JKW-KABAB-02-KHA-049

🚧 This website is under continued development. We appreciate your patience!

Previous Text Back to Volume PageNext Text

Wylie title	bla ma'i thugs sgrub bar chad kun sel gyi cha lag khrus kyi cho ga zla ba'i bdud rtsi
Location	mkhyen brtse'i bka' babs Volume 2, Text 49, Pages 373-388 (Folios 1a to 8b3)
Author	མཆོག་གྱུར་གླིང་པ་
Less details More details
Tertön	མཆོག་གྱུར་གླིང་པ་ (mchog gyur gling pa)
Citation	mchog gyur gling pa. bla ma'i thugs sgrub bar chad kun sel gyi cha lag khrus kyi cho ga zla ba'i bdud rtsi. In Rdzong sar 'jam dbyangs mkhyen brtse'i dbang po'i bka' babs, Vol. 2: 373-388. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Revelations - gter ma  ·  Cleansing Ritual - khrus chog
Cycle	བླ་མའི་ཐུགས་སྒྲུབ་བར་ཆད་ཀུན་སེལ་ (bla ma'i thugs sgrub bar chad kun sel)
Karchag page	JKW-KABAB-Volume-02-KHA-Karchag
RTZ	In the Rinchen Terdzö: https://rtz.tsadra.org/index.php/Terdzo-PI-012
Colophon	།ཅེས་པ་གཏེར་གཞུང་ལས་ཁོལ་དུ་ཕྱུངས་ཏེ་མན་ངག་གིས་གསལ་བར་བྱས་ནས་མཆོག་གྱུར་གླིང་པས་བཀོད་བའོ།།
	ces pa gter gzhung las khol du phyungs te man ngag gis gsal bar byas nas mchog gyur gling pas bkod ba'o

Tibetan Text

Wylie

[edit]

༄༅། །བླ་མའི་ཐུགས་སྒྲུབ་བར་ཆད་ཀུན་སེལ་གྱི་ཆ་ལག་ཁྲུས་ཀྱི་ཆོ་ག་ཟླ་བའི་བདུད་རྩི་ཞེས་བྱ་བ་བཞུགས་སོ།།

༄༅། །བླ་མའི་ཐུགས་སྒྲུབ་བར་ཆད་ཀུན་སེལ་གྱི་ཆ་ལག་ཁྲུས་ཀྱི་ཆོ་ག་ཟླ་བའི་བདུད་རྩི་ཞེས་བྱ་བ། གང་ཞིག་སྲིད་པའི་མུན་པ་འཇོམས། །ཕན་དང་བདེ་བའི་བདུད་རྩི་སྦྱིན། །བླ་མ་ལྷ་ལ་གུས་བཏུད་ནས། །ཁྲུས་ཀྱི་ཆོ་ག་བཤད་པར་བྱ། །དེ་ལ་བཞི། སྔོན་འགྲོ་དངོས་གཞི། རྗེས་ཀྱི་བྱ་བ། འཕྲོས་དོན་ནོ། །སྔོན་འགྲོ་ལ་གསུམ། སྦྱོར་བ། བདག་གི་རྣལ་འབྱོར། བུམ་པ་སྒྲུབ་པའོ། །དང་པོ་ནི། བུམ་པ་རྒྱུན་བབ་ཀྱི་ཆུས་བཀང་ལ་རྫས་ཉེར་ལྔ་བཏབ། མགུལ་ཆིངས། དུང་ཞལ་དྲི་བཟང་གི་ཆུས་བཀང་བའི་སྟེང་རྡོ་རྗེ་གཟུངས་ཐག་གིས་སྤྲས་པ་སྟེགས་ཀྱི་ཁར་བཤམ། །ཁ་རྒྱན་དེའི་ཉེ་ལོགས་སུ་བཞག །མཆོད་པ་སྣ་བདུན་གྱིས་བསྐོར་བ། ན་མོཿ བླ་མ་ཡི་དམ་མཁའ་འགྲོ་མ༔ མཆོག་གསུམ་རྒྱལ་བ་རྒྱ་མཚོ་ལ༔ བདག་སོགས་འགྲོ་ཀུན་བྱང་ཆུབ་བརཿ རྩེ་གཅིག་གུས་པས་སྐྱབས་སུ་མཆི༔ ཧོ༔ མར་གྱུར་སེམས་ཅན་ཐམས་ཅད་ཀུན༔ སངས་རྒྱས་གོ་འཕང་འཐོབ་བྱའི་ཕྱིར༔ ཉེས་སྤྱོད་ཀུན་སྡོམ་དགེ་ཆོས་སྡུད༔ གཞན་ཕན་བྱང་སེམས་རྟག་ཏུ་བསྐྱེད༔ མཆོད་པ་རྣམས་སྭ་བྷཱ་བས་སྦྱང༌། བྷྱོ་བི་ཤྭ་སོགས་ནམ་མཁའ་མཛོད་ཀྱི་སྔགས་རྒྱས་ཀུན་བཟང་མཆོད་སྤྲིན་དུ་སྤེལ། གཉིས་པ། ཨ༔ རྡོ་རྗེ་སེམས་དཔའ་ནམ་མཁའ་ཆེ༔ བཟུང་བས་མི་ཟིན་ཆུ་ཟླ་འདྲ༔ ཀུན་ཏུ་བཟང་པོའི་རོལ་པ་ལས༔ ཐབས་ཤེས་ཟུང་འཇུག་རྩ་བའི་ལྷ༔ སེམས་དཔའ་དཀར་པོ་རྡོར་དྲིལ་བསྣམས༔ རང་འོད་ཡུམ་འཁྱུད་བདེ་སྟོང་སྦྱོར༔ དར་དང་རིན་ཆེན་རྒྱན་གྱིས་བརྒྱན༔ མ་བཅོས་ལྷུག་པའི་ངང་དུ་གསལ༔ ཨོཾ་བཛྲ་ས་ཏྭ་ཨཱཿ ཞེས་ཅུང་ཟད་བཟླ། གསུམ་པ་བུམ་པ་བསྒྲུབ་པ་ནི། ཨོཾ་མ་ཧཱ་ཤཱུ་ནྱ་ཏཱ་སོགས། སྟོང་པའི་ངང་ལས་པདྨ་ཟླ་བའི་སྟེང་༔ བྷྲཱུྃ་གྱི་ཡི་གེ་ཡོངས་གྱུར་སྐད་ཅིག་གིས༔ མཚན་ཉིད་ཡོངས་རྫོགས་རིན་ཆེན་བུམ་པ་ནི༔ བདུད་རྩིའི་ཆུ་ཡིས་ཡོངས་སུ་གང་བའི་དབུས༔ པཾ་ལས་པདྨའི་སྡོང་པོའི་གེ་སར་ལ༔ ཧཱུྃ་ལས་ལས་སྒྲིབ་ཀུན་སྦྱོང་རྡོ་རྗེ་སེམས༔ སྐུ་མདོག་དཀར་གསལ་རྡོ་རྗེ་དྲིལ་བུ་འཛིན༔ དར་དང་རིན་ཆེན་རྒྱན་ལྡན་སྐྱིལ་ཀྲུང་བཞུགས༔ ཕྱོགས་བཞིར་པདྨ་འདབ་བཞིའི་གདན་སྟེང་དུ༔ ཤར་དུ་ངན་སོང་ཀུན་འདྲེན་གསང་བའི་བདག༔ དཀར་པོ་ཞི་ཚུལ་རྡོ་རྗེ་དྲིལ་བུ་འཛིན༔ ལྷོ་རུ་དམ་གྲིབ་ཀུན་སེལ་སྨེ་བ་བརྩེགས༔ དུད་ཁ་ཕྱག་གཉིས་ཐུགས་ཀར་སྡིགས་མཛུབ་མཛད༔ ནུབ་ཏུ་རིག་སྔགས་ཀུན་རྒྱལ་རྣམ་པར་འཇོམས༔ མཐིང་གསལ་ཁྲོ་འཛུམ་རྡོ་རྗེ་དྲིལ་བུ་འཛིན༔ བྱང་དུ་ལས་ཀུན་བདག་པོ་བདུད་རྩི་འཁྱིལ༔ ལྗང་སྔོན་སྣ་ཚོགས་རྡོ་རྗེ་དྲིལ་བུ་འཛིན༔ ཀུན་ཀྱང་རང་རང་རྒྱན་རྫོགས་འདོར་སྟབས་བཞེངས༔ གནས་གསུམ་འབྲུ་གསུམ་མཚན་པའི་འོད་ཟེར་གྱིས༔ ཡེ་ཤེས་ལྷ་ཚོགས་སྤྱན་དྲངས་དབྱེར་མེད་གྱུར༔ ཨོཾ༔ ངོ་བོ་ཆོས་སྐུ་སྤྲོས་དང་བྲལ་བའི་དབྱིངས༔ གཤེགས་དང་བཞུགས་པའི་མཚན་མ་མི་དམིགས་ཀྱང་༔ རང་བཞིན་ཐུགས་རྗེས་གཟུགས་ཀྱི་སྐུར་བཞེངས་པ༔ བཅོམ་ལྡན་དཀྱིལ་འཁོར་ལྷ་ཚོགས་གཤེགས་སུ་གསོལ༔ ཨོཾ་སརྦ་ཏ་ཐཱ་ག་ཏ་ཨེ་ཧྱེ་ཧི༔ ཛཿཧཱུྃ་བྃ་ཧོ༔ པདྨ་ཀ་མ་ལཱ་ཡ་སྟཾ༔ སླར་ཡང་འོད་འཕྲོས་དབང་ལྷ་སྤྱན་དྲངས་ནས༔ བཀྲ་ཤིས་གླུ་ལེན་མེ་ཏོག་ཆར་འབེབས་བཞིན༔ འཆི་མེད་བདུད་རྩིའི་རྒྱུན་གྱིས་དབང་བསྐུར་བས༔ སོ་སོའི་རིགས་ཀྱི་བདག་པོས་དབུར་བརྒྱན་བསམ༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་སོགས། ཧཱུྃ༔ མཆོད་པའི་ཕྱག་རྒྱ་ཆེན་པོ་ནི༔ སེམས་ཀྱི་ཡིད་བཞིན་སྤྲིན་ཚོགས་ལས༔ ཉེར་སྤྱོད་འདོད་ཡོན་བསམ་མི་ཁྱབ༔ བདེ་བ་ཆེན་པོའི་རྒྱན་ཏུ་རོལ༔ ཨོཾ་བཛྲ་ཨརྒྷཾ་སོགས་ནས། ཤཔྡ་པྲ་ཏཱིཙྪ་སྭཱ་ཧཱ༔ ཧཱུྃ༔ སྒྲིབ་མེད་རོལ་པའི་སྐུ་གསུང་ཐུགས༔ སེམས་ཅད་ཁམས་ལ་རྗེས་བརྩེ་བས༔ གང་འདུལ་འགྲོ་བའི་དོན་མཛད་པའི༔ མགོན་པོ་ཁྱོད་ལ་བདག་ཕྱག་འཚལ༔ གཟུངས་ཐག་ལ་འཇུས་ཏེ། རང་གི་ཐུགས་ནས་འོད་ཟེར་འཕྲོས༔ གཟུངས་ཐག་ལ་འཁྲིལ་བུམ་ནང་སོང་༔ བུམ་ལྷའི་སྐུ་ལས་བདུད་རྩིའི་རྒྱུན༔ བབ་པས་བུམ་པ་ཡོངས་གང་གྱུར༔ ཨོཾ་བཛྲ་ས་ཏྭ་ས་མཱ་ཡ་མ་ནུ་པཱ་ལ་ཡ། བཛྲ་ས་ཏྭ་ཏྭེ་ནོ་པ་ཏིཥྛ། དྲྀ་ཌྷོ་མེ་བྷ་ཝ། སུ་ཏོཥྱོ་མེ་བྷ་ཝ། སུ་པོཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སརྦ་སིདྡྷིམྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲེ་ཡ་ཀུ་རུ་ཧཱུྃ། ཧ་ཧ་ཧ་ཧ་ཧོ༔ བྷ་ག་ཝཱན་སརྦ་ཏ་ཐཱ་ག་ཏ། བཛྲ་མ་མེ་མུཉྩ་བཛྲཱི་བྷ་ཝ། མ་ཧཱ་ས་མ་ཡ་ས་ཏྭ་ཨཱཿ བསྡུ་ན། ཨོཾ་བཛྲ་ས་ཏྭ་ཨཱཿ ཨོཾ་བཛྲ་པཱ་ཎི་སྥོ་ ཊ་ཡ༔ སརྦ་ཨ་པཱ་ཡ་བྷནྡྷ་ནི་པྲ་མོ་ཀྵ་ཡ༔ སརྦ་ཨ་པ་ཡ་ག་ཏི་བྷྱ༔ སརྦ་ས་ཏྭ་ནཱཾ་ཏ་ཐཱ་ག་ཏ་བཛྲ་ས་མ་ཡ་ཏྲ་ཊ༔ བསྡུ་ན། ཨོཾ་བཛྲ་པཱ་ཎི་ཧཱུྃ༔ ཨོཾ་བྷུར་ཀུར་མ་ཧཱ་པྲ་ཎ་ཡ༔ བྷུར་ཙི་བྷུར་ཀི་བི་མ་ལེ་ཨུ་ཙུཥྨ་ཀྲོ་དྷཱ་རཱ་ཛ་ཧཱུྃ་ཕཊ༔ ན་མཤྩཎྜ་བཛྲ་ཀྲོ་དྷ་ཡ་ཧུ་ལུ་ཧུ་ལུ་ཏིཥྛ་ཏིཥྛ་བྷནྡྷ་བྷནྡྷ་ཧ་ན་ཧ་ན་ཨ་མྲྀ་ཏེ་ཧཱུྃ་ཕཊ༔ ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུྃ་ཕཊ༔ ཞེས་པ་རྣམས་གང་ནུས་བཟླ། ལྷ་འདི་རྣམས་རྡོ་རྗེའི་རིགས་ཡིན་པས་རྡོ་རྗེའི་རིགས་རྣམས་ཀྱི་རྒྱུད་དོ་ཅོག་གི་རྩ་བ་རྣམ་འཇོམས་ཀྱི་རྒྱུད་ཀྱང་ངེས་པར་བཀླག་གོ། །དེ་ནས་དུང་ཆུ་མེ་ཏོག་བཅས་ཕུལ་ལ། ཨོཾ་ཨཱཿཧཱུྃ༔ ལྷ་རྣམས་འོད་དུ་ཞུུ་བས་བུམ་ཆུ་དང་རོ་གཅིག་ཏུ་འདྲེས་པས་དངོས་པོ་གང་ལ་འཐོར་བས་ཉེས་པ་ཐམས་ཅད་སྦྱོང་བའི་བདུད་རྩིར་གྱུར་པར་བསམ། གཉིས་པ་དངོས་གཞི་ལ་བཞི། བགེགས་སྦྱངས་བ། རྟེན་ལ་ཁྲུས་བྱ་བ། སྣོང་བཅུད་སྤྱི་ལ་ཁྲུས་བྱ་བ་དང༌། གང་ཟག་བྱེ་བྲག་ལ་ཁྲུས་བྱའོ། །དང་པོ་ནི། གཏོར་མ་རྣམས། སྭ་བྷཱ་བས་སྦྱང༌། ཨོཾ་ཨཱ་ཧཱུྃ་གིས་འདོད་ཡོན་དུ་བྱིན་གྱིས་བརླབ། གཏོར་མ་གཡས་སུ་བསྐོར་ཞིང༌། སརྦ་བྀགྷྣཱན་ན་མཿསོགས་དཾ་བ་ལིཾ་དེ་སྭཱ་ཧཱ༔ ཞེས་ཞི་བས་སྦྱང༌། ཆང་བུ་ཏིང་ལོ་གཡོན་དུ་བསྐོར་ལ། ཨོཾ་སུམྦྷ་སོགས། ཧཱུྃ་བཞི་བརྗོད་པས་ཞི་དྲག་ཕྱེད་མས་སྦྱོང་བའོ། །བཛྲ་མ་ཧཱ་ཤྲཱི་ཧེ་རུ་ཀོ྅་ཧཾ༔ རང་ཉིད་ཁྲོ་བོ་ཞེ་སྡང་རྡོ་རྗེ་མཐིང་ནག་རྡོ་རྗེ་དང་དྲིལ་བུ་འཛིན་པའི་སྐུར་གྱུར། ཧཱུྃ་མཛད་ཀྱི་ཕྱག་རྒྱ་བཅས། ན་མོ། དཀོན་མཆོག་གསུམ་ལ་ཕྱག་འཚལ་ལོ། དཀོན་མཆོག་གསུམ་གྱི་བཀའ་བདེན་པ་དང༌། ཆོས་ཉིད་རྣམ་པར་དག་པའི་བདེན་པ་དང༌། ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང༌། རྩ་བརྒྱུད་བླ་མ་ཡི་དམ་ལྷ་ཚོགས་རྣམས་ཀྱི་བདེན་པ་དང༌། བདེན་པ་ཆེན་པོའི་བྱིན་རླབས་ཀྱིས་དེང་འདིར་མི་མཐུན་པའི་ཕྱོགས་སྦྱང་ཞིང་ལེགས་པའི་ཚོགས་སྤེལ་བ་ལ་བར་དུ་གཅོད་པའི་འབྱུང་པོ་ཐམས་ཅད་གཏོར་མ་འདིས་ཚིམས་པར་གྱིས་ལ་གཞན་དུ་འགྲོ་བར་གྱིས། གང་དག་མི་འགྲོ་བ་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་ཐུགས་དང་གཉིས་སུ་མེད་པའི་ཡེ་ཤེས་ཀྱི་རྡོ་རྗེ་རབ་ཏུ་འབར་ཞིང་འབར་བས་མགོ་བོ་ཚལ་པ་བརྒྱར་འགས་པར་གྱུར་ཅིག །ཅེས་གཏོར་མ་རྒྱང་རིང་དུ་དོར་ཞིང་ཡུངས་ཀར་གྱིས་བྲབ། གུ་གུལ་གྱིས་བདུག །དྲག་སྔགས་རོལ་མོ་ཚམ་རྔམས་དང་བཅས་པས་ཕྱིར་བསྐྲད། ཧཱུྃ་ཧཱུྃ་ཧཱུྃ་བཛྲ་རཀྵ་རཀྵ་བྷྲཱུྃ༔ ཞེས་སྲུང་བའི་འཁོར་ལོ་བསྒོམ་མོ། །དང་པོ་རྟེན་ལ་ཁྲུས་བྱེད་ན། རྟེན་རྣམས་མེ་ལོང་ངོས་སུ་འཆར་བར་བྱས་ནས། ཁྲུས་ཀྱི་ཁང་པ་ཤིན་ཏུ་དྲི་ཞིམ་པ། །ཤེལ་གྱི་ས་གཞི་གསལ་ཞིང་འཚེར་བ་བསྟར། །རིན་ཆེན་འབར་བའི་ཀ་བ་ཡིད་འོང་ལྡན། །མུ་ཏིག་འོད་ཆགས་བླ་བྲེ་བྲེས་པ་དེར། །དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུས། །ཡིད་འོང་ལེགས་པར་བཀང་བའི་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། ཨོཾ༔ བཀྲ་ཤིས་བུམ་པའི་བདུད་རྩིའི་ཆུས༔ བདེ་བར་གཤེགས་པའི་གསང་གསུམ་ལ༔ གུས་པས་བསྙེན་བཀུར་བགྱིས་པ་ཡིས༔ བདག་ཅག་ཉོན་མོངས་དག་གྱུར་ཅིག༔ ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱའ་ཀ་ཙིཏྟ་ཨ་བྷི་ཥེ་ཀ་ཏེ་ས་མ་ཡ་ཤྲི་ཡེ་ཧཱུྃ༔ ཇི་ལྟར་བཅོམ་ལྡན་བལྟམས་པའི་ཚེ༔ ལྷ་རྣམས་བདུད་རྩིས་ཁྲུས་གསོལ་ལྟར༔ ཡེ་ཤེས་དག་པའི་ཆུ་རྒྱུན་གྱིས༔ དེང་འདིར་བདག་གིས་སྐུ་ཁྲུས་གསོལ༔ ཨོཾ་སརྦ་ཏ་ཐཱ་ག་ཏ་ཛྙཱ་ན་ཨ་མྲྀ་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུྃ༔ རྒྱལ་བ་རྣམས་ཀྱི་རྟེན་མཆོག་ལ༔ གཙང་ཞིང་བཀྲུ་བ་མི་མངའ་ཡང་༔ བདག་ཅག་སྒོ་གསུམ་སྒྲིབ་སྦྱང་ཕྱིར༔ རྡོ་རྗེ་བདུད་རྩིས་ཁྲུས་གསོལ་ལོ༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ དྲི་བཟང་སྦག་ཅིང་ཡིག་འབྲུ་ལྔ་བྲིས་པས་ཕྱི་ཞིང༌། གཙང་ཞིང་མཛེས་པ་ལྷ་ཡི་གོས༔ བཟང་པོའི་དྲི་དང་ལྡན་པ་འདིས༔ རྒྱལ་བའི་རྟེན་མཆོག་ཕྱིས་པ་ཡིས༔ བདག་ཅག་སྒྲིབ་གཉིས་དག་གྱུར་ཅིག༔ ཨོཾ་ཧཱུྃ་ཏྲཱྃ་ཧྲཱིཿཨཱཿཛྙཱ་ན་ཀཱ་ཡ་བི་ཤོ་དྷ་ན་ཡེ་སྭཱ་ཧཱ༔ ཨོཾ༔ ཕུན་སུམ་ཚོགས་པ་སོགས་ཀྱི་ཤིས་བརྗོད་བྱ། འདི་སྐབས་རབ་གནས་བསྡུས་པ་བྱེད་ན། ཨོཾ་མ་ཧཱ་ཤཱུ་ནྱ་ཏཱ་སོགས། སྟོང་པའི་ངང་ལས་སྐད་ཅིག་གིས༔ ལྷ་སྐུའི་ཕྱག་རྒྱའི་རྣམ་པ་ཀུན༔ སེང་གེས་བཏེགས་པའི་རིན་ཆེན་ཁྲི༔ སྣ་ཚོགས་པད་ཉི་ཟླ་བའི་སྟེང་༔ ཨོཾ་ལས་འཁོར་ལོ་ཨོཾ་གྱིས་མཚན༔ དེ་ལས་འཕྲོས་པའི་འོད་ཟེར་གྱིས༔ ཕྱོགས་དུས་རྒྱལ་བ་སྲས་བཅས་ཀུན༔ སྐུུ་ཡི་རྡོ་རྗེའི་ལྷ་ཚོགས་ཀྱི༔ རྣམ་པར་སྤྱན་དྲངས་དབྱེར་མེད་ཐིམ༔ དེ་ཉིད་ཡོངས་གྱུར་སྐད་ཅིག་གིས༔ རྣམ་པར་སྣང་མཛད་བཅོམ་ལྡན་འདས༔ དཀར་གསལ་འཁོར་ལོ་དྲིལ་བུ་འཛིན༔ རང་འོད་སྙེམས་མ་ཡུམ་དང་སྦྱོར༔ གསུང་རྟེན་རིག་པ་གླེགས་བམ་ཀུན༔ རྨ་བྱས་བཏེགས་པའི་རིན་ཆེན་ཁྲི༔ སྣ་ཚོགས་པད་ཉི་ཟླ་བའི་སྟེང་༔ ཧྲཱིཿལས་པདྨ་ཧྲཱིཿཡིས་མཚན༔ དེ་ལས་འཕྲོས་པའི་འོད་ཟེར་གྱིས༔ ཕྱོགས་དུས་རྒྱལ་བ་སྲས་བཅས་ཀུན༔ གསུང་གི་རྡོ་རྗེའི་ལྷ་ཚོགས་ཀྱི༔ རྣམ་པར་སྤྱན་དྲངས་དབྱེར་མེད་ཐིམ༔ དེ་ཉིད་ཡོངས་གྱུར་སྐད་ཅིག་གིས༔ སྣང་བ་མཐའ་ཡས་བཅོམ་ལྡན་འདས༔ དཀར་དམར་པདྨ་དྲིལ་བུ་འཛིན༔ རང་འོད་གོས་དཀར་ཡུམ་དང་སྦྱོར༔ ཐུགས་རྟེན་ཕྱག་མཚན་མཆོད་རྟེན་སོགས༔ གླང་པོས་བཏེགས་པའི་རིན་ཆེན་ཁྲི༔ སྣ་ཚོགས་པད་ཉི་ཟླ་བའི་སྟེང་༔ ཧཱུྃ་ལས་རྡོ་རྗེ་ཧཱུྃ་གིས་མཚན༔ དེ་ལས་འཕྲོས་པའི་འོད་ཟེར་གྱིས༔ ཕྱོགས་དུས་རྒྱལ་བ་སྲས་བཅས་ཀུན༔ ཐུགས་ཀྱི་རྡོ་རྗེའི་ལྷ་ཚོགས་ཀྱི༔ རྣམ་པར་སྤྱན་དྲངས་དབྱེར་མེད་ཐིམ༔ དེ་ཉིད་ཡོངས་གྱུར་སྐད་ཅིག་གིས༔ མི་བསྐྱོད་རྡོ་རྗེ་བཅོམ་ལྡན་འདས༔ མཐིང་གསལ་རྡོ་རྗེ་དྲིལ་བུ་འཛིན༔ རང་འོད་དབྱིངས་ཕྱུག་ཡུམ་དང་སྦྱོར༔ ཀུན་ཀྱང་དར་དང་རིན་ཆེན་བརྒྱན༔ རྡོ་རྗེ་པདྨའི་སྐྱིལ་ཀྲུང་གིས༔ སྣང་སྟོང་འོད་ལྔའི་ཀློང་ན་བཞུགས༔ གནས་གསུམ་ཨོཾ་ཨཱ༔ཧཱུྃ་གིས་མཚན༔ རྡོ་རྗེ་གསུམ་གྱི་ངོ་བོ་རུ༔ གདོད་ནས་དག་ཅིང་ལྷུན་གྱིས་གྲུབ༔ ལངས་ལ་སྤོས་བསྲེག །ཐུགས་ཀའི་ཧཱུྃ་ལས་འོདའཕྲོས་པས༔ ཕྱོགས་བཅུ་དུས་བཞིར་བཞུགས་པ་ཡི༔ རྩ་གསུམ་རྒྱལ་བ་རབ་འབྱམས་ལྷ༔ ནམ་མཁའ་གང་བར་སྦྱན་དྲངས་བསམ༔ ཨོཾ༔ རང་བཞིན་ཆོས་སྐུའི་ངང་ཉིད་ལསཿ རྣམ་རོལ་མ་འགགས་ཅིར་ཡང་འཆར༔ བདེ་གཤེགས་པདྨ་རྡོ་རྗེ་རིགས༔ མ་ལུས་ལུས་པ་མེད་པ་དང་༔ རྩ་གསུམ་རྒྱལ་བ་རབ་འབྱམས་ཀུན༔ དོན་དམ་གཤེགས་བཞུད་ལས་འདས་ཀྱང་༔ ཀུན་རྫོབ་སྒྱུ་འཕྲུལ་དྲྭ་བའི་ཚུལ༔ གནས་འདིར་མྱུར་དུ་གཤེགས་སུ་གསོལ༔ དམ་ཚིག་ཕྱག་རྒྱའི་རྟེན་མཆོག་ཀུན༔ ཡེ་ཤེས་ཆེན་པོར་བྱིན་གྱིས་རློབས༔ དབྱེར་མེད་ལྷག་པར་གནས་པ་ཡིས༔ འགྲོ་འདུལ་ཕྲིན་ལས་མཐར་ཕྱིན་མཛོད༔ ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱ་ཀ་ཙིཏྟ་ཛྙཱ་ན་བཛྲ་ས་པ་རི་བཱ་ར་ཨེ་ཧྱེ་ཧི༔ ཞེས་རོལ་མོ་རྒྱ་ཆེར་བྱ། རཏྣ་པདྨ་སཱུརྱ་ཙནྡྲ་ཨཱ་ས་ན་ཏིཥྛ་ལྷན༔ བཞུགས་སུ་གསོལ། ཛ༔ཧཱུྃ་བྃ་ཧོ༔ ཕྱག་རྒྱ་དང་བཅས་པས་བསྟིམ། རྟེན་རྣམས་ཀྱི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་མཐིང་ག །དེའི་འོད་ཟེར་གྱིས་རྡོ་རྗེ་གསུམ་གྱི་ལྷ་ཚོགས་སྤྱནཱ་དྲངས་ནས་ཡིག་འབྲུ་གསུམ་ལ་ཐིམ་པས་དེ་བཞིན་གཤེགས་པ་རྣམས་ཀྱི་སྐུ་གསུང་ཐུགས་དང་དབྱེར་མེད་དུ་གྱུར་པར་བསམས་ལ། རྡོ་རྗེའི་ཕྱག་རྒྱ་གནས་གསུམ་དུུ་རེག་པའམ། མེ་ལོང་དུ་ཤར་བའི་གཟུགས་ལ་རེག་ཅིང༌། ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ༔ དེ་ཞིན་དུ། ཝཱ་ཀ །ཙིཏྟ་སོགས་ཀྱི་རྒྱས་གདབ༔ དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ལྔའི་ཆུ་རྒྱུན་གྱིས་དབང་བསྐུར་བར་གྱུར། ཨོཾ་ཧཱུྃ་ཏྲཱྃ་ཧྲཱིཿཨཱ༔ ཞེས་དབང་བསྐུར་རོ། །ཨོཾ་བཛྲ་ཨརྒྷཾ་སོགས་ནས། ཤཔྡ་ཨཱཿཧཱུྃ། ཞེས་མཆོད། གསེར་གྱི་ཐུར་མའམ་རྡོ་རྗེ་ཐོགས་ལ། ཧོ༔ སངས་རྒྱས་རྣམས་ཀྱི་ཡེ་ཤེས་སྤྱན༔ སྒྲིབ་པའི་དྲི་མ་ཀུན་བྲལ་ཡང་༔ སེམས་ཅན་དོན་དུ་རབ་དབྱེ་བས༔ འགྲོ་ཀུན་ཡེ་ཤེས་སྤྱན་ལྡན་ཤོག༔ ཨོཾ་སརྦ་ཏ་ཐཱ་ག་ཏ་ཛྙཱ་ན་ཙཀྵུཿཔྲ་བེ་ཤ་ཡ་ཕཊ༔ ཡེ་ཤེས་སྤྱན་གྱིས་སེམས་ཅན་ཐམས་ཅད་ལ་གཟིགས་པར་གྱུར་ཅིག །ཨོཾ༔ སངས་རྒྱས་རྣམས་ཀྱི་ཡེ་ཤེས་སྐུ༔ འཕོ་འགྱུར་མཚན་མ་ལས་འདས་ཀྱང་༔ གདུལ་བྱའི་བསམ་པ་ཇི་བཞིན་དུ༔ གང་འདུལ་གཟུགས་སུ་སྣང་མཛད་གསོལ༔ ཨོཾ་ཨཱཿཧཱུྃ་སྭཱ་ཧཱ༔ ཞེས་རྡོ་རྗེས་རེག་ཅིང༌། ལྷ་ཐམས་ཅད་སོ་སོའི་རྟེན་གྱི་རྣམ་པ་ཇི་ལྟ་བ་བཞིན་དུ་གྱུར་པར་བསམ། ཇི་སྙེད་སུ་དག་སོགས་ཀྱིས་ཡན་ལག་བདུན་པ་འབུལ། རྟེན་འབྲེལ་སྙིང་པོས་བྱིན་གྱིས་བརླབས་བའི་མེ་ཏོག་འཐོར་ཞིང༌། ཨོཾ༔ མི་འགྱུར་ཡེ་ཤེས་ཐུགས་རྗེའི་ལྷ༔ དམིགས་མེད་ཡེ་ཤེས་རྡོ་རྗེའི་སྐུ༔ བདག་དོན་རྟེན་འདི་གནས་ཀྱི་བར༔ ཡེ་ཤེས་བརྟན་པར་བཞུགས་པ་དང་༔ གཞན་དོན་ཡེ་ཤེས་ཇི་སྲིད་བར༔ དམ་ཚིག་ཡེ་ཤེས་གཉིས་མེད་པའི༔ ཕྱག་རྒྱའི་ཡེ་ཤེས་ལ་བརྟེན་ནས༔ འགྲོ་ཀུན་ཡེ་ཤེས་དབྱིངས་སུ་སྦྱོར༔ དངོས་གྲུབ་ཡེ་ཤེས་རྒྱས་པ་དང་༔ ལྷུན་གྲུབ་ཡེ་ཤེས་འཆར་མཛད་གསོལ༔ རྟེན་འབྲེལ་སྙིང་པོ་བཟླས་ཤིང་བཀྲ་ཤིས་བརྗོད་ཅིང་རོལ་མོ་བྱའོ། །གསུམ་པ་སྣོད་བཅུད་སྤྱི་ལ་ཁྲུས་བྱ་བ་ནི། དེ་བཞིན་གཤེགས་པ་སྲས་དང་བཅས་པ་ནམ་མཁའ་གང་བས་བཀྲ་ཤིས་པའི་རྣམ་པ་དུ་མ་དང་ལྡན་པས་སྣོད་བཅུད་ཐམས་ཅད་ལ་ཁྲུས་མཛད་པས་དག་པ་རྡོ་རྗེའི་ཞིང་ཁམས་སུ་གྱུར་པར་བསམས་ལ། ཧཱུྃ༔ བདུད་རྩིའི་ཆུ་བོ་ཁྲུས་ཀྱི་རྫིང་༔ མེ་ལོང་ཡེ་ཤེས་རང་བཞིན་གྱིས༔ ཉོན་མོངས་ཞེ་སྡང་ལས་གྱུར་པའི༔ མི་མཐུན་ཕྱོགས་ཀུན་ཞི་གྱུར་ཅིག༔ རྩ་སྔགས་དང༌། ཉོན་མོངས་པ་ཞེ་སྡང་ལས་གྱུར་པའི་བརྟན་གཡོའི་རྟེན་འབྲེལ་ལོག་པའི་རྒུད་པ་ཐམས་ཅད་ཤཱིནྟཾ་ཀུ་རུ་སྭཱ་ཧཱ༔ ཧཱུྃ༔ བདུད་རྩིའི་ཆུ་བོ་ཁྲུས་ཀྱི་རྫིང་༔ ཆོས་དབྱིངས་ཡེ་ཤེས་རང་བཞིན་གྱིས༔ ཉོན་མོངས་གཏི་མུག་ལས་གྱུར་པའི༔ མི་མཐུན་ཕྱོགས་ཀུན་ཞི་གྱུར་ཅིག༔ རྩ་སྔགས་དང༌། ཉོན་མོངས་པ་གཏི་མུག་ལས་གྱུར་པའི་བརྟན་གཡོའི་རྟེན་འབྲེལ་ལོག་པའི་རྒུད་པ་ཐམས་ཅད་ཤཱིནྟཾ་ཀུ་རུ་སྭཱ་ཧཱ༔ ཧཱུྃ༔ བདུད་རྩིའི་ཆུ་བོ་ཁྲུས་ཀྱི་རྫིང་༔ མཉམ་ཉིད་ཡེ་ཤེས་རང་བཞིན་གྱིས༔ ཉོན་མོངས་ང་རྒྱལ་ལས་གྱུར་པའི༔ མི་མཐུན་ཕྱོགས་ཀུན་ཞི་གྱུར་ཅིག༔ རྩ་སྔགས་དང༌། ཉོན་མོངས་པ་ང་རྒྱལ་ལས་གྱུར་པའི་བརྟན་གཡོའི་རྟེན་འབྲེལ་ལོག་པའི་རྒུད་པ་ཐམས་ཅད་ཤཱིནྟཾ་ཀུ་རུ་སྭཱ་ཧཱ༔ ཧཱུྃ༔ བདུད་རྩིའི་ཆུ་བོ་ཁྲུས་ཀྱི་རྫིང་༔ སོར་རྟོག་ཡེ་ཤེས་རང་བཞིན་གྱིས༔ ཉོན་མོངས་འདོད་ཆགས་ལས་གྱུར་པའི༔ མི་མཐུན་ཕྱོགས་ཀུན་ཞི་གྱུར་ཅིག༔ རྩ་སྔགས་དང༌། ཉོན་མོངས་པ་འདོད་ཆགས་ལས་གྱུར་པའི་བརྟན་གཡོའི་རྟེན་འབྲེལ་ལོག་པའི་རྒུད་པ་ཐམས་ཅད་ཤཱིནྟཾ་ཀུ་རུ་སྭཱ་ཧཱ༔ ཧཱུྃ༔ བདུད་རྩིའི་ཆུ་བོ་ཁྲུས་ཀྱི་རྫིང་༔ བྱ་གྲུབ་ཡེཤེས་རང་བཞིན་གྱིས༔ ཉོན་མོངས་ཕྲག་དོག་ལས་གྱུར་པའི༔ མི་མཐུན་ཕྱོགས་ཀུན་ཞི་གྱུར་ཅིག༔ རྩ་སྔགས་དང༌། ཉོན་མོངས་པ་ཕྲག་དོག་ལས་གྱུར་པའི་བརྟན་གཡོའི་རྟེན་འབྲེལ་ལོག་པའི་རྒུད་པ་ཐམས་ཅད་ཤཱིནྟཾ་ཀུ་རུ་སྭཱ་ཧཱ༔ ཧཱུྃ༔ རང་བྱུང་ཡེ་ཤེས་བདུད་རྩིའི་ཆུས༔ བརྟན་གཡོའི་རྒུད་པ་ཀུན་སྦྱངས་ནས༔ ཀློང་ལྔའི་དབྱིངས་ལས་རིག་པའི་གདངས༔ རྟག་ཏུ་བཀྲ་ཤིས་འཕེལ་གྱུར་ཅིག༔ རྩ་སྔགས་དང་རྟེན་འབྲེལ་སྙིང་པོ་བརྗོད་ཅིང་བཀྲུའོ། །བཞི་པ་གང་ཟག་བྱེ་བྲག་ལ་ཁྲུས་བྱེད་ན། བསྒྲུབ་བྱ་གོང་ལྟར་བགེགས་དང་ཕྲལ་ནས། སློབ་དཔོན་རྡོ་རྗེ་སེམས་དཔར་གསལ་བའི་ཕྱག་གི་བུམ་པས་ཁྲུས་བྱས་པས་བསྒྲུབ་བྱའི་སྒོ་གསུམ་གྱི་ནད་གདོན་སྡིག་སྒྲིབ་ཐམས་ཅད་དག་ནས་ལུས་ཤེལ་སྒོང་ལྟར་དག་ཅིང་དྲི་མ་མེད་པར་གྱུར་པར་བསམས་ལ། ཧཱུྃ༔ བདུད་ལས་རྣམ་རྒྱལ་བྱང་ཆུབ་ཆུས༔ དེང་འདིར་ཁྱོད་ལ་ཁྲུས་བགྱིས་པས༔ རྣམ་རྟོག་དྲི་མ་ཀུན་བྱང་སྟེ༔ མི་མཐུན་ཕྱོགས་རྣམས་ཞི་གྱུར་ཅིག༔ རྩ་སྔགས་དང༌། སྡིག་སྒྲིབ་ཐམས་ཅད་ཤཱིནྟཾ་ཀུ་རུ་སྭཱ་ཧཱ༔ ནད་རིམས་ཐམས་ཅད་ཤཱིནྟཾ་ཀུ་རུ་སྭཱ་ཧཱ༔ གདོན་བགེགས་ཐམས་ཅད་ཤཱིནྟཾ་ཀུ་རུ་སྭཱ་ཧཱ༔ དུས་མ་ཡིན་པའི་འཆི་བ་ཐམས་ཅད་ཤཱིནྟཾ་ཀུ་རུ་སྭཱ་ཧཱ༔ རྨི་ལྟས་མཚན་མ་ངན་པ་ཐམས་ཅད་ཤཱིནྟཾ་ཀུ་རུ་སྭཱ་ཧཱ༔ གྲིབ་དང་མི་གཙང་བ་ཐམས་ཅད་ཤཱིནྟཾ་ཀུ་རུ་སྭཱ་ཧཱ༔ བྱད་ཕུར་རྦོད་གཏོང་ཐམས་ཅད་ཤཱིནྟཾ་ཀུ་རུ་སྭཱ་ཧཱ༔ མི་མཐུན་པའི་ཕྱོགས་ཐམས་ཅད་ཤཱིནྟཾ་ཀུ་རུ་སྭཱ་ཧཱ༔ བྱབ་པ་ནི། རྨ་བྱའམ་ཀུ་ཤིའི་སྒྲོ་གཡབ་ཀྱི་དབུས་སུ་ཟླ་བ་ལ་གནས་པའི་ཧཱུྃ་ལ་གཟུངས་སྔགས་རྣམས་ཀྱིས་བསྐོར་བ་ལས་འོད་དང་རླུང་བྱུང་བས་བསྒྲུབ་བྱའི་སྒོ་གསུམ་གྱི་ནད་གདོན་ཐམས་ཅད་དུ་བ་རླུང་གིས་བདས་པ་ལྟར་ཁྲུས་ཆུ་ལ་ཤར་བའི་གཟུགས་ལ་སྤོ་བའི་ཚུལ་དུ་ཐིམ་པར་གྱུར་པར་བསམ། ཧཱུྃ༔ དཀོན་མཆོག་གསུམ་གྱི་བདེན་པ་དང་༔ རྩ་བ་གསུམ་གྱི་བྱིན་རླབས་ཀྱིས༔ བསྒྲུབ་བྱའི་ནད་གདོན་སྡིག་སྒྲིབ་དང་༔ གྲིབ་དང་མི་གཙང་དུས་མིན་འཆི༔ བྱད་ཕུར་རྦོད་གཏོང་ལ་སོགས་པ༔ མི་མཐུན་ཕྱོགས་ཀུན་དག་གྱུར་ཅིག༔ ཉི་ཟླ་གཟའ་ལས་གྲོལ་བ་བཞིན༔ ཞི་དང་བཀྲ་ཤིས་བདེ་ལེགས་ཤོག༔ རྩ་སྔགས་དང༌། སྡིག་པ་དང་སྒྲིབ་པ་ཐམས་ཅད་ཨ་པ་ན་ཡ་སྭཱ་ཧཱ༔ ནད་རིམས་ཐམས་ཅད་ཨ་པ་ན་ཡ་སྭཱ་ཧཱ༔ གདོན་བགེགས་ཐམས་ཅད་ཨ་པ་ན་ཡ་སྭཱ་ཧཱ༔ དུས་མ་ཡིན་པའི་འཆི་བ་ཐམས་ཅད་ཨ་པ་ན་ཡ་སྭཱ་ཧཱ༔ རྨི་ལྟས་མཚན་མ་ངན་པ་ཐམས་ཅད་ཨ་པ་ན་ཡ་སྭཱ་ཧཱ༔ གྲིབ་དང་མི་གཙང་བ་ཐམས་ཅད་ཨ་པ་ན་ཡ་སྭཱ་ཧཱ༔ བྱད་ཕུར་རྦོད་གཏོང་ཐམས་ཅད་ཨ་པ་ན་ཡ་སྭཱ་ཧཱ༔ མི་མཐུན་པའི་ཕྱོགས་ཐམས་ཅད་ཨ་པ་ན་ཡ་སྭཱ་ཧཱ༔ ཞེས་བཏགས་པས་བྱབ་བོ། །སྲུང་བ་བྱ་བ་ནི། ཕྱག་མཚན་རྡོ་རྗེ་ལས་རྡོ་རྗེ་གྲངས་མེད་པ་འཕྲོས། ལུས་ཕྱི་ནང་ཐམས་ཅད་རྡོ་རྗེའི་རྡུལ་ཕྲ་རབ་ཀྱིས་གཏམས་པས་ཅིས་ཀྱང་མི་ཚུགས་པའི་རང་བཞིན་དུ་གྱུར་པར་བསམ་མོ། ཧཱུྃ༔ མ་སྐྱེས་འཇིག་པ་མེད་པ་ཡིས༔ ལུས་ངག་ཡིད་ལ་རྒྱས་གདབ་པས༔ མི་མཐུན་ཕྱོགས་ཀུན་སྲུང་གྱུར་ཅིག༔ རྩ་སྔགས་དང༌། སྡིག་པ་དང་སྒྲིབ་པ་ཐམས་ཅད་རཀྵ་རཀྵ་སྭཱ་ཧཱ༔ ནད་རིམས་ཐམས་ཅད་རཀྵ་རཀྵ་སྭཱ་ཧཱ༔ གདོན་བགེགས་ཐམས་ཅད་རཀྵ་རཀྵ་སྭཱ་ཧྭ༔ དུས་མ་ཡིན་པའི་འཆི་བ་ཐམས་ཅད་རཀྵ་རཀྵ་སྭཱ་ཧཱ༔ རྨི་ལྟས་མཚན་མ་ངན་པ་ཐམས་ཅད་རཀྵ་རཀྵ་སྭཱ་ཧཱ༔ གྲིབ་དང་མི་གཙང་བ་ཐམས་ཅད་རཀྵ་རཀྵ་སྭཱ་ཧཱ༔ བྱད་ཕུར་རྦོད་གཏོང་ཐམས་ཅད་རཀྵ་རཀྵ་སྭཱ་ཧཱ༔ མི་མཐུན་པའི་ཕྱོགས་ཐམས་ཅད་རཀྵ་རཀྵ་སྭཱ་ཧཱ༔ ཞེས་གནས་གསུམ་དུ་རྡོ་རྗེ་རྒྱ་གྲམ་དུ་གཏུག་གོ། །གསུམ་པ་རྗེས་ཀྱི་བྱ་བ་བདེན་སྟོབས་ཤིས་པ་བརྗོད་པ་ནི། ཁྲུས་གང་ཡིན་ཚར་བའི་རྗེས་སུ། ནམ་མཁའ་མེད་པར་གྱུར་ན་ཡང་༔ སྔགས་ཀྱི་དངོས་གྲུབ་མེད་མི་འགྱུར༔ ལྷ་དང་དྲང་སྲོང་གིས་བཤད་པའི༔ རིག་སྔགས་བསླུ་བར་མི་འགྱུར་ན༔ འདོད་ཆགས་བྲལ་བས་བྱས་པ་ཡི༔ གསང་སྔགས་སྦྱོར་བས་བསླུ་བ་ནི༔ མ་བྱུང་འབྱུང་བར་མི་འགྱུར་རོ༔ སྔགས་དང་རྟེན་འབྲེལ་མི་བསླུ་ཞིང་༔ ཏིང་འཛིན་ནུས་པ་བསམ་མི་ཁྱབ༔ དཀོན་མཆོག་གསུམ་དང་རྩ་གསུམ་གྱི༔ བདེན་པ་ཆེན་པོའི་མཐུ་སྟོབས་ཀྱིས༔ བྱད་ཕུར་རྦོད་གཏོང་སྦྱོར་བ་ལས༔ དེང་ནས་རྟག་ཏུ་རྒྱལ་གྱུར་ཅིག༔ ཛ་ཡ་ཛ་ཡ་སུ་ཛ་ཡ༔ གང་སེར་མའམ། ཨོཾ། སྟོན་མཆོག་དམ་པ་སོགས་ཞལ་ནས་གསུངས་པའི་ཤིས་པ་བརྗོད་དོ། །བུམ་པའི་ལྷ་ནི་འོད་ཞུ་སྔར་ནས་ཚར་བས་འཐུས་ལ། བདག་བསྐྱེད་ནི་བསྡུ་བ་སོགས་དམིགས་བསལ་མི་དགོས་རྫོགས་རིམ་ངང་ལ་བཞག་ནས་དགེ་བ་བསྔོའོ། །བཞི་པ་འཕྲོས་དོན་ནི། བུམ་པའི་ནང་དུ་ཆུ་གཙང་ཙམ་བཤམ། མཆོད་པ་སོགས་མ་འབྱོར་ན་ལྷ་བསྐྱེད་བཟླས་ཙམ་ལས་སྤྱན་དྲངས་མཆོད་བསྟོད་མ་བྱས་ཀྱང་ཆོག །ལྷ་བསྐྱེད་པ་མ་གྲུབ་ཀྱང་ཆུ་གཙང་ལ་སྔགས་བཟླས་བྱིན་གྱིས་བརླབ་པའམ། ཐོག་མ་ཉིད་ནས་ཁྲུས་བྱེད་ཅིང་གཟུངས་སྔགས་བཟླས་ན་ཡང་གཟུངས་སྔགས་ཀྱི་ནུས་པ་བསམ་གྱིས་མི་ཁྱབ་པས་དོན་འགྲུབ་པ་ཡིན་ནོ། །ལྷ་དང་སྙིང་པོ་འོད་དཀར་ཅན། །ཐབས་ཀྱི་བདུད་རྩི་སྦྱིན་པ་དེས། །རྒུད་པའི་གདུང་བ་ཀུན་བསལ་ནས། །ཕན་བདེའི་ཀུ་མུད་རྒྱས་བྱེད་ཤོག །ཅེས་པ་གཏེར་གཞུང་ལས་ཁོལ་དུ་ཕྱུངས་ཏེ་མན་ངག་གིས་གསལ་བར་བྱས་ནས་མཆོག་གྱུར་གླིང་པས་བཀོད་བའོ།། །།

[edit]

@#/__/bla ma'i thugs sgrub bar chad kun sel gyi cha lag khrus kyi cho ga zla ba'i bdud rtsi zhes bya ba bzhugs so// @#/__/bla ma'i thugs sgrub bar chad kun sel gyi cha lag khrus kyi cho ga zla ba'i bdud rtsi zhes bya ba/__gang zhig srid pa'i mun pa 'joms/__/phan dang bde ba'i bdud rtsi sbyin/__/bla ma lha la gus btud nas/__/khrus kyi cho ga bshad par bya/__/de la bzhi/__sngon 'gro dngos gzhi/__rjes kyi bya ba/__'phros don no/__/sngon 'gro la gsum/__sbyor ba/__bdag gi rnal 'byor/__bum pa sgrub pa'o/__/dang po ni/__bum pa rgyun bab kyi chus bkang la rdzas nyer lnga btab/__mgul chings/__dung zhal dri bzang gi chus bkang ba'i steng rdo rje gzungs thag gis spras pa stegs kyi khar bsham/__/kha rgyan de'i nye logs su bzhag__/mchod pa sna bdun gyis bskor ba/__na moH__bla ma yi dam mkha' 'gro ma:__mchog gsum rgyal ba rgya mtsho la:__bdag sogs 'gro kun byang chub b.raH__rtse gcig gus pas skyabs su mchi:__ho:__mar gyur sems can thams cad kun:__sangs rgyas go 'phang 'thob bya'i phyir:__nyes spyod kun sdom dge chos sdud:__gzhan phan byang sems rtag tu bskyed:__mchod pa rnams swa b+hA bas sbyang*/__b+h+yo bi shwa sogs nam mkha' mdzod kyi sngags rgyas kun bzang mchod sprin du spel/__gnyis pa/__a:__rdo rje sems dpa' nam mkha' che:__bzung bas mi zin chu zla 'dra:__kun tu bzang po'i rol pa las:__thabs shes zung 'jug rtsa ba'i lha:__sems dpa' dkar po rdor dril bsnams:__rang 'od yum 'khyud bde stong sbyor:__dar dang rin chen rgyan gyis brgyan:__ma bcos lhug pa'i ngang du gsal:__oM badz+ra sa twa AH__zhes cung zad bzla/__gsum pa bum pa bsgrub pa ni/__oM ma hA shU n+ya tA sogs/__stong pa'i ngang las pad+ma zla ba'i steng :__b+h+rU~M gyi yi ge yongs gyur skad cig gis:__mtshan nyid yongs rdzogs rin chen bum pa ni:__bdud rtsi'i chu yis yongs su gang ba'i dbus:__paM las pad+ma'i sdong po'i ge sar la:__hU~M las las sgrib kun sbyong rdo rje sems:__sku mdog dkar gsal rdo rje dril bu 'dzin:__dar dang rin chen rgyan ldan skyil krung bzhugs:__phyogs bzhir pad+ma 'dab bzhi'i gdan steng du:__shar du ngan song kun 'dren gsang ba'i bdag:__dkar po zhi tshul rdo rje dril bu 'dzin:__lho ru dam grib kun sel sme ba brtsegs:__dud kha phyag gnyis thugs kar sdigs mdzub mdzad:__nub tu rig sngags kun rgyal rnam par 'joms:__mthing gsal khro 'dzum rdo rje dril bu 'dzin:__byang du las kun bdag po bdud rtsi 'khyil:__ljang sngon sna tshogs rdo rje dril bu 'dzin:__kun kyang rang rang rgyan rdzogs 'dor stabs bzhengs:__gnas gsum 'bru gsum mtshan pa'i 'od zer gyis:__ye shes lha tshogs spyan drangs dbyer med gyur:__oM:__ngo bo chos sku spros dang bral ba'i dbyings:__gshegs dang bzhugs pa'i mtshan ma mi dmigs kyang :__rang bzhin thugs rjes gzugs kyi skur bzhengs pa:__bcom ldan dkyil 'khor lha tshogs gshegs su gsol:__oM sarba ta thA ga ta e h+ye hi:__dzaHhU~M ba~M ho:__pad+ma ka ma lA ya staM:__slar yang 'od 'phros dbang lha spyan drangs nas:__bkra shis glu len me tog char 'bebs bzhin:__'chi med bdud rtsi'i rgyun gyis dbang bskur bas:__so so'i rigs kyi bdag pos dbur brgyan bsam:__oM sarba ta thA ga ta a b+hi She sogs/__hU~M:__mchod pa'i phyag rgya chen po ni:__sems kyi yid bzhin sprin tshogs las:__nyer spyod 'dod yon bsam mi khyab:__bde ba chen po'i rgyan tu rol:__oM badz+ra ar+g+haM sogs nas/__shap+da pra tIts+tsha swA hA:__hU~M:__sgrib med rol pa'i sku gsung thugs:__sems cad khams la rjes brtse bas:__gang 'dul 'gro ba'i don mdzad pa'i:__mgon po khyod la bdag phyag 'tshal:__gzungs thag la 'jus te/__rang gi thugs nas 'od zer 'phros:__gzungs thag la 'khril bum nang song :__bum lha'i sku las bdud rtsi'i rgyun:__bab pas bum pa yongs gang gyur:__oM badz+ra sa twa sa mA ya ma nu pA la ya/__badz+ra sa twa twe no pa tiSh+Tha/__dr-i D+ho me b+ha wa/__su toSh+yo me b+ha wa/__su poSh+yo me b+ha wa/__a nu rak+to me b+ha wa/__sarba sid+d+him+me pra yats+tsha/__sarba karma su tsa me/__tsit+taM shre ya ku ru hU~M/__ha ha ha ha ho:__b+ha ga wAn sarba ta thA ga ta/__badz+ra ma me muny+tsa badz+rI b+ha wa/__ma hA sa ma ya sa twa AH___bsdu na/__oM badz+ra sa twa AH__oM badz+ra pA Ni s+pho _Ta ya:__sarba a pA ya b+han+d+ha ni pra mo k+Sha ya:__sarba a pa ya ga ti b+h+ya:__sarba sa twa nAM ta thA ga ta badz+ra sa ma ya tra Ta:__bsdu na/__oM badz+ra pA Ni hU~M:__oM b+hur kur ma hA pra Na ya:__b+hur tsi b+hur ki bi ma le u tsuSh+ma kro d+hA rA dza hU~M phaT:__na mash+tsaN+Da badz+ra kro d+ha ya hu lu hu lu tiSh+Tha tiSh+Tha b+han+d+ha b+han+d+ha ha na ha na a mr-i te hU~M phaT:__oM badz+ra a mr-i ta kuN+Da lI ha na ha na hU~M phaT:__zhes pa rnams gang nus bzla/__lha 'di rnams rdo rje'i rigs yin pas rdo rje'i rigs rnams kyi rgyud do cog gi rtsa ba rnam 'joms kyi rgyud kyang nges par bklag go/__/de nas dung chu me tog bcas phul la/__oM AHhU~M:__lha rnams 'od du zhu+u bas bum chu dang ro gcig tu 'dres pas dngos po gang la 'thor bas nyes pa thams cad sbyong ba'i bdud rtsir gyur par bsam/__gnyis pa dngos gzhi la bzhi/__bgegs sbyangs ba/__rten la khrus bya ba/__snong bcud spyi la khrus bya ba dang*/__gang zag bye brag la khrus bya'o/__/dang po ni/__gtor ma rnams/__swa b+hA bas sbyang*/__oM A hU~M gis 'dod yon du byin gyis brlab/__gtor ma g.yas su bskor zhing*/__sarba b-ig+h+nAn na maHsogs daM ba liM de swA hA:__zhes zhi bas sbyang*/__chang bu ting lo g.yon du bskor la/__oM sum+b+ha sogs/__hU~M bzhi brjod pas zhi drag phyed mas sbyong ba'o/__/badz+ra ma hA shrI he ru ko\u0f85 haM:__rang nyid khro bo zhe sdang rdo rje mthing nag rdo rje dang dril bu 'dzin pa'i skur gyur/__hU~M mdzad kyi phyag rgya bcas/__na mo/__dkon mchog gsum la phyag 'tshal lo/__dkon mchog gsum gyi bka' bden pa dang*/__chos nyid rnam par dag pa'i bden pa dang*/__chos can rgyu 'bras bslu ba med pa'i bden pa dang*/__rtsa brgyud bla ma yi dam lha tshogs rnams kyi bden pa dang*/__bden pa chen po'i byin rlabs kyis deng 'dir mi mthun pa'i phyogs sbyang zhing legs pa'i tshogs spel ba la bar du gcod pa'i 'byung po thams cad gtor ma 'dis tshims par gyis la gzhan du 'gro bar gyis/__gang dag mi 'gro ba thams cad de bzhin gshegs pa thams cad kyi thugs dang gnyis su med pa'i ye shes kyi rdo rje rab tu 'bar zhing 'bar bas mgo bo tshal pa brgyar 'gas par gyur cig__/ces gtor ma rgyang ring du dor zhing yungs kar gyis brab/__gu gul gyis bdug__/drag sngags rol mo tsham rngams dang bcas pas phyir bskrad/__hU~M hU~M hU~M badz+ra rak+Sha rak+Sha b+h+rU~M:__zhes srung ba'i 'khor lo bsgom mo/__/dang po rten la khrus byed na/__rten rnams me long ngos su 'char bar byas nas/__khrus kyi khang pa shin tu dri zhim pa/__/shel gyi sa gzhi gsal zhing 'tsher ba bstar/__/rin chen 'bar ba'i ka ba yid 'ong ldan/__/mu tig 'od chags bla bre bres pa der/__/de bzhin gshegs pa rnams dang de sras la/__/rin chen bum pa mang po spos kyi chus/__/yid 'ong legs par bkang ba'i glu dang ni/__/rol mor bcas pa du mas sku khrus gsol/__oM:__bkra shis bum pa'i bdud rtsi'i chus:__bde bar gshegs pa'i gsang gsum la:__gus pas bsnyen bkur bgyis pa yis:__bdag cag nyon mongs dag gyur cig:__oM sarba ta thA ga ta kA ya wA' ka tsit+ta a b+hi She ka te sa ma ya shri ye hU~M:__ji ltar bcom ldan bltams pa'i tshe:__lha rnams bdud rtsis khrus gsol ltar:__ye shes dag pa'i chu rgyun gyis:__deng 'dir bdag gis sku khrus gsol:__oM sarba ta thA ga ta dz+nyA na a mr-i ta a b+hi She ka ta sa ma ya shrI ye hU~M:__rgyal ba rnams kyi rten mchog la:__gtsang zhing bkru ba mi mnga' yang :__bdag cag sgo gsum sgrib sbyang phyir:__rdo rje bdud rtsis khrus gsol lo:__oM sarba ta thA ga ta a b+hi She ka te sa ma ya shrI ye hU~M:__dri bzang sbag cing yig 'bru lnga bris pas phyi zhing*/__gtsang zhing mdzes pa lha yi gos:__bzang po'i dri dang ldan pa 'dis:__rgyal ba'i rten mchog phyis pa yis:__bdag cag sgrib gnyis dag gyur cig:__oM hU~M trA~M hrIHAHdz+nyA na kA ya bi sho d+ha na ye swA hA:__oM:__phun sum tshogs pa sogs kyi shis brjod bya/__'di skabs rab gnas bsdus pa byed na/__oM ma hA shU n+ya tA sogs/__stong pa'i ngang las skad cig gis:__lha sku'i phyag rgya'i rnam pa kun:__seng ges btegs pa'i rin chen khri:__sna tshogs pad nyi zla ba'i steng :__oM las 'khor lo oM gyis mtshan:__de las 'phros pa'i 'od zer gyis:__phyogs dus rgyal ba sras bcas kun:__sku+u yi rdo rje'i lha tshogs kyi:__rnam par spyan drangs dbyer med thim:__de nyid yongs gyur skad cig gis:__rnam par snang mdzad bcom ldan 'das:__dkar gsal 'khor lo dril bu 'dzin:__rang 'od snyems ma yum dang sbyor:__gsung rten rig pa glegs bam kun:__rma byas btegs pa'i rin chen khri:__sna tshogs pad nyi zla ba'i steng :__hrIHlas pad+ma hrIHyis mtshan:__de las 'phros pa'i 'od zer gyis:__phyogs dus rgyal ba sras bcas kun:__gsung gi rdo rje'i lha tshogs kyi:__rnam par spyan drangs dbyer med thim:__de nyid yongs gyur skad cig gis:__snang ba mtha' yas bcom ldan 'das:__dkar dmar pad+ma dril bu 'dzin:__rang 'od gos dkar yum dang sbyor:__thugs rten phyag mtshan mchod rten sogs:__glang pos btegs pa'i rin chen khri:__sna tshogs pad nyi zla ba'i steng :__hU~M las rdo rje hU~M gis mtshan:__de las 'phros pa'i 'od zer gyis:__phyogs dus rgyal ba sras bcas kun:__thugs kyi rdo rje'i lha tshogs kyi:__rnam par spyan drangs dbyer med thim:__de nyid yongs gyur skad cig gis:__mi bskyod rdo rje bcom ldan 'das:__mthing gsal rdo rje dril bu 'dzin:__rang 'od dbyings phyug yum dang sbyor:__kun kyang dar dang rin chen brgyan:__rdo rje pad+ma'i skyil krung gis:__snang stong 'od lnga'i klong na bzhugs:__gnas gsum oM A:hU~M gis mtshan:__rdo rje gsum gyi ngo bo ru:__gdod nas dag cing lhun gyis grub:__langs la spos bsreg__/thugs ka'i hU~M las 'oda'aphros pas:__phyogs bcu dus bzhir bzhugs pa yi:__rtsa gsum rgyal ba rab 'byams lha:__nam mkha' gang bar sbyan drangs bsam:__oM:__rang bzhin chos sku'i ngang nyid lasaH__rnam rol ma 'gags cir yang 'char:__bde gshegs pad+ma rdo rje rigs:__ma lus lus pa med pa dang :__rtsa gsum rgyal ba rab 'byams kun:__don dam gshegs bzhud las 'das kyang :__kun rdzob sgyu 'phrul drwa ba'i tshul:__gnas 'dir myur du gshegs su gsol:__dam tshig phyag rgya'i rten mchog kun:__ye shes chen por byin gyis rlobs:__dbyer med lhag par gnas pa yis:__'gro 'dul phrin las mthar phyin mdzod:__oM sarba ta thA ga ta kA ya wA ka tsit+ta dz+nyA na badz+ra sa pa ri bA ra e h+ye hi:__zhes rol mo rgya cher bya/__rat+na pad+ma sUr+ya tsan+d+ra A sa na tiSh+Tha lhan:__bzhugs su gsol/__dza:hU~M ba~M ho:__phyag rgya dang bcas pas bstim/__rten rnams kyi spyi bor oM dkar po/__mgrin par AHdmar po/__thugs kar hU~M mthing ga__/de'i 'od zer gyis rdo rje gsum gyi lha tshogs spyanA drangs nas yig 'bru gsum la thim pas de bzhin gshegs pa rnams kyi sku gsung thugs dang dbyer med du gyur par bsams la/__rdo rje'i phyag rgya gnas gsum du+u reg pa'am/__me long du shar ba'i gzugs la reg cing*/__oM sarba ta thA ga ta kA ya badz+ra swa b+hA wa At+ma ko\u0f85 haM:__de zhin du/__wA ka__/tsit+ta sogs kyi rgyas gdab:__de bzhin gshegs pa thams cad kyi ye shes lnga'i chu rgyun gyis dbang bskur bar gyur/__oM hU~M trA~M hrIHA:__zhes dbang bskur ro/__/oM badz+ra ar+g+haM sogs nas/__shap+da AHhU~M/__zhes mchod/__gser gyi thur ma'am rdo rje thogs la/__ho:__sangs rgyas rnams kyi ye shes spyan:__sgrib pa'i dri ma kun bral yang :__sems can don du rab dbye bas:__'gro kun ye shes spyan ldan shog:__oM sarba ta thA ga ta dz+nyA na tsak+ShuHpra be sha ya phaT:__ye shes spyan gyis sems can thams cad la gzigs par gyur cig__/oM:__sangs rgyas rnams kyi ye shes sku:__'pho 'gyur mtshan ma las 'das kyang :__gdul bya'i bsam pa ji bzhin du:__gang 'dul gzugs su snang mdzad gsol:__oM AHhU~M swA hA:__zhes rdo rjes reg cing*/__lha thams cad so so'i rten gyi rnam pa ji lta ba bzhin du gyur par bsam/__ji snyed su dag sogs kyis yan lag bdun pa 'bul/__rten 'brel snying pos byin gyis brlabs ba'i me tog 'thor zhing*/__oM:__mi 'gyur ye shes thugs rje'i lha:__dmigs med ye shes rdo rje'i sku:__bdag don rten 'di gnas kyi bar:__ye shes brtan par bzhugs pa dang :__gzhan don ye shes ji srid bar:__dam tshig ye shes gnyis med pa'i:__phyag rgya'i ye shes la brten nas:__'gro kun ye shes dbyings su sbyor:__dngos grub ye shes rgyas pa dang :__lhun grub ye shes 'char mdzad gsol:__rten 'brel snying po bzlas shing bkra shis brjod cing rol mo bya'o/__/gsum pa snod bcud spyi la khrus bya ba ni/__de bzhin gshegs pa sras dang bcas pa nam mkha' gang bas bkra shis pa'i rnam pa du ma dang ldan pas snod bcud thams cad la khrus mdzad pas dag pa rdo rje'i zhing khams su gyur par bsams la/__hU~M:__bdud rtsi'i chu bo khrus kyi rdzing :__me long ye shes rang bzhin gyis:__nyon mongs zhe sdang las gyur pa'i:__mi mthun phyogs kun zhi gyur cig:__rtsa sngags dang*/__nyon mongs pa zhe sdang las gyur pa'i brtan g.yo'i rten 'brel log pa'i rgud pa thams cad shIn+taM ku ru swA hA:__hU~M:__bdud rtsi'i chu bo khrus kyi rdzing :__chos dbyings ye shes rang bzhin gyis:__nyon mongs gti mug las gyur pa'i:__mi mthun phyogs kun zhi gyur cig:__rtsa sngags dang*/__nyon mongs pa gti mug las gyur pa'i brtan g.yo'i rten 'brel log pa'i rgud pa thams cad shIn+taM ku ru swA hA:__hU~M:__bdud rtsi'i chu bo khrus kyi rdzing :__mnyam nyid ye shes rang bzhin gyis:__nyon mongs nga rgyal las gyur pa'i:__mi mthun phyogs kun zhi gyur cig:__rtsa sngags dang*/__nyon mongs pa nga rgyal las gyur pa'i brtan g.yo'i rten 'brel log pa'i rgud pa thams cad shIn+taM ku ru swA hA:__hU~M:__bdud rtsi'i chu bo khrus kyi rdzing :__sor rtog ye shes rang bzhin gyis:__nyon mongs 'dod chags las gyur pa'i:__mi mthun phyogs kun zhi gyur cig:__rtsa sngags dang*/__nyon mongs pa 'dod chags las gyur pa'i brtan g.yo'i rten 'brel log pa'i rgud pa thams cad shIn+taM ku ru swA hA:__hU~M:__bdud rtsi'i chu bo khrus kyi rdzing :__bya grub yeshes rang bzhin gyis:__nyon mongs phrag dog las gyur pa'i:__mi mthun phyogs kun zhi gyur cig:__rtsa sngags dang*/__nyon mongs pa phrag dog las gyur pa'i brtan g.yo'i rten 'brel log pa'i rgud pa thams cad shIn+taM ku ru swA hA:__hU~M:__rang byung ye shes bdud rtsi'i chus:__brtan g.yo'i rgud pa kun sbyangs nas:__klong lnga'i dbyings las rig pa'i gdangs:__rtag tu bkra shis 'phel gyur cig:__rtsa sngags dang rten 'brel snying po brjod cing bkru'o/__/bzhi pa gang zag bye brag la khrus byed na/__bsgrub bya gong ltar bgegs dang phral nas/__slob dpon rdo rje sems dpar gsal ba'i phyag gi bum pas khrus byas pas bsgrub bya'i sgo gsum gyi nad gdon sdig sgrib thams cad dag nas lus shel sgong ltar dag cing dri ma med par gyur par bsams la/__hU~M:__bdud las rnam rgyal byang chub chus:__deng 'dir khyod la khrus bgyis pas:__rnam rtog dri ma kun byang ste:__mi mthun phyogs rnams zhi gyur cig:__rtsa sngags dang*/__sdig sgrib thams cad shIn+taM ku ru swA hA:__nad rims thams cad shIn+taM ku ru swA hA:___gdon bgegs thams cad shIn+taM ku ru swA hA:__dus ma yin pa'i 'chi ba thams cad shIn+taM ku ru swA hA:__rmi ltas mtshan ma ngan pa thams cad shIn+taM ku ru swA hA:__grib dang mi gtsang ba thams cad shIn+taM ku ru swA hA:__byad phur rbod gtong thams cad shIn+taM ku ru swA hA:__mi mthun pa'i phyogs thams cad shIn+taM ku ru swA hA:__byab pa ni/__rma bya'am ku shi'i sgro g.yab kyi dbus su zla ba la gnas pa'i hU~M la gzungs sngags rnams kyis bskor ba las 'od dang rlung byung bas bsgrub bya'i sgo gsum gyi nad gdon thams cad du ba rlung gis bdas pa ltar khrus chu la shar ba'i gzugs la spo ba'i tshul du thim par gyur par bsam/__hU~M:__dkon mchog gsum gyi bden pa dang :__rtsa ba gsum gyi byin rlabs kyis:__bsgrub bya'i nad gdon sdig sgrib dang :__grib dang mi gtsang dus min 'chi:__byad phur rbod gtong la sogs pa:__mi mthun phyogs kun dag gyur cig:__nyi zla gza' las grol ba bzhin:__zhi dang bkra shis bde legs shog:__rtsa sngags dang*/__sdig pa dang sgrib pa thams cad a pa na ya swA hA:__nad rims thams cad a pa na ya swA hA:__gdon bgegs thams cad a pa na ya swA hA:__dus ma yin pa'i 'chi ba thams cad a pa na ya swA hA:__rmi ltas mtshan ma ngan pa thams cad a pa na ya swA hA:__grib dang mi gtsang ba thams cad a pa na ya swA hA:__byad phur rbod gtong thams cad a pa na ya swA hA:___mi mthun pa'i phyogs thams cad a pa na ya swA hA:__zhes btags pas byab bo/__/srung ba bya ba ni/__phyag mtshan rdo rje las rdo rje grangs med pa 'phros/__lus phyi nang thams cad rdo rje'i rdul phra rab kyis gtams pas cis kyang mi tshugs pa'i rang bzhin du gyur par bsam mo/__hU~M:__ma skyes 'jig pa med pa yis:__lus ngag yid la rgyas gdab pas:__mi mthun phyogs kun srung gyur cig:__rtsa sngags dang*/__sdig pa dang sgrib pa thams cad rak+Sha rak+Sha swA hA:__nad rims thams cad rak+Sha rak+Sha swA hA:__gdon bgegs thams cad rak+Sha rak+Sha swA hwa:__dus ma yin pa'i 'chi ba thams cad rak+Sha rak+Sha swA hA:__rmi ltas mtshan ma ngan pa thams cad rak+Sha rak+Sha swA hA:__grib dang mi gtsang ba thams cad rak+Sha rak+Sha swA hA:__byad phur rbod gtong thams cad rak+Sha rak+Sha swA hA:__mi mthun pa'i phyogs thams cad rak+Sha rak+Sha swA hA:__zhes gnas gsum du rdo rje rgya gram du gtug go/__/gsum pa rjes kyi bya ba bden stobs shis pa brjod pa ni/__khrus gang yin tshar ba'i rjes su/__nam mkha' med par gyur na yang :__sngags kyi dngos grub med mi 'gyur:__lha dang drang srong gis bshad pa'i:__rig sngags bslu bar mi 'gyur na:__'dod chags bral bas byas pa yi:__gsang sngags sbyor bas bslu ba ni:__ma byung 'byung bar mi 'gyur ro:__sngags dang rten 'brel mi bslu zhing :__ting 'dzin nus pa bsam mi khyab:__dkon mchog gsum dang rtsa gsum gyi:__bden pa chen po'i mthu stobs kyis:__byad phur rbod gtong sbyor ba las:__deng nas rtag tu rgyal gyur cig:__dza ya dza ya su dza ya:__gang ser ma'am/__oM/__ston mchog dam pa sogs zhal nas gsungs pa'i shis pa brjod do/__/bum pa'i lha ni 'od zhu sngar nas tshar bas 'thus la/__bdag bskyed ni bsdu ba sogs dmigs bsal mi dgos rdzogs rim ngang la bzhag nas dge ba bsngo'o/__/bzhi pa 'phros don ni/__bum pa'i nang du chu gtsang tsam bsham/__mchod pa sogs ma 'byor na lha bskyed bzlas tsam las spyan drangs mchod bstod ma byas kyang chog__/lha bskyed pa ma grub kyang chu gtsang la sngags bzlas byin gyis brlab pa'am/__thog ma nyid nas khrus byed cing gzungs sngags bzlas na yang gzungs sngags kyi nus pa bsam gyis mi khyab pas don 'grub pa yin no/__/lha dang snying po 'od dkar can/__/thabs kyi bdud rtsi sbyin pa des/__/rgud pa'i gdung ba kun bsal nas/__/phan bde'i ku mud rgyas byed shog__/ces pa gter gzhung las khol du phyungs te man ngag gis gsal bar byas nas mchog gyur gling pas bkod ba'o//__//__