DKR-KABUM-08-NYA-041

🚧 This website is under continued development. We appreciate your patience!

Previous Text Back to Volume PageNext Text

Wylie title	yang zab bde chen dpal mo'i thugs kyi me long las: me mchod kyi las khrigs DA ki'i gsang gtam grub gnyis 'dod 'jo:
Location	dil mgo mkhyen brtse bka' 'bum Volume 8, Text 41, Pages 297-298 (Folios 1a1 to 2b6)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	ཆོས་ཀྱི་གོ་ཆ་ (chos kyi go cha)
Citation	Khyentse, Dilgo. Yang zab bde chen dpal mo'i thugs kyi me long las me mchod kyi las khrigs DA ki'i gsang gtam grub gnyis 'dod 'jo. In Skyabs rje dil mgo mkhyen brtse rin po che'i bka' 'bum, Vol. 8: 297-298. Delhi: Shechen Publications, 1994.
Genre	Fire Offerings - sbyin sreg
Cycle	ཡང་ཟབ་བདེ་ཆེན་དཔལ་མོའི་ཐུགས་ཀྱི་མེ་ལོང་ (yang zab bde chen dpal mo'i thugs kyi me long)
Colophon	གྲུབ་གཉིས་འདོད་འཇོ་ལྷ་མོའི་མེ་མཆོད་ཀྱི༔ ལས་ཁྲིགས་བྱིན་འོད་འབར་བ་ཌཱ་ཀིའི་གཏམ༔ བསྙེན་སྒྲུབ་ཡན་ལག་ཅིག་ཀྱང་དགོས་དབང་གིས༔ ཁོ་བོ་བློ་གྲོས་ཆོས་ཀྱི་གོ་ཆ་ཡིས༔ འོད་གསལ་དམ་པའི་ཉམས་ལ་ཤར་བཞིན་སྤེལ༔ མན་ངག་ཡི་གེ་པི་ཝང་སྒྲུབ་ཕྲིན་དང༔ དབང་དང་རྒྱས་པའི་ལས་ཚོགས་རཀྟ་དང༔ ཚེ་དང་ཡེ་ཤེས་སྤེལ་བའི་རྫས་སྒྲུབ་བཅས༔ སླད་ནས་རྗེས་འཇུག་དད་མོས་རབ་གྱུར་གྱི༔ དོན་དུ་རྟེན་འབྲེལ་འགྲིགས་ཚེ་སྤྲོ་བར་བྱ༔ ས་མཱ་ཡ༔ རྒྱ༔ རྒྱ༔ རྒྱ༔ མངྒ་ལཾ། དགེའོ།། །།
	grub gnyis 'dod 'jo lha mo'i me mchod kyi:_las khrigs byin 'od 'bar ba DA ki'i gtam:_bsnyen sgrub yan lag cig kyang dgos dbang gis:_kho bo blo gros chos kyi go cha yis:_'od gsal dam pa'i nyams la shar bzhin spel:_man ngag yi ge pi wang sgrub phrin dang:_dbang dang rgyas pa'i las tshogs rak+ta dang:_tshe dang ye shes spel ba'i rdzas sgrub bcas:_slad nas rjes 'jug dad mos rab gyur gyi:_don du rten 'brel 'grigs tshe spro bar bya:_sa mA ya:_rgya:_rgya:_rgya:_mang+ga laM/_dge'o//__//
Notes	These texts were compiled and arranged by Dilgo Khyentse Rinpoche. Elsewhere this cycle is attributed to rdzong sngon pad+ma thugs mchog rdo rje.

Tibetan Text

Wylie

[edit]

༁ྃ༔ ཡང་ཟབ་བདེ་ཆེན་དཔལ་མོའི་ཐུགས་ཀྱི་མེ་ལོང་ལས༔ མེ་མཆོད་ཀྱི་ལས་ཁྲིགས་ཌཱ་ཀིའི་གསང་གཏམ་གྲུབ་གཉིས་འདོད་འཇོ་བཞུགས་སོ༔ ༁ྃ༔ ཡེ་ཤེས་མེ་ལོང་ཡུམ་མཆོག་དཔལ་ལྷ་མོ༔ མི་ཤིགས་ཐིག་ལེའི་དཔྱིད་གྱུར་དེ་ཡིས་སྐྱོངས༔ གང་གི་ཕྲིན་ལས་མེ་མཆོད་ལ་བརྟེན་པས༔ དངོས་གྲུབ་དབྱིག་གི་དཔལ་བསྐྱེད་འདི་ན་བྲི༔ དེ་ལ་འདིར་ལྷ་མོའི་བསྙེན་སྒྲུབ་ཀྱི་ཁ་སྐོང་བ་དང༔ མཆོག་དང་ཐུན་མོང་གི་ལས་རབ་འབྱམས་མ་ལུས་པ་བདེ་བླག་ཉིད་དུ་ཐོབ་པར་བྱ་བའི་ཐབས་ཁྱད་པར་ཅན་མེ་མཆོད་བྱ་བ་ལའང༔ དང་པོ་ཐིག་གདབ་པ་ནི༔ མཎྜལ་མདའ་གང་གྲུ་བཞི་བ་འཐས་པར་བཅགས་ཏེ༔ ཞལ་བ་ལེགས་པར་བྱས་དྲི་བཟང་དང་བ་བྱུང་སྦྱར་བའི་གོ་མ་ཡེས་ཁྱེམ་མེད་པར་བྱུགས་ལ༔ ཐིག་ཆེན་བརྒྱད་སྤྱི་ལྟར་གདབ༔ མུ་ཁྱུད་རིམ་པ་གསུམ་གྱི་དབུས༔ དགའ་བ་འཁྱིལ་བའི་ལྟེ་བར་ཧྲཱིཿཡིག་དམར་པོས་མཚན་པའི་མཐར་ཧ་རི་ནི་ས་བཀོད་པ་དང༔ ཁ་ཁྱེར་རིན་པོ་ཆེའི་ཨུཏྤལའི་ཕྲེང་བས་བསྐོར་བ་གྲྭ་བཞིར་ཟླ་ཕྱེད་རྡོ་རྗེ་བྲི༔ དེ་སྟེང་བུད་ཤིང་བཟང་པོ་བརྩིགས༔ གཉིས་པ་བསྲེག་རྫས་རིམ་པ་ནི༔ འོ་མ་ཅན་གྱི་ཡམ་ཤིང་རྩེ་མོ་མར་གྱིས་བྱུགས་པ་དང༔ མར་ཁུ་དང༔ ཏིལ་དཀར་ནག༔ ཨུག་ཆོས་སོགས་མེ་ཏོག་དམར་པོའི་རིགས༔ འབྲས་མ་གྲུགས་པ༔ སྲན་མ་དང༔ ནས༔ གྲོ་དང༔ དཀར་གསུམ་མངར་གསུམ་དང་སྦྲང་རྩིས་སྦགས་པའི་ཟས་མཆོག༔ ཀུ་ཤ་དང་དཱུརྦ་སོགས་རྫས་རྣམས་བཀོད་ལེགས་པར་བཤམས༔ གཞན་ཡང་གཏོར་མ༔ གོས་ཟུང༔ སོ་རྩི་རྣམས་འདུ་བགྱིས༔ ལོགས་སུ་ཆུ་གཉིས་ཉེར་སྤྱོད་སོགས་དམ་རྫས་བྱེ་བྲག་པ༔ རྡོར་དྲིལ་དགང་གཟར་བླུགས་སོགས་ཀྱང་སྟ་གོན་བྱས་ལ༔ ཁྱད་པར་གྱི་སེམས་བསྐྱེད་དང་ལྡན་པས༔ ཐོག་མར་མཆོད་རྫས་སོགས་བྱིན་གྱིས་བརླབ་པ་ནི༔ ཨོཾ་ཨཱཿཤྲཱི་ཛིཾ་ཀུ་རུ་ཀུ་རུ་ཧཱུྃ་སྭཱ་ཧཱཿ ཞེས་པས༔ རྫས་རྣམས་ཀྱི་ཉེས་སྐྱོན་ཐམས་ཅད་བྱང་ཞིང་དག་པར་བསམ༔ དེ་ནས་མེ་སྦར་ཞིང༔ ཨོཾ་བཛྲ་ཛྭ་ལ་རཾ༔ ཞེས་སྦར༔ རླུང་གཡབ་ཀྱིས་གཡབ་ཅིང༔ ཨོཾ་བཛྲ་བྷ་ཡུ་ཧཱུྃ༔ ཞེས་བརྗོད༔ གསུམ་པ་དངོས་གཞི་ནི༔ ཨཱཿ འབྱུང་ལྔའི་དྭངས་མ་འོད་དུ་འཁྱིལ་བའི་ཀློང༔ གོས་དཀར་མོ་ཡི་བརྟུལ་ཞུགས་རགས་པ་དང༔ ལྷན་ཅིག་འགྲོགས་པའི་བདེ་ཆེན་ཉམས་ཀྱི་དཔྱིད༔ མཚན་ཉིད་བཞི་རུ་སྨིན་པའི་མཎྜལ་ལར༔ རྒྱལ་བ་ཀུན་ཡུམ་དབྱངས་ཅན་ངག་གི་དཔལ༔ སྐུ་མདོག་དམར་མོ་ཆགས་པའི་ཉམས་ལྡན་ཞིང༔ ཞལ་གཅིག་ཕྱག་གཉིས་ཕྱག་གཡས་ཡིད་བཞིན་དབང༔ གཡོན་པས་དྭངས་ཤེལ་མེ་ལོང་ཐུགས་ཀར་འཛིན༔ ཞབས་གཉིས་ཕྱེད་སྐྱིལ་ཞི་ཚུལ་ཉམས་ཀྱིས་སྒེག༔ རྒྱན་ཆས་ཡོངས་རྫོགས་འཛུམ་ཞལ་གཡོ་བའི་དབུས༔ ཤེས་བྱ་ཇི་སྙེད་ཚེམས་འཕྲེང་བཞད་པ་ལ༔ ཇི་ལྟའི་ཡེ་ཤེས་རོ་འཛིན་མེ་འོད་ཀྱི༔ རྣམ་པས་དངོས་འཛིན་མཚན་མའི་རྫས་རྣམས་ཀུན༔ ཡོངས་བསྲེགས་གཉིས་མེད་འོད་གསལ་ཆེན་པོར་དག༔ མཆོག་དང་ཐུན་མོང་དངོས་གྲུབ་ཐོབ་པར་དམིགས༔ ཞེས་སྲེག་བླུགས་རྒྱུན་གྱིས་དྲངས་པའི་མར་ཁུ་ཕུལ་ལ༔ ཨོཾ་ཨགྣེ་ཛྭ་ལ་རཾཿ ཨོཾ་སྭ་ར་སྭ་སྟི་ཧྲཱིཾཿཧྲཱིཾཿཧྲཱིཾཿ ནད་གདོན་སྡིག་སྒྲིབ་ཉམས་ཆག་ཉེས་ལྟུང་འཇིགས་པ་བརྒྱད་སོགས་མི་མཐུན་པའི་ཕྱོགས་ཐམས་ཅད་ཤནྟིཾ་ཀུ་རུ་ཡེ་སྭཱ་ཧཱཿ ཞེས་བདུན་ནམ་གསུམ་བརྗོད༔ དེ་ནས་ཡམ་ཤིང་ནས་བཟུང་རྫས་རྣམས་རིམ་པར་ཕུལ༔ མིན་ཀྱང་སྤུང་རྫས་བྱས་ནའང་ཆོག༔ རྫས་རྣམས་ཕུལ་བའི་སྔགས་ནི༔ ཨོཾ་དཱི་བྷྱ་ཨགྣེ་སྭ་ར་སྭ་སྟི་ཧྲཱིཾཿཧྲཱིཾཿཧྲཱིཾཿ ཁ་བསྒྱུར་ཞི་བ་གོང་བཞིན་དང༔ རྒྱས་པ་ལ༔ ཚེ་དང་བསོད་ནམས་དཔལ་དང་འབྱོར་པ་ལེགས་ཚོགས་ཡོན་ཏན་སྤྱི་དང༔ ཁྱད་པར་ཆོས་རབ་ཏུ་རྣམ་འབྱེད་ཀྱི་ཤེས་རབ་ཁྱད་པར་ཅན༔ ཆེ་བ༔ གསལ་བ༔ མྱུར་བ༔ ཟབ་པ༔ འཆད་པ༔ རྩོད་པ༔ རྩོམ་པ༔ མི་བརྗེད་པའི་གཟུངས༔ མི་འཇིགས་པའི་སྤོབས་པ༔ མི་ཟད་པའི་བློ་གྲོས་དམ་པ་མྱུར་དུ་འཕེལ་བར་གྱུར་ཅིག༔ པུཥྚིཾ་ཀུ་རུ་ཨོཾ༔ ཞེས་དང༔ དབང་ལ༔ སྲིད་ཞིའི་དཔལ་འབྱོར་ས་དང་ལམ་གྱི་སྤང་བ་དང་རྟོགས་པའི་ཡོན་ཏན་ཕུན་སུམ་ཚོགས་པ་ཐམས་ཅད་ཝཱ་ཤཾ་ཀུ་རུ་ཧོ༔ ཞེས་དང༔ དྲག་པོ་ལ༔ གནོད་བྱེད་དགྲ་བགེགས་དུག་ལྔ་དུག་གསུམ་ཐམས་ཅད་མཱ་ར་ཡ་ཕཊ྄༔ ཅེས་སོ༔ ཁྱད་པར་རྩ་སྔགས་ཁོ་ནས་ཕུལ༔ རྫས་རྣམས་རྫོགས་པ་དང༔ གཏོར་མ་འབྲུ་གསུམ་གྱིས་བརླབས༔ ཨོཾ་སྭ་ར་སྭ་སྟི་ཨ་ཀཱ་རོ་མུ་ཁཾ་སོགས། ཏྭཏྟ་ཨི་དཾ་བ་ལིང་ཏ་ཁ་ཁ་ཁཱ་ཧི་ཁཱ་ཧི༔ མཆོད་སྦྱིན་གཏོར་མ་དམ་པ་འདི༔ བཞེས་ལ་མཆོག་དང་ཐུན་མོང་གི༔ དངོས་གྲུབ་ཟད་མི་ཤེས་པའི་མཛོད༔ ད་ལྟ་ཉིད་དུ་བསྩལ་དུ་གསོལ༔ བཀྲ་ཤིས་བདེ་ལེགས་ཐོབ་པར་ཤོག༔ ཞེས་གསོལ༔ ཨོཾ་བཛྲ་ཏཾ་བུ་ལ་ཡེ་སྭཱ་ཧཱཿ ཞེས་སོ་རྩི་ཕུལ༔ ཨོཾ་བཛྲ་ཝསྟྲ་ཡེ་སྭཱ་ཧཱ༔ ཞེས་གོས་ཟུང་ཕུལ༔ བཞི་པ་རྗེས་ཀྱི་རིམ་པ་ལ༔ ཚོགས་ཀྱི་དགའ་སྟོན་དང་བཀྲ་ཤིས་ཀྱིས་མཐའ་བརྒྱན་པར་བྱའོ༔ གྲུབ་གཉིས་འདོད་འཇོ་ལྷ་མོའི་མེ་མཆོད་ཀྱི༔ ལས་ཁྲིགས་བྱིན་འོད་འབར་བ་ཌཱ་ཀིའི་གཏམ༔ བསྙེན་སྒྲུབ་ཡན་ལག་ཅིག་ཀྱང་དགོས་དབང་གིས༔ ཁོ་བོ་བློ་གྲོས་ཆོས་ཀྱི་གོ་ཆ་ཡིས༔ འོད་གསལ་དམ་པའི་ཉམས་ལ་ཤར་བཞིན་སྤེལ༔ མན་ངག་ཡི་གེ་པི་ཝང་སྒྲུབ་ཕྲིན་དང༔ དབང་དང་རྒྱས་པའི་ལས་ཚོགས་རཀྟ་དང༔ ཚེ་དང་ཡེ་ཤེས་སྤེལ་བའི་རྫས་སྒྲུབ་བཅས༔ སླད་ནས་རྗེས་འཇུག་དད་མོས་རབ་གྱུར་གྱི༔ དོན་དུ་རྟེན་འབྲེལ་འགྲིགས་ཚེ་སྤྲོ་བར་བྱ༔ ས་མཱ་ཡ༔ རྒྱ༔ རྒྱ༔ རྒྱ༔ མངྒ་ལཾ། དགེའོ།། །།

[edit]

\u0f01\u0f83:___yang zab bde chen dpal mo'i thugs kyi me long las:_me mchod kyi las khrigs DA ki'i gsang gtam grub gnyis 'dod 'jo bzhugs so: \u0f01\u0f83:__ye shes me long yum mchog dpal lha mo:_mi shigs thig le'i dpyid gyur de yis skyongs:_gang gi phrin las me mchod la brten pas:_dngos grub dbyig gi dpal bskyed 'di na bri:_de la 'dir lha mo'i bsnyen sgrub kyi kha skong ba dang:_mchog dang thun mong gi las rab 'byams ma lus pa bde blag nyid du thob par bya ba'i thabs khyad par can me mchod bya ba la'ang:_dang po thig gdab pa ni:_maN+Dal mda' gang gru bzhi ba 'thas par bcags te:_zhal ba legs par byas dri bzang dang ba byung sbyar ba'i go ma yes khyem med par byugs la:_thig chen brgyad spyi ltar gdab:_mu khyud rim pa gsum gyi dbus:_dga' ba 'khyil ba'i lte bar hrIHyig dmar pos mtshan pa'i mthar ha ri ni sa bkod pa dang:_kha khyer rin po che'i ut+pala'i phreng bas bskor ba grwa bzhir zla phyed rdo rje bri:_de steng bud shing bzang po brtsigs:_gnyis pa bsreg rdzas rim pa ni:_'o ma can gyi yam shing rtse mo mar gyis byugs pa dang:_mar khu dang:_til dkar nag:_ug chos sogs me tog dmar po'i rigs:_'bras ma grugs pa:_sran ma dang:_nas:_gro dang:_dkar gsum mngar gsum dang sbrang rtsis sbags pa'i zas mchog:_ku sha dang dUrba sogs rdzas rnams bkod legs par bshams:_gzhan yang gtor ma:_gos zung:_so rtsi rnams 'du bgyis:_logs su chu gnyis nyer spyod sogs dam rdzas bye brag pa:_rdor dril dgang gzar blugs sogs kyang sta gon byas la:_khyad par gyi sems bskyed dang ldan pas:_thog mar mchod rdzas sogs byin gyis brlab pa ni:_oM AHshrI dziM ku ru ku ru hU~M swA hAH_zhes pas:_rdzas rnams kyi nyes skyon thams cad byang zhing dag par bsam:_de nas me sbar zhing:_oM badz+ra dz+wa la raM:_zhes sbar:_rlung g.yab kyis g.yab cing:_oM badz+ra b+ha yu hU~M:_zhes brjod:_gsum pa dngos gzhi ni:_AH_'byung lnga'i dwangs ma 'od du 'khyil ba'i klong:_gos dkar mo yi brtul zhugs rags pa dang:_lhan cig 'grogs pa'i bde chen nyams kyi dpyid:_mtshan nyid bzhi ru smin pa'i maN+Dal lar:_rgyal ba kun yum dbyangs can ngag gi dpal:_sku mdog dmar mo chags pa'i nyams ldan zhing:_zhal gcig phyag gnyis phyag g.yas yid bzhin dbang:_g.yon pas dwangs shel me long thugs kar 'dzin:_zhabs gnyis phyed skyil zhi tshul nyams kyis sgeg:_rgyan chas yongs rdzogs 'dzum zhal g.yo ba'i dbus:_shes bya ji snyed tshems 'phreng bzhad pa la:_ji lta'i ye shes ro 'dzin me 'od kyi:_rnam pas dngos 'dzin mtshan ma'i rdzas rnams kun:_yongs bsregs gnyis med 'od gsal chen por dag:_mchog dang thun mong dngos grub thob par dmigs:_zhes sreg blugs rgyun gyis drangs pa'i mar khu phul la:_oM ag+ne dz+wa la raMH_oM swa ra swa sti hrIMHhrIMHhrIMH_nad gdon sdig sgrib nyams chag nyes ltung 'jigs pa brgyad sogs mi mthun pa'i phyogs thams cad shan+tiM ku ru ye swA hAH_zhes bdun nam gsum brjod:_de nas yam shing nas bzung rdzas rnams rim par phul:_min kyang spung rdzas byas na'ang chog:_rdzas rnams phul ba'i sngags ni:_oM dI b+h+ya ag+ne swa ra swa sti hrIMHhrIMHhrIMH_kha bsgyur zhi ba gong bzhin dang:_rgyas pa la:_tshe dang bsod nams dpal dang 'byor pa legs tshogs yon tan spyi dang:_khyad par chos rab tu rnam 'byed kyi shes rab khyad par can:_che ba:_gsal ba:_myur ba:_zab pa:_'chad pa:_rtsod pa:_rtsom pa:_mi brjed pa'i gzungs:_mi 'jigs pa'i spobs pa:_mi zad pa'i blo gros dam pa myur du 'phel bar gyur cig:_puSh+TiM ku ru oM:_zhes dang:_dbang la:_srid zhi'i dpal 'byor sa dang lam gyi spang ba dang rtogs pa'i yon tan phun sum tshogs pa thams cad wA shaM ku ru ho:_zhes dang:_drag po la:_gnod byed dgra bgegs dug lnga dug gsum thams cad mA ra ya phaTa?:_ces so:_khyad par rtsa sngags kho nas phul:_rdzas rnams rdzogs pa dang:_gtor ma 'bru gsum gyis brlabs:_oM swa ra swa sti a kA ro mu khaM sogs/_twat+ta i daM ba ling ta kha kha khA hi khA hi:_mchod sbyin gtor ma dam pa 'di:_bzhes la mchog dang thun mong gi:_dngos grub zad mi shes pa'i mdzod:_da lta nyid du bstsal du gsol:_bkra shis bde legs thob par shog:_zhes gsol:_oM badz+ra taM bu la ye swA hAH_zhes so rtsi phul:_oM badz+ra was+t+ra ye swA hA:_zhes gos zung phul:_bzhi pa rjes kyi rim pa la:_tshogs kyi dga' ston dang bkra shis kyis mtha' brgyan par bya'o:_grub gnyis 'dod 'jo lha mo'i me mchod kyi:_las khrigs byin 'od 'bar ba DA ki'i gtam:_bsnyen sgrub yan lag cig kyang dgos dbang gis:_kho bo blo gros chos kyi go cha yis:_'od gsal dam pa'i nyams la shar bzhin spel:_man ngag yi ge pi wang sgrub phrin dang:_dbang dang rgyas pa'i las tshogs rak+ta dang:_tshe dang ye shes spel ba'i rdzas sgrub bcas:_slad nas rjes 'jug dad mos rab gyur gyi:_don du rten 'brel 'grigs tshe spro bar bya:_sa mA ya:_rgya:_rgya:_rgya:_mang+ga laM/_dge'o//__//