JKW-KABAB-13-PA-021

Previous Text Back to Volume PageNext Text

འཆི་མེད་འཕགས་མའི་སྙིང་ཏིག་ལས། ཐུན་མོང་ཚེ་ཡི་རྗེས་གནང༌།

Wylie title	'chi med 'phags ma'i snying tig las thun mong tshe yi rjes gnang
Location	mkhyen brtse'i bka' babs Volume 13, Text 21, Pages 197-200 (Folios 1a to 2b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation	'jam dbyangs mkhyen brtse'i dbang po. 'chi med 'phags ma'i snying tig las thun mong tshe yi rjes gnang. In Rdzong sar 'jam dbyangs mkhyen brtse'i dbang po'i bka' babs, Vol. 13: 197-200. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Permission to Invoke (anujñā) - rjes gnang  ·  Revelations - gter ma  ·  Root Treasure - gter gzhung
Cycle	འཆི་མེད་འཕགས་མའི་སྙིང་ཐིག་ ('chi med 'phags ma'i snying thig)
Deity	sgrol ma yid bzhin 'khor lo
Karchag page	JKW-KABAB-Volume-13-PA-Karchag
RTZ	In the Rinchen Terdzö: https://rtz.tsadra.org/index.php/Terdzo-CHI-014

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

དྷཱི༔ འཆི་མེད་འཕགས་མའི་སྙིང་ཏིག་ལས༔ ཐུན་མོང་ཚེ་ཡི་རྗེས་གནང་བཞུགས༔

འཆི་མེད་འཕགས་མའི་སྐུ་ལ་འདུད༔ ཐུན་མོང་ཚེ་ཡི་རྗེས་གནང་ནི༔ དཀྱིལ་འཁོར་དབུས་སུ་བུམ་པ་དང་༔ བདུད་རྩི་འབྲང་རྒྱས་རིལ་བུས་བསྐོར༔ ཕྲིན་ལས་གཞུང་བསྲང་བཟླས་པ་བྱ༔ སློབ་མ་ཁྲུས་བྱས་བགེགས་ཕྲལ་ལ༔ ལོ་རྒྱུས་མཚམས་སྦྱར་མཎྜལ་ཕུལ༔ པདྨ་དགྱེས་པར་རོལ་པའི་ཡུམ༔ འཆི་མེད་འཕགས་མའི་བཀའ་དྲིན་གྱིས༔ སྐུ་གསུང་ཐུགས་ཀྱི་དཀྱིལ་འཁོར་ཆེར༔ རྡོ་རྗེའི་ཡེ་ཤེས་བསྐྱེད་དུ་གསོལ༔ ཞེས་པས་གསོལ་བཏབ་རྒྱུད་སྦྱངས་པའི༔་་་་་་་རྡོ་རྗེ་སློབ་དཔོན། སློབ་མ་ལྷར་བསྐྱེད་ཡེ་ཤེས་དབབ༔ ཏིཥྛ་བཛྲས་བརྟན་པར་བྱ༔ འདིར་ཚེ་འགུགས་བྱ༔ དེ་ནས་སྐུ་ཡི་རྗེས་གནང་སླད༔ འཕགས་མའི་སྐུ་ལས་གཉིས་པ་ཆད༔ རྡོ་རྗེ་སློབ་མའི་ལུས་ལ་ཐིམ༔ སྐུ་ཡི་བྱིན་རླབས་རྒྱུད་ལ་ཞུགས༔ དེ་ཉིད་བརྟན་པར་བྱ་བའི་སླད༔ བཀྲ་ཤིས་བུམ་པ་སྤྱི་བོར་བཟུང་༔ ཏཱྃ༔ རྗེ་བཙུན་འཕགས་མའི་ཡེ་ཤེས་བཅུད༔ ཐུགས་རྗེའི་རྒྱུན་གྱིས་དབང་བསྐུར་བས༔ ལུས་ཀྱི་སྒྲིབ་པ་ཀུན་དག་ནས༔ རྡོ་རྗེའི་སྐུ་རུ་འགྲུབ་པར་ཤོག༔ སྔགས་མཐར་་་་་་་ཏཱ་རེ་ ཀཱ་ཡ་ཨ་བྷི་ཥིཉྩ་ཨོཾ༔ རིག་བདག་ཐུགས་ཀའི་ས་བོན་ལས༔ ལྷ་གསུམ་སྔགས་ཀྱི་ཕྲེང་བ་བྱུང་༔ སློབ་མའི་ཁར་བརྒྱུད་སྙིང་གར་ཐིམ༔ རྗེས་སུ་བཟླས་པས་སྔགས་ལུང་དབོག༔ དེ་ཉིད་བརྟན་པར་བྱ་བའི་ཕྱིར༔ བྷནྡྷའི་བདུད་རྩི་མགྲིན་པར་སྦྱིན༔ ཧྲཱིཿ བཅོམ་ལྡན་ཚེ་དཔག་མེད་མགོན་གྱི༔ འཆི་མེད་བདུད་རྩི་འདི་སྦྱིན་པས༔ ངག་གི་སྒྲིབ་པ་ཀུན་དག་ནས༔ རྡོ་རྗེའི་སྔགས་སུ་འགྲུབ་པར་ཤོག༔ སྔགས་་་་་་་ཨ་མཱ་ར་ཎི་ མཐར་ཝཱ་ཀ་ཨ་བྷི་ཥིཉྩ་ཨཱཿ རྣམ་པར་རྒྱལ་མའི་ཐུགས་ཀ་ནས༔ འོད་འཕྲོས་ལྷ་གསུམ་ཐུགས་རྒྱུད་བསྐུལ༔ སོ་སོའི་ཕྱག་མཚན་སྤྲོས་ཏེ་བསྟིམ༔ ཐུགས་ཀྱི་བྱིན་བརླབས་མཉམ་པར་བཞག༔ བརྟན་ཕྱིར་ཚེ་འབྲང་སྙིང་གར་བསྐུར༔ བྷྲཱུྃ༔ གཙུག་ཏོར་རྣམ་པར་རྒྱལ་མ་ཡི༔ ཏིང་འཛིན་མཆོག་གིས་བྱིན་བརླབས་པས༔ ཡིད་ཀྱི་སྒྲིབ་པ་ཀུན་ཐག་ནས༔ རྡོ་རྗེའི་ཡེ་ཤེས་འགྲུབ་པར་ཤོག༔ སྔགས་་་་་་་་ཨ་མྲྀ་ཏ་ མཐར་ཙིཏྟ་ཨ་བྷི་ཥིཉྩ་ཧཱུྃ༔ མཐའ་བརྟེན་ཚེ་ཡི་རིལ་བུ་ཡང་༔ དངོས་གྲུབ་ཞལ་བསྲོའི་ཚུལ་དུ་སྦྱིན༔ ཤིས་པ་བརྗོད་པས་མངའ་གསོལ་ཞིང་༔ དམ་ཚིག་ཁས་བླང་ལ་སོགས་པ༔ རྗེས་ཀྱི་རིམ་པ་སྤྱི་ལྟར་བྱ༔ ལྟ་དགོངས་ལྡན་པའི་སློབ་དཔོན་གྱིས༔ རྡོ་རྗེའི་སློབ་མར་འདི་སྦྱིན་ན༔ བར་ཆད་གེགས་ཞི་ཚེ་བསོད་དང་༔ གཉིས་མེད་ཡེ་ཤེས་རྒྱས་པར་འགྱུར༔ ས་མ་ཡ༔ རྒྱ་རྒྱ་རྒྱ༔ བརྡ་ཐིཾ༔

[edit]

d+hI:__'chi med 'phags ma'i snying tig las:__thun mong tshe yi rjes gnang bzhugs:__'chi med 'phags ma'i sku la 'dud:__thun mong tshe yi rjes gnang ni:__dkyil 'khor dbus su bum pa dang :__bdud rtsi 'brang rgyas ril bus bskor:__phrin las gzhung bsrang bzlas pa bya:__slob ma khrus byas bgegs phral la:__lo rgyus mtshams sbyar maN+Dal phul:__pad+ma dgyes par rol pa'i yum:__'chi med 'phags ma'i bka' drin gyis:__sku gsung thugs kyi dkyil 'khor cher:__rdo rje'i ye shes bskyed du gsol:__zhes pas gsol btab rgyud sbyangs pa'i: rdo rje slob dpon/__slob ma lhar bskyed ye shes dbab:__tiSh+Tha badz+ras brtan par bya:__'dir tshe 'gugs bya:__de nas sku yi rjes gnang slad:__'phags ma'i sku las gnyis pa chad:__rdo rje slob ma'i lus la thim:__sku yi byin rlabs rgyud la zhugs:__de nyid brtan par bya ba'i slad:__bkra shis bum pa spyi bor bzung :__tA~M:__rje btsun 'phags ma'i ye shes bcud:__thugs rje'i rgyun gyis dbang bskur bas:__lus kyi sgrib pa kun dag nas:__rdo rje'i sku ru 'grub par shog:__sngags mthar tA re _kA ya a b+hi Shiny+tsa oM:__rig bdag thugs ka'i sa bon las:__lha gsum sngags kyi phreng ba byung :__slob ma'i khar brgyud snying gar thim:__rjes su bzlas pas sngags lung dbog:__de nyid brtan par bya ba'i phyir:__b+han+d+ha'i bdud rtsi mgrin par sbyin:__hrIH__bcom ldan tshe dpag med mgon gyi:__'chi med bdud rtsi 'di sbyin pas:__ngag gi sgrib pa kun dag nas:__rdo rje'i sngags su 'grub par shog:__sngags a mA ra Ni _mthar wA ka a b+hi Shiny+tsa AH__rnam par rgyal ma'i thugs ka nas:__'od 'phros lha gsum thugs rgyud bskul:__so so'i phyag mtshan spros te bstim:__thugs kyi byin brlabs mnyam par bzhag:__brtan phyir tshe 'brang snying gar bskur:__b+h+rU~M:__gtsug tor rnam par rgyal ma yi:__ting 'dzin mchog gis byin brlabs pas:__yid kyi sgrib pa kun thag nas:__rdo rje'i ye shes 'grub par shog:__sngags a mr-i ta _mthar tsit+ta a b+hi Shiny+tsa hU~M:__mtha' brten tshe yi ril bu yang :__dngos grub zhal bsro'i tshul du sbyin:__shis pa brjod pas mnga' gsol zhing :__dam tshig khas blang la sogs pa:__rjes kyi rim pa spyi ltar bya:__lta dgongs ldan pa'i slob dpon gyis:__rdo rje'i slob mar 'di sbyin na:__bar chad gegs zhi tshe bsod dang :__gnyis med ye shes rgyas par 'gyur:__sa ma ya:__rgya rgya rgya:__brda thiM:_