JKW-KABUM-20-WA-005-003

🚧 This website is under continued development. We appreciate your patience!

Previous Text Back to Volume PageNext Text

Wylie title	gshin rje yi ge bzhi pa'i srung bzlog man ngag rdo rje pha lam
Location	mkhyen brtse'i bka' 'bum Volume 20, sde tshan 5, Text 3, Pages 554-559 (Folios 2b6 to 5a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Source Author(s)	རྭ་ལོ་ཙཱ་བ་རྡོ་རྗེ་གྲགས་ (rwa lo tsA ba rdo rje grags)
Citation	'jam dbyangs mkhyen brtse'i dbang po. gshin rje yi ge bzhi pa'i srung bzlog man ngag rdo rje pha lam. In 'jam dbyangs mkhyen brtse'i dbang po'i bka' 'bum, Vol. 20: 554-559. Khams sde dge rdzong sar dgon: Rdzong sar blo gros phun tshogs, 2020.
Genre	Pith Instructions - man ngag  ·  Averting or Dispelling Rites- zlog pa  ·  Activity Practices - las tshogs
Deity	'jam dpal gshin rje
Colophon	།གཤིན་རྗེ་ཡི་གེ་བཞི་པའི་སྲུང་བཟློག་བསད་པའི་མན་ངག་ཞལ་ཤེས་དང་བཅས་པ་རྭ་ལོ་ཙཱ་བ་རྡོ་རྗེ་གྲགས་ཀྱིས་བལ་པོ་ཐུགས་རྗེ་ཆེན་པོ་ལ་གསེར་སྲང་བརྒྱ་འབུལ་བར་དམ་བཅས་ནས་གནང་བའི་གདམས་པ་ཆིག་བརྒྱུད་ཤིན་ཏུ་ཟབ་མོ་ཨྠིྀ། །གུ་ཧྱ།།
	gshin rje yi ge bzhi pa'i srung bzlog bsad pa'i man ngag zhal shes dang bcas pa rwa lo tsA ba rdo rje grags kyis bal po thugs rje chen po la gser srang brgya 'bul bar dam bcas nas gnang ba'i gdams pa chig brgyud shin tu zab mo a+thi+-i/___/gu h+ya//

1 Texts in this Section (sde tshan or chos tshan)

3 554-559	གཤིན་རྗེ་ཡི་གེ་བཞི་པའི་སྲུང་བཟློག་མན་ངག་རྡོ་རྗེ་ཕ་ལམ། gshin rje yi ge bzhi pa'i srung bzlog man ngag rdo rje pha lam Pith Instructions - man ngag   ·   Averting or Dispelling Rites- zlog pa   ·   Activity Practices - las tshogs	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

གཤིན་རྗེ་ཡི་གེ་བཞི་པའི་སྲུང་བཟློག་བསད་པའི་མན་ངག་རྡོ་རྗེ་ཕ་ལམ་བཞུགས་སོ། །ན་མོ་བཛྲ་བྷེ་ར་ཝཱ་ཡ། དཔལ་རྡོ་རྗེ་འཇིགས་བྱེད་ཀྱི་སྒོ་ནས་སྲུང་བ་དང་། བཟློག་བསད་ཀྱི་མན་ངག་ལ་གཉིས་ཏེ། དང་པོ་སྲུང་བ་ནི། ཐོ་རངས་གཉིད་སད་མ་ཐག་གཞན་དང་གཏམ་མ་འདྲེས་པའི་ཚེ་ཁ་ཤར་དུ་ཕྱོགས་ཏེ། སྐྱབས་སེམས་སྤྱི་ལྟར་རྗེས། ཨཱོཾ་སྭ་བྷཱ་ཝ་ཤུདྡྷ་སརྦ་དྷརྨཱཿསྭ་བྷཱ་ཝ་ཤུ་དྡྷོ་྅་ཧཾ། སྟོང་པའི་ངང་ལས་སྲེག་བྱེད་མེའི་དཀྱིལ་འཁོར་གྱི་དབུས་སུ་པདྨ་དང་ཉི་མའི་གདན་ལ། ཧཱུྃ་ཞེས་བརྗོད་པས། རང་སྐད་ཅིག་གིས་རྡོ་རྗེ་འཇིགས་བྱེད་དྲག་པོ་སྲུང་བྱེད་འབར་བ། སྐུ་མདོག་ནག་པོ་མུན་པའི་གོས་ཅན། བསྐལ་པའི་མེ་ལྟར་དྲག་པ། ཞལ་གཅིག་ཕྱག་གཉིས་པ། གཡས་གནམ་ལྕགས་ཀྱི་རལ་གྲི་འབར་བ་དང་། གཡོན་དྲག་པོའི་སྡིག་མཛུབ་མཛད་པ། ལྕགས་བསྲེགས་ཀྱི་རལ་པའི་གུར་ཁང་ལས་མཚོན་ཆའི་མེ་འོད་རབ་ཏུ་འཕྲོ་བ། ཞབས་གཉིས་བགྲད་པའི་སྟབས་ཀྱིས་ཡེ་ཤེས་ཀྱི་མེ་འབར་བའི་དབུས་ན་བཞུགས་པ། སྐུ་རི་རབ་དང་མཉམ་པ་དྲག་ལ་རྔམ་པའི་ཆ་ལུགས་ཅན། ཐུགས་ཀར་སྣ་ཚོགས་རྡོ་རྗེའི་ལྟེ་བར་ཨེ། དེའི་ཁོང་སེང་གི་ནང་དུ་ཐིག་ལེ་ཁ་དོག་ལྔ་ལྡན། དེའི་ནང་དུ་ཉི་ཟླའི་གྭའུ་ཁ་སྦྱོར། དེའི་ནང་དུ་རང་གི་རྣམ་པར་ཤེས་པའི་ངོ་བོ་ཧཱུྃ་སྔོན་པོ། ཧཱུྃ་གི་ཐིག་ལེའི་ནང་དུ་བླ་མ་ཡི་དམ། ཁོག་པའི་ནང་དུ་མཁའ་འགྲོ་ཆོས་སྐྱོང་། གཡས་གཡོན་དུ་ཕ་མ། མདུན་དུ་འཁོར་གཡོག །རྒྱབ་ཏུ་ནོར་རྫས་ཡུལ་འཁོར་སོགས་བསྲུང་བྱ་ཐམས་ཅད་མངོན་སུམ་བཞིན་དུ་འཁོད་ཅིང་། བྱད་མའི་ལྷ་སྲུང་ནུས་མཐུ་དང་བཅས་པ་ཐམས་ཅད་བསྡུས་ཏེ། རལ་པའི་གུར་ཁང་གི་ཕྱི་རོལ་མཚོན་ཆའི་འཁོར་ལོ་ལ་ཐིམ་པས། འཁོར་ལོ་གཡས་སུ་ཤུགས་དྲག་ཏུ་འཁོར་བས་འགལ་རྐྱེན་བར་ཆད་ཐམས་ཅད་ཕྱོགས་སུ་ཉེ་མི་ནུས་ཤིང་། རང་གི་ལུས་ངག་ཡིད་གསུམ་རྡོ་རྗེའི་ནུས་པ་དང་ལྡན་པར་གྱུར། ཅེས་བརྗོད་ཅིང་བསམས་ལ། ཨེ་ས་བྷྱོ་སྲུང་། ཞེས་བརྒྱ་རྩ་བརྒྱད་བཟླས་པའི་མཆིལ་མས་རང་གི་གནས་གསུམ་དུ་ཐིག་ལེ་རེ་བྱའོ། །གཉིས་པ་བཟློག་བསད་ཟུང་དུ་འཇུག་པའི་མན་ངག་ནི། ཉི་མ་ནུབ་ཁ་མདུང་གང་ཙམ་གྱི་དུས་ཁ་ནུབ་ཏུ་ཕྱོགས་པས། སྐྱབས་སེམས་དང་། སྭ་བྷ་ཝ་སོགས། སྟོང་པའི་ངང་ལས་སྲེག་བྱེད་མེའི་དཀྱིལ་འཁོར་གྱི་དབུས་སུ་པདྨ་དང་ཉི་མའི་གདན་ལ་ཧཱུྃ་ཞེས་བརྗོད་པས། རང་སྐད་ཅིག་གིས་རྡོ་རྗེ་འཇིགས་བྱེད་ནག་པོ་ཟློག་བྱེད་འབར་བ། སྐུ་མདོག་ནག་པོ་མུན་པའི་གོས་ཅན། བསྐལ་པའི་མེ་ལྟར་དྲག་པ། ཞལ་གཅིག་ཕྱག་གཉིས་པ། ཕྱག་གཡོན་པའི་མཐེ་བོང་གསེར་ཀྱི་སྟྭ་རེ་རྣོ་ཞིང་མེ་འོད་འབར་བ། མཛུབ་མོ་དངུལ་གྱི་གཏན་པ་ཡངས་ཤིང་རྒྱ་ཆེ་བ། ལྕགས་བསྲེགས་ཀྱི་རལ་པའི་གུར་ཁང་། སོགས་ནས། བསྲུང་བྱ་ཐམས་ཅད་མངོན་སུམ་བཞིན་དུ་འཁོད། ཅེས་པའི་བར་སྲུང་བའི་སྐབས་ལྟར་བརྗོད། རང་གི་མདུན་དུ་ཨེ་ལས་ཆོས་ཀྱི་འབྱུང་གནས་གྲུ་གསུམ་མཐིང་ནག་འབར་བ་ཡངས་ཤིང་རྒྱ་ཆེ་བའི་ནང་དུ། འཆི་བདག་ལས་ཀྱི་གཤིན་རྗེ་འཇིགས་པའི་ཆ་བྱད་ཅན་ཁ་རབ་ཏུ་གདངས་པ། ལྟོ་བ་ན་སྲིད་པ་གསུམ་གྱི་གྲོང་ཁྱེར་དང་། མཚོན་ཆའི་འཁོར་ལོ་ལས་ཀྱི་མེ་རབ་ཏུ་འབར་བ་དང་བཅས་པར་གྱུར་ཅེས་བརྗོད་ཅིང་བསམ། དེ་ནས་རང་གི་ཐུགས་ཀ་ནས་ཕོ་ཉ་ཁྲོ་བོ་ལྕགས་ཀྱུ་དང་ཞགས་པ་ཐོགས་པ་དཔག་ཏུ་མེད་པ་སྤྲོས། དགྲ་བགེགས་ཐམས་ཅད་ལྕགས་ཀྱུས་སྙིང་ཁ་ནས་བཟུང་། མགྲིན་པ་ནས་ཞགས་པས་བཅིངས། ཡན་ལག་ལྕགས་སྒྲོག་གིས་བསྡམས། མཚོན་ཆ་སྣ་ཚོགས་ཀྱིས་བསྡིགས་ནས་རང་དབང་མེད་པར་བཀུག་སྟེ། དངུལ་གྱི་གཏན་པའི་སྟེང་དུ་བཞག་པ་ཉིད། གསེར་གྱི་སྟྭ་རེས་མགོ་ལུས་དུམ་བུར་གཏུབས་ཤིང་། གཤིན་རྗེའི་ཞལ་དུ་བསྟིམ་པ་ཆོས་སྒྲ་དང་བཅས་ཏེ་གསོལ། ལྟོབ་ནས་ལས་ཀྱི་མེ་རླུང་འབར་བས་ཐལ་བར་བྱས་པ་གྱུར་པར་བསམས་ལ། ཕྲེང་བ་ཕྱིར་ཕུལ་ཞིང་། དབུགས་ཐོག་གཅིག་ལ། ཨེ་ས་བྷྱོ་བཟློག །ཅེས་དྲུག་ཅུ་རྩ་བཞི་སོགས་དྲག་ཏུ་བཟླ། རྗེས་སུ་ཐལ་མོ་སྦྱར་ལ། བླ་མ་དང་དཀོན་མཆོག་རིན་པོ་ཆེ་རྣམ་པ་གསུམ་དང་། བཅོམ་ལྡན་དཔལ་རྡོ་རྗེ་འཇིགས་བྱེད་འཆི་བདག་ལས་ཀྱི་གཤིན་རྗེའི་ཚོགས་དང་བཅས་པ་རྣམས་ཀྱི་བདེན་པ་ཆེན་པོའི་མཐུ་དང་ནུས་པ་ལ་བརྟེན་ནས། བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ལ་སྡང་བའི་སེམས་དང་ལྡན་པ། གདུག་པའི་སེམས་དང་ལྡན་པ། དྲག་ཤུལ་གྱི་སེམས་དང་ལྡན་པ། བསམ་པ་ངན་པ། སྦྱོར་བ་རྩུབ་པར་བྱེད་པའི་དགྲ་བགེགས་བྱད་མ་འཁོར་ དང་བཅས་པའི་ལུས་བཅིང་བར་བགྱིའོ། །ངག་བཅིང་བར་བགྱིའོ། །ཡིད་བཅིང་བར་བགྱིའོ། །མཐུ་བརླག་པར་གྱུར་ཅིག །སྟོབས་བརླག་པར་གྱུར་ཅིག །རྫུ་འཕྲུལ་བརླག་པར་གྱུར་ཅིག །དེས་བཟླས་པའི་སྔགས་ཀྱིས་དེ་ཉིད་བརླག་པར་གྱུར་ཅིག །དེས་བསྒྲུབ་པའི་ལྷ་འདྲེས་དེ་ཉིད་ཀྱི་ཤ་ཟ་བར་གྱུར་ཅིག །ཅེས་བརྗོད་ཅིང་ཐལ་མོ་བརྡབ། མཆིལ་མ་ཕྱིར་དོར། ཏིང་ངེ་འཛིན་ནི། གནམ་ལྕགས་ཀྱི་རལ་པའི་གུར་ཁང་ནས། གནམ་ལྕགས་ཀྱི་འཁོར་ལོ་རྩིབས་སྟོང་དང་ལྡན་པ་གཡོན་དུ་དྲག་ཏུ་འཁོར། དེ་ལས་མཚོན་ཆ་སྣ་ཚོགས་དང་། ལས་ཀྱི་མེ་རླུང་རབ་ཏུ་གཡོས་པས་གནོད་བྱེད་ཐམས་ཅད་ཀྱི་ལུས་བྱ་སྒྲོ་མེས་བསྲེགས་པ་བཞིན་དུ་ཐལ་བ་བྱས། རྣམ་ཤེས་འོད་གསལ་གྱི་དབྱིངས་སུ་ཐིམ་པར་བསམས་ལ། ཁྲོ་བོ་འབར་བའི་ཚོགས་རྣམས་ཀྱིས། །དགྲ་བགེགས་རྣམས་ནི་ཐམས་ཅད་ཀྱི། །ལུས་ངག་ཐལ་བའི་རྡུལ་དུ་རློག །རྣམ་ཤེས་ཆོས་ཀྱི་དབྱིངས་སུ་སྒྲོལ། །ཅེས་བརྗོད་ཅིང་སྤྲོས་བྲལ་གྱི་ངང་དུ་བཞག །དགེ་བ་འདི་ཡིས་མྱུར་དུ་བདག །རྡོ་རྗེ་འཇིགས་བྱེད་འགྲུབ་གྱུར་ནས། །གཟུང་འཛིན་དགྲ་བགེགས་ཇི་སྙེད་ཀུན། །འོད་གསལ་ཀློང་དུ་སྒྲོལ་བར་ཤོག །ཅེས་སོགས་བསྔོ་སྨོན་བྱ། འདི་དུས་སྤྱི་དང་། ཁྱད་པར་ཉི་ཤུ་དགུ་སོགས་དྲག་པོའི་དུས་ལ་འབད། རྨི་ལམ་སོགས་ཤིན་ཏུ་རྩུབ་ན། ལག་གཡས་ཀྱི་མཐིལ་དུ་ཤ་དམར་དུམ་བུ་ཞིག་བཞག་ལ། བདེན་སྟོབས་བརྗོད་པ་དང་བཅས་པས་བྱད་མ་དགུག་གཞུག་གི་དམིགས་པས་དངོས་སུ་གསལ་ལ། ལག་གཡོན་པའི་མཐེབ་འཛུབ་ཀྱིས་བླངས་ཏེ། ཨེ་ས་བྷྱོ་རྦད། ཅེས་བཟླ་བ་དང་ལྷན་ཅིག་དམིགས་པ་སྔར་བཞིན་གྱིས་བསད་པའི་ཤ་ཁྲག་ཚོགས་སུ་རོལ་བས། དྭངས་མ་ཕུང་ཁམས་ལྷར་གསལ་བ་ཚིམ། སྙིགས་མ་ལྟེ་འོག་གཏུམ་མོའི་མེའི་ཁྲོད་དུ་ཆོས་སྲུང་ལས་གཤིན་འཁོར་བཅས་གསལ་བའི་ཞལ་དུ་སོང་བས་རྔམས་པའི་བཞད་སྒྲ་དང་བཅས་ལྷག་མེད་དུ་གསོལ་བར་བསམས་ལ་འཛིན་མེད་ཀྱི་ངང་དུ་བཞག་གོ། །གཤིན་རྗེ་ཡི་གེ་བཞི་པའི་སྲུང་བཟློག་བསད་པའི་མན་ངག་ཞལ་ཤེས་དང་བཅས་པ་རྭ་ལོ་ཙཱ་བ་རྡོ་རྗེ་གྲགས་ཀྱིས་བལ་པོ་ཐུགས་རྗེ་ཆེན་པོ་ལ་གསེར་སྲང་བརྒྱ་འབུལ་བར་དམ་བཅས་ནས་གནང་བའི་གདམས་པ་ཆིག་བརྒྱུད་ཤིན་ཏུ་ཟབ་མོ་ཨྠིྀ། །གུ་ཧྱ།། །། ༈

[edit]

gshin rje yi ge bzhi pa'i srung bzlog man ngag rdo rje pha lam/__ gshin rje yi ge bzhi pa'i srung bzlog bsad pa'i man ngag rdo rje pha lam bzhugs so/___/na mo badz+ra b+he ra wA ya/___dpal rdo rje 'jigs byed kyi sgo nas srung ba dang /___bzlog bsad kyi man ngag la gnyis te/___dang po srung ba ni/___tho rangs gnyid sad ma thag gzhan dang gtam ma 'dres pa'i tshe kha shar du phyogs te/___skyabs sems spyi ltar rjes/___A+oM swa b+hA wa shud+d+ha sarba d+harmAHswa b+hA wa shu d+d+ho \u0f85 haM/___stong pa'i ngang las sreg byed me'i dkyil 'khor gyi dbus su pad+ma dang nyi ma'i gdan la/___hU~M zhes brjod pas/___rang skad cig gis rdo rje 'jigs byed drag po srung byed 'bar ba/___sku mdog nag po mun pa'i gos can/___bskal pa'i me ltar drag pa/___zhal gcig phyag gnyis pa/___g.yas gnam lcags kyi ral gri 'bar ba dang /___g.yon drag po'i sdig mdzub mdzad pa/___lcags bsregs kyi ral pa'i gur khang las mtshon cha'i me 'od rab tu 'phro ba/___zhabs gnyis bgrad pa'i stabs kyis ye shes kyi me 'bar ba'i dbus na bzhugs pa/___sku ri rab dang mnyam pa drag la rngam pa'i cha lugs can/___thugs kar sna tshogs rdo rje'i lte bar e/___de'i khong seng gi nang du thig le kha dog lnga ldan/___de'i nang du nyi zla'i gwa'u kha sbyor/___de'i nang du rang gi rnam par shes pa'i ngo bo hU~M sngon po/___hU~M gi thig le'i nang du bla ma yi dam/___khog pa'i nang du mkha' 'gro chos skyong /___g.yas g.yon du pha ma/___mdun du 'khor g.yog__/rgyab tu nor rdzas yul 'khor sogs bsrung bya thams cad mngon sum bzhin du 'khod cing /___byad ma'i lha srung nus mthu dang bcas pa thams cad bsdus te/___ral pa'i gur khang gi phyi rol mtshon cha'i 'khor lo la thim pas/___'khor lo g.yas su shugs drag tu 'khor bas 'gal rkyen bar chad thams cad phyogs su nye mi nus shing /___rang gi lus ngag yid gsum rdo rje'i nus pa dang ldan par gyur/___ces brjod cing bsams la/___e sa b+h+yo srung /___zhes brgya rtsa brgyad bzlas pa'i mchil mas rang gi gnas gsum du thig le re bya'o/___/gnyis pa bzlog bsad zung du 'jug pa'i man ngag ni/___nyi ma nub kha mdung gang tsam gyi dus kha nub tu phyogs pas/___skyabs sems dang /___swa b+ha wa sogs/___stong pa'i ngang las sreg byed me'i dkyil 'khor gyi dbus su pad+ma dang nyi ma'i gdan la hU~M zhes brjod pas/___rang skad cig gis rdo rje 'jigs byed nag po zlog byed 'bar ba/___sku mdog nag po mun pa'i gos can/___bskal pa'i me ltar drag pa/___zhal gcig phyag gnyis pa/___phyag g.yon pa'i mthe bong gser kyi s+t+wa re rno zhing me 'od 'bar ba/___mdzub mo dngul gyi gtan pa yangs shing rgya che ba/___lcags bsregs kyi ral pa'i gur khang /___sogs nas/___bsrung bya thams cad mngon sum bzhin du 'khod/___ces pa'i bar srung ba'i skabs ltar brjod/___rang gi mdun du e las chos kyi 'byung gnas gru gsum mthing nag 'bar ba yangs shing rgya che ba'i nang du/___'chi bdag las kyi gshin rje 'jigs pa'i cha byad can kha rab tu gdangs pa/___lto ba na srid pa gsum gyi grong khyer dang /___mtshon cha'i 'khor lo las kyi me rab tu 'bar ba dang bcas par gyur ces brjod cing bsam/___de nas rang gi thugs ka nas pho nya khro bo lcags kyu dang zhags pa thogs pa dpag tu med pa spros/___dgra bgegs thams cad lcags kyus snying kha nas bzung /___mgrin pa nas zhags pas bcings/___yan lag lcags sgrog gis bsdams/___mtshon cha sna tshogs kyis bsdigs nas rang dbang med par bkug ste/___dngul gyi gtan pa'i steng du bzhag pa nyid/___gser gyi s+t+wa res mgo lus dum bur gtubs shing /___gshin rje'i zhal du bstim pa chos sgra dang bcas te gsol/___ltob nas las kyi me rlung 'bar bas thal bar byas pa gyur par bsams la/___phreng ba phyir phul zhing /___dbugs thog gcig la/___e sa b+h+yo bzlog__/ces drug cu rtsa bzhi sogs drag tu bzla/___rjes su thal mo sbyar la/___bla ma dang dkon mchog rin po che rnam pa gsum dang /___bcom ldan dpal rdo rje 'jigs byed 'chi bdag las kyi gshin rje'i tshogs dang bcas pa rnams kyi bden pa chen po'i mthu dang nus pa la brten nas/___bdag cag dpon slob yon mchod 'khor dang bcas pa la sdang ba'i sems dang ldan pa/___gdug pa'i sems dang ldan pa/___drag shul gyi sems dang ldan pa/___bsam pa ngan pa/___sbyor ba rtsub par byed pa'i dgra bgegs byad ma 'khor _dang bcas pa'i lus bcing bar bgyi'o/___/ngag bcing bar bgyi'o/___/yid bcing bar bgyi'o/___/mthu brlag par gyur cig__/stobs brlag par gyur cig__/rdzu 'phrul brlag par gyur cig__/des bzlas pa'i sngags kyis de nyid brlag par gyur cig__/des bsgrub pa'i lha 'dres de nyid kyi sha za bar gyur cig__/ces brjod cing thal mo brdab/___mchil ma phyir dor/___ting nge 'dzin ni/___gnam lcags kyi ral pa'i gur khang nas/___gnam lcags kyi 'khor lo rtsibs stong dang ldan pa g.yon du drag tu 'khor/___de las mtshon cha sna tshogs dang /___las kyi me rlung rab tu g.yos pas gnod byed thams cad kyi lus bya sgro mes bsregs pa bzhin du thal ba byas/___rnam shes 'od gsal gyi dbyings su thim par bsams la/___khro bo 'bar ba'i tshogs rnams kyis/___/dgra bgegs rnams ni thams cad kyi/___/lus ngag thal ba'i rdul du rlog__/rnam shes chos kyi dbyings su sgrol/___/ces brjod cing spros bral gyi ngang du bzhag__/dge ba 'di yis myur du bdag__/rdo rje 'jigs byed 'grub gyur nas/___/gzung 'dzin dgra bgegs ji snyed kun/___/'od gsal klong du sgrol bar shog__/ces sogs bsngo smon bya/___'di dus spyi dang /___khyad par nyi shu dgu sogs drag po'i dus la 'bad/___rmi lam sogs shin tu rtsub na/___lag g.yas kyi mthil du sha dmar dum bu zhig bzhag la/___bden stobs brjod pa dang bcas pas byad ma dgug gzhug gi dmigs pas dngos su gsal la/___lag g.yon pa'i mtheb 'dzub kyis blangs te/___e sa b+h+yo rbad/___ces bzla ba dang lhan cig dmigs pa sngar bzhin gyis bsad pa'i sha khrag tshogs su rol bas/___dwangs ma phung khams lhar gsal ba tshim/___snyigs ma lte 'og gtum mo'i me'i khrod du chos srung las gshin 'khor bcas gsal ba'i zhal du song bas rngams pa'i bzhad sgra dang bcas lhag med du gsol bar bsams la 'dzin med kyi ngang du bzhag go/___/gshin rje yi ge bzhi pa'i srung bzlog bsad pa'i man ngag zhal shes dang bcas pa rwa lo tsA ba rdo rje grags kyis bal po thugs rje chen po la gser srang brgya 'bul bar dam bcas nas gnang ba'i gdams pa chig brgyud shin tu zab mo a+thi+-i/___/gu h+ya//_//__!