JKW-KABAB-05-CA-038

🚧 This website is under continued development. We appreciate your patience!

Previous Text Back to Volume PageLast text in volume.

བཀའ་འདུས་སྨན་སྒྲུབ་གཏོར་ཟློག་བཅས་ཀྱི་ཟིན་ཐོ།

Wylie title	bka' 'dus sman sgrub gtor zlog bcas kyi zin tho
Location	mkhyen brtse'i bka' babs Volume 5, Text 38, Pages 687-710 (Folios 1a to 12b3)
Author	མཁའ་ཁྱབ་རྡོ་རྗེ་
Less details More details
Tertön	ཨོ་རྒྱན་གླིང་པ་, འཇམ་དབྱངས་མཁྱེན་བརྩེའི་དབང་པོ་ (o rgyan gling pa, 'jam dbyangs mkhyen brtse'i dbang po)
Citation	Karmapa, 15th. bka' 'dus sman sgrub gtor zlog bcas kyi zin tho. In Rdzong sar 'jam dbyangs mkhyen brtse'i dbang po'i bka' babs, Vol. 5: 687-710. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Notes - zin bris  ·  Torma-offering Rituals - gtor chog  ·  Activity Practices - las tshogs  ·  Medicinal Pills - Making and Activating Practices - sman sgrub
Cycle	དཔལ་བཀའ་འདུས་ཆོས་ཀྱི་རྒྱ་མཚོ་ (dpal bka' 'dus chos kyi rgya mtsho)
Karchag page	JKW-KABAB-Volume-05-CA-Karchag
Colophon	ཞེས་པའང་དོན་གཉེར་ཅན་གྱི་འདོད་ངོ་མ་ཆོག་པར་སྔགས་བཙུན་མཁའ་ཁྱབ་རྡོ་རྗེར་འབོད་པས་བགྱིས་པ་དགེ།
	zhes pa'ang don gnyer can gyi 'dod ngo ma chog par sngags btsun mkha' khyab rdo rjer 'bod pas bgyis pa dge

Tibetan Text

Wylie

[edit]

༄༅། །བཀའ་འདུས་སྨན་སྒྲུབ་གཏོར་ཟློག་བཅས་ཀྱི་ཟིན་ཐོ་བཞུགས།།ན་མོ་གུ་རུ་ཤྲཱི་བཛྲ་ཀྲོ་དྷཱ་ཡེ། གཏེར་ཆེན་ཨོ་རྒྱན་གླིང་པའི་གཏེར་བྱོན་ཀུན་གཟིགས་མཁྱེན་བརྩེའི་ཡང་གཏེར་དུ་བྱོན་པའི་བཀའ་འདུས་སྨན་སྒྲུབ། གཏོར་བཟློག་དང་བཅས་པ་དཀྱུས་གཅིག་ཏུ་ཉིན་དགུར་བསྟར་བའི་ལག་ལེན། འདོན་འབྲིགས་ཟིན་ཐོར་བཀོད་པ་ལ། རྩ་གསུམ་ཞི་ཁྲོའི་སྒྲུབ་པ་སྤྱིའི་ཁོག་ཕུབ་ཁྱེར་བདེར་བཀོད་པ་གཅིག་ཤེས་ཀུན་གྲོལ་གཞིར་བཞག་ལ། སྣ་སེལ་རྣམས་སྔོན་ཏུ་བཏང་ནས། ཉིན་དང་པོའི་ཐོ་རང་སྔ་བར་རྡོ་རྗེ་འཚམས་པས་ཕུར་པའི་བདག་བསྐྱེད་སྔོན་འགྲོས། སྔོན་དུ་མ་སོང་ན་ཤོག་ལིང་རྣམས་ལ་ལིང་ཁྲུས་ཚད་ལྡན། ཚོགས་བསྒྲལ་སྐབས་འགུགས་བསྟིམ་གནད་ལྡན་དང༌། དམ་སྲིའི་མནན་ལིང་ལ་མནན་ཆས་རྒྱལ་ཐོའི་སེར་ཕྲེང་མ་ཕེབས་གོང་གྲུབ་པར་བྱ། དྲག་པོའི་སྦྱིན་སྲེག་བྱ། སྐོར་ཆོག་པ་རྣམས་ནས་ཁྲུས་ཆོག་ཟླ་བའི་བདུད་རྩི་ལྟར་ཁྲུས་བུམ་བསྒྲུབ། གཞུང་ཚོགས་རྣམས་ཀྱིས། ཚིག་བདུན། སྐུ་གསུམ་གསོལ་འདེབས། བརྒྱུད་འདེབས་བསྡུས་པའི་རྗེས་རྒྱུན་ཁྱེར་སྐྱབས་སེམས་ཚོགས་བསགས་མཐར། ཧཱུྃ༔ དེ་བཞིན་ཉིད་དབྱིངས་སོགས་ཀྱི་བདག་བསྐྱེད། བཟླས་པ། བསྡུ་ལྡང་གྲུབ་རྗེས་ཟུར་འདེབས་རིན་ཆེན་ཕྲ་ཚོམ་ལྟར་བསང་ཆུ་བསྒྲུབ། སྒྲུབ་ཁོག་ལྟར་ས་ཆོག་གི་མཆོད་བརླབ་ནས། གཤེགས་གསོལ་མཐར། མཆོད་རོལ་རིང་བའི་འོག་གཏོར་མ་འབུལ་ཞིང༌། མཆོད་པ་དང་མཎྜལ་བསྡུ། སློབ་དཔོན་ཞྭ་ཆོས་བཅས་གཞི་དེར་ཕེབས་ཤིང་དབང་མཆོག་ཕུར་པས་ས་དབང་དུ་བྱ་བ་ནས། ཏིང་ངེ་འཛིན་གྱི་བཟླས་པའི་རྗེས་དབང་མཆོག་ཕུར་པ་བསྡུ། བཀའ་བསྒོའི་མཇུག་མཆོད་རོལ་རིང་བའི་འོག །སློབ་དཔོན་གྱིས་དཀྱིལ་འཁོར་གྱི་གཞིར་དབང་ལྡན་ནས་བརྩམས། ལན་གསུམ་བསྐོར་ཞིང་ཡུངས་ཐུན་བྲབ་ཅིང་རྡོ་རྗེགསོར། ལས་ཕུར་བྱང་ཤར་དུ་གདབ། སེར་ཕྲེང་གིས་ཤར་ནས་བརྩམ་རྒྱལ་ཐོ་བཙུག །དམ་སྲི་མནན་པའི་གཅིག་ནི་བརྗོད་མེད་སོགས་བརྗོད་སྐབས་སློབ་དཔོན་གྱིས་རྡོ་རྗེ་རྒྱ་གྲམ་ཚིག་རེ་དང་བསྟུན་རྒྱ་གྲམ་བཅུ་བྱ། ལས་བྱང་གི་བྲོ་བརྡུང་གྱེར་སྐབས། དྲག་པོའི་བྲོ་ར་རྩེ་མོ་ལྷོར་བསྟན། མཐེའུ་ཆུང་སྦྲེལ། གཤིན་རྗེའི་སྐུའི་རྒྱབ་ཀྱི་འདོད་གསོལ། གསང་ཆེན་ལྷུན་གྲུབ་སོགས་དང༌། འཁྱིལ་བའི་སྐུའི་རྒྱབ་ཀྱི་འདོད་གསོལ། ཁྲོ་བོ་བདུད་རྩི་འཁྱིལ་པ་སོགས་བྲི། བྲུབ་ཁུང་དུ་དམ་སྲིའི་མནན་ལིང་བཞིན་བྲིས་པའི་ལིང་ག་བཅུག །ནང་དུ་ཕེབས་ཤིང༌། སློབ་དཔོན་དཀྱིལ་འཁོར་གྱི་ནུབ་ནས་ཤར་དུ་ཕྱོགས་པར་སྔགས་ཆས་བཅས་སྟོང་ཐུན་བཤད། མ་ཏྲཾ་བསྒྲལ། སློབ་དཔོན་གྱིས་རྡོ་རྗེ་འགྲོས་ཀྱི་དཀྱིལ་འཁོར་གྱི་གཞི་དེར། ཧཱུྃ་གསུམ་ལ་བསྐོར་བ་གཅིག །ཧ་གསུམ་ལ་བསྐོར་བ་གཅིག །ཕཊ་གསུམ་ལ་བསྐོར་བ་གཅིག་སྟེ་བསྐོར་བ་གསུམ་བསྐོར་ནས། དབུས་ནས་ཤར་དུ་ཞལ་ཕྱོགས་པས། སྟེང་ནས་ཕྱོགས་བཞིར་གཡས་བསྐོར། ཤར་ལྷོ་ནས་འོག་བར་གཡོན་བསྐོར་གྱིས་ཁྲོ་བཅུའི་ཕུར་པ་གདབ་དོན་གྱི་སྲུང་འཁོར་ཕྲིན་ལས་ལྟར། ཧཱུྃ༔ ཡེ་ཤེས་རང་རྩལ་འབར་བའི་སོགས་ནས། ཧཱུྃ་ཕཊཿ བར་རོ། སློབ་དཔོན་དཀྱིལ་འཁོར་གྱི་ཤར་ནས་ནུབ་ཏུ་ཕྱོགས་པས་བཞེངས་ཏེ་བྱང་ཤར་ནས་བརྩམ་གཡས་བསྐོར་གྱིས་འཐོར་གཡབ་ཀྱིས་བདུད་རྩི་འཐོར། ལས་རྡོར་གྱིས་གཡོན་བསྐོར་དུ་ཁྱེ་མ་མེད་པའམ། བར་མཚམས་མེད་པ་ལེགས་པར་བྱུག །ལྷ་སྟ་གོན་ཚོམ་བུ་བཀོད་གྲུབ་རྗེས། དེ་མཐར་ཕྱི་མཆོད་བསྐོར་བཤམ། དེ་མདུན་ནང་མཆོད་སྨན་གཏོར་རཀྟ་ཕྲེང་ཚར་དུ་བཤམ། ཕྲིན་ལས་ལྟར་མཆོད་རླབས་རྗེས། ཨོཾ་མ་ཧཱ་ཤུ་ནྱ་ཏ་སོགས་ཀྱིས་དམ་ཚིག་པ་བསྐྱེད། མཆོད་པ་རང་གཞུང་གིས་འཐུས། སྤོས་དྲིལ་བཅས་གསོལ་བ་གདབ། བུམ་པར་ཞི་ཁྲོའི་སྤྱི་དྲིལ་བརྗོད་པས་རྫས་བླུག །མཆོད་བསྟོད། ཟུར་འདེབས་ཀྱི་རྗེས་ཆོག་སྐབས་ཀྱི་མཆོད་བསྟོད་སྦྱར། བཟླས་པ་ཞི་ཁྲོའི་སྤྱི་དྲིལ་བཟླ། ལས་བུམ་ཟུར་འདེབས་ཀྱི་བསང་ཆུ་ལྟར་བསྒྲུབ། དངོས་སྟ་ཉིན་གཅིག་ལ་སྦྲེལ་སྐབས་བདག་གི་རྣལ་འབྱོར་གོང་དུ་སོང་བས་འཐུས་པས་འདིར་མི་དགོས། ཁྲུས་ཆོག་ཟླ་བའི་བདུད་རྩི་ལྟར་ཞི་དྲག་ཕྱེད་མའི་སྦྱོང་བ། བདེན་སྟོབས་སྐབས། དེང་འདིར་གསང་བ་ཟབ་མོའི་ཆོ་གས་དངོས་གྲུབ་བསྒྲུབ་པ་ལ་བར་དུ་ཞེས་བསྒྱུར་ཞིང་རྟེན་ཁྲུས་གོས་ཟུང་འབུལ་ཞིང་བཀྲ་ཤིས་ཀྱི་མངའ་དབུལ་བའི་བར་བྱ། རྒྱན་བཀོད་སྐབས་སློབ་དཔོན་གྱིས་སྤོས་སྣ། ཡུམ་གྱིས་དར་ལམ་གྱིས་སྣ་དྲངས་པའི་སྨན་གྱི་ཕོ་བྲང༌། རྒྱལ་ཚབ་རྒྱལ་ཐེབས་སོགས་ཀྱིས་བུམ་པ། སྐུ་གསུང་ཐུགས་རྟེན། སྨན་རག་གཏོར་གསུམ། སྒབ་བསྐོར་ཆས། ཁྲོ་བཅུའི་ཕུར་པ། མ་ཏྲཾ་རྣམས་ཐོགས་ནས། ཞི་ཁྲོའི་སྤྱི་དྲིལ་ཛབ¿་དབྱངས་ལན་གསུམ་དང་སྦྲག་དཀྱིལ་འཁོར་བསྐོར་བ་ལན་གསུམ་རྗེས། སྨན་སྒྲུབ་ལྟར། གདོད་ནས་རྣམ་དག་གིས་ལྡིང་ཁྲི་འོག་མར་སྨན་གྱི་ཕོ་བྲང་བཞུགས་པའི་ཤར་ལྷོ་ནས་བརྩམས་ཆང་ཆུ་འོ་མ་རིན་ཆེན་རྣམས་མཚམས་བཞི་དང༌། སྨན་གྱི་ཕོ་བྲང་ཐོག་མཉྫའི་སྟེང་སྨན་སྒྲུབ་ཕབ་གཏའ་ཆུ་གཙང་གིས་བརླན་པ་བཞུགས། ཟུར་གང་བདེར་ཆང་ཕབ་ཞིབ་མོར་བཏུལ་བ། དམ་རྩི། ཁ་དོག་བསྒྱུར་བྱེད། རྩི་རྣམས་ཚང་བར་བཞག །སྨན་གྱི་ཕོ་བྲང་སྟེང་གཟུང་ཐག་བཞག་པའི་རྡོ་རྗེ་དང༌། སྟེང་གི་ཚངས་པའི་དམུ་ཐག་སྦྲེལ། སྒྲུབ་ཁོག་གི་རྒྱན་བཀོད་རྣམས་གྱེར་ཞིང༌། ལྡིང་ཁྲི་བར་པར། དབུས་སུ་རྣམ་བུམ་དུང་ཆོས་གཟུངས་རྡོར་དང་བཅས་པ། དབུས་དང་ཕྱོགས་མཚམས་རྣམས་སུ་སྐུ་ཙཀ་རྣམས་མ་འཆོལ་བར་བཀོད། དབང་དང་འབྲེལ་ཚེ་དབང་རྫས་རྣམས་ཀྱང་བཀོད། ལྡིང་ཁྲི་གོང་མར། སྐུ་རྟེན་ཐོད་སྐུ་སྤྱི་དཔལ་ཆེན་པོ་ཕྱག་རྒྱ་རྒྱས་པ་ལྟར་བྲིས་པ། གསུང་རྟེན་བཀའ་འདུས་གླེགས་བམ། སྔགས་བྱང་གི་ཙཀླི། ཐུགས་རྟེན་ཕྱག་མཚན་ཙཀླི་དང་ཤེལ་རྡོ། རྒྱབ་ངོས་སྨན་གཏོར་རཀྟ། དེ་མཐར་ཉེར་སྤྱོད་བསྐོར་བཤམས་བཅས་དང༌། སྒབ་སྐོར་སྟོད་སྨད། ཐུགས་ཡོལ་སྔོན་པོ། གསུང་ཡོལ་དམར་པོ། སྐུ་ཡོལ་དཀར་པོ་རྣམས་ནང་ནས་ཕྱིར་དཀྲིས། རུ་དར། རལ་གྲི་སོགས་དང༌། ཁྲོ་བཅུའི་ཕུར་པ་དང་མ་ཏྲཾ་བཅས་སྔ་མ་བཞིན་སོ་སོར་མ་འཆོལ་བར་བཀོད། མ་ཏྲཾ་གྱི་ཁོག་པ་རས་བྲིས་འོག་ཏུ་བཞག །དཀྱིལ་འཁོར་གྱི་མདུན་དུ་མཆོད་གཏོར། རྒྱབ་ཏུ་བསྐང་གཏོར་གཞུང་མཐུན། ལྷོར་འདོད་ཡོན་ལྔ། བྱང་དུ་སྲུང་མའི་གཏོར་མ་དང་ཆད་བརྟན། མདུན་དུ་ཞི་དྲག་གི་ཉེར་སྤྱོད་མཇུག་སྤྲོད། སྨན་གཏོར་རཀྟ། མཐའ་བསྐོར་ཕྱི་ནང་ཚོགས་མཆོད་བཅས་བརྒྱ་རྩས་བསྐོར་ཞིང༌། བླ་མེད་མཆོག་གི་མཐར་ཚོགས་གྲོལ། མཆོད་པ་སོགས་ཞིབ་པར་བཤམས་ནས། ཡར་འཚོགས་གཞུང་ཟུར་ཚོགས་པ་ཐམས་ཅད་དང༌། སྒྲུབ་ཆེན་གྱི་ལས་བྱེད་མ་ལུས་པ་འཚོགས་དགོས། རྡོ་རྗེ་རྒྱལ་ཐེབས་ཞྭ་ཆོས་བཅས་གྲལ་གཤམ་ནས། སྟོང་ཐུན་བཤད་དེ། མངའ་གསོལ་རྗེས་ཟློས། ལས་རྡོར་གྱིས་ཐོད་པའི་བདུད་རྩི་རིམ་བཞིན་རྡོ་རྗེ་རྒྱལ་པོ། རྒྱལ་ཚབ་དང་རྒྱལ་ཐེབས་བཞི། ཡུམ་ལས་རྡོར། གིང༌། འཚམས་པ། སྤྱན་པ། དུས་མཚམས་པ་ནི་དགེ་བསྐོས་་་་བྱ་རོག་ཀྱང་ཟེར། ཕྱག་ཚང་ནི་ཕྱག་གཉེར། བྱན་པོ་ནི་མ་ཆེན་སོགས་ལ་དྲངས་ཤིང་མཐར་མཆོད་རོལ་རིང་བ་བྱ། ཡང་རྒྱལ་ཐེབས་ཀྱིས་གཏོང་ཐུན་བཤད་དེ་རྟགས་གདབ་བྱ་སྐབས། མགྲིན་པར་ཞག་གི་ཟོ་རིས་ཟླ་ཕྱེད། མཁུར་ཚོས་ལ་རཀྟའི་ཐིག་ལེ་སུམ་སྒྲོམ། དཔྲལ་བར་ཐལ་ཆེན་ཚོམ་བུ་རྩེ་གསུམ་རིས། མཐར་མཆོད་རོལ་རིང་བའི་འོག་འདུས་པ་སྤྱི་ལ་རྟགས་གདབ་གྲུབ་པར་བྱ། སློབ་དཔོན་ཆོས་གོས་དང་ཞྭ་འཕྲག་འགེལ་གྱིས་དཀྱིལ་འཁོར་མདུན་དུ་བཞེངས་ལ་བརྡ་སྒོ་དབྱེ་སྐབས། དབྱེ་སྔགས་ལན་བཞི་ལ་དཀྱིལ་འཁོར་ལ་བསྐོར་ཞིང༌། ཕྱོགས་བཞིར་ལག་གཉིས་ཁུ་ཚུར་དཔུང་མགོར་བསྣོལ་བ་དབྱེ་བའི་ཕྱག་རྒྱ་རེ་བྱ། སླར་སློབ་དཔོན་དཀྱིལ་འཁོར་མདུན་དུ་བཞེངས་ཏེ་ཐལ་སྦྱར་གྱིས་བརྡའ་ཕྱག །ཨ་ཏི་པུ་ཧོཿལན་བཞིར་གཡས་བསྐོར་གྱིས་ཐལ་སྦྱར་རེ་དང༌། པྲ་ཏིཙྪ་ཧོཿའི་སྐབས་འགྲེང་ཞིང་འདུད་རྒྱ་བཅས། ལྷ་རྣམས་ཀྱི་ཕྱག་ལེན་གནང་བར་མོས། མཆེད་གསར་ལོགས་སུ་ཕྱེས། རྙིང་པ་རྣམས་ནས་བདུད་རྩི་བྱིན་རླབས། བསྡུ་ན། ཡི་གེ་གསུམ་གྱིས་བསང་སྦྱང༌། དགུ་པའི་ཛབ¿་དབྱངས་ལན་གསུམ་གྱིས་བརླབ། མཆོད་པའི་ཟུར་འདེབས་བཞིན་བརྒྱུད་མཆོད་ཁཱ་ཧི་བཅས་བྱ། དངོས་གྲུབ་བླང་བ་མི་དགོས། བསྡུ་ན་བཀའ་བསྒོ་བཞག །ཁྲོ་བོའི་སྤྱི་དྲིལ། ཧཱུྃ་བཞི། དྲག་འབེབ། རྐང་རག །ཨོཾ་བཛྲ་རཀྵ་ཧཾ་གསུམ་གྱིས་སྲུང་འཁོར་བསྒོམ། རྒྱལ་ཚབ་བམ། རྡོ་རྗེ་རྒྱལ་ཐེབས་ཀྱིས་བདུད་རྩི་འགྲིམ། ཆུ་འདིས་འགྲུབ། མཐར། འོག་གི་ཞེས་མྱོང་བ་སོགས། གྱུར་པར་བསམ་ལ་རྡོ་རྗེའི་གཡར་དམ་བཟུང་བ་འདིའི་རྗེས་ཟློས། ཨི་དནྟེ་སོགས། སློབ་དཔོན་ལ་བདུད་རྩི་དྲངས་མི་དགོས། གཞན་གསར་རྙིང་ཐམས་ཅད་ལ་གཡོན་བསྐོར་གྱིས་དྲངས། མཐར་དམ་ཚིག་གཏོང་ཐུན་རྒྱལ་ཚབ་བམ། རྡོ་རྗེ་རྒྱལ་ཐེབས་ཀྱིས་བཤད། བརྒྱ་བརྡུང་རོལ་འོག །ལས་རྡོར་གྱིས་སྤོས་དང་གཡབ་དར་སྣ་ལྔ། སློབ་དཔོན་གྱིས་གཡབ་དྲིལ། ཡུམ་གྱིས་རྡོར་དྲིལ་ཕྲེང་བ། རྒྱལ་ཚབ་གཡབ་དར་སྣ་ལྔ་དང༌། རྒྱལ་ཐེབས་བཞིའི་གཡབ་དྲིལ་བཅས་དཀྱིལ་འཁོར་བསྐོར་ཞིང༌། ཞྭ་ཆོས་བཅས་དཀྱིལ་འཁོར་མདུན་དུ་ཕྲེང་ཚར་གྱིས་དཀྱིལ་འཁོར་ལ་ཕྱོགས་པར་བཞེངས། འདུས་པ་ཐམས་ཅད་ཞྭ་བཅས་རང་གྲལ་ནས་བཞེངས་ཏེ། ལྷ་སྐོས་སུ་གདབས། སྔགས་ཞི་ཁྲོའི་སྤྱི་དྲིལ། མཐར་འབེབས་སུམ་བརྡུང་གིས་བྱིན་འབེབས། དུས་གསུམ་བདེ་གཤེགས། མཐར་འབེབས་སུམ་བརྡུང་གིས་སྨན་སྒྲུབ་ལྟར་ཀུན་བཟང་རྡོར་སེམས་སོགས་ཀྱི་མཐར། བརྒྱུད་གསུམ་རོལ་མོ་ལ་དཀྱིལ་འཁོར་ལན་གསུམ་བསྐོར་ཞིང༌། ཕྱོགས་བཞི་སོ་སོར་གཡབ་དར་ལན་རེ་བྱ། འདི་ནུབ་སྒྲུབ་པའི་ཐུན་གྱི་དབུ་མི་འཛུག་ན། སྒྲུབ་ཁོག་ཏུ་གསལ་བ་བཞིན་དང༌། ཐུན་གྱི་དབུ་འཛུག་ཏེ་ཉིན་དང་པོའི་གོ་ཆོད་བྱེད་སྐབས། བསྡུ་ན་ཕྲིན་ལས་ནར་མའི་སྐྱབས་སེམས་ཚོགས་བསགས་ལན་གསུམ་རྗེས། མཆོད་རླབས་ནས། བྱིན་འབེབས་དང་སྤྱན་འདྲེན་སྐབས། ལས་རྡོར་གྱིས་ཞྭ་བཅས་སྤོས་དང་གཡབ་དར་གྱིས་དཀྱིལ་འཁོར་ལ་ལན་རེ་བསྐོར་བ་མཐོང་རྒྱུད་བཞིན་བྱ་ཞིང༌། མཆོད་ཕྲེང་ཟུར་འདེབས་མ་སྦྱར་བའི་མཆོད་པ་གཞུང་བཞིན་བསྟོད་པའི་མཐའ་བར་བཏང༌། ཟུར་འདེབས་རིན་ཆེན་ཕྲ་ཚོམ་ལྟར་ཛབ¿་ཁང་ཕྱེ་བ་ནས། ཁྲོ་བོའི་སྤྱི་དྲིལ་བཟླས་པ་གྲུབ་པ་དང༌། ཞི་ཁྲོའི་སྤྱི་དྲིལ་སྦྲེལ་མ་གདངས་བཅས་ལན་བདུན་གྱེར་སྐབས། ཐུན་དཔོན་གྱིས་མེ་ཏོག་ཕུལ་ཞིང་པད་བསྐོར་བཅས་རྒྱལ་ཚབ་བམ། རྡོ་རྗེ་རྒྱལ་ཐེབས་ལ་ཐུན་ཐག་ཞུ། འདི་ནས་བཟུང་ཛབ¿་རྒྱུན་མ་ཆད་པ་དང༌། ཐུན་ཐག་སྟོང་པར་མ་བོར་བ་དགོས། འདི་མཚམས་ཛབ¿་མཆོད། རཀྟའི་མཆོད་བསྟོད། ཡིག་བརྒྱའི་རྗེས། བཀའ་སྲུངས་བསྐང་བཤགས། ཚོགས་སྐོང༌། ལྷག་མའི་སྐབས། ལྷག་མ་བཙོན་འཛིན་དཀྱིལ་འཁོར་གྱི་ལྷོ་ནུབ་ཏུ་བྱ་ཞིང༌། བསྐུལ་ཆད་བརྟན་བཀྲ་ཤིས་མཐའ་བར་ཟུར་འདེབས་བཞིན་བཏང༌། གྲུབ་ན་ཉུ་ལེ་བསྐྲད་པ། བྱིན་འབེབས་ཛབ¿་དབྱངས་བཅས་ཚོགས་གཞུང་ནས་བྱ་བའམ། མི་ལྕོགས་ན་རྡོ་རྗེ་འཚམས་པས་བྱ། རྟ་བྲོའི་སྐབས་རྡོ་རྗེ་མཚམས་པས་བགེགས་བསྐྲད། མཚན་ཐུན་གསུམ་འོག་ནས་འབྱུང་བ་ལྟར་བྱ། ༈ །ཉིན་གཉིས་པར། ཚིག་བདུན། སྐུ་གསུམ་གསོལ་འདེབས། བརྒྱུད་འདེབས་འབྲིང་པོའི་མཐར་བརྒྱ་བརྡུང༌། བདག་བསྐྱེད་གསལ་ཞིང་བསང་ཆུ་བསྒྲུབ་པ་ནས་ཟུར་འདེབས་བཞིན་མཐར་ཆགས་སུ་བཏང༌། བཀའ་བསྒོའི་སྐབས་རྡོ་རྗེ་འཚམས་པས་ཐུན་བྲབ་པ་ཀུན་ལ་འགྲེས་སུ་ཤེས་དགོས། ཛབ¿་སོ་སོའི་སྐབས་ཛབ྄་མཆོད་རྒྱས་པའི་ལུགས་བཞིན་ཏུ་སྦྱར་ལ། ཁྲོ་བོ་སྤྱི་དྲིལ་གྱི་སྟོང་ཚིགས་རྗེས། བུམ་བཟླས་སྒྲུབ་ཁོག་གི་བུམ་པ་སྟ་གོན་སྐབས་སུ་འབྱུང་བ་ཉིད་ཀྱིས་གཙོ་བུམ་དང་ལས་ཀྱི་བུམ་པ་གཉིས་སྒྲུབ། དེ་མཚམས་ཚེ་སྒྲུབ་མཐར། ཡིག་བརྒྱ་ལན་གསུམ་གྱིས་སྔགས་ཀྱི་ནུས་པ་བརྟན་པའི་བར་ཟུར་འདེབས་བཞིན་བཏང་བས་ཉིན་ཐུན་དང་པོ་འགྲུབ། རྡོ་རྗེ་འཚམས་པའམ་རྒྱལ་ཐེབས་རེས་མོས་ཀྱིས། ཉུ་ལེ་བསྐྲད་ཅིང་བྱིན་འབེབས། ཛབ¿་དབྱངས་བཅས་བྱ། སླར་ཕྲིན་ལས་ནར་མའི་མཆོད་པ་བྱིན་རླབས་ནས་བརྩམ། མཆོད་ཕྲེང་ཟུར་འདེབས་མི་སྦྱར་བ་ཙམ་ལས་བཟླས་པ་ལ་ཐུག་གི་བར་སྔར་བཞིན་བཏང༌། འགྲུབ་ན་ཞི་བ་དང༌། དཔལ་ཉེར་གཅིག །ཁྲོ་བོའི་སྤྱི་དྲིལ་བཅས་བཟླ་བ་དང༌། སྟོང་ཚིག་འབྲིང་པོའི་ལུགས་ལྟར་དགོས་ཤིང༌། མི་ནུས་ན་ཞི་ཁྲོའི་སྤྱི་དྲིལ་སོ་སོར་ཅི་ནུས་རེ་བསྙེན། བུམ་པ་དང་ཚེ་སྒྲུབ་དོར་བའི་ཛབ¿་མཆོད། རཀྟའི་མཆོད་བསྟོད། ཡིག་བརྒྱ་བཅས་དང༌། གོང་ལྟར་ཉུ་ལེ་བསྐྲད་པ་སོགས་ཀྱིས་ཉིན་ཐུན་གཉིས་པ་གྲུབ། སླར་ཕྲིན་ལས་ནར་མའི་མཆོད་པ་བྱིན་བརླབ་ནས། ཡིག་བརྒྱའི་མཐའ་བར་ཐུན་གཉིས་པ་བཞིན་བསྐྱར་རྗེས། བཀའ་སྲུང་གཏོར་ཆོག་ནས་བཟུང་བཀྲ་ཤིས་ཀྱི་བར་ཟུར་འདེབས་བཞིན་ནར་འདེད་ཀྱིས་བཏང་མཐར། ཚོགས་གཞུང་ནས་སྒྲུབ་ཁོག་ལྟར་ཉུལ་ལེ་བསྐྲད་ཅིང༌། ཐམས་ཅད་བཞེངས་ལ་ཞྭ་བཅས་བྱིན་འབེབས་ཛབ¿་དབྱངས་བཅས་གྲུབ་ནས་ཚོགས་གྲོལ། མཚན་ཐུན་འདོན་ལུགས། ཐུན་སོ་སོའི་དབུར། ཕྲིན་ལས་ནར་མའི་སྐྱབས་སེམས་ཚོགས་བསགས་རྗེས་སྲུང་འཁོར། མཆོད་པ་བྱིན་རླབས་ནས་ཡིག་བརྒྱའི་མཐའ་བར་ཉིན་ཐུན་གསུམ་པ་བཞིན་དང༌། དེ་ནས་ཉུལ་ལེ་བསྐྲད་ཅིང༌། བྱིན་འབེབས་ཛབ¿་དབྱངས་བཅས་སོ་སོར་བྱ་ཞིང༌། ཐོར་ཐུན་མཐར་ཡིག་བརྒྱའི་རྗེས། ཟུར་སྐོང་མི་སྦྱར་བའི་ཚོགས་རྐྱང་པ་ལྷག་མའི་མཐའ་བར་བཏང༌། རྗེས་ཆོག་མཆོད་བསྟོད། ནོངས་བཤགས། བརྟན་བཞུགས་རྣམས་ཟུར་འདེབས་ལྟར་དང༌། བསྡུ་ལྡང་བསྔོ་བ་བཀྲ་ཤིས་བཅས་རྒྱུན་ཁྱེར་མཇུག་གི་མདོར་བསྡུས་བཏང་རྗེས། ཉུལ་ལེ་བསྐྲད་ཅིང་བྱིན་འབེབས་ཛབ¿་དབྱངས་བཅས་བྱ་དགོས། དེ་ལྟ་བུའི་སྒྲུབ་པ་ཉིན་གསུམ་སོགས་བཏང་བའི་ཉིན་ཐ་མར། ཉིན་ཐུན་དང་པོ་རཀྟའི་མཆོད་བསྟོད་ཡིག་བརྒྱའི་རྗེས། རྒྱུན་གྱི་དངོས་གྲུབ་བླང་བ་ཟུར་འདེབས་ལྟར་གྱེར་ཞིང༌། འདུས་པ་རྣམས་ལ་བདུད་རྩི་དྲངས། དེ་མཚམས་ཉུལ་ལེ་བསྐྲད་པ་སོགས་རྒྱུན་ལྟར་བྱ། ཐུན་གཉིས་པར། སྨན་ཁྲོལ་སྒྲུབ། ཧཱུྃ༔ བདག་ཉིད་རྩ་བའི་སོགས་མཐར་ཆགས་སུ་བཏང༌། ཐུན་སྔགས་བརྗེ་སྐབས། ད་ལམ་བཟློག་སྒྲུབ་དང་སྦྲེལ་དགོས་གཤིས། ཞི་ཁྲོའི་སྤྱི་དྲིལ་དང༌། ཁྲོལ་སྒྲུབ་སོགས་འོག་མ་འབྲུ་བཅུ་གསུམ་པ་སྦྱར་བའི་ཐུན་གདངས་ཀྱི་སྐབས། ཐུན་བརྗེ་ཞིང༌། སྔགས་གསུམ་སྦྲེལ་དབུ་བཙུགས་པ་སོགས་མཐོང་རྒྱུན་ལྟར་དགོས་པ་ཁྱད་པར་ཙམ་ལས། སྨན་སྒྲུབ་གཞུང་གསལ་བཞིན་ཉིན་ཐུན་ཕྱི་མ་རྣམས་མཐར་དབྱུང༌། མཚན་ཐུན་སྔ་མ་བཞིན། བཟླས་པའི་རྗེས་སྟོང་ཚིག་མཐར་སྨན་སྒྲུབ་སྦྲེལ་ཞིང༌། བཟླས་པའི་འབྲུ་གསུམ་པའི་སྐབས། སྔག་གསུམ་སྦྲེལ་གྱི་ཐུན་བཟུང་ཞིང༌། སྨན་སྒྲུབ་ཐུན་སྔ་མ་རྣམས་ལྟར་ལ། ཐོར་ཐུན་རྗེས་ཚོགས་མཆོད་སྦྱར་བ་སོགས་སྔ་མ་བཞིན་དགོས་ཤིང༌། བྱིན་འབེབས་རྗེས་སྨན་གྱི་བྱིན་འབེབས་རེ་སྦྱར་བ་ཁྱད་པར་རོ། དེ་ལྟ་བུའི་ཁྲོལ་སྒྲུབ་ཉིན་གྲངས་བཅད་ཅིང༌། སང་བཏགས་བཙག་གི་དོ་ནུབ་སྨན་སྤོལ་ཆས་ཆང་གཙང་མ་བཤམས་ལ། བགེགས་བསྐྲད་ཅིང་བྱིན་རླབས་ཀྱི་དམིགས་པ་དང༌། ཁྱད་པར་ཕྱིར་ནང་ལས་བྱང་གི་བདུད་རྩི་བྱིན་རླབས་སྐབས་དམིགས་པས་ཁྱབ་པར་བྱ་དགོས། ཐེམས་པའི་ཉིན་དང་པོ་སྨན་གྱི་བྱིན་འབེབས་མཐའ་བར་སྔར་ཉིན་མོ་ལྟར་བཏང་རྗེས། སྨན་བཏགས་པ་བཙགས་ཀྱི་ཐོག་མར། སྨན་སྒྲུབ་གཞུང་གསལ་སྨན་མཆོད་སྔོན་སོང་སྨན་གྱི་དངོས་གྲུབ་བླང་བ་གྲུབ་ཀྱི་བར་བཏང༌། བར་འདིར་རྡོ་རྗེ་རྒྱལ་ཐེབས་ཀྱིས་གཏོང་ཐུན་སྔོན་སོང་དབྱངས་བོར་ལེན་བཅས་རྟགས་གདབས་ངེས་པར་བྱ་དགོས། གཞན་གཞུང་གསལ་བཞིན་ཕོ་བྲང་དཀྱིལ་འཁོར་དུ་བཞུགས་ཟིན་པའི་ནར་འདེད་ཀྱིས་བཏང་ལ། ཕྱག་ལེན་རྣམས་མཐོང་རྒྱུན་བཞིན་ཞིབ་ཚག་ལྡན་པ་གལ་ཆེ། ལོང་ཁྱབ་མེད་པ་སོགས་ཀྱིས་ཕྱི་སྒྲུབ་ཉིན་གྲངས་མང་པོ་མི་ལྕོགས་ན། འདི་ནུབ་ཀྱི་ཐུན་ལ་ཕྱི་སྒྲུབ་ཀྱི་དབུ་འཛུག་དགོས་པས། ཧཱུྃ༔ སྙིང་པོ་རང་བྱུང་སོགས་ཀྱི་དམ་ཚིག་གསལ་གདབ་ནས། འོད་ཞུའི་བར་བཏང་ལ། བདུད་རྩི་དགུག་པའི་ཛབ¿་ཐུན་གདངས་སྐབས། ཞི་ཁྲོའི་སྤྱི་དྲིལ་དང་སྦྲེལ་དགོས་པ་ནི་འདི་ཕྱིན་ཐམས་ཅད་ལ་མཚུངས་པར་སྦྱོར་དགོས་པ་ཁྱད་པར་བ་དང༌། གོང་འཕྲོས་སླར་ཡང་ཐུན་ལན་གཅིག་བསྐྱར་གྲུབ་ན་ལེགས་ཤིང༌། ནུས་མིན་སྐབས་དང་བསྟུན། གང་ལྟར་ཡང་བཀའ་སྲུང་ཕྱིན་སྔར་ལྟར་མཐར་དབྱུང༌། མཚན་ཐུན་གསུམ་པོའང་སྔ་མ་ལྟར་ལ་ཁྲོལ་སྒྲུབ་དོར་ལ་ཕྱི་སྒྲུབ་ལ་འཇུག་པ་སོགས་ཀྱི་ཁྱད་པར་ཞིབ་མོ་མཐོང་རྒྱུན་ལྟར་གནང་དགོས། དེ་ལྟ་བུའི་སྒྲུབ་ཞག་གིས་བདུད་རྩི་གནད་དབབ། བདུད་རྩི་བསྐྱིལ་བ། འབེབས་པ་སོ་སོར་ཐུན་དྲུག་རེ་འགྲོ་དགོས་ཀྱང༌། ལོང་ཁྱབ་ཀྱིས་མ་ལྕོགས་ན། ཕྱི་སྒྲུབ་ཉིན་གཉིས་པའི་ཉིན་མཚན་ཐུན་དྲུག་སོ་སོར་གཤམ་གསལ་ལེ་ཚན་རྣམས་རིམ་པར་སྦྱར་དགོས་ཀྱང༌། ད་ལམ་འཇུག་བདེའི་སླད་ཉིན་ཐུན་དང་པོའི་མཇུག་གནད་དབབ་འོད་ཞུ་བཅས་དང༌། ཐུན་གཉིས་པར་གནད་དབབ་བཟླས་པའི་རྗེས། བདུད་རྩི་བསྐྱིལ་བ་འོད་ཞུ་བཅས་བཏང༌། ད་ལམ་དགོས་སྒྲུབ་དགོས་སྟབས། དངོས་གྲུབ་ཀྱི་རྫས་རྣམས་འདིར་བཤམས་མི་དགོས། སྨན་གྱི་ཕོ་བྲང་བཞུགས་ཡུལ་སྟེགས་ཀྱི་ཁར་ཐོད་ཆང་ཁེབས་ལྡན་བཀོད་པས་འཐུས། ཐུན་གསུམ་པར་བསྐྱིལ་སྔགས་རྗེས། དབབ་པ་གསང་སྒོ་དབྱེ་ཞིང་བདུད་རྩི་དབབ་པའི་བཟླས་པ་སྟོང་ཚིག་བཅས་སྦྱར་རོ། འོད་ཞུ་མི་བྱེད་པར་སྔོན་ཚེ་ཁྲག་འཐུང་སོགས་བཟླས་པའི་མཐར་སྟོང་ཚིག །འོད་ཞུའི་རྗེས་སྲུང་མའི་གཏོར་ཆོག་སོགས་སྔར་ལྟར་བྱ། མཚན་ཐུན་གསུམ་ལ། འཇུ་འདུལ་ལམ་ཕྱི་སྒྲུབ་སྐབས་ལྟར་ལས་གནད་དབབ་ཕྱིན་མ་སྦྱར་ནའང་ཆོག་རྒྱུ་བགྱིད་པ་ལས་འོས་མེད་སྙམ་མོ། ཕྱིར་ནང་སྔ་བར་ཚོགས་ནས། ཕྲིན་ལས་བཟླས་པའི་རྗེས་སྨན་སྒྲུབ་ཉིན་སྔ་མའི་ཐུན་གསུམ་པའི་སྐབས་ལྟར་བཏང་བའི་བཟླས་པ་མཉྫུ་ཤྲཱི་ཅན་མཐར་སྟོང་ཚིག་འབུལ། འོད་ཞུ་མི་བྱེད། བསྙེན་རྒྱུན་པས་སྤྱི་དྲིལ་གཉིས། དངོས་གྲུབ་སྤྱིར་གསོལ་་་་་བའི་རང་བྱུང་བདུད་རྩིའི་ཕོ་བྲང་མཇུག་གི་སྔགས། མཆན། ཛབ¿་བཏགས་པ་བཟླ་དགོས། རྒྱུན་དུ་སྐབས་འདིར་སྒྲུབ་ཁོག་དངོས་གྲུབ་ལེན་ཆོག་གི་དབུར་འཇུག་པ་ཡིན་ཀྱང༌། ད་ལམ་སྒྲུབ་བཟློག་དང་སྦྲེལ་བའི་སྨན་གྱི་དངོས་གྲུབ་ལེན་པ་རྐྱང་པ་བྱ་དགོས་པས་སྨན་སྒྲུབ་ནང་གསལ་བགེགས་བསྐྲད་ནས། དོན་བཤགས་རྗེས། ཧཱུྃ་བྷྱོ༔ ཆོས་སྐུ་སྤྲོས་བྲལ་སོགས། པུཎྱེ་ཏིཥྛཱ་ཨོཾ་གྱིས་མངའ་གསོལ་བའི་བར་མཐར་ཆགས་སུ་བཏང༌། དེ་ནས་སྔགས་རྒྱུན་པ་རྣམས་ཀྱིས་དངོས་གྲུབ་གསོལ། སྔགས་བཞག་སྟེ། ཞི་ཁྲོ་སྤྱི་དྲིལ་རྐྱང་པས་ཐུན་བཟུང༌། རིན་ཆེན་རྒྱལ་ཐེབས་དཔོན་གཡོག་གིས་རྒྱས་པའི་སྦྱིན་སྲེག་བྱ། ཡར་འཚོགས། དམར་ཆེན་གཏོར་མའི་ལས་རིམ་ལྟར་ཁྲོ་བོའི་སྤྱི་དྲིལ་ལན་གཅིག་བརྗོད་པ་སོགས་བཟློག་དཀྱིལ་གསལ་འདེབས་ནས། མཆོད་པར་ཟུར་འདེབས་མ་སྦྱར་བའི་བསྟོད་པའི་མཐར་བཟླས་དམིགས་གསལ་བཏབ་ནས། ཞི་བ་དང་ཁྲོ་བོའི་སྤྱི་དྲིལ་དྲག་པོའི་ཤམ་བཅས་སྦྲེལ་ཐུན་གདངས་ཀྱིས་ཛབ¿་རྒྱུན་བཟུང༌། གཞུང་ཚོགས་པ་རྣམས་ནས་ཁྲོ་བོའི་སྤྱི་དྲིལ་ཤམ་ཅན་གྱི་བཟླས་པ་བརྒྱ་ཡན་གང་འགྲུབ། སྲུང་མའི་གཏོར་ཆོག་ནས། བཟློག་པ་གྲུབ་ཀྱི་བར་དང༌། རྒྱུན་གྱི་རྗེས་རིམ་ལྟར་ནར་འདེད་བཏང་ནས། བཀྲ་ཤིས་གྲུབ་རྗེས་ཉུལ་ལེ་བསྐྲད་ཅིང༌། རྒྱུན་གྱི་བྱིན་འབེབས་རྐྱང་པ་དང༌། ཞི་ཁྲོ་སྤྱི་དྲིལ་ཤམ་ཅན་གྱི་ཛབ¿་དབྱངས་བྱ། ཕྱིར་ཉིན། ཉིན་དང་པོ་གཉིས་པ་སྒྲུབ་པའི་སྐབས་ལྟར། གསུམ་པར་གོང་དུ་བརྗོད་པ་ལྟར་གྱིས་གྲུབ། འཕང་བའི་ཐུན་དང་པོ་སྔར་ལྟར་དང༌། ཐུན་གཉིས་པར་ཟློག་དཀྱིལ་གསལ་གདབ་ནས། བཟློག་པའི་མཐའ་བར་བཏང༌། དེ་མཚམས་སྲིན་མོ་ཟ་ལམ་གྱི་ཡོ་བྱད་རྣམས་དང༌། སྒོ་དྲུང་དུ་མནན་དོང་གྲབ་ཤོམས་དང༌། སེར་ཕྲེང་ཆས་སྟ་གོན་ཚར་བ་དང༌། ཟོར་སྒོ་དབྱེ་བ་ནས། དགྲ་བགེགས་བསྒྲལ་བའི་ཕྲིན་ལས་མཛོད། མཐར་སློབ་དཔོན་གྱིས་ཁྲོ་བོའི་སྤྱི་དྲིལ་ཤམ་བུ་ཅན་བཟླ་ཞིང་གཏོར་མ་རྣམས་ཕྱིར་དཔག །ཕྱི་རོལ་བླ་གཡེལ་ལྟ་བུའི་ཟོར་ཚུག་སྟེང་སླེབ་པ་དང༌། གཏོར་ཆེན་སྟེགས་ལ་བཀོད་དེ། སྲིན་མོ་ཟ་ལམ། བྷྱོཿ བཟློག་བྱེད་མ་གཅིག་སོགས་ཀྱིས་བཏང་བ་ནས། ཕུར་བསྒྱུར་མཐར་སྔར་བཞིན་དྲག་སྔགས་བཟླ་ཞིང་བྱོན་ལ། འཕང་བའི་སར་སླེབ་པ་དང༌། གདབ་ཁའི་དབུར་འབྱུང་བའི་བྱིན་རླབས་སྔོན་འགྲོས། གསེར་སྐྱེམས་བཟུུ་དཔང་དང༌། དམིགས་བྱ་བསྐྱེད་པ། འགུགས་གཞུག་ལན་གསུམ་བཅས་བཏང་རྗེས། ཧཱུྃ་བྷྱོཿ ང་ནི་དཔལ་ཆེན་སོགས་ནས་རྟ་བྲོ་གྲུབ་ཀྱི་བར་བཏང་མཐར། ནང་དུ་སླེབས་པ་དང༌། དཀྱིལ་འཁོར་མདུན་ལྕོགས་སྟེགས་རས་དཀར་བཀབ་པའི་ཁར། སྒྲུབ་ཁོག་ལྟར་དངོས་གྲུབ་ཀྱི་རྫས་རྣམས་བཤམ་དགོས། སླར་ཚེ་སྒྲུབ་བཟླས་པ། ཚེ་འགུགས་མཐའ་བར་ལན་གཅིག་བསྐྱར་བ་རྟེན་འབྲེལ་གྱི་གནད་དུ་བཤད། དེ་ནས་སྒྲུབ་ཁོག་ནང་གསལ་དངོས་གྲུབ་དབང་དུ་བྱེད་པའི་བཟླས་པ་སྦྱོར་དགོས་པས། སླར་རང་གི་ཐུགས་ཀ་ནས་འོད་ཟེར་དམར་པོ་སོགས་དམིགས་པ་གསལ་བཏབ་ནས། ཞི་ཁྲོ་སྤྱི་དྲིལ་ཤམ་བུར་ཀཱ་ཡ་ཝཱ་ཀཱ་སོགས་བཏགས་པ་ཐོག་མར་ཐུན་གདངས་བཅས། བསྙེན་རྒྱུན་པ་རྣམས་ཀྱིས་དངོས་གྲུབ་ལེན་སྔགས་རྒྱུན། འདི་ཉིན་དངོས་གྲུབ་ལེན་ཆོག་མ་གྲུབ་བར་ནམ་མཁར་བཞུགས་པའི་ལྷ་རྣམས་ལ་རྗེས་ཆོག་བཞིན་མཆོད་བསྟོད་ཕུལ་ཏེ་རྟེན་དང་དབྱེར་མེད་དུ་བཞུགས་པར་དམིགས། ལྷག་ཆད་ཁ་སྐོང་ནས་བཀྲ་ཤིས་བར་གྲུབ་པ་དང༌། སྔར་བཞིན་ཉུལ་ལེ་བསྐྲད་ཅིང་བྱིན་འབཻབས་ཛབ¿་དབྱངས་བཅས་བྱ། མཚན་ཐུན་གསུམ་སྔར་བཞིན་ལ་གཞུང་བསྙེན་གྲུབ་པ་དང༌། གོང་གསལ་གྱི་དམིགས་པ་སྦྱར་ནས་དངོས་གྲུབ་ལེན་སྔགས་ཉིད་ལ་ཐུན་བཟུང་ངོ༌། །ཕྱིར་ནང་ཅུང་སྔ་བར་འཚོགས་ནས། གཞུང་འདོན་ཉིན་དང་པོ་ཆ་ཚང་ཚེ་སྒྲུབ་སྟོང་ཚིག་མཐར་སྔ་ནུབ་བཞིན་དངོས་གྲུབ་དབང་དུ་བྱེད་པའི་དམིགས་པ་སྦྱར་བ་བརྒྱ་རྩ་སོགས་བཟླས་ལ། སྟོང་ཚིག་བཏང༌། རཀྟའི་མཆོདཔ། ཡིག་བརྒྱའི་མཐའ་བར་བཏང༌། དེ་མཚམས་བཀའ་སྲུང་གཏོར་ཆོག །ཚོགས་ཀྱི་དངོས་གྲུབ་བླང་བའི་མཐའ་བར་བཏང༌། ཚོགས་བསྒྲལ་སྐབས་ཉུལ་ལེའི་ལིང་ག་མེར་བསྲེག་པའི་ཐལ་བ་ཆོས་སྐྱོང་གི་གཏོར་མར་བསྟབ། སྐབས་འདིར་ཟུར་འཚོགས་རྣམས་ཀྱང་ཆོ་ག་བསྡུས་གྲུབ་པ་དགོས། དེ་ནས་གཞུང་ཟུར་མཉམ་དུ་འཚོགས། ཕྲིན་ལས་ལྟར་བཀའ་བསྒོ་བགེགས་བསྐྲད། རྡོ་རྗེ་མཚམས་པས་བསྒྲུབ་རྫས་དང༌། མཆེད་ལྕམ་རྣམས་ལ་ཐུན་བྲབ། སྲུང་འཁོར་སྒོམ་གྲུབ་པ་དང༌། ལས་རྡོར་དང༌། རྒྱལ་ཚབ་བམ། སློབ་དཔོན་གྱིས་གཡབ་དྲིལ་བཅས་དཀྱིལ་འཁོར་མདུན་དུ་འགྲེང་ལ། བྱིན་འབེབས་དུས་གསུམ་བདེ་གཤེགས་གྱེར་མཐར་སྒྲུབ་རྫས་དང་མཆེད་ལྕམ་རྣམས་ལ་བྱིན་དབབ། ཡེ་ཤེས་སྐུ་མཆོག་དང་ཡིག་བརྒྱ་ཅུང་ཟད་བཟླས་པས་ཉེས་བྱས་བཤགས། དངོས་གྲུབ་བསྐུལ་བ། གཏེར་གཞུང་ཟབ་ཁྲིད་ལྟར། ཧཱུྃཿ ནམ་མཁའི་སྐུ་མངའ་སོགས་བཞི་དྲིལ་གྱིས། བླ་མེད་འབྲས་བུའི་དངོས་གྲུབ་སྩལ་དུ་གསོལ། བར་མཆོད་རོལ། སྒྲུབ་ཁོག་གི ཧཱུྃཿ ལྷ་དང་རིག་འཛིན་སོགས་ཚིག་བཞི་མཚམས་དང་སྔགས་ལ་དྲིལ་བསིལ། མཐར་མཆོད་རོལ། དེ་ལྟར་རྩེ་གཅིག་སོགས་ཀྱིས་དམིགས་པ་གསལ་ལ། ཞི་ཁྲོའི་སྤྱི་དྲིལ་ཤམ་དུ་ཀཱ་ཡ་སོགས་སྟོང་ཕྲག་བཟླས། དངོས་གྲུབ་རང་ལ་བསྡུས་རྗེས་མཆོད་རོལ་འོག །རྒྱལ་ཐབས་གཙོ་བོ་ཞྭ་ཆོས་བཅས་ཕེབས་ཏེ་སྒྲུབ་རྫས་རྣམས་སློབ་དཔོན་ལ་འབུལ་ཞིང༌། ཧྲཱིཿ ཡེ་ཤེས་ལུས་ཅན་མཐར་མཆོད་རོལ། གཏེར་གཞུང་ཁྲིད་ཡིག་གི་དངོས་གྲུབ་བླང་བ་སྔ་མའི་འཕྲོས། ཨོཾ་ཨཱཿཧཱུྃ༔ དཔལ་ཆེན་ཞི་ཁྲོ་སོགས་ཤྭ་ལོ་ཀ་དང༌། ཞི་ཁྲོའི་སྤྱི་དྲིལ་མཐར། ཀཱ་ཡ་སིདྡྷི་སོགས་བཟླ་བཞིན་མཆོད་རོལ་རིང་པོའི་འོག །རྡོ་རྗེ་རྒྱལ་པོས་རྣམ་བུམ། རྒྱལ་ཐེབས་རྣམས་ཀྱིས་ཐོད་སྐུ། སྐུ་ཙཀ་སོགས་སྐུ་གསུང་ཐུགས་རྟེན་རྣམས་ཀྱི་དབང་མཆེད་ལྕམ་རྣམས་ལ་བསྐུར། ལས་རྡོར་རྣམས་ཀྱིས་དངོས་གྲུབ་བྱིན་རླབས་ཀྱི་བཟའ་བཅའ་གཡས་བསྐོར་དང༌། བདུད་རྩི་གཡོན་བསྐོར་གྱིས་དྲངས་ཤིང་ལོངས་སྤྱད། སློབ་དཔོན་རྣམས་རང་གྲལ་དུ་བཞུགས་གྲུབ་ནས་མཆོད་རོལ་བཞག །དམིགས་པ་བརྗོད་ཅིང་དགོངས་པའི་གདེངས་བསྐྱེད། རྩ་བའི་བླ་མའི་ཞབས་བརྟན་དང་བསྟན་པ་རྒྱས་པའི་སྨོན་ལམ་གདབས། སླར་ཡང་སྐབས་འདིར་རྒྱས་པའི་སྦྱིན་བསྲེག་བསྐྱར། དབང་དགོས་མིན་སྐབས་དང་བསྟུན། ཚོགས་ལ་རོལ། ལྷག་གིང་བཅས་ལྷག་མ་བཙོན་འཛིན་ཐམས་ཅད་ཀྱང་འབུལ། སྒྲུབ་ཁང་གི་ཐལ་བ་རྣམས་ཕྱིར་བསྐྱེལ་བ་ཕྱག་བཞེས། ཕྲིན་ལས་ཀྱི་བསྐུལ་བ། བཀའ་སྲུང་གི་གཉེར་གཏད་བརྗོད་ཅིང་གཏོར་མ་འབུལ་བ་སོགས། གཏང་རག་གི་མཆོད་བསྟོད་སྐབས་ཕྲིན་ལས་ནར་མ་བཞིན་མཆོད་བརླབ་དང༌། ཟུར་གསལ་མཆོད་ཕྲེང་གིས་མཆོད། གཞུང་གི་བསྟོད་པ་ཚང་བས་བསྟོད་ཅིང༌། མཆོད་རོལ། དྲིལ་བསིལ། ཕྲིན་ལས་ཀྱི་བསྡུ་ལྡང་རྗེས། སྒྲུབ་ཁོག་གི་ངར་འཛིན་རྣམ་དག་སོགས་དོར་ལ། མི་འགྱུར་མི་ཤིགས་སོགས་གོ་བསྒོས་རྒྱས་གདབ། འདུས་སྤྱི་ཞྭ་ཆོས་སོགས་སེར་ཕྲེང་གིས་ཕྱིར་ཕེབས་ནས། རྒྱལ་ཐོ་རྣམས་བསྡུ། ཕུར་པ་བསྡུ་བའི་ཕྱིར་སློབ་དཔོན་ནམ་རྒྱལ་ཚབ་ཞྭ་ཆོས་བཅས་དཀྱིལ་འཁོར་ནུབ་ཏུ་འཁོད། གཞན་རྣམས་རང་གྲལ་དུ་བཞུགས། ཕྱག་གཉིས་སྐམ་པའི་རྒྱས་ཕུར་པ་ལྡོག་ཕྱོགས་ནས་བཏོན་ལ། ཕུར་རྩེ་འོ་མ་དང་དྲི་ཆུའི་ནང་དུ་བཅུག་སྟེ། བཀྲུས་པའི་ཐིག་པ་ཕུར་ཤུལ་དུ་བླུགས་པས། བགེགས་ཀྱི་གཙོ་བོ་རྣམས་རྨས་པ་སོས་ཏེ་བརྒྱལ་སངས་ནས་དགའ་བའི་མདངས་ཕྱུངས་ཤིང་རང་གནས་སུ་སོང་བར་བསམ། རས་བྲིས་བསྡུས་ནས་རང་གྲལ་དུ་བཞུགས། རྡོ་རྗེ་རྒྱལ་པོ་མ་གཏོགས་པས། མཆེད་རྒན་གྲལ་རྣམས་ལ་གཞོན་གྲལ་པ་རྣམས་བཞེངས་ནས་ཕྱག་གསུམ་བཅས་པུས་བཙུག་ཐལ་སྦྱར་གྱིས་མེ་ཏོག་བཟུང་སྟེ་ནོངས་བཤགས་ཚར་གཅིག་བརྗོད། ཡང་རྒན་གྲལ་རྣམས་ཀྱིས་གཞོན་གྲལ་ལ་སྔར་བཞིན་ནོངས་བཤགས་ཚར་གཅིག་བྱ། མཆེད་ཐམས་ཅད་བཞེངས་ནས་སློབ་དཔོན་ལ་ཕྱག་གསུམ་བྱས་ཏེ་ལུས་ལོངས་སྤྱོད་འབུལ་བའི་མཚོན་བྱེད་ལས་རྡོར་གྱིས་ཕྲེང་བ་རྣམས་བསྡུས་ལ། སློབ་དཔོན་མདུན་ལྕོགས་སྟེགས་སུ་བཀོད་ཅིང་ཐམས་ཅད་ཀྱིས་ཐལ་སྦྱར་ཏེ་མེ་ཏོག་དང་བཅས་པས་པུས་བཙུག་གིས། ཧོཿ རྡོ་རྗེ་སློབ་དཔོན་སོགས་བརྗོད་ཅིང་ཞབས་སྤྱི་བོར་བླངས་པའི་དོད་ཐམས་ཅད་ཀྱིས་སླར་ཕྱག་གསུམ་ནས་རང་གྲལ་དུ་འཁོད། ལས་རྡོར་གྱིས་ཕྲེང་བ་རྣམས་སླར་སོ་སོར་ཕྱིར་འབུལ་བྱ། སྨོན་ལམ་ནི། ཀྱེ་ཧོཿ མི་གནས་ཡེ་ཤེས་སོགས་དང༌། ཧོཿ ཕྱོགས་དུས་རྩ་བརྒྱུད་སོགས། དྲི་མེད་ཀུན་དགའི་ཟབ་གཏེར་ལས་བྱོན་པ་དང༌། གཞན་ཡང་སྨོན་ལམ་ཇི་ལྟར་རིག་པའི་མཐར། རྒྱལ་ཐེབས་གཙོ་བོས་ཞྭ་ཆོས་བཅས་གཞུང་གྲལ་གཤམ་ནས་གཏོང་ཐུན་སྔོན་འགྲོས་དབྱངས་བོར་ལེན་གྱིས་མར་མེའི་སྨོན་ལམ་སྐབས་མཆེད་རྣམས་དར་ཐག་གིས་སྦྲེལ། མར་མེ་ཐོགས། མཐར་མཆོད་རོལ་བྱ། བཟང་སྤྱོད་སྨོན་ལམ། ཕྱོགས་བཅུ་དུས་བཞི་སོགས་དང༌། གཞུང་གི་བསྔོ་བ། དགེ་བ་འདི་ཡིས་སོགས་རྒྱུན་ཁྱེར་མཇུག་ལྟར་དང༌། ཞྭ་བཅས། དཀོན་མཆོག་གསུམ་གྱི་བཀྲ་ཤིས་ནི། ཕུན་སུམ་ཚོགས་པ་སོགས་སྤྱིའི་མཐར་མཆོད་རོལ། སླར་བླ་མ་ཡི་དམ་སངས་རྒྱས་བྱང་སེམས་མཁའ་འགྲོ་ཆོས་སྐྱོང་སོགས་ཀྱི་བཀྲ་ཤིས་རྒྱས་པར་བརྗོད་ཅིང༌། ཡི་དམ་ལ་རྒྱུན་ཁྱེར་མཇུག་གི །བདེ་གཤེགས་ཞི་བ་སོགས་བཀའ་འདུས་བཀྲ་ཤིས་ངེས་པར་སྦྱང་བས། བཀྲ་ཤིས་གྲལ་བསྐོར་སོགས་མཐའ་རྒྱས་སུ་བྱས་པས་ལེགས་པར་གྲུབ་བོ། ༈ །ལར་ཉིན་དགུ་མའི་སྐབས། ཉིན་དང་པོར་ས་ཆོག །སྟ་གོན། དངོས་གཞིའི་སྒྲུབ་པར་འཇུག་ཅིང༌། ཁྲོ་བོའི་སྤྱི་དྲིལ་བཟླས་རྗེས། ཞི་ཁྲོའི་སྤྱི་དྲིལ་སྦྲེལ་མའི་ཐུན་བཟུང༌། ཉིན་གཉིས་པར་སྒྲུབ་པ། ཉིན་གསུམ་པའི་ཐུན་དང་པོའི་བཟླས་པའི་རྗེས་རྒྱུན་གྱི་དངོས་གྲུབ་བླངས། སྔ་དྲོར་རྡོ་རྗེ་རྒྱལ་ཐེབས་སོགས་ཀྱིས་ཞི་བའི་སྦྱིན་སྲེག་བླུག་ཅིང༌། ཕྱི་སྒྲུབ་དྲོད་འབེབས་ཀྱི་མར་མེ་སྦར། སྨན་ཁྲོལ་སྒྲུབ་ཐུན་གཉིས། བསྙེན་རྒྱུན་ལ་ཞི་ཁྲོའི་སྤྱི་དྲིལ་གཉིས་དང༌། ཁྲོལ་སྒྲུབ་སྔགས་གསུམ་སྦྲེལ་བའི་ཐུན་བཟུང༌། ཉིན་བཞི་པའི་ཐུན་དང་པོའི་མཐར་ཁྲོལ་སྒྲུབ་གྲུབ། འདི་སྐབས་བསྙེན་རྒྱུན་པས་ཞི་ཁྲོའི་སྤྱི་དྲིལ་ཁོ་ན་ཐུན་བཟུང༌། དེ་ནས་སྨན་བཏག་བཙག་སྤོལ་སོགས་བྱས་ལ། ཕྱི་སྒྲུབ་ཚུགས་ཤིང་བསྙེན་རྒྱུན་པས་ཞི་ཁྲོའི་སྤྱི་དྲིལ་གཉིས་དང༌། ཕྱི་སྒྲུབ་འགུགས་སྔགས་གསུམ་སྦྲེལ་གྱི་ཐུན་བཟུང༌། ཉིན་ལྔ་པར་ཕྱི་སྒྲུབ་ཀྱི་འགུགས། དབབ། བསྐྱིལ་དབབ་རྣམས་སྦྱར། པདྨ་རྒྱལ་ཐེབས་སོགས་ཀྱིས་དབང་གི་མེ་མཆོད་བླུག །ཉིན་དྲུག་པའི་ཐུན་དང་པོའི་རྗེས། བསྙེན་རྒྱུན་པས་ཞི་ཁྲོ་སྤྱི་དྲིལ་དང༌། དངོས་གྲུབ་གསོལ་སྔགས་སྦྲེལ་བ་ཐུན་གཉིས། སྨན་གྱི་དངོས་གྲུབ་བླངས་ཤིང་སྨན་དབང་བསྐུར། བསྙེན་རྒྱུན་པས་ཞི་ཁྲོའི་སྤྱི་དྲིལ་གཉིས་ཁོ་ན་སྔགས་རྒྱུན་བཟུང་ཞིང༌། རིན་ཆེན་རྒྱལ་ཐེབས་སོགས་ཀྱིས་རྒྱས་པའི་མེ་མཆོད་བླུག །གཏོར་བཟློག་བྱ་ཞིང༌། བསྙེན་རྒྱུན་པས་ཞི་ཁྲོའི་སྤྱི་དྲིལ་དང༌། དྲག་པོའི་ཤམ་བུ་སྦྱར་བ་ཐུན་བཟུང༌། ཉིན་བདུན་པར་གཏོར་བཟློག །ཉིན་བརྒྱད་པར་བཟློག་པའི་ཟོར་འཕེན། དྲག་པོའི་ཕྲིན་ལས་ཀྱི་ངར་འདོགས་སུ་ཀརྨ་རྒྱལ་ཐེབས་སོགས་ཀྱིས་དྲག་པོའི་མེ་མཆོད་བྱ། ཚེ་སྒྲུབ་རྗེས་བསྙེན་རྒྱུན་བས་ཞི་ཁྲོའི་སྤྱི་དྲིལ་དང༌། དངོས་གྲུབ་སྔགས་སྦྲེལ་བའི་ཐུན་བཟུང༌། ཉིན་དགུ་པར་དངོས་གྲུབ་ལེན་ཅིང༌། མཐའ་རྒྱས་སུ་རིན་ཆེན་རྒྱལ་ཐེབས་སོགས་ཀྱི་རྒྱས་པའི་མེ་མཆོད་བླུགས། རྗེས་ཆོག །ཐོ་གྲོལ། མར་མེའི་སྨོན་ལམ་སོགས་མཐའ་རྒྱས་སུ་བྱ། ཉིན་རེ་བཞིན་རྒྱལ་ཐོ་གསོ་རྒྱུ་དང༌། རྡོ་རྗེ་མཚམས་པས་ཡང་སྟེང་ནས་བསང་དང༌། གསེར་སྐྱེམས་ཀྱིས་དངོས་གྲུབ་བསྐུལ་བ། བཀའ་བསྒོ་དང་རྟ་བྲོའི་སྐབས་རྡོ་རྗེ་འཚམས་པས་ཐུན་བྲབ་རྒྱུ་སོགས་བྱའོ། །ཞེས་པའང་དོན་གཉེར་ཅན་གྱི་འདོད་ངོ་མ་ཆོག་པར་སྔགས་བཙུན་མཁའ་ཁྱབ་རྡོ་རྗེར་འབོད་པས་བགྱིས་པ་དགེ། །།

[edit]

@#/__/bka' 'dus sman sgrub gtor zlog bcas kyi zin tho bzhugs//na mo gu ru shrI badz+ra kro d+hA ye/__gter chen o rgyan gling pa'i gter byon kun gzigs mkhyen brtse'i yang gter du byon pa'i bka' 'dus sman sgrub/__gtor bzlog dang bcas pa dkyus gcig tu nyin dgur bstar ba'i lag len/__'don 'brigs zin thor bkod pa la/__rtsa gsum zhi khro'i sgrub pa spyi'i khog phub khyer bder bkod pa gcig shes kun grol gzhir bzhag la/__sna sel rnams sngon tu btang nas/__nyin dang po'i tho rang snga bar rdo rje 'tshams pas phur pa'i bdag bskyed sngon 'gros/__sngon du ma song na shog ling rnams la ling khrus tshad ldan/__tshogs bsgral skabs 'gugs bstim gnad ldan dang*/__dam sri'i mnan ling la mnan chas rgyal tho'i ser phreng ma phebs gong grub par bya/__drag po'i sbyin sreg bya/__skor chog pa rnams nas khrus chog zla ba'i bdud rtsi ltar khrus bum bsgrub/__gzhung tshogs rnams kyis/__tshig bdun/__sku gsum gsol 'debs/__brgyud 'debs bsdus pa'i rjes rgyun khyer skyabs sems tshogs bsags mthar/__hU~M:__de bzhin nyid dbyings sogs kyi bdag bskyed/__bzlas pa/__bsdu ldang grub rjes zur 'debs rin chen phra tshom ltar bsang chu bsgrub/__sgrub khog ltar sa chog gi mchod brlab nas/__gshegs gsol mthar/__mchod rol ring ba'i 'og gtor ma 'bul zhing*/__mchod pa dang maN+Dal bsdu/__slob dpon zhwa chos bcas gzhi der phebs shing dbang mchog phur pas sa dbang du bya ba nas/__ting nge 'dzin gyi bzlas pa'i rjes dbang mchog phur pa bsdu/__bka' bsgo'i mjug mchod rol ring ba'i 'og__/slob dpon gyis dkyil 'khor gyi gzhir dbang ldan nas brtsams/__lan gsum bskor zhing yungs thun brab cing rdo rjegasor/__las phur byang shar du gdab/__ser phreng gis shar nas brtsam rgyal tho btsug__/dam sri mnan pa'i gcig ni brjod med sogs brjod skabs slob dpon gyis rdo rje rgya gram tshig re dang bstun rgya gram bcu bya/__las byang gi bro brdung gyer skabs/__drag po'i bro ra rtse mo lhor bstan/__mthe'u chung sbrel/__gshin rje'i sku'i rgyab kyi 'dod gsol/__gsang chen lhun grub sogs dang*/__'khyil ba'i sku'i rgyab kyi 'dod gsol/__khro bo bdud rtsi 'khyil pa sogs bri/__brub khung du dam sri'i mnan ling bzhin bris pa'i ling ga bcug__/nang du phebs shing*/__slob dpon dkyil 'khor gyi nub nas shar du phyogs par sngags chas bcas stong thun bshad/__ma traM bsgral/__slob dpon gyis rdo rje 'gros kyi dkyil 'khor gyi gzhi der/__hU~M gsum la bskor ba gcig__/ha gsum la bskor ba gcig__/phaT gsum la bskor ba gcig ste bskor ba gsum bskor nas/__dbus nas shar du zhal phyogs pas/__steng nas phyogs bzhir g.yas bskor/__shar lho nas 'og bar g.yon bskor gyis khro bcu'i phur pa gdab don gyi srung 'khor phrin las ltar/__hU~M:__ye shes rang rtsal 'bar ba'i sogs nas/__hU~M phaTaH__bar ro/__slob dpon dkyil 'khor gyi shar nas nub tu phyogs pas bzhengs te byang shar nas brtsam g.yas bskor gyis 'thor g.yab kyis bdud rtsi 'thor/__las rdor gyis g.yon bskor du khye ma med pa'am/__bar mtshams med pa legs par byug__/lha sta gon tshom bu bkod grub rjes/__de mthar phyi mchod bskor bsham/__de mdun nang mchod sman gtor rak+ta phreng tshar du bsham/__phrin las ltar mchod rlabs rjes/__oM ma hA shu n+ya ta sogs kyis dam tshig pa bskyed/__mchod pa rang gzhung gis 'thus/__spos dril bcas gsol ba gdab/__bum par zhi khro'i spyi dril brjod pas rdzas blug__/mchod bstod/__zur 'debs kyi rjes chog skabs kyi mchod bstod sbyar/__bzlas pa zhi khro'i spyi dril bzla/__las bum zur 'debs kyi bsang chu ltar bsgrub/__dngos sta nyin gcig la sbrel skabs bdag gi rnal 'byor gong du song bas 'thus pas 'dir mi dgos/__khrus chog zla ba'i bdud rtsi ltar zhi drag phyed ma'i sbyong ba/__bden stobs skabs/__deng 'dir gsang ba zab mo'i cho gas dngos grub bsgrub pa la bar du zhes bsgyur zhing rten khrus gos zung 'bul zhing bkra shis kyi mnga' dbul ba'i bar bya/__rgyan bkod skabs slob dpon gyis spos sna/__yum gyis dar lam gyis sna drangs pa'i sman gyi pho brang*/__rgyal tshab rgyal thebs sogs kyis bum pa/__sku gsung thugs rten/__sman rag gtor gsum/__sgab bskor chas/__khro bcu'i phur pa/__ma traM rnams thogs nas/__zhi khro'i spyi dril dzab[¿] dbyangs lan gsum dang sbrag dkyil 'khor bskor ba lan gsum rjes/__sman sgrub ltar/__gdod nas rnam dag gis lding khri 'og mar sman gyi pho brang bzhugs pa'i shar lho nas brtsams chang chu 'o ma rin chen rnams mtshams bzhi dang*/__sman gyi pho brang thog many+dza'i steng sman sgrub phab gta' chu gtsang gis brlan pa bzhugs/__zur gang bder chang phab zhib mor btul ba/__dam rtsi/__kha dog bsgyur byed/__rtsi rnams tshang bar bzhag__/sman gyi pho brang steng gzung thag bzhag pa'i rdo rje dang*/__steng gi tshangs pa'i dmu thag sbrel/__sgrub khog gi rgyan bkod rnams gyer zhing*/__lding khri bar par/__dbus su rnam bum dung chos gzungs rdor dang bcas pa/__dbus dang phyogs mtshams rnams su sku tsaka rnams ma 'chol bar bkod/__dbang dang 'brel tshe dbang rdzas rnams kyang bkod/__lding khri gong mar/__sku rten thod sku spyi dpal chen po phyag rgya rgyas pa ltar bris pa/__gsung rten bka' 'dus glegs bam/__sngags byang gi tsakli/__thugs rten phyag mtshan tsakli dang shel rdo/__rgyab ngos sman gtor rak+ta/__de mthar nyer spyod bskor bshams bcas dang*/__sgab skor stod smad/__thugs yol sngon po/__gsung yol dmar po/__sku yol dkar po rnams nang nas phyir dkris/__ru dar/__ral gri sogs dang*/__khro bcu'i phur pa dang ma traM bcas snga ma bzhin so sor ma 'chol bar bkod/__ma traM gyi khog pa ras bris 'og tu bzhag__/dkyil 'khor gyi mdun du mchod gtor/__rgyab tu bskang gtor gzhung mthun/__lhor 'dod yon lnga/__byang du srung ma'i gtor ma dang chad brtan/__mdun du zhi drag gi nyer spyod mjug sprod/__sman gtor rak+ta/__mtha' bskor phyi nang tshogs mchod bcas brgya rtsas bskor zhing*/__bla med mchog gi mthar tshogs grol/__mchod pa sogs zhib par bshams nas/__yar 'tshogs gzhung zur tshogs pa thams cad dang*/__sgrub chen gyi las byed ma lus pa 'tshogs dgos/__rdo rje rgyal thebs zhwa chos bcas gral gsham nas/__stong thun bshad de/__mnga' gsol rjes zlos/__las rdor gyis thod pa'i bdud rtsi rim bzhin rdo rje rgyal po/__rgyal tshab dang rgyal thebs bzhi/__yum las rdor/__ging*/__'tshams pa/__spyan pa/__dus mtshams pa ni dge bskos bya rog kyang zer/__phyag tshang ni phyag gnyer/__byan po ni ma chen sogs la drangs shing mthar mchod rol ring ba bya/__yang rgyal thebs kyis gtong thun bshad de rtags gdab bya skabs/__mgrin par zhag gi zo ris zla phyed/__mkhur tshos la rak+ta'i thig le sum sgrom/__dpral bar thal chen tshom bu rtse gsum ris/__mthar mchod rol ring ba'i 'og 'dus pa spyi la rtags gdab grub par bya/__slob dpon chos gos dang zhwa 'phrag 'gel gyis dkyil 'khor mdun du bzhengs la brda sgo dbye skabs/__dbye sngags lan bzhi la dkyil 'khor la bskor zhing*/__phyogs bzhir lag gnyis khu tshur dpung mgor bsnol ba dbye ba'i phyag rgya re bya/__slar slob dpon dkyil 'khor mdun du bzhengs te thal sbyar gyis brda' phyag__/a ti pu hoHlan bzhir g.yas bskor gyis thal sbyar re dang*/__pra tits+tsha hoH'i skabs 'greng zhing 'dud rgya bcas/__lha rnams kyi phyag len gnang bar mos/__mched gsar logs su phyes/__rnying pa rnams nas bdud rtsi byin rlabs/__bsdu na/__yi ge gsum gyis bsang sbyang*/__dgu pa'i dzab[¿] dbyangs lan gsum gyis brlab/__mchod pa'i zur 'debs bzhin brgyud mchod khA hi bcas bya/__dngos grub blang ba mi dgos/__bsdu na bka' bsgo bzhag__/khro bo'i spyi dril/__hU~M bzhi/__drag 'beb/__rkang rag__/oM badz+ra rak+Sha haM gsum gyis srung 'khor bsgom/__rgyal tshab bam/__rdo rje rgyal thebs kyis bdud rtsi 'grim/__chu 'dis 'grub/__mthar/__'og gi zhes myong ba sogs/__gyur par bsam la rdo rje'i g.yar dam bzung ba 'di'i rjes zlos/__i dan+te sogs/__slob dpon la bdud rtsi drangs mi dgos/__gzhan gsar rnying thams cad la g.yon bskor gyis drangs/__mthar dam tshig gtong thun rgyal tshab bam/__rdo rje rgyal thebs kyis bshad/__brgya brdung rol 'og__/las rdor gyis spos dang g.yab dar sna lnga/__slob dpon gyis g.yab dril/__yum gyis rdor dril phreng ba/__rgyal tshab g.yab dar sna lnga dang*/__rgyal thebs bzhi'i g.yab dril bcas dkyil 'khor bskor zhing*/__zhwa chos bcas dkyil 'khor mdun du phreng tshar gyis dkyil 'khor la phyogs par bzhengs/__'dus pa thams cad zhwa bcas rang gral nas bzhengs te/__lha skos su gdabs/__sngags zhi khro'i spyi dril/__mthar 'bebs sum brdung gis byin 'bebs/__dus gsum bde gshegs/__mthar 'bebs sum brdung gis sman sgrub ltar kun bzang rdor sems sogs kyi mthar/__brgyud gsum rol mo la dkyil 'khor lan gsum bskor zhing*/__phyogs bzhi so sor g.yab dar lan re bya/__'di nub sgrub pa'i thun gyi dbu mi 'dzug na/__sgrub khog tu gsal ba bzhin dang*/__thun gyi dbu 'dzug te nyin dang po'i go chod byed skabs/__bsdu na phrin las nar ma'i skyabs sems tshogs bsags lan gsum rjes/__mchod rlabs nas/__byin 'bebs dang spyan 'dren skabs/__las rdor gyis zhwa bcas spos dang g.yab dar gyis dkyil 'khor la lan re bskor ba mthong rgyud bzhin bya zhing*/__mchod phreng zur 'debs ma sbyar ba'i mchod pa gzhung bzhin bstod pa'i mtha' bar btang*/__zur 'debs rin chen phra tshom ltar dzab[¿] khang phye ba nas/__khro bo'i spyi dril bzlas pa grub pa dang*/__zhi khro'i spyi dril sbrel ma gdangs bcas lan bdun gyer skabs/__thun dpon gyis me tog phul zhing pad bskor bcas rgyal tshab bam/__rdo rje rgyal thebs la thun thag zhu/__'di nas bzung dzab[¿] rgyun ma chad pa dang*/__thun thag stong par ma bor ba dgos/__'di mtshams dzab[¿] mchod/__rak+ta'i mchod bstod/__yig brgya'i rjes/__bka' srungs bskang bshags/__tshogs skong*/__lhag ma'i skabs/__lhag ma btson 'dzin dkyil 'khor gyi lho nub tu bya zhing*/__bskul chad brtan bkra shis mtha' bar zur 'debs bzhin btang*/__grub na nyu le bskrad pa/__byin 'bebs dzab[¿] dbyangs bcas tshogs gzhung nas bya ba'am/__mi lcogs na rdo rje 'tshams pas bya/__rta bro'i skabs rdo rje mtshams pas bgegs bskrad/__mtshan thun gsum 'og nas 'byung ba ltar bya/__!__/nyin gnyis par/__tshig bdun/__sku gsum gsol 'debs/__brgyud 'debs 'bring po'i mthar brgya brdung*/__bdag bskyed gsal zhing bsang chu bsgrub pa nas zur 'debs bzhin mthar chags su btang*/__bka' bsgo'i skabs rdo rje 'tshams pas thun brab pa kun la 'gres su shes dgos/__dzab[¿] so so'i skabs dzaba? mchod rgyas pa'i lugs bzhin tu sbyar la/__khro bo spyi dril gyi stong tshigs rjes/__bum bzlas sgrub khog gi bum pa sta gon skabs su 'byung ba nyid kyis gtso bum dang las kyi bum pa gnyis sgrub/__de mtshams tshe sgrub mthar/__yig brgya lan gsum gyis sngags kyi nus pa brtan pa'i bar zur 'debs bzhin btang bas nyin thun dang po 'grub/__rdo rje 'tshams pa'am rgyal thebs res mos kyis/__nyu le bskrad cing byin 'bebs/__dzab[¿] dbyangs bcas bya/__slar phrin las nar ma'i mchod pa byin rlabs nas brtsam/__mchod phreng zur 'debs mi sbyar ba tsam las bzlas pa la thug gi bar sngar bzhin btang*/__'grub na zhi ba dang*/__dpal nyer gcig__/khro bo'i spyi dril bcas bzla ba dang*/__stong tshig 'bring po'i lugs ltar dgos shing*/__mi nus na zhi khro'i spyi dril so sor ci nus re bsnyen/__bum pa dang tshe sgrub dor ba'i dzab[¿] mchod/__rak+ta'i mchod bstod/__yig brgya bcas dang*/__gong ltar nyu le bskrad pa sogs kyis nyin thun gnyis pa grub/__slar phrin las nar ma'i mchod pa byin brlab nas/__yig brgya'i mtha' bar thun gnyis pa bzhin bskyar rjes/__bka' srung gtor chog nas bzung bkra shis kyi bar zur 'debs bzhin nar 'ded kyis btang mthar/__tshogs gzhung nas sgrub khog ltar nyul le bskrad cing*/__thams cad bzhengs la zhwa bcas byin 'bebs dzab[¿] dbyangs bcas grub nas tshogs grol/__mtshan thun 'don lugs/__thun so so'i dbur/__phrin las nar ma'i skyabs sems tshogs bsags rjes srung 'khor/__mchod pa byin rlabs nas yig brgya'i mtha' bar nyin thun gsum pa bzhin dang*/__de nas nyul le bskrad cing*/__byin 'bebs dzab[¿] dbyangs bcas so sor bya zhing*/__thor thun mthar yig brgya'i rjes/__zur skong mi sbyar ba'i tshogs rkyang pa lhag ma'i mtha' bar btang*/__rjes chog mchod bstod/__nongs bshags/__brtan bzhugs rnams zur 'debs ltar dang*/__bsdu ldang bsngo ba bkra shis bcas rgyun khyer mjug gi mdor bsdus btang rjes/__nyul le bskrad cing byin 'bebs dzab[¿] dbyangs bcas bya dgos/__de lta bu'i sgrub pa nyin gsum sogs btang ba'i nyin tha mar/__nyin thun dang po rak+ta'i mchod bstod yig brgya'i rjes/__rgyun gyi dngos grub blang ba zur 'debs ltar gyer zhing*/__'dus pa rnams la bdud rtsi drangs/__de mtshams nyul le bskrad pa sogs rgyun ltar bya/__thun gnyis par/__sman khrol sgrub/__hU~M:__bdag nyid rtsa ba'i sogs mthar chags su btang*/__thun sngags brje skabs/__da lam bzlog sgrub dang sbrel dgos gshis/__zhi khro'i spyi dril dang*/__khrol sgrub sogs 'og ma 'bru bcu gsum pa sbyar ba'i thun gdangs kyi skabs/__thun brje zhing*/__sngags gsum sbrel dbu btsugs pa sogs mthong rgyun ltar dgos pa khyad par tsam las/__sman sgrub gzhung gsal bzhin nyin thun phyi ma rnams mthar dbyung*/__mtshan thun snga ma bzhin/__bzlas pa'i rjes stong tshig mthar sman sgrub sbrel zhing*/__bzlas pa'i 'bru gsum pa'i skabs/__sngag gsum sbrel gyi thun bzung zhing*/__sman sgrub thun snga ma rnams ltar la/__thor thun rjes tshogs mchod sbyar ba sogs snga ma bzhin dgos shing*/__byin 'bebs rjes sman gyi byin 'bebs re sbyar ba khyad par ro/__de lta bu'i khrol sgrub nyin grangs bcad cing*/__sang btags btsag gi do nub sman spol chas chang gtsang ma bshams la/__bgegs bskrad cing byin rlabs kyi dmigs pa dang*/__khyad par phyir nang las byang gi bdud rtsi byin rlabs skabs dmigs pas khyab par bya dgos/__thems pa'i nyin dang po sman gyi byin 'bebs mtha' bar sngar nyin mo ltar btang rjes/__sman btags pa btsags kyi thog mar/__sman sgrub gzhung gsal sman mchod sngon song sman gyi dngos grub blang ba grub kyi bar btang*/__bar 'dir rdo rje rgyal thebs kyis gtong thun sngon song dbyangs bor len bcas rtags gdabs nges par bya dgos/__gzhan gzhung gsal bzhin pho brang dkyil 'khor du bzhugs zin pa'i nar 'ded kyis btang la/__phyag len rnams mthong rgyun bzhin zhib tshag ldan pa gal che/__long khyab med pa sogs kyis phyi sgrub nyin grangs mang po mi lcogs na/__'di nub kyi thun la phyi sgrub kyi dbu 'dzug dgos pas/__hU~M:__snying po rang byung sogs kyi dam tshig gsal gdab nas/__'od zhu'i bar btang la/__bdud rtsi dgug pa'i dzab[¿] thun gdangs skabs/__zhi khro'i spyi dril dang sbrel dgos pa ni 'di phyin thams cad la mtshungs par sbyor dgos pa khyad par ba dang*/__gong 'phros slar yang thun lan gcig bskyar grub na legs shing*/__nus min skabs dang bstun/__gang ltar yang bka' srung phyin sngar ltar mthar dbyung*/__mtshan thun gsum po'ang snga ma ltar la khrol sgrub dor la phyi sgrub la 'jug pa sogs kyi khyad par zhib mo mthong rgyun ltar gnang dgos/__de lta bu'i sgrub zhag gis bdud rtsi gnad dbab/__bdud rtsi bskyil ba/__'bebs pa so sor thun drug re 'gro dgos kyang*/__long khyab kyis ma lcogs na/__phyi sgrub nyin gnyis pa'i nyin mtshan thun drug so sor gsham gsal le tshan rnams rim par sbyar dgos kyang*/__da lam 'jug bde'i slad nyin thun dang po'i mjug gnad dbab 'od zhu bcas dang*/__thun gnyis par gnad dbab bzlas pa'i rjes/__bdud rtsi bskyil ba 'od zhu bcas btang*/__da lam dgos sgrub dgos stabs/__dngos grub kyi rdzas rnams 'dir bshams mi dgos/__sman gyi pho brang bzhugs yul stegs kyi khar thod chang khebs ldan bkod pas 'thus/__thun gsum par bskyil sngags rjes/__dbab pa gsang sgo dbye zhing bdud rtsi dbab pa'i bzlas pa stong tshig bcas sbyar ro/__'od zhu mi byed par sngon tshe khrag 'thung sogs bzlas pa'i mthar stong tshig__/'od zhu'i rjes srung ma'i gtor chog sogs sngar ltar bya/__mtshan thun gsum la/__'ju 'dul lam phyi sgrub skabs ltar las gnad dbab phyin ma sbyar na'ang chog rgyu bgyid pa las 'os med snyam mo/__phyir nang snga bar tshogs nas/__phrin las bzlas pa'i rjes sman sgrub nyin snga ma'i thun gsum pa'i skabs ltar btang ba'i bzlas pa many+dzu shrI can mthar stong tshig 'bul/__'od zhu mi byed/__bsnyen rgyun pas spyi dril gnyis/__dngos grub spyir gsol ba'i rang byung bdud rtsi'i pho brang mjug gi sngags/__mchan/__dzab[¿] btags pa bzla dgos/__rgyun du skabs 'dir sgrub khog dngos grub len chog gi dbur 'jug pa yin kyang*/__da lam sgrub bzlog dang sbrel ba'i sman gyi dngos grub len pa rkyang pa bya dgos pas sman sgrub nang gsal bgegs bskrad nas/__don bshags rjes/__hU~M b+h+yo:__chos sku spros bral sogs/__puN+ye tiSh+ThA oM gyis mnga' gsol ba'i bar mthar chags su btang*/__de nas sngags rgyun pa rnams kyis dngos grub gsol/__sngags bzhag ste/__zhi khro spyi dril rkyang pas thun bzung*/__rin chen rgyal thebs dpon g.yog gis rgyas pa'i sbyin sreg bya/__yar 'tshogs/__dmar chen gtor ma'i las rim ltar khro bo'i spyi dril lan gcig brjod pa sogs bzlog dkyil gsal 'debs nas/__mchod par zur 'debs ma sbyar ba'i bstod pa'i mthar bzlas dmigs gsal btab nas/__zhi ba dang khro bo'i spyi dril drag po'i sham bcas sbrel thun gdangs kyis dzab[¿] rgyun bzung*/__gzhung tshogs pa rnams nas khro bo'i spyi dril sham can gyi bzlas pa brgya yan gang 'grub/__srung ma'i gtor chog nas/__bzlog pa grub kyi bar dang*/__rgyun gyi rjes rim ltar nar 'ded btang nas/__bkra shis grub rjes nyul le bskrad cing*/__rgyun gyi byin 'bebs rkyang pa dang*/__zhi khro spyi dril sham can gyi dzab[¿] dbyangs bya/__phyir nyin/__nyin dang po gnyis pa sgrub pa'i skabs ltar/__gsum par gong du brjod pa ltar gyis grub/__'phang ba'i thun dang po sngar ltar dang*/__thun gnyis par zlog dkyil gsal gdab nas/__bzlog pa'i mtha' bar btang*/__de mtshams srin mo za lam gyi yo byad rnams dang*/__sgo drung du mnan dong grab shoms dang*/__ser phreng chas sta gon tshar ba dang*/__zor sgo dbye ba nas/__dgra bgegs bsgral ba'i phrin las mdzod/__mthar slob dpon gyis khro bo'i spyi dril sham bu can bzla zhing gtor ma rnams phyir dpag__/phyi rol bla g.yel lta bu'i zor tshug steng sleb pa dang*/__gtor chen stegs la bkod de/__srin mo za lam/__b+h+yoH__bzlog byed ma gcig sogs kyis btang ba nas/__phur bsgyur mthar sngar bzhin drag sngags bzla zhing byon la/__'phang ba'i sar sleb pa dang*/__gdab kha'i dbur 'byung ba'i byin rlabs sngon 'gros/__gser skyems bzu+u dpang dang*/__dmigs bya bskyed pa/__'gugs gzhug lan gsum bcas btang rjes/__hU~M b+h+yoH__nga ni dpal chen sogs nas rta bro grub kyi bar btang mthar/__nang du slebs pa dang*/__dkyil 'khor mdun lcogs stegs ras dkar bkab pa'i khar/__sgrub khog ltar dngos grub kyi rdzas rnams bsham dgos/__slar tshe sgrub bzlas pa/__tshe 'gugs mtha' bar lan gcig bskyar ba rten 'brel gyi gnad du bshad/__de nas sgrub khog nang gsal dngos grub dbang du byed pa'i bzlas pa sbyor dgos pas/__slar rang gi thugs ka nas 'od zer dmar po sogs dmigs pa gsal btab nas/__zhi khro spyi dril sham bur kA ya wA kA sogs btags pa thog mar thun gdangs bcas/__bsnyen rgyun pa rnams kyis dngos grub len sngags rgyun/__'di nyin dngos grub len chog ma grub bar nam mkhar bzhugs pa'i lha rnams la rjes chog bzhin mchod bstod phul te rten dang dbyer med du bzhugs par dmigs/__lhag chad kha skong nas bkra shis bar grub pa dang*/__sngar bzhin nyul le bskrad cing byin 'baibs dzab[¿] dbyangs bcas bya/__mtshan thun gsum sngar bzhin la gzhung bsnyen grub pa dang*/__gong gsal gyi dmigs pa sbyar nas dngos grub len sngags nyid la thun bzung ngo*/__/phyir nang cung snga bar 'tshogs nas/__gzhung 'don nyin dang po cha tshang tshe sgrub stong tshig mthar snga nub bzhin dngos grub dbang du byed pa'i dmigs pa sbyar ba brgya rtsa sogs bzlas la/__stong tshig btang*/__rak+ta'i mchodapa/__yig brgya'i mtha' bar btang*/__de mtshams bka' srung gtor chog__/tshogs kyi dngos grub blang ba'i mtha' bar btang*/__tshogs bsgral skabs nyul le'i ling ga mer bsreg pa'i thal ba chos skyong gi gtor mar bstab/__skabs 'dir zur 'tshogs rnams kyang cho ga bsdus grub pa dgos/__de nas gzhung zur mnyam du 'tshogs/__phrin las ltar bka' bsgo bgegs bskrad/__rdo rje mtshams pas bsgrub rdzas dang*/__mched lcam rnams la thun brab/__srung 'khor sgom grub pa dang*/__las rdor dang*/__rgyal tshab bam/__slob dpon gyis g.yab dril bcas dkyil 'khor mdun du 'greng la/__byin 'bebs dus gsum bde gshegs gyer mthar sgrub rdzas dang mched lcam rnams la byin dbab/__ye shes sku mchog dang yig brgya cung zad bzlas pas nyes byas bshags/__dngos grub bskul ba/__gter gzhung zab khrid ltar/__hU~MH__nam mkha'i sku mnga' sogs bzhi dril gyis/__bla med 'bras bu'i dngos grub stsal du gsol/__bar mchod rol/__sgrub khog gi__hU~MH__lha dang rig 'dzin sogs tshig bzhi mtshams dang sngags la dril bsil/__mthar mchod rol/__de ltar rtse gcig sogs kyis dmigs pa gsal la/__zhi khro'i spyi dril sham du kA ya sogs stong phrag bzlas/__dngos grub rang la bsdus rjes mchod rol 'og__/rgyal thabs gtso bo zhwa chos bcas phebs te sgrub rdzas rnams slob dpon la 'bul zhing*/__hrIH__ye shes lus can mthar mchod rol/__gter gzhung khrid yig gi dngos grub blang ba snga ma'i 'phros/__oM AHhU~M:__dpal chen zhi khro sogs shwa lo ka dang*/__zhi khro'i spyi dril mthar/__kA ya sid+d+hi sogs bzla bzhin mchod rol ring po'i 'og__/rdo rje rgyal pos rnam bum/__rgyal thebs rnams kyis thod sku/__sku tsaka sogs sku gsung thugs rten rnams kyi dbang mched lcam rnams la bskur/__las rdor rnams kyis dngos grub byin rlabs kyi bza' bca' g.yas bskor dang*/__bdud rtsi g.yon bskor gyis drangs shing longs spyad/__slob dpon rnams rang gral du bzhugs grub nas mchod rol bzhag__/dmigs pa brjod cing dgongs pa'i gdengs bskyed/__rtsa ba'i bla ma'i zhabs brtan dang bstan pa rgyas pa'i smon lam gdabs/__slar yang skabs 'dir rgyas pa'i sbyin bsreg bskyar/__dbang dgos min skabs dang bstun/__tshogs la rol/__lhag ging bcas lhag ma btson 'dzin thams cad kyang 'bul/__sgrub khang gi thal ba rnams phyir bskyel ba phyag bzhes/__phrin las kyi bskul ba/__bka' srung gi gnyer gtad brjod cing gtor ma 'bul ba sogs/__gtang rag gi mchod bstod skabs phrin las nar ma bzhin mchod brlab dang*/__zur gsal mchod phreng gis mchod/__gzhung gi bstod pa tshang bas bstod cing*/__mchod rol/__dril bsil/__phrin las kyi bsdu ldang rjes/__sgrub khog gi ngar 'dzin rnam dag sogs dor la/__mi 'gyur mi shigs sogs go bsgos rgyas gdab/__'dus spyi zhwa chos sogs ser phreng gis phyir phebs nas/__rgyal tho rnams bsdu/__phur pa bsdu ba'i phyir slob dpon nam rgyal tshab zhwa chos bcas dkyil 'khor nub tu 'khod/__gzhan rnams rang gral du bzhugs/__phyag gnyis skam pa'i rgyas phur pa ldog phyogs nas bton la/__phur rtse 'o ma dang dri chu'i nang du bcug ste/__bkrus pa'i thig pa phur shul du blugs pas/__bgegs kyi gtso bo rnams rmas pa sos te brgyal sangs nas dga' ba'i mdangs phyungs shing rang gnas su song bar bsam/__ras bris bsdus nas rang gral du bzhugs/__rdo rje rgyal po ma gtogs pas/__mched rgan gral rnams la gzhon gral pa rnams bzhengs nas phyag gsum bcas pus btsug thal sbyar gyis me tog bzung ste nongs bshags tshar gcig brjod/__yang rgan gral rnams kyis gzhon gral la sngar bzhin nongs bshags tshar gcig bya/__mched thams cad bzhengs nas slob dpon la phyag gsum byas te lus longs spyod 'bul ba'i mtshon byed las rdor gyis phreng ba rnams bsdus la/__slob dpon mdun lcogs stegs su bkod cing thams cad kyis thal sbyar te me tog dang bcas pas pus btsug gis/__hoH__rdo rje slob dpon sogs brjod cing zhabs spyi bor blangs pa'i dod thams cad kyis slar phyag gsum nas rang gral du 'khod/__las rdor gyis phreng ba rnams slar so sor phyir 'bul bya/__smon lam ni/__kye hoH__mi gnas ye shes sogs dang*/__hoH__phyogs dus rtsa brgyud sogs/__dri med kun dga'i zab gter las byon pa dang*/__gzhan yang smon lam ji ltar rig pa'i mthar/__rgyal thebs gtso bos zhwa chos bcas gzhung gral gsham nas gtong thun sngon 'gros dbyangs bor len gyis mar me'i smon lam skabs mched rnams dar thag gis sbrel/__mar me thogs/__mthar mchod rol bya/__bzang spyod smon lam/__phyogs bcu dus bzhi sogs dang*/__gzhung gi bsngo ba/_dge ba 'di yis sogs rgyun khyer mjug ltar dang*/__zhwa bcas/__dkon mchog gsum gyi bkra shis ni/__phun sum tshogs pa sogs spyi'i mthar mchod rol/__slar bla ma yi dam sangs rgyas byang sems mkha' 'gro chos skyong sogs kyi bkra shis rgyas par brjod cing*/__yi dam la rgyun khyer mjug gi__/bde gshegs zhi ba sogs bka' 'dus bkra shis nges par sbyang bas/__bkra shis gral bskor sogs mtha' rgyas su byas pas legs par grub bo/__!__/lar nyin dgu ma'i skabs/__nyin dang por sa chog__/sta gon/__dngos gzhi'i sgrub par 'jug cing*/__khro bo'i spyi dril bzlas rjes/__zhi khro'i spyi dril sbrel ma'i thun bzung*/__nyin gnyis par sgrub pa/__nyin gsum pa'i thun dang po'i bzlas pa'i rjes rgyun gyi dngos grub blangs/__snga dror rdo rje rgyal thebs sogs kyis zhi ba'i sbyin sreg blug cing*/__phyi sgrub drod 'bebs kyi mar me sbar/__sman khrol sgrub thun gnyis/__bsnyen rgyun la zhi khro'i spyi dril gnyis dang*/__khrol sgrub sngags gsum sbrel ba'i thun bzung*/__nyin bzhi pa'i thun dang po'i mthar khrol sgrub grub/__'di skabs bsnyen rgyun pas zhi khro'i spyi dril kho na thun bzung*/__de nas sman btag btsag spol sogs byas la/__phyi sgrub tshugs shing bsnyen rgyun pas zhi khro'i spyi dril gnyis dang*/__phyi sgrub 'gugs sngags gsum sbrel gyi thun bzung*/__nyin lnga par phyi sgrub kyi 'gugs/__dbab/__bskyil dbab rnams sbyar/__pad+ma rgyal thebs sogs kyis dbang gi me mchod blug__/nyin drug pa'i thun dang po'i rjes/__bsnyen rgyun pas zhi khro spyi dril dang*/__dngos grub gsol sngags sbrel ba thun gnyis/__sman gyi dngos grub blangs shing sman dbang bskur/__bsnyen rgyun pas zhi khro'i spyi dril gnyis kho na sngags rgyun bzung zhing*/__rin chen rgyal thebs sogs kyis rgyas pa'i me mchod blug__/gtor bzlog bya zhing*/__bsnyen rgyun pas zhi khro'i spyi dril dang*/__drag po'i sham bu sbyar ba thun bzung*/__nyin bdun par gtor bzlog__/nyin brgyad par bzlog pa'i zor 'phen/__drag po'i phrin las kyi ngar 'dogs su karma rgyal thebs sogs kyis drag po'i me mchod bya/__tshe sgrub rjes bsnyen rgyun bas zhi khro'i spyi dril dang*/__dngos grub sngags sbrel ba'i thun bzung*/__nyin dgu par dngos grub len cing*/__mtha' rgyas su rin chen rgyal thebs sogs kyi rgyas pa'i me mchod blugs/__rjes chog__/tho grol/__mar me'i smon lam sogs mtha' rgyas su bya/__nyin re bzhin rgyal tho gso rgyu dang*/__rdo rje mtshams pas yang steng nas bsang dang*/__gser skyems kyis dngos grub bskul ba/__bka' bsgo dang rta bro'i skabs rdo rje 'tshams pas thun brab rgyu sogs bya'o/__/zhes pa'ang don gnyer can gyi 'dod ngo ma chog par sngags btsun mkha' khyab rdo rjer 'bod pas bgyis pa dge/__//