DKR-KABUM-09-TA-038: Difference between revisions
From Khyentse Lineage - A Tsadra Foundation Project
DKR-KABUM-09-TA-038
WikiBot2015 (talk | contribs) (Created page with "{{Khyentse Metadata |classification=Tibetan Publications |subclass=Tibetan Texts |collectiontitle=dil mgo mkhyen brtse bka' 'bum |collectiontitletib=དིལ་མགོ་...") |
m (Text replacement - "Khyentse Metadata" to "Text") |
||
| (3 intermediate revisions by 2 users not shown) | |||
| Line 1: | Line 1: | ||
{{ | {{Text | ||
|classification=Tibetan Publications | |classification=Tibetan Publications | ||
|subclass=Tibetan Texts | |subclass=Tibetan Texts | ||
|sectionheading=No | |||
|fulltitletib=ཆོས་སྐྱོང་ཟབ་མོ་སྐོར་དགུ་ལས། ཡེ་ཤེས་མགོན་པོའི་གཙོ་འཁོར་གྱི་སྒྲུབ་ཐབས་ལས་ཚོགས་དབང་དང་བཅས་པའི་ཟབ་དོན་ཚར་དུ་དངར་བ་འདོད་འབྱུང་བཻ་ཌཱུརྻའི་དོ་ཤལ། | |||
|fulltitle=chos skyong zab mo skor dgu las/ ye shes mgon po'i gtso 'khor gyi sgrub thabs las tshogs dbang dang bcas pa'i zab don tshar du dngar ba 'dod 'byung bai DUr+Ya'i do shal | |||
|citation=[[Khyentse, Dilgo]]. ''Chos skyong zab mo skor dgu las ye shes mgon po'i gtso 'khor gyi sgrub thabs las tshogs dbang dang bcas pa'i zab don tshar du dngar ba 'dod 'byung bai DUr+Ya'i do shal''. In ''Skyabs rje dil mgo mkhyen brtse rin po che'i bka' 'bum'', Vol. 9: 279-310. Delhi: Shechen Publications, 1994. | |||
|collectiontitletib=དིལ་མགོ་མཁྱེན་བརྩེ་བཀའ་འབུམ། | |||
|collectiontitle=dil mgo mkhyen brtse bka' 'bum | |collectiontitle=dil mgo mkhyen brtse bka' 'bum | ||
|author=Khyentse, Dilgo | |author=Khyentse, Dilgo | ||
|authortib=དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ | |authortib=དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ | ||
|sourcerevealer=mchog gyur gling pa | |||
|sourcerevealertib=མཆོག་གྱུར་གླིང་པ་ | |||
|tibgenre=Activity Practices - las tshogs, Empowerment Ritual - dbang chog - dbang skur, Sadhanas - Evocation Ritual - sgrub thabs | |||
|terma=Yes | |||
|dkroutline=Three | |||
|deity=ye shes mgon po phyag drug pa | |||
|cycle=chos skyong zab mo skor dgu | |||
|cycletib=ཆོས་སྐྱོང་ཟབ་མོ་སྐོར་དགུ་ | |||
|language=Tibetan | |language=Tibetan | ||
| | |volumenumber=009 | ||
| | |volnumtib=༩ | ||
|volyigtib=ཏ་ | |||
|totalvolumes=25 | |||
|textnuminvol=038 | |textnuminvol=038 | ||
|pagenumbers=279-310 | |||
|totalpages=64 | |||
|beginfolioline=1a | |||
|endfolioline=32b2 | |||
|totalfolios=32 | |||
|multivolumework=No | |||
|rectonotes=sgrub thabs | |||
|versonotes=zab skor phyag drug pa | |||
|colophontib=།ཕྱག་བྲིས་དངོས་ལས་ཞལ་བཤུས་པ་ཡིན། མཛད་བྱང་མི་འདུག། | |||
|colophonwylie=/phyag bris dngos las zhal bshus pa yin/_mdzad byang mi 'dug/ | |||
|pdflink=File:DKR-KABUM-09-TA-038.pdf | |pdflink=File:DKR-KABUM-09-TA-038.pdf | ||
}} | }} | ||
| Line 16: | Line 39: | ||
<h1 style="font-size: 24px !important;">Tibetan Text</h1> | <h1 style="font-size: 24px !important;">Tibetan Text</h1> | ||
<onlyinclude> | <onlyinclude> | ||
{{TibP|ཆོས་སྐྱོང་ཟབ་མོ་སྐོར་དགུ་ལས། ཡེ་ཤེས་མགོན་པོའི་གཙོ་འཁོར་གྱི་སྒྲུབ་ཐབས་ལས་ཚོགས་དབང་དང་བཅས་པའི་ཟབ་དོན་ཚར་དུ་དངར་བ་འདོད་འབྱུང་བཻ་ཌཱུརྻའི་དོ་ཤལ་ཞེས་བྱ་བ་བཞུགས་སོ།། | {{TibP|ཆོས་སྐྱོང་ཟབ་མོ་སྐོར་དགུ་ལས། ཡེ་ཤེས་མགོན་པོའི་གཙོ་འཁོར་གྱི་སྒྲུབ་ཐབས་ལས་ཚོགས་དབང་དང་བཅས་པའི་ཟབ་དོན་ཚར་དུ་དངར་བ་འདོད་འབྱུང་བཻ་ཌཱུརྻའི་དོ་ཤལ་ཞེས་བྱ་བ་བཞུགས་སོ།།<br><br> | ||
ཨོཾ་སྭསྟི། བྱང་ཆུབ་སྤྱོད་པ་རྒྱ་མཚོའི་སྲོག་གི་ཟུངས། །སྙིང་རྗེའི་གཏེར་མཆོག་མྱུར་མཛད་མགོན་པོའི་ཚུལ། །བླ་མ་མཆོག་དང་གཉིས་མེད་སྙིང་དབུས་སུ། །བཀོད་ནས་དེ་ཡི་ཕྲིན་ལས་སྨིན་གྲོལ་བསྟར། །དེ་ལ་འདིར་རྒྱ་བོད་ཀུན་ཏུ་ཐུགས་རྗེའི་རྩལ་ཤུགས་ཆེ་ཞིང་ཕྲིན་ལས་ཆེས་ཆེར་མྱུར་བའི་བྱིན་རླབས་ཀྱི་གྲགས་སྙན་དོན་ལ་གནས་ཤིང༌། གསར་རྙིང་མཁས་གྲུབ་ཀུན་གྱི་ཐུགས་ཉམས་སུ་བསྟར་བས་གཙིགས་སུ་བཟུང་བའི་མྱུར་མཛད་ཡེ་ཤེས་ཀྱི་མགོན་པོ་མཆོག་ལ། ཀུན་དང་ཐུན་མོང་མ་ཡིན་པའི་ཟབ་འདྲིལ་གྱི་དབང་དང་སྒྲུབ་ཐབས་བསྐྱེད་རྫོགས་མན་ངག་ལས་ཚོགས་དང་བཅས་པ་གཏེར་འབྱིན་གྲུབ་བརྒྱའི་སྤྱི་མེས་ཨོ་རྒྱན་མཆོག་གྱུར་བདེ་ཆེན་གླིང་པ་ལ་བཀའ་བབ་ཏུ་བཞུགས་པའི་བྱེ་བྲག་ཆོས་སྐྱོང་ཟབ་མོ་སྐོར་དགུའི་དབང་དང༌། བསྐྱེད་རྫོགས་ལས་ཚོགས་དང་བཅས་པ་ནོར་བུའི་བཻཌཱུརྻའི་དོ་ཤལ་ལ་རིན་ཐང་དང་བྲལ་བ་ཞིག་བསྟན་འགྲོའི་མཛེས་རྒྱན་དུ་བསྟར་བ་ལ། དང་པོ་ཕྱི་སྒྲུབ་མགོན་པོ་མཐིང་ཀའི་གཏོར་སྒྲུབ། གསོལ་ཆེན་བྱ་བར་འདོད་པས་བཤམ་བཀོད་ནི། གནས་ཁང་རྒྱན་གྱིས་སྤྲས་པའི་གུང་དུ་གཞུང་མཐུན་སྐུ་རྟེན་དང༌། འབྱོར་ན་བླ་རྡོ་སྲོག་འཁོར་ནང་སྒྲུབ་ལྟར་འདུ་བྱས་པའི་མདུན། བདག་བསྐྱེད་རྟ་མགྲིན་གྱི་དཔལ་གཏོར། གཡས་གཡོན་དུ་སྨན་རཀ །དེ་མདུན་ཁྲག་ཆང་གིས་སྦགས་པའི་དཔལ་གཏོར་དམར་པོ་བརྗིད་ལྡན་འཁོར་བཞི་ཐེབ་ཀྱུ་མང་པོས་བསྐོར་བའི་རྩེར་སྐུ་ཙཀ་དར་གདུགས་ཀྱིས་བརྒྱན་པའི་མདུན་དུ་མཆོད་གཏོར་གཙོ་འཁོར་ལྔ་པ་ཐེབ་ཀྱུ་དང་ཟས་སྣས་བསྐོར་བ། གཡས་གཡོན་དུ་མཆོད་འོས་སྲུང་མ་ཕོ་རྒྱུད་མོ་རྒྱུད་སྤྱི་བྱེ་བྲག་གི་གཏོར་མ། ཕྱི་མཆོད་རྣམས་ཕྲེང་ཚར་དུ་བསྐོར། གཞན་ཡང་ཚོགས་དང༌། དཀར་བགེགས། རྒྱུན་གྱི་གཏོར་འབུལ། གཏོར་མའི་ཁ་གསོ་ཟས་སྣ་བ་ལིཾ། ཚོགས་ཀྱི་དམ་རྫས་བཅས་འདུ་བྱའོ། །གཉིས་པ་ཕྲིན་ལས་ཀྱི་རིམ་པ་ལ། དང་པོ་བདག་གི་རྣལ་འབྱོར་ནི། གཞུང་ལས། རང་ཉིད་རྟ་མཆོག་རྒྱལ་པོར་བསྒོམས༔ གསུངས་པ་ལྟར་ཟབ་བདུན་ལུང་ལུགས་རྟ་མགྲིན་སྙིང་པོ་དོན་བསྡུས་ཀྱི་རྣལ་འབྱོར་ནི། ན་མོཿ བླ་མ་ཡི་དམ་ཁྲོ་བོའི་རྒྱལ༔ མཆོག་གསུམ་རྒྱལ་བ་རྒྱ་མཚོ་ལ༔ བདག་སོགས་འགྲོ་ཀུན་བྱང་ཆུབ་བར༔ རྩེ་གཅིག་གུས་པས་སྐྱབས་སུ་མཆི༔ ཧོཿ མར་གྱུར་སེམས་ཅན་ཐམས་ཅད་ཀུན༔ སངས་རྒྱས་གོ་འཕང་ཐོབ་བྱའི་ཕྱིར༔ ཉེས་སྤྱོད་ཀུན་སྡོམ་དགེ་ཆོས་སྡུད༔ གཞན་ཕན་བྱང་སེམས་རྟག་ཏུ་བསྐྱེད༔ བྱང་ཆུབ་མཆོག་ཏུ་སེམས་བསྐྱེད་ལ༔ ཧཱུྃ༔ སྣང་སྲིད་དབང་གི་དཀྱིལ་འཁོར་ལ༔ བགེགས་ཞེས་བྱ་བའི་མིང་ཡང་མེད༔ ཀུན་ཀྱང་ལྷ་སྔགས་ཡེ་ཤེས་ངང༔ མཚམས་ཀྱི་དཀྱིལ་འཁོར་ལྷུན་གྱིས་གྲུབ༔ ཧཱུྃ་ཧཱུྃ་ཧཱུྃ་བཛྲ་རཀྵ་རཀྵ་བྷྲཱུྃ༔ ཧཱུྃ༔ ཆོས་རྣམས་རང་བཞིན་རྣམ་པར་དག༔ བདུད་རྩི་རཀྟ་གཏོར་མ་དང༔ ཕྱི་ནང་གསང་བའི་མཆོད་པ་རྣམས༔ ཡེ་ཤེས་རོལ་བར་བྱིན་གྱིས་བརླབས༔ ཨོཾ་སརྦ་པཱུ་ཛ་མེ་གྷ་ཨཱཿཧཱུྃ༔ གཉིས་པ་དངོས་གཞིའི་རིམ་པ་ནི༔ ཧཱུྃ༔ ཆོས་ཉིད་སྤྲོས་པའི་མཐའ་བྲལ་ངང༔ སྙིང་རྗེའི་རང་མདངས་ཀུན་ལ་ཁྱབ༔ ཐུགས་རྗེའི་ཧཱུྃ་ཡིག་འོད་དུ་འབར༔ སྣོད་བཅུད་དངོས་འཛིན་ཐམས་ཅད་སྦྱང༔ ཨེ་ཡྃ་ར་སུྃ་ཡུམ་ལྔའི་མཁའ༔ རྃ་ལས་རྡོ་རྗེ་མེ་ཡི་གུར༔ བྷྲཱུྃ་ལས་དབང་གི་གཞལ་ཡས་ཁང༔ རབ་འཇིགས་དུར་ཁྲོད་བརྒྱད་ཀྱིས་བསྐོར༔ ལྟེ་བར་པད་ཉི་ཀླུ་རྒྱལ་སྟེང༔ ཧཱུྃ་ལས་དཔལ་ཆེན་རྟ་མཆོག་དཔལ༔ དམར་རྔམས་ཞལ་གསུམ་ཕྱག་དྲུག་པ༔ གཡས་དཀར་གཡོན་སྔོ་སྤྱན་དགུས་གཟིགས༔ རྟ་གདོང་ལྗང་གུ་མེ་འབར་བཞད༔ རྡོ་རྗེ་གསོར་ཞིང་དྲིལ་བུ་དཀྲོལ༔ ཁ་ཊྭཱྃ་སྦྲུལ་ཕྱར་ཐོད་ཁྲག་རོལ༔ རལ་གྲི་མེ་འབར་ལྕགས་སྒྲོག་འཛིན༔ ཞབས་བཞི་རོལ་པའི་གར་དགུ་ལྡན༔ དཔལ་དང་དུར་ཁྲོད་ཆས་ཀྱིས་བརྒྱན༔ ཡུམ་ཆེན་པདྨ་གཟི་ལྡན་མ༔ ཁ་ཊྭཱྃ་ཐོད་ཁྲག་འཛིན་པས་འཁྱུད༔ ཕྱོགས་བཞིར་འཁོར་ལོ་དྲེགས་པའི་སྟེང༔ དབང་ཆེན་ཡབ་ཡུམ་རིགས་ཀྱི་མདོག༔ རང་རྟགས་ཕྱག་མཚན་རྒྱན་རྣམས་རྫོགས༔ སྒོ་བཞིར་དབང་གི་ཁྲོ་མོ་བཞི༔ ཁོར་ཡུག་སྤྲུལ་པའི་དམ་ཅན་ཚོགས༔ རྡོ་རྗེ་གསུམ་ལྡན་ཡེ་ཤེས་ལྔ༔ བླ་མ་རྒྱལ་ཀུན་འདུས་པར་གྱུར༔ ཨོཾ་ཨཱཿཧཱུྃ༔ ཧྲཱིཿཧཱུྃ་ཏྲཱྃ་ཨོཾ་ཨཿ ཧཱུྃ༔ ཆོས་ཀྱི་དབྱིངས་ནས་འབར་བའི་སྐུ༔ ལོངས་སྤྱོད་རབ་རྫོགས་དཔལ་ཆེན་པོ༔ དབང་ཆེན་སྤྲུལ་པའི་དཀྱིལ་འཁོར་ལྷ༔ མ་ལུས་འཁོར་བཅས་གཤེགས་སུ་གསོལ༔ བཛྲ་ས་མ་ཛཿ ཨེ་ཨཱ་རལླི་ཧྲཱིཾ་ཧྲཱིཾཿ ས་མ་ཡ་ཏིཥྛ་ལྷན༔ ཨ་ཏི་པཱུ་ཧོཿ པྲ་ཏཱིཙྪ་ཧོཿ ཧཱུྃ༔ ཡེ་ཤེས་རོལ་པའི་མཆོད་སྤྲིན་ནི༔ ཕྱི་ནང་གསང་བ་བླ་ན་མེད༔ དབང་ཆེན་རོལ་པའི་ལྷ་ལ་འབུལ༔ བདེ་བ་ཆེན་པོར་བཞེས་སུ་གསོལ༔ ཨོཾ་བཛྲ་ཨརྒྷཾ་སོགས། ཤབྡ་མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་གུ་ཧྱ་པཱུ་ཛ་ཧོཿ ཧཱུྃ༔ ངོ་བོ་འགྱུར་བ་མེད་པའི་སྐུ༔ རང་གསལ་བདེ་ཆེན་དབང་སྐད་འཚེར༔ ཐུགས་རྗེ་མྱུར་བའི་འགྲོས་དང་ལྡན༔ དཀྱིལ་འཁོར་ལྷ་ལ་ཕྱག་འཚལ་བསྟོད༔ ཐུགས་ཀར་ཉི་སྟེང་ཧྲཱིཿདམར་པོ༔ སྔགས་ཀྱི་ཕྲེང་བས་བསྐོར་བ་ལས༔ འོད་འཕྲོས་རྒྱལ་བ་སྲས་བཅས་མཆོད༔ བྱིན་རླབས་དངོས་གྲུབ་རང་ལ་བསྡུས༔ མ་མོ་མཁའ་འགྲོ་ལས་ལ་བཙུད༔ ཕྲིན་ལས་རྣམ་བཞི་ལྷུན་གྱིས་གྲུབ༔ གདུག་པ་ཅན་རྣམས་ཚར་བཅད་ནས༔ ཐམས་ཅད་དཔལ་གྱི་ས་རུ་བཀོད༔ འགྲོ་བ་རྣམས་ཀྱི་སྒྲིབ་པ་སྦྱངས༔ སྣང་སྲིད་དབང་གི་སྐུ་གསུང་ཐུགས༔ ཡེ་ཤེས་དཀྱིལ་འཁོར་ཆེན་པོར་བསམ༔ ཧྲཱིཿཔདྨཱནྟ་ཀྲྀཏ་བཛྲ་ཀྲོདྷ་ཧ་ཡ་གྲཱྀ་ཝ་ཧུ་ལུ་ཧུ་ལུ་ཧཱུྃ་ཕཊ༔ བསྙེན་སྒྲུབ་ལས་གསུམ་རྫོགས་པ་ཡི༔ སྔགས་འདི་ཆུ་བོའི་རྒྱུན་བཞིན་ཏུ༔ རྟ་ཡི་འགྲོས་སྐད་སྦྱར་བས་བཟླ༔ ས་མ་ཡ༔ ཞེས་བརྒྱ་རྩ་སོགས་ཅི་ནུས་བཟླས་མཐར། ཧཱུྃ་གིས་དཀྱིལ་འཁོར་དབྱིངས་སུ་བསྡུ༔ འོད་གསལ་ཐུགས་ཀྱི་ངང་དུ་གནས༔ ཕཊ་ཀྱིས་ལྷ་རུ་ལྷག་གེར་གསལ༔ ཨོཾ་ཨཱཿཧཱུྃ་གིས་གོ་བགོས་ནས༔ དག་པའི་སྣང་བས་སྟོང་པ་སྐྱོང༔ ཞེས་ལྷར་སྣང་འོད་གསལ་དུ་བསྡུས་ལ་ཐུན་མཚམས་ཀྱི་ལྷ་སྐུའི་ང་རྒྱལ་བཟུང༌། །གཉིས་པ་མདུན་བསྐྱེད་མགོན་པོའི་གཏོར་མཆོད་བྱིན་གྱིས་བརླབ་པ་ནི། རྃ་ཡྃ་ཁྃ་གིས་བསང་སྦྱང༌། བྷྲཱུྃ་ལས་བྷཉྫ་འབར་བ་རུ༔ ཨོཾ་ཨཱཿཧཱུྃ་ལས་བྱུང་བ་ཡི༔ ཡེ་ཤེས་ལྔ་ཡི་བདུད་རྩི་དང༔ དགའ་བ་བཞི་ཡི་དམར་ཆེན་པོ༔ བདུད་རྩི་ཤ་ལྔ་བཟའ་བཅའི་ཚོགས༔ དུར་ཁྲོད་གསང་བའི་མཆོད་པའི་སྤྲིན༔ རབ་འབྱམས་ནམ་མཁའ་གང་བར་གྱུར༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋཱ༔ ཨོཾ་ཨཱཿཧཱུྃ་མ་ཧཱ་རཀྟ་ཛྭ་ལ་མཎྜལ་ཧཱུྃ་ཧྲཱིཿཋཱ༔ ཨོཾ་ཨཱཿཧཱུྃ་མ་ཧཱ་བ་ལིཾ་ཏ་ཏེ་ཛྭ་བ་ལིཾ་ཏ་བ་ལ་བ་ཏེ་གུ་ཧྱ་ས་མ་ཡ་ཧཱུྃ་ཧྲཱིཿཋཱ༔ ཨོཾ་བཛྲ་ཨརྒྷཾ་ནས། ཤབྡ་ཨཱཿཧཱུྃ༔ ཞེས་བརླབས། གསུམ་པ་ཕྲིན་ལས་དངོས་ལ་སྤྱི་དང༌། བྱེ་བྲག་གི་སྒྲུབ་ཚུལ་གཉིས་ལས་ཐོག་མར་མགོན་པོའི་ཕྱི་སྒྲུབ་གཙོ་འཁོར་སྤྱི་ལྟར་སྒྲུབ་པ་ནི། ཨོཾ་མ་ཧཱ་ཤཱུ་ནྱ་ཏ་སོགས། ཆོས་རྣམས་དམིགས་མེད་མཐའ་བྲལ་བསྒོམ༔ ཀུན་ཁྱབ་བརྩེ་བའི་སྙིང་རྗེའི་ཧཱུྃ༔ འཕྲོ་འདུས་སྲུང་འཁོར་དུར་ཁྲོད་གནས༔ རབ་འཇིགས་ཕོ་བྲང་ཨེ་ཡི་ཀློང༔ འཁོར་ལོ་བྲག་ཆེན་པད་ཉིའི་སྟེང༔ ཡེ་ཤེས་མགོན་པོ་མཐིང་ནག་འབར༔ དབུ་གསུམ་གཡས་དཀར་གཡོན་དམར་ཞལ༔ སྤྱན་དགུ་རབ་བགྲད་ཁྲོ་གཉེར་བསྡུས༔ ཞལ་གདངས་ལྗགས་འདྲིལ་ཀྵིཾ་སྒྲ་སྒྲོགས༔ མཆེ་གཙིགས་སྨར་སྨིན་དབུ་སྐྲ་འབར༔ ཕྱག་དྲུག་དང་པོས་གྲི་ཐོད་དང༔ བར་བས་མདུང་དང་རྩེ་གསུམ་ཕྱར༔ ཐ་མས་རྔེའུ་ཆུང་ཞགས་པ་འཛིན༔ ཞབས་བཞི་འདོར་ཐབས་བགེགས་རྒྱལ་མནན༔ གཤོགས་པ་རབ་གདེངས་དུར་ཁྲོད་ཆས༔ ཁྱུང་དང་སྟག་གཟིག་དོམ་ནག་འཕྲོ༔ རེ་ཏི་མཐིང་ནག་གྲི་ཐོད་ཅན༔ མཉམ་སྦྱོར་མེ་ཡི་ཀློང་ན་བཞུགས༔ ཕྱོགས་བཞིར་དགྲ་བགེགས་བསྒྱེལ་བའི་སྟེང༔ དབང་ཕྱུག་ཛི་ན་མི་ཏྲ་དང༔ གཤིན་རྗེ་ཊཱ་ཀི་རཱ་ཛ་དང༔ གནོད་སྦྱིན་ཀྵེ་ཏྲ་པཱ་ལ་དང༔ བདུད་མགོན་ཏྲག་ཤད་ནག་པོ་རྣམས༔ མཐིང་ནག་གྲི་གུག་ཐོད་ཁྲག་འཛིན༔ བེར་གསོལ་གསང་བའི་ཡུམ་དང་སྦྱོར༔ ཕྱོགས་སྐྱོང་རྒྱལ་ཆེན་དྲེགས་པས་བསྐོར༔ གནས་གསུམ་ཨོཾ་ཨཱཿཧཱུྃ་གིས་མཚན༔ ཧཱུྃ་ལས་འོད་འཕྲོས་ཡེ་ཤེས་པ༔ རང་བཞིན་གནས་ནས་སྤྱན་དྲངས་བསམ༔ ཧཱུྃ༔ ཆོས་ཀྱི་དབྱིངས་ཀྱི་ཞིང་ཁམས་དང༔ མེ་རི་འབར་བའི་དུར་ཁྲོད་ནས༔ འཇིག་རྟེན་དབང་ཕྱུག་སྤྱན་རས་གཟིགས༔ དྲག་ཏུ་ཁྲོས་པ་ཁྲོ་བོའི་རྒྱལ༔ ཡེ་ཤེས་མགོན་པོ་ཡུམ་དང་བཅས༔ བཀའ་སྡོད་བཞི་དང་དྲེགས་པའི་འཁོར༔ རང་བཞིན་གནས་ནས་འདིར་གཤེགས་ཤིག༔ ཤྲཱི་མ་ཧཱ་ཀཱ་ལ་ཨཱེ་རལླི་ཧྲཱིཾ༔ ཧཱུྃ༔ དུར་ཁྲོད་རོལ་པའི་དཀྱིལ་འཁོར་འདིར༔ དགྱེས་ཤིང་བརྟན་པར་བཞུགས་སུ་གསོལ༔ རང་གི་དབྱིངས་ནས་རིག་པའི་རྩལ༔ ཧེ་རུ་ཀ་ལ་ཕྱག་འཚལ་ལོ༔ སྔོན་གྱི་བྱང་ཆུབ་ཐུགས་བསྐྱེད་ལྟར༔ བསྟན་པ་སྲུང་བའི་ཕྲིན་ལས་མཛོད༔ ཧཱུྃ༔ དབང་པོའི་མེ་ཏོག་ཚིལ་ཆེན་གསུར༔ ཞུན་ཆེན་མར་མེ་ཁྲག་ཆེན་དྲི༔ ཤ་རུས་ཞལ་ཟས་རྐང་གླིང་དང༔ ཐོད་རྔ་དུང་ཆེན་སྒྲོགས་པས་མཆོད༔ རྩ་བརྒྱད་སྟོང་སྦྱར་ཨ་མྲྀ་ཏ༔ ཁམས་གསུམ་བསྒྲལ་བའི་རཀྟ་དང༔ འདོད་ཡོན་རྣམ་ལྔ་གཏོར་མ་སོགས༔ སྦྱོར་སྒྲོལ་གསང་བའི་མཆོད་པ་འབུལ༔ ཤྲཱི་མ་ཧཱ་ཀཱ་ལ་ས་པ་རི་ཝཱ་ར་བཛྲ་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀཻ་གནྡྷེ་ནཻ་བི་དྱ་ཤབྡ་པྲ་ཏཱིཙྪ་སྭཱ་ཧཱ༔ ཨོཾ༔ ཆོས་ཀྱི་དབྱིངས་ལས་འབར་བའི་སྐུ༔ སྐུ་གསུམ་ཡེ་ཤེས་དྲུག་སོགས་ལས༔ སྐུ་ཡི་རྣམ་འགྱུར་ཅིར་ཡང་སྟོན༔ མགོན་པོའི་སྐུ་ལ་ཕྱག་འཚལ་བསྟོད༔ བདེ་ཆེན་དབྱིངས་ལས་གྲགས་པའི་གསུང་༔ ཡན་ལག་དྲུག་ཅུ་འདུས་པའི་དཔྱིད༔ ཀྵིཾ་ཀྵིཾ་སྒྲ་སྒྲོགས་ས་གསུམ་གཡོ༔ མགོན་པོའི་གསུང་ལ་ཕྱག་འཚལ་བསྟོད༔ མི་གཡོ་མཉམ་པའི་ངང་ཉིད་ལས༔ ཐུགས་རྗེ་གཏུམ་པའི་ཡེ་ཤེས་ཐུགས༔ སངས་རྒྱས་ཀུན་དང་དབྱིངས་གཅིག་པ༔ མགོན་པོའི་ཐུགས་ལ་ཕྱག་འཚལ་བསྟོད༔ བདེ་ཆེན་མཁའ་དབྱིངས་རེ་མ་ཏཱི༔ ཛི་ན་མི་ཏྲ་སྐུ་ཡི་འཕྲུལ༔ ཊཱ་ཀི་རཱ་ཛ་གསུང་གི་མདངས༔ ཀྵེ་ཏྲ་པཱ་ལ་ཐུགས་སྤྲུལ་འགྱེད༔ ཏྲཀྴད་གཉིས་མེད་ཡེ་ཤེས་རྩལ༔ བྲན་ཏུ་འདུས་པ་དྲེགས་པའི་ཚོགས༔ ཡེ་ཤེས་རྣམ་པར་རོལ་པ་ཡི༔ མཐུ་སྟོབས་ཅན་ལ་ཕྱག་འཚལ་བསྟོད༔ དེ་ནས་བསྙེན་ཅིང་སྒྲུབ་པ་ནི༔ ཐུགས་ཀར་འོད་ཀྱི་གུར་ཁྱིམ་དབུས༔ པད་ཉིར་ཡེ་ཤེས་སེམས་དཔའ་དམར༔ འཇིག་རྟེན་དབང་ཕྱུག་ཞི་མ་ཁྲོ༔ རྡོར་དྲིལ་འཛིན་ཅིང་ཡུམ་དང་འཁྲིལ༔ དབང་གི་རྟ་སྐད་ཧི་ཧིར་བཞེད༔ སྲོག་གོར་ཉི་སྟེང་རྡོ་རྗེ་མཐིང༔ ལྟེ་བར་ཧྲཱིཿལ་སྔགས་ཀྱིས་བསྐོར༔ འོད་འཕྲོས་རྒྱལ་མཆོད་བྱིན་རླབས་བསྡུས༔ འགྲོ་བའི་སྒྲིབ་སྦྱངས་དགྲ་བགེགས་བསྒྲལ༔ སྟོབས་དང་གཟི་བརྗིད་འབར་བ་ཡིས༔ དྲེགས་པ་ལས་ལ་བཀོལ་བར་བསམ༔ ཨོཾ་ཤྲཱི་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱཾན་བི་ནཱ་ཡ་ཀ་ཧཱུྃ་ཕཊཿ འབུམ་ཕྲག་བཞི་ཡི་ལས་རྣམས་འགྲུབ༔ རང་གི་ཐུགས་ནས་འོད་འཕྲོས་པས༔ འཁོར་རྣམས་ལས་ལ་བསྐུལ་བར་བསམ༔ ཨོཾ་ཤྲཱི་དེ་ཝི་རེ་མ་ཏི་ཏྲག་རཀྵ་ཧཱུྃ་ཕཊ༔ ཅེས་ཡུམ་རེ་མ་ཏི་དང༌། ཨོཾ་ཛི་ན་མི་ཏྲ་ཧཱུྃ་ཧྲིཾ་ཧྲིཾ་ཛཿཛཿ ཞེས་དབང་ཕྱུག་ཛི་ན་མི་ཏྲ་དང༌། ཨོཾ་ཊཱ་ཀི་རཱ་ཛ་དགྲ་བགེགས་མཱ་ར་ཡ་ཧཱུྃ་ཕཊ༔ ཅེས་གནོད་སྦྱིན་ཊཱ་ཀི་རཱ་ཛ་དང༌། ཨོཾ་ཀྵེ་ཏྲ་པཱ་ལ་ཛཿམ་མོ་རེ་ཏི་བྷྱོཿ ཞེས་ཞིང་སྐྱོང་ཀྵེ་ཏྲ་པཱ་ལ་དང༌། ཨོཾ་ཀརྨ་མ་ཧཱ་ཀཱ་ལ་ཏྲཀྴད་ཛཿ ཨོཾ་དེ་ཝཱི་ཤཾ་ཁ་པཱ་ལ་ཏྲཀ་རཀྴ་བྷྱོ་ཛཿ ཞེས་བདུད་མགོན་ཏྲཀྴད་ཀྱི་སྔགས་རྣམས་ཅུང་ཟད་བཟླ། གཉིས་པ་ནང་གསུང་གི་སྒྲུབ་པ་ནི། རང་ཉིད་མགོན་པོ་གསལ་བར་བསྒོམ༔ དེ་ཡང་སྣང་སྟོང་འཇའ་ཚོན་བཞིན༔ རྣམ་རྟོག་བློ་ཡིས་མི་འཛིན་པར༔ ཡེ་ཤེས་རོལ་པའི་བརྡ་རྟགས་ལས༔ འཇིག་རྟེན་ཚུལ་གྱིས་བློ་ངན་སྤང༔ ཐ་མལ་སྣང་ཞེན་མི་དམིགས་པར༔ མགོན་པོ་དངོས་ཀྱི་ང་རྒྱལ་བསྐྱེད༔ ཐུགས་ཀར་སྔགས་ཀྱི་འཕྲོ་འདུ་བྱ༔ ཁྱད་པར་བྱང་སེམས་སྔགས་ཀྱི་གཟུགས༔ ཡབ་ཡུམ་ཞལ་བརྒྱུད་བདེ་ཆེན་བསྒོམ༔ འཛབ་ཀྱི་བཟླས་པ་རྒྱུན་མི་གཅད༔ ཅེས་དང༌། གསུམ་པ་གསང་བ་ཐུགས་ཀྱི་སྒྲུབ་པ་ནི། རང་ཉིད་མགོན་པོའི་སྐུར་བསྒོམས་ཏེ༔ རྩ་གསུམ་འཁོར་ལོ་བཞི་ལྡན་པའི༔ ཡར་སྣེ་མར་སྣེར་ཨ་ཧཾ་བསྒོམ༔ བུམ་པ་ཅན་གྱི་སྦྱོར་བ་ཡིས༔ གཏུམ་མོ་སྦར་ཞིང་བྱང་སེམས་བཞུ༔ དྭངས་མས་རྩ་འཁོར་ཐམས་ཅད་གང༔ བདེ་བའི་ངོས་བཟུང་ཀ་དག་བསྒོམ༔ རྩ་རླུང་བྱང་ཞིང་སྟོབས་ལྡན་ན༔ མཚན་ལྡན་ཕྱག་རྒྱ་རྒྱུད་སྦྱངས་ཤིང་༔ མགོན་པོ་ཡབ་ཡུམ་སྐུ་རུ་བསྒོམ༔ གསང་བ་རྡོ་རྗེ་པདྨར་གསལ༔ སྙོམས་འཇུག་རུས་སྦལ་འགྲོས་ཀྱིས་ཕབ༔ དགའ་བ་བཞི་པོ་ངོས་བཟུང་ཞིང༔ སེང་གེ་འགྱིང་བས་སྐྱིལ་བ་དང་༔ ཁྱུང་དང་རྩལ་སྤྲུགས་དག་གིས་འདྲེན༔ བྱ་རྒོད་སྒྱུར་བ་དག་གིས་བཀྲམ༔ ལྷུན་པོ་ལྟ་བུས་བརྟན་པར་བྱ༔ ཐོད་རྒལ་ངང་དུ་ཉམས་བསྐྱངས་བས༔ བདེ་ཆེན་སྤྲོས་བྲལ་རྟོགས་པར་འགྱུར༔ བཞི་པ་ཡང་གསང་ཡེ་ཤེས་ཀྱི་སྒྲུབ་པ་ནི། རང་ཉིད་མགོན་པོའི་སྐུར་གསལ་ཞིང༔ དེ་ཉིད་སྣང་སྟོང་ངང་ལ་བཞག༔ དེ་ཡང་ཧཱུྃ་གི་རང་བཞིན་གྱུར༔ སྟོང་གསུམ་ཐམས་ཅད་ཧཱུྃ་གིས་གང༔ བརྟན་གཡོ་ཧཱུྃ་གི་གཟུགས་སུ་གྱུར༔ ཧཱུྃ་གི་སྒྲ་གདངས་སྲིད་གསུམ་གཡོ༔ ཀུན་ཀྱང་རིག་པའི་ཧཱུྃ་ལ་ཐིམ༔ དེ་ཡང་དབྱིངས་ཀྱི་ཀློང་དུ་ཐིམ༔ དབྱིངས་རིག་དབྱེར་མེད་མཐའ་དབུས་བྲལ༔ བྱ་བྲལ་འོད་གསལ་ཟང་ཐལ་ལེ༔ རྩོལ་མེད་ངང་དུ་བཞག་པ་ཡིས༔ གང་ཤར་རང་གྲོལ་དམིགས་སུ་མེད༔ ཉམས་ལ་ཤར་བ་དེ་ཀ་བསྐྱང༔ འཛིན་མེད་རྒྱ་ཡན་ལྷུག་པར་གནས༔ དབྱིངས་ལས་འགྱུར་མེད་རིག་པའི་རྩལ༔ དབྱེར་མེད་མ་འདྲེས་ཐ་ལེར་གསལ༔ སྒྲ་ཚིག་བརྗོད་པའི་ཡུལ་ལས་འདས༔ དེ་ལྟར་རྟོགས་ན་མཐར་ཕྱིན་འགྲུབ༔ ཅེས་པ་རྣམས་གཏེར་གཞུང་རྡོ་རྗེའི་ཚིག་རྐང་སོར་བཞག་མཚོན་བྱེད་ཙམ་སྟེ་ཚུལ་བཞིན་ཉམས་སུ་ལེན་པ་ལ་ཁྲིད་ཟིན་ཉུང་གསལ་ཞིག་ལོགས་སུ་འབྲི་བར་སེམས་སོ། །གཉིས་པ་བྱེ་བྲག་གི་སྒྲུབ་པ་ལ་གཙོ་འཁོར་གྱི་སྒོས་སྒྲུབ་གཉིས་ལས། དང་པོ་གཙོ་བོའི་སྒོས་སྒྲུབ་ཀྱི་དང་པོ་སྐུ་མགོན་དཀར་པོའི་ཚེ་སྒྲུབ་པ་ནི། སྟེགས་བུ་པདྨ་འདབ་བརྒྱད་བྲིས་པའི་ལྟེ་བར་རིན་པོ་ཆེའི་བུམ་པ་སོ་ལྔའི་རྫས་ཀྱི་སུམ་ཉིས་བཀང་བའི་ཁར། ཨ་རུ་ར་དང་ར་མོ་ཤག༔ ལུག་མུར་དབང་ལག་བཙན་དུག་དང༔ འབྲི་མར་སྦྲང་དང་ཤ་ཆེན་དང༔ གུ་གུལ་ཡུངས་ཀར་སྦྱར་བ་ཡི༔ ཞེས་པའི་རྫས་མཆོག་བཅུ་སྦྱར་བའི་རིལ་བུའི་ཐོད་པ་མཚན་ལྡན་བཀང་བ་བཞག་པ་ཁ་དར་གྱིས་བཀབ། གཡས་སུ་ཚེ་འབྲས་དཀར་པོའི་བཀང་བའི་རིན་པོ་ཆེའི་སྣོད་ཀྱི་སྟེང་ཚེ་འབྲང༌། གཡོན་དུ་བྷནྡྷ་ཚེ་ཆང་གིས་བཀང་བ་མར་གྱི་གཟེད་ཁ་ཅན། རྒྱབ་ཏུ་ཚེ་མདའ་དར་སྣས་བརྒྱན་པ་ལ། གཏོར་མ་དཀར་ཟླུམ་འཁོར་བཞི་ཅན་དང༌། སྨན་རཀ་དང་ཉེར་སྤྱོད་མཆོད་པས་བཀོད་མཛེས་སུ་བསྐོར་ལ། ལས་རིམ་དངོས་ནི། བརྒྱུད་འདེབས་མགོན་མཐིང་ལྟར་བཏང་ལ། ན་མོ༔ བླ་མ་ཡེ་ཤེས་མགོན་པོ་དང༔ མཆོག་གསུམ་རྒྱལ་བ་རྒྱ་མཚོ་ལ༔ བདག་སོགས་འགྲོ་ཀུན་བྱང་ཆུབ་བར༔ རྩེ་གཅིག་གུས་པས་སྐྱབས་སུ་མཆི༔ ལན་གསུམ། ཧོ༔ མ་གྱུར་སེམས་ཅན་ཐམས་ཅད་ཀུན༔ སངས་རྒྱས་གོ་འཕང་ཐོབ་བྱའི་ཕྱིར༔ ཉེས་སྤྱོད་ཀུན་སྡོམ་དགེ་ཆོས་སྡུད༔ གཞན་ཕན་བྱང་སེམས་རྟག་ཏུ་བསྐྱེད༔ ལན་གསུམ། དཀོན་མཆོག་གསུམ་ལ་བདག་སྐྱབས་མཆི། །སོགས། བསགས་སྦྱངས་ལན་གསུམ་མཐར། སེམས་ཅན་བདེ་དང་ལྡན་གྱུར་ཅིག །སོགས་ཚད་མེད་བཞིའི་རྒྱུད་སྦྱངས་ལན་གསུམ་མཐར། རྃ་ཡྃ་ཁྃ། རྣམ་དག་ཆོས་དབྱིངས་ངང་ཉིད་ལས། །རང་བྱུང་མཆོད་པའི་ཕུང་པོ་ནི། །ཀུན་བཟང་མཆོད་པའི་སྤྲིན་ལྟ་བུའི། །དཔག་ཡས་ནམ་མཁའ་གང་བར་གྱུར། །ཨོཾ་བཛྲ་ཨརྒྷཾ་ནས་ཤབྡ་ཨཱཿཧཱུྃ་གིས་ཕྱི་མཆོད་དང༌། ཨོཾ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཨཱཿཧཱུྃ་གིས་ནང་མཆོད་བྱིན་གྱིས་བརླབས། དངོས་གཞི་བདག་ཉིད་ལྷར་བསྒོམ་པ་ནི། ཧཱུྃ༔ ཕྱོགས་མཚམས་རྡོ་རྗེའི་གུར་ཁང་དབུས༔ སྣ་ཚོགས་རྡོ་རྗེའི་ལྟེ་བ་རུ༔ བྷྲཱུྃ་ལས་བུམ་པ་གཞལ་ཡས་ཁང༔ རྡོ་རྗེ་ཕྱེད་པའི་ཁ་ཆོད་ཅན༔ དེ་ནང་ཉི་ཟླའི་གྭའུའི་དབུས༔ གྲི་གུག་འབར་བའི་ལྟེ་བ་ལ༔ པདྨ་ཉི་ཟླའི་གདན་སྟེང་དུ༔ ཧཱུྃ་ལས་མགོན་པོ་ཚེ་ཡི་བདག༔ དཀར་གསལ་ཞལ་གཅིག་ཕྱག་གཉིས་པ༔ ཕྱག་གཉིས་ཐལ་སྦྱར་ཚེ་བུམ་འཛིན༔ ཞབས་གཉིས་ཙནྡན་འཁྱིལ་སྟབས་བཞུགས༔ དུར་ཁྲོད་འབར་བའི་ཆས་ཀྱི་བརྒྱན༔ ཡུམ་དམར་གྲི་ཐོད་འཛིན་དང་སྦྱོར༔ འདབ་མ་བཞི་ལ་རིགས་བཞི་ཡི༔ མཁའ་འགྲོ་དཀར་སེར་དམར་ལྗང་བཞི༔ གྲི་གུག་ཐོད་ཁྲག་ཕྱག་ན་བསྣམས༔ གནས་གསུམ་ཨོཾ་ཨཱཿཧཱུྃ་གིས་མཚན༔ ཧཱུྃ་ལས་འོད་འཕྲོས་ཡེ་ཤེས་པ༔ རང་བཞིན་གནས་ནས་སྤྱན་དྲངས་བསམ༔ ཧཱུྃ༔ ཆོས་ཀྱི་དབྱིངས་ཀྱི་ཞིང་ཁམས་དང༔ མེ་རི་འབར་བའི་དུར་ཁྲོད་ནས༔ འཇིག་རྟེན་དབང་ཕྱུག་སྤྱན་རས་གཟིགས༔ དྲག་ཏུ་ཁྲོས་པ་ཁྲོ་བོའི་རྒྱལ༔ ཡེ་ཤེས་མགོན་པོ་ཡུམ་དང་བཅས༔ བཀའ་སྡོད་བཞི་དང་དྲེགས་པའི་འཁོར༔ རང་བཞིན་གནས་ནས་འདིར་གཤེགས་ཤིག༔ ཤྲཱི་མ་ཧཱ་ཀཱ་ལ་ཨཱེ་རལླི་ཧྲཱིཾ༔ ཧཱུྃ༔ བདེ་ཆེན་རོལ་པའི་དཀྱིལ་འཁོར་འདིར༔ དགྱེས་ཤིང་བརྟན་པར་བཞུགས་སུ་གསོལ༔ རང་གི་དབྱིངས་ནས་རིག་པའི་རྩལ༔ ཧེ་རུ་ཀ་ལ་ཕྱག་འཚལ་ལོ༔ སྔོན་གྱི་བྱང་ཆུབ་ཐུགས་བསྐྱེད་ལྟར༔ བསྟན་པ་སྲུང་བའི་ཕྲིན་ལས་མཛོད༔ ཧཱུྃ༔ དབང་པོའི་མེ་ཏོག་ཚིལ་ཆེན་གསུར༔ ཞུན་ཆེན་མར་མེ་ཁྲག་ཆེན་དྲི༔ ཤ་རུས་ཞལ་ཟས་རྐང་གླིང་དང༔ ཐོད་རྔ་དུང་ཆེན་སྒྲོགས་པས་མཆོད༔ ཧཱུྃ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ ཀུན་ཏུ་བཟང་པོའི་མཆོད་སྤྲིན་གྱིས༔ ཡེ་ཤེས་མགོན་པོ་འཁོར་བཅས་མཆོད༔ བཞེས་ནས་ ནོར་སྒྲུབ་སྐབས། འདོད་དགུའི་དངོས་གྲུབ་སྩོལ། དབང་སྡུད་སྐབས། དབང་གི་དངོས་གྲུབ་སྩོལ། ལས་སྣ་ཚོགས་སྐབས། བཞེས་ནས་རབ་འབྱམས་ལས་ཀུན་སྩོལ༔ དྲག་མགོན་ནག་པོར། བཞེས་ནས་མངོན་སྤྱོད་ལས་ཀུན་སྩོལ༔ ཚེ་ཡི་དངོས་གྲུབ་སྩོལ། ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་བཛྲ་ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱ༔ ཧཱུྃ༔ རྩ་བརྒྱད་སྟོང་སྦྱར་ཨ་མྲྀ་ཏ༔ ཁམས་གསུམ་བསྒྲལ་བའི་རཀྟ་དང༔ འདོད་ཡོན་རྣམ་ལྔ་གཏོར་མ་སོགས༔ སྦྱོར་སྒྲོལ་གསང་བའི་མཆོད་པ་འབུལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་སརྦ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་ཏ་ན་ག་ན་པཱུ་ཛ་ཧོཿ ཨོཾ༔ ཆོས་ཀྱི་དབྱིངས་ལས་འབར་བའི་སྐུ༔ སྐུ་གསུམ་ཡེ་ཤེས་དྲུག་སོགས་ལས༔ སྐུ་ཡི་རྣམ་འགྱུར་ཅིར་ཡང་སྟོན༔ མགོན་པོའི་སྐུ་ལ་ཕྱག་འཚལ་བསྟོད༔ བདེ་ཆེན་དབྱིངས་ལས་གྲགས་པའི་གསུང༔ ཡན་ལག་དྲུག་ཅུ་འདུས་པའི་དཔྱིད༔ ཀྵིཾ་ཀྵིཾ་སྒྲ་སྒྲོག་ས་གསུམ་གཡོ༔ མགོན་པོའི་གསུང་ལ་ཕྱག་འཚལ་བསྟོད༔ མི་གཡོ་མཉམ་པའི་ངང་ཉིད་ལས༔ ཐུགས་རྗེ་གཏུམ་པའི་ཡེ་ཤེས་ཐུགས༔ སངས་རྒྱས་ཀུན་དང་དབྱིངས་གཅིག་པ༔ མགོན་པོའི་ཐུགས་ལ་ཕྱག་འཚལ་བསྟོད༔ ཟླ་བ་ལྟར་དཀར་འཆི་མེད་བདུད་རྩིའི་རྒྱུན༔ བདེ་གཤེགས་རྒྱལ་བའི་ཀུནྡ་འདུས་པའི་བཅུད༔ ཚེ་དང་ཡེ་ཤེས་དཔག་ཏུ་མེད་པའི་དཔལ༔ འཆི་བདག་བདུད་འཇོམས་ཁྱེད་ལ་ཕྱག་འཚལ་བསྟོད༔ དགའ་བཞི་བདེ་བ་ཆེན་པོ་སྨིན་པའི་གཟུགས༔ ཕྱག་རྒྱ་བཞི་ཡི་ཆོ་འཕྲུལ་རྨད་བྱུང་བས༔ ཚད་མེད་ དབང་སྡུད་སྐབས། ཚད་མེད་རྣམ་བཞིའི་དབང་གི་དངོས་གྲུབ་སྩོལ། མགོན་ལྗང་དང་མགོན་ནག་སྐབས་བསྟོད་པའི་ཚིག་ཐ་མ། ཐོགས་མེད་ཕྲིན་ལས་རྣམ་བཞིའི་གཟུགས། །སྤྲུལ་པའི་ལས་བྱེད་ཕོ་ཉ་བཞི། །ཕྱོགས་སྐྱོང་རྒྱལ་ཆེན་དཔལ་མགོན་ཚོགས། །འཁོར་དང་བཅས་ལ་ཕྱག་འཚལ་བསྟོད། །རྣམ་བཞིའི་ཡེ་ཤེས་ཚེ་མཆོག་སྩོལ༔ འཁོར་གྱི་མཁའ་འགྲོ་བཞི་ལ་ཕྱག་འཚལ་བསྟོད༔ བཟླས་རིམ་དངོས་ནི། ཐུགས་ཀར་ཉི་ཟླའི་གྭའུའི་དབུས༔ མི་འགྱུར་ཚེ་སྲོག་རིག་པ་གསུམ༔ འོད་ཟེར་ཀུན་ཏུ་འཕྲོས་པ་ཡིས༔ འཕགས་པའི་ཚེ་ཡི་དངོས་གྲུབ་དང༔ འཁོར་བའི་ཚེ་སྲོག་བསོད་ནམས་དང༔ འབྱུང་ལྔའི་བཅུད་དང་དྭངས་མ་དང༔ རང་གི་བླ་ཚེ་སྲོག་དབུགས་རྣམས༔ གཞན་གྱིས་བརྐུས་པ་ཐམས་ཅད་འཕྲོག༔ མ་ལུས་བདུད་རྩིའི་རྣམ་པར་བསྡུས༔ བུམ་པའི་ཁ་ཕྱེ་ཕྱི་ནང་གང༔ རང་གི་ལུས་ངག་ཡིད་ལ་ཐིམ༔ འཁོར་འདས་ཚེ་ཡི་བཅུད་འདུས་ནས༔ སྔར་ལས་གཟི་བརྗིད་ཆེར་འབར་ཞིང༔ རྡོ་རྗེའི་རྡུལ་ཕྲན་དུ་མས་གཏམས༔ བུམ་པའི་ཁ་བསྒྲིགས་མེ་འབར་བ༔ རྡོ་རྗེའི་ཚྭ་ཚྭས་བར་ཆད་བསྲུང༔ ཨོཾ་ཤྲཱི་མ་ཧཱ་ཀཱ་ལ་རེ་མ་ཏི་ཧ་རི་ནི་ས་ཨཱ་ཡུཿསིདྡྷི་ཚེ་བྷྲཱུྃ༔ ཞེས་བཟླ་ཐུན་མཐར་མདའ་དར་གཡབ་ལ། ཧཱུྃ༔ བདེ་ཆེན་འབར་བའི་དབྱིངས་ཀྱི་ལྷ༔ ཡེ་ཤེས་མགོན་པོའི་ཐུགས་དམ་བསྐུལ༔ འཁོར་འདས་ཚེ་ཡི་བཅུད་རྣམས་བསྐུལ༔ ཚེ་བདུད་ཐམས་ཅད་རྡུལ་དུ་རློག༔ བླ་ཚེ་བརྐུས་པ་ཐམས་ཅད་ཁུག༔ ཧཱུྃ༔ ཡུམ་ཆེན་ལྷ་མོ་རེ་མ་ཏི༔ ཁྱོད་ཀྱི་ཐུགས་དམ་དུས་ལ་བབ༔ འཁོར་འདས་ཚེ་ཡི་བཅུད་རྣམས་སྡུས༔ ཚེ་བདུད་ཐམས་ཅད་རྡུལ་དུ་རློག༔ བླ་ཚེ་བརྐུས་པ་ཐམས་ཅད་ཁུག༔ ཧཱུྃ༔ འཁོར་གྱི་མཁའ་འགྲོ་ཆེན་མོ་བཞི༔ ཁྱོད་ཀྱི་ཐུགས་དམ་དུས་ལ་བབ༔ འཁོར་འདས་ཚེ་ཡི་བཅུད་རྣམས་སྡུས༔ ཚེ་བདུད་ཐམས་ཅད་རྡུལ་དུ་རློག༔ བླ་ཚེ་བརྐུས་པ་ཐམས་ཅད་ཁུག༔ ཨོཾ་མ་ཧཱ་ཀཱ་ལ་རེ་མ་ཏི་ཧ་རི་ནི་ས་ཨཱ་ཡུཿསིདྡྷི་ཚེ་བྷྲཱུྃ༔ ཞེས་སྦྱར། སྐུ་གསུང་ཐུགས་ཀྱི་གཟི་བྱིན་སྤྲིན། །འབར་བའི་སྣང་བ་ལས་གྲུབ་པའི། །རྡོ་རྗེ་རྡུལ་གྱི་གོ་ཆས་གཏམས། །ཅིས་ཀྱང་མི་ཆོད་རབ་ཏུ་བརྟན། ཡེ་དྷརྨས་རྒྱས་གདབ་བྱ། ཚོགས་དང་བསྐང་བ་མགོན་མཐིང་ལྟར་བྱ་ཞིང༌། སྒྲུབ་པ་གྲུབ་པའི་ཉིན་བུམ་ཐོད་སྤྱི་བོར་བཞག་ལ། ཨོཾ༔ ཡེ་ཤེས་མགོན་པོའི་ལྷ་ཚོགས་རྣམས༔ རྟག་པ་མི་འགྱུར་ཚེ་ཡི་ལྷ༔ བདེ་བ་ཆེན་པོའི་མཁའ་དབྱིངས་ནས༔ འཆི་མེད་རྡོ་རྗེའི་ཚེ་སྩོལ་ལ༔ བགྲེས་རྒུད་མེད་པའི་དབང་བསྐུར་ཅིག༔ སྙིང་པོའི་མཐར། ཀཱ་ཡ་ཝཱཀ་ཙིཏྟ་ཨ་བྷི་ཥིཉྩ་ཧཱུྃ༔ ཡེ་ཤེས་ལྷ་ཚོགས་ཐམས་ཅད་ཀུན༔ མཉམ་སྦྱོར་བྱང་ཆུབ་སེམས་ཀྱི་རྒྱུན༔ བླུག་ཅིང་བདག་དང་དབྱེར་མེད་གྱུར༔ ཞེས་དམིགས་ཏེ་ཚེ་གལ་དང་རིལ་ཆང་རྣམས་མྱངས་མཐར། ཨོཾ༔ འགྲུབ་པར་གྱུར་ཅིག་སོགས། ཤིས་བརྗོད་བཅས་བྱའོ། །འདི་ལ་བརྟེན་ནས་དམིགས་བསལ་ཚེ་དབང་བྱ་བར་འདོད་ན། ཁྲུས་བགེགས་སྲུང་འཁོར་སྔོན་དུ་འགྲོ་བས། ལོ་རྒྱུས་ཀྱི་ཁྱད་པར། སྒྲུབ་བྱའི་གཞི་རླུང་ཐིག་སེམས་དང་ཡེ་ཤེས་ཀྱི་ཚེ་རྣམས་ཉམས་པ་གསོ་ཞིང༌། ནུས་སྟོབས་འཕེལ་རྒྱས་བརྟན་པའི་ཐབས་སུ་ལྷ་སྔགས་ཏིང་འཛིན་གྱི་ནུས་པ་སྟོབས་སུ་གྱུར་པས་སྐྱེ་འཆི་བགྲེས་རྒུད་དང་བྲལ་བའི་འཕོ་མེད་རྡོ་རྗེའི་སྲོག་སྒྲུབ་པའི་ཐབས་དང་མན་ངག་བཀའ་གཏེར་གྱི་གཞུང་རབ་འབྱམས་ལས་བསྟན་པའི་བྱེ་བྲག །གསུང་རྡོ་རྗེ་འོད་དཔག་མེད་པའི་ཕྲིན་ལས་ཀྱི་སྐྱ་རེངས་འཕགས་མཆོག་པདྨ་གར་དབང་བཀའ་སྲུང་ཡེ་ཤེས་མགོན་པོའི་སྐུར་བཞེངས་པ་མཚན་དང་སྐུ་ཡི་བཀོད་པ་རིགས་ལྔ་ལས་སྐུ་དེ་བཞིན་གཤེགས་རིགས་འཆི་མེད་ཚེ་ཡི་དངོས་གྲུབ་སྩོལ་བ་ལ་བསྔགས་པའི་ཡེ་ཤེས་མགོན་པོ་དཀར་པོ་ལ་བརྟེན་ནས་ཚེ་ཡི་བྱིན་རླབས་དབང་བསྐུར་བགྱི་བ་ལ་མཎྜལ་ཕུལ། གསོལ་གདབ། སྐྱབས་སེམས་བསགས་སྦྱངས། སློབ་མ་མགོན་དཀར་དུ་བསྐྱེད་ལ་ཡེ་ཤེས་དབབ་བསྟིམ། ཚེ་འགུགས་ཀྱི་རྗེས། ཨོཾ༔ ཡེ་ཤེས་མགོན་པོའི་ལྷ་ཚོགས་རྣམས༔ རྟག་པ་མི་འགྱུར་ཚེ་ཡི་ལྷ༔ བདེ་བ་ཆེན་པོའི་མཁའ་དབྱིངས་ནས༔ འཆི་མེད་རྡོ་རྗེའི་ཚེ་སྩོལ་ལ༔ བགྲེས་རྒུད་མེད་པའི་དབང་བསྐུར་ཅིག༔ སྙིང་པོའི་མཐར། ཀཱ་ཡ་ཝཱཀ་ཙིཏྟ་ཨ་བྷི་ཥིཉྩ་ཧཱུྃ༔ བུམ་པ། ཐོད་རྫས། ཚེ་རིལ་ཆང་གཏད་ཅིང༌། རྒྱས་གདབ། གཏང་རག་དམ་ཚིག་ཁས་བླང་སོགས་བྱས་ཀྱང་མི་རུང་བ་མེད་དོ། །ཡང་ཚེ་སྲུང་འཁོར་ལོ་བྲི་བར་འདོད་ན་འཁོར་ལོ་རིམ་པ་ལྔ་བསྐོར་བའི་ལྟེ་བར། ཨ་ནྲྀ་ཧཱུྃ་སྟེ་ཚེ་ཡི་སྙིང་པོ་གསུམ། དེའི་ཕྱིའི་མུ་ཁྱུད་ལ། མདུན་ནས་བརྩམས་ཏེ། ཨོཾ་ཤྲཱི་མ་ཧཱ་ཀཱ་ལ་རེ་མ་ཏི་ཧ་རི་ནི་ས་ཨཱ་ཡུཿསིདྡྷི་ཚེ་བྷྲཱུྃ༔ ཞེས་པའི་གཟུངས་སྔགས་ཀྱིས་བསྐོར། དེའི་ཕྱི་པད་འདབ་བཞིའི་སྟེང༌། ཧ་རི་ནི་ས་རིགས་བཞིའི་མཁའ་འགྲོ། མཐའི་མུ་ཁྱུད་ལ། དབྱངས་གསལ་རྟེན་སྙིང་གི་མཐར། མྱུར་མཛད་ཡེ་ཤེས་ཀྱི་སྐུ་ཡི་མགོན་པོ་ཡབ་ཡུམ་རིགས་བཞིའི་མཁའ་འགྲོ་དང་བཅས་པས་བདག་འཆང་བ་པོ་ལ་ཚེ་དང་ཡེ་ཤེས་ཀྱི་དངོས་གྲུབ་སྩལ་དུ་གསོལ། ཞེས་ནུས་པ་བསྐྱེད་བརྟན་དང་འདོད་གསོལ་བཅས་པས་བསྐོར། དེའི་ཕྱིར་རྡོ་རྭ་མེ་རིས་བསྐོར་ཞིང༌། གོང་གི་ཚེ་རྫས་ཀྱིས་བྱུགས་ལ་རབ་ཏུ་གནས་པ་ལུས་ལ་བཅངས་པས་ཚེ་ཡི་དཔལ་བསྐྱེད་ཅིང་འགལ་རྐྱེན་སྲུང་བའོ། ༈ གཉིས་པ་ཡོན་ཏན་མགོན་པོ་སེར་པོའི་སྒེར་སྒྲུབ་ནི། རྒྱས་པའི་ལས་ལ་ཤིས་པའི་གནས་སུ་རིན་པོ་ཆེའི་བུམ་པའི་ནང་དུ་གཞུང་མཐུན་གྱི་སྐུའི་རྒྱབ་ཏུ་སྔགས་བྱང་བྲིས་པ་དང༌། ཉེར་ལྔའི་རྫས་དང་རིན་པོ་ཆེ་འབྲུ་སྨན་དར་ཟབ་སོགས་བཀྲ་ཤིས་གཏེར་བུམ་རྫས་ཀྱིས་ཕྱུར་བུར་གཏམས་པ་དང༌། འབྲང་རྒྱས་སེར་པོ་ནོར་གཟུགས་ཟས་སྣས་བཟང་དགུས་བསྐོར་བ་དང༌། སྨན་རཀ་ཉེར་སྤྱོད་ཀྱིས་བསྐོར་བ་བཀོད་མཛེས་བརྗིད་དང་ལྡན་པར་བཤམས་ལ། སྐྱབས་སེམས་ནས་མཆོད་པ་བྱིན་རླབས་བར་གོང་ལྟར་བྱས་ལ། ལྷ་བསྐྱེད་དངོས་གཞི་ནི། མདུན་རྟེན་བསང་སྦྱངས། ཨོཾ་མ་ཧཱ་ཤཱུ་ནྱ་ཏ་སོགས། སྟོང་པའི་ངང་ལས་སྐད་ཅིག་གིས༔ བྷྲཱུྃ་ལས་རིན་ཆེན་གཞལ་ཡས་ཁང༔ ནང་དུ་ཀུན་བཟང་མཆོད་སྤྲིན་གཏིབས༔ རིན་ཆེན་འབར་བའི་གདན་སྟེང་དུ༔ ཡེ་ཤེས་མགོན་པོ་ནོར་བདག་སེར༔ ཤ་རྒྱས་གསུས་ཆེ་ཕྱག་གཉིས་ཀྱིས༔ ནོར་བུ་དབྱིག་གི་གཏེར་ཆེན་འཛིན༔ ཡུམ་སེར་རིན་ཆེན་འཛིན་དང་འཁྲིལ༔ འཁོར་དུ་རྒྱལ་པོ་ཆེན་པོ་བཞི༔ རིན་ཆེན་གཏེར་གྱི་རྐྱལ་པ་བསྣམས༔ དགྱེས་ཆགས་དར་དང་རིན་ཆེན་བརྒྱན༔ ཀུན་ཀྱང་སྐྱིལ་ཀྲུང་ཕྱེད་པས་བཞུགས༔ གནས་གསུམ་ཨོཾ་ཨཱཿཧཱུྃ་གིས་མཚན༔ ཧཱུྃ་ལས་འོད་འཕྲོས་ཡེ་ཤེས་པ༔ རང་བཞིན་གནས་ནས་སྤྱན་དྲངས་བསམ༔ ཧཱུྃ༔ ཆོས་ཀྱི་དབྱིངས་ཀྱི་ཞིང་ཁམས་དང༔ མེ་རི་འབར་བའི་དུར་ཁྲོད་ནས༔ འཇིག་རྟེན་དབང་ཕྱུག་སྤྱན་རས་གཟིགས༔ དྲག་ཏུ་ཁྲོས་པ་ཁྲོ་བོའི་རྒྱལ༔ ཡེ་ཤེས་མགོན་པོ་ཡུམ་དང་བཅས༔ བཀའ་སྡོད་བཞི་དང་དྲེགས་པའི་འཁོར༔ རང་བཞིན་གནས་ནས་འདིར་གཤེགས་ཤིག༔ ཤྲཱི་མ་ཧཱ་ཀཱ་ལ་ཨཱེ་རལླི་ཧྲཱིཾ༔ ཧཱུྃ༔ བདེ་ཆེན་རོལ་པའི་དཀྱིལ་འཁོར་འདིར༔ དགྱེས་ཤིང་བརྟན་པར་བཞུགས་སུ་གསོལ༔ རང་གི་དབྱིངས་ནས་རིག་པའི་རྩལ༔ ཧེ་རུ་ཀ་ལ་ཕྱག་འཚལ་ལོ༔ སྔོན་གྱི་བྱང་ཆུབ་ཐུགས་བསྐྱེད་ལྟར༔ བསྟན་པ་སྲུང་བའི་ཕྲིན་ལས་མཛོད༔ ཧཱུྃ༔ དབང་པོའི་མེ་ཏོག་ཚིལ་ཆེན་གསུར༔ ཞུན་ཆེན་མར་མེ་ཁྲག་ཆེན་དྲི༔ ཤ་རུས་ཞལ་ཟས་རྐང་གླིང་དང༔ ཐོད་རྔ་དུང་ཆེན་སྒྲོགས་པས་མཆོད༔ ཧཱུྃ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ ཀུན་ཏུ་བཟང་པོའི་མཆོད་སྤྲིན་གྱིས༔ ཡེ་ཤེས་མགོན་པོ་འཁོར་བཅས་མཆོད༔ བཞེས་ནས་འདོད་དགུའི་དངོས་གྲུབ་སྩོལ། ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་བཛྲ་ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱ༔ ཧཱུྃ༔ རྩ་བརྒྱད་སྟོང་སྦྱར་ཨ་མྲྀ་ཏ༔ ཁམས་གསུམ་བསྒྲལ་བའི་རཀྟ་དང༔ འདོད་ཡོན་རྣམ་ལྔ་གཏོར་མ་སོགས༔ སྦྱོར་སྒྲོལ་གསང་བའི་མཆོད་པ་འབུལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་སརྦ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་ཏ་ན་ག་ན་པཱུ་ཛ་ཧོཿ ཨོཾ༔ ཆོས་ཀྱི་དབྱིངས་ལས་འབར་བའི་སྐུ༔ སྐུ་གསུམ་ཡེ་ཤེས་དྲུག་སོགས་ལས༔ སྐུ་ཡི་རྣམ་འགྱུར་ཅིར་ཡང་སྟོན༔ མགོན་པོའི་སྐུ་ལ་ཕྱག་འཚལ་བསྟོད༔ བདེ་ཆེན་དབྱིངས་ལས་གྲགས་པའི་གསུང༔ ཡན་ལག་དྲུག་ཅུ་འདུས་པའི་དཔྱིད༔ ཀྵིཾ་ཀྵིཾ་སྒྲ་སྒྲོག་ས་གསུམ་གཡོ༔ མགོན་པོའི་གསུང་ལ་ཕྱག་འཚལ་བསྟོད༔ མི་གཡོ་མཉམ་པའི་ངང་ཉིད་ལས༔ ཐུགས་རྗེ་གཏུམ་པའི་ཡེ་ཤེས་ཐུགས༔ སངས་རྒྱས་ཀུན་དང་དབྱིངས་གཅིག་པ༔ མགོན་པོའི་ཐུགས་ལ་ཕྱག་འཚལ་བསྟོད༔ གསེར་གྱི་ལྷུན་པོ་ཉི་འོད་འབུམ་གྱིས་འཁྱུད༔ འདོད་པའི་དོན་སྟེར་ནོར་བུའི་ཆར་ཆེན་བསྙིལ༔ དཔག་བསམ་ཤིང་གནས་དགོས་འདོད་སྦྱིན་པའི་ཡུམ༔ དངོས་གྲུབ་ཆུ་གཏེར་ཟད་མེད་ཁྱོད་ལ་བསྟོད༔ དཔལ་གྱི་བཀའ་ཉན་ཕྱོགས་བཞིའི་འཇིག་རྟེན་སྐྱོངས༔ ལས་བཞིའི་ཕྲིན་ལས་གང་བཅོལ་ཐོགས་མེད་སྒྲུབ༔ བསྡུ་དངོས་བཞི་ཡི་འགྲོ་བའི་དོན་མཛད་ལྷ༔ བཀའ་སྡོད་རྒྱལ་ཆེན་བཞི་ལ་ཕྱག་འཚལ་བསྟོད༔ བསྙེན་དམིགས་ནི། ཐུགས་ཀར་རིན་པོ་ཆེ་ཡི་དབུས༔ ཧཱུྃ་ལས་འོད་ཟེར་བསམ་ཡས་འཕྲོས༔ སྤྲུལ་པ་ཉི་ཟེར་རྡུལ་ལྟར་འཚུབས༔ ལྷ་ཀླུ་མི་གསུམ་ཐམས་ཅད་ཀྱིས༔ བསོད་ནམས་ལོངས་སྤྱོད་མ་ལུས་བསྡུས༔ བདག་དང་བརྟན་གཡོ་རྫས་ལ་ཐིམ༔ བསོད་ནམས་དཔལ་དུ་འབར་བ་དང༔ ལོངས་སྤྱོད་མཚོ་ལྟར་རྒྱས་པར་བསམ༔ ཨོཾ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱཾ་བི་ནཱ་ཡ་ཀ༔ ཤྲཱི་དེ་བཱི་རེ་མ་ཏི་ཏྲག་རཀྴ༔ ཌྷྲིཥྚ་རཱཥྚ་ཡ༔ བཻ་རཱུ་ཌྷ་ཀ་ཡ༔ བི་རཱུ་པཱཀྵ་ཡ༔ བཻ་ཤྲ་བ་ཎཱ་ཡ༔ མ་ཧཱ་པུཎྱེ་ཀཱ་མ་གུ་ཎ་སརྦ་རཏྣ་ཧཱུྃ་ཧཱུྃ་པུཥྚིཾ་ཀུ་རུ་ཡེ་སྭཱ་ཧཱ༔ བཟླས་པ་ཇི་ཙམ་ནུས་པའི་མཐར། མདའ་དར་གཡབ། དྲི་བཟང་གི་སྤོས་དང་སྙན་པའི་དབྱངས་ཀྱིས་བསྐུལ་ཏེ། ཧཱུྃ༔ བསོད་ནམས་ཚོགས་གཉིས་རྫོགས་པའི་ལྷ༔ འདོད་རྒུའི་མཆོག་སྩོལ་ནོར་གྱི་བདག༔ དབུལ་བ་ཀུན་སེལ་རིན་ཆེན་གཏེར༔ ཡེ་ཤེས་མགོན་པོའི་ཐུགས་དམ་བསྐུལ༔ ལྷ་ཀླུ་མི་གསུམ་ཐམས་ཅད་ཀྱི༔ ཚེ་དང་བསོད་ནམས་ལོངས་སྤྱོད་ནོར༔ སྟོབས་རྩལ་ཡོན་ཏན་གཟི་བརྗིད་དང༔ དབང་ཐང་སྙན་གྲགས་ཟས་ནོར་ཀུན༔ མྱུར་བ་ཉིད་དུ་གནས་འདིར་སྡུས༔ རྣལ་འབྱོར་བདག་ཅག་འཁོར་བཅས་ཀྱི༔ བསོད་ནམས་བསགས་པའི་དཀོར་ནོར་རྣམས༔ རྒྱས་ཤིང་རབ་ཏུ་བརྟན་པ་དང༔ འདོད་དགུ་ལྷུན་གྱིས་སྒྲུབ་ཏུ་གསོལ༔ ཧཱུྃ༔ ཁམས་གསུམ་ཀུན་ལ་དབང་བྱེད་པའི༔ རེ་མ་ཏི་ཡི་ཐུགས་དམ་བསྐུལ༔ ལྷ་ཀླུ་མི་གསུམ་ཐམས་ཅད་ཀྱི༔ ཚེ་དང་བསོད་ནམས་ལོངས་སྤྱོད་ནོར༔ སྟོབས་རྩལ་ཡོན་ཏན་གཟི་བརྗིད་དང༔ དབང་ཐང་སྙན་གྲགས་ཟས་ནོར་ཀུན༔ མྱུར་བ་ཉིད་དུ་གནས་འདིར་སྡུས༔ རྣལ་འབྱོར་བདག་ཅག་འཁོར་བཅས་ཀྱི༔ བསོད་ནམས་བསགས་པའི་དཀོར་ནོར་རྣམས༔ རྒྱས་ཤིང་རབ་ཏུ་བརྟན་པ་དང༔ འདོད་དགུ་ལྷུན་གྱིས་སྒྲུབ་ཏུ་གསོལ༔ ཧཱུྃ༔ ཤར་གྱི་ཕྱོགས་རྣམས་སྐྱོང་བའི་རྗེ༔ ཡུལ་འཁོར་སྲུང་བའི་ཐུགས་དམ་བསྐུལ༔ ལྷ་ཀླུ་མི་གསུམ་ཐམས་ཅད་ཀྱི༔ ཚེ་དང་བསོད་ནམས་ལོངས་སྤྱོད་ནོར༔ སྟོབས་རྩལ་ཡོན་ཏན་གཟི་བརྗིད་དང༔ དབང་ཐང་སྙན་གྲགས་ཟས་ནོར་ཀུན༔ མྱུར་བ་ཉིད་དུ་གནས་འདིར་སྡུས༔ རྣལ་འབྱོར་བདག་ཅག་འཁོར་བཅས་ཀྱི༔ བསོད་ནམས་བསགས་པའི་དཀོར་ནོར་རྣམས༔ རྒྱས་ཤིང་རབ་ཏུ་བརྟན་པ་དང༔ འདོད་དགུ་ལྷུན་གྱིས་སྒྲུབ་ཏུ་གསོལ༔ ཧཱུྃ༔ ལྷོ་ཡི་ཕྱོགས་རྣམས་སྐྱོང་བའི་རྗེ༔ འཕགས་སྐྱེས་པོ་ཡི་ཐུགས་དམ་བསྐུལ༔ ལྷ་ཀླུ་མི་གསུམ་ཐམས་ཅད་ཀྱི༔ ཚེ་དང་བསོད་ནམས་ལོངས་སྤྱོད་ནོར༔ སྟོབས་རྩལ་ཡོན་ཏན་གཟི་བརྗིད་དང༔ དབང་ཐང་སྙན་གྲགས་ཟས་ནོར་ཀུན༔ མྱུར་བ་ཉིད་དུ་གནས་འདིར་སྡུས༔ རྣལ་འབྱོར་བདག་ཅག་འཁོར་བཅས་ཀྱི༔ བསོད་ནམས་བསགས་པའི་དཀོར་ནོར་རྣམས༔ རྒྱས་ཤིང་རབ་ཏུ་བརྟན་པ་དང༔ འདོད་དགུ་ལྷུན་གྱིས་སྒྲུབ་ཏུ་གསོལ༔ ཧཱུྃ༔ ནུབ་ཀྱི་ཕྱོགས་རྣམས་སྐྱོང་བའི་རྗེ༔ སྤྱན་མི་བཟང་གི་ཐུགས་དམ་བསྐུལ༔ ལྷ་ཀླུ་མི་གསུམ་ཐམས་ཅད་ཀྱི༔ ཚེ་དང་བསོད་ནམས་ལོངས་སྤྱོད་ནོར༔ སྟོབས་རྩལ་ཡོན་ཏན་གཟི་བརྗིད་དང༔ དབང་ཐང་སྙན་གྲགས་ཟས་ནོར་ཀུན༔ མྱུར་བ་ཉིད་དུ་གནས་འདིར་སྡུས༔ རྣལ་འབྱོར་བདག་ཅག་འཁོར་བཅས་ཀྱི༔ བསོད་ནམས་བསགས་པའི་དཀོར་ནོར་རྣམས༔ རྒྱས་ཤིང་རབ་ཏུ་བརྟན་པ་དང༔ འདོད་དགུ་ལྷུན་གྱིས་སྒྲུབ་ཏུ་གསོལ༔ ཧཱུྃ༔ བྱང་གི་ཕྱོགས་རྣམས་སྐྱོང་བའི་རྗེ༔ རྣམ་ཐོས་སྲས་ཀྱི་ཐུགས་དམ་བསྐུལ༔ ལྷ་ཀླུ་མི་གསུམ་ཐམས་ཅད་ཀྱི༔ ཚེ་དང་བསོད་ནམས་ལོངས་སྤྱོད་ནོར༔ སྟོབས་རྩལ་ཡོན་ཏན་གཟི་བརྗིད་དང༔ དབང་ཐང་སྙན་གྲགས་ཟས་ནོར་ཀུན༔ མྱུར་བ་ཉིད་དུ་གནས་འདིར་སྡུས༔ རྣལ་འབྱོར་བདག་ཅག་འཁོར་བཅས་ཀྱི༔ བསོད་ནམས་བསགས་པའི་དཀོར་ནོར་རྣམས༔ རྒྱས་ཤིང་རབ་ཏུ་བརྟན་པ་དང༔ འདོད་དགུ་ལྷུན་གྱིས་སྒྲུབ་ཏུ་གསོལ༔ ཨོཾ་མ་ཧཱ་ཀཱ་ལ་སོགས་བསྙེན་སྔགས་བཟླ། ཡེ་དྷརྨས་བརྟན་པར་བྱས་ལ་མེ་ཏོག་འཐོར། གཏོར་འབུལ། བསྐང་བཤགས་སོགས་མགོན་མཐིང་ལྟར་རྒྱས་པར་བྱ། སྒྲུབ་ཞག་རྫོགས་པ་དང༌། ཨོཾ༔ བསོད་ནམས་དཔལ་དུ་འབར་བའི་ལྷ༔ ཡེ་ཤེས་མགོན་པོ་ཡབ་དང་ཡུམ༔ རྒྱལ་པོ་ཆེན་པོ་སྡེ་བཞི་ཡིས༔ མི་ཟད་རིན་ཆེན་གཏེར་གྱི་དབང༔ རྣལ་འབྱོར་བདག་ལ་བསྐུར་དུ་གསོལ༔ སྔགས་ཀྱི་མཐར། ཀཱ་ཡ་ཝཱཀ་ཙིཏྟ་སིདྡྷི་ཨ་བྷི་ཥིཉྩ་ཧཱུྃ༔ རྟེན་རྣམས་གནས་གསུམ་དུ་བཞག་ལ་དངོས་གྲུབ་བླངས་མཐར། གཏེར་བུམ་དང་འབྲང་རྒྱས་རྣམས་མཛོད་ཕུག་ཏུ་སྦས་ལ། ཨོཾ༔ མི་ཟད་རིན་ཆེན་གཏེར་གྱི་ཕོ་བྲང་དུ༔ ཡེ་ཤེས་མགོན་པོའི་ལྷ་ཚོགས་བརྟན་པར་བཞུགས༔ སྒྲུབ་པ་པོ་ལ་འགོ་ཞིང་སྲུང་བ་དང༔ ཟས་གོས་ནོར་གྱི་དངོས་གྲུབ་རྒྱུན་དུ་སྩོལ༔ ཞལ་ནས་གསུངས་པའི་ཤིས་པ་བརྗོད་ཅིང་མེ་ཏོག་གཏོར་བས་འདོད་དགུ་ཡིད་བཞིན་དུ་འགྲུབ་པར་འགྱུར་རོ། ༈ གསུམ་པ་གསུང་མགོན་དམར་པོ་ལ་བརྟེན་ནས་དབང་གི་ཕྲིན་ལས་སྒྲུབ་པ་ནི། སྒྲུབ་གནས་རི་བྲག་དམར་ཞིང་མེ་ཏོག་དམར་པོའི་ཚལ་སོགས་ཡིད་དུ་འོང་བའི་གནས་སུ་སྒྲུབ་པའི་རྟེན་མྱོས་བྱེད་ཀྱིས་སྦྲུས་པའི་དབང་གི་གཏོར་མ་དམར་པོ་ཟླ་གམ་འཁོར་རང་འདྲ་བཞིའི་བསྐོར་བ་མངར་གསུམ། ལ་དུ་སོགས་ཡིད་བསྒྱུར་ཟས་སྣས་བསྐོར་བ་དང༌། བྷཉྫ་མཚན་བཟང་དུ་རཀྟ་དང་སིནྡྷུ་ར་ཆང་སྣས་བཀང་བ་དར་དམར་གྱི་བཀབ་པ་ལ་སྨན་རཀ །ཉེར་སྤྱོད་ཀྱིས་བསྐོར་ཞིང་བཤམས། སྐྱབས་སེམས་ནས་མཆོད་པ་བྱིན་རླབས་བར་སྔར་ལྟར་ལ། ཨོཾ་སྭ་བྷཱ་ཝ་སོགས། སྟོང་པའི་ངང་ལས་བདེ་ཆེན་རྩལ། བྷྲཱུྃ་ལས་ཟླ་གམ་དམར་པོའི་ནང༔ དབང་མཛད་མགོན་པོ་བྱེ་རུའི་མདོག༔ ལྕགས་ཀྱུ་དང་ནི་ཞགས་པ་འཛིན༔ མེ་ཏོག་དམར་པོ་རུས་པས་བརྒྱན༔ པདྨ་དམར་པོ་ཉི་མའི་སྟེང༔ བདེ་བའི་ཉམས་ཀྱིས་བརྐྱང་བསྐུམ་གར༔ ཡུམ་དམར་ཞགས་པ་འཛིན་དང་འཁྲིལ༔ དབང་མཛད་ལྷ་མོའི་རིགས་བཞི་དམར༔ ལྕགས་ཀྱུ་དང་ནི་ཞགས་པ་འཛིན༔ འོད་ཟེར་དམར་པོའི་ཀློང་ན་བཞུགས༔ སྤྱན་འདྲེན་བཞུགས་གསོལ་མཆོད་པ་སྔར་བསྟོད་པ་བཅས་སྐུ་མགོན་ལྟར་ལ། རཱ་གའི་ལྷུན་པོ་ཆགས་པའི་དམར་འོད་འབར༔ འགུགས་པའི་ལྕགས་ཀྱུ་མང་པོ་སྐར་ལྟར་འཁྲུགས༔ སྲིད་གསུམ་སྡུད་པའི་རླུང་དམར་ལ་གནས་ཡུམ༔ ཁམས་གསུམ་དབང་བྱེད་ཁྱོད་ལ་ཕྱག་འཚལ་བསྟོད༔ བསྙེན་པའི་སྐབས། ཐུགས་ཀར་ཉི་སྟེང་ཨཾ་ཡིག་ལས༔ ཧྲིཾ་ཡིག་ལྕགས་ཀྱུའི་ཚོགས་འཕྲོས་ཤིང༔ གང་ཡིན་ནྲྀ་ལ་ཐིམ་པས་ཆགས༔ ལྕགས་ཀྱུའི་བཟུང་བས་དབང་དུ་བསྡུས༔ འོད་ཟེར་ཞགས་པའི་དབྱིབས་ཅན་གྱིས༔ ཕོ་ཡི་སྤྱི་བོ་མོ་གསང་ནས༔ དྲངས་ཏེ་ཐུགས་སྲོག་ཨཾ་ལ་ཐིམ༔ ཨོཾ་ཤྲཱི་མ་ཧཱ་ཀཱ་ལ་ཨཱཾ་ཨ་རོ་ལྀཀ་རེ་མ་ཏི་ཌཱ་ཀི་ནཱི་ཀཱ་མ་ནྲྀ་ཧྲཱིཾ་ཧྲཱིཾ་ཛཿཛ༔ ཞེས་བཟླས། རྫས་ཁབ་ལེན་གྱི་རྡོ་དང་སིནྡྷུ་ར་ཞིབ་བཏགས་བྷནྡྷའི་སྣོད་དུ་བླུགས་ལ་སྔགས་བཏབ་པ་དཔྲལ་བར་བྱུགས་པ་དང༌། རིལ་བུ་བྱས་ཏེ་ཁོང་དུ་བཏང་བས་གང་དགོས་པ་དེ་དབང་དུ་འགྱུར་བ་དང༌། ལས་ཀྱི་བོགས་འབྱིན་མེ་མཆོད་བྱེད་ན། ནུབ་ཕྱོགས་བྲག་རི་དམར་པོ་ལས་བླང་བའི་ས་ཡི་སྟེགས་བྱས་པར་སྨད་འཚོང་མའི་མལ་སའི་ས་ཡིས་བྱུག་པའི་དབང་གི་ཐབ། མཛད་འཕྲོར་ལུས། ༈ བཞི་པ་ཕྲིན་ལས་མགོན་པོ་ལྗང་གུའི་ལས་སྣ་ཚོགས་སྒྲུབ་པའི་ཚུལ་ནི། གནས་ཁང་གི་གུང་དུ་རྟེན་བཀྲམ་པའི་མདུན་དཔལ་གཏོར་རྒྱན་ལྡན། སྨན་རཀ་ཉེར་སྤྱོད། གཏོར་འབུལ་རྣམས་བཤམས་ལ། སྐྱབས་སེམས་ནས་བརྩམས་མཆོད་པ་བྱིན་རླབས་བར་སྔར་ལྟར་ལ། ཤཱུ་ནྱ་ཏའི་སྔགས་བརྗོད་ལ། སྟོང་པའི་ངང་ལས་སྣོད་བཅུད་ཀུན༔ བདེ་ཆེན་ལོངས་སྤྱོད་རྒྱས་པའི་དབུས༔ ཡྃ་ལས་རླུང་གི་རྒྱ་གྲམ་སྟེང༔ ཧཱུྃ་ལས་ལས་ཀྱི་མགོན་པོ་ལྗང༔ རལ་གྲི་དང་ནི་ཞགས་པ་འཛིན༔ ཡུམ་ལྗང་གྲི་ཞགས་འཛིན་དང་འཁྲིལ༔ གཉིས་ཀ་དུར་ཁྲོད་ཆས་ཀྱིས་བརྒྱན༔ ཕྱོགས་བཞིར་དགྲ་བགེགས་བསྒྱེལ་བའི་སྟེང༔ དབང་ཕྱུག་ཛི་ན་མི་ཏྲ་དང༔ གཤིན་རྗེ་ཊཱ་ཀི་རཱ་ཛ་དང༔ གནོད་སྦྱིན་ཀྵེ་ཏྲ་པཱ་ལ་དང༔ བདུད་མགོན་ཏྲག་ཤད་ནག་པོ་རྣམས༔ མཐིང་ནག་གྲི་གུག་ཐོད་ཁྲག་འཛིན༔ བེར་གསོལ་གསང་བའི་ཡུམ་དང་སྦྱོར༔ ཕྱོགས་སྐྱོང་རྒྱལ་ཆེན་དྲེགས་པས་བསྐོར༔ ལས་བྱེད་འབུམ་ཕྲག་རླུང་ལྟར་འཕྱོ༔ གནས་གསུམ་ཨོཾ་ཨཱཿཧཱུྃ་གིས་མཚན༔ ཧཱུྃ་ལས་འོད་འཕྲོས་ཡེ་ཤེས་པ༔ རང་བཞིན་གནས་ནས་སྤྱན་དྲངས་བསམ༔ ཧཱུྃ༔ ཆོས་ཀྱི་དབྱིངས་ཀྱི་ཞིང་ཁམས་དང༔ མེ་རི་འབར་བའི་དུར་ཁྲོད་ནས༔ འཇིག་རྟེན་དབང་ཕྱུག་སྤྱན་རས་གཟིགས༔ དྲག་ཏུ་ཁྲོས་པ་ཁྲོ་བོའི་རྒྱལ༔ ཡེ་ཤེས་མགོན་པོ་ཡུམ་དང་བཅས༔ བཀའ་སྡོད་བཞི་དང་དྲེགས་པའི་འཁོར༔ རང་བཞིན་གནས་ནས་འདིར་གཤེགས་ཤིག༔ ཤྲཱི་མ་ཧཱ་ཀཱ་ལ་ཨཱེ་རལླི་ཧྲཱིཾ༔ ཧཱུྃ༔ དུར་ཁྲོད་རོལ་པའི་དཀྱིལ་འཁོར་འདིར༔ དགྱེས་ཤིང་བརྟན་པར་བཞུགས་སུ་གསོལ༔ རང་གི་དབྱིངས་ནས་རིག་པའི་རྩལ༔ ཧེ་རུ་ཀ་ལ་ཕྱག་འཚལ་ལོ༔ སྔོན་གྱི་བྱང་ཆུབ་ཐུགས་བསྐྱེད་ལྟར༔ བསྟན་པ་སྲུང་བའི་ཕྲིན་ལས་མཛོད༔ ཧཱུྃ༔ དབང་པོའི་མེ་ཏོག་ཚིལ་ཆེན་གསུར༔ ཞུན་ཆེན་མར་མེ་ཁྲག་ཆེན་དྲི༔ ཤ་རུས་ཞལ་ཟས་རྐང་གླིང་དང༔ ཐོད་རྔ་དུང་ཆེན་སྒྲོགས་པས་མཆོད༔ ཧཱུྃ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ ཀུན་ཏུ་བཟང་པོའི་མཆོད་སྤྲིན་གྱིས༔ ཡེ་ཤེས་མགོན་པོ་འཁོར་བཅས་མཆོད༔ བཞེས་ནས་རབ་འབྱམས་ལས་ཀུན་སྩོལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་བཛྲ་ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱ༔ ཧཱུྃ༔ རྩ་བརྒྱད་སྟོང་སྦྱར་ཨ་མྲྀ་ཏ༔ ཁམས་གསུམ་བསྒྲལ་བའི་རཀྟ་དང༔ འདོད་ཡོན་རྣམ་ལྔ་གཏོར་མ་སོགས༔ སྦྱོར་སྒྲོལ་གསང་བའི་མཆོད་པ་འབུལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་སརྦ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་ཏ་ན་ག་ན་པཱུ་ཛ་ཧོཿ ཨོཾ༔ ཆོས་ཀྱི་དབྱིངས་ལས་འབར་བའི་སྐུ༔ སྐུ་གསུམ་ཡེ་ཤེས་དྲུག་སོགས་ལས༔ སྐུ་ཡི་རྣམ་འགྱུར་ཅིར་ཡང་སྟོན༔ མགོན་པོའི་སྐུ་ལ་ཕྱག་འཚལ་བསྟོད༔ བདེ་ཆེན་དབྱིངས་ལས་གྲགས་པའི་གསུང་༔ ཡན་ལག་དྲུག་ཅུ་འདུས་པའི་དཔྱིད༔ ཀྵིཾ་ཀྵིཾ་སྒྲ་སྒྲོགས་ས་གསུམ་གཡོ༔ མགོན་པོའི་གསུང་ལ་ཕྱག་འཚལ་བསྟོད༔ མི་གཡོ་མཉམ་པའི་ངང་ཉིད་ལས༔ ཐུགས་རྗེ་གཏུམ་པའི་ཡེ་ཤེས་ཐུགས༔ སངས་རྒྱས་ཀུན་དང་དབྱིངས་གཅིག་པ༔ མགོན་པོའི་ཐུགས་ལ་ཕྱག་འཚལ་བསྟོད༔ བདེ་ཆེན་མཁའ་དབྱིངས་རེ་མ་ཏཱི༔ ཛི་ན་མི་ཏྲ་སྐུ་ཡི་འཕྲུལ༔ ཊཱ་ཀི་རཱ་ཛ་གསུང་གི་མདངས༔ ཀྵེ་ཏྲ་པཱ་ལ་ཐུགས་སྤྲུལ་འགྱེད༔ ཏྲཀྴད་གཉིས་མེད་ཡེ་ཤེས་རྩལ༔ བྲན་ཏུ་འདུས་པ་དྲེགས་པའི་ཚོགས༔ ཡེ་ཤེས་རྣམ་པར་རོལ་པ་ཡི༔ མཐུ་སྟོབས་ཅན་ལ་ཕྱག་འཚལ་བསྟོད༔ སྣ་ཚོགས་གཟུགས་འཆང་འདོད་དགུ་མྱུར་བའི་ལུས༔ རྣལ་འབྱོར་སྒྲུབ་པོས་འདོད་པའི་དོན་གསོལ་ཚེ༔ དམ་ཚིག་ཅན་ལ་རྒྱལ་བའི་བཀའ་བཞིན་ཁུར༔ འདོད་པའི་དོན་སྒྲུབ་ཁྱོད་ལ་ཕྱག་འཚལ་བསྟོད༔ མགོན་པོའི་བཀའ་སྡོད་ཕྲིན་ལས་ཐོགས་མེད་སྒྲུབ༔ མཐུ་སྟོབས་ནུས་པས་ལས་ཀུན་མངའ་དབང་བསྒྱུར༔ ཕྱོགས་སྐྱོང་རྒྱལ་ཆེན་བཞི་དང་གཙང་རིས་ཀྱི༔ དཔལ་མགོན་སྡེ་བརྒྱད་ཕོ་ཉར་ཕྱག་འཚལ་བསྟོད༔ བཟླས་པ་ནི། རང་གི་ཐུགས་ནས་འོད་འཕྲོས་པས༔ འཁོར་རྣམས་ལས་ལ་བསྐུལ་བའི་མཐུས༔ བདུད་རྩིའི་བུམ་པས་ཁྲུས་བྱས་པས༔ ནད་གདོན་མི་མཐུན་གྲིབ་ཀུན་བཀྲུས༔ ལྷ་ཀླུ་མི་ཡི་ལོངས་སྤྱོད་བསྡུས༔ ཟས་ནོར་འབྲུ་ཡི་ཆར་པ་བབ༔ སྲིད་པའི་རླུང་དམར་ཞགས་པ་འཕངས༔ གང་འདོད་ཐམས་ཅད་གནས་འདིར་བཀུག༔ སྤྲུལ་པའི་དམག་ཚོགས་མཚོན་ཆར་འཕྲོས༔ དགྲ་བགེགས་ཆོམ་རྐུན་ཐལ་བར་བརླག༔ ཕས་ཀྱི་བྱད་ཁ་ཐམས་ཅད་ནི༔ འཁོར་ལོ་འབར་བའི་མཚོན་གྱིས་གཏུབས༔ འོད་ཟེར་སྤྲུལ་པས་མནན་གཏད་བཀྲོལ༔ གང་འདོད་ཕྲིན་ལས་སྒྲུབ་པར་བསམ༔ ཨོཾ་ཤྲཱི་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱཾ་བི་ནཱ་ཡ་ཀ་ཤྲཱི་དེ་བཱི་རེ་མ་ཏི་ཏྲཀ་རཀྴ་ཛི་ན་མི་ཏྲ་ཊཱ་ཀི་རཱ་ཛ་ཀྵེ་ཏྲ་པཱ་ལ་ཏྲཀྴད་མ་མ་ཏིང་ལཾ་མ་བྷྱོ༔ རཀྴ་རཀྴ༔ ཡཀྴ་ཡཀྴ༔ ཨིནྡྲ་ཡ༔ ཨགྣ་ཡེ༔ ཡ་མཱ་ཡ༔ ནིར་ཏྱ༔ བཱ་རུ་ཎཱ་ཡ༔ ཝཱ་ཡ་བེ༔ ཀུ་བེ་རཱ་ཡ༔ ཨཱི་ཤྭ་ནཱ་ཡ༔ ཨུརྡྷཾ་པྲ་ཧྨ༔ བྷཱུ་མི་པ་ཏི༔ སཱུརྻ་ཙནྡྲ༔ དྷྲྀཥྚཱ་རཱཥྚ་ཡ༔ བཻ་རུ་དྷ་ཀཱ་ཡ༔ བི་རཱུ་པཀྵཱ་ཡ༔ བཻ་ཤྲཱ་བཎཱ་ཡ༔ ཨཿཡཿམཿདུཿརུཿཙཿཤཿནཿ ཤཱིཾནྟ་ཀུ་རུ་ཡེ་སྭཱ་ཧཱ༔ པུཥྚིཾ་ཀུ་རུ་ཡེ་སྭཱ་ཧཱ༔ ཝཱ་ཤཾ་ཀུ་རུ་ཡེ་སྭཱ་ཧཱ༔ མཱ་ར་ཡ་ཕཊ༔ ཨེ་ས་བྷྱོ་ཟློག༔ ཀཱ་ཝཱ་ཙི་ཕྱེས་ཕྱེས་ཁྲོལ་ཁྲོལ༔ ཤག་ཤག་བྱེར་བྱེར༔ སྟྭཾ་བྷ་ཡ་བྱེར༔ མོ་ཧ་ཡ་བྱེར༔ ཛམྦྷ་ཡ་བྱེར༔ ཤིག་ཤིག་ཁྲོལ་ཁྲོལ༔ སྔགས་རིང་མཐར། ཨོཾ་ནཱ་ག་རཱ་ཛ་སརྦ་ནཱ་ག་ནཱ་གི་ཆར་ལ་བསྐུལ༔ བྷ་རི་ཤ་ཡ་ཕོབ་ཕོབ༔ ཞེས་བཏགས་པ་གྲངས་བསགས། ཁ་ཆར་གཅོད་པ་དང་སད་སྲུང་ལ། ཨོཾ་ལོ་ཀ་སརྦ་སྙིང་ལ་ཡ་ཡ༔ བྷ་རི་ཤ་ཡ་ཟློག་ཟློག༔ སྤྲིན་སྡུད་དེ་ལོ་ཏོག་ལ་སད་སྲུང་ན། ཨོཾ་ནཱ་ག་རཱ་ཛ་ག་ལེ༔ དུམ་པ་ལེ༔ འདུ་འདུ་ཧོ༔ ནད་ཞི་བ་ལ། ཨོཾ་སརྦ་རོ་ག་ཤཱིཾནྟ་ཀུ་རུ་ཡེ་སྭཱ་ཧཱ༔ རིམས་སོགས་ནད་སྲུང་བ་ལ། ཨོཾ་སརྦ་རོ་ག་རྦད་རྦད་བྷྱོ་བྷྱོ་རཀྵ་རཀྵ༔ དམ་སྲི་བསྐྲད་ཅིང་སྲུང་བ། ཨོཾ་ཏྲི་གམ་པ་རི་མ་ར་ཡ་ཕཊ༔ རྒྱལ་འགོང་གི་གནོད་པ་སྲུང་ན། ཨོཾ་རཱ་ཙ་ཧབ་ལེ་ཧབ་ལེ་སོད༔ བགེགས་བསྐྲད་དགོས་ན། ཨོཾ་སརྦ་བིགྷྣཱ་ཾ་ཕཊ་ཕཊ༔ བྱད་བཟློག་ལ། ཨོཾ་ལོ་ཀ་ཙཎྜ་ཟློག་ཟློག༔ ཨོཾ་སརྦ་ཧེ་རུ་ཀ་ཨ་བེ་ཤ་ཡ་ཨ་ཨཿ ཞེས་ཤམ་བུ་སྦྱར་ཞིང་དམིགས་པའི་འཕྲུལ་འཁོར་སྦྱར་བས་ལས་ཚོགས་རིགས་འགྲུབ་པའོ། །ཡང་བེ་འམ་སེང་ལྡིང་གི་མཁར་བ་རྡོ་རྗེའི་ཏོག་ཅན་གྱི་ནང་དུ་མགོན་པོའི་རྩ་སྔགས་བཅུག་ལ་མགོན་པོ་དངོས་སུ་གསལ་བས་སྒྲུབ་ཅིང་བརྟན་བཞུགས་བྱས་ལ། མགོན་པོའི་རྩ་སྔགས་ལ་ཧཱུྃ་བཞིའི་སྔགས་སྦྲེལ་ནས་བཟླས་ལ་རབ་ཏུ་གནས་ཏེ་རྡོ་རྗེའི་དབྱུག་པར་གྱུར་པར་དམིགས་ལ། གདོན་ཅན་གྱི་ནད་པ་སོགས་བརྡུང་བས་གནོད་པ་སོགས་གྲོལ་བར་ངེས་སོ། །ཐུན་མཚམས་སུ་གཏོར་འབུལ་དང་གསོལ་བསྐང་བྱ་ཞིང་ཕྲིན་ལས་བཅོལ་དགོས་པར་གསུངས་སོ། ༈ ལྔ་པ་མགོན་པོ་ནག་པོའི་སྲོག་སྒྲུབ་ནི། མདུན་སྟེགས་སུ་ཕུང་ཤུལ་གྱི་བྲུབ་ཁུང་དུ་དྲག་པོའི་འཁོར་ལོ་རྩིབ་བཞི་པ་ཁ་རྩང་གིས་བསྐོར་བའི་སྟེང་དྲག་གཏོར་ནག་པོ་འཁོར་བཞི་དང་ཐེབ་ཀྱུས་བསྐོར་བ་དར་གདུགས་སྐུ་ཙཀ་ཤ་ཁྲག་གིས་བརྒྱན་པ་བཤམས། དྲག་པོའི་ཉེར་སྤྱོད་ཀྱིས་བསྐོར་ལ། སྐྱབས་སེམས་ནས་མཆོད་པ་བྱིན་རླབས་ཚེ་མགོན་ལྟར་དང༌། ཤཱུ་ནྱ་ཏས་སྟོང་པར་སྦྱངས་ཏེ། སྣོད་བཅུད་དུར་ཁྲོད་དྲག་པོའི་ཞིང༌། ཨེ་ལས་མཐིང་ནག་གྲུ་གསུམ་དབུས༔ ཧཱུྃ་ལས་མ་ཧཱ་ཀཱ་ལ་ནག༔ ཁ་ཊྭཱཾ་རུ་མཚོན་ཞགས་པ་བསྣམས༔ བེར་ནག་དུར་ཁྲོད་ཆས་རྣམས་གསོལ༔ ཡུམ་ནི་ཐལ་མདོག་ནད་རྐྱལ་ཐོགས༔ ཛི་ན་མི་ཏྲ་ཚོན་གྲུ་སྤྲེལ༔ གཤིན་རྗེ་ཁྲམ་ཤིང་དགྲ་སྟྭ་བསྣམས༔ གནོད་སྦྱིན་ལྕགས་ཀྱུ་ཞགས་པ་འཕེན༔ ལས་མགོན་སྤུ་གྲི་ཐོ་བ་བསྣམས༔ སྦས་པའི་མ་མོ་ཤན་པ་རྣམས༔ ནག་པོ་སྤུ་གྲི་ཞགས་པ་ཐོགས༔ རྒྱལ་ཆེན་ཕྱོགས་སྐྱོང་དྲེགས་བྱེད་རྣམས༔ དྲག་པོའི་ལས་ལ་རྔམས་པར་གསལ༔ གནས་གསུམ་ཨོཾ་ཨཱཿཧཱུྃ་གིས་མཚན༔ ཧཱུྃ་ལས་འོད་འཕྲོས་ཡེ་ཤེས་པ༔ རང་བཞིན་གནས་ནས་སྤྱན་དྲངས་བསམ༔ ཧཱུྃ༔ ཆོས་ཀྱི་དབྱིངས་ཀྱི་ཞིང་ཁམས་དང༔ མེ་རི་འབར་བའི་དུར་ཁྲོད་ནས༔ འཇིག་རྟེན་དབང་ཕྱུག་སྤྱན་རས་གཟིགས༔ དྲག་ཏུ་ཁྲོས་པ་ཁྲོ་བོའི་རྒྱལ༔ ཡེ་ཤེས་མགོན་པོ་ཡུམ་དང་བཅས༔ བཀའ་སྡོད་བཞི་དང་དྲེགས་པའི་འཁོར༔ རང་བཞིན་གནས་ནས་འདིར་གཤེགས་ཤིག༔ ཤྲཱི་མ་ཧཱ་ཀཱ་ལ་ཨཱེ་རལླི་ཧྲཱིཾ༔ ཧཱུྃ༔ དུར་ཁྲོད་རོལ་པའི་དཀྱིལ་འཁོར་འདིར༔ དགྱེས་ཤིང་བརྟན་པར་བཞུགས་སུ་གསོལ༔ རང་གི་དབྱིངས་ནས་རིག་པའི་རྩལ༔ ཧེ་རུ་ཀ་ལ་ཕྱག་འཚལ་ལོ༔ སྔོན་གྱི་བྱང་ཆུབ་ཐུགས་བསྐྱེད་ལྟར༔ བསྟན་པ་སྲུང་བའི་ཕྲིན་ལས་མཛོད༔ ཧཱུྃ༔ དབང་པོའི་མེ་ཏོག་ཚིལ་ཆེན་གསུར༔ ཞུན་ཆེན་མར་མེ་ཁྲག་ཆེན་དྲི༔ ཤ་རུས་ཞལ་ཟས་རྐང་གླིང་དང༔ ཐོད་རྔ་དུང་ཆེན་སྒྲོགས་པས་མཆོད༔ ཧཱུྃ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ ཀུན་ཏུ་བཟང་པོའི་མཆོད་སྤྲིན་གྱིས༔ ཡེ་ཤེས་མགོན་པོ་འཁོར་བཅས་མཆོད༔ བཞེས་ནས་མངོན་སྤྱོད་ལས་ཀུན་སྩོལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་བཛྲ་ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱ༔ ཧཱུྃ༔ རྩ་བརྒྱད་སྟོང་སྦྱར་ཨ་མྲྀ་ཏ༔ ཁམས་གསུམ་བསྒྲལ་བའི་རཀྟ་དང༔ འདོད་ཡོན་རྣམ་ལྔ་གཏོར་མ་སོགས༔ སྦྱོར་སྒྲོལ་གསང་བའི་མཆོད་པ་འབུལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་སརྦ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་ཏ་ན་ག་ན་པཱུ་ཛ་ཧོཿ ཨོཾ༔ ཆོས་ཀྱི་དབྱིངས་ལས་འབར་བའི་སྐུ༔ སྐུ་གསུམ་ཡེ་ཤེས་དྲུག་སོགས་ལས༔ སྐུ་ཡི་རྣམ་འགྱུར་ཅིར་ཡང་སྟོན༔ མགོན་པོའི་སྐུ་ལ་ཕྱག་འཚལ་བསྟོད༔ བདེ་ཆེན་དབྱིངས་ལས་གྲགས་པའི་གསུང་༔ ཡན་ལག་དྲུག་ཅུ་འདུས་པའི་དཔྱིད༔ ཀྵིཾ་ཀྵིཾ་སྒྲ་སྒྲོགས་ས་གསུམ་གཡོ༔ མགོན་པོའི་གསུང་ལ་ཕྱག་འཚལ་བསྟོད༔ མི་གཡོ་མཉམ་པའི་ངང་ཉིད་ལས༔ ཐུགས་རྗེ་གཏུམ་པའི་ཡེ་ཤེས་ཐུགས༔ སངས་རྒྱས་ཀུན་དང་དབྱིངས་གཅིག་པ༔ མགོན་པོའི་ཐུགས་ལ་ཕྱག་འཚལ་བསྟོད༔ བདེ་ཆེན་མཁའ་དབྱིངས་རེ་མ་ཏཱི༔ ཛི་ན་མི་ཏྲ་སྐུ་ཡི་འཕྲུལ༔ ཊཱ་ཀི་རཱ་ཛ་གསུང་གི་མདངས༔ ཀྵེ་ཏྲ་པཱ་ལ་ཐུགས་སྤྲུལ་འགྱེད༔ ཏྲཀྴད་གཉིས་མེད་ཡེ་ཤེས་རྩལ༔ བྲན་ཏུ་འདུས་པ་དྲེགས་པའི་ཚོགས༔ ཡེ་ཤེས་རྣམ་པར་རོལ་པ་ཡི༔ མཐུ་སྟོབས་ཅན་ལ་ཕྱག་འཚལ་བསྟོད༔ གསོད་པའི་དུས་སུ་བསྐལ་པའི་མུན་གཏིབས་འདྲ༔ ལས་འགར་སྤྱོད་ཚེ་རླུང་གི་སྤུ་གྲི་འདྲ༔ དམིགས་པའི་གཟུགས་ལ་རེག་ཙམ་ཐུལ་ཐུལ་གཅོད༔ སྲོག་གི་སྤུ་གྲི་ཁྱོད་ལ་ཕྱག་འཚལ་བསྟོད༔ ཐོགས་མེད་ཕྲིན་ལས་རྣམ་བཞིའི་གཟུགས། །སྤྲུལ་པའི་ལས་བྱེད་ཕོ་ཉ་བཞི། །ཕྱོགས་སྐྱོང་རྒྱལ་ཆེན་དཔལ་མགོན་ཚོགས། །འཁོར་དང་བཅས་ལ་ཕྱག་འཚལ་བསྟོད། །བསྙེན་དམིགས་ནི། ཐུགས་ཀའི་ཧཱུྃ་ལས་འོད་འཕྲོས་པས༔ ཕོ་ཉ་སྐུལ་ཞིང་སོ་སོ་ཡིས༔ ལྕགས་ཀྱུས་བཟུང་ཞིང་ཞགས་པས་བཀུག༔ ཁྲོམ་ལ་བཏབ་ཅིང་ལྷ་དང་ཕྲལ༔ མཚོན་ཆའི་ཆར་འབེབས་དམྱལ་ཐག་གཅད༔ ནད་ཀྱི་རྐྱལ་པས་མྱོས་སུ་བཅུག༔ ཐུགས་ལས་ཛཿལས་འཁོར་ལོ་སྤྲོས༔ ཁོག་པར་འཁོར་བས་བླ་ཚེ་གཏུབས༔ སྤུ་གྲིས་ཚར་གཅད་ཐོ་བས་བརྡུངས༔ ཤ་ཁྲག་ཧབ་ཧབ་གསོལ་བར་བསམ༔ ཨོཾ་མ་ཧཱ་ཀཱ་ལ་གིཾ་ཀ་ར་ཀྵེ་ཏྲ་པཱ་ལ་དགྲ་བགེགས་ཨཾ་ཀུ་ཤ་ཛ༔ དགྲ་བགེགས་བཀུག ཡ་མ་རཱ་ཛ་མགོན་སྐྱབས་བྱེད་པའི་ལྷ་རྣམས་པྲ་བེ་ཤ་ཡ་ཕཊ༔ ལྷ་དང་ཕྱེ། ཛི་ན་མི་ཏྲ་ཆེ་གེ་མོ་ཨེ་ཧུར་ཐུམ་ཛ༔ ཏྲག་རཀྴ་ཐུན་བྷྱོ༔ མཚོན་ཆས་བརྡུངས་ཏེ་དམྱལ་ཐག་བཅད། ཨོཾ་མ་ཧཱ་ཀཱ་ལ་གིཾ་ཀ་ར་ཆེ་གེ་མོ་ཀཱ་བཱ་ཙི་མཱ་ར་ཡ་རྦད་རྦད༔ དངོས་སུ་བསྒྲལ། མ་ཧཱ་ཀཱ་ལ་ཏྲཀྴད་ཛཿནྲྀ་ཏྲི་ཤ་ཏྲཱུཾ་ཁ་ཐཾ་ཁ་ཐཾ༔ མཾ་ས་རཀྟ་ཀིཾ་ནི་རི་ཏི་ཁ་རཾ་ཁཱ་ཧི༔ ཐོ་གཏུན་གྱིས་བརྡུངས་ལ་ཞལ་དུ་བསྟབ་པར་དམིགས་པ་དང་སྦྲག་སྔགས་རྣམས་རྟགས་དང་སྦྱར་ཏེ་རིམ་པ་བཞིན་བཟླ་ཞིང༌། ཐུན་མཐར་གསོལ་བསྐང་བསྐུལ་བ་རྣམས་དྲག་ཏུ་བྱས་ལ། ལས་གྲུབ་པ་དང་ལིངྒ་མེར་བསྲེགས། ཐལ་བ་འབུལ་གཏོར་དང་ལྷན་ཅིག་དགྲ་ཕྱོགས་སུ་འཕང་ངོ༌། ༈ དྲུག་པ་ལས་ལ་མྱུར་བ་མགོན་པོ་རྟ་ཞོན་གྱི་རླུང་སྒྲུབ་ནི། གྲི་ལྕགས་ལས་བྱས་པའི་མདུང་དར་ནག་གི་རུ་མཚོན་ཅན་རྟེན་དུ་བཟུང་བའི་མདུན་དུ་དྲག་གཏོར་གཙོ་འཁོར་བཞི་པ་དར་གདུགས་སྐུ་ཙཀ་ཤ་ཁྲག་གིས་བརྒྱན་པ་སྨན་རཀ་དང་དྲག་པོའི་ཉེར་སྤྱོད་ཀྱིས་བསྐོར། སྐྱབས་སེམས་ནས་མཆོད་བརླབ་བར་སྔར་ལྟར་བཏང་རྗེས། ཤཱུ་ནྱ་ཏས་སྟོང་པར་སྦྱངས། སྣོད་བཅུད་དུར་ཁྲོད་རོལ་པའི་ཞིང༔ རླུང་ནག་འཚུབས་མའི་ཀློང་དཀྱིལ་དུ༔ ཧཱུྃ་ལས་སྐྱེས་པའི་ལས་མགོན་ནི༔ མཐིང་ནག་བེར་ཆེན་སྐུ་ལ་གསོལ༔ རུ་མཚོན་ཕྱར་ཞིང་ཐོད་རྔ་འཁྲོལ༔ རྟ་ནག་རླུང་གཤོག་ལྡན་པ་ཆིབས༔ ཀྵེ་ཏྲ་པཱ་ལ་སྤུ་གྲི་འཛིན༔ མི་ལྤགས་གསོལ་ཞིང་དོམ་ནག་ཆིབས༔ ཊཱ་ཀི་རཱ་ཛ་དགྲ་སྟྭ་འཛིན༔ བེར་ནག་གསོལ་ཞིང་ཆུ་གླང་ཆིབས༔ ཛི་ན་མི་ཏྲ་བསྭེ་མདའ་འཕེན༔ གླང་ཆེན་ནག་པོ་སྨྱོན་པ་ཆིབས༔ ཏྲཀྴད་ནག་པོ་བདུད་མདའ་བཀང༔ རྫུ་འཕྲུལ་རྟ་ནག་རྐང་གསུམ་ཆིབས༔ ཀུན་ཀྱང་བེར་གསོལ་དུར་ཁྲོད་ཆས༔ དྲེགས་པ་འབུམ་གྱི་འཁོར་གྱིས་བསྐོར༔ དཔལ་ལྡན་ལྷ་མོ་རེ་མ་ཏི༔ མཐིང་ནག་ཁྲམ་ཤིང་ཐོད་ཁྲག་འཛིན༔ ཞིང་ལྤགས་རེ་ལྡེའི་ན་བཟའ་གསོལ༔ དྲིལ་རྟ་རྐང་གསུམ་ཆིབས་ནས་སུ༔ མ་མོ་འབུམ་གྱིས་འཁོར་གྱིས་བསྐོར༔ རྒྱལ་ཆེན་བཞི་ཡིས་རུ་མཚོན་ཕྱར༔ ཕྱོགས་སྐྱོང་བཅུ་ནི་རླུང་ལྟར་འཚུབས༔ གནས་གསུམ་ཨོཾ་ཨཱཿཧཱུྃ་གིས་མཚན༔ ཧཱུྃ་ལས་འོད་འཕྲོས་ཡེ་ཤེས་པ༔ རང་བཞིན་གནས་ནས་སྤྱན་དྲངས་བསམ༔ ཧཱུྃ༔ ཆོས་ཀྱི་དབྱིངས་ཀྱི་ཞིང་ཁམས་དང༔ མེ་རི་འབར་བའི་དུར་ཁྲོད་ནས༔ འཇིག་རྟེན་དབང་ཕྱུག་སྤྱན་རས་གཟིགས༔ དྲག་ཏུ་ཁྲོས་པ་ཁྲོ་བོའི་རྒྱལ༔ ཡེ་ཤེས་མགོན་པོ་ཡུམ་དང་བཅས༔ བཀའ་སྡོད་བཞི་དང་དྲེགས་པའི་འཁོར༔ རང་བཞིན་གནས་ནས་འདིར་གཤེགས་ཤིག༔ ཤྲཱི་མ་ཧཱ་ཀཱ་ལ་ཨཱེ་རལླི་ཧྲཱིཾ༔ ཧཱུྃ༔ དུར་ཁྲོད་རོལ་པའི་དཀྱིལ་འཁོར་འདིར༔ དགྱེས་ཤིང་བརྟན་པར་བཞུགས་སུ་གསོལ༔ རང་གི་དབྱིངས་ནས་རིག་པའི་རྩལ༔ ཧེ་རུ་ཀ་ལ་ཕྱག་འཚལ་ལོ༔ སྔོན་གྱི་བྱང་ཆུབ་ཐུགས་བསྐྱེད་ལྟར༔ བསྟན་པ་སྲུང་བའི་ཕྲིན་ལས་མཛོད༔ ཧཱུྃ༔ དབང་པོའི་མེ་ཏོག་ཚིལ་ཆེན་གསུར༔ ཞུན་ཆེན་མར་མེ་ཁྲག་ཆེན་དྲི༔ ཤ་རུས་ཞལ་ཟས་རྐང་གླིང་དང༔ ཐོད་རྔ་དུང་ཆེན་སྒྲོགས་པས་མཆོད༔ ཧཱུྃ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ ཀུན་ཏུ་བཟང་པོའི་མཆོད་སྤྲིན་གྱིས༔ ཡེ་ཤེས་མགོན་པོ་འཁོར་བཅས་མཆོད༔ བཞེས་ནས་མངོན་སྤྱོད་ལས་ཀུན་སྩོལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་བཛྲ་ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱ༔ ཧཱུྃ༔ རྩ་བརྒྱད་སྟོང་སྦྱར་ཨ་མྲྀ་ཏ༔ ཁམས་གསུམ་བསྒྲལ་བའི་རཀྟ་དང༔ འདོད་ཡོན་རྣམ་ལྔ་གཏོར་མ་སོགས༔ སྦྱོར་སྒྲོལ་གསང་བའི་མཆོད་པ་འབུལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་སརྦ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་ཏ་ན་ག་ན་པཱུ་ཛ་ཧོཿ ཨོཾ༔ ཆོས་ཀྱི་དབྱིངས་ལས་འབར་བའི་སྐུ༔ སྐུ་གསུམ་ཡེ་ཤེས་དྲུག་སོགས་ལས༔ སྐུ་ཡི་རྣམ་འགྱུར་ཅིར་ཡང་སྟོན༔ མགོན་པོའི་སྐུ་ལ་ཕྱག་འཚལ་བསྟོད༔ བདེ་ཆེན་དབྱིངས་ལས་གྲགས་པའི་གསུང་༔ ཡན་ལག་དྲུག་ཅུ་འདུས་པའི་དཔྱིད༔ ཀྵིཾ་ཀྵིཾ་སྒྲ་སྒྲོགས་ས་གསུམ་གཡོ༔ མགོན་པོའི་གསུང་ལ་ཕྱག་འཚལ་བསྟོད༔ མི་གཡོ་མཉམ་པའི་ངང་ཉིད་ལས༔ ཐུགས་རྗེ་གཏུམ་པའི་ཡེ་ཤེས་ཐུགས༔ སངས་རྒྱས་ཀུན་དང་དབྱིངས་གཅིག་པ༔ མགོན་པོའི་ཐུགས་ལ་ཕྱག་འཚལ་བསྟོད༔ བདེ་ཆེན་མཁའ་དབྱིངས་རེ་མ་ཏཱི༔ ཛི་ན་མི་ཏྲ་སྐུ་ཡི་འཕྲུལ༔ ཊཱ་ཀི་རཱ་ཛ་གསུང་གི་མདངས༔ ཀྵེ་ཏྲ་པཱ་ལ་ཐུགས་སྤྲུལ་འགྱེད༔ ཏྲཀྴད་གཉིས་མེད་ཡེ་ཤེས་རྩལ༔ བྲན་ཏུ་འདུས་པ་དྲེགས་པའི་ཚོགས༔ ཡེ་ཤེས་རྣམ་པར་རོལ་པ་ཡི༔ མཐུ་སྟོབས་ཅན་ལ་ཕྱག་འཚལ་བསྟོད༔ ཐོགས་མེད་ཕྲིན་ལས་རྣམ་བཞིའི་གཟུགས། །སྤྲུལ་པའི་ལས་བྱེད་ཕོ་ཉ་བཞི། །ཕྱོགས་སྐྱོང་རྒྱལ་ཆེན་དཔལ་མགོན་ཚོགས། །འཁོར་དང་བཅས་ལ་ཕྱག་འཚལ་བསྟོད། །བསྙེན་དམིགས་ནི། གཙོ་འཁོར་ཀུན་གྱི་ཐུགས་ཀ་རུ༔ ཧཱུྃ་དང་བྷྱོ་ཡིས་མཚན་པ་ལ༔ རང་ཉིད་ལྷར་གསལ་ཐུགས་ཀ་ནས༔ འོད་འཕྲོས་ཡི་གེ་རྣམས་ལ་ཕོག༔ སྔོན་གྱི་ཐུགས་དམ་དྲན་ནས་སུ༔ སྡང་བའི་དགྲ་ལ་དམག་སྣ་དྲངས༔ བསད་ཅིང་ཐལ་བར་བརླག་པར་བསམ༔ ཨོཾ་མ་ཧཱ་ཀཱ་ལ་གིཾ་ཀ་ར་ཀྵེ་ཏྲ་པཱ་ལ་དགྲ་བགེགས་ཨཾ་ཀུ་ཤ་ཛ༔ དགྲ་བགེགས་བཀུག ཡ་མ་རཱ་ཛ་མགོན་སྐྱབས་བྱེད་པའི་ལྷ་རྣམས་པྲ་བེ་ཤ་ཡ་ཕཊ༔ ལྷ་དང་ཕྱེ། ཛི་ན་མི་ཏྲ་ཆེ་གེ་མོ་ཨེ་ཧུར་ཐུམ་ཛ༔ ཏྲག་རཀྴ་ཐུན་བྷྱོ༔ མཚོན་ཆས་བརྡུང་སྟེ་དམྱལ་ཐག་བཅད། ཨོཾ་མ་ཧཱ་ཀཱ་ལ་གིཾ་ཀ་ར་ཆེ་གེ་མོ་ཀཱ་བཱ་ཙི་མཱ་ར་ཡ་རྦད་རྦད༔ དངོས་སུ་བསྒྲལ། མ་ཧཱ་ཀཱ་ལ་ཏྲཀྴད་ཛཿནྲྀ་ཏྲི་ཤ་ཏྲཱུཾ་ཁ་ཐཾ་ཁ་ཐཾ༔ མཾ་ས་རཀྟ་ཀིཾ་ནི་རི་ཏི་ཁ་རཾ་ཁཱ་ཧི༔ ཞེས་སྔགས་རྣམས་བཟླས་མཐར། གཏོར་འབུལ་དང་བསྐང་བཤགས་བྱས་ལ། གལ་ཆེ་ན་བཟློག་པ་ཡང་སྦྱར། མཐར་དྲག་བསྐུལ་ནི། དར་ནག་གཡབ་ཅིང་རྐང་གླིང་དང་བཤུག་གླུ་རོལ་མོ་དབྱངས་དང་བཅས་ཏེ། ཧཱུྃ་བྷྱོ༔ གཏུམ་དྲག་འབར་བའི་དུར་ཁྲོད་ནས༔ ཡེ་ཤེས་མགོན་པོ་མཐུ་རྩལ་ཅན༔ ཆོས་སྐྱོང་སྲུང་མ་རྣམས་ཀྱི་གཙོ༔ དཀར་པོ་ལྷ་དམག་དབུགས་འབྱིན་ཅིང༔ ནག་པོ་བདུད་དང་ལྷ་མིན་འཇོམས༔ དམར་གྱི་གཏོར་མ་འདི་བཞེས་ལ༔ དྲག་པོའི་ལས་ལ་མྱུར་དུ་སྐུལ༔ མ་གཡེལ་དམ་ཉམས་དགྲ་ལ་ཡ༔ བྷྱོ༔ དབྱིངས་ཀྱི་དུར་ཁྲོད་ཆེན་མོ་ནས༔ མཁའ་འགྲོ་ཆེན་མོ་ཀུན་གྱི་གཙོ༔ དཔལ་ལྡན་ལྷ་མོ་རེ་མ་ཏི༔ ནད་དང་རིམས་ཀྱི་བདག་མོ་ཆེ༔ མ་མོ་འབུམ་གྱི་འཁོར་དང་བཅས༔ དམར་གྱི་གཏོར་མ་འདི་བཞེས་ལ༔ དྲག་པོའི་ལས་ལ་མྱུར་དུ་སྐུལ༔ མ་གཡེལ་དམ་ཉམས་དགྲ་ལ་ཡ༔ ཧཱུྃ་བྷྱོ༔ དགྲ་བོ་སྐོས་ལ་འདེབས་བྱེད་པའི༔ གནོད་སྦྱིན་ཀྵེ་ཏྲ་པཱ་ལ་ནི༔ ཞིང་སྐྱོང་ཀུན་གྱི་གཙོ་བོ་སྟེ༔ དགྲ་ལ་རྦད་ན་གློག་ལྟར་མྱུར༔ ཤ་ལ་དགའ་ཞིང་ཁྲག་ལ་རྔམས༔ རུས་ལ་མུར་ཞིང་བདུན་བརྒྱུད་བརླག༔ གནོད་སྦྱིན་དམག་གི་དཔུང་ཚོགས་རྣམས༔ དམར་གྱི་གཏོར་མ་འདི་བཞེས་ལ༔ དྲག་པོའི་ཕྲིན་ལས་མྱུར་དུ་སྐུལ༔ མ་གཡེལ་དམ་ཉམས་དགྲ་ལ་ཡ༔ ཧཱུྃ་བྷྱོཿ དགྲ་བོ་ལྷ་དང་ཕྲལ་བྱེད་པའི༔ གཤིན་རྗེ་ཊཱ་ཀི་རཱ་ཛ་ནི༔ གཤེད་ཆེན་རྣམས་ཀྱི་རྒྱལ་པོ་སྟེ༔ སྲོག་ལ་རྦད་ན་དུས་མི་གཡེལ༔ ལས་ཀྱི་གཤིན་རྗེའི་དམག་ཚོགས་རྣམས༔ དམར་གྱི་གཏོར་མ་འདི་བཞེས་ལ༔ དྲག་པོའི་ལས་ལ་མྱུར་དུ་སྐུལ༔ མ་གཡེལ་དམ་ཉམས་དགྲ་ལ་ཡ༔ ཧཱུྃ་བྷྱོཿ དགྲ་བོ་དམྱལ་ཐག་གཅོད་མཛད་པའི༔ དབང་ཕྱུག་ཛི་ན་མི་ཏྲ་ནི༔ ལྷ་དམག་འབུམ་གྱི་དམག་དཔོན་ཏེ༔ དྲག་པོའི་ལས་མཛད་རྫུ་འཕྲུལ་ཅན༔ དྲེགས་པ་ལྷ་ཡི་དམག་ཚོགས་རྣམས༔ དམར་གྱི་གཏོར་མ་འདི་བཞེས་ལ༔ དྲག་པོའི་ལས་ལ་མྱུར་དུ་སྐུལ༔ མ་གཡེལ་དམ་ཉམས་དགྲ་ལ་ཡ༔ ཧཱུྃ་བྷྱོཿ ཀཱི་ལ་སྒྲོགས་པའི་དུར་ཁྲོད་ནས༔ ལས་ཀྱི་མགོན་པོ་དབྱིངས་ནས་བཞེངས༔ དུར་ཁྲོད་མ་མོ་རྣམས་ཀྱི་གཙོ༔ སྦྱོར་སྒྲོལ་མཛད་པའི་ཚོགས་དཔོན་ཏེ༔ ཏྲཀྴད་ནག་པོ་ཞེས་བྱ་བ༔ སྲིད་པ་གསུམ་གྱི་སྲོག་གི་བདག༔ དྲེགས་པའི་མགོན་པོའི་དམག་ཚོགས་རྣམས༔ དམར་གྱི་གཏོར་མ་འདི་བཞེས་ལ༔ དྲག་པོའི་ལས་ལ་མྱུར་དུ་སྐུལ༔ མ་གཡེལ་དམ་ཉམས་དགྲ་ལ་ཡ༔ བྷྱོ༔ སྦས་པའི་མ་མོ་རྣམ་པ་བཞི༔ ལས་བྱེད་གབ་པའི་ཤན་པ་དང༔ རྒྱལ་ཆེན་ཕྱོགས་སྐྱོང་དྲེགས་པའི་ཚོགས༔ དམར་གྱི་གཏོར་མ་འདི་བཞེས་ལ༔ དྲག་པོའི་ལས་ལ་མྱུར་དུ་སྐུལ༔ མ་གཡེལ་དམ་ཉམས་དགྲ་ལ་ཡ༔ བྷྱོཿ སངས་རྒྱས་བསྟན་པ་བཤིག་པ་དང༔ བླ་མའི་སྐུ་ལ་བདོ་བ་དང༔ རིགས་དང་རྒྱུད་ལ་སྙོགས་པ་དང༔ ཆོས་འཁོར་སྲིད་ལ་རྔམས་པ་དང༔ དགེ་འདུན་སྡེ་རྣམས་བཤིག་པ་དང༔ སངས་རྒྱས་བསྟན་ལ་འཚེ་བ་དང༔ སེམས་ཅན་ཉེས་མེད་མནར་བ་དང༔ ཉམས་པ་བདུན་ལྡན་ཞིང་བཅུ་ཚང༔ སྔ་དགྲ་ལག་བདར་ཕྱི་དགྲ་སེམས༔ ད་དགྲ་ཐད་དུ་ལངས་པ་ཡི༔ དམ་ཉམས་དགྲ་ཡི་ཡུལ་དུ་རྒྱུག༔ ཁ་རུ་ལག་ཆུག་ཁོག་པའི་སྙིང༔ དཔྲལ་བའི་མིག་རྣམས་ཐང་ལ་བྱོས༔ སྙིང་ཁྲག་ཕོས་ལ་སྲོག་རྩ་ཆོད༔ བདུན་བརྒྱུད་རྩད་ནས་བརླག་པར་གྱིས༔ ཨོཾ་མ་ཧཱ་ཀཱ་ལ་གིཾ་ཀ་ར་ཀྵེ་ཏྲ་པཱ་ལ་དགྲ་བགེགས་ཨཾ་ཀུ་ཤ་ཛ༔ དགྲ་བགེགས་བཀུག ཡ་མ་རཱ་ཛ་མགོན་སྐྱབས་བྱེད་པའི་ལྷ་རྣམས་པྲ་བེ་ཤ་ཡ་ཕཊ༔ ལྷ་དང་ཕྱེ། ཛི་ན་མི་ཏྲ་ཆེ་གེ་མོ་ཨེ་ཧུར་ཐུམ་ཛ༔ ཏྲག་རཀྴ་ཐུན་བྷྱོ༔ མཚོན་ཆས་བརྡུངས་ཏེ་དམྱལ་ཐག་བཅད། ཨོཾ་མ་ཧཱ་ཀཱ་ལ་གིཾ་ཀ་ར་ཆེ་གེ་མོ་ཀཱ་བཱ་ཙི་མཱ་ར་ཡ་རྦད་རྦད༔ དངོས་སུ་བསྒྲལ། མ་ཧཱ་ཀཱ་ལ་ཏྲཀྴད་ཛཿནྲྀ་ཏྲི་ཤ་ཏྲཱུཾ་ཁ་ཐཾ་ཁ་ཐཾ༔ མཾ་ས་རཀྟ་ཀིཾ་ནི་རི་ཏི་ཁ་རཾ་ཁཱ་ཧི༔ ཞེས་དྲག་ཏུ་བསྐུལ་རྫོགས་པ་དང་གཏོར་མ་དགྲ་ཕྱོགས་སུ་འཕང༌། སྲུང་འཁོར་བསྒོམ་ཞིང་ཚེ་འགུགས་ཤིས་བརྗོད་བཅས་བྱ་བ་ནི་ཤིན་ཏུ་གཉན་པས་རྟག་པར་བྱ་མི་རུང་གསུངས་སོ། ༈ གཉིས་པ་འཁོར་ལས་མཁན་རྣམས་ཀྱི་སྒོས་སྒྲུབ་ལ་ལྔ་ལས། དང་པོ་ཡུམ་རེ་མ་ཏིའི་སྒོས་སྒྲུབ་ནི། རྟེན་མཆོད་སོགས་མགོན་མཐིང་སྐབས་ལྟར་ལས་ཡུམ་རེ་མ་ཏིའི་གཏོར་མ་ཁྱད་པར་དུ་བཤམས་དགོས་པ་ནི་འཁོར་འོག་མ་རྣམས་ལ་འགྲེ། སྐྱབས་སེམས་ནས་བརྩམས་བདག་བསྐྱེད། ཤཱུ་ནྱ་ཏས་སྦྱངས། ཆོས་རྣམས་དམིགས་མེད་མཐའ་བྲལ་བསྒོམ༔ ཀུན་ཁྱབ་བརྩེ་བའི་སྙིང་རྗེའི་ཧཱུྃ༔ འཕྲོ་འདུས་སྲུང་འཁོར་དུར་ཁྲོད་གནས༔ རབ་འཇིགས་ཕོ་བྲང་ཨེ་ཡི་ཀློང༔ འཁོར་ལོ་བྲག་ཆེན་པད་ཉིའི་སྟེང༔ ཡེ་ཤེས་མགོན་པོ་མཐིང་ནག་འབར༔ དབུ་གསུམ་གཡས་དཀར་གཡོན་དམར་ཞལ༔ སྤྱན་དགུ་རབ་བགྲད་ཁྲོ་གཉེར་བསྡུས༔ ཞལ་གདངས་ལྗགས་འདྲིལ་ཀྵིཾ་སྒྲ་སྒྲོགས༔ མཆེ་གཙིགས་སྨར་སྨིན་དབུ་སྐྲ་འབར༔ ཕྱག་དྲུག་དང་པོས་གྲི་ཐོད་དང༔ བར་བས་མདུང་དང་རྩེ་གསུམ་ཕྱར༔ ཐ་མས་རྔེའུ་ཆུང་ཞགས་པ་འཛིན༔ ཞབས་བཞི་འདོར་ཐབས་བགེགས་རྒྱལ་མནན༔ གཤོགས་པ་རབ་གདེངས་དུར་ཁྲོད་ཆས༔ ཁྱུང་དང་སྟག་གཟིག་དོམ་ནག་འཕྲོ༔ རེ་ཏི་མཐིང་ནག་གྲི་ཐོད་ཅན༔ མཉམ་སྦྱོར་མེ་ཡི་ཀློང་ན་བཞུགས༔ ཐོད་མཁར་མེ་རླུང་འཚུབས་པའི་དཀྱིལ༔ བྷྱོ་ལས་ལྷ་མོ་རེ་མ་ཏི༔ ཞལ་གཅིག་ཕྱག་གཉིས་དྲེའུ་ཆིབ༔ རལ་གྲི་དང་ནི་ཐོད་ཁྲག་འཛིན༔ རེ་ལྡེ་དུར་ཁྲོད་ཆས་ཀྱི་བརྒྱན༔ འབུམ་ཕྲག་ཡངས་པའི་མ་མོས་བསྐོར༔ གནས་གསུམ་ཨོཾ་ཨཱཿཧཱུྃ་གིས་མཚན༔ ཧཱུྃ་ལས་འོད་འཕྲོས་ཡེ་ཤེས་པ༔ རང་བཞིན་གནས་ནས་སྤྱན་དྲངས་བསམ༔ ཧཱུྃ༔ ཆོས་ཀྱི་དབྱིངས་ཀྱི་ཞིང་ཁམས་དང༔ མེ་རི་འབར་བའི་དུར་ཁྲོད་ནས༔ འཇིག་རྟེན་དབང་ཕྱུག་སྤྱན་རས་གཟིགས༔ དྲག་ཏུ་ཁྲོས་པ་ཁྲོ་བོའི་རྒྱལ༔ ཡེ་ཤེས་མགོན་པོ་ཡུམ་དང་བཅས༔ བཀའ་སྡོད་བཞི་དང་དྲེགས་པའི་འཁོར༔ རང་བཞིན་གནས་ནས་འདིར་གཤེགས་ཤིག༔ ཤྲཱི་མ་ཧཱ་ཀཱ་ལ་ཨཱེ་རལླི་ཧྲཱིཾ༔ ཧཱུྃ༔ དུར་ཁྲོད་རོལ་པའི་དཀྱིལ་འཁོར་འདིར༔ དགྱེས་ཤིང་བརྟན་པར་བཞུགས་སུ་གསོལ༔ རང་གི་དབྱིངས་ནས་རིག་པའི་རྩལ༔ ཧེ་རུ་ཀ་ལ་ཕྱག་འཚལ་ལོ༔ སྔོན་གྱི་བྱང་ཆུབ་ཐུགས་བསྐྱེད་ལྟར༔ བསྟན་པ་སྲུང་བའི་ཕྲིན་ལས་མཛོད༔ ཧཱུྃ༔ དབང་པོའི་མེ་ཏོག་ཚིལ་ཆེན་གསུར༔ ཞུན་ཆེན་མར་མེ་ཁྲག་ཆེན་དྲི༔ ཤ་རུས་ཞལ་ཟས་རྐང་གླིང་དང༔ ཐོད་རྔ་དུང་ཆེན་སྒྲོགས་པས་མཆོད༔ ཧཱུྃ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ ཀུན་ཏུ་བཟང་པོའི་མཆོད་སྤྲིན་གྱིས༔ ཡེ་ཤེས་མགོན་པོ་འཁོར་བཅས་མཆོད༔ བཞེས་ནས་རབ་འབྱམས་ལས་ཀུན་སྩོལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་བཛྲ་ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱ༔ ཧཱུྃ༔ རྩ་བརྒྱད་སྟོང་སྦྱར་ཨ་མྲྀ་ཏ༔ ཁམས་གསུམ་བསྒྲལ་བའི་རཀྟ་དང༔ འདོད་ཡོན་རྣམ་ལྔ་གཏོར་མ་སོགས༔ སྦྱོར་སྒྲོལ་གསང་བའི་མཆོད་པ་འབུལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་སརྦ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་ཏ་ན་ག་ན་པཱུ་ཛ་ཧོཿ ཨོཾ༔ ཆོས་ཀྱི་དབྱིངས་ལས་འབར་བའི་སྐུ༔ སྐུ་གསུམ་ཡེ་ཤེས་དྲུག་སོགས་ལས༔ སྐུ་ཡི་རྣམ་འགྱུར་ཅིར་ཡང་སྟོན༔ མགོན་པོའི་སྐུ་ལ་ཕྱག་འཚལ་བསྟོད༔ བདེ་ཆེན་དབྱིངས་ལས་གྲགས་པའི་གསུང་༔ ཡན་ལག་དྲུག་ཅུ་འདུས་པའི་དཔྱིད༔ ཀྵིཾ་ཀྵིཾ་སྒྲ་སྒྲོགས་ས་གསུམ་གཡོ༔ མགོན་པོའི་གསུང་ལ་ཕྱག་འཚལ་བསྟོད༔ མི་གཡོ་མཉམ་པའི་ངང་ཉིད་ལས༔ ཐུགས་རྗེ་གཏུམ་པའི་ཡེ་ཤེས་ཐུགས༔ སངས་རྒྱས་ཀུན་དང་དབྱིངས་གཅིག་པ༔ མགོན་པོའི་ཐུགས་ལ་ཕྱག་འཚལ་བསྟོད༔ བྱང་ཤར་ཐོད་པ་འཕྲུལ་གྱི་གཞལ་ཡས་ནས༔ ཡུམ་མཆོག་དཔལ་ལྡན་ལྷ་མོ་རེ་མ་ཏི༔ ངོ་བོ་གཅིག་ལ་སྤྲུལ་པའི་རྣམ་འགྱུར་སྟོང༔ མ་གཅིག་རེ་མ་ཏི་ལ་ཕྱག་འཚལ་བསྟོད༔ གོང་ནོན་མགོན་པོའི་སྔགས་ཅུང་ཟད་བཟླས་ལ། བསྙེན་དམིགས་ནི། ཐུགས་ཀར་ཟླ་སྟེང་བདུད་རྩི་ཡི༔ བུམ་པའི་ཨཾ་གིས་མཚན་པ་ལས༔ ཨོཾ་ཤྲཱི་དེ་བཱི་རེ་མ་ཏི་ཏྲག་རཀྴ་ཧཱུྃ་ཕཊ༔ ཅུང་ཟད་བཟླ། དེ་ལས་འོད་འཕྲོས་བདུད་རྩིའི་རྒྱུན༔ འོད་ཟེར་དཀར་པོ་འཕྲོས་པ་ཡིས༔ ནད་ཡམས་རིམས་ནད་ཞི་བར་བསམ༔ སྔགས་སྔ་མ་ཅི་ནུས་བཟླས་མཐར། མགོན་པོའི་གསོལ་བསྐང་དང༌། ལྷ་མོའི་སྒེར་གསོལ་དང༌། འཁྲུགས་སྐོང་སོགས་བྱའོ། ༈ གཉིས་པ་དབང་ཕྱུག་ཛི་ན་མི་ཏྲའི་སྒོས་སྒྲུབ་ལ་ལས་འགྲིགས་ལྷ་མོ་ལྟར་ལ། མདུན་བསྐྱེད་ལྷ་མོའི་ཚབ་ཏུ། མདུན་དུ་མེ་རླུང་འཚུབས་པའི་དབུས༔ ལྷ་དམག་དགུ་ཁྲི་དགུ་འབུམ་འགྱེད༔ ཛཿལས་ཛི་ན་མི་ཏྲ་མཐིང༔ རལ་གྲི་དང་ནི་ཐོད་ཁྲག་འཛིན༔ བེར་ནག་གསོལ་ཞིང་དུར་ཁྲོད་ཆས༔ ཞབས་གཉིས་འདོར་ཐབས་དགྲ་བགེགས་མནན༔ བསྟོད་པའི་ཁྱད་པར། དུར་ཁྲོད་ལྷ་ཆེན་རོལ་པའི་ནགས་ཚལ་ནས༔ སྲིད་པ་གསུམ་ལ་དབང་བྱེད་སྲོག་གི་བདག༔ དབང་ཕྱུག་ཛི་ན་མི་ཏྲ་མཐུ་རྩལ་ཅན༔ ལྷ་དམག་དགུ་ཁྲི་དགུ་འབུམ་ལས་ལ་འགྱེད༔ བཀའ་སྡོད་ལྷ་ཡི་མགོན་པོ་ཁྱེད་ལ་བསྟོད༔ མགོན་པོའི་བཟླས་པ་ཅུང་ཟད་མཐར། བསྙེན་དམིགས་ནི། ཐུགས་ཀར་ཛཿམཐར་སྔགས་ཀྱིས་བསྐོར༔ དེ་ལས་འོད་ཟེར་འཕྲོས་པ་ཡིས༔ དམིགས་བྱ་དབང་དུ་བསྡུས་པར་བསམ༔ ཨོཾ་ཛི་ན་མི་ཏྲ་ཧཱུྃ་ཧྲཱིཾ་ཧྲཱིཾ་ཛཿཛཿ ཅི་ནུས་གཙོ་བོར་བཟླ། སླར་ཡང་འོད་ཟེར་དཀར་པོ་ཡི༔ ཚོགས་འཕྲོས་ཤེས་རབ་བསྐྱེད་པར་བསམ༔ ཨོཾ་ཛི་ན་མི་ཏྲ་ཧཱུྃ་པྲཛྙཱ་སིདྡྷི་ཧཱུྃ་ཧཱུྃ༔ ཅུང་ཟད་བཟླ། ལས་སྦྱོར་འདི་གཙོ་བོར་དགོས་ན་བཟླས་པ་རྟགས་དང་བསྟུན་མཐར། གསོལ་བསྐང་སོགས་སྔ་མ་རྣམས་བཞིན་བྱའོ། ༈ གསུམ་པ་གཤིན་རྗེ་ཊཱ་ཀི་རཱ་ཛ་ནི། རླུང་ནག་འཚུབས་ཀློང་ཡཿཡིག་ལས༔ གཤིན་རྗེའི་དམག་ཚོགས་འབུམ་གྱིས་བསྐོར༔ ཊཱ་ཀི་རཱ་ཛ་མཐིང་ནག་འབར༔ ཟ་འོག་ནག་པོའི་བེར་ཆེན་གསོལ༔ དགྲ་སྟྭ་གཡས་ལ་ཁྲམ་ཤིང་གཡོན༔ བསྟོད་པ། སྐྱེ་འགྲོ་ཁྲམ་ལ་འདེབས་པའི་དུར་ཁྲོད་ནས༔ གཤིན་རྗེ་ཊཱ་ཀི་རཱ་ཛ་སྲིད་པའི་བདག༔ གཤིན་རྗེའི་དམག་ཚོགས་འབུམ་ཕྲག་ལས་ལ་འགྱེད༔ གཤིན་རྗེའི་མགོན་པོ་ཁྱོད་ལ་ཕྱག་འཚལ་བསྟོད༔ བསྙེན་དམིགས་ནི། ཐུགས་ཀར་ཡཿལས་སྔགས་ཕྲེང་བསྐོར༔ འོད་འཕྲོས་གདུག་པའི་དགྲ་དང་བགེགས༔ མ་ལུས་ཚར་བཅད་བརླག་པར་བསམ༔ ཨོཾ་ཊཱ་ཀི་རཱ་ཛ་དགྲ་བགེགས་མཱ་ར་ཡ་ཧཱུྃ་ཕཊ༔ ཞེས་བཟླ། གསོལ་བསྐང་སོགས་སྔ་མ་རྣམས་བཞིན་བྱའོ། ༈ བཞི་པ་ཞིང་སྐྱོང་ཀྵེ་ཏྲ་པཱ་ལའི་སྒོས་སྒྲུབ་ནི། སྤྲོ་ན་བླ་རྡོ་རྟེན་བཅས་འདུ་བྱ། དཀྱུས་ཙམ་དུ་གཏོར་མ་དང་མཆོད་པ་ཙམ་ལ་བསྟེན་ཀྱང་རུང་ཞིང༌། བྷྲཱུྃ་ལས་བྷཉྫ་ཐོད་པའི་མཁར༔ རླུང་ནག་འཚུབས་པའི་ཀློང་དཀྱིལ་དུ༔ ཀྵ་ལས་ཀྵེ་ཏྲ་པཱ་ལ་ནག༔ ལྕགས་ཀྱུ་གཡས་ལ་ཞགས་པ་གཡོན༔ མི་ལྤགས་གཡང་གཞི་སྐུ་ལ་གསོལ༔ དོམ་ནག་སྨྱོན་པ་ཆིབས་སུ་ཆིབ༔ གསང་བའི་ཡུམ་མཆོག་རེ་ཏི་མ༔ སྤུ་གྲི་གདེང་ཤིང་མི་སྙིང་གསོལ༔ ཤན་པ་འབུམ་གྱི་དམག་གིས་བསྐོར༔ བསྟོད་པ་ནི། ཁྲག་མཚོ་རྦ་ཀློང་འཁྲུགས་པའི་ཀློང་དཀྱིལ་ནས༔ གནོད་སྦྱིན་ཀྵེ་ཏྲ་པཱ་ལ་སྲོག་གི་བདག༔ ཤན་པ་འབུམ་གྱི་དམག་ཚོགས་ལས་ལ་འགྱེད༔ ཞིང་སྐྱོང་མགོན་པོ་ཁྱེད་ལ་ཕྱག་འཚལ་བསྟོད༔ བསྙེན་དམིགས་ནི། ཡབ་ཡུམ་གཉིས་ཀྱི་ཐུགས་ཀ་རུ༔ ཀྵ་དང་ཐཿལ་སྔགས་ཀྱིས་བསྐོར༔ འོད་ཟེར་དཔག་མེད་འཕྲོས་པ་ཡིས༔ ཡིད་ལ་བརྣག་པ་ཐམས་ཅད་བསྒྲལ༔ ལོངས་སྤྱོད་ཐམས་ཅད་སྩོལ་བར་བསམ༔ ཨོཾ་ཀྵེ་ཏྲ་པཱ་ལ་ཛཿ མ་མ་རོ་ཏི་བྷྱོཿ ཞེས་བཟླ། གསོལ་བསྐང་སོགས་སྔ་མ་རྣམས་བཞིན་བྱའོ། ༈ ལྔ་པ་བདུད་མགོན་ཏྲཀྴད་ཀྱི་སྒོས་སྒྲུབ་ནི། མདུན་དུ་ཀཱ་ལ་སྒྲོགས་པ་ཡི༔ དུར་ཁྲོད་ཆེན་པོའི་ས་གཞི་ལ༔ ཐོད་མཁར་དྲག་པོའི་རྒྱན་དང་ལྡན༔ མེ་རླུང་འཚུབས་པའི་ཀློང་དཀྱིལ་དུ༔ ཧཱུྃ་ལས་ཏྲཀྴད་ནག་པོ་ནི༔ ཞལ་གཅིག་ཕྱག་གཉིས་བདུད་མདའ་བཀང༔ བེར་ནག་གསོལ་ཞིང་བདུད་རྟ་ཆིབས༔ གསང་བའི་ཡུམ་མཆོག་དུང་སྐྱོང་མ༔ དཀར་མོ་མེ་ལོང་ཙིཏྟ་བསྣམས༔ ཞིང་ལྤགས་གོས་གསོལ་བོང་བུ་ཆིབ༔ མ་མོ་བདུད་མོན་ཤན་པས་བསྐོར༔ བསྟོད་པ། ཀཱི་ལ་སྒྲོགས་པའི་དུར་ཁྲོད་ཆེན་པོ་ནས༔ བདུད་ཀྱི་མགོན་པོ་ཏྲཀྴད་ནག་པོ་ནི༔ མཁའ་འགྲོ་བདུད་དམག་འབུམ་ནི་ལས་ལ་འགྱེད༔ མ་མོའི་ཚོགས་དཔོན་ཁྱོད་ལ་ཕྱག་འཚལ་བསྟོད༔ བསྙེན་དམིགས་ནི། ཡབ་ཡུམ་གཉིས་ཀྱི་ཐུགས་ཀ་རུ༔ ཧཱུྃ་དང་བྷྱོ་ཡི་ཐ་མ་རུ༔ ཨོཾ་ཀརྨ་མ་ཧཱ་ཀཱ་ལ་ཏྲཀྴད་ཛ༔ ཨོཾ་དེ་བཱི་ཤངྑ་པཱ་ལ་ཏྲཀ་རཀྴ་བྷྱོ་ཛ༔ ཞེས་པས་བསྐོར་ལས་འོད་འཕྲོས་པས༔ གང་འདོད་ལས་རྣམས་སྒྲུབ་པར་བསམ༔ ལས་སྦྱོར་དམིགས་བསལ་དགོས་ན་ལིངྒ་སོགས་གཏེར་གཞུང་ལྟར་བྱ། ལས་སྦྱོར་དཀྱུས་ཙམ་ལ། ཨོཾ་ཀརྨ་མ་ཧཱ་ཀཱ་ལ་ཏྲཀྴད་ཛཿ ཨོཾ་དི་བཱི་ཤངྑ་པཱ་ལ་ཏྲཀ་རཀྴ་བྷྱོ་ཛ༔ དྲག་སྔགས་སྤུ་གྲི་ཅུང་ཟད་བཟླ་ཞིང་བསད་དམིགས་ཙམ་བྱས་པས་རུང་བའོ། །གསུམ་པ་སྤྱི་དང་བྱེ་བྲག་ཀུན་གྱི་ལས་གཞུག་རྗེས་རིམ་དང་པོ་ཐུན་གཏོར་འབུལ་བ་ནི། སྐབས་སུ་གང་བབ་ཀྱི་བཟླས་པ་གྲུབ་པའི་རྗེས། འབུལ་གཏོར་ཁ་གསོ་ཞིང་སྨན་རཀ་བྲན་ཏེ། རྃ་ཡྃ་ཁྃ༔ སྟོང་པའི་ངང་ལས་བྷྲཱུྃ་ཡིག་ལས༔ སྣང་བ་རྣམ་དག་གཏོར་གཞོང་དུ༔ ཡེ་ཤེས་ལྔ་ཡི་དམ་རྫས་རྣམས༔ བདེ་བ་ཆེན་པོར་ཞུ་བའི་བཅུད༔ འདོད་ཡོན་རྒྱ་མཚོར་འཕྲོ་བར་གྱུར༔ ཨོཾ་ཨཱཿཧཱུྃ༔ ཧཱུྃ༔ མཁའ་དབྱིངས་ནས་བཞེངས་བདེ་བ་ཆེ༔ ཡེ་ཤེས་མགོན་པོ་ཕྱག་དྲུག་པ༔ ཆོས་ཀྱི་དབྱིངས་ནས་འདིར་གཤེགས་ལ༔ ཡེ་ཤེས་ལྔ་ཡི་ཨ་མྲྀ་ཏ༔ བདེ་བ་ཆེན་པོའི་རཀྟ་དང༔ བདེ་སྟོང་ཟུང་འཇུག་འདོད་ཡོན་ལྔ༔ ཡེ་ཤེས་འབར་བའི་མཆོད་སྤྲིན་འདི༔ མ་ཧཱ་ཀཱ་ལ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ འདོད་པའི་དོན་རྣམས་བསྒྲུབ་ཏུ་གསོལ༔ གཞན་ཡང་ཤ་ཆེན་སྙིང་སྣ་ཚོགས༔ འབྲས་ཆེན་ཁུར་བ་སྒོག་ཙོང་དང༔ ཤ་སྣ་སྤོད་ཀྱི་བྱེ་བྲག་དང༔ ཛམྦུ་ཏྲི་ཤའི་ཞལ་ཟས་མཆོག༔ ཛ་གད་དཔའ་བོའི་ཕུད་ལ་སོགས༔ འདོད་ཡོན་རྒྱ་མཚོའི་མཆོད་སྤྲིན་འདི༔ མ་ཧཱ་ཀཱ་ལ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ ནད་གདོན་དགྲ་བགེགས་ཞི་བར་མཛོད༔ ཚེ་དང་བསོད་ནམས་རྒྱས་པར་མཛོད༔ ཁམས་གསུམ་ཐམས་ཅད་དབང་དུ་སྡུས༔ དགྲ་བགེགས་དམ་སྲི་ཐལ་བར་རློག༔ སངས་རྒྱས་བསྟན་པ་བསྲུང་དུ་གསོལ༔ དཀོན་མཆོག་དབུ་འཕང་བསྟོད་པ་དང༔ དགེ་འདུན་སྡེ་རྣམས་སྐྱོང་བར་མཛོད༔ དབེན་གནས་གཉན་པོ་སྲུང་བ་དང༔ སྒྲུབ་པའི་སྡོང་གྲོགས་མཛད་དུ་གསོལ༔ ཧཱུྃ༔ ཡབ་གཅིག་དེ་ཡི་ཡུམ་མཆོག་ནི༔ དཔལ་ལྡན་ལྷ་མོ་རེ་མ་ཏི༔ མུ་ལེའི་མཚོ་ནས་འདིར་གཤེགས་ལ༔ ཡེ་ཤེས་ལྔ་ཡི་ཨ་མྲྀ་ཏ༔ བདེ་བ་ཆེན་པོའི་རཀྟ་དང༔ བདེ་སྟོང་ཟུང་འཇུག་འདོད་ཡོན་ལྔ༔ ཡེ་ཤེས་འབར་བའི་མཆོད་སྤྲིན་འདི༔ དཔལ་ལྡན་ལྷ་མོ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ འདོད་པའི་དོན་རྣམས་བསྒྲུབ་ཏུ་གསོལ༔ གཞན་ཡང་ཤ་ཆེན་སྙིང་སྣ་ཚོགས༔ འབྲས་ཆེན་ཁུར་བ་སྒོག་ཙོང་དང༔ ཤ་སྣ་སྤོད་ཀྱི་བྱེ་བྲག་དང༔ ཛམྦུ་ཏྲི་ཤའི་ཞལ་ཟས་མཆོག༔ ཛ་གད་དཔའ་བོའི་ཕུད་ལ་སོགས༔ འདོད་ཡོན་རྒྱ་མཚོའི་མཆོད་སྤྲིན་འདི༔ དཔལ་ལྡན་ལྷ་མོ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ ནད་གདོན་དགྲ་བགེགས་ཞི་བར་མཛོད༔ ཚེ་དང་བསོད་ནམས་རྒྱས་པར་མཛོད༔ ཁམས་གསུམ་ཐམས་ཅད་དབང་དུ་སྡུས༔ དགྲ་བགེགས་དམ་སྲི་ཐལ་བར་རློག༔ སངས་རྒྱས་བསྟན་པ་བསྲུང་དུ་གསོལ༔ དཀོན་མཆོག་དབུ་འཕང་བསྟོད་པ་དང༔ དགེ་འདུན་སྡེ་རྣམས་སྐྱོང་བར་མཛོད༔ དབེན་གནས་གཉན་པོ་སྲུང་བ་དང༔ སྒྲུབ་པའི་སྡོང་གྲོགས་མཛད་དུ་གསོལ༔ ཧཱུྃ༔ ཤར་གྱི་ཕོ་ཉ་ཆེན་པོ་ནི༔ དབང་ཕྱུག་ཛི་ན་མི་ཏྲ་ཡང༔ ནམ་མཁའི་དབྱིངས་ནས་འདིར་གཤེགས་ལ༔ ཡེ་ཤེས་ལྔ་ཡི་ཨ་མྲྀ་ཏ༔ བདེ་བ་ཆེན་པོའི་རཀྟ་དང༔ བདེ་སྟོང་ཟུང་འཇུག་འདོད་ཡོན་ལྔ༔ ཡེ་ཤེས་འབར་བའི་མཆོད་སྤྲིན་འདི༔ ཛི་ན་མི་ཏྲ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ འདོད་པའི་དོན་རྣམས་བསྒྲུབ་ཏུ་གསོལ༔ གཞན་ཡང་ཤ་ཆེན་སྙིང་སྣ་ཚོགས༔ འབྲས་ཆེན་ཁུར་བ་སྒོག་ཙོང་དང༔ ཤ་སྣ་སྤོད་ཀྱི་བྱེ་བྲག་དང༔ ཛམྦུ་ཏྲི་ཤའི་ཞལ་ཟས་མཆོག༔ ཛ་གད་དཔའ་བོའི་ཕུད་ལ་སོགས༔ འདོད་ཡོན་རྒྱ་མཚོའི་མཆོད་སྤྲིན་འདི༔ ཛི་ན་མི་ཏྲ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ ནད་གདོན་དགྲ་བགེགས་ཞི་བར་མཛོད༔ ཚེ་དང་བསོད་ནམས་རྒྱས་པར་མཛོད༔ ཁམས་གསུམ་ཐམས་ཅད་དབང་དུ་སྡུས༔ དགྲ་བགེགས་དམ་སྲི་ཐལ་བར་རློག༔ སངས་རྒྱས་བསྟན་པ་བསྲུང་དུ་གསོལ༔ དཀོན་མཆོག་དབུ་འཕང་བསྟོད་པ་དང༔ དགེ་འདུན་སྡེ་རྣམས་སྐྱོང་བར་མཛོད༔ དབེན་གནས་གཉན་པོ་སྲུང་བ་དང༔ སྒྲུབ་པའི་སྡོང་གྲོགས་མཛད་དུ་གསོལ༔ ཧཱུྃ༔ ལྷོ་ཡི་ཕྱོགས་ཀྱི་ཕོ་ཉ་ནི༔ གཤིན་རྗེ་ཊཱ་ཀི་རཱ་ཛ་ཡང་༔ ལྷོ་ཕྱོགས་གཤིན་རྗེའི་གནས་ནས་གཤེགས༔ ཡེ་ཤེས་ལྔ་ཡི་ཨ་མྲྀ་ཏ༔ བདེ་བ་ཆེན་པོའི་རཀྟ་དང༔ བདེ་སྟོང་ཟུང་འཇུག་འདོད་ཡོན་ལྔ༔ ཡེ་ཤེས་འབར་བའི་མཆོད་སྤྲིན་འདི༔ ཊཱ་ཀི་རཱ་ཛ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ འདོད་པའི་དོན་རྣམས་བསྒྲུབ་ཏུ་གསོལ༔ གཞན་ཡང་ཤ་ཆེན་སྙིང་སྣ་ཚོགས༔ འབྲས་ཆེན་ཁུར་བ་སྒོག་ཙོང་དང༔ ཤ་སྣ་སྤོད་ཀྱི་བྱེ་བྲག་དང༔ ཛམྦུ་ཏྲི་ཤའི་ཞལ་ཟས་མཆོག༔ ཛ་གད་དཔའ་བོའི་ཕུད་ལ་སོགས༔ འདོད་ཡོན་རྒྱ་མཚོའི་མཆོད་སྤྲིན་འདི༔ ཊཱ་ཀི་རཱ་ཛ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ ནད་གདོན་དགྲ་བགེགས་ཞི་བར་མཛོད༔ ཚེ་དང་བསོད་ནམས་རྒྱས་པར་མཛོད༔ ཁམས་གསུམ་ཐམས་ཅད་དབང་དུ་སྡུས༔ དགྲ་བགེགས་དམ་སྲི་ཐལ་བར་རློག༔ སངས་རྒྱས་བསྟན་པ་བསྲུང་དུ་གསོལ༔ དཀོན་མཆོག་དབུ་འཕང་བསྟོད་པ་དང༔ དགེ་འདུན་སྡེ་རྣམས་སྐྱོང་བར་མཛོད༔ དབེན་གནས་གཉན་པོ་སྲུང་བ་དང༔ སྒྲུབ་པའི་སྡོང་གྲོགས་མཛད་དུ་གསོལ༔ ཧཱུྃ༔ ནུབ་ཀྱི་ཕྱོགས་ཀྱི་ཕོ་ཉ་ནི༔ གནོད་སྦྱིན་ཀྵེ་ཏྲ་པཱ་ལ་ཡང༔ མཁའ་སྤྱོད་ཞིང་ནས་འདིར་གཤེགས་ལ༔ ཡེ་ཤེས་ལྔ་ཡི་ཨ་མྲྀ་ཏ༔ བདེ་བ་ཆེན་པོའི་རཀྟ་དང༔ བདེ་སྟོང་ཟུང་འཇུག་འདོད་ཡོན་ལྔ༔ ཡེ་ཤེས་འབར་བའི་མཆོད་སྤྲིན་འདི༔ ཀྵེ་ཏྲ་པཱ་ལ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ འདོད་པའི་དོན་རྣམས་བསྒྲུབ་ཏུ་གསོལ༔ གཞན་ཡང་ཤ་ཆེན་སྙིང་སྣ་ཚོགས༔ འབྲས་ཆེན་ཁུར་བ་སྒོག་ཙོང་དང༔ ཤ་སྣ་སྤོད་ཀྱི་བྱེ་བྲག་དང༔ ཛམྦུ་ཏྲི་ཤའི་ཞལ་ཟས་མཆོག༔ ཛ་གད་དཔའ་བོའི་ཕུད་ལ་སོགས༔ འདོད་ཡོན་རྒྱ་མཚོའི་མཆོད་སྤྲིན་འདི༔ ཀྵེ་ཏྲ་པཱ་ལ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ ནད་གདོན་དགྲ་བགེགས་ཞི་བར་མཛོད༔ ཚེ་དང་བསོད་ནམས་རྒྱས་པར་མཛོད༔ ཁམས་གསུམ་ཐམས་ཅད་དབང་དུ་སྡུས༔ དགྲ་བགེགས་དམ་སྲི་ཐལ་བར་རློག༔ སངས་རྒྱས་བསྟན་པ་བསྲུང་དུ་གསོལ༔ དཀོན་མཆོག་དབུ་འཕང་བསྟོད་པ་དང༔ དགེ་འདུན་སྡེ་རྣམས་སྐྱོང་བར་མཛོད༔ དབེན་གནས་གཉན་པོ་སྲུང་བ་དང༔ སྒྲུབ་པའི་སྡོང་གྲོགས་མཛད་དུ་གསོལ༔ ཧཱུྃ༔ བྱང་གི་ཕྱོགས་ཀྱི་ཕོ་ཉ་ནི༔ བདུད་མགོན་ཏྲཀྴད་ནག་པོ་ཡང༔ བསིལ་བའི་ཚལ་ནས་འདིར་གཤེགས་ལ༔ ཡེ་ཤེས་ལྔ་ཡི་ཨ་མྲྀ་ཏ༔ བདེ་བ་ཆེན་པོའི་རཀྟ་དང༔ བདེ་སྟོང་ཟུང་འཇུག་འདོད་ཡོན་ལྔ༔ ཡེ་ཤེས་འབར་བའི་མཆོད་སྤྲིན་འདི༔ ལས་མགོན་ནག་པོ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ འདོད་པའི་དོན་རྣམས་བསྒྲུབ་ཏུ་གསོལ༔ གཞན་ཡང་ཤ་ཆེན་སྙིང་སྣ་ཚོགས༔ འབྲས་ཆེན་ཁུར་བ་སྒོག་ཙོང་དང༔ ཤ་སྣ་སྤོད་ཀྱི་བྱེ་བྲག་དང༔ ཛམྦུ་ཏྲི་ཤའི་ཞལ་ཟས་མཆོག༔ ཛ་གད་དཔའ་བོའི་ཕུད་ལ་སོགས༔ འདོད་ཡོན་རྒྱ་མཚོའི་མཆོད་སྤྲིན་འདི༔ ལས་མགོན་ནག་པོ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ ནད་གདོན་དགྲ་བགེགས་ཞི་བར་མཛོད༔ ཚེ་དང་བསོད་ནམས་རྒྱས་པར་མཛོད༔ ཁམས་གསུམ་ཐམས་ཅད་དབང་དུ་སྡུས༔ དགྲ་བགེགས་དམ་སྲི་ཐལ་བར་རློག༔ སངས་རྒྱས་བསྟན་པ་བསྲུང་དུ་གསོལ༔ དཀོན་མཆོག་དབུ་འཕང་བསྟོད་པ་དང༔ དགེ་འདུན་སྡེ་རྣམས་སྐྱོང་བར་མཛོད༔ དབེན་གནས་གཉན་པོ་སྲུང་བ་དང༔ སྒྲུབ་པའི་སྡོང་གྲོགས་མཛད་དུ་གསོལ༔ ཧཱུྃ༔ གཞན་ཡང་གསང་བའི་སྦས་ཡུམ་བཞི༔ གབ་པའི་ལས་ཀྱི་ཤན་པ་དང༔ ཕྱོགས་སྐྱོང་རྒྱལ་ཆེན་དྲེགས་པའི་ཚོགས༔ རང་རང་གནས་ནས་འདིར་གཤེགས་ལ༔ ཡེ་ཤེས་ལྔ་ཡི་ཨ་མྲྀ་ཏ༔ བདེ་བ་ཆེན་པོའི་རཀྟ་དང༔ བདེ་སྟོང་ཟུང་འཇུག་འདོད་ཡོན་ལྔ༔ ཡེ་ཤེས་འབར་བའི་མཆོད་སྤྲིན་འདི༔ བཀའ་སྡོད་འཁོར་བཅས་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ འདོད་པའི་དོན་རྣམས་བསྒྲུབ་ཏུ་གསོལ༔ གཞན་ཡང་ཤ་ཆེན་སྙིང་སྣ་ཚོགས༔ འབྲས་ཆེན་ཁུར་བ་སྒོག་ཙོང་དང༔ ཤ་སྣ་སྤོད་ཀྱི་བྱེ་བྲག་དང༔ ཛམྦུ་ཏྲི་ཤའི་ཞལ་ཟས་མཆོག༔ ཛ་གད་དཔའ་བོའི་ཕུད་ལ་སོགས༔ འདོད་ཡོན་རྒྱ་མཚོའི་མཆོད་སྤྲིན་འདི༔ བཀའ་སྡོད་འཁོར་བཅས་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ ནད་གདོན་དགྲ་བགེགས་ཞི་བར་མཛོད༔ ཚེ་དང་བསོད་ནམས་རྒྱས་པར་མཛོད༔ ཁམས་གསུམ་ཐམས་ཅད་དབང་དུ་སྡུས༔ དགྲ་བགེགས་དམ་སྲི་ཐལ་བར་རློག༔ སངས་རྒྱས་བསྟན་པ་བསྲུང་དུ་གསོལ༔ དཀོན་མཆོག་དབུ་འཕང་བསྟོད་པ་དང༔ དགེ་འདུན་སྡེ་རྣམས་སྐྱོང་བར་མཛོད༔ དབེན་གནས་གཉན་པོ་སྲུང་བ་དང༔ སྒྲུབ་པའི་སྡོང་གྲོགས་མཛད་དུ་གསོལ༔ དེ་ཡིས་འདོད་དོན་ཐམས་ཅད་འགྲུབ༔ ས་མ་ཡ༔ ཉམས་ཆགས་བྱུང་ན་སྐོང་བ་ནི༔ སྤྱན་གཟིགས་སྣ་ཚོགས་རྒྱན་གྱིས་བརྒྱན༔ ནམ་མཁའ་མཛོད་ཀྱི་སྔགས་རྒྱས་བརླབ༔ ཧཱུྃ༔ ཆོས་ཀྱི་དབྱིངས་ནས་སྣ་ཚོགས་ཅི་ཡང་སྤྲུལ༔ སྣང་སྟོང་སྐུ་ཡི་རྣམ་འགྱུར་ཚུལ་བཞིན་སྒོམ༔ དེ་ཉིད་མཚོན་པའི་སྐུ་འབག་རིས་སུ་བྲིས༔ བཟོ་དབྱིབས་ངོ་མཚར་སྐུ་ཡི་ཐུགས་དམ་བསྐང༔ གྲགས་པ་རྩ་རླུང་ཐིག་ལེའི་གནད་བཅིངས་ཏེ༔ མདངས་སུ་ཤར་ཀུན་རྒྱལ་བའི་གསུང་གི་དབྱིངས༔ དེ་དང་མཚུངས་པའི་སྲོག་སྔགས་དབྱངས་སུ་བཟླས༔ སྲོག་གི་འཁོར་ལོ་གསུང་གི་ཐུགས་དམ་བསྐང༔ མ་བཅོས་དབྱིངས་ལས་བདེ་ཆེན་ཡེ་ཤེས་ངང༔ ལྷ་དང་བདག་ཉིད་གཉིས་སུ་མེད་པར་རྟོགས༔ སྣང་སྲིད་ཐམས་ཅད་མགོན་པོའི་དཀྱིལ་འཁོར་དང༔ རྫོགས་པ་ཆེན་པོ་ཐུགས་ཀྱི་ཐུགས་དམ་བསྐང༔ མི་ཟད་ཡོན་ཏན་གཏེར་གྱི་མཛོད་འཆང་བ༔ ཡེ་ཤེས་རོལ་པའི་ཆ་ལུགས་མ་ངེས་ཀྱང༔ གནས་སྐབས་འདིར་སྣང་དུར་ཁྲོད་དཔལ་གྱི་ཆས༔ གནག་པའི་ཞྭ་གོས་རྣམས་ཀྱིས་ཐུགས་དམ་བསྐང༔ ཕྲིན་ལས་མི་བཟད་འབར་བའི་ཆོ་འཕྲུལ་སྟོན༔ ཡེ་ཤེས་རོལ་པའི་ཕྱག་མཚན་མ་ངེས་ཀྱང༔ གསེར་དངུལ་ཟངས་དང་གྲི་ལྕགས་ལ་སོགས་པའི༔ སྒྲོལ་བའི་ཕྲིན་ལས་མཚོན་ཆས་ཐུགས་དམ་བསྐངས༔ ཤ་ཆེན་སྤོས་དང་ཚིལ་ཆེན་དུད་པའི་སྤྲིན༔ གཡབ་དར་སྣ་ཚོགས་ཞིང་ཆེན་གཡབ་པའི་བརྡ༔ རྐང་གླིང་རོལ་མོ་དུང་ཆེན་གདུང་བའི་དབྱངས༔ འབོད་པའི་དམ་རྫས་རྣམས་ཀྱི་ཐུགས་དམ་བསྐང༔ རྟེན་གཏོར་སྒྲུབ་པའི་རྫས་དང་བླ་རྡོ་དང༔ རྟེན་པའི་མཁར་དང་སྲོག་རྟེན་དར་ནག་དང༔ ཕྱི་ནང་གསང་བའི་མཆོད་སྤྲིན་བསམ་ཡས་སོགས༔ འདུ་བའི་དམ་རྫས་རྣམས་ཀྱི་ཐུགས་དམ་བསྐང༔ ཁམས་གསུམ་དབང་སྡུད་རུ་མཚོན་སྲིད་རྩེར་སྒྲེང༔ ཆས་ཞུགས་འཆམས་དང་ཟློག་གར་དམག་གི་དཔུང༔ བྱ་གཅན་གཡག་ལུག་རྟ་དྲིལ་ནག་པོའི་ཚོགས༔ སྤྱན་གཟིགས་བསམ་མི་ཁྱབ་པས་ཐུགས་དམ་བསྐང༔ བསྐྱེད་པའི་རིམ་གསལ་སྔགས་ཀྱི་འཕྲུལ་འཁོར་དང༔ གང་ཤར་བདེ་སྟོང་ཐུགས་ཀྱི་ཀློང་དུ་གྲོལ༔ སྦྱོར་བ་ཚད་ཕེབས་སྒྲོལ་བ་གནས་སུ་སྟོབ༔ བླ་མེད་བྱང་ཆུབ་སྒྲུབ་པས་ཐུགས་དམ་བསྐང༔ སྲུང་བའི་གོ་བགོས་བདུད་ཀྱི་སྦྱོར་བ་བཤིག༔ ཟློག་པའི་བཀོད་བཤམས་རྔམས་བརྗིད་དྲག་པོའི་འཕྲུལ༔ བསད་པའི་མནན་སྲེག་འཕང་གསུམ་ཡོ་ལང་གིས༔ གདུག་པའི་དགྲ་བགེགས་བསྒྲལ་བས་ཐུགས་དམ་བསྐང༔ ཀུན་ཏུ་བཟང་པོའི་མཆོད་སྤྲིན་བསམ་ཡས་ཀྱིས༔ ལྷ་མཆོག་མ་ཧཱ་ཀཱ་ལའི་ཐུགས་དམ་བསྐང༔ ཡུམ་མཆོག་རེ་མ་ཏི་ཡི་ཐུགས་དམ་བསྐང༔ དབང་ཕྱུག་ཛི་ན་མི་ཏྲའི་ཐུགས་དམ་བསྐང༔ གཤིན་རྗེ་ཊཱ་ཀི་རཱ་ཛའི་ཐུགས་དམ་བསྐང༔ གནོད་སྦྱིན་ཀྵེ་ཏྲ་པཱ་ལའི༴ བདུད་མགོན་ཏྲག་ཤད་ནག་པོའི་ཐུགས་དམ་བསྐང༔ གསང་བའི་ཡུམ་དང་ལས་བྱེད་ཐུགས་དམ་བསྐང༔ ཕྱོགས་སྐྱོང་རྒྱལ་ཆེན་རྣམས་ཀྱི་ཐུགས་དམ་བསྐང༔ དྲེགས་པ་སྡེ་བརྒྱད་རྣམས་ཀྱི་ཐུགས་དམ་བསྐང༔ ཐུགས་དམ་བསྐང་ལ་ཉམས་ཆག་ཚངས་གྱུར་ཅིག༔ ཕྲིན་ལས་རྣམ་བཞི་ལྷུན་གྱིས་འགྲུབ་པར་མཛོད༔ ཧཱུྃ༔ ཡེ་ཤེས་མགོན་པོ་འཁོར་དང་བཅས་པ་རྣམས༔ རང་དང་གཉིས་མེད་བྱང་ཆུབ་སེམས་ཀྱི་ངང༔ མ་རིག་དབང་གི་དེ་ལྟར་མ་རྟོགས་ཏེ༔ རྩ་བ་ཡན་ལག་དམ་ཚིག་ཉམས་པ་རྣམས༔ རྡོ་རྗེ་སྲིན་པོའི་ཚོགས་ལ་མཐོལ་ལོ་བཤགས༔ བཟོད་པར་བཞེས་ནས་ཚངས་པའི་དངོས་གྲུབ་སྩོལ༔ དེ་ཡིས་ཉམས་ཆགས་ཐམས་ཅད་ཚངས་པར་འགྱུར༔ རྗེས་ཀྱི་བྱ་བ་ཚོགས་མཆོད་སོགས་རྒྱལ་དབང་མཁའ་ཁྱབ་རྡོ་རྗེའི་གསུང་གསང་མགོན་སྨུག་པོའི་ཕྲིན་དབང་གི་མཚམས་སྦྱོར་ལག་ལེན་དཔག་བསམ་ལྗོན་པའི་ཕྲེང་བ་ལྟར་བཏང་བས་གྲུབ་བོ། །ཕྱག་བྲིས་དངོས་ལས་ཞལ་བཤུས་པ་ཡིན། མཛད་བྱང་མི་འདུག། །།}} | ཨོཾ་སྭསྟི། བྱང་ཆུབ་སྤྱོད་པ་རྒྱ་མཚོའི་སྲོག་གི་ཟུངས། །སྙིང་རྗེའི་གཏེར་མཆོག་མྱུར་མཛད་མགོན་པོའི་ཚུལ། །བླ་མ་མཆོག་དང་གཉིས་མེད་སྙིང་དབུས་སུ། །བཀོད་ནས་དེ་ཡི་ཕྲིན་ལས་སྨིན་གྲོལ་བསྟར། །དེ་ལ་འདིར་རྒྱ་བོད་ཀུན་ཏུ་ཐུགས་རྗེའི་རྩལ་ཤུགས་ཆེ་ཞིང་ཕྲིན་ལས་ཆེས་ཆེར་མྱུར་བའི་བྱིན་རླབས་ཀྱི་གྲགས་སྙན་དོན་ལ་གནས་ཤིང༌། གསར་རྙིང་མཁས་གྲུབ་ཀུན་གྱི་ཐུགས་ཉམས་སུ་བསྟར་བས་གཙིགས་སུ་བཟུང་བའི་མྱུར་མཛད་ཡེ་ཤེས་ཀྱི་མགོན་པོ་མཆོག་ལ། ཀུན་དང་ཐུན་མོང་མ་ཡིན་པའི་ཟབ་འདྲིལ་གྱི་དབང་དང་སྒྲུབ་ཐབས་བསྐྱེད་རྫོགས་མན་ངག་ལས་ཚོགས་དང་བཅས་པ་གཏེར་འབྱིན་གྲུབ་བརྒྱའི་སྤྱི་མེས་ཨོ་རྒྱན་མཆོག་གྱུར་བདེ་ཆེན་གླིང་པ་ལ་བཀའ་བབ་ཏུ་བཞུགས་པའི་བྱེ་བྲག་ཆོས་སྐྱོང་ཟབ་མོ་སྐོར་དགུའི་དབང་དང༌། བསྐྱེད་རྫོགས་ལས་ཚོགས་དང་བཅས་པ་ནོར་བུའི་བཻཌཱུརྻའི་དོ་ཤལ་ལ་རིན་ཐང་དང་བྲལ་བ་ཞིག་བསྟན་འགྲོའི་མཛེས་རྒྱན་དུ་བསྟར་བ་ལ། དང་པོ་ཕྱི་སྒྲུབ་མགོན་པོ་མཐིང་ཀའི་གཏོར་སྒྲུབ། གསོལ་ཆེན་བྱ་བར་འདོད་པས་བཤམ་བཀོད་ནི། གནས་ཁང་རྒྱན་གྱིས་སྤྲས་པའི་གུང་དུ་གཞུང་མཐུན་སྐུ་རྟེན་དང༌། འབྱོར་ན་བླ་རྡོ་སྲོག་འཁོར་ནང་སྒྲུབ་ལྟར་འདུ་བྱས་པའི་མདུན། བདག་བསྐྱེད་རྟ་མགྲིན་གྱི་དཔལ་གཏོར། གཡས་གཡོན་དུ་སྨན་རཀ །དེ་མདུན་ཁྲག་ཆང་གིས་སྦགས་པའི་དཔལ་གཏོར་དམར་པོ་བརྗིད་ལྡན་འཁོར་བཞི་ཐེབ་ཀྱུ་མང་པོས་བསྐོར་བའི་རྩེར་སྐུ་ཙཀ་དར་གདུགས་ཀྱིས་བརྒྱན་པའི་མདུན་དུ་མཆོད་གཏོར་གཙོ་འཁོར་ལྔ་པ་ཐེབ་ཀྱུ་དང་ཟས་སྣས་བསྐོར་བ། གཡས་གཡོན་དུ་མཆོད་འོས་སྲུང་མ་ཕོ་རྒྱུད་མོ་རྒྱུད་སྤྱི་བྱེ་བྲག་གི་གཏོར་མ། ཕྱི་མཆོད་རྣམས་ཕྲེང་ཚར་དུ་བསྐོར། གཞན་ཡང་ཚོགས་དང༌། དཀར་བགེགས། རྒྱུན་གྱི་གཏོར་འབུལ། གཏོར་མའི་ཁ་གསོ་ཟས་སྣ་བ་ལིཾ། ཚོགས་ཀྱི་དམ་རྫས་བཅས་འདུ་བྱའོ། །གཉིས་པ་ཕྲིན་ལས་ཀྱི་རིམ་པ་ལ། དང་པོ་བདག་གི་རྣལ་འབྱོར་ནི། གཞུང་ལས། རང་ཉིད་རྟ་མཆོག་རྒྱལ་པོར་བསྒོམས༔ གསུངས་པ་ལྟར་ཟབ་བདུན་ལུང་ལུགས་རྟ་མགྲིན་སྙིང་པོ་དོན་བསྡུས་ཀྱི་རྣལ་འབྱོར་ནི། ན་མོཿ བླ་མ་ཡི་དམ་ཁྲོ་བོའི་རྒྱལ༔ མཆོག་གསུམ་རྒྱལ་བ་རྒྱ་མཚོ་ལ༔ བདག་སོགས་འགྲོ་ཀུན་བྱང་ཆུབ་བར༔ རྩེ་གཅིག་གུས་པས་སྐྱབས་སུ་མཆི༔ ཧོཿ མར་གྱུར་སེམས་ཅན་ཐམས་ཅད་ཀུན༔ སངས་རྒྱས་གོ་འཕང་ཐོབ་བྱའི་ཕྱིར༔ ཉེས་སྤྱོད་ཀུན་སྡོམ་དགེ་ཆོས་སྡུད༔ གཞན་ཕན་བྱང་སེམས་རྟག་ཏུ་བསྐྱེད༔ བྱང་ཆུབ་མཆོག་ཏུ་སེམས་བསྐྱེད་ལ༔ ཧཱུྃ༔ སྣང་སྲིད་དབང་གི་དཀྱིལ་འཁོར་ལ༔ བགེགས་ཞེས་བྱ་བའི་མིང་ཡང་མེད༔ ཀུན་ཀྱང་ལྷ་སྔགས་ཡེ་ཤེས་ངང༔ མཚམས་ཀྱི་དཀྱིལ་འཁོར་ལྷུན་གྱིས་གྲུབ༔ ཧཱུྃ་ཧཱུྃ་ཧཱུྃ་བཛྲ་རཀྵ་རཀྵ་བྷྲཱུྃ༔ ཧཱུྃ༔ ཆོས་རྣམས་རང་བཞིན་རྣམ་པར་དག༔ བདུད་རྩི་རཀྟ་གཏོར་མ་དང༔ ཕྱི་ནང་གསང་བའི་མཆོད་པ་རྣམས༔ ཡེ་ཤེས་རོལ་བར་བྱིན་གྱིས་བརླབས༔ ཨོཾ་སརྦ་པཱུ་ཛ་མེ་གྷ་ཨཱཿཧཱུྃ༔ གཉིས་པ་དངོས་གཞིའི་རིམ་པ་ནི༔ ཧཱུྃ༔ ཆོས་ཉིད་སྤྲོས་པའི་མཐའ་བྲལ་ངང༔ སྙིང་རྗེའི་རང་མདངས་ཀུན་ལ་ཁྱབ༔ ཐུགས་རྗེའི་ཧཱུྃ་ཡིག་འོད་དུ་འབར༔ སྣོད་བཅུད་དངོས་འཛིན་ཐམས་ཅད་སྦྱང༔ ཨེ་ཡྃ་ར་སུྃ་ཡུམ་ལྔའི་མཁའ༔ རྃ་ལས་རྡོ་རྗེ་མེ་ཡི་གུར༔ བྷྲཱུྃ་ལས་དབང་གི་གཞལ་ཡས་ཁང༔ རབ་འཇིགས་དུར་ཁྲོད་བརྒྱད་ཀྱིས་བསྐོར༔ ལྟེ་བར་པད་ཉི་ཀླུ་རྒྱལ་སྟེང༔ ཧཱུྃ་ལས་དཔལ་ཆེན་རྟ་མཆོག་དཔལ༔ དམར་རྔམས་ཞལ་གསུམ་ཕྱག་དྲུག་པ༔ གཡས་དཀར་གཡོན་སྔོ་སྤྱན་དགུས་གཟིགས༔ རྟ་གདོང་ལྗང་གུ་མེ་འབར་བཞད༔ རྡོ་རྗེ་གསོར་ཞིང་དྲིལ་བུ་དཀྲོལ༔ ཁ་ཊྭཱྃ་སྦྲུལ་ཕྱར་ཐོད་ཁྲག་རོལ༔ རལ་གྲི་མེ་འབར་ལྕགས་སྒྲོག་འཛིན༔ ཞབས་བཞི་རོལ་པའི་གར་དགུ་ལྡན༔ དཔལ་དང་དུར་ཁྲོད་ཆས་ཀྱིས་བརྒྱན༔ ཡུམ་ཆེན་པདྨ་གཟི་ལྡན་མ༔ ཁ་ཊྭཱྃ་ཐོད་ཁྲག་འཛིན་པས་འཁྱུད༔ ཕྱོགས་བཞིར་འཁོར་ལོ་དྲེགས་པའི་སྟེང༔ དབང་ཆེན་ཡབ་ཡུམ་རིགས་ཀྱི་མདོག༔ རང་རྟགས་ཕྱག་མཚན་རྒྱན་རྣམས་རྫོགས༔ སྒོ་བཞིར་དབང་གི་ཁྲོ་མོ་བཞི༔ ཁོར་ཡུག་སྤྲུལ་པའི་དམ་ཅན་ཚོགས༔ རྡོ་རྗེ་གསུམ་ལྡན་ཡེ་ཤེས་ལྔ༔ བླ་མ་རྒྱལ་ཀུན་འདུས་པར་གྱུར༔ ཨོཾ་ཨཱཿཧཱུྃ༔ ཧྲཱིཿཧཱུྃ་ཏྲཱྃ་ཨོཾ་ཨཿ ཧཱུྃ༔ ཆོས་ཀྱི་དབྱིངས་ནས་འབར་བའི་སྐུ༔ ལོངས་སྤྱོད་རབ་རྫོགས་དཔལ་ཆེན་པོ༔ དབང་ཆེན་སྤྲུལ་པའི་དཀྱིལ་འཁོར་ལྷ༔ མ་ལུས་འཁོར་བཅས་གཤེགས་སུ་གསོལ༔ བཛྲ་ས་མ་ཛཿ ཨེ་ཨཱ་རལླི་ཧྲཱིཾ་ཧྲཱིཾཿ ས་མ་ཡ་ཏིཥྛ་ལྷན༔ ཨ་ཏི་པཱུ་ཧོཿ པྲ་ཏཱིཙྪ་ཧོཿ ཧཱུྃ༔ ཡེ་ཤེས་རོལ་པའི་མཆོད་སྤྲིན་ནི༔ ཕྱི་ནང་གསང་བ་བླ་ན་མེད༔ དབང་ཆེན་རོལ་པའི་ལྷ་ལ་འབུལ༔ བདེ་བ་ཆེན་པོར་བཞེས་སུ་གསོལ༔ ཨོཾ་བཛྲ་ཨརྒྷཾ་སོགས། ཤབྡ་མ་ཧཱ་པཉྩ་ཨ་མྲྀ་ཏ་རཀྟ་བ་ལིཾ་ཏ་གུ་ཧྱ་པཱུ་ཛ་ཧོཿ ཧཱུྃ༔ ངོ་བོ་འགྱུར་བ་མེད་པའི་སྐུ༔ རང་གསལ་བདེ་ཆེན་དབང་སྐད་འཚེར༔ ཐུགས་རྗེ་མྱུར་བའི་འགྲོས་དང་ལྡན༔ དཀྱིལ་འཁོར་ལྷ་ལ་ཕྱག་འཚལ་བསྟོད༔ ཐུགས་ཀར་ཉི་སྟེང་ཧྲཱིཿདམར་པོ༔ སྔགས་ཀྱི་ཕྲེང་བས་བསྐོར་བ་ལས༔ འོད་འཕྲོས་རྒྱལ་བ་སྲས་བཅས་མཆོད༔ བྱིན་རླབས་དངོས་གྲུབ་རང་ལ་བསྡུས༔ མ་མོ་མཁའ་འགྲོ་ལས་ལ་བཙུད༔ ཕྲིན་ལས་རྣམ་བཞི་ལྷུན་གྱིས་གྲུབ༔ གདུག་པ་ཅན་རྣམས་ཚར་བཅད་ནས༔ ཐམས་ཅད་དཔལ་གྱི་ས་རུ་བཀོད༔ འགྲོ་བ་རྣམས་ཀྱི་སྒྲིབ་པ་སྦྱངས༔ སྣང་སྲིད་དབང་གི་སྐུ་གསུང་ཐུགས༔ ཡེ་ཤེས་དཀྱིལ་འཁོར་ཆེན་པོར་བསམ༔ ཧྲཱིཿཔདྨཱནྟ་ཀྲྀཏ་བཛྲ་ཀྲོདྷ་ཧ་ཡ་གྲཱྀ་ཝ་ཧུ་ལུ་ཧུ་ལུ་ཧཱུྃ་ཕཊ༔ བསྙེན་སྒྲུབ་ལས་གསུམ་རྫོགས་པ་ཡི༔ སྔགས་འདི་ཆུ་བོའི་རྒྱུན་བཞིན་ཏུ༔ རྟ་ཡི་འགྲོས་སྐད་སྦྱར་བས་བཟླ༔ ས་མ་ཡ༔ ཞེས་བརྒྱ་རྩ་སོགས་ཅི་ནུས་བཟླས་མཐར། ཧཱུྃ་གིས་དཀྱིལ་འཁོར་དབྱིངས་སུ་བསྡུ༔ འོད་གསལ་ཐུགས་ཀྱི་ངང་དུ་གནས༔ ཕཊ་ཀྱིས་ལྷ་རུ་ལྷག་གེར་གསལ༔ ཨོཾ་ཨཱཿཧཱུྃ་གིས་གོ་བགོས་ནས༔ དག་པའི་སྣང་བས་སྟོང་པ་སྐྱོང༔ ཞེས་ལྷར་སྣང་འོད་གསལ་དུ་བསྡུས་ལ་ཐུན་མཚམས་ཀྱི་ལྷ་སྐུའི་ང་རྒྱལ་བཟུང༌། །གཉིས་པ་མདུན་བསྐྱེད་མགོན་པོའི་གཏོར་མཆོད་བྱིན་གྱིས་བརླབ་པ་ནི། རྃ་ཡྃ་ཁྃ་གིས་བསང་སྦྱང༌། བྷྲཱུྃ་ལས་བྷཉྫ་འབར་བ་རུ༔ ཨོཾ་ཨཱཿཧཱུྃ་ལས་བྱུང་བ་ཡི༔ ཡེ་ཤེས་ལྔ་ཡི་བདུད་རྩི་དང༔ དགའ་བ་བཞི་ཡི་དམར་ཆེན་པོ༔ བདུད་རྩི་ཤ་ལྔ་བཟའ་བཅའི་ཚོགས༔ དུར་ཁྲོད་གསང་བའི་མཆོད་པའི་སྤྲིན༔ རབ་འབྱམས་ནམ་མཁའ་གང་བར་གྱུར༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋཱ༔ ཨོཾ་ཨཱཿཧཱུྃ་མ་ཧཱ་རཀྟ་ཛྭ་ལ་མཎྜལ་ཧཱུྃ་ཧྲཱིཿཋཱ༔ ཨོཾ་ཨཱཿཧཱུྃ་མ་ཧཱ་བ་ལིཾ་ཏ་ཏེ་ཛྭ་བ་ལིཾ་ཏ་བ་ལ་བ་ཏེ་གུ་ཧྱ་ས་མ་ཡ་ཧཱུྃ་ཧྲཱིཿཋཱ༔ ཨོཾ་བཛྲ་ཨརྒྷཾ་ནས། ཤབྡ་ཨཱཿཧཱུྃ༔ ཞེས་བརླབས། གསུམ་པ་ཕྲིན་ལས་དངོས་ལ་སྤྱི་དང༌། བྱེ་བྲག་གི་སྒྲུབ་ཚུལ་གཉིས་ལས་ཐོག་མར་མགོན་པོའི་ཕྱི་སྒྲུབ་གཙོ་འཁོར་སྤྱི་ལྟར་སྒྲུབ་པ་ནི། ཨོཾ་མ་ཧཱ་ཤཱུ་ནྱ་ཏ་སོགས། ཆོས་རྣམས་དམིགས་མེད་མཐའ་བྲལ་བསྒོམ༔ ཀུན་ཁྱབ་བརྩེ་བའི་སྙིང་རྗེའི་ཧཱུྃ༔ འཕྲོ་འདུས་སྲུང་འཁོར་དུར་ཁྲོད་གནས༔ རབ་འཇིགས་ཕོ་བྲང་ཨེ་ཡི་ཀློང༔ འཁོར་ལོ་བྲག་ཆེན་པད་ཉིའི་སྟེང༔ ཡེ་ཤེས་མགོན་པོ་མཐིང་ནག་འབར༔ དབུ་གསུམ་གཡས་དཀར་གཡོན་དམར་ཞལ༔ སྤྱན་དགུ་རབ་བགྲད་ཁྲོ་གཉེར་བསྡུས༔ ཞལ་གདངས་ལྗགས་འདྲིལ་ཀྵིཾ་སྒྲ་སྒྲོགས༔ མཆེ་གཙིགས་སྨར་སྨིན་དབུ་སྐྲ་འབར༔ ཕྱག་དྲུག་དང་པོས་གྲི་ཐོད་དང༔ བར་བས་མདུང་དང་རྩེ་གསུམ་ཕྱར༔ ཐ་མས་རྔེའུ་ཆུང་ཞགས་པ་འཛིན༔ ཞབས་བཞི་འདོར་ཐབས་བགེགས་རྒྱལ་མནན༔ གཤོགས་པ་རབ་གདེངས་དུར་ཁྲོད་ཆས༔ ཁྱུང་དང་སྟག་གཟིག་དོམ་ནག་འཕྲོ༔ རེ་ཏི་མཐིང་ནག་གྲི་ཐོད་ཅན༔ མཉམ་སྦྱོར་མེ་ཡི་ཀློང་ན་བཞུགས༔ ཕྱོགས་བཞིར་དགྲ་བགེགས་བསྒྱེལ་བའི་སྟེང༔ དབང་ཕྱུག་ཛི་ན་མི་ཏྲ་དང༔ གཤིན་རྗེ་ཊཱ་ཀི་རཱ་ཛ་དང༔ གནོད་སྦྱིན་ཀྵེ་ཏྲ་པཱ་ལ་དང༔ བདུད་མགོན་ཏྲག་ཤད་ནག་པོ་རྣམས༔ མཐིང་ནག་གྲི་གུག་ཐོད་ཁྲག་འཛིན༔ བེར་གསོལ་གསང་བའི་ཡུམ་དང་སྦྱོར༔ ཕྱོགས་སྐྱོང་རྒྱལ་ཆེན་དྲེགས་པས་བསྐོར༔ གནས་གསུམ་ཨོཾ་ཨཱཿཧཱུྃ་གིས་མཚན༔ ཧཱུྃ་ལས་འོད་འཕྲོས་ཡེ་ཤེས་པ༔ རང་བཞིན་གནས་ནས་སྤྱན་དྲངས་བསམ༔ ཧཱུྃ༔ ཆོས་ཀྱི་དབྱིངས་ཀྱི་ཞིང་ཁམས་དང༔ མེ་རི་འབར་བའི་དུར་ཁྲོད་ནས༔ འཇིག་རྟེན་དབང་ཕྱུག་སྤྱན་རས་གཟིགས༔ དྲག་ཏུ་ཁྲོས་པ་ཁྲོ་བོའི་རྒྱལ༔ ཡེ་ཤེས་མགོན་པོ་ཡུམ་དང་བཅས༔ བཀའ་སྡོད་བཞི་དང་དྲེགས་པའི་འཁོར༔ རང་བཞིན་གནས་ནས་འདིར་གཤེགས་ཤིག༔ ཤྲཱི་མ་ཧཱ་ཀཱ་ལ་ཨཱེ་རལླི་ཧྲཱིཾ༔ ཧཱུྃ༔ དུར་ཁྲོད་རོལ་པའི་དཀྱིལ་འཁོར་འདིར༔ དགྱེས་ཤིང་བརྟན་པར་བཞུགས་སུ་གསོལ༔ རང་གི་དབྱིངས་ནས་རིག་པའི་རྩལ༔ ཧེ་རུ་ཀ་ལ་ཕྱག་འཚལ་ལོ༔ སྔོན་གྱི་བྱང་ཆུབ་ཐུགས་བསྐྱེད་ལྟར༔ བསྟན་པ་སྲུང་བའི་ཕྲིན་ལས་མཛོད༔ ཧཱུྃ༔ དབང་པོའི་མེ་ཏོག་ཚིལ་ཆེན་གསུར༔ ཞུན་ཆེན་མར་མེ་ཁྲག་ཆེན་དྲི༔ ཤ་རུས་ཞལ་ཟས་རྐང་གླིང་དང༔ ཐོད་རྔ་དུང་ཆེན་སྒྲོགས་པས་མཆོད༔ རྩ་བརྒྱད་སྟོང་སྦྱར་ཨ་མྲྀ་ཏ༔ ཁམས་གསུམ་བསྒྲལ་བའི་རཀྟ་དང༔ འདོད་ཡོན་རྣམ་ལྔ་གཏོར་མ་སོགས༔ སྦྱོར་སྒྲོལ་གསང་བའི་མཆོད་པ་འབུལ༔ ཤྲཱི་མ་ཧཱ་ཀཱ་ལ་ས་པ་རི་ཝཱ་ར་བཛྲ་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀཻ་གནྡྷེ་ནཻ་བི་དྱ་ཤབྡ་པྲ་ཏཱིཙྪ་སྭཱ་ཧཱ༔ ཨོཾ༔ ཆོས་ཀྱི་དབྱིངས་ལས་འབར་བའི་སྐུ༔ སྐུ་གསུམ་ཡེ་ཤེས་དྲུག་སོགས་ལས༔ སྐུ་ཡི་རྣམ་འགྱུར་ཅིར་ཡང་སྟོན༔ མགོན་པོའི་སྐུ་ལ་ཕྱག་འཚལ་བསྟོད༔ བདེ་ཆེན་དབྱིངས་ལས་གྲགས་པའི་གསུང་༔ ཡན་ལག་དྲུག་ཅུ་འདུས་པའི་དཔྱིད༔ ཀྵིཾ་ཀྵིཾ་སྒྲ་སྒྲོགས་ས་གསུམ་གཡོ༔ མགོན་པོའི་གསུང་ལ་ཕྱག་འཚལ་བསྟོད༔ མི་གཡོ་མཉམ་པའི་ངང་ཉིད་ལས༔ ཐུགས་རྗེ་གཏུམ་པའི་ཡེ་ཤེས་ཐུགས༔ སངས་རྒྱས་ཀུན་དང་དབྱིངས་གཅིག་པ༔ མགོན་པོའི་ཐུགས་ལ་ཕྱག་འཚལ་བསྟོད༔ བདེ་ཆེན་མཁའ་དབྱིངས་རེ་མ་ཏཱི༔ ཛི་ན་མི་ཏྲ་སྐུ་ཡི་འཕྲུལ༔ ཊཱ་ཀི་རཱ་ཛ་གསུང་གི་མདངས༔ ཀྵེ་ཏྲ་པཱ་ལ་ཐུགས་སྤྲུལ་འགྱེད༔ ཏྲཀྴད་གཉིས་མེད་ཡེ་ཤེས་རྩལ༔ བྲན་ཏུ་འདུས་པ་དྲེགས་པའི་ཚོགས༔ ཡེ་ཤེས་རྣམ་པར་རོལ་པ་ཡི༔ མཐུ་སྟོབས་ཅན་ལ་ཕྱག་འཚལ་བསྟོད༔ དེ་ནས་བསྙེན་ཅིང་སྒྲུབ་པ་ནི༔ ཐུགས་ཀར་འོད་ཀྱི་གུར་ཁྱིམ་དབུས༔ པད་ཉིར་ཡེ་ཤེས་སེམས་དཔའ་དམར༔ འཇིག་རྟེན་དབང་ཕྱུག་ཞི་མ་ཁྲོ༔ རྡོར་དྲིལ་འཛིན་ཅིང་ཡུམ་དང་འཁྲིལ༔ དབང་གི་རྟ་སྐད་ཧི་ཧིར་བཞེད༔ སྲོག་གོར་ཉི་སྟེང་རྡོ་རྗེ་མཐིང༔ ལྟེ་བར་ཧྲཱིཿལ་སྔགས་ཀྱིས་བསྐོར༔ འོད་འཕྲོས་རྒྱལ་མཆོད་བྱིན་རླབས་བསྡུས༔ འགྲོ་བའི་སྒྲིབ་སྦྱངས་དགྲ་བགེགས་བསྒྲལ༔ སྟོབས་དང་གཟི་བརྗིད་འབར་བ་ཡིས༔ དྲེགས་པ་ལས་ལ་བཀོལ་བར་བསམ༔ ཨོཾ་ཤྲཱི་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱཾན་བི་ནཱ་ཡ་ཀ་ཧཱུྃ་ཕཊཿ འབུམ་ཕྲག་བཞི་ཡི་ལས་རྣམས་འགྲུབ༔ རང་གི་ཐུགས་ནས་འོད་འཕྲོས་པས༔ འཁོར་རྣམས་ལས་ལ་བསྐུལ་བར་བསམ༔ ཨོཾ་ཤྲཱི་དེ་ཝི་རེ་མ་ཏི་ཏྲག་རཀྵ་ཧཱུྃ་ཕཊ༔ ཅེས་ཡུམ་རེ་མ་ཏི་དང༌། ཨོཾ་ཛི་ན་མི་ཏྲ་ཧཱུྃ་ཧྲིཾ་ཧྲིཾ་ཛཿཛཿ ཞེས་དབང་ཕྱུག་ཛི་ན་མི་ཏྲ་དང༌། ཨོཾ་ཊཱ་ཀི་རཱ་ཛ་དགྲ་བགེགས་མཱ་ར་ཡ་ཧཱུྃ་ཕཊ༔ ཅེས་གནོད་སྦྱིན་ཊཱ་ཀི་རཱ་ཛ་དང༌། ཨོཾ་ཀྵེ་ཏྲ་པཱ་ལ་ཛཿམ་མོ་རེ་ཏི་བྷྱོཿ ཞེས་ཞིང་སྐྱོང་ཀྵེ་ཏྲ་པཱ་ལ་དང༌། ཨོཾ་ཀརྨ་མ་ཧཱ་ཀཱ་ལ་ཏྲཀྴད་ཛཿ ཨོཾ་དེ་ཝཱི་ཤཾ་ཁ་པཱ་ལ་ཏྲཀ་རཀྴ་བྷྱོ་ཛཿ ཞེས་བདུད་མགོན་ཏྲཀྴད་ཀྱི་སྔགས་རྣམས་ཅུང་ཟད་བཟླ། གཉིས་པ་ནང་གསུང་གི་སྒྲུབ་པ་ནི། རང་ཉིད་མགོན་པོ་གསལ་བར་བསྒོམ༔ དེ་ཡང་སྣང་སྟོང་འཇའ་ཚོན་བཞིན༔ རྣམ་རྟོག་བློ་ཡིས་མི་འཛིན་པར༔ ཡེ་ཤེས་རོལ་པའི་བརྡ་རྟགས་ལས༔ འཇིག་རྟེན་ཚུལ་གྱིས་བློ་ངན་སྤང༔ ཐ་མལ་སྣང་ཞེན་མི་དམིགས་པར༔ མགོན་པོ་དངོས་ཀྱི་ང་རྒྱལ་བསྐྱེད༔ ཐུགས་ཀར་སྔགས་ཀྱི་འཕྲོ་འདུ་བྱ༔ ཁྱད་པར་བྱང་སེམས་སྔགས་ཀྱི་གཟུགས༔ ཡབ་ཡུམ་ཞལ་བརྒྱུད་བདེ་ཆེན་བསྒོམ༔ འཛབ་ཀྱི་བཟླས་པ་རྒྱུན་མི་གཅད༔ ཅེས་དང༌། གསུམ་པ་གསང་བ་ཐུགས་ཀྱི་སྒྲུབ་པ་ནི། རང་ཉིད་མགོན་པོའི་སྐུར་བསྒོམས་ཏེ༔ རྩ་གསུམ་འཁོར་ལོ་བཞི་ལྡན་པའི༔ ཡར་སྣེ་མར་སྣེར་ཨ་ཧཾ་བསྒོམ༔ བུམ་པ་ཅན་གྱི་སྦྱོར་བ་ཡིས༔ གཏུམ་མོ་སྦར་ཞིང་བྱང་སེམས་བཞུ༔ དྭངས་མས་རྩ་འཁོར་ཐམས་ཅད་གང༔ བདེ་བའི་ངོས་བཟུང་ཀ་དག་བསྒོམ༔ རྩ་རླུང་བྱང་ཞིང་སྟོབས་ལྡན་ན༔ མཚན་ལྡན་ཕྱག་རྒྱ་རྒྱུད་སྦྱངས་ཤིང་༔ མགོན་པོ་ཡབ་ཡུམ་སྐུ་རུ་བསྒོམ༔ གསང་བ་རྡོ་རྗེ་པདྨར་གསལ༔ སྙོམས་འཇུག་རུས་སྦལ་འགྲོས་ཀྱིས་ཕབ༔ དགའ་བ་བཞི་པོ་ངོས་བཟུང་ཞིང༔ སེང་གེ་འགྱིང་བས་སྐྱིལ་བ་དང་༔ ཁྱུང་དང་རྩལ་སྤྲུགས་དག་གིས་འདྲེན༔ བྱ་རྒོད་སྒྱུར་བ་དག་གིས་བཀྲམ༔ ལྷུན་པོ་ལྟ་བུས་བརྟན་པར་བྱ༔ ཐོད་རྒལ་ངང་དུ་ཉམས་བསྐྱངས་བས༔ བདེ་ཆེན་སྤྲོས་བྲལ་རྟོགས་པར་འགྱུར༔ བཞི་པ་ཡང་གསང་ཡེ་ཤེས་ཀྱི་སྒྲུབ་པ་ནི། རང་ཉིད་མགོན་པོའི་སྐུར་གསལ་ཞིང༔ དེ་ཉིད་སྣང་སྟོང་ངང་ལ་བཞག༔ དེ་ཡང་ཧཱུྃ་གི་རང་བཞིན་གྱུར༔ སྟོང་གསུམ་ཐམས་ཅད་ཧཱུྃ་གིས་གང༔ བརྟན་གཡོ་ཧཱུྃ་གི་གཟུགས་སུ་གྱུར༔ ཧཱུྃ་གི་སྒྲ་གདངས་སྲིད་གསུམ་གཡོ༔ ཀུན་ཀྱང་རིག་པའི་ཧཱུྃ་ལ་ཐིམ༔ དེ་ཡང་དབྱིངས་ཀྱི་ཀློང་དུ་ཐིམ༔ དབྱིངས་རིག་དབྱེར་མེད་མཐའ་དབུས་བྲལ༔ བྱ་བྲལ་འོད་གསལ་ཟང་ཐལ་ལེ༔ རྩོལ་མེད་ངང་དུ་བཞག་པ་ཡིས༔ གང་ཤར་རང་གྲོལ་དམིགས་སུ་མེད༔ ཉམས་ལ་ཤར་བ་དེ་ཀ་བསྐྱང༔ འཛིན་མེད་རྒྱ་ཡན་ལྷུག་པར་གནས༔ དབྱིངས་ལས་འགྱུར་མེད་རིག་པའི་རྩལ༔ དབྱེར་མེད་མ་འདྲེས་ཐ་ལེར་གསལ༔ སྒྲ་ཚིག་བརྗོད་པའི་ཡུལ་ལས་འདས༔ དེ་ལྟར་རྟོགས་ན་མཐར་ཕྱིན་འགྲུབ༔ ཅེས་པ་རྣམས་གཏེར་གཞུང་རྡོ་རྗེའི་ཚིག་རྐང་སོར་བཞག་མཚོན་བྱེད་ཙམ་སྟེ་ཚུལ་བཞིན་ཉམས་སུ་ལེན་པ་ལ་ཁྲིད་ཟིན་ཉུང་གསལ་ཞིག་ལོགས་སུ་འབྲི་བར་སེམས་སོ། །གཉིས་པ་བྱེ་བྲག་གི་སྒྲུབ་པ་ལ་གཙོ་འཁོར་གྱི་སྒོས་སྒྲུབ་གཉིས་ལས། དང་པོ་གཙོ་བོའི་སྒོས་སྒྲུབ་ཀྱི་དང་པོ་སྐུ་མགོན་དཀར་པོའི་ཚེ་སྒྲུབ་པ་ནི། སྟེགས་བུ་པདྨ་འདབ་བརྒྱད་བྲིས་པའི་ལྟེ་བར་རིན་པོ་ཆེའི་བུམ་པ་སོ་ལྔའི་རྫས་ཀྱི་སུམ་ཉིས་བཀང་བའི་ཁར། ཨ་རུ་ར་དང་ར་མོ་ཤག༔ ལུག་མུར་དབང་ལག་བཙན་དུག་དང༔ འབྲི་མར་སྦྲང་དང་ཤ་ཆེན་དང༔ གུ་གུལ་ཡུངས་ཀར་སྦྱར་བ་ཡི༔ ཞེས་པའི་རྫས་མཆོག་བཅུ་སྦྱར་བའི་རིལ་བུའི་ཐོད་པ་མཚན་ལྡན་བཀང་བ་བཞག་པ་ཁ་དར་གྱིས་བཀབ། གཡས་སུ་ཚེ་འབྲས་དཀར་པོའི་བཀང་བའི་རིན་པོ་ཆེའི་སྣོད་ཀྱི་སྟེང་ཚེ་འབྲང༌། གཡོན་དུ་བྷནྡྷ་ཚེ་ཆང་གིས་བཀང་བ་མར་གྱི་གཟེད་ཁ་ཅན། རྒྱབ་ཏུ་ཚེ་མདའ་དར་སྣས་བརྒྱན་པ་ལ། གཏོར་མ་དཀར་ཟླུམ་འཁོར་བཞི་ཅན་དང༌། སྨན་རཀ་དང་ཉེར་སྤྱོད་མཆོད་པས་བཀོད་མཛེས་སུ་བསྐོར་ལ། ལས་རིམ་དངོས་ནི། བརྒྱུད་འདེབས་མགོན་མཐིང་ལྟར་བཏང་ལ། ན་མོ༔ བླ་མ་ཡེ་ཤེས་མགོན་པོ་དང༔ མཆོག་གསུམ་རྒྱལ་བ་རྒྱ་མཚོ་ལ༔ བདག་སོགས་འགྲོ་ཀུན་བྱང་ཆུབ་བར༔ རྩེ་གཅིག་གུས་པས་སྐྱབས་སུ་མཆི༔ ལན་གསུམ། ཧོ༔ མ་གྱུར་སེམས་ཅན་ཐམས་ཅད་ཀུན༔ སངས་རྒྱས་གོ་འཕང་ཐོབ་བྱའི་ཕྱིར༔ ཉེས་སྤྱོད་ཀུན་སྡོམ་དགེ་ཆོས་སྡུད༔ གཞན་ཕན་བྱང་སེམས་རྟག་ཏུ་བསྐྱེད༔ ལན་གསུམ། དཀོན་མཆོག་གསུམ་ལ་བདག་སྐྱབས་མཆི། །སོགས། བསགས་སྦྱངས་ལན་གསུམ་མཐར། སེམས་ཅན་བདེ་དང་ལྡན་གྱུར་ཅིག །སོགས་ཚད་མེད་བཞིའི་རྒྱུད་སྦྱངས་ལན་གསུམ་མཐར། རྃ་ཡྃ་ཁྃ། རྣམ་དག་ཆོས་དབྱིངས་ངང་ཉིད་ལས། །རང་བྱུང་མཆོད་པའི་ཕུང་པོ་ནི། །ཀུན་བཟང་མཆོད་པའི་སྤྲིན་ལྟ་བུའི། །དཔག་ཡས་ནམ་མཁའ་གང་བར་གྱུར། །ཨོཾ་བཛྲ་ཨརྒྷཾ་ནས་ཤབྡ་ཨཱཿཧཱུྃ་གིས་ཕྱི་མཆོད་དང༌། ཨོཾ་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་ཨཱཿཧཱུྃ་གིས་ནང་མཆོད་བྱིན་གྱིས་བརླབས། དངོས་གཞི་བདག་ཉིད་ལྷར་བསྒོམ་པ་ནི། ཧཱུྃ༔ ཕྱོགས་མཚམས་རྡོ་རྗེའི་གུར་ཁང་དབུས༔ སྣ་ཚོགས་རྡོ་རྗེའི་ལྟེ་བ་རུ༔ བྷྲཱུྃ་ལས་བུམ་པ་གཞལ་ཡས་ཁང༔ རྡོ་རྗེ་ཕྱེད་པའི་ཁ་ཆོད་ཅན༔ དེ་ནང་ཉི་ཟླའི་གྭའུའི་དབུས༔ གྲི་གུག་འབར་བའི་ལྟེ་བ་ལ༔ པདྨ་ཉི་ཟླའི་གདན་སྟེང་དུ༔ ཧཱུྃ་ལས་མགོན་པོ་ཚེ་ཡི་བདག༔ དཀར་གསལ་ཞལ་གཅིག་ཕྱག་གཉིས་པ༔ ཕྱག་གཉིས་ཐལ་སྦྱར་ཚེ་བུམ་འཛིན༔ ཞབས་གཉིས་ཙནྡན་འཁྱིལ་སྟབས་བཞུགས༔ དུར་ཁྲོད་འབར་བའི་ཆས་ཀྱི་བརྒྱན༔ ཡུམ་དམར་གྲི་ཐོད་འཛིན་དང་སྦྱོར༔ འདབ་མ་བཞི་ལ་རིགས་བཞི་ཡི༔ མཁའ་འགྲོ་དཀར་སེར་དམར་ལྗང་བཞི༔ གྲི་གུག་ཐོད་ཁྲག་ཕྱག་ན་བསྣམས༔ གནས་གསུམ་ཨོཾ་ཨཱཿཧཱུྃ་གིས་མཚན༔ ཧཱུྃ་ལས་འོད་འཕྲོས་ཡེ་ཤེས་པ༔ རང་བཞིན་གནས་ནས་སྤྱན་དྲངས་བསམ༔ ཧཱུྃ༔ ཆོས་ཀྱི་དབྱིངས་ཀྱི་ཞིང་ཁམས་དང༔ མེ་རི་འབར་བའི་དུར་ཁྲོད་ནས༔ འཇིག་རྟེན་དབང་ཕྱུག་སྤྱན་རས་གཟིགས༔ དྲག་ཏུ་ཁྲོས་པ་ཁྲོ་བོའི་རྒྱལ༔ ཡེ་ཤེས་མགོན་པོ་ཡུམ་དང་བཅས༔ བཀའ་སྡོད་བཞི་དང་དྲེགས་པའི་འཁོར༔ རང་བཞིན་གནས་ནས་འདིར་གཤེགས་ཤིག༔ ཤྲཱི་མ་ཧཱ་ཀཱ་ལ་ཨཱེ་རལླི་ཧྲཱིཾ༔ ཧཱུྃ༔ བདེ་ཆེན་རོལ་པའི་དཀྱིལ་འཁོར་འདིར༔ དགྱེས་ཤིང་བརྟན་པར་བཞུགས་སུ་གསོལ༔ རང་གི་དབྱིངས་ནས་རིག་པའི་རྩལ༔ ཧེ་རུ་ཀ་ལ་ཕྱག་འཚལ་ལོ༔ སྔོན་གྱི་བྱང་ཆུབ་ཐུགས་བསྐྱེད་ལྟར༔ བསྟན་པ་སྲུང་བའི་ཕྲིན་ལས་མཛོད༔ ཧཱུྃ༔ དབང་པོའི་མེ་ཏོག་ཚིལ་ཆེན་གསུར༔ ཞུན་ཆེན་མར་མེ་ཁྲག་ཆེན་དྲི༔ ཤ་རུས་ཞལ་ཟས་རྐང་གླིང་དང༔ ཐོད་རྔ་དུང་ཆེན་སྒྲོགས་པས་མཆོད༔ ཧཱུྃ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ ཀུན་ཏུ་བཟང་པོའི་མཆོད་སྤྲིན་གྱིས༔ ཡེ་ཤེས་མགོན་པོ་འཁོར་བཅས་མཆོད༔ བཞེས་ནས་ ནོར་སྒྲུབ་སྐབས། འདོད་དགུའི་དངོས་གྲུབ་སྩོལ། དབང་སྡུད་སྐབས། དབང་གི་དངོས་གྲུབ་སྩོལ། ལས་སྣ་ཚོགས་སྐབས། བཞེས་ནས་རབ་འབྱམས་ལས་ཀུན་སྩོལ༔ དྲག་མགོན་ནག་པོར། བཞེས་ནས་མངོན་སྤྱོད་ལས་ཀུན་སྩོལ༔ ཚེ་ཡི་དངོས་གྲུབ་སྩོལ། ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་བཛྲ་ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱ༔ ཧཱུྃ༔ རྩ་བརྒྱད་སྟོང་སྦྱར་ཨ་མྲྀ་ཏ༔ ཁམས་གསུམ་བསྒྲལ་བའི་རཀྟ་དང༔ འདོད་ཡོན་རྣམ་ལྔ་གཏོར་མ་སོགས༔ སྦྱོར་སྒྲོལ་གསང་བའི་མཆོད་པ་འབུལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་སརྦ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་ཏ་ན་ག་ན་པཱུ་ཛ་ཧོཿ ཨོཾ༔ ཆོས་ཀྱི་དབྱིངས་ལས་འབར་བའི་སྐུ༔ སྐུ་གསུམ་ཡེ་ཤེས་དྲུག་སོགས་ལས༔ སྐུ་ཡི་རྣམ་འགྱུར་ཅིར་ཡང་སྟོན༔ མགོན་པོའི་སྐུ་ལ་ཕྱག་འཚལ་བསྟོད༔ བདེ་ཆེན་དབྱིངས་ལས་གྲགས་པའི་གསུང༔ ཡན་ལག་དྲུག་ཅུ་འདུས་པའི་དཔྱིད༔ ཀྵིཾ་ཀྵིཾ་སྒྲ་སྒྲོག་ས་གསུམ་གཡོ༔ མགོན་པོའི་གསུང་ལ་ཕྱག་འཚལ་བསྟོད༔ མི་གཡོ་མཉམ་པའི་ངང་ཉིད་ལས༔ ཐུགས་རྗེ་གཏུམ་པའི་ཡེ་ཤེས་ཐུགས༔ སངས་རྒྱས་ཀུན་དང་དབྱིངས་གཅིག་པ༔ མགོན་པོའི་ཐུགས་ལ་ཕྱག་འཚལ་བསྟོད༔ ཟླ་བ་ལྟར་དཀར་འཆི་མེད་བདུད་རྩིའི་རྒྱུན༔ བདེ་གཤེགས་རྒྱལ་བའི་ཀུནྡ་འདུས་པའི་བཅུད༔ ཚེ་དང་ཡེ་ཤེས་དཔག་ཏུ་མེད་པའི་དཔལ༔ འཆི་བདག་བདུད་འཇོམས་ཁྱེད་ལ་ཕྱག་འཚལ་བསྟོད༔ དགའ་བཞི་བདེ་བ་ཆེན་པོ་སྨིན་པའི་གཟུགས༔ ཕྱག་རྒྱ་བཞི་ཡི་ཆོ་འཕྲུལ་རྨད་བྱུང་བས༔ ཚད་མེད་ དབང་སྡུད་སྐབས། ཚད་མེད་རྣམ་བཞིའི་དབང་གི་དངོས་གྲུབ་སྩོལ། མགོན་ལྗང་དང་མགོན་ནག་སྐབས་བསྟོད་པའི་ཚིག་ཐ་མ། ཐོགས་མེད་ཕྲིན་ལས་རྣམ་བཞིའི་གཟུགས། །སྤྲུལ་པའི་ལས་བྱེད་ཕོ་ཉ་བཞི། །ཕྱོགས་སྐྱོང་རྒྱལ་ཆེན་དཔལ་མགོན་ཚོགས། །འཁོར་དང་བཅས་ལ་ཕྱག་འཚལ་བསྟོད། །རྣམ་བཞིའི་ཡེ་ཤེས་ཚེ་མཆོག་སྩོལ༔ འཁོར་གྱི་མཁའ་འགྲོ་བཞི་ལ་ཕྱག་འཚལ་བསྟོད༔ བཟླས་རིམ་དངོས་ནི། ཐུགས་ཀར་ཉི་ཟླའི་གྭའུའི་དབུས༔ མི་འགྱུར་ཚེ་སྲོག་རིག་པ་གསུམ༔ འོད་ཟེར་ཀུན་ཏུ་འཕྲོས་པ་ཡིས༔ འཕགས་པའི་ཚེ་ཡི་དངོས་གྲུབ་དང༔ འཁོར་བའི་ཚེ་སྲོག་བསོད་ནམས་དང༔ འབྱུང་ལྔའི་བཅུད་དང་དྭངས་མ་དང༔ རང་གི་བླ་ཚེ་སྲོག་དབུགས་རྣམས༔ གཞན་གྱིས་བརྐུས་པ་ཐམས་ཅད་འཕྲོག༔ མ་ལུས་བདུད་རྩིའི་རྣམ་པར་བསྡུས༔ བུམ་པའི་ཁ་ཕྱེ་ཕྱི་ནང་གང༔ རང་གི་ལུས་ངག་ཡིད་ལ་ཐིམ༔ འཁོར་འདས་ཚེ་ཡི་བཅུད་འདུས་ནས༔ སྔར་ལས་གཟི་བརྗིད་ཆེར་འབར་ཞིང༔ རྡོ་རྗེའི་རྡུལ་ཕྲན་དུ་མས་གཏམས༔ བུམ་པའི་ཁ་བསྒྲིགས་མེ་འབར་བ༔ རྡོ་རྗེའི་ཚྭ་ཚྭས་བར་ཆད་བསྲུང༔ ཨོཾ་ཤྲཱི་མ་ཧཱ་ཀཱ་ལ་རེ་མ་ཏི་ཧ་རི་ནི་ས་ཨཱ་ཡུཿསིདྡྷི་ཚེ་བྷྲཱུྃ༔ ཞེས་བཟླ་ཐུན་མཐར་མདའ་དར་གཡབ་ལ། ཧཱུྃ༔ བདེ་ཆེན་འབར་བའི་དབྱིངས་ཀྱི་ལྷ༔ ཡེ་ཤེས་མགོན་པོའི་ཐུགས་དམ་བསྐུལ༔ འཁོར་འདས་ཚེ་ཡི་བཅུད་རྣམས་བསྐུལ༔ ཚེ་བདུད་ཐམས་ཅད་རྡུལ་དུ་རློག༔ བླ་ཚེ་བརྐུས་པ་ཐམས་ཅད་ཁུག༔ ཧཱུྃ༔ ཡུམ་ཆེན་ལྷ་མོ་རེ་མ་ཏི༔ ཁྱོད་ཀྱི་ཐུགས་དམ་དུས་ལ་བབ༔ འཁོར་འདས་ཚེ་ཡི་བཅུད་རྣམས་སྡུས༔ ཚེ་བདུད་ཐམས་ཅད་རྡུལ་དུ་རློག༔ བླ་ཚེ་བརྐུས་པ་ཐམས་ཅད་ཁུག༔ ཧཱུྃ༔ འཁོར་གྱི་མཁའ་འགྲོ་ཆེན་མོ་བཞི༔ ཁྱོད་ཀྱི་ཐུགས་དམ་དུས་ལ་བབ༔ འཁོར་འདས་ཚེ་ཡི་བཅུད་རྣམས་སྡུས༔ ཚེ་བདུད་ཐམས་ཅད་རྡུལ་དུ་རློག༔ བླ་ཚེ་བརྐུས་པ་ཐམས་ཅད་ཁུག༔ ཨོཾ་མ་ཧཱ་ཀཱ་ལ་རེ་མ་ཏི་ཧ་རི་ནི་ས་ཨཱ་ཡུཿསིདྡྷི་ཚེ་བྷྲཱུྃ༔ ཞེས་སྦྱར། སྐུ་གསུང་ཐུགས་ཀྱི་གཟི་བྱིན་སྤྲིན། །འབར་བའི་སྣང་བ་ལས་གྲུབ་པའི། །རྡོ་རྗེ་རྡུལ་གྱི་གོ་ཆས་གཏམས། །ཅིས་ཀྱང་མི་ཆོད་རབ་ཏུ་བརྟན། ཡེ་དྷརྨས་རྒྱས་གདབ་བྱ། ཚོགས་དང་བསྐང་བ་མགོན་མཐིང་ལྟར་བྱ་ཞིང༌། སྒྲུབ་པ་གྲུབ་པའི་ཉིན་བུམ་ཐོད་སྤྱི་བོར་བཞག་ལ། ཨོཾ༔ ཡེ་ཤེས་མགོན་པོའི་ལྷ་ཚོགས་རྣམས༔ རྟག་པ་མི་འགྱུར་ཚེ་ཡི་ལྷ༔ བདེ་བ་ཆེན་པོའི་མཁའ་དབྱིངས་ནས༔ འཆི་མེད་རྡོ་རྗེའི་ཚེ་སྩོལ་ལ༔ བགྲེས་རྒུད་མེད་པའི་དབང་བསྐུར་ཅིག༔ སྙིང་པོའི་མཐར། ཀཱ་ཡ་ཝཱཀ་ཙིཏྟ་ཨ་བྷི་ཥིཉྩ་ཧཱུྃ༔ ཡེ་ཤེས་ལྷ་ཚོགས་ཐམས་ཅད་ཀུན༔ མཉམ་སྦྱོར་བྱང་ཆུབ་སེམས་ཀྱི་རྒྱུན༔ བླུག་ཅིང་བདག་དང་དབྱེར་མེད་གྱུར༔ ཞེས་དམིགས་ཏེ་ཚེ་གལ་དང་རིལ་ཆང་རྣམས་མྱངས་མཐར། ཨོཾ༔ འགྲུབ་པར་གྱུར་ཅིག་སོགས། ཤིས་བརྗོད་བཅས་བྱའོ། །འདི་ལ་བརྟེན་ནས་དམིགས་བསལ་ཚེ་དབང་བྱ་བར་འདོད་ན། ཁྲུས་བགེགས་སྲུང་འཁོར་སྔོན་དུ་འགྲོ་བས། ལོ་རྒྱུས་ཀྱི་ཁྱད་པར། སྒྲུབ་བྱའི་གཞི་རླུང་ཐིག་སེམས་དང་ཡེ་ཤེས་ཀྱི་ཚེ་རྣམས་ཉམས་པ་གསོ་ཞིང༌། ནུས་སྟོབས་འཕེལ་རྒྱས་བརྟན་པའི་ཐབས་སུ་ལྷ་སྔགས་ཏིང་འཛིན་གྱི་ནུས་པ་སྟོབས་སུ་གྱུར་པས་སྐྱེ་འཆི་བགྲེས་རྒུད་དང་བྲལ་བའི་འཕོ་མེད་རྡོ་རྗེའི་སྲོག་སྒྲུབ་པའི་ཐབས་དང་མན་ངག་བཀའ་གཏེར་གྱི་གཞུང་རབ་འབྱམས་ལས་བསྟན་པའི་བྱེ་བྲག །གསུང་རྡོ་རྗེ་འོད་དཔག་མེད་པའི་ཕྲིན་ལས་ཀྱི་སྐྱ་རེངས་འཕགས་མཆོག་པདྨ་གར་དབང་བཀའ་སྲུང་ཡེ་ཤེས་མགོན་པོའི་སྐུར་བཞེངས་པ་མཚན་དང་སྐུ་ཡི་བཀོད་པ་རིགས་ལྔ་ལས་སྐུ་དེ་བཞིན་གཤེགས་རིགས་འཆི་མེད་ཚེ་ཡི་དངོས་གྲུབ་སྩོལ་བ་ལ་བསྔགས་པའི་ཡེ་ཤེས་མགོན་པོ་དཀར་པོ་ལ་བརྟེན་ནས་ཚེ་ཡི་བྱིན་རླབས་དབང་བསྐུར་བགྱི་བ་ལ་མཎྜལ་ཕུལ། གསོལ་གདབ། སྐྱབས་སེམས་བསགས་སྦྱངས། སློབ་མ་མགོན་དཀར་དུ་བསྐྱེད་ལ་ཡེ་ཤེས་དབབ་བསྟིམ། ཚེ་འགུགས་ཀྱི་རྗེས། ཨོཾ༔ ཡེ་ཤེས་མགོན་པོའི་ལྷ་ཚོགས་རྣམས༔ རྟག་པ་མི་འགྱུར་ཚེ་ཡི་ལྷ༔ བདེ་བ་ཆེན་པོའི་མཁའ་དབྱིངས་ནས༔ འཆི་མེད་རྡོ་རྗེའི་ཚེ་སྩོལ་ལ༔ བགྲེས་རྒུད་མེད་པའི་དབང་བསྐུར་ཅིག༔ སྙིང་པོའི་མཐར། ཀཱ་ཡ་ཝཱཀ་ཙིཏྟ་ཨ་བྷི་ཥིཉྩ་ཧཱུྃ༔ བུམ་པ། ཐོད་རྫས། ཚེ་རིལ་ཆང་གཏད་ཅིང༌། རྒྱས་གདབ། གཏང་རག་དམ་ཚིག་ཁས་བླང་སོགས་བྱས་ཀྱང་མི་རུང་བ་མེད་དོ། །ཡང་ཚེ་སྲུང་འཁོར་ལོ་བྲི་བར་འདོད་ན་འཁོར་ལོ་རིམ་པ་ལྔ་བསྐོར་བའི་ལྟེ་བར། ཨ་ནྲྀ་ཧཱུྃ་སྟེ་ཚེ་ཡི་སྙིང་པོ་གསུམ། དེའི་ཕྱིའི་མུ་ཁྱུད་ལ། མདུན་ནས་བརྩམས་ཏེ། ཨོཾ་ཤྲཱི་མ་ཧཱ་ཀཱ་ལ་རེ་མ་ཏི་ཧ་རི་ནི་ས་ཨཱ་ཡུཿསིདྡྷི་ཚེ་བྷྲཱུྃ༔ ཞེས་པའི་གཟུངས་སྔགས་ཀྱིས་བསྐོར། དེའི་ཕྱི་པད་འདབ་བཞིའི་སྟེང༌། ཧ་རི་ནི་ས་རིགས་བཞིའི་མཁའ་འགྲོ། མཐའི་མུ་ཁྱུད་ལ། དབྱངས་གསལ་རྟེན་སྙིང་གི་མཐར། མྱུར་མཛད་ཡེ་ཤེས་ཀྱི་སྐུ་ཡི་མགོན་པོ་ཡབ་ཡུམ་རིགས་བཞིའི་མཁའ་འགྲོ་དང་བཅས་པས་བདག་འཆང་བ་པོ་ལ་ཚེ་དང་ཡེ་ཤེས་ཀྱི་དངོས་གྲུབ་སྩལ་དུ་གསོལ། ཞེས་ནུས་པ་བསྐྱེད་བརྟན་དང་འདོད་གསོལ་བཅས་པས་བསྐོར། དེའི་ཕྱིར་རྡོ་རྭ་མེ་རིས་བསྐོར་ཞིང༌། གོང་གི་ཚེ་རྫས་ཀྱིས་བྱུགས་ལ་རབ་ཏུ་གནས་པ་ལུས་ལ་བཅངས་པས་ཚེ་ཡི་དཔལ་བསྐྱེད་ཅིང་འགལ་རྐྱེན་སྲུང་བའོ། ༈ གཉིས་པ་ཡོན་ཏན་མགོན་པོ་སེར་པོའི་སྒེར་སྒྲུབ་ནི། རྒྱས་པའི་ལས་ལ་ཤིས་པའི་གནས་སུ་རིན་པོ་ཆེའི་བུམ་པའི་ནང་དུ་གཞུང་མཐུན་གྱི་སྐུའི་རྒྱབ་ཏུ་སྔགས་བྱང་བྲིས་པ་དང༌། ཉེར་ལྔའི་རྫས་དང་རིན་པོ་ཆེ་འབྲུ་སྨན་དར་ཟབ་སོགས་བཀྲ་ཤིས་གཏེར་བུམ་རྫས་ཀྱིས་ཕྱུར་བུར་གཏམས་པ་དང༌། འབྲང་རྒྱས་སེར་པོ་ནོར་གཟུགས་ཟས་སྣས་བཟང་དགུས་བསྐོར་བ་དང༌། སྨན་རཀ་ཉེར་སྤྱོད་ཀྱིས་བསྐོར་བ་བཀོད་མཛེས་བརྗིད་དང་ལྡན་པར་བཤམས་ལ། སྐྱབས་སེམས་ནས་མཆོད་པ་བྱིན་རླབས་བར་གོང་ལྟར་བྱས་ལ། ལྷ་བསྐྱེད་དངོས་གཞི་ནི། མདུན་རྟེན་བསང་སྦྱངས། ཨོཾ་མ་ཧཱ་ཤཱུ་ནྱ་ཏ་སོགས། སྟོང་པའི་ངང་ལས་སྐད་ཅིག་གིས༔ བྷྲཱུྃ་ལས་རིན་ཆེན་གཞལ་ཡས་ཁང༔ ནང་དུ་ཀུན་བཟང་མཆོད་སྤྲིན་གཏིབས༔ རིན་ཆེན་འབར་བའི་གདན་སྟེང་དུ༔ ཡེ་ཤེས་མགོན་པོ་ནོར་བདག་སེར༔ ཤ་རྒྱས་གསུས་ཆེ་ཕྱག་གཉིས་ཀྱིས༔ ནོར་བུ་དབྱིག་གི་གཏེར་ཆེན་འཛིན༔ ཡུམ་སེར་རིན་ཆེན་འཛིན་དང་འཁྲིལ༔ འཁོར་དུ་རྒྱལ་པོ་ཆེན་པོ་བཞི༔ རིན་ཆེན་གཏེར་གྱི་རྐྱལ་པ་བསྣམས༔ དགྱེས་ཆགས་དར་དང་རིན་ཆེན་བརྒྱན༔ ཀུན་ཀྱང་སྐྱིལ་ཀྲུང་ཕྱེད་པས་བཞུགས༔ གནས་གསུམ་ཨོཾ་ཨཱཿཧཱུྃ་གིས་མཚན༔ ཧཱུྃ་ལས་འོད་འཕྲོས་ཡེ་ཤེས་པ༔ རང་བཞིན་གནས་ནས་སྤྱན་དྲངས་བསམ༔ ཧཱུྃ༔ ཆོས་ཀྱི་དབྱིངས་ཀྱི་ཞིང་ཁམས་དང༔ མེ་རི་འབར་བའི་དུར་ཁྲོད་ནས༔ འཇིག་རྟེན་དབང་ཕྱུག་སྤྱན་རས་གཟིགས༔ དྲག་ཏུ་ཁྲོས་པ་ཁྲོ་བོའི་རྒྱལ༔ ཡེ་ཤེས་མགོན་པོ་ཡུམ་དང་བཅས༔ བཀའ་སྡོད་བཞི་དང་དྲེགས་པའི་འཁོར༔ རང་བཞིན་གནས་ནས་འདིར་གཤེགས་ཤིག༔ ཤྲཱི་མ་ཧཱ་ཀཱ་ལ་ཨཱེ་རལླི་ཧྲཱིཾ༔ ཧཱུྃ༔ བདེ་ཆེན་རོལ་པའི་དཀྱིལ་འཁོར་འདིར༔ དགྱེས་ཤིང་བརྟན་པར་བཞུགས་སུ་གསོལ༔ རང་གི་དབྱིངས་ནས་རིག་པའི་རྩལ༔ ཧེ་རུ་ཀ་ལ་ཕྱག་འཚལ་ལོ༔ སྔོན་གྱི་བྱང་ཆུབ་ཐུགས་བསྐྱེད་ལྟར༔ བསྟན་པ་སྲུང་བའི་ཕྲིན་ལས་མཛོད༔ ཧཱུྃ༔ དབང་པོའི་མེ་ཏོག་ཚིལ་ཆེན་གསུར༔ ཞུན་ཆེན་མར་མེ་ཁྲག་ཆེན་དྲི༔ ཤ་རུས་ཞལ་ཟས་རྐང་གླིང་དང༔ ཐོད་རྔ་དུང་ཆེན་སྒྲོགས་པས་མཆོད༔ ཧཱུྃ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ ཀུན་ཏུ་བཟང་པོའི་མཆོད་སྤྲིན་གྱིས༔ ཡེ་ཤེས་མགོན་པོ་འཁོར་བཅས་མཆོད༔ བཞེས་ནས་འདོད་དགུའི་དངོས་གྲུབ་སྩོལ། ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་བཛྲ་ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱ༔ ཧཱུྃ༔ རྩ་བརྒྱད་སྟོང་སྦྱར་ཨ་མྲྀ་ཏ༔ ཁམས་གསུམ་བསྒྲལ་བའི་རཀྟ་དང༔ འདོད་ཡོན་རྣམ་ལྔ་གཏོར་མ་སོགས༔ སྦྱོར་སྒྲོལ་གསང་བའི་མཆོད་པ་འབུལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་སརྦ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་ཏ་ན་ག་ན་པཱུ་ཛ་ཧོཿ ཨོཾ༔ ཆོས་ཀྱི་དབྱིངས་ལས་འབར་བའི་སྐུ༔ སྐུ་གསུམ་ཡེ་ཤེས་དྲུག་སོགས་ལས༔ སྐུ་ཡི་རྣམ་འགྱུར་ཅིར་ཡང་སྟོན༔ མགོན་པོའི་སྐུ་ལ་ཕྱག་འཚལ་བསྟོད༔ བདེ་ཆེན་དབྱིངས་ལས་གྲགས་པའི་གསུང༔ ཡན་ལག་དྲུག་ཅུ་འདུས་པའི་དཔྱིད༔ ཀྵིཾ་ཀྵིཾ་སྒྲ་སྒྲོག་ས་གསུམ་གཡོ༔ མགོན་པོའི་གསུང་ལ་ཕྱག་འཚལ་བསྟོད༔ མི་གཡོ་མཉམ་པའི་ངང་ཉིད་ལས༔ ཐུགས་རྗེ་གཏུམ་པའི་ཡེ་ཤེས་ཐུགས༔ སངས་རྒྱས་ཀུན་དང་དབྱིངས་གཅིག་པ༔ མགོན་པོའི་ཐུགས་ལ་ཕྱག་འཚལ་བསྟོད༔ གསེར་གྱི་ལྷུན་པོ་ཉི་འོད་འབུམ་གྱིས་འཁྱུད༔ འདོད་པའི་དོན་སྟེར་ནོར་བུའི་ཆར་ཆེན་བསྙིལ༔ དཔག་བསམ་ཤིང་གནས་དགོས་འདོད་སྦྱིན་པའི་ཡུམ༔ དངོས་གྲུབ་ཆུ་གཏེར་ཟད་མེད་ཁྱོད་ལ་བསྟོད༔ དཔལ་གྱི་བཀའ་ཉན་ཕྱོགས་བཞིའི་འཇིག་རྟེན་སྐྱོངས༔ ལས་བཞིའི་ཕྲིན་ལས་གང་བཅོལ་ཐོགས་མེད་སྒྲུབ༔ བསྡུ་དངོས་བཞི་ཡི་འགྲོ་བའི་དོན་མཛད་ལྷ༔ བཀའ་སྡོད་རྒྱལ་ཆེན་བཞི་ལ་ཕྱག་འཚལ་བསྟོད༔ བསྙེན་དམིགས་ནི། ཐུགས་ཀར་རིན་པོ་ཆེ་ཡི་དབུས༔ ཧཱུྃ་ལས་འོད་ཟེར་བསམ་ཡས་འཕྲོས༔ སྤྲུལ་པ་ཉི་ཟེར་རྡུལ་ལྟར་འཚུབས༔ ལྷ་ཀླུ་མི་གསུམ་ཐམས་ཅད་ཀྱིས༔ བསོད་ནམས་ལོངས་སྤྱོད་མ་ལུས་བསྡུས༔ བདག་དང་བརྟན་གཡོ་རྫས་ལ་ཐིམ༔ བསོད་ནམས་དཔལ་དུ་འབར་བ་དང༔ ལོངས་སྤྱོད་མཚོ་ལྟར་རྒྱས་པར་བསམ༔ ཨོཾ་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱཾ་བི་ནཱ་ཡ་ཀ༔ ཤྲཱི་དེ་བཱི་རེ་མ་ཏི་ཏྲག་རཀྴ༔ ཌྷྲིཥྚ་རཱཥྚ་ཡ༔ བཻ་རཱུ་ཌྷ་ཀ་ཡ༔ བི་རཱུ་པཱཀྵ་ཡ༔ བཻ་ཤྲ་བ་ཎཱ་ཡ༔ མ་ཧཱ་པུཎྱེ་ཀཱ་མ་གུ་ཎ་སརྦ་རཏྣ་ཧཱུྃ་ཧཱུྃ་པུཥྚིཾ་ཀུ་རུ་ཡེ་སྭཱ་ཧཱ༔ བཟླས་པ་ཇི་ཙམ་ནུས་པའི་མཐར། མདའ་དར་གཡབ། དྲི་བཟང་གི་སྤོས་དང་སྙན་པའི་དབྱངས་ཀྱིས་བསྐུལ་ཏེ། ཧཱུྃ༔ བསོད་ནམས་ཚོགས་གཉིས་རྫོགས་པའི་ལྷ༔ འདོད་རྒུའི་མཆོག་སྩོལ་ནོར་གྱི་བདག༔ དབུལ་བ་ཀུན་སེལ་རིན་ཆེན་གཏེར༔ ཡེ་ཤེས་མགོན་པོའི་ཐུགས་དམ་བསྐུལ༔ ལྷ་ཀླུ་མི་གསུམ་ཐམས་ཅད་ཀྱི༔ ཚེ་དང་བསོད་ནམས་ལོངས་སྤྱོད་ནོར༔ སྟོབས་རྩལ་ཡོན་ཏན་གཟི་བརྗིད་དང༔ དབང་ཐང་སྙན་གྲགས་ཟས་ནོར་ཀུན༔ མྱུར་བ་ཉིད་དུ་གནས་འདིར་སྡུས༔ རྣལ་འབྱོར་བདག་ཅག་འཁོར་བཅས་ཀྱི༔ བསོད་ནམས་བསགས་པའི་དཀོར་ནོར་རྣམས༔ རྒྱས་ཤིང་རབ་ཏུ་བརྟན་པ་དང༔ འདོད་དགུ་ལྷུན་གྱིས་སྒྲུབ་ཏུ་གསོལ༔ ཧཱུྃ༔ ཁམས་གསུམ་ཀུན་ལ་དབང་བྱེད་པའི༔ རེ་མ་ཏི་ཡི་ཐུགས་དམ་བསྐུལ༔ ལྷ་ཀླུ་མི་གསུམ་ཐམས་ཅད་ཀྱི༔ ཚེ་དང་བསོད་ནམས་ལོངས་སྤྱོད་ནོར༔ སྟོབས་རྩལ་ཡོན་ཏན་གཟི་བརྗིད་དང༔ དབང་ཐང་སྙན་གྲགས་ཟས་ནོར་ཀུན༔ མྱུར་བ་ཉིད་དུ་གནས་འདིར་སྡུས༔ རྣལ་འབྱོར་བདག་ཅག་འཁོར་བཅས་ཀྱི༔ བསོད་ནམས་བསགས་པའི་དཀོར་ནོར་རྣམས༔ རྒྱས་ཤིང་རབ་ཏུ་བརྟན་པ་དང༔ འདོད་དགུ་ལྷུན་གྱིས་སྒྲུབ་ཏུ་གསོལ༔ ཧཱུྃ༔ ཤར་གྱི་ཕྱོགས་རྣམས་སྐྱོང་བའི་རྗེ༔ ཡུལ་འཁོར་སྲུང་བའི་ཐུགས་དམ་བསྐུལ༔ ལྷ་ཀླུ་མི་གསུམ་ཐམས་ཅད་ཀྱི༔ ཚེ་དང་བསོད་ནམས་ལོངས་སྤྱོད་ནོར༔ སྟོབས་རྩལ་ཡོན་ཏན་གཟི་བརྗིད་དང༔ དབང་ཐང་སྙན་གྲགས་ཟས་ནོར་ཀུན༔ མྱུར་བ་ཉིད་དུ་གནས་འདིར་སྡུས༔ རྣལ་འབྱོར་བདག་ཅག་འཁོར་བཅས་ཀྱི༔ བསོད་ནམས་བསགས་པའི་དཀོར་ནོར་རྣམས༔ རྒྱས་ཤིང་རབ་ཏུ་བརྟན་པ་དང༔ འདོད་དགུ་ལྷུན་གྱིས་སྒྲུབ་ཏུ་གསོལ༔ ཧཱུྃ༔ ལྷོ་ཡི་ཕྱོགས་རྣམས་སྐྱོང་བའི་རྗེ༔ འཕགས་སྐྱེས་པོ་ཡི་ཐུགས་དམ་བསྐུལ༔ ལྷ་ཀླུ་མི་གསུམ་ཐམས་ཅད་ཀྱི༔ ཚེ་དང་བསོད་ནམས་ལོངས་སྤྱོད་ནོར༔ སྟོབས་རྩལ་ཡོན་ཏན་གཟི་བརྗིད་དང༔ དབང་ཐང་སྙན་གྲགས་ཟས་ནོར་ཀུན༔ མྱུར་བ་ཉིད་དུ་གནས་འདིར་སྡུས༔ རྣལ་འབྱོར་བདག་ཅག་འཁོར་བཅས་ཀྱི༔ བསོད་ནམས་བསགས་པའི་དཀོར་ནོར་རྣམས༔ རྒྱས་ཤིང་རབ་ཏུ་བརྟན་པ་དང༔ འདོད་དགུ་ལྷུན་གྱིས་སྒྲུབ་ཏུ་གསོལ༔ ཧཱུྃ༔ ནུབ་ཀྱི་ཕྱོགས་རྣམས་སྐྱོང་བའི་རྗེ༔ སྤྱན་མི་བཟང་གི་ཐུགས་དམ་བསྐུལ༔ ལྷ་ཀླུ་མི་གསུམ་ཐམས་ཅད་ཀྱི༔ ཚེ་དང་བསོད་ནམས་ལོངས་སྤྱོད་ནོར༔ སྟོབས་རྩལ་ཡོན་ཏན་གཟི་བརྗིད་དང༔ དབང་ཐང་སྙན་གྲགས་ཟས་ནོར་ཀུན༔ མྱུར་བ་ཉིད་དུ་གནས་འདིར་སྡུས༔ རྣལ་འབྱོར་བདག་ཅག་འཁོར་བཅས་ཀྱི༔ བསོད་ནམས་བསགས་པའི་དཀོར་ནོར་རྣམས༔ རྒྱས་ཤིང་རབ་ཏུ་བརྟན་པ་དང༔ འདོད་དགུ་ལྷུན་གྱིས་སྒྲུབ་ཏུ་གསོལ༔ ཧཱུྃ༔ བྱང་གི་ཕྱོགས་རྣམས་སྐྱོང་བའི་རྗེ༔ རྣམ་ཐོས་སྲས་ཀྱི་ཐུགས་དམ་བསྐུལ༔ ལྷ་ཀླུ་མི་གསུམ་ཐམས་ཅད་ཀྱི༔ ཚེ་དང་བསོད་ནམས་ལོངས་སྤྱོད་ནོར༔ སྟོབས་རྩལ་ཡོན་ཏན་གཟི་བརྗིད་དང༔ དབང་ཐང་སྙན་གྲགས་ཟས་ནོར་ཀུན༔ མྱུར་བ་ཉིད་དུ་གནས་འདིར་སྡུས༔ རྣལ་འབྱོར་བདག་ཅག་འཁོར་བཅས་ཀྱི༔ བསོད་ནམས་བསགས་པའི་དཀོར་ནོར་རྣམས༔ རྒྱས་ཤིང་རབ་ཏུ་བརྟན་པ་དང༔ འདོད་དགུ་ལྷུན་གྱིས་སྒྲུབ་ཏུ་གསོལ༔ ཨོཾ་མ་ཧཱ་ཀཱ་ལ་སོགས་བསྙེན་སྔགས་བཟླ། ཡེ་དྷརྨས་བརྟན་པར་བྱས་ལ་མེ་ཏོག་འཐོར། གཏོར་འབུལ། བསྐང་བཤགས་སོགས་མགོན་མཐིང་ལྟར་རྒྱས་པར་བྱ། སྒྲུབ་ཞག་རྫོགས་པ་དང༌། ཨོཾ༔ བསོད་ནམས་དཔལ་དུ་འབར་བའི་ལྷ༔ ཡེ་ཤེས་མགོན་པོ་ཡབ་དང་ཡུམ༔ རྒྱལ་པོ་ཆེན་པོ་སྡེ་བཞི་ཡིས༔ མི་ཟད་རིན་ཆེན་གཏེར་གྱི་དབང༔ རྣལ་འབྱོར་བདག་ལ་བསྐུར་དུ་གསོལ༔ སྔགས་ཀྱི་མཐར། ཀཱ་ཡ་ཝཱཀ་ཙིཏྟ་སིདྡྷི་ཨ་བྷི་ཥིཉྩ་ཧཱུྃ༔ རྟེན་རྣམས་གནས་གསུམ་དུ་བཞག་ལ་དངོས་གྲུབ་བླངས་མཐར། གཏེར་བུམ་དང་འབྲང་རྒྱས་རྣམས་མཛོད་ཕུག་ཏུ་སྦས་ལ། ཨོཾ༔ མི་ཟད་རིན་ཆེན་གཏེར་གྱི་ཕོ་བྲང་དུ༔ ཡེ་ཤེས་མགོན་པོའི་ལྷ་ཚོགས་བརྟན་པར་བཞུགས༔ སྒྲུབ་པ་པོ་ལ་འགོ་ཞིང་སྲུང་བ་དང༔ ཟས་གོས་ནོར་གྱི་དངོས་གྲུབ་རྒྱུན་དུ་སྩོལ༔ ཞལ་ནས་གསུངས་པའི་ཤིས་པ་བརྗོད་ཅིང་མེ་ཏོག་གཏོར་བས་འདོད་དགུ་ཡིད་བཞིན་དུ་འགྲུབ་པར་འགྱུར་རོ། ༈ གསུམ་པ་གསུང་མགོན་དམར་པོ་ལ་བརྟེན་ནས་དབང་གི་ཕྲིན་ལས་སྒྲུབ་པ་ནི། སྒྲུབ་གནས་རི་བྲག་དམར་ཞིང་མེ་ཏོག་དམར་པོའི་ཚལ་སོགས་ཡིད་དུ་འོང་བའི་གནས་སུ་སྒྲུབ་པའི་རྟེན་མྱོས་བྱེད་ཀྱིས་སྦྲུས་པའི་དབང་གི་གཏོར་མ་དམར་པོ་ཟླ་གམ་འཁོར་རང་འདྲ་བཞིའི་བསྐོར་བ་མངར་གསུམ། ལ་དུ་སོགས་ཡིད་བསྒྱུར་ཟས་སྣས་བསྐོར་བ་དང༌། བྷཉྫ་མཚན་བཟང་དུ་རཀྟ་དང་སིནྡྷུ་ར་ཆང་སྣས་བཀང་བ་དར་དམར་གྱི་བཀབ་པ་ལ་སྨན་རཀ །ཉེར་སྤྱོད་ཀྱིས་བསྐོར་ཞིང་བཤམས། སྐྱབས་སེམས་ནས་མཆོད་པ་བྱིན་རླབས་བར་སྔར་ལྟར་ལ། ཨོཾ་སྭ་བྷཱ་ཝ་སོགས། སྟོང་པའི་ངང་ལས་བདེ་ཆེན་རྩལ། བྷྲཱུྃ་ལས་ཟླ་གམ་དམར་པོའི་ནང༔ དབང་མཛད་མགོན་པོ་བྱེ་རུའི་མདོག༔ ལྕགས་ཀྱུ་དང་ནི་ཞགས་པ་འཛིན༔ མེ་ཏོག་དམར་པོ་རུས་པས་བརྒྱན༔ པདྨ་དམར་པོ་ཉི་མའི་སྟེང༔ བདེ་བའི་ཉམས་ཀྱིས་བརྐྱང་བསྐུམ་གར༔ ཡུམ་དམར་ཞགས་པ་འཛིན་དང་འཁྲིལ༔ དབང་མཛད་ལྷ་མོའི་རིགས་བཞི་དམར༔ ལྕགས་ཀྱུ་དང་ནི་ཞགས་པ་འཛིན༔ འོད་ཟེར་དམར་པོའི་ཀློང་ན་བཞུགས༔ སྤྱན་འདྲེན་བཞུགས་གསོལ་མཆོད་པ་སྔར་བསྟོད་པ་བཅས་སྐུ་མགོན་ལྟར་ལ། རཱ་གའི་ལྷུན་པོ་ཆགས་པའི་དམར་འོད་འབར༔ འགུགས་པའི་ལྕགས་ཀྱུ་མང་པོ་སྐར་ལྟར་འཁྲུགས༔ སྲིད་གསུམ་སྡུད་པའི་རླུང་དམར་ལ་གནས་ཡུམ༔ ཁམས་གསུམ་དབང་བྱེད་ཁྱོད་ལ་ཕྱག་འཚལ་བསྟོད༔ བསྙེན་པའི་སྐབས། ཐུགས་ཀར་ཉི་སྟེང་ཨཾ་ཡིག་ལས༔ ཧྲིཾ་ཡིག་ལྕགས་ཀྱུའི་ཚོགས་འཕྲོས་ཤིང༔ གང་ཡིན་ནྲྀ་ལ་ཐིམ་པས་ཆགས༔ ལྕགས་ཀྱུའི་བཟུང་བས་དབང་དུ་བསྡུས༔ འོད་ཟེར་ཞགས་པའི་དབྱིབས་ཅན་གྱིས༔ ཕོ་ཡི་སྤྱི་བོ་མོ་གསང་ནས༔ དྲངས་ཏེ་ཐུགས་སྲོག་ཨཾ་ལ་ཐིམ༔ ཨོཾ་ཤྲཱི་མ་ཧཱ་ཀཱ་ལ་ཨཱཾ་ཨ་རོ་ལྀཀ་རེ་མ་ཏི་ཌཱ་ཀི་ནཱི་ཀཱ་མ་ནྲྀ་ཧྲཱིཾ་ཧྲཱིཾ་ཛཿཛ༔ ཞེས་བཟླས། རྫས་ཁབ་ལེན་གྱི་རྡོ་དང་སིནྡྷུ་ར་ཞིབ་བཏགས་བྷནྡྷའི་སྣོད་དུ་བླུགས་ལ་སྔགས་བཏབ་པ་དཔྲལ་བར་བྱུགས་པ་དང༌། རིལ་བུ་བྱས་ཏེ་ཁོང་དུ་བཏང་བས་གང་དགོས་པ་དེ་དབང་དུ་འགྱུར་བ་དང༌། ལས་ཀྱི་བོགས་འབྱིན་མེ་མཆོད་བྱེད་ན། ནུབ་ཕྱོགས་བྲག་རི་དམར་པོ་ལས་བླང་བའི་ས་ཡི་སྟེགས་བྱས་པར་སྨད་འཚོང་མའི་མལ་སའི་ས་ཡིས་བྱུག་པའི་དབང་གི་ཐབ། མཛད་འཕྲོར་ལུས། ༈ བཞི་པ་ཕྲིན་ལས་མགོན་པོ་ལྗང་གུའི་ལས་སྣ་ཚོགས་སྒྲུབ་པའི་ཚུལ་ནི། གནས་ཁང་གི་གུང་དུ་རྟེན་བཀྲམ་པའི་མདུན་དཔལ་གཏོར་རྒྱན་ལྡན། སྨན་རཀ་ཉེར་སྤྱོད། གཏོར་འབུལ་རྣམས་བཤམས་ལ། སྐྱབས་སེམས་ནས་བརྩམས་མཆོད་པ་བྱིན་རླབས་བར་སྔར་ལྟར་ལ། ཤཱུ་ནྱ་ཏའི་སྔགས་བརྗོད་ལ། སྟོང་པའི་ངང་ལས་སྣོད་བཅུད་ཀུན༔ བདེ་ཆེན་ལོངས་སྤྱོད་རྒྱས་པའི་དབུས༔ ཡྃ་ལས་རླུང་གི་རྒྱ་གྲམ་སྟེང༔ ཧཱུྃ་ལས་ལས་ཀྱི་མགོན་པོ་ལྗང༔ རལ་གྲི་དང་ནི་ཞགས་པ་འཛིན༔ ཡུམ་ལྗང་གྲི་ཞགས་འཛིན་དང་འཁྲིལ༔ གཉིས་ཀ་དུར་ཁྲོད་ཆས་ཀྱིས་བརྒྱན༔ ཕྱོགས་བཞིར་དགྲ་བགེགས་བསྒྱེལ་བའི་སྟེང༔ དབང་ཕྱུག་ཛི་ན་མི་ཏྲ་དང༔ གཤིན་རྗེ་ཊཱ་ཀི་རཱ་ཛ་དང༔ གནོད་སྦྱིན་ཀྵེ་ཏྲ་པཱ་ལ་དང༔ བདུད་མགོན་ཏྲག་ཤད་ནག་པོ་རྣམས༔ མཐིང་ནག་གྲི་གུག་ཐོད་ཁྲག་འཛིན༔ བེར་གསོལ་གསང་བའི་ཡུམ་དང་སྦྱོར༔ ཕྱོགས་སྐྱོང་རྒྱལ་ཆེན་དྲེགས་པས་བསྐོར༔ ལས་བྱེད་འབུམ་ཕྲག་རླུང་ལྟར་འཕྱོ༔ གནས་གསུམ་ཨོཾ་ཨཱཿཧཱུྃ་གིས་མཚན༔ ཧཱུྃ་ལས་འོད་འཕྲོས་ཡེ་ཤེས་པ༔ རང་བཞིན་གནས་ནས་སྤྱན་དྲངས་བསམ༔ ཧཱུྃ༔ ཆོས་ཀྱི་དབྱིངས་ཀྱི་ཞིང་ཁམས་དང༔ མེ་རི་འབར་བའི་དུར་ཁྲོད་ནས༔ འཇིག་རྟེན་དབང་ཕྱུག་སྤྱན་རས་གཟིགས༔ དྲག་ཏུ་ཁྲོས་པ་ཁྲོ་བོའི་རྒྱལ༔ ཡེ་ཤེས་མགོན་པོ་ཡུམ་དང་བཅས༔ བཀའ་སྡོད་བཞི་དང་དྲེགས་པའི་འཁོར༔ རང་བཞིན་གནས་ནས་འདིར་གཤེགས་ཤིག༔ ཤྲཱི་མ་ཧཱ་ཀཱ་ལ་ཨཱེ་རལླི་ཧྲཱིཾ༔ ཧཱུྃ༔ དུར་ཁྲོད་རོལ་པའི་དཀྱིལ་འཁོར་འདིར༔ དགྱེས་ཤིང་བརྟན་པར་བཞུགས་སུ་གསོལ༔ རང་གི་དབྱིངས་ནས་རིག་པའི་རྩལ༔ ཧེ་རུ་ཀ་ལ་ཕྱག་འཚལ་ལོ༔ སྔོན་གྱི་བྱང་ཆུབ་ཐུགས་བསྐྱེད་ལྟར༔ བསྟན་པ་སྲུང་བའི་ཕྲིན་ལས་མཛོད༔ ཧཱུྃ༔ དབང་པོའི་མེ་ཏོག་ཚིལ་ཆེན་གསུར༔ ཞུན་ཆེན་མར་མེ་ཁྲག་ཆེན་དྲི༔ ཤ་རུས་ཞལ་ཟས་རྐང་གླིང་དང༔ ཐོད་རྔ་དུང་ཆེན་སྒྲོགས་པས་མཆོད༔ ཧཱུྃ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ ཀུན་ཏུ་བཟང་པོའི་མཆོད་སྤྲིན་གྱིས༔ ཡེ་ཤེས་མགོན་པོ་འཁོར་བཅས་མཆོད༔ བཞེས་ནས་རབ་འབྱམས་ལས་ཀུན་སྩོལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་བཛྲ་ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱ༔ ཧཱུྃ༔ རྩ་བརྒྱད་སྟོང་སྦྱར་ཨ་མྲྀ་ཏ༔ ཁམས་གསུམ་བསྒྲལ་བའི་རཀྟ་དང༔ འདོད་ཡོན་རྣམ་ལྔ་གཏོར་མ་སོགས༔ སྦྱོར་སྒྲོལ་གསང་བའི་མཆོད་པ་འབུལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་སརྦ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་ཏ་ན་ག་ན་པཱུ་ཛ་ཧོཿ ཨོཾ༔ ཆོས་ཀྱི་དབྱིངས་ལས་འབར་བའི་སྐུ༔ སྐུ་གསུམ་ཡེ་ཤེས་དྲུག་སོགས་ལས༔ སྐུ་ཡི་རྣམ་འགྱུར་ཅིར་ཡང་སྟོན༔ མགོན་པོའི་སྐུ་ལ་ཕྱག་འཚལ་བསྟོད༔ བདེ་ཆེན་དབྱིངས་ལས་གྲགས་པའི་གསུང་༔ ཡན་ལག་དྲུག་ཅུ་འདུས་པའི་དཔྱིད༔ ཀྵིཾ་ཀྵིཾ་སྒྲ་སྒྲོགས་ས་གསུམ་གཡོ༔ མགོན་པོའི་གསུང་ལ་ཕྱག་འཚལ་བསྟོད༔ མི་གཡོ་མཉམ་པའི་ངང་ཉིད་ལས༔ ཐུགས་རྗེ་གཏུམ་པའི་ཡེ་ཤེས་ཐུགས༔ སངས་རྒྱས་ཀུན་དང་དབྱིངས་གཅིག་པ༔ མགོན་པོའི་ཐུགས་ལ་ཕྱག་འཚལ་བསྟོད༔ བདེ་ཆེན་མཁའ་དབྱིངས་རེ་མ་ཏཱི༔ ཛི་ན་མི་ཏྲ་སྐུ་ཡི་འཕྲུལ༔ ཊཱ་ཀི་རཱ་ཛ་གསུང་གི་མདངས༔ ཀྵེ་ཏྲ་པཱ་ལ་ཐུགས་སྤྲུལ་འགྱེད༔ ཏྲཀྴད་གཉིས་མེད་ཡེ་ཤེས་རྩལ༔ བྲན་ཏུ་འདུས་པ་དྲེགས་པའི་ཚོགས༔ ཡེ་ཤེས་རྣམ་པར་རོལ་པ་ཡི༔ མཐུ་སྟོབས་ཅན་ལ་ཕྱག་འཚལ་བསྟོད༔ སྣ་ཚོགས་གཟུགས་འཆང་འདོད་དགུ་མྱུར་བའི་ལུས༔ རྣལ་འབྱོར་སྒྲུབ་པོས་འདོད་པའི་དོན་གསོལ་ཚེ༔ དམ་ཚིག་ཅན་ལ་རྒྱལ་བའི་བཀའ་བཞིན་ཁུར༔ འདོད་པའི་དོན་སྒྲུབ་ཁྱོད་ལ་ཕྱག་འཚལ་བསྟོད༔ མགོན་པོའི་བཀའ་སྡོད་ཕྲིན་ལས་ཐོགས་མེད་སྒྲུབ༔ མཐུ་སྟོབས་ནུས་པས་ལས་ཀུན་མངའ་དབང་བསྒྱུར༔ ཕྱོགས་སྐྱོང་རྒྱལ་ཆེན་བཞི་དང་གཙང་རིས་ཀྱི༔ དཔལ་མགོན་སྡེ་བརྒྱད་ཕོ་ཉར་ཕྱག་འཚལ་བསྟོད༔ བཟླས་པ་ནི། རང་གི་ཐུགས་ནས་འོད་འཕྲོས་པས༔ འཁོར་རྣམས་ལས་ལ་བསྐུལ་བའི་མཐུས༔ བདུད་རྩིའི་བུམ་པས་ཁྲུས་བྱས་པས༔ ནད་གདོན་མི་མཐུན་གྲིབ་ཀུན་བཀྲུས༔ ལྷ་ཀླུ་མི་ཡི་ལོངས་སྤྱོད་བསྡུས༔ ཟས་ནོར་འབྲུ་ཡི་ཆར་པ་བབ༔ སྲིད་པའི་རླུང་དམར་ཞགས་པ་འཕངས༔ གང་འདོད་ཐམས་ཅད་གནས་འདིར་བཀུག༔ སྤྲུལ་པའི་དམག་ཚོགས་མཚོན་ཆར་འཕྲོས༔ དགྲ་བགེགས་ཆོམ་རྐུན་ཐལ་བར་བརླག༔ ཕས་ཀྱི་བྱད་ཁ་ཐམས་ཅད་ནི༔ འཁོར་ལོ་འབར་བའི་མཚོན་གྱིས་གཏུབས༔ འོད་ཟེར་སྤྲུལ་པས་མནན་གཏད་བཀྲོལ༔ གང་འདོད་ཕྲིན་ལས་སྒྲུབ་པར་བསམ༔ ཨོཾ་ཤྲཱི་མ་ཧཱ་ཀཱ་ལ་ཀྵིཾ་ཀྵེ་ཏྲ་བིགྷྣཱཾ་བི་ནཱ་ཡ་ཀ་ཤྲཱི་དེ་བཱི་རེ་མ་ཏི་ཏྲཀ་རཀྴ་ཛི་ན་མི་ཏྲ་ཊཱ་ཀི་རཱ་ཛ་ཀྵེ་ཏྲ་པཱ་ལ་ཏྲཀྴད་མ་མ་ཏིང་ལཾ་མ་བྷྱོ༔ རཀྴ་རཀྴ༔ ཡཀྴ་ཡཀྴ༔ ཨིནྡྲ་ཡ༔ ཨགྣ་ཡེ༔ ཡ་མཱ་ཡ༔ ནིར་ཏྱ༔ བཱ་རུ་ཎཱ་ཡ༔ ཝཱ་ཡ་བེ༔ ཀུ་བེ་རཱ་ཡ༔ ཨཱི་ཤྭ་ནཱ་ཡ༔ ཨུརྡྷཾ་པྲ་ཧྨ༔ བྷཱུ་མི་པ་ཏི༔ སཱུརྻ་ཙནྡྲ༔ དྷྲྀཥྚཱ་རཱཥྚ་ཡ༔ བཻ་རུ་དྷ་ཀཱ་ཡ༔ བི་རཱུ་པཀྵཱ་ཡ༔ བཻ་ཤྲཱ་བཎཱ་ཡ༔ ཨཿཡཿམཿདུཿརུཿཙཿཤཿནཿ ཤཱིཾནྟ་ཀུ་རུ་ཡེ་སྭཱ་ཧཱ༔ པུཥྚིཾ་ཀུ་རུ་ཡེ་སྭཱ་ཧཱ༔ ཝཱ་ཤཾ་ཀུ་རུ་ཡེ་སྭཱ་ཧཱ༔ མཱ་ར་ཡ་ཕཊ༔ ཨེ་ས་བྷྱོ་ཟློག༔ ཀཱ་ཝཱ་ཙི་ཕྱེས་ཕྱེས་ཁྲོལ་ཁྲོལ༔ ཤག་ཤག་བྱེར་བྱེར༔ སྟྭཾ་བྷ་ཡ་བྱེར༔ མོ་ཧ་ཡ་བྱེར༔ ཛམྦྷ་ཡ་བྱེར༔ ཤིག་ཤིག་ཁྲོལ་ཁྲོལ༔ སྔགས་རིང་མཐར། ཨོཾ་ནཱ་ག་རཱ་ཛ་སརྦ་ནཱ་ག་ནཱ་གི་ཆར་ལ་བསྐུལ༔ བྷ་རི་ཤ་ཡ་ཕོབ་ཕོབ༔ ཞེས་བཏགས་པ་གྲངས་བསགས། ཁ་ཆར་གཅོད་པ་དང་སད་སྲུང་ལ། ཨོཾ་ལོ་ཀ་སརྦ་སྙིང་ལ་ཡ་ཡ༔ བྷ་རི་ཤ་ཡ་ཟློག་ཟློག༔ སྤྲིན་སྡུད་དེ་ལོ་ཏོག་ལ་སད་སྲུང་ན། ཨོཾ་ནཱ་ག་རཱ་ཛ་ག་ལེ༔ དུམ་པ་ལེ༔ འདུ་འདུ་ཧོ༔ ནད་ཞི་བ་ལ། ཨོཾ་སརྦ་རོ་ག་ཤཱིཾནྟ་ཀུ་རུ་ཡེ་སྭཱ་ཧཱ༔ རིམས་སོགས་ནད་སྲུང་བ་ལ། ཨོཾ་སརྦ་རོ་ག་རྦད་རྦད་བྷྱོ་བྷྱོ་རཀྵ་རཀྵ༔ དམ་སྲི་བསྐྲད་ཅིང་སྲུང་བ། ཨོཾ་ཏྲི་གམ་པ་རི་མ་ར་ཡ་ཕཊ༔ རྒྱལ་འགོང་གི་གནོད་པ་སྲུང་ན། ཨོཾ་རཱ་ཙ་ཧབ་ལེ་ཧབ་ལེ་སོད༔ བགེགས་བསྐྲད་དགོས་ན། ཨོཾ་སརྦ་བིགྷྣཱ་ཾ་ཕཊ་ཕཊ༔ བྱད་བཟློག་ལ། ཨོཾ་ལོ་ཀ་ཙཎྜ་ཟློག་ཟློག༔ ཨོཾ་སརྦ་ཧེ་རུ་ཀ་ཨ་བེ་ཤ་ཡ་ཨ་ཨཿ ཞེས་ཤམ་བུ་སྦྱར་ཞིང་དམིགས་པའི་འཕྲུལ་འཁོར་སྦྱར་བས་ལས་ཚོགས་རིགས་འགྲུབ་པའོ། །ཡང་བེ་འམ་སེང་ལྡིང་གི་མཁར་བ་རྡོ་རྗེའི་ཏོག་ཅན་གྱི་ནང་དུ་མགོན་པོའི་རྩ་སྔགས་བཅུག་ལ་མགོན་པོ་དངོས་སུ་གསལ་བས་སྒྲུབ་ཅིང་བརྟན་བཞུགས་བྱས་ལ། མགོན་པོའི་རྩ་སྔགས་ལ་ཧཱུྃ་བཞིའི་སྔགས་སྦྲེལ་ནས་བཟླས་ལ་རབ་ཏུ་གནས་ཏེ་རྡོ་རྗེའི་དབྱུག་པར་གྱུར་པར་དམིགས་ལ། གདོན་ཅན་གྱི་ནད་པ་སོགས་བརྡུང་བས་གནོད་པ་སོགས་གྲོལ་བར་ངེས་སོ། །ཐུན་མཚམས་སུ་གཏོར་འབུལ་དང་གསོལ་བསྐང་བྱ་ཞིང་ཕྲིན་ལས་བཅོལ་དགོས་པར་གསུངས་སོ། ༈ ལྔ་པ་མགོན་པོ་ནག་པོའི་སྲོག་སྒྲུབ་ནི། མདུན་སྟེགས་སུ་ཕུང་ཤུལ་གྱི་བྲུབ་ཁུང་དུ་དྲག་པོའི་འཁོར་ལོ་རྩིབ་བཞི་པ་ཁ་རྩང་གིས་བསྐོར་བའི་སྟེང་དྲག་གཏོར་ནག་པོ་འཁོར་བཞི་དང་ཐེབ་ཀྱུས་བསྐོར་བ་དར་གདུགས་སྐུ་ཙཀ་ཤ་ཁྲག་གིས་བརྒྱན་པ་བཤམས། དྲག་པོའི་ཉེར་སྤྱོད་ཀྱིས་བསྐོར་ལ། སྐྱབས་སེམས་ནས་མཆོད་པ་བྱིན་རླབས་ཚེ་མགོན་ལྟར་དང༌། ཤཱུ་ནྱ་ཏས་སྟོང་པར་སྦྱངས་ཏེ། སྣོད་བཅུད་དུར་ཁྲོད་དྲག་པོའི་ཞིང༌། ཨེ་ལས་མཐིང་ནག་གྲུ་གསུམ་དབུས༔ ཧཱུྃ་ལས་མ་ཧཱ་ཀཱ་ལ་ནག༔ ཁ་ཊྭཱཾ་རུ་མཚོན་ཞགས་པ་བསྣམས༔ བེར་ནག་དུར་ཁྲོད་ཆས་རྣམས་གསོལ༔ ཡུམ་ནི་ཐལ་མདོག་ནད་རྐྱལ་ཐོགས༔ ཛི་ན་མི་ཏྲ་ཚོན་གྲུ་སྤྲེལ༔ གཤིན་རྗེ་ཁྲམ་ཤིང་དགྲ་སྟྭ་བསྣམས༔ གནོད་སྦྱིན་ལྕགས་ཀྱུ་ཞགས་པ་འཕེན༔ ལས་མགོན་སྤུ་གྲི་ཐོ་བ་བསྣམས༔ སྦས་པའི་མ་མོ་ཤན་པ་རྣམས༔ ནག་པོ་སྤུ་གྲི་ཞགས་པ་ཐོགས༔ རྒྱལ་ཆེན་ཕྱོགས་སྐྱོང་དྲེགས་བྱེད་རྣམས༔ དྲག་པོའི་ལས་ལ་རྔམས་པར་གསལ༔ གནས་གསུམ་ཨོཾ་ཨཱཿཧཱུྃ་གིས་མཚན༔ ཧཱུྃ་ལས་འོད་འཕྲོས་ཡེ་ཤེས་པ༔ རང་བཞིན་གནས་ནས་སྤྱན་དྲངས་བསམ༔ ཧཱུྃ༔ ཆོས་ཀྱི་དབྱིངས་ཀྱི་ཞིང་ཁམས་དང༔ མེ་རི་འབར་བའི་དུར་ཁྲོད་ནས༔ འཇིག་རྟེན་དབང་ཕྱུག་སྤྱན་རས་གཟིགས༔ དྲག་ཏུ་ཁྲོས་པ་ཁྲོ་བོའི་རྒྱལ༔ ཡེ་ཤེས་མགོན་པོ་ཡུམ་དང་བཅས༔ བཀའ་སྡོད་བཞི་དང་དྲེགས་པའི་འཁོར༔ རང་བཞིན་གནས་ནས་འདིར་གཤེགས་ཤིག༔ ཤྲཱི་མ་ཧཱ་ཀཱ་ལ་ཨཱེ་རལླི་ཧྲཱིཾ༔ ཧཱུྃ༔ དུར་ཁྲོད་རོལ་པའི་དཀྱིལ་འཁོར་འདིར༔ དགྱེས་ཤིང་བརྟན་པར་བཞུགས་སུ་གསོལ༔ རང་གི་དབྱིངས་ནས་རིག་པའི་རྩལ༔ ཧེ་རུ་ཀ་ལ་ཕྱག་འཚལ་ལོ༔ སྔོན་གྱི་བྱང་ཆུབ་ཐུགས་བསྐྱེད་ལྟར༔ བསྟན་པ་སྲུང་བའི་ཕྲིན་ལས་མཛོད༔ ཧཱུྃ༔ དབང་པོའི་མེ་ཏོག་ཚིལ་ཆེན་གསུར༔ ཞུན་ཆེན་མར་མེ་ཁྲག་ཆེན་དྲི༔ ཤ་རུས་ཞལ་ཟས་རྐང་གླིང་དང༔ ཐོད་རྔ་དུང་ཆེན་སྒྲོགས་པས་མཆོད༔ ཧཱུྃ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ ཀུན་ཏུ་བཟང་པོའི་མཆོད་སྤྲིན་གྱིས༔ ཡེ་ཤེས་མགོན་པོ་འཁོར་བཅས་མཆོད༔ བཞེས་ནས་མངོན་སྤྱོད་ལས་ཀུན་སྩོལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་བཛྲ་ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱ༔ ཧཱུྃ༔ རྩ་བརྒྱད་སྟོང་སྦྱར་ཨ་མྲྀ་ཏ༔ ཁམས་གསུམ་བསྒྲལ་བའི་རཀྟ་དང༔ འདོད་ཡོན་རྣམ་ལྔ་གཏོར་མ་སོགས༔ སྦྱོར་སྒྲོལ་གསང་བའི་མཆོད་པ་འབུལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་སརྦ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་ཏ་ན་ག་ན་པཱུ་ཛ་ཧོཿ ཨོཾ༔ ཆོས་ཀྱི་དབྱིངས་ལས་འབར་བའི་སྐུ༔ སྐུ་གསུམ་ཡེ་ཤེས་དྲུག་སོགས་ལས༔ སྐུ་ཡི་རྣམ་འགྱུར་ཅིར་ཡང་སྟོན༔ མགོན་པོའི་སྐུ་ལ་ཕྱག་འཚལ་བསྟོད༔ བདེ་ཆེན་དབྱིངས་ལས་གྲགས་པའི་གསུང་༔ ཡན་ལག་དྲུག་ཅུ་འདུས་པའི་དཔྱིད༔ ཀྵིཾ་ཀྵིཾ་སྒྲ་སྒྲོགས་ས་གསུམ་གཡོ༔ མགོན་པོའི་གསུང་ལ་ཕྱག་འཚལ་བསྟོད༔ མི་གཡོ་མཉམ་པའི་ངང་ཉིད་ལས༔ ཐུགས་རྗེ་གཏུམ་པའི་ཡེ་ཤེས་ཐུགས༔ སངས་རྒྱས་ཀུན་དང་དབྱིངས་གཅིག་པ༔ མགོན་པོའི་ཐུགས་ལ་ཕྱག་འཚལ་བསྟོད༔ བདེ་ཆེན་མཁའ་དབྱིངས་རེ་མ་ཏཱི༔ ཛི་ན་མི་ཏྲ་སྐུ་ཡི་འཕྲུལ༔ ཊཱ་ཀི་རཱ་ཛ་གསུང་གི་མདངས༔ ཀྵེ་ཏྲ་པཱ་ལ་ཐུགས་སྤྲུལ་འགྱེད༔ ཏྲཀྴད་གཉིས་མེད་ཡེ་ཤེས་རྩལ༔ བྲན་ཏུ་འདུས་པ་དྲེགས་པའི་ཚོགས༔ ཡེ་ཤེས་རྣམ་པར་རོལ་པ་ཡི༔ མཐུ་སྟོབས་ཅན་ལ་ཕྱག་འཚལ་བསྟོད༔ གསོད་པའི་དུས་སུ་བསྐལ་པའི་མུན་གཏིབས་འདྲ༔ ལས་འགར་སྤྱོད་ཚེ་རླུང་གི་སྤུ་གྲི་འདྲ༔ དམིགས་པའི་གཟུགས་ལ་རེག་ཙམ་ཐུལ་ཐུལ་གཅོད༔ སྲོག་གི་སྤུ་གྲི་ཁྱོད་ལ་ཕྱག་འཚལ་བསྟོད༔ ཐོགས་མེད་ཕྲིན་ལས་རྣམ་བཞིའི་གཟུགས། །སྤྲུལ་པའི་ལས་བྱེད་ཕོ་ཉ་བཞི། །ཕྱོགས་སྐྱོང་རྒྱལ་ཆེན་དཔལ་མགོན་ཚོགས། །འཁོར་དང་བཅས་ལ་ཕྱག་འཚལ་བསྟོད། །བསྙེན་དམིགས་ནི། ཐུགས་ཀའི་ཧཱུྃ་ལས་འོད་འཕྲོས་པས༔ ཕོ་ཉ་སྐུལ་ཞིང་སོ་སོ་ཡིས༔ ལྕགས་ཀྱུས་བཟུང་ཞིང་ཞགས་པས་བཀུག༔ ཁྲོམ་ལ་བཏབ་ཅིང་ལྷ་དང་ཕྲལ༔ མཚོན་ཆའི་ཆར་འབེབས་དམྱལ་ཐག་གཅད༔ ནད་ཀྱི་རྐྱལ་པས་མྱོས་སུ་བཅུག༔ ཐུགས་ལས་ཛཿལས་འཁོར་ལོ་སྤྲོས༔ ཁོག་པར་འཁོར་བས་བླ་ཚེ་གཏུབས༔ སྤུ་གྲིས་ཚར་གཅད་ཐོ་བས་བརྡུངས༔ ཤ་ཁྲག་ཧབ་ཧབ་གསོལ་བར་བསམ༔ ཨོཾ་མ་ཧཱ་ཀཱ་ལ་གིཾ་ཀ་ར་ཀྵེ་ཏྲ་པཱ་ལ་དགྲ་བགེགས་ཨཾ་ཀུ་ཤ་ཛ༔ དགྲ་བགེགས་བཀུག ཡ་མ་རཱ་ཛ་མགོན་སྐྱབས་བྱེད་པའི་ལྷ་རྣམས་པྲ་བེ་ཤ་ཡ་ཕཊ༔ ལྷ་དང་ཕྱེ། ཛི་ན་མི་ཏྲ་ཆེ་གེ་མོ་ཨེ་ཧུར་ཐུམ་ཛ༔ ཏྲག་རཀྴ་ཐུན་བྷྱོ༔ མཚོན་ཆས་བརྡུངས་ཏེ་དམྱལ་ཐག་བཅད། ཨོཾ་མ་ཧཱ་ཀཱ་ལ་གིཾ་ཀ་ར་ཆེ་གེ་མོ་ཀཱ་བཱ་ཙི་མཱ་ར་ཡ་རྦད་རྦད༔ དངོས་སུ་བསྒྲལ། མ་ཧཱ་ཀཱ་ལ་ཏྲཀྴད་ཛཿནྲྀ་ཏྲི་ཤ་ཏྲཱུཾ་ཁ་ཐཾ་ཁ་ཐཾ༔ མཾ་ས་རཀྟ་ཀིཾ་ནི་རི་ཏི་ཁ་རཾ་ཁཱ་ཧི༔ ཐོ་གཏུན་གྱིས་བརྡུངས་ལ་ཞལ་དུ་བསྟབ་པར་དམིགས་པ་དང་སྦྲག་སྔགས་རྣམས་རྟགས་དང་སྦྱར་ཏེ་རིམ་པ་བཞིན་བཟླ་ཞིང༌། ཐུན་མཐར་གསོལ་བསྐང་བསྐུལ་བ་རྣམས་དྲག་ཏུ་བྱས་ལ། ལས་གྲུབ་པ་དང་ལིངྒ་མེར་བསྲེགས། ཐལ་བ་འབུལ་གཏོར་དང་ལྷན་ཅིག་དགྲ་ཕྱོགས་སུ་འཕང་ངོ༌། ༈ དྲུག་པ་ལས་ལ་མྱུར་བ་མགོན་པོ་རྟ་ཞོན་གྱི་རླུང་སྒྲུབ་ནི། གྲི་ལྕགས་ལས་བྱས་པའི་མདུང་དར་ནག་གི་རུ་མཚོན་ཅན་རྟེན་དུ་བཟུང་བའི་མདུན་དུ་དྲག་གཏོར་གཙོ་འཁོར་བཞི་པ་དར་གདུགས་སྐུ་ཙཀ་ཤ་ཁྲག་གིས་བརྒྱན་པ་སྨན་རཀ་དང་དྲག་པོའི་ཉེར་སྤྱོད་ཀྱིས་བསྐོར། སྐྱབས་སེམས་ནས་མཆོད་བརླབ་བར་སྔར་ལྟར་བཏང་རྗེས། ཤཱུ་ནྱ་ཏས་སྟོང་པར་སྦྱངས། སྣོད་བཅུད་དུར་ཁྲོད་རོལ་པའི་ཞིང༔ རླུང་ནག་འཚུབས་མའི་ཀློང་དཀྱིལ་དུ༔ ཧཱུྃ་ལས་སྐྱེས་པའི་ལས་མགོན་ནི༔ མཐིང་ནག་བེར་ཆེན་སྐུ་ལ་གསོལ༔ རུ་མཚོན་ཕྱར་ཞིང་ཐོད་རྔ་འཁྲོལ༔ རྟ་ནག་རླུང་གཤོག་ལྡན་པ་ཆིབས༔ ཀྵེ་ཏྲ་པཱ་ལ་སྤུ་གྲི་འཛིན༔ མི་ལྤགས་གསོལ་ཞིང་དོམ་ནག་ཆིབས༔ ཊཱ་ཀི་རཱ་ཛ་དགྲ་སྟྭ་འཛིན༔ བེར་ནག་གསོལ་ཞིང་ཆུ་གླང་ཆིབས༔ ཛི་ན་མི་ཏྲ་བསྭེ་མདའ་འཕེན༔ གླང་ཆེན་ནག་པོ་སྨྱོན་པ་ཆིབས༔ ཏྲཀྴད་ནག་པོ་བདུད་མདའ་བཀང༔ རྫུ་འཕྲུལ་རྟ་ནག་རྐང་གསུམ་ཆིབས༔ ཀུན་ཀྱང་བེར་གསོལ་དུར་ཁྲོད་ཆས༔ དྲེགས་པ་འབུམ་གྱི་འཁོར་གྱིས་བསྐོར༔ དཔལ་ལྡན་ལྷ་མོ་རེ་མ་ཏི༔ མཐིང་ནག་ཁྲམ་ཤིང་ཐོད་ཁྲག་འཛིན༔ ཞིང་ལྤགས་རེ་ལྡེའི་ན་བཟའ་གསོལ༔ དྲིལ་རྟ་རྐང་གསུམ་ཆིབས་ནས་སུ༔ མ་མོ་འབུམ་གྱིས་འཁོར་གྱིས་བསྐོར༔ རྒྱལ་ཆེན་བཞི་ཡིས་རུ་མཚོན་ཕྱར༔ ཕྱོགས་སྐྱོང་བཅུ་ནི་རླུང་ལྟར་འཚུབས༔ གནས་གསུམ་ཨོཾ་ཨཱཿཧཱུྃ་གིས་མཚན༔ ཧཱུྃ་ལས་འོད་འཕྲོས་ཡེ་ཤེས་པ༔ རང་བཞིན་གནས་ནས་སྤྱན་དྲངས་བསམ༔ ཧཱུྃ༔ ཆོས་ཀྱི་དབྱིངས་ཀྱི་ཞིང་ཁམས་དང༔ མེ་རི་འབར་བའི་དུར་ཁྲོད་ནས༔ འཇིག་རྟེན་དབང་ཕྱུག་སྤྱན་རས་གཟིགས༔ དྲག་ཏུ་ཁྲོས་པ་ཁྲོ་བོའི་རྒྱལ༔ ཡེ་ཤེས་མགོན་པོ་ཡུམ་དང་བཅས༔ བཀའ་སྡོད་བཞི་དང་དྲེགས་པའི་འཁོར༔ རང་བཞིན་གནས་ནས་འདིར་གཤེགས་ཤིག༔ ཤྲཱི་མ་ཧཱ་ཀཱ་ལ་ཨཱེ་རལླི་ཧྲཱིཾ༔ ཧཱུྃ༔ དུར་ཁྲོད་རོལ་པའི་དཀྱིལ་འཁོར་འདིར༔ དགྱེས་ཤིང་བརྟན་པར་བཞུགས་སུ་གསོལ༔ རང་གི་དབྱིངས་ནས་རིག་པའི་རྩལ༔ ཧེ་རུ་ཀ་ལ་ཕྱག་འཚལ་ལོ༔ སྔོན་གྱི་བྱང་ཆུབ་ཐུགས་བསྐྱེད་ལྟར༔ བསྟན་པ་སྲུང་བའི་ཕྲིན་ལས་མཛོད༔ ཧཱུྃ༔ དབང་པོའི་མེ་ཏོག་ཚིལ་ཆེན་གསུར༔ ཞུན་ཆེན་མར་མེ་ཁྲག་ཆེན་དྲི༔ ཤ་རུས་ཞལ་ཟས་རྐང་གླིང་དང༔ ཐོད་རྔ་དུང་ཆེན་སྒྲོགས་པས་མཆོད༔ ཧཱུྃ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ ཀུན་ཏུ་བཟང་པོའི་མཆོད་སྤྲིན་གྱིས༔ ཡེ་ཤེས་མགོན་པོ་འཁོར་བཅས་མཆོད༔ བཞེས་ནས་མངོན་སྤྱོད་ལས་ཀུན་སྩོལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་བཛྲ་ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱ༔ ཧཱུྃ༔ རྩ་བརྒྱད་སྟོང་སྦྱར་ཨ་མྲྀ་ཏ༔ ཁམས་གསུམ་བསྒྲལ་བའི་རཀྟ་དང༔ འདོད་ཡོན་རྣམ་ལྔ་གཏོར་མ་སོགས༔ སྦྱོར་སྒྲོལ་གསང་བའི་མཆོད་པ་འབུལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་སརྦ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་ཏ་ན་ག་ན་པཱུ་ཛ་ཧོཿ ཨོཾ༔ ཆོས་ཀྱི་དབྱིངས་ལས་འབར་བའི་སྐུ༔ སྐུ་གསུམ་ཡེ་ཤེས་དྲུག་སོགས་ལས༔ སྐུ་ཡི་རྣམ་འགྱུར་ཅིར་ཡང་སྟོན༔ མགོན་པོའི་སྐུ་ལ་ཕྱག་འཚལ་བསྟོད༔ བདེ་ཆེན་དབྱིངས་ལས་གྲགས་པའི་གསུང་༔ ཡན་ལག་དྲུག་ཅུ་འདུས་པའི་དཔྱིད༔ ཀྵིཾ་ཀྵིཾ་སྒྲ་སྒྲོགས་ས་གསུམ་གཡོ༔ མགོན་པོའི་གསུང་ལ་ཕྱག་འཚལ་བསྟོད༔ མི་གཡོ་མཉམ་པའི་ངང་ཉིད་ལས༔ ཐུགས་རྗེ་གཏུམ་པའི་ཡེ་ཤེས་ཐུགས༔ སངས་རྒྱས་ཀུན་དང་དབྱིངས་གཅིག་པ༔ མགོན་པོའི་ཐུགས་ལ་ཕྱག་འཚལ་བསྟོད༔ བདེ་ཆེན་མཁའ་དབྱིངས་རེ་མ་ཏཱི༔ ཛི་ན་མི་ཏྲ་སྐུ་ཡི་འཕྲུལ༔ ཊཱ་ཀི་རཱ་ཛ་གསུང་གི་མདངས༔ ཀྵེ་ཏྲ་པཱ་ལ་ཐུགས་སྤྲུལ་འགྱེད༔ ཏྲཀྴད་གཉིས་མེད་ཡེ་ཤེས་རྩལ༔ བྲན་ཏུ་འདུས་པ་དྲེགས་པའི་ཚོགས༔ ཡེ་ཤེས་རྣམ་པར་རོལ་པ་ཡི༔ མཐུ་སྟོབས་ཅན་ལ་ཕྱག་འཚལ་བསྟོད༔ ཐོགས་མེད་ཕྲིན་ལས་རྣམ་བཞིའི་གཟུགས། །སྤྲུལ་པའི་ལས་བྱེད་ཕོ་ཉ་བཞི། །ཕྱོགས་སྐྱོང་རྒྱལ་ཆེན་དཔལ་མགོན་ཚོགས། །འཁོར་དང་བཅས་ལ་ཕྱག་འཚལ་བསྟོད། །བསྙེན་དམིགས་ནི། གཙོ་འཁོར་ཀུན་གྱི་ཐུགས་ཀ་རུ༔ ཧཱུྃ་དང་བྷྱོ་ཡིས་མཚན་པ་ལ༔ རང་ཉིད་ལྷར་གསལ་ཐུགས་ཀ་ནས༔ འོད་འཕྲོས་ཡི་གེ་རྣམས་ལ་ཕོག༔ སྔོན་གྱི་ཐུགས་དམ་དྲན་ནས་སུ༔ སྡང་བའི་དགྲ་ལ་དམག་སྣ་དྲངས༔ བསད་ཅིང་ཐལ་བར་བརླག་པར་བསམ༔ ཨོཾ་མ་ཧཱ་ཀཱ་ལ་གིཾ་ཀ་ར་ཀྵེ་ཏྲ་པཱ་ལ་དགྲ་བགེགས་ཨཾ་ཀུ་ཤ་ཛ༔ དགྲ་བགེགས་བཀུག ཡ་མ་རཱ་ཛ་མགོན་སྐྱབས་བྱེད་པའི་ལྷ་རྣམས་པྲ་བེ་ཤ་ཡ་ཕཊ༔ ལྷ་དང་ཕྱེ། ཛི་ན་མི་ཏྲ་ཆེ་གེ་མོ་ཨེ་ཧུར་ཐུམ་ཛ༔ ཏྲག་རཀྴ་ཐུན་བྷྱོ༔ མཚོན་ཆས་བརྡུང་སྟེ་དམྱལ་ཐག་བཅད། ཨོཾ་མ་ཧཱ་ཀཱ་ལ་གིཾ་ཀ་ར་ཆེ་གེ་མོ་ཀཱ་བཱ་ཙི་མཱ་ར་ཡ་རྦད་རྦད༔ དངོས་སུ་བསྒྲལ། མ་ཧཱ་ཀཱ་ལ་ཏྲཀྴད་ཛཿནྲྀ་ཏྲི་ཤ་ཏྲཱུཾ་ཁ་ཐཾ་ཁ་ཐཾ༔ མཾ་ས་རཀྟ་ཀིཾ་ནི་རི་ཏི་ཁ་རཾ་ཁཱ་ཧི༔ ཞེས་སྔགས་རྣམས་བཟླས་མཐར། གཏོར་འབུལ་དང་བསྐང་བཤགས་བྱས་ལ། གལ་ཆེ་ན་བཟློག་པ་ཡང་སྦྱར། མཐར་དྲག་བསྐུལ་ནི། དར་ནག་གཡབ་ཅིང་རྐང་གླིང་དང་བཤུག་གླུ་རོལ་མོ་དབྱངས་དང་བཅས་ཏེ། ཧཱུྃ་བྷྱོ༔ གཏུམ་དྲག་འབར་བའི་དུར་ཁྲོད་ནས༔ ཡེ་ཤེས་མགོན་པོ་མཐུ་རྩལ་ཅན༔ ཆོས་སྐྱོང་སྲུང་མ་རྣམས་ཀྱི་གཙོ༔ དཀར་པོ་ལྷ་དམག་དབུགས་འབྱིན་ཅིང༔ ནག་པོ་བདུད་དང་ལྷ་མིན་འཇོམས༔ དམར་གྱི་གཏོར་མ་འདི་བཞེས་ལ༔ དྲག་པོའི་ལས་ལ་མྱུར་དུ་སྐུལ༔ མ་གཡེལ་དམ་ཉམས་དགྲ་ལ་ཡ༔ བྷྱོ༔ དབྱིངས་ཀྱི་དུར་ཁྲོད་ཆེན་མོ་ནས༔ མཁའ་འགྲོ་ཆེན་མོ་ཀུན་གྱི་གཙོ༔ དཔལ་ལྡན་ལྷ་མོ་རེ་མ་ཏི༔ ནད་དང་རིམས་ཀྱི་བདག་མོ་ཆེ༔ མ་མོ་འབུམ་གྱི་འཁོར་དང་བཅས༔ དམར་གྱི་གཏོར་མ་འདི་བཞེས་ལ༔ དྲག་པོའི་ལས་ལ་མྱུར་དུ་སྐུལ༔ མ་གཡེལ་དམ་ཉམས་དགྲ་ལ་ཡ༔ ཧཱུྃ་བྷྱོ༔ དགྲ་བོ་སྐོས་ལ་འདེབས་བྱེད་པའི༔ གནོད་སྦྱིན་ཀྵེ་ཏྲ་པཱ་ལ་ནི༔ ཞིང་སྐྱོང་ཀུན་གྱི་གཙོ་བོ་སྟེ༔ དགྲ་ལ་རྦད་ན་གློག་ལྟར་མྱུར༔ ཤ་ལ་དགའ་ཞིང་ཁྲག་ལ་རྔམས༔ རུས་ལ་མུར་ཞིང་བདུན་བརྒྱུད་བརླག༔ གནོད་སྦྱིན་དམག་གི་དཔུང་ཚོགས་རྣམས༔ དམར་གྱི་གཏོར་མ་འདི་བཞེས་ལ༔ དྲག་པོའི་ཕྲིན་ལས་མྱུར་དུ་སྐུལ༔ མ་གཡེལ་དམ་ཉམས་དགྲ་ལ་ཡ༔ ཧཱུྃ་བྷྱོཿ དགྲ་བོ་ལྷ་དང་ཕྲལ་བྱེད་པའི༔ གཤིན་རྗེ་ཊཱ་ཀི་རཱ་ཛ་ནི༔ གཤེད་ཆེན་རྣམས་ཀྱི་རྒྱལ་པོ་སྟེ༔ སྲོག་ལ་རྦད་ན་དུས་མི་གཡེལ༔ ལས་ཀྱི་གཤིན་རྗེའི་དམག་ཚོགས་རྣམས༔ དམར་གྱི་གཏོར་མ་འདི་བཞེས་ལ༔ དྲག་པོའི་ལས་ལ་མྱུར་དུ་སྐུལ༔ མ་གཡེལ་དམ་ཉམས་དགྲ་ལ་ཡ༔ ཧཱུྃ་བྷྱོཿ དགྲ་བོ་དམྱལ་ཐག་གཅོད་མཛད་པའི༔ དབང་ཕྱུག་ཛི་ན་མི་ཏྲ་ནི༔ ལྷ་དམག་འབུམ་གྱི་དམག་དཔོན་ཏེ༔ དྲག་པོའི་ལས་མཛད་རྫུ་འཕྲུལ་ཅན༔ དྲེགས་པ་ལྷ་ཡི་དམག་ཚོགས་རྣམས༔ དམར་གྱི་གཏོར་མ་འདི་བཞེས་ལ༔ དྲག་པོའི་ལས་ལ་མྱུར་དུ་སྐུལ༔ མ་གཡེལ་དམ་ཉམས་དགྲ་ལ་ཡ༔ ཧཱུྃ་བྷྱོཿ ཀཱི་ལ་སྒྲོགས་པའི་དུར་ཁྲོད་ནས༔ ལས་ཀྱི་མགོན་པོ་དབྱིངས་ནས་བཞེངས༔ དུར་ཁྲོད་མ་མོ་རྣམས་ཀྱི་གཙོ༔ སྦྱོར་སྒྲོལ་མཛད་པའི་ཚོགས་དཔོན་ཏེ༔ ཏྲཀྴད་ནག་པོ་ཞེས་བྱ་བ༔ སྲིད་པ་གསུམ་གྱི་སྲོག་གི་བདག༔ དྲེགས་པའི་མགོན་པོའི་དམག་ཚོགས་རྣམས༔ དམར་གྱི་གཏོར་མ་འདི་བཞེས་ལ༔ དྲག་པོའི་ལས་ལ་མྱུར་དུ་སྐུལ༔ མ་གཡེལ་དམ་ཉམས་དགྲ་ལ་ཡ༔ བྷྱོ༔ སྦས་པའི་མ་མོ་རྣམ་པ་བཞི༔ ལས་བྱེད་གབ་པའི་ཤན་པ་དང༔ རྒྱལ་ཆེན་ཕྱོགས་སྐྱོང་དྲེགས་པའི་ཚོགས༔ དམར་གྱི་གཏོར་མ་འདི་བཞེས་ལ༔ དྲག་པོའི་ལས་ལ་མྱུར་དུ་སྐུལ༔ མ་གཡེལ་དམ་ཉམས་དགྲ་ལ་ཡ༔ བྷྱོཿ སངས་རྒྱས་བསྟན་པ་བཤིག་པ་དང༔ བླ་མའི་སྐུ་ལ་བདོ་བ་དང༔ རིགས་དང་རྒྱུད་ལ་སྙོགས་པ་དང༔ ཆོས་འཁོར་སྲིད་ལ་རྔམས་པ་དང༔ དགེ་འདུན་སྡེ་རྣམས་བཤིག་པ་དང༔ སངས་རྒྱས་བསྟན་ལ་འཚེ་བ་དང༔ སེམས་ཅན་ཉེས་མེད་མནར་བ་དང༔ ཉམས་པ་བདུན་ལྡན་ཞིང་བཅུ་ཚང༔ སྔ་དགྲ་ལག་བདར་ཕྱི་དགྲ་སེམས༔ ད་དགྲ་ཐད་དུ་ལངས་པ་ཡི༔ དམ་ཉམས་དགྲ་ཡི་ཡུལ་དུ་རྒྱུག༔ ཁ་རུ་ལག་ཆུག་ཁོག་པའི་སྙིང༔ དཔྲལ་བའི་མིག་རྣམས་ཐང་ལ་བྱོས༔ སྙིང་ཁྲག་ཕོས་ལ་སྲོག་རྩ་ཆོད༔ བདུན་བརྒྱུད་རྩད་ནས་བརླག་པར་གྱིས༔ ཨོཾ་མ་ཧཱ་ཀཱ་ལ་གིཾ་ཀ་ར་ཀྵེ་ཏྲ་པཱ་ལ་དགྲ་བགེགས་ཨཾ་ཀུ་ཤ་ཛ༔ དགྲ་བགེགས་བཀུག ཡ་མ་རཱ་ཛ་མགོན་སྐྱབས་བྱེད་པའི་ལྷ་རྣམས་པྲ་བེ་ཤ་ཡ་ཕཊ༔ ལྷ་དང་ཕྱེ། ཛི་ན་མི་ཏྲ་ཆེ་གེ་མོ་ཨེ་ཧུར་ཐུམ་ཛ༔ ཏྲག་རཀྴ་ཐུན་བྷྱོ༔ མཚོན་ཆས་བརྡུངས་ཏེ་དམྱལ་ཐག་བཅད། ཨོཾ་མ་ཧཱ་ཀཱ་ལ་གིཾ་ཀ་ར་ཆེ་གེ་མོ་ཀཱ་བཱ་ཙི་མཱ་ར་ཡ་རྦད་རྦད༔ དངོས་སུ་བསྒྲལ། མ་ཧཱ་ཀཱ་ལ་ཏྲཀྴད་ཛཿནྲྀ་ཏྲི་ཤ་ཏྲཱུཾ་ཁ་ཐཾ་ཁ་ཐཾ༔ མཾ་ས་རཀྟ་ཀིཾ་ནི་རི་ཏི་ཁ་རཾ་ཁཱ་ཧི༔ ཞེས་དྲག་ཏུ་བསྐུལ་རྫོགས་པ་དང་གཏོར་མ་དགྲ་ཕྱོགས་སུ་འཕང༌། སྲུང་འཁོར་བསྒོམ་ཞིང་ཚེ་འགུགས་ཤིས་བརྗོད་བཅས་བྱ་བ་ནི་ཤིན་ཏུ་གཉན་པས་རྟག་པར་བྱ་མི་རུང་གསུངས་སོ། ༈ གཉིས་པ་འཁོར་ལས་མཁན་རྣམས་ཀྱི་སྒོས་སྒྲུབ་ལ་ལྔ་ལས། དང་པོ་ཡུམ་རེ་མ་ཏིའི་སྒོས་སྒྲུབ་ནི། རྟེན་མཆོད་སོགས་མགོན་མཐིང་སྐབས་ལྟར་ལས་ཡུམ་རེ་མ་ཏིའི་གཏོར་མ་ཁྱད་པར་དུ་བཤམས་དགོས་པ་ནི་འཁོར་འོག་མ་རྣམས་ལ་འགྲེ། སྐྱབས་སེམས་ནས་བརྩམས་བདག་བསྐྱེད། ཤཱུ་ནྱ་ཏས་སྦྱངས། ཆོས་རྣམས་དམིགས་མེད་མཐའ་བྲལ་བསྒོམ༔ ཀུན་ཁྱབ་བརྩེ་བའི་སྙིང་རྗེའི་ཧཱུྃ༔ འཕྲོ་འདུས་སྲུང་འཁོར་དུར་ཁྲོད་གནས༔ རབ་འཇིགས་ཕོ་བྲང་ཨེ་ཡི་ཀློང༔ འཁོར་ལོ་བྲག་ཆེན་པད་ཉིའི་སྟེང༔ ཡེ་ཤེས་མགོན་པོ་མཐིང་ནག་འབར༔ དབུ་གསུམ་གཡས་དཀར་གཡོན་དམར་ཞལ༔ སྤྱན་དགུ་རབ་བགྲད་ཁྲོ་གཉེར་བསྡུས༔ ཞལ་གདངས་ལྗགས་འདྲིལ་ཀྵིཾ་སྒྲ་སྒྲོགས༔ མཆེ་གཙིགས་སྨར་སྨིན་དབུ་སྐྲ་འབར༔ ཕྱག་དྲུག་དང་པོས་གྲི་ཐོད་དང༔ བར་བས་མདུང་དང་རྩེ་གསུམ་ཕྱར༔ ཐ་མས་རྔེའུ་ཆུང་ཞགས་པ་འཛིན༔ ཞབས་བཞི་འདོར་ཐབས་བགེགས་རྒྱལ་མནན༔ གཤོགས་པ་རབ་གདེངས་དུར་ཁྲོད་ཆས༔ ཁྱུང་དང་སྟག་གཟིག་དོམ་ནག་འཕྲོ༔ རེ་ཏི་མཐིང་ནག་གྲི་ཐོད་ཅན༔ མཉམ་སྦྱོར་མེ་ཡི་ཀློང་ན་བཞུགས༔ ཐོད་མཁར་མེ་རླུང་འཚུབས་པའི་དཀྱིལ༔ བྷྱོ་ལས་ལྷ་མོ་རེ་མ་ཏི༔ ཞལ་གཅིག་ཕྱག་གཉིས་དྲེའུ་ཆིབ༔ རལ་གྲི་དང་ནི་ཐོད་ཁྲག་འཛིན༔ རེ་ལྡེ་དུར་ཁྲོད་ཆས་ཀྱི་བརྒྱན༔ འབུམ་ཕྲག་ཡངས་པའི་མ་མོས་བསྐོར༔ གནས་གསུམ་ཨོཾ་ཨཱཿཧཱུྃ་གིས་མཚན༔ ཧཱུྃ་ལས་འོད་འཕྲོས་ཡེ་ཤེས་པ༔ རང་བཞིན་གནས་ནས་སྤྱན་དྲངས་བསམ༔ ཧཱུྃ༔ ཆོས་ཀྱི་དབྱིངས་ཀྱི་ཞིང་ཁམས་དང༔ མེ་རི་འབར་བའི་དུར་ཁྲོད་ནས༔ འཇིག་རྟེན་དབང་ཕྱུག་སྤྱན་རས་གཟིགས༔ དྲག་ཏུ་ཁྲོས་པ་ཁྲོ་བོའི་རྒྱལ༔ ཡེ་ཤེས་མགོན་པོ་ཡུམ་དང་བཅས༔ བཀའ་སྡོད་བཞི་དང་དྲེགས་པའི་འཁོར༔ རང་བཞིན་གནས་ནས་འདིར་གཤེགས་ཤིག༔ ཤྲཱི་མ་ཧཱ་ཀཱ་ལ་ཨཱེ་རལླི་ཧྲཱིཾ༔ ཧཱུྃ༔ དུར་ཁྲོད་རོལ་པའི་དཀྱིལ་འཁོར་འདིར༔ དགྱེས་ཤིང་བརྟན་པར་བཞུགས་སུ་གསོལ༔ རང་གི་དབྱིངས་ནས་རིག་པའི་རྩལ༔ ཧེ་རུ་ཀ་ལ་ཕྱག་འཚལ་ལོ༔ སྔོན་གྱི་བྱང་ཆུབ་ཐུགས་བསྐྱེད་ལྟར༔ བསྟན་པ་སྲུང་བའི་ཕྲིན་ལས་མཛོད༔ ཧཱུྃ༔ དབང་པོའི་མེ་ཏོག་ཚིལ་ཆེན་གསུར༔ ཞུན་ཆེན་མར་མེ་ཁྲག་ཆེན་དྲི༔ ཤ་རུས་ཞལ་ཟས་རྐང་གླིང་དང༔ ཐོད་རྔ་དུང་ཆེན་སྒྲོགས་པས་མཆོད༔ ཧཱུྃ༔ དངོས་འབྱོར་ཡིད་ཀྱིས་རྣམ་འཕྲུལ་པའི༔ ཀུན་ཏུ་བཟང་པོའི་མཆོད་སྤྲིན་གྱིས༔ ཡེ་ཤེས་མགོན་པོ་འཁོར་བཅས་མཆོད༔ བཞེས་ནས་རབ་འབྱམས་ལས་ཀུན་སྩོལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་བཛྲ་ཨརྒྷཾ་ནས་ཤབྡ་པྲ་ཏཱིཙྪ་སྭཱ་ཧཱ༔ ཧཱུྃ༔ རྩ་བརྒྱད་སྟོང་སྦྱར་ཨ་མྲྀ་ཏ༔ ཁམས་གསུམ་བསྒྲལ་བའི་རཀྟ་དང༔ འདོད་ཡོན་རྣམ་ལྔ་གཏོར་མ་སོགས༔ སྦྱོར་སྒྲོལ་གསང་བའི་མཆོད་པ་འབུལ༔ ཨོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་སརྦ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་ཏ་ན་ག་ན་པཱུ་ཛ་ཧོཿ ཨོཾ༔ ཆོས་ཀྱི་དབྱིངས་ལས་འབར་བའི་སྐུ༔ སྐུ་གསུམ་ཡེ་ཤེས་དྲུག་སོགས་ལས༔ སྐུ་ཡི་རྣམ་འགྱུར་ཅིར་ཡང་སྟོན༔ མགོན་པོའི་སྐུ་ལ་ཕྱག་འཚལ་བསྟོད༔ བདེ་ཆེན་དབྱིངས་ལས་གྲགས་པའི་གསུང་༔ ཡན་ལག་དྲུག་ཅུ་འདུས་པའི་དཔྱིད༔ ཀྵིཾ་ཀྵིཾ་སྒྲ་སྒྲོགས་ས་གསུམ་གཡོ༔ མགོན་པོའི་གསུང་ལ་ཕྱག་འཚལ་བསྟོད༔ མི་གཡོ་མཉམ་པའི་ངང་ཉིད་ལས༔ ཐུགས་རྗེ་གཏུམ་པའི་ཡེ་ཤེས་ཐུགས༔ སངས་རྒྱས་ཀུན་དང་དབྱིངས་གཅིག་པ༔ མགོན་པོའི་ཐུགས་ལ་ཕྱག་འཚལ་བསྟོད༔ བྱང་ཤར་ཐོད་པ་འཕྲུལ་གྱི་གཞལ་ཡས་ནས༔ ཡུམ་མཆོག་དཔལ་ལྡན་ལྷ་མོ་རེ་མ་ཏི༔ ངོ་བོ་གཅིག་ལ་སྤྲུལ་པའི་རྣམ་འགྱུར་སྟོང༔ མ་གཅིག་རེ་མ་ཏི་ལ་ཕྱག་འཚལ་བསྟོད༔ གོང་ནོན་མགོན་པོའི་སྔགས་ཅུང་ཟད་བཟླས་ལ། བསྙེན་དམིགས་ནི། ཐུགས་ཀར་ཟླ་སྟེང་བདུད་རྩི་ཡི༔ བུམ་པའི་ཨཾ་གིས་མཚན་པ་ལས༔ ཨོཾ་ཤྲཱི་དེ་བཱི་རེ་མ་ཏི་ཏྲག་རཀྴ་ཧཱུྃ་ཕཊ༔ ཅུང་ཟད་བཟླ། དེ་ལས་འོད་འཕྲོས་བདུད་རྩིའི་རྒྱུན༔ འོད་ཟེར་དཀར་པོ་འཕྲོས་པ་ཡིས༔ ནད་ཡམས་རིམས་ནད་ཞི་བར་བསམ༔ སྔགས་སྔ་མ་ཅི་ནུས་བཟླས་མཐར། མགོན་པོའི་གསོལ་བསྐང་དང༌། ལྷ་མོའི་སྒེར་གསོལ་དང༌། འཁྲུགས་སྐོང་སོགས་བྱའོ། ༈ གཉིས་པ་དབང་ཕྱུག་ཛི་ན་མི་ཏྲའི་སྒོས་སྒྲུབ་ལ་ལས་འགྲིགས་ལྷ་མོ་ལྟར་ལ། མདུན་བསྐྱེད་ལྷ་མོའི་ཚབ་ཏུ། མདུན་དུ་མེ་རླུང་འཚུབས་པའི་དབུས༔ ལྷ་དམག་དགུ་ཁྲི་དགུ་འབུམ་འགྱེད༔ ཛཿལས་ཛི་ན་མི་ཏྲ་མཐིང༔ རལ་གྲི་དང་ནི་ཐོད་ཁྲག་འཛིན༔ བེར་ནག་གསོལ་ཞིང་དུར་ཁྲོད་ཆས༔ ཞབས་གཉིས་འདོར་ཐབས་དགྲ་བགེགས་མནན༔ བསྟོད་པའི་ཁྱད་པར། དུར་ཁྲོད་ལྷ་ཆེན་རོལ་པའི་ནགས་ཚལ་ནས༔ སྲིད་པ་གསུམ་ལ་དབང་བྱེད་སྲོག་གི་བདག༔ དབང་ཕྱུག་ཛི་ན་མི་ཏྲ་མཐུ་རྩལ་ཅན༔ ལྷ་དམག་དགུ་ཁྲི་དགུ་འབུམ་ལས་ལ་འགྱེད༔ བཀའ་སྡོད་ལྷ་ཡི་མགོན་པོ་ཁྱེད་ལ་བསྟོད༔ མགོན་པོའི་བཟླས་པ་ཅུང་ཟད་མཐར། བསྙེན་དམིགས་ནི། ཐུགས་ཀར་ཛཿམཐར་སྔགས་ཀྱིས་བསྐོར༔ དེ་ལས་འོད་ཟེར་འཕྲོས་པ་ཡིས༔ དམིགས་བྱ་དབང་དུ་བསྡུས་པར་བསམ༔ ཨོཾ་ཛི་ན་མི་ཏྲ་ཧཱུྃ་ཧྲཱིཾ་ཧྲཱིཾ་ཛཿཛཿ ཅི་ནུས་གཙོ་བོར་བཟླ། སླར་ཡང་འོད་ཟེར་དཀར་པོ་ཡི༔ ཚོགས་འཕྲོས་ཤེས་རབ་བསྐྱེད་པར་བསམ༔ ཨོཾ་ཛི་ན་མི་ཏྲ་ཧཱུྃ་པྲཛྙཱ་སིདྡྷི་ཧཱུྃ་ཧཱུྃ༔ ཅུང་ཟད་བཟླ། ལས་སྦྱོར་འདི་གཙོ་བོར་དགོས་ན་བཟླས་པ་རྟགས་དང་བསྟུན་མཐར། གསོལ་བསྐང་སོགས་སྔ་མ་རྣམས་བཞིན་བྱའོ། ༈ གསུམ་པ་གཤིན་རྗེ་ཊཱ་ཀི་རཱ་ཛ་ནི། རླུང་ནག་འཚུབས་ཀློང་ཡཿཡིག་ལས༔ གཤིན་རྗེའི་དམག་ཚོགས་འབུམ་གྱིས་བསྐོར༔ ཊཱ་ཀི་རཱ་ཛ་མཐིང་ནག་འབར༔ ཟ་འོག་ནག་པོའི་བེར་ཆེན་གསོལ༔ དགྲ་སྟྭ་གཡས་ལ་ཁྲམ་ཤིང་གཡོན༔ བསྟོད་པ། སྐྱེ་འགྲོ་ཁྲམ་ལ་འདེབས་པའི་དུར་ཁྲོད་ནས༔ གཤིན་རྗེ་ཊཱ་ཀི་རཱ་ཛ་སྲིད་པའི་བདག༔ གཤིན་རྗེའི་དམག་ཚོགས་འབུམ་ཕྲག་ལས་ལ་འགྱེད༔ གཤིན་རྗེའི་མགོན་པོ་ཁྱོད་ལ་ཕྱག་འཚལ་བསྟོད༔ བསྙེན་དམིགས་ནི། ཐུགས་ཀར་ཡཿལས་སྔགས་ཕྲེང་བསྐོར༔ འོད་འཕྲོས་གདུག་པའི་དགྲ་དང་བགེགས༔ མ་ལུས་ཚར་བཅད་བརླག་པར་བསམ༔ ཨོཾ་ཊཱ་ཀི་རཱ་ཛ་དགྲ་བགེགས་མཱ་ར་ཡ་ཧཱུྃ་ཕཊ༔ ཞེས་བཟླ། གསོལ་བསྐང་སོགས་སྔ་མ་རྣམས་བཞིན་བྱའོ། ༈ བཞི་པ་ཞིང་སྐྱོང་ཀྵེ་ཏྲ་པཱ་ལའི་སྒོས་སྒྲུབ་ནི། སྤྲོ་ན་བླ་རྡོ་རྟེན་བཅས་འདུ་བྱ། དཀྱུས་ཙམ་དུ་གཏོར་མ་དང་མཆོད་པ་ཙམ་ལ་བསྟེན་ཀྱང་རུང་ཞིང༌། བྷྲཱུྃ་ལས་བྷཉྫ་ཐོད་པའི་མཁར༔ རླུང་ནག་འཚུབས་པའི་ཀློང་དཀྱིལ་དུ༔ ཀྵ་ལས་ཀྵེ་ཏྲ་པཱ་ལ་ནག༔ ལྕགས་ཀྱུ་གཡས་ལ་ཞགས་པ་གཡོན༔ མི་ལྤགས་གཡང་གཞི་སྐུ་ལ་གསོལ༔ དོམ་ནག་སྨྱོན་པ་ཆིབས་སུ་ཆིབ༔ གསང་བའི་ཡུམ་མཆོག་རེ་ཏི་མ༔ སྤུ་གྲི་གདེང་ཤིང་མི་སྙིང་གསོལ༔ ཤན་པ་འབུམ་གྱི་དམག་གིས་བསྐོར༔ བསྟོད་པ་ནི། ཁྲག་མཚོ་རྦ་ཀློང་འཁྲུགས་པའི་ཀློང་དཀྱིལ་ནས༔ གནོད་སྦྱིན་ཀྵེ་ཏྲ་པཱ་ལ་སྲོག་གི་བདག༔ ཤན་པ་འབུམ་གྱི་དམག་ཚོགས་ལས་ལ་འགྱེད༔ ཞིང་སྐྱོང་མགོན་པོ་ཁྱེད་ལ་ཕྱག་འཚལ་བསྟོད༔ བསྙེན་དམིགས་ནི། ཡབ་ཡུམ་གཉིས་ཀྱི་ཐུགས་ཀ་རུ༔ ཀྵ་དང་ཐཿལ་སྔགས་ཀྱིས་བསྐོར༔ འོད་ཟེར་དཔག་མེད་འཕྲོས་པ་ཡིས༔ ཡིད་ལ་བརྣག་པ་ཐམས་ཅད་བསྒྲལ༔ ལོངས་སྤྱོད་ཐམས་ཅད་སྩོལ་བར་བསམ༔ ཨོཾ་ཀྵེ་ཏྲ་པཱ་ལ་ཛཿ མ་མ་རོ་ཏི་བྷྱོཿ ཞེས་བཟླ། གསོལ་བསྐང་སོགས་སྔ་མ་རྣམས་བཞིན་བྱའོ། ༈ ལྔ་པ་བདུད་མགོན་ཏྲཀྴད་ཀྱི་སྒོས་སྒྲུབ་ནི། མདུན་དུ་ཀཱ་ལ་སྒྲོགས་པ་ཡི༔ དུར་ཁྲོད་ཆེན་པོའི་ས་གཞི་ལ༔ ཐོད་མཁར་དྲག་པོའི་རྒྱན་དང་ལྡན༔ མེ་རླུང་འཚུབས་པའི་ཀློང་དཀྱིལ་དུ༔ ཧཱུྃ་ལས་ཏྲཀྴད་ནག་པོ་ནི༔ ཞལ་གཅིག་ཕྱག་གཉིས་བདུད་མདའ་བཀང༔ བེར་ནག་གསོལ་ཞིང་བདུད་རྟ་ཆིབས༔ གསང་བའི་ཡུམ་མཆོག་དུང་སྐྱོང་མ༔ དཀར་མོ་མེ་ལོང་ཙིཏྟ་བསྣམས༔ ཞིང་ལྤགས་གོས་གསོལ་བོང་བུ་ཆིབ༔ མ་མོ་བདུད་མོན་ཤན་པས་བསྐོར༔ བསྟོད་པ། ཀཱི་ལ་སྒྲོགས་པའི་དུར་ཁྲོད་ཆེན་པོ་ནས༔ བདུད་ཀྱི་མགོན་པོ་ཏྲཀྴད་ནག་པོ་ནི༔ མཁའ་འགྲོ་བདུད་དམག་འབུམ་ནི་ལས་ལ་འགྱེད༔ མ་མོའི་ཚོགས་དཔོན་ཁྱོད་ལ་ཕྱག་འཚལ་བསྟོད༔ བསྙེན་དམིགས་ནི། ཡབ་ཡུམ་གཉིས་ཀྱི་ཐུགས་ཀ་རུ༔ ཧཱུྃ་དང་བྷྱོ་ཡི་ཐ་མ་རུ༔ ཨོཾ་ཀརྨ་མ་ཧཱ་ཀཱ་ལ་ཏྲཀྴད་ཛ༔ ཨོཾ་དེ་བཱི་ཤངྑ་པཱ་ལ་ཏྲཀ་རཀྴ་བྷྱོ་ཛ༔ ཞེས་པས་བསྐོར་ལས་འོད་འཕྲོས་པས༔ གང་འདོད་ལས་རྣམས་སྒྲུབ་པར་བསམ༔ ལས་སྦྱོར་དམིགས་བསལ་དགོས་ན་ལིངྒ་སོགས་གཏེར་གཞུང་ལྟར་བྱ། ལས་སྦྱོར་དཀྱུས་ཙམ་ལ། ཨོཾ་ཀརྨ་མ་ཧཱ་ཀཱ་ལ་ཏྲཀྴད་ཛཿ ཨོཾ་དི་བཱི་ཤངྑ་པཱ་ལ་ཏྲཀ་རཀྴ་བྷྱོ་ཛ༔ དྲག་སྔགས་སྤུ་གྲི་ཅུང་ཟད་བཟླ་ཞིང་བསད་དམིགས་ཙམ་བྱས་པས་རུང་བའོ། །གསུམ་པ་སྤྱི་དང་བྱེ་བྲག་ཀུན་གྱི་ལས་གཞུག་རྗེས་རིམ་དང་པོ་ཐུན་གཏོར་འབུལ་བ་ནི། སྐབས་སུ་གང་བབ་ཀྱི་བཟླས་པ་གྲུབ་པའི་རྗེས། འབུལ་གཏོར་ཁ་གསོ་ཞིང་སྨན་རཀ་བྲན་ཏེ། རྃ་ཡྃ་ཁྃ༔ སྟོང་པའི་ངང་ལས་བྷྲཱུྃ་ཡིག་ལས༔ སྣང་བ་རྣམ་དག་གཏོར་གཞོང་དུ༔ ཡེ་ཤེས་ལྔ་ཡི་དམ་རྫས་རྣམས༔ བདེ་བ་ཆེན་པོར་ཞུ་བའི་བཅུད༔ འདོད་ཡོན་རྒྱ་མཚོར་འཕྲོ་བར་གྱུར༔ ཨོཾ་ཨཱཿཧཱུྃ༔ ཧཱུྃ༔ མཁའ་དབྱིངས་ནས་བཞེངས་བདེ་བ་ཆེ༔ ཡེ་ཤེས་མགོན་པོ་ཕྱག་དྲུག་པ༔ ཆོས་ཀྱི་དབྱིངས་ནས་འདིར་གཤེགས་ལ༔ ཡེ་ཤེས་ལྔ་ཡི་ཨ་མྲྀ་ཏ༔ བདེ་བ་ཆེན་པོའི་རཀྟ་དང༔ བདེ་སྟོང་ཟུང་འཇུག་འདོད་ཡོན་ལྔ༔ ཡེ་ཤེས་འབར་བའི་མཆོད་སྤྲིན་འདི༔ མ་ཧཱ་ཀཱ་ལ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ འདོད་པའི་དོན་རྣམས་བསྒྲུབ་ཏུ་གསོལ༔ གཞན་ཡང་ཤ་ཆེན་སྙིང་སྣ་ཚོགས༔ འབྲས་ཆེན་ཁུར་བ་སྒོག་ཙོང་དང༔ ཤ་སྣ་སྤོད་ཀྱི་བྱེ་བྲག་དང༔ ཛམྦུ་ཏྲི་ཤའི་ཞལ་ཟས་མཆོག༔ ཛ་གད་དཔའ་བོའི་ཕུད་ལ་སོགས༔ འདོད་ཡོན་རྒྱ་མཚོའི་མཆོད་སྤྲིན་འདི༔ མ་ཧཱ་ཀཱ་ལ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ ནད་གདོན་དགྲ་བགེགས་ཞི་བར་མཛོད༔ ཚེ་དང་བསོད་ནམས་རྒྱས་པར་མཛོད༔ ཁམས་གསུམ་ཐམས་ཅད་དབང་དུ་སྡུས༔ དགྲ་བགེགས་དམ་སྲི་ཐལ་བར་རློག༔ སངས་རྒྱས་བསྟན་པ་བསྲུང་དུ་གསོལ༔ དཀོན་མཆོག་དབུ་འཕང་བསྟོད་པ་དང༔ དགེ་འདུན་སྡེ་རྣམས་སྐྱོང་བར་མཛོད༔ དབེན་གནས་གཉན་པོ་སྲུང་བ་དང༔ སྒྲུབ་པའི་སྡོང་གྲོགས་མཛད་དུ་གསོལ༔ ཧཱུྃ༔ ཡབ་གཅིག་དེ་ཡི་ཡུམ་མཆོག་ནི༔ དཔལ་ལྡན་ལྷ་མོ་རེ་མ་ཏི༔ མུ་ལེའི་མཚོ་ནས་འདིར་གཤེགས་ལ༔ ཡེ་ཤེས་ལྔ་ཡི་ཨ་མྲྀ་ཏ༔ བདེ་བ་ཆེན་པོའི་རཀྟ་དང༔ བདེ་སྟོང་ཟུང་འཇུག་འདོད་ཡོན་ལྔ༔ ཡེ་ཤེས་འབར་བའི་མཆོད་སྤྲིན་འདི༔ དཔལ་ལྡན་ལྷ་མོ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ འདོད་པའི་དོན་རྣམས་བསྒྲུབ་ཏུ་གསོལ༔ གཞན་ཡང་ཤ་ཆེན་སྙིང་སྣ་ཚོགས༔ འབྲས་ཆེན་ཁུར་བ་སྒོག་ཙོང་དང༔ ཤ་སྣ་སྤོད་ཀྱི་བྱེ་བྲག་དང༔ ཛམྦུ་ཏྲི་ཤའི་ཞལ་ཟས་མཆོག༔ ཛ་གད་དཔའ་བོའི་ཕུད་ལ་སོགས༔ འདོད་ཡོན་རྒྱ་མཚོའི་མཆོད་སྤྲིན་འདི༔ དཔལ་ལྡན་ལྷ་མོ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ ནད་གདོན་དགྲ་བགེགས་ཞི་བར་མཛོད༔ ཚེ་དང་བསོད་ནམས་རྒྱས་པར་མཛོད༔ ཁམས་གསུམ་ཐམས་ཅད་དབང་དུ་སྡུས༔ དགྲ་བགེགས་དམ་སྲི་ཐལ་བར་རློག༔ སངས་རྒྱས་བསྟན་པ་བསྲུང་དུ་གསོལ༔ དཀོན་མཆོག་དབུ་འཕང་བསྟོད་པ་དང༔ དགེ་འདུན་སྡེ་རྣམས་སྐྱོང་བར་མཛོད༔ དབེན་གནས་གཉན་པོ་སྲུང་བ་དང༔ སྒྲུབ་པའི་སྡོང་གྲོགས་མཛད་དུ་གསོལ༔ ཧཱུྃ༔ ཤར་གྱི་ཕོ་ཉ་ཆེན་པོ་ནི༔ དབང་ཕྱུག་ཛི་ན་མི་ཏྲ་ཡང༔ ནམ་མཁའི་དབྱིངས་ནས་འདིར་གཤེགས་ལ༔ ཡེ་ཤེས་ལྔ་ཡི་ཨ་མྲྀ་ཏ༔ བདེ་བ་ཆེན་པོའི་རཀྟ་དང༔ བདེ་སྟོང་ཟུང་འཇུག་འདོད་ཡོན་ལྔ༔ ཡེ་ཤེས་འབར་བའི་མཆོད་སྤྲིན་འདི༔ ཛི་ན་མི་ཏྲ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ འདོད་པའི་དོན་རྣམས་བསྒྲུབ་ཏུ་གསོལ༔ གཞན་ཡང་ཤ་ཆེན་སྙིང་སྣ་ཚོགས༔ འབྲས་ཆེན་ཁུར་བ་སྒོག་ཙོང་དང༔ ཤ་སྣ་སྤོད་ཀྱི་བྱེ་བྲག་དང༔ ཛམྦུ་ཏྲི་ཤའི་ཞལ་ཟས་མཆོག༔ ཛ་གད་དཔའ་བོའི་ཕུད་ལ་སོགས༔ འདོད་ཡོན་རྒྱ་མཚོའི་མཆོད་སྤྲིན་འདི༔ ཛི་ན་མི་ཏྲ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ ནད་གདོན་དགྲ་བགེགས་ཞི་བར་མཛོད༔ ཚེ་དང་བསོད་ནམས་རྒྱས་པར་མཛོད༔ ཁམས་གསུམ་ཐམས་ཅད་དབང་དུ་སྡུས༔ དགྲ་བགེགས་དམ་སྲི་ཐལ་བར་རློག༔ སངས་རྒྱས་བསྟན་པ་བསྲུང་དུ་གསོལ༔ དཀོན་མཆོག་དབུ་འཕང་བསྟོད་པ་དང༔ དགེ་འདུན་སྡེ་རྣམས་སྐྱོང་བར་མཛོད༔ དབེན་གནས་གཉན་པོ་སྲུང་བ་དང༔ སྒྲུབ་པའི་སྡོང་གྲོགས་མཛད་དུ་གསོལ༔ ཧཱུྃ༔ ལྷོ་ཡི་ཕྱོགས་ཀྱི་ཕོ་ཉ་ནི༔ གཤིན་རྗེ་ཊཱ་ཀི་རཱ་ཛ་ཡང་༔ ལྷོ་ཕྱོགས་གཤིན་རྗེའི་གནས་ནས་གཤེགས༔ ཡེ་ཤེས་ལྔ་ཡི་ཨ་མྲྀ་ཏ༔ བདེ་བ་ཆེན་པོའི་རཀྟ་དང༔ བདེ་སྟོང་ཟུང་འཇུག་འདོད་ཡོན་ལྔ༔ ཡེ་ཤེས་འབར་བའི་མཆོད་སྤྲིན་འདི༔ ཊཱ་ཀི་རཱ་ཛ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ འདོད་པའི་དོན་རྣམས་བསྒྲུབ་ཏུ་གསོལ༔ གཞན་ཡང་ཤ་ཆེན་སྙིང་སྣ་ཚོགས༔ འབྲས་ཆེན་ཁུར་བ་སྒོག་ཙོང་དང༔ ཤ་སྣ་སྤོད་ཀྱི་བྱེ་བྲག་དང༔ ཛམྦུ་ཏྲི་ཤའི་ཞལ་ཟས་མཆོག༔ ཛ་གད་དཔའ་བོའི་ཕུད་ལ་སོགས༔ འདོད་ཡོན་རྒྱ་མཚོའི་མཆོད་སྤྲིན་འདི༔ ཊཱ་ཀི་རཱ་ཛ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ ནད་གདོན་དགྲ་བགེགས་ཞི་བར་མཛོད༔ ཚེ་དང་བསོད་ནམས་རྒྱས་པར་མཛོད༔ ཁམས་གསུམ་ཐམས་ཅད་དབང་དུ་སྡུས༔ དགྲ་བགེགས་དམ་སྲི་ཐལ་བར་རློག༔ སངས་རྒྱས་བསྟན་པ་བསྲུང་དུ་གསོལ༔ དཀོན་མཆོག་དབུ་འཕང་བསྟོད་པ་དང༔ དགེ་འདུན་སྡེ་རྣམས་སྐྱོང་བར་མཛོད༔ དབེན་གནས་གཉན་པོ་སྲུང་བ་དང༔ སྒྲུབ་པའི་སྡོང་གྲོགས་མཛད་དུ་གསོལ༔ ཧཱུྃ༔ ནུབ་ཀྱི་ཕྱོགས་ཀྱི་ཕོ་ཉ་ནི༔ གནོད་སྦྱིན་ཀྵེ་ཏྲ་པཱ་ལ་ཡང༔ མཁའ་སྤྱོད་ཞིང་ནས་འདིར་གཤེགས་ལ༔ ཡེ་ཤེས་ལྔ་ཡི་ཨ་མྲྀ་ཏ༔ བདེ་བ་ཆེན་པོའི་རཀྟ་དང༔ བདེ་སྟོང་ཟུང་འཇུག་འདོད་ཡོན་ལྔ༔ ཡེ་ཤེས་འབར་བའི་མཆོད་སྤྲིན་འདི༔ ཀྵེ་ཏྲ་པཱ་ལ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ འདོད་པའི་དོན་རྣམས་བསྒྲུབ་ཏུ་གསོལ༔ གཞན་ཡང་ཤ་ཆེན་སྙིང་སྣ་ཚོགས༔ འབྲས་ཆེན་ཁུར་བ་སྒོག་ཙོང་དང༔ ཤ་སྣ་སྤོད་ཀྱི་བྱེ་བྲག་དང༔ ཛམྦུ་ཏྲི་ཤའི་ཞལ་ཟས་མཆོག༔ ཛ་གད་དཔའ་བོའི་ཕུད་ལ་སོགས༔ འདོད་ཡོན་རྒྱ་མཚོའི་མཆོད་སྤྲིན་འདི༔ ཀྵེ་ཏྲ་པཱ་ལ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ ནད་གདོན་དགྲ་བགེགས་ཞི་བར་མཛོད༔ ཚེ་དང་བསོད་ནམས་རྒྱས་པར་མཛོད༔ ཁམས་གསུམ་ཐམས་ཅད་དབང་དུ་སྡུས༔ དགྲ་བགེགས་དམ་སྲི་ཐལ་བར་རློག༔ སངས་རྒྱས་བསྟན་པ་བསྲུང་དུ་གསོལ༔ དཀོན་མཆོག་དབུ་འཕང་བསྟོད་པ་དང༔ དགེ་འདུན་སྡེ་རྣམས་སྐྱོང་བར་མཛོད༔ དབེན་གནས་གཉན་པོ་སྲུང་བ་དང༔ སྒྲུབ་པའི་སྡོང་གྲོགས་མཛད་དུ་གསོལ༔ ཧཱུྃ༔ བྱང་གི་ཕྱོགས་ཀྱི་ཕོ་ཉ་ནི༔ བདུད་མགོན་ཏྲཀྴད་ནག་པོ་ཡང༔ བསིལ་བའི་ཚལ་ནས་འདིར་གཤེགས་ལ༔ ཡེ་ཤེས་ལྔ་ཡི་ཨ་མྲྀ་ཏ༔ བདེ་བ་ཆེན་པོའི་རཀྟ་དང༔ བདེ་སྟོང་ཟུང་འཇུག་འདོད་ཡོན་ལྔ༔ ཡེ་ཤེས་འབར་བའི་མཆོད་སྤྲིན་འདི༔ ལས་མགོན་ནག་པོ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ འདོད་པའི་དོན་རྣམས་བསྒྲུབ་ཏུ་གསོལ༔ གཞན་ཡང་ཤ་ཆེན་སྙིང་སྣ་ཚོགས༔ འབྲས་ཆེན་ཁུར་བ་སྒོག་ཙོང་དང༔ ཤ་སྣ་སྤོད་ཀྱི་བྱེ་བྲག་དང༔ ཛམྦུ་ཏྲི་ཤའི་ཞལ་ཟས་མཆོག༔ ཛ་གད་དཔའ་བོའི་ཕུད་ལ་སོགས༔ འདོད་ཡོན་རྒྱ་མཚོའི་མཆོད་སྤྲིན་འདི༔ ལས་མགོན་ནག་པོ་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ ནད་གདོན་དགྲ་བགེགས་ཞི་བར་མཛོད༔ ཚེ་དང་བསོད་ནམས་རྒྱས་པར་མཛོད༔ ཁམས་གསུམ་ཐམས་ཅད་དབང་དུ་སྡུས༔ དགྲ་བགེགས་དམ་སྲི་ཐལ་བར་རློག༔ སངས་རྒྱས་བསྟན་པ་བསྲུང་དུ་གསོལ༔ དཀོན་མཆོག་དབུ་འཕང་བསྟོད་པ་དང༔ དགེ་འདུན་སྡེ་རྣམས་སྐྱོང་བར་མཛོད༔ དབེན་གནས་གཉན་པོ་སྲུང་བ་དང༔ སྒྲུབ་པའི་སྡོང་གྲོགས་མཛད་དུ་གསོལ༔ ཧཱུྃ༔ གཞན་ཡང་གསང་བའི་སྦས་ཡུམ་བཞི༔ གབ་པའི་ལས་ཀྱི་ཤན་པ་དང༔ ཕྱོགས་སྐྱོང་རྒྱལ་ཆེན་དྲེགས་པའི་ཚོགས༔ རང་རང་གནས་ནས་འདིར་གཤེགས་ལ༔ ཡེ་ཤེས་ལྔ་ཡི་ཨ་མྲྀ་ཏ༔ བདེ་བ་ཆེན་པོའི་རཀྟ་དང༔ བདེ་སྟོང་ཟུང་འཇུག་འདོད་ཡོན་ལྔ༔ ཡེ་ཤེས་འབར་བའི་མཆོད་སྤྲིན་འདི༔ བཀའ་སྡོད་འཁོར་བཅས་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ འདོད་པའི་དོན་རྣམས་བསྒྲུབ་ཏུ་གསོལ༔ གཞན་ཡང་ཤ་ཆེན་སྙིང་སྣ་ཚོགས༔ འབྲས་ཆེན་ཁུར་བ་སྒོག་ཙོང་དང༔ ཤ་སྣ་སྤོད་ཀྱི་བྱེ་བྲག་དང༔ ཛམྦུ་ཏྲི་ཤའི་ཞལ་ཟས་མཆོག༔ ཛ་གད་དཔའ་བོའི་ཕུད་ལ་སོགས༔ འདོད་ཡོན་རྒྱ་མཚོའི་མཆོད་སྤྲིན་འདི༔ བཀའ་སྡོད་འཁོར་བཅས་མཉེས་ཕྱིར་འབུལ༔ དགྱེས་པ་ཆེན་པོས་བཞེས་ནས་ཀྱང༔ ནད་གདོན་དགྲ་བགེགས་ཞི་བར་མཛོད༔ ཚེ་དང་བསོད་ནམས་རྒྱས་པར་མཛོད༔ ཁམས་གསུམ་ཐམས་ཅད་དབང་དུ་སྡུས༔ དགྲ་བགེགས་དམ་སྲི་ཐལ་བར་རློག༔ སངས་རྒྱས་བསྟན་པ་བསྲུང་དུ་གསོལ༔ དཀོན་མཆོག་དབུ་འཕང་བསྟོད་པ་དང༔ དགེ་འདུན་སྡེ་རྣམས་སྐྱོང་བར་མཛོད༔ དབེན་གནས་གཉན་པོ་སྲུང་བ་དང༔ སྒྲུབ་པའི་སྡོང་གྲོགས་མཛད་དུ་གསོལ༔ དེ་ཡིས་འདོད་དོན་ཐམས་ཅད་འགྲུབ༔ ས་མ་ཡ༔ ཉམས་ཆགས་བྱུང་ན་སྐོང་བ་ནི༔ སྤྱན་གཟིགས་སྣ་ཚོགས་རྒྱན་གྱིས་བརྒྱན༔ ནམ་མཁའ་མཛོད་ཀྱི་སྔགས་རྒྱས་བརླབ༔ ཧཱུྃ༔ ཆོས་ཀྱི་དབྱིངས་ནས་སྣ་ཚོགས་ཅི་ཡང་སྤྲུལ༔ སྣང་སྟོང་སྐུ་ཡི་རྣམ་འགྱུར་ཚུལ་བཞིན་སྒོམ༔ དེ་ཉིད་མཚོན་པའི་སྐུ་འབག་རིས་སུ་བྲིས༔ བཟོ་དབྱིབས་ངོ་མཚར་སྐུ་ཡི་ཐུགས་དམ་བསྐང༔ གྲགས་པ་རྩ་རླུང་ཐིག་ལེའི་གནད་བཅིངས་ཏེ༔ མདངས་སུ་ཤར་ཀུན་རྒྱལ་བའི་གསུང་གི་དབྱིངས༔ དེ་དང་མཚུངས་པའི་སྲོག་སྔགས་དབྱངས་སུ་བཟླས༔ སྲོག་གི་འཁོར་ལོ་གསུང་གི་ཐུགས་དམ་བསྐང༔ མ་བཅོས་དབྱིངས་ལས་བདེ་ཆེན་ཡེ་ཤེས་ངང༔ ལྷ་དང་བདག་ཉིད་གཉིས་སུ་མེད་པར་རྟོགས༔ སྣང་སྲིད་ཐམས་ཅད་མགོན་པོའི་དཀྱིལ་འཁོར་དང༔ རྫོགས་པ་ཆེན་པོ་ཐུགས་ཀྱི་ཐུགས་དམ་བསྐང༔ མི་ཟད་ཡོན་ཏན་གཏེར་གྱི་མཛོད་འཆང་བ༔ ཡེ་ཤེས་རོལ་པའི་ཆ་ལུགས་མ་ངེས་ཀྱང༔ གནས་སྐབས་འདིར་སྣང་དུར་ཁྲོད་དཔལ་གྱི་ཆས༔ གནག་པའི་ཞྭ་གོས་རྣམས་ཀྱིས་ཐུགས་དམ་བསྐང༔ ཕྲིན་ལས་མི་བཟད་འབར་བའི་ཆོ་འཕྲུལ་སྟོན༔ ཡེ་ཤེས་རོལ་པའི་ཕྱག་མཚན་མ་ངེས་ཀྱང༔ གསེར་དངུལ་ཟངས་དང་གྲི་ལྕགས་ལ་སོགས་པའི༔ སྒྲོལ་བའི་ཕྲིན་ལས་མཚོན་ཆས་ཐུགས་དམ་བསྐངས༔ ཤ་ཆེན་སྤོས་དང་ཚིལ་ཆེན་དུད་པའི་སྤྲིན༔ གཡབ་དར་སྣ་ཚོགས་ཞིང་ཆེན་གཡབ་པའི་བརྡ༔ རྐང་གླིང་རོལ་མོ་དུང་ཆེན་གདུང་བའི་དབྱངས༔ འབོད་པའི་དམ་རྫས་རྣམས་ཀྱི་ཐུགས་དམ་བསྐང༔ རྟེན་གཏོར་སྒྲུབ་པའི་རྫས་དང་བླ་རྡོ་དང༔ རྟེན་པའི་མཁར་དང་སྲོག་རྟེན་དར་ནག་དང༔ ཕྱི་ནང་གསང་བའི་མཆོད་སྤྲིན་བསམ་ཡས་སོགས༔ འདུ་བའི་དམ་རྫས་རྣམས་ཀྱི་ཐུགས་དམ་བསྐང༔ ཁམས་གསུམ་དབང་སྡུད་རུ་མཚོན་སྲིད་རྩེར་སྒྲེང༔ ཆས་ཞུགས་འཆམས་དང་ཟློག་གར་དམག་གི་དཔུང༔ བྱ་གཅན་གཡག་ལུག་རྟ་དྲིལ་ནག་པོའི་ཚོགས༔ སྤྱན་གཟིགས་བསམ་མི་ཁྱབ་པས་ཐུགས་དམ་བསྐང༔ བསྐྱེད་པའི་རིམ་གསལ་སྔགས་ཀྱི་འཕྲུལ་འཁོར་དང༔ གང་ཤར་བདེ་སྟོང་ཐུགས་ཀྱི་ཀློང་དུ་གྲོལ༔ སྦྱོར་བ་ཚད་ཕེབས་སྒྲོལ་བ་གནས་སུ་སྟོབ༔ བླ་མེད་བྱང་ཆུབ་སྒྲུབ་པས་ཐུགས་དམ་བསྐང༔ སྲུང་བའི་གོ་བགོས་བདུད་ཀྱི་སྦྱོར་བ་བཤིག༔ ཟློག་པའི་བཀོད་བཤམས་རྔམས་བརྗིད་དྲག་པོའི་འཕྲུལ༔ བསད་པའི་མནན་སྲེག་འཕང་གསུམ་ཡོ་ལང་གིས༔ གདུག་པའི་དགྲ་བགེགས་བསྒྲལ་བས་ཐུགས་དམ་བསྐང༔ ཀུན་ཏུ་བཟང་པོའི་མཆོད་སྤྲིན་བསམ་ཡས་ཀྱིས༔ ལྷ་མཆོག་མ་ཧཱ་ཀཱ་ལའི་ཐུགས་དམ་བསྐང༔ ཡུམ་མཆོག་རེ་མ་ཏི་ཡི་ཐུགས་དམ་བསྐང༔ དབང་ཕྱུག་ཛི་ན་མི་ཏྲའི་ཐུགས་དམ་བསྐང༔ གཤིན་རྗེ་ཊཱ་ཀི་རཱ་ཛའི་ཐུགས་དམ་བསྐང༔ གནོད་སྦྱིན་ཀྵེ་ཏྲ་པཱ་ལའི༴ བདུད་མགོན་ཏྲག་ཤད་ནག་པོའི་ཐུགས་དམ་བསྐང༔ གསང་བའི་ཡུམ་དང་ལས་བྱེད་ཐུགས་དམ་བསྐང༔ ཕྱོགས་སྐྱོང་རྒྱལ་ཆེན་རྣམས་ཀྱི་ཐུགས་དམ་བསྐང༔ དྲེགས་པ་སྡེ་བརྒྱད་རྣམས་ཀྱི་ཐུགས་དམ་བསྐང༔ ཐུགས་དམ་བསྐང་ལ་ཉམས་ཆག་ཚངས་གྱུར་ཅིག༔ ཕྲིན་ལས་རྣམ་བཞི་ལྷུན་གྱིས་འགྲུབ་པར་མཛོད༔ ཧཱུྃ༔ ཡེ་ཤེས་མགོན་པོ་འཁོར་དང་བཅས་པ་རྣམས༔ རང་དང་གཉིས་མེད་བྱང་ཆུབ་སེམས་ཀྱི་ངང༔ མ་རིག་དབང་གི་དེ་ལྟར་མ་རྟོགས་ཏེ༔ རྩ་བ་ཡན་ལག་དམ་ཚིག་ཉམས་པ་རྣམས༔ རྡོ་རྗེ་སྲིན་པོའི་ཚོགས་ལ་མཐོལ་ལོ་བཤགས༔ བཟོད་པར་བཞེས་ནས་ཚངས་པའི་དངོས་གྲུབ་སྩོལ༔ དེ་ཡིས་ཉམས་ཆགས་ཐམས་ཅད་ཚངས་པར་འགྱུར༔ རྗེས་ཀྱི་བྱ་བ་ཚོགས་མཆོད་སོགས་རྒྱལ་དབང་མཁའ་ཁྱབ་རྡོ་རྗེའི་གསུང་གསང་མགོན་སྨུག་པོའི་ཕྲིན་དབང་གི་མཚམས་སྦྱོར་ལག་ལེན་དཔག་བསམ་ལྗོན་པའི་ཕྲེང་བ་ལྟར་བཏང་བས་གྲུབ་བོ། །ཕྱག་བྲིས་དངོས་ལས་ཞལ་བཤུས་པ་ཡིན། མཛད་བྱང་མི་འདུག། །།}} | ||
</onlyinclude> | </onlyinclude> | ||
Latest revision as of 08:07, 1 June 2024
🚧 This website is under continued development. We appreciate your patience!
| Wylie title | chos skyong zab mo skor dgu las/ ye shes mgon po'i gtso 'khor gyi sgrub thabs las tshogs dbang dang bcas pa'i zab don tshar du dngar ba 'dod 'byung bai DUr+Ya'i do shal |  |
|---|---|---|
| Location | dil mgo mkhyen brtse bka' 'bum Volume 9, Text 38, Pages 279-310 (Folios 1a to 32b2) | |
| Author | དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ | |
| Less details More details | ||
| Tertön | མཆོག་གྱུར་གླིང་པ་ (mchog gyur gling pa) | |
| Citation | Khyentse, Dilgo. Chos skyong zab mo skor dgu las ye shes mgon po'i gtso 'khor gyi sgrub thabs las tshogs dbang dang bcas pa'i zab don tshar du dngar ba 'dod 'byung bai DUr+Ya'i do shal. In Skyabs rje dil mgo mkhyen brtse rin po che'i bka' 'bum, Vol. 9: 279-310. Delhi: Shechen Publications, 1994. | |
| Genre | Activity Practices - las tshogs · Empowerment Ritual - dbang chog - dbang skur · Sadhanas - Evocation Ritual - sgrub thabs | |
| Cycle | ཆོས་སྐྱོང་ཟབ་མོ་སྐོར་དགུ་ (chos skyong zab mo skor dgu) | |
| Deity | ye shes mgon po phyag drug pa | |
| Colophon |
།ཕྱག་བྲིས་དངོས་ལས་ཞལ་བཤུས་པ་ཡིན། མཛད་བྱང་མི་འདུག། | |
|
/phyag bris dngos las zhal bshus pa yin/_mdzad byang mi 'dug/ | ||
Footnotes
Other Information
Categories:
- DKR-KABUM-09-TA-038
- Tibetan Publications
- Tibetan Texts
- dil mgo mkhyen brtse bka' 'bum
- chos skyong zab mo skor dgu
- ye shes mgon po phyag drug pa
- Activity Practices - las tshogs
- Empowerment Ritual - dbang chog - dbang skur
- Sadhanas - Evocation Ritual - sgrub thabs
- Khyentse, Dilgo
- mchog gyur gling pa
- DKR-KABUM-Volume-09-TA
- Khyentse Lineage Project
