DKR-KABUM-08-NYA-035

🚧 This website is under continued development. We appreciate your patience!

Previous Text Back to Volume PageNext Text

དབྱངས་ཅན་དམར་མོའི་རྒྱུན་ཁྱེར་ཏམྦུ་རའི་སྒྲ་དབྱངས།

Wylie title	dbyangs can dmar mo'i rgyun khyer tam+bu ra'i sgra dbyangs
Location	dil mgo mkhyen brtse bka' 'bum Volume 8, Text 35, Pages 281 (Folios 1a1 to 1b2)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	ཆོས་ཀྱི་གོ་ཆ་ (chos kyi go cha)
Citation	Khyentse, Dilgo. Dbyangs can dmar mo'i rgyun khyer tam+bu ra'i sgra dbyangs. In Skyabs rje dil mgo mkhyen brtse rin po che'i bka' 'bum, Vol. 8: 281. Delhi: Shechen Publications, 1994.
Genre	Daily Practice - rgyun khyer  ·  Sadhanas - Evocation Ritual - sgrub thabs
Cycle	ཡང་ཟབ་བདེ་ཆེན་དཔལ་མོའི་ཐུགས་ཀྱི་མེ་ལོང་ (yang zab bde chen dpal mo'i thugs kyi me long)
Deity	dbyangs can dmar mo
Colophon	།ཞེས་པའང་རྡོ་རྗེའི་མཆེད་པོ་རྣམས་ཀྱི་ལག་རྩེད་སྦྱང་ཞོར་ལ་རྩེ་མཚར་དུ་ཤར་མར་བྲིས་པ་པྲཛྙཱ་བཛྲས་སོ།། །།
	/zhes pa'ang rdo rje'i mched po rnams kyi lag rtsed sbyang zhor la rtse mtshar du shar mar bris pa pradz+nyA badz+ras so//_//
Notes	These texts were compiled and arranged by Dilgo Khyentse Rinpoche. Elsewhere this cycle is attributed to rdzong sngon pad+ma thugs mchog rdo rje.

Tibetan Text

Wylie

[edit]

༄༅། །དབྱངས་ཅན་དམར་མོའི་རྒྱུན་ཁྱེར་ཏམྦུ་རའི་སྒྲ་དབྱངས་བཞུགས།། སྦྱོར་བ་སྐྱབས་འགྲོ་སེམས་བསྐྱེད་ནི། རྒྱལ་ཀུན་མཁྱེན་རབ་གཅིག་བསྡུས་ངག་གི་ལྷར། །མི་ཕྱེད་དད་པས་སྙིང་ནས་སྐྱབས་སུ་མཆི། །ཁམས་གསུམ་རིགས་དྲུག་རྫོགས་ཞིང་ལ་འགོད་ཕྱིར། །སྒྲ་དབྱངས་ལྷ་མོ་བསྒོམ་པར་སེམས་བསྐྱེད་དོ། །དངོས་གཞི་ལྷ་བསྐྱེད་བྱ་བ་ནི། ཨཿ དབྱིངས་ལས་པད་ཟླར་ཧྲཱིཾཿཡིག་འཕྲོ་འདུ་ལས། །རང་ཉིད་སྐད་ཅིག་དྲན་རྫོགས་རྒྱལ་བའི་ཡུམ། །དཔལ་མོ་དབྱངས་ཅན་བཅུ་དྲུག་ལང་ཚོས་སྒེག །དམར་གསལ་ཆགས་པའི་ཉམས་ལྡན་དོར་སྟབས་བཞེངས། །ཕྱག་གཡས་འདོད་འབྱུང་རཏྣ་ཐུགས་ཀར་འཛིན། །གཡོན་པས་ཀུན་གསལ་མེ་ལོང་དཀུ་ལ་བརྟེན། །ཨུཏྤལ་དམར་པོའི་ཕྲེང་བས་འཕྱང་འཕྲུལ་གཡོ། །འཇའ་ཚོན་འོད་ལྔའི་ཟེར་ཐིག་འཁྱིལ་བའི་ཀློང༌། །དམ་ཡེ་དབྱེར་མེད་གར་གྱིས་རོལ་པར་བཞུགས། །ཐུགས་ཀར་འོད་ལྔའི་དགའ་འཁྱིལ་གཡོན་འཁོར་དབུས། །ཧྲཱིཾཿཡིག་མཐའ་མར་སྔགས་ཕྲེང་དམར་པོས་བསྐོར། །དེ་ལས་འོད་འཕྲོས་རྒྱལ་བའི་མཁྱེན་རབ་རྣམས། །ཚུལ་བསྡུས་བདག་ཐིམ་མ་རིག་མུན་པ་སེལ། །ཤེས་རབ་ཡེ་ཤེས་ཕྱོགས་མེད་རྒྱས་པར་གྱུར། །ཨོཾ་སྭ་ར་སྭ་སྟི་ཧྲཱིཾཿཧྲཱིཾཿཧྲཱིཾཿསྭཱ་ཧཱཿ ཐུན་མཐར་བསྡུ་ལྡང་བསྔོ་སྨོན་བཀྲ་ཤིས་ནི། སྣང་བའི་ཆོས་ཀུན་དམིགས་མེད་སྟོང་པའི་ངང༌། །སླར་ཡང་ཟུང་འཇུག་སྒྱུ་མའི་ཕྱག་རྒྱར་བཞེངས། །དགེ་བས་འགྲོ་ཀུན་རྣམ་མཁྱེན་སར་བཀོད་ནས། །དོན་གཉིས་ལྷུན་གྲུབ་མཆོག་གི་བཀྲ་ཤིས་ཤོག །དགེའོ། །ཞེས་པའང་རྡོ་རྗེའི་མཆེད་པོ་རྣམས་ཀྱི་ལག་རྩེད་སྦྱང་ཞོར་ལ་རྩེ་མཚར་དུ་ཤར་མར་བྲིས་པ་པྲཛྙཱ་བཛྲས་སོ།། །།

[edit]

@#/__/dbyangs can dmar mo'i rgyun khyer tam+bu ra'i sgra dbyangs bzhugs// sbyor ba skyabs 'gro sems bskyed ni/_rgyal kun mkhyen rab gcig bsdus ngag gi lhar/_/mi phyed dad pas snying nas skyabs su mchi/_/khams gsum rigs drug rdzogs zhing la 'god phyir/_/sgra dbyangs lha mo bsgom par sems bskyed do/__/dngos gzhi lha bskyed bya ba ni/_aH_dbyings las pad zlar hrIMHyig 'phro 'du las/_/rang nyid skad cig dran rdzogs rgyal ba'i yum/_/dpal mo dbyangs can bcu drug lang tshos sgeg_/dmar gsal chags pa'i nyams ldan dor stabs bzhengs/_/phyag g.yas 'dod 'byung rat+na thugs kar 'dzin/_/g.yon pas kun gsal me long dku la brten/_/ut+pal dmar po'i phreng bas 'phyang 'phrul g.yo/_/'ja' tshon 'od lnga'i zer thig 'khyil ba'i klong*/_/dam ye dbyer med gar gyis rol par bzhugs/_/thugs kar 'od lnga'i dga' 'khyil g.yon 'khor dbus/_/hrIMHyig mtha' mar sngags phreng dmar pos bskor/_/de las 'od 'phros rgyal ba'i mkhyen rab rnams/_/tshul bsdus bdag thim ma rig mun pa sel/_/shes rab ye shes phyogs med rgyas par gyur/_/oM swa ra swa sti hrIMHhrIMHhrIMHswA hAH_thun mthar bsdu ldang bsngo smon bkra shis ni/_snang ba'i chos kun dmigs med stong pa'i ngang*/_/slar yang zung 'jug sgyu ma'i phyag rgyar bzhengs/_/dge bas 'gro kun rnam mkhyen sar bkod nas/_/don gnyis lhun grub mchog gi bkra shis shog_/dge'o/__/zhes pa'ang rdo rje'i mched po rnams kyi lag rtsed sbyang zhor la rtse mtshar du shar mar bris pa pradz+nyA badz+ras so//_//