DKR-KABUM-21-ZHA-002

🚧 This website is under continued development. We appreciate your patience!

Previous Text Back to Volume PageNext Text

Wylie title	rdo rje phur pa gnyags lugs kyi yi dam khro bo rdo rje gzhon nu'i bskyed rim srid pa phur bu'i rtsa ba'i las byang bklag chog tu bkod pa khams gsum gdug pa yongs sgrol
Location	dil mgo mkhyen brtse bka' 'bum Volume 21, Text 2, Pages 4-31 (Folios 1a to 28b5)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ (Khyentse, Dilgo)
Associated People	གཉགས་ཛྙཱ་ན་ཀུ་མཱ་ར་ (gnyags dz+nyA na ku mA ra)
Citation	Khyentse, Dilgo. Rdo rje phur pa gnyags lugs kyi yi dam khro bo rdo rje gzhon nu'i bskyed rim srid pa phur bu'i rtsa ba'i las byang bklag chog tu bkod pa khams gsum gdug pa yongs sgrol. In Skyabs rje dil mgo mkhyen brtse rin po che'i bka' 'bum, Vol. 21: 4-31. Delhi: Shechen Publications, 1994.
Genre	Activity Manual - las byang  ·  Sadhanas - Evocation Ritual - sgrub thabs
Cycle	སྙན་བརྒྱུད་སྙིང་གི་གསང་མཛོད་ (snyan brgyud snying gi gsang mdzod)
Deity	rdo rje phur pa
Colophon	།ཅེས་པའང་ཀུན་གཟིགས་མཆོག་སྤྲུལ་རིན་པོ་ཆེ་པདྨ་གར་དབང་འོད་གསལ་མདོ་སྔགས་གླིང་པའི་ཐུགས་གཏེར་པད་འབྱུང་བི་མ་གཉགས་ཆེན་རྣམས་ཀྱི་ཐུགས་དམ་གཅིག་དྲིལ་ཡང་གསང་ཕུར་གཅིག་མའི་ལས་བྱང་བཀླག་ཆོག་ཏུ་བྲིས་ཞེས་གཏེར་ཆེན་བླ་མས་བཀའ་ཡི་རྗེས་སུ་གནང་བ་ཐོབ་པ་དང༌། སངས་རྒྱས་མཉན་སྤྲུལ་རིན་པོ་ཆེ་ཀརྨ་བཤད་སྒྲུབ་བསྟན་པའི་ཉི་མ་དང༌། ནང་ཆེན་བིས་རི་བླ་ཆུང་སྤྲུལ་སྐུ་འཇམ་དབྱངས་མཐུ་སྟོབས་དཔལ་འབར་བཅས་ནས་གསུང་གི་བསྐུལ་མས་མཚམས་སྦྱར། ཟབ་ཆོས་འདིའི་ཐོག་མའི་སྣོད་ལྡན་དུ་དབུགས་དབྱུང་ཐོབ་ཅིང་མཁྱེན་རྩེའི་ཕྲིན་ལས་ཀྱི་བྱེད་པོར་སྨོན་པ་འཇམ་དབྱངས་ཆོས་ཀྱི་བློ་གྲོས་ཕྲིན་ལས་འདུས་པ་རྩལ་གྱིས་རྗེ་ཉིད་ལ་བཀའ་འདྲི་ཞུས་རིམ་བཞིན་ཤིང་རྟ་ཐ་སྐར་ཟླ་བའི་དཀར་ཕྱོགས་ཀྱི་ཚེས་བཅུར་བཀྲ་ཤིས་འཆི་མེད་གྲུབ་པའི་དགའ་ཚལ་ནས་བཀླགས་ཆོག་ཏུ་བསྡེབས་པས། བསྟན་འཛིན་སྐྱེས་མཆོག་རྣམས་ཞབས་པད་བརྟན་ཅིང༌། རང་གཞན་ཐམས་ཅད་བདུད་བཞིའི་གཡུལ་ལས་རྣམ་པར་རྒྱལ་བའི་རྒྱུར་གྱུར་ཅིག །མངྒ་ལཾ།། །།
	/ces pa'ang kun gzigs mchog sprul rin po che pad+ma gar dbang 'od gsal mdo sngags gling pa'i thugs gter pad 'byung bi ma gnyags chen rnams kyi thugs dam gcig dril yang gsang phur gcig ma'i las byang bklag chog tu bris zhes gter chen bla mas bka' yi rjes su gnang ba thob pa dang*/_sangs rgyas mnyan sprul rin po che karma bshad sgrub bstan pa'i nyi ma dang*/_nang chen bis ri bla chung sprul sku 'jam dbyangs mthu stobs dpal 'bar bcas nas gsung gi bskul mas mtshams sbyar/_zab chos 'di'i thog ma'i snod ldan du dbugs dbyung thob cing mkhyen rtse'i phrin las kyi byed por smon pa 'jam dbyangs chos kyi blo gros phrin las 'dus pa rtsal gyis rje nyid la bka' 'dri zhus rim bzhin shing rta tha skar zla ba'i dkar phyogs kyi tshes bcur bkra shis 'chi med grub pa'i dga' tshal nas bklags chog tu bsdebs pas/_bstan 'dzin skyes mchog rnams zhabs pad brtan cing*/_rang gzhan thams cad bdud bzhi'i g.yul las rnam par rgyal ba'i rgyur gyur cig__/mang+ga laM//_//

Tibetan Text

Wylie

[edit]

༄༅། །རྡོ་རྗེ་ཕུར་པ་གཉགས་ལུགས་ཀྱི་ཡི་དམ་ཁྲོ་བོ་རྡོ་རྗེ་གཞོན་ནུའི་བསྐྱེད་རིམ་སྲིད་པ་ཕུར་བུའི་རྩ་བའི་ལས་བྱང་བཀླག་ཆོག་ཏུ་བཀོད་པ་ཁམས་གསུམ་གདུག་པ་ཡོངས་སྒྲོལ་ཞེས་བྱ་བ་བཞུགས་སོ།།

༄༅། །བླ་མ་དཔལ་ཧེ་རུ་ཀ་སྤྱི་དཔལ་ཆེན་པོ་ལ་ཕྱག་འཚལ་ལོ། མཉམ་ཉིད་དབྱིངས་ལས་ཐུགས་རྗེའི་ཁྲོ་གཏུམ་ཁྲོས་པའི་གར། །རྒྱལ་ཀུན་ཕྲིན་ལས་རོལ་པའི་རྡོ་རྗེ་འབར་བའི་མཚོན། །ཁམས་གསུམ་ཡོངས་སྒྲོལ་སྣང་སྲིད་རྒྱས་འདེབས་ཀཱི་ལ་ཡ། །བྱང་ཆུབ་བར་དུ་སྙིང་གི་ཐིག་ལེར་འབྲལ་མེད་མཆོད། །རིག་མཆོག་འབུམ་སྡེའི་ཟབ་མོའི་ཆུ་གཏེར་ངོགས། །བཀའ་གཏེར་གདེངས་ཅན་དབྱིག་གིས་གཏམས་པ་ཡི། །དོན་གཉིས་འདོད་དགུའི་གཏེར་འབྱིན་ནོར་བུའི་སྙིང༌། །ཅི་དགར་རོལ་པའི་ངོ་མཚར་དེང་དུས་ཤར། །དེ་ཕྱིར་དངོས་གྲུབ་སྒོ་འཕར་འབྱེད་པ་དང༌། །བདུད་སྡེའི་རུ་མཚོན་བསྙིལ་ལ་ཟླ་མེད་ཀྱི། །རྡོ་རྗེའི་གསེང་ལམ་སྐལ་བཟང་ཀུན་དགའི་བཙས། །གསང་བ་ཟབ་མོའི་ཕྲིན་ལས་དུས་འདིར་དབྱེ། །དེ་ལ་འདིར་ཡི་དམ་རྡོ་རྗེ་གཞོན་ནུའི་བསྐྱེད་རིམ་སྲིད་པ་རྡོ་རྗེ་ཕུར་པའི་རྩ་བའི་སྒྲུབ་ཐབས་ཁྲིགས་སུ་བསྡེབས་པ་ལ་སྦྱོར་བ། དངོས་གཞི། རྗེས་སོ། །དང་པོ་སྦྱོར་བ་ལ། བཤམ་བཀོད་གཏོར་འབུལ་སྐྱབས་སེམས་བདུན། །བགེགས་བསྐྲད་མཚམས་གཅོད་བརྡ་སྒོ་ཕྱག །བཤགས་པ་བྱིན་འབེབས་ཕུར་མཆོད་བརླབ། ཅེས་པ་ལྟར་བཅུ་གསུམ་ལས། དང་པོ་བཤམ་བཀོད་ནི། ཕྱག་བདར་བྱས་པའི་གནས་ཁང་རྒྱན་གྱིས་སྤྲས་པའི་གུང་དུ་དམ་ཚིག་གི་རྟེན་སྐུའམ་ཞལ་ཐང་བཀྲམ་པའི་སྤྱན་སྔར་བསྙེན་སྒྲུབ་སྐབས་ལྕགས་སམ་དྲག་པོའི་ཤིང་གི་ཕུར་པ་མགུལ་དུ་ཡུངས་ཀར་གྱི་ཐུམ་དང་ལྡན་པ་རྫས་གསུམ་གྱིས་གཟི་བྱིན་བསྐྱེད་པ་བྷནྡྷའམ་ལྕགས་ཧོམ་དུ་བཙུགས་པ་རས་བྲིས་སམ། ཚོམ་བུ་ལྷ་གྲངས་ཀྱི་སྟེང་དུ་བཀོད། བསྡུ་ན་རྟེན་གཏོར། སྨན་རཀ །ཞི་དྲག་གི་མཆོད་པ། བཀའ་གཏེར་སྲུང་མའི་གཏོར་འབུལ། ཚོགས་དང་ཆད་བརྟན་རྣམས་དང༌། དཀར་བགེགས་ཀྱི་གཏོར་མ། སྒྲུབ་པ་པོ་རྣམས་ཀྱི་མདུན་དུ་རོལ་མོའི་རིགས་དང༌། ལས་ཕུར་སོགས་བཀོད་པར་བྱའོ། །གཉིས་པ་གཏོར་འབུལ་ནི། ཐོག་མར་ཚིག་བདུན་གསོལ་འདེབས་སྔོན་དུ་འགྲོ་བས་བརྒྱུད་འདེབས་ཟུར་གསལ་ལྟར་བྱས་རྗེས། བསང་ཆུ་བྱིན་རླབས་དགོས་ན། སྟོང་པའི་ངང་ལས་བསང་ཆུའི་སྟེང་དུ་ཉི་མ་ལ་གནས་པའི་ཧཱུྃ་ཡིག་ལས་འོད་ཟེར་འཕྲོ་འདུས་ཡོངས་སུ་གྱུར་པ་ལས། ཁྲོ་རྒྱལ་བདུད་རྩི་འཁྱིལ་བ་ལྗང་ནག་ཞལ་གསུམ་ཕྱག་དྲུག་རང་སྣང་གི་ཡུམ་དང་བཅས་པའི་སྐུར་གྱུར། རྡོ་རྗེ་རྩེ་གཅིག་པའི་ཕྱག་རྒྱས་རེག་ཚུལ་གྱིས། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧཱུྃ་ཚིནྡྷ་ཚིནྡྷ་ཧཱུྃ་ཕཊ྄༔ ཅེས་བཟླ། ཁྲོ་བོ་བདུད་རྩི་འཁྱིལ་པའི་རང་བཞིན་ཆུའི་རྡུལ་ཕྲ་རབ་ཏུ་གྱུར་པར་མོས། དཀར་གཏོར་དང་གསེར་སྐྱེམས་བཤམས་པར་བསང་ཆུས་བྲན། རྃ་ཡྃ་ཁྃ་གིས་སྦྱངས། ཨོཾ་ཨཱཿཧཱུྃ་གིས་བྱིན་བརླབས། བྷཱུ་མི་པ་ཏི་ས་པ་རི་ཝ་ར་བཛྲ་ས་མཱ་ཛཿས་ས་བདག་བརྟན་མ་སོགས་སྤྱན་དྲངས། བྷཱུ་མི་པ་ཏི་ས་པ་རི་ཝ་ར་ཨོཾ་ཨ་ཀཱ་རོ་སོགས་ལན་གསུམ། ཧཱུྃ༔ གང་ཞིག་དཀར་པོའི་ཕྱོགས་འཛིན་ཅིང༔ འཛམ་གླིང་ས་ལ་དབང་བྱེད་ཀུན༔ བདག་གིས་གནས་འདིར་དཀྱིལ་འཁོར་བཞེངས༔ ཀོ་ལོང་ཕྲག་དོག་མ་མཛད་པར། བརྔན་དུ་གཏོར་མ་གསེར་སྐྱེམས་འབུལ༔ དགྱེས་པར་བཞེས་ལ་ས་འདི་སྩོལ༔ བཅོལ་བའི་ལས་ཀུན་སྒྲུབ་པར་མཛོད༔ བྷཱུ་མི་པ་ཏི་གཙྪས་གཤེགས་སུ་གསོལ་བ་དང་ཆབས་ཅིག་གཏོར་མ་ཕྱི་རོལ་དུ་འབུལ། གསུམ་པ་སྐྱབས་འགྲོ་ནི། རང་གི་སྙིང་གའི་ཧཱུྃ་ལས་འོད་ཟེར་འཕྲོས་པས་བླ་མ་རིག་འཛིན་དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་གྱི་ལྷ་ཚོགས་མཁའ་ཁྱབ་ཀྱི་འཁོར་ལོར་སད་པར་གྱུར། ན་མོ༔ བདག་སོགས་འགྲོ་ཀུན་དེང་ནས་བཟུང༔ བྱང་ཆུབ་སྙིང་པོར་མཆིས་ཀྱི་བར༔ སྐྱབས་ཀྱི་དམ་པ་དཀོན་མཆོག་གསུམ༔ མི་ཕྱེད་དད་པས་སྐྱབས་སུ་མཆི༔ ལན་གསུམ། བཞི་པ་སེམས་བསྐྱེད་ནི། མཁའ་མཉམ་སེམས་ཅན་ཐམས་ཅད་ཀུན༔ སྲིད་པའི་རྩ་བ་བདུད་བཞི་བཅོམ༔ བར་ཆད་གདོན་བགེགས་བསྒྲལ་བའི་ཕྱིར༔ དཔལ་ཆེན་ལྷ་ཚོགས་སྒྲུབ་པར་བགྱི༔ ལན་གསུམ། ལྔ་པ་ཚོགས་བསགས་པ་ནི། ཧོ༔ བདག་དང་མཐའ་ཡས་སེམས་ཅན་རྣམས༔ རྡོ་རྗེ་སློབ་དཔོན་སངས་རྒྱས་དཔལ༔ དུས་གསུམ་བཞུགས་ལ་ཕྱག་འཚལ་ལོ༔ མཆོག་གསུམ་བསྟེན་པའི་ཞིང་གྱུར་ལ༔ གཉིས་མེད་ཡིད་ཀྱིས་སྐྱབས་སུ་མཆི༔ དངོས་འབྱོར་ཡིད་ཀྱིས་རྣམ་སྤྲུལ་པའི༔ དག་པའི་མཆོད་པ་བཞེས་སུ་གསོལ༔ དངོས་གྲུབ་ཆུ་བོ་གཅོད་པའི་བགེགས༔ ཉེས་བྱས་མ་ལུས་བཤགས་པར་བགྱི༔ ཕྱོགས་བཅུ་འཁོར་གསུམ་དག་པའི་ཆོས༔ མ་ཆགས་སྤྱོད་ལ་རྗེས་ཡི་རང༔ དག་པའི་མཐའ་བཞི་དྲི་མ་མེད༔ རྫོགས་པའི་བྱང་ཆུབ་སེམས་བསྐྱེད་དོ༔ བདེ་གཤེགས་དབང་ཕྱུག་སེམས་ཅན་ལ༔ དག་པ་གསུམ་གྱིས་ལུས་འབུལ་ལོ༔ ཚེ་རབས་བགྲང་བའི་ལས་རྣམས་ཀུན༔ བསྡུས་ཏེ་བྱང་ཆུབ་ཆེན་པོར་བསྔོ༔ ལན་གསུམ། སེམས་ཅན་བདེ་དང་ལྡན་གྱུར་ཅིག །སྡུག་བསྔལ་ཀུན་དང་བྲལ་བར་ཤོག །བདེ་དང་རྟག་ཏུ་མི་འབྲལ་ཞིང༌། །ཆོས་ཀུན་མཉམ་ཉིད་རྟོགས་པར་ཤོག །ཅེས་བརྗོད་མཐར། བཛྲ་མུཿ ཚོགས་ཞིང་རྣམས་རང་ལ་ཐིམ་པར་གྱུར། དྲུག་པ་བགེགས་བསྐྲད་པ་ནི། ཧཱུྃ༔ ངང་ཉིད་རྡོ་རྗེ་ཆོས་དབྱིངས་ལས༔ འབར་བའི་ཁྲོ་བོ་མི་བཟད་པ༔ དཔལ་ཆེན་རྡོ་རྗེ་གཞོན་ནུ་ཡི༔ སྐུ་ཡི་དབྱིག་ཏུ་བདག་བསྐྱེད་དོ༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔ ཅེས་རང་ཉིད་གཉུག་མའི་ལྷ་ཡི་ང་རྒྱལ་བཟུང་སྟེ། བགེགས་གཏོར། རྃ་ཡྃ་ཁྃ། ཨོཾ་ཨཱཿཧཱུྃ། སརྦ་བིགྷྣཱན་ཨཱ་ཀརྵ་ཡ་ཛཿས་ལྕགས་ཀྱུའི་རྒྱས་བཀུག །སརྦ་བིགྷྣཱན་ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་སོགས། གྷྲྀཧྞ་ཨིདཾ་བ་ལིཾ་ཏ་ཁཱ་ཧི༔ ལན་གསུམ་གྱིས་བསྔོས་ཏེ། བཀའ་བསྒོ་བ་ནི། ཧཱུྃ༔ གསང་བ་བླ་མེད་ལམ་སྒྲུབ་པའི༔ རྡོ་རྗེའི་དཀྱིལ་འཁོར་གཉན་པོ་འདིར༔ འདུ་བའི་ལྷ་ནི་མ་གཏོགས་པ༔ དམ་མེད་བདུད་རིགས་ནག་པོའི་ཕྱོགས༔ བལྟ་ཞིང་ཉན་པའི་དབང་མེད་པས༔ བྱིན་པའི་གཏོར་མ་འདི་ཁྱེར་ལ༔ རང་རང་གནས་སུ་བདེ་བར་དེངས༔ གལ་ཏེ་མི་འགྲོ་འདུག་གྱུར་ན༔ ང་ནི་འཇིགས་བྱེད་རྡོ་རྗེ་ཅན༔ བཀའ་ལས་འདའ་བའི་སྡིག་ཅན་རྣམས༔ རྡོ་རྗེ་ཡེ་ཤེས་མཚོན་ཆེན་པོས༔ ཕྱེ་མར་འཐག་པར་གདོན་མི་ཟ༔ ཧཱུྃ་བཞིའི་སྔགས་བརྗོད་ལ་གུ་གུལ་བདུག །ཡུངས་ཐུན་གྱིས་གཟིར། རོལ་མོ་དྲག་ཏུ་འཁྲོལ་བས་ནག་ཕྱོགས་རྣམས་རྒྱང་རིང་དུ་བསྐྲད་ལ། བདུན་པ་མཚམས་གཅོད་པ་ནི། ཧཱུྃ༔ མི་ཤིགས་མཚོན་ཆའི་གུར་དང་ས་གཞི་ལ༔ དམར་ནག་དམར་སྨུག་མེ་ཡི་འདུ་འཕྲོ་འཁྱིལ༔ ཡེ་ཤེས་ཁྲོ་བོ་བཅུ་ཡང་དབྱིངས་ནས་བཞེངས༔ ཁྲག་འཐུང་རོལ་པའི་ལྷ་ཚོགས་ནང་ན་བཞུགས༔ མཚམས་ཀྱི་དཀྱིལ་འཁོར་མ་ལུས་ལྷུན་གྱིས་གྲུབ༔ བཛྲ་རཀྵ་རཀྵ་བྷྲཱུཾ༔ ཐུགས་ཀ་ནས་སྤྲུལ་པའི་ཁྲོ་ཚོགས་ཕུར་བུ་འབར་བའི་སྤྲིན་འཕྲོ་བ་རྣམས་ཀྱིས་བདུད་བགེགས་ལོག་པར་འདྲེན་པ་ཐམས་ཅད་ཚར་བཅད། སླར་འདུས་ཏེ་རྡོ་རྗེ་སྲུང་བའི་འཁོར་ལོས་ཕྱོགས་ཐམས་ཅད་དུ་གཏམས་ནས་སྔགས་དང་ཕྱག་རྒྱ་ཏིང་ངེ་འཛིན་གྱིས་སྲུང་བའི་མཚམས་བཅད་པར་བསམ་མོ། །བརྒྱད་པ་བརྡ་སྒོ་དབྱེ་བ་ནི། གཉིས་སྣང་འཁྲུལ་པའི་སྒྲིབ་གཡོགས་དག་སྟེ་གཉིས་མེད་མཉམ་པའི་ཡེ་ཤེས་ཀྱི་ལྷ་ཚོགས་ཐམས་ཅད་བཀྲ་ལམ་མེར་མཇལ་བར་མཚོན་ཕྱིར་དཀྱིལ་འཁོར་གྱི་སྒོ་བཤག་གིས་ཕྱེ་བར་མོས་ལ། ཧཱུྃ༔ སྣང་ཞིང་སྲིད་པའི་ཆོས་སོ་ཅོག༔ ཀུན་ཀྱང་དག་པ་ལྷའི་གྲོང་ཁྱེར༔ མ་བཅོས་དོན་གྱི་ལྷ་མཆོག་ལ༔ ཚད་མེད་སྒོ་བཞི་དབྱེ་བས་འཇུག༔ བྷྲཱུཾ་པྲ་བེ་ཤ་ཡ་ཕཊ༔ དགུ་པ་ཕྱག་འཚལ་བ་ནི། ཕུང་ཁམས་སྐྱེ་མཆེད་དང་བཅས་པ་གདོད་ནས་མཉམ་པའི་དཀྱིལ་འཁོར་དག་པ་ཆེན་པོའི་རང་བཞིན་མ་བཅོས་གཤིས་ལུགས་ཟབ་མོའི་རང་ངོ་རང་གིས་རིག་སྟེ་རང་ཞལ་མཇལ་བའི་ལྟ་བའི་ངང་བསྐྱང་བ་ལ་བརྡ་དང་ཐ་སྙད་ཀྱི་ཕྱག་འཚལ་བ་ནི། ཧོཿ ལྷ་དང་རང་སེམས་བཟང་ངན་བྲལ༔ གཉིས་མེད་རང་སྣང་སྤྱི་དཔལ་ཆེ༔ ཨེ་མ་ངོ་མཚར་རྨད་བྱུང་བ༔ རྡོ་རྗེ་ལྟ་བའི་ཕྱག་གིས་འདུད༔ ཨ་ལ་ལ་ཧོཿ ཞེས་ངོ་ཕབ་པའི་ཚུལ་གྱིས། ཨ་ཏི་པཱུ་ཧོཿས་བཏུད་པ་ལ། པྲ་ཏཱིཙྪ་ཧོཿ ཞེས་ལན་དུ་དངོས་གྲུབ་བསྩལ་བར་བསམ། བཅུ་པ་བཤགས་པ་ནི། བཤགས་ཡུལ་ལྷ་ཡི་འཁོར་ལོ་མཁའ་ཁྱབ་ཏུ་སད་པའི་སྤྱན་སྔར་སྡིག་ལྟུང་རྟོག་སྒྲིབ་བག་ཆགས་མཆོག་གི་དངོས་གྲུབ་ཀྱི་གེགས་སུ་གྱུར་པ་རྣམས་གནོང་འགྱོད་དྲག་པོས་འགྱོད་ཚངས་སྨྲེ་སྔགས་ཀྱི་གདུང་བས་བཤགས་པ་ཕུལ་བར་མོས་ལ། ཐལ་མོ་སྦྱར་ཏེ། ཧཱུྃ༔ སྣང་སྲིད་གདོད་ནས་དག་པའི་དཀྱིལ་འཁོར་ལྷ༔ བླ་མ་ཡི་དམ་མཁའ་འགྲོ་དམ་ཅན་རྣམས༔ ཐུགས་རྗེའི་བརྩེ་བས་བདག་ལ་དགོངས་སུ་གསོལ༔ ཡེ་ནས་མ་རིག་འཁྲུལ་པས་སྒྲིབ་པ་ཡི༔ རྣམ་རྟོག་ཀུན་བརྟགས་བློ་ཡིས་སྒྲོ་བཏགས་པས༔ རང་རིག་ཡེ་ཤེས་དོན་ལ་རྨོངས་པ་ཡིས༔ སྲུང་མཚམས་མེད་པའི་དམ་ལས་འགལ་བ་དང༔ བླ་མར་སྨད་ཅིང་ཡི་དམ་སྤངས་བ་དང༔ བསྙེན་སྒྲུབ་ཛཔ་བཟླས་ཚད་དུ་མ་བསྐྱལ་བ༔ ཏིང་འཛིན་ལྟ་བ་ཀློང་དུ་མ་གྱུར་ཞིང༔ གསང་བཅུ་གཞན་ལ་བསྒྲགས་སོགས་མཐོལ་ལོ་བཤགས༔ གཞན་ཡང་མི་སྤང་དང་དུ་བླང་བྱ་དང༔ སྤྱད་པར་བྱ་དང་སྒྲུབ་པར་བྱ་བ་དང༔ ཤེས་བྱ་ལྔ་སོགས་ཉི་ཤུ་རྩ་ལྔ་ཡི༔ དམ་ལས་འགལ་བར་གྱུར་པ་མཐོལ་ལོ་བཤགས༔ ཉ་སྟོང་དུས་བཞིའི་མཆོད་པ་ཆག་པ་དང༔ སྡིག་ཅན་རྣམས་ལ་རྟག་ཏུ་བྱམས་བྱས་ཤིང༔ མཁའ་འགྲོ་རྣམས་ལ་ཤ་ཁྲག་གཏོར་མ་ཆག༔ སྦྱོར་སྒྲོལ་མཆོད་པ་དུས་ལས་གཡེལ་བ་སོགས༔ རྩ་ལྟུང་བཅུ་བཞི་དང་འགལ་མཐོལ་ཞིང་བཤགས༔ གཞན་ཡང་སྦོམ་པོ་ཡན་ལག་ཕྲ་ཞིབ་ཀྱི༔ དམ་ཚིག་དབྱེ་བ་ས་ཡ་གྲངས་མེད་པ༔ དེ་ལས་འགལ་བར་གྱུར་པའི་རྣལ་འབྱོར་གྱིས༔ འགྱོད་ཚངས་གདུང་བའི་སྨྲེ་སྔགས་འདི་འདོན་པས༔ རྒྱལ་བ་རྣམས་ཀྱི་ཐུགས་རྗེའི་སྤྱན་རས་ཀྱིས༔ ཡུད་ཙམ་གཟིགས་ཏེ་ཐུགས་རྗེས་བཟོད་བཞེས་གསོལ༔ ཚངས་པར་བསྩལ་ནས་མཆོག་དང་ཐུན་མོང་གི༔ དངོས་གྲུབ་དཀའ་བ་མེད་པར་འགྲུབ་པ་དང༔ རྫོགས་པ་ཆེན་པོའི་བསྟན་པ་མཐར་བགྱིད་ཅིང༔ ཀུན་ཏུ་བཟང་པོའི་རྒྱལ་ས་ཟིན་པར་ཤོག༔ སྤྲོ་ན་བདེ་གཤེགས་སྤྱི་བཤགས་དང་ཡིག་བརྒྱ་བཟླ། བཅུ་གཅིག་པ་བྱིན་འབེབས་པ་ནི། བླ་མ་རིག་འཛིན་རྡོ་རྗེ་ཕུར་པའི་ལྷ་ཚོགས་འཁོར་དང་བཅས་པ་ཡབ་ཡུམ་བདེ་བར་རོལ་པའི་སྐུ་ཡི་གནས་ནས་བྱིན་རླབས་ཀྱི་ངོ་བོ་བྱང་སེམས་བདུད་རྩིའི་ཆར་བབ་པས་སྒོ་གསུམ་གྱི་དྲི་མ་དག་ཅིང་བདག་གནས་ཡོ་བྱད་ཐམས་ཅད་ལ་སྐུ་གསུང་ཐུགས་ཀྱི་བྱིན་རླབས་ཟབ་མོའི་དངོས་གྲུབ་མངོན་དུ་གྱུར་པའི་དམིགས་པ་དང་བཅས། དབྱངས་དང་རོལ་མོའི་བརྡས་བསྐུལ། སྤོས་དང་གཡབ་དར་བཤུགས་གླུ་བཅས། ཧཱུྃ༔ རྡོ་རྗེ་གཞོན་ནུའི་རིག་འཛིན་རྣམས༔ སྲིད་པ་ཕུར་བུ་སྒྲུབ་པའི་ཕྱིར༔ སྔོན་གྱི་ཞལ་བཞེས་མ་བསྙེལ་བར༔ གནས་མཆོག་འདི་རུ་བྱིན་ཕོབ་ཅིག༔ ཡེ་ཤེས་ཁྲོ་རྒྱལ་འཁོར་དང་བཅས༔ འཁོར་བ་རྡོ་རྗེར་སྒྲུབ་པའི་ཕྱིར༔ ནམ་མཁའ་ཁྱབ་པའི་གར་དང་བཅས༔ གནས་མཆོག་འདི་རུ་བྱིན་ཕོབ་ཅིག༔ བྲན་དང་བཀའ་ཉན་ཕོ་ཉའི་ཚོགས༔ ཁྱོད་ཀྱི་དམ་ཚིག་དུས་ལ་བབ༔ སྔོན་ཚེ་ཁས་བླང་དམ་བཅས་བཞིན༔ གནས་མཆོག་འདི་རུ་བྱིན་ཕོབ་ཅིག༔ ནམ་མཁའ་གང་བའི་ལྷ་ཚོགས་རྣམས༔ སྐུ་ཡི་གར་སྟབས་སྣ་ཚོགས་བསྒྱུར༔ རྡོ་རྗེའི་གླུ་བྲོ་གར་དང་བཅས༔ གནས་མཆོག་འདི་རུ་བྱིན་ཕོབ་ཅིག༔ གསུང་ནི་སྔགས་སྒྲ་འབྲུག་ལྟར་སྒྲོག༔ རྒོད་གཤེ་དྲག་ཤུལ་རོལ་པ་ཡི༔ ས་གསུམ་འཇིགས་པའི་ང་རོ་བཅས༔ གནས་མཆོག་འདི་རུ་བྱིན་ཕོབ་ཅིག༔ ཐུགས་ནི་ཡེ་ཤེས་རྔམ་པའི་དཔལ༔ སྙིང་རྗེ་ཞི་དང་ཁྲོ་བོ་ཡི༔ རིག་རྩལ་དགོངས་པའི་གདེང་དང་བཅས༔ གནས་མཆོག་འདི་རུ་བྱིན་ཕོབ་ཅིག༔ སྒྲུབ་མཆོག་བདག་ལ་དབང་བཞི་བསྐུར༔ བགེགས་དང་ལོག་འདྲེན་བར་ཆད་སོལ༔ མཆོག་དང་ཐུན་མོང་མ་ལུས་པའི༔ དངོས་གྲུབ་དམ་པ་བསྩལ་དུ་གསོལ༔ གུ་རུ་དྷེ་ཝ་དྷཱ་ཀི་ནི་ཛྙཱ་ན་ཨ་བེ་ཤ་ཡ་ཨ་ཨ་ཨཿ ཧྲིཾ་ཧྲིཾ༔ ཕེཾ་ཕེཾ༔ བཅུ་གཉིས་པ་ཕུར་པ་བྱིན་རླབས་ནི། སྒྲུབ་ཆེན་དང་གཏོར་བཟློག་སོགས་ཀྱི་སྐབས། ལས་ཕུར་གུ་གུལ་གྱིས་བདུག་ལ། ཨོཾ་བཛྲ་ཀཱི་ལི་ཀཱི་ལ་ཡ་སུ་རུ་སུ་རུ་ཨ་དྷི་ཏིཥྛ་རྨུག་རྨུག་ཧ་ལ་ཧ་ལ་དགྲ་བགེགས་འབྱུང་པོའི་ཙིཏྟ་མྱོག་མཱ་ར་ཡ་ཧཱུྃ་ཕཊ྄༔ ཡུངས་ཀར་གྱིས་བྲབ་ཅིང༌། ཨོཾ་བཛྲ་ཀཱི་ལི་ཀཱི་ལ་ཡ་མ་གུ་ཏ་ལ་མ་གུ་ཏ་ལ་པྲ་ཏ་ལ་པྲ་ཏ་ལ་ཤ་ཏ་ར་ཙ་ཧཱུྃ་དགྲ་བགེགས་འབྱུང་པོ་མཱ་ར་ཡ་ཧཱུྃ་ཕཊ྄༔ དུག་ཁྲག་གིས་བྱུག་ཅིང༌། ཨོཾ་བཛྲ་ཀཱི་ལི་ཀཱི་ལ་ཡ་རཀྟ་ཛྭ་ལ་མཎྜ་ལ་རཀྴ་རཀྴ་དགྲ་བགེགས་འབྱུང་པོ་ཝཱ་ཤཾ་ཀུ་རུ་མཱ་ར་ཡ་ཧཱུྃ་ཕཊ྄༔ ཕུར་པ་བསང་སྦྱང༌། སྟོང་པའི་ངང་ལས་ཨེ་ལས་ཕུར་གདན་གྲུ་གསུམ་མཐིང་ནག་འབར་བའི་དབུས་སུ་པད་ཉི་དགྲ་བགེགས་ཀྱི་གདན་ལ་རང་གི་ཐུགས་ཀ་ནས་ཧཱུྃ་འཕྲོས། ཧཱུྃ་སྥ་ར་ཎ་ཕཊ༔ སཾ་ཧ་ར་ཎ་ཧཱུྃ༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ ཕུར་བུ་དཔལ་ཆེན་པོ་སྒྲོལ་བྱེད་ཡཀྴ་ཀྲོ་དྷ་ཞལ་གསུམ་ཕྱག་དྲུག །སྐུ་སྨད་གནམ་ལྕགས་ཀྱི་ཕུར་པ་ཟུར་གསུམ་རྣོ་དབལ་ངར་དང་ལྡན་པ། མགར་གྱི་སོལ་མེ་ནས་བཏོན་པ་ལྟ་བུ་མེ་ཡི་ཚྭ་ཚྭ་འཕྲོ་བ། སྤྱི་བོར་དཔལ་ཆེན་པོ། རྒྱ་མདུད་གོང་མ་ལ་ཁྲོ་བཅུ་ཡབ་ཡུམ། འཆང་གཟུང་ལ་ཟ་གསོད་ཉི་ཤུ། རྒྱ་མདུད་འོག་མ་ལ་སྒོ་སྲུང༌། དབལ་གསུམ་ལ་དམ་ཅན་སྲུང་མ་དང་བཅས་པའི་ཕོ་བྲང་དུ་གྱུར། ཨོཾ་བཛྲ་ཀཱི་ལི་ཀཱི་ལ་ཡ་ཏིཔྟ་ཙཀྲ་ཧ་ན་ཧ་ན་ཧཱུྃ་ཕཊ༔ ཅེས་བརྗོད་ལ་ཕུར་གདན་སྟེང་དུ་བཀོད། བཅུ་གསུམ་པ་མཆོད་པ་བྱིན་བརླབ་ནི། ཧཱུྃ་ཧྲཱིཿ སྣང་སྲིད་བདེ་ཆེན་རོལ་པ་ཡི༔ ཡེ་ཤེས་སྣང་བ་ཁྱབ་བརྡལ་སྤྲིན༔ ཀུན་བཟང་མཆོད་པ་བསམ་ཡས་གཏེར༔ རང་བྱུང་རང་ཤར་ལྷུན་གྱིས་གྲུབ༔ སརྦ་ས་མ་ཡ་པཱུ་ཛ་ཧོཿ ཨོཾ་བཛྲ་ཨརྒྷཾ་ནས། ཤབྡ་མ་ཧཱ་པཱུ་ཛ་སྥ་ར་ཎ་ཁཾ༔ ཞེས་ཕྱི་མཆོད་དང༌། ཨོཾ་མ་ཧཱ་ཤྨ་ཤ་ན་རུ་དྲ་བྷོ་གཿརཱུ་པ་ཤབྡ་གནྡྷེ་རཱ་ས་སྤརྴེ་པཉྩ་ཀཱ་མ་གུ་ཎ་དྷརྨ་དྷཱ་ཏུ་པཱུ་ཛ་ཨཱཿཧཱུྃ༔ ཞེས་ནང་མཆོད་དྲག་པོའི་ཉེར་སྤྱོད་དང༌། ཧཱུྃ༔ རླུང་མེ་ཐོད་པའི་སྒྱེད་པུ་གསུམ་གྱི་སྟེང༔ དབྱིངས་ཀྱི་བྷནྡྷར་ཤ་ལྔ་བདུད་རྩི་ལྔ༔ ཡེ་ཤེས་རིགས་ལྔ་དབྱེར་མེད་བྱང་ཆུབ་སེམས༔ རྩ་བརྒྱད་སྟོང་སྦྱར་སྨན་གྱི་བདུད་རྩིར་འཁྱིལ༔ ཨོཾ་ཧཱུྃ་ཏྲཱྃ་ཧྲཱིཿཨཿ མཱུྃ་ལཱྃ་མཱྃ་པཱྃ་ཏཱྃ༔ སརྦ་པཉྩ་ཨ་མྲྀ་ཏ་ཀུཎྜ་ལི་ཧཱུྃ་ཧྲཱིཿཋཱ༔ ལན་གསུམ་གྱིས་སྨན། ཧཱུྃ༔ ལྕང་ལོར་བཅས་པའི་དུང་ཆེན་སྣོད་ཡངས་སུ༔ ཁམས་གསུམ་གདུག་པ་བསྒྲལ་བའི་ཁྲག་མཚོར་བསྐྱིལ༔ གཱིརྟིའི་མཁའ་ནས་ཡེ་ཤེས་བདེ་བའི་རྒྱུན༔ མི་ཕྱེད་སོ་སོར་རྟོག་པའི་ལྦུ་ཕྲེང་གཡོ༔ ཨོཾ་ཨཱཿཧཱུྃ་མ་ཧཱ་ཀ་པཱ་ལ་རཀྟ་ཛྭ་ལ་མཎྜ་ལ་ཧཱུྃ་ཧྲཱིཿཋཱ༔ ལན་གསུམ་གྱིས་རཀྟ། ཧཱུྃ༔ གཏོར་སྣོད་རིན་ཆེན་བྷཉྫ་སྟོང་གསུམ་ཁྱབ༔ གཏོར་མའི་ངོ་བོ་བླ་མེད་དམ་ཚིག་རྫས༔ འདོད་པའི་ཡོན་ཏན་ལྔ་ཡིས་རབ་བརྒྱན་པ༔ ལྷ་ཚོགས་དགྱེས་སྐོང་མཆོད་པའི་ཕུང་པོར་སྤུངས༔ ཨོཾ་ཨཱཿ་ཧཱུྃ་མ་ཧཱ་བ་ལིཾ་ཏ་སརྦ་ཀཱ་མ་གུ་ཧྱ་ས་མ་ཡ་ཧཱུྃ་ཧྲཱིཿཋཱ༔ ལན་གསུམ་གྱིས་གཏོར་མ་རྣམས་བྱིན་གྱིས་བརླབས། བཛྲ་སྥ་ར་ཎ་ཁཾ་གིས་མཁའ་ཁྱབ་ཏུ་སྤེལ། གཉིས་པ་དངོས་གཞི་ལ། ཏིང་འཛིན་གསུམ་རྟེན་དཀྱིལ་འཁོར་གསུམ། །བསྐྱེད་ཅིང་སྤྱན་དྲངས་བསྟིམ་ཕྱག་བྱ། །མཆོད་བསྟོད་བཟླས་པ་རྣམ་པ་དགུ། །ཞེས་པའི་དང་པོ་ལའང༌། དེ་ཏིང་ཀུན་སྣང་རྒྱུའི་ཏིང་འཛིན། །ཞེས་པའི་དང་པོ་དེ་བཞིན་ཉིད་ཀྱི་ཏིང་འཛིན་ནི། ཆོས་ཐམས་ཅད་གདོད་ནས་རང་བཞིན་གྱིས་མ་གྲུབ་པའི་སྟོང་ཉིད་སྤྲོས་བྲལ་བདེ་བ་ཆེན་པོ་རྣམ་པ་ཀུན་གྱི་མཆོག་དང་ལྡན་པའི་རྡོ་རྗེའི་ཏིང་ངེ་འཛིན་གྱིས་དངོས་འཛིན་མཚན་མའི་སྤྲོས་པ་ཐམས་ཅད་བཅོམ་པས་ཆོས་ཉིད་ངང་གིས་ཁྲོས་པའོ། །དེ་ཉིད་གཏེར་ཚིག་གིས་གསལ་འདེབས་པ་ནི། ཧཱུྃ༔ རྡོ་རྗེ་ཁྲོས་པས་ཞེ་སྡང་གཅོད༔ ཆོས་ཉིད་ངང་གིས་དག་པའི་ཀློང༔ གཟུང་འཛིན་མཚན་མ་མི་གནས་པ༔ རྣམ་པར་ཐར་པའི་སྒོ་གསུམ་མོ༔ ཨོཾ་ཤཱུ་ནྱ་ཏ་ཛྙཱ་ན་ཧོཿ གཉིས་པ་ཀུན་སྣང་ནི། སྟོང་ཉིད་མངོན་གྱུར་གྱི་ཡེ་ཤེས་དམིགས་མེད་སྙིང་རྗེ་སྒྱུ་མ་ལྟ་བུ་དང་ཟུང་དུ་འཇུག་པས་སྲིད་པའི་རྩ་བ་གཟུང་འཛིན་རྩད་ནས་གཅོད་པའི་སྙིང་རྗེ་མཁའ་ཁྱབ་ཏུ་ཤར་བའོ། །སྙིང་རྗེ་ཆེན་པོའི་མཚོན་ཆ་ནི༔ སྲིད་པའི་རྩ་བ་གཅོད་བྱེད་པའི༔ ཐུགས་རྗེའི་ཤུགས་ཀྱིས་ཁྲོ་བ་ལས༔ སྡུག་བསྔལ་འཇོམས་པའི་ཏིང་འཛིན་བསྒོམ༔ ཨཱཿམ་ཧཱ་ཀ་རུ་ཎི་ཀ་ཧོཿ གསུམ་པ་རྒྱུའི་ཏིང་ངེ་འཛིན་ནི། འཁོར་འདས་ཀྱི་སྲོག་མཚོན་བྱེད་ཆེན་པོ་ཡེ་ཤེས་ལྔའི་ངོ་བོ་ཧཱུྃ་ཡིག་ཟབ་གསལ་གཉིས་མེད་ནམ་མཁའི་དབྱིངས་སུ་ཐིག་ལེའི་རྣམ་པར་འབྲེལ་བའོ། །སྟོང་ཉིད་ནམ་མཁའི་ཁམས་གནས་པའི༔ འཁོར་འདས་ཀུན་གྱི་སྲོག་གི་གོ༔ རང་བྱུང་ཡི་གེ་འདུས་མ་བྱས༔ ཧཱུྃ་ཆེན་བསྐལ་པའི་མེ་ལྟར་འབར༔ ཧཱུྃ་བཛྲ་ཛྙཱ་ན་དྷཱ་ཏུ་ཧོཿ གཉིས་པ་རྟེན་འབྱུང་བ་རིམ་བརྩེགས་གཞལ་ཡས་ཁང་བཅས་གསལ་གདབ་པ་ནི། རྒྱུ་ཡི་ཧཱུྃ་ཡིག་ལས་ས་བོན་རྣམས་ཆད་པ་ཡོངས་སུ་གྱུར་པ་ལས་ཕྱི་ལྟར་འབྱུང་བའི་དཀྱིལ་འཁོར། ནང་དུ་ཕུང་པོ་ལྔ། གསང་བ་ཉོན་མོངས་དུག་ལྔ་རྣམ་པར་དག་པའི་རིགས་ལྔ་ཡེ་ཤེས་ལྔའི་རང་བཞིན་གྱི་འབྱུང་བ་རིམ་བརྩེགས་རི་རབ་གཞལ་ཡས་ཁང་དང་ལྷ་གནས་གསལ་བ་ནི། ཧཱུྃ་ལས་ཨེ་ཡཾ་རཾ་སུཾ་ར༔ ཀེཾ་རཾ་ཆད་པ་འོག་གཞི་ནི༔ ཆོས་འབྱུང་དབྱིངས་དང་མཉམ་པའི་དབུས༔ རླུང་མེ་ཤ་ཆེན་ས་གཞི་བརྡལ༔ ཁྲག་མཚོ་ཀེང་རུས་རི་རབ་སྟེང༔ ཁོར་ཡུག་དྲག་པོའི་མེ་རླུང་ཚོགས༔ ཀུན་ཏུ་འབར་ཞིང་འཚུབས་མ་འཁྱིལ༔ མ་ཧཱ་ཛྭ་ལ་རཾ༔ མེ་ཀློང་བྷྲཱུྃ་ཡིག་ལྔ་ལྡན་ཆད༔ ཡོངས་གྱུར་པད་ཉི་རྒྱ་གྲམ་སྟེང༔ ཡེ་ཤེས་རང་སྣང་གཞལ་ཡས་ཁང༔ རང་བྱུང་དུར་ཁྲོད་བཀོད་པ་ཅན༔ ཕྱི་ནི་རྩིག་པ་ཁ་དོག་ལྔ༔ ནང་ནི་སྐམ་རློན་རྙིད་པའི་མགོ༔ གནམ་ལྕགས་གཟེར་བཏབ་རཀྟས་སྦྱར༔ རིན་ཆེན་ཕ་གུ་དྲྭ་བ་ཕྱེད༔ ཆུ་སྲིན་རྔམ་པའི་ཁ་ལས་དཔྱང༔ ཤར་བུ་མདའ་ཡབ་པུ་ཤུ་དང༔ གཟའ་དང་ལྷ་ཀླུ་ཀ་གདུང་ཕྱམ༔ རྒྱུ་སྐར་དྲལ་གཟེབ་ཞིང་གི་ཐོག༔ ལྷ་ཆེན་ཐོད་པ་དབུས་ཕྱུར་བུ༔ མ་ཧཱ་རུ་ཏྲའི་ཙིཏྟའི་ཏོག༔ ཡེ་ཤེས་ཟེར་འཕྲོ་འོད་ཕུང་འཁྱིལ༔ རོ་སྐྲའི་རྔ་ཡབ་ཞིང་གི་འཕན༔ གཅན་གཟན་ལྤགས་པའི་རྒྱལ་མཚན་གདུགས༔ ཕྱི་ནང་སྒོ་བཞི་རྟ་བབ་བརྒྱད༔ ཆོས་འཁོར་རི་དྭགས་གདུགས་ཏོག་མཛེས༔ དལ་དབུས་གནམ་ལྕགས་འཁོར་ལོ་དང༔ ལྟེ་བ་ཟླུམ་པོ་ཨེ་ཡིས་མཚན༔ ཟླ་གམ་གསུམ་ལ་ཁྲག་མཚོ་འཁྱིལ༔ བྷྲཱུྃ་བི་ཤྭ་བི་ཤུདྡྷེ་ཛྙཱ་ན་ཀྲོ་དྷ་མཎྜ་ལ་ཧཱུྃ༔ དེ་ཡི་ནང་དུ་ལྷ་གནས་སོ་སོར་གདན་གསལ་བ་ནི། གཞལ་ཡས་དབུས་སུ་རྡོ་རྗེ་ཡི༔ བྲག་ཆེན་པད་ཉི་ལྷ་ཆེན་པོ༔ ཁྱོ་ཤུག་ཟླ་གམ་གསུམ་གྱི་སྟེང༔ པད་ཉི་དགྲ་བགེགས་དྲག་པོ་ཡི༔ འཁོར་ལོ་རྩིབས་བཅུ་རེ་རེ་བཞིན༔ ཕྱོགས་སྐྱོང་ཕོ་མོ་པད་ཉི་དང༔ སྒོ་བཞིར་ཞིང་རྐྱང་གདན་བཅས་གསལ༔ མ་སཱུརྻ་མཎྜ་ལ༔ ཨ་ཙནྡྲ་མཎྜ་ལ༔ པྃ་པདྨ་མཎྜ་ལ༔ གསུམ་པ་བརྟེན་པ་ལྷའི་འཁོར་ལོ་བསྒོམ་པའི་དང་པོ་ཆོས་སྐུའི་ངོ་བོ་བདག་རྩ་བའི་དཀྱིལ་འཁོར་གཙོ་བོ་ཡབ་ཡུམ་བསྒོམ་པ་ནི། ས་བོན་རྒྱུ་ཡི་ཧཱུྃ་ཡིག་ཡོངས་སུ་གྱུར་པ་ལས་ཆོས་སྐུའི་ངོ་བོ་རྡོ་རྗེ་གཞོན་ནུ། ལོངས་སྐུ་བདུད་འདུལ་ཁྲོ་བཅུ་ཡབ་ཡུམ་ཕྲ་ཐབས་བཅས། སྤྲུལ་སྐུ་སྲས་མཆོག་སྒོ་མ་བཀའ་སྡོད་དང་བཅས་པ་རིགས་ལྔའི་ཡེ་ཤེས། སྟོབས་དང་ཕ་རོལ་ཕྱིན་པས་དུག་ལྔ་ཉེ་བའི་ཉོན་མོངས་འཇོམས་ཤིང་ཚད་མེད་དང་བསྡུ་དངོས་བཞི་ཡིས་སྲིད་ཞིའི་མཐའ་ལས་སྒྲོལ་ཏེ་བདེན་དོན་གནས་སུ་དག་པའི་བརྟེན་པ་ལྷ་ཡི་འཁོར་ལོ་རྣམས་བསྒོམ་ལ། ཧཱུྃ༔ དབུས་ཀྱི་ཆོས་འབྱུང་ལྟེ་བ་རུ༔ རང་རིག་ཧཱུྃ་བབ་ཡོངས་གྱུར་ལས༔ སྤྲོ་བསྡུས་འོད་ཀྱིས་དོན་གཉིས་བྱས༔ འོད་ཀྱི་ཕུང་པོ་རྡོ་རྗེར་གྱུར༔ བཛྲ་ཧཱུྃ༔ དེ་ཉིད་ཡོངས་གྱུར་སྐད་ཅིག་གིས༔ བདག་ཉིད་མ་བཅོས་རྩ་བའི་ལྷ༔ རྡོ་རྗེ་འཆང་ཆེན་ཧེ་རུ་ཀ༔ སྤྱི་དཔལ་ཀརྨ་ཀཱི་ལ་ཡ༔ དཔལ་ཆེན་རྡོ་རྗེ་གཞོན་ནུ་ནི༔ མཐིང་ནག་དབུ་དགུ་ཕྱག་བཅོ་བརྒྱད༔ རྩ་ཞལ་སྲིན་པོ་ཁྲོས་པའི་ཞལ༔ གཡས་པ་དཀར་བ་ཀུ་མུཏ་དཱ༔ གཡོན་པ་དམར་ནག་ཨམ་གཙིགས་བསྡམས༔ དེ་སྟེང་ཞལ་གསུམ་ལྗང་སེར་ནག༔ སྟེང་གི་ཞལ་གསུམ་སྨུག་མཐིང་དམར༔ ཁམ་ནག་རལ་པ་གྱེན་དུ་བརྫེས༔ སྤྱི་བོར་རྡོ་རྗེ་ཕྱེད་པའི་ཏོག༔ རྭ་གདེང་ཟར་བུ་སྦྲུལ་གྱིས་བཅིངས༔ ཐོད་སྐམ་ལྔ་ཡིས་དབུ་ལ་བརྒྱན༔ ཞལ་བགྲད་མཆེ་གཙིགས་ལྗགས་བརྐྱང་འདྲིལ༔ ཧཱུྃ་ཕཊ་ཕཻཾ་གྱི་སྒྲ་དྲག་སྒྲོག༔ ཁྲོ་གཉེར་ཆུ་རླབས་ལྟ་བུར་འཁྲུགས༔ སྨ་ར་སྨིན་མ་མེ་ལྟར་འབར༔ རྡོ་རྗེའི་སྐུ་མཆོག་སྤྲིན་བཞིན་གནག༔ གཡས་དགུའི་དང་པོས་རྡོ་རྗེ་གདེང༔ འཁོར་ལོ་དགྲ་སྟྭ་རལ་གྲི་མདུང༔ ཐོ་བ་ལྕགས་ཀྱུ་གསལ་ཤིང་བསྣམས༔ གཡོན་དགུས་མེ་དཔུང་ཁཊྭཱཾ་ག༔ རི་རབ་ཞགས་པ་བྷནྡྷ་དམར༔ སྡིག་མཛུབ་མདའ་དང་བདུད་བཞིའི་མགོ༔ ཐ་མའི་ཕྱག་གཉིས་ཕུར་བུ་འདྲིལ༔ དྲག་པོའི་སྟང་སྟབས་ཕྱོགས་བཅུར་གཡོ༔ འབར་བའི་ཞབས་བཞི་བརྐྱང་བསྐུམ་གྱིས༔ བར་ཆད་བདུད་བཞི་བརྫིས་ཤིང་མནན༔ གླང་ཆེན་ཞིང་ལྤགས་སྟོད་གཡོགས་ཤིང༔ སྟག་གི་ཤམ་ཐབས་གྲོལ་ཞིང་འཆིང༔ སྐུ་ལ་རུས་པའི་ཕྱག་རྒྱ་དྲུག༔ མགོ་ཕྲེང་དཔལ་གྱི་ཆས་གོས་རྫོགས༔ རྡོ་རྗེ་རིན་ཆེན་གཤོག་པ་གདེངས༔ ཡེ་ཤེས་མེ་དཔུང་འབར་བའི་ཀློང༔ ཁམས་གསུམ་ཟིལ་གནོན་ཆེན་པོར་གསལ༔ པང་དུ་བདེ་ཆེན་སྐྱེད་པའི་ཡུམ༔ འཁོར་ལོ་རྒྱས་འདེབས་ཁྲོ་གཏུམ་སྒེག༔ གཅེར་བུ་གཟིག་གི་ཤམ་ཐབས་གསོལ༔ ཐོད་སྐམ་རུས་པའི་རྒྱན་གྱིས་སྤྲས༔ ཕྱག་གཉིས་གཡས་པས་ཡབ་མགུལ་འཁྱུད༔ ཨུཏྤལ་མཐེབ་སྲིན་སྦྱར་བས་འཛིན༔ གཡོན་པས་དམར་གྱི་བྷནྡྷ་སྟོབ༔ ནུ་འབུར་བྷ་ག་རྒྱས་པས་སྦྱོར༔ སྐེད་སྐབས་ཕྲ་ལྡེམ་གཡས་པའི་ཞབས༔ ཡབ་ཀྱི་དཀུ་ལ་འཁྱུད་ཅིང་ལྡེམ༔ གཡོན་པ་བརྐྱངས་ཏེ་དགྲ་བགེགས་བརྫིས༔ འབར་བའི་བརྟུལ་ཞུགས་ཡོངས་སུ་རྫོགས༔ གཙོ་བོའི་གཡོན་དུ་སྒྲོལ་བྱེད་ཀྱི༔ ཡུམ་མཆོག་ཨེ་ཀ་ཛཱ་ཊི་མ༔ ཁྲོ་གཏུམ་སྒེག་པའི་གཟི་བྱིན་གྱིས༔ ཡབ་ལ་ལྟ་ཞིང་ཆགས་པའི་ཚུལ༔ གཡས་པས་གྲི་གུག་ནམ་མཁར་འཕྱར༔ གཡོན་པས་ཙིཏྟ་ཁྲག་འཛག་ཟ༔ གཅེར་བུ་རུས་པའི་རྒྱན་འཆང་བའི༔ གཡེར་ཁའི་སྒྲ་ལས་ཆོས་སྒྲ་སྒྲོག༔ གཉིས་པ་ལོངས་སྐུའི་ངོ་བོ་ཕྱོགས་བཅུའི་ཁྲོ་བོའི་དཀྱིལ་འཁོར་སྤྲོ་བ་ནི། ཨ་ཧོ་ཨ་ཧོ་ཨ་ཧོ་ཧཱུྃ༔ ས་མ་ཡ་ཧོཿ ས་མ་ཡ་སྟྭཾ༔ ཨ་ནུ་རཱ་ག་ཡ་མི༔ ཨ་ནུ་རཱ་ག་ཡ་ཧོཿ རྡོ་རྗེ་པདྨ་རྒྱས་མཛད་དེ༔ སྦྱོར་བས་སྐུ་ནི་སྒེག་བཞད་དཔའ༔ པདྨ་བྷཉྫ་མོ་ཀྵ་ཧོཿ ཞལ་ནས་ཨ་ཧོ་ཧཾ་ཞེས་སྒྲོགས༔ རྡོ་རྗེའི་གསུང་མཆོག་རྒོད་གཤེ་རྔམས༔ ཐུགས་ནི་བདེ་བ་ཆེར་འབར་བའི༔ སྙིང་རྗེ་རྔམས་དང་ཞི་བར་བཅས༔ སྲུབ་ཅིང་སྲུབ་པའི་སྦྱོར་བའི་སྒྲས༔ སངས་རྒྱས་སྲས་བཅས་རྗེས་ཆགས་བསྐུལ༔ ཞལ་ཞུགས་བྱང་ཆུབ་སེམས་སུ་ཞུ༔ དྭངས་མའི་སེམས་སྤྲིན་ཧཱུྃ་དུ་སྤྲོས༔ ཕྱོགས་བཅུའི་རྩིབས་ལ་བབ་པ་ལས༔ འོད་ཟེར་རྣོན་པོས་ཕྱོགས་སྐྱོང་བའི༔ གདོན་ཚོགས་བཏུལ་ཏེ་ཚུར་འདུས་པ༔ པད་ཉི་ཕྱོགས་སྐྱོང་ཕོ་མོའི་སྟེང༔ ཧཱུྃ་བབ་ཡོངས་གྱུར་ཁྲོ་བཅུར་གྱུར༔ ཨོཾ་བཛྲ་ཀྲོ་དྷ་ཧཱུྃ་ཀཱ་ར་ཧཱུྃ༔ གརྫ་གརྫ་ཧཱུྃ་ཕཊ྄༔ སྟེང་ཕྱོགས་ཉི་ཟླའི་གདན་སྟེང་དུ༔ ཧཱུྃ་མཛད་སྔོ་སྐྱ་མཐིང་སེར་དམར༔ ཞལ་གསུམ་ཕྱག་དྲུག་དང་པོ་གཉིས༔ རྡོ་རྗེ་དུང་དམར་བར་པ་ཡིས༔ མདའ་གཞུ་འགེངས་ཞིང་རོལ་པའི་ཡུམ༔ སྒྲ་འབྱིན་མར་སྦྱོར་ཕྲ་མེན་ནི༔ ཕག་དང་རྨིགས་བུའི་མགོ་ཅན་ནོ༔ ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ༔ ཧ་ན་ཧ་ན་ཧཱུྃ་ཕཊ྄༔ ཤར་ཕྱོགས་དྲི་ཟའི་གདན་སྟེང་དུ༔ རྣམ་པར་རྒྱལ་བ་དཀར་སྔོ་ལྗང༔ དང་པོས་རྡོ་རྗེ་བྷན་དམར་དཀྲུག༔ བར་པས་འཁོར་ལོ་རྩེ་གསུམ་གདེངས༔ རྣམ་སྙེམས་ཡུམ་སྦྱོར་ཕྲ་མེན་མ༔ སྟག་དང་བྱ་རྒོད་མགོ་ཅན་ནོ༔ ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུྃ༔ ད་ཧ་ད་ཧ་ཧཱུྃ་ཕཊ྄༔ ཤར་ལྷོ་མེ་ལྷའི་གདན་སྟེང་དུ༔ དབྱུག་སྔོན་མཐིང་ནག་དཀར་དམར་ཞལ༔ ཕྱག་དྲུག་རྡོ་རྗེ་དུང་ཆེན་ཁྲག༔ མེ་དབལ་རྡོ་རྗེའི་དབྱུག་ཐོ་འཕྱར༔ རྡོ་རྗེ་སྡེར་མོ་དང་སྦྱོར་བའི༔ ཕྲ་མེན་གཡག་དང་བྱ་རོག་མགོ༔ ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ༔ པ་ཙ་པ་ཙ་ཧཱུྃ་ཕཊ྄༔ ལྷོ་ཕྱོགས་གཤིན་རྗེའི་གདན་སྟེང་དུ༔ གཤིན་རྗེ་གཤེད་སྔོན་སྔོ་ལྗང་ཞལ༔ ཕྱག་དྲུག་རྡོ་རྗེ་ཐོད་པ་དང༔ དགྲ་སྟྭ་འབར་བའི་བེ་ཅོན་འཕྱར༔ དུར་ཁྲོད་བདག་མོ་ཡུམ་དང་སྦྱོར༔ ཕྲ་མེན་ཤ་བ་འུག་པའི་མགོ༔ ཨོཾ་བཛྲ་ཀྲོ་དྷ་ཨཱརྻ་ཨ་ཙ་ལ་ཧཱུྃ༔ བྷནྡྷ་བྷནྡྷ་ཧཱུྃ་ཕཊ྄༔ ལྷོ་ནུབ་སྲིན་པོའི་གདན་སྟེང་དུ༔ མི་གཡོ་མཐིང་ག་ཞལ་དཀར་དམར༔ དང་པོས་རྡོ་རྗེ་ཀ་པཱ་ལ༔ རལ་གྲི་ཞགས་པ་འཕེན་པའི་ཡུམ༔ གཏུན་ཁུང་མ་དང་སྦྱོར་བ་ཡི༔ ཕྲ་མེན་གཟིག་དང་ཁྭ་ཏའི་མགོ༔ ཨོཾ་བཛྲ་ཀྲོ་དྷ་ཧྱ་གྲཱྀ་ཝ་ཧཱུྃ༔ ཧུ་ལུ་ཧུ་ལུ་ཧཱུྃ་ཕཊ྄༔ ནུབ་ཕྱོགས་ཆུ་ལྷའི་གདན་སྟེང་དུ༔ རྟ་མགྲིན་དམར་པོ་དཀར་སྔོའི་ཞལ༔ ཕྱག་དྲུག་རྡོ་རྗེ་བྷན་དམར་འཛིན༔ ཞགས་པ་སྤུ་གྲི་གདེངས་པའི་ཡུམ༔ གཏུམ་མོ་མར་སྦྱོར་རོལ་པ་ཡི༔ ཕྲ་མེན་བྱི་ལ་པུ་ཤུད་མགོ༔ ཨོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུྃ༔ ཏིཥྛ་ཏིཥྛ་ཧཱུྃ་ཕཊ྄༔ ནུབ་བྱང་རླུང་ལྷའི་གདན་སྟེང་དུ༔ འདོད་རྒྱལ་དམར་སྐྱ་ཞལ་ལྗང་སེར༔ ཕྱག་དྲུག་རྡོ་རྗེ་ཐོད་ཁྲག་དང༔ བ་དན་རྔ་ཡབ་འཛིན་པའི་ཡུམ༔ མདའ་སྙེམས་མ་དང་འཁྲིལ་བ་ཡི༔ ཕྲ་མེན་སྤྱང་ཀི་ཁྲ་ཡི་མགོ༔ ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུྃ༔ ཚིནྡྷ་ཚིནྡྷ་ཧཱུྃ་ཕཊ྄༔ བྱང་ཕྱོགས་གནོད་སྦྱིན་གདན་སྟེང་དུ༔ བདུད་རྩི་འཁྱིལ་ལྗང་སེར་དུད་ཁ༔ རྡོ་རྗེ་དུང་ཁྲག་རྒྱ་གྲམ་དང༔ དབྱུག་ཐོ་བསྣམ་པའི་ཡུམ་རླུང་འབྱིན༔ ཕྲ་མེན་སེང་གེ་ཕ་ཝཾ་མགོ༔ ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུྃ༔ བྷིནྡྷ་བྷིནྡྷ་ཧཱུྃ་ཕཊ྄༔ བྱང་ཤར་དབང་ལྡན་གདན་སྟེང་དུ༔ ཁམས་གསུམ་རྣམ་རྒྱལ་སེར་ནག་ཞལ༔ དཀར་ལྗང་རྡོ་རྗེ་དུང་ཆེན་བསྣམ༔ མདའ་གཞུ་འགེངས་པའི་ཡུམ་གསོད་བྱེད༔ ཕྲ་མེན་དོམ་དང་སྲེ་མོང་མགོ༔ ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ༔ སྥོ་ཊ་སྥོ་ཊ་ཧཱུྃ་ཕཊ྄༔ འོག་ཕྱོགས་ས་བདག་གདན་སྟེང་དུ༔ སྟོབས་ཆེན་དུད་ཁ་ནག་སེར་ཞལ༔ ཕྱག་དྲུག་རྡོ་རྗེ་དུང་ཆེན་དང༔ ཐོ་བ་ཞགས་འཛིན་ཡུམ་བསྐྱོད་བྱེད༔ ཕྲ་མེན་དྲེད་དང་བྱི་བའི་མགོ༔ ཁྲོ་བོ་ཆེན་པོ་དེ་དག་ཀྱང༔ ཞལ་གསུམ་ཕྱག་དྲུག་ཞབས་བཞི་བགྲད༔ ཆ་བྱེད་གཙོ་མཚུངས་ཐ་མའི་ཕྱག༔ ཕྲིན་ལས་དོན་རྟགས་ཕུར་པ་འདྲིལ༔ དཔལ་དང་དུར་ཁྲོད་རོལ་པའི་ཆས༔ བརྐྱང་བསྐུམ་སྲིན་པོའི་སྟབས་སུ་འགྱིང༔ ཡུམ་མཆོག་བདེ་སྦྱོར་གཙོ་མོ་འདྲ༔ ཕྲ་མེན་གཅེར་བུ་སྟང་སྟབས་ཅན༔ སྟག་གཟིག་ཤམ་ཐབས་འཕྱང་ཞིང་རྒྱུག༔ གཡས་པས་ལྕགས་ཀྱུ་གཡོན་པ་ན༔ ཕུར་བུ་འདྲིལ་ཞིང་བགེགས་ལ་འདེབས༔ མེ་དཔུང་རྔམས་པའི་ཀློང་ན་འགྱིང༔ ཕྱོགས་བཅུའི་ཁྲོ་བོའི་དཀྱིལ་འཁོར་རྫོགས༔ གསུམ་པ་སྤྲུལ་སྐུ་ཕུར་པ་རྫས་ཀྱི་དཀྱིལ་འཁོར་བསྒོམ་པ་ལ་ཐུན་མོང་དང༌། ཁྱད་པར་གཉིས་ལས། དང་པོ་ནི། ཨོཾ་བཛྲ་མ་ཧཱ་ཀྲོ་དྷ་མཎྜ་ལ་ཧཱུྃ༔ ཟླ་གམ་འཁྱིལ་པ་གསུམ་གྱི་སྟེང༔ གཙོ་བོ་ཡབ་ཡུམ་སྦྱོར་མཚམས་ནས༔ ཧཱུྃ་ཡིག་བདུན་ཚན་གསུམ་དུ་སྤྲོས༔ འོད་ཀྱིས་ཁམས་གསུམ་གདུག་ཅན་བསྒྲལ༔ སྣང་སྲིད་ཕུར་བུའི་ད་ལར་རྫོགས༔ བདེ་གཤེགས་རྒྱལ་བ་རབ་འབྱམས་ཀྱི༔ སྐུ་གསུང་ཐུགས་ཀྱི་བྱིན་རླབས་བསྡུས༔ ཧཱུྃ་ལ་ཐིམ་པས་སྐད་ཅིག་གིས༔ མདུན་དུ་ཐུགས་ཀྱི་སྲས་མཆོག་མཐིང༔ གཡས་སུ་སྐུ་ཡི་སྲས་ལྗང་ནག༔ གཡོན་དུ་གསུང་གི་སྲས་དམར་ནག༔ ཀུན་ཀྱང་ཞལ་གསུམ་ཕྱག་དྲུག་ཅན༔ གཡས་གཡོན་དཀར་དམར་ཞལ་ནི་བརྗིད༔ དང་པོས་རྡོ་རྗེ་མེ་ཆེན་སྤྲོ༔ བར་པས་དགྲ་སྟྭ་ཁཊྭཱཾ་གདེངས༔ ཐ་མས་ཕུར་བུ་འདྲིལ་བ་ཡི༔ སྐུ་ལ་དུར་ཁྲོད་དཔལ་ཆས་རྫོགས༔ སྐུ་སྨད་འབར་བའི་ཕུར་བུའི་དབལ༔ གནམ་ལྕགས་མེ་འཁྲུགས་ཚྭ་ཚྭ་འཕྲོ༔ ཆུ་སྲིན་ཁ་ནས་ཐོན་པ་ཡི༔ དུག་སྦྲུལ་སྡོམ་དང་སྡིག་པ་འཕྱོ༔ དགྲ་བགེགས་སྙིང་གི་དཀར་ནག་མཚམས༔ ཕུར་རྩེ་གཟིར་བས་སྲིད་གསུམ་བསྒྲལ༔ མཚན་མ་རྫས་ཀྱི་དཀྱིལ་འཁོར་རྫོགས༔ དཔལ་ཆེན་གསང་བ་གསུམ་དུ་གྱུར༔ ཨོཾ་བཛྲ་ཀྲོ་དྷ་ཀཱི་ལ་ཡ་ཧཱུྃ་ཕཊ྄༔ གཉིས་པ་སླར་ཡང་ཕྲིན་ལས་བཞིའི་སྲས་མཆོག་བསྐྱེད་པ་ནི། སླར་ཡང་ཡབ་ཡུམ་སྦྱོར་མཚམས་ནས༔ ཧཱུྃ་སྤྲོས་གཞལ་ཡས་གྲྭ་བཞིར་བབ༔ ཤར་ལྷོར་བུདྡྷ་ཀཱི་ལ་ཡ༔ དཀར་གསལ་དམར་དང་ནག་པོའི་ཞལ༔ ཕྱག་དྲུག་དང་པོས་འཁོར་ལོ་དང༔ དུང་ཁྲག་བར་པས་ཁཊྭཱཾ་མེ༔ ཐ་གཉིས་དངུལ་ཕུར་དཀར་པོ་འདྲིལ༔ སྐུ་སྨད་དབལ་ཟླུམ་ཕུར་བུའི་རྩེ༔ ལྷ་བུའི་བདུད་ཀྱི་སྙིང་གར་གཟིར༔ ལྷོ་ནུབ་རིན་ཆེན་ཀཱི་ལ་ཡ༔ སེར་སྨུག་གཡས་མཐིང་གཡོན་དམར་པོ༔ ཕྱག་དྲུག་རིན་ཆེན་དུང་ཁྲག་དང༔ ཁཊྭཱཾ་མེ་དཔུང་བསྣམས་པ་ཡི༔ ཐ་མས་གསེར་ཕུར་སེར་པོ་འདྲིལ༔ སྐུ་སྨད་གྲུ་བཞི་དབལ་སེར་པོ༔ ཕུང་པོའི་བདུད་ཀྱི་སྙིང་གར་གཟིར༔ ནུབ་བྱང་པདྨ་ཀཱི་ལ་ཡ༔ དམར་སྨུག་གཡས་སེར་གཡོན་ལྗང་གུ༔ ཕྱག་དྲུག་པདྨ་དུང་ཁྲག་དང༔ ཁཊྭཱཾ་ག་དང་མེ་དཔུང་པར༔ ཐ་མས་ཟངས་ཕུར་དམར་པོ་འདྲིལ༔ སྐུ་སྨད་ཟླ་གམ་འབར་བའི་དབལ༔ ཉོན་མོངས་བདུད་ཀྱི་སྙིང་གར་གཟིར༔ བྱང་ཤར་ཀརྨ་ཀཱི་ལ་ཡ༔ ལྗང་ནག་གཡས་དཀར་གཡོན་དམར་པོ༔ ཕྱག་དྲུག་རྒྱ་གྲམ་དུང་ཁྲག་དང༔ ཁཊྭཱཾ་རྩེ་གསུམ་མེ་ཞགས་བསྣམས༔ ཐ་མས་གཡུ་ཕུར་ལྗང་གུ་འདྲིལ༔ སྐུ་སྨད་གནམ་ལྕགས་ཟུར་གསུམ་དབལ༔ འཆི་བདག་བདུད་ཀྱི་སྙིང་གར་གཟིར༔ ཀུན་ཀྱང་ཁྲོ་བོ་ཆེན་པོ་ནི༔ དཔལ་དང་དུར་ཁྲོད་འབར་བའི་ཆས༔ ཡེ་ཤེས་མེ་ཡི་ཟེར་འཕྲོ་ཞིང༔ བདུད་བཞི་འདུལ་བའི་ཕྲིན་ལས་རྫོགས༔ ཨོཾ་བུདྡྷ་རཏྣ་པདྨ་ཀརྨ་ཀྲོ་དྷ་ཀཱི་ལ་ཡ་ཧཱུྃ་ཕཊ྄༔ དེ་ནས་སྒོ་བ་དང་བཀའ་སྡོད་ཀྱི་དཀྱིལ་འཁོར་བསྒོམ་པ་ནི། གཙོ་བོའི་སྦྱོར་མཚམས་ཛཿཧཱུྃ་བྃ༔ ཧོཿཡི་ཡི་གེ་བཞི་སྤྲོས་པས༔ ཤར་དུ་སྒོ་མ་ལྕགས་ཀྱུ་མ༔ དཀར་མོ་རྟ་ཡི་གདོང་པ་ཅན༔ ལྷོ་རུ་སྒོ་མ་ཞགས་པ་མ༔ སེར་མོ་ཕག་གི་གདོང་པ་ཅན༔ ནུབ་ཏུ་སྒོ་མ་ལྕགས་སྒྲོག་མ༔ དམར་མོ་ཀངྐའི་གདོང་པ་ཅན༔ བྱང་དུ་སྒོ་མ་དྲིལ་བུ་མ༔ ལྗང་གུ་སྤྱང་ཀིའི་གདོང་པ་ཅན༔ ཀུན་ཀྱང་གཡོན་པས་ཕུར་པ་འདྲིལ༔ གཅེར་མོ་རལ་གསིགས་གཟིག་ཤམ་ཅན༔ གཏུམ་ཆེན་རྔམ་པའི་གད་རྒྱང་ཅན༔ པད་ཉི་བམ་རོའི་སྟེང་ན་འགྱིང༔ ཛཿཧཱུྃ་བྃ་ཧོཿ ཁྲག་ཁྱམས་དཔལ་གྱི་དཀའ་སྡོད་ཆེ༔ ཤྭ་ན་བདག་ཉིད་ས་བདག་བཞི༔ བསྭེ་མོ་བསྭེ་ལྕགས་དུང་གི་གིང༔ དབང་ཕྱུག་ཉི་ཤུ་རྩ་བརྒྱད་སོགས༔ དམ་ཅན་རྒྱ་མཚོའི་ཚོགས་ཀྱིས་བསྐོར༔ ཀུན་ཀྱང་རང་རང་རྒྱན་ཆས་ཚོགས༔ རྫོགས་པ་བཀའ་སྡོད་ཚུལ་དུ་གནས༔ ཨོཾ་བཛྲ་ཀཱི་ལི་ཀཱི་ལ་ཡ་མོ་ཧ་གྷཱ་ཏ་ཡ་མ་མ་ཤྲཱི་གྷྲཾ་ཀརྨ་ཀ་ར་ཡེ་ཧཱུྃ་ཕཊ྄༔ དེ་ལྟར་སྣང་སྲིད་རྡོ་རྗེ་ཕུར་པའི་དཀྱིལ་འཁོར་གསུམ་གྱི་རང་བཞིན་དུ་གསལ་གདབ་པ་ལ་སྐུ་གསུང་ཐུགས་ཀྱི་ཡེ་ཤེས་ཀྱི་ཕྱག་རྒྱས་འདེབས་པ་ནི། ཧཱུྃ༔ སངས་རྒྱས་ཀུན་གྱི་ཡེ་ཤེས་སྐུ༔ ངང་ཉིད་རྡོ་རྗེ་ཆོས་དབྱིངས་ལས༔ འབར་བའི་ཁྲོ་བོ་མི་བཟད་པའི༔ སྐུ་ཡི་དབྱིག་ཏུ་བདག་སྐྱེད་ཅིག༔ ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཏྨ་ཀོ྅ཧཾ༔ ཨོཾ་སརྦ་ཏ་ཐཱ་ག་ཏ་མ་ཧཱ་ཝཱཀ་བཛྲ་སྭ་བྷཱ་ཝ་ཨཏྨ་ཀོ྅ཧཾ༔ ཨོཾ་སརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭ་བྷཱ་ཝ་ཨཏྨ་ཀོ྅ཧཾ༔ དཀྱིལ་འཁོར་གྱི་ལྷ་རྣམས་ཀྱི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ་གིས་མཚན་པ་ལས་འོད་ཟེར་འཕྲོས། སངས་རྒྱས་ཐམས་ཅད་ཀྱི་སྐུ་གསུང་ཐུགས་རྡོ་རྗེའི་རྣམ་པར་སྤྱན་དྲངས་གནས་གསུམ་དུ་ཐིམ་པས་དེ་རྣམས་ཀྱི་གསང་བ་གསུམ་དང་གཉིས་སུ་མེད་པར་གྱུར། དབང་བསྐུར་བ་ནི། ཡང་ཐུགས་ཀ་ནས་འོད་འཕྲོས་དབང་གི་ལྷ་ཐམས་ཅད་སྤྱན་དྲངས་པས་དབང་བསྐུར་བར་གྱུར། ཧཱུྃ༔ ཐབས་ཀྱི་སྤྱོད་པས་འགྲོ་དོན་དུ༔ བྱམས་དང་སྙིང་རྗེས་གང་འདུལ་བ༔ སངས་རྒྱས་ཕྲིན་ལས་རྫོགས་མཛད་པའི༔ དབང་དང་བྱིན་རླབས་དེང་སྩོལ་ཅིག༔ ཨོཾ་མ་ཧཱ་ཤཱུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཨོཾ་མ་ཧཱ་ཨཱདརྴ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཨོཾ་མ་ཧཱ་ས་མ་ཏ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཨོཾ་མ་ཧཱ་པྲ་ཏྱ་བེཀྵ་ན་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཨོཾ་མ་ཧཱ་ཀྲྀ་ཏྱ་ནུཥྛ་ན་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ། སྤྱི་བོའི་གནས་ལྔར་དབང་ལྷ་ཡབ་ཡུམ་རྗེས་ཆགས་རྒྱས་པའི་ཞུ་བདེའི་བྱང་ཆུབ་སེམས་ཀྱི་ཆུ་རྒྱུན་གྱིས་དབང་བསྐུར། ཉོན་མོངས་པ་ལྔའི་དྲི་མ་སྦྱངས། ཕུང་པོ་ལྔ་རིགས་ལྔའི་སངས་རྒྱས་སུ་གནས་གྱུར། ཆུ་ཡི་ལྷག་མ་སྤྱི་བོར་འཁྱིལ་བ་ལས་གཙོ་བོ་ལ་རྡོ་རྗེ་མི་བསྐྱོད་པ་དང༌། འཁོར་རྣམས་ལ་སོ་སོའི་རིགས་ཀྱི་བདག་པོས་དབུ་བརྒྱན་པར་གྱུར། བཞི་པ་ཡེ་ཤེས་ཀྱི་འཁོར་ལོ་སྤྱན་འདྲེན་པ་ནི། དཀྱིལ་འཁོར་གྱི་ལྷ་ཚོགས་རྣམས་ཀྱི་ཐུགས་ཀའི་འོད་ཟེར་གྱིས་བསྐུལ་བས་རང་བཞིན་གྱི་གནས་ནས་བླ་མ་རིག་འཛིན་སངས་རྒྱས་དང་བྱང་ཆུབ་སེམས་དཔའ་དཔའ་བོ་མཁའ་འགྲོ་ཐམས་ཅད་སངས་རྒྱས་ཀུན་གྱི་ཕྲིན་ལས་ཀྱི་རྣམ་རོལ་མི་བཟད་འབར་བ་དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་གྱི་ལྷ་ཚོགས་དམ་ཅན་སྲུང་མ་དང་བཅས་པའི་རྣམ་པར་བཛྲ་ས་མཱ་ཛཿ ཧཱུྃ་ཧྲཱིཿ ཆོས་དབྱིངས་མཐའ་དབུས་བྲལ་བ་ནས༔ རང་བྱུང་ཡེ་ཤེས་ཧེ་རུ་ཀ༔ དཔལ་ཆེན་ཀརྨ་ཀཱི་ལ་ཡ༔ འཇིགས་མཛད་རྡོ་རྗེ་གཞོན་ནུ་ཆེ༔ ཐབས་ཀྱི་སྤྱོད་པས་གང་འདུལ་དུ༔ སངས་རྒྱས་ཕྲིན་ལས་རྫོགས་མཛད་པའི༔ ཡེ་ཤེས་ཁྲོ་བོ་ཆེན་པོ་ནི༔ འཁོར་གྱི་དཔལ་ཆེན་ཁྲོ་རྒྱལ་བཅུ༔ སྲས་དང་སྤྲུལ་པ་བཀའ་སྡོད་བཅས༔ མ་ལུས་འཁོར་བཅས་གཤེགས་སུ་གསོལ༔ གནས་འདི་ཉིད་དུ་གཤེགས་ནས་ཀྱང༔ རྟགས་དང་མཚན་མ་བསྟན་པ་དང༔ ཀཱི་ལ་ཡ་ཡི་དངོས་གྲུབ་སྩོལ༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ སརྦ་ས་མ་ཡ་ཛཿཛཿ ལྔ་པ་དམ་ཡེ་གཉིས་མེད་དུ་བསྟིམ་པ་ནི། ཧཱུྃ་ཧྲཱིཿ བདེ་ཆེན་དབྱིངས་ཀྱི་གཞལ་ཡས་དབུས༔ རང་སྣང་རིག་པའི་ལྷ་ཚོགས་རྣམས༔ གཉིས་སུ་མེད་པར་བཞུགས་ནས་ཀྱང༔ སྐུ་གསུང་ཐུགས་ཀྱི་དངོས་གྲུབ་སྩོལ༔ སརྦ་ས་མ་ཡ་ཏིཥྛ་ལྷན༔ དྲུག་པ་ཕྱག་འཚལ་བ་ནི། ཧཱུྃ་ཧྲཱིཿ སངས་རྒྱས་ཀུན་གྱི་ཡེ་ཤེས་སྐུ༔ ངང་ཉིད་རྡོ་རྗེ་ཆོས་དབྱིངས་ལས༔ འབར་བའི་ཁྲོ་བོ་མི་བཟད་པ༔ དཀྱིལ་འཁོར་ལྷ་ལ་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏཱིཙྪ་ཧོཿ བདུན་པ་མཆོད་པ་ལ། ཉེར་སྤྱོད་སྨན་རཀ་གཏོར་མ་དང༌། །སྦྱོར་དང་སྒྲོལ་བའི་མཆོད་པ་གསུམ། །ཞེས་ནང་གསེས་སུ་གསུམ་དུ་དབྱེ་བའི་དང་པོ་ཐུན་མོང་ཉེར་སྤྱོད་ཀྱི་མཆོད་པ་ལ་ཞི་དྲག་གཉིས་ལས། དང་པོ་ནི། ཧཱུྃ། རྣམ་བཀྲའི་མེ་ཏོག་ཕྲེང་མཛེས་སྤོས་སྤྲིན་གཏིབས། །གསལ་བྱེད་མར་མེ་དྲི་ལྡན་གངྒའི་རྒྱུན། །རོ་བརྒྱའི་ཞལ་ཟས་དབྱངས་སྙན་རོལ་མོ་སོགས། ཀུན་བཟང་མཆོད་སྤྲིན་རྒྱ་མཚོར་སྤེལ་ཏེ་མཆོད། །གཟུགས་མཛེས་སྒྲ་སྙན་དྲི་ཞིམ་རོ་བདའ་དང༌། །རེག་བདེ་འདོད་ཡོན་ལྔ་དང་རྒྱལ་སྲིད་བདུན། །བཀྲ་ཤིས་རྫས་རྟགས་མཐོ་རིས་འབྱོར་པའི་ཚོགས། །མི་ཟད་ནམ་མཁའ་མཛོད་དུ་སྦར་ཏེ་མཆོད། །བདེ་སྟོང་སྒྱུ་མའི་ཆོ་འཕྲུལ་ལས་སྐྱེས་པའི། །ཡིད་འོང་བཅུ་དྲུག་ལང་ཚོའི་དཔལ་འཛིན་མ། །རྡོ་རྗེ་ལྷ་མོས་དགྱེས་པའི་གླུ་གར་བཅས། །ཕུན་ཚོགས་མཛེས་པའི་ཁྱད་པར་དུ་མས་མཆོད། །ཨོཾ་ཤྲཱི་བཛྲ་ཀུ་མཱ་ར་མཎྜ་ལ་ས་པ་རི་ཝ་ར་ཨརྒྷཾ་ནས། ཤབྡ་པཉྩ་ཀཱ་མ་གུ་ཎ་དེ་ཝི་ས་མུ་དྲ་སྥ་ར་ཎ་ས་མ་ཡེ་ཨཱཿཧཱུྃ། གཉིས་པ་ནི། ཧཱུྃ་ཧྲཱིཿ འབར་བའི་ང་རྒྱལ་ཆེན་པོ་ཡིས༔ ཁམས་གསུམ་གདུག་པ་བསྒྲལ་བའི་ཕྱིར༔ དམ་ཉམས་སྙིང་ཁྲག་མཆོད་ཡོན་དང༔ མྱོས་བྱེད་དུག་ཆུའི་ཞབས་བསིལ་འཁྲུགས༔ དབང་པོ་ལྔ་ཡི་མེ་ཏོག་དང༔ ཚིལ་ཆེན་དུད་པ་འཁྲིགས་པའི་སྤོས༔ ཞུན་གྱི་མར་མེ་མདངས་གསལ་ཞིང༔ མཁྲིས་སྣ་ཁྲག་ཞག་བྱུག་པའི་རྩི༔ ཤ་རུས་དོན་སྣོད་མཱཾ་སའི་ཟས༔ ཐོད་རྔ་མི་རྐང་གླིང་བུ་སོགས༔ རུ་ཏྲ་ཆེན་པོའི་ལོངས་སྤྱོད་ཀྱིས༔ ཁྲག་འཐུང་རྡོ་རྗེའི་ལྷ་ཚོགས་བསྐང༔ ཨོཾ་བཛྲ་རཱུ་པ་ཤབྡ་གནྡྷེ་རཱ་ས་སྤརྴེ་རུ་ཏྲ་པཱུ་ཛ་ས་མ་ཡ་ཧོཿ གཉིས་པ་ཁྱད་པར་གྱི་མཆོད་པ་ལ་གསུམ་ལས། སྨན་གྱི་མཆོད་པ་ནི། ཧཱུྃ༔ རང་བྱུང་པདྨ་བྷཉྫའི་སྣོད༔ བདེ་ཆེན་རྡོ་རྗེའི་སྦྱོར་བ་ལས༔ འབར་བ་དཀྱིལ་འཁོར་དགུའི་བྱང་སེམས༔ ཡེ་ཤེས་ཀློང་དགུའི་ཕྱག་རྒྱའི་སྤྲིན༔ རང་བཞིན་ལྷུན་རྫོགས་མཆོད་པ་ཆེ༔ བདུད་རྩི་ར་ས་ཡཱ་ནའི་དངོས༔ བླ་མེད་དམ་ཚིག་རྫས་ཀྱི་མཆོག༔ ཨོཾ་ཨ་མྲྀ་ཏ་ཁཱ་ཧི༔ བརྒྱུད་མཆོད་ནི། དགོངས་པ་བརྡ་དང་སྙན་ནས་བརྒྱུད་པ་ཡི། །བྱིན་རླབས་སྤྲིན་ཕུང་ཡེ་ཤེས་ཆར་ཆེན་འབེབས། །རིག་འཛིན་རྩལ་འཆང་རྩ་བརྒྱུད་བླ་མ་ལ། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། ཁྱབ་བདག་སྟོན་པ་ཆོས་སྐུ་ཀུན་ཏུ་བཟང༌། །ལོངས་སྤྱོད་ཡོངས་རྫོགས་རྡོ་རྗེ་སེམས་དཔའ་དང༌། །སྤྲུལ་སྐུ་མཁའ་འགྲོ་ལས་ཀྱི་དབང་མོ་ལ། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། ཕུར་པའི་རིག་འཛིན་པྲ་བྷ་ཧསྟི་དང༌། །འཕོ་ཆེན་སྐུ་བརྙེས་བི་མ་ལ་མི་ཏྲ། །དཀྱིལ་འཁོར་ཀུན་བདག་པདྨ་འབྱུང་གནས་ལ། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། དབྱིངས་ཕྱུག་ཌཱ་ཀི་བདེ་ཆེན་མཚོ་རྒྱལ་དང༌། བདུད་རྩི་ཕུར་གྲུབ་ཛྙཱ་ན་ཀུ་མཱ་ར། །མངའ་བདག་ཆེན་པོ་སོག་པོ་ལྷ་དཔལ་རྗེར། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། བཀའ་བབ་བདུན་ལྡན་རྡོ་རྗེ་གཟི་བརྗིད་དང༌། །གཏེར་འབྱིན་མདོ་སྔགས་གླིང་དང་མ་ཏིའི་མཚན། །ཆོས་བདག་རིག་འཛིན་བརྒྱུད་པར་བཅས་པ་ལ། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། རྡོ་རྗེ་གཞོན་ནུ་བདུད་འདུལ་ཁྲོ་བོ་བཅུ། །ཕྲ་ཐབས་སྲས་མཆོག་སྒོ་མ་ཕུར་སྲུང་སོགས། །དངོས་གྲུབ་མཆོག་སྩོལ་བསམ་ཡས་དཀྱིལ་འཁོར་ལ། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། དཔལ་གྱི་བཀའ་སྡོད་ཕྲིན་ལས་གློག་ལྟར་འཁྱུག །མ་སྲིང་མཁའ་འགྲོ་དམ་ཅན་རྒྱ་མཚོ་དང༌། །སྣང་སྲིད་གཞིར་བཞེངས་རྡོ་རྗེའི་མཎྜ་ལར། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། དངོས་གྲུབ་བླང་བ་ནི། ཨོཾ་ཨཱཿཧཱུྃ༔ དམ་ཚིག་རྫས་ཀྱི་བདུད་རྩི་ལས༔ ཡེ་ཤེས་སྙིང་པོའི་དངོས་གྲུབ་དབྱིག༔ མཐེབ་སྲིན་ཉི་ཟླའི་གྭའུ་ཡིས༔ རྡོ་རྗེའི་ལྕེ་ལ་བཞག་ཅིང་མྱང༔ ཀཱ་ཡ་ཝཱཀ་ཙིཏྟ་ཨ་མྲྀ་ཏ་སིདྡྷི་ཕ་ལ་ཧོ༔ གཏོར་མའི་མཆོད་པ་ནི། ཧཱུྃ་ཧྲཱིཿ རྡོ་རྗེའི་ཕུང་ཁམས་ཐམས་ཅད་ཀྱང༔ འདོད་ཡོན་རྨད་བྱུང་གཏོར་མར་ཤར༔ རང་བཞིན་རྫས་ཀྱི་དཀྱིལ་འཁོར་ཆེ༔ ལྷུན་གྱིས་གྲུབ་པའི་བ་ལིཾ་ཏ༔ སྣང་སྲིད་མ་ལུས་ལྷུན་རྫོགས་པའི༔ མཆོད་པ་ཀུན་གྱིས་ཡང་དག་མཆོད༔ ཨོཾ་མ་ཧཱ་བ་ལིཾ་ཏ་ཁཱ་ཧི༔ རཀྟའི་མཆོད་པ་ལ་སྤྱི་དང་བྱེ་བྲག་གཉིས་ལས། དང་པོ་ནི། ཧཱུྃ་ཧྲཱིཿ གདུག་པའི་སྙིང་གི་ཁྲག་རྒྱུན་དང༔ གཱིརྟིའི་རང་བྱུང་གསང་བའི་ཁྲག༔ ཁམས་གསུམ་ཆགས་པའི་བཅུད་ཆེན་པོ༔ དམར་ནག་ལྦུ་ཕྲེང་འཁྲུགས་པའི་མཚོ༔ འབར་བ་གཏུམ་ཆེན་རྔམ་པ་ལ༔ གཉིས་མེད་རོལ་པས་དགྱེས་དགུར་བཞེས༔ མ་ཧཱ་རཀྟ་ཁཱ་ཧི༔ གཉིས་པ་བྱེ་བྲག་རཀྟ་ཚར་གསུམ་ནི། ཕུད་དང་རཀྟ་བསྲེས་པ་དང་པོ་བཀའ་སྒོ་བའི་ཕྱིར་ཕུལ་ལ། ཧཱུྃ༔ དངོས་གྲུབ་བར་ཆད་བྱེད་པའི་བགེགས༔ གདུག་ཅིང་སྡང་སེམས་ལྡན་པ་རྣམས༔ ཟུང་ཞིག་རྒྱོབ་ཅིག་རྣམ་པར་ཆིངས༔ གཏོགས་ཤིག་གྲོགས་དང་བྲལ་བར་གྱིས༔ རིངས་པར་ཁུག་ལ་སྨྱོར་ཆུག་ཅིག༔ ཕོབ་ཅིག་རྣམ་པར་གཟིར་བར་གྱིས༔ ང་ཡིས་དབང་དུ་གྱུར་ནས་ཀྱང༔ བསྒོ་བའི་བཀའ་ལ་ཉན་པར་བྱོས༔ མ་ཧཱ་རཀྟ་ཁཱ་ཧི༔ གཉིས་པ་དམ་ཅན་གནད་དུ་དབབ་པའི་ཕྱིར་འབུལ་བ་ནི། ཧཱུྃ༔ བྲན་དང་བཀའ་ཉན་ཕོ་ཉའི་ཚོགས༔ ཁྱེད་ཀྱི་དམ་ཚིག་དུས་ལ་བབ༔ སྔོན་ཆད་ཇི་བཞིན་བཅས་པ་ཡི༔ མངོན་སྤྱོད་ཕྲིན་ལས་མྱུར་དུ་མཛོད༔ མ་ཧཱ་རཀྟ་ཁཱ་ཧི༔ གསུམ་པ་མཐུ་དང་རྫུ་འཕྲུལ་འཕྲོག་པའི་ཕྱིར་འབུལ་བ་ནི། ཧཱུྃ༔ དངོས་གྲུབ་བར་ཆད་བྱེད་པའི་བགེགས༔ གདུག་ཅིང་སྡང་སེམས་ལྡན་པ་རྣམས༔ ལྷའམ་འོན་ཏེ་བདུད་ཀྱང་རུང༔ ང་ལ་བར་ཆད་བྱེད་པ་རྣམས༔ མཐུ་དང་རྫུ་འཕྲུལ་མེད་པར་གྱིས༔ མ་ཧཱ་རཀྟ་ཁཱ་ཧི༔ གསུམ་པ་སྒྲོལ་མཆོད་ནི། ཧཱུྃ་ཧྲཱིཿ ཁམས་གསུམ་མ་ཧཱ་རུ་ཏྲའི་ཚོགས༔ ཀུན་ཏུ་ཁྲོས་པས་བསྒྲལ་བ་ལས༔ ཤ་ཆེན་བརྩེགས་པའི་རི་རབ་དང༔ རུས་ཆེན་བསྒྲལ་བའི་གྲམ་བུར་སྤུངས༔ དམར་ནག་ཁྲག་གི་རྒྱ་མཚོ་འབུལ༔ དུག་གསུམ་དག་པའི་དངོས་གྲུབ་སྩོལ༔ མ་ཧཱ་མཾ་ས་རཀྟ་ཀེཾ་ནི་རི་ཏི་ཁཱ་ཧི༔ སྦྱོར་མཆོད་ནི། ཧཱུྃ་ཧྲཱིཿ འབར་བ་ཁྲོ་མོའི་ཨེ་ཀློང་དུ༔ གཏུམ་ཆེན་ཁྲོ་བོའི་རྡོ་རྗེས་བརྡུང༔ བར་དུ་གཅོད་ན་ལྷ་ཡང་རུང༔ བསྒྲལ་བའི་ལས་ཀྱི་མཆོད་པ་འབུལ༔ ཁ་ཏཾ་ཁ་ཏཾ་ཁ་ཏཾ༔ ཧཱུྃ་ཧཱུྃ་ཧཱུྃ༔ ཕཊ྄་ཕཊ྄་ཕཊ྄༔ ཧ་ཧ་ཧ༔ བརྒྱད་པ་བསྟོད་པ་ནི། ཧཱུྃ་ཧྲཱིཿ བསྐལ་པ་མེ་ལྟར་འབར་བའི་ཀློང༔ རང་བྱུང་དུར་ཁྲོད་ཆེན་པོའི་དབུས༔ དཔལ་ཆེན་འབར་བ་ཧེ་རུ་ཀ༔ རྡོ་རྗེ་གཞོན་ནུར་ཕྱག་འཚལ་བསྟོད༔ འཇིགས་རུང་སྐུ་ནི་གར་དགུས་སྒེག༔ མཐིང་ནག་བཻཌཱུའི་ལྷུན་པོ་བཞིན༔ ཉི་མ་འབུམ་གྱི་གཟི་བརྗིད་ཀྱིས༔ ཁམས་གསུམ་ཟིལ་གྱིས་གནོན་ལ་བསྟོད༔ རབ་འཇིགས་རྡོ་རྗེའི་གད་མོ་ཆེས༔ གདུག་པ་ཅན་རྣམས་སྲོག་རྩ་འདར༔ རྒོད་གཤེ་དྲག་ཤུལ་རོལ་པ་ཆེའི༔ ཧཱུྃ་ཕཊ་གད་རྒྱངས་སྒྲོག་ལ་བསྟོད༔ མི་གཡོ་ཐུགས་ནི་རབ་ཏུ་ཞི༔ སྙིང་རྗེ་རྔམས་པའི་གདུང་བ་ཆེས༔ བདུད་དང་རུ་ཏྲ་གདུལ་དཀའ་འདུལ༔ རྡོ་རྗེ་སྲིན་པོའི་ཚུལ་ལ་བསྟོད༔ ཡོན་ཏན་བསམ་ཡས་ཆོ་འཕྲུལ་གྱིས༔ འཕགས་པའི་རྣམ་ཐར་མ་ལུས་རྫོགས༔ མི་སློབ་འབྲས་བུའི་དེ་ཉིད་ཀྱི༔ གསང་བ་རྒྱན་གྱི་འཁོར་ལོར་བསྟོད༔ མཁའ་ཁྱབ་འགྲོ་བ་ཀུན་འདུལ་བའི༔ ཕྲིན་ལས་དཔག་ཡས་གང་འདུལ་སྟོན༔ སྲིད་ཞིའི་རྒྱན་དུ་རྫོགས་པའི་ལྷ༔ གཉིས་མེད་མཉམ་པའི་ངང་དུ་བསྟོད༔ དངོས་གཅིག་ཐིག་ལེ་ཆེན་པོའི་གཟུགས༔ རབ་འབྱམས་གཙོ་དང་འཁོར་གྱི་ཚུལ༔ བསམ་ཡས་བཀོད་པའི་ཆོ་འཕྲུལ་ཅན༔ མ་ལུས་ཀུན་ལ་གུས་པས་བསྟོད༔ དགུ་པ་བཟླས་པ་ལ། ཛཔ་ཁང་དབྱེ་བསྐུལ་བསྙེན་སྒྲུབ་ལས། །ཞེས་ལྔ་ལས། དང་པོ་དབང་དང་སྒྲུབ་མཆོད་སྒྲུབ་ཆེན་ལས་སྦྱོར་རྣམས་ལ་བདག་མདུན་ཐ་དད་དུ་དབྱེ་དགོས་པས། སྔར་དམ་ཡེ་གཉིས་མེད་ཀྱི་དཀྱིལ་འཁོར་གསལ་བཏབ་པ་ཉིད་དབྱེ་གཞི་བྱས་ཏེ། བྷྲཱུྃ་བི་ཤྭ་བི་ཤུདྡྷེ་ཧྲཱིཿཧཱུྃ་ཕཊ་ཛཿ བདག་ཉིད་རྩ་བའི་དཀྱིལ་འཁོར་ལས༔ ཡེ་ཤེས་དཀྱིལ་འཁོར་གཉིས་པ་དབྱེ༔ མདུན་གྱི་ནམ་མཁར་བཞུགས་པ་ཡི༔ གཉིས་ཀའི་ཐུགས་སྲོག་ཡི་གེའི་མཐར༔ སྔགས་ཕྲེང་སྒྲར་བཅས་འཁོར་བ་ལས༔ འོད་ཟེར་དཔག་ཡས་འཕྲོ་བར་བསམ༔ གཉིས་པ་ལ། སྒྲུབ་ཆེན་གྱི་སྐབས་དཀྱིལ་འཁོར་གྱི་ལྷ་ཚོགས་རེ་རེ་བཞིན་ཛཔ་བསྐུལ་དང་སྟོང་ཚིག་འབུལ་དགོས་ཀྱང༌། བསྙེན་སྒྲུབ་ལས་སྦྱོར་དཀྱུས་མ་ལ་སྤྲོས་པ་འཚམ་པའི་དབང་དུ་བྱས་ཏེ། ལྷ་ཚོགས་སྤྱིར་བསྐུལ་བ་ནི། ཧཱུྃ༔ སྟོང་གསུམ་སྟོང་གི་འཇིག་རྟེན་ན༔ ཕྱོགས་བཞི་དབུས་ལྔའི་འཇིག་རྟེན་གྱི༔ བརྟན་གཡོ་རྩི་ཤིང་ནགས་ཚལ་ཀུན༔ ཀུན་ཀྱང་རྡོ་རྗེ་ཕུར་པའི་ལྷ༔ ཞལ་གསུམ་ཕྱག་དྲུག་ཞབས་བཞི་བགྲད༔ མཐིང་ནག་མེ་ཡི་འོད་འཕྲོ་ཞིང༔ རྒོད་དང་གཤེ་དང་ཁྲོ་བའི་ཚུལ༔ ཕྱག་དྲུག་འཇིགས་པའི་མཚོན་ཆ་ཡིས༔ འགྲོ་དྲུག་བྷ་གའི་དབྱིངས་སུ་སྦྱོར༔ ཞབས་བཞིས་བདུད་བཞི་ཟིལ་གྱིས་གནོན༔ ཁྲོ་བོའི་སྤྲུལ་པས་ནམ་མཁའ་གང༔ ཁྲོ་མོའི་སྤྲུལ་པས་ས་གཞི་གང༔ ཕྲ་མེན་སྤྲུལ་པས་བར་སྣང་གང༔ སྒོ་མའི་སྤྲུལ་པ་ཕྱོགས་བཅུར་འགྱེད༔ ཐམས་ཅད་བདེ་བའི་ཀློང་ནས་ཤར༔ བསམ་གྱིས་མི་ཁྱབ་ཀུན་ལས་འདས༔ བརྗོད་མེད་དབྱིངས་ཀྱི་ཐིག་ལེ་ཆེ༔ སྣང་སྲིད་གཞིར་བཞེངས་དཀྱིལ་འཁོར་ལྷའི༔ ཞལ་ནས་ཕུར་པའི་སྔགས་སྒྲ་སྒྲོག༔ གནས་འདིར་སྤྱན་འདྲེན་གཤེགས་སུ་གསོལ༔ གནས་འདིར་སྤྱན་འདྲེན་གཤེགས་ནས་ཀྱང༔ དཀྱིལ་འཁོར་འདི་ལ་བརྟན་པར་བཞུགས༔ ཕུར་པ་འདི་ལ་དབང་ཞིག་བསྐུར༔ ཕུར་པ་འདི་ལ་བྱིན་གྱིས་རློབས༔ རྟགས་དང་མཚན་མ་བསྟན་པ་དང༔ རིག་འཛིན་བདག་ལ་དངོས་གྲུབ་སྩོལ༔ ཨོཾ་བཛྲ་ཀཱི་ལི་ཀཱི་ལ་ཡ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ གསུམ་པ་བསྙེན་དམིགས་ནི༔ བདག་ཉིད་ཐུགས་ཀར་ཡེ་ཤེས་སེམས༔ རྡོར་སེམས་དཀར་གསལ་ལོངས་སྐུའི་ཆས༔ རྡོ་རྗེ་དྲིལ་བསྣམས་ཕྱེད་སྐྱིལ་བཞུགས༔ ཚོན་གང་འོད་ཀྱི་ཕུང་པོ་ནི༔ རིན་ཆེན་ཟུར་བརྒྱད་དབུས་ན་བཞུགས༔ དེ་ཡི་ཐུགས་ཀར་ཙིཏྟ་ནི༔ མཐིང་སྨུག་མཆོང་གི་གུར་ལྟར་མཛེས༔ ལྟེ་བར་ཉི་སྟེང་རྡོ་རྗེ་ནི༔ རྩེ་དགུ་ནས་ཀྱི་འབྲུ་ཙམ་སྒྲེང༔ རྡོ་རྗེའི་ལྟེ་བར་ཧཱུྃ་མཐིང་ནག༔ མཐའ་བསྐོར་སྙིང་པོ་འབྲུ་དགུ་འབར༔ སྔགས་ཕྲེང་མཚམས་སུ་གསུང་རྡོ་རྗེ༔ རྟ་མགྲིན་དམར་པོས་བར་ཆད་སྲུང༔ འོད་ཟེར་སྤྲོ་བསྡུས་དོན་གཉིས་བྱས༔ དཔལ་ཆེན་སྐུ་དང་གཉིས་མེད་གྱུར༔ ཞེས་གསལ་སྣང་རྩེ་གཅིག་ཏུ་སྒྲུབ་ལ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ྄༔ ཅེས་བསྙེན་སྔགས་འབྲུ་དགུ་པ་ཉིད་བཟླ། གོམས་པ་བརྟན་པ་དང༌། བཞི་པ་སྒྲུབ་པ་དོ་ལིའི་བཟླས་དམིགས་ནི། སྔགས་ཕྲེང་བདག་མདུན་ཞལ་དང་མཁའི༔ སྦྱོར་མཚམས་ནས་བརྒྱུད་འོད་ཟེར་ལས༔ སྐུ་སྔགས་ཕྱག་མཚན་མཚོན་ཆ་མེ༔ སྤྲོ་བསྡུས་སྣང་སྲིད་ལྷ་དང་སྔགས༔ ཡེ་ཤེས་རོལ་པར་འབྱམས་ཀླས་ཏེ༔ སྲིད་པ་རྡོ་རྗེ་ཕུར་པའི་ལྷ༔ བརྟན་གཡོ་རྩི་ཤིང་ནགས་ཚལ་ཀྱང༔ ཐམས་ཅད་ཕུར་པའི་དལ་དུ་རྫོགས༔ ཞལ་ནས་སྔགས་ཀྱི་སྒྲ་སྒྲོག་ཅིང༔ ཀུན་ཀྱང་ཀཱི་ལིའི་ཛཔ་སྒྲ་སྒྲོགས༔ སྣང་སྲིད་ཕྱག་རྒྱ་ཆེན་པོའི་དབྱིངས༔ དག་པའི་ཡེ་ཤེས་རོལ་པར་ཤར༔ ཞེས་སྤྲོ་བསྡུའི་ཏིང་འཛིན་དང་བཅས། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ྄་ཛཿཧཱུྃ་ཨཱཿ ཞེས་སྒྲུབ་སྔགས་འབྲུ་བཅུ་བདུན་པ་གཙོ་འཁོར་སྤྱི་དྲིལ་གྱི་སྙིང་པོ་བཟླ། སྐབས་འདིར་བསྙེན་སྒྲུབ་རྒྱས་པ་དང༌། སྒྲུབ་ཆེན་ལ་ཁྲོ་བཅུ་ཡབ་ཡུམ། ཕྲ་ཕྱག །སྲས་མཆོག་རྣམས་ཀྱི་རྩ་སྔགས་བཟླ་བ་དང༌། སོ་སོའི་སྤྲོ་བསྡུ་བྱ་དགོས་པས་བསྙེན་ཡིག་དང༌། སྒྲུབ་ཁོག་ལས་ཤེས་པར་བྱ། ལྔ་པ་ལས་སྦྱོར་ནི། དཀྱིལ་འཁོར་གསུམ་ལས་འོད་ཟེར་ནི༔ ལྗང་ནག་མཚོན་ཆའི་ཟེགས་མ་འཕྲོས༔ ཀུན་ཀྱང་མངོན་སྤྱོད་ལས་ལ་བསྐུལ༔ ཕོ་ཉ་ཉི་ཟེར་རྡུལ་ལྟར་འཚུབས༔ མཚོན་ཆའི་ཆར་ཕབ་དྲག་སྔགས་སྒྲོག༔ གང་ལ་དམིགས་པའི་དགྲ་དང་བགེགས༔ མངོན་སྤྱོད་དྲུག་གི་ཕྲིན་ལས་ཀྱིས༔ དགྲ་བོ་མིང་མེད་བརླག་པར་གྱུར༔ ཨོཾ་བཛྲ་ཀཱི་ལི་ཀཱི་ལ་ཡ༔ མ་རཀྨོ་ཡཀྨོ་ཀཱ་ལ་རཱུ་པ༔ སྙིང་རྩ་ལ་ཡཾ་ཡཾ༔ སྲོག་རྩ་ལ་ཡཾ་ཡཾ༔ སྙིང་ལ་ཕྲིལ་ཕྲིལ༔ སྲོག་ལ་ཆུཾ་ཆུཾ༔ ཙིཏྟ་སྲོག་ལ་ཏུང་ཏུང༔ སྙིང་ཁྲག་སྲོག་ལ་ཤད་ཤད༔ ཐུཾ་རི་ལི་ལི༔ ཙེག་ཙེག༔ འུར་འུར༔ ཤིག་ཤིག༔ འགུལ་འགུལ༔ མྱག་མྱག༔ སོད་སོད༔ དྷ་ཏི་མ་མ་ཤྲཱི་གྷྲཾ་ཀརྨ་ཀ་ར་ཡེ་མ་ར་སེ་ན་པྲ་མརྡྷ་ན་ཡེ་ཧཱུྃ་ཕཊ྄༔ ཅེས་ལས་སྦྱོར་དྲག་སྔགས་སྤུ་གྲི་བཟླ། འདི་ནི་སྤྲོས་མེད་ཏིང་འཛིན་གཙོ་བོར་བཏོན་པའི་བསྙེན་སྒྲུབ་ལས་གསུམ་ཆིག་རྫོགས་སུ་བྱ་བའི་དོན་དུ་སྟེ། རྫས་ཀྱི་ཕུར་བུས་དགྲ་བགེགས་སྒྲོལ་བའི་ལས་རིམ་རྒྱས་པ་དང༌། ཁྲོ་བོ་བཅུ་སོགས་ཀྱི་ལས་སྦྱོར་སྦྲགས་པའི་སྐབས་ཀྱི་དམིགས་བཟླས་ཀྱི་ཁྱད་པར་ནི་སོ་སོའི་ཡི་གེ་ལས་ཤེས་དགོས་སོ། །གང་ལྟར་ཡང་ཐུན་ལས་ལྡང་བ་ན་དབྱངས་གསལ་རྟེན་སྙིང་བཟླས་པས་ལྷག་ཆད་བསྐང་ཞིང་བྱིན་རླབས་བརྟན་པར་བྱས་ཏེ། གཏང་རག་གི་མཆོད་བསྟོད་ནི། ཧཱུྃ༔ བླ་མེད་མཆོག་གི་མཆོད་པ་དམ་པ་ནི༔ ཡེ་ཤེས་ལྔ་ཡི་འོད་ཟེར་རྣམ་པར་འཕྲོ༔ འདོད་པའི་ཡོན་ཏན་ལྔ་ཡིས་རབ་བརྒྱན་ཏེ༔ དམ་ཚིག་བཞིན་དུ་ཅི་བདེར་བཞེས་སུ་གསོལ༔ ཨོཾ་ཤྲཱི་བཛྲ་ཀུ་མཱ་ར་ས་པ་རི་ཝཱ་ར་ཨརྒྷཾ་པཱ་དྱཾ་ནས། ཤབྡ་པཉྩ་ཀཱ་མ་གུ་ཎ་མ་ཧཱ་ཨ་མྲྀ་ཏ་རཀྟ་བ་ལིཾ་ཏ་ཏ་ན་ག་ཎ་མ་ཧཱ་སུ་ཁ་དྷརྨ་དྷཱ་ཏུ་པཱུ་ཛ་ཧོཿ ཧཱུྃ༔ སྒེག་པ་འཇིགས་རུང་རྡོ་རྗེའི་གཟི་བྱིན་འབར༔ རྒོད་གཤེ་དྲག་ཤུལ་མཐའ་ཡས་སྔགས་ཀྱི་ཚོགས༔ སྙིང་རྗེ་རྔམ་ཞི་ཡེ་ཤེས་སྲོག་ལྡན་པའི༔ ཁྲག་འཐུང་ཡོངས་རྫོགས་ལྷ་ལ་ཕྱག་འཚལ་བསྟོད༔ ཡིག་བརྒྱ་བཟླ། བཀའ་གཏེར་སྲུང་མ་སྤྱི་དང་ཁྱད་པར་འདི་ཉིད་ཀྱི་བཀའ་སྲུང་ཡེ་ཤེས་མགོན་པོ་དང༌། གཏེར་སྲུང་དྲེགས་པ་སྡེ་ལྔའི་གཏོར་ཆོག་རྒྱས་པར་བཏང༌། གསུམ་པ་རྗེས་རིམ་ལ། ཚོགས་མཆོད་བསྐུལ་དང་ཆད་ཐོ་འབུལ། །བརྟན་མ་རྟ་བྲོ་དངོས་གྲུབ་བླང༌། །ནོངས་བཤགས་བསྡུ་ལྡང་བསྔོ་སྨོན་གདབ། །ཤིས་བརྗོད་རྒྱུན་སྤྱོད་འཇུག་པ་བཅུ། །ཞེས་པའི་དང་པོ་ལའང༌། ཐོག་མར་བྱིན་གྱིས་བརླབ་པ་ནི། དཀྱིལ་འཁོར་གྱི་མདུན་དུ་ཞིང་ངམ་གཅན་གཟན་གྱི་པགས་པའི་སྟེང་ཐབས་ཤེས་བཟའ་བཏུང་གི་རྫས་རྣམས་བཀྲམ། དགོས་པ་དང་འབྲེལ་ན་ཕྱག་དང་སྐོང་བཤགས་ཀྱི་ཆོ་ག་སྤྱི་ལྟར་བྱ། ཚོགས་ཀྱི་དམ་རྫས་ལ་ཆུ་ཆང་ནང་མཆོད་ཀྱིས་བྲན་ཏེ། ཞུ་བསྐུལ་སྔོན་དུ་འགྲོ་བས། རྃ་ཡྃ་ཁྃ༔ ཆོས་ཀུན་སྒྱུ་མ་ལྟ་བུ་ཡི༔ རིག་པའི་ཡེ་ཤེས་རྃ་ཡྃ་ཁྃ༔ སྟོང་གསལ་རྣམ་པར་མི་རྟོག་པའི༔ རང་བཞིན་དཔལ་གྱི་ཐུགས་ལས་སྤྲོས༔ ཚོགས་ཀྱི་རྫས་ཀུན་བསྲེགས་གཏོར་བཀྲུས༔ རླུང་མེ་ཐོད་སྒྱེད་གསུམ་གྱི་སྟེང༔ ཨཱཿལས་ཡེ་ཤེས་ཀ་པཱ་ལར༔ ངོ་བོ་ཡེ་ཤེས་ལྔའི་རང་བཞིན༔ རྣམ་པ་ཤ་ལྔ་བདུད་རྩི་ལྔ༔ བྱེད་ལས་ཟག་མེད་བདེ་སྐྱེད་པའི༔ རང་བཞིན་བླ་མེད་དམ་ཚིག་རྫས༔ འབྲུ་གསུམ་ལས་བྱུང་ཁ་དོག་དང༔ དྲི་རོ་མཆོག་ལྡན་ཟེགས་མ་ལས༔ འདོད་ཡོན་དཔག་མེད་འཆར་བར་གྱུར༔ ཨོཾ་ཨཱཿཧཱུྃ༔ ལན་མང་དུ་བརྗོད། གཉིས་པ་ཚོགས་ཞིང་སྤྱན་འདྲེན་པ་ནི། སྤོས་རོལ་ཅང་ཏེའུ་དྲིལ་བུ་དང་བཅས་ཏེ། ཧཱུྃ༔ དཔལ་ཆེན་རྡོ་རྗེ་གཞོན་ནུ་དང༔ ཡུམ་ཆེན་འཁོར་ལོ་རྒྱས་འདེབས་མ༔ གཉིས་མེད་རོལ་པའི་སྲས་མཆོག་དང༔ ཁྲོ་བཅུ་ཡབ་ཡུམ་ཕྱག་བརྙན་བཅས༔ ཕྲིན་ལས་སྒོ་མ་ཕུར་སྐྱོང་རྣམས༔ ཧེ་རུ་ཀ་ཡི་འདུ་བར་སྤྱོན༔ ཚོགས་ཁང་རང་སྣང་རྒྱན་གྱི་ཞིང༔ རྣལ་འབྱོར་ཕོ་མོ་རིག་པ་འཛིན༔ སྣང་སྲིད་རྣམ་དག་བརྡལ་བ་ཆེ༔ རྒྱ་ཆད་ཕྱོགས་ལྷུང་མ་དམིགས་པའི༔ གནས་འདིར་དཔལ་གྱི་ཐ་ཚིག་དགོངས༔ དཀྱིལ་འཁོར་ཆེན་པོར་བྱིན་གྱིས་རློབས༔ དམ་རྫས་བདུད་རྩིའི་ཕུད་ཆེན་པོར༔ དངོས་གྲུབ་གནས་སུ་མཛད་དུ་གསོལ༔ ཤྲཱི་ཧེ་རུ་ཀ་ཨེ་ཨ་རལླི་ཧྲིཾ་ཧྲིཾ་ཕེཾ་ཕེཾ་ཛཿཛཿ ཞེས་སྤྱན་དྲངས་པ་ལ། མཆོད་པའི་ལྷ་མོའི་ཚོགས་སྤྲོས་པས་མཆོད་པ་ནི། རྡོ་རྗེ་སྒེག་མོས་དགའ་བས་མཆོད་བྱ་ཞིང༌། །རྡོ་རྗེ་ཕྲེང་མས་རབ་ཏུ་བརྒྱན་བྱས་ཏེ། །རྡོ་རྗེ་གླུ་མས་གསང་བའི་གླུ་བླངས་ནས། །རྡོ་རྗེ་གར་མས་མཛེས་པའི་གར་བསྒྱུར་མ། །ཕྱོགས་བཅུའི་འཇིག་རྟེན་ནམ་མཁའི་ཁམས་བཀང་ནས། །བླ་མ་དཀྱིལ་འཁོར་དམ་ཅན་སྲུང་མ་ལ། །རྣམ་དག་མོས་པའི་བློ་ཡིས་བདག་འབུལ་ན། །བཞེས་ཤིག་ཀཱི་ལ་ཡ་ཡི་དངོས་གྲུབ་སྩོལ། །ཨོཾ་བཛྲ་ལཱ་སྱ་ཧཱུྃ། ཨོཾ་བཛྲ་མཱ་ལྱ་ཏྲཱྃ། ཨོཾ་བཛྲ་གཱིརྟི་ཧྲཱིཿ ཨོཾ་བཛྲ་ནཱིརྟི་ཨཱཿ རྡོ་རྗེ་བདུག་པས་མ་ལུས་ཚིམ་བྱས་ནས། །རྡོ་རྗེ་མེ་ཏོག་མ་ཡིས་མཛེས་པར་བཀྲམ། །རྡོ་རྗེ་སྒྲོན་མེ་མ་ཡིས་དགྱེས་པ་བསྐྱེད། །དྲི་མཆོག་མ་ཡིས་དྲི་ཞིམ་བྱུག་བྱེད་པ། །ཕྱོགས་བཅུའི་འཇིག་རྟེན་ནམ་མཁའི་ཁམས་བཀང་ནས། །བླ་མ་དཀྱིལ་འཁོར་དམ་ཅན་སྲུང་མ་ལ། །རྣམ་དག་མོས་པའི་བློ་ཡིས་བདག་འབུལ་ན། །བཞེས་ཤིག་ཀཱི་ལ་ཡ་ཡི་དངོས་གྲུབ་སྩོལ། །ཨོཾ་བཛྲ་དྷཱུ་པེ་ཧཱུྃ། ཨོཾ་བཛྲ་པུཥྤེ་ཏྲཱྃ། ཨོཾ་བཛྲ་ཨཱ་ལོ་ཀེ་ཧྲཱིཿ ཨོཾ་བཛྲ་གྷནྡྷེ་ཨཱཿ གསུམ་པ་ཚོགས་དང་པོ་མཆོད་པ་ནི། ཧཱུྃ༔ རྡོ་རྗེའི་དམ་ཚིག་བླ་ན་མེད༔ གཙང་དམེ་བྲལ་བའི་རྫས་ཀྱི་མཆོག༔ གཉིས་འཛིན་དག་པས་འབུལ་ལགས་ན༔ དགྱེས་དགུར་རོལ་ལ་དངོས་གྲུབ་སྩོལ༔ ག་ཎ་ཙཀྲ་པཱུ་ཛ་ཧོཿ བཞི་པ་བསྐང་ཞིང་བཤགས་པ་ནི། བསྐང་རྫས་བྱིན་བརླབ་སྔོན་དུ་འགྲོ་བས་རྩ་གསུམ་སྤྱི་དང༌། ཁྱད་པར་རྡོ་རྗེ་ཕུར་པ་བཀའ་གཏེར་སྲུང་མ་དང་བཅས་པའི་བསྐང་བཤགས་རྒྱས་པར་སྦྱར། ཚོགས་ཀྱི་བཤགས་པ་དངོས་ནི། ཧོཿ ཐོག་མེད་དུས་ནས་ད་ལྟའི་བར༔ འགལ་འཁྲུལ་ནོངས་པ་མཆིས་སོ་ཅོག༔ མི་འཆབ་གནོང་ཞིང་འགྱོད་སེམས་ཀྱིས༔ ཡེ་ཤེས་ཆེན་པོའི་རྫས་ཀྱིས་བཤགས༔ ས་མ་ཡ་ཤུདྡྷེ་ཨཱཿ ཡིག་བརྒྱ་བཟླ། ལྔ་པ་བསྒྲལ་བསྟབ་ལ་བཞི། རྒྱས་པར་མཚན་མ་རྫས་ཀྱི་ཕུར་བུའི་སྨད་ལས་དགྲ་བགེགས་བསྒྲལ་བ་དང༌། དེ་དང་རྗེས་འབྲེལ་དམར་ཆེན་གཏོར་ཟློག་གི་སྐབས་ཀྱི་བསད་ལས་ནི་སོ་སོའི་གཞུང་དུ་ཤེས་ལ། འདིར་ལས་བྱང་དཀྱུས་ཙམ་དུ། ཚོགས་ཕུད་གསུམ་པ་ལ་དམིགས་རྟེན་དུ་བྱས་ཏེ། དང་པོ་འགུགས་པ་ནི། ན་མོ། རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང༌། སངས་རྒྱས་ཀྱི་བཀའ་བདེན་པ་དང༌། ཆོས་ཀྱི་བཀའ་བདེན་པ་དང༌། དགེ་འདུན་གྱི་བཀའ་བདེན་པ་དང༌། གསང་སྔགས་དང་རིགས་སྔགས་དང་གཟུངས་སྔགས་དང་སྙིང་པོ་དང་ཕྱག་རྒྱ་དང་ཏིང་ངེ་འཛིན་གྱི་བདེན་པ་དང༌། ཆོས་ཉིད་གདོད་ནས་སྟོང་ཀྱང་ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང༌། ཁྱད་པར་དུ་བཅོམ་ལྡན་འདས་དཔལ་ཆེན་རྡོ་རྗེ་ཕུར་པའི་དཀྱིལ་འཁོར་གྱི་ལྷ་ཚོགས་བཀའ་སྡོད་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་བདེན་པ་དང༌། བདེན་པ་ཆེན་པོའི་མཐུས་མ་རུང་པའི་སེམས་ཅན་བསྒྲལ་བའི་ཞིང་དུ་གྱུར་པ་ཐམས་ཅད་མཚན་མ་རྫས་ཀྱི་རྟེན་འདི་ལ་མཆིས་པར་གྱུར་ཅིག །ནྲྀ་ཡཾ་ཛཿ ནྲྀ་བཛྲ་ཨཾ་ཀུ་ཤ་ཛཿ ཏྲི་ཡཾ་ཛཿ ཏྲི་བཛྲ་ཨངྐུ་ཤ་ཛཿ ཛཿཧཱུྃ་བྃ་ཧོཿ ཞེས་དགུག་གཞུག་བཅིངས་ཏེ། གཉིས་པ་ཐུགས་དམ་བསྐུལ་བ་ནི། ཛཿ དམ་ཚིག་ཆེན་པོའི་དུས་ལ་བབ༔ སྤྲུལ་པ་ཆེན་པོའི་དུས་ལ་བབ༔ ཕྱག་བརྙན་ཆེན་པོའི་དུས་ལ་བབ༔ ཤྭ་ན་མུ་ཁའི་དུས་ལ་བབ༔ བདག་ཉིད་ཆེན་མོའི་དུས་ལ་བབ༔ ས་བདག་ཆེན་མོའི་དུས་ལ་བབ༔ བསྒྲལ་བར་བྱ་བའི་དུས་ལ་བབ༔ ཁྱེད་ཀྱི་ཕྲིན་ལས་དུས་ལ་བབ༔ མཐུ་རྩལ་དབྱུང་བའི་དུས་ལ་བབ༔ གསུམ་པ་བསྒྲལ་བ་ནི། ཕུར་པ་འདྲིལ་ཏེ། ཧཱུྃ༔ བྱང་ཆུབ་མཆོག་ཏུ་སེམས་བསྐྱེད་ཅིང༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པ་རྣམས༔ ཁྲོ་བོ་ཆེན་པོའི་བྱིན་རླབས་ཀྱིས༔ ཡུད་ཙམ་གྱིས་ནི་འདིར་བཀུག་ནས༔ མངོན་སྤྱོད་ཚུལ་བཞིན་བསྒྲལ་བ་དང༔ ལུས་ངག་རྡུལ་དུ་བརླགས་ནས་ཀྱང༔ སྡུག་བསྔལ་ཉམས་སུ་མྱོང་བར་མཛོད༔ ཨོཾ་ལཾ་ཧཱུྃ་ལཾ་སྟྭཾ་བྷ་ཡ་ནན༔ མོ་ཧ་ཡ་བྷ་ག་ཝཱན་ཧྲཱིཿཥིཊ་བི་ཏྲི་ཏ་བཛྲ་ཧཱུྃ་ཀཱ་ར་ཧཱུྃ་ཧཱུྃ་ཧཱུྃ་ཕཊ྄་ཕཊ྄་ཕཊ྄༔ བཛྲ་ཀཱི་ལི་ཀཱི་ལ་ཡ་ཛཿཧཱུྃ་བྃ་ཧོཿ སརྦ་བིགྷྣཱན་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ྄༔ བཛྲ་ཧཱུྃ་ཀཱ་ར་ཧཱུྃ་ཕཊ྄༔ བཛྲ་ཧཱུྃ་ཀཱ་ར་ཧཱུྃ་ཨ༔ ཞེས་ཚེ་ཁྲུས་གནས་གསུམ་གྱི་དགོངས་པ་ལྡན་པས་བསྒྲལ། བཞི་པ་ཞལ་དུ་བསྟབ་པ་ནི། ཧཱུྃ༔ ཁམས་གསུམ་གདུག་ཅན་བསྒྲལ་བ་ཡི༔ དུག་གསུམ་ཤ་ཁྲག་རུས་པ་ཀུན༔ ཁྲག་འཐུང་རྡོ་རྗེའི་ལྷ་ལ་འབུལ༔ འཁོར་བ་རྡོ་རྗེར་སྒྲུབ་མཛོད་ཅིག༔ མ་ཧཱ་མཾ་ས་རཀྟ་ཀེཾ་ནི་རི་ཏི་ཁ་ཁ་ཁཱ་ཧི༔ ཞེས་ཕུལ་བ་དང་ཆབས་ཅིག ཧཱུྃ༔ འཁྲིལ་བའི་མཆོད་ཆེན་མཉམ་སྦྱོར་བ༔ ཐབས་དང་ཤེས་རབ་གཉིས་མེད་པའི༔ པདྨ་ལ་ནི་རྡོ་རྗེ་ཞུགས༔ བདག་ཉིད་མཆོད་པས་མཉེས་པར་བྱའོ༔ ཨོཾ་བཛྲ་ཀཱི་ལི་ཀཱི་ལ་ཡ༔ ཛཿཧཱུྃ་བྃ་ཧོཿ བོ་དྷི་ཙིཏྟ་མ་ཧཱ་སུ་ཁཾ༔ ཨ་ནུ་རཱ་ག་ཡ་མི༔ ལྷ་ཚོགས་ཐམས་ཅད་རང་རང་གི་ཕྱག་རྒྱ་དང་སྙོམ་པར་ཞུགས་པའི་སྦྱོར་བས་དགའ་བ་བཞིའི་རོས་ཚིམ་པར་གྱུར། དྲུག་པ་ཚོགས་ལ་རོལ་པ་ནི། མཆེད་ལྕམ་རྣམས་ལ་ཐབས་ཤེས་ཀྱི་རྫས་བསྣོལ་མར་སྟོབ་པའི་བརྡ་ཡི་འབུལ་ལེན་བྱས་ལ་ཕྱི་ནང་གསང་བའི་ཚོགས་ཀྱི་རྣལ་འབྱོར་དང་ལྡན་པས་ཚིམ་པར་རོལ་ལ། སྤྲོ་ན་ཕུར་པ་རྩ་དུམ་སོགས་རྒྱུད་ཀློག་པ་ཆོ་ག་བཞིན་དང༌། རྡོ་རྗེའི་གླུ་ལེན་པས་དཀྱིལ་འཁོར་གྱི་ལྷ་ཚོགས་མཉེས་པར་བྱ། བདུན་པ་ལྷག་མ་ནི། སྟེགས་བུ་ཞིང་ལྤགས་ཀྱིས་བཀབ་པའི་སྟེང་གཙང་དམེའི་ལྷག་མ་དཀྱིལ་འཁོར་གྱི་དྲུང་དུ་མཐོ་དམན་དུ་བཀོད་ལ་མཆོད་པས་བསྐོར་ཏེ། ཀྱཻ༔ དང་པོ་ཕུད་ཀྱིས་མི་མཆོད་རྒྱུ༔ དཔལ་ཆེན་དཀྱིལ་འཁོར་ཚོགས་ཀྱི་བདག༔ བར་དུ་བཤགས་པ་མི་བགྱིད་རྒྱུ༔ རྣལ་འབྱོར་ལྡན་ལ་དམ་ཚིག་གཉན༔ ཐ་མ་བསྒྲལ་བསྟབ་མི་བགྱིད་རྒྱུ༔ རྟོགས་པས་བདག་རྒྱུད་སྔོན་བསྒྲལ་ཕྱིར༔ ད་ལྟ་ལྷག་མས་མི་མཆོད་རྒྱུ༔ མ་ཚོགས་དབང་ཕྱུག་གིང་ལངྐ༔ ཕོ་ཉ་སུམ་བརྒྱ་དྲུག་ཅུ་སོགས༔ ཀུན་ཀྱང་དཔལ་ཆེན་སྤྲུལ་པ་ཡིན༔ ལྷག་མ་ཁ་ཆུས་མི་བྲན་རྒྱུ༔ དམ་ཚིག་གཅིག་ཏུ་བསྲེ་བའི་ཕྱིར༔ འབངས་ཐོག་རྗེ་ཡིས་མི་མནན་རྒྱུ༔ ཅི་བཅོལ་ལས་ལ་བསྐུལ་བའི་ཕྱིར༔ རྗེ་ལ་འབངས་ཀྱིས་མི་རྒོལ་རྒྱུ༔ དྲག་ཤུལ་ལས་ཐབས་མྱུར་བའི་ཕྱིར༔ པཉྩ་ཨ་མྲྀ་ཏ་ཧ་ཧོཿཧྲཱིཿ ལྷག་མའི་དམ་ཚིག་འདོད་ཡོན་གྱི་ཕུང་པོ་ཟད་མི་ཤེས་པས་ནམ་མཁའ་གང་བར་གྱུར། ཞེས་བདུད་རྩིས་བྲན་ཏེ་བྱིན་གྱིས་བརླབས། ཨེ་ཨ་རལླི་ཧྲིཾ་ཛཿཕེཾ༔ བཤུགས་གླུ་རོལ་མོས་མགྲོན་རྣམས་དམ་ཚིག་གི་གནས་སུ་སྤྱན་དྲངས་པ་ལ། ཨོཾ་བཛྲ་པུཥྤེ་ནས། ཤབྡ་པྲ་ཏཱིཙྪ་སྭཱ་ཧཱས་མཆོད་ལ། ལྷག་གཏོར་དངོས་ནི། ཧཱུྃ་བྷྱོ༔ བྲན་དང་བཀའ་ཉན་ཕོ་ཉའི་ཚོགས༔ དཀྱིལ་འཁོར་ཆེན་པོའི་མུ་རན་སྐྱོང༔ ཕུར་པའི་སྲུང་མར་ཞལ་བཞེས་པའི༔ མཁའ་འགྲོ་གིང་ལང་དབང་ཕྱུག་ཆེ༔ མ་སྲིང་ཤ་ཟ་ཕྲ་མེན་མ༔ ཤུགས་འགྲོ་གནས་ཉུལ་ཆེན་མོ་རྣམས༔ ལྷག་མའི་གཏོར་མ་འདི་བཞེས་ལ༔ བཅོལ་བའི་ཕྲིན་ལས་འགྲུབ་པར་མཛོད༔ ཨུཙྪིཥྚ་བ་ལིཾ་ཏ་བྷཀྵ་སི་ཧོཿ ཞེས་རོལ་མོའི་སྒྲ་དང་བཅས་ཏེ་ཕྱི་རོལ་གཙང་སར་འབུལ། བརྒྱད་པ་ཐམས་ཅད་རྡོ་རྗེའི་རིགས་སུ་སྨོན་ལམ་གདབ་པ་ནི། ཧོཿ ཆོས་དབྱིངས་རྣམ་པར་དག་པའི་དཀྱིལ་འཁོར་དུ༔ རྡོ་རྗེ་སློབ་དཔོན་གཉེན་དང་གཟུངས་མ་དང༔ རྡོ་རྗེའི་སྲོག་གིས་འབྲེལ་བའི་མཆེད་ལྕམ་རྣམས༔ ནམ་ཡང་མི་འབྲལ་ཏིང་འཛིན་རྩེ་གཅིག་པས༔ རྡོ་རྗེ་ཐེག་པའི་རིགས་སུ་སྐྱེ་བ་དང༔ བུམ་གསང་ཤེས་རབ་ཡེ་ཤེས་དབང་བཞི་པའི༔ སྐལ་པ་མཆོག་དང་ལྡན་པར་རབ་གྱུར་ཏེ༔ དེ་དང་དེ་ཡི་དམ་ཚིག་རྣམ་དག་ཤོག༔ བསྐྱེད་པའི་རིམ་པས་སྣང་བ་ལྷ་སྐུར་དག༔ རྫོགས་རིམ་ཟབ་མོས་རྩ་རླུང་ཐིག་ལེར་རྫོགས༔ རྫོགས་པ་ཆེན་པོའི་ཡེ་ཤེས་མངོན་སྨིན་ཏེ༔ སྤང་ཐོབ་མེད་པའི་འབྲས་བུ་ལྷུན་གྲུབ་ཤོག༔ ཛྙཱ་ན་ས་མ་ཡ་ཨ་ཨ་ཨ༔ གཉིས་པ་ཐུགས་དམ་བསྐུལ་བ་ནི། ཧཱུྃ༔ ཆོས་དབྱིངས་སྤྲོས་པ་ཀུན་བྲལ་ཡང༔ མ་འགག་བདེ་ཆེན་སྒྱུ་མར་རོལ༔ བཅོམ་ལྡན་རྡོ་རྗེ་གཞོན་ནུ་དང༔ ཁྲོ་བཅུ་ཕྲ་ཕྱག་སྒོ་མའི་ཚོགས༔ ལས་ལ་བཞེངས་ཤིག་ས་མ་ཡ༔ ད་དུས་སྙིགས་མ་ལྔ་བདོ་བས༔ བདུད་དང་བར་ཆད་འབྱུང་པོས་འཚེ༔ བྱང་ཆུབ་སྒྲུབ་པའི་གེགས་གྱུར་ཀུན༔ དབྱིངས་སུ་སྒྲོལ་བའི་ཕྲིན་ལས་མཛོད༔ ཁྱེད་རྣམས་སྟོབས་བཅུ་མཐར་སོན་པས༔ འདོད་པའི་ལས་ལ་ཐོགས་པ་མེད༔ མ་གཡེལ་ཐུགས་དམ་རྩལ་སྤྲུགས་ལ༔ ཡེ་ཤེས་དགོངས་པའི་མཐུ་རྩལ་བསྐྱེད༔ འགལ་རྐྱེན་མི་མཐུན་ཀུན་ཞི་ཞིང༔ ཚེ་དཔལ་ལུང་རྟོགས་ཡེ་ཤེས་བསྐྱེད༔ སྣང་སྲིད་དབང་དུ་འདུ་བ་དང༔ ཁམས་གསུམ་སྙིང་རྗེས་སྒྲོལ་བར་མཛོད༔ གསུམ་པ་ཆད་ཐོ་བསྒྲགས་པ་ནི། བཀའ་གཏེར་སྲུང་མའི་གཏོར་འབུལ་རྣམས་སྐབས་འདིར་ཆོ་ག་བཞིན་ཕུལ་ལ་ཕྲིན་ལས་བཅོལ། ཆད་ཐོའི་གཏོར་མ་སྨན་རཀ་གིས་བྲན་ལ་འབྲུ་གསུམ་གྱིས་བྱིན་རླབས་བྱས་ཏེ། ཧཱུྃ་བྷྱོ༔ སྔོན་ཚེ་བསྐལ་པའི་དང་པོ་ལ༔ བཅོམ་ལྡན་ཀརྨ་ཧེ་རུ་ཀས༔ ཆོས་དབྱིངས་བྱ་རྩོལ་བྲལ་བའི་རྒྱུད༔ རིག་མཆོག་འབུམ་ཕྲག་བསྟན་པའི་ཚེ༔ ཞལ་བཞེས་རིག་རྩལ་ཕོ་ཉའི་ཚོགས༔ ཐ་ཚིག་མ་བསྙེལ་ཕྲིན་ལས་མཛོད༔ དེ་འོག་བར་གྱི་བསྐལ་པ་ལ༔ བྲམ་ཟེ་པྲ་བྷ་ཧསྟི་ཆེར༔ མཆོད་རྟེན་བདེ་བྱེད་བརྩེགས་པ་རུ༔ མཁའ་འགྲོ་ལས་ཀྱི་དབང་མོ་ཆེས༔ ཕྲ་མེན་གཡུ་སྒྲོམ་གཏད་པའི་ཚེ༔ བཀའ་སྲུང་ཞལ་བཞེས་སྲུང་མ་རྣམས༔ གཏོར་མ་ལོངས་ལ་ཕྲིན་ལས་མཛོད༔ དེ་རྗེས་བསྐལ་པའི་དུས་གཉན་ལ༔ པཎ་ཆེན་བི་མ་མི་ཏྲ་ཡིས༔ སྣང་སྲིད་ཕུར་བུའི་ཞིང་ཆེན་དུ༔ བསྒྱུར་ནས་གཉགས་ཆེན་ལོ་ཙཱ་བར༔ རྒྱུད་ལུང་མན་ངག་ཀུན་བསྟན་ཚེ༔ བཀའ་གཏེར་སྲུང་མར་ཞལ་བཞེས་ཀུན༔ ཐོགས་པ་མེད་པའི་ཕྲིན་ལས་མཛོད༔ གཞན་ཡང་གྲུབ་པའི་རིག་པ་འཛིན༔ སློབ་དཔོན་པདྨ་ཐོད་ཕྲེང་དང༔ མཁར་ཆེན་ཡེ་ཤེས་མཚོ་རྒྱལ་སོགས༔ ཕུར་བུའི་རིག་འཛིན་ཆེ་རྣམས་ཀྱི༔ སྤྱན་སྔར་ཁས་བླངས་བཀའ་སྲུང་ཚོགས༔ རྒྱན་གྱི་གཏོར་མ་འདི་བཞེས་ལ༔ མ་ལུས་ཕྲིན་ལས་མྱུར་དུ་མཛོད༔ ཐ་མ་ལས་ཅན་དག་པའི་ངོར༔ གར་གྱི་དབང་ཕྱུག་ཧེ་རུ་ཀ༔ ཀློང་ཆེན་ནམ་མཁའ་འོད་གསལ་ལ༔ སྔོན་གྱི་སྨོན་ལམ་དུས་བབ་པས༔ བཀའ་སྲུང་ཡེ་ཤེས་མགོན་པོ་ཆེས༔ ཤོག་སེར་དངོས་སུ་གཏད་ནས་ཀྱང༔ རྡོ་རྗེ་ཕུར་པའི་སྨིན་གྲོལ་གྱི༔ བཀའ་བབ་དབང་བསྐུར་ཐོབ་པའི་ཚེ༔ ཞལ་བཞེས་ཆོས་སྲུང་རྒྱ་མཚོ་ཡིས༔ རྒྱན་གྱི་གཏོར་མ་འདི་བཞེས་ལ༔ བཅོལ་བའི་ཕྲིན་ལས་མ་ལུས་མཛོད༔ བཞི་པ་བརྟན་མ་མཆོད་པ་ནི། བཤལ་ཆུའི་བདུད་རྩིས་གཏོར་མར་བྲན་པ་བྱིན་གྱིས་རླབས་ཏེ། ཧཱུྃ༔ བརྟན་མ་སྐྱོང་མཛད་མ་དང་སྲིང༔ ཚོགས་དང་བཀའ་ཡི་ཚོགས་བཅས་ཉིད༔ ཁྲག་འཐུང་དེ་བཞིན་ནམ་མཁའི་སྐུ༔ སློབ་དཔོན་པདྨ་ཐོད་ཕྲེང་དང༔ རླངས་ཆེན་དཔལ་སེང་ལ་སོགས་པས༔ ཞིང་ཆེན་བརྡལ་བའི་ཁྲི་སྟེང་དུ༔ ཚོགས་ཀྱི་གྲལ་དུ་བཅུག་ནས་ཀྱང༔ དཔལ་གྱི་ཕོ་ཉར་མངའ་གསོལ་བའི༔ བདུད་དང་གནོད་སྦྱིན་སྨན་མོ་ཆེའི༔ བུ་མོ་བརྟན་མ་བཅུ་གཉིས་རྣམས༔ གངས་རི་ཅན་གྱི་ཡུལ་ལྷ་སྟེ༔ རྣལ་འབྱོར་སྐྱོང་བའི་མ་མོ་མཆོག༔ བཤལ་ཆུའི་བདུད་རྩི་འདི་བཞེས་ལ༔ གསང་སྔགས་བསྟན་པ་སྐྱོང་བ་དང༔ མུ་སྟེགས་ཀླ་ཀློའི་རྒྱུ་འགྲུལ་སྲུངས༔ མཐའ་བཞིའི་དམག་གི་སོ་ཁ་གྱིས༔ བཅོལ་བའི་ལས་ཀུན་སྒྲུབ་པར་མཛོད༔ མ་མ་ཧྲཱིཾ་ཧྲཱིཾ་བ་ལིཾ་ཏ་པཱུ་ཛ་ཧོཿ ལྔ་པ་རྟ་བྲོ་ནི། གཏོར་གཞོང་རི་རབ་ཏུ་གསལ་བའི་འོག་ཏུ་སྒབ་འདྲེ་དམ་སྲི་མནན་པར་རྡོ་རྗེའི་རྒྱས་བཏབ་སྟེ། ཧཱུྃ༔ སྣང་སྲིད་རྡོ་རྗེ་ཕུར་པའི་ལྷ༔ ཞལ་ནས་ཀཱི་ལིའི་ཛཔ་བཟླ་ཞིང༔ སྐུ་ནི་ཅིར་ཡང་འགྱུར་བ་ཆེ༔ ཁམས་གསུམ་ཨེ་ཡི་ད་ལར་རྫོགས༔ བདག་ལྟའི་དམ་སྲི་སྒབ་འདྲེ་རྣམས༔ མནན་ནོ་རི་རབ་འོག་ཏུ་གཟིར༔ ཞབས་གཉིས་རྡོ་རྗེའི་བྲོ་ཆེན་པོས༔ ཕོ་ཉ་སྤྲིན་ལྟར་གཏིབས་པ་ཀུན༔ འབར་བ་ཆེན་པོའི་གླུ་དང་བྲོ༔ ཅིར་ཡང་བསྒྱུར་བས་སྟྭཾ་བྷ་ཡ༔ བྱང་ཆུབ་སེམས་མཆོག་མ་སྐྱེས་བར༔ ནམ་ཡང་ལྡང་བར་མ་བྱེད་ཅིག༔ ཨོཾ་ལཾ༔ ཧཱུྃ་ལཾ༔ སྟྭཾ་བྷ་ཡ་ནན༔ དྲུག་པ་དངོས་གྲུབ་བླང་བ་ནི། བསྙེན་སྒྲུབ་ལས་སྦྱོར་གྲུབ་པའམ་རྒྱུན་གྱི་དངོས་གྲུབ་ལེན་པའི་དོན་དུ་གཏང་རག་གི་མཆོད་བསྟོད་མདོར་བསྡུས་སྔོན་དུ་འགྲོ་བ་དང་བཅས། ཧཱུྃ༔ དཔལ་ཆེན་འབར་བ་ཀཱི་ལ་ཡ༔ སངས་རྒྱས་ཀུན་དང་གཉིས་སུ་མེད༔ བདེ་ཆེན་ཡུམ་དང་མཉམ་པར་སྦྱོར༔ སྤྲུལ་པའི་དཀྱིལ་འཁོར་བསམ་ཡས་སྟོན༔ ཀུན་ཀྱང་ཐུགས་དམ་རྗེས་སུ་དགོངས༔ རིག་འཛིན་རྣལ་འབྱོར་བདག་ཅག་གིས༔ སྒྲུབ་པའི་དམ་ཚིག་ད་ནང་ཐེམས༔ རྡོ་རྗེ་སྲིན་པོའི་ནམ་ཡང་ལངས༔ དངོས་གྲུབ་སྩོལ་བའི་དུས་ལ་བབ༔ སྣང་སྟོང་ཡེ་ཤེས་རྡོ་རྗེའི་སྐུས༔ སྐྱེ་འཆི་མེད་པའི་དངོས་གྲུབ་སྩོལ༔ རྡོ་རྗེ་གསུང་གི་དཀྱིལ་འཁོར་ནས༔ ཟབ་རྒྱས་གསང་བའི་དངོས་གྲུབ་སྩོལ༔ མི་ཤིགས་ཐུགས་ཀྱི་དགོངས་པ་ཡིས༔ སྲིད་ཞིའི་དཔལ་གྱུར་དངོས་གྲུབ་སྩོལ༔ མདོར་ན་མཆོག་དང་ཐུན་མོང་གི༔ གྲུབ་པ་མ་ལུས་བསྩལ་དུ་གསོལ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ྄༔ ཀཱ་ཡ་ཝཱཀ་ཙིཏྟ་སརྦ་སིདྡྷི་ཕ་ལ་ཧཱུྃ་ཨཱཿ ཞེས་སྒྲུབ་རྫས་རྣམས་གནས་གསུམ་དུ་གཏུག་ལ་དབང་བླང༌། བདུད་རྩིར་རོལ་པ་སོགས་བྱའོ། །བདུན་པ་ནོངས་བཤགས་ནི། ཧོཿ དཔལ་ཆེན་པོའི་ལྷ་ཚོགས་ཐམས་ཅད་བདག་ལ་དགོངས་སུ་གསོལ། ཏ་ན་སྒྲོལ་བ་གནས་སུ་མ་སྟོབ་པ་དང༌། ག་ཎ་སྦྱོར་བ་བྱིན་གྱིས་མ་བརླབ་པ་དང༌། མཆོད་སྔགས་ཏིང་འཛིན་མ་དག་ཅིང་ཉམས་པ་དང༌། དགེ་བ་བཅུ་དང་དུ་མ་ལོན་ཞིང་མི་དགེ་བ་བཅུ་རྩ་བ་ནས་མ་ཆོད་པ་དང༌། བཀའ་བཞིན་གཞུང་མ་བསྲངས་བ་དང༌། དམ་ཚིག་གི་རྩ་བ་ཡན་ལག་ཆག་ཉམས་སུ་གྱུར་པ་ཅི་མཆིས་པ་ཐམས་ཅད་མཐོལ་ཞིང་བཤགས་ན་བཟོད་པ་དམ་པ་མཛད་དུ་གསོལ། ཚེ་འདིའི་རྐྱེན་དང་ཕྱི་མའི་སྒྲིབ་པར་མི་འགྱུར་བར་ཚངས་པ་དམ་པ་སྩོལ་བར་ཅི་གནང༌། ཞེས་དང༌། ཡིག་བརྒྱ་བཟླས་པས་ཉེས་ལྟུང་སོར་ཆུད་པར་བྱ། བརྒྱད་པ་བསྡུ་ལྡང་ནི། ཚོགས་མགྲོན་དང་མདུན་བསྐྱེད་རྣམས་སྒྲུབ་པའི་རྟེན་ལ་བརྟན་བཞུགས་བྱ། བདག་བསྐྱེད་ཀྱི་རིམ་པ་ནི། སྣང་སྲིད་ཕུར་པའི་དཀྱིལ་འཁོར་དུ་བསྒོམས་པ་ཐམས་ཅད་གཞལ་ཡས་ཁང་ལ་ཐིམ། དེ་འཁོར་གྱི་ལྷ་ཚོགས་ལ་ཐིམ། དེ་གཙོ་བོ་ཡབ་ཡུམ། དེ་ཡེ་ཤེས་སེམས་དཔའ། དེ་ཐུགས་སྲོག་ཧཱུྃ། དེ་ཡང་ཞབས་ཀྱུ་ནས་ནཱ་དའི་བར་ཐིམ། དེ་ཡང་མི་དམིགས་པ་འོད་གསལ་སྟོང་པ་ཉིད་རྣམ་ཀུན་མཆོག་ལྡན་གྱི་དབྱིངས་དང་རོ་གཅིག་ཏུ་གྱུར་པར་བསམ་ལ་མཉམ་པར་བཞག །སླར་ཡང་རང་ཉིད་སྐད་ཅིག་གིས་སྤྱི་དཔལ་ཆེན་པོ་ཀརྨ་ཧེ་རུ་ཀ་ཞལ་གཅིག་ཕྱག་གཉིས་ཕུར་པ་འདྲིལ་བའི་སྐུར་གསལ་ཞིང་སྣང་གྲགས་རིག་པ་སྐུ་གསུང་ཐུགས་རྣམ་པ་ཐམས་ཅད་པའི་དཀྱིལ་འཁོར་གྱི་འཁོར་ལོར་འཆར་བར་གྱུར། ཨོཾ་ཨཱཿཧཱུྃ༔ བཛྲ་ཀཱ་ཝཱ་ཙི་རཀྵ་ཧཾཿ ཞེས་གོ་བགོ་བར་བྱའོ། །དགུ་པ་བསྔོ་སྨོན་ནི། ཧོཿ དགོངས་སུ་གསོལ་ལོ༔ ཆོས་ཉིད་ཀྱི་བདེན་པའོ༔ གསང་སྔགས་ཀྱི་བྱིན་གྱིས་བརླབ་བོ༔ སངས་རྒྱས་ཀྱི་མཐུའོ༔ ཨ་བྷི་ཙརྻའི་དུས་ལ་བབ་བོ༔ བརྣགས་པ་དེ་ཁོ་ན་ལའོ༔ དེ་ལྟར་གསང་སྔགས་ཀྱི་སྤྱོད་པ་རྨད་དུ་བྱུང་བ་སྤྱད་པའི་མཐུ་བྱིན་གྱིས་བཅོམ་ལྡན་འདས་དཔལ་ཆེན་པོ་རྡོ་རྗེ་གཞོན་ནུའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོར་ལོངས་སྤྱོད་ཅིང་སྐལ་པ་དང་མཉམ་པར་གྱུར་ཅིག །ཁྲག་འཐུང་རིགས་སུ་སྐྱེས་པ་དང༌། །སྙེམས་མེད་རྡོ་རྗེ་གཞོན་ནུ་ཉན། །སྙིང་རྗེ་ལྡན་ཞིང་བླ་མར་གུས། །སྐྱེ་ཞིང་སྐྱེ་བར་འགྱུར་བར་ཤོག །ལག་ན་རྡོ་རྗེ་ཕུར་བུ་འཛིན། །ཟབ་མོའི་ཆོས་ནི་ཀློག་པ་དང༌། །བཙུན་མོའི་ཁུ་བ་མཉམ་ཟས་ཅན། །སྐྱེ་ཞིང་སྐྱེ་བར་འགྱུར་བར་ཤོག །མཉམ་ཉིད་ངང་ལས་ཐུགས་རྗེ་ཁྲོས་པ་ཡིས། །གདུག་པའི་ཚོགས་ཀུན་མཐར་བྱེད་ཡེ་ཤེས་སྐུ། །དེ་བཞིན་གཤེགས་པ་ཀུན་གྱི་དམ་ཚིག་མཆོག །རྡོ་རྗེ་ཁྲོས་པའི་རྒྱལ་པོ་འགྲུབ་གྱུར་ཅིག །བཅུ་པ་ཤིས་བརྗོད་ནི། ཧོཿ ཡེ་ཤེས་དབྱིངས་ལས་བདུད་འདུལ་རོལ་པའི་གར། །མཐུ་སྟོབས་རྡོ་རྗེའི་གཟི་བརྗིད་དཔལ་དུ་འབར། །བརྒྱུད་པ་དྲུག་ལྡན་རིག་འཛིན་བླ་མ་ཡིས། །བྱིན་རླབས་སྤྲིན་ལྟར་འཁྲིགས་པའི་བཀྲ་ཤིས་ཤོག །རྡོ་རྗེ་ཁྲོས་པའི་མཚོན་ཆེན་བསྐལ་པའི་མེས། བདུད་འདུལ་འབར་བ་གར་དགུའི་རྣམ་པར་རོལ། །བཅོམ་ལྡན་རྡོ་རྗེ་ཕུར་པའི་དཀྱིལ་འཁོར་ལྷས། །དངོས་གྲུབ་ཆར་དུ་འབེབས་པའི་བཀྲ་ཤིས་ཤོག །བདེ་སྟོང་སྒྱུ་མས་དགྱེས་པའི་གར་དང་བཅས། །རབ་འབྱམས་ཕྲིན་ལས་ཐོགས་མེད་བསྟན་པ་སྐྱོང༌། །མཁའ་འགྲོ་ཆོས་སྐྱོང་དམ་ཅན་སྲུང་མ་ཡིས། །ཕྲིན་ལས་འབྲས་བུ་སྨིན་པའི་བཀྲ་ཤིས་ཤོག །སྣང་སྲིད་རྣམ་དག་རྡོ་རྗེ་ཕུར་པའི་ལྷ། །བདུད་བཞི་འཇོམས་པའི་སྟོབས་རྩལ་རྨད་དུ་བྱུང༌། །དོན་གཉིས་ལྷུན་གྲུབ་རྡོ་རྗེ་བཀོད་པ་ཡིས། །དགེ་ལེགས་དཔལ་གྱིས་འབྱོར་པའི་བཀྲ་ཤིས་ཤོག །ཅེས་བརྗོད་ཅིང་མེ་ཏོག་གི་ཆར་བསྙིལ་བས་ཕྱོགས་དུས་ཀུན་ཏུ་ཤིས་པའི་སྣང་བ་སྤེལ་བར་བྱ་ཞིང་རྒྱུན་གྱི་སྤྱོད་ལམ་ལ་འཇུག་སྟེ། དེ་དག་ཀྱང་ཁྱེར་སོ་གསུམ་གྱི་ལམ་ཁྱེར་དང་མ་བྲལ་བ་གནད་དོ། །སླར་སྨྲས་པ། ཨོ་རྒྱན་མཁན་པོའི་ཐུགས་བཅུད་ཀཱི་ལ་ཡ། །རིག་མཆོག་འབུམ་སྡེའི་རྒྱུད་ཀྱི་བཅུད་ཕྱུང་ཞིང༌། །བི་མའི་ཟབ་གསང་མན་ངག་སྙིང་པོའི་སྲོག །གཉགས་ཆེན་ཛྙཱ་ནའི་སྙན་བརྒྱུད་མཛོད་ཆེན་པོ། །དྲི་མེད་བཤེས་གཉེན་སྙིགས་དུས་ཐམས་ཅད་མཁྱེན། །འོད་གསལ་སྤྲུལ་པའི་རྡོ་རྗེར་ཤར་བ་ཉིད། །སླར་ཡང་གར་དབང་འོད་གསལ་མདོ་སྔགས་གླིང༌། །གང་དེའི་ཟབ་མོ་དགོངས་པའི་གཏེར་གྱི་བཅུད། །འདིར་ཞུགས་དད་མོས་འབྲེལ་པ་ཐོབ་པ་རྣམས། །བར་ཆད་བདུད་སྡེའི་གཡུལ་ལས་རྣམ་པར་རྒྱལ། །དོན་གཉིས་ལྷུན་གྲུབ་ཁམས་གསུམ་ཡོངས་གྲོལ་ནས། །ཕྲིན་ལས་རྩལ་རྫོགས་མངོན་པར་བྱང་ཆུབ་ཤོག །ཀུན་མཁྱེན་བླ་མའི་ཞབས་པད་ཡུན་དུ་བརྟན། །ཟབ་གཏེར་བསྟན་པས་ཕྱོགས་རྣམས་ཀུན་ཏུ་ཁྱབ། །བཀྲ་ཤིས་ཞལ་དྲོ་བྱིན་རླབས་དཔལ་དུ་འབར། །འཇིག་རྟེན་ཀུན་ཏུ་བདེ་དགེས་འབྱོར་བར་ཤོག །ཅེས་པའང་ཀུན་གཟིགས་མཆོག་སྤྲུལ་རིན་པོ་ཆེ་པདྨ་གར་དབང་འོད་གསལ་མདོ་སྔགས་གླིང་པའི་ཐུགས་གཏེར་པད་འབྱུང་བི་མ་གཉགས་ཆེན་རྣམས་ཀྱི་ཐུགས་དམ་གཅིག་དྲིལ་ཡང་གསང་ཕུར་གཅིག་མའི་ལས་བྱང་བཀླག་ཆོག་ཏུ་བྲིས་ཞེས་གཏེར་ཆེན་བླ་མས་བཀའ་ཡི་རྗེས་སུ་གནང་བ་ཐོབ་པ་དང༌། སངས་རྒྱས་མཉན་སྤྲུལ་རིན་པོ་ཆེ་ཀརྨ་བཤད་སྒྲུབ་བསྟན་པའི་ཉི་མ་དང༌། ནང་ཆེན་བིས་རི་བླ་ཆུང་སྤྲུལ་སྐུ་འཇམ་དབྱངས་མཐུ་སྟོབས་དཔལ་འབར་བཅས་ནས་གསུང་གི་བསྐུལ་མས་མཚམས་སྦྱར། ཟབ་ཆོས་འདིའི་ཐོག་མའི་སྣོད་ལྡན་དུ་དབུགས་དབྱུང་ཐོབ་ཅིང་མཁྱེན་རྩེའི་ཕྲིན་ལས་ཀྱི་བྱེད་པོར་སྨོན་པ་འཇམ་དབྱངས་ཆོས་ཀྱི་བློ་གྲོས་ཕྲིན་ལས་འདུས་པ་རྩལ་གྱིས་རྗེ་ཉིད་ལ་བཀའ་འདྲི་ཞུས་རིམ་བཞིན་ཤིང་རྟ་ཐ་སྐར་ཟླ་བའི་དཀར་ཕྱོགས་ཀྱི་ཚེས་བཅུར་བཀྲ་ཤིས་འཆི་མེད་གྲུབ་པའི་དགའ་ཚལ་ནས་བཀླགས་ཆོག་ཏུ་བསྡེབས་པས། བསྟན་འཛིན་སྐྱེས་མཆོག་རྣམས་ཞབས་པད་བརྟན་ཅིང༌། རང་གཞན་ཐམས་ཅད་བདུད་བཞིའི་གཡུལ་ལས་རྣམ་པར་རྒྱལ་བའི་རྒྱུར་གྱུར་ཅིག །མངྒ་ལཾ།། །། །།

[edit]

@#/_/rdo rje phur pa gnyags lugs kyi yi dam khro bo rdo rje gzhon nu'i bskyed rim srid pa phur bu'i rtsa ba'i las byang bklag chog tu bkod pa khams gsum gdug pa yongs sgrol zhes bya ba bzhugs so// @#/____/bla ma dpal he ru ka spyi dpal chen po la phyag 'tshal lo/_mnyam nyid dbyings las thugs rje'i khro gtum khros pa'i gar/_/rgyal kun phrin las rol pa'i rdo rje 'bar ba'i mtshon/_/khams gsum yongs sgrol snang srid rgyas 'debs kI la ya/_/byang chub bar du snying gi thig ler 'bral med mchod/_/rig mchog 'bum sde'i zab mo'i chu gter ngogs/_/bka' gter gdengs can dbyig gis gtams pa yi/_/don gnyis 'dod dgu'i gter 'byin nor bu'i snying*/_/ci dgar rol pa'i ngo mtshar deng dus shar/_/de phyir dngos grub sgo 'phar 'byed pa dang*/_/bdud sde'i ru mtshon bsnyil la zla med kyi/_/rdo rje'i gseng lam skal bzang kun dga'i btsas/_/gsang ba zab mo'i phrin las dus 'dir dbye/_/de la 'dir yi dam rdo rje gzhon nu'i bskyed rim srid pa rdo rje phur pa'i rtsa ba'i sgrub thabs khrigs su bsdebs pa la sbyor ba/_dngos gzhi/_rjes so/__/dang po sbyor ba la/_bsham bkod gtor 'bul skyabs sems bdun/_/bgegs bskrad mtshams gcod brda sgo phyag_/bshags pa byin 'bebs phur mchod brlab/_ces pa ltar bcu gsum las/_dang po bsham bkod ni/_phyag bdar byas pa'i gnas khang rgyan gyis spras pa'i gung du dam tshig gi rten sku'am zhal thang bkram pa'i spyan sngar bsnyen sgrub skabs lcags sam drag po'i shing gi phur pa mgul du yungs kar gyi thum dang ldan pa rdzas gsum gyis gzi byin bskyed pa b+han+d+ha'am lcags hom du btsugs pa ras bris sam/_tshom bu lha grangs kyi steng du bkod/_bsdu na rten gtor/_sman raka_/zhi drag gi mchod pa/_bka' gter srung ma'i gtor 'bul/_tshogs dang chad brtan rnams dang*/_dkar bgegs kyi gtor ma/_sgrub pa po rnams kyi mdun du rol mo'i rigs dang*/_las phur sogs bkod par bya'o/__/gnyis pa gtor 'bul ni/_thog mar tshig bdun gsol 'debs sngon du 'gro bas brgyud 'debs zur gsal ltar byas rjes/_bsang chu byin rlabs dgos na/_stong pa'i ngang las bsang chu'i steng du nyi ma la gnas pa'i hU~M yig las 'od zer 'phro 'dus yongs su gyur pa las/_khro rgyal bdud rtsi 'khyil ba ljang nag zhal gsum phyag drug rang snang gi yum dang bcas pa'i skur gyur/_rdo rje rtse gcig pa'i phyag rgyas reg tshul gyis/_oM badz+ra a mr-i ta kuN+Da li hU~M tshin+d+ha tshin+d+ha hU~M phaTa?:_ces bzla/_khro bo bdud rtsi 'khyil pa'i rang bzhin chu'i rdul phra rab tu gyur par mos/_dkar gtor dang gser skyems bshams par bsang chus bran/_ra~M ya~M kha~M gis sbyangs/_oM AHhU~M gis byin brlabs/_b+hU mi pa ti sa pa ri wa ra badz+ra sa mA dzaHsa sa bdag brtan ma sogs spyan drangs/_b+hU mi pa ti sa pa ri wa ra oM a kA ro sogs lan gsum/_hU~M:_gang zhig dkar po'i phyogs 'dzin cing:_'dzam gling sa la dbang byed kun:_bdag gis gnas 'dir dkyil 'khor bzhengs:_ko long phrag dog ma mdzad par/_brngan du gtor ma gser skyems 'bul:_dgyes par bzhes la sa 'di stsol:_bcol ba'i las kun sgrub par mdzod:_b+hU mi pa ti gats+tshas gshegs su gsol ba dang chabs cig gtor ma phyi rol du 'bul/__gsum pa skyabs 'gro ni/_rang gi snying ga'i hU~M las 'od zer 'phros pas bla ma rig 'dzin dpal chen rdo rje gzhon nu'i dkyil 'khor gyi lha tshogs mkha' khyab kyi 'khor lor sad par gyur/_na mo:_bdag sogs 'gro kun deng nas bzung:_byang chub snying por mchis kyi bar:_skyabs kyi dam pa dkon mchog gsum:_mi phyed dad pas skyabs su mchi:_lan gsum/_bzhi pa sems bskyed ni/_mkha' mnyam sems can thams cad kun:_srid pa'i rtsa ba bdud bzhi bcom:_bar chad gdon bgegs bsgral ba'i phyir:_dpal chen lha tshogs sgrub par bgyi:_lan gsum/_lnga pa tshogs bsags pa ni/_ho:_bdag dang mtha' yas sems can rnams:_rdo rje slob dpon sangs rgyas dpal:_dus gsum bzhugs la phyag 'tshal lo:_mchog gsum bsten pa'i zhing gyur la:_gnyis med yid kyis skyabs su mchi:_dngos 'byor yid kyis rnam sprul pa'i:_dag pa'i mchod pa bzhes su gsol:_dngos grub chu bo gcod pa'i bgegs:_nyes byas ma lus bshags par bgyi:_phyogs bcu 'khor gsum dag pa'i chos:_ma chags spyod la rjes yi rang:_dag pa'i mtha' bzhi dri ma med:_rdzogs pa'i byang chub sems bskyed do:_bde gshegs dbang phyug sems can la:_dag pa gsum gyis lus 'bul lo:_tshe rabs bgrang ba'i las rnams kun:_bsdus te byang chub chen por bsngo:_lan gsum/_sems can bde dang ldan gyur cig_/sdug bsngal kun dang bral bar shog_/bde dang rtag tu mi 'bral zhing*/_/chos kun mnyam nyid rtogs par shog_/ces brjod mthar/_badz+ra muH_tshogs zhing rnams rang la thim par gyur/_drug pa bgegs bskrad pa ni/_hU~M:_ngang nyid rdo rje chos dbyings las:_'bar ba'i khro bo mi bzad pa:_dpal chen rdo rje gzhon nu yi:_sku yi dbyig tu bdag bskyed do:_oM badz+ra kI li kI la ya hU~M phaT:_ces rang nyid gnyug ma'i lha yi nga rgyal bzung ste/_bgegs gtor/_ra~M ya~M kha~M/_oM AHhU~M/_sarba big+h+nAn A kar+Sha ya dzaHsa lcags kyu'i rgyas bkug_/sarba big+h+nAn na maHsarba ta thA ga ta b+h+yo bi shwa sogs/_g+hr-ih+Na idaM ba liM ta khA hi:_lan gsum gyis bsngos te/_bka' bsgo ba ni/_hU~M:_gsang ba bla med lam sgrub pa'i:_rdo rje'i dkyil 'khor gnyan po 'dir:_'du ba'i lha ni ma gtogs pa:_dam med bdud rigs nag po'i phyogs:_blta zhing nyan pa'i dbang med pas:_byin pa'i gtor ma 'di khyer la:_rang rang gnas su bde bar dengs:_gal te mi 'gro 'dug gyur na:_nga ni 'jigs byed rdo rje can:_bka' las 'da' ba'i sdig can rnams:_rdo rje ye shes mtshon chen pos:_phye mar 'thag par gdon mi za:_hU~M bzhi'i sngags brjod la gu gul bdug_/yungs thun gyis gzir/_rol mo drag tu 'khrol bas nag phyogs rnams rgyang ring du bskrad la/_bdun pa mtshams gcod pa ni/_hU~M:_mi shigs mtshon cha'i gur dang sa gzhi la:_dmar nag dmar smug me yi 'du 'phro 'khyil:_ye shes khro bo bcu yang dbyings nas bzhengs:_khrag 'thung rol pa'i lha tshogs nang na bzhugs:_mtshams kyi dkyil 'khor ma lus lhun gyis grub:_badz+ra rak+Sha rak+Sha b+h+rUM:_thugs ka nas sprul pa'i khro tshogs phur bu 'bar ba'i sprin 'phro ba rnams kyis bdud bgegs log par 'dren pa thams cad tshar bcad/_slar 'dus te rdo rje srung ba'i 'khor los phyogs thams cad du gtams nas sngags dang phyag rgya ting nge 'dzin gyis srung ba'i mtshams bcad par bsam mo/__/brgyad pa brda sgo dbye ba ni/_gnyis snang 'khrul pa'i sgrib g.yogs dag ste gnyis med mnyam pa'i ye shes kyi lha tshogs thams cad bkra lam mer mjal bar mtshon phyir dkyil 'khor gyi sgo bshag gis phye bar mos la/_hU~M:_snang zhing srid pa'i chos so cog:_kun kyang dag pa lha'i grong khyer:_ma bcos don gyi lha mchog la:_tshad med sgo bzhi dbye bas 'jug:_b+h+rUM pra be sha ya phaT:_dgu pa phyag 'tshal ba ni/_phung khams skye mched dang bcas pa gdod nas mnyam pa'i dkyil 'khor dag pa chen po'i rang bzhin ma bcos gshis lugs zab mo'i rang ngo rang gis rig ste rang zhal mjal ba'i lta ba'i ngang bskyang ba la brda dang tha snyad kyi phyag 'tshal ba ni/_hoH_lha dang rang sems bzang ngan bral:_gnyis med rang snang spyi dpal che:_e ma ngo mtshar rmad byung ba:_rdo rje lta ba'i phyag gis 'dud:_a la la hoH_zhes ngo phab pa'i tshul gyis/_a ti pU hoHsa btud pa la/_pra tIts+tsha hoH_zhes lan du dngos grub bstsal bar bsam/_bcu pa bshags pa ni/_bshags yul lha yi 'khor lo mkha' khyab tu sad pa'i spyan sngar sdig ltung rtog sgrib bag chags mchog gi dngos grub kyi gegs su gyur pa rnams gnong 'gyod drag pos 'gyod tshangs smre sngags kyi gdung bas bshags pa phul bar mos la/_thal mo sbyar te/_hU~M:_snang srid gdod nas dag pa'i dkyil 'khor lha:_bla ma yi dam mkha' 'gro dam can rnams:_thugs rje'i brtse bas bdag la dgongs su gsol:_ye nas ma rig 'khrul pas sgrib pa yi:_rnam rtog kun brtags blo yis sgro btags pas:_rang rig ye shes don la rmongs pa yis:_srung mtshams med pa'i dam las 'gal ba dang:_bla mar smad cing yi dam spangs ba dang:_bsnyen sgrub dzapa bzlas tshad du ma bskyal ba:_ting 'dzin lta ba klong du ma gyur zhing:_gsang bcu gzhan la bsgrags sogs mthol lo bshags:_gzhan yang mi spang dang du blang bya dang:_spyad par bya dang sgrub par bya ba dang:_shes bya lnga sogs nyi shu rtsa lnga yi:_dam las 'gal bar gyur pa mthol lo bshags:_nya stong dus bzhi'i mchod pa chag pa dang:_sdig can rnams la rtag tu byams byas shing:_mkha' 'gro rnams la sha khrag gtor ma chag:_sbyor sgrol mchod pa dus las g.yel ba sogs:_rtsa ltung bcu bzhi dang 'gal mthol zhing bshags:_gzhan yang sbom po yan lag phra zhib kyi:_dam tshig dbye ba sa ya grangs med pa:_de las 'gal bar gyur pa'i rnal 'byor gyis:_'gyod tshangs gdung ba'i smre sngags 'di 'don pas:_rgyal ba rnams kyi thugs rje'i spyan ras kyis:_yud tsam gzigs te thugs rjes bzod bzhes gsol:_tshangs par bstsal nas mchog dang thun mong gi:_dngos grub dka' ba med par 'grub pa dang:_rdzogs pa chen po'i bstan pa mthar bgyid cing:_kun tu bzang po'i rgyal sa zin par shog:_spro na bde gshegs spyi bshags dang yig brgya bzla/_bcu gcig pa byin 'bebs pa ni/_bla ma rig 'dzin rdo rje phur pa'i lha tshogs 'khor dang bcas pa yab yum bde bar rol pa'i sku yi gnas nas byin rlabs kyi ngo bo byang sems bdud rtsi'i char bab pas sgo gsum gyi dri ma dag cing bdag gnas yo byad thams cad la sku gsung thugs kyi byin rlabs zab mo'i dngos grub mngon du gyur pa'i dmigs pa dang bcas/_dbyangs dang rol mo'i brdas bskul/_spos dang g.yab dar bshugs glu bcas/_hU~M:_rdo rje gzhon nu'i rig 'dzin rnams:_srid pa phur bu sgrub pa'i phyir:_sngon gyi zhal bzhes ma bsnyel bar:_gnas mchog 'di ru byin phob cig:_ye shes khro rgyal 'khor dang bcas:_'khor ba rdo rjer sgrub pa'i phyir:_nam mkha' khyab pa'i gar dang bcas:_gnas mchog 'di ru byin phob cig:_bran dang bka' nyan pho nya'i tshogs:_khyod kyi dam tshig dus la bab:_sngon tshe khas blang dam bcas bzhin:_gnas mchog 'di ru byin phob cig:_nam mkha' gang ba'i lha tshogs rnams:_sku yi gar stabs sna tshogs bsgyur:_rdo rje'i glu bro gar dang bcas:_gnas mchog 'di ru byin phob cig:_gsung ni sngags sgra 'brug ltar sgrog:_rgod gshe drag shul rol pa yi:_sa gsum 'jigs pa'i nga ro bcas:_gnas mchog 'di ru byin phob cig:_thugs ni ye shes rngam pa'i dpal:_snying rje zhi dang khro bo yi:_rig rtsal dgongs pa'i gdeng dang bcas:_gnas mchog 'di ru byin phob cig:_sgrub mchog bdag la dbang bzhi bskur:_bgegs dang log 'dren bar chad sol:_mchog dang thun mong ma lus pa'i:_dngos grub dam pa bstsal du gsol:_gu ru d+he wa d+hA ki ni dz+nyA na a be sha ya a a aH_hriM hriM:_pheM pheM:_bcu gnyis pa phur pa byin rlabs ni/_sgrub chen dang gtor bzlog sogs kyi skabs/_las phur gu gul gyis bdug la/_oM badz+ra kI li kI la ya su ru su ru a d+hi tiSh+Tha rmug rmug ha la ha la dgra bgegs 'byung po'i tsit+ta myog mA ra ya hU~M phaTa?:_yungs kar gyis brab cing*/_oM badz+ra kI li kI la ya ma gu ta la ma gu ta la pra ta la pra ta la sha ta ra tsa hU~M dgra bgegs 'byung po mA ra ya hU~M phaTa?:_dug khrag gis byug cing*/_oM badz+ra kI li kI la ya rak+ta dz+wa la maN+Da la rak+sha rak+sha dgra bgegs 'byung po wA shaM ku ru mA ra ya hU~M phaTa?:_phur pa bsang sbyang*/_stong pa'i ngang las e las phur gdan gru gsum mthing nag 'bar ba'i dbus su pad nyi dgra bgegs kyi gdan la rang gi thugs ka nas hU~M 'phros/_hU~M s+pha ra Na phaT:_saM ha ra Na hU~M:_oM badz+ra kI li kI la ya hU~M:_phur bu dpal chen po sgrol byed yak+sha kro d+ha zhal gsum phyag drug_/sku smad gnam lcags kyi phur pa zur gsum rno dbal ngar dang ldan pa/_mgar gyi sol me nas bton pa lta bu me yi tshwa tshwa 'phro ba/_spyi bor dpal chen po/_rgya mdud gong ma la khro bcu yab yum/_'chang gzung la za gsod nyi shu/_rgya mdud 'og ma la sgo srung*/_dbal gsum la dam can srung ma dang bcas pa'i pho brang du gyur/_oM badz+ra kI li kI la ya tip+ta tsakra ha na ha na hU~M phaT:_ces brjod la phur gdan steng du bkod/_bcu gsum pa mchod pa byin brlab ni/_hU~M hrIH_snang srid bde chen rol pa yi:_ye shes snang ba khyab brdal sprin:_kun bzang mchod pa bsam yas gter:_rang byung rang shar lhun gyis grub:_sarba sa ma ya pU dza hoH_oM badz+ra ar+g+haM nas/_shab+da ma hA pU dza s+pha ra Na khaM:_zhes phyi mchod dang*/_oM ma hA sh+ma sha na ru dra b+ho gaHrU pa shab+da gan+d+he rA sa spar+she pany+tsa kA ma gu Na d+harma d+hA tu pU dza AHhU~M:_zhes nang mchod drag po'i nyer spyod dang*/_hU~M:_rlung me thod pa'i sgyed pu gsum gyi steng:_dbyings kyi b+han+d+har sha lnga bdud rtsi lnga:_ye shes rigs lnga dbyer med byang chub sems:_rtsa brgyad stong sbyar sman gyi bdud rtsir 'khyil:_oM hU~M trA~M hrIHaH_mU~M lA~M mA~M pA~M tA~M:_sarba pany+tsa a mr-i ta kuN+Da li hU~M hrIHThA:_lan gsum gyis sman/_hU~M:_lcang lor bcas pa'i dung chen snod yangs su:_khams gsum gdug pa bsgral ba'i khrag mtshor bskyil:_gIrti'i mkha' nas ye shes bde ba'i rgyun:_mi phyed so sor rtog pa'i lbu phreng g.yo:_oM AHhU~M ma hA ka pA la rak+ta dz+wa la maN+Da la hU~M hrIHThA:_lan gsum gyis rak+ta/_hU~M:_gtor snod rin chen b+hany+dza stong gsum khyab:_gtor ma'i ngo bo bla med dam tshig rdzas:_'dod pa'i yon tan lnga yis rab brgyan pa:_lha tshogs dgyes skong mchod pa'i phung por spungs:_oM AH hU~M ma hA ba liM ta sarba kA ma gu h+ya sa ma ya hU~M hrIHThA:_lan gsum gyis gtor ma rnams byin gyis brlabs/_badz+ra s+pha ra Na khaM gis mkha' khyab tu spel/_gnyis pa dngos gzhi la/_ting 'dzin gsum rten dkyil 'khor gsum/_/bskyed cing spyan drangs bstim phyag bya/_/mchod bstod bzlas pa rnam pa dgu/_/zhes pa'i dang po la'ang*/_de ting kun snang rgyu'i ting 'dzin/_/zhes pa'i dang po de bzhin nyid kyi ting 'dzin ni/_chos thams cad gdod nas rang bzhin gyis ma grub pa'i stong nyid spros bral bde ba chen po rnam pa kun gyi mchog dang ldan pa'i rdo rje'i ting nge 'dzin gyis dngos 'dzin mtshan ma'i spros pa thams cad bcom pas chos nyid ngang gis khros pa'o/__/de nyid gter tshig gis gsal 'debs pa ni/_hU~M:_rdo rje khros pas zhe sdang gcod:_chos nyid ngang gis dag pa'i klong:_gzung 'dzin mtshan ma mi gnas pa:_rnam par thar pa'i sgo gsum mo:_oM shU n+ya ta dz+nyA na hoH__gnyis pa kun snang ni/_stong nyid mngon gyur gyi ye shes dmigs med snying rje sgyu ma lta bu dang zung du 'jug pas srid pa'i rtsa ba gzung 'dzin rtsad nas gcod pa'i snying rje mkha' khyab tu shar ba'o/__/snying rje chen po'i mtshon cha ni:_srid pa'i rtsa ba gcod byed pa'i:_thugs rje'i shugs kyis khro ba las:_sdug bsngal 'joms pa'i ting 'dzin bsgom:_AHma hA ka ru Ni ka hoH_gsum pa rgyu'i ting nge 'dzin ni/_'khor 'das kyi srog mtshon byed chen po ye shes lnga'i ngo bo hU~M yig zab gsal gnyis med nam mkha'i dbyings su thig le'i rnam par 'brel ba'o/__/stong nyid nam mkha'i khams gnas pa'i:_'khor 'das kun gyi srog gi go:_rang byung yi ge 'dus ma byas:_hU~M chen bskal pa'i me ltar 'bar:_hU~M badz+ra dz+nyA na d+hA tu hoH_gnyis pa rten 'byung ba rim brtsegs gzhal yas khang bcas gsal gdab pa ni/_rgyu yi hU~M yig las sa bon rnams chad pa yongs su gyur pa las phyi ltar 'byung ba'i dkyil 'khor/_nang du phung po lnga/_gsang ba nyon mongs dug lnga rnam par dag pa'i rigs lnga ye shes lnga'i rang bzhin gyi 'byung ba rim brtsegs ri rab gzhal yas khang dang lha gnas gsal ba ni/_hU~M las e yaM raM suM ra:_keM raM chad pa 'og gzhi ni:_chos 'byung dbyings dang mnyam pa'i dbus:_rlung me sha chen sa gzhi brdal:_khrag mtsho keng rus ri rab steng:_khor yug drag po'i me rlung tshogs:_kun tu 'bar zhing 'tshubs ma 'khyil:_ma hA dz+wa la raM:_me klong b+h+rU~M yig lnga ldan chad:_yongs gyur pad nyi rgya gram steng:_ye shes rang snang gzhal yas khang:_rang byung dur khrod bkod pa can:_phyi ni rtsig pa kha dog lnga:_nang ni skam rlon rnyid pa'i mgo:_gnam lcags gzer btab rak+tas sbyar:_rin chen pha gu drwa ba phyed:_chu srin rngam pa'i kha las dpyang:_shar bu mda' yab pu shu dang:_gza' dang lha klu ka gdung phyam:_rgyu skar dral gzeb zhing gi thog:_lha chen thod pa dbus phyur bu:_ma hA ru tra'i tsit+ta'i tog:_ye shes zer 'phro 'od phung 'khyil:_ro skra'i rnga yab zhing gi 'phan:_gcan gzan lpags pa'i rgyal mtshan gdugs:_phyi nang sgo bzhi rta bab brgyad:_chos 'khor ri dwags gdugs tog mdzes:_dal dbus gnam lcags 'khor lo dang:_lte ba zlum po e yis mtshan:_zla gam gsum la khrag mtsho 'khyil:_b+h+rU~M bi shwa bi shud+d+he dz+nyA na kro d+ha maN+Da la hU~M:_de yi nang du lha gnas so sor gdan gsal ba ni/_gzhal yas dbus su rdo rje yi:_brag chen pad nyi lha chen po:_khyo shug zla gam gsum gyi steng:_pad nyi dgra bgegs drag po yi:_'khor lo rtsibs bcu re re bzhin:_phyogs skyong pho mo pad nyi dang:_sgo bzhir zhing rkyang gdan bcas gsal:_ma sUr+Ya maN+Da la:_a tsan+d+ra maN+Da la:_pa~M pad+ma maN+Da la:_gsum pa brten pa lha'i 'khor lo bsgom pa'i dang po chos sku'i ngo bo bdag rtsa ba'i dkyil 'khor gtso bo yab yum bsgom pa ni/_sa bon rgyu yi hU~M yig yongs su gyur pa las chos sku'i ngo bo rdo rje gzhon nu/_longs sku bdud 'dul khro bcu yab yum phra thabs bcas/_sprul sku sras mchog sgo ma bka' sdod dang bcas pa rigs lnga'i ye shes/_stobs dang pha rol phyin pas dug lnga nye ba'i nyon mongs 'joms shing tshad med dang bsdu dngos bzhi yis srid zhi'i mtha' las sgrol te bden don gnas su dag pa'i brten pa lha yi 'khor lo rnams bsgom la/_hU~M:_dbus kyi chos 'byung lte ba ru:_rang rig hU~M bab yongs gyur las:_spro bsdus 'od kyis don gnyis byas:_'od kyi phung po rdo rjer gyur:_badz+ra hU~M:_de nyid yongs gyur skad cig gis:_bdag nyid ma bcos rtsa ba'i lha:_rdo rje 'chang chen he ru ka:_spyi dpal karma kI la ya:_dpal chen rdo rje gzhon nu ni:_mthing nag dbu dgu phyag bco brgyad:_rtsa zhal srin po khros pa'i zhal:_g.yas pa dkar ba ku muta dA:_g.yon pa dmar nag am gtsigs bsdams:_de steng zhal gsum ljang ser nag:_steng gi zhal gsum smug mthing dmar:_kham nag ral pa gyen du brdzes:_spyi bor rdo rje phyed pa'i tog:_rwa gdeng zar bu sbrul gyis bcings:_thod skam lnga yis dbu la brgyan:_zhal bgrad mche gtsigs ljags brkyang 'dril:_hU~M phaT phaiM gyi sgra drag sgrog:_khro gnyer chu rlabs lta bur 'khrugs:_sma ra smin ma me ltar 'bar:_rdo rje'i sku mchog sprin bzhin gnag:_g.yas dgu'i dang pos rdo rje gdeng:_'khor lo dgra s+t+wa ral gri mdung:_tho ba lcags kyu gsal shing bsnams:_g.yon dgus me dpung khaT+wAM ga:_ri rab zhags pa b+han+d+ha dmar:_sdig mdzub mda' dang bdud bzhi'i mgo:_tha ma'i phyag gnyis phur bu 'dril:_drag po'i stang stabs phyogs bcur g.yo:_'bar ba'i zhabs bzhi brkyang bskum gyis:_bar chad bdud bzhi brdzis shing mnan:_glang chen zhing lpags stod g.yogs shing:_stag gi sham thabs grol zhing 'ching:_sku la rus pa'i phyag rgya drug:_mgo phreng dpal gyi chas gos rdzogs:_rdo rje rin chen gshog pa gdengs:_ye shes me dpung 'bar ba'i klong:_khams gsum zil gnon chen por gsal:_pang du bde chen skyed pa'i yum:_'khor lo rgyas 'debs khro gtum sgeg:_gcer bu gzig gi sham thabs gsol:_thod skam rus pa'i rgyan gyis spras:_phyag gnyis g.yas pas yab mgul 'khyud:_ut+pal mtheb srin sbyar bas 'dzin:_g.yon pas dmar gyi b+han+d+ha stob:_nu 'bur b+ha ga rgyas pas sbyor:_sked skabs phra ldem g.yas pa'i zhabs:_yab kyi dku la 'khyud cing ldem:_g.yon pa brkyangs te dgra bgegs brdzis:_'bar ba'i brtul zhugs yongs su rdzogs:_gtso bo'i g.yon du sgrol byed kyi:_yum mchog e ka dzA Ti ma:_khro gtum sgeg pa'i gzi byin gyis:_yab la lta zhing chags pa'i tshul:_g.yas pas gri gug nam mkhar 'phyar:_g.yon pas tsit+ta khrag 'dzag za:_gcer bu rus pa'i rgyan 'chang ba'i:_g.yer kha'i sgra las chos sgra sgrog:_gnyis pa longs sku'i ngo bo phyogs bcu'i khro bo'i dkyil 'khor spro ba ni/_a ho a ho a ho hU~M:_sa ma ya hoH_sa ma ya s+t+waM:_a nu rA ga ya mi:_a nu rA ga ya hoH_rdo rje pad+ma rgyas mdzad de:_sbyor bas sku ni sgeg bzhad dpa':_pad+ma b+hany+dza mo k+Sha hoH_zhal nas a ho haM zhes sgrogs:_rdo rje'i gsung mchog rgod gshe rngams:_thugs ni bde ba cher 'bar ba'i:_snying rje rngams dang zhi bar bcas:_srub cing srub pa'i sbyor ba'i sgras:_sangs rgyas sras bcas rjes chags bskul:_zhal zhugs byang chub sems su zhu:_dwangs ma'i sems sprin hU~M du spros:_phyogs bcu'i rtsibs la bab pa las:_'od zer rnon pos phyogs skyong ba'i:_gdon tshogs btul te tshur 'dus pa:_pad nyi phyogs skyong pho mo'i steng:_hU~M bab yongs gyur khro bcur gyur:_oM badz+ra kro d+ha hU~M kA ra hU~M:_gardza gardza hU~M phaTa?:_steng phyogs nyi zla'i gdan steng du:_hU~M mdzad sngo skya mthing ser dmar:_zhal gsum phyag drug dang po gnyis:_rdo rje dung dmar bar pa yis:_mda' gzhu 'gengs zhing rol pa'i yum:_sgra 'byin mar sbyor phra men ni:_phag dang rmigs bu'i mgo can no:_oM badz+ra kro d+ha bi dza ya hU~M:_ha na ha na hU~M phaTa?:_shar phyogs dri za'i gdan steng du:_rnam par rgyal ba dkar sngo ljang:_dang pos rdo rje b+han dmar dkrug:_bar pas 'khor lo rtse gsum gdengs:_rnam snyems yum sbyor phra men ma:_stag dang bya rgod mgo can no:_oM badz+ra kro d+ha nI la daN+Da hU~M:_da ha da ha hU~M phaTa?:_shar lho me lha'i gdan steng du:_dbyug sngon mthing nag dkar dmar zhal:_phyag drug rdo rje dung chen khrag:_me dbal rdo rje'i dbyug tho 'phyar:_rdo rje sder mo dang sbyor ba'i:_phra men g.yag dang bya rog mgo:_oM badz+ra kro d+ha ya mAn+ta ka hU~M:_pa tsa pa tsa hU~M phaTa?:_lho phyogs gshin rje'i gdan steng du:_gshin rje gshed sngon sngo ljang zhal:_phyag drug rdo rje thod pa dang:_dgra s+t+wa 'bar ba'i be con 'phyar:_dur khrod bdag mo yum dang sbyor:_phra men sha ba 'ug pa'i mgo:_oM badz+ra kro d+ha Ar+Ya a tsa la hU~M:_b+han+d+ha b+han+d+ha hU~M phaTa?:_lho nub srin po'i gdan steng du:_mi g.yo mthing ga zhal dkar dmar:_dang pos rdo rje ka pA la:_ral gri zhags pa 'phen pa'i yum:_gtun khung ma dang sbyor ba yi:_phra men gzig dang khwa ta'i mgo:_oM badz+ra kro d+ha h+ya gr-I wa hU~M:_hu lu hu lu hU~M phaTa?:_nub phyogs chu lha'i gdan steng du:_rta mgrin dmar po dkar sngo'i zhal:_phyag drug rdo rje b+han dmar 'dzin:_zhags pa spu gri gdengs pa'i yum:_gtum mo mar sbyor rol pa yi:_phra men byi la pu shud mgo:_oM badz+ra kro d+ha a pa ra dzi ta hU~M:_tiSh+Tha tiSh+Tha hU~M phaTa?:_nub byang rlung lha'i gdan steng du:_'dod rgyal dmar skya zhal ljang ser:_phyag drug rdo rje thod khrag dang:_ba dan rnga yab 'dzin pa'i yum:_mda' snyems ma dang 'khril ba yi:_phra men spyang ki khra yi mgo:_oM badz+ra kro d+ha a mr-i ta kuN+Da li hU~M:_tshin+d+ha tshin+d+ha hU~M phaTa?:_byang phyogs gnod sbyin gdan steng du:_bdud rtsi 'khyil ljang ser dud kha:_rdo rje dung khrag rgya gram dang:_dbyug tho bsnam pa'i yum rlung 'byin:_phra men seng ge pha waM mgo:_oM badz+ra kro d+ha trai lo kya bi dza ya hU~M:_b+hin+d+ha b+hin+d+ha hU~M phaTa?:_byang shar dbang ldan gdan steng du:_khams gsum rnam rgyal ser nag zhal:_dkar ljang rdo rje dung chen bsnam:_mda' gzhu 'gengs pa'i yum gsod byed:_phra men dom dang sre mong mgo:_oM badz+ra kro d+ha ma hA ba la hU~M:_s+pho Ta s+pho Ta hU~M phaTa?:_'og phyogs sa bdag gdan steng du:_stobs chen dud kha nag ser zhal:_phyag drug rdo rje dung chen dang:_tho ba zhags 'dzin yum bskyod byed:_phra men dred dang byi ba'i mgo:_khro bo chen po de dag kyang:_zhal gsum phyag drug zhabs bzhi bgrad:_cha byed gtso mtshungs tha ma'i phyag:_phrin las don rtags phur pa 'dril:_dpal dang dur khrod rol pa'i chas:_brkyang bskum srin po'i stabs su 'gying:_yum mchog bde sbyor gtso mo 'dra:_phra men gcer bu stang stabs can:_stag gzig sham thabs 'phyang zhing rgyug:_g.yas pas lcags kyu g.yon pa na:_phur bu 'dril zhing bgegs la 'debs:_me dpung rngams pa'i klong na 'gying:_phyogs bcu'i khro bo'i dkyil 'khor rdzogs:_gsum pa sprul sku phur pa rdzas kyi dkyil 'khor bsgom pa la thun mong dang*/_khyad par gnyis las/_dang po ni/_oM badz+ra ma hA kro d+ha maN+Da la hU~M:_zla gam 'khyil pa gsum gyi steng:_gtso bo yab yum sbyor mtshams nas:_hU~M yig bdun tshan gsum du spros:_'od kyis khams gsum gdug can bsgral:_snang srid phur bu'i da lar rdzogs:_bde gshegs rgyal ba rab 'byams kyi:_sku gsung thugs kyi byin rlabs bsdus:_hU~M la thim pas skad cig gis:_mdun du thugs kyi sras mchog mthing:_g.yas su sku yi sras ljang nag:_g.yon du gsung gi sras dmar nag:_kun kyang zhal gsum phyag drug can:_g.yas g.yon dkar dmar zhal ni brjid:_dang pos rdo rje me chen spro:_bar pas dgra s+t+wa khaT+wAM gdengs:_tha mas phur bu 'dril ba yi:_sku la dur khrod dpal chas rdzogs:_sku smad 'bar ba'i phur bu'i dbal:_gnam lcags me 'khrugs tshwa tshwa 'phro:_chu srin kha nas thon pa yi:_dug sbrul sdom dang sdig pa 'phyo:_dgra bgegs snying gi dkar nag mtshams:_phur rtse gzir bas srid gsum bsgral:_mtshan ma rdzas kyi dkyil 'khor rdzogs:_dpal chen gsang ba gsum du gyur:_oM badz+ra kro d+ha kI la ya hU~M phaTa?:_gnyis pa slar yang phrin las bzhi'i sras mchog bskyed pa ni/_slar yang yab yum sbyor mtshams nas:_hU~M spros gzhal yas grwa bzhir bab:_shar lhor bud+d+ha kI la ya:_dkar gsal dmar dang nag po'i zhal:_phyag drug dang pos 'khor lo dang:_dung khrag bar pas khaT+wAM me:_tha gnyis dngul phur dkar po 'dril:_sku smad dbal zlum phur bu'i rtse:_lha bu'i bdud kyi snying gar gzir:_lho nub rin chen kI la ya:_ser smug g.yas mthing g.yon dmar po:_phyag drug rin chen dung khrag dang:_khaT+wAM me dpung bsnams pa yi:_tha mas gser phur ser po 'dril:_sku smad gru bzhi dbal ser po:_phung po'i bdud kyi snying gar gzir:_nub byang pad+ma kI la ya:_dmar smug g.yas ser g.yon ljang gu:_phyag drug pad+ma dung khrag dang:_khaT+wAM ga dang me dpung par:_tha mas zangs phur dmar po 'dril:_sku smad zla gam 'bar ba'i dbal:_nyon mongs bdud kyi snying gar gzir:_byang shar karma kI la ya:_ljang nag g.yas dkar g.yon dmar po:_phyag drug rgya gram dung khrag dang:_khaT+wAM rtse gsum me zhags bsnams:_tha mas g.yu phur ljang gu 'dril:_sku smad gnam lcags zur gsum dbal:_'chi bdag bdud kyi snying gar gzir:_kun kyang khro bo chen po ni:_dpal dang dur khrod 'bar ba'i chas:_ye shes me yi zer 'phro zhing:_bdud bzhi 'dul ba'i phrin las rdzogs:_oM bud+d+ha rat+na pad+ma karma kro d+ha kI la ya hU~M phaTa?:_de nas sgo ba dang bka' sdod kyi dkyil 'khor bsgom pa ni/_gtso bo'i sbyor mtshams dzaHhU~M ba~M:_hoHyi yi ge bzhi spros pas:_shar du sgo ma lcags kyu ma:_dkar mo rta yi gdong pa can:_lho ru sgo ma zhags pa ma:_ser mo phag gi gdong pa can:_nub tu sgo ma lcags sgrog ma:_dmar mo kang+ka'i gdong pa can:_byang du sgo ma dril bu ma:_ljang gu spyang ki'i gdong pa can:_kun kyang g.yon pas phur pa 'dril:_gcer mo ral gsigs gzig sham can:_gtum chen rngam pa'i gad rgyang can:_pad nyi bam ro'i steng na 'gying:_dzaHhU~M ba~M hoH_khrag khyams dpal gyi dka' sdod che:_shwa na bdag nyid sa bdag bzhi:_bswe mo bswe lcags dung gi ging:_dbang phyug nyi shu rtsa brgyad sogs:_dam can rgya mtsho'i tshogs kyis bskor:_kun kyang rang rang rgyan chas tshogs:_rdzogs pa bka' sdod tshul du gnas:_oM badz+ra kI li kI la ya mo ha g+hA ta ya ma ma shrI g+h+raM karma ka ra ye hU~M phaTa?:_de ltar snang srid rdo rje phur pa'i dkyil 'khor gsum gyi rang bzhin du gsal gdab pa la sku gsung thugs kyi ye shes kyi phyag rgyas 'debs pa ni/_hU~M:_sangs rgyas kun gyi ye shes sku:_ngang nyid rdo rje chos dbyings las:_'bar ba'i khro bo mi bzad pa'i:_sku yi dbyig tu bdag skyed cig:_oM sarba ta thA ga ta ma hA kA ya badz+ra swa b+hA wa at+ma ko\u0f85haM:_oM sarba ta thA ga ta ma hA wAka badz+ra swa b+hA wa at+ma ko\u0f85haM:_oM sarba ta thA ga ta ma hA tsit+ta badz+ra swa b+hA wa at+ma ko\u0f85haM:_dkyil 'khor gyi lha rnams kyi dpral bar oM/_mgrin par AH_thugs kar hU~M gis mtshan pa las 'od zer 'phros/_sangs rgyas thams cad kyi sku gsung thugs rdo rje'i rnam par spyan drangs gnas gsum du thim pas de rnams kyi gsang ba gsum dang gnyis su med par gyur/_dbang bskur ba ni/_yang thugs ka nas 'od 'phros dbang gi lha thams cad spyan drangs pas dbang bskur bar gyur/_hU~M:_thabs kyi spyod pas 'gro don du:_byams dang snying rjes gang 'dul ba:_sangs rgyas phrin las rdzogs mdzad pa'i:_dbang dang byin rlabs deng stsol cig:_oM ma hA shU n+ya ta dz+nyA na badz+ra swa b+hA wa at+ma ko\u0f85haM/_oM ma hA Adar+sha dz+nyA na badz+ra swa b+hA wa at+ma ko\u0f85haM/_oM ma hA sa ma ta dz+nyA na badz+ra swa b+hA wa at+ma ko\u0f85haM/_oM ma hA pra t+ya bek+Sha na dz+nyA na badz+ra swa b+hA wa at+ma ko\u0f85haM/_oM ma hA kr-i t+ya nuSh+Tha na dz+nyA na badz+ra swa b+hA wa at+ma ko\u0f85haM/_spyi bo'i gnas lngar dbang lha yab yum rjes chags rgyas pa'i zhu bde'i byang chub sems kyi chu rgyun gyis dbang bskur/_nyon mongs pa lnga'i dri ma sbyangs/_phung po lnga rigs lnga'i sangs rgyas su gnas gyur/_chu yi lhag ma spyi bor 'khyil ba las gtso bo la rdo rje mi bskyod pa dang*/_'khor rnams la so so'i rigs kyi bdag pos dbu brgyan par gyur/_bzhi pa ye shes kyi 'khor lo spyan 'dren pa ni/_dkyil 'khor gyi lha tshogs rnams kyi thugs ka'i 'od zer gyis bskul bas rang bzhin gyi gnas nas bla ma rig 'dzin sangs rgyas dang byang chub sems dpa' dpa' bo mkha' 'gro thams cad sangs rgyas kun gyi phrin las kyi rnam rol mi bzad 'bar ba dpal chen rdo rje gzhon nu'i dkyil 'khor gyi lha tshogs dam can srung ma dang bcas pa'i rnam par badz+ra sa mA dzaH_hU~M hrIH_chos dbyings mtha' dbus bral ba nas:_rang byung ye shes he ru ka:_dpal chen karma kI la ya:_'jigs mdzad rdo rje gzhon nu che:_thabs kyi spyod pas gang 'dul du:_sangs rgyas phrin las rdzogs mdzad pa'i:_ye shes khro bo chen po ni:_'khor gyi dpal chen khro rgyal bcu:_sras dang sprul pa bka' sdod bcas:_ma lus 'khor bcas gshegs su gsol:_gnas 'di nyid du gshegs nas kyang:_rtags dang mtshan ma bstan pa dang:_kI la ya yi dngos grub stsol:_oM badz+ra kI li kI la ya hU~M:_sarba sa ma ya dzaHdzaH_lnga pa dam ye gnyis med du bstim pa ni/_hU~M hrIH_bde chen dbyings kyi gzhal yas dbus:_rang snang rig pa'i lha tshogs rnams:_gnyis su med par bzhugs nas kyang:_sku gsung thugs kyi dngos grub stsol:_sarba sa ma ya tiSh+Tha lhan:_drug pa phyag 'tshal ba ni/_hU~M hrIH_sangs rgyas kun gyi ye shes sku:_ngang nyid rdo rje chos dbyings las:_'bar ba'i khro bo mi bzad pa:_dkyil 'khor lha la phyag 'tshal lo:_a ti pU hoH_pra tIts+tsha hoH_bdun pa mchod pa la/_nyer spyod sman raka gtor ma dang*/_/sbyor dang sgrol ba'i mchod pa gsum/_/zhes nang gses su gsum du dbye ba'i dang po thun mong nyer spyod kyi mchod pa la zhi drag gnyis las/_dang po ni/_hU~M/_rnam bkra'i me tog phreng mdzes spos sprin gtibs/_/gsal byed mar me dri ldan gang+ga'i rgyun/_/ro brgya'i zhal zas dbyangs snyan rol mo sogs/_kun bzang mchod sprin rgya mtshor spel te mchod/_/gzugs mdzes sgra snyan dri zhim ro bda' dang*/_/reg bde 'dod yon lnga dang rgyal srid bdun/_/bkra shis rdzas rtags mtho ris 'byor pa'i tshogs/_/mi zad nam mkha' mdzod du sbar te mchod/_/bde stong sgyu ma'i cho 'phrul las skyes pa'i/_/yid 'ong bcu drug lang tsho'i dpal 'dzin ma/_/rdo rje lha mos dgyes pa'i glu gar bcas/_/phun tshogs mdzes pa'i khyad par du mas mchod/_/oM shrI badz+ra ku mA ra maN+Da la sa pa ri wa ra ar+g+haM nas/_shab+da pany+tsa kA ma gu Na de wi sa mu dra s+pha ra Na sa ma ye AHhU~M/_gnyis pa ni/_hU~M hrIH_'bar ba'i nga rgyal chen po yis:_khams gsum gdug pa bsgral ba'i phyir:_dam nyams snying khrag mchod yon dang:_myos byed dug chu'i zhabs bsil 'khrugs:_dbang po lnga yi me tog dang:_tshil chen dud pa 'khrigs pa'i spos:_zhun gyi mar me mdangs gsal zhing:_mkhris sna khrag zhag byug pa'i rtsi:_sha rus don snod mAM sa'i zas:_thod rnga mi rkang gling bu sogs:_ru tra chen po'i longs spyod kyis:_khrag 'thung rdo rje'i lha tshogs bskang:_oM badz+ra rU pa shab+da gan+d+he rA sa spar+she ru tra pU dza sa ma ya hoH_gnyis pa khyad par gyi mchod pa la gsum las/_sman gyi mchod pa ni/_hU~M:_rang byung pad+ma b+hany+dza'i snod:_bde chen rdo rje'i sbyor ba las:_'bar ba dkyil 'khor dgu'i byang sems:_ye shes klong dgu'i phyag rgya'i sprin:_rang bzhin lhun rdzogs mchod pa che:_bdud rtsi ra sa yA na'i dngos:_bla med dam tshig rdzas kyi mchog:_oM a mr-i ta khA hi:_brgyud mchod ni/_dgongs pa brda dang snyan nas brgyud pa yi/_/byin rlabs sprin phung ye shes char chen 'bebs/_/rig 'dzin rtsal 'chang rtsa brgyud bla ma la/_/sman mchod 'bul lo mthu dbang dngos grub stsol/_/ma hA pany+tsa a mr-i ta kha raM khA hi/__khyab bdag ston pa chos sku kun tu bzang*/_/longs spyod yongs rdzogs rdo rje sems dpa' dang*/_/sprul sku mkha' 'gro las kyi dbang mo la/_/sman mchod 'bul lo mthu dbang dngos grub stsol/_/ma hA pany+tsa a mr-i ta kha raM khA hi/__phur pa'i rig 'dzin pra b+ha hasti dang*/_/'pho chen sku brnyes bi ma la mi tra/_/dkyil 'khor kun bdag pad+ma 'byung gnas la/_/sman mchod 'bul lo mthu dbang dngos grub stsol/_/ma hA pany+tsa a mr-i ta kha raM khA hi/__dbyings phyug DA ki bde chen mtsho rgyal dang*/_bdud rtsi phur grub dz+nyA na ku mA ra/_/mnga' bdag chen po sog po lha dpal rjer/_/sman mchod 'bul lo mthu dbang dngos grub stsol/_/ma hA pany+tsa a mr-i ta kha raM khA hi/__bka' bab bdun ldan rdo rje gzi brjid dang*/_/gter 'byin mdo sngags gling dang ma ti'i mtshan/_/chos bdag rig 'dzin brgyud par bcas pa la/_/sman mchod 'bul lo mthu dbang dngos grub stsol/_/ma hA pany+tsa a mr-i ta kha raM khA hi/__rdo rje gzhon nu bdud 'dul khro bo bcu/_/phra thabs sras mchog sgo ma phur srung sogs/_/dngos grub mchog stsol bsam yas dkyil 'khor la/_/sman mchod 'bul lo mthu dbang dngos grub stsol/_/ma hA pany+tsa a mr-i ta kha raM khA hi/__dpal gyi bka' sdod phrin las glog ltar 'khyug_/ma sring mkha' 'gro dam can rgya mtsho dang*/_/snang srid gzhir bzhengs rdo rje'i maN+Da lar/_/sman mchod 'bul lo mthu dbang dngos grub stsol/_/ma hA pany+tsa a mr-i ta kha raM khA hi/__dngos grub blang ba ni/_oM AHhU~M:_dam tshig rdzas kyi bdud rtsi las:_ye shes snying po'i dngos grub dbyig:_mtheb srin nyi zla'i gwa'u yis:_rdo rje'i lce la bzhag cing myang:_kA ya wAka tsit+ta a mr-i ta sid+d+hi pha la ho:_gtor ma'i mchod pa ni/_hU~M hrIH_rdo rje'i phung khams thams cad kyang:_'dod yon rmad byung gtor mar shar:_rang bzhin rdzas kyi dkyil 'khor che:_lhun gyis grub pa'i ba liM ta:_snang srid ma lus lhun rdzogs pa'i:_mchod pa kun gyis yang dag mchod:_oM ma hA ba liM ta khA hi:_rak+ta'i mchod pa la spyi dang bye brag gnyis las/_dang po ni/_hU~M hrIH_gdug pa'i snying gi khrag rgyun dang:_gIrti'i rang byung gsang ba'i khrag:_khams gsum chags pa'i bcud chen po:_dmar nag lbu phreng 'khrugs pa'i mtsho:_'bar ba gtum chen rngam pa la:_gnyis med rol pas dgyes dgur bzhes:_ma hA rak+ta khA hi:_gnyis pa bye brag rak+ta tshar gsum ni/_phud dang rak+ta bsres pa dang po bka' sgo ba'i phyir phul la/_hU~M:_dngos grub bar chad byed pa'i bgegs:_gdug cing sdang sems ldan pa rnams:_zung zhig rgyob cig rnam par chings:_gtogs shig grogs dang bral bar gyis:_rings par khug la smyor chug cig:_phob cig rnam par gzir bar gyis:_nga yis dbang du gyur nas kyang:_bsgo ba'i bka' la nyan par byos:_ma hA rak+ta khA hi:_gnyis pa dam can gnad du dbab pa'i phyir 'bul ba ni/_hU~M:_bran dang bka' nyan pho nya'i tshogs:_khyed kyi dam tshig dus la bab:_sngon chad ji bzhin bcas pa yi:_mngon spyod phrin las myur du mdzod:_ma hA rak+ta khA hi:_gsum pa mthu dang rdzu 'phrul 'phrog pa'i phyir 'bul ba ni/_hU~M:_dngos grub bar chad byed pa'i bgegs:_gdug cing sdang sems ldan pa rnams:_lha'am 'on te bdud kyang rung:_nga la bar chad byed pa rnams:_mthu dang rdzu 'phrul med par gyis:_ma hA rak+ta khA hi:_gsum pa sgrol mchod ni/_hU~M hrIH_khams gsum ma hA ru tra'i tshogs:_kun tu khros pas bsgral ba las:_sha chen brtsegs pa'i ri rab dang:_rus chen bsgral ba'i gram bur spungs:_dmar nag khrag gi rgya mtsho 'bul:_dug gsum dag pa'i dngos grub stsol:_ma hA maM sa rak+ta keM ni ri ti khA hi:_sbyor mchod ni/_hU~M hrIH_'bar ba khro mo'i e klong du:_gtum chen khro bo'i rdo rjes brdung:_bar du gcod na lha yang rung:_bsgral ba'i las kyi mchod pa 'bul:_kha taM kha taM kha taM:_hU~M hU~M hU~M:_phaTa? phaTa? phaTa?:_ha ha ha:_brgyad pa bstod pa ni/_hU~M hrIH_bskal pa me ltar 'bar ba'i klong:_rang byung dur khrod chen po'i dbus:_dpal chen 'bar ba he ru ka:_rdo rje gzhon nur phyag 'tshal bstod:_'jigs rung sku ni gar dgus sgeg:_mthing nag baiDU'i lhun po bzhin:_nyi ma 'bum gyi gzi brjid kyis:_khams gsum zil gyis gnon la bstod:_rab 'jigs rdo rje'i gad mo ches:_gdug pa can rnams srog rtsa 'dar:_rgod gshe drag shul rol pa che'i:_hU~M phaT gad rgyangs sgrog la bstod:_mi g.yo thugs ni rab tu zhi:_snying rje rngams pa'i gdung ba ches:_bdud dang ru tra gdul dka' 'dul:_rdo rje srin po'i tshul la bstod:_yon tan bsam yas cho 'phrul gyis:_'phags pa'i rnam thar ma lus rdzogs:_mi slob 'bras bu'i de nyid kyi:_gsang ba rgyan gyi 'khor lor bstod:_mkha' khyab 'gro ba kun 'dul ba'i:_phrin las dpag yas gang 'dul ston:_srid zhi'i rgyan du rdzogs pa'i lha:_gnyis med mnyam pa'i ngang du bstod:_dngos gcig thig le chen po'i gzugs:_rab 'byams gtso dang 'khor gyi tshul:_bsam yas bkod pa'i cho 'phrul can:_ma lus kun la gus pas bstod:_dgu pa bzlas pa la/_dzapa khang dbye bskul bsnyen sgrub las/_/zhes lnga las/_dang po dbang dang sgrub mchod sgrub chen las sbyor rnams la bdag mdun tha dad du dbye dgos pas/_sngar dam ye gnyis med kyi dkyil 'khor gsal btab pa nyid dbye gzhi byas te/_b+h+rU~M bi shwa bi shud+d+he hrIHhU~M phaT dzaH_bdag nyid rtsa ba'i dkyil 'khor las:_ye shes dkyil 'khor gnyis pa dbye:_mdun gyi nam mkhar bzhugs pa yi:_gnyis ka'i thugs srog yi ge'i mthar:_sngags phreng sgrar bcas 'khor ba las:_'od zer dpag yas 'phro bar bsam:_gnyis pa la/_sgrub chen gyi skabs dkyil 'khor gyi lha tshogs re re bzhin dzapa bskul dang stong tshig 'bul dgos kyang*/_bsnyen sgrub las sbyor dkyus ma la spros pa 'tsham pa'i dbang du byas te/_lha tshogs spyir bskul ba ni/_hU~M:_stong gsum stong gi 'jig rten na:_phyogs bzhi dbus lnga'i 'jig rten gyi:_brtan g.yo rtsi shing nags tshal kun:_kun kyang rdo rje phur pa'i lha:_zhal gsum phyag drug zhabs bzhi bgrad:_mthing nag me yi 'od 'phro zhing:_rgod dang gshe dang khro ba'i tshul:_phyag drug 'jigs pa'i mtshon cha yis:_'gro drug b+ha ga'i dbyings su sbyor:_zhabs bzhis bdud bzhi zil gyis gnon:_khro bo'i sprul pas nam mkha' gang:_khro mo'i sprul pas sa gzhi gang:_phra men sprul pas bar snang gang:_sgo ma'i sprul pa phyogs bcur 'gyed:_thams cad bde ba'i klong nas shar:_bsam gyis mi khyab kun las 'das:_brjod med dbyings kyi thig le che:_snang srid gzhir bzhengs dkyil 'khor lha'i:_zhal nas phur pa'i sngags sgra sgrog:_gnas 'dir spyan 'dren gshegs su gsol:_gnas 'dir spyan 'dren gshegs nas kyang:_dkyil 'khor 'di la brtan par bzhugs:_phur pa 'di la dbang zhig bskur:_phur pa 'di la byin gyis rlobs:_rtags dang mtshan ma bstan pa dang:_rig 'dzin bdag la dngos grub stsol:_oM badz+ra kI li kI la ya ru lu ru lu hU~M b+h+yo hU~M:_gsum pa bsnyen dmigs ni:_bdag nyid thugs kar ye shes sems:_rdor sems dkar gsal longs sku'i chas:_rdo rje dril bsnams phyed skyil bzhugs:_tshon gang 'od kyi phung po ni:_rin chen zur brgyad dbus na bzhugs:_de yi thugs kar tsit+ta ni:_mthing smug mchong gi gur ltar mdzes:_lte bar nyi steng rdo rje ni:_rtse dgu nas kyi 'bru tsam sgreng:_rdo rje'i lte bar hU~M mthing nag:_mtha' bskor snying po 'bru dgu 'bar:_sngags phreng mtshams su gsung rdo rje:_rta mgrin dmar pos bar chad srung:_'od zer spro bsdus don gnyis byas:_dpal chen sku dang gnyis med gyur:_zhes gsal snang rtse gcig tu sgrub la/_oM badz+ra kI li kI la ya hU~M phaTa?:_ces bsnyen sngags 'bru dgu pa nyid bzla/_goms pa brtan pa dang*/_bzhi pa sgrub pa do li'i bzlas dmigs ni/_sngags phreng bdag mdun zhal dang mkha'i:_sbyor mtshams nas brgyud 'od zer las:_sku sngags phyag mtshan mtshon cha me:_spro bsdus snang srid lha dang sngags:_ye shes rol par 'byams klas te:_srid pa rdo rje phur pa'i lha:_brtan g.yo rtsi shing nags tshal kyang:_thams cad phur pa'i dal du rdzogs:_zhal nas sngags kyi sgra sgrog cing:_kun kyang kI li'i dzapa sgra sgrogs:_snang srid phyag rgya chen po'i dbyings:_dag pa'i ye shes rol par shar:_zhes spro bsdu'i ting 'dzin dang bcas/_oM badz+ra kI li kI la ya sarba big+h+nAn ba~M hU~M phaTa? dzaHhU~M AH_zhes sgrub sngags 'bru bcu bdun pa gtso 'khor spyi dril gyi snying po bzla/_skabs 'dir bsnyen sgrub rgyas pa dang*/_sgrub chen la khro bcu yab yum/_phra phyag_/sras mchog rnams kyi rtsa sngags bzla ba dang*/_so so'i spro bsdu bya dgos pas bsnyen yig dang*/_sgrub khog las shes par bya/_lnga pa las sbyor ni/_dkyil 'khor gsum las 'od zer ni:_ljang nag mtshon cha'i zegs ma 'phros:_kun kyang mngon spyod las la bskul:_pho nya nyi zer rdul ltar 'tshubs:_mtshon cha'i char phab drag sngags sgrog:_gang la dmigs pa'i dgra dang bgegs:_mngon spyod drug gi phrin las kyis:_dgra bo ming med brlag par gyur:_oM badz+ra kI li kI la ya:_ma rak+mo yak+mo kA la rU pa:_snying rtsa la yaM yaM:_srog rtsa la yaM yaM:_snying la phril phril:_srog la chuM chuM:_tsit+ta srog la tung tung:_snying khrag srog la shad shad:_thuM ri li li:_tseg tseg:_'ur 'ur:_shig shig:_'gul 'gul:_myag myag:_sod sod:_d+ha ti ma ma shrI g+h+raM karma ka ra ye ma ra se na pra mar+d+ha na ye hU~M phaTa?:_ces las sbyor drag sngags spu gri bzla/_'di ni spros med ting 'dzin gtso bor bton pa'i bsnyen sgrub las gsum chig rdzogs su bya ba'i don du ste/_rdzas kyi phur bus dgra bgegs sgrol ba'i las rim rgyas pa dang*/_khro bo bcu sogs kyi las sbyor sbrags pa'i skabs kyi dmigs bzlas kyi khyad par ni so so'i yi ge las shes dgos so/__/gang ltar yang thun las ldang ba na dbyangs gsal rten snying bzlas pas lhag chad bskang zhing byin rlabs brtan par byas te/_gtang rag gi mchod bstod ni/_hU~M:_bla med mchog gi mchod pa dam pa ni:_ye shes lnga yi 'od zer rnam par 'phro:_'dod pa'i yon tan lnga yis rab brgyan te:_dam tshig bzhin du ci bder bzhes su gsol:_oM shrI badz+ra ku mA ra sa pa ri wA ra ar+g+haM pA d+yaM nas/_shab+da pany+tsa kA ma gu Na ma hA a mr-i ta rak+ta ba liM ta ta na ga Na ma hA su kha d+harma d+hA tu pU dza hoH_hU~M:_sgeg pa 'jigs rung rdo rje'i gzi byin 'bar:_rgod gshe drag shul mtha' yas sngags kyi tshogs:_snying rje rngam zhi ye shes srog ldan pa'i:_khrag 'thung yongs rdzogs lha la phyag 'tshal bstod:_yig brgya bzla/_bka' gter srung ma spyi dang khyad par 'di nyid kyi bka' srung ye shes mgon po dang*/_gter srung dregs pa sde lnga'i gtor chog rgyas par btang*/__gsum pa rjes rim la/_tshogs mchod bskul dang chad tho 'bul/_/brtan ma rta bro dngos grub blang*/_/nongs bshags bsdu ldang bsngo smon gdab/_/shis brjod rgyun spyod 'jug pa bcu/_/zhes pa'i dang po la'ang*/_thog mar byin gyis brlab pa ni/_dkyil 'khor gyi mdun du zhing ngam gcan gzan gyi pags pa'i steng thabs shes bza' btung gi rdzas rnams bkram/_dgos pa dang 'brel na phyag dang skong bshags kyi cho ga spyi ltar bya/_tshogs kyi dam rdzas la chu chang nang mchod kyis bran te/_zhu bskul sngon du 'gro bas/_ra~M ya~M kha~M:_chos kun sgyu ma lta bu yi:_rig pa'i ye shes ra~M ya~M kha~M:_stong gsal rnam par mi rtog pa'i:_rang bzhin dpal gyi thugs las spros:_tshogs kyi rdzas kun bsregs gtor bkrus:_rlung me thod sgyed gsum gyi steng:_AHlas ye shes ka pA lar:_ngo bo ye shes lnga'i rang bzhin:_rnam pa sha lnga bdud rtsi lnga:_byed las zag med bde skyed pa'i:_rang bzhin bla med dam tshig rdzas:_'bru gsum las byung kha dog dang:_dri ro mchog ldan zegs ma las:_'dod yon dpag med 'char bar gyur:_oM AHhU~M:_lan mang du brjod/_gnyis pa tshogs zhing spyan 'dren pa ni/_spos rol cang te'u dril bu dang bcas te/_hU~M:_dpal chen rdo rje gzhon nu dang:_yum chen 'khor lo rgyas 'debs ma:_gnyis med rol pa'i sras mchog dang:_khro bcu yab yum phyag brnyan bcas:_phrin las sgo ma phur skyong rnams:_he ru ka yi 'du bar spyon:_tshogs khang rang snang rgyan gyi zhing:_rnal 'byor pho mo rig pa 'dzin:_snang srid rnam dag brdal ba che:_rgya chad phyogs lhung ma dmigs pa'i:_gnas 'dir dpal gyi tha tshig dgongs:_dkyil 'khor chen por byin gyis rlobs:_dam rdzas bdud rtsi'i phud chen por:_dngos grub gnas su mdzad du gsol:_shrI he ru ka e a ral+li hriM hriM pheM pheM dzaHdzaH_zhes spyan drangs pa la/_mchod pa'i lha mo'i tshogs spros pas mchod pa ni/_rdo rje sgeg mos dga' bas mchod bya zhing*/_/rdo rje phreng mas rab tu brgyan byas te/_/rdo rje glu mas gsang ba'i glu blangs nas/_/rdo rje gar mas mdzes pa'i gar bsgyur ma/_/phyogs bcu'i 'jig rten nam mkha'i khams bkang nas/_/bla ma dkyil 'khor dam can srung ma la/_/rnam dag mos pa'i blo yis bdag 'bul na/_/bzhes shig kI la ya yi dngos grub stsol/_/oM badz+ra lA s+ya hU~M/_oM badz+ra mA l+ya trA~M/_oM badz+ra gIrti hrIH_oM badz+ra nIrti AH_rdo rje bdug pas ma lus tshim byas nas/_/rdo rje me tog ma yis mdzes par bkram/_/rdo rje sgron me ma yis dgyes pa bskyed/_/dri mchog ma yis dri zhim byug byed pa/_/phyogs bcu'i 'jig rten nam mkha'i khams bkang nas/_/bla ma dkyil 'khor dam can srung ma la/_/rnam dag mos pa'i blo yis bdag 'bul na/_/bzhes shig kI la ya yi dngos grub stsol/_/oM badz+ra d+hU pe hU~M/_oM badz+ra puSh+pe trA~M/_oM badz+ra A lo ke hrIH_oM badz+ra g+han+d+he AH_gsum pa tshogs dang po mchod pa ni/_hU~M:_rdo rje'i dam tshig bla na med:_gtsang dme bral ba'i rdzas kyi mchog:_gnyis 'dzin dag pas 'bul lags na:_dgyes dgur rol la dngos grub stsol:_ga Na tsakra pU dza hoH_bzhi pa bskang zhing bshags pa ni/_bskang rdzas byin brlab sngon du 'gro bas rtsa gsum spyi dang*/_khyad par rdo rje phur pa bka' gter srung ma dang bcas pa'i bskang bshags rgyas par sbyar/_tshogs kyi bshags pa dngos ni/_hoH_thog med dus nas da lta'i bar:_'gal 'khrul nongs pa mchis so cog:_mi 'chab gnong zhing 'gyod sems kyis:_ye shes chen po'i rdzas kyis bshags:_sa ma ya shud+d+he AH_yig brgya bzla/__lnga pa bsgral bstab la bzhi/_rgyas par mtshan ma rdzas kyi phur bu'i smad las dgra bgegs bsgral ba dang*/_de dang rjes 'brel dmar chen gtor zlog gi skabs kyi bsad las ni so so'i gzhung du shes la/_'dir las byang dkyus tsam du/_tshogs phud gsum pa la dmigs rten du byas te/_dang po 'gugs pa ni/_na mo/_rig 'dzin rtsa brgyud kyi dpal ldan bla ma dam pa rnams kyi bka' bden pa dang*/_sangs rgyas kyi bka' bden pa dang*/_chos kyi bka' bden pa dang*/_dge 'dun gyi bka' bden pa dang*/_gsang sngags dang rigs sngags dang gzungs sngags dang snying po dang phyag rgya dang ting nge 'dzin gyi bden pa dang*/_chos nyid gdod nas stong kyang chos can rgyu 'bras bslu ba med pa'i bden pa dang*/_khyad par du bcom ldan 'das dpal chen rdo rje phur pa'i dkyil 'khor gyi lha tshogs bka' sdod dam can rgya mtsho'i tshogs dang bcas pa rnams kyi bden pa dang*/_bden pa chen po'i mthus ma rung pa'i sems can bsgral ba'i zhing du gyur pa thams cad mtshan ma rdzas kyi rten 'di la mchis par gyur cig_/nr-i yaM dzaH_nr-i badz+ra aM ku sha dzaH_tri yaM dzaH_tri badz+ra ang+ku sha dzaH_dzaHhU~M ba~M hoH_zhes dgug gzhug bcings te/_gnyis pa thugs dam bskul ba ni/_dzaH_dam tshig chen po'i dus la bab:_sprul pa chen po'i dus la bab:_phyag brnyan chen po'i dus la bab:_shwa na mu kha'i dus la bab:_bdag nyid chen mo'i dus la bab:_sa bdag chen mo'i dus la bab:_bsgral bar bya ba'i dus la bab:_khyed kyi phrin las dus la bab:_mthu rtsal dbyung ba'i dus la bab:_gsum pa bsgral ba ni/_phur pa 'dril te/_hU~M:_byang chub mchog tu sems bskyed cing:_dus gsum rgyal ba'i gdung 'tshob pa'i:_rig 'dzin bdag cag rnams la ni:_gnod cing gdug pa'i dgra dang bgegs:_bdud dang bar du gcod pa rnams:_khro bo chen po'i byin rlabs kyis:_yud tsam gyis ni 'dir bkug nas:_mngon spyod tshul bzhin bsgral ba dang:_lus ngag rdul du brlags nas kyang:_sdug bsngal nyams su myong bar mdzod:_oM laM hU~M laM s+t+waM b+ha ya nan:_mo ha ya b+ha ga wAn hrIHShiT bi tri ta badz+ra hU~M kA ra hU~M hU~M hU~M phaTa? phaTa? phaTa?:_badz+ra kI li kI la ya dzaHhU~M ba~M hoH_sarba big+h+nAn badz+ra kI li kI la ya hU~M phaTa?:_badz+ra hU~M kA ra hU~M phaTa?:_badz+ra hU~M kA ra hU~M a:_zhes tshe khrus gnas gsum gyi dgongs pa ldan pas bsgral/_bzhi pa zhal du bstab pa ni/_hU~M:_khams gsum gdug can bsgral ba yi:_dug gsum sha khrag rus pa kun:_khrag 'thung rdo rje'i lha la 'bul:_'khor ba rdo rjer sgrub mdzod cig:_ma hA maM sa rak+ta keM ni ri ti kha kha khA hi:_zhes phul ba dang chabs cig_hU~M:_'khril ba'i mchod chen mnyam sbyor ba:_thabs dang shes rab gnyis med pa'i:_pad+ma la ni rdo rje zhugs:_bdag nyid mchod pas mnyes par bya'o:_oM badz+ra kI li kI la ya:_dzaHhU~M ba~M hoH_bo d+hi tsit+ta ma hA su khaM:_a nu rA ga ya mi:_lha tshogs thams cad rang rang gi phyag rgya dang snyom par zhugs pa'i sbyor bas dga' ba bzhi'i ros tshim par gyur/_drug pa tshogs la rol pa ni/_mched lcam rnams la thabs shes kyi rdzas bsnol mar stob pa'i brda yi 'bul len byas la phyi nang gsang ba'i tshogs kyi rnal 'byor dang ldan pas tshim par rol la/_spro na phur pa rtsa dum sogs rgyud klog pa cho ga bzhin dang*/_rdo rje'i glu len pas dkyil 'khor gyi lha tshogs mnyes par bya/_bdun pa lhag ma ni/_stegs bu zhing lpags kyis bkab pa'i steng gtsang dme'i lhag ma dkyil 'khor gyi drung du mtho dman du bkod la mchod pas bskor te/_kyai:_dang po phud kyis mi mchod rgyu:_dpal chen dkyil 'khor tshogs kyi bdag:_bar du bshags pa mi bgyid rgyu:_rnal 'byor ldan la dam tshig gnyan:_tha ma bsgral bstab mi bgyid rgyu:_rtogs pas bdag rgyud sngon bsgral phyir:_da lta lhag mas mi mchod rgyu:_ma tshogs dbang phyug ging lang+ka:_pho nya sum brgya drug cu sogs:_kun kyang dpal chen sprul pa yin:_lhag ma kha chus mi bran rgyu:_dam tshig gcig tu bsre ba'i phyir:_'bangs thog rje yis mi mnan rgyu:_ci bcol las la bskul ba'i phyir:_rje la 'bangs kyis mi rgol rgyu:_drag shul las thabs myur ba'i phyir:_pany+tsa a mr-i ta ha hoHhrIH_lhag ma'i dam tshig 'dod yon gyi phung po zad mi shes pas nam mkha' gang bar gyur/_zhes bdud rtsis bran te byin gyis brlabs/_e a ral+li hriM dzaHpheM:_bshugs glu rol mos mgron rnams dam tshig gi gnas su spyan drangs pa la/_oM badz+ra puSh+pe nas/_shab+da pra tIts+tsha swA hAs mchod la/_lhag gtor dngos ni/_hU~M b+h+yo:_bran dang bka' nyan pho nya'i tshogs:_dkyil 'khor chen po'i mu ran skyong:_phur pa'i srung mar zhal bzhes pa'i:_mkha' 'gro ging lang dbang phyug che:_ma sring sha za phra men ma:_shugs 'gro gnas nyul chen mo rnams:_lhag ma'i gtor ma 'di bzhes la:_bcol ba'i phrin las 'grub par mdzod:_uts+tshiSh+Ta ba liM ta b+hak+Sha si hoH_zhes rol mo'i sgra dang bcas te phyi rol gtsang sar 'bul/_brgyad pa thams cad rdo rje'i rigs su smon lam gdab pa ni/_hoH_chos dbyings rnam par dag pa'i dkyil 'khor du:_rdo rje slob dpon gnyen dang gzungs ma dang:_rdo rje'i srog gis 'brel ba'i mched lcam rnams:_nam yang mi 'bral ting 'dzin rtse gcig pas:_rdo rje theg pa'i rigs su skye ba dang:_bum gsang shes rab ye shes dbang bzhi pa'i:_skal pa mchog dang ldan par rab gyur te:_de dang de yi dam tshig rnam dag shog:_bskyed pa'i rim pas snang ba lha skur dag:_rdzogs rim zab mos rtsa rlung thig ler rdzogs:_rdzogs pa chen po'i ye shes mngon smin te:_spang thob med pa'i 'bras bu lhun grub shog:_dz+nyA na sa ma ya a a a:_gnyis pa thugs dam bskul ba ni/_hU~M:_chos dbyings spros pa kun bral yang:_ma 'gag bde chen sgyu mar rol:_bcom ldan rdo rje gzhon nu dang:_khro bcu phra phyag sgo ma'i tshogs:_las la bzhengs shig sa ma ya:_da dus snyigs ma lnga bdo bas:_bdud dang bar chad 'byung pos 'tshe:_byang chub sgrub pa'i gegs gyur kun:_dbyings su sgrol ba'i phrin las mdzod:_khyed rnams stobs bcu mthar son pas:_'dod pa'i las la thogs pa med:_ma g.yel thugs dam rtsal sprugs la:_ye shes dgongs pa'i mthu rtsal bskyed:_'gal rkyen mi mthun kun zhi zhing:_tshe dpal lung rtogs ye shes bskyed:_snang srid dbang du 'du ba dang:_khams gsum snying rjes sgrol bar mdzod:_gsum pa chad tho bsgrags pa ni/_bka' gter srung ma'i gtor 'bul rnams skabs 'dir cho ga bzhin phul la phrin las bcol/_chad tho'i gtor ma sman raka gis bran la 'bru gsum gyis byin rlabs byas te/_hU~M b+h+yo:_sngon tshe bskal pa'i dang po la:_bcom ldan karma he ru kas:_chos dbyings bya rtsol bral ba'i rgyud:_rig mchog 'bum phrag bstan pa'i tshe:_zhal bzhes rig rtsal pho nya'i tshogs:_tha tshig ma bsnyel phrin las mdzod:_de 'og bar gyi bskal pa la:_bram ze pra b+ha hasti cher:_mchod rten bde byed brtsegs pa ru:_mkha' 'gro las kyi dbang mo ches:_phra men g.yu sgrom gtad pa'i tshe:_bka' srung zhal bzhes srung ma rnams:_gtor ma longs la phrin las mdzod:_de rjes bskal pa'i dus gnyan la:_paN chen bi ma mi tra yis:_snang srid phur bu'i zhing chen du:_bsgyur nas gnyags chen lo tsA bar:_rgyud lung man ngag kun bstan tshe:_bka' gter srung mar zhal bzhes kun:_thogs pa med pa'i phrin las mdzod:_gzhan yang grub pa'i rig pa 'dzin:_slob dpon pad+ma thod phreng dang:_mkhar chen ye shes mtsho rgyal sogs:_phur bu'i rig 'dzin che rnams kyi:_spyan sngar khas blangs bka' srung tshogs:_rgyan gyi gtor ma 'di bzhes la:_ma lus phrin las myur du mdzod:_tha ma las can dag pa'i ngor:_gar gyi dbang phyug he ru ka:_klong chen nam mkha' 'od gsal la:_sngon gyi smon lam dus bab pas:_bka' srung ye shes mgon po ches:_shog ser dngos su gtad nas kyang:_rdo rje phur pa'i smin grol gyi:_bka' bab dbang bskur thob pa'i tshe:_zhal bzhes chos srung rgya mtsho yis:_rgyan gyi gtor ma 'di bzhes la:_bcol ba'i phrin las ma lus mdzod:_bzhi pa brtan ma mchod pa ni/_bshal chu'i bdud rtsis gtor mar bran pa byin gyis rlabs te/_hU~M:_brtan ma skyong mdzad ma dang sring:_tshogs dang bka' yi tshogs bcas nyid:_khrag 'thung de bzhin nam mkha'i sku:_slob dpon pad+ma thod phreng dang:_rlangs chen dpal seng la sogs pas:_zhing chen brdal ba'i khri steng du:_tshogs kyi gral du bcug nas kyang:_dpal gyi pho nyar mnga' gsol ba'i:_bdud dang gnod sbyin sman mo che'i:_bu mo brtan ma bcu gnyis rnams:_gangs ri can gyi yul lha ste:_rnal 'byor skyong ba'i ma mo mchog:_bshal chu'i bdud rtsi 'di bzhes la:_gsang sngags bstan pa skyong ba dang:_mu stegs kla klo'i rgyu 'grul srungs:_mtha' bzhi'i dmag gi so kha gyis:_bcol ba'i las kun sgrub par mdzod:_ma ma hrIM hrIM ba liM ta pU dza hoH_lnga pa rta bro ni/_gtor gzhong ri rab tu gsal ba'i 'og tu sgab 'dre dam sri mnan par rdo rje'i rgyas btab ste/_hU~M:_snang srid rdo rje phur pa'i lha:_zhal nas kI li'i dzapa bzla zhing:_sku ni cir yang 'gyur ba che:_khams gsum e yi da lar rdzogs:_bdag lta'i dam sri sgab 'dre rnams:_mnan no ri rab 'og tu gzir:_zhabs gnyis rdo rje'i bro chen pos:_pho nya sprin ltar gtibs pa kun:_'bar ba chen po'i glu dang bro:_cir yang bsgyur bas s+t+waM b+ha ya:_byang chub sems mchog ma skyes bar:_nam yang ldang bar ma byed cig:_oM laM:_hU~M laM:_s+t+waM b+ha ya nan:_drug pa dngos grub blang ba ni/_bsnyen sgrub las sbyor grub pa'am rgyun gyi dngos grub len pa'i don du gtang rag gi mchod bstod mdor bsdus sngon du 'gro ba dang bcas/_hU~M:_dpal chen 'bar ba kI la ya:_sangs rgyas kun dang gnyis su med:_bde chen yum dang mnyam par sbyor:_sprul pa'i dkyil 'khor bsam yas ston:_kun kyang thugs dam rjes su dgongs:_rig 'dzin rnal 'byor bdag cag gis:_sgrub pa'i dam tshig da nang thems:_rdo rje srin po'i nam yang langs:_dngos grub stsol ba'i dus la bab:_snang stong ye shes rdo rje'i skus:_skye 'chi med pa'i dngos grub stsol:_rdo rje gsung gi dkyil 'khor nas:_zab rgyas gsang ba'i dngos grub stsol:_mi shigs thugs kyi dgongs pa yis:_srid zhi'i dpal gyur dngos grub stsol:_mdor na mchog dang thun mong gi:_grub pa ma lus bstsal du gsol:_oM badz+ra kI li kI la ya sarba big+h+nAn ba~M hU~M phaTa?:_kA ya wAka tsit+ta sarba sid+d+hi pha la hU~M AH_zhes sgrub rdzas rnams gnas gsum du gtug la dbang blang*/_bdud rtsir rol pa sogs bya'o/__/bdun pa nongs bshags ni/_hoH_dpal chen po'i lha tshogs thams cad bdag la dgongs su gsol/_ta na sgrol ba gnas su ma stob pa dang*/_ga Na sbyor ba byin gyis ma brlab pa dang*/_mchod sngags ting 'dzin ma dag cing nyams pa dang*/_dge ba bcu dang du ma lon zhing mi dge ba bcu rtsa ba nas ma chod pa dang*/_bka' bzhin gzhung ma bsrangs ba dang*/_dam tshig gi rtsa ba yan lag chag nyams su gyur pa ci mchis pa thams cad mthol zhing bshags na bzod pa dam pa mdzad du gsol/_tshe 'di'i rkyen dang phyi ma'i sgrib par mi 'gyur bar tshangs pa dam pa stsol bar ci gnang*/_zhes dang*/_yig brgya bzlas pas nyes ltung sor chud par bya/_brgyad pa bsdu ldang ni/_tshogs mgron dang mdun bskyed rnams sgrub pa'i rten la brtan bzhugs bya/_bdag bskyed kyi rim pa ni/_snang srid phur pa'i dkyil 'khor du bsgoms pa thams cad gzhal yas khang la thim/_de 'khor gyi lha tshogs la thim/_de gtso bo yab yum/_de ye shes sems dpa'/_de thugs srog hU~M/_de yang zhabs kyu nas nA da'i bar thim/_de yang mi dmigs pa 'od gsal stong pa nyid rnam kun mchog ldan gyi dbyings dang ro gcig tu gyur par bsam la mnyam par bzhag_/slar yang rang nyid skad cig gis spyi dpal chen po karma he ru ka zhal gcig phyag gnyis phur pa 'dril ba'i skur gsal zhing snang grags rig pa sku gsung thugs rnam pa thams cad pa'i dkyil 'khor gyi 'khor lor 'char bar gyur/_oM AHhU~M:_badz+ra kA wA tsi rak+Sha haMH_zhes go bgo bar bya'o/__/dgu pa bsngo smon ni/_hoH_dgongs su gsol lo:_chos nyid kyi bden pa'o:_gsang sngags kyi byin gyis brlab bo:_sangs rgyas kyi mthu'o:_a b+hi tsar+Ya'i dus la bab bo:_brnags pa de kho na la'o:_de ltar gsang sngags kyi spyod pa rmad du byung ba spyad pa'i mthu byin gyis bcom ldan 'das dpal chen po rdo rje gzhon nu'i sku gsung thugs yon tan phrin las mi zad pa rgyan gyi 'khor lor longs spyod cing skal pa dang mnyam par gyur cig_/khrag 'thung rigs su skyes pa dang*/_/snyems med rdo rje gzhon nu nyan/_/snying rje ldan zhing bla mar gus/_/skye zhing skye bar 'gyur bar shog_/lag na rdo rje phur bu 'dzin/_/zab mo'i chos ni klog pa dang*/_/btsun mo'i khu ba mnyam zas can/_/skye zhing skye bar 'gyur bar shog_/mnyam nyid ngang las thugs rje khros pa yis/_/gdug pa'i tshogs kun mthar byed ye shes sku/_/de bzhin gshegs pa kun gyi dam tshig mchog_/rdo rje khros pa'i rgyal po 'grub gyur cig__/bcu pa shis brjod ni/_hoH_ye shes dbyings las bdud 'dul rol pa'i gar/_/mthu stobs rdo rje'i gzi brjid dpal du 'bar/_/brgyud pa drug ldan rig 'dzin bla ma yis/_/byin rlabs sprin ltar 'khrigs pa'i bkra shis shog_/rdo rje khros pa'i mtshon chen bskal pa'i mes/_bdud 'dul 'bar ba gar dgu'i rnam par rol/_/bcom ldan rdo rje phur pa'i dkyil 'khor lhas/_/dngos grub char du 'bebs pa'i bkra shis shog_/bde stong sgyu mas dgyes pa'i gar dang bcas/_/rab 'byams phrin las thogs med bstan pa skyong*/_/mkha' 'gro chos skyong dam can srung ma yis/_/phrin las 'bras bu smin pa'i bkra shis shog_/snang srid rnam dag rdo rje phur pa'i lha/_/bdud bzhi 'joms pa'i stobs rtsal rmad du byung*/_/don gnyis lhun grub rdo rje bkod pa yis/_/dge legs dpal gyis 'byor pa'i bkra shis shog__/ces brjod cing me tog gi char bsnyil bas phyogs dus kun tu shis pa'i snang ba spel bar bya zhing rgyun gyi spyod lam la 'jug ste/_de dag kyang khyer so gsum gyi lam khyer dang ma bral ba gnad do/__/slar smras pa/_o rgyan mkhan po'i thugs bcud kI la ya/_/rig mchog 'bum sde'i rgyud kyi bcud phyung zhing*/_/bi ma'i zab gsang man ngag snying po'i srog_/gnyags chen dz+nyA na'i snyan brgyud mdzod chen po/_/dri med bshes gnyen snyigs dus thams cad mkhyen/_/'od gsal sprul pa'i rdo rjer shar ba nyid/_/slar yang gar dbang 'od gsal mdo sngags gling*/_/gang de'i zab mo dgongs pa'i gter gyi bcud/_/'dir zhugs dad mos 'brel pa thob pa rnams/_/bar chad bdud sde'i g.yul las rnam par rgyal/_/don gnyis lhun grub khams gsum yongs grol nas/_/phrin las rtsal rdzogs mngon par byang chub shog_/kun mkhyen bla ma'i zhabs pad yun du brtan/_/zab gter bstan pas phyogs rnams kun tu khyab/_/bkra shis zhal dro byin rlabs dpal du 'bar/_/'jig rten kun tu bde dges 'byor bar shog__/ces pa'ang kun gzigs mchog sprul rin po che pad+ma gar dbang 'od gsal mdo sngags gling pa'i thugs gter pad 'byung bi ma gnyags chen rnams kyi thugs dam gcig dril yang gsang phur gcig ma'i las byang bklag chog tu bris zhes gter chen bla mas bka' yi rjes su gnang ba thob pa dang*/_sangs rgyas mnyan sprul rin po che karma bshad sgrub bstan pa'i nyi ma dang*/_nang chen bis ri bla chung sprul sku 'jam dbyangs mthu stobs dpal 'bar bcas nas gsung gi bskul mas mtshams sbyar/_zab chos 'di'i thog ma'i snod ldan du dbugs dbyung thob cing mkhyen rtse'i phrin las kyi byed por smon pa 'jam dbyangs chos kyi blo gros phrin las 'dus pa rtsal gyis rje nyid la bka' 'dri zhus rim bzhin shing rta tha skar zla ba'i dkar phyogs kyi tshes bcur bkra shis 'chi med grub pa'i dga' tshal nas bklags chog tu bsdebs pas/_bstan 'dzin skyes mchog rnams zhabs pad brtan cing*/_rang gzhan thams cad bdud bzhi'i g.yul las rnam par rgyal ba'i rgyur gyur cig__/mang+ga laM//_//_//