ལྕེ་བཙུན་སྙིང་ཏིག་གི་བཀའ་སྲུང་རྒྱུན་གཏོར་ཕྲིན་ལས་ཐོགས་མེད།

From Khyentse Lineage - A Tsadra Foundation Project
JKW-KABAB-17-TSA-016
Previous Text Back to Volume PageNext Text
Wylie title lce btsun snying tig gi bka' srung rgyun gtor phrin las thogs med JKW-KABAB-17-TSA-016.pdf
Location mkhyen brtse'i bka' babs
Volume 17, Text 16, Pages 141-146 (Folios 1a to 3b4)
Author ཨ་འཛོམས་འབྲུག་པ་འགྲོ་འདུལ་དཔའ་བོ་རྡོ་རྗེ་
Less details More details
Tertön འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation a 'dzoms 'brug pa 'gro 'dul dpa' bo rdo rje. lce btsun snying tig gi bka' srung rgyun gtor phrin las thogs med. In Rdzong sar 'jam dbyangs mkhyen brtse'i dbang po'i bka' babs, Vol. 17: 141-146. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre Daily Practice - rgyun khyer  ·  Torma-offering Rituals - gtor chog
Cycle ལྕེ་བཙུན་ཆེན་པོའི་བི་མ་ལའི་ཟབ་ཏིག་ (lce btsun chen po'i bi ma la'i zab tig)
Deity bka' srung
Karchag page JKW-KABAB-Volume-17-TSA-Karchag
Colophon

།ཅེས་རྣལ་འབྱོར་བྱང་ཆུབ་སྒྲུབ་པའི་བར་ཆད་ཞི་ཞིང་དོན་གཉིས་འགྲུབ་པའི་མཐུན་རྐྱེན་ཕུན་སུམ་ཚོགས་པའི་ཡན་ལག་ཏུ་རིག་འཛིན་སྣ་ཚོགས་རང་གྲོལ་པས་བཀྲ་ཤིས་དུང་དཀར་འཁྱིལ་བའི་རི་ཞོལ་རང་གནས་བསམ་གཏན་གྱི་ཁང་བུར་བྲིས་པ་དགེ་ལེགས་སུ་གྱུར་ཅིག །དགེའོ། །དགེའོ། དགེའོ།།

ces rnal 'byor byang chub sgrub pa'i bar chad zhi zhing don gnyis 'grub pa'i mthun rkyen phun sum tshogs pa'i yan lag tu rig 'dzin sna tshogs rang grol pas bkra shis dung dkar 'khyil ba'i ri zhol rang gnas bsam gtan gyi khang bur bris pa dge legs su gyur cig__/dge'o/__/dge'o/__dge'o//

[edit]
༄༅། །ལྕེ་བཙུན་སྙིང་ཏིག་གི་བཀའ་སྲུང་རྒྱུན་གཏོར་ཕྲིན་ལས་ཐོགས་མེད་བཞུགས་སོ།།

ན་མོ་གུ་ར་ཝེ། གང་ཞིག་སྙིང་པོའི་རྣལ་འབྱོར་དོན། །བཀའ་སྲུང་རྒྱུན་གཏོར་རྡོ་རྗེའི་ཚིག །ཅུང་ཟད་བཀྲལ་ལ་གནང་བ་སྩོལ། །དངོས་འབྱོར་གཏོར་མ་གསེར་སྐྱེམས་སོགས། །མཆོད་ཚོགས་འདུ་བྱ་རིག་རྩལ་ལས། །ཡོངས་ཤར་བླ་མ་དཔལ་ཆེན་པོའི། །སྐུར་བཞེངས་ཏིང་ངེ་འཛིན་ལ་གནས་ངང༌། རྃ་ཡྃ་ཁྃ་གིས་བསྲེགས་གཏོར་བཀྲུས། ཨོཾ་ཨཱཿཧཱུྃ་གིས་སྦྱངས་བསྒྱུར་སྤེལ། ཕྱི་ནང་གསང་བའི་མཆོད་སྤྲིན་གྱིས། །སྣང་སྲིད་ཁམས་ཀུན་གང་བར་གྱུར། །རང་བཞིན་ཆོས་དབྱིངས་ཞིང་ཁམས་ནས། །བཞུགས་པའི་རྩ་གསུམ་དམ་ཅན་མགྲོན། །གསང་བའི་གནས་འདིར་མཆོད་བཞེས་སླད། །སྐད་ཅིག་བཛྲ་ས་མཱ་ཛ༔ ཛཿཧཱུྃ་བྃ་ཧོས་བརྟན་པར་བཞུགས། །དཔལ་སྔགས་ཀྱི་སྲུང་མ་ནི། ཨ༔ དབྱིངས་ལས་ཡེ་ཤེས་རང་ཤར་བའི། །འབུམ་ཕྲག་མཁའ་འགྲོ་ཡོངས་ཀྱི་གཙོ། །བཅུ་བདུན་རྒྱུད་ཀྱི་བྱ་ར་བ། །ཨེ་ཀ་ཛ་ཊཱི་རལ་གཅིག་མ། །འཁོར་དང་ཡང་འཁོར་བཤན་པའི་ཚོགས། །འདིར་གཤེགས་བཞུགས་གསོལ་ཕྱག་མཆོད་བཞེས། །ཕྱི་ནང་གསང་བ་ཡང་གསང་གི །སྣང་སྲིད་རྣམ་དག་མཆོད་པ་འབུལ། །དམ་སྐོང་འཁོར་འདས་རང་གྲོལ་ལ། །གཟུང་འཛིན་གཉིས་རྟོག་ཤོར་བ་བཤགས། །གསང་བ་སྙིང་པོའི་བསྟན་པ་སྲུང༌། །འགལ་རྐྱེན་ཀུན་སོལ་མཐུན་རྐྱེན་སྒྲུབས། །བསྟན་འཛིན་སྐྱེས་བུའི་མཛད་ཕྲིན་སྤེལ། །ཆོས་ལྡན་སྦྱིན་བདག་མགོན་སྐྱབས་མཛོད། །ལྟ་ལོག་གཏམས་པའི་སྙིང་ཁྲག་འཐུང༌། །ལས་བཅོལ་རྣམ་བཞིའི་ཕྲིན་ལས་སྒྲུབས། །མ་མ་ཏྲག་རཀྴ་ཨེ་ཀ་ཛ་ཊཱི་སརྦ་པཱུ་ཛ་བ་ལིཾ་ཏ་ཁ་རྃ་ཁཱ་ཧི། དྲང་སྲོང་གཟའ་མཆོག་ཆེན་པོ་ནི། ཛཿ འོད་གསལ་རིག་པ་ཟང་ཐལ་སྐུ། །ས་དགུའི་མངའ་བདག་དྲེགས་པའི་གཙོ། །ཁྱབ་མཇུག་ཆེན་པོ་སྒྲ་གཅན་འཛིན། །གདོང་མོ་བཞི་དང་སྡེ་བརྒྱད་ཚོགས། །མཆོད་གཏོར་འདི་བཞེས་ཐ་ཚིག་དགོངས། །སྙིང་པོའི་བསྟན་དང་བསྟན་འཛིན་སྡེ། །སྲུང་སྐྱོབ་སྡོང་གྲོགས་གཡེལ་མེད་མཛོད། །ལྟ་ལོག་རུ་ཏྲའི་སྡེ་དཔུང་བཅས། །གཟུགས་ཅན་གཟུགས་མེད་དགྲ་བགེགས་རྣམས། །གཏད་དོ་མིང་གི་ལྷག་མར་གྱིས། །ཕྲིན་ལས་མ་གཡེལ་ས་མ་ཡ། ཨོཾ་ཀེ་ཏ་ཀེ་ཏ་རཀྴ་རཱ་ཧུ་ལ་ས་པཱ་རི་ཝཱ་ར། མ་ཧཱ་མཾ་ས་རཀྟ་ཙིཏྟ་བ་ལིཾ་ཏ་ཁ་རཾ་ཁཱ་ཧི། དམ་ཅན་སྐྱེས་བུ་ནི། ཏྲིཿ དབྱིངས་དང་རིག་པ་འདུ་འབྲལ་མེད། །ཟུང་འཇུག་དྭངས་མའི་ཐིག་ལེ་འཛིན། །འཛམ་གླིང་གཏེར་གྱི་སྲུང་མ་མཆོག །རྡོ་རྗེ་ལེགས་པ་དགྲ་འདུལ་རྩལ། །མཆེད་འཁོར་སུམ་བརྒྱ་དྲུག་ཅུ་དང༌། །ཡང་འཁོར་ལྷ་སྲིན་སྡེ་བརྒྱད་བཅས། །འདིར་གཤེགས་དམ་རྫས་མཆོད་གཏོར་བཞེས། །རིག་འཛིན་བརྒྱུད་པའི་ཐ་ཚིག་བཞིན། །དབང་དང་དྲག་པོའི་ཕྲིན་ལས་ཀྱིས། །གཞི་བྱེས་ལམ་གསུམ་གྲོགས་ཏན་མཛོད། །མགོན་དང་དཔལ་དུ་ཁྱོད་ངོམ་ན། །མཐུ་རྩལ་ནུས་པ་མྱུར་དུ་སྟོན། །དམ་ཚིག་དུས་བབས་ཕྲིན་ལས་མཛོད། །ཏྲི་བཛྲ་སཱ་དྷུ་ས་མ་ཡ་སརྦ་པཱུ་ཛ་ཁ་རཾ་ཁཱ་ཧི། །སྡེ་བརྒྱད་དྲེགས་པའི་ཚོགས་ནི། ཧཱུྃ། ཐུགས་རྗེའི་ཆོ་འཕྲུལ་བསམ་ཡས་པ། །དཔལ་ཆེན་བཀའ་སྡོད་ཐ་ཚིག་བདག །འབུམ་ཕྲག་དྲེགས་པའི་སྡེ་ཚོགས་ཀུན། །འདིར་གཤེགས་དམ་རྫས་མཆོད་གཏོར་བཞེས། །བསྟན་དང་བསྟན་འཛིན་ལ་སྡང་བའི། །དོ་བསྡཽ་ཕོད་བཙུགས་ཡིད་སྲུབ་སྟེ། །གཟུགས་ཅན་གཟུགས་མེད་ཉམས་པའི་ཚོགས། །སྡེ་བརྒྱད་དྲེགས་པའི་ཟས་སྐལ་དུ། །གཏད་དོ་མངོན་སྤྱོད་ཕྲིན་ལས་མཛོད། །དམ་ལས་མ་འདའ་ས་མ་ཡ། ཨ་ཡ་མ་དུ་རུ་ཙ་ཤ་ན་ས་པཱ་རི་ཝཱ་ར། མ་ཧཱ་མཾ་ས་རཀྟ་ཙིཏྟ་ལ་ཁ་རཾ་ཁཱ་ཧི། ཐ་ཚིག་ཕྲིན་ལས་བཅོལ་བ་ནི། ཀྱཻ་དགོངས་བརྡ་སྙན་ནས་བརྒྱུད་པ་ཡི། །རྒྱལ་བ་རིག་འཛིན་རྣལ་འབྱོར་དབང༌། །ཇི་སྙེད་འདུས་པའི་ཚོགས་ཆེན་དང༌། །འཁོར་འདས་ཟིལ་གནོན་ཧེ་རུ་ཀ །དཔལ་ཆེན་སིཾ་ཧེ་ཤྭ་ར་དང༌། །འོད་གསལ་སྤྲུལ་པའི་རྡོ་རྗེ་ཡིས། །ཇི་ལྟར་བཀའ་བསྒོས་དམ་བཞག་བཞིན། །བཀའ་སྲུང་བསྟན་སྲུང་གཏེར་བདག་ཚོགས། །མ་ལུས་འཁོར་དང་བཅས་པ་ཀུན། །དུར་ཁྲོད་རོལ་པའི་གནས་འདིར་བྱོན། །ཁམས་ལྔ་དག་པའི་སྨན་ཕུད་དང༌། །འབྱུང་ལྔའི་དྭངས་མ་བ་ལིཾ་ཏ། །དུག་ལྔ་བསྒྲལ་བའི་དམར་ཆེན་པོ། །བདེ་སྟོང་བླ་མེད་གསང་མཆོད་བཞེས། །ཐེག་མཆོག་ལམ་དུ་ཞུགས་པ་ལ། །གླཽ་བུར་བདུད་བཞིའི་བར་ཆད་ཟློག །ཆགས་མེད་བྱང་ཆུབ་བསྒྲུབ་པའི་ཕྱིར། །ངེས་མེད་ཉེར་རྒྱུ་སྤྱོད་པའི་ཚེ། །རྣལ་འབྱོར་འདོད་པའི་ཕྲིན་ལས་བསྒྲུབས། །འཁོར་འདས་རུ་ཤན་དབྱེ་བའི་ཚེ། །གཟུང་འཛིན་འཁྲུལ་པའི་ས་བོན་སྒྲོལ། །རིག་པ་ཀ་དག་ལྟ་བ་ལ། །ཡིད་བྱེད་མཚན་མའི་རྟོག་པ་སྲུངས། །རིག་རྩལ་མངོན་སུམ་སྣང་བའི་ཚེ། །རླུང་སེམས་འགྱུ་བ་དབྱིངས་སུ་ནོན། །མཐར་ཐུག་གཞི་དབྱིངས་གཉུག་མའི་ཀློང༌། །གཞི་སྣང་རིག་པའི་ཕྲིན་ལས་སྒྲུབས། །ཡང་གསང་འཕགས་ལམ་རྫོགས་ཆེན་གྱི། །བཤད་སྒྲུབ་བསྟན་འཛིན་སྐྱེས་བུ་ཡི། །ལས་བཞིའི་ཕྲིན་ལས་ཐོགས་མེད་སྒྲུབས། །ཕྱོགས་ལས་རྣམ་པར་རྒྱལ་བར་མཛོད། །ས་མ་ཡ་ཧོ༔ གཏེར་ཞུང་རྡོ་རྗེའི་ཚིག་རྐང་ལ། །ཅུང་ཟད་གསལ་བར་བཀྲལ་བའི་དགེས། །རྣལ་འབྱོར་ཕྲིན་ལས་ཀུན་འགྲུབ་ནས། །བསྟན་པ་དར་ཞིང་རྒྱས་པར་ཤོག །ཅེས་རྣལ་འབྱོར་བྱང་ཆུབ་སྒྲུབ་པའི་བར་ཆད་ཞི་ཞིང་དོན་གཉིས་འགྲུབ་པའི་མཐུན་རྐྱེན་ཕུན་སུམ་ཚོགས་པའི་ཡན་ལག་ཏུ་རིག་འཛིན་སྣ་ཚོགས་རང་གྲོལ་པས་བཀྲ་ཤིས་དུང་དཀར་འཁྱིལ་བའི་རི་ཞོལ་རང་གནས་བསམ་གཏན་གྱི་ཁང་བུར་བྲིས་པ་དགེ་ལེགས་སུ་གྱུར་ཅིག །དགེའོ། །དགེའོ། དགེའོ།། །།

Footnotes

Other Information

Retrieved from "https://khyentselineage.tsadra.org/index.php?title=JKW-KABAB-17-TSA-016&oldid=55355"
Khyentse Lineage
Collected Works of the Masters
A Tsadra Foundation initiative designed to house the writings and revelations of the masters of the Khyentse lineage.
Join the Tsadra Foundation mailing list:

Tsadra Foundation
Translation & Transmission Conference
DharmaCloud Tibetan eBooks
Buddha-Nature
Śāntideva's Life and Works
Rinchen Terdzö Chenmo
Damngak Rinpoche Dzö
Dharma Dictionary

About us
Privacy policy
General disclaimer
Site guide

Project Description

Welcome to the Khyentse Lineage Project, a Tsadra Foundation initiative designed to house the writings and revelations of the masters of the Khyentse lineage in a digital format that allows for open access to these materials in authoritative modern Tibetan editions for the sake of scholars, translators, and practitioners the world over.

About us

© Tsadra Foundation. Please feel free to use this website and its content in accordance with fair use policies for teaching, scholarship, education, and research.
See General disclaimer for more information.