JKW-KABUM-07-JA-006

From Khyentse Lineage - A Tsadra Foundation Project

བདེ་མཆོག་མཁའ་འགྲོ་སྙན་བརྒྱུད་ཀྱི་ཟབ་ཁྲིད་རྒྱས་པར་འཆད་པའི་ས་བཅད་གྲུབ་པའི་གསུང་ཟེར།
Wylie title bde mchog mkha' 'gro snyan brgyud kyi zab khrid rgyas par 'chad pa'i sa bcad grub pa'i gsung zer JKW-KABUM-07-JA-006.pdf
Location mkhyen brtse'i bka' 'bum
Volume 7, sde tshan 6, Pages 91-109 (Folios 1a to 10a4)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. bde mchog mkha' 'gro snyan brgyud kyi zab khrid rgyas par 'chad pa'i sa bcad grub pa'i gsung zer. In 'jam dbyangs mkhyen brtse'i dbang po'i bka' 'bum, Vol. 7: 91-109. Khams sde dge rdzong sar dgon: Rdzong sar blo gros phun tshogs, 2020.
Genre Outlines - sa bcad  ·  Contemplative Guide Books and Instructional Manuals - khrid yig
Cycle བདེ་མཆོག་མཁའ་འགྲོ་སྙན་བརྒྱུད་ (bde mchog mkha' 'gro snyan brgyud)
Deity 'khor lo bde mchog
Colophon

།ཞེས་པའང་གྲུབ་བརྒྱུད་པའི་ཞལ་ལུང་བརྗེད་བྱང་དུ་བཏབ་པ་དགེ་ཞིང་བཀྲ་ཤིས་པར་གྱུར་ཅིག།

zhes pa'ang grub brgyud pa'i zhal lung brjed byang du btab pa dge zhing bkra shis par gyur cig

":Property:textsubnumber|textsubnumber" can not be assigned to a declared number type with value 1.

[edit]
༄༅། །བདེ་མཆོག་མཁའ་འགྲོ་སྙན་བརྒྱུད་ཀྱི་ཟབ་ཁྲིད་རྒྱས་པར་འཆད་པའི་ས་བཅད་གྲུབ་པའི་གསུང་ཟེར་བཞུགས་སོ།། །།

ཨོཾ་སྭསྟི་སིདྡྷི། བདེ་མཆོག་མཁའ་འགྲོ་སྙན་བརྒྱུད་ཀྱི་གདམས་པ་ཡིད་བཞིན་ནོར་བུའི་ལམ་གྱི་རིམ་པའི་ས་བཅད་ལ་གསུམ། ཡིད་ཆེས་ཤིང་ཁུངས་བཙུན་པར་བྱེད་པ་བརྒྱུད་སྤྱི་དང་བྱེ་བྲག་གཉིས་པ་ཡིད་བཞིན་ནོར་བུ་དང་། རྒྱུད་མ་སྨིན་པ་སྨིན་པར་བྱེད་པ་སྨིན་ལམ་ཡིད་བཞིན་ནོར་བུ་དང་། སྨིན་ཟིན་གྲོལ་བར་བྱེད་པ་གྲོལ་ལམ་ཡིད་བཞིན་ནོར་བུའོ། །གཉིས་པ་ལ་གསུམ། དབང་གི་སྤྱི་བཤད། དབང་གི་ཕྱག་ལེན། དེ་ཡི་དམ་ཚིག་བསྲུང་ཐབས་སོ། །དང་པོ་ལ་གཉིས། དབང་གི་གོ་དོན་བཤད་པ། མ་བསྐུར་བའི་ཉེས་དམིགས། ཐོབ་པའི་ཕན་ཡོན་ནོ། །དང་པོ་ལ་བཞི། ངོ་བོ། ངེས་ཚིག །དབྱེ་བ། མཚན་ཉིད་དོ། །ཕྱག་ལེན་ལ་གསུམ། རིམ་སྐྱེས་པ་རྗེས་སུ་བཟུང་ཐབས་ཡབ་ཀྱི་དཀྱིལ་འཁོར་ལ་བརྟེན་པའི་དབང་རྒྱས་པ། ཐོད་རྒལ་བ་རྗེས་སུ་བཟུང་ཐབས་ཡུམ་གྱི་སིནྡྷུ་རའི་དཀྱིལ་འཁོར་ལ་བརྟེན་པའི་དབང་འབྲིང་པོ། །ཅིག་ཅར་བ་རྗེས་སུ་བཟུང་ཐབས་བླ་མའི་སྐུ་གསུང་ཐུགས་ཀྱི་དཀྱིལ་འཁོར་ལ་བརྟེན་པའི་བརྡའི་དོན་དབང་ངོ་། །དེ་རྣམས་སྤྱི་བཤད་དང་། སྨིན་ལམ་དང་དམ་ཚིག་ཡིད་བཞིན་ནོར་བུའི་གཞུང་རྣམས་སུ་གསལ་ལོ། །གསུམ་པ་གྲོལ་ལམ། སྔོན་འགྲོ། དངོས་གཞི། རྗེས་གསུམ་ལས། དང་པོ་ལ། སློབ་དཔོན་དང་སློབ་མའི་མཚན་ཉིད་ཉན་བཤད་ཇི་ལྟར་བྱ་ཚུལ་རྣམས་སྔོན་དུ་འགྲོ་བས་ཐུན་མོང་དང་། ཐུན་མོང་མ་ཡིན་པའི་སྔོན་འགྲོ་གཉིས་ཀྱི་སྒོ་ནས་དཀྲི་བ་ལས། དང་པོ་ལ། དལ་འབྱོར་རྙེད་༡དཀའ། འཆི་བ་མི་རྟག་༢པ། ལས་རྒྱུ་༣འབྲས། འཁོར་བའི་ཉེས་༤དམིགས། ཐར་པའི་ཕན་༥ཡོན་རྣམས་བསམ་པས། སྡིག་པ་སྤོང་བ༦། དགེ་བ་བསྒྲུབ་༧པ། འཁོར་བ་ལ་༨ངེས་འབྱུང་བཅོས་མིན་དུ་སྐྱེ་བ་སྟེ་བརྒྱད་དོ། །དང་པོ་ལ། དལ་འབྱོར་ངོས་བཟུང་བ། དེ་རྙེད་པར་དཀའ་ཚུལ། རྙེད་པ་དོན་ཡོད་པར་བྱ་བའོ། །གཉིས་པ་ལ། དབྱེ་བ་དུས་ཀུན་ཏུ་དྲན་པ་བསྒོམ་ཚུལ། ཕན་ཡོན་ནོ། །དང་པོ་ལ། སྣོད་མི་རྟག་པར་བསམ་པ། བཅུད་མི་རྟག་པར་བསམ་པའོ། །དང་པོ་ལ་རགས་པ་མེ་བདུན་ཆུ་གཅིག་གིས་འཇིག་ཚུལ། ཕྲ་བ་རྒྱུན་གྱིས་མི་རྟག་པར་འགྱུར་བའོ། །གཉིས་པ་ལ། གཞན་དང་། རང་མི་རྟག་པའོ། །གསུམ་པ་ལས། ལས་ཀྱི་རྣམ་བཞག་སྤྱིར་བཤད། རྒྱུ་འབྲས་ཀྱི་རྣམ་བཞག་བྱེ་བྲག་ཏུ་དབྱེ། དེ་ལ་སྤང་བླང་བྱ་བའི་ཚུལ་ལོ། །དང་པོ་ལ། སེམས་པའི་ལས་དང་། བསམ་པའི་ལས། དཀར་ནག་མུ་བཞིའི་ལས། འཕེན་རྫོགས་ཀྱི་ལས་སོགས་སོ། །གཉིས་པ་ལ། ལས་ཀྱི་རྒྱུ་དྲུག །འགྲུབ་བྱེད་ཀྱི་རྐྱེན་བཞི། དེའི་འབྲས་བུ་ལྔ། དེ་སྨིན་པའི་དུས་གསུམ་མོ། །དང་པོ་ནི། །སྐལ་མཉམ་ལྷན་ཅིག་འབྱུང་རྒྱུ་དང་། །མཚུངས་ལྡན་རྒྱུ་དང་ཀུན་འགྲོའི་རྒྱུ། །རྣམ་སྨིན་བྱེད་པའི་རྒྱུ་དག་ནི། །རྒྱུ་དྲུག་དག་ཏུ་ཐུབ་པས་གསུངས། །ཞེས་པའི་ནང་ཚན་ཀུན་འགྲོ་ལ། ནག་པོ་དང་། དཀར་པོ་ཀུན་ཏུ་འགྲོ་བའི་རྒྱུ་གཉིས། དེ་རེ་རེ་ལའང་བཅུ་བཅུ་དབྱེ་བའོ། །གཉིས་པ་ནི། རྒྱུའི་རྐྱེན་དང་བདག་པོའི་རྐྱེན། །དམིགས་རྐྱེན་དེ་མ་ཐག་པའི་རྐྱེན། །ཞེས་སོ། །གསུམ་པ་ནི། རྣམ་སྨིན་དང་ནི་དབང་དང་ནི། བྱེད་དང་མྱོང་བ་རྒྱུ་མཐུན་དང་། །སྐྱེས་བུ་བྱེད་པའི་འབྲས་བུའོ། །ཞེས་སོ། །བཞི་པ་ནི། མཐོང་ཆོས་སྐྱེས་ནས་མྱོང་འགྱུར་དང་། །ལན་གྲངས་གཞན་དུ་མྱོང་འགྱུར་རོ། །ཞེས་སོ། །བཞི་པ་ལ། འཁོར་བ་བྱེ་བྲག་རིགས་དྲུག་སོ་སོའི་སྡུག་བསྔལ་དང་། སྤྱིར་སྡུག་བསྔལ་གསུམ་བསམ་པའོ། །གཉིས་པ་ཐུན་མོང་མ་ཡིན་པའི་སྔོན་འགྲོ་ལ། སྐྱབས་འགྲོ། སེམས་བསྐྱེད། ཚད་མེད། རྡོར་སེམས་སྒོམ་བཟླས། བླ་མའི་རྣལ་འབྱོར། ཏིང་ངེ་འཛིན་གྱི་དབང་བཞི་ཞུ་བའོ། །དང་པོ་ལ། སྐྱབས་འགྲོའི་ངོ་བོ་ངེས་ཚིག་དང་། །དབྱེ་བ་མཚན་ཉིད་བཞི་ཡིས་བསྟན། །ཞེས་སོ། །དེའི་ཕྱི་མ་ལའང་། སྐྱབས་འགྲོའི་ཡུལ་དང་གང་ཟག་དང་། །དམ་ཚིག་བསླབ་བྱ་ཕན་ཡོན་བསམ། །ཞེས་དྲུག་གོ། །གཉིས་པ་ལའང་། ངོ་བོ་སོགས་བཞི་དང་། ཕྱི་མ་ལ། ཆོ་ག་བསླབ་བྱ་བསྲུང་ཚུལ་དང་། །ཕྱིར་བཅོས་ཉེས་དམིགས་ཕན་ཡོན་དྲུག །ཅེས་སོ། །གསུམ་པ་ལ། ཚད་མེད་ངོས་བཟུང་ཉམས་སུ་བླངས། དེ་ཡི་ཕན་ཡོན་བསམ་པའོ། །ཞེས་གསུམ་མོ། །བཞི་པ་ལ། ལྟུང་བས་གོས་པའི་ཉེས་དམིགས། །དེ་སྟོབས་བཞིའི་སྒོ་ནས་བཤགས་ཚུལ། བཤགས་པའི་ཕན་ཡོན་ནོ། །དེའི་སྟོབས་བཞི་ནི། རྟེན་༡དང་གཉེན་༢སྒོམ་བཟླས་པོ་སུན་༣འབྱིན་འགྱོད་སེམས་དང་། །ཉེས་པ་ལས་སྡོམ་སེམས་ནི་སླར་ཟློག་པའོ། །ལྔ་པ་ལ། བླ་མ་དཀོན་མཆོག་གསུམ་གྱི་ངོ་བོར་ངེས་པས་བསྒོམ་ཞིང་མཆོད་པ་དང་གསོལ་བ་གདབ་ཚུལ། །དེ་ལས་མཆོག་ཐུན་མོང་གི་དངོས་གྲུབ་ཐམས་ཅད་འབྱུང་བར་བསྟན་པའོ། །དྲུག་པ་ལ། དབང་མ་ཐོབ་པའི་ཉེས་དམིགས། དབང་བླང་བ་དངོས། དབང་དོན་ངོས་བཟུང་པ། བླ་མའི་སྐུ་གསུང་ཐུགས་ལས་དབང་བླང་བ་ཁྱད་པར་འཕགས་ཚུལ། སྤྱིར་དབང་ཐོབ་པའི་ཕན་ཡོན་ཏེ། དེ་རྣམས་ཀུན་མཁྱེན་གྲུབ་མཆོག་དབང་པོས་མཛད་པའི་བླ་མ་དམ་པའི་གསུང་རྒྱུན་གྱི་རིམ་པ་མཐོང་དགའ་ནོར་བུའི་ཕྲེང་བ་དགོས་འདོད་༨༧ཀུན་འབྱུང་ལྟར་རོ། །གཉིས་པ་དངོས་གཞི་ལ་བཞི་ལས། དང་པོ་བུམ་དབང་གི་ལམ་བསྐྱེད་རིམ་ལ། ངོ་བོ། ངེས་ཚིག །དབྱེ་བ། མཚན་ཉིད་དོ། །གསུམ་པ་ལ། གང་ཟག་ཡབ་བཀའ་ལ་མོས་པར་དབང་པོ་རྣོན་པོ། །ལྷ་དྲུག་ཅུ་རྩ་གཉིས་པ། འབྲིང་པོར་ལྷ་བཅུ་གསུམ་པ། ཐ་མར་ལྷ་ལྔ་དང་། ལྷན་སྐྱེས་ཏེ་བཞི། ཡུམ་བཀའ་ལ་མོས་པ་ལའང་། ལྷ་མོ་བཅོ་ལྔ། ལྷ་བདུན་མ། ལྷ་ལྔ་མ། ལྷན་སྐྱེས་ཏེ་བཞི། དབང་པོ་ཡང་རབ་ཀྱི་དོན་དུ་ལུས་དཀྱིལ། ཡེ་ནས་ལྷུན་གྲུབ་དགུའོ། །བཞི་པ་ལ་ཆོ་ག་བསྟན་པ། གོ་དོན་བཤད་པ། བསྒོམ་ཐབས་ཀྱི་མན་ངག །མ་བསྒོམས་པའི་སྐྱོན། བསྒོམས་པའི་ཡོན་ཏན་ནོ། །དང་པོ་ལ། རྒྱལ་བློན་དམངས་དང་བསྲེ་བའོ། །ཞེས་སོ། །གཉིས་པ་དེ། བཤད་པ་ལ་སྔོན་འགྲོ། །དངོས་གཞི། རྗེས་གསུམ་ལས། དང་པོ་སྔོན་འགྲོ་བློན་པོ་རིགས་གསུམ་གྱི་ལས་བྱེད་ལ། ཐུན་མོང་སྐྱབས་སེམས། ཚད་མེད་གསུམ། ཁྱད་པར་རྡོར་སེམས། བླ་མའི་རྣལ་འབྱོར། གསོལ་བ་གདབ་ཅིང་དབང་བླང་བ་གསུམ་མོ། །གཉིས་པ་ལ། མཉམ་བཞག་རྒྱལ་པོ་ཆོས་ཉིད་མི་འགྱུར་བ་དང་། རྗེས་ཐོབ་དམངས་ཕྲིན་ལས་མཐུན་སྦྱོར་གྱི་ཉམས་ལེན་ནོ། །དང་པོ་ལ། སྐྱེ་བ་བསྐྱེད་རིམ་སྤྲུལ་སྐུ། །གནས་པ་ཟུང་འཇུག་ལོངས་སྐུ། འཆི་བ་རྫོགས་རིམ་ཆོས་སྐུའི་ཉམས་ལེན་ནོ། །དང་པོ་ལ། བགེགས་རྣམས་གཞོམ་ཤིང་ཚར་བཅད་པ། ཆོས་ཐམས་ཅད་སྟོང་པར་སྦྱོང་བ། བསྲུང་བའི་འཁོར་ལོ་བསྒོམ་པ། རྟེན་གཞལ་ཡས་ཁང་དུར་ཁྲོད་དང་བཅས་པ་བསྐྱེད་པ། བརྟེན་པ་ལྷ་བསྐྱེད་པ་སྟེ་ལྔའོ། །ཕྱི་མ་ལ་བཞི་སྟེ། བསྙེན་པ་ཉེ་བསྙེན་སྒྲུབ་ཆེན། ཞེས་པའི། དང་པོ་ལའང་། གཙོ་བོ་ཡབ་ཡུམ་བསྐྱེད་པ། ནང་གི་འཁོར་ལོ་བསྐྱེད་པ། ཕྱིའི་འཁོར་ལོ་བསྐྱེད་པའོ། །གཉིས་པ་ལ། གོ་ཆ་བགོ་བ་དང་། སྐུ་གསུང་ཐུགས་བྱིན་གྱིས་བརླབས་པའོ། །གསུམ་པ་ལ། སྣོད་བཅུད་སྦྱང་བ། ཡེ་ཤེས་པ་གཞུག་པ། སེམས་དཔའ་སུམ་བརྩེགས་སུ་བསྒོམ་པའོ། །བར་པ་ལ། སྤྱན་དྲངས་མཆོད་ཅིང་བཞུགས་པ་སྟེ་གསུམ་མོ། །བཞི་པ་ལ་དབང་ལྷ་སྤྱན་དྲངས་ཞིང་གདན་འབུལ་བ། མཆོད་བསྟོད་གསོལ་གདབ། དབང་བསྐུར་ཞིང་རིགས་བདག་གིས་རྒྱས་གདབ་པ་དངོས་ཏེ་གསུམ་མོ། །གཉིས་པ་ལོངས་སྐུ་ཟུང་འཇུག་གི་རྣལ་འབྱོར་ལ། ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་པ་བཞི་འབུལ་ཞིང་བསྟོད་པ་བྱ་བ་དང་། སྔགས་ཕྲེང་གསལ་བཏབ་སྟེ་བཟླས་པ་བྱ་བ་དང་། ཟུང་འཇུག་གི་རྣལ་འབྱོར་དངོས་སྟེང་འོག་གི་སྒོ་གཉིས་ལ་བརྟེན་པའི་ཉམས་ལེན་རྣམས་སོ། །གསུམ་པ་ཆོས་སྐུ་འོད་གསལ་གྱི་རྣལ་འབྱོར་ནི་བསྐྱེད་རིམ་གྱི་རྗེས་སྡུད་དོ། །གཉིས་པ་རྗེས་ཐོབ་ལ། བཟའ་བ་ཟས་ཀྱི། བགོ་བ་གོས་ཀྱི། ཉལ་བ་གཉིད་ཀྱི། འགྲོ་འདུག་སྐོར་བའི། སྨྲ་བརྗོད་བཟླས་པའི། བཀྲུ་བ་ཁྲུས་ཀྱི། མཆོད་སྦྱིན་གཏོར་མའི་རྣལ་འབྱོར་ཏེ་བདུན་ནོ། །གསུམ་པ་རྗེས་བསྲེ་བ་རོ་སྙོམས་ལ། སྨིན་བྱེད་དབང་བཞི་ལ། གྲོལ་བྱེད་ལམ་བཞི་ལ། བསྲུང་བྱ་དམ་ཚིག་བཞི་ལ། ཐོབ་བྱ་འབྲས་བུ་སྐུ་བཞི་ལ་བསྲེ་བ་སྟེ་བཞིའོ། །གསུམ་པ་བསྒོམ་པའི་མན་ངག་ལ། རྣམ་པ་གསལ་བ། རྣམ་དག་དྲན་པ། ང་རྒྱལ་བརྟན་པའོ། །དེ་རྣམས་རྒྱས་པར་བསྐྱེད་རིམ་ཡིད་བཞིན་ནོར་བུ་རྒྱས་བསྡུས་དང་། སྤྱི་བཤད་ཐེག་མཆོག་བདུད་རྩིའི་དགའ་སྟོན་ལས་ཤེས་པར་བྱའོ། །གཉིས་པ་གསང་དབང་གི་ལམ་སྟེང་སྒོ་རྣམ་པར་གྲོལ་བ་ཆོས་དྲུག་གི །དང་པོ་གཏུམ་མོ་བདེ་དྲོད་རང་འབར་གྱིས་ལམ་གྱི་གཞུང་བསྲང་བ་ལ། ལུས་རྣམ་བཞག་ལ་བརྟེན་ནས་གཏུམ་མོའི་རོས་འཛིན་དང་། ཡན་ལག་རྒྱས་བཤད་ལ་བརྟེན་ནས་གཏུམ་མོའི་ཁྲིད་དངོས་བསྟན་པའོ། །དང་པོ་ལ། ངེས་ཚིག །དབྱེ་བ། ཆོས་མཚུངས། བྱེད་ལས། གྲངས་ངེས་སོ། །གཉིས་པ་ལ་སྔོན་དངོས་རྗེས་གསུམ་ལས། དང་པོ་ལ། མཐུན་རྐྱེན་བསྟན་པ་དང་། རྡོ་རྗེ་ལུས་ཀྱི་གནད་བསྟན་པའོ། །དང་པོ་ལ་མཐུན་སྦྱོར་རྐྱེན་གྱི། གསང་བ་ཉམས་ལེན་གསང་བ་དམ་ཚིག །གསོལ་འདེབས་བྱིན་རླབས་ཀྱི། གེགས་སེལ་བསྙེན་རྣལ་འབྱོར་མ་ལྟ་བུ། པའི་གནད་བཞི་ལས། དང་པོ་ལའང་བརྒྱད་དེ། འདུག་ས་གནས་ཀྱི། མཐུན་པ་གྲོགས་ཀྱི། བཟའ་བ་ཟས་ཀྱི། བགོ་བ་གོས་ཀྱི། བདེ་བ་མལ་གྱི། མི་འབྲལ་བ་པུས་འཁྱུད་ཀྱི། སྤང་བྱ་ཡུལ་གྱི། ངལ་དུབ་མེད་པ་སྤྱོད་ལམ་གྱི་གནད་དོ། །གཉིས་པ་རྡོ་རྗེ་ལུས་ཀྱི་གནས་ལུགས་ལ། རྩ། རླུང་། ཐིག་ལེ་དངོས་པོའི་གནས་ལུགས་ཏེ་གསུམ་མོ། །གཉིས་པ་དངོས་གཞི་ལ་གནད་ལྔ་དང་། ཆིངས་བཞི་སྟེ། དང་པོ་ནི། བསྒོམ་པ་ངེས་པ་དུས་ཀྱི་གནད། བཅས་པ་ལུས་ཀྱི་གནད། རྩ་དང་ཐིག་ལེ་དམིགས་པ་ཡུལ་གྱི་གནད། །ཡོན་ཏན་འབྱུང་བ་རླུང་གི་གནད། །ཡིན་ལུགས་སེམས་ཉིད་རྟོགས་པའི་གནད་དོ། །གཉིས་པ་ནི། ཕྱི་ནང་གསང་བ་དེ་ཁོ་ན་ཉིད་ཀྱི་གཏུམ་མོ་སྟེ། ལུས་ཀྱི་གནད་སོགས་ཕྱི་མ་བཞི་པོ་དང་དོན་གཅིག་པས། དང་པོ་ཕྱིའི་གཏུམ་མོ་ལ། ལུས་ཀྱི་གནད་དང་། སེམས་ཀྱི་ལྟ་སྟངས་གཉིས། ཕྱི་མ་ལ་སྒྱུ་མ་ལྷ་ཡི་སྟོང་ར། དག་པ་རྩ་ཡི་སྟོང་ར། བྱིན་རླབས་བླ་མའི་གཏུམ་མོ་སྟེ་གསུམ་མོ། །གཉིས་པ་ནང་གི་གཏུམ་མོ་ལ། རྩ་གཙོ་མོ་རྐྱང་པ་ལ་བརྟེན་པ། རྩ་གསུམ་ལ་བརྟེན་པ། རྩ་གསུམ་འཁོར་ལོ་བཞི་ལ་བརྟེན་པའོ། །ཕྱི་མ་ཐིག་ལེ། ས་བོན། ཕྱག་མཚན། ལྷ་སྐུའི་རྣལ་འབྱོར་ཏེ་བཞིའོ། །གསུམ་པ་གསང་བའི་གཏུམ་མོ་ལ་རྡོ་རྗེའི་བཟླས་པ་དང་། སྲོག་ཤིང་འཁོར་ལོའི་མན་ངག་གོ། །བཞི་པ་དེ་ཁོ་ན་ཉིད་ཀྱི་གཏུམ་མོ་ལ། མདོར་བསྟན། རྒྱས་བཤད། དོན་དྲིལ་བའོ། །གསུམ་པ་རྗེས་ལ་དམ་ཚིག་དང་། བསླབ་བྱ་སྟོན་པ་གཉིས་སོ། །གཉིས་པ་བོགས་འདོན་སྒྱུ་ལུས། །ཆོས་བརྒྱད་རང་གྲོལ་ལ་མདོ་རྒྱས་གཉིས། ཕྱི་མ་ལ་སྣང་བའི་ཆོས་ཐམས་ཅད་སྒྱུ་མར་སྦྱང་བ། སྦྱང་བྱའི་རང་བཞིན་རྩ་བྲལ་དུ་བསྟན་པ། འབྱོངས་པའི་ཕན་ཡོན་ནོ། །དང་པོ་ལ་འཁོར་བ། མྱང་འདས། ཆོས་ཐམས་ཅད་སྒྱུ་མར་སྦྱང་བ། འབྱོངས་པ་སྣང་ལ་རང་བཞིན་མེད་པའི་དཔེའོ། །དང་པོ་ལ་རིགས་དྲུག་བར་དོ་དང་བདུན་ལ་ཆགས་སྡང་སྦྱང་ཚུལ་རེ་རེ་སྟེ་བཅུ་བཞིའོ། །གཉིས་པ་ལ། མངོན་པར་དགའ་བ་སོགས་ཞིང་ཁམས་ལྔས་དབྱེ་བས་ལྔའོ། །གསུམ་པ་ལ། ཚོགས་དྲུག་གི་སྣང་བ་བཟང་ངན་བར་མ་གསུམ་ལ་སྦྱོང་ཚུལ་གྱིས་ཕྱེ་བས་བཅོ་བརྒྱད་དོ། །བཞི་པ་ལས། སྒྱུ་མའི་དཔེ་བཅུ་གཉིས་ཏེ། སྒྱུ་མ་རྨི་ལམ་སྨིག་རྒྱུ་དང་། །གཟུགས་བརྙན་གློག་དང་བྲག་ཆ་དང་། །ཆུ་ཟླ་འཇའ་ཚོན་དྲི་ཟའི་གྲོང་། །མིག་ཡོར་སྤྲིན་དང་སྤྲུལ་པའོ། །གཉིས་པ་ལ། བདེན་གྲུབ་མེད་པའི་རྒྱུ་མཚན། དེའི་ངོ་སྤྲོད། ལམ་དུ་ཁྱེར་ཚུལ་ལོ། །གསུམ་པ་ལ། སྤང་བྱའི་ཆོས་དང་བྲལ་བ། སྤྱོད་པ་ངེས་མེད་དུ་བསྐྱང་བ། མཐར་ཐུག་སྐུ་གཉིས་ཐོབ་པའོ། །གསུམ་པ་རྨི་ལམ་འཁྲུལ་པ་རང་སངས་ཀྱིས་ལམ་གྱི་ཚད་བཟུང་བ་ལ། མདོར་རྒྱས་གཉིས་ཀྱི། ཕྱི་མ་ལ། སྔོན་དངོས་རྗེས་གསུམ་ལས། དང་པོ་ལ། མོས་གུས་ཅན་བླ་མ། དག་སྣང་ཅན་ཡི་དམ། རྟོགས་པ་ཅན་སྣང་བ་དྲན་པའི་ལྕགས་ཀྱུས་བཟུང་བའོ། །གཉིས་པ་ལ། སྦྱོང་༡བ། སྤེལ་༢བ། བསྒྱུར་༣བ། སྤྲུལ་༤པ། གེགས་༥སེལ། བོགས་༦འདོན། ལམ་ཁྱེར་༧རོ། །བཞི་པ་འོད་གསལ་མ་རིག་མུན་བྲལ་གྱིས་ལམ་གྱི་གོལ་ས་བཅད་པ་ལ་མདོར་རྒྱས་གཉིས། ཕྱི་མ་ལ་སྔོན་དངོས་རྗེས་གསུམ། དངོས་གཞི་ལ་བཞི་ལས། དང་པོ་སེམས་གནས་ལ། ཐིག་ལེ། ས་བོན། ཕྱག་མཚན། ལྷ་སྐུའི་རྣལ་འབྱོར་ཏེ་བཞི་དང་། དེའི་ཡན་ལག་སྨིན་མཚམས་ཀྱི་ཐིག་ལེ། སྣ་ཚོགས་རྡོ་རྗེ། གསོལ་འདེབས་འོད་ཟེར་སྤྲོ་བསྡུ་སྟེ་བརྒྱད་དོ། །གཉིས་པ་དམ་ཚིག །གསུམ་པ་འཆར་དུས། བཞི་པ་བསྲེ་བ་རྣམས་སོ། །ལྔ་པ་འཕོ་བ་མ་བསྒོམ་སངས་རྒྱས་གསེར་འགྱུར་གྱི་རྩིས་ལམ་གྱི་མཚམས་སྦྱོར་བ་ལ་མདོར་རྒྱས་གཉིས། ཕྱི་མ་ལ་གཉིས་ལས། སྦྱང་བ་ལ། སྤྲུལ་སྐུ། ལོངས་སྐུ། ཆོས་སྐུའི་འཕོ་བ་གསུམ། གཉིས་པ་ལས་སྦྱོར་ལ། ནམ་འཕོ་བའི་དུས་དང་། ཇི་ལྟར་འཕོ་བའི་ཚུལ་གཉིས། ཕྱི་མ་ལ། སྔོན་དངོས་གཉིས། །དྲུག་པ་འབྱུང་ངེས་ཀྱི་ཆོས་ངོས་ཟིན་པས་སངས་རྒྱ་བ་བར་དོའི་མན་ངག་མདོར་རྒྱས་གཉིས། ཕྱི་མ་ལ། བཅད་བྱ་ལུས་ལྡན་གྱི་བར་དོ་གསུམ་ངོས་བཟུང་བ། སྦྱོང་གཞི་མཚན་མའི་བར་དོ་འོད་གསལ་མའི་གནས་ལུགས་བསྟན་པ། སྦྱང་བྱ་དྲི་མ་ཅན་ཆོས་སྐྱེ་འཆི་བར་དོ་གསུམ་ཉིད་ཀྱི་བར་དོ་བཤད་པ། སྦྱོང་བྱེད་བསྲེ་བ་ལམ་གྱི་གདམས་པས་འོད་གསལ་མ་བུའི་འཆར་ཐབས་བསྟན་པ། གང་ཟག་གི་དབང་པོའི་རིམ་པས་སྦྱངས་འབྲས་མངོན་དུ་འགྱུར་ཚུལ་ལོ། །ཕྱི་མ་ལ་དབང་པོ་རབ་འཆི་བ་ཆོས་ཀྱི་སྐུར་སངས་རྒྱ་བ། འབྲིང་བར་དོ་ལོངས་སྐུར་འཚང་རྒྱ་བ། ཐ་མ་སྐྱེ་བ་བརྒྱུད་ནས་སྤྲུལ་སྐུ་ཐོབ་པའི་ཚུལ་ལོ། །དེ་དག་རྒྱས་པར་གཞུང་འགྲེལ་ནོར་བུ་སྐོར་གསུམ་དང་། ཀུན་མཁྱེན་གྲུབ་མཆོག་དབང་པོ་ལ་ཀརྨ་པ་དབང་ཕྱུག་རྡོ་རྗེས་བཀའ་བསྐུལ་མཛད་པའི་ཆོས་དྲུག་གི་ཁྲིད་ཡིག་ཆེན་མོ་ལས་ཇི་ལྟར་འབྱུང་བ་བཞིན་ནོ། །གསུམ་པ་ཤེས་རབ་ཡེ་ཤེས་ཀྱི་དབང་གི་ལམ་འོག་སྒོ་བདེ་བ་ཆེན་པོའི་སྐོར་ནི་ཁྲིད་རྒྱུན་དམིགས་བསལ་མི་བཞུགས་པས་འདིར་ས་བཅད་དུ་མ་བཀོད་ལ། ཞར་བྱུང་དེའི་ཡན་ལག་དཔལ་ནཱ་རོ་ཆེན་པོའི་གསང་སྤྱོད་ཀྱི་ས་བཅད་ལ་ལྔ། གང་ཉམས་སུ་ལེན་པའི་གནས། ནམ་ཉམས་སུ་ལེན་པའི་དུས། གང་གིས་ཉམས་སུ་ལེན་པའི་གང་ཟག །ཅིའི་ཕྱིར་ཉམས་སུ་ལེན་པའི་དགོས་པ། ཇི་ལྟར་ཉམས་སུ་ལེན་པའི་ཚུལ་ལོ། །ཕྱི་མ་ལ། སྔོན་འགྲོ། དངོས་གཞི། རྗེས་གསུམ་ལས། དང་པོ་ནི། ངེས་འབྱུང་དང་སྙིང་རྗེ་ལྡན་ཞིང་དམ་ཚིག་དང་སྡོམ་པས་རྒྱུད་དག་པར་བྱ་བའོ། །གཉིས་པ་ལ་དྲུག ཕུང་པོའི་གཅེས་འཛིན་དོར་ནས་ཚོགས་བསགས་ཤིང་ཞི་བའི་སྒོ་ནས་འདྲེ་གདོན་དགེ་སྦྱོར་གྱི་རྟེན་དུ་སློང་བ་དང་། གཞི་བདག་དགེ་སྦྱོར་གྱི་རྟེན་དུ་སློང་ཐུབ་པའི་ཚད་དམ་རྟགས་བསྟན་པ། མ་བསླངས་ན་མཐའ་གཏད་ལོག་གནོན་དྲག་པོས་རྨད་དཀྲུགས་ཤིང་སློང་བ། བསླངས་ནས་དབྱིངས་རིག་བསྲེ་བའི་ཉམས་ལེན་གྱིས་འདྲེར་འཛིན་གྱི་རྟོག་པ་ཚར་བཅད་པ། ཉམས་ལེན་དེས་འདྲེར་འཛིན་གྱི་རྟོགས་པ་ཚར་ཆོད་པའི་ཚད་དམ་རྟགས་བསྟན་པ། ཚར་ཆོད་ནས་དམིགས་མེད་ཀྱི་ཐུགས་རྗེས་རྗེས་སུ་བཟུང་ཞིང་སྨིན་གྲོལ་ལ་བཀོད་པའོ། །དེའི་དང་པོ་ལ་ལྔ། ཕུང་པོ་རིགས་དྲུག་ལ་སྦྱིན་པར་བཏང་། བླ་མ་ལ་དབང་ཡོན་དུ་འབུལ། ཡི་དམ་ལ་ཚོགས་སུ་འབུལ། མཁའ་འགྲོ་ཆོས་སྐྱོང་ལ་གཏོར་མར་བཏང་། གནས་ལུགས་ཀྱི་ངང་ལ་བཞག་པའོ། །དེ་དག་ནི་ནཱ་རོ་ཆེན་པོའི་གསང་སྤྱོད་ཀྱི་ཁྲིད་ཡིག་ཞལ་གདམས་དང་བཅས་པ་ལྟར་རོ། །དབང་བཞི་པའི་ལམ་ཕྱག་རྒྱ་ཆེན་པོ་ཡི་གེ་བཞི་པའི་གདམས་པ་ལ། དང་པོ་སེམས་ཀྱི་གཞི་རྩ་བཅད། གཉིས་པ་སེམས་ཀྱི་བཞག་ཐབས་བསྟན། གསུམ་པ་སེམས་ཀྱི་གོལ་ས་བཅད། བཞི་པ་སེམས་ཀྱི་ལམ་ཁྱེར་བསྟན། ཞེས་སོ། །དེའང་སྔོན་དངོས་རྗེས་གསུམ་ལས། དང་པོ་ནི་སྔར་བཤད་པ་ལྟར་རོ། །གཉིས་པ་ལ་བཞི་ལས། དང་པོ་ལའང་གསུམ། དང་པོ་མན་ངག་ལྟར་གཞི་རྩ་བཅད་པ་ལ། ལུས་ཀྱི་གནད་དང་། སེམས་ཀྱི་བཞག་ཐབས་གཉིས། ཕྱི་མ་ལ། དུས་གསུམ་རྟོག་པ་བཅད་དེ་སེམས་རང་ལུས་སུ་བཞག་༡པ། མཐའ་དབུས་ཀྱི་ངོས་བཟུང་མེད་པར་ནམ་མཁའ་ལྟར་བཞག་༢པ། གནས་དང་རྟེན་མེད་པ་བར་སྣང་གི་སྤྲིན་ལྟར་བཞག་༣པ། རྒྱུན་ཆད་མེད་པ་ཆུ་བོའི་གཞུང་ལྟར་བཞག་༤པ། རིན་པོ་ཆེ་ལས་གྲུབ་པའི་ལྷ་སྐུ་བཞིན་སྒོ་གསུམ་གཡོ་མེད་དུ་བཞག་༥པ། །སྙེམས་དང་རྟོག་པ་མེད་པར་དུར་ཁྲོད་ཀྱི་མི་རོ་ལྟར་བཞག་༦པ། འཕོ་འགྱུར་དང་གཡོ་འགུལ་མེད་པ་རི་རབ་ལྟར་བཞག་༧པ། ལྟག་ཆུ་བཅད་པའི་ཆུ་ཐག་བཞིན་སྒོ་གསུམ་ལས་མེད་དུ་བཞག་༨པའོ། །གཉིས་པ་འབྲེལ་བ་ལྟར་དཔྱད་པ་ནི། ཐག་པ་ལ་སྦྲུལ་དུ་འཁྲུལ་པའི་རྟོགས་༡བརྗོད་དང་། སྒྱེད་བུ་ལ་གསེར་དུ་ཤེས་པའི་རྟོགས་༢བརྗོད་དང་། རང་བུ་ཆོམ་པོར་བྱུང་བའི་རྟོགས་༣བརྗོད་རྣམས་ཀྱི་དཔེ་དོན་དང་འབྲེལ་བར་དཔྱད་པའོ། །གསུམ་པ་གཞུང་ལུགས་ལྟར་དཔྱད་པ་ནི། སྐྱེ་འགག་གནས་གསུམ་གཅིག་དུ་མ་སོགས་དཔྱད་པའོ། །གཉིས་པ་སེམས་ཀྱི་བཞག་ཐབས་བསྟན་པ་ལ། ཁྱུང་ཆེན་ནམ་མཁའ་ལ་ལྡིང་བ་བཞིན་རྩོལ་སྒྲུབ་མེད་པར་བཞག་༡པ། རྒྱ་མཚོ་རླབས་དང་བྲལ་བ་བཞིན་གཡོ་འགུལ་མེད་པར་བཞག་༢པ། ཉི་ཟླ་སྤྲིན་དང་བྲལ་བཞིན་གསལ་མདངས་དང་ལྡན་པར་བཞག་༣པ། བུ་ཆུང་ལྷ་ཁང་ལ་བལྟ་བ་བཞིན་གསལ་ལ་འཛིན་མེད་དུ་བཞག་པ། ཆུ་དང་རླབས་བཞིན་བྱུང་ཚོར་རང་གྲོལ་དུ་བཞག་པ། ནམ་མཁའ་ལ་བྱ་འཕུར་བ་བཞིན་རིག་པ་རྗེས་མེད་དུ་བཞག་༦པའོ། །གསུམ་པ་སེམས་ཀྱི་གོལ་ས་བཅད་པ་ལ། ཡར་སངས་རྒྱས་ལ་རེ་བ། མར་འཁོར་བ་ལ་དོགས་པ། བར་སྣང་བ་ལ་ཞེན་པ། ནང་ཉམས་མྱོང་ལ་ཞེན་པ། ལས་རྒྱུ་འབྲས་ལ་ཁྱད་དུ་གསོད་པ་སྤང་བའོ། །བཞི་པ་སེམས་ཀྱི་ལམ་ཁྱེར་བསྟན་པ་ལ། ཉིན་མོ་སྣང་༡བ་རྒྱས་བཏབ་པའི། ནང་ནུབ་༢འདོད་ཡོན་གྲོགས་སུ་འཁྱེར་བའི། སྲོད་ལ་༣དབང་པོ་གཞི་ལ་བསྡུ་བའི། ནམ་གུང་༤ཤེས་པ་བུམ་པར་གཞུག་པའི། ཐོ་རངས་༥རིག་པ་གསལ་གདབ་པའི། འཆི་༦ཁར་ཡེ་ཤེས་ཟངས་ཐལ་དུ་བཏང་བའི་རྣལ་འབྱོར་ཏེ་དྲུག་གོ། །གསུམ་པ་རྗེས་ནི། དེ་ལྟར་ལམ་གྱི་རིམ་པའི་ཁྲིད་རྫོགས་ནས། ཕྱག་རྒྱ་ཆེན་པོའི་ཆེ་བ་བསྟན་པ། ཕྱག་རྒྱ་ཆེན་པོའི་རང་སྐད་ངོས་བཟུང་བ། །ཕྱག་རྒྱ་ཆེན་པོའི་སྒྲ་དོན། གོལ་འཆུགས་མེད་པར་ཉམས་སུ་བླང་ཚུལ། དེ་ལྟར་བླངས་པའི་འབྲས་བུའོ། །ཉམས་སུ་བླངས་ཚུལ་ལ། ཤོར་ས་བཞིར་མ་ཤོར་བ། གོལ་ས་གསུམ་དུ་མ་གོལ་བ། །གང་ཟག་གསུམ་གྱི་སྐྱེ་ཚུལ། རྣལ་འབྱོར་བཞིའི་རིམ་པས་ས་ལམ་བགྲོད་ཚུལ་ལོ། །དང་པོ་ནི། སྟོང་ཉིད་ཤེས་བྱའི་གཤིས༡། ལམ༢། གཉེན་༣པོ། རྒྱས་འདེབས་༤སུ་མ་ཤོར་བའོ། །གཉིས་པ་ནི། བདེ་༡གསལ་༢མི་རྟོག་༣གསུམ་ལ་ཞེན་པས་འདོད་གཟུགས་གཟུགས་མེད་གསུམ་དུ་གོལ་བས་དེར་མ་ཞེན་པའོ། །གསུམ་པ་ནི། རིམ་༡སྐྱེས་པ་བྱང་ཐང་གི་ཉི་མ་ལྟ་བུ། ཐོད་རྒལ་༢བ་སྤྲིན་བར་གྱི་ཉི་མ་ལྟ་བུ། གཅིག་༢ཅར་བ་གཅོང་རོང་གི་ཉི་མ་ལྟ་བུའོ། །བར་པ་གོ་སླ་ལ་སྔ་མ་ནི་བྱང་ཐང་དུ་ཉི་མས་རིམ་གྱིས་དྲོས་དགོས་པ་དང་། ཕྱི་མ་རོང་དུ་གཅིག་ཆར་དུ་དྲོས་པའི་དཔེར་མཛད་དོ། བཞི་པ་ནི། ངང་ལ་གནས་པ་རྩེ་༡གཅིག་གི་རྣལ་འབྱོར། སྒྲོ་འདོགས་ཆོད་པ་སྤྲོས་༢བྲལ་གྱི་རྣལ་འབྱོར། སྤང་བླང་མེད་པ་རོ་གཅིག་གི་རྣལ་འབྱོར། མྱོང་བ་དག་པ་བསྒོམ་མེད་༤ཀྱི་རྣལ་འབྱོར་རོ། །དེ་རེ་རེ་ལའང་ཆུང་འབྲིང་ཆེན་པོའི་དབྱེ་བས་བཅུ་གཉིས་སོ། །འབྲས་བུ་ལ། ལམ་ལྔ། ས་བཅུ། སངས་རྒྱས་ཀྱི་སར་སྐུ་གསུམ་གྱི་རྣམ་པར་བཞག་པ་དང་བཅས་པའོ། །སྤྱི་དོན་གསུམ་པ་རྗེས་ལ། སྟན་ཐོག་གཅིག་ཏུ་ཉམས་སུ་བླང་ཚུལ་དང་། གཞན་ཡང་ཚེ་སྒྲུབ་གོང་ཁུག་མའི་མན་ངག་དང་། ལུས་དཀྱིལ་དང་ཆོས་དྲུག་སོགས་ཀྱི་ཞལ་ཤེས་དང་། ཡི་དམ་གྱི་བསྙེན་སྒྲུབ་ཐེམ་ནས་མགོན་པོ་ཕྱག་བཞི་པའི་རྗེས་གནང་ཉམས་ཁྲིད་རིམ་པར་སྟོན་པའོ། །དེ་ལྟ་བུའི་ཁྲིད་རིམ་ལ། ཕྱག་ལེན་འབྲིང་པོ་ཙམ་གྱི་དབང་དུ་བྱས་ན། ཐོག་མར་བདེ་མཆོག་གི་དབང་དངོས་སྟེ་ཉིན་གཉིས་མ་དང་། ཁྲིད་དངོས་ལ་དལ་འབྱོར་རྙེད་དཀའ༡། འཆི་བ་མི་རྟག་༢པ། ལས་རྒྱུ་འབྲས༣། འཁོར་བའི་ཉེས༤དམིགས་དང་ཐར་པའི་ཕན་ཡོན་ཞལ་བྱུང་ཕྱག་གི་དམིགས་ཁྲིད་བཅས་ཐུན་མོང་། སྔོན་འགྲོ་ལ་ཉིན་བཞི། སྐྱབས་༡འགྲོ། སེམས་༢བསྐྱེད་ཚད་མེད། རྡོར་སེམས༣། བླ་མའི་རྣལ་འབྱོར༤། མཎྜལ༥། སྡོམ་བཟུང་༦། གསོལ་འདེབས༧། དབང་བཞི་༨བཅས་ཐུན་མོང་མ་ཡིན་པའི་སྔོན་འགྲོ་ལ་ཉིན་བརྒྱད། དེ་ནས་བདེ་མཆོག་གམ་ཕག་མོའི་ལྟ་ཁྲིད་ཕོག་ལ་བསྙེན་པ་དང་བཅས་ཉིན་གསུམ། ཆོས་དྲུག་གི་གཏུམ་མོ་ལ་ལུས་གནད་སྟོང་ར་༡བཅས། བླ་མའི་གཏུམ་མོ། །རྩ་གཙོ་མོ༣། རྩ་གསུམ་༤འཁོར་ལོ་བཞི་ལས་ཐིག་༥ལ་༦སོགས་༧བཞི། འཁྲུལ་འཁོར། །གསང་༩བའི་གཏུམ་མོ་བཅས་ཉིན་དགུ། སྒྱུ་ལུས་ལ་༡སྟོད། སྨད༢། ལྷ་སྐུ་༣སྒྱུ་མ་སྟེ་གསུམ། རྨི་ལམ་དྲན་པའི་ལྕགས་ཀྱུ་གསུམ་ལ་ཉིན་གསུམ། འོད་གསལ་སེམས་གནས་བཞི་ལ་ཉིན་བཞི། འཕོ་བ་དང་། བར་དོ་ལ་ཉིན་རེ་རེ། ཕྱག་ཆེན་ལ་ལུས་གནད༡། སེམས་ཀྱི་བཞག་ཐབས་༩བརྒྱད། གཞུང་ལུགས་ལྟར་དཔྱད་༡༠པ་རྣམས་ལ་ཉིན་རེ་རེ་སྟེ་ཉིན་བཅུ། དེའི་མཐར་ངོ་སྤྲོད་གདབ་པའོ། །དེའང་ཕྱག་ལེན་ལ་ཕྱག་ཆེན་བསྐྱེད་རིམ་གྱི་རྗེས་སུ་སྟོན་ཅིང་། དེ་ནས་ཆོས་དྲུག་ལ་འཇུག་གོ། །གསང་སྤྱོད་ཀྱི་དམིགས་རིམ་སོགས་ནི་དེ་དག་གི་ཞར་བྱུང་ལ་ཅི་རིགས་པས་སྟོན་པའོ། །ཉམས་ཁྲིད་ལེགས་པར་ཐོབ་ནས། ལོ་གསུམ་ཕྱོགས་གསུམ་གྱི་ངེས་པས་ཉམས་ལེན་ལ་བརྩོན་པའི་ཚེ། སྤྱིར་དབང་པོའི་རིམ་པས་མཐའ་གཅིག་ཏུ་མ་ངེས་ཀྱང་རེ་ཞིག་སྤྱིར་བཏང་བའི་ཕྱག་རྒྱུན་ལ་འདི་ལྟར་གསུངས་ཏེ། ཐོག་མར་ཕྱག་འབུམ་ཐེར་དང་། །སྐྱབས་འགྲོ་འབུམ་ཐེར་ཁ་སྐོང་བཅས། ཚད་མེད་ཅི་རིགས། རྡོར་སེམས་ཡིག་བརྒྱ་འབུམ་ཕྲག་བཞི། ཉེ་སྙིང་འབུམ་ཕྲག་དྲུག །མཎྜལ་འབུམ། སྡོམ་བཟུང་ཅི་རིགས། གསོལ་འདེབས་འབུམ། དངོས་གཞིར་བདེ་མཆོག་ཡབ་བཀའ་རྒྱས་པ་ལྷ་དྲུག་ཅུ་རྩ་གཉིས་ཀྱི་བསྙེན་ཆེན་ལ་ཟླ་བ་བདུན། ལྷན་སྐྱེས་ཡབ་ཡུམ་ལ་ཟླ་བ་དྲུག །ཚེ་སྒྲུབ་སྙིང་པོ་འབྲུ་འབུམ། གཟུངས་རིང་འབུམ་ཕྲག མགོན་པོའི་རྩ་སྔགས་ཁྲི། སྙིང་པོ་འབུམ། ཉེ་སྙིང་འབུམ། སྲོག་སྔགས་འབུམ་ཕྲག་ལྔ། ལྷ་མོའི་རྩ་སྔགས་ཁྲི། སྲོག་སྔགས་འབུམ། ཚེ་རིང་མར་ཟླ་བ་གཅིག་བཅས་བསྐྱེད་རིམ་དང་རྫོགས་རིམ་ལ། གཙོ་བོར་གཏུམ་མོ་དགུན་དུས་དང་བསྟུན་ཟླ་བ་གསུམ་དུ་སྦྱང་ཞིང་། དེ་ཡང་འཇམ་རླུང་དང་བྱིན་རླབས་བླ་མའི་གཏུམ་མོ་གཙོ་བོར་བཟུང་། རླུང་དང་གཏུམ་མོ་ཅི་རིགས་པ་གོམས་ནས་སྒྱུ་ལུས་སོགས་རིམ་བཞིན་ཉམས་སུ་བླངས་ཤིང་། ཕྱག་རྒྱ་ཆེན་པོ་ནི་ཀུན་གྱི་རྒྱས་འདེབས་ཀྱི་ཚུལ་དུ་བསྒོམ། ཉམས་སྐྱེས་རིམ་དང་བསྟུན་ཉམས་མྱོང་ཅན་གྱི་བླ་མས་ངོ་སྤྲད་ཅིང་འཁྲིད་པར་བྱ་བ་ཡིན་ནོ། །ཞེས་པའང་གྲུབ་བརྒྱུད་པའི་ཞལ་ལུང་བརྗེད་བྱང་དུ་བཏབ་པ་དགེ་ཞིང་བཀྲ་ཤིས་པར་གྱུར་ཅིག། །

[edit]

bde mchog mkha' 'gro snyan brgyud kyi zab khrid rgyas par 'chad pa'i sa bcad grub pa'i gsung zer/ @#/_/bde mchog mkha' 'gro snyan brgyud kyi zab khrid rgyas par 'chad pa'i sa bcad grub pa'i gsung zer bzhugs so//__// oM swasti sid+d+hi/__bde mchog mkha' 'gro snyan brgyud kyi gdams pa yid bzhin nor bu'i lam gyi rim pa'i sa bcad la gsum/__yid ches shing khungs btsun par byed pa brgyud spyi dang bye brag gnyis pa yid bzhin nor bu dang /__rgyud ma smin pa smin par byed pa smin lam yid bzhin nor bu dang /_smin zin grol bar byed pa grol lam yid bzhin nor bu'o/__/gnyis pa la gsum/__dbang gi spyi bshad/__dbang gi phyag len/__de yi dam tshig bsrung thabs so/__/dang po la gnyis/__dbang gi go don bshad pa/__ma bskur ba'i nyes dmigs/__thob pa'i phan yon no/__/dang po la bzhi/__ngo bo/__nges tshig__/dbye ba/__mtshan nyid do/__/phyag len la gsum/__rim skyes pa rjes su bzung thabs yab kyi dkyil 'khor la brten pa'i dbang rgyas pa/__thod rgal ba rjes su bzung thabs yum gyi sin+d+hu ra'i dkyil 'khor la brten pa'i dbang 'bring po/__/cig car ba rjes su bzung thabs bla ma'i sku gsung thugs kyi dkyil 'khor la brten pa'i brda'i don dbang ngo /__/de rnams spyi bshad dang /__smin lam dang dam tshig yid bzhin nor bu'i gzhung rnams su gsal lo/__/gsum pa grol lam/__sngon 'gro/__dngos gzhi/__rjes gsum las/__dang po la/__slob dpon dang slob ma'i mtshan nyid nyan bshad ji ltar bya tshul rnams sngon du 'gro bas thun mong dang /__thun mong ma yin pa'i sngon 'gro gnyis kyi sgo nas dkri ba las/__dang po la/__dal 'byor rnyed 1dka'/__'chi ba mi rtag 2pa/__las rgyu 3'bras/__'khor ba'i nyes 4dmigs/__thar pa'i phan 5yon rnams bsam pas/__sdig pa spong ba6/__dge ba bsgrub 7pa/__'khor ba la 8nges 'byung bcos min du skye ba ste brgyad do/__/dang po la/__dal 'byor ngos bzung ba/__de rnyed par dka' tshul/__rnyed pa don yod par bya ba'o/__/gnyis pa la/__dbye ba dus kun tu dran pa bsgom tshul/__phan yon no/__/dang po la/__snod mi rtag par bsam pa/__bcud mi rtag par bsam pa'o/__/dang po la rags pa me bdun chu gcig gis 'jig tshul/__phra ba rgyun gyis mi rtag par 'gyur ba'o/__/gnyis pa la/__gzhan dang /__rang mi rtag pa'o/__/gsum pa las/__las kyi rnam bzhag spyir bshad/__rgyu 'bras kyi rnam bzhag bye brag tu dbye/__de la spang blang bya ba'i tshul lo/__/dang po la/__sems pa'i las dang /__bsam pa'i las/__dkar nag mu bzhi'i las/__'phen rdzogs kyi las sogs so/__/gnyis pa la/__las kyi rgyu drug__/'grub byed kyi rkyen bzhi/__de'i 'bras bu lnga/__de smin pa'i dus gsum mo/__/dang po ni/__/skal mnyam lhan cig 'byung rgyu dang /__/mtshungs ldan rgyu dang kun 'gro'i rgyu/__/rnam smin byed pa'i rgyu dag ni/__/rgyu drug dag tu thub pas gsungs/__/zhes pa'i nang tshan kun 'gro la/__nag po dang /__dkar po kun tu 'gro ba'i rgyu gnyis/__de re re la'ang bcu bcu dbye ba'o/__/gnyis pa ni/__rgyu'i rkyen dang bdag po'i rkyen/__/dmigs rkyen de ma thag pa'i rkyen/__/zhes so/__/gsum pa ni/__rnam smin dang ni dbang dang ni/__byed dang myong ba rgyu mthun dang /__/skyes bu byed pa'i 'bras bu'o/__/zhes so/__/bzhi pa ni/__mthong chos skyes nas myong 'gyur dang /__/lan grangs gzhan du myong 'gyur ro/__/zhes so/__/bzhi pa la/__'khor ba bye brag rigs drug so so'i sdug bsngal dang /__spyir sdug bsngal gsum bsam pa'o/__/gnyis pa thun mong ma yin pa'i sngon 'gro la/__skyabs 'gro/__sems bskyed/__tshad med/__rdor sems sgom bzlas/__bla ma'i rnal 'byor/__ting nge 'dzin gyi dbang bzhi zhu ba'o/__/dang po la/__skyabs 'gro'i ngo bo nges tshig dang /__/dbye ba mtshan nyid bzhi yis bstan/__/zhes so/__/de'i phyi ma la'ang /__skyabs 'gro'i yul dang gang zag dang /__/dam tshig bslab bya phan yon bsam/__/zhes drug go/__/gnyis pa la'ang /__ngo bo sogs bzhi dang /__phyi ma la/__cho ga bslab bya bsrung tshul dang /__/phyir bcos nyes dmigs phan yon drug__/ces so/__/gsum pa la/__tshad med ngos bzung nyams su blangs/__de yi phan yon bsam pa'o/__/zhes gsum mo/__/bzhi pa la/__ltung bas gos pa'i nyes dmigs/__/de stobs bzhi'i sgo nas bshags tshul/__bshags pa'i phan yon no/__/de'i stobs bzhi ni/__rten 1dang gnyen 2sgom bzlas po sun 3'byin 'gyod sems dang /__/nyes pa las sdom sems ni slar zlog pa'o/__/lnga pa la/__bla ma dkon mchog gsum gyi ngo bor nges pas bsgom zhing mchod pa dang gsol ba gdab tshul/__/de las mchog thun mong gi dngos grub thams cad 'byung bar bstan pa'o/__/drug pa la/__dbang ma thob pa'i nyes dmigs/__dbang blang ba dngos/__dbang don ngos bzung pa/__bla ma'i sku gsung thugs las dbang blang ba khyad par 'phags tshul/__spyir dbang thob pa'i phan yon te/__de rnams kun mkhyen grub mchog dbang pos mdzad pa'i bla ma dam pa'i gsung rgyun gyi rim pa mthong dga' nor bu'i phreng ba dgos 'dod 87kun 'byung ltar ro/__/gnyis pa dngos gzhi la bzhi las/__dang po bum dbang gi lam bskyed rim la/__ngo bo/__nges tshig__/dbye ba/__mtshan nyid do/__/gsum pa la/__gang zag yab bka' la mos par dbang po rnon po/__/lha drug cu rtsa gnyis pa/__'bring por lha bcu gsum pa/__tha mar lha lnga dang /__lhan skyes te bzhi/__yum bka' la mos pa la'ang /__lha mo bco lnga/__lha bdun ma/__lha lnga ma/__lhan skyes te bzhi/__dbang po yang rab kyi don du lus dkyil/__ye nas lhun grub dgu'o/__/bzhi pa la cho ga bstan pa/__go don bshad pa/__bsgom thabs kyi man ngag__/ma bsgoms pa'i skyon/__bsgoms pa'i yon tan no/__/dang po la/__rgyal blon dmangs dang bsre ba'o/__/zhes so/__/gnyis pa de/__bshad pa la sngon 'gro/__/dngos gzhi/__rjes gsum las/__dang po sngon 'gro blon po rigs gsum gyi las byed la/__thun mong skyabs sems/__tshad med gsum/__khyad par rdor sems/__bla ma'i rnal 'byor/__gsol ba gdab cing dbang blang ba gsum mo/__/gnyis pa la/__mnyam bzhag rgyal po chos nyid mi 'gyur ba dang /__rjes thob dmangs phrin las mthun sbyor gyi nyams len no/__/dang po la/__skye ba bskyed rim sprul sku/__/gnas pa zung 'jug longs sku/__'chi ba rdzogs rim chos sku'i nyams len no/__/dang po la/__bgegs rnams gzhom shing tshar bcad pa/__chos thams cad stong par sbyong ba/__bsrung ba'i 'khor lo bsgom pa/__rten gzhal yas khang dur khrod dang bcas pa bskyed pa/__brten pa lha bskyed pa ste lnga'o/__/phyi ma la bzhi ste/__bsnyen pa nye bsnyen sgrub chen/__zhes pa'i/__dang po la'ang /__gtso bo yab yum bskyed pa/__nang gi 'khor lo bskyed pa/__phyi'i 'khor lo bskyed pa'o/__/gnyis pa la/__go cha bgo ba dang /__sku gsung thugs byin gyis brlabs pa'o/__/gsum pa la/__snod bcud sbyang ba/__ye shes pa gzhug pa/__sems dpa' sum brtsegs su bsgom pa'o/__/bar pa la/__spyan drangs mchod cing bzhugs pa ste gsum mo/__/bzhi pa la dbang lha spyan drangs zhing gdan 'bul ba/__mchod bstod gsol gdab/__dbang bskur zhing rigs bdag gis rgyas gdab pa dngos te gsum mo/__/gnyis pa longs sku zung 'jug gi rnal 'byor la/__phyi nang gsang ba de kho na nyid kyi mchod pa bzhi 'bul zhing bstod pa bya ba dang /__sngags phreng gsal btab ste bzlas pa bya ba dang /__zung 'jug gi rnal 'byor dngos steng 'og gi sgo gnyis la brten pa'i nyams len rnams so/__/gsum pa chos sku 'od gsal gyi rnal 'byor ni bskyed rim gyi rjes sdud do/__/gnyis pa rjes thob la/__bza' ba zas kyi/__bgo ba gos kyi/__nyal ba gnyid kyi/__'gro 'dug skor ba'i/__smra brjod bzlas pa'i/__bkru ba khrus kyi/__mchod sbyin gtor ma'i rnal 'byor te bdun no/__/gsum pa rjes bsre ba ro snyoms la/__smin byed dbang bzhi la/__grol byed lam bzhi la/__bsrung bya dam tshig bzhi la/__thob bya 'bras bu sku bzhi la bsre ba ste bzhi'o/__/gsum pa bsgom pa'i man ngag la/__rnam pa gsal ba/__rnam dag dran pa/__nga rgyal brtan pa'o/__/de rnams rgyas par bskyed rim yid bzhin nor bu rgyas bsdus dang /__spyi bshad theg mchog bdud rtsi'i dga' ston las shes par bya'o/__/gnyis pa gsang dbang gi lam steng sgo rnam par grol ba chos drug gi__/dang po gtum mo bde drod rang 'bar gyis lam gyi gzhung bsrang ba la/__lus rnam bzhag la brten nas gtum mo'i ros 'dzin dang /_yan lag rgyas bshad la brten nas gtum mo'i khrid dngos bstan pa'o/__/dang po la/__nges tshig__/dbye ba/__chos mtshungs/__byed las/__grangs nges so/__/gnyis pa la sngon dngos rjes gsum las/__dang po la/__mthun rkyen bstan pa dang /__rdo rje lus kyi gnad bstan pa'o/__/dang po la mthun sbyor rkyen gyi/__gsang ba nyams len gsang ba dam tshig__/gsol 'debs byin rlabs kyi/__gegs sel bsnyen rnal 'byor ma lta bu/__pa'i gnad bzhi las/__dang po la'ang brgyad de/__'dug sa gnas kyi/__mthun pa grogs kyi/__bza' ba zas kyi/__bgo ba gos kyi/__bde ba mal gyi/__mi 'bral ba pus 'khyud kyi/__spang bya yul gyi/__ngal dub med pa spyod lam gyi gnad do/__/gnyis pa rdo rje lus kyi gnas lugs la/__rtsa/__rlung /__thig le dngos po'i gnas lugs te gsum mo/__/gnyis pa dngos gzhi la gnad lnga dang /__chings bzhi ste/__dang po ni/__bsgom pa nges pa dus kyi gnad/__bcas pa lus kyi gnad/__rtsa dang thig le dmigs pa yul gyi gnad/__/yon tan 'byung ba rlung gi gnad/__/yin lugs sems nyid rtogs pa'i gnad do/__/gnyis pa ni/__phyi nang gsang ba de kho na nyid kyi gtum mo ste/__lus kyi gnad sogs phyi ma bzhi po dang don gcig pas/__dang po phyi'i gtum mo la/__lus kyi gnad dang /__sems kyi lta stangs gnyis/__phyi ma la sgyu ma lha yi stong ra/__dag pa rtsa yi stong ra/__byin rlabs bla ma'i gtum mo ste gsum mo/__/gnyis pa nang gi gtum mo la/__rtsa gtso mo rkyang pa la brten pa/__rtsa gsum la brten pa/__rtsa gsum 'khor lo bzhi la brten pa'o/__/phyi ma thig le/__sa bon/__phyag mtshan/__lha sku'i rnal 'byor te bzhi'o/__/gsum pa gsang ba'i gtum mo la rdo rje'i bzlas pa dang /__srog shing 'khor lo'i man ngag go/__/bzhi pa de kho na nyid kyi gtum mo la/__mdor bstan/__rgyas bshad/__don dril ba'o/__/gsum pa rjes la dam tshig dang /__bslab bya ston pa gnyis so/__/gnyis pa bogs 'don sgyu lus/__/chos brgyad rang grol la mdo rgyas gnyis/__phyi ma la snang ba'i chos thams cad sgyu mar sbyang ba/__sbyang bya'i rang bzhin rtsa bral du bstan pa/__'byongs pa'i phan yon no/__/dang po la 'khor ba/__myang 'das/__chos thams cad sgyu mar sbyang ba/__'byongs pa snang la rang bzhin med pa'i dpe'o/__/dang po la rigs drug bar do dang bdun la chags sdang sbyang tshul re re ste bcu bzhi'o/__/gnyis pa la/__mngon par dga' ba sogs zhing khams lngas dbye bas lnga'o/__/gsum pa la/__tshogs drug gi snang ba bzang ngan bar ma gsum la sbyong tshul gyis phye bas bco brgyad do/__/bzhi pa las/__sgyu ma'i dpe bcu gnyis te/__sgyu ma rmi lam smig rgyu dang /__/gzugs brnyan glog dang brag cha dang /__/chu zla 'ja' tshon dri za'i grong /__/mig yor sprin dang sprul pa'o/__/gnyis pa la/__bden grub med pa'i rgyu mtshan/__de'i ngo sprod/__lam du khyer tshul lo/__/gsum pa la/__spang bya'i chos dang bral ba/__spyod pa nges med du bskyang ba/__mthar thug sku gnyis thob pa'o/__/gsum pa rmi lam 'khrul pa rang sangs kyis lam gyi tshad bzung ba la/__mdor rgyas gnyis kyi/__phyi ma la/__sngon dngos rjes gsum las/__dang po la/__mos gus can bla ma/__dag snang can yi dam/__rtogs pa can snang ba dran pa'i lcags kyus bzung ba'o/__/gnyis pa la/__sbyong 1ba/__spel 2ba/__bsgyur 3ba/__sprul 4pa/__gegs 5sel/__bogs 6'don/__lam khyer 7ro/__/bzhi pa 'od gsal ma rig mun bral gyis lam gyi gol sa bcad pa la mdor rgyas gnyis/__phyi ma la sngon dngos rjes gsum/__dngos gzhi la bzhi las/__dang po sems gnas la/__thig le/__sa bon/__phyag mtshan/__lha sku'i rnal 'byor te bzhi dang /__de'i yan lag smin mtshams kyi thig le/__sna tshogs rdo rje/__gsol 'debs 'od zer spro bsdu ste brgyad do/__/gnyis pa dam tshig__/gsum pa 'char dus/__bzhi pa bsre ba rnams so/__/lnga pa 'pho ba ma bsgom sangs rgyas gser 'gyur gyi rtsis lam gyi mtshams sbyor ba la mdor rgyas gnyis/__phyi ma la gnyis las/__sbyang ba la/__sprul sku/__longs sku/__chos sku'i 'pho ba gsum/__gnyis pa las sbyor la/__nam 'pho ba'i dus dang /__ji ltar 'pho ba'i tshul gnyis/__phyi ma la/__sngon dngos gnyis/__/drug pa 'byung nges kyi chos ngos zin pas sangs rgya ba bar do'i man ngag mdor rgyas gnyis/__phyi ma la/__bcad bya lus ldan gyi bar do gsum ngos bzung ba/__sbyong gzhi mtshan ma'i bar do 'od gsal ma'i gnas lugs bstan pa/__sbyang bya dri ma can chos skye 'chi bar do gsum nyid kyi bar do bshad pa/__sbyong byed bsre ba lam gyi gdams pas 'od gsal ma bu'i 'char thabs bstan pa/__gang zag gi dbang po'i rim pas sbyangs 'bras mngon du 'gyur tshul lo/__/phyi ma la dbang po rab 'chi ba chos kyi skur sangs rgya ba/__'bring bar do longs skur 'tshang rgya ba/__tha ma skye ba brgyud nas sprul sku thob pa'i tshul lo/__/de dag rgyas par gzhung 'grel nor bu skor gsum dang /__kun mkhyen grub mchog dbang po la karma pa dbang phyug rdo rjes bka' bskul mdzad pa'i chos drug gi khrid yig chen mo las ji ltar 'byung ba bzhin no/__/gsum pa shes rab ye shes kyi dbang gi lam 'og sgo bde ba chen po'i skor ni khrid rgyun dmigs bsal mi bzhugs pas 'dir sa bcad du ma bkod la/__zhar byung de'i yan lag dpal nA ro chen po'i gsang spyod kyi sa bcad la lnga/__gang nyams su len pa'i gnas/__nam nyams su len pa'i dus/__gang gis nyams su len pa'i gang zag__/ci'i phyir nyams su len pa'i dgos pa/__ji ltar nyams su len pa'i tshul lo/__/phyi ma la/__sngon 'gro/__dngos gzhi/__rjes gsum las/__dang po ni/__nges 'byung dang snying rje ldan zhing dam tshig dang sdom pas rgyud dag par bya ba'o/__/gnyis pa la drug__phung po'i gces 'dzin dor nas tshogs bsags shing zhi ba'i sgo nas 'dre gdon dge sbyor gyi rten du slong ba dang /__gzhi bdag dge sbyor gyi rten du slong thub pa'i tshad dam rtags bstan pa/__ma bslangs na mtha' gtad log gnon drag pos rmad dkrugs shing slong ba/__bslangs nas dbyings rig bsre ba'i nyams len gyis 'drer 'dzin gyi rtog pa tshar bcad pa/__nyams len des 'drer 'dzin gyi rtogs pa tshar chod pa'i tshad dam rtags bstan pa/__tshar chod nas dmigs med kyi thugs rjes rjes su bzung zhing smin grol la bkod pa'o/__/de'i dang po la lnga/__phung po rigs drug la sbyin par btang /__bla ma la dbang yon du 'bul/__yi dam la tshogs su 'bul/__mkha' 'gro chos skyong la gtor mar btang /__gnas lugs kyi ngang la bzhag pa'o/__/de dag ni nA ro chen po'i gsang spyod kyi khrid yig zhal gdams dang bcas pa ltar ro/__/dbang bzhi pa'i lam phyag rgya chen po yi ge bzhi pa'i gdams pa la/__dang po sems kyi gzhi rtsa bcad/__gnyis pa sems kyi bzhag thabs bstan/__gsum pa sems kyi gol sa bcad/__bzhi pa sems kyi lam khyer bstan/__zhes so/__/de'ang sngon dngos rjes gsum las/__dang po ni sngar bshad pa ltar ro/__/gnyis pa la bzhi las/__dang po la'ang gsum/__dang po man ngag ltar gzhi rtsa bcad pa la/__lus kyi gnad dang /__sems kyi bzhag thabs gnyis/__phyi ma la/__dus gsum rtog pa bcad de sems rang lus su bzhag 1pa/__mtha' dbus kyi ngos bzung med par nam mkha' ltar bzhag 2pa/__gnas dang rten med pa bar snang gi sprin ltar bzhag 3pa/__rgyun chad med pa chu bo'i gzhung ltar bzhag 4pa/__rin po che las grub pa'i lha sku bzhin sgo gsum g.yo med du bzhag 5pa/__/snyems dang rtog pa med par dur khrod kyi mi ro ltar bzhag 6pa/__'pho 'gyur dang g.yo 'gul med pa ri rab ltar bzhag 7pa/__ltag chu bcad pa'i chu thag bzhin sgo gsum las med du bzhag 8pa'o/__/gnyis pa 'brel ba ltar dpyad pa ni/__thag pa la sbrul du 'khrul pa'i rtogs 1brjod dang /__sgyed bu la gser du shes pa'i rtogs 2brjod dang /_rang bu chom por byung ba'i rtogs 3brjod rnams kyi dpe don dang 'brel bar dpyad pa'o/__/gsum pa gzhung lugs ltar dpyad pa ni/__skye 'gag gnas gsum gcig du ma sogs dpyad pa'o/__/gnyis pa sems kyi bzhag thabs bstan pa la/__khyung chen nam mkha' la lding ba bzhin rtsol sgrub med par bzhag 1pa/__rgya mtsho rlabs dang bral ba bzhin g.yo 'gul med par bzhag 2pa/__nyi zla sprin dang bral bzhin gsal mdangs dang ldan par bzhag 3pa/__bu chung lha khang la blta ba bzhin gsal la 'dzin med du bzhag pa/__chu dang rlabs bzhin byung tshor rang grol du bzhag pa/__nam mkha' la bya 'phur ba bzhin rig pa rjes med du bzhag 6pa'o/__/gsum pa sems kyi gol sa bcad pa la/__yar sangs rgyas la re ba/__mar 'khor ba la dogs pa/__bar snang ba la zhen pa/__nang nyams myong la zhen pa/__las rgyu 'bras la khyad du gsod pa spang ba'o/__/bzhi pa sems kyi lam khyer bstan pa la/__nyin mo snang 1ba rgyas btab pa'i/__nang nub 2'dod yon grogs su 'khyer ba'i/__srod la 3dbang po gzhi la bsdu ba'i/__nam gung 4shes pa bum par gzhug pa'i/__tho rangs 5rig pa gsal gdab pa'i/__'chi 6khar ye shes zangs thal du btang ba'i rnal 'byor te drug go/__/gsum pa rjes ni/__de ltar lam gyi rim pa'i khrid rdzogs nas/__phyag rgya chen po'i che ba bstan pa/__phyag rgya chen po'i rang skad ngos bzung ba/__/phyag rgya chen po'i sgra don/__gol 'chugs med par nyams su blang tshul/__de ltar blangs pa'i 'bras bu'o/__/nyams su blangs tshul la/__shor sa bzhir ma shor ba/__gol sa gsum du ma gol ba/__/gang zag gsum gyi skye tshul/__rnal 'byor bzhi'i rim pas sa lam bgrod tshul lo/__/dang po ni/__stong nyid shes bya'i gshis1/__lam2/__gnyen 3po/__rgyas 'debs 4su ma shor ba'o/__/gnyis pa ni/__bde 1gsal 2mi rtog 3gsum la zhen pas 'dod gzugs gzugs med gsum du gol bas der ma zhen pa'o/__/gsum pa ni/__rim 1skyes pa byang thang gi nyi ma lta bu/__thod rgal 2ba sprin bar gyi nyi ma lta bu/__gcig 2car ba gcong rong gi nyi ma lta bu'o/__/bar pa go sla la snga ma ni byang thang du nyi mas rim gyis dros dgos pa dang /__phyi ma rong du gcig char du dros pa'i dper mdzad do/__bzhi pa ni/__ngang la gnas pa rtse 1gcig gi rnal 'byor/__sgro 'dogs chod pa spros 2bral gyi rnal 'byor/__spang blang med pa ro gcig gi rnal 'byor/__myong ba dag pa bsgom med 4kyi rnal 'byor ro/__/de re re la'ang chung 'bring chen po'i dbye bas bcu gnyis so/__/'bras bu la/__lam lnga/__sa bcu/__sangs rgyas kyi sar sku gsum gyi rnam par bzhag pa dang bcas pa'o/__/spyi don gsum pa rjes la/__stan thog gcig tu nyams su blang tshul dang /__gzhan yang tshe sgrub gong khug ma'i man ngag dang /__lus dkyil dang chos drug sogs kyi zhal shes dang /__yi dam gyi bsnyen sgrub them nas mgon po phyag bzhi pa'i rjes gnang nyams khrid rim par ston pa'o/__/de lta bu'i khrid rim la/__phyag len 'bring po tsam gyi dbang du byas na/__thog mar bde mchog gi dbang dngos ste nyin gnyis ma dang /__khrid dngos la dal 'byor rnyed dka'1/__'chi ba mi rtag 2pa/__las rgyu 'bras3/__'khor ba'i nyes4dmigs dang thar pa'i phan yon zhal byung phyag gi dmigs khrid bcas thun mong /__sngon 'gro la nyin bzhi/__skyabs 1'gro/__sems 2bskyed tshad med/__rdor sems3/__bla ma'i rnal 'byor4/__maN+Dal5/__sdom bzung 6/__gsol 'debs7/__dbang bzhi 8bcas thun mong ma yin pa'i sngon 'gro la nyin brgyad/__de nas bde mchog gam phag mo'i lta khrid phog la bsnyen pa dang bcas nyin gsum/__chos drug gi gtum mo la lus gnad stong ra 1bcas/__bla ma'i gtum mo/__/rtsa gtso mo3/__rtsa gsum 4'khor lo bzhi las thig 5la 6sogs 7bzhi/__'khrul 'khor/__/gsang 9ba'i gtum mo bcas nyin dgu/__sgyu lus la 1stod/__smad2/__lha sku 3sgyu ma ste gsum/__rmi lam dran pa'i lcags kyu gsum la nyin gsum/__'od gsal sems gnas bzhi la nyin bzhi/__'pho ba dang /__bar do la nyin re re/__phyag chen la lus gnad1/__sems kyi bzhag thabs 9brgyad/__gzhung lugs ltar dpyad 10pa rnams la nyin re re ste nyin bcu/__de'i mthar ngo sprod gdab pa'o/__/de'ang phyag len la phyag chen bskyed rim gyi rjes su ston cing /__de nas chos drug la 'jug go/__/gsang spyod kyi dmigs rim sogs ni de dag gi zhar byung la ci rigs pas ston pa'o/__/nyams khrid legs par thob nas/__lo gsum phyogs gsum gyi nges pas nyams len la brtson pa'i tshe/__spyir dbang po'i rim pas mtha' gcig tu ma nges kyang re zhig spyir btang ba'i phyag rgyun la 'di ltar gsungs te/__thog mar phyag 'bum ther dang /__/skyabs 'gro 'bum ther kha skong bcas/__tshad med ci rigs/__rdor sems yig brgya 'bum phrag bzhi/__nye snying 'bum phrag drug__/maN+Dal 'bum/__sdom bzung ci rigs/__gsol 'debs 'bum/__dngos gzhir bde mchog yab bka' rgyas pa lha drug cu rtsa gnyis kyi bsnyen chen la zla ba bdun/__lhan skyes yab yum la zla ba drug__/tshe sgrub snying po 'bru 'bum/__gzungs ring 'bum phrag__mgon po'i rtsa sngags khri/__snying po 'bum/__nye snying 'bum/__srog sngags 'bum phrag lnga/__lha mo'i rtsa sngags khri/__srog sngags 'bum/__tshe ring mar zla ba gcig bcas bskyed rim dang rdzogs rim la/__gtso bor gtum mo dgun dus dang bstun zla ba gsum du sbyang zhing /__de yang 'jam rlung dang byin rlabs bla ma'i gtum mo gtso bor bzung /__rlung dang gtum mo ci rigs pa goms nas sgyu lus sogs rim bzhin nyams su blangs shing /__phyag rgya chen po ni kun gyi rgyas 'debs kyi tshul du bsgom/__nyams skyes rim dang bstun nyams myong can gyi bla mas ngo sprad cing 'khrid par bya ba yin no/__/zhes pa'ang grub brgyud pa'i zhal lung brjed byang du btab pa dge zhing bkra shis par gyur cig/_/_

Footnotes

Other Information