ཀློང་ཆེན་སྙིང་གི་ཐིག་ལེ་ལསཿ ཞི་ཁྲོ་ངན་སོང་སྦྱོང་བཿ

Previous Text Back to Volume Page Next Text

Wylie title	klong chen snying gi thig le las: zhi khro ngan song sbyong ba:
Location	'jigs gling bka' 'bum Volume 11, Text 26, Pages 469-471 (Folios 1a1 to 2a6)
Author	འཇིགས་མེད་གླིང་པ་
Less details More details
Tertön	འཇིགས་མེད་གླིང་པ་ ('jigs med gling pa)
Citation	'jigs med gling pa. Klong chen snying gi thig le las zhi khro ngan song sbyong ba. In Kun mkhyen rig 'dzin 'jigs med gling pa'i gsung 'bum, Vol. 11: 469-471. New Delhi: Shechen Publications, 2025.
Genre	Activity Manual - las byang
Cycle	ཞི་ཁྲོ་ངན་སོང་སྦྱོང་བ་ (zhi khro ngan song sbyong ba)
Parent Cycle	ཀློང་ཆེན་སྙིང་གི་ཐིག་ལེ་ (klong chen snying gi thig le)
Deity	zhi khro

[edit]

འུཾཿ ཀློང་ཆེན་སྙིང་གི་ཐིག་ལེ་ལསཿ ཞི་ཁྲོ་ངན་སོང་སྦྱོང་བ་བཞུགསཿ ཀུན་ཏུ་བཟང་པོ་རྡོ་རྗེ་དབྱིངས་ཀྱི་ལྷཿ ཞི་ཁྲོ་ཡོངས་རྫོགས་ལྷ་ལ་ཕྱག་འཚལ་འདུདཿ ཉོན་མོངས་རྒྱུད་དྲག་གཉེན་པོ་སྟོབས་ཆུང་བའིཿ སེམས་ཅན་ཕལ་ཆེར་ངན་འགྲོའི་དུཿཁར་སྤྱོདཿ དམ་པ་ཆོས་ཀྱི་སྒོ་རུ་ཞུགས་རྣམས་ཀྱངཿ སྡོམ་གསུམ་རླུང་ལ་བསྐུར་ནས་སྡིག་རྔམས་དྲགཿ ཆོས་བྱེད་ཕལ་ཆེར་དམྱལ་བའི་གནས་སུ་འགྲོཿ གསང་སྔགས་ལམ་ཞུགས་མོས་པས་སྤྱོད་རྣམས་ཀྱངཿ བླ་མའི་བཀའ་ལྕོག་ཚུལ་མིན་ལོག་སྤྱོད་དརཿ དེ་ཡིས་རྐྱེན་གྱིས་ཕྱི་ནང་འབྱུང་བ་འཁྲུགསཿ ནང་དུ་སྙིང་རླུང་གདོན་དུ་སྨྱོ་འབོགས་བསྡངཿ དུས་མ་ཡིན་པར་སྲོག་ལ་ཧུར་ཐུམ་བྱེདཿ དེ་ཕྱིར་འགྱོད་སེམས་དགྲ་པོའི་བསམ་པ་ཡིསཿ མཚམས་མེད་ལས་ཀྱང་ཐབས་ལ་བརྟེན་སྤྱོད་པའིཿ རྣལ་འབྱོར་སྦྱི་ཁྲུས་ངན་སོང་སྦྱོང་བའི་བཅུདཿ རྒྱུད་ཀྱི་ཁོག་སྙིང་གདམ་པར་ཕྱུང་བ་འདིཿ དུས་ལ་ངེས་མེད་ནམ་དྲན་ལམ་དུ་ཁྱེརཿ དཀྱིལ་འཁོར་མ་ངེས་སྣོད་བཅུད་ཡེ་སངས་རྒྱསཿ སྒྲུབ་རྫས་མ་ངེས་རང་ལུས་ཆགས་མེད་གཏོངཿ འོན་ཀྱང་འབྱོར་པས་ཁྱོག་བཞིན་མ་བཤམས་ནཿ ཡེ་ཤེས་ལྷས་ཁྲེལ་དམ་ཅན་ཀོ་ལོང་བསྡམཿ དེ་ཕྱིར་དཀྱིལ་འཁོར་རྒྱས་བསྡུས་བློ་ཡིས་དཔགཿ སྤྲོས་དང་འབྲེལ་ཆེ་རིགས་ལྔའི་དབང་རྫས་འགོདཿ ཁྱད་པར་མེ་ལོང་ཤེལ་རྡོ་མེད་མི་རུངཿ མཐའ་སྐོར་སྨན་གཏོར་རཀྟ་བརྒྱ་རྩའམཿ གྲངས་ཀྱིས་མ་ལྕོག་མཚན་ལྡན་བྷནྡྷར་བསྡུཿ ཞུན་གྱི་མར་མེ་བརྒྱ་དང་ཚོགས་འཁོར་བཤམསཿ བདག་བསྐྱེད་བཟླས་པར་བཅས་པ་སྔོན་སོང་ནསཿ མདུན་རྟེན་ཞི་བའི་བླ་རྡོ་མེ་ལོང་དངཿ ཁྲོ་བོའི་བླ་རྡོ་ཤེལ་རྡོ་ཟུར་བརྒྱད་པཿ དབྱིངས་དང་ཡེ་ཤེས་ཟུང་འཇུག་དཀྱིལ་འཁོར་ཡིནཿ མ་བསྐྱེད་རང་བྱུང་ལྷུན་གྲུབ་ཆེན་པོ་འོཿ ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨདྨ་ཀོ྅་ཧཾཿ སྣང་སྲིད་འཁོར་འདས་ཀྱིས་བསྡུས་པའི༴༴༴སྐད་ཅིག་དྲན་རྫོགས་སུ་གསལ་བར་གྱུརཿ སྤྱན་འདྲེན་པ་ནིཿ ཨཱོཾཿ མ་ལུས་སེམས་ཅན༴༴༴ ས་མ་ཡ་ཛཿ བཞུགས་གསོལ་ནིཿ ཨཱཿ ཡེ་ཤེས་སྤྲུལ༴༴༴ལྷནཿ ཕྱག་འཚལ་ནིཿ ཧཱུྃཿ བརྗོད་མེད༴༴༴ཧོཿ སྣང་བ་ཡབ་ཀྱི་མཆོད་སྤྲིན་ནིཿ ཨོཾཿ དངོས་སུ་འབྱོར་དང༴༴༴པཱུ་ཛ་ཨཱཿ སྟོང་པ་ཡུམ་གྱི་མཆོད་པ་ནིཿ ཨཱཿ ཀུན་ཏུ་བཟང་མོ༴༴༴ཡཱ་མིཿ ཟུང་འཇུག་ཆོས་སྐུའི་མཆོད་པ་ནིཿ ཧཱུྃཿ སེམས་ཀྱི་རང་བཞིན༴༴༴ལ་ཧོཿ བསྟོད་པ་ནིཿ ཧཱུྃཿ ཆོས་དབྱིངས་ཡེ་ཤེས༴༴༴ ཀུན་ལ་འདུདཿ ཛཔ་དགོངས་ནིཿ རྣམ་སྣང་ཐུགས་ཀྱི་དཀྱིལ་འཁོར་དུཿ ༴༴༴ སྦྱོང་བྱེད་རྩ་རིག་ཟབ་མོ་ནིཿ ན་མོ་བྷ་ག་ཝཱ་ཏེ༴༴༴ བླ་ན་མེད་པའོཿ ས་མ་ཡཿ དེ་ནས་དམ་སྐོང་དོང་སྤྲུགས་ཀྱིཿ ༴༴༴ ཐོབ་པར་ཤོགཿ ལྔ་པ་སྐོང་ལ་རྣམ་གྲངས་བདུནཿ ༴༴༴ ལྔ་པ་སྦྱོར་སྒྲོལ་ཚོགས་ཀྱི་བསྐངཿ ལས་གཞུང་བཞིན་ཤེས་པར་བྱཿ ཐུགས་ཀར་སྔགས་ཕྲེང་འཁོརཿ ༴༴༴ མན་ངག་ཡིན།་་་མཆན། དྲུག་པ་སྣང་གསལ་མར་མེའི་སྐོངཿ ཨཱཿ ཀུན་གཞི་རང་བྱུང་༴༴༴དངོས་གྲུབ་སྩོལཿ བྱང་ཆུང་རྡོ་རྗེ་སློབ་དཔོན་དངཿ ལྕམ་དྲལ་ལུ་གུ་རྒྱུད་དུ་སྦྲེལཿ གདུང་བ་དྲག་པོས་སློབ་དཔོན་གྱིཿ རྗེས་བཟླས་མར་མེའི་སྨོན་ལམ་གདབཿ བདུན་པ་དབྱིངས་གྲོལ་ལྟ་བའི་སྐོངཿ ཧོཿ མཆོད་དུ་མེད་དེ༴༴༴ཀློང་དུ་ཨཱཿ ཞེས་བརྗོད་རྗེས་ཀྱི་ཆོ་ག་རྣམསཿ རིག་འཛིན་གཞུང་ལ་ཚིག་འཕྲད་བསྒྱུརཿ ས་མ་ཡཿ གུ་ཧྱཿ བརྡ་ཐིམཿ ༈ འདིའི་ཆོ་ག་གཏོང་ཚུལ། རྒྱས་པར་ཆོས་སྤྱོད་སྔོན་དུ་འགྲོ་བས། རིག་འཛིན་གྱི་སྐྱབས་འགྲོ་ནས་བཟླས་པ་མཆོད་བསྟོད་བར་གྱིས་བདག་བསྐྱེད་གསལ་བཏབཿ མདུན་བསྐྱེད་ཡུམ་ཀའི་སྐྱབས་སེམས་ནས་བཟླས་པ་མཆོད་བསྟོད་བར། དེ་ཉིད་གནས་བསྒྱུར་བའི་ཚུལ་དུ་ཞི་ཁྲོའི་བསྐྱེད་ཆོག་ནས་བཟླས་པའི་བར། ཐུགས་རྗེའི་དྲྭ་བ་ལྟར་བུམ་པ་བསྒྲུབ། མཆོད་བསྟོད་ཡིག་བརྒྱ། ཨ་ཨཿ བུམ་ལྷ་འོད་དུ་ཞུ་བར་བྱཿ ཕྱག་འཚལ་ནས་ཚོགས་ལྷག་མ་ཡན་བཏང་། གནས་ལུང་དཀྱུས་ལྟར། རྗེས་མར་མེའི་སྐོང་དང་སྨོན་ལམ་བྱ། རྗེས་ཆོག་རིག་འདུས་ལྟར་རོ། །འབྲིང་པོ་བདག་བསྐྱེད་རིག་འཛིན་དང་། མདུན་བསྐྱེད་ཞི་ཁྲོ། བསྡུས་པ་དཀྱུས་ལྟར་ལ་སྦྱོར་རྗེས་རིག་འཛིན་ནམ་ཁྲོཾ་དཀྲུགས་ནས་བླང་ངོ་།། །།