རྩ་གསུམ་དྲིལ་སྒྲུབ་ཀྱི་ཚོགས་དམིགས་ཟིན་བྲིས།

🚧 This website is under continued development. We appreciate your patience!

Previous Text Back to Volume PageNext Text

Wylie title	rtsa gsum dril sgrub kyi tshogs dmigs zin bris
Location	chos kyi blo gros bka' 'bum Volume 5, Text 48, Pages 625-629 (Folios 1a1 to 3a5)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་, སངས་རྒྱས་བླ་མ་ ('jam dbyangs mkhyen brtse'i dbang po, sangs rgyas bla ma)
Citation	'jam dbyangs mkhyen brtse chos kyi blo gros. rtsa gsum dril sgrub kyi tshogs dmigs zin bris. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 5: 625-629. Bir, H.P.: Khyentse Labrang, 2012.
Genre	Feast Offering - tshogs mchod - tshogs kyi 'khor lo
Cycle	རྩ་གསུམ་དྲིལ་སྒྲུབ་ (rtsa gsum dril sgrub)
Colophon	།ཞེས་པའང་ནུབ་བླ་མས་གསུང་བསྐུལ་ངོར་ཆོས་ཀྱི་བློ་གྲོས་པས་སོ།
	/zhes pa'ang nub bla mas gsung bskul ngor chos kyi blo gros pas so/

1 Texts in this Section (sde tshan or chos tshan)

625-629	རྩ་གསུམ་དྲིལ་སྒྲུབ་ཀྱི་ཚོགས་དམིགས་ཟིན་བྲིས། rtsa gsum dril sgrub kyi tshogs dmigs zin bris Feast Offering - tshogs mchod - tshogs kyi 'khor lo	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

རྩ་གསུམ་དྲིལ་སྒྲུབ་ཀྱི་ཚོགས་དམིགས་ཟིན་བྲིས་བཞུགས། ལགས། ཉིད་ཀྱི་ཚོགས་མཆོད་སྐོར་གྱི་དམིགས་པ་མདོར་བསྡུས་དགོས་གསུངས་པ། རྙིང་མ་བཀའ་གཏེར་རྒྱུད་ལུང་མན་ངག་རྣམས་སུ་ཚོགས་ཀྱི་རྣམ་གཞག་རྒྱ་ཆེར་འབྱུང་བ་དང་། རང་ལུགས་རྗེ་བཙུན་གྲགས་པ། ཆོས་རྗེ་ས་པཎ། ངོར་ཆེན་བཅས་ཀྱི་ཚོགས་འཁོར་རྣམ་གཞག་ཞིབ་མོ་ཡོད་པ་རྣམས་ཅུང་ཟད་ཙམ་རེ་ལས་དོན་གྱི་གནད་གཅིག་པ་དང་། རྙིང་ཕྱོགས་ལ་སྐལ་ལྡན་ལྷའི་ཚོགས། དགྱེས་ལྡན་མིའི་ཚོགས། འབྱོར་ལྡན་ཡོ་བྱད་ཀྱི་ཚོགས་སོ། །དང་པོ་ནི་དཀྱིལ་འཁོར་གྱི་ལྷ་དང་། གཉིས་པ་ནི་རྣལ་འབྱོར་དམ་ལྡན་མཆེད་ལྕམ་དང་། གསུམ་པ་ནི་རྟེན་མཆོད་སྒྲུབ་རྫས་དང་། ཁྱད་པར་དུ་ཚོགས་ཀྱི་ཡོ་བྱད་རྣམས་ཡིན་ལ། དེ་ཡང་རྩ་གསུམ་དྲིལ་སྒྲུབ་ལྟ་བུ་ལ་མཚོན་ན། ཚོགས་ཀྱི་ཡོ་བྱད་རྣམས་ལས་བཟའ་བ་གཡས་དང་། བཏུང་བ་གཡོན་དུ་གཅན་གཟན་གྱི་པགས་པ་བཀྲམ་པའི་ཁར་བཤམས། ཕྱག་ལེན་ཕལ་ཆེར་ལ་མེ་ཆུ་རླུང་གསུམ་གྱི་སྦྱང་བ་བྱེད་ཀྱང་། སྨིན་གླིང་ཕྱག་ལེན་དུ་བསང་ཆུའམ། ལས་བུམ་བསྒྲུབས་ཡོད་ན་དེ་དང་། མེད་ན་ཆུ་གཙང་དང་ནང་མཆོད་ཀྱི་བདུད་རྩི་བྲན་པར་མཛད་ཅིང་། རྃ་གྱིས་མེ་འབར་བས་མི་གཙང་བའི་དྲི་མ་བསྲེགས། ཡྃ་ལས་རླུང་བྱུང་བས་གཏོར། ཁྃ་ལས་ཆུ་བྱུང་བས་དྲི་མ་སྦྱོང་། ཚོགས་ཀྱི་སྣོད་སྟོང་གསུམ་དང་མཉམ་པའི་ཀ་པཱ་ལའམ། གཞུང་འདིའི་དངོས་བསྟན་ཐོད་སྣོད་ཡིན། རིན་པོ་ཆེའི་ཡོལ་གོ་པདྨས་མཚན་པ་རྒྱ་ཁྱོན་ཚད་ལས་འདས་པའི་ནང་དུ་ཚོགས་གཏོར་རིན་པོ་ཆེ་སྣ་ཚོགས་ཀྱི་ལྷུན་པོ་རྒྱ་དང་ཚད་དཔག་ཏུ་མེད་པ་དང་། རྫས་རྣམས་ཤ་ལྔ་བདུད་རྩི་ལྔའི་ངོ་བོ་དེ་དང་དེ་ཡིན་པ་ལ་རྣམ་པ་འདོད་ཡོན་དྲུག་གི་ལྷ་མོ་ཀུན་ཏུ་བཟང་པོའི་ཏིང་ངེ་འཛིན་གྱི་རྣམ་འཕྲུལ་ལྟར་སྤྲོ་བ་དང་། བདག་ཉིད་དཀྱིལ་འཁོར་གྱི་གཙོ་བོར་གསལ་བའི་ཐུགས་ནས་ཨོཾ་ཨཱཿཧཱུྃ་གསུམ་ཆར་བབས་པ་ལྟར་འཕྲོས་པས་ཨོཾ་གྱིས་མ་དག་པ་སྦྱངས། ཨཱཿཡིས་ཡེ་ཤེས་ཀྱི་བདུད་རྩིར་སྤེལ། ཧཱུྃ་གིས་གང་མོས་སུ་སྒྱུར། ཧ་ཧོ་ཧྲཱིཿས་རྒྱ་ཆེར་སྤེལ་ཞིང་བྱིན་གྱིས་བརླབས་པའི་ཚོགས་གཏོར་དེ་རིམ་པ་གསུམ་དུ་སྤྲོས་ལ། བདག་གི་ཐུགས་ཀ་ནས་འོད་ཟེར་ལྕགས་ཀྱུའི་དབྱིབ་ཅན་འཕྲོས་པས་ནམ་མཁའི་ཁམས་གང་བའི་ཚོགས་ཞིང་རྩ་གསུམ་རྒྱལ་བ་རབ་འབྱམས་སྤྱན་དྲངས། ཚོགས་གཏོར་གྱི་སྟེང་གི་ནམ་མཁར་བཞུགས་པར་སྒོམ་པའམ། མདུན་བསྐྱེད་དཀྱིལ་འཁོར་བསྒོམས་ཡོད་ན་དེ་ལ་དབྱེར་མེད་དུ་ཐིམ་པར་བསམ་ལ། ཚོགས་ཕུད་དང་པོ་དང་བདུད་རྩིའི་ཕུད་ཀྱི་ཟེག་མ་ལས་ཕྱི་ནང་གསང་བའི་མཆོད་སྤྲིན་དཔག་མེད་སྤྲོ་བས་དཀྱིལ་འཁོར་གྱི་ལྷ་ཚོགས་མཆ྄ོ༷ད་པ་དང་། བར་པས་དམ་ཚིག་ཉམས་ཆག་ཐམས་ཅད་སྐོང་ཞིང་བཤག྄༷ས་པ་དང་། ཐ་མས་བསྟན་ལ་གནོད་ཅིང་འཚེ་བའི་དགྲ་བགེགས་དམ་སྲི་ཀླ་ཀློ་སོགས་ཀྱི་རྣམ་ཤེས་དགུག་བསྟིམ་དང་། དཀྱིལ་འཁོར་ལྷ་ཚོགས་རྣམས་ཀྱི་སྐུ་ལས་གུར་དྲག་དང་རྟ་མགྲིན་སོགས་ཁྲོ་བོ་དང་། ཁྲོ་མོའི་ཚོགས་དཔག་ཏུ་མེད་པས་མཚོན་ཆའི་ཆར་ཕབ་སྟེ་གཟུགས་ཕུང་བསྒྲལ྄༷་ཞིང་། རྣམ་ཤེས་དབྱིངས་སུ་བསྟིམས་ཤིང་ལྔ་ཕུང་ཞལ་དུ་བསྟབས་པའི་དམིགས་པ་མདོར་བསྡུས་བྱ་དགོས་ཤིང་། དེ་ལྟར་ཕུལ་བས་མཆོག་ཐུན་གྱི་དངོས་གྲུབ་ཞུ་སྩོལ་གྱི་གསོལ་འདེབས་ཏེ། འདིའི་འདོན་ཆ་ཤིན་ཏུ་བསྡུས་པ་ཡིན་ཀྱང་ཚིག་ཉུང་དོན་རྒྱས་པ་དང་། སྐོང་བཤགས་ནི་གོང་གི་ཚོགས་བར་པ་ལས་འཕྲོས་པ་ཡིན་པས་ཚོགས་གཏོར་གྱི་རྫས་རྣམས་ལས་གཞུང་ཚིག་དང་མཐུན་པའི་མཆོད་སྤྲིན་སྤྲོ་བ་དཀྱིལ་འཁོར་ལྷ་ཚོགས་རྣམས་ཀྱི་རྡོ་རྗེའི་དབང་པོ་དྲུག་གིས་དགྱེས་རྒུར་རོལ་ཞིང་ཚིམས་པས་ཐུགས་རྒྱུད་ལ་བདེ་ཆེན་དགའ་བཞིའི་ཡེ་ཤེས་ཀྱི་རོས་གང་ཞིང་། བདག་ཅག་རྣལ་འབྱོར་པའི་དམ་ཚིག་ཉམས་ཆག་ཉེས་ལྟུང་དྲི་མའི་ཚོགས་རྣམས་བྱང་ཞིང་དག་ནས་རྩ་གསུམ་རབ་འབྱམས་རྒྱ་མཚོའི་གསང་གསུམ་བྱིན་རླབས་རྒྱུད་ལ་ཞུགས་པ་དང་། ཚོགས་ཞིང་རྣམས་ཀྱི་གནས་གསུམ་ལས་འོད་ཟེར་བྱུང་བ་རང་གི་གནས་གསུམ་ཕོག་པ་སོགས་དབང་བླང་བའི་དམིགས་པ་གཞུང་གསལ་ལྟར་དང་། ཚོགས་ལ་རོལ་བའི་སྐབས་བདག་ལུས་ཕུང་ཁམས་སྐྱེ་མཆེད་གདན་གསུམ་ཚང་བའི་དཀྱིལ་འཁོར་གྱི་ལྷ་ལ་ཚོགས་རྫས་ཡེ་ཤེས་ཀྱི་བདུད་རྩི་མཆོད་པར་མོས་ཤིང་། སྤྲོ་ན་རྡོ་རྗེའི་གླུ་བླང་བ་སོགས་བྱ། ལྷག་མ་ལ་དམ་ཚིག་དང་ལྡན་པ་རྣམས་ཀྱིས་བཟའ་བའི་ལྷག་མ་དང་། དཀྱིལ་འཁོར་པ་ལ་མཆོད་པའི་ལྷག་མ་རྣམས་གཅིག་ཏུ་བསྲེས། སློབ་དཔོན་གྱི་ཞལ་ཆབ་དང་སྨན་རཀ་གིས་བྲན་ལ། དཔལ་ཆེན་པོའི་ཕ་འབབ་ལ་དབང་བའི། དབང་ཕྱུག་ཉི་ཤུ་རྩ་བརྒྱད་དང་། མ་ཚོགས་འབར་མ་གིང་དང་ལངྐ་སྟེ་སྲིན་པོ་ལ་སོགས་ལྷག་མགྲོན་རྣམས་ལ་འབུལ་ཞིང་སྟོབ་པས་བར་ཆད་སེལ་ཞིང་རྣམ་བཞིའི་ཕྲིན་ལས་བསྒྲུབ་པར་བསམ། མཐར་རྡོ་རྗེའི་རྣལ་འབྱོར་གཅིག་ཏུ་ཚོགས་པ་རྣམས་ཚོམ་བུ་གཅིག་ཏུ་མངོན་འཚང་རྒྱ་བའི་སྨོན་ལམ་གདབ་པ་སྟེ་གོ་དོན་མདོར་བསྡུས་དང་། དེ་དག་གི་སྐབས་སུ་ལྷ་ཡི་གསལ་སྣང་དང་མི་འབྲལ་བ་དང་། གཙང་སྨེ་གཉིས་འཛིན་མི་བྱ་ཞིང་། ཤག་དང་ཀུ་ཅོ་རྩོད་པ་སོགས་མི་བྱ་བའི་ཚོགས་ཀྱི་དམ་ཚིག་རྣམས་གསར་རྙིང་གི་གསང་བ་སྤྱི་ཁྱབ་ལྟར་ལགས། སྤྱིར་རྣལ་འབྱོར་བླ་མེད་ཀྱི་མཆོད་པ་ཐམས་ཅད་ཀྱི་རྒྱལ་པོ་ཚོགས་འཁོར་འདི་ལས་ཕན་ཡོན་ཆེ་བ་མེད་པར་རྒྱུད་སྡེ་ཆེན་པོ་རྣམས་ལས་ཡང་ཡང་བསྟན་ཅིང་། དེ་ལ་དེང་དུས་རང་རེ་མ་དག་པའི་གཞན་དབང་དུ་གྱུར་པས་ཟ་འདོད་ཀྱི་སྲེད་པ་སོགས་འབྱུང་ཤས་ཆེ་ཡང་། དེ་འདྲའི་རང་འདོད་ཀྱི་འཕྲི་བ་དེ་ནི་ལྷ་སྒོམ་སྔགས་བཟླས་ཚོགས་བསགས་མཆོད་པ་སོགས་གང་གི་སྐབས་སུ་ཡང་རང་དོན་ཡིད་བྱེད་ཀྱི་བློ་ངན་དང་། ཉོན་མོངས་པའི་དུག་དང་འདྲེས་པ་རེ་འབྱུང་འདུག་པ་དང་། གསང་སྔགས་ཀྱི་རྣལ་འབྱོར་པ་ཡིན་ན་བཟའ་བཏུང་ཚོགས་འཁོར་དུ་ཤེས་དགོས་པ་ཡིན་ཀྱང་། དེའང་ཞིམ་བཙོག་གི་སྲེད་པ་དང་བཅས་བཟའ་བའི་ཕྱིར་ན། ཟ་འདོད་ཚོགས་འཁོར་བསྐོར་བའི་རྙིང་མ་པ། །ཞེས་ཟེར་ཡང་བརྗོད་འདོད་ཙམ་ལས། དོན་ལ་ཉེས་ལྟུང་བསྐྱེད་པ་མཚུངས་པའི་ཕྱིར། དེས་ན་ཀུན་སློང་བཅོས་པ་དང་། དྲན་ཤེས་བག་ཡོད་ཀྱི་བསམ་པ་བརྟན་པོ་བྱེད་པ་ཤིན་ཏུ་གཅེས་སོ། །ཞེས་པའང་ནུབ་བླ་མས་གསུང་བསྐུལ་ངོར་ཆོས་ཀྱི་བློ་གྲོས་པས་སོ། །། །

[edit]

rtsa gsum dril sgrub kyi tshogs dmigs zin bris bzhugs/__lags/__nyid kyi tshogs mchod skor gyi dmigs pa mdor bsdus dgos gsungs pa/__rnying ma bka' gter rgyud lung man ngag rnams su tshogs kyi rnam gzhag rgya cher 'byung ba dang /__rang lugs rje btsun grags pa/__chos rje sa paN/__ngor chen bcas kyi tshogs 'khor rnam gzhag zhib mo yod pa rnams cung zad tsam re las don gyi gnad gcig pa dang /__rnying phyogs la skal ldan lha'i tshogs/__dgyes ldan mi'i tshogs/__'byor ldan yo byad kyi tshogs so/__/dang po ni dkyil 'khor gyi lha dang /__gnyis pa ni rnal 'byor dam ldan mched lcam dang /__gsum pa ni rten mchod sgrub rdzas dang /__khyad par du tshogs kyi yo byad rnams yin la/__de yang rtsa gsum dril sgrub lta bu la mtshon na/__tshogs kyi yo byad rnams las bza' ba g.yas dang /__btung ba g.yon du gcan gzan gyi pags pa bkram pa'i khar bshams/__phyag len phal cher la me chu rlung gsum gyi sbyang ba byed kyang /__smin gling phyag len du bsang chu'am/__las bum bsgrubs yod na de dang /__med na chu gtsang dang nang mchod kyi bdud rtsi bran par mdzad cing /__ra~M gyis me 'bar bas mi gtsang ba'i dri ma bsregs/__ya~M las rlung byung bas gtor/__kha~M las chu byung bas dri ma sbyong /__tshogs kyi snod stong gsum dang mnyam pa'i ka pA la'am/__gzhung 'di'i dngos bstan thod snod yin/__rin po che'i yol go pad+mas mtshan pa rgya khyon tshad las 'das pa'i nang du tshogs gtor rin po che sna tshogs kyi lhun po rgya dang tshad dpag tu med pa dang /__rdzas rnams sha lnga bdud rtsi lnga'i ngo bo de dang de yin pa la rnam pa 'dod yon drug gi lha mo kun tu bzang po'i ting nge 'dzin gyi rnam 'phrul ltar spro ba dang /__bdag nyid dkyil 'khor gyi gtso bor gsal ba'i thugs nas oM AHhU~M gsum char babs pa ltar 'phros pas oM gyis ma dag pa sbyangs/__AHyis ye shes kyi bdud rtsir spel/__hU~M gis gang mos su sgyur/__ha ho hrIHsa rgya cher spel zhing byin gyis brlabs pa'i tshogs gtor de rim pa gsum du spros la/__bdag gi thugs ka nas 'od zer lcags kyu'i dbyib can 'phros pas nam mkha'i khams gang ba'i tshogs zhing rtsa gsum rgyal ba rab 'byams spyan drangs/__tshogs gtor gyi steng gi nam mkhar bzhugs par sgom pa'am/__mdun bskyed dkyil 'khor bsgoms yod na de la dbyer med du thim par bsam la/__tshogs phud dang po dang bdud rtsi'i phud kyi zeg ma las phyi nang gsang ba'i mchod sprin dpag med spro bas dkyil 'khor gyi lha tshogs mcho?Xd pa dang /__bar pas dam tshig nyams chag thams cad skong zhing bshaga?Xs pa dang /__tha mas bstan la gnod cing 'tshe ba'i dgra bgegs dam sri kla klo sogs kyi rnam shes dgug bstim dang /__dkyil 'khor lha tshogs rnams kyi sku las gur drag dang rta mgrin sogs khro bo dang /__khro mo'i tshogs dpag tu med pas mtshon cha'i char phab ste gzugs phung bsgrala?X zhing /__rnam shes dbyings su bstims shing lnga phung zhal du bstabs pa'i dmigs pa mdor bsdus bya dgos shing /__de ltar phul bas mchog thun gyi dngos grub zhu stsol gyi gsol 'debs te/__'di'i 'don cha shin tu bsdus pa yin kyang tshig nyung don rgyas pa dang /__skong bshags ni gong gi tshogs bar pa las 'phros pa yin pas tshogs gtor gyi rdzas rnams las gzhung tshig dang mthun pa'i mchod sprin spro ba dkyil 'khor lha tshogs rnams kyi rdo rje'i dbang po drug gis dgyes rgur rol zhing tshims pas thugs rgyud la bde chen dga' bzhi'i ye shes kyi ros gang zhing /__bdag cag rnal 'byor pa'i dam tshig nyams chag nyes ltung dri ma'i tshogs rnams byang zhing dag nas rtsa gsum rab 'byams rgya mtsho'i gsang gsum byin rlabs rgyud la zhugs pa dang /__tshogs zhing rnams kyi gnas gsum las 'od zer byung ba rang gi gnas gsum phog pa sogs dbang blang ba'i dmigs pa gzhung gsal ltar dang /__tshogs la rol ba'i skabs bdag lus phung khams skye mched gdan gsum tshang ba'i dkyil 'khor gyi lha la tshogs rdzas ye shes kyi bdud rtsi mchod par mos shing /__spro na rdo rje'i glu blang ba sogs bya/__lhag ma la dam tshig dang ldan pa rnams kyis bza' ba'i lhag ma dang /__dkyil 'khor pa la mchod pa'i lhag ma rnams gcig tu bsres/__slob dpon gyi zhal chab dang sman raka gis bran la/__dpal chen po'i pha 'bab la dbang ba'i/__dbang phyug nyi shu rtsa brgyad dang /__ma tshogs 'bar ma ging dang lang+ka ste srin po la sogs lhag mgron rnams la 'bul zhing stob pas bar chad sel zhing rnam bzhi'i phrin las bsgrub par bsam/__mthar rdo rje'i rnal 'byor gcig tu tshogs pa rnams tshom bu gcig tu mngon 'tshang rgya ba'i smon lam gdab pa ste go don mdor bsdus dang /__de dag gi skabs su lha yi gsal snang dang mi 'bral ba dang /__gtsang sme gnyis 'dzin mi bya zhing /__shag dang ku co rtsod pa sogs mi bya ba'i tshogs kyi dam tshig rnams gsar rnying gi gsang ba spyi khyab ltar lags/__spyir rnal 'byor bla med kyi mchod pa thams cad kyi rgyal po tshogs 'khor 'di las phan yon che ba med par rgyud sde chen po rnams las yang yang bstan cing /__de la deng dus rang re ma dag pa'i gzhan dbang du gyur pas za 'dod kyi sred pa sogs 'byung shas che yang /__de 'dra'i rang 'dod kyi 'phri ba de ni lha sgom sngags bzlas tshogs bsags mchod pa sogs gang gi skabs su yang rang don yid byed kyi blo ngan dang /__nyon mongs pa'i dug dang 'dres pa re 'byung 'dug pa dang /__gsang sngags kyi rnal 'byor pa yin na bza' btung tshogs 'khor du shes dgos pa yin kyang /__de'ang zhim btsog gi sred pa dang bcas bza' ba'i phyir na/__za 'dod tshogs 'khor bskor ba'i rnying ma pa/__/zhes zer yang brjod 'dod tsam las/__don la nyes ltung bskyed pa mtshungs pa'i phyir/__des na kun slong bcos pa dang /__dran shes bag yod kyi bsam pa brtan po byed pa shin tu gces so/__/zhes pa'ang nub bla mas gsung bskul ngor chos kyi blo gros pas so/__//__/