་རྣམས་ཀྱི༔ ཕྱི་ནང་གསང་བའི་བར་ཆད་སོལ༔ མི་མཐུན་འགལ་རྐྱེན་ཐམས་ཅད་སྲུངས༔ སྐུ་གསུང་ཐུགས་ཀྱི་དབང་བཞི་སྐུར༔ མཆོག་དང་ཐུན་མོང་དངོས་གྲུབ་སྩོལ༔ ཉིད་དང་དབྱེར་མེད་མཛད་དུ་གསོལ༔ ཨོཾ་བཛྲ་ཙཎྜ་སརྦ་དུཥྟཱན་ཧཱུྃ་ཕཊ༔ ཛྙཱ་ན་བཛྲ་ཨཱ་བེ་ཤ་ཡ་ཨ་ཨཱཿ བརྗོད་ལ་བྱིན་དབབ། དེ་ལྟར་དབབ་པའི་ཡེ་ཤེས་པའི་བྱིན་རླབས་རབ་ཏུ་གནས་པར་བྱས་པར་མོས་ཤིག །ཏིཥྛ་བཛྲ། ཞེས་རྡོ་རྗེ་མགོར་བཞག་ལ་བརྟན་པར་བྱ། ནམ་མཁའ་གང་བར་སད་པའི་དབང་ལྷ་རྣམས་ཀྱིས་རྡོ་རྗེ་བདུད་རྩིའི་གཏོར་བླུག་གི་ཆོ་ག་མཛད་པས་ལས་དང་ཉོན་མོངས་པའི་སྒྲིབ་པ་བག་ཆགས་བཅས་པ་དག །ཡེ་ཤེས་ཆེན་པོས་རྒྱུད་གང་བར་མོས་ཤིག །བུམ་དབང་བསྐུར་ལ། ཧཱུྃ༔ དུས་གསུམ་སངས་རྒྱས་ཐམས་ཅད་ཀྱི༔ སྐུ་གསུང་ཐུགས་ཀྱི་གསང་བ་འཛིན༔ ཁྲག་འཐུང་རཀྴ་ཐོད་ཕྲེང་གི༔ དབང་བསྐུར་དམ་པ་ཁྱོད་ལ་སྦྱིན༔ ཨོཾ་བཛྲ་ཙཎྜ་སརྦ་དུཥྟཱན་ཧཱུྃ་ཕཊ༔ ཀ་ལ་ཤ་ཨ་བྷི་ཥིཉྩ་ཧྲཱིཿ སྐུ་ཙཀ་ཐོགས་ལ། སློབ་དཔོན་དང་དབྱེར་མ་མཆིས་པའི་མདུན་བསྐྱེད་ཀྱི་སྐུ་ལས་ཡེ་ཤེས་ཀྱི་ཕྱག་རྒྱ་གཟི་བརྗིད་དང་ལྡན་པ་འཕྲོས་ཁྱེད་རང་གི་དཔྲལ་བ་ནས་ཞུགས་ཏེ་ལུས་ལ་ཐིམ་པས་ལུས་ཀྱི་ནད་གདོན་སྡིག་སྒྲིབ་ཐམས་ཅད་བསལ། སྐུའི་དབང་དང་བྱིན་རླབས་ཐོབ། དཔལ་ཆེན་རཀྴ་ཐོད་ཕྲེང་རྩལ་གྱི་སྐུའི་གསང་བ་དང་དབྱེར་མེད་དུ་གྱུར་པར་མོས་ཤིག །ཨོཾ༔ རྩ་གསུམ་ལྷ་ཚོགས་ཐམས་ཅད་ཀྱི༔ བྱིན་རླབས་མཐུ་སྟོབས་གཅིག་བསྡུས་པ༔ རཀྴ་ཐོད་ཕྲེང་ཧེ་རུ་ཀའི༔ རྡོ་རྗེའི་སྐུ་ཡི་དབང་བསྐུར་རོ༔ ཨོཾ་བཛྲ་ཙཎྜ་སརྦ་དུཥྟཱན་ཧཱུྃ་ཕཊ༔ ཀཱ་ཡ་ཨ་བྷི་ཥིཉྩ་ཨོཾ༔ ཞེས་དཔྲལ་བར་གཏུགས། སྔགས་བྱང་དང་ཕྲེང་བ་ཐོགས་ལ། མདུན་བསྐྱེད་ཀྱི་གསུང་ལས་ས་བོན་དང་སྔགས་ཕྲེང་པདྨ་རཱ་གའི་མདོག་ཅན་འོད་ཟེར་འབར་བ་འཕྲོས། ཁྱེད་རང་གི་མགྲིན་པ་ནས་ཞུགས་ཏེ་ངག་ལ་ཐིམ་པས་ངག་གི་ནད་གདོན་སྡིག་སྒྲིབ་ཐམས་ཅད་བསལ། གསུང་གི་དབང་དང་བྱིན་རླབས་ཐོབ། དཔལ་ཆེན་རཀྴ་ཐོད་ཕྲེང་རྩལ་གྱི་གསུང་གི་གསང་བ་དང་དབྱེར་མེད་དུ་གྱུར་པར་མོས་ཤིག །ཨཱཿ རྩ་གསུམ་ལྷ་ཚོགས་ཐམས་ཅད་ཀྱི༔ བྱིན་རླབས་མཐུ་སྟོབས་གཅིག་བསྡུས་པ༔ རཀྴ་ཐོད་ཕྲེང་ཧེ་རུ་ཀའི༔ སྙིང་པོ་སྔགས་ཀྱི་དབང་བསྐུར་རོ༔ ཨོཾ་བཛྲ་ཙཎྜ་སརྦ་དུཥྟཱན་ཧཱུྃ་ཕཊ༔ ཝཱ་ཀ་ཨ་བྷི་ཥིཉྩ་ཨཱཿ ཞེས་མགྲིན་པར་བཞག །ཕྱག་མཚན་ཐོགས་ལ། མདུན་བསྐྱེད་ཀྱི་ཐུགས་ལས་བདེ་སྟོང་ཐབས་ཤེས་ཀྱི་རང་རྟགས་རྡོ་རྗེ་དང་དུང་ཁྲག་མེ་འོད་འཕྲོ་བ་བྱུང༌། ཁྱེད་རང་གི་སྙིང་ག་ནས་ཞུགས་ཏེ་ཡིད་ལ་ཐིམ་པས་ཡིད་ཀྱི་ནད་གདོན་སྡིག་སྒྲིབ་ཐམས་ཅད་བསལ། ཐུགས་ཀྱི་དབང་དང་བྱིན་རླབས་ཐོབ། དཔལ་ཆེན་རཀྴ་ཐོད་ཕྲེང་རྩལ་གྱི་ཐུགས་ཀྱི་གསང་བ་དང་དབྱེར་མེད་དུ་གྱུར་པར་མོས་ཤིག །ཧཱུྃ༔ རྩ་གསུམ་ལྷ་ཚོགས་ཐམས་ཅད་ཀྱི༔ བྱིན་རླབས་མཐུ་སྟོབས་གཅིག་བསྡུས་པ༔ རཀྴ་ཐོད་ཕྲེང་ཧེ་རུ་ཀའི༔ འོད་གསལ་ཐུགས་ཀྱི་དབང་བསྐུར་རོ༔ ཨོཾ་བཛྲ་ཙཎྜ་སརྦ་དུཥྟཱན་ཧཱུྃ་ཕཊ༔ ཙིཏྟ་ཨ་བྷི་ཥིཉྩ་ཧཱུྃ༔ ཞེས་སྙིང་གར་གཏུགས། གཏོར་མ་ཐོགས་ལ། དཔལ་གྱི་གཏོར་མ་འདི་ཉིད་རབ་འབར་དུར་ཁྲོད་རོལ་པའི་ཕོ་བྲང་ཆེན་པོར་དཔལ་ཆེན་ཁྲག་འཐུང་རཀྴ་ཐོད་ཕྲེང་རྩལ་ལ་བདུད་འདུལ་ཁྲོ་བོ་ཆེན་པོ་བཅུ་སོགས་སྤྲུལ་པ་ཡང་སྤྲུལ་དཔག་ཏུ་མེད་པས་བསྐོར་བ། ཁྱེད་རང་གི་སྤྱི་བོར་བྱོན་ཏེ་སྐུ་གསུང་ཐུགས་ལས་བྱིན་རླབས་བདུད་རྩིའི་རང་བཞིན་ཁྲོ་ཆུང་མཚོན་ཆ་མེ་འོད་ཀྱི་རྣམ་པ་ཆར་བབས་པ་ལྟར་བྱོན། ཁྱེད་རང་གི་གནས་གསུམ་དུ་ཐིམ་པས་སྒོ་གསུམ་གྱི་ནད་གདོན་སྡིག་སྒྲིབ་ཐམས་ཅད་བསལ། སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་དབང་དང་བྱིན་རླབས་ཐོབ། དཔལ་ཆེན་རཀྴ་ཐོད་ཕྲེང་རྩལ་གྱི་སྐུ་གསུང་ཐུགས་ཡེ་ཤེས་རྡོ་རྗེའི་གསང་བ་དང་དབྱེར་མེད་དུ་གྱུར་པར་མོས་ཤིག །ཧྲཱིཿ རྩ་གསུམ་ལྷ་ཚོགས་ཐམས་ཅད་ཀྱི༔ བྱིན་རླབས་མཐུ་སྟོབས་གཅིག་བསྡུས་པ༔ རཀྴ་ཐོད་ཕྲེང་ཧེ་རུ་ཀའི༔ དབྱེར་མེད་ཡེ་ཤེས་དབང་བསྐུར་རོ༔ ཨོཾ་བཛྲ་ཙཎྜ་སརྦ་དུཥྟཱན་ཧཱུྃ་ཕཊ༔ སརྦ་ཨ་བྷི་ཥིཉྩ་ཧྲཱིཿ ཞེས་གནས་བཞིར་བཞག །སླར་བརྒྱུད་པའི་མཚན་ནས་སྨོས་ཏེ་གཏོར་མ་མགོར་བཞག་ལ་བཀའ་བསྒོ་སྤྱི་ལྟར་བྱ། གཏོར་མའི་ལྷ་འོད་དུ་ཞུ་ནས་ཁྱེད་རང་ལ་ཐིམ་པས་ཁྱེད་རང་རཀྴ་ཐོད་ཕྲེང་དངོས་སུ་གྱུར་པ་ལ་མཐའ་རྟེན་དྲག་པོ་མངོན་སྤྱོད་ཀྱི་རྗེས་གནང་བྱིན་པར་མོས་ལ་སོ་སོའི་ཏིང་ངེ་འཛིན་གྱི་ང་རྒྱལ་སྐྱེད་ཅིག །ཕུར་བུ་ཐུན་རྫས་ཧོམ་དང་མནན་ཆས་གཏོར་ཟོར་རྣམས་མདོར་བསྡུས་གཏད་ལ། ཧཱུྃ༔ དུས་གསུམ་སངས་རྒྱས་ཕྲིན་ལས་འདུས་པའི་དཔལ༔ སྲས་མཆོག་ཕུར་པ་ཁྱོད་ཀྱི་ལག་ཏུ་གཏད༔ གསལ་གསུམ་རྫོང་འཕྲང་སྲོག་གི་གནད་ཤེས་པས༔ གདིང་གསུམ་དགོངས་པ་གསུམ་གྱིས་གཞི་བཟུང་སྟེ༔ བྱང་ཆུབ་ལམ་གྱི་བར་ཆད་མ་ལུས་ཀུན༔ འོད་གསལ་རིག་པ་ཟང་ཐལ་དབྱིངས་སུ་སྒྲོལ༔ དགྲ་ལ་ཐུན་རྫས་རྣམས་ཀྱི་ཆར་པ་ཕོབ༔ ཤིན་ཏུ་མི་སྲུན་ཚོགས་རྣམས་ཧོམ་དུ་སྲེགས༔ ཆག་ཆེན་ཟློག་ཕྱིར་ཟོར་གྱི་དམག་དཔུང་སྐུལ༔ སླར་ཡང་མི་ལྡང་ཕྱིར་དུ་མནན་པར་གྱིས༔ མདོར་ན་གདུག་པའི་ཚོགས་ཀུན་ཚར་གཅོད་པའི༔ དྲག་པོའི་ལས་རྣམས་ཐམས་ཅད་འགྲུབ་པར་ཤོག༔ ཨོཾ་བཛྲ་ཙཎྜ་སརྦ་དུཥྟཱན་ཧཱུྃ་ཕཊ༔ ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ༔ ཨོཾ་དྷུ་རུ་དྷུ་རུ་ཙཀྲ༔ ཛ་ཡ་ཛ་ཡ་ཙཀྲ༔ ཧ་ན་ཧ་ན་ཙཀྲ༔ བྷུ་རུ་བྷུ་རུ་ཙཀྲ༔ སྨ་ར་སྨ་ར་ཙཀྲ༔ བྷི་དུ་མ་ནི་ཙཀྲ༔ ཛྭ་ལ་ཛྭ་ལ་ཙཀྲ༔ སཾ་བྷ་བེ་ག་ན་ནཱ་ཡ་ས་ར་ཙཀྲ༔ སཱ་ལ་ཡ་སཱ་ལ་ཡ་ཙཀྲ༔ ནཱ་ཤ་ཡ་ནཱ་ཤ་ཡ་ཙཀྲ༔ བྃ་བྃ་ཙཀྲ༔ ཧཱུྃ་ཧཱུྃ་ཕཊ་ཕཊ་ས་མནྟ་ག་ར་ཙཀྲ༔ ཏཱིཔྟ་ཙཀྲ་ཧཱུྃ་ཕཊ༔ ཨོཾ་ལོཀྟྲི་པཱ་ལ་ནན༔ ས་ག་པཱ་ཤ་ནན༔ ནཱ་ག་དུ་དུ་ནན༔ མ་མཾ་མ་མཾ༔ ཙིར་ཙར་ཙིར་ཙར༔ བྃ་རུ་ལུ་བྃ་རུ་ལུ༔ རྦད་ཏྲ་ཀོ་ཤ་ཡ་རྦད་ཏྲ་ཀོ་ཤ་ཡ༔ ཧོ་ར་ཧོ་ར༔ ཙི་དུ་སོད་ཙི་དུ་སོད༔ ཤིག་ལྷུ་རུ་གཏུབས༔ ཧ་ལ་པ་ཏི་ནན༔ འཁོར་བ་ཐུལ༔ གནོད་བྱེད་འབྱུང་པོའི་ཀཱ་ཝཱ་ཙི་རླག་རླག༔ ཅེས་བཟླས་ལ་དམར་གཏོར་ཟོར་དུ་འཕང༌། མེ་ཏོག་འཐོར་ལ་ཤིས་པ་བརྗོད་དོ། །འདི་ནི་རྩ་བའི་སྨིན་བྱེད་ཀྱི་དབང་དུ་བྱས་པ་སྟེ། རྐྱེན་སེལ་ལྟ་བུར་བུམ་པ་སོགས་དབང་རྫས་གཞན་མི་དགོས་པས་གཏོར་མ་ཁོ་ན་བཤམ། བསྐུར་དུས་ཀྱང་བྱིན་འབེབས་རྗེས་སུ་བུམ་དབང་མི་དགོས། གཏོར་མ་ལྷར་གསལ་བའི་གནས་གསུམ་ལས་སྐུ་སྔགས་ཕྱག་མཚན་སྤྲོ་བའི་དབང་བཞི་ཚར་གཅིག་རྫོགས་ནས། གྲངས་གསོག་དགོས་ཚེ་གོང་གསལ་གཏོར་དབང་མཚམས་སྦྱོར། དཔལ་གྱི་གཏོར་མ་འདི་ཉིད་སོགས་ཀྱིས་དམིགས་པ་གསལ་བཏབ་ལ། ཨོཾ་ཨཱཿཧཱུྃ་ཧྲཱིཿ རྩ་གསུམ་ལྷ་ཚོགས་ཐམས་ཅད་ཀྱི༔ བྱིན་རླབས་མཐུ་སྟོབས་གཅིག་བསྡུས་པ༔ རཀྴ་ཐོད་ཕྲེང་ཧེ་རུ་ཀའི༔ རྡོ་རྗེའི་སྐུ་ཡིས་དབང་བསྐུར་རོ༔ སྙིང་པོ་སྔགས་ཀྱིས་དབང་བསྐུར་རོ༔ འོད་གསལ་ཐུགས་ཀྱིས་དབང་བསྐུར་རོ༔ དབྱེར་མེད་ཡེ་ཤེས་དབང་བསྐུར་རོ༔ ཨོཾ་བཛྲ་ཙཎྜ་སརྦ་དུཥྟཱན་ཧཱུྃ་ཕཊ༔ ཀཱ་ཡ་ཝཱ་ཀ་ཙིཏྟ་སརྦ་ཨ་བྷི་ཥིཉྩ་ཨོཾ་ཨཱཿཧཱུྃ་ཧྲཱིཿ ཞེས་གནས་བཞིར་བཞག་པ་ལ་གྲངས་བཟུང༌། མཐར་མངོན་སྤྱོད་རྗེས་གནང་མི་དགོས་པས་ཤིས་བརྗོད་ལ་འཇུག །དེ་དག་གང་ལྟར་ཡང་དབང་བསྐུར་གྲུབ་ནས། དེས་སྙིགས་དུས་གློ་བུར་ཀེག་སྲིའི་བར་གཅོད་སེལ་བ་ལ་ལྷག་པར་བསྔགས་པ་རིག་འཛིན་རཀྴ་ཐོད་ཕྲེང་དབང་བསྐུར་ལེགས་པར་གྲུབ་པ་ལགས་སོགས་ཀྱིས་མཚམས་སྦྱར་ལ་དབང་རྗེས་དམ་ཚིག་ཁས་བླང༌། གཏང་རག་མཎྜལ་ཕྱིན་ཆད་སྤྱི་ལྟར་བྱ། སློབ་དཔོན་གྱིས་གཏེར་སྲུང་གཏོར་འབུལ་དང་ཚོགས་མཆོད་ནས་ཤིས་བརྗོད་ཀྱི་བར་ཕྲིན་ལས་རྗེས་ཀྱི་བྱ་བ་རྣམས་ཀྱང་ལས་བྱང་ལྟར་མཐར་དབྱུང་ངོ༌། །འདིའང་རིན་ཆེན་སྤར་ཁབ་སོགས་ཀྱི་དགོངས་པ་དང་བསྟུན་ཏེ་གཏེར་ཆེན་ཉིད་ལས་ཇི་ལྟར་ནོས་པ་ལྟར་བཀོད་པའོ། །ཉོན་མོངས་རང་གཟུགས་སྲི་སྐེག་སྨག་རུམ་ཀུན། །དཔལ་ཆེན་ཡེ་ཤེས་འོད་བརྒྱས་དབྱིངས་སུ་བཅོམ། །སྡེ་བཞིའི་པདྨོའི་དགའ་ཚལ་དར་དྲགས་པས། །བསྟན་འགྲོའི་བདེ་སྐྱིད་དགུང་དུ་བདོ་བར་ཤོག །འདི་ལ་སྒྲུབ་ཐབས་གཏེར་ཆེན་མཆོག་ནས་མཛད་པ་ཡོད་ཀྱང་ཕྲིན་ལས་ཀྱི་ཡན་ལག་གཞན་ལ་ལྟོས་དགོས་པ་སོགས་ཀྱིས་འདིར་རང་རྐང་ཚུགས་པར་བྱེད་བདེའི་སླད་དུ་ཕྲིན་ལས་དབང་བསྐུར་དཀྱུས་གཅིག་ཏུ་སྲེས་ཏེ། སྔགས་རིག་འཛིན་པ་པདྨ་གར་དབང་རྩལ་གྱིས་རྫོང་ཤོད་བདེ་གཤེགས་འདུས་པའི་ཕོ་བྲང་ཆེན་པོར་བགྱིས་བ་དགེ་ལེགས་འཕེལ།། །།

[edit]

@#/__/thugs sgrub bar chad kun sel las/__rig 'dzin rak+sha thod phreng gi phrin las dang dbang bskur bklags chog tu bkod pa bdud 'joms zhun thigs zhes bya ba bzhugs so//@#/__/na mo gu ru rak+sha he ru kA ya/__/ye shes dbyings las 'bar ba'i sku/__/bdud dgra dam sri'i gshed po che/__/khrag 'thung rgyal pos phyi nang gi__/bgegs tshogs kun choms byin rlabs stsol/__/'dir glo bur keg sri bar gcod kyi gnyen po rdo rje srin po rak+sha thod phreng rtsal gyi las rim la 'jug pa la nye bar mkho ba gnyis te/__phrin las dang dbang bskur ro/__/dang po la gsum/__sngon 'gro dngos gzhi rjes so/__/dang po gnas khang gi phug logs su dam tshig gi bris sku sogs rten bkram thod pa'am zangs lcags kyi snod du khrag chang gis sbrus pa'i zan la gtor ma zur gsum brjid ldan thebs kyu bcus bskor ba me ri'i rgyan ldan spod kyis bran/__sku tsaka dang dar gdugs smug nag phub pa'i g.yas g.yon tu sman raka__/mdun tu drag mchod bcas stegs gtsang mar bkod/__gtor tshogs sogs mkho ba'i yo byad rnams 'du byas la/__brgyud pa'i gsol 'debs dang*/__gzhi gnas bdag por dkar gtor gser skyems 'bul/__skyabs 'gro ni/__na mo:__rigs kun khyab bdag bla ma rje:__dngos grub 'byung gnas yi dam lha:__bar chad kun sel mkha' 'gro'i tshogs:__rtsa ba gsum la skyabs su mchi:__lan gsum/__hoH__ma gyur sems can mtha' dag kun:__sangs rgyas go 'phang 'thob bya'i phyir:__nyes spyod kun sdom dge chos sdud:__gzhan phan byang sems rtag tu bskyed:__lan gsum/__rgyun bshags ni/__rdo rje slob dpon sangs rgyas dpal sogs brjod la tshad med bzhi bsgom/__rang nyid skad cig gis dpal chen rdo rje srin po'i skur gyur/__bgegs gtor/__ra~M ya~M kha~M gis bsang sbyang*/__stong pa'i ngang las b+h+rU~M las rin po che'i snod zab cing rgya che ba'i nang du gtor ma kha dog dri ro nus mthu phun sum tshogs par gyur/__oM AHhU~M ha hoHhrIHsa byin gyis brlab/__sarba b+hu ta A kar+Sha ya dzaHsa mgron dgug__/sarba big+h+nAn na maHsarba sogs nam mkha' mdzod kyi sngags rgya lan gsum gyis bsngos la/__bka' bsgo ba ni/__hU~M hrIH__gnyis snang 'khrul pa'i gdon bgegs 'byung po'i tshogs:__gtor ma 'di longs rang rang gnas su dengs:__gal te mi 'gro rdo rje'i mtshon char gyis:__drag shul rdo rje'i rol pas tshar bcad do:__zhes dang drag sngags rol mos mtshams bcad/__srung 'khor ni/__hU~M hrI:__bdag nyid dpal chen pad+ma dbang gi sku:__'khor 'das thams cad gsang gsum phyag rgyar rdzogs:__gnyis med ye shes lha sngags chos sku'i ngang :__mtshams kyi dkyil 'khor rang bzhin lhun gyis grub:__hU~M sarba kro d+ha tIk+Sh+Na dz+wa la raM raM d+harma d+ha tu dz+nyA na shud+d+he a:__rak+Sha rak+Sha hU~M phaT:__nongs bshags ni/__hoH__bde gshegs snying po rang bzhin 'od gsal la:__'khrul pa'i dbang gis sgro dang skur btab ste:__log pa'i lam du gol ba'i nongs pa kun:__gnyis med blo las 'das pa'i ngang du bshags:__sa ma ya shud+d+he a:__byin dbab pa ni/__hU~M hrIH__yul gyi ming ni lho nub rnga yab gling :__dpal ri pad+ma 'od kyi gzhal yas nas:__rtsa gsum kun 'dus rak+sha thod phreng rtsal:__bdud 'dul khro bo sprul 'khor pho nya bcas:__sngon gyi zhal bzhes thugs dam ma g.yel bar:__phyi nang gsang ba'i dkyil 'khor dam rdzas la:__sku gsung thugs kyi rdo rje'i byin chen phobs:__sgrub mchog rnams la dbang bskur byin gyis rlobs:__oM AHhU~M badz+ra gu ru d+he ba d+hA ki ni dz+nyA na A be sha ya a AH__mchod pa byin brlab ni/__ra~M ya~M kha~M/__me rlung chu yis dngos 'dzin rtog sgrib sbyangs/__/stong pa'i ngang las gsang chen rol pa'i zhing*/__/hU~M las phyi nang gsang ba'i mchod sprin rnams/__/phung khams skye mched gdod nas rnam dag pa/__/dur khrod drag po'i rdzas su byin gyis brlab/__oM badz+ra ar+g+haM nas/__shab+da pany+tsa kA ma gu Na ma hA sarba pU dza sa ma ye AHhU~M/__oM sarba pany+tsa a mr-i ta ma hA rak+ta ba liM ta AHhU~M/__lan gsum gyis sbyang rtogs spar ro/__/gnyis pa dngos gzhi'i las rim las/__dam tshig pa bskyed pa ni/__hU~M:__dmigs med de bzhin nyid kyi dbyings:__lhun gyis grub pa'i rig rtsal las:__rgyu yi yi ge hU~M mthing nag:__mkha' la nyi ma bzhin du shar:__'bar ba chen po'i 'od zer gyis:__snod bcud dngos 'dzin stong par sbyangs:__stong pa'i ngang las skad cig gis:__phyi snod dur khrod rol pa'i zhing :__khrag 'thung lha tshogs pho brang dbus:__sna tshogs rdo rje'i lte ba ru:__b+h+rU~M las bdud 'dul mchod rten ni:__yangs shing rgya che mtshan nyid rdzogs:__de phyir 'khor lo rtsibs bcu gsum:__lte ba mi g.yo rtsibs rnams kun:__shugs drag 'khor ba'i khong gseng du:__rdo rje'i sngags kyi yi ges mtshan:__de las rdo rje'i tshwa tshwa dang :__me 'od 'phros pas phyogs kun khyab:__gzhom med srung ba'i gur khang cher:__las kyi khro tshogs rlung ltar 'tshubs:__mchod rten tog zlum 'od lnga'i klong :__rtsa brgyud bla ma'i sprin phung 'phro:__bcu gsum gdugs kyi nang khongs su:__bcom ldan shAkya seng ge sogs:__sangs rgyas byang sems bsam mi khyab:__bre nang rgyud sde chen po bzhi'i:__dkyil 'khor zhi khro rab 'byams bzhugs:__bum pa yangs shing rgya che'i dbus:__steng 'og 'khor lo rtsibs drug pa'i:__lte bar pad nyi dam sri'i steng :__hU~M las bdag nyid skad cig gis:__gsang ba'i bdag po rdo rje 'dzin:__drag tu khros pa seng ge'i sgra:__dpal chen rak+sha thod phreng rtsal:__smug nag zhal gcig phyag gnyis pa:__sku che yan lag shin tu rags:__phyag gnyis rdo rje dung khrag bsnams:__dbu skra gyen brdzes thod skam brgyan:__stag sham rus pa'i phyag rgyas spras:__thod pa'i phreng ba ga shal mdzad:__mthing 'od 'bar ma nam mkha'i mdog:__gri thod 'dzin pas yab la 'khyud:__zhabs zung brkyang bskum dor stabs kyis:__ye shes me phung 'bar ba'i dbus:__rab khros gar dgu'i nyams kyis rol:__steng 'og phyogs mtshams me phung klong :__bdud 'dul khro bo chen po bcu:__sku mdog dus mtha'i me ltar 'bar:__phyag g.yas rdo rje rtse dgu gsor:__sri ngan 'byung po srung zhing zlog:__g.yon pas gnam lcags phur pa 'dril:__dam sri gdug pa gzir zhing gsod:__sku smad phur pa'i dpal rnon pos:__phyogs bcu'i dgra sri'i snying la 'bigs:__zhal nas hU~M chen sngags kyi sgras:__khams gsum 'byung po 'dar zhing 'dud:__khro bo chen po'i chas kun rdzogs:__'khor lo gnyis kyi bar snang dang :__steng 'og rtsibs la sngags bcu gsum:__me phung 'bar zhing rang sgra sgrogs:__'od zer rdo rje'i tshwa tshwa 'phro:__'brug stong ldir ba lta bur bsam:__seng khri'i nang gi phyogs mtshams su:__chos srung pho mo ma ning sde:__ci bgyi'i bka' nyan las byed phyir:__skar ltar 'khrugs shing ser ltar 'dril:__gtso 'khor kun gyi gnas gsum gyi:__yi ge gsum las 'od 'phros pas:__rab 'byams dag pa'i zhing khams nas:__dkon mchog rtsa gsum chos srung tshogs:__char ltar babs nas gnyis med thim:__ye shes gzi byin cher 'bar gyur:__ye shes pa spyan 'dren pa ni/__hU~M hU~M:__'og min chos dbyings me ri 'bar ba dang :__dbang drag pad+ma 'od kyi pho brang nas:__dus gsum bde gshegs bla ma yi dam lha:__dpa' bo mkha' 'gro chos skyong tshogs rnams kun:__sangs rgyas 'dus pa'i phrin las srin po'i rgyal:__rig 'dzin rtsal 'chang rak+sha thod phreng che:__gtso 'khor sprul par bcas pa'i skur bzhengs la:__dur khrod drag po'i gnas 'dir gshegs su gsol:__oM AHhU~M badz+ra gu ru rak+sha thod phreng rtsal sa pa ri wA ra e A ral+li hriM hriM pheM pheM:__dzaHhU~M ba~M ho:__bzhugs su gsol ba ni/__hU~M b+h+yo:__mthing nag gru gsum e yi klong :__tsakra 'bar ba'i gzhal yas na:__rak+sha thod phreng 'khor dang bcas:__dgyes shing brtan par bzhugs su gsol:__sa ma ya tiSh+Tha lhan:__phyag dang mchod pa bya ba ni/__hU~M:__dus gsum sangs rgyas thams cad kyi:__drag po'i mthu rtsal gcig bsdus pa:__rak+sha thod phreng he ru ka:__'khor dang bcas la phyag 'tshal lo:__a ti pU ho:__pra tIts+tsha hoH__hU~M:__dur khrod drag po'i gzhal med khang chen po:__rdo rje 'dzin kyang 'jigs pa'i pho brang du:__dgra bgegs bsgral ba'i khrag gi mchod yon dang :__dbang po'i me tog tshil gsur bdug pa'i sprin:__zhun chen mar me mkhris pa'i dri chab rdzing :__sha rus zhal zas rkang gling thod rnga'i sgra:__byang sems dkar dmar bdud rtsi rak+ta'i mtsho:__phung po ma tshang med pa'i gtor ma che:__rmad du byung ba'i dam rdzas rgya chen pos:__bla ma drag po 'khor bcas thugs dam bskang :__dgyes par bzhes la drag po'i phrin las mdzod:__oM badz+ra ar+g+haM pad+yaM sogs shap+da bo d+hi tsit+ta ma hA rak+ta mAM sa ba liM ta pU dza hoH__bstod pa ni/__hU~M b+h+yo:__dur khrod drag po me rlung 'tshubs pa'i klong :__dpal chen khro rgyal rak+sha thod phreng rtsal:__sangs rgyas 'dus pa'i phrin las srin po'i rgyal:__khyab bdag he ru ka la phyag 'tshal bstod:__ngang nyid ye shes dbyings las ma g.yos kyang :__gdug pa 'dul phyir khro rgyal khros pa'i sku:__khro bcu'i tshul snang phyag rgya'i sprin 'phro ba:__khrag 'thung 'khor los sgyur la phyag 'tshal bstod:__ye shes rol pa'i bdag nyid dpal chen lha:__rigs kyi tshom bu sprul 'khor mtha' yas shing :__rgyud gsum dregs pa'i dmag dpung rlung ltar 'tshubs:__dbang drag rol pa'i dkyil 'khor lha la bstod:__'dzab bzla ba ni/__hU~M hrI:__snying po byang chub sems kyi dkyil 'khor du:__ye shes sgyu mar rol pa'i lha tshogs rnams:__mi 'da' rdo rje'i dam tshig rjes dgongs la:__byin rlabs dbang dang dngos grub stsal du gsol:__zhes bskul nas/__bsnyen pa ni/__thugs kar pad+ma nyi ma'i steng :__gnam lcags rdo rje'i lte bar hU~M:__de mthar sngags kyi phreng bas bskor:__bzlas pas rgyud bskul 'od zer 'phros:__phyogs dus rgyal ba sras bcas mchod:__sde brgyad 'byung po las la gzir:__srid gsum brtan g.yo'i snang cha kun:__thams cad ma bcos rtsa ba'i lha:__'chol ba'i khro rgyal chen por bzhengs:__sgra grags hU~M gi rang sgra dang :__dran rtog ka dag spros bral dbyings:__rig pa ye shes thig ler 'khyil:__zhes pa'i ting nge 'dzin la yid rtse gcig pas/__oM badz+ra tsaN+Da sarba duSh+tAn hU~M phaT:__ces 'bum phrag bcu'am bcu gcig bzla/__sgrub pa la gnyis las spyir bstan pa ni/__rig 'dzin rak+sha thod phreng thugs ka ru:__nyi steng hU~M mthar sngags kyi phreng bas bskor:__'od zer me phung khyung gi tshwa tshwa dang :__sprul pa yang sprul 'jig rten khyab par 'phros:__khams gsum sde brgyad dregs pa las la bkol:__dam sri 'byung po'i dpung tshogs thal bar brlag:__thams cad rig rtsal ka dag zang thal ngang :__tshur 'dus bdag thim nus stobs 'gran bral gyur:__ces dmigs la gong gi snying po bzla/__khyad par ba ni/__rang gi thugs kar 'od kyi klong :__pha lam las grub rdo rje'i lter:__rlung sems gnyis med hU~M mthing ga'i:__thig le'i dbus su bla ma dang :__khog par bsrung bya'i gtso bo ste:__mtha' bskor bsrung bya gzhan rnams kun:__mngon sum lta bur gsal ba'i mthar:__rtsa ba'i sngags kyi phreng bas bskor:__bzlas pas thugs srog sngags phreng las:__khro bo chen po 'dod pa'i rgyal:__lcags kyu thogs pa dpag med spros:__sri rnams dbang med bkug byas te:__phyi rol 'khor lo'i rtsibs bar tshud:__nam yang 'chor ba med par gyur:__ces dmigs la/__gong gsal rtsa bsnyen bzla/__snga phyi gnyis ka'i grangs tshad bsnyen pa dang mtshungs so/__/las sbyor ni/__'khor gyi khro bcu zhal phyir gzigs:__drag sngags 'brug sgra ltar sgrogs pas:__'khor lo steng g.yas 'og g.yon shugs drag 'khor:__sri rnams thams cad phye mar brlag:__rang gi ya rkan ma rkan ni:__gnam sa lta bur gdangs pa'i bar:__lce ni rdo rje rtse bcu gsum:__sngags kyis mtshan pa'i rang sgra yis:__phye ma'ang dmigs med dbyings su thim:__snying po'i sham du/__hU~M hU~M hU~M hU~M hU~M hU~M hU~M hU~M hU~M hU~M:__oM d+hu ru d+hu ru tsakra:__dza ya dza ya tsakra:__ha na ha na tsakra:__b+hu ru b+hu ru tsakra:__sma ra sma ra tsakra:__b+hi du ma ni tsakra:__dz+wa la dz+wa la tsakra:__saM b+ha be ga na nA ya sa ra tsakra:__sA la ya sA la ya tsakra:__nA sha ya nA sha ya tsakra:__ba~M ba~M tsakra:__hU~M hU~M phaT phaT sa man+ta ga ra tsakra:__tIp+ta tsakra hU~M phaT:__ces 'bum phrag gcig gi grangs thems nges su bzla/__thun mthar thal rdeb ni/__thugs nas lok+t+ri pA la ni:__sngo nag rab khros 'jigs pa'i gzugs:__grangs med srid gsum khyab par 'phros:__phyag gnyis gnam lcags ngar ma'i dbal:__cha lang bzhin tu brdab pa'i bar:__bgegs dang log 'dren thams cad dang :__khyad par bcu gsum sri yi rigs:__sde dang dpung dang brgyud bcas pa:__sgong lkog btsir ba bzhin du 'thar:__lus ngag thal ba'i rdul bzhin gyur:__rnam shes ka dag dbyings su thim:__ming gi lhag ma med par gyur:__oM lok+t+ri pA la nan/__sa ga pA sha nan/__nA ga du du nan/__ma maM ma maM/__tsir tsar tsir tsar/__ba~M ru lu ba~M ru lu:__rbad tra ko sha ya rbad tra ko sha ya/__ho ra ho ra/__tsi du sod tsi du sod/__shig lhu ru gtubs/__ha la pa ti nan/__'khor ba thul/__gnod byed 'byung po'i kA wA tsi rlag rlag__/ces nyer gcig tsam gyi rjes/__na mo:__dkon mchog gsum gyi bden pa dang :__rtsa gsum lha yi byin rlabs dang :__chos skyong srung ma'i mthu rtsal dang :__sngags rgod dmod pa'i mtshon cha'i mthus:__lo zla zhag dus la 'char ba'i:__che chung pho mo rgan gzhon dang :__nad sri dur gyi sri ngan sogs:__mi mthun gnod pa'i bgegs sri kun:__med par gyur cig zhi gyur cig:__rab tu zhi zhing stong gyur cig:__gal te stong par ma gyur na:__bstan pa bshig pa'i dgra la b+h+yo:__nag phyogs bdud rigs bgegs la zlog:__b+h+yo b+h+yo zlog zlog mA ra ya:__zhes lan gsum dang*/__rtsa sngags las sngags lok+t+ri'i sngags bcas sbrel ba'i mthar dmod pa ni:__bka' ltar mi byed cing dam la mi gnas pa thams cad 'dir ma gnas par gzhan du dengs shig__/srid pa spyi nas shig cig__/srid gsum rmang nas sgyel cig__/'khor ba gting nas phyung zhig__/bskal ba'i mes sregs shig__/dam tshig dmod pas sdigs shig__/bka'i chad pa chod cig__/gnam lcags ral gris spyi bo'i gtsug nas khos shig__/sum+b+ha nis non cig__/srid gsum gar skyes gar gnas kyang sdig can 'di'i steng du rdo rje me'i char chen po phob cig__/gnod byed thams cad mA ra ya phaT/__sbyor ba ngan pa thul cig__/ces thal rdeb tshar gsum byas la/__sprul pa'i khro tshogs tshur 'dus nas:__phyi rol srung ba'i phrin las mdzad:__khro bcu'i zhal rnams nang du gzigs:__rdo rje'i srung ba'i ting 'dzin las:__nam yang g.yo ba med pa yis:__keg sri 'byung po thams cad kyis:__bskal pa'i bar du 'dar med gyur:__ces dmigs la dbyangs gsal rten snying lan gsum brjod pas brtan par bya/__nam mkha' med par gyur na yang :__sngags kyi dngos grub med mi 'gyur:__lha dang drang srong gis bshad pa'i:__rig sngags bslu bar mi 'gyur na:__'dod chags bral bas byas pa yi:__gsang sngags sbyor bas bslu ba ni:__ma byung 'byung bar mi 'gyur ro:__sngags dang rten 'brel mi bslu zhing :__ting 'dzin nus pa bsam mi khyab:__dkon mchog gsum dang rtsa gsum gyi:__bden pa chen po'i mthu stobs kyis:__bcu gsum keg sri'i gnod pa las:__deng nas rtag tu rgyal gyur cig:__dza ya dza ya su dza ya:__zhes dang shis brjod bya'o/__/'di nyid ched du sgrub na bsnyen sgrub rnams kyi thun mthar stong tshig mchod bstod bar chad lam sel gyi gsol 'debs bsdu ldangs bsngo smon spyi 'gre bya'o/__/gsum pa rjes tshogs mchod la byin brlab ni/__ra~M ya~M kha~M:__bdag nyid lhar gsal thugs ka'i sa bon las:__ra~M ya~M kha~M 'phros tshogs rdzas dngos 'dzin sbyangs:__'bru gsum 'od kyis ye shes bdud rtsir bsgyur:__'dod yon mchod sprin nam mkha' gang bar gyur:__oM AHhU~M:__gsum brjod/__spyan 'dren ni/__hU~M hU~M hU~M:__bzhengs shig sku gsum rgyal ba rgya mtsho'i tshogs:__'od gsal spros dang bral ba'i ngang nyid las:__bdag cag tshogs bsags sgrib pa sbyong slad du:__ye shes sgyu mar rol bzhin gshegs su gsol:__badz+ra sa ma ya dzaHdzaH__mchod pa ni/__oM AHhU~M:__tshogs kyi ngo bo ye shes bdud rtsi'i sprin:__rnam pa 'dod yon lha mos nam mkha' gang :__zag med bde ba chen po'i longs spyod 'dis:__rtsa gsum dkyil 'khor lha tshogs mnyes gyur cig:__sarba ga Na tsakra pU dza hoH__bshags pa ni/__hoH__thog med bsags pa'i sdig sgrib nyes ltung dang :__khyad par rtsa ba yan lag dam tshig las:__'gal zhing nyams par gyur pa thams cad kun:__'dod yon tshogs kyi mchod pas bskang zhing bshags:__sa ma ya shad+d+he AH__bsgral bstab ni/__bden stobs dang*/__e nr-i tri sarba sha trU~M big+h+nAn dzaHhU~M ba~M hoHsa bkug bstims byas la/__hU~M:__dpal chen thugs sprul rdo rje'i ging ka ras:__gzung 'dzin bdud bgegs tshogs rnams bkug cing bstims:__'od gsal dbyings su bsgral ba'i sha khrag rus:__rtsa gsum dkyil 'khor lha tshogs zhal du bstab:__sarba big+h+nAn sha trUn mA ra ya kha khA khA hi khA hi:__ha ha hi hi hU~M hU~M phaT:__de nas brda'i 'bul len bcas tshogs la rol/__lhag ma spyi ltar byin brlabs la/__b+h+yoH__dpal gyi bka' nyan pho nya'i tshogs:__lhag ma'i longs spyod 'di gsol la:__sngon tshe g.yar dam bcas pa bzhin:__bar chad kun sol mthun rkyen spel:__ma ma hriM hriM ba liM ta khA hi:__chad mdo ni/__hU~M:__sngon gyi bskal pa'i dang po la:__brgyud gsum bla ma rig 'dzin gyis:__dam la btags pa'i lha 'dre rnams:__chos nyid bden pa'i bka' la nyon:__dbang gi rgyal po pad+ma yis:__lha srin thams cad dam la btags:__nga ni rig 'dzin de yi gdung :__khyed rnams lha 'dre de yi rigs:__sngon tshe slob dpon bka' ma bcag:__da lta rnal 'byor dam ma 'dral:__rgyan gyi gtor ma 'di bzhes la:__bcol ba'i phrin las 'grub par mdzod:__brtan ma mchod pa ni/__hU~M:__rgya gar yul gyi tshu rol dang :__bal po'i yul gyi pha rol mthar:__a su ra yi brag phug tu:__rig 'dzin rdo rje drag po dang :__slob dpon bA su d+hA ra yis:__zhing chen brdal ba'i khri steng du:__tshogs kyi gral du bcug nas kyang :__dam tshig bdud rtsi byin pa yi:__brtan ma chen mo bcu gnyis rnams:__mchod gtor bdud rtsi 'di bzhes la:__rnal 'byor bcol ba'i phrin las sgrubs:__oM ma ma:__la la:__le le:__taM taM:__te te:__kha rak+ma:__ma ma sring 'gro ma hU~M b+h+yo hU~M:__rta bro ni/__hU~M b+h+yo:__rta yi brtul zhugs chen po ni:__dbang chen rngams pa'i bro brdungs pas:__dgra bgegs dam sri rdul du brlag:__zhi rgyas dbang drag lhun gyis grub:__gzung 'dzin ltar snang dam sri'i tshogs:__rdzogs pa chen po'i klong du mnan:__hU~M hU~M s+t+wam+b+ha ya laM nan:__gtang rag mchod bstod phul/__hU~M hrI:__snying po byang chub sems kyi sogs dang*/__thod phreng rtsal gyi sngags mthar/__kA ya wA ka tsit+ta dz+nyA na karma sarba sid+d+hi pha la hU~M AH__zhes pas dngos grub blang*/__nongs bshags dang yig brgya brjod/__ye shes pa rten yod na brtan bzhugs bya/__med na dam ye chab gcig tu/__hU~M:__ma skyes stong pa'i rtsal shar ba:__cho 'phrul chen po'i dkyil 'khor lha:__thams cad rang la rnam par thim:__mi dmigs rdzogs pa'i ngang du bzhag:__hU~M hU~M hU~M:__zhes 'od gsal gyi dbyings su bsdu/__phaT phaT phaT:__badz+ra kA wA tsi rak+ShA haMH__oM AHhU~M:__zhes gnyug ma'i lhar ldangs la go bgo__/bsngo smon ni/__hoH__bsod nams 'di yis mtha' yas 'gro ba kun:__phyi nang gsang ba'i bar chad kun zhi zhing :__rim gnyis lam gyi bgrod pa mthar phyin nas:__pad+ma rgyal po'i go 'phang myur thob shog:__bkra shis ni/__rtsa brgyud bla ma'i byin rlabs snying la zhugs:__yi dam mkha' 'gro lus dang grib bzhin 'grogs:__chos skyong srung mas bar chad kun bsal nas:__mchog thun dngos grub 'grub pa'i bkra shis shog:__ces pas mtshon te shis brjod rgyas par spel la dge legs su bya'o/__/gnyis pa dbang bskur ba'i cho ga ni/__stegs bur tshom bu smug nag gcig la 'khor bcus bskor ba bkod pa'i maN+Dal kyi steng du bum pa bcud ldan/__sku tsaka__/sngags byang dang rak+sha'i phreng ba/__phyag mtshan rdo rje thod khrag__/dpal gtor rnams bkod legs su bshams/__dmar gtor sogs mnan bsreg 'phang ba'i chas mdor bsdus dang*/__mchod gtor tshogs rdzas/__las bum sogs nyer mkho rnams tshogs par byas nas phrin las gzhung bsrang*/__bdag mdun dbyer med du bsgrub pa'am/__bdag bskyed dkyur ltar la mdun bskyed drag po'i pho brang gi dbus su rak+sha thod phreng khro bo'i 'khor tshogs bcas spyi mthun bskyed kyang chog__/gong ltar bsnyen sgrub kyi dmigs pa'i 'phro 'du dang bzlas pa bya/__las kyi sngags sham yang cung zad sbyar/__thal rdeb mi dgos/__bum pa la'ang bskyed bzlas spyi mthun dang las bum rta mgrin sgom bzlas kyis byin brlab/__rig pa'i me tog dor la gnang ba nod do/__/de nas slob ma la khrus dang bgegs bskrad bya/__srung 'khor bsgom/__sems bskyed gsal btab nas/__mtshams sbyor khyad par du/__de'ang ngo bo rgyal ba thams cad kyi sku gsung thugs kyi gsang ba'i mdzod 'dzin pa bcom ldan 'das lag na rdo rje dang dbyer med pa mu stegs bdud kyi gshed po dpal chen seng ge sgra sgrog nyid/__snyigs dus glo bur bar chad dam sri pho mo gtso bor gyur pa'i sri keg gdug pa can rnams 'dul ba'i gnyen por khrag 'thung 'khor los sgyur ba'i mthu stobs kyi rtsal shugs zla med pa srin rgyal rak+sha thod phreng rtsal gyi skur snang ba ste/__gzhung las/__dngos grub chen po bsgrub pa dang :__gzhan don las la 'jug pa sogs:__gang la'ang sri yis bar gcod na:__rnam pa kun tu don nyams shing :__mi mthun kho na'i dbang du 'gro:__de phyir de nyid 'dul ba'i thabs:__srin rgyal rak+sha thod phreng rtsal:__gnyen po stobs kyi phyag rgya bsgrub:__ces dgongs pa dang bcas te dpal gyi mgul nas rjes su gdams pa 'di ni/__deng sang snyigs ma'i dus mtha' mi thub pa lnga bdo zhing sdom pa dang dam tshig nyams pa mang ba'i dbang gis nag phyogs bdud rigs dam sri kha phyur ba'i skabs 'dir gcig chog gi gnyen po zab gter gzhan la med pa'i khyad chos/__dge la gzhol ba'i skye dgu spyi dang khyad par chos byed pho mo'i bar chad sel ba la ched du bsngags pas med du mi rung ba'i gdams pa zab mo ste/__gzhung las/__de ltar glo bur bar chad kyi:__gtso bo keg sri ngan pa ste:__snyigs ma'i dus su lhag par ldang :__chos byed rnams la khyad par gnod:__de phyir 'dul ba'i thabs tshul kyang :__mang du bstan cing bshad mod de:__gzungs dang rgyud sde'i dgongs pa'i don:__drag po las kyi man ngag gnad:__zab gnad thams cad zung 'brel ba:__'di 'dra sngon chad bshad pa med:__deng 'dir mnga' bdag yab sras dang :__las ldan rje 'bangs grogs rnams kyi:__glo bur bar chad zhi ba dang :__ma 'ongs lnga brgya'i 'gro ba la:__shin tu brtse ba'i bsam pas gdams:__nyams su longs shig phyi rabs rnams:__bar chad zhi bar the tshom med:__ces bsngags pa don dang ldan pa 'di nyid snyigs 'gro'i skyabs gcig sprul pa'i gter chen rig 'dzin gyi rgyal po rnam pa gnyis kyi zab gter snga phyi'i gsang ba gcig tu 'dril ba yid ches byin rlabs kyi tshan kha dang ldan pa ste de lta bu'i smin byed kyi dbang bskur bgyi ba la sogs kyis mtshams sbyar nas maN+Dal 'bul du gzhug__/slob dpon dpal chen rak+sha thod phreng dngos su gsal ba la dad mos gdung bas gsol ba 'debs pa 'di'i rjes zlos mdzod/__he ru ka dpal bla ma dgongs:__bdag cag skal ldan rigs kyi bur:__rak+sha khrag 'thung chen po yi:__phyin rlabs dbang bskur stsal du gsol:__lan gsum/__he ru ka dpal rig 'dzin rak+sha thod phreng rtsa gsum chos srung rgya mtsho ye shes rnam par rol pa'i sprin phung mkha' khyab tu bkod pa la bdag gzhan 'gro kun byang chub ma thob kyi bar du skyabs su 'gro ba'i 'dun pas 'di'i rjes zlos/__na mo:__rigs kun khyab bdag bla ma rje:__dngos grub 'byung gnas yi dam lha:__bar chad kun sel mkha' 'gro'i tshogs:__rtsa ba gsum la skyabs su mchi:__lan gsum/__ma gyur sems can thams cad dpal chen khrag 'thung chen po'i go 'phang la dgod pa'i phyir du gsang ba zab mo'i sgor zhugs nas lam la tshul bzhin slob pa'i mos pas sems bskyed pa 'di'i rjes zlos/__hoH__ma gyur sems can mtha' dag kun:__sangs rgyas go 'phang 'thob bya'i phyir:__nyes spyod kun sdom dge chos sdud:__gzhan phan byang sems rtag tu bskyed:__lan gsum/__des rgyud sbyong ba sngon du song nas dngos gzhi dbang gi gzhi dgod pa'i slad du ye shes pa dbab pa yin pas lus ngag yid gsum gyi gnad gcun la dmigs pa 'di ltar sgoms shig__/las sngags kyis bsang*/__oM ma hA shu n+ya tA sogs kyis sbyang*/__chos thams cad 'od gsal stong pa nyid kyi ngang las/__khyed rang gang du 'khod pa'i go sar pad+ma dang nyi ma dam sri pho mo bsnol ba'i gdan gyi steng du rang sems rig pa'i ngo bo hU~M smug nag yongs su gyur pa las/__khyed rang rnams skad cig gis dpal chen rak+sha thod phreng rtsal sku mdog smug nag 'bar ba chen po sku che zhing yan lag rags pa/__zhal gcig phyag gnyis kyis rdo rje dang dung khrag bsnams pas yum mthing 'od 'bar ma nam mkha'i mdog can gri thod 'dzin pa la 'khyud pa/__dbu skra kham nag gyen du brdzes pa la thod skam lngas brgyan cing thod phreng gi ga sha stag sham dang rus pa'i phyag rgyas spras pa shin tu khro zhing gtum la gar dgu'i nyams ldan ye shes kyi me phung drag tu 'bar ba'i klong na zhabs brkyang bskum gyis 'gying ba'i gnas gsum du oM AHhU~M gsum gyis mtshan pa dang*/__slob dpon gyi thugs ka nas kyang 'od zer nam mkha' gang bar 'phros pas phyogs bcu dus bzhi'i dkon mchog rtsa ba gsum dang*/__khyad par dpal ri pad+ma 'od dbang drag rol pa'i pho brang nas rig 'dzin rak+sha thod phreng rtsal sprul 'khor bcas pa'i thugs rgyud bskul/__thams cad kyang dpal chen gsang bdag seng ge'i sgra rdo rje srin po'i skur bzhengs te char chen babs pa ltar byon nas khyed rang rnams la thim pas gnyis med du gyur par mos shig__/spos rol bcas/__hU~M hU~M:__yul gyi ming ni rnga yab gling :__zangs mdog dpal gyi ri bo'i rtser:__pad+ma 'od kyi gzhal yas nas:__sangs rgyas kun 'dus thod phreng rtsal:__rdo rje srin po'i skur bzhengs la:__bar chad dam sri tshar gcod phyir:__gnas 'dir spyan 'dren gshegs su gsol:__lus la sku yi byin gyis rlobs:__ngag la gsung gi nus pa stsol:__yid la thugs kyi byin chen phob:__bdag dang mos pa'i bu rnams kyi:__phyi nang gsang ba'i bar chad sol:__mi mthun 'gal rkyen thams cad srungs:__sku gsung thugs kyi dbang bzhi skur:__mchog dang thun mong dngos grub stsol:__nyid dang dbyer med mdzad du gsol:__oM badz+ra tsaN+Da sarba duSh+tAn hU~M phaT:__dz+nyA na badz+ra A be sha ya a AH__brjod la byin dbab/__de ltar dbab pa'i ye shes pa'i byin rlabs rab tu gnas par byas par mos shig__/tiSh+Tha badz+ra/__zhes rdo rje mgor bzhag la brtan par bya/__nam mkha' gang bar sad pa'i dbang lha rnams kyis rdo rje bdud rtsi'i gtor blug gi cho ga mdzad pas las dang nyon mongs pa'i sgrib pa bag chags bcas pa dag__/ye shes chen pos rgyud gang bar mos shig__/bum dbang bskur la/__hU~M:__dus gsum sangs rgyas thams cad kyi:__sku gsung thugs kyi gsang ba 'dzin:__khrag 'thung rak+sha thod phreng gi:__dbang bskur dam pa khyod la sbyin:__oM badz+ra tsaN+Da sarba duSh+tAn hU~M phaT:__ka la sha a b+hi Shiny+tsa hrIH__sku tsaka thogs la/__slob dpon dang dbyer ma mchis pa'i mdun bskyed kyi sku las ye shes kyi phyag rgya gzi brjid dang ldan pa 'phros khyed rang gi dpral ba nas zhugs te lus la thim pas lus kyi nad gdon sdig sgrib thams cad bsal/__sku'i dbang dang byin rlabs thob/__dpal chen rak+sha thod phreng rtsal gyi sku'i gsang ba dang dbyer med du gyur par mos shig__/oM:__rtsa gsum lha tshogs thams cad kyi:__byin rlabs mthu stobs gcig bsdus pa:__rak+sha thod phreng he ru ka'i:__rdo rje'i sku yi dbang bskur ro:__oM badz+ra tsaN+Da sarba duSh+tAn hU~M phaT:__kA ya a b+hi Shiny+tsa oM:__zhes dpral bar gtugs/__sngags byang dang phreng ba thogs la/__mdun bskyed kyi gsung las sa bon dang sngags phreng pad+ma rA ga'i mdog can 'od zer 'bar ba 'phros/__khyed rang gi mgrin pa nas zhugs te ngag la thim pas ngag gi nad gdon sdig sgrib thams cad bsal/__gsung gi dbang dang byin rlabs thob/__dpal chen rak+sha thod phreng rtsal gyi gsung gi gsang ba dang dbyer med du gyur par mos shig__/AH__rtsa gsum lha tshogs thams cad kyi:__byin rlabs mthu stobs gcig bsdus pa:__rak+sha thod phreng he ru ka'i:__snying po sngags kyi dbang bskur ro:__oM badz+ra tsaN+Da sarba duSh+tAn hU~M phaT:__wA ka a b+hi Shiny+tsa AH__zhes mgrin par bzhag__/phyag mtshan thogs la/__mdun bskyed kyi thugs las bde stong thabs shes kyi rang rtags rdo rje dang dung khrag me 'od 'phro ba byung*/__khyed rang gi snying ga nas zhugs te yid la thim pas yid kyi nad gdon sdig sgrib thams cad bsal/__thugs kyi dbang dang byin rlabs thob/__dpal chen rak+sha thod phreng rtsal gyi thugs kyi gsang ba dang dbyer med du gyur par mos shig__/hU~M:__rtsa gsum lha tshogs thams cad kyi:__byin rlabs mthu stobs gcig bsdus pa:__rak+sha thod phreng he ru ka'i:__'od gsal thugs kyi dbang bskur ro:__oM badz+ra tsaN+Da sarba duSh+tAn hU~M phaT:__tsit+ta a b+hi Shiny+tsa hU~M:__zhes snying gar gtugs/__gtor ma thogs la/__dpal gyi gtor ma 'di nyid rab 'bar dur khrod rol pa'i pho brang chen por dpal chen khrag 'thung rak+sha thod phreng rtsal la bdud 'dul khro bo chen po bcu sogs sprul pa yang sprul dpag tu med pas bskor ba/__khyed rang gi spyi bor byon te sku gsung thugs las byin rlabs bdud rtsi'i rang bzhin khro chung mtshon cha me 'od kyi rnam pa char babs pa ltar byon/__khyed rang gi gnas gsum du thim pas sgo gsum gyi nad gdon sdig sgrib thams cad bsal/__sku gsung thugs yon tan phrin las dang bcas pa'i dbang dang byin rlabs thob/__dpal chen rak+sha thod phreng rtsal gyi sku gsung thugs ye shes rdo rje'i gsang ba dang dbyer med du gyur par mos shig__/hrIH__rtsa gsum lha tshogs thams cad kyi:__byin rlabs mthu stobs gcig bsdus pa:__rak+sha thod phreng he ru ka'i:__dbyer med ye shes dbang bskur ro:__oM badz+ra tsaN+Da sarba duSh+tAn hU~M phaT:__sarba a b+hi Shiny+tsa hrIH__zhes gnas bzhir bzhag__/slar brgyud pa'i mtshan nas smos te gtor ma mgor bzhag la bka' bsgo spyi ltar bya/__gtor ma'i lha 'od du zhu nas khyed rang la thim pas khyed rang rak+sha thod phreng dngos su gyur pa la mtha' rten drag po mngon spyod kyi rjes gnang byin par mos la so so'i ting nge 'dzin gyi nga rgyal skyed cig__/phur bu thun rdzas hom dang mnan chas gtor zor rnams mdor bsdus gtad la/__hU~M:__dus gsum sangs rgyas phrin las 'dus pa'i dpal:__sras mchog phur pa khyod kyi lag tu gtad:__gsal gsum rdzong 'phrang srog gi gnad shes pas:__gding gsum dgongs pa gsum gyis gzhi bzung ste:__byang chub lam gyi bar chad ma lus kun:__'od gsal rig pa zang thal dbyings su sgrol:__dgra la thun rdzas rnams kyi char pa phob:__shin tu mi srun tshogs rnams hom du sregs:__chag chen zlog phyir zor gyi dmag dpung skul:__slar yang mi ldang phyir du mnan par gyis:__mdor na gdug pa'i tshogs kun tshar gcod pa'i:__drag po'i las rnams thams cad 'grub par shog:__oM badz+ra tsaN+Da sarba duSh+tAn hU~M phaT:__hU~M hU~M hU~M hU~M hU~M hU~M hU~M hU~M hU~M hU~M:__oM d+hu ru d+hu ru tsakra:__dza ya dza ya tsakra:__ha na ha na tsakra:__b+hu ru b+hu ru tsakra:__sma ra sma ra tsakra:__b+hi du ma ni tsakra:__dz+wa la dz+wa la tsakra:__saM b+ha be ga na nA ya sa ra tsakra:__sA la ya sA la ya tsakra:__nA sha ya nA sha ya tsakra:__ba~M ba~M tsakra:__hU~M hU~M phaT phaT sa man+ta ga ra tsakra:__tIp+ta tsakra hU~M phaT:__oM lok+t+ri pA la nan:__sa ga pA sha nan:__nA ga du du nan:__ma maM ma maM:__tsir tsar tsir tsar:__ba~M ru lu ba~M ru lu:__rbad tra ko sha ya rbad tra ko sha ya:__ho ra ho ra:__tsi du sod tsi du sod:__shig lhu ru gtubs:__ha la pa ti nan:__'khor ba thul:__gnod byed 'byung po'i kA wA tsi rlag rlag:__ces bzlas la dmar gtor zor du 'phang*/__me tog 'thor la shis pa brjod do/__/'di ni rtsa ba'i smin byed kyi dbang du byas pa ste/__rkyen sel lta bur bum pa sogs dbang rdzas gzhan mi dgos pas gtor ma kho na bsham/__bskur dus kyang byin 'bebs rjes su bum dbang mi dgos/__gtor ma lhar gsal ba'i gnas gsum las sku sngags phyag mtshan spro ba'i dbang bzhi tshar gcig rdzogs nas/__grangs gsog dgos tshe gong gsal gtor dbang mtshams sbyor/__dpal gyi gtor ma 'di nyid sogs kyis dmigs pa gsal btab la/__oM AHhU~M hrIH__rtsa gsum lha tshogs thams cad kyi:__byin rlabs mthu stobs gcig bsdus pa:__rak+sha thod phreng he ru ka'i:__rdo rje'i sku yis dbang bskur ro:__snying po sngags kyis dbang bskur ro:__'od gsal thugs kyis dbang bskur ro:__dbyer med ye shes dbang bskur ro:__oM badz+ra tsaN+Da sarba duSh+tAn hU~M phaT:__kA ya wA ka tsit+ta sarba a b+hi Shiny+tsa oM AHhU~M hrIH__zhes gnas bzhir bzhag pa la grangs bzung*/__mthar mngon spyod rjes gnang mi dgos pas shis brjod la 'jug__/de dag gang ltar yang dbang bskur grub nas/__des snyigs dus glo bur keg sri'i bar gcod sel ba la lhag par bsngags pa rig 'dzin rak+sha thod phreng dbang bskur legs par grub pa lags sogs kyis mtshams sbyar la dbang rjes dam tshig khas blang*/__gtang rag maN+Dal phyin chad spyi ltar bya/__slob dpon gyis gter srung gtor 'bul dang tshogs mchod nas shis brjod kyi bar phrin las rjes kyi bya ba rnams kyang las byang ltar mthar dbyung ngo*/__/'di'ang rin chen spar khab sogs kyi dgongs pa dang bstun te gter chen nyid las ji ltar nos pa ltar bkod pa'o/__/nyon mongs rang gzugs sri skeg smag rum kun/__/dpal chen ye shes 'od brgyas dbyings su bcom/__/sde bzhi'i pad+mo'i dga' tshal dar drags pas/__/bstan 'gro'i bde skyid dgung du bdo bar shog__/'di la sgrub thabs gter chen mchog nas mdzad pa yod kyang phrin las kyi yan lag gzhan la ltos dgos pa sogs kyis 'dir rang rkang tshugs par byed bde'i slad du phrin las dbang bskur dkyus gcig tu sres te/__sngags rig 'dzin pa pad+ma gar dbang rtsal gyis rdzong shod bde gshegs 'dus pa'i pho brang chen por bgyis ba dge legs 'phel//__//