རྩ་གསུམ་བྱིན་འབེབས་ཐུགས་རྗེའི་གློག་ཞགས།

🚧 This website is under continued development. We appreciate your patience!

Previous Text Back to Volume PageNext Text

Wylie title	rtsa gsum byin 'bebs thugs rje'i glog zhags
Location	chos kyi blo gros bka' 'bum Volume 5, Text 42, Pages 583-591 (Folios 1a1 to 5a2)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་, སངས་རྒྱས་བླ་མ་ ('jam dbyangs mkhyen brtse'i dbang po, sangs rgyas bla ma)
Citation	'jam dbyangs mkhyen brtse chos kyi blo gros. rtsa gsum byin 'bebs thugs rje'i glog zhags. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 5: 583-591. Bir, H.P.: Khyentse Labrang, 2012.
Genre	Descent of Blessings - byin 'bebs
Cycle	རྩ་གསུམ་དྲིལ་སྒྲུབ་ (rtsa gsum dril sgrub)
Colophon	།ཞེས་པའང་འཁྲུལ་ཞིག་དཔའ་བོ་རྡོ་རྗེའི་གསུང་བསྐུལ་བཞིན་པདྨ་ཡེ་ཤེས་རྡོ་རྗེས་མེ་བྱ་སྣྲོན་ཟླའི་བཟང་པོ་དང་པོ་ཚེས་ལ་འབྲས་ལྗོངས་གཙུག་ལག་ཁང་བཀྲ་ཤིས་དགེ་འཕེལ་གླིང་དུ་བྲིས་པ་དོན་དང་ལྡན་པར་གྱུར་ཅིག །མངྒལཾ། །།
	/zhes pa'ang 'khrul zhig dpa' bo rdo rje'i gsung bskul bzhin pad+ma ye shes rdo rjes me bya snron zla'i bzang po dang po tshes la 'bras ljongs gtsug lag khang bkra shis dge 'phel gling du bris pa don dang ldan par gyur cig__/mang+galaM/__//

1 Texts in this Section (sde tshan or chos tshan)

583-591	རྩ་གསུམ་བྱིན་འབེབས་ཐུགས་རྗེའི་གློག་ཞགས། rtsa gsum byin 'bebs thugs rje'i glog zhags Descent of Blessings - byin 'bebs	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

༄༅། །རྩ་གསུམ་བྱིན་འབེབས་ཐུགས་རྗེའི་གློག་ཞགས་བཞུགས་སོ། ། ཨོཾ་ཨཱཿཧཱུྃ། ཨ་ལ་ལ་ཧོ། བྷ་ག་ཝཱན། ས་མ་ཡ་སྟྭཾ། ཧཱུྃ་ཧྲཱིཿབརྡལ་ཁྱབ་ཐིག་ལེ་ཆེན་པོའི་དབྱིངས། །སྐུ་དང་ཞིང་ཁམས་ཚད་མེད་ནས། །བསམ་ཡས་སྒྱུ་འཕྲུལ་དྲྭ་བ་ཡི། །རྩ་གསུམ་རབ་འབྱམས་བྱིན་ཆེན་ཕོབས། །ཆོས་དབྱིངས་ཕྱོགས་ལྷུང་བྲལ་བ་ནས། །དུས་གསུམ་གཤེགས་པའི་སངས་རྒྱས་དང་། །ཆོས་དང་འཕགས་པའི་ཚོགས་བཅས་རྣམས། །ཚུར་གཤེགས་གནས་འདིར་བྱིན་ཆེན་ཕོབ། །ལྔ་ལྡན་ལྷུན་རྫོགས་ལོངས་སྐུའི་ཞིང་། །རིགས་ལྔ་གངས་ཅན་མཚོ་རྣམས་ལ། །ལོངས་སྐུའི་དཀྱིལ་འཁོར་བསམ་ལས་འདས། །ཚུར་གཤེགས་གནས༴། ཐུགས་རྗེ་རིས་མེད་སྤྲུལ་སྐུ་ཞིང་། །དག་དང་མ་དག་ཅིར་ཡང་སྟོན། །གང་འདུལ་ཕྲིན་ལས་དེར་སྟོན་རྣམས། །ཚུར་གཤེགས་གནས་འདིར༴། རྒྱལ་བ་དགོངས་པའི་བརྒྱུད་པ་དང་། །རིག་འཛིན་བརྡ་ཡི་བརྒྱུད་པ་དང་། །གང་ཟག་སྙན་ཁུང་བརྒྱུད་པ་རྣམས། །ཚུར་གཤེགས༴། ལྷ་ཀླུ་མི་ཡི་གནས་རྣམས་སུ། །རིག་འཛིན་གྲུབ་ཐོབ་ཆེན་པོ་རྣམས། །སྔོན་གྱི་ཐུགས་དམ་དགྱེས་དགོངས་ལ། །ཚུར་གཤེགས༴། ཐུབ་དབང་མཆོག་ཟུང་གཏད་རབས་དང་། །སྤྲུལ་པའི་ཉན་རང་དགྲ་བཅོམ་པ། །ཁྱད་པར་གནས་བརྟན་ཆེན་པོ་རྣམས། །ཚུར་གཤེགས༴། ཨོ་རྒྱན་ཡུལ་དང་འཕགས་བལ་བོད། །ས་ལ་གནས་པའི་གྲུབ་ཐོབ་དང་། །འཛམ་གླིང་རྒྱན་མཆོག་རྨད་བྱུང་རྣམས། །ཚུར་གཤེགས༴། རིག་འཛིན་བརྒྱད་དང་པདྨ་འབྱུང་། །རྣལ་འབྱོར་དབང་ཕྱུག་བརྒྱད་ཅུ་བཞི། །མཁས་གྲུབ་ཕོ་མོ་སྐར་ཚོགས་ཙམ། །ཚུར་གཤེགས༴། གངས་ཅན་བོད་ཡུལ་བསྟན་པ་འཛིན། །ཆོས་རྒྱལ་མེས་དབོན་རྣམ་གསུམ་དང་། །བཻ་རོ་རྨ་གཉག་སྐ་ཅོག་ཞང་། །ཚུར་གཤེགས༴། སྤྲུལ་པའི་སྐྱེས་མཆོག་ལོ་ཙཱ་དང་། །ཉང་རལ་ཆོས་དབང་རྒོད་ལྡེམ་ཅན། །གླིང་ཆེན་ནུས་ལྡན་ཉེར་གཅིག་སོགས། །ཚུར་གཤེགས༴། སངས་རྒྱས་བླ་མ་ནས་བཟུང་སྟེ། །གཏེར་ཆེན་གཏེར་ཕྲན་བསམ་ལས་འདས། །རིག་འཛིན་ཕོ་མོའི་ཚོགས་ཀྱིས་བསྐོར། །ཚུར་གཤེགས༴། སྔ་འགྱུར་བཀའ་གདམས་བཀའ་བརྒྱུད་དང་། །ཞི་གཅོད་སྦྱོར་དྲུག་ལ་སོགས་པའི། །བསྟན་འཛིན་སྐྱེས་མཆོག་ཐམས་ཅད་པ། །ཚུར་གཤེགས༴། ཧཱུྃ་ཧྲཱིཿཨ་ཏི་ཡང་གསང་བླ་མེད་ཀྱི། །བསྐལ་མགོན་དྲུག་ཅུ་རྩ་བཞི་དང་། །མངོན་རྫོགས་སྟོན་པ་བཅུ་གཉིས་སོགས། །རྒྱལ་བ་རྒྱ་མཚོའི་ལྷ་ཚོགས་རྣམས། །ཚུར་གཤེགས༴། རྡོ་རྗེ་སེམས་དཔའ་དགའ་རབ་རྗེ། །ཤྲཱི་སེང་མཉྫུ་མི་ཏྲ་དང་། །ཛྙཱ་ན་སུ་ཏྲ་བི་མ་སོགས། །ཚུར་གཤེགས༴། ཕྱག་རྡོར་རིགས་ཅན་དྲྭ་མ་ལྔ། །ཆོས་རྒྱལ་ལུང་བསྟན་རྡོ་རྗེ་དང་། །ཀུ་ཀུ་རཱ་ཛ་བདེ་གསལ་སོགས། །ཚུར་གཤེགས༴། རྒྱལ་སྲས་རིགས་གསུམ་སེམས་དཔའ་དང་། །སྒེག་རྡོར་སངས་རྒྱས་གསང་བ་སོགས། །རྒྱུད་དང་སྒྲུབ་སྡེའི་སྲོལ་འབྱེད་རྣམས། །ཚུར་གཤེགས༴། ཁྱད་པར་ཨོ་རྒྱན་རྡོ་རྗེ་འཆང་། །ཐོད་ཕྲེང་སྡེ་ལྔ་མཚན་བརྒྱད་དང་། །འཕྲུལ་མཚན་བཞི་བཅུ་ལ་སོགས་པ། །ཚུར་གཤེགས༴། མངའ་བདག་ཚངས་པ་ལྷའི་མེ་ཏོག །ནམ་སྙིང་སངས་རྒྱས་ཡེ་ཤེས་དང་། །མཚོ་རྒྱལ་འགྲོག་བན་དཔལ་སེང་སོགས། །ཚུར་གཤེགས༴། རྗེ་འབངས་གྲུབ་ཆེན་ཉེར་ལྔ་སོགས། །བཀའ་གཏེར་རིག་འཛིན་རྣམ་བཞིའི་སར། །གཤེགས་ཤིང་བཞུགས་པའི་བླ་མ་རྣམས། །ཚུར་གཤེགས༴། ཧཱུྃ་ཧྲཱིཿ། དཀྱིལ་འཁོར་བསམ་ཡས་ལྷུན་གྱིས་གྲུབ། །འོག་མིན་གཞལ་ཡས་འབྱམས་ཀླས་པ། །བདེ་གཤེགས་ཞི་བའི་ལྷ་ཚོགས་རྣམས། །ཚུར་གཤེགས༴། བདེ་ལྡན་ཞིང་མགོན་འོད་དཔག་མེད། །ཐུགས་རྗེ་ཆེན་པོ་ནམ་མཁའི་རྒྱལ། །པདྨ་གར་དབང་ལ་སོགས་པ། །ཚུར་གཤེགས༴། དུར་ཁྲོད་གསང་བ་མཆོག་གི་གནས། །འབར་བའི་ཁྲག་འཐུང་གར་དགུར་སྟོན། །དབུ་དང་ཕྱག་མཚན་སྣ་ཚོགས་པ། །ཚུར་གཤེགས༴། བླ་མ་དགོངས་འདུས་དཀྱིལ་འཁོར་དང་། །བཀའ་འདུས་དཀྱིལ་འཁོར་ཉེར་གཅིག་དང་། །ཡི་དམ་དབང་ཆེན་དགོངས་དཀྱིལ་སོགས། །ཚུར་གཤེགས༴། སངས་རྒྱས་ཐམས་ཅད་མཉམ་པར་སྦྱོར། །ཚོགས་ཆེན་འདུས་པ་ཡང་དག་དང་། །གཤིན་རྗེ་རྟ་མགྲིན་ཀུ་མཱ་ར། །ཚུར་གཤེགས༴། མངོན་རྫོགས་ཆེ་མཆོག་བདུད་རྩི་དང་། །མཆོད་བསྟོད་དྲེགས་འདུལ་དྲག་སྔགས་དང་། །དྲག་པོ་དམར་མཐིང་ཚེ་ཁྲོ་སོགས། །ཚུར་གཤེགས༴། བདེ་དགྱེས་སྒྱུ་ཐོད་གདན་བཞི་དང་། །གཤིན་རྗེ་དམར་ནག་འཇིགས་བྱེད་ཆེ། །དུས་ཀྱི་འཁོར་ལོ་ལ་སོགས་པ། །ཚུར་གཤེགས༴། ཧཱུྃ་ཧྲཱིཿལྷན་སྐྱེས་ཡུམ་ཆེན་དབྱིངས་ཕྱུག་མ། །ཁྲག་འཐུང་ཁྲོ་མོ་གནམ་ཞལ་དང་། །རྡོ་རྗེ་ཕག་མོ་སྒྲོལ་མ་སོགས། །ཚུར་གཤེགས༴། ཡུལ་ཆེན་སོ་གཉིས་དུར་ཁྲོད་བརྒྱད། །ཞིང་སྔགས་རིགས་ལས་སྐྱེས་པ་ཡི། །གནས་གསུམ་དཔའ་བོ་མཁའ་འགྲོའི་ཚོགས། །ཚུར་གཤེགས༴། ཡེ་ཤེས་དྷཱ་ཀི་ཆེན་མོ་ནི། །འཕྲོག་བྱེད་ཞལ་ཅན་རིགས་ལྔ་དང་། །ཀཽ་སེང་སྒོ་མ་དབང་ཕྱུག་ཚོགས། །ཚུར་གཤེགས༴། ཧཱུྃ་ཧྲཱིཿའོག་མིན་གནས་དང་བསིལ་བའི་ཚལ། །རྟག་ཏུ་བཞུགས་པའི་རྒྱུད་གསུམ་གྱི། །དམ་ཅན་ཆོས་སྐྱོང་རྒྱ་མཚོ་རྣམས། །ཚུར་གཤེགས༴། ཟླ་གམ་དམར་པོའི་འོད་ཀློང་ནས། །པདྨ་མཁའ་འགྲོ་རིགས་བྱེད་མ། །ཛཾ་དམར་ལྷ་ཆེན་ཡབ་ཡུམ་སོགས། །ཚུར་གཤེགས༴། གནོད་སྦྱིན་གཏེར་གྱི་གཞལ་ཡས་ནས། །ནོར་བུ་རྒྱ་མཚོའི་ཚོགས་རྣམས་དང་། །ལྷ་ཀླུ་གནོད་སྦྱིན་གཏེར་གཞི་བདག །ཚུར་གཤེགས༴། ཧཱུྃ་ཧྲཱིཿགཞན་ཡང་ཕྱི་རྒྱུད་སྡེ་གསུམ་གྱི། །དཀྱིལ་འཁོར་ལྷ་ཚོགས་རབ་འབྱམས་དང་། །གཙང་རིགས་དཔལ་མགོན་བདུན་ཅུ་རྣམས། །ཚུར་གཤེགས༴། སྨན་གྱི་དྲང་སྲོང་རིག་འཛིན་ཆེ། །འབྱུང་བ་ལྔ་ཡི་ལྷ་མོ་དང་། །རྩི་བཅུད་སྨན་གྱི་བདག་པོ་རྣམས། །ཚུར་གཤེགས༴། ས་ཡི་ལྷ་མོ་བརྟན་མ་དང་། །འཛམ་གླིང་དཀར་ཕྱོགས་གཞི་གནས་བདག །བོད་སྐྱོང་བརྟན་མ་ཆེན་མོ་སོགས། །ཚུར་གཤེགས༴ཨོཾ་ཧཱུྃ་ཧྲཱིཿཧེ་རུ་ཀ་ཡི་གནས་ཆེན་པོ། །རང་བྱུང་དུར་ཁྲོད་རྣམ་བརྒྱད་ན། །བཞུགས་པའི་རིགས་འཛིན་མཁའ་འགྲོ་རྣམས། །ཚུར་གཤེགས༴། མཆོད་རྟེན་ཤིང་མེ་སྤྲིན་དང་ཆུ། །ཕྱོགས་སྐྱོང་དཔའ་བོ་རྣལ་འབྱོར་མ། །རོ་དང་རོ་ལངས་ལྕེ་སྤྱངས་སོགས། །ཚུར་གཤེགས་གནས་འདིར་བྱིན་ཆེན་ཕོབས། །ཧཱུྃ་ཧྲཱིཿཁམས་གསུམ་བརྟན་གཡོ་ཐམས་ཅད་ཀུན། །རང་བྱུང་རིག་པའི་ཆོ་འཕྲུལ་ལས། །གདོད་ནས་དག་པ་རྡོ་རྗེའི་གྲོང་། །གདན་གསུམ་ཚང་བའི་དཀྱིལ་འཁོར་ཆེ། །འབར་དང་ཁྲོ་ཞིང་འཁྲུགས་པའི་ཀློང་། །ལ་ལས་བསྐྱེད་དང་ལ་ལ་སྡུད། །གཅིག་ཏུ་མ་ངེས་སྣ་ཚོགས་ཀྱང་། །ཐམས་ཅད་ཀུན་བཟང་རོལ་པའི་རྒྱན། །རྟོགས་ན་འོག་མིན་གསང་མཆོག་ཞིང་། །མ་རྟོགས་འཁོར་བ་ལྟར་སྣང་ཡང་། །དེ་ཉིད་ངང་ལས་གཡོས་པ་མེད། །དེ་ཕྱིར་རྣལ་འབྱོར་བདག་ཅག་གིས། །གདུང་བའི་དབྱངས་དང་དད་པའི་ཤུགས། །རིག་པའི་རྩལ་གྱིས་བསྐུལ་ཞིང་འབོད། །རྔ་དང་རོལ་མོ་གླིང་བུ་དང་། །པི་ཝཾ་སྙན་པའི་སྒྲས་དྲངས་ཚེ། །རྩ་གསུམ་ལྷ་ཚོགས་རབ་འབྱམས་རྣམས། །ཐུགས་རྗེ་ཆེན་པོས་གནས་འདིར་བྱོན། །རྫུ་འཕྲུལ་སྟོབས་ཀྱིས་འདིར་གཤེགས་ལ། །མ་དག་སྣོད་བཅུད་དག་པར་བསྒྱུར། །སྒྲུབ་པའི་རྫས་ལ་བཅུད་ཅིག་ཕོབ། །དཀྱིལ་འཁོར་འདི་ལ་བཀྲག་ཅིག་སྟོན། །མཆེད་ལྕམ་ལུས་ངག་ཡིད་གསུམ་ལ། །སྐུ་གསུང་ཐུགས་ཀྱི་བྱིན་ཆེན་ཕོབས། །ཁྲོ་ཚོགས་རྔམ་པའི་ཧཱུྃ་ཕཊ་སྒྲས། །བདུད་བགེགས་བར་ཆད་འཚེ་བ་སོལ། །བཀྲ་ཤིས་མེ་ཏོག་ཆར་དུ་བསྙིལ། །དབང་བཞིའི་ཆུ་རྒྱུན་འབེབས་པ་དང་། །དགའ་བཞིའི་ཡེ་ཤེས་མངོན་དུ་གྱུར། །རིག་འཛིན་རྣམ་བཞིའི་ལམ་བགྲོད་དེ། །སྐུ་བཞིའི་འབྲས་བུ་མངོན་སུམ་དུ། །སྨིན་པའི་བྱིན་ཆེན་དབང་བསྐུར་ཞིང་། །མཆོག་དང་ཐུན་མོང་དངོས་གྲུབ་སྩོལ། །ཨོཾ་ཨཱཿཧཱུྃ་ཧྲཱིཿབཛྲ་གུ་རུ་དྷེ་ཝ་དྷཱ་ཀི་ནཱི་མཎྜ་ལ་ཛྙཱ་ན་བཛྲ་ཨཱ་བེ་ཤ་ཡ་ཨ་ཨཱཿཨེ་ཨཱ་རལླི་ཧྲཱིཾ་ཧྲཱིཾ་ཕཻཾ་ཕཻཾ། ཛཿཧཱུྃ་བྃ་ཧོཿཞེས་བརྗོད་ལ་སྤོས་དང་རོལ་མོའི་སྒྲ་སྣ་ཚོགས་དང་བཅས་བྱིན་དབབ་བོ། །རྩ་གསུམ་ལྷ་ཚོགས་རྟེན་ལ་ཐིམ། །སྣོད་བཅུད་བྱིན་རླབས་གཟི་མདངས་འབར། །སྒྲུབ་རྫས་བཅུད་ལྡན་བག་རེ་དྲོ། །ཡེ་ཤེས་ཆེན་པོར་བྱིན་ཆགས་གྱུར། །ཡེ་དྷརྨཱ་སོགས་དང་། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཞེས་ཡེ་ཤེས་བརྟན་པའི་སྔགས་བརྗོད་པས་དགེ་ལེགས་སུ་བྱའོ། །ཞེས་པའང་འཁྲུལ་ཞིག་དཔའ་བོ་རྡོ་རྗེའི་གསུང་བསྐུལ་བཞིན་པདྨ་ཡེ་ཤེས་རྡོ་རྗེས་མེ་བྱ་སྣྲོན་ཟླའི་བཟང་པོ་དང་པོ་ཚེས་ལ་འབྲས་ལྗོངས་གཙུག་ལག་ཁང་བཀྲ་ཤིས་དགེ་འཕེལ་གླིང་དུ་བྲིས་པ་དོན་དང་ལྡན་པར་གྱུར་ཅིག །མངྒལཾ། །། །

[edit]

@#/__/rtsa gsum byin 'bebs thugs rje'i glog zhags bzhugs so/__/ oM AHhU~M/__a la la ho/__b+ha ga wAn/__sa ma ya s+t+waM/__hU~M hrIHbrdal khyab thig le chen po'i dbyings/__/sku dang zhing khams tshad med nas/__/bsam yas sgyu 'phrul drwa ba yi/__/rtsa gsum rab 'byams byin chen phobs/__/chos dbyings phyogs lhung bral ba nas/__/dus gsum gshegs pa'i sangs rgyas dang /__/chos dang 'phags pa'i tshogs bcas rnams/__/tshur gshegs gnas 'dir byin chen phob/__/lnga ldan lhun rdzogs longs sku'i zhing /__/rigs lnga gangs can mtsho rnams la/__/longs sku'i dkyil 'khor bsam las 'das/__/tshur gshegs gnas=/__thugs rje ris med sprul sku zhing /__/dag dang ma dag cir yang ston/__/gang 'dul phrin las der ston rnams/__/tshur gshegs gnas 'dir=/__rgyal ba dgongs pa'i brgyud pa dang /__/rig 'dzin brda yi brgyud pa dang /__/gang zag snyan khung brgyud pa rnams/__/tshur gshegs=/__lha klu mi yi gnas rnams su/__/rig 'dzin grub thob chen po rnams/__/sngon gyi thugs dam dgyes dgongs la/__/tshur gshegs=/__thub dbang mchog zung gtad rabs dang /__/sprul pa'i nyan rang dgra bcom pa/__/khyad par gnas brtan chen po rnams/__/tshur gshegs=/__o rgyan yul dang 'phags bal bod/__/sa la gnas pa'i grub thob dang /__/'dzam gling rgyan mchog rmad byung rnams/__/tshur gshegs=/__rig 'dzin brgyad dang pad+ma 'byung /__/rnal 'byor dbang phyug brgyad cu bzhi/__/mkhas grub pho mo skar tshogs tsam/__/tshur gshegs=/__gangs can bod yul bstan pa 'dzin/__/chos rgyal mes dbon rnam gsum dang /__/bai ro rma gnyag ska cog zhang /__/tshur gshegs=/__sprul pa'i skyes mchog lo tsA dang /__/nyang ral chos dbang rgod ldem can/__/gling chen nus ldan nyer gcig sogs/__/tshur gshegs=/__sangs rgyas bla ma nas bzung ste/__/gter chen gter phran bsam las 'das/__/rig 'dzin pho mo'i tshogs kyis bskor/__/tshur gshegs=/__snga 'gyur bka' gdams bka' brgyud dang /__/zhi gcod sbyor drug la sogs pa'i/__/bstan 'dzin skyes mchog thams cad pa/__/tshur gshegs=/__hU~M hrIHa ti yang gsang bla med kyi/__/bskal mgon drug cu rtsa bzhi dang /__/mngon rdzogs ston pa bcu gnyis sogs/__/rgyal ba rgya mtsho'i lha tshogs rnams/__/tshur gshegs=/__rdo rje sems dpa' dga' rab rje/__/shrI seng many+dzu mi tra dang /__/dz+nyA na su tra bi ma sogs/__/tshur gshegs=/__phyag rdor rigs can drwa ma lnga/__/chos rgyal lung bstan rdo rje dang /__/ku ku rA dza bde gsal sogs/__/tshur gshegs=/__rgyal sras rigs gsum sems dpa' dang /__/sgeg rdor sangs rgyas gsang ba sogs/__/rgyud dang sgrub sde'i srol 'byed rnams/__/tshur gshegs=/__khyad par o rgyan rdo rje 'chang /__/thod phreng sde lnga mtshan brgyad dang /__/'phrul mtshan bzhi bcu la sogs pa/__/tshur gshegs=/__mnga' bdag tshangs pa lha'i me tog__/nam snying sangs rgyas ye shes dang /__/mtsho rgyal 'grog ban dpal seng sogs/__/tshur gshegs=/__rje 'bangs grub chen nyer lnga sogs/__/bka' gter rig 'dzin rnam bzhi'i sar/__/gshegs shing bzhugs pa'i bla ma rnams/__/tshur gshegs=/__hU~M hrIH/__dkyil 'khor bsam yas lhun gyis grub/__/'og min gzhal yas 'byams klas pa/__/bde gshegs zhi ba'i lha tshogs rnams/__/tshur gshegs=/__bde ldan zhing mgon 'od dpag med/__/thugs rje chen po nam mkha'i rgyal/__/pad+ma gar dbang la sogs pa/__/tshur gshegs=/__dur khrod gsang ba mchog gi gnas/__/'bar ba'i khrag 'thung gar dgur ston/__/dbu dang phyag mtshan sna tshogs pa/__/tshur gshegs=/__bla ma dgongs 'dus dkyil 'khor dang /__/bka' 'dus dkyil 'khor nyer gcig dang /__/yi dam dbang chen dgongs dkyil sogs/__/tshur gshegs=/__sangs rgyas thams cad mnyam par sbyor/__/tshogs chen 'dus pa yang dag dang /__/gshin rje rta mgrin ku mA ra/__/tshur gshegs=/__mngon rdzogs che mchog bdud rtsi dang /__/mchod bstod dregs 'dul drag sngags dang /__/drag po dmar mthing tshe khro sogs/__/tshur gshegs=/__bde dgyes sgyu thod gdan bzhi dang /__/gshin rje dmar nag 'jigs byed che/__/dus kyi 'khor lo la sogs pa/__/tshur gshegs=/__hU~M hrIHlhan skyes yum chen dbyings phyug ma/__/khrag 'thung khro mo gnam zhal dang /__/rdo rje phag mo sgrol ma sogs/__/tshur gshegs=/__yul chen so gnyis dur khrod brgyad/__/zhing sngags rigs las skyes pa yi/__/gnas gsum dpa' bo mkha' 'gro'i tshogs/__/tshur gshegs=/__ye shes d+hA ki chen mo ni/__/'phrog byed zhal can rigs lnga dang /__/kau seng sgo ma dbang phyug tshogs/__/tshur gshegs=/__hU~M hrIH'og min gnas dang bsil ba'i tshal/__/rtag tu bzhugs pa'i rgyud gsum gyi/__/dam can chos skyong rgya mtsho rnams/__/tshur gshegs=/__zla gam dmar po'i 'od klong nas/__/pad+ma mkha' 'gro rigs byed ma/__/dzaM dmar lha chen yab yum sogs/__/tshur gshegs=/__gnod sbyin gter gyi gzhal yas nas/__/nor bu rgya mtsho'i tshogs rnams dang /__/lha klu gnod sbyin gter gzhi bdag__/tshur gshegs=/__hU~M hrIHgzhan yang phyi rgyud sde gsum gyi/__/dkyil 'khor lha tshogs rab 'byams dang /__/gtsang rigs dpal mgon bdun cu rnams/__/tshur gshegs=/__sman gyi drang srong rig 'dzin che/__/'byung ba lnga yi lha mo dang /__/rtsi bcud sman gyi bdag po rnams/__/tshur gshegs=/__sa yi lha mo brtan ma dang /__/'dzam gling dkar phyogs gzhi gnas bdag__/bod skyong brtan ma chen mo sogs/__/tshur gshegs=oM hU~M hrIHhe ru ka yi gnas chen po/__/rang byung dur khrod rnam brgyad na/__/bzhugs pa'i rigs 'dzin mkha' 'gro rnams/__/tshur gshegs=/__mchod rten shing me sprin dang chu/__/phyogs skyong dpa' bo rnal 'byor ma/__/ro dang ro langs lce spyangs sogs/__/tshur gshegs gnas 'dir byin chen phobs/__/hU~M hrIHkhams gsum brtan g.yo thams cad kun/__/rang byung rig pa'i cho 'phrul las/__/gdod nas dag pa rdo rje'i grong /__/gdan gsum tshang ba'i dkyil 'khor che/__/'bar dang khro zhing 'khrugs pa'i klong /__/la las bskyed dang la la sdud/__/gcig tu ma nges sna tshogs kyang /__/thams cad kun bzang rol pa'i rgyan/__/rtogs na 'og min gsang mchog zhing /__/ma rtogs 'khor ba ltar snang yang /__/de nyid ngang las g.yos pa med/__/de phyir rnal 'byor bdag cag gis/__/gdung ba'i dbyangs dang dad pa'i shugs/__/rig pa'i rtsal gyis bskul zhing 'bod/__/rnga dang rol mo gling bu dang /__/pi waM snyan pa'i sgras drangs tshe/__/rtsa gsum lha tshogs rab 'byams rnams/__/thugs rje chen pos gnas 'dir byon/__/rdzu 'phrul stobs kyis 'dir gshegs la/__/ma dag snod bcud dag par bsgyur/__/sgrub pa'i rdzas la bcud cig phob/__/dkyil 'khor 'di la bkrag cig ston/__/mched lcam lus ngag yid gsum la/__/sku gsung thugs kyi byin chen phobs/__/khro tshogs rngam pa'i hU~M phaT sgras/__/bdud bgegs bar chad 'tshe ba sol/__/bkra shis me tog char du bsnyil/__/dbang bzhi'i chu rgyun 'bebs pa dang /__/dga' bzhi'i ye shes mngon du gyur/__/rig 'dzin rnam bzhi'i lam bgrod de/__/sku bzhi'i 'bras bu mngon sum du/__/smin pa'i byin chen dbang bskur zhing /__/mchog dang thun mong dngos grub stsol/__/oM AHhU~M hrIHbadz+ra gu ru d+he wa d+hA ki nI maN+Da la dz+nyA na badz+ra A be sha ya a AHe A ral+li hrIM hrIM phaiM phaiM/__dzaHhU~M ba~M hoHzhes brjod la spos dang rol mo'i sgra sna tshogs dang bcas byin dbab bo/__/rtsa gsum lha tshogs rten la thim/__/snod bcud byin rlabs gzi mdangs 'bar/__/sgrub rdzas bcud ldan bag re dro/__/ye shes chen por byin chags gyur/__/ye d+harmA sogs dang /__oM su pra tiSh+Tha badz+ra ye swA hA/__zhes ye shes brtan pa'i sngags brjod pas dge legs su bya'o/__/zhes pa'ang 'khrul zhig dpa' bo rdo rje'i gsung bskul bzhin pad+ma ye shes rdo rjes me bya snron zla'i bzang po dang po tshes la 'bras ljongs gtsug lag khang bkra shis dge 'phel gling du bris pa don dang ldan par gyur cig__/mang+galaM/__//__/