JKW-KABAB-18-TSHA-010

🚧 This website is under continued development. We appreciate your patience!

Previous Text Back to Volume PageNext Text

གྲུབ་ཆེན་མི་ཏྲའི་སྙིང་ཐིག་ལས། ཚེ་སྒྲུབ་ཡེ་ཤེས་སྙིང་པོ།

Wylie title	grub chen mi tra'i snying thig las tshe sgrub ye shes snying po
Location	mkhyen brtse'i bka' babs Volume 18, Text 10, Pages 85-88 (Folios 1a1 to 2b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation	'jam dbyangs mkhyen brtse'i dbang po. grub chen mi tra'i snying thig las tshe sgrub ye shes snying po. In Rdzong sar 'jam dbyangs mkhyen brtse'i dbang po'i bka' babs, Vol. 18: 85-88. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Longevity Rituals - tshe sgrub  ·  Revelations - gter ma  ·  Root Treasure - gter gzhung
Cycle	ཚེ་སྒྲུབ་ཡེ་ཤེས་སྙིང་པོ་ (tshe sgrub ye shes snying po)
Parent Cycle	གྲུབ་ཆེན་མི་ཏྲའི་སྙིང་ཐིག་ (grub chen mi tra'i snying thig)
Deity	tshe dkar
Karchag page	JKW-KABAB-Volume-18-TSHA-Karchag
RTZ	In the Rinchen Terdzö: https://rtz.tsadra.org/index.php/Terdzo-DZI-020

Tibetan Text

Wylie

[edit]

༁ྃ༔ གྲུབ་ཆེན་མི་ཏྲའི་སྙིང་ཐིག་ལས༔ ཚེ་སྒྲུབ་ཡེ་ཤེས་སྙིང་པོ་བཞུགས༔ ༁ྃ༔ རང་བྱུང་ཚེ་དཔག་མེད་ལ་འདུད༔ དེ་ཉིད་སྒྲུབ་པའི་ཐབས་ཚུལ་གྱིས༔ འཆི་མེད་དངོས་གྲུབ་ཐོབ་འདོད་ན༔ ཟབ་མོའི་རྣལ་འབྱོར་འདི་ལྟར་བསྒོམ༔ ཚོགས་བསགས་རིམ་པ་སྔོན་སོང་ནས༔་་་་ཞེས་གསུངས་པ་ལྟར་སྒྲུབ་ཐབས་ཙམ་ལ་སྐྱབས་སེམས་ཡན་ལག་བདུན་པ་དང་དབང་སྒྲུབ་ལྟ་བུ་ལ་སྤྲོ་ན་སྔོན་འགྲོའི་ཆོས་སྐྱབས་སེམས་ཚོགས་བསགས་བཀའ་བསྒོ་སྲུང་འཁོར་བྱིན་འབེབས་མཆོད་པ་བྱིན་རླབས་རྣམས་སྤྱི་ལྟར་རམ་ཚེ་སྒྲུབ་གང་རུང་ལྟར་བྱའོ། མཆན། ཨཱཿ སྟོང་པའི་ངང་ལས་སྙིང་རྗེའི་རྩལ༔ ཨ་ཡིག་དཀར་པོ་འོད་འབར་ལས༔ རང་ཉིད་བཅོམ་ལྡན་ཚེ་དཔག་མེད༔ སྟོན་ཟླའི་མདོག་ཅན་ཞི་ཞིང་འཛུམ༔ མཉམ་བཞག་ཕྱག་རྒྱས་ཚེ་བུམ་འཛིན༔ དར་དང་རིན་ཆེན་རྒྱན་གྱིས་བརྒྱན༔ རྡོ་རྗེའི་སྐྱིལ་ཀྲུང་པད་ཟླར་བཞུགས༔ འོད་ཟེར་གཟི་བརྗིད་ལྷམ་མེར་གསལ༔ གནས་གསུམ་ཡི་གེའི་འཕྲོ་འདུ་ཡིས༔ ཡེ་ཤེས་སྤྱན་དྲངས་གཉིས་མེད་བསམ༔ ཨོཾ་ཨ་པ་རི་མི་ཏ་ཨཱ་ཡུརྫྙཱ་ན་ས་ཏྭ་ས་མ་ཡ་ཨེ་ཧྱེ་ཧིཿཛཿཧཱུྃ་བྃ་ཧོཿ ན་མོ་ན་མཱ་མིཿ སརྦ་པཱུ་ཛ་ཧོ༔ ཧྲཱིཿ ཕྱོགས་བཅུའི་སངས་རྒྱས་ཐམས་ཅད་ཀྱི༔ སོ་སོར་རྟོག་པའི་ཡེ་ཤེས་སྐུ༔ གདོད་མའི་མགོན་པོ་སྣང་མཐའ་ཡས༔ ཚེ་དཔག་མེད་ལ་ཕྱག་འཚལ་བསྟོད༔ ཐུགས་ཀར་ཟླ་སྟེང་ཨ་ཡིག་མཐར༔ གཟུངས་སྔགས་ཕྲེང་བས་བསྐོར་བ་ལས༔ འོད་འཕྲོས་སྲིད་ཞིའི་ཚེ་བཅུད་བསྡུས༔ འཆི་མེད་རྡོ་རྗེའི་སྲོག་འགྲུབ་གྱུར༔ ཨོཾ་ཨ་པ་རི་མི་ཏ་ཨཱ་ཡུརྫྙ་ན་སརྦ་སིདྡྷི་ཧཱུྃ་ཧྲཱིཿ མཚན་བརྒྱ་བརྒྱད་པའི་གཟུངས་ཀྱང་བཟླསཿ་་་ཞེས་པ་ཚེ་གཟུངས་ཡོངས་གྲགས་ཡིན་ལགས། མཆན། བདུན་ཕྲག་གཅིག་ཏུ་བརྩོན་པ་ཡིས༔ སྡིག་སྒྲིབ་བྱང་ཞིང་ཚེ་འཕེལ་འགྱུར༔ གུ་ཧྱཿ ས་མ་ཡཿ སློབ་མ་རྗེས་སུ་འཛིན་འདོད་ན༔ སྟེགས་བུའི་དབུས་སུ་མེ་ཏོག་བཀྲམ༔ བུམ་པ་བཅུད་ལྡན་ཆས་སུ་གཞུག༔ ཚེ་རྫས་རིལ་བུ་བདུད་རྩི་བཤམ༔ མཆོད་པའི་ཕྲེང་བས་མཛེས་པར་བྱ༔ བདག་མདུན་ལྷར་གསལ་ཚེ་བཅུད་བསྡུ༔ བུམ་ལྷ་འོད་ཞུ་བདུད་རྩིར་བསམ༔ སློབ་མས་མཎྜལ་སྔོན་འགྲོ་བས༔ ཡེ་ཤེས་ཆེན་པོ་ཚེ་ཡི་བདག༔ ཅེས་པ་ནས་ཙིཏྟ་ཨ་བྷི་ཥིཉྩ་ཧཱུྃ༔ ཞེས་པའི་བར་དབང་ཆོག་ཏུ་བྲིས་ཡོད༔ ཤིས་བརྗོད་སྔགས་ཀྱིས་བརྟན་པར་བྱ༔ དེ་ལྟར་སྣོད་ལྡན་སློབ་མ་ལ༔ དབང་གི་མཆོག་འདི་སུས་བསྐུར་བ༔ བར་ཆད་ཞི་ཞིང་ཚེ་བསོད་འཕེལ༔ མཐར་ཐུག་པདྨ་ཅན་དུ་སྐྱེ༔ གུ་ཧྱ་ས་མ་ཡ༔ ༈ ཚེ་དང་བསོད་ནམས་དགུག་བྱའི་ཕྱིར༔ ཐུགས་དམ་བསྐུལ་བའི་ཕྲིན་ལས་ནི༔ སྤོས་བསྲེག་རོལ་མོ་སྙན་པར་འཁྲོལ༔ མདའ་དར་གཡབ་ཅིང་གདུང་དབྱངས་བཅས༔ ཨཱཿ གདོད་མའི་མགོན་པོ་བཅོམ་ལྡན་འདས༔ ཚེ་དང་ཡེ་ཤེས་འོད་དཔག་མེད༔ དྲི་མེད་ཟླ་བ་རྒྱས་པའི་སྐུ༔ མཚན་དང་དཔེ་བྱད་དཔལ་དུ་འབར༔ ཐུགས་རྗེའི་གཟི་བྱིན་ལྷམ་མེ་བ༔ ཕྱོགས་བཅུ་དུས་བཞིའི་རྒྱལ་བ་ཡི༔ མཁྱེན་བརྩེ་བྱིན་རླབས་གཅིག་བསྡུས་པ༔ ཚེ་ཡི་བདག་པོ་དབྱིངས་ནས་བཞེངས༔ ཀ་དག་གཉུག་མའི་ངང་ཉིད་ལས༔ ལྷུན་གྲུབ་སྣང་བ་ཕྱོགས་བརྒྱར་སྤྲོས༔ རྡོ་རྗེ་ཚེ་ཡི་ཕོ་ཉ་མོ༔ མགྱོགས་མ་ཉི་ཟེར་རྡུལ་ལྟར་འཁྲིགས༔ ཕྱི་སྣོད་འབྱུང་བའི་དྭང་མ་དང་༔ ནང་བཅུད་སྐྱེ་འགྲོའི་ཚེ་བསོད་སྟོབས༔ གསང་བ་རྒྱལ་བ་སྲས་བཅས་ཀྱི༔ ཐུགས་རྗེ་ནུས་སྟོབས་ཡོན་ཏན་དཔལ༔ བདག་གི་བླ་ཚེ་ཆད་ཉམས་བཅས༔ ཡེ་ཤེས་ཆེན་པོས་བྱིན་གྱིས་སྡུས༔ བདག་དང་སྒྲུབ་པའི་རྫས་ལ་བསྟིམ༔ ཚེ་བཅུད་ཉམས་པ་གོང་དུ་གསོས༔ གནས་པ་སྤེལ་ལ་ཡར་བ་སྡུས༔ འཆི་མེད་རྡོ་རྗེའི་དངོས་གྲུབ་སྩོལ༔ སྒྲུབ་རྫས་ཡེ་ཤེས་བདུད་རྩིར་སྐྱིལ༔ ཕྱི་ནང་གསང་བའི་བར་ཆད་སོལ༔ ལུས་ངག་ཡིད་ལ་དབང་བཞི་སྐུར༔ ངོ་མཚར་རྟགས་དང་ཆོ་འཕྲུལ་སྟོན༔ ཐམས་ཅད་ཆོས་ཉིད་གཅིག་གི་ངང་༔ འཆི་མེད་མགོན་པོའི་སྐུ་གསུང་ཐུགས༔ ཡེ་ཤེས་རྡོ་རྗེར་བྱིན་གྱིས་རློབས༔ ཨོཾ་ཨ་པ་རི་མི་ཏ་ཨཱ་ཡུརྫྙ་ན་སརྦ་སིདྡྷི་ཧཱུྃ་ཧྲཱིཿཛྙཱ་ན་ཨཱ་ཡུ་ཥེ་ཧཱུྃ་བྷྲཱུྃ་ནྲྀ་ཛཿཨཱ་ཝེ་ཤ་ཡ་ཨ་ཨཱཿ ཛཿཧཱུྃ་བྃ་ཧོཿ ཏིཥྛ་བྷྲཱུྃ༔ ཞེས་བསྐུལ་བཟླས་པ་མང་དུ་བྱ༔ རྟེན་འབྲེལ་མདའ་ཡི་བྲ་ལ་བརྟགས༔ བྲི་ན་ཚེ་ཉམས་སོར་གསུམ་ལས༔ ལྷག་ན་ཚེ་ཡར་རིམ་གྲོ་བྱ༔ སོར་གཅིག་ནད་མེད་གཉིས་ཚེ་རིང་༔ གསུམ་ལྷག་བསོད་ནམས་ཡེ་ཤེས་རྒྱས༔ གུ་ཧྱ་ས་མ་ཡ༔ ཕྲིན་ལས་ཁ་བསྒྱུར་རིམ་པ་ནི༔ དྲི་བཟང་བུད་ཤིང་མེ་སྦར་ལ༔ ལྷ་བསྐྱེད་དུརྦའི་སྦྱིན་སྲེག་བྱ༔ ཨོཾ་བཛྲ་ཨཱ་ཡུ་ཥེ་སརྦ་སིདྡྷི་སྭཱ་ཧཱ༔ འབུམ་བཟླས་ཚེ་ཉམས་ངེས་པར་འཕེལ༔ འབྱུང་བཞིའི་དཀྱིལ་འཁོར་དབུས་གནས་པའི༔ སྣ་ཚོགས་རྡོ་རྗེའི་ལྟེ་བར་བྷྲཱུྃཿ མཐའ་དང་རྭ་བཞི་སྔགས་ཀྱིས་བསྐོར༔ ཚེ་བསོད་བརྟན་པའི་སྤེལ་ཚིག་སྦྱར༔ མུ་ཁྱུད་དབྱངས་གསལ་རྟེན་སྙིང་བསྐོར༔ དྲི་དང་ཚེ་རྫས་བདུད་རྩིས་བྱུག༔ རབ་གནས་དྲོད་དང་མ་བྲལ་བཅང་༔ ཚེ་བསོད་བརྟན་ཅིང་རྒྱས་པར་འགྱུར༔ ཅུང་ཞི་བྲག་ཞུན་འབྲས་བུ་གསུམ༔ རྩ་བ་ལྔ་དང་དབང་པོ་ལག༔ རྟག་ངུ་ཕྱི་ནང་བདུད་རྩི་བཅས༔ རིལ་བུ་ལྷར་བསྐྱེད་ཚེ་བཅུད་བསྡུ༔ དམ་ཚིག་སེམས་དཔར་ཡེ་ཤེས་པ༔ བསྟིམ་པའི་ཚུལ་དུ་བཅུད་ཀྱིས་ལེན༔ ཚེ་རིང་ནད་མེད་བདེ་ཆེན་འཕེལ༔ དེ་ལྟར་ཤིན་ཏུ་ཟབ་འདྲིལ་བའི༔ གདམས་པ་སྙིང་གི་དུམ་བུ་འདིས༔ མ་འོང་བསྟན་འཛིན་སྐྱེས་བུ་རྣམས༔ འཆི་མེད་ཕྲིན་ལས་མཐར་ཕྱིན་ཤོག༔ གུ་ཧྱ་ས་མ་ཡཿ དགེའོ།། །།

[edit]

\u0f01\u0f83:__grub chen mi tra'i snying thig las:__tshe sgrub ye shes snying po bzhugs:__\u0f01\u0f83:__rang byung tshe dpag med la 'dud:__de nyid sgrub pa'i thabs tshul gyis:__'chi med dngos grub thob 'dod na:__zab mo'i rnal 'byor 'di ltar bsgom:__tshogs bsags rim pa sngon song nas: zhes gsungs pa ltar sgrub thabs tsam la skyabs sems yan lag bdun pa dang dbang sgrub lta bu la spro na sngon 'gro'i chos skyabs sems tshogs bsags bka' bsgo srung 'khor byin 'bebs mchod pa byin rlabs rnams spyi ltar ram tshe sgrub gang rung ltar bya'o/__mchan/__AH__stong pa'i ngang las snying rje'i rtsal:__a yig dkar po 'od 'bar las:__rang nyid bcom ldan tshe dpag med:__ston zla'i mdog can zhi zhing 'dzum:__mnyam bzhag phyag rgyas tshe bum 'dzin:__dar dang rin chen rgyan gyis brgyan:__rdo rje'i skyil krung pad zlar bzhugs:__'od zer gzi brjid lham mer gsal:__gnas gsum yi ge'i 'phro 'du yis:__ye shes spyan drangs gnyis med bsam:__oM a pa ri mi ta A yur+dz+nyA na sa twa sa ma ya e h+ye hiHdzaHhU~M ba~M hoH__na mo na mA miH__sarba pU dza ho:__hrIH__phyogs bcu'i sangs rgyas thams cad kyi:__so sor rtog pa'i ye shes sku:__gdod ma'i mgon po snang mtha' yas:__tshe dpag med la phyag 'tshal bstod:__thugs kar zla steng a yig mthar:__gzungs sngags phreng bas bskor ba las:__'od 'phros srid zhi'i tshe bcud bsdus:__'chi med rdo rje'i srog 'grub gyur:__oM a pa ri mi ta A yur+dz+nya na sarba sid+d+hi hU~M hrIH__mtshan brgya brgyad pa'i gzungs kyang bzlasaH zhes pa tshe gzungs yongs grags yin lags/__mchan/__bdun phrag gcig tu brtson pa yis:__sdig sgrib byang zhing tshe 'phel 'gyur:__gu h+yaH__sa ma yaH__slob ma rjes su 'dzin 'dod na:__stegs bu'i dbus su me tog bkram:__bum pa bcud ldan chas su gzhug:__tshe rdzas ril bu bdud rtsi bsham:__mchod pa'i phreng bas mdzes par bya:__bdag mdun lhar gsal tshe bcud bsdu:__bum lha 'od zhu bdud rtsir bsam:__slob mas maN+Dal sngon 'gro bas:__ye shes chen po tshe yi bdag:__ces pa nas tsit+ta a b+hi Shiny+tsa hU~M:__zhes pa'i bar dbang chog tu bris yod:__shis brjod sngags kyis brtan par bya:__de ltar snod ldan slob ma la:__dbang gi mchog 'di sus bskur ba:__bar chad zhi zhing tshe bsod 'phel:__mthar thug pad+ma can du skye:__gu h+ya sa ma ya:__!__tshe dang bsod nams dgug bya'i phyir:__thugs dam bskul ba'i phrin las ni:__spos bsreg rol mo snyan par 'khrol:__mda' dar g.yab cing gdung dbyangs bcas:__AH__gdod ma'i mgon po bcom ldan 'das:__tshe dang ye shes 'od dpag med:__dri med zla ba rgyas pa'i sku:__mtshan dang dpe byad dpal du 'bar:__thugs rje'i gzi byin lham me ba:__phyogs bcu dus bzhi'i rgyal ba yi:__mkhyen brtse byin rlabs gcig bsdus pa:__tshe yi bdag po dbyings nas bzhengs:__ka dag gnyug ma'i ngang nyid las:__lhun grub snang ba phyogs brgyar spros:__rdo rje tshe yi pho nya mo:__mgyogs ma nyi zer rdul ltar 'khrigs:__phyi snod 'byung ba'i dwang ma dang :__nang bcud skye 'gro'i tshe bsod stobs:__gsang ba rgyal ba sras bcas kyi:__thugs rje nus stobs yon tan dpal:__bdag gi bla tshe chad nyams bcas:__ye shes chen pos byin gyis sdus:__bdag dang sgrub pa'i rdzas la bstim:__tshe bcud nyams pa gong du gsos:__gnas pa spel la yar ba sdus:__'chi med rdo rje'i dngos grub stsol:__sgrub rdzas ye shes bdud rtsir skyil:__phyi nang gsang ba'i bar chad sol:__lus ngag yid la dbang bzhi skur:__ngo mtshar rtags dang cho 'phrul ston:__thams cad chos nyid gcig gi ngang :__'chi med mgon po'i sku gsung thugs:__ye shes rdo rjer byin gyis rlobs:__oM a pa ri mi ta A yur+dz+nya na sarba sid+d+hi hU~M hrIHdz+nyA na A yu She hU~M b+h+rU~M nr-i dzaHA we sha ya a AH__dzaHhU~M ba~M hoH__tiSh+Tha b+h+rU~M:__zhes bskul bzlas pa mang du bya:__rten 'brel mda' yi bra la brtags:__bri na tshe nyams sor gsum las:__lhag na tshe yar rim gro bya:__sor gcig nad med gnyis tshe ring :__gsum lhag bsod nams ye shes rgyas:__gu h+ya sa ma ya:__phrin las kha bsgyur rim pa ni:__dri bzang bud shing me sbar la:__lha bskyed durba'i sbyin sreg bya:__oM badz+ra A yu She sarba sid+d+hi swA hA:__'bum bzlas tshe nyams nges par 'phel:__'byung bzhi'i dkyil 'khor dbus gnas pa'i:__sna tshogs rdo rje'i lte bar b+h+rU~MH__mtha' dang rwa bzhi sngags kyis bskor:__tshe bsod brtan pa'i spel tshig sbyar:__mu khyud dbyangs gsal rten snying bskor:__dri dang tshe rdzas bdud rtsis byug:__rab gnas drod dang ma bral bcang :__tshe bsod brtan cing rgyas par 'gyur:__cung zhi brag zhun 'bras bu gsum:__rtsa ba lnga dang dbang po lag:__rtag ngu phyi nang bdud rtsi bcas:__ril bu lhar bskyed tshe bcud bsdu:__dam tshig sems dpar ye shes pa:__bstim pa'i tshul du bcud kyis len:__tshe ring nad med bde chen 'phel:__de ltar shin tu zab 'dril ba'i:__gdams pa snying gi dum bu 'dis:__ma 'ong bstan 'dzin skyes bu rnams:__'chi med phrin las mthar phyin shog:__gu h+ya sa ma yaH__dge'o//__//