JKW-KABUM-06-CHA-002-004

From Khyentse Lineage - A Tsadra Foundation Project

རྟེན་ཅིང་འབྲེལ་བར་འབྱུང་བའི་སྙིང་པོའི་རྣམ་བཤད།
Wylie title rten cing 'brel bar 'byung ba'i snying po'i rnam bshad JKW-KABUM-06-CHA-002.pdf
Location mkhyen brtse'i bka' 'bum
Volume 6, sde tshan 2, Text 4, Pages 165-169 (Folios 17a3 to 19a1)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. rten cing 'brel bar 'byung ba'i snying po'i rnam bshad. In 'jam dbyangs mkhyen brtse'i dbang po'i bka' 'bum, Vol. 6: 165-169. Khams sde dge rdzong sar dgon: Rdzong sar blo gros phun tshogs, 2020.
Genre Detailed Explanation - rnam bshad
Colophon

།ཞེས་དང་། རྫོགས་པའི་སངས་རྒྱས་ཀུན་གྱི་གསུང་གིས་བསྙད་པའི་སྡེ་སྣོད་རྒྱུད་སྡེ་རྒྱ་མཚོའི་དེ་ཁོ་ན་ཉིད་དུ་ཤེས་ནས་བྲིས་པའོ། །སརྦ་མངྒ་ལཾ།།

zhes dang /_rdzogs pa'i sangs rgyas kun gyi gsung gis bsnyad pa'i sde snod rgyud sde rgya mtsho'i de kho na nyid du shes nas bris pa'o/__/sarba mang+ga laM//

":Property:textsubnumber|textsubnumber" can not be assigned to a declared number type with value 1.

[edit]
རྟེན་ཅིང་འབྲེལ་བར་འབྱུང་བའི་སྙིང་པོའི་རྣམ་བཤད་བཞུགས། །ན་མཿཤཱཀྱ་མུ་ན་ཡེ། གང་གིས་ཆོས་རྣམས་རྒྱུ་ལས་རབ་ཏུ་བྱུང་། །རྒྱུ་རྣམས་དེ་ནི་དེ་བཞིན་གཤེགས་པས་གསུངས། །དེ་རྣམས་ཀྱང་གང་འགོག་པ་ཨེ་ཝྃ་དུ། །སྨྲ་བ་པོ་ནི་དགེ་སྦྱོང་ཆེན་པོ་ཡིན། །ཅེས་པའི་དོན། རྒྱུ་ལས་བྱུང་བའི་ཆོས་སྡུག་བསྔལ་དེ་རྒྱུ་ཉོན་མོངས་དང་ལས་ཀྱི་ཀུན་འབྱུང་སྟེ་འཁོར་བ་རྒྱུ་འབྲས་དང་། དེ་རྣམས་སྤོང་བར་བྱེད་པ་ལམ་བདེན་འགོག་པ་འགོག་བདེན་གཉིས་ཐར་པའི་རྒྱུ་འབྲས་སོ། །དེའི་ཕྱིར་མཐའ་བཞི་ལས་རྣམ་པར་གྲོལ་བའི་རྣམ་པར་དག་པའི་སེམས་ཀྱི་རང་བཞིན་ལ་བརྟེན་ནས། སྒྱུ་མ་ལྟ་བུའི་ལས་དང་འབྲས་བུ་འབྲེལ་ནས་འབྱུང་བ་དེ་ཉིད་ཨེ་ཝྃ་དུ་གསུངས་པ་ཁོ་ན་དགེ་སྦྱོང་ཆེན་པོ་ཡིན་གྱི། གཞན་ནི་མ་ཡིན་ཏེ། གང་གི་སྟོང་དང་རྟེན་འབྱུང་དག །དབུ་མའི་ལམ་དུ་དོན་གཅིག་པར། །གསུང་མཆོག་མཚུངས་པ་མེད་པ་ཡིས། །ཐུབ་དབང་དེ་ལ་ཕྱག་འཚལ་ལོ། །ཞེས་པས་བསྟན། འདི་ཉིད་དམ་ཆོས་ཐམས་ཅད་ཀྱི་སྙིང་པོ་ཡིན་པའི་ཕྱིར་རྟེན་འབྲེལ་སྙིང་པོ་སྟེ། དྲི་མེད་འོད་དུ། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གི་སྔོན་དུ་འགྲོ་བ་ནི་ཡེ་ངྷརྨཱཿའོ། །ཞེས་གསུངས། དེའི་དོན་འཁོར་དང་པོའི་གདུལ་བྱ་ཉན་ཐོས་པ་དག་གིས་ཉེར་ལེན་གྱི་ཕུང་པོ་ལྔའི་ཆོས་ཅན་གྱི་འཁོར་བ་སྡུག་བསྔལ་གྱི་བདེན་པ་དང་། དེའི་རྒྱུ་གང་ཟག་གི་བདག་ཏུ་འཛིན་པའི་མཚན་ཉིད་ཅན་གྱིས་འཇིགས་ཚོགས་ལ་ལྟ་བ་ཀུན་འབྱུང་གི་བདེན་པར་ཤེས་ནས་དེ་འགོག་པར་བྱ་བའི་ཕྱིར། ཤིན་ཏུ་སྦྱངས་པའི་ཞི་གནས་དང་། བདེན་བཞིའི་རྣམ་པ་བཅུ་དྲུག་བསྒོམས་པའི་ལྷག་མཐོང་ལམ་བདེན་དང་། དེའི་འབྲས་བུ་ལྷག་བཅས། ལྷག་མེད་ཀྱི་མྱང་འདས་འགོག་བདེན་དུ་རྟོགས་སོ། །དེའི་སྟེང་དུ་ཀུན་འབྱུང་གི་གཙོ་བོ་གཟུང་བ་བདེན་འཛིན་དང་། ལམ་བདེན་བདེན་བཞིའི་རྣམ་པའི་སྟེང་དུ་རྟེན་འབྲེལ་ཟབ་མོ་ལྷག་པར་བསྒོམ་པར་ང་རྒྱལ་དག་གིས་སོ། །རྒྱུའི་ཐེག་པ་ཆེན་པོ་དག་ལས་འཁོར་ལོ་བར་པའི་འདུལ་བར་བྱ་བ་དག་གིས་འདུ་བྱེད་སྡུག་བསྔལ་གྱི་གཙོ་བོ་དང་། དེའི་རྒྱུ་ཆོས་ཀྱི་བདག་ཏུ་འཛིན་པའི་མཚན་ཉིད་ཀུན་འབྱུང་གི་དང་། བྱང་ཆུབ་ཏུ་སེམས་བསྐྱེད་ནས་ཕ་རོལ་ཏུ་ཕྱིན་པའི་སྤྱོད་པའི་སྒོ་ནས་སློབ་པ་ལམ་བདེན། མི་གནས་པའི་མྱང་འདས་འགོག་བདེན་དུ་འདོད་ལ། དབུ་མའི་ལྟ་བ་ལ་དད་ཅིང་མོས་ལ་བཟོད་པ་ཡོད་དུ་ཟིན་ཀྱང་ཕ་རོལ་ཏུ་ཕྱིན་པ་ལ་སྤྱོད་པའི་སྒོ་ཐམས་ཅད་རང་བཞིན་མེད་པའི་ཤེས་རབ་ཀྱིས་མ་ཟིན་པ་དག་ལ་དམིགས་པ་ཅན་གྱི་བྱང་སེམས་སམ། དབང་པོ་རྟུལ་པོ་ཞེས་བྱའོ། །ཕར་ཕྱིན་ཐམས་ཅད་ལ་རང་བཞིན་མེད་པའི་ཤེས་རབ་ཀྱིས་ཟིན་པར་སྤྱོད་པ་དག་ལ་ནི་ཐབས་ལ་མཁས་པར་སྤྱོད་པའི་བྱང་སེམས་སམ། དབང་རྣོན་ཞེས་བྱའོ། །དེ་ལྟ་བུའི་བྱང་སེམས་དེ་གཉིས་ལ་ཤེས་རབ་ཀྱི་ཁྱད་པར་གྱིས་བྱང་ཆུབ་ཐོབ་པ་ལ་མྱུར་བུལ་ཆེ་བ་བྱུང་སྟེ། བྱམས་པས། རྫོགས་པའི་བྱང་ཆུབ་རྣོན་པོ་ཡིས། །རྟོགས་བླ་རྟུལ་པོས་རྟོགས་དཀར་བཞེད། །ཅེས་གསུངས་སོ། །འཁོར་ལོ་ཐ་མའི་རྗེས་སུ་འབྲངས་པ་དེ་བཞིན་གཤེགས་པའི་སྤྱོད་ཡུལ་ལ་ཞུགས་པ་སྙིང་པོའི་ཐེག་པ་ལ་རྟོན་པ་དག་གིས་ཀུན་འབྱུང་གི་གཙོ་བོ་བདེ་གཤེགས་སྙིང་པོ་རྣམ་ཤེས་ཀྱི་དྲི་མ་བཅས་པ་དང་། དེས་འཕངས་པའི་འདུ་བྱེད་ཀྱི་སྡུག་བསྔལ་སེམས་པའི་རྣམ་པར་འགྱུར་བ་གློ་བུར་གྱི་དྲི་མའི་ཆོས་ཅན་དང་། དེ་འགོག་པ་མོས་པ། ཤེས་རབ། སྙིང་རྗེ། ཏིང་ངེ་འཛིན་གྱི་སྒོ་བཞི་ལ་ལམ་བདེན་དང་། གཙང་། བདག །བདེ་བ། རྟག་པའི་ཕ་རོལ་ཏུ་ཕྱིན་པ་བཞིའི་རང་བཞིན་འགོག་བདེན་དང་། རྒྱུད་སྡེ་ཕྱི་མ་དག་ཏུ་བག་ཆགས་བགོ་བའི་གཞིར་གྱུར་པ་ཀུན་གཞིའི་རྣམ་ཤེས་ཀུན་འབྱུང་གི་གཙོ་བོ་དེས་བརྟགས་པའི་སྒོ་གསུམ་ཐ་མལ་བ་སྡུག་བསྔལ། དེ་ཡེ་ཤེས་སུ་བསྒྱུར་བའི་དབང་བསྐུར་སྔོན་དུ་འགྲོ་བའི་སྔགས་ལམ་དང་། གཉིས་སུ་མེད་པའི་ཡེ་ཤེས་འདུས་མ་བྱས་འགོག་པར་བཤད་དོ། །སྔགས་ནི། སློབ་དཔོན་སངས་རྒྱས་གསང་བས། ལྷ་དང་། དེའི་མཚན་མ་དང་། དེའི་སྙིང་པོ་ལ་སོགས་པའི་རིག་པ་ལ་སྔགས་ཞེས་བསམ་གཏན་ཕྱི་མའི་འགྲེལ་པར་གསུངས་པ་ཉིད་དོ། །བླ་མེད་ཀྱི་རྒྱུད་དུ། རང་བཞིན་ལྷན་སྐྱེས་ཀྱི་ཡེ་ཤེས་མ་བཅོས་ངོ་མ་ཤེས་པ་ཉིད་འཁོར་བ་དང་། དེའི་རྒྱུ་འཕོ་བའི་བག་ཆགས་ཀུན་འབྱུང་གིས་གཙོ་བོ་དང་། སྨིན་བྱེད་དུ་གྲོལ་བའི་རིམ་པ་གཉིས་ཀྱིས་མ་ཡེངས་པ་ལམ་བདེན་དང་། ཁ་སྦྱོར་ཡན་ལག་བདུན་ལྡན་གྱི་སྐུ་འགོག་བདེན་དུ་བསྟན་ཏོ། །དེ་དག་གིས་ནི་མདོ་ཙམ་དུ་སྨོས་པ་སྟེ། རྒྱས་པར་སྡེ་སྣོད་དང་རྒྱུད་སྡེ་སོ་སོའི་སྟེང་དུ་རྟོགས་པར་བྱའོ། །ཞེས་དང་། རྫོགས་པའི་སངས་རྒྱས་ཀུན་གྱི་གསུང་གིས་བསྙད་པའི་སྡེ་སྣོད་རྒྱུད་སྡེ་རྒྱ་མཚོའི་དེ་ཁོ་ན་ཉིད་དུ་ཤེས་ནས་བྲིས་པའོ། །སརྦ་མངྒ་ལཾ།། །། ༈
[edit]

rten cing 'brel bar 'byung ba'i snying po'i rnam bshad bzhugs/__/na maHshAkya mu na ye/__gang gis chos rnams rgyu las rab tu byung /__/rgyu rnams de ni de bzhin gshegs pas gsungs/__/de rnams kyang gang 'gog pa e wa~M du/__/smra ba po ni dge sbyong chen po yin/__/ces pa'i don/__rgyu las byung ba'i chos sdug bsngal de rgyu nyon mongs dang las kyi kun 'byung ste 'khor ba rgyu 'bras dang /__de rnams spong bar byed pa lam bden 'gog pa 'gog bden gnyis thar pa'i rgyu 'bras so/__/de'i phyir mtha' bzhi las rnam par grol ba'i rnam par dag pa'i sems kyi rang bzhin la brten nas/__sgyu ma lta bu'i las dang 'bras bu 'brel nas 'byung ba de nyid e wa~M du gsungs pa kho na dge sbyong chen po yin gyi/__gzhan ni ma yin te/__gang gi stong dang rten 'byung dag__/dbu ma'i lam du don gcig par/__/gsung mchog mtshungs pa med pa yis/__/thub dbang de la phyag 'tshal lo/__/zhes pas bstan/__'di nyid dam chos thams cad kyi snying po yin pa'i phyir rten 'brel snying po ste/__dri med 'od du/__chos kyi phung po brgyad khri bzhi stong gi sngon du 'gro ba ni ye ng+harmAH'o/__/zhes gsungs/__de'i don 'khor dang po'i gdul bya nyan thos pa dag gis nyer len gyi phung po lnga'i chos can gyi 'khor ba sdug bsngal gyi bden pa dang /__de'i rgyu gang zag gi bdag tu 'dzin pa'i mtshan nyid can gyis 'jigs tshogs la lta ba kun 'byung gi bden par shes nas de 'gog par bya ba'i phyir/__shin tu sbyangs pa'i zhi gnas dang /__bden bzhi'i rnam pa bcu drug bsgoms pa'i lhag mthong lam bden dang /__de'i 'bras bu lhag bcas/__lhag med kyi myang 'das 'gog bden du rtogs so/__/de'i steng du kun 'byung gi gtso bo gzung ba bden 'dzin dang /__lam bden bden bzhi'i rnam pa'i steng du rten 'brel zab mo lhag par bsgom par nga rgyal dag gis so/__/rgyu'i theg pa chen po dag las 'khor lo bar pa'i 'dul bar bya ba dag gis 'du byed sdug bsngal gyi gtso bo dang /__de'i rgyu chos kyi bdag tu 'dzin pa'i mtshan nyid kun 'byung gi dang /__byang chub tu sems bskyed nas pha rol tu phyin pa'i spyod pa'i sgo nas slob pa lam bden/__mi gnas pa'i myang 'das 'gog bden du 'dod la/__dbu ma'i lta ba la dad cing mos la bzod pa yod du zin kyang pha rol tu phyin pa la spyod pa'i sgo thams cad rang bzhin med pa'i shes rab kyis ma zin pa dag la dmigs pa can gyi byang sems sam/__dbang po rtul po zhes bya'o/__/phar phyin thams cad la rang bzhin med pa'i shes rab kyis zin par spyod pa dag la ni thabs la mkhas par spyod pa'i byang sems sam/__dbang rnon zhes bya'o/__/de lta bu'i byang sems de gnyis la shes rab kyi khyad par gyis byang chub thob pa la myur bul che ba byung ste/__byams pas/__rdzogs pa'i byang chub rnon po yis/__/rtogs bla rtul pos rtogs dkar bzhed/__/ces gsungs so/__/'khor lo tha ma'i rjes su 'brangs pa de bzhin gshegs pa'i spyod yul la zhugs pa snying po'i theg pa la rton pa dag gis kun 'byung gi gtso bo bde gshegs snying po rnam shes kyi dri ma bcas pa dang /__des 'phangs pa'i 'du byed kyi sdug bsngal sems pa'i rnam par 'gyur ba glo bur gyi dri ma'i chos can dang /__de 'gog pa mos pa/__shes rab/__snying rje/__ting nge 'dzin gyi sgo bzhi la lam bden dang /__gtsang /__bdag__/bde ba/__rtag pa'i pha rol tu phyin pa bzhi'i rang bzhin 'gog bden dang /__rgyud sde phyi ma dag tu bag chags bgo ba'i gzhir gyur pa kun gzhi'i rnam shes kun 'byung gi gtso bo des brtags pa'i sgo gsum tha mal ba sdug bsngal/__de ye shes su bsgyur ba'i dbang bskur sngon du 'gro ba'i sngags lam dang /_gnyis su med pa'i ye shes 'dus ma byas 'gog par bshad do/__/sngags ni/__slob dpon sangs rgyas gsang bas/__lha dang /__de'i mtshan ma dang /__de'i snying po la sogs pa'i rig pa la sngags zhes bsam gtan phyi ma'i 'grel par gsungs pa nyid do/__/bla med kyi rgyud du/__rang bzhin lhan skyes kyi ye shes ma bcos ngo ma shes pa nyid 'khor ba dang /__de'i rgyu 'pho ba'i bag chags kun 'byung gis gtso bo dang /__smin byed du grol ba'i rim pa gnyis kyis ma yengs pa lam bden dang /__kha sbyor yan lag bdun ldan gyi sku 'gog bden du bstan to/_/de dag gis ni mdo tsam du smos pa ste/__rgyas par sde snod dang rgyud sde so so'i steng du rtogs par bya'o/__/zhes dang /_rdzogs pa'i sangs rgyas kun gyi gsung gis bsnyad pa'i sde snod rgyud sde rgya mtsho'i de kho na nyid du shes nas bris pa'o/__/sarba mang+ga laM//____//__!_

Footnotes

Other Information