JKW-KABUM-16-MA-020

🚧 This website is under continued development. We appreciate your patience!

Previous Section Back to Volume PageNext Section

རྩ་གསུམ་ཆོས་སྲུང་རྒྱ་མཚོའི་སྐོང་བཤགས་དང་གཏོར་བསྔོ་བཅས་ཉེ་བར་བསྡུས་པ་དངོས་གྲུབ་མཆོག་སྦྱིན།

Wylie title	rtsa gsum chos srung rgya mtsho'i skong bshags dang gtor bsngo bcas nye bar bsdus pa dngos grub mchog sbyin
Location	mkhyen brtse'i bka' 'bum Volume 16, sde tshan 20, Pages 137-140 (Folios 1a1 to 2b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཇིགས་མེད་གླིང་པ་ ('jigs med gling pa)
Citation	'jam dbyangs mkhyen brtse'i dbang po. rtsa gsum chos srung rgya mtsho'i skong bshags dang gtor bsngo bcas nye bar bsdus pa dngos grub mchog sbyin. In 'jam dbyangs mkhyen brtse'i dbang po'i bka' 'bum, Vol. 16: 137-140. Khams sde dge rdzong sar dgon: Rdzong sar blo gros phun tshogs, 2020.
Genre	Confessions - bshags pa  ·  Mending Rituals - bskang chog  ·  Protector Rituals - gsol mchod  ·  Torma-offering Rituals - gtor chog
Cycle	ཀློང་ཆེན་སྙིང་གི་ཐིག་ལེ་ (klong chen snying gi thig le)
Colophon	།།ཞེས་པའང་ཤཱཀྱའི་དགེ་སློང་རིག་པ་འཛིན་པ་རྡོ་རྗེ་ཐུགས་མཆོག་རྩལ་གྱིས་སྦྱར་བ་སརྦ་དཱ་མངྒ་ལཾ།།
	//zhes pa'ang shAkya'i dge slong rig pa 'dzin pa rdo rje thugs mchog rtsal gyis sbyar ba sarba dA mang+ga laM//

1 Texts in this Section (sde tshan or chos tshan)

137-140	རྩ་གསུམ་ཆོས་སྲུང་རྒྱ་མཚོའི་སྐོང་བཤགས་དང་གཏོར་བསྔོ་བཅས་ཉེ་བར་བསྡུས་པ་དངོས་གྲུབ་མཆོག་སྦྱིན། rtsa gsum chos srung rgya mtsho'i skong bshags dang gtor bsngo bcas nye bar bsdus pa dngos grub mchog sbyin Confessions - bshags pa   ·   Mending Rituals - bskang chog   ·   Protector Rituals - gsol mchod   ·   Torma-offering Rituals - gtor chog	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །རྩ་གསུམ་ཆོས་སྲུང་རྒྱ་མཚོའི་སྐོང་བཤགས་དང་གཏོར་བསྔོ་བཅས་ཉེ་བར་བསྡུས་པ་དངོས་གྲུབ་མཆོག་སྦྱིན་ཞེས་བྱ་བ་བཞུགས་སོ། །

ན་མོ་གུ་རུ་བྷྱཿ འདིར་རྩ་གསུམ་ཆོས་སྲུང་རྒྱ་མཚོའི་ཚོགས་ལ་ཐུགས་དམ་བསྐང་ཞིང་ཉམས་ཆག་བཤགས་པ་དང་། གཏོར་མ་འབུལ་བའི་རིམ་པ་བཅས་མདོར་བསྡུས་ཏེ་ཉམས་སུ་ལེན་པར་འདོད་པས། མཆོད་པའི་ཡོ་བྱད་ཅི་འབྱོར་པ་བཤམས་ཤིང་། ཨོཾ་ཤྲཱི་བཛྲ་ཧེ་རུ་ཀ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ། བདག་ཉིད་དཔལ་ཆེན་ཐུགས་ནས་རྃ་ཡྃ་ཁྃ། །འཕྲོས་པས་མཆོད་རྫས་ཉེས་སྐྱོན་བསྲེགས་གཏོར་བཀྲུས། །དམ་ཚིག་ཡེ་ཤེས་དབྱེར་མེད་བདུད་རྩིའི་སྤྲིན། །མི་ཟད་ནམ་མཁའ་མཛོད་ཀྱི་འཁོར་ལོར་གྱུར། །རྃ་ཡྃ་ཁྃ། ཨོཾ་ཨཱཿཧཱུྃ། ལན་གསུམ། ཧཱུྃ་ཧྲཱིཿ ངོ་བོ་འོད་གསལ་ཆོས་སྐུའི་ཡེ་ཤེས་ལས། །རང་བཞིན་མ་འགགས་ཤར་བའི་རྩ་གསུམ་ལྷ། །ཐུགས་རྗེ་གང་འདུལ་སྤྲུལ་སྐུའི་རྣམ་རོལ་གྱིས། །བྱིན་རླབས་དངོས་གྲུབ་སྩོལ་ཕྱིར་སྐུར་བཞེངས་ཤིག །ཧཱུྃ་བྷྱོཿ གཞི་དབྱིངས་གདོད་ནས་རྣམ་གྲོལ་ཨེ་ཀ་ཛཿ གཞི་སྣང་ཡེ་ཤེས་སྙིང་པོ་མ་ནིང་ནག །ཟུང་འཇུག་དབྱིངས་རིག་དབྱེར་མེད་ཐིག་ལེ་རྩལ། །རླུང་སེམས་དབུ་མར་ཐིམ་པའི་རཱ་ཧུ་ལ། །ཚོགས་བརྒྱད་རང་གྲོལ་དུར་ཁྲོད་ལྷ་མོ་དང་། །བདེ་སྟོང་སྒྱུ་འཕྲུལ་ཚེ་རིང་མཆེད་ལྔ་སོགས། །ཡེ་ཤེས་ལས་གྲུབ་ཆོས་སྲུང་རྒྱ་མཚོའི་ཚོགས། །རང་བཞིན་གནས་ནས་སྤྱན་འདྲེན་འདིར་གཤེགས་ཤིག །ཨོཾ་ཨཱཿཧཱུྃ་གུ་རུ་དེ་ཝ་ཌཱ་ཀི་ནཱི་སརྦ་དྷརྨ་པཱ་ལ་བཛྲ་ས་མ་ཡ་ཛ་ཛཿ ལྷུན་གྲུབ་དུར་ཁྲོད་རོལ་པའི་གནས་འདིར་བཞུགས། །སྒོ་གསུམ་གུས་པ་ཆེན་པོས་ཕྱག་འཚལ་ལོ། །གཟུང་འཛིན་རྟོག་ཚོགས་དབྱིངས་སུ་ཐིམ་པ་ལས། །གང་ཤར་བདེ་སྟོང་རོལ་མོར་འཆར་བའི་དཔྱིད། །སྣོད་བཅུད་རྣམ་དག་རྡོ་རྗེའི་གྲོང་ཁྱེར་དུ། །ཕྱི་ནང་གསང་བའི་མཆོད་རྫས་སྤྲིན་ལྟར་གཏིབས། །སྨན་རག་ཕུད་ཀྱི་བཏུང་བ་མཚོ་ལྟར་བསྐྱིལ། །ཟག་མེད་བདུད་རྩིའི་གཏོར་མ་རི་ལྟར་སྤུངས། །མཐུན་རྫས་སྤྱན་གཟིགས་སྐར་ལྟར་བཀྲ་བ་འདིས། །རིག་འཛིན་རྩ་བརྒྱུད་བླ་མའི་ཐུགས་དམ་བསྐང་། །ཡི་དམ་ཞི་ཁྲོའི་ལྷ་ཚོགས༴ གནས་གསུམ་དཔའ་བོ་མཁའ་འགྲོའི༴ སྔགས་སྲུང་ཨེ་ཀ་ཛ་ཊཱིའི༴ དཔལ་མགོན་མ་ནིང་ནག་པོའི༴ སྐྱེས་མཆོག་བཛྲ་སཱདྷུའི༴ དྲང་སྲོང་ཁྱབ་འཇུག་ཆེན་པོའི༴ ནོར་སྐྱོང་དུར་ཁྲོད་བདག་མོའི༴ བཀྲ་ཤིས་ཚེ་རིང་མཆེད་ལྔའི༴ དཔལ་མགོན་བདུན་ཅུ་དྲེགས་པ་སྡེ་བརྒྱད་སོགས། །རྡོ་རྗེའི་ཆོས་སྲུང་ཡོངས་ཀྱི་ཐུགས་དམ་བསྐང་། །ཐུགས་དམ་བསྐང་ཞིང་ཉམས་ཆག་མཐོལ་བཤགས་ན། །མི་སྒྲིབ་ཚངས་པའི་དངོས་གྲུབ་སྩལ་ནས་ཀྱང་། །ཞི་རྒྱས་དབང་དང་མངོན་སྤྱོད་ལ་སོགས་པའི། །མཆོག་ཐུན་ཕྲིན་ལས་ཡིད་བཞིན་འགྲུབ་པར་མཛོད། །ཨོཾ་ཨཱཿཧཱུྃ་གུ་རུ་དེ་བ་ཌཱ་ཀ་ཌཱ་ཀི་ནཱི་ཤྲཱི་བཛྲ་དྷརྨ་པཱ་ལ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་ལན་གསུམ་མམ་བདུན་གྱིས་རྩ་གསུམ་ཆོས་སྲུང་སྤྱིར་འབུལ། སྤྲོ་ན་བྱེ་བྲག་སོ་སོར། མ་མ་ཏྲཀ་རཀྴ་ཨེ་ཀ་ཙ་ཊཱི་ཨི་དཾ་བ་ལིཾ་ཏ་པཱུ་ཛ་ཧོཿཁ་རཾ་ཁཱ་ཧི། ཨོཾ་མ་ཧཱ་ཀཱ་ལ་ཤཱ་ས་ན་ཏྲི་ལིང་གིང་ཀ་ར་ཨི་དཾ་བ་ལིཾ་ཏ་པཱུ་ཛ་ཧོཿཁ་རཾ་ཁཱ་ཧི། ཏྲི་བཛྲ་སཱ་དྷུ་ས་མ་ཡ་ཨི་དཾ་བ་ལིཾ་ཏ་པཱུ་ཛ་ཧོཿཁ་རཾ་ཁཱ་ཧི། ཧྲཱི་ཤག་རུ་རག་རཾ་ནཱ་ག་ཙིཏྟ་ཏྲཾ་མ་མ་ཡོ་ཟ་འགྲམ་ཧ་ཧེ་ཡོ་ག་ཤ་ལ་ཛཿཨི་དཾ་བ་ལིཾ་ཏ་པཱུ་ཛ་ཧོཿཁ་རཾ་ཁཱ་ཧི། ཧཱུྃ་ར་ལི་པྲ་མ་ཡ་ཨི་དཾ་བ་ལིཾ་ཏ་པཱུ་ཛ་ཧོཿཁ་རཾ་ཁཱ་ཧི། བྃ་ཧ་རི་ནི་ས་བཛྲ་པྲ་མོ་ཧ་ཙིཏྟ་ཧྲཱིཾ་ཧྲཱིཾ་ཛཿཛཿཨི་དཾ་བ་ལིཾ་ཏ་པཱུ་ཛ་ཧོཿཁ་རཾ་ཁཱ་ཧི། ཨ་ཡ་མ་དུ་རུ་ཙ་ཤ་ན་གིངྐ་ར་ས་མ་ཡ་བ་ལིཾ་ཏ་བྷུཉྫ་ཧོཿ ཞེས་གསུམ་མམ་བདུན་གྱིས་དབུལ། ཧཱུྃ། དོན་དམ་སྤྲོས་བྲལ་ངང་ལས་མ་གཡོས་ཀྱང་། །ཀུན་རྫོབ་ཞི་ཆགས་ཁྲོ་བོའི་རྣམ་རོལ་ཅན། །རྩ་གསུམ་ཆོས་སྲུང་རྒྱ་མཚོ་འཁོར་བཅས་ལ། །ལུས་ངག་ཡིད་གསུམ་གུས་པས་ཕྱག་འཚལ་བསྟོད། །ཟག་མེད་བདུད་རྩིའི་མཆོད་གཏོར་འདི་བཞེས་ལ། །གནས་སྐབས་ནད་གདོན་འཇིགས་བརྒྱད་ཞི་བ་དང་། །ཚེ་བསོད་དཔལ་འབྱོར་དབང་བཅུའི་ཡེ་ཤེས་སྤོར། །ཁམས་གསུམ་རླུང་སེམས་སྣང་བ་དབང་དུ་སྡུས། །གཟུང་འཛིན་དགྲ་བགེགས་དབུ་མའི་ཀློང་དུ་སྒྲོལ། །འོད་གསལ་རྡོ་རྗེ་སྙིང་པོའི་བཤད་སྒྲུབ་དང་། །བསྟན་འཛིན་སྐྱེས་བུའི་སྐུ་ཚེ་མཛད་ཕྲིན་སྤེལ། །འགྲོ་ཀུན་ཕན་དང་བདེ་བའི་དཔལ་ལ་སྦྱོར། །མཐར་ཐུག་ཀ་དག་རིག་སྟོང་རྗེན་པའི་གཤིས། །ལྷུན་གྲུབ་སྣང་བཞིའི་ཡེ་ཤེས་ལ་སྦྱོར་བས། །ཟུང་འཇུག་འཇའ་ལུས་རྡོ་རྗེའི་གྲོང་ཁྱེར་དུ། །ཁམས་གསུམ་འོད་སྐུར་གྲོལ་བའི་ཕྲིན་ལས་མཛོད། །ཅེས་བསྟོད་ཅིང་ཕྲིན་ལས་བཅོལ། ཡི་གེ་བརྒྱ་པས་ནོངས་པ་བཤགས། རྟེན་ཡོད་ན་བརྟན་བཞུགས་དང་། མེད་ན་བཛྲ་མུཿས་གཏོར་མགྲོན་རྣམས་གཤེགས། དགེ་བ་བསྔོ་ཞིང་སྨོན་ལམ་གདབ། ཤིས་པ་བརྗོད་པ་ཇི་ལྟར་རིགས་པས་མཐའ་བརྒྱན་པར་བྱའོ།། །།ཞེས་པའང་ཤཱཀྱའི་དགེ་སློང་རིག་པ་འཛིན་པ་རྡོ་རྗེ་ཐུགས་མཆོག་རྩལ་གྱིས་སྦྱར་བ་སརྦ་དཱ་མངྒ་ལཾ།། །།

[edit]

rtsa gsum chos srung rgya mtsho'i skong bshags dang gtor bsngo bcas nye bar bsdus pa dngos grub mchog sbyin/ @#/__/rtsa gsum chos srung rgya mtsho'i skong bshags dang gtor bsngo bcas nye bar bsdus pa dngos grub mchog sbyin zhes bya ba bzhugs so/__/ na mo gu ru b+h+yaH__'dir rtsa gsum chos srung rgya mtsho'i tshogs la thugs dam bskang zhing nyams chag bshags pa dang /__gtor ma 'bul ba'i rim pa bcas mdor bsdus te nyams su len par 'dod pas/__mchod pa'i yo byad ci 'byor pa bshams shing /__oM shrI badz+ra he ru ka ru lu ru lu hU~M b+h+yo hU~M phaT/__bdag nyid dpal chen thugs nas ra~M ya~M kha~M/__/'phros pas mchod rdzas nyes skyon bsregs gtor bkrus/__/dam tshig ye shes dbyer med bdud rtsi'i sprin/__/mi zad nam mkha' mdzod kyi 'khor lor gyur/__/ra~M ya~M kha~M/__oM AHhU~M/__lan gsum/__hU~M hrIH__ngo bo 'od gsal chos sku'i ye shes las/__/rang bzhin ma 'gags shar ba'i rtsa gsum lha/__/thugs rje gang 'dul sprul sku'i rnam rol gyis/__/byin rlabs dngos grub stsol phyir skur bzhengs shig__/hU~M b+h+yoH__gzhi dbyings gdod nas rnam grol e ka dzaH__gzhi snang ye shes snying po ma ning nag__/zung 'jug dbyings rig dbyer med thig le rtsal/__/rlung sems dbu mar thim pa'i rA hu la/__/tshogs brgyad rang grol dur khrod lha mo dang /__/bde stong sgyu 'phrul tshe ring mched lnga sogs/__/ye shes las grub chos srung rgya mtsho'i tshogs/__/rang bzhin gnas nas spyan 'dren 'dir gshegs shig__/oM AHhU~M gu ru de wa DA ki nI sarba d+harma pA la badz+ra sa ma ya dza dzaH__lhun grub dur khrod rol pa'i gnas 'dir bzhugs/__/sgo gsum gus pa chen pos phyag 'tshal lo/__/gzung 'dzin rtog tshogs dbyings su thim pa las/__/gang shar bde stong rol mor 'char ba'i dpyid/__/snod bcud rnam dag rdo rje'i grong khyer du/__/phyi nang gsang ba'i mchod rdzas sprin ltar gtibs/__/sman rag phud kyi btung ba mtsho ltar bskyil/__/zag med bdud rtsi'i gtor ma ri ltar spungs/__/mthun rdzas spyan gzigs skar ltar bkra ba 'dis/__/rig 'dzin rtsa brgyud bla ma'i thugs dam bskang /__/yi dam zhi khro'i lha tshogs=__gnas gsum dpa' bo mkha' 'gro'i=__sngags srung e ka dza TI'i=__dpal mgon ma ning nag po'i=__skyes mchog badz+ra sAd+hu'i=__drang srong khyab 'jug chen po'i=__nor skyong dur khrod bdag mo'i=__bkra shis tshe ring mched lnga'i=__dpal mgon bdun cu dregs pa sde brgyad sogs/__/rdo rje'i chos srung yongs kyi thugs dam bskang /__/thugs dam bskang zhing nyams chag mthol bshags na/__/mi sgrib tshangs pa'i dngos grub stsal nas kyang /__/zhi rgyas dbang dang mngon spyod la sogs pa'i/__/mchog thun phrin las yid bzhin 'grub par mdzod/__/oM AHhU~M gu ru de ba DA ka DA ki nI shrI badz+ra d+harma pA la sa pa ri wA ra i daM ba liM ta kha kha khA hi khA hi/__zhes lan gsum mam bdun gyis rtsa gsum chos srung spyir 'bul/__spro na bye brag so sor/__ma ma traka rak+sha e ka tsa TI i daM ba liM ta pU dza hoHkha raM khA hi/__oM ma hA kA la shA sa na tri ling ging ka ra i daM ba liM ta pU dza hoHkha raM khA hi/__tri badz+ra sA d+hu sa ma ya i daM ba liM ta pU dza hoHkha raM khA hi/__hrI shag ru rag raM nA ga tsit+ta traM ma ma yo za 'gram ha he yo ga sha la dzaHi daM ba liM ta pU dza hoHkha raM khA hi/__hU~M ra li pra ma ya i daM ba liM ta pU dza hoHkha raM khA hi/__ba~M ha ri ni sa badz+ra pra mo ha tsit+ta hrIM hrIM dzaHdzaHi daM ba liM ta pU dza hoHkha raM khA hi/__a ya ma du ru tsa sha na ging+ka ra sa ma ya ba liM ta b+huny+dza hoH__zhes gsum mam bdun gyis dbul/__hU~M/__don dam spros bral ngang las ma g.yos kyang /__/kun rdzob zhi chags khro bo'i rnam rol can/__/rtsa gsum chos srung rgya mtsho 'khor bcas la/__/lus ngag yid gsum gus pas phyag 'tshal bstod/__/zag med bdud rtsi'i mchod gtor 'di bzhes la/__/gnas skabs nad gdon 'jigs brgyad zhi ba dang /__/tshe bsod dpal 'byor dbang bcu'i ye shes spor/__/khams gsum rlung sems snang ba dbang du sdus/__/gzung 'dzin dgra bgegs dbu ma'i klong du sgrol/__/'od gsal rdo rje snying po'i bshad sgrub dang /_/bstan 'dzin skyes bu'i sku tshe mdzad phrin spel/__/'gro kun phan dang bde ba'i dpal la sbyor/__/mthar thug ka dag rig stong rjen pa'i gshis/__/lhun grub snang bzhi'i ye shes la sbyor bas/_/zung 'jug 'ja' lus rdo rje'i grong khyer du/__/khams gsum 'od skur grol ba'i phrin las mdzod/__/ces bstod cing phrin las bcol/__yi ge brgya pas nongs pa bshags/__rten yod na brtan bzhugs dang /__med na badz+ra muHsa gtor mgron rnams gshegs/__dge ba bsngo zhing smon lam gdab/__shis pa brjod pa ji ltar rigs pas mtha' brgyan par bya'o//__//zhes pa'ang shAkya'i dge slong rig pa 'dzin pa rdo rje thugs mchog rtsal gyis sbyar ba sarba dA mang+ga laM//__//