DKR-KABUM-10-THA-021

🚧 This website is under continued development. We appreciate your patience!

Previous Text Back to Volume PageNext Text

Wylie title	dgongs gter gsang bdag pad+ma thugs thig la tshogs mchod
Location	dil mgo mkhyen brtse bka' 'bum Volume 10, Text 21, Pages 94 (Folios 1a1 to 1b4)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	ཀློང་ཆེན་ཡེ་ཤེས་རྡོ་རྗེ་ (Kangyur Rinpoche)
Associated People	པདྨ་འབྱུང་གནས་ (pad+ma 'byung gnas)
Citation	Khyentse, Dilgo. Dgongs gter gsang bdag pad+ma thugs thig la tshogs mchod. In Skyabs rje dil mgo mkhyen brtse rin po che'i bka' 'bum, Vol. 10: 94. Delhi: Shechen Publications, 1994.
Genre	Feast Offering - tshogs mchod - tshogs kyi 'khor lo
Cycle	གསང་བདག་པདྨ་ཐུགས་ཐིག་ (gsang bdag pad+ma thugs thig)
Colophon	།ཅེས་པའང་གསང་ཡུམ་བྱམས་ཆོས་མཆོག་ནས་བཀའ་ཕེབས་བཞིན་རིག་འཛིན་བླ་མ་དགྱེས་པའི་འབངས་པདྨ་མདོ་སྔགས་གླིང་པས་བྲིས་པ་དོན་དང་ལྡན་པར་གྱུར་ཅིག།
	/ces pa'ang gsang yum byams chos mchog nas bka' phebs bzhin rig 'dzin bla ma dgyes pa'i 'bangs pad+ma mdo sngags gling pas bris pa don dang ldan par gyur cig/

Tibetan Text

Wylie

[edit]

༄༅། །དགོངས་གཏེར་གསང་བདག་པདྨ་ཐུགས་ཐིག་ལ་ཚོགས་མཆོད་སྦྱར་བར་སྤྲོ་ན། ཐབས་ཤེས་དམ་ཚིག་གི་རྫས་རྣམས་བཤམས་ལ་ཆུ་ཆང་ནང་མཆོད་ཀྱིས་བྲན་ཏེ། རྃ་ཡྃ་ཁྃ། ཐུགས་ལས་རྃ་ཡྃ་ཁྃ་འཕྲོས་པས། །ཚོགས་ཀྱི་འབག་བཙོག་བསྲེགས་གཏོར་བཀྲུས། །འབྲུ་གསུམ་འོད་དུ་ཞུ་བ་ལས། །ཟག་མེད་ཡེ་ཤེས་བདུད་རྩིར་གྱུར། །ཨོཾ་ཨཱཿཧཱུྃ། ལན་གསུམ། ཧཱུྃ། སྐུ་གསུམ་དག་པའི་ཞིང་ཁམས་ནས། །གསང་བའི་བདག་པོ་རྡོ་རྗེ་འཛིན། །རྩ་གསུམ་འཁོར་ཚོགས་རྒྱ་མཚོ་བཅས། །འདོད་ཡོན་ཚོགས་ལ་སྤྱན་འདྲེན་གཤེགས། །མཆོད་པ་ནི། ཧཱུྃ། འདོད་ཡོན་ལྔ་ལྡན་བདུད་རྩིའི་སྤྲིན། །བླ་ན་མེད་པའི་དམ་རྫས་མཆོག །དཔལ་ཆེན་གསང་བདག་ལྷ་ལ་འབུལ། །སྐུ་གསུང་ཐུགས་ཀྱི་དངོས་གྲུབ་སྩོལ། །ག་ཎ་ཙཀྲ་པཱུ་ཛ་ཧོཿ བཤགས་པ་ནི། ཨ། རིགས་ལྔ་ཡེ་ཤེས་ལྔའི་རང་བཞིན། །དམ་རྫས་ཤ་ལྔ་བདུད་རྩིའི་མཚོ། །དཀྱིལ་འཁོར་ལྷ་ཚོགས་རྣམས་ལ་འབུལ། །ཉམས་ཆག་སྡིག་ལྟུང་དག་པར་མཛོད། །ས་མ་ཡ་ཤུདྡྷེ་ཨ། ཡིག་བརྒྱ་བརྗོད། བསྒྲལ་བསྟབ་ནི། ཧཱུྃ་ཨེ་ཡཾ་རཾ། ནྲྀ་ཏྲི་བཛྲ་ཨངྐུ་ཤ་ཛ། ཛཿཧཱུྃ་བཾ་ཧོ། ཧཱུྃ། ཡེ་ཤེས་ཁྲོས་པའི་མཚོན་ཆེན་པོས། །ཉམས་པ་བསྒྲལ་བའི་ཤ་རུས་ཁྲག །དུག་གསུམ་དག་པའི་རྫས་སུ་འབུལ། །དགྱེས་པར་བཞེས་ལ་ཕྲིན་ལས་མཛོད། །སརྦ་ཤ་ཏྲཱུཾ་མཱ་ར་ཡ། མ་ཧཱ་མཱཾ་ས་རཀྟ་ཀེཾ་ནི་རི་ཏི་ཁཱ་ཧི། ནང་གི་སྦྱིན་སྲེག་ཀྱིས་ཚོགས་ལ་རོལ་ཞིང༌། ལྷག་མ་ནི། ཨེ་ཨ་རལླི་ཕཻཾ། ཧཱུྃ། གསང་བ་ཆེན་པོའི་དཀྱིལ་འཁོར་གྱི། །བཀའ་ཉན་ལྷག་སྡུད་མ་སྲིང་ཚོགས། །དཔལ་གྱི་ཕམ་ཕབ་འདི་བཞེས་ལ། །འདོད་པའི་ལས་ཀུན་འགྲུབ་པར་མཛོད། །ཨོཾ་ཨུཙྪིཥྚ་བ་ལིཾ་ཏ་ཁཱ་ཧི། གསང་བའི་བདག་པོའི་དཀྱིལ་འཁོར་དུ། །ཚོགས་ཀྱི་མཆོད་པ་ཕུལ་བ་ཡིས། །བདག་གཞན་འགྲོ་བ་མ་ལུས་པ། །དཀྱིལ་འཁོར་གཅིག་ཏུ་འགྲུབ་པར་ཤོག །ཅེས་པའང་གསང་ཡུམ་བྱམས་ཆོས་མཆོག་ནས་བཀའ་ཕེབས་བཞིན་རིག་འཛིན་བླ་མ་དགྱེས་པའི་འབངས་པདྨ་མདོ་སྔགས་གླིང་པས་བྲིས་པ་དོན་དང་ལྡན་པར་གྱུར་ཅིག། །།

[edit]

dgongs gter gsang bdag pad+ma thugs thig la tshogs mchod sbyar bar spro na/_thabs shes dam tshig gi rdzas rnams bshams la chu chang nang mchod kyis bran te/_ra~M ya~M kha~M/_thugs las ra~M ya~M kha~M 'phros pas/_/tshogs kyi 'bag btsog bsregs gtor bkrus/_/'bru gsum 'od du zhu ba las/_/zag med ye shes bdud rtsir gyur/_/oM AHhU~M/_lan gsum/_hU~M/_sku gsum dag pa'i zhing khams nas/_/gsang ba'i bdag po rdo rje 'dzin/_/rtsa gsum 'khor tshogs rgya mtsho bcas/_/'dod yon tshogs la spyan 'dren gshegs/_/mchod pa ni/_hU~M/_'dod yon lnga ldan bdud rtsi'i sprin/_/bla na med pa'i dam rdzas mchog_/dpal chen gsang bdag lha la 'bul/_/sku gsung thugs kyi dngos grub stsol/_/ga Na tsakra pU dza hoH_bshags pa ni/_a/_rigs lnga ye shes lnga'i rang bzhin/_/dam rdzas sha lnga bdud rtsi'i mtsho/_/dkyil 'khor lha tshogs rnams la 'bul/_/nyams chag sdig ltung dag par mdzod/_/sa ma ya shud+d+he a/_yig brgya brjod/_bsgral bstab ni/_hU~M e yaM raM/_nr-i tri badz+ra ang+ku sha dza/_dzaHhU~M baM ho/_hU~M/_ye shes khros pa'i mtshon chen pos/_/nyams pa bsgral ba'i sha rus khrag_/dug gsum dag pa'i rdzas su 'bul/_/dgyes par bzhes la phrin las mdzod/_/sarba sha trUM mA ra ya/_ma hA mAM sa rak+ta keM ni ri ti khA hi/_nang gi sbyin sreg kyis tshogs la rol zhing*/_lhag ma ni/_e a ral+li phaiM/_hU~M/_gsang ba chen po'i dkyil 'khor gyi/_/bka' nyan lhag sdud ma sring tshogs/_/dpal gyi pham phab 'di bzhes la/_/'dod pa'i las kun 'grub par mdzod/_/oM uts+tshiSh+Ta ba liM ta khA hi/_gsang ba'i bdag po'i dkyil 'khor du/_/tshogs kyi mchod pa phul ba yis/_/bdag gzhan 'gro ba ma lus pa/_/dkyil 'khor gcig tu 'grub par shog__/ces pa'ang gsang yum byams chos mchog nas bka' phebs bzhin rig 'dzin bla ma dgyes pa'i 'bangs pad+ma mdo sngags gling pas bris pa don dang ldan par gyur cig/__//