JKW-KABUM-13-PA-023-024

From Khyentse Lineage - A Tsadra Foundation Project

‎‎

ཕྱིར་ཟློག་འཁོར་ལོ་འབར་བའི་ཙཀྲ་བཅའ་ཚུལ།
Wylie title phyir zlog 'khor lo 'bar ba'i tsakra bca' tshul JKW-KABUM-13-PA-023.pdf
Location mkhyen brtse'i bka' 'bum
Volume 13, sde tshan 23, Text 24, Pages 607-609 (Folios 73a2 to 74a5)
Author འཇམ་དབྱངས་མཁྱེན་བརྩེའི་དབང་པོ་
Less details More details
Tertön བཟང་པོ་གྲགས་པ་, རིག་འཛིན་རྒོད་ཀྱི་ལྡེམ་འཕྲུ་ཅན་ (bzang po grags pa, Rig 'dzin rgod kyi ldem 'phru can)
Citation 'jam dbyangs mkhyen brtse'i dbang po. phyir zlog 'khor lo 'bar ba'i tsakra bca' tshul. In 'jam dbyangs mkhyen brtse'i dbang po'i bka' 'bum, Vol. 13: 607-609. Khams sde dge rdzong sar dgon: Rdzong sar blo gros phun tshogs, 2020.
Genre Averting or Dispelling Rites- zlog pa  ·  Cakra and Amulet Designs - 'khor lo - srung 'khor
Cycle ཕྱིར་ཟློག་འཁོར་ལོ་འབར་བ་ (phyir zlog 'khor lo 'bar ba)
Parent Cycle བྱང་གཏེར་ (byang gter)
RTZ In the Rinchen Terdzö: https://rtz.tsadra.org/index.php/Terdzo-BI-041
Colophon

།ཞེས་པའང་མཉྫུ་གྷོ་ཥས་བྲིས་པ་དགེ། སརྦ་དཱ་སཏྭ་བི་ཛ་ཡནྟུ།

zhes pa'ang many+dzu g+ho Shas bris pa dge/__sarba dA satwa bi dza yan+tu/

[edit]
ཕྱིར་ཟློག་འཁོར་ལོ་འབར་བའི་ཙཀྲ་བཅའ་ཚུལ་བཞུགས་སོ། །ན་མཿཤཱཀྱ་མུ་ན་ཡེ། སྤྲུལ་སྐུ་བཟང་པོ་གྲགས་པའི་གཏེར་བྱོན་ཕྱིར་ཟློག་འཁོར་ལོའི་བཅའ་ཚུལ་ནི། རྒྱ་ཤོག་ལ་མཚལ་ལམ་རྒྱ་སྣག་གིས་མཚོན་ཆའི་འཁོར་ལོ་རྩིབས་བཅུ་གསུམ་དཔལ་དང་ལྡན་པ། དེའི་ཕྱི་རོལ་དུ་རྡོ་ར་མེ་རི། འཁོར་ལོའི་ལྟེ་བ་ཡངས་པར་བྱང་ཆུབ་མཆོད་རྟེན་སེར་པོ། དེའི་བུམ་པའི་ནང་དུ་གསེར་གྱི་ཧཱུྃ་གི་ཁོོ་ག་པར་ནྲྀ་ལྗང་གུ། དེའི་ཁོག་པར་ཨ་དཀར་པོ། རྩིབས་བཅུ་གསུམ་ལ། ཨོཾ་དྷུ་རུ་དྷུ་རུ་ཙཀྲ་འཆང་བ་པོ་ལ་ཆེ་སྲི་ཐམས་ཅད་རཀྵ་རཀྵ༔ དེ་བཞིན་དུ། ཛ་ཡ་ཛ་ཡ་ཙཀྲ་འཆང་བ་པོ་ལ་ཆུང་སྲི་ཐམས་ཅད་རཀྵ་རཀྵ༔ ཧ་ན་ཧ་ན་ཙཀྲ་འཆང་བ་པོ་ལ་དར་སྲི༴ བྷུ་རུ་བྷུ་རུ་ཙཀྲ་འཆང་བ་པོ་ལ་ཕོ་སྲི༴ བྷྲ་མ་ར་བྷྲ་མ་ར་ཙཀྲ་འཆང་བ་པོ་ལ་མོ་སྲི༴ བྷེ་དུ་མ་ནི་ཙཀྲ་འཆང་བ་པོ་ལ་ནད་སྲི༴ ཛྭ་ལ་ཛྭ་ལ་ཙཀྲ་འཆང་བ་པོ་ལ་དུར་སྲི༴ སཾ་བྷ་ཝེ་ག་ན་ནཱ་ཡ་སཱ་ར་ཙཀྲ་འཆང་བ་པོ་ལ་རྒན་སྲི༴ སཱ་ལ་ཡ་སཱ་ལ་ཡ་ཙཀྲ་འཆང་བ་པོ་ལ་གཞོན་སྲི༴ ནཱ་ཤ་ཡ་ནཱ་ཤ་ཡ་ཙཀྲ་འཆང་བ་པོ་ལ་ལོའི་སྲི༴ བྃ་བྃ་ཙཀྲ་འཆང་བ་པོ་ལ་ཟླ་བའི་སྲི༴ ཧཱུྃ་ཧཱུྃ་ཕཊ་ཕཊ་ས་མནྟ་གཱི་ར་ཙཀྲ་འཆང་བ་པོ་ལ་ཞག་གི་སྲི༴ ཏཱིཔྟ་ཙཀྲ་ཧཱུྃ་ཕཊ་འཆང་བ་པོ་ལ་དུས་ཚོད་ཀྱི་སྲི་ངན་ཐམས་ཅད་རཀྵ་རཀྵ༔ ཞེས་བྲི། མཆོད་རྟེན་བྲི་མ་གྲུབ་ན་བྷྲཱུྃ་ཡིག་གི་ཁོག་པར་ཧཱུྃ་ཡིག་སོགས་བྲིས་ཀྱང་རུང་། གང་ལྟར་ཡང་གུར་གུམ། གི་ཝཾ། ཆོས་སྨན་གྱིས་བྱུག །འཁོར་ལོ་གཞུང་གི་དམིགས་པ་ལྟར་བསྐྱེད་བསྟིམ་དང་། མུ་ནི། རང་སྔགས། རྟེན་འབྲེལ་སྙིང་པོ་བཅས་ཀྱིས་རབ་གནས་བྱ། ལེགས་པར་བལྟབས་ལ་ཚོན་སྐུད་སྣ་ལྔས་དཀྲིས་ནས་སྤྱི་བོའམ་མགུལ་དུ་འཆང་ན་སྲི་ཅན་གྱི་གནོད་པ་ཐམས་ཅད་སྲུང་བར་ངེས་སོ། །འདི་གཏེར་གཞུང་དུ་མི་གསལ་ཀྱང་བསྒོམ་བྱ་དང་མཐུན་པར་སྤྲུལ་སྐུ་ནམ་མཁའ་བརྒྱ་བྱིན་གྱི་ཕྱག་ལེན་ཞལ་ཤེས་ཡིན་གསུངས་འདུག །དེའང་མཆོད་རྟེན་སྒྲུབ་པ་དང་འབྲེལ་བའི་ཚེ་དཀྱུས་སུ་སྨོས་པའི་བྲི་ཡིག་ལྟར་བྲི་བར་བྱ་བ་ཡིན་ལ། བསྒྲུབ་བྱ་ལ་འདོགས་པའི་སྐབས་འདིར་བཤད་པ་བཞིན་བྲིས་ན་ལེགས། རབ་གནས་ནི་མཆོད་རྟེན་སྒྲུབ་པ་དང་འབྲེལ་སྐབས་ཐོག་མར་ཕྱོགས་གཅིག་ཏུ་རབ་གནས་རྒྱས་བསྡུས་གང་རིགས་བྱས་ནས་བླ་རེའི་ཙཀྲའི་སྟེང་ནས་རིམ་པར་བརྩེགས་ལ་བཤམས་ཏེ་དམིགས་པས་ཁྱབ་པར་བྱས་ན་ལེགས་ཤིང་། ཙཀྲ་རྐྱང་བའི་སྐབས་འཁོར་ལོ་བྲི་བ་དང་རྫས་བྱུག་པ་གྲུབ་ནས་མདུན་དུ་སྟེགས་བུའི་དབུས་མེ་ཏོག་སིལ་མ་བཀྲམ་པའི་སྟེང་དུ་གཞག །མཆོད་པ་ཅི་འབྱོར་བཤམ། བདག་བསྐྱེད་དང་སྦྱོང་ཁྲུས་རྒྱས་བསྡུས་གང་རིགས་བྱ། དེ་ནས་འཁོར་ལོ་བསང་སྦྱང་། འཁོར་ལོ་མི་དམིགས་སྟོང་པ་ཉིད་ཀྱི་ངང་། ཞེས་སོགས་ནས་བཟླས་པའི་བར་མཆོད་རྟེན་སྒྲུབ་པའི་མདུན་བསྐྱེད་ལྟར་ལ། སྔགས་མུ་ནི་ཅི་ནུས། རང་སྔགས་བརྒྱ་རྩ། རྟེན་སྙིང་ཉེར་གཅིག་ཙམ་བཟླས་མཐར། ཕན་ཡོན་དང་ཐལ་རྡེབ་ནས་བརྟན་བཞུགས་པར་བྱས་རྗེས། བསྐྱེད་པའི་ལྷ་ཡོངས་སུ་གྱུར་པ་ལས་བྲིས་པའི་འཁོར་ལོ་འོད་འབར་བའི་རྣམ་པ་ནུས་བྱིན་དང་ལྡན་པར་བསམས་ལ། སླར་ཡང་རྟེན་འབྲེལ་སྙིང་པོ་མང་དུ་བཟླས་པའི་མེ་ཏོག་འཐོར། །བསྔོ་སྨོན་ཤིས་བརྗོད་སོགས་རྒྱས་པར་བྱས་ནས་ལྟེ་བ་མ་ཉམས་པར་བལྟབས་ལ་ཚོན་སྐུད་སྣ་ལྔ་འབྱུང་ཁམས་མཐུན་སྡེབ་ཀྱིས་དཀྲིས་ཏེ་བསྒྲུབ་བྱའི་སྤྱི་བོའམ་མགུལ་དུ་གདབ་བོ། །ཞེས་པའང་མཉྫུ་གྷོ་ཥས་བྲིས་པ་དགེ། སརྦ་དཱ་སཏྭ་བི་ཛ་ཡནྟུ། ༈ །
[edit]

phyir zlog 'khor lo 'bar ba'i tsakra bca' tshul/ phyir zlog 'khor lo 'bar ba'i tsakra bca' tshul bzhugs so/__/na maHshAkya mu na ye/__sprul sku bzang po grags pa'i gter byon phyir zlog 'khor lo'i bca' tshul ni/__rgya shog la mtshal lam rgya snag gis mtshon cha'i 'khor lo rtsibs bcu gsum dpal dang ldan pa/__de'i phyi rol du rdo ra me ri/__'khor lo'i lte ba yangs par byang chub mchod rten ser po/__de'i bum pa'i nang du gser gyi hU~M gi kho+o ga par nr-i ljang gu/__de'i khog par a dkar po/__rtsibs bcu gsum la/__oM d+hu ru d+hu ru tsakra 'chang ba po la che sri thams cad rak+Sha rak+Sha:__de bzhin du/__dza ya dza ya tsakra 'chang ba po la chung sri thams cad rak+Sha rak+Sha:__ha na ha na tsakra 'chang ba po la dar sri=__b+hu ru b+hu ru tsakra 'chang ba po la pho sri=__b+h+ra ma ra b+h+ra ma ra tsakra 'chang ba po la mo sri=__b+he du ma ni tsakra 'chang ba po la nad sri=__dz+wa la dz+wa la tsakra 'chang ba po la dur sri=__saM b+ha we ga na nA ya sA ra tsakra 'chang ba po la rgan sri=__sA la ya sA la ya tsakra 'chang ba po la gzhon sri=__nA sha ya nA sha ya tsakra 'chang ba po la lo'i sri=__ba~M ba~M tsakra 'chang ba po la zla ba'i sri=__hU~M hU~M phaT phaT sa man+ta gI ra tsakra 'chang ba po la zhag gi sri=__tIp+ta tsakra hU~M phaT 'chang ba po la dus tshod kyi sri ngan thams cad rak+Sha rak+Sha:__zhes bri/__mchod rten bri ma grub na b+h+rU~M yig gi khog par hU~M yig sogs bris kyang rung /__gang ltar yang gur gum/__gi waM/__chos sman gyis byug__/'khor lo gzhung gi dmigs pa ltar bskyed bstim dang /__mu ni/__rang sngags/__rten 'brel snying po bcas kyis rab gnas bya/__legs par bltabs la tshon skud sna lngas dkris nas spyi bo'am mgul du 'chang na sri can gyi gnod pa thams cad srung bar nges so/__/'di gter gzhung du mi gsal kyang bsgom bya dang mthun par sprul sku nam mkha' brgya byin gyi phyag len zhal shes yin gsungs 'dug__/de'ang mchod rten sgrub pa dang 'brel ba'i tshe dkyus su smos pa'i bri yig ltar bri bar bya ba yin la/__bsgrub bya la 'dogs pa'i skabs 'dir bshad pa bzhin bris na legs/__rab gnas ni mchod rten sgrub pa dang 'brel skabs thog mar phyogs gcig tu rab gnas rgyas bsdus gang rigs byas nas bla re'i tsakra'i steng nas rim par brtsegs la bshams te dmigs pas khyab par byas na legs shing /__tsakra rkyang ba'i skabs 'khor lo bri ba dang rdzas byug pa grub nas mdun du stegs bu'i dbus me tog sil ma bkram pa'i steng du gzhag__/mchod pa ci 'byor bsham/__bdag bskyed dang sbyong khrus rgyas bsdus gang rigs bya/__de nas 'khor lo bsang sbyang /__'khor lo mi dmigs stong pa nyid kyi ngang /__zhes sogs nas bzlas pa'i bar mchod rten sgrub pa'i mdun bskyed ltar la/__sngags mu ni ci nus/__rang sngags brgya rtsa/__rten snying nyer gcig tsam bzlas mthar/__phan yon dang thal rdeb nas brtan bzhugs par byas rjes/__bskyed pa'i lha yongs su gyur pa las bris pa'i 'khor lo 'od 'bar ba'i rnam pa nus byin dang ldan par bsams la/__slar yang rten 'brel snying po mang du bzlas pa'i me tog 'thor/__/bsngo smon shis brjod sogs rgyas par byas nas lte ba ma nyams par bltabs la tshon skud sna lnga 'byung khams mthun sdeb kyis dkris te bsgrub bya'i spyi bo'am mgul du gdab bo/__/zhes pa'ang many+dzu g+ho Shas bris pa dge/__sarba dA satwa bi dza yan+tu/_!__/

Footnotes[edit]

Other Information[edit]