རྫོགས་པ་ཆེན་པོ་ཧཱུྃ་སྐོར་སྙིང་ཐིག་གི་ཁྲིད་འཆད་ཐབས་མདོར་བསྡུས།

🚧 This website is under continued development. We appreciate your patience!

Previous Text Back to Volume PageNext Text

Wylie title	rdzogs pa chen po hU~M skor snying thig gi khrid 'chad thabs mdor bsdus
Location	mkhyen brtse'i bka' babs Volume 12, Text 7, Pages 213-216 (Folios 1a1 to 2b2)
Author	འཇམ་མགོན་ཀོང་སྤྲུལ་
Less details More details
Tertön	རྡོ་རྗེ་གླིང་པ་, འཇམ་དབྱངས་མཁྱེན་བརྩེའི་དབང་པོ་ (rdo rje gling pa, 'jam dbyangs mkhyen brtse'i dbang po)
Citation	'jam mgon kong sprul. rdzogs pa chen po hU~M skor snying thig gi khrid 'chad thabs mdor bsdus. In Rdzong sar 'jam dbyangs mkhyen brtse'i dbang po'i bka' babs, Vol. 12: 213-216. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Contemplative Guide Books and Instructional Manuals - khrid yig
Cycle	རྫོགས་ཆེན་སྙིང་པོ་ཧཱུྃ་སྐོར་ (rdzogs chen snying po hum skor)
Karchag page	JKW-KABAB-Volume-12-NA-Karchag
RTZ	In the Rinchen Terdzö: https://rtz.tsadra.org/index.php/Terdzo-LI-025
Colophon	།ཞེས་པའང་བློ་གྲོས་མཐའ་ཡས་ཀྱིས་ཟིན་ཐུན་དུ་སྤེལ་བ་དགེ་ལེགས་འཕེལ།།
	zhes pa'ang blo gros mtha' yas kyis zin thun du spel ba dge legs 'phel

Tibetan Text

Wylie

[edit]

།རྫོགས་པ་ཆེན་པོ་ཧཱུྃ་སྐོར་སྙིང་ཐིག་གི་ཁྲིད་འཆད་ཐབས་མདོར་བསྡུས་བཞུགས་སོ།།

ན་མོ་གུ་ར་བེ། གཞུང་འདིའི་བླ་མ་དང་སློབ་མའི་བརྟག་དཔྱད་ལེའུ་ལས་འབྱུང་བ་ལྟར་མཚན་ལྡན་དང་སྣོད་ལྡན་གྱི་རྟེན་འབྲེལ་འགྲིགས་པ་ན། བླ་མ་ལ་ཡོན་ཕུལ་ནས་སྙན་གསན་དབབ། བུམ་དབང་བསྐུར་གྲུབ་པའི་རྗེས་སུ། དེ་ནས་གྲོལ་བྱེད་གདམས་ངག་ཁྲིད་ཚུལ་ཟབ་མོ་རིམ་པར་འབོགས་པ་ཡིན་པས་ཞུ་བའི་ཡོན་ཏུ་དམིགས་ཏེ་མཎྜལ་འབུལ་བར་ཞུ། ཞེས་པས་མཚམས་སྦྱར་ལ་མཎྜལ་འབུལ་གཞུག །སེམས་བསྐྱེད་ཀུན་སྤྱོད་གསལ་གདབ། དེ་ལ་འདིར་ཨ་ཏི་རྫོགས་པ་ཆེན་པོ་ཡང་གསང་བླ་ན་མེད་པའི་སྙིང་པོའི་ཡང་བཅུད་སྤྲུལ་པའི་གཏེར་ཆེན་རྡོ་རྗེ་གླིང་པའི་ཟབ་གཏེར་སྙིང་ཐིག་བཅུ་གསུམ་གྱི་ནང་ནས་ཁྱད་པར་འཕགས་པ་ཧཱུྃ་སྐོར་སྙིང་ཐིག་གི་ཁྲིད་སྟོན་པ་ལ་རྩ་བ་དང་ཡན་ལག་གཉིས་ཡོད། དང་པོ་རྩ་བ་ལའང་དབང་པོ་རབ་ཚེ་འདི། འབྲིང་བར་དོ། ཐ་མ་སྐྱེ་བ་བརྒྱུད་ནས་གྲོལ་བར་བྱེད་པ་གསུམ་ཡོད། དེའི་དང་པོ་ལ་གསུམ། སྔོན་འགྲོ། དངོས་གཞི། རྗེས་ཀྱི་ཁྲིད་དོ། དང་པོ་ནི། རང་རྒྱུད་ཉམས་ལེན་ཁྲིད་ཀྱི་སྔོན་འགྲོའི་ལེའུ་ལས་འདི་ལྟར་འབྱུང་སྟེ། གསང་བའི་མན་ངག་ཉམས་སུ་བླང་བར་འདོད་ཅིང༌། སོགས་ནས། རྣམ་རྟོག་ཞི་བའོ། ཞེས་གསུངས་པ་ལྟར་གདམས་ངག་འབོགས་པའི་གནས། དེ་ལ་དགོས་པའི་ཡོ་བྱད་སོགས་ཅི་རིགས་པ་ཚོགས་པའི་དབང་དུ་བྱས། དེ་ནས་ཡིད་ཆེས་པའི་ཕྱིར། སོགས་ནས། ཡིད་ཆེས་པར་བྱའོ༔ ཞེས་གསུངས་པའི་ལོ་རྒྱུས་བརྒྱུད་པའི་ཚིག་ཤར་ཙམ་སྦྱོར་གྲུབ་ན་ལེགས༔ དེའང་རྒྱུད་ལས། ལོ་རྒྱུས་དབྱེ་བ། སོགས་ནས༌། ཡོན་ཏན་ཡོད་དོ༔ དེ་ནས་གདམས་པ་ལ་འཇུག་པའི་ཐོག་མར་རང་རྒྱུད་སྦྱོང་བྱེད་སྤྱིའི་སྔོན་འགྲོ་ལ་རྣམ་གྲངས་བདུན་ཡོད་པའི་དང་པོ་སྐྱབས་སུ་འགྲོ་བ་ནི། རང་ཐ་མལ་པའི་སྤྱི་གཙུག་ཏུ། སོགས་ནས། གཉིས་པ་སེམས་བསྐྱེད་པ། གསུམ་པ་མི་རྟག་པ་བསམ་པ། བཞི་པ་ཚོགས་རྫོགས་མཎྜལ། ལྔ་པ་སྡིག་བཤགས་རྡོར་སེམས་སྒོམ་བཟླས་དང་བཅས་པ། དྲུག་པ་བླ་མའི་གསོལ་འདེབས། བདུན་པ་ཚད་མེད་བཞི་བསྒོམ་པ་རྣམས་ཚང་བ་བཤད། དེ་ནས་ཁྱད་པར་གྱི་སྔོན་འགྲོ་ལ་ལུས་ངག་ཡིད་གསུམ་ལས། དང་པོ་ལུས་ཀྱི་སྔོན་འགྲོ་ནི། སོགས་ལྷ། ལྷ་མ་ཡིན། མི། བྱོལ་སོང༌། ཡི་དྭགས། དམྱལ་བའི་སྐྱེ་སྒོ་བཅད་པ་རྣམས་དང༌། རྡོ་རྗེའི་འདུག་སྟངས་མཐར། ལུས་སྦྱངས་སེམས་ལ་ཕན་པ་ཡིན། ཅེས་གསུངས་སོ། བར་གྱི་ཁྲིད་བཏབ། གསང་དབང་ཚར་བའི་རྗེས་སུ། དེ་ནས་གཉིས་པ་ངག་གི་རུ་ཤན་དབྱེ་བ་ནི། སོགས་ནས། སེམས་ཀྱི་བྱུང་གནས་འགྲོ་གསུམ་རྩད་གཅོད་དང་སེམས་རིག་དབྱེ་བའི་མཇུག །གང་ཤར་སྒོམ་གྱི་ངོ་བོར་འདྲེས་པ་ཞིག་འབྱུང་ངོ་༔ བར་གྱི་ཁྲིད་གདབ། ཤེར་དབང་གྲུབ་པའི་རྗེས། དེ་ནས་ངོ་སྤྲད་པ་ནི༔ སོགས་ནས། ངོ་སྤྲོད་དུས་སུ་ཐེབ་པར་གདབ༔ ཅེས་གསུངས་སོ༔ ཞེས་པས་ངོ་སྤྲད། ཚིག་དབང་རིན་ཆེན་སྤྱི་བླུགས་བསྐུར་བའི་རྗེས་སུ། ཁྲིད་ཀྱི་དངོས་གཞིའི་ལེའུ་ལྟར། དེ་ལྟར་གོང་དུ་གཞི་རྣལ་མ་ཁྲེགས་ཆོད་དོན་ལ་ངོ་འཕྲོད་ཅིང༌། སོགས་ནས། འདི་ནི་ཀུན་ཏུ་བཟང་པོའི་དགོངས་པ་ཉག་གཅིག་ཟང་ཐལ་དུ་སངས་རྒྱས་པ་ཞེས་བྱའོ༔ དེ་ནས་སྤྲོ་ན་རྟགས་ཚད་མུ་ཏིག་ཕྲེང་བའང་སྦྱར་ཏེ། དེ་ལྟར་ཁྲིད་ཀྱི་སྔོན་འགྲོ་དང་དངོས་གཞི་ཚུལ་བཞིན་ཉམས་སུ་བླངས་པའི་རྟགས་ཚད་ཀྱང་གཞུང་ལས་འདི་ལྟར་གསུངས་ཏེ། དེ་ཡང་དང་པོ་ལམ་ལ་ཞུགས་པའི་རྟགས་ཚད་དང༌། སོགས་ནས། བརྩོན་འགྲུས་ཆེན་པོས་དབེན་པར་ཉམས་སུ་བླང་བར་བྱའོ། །བར་བརྗོད། གཉིས་པ་དབང་པོ་འབྲིང་བར་དོར་གྲོལ་བར་བྱེད་པའི་གདམས་པའང༌། གཞུང་ལས། དེའང་སྤྱིར་གང་ཟག་དབང་པོ་ཡང་རབ་ཀྱི་རྩེ་མོ་རྣམས༔ སོགས་བར་དོའི་མ་ཡིག་ལྟར་ལ། འདི་ཡང་ངོ་སྤྲོད་ཐེབས་པར་གཅེས༔ ཞེས་གསུངས་སོ༔ བར་བརྗོད། གསུམ་པ་དབང་པོ་ཐ་མ་སྐྱེ་བ་བརྒྱུད་ནས་གྲོལ་བར་བྱེད་པའི་ཐབས་མཁའ་སྤྱོད་སོགས་དག་པའི་ཞིང་ཁམས་སུ་སྐྱེལ་བ་འཕོ་བའི་གདམས་པ་ནི༔ འདི་ལ་སྔོན་འགྲོ༔ དངོས་གཞི༔ རྗེས་གསུམ་ཡོད་པ་ལས༔ སོགས་འཕོ་བ་དཔག་ཆེན་མདའ་མོ་ལྟར་ལ། སྐུ་གསུམ་འབྲས་བུ་ཐོབ་པར་ཤོག༔ ཅེས་བརྗོད་དོ༔ དེས་རྫོགས་པ་ཆེན་པོ་རྩ་བའི་ཁྲིད་དབང་པོ་རབ་འབྲིང་ཐ་གསུམ་དང་སྦྱར་བ་ཚང་བར་གྲུབ། གཉིས་པ་ཡན་ལག་རྒྱབ་སྐྱོར་གྱི་སྐོར་ལས། རིག་པའི་རྩལ་སྦྱང་བ་གཅོད་ཡུལ་སྣང་བ་ལམ་ཁྱེར། ཉམས་ལེན་གྱི་གེགས་སེལ་ཞི་བྱེད་རིན་ཆེན་ཕྲ་བཀོད། གོས་ཀྱི་ཞེན་པ་གཅོད་པ་གཏུམ་མོ་དྲན་ཆོག་མེ་འབར། གཉིད་ལམ་དུ་ཁྱེར་བ་འོད་གསལ་ཤེས་བྱ་བུམ་འཇུག་རྣམས་ཀྱང་སྦྲེལ་བས་ཁྲིད་རྣམས་ལེགས་པར་གྲུབ་པ་ཡིན་ནོ། །ཞེས་པའང་བློ་གྲོས་མཐའ་ཡས་ཀྱིས་ཟིན་ཐུན་དུ་སྤེལ་བ་དགེ་ལེགས་འཕེལ།། །།

[edit]

/rdzogs pa chen po hU~M skor snying thig gi khrid 'chad thabs mdor bsdus bzhugs so//_ na mo gu ra be/__gzhung 'di'i bla ma dang slob ma'i brtag dpyad le'u las 'byung ba ltar mtshan ldan dang snod ldan gyi rten 'brel 'grigs pa na/__bla ma la yon phul nas snyan gsan dbab/__bum dbang bskur grub pa'i rjes su/__de nas grol byed gdams ngag khrid tshul zab mo rim par 'bogs pa yin pas zhu ba'i yon tu dmigs te maN+Dal 'bul bar zhu/__zhes pas mtshams sbyar la maN+Dal 'bul gzhug__/sems bskyed kun spyod gsal gdab/__de la 'dir a ti rdzogs pa chen po yang gsang bla na med pa'i snying po'i yang bcud sprul pa'i gter chen rdo rje gling pa'i zab gter snying thig bcu gsum gyi nang nas khyad par 'phags pa hU~M skor snying thig gi khrid ston pa la rtsa ba dang yan lag gnyis yod/__dang po rtsa ba la'ang dbang po rab tshe 'di/__'bring bar do/__tha ma skye ba brgyud nas grol bar byed pa gsum yod/__de'i dang po la gsum/__sngon 'gro/__dngos gzhi/__rjes kyi khrid do/__dang po ni/__rang rgyud nyams len khrid kyi sngon 'gro'i le'u las 'di ltar 'byung ste/__gsang ba'i man ngag nyams su blang bar 'dod cing*/__sogs nas/__rnam rtog zhi ba'o/__zhes gsungs pa ltar gdams ngag 'bogs pa'i gnas/__de la dgos pa'i yo byad sogs ci rigs pa tshogs pa'i dbang du byas/__de nas yid ches pa'i phyir/__sogs nas/__yid ches par bya'o:__zhes gsungs pa'i lo rgyus brgyud pa'i tshig shar tsam sbyor grub na legs:__de'ang rgyud las/__lo rgyus dbye ba/__sogs nas*/__yon tan yod do:__de nas gdams pa la 'jug pa'i thog mar rang rgyud sbyong byed spyi'i sngon 'gro la rnam grangs bdun yod pa'i dang po skyabs su 'gro ba ni/__rang tha mal pa'i spyi gtsug tu/__sogs nas/__gnyis pa sems bskyed pa/__gsum pa mi rtag pa bsam pa/__bzhi pa tshogs rdzogs maN+Dal/__lnga pa sdig bshags rdor sems sgom bzlas dang bcas pa/__drug pa bla ma'i gsol 'debs/__bdun pa tshad med bzhi bsgom pa rnams tshang ba bshad/__de nas khyad par gyi sngon 'gro la lus ngag yid gsum las/__dang po lus kyi sngon 'gro ni/__sogs lha/__lha ma yin/__mi/__byol song*/__yi dwags/__dmyal ba'i skye sgo bcad pa rnams dang*/__rdo rje'i 'dug stangs mthar/__lus sbyangs sems la phan pa yin/___ces gsungs so/__bar gyi khrid btab/__gsang dbang tshar ba'i rjes su/__de nas gnyis pa ngag gi ru shan dbye ba ni/__sogs nas/__sems kyi byung gnas 'gro gsum rtsad gcod dang sems rig dbye ba'i mjug__/gang shar sgom gyi ngo bor 'dres pa zhig 'byung ngo :__bar gyi khrid gdab/__sher dbang grub pa'i rjes/__de nas ngo sprad pa ni:__sogs nas/___ngo sprod dus su theb par gdab:__ces gsungs so:__zhes pas ngo sprad/__tshig dbang rin chen spyi blugs bskur ba'i rjes su/__khrid kyi dngos gzhi'i le'u ltar/__de ltar gong du gzhi rnal ma khregs chod don la ngo 'phrod cing*/__sogs nas/__'di ni kun tu bzang po'i dgongs pa nyag gcig zang thal du sangs rgyas pa zhes bya'o:__de nas spro na rtags tshad mu tig phreng ba'ang sbyar te/__de ltar khrid kyi sngon 'gro dang dngos gzhi tshul bzhin nyams su blangs pa'i rtags tshad kyang gzhung las 'di ltar gsungs te/__de yang dang po lam la zhugs pa'i rtags tshad dang*/__sogs nas/__brtson 'grus chen pos dben par nyams su blang bar bya'o/__/bar brjod/__gnyis pa dbang po 'bring bar dor grol bar byed pa'i gdams pa'ang*/__gzhung las/__de'ang spyir gang zag dbang po yang rab kyi rtse mo rnams:__sogs bar do'i ma yig ltar la/__'di yang ngo sprod thebs par gces:__zhes gsungs so:__bar brjod/__gsum pa dbang po tha ma skye ba brgyud nas grol bar byed pa'i thabs mkha' spyod sogs dag pa'i zhing khams su skyel ba 'pho ba'i gdams pa ni:__'di la sngon 'gro:__dngos gzhi:__rjes gsum yod pa las:__sogs 'pho ba dpag chen mda' mo ltar la/__sku gsum 'bras bu thob par shog:__ces brjod do:__des rdzogs pa chen po rtsa ba'i khrid dbang po rab 'bring tha gsum dang sbyar ba tshang bar grub/__gnyis pa yan lag rgyab skyor gyi skor las/__rig pa'i rtsal sbyang ba gcod yul snang ba lam khyer/__nyams len gyi gegs sel zhi byed rin chen phra bkod/__gos kyi zhen pa gcod pa gtum mo dran chog me 'bar/__gnyid lam du khyer ba 'od gsal shes bya bum 'jug rnams kyang sbrel bas khrid rnams legs par grub pa yin no/__/zhes pa'ang blo gros mtha' yas kyis zin thun du spel ba dge legs 'phel//__//