DKR-KABUM-21-ZHA-026

From Khyentse Lineage - A Tsadra Foundation Project

དཔལ་རྡོ་རྗེ་གཞོན་ནུ་གཉགས་ཆེན་ལུགས་ཀྱི་སྨིན་བྱེད་བཀླག་པས་གྲུབ་པ་ཡེ་ཤེས་བདུད་རྩིའི་ཀླུང་ཆེན།
Wylie title dpal rdo rje gzhon nu gnyags chen lugs kyi smin byed bklag pas grub pa ye shes bdud rtsi'i klung chen DKR-KABUM-21-ZHA-026.pdf
Location dil mgo mkhyen brtse bka' 'bum
Volume 21, Text 26, Pages 220-305 (Folios 1a to 86a4)
Author དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ (Khyentse, Dilgo)
Associated People གཉགས་ཛྙཱ་ན་ཀུ་མཱ་ར་ (gnyags dz+nyA na ku mA ra)
Citation Khyentse, Dilgo. Dpal rdo rje gzhon nu gnyags chen lugs kyi smin byed bklag pas grub pa ye shes bdud rtsi'i klung chen. In Skyabs rje dil mgo mkhyen brtse rin po che'i bka' 'bum, Vol. 21: 220-305. Delhi: Shechen Publications, 1994.
Genre Empowerment Ritual - dbang chog - dbang skur
Cycle སྙན་བརྒྱུད་སྙིང་གི་གསང་མཛོད་ (snyan brgyud snying gi gsang mdzod)
Deity rdo rje phur pa
Colophon

།དཔལ་རྡོ་རྗེ་ཕུར་པ་རྩ་བ་ཡན་ལག་བཀའ་སྲུང་དང་བཅས་པའི་སྨིན་བྱེད་ཆུ་*འབབས་སུ་བཀོད་པ་འདི་ཡང་རྒྱལ་ཀུན་ཕྲིན་ལས་ཀྱི་མེས་པོ་འཇམ་མགོན་ཐམས་ཅད་མཁྱེན་གཟིགས་འཇམ་དབྱངས་ཆོས་ཀྱི་བློ་གྲོས་རིས་མེད་བསྟན་པའི་རྒྱལ་མཚན་གྱིས་ཆོས་སྐོར་འདི་དག་དེང་དུས་བྱིན་རླབས་ཀྱི་ཚན་ཁ་ཆེ་ཞིང༌། ཀུན་གཟིགས་མཁྱེན་བརྩེའི་དབང་པོའི་ཟབ་གཏེར་གྱི་ཆ་ཤས་ངེས་པར་ཡིན་ཞེས་དགྱེས་པ་ཆེན་པོས་དབུག་དབྱུང་བསྩལ་ཞིང༌། སྨིན་གྲོལ་རིགས་ཆེད་དུ་གསན་ནས་དབང་དང་སྒྲུབ་ཐབས་བཅས་ཆོག་ཁྲིགས་བཀའ་དྲིན་བསྩལ་ཀྱང༌། སྙིགས་དུས་ཡོ་ལངས་འཁྲུགས་པས་དབང་ཁྲིགས་ཀྱི་དཔེ་མི་མངོན་པར་གྱུར་པ་ལ། སླར་ཡང་སྔ་འགྱུར་བཀའ་གཏེར་གྱི་རིང་ལུགས་ལ་རྒྱུ་མཚན་ཤེས་པའི་ཆོས་སྤྱན་མངའ་བ་དམ་པའི་སྐྱེས་མཆོག་འཁྲུལ་ཞིག་མཆོག་སྤྲུལ་འགྱུར་མེད་ཆོས་ཀྱི་བློ་གྲོས་དང༌། རྒྱལ་བ་ཀཿཐོག་པའི་གདན་འཛིན་ཐེག་མཆོག་སྙིང་པོའི་བསྟན་པའི་གསལ་བྱེད་སྨྱོ་ཤུལ་མཁན་པོ་འཇམ་དབྱངས་རྡོ་རྗེ། སྒྲུབ་བརྩོན་བླ་མ་དམ་པ་ཀུན་དགའ་སོགས་ནས་སྨིན་གྲོལ་ཉམས་བཞེས་གནང་བཞེད་ཀྱིས་རྟེན་དང་བཅས་བསྐུལ་བའི་ཁར། འཇམ་མགོན་བརྒྱུད་པའི་རིང་ལུགས་ལ་ལས་སྨོན་དག་པས་འབྲེལ་བའི་ངེས་དོན་གྱི་རྣལ་འབྱོར་ཀློང་ཆེན་ཡེ་ཤེས་རྡོ་རྗེས་སངས་གླིང་གཏེར་བྱོན་གནམ་ལྕགས་ཀྱི་ཕུར་པའི་སྐྱེས་བཅས་ཆེད་དུ་ཡང་ཡང་བསྐུལ་བ་དང༌། ལུང་ཟིན་རྩ་བའི་ཆོས་བདག་འཇམ་མགོན་བླ་མའི་མཆོག་སྤྲུལ་འཇམ་དབྱངས་ཐུབ་བསྟན་ཆོས་ཀྱི་རྒྱ་མཚོ་དང༌། ཞེ་ཆེན་རབ་འབྱམས་སྤྲུལ་སྐུ་འགྱུར་མེད་ཆོས་ཀྱི་སེང་གེ་རྣམས་ཀྱི་སྐུ་ཚེ་དང་མཛད་ཕྲིན་ལ་བར་ཆད་སེལ་བའི་རྟེན་འབྲེལ་དུ་དམིགས་པས་མཚམས་སྦྱར་ནས། སློབ་དཔོན་པྲ་བྷ་ཧསྟི་དངོས་བྱོན་ཞེ་ཆེན་པ་རྡོ་རྗེ་དབང་མཆོག་དགྱེས་པ་རྩལ་སོགས་རྡོ་རྗེ་ཕུར་པ་དངོས་སུ་གྲུབ་པའི་རིག་འཛིན་དུ་མས་རྗེས་སུ་བཟུང་ཞིང༌། ཕུར་པ་བཀའ་གཏེར་གྱི་སྨིན་གྲོལ་བདུད་རྩིས་བློ་ཡི་བུམ་པ་ཁེངས་པའི་སྔགས་བཙུན་ཀློང་ཆེན་ནམ་མཁའ་འོད་གསལ་པདྨ་མདོ་སྔགས་གླིང་པ་ཕྲིན་ལས་དྲག་པོ་རྩལ་གྱིས་བལ་ཡུལ་ཡང་ལེ་ཤོད་ཀྱི་རྡོ་རྗེའི་ཀེའུ་ཚང་ནས་དབུ་བརྩམ་སྟེ་རིམ་གྱིས་རྫོགས་པར་བགྱིས་པའི་ཡི་གེ་པ་ནི་ཆོས་ཀྱི་རྒྱལ་པོ་གཏེར་བདག་གླིང་པའི་རིང་ལུགས་ལ་ཡིད་ཆེས་ཀྱི་དད་བློ་དགེ་བ་རྙིང་བཙུན་འགྱུར་མེད་ཐེག་མཆོག་བསྟན་འཛིན་དང༌། རང་སློབ་དད་བློ་གསལ་བ་ཨོ་རྒྱན་གཞན་ཕན་ཟུང་གིས་བགྱིས་པ་འདིས་ཀྱང་རྒྱལ་བསྟན་རིན་པོ་ཆེ་གྲུ་བཞི་ལམ་ཁྱེར་དུ་རྒྱས་ནས་ནག་ཕྱོགས་ཀྱི་གཡུལ་ལས་རྣམ་པར་རྒྱལ་བའི་དཔལ་དུ་ངེས་པར་གྱུར་ཅིག །ཤྲཱི་བི་ཛ་ཡནྟུ།།

/dpal rdo rje phur pa rtsa ba yan lag bka' srung dang bcas pa'i smin byed chu [*]'babs su bkod pa 'di yang rgyal kun phrin las kyi mes po 'jam mgon thams cad mkhyen gzigs 'jam dbyangs chos kyi blo gros ris med bstan pa'i rgyal mtshan gyis chos skor 'di dag deng dus byin rlabs kyi tshan kha che zhing*/_kun gzigs mkhyen brtse'i dbang po'i zab gter gyi cha shas nges par yin zhes dgyes pa chen pos dbug dbyung bstsal zhing*/_smin grol rigs ched du gsan nas dbang dang sgrub thabs bcas chog khrigs bka' drin bstsal kyang*/_snyigs dus yo langs 'khrugs pas dbang khrigs kyi dpe mi mngon par gyur pa la/_slar yang snga 'gyur bka' gter gyi ring lugs la rgyu mtshan shes pa'i chos spyan mnga' ba dam pa'i skyes mchog 'khrul zhig mchog sprul 'gyur med chos kyi blo gros dang*/_rgyal ba kaHthog pa'i gdan 'dzin theg mchog snying po'i bstan pa'i gsal byed smyo shul mkhan po 'jam dbyangs rdo rje/_sgrub brtson bla ma dam pa kun dga' sogs nas smin grol nyams bzhes gnang bzhed kyis rten dang bcas bskul ba'i khar/_'jam mgon brgyud pa'i ring lugs la las smon dag pas 'brel ba'i nges don gyi rnal 'byor klong chen ye shes rdo rjes sangs gling gter byon gnam lcags kyi phur pa'i skyes bcas ched du yang yang bskul ba dang*/_lung zin rtsa ba'i chos bdag 'jam mgon bla ma'i mchog sprul 'jam dbyangs thub bstan chos kyi rgya mtsho dang*/_zhe chen rab 'byams sprul sku 'gyur med chos kyi seng ge rnams kyi sku tshe dang mdzad phrin la bar chad sel ba'i rten 'brel du dmigs pas mtshams sbyar nas/_slob dpon pra b+ha hasti dngos byon zhe chen pa rdo rje dbang mchog dgyes pa rtsal sogs rdo rje phur pa dngos su grub pa'i rig 'dzin du mas rjes su bzung zhing*/_phur pa bka' gter gyi smin grol bdud rtsis blo yi bum pa khengs pa'i sngags btsun klong chen nam mkha' 'od gsal pad+ma mdo sngags gling pa phrin las drag po rtsal gyis bal yul yang le shod kyi rdo rje'i ke'u tshang nas dbu brtsam ste rim gyis rdzogs par bgyis pa'i yi ge pa ni chos kyi rgyal po gter bdag gling pa'i ring lugs la yid ches kyi dad blo dge ba rnying btsun 'gyur med theg mchog bstan 'dzin dang*/_rang slob dad blo gsal ba o rgyan gzhan phan zung gis bgyis pa 'dis kyang rgyal bstan rin po che gru bzhi lam khyer du rgyas nas nag phyogs kyi g.yul las rnam par rgyal ba'i dpal du nges par gyur cig__/shrI bi dza yan+tu//

":Property:textsubnumber|textsubnumber" can not be assigned to a declared number type with value 1.

[edit]
༄༅། །དཔལ་རྡོ་རྗེ་གཞོན་ནུ་གཉགས་ཆེན་ལུགས་ཀྱི་སྨིན་བྱེད་བཀླག་པས་གྲུབ་པ་ཡེ་ཤེས་བདུད་རྩིའི་ཀླུང་ཆེན་ཞེས་བྱ་བ་བཞུགས་སོ།།

༄༅། །ཨོཾ་སྭ་སྟི་ཤྲཱི་བི་ཛ་ཡནྟུ། རྡོ་རྗེ་ཁྲོས་པ་འབར་བའི་མཚོན་གྱིས་བདུད་ཚོགས་བཅོམ། །སངས་རྒྱས་ཀུན་གྱི་ཡེ་ཤེས་སྐུ་གཅིག་གཞོན་ནུའི་དཔལ། །སྙིང་རྗེའི་མཚོན་ཆེན་ཤིན་ཏུ་རྣོ་བས་མཐའ་གཉིས་འདས། །ཕྲིན་ལས་སྟོབས་འདུས་ཧེ་རུ་ཀ་དཔལ་རྒྱལ་གྱུར་ཅིག །གོ་འཕང་དེ་སྒྲུབ་རྒྱུད་ལུང་མན་ངག་གི །སྙིང་པོའི་དཔལ་གཅིག་སྐལ་བཟང་བཙས་ཐོབ་པ། །དོན་མཐུན་རྡོ་རྗེའི་མཆེད་ཀྱི་དགའ་སྟོན་དུ། །མཁས་གྲུབ་གོང་མའི་གསུང་བཞིན་བསྡེབ་ལ་སྤྲོ། །དེ་ལ་འདིར་སྔ་འགྱུར་རྡོ་རྗེ་སྙིང་པོའི་རིང་ལུགས་ལ་སྒྲུབ་སྡེ་ཆེན་པོ་བརྒྱད་དུ་གྲགས་པའི་ཡ་གྱལ། ཕྲིན་ལས་རྡོ་རྗེ་ཕུར་པའི་སྒོས་བཀའ་ཆེན་པོའི་བྱེ་བྲག །ཕུར་པ་གྲུབ་པའི་རིག་འཛིན་བི་མ་ལ་མི་ཏྲས་གཉགས་ལོ་ཆེན་པོར་སྙན་བརྒྱུད་གསང་བའི་སྨར་ཆོས་སུ་གདམས་ཤིང༌། སངས་རྒྱས་ཀུན་གྱི་ཕྲིན་ལས་ཀྱི་སྤྱི་གཟུགས་སློབ་དཔོན་ཆེན་པོ་པདྨའི་བཀའ་སྲོལ་ཡང་ཆུ་བོ་གཅིག་འདྲེས་སུ་གྱུར་པའི་སྨིན་བྱེད་ཀྱི་ཕྲེང་བ་བཀླག་ཆོག་དཀྱུས་གཅིག་ཏུ་བསྡེབ་པ་ལ། གཞུང་རྩ་བ་ལས། དབང་སྦྱིན་པའི་སྣོད་སློབ་མ་དམ་ལྡན༔ དབང་བསྐུར་བའི་བདག་པོ་སློབ་དཔོན་མཚན་ལྡན༔ སྨིན་པའི་རྒྱུ་ཆོ་ག་དང་ཏིང་ངེ་འཛིན་ལས་སུ་རུང་བས་དབང་བསྐུར་བ་ནི༔ ཞེས་གསུངས་པ་ལྟར་སྤྱི་ཡི་གནད་ཤེས་པར་བྱས་ལ། དབང་དངོས་ལ་གསུམ། རྩ་བ་རྡོ་རྗེ་ཕུར་པའི་དབང་བསྐུར། ཡན་ལག་དཀྱིལ་འཁོར་བརྒྱ་དང་བཅུ་གཉིས་པའི་དབང་བསྐུར། བཀའ་སྲུང་ཡེ་ཤེས་ཀྱི་མགོན་པོའི་རྗེས་གནང་ངོ༌། །དང་པོ་ལ་སྟོད་ལས་བྱང་ཆུབ་སྒྲུབ་པའི་དབང་བཞི་བསྐུར་བ་དང༌། སྨད་ལས་དགྲ་བགེགས་སྒྲོལ་བའི་རྗེས་གནང་གཉིས། དང་པོ་ལའང་རྒྱས་འབྲིང་བསྡུས་གསུམ་ལས་ཐོག་མར་དབང་བསྐུར་རྒྱས་པ་བསྙེན་སྒྲུབ་ཡན་ལག་བཞིས་འཆད་ན། །དང་པོ་རང་དོན་བསྙེན་པའི་ལས་རིམ་ལ་བསྙེན་སྒྲུབ་ཡན་ལག་བཞིའི་རྣམ་བཞག་བསྙེན་ཁྲིད་ཀྱི་སྐབས་སུ་བཤད་ཟིན་ལ། གཉིས་པ་བདག་གཞན་གཉིས་ཀའི་དོན་དུ་ཉེ་བསྙེན་སྟ་གོན་གྱི་རིམ་པ་ལ་བཞི་སྟེ། སྒྲུབ་པའི་གནས་ཉེ་བར་བསྙེན་པ་ས་ཆོག །བསྒྲུབ་བྱའི་ལྷ་ཉེ་བར་བསྙེན་པ་ལྷ་སྟ་གོན། སྒྲུབ་རྫས་ཉེ་བར་བསྙེན་པ་བུམ་པ་དང་དབང་རྫས་སྟ་གོན། སྒྲུབ་ཡུལ་སྣོད་ཉེ་བར་བསྙེན་པ་སློབ་མ་སྟ་གོན་གྱི་རིམ་པའོ། །དང་པོ་ལ། རྒྱས་པར་སྒྲུབ་པའི་གནས་ཀྱི་མཚན་ཉིད་བརྟགས་ཏེ། རུང་ན་སྣང་བ་དང་མི་སྣང་བ་ལས་རིན་འཇལ་ཏེ་བསླང༌། ཉེས་པའི་ཕྱོགས་སྦྱངས་བས་ས་གཞི་བཏུལ། ལྷ་དང་རྣལ་འབྱོར་གྱིས་བསྲུངས་ཏེ་བདག་གིར་བྱ་བའི་ཚུལ་བཞི་ཡིན་ཀྱང་སྒྲུབ་པའི་ཁོག་དབུབ་ཏུ་འཆད་པར་འོས་ལ། དབང་རྐྱང་ཙམ་ལ་དབང་སྟེགས་སུ་དཀར་གཏོར་གསེར་སྐྱེམས་དང་བཅས་པ་བཤམས་ཏེ། རྒྱུན་གྱི་རྣལ་འབྱོར་མདོར་བསྡུས་སྔོན་དུ་འགྲོ་བས། རྃ་ཡྃ་ཁྃ། སྟོང་པའི་ངང་ལས་བྷྲཱུཾ་ལས་རིན་པོ་ཆེ་སྣ་ཚོགས་ལས་གྲུབ་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་འབྲུ་གསུམ་འོད་དུ་ཞུ་བ་ལས་གཏོར་མ་བདུད་རྩིའི་རྒྱ་མཚོ་འདོད་ཡོན་གྱི་རྣམ་པ་ཅིར་ཡང་འཆར་བར་གྱུར། ཨོཾ་ཨཱཿཧཱུྃ་ཧ་ཧོ་ཧྲཱིཿ ལན་གསུམ་གྱིས་བྱིན་བརླབས་ནས། ཨོཾ་པྲི་ཐི་དི་ཝཱི་བྷཱུ་མི་པ་ཏི་ས་པ་རི་ཝ་ར་བཛྲ་ས་མཱ་ཛཿས་མགྲོན་སྤྱན་དྲངས། སྔགས་དེའི་མཐར། ན་མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱ་སརྦ་ཐཱ་ཁཾ་ཨུཏག་ཏེ་སྥ་ར་ཎ་ཨི་མཾ་ག་ག་ན་ཁཾ་གྷྲྀཧྞ་དཾ་བ་ལིཾ་ཏ་སྭཱ་ཧཱ། ཞེས་ནམ་མཁའ་མཛོད་སྔགས་བཏགས་པ་ལན་གསུམ་གྱིས་བསྔོས་ལ། ཧཱུྃ༔ གང་ཞིག་དཀར་པོའི་ཕྱོགས་འཛིན་ཅིང༔ འཛམ་གླིང་ས་ལ་དབང་བྱེད་ཀུན༔ བདག་གིས་གནས་འདིར་དཀྱིལ་འཁོར་བཞེངས༔ ཀོ་ལོང་ཕྲག་དོག་མ་མཛད་པར༔ བརྔན་དུ་གཏོར་མ་གསེར་སྐྱེམས་འབུལ༔ དགྱེས་པར་བཞེས་ལ་ས་འདི་སྩོལ༔ བཅོལ་བའི་ལས་ཀུན་སྒྲུབ་པར་མཛོད༔ ཅེས་ཕུལ་བས་ས་ཡི་ལྷས་གནང་བ་བྱིན་པར་བསམ་མོ། །གཉིས་པ་བསྒྲུབ་བྱའི་ལྷ་ཉེ་བར་བསྙེན་པ་ལྷ་སྟ་གོན་ནི། དཀྱིལ་འཁོར་གྱི་སྟེགས་བུར་རྡུལ་ཚོན་ཡིན་ན་ཐིག་དང་ཚོན་གྱི་ལས་རིམ་དགོས་ཀྱང་འདིར་རས་བྲིས་ཀྱི་དབང་དུ་བྱས་ཏེ་རིན་པོ་ཆེའི་མཎྜལ་ཆེ་ལེགས་ལ་ལྷ་གཙོ་འཁོར་ལྟར་འབྲུ་དཀར་དྲི་བཟང་གིས་སྦགས་པའི་ཚོམ་བུ་དབུས་སུ་གཙོ་བོ། མདུན། གཡས། གཡོན། དེ་རྒྱབ་ཕྱོགས་མཚམས་སྟེང་འོག་བཅུ། གྲྭ་བཞི། ཕྱོགས་བཞིར་ཚོམ་བུ་རེ་རེ་དང་མཐར་འབྲུ་གཅལ་དུ་བཀྲམ་ལ་སོ་སོའི་སྔགས་བརྗོད་ཅིང་དྲི་བཟང་དང་བདུད་རྩིའི་ཐིག་ལེ་བྱས་པ་སྟེང་དུ་བཀོད། མཐའ་ཉེར་སྤྱོད་མཆོད་པས་བསྐོར། ཧཱུྃ་ཧྲཱིཿ སྣང་སྲིད་བདེ་ཆེན་རོལ་པ་ཡི༔ ཡེ་ཤེས་སྣང་བ་ཁྱབ་བརྡལ་སྤྲིན༔ ཀུན་བཟང་མཆོད་པ་བསམ་ཡས་གཏེར༔ རང་བྱུང་རང་ཤར་ལྷུན་གྱིས་གྲུབ༔ སརྦ་ས་མ་ཡ་པཱུ་ཛ་ཧོཿ ཨོཾ་བཛྲཨརྒྷཾ་ནས། ཤབྡ་མ་ཧཱ་པཱུ་ཛ་སྥ་ར་ཎ་ཁཾ༔ ཞེས་ཕྱི་མཆོད་དང༌། ཨོཾ་མ་ཧཱ་ཤྨ་ཤ་ན་རུ་ཏྲ་བྷོ་གཿརཱུ་པ་ཤབྡ་གནྡྷེ་རཱ་ས་སྤརྴེ་པཉྩ་ཀཱ་མ་གུ་ཎ་དྷརྨ་དྷཱ་ཏུ་པཱུ་ཛ་ཨཱཿཧཱུྃ༔ ཞེས་ནང་མཆོད་དྲག་པོའི་ཉེར་སྤྱོད་དང༌། ཨོཾ་ཧཱུྃ་ཏྲཱྃ་ཧྲཱིཿཨཿ མཱུྃ་ལཱྃ་མཱྃ་པཱྃ་ཏཱྃ༔ སརྦ་པཉྩ་ཨ་མྲྀ་ཏ་ཀུཎྜ་ལི་ཧཱུྃ་ཧྲཱིཿཋཱ༔ ལན་གསུམ་གྱིས་སྨན། ཨོཾ་ཨཱཿཧཱུྃ་མ་ཧཱ་ཀ་པཱ་ལ་རཀྟ་ཛྭ་ལ་མཎྜ་ལ་ཧཱུྃ་ཧྲཱིཿཋ༔ ལན་གསུམ་གྱིས་རཀྟ། ཨོཾ་ཨཱ་ཧཱུྃ་མ་ཧཱ་བ་ལིཾ་ཏ་སརྦ་ཀཱ་མ་གུ་ཧྱ་ས་མ་ཡ་ཧཱུྃ་ཧྲཱིཿཋཱ༔ ལན་གསུམ་གྱིས་གཏོར་མ་རྣམས་བྱིན་གྱིས་བརླབས། བཛྲ་སྥ་ར་ཎ་ཁཾ་གིས་མཁའ་ཁྱབ་ཏུ་སྤེལ། སྭ་བྷཱས་སྦྱང༌། མདུན་རྟེན་ཡོངས་སུ་གྱུར་པ་ལས༔ མེ་ཀློང་བྷྲཱུཾ་ཡིག་ལྔ་ལྡན་ཆད༔ ཡོངས་གྱུར་པད་ཉི་རྒྱ་གྲམ་སྟེང༔ ཡེ་ཤེས་རང་སྣང་གཞལ་ཡས་ཁང༔ རང་བྱུང་དུར་ཁྲོད་བཀོད་པ་ཅན༔ ཕྱི་ནི་རྩིག་པ་ཁ་དོག་ལྔ༔ ནང་ནི་སྐམ་རློན་རྙིད་པའི་མགོ༔ གནམ་ལྕགས་གཟེར་བཏབ་རཀྟས་སྦྱར༔ རིན་ཆེན་ཕ་གུ་དྲྭ་བ་ཕྱེད༔ ཆུ་སྲིན་རྔམ་པའི་ཁ་ལས་དཔྱང༔ ཤར་བུ་མདའ་ཡབ་པུ་ཤུ་དང༔ གཟའ་དང་ལྷ་ཀླུ་ཀ་གདུང་ཕྱམ༔ རྒྱུ་སྐར་དྲལ་གཟེབ་ཞིང་གི་ཐོག༔ ལྷ་ཆེན་ཐོད་པ་དབུས་ཕྱུར་བུ༔ མ་ཧཱ་རུ་ཏྲའི་ཙིཏྟའི་ཏོག༔ ཡེ་ཤེས་ཟེར་འཕྲོ་འོད་ཕུང་འཁྱིལ༔ རོ་སྐྲའི་རྔ་ཡབ་ཞིང་གི་འཕན༔ གཅན་གཟན་ལྤགས་པའི་རྒྱལ་མཚན་གདུགས༔ ཕྱི་ནང་སྒོ་བཞི་རྟ་བབ་བརྒྱད༔ ཆོས་འཁོར་རི་དྭགས་གདུགས་ཏོག་མཛེས༔ དལ་དབུས་གནམ་ལྕགས་འཁོར་ལོ་དང༔ ལྟེ་བ་ཟླུམ་པོ་ཨེ་ཡིས་མཚན༔ ཟླ་གམ་གསུམ་ལ་ཁྲག་མཚོ་འཁྱིལ༔ བྷྲཱུཾ་བི་ཤྭ་བི་ཤུདྡྷེ་ཛྙཱ་ན་ཀྲོ་དྷ་མཎྜ་ལ་ཧཱུྃ༔ གཞལ་ཡས་དབུས་སུ་རྡོ་རྗེ་ཡི༔ བྲག་ཆེན་པད་ཉི་ལྷ་ཆེན་པོ༔ ཁྱོ་ཤུག་ཟླ་གམ་གསུམ་གྱི་སྟེང༔ པད་ཉི་དགྲ་བགེགས་དྲག་པོ་ཡི༔ འཁོར་ལོ་རྩིབས་བཅུ་རེ་རེ་བཞིན༔ ཕྱོགས་སྐྱོང་ཕོ་མོ་པད་ཉི་དང༔ སྒོ་བཞིར་ཞིང་རྐྱང་གདན་བཅས་གསལ༔ མ་སཱུརྻ་མཎྜ་ལ༔ ཨ་ཙནྡྲ་མཎྜ་ལ༔ པྃ་པདྨ་མཎྜ་ལ༔ ཧཱུྃ༔ དབུས་ཀྱི་ཆོས་འབྱུང་ལྟེ་བ་རུ༔ རང་རིག་ཧཱུྃ་བབ་ཡོངས་གྱུར་ལས༔ སྤྲོ་བསྡུས་འོད་ཀྱིས་དོན་གཉིས་བྱས༔ འོད་ཀྱི་ཕུང་པོ་རྡོ་རྗེར་གྱུར༔ བཛྲ་ཧཱུྃ༔ དེ་ཉིད་ཡོངས་གྱུར་སྐད་ཅིག་གིས༔ བདག་ཉིད་མ་བཅོས་རྩ་བའི་ལྷ༔ རྡོ་རྗེ་འཆང་ཆེན་ཧེ་རུ་ཀ༔ སྤྱི་དཔལ་ཀརྨ་ཀཱི་ལ་ཡ༔ དཔལ་ཆེན་རྡོ་རྗེ་གཞོན་ནུ་ནི༔ མཐིང་ནག་དབུ་དགུ་ཕྱག་བཅོ་བརྒྱད༔ རྩ་ཞལ་སྲིན་པོ་ཁྲོས་པའི་ཞལ༔ གཡས་པ་དཀར་བ་ཀུ་མུཏ་ད༔ གཡོན་པ་དམར་ནག་ཨམ་གཙིགས་བསྡམས༔ དེ་སྟེང་ཞལ་གསུམ་ལྗང་སེར་ནག༔ སྟེང་གི་ཞལ་གསུམ་སྨུག་མཐིང་དམར༔ ཁམ་ནག་རལ་པ་གྱེན་དུ་བརྫེས༔ སྤྱི་བོར་རྡོ་རྗེ་ཕྱེད་པའི་ཏོག༔ རྭ་གདེང་ཟར་བུ་སྦྲུལ་གྱིས་བཅིངས༔ ཐོད་སྐམ་ལྔ་ཡིས་དབུ་ལ་བརྒྱན༔ ཞལ་བགྲད་མཆེ་གཙིགས་ལྗགས་བརྐྱང་འདྲིལ༔ ཧཱུྃ་ཕཊ་ཕེཾ་གྱི་སྒྲ་དྲག་སྒྲོག༔ ཁྲོ་གཉེར་ཆུ་རླབས་ལྟ་བུར་འཁྲུགས༔ སྨ་ར་སྨིན་མ་མེ་ལྟར་འབར༔ རྡོ་རྗེའི་སྐུ་མཆོག་སྤྲིན་བཞིན་གནག༔ གཡས་དགུའི་དང་པོས་རྡོ་རྗེ་གདེང༔ འཁོར་ལོ་དགྲ་སྟྭ་རལ་གྲི་མདུང༔ ཐོ་བ་ལྕགས་ཀྱུ་གསལ་ཤིང་བསྣམས༔ གཡོན་དགུས་མེ་དཔུང་ཁཊྭཱཾ་ག༔ རི་རབ་ཞགས་པ་བྷནྡྷ་དམར༔ སྡིག་མཛུབ་མདའ་དང་བདུད་བཞིའི་མགོ༔ ཐ་མའི་ཕྱག་གཉིས་ཕུར་བུ་འདྲིལ༔ དྲག་པོའི་སྟང་སྟབས་ཕྱོགས་བཅུར་གཡོ༔ འབར་བའི་ཞབས་བཞི་བརྐྱང་བསྐུམ་གྱིས༔ བར་ཆད་བདུད་བཞི་བརྫིས་ཤིང་མནན༔ གླང་ཆེན་ཞིང་ལྤགས་སྟོད་གཡོགས་ཤིང༔ སྟག་གི་ཤམ་ཐབས་གྲོལ་ཞིང་འཆིང༔ སྐུ་ལ་རུས་པའི་ཕྱག་རྒྱ་དྲུག༔ མགོ་ཕྲེང་དཔལ་གྱི་ཆས་གོས་རྫོགས༔ རྡོ་རྗེ་རིན་ཆེན་གཤོག་པ་གདེང༔ ཡེ་ཤེས་མེ་དཔུང་འབར་བའི་ཀློང༔ ཁམས་གསུམ་ཟིལ་གནོན་ཆེན་པོར་གསལ༔ པང་དུ་བདེ་ཆེན་སྐྱེད་པའི་ཡུམ༔ འཁོར་ལོ་རྒྱས་འདེབས་ཁྲོ་གཏུམ་སྒེག༔ གཅེར་བུ་གཟིག་གི་ཤམ་ཐབས་གསོལ༔ ཐོད་སྐམ་རུས་པའི་རྒྱན་གྱིས་སྤྲས༔ ཕྱག་གཉིས་གཡས་པས་ཡབ་མགུལ་འཁྱུད༔ ཨུཏྤལ་མཐེབ་སྲིན་སྦྱར་བས་འཛིན༔ གཡོན་པས་དམར་གྱི་བྷནྡྷ་སྟོབ༔ ནུ་འབུར་བྷ་ག་རྒྱས་པས་སྦྱོར༔ སྐེད་སྐབས་ཕྲ་ལྡེམ་གཡས་པའི་ཞབས༔ ཡབ་ཀྱི་དཀུ་ལ་འཁྱུད་ཅིང་ལྡེམ༔ གཡོན་པ་བརྐྱང་སྟེ་དགྲ་བགེགས་བརྫིས༔ འབར་བའི་བརྟུལ་ཞུགས་ཡོངས་སུ་རྫོགས༔ གཙོ་བོའི་གཡོན་དུ་སྒྲོལ་བྱེད་ཀྱི༔ ཡུམ་མཆོག་ཨེ་ཀ་ཛཱ་ཊི་མ༔ ཁྲོ་གཏུམ་སྒེག་པའི་གཟི་བྱིན་གྱིས༔ ཡབ་ལ་ལྟ་ཞིང་ཆགས་པའི་ཚུལ༔ གཡས་པས་གྲི་གུག་ནམ་མཁར་འཕྱར༔ གཡོན་པས་ཙིཏྟ་ཁྲག་འཛག་ཟ༔ གཅེར་བུ་རུས་པའི་རྒྱན་འཕྱང་བའི༔ གཡེར་ཁའི་སྒྲ་ལས་ཆོས་སྒྲ་སྒྲོག༔ ཕྱོགས་བཅུར་འཁོར་ལོའི་རྩིབས་རྣམས་སུ༔ པད་ཉི་ཕྱོགས་སྐྱོང་ཕོ་མོའི་སྟེང༔ ཧཱུྃ་རྣམས་ཡོངས་གྱུར་ཁྲོ་བཅུར་གྱུར༔ ཨོཾ་བཛྲ་ཀྲོ་དྷ་ཧཱུྃ་ཀཱ་ར་ཧཱུྃ༔ གརྫ་གརྫ་ཧཱུྃ་ཕཊ྄༔ སྟེང་ཕྱོགས་ཉི་ཟླའི་གདན་སྟེང་དུ༔ ཧཱུྃ་མཛད་སྒྲ་འབྱིན་ཡབ་ཡུམ་ལ༔ ཕྲ་མེན་ཕག་དང་རྨིགས་བུའི་མགོ༔ ཨོཾ་བཛྲ་ཀྲོ་དྷ་བི་ཛ་ཡ་ཧཱུྃ༔ ཧ་ན་ཧ་ན་ཧཱུྃ་ཕཊ྄༔ ཤར་ཕྱོགས་དྲི་ཟའི་གདན་སྟེང་དུ༔ རྣམ་རྒྱལ་སྙེམས་མ་ཡབ་ཡུམ་ལ༔ ཕྲ་མེན་སྟག་དང་བྱ་རྒོད་མགོ༔ ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུྃ༔ ད་ཧ་ད་ཧ་ཧཱུྃ་ཕཊ྄༔ ཤར་ལྷོ་མེ་ལྷའི་གདན་སྟེང་དུ༔ དབྱུག་སྔོན་སྡེར་མོ་ཡབ་ཡུམ་ལ༔ ཕྲ་མེན་གཡག་དང་བྱ་རོག་མགོ༔ ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ༔ པ་ཙ་པ་ཙ་ཧཱུྃ་ཕཊ྄༔ ལྷོ་ཕྱོགས་གཤིན་རྗེའི་གདན་སྟེང་དུ༔ གཤིན་རྗེ་དུར་ཁྲོད་ཡབ་ཡུམ་ལ༔ ཕྲ་མེན་ཤ་བ་འུག་པའི་མགོ༔ ཨོཾ་བཛྲ་ཀྲོ་དྷ་ཨཱརྻ་ཨ་ཙ་ལ་ཧཱུྃ༔ བྷནྡྷ་བྷནྡྷ་ཧཱུྃ་ཕཊ྄༔ ལྷོ་ནུབ་སྲིན་པོའི་གདན་སྟེང་དུ༔ མི་གཡོ་གཏུན་ཁུང་ཡབ་ཡུམ་ལ༔ ཕྲ་མེན་གཟིག་དང་ཁྭ་ཏའི་མགོ༔ ཨོཾ་བཛྲ་ཀྲོ་དྷ་ཧྱ་གྲཱྀ་ཝ་ཧཱུྃ༔ ཧུ་ལུ་ཧུ་ལུ་ཧཱུྃ་ཕཊ྄༔ ནུབ་ཕྱོགས་ཆུ་ལྷའི་གདན་སྟེང་དུ༔ རྟ་མགྲིན་གཏུམ་མོ་ཡབ་ཡུམ་ལ༔ ཕྲ་མེན་བྱི་ལ་པུ་ཤུད་མགོ༔ ཨོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུྃ༔ ཏིཥྛ་ཏིཥྛ་ཧཱུྃ་ཕཊ྄༔ ནུབ་བྱང་རླུང་ལྷའི་གདན་སྟེང་དུ༔ འདོད་རྒྱལ་མདའ་སྙེམས་ཡབ་ཡུམ་ལ༔ ཕྲ་མེན་སྤྱང་ཀི་ཁྲ་ཡི་མགོ༔ ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུྃ༔ ཚིནྡྷ་ཚིནྡྷ་ཧཱུྃ་ཕཊ྄༔ བྱང་ཕྱོགས་གནོད་སྦྱིན་གདན་སྟེང་དུ༔ བདུད་རྩི་རླུང་འབྱིན་ཡབ་ཡུམ་ལ༔ ཕྲ་མེན་སེང་གེ་ཕ་ཝཾ་མགོ༔ ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུྃ༔ བྷིནྡྷ་བྷིནྡྷ་ཧཱུྃ་ཕཊ྄༔ བྱང་ཤར་དབང་ལྡན་གདན་སྟེང་དུ༔ ཁམས་གསུམ་གསོད་བྱེད་ཡབ་ཡུམ་ལ༔ ཕྲ་མེན་དོམ་དང་སྲེ་མོང་མགོ༔ ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ༔ སྥོ་ཊ་སྥོ་ཊ་ཧཱུྃ་ཕཊ྄༔ འོག་ཕྱོགས་ས་བདག་གདན་སྟེང་དུ༔ སྟོབས་ཆེན་བསྐྱོད་བྱེད་ཡབ་ཡུམ་ལ༔ ཕྲ་མེན་དྲེད་དང་བྱི་བའི་མགོ༔ ཨོཾ་བཛྲ་མ་ཧཱ་ཀྲོ་དྷ་མཎྜ་ལ་ཧཱུྃ༔ ཟླ་གམ་འཁྱིལ་པ་གསུམ་གྱི་སྟེང༔ མདུན་དུ་ཐུགས་ཀྱི་སྲས་མཆོག་མཐིང༔ གཡས་སུ་སྐུ་ཡི་སྲས་ལྗང་ནག༔ གཡོན་དུ་གསུང་གི་སྲས་དམར་ནག༔ མཚན་མ་རྫས་ཀྱི་དཀྱིལ་འཁོར་རྫོགས༔ དཔལ་ཆེན་གསང་བ་གསུམ་དུ་གྱུར༔ ཨོཾ་བུདྡྷ་རཏྣ་པདྨ་ཀརྨ་ཀྲོ་དྷ་ཀཱི་ལ་ཡ་ཧཱུྃ་ཕཊ྄༔ གཞལ་ཡས་ཁང་གི་གྲྭ་བཞི་རུ༔ ཤར་ལྷོར་བུདྡྷ་ཀཱི་ལ་ཡ༔ ལྷོ་ནུབ་རིན་ཆེན་ཀཱི་ལ་ཡ༔ ནུབ་བྱང་པདྨ་ཀཱི་ལ་ཡ༔ བྱང་ཤར་ཀརྨ་ཀཱི་ལ་ཡ༔ བདུད་བཞི་འདུལ་བའི་ཕྲིན་ལས་རྫོགས༔ ཛཿཧཱུྃ་བྃ་ཧོཿ ཤར་དུ་སྒོ་མ་ལྕགས་ཀྱུ་མ༔ ལྷོ་རུ་སྒོ་མ་ཞགས་པ་མ༔ ནུབ་ཏུ་སྒོ་མ་ལྕགས་སྒྲོག་མ༔ བྱང་དུ་སྒོ་མ་དྲིལ་བུ་མ༔ ཁྲག་ཁྱམས་དཔལ་གྱི་བཀའ་སྡོད་ཚོགས༔ ཀུན་ཀྱང་རང་རང་རྒྱན་ཆས་ཚོགས༔ རྫོགས་པ་བཀའ་སྡོད་ཚུལ་དུ་གནས༔ གནས་གསུམ་ཨོཾ་ཨཱཿཧཱུྃ་གིས་མཚན༔ རྡོ་རྗེ་གསུམ་དུ་བྱིན་གྱིས་བརླབས༔ བདེ་གཤེགས་དབང་བསྐུར་ཡེ་ཤེས་ལྔ༔ ཁྲག་འཐུང་རིགས་ལྔའི་ཕྱག་རྒྱར་རྫོགས༔ ཨོཾ་ཨཱཿཧཱུྃ༔ ཧཱུྃ་ཨོཾ་ཏྲཱྃ་ཧྲཱིཿཨཿ ཞེས་གསལ་བཏབ་སྟེ་ལས་རིམ་མདོར་བསྡུས་བྱ་བ་ནི། ཧཱུྃ་ཧྲཱིཿ ཆོས་དབྱིངས་མཐའ་དབུས་བྲལ་བ་ནས༔ དཔལ་ཆེན་ཀརྨ་ཀཱི་ལ་ཡ༔ འཇིགས་མཛད་རྡོ་རྗེ་གཞོན་ནུ་ཆེ༔ གནས་འདི་ཉིད་དུ་གཤེགས་སུ་གསོལ༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ སརྦ་ས་མ་ཡ་ཛཿཛཿ རང་བཞིན་ཡེ་ཤེས་ཀྱི་དཀྱིལ་འཁོར་དམ་ཚིག་གི་དཀྱིལ་འཁོར་ལ་དབྱེར་མེད་དུ་བཞུགས་པར་གྱུར། ཧཱུྃ་ཧྲཱིཿ བདེ་ཆེན་དབྱིངས་ཀྱི་གཞལ་ཡས་དབུས༔ རང་སྣང་རིག་པའི་ལྷ་ཚོགས་རྣམས༔ གཉིས་སུ་མེད་པར་བཞུགས་ནས་ཀྱང༔ སྐུ་གསུང་ཐུགས་ཀྱི་དངོས་གྲུབ་སྩོལ༔ སརྦ་ས་མ་ཡ་ཏིཥྛ་ལྷན༔ ཧཱུྃ་ཧྲཱིཿ སངས་རྒྱས་ཀུན་གྱི་ཡེ་ཤེས་སྐུ༔ ངང་ཉིད་རྡོ་རྗེ་ཆོས་དབྱིངས་ལས༔ འབར་བའི་ཁྲོ་བོ་མི་བཟད་པ༔ དཀྱིལ་འཁོར་ལྷ་ལ་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏཱིཙྪ་ཧོཿ ཧཱུྃ༔ བླ་མེད་མཆོག་གི་མཆོད་པ་ནི༔ ཡེ་ཤེས་ལྔ་ཡི་འོད་ཟེར་འཕྲོ༔ ཡུལ་དང་དབང་པོ་གཉིས་མེད་པ༔ བདེ་ཆེན་ལོངས་སྤྱོད་ཆེན་པོར་བཞེས༔ ཨོཾ་བཛྲ་ཨརྒྷཾ་ནས། ཤབྡ་རཱུ་པ་ཤབྡ་གནྡྷེ་རཱ་ས་སྤརྴེ་པཉྩ་ཀཱ་མ་གུ་ཎ་དྷརྨ་དྷ་ཏུ་པཱུ་ཛ་ས་མ་ཡ་ཧོཿ མ་ཧཱ་ཨ་མྲྀ་ཏ་བ་ལིཾ་ཏ་རཀྟ་ཁཱ་ཧི༔ མ་ཧཱ་མཾ་ས་རཀྟ་ཀེཾ་ནི་རི་ཏི་ཁཱ་ཧི༔ ཁ་ཏཾ་ཁ་ཏཾ་ཁ་ཏཾ༔ ཧཱུྃ་ཧཱུྃ་ཧཱུྃ༔ ཕཊ྄་ཕཊ྄་ཕཊ྄༔ ཧ་ཧ་ཧ༔ ཧཱུྃ༔ སྒེག་པ་དཔའ་བ་མི་སྡུག་རྡོ་རྗེའི་སྐུ༔ རྒོད་གཤེ་དྲག་ཤུལ་སྔགས་ཀྱི་སྒྲ་གདངས་ཅན༔ སྙིང་རྗེ་རྔམ་ཞི་ཡེ་ཤེས་སྲོག་ལྡན་པའི༔ ཕྲིན་ལས་འདུས་པའི་ལྷ་ལ་ཕྱག་འཚལ་བསྟོད༔ སློབ་དཔོན་གྱིས་སྤོས་དང་རྡོར་དྲིལ་ཐོགས་ནས་དཀྱིལ་འཁོར་གྱི་ལྷ་ལ་གནང་བ་ཞུ་བ་ནི། ཨོཾ༔ རྡོ་རྗེ་རྒྱལ་པོ་ཡེ་ཤེས་ཆེ༔ སངས་རྒྱས་ཀུན་གྱི་ཕྲིན་ལས་ལྷ༔ འབར་བ་དཔལ་ཆེན་རྔམ་པའི་གཟུགས༔ དཀྱིལ་འཁོར་ལྷ་རྣམས་དགོངས་སུ་གསོལ༔ སང་ནི་དམ་ཚིག་ལྷག་པའི་རྟེན༔ རྡོ་རྗེའི་ཕོ་བྲང་འདེབས་འཚལ་གྱིས༔ དགྱེས་པའི་དམ་ཚིག་མ་བསྙེལ་བར༔ ཅི་བདེར་གནང་བ་བསྩལ་དུ་གསོལ༔ ལན་གསུམ་གྱིས་གསོལ་བ་བཏབ་པས། རྡོ་རྗེ་སློབ་དཔོན་སྙིང་རྗེ་ཆེ༔ ཁྱོད་ཀྱིས་རང་གཞན་ཕན་གདགས་ཕྱིར༔ སྒྲུབ་པའི་ཆོ་ག་ཚུལ་བཞིན་གྱིས༔ བདེ་གཤེགས་རྒྱལ་བས་བྱིན་རློབས་འགྱུར༔ གནང་བ་བསྩལ་ནས་འོད་དུ་ཞུ༔ བདག་དང་གནས་ལ་ཐིམ་པ་ཡིས༔ ཐ་མལ་སྣང་ཞེན་རབ་སྦྱངས་ཏེ༔ ཡེ་ཤེས་ཆེན་པོར་བྱིན་བརླབས་བསམ༔ ཞེས་གསལ་བཏབ། གསུམ་པ་སྒྲུབ་རྫས་ཉེ་བར་བསྙེན་པ་བུམ་པ་དང་དབང་རྫས་སྟ་གོན་ལ། སྤྲོ་ན་རྣམ་བུམ་ལྷ་གྲངས་ལྟར་བཅུ་གཅིག་གམ་མ་འབྱོར་ན་གཅིག་གིས་ཀྱང་རུང༌། ལས་བུམ་བཅས་འདུ་བྱས་པ་གུ་གུལ་གྱིས་བདུག་ཅིང་བི་ཤྭའི་སྔགས་དང་ཡུངས་ཐུན་གྱིས་བྲབ། བུམ་རྫས་སོ་ལྔ་དང་ལྡན་པའི་དྲི་བཟང་གི་ཆུས་སུམ་ཉིས་བཀང་བ་ལྷ་གྲངས་ཡོད་ན་དབུས་དང་ཕྱོགས་མཚམས་སུ་འགོད། གཅིག་གི་ཚེ་དཀྱིལ་འཁོར་དབུས་སུ་མཉྫི་ལ་བཀོད། ལས་བུམ་སློབ་དཔོན་གྱི་མདུན་དུ་བཞག་ལ་ཁ་རྒྱན་སོགས་ཀྱིས་བརྒྱན་པ་རྣམས། བསང་སྦྱང༌། སྟོང་པའི་ངང་ལས་པད་ཉིའི་སྟེང༔ ཁ་དོག་ལྔ་ལྡན་ཡི་གེ་བྷྲཱུྃ༔ ཡོངས་གྱུར་ཕྱི་ནི་རིན་པོ་ཆེའི༔ རང་བཞིན་བུམ་པ་བཟང་པོ་ཆེ༔ མཚན་ཉིད་ཡོངས་རྫོགས་འོད་དུ་འབར༔ ནང་ནི་ལྷ་ཚོགས་བཞུགས་པའི་གནས༔ དུར་ཁྲོད་གཞལ་མེད་ཁང་ཆེན་པོར༔ དཔལ་ཆེན་རྡོ་རྗེ་ཕུར་པ་ཡི༔ དཀྱིལ་འཁོར་གསུམ་གྱི་ལྷ་ཚོགས་རྣམས༔ གཙོ་འཁོར་སྤྲུལ་པར་བཅས་པ་ཡི༔ རྟེན་དང་བརྟེན་པ་རབ་འབྱམས་ཀུན༔ སྣང་སྟོང་ཆུ་ཟླ་ལྟ་བུར་གསལ༔ གནས་གསུམ་ཨོཾ་ཨཱཿཧཱུྃ་གིས་མཚན༔ རྡོ་རྗེ་གསུམ་དུ་བྱིན་གྱིས་བརླབས༔ བདེ་གཤེགས་དབང་བསྐུར་ཡེ་ཤེས་ལྔ༔ ཁྲག་འཐུང་རིགས་ལྔའི་ཕྱག་རྒྱར་རྫོགས༔ ཨོཾ་ཨཱཿཧཱུྃ༔ ཧཱུྃ་ཨོཾ་ཏྲཱྃ་ཧྲཱིཿཨཿ ཞེས་གསལ་ཏེ་སྤྱན་འདྲེན་བཞུགས་གསོལ་ཕྱག་མཆོད་ནི། ཧཱུྃ་ཧྲཱིཿ ཆོས་དབྱིངས་མཐའ་དབུས་བྲལ་བ་ནས༔ དཔལ་ཆེན་ཀརྨ་ཀཱི་ལ་ཡ༔ འཇིགས་མཛད་རྡོ་རྗེ་གཞོན་ནུ་ཆེ༔ གནས་འདི་ཉིད་དུ་གཤེགས་སུ་གསོལ༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ༔ སརྦ་ས་མ་ཡ་ཛཿཛཿ ཧཱུྃ་ཧྲཱིཿ བདེ་ཆེན་དབྱིངས་ཀྱི་གཞལ་ཡས་དབུས༔ རང་སྣང་རིག་པའི་ལྷ་ཚོགས་རྣམས༔ གཉིས་སུ་མེད་པར་བཞུགས་ནས་ཀྱང༔ སྐུ་གསུང་ཐུགས་ཀྱི་དངོས་གྲུབ་སྩོལ༔ སརྦ་ས་མ་ཡ་ཏིཥྛ་ལྷན༔ ཧཱུྃ་ཧྲཱིཿ སངས་རྒྱས་ཀུན་གྱི་ཡེ་ཤེས་སྐུ༔ ངང་ཉིད་རྡོ་རྗེ་ཆོས་དབྱིངས་ལས༔ འབར་བའི་ཁྲོ་བོ་མི་བཟད་པ༔ དཀྱིལ་འཁོར་ལྷ་ལ་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏཱིཙྪ་ཧོཿ ཧཱུྃ༔ བླ་མེད་མཆོག་གི་མཆོད་པ་ནི༔ ཡེ་ཤེས་ལྔ་ཡི་འོད་ཟེར་འཕྲོ༔ ཡུལ་དང་དབང་པོ་གཉིས་མེད་པ༔ བདེ་ཆེན་ལོངས་སྤྱོད་ཆེན་པོར་བཞེས༔ ཨོཾ་བཛྲ་ཨརྒྷཾ་ནས། ཤབྡ་རཱུ་པ་ཤབྡ་གནྡྷེ་རཱ་ས་སྤརྴེ་པཉྩ་ཀཱ་མ་གུ་ཎ་དྷརྨ་དྷཱུ་ཏུ་པཱུ་ཛ་ས་མ་ཡ་ཧོཿ མ་ཧཱ་ཨ་མྲྀ་ཏ་བ་ལིཾ་ཏ་རཀྟ་ཁཱ་ཧི༔ མ་ཧཱ་མཾ་ས་རཀྟ་ཀེཾ་ནི་རི་ཏི་ཁཱ་ཧི༔ ཁ་ཏཾ་ཁ་ཏཾ་ཁ་ཏཾ༔ ཧཱུྃ་ཧཱུྃ་ཧཱུྃ༔ ཕཊ྄་ཕཊ྄་ཕཊ྄༔ ཧ་ཧ་ཧ༔ ཧཱུྃ༔ སྒེག་པ་དཔའ་བ་མི་སྡུག་རྡོ་རྗེའི་སྐུ༔ རྒོད་གཤེ་དྲག་ཤུལ་སྔགས་ཀྱི་སྒྲ་གདངས་ཅན༔ སྙིང་རྗེ་རྔམ་ཞི་ཡེ་ཤེས་སྲོག་ལྡན་པའི༔ ཕྲིན་ལས་འདུས་པའི་ལྷ་ལ་ཕྱག་འཚལ་བསྟོད༔ དེ་ནས་གཟུངས་ཐག་བླང་ལ། རང་གི་ཐུགས་ལས་སྔགས་ཀྱི་ཕྲེང༔ རྡོ་རྗེའི་གཟུངས་ཐག་ལས་བརྒྱུད་དེ༔ བུམ་ལྷའི་ཐུགས་དམ་རྒྱུད་བསྐུལ་བས༔ སྐུ་དང་སྔགས་ལས་བདུད་རྩིའི་རྒྱུན༔ དཔག་མེད་བྱུང་བས་བུམ་པའི་བཅུད༔ དངོས་གྲུབ་ཀུན་གྱི་སྙིང་པོར་གྱུར༔ ཞེས་གསལ་གདབ་ནས་བཟླས་པ་གཙོ་འཁོར་གྱི་འགྲོས་དང་སྦྱར་བ་ཅི་ནུས་མཐར་དབྱངས་གསལ་རྟེན་སྙིང༌། མཆོད་བསྟོད། ཡིག་བརྒྱ། ལྷ་རྣམས་ཆགས་པ་ཆེན་པོས་འོད་དུ་ཞུ་ནས་བྱང་ཆུབ་ཀྱི་སེམས་སུ་རོ་གཅིག་ཏུ་གྱུར་པའི་ཁར་ས་བོན་འབྲུ་ལྔས་མཚན་པར་གྱུར། གཙོ་བོའི་སྙིང་པོ་བརྗོད་ལ་དུང་ཞལ་གྱི་དྲི་ཆུ་བུམ་པར་འབུལ་ལོ། །ལས་བུམ་ལ་དམིགས་ནས། ལས་བུམ་ནང་དུ་པད་ཉི་གནོད་སྦྱིན་སྟེང༌། །བདུད་འཁྱིལ་ལྗང་ནག་གཡས་སེར་གཡོན་དུད་ཁ། །ཕྱག་དྲུག་དང་པོས་རྡོ་རྗེས་བྷན་དམར་དཀྲུགས། །བར་པའི་ཕྱག་གཉིས་རྒྱ་གྲམ་དབྱུག་ཏོ་སྡིགས། །ཐ་མ་གཉིས་ཀྱིས་དྲག་པོའི་ཕུར་བུ་འདྲིལ། །རླུང་འབྱིན་ལྗང་ནག་གཡོན་ནས་འཁྲིལ་བའི་ཡུམ། །གཡས་པ་དྲིལ་འཁྱུད་གཡོན་པ་དུང་དམར་སྟོབ། །དུར་ཁྲོད་ཆས་ལྡན་མེ་དཔུང་ཀློང་དུ་གསལ། ཞེས་མོས་ལ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུྃ་ཕཊ྄། ཅེས་བཟླས་མཐར། ཨོཾ་ཨཱཿཧཱུྃ་གིས་བདུད་རྩིའི་མཆོད་ཡོན་ཕུལ། བུམ་ལྷ་འོད་ཞུ་བདུད་རྩིར་གྱུར༔ ཞར་བྱུང་དུ་ཐོད་པ་མཚན་ལྡན་དུ་བདུད་རྩི་རིལ་བུ་དང་བཅས་པའི་མྱོས་བྱེད་ཀྱིས་བཀང་བའི་ཁ་མེ་ལོང་ལ་སྙིང་པོ་བྲིས་པས་བཀབ་པར། ཐོད་པ་གཞལ་ཡས་ཁང་དུ་ལྷ་རྣམས་རང་རང་གི་ཤེས་རབ་མ་དང་སྙོམས་པར་ཞུགས་པའི་བྱང་སེམས་ཡེ་ཤེས་ཀྱི་བདུད་རྩིས་གང་བར་གྱུར། རྩ་སྔགས་ལ། བོ་དྷི་ཙིཏྟ་མ་ཧཱ་སུ་ཁ་ཨ་བེ་ཤ་ཡ་ཨ་ཨ༔ བཏགས་པ་ཉེར་གཅིག ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋཱ༔ ཞེས་དགུ་པའི་སྔགས་ཚར་བཅུ་ཙམ་གྱི་བྱིན་གྱིས་བརླབས། དབང་རྫས་རྣམས་དཀྱིལ་འཁོར་དང་ཉེ་བར་བཀོད་ལ། བསང་སྦྱང༌། སྟོང་པའི་ངང་ལས་དབང་རྫས་རྣམས་ངོ་བོ་དཔལ་ཆེན་པོ་རྡོ་རྗེ་གཞོན་ནུ་དཀྱིལ་འཁོར་གསུམ་གྱི་རང་བཞིན་ལ་རྣམ་པ་རིགས་ལྔ་ཡབ་ཡུམ་གྱི་དཀྱིལ་འཁོར་མ་འདྲེས་གསལ་རྫོགས་སུ་ཤར་བ་དེ་བཞིན་གཤེགས་པ་ཐམས་ཅད་ཀྱི་གསང་བ་གསུམ་གྱི་བྱིན་རླབས་ནུས་མཐུ་ཐམས་ཅད་འདུས་པའི་ངོ་བོར་གྱུར། ཀཱི་ལ་ཡ་ཅུང་ཟད་བཟླ་ཞིང༌། ཡེ་དྷར་བརྗོད་ནས་མེ་ཏོག་འཐོར་བས་ལྷག་གནས་བྱའོ། །བཞི་པ་སྒྲུབ་ཡུལ་སྣོད་ཉེ་བར་བསྙེན་པ་སློབ་མ་སྟ་གོན་ནི། དཀྱིལ་འཁོར་ཡོལ་བས་སྒྲིབ། དེ་དང་ཉེ་བར་དཔུང་སྐུད། སོ་ཤིང༌། དོ་ར་པདྨ་འདབ་བརྒྱད་ཚོམ་བུ་ལྔས་སྤྲས་པ། ཁྱོར་ཆུ། ཀུ་ཤའི་ཆུན་པོ་ཆེ་ཆུང་གཉིས། སློབ་མ་མཆོད་པ་ཉེར་སྤྱོད་ལྔ་བཅས་འདུ་བྱས་ལ། སྣོད་དུ་རུང་བའི་སློབ་མ་རྣམས་བོས་ལ་སྒོ་དྲུང་དུ་སླེབ་པ་དང༌། ཇི་ལྟར་བལྟམས་པ་སོགས་ཀྱིས་ཁྲུས་ནས་དབྱུང༌། ནང་དུ་སླེབས་པ་དང་ལས་བྱང་ལྟར་བགེགས་བསྐྲད། སྲུང་འཁོར་གྱིས་མཚམས་བཅད་ལ། འོ་ནམ་མཁའ་དང་མཉམ་པའི་སེམས་ཅན་ཐམས་ཅད་དཔལ་ཆེན་རྡོ་རྗེ་གཞོན་ནུའི་གོ་འཕང་ལ་དགོད་པར་བྱ། དེའི་ཆེད་དུ་གསང་སྔགས་རྡོ་རྗེ་ཐེག་པའི་ལམ་གྱི་འཇུག་སྒོ་དང་པོ་མངོན་པར་དབང་བསྐུར་བ་ནོད་ནས་དོན་ཉམས་སུ་ལེན་པར་བགྱིའོ་སྙམ་པའི་བྱང་ཆུབ་མཆོག་ཏུ་སེམས་བསྐྱེད་པ་དང༌། སློབ་དཔོན་ལ་ཡི་དམ་དངོས་སུ་འདུ་ཤེས་པས་གུས་པ་དང༌། རང་གི་སྒོ་གསུམ་བསྡམ་ཞིང་རྣམ་པར་མི་གཡེང་བར་རྩེ་གཅིག་པའི་ཡིད་དང་ལྡན་པ་སྟེ། ཆོས་ཉན་པའི་ཀུན་ཏུ་སྤྱོད་པ་བཟང་པོ་དང་བཅས་ཏེ་གསན་འཚལ། དེ་ལྟར་གསན་དགོས་པའི་རྒྱུ་མཚན་ཡང་ཁམས་གསུམ་འཁོར་བ་ནི་མེ་ཡི་འོབས་ལྟ་བུ་སྟེ་གང་ལྷུང་ཐམས་ཅད་འཚིག་པའོ། །ཉོན་མོངས་པ་ནི་སྤུ་གྲིའི་སོ་དང་མཚུངས་ཏེ་གང་ལ་རེག་པས་གཅོད་པའོ། །འདོད་པ་ནི་དུག་གི་ལོ་མ་ལྟ་བུ་སྟེ་ཡུན་རིང་དུ་ཕུང་ཁྲོལ་ཆེན་པོ་བསྐྱེད་པའོ། །སྐྱེས་བུའི་ཚེ་ནི་འབབ་ཆུའམ་གློག་དང་འདྲ་སྟེ་མི་བརྟན་ཅིང་མྱུར་དུ་འཇིག་པའོ། །གཏན་དུ་བདེ་བ་ནི་མི་གནས་པའི་མྱང་འདས་ཡིན་པས་དེ་ཡི་གོ་འཕང་དོན་དུ་གཉེར་དགོས་ལ། དེ་ཐོབ་པར་བྱེད་པའི་ཐབས་ཐུན་མོང་མ་ཡིན་པ་དམ་པའི་ཆོས་སྒྲུབ་པའི་རྟེན་ཁྱད་པར་ཅན་དལ་འབྱོར་གྱི་མི་ལུས་ཐོབ་དགོས། དམ་པའི་ཆོས་དེའི་ཁྱད་པར་ཡང་ཚེ་གཅིག་གིས་བླ་ན་མེད་པའི་བྱང་ཆུབ་མངོན་དུ་བྱེད་ནུས་པ་གསང་སྔགས་རྡོ་རྗེ་ཐེག་པ་ལ་འཇུག་དགོས་ཏེ། སློབ་དཔོན་སངས་རྒྱས་གསང་བས། སངས་རྒྱས་མཆོག་གིས་ཆོས་གསུངས་པ། །འདུལ་བ་མདོ་སྡེ་མངོན་པ་དང༌། །རིག་པ་འཛིན་པའི་སྡེ་བཞིར་གནས། །ཞེས་སྡེ་སྣོད་ཆེན་པོ་བཞི་དང༌། སྤྱི་མདོ་དགོངས་པ་འདུས་པ་ལས། དོན་དམ་ངེས་པའི་ཐེག་པ་ནི། །གསུམ་དུ་ངེས་པར་བསྟན་པ་སྟེ། །ཀུན་འབྱུང་འདྲེན་དང་དཀའ་ཐུབ་རིག །དབང་བསྒྱུར་ཐབས་ཀྱི་ཐེག་པའོ། །ཞེས་གསུངས་པ་ལྟར་ཕྱི་ཀུན་འབྱུང་འདྲེན་པ། ནང་དཀའ་ཐུབ་རིག་བྱེད། གསང་བ་དབང་བསྒྱུར་ཐབས་ཀྱི་ཐེག་པ་གསུམ་དང༌། ཀུན་བྱེད་རྒྱལ་པོ་ལས། ཐེག་པ་རྣམ་པ་གཉིས་ཡིན་ཏེ། །མཚན་ཉིད་རྒྱུ་ཡི་ཐེག་པ་དང༌། །འབྲས་བུ་རྡོ་རྗེ་ཐེག་པའོ། །ཞེས་པ་ལྟར་རྒྱུ་འབྲས་ཀྱི་ཐེག་པ་གཉིས་སུའང་བསྡུ་ཞིང༌། དབྱེ་བསྡུ་གང་ལྟར་བྱས་ཀྱང༌། ལམ་བདེ་བ། དུས་མྱུར་བ། ཐབས་མང་བ་གསུམ་གྱིས་ཁྱད་པར་དུ་འཕགས་པ་ནི་རིག་པ་འཛིན་པའི་སྡེ་སྣོད་དམ། གསང་སྔགས་རྡོ་རྗེ་ཐེག་པ་ཉིད་ཡིན་ལ། དེ་ལའང་རྒྱུད་ལུང་མན་ངག་གི་རྣམ་བཞག་གསུམ་གྱི་ཕྱི་མོ་ནི་རྒྱུད་སྡེ་སྟེ། དེ་ལ་ཏནྟྲ་ཆེན་པོ་བཅོ་བརྒྱད་དུ་གྲགས་པའི་ཡ་གྱལ་ཕུར་པ་རོལ་པའི་རྒྱུད་ཀྱི་དགོངས་པ། སྒྲུབ་སྡེ་ལ་སྤྱི་དང་བྱེ་བྲག་གཉིས་ལས། བྱེ་བྲག་ཕྲིན་ལས་ཀྱི་རིགས་འཇིག་རྟེན་ལས་འདས་པ་ཡེ་ཤེས་ཀྱི་དཀྱིལ་འཁོར་ཆེན་པོ་ལྔ་བཞུགས་པའི་སྒྲུབ་སྡེའི་གཙོ་བོ་ཕྲིན་ལས་ཕུར་པའི་ལྷ་འདི་ཉིད་རྒྱ་གར་དུ་སློབ་དཔོན་ཆེན་པོ་པྲ་བྷ་ཧསྟི། པཎ་ཆེན་བི་མ་ལ་མི་ཏྲ། སངས་རྒྱས་གཉིས་པ་པདྨ་སཾ་བྷ་ཝ་སོགས་ལ་བཀའ་བབ། བོད་གངས་ཅན་གྱི་ལྗོངས་སུའང་རྡོ་རྗེའི་སྐུ་བརྙེས་སློབ་དཔོན་བི་མ་ལས་ཕུར་པ་ཕུན་སུམ་ཚོགས་པ་དང༌། གཤམ་སྔོན་ཅན། ཨོ་རྒྱན་གྱི་སློབ་དཔོན་ཆེན་པོས་རྗེ་འབངས་སྤྱི་དང་བྱེ་བྲག་ལ་བསྩལ་བ་ལས་བྱོན་པ་མཚོན་ཕུར་པ་བཀའ་གཏེར་གྱི་རིམ་པ་རྒྱ་ཆེ་མུ་མེད་པ་བཞུགས་པ་ལས། སྐབས་སུ་བབ་པ་འདི་ནི་གཙོ་བོ་སློབ་དཔོན་ཆེན་པོ་བི་མ་མི་ཏྲས་གཉགས་ཛྙཱ་ན་ཀུ་མཱ་ར་ལ་བསྩལ་ཞིང་པདྨའི་བཀའ་སྲོལ་གྱི་བྱིན་རླབས་ཀྱང་འདུས་པའི་རྡོ་རྗེ་ཕུར་པའི་མན་ངག །པདྨ་གར་དབང་འོད་གསལ་མདོ་སྔགས་གླིང་པའམ་ཁྲག་འཐུང་དཔའ་བོ་ཀློང་ཆེན་ནམ་མཁའ་འོད་གསལ་ལ་བཀའ་བབ་པའི་ཟབ་མོ་གཏེར་གྱི་ཤིང་རྟ་ལས་བྱོན་པ་སྟེ། འདི་ལ་རྩ་བའི་སྨིན་བྱེད་རྒྱས་འབྲིང་བསྡུས་གསུམ་དུ་བཞུགས་པའི་དང་པོ་དབང་བསྐུར་རྒྱས་པ། དེ་ལའང་སྔོན་འགྲོ་སྟ་གོན་དང༌། དབང་དངོས་གཉིས་ལས། ཐོག་མར་སྔོན་འགྲོ་སྟ་གོན་གྱི་རིམ་པ་ཞུ་བའི་ཆེད་དུ་མཎྜལ་འབུལ། ཞེས་མཎྜལ་ཕུལ། བླ་མ་དཔལ་ཆེན་པོ་རྡོ་རྗེ་གཞོན་ནུ་དངོས་ཡིན་སྙམ་པའི་མོས་གུས་དང་ལྡན་པས་ཕྱག་སྙིམ་པ་མེ་ཏོག་དང་བཅས་གསོལ་བ་འདེབས་པ་འདིའི་རྗེས་ཟློས་མཛོད། ཧེ་རུ་ཀ་དཔལ་རིག་འཛིན་ཆེ༔ ཁྲོ་བོ་ཆེན་པོ་བདག་ལ་དགོངས༔ རྡོ་རྗེའི་གདུང་དུ་སྒྲུབ་པའི་ཕྱིར༔ བདག་ཅག་དཀྱིལ་འཁོར་ཆེར་འཇུག་གསོལ༔ ལན་གསུམ། དེ་ལྟར་གསོལ་བ་བཏབ་པ་ལ་སྐབས་ཕྱེ་བ་དང་བཅས་གནང་བ་སྦྱིན་པ་དང་སྤྲོ་བ་བསྐྱེད་པ་འདི་ལ་གསན་འཚལ། བུ་ཚུར་ཐེག་པ་ཆེན་པོ་ཡི། །ཁྱོད་ནི་ཚུལ་ཆེན་སྣོད་ཡིན་ཏེ། །གསང་སྔགས་སྤྱོད་ཚུལ་ཆོ་ག་ནི། །ཁྱོད་ལ་ཡང་དག་བསྟན་པར་བྱ། །རྫོགས་པའི་སངས་རྒྱས་གང་འདས་དང༌། །དེ་བཞིན་གང་དག་མ་བྱོན་དང༌། །ད་ལྟར་བྱུང་བའི་རྫོགས་སངས་རྒྱས། །འགྲོ་ལ་ཕན་ཕྱིར་བཞུགས་པ་ཀུན། །དེ་དག་ཀུན་གྱིས་གསང་སྔགས་ཀྱི། །ཆོ་ག་ཟབ་མོ་འདི་མཁྱེན་ནས། །དཔའ་བོ་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པ་ཚད་མེད་བརྙེས། །གསང་སྔགས་སྦྱོར་བ་ཉམས་མེད་དེས། །ཤཱཀྱ་སེང་གེ་སྐྱོབ་པ་ཡིས། དྲག་པོ་ཆེན་པོ་བདུད་ཀྱི་སྡེ། །སྟོབས་ཆེན་དག་ཀྱང་དེས་བཅོམ་སྟེ། །འཇིག་རྟེན་མཐུན་པར་གཤེགས་ནས་ནི། །འཁོར་ལོ་བསྐོར་ནས་མྱ་ངག་འདས། །དེ་བས་ཀུན་མཁྱེན་འཐོབ་བྱའི་ཕྱིར། །བུ་ཡི་བློ་གྲོས་འདི་གྱིས་ཤིག །ཁྱེད་རང་རྣམས་ཀྱི་མདུན་གྱི་ནམ་མཁར་བླ་མ་དང་གཉིས་སུ་མེད་པའི་དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་ལ་སངས་རྒྱས་བྱང་སེམས་དང་རྩ་བ་གསུམ་གྱི་ལྷ་ཚོགས་སྤྲིན་གཏིབ་པ་ལྟ་བུས་བསྐོར་ཏེ་བཞུགས་པའི་སྤྱན་སྔར་བདག་གཞན་འགྲོ་ཀུན་སྒོ་གསུམ་འཇུག་པ་གཅིག་པས་དུས་འདི་ནས་བྱང་ཆུབ་སྙིང་པོའི་བར་དུ་སྐྱབས་སུ་འགྲོ་སྙམ་པས་འདིའི་རྗེས་ཟློས་མཛོད། ན་མོ༔ བདག་སོགས་འགྲོ་ཀུན་སོགས། ལན་གསུམ། མཁའ་ཁྱབ་ཕ་མར་གྱུར་པའི་སེམས་ཅན་ཐམས་ཅད་ཟུང་འཇུག་གི་སེམས་བསྐྱེད་ཀྱི་འཕེན་པས་སངས་རྒྱས་ཀུན་གྱི་རྣམ་ཐར་དང་ཕྲིན་ལས་རྫོགས་པར་འཛིན་སྙམ་པས་སེམས་བསྐྱེད་པ་འདིའི་རྗེས་ཟློས་མཛོད། མཁའ་མཉམ་སེམས་ཅན་ཐམས་ཅད་ཀུན་སོགས། ལན་གསུམ། ཡུལ་མཆོག་དེ་དག་གི་སྤྱན་སྔར་བསགས་སྦྱང་སྤེལ་གསུམ་གྱི་ཐབས་ཁྱད་པར་ཅན་རྒྱུན་བཤགས་ཡན་ལག་བརྒྱད་པ་ཚུལ་བཞིན་དུ་བྱ་བའི་འདུན་པས་འདིའི་རྗེས་ཟློས་མཛོད། རྡོ་རྗེ་སློབ་དཔོན་སངས་རྒྱས་དཔལ༔ སོགས་ལན་གསུམ། དེ་ནས་རིགས་ལྔ་སྤྱི་དང་བྱེ་བྲག་གིས་བསྡུས་པ་སོགས་གསང་སྔགས་ཀྱི་ཐུན་མོང་མ་ཡིན་པའི་དམ་ཚིག་དང་སྡོམ་པ་རྣམས་བཟུང་བར་བགྱིའོ་སྙམ་པས་འདིའི་རྗེས་ཟློས་མཛོད། ཇི་ལྟར་དུས་གསུམ་མགོན་པོ་རྣམས༔ བྱང་ཆུབ་ཏུ་ནི་ངེས་མཛད་པའི༔ བྱང་ཆུབ་སེམས་ནི་བླ་ན་མེད༔ དམ་པ་བདག་གིས་བསྐྱེད་པར་བགྱི༔ སངས་རྒྱས་རྣལ་འབྱོར་སྡོམ་པ་ལ༔ ཚུལ་ཁྲིམས་ཀྱི་ནི་བསླབ་པ་དང༔ དགེ་བའི་ཆོས་ནི་སྡུད་པ་དང༔ སེམས་ཅན་དོན་བྱེད་ཚུལ་ཁྲིམས་གསུམ༔ བདག་གིས་བརྟན་པོར་གཟུང་བར་བགྱི༔ སངས་རྒྱས་ཆོས་དང་དགེ་འདུན་ཏེ༔ བླ་ན་མེད་པའི་དཀོན་མཆོག་གསུམ༔ དེང་ནས་བརྩམས་ཏེ་གཟུང་བར་བགྱི༔ ནམ་དུ་ཡང་ནི་མི་སྤང་ངོ༔ རྡོ་རྗེའི་རིགས་མཆོག་ཆེན་པོ་ལ༔ རྡོ་རྗེ་དྲིལ་བུའི་ཕྱག་རྒྱ་ཡང༔ ཡང་དག་ཉིད་དུ་གཟུང་བར་བགྱི༔ སློབ་དཔོན་དག་ཀྱང་གཟུང་བར་བགྱི༔ རིན་ཆེན་རིགས་མཆོག་ཆེན་པོ་ཡི༔ དམ་ཚིག་ཡིད་དུ་འོང་བ་ལ༔ ཉིན་རེ་བཞིན་དུ་དུས་དྲུག་ཏུ༔ སྦྱིན་པ་རྣམ་བཞི་རྟག་ཏུ་སྦྱིན༔ བྱང་ཆུབ་ཆེན་པོ་ལས་བྱུང་བའི༔ པདྨའི་རིགས་ཆེན་དག་པ་ལ༔ ཕྱི་ནང་གསང་བ་ཐེག་པ་གསུམ༔ དམ་པའི་ཆོས་ནི་གཟུང་བར་བགྱི༔ ལས་ཀྱི་རིགས་མཆོག་ཆེན་པོ་ལ༔ སྡོམ་པ་ཐམས་ཅད་ལྡན་པར་ནི༔ ཡང་དག་ཉིད་དུ་གཟུང་བར་བགྱི༔ མཆོད་པའི་ལས་ཀྱང་ཅི་ནུས་བགྱི༔ བླ་ན་མེད་པའི་བྱང་ཆུབ་སེམས༔ དམ་པ་བདག་གིས་བསྐྱེད་བགྱིས་ནས༔ སེམས་ཅན་ཀུན་གྱི་དོན་གྱི་ཕྱིར༔ བདག་གིས་སྡོམ་པ་མ་ལུས་གཟུང༔ མ་བརྒལ་བ་རྣམས་བསྒྲལ་བར་བགྱི༔ མ་གྲོལ་བ་རྣམས་བདག་གིས་དགྲོལ༔ དབུགས་མ་ཕྱིན་པ་དབུགས་དབྱུང་ཞིང༔ སེམས་ཅན་མྱ་ངན་འདས་ལ་འགོད༔ ལན་གསུམ། དངོས་གྲུབ་ཀྱི་ལྟས་བརྟགས་པའི་ཕྱིར་ཨུ་དུམ་ཝཱ་ར་ལ་སོགས་པའི་སོ་ཤིང་དྲང་པོ་སོར་བཅུ་གཉིས་པ་དྲི་ཡིས་བྱུགས་ཤིང་རྩེ་མོར་མེ་ཏོག་གི་ཕྲེང་བས་བཅིངས་པ་འདི་ཉིད་ཁྱེད་རང་རྣམས་ཁ་ཤར་དུ་ཕྱོགས་པས་མཎྜལ་ཉིད་གདོད་ནས་གྲུབ་པའི་རིགས་ལྔའི་དཀྱིལ་འཁོར་དུ་དངོས་སུ་མོས་ལ། སོ་ཤིང་རྩེ་མོས་སོ་དྲུད་པས་ཚེ་འཁོར་བ་ཐོགས་མེད་ནས་བསགས་པའི་སྡིག་པ་ཐམས་ཅད་སྨན་པ་མཁས་པས་སྐྱུག་སྨན་བཏང་བ་བཞིན་སྐྱུག་པར་བསམ་ལ་ཚིག་འདིའི་རྗེས་ཟློས་དང་བཅས་པས་འདོར་བར་ཞུ། ལུས་ཀྱི་དྲི་མ་སྦྱང་བའི་ཕྱིར༔ བྱང་ཆུབ་དམ་པའི་སོ་ཤིང་འདི༔ རྡོ་རྗེའི་རིགས་ཀྱི་བུ་ལ་སྦྱིན༔ ཕུང་པོ་རྡོ་རྗེའི་ལུས་སྒྲུབ་ཕྱིར༔ འཆོས་ལ་དཀྱིལ་འཁོར་འདི་རུ་དོར༔ བཛྲ་ཧ་ས་ཧ༔ ཞེས་བརྗོད་དེ་དོར་དུ་གཞུག དེ་ལྟར་སོ་ཤིང་གི་རྩེ་མོ་དེ་ཉིད་རང་ངམ་བླ་མ་ལ་བསྟན་ན་མཆོག །ཕྱོགས་བཞིར་ལས་བཞི། སྟེང་དུ་མཁའ་སྤྱོད། འོག་དང་མཚམས་བཞིར་ས་འོག་གི་གཏེར་དང༌། བུམ་པ་བཟང་པོ་སོགས་དངོས་གྲུབ་ཅི་རིགས་ཐོབ་པར་འགྱུར་རོ། །བྃ་ལས་བྱུང་བའི་དྲི་བཟང་གི་ཆུ་ཉིད་ཁྱོར་བར་ལན་གསུམ་བྱིན་ནས་བཏུང་བའི་ལྷག་མ་རྒྱབ་ཏུ་དོར་བས་ངག་གི་ཉེས་སྐྱོན་ཐམས་ཅད་སང་སང་དག་པར་མོས་མཛོད། རྡོ་རྗེ་ལས་ཀྱི་འབར་བའི་ཆུ༔ སྐལ་པ་ལྡན་པས་བཏུང་ནས་ཀྱང༔ མི་ཤེས་ངག་གི་དྲི་སྦྱངས་ཏེ༔ རྡོ་རྗེའི་ཛཔ་ཏུ་རྟོགས་པར་གྱིས༔ ཨོཾ་ཧྲཱིཿབི་ཤུདྡྷ་སརྦ་དྷརྨ་པ་པཱྃ་བི་ཤུདྡྷ་ནི་ཙ་སྱ་བི་ཤྭ་དྷ་ཡ་སརྦ་བི་ཀལྤ་མ་ན་ཡ་ཧཱུྃ༔ ཞེས་ཁྱོར་ཆུ་སྦྱིན། སྟོང་པའི་ངང་ལས་ཧཱུྃ་ལས་བྱུང་བའི་སྲད་བུ་ཁ་དོག་ལྔ་པ་རྡོ་རྗེའི་སློབ་མའི་ལུས་ཚད་དང་མཉམ་པ་ལྔ་སྒྲིལ་བྱས་པ་རྡོ་རྗེའི་མདུད་པ་ལྔ་བཏབ། དེ་ལ་ཧཱུྃ་ཨོཾ་སྭཱ་ཨཱྃཿཧཱ་ལྔ་བཀོད་པ་དེ་ལས་འོད་ཟེར་འཕྲོས་པས། རང་བཞིན་གྱི་གནས་ནས་དེ་བཞིན་གཤེགས་པ་ལྔ་བསམ་གྱིས་མི་ཁྱབ་པ་སྤྱན་དྲངས་ཏེ་ཡིག་འབྲུ་རྣམས་ལ་ཐིམ། དེ་འོད་དུ་ཞུ་ནས་སྲད་བུ་ལ་ཐིམ་པས་རིགས་ལྔའི་སྲད་བུར་གྱུར། རྡོ་རྗེ་རང་བྱུང་ཡེ་ཤེས་ཀྱི༔ མི་ཤིགས་འཆིང་བྱེད་སྲད་བུའི་གཟུགས༔ ཁྱོད་ལ་བཅིངས་པས་བར་ཆད་ཐུབ༔ ཡེ་ཤེས་དག་པའི་དེ་ཉིད་སྟོན༔ ལས་ཀྱི་ཁྲོ་བོའི་སྔགས་བརྗོད། རྡོ་རྗེ་རྒྱ་གྲམ་དུ་བཞག །ལས་ཀྱི་ཆུ་འཐོར་བར་བྱ། དེ་ལྟར་མངོན་པར་བསྔགས་པའི་སྲད་བུ་ཉིད་སྐྱེས་པའི་དཔུང་པ་གཡོན། བུད་མེད་ཀྱི་གཡས་སུ་བཅིངས་པས་བར་ཆད་ཐམས་ཅད་སྲུང་བའི་མོས་པ་མཛོད། རྨི་ལམ་མི་འཁྲུགས་པར་བྱ་བའི་ཕྱིར་བྱུར་དང་མི་གཙང་བ་ཐམས་ཅད་འཇོམས་པར་བྱེད་པ་དྷཱིཿདང་ཧཱུྃ་ལས་སྐྱེས་པའི་དག་བྱེད་མཆོག་ཏུ་དགེ་བའི་རྩྭ་མཆོག་ཀུ་ཤའི་ཆུན་པོ་ཆུང་བ་སྔས་དང་ཆེ་བ་སྟན་གྱི་དོད་དུ་བྱིན་པ་ལོངས་ལ་བླ་མ་དང་དཀྱིལ་འཁོར་ལ་མགོ་ཕྱོགས་པས་དོ་ནུབ་སེང་གེའི་ཉལ་སྟབས་ཀྱིས་ལྷག་པའི་ལྷ་ཡིད་ལ་དྲན་པས་དངོས་གྲུབ་དང་མཐུན་པའི་རྨི་ལམ་བསྟན་དུ་གསོལ་སྙམ་པས་ཉལ་ན་རྨི་ལམ་གྱི་མཚན་མ་གང་ཡང་རུང་བ་ཞིག་འབྱུང་བར་འགྱུར་རོ། །བུ་ཀྱཻ་ཀུ་ཤ་དགེ་བ་འདི༔ ཁྱོད་ལ་གཙང་བྱེད་སྔས་དང་སྟན༔ སྦྱིན་གྱིས་ལེགས་པར་ཉལ་ནས་ཀྱང༔ དཀྱིལ་འཁོར་མཆོག་ཏུ་འཇུག་པར་རུང༔ ཞེས་ཀུ་ཤའི་ཆུན་པོ་ལག་གཉིས་སུ་གཏད། ཕྱིར་མི་ལྡོག་པ་ཟབ་མོའི་ཆོས་བཤད་པ་འདི་ལ་གསན་པས་ཁྱབ་པར་གདའ། ཨེ་མ་བུ་ཁྱོད་སྐལ་པ་ལྡན༔ འཇིག་རྟེན་ཁམས་ན་ཨུ་དུམ་ཝར༔ སངས་རྒྱས་འབྱུང་བ་ཤིན་ཏུ་དཀའ༔ དེ་བས་རྡོ་རྗེ་ཐེག་འདི་ནི༔ སྐལ་པ་མཆོག་གི་རིགས་ཅན་ལས༔ ནམ་དུ་ཡང་ནི་མི་འབྱུང་ཞིང༔ དུས་གསུམ་རྒྱལ་བ་ཐམས་ཅད་ཀྱི༔ ངེས་པའི་གསང་བ་བླ་མེད་པའི༔ རྙེད་པ་ཆེན་པོ་དེ་རིང་རྙེད༔ འདི་ནི་དབང་པོ་མཆོག་གི་ལམ༔ རྨད་དུ་བྱུང་བའི་ཐབས་མང་ཞིང༔ རིང་པོར་མི་ཐོག་མངོན་འཚང་རྒྱ༔ དཀའ་ཐུབ་གདུང་བ་དང་བྲལ་ཏེ༔ ཟུང་འཇུག་ཡེ་ཤེས་ཚེ་འདིར་བསྐྱེད༔ དེ་ཕྱིར་ཁྱེད་རྣམས་སྤྲོ་དགའ་བསྐྱེད༔ སང་ནི་དཀྱིལ་འཁོར་ཡང་དག་འཇུག༔ བློ་གྲོས་ངེས་པར་སྨིན་པའི་ཚེ༔ རྣལ་འབྱོར་ཟབ་མོར་འཇུག་པར་གྱིས༔ དེ་ནས་གཞི་ལུས་དང་བཅས་པའི་སྒོ་གསུམ་ལྷ་ཡི་སྐུ་གསུང་ཐུགས་སུ་བྱིན་གྱིས་རློབ་པ་ཡིན་པས་དམིགས་པ་འདི་ལྟར་གསལ་ཐོབ་ཅིག །ཅེས་གདམས། སྟོང་པའི་ངང་ལས་ཧཱུྃ་ལས་རྡོ་རྗེ་སེམས་དཔའ་དཀར་པོ་རྡོར་དྲིལ་འཛིན་པ། དར་དང་རིན་པོ་ཆེས་བརྒྱན་པ། ཞབས་སེམས་དཔའི་སྐྱིལ་ཀྲུང་གིས་པདྨ་དང་ཟླ་བའི་གདན་ལ་བཞུགས་པར་གྱུར། དྲིའི་ཐིག་ལེ་གནས་གསུམ་དུ་བྱས་ལ། སྤྱི་བོར་སྐུ་རྡོ་རྗེའི་ངོ་བོ་ཨོཾ་དཀར་པོ། མགྲིན་པར་གསུང་རྡོ་རྗེའི་ངོ་བོ་ཨཱཿདམར་པོ། ཐུགས་ཀར་ཐུགས་རྡོ་རྗེའི་ངོ་བོ་རྡོ་རྗེ་དཀར་པོ་རྩེ་ལྔ་པའི་ལྟེ་བར་ཧཱུྃ་ཡིག་གིས་མཚན་པར་གྱུར། སློབ་མ་རྣམས་ཀྱིས་བདེན་གཉིས་ཟུང་འཇུག་ཏུ་སེམས་བསྐྱེད་པའི་མོས་པ་མཛོད། ཨོཾ་བོ་དྷི་ཙིཏྟ་ཨུ་པ་ད་ཡ་མི༔ དེ་བརྟན་པར་བྱེད་པའི་ཕྱིར་སློབ་དཔོན་གྱིས་རྡོ་རྗེ་མེ་ཏོག་དང་བཅས་པ་སྙིང་གར་བཞག་སྟེ། སུ་ར་ཏི་ས་མ་ཡ་སྟྭཾ་སིདྡྷི་བཛྲ་སད་ཐ་སུ་ཁཾ༔ དེ་ལྟར་སྒོ་གསུམ་རྡོ་རྗེ་གསུམ་གྱི་རང་བཞིན་དུ་གྱུར་པ་དེ་མཆོད་པའི་ཡུལ་དུ་བཟུང་བས་དབུ་ལ་མེ་ཏོག །ཤངས་ལ་བདུག་སྤོས། སྤྱན་ལམ་དུ་མར་མེ། ཐུགས་ཀར་དྲི་ཡི་བྱུག་པ། ཞས་ཟས་ལྗགས་ལ་ཕུལ་བས་མཆོད་པར་མོས། མཆོད་པ་རྣམས་གནས་སོ་སོར་འབུལ་ཚུལ་བྱ། ཨོཾ་བཛྲ་པུཥྤེ་པྲ་ཏཱིཙྪ་ཧོཿ ཨོཾ་བཛྲ་དྷཱུ་པེ་པྲ་ཏཱིཙྪ་ཧོཿ ཨོཾ་བཛྲ་ཨཱ་ལོ་ཀེ་པྲ་ཏཱིཙྪ་ཧོཿ ཨོཾ་བཛྲ་གནྡྷེ་པྲ་ཏཱིཙྪ་ཧོཿ ཨོཾ་བཛྲ་ནཻ་ཝི་དྱ་པྲ་ཏཱིཙྪ་ཧོཿ ཞེས་མཆོད་ནས། དེས་རྡོ་རྗེ་ཕུར་པའི་དཀྱིལ་འཁོར་དུ་སྨིན་བྱེད་དབང་གི་སྔོན་འགྲོ་སློབ་མ་སྟ་གོན་གྱི་ཆོས་རྣམས་ངེས་པར་གྲུབ་པ་ལགས་པས་དགེ་བ་རྫོགས་བྱང་དུ་བསྔོ་བར་ཞུ། ཞེས་བརྗོད་ལ་སློབ་མ་རྣམས་རང་གནས་སུ་གཏང་ངོ༌། །གསུམ་པ་སྒྲུབ་པ་ལ་བཞི་ལས། སྒྲུབ་གཞི་དཀྱིལ་འཁོར་འདུ་བྱ་བ། སྒྲུབ་ཆོས་རྟེན་དང་རྒྱན་བཀོད་པ། སྒྲུབ་པ་བསྐྱེད་བཟླས་ཀྱིས་གཞུང་བསྲང་བ། སྒྲུབ་པའི་ཁྱད་པར་ལས་ལ་སྦྱར་བའོ། །དང་པོ་གཉིས་སོ་སོར་དབྱེ་ན་ཚོགས་སྒྲུབ་ཀྱི་ཁོག་དབུབ་དང་སྦྱར་ཏེ་སྨིན་ལམ་སྒྲུབ་དབང་ཆེན་མོའི་ཕྱག་བཞེས་ཡོད་ཀྱང༌། སྐབས་འདིར་སློབ་མ་རྗེས་འཛིན་ཁོ་ན་དབང་རྐྱང་དེང་སང་གི་ཕྱག་བཞེས་ལྟར་ས་བཅད་དང་པོ་གཉིས་གཅིག་ཏུ་བསྡུས་ཏེ་འཆད་པ་ལ། སྟེགས་བུའི་སྟེང་རས་བྲིས་ཀྱི་དཀྱིལ་འཁོར་མཚན་ཉིད་དང་ལྡན་པ་བཀྲམ་པའི་དབུས་སུ་མཉྫིའི་ཁར་སྟ་གོན་བྱས་པའི་བུམ་པ་ལྷ་གྲངས་ཡོད་ན་གཙོ་འཁོར་མ་ནོར་བར་བཀོད། རྣམ་རྒྱལ་བུམ་པ་གཅིག་ལས་མེད་ན་དཀྱིལ་འཁོར་དབུས་སུ་མཉྫིའི་ཁར་བཤམ། ཤར་དུ་རིན་པོ་ཆེའི་དབུ་རྒྱན། ལྷོར་རྡོ་རྗེ། ནུབ་ཏུ་དྲིལ་བུ། བྱང་དུ་རྡོར་དྲིལ་ལྷན་ཅིག་པ། མཚམས་སུ་གསང་དབང་གི་ཐོད་པ་བདུད་རྩིས་བཀང་བ། རིག་ཙཀ །ཤེལ་རྡོ་རྣམས་བཀོད། མདུན་ཕྱོགས་གང་བདེར་སྨན་རཀ་གཏོར་གསུམ་ཆུ་གཉིས་ཉེར་སྤྱོད་བསྐོར་བཤམ་བྱ། ཕྱོགས་གང་བདེར་རྗེས་གནང་ཆས་གདུགས། གླེགས་བམ། དྲིལ་བུ། དུང་དཀར། འཁོར་ལོ་རྣམས་དང༌། མིག་དར། མེ་ཏོག །མིག་ཐུར། ཕྱག་ཤིང༌། ལས་བུམ་བཅས་དང༌། སྔོན་འགྲོའི་བགེགས་གཏོར། ཚོགས་ཀྱི་ཡོ་བྱད། གཏོར་འབུལ་སོགས་སྤྱི་ལྟར་ཚོགས་པར་བྱའོ། །གསུམ་པ་སྒྲུབ་པ་བསྐྱེད་བཟླས་ཀྱི་གཞུང་བསྲང་བ་ནི། བརྒྱུད་པའི་གསོལ་འདེབས་སྔོན་དུ་འགྲོ་བས་ལས་བྱང་ལྟར་བཟླས་པའི་བར་མཐར་ཆགས་སུ་བཏང༌། ལས་བྱང་དཀྱུས་ལྟར་ཛཔ་ཁང་དབྱེ། ཛཔ་བསྐུལ་དང་བཅས་བསྙེན་སྒྲུབ་ལས་ཀྱི་བཟླས་པའི་གཞུང་བསྲང༌། ཁྱད་པར་སྒྲུབ་པའི་ཛཔ་བཟླས་མང་དུ་བྱ། སྟ་གོན་སྐབས་ལྟར་བུམ་པ་ཡང་བསྒྲུབ། མཐར་གཏང་རག་གི་མཆོད་བསྟོད་དང༌། སྲུང་མའི་གཏོར་ཆོག །ཚོགས་བྱིན་རླབས་ནས་རོལ་པའི་བར་བྱའོ། །བཞི་པ་སྒྲུབ་པ་ཆེན་པོ་ལ། བདག་དོན་དུ་དངོས་གྲུབ་བླང་བ། གཉིས་དོན་དུ་དབང་བླང་བ། གཞན་དོན་དུ་སློབ་མ་གཞུག་པ་གསུམ་ལས། དང་པོ་ནི་བསྙེན་སྒྲུབ་ཀྱི་ཡི་གེ་དག་ཏུ་བཤད་པས་ཤེས་པར་བྱ་དགོས་ལ། གཉིས་པ་དབང་ཆོག་རྒྱས་པ་ལྟར་རམ། བསྡུ་ན་དོན་དབང་སྙིང་པོའི་ཚུལ་དུ་སློབ་དཔོན་བདག་ཉིད་འཇུག་པའམ་རིག་པའི་མེ་ཏོག་དོར་ལ་སློབ་མ་འཇུག་པར་གནང་བ་ཞུ། གསུམ་པ་ལ་དངོས་དང་རྗེས་རིམ་གཉིས་ལས། དང་པོ་ནི། དཀྱིལ་འཁོར་ཡོལ་བས་སྒྲིབ་ལ་སློབ་མ་རྣམས་བོས་ཏེ་ཁྲུས་ནས་དབྱུང༌། ལས་བྱང་ལྟར་བཀའ་བསྒོ་དང་དྲག་སྔགས་གུལ་ཡུངས་དང་བཅས་པས་བགེགས་བསྐྲད། སྲུང་འཁོར་བསྒོམ་པས་མཚམས་བཅད། གྲལ་ལ་འཁོད་ནས་མེ་ཏོག་བཀྱེ་བསྡུ་དང་བཅས། གང་གསན་པར་བྱ་བའི་ཆོས་ནི་འཇིག་རྟེན་དབང་ཕྱུག་འཕགས་མཆོག་ཐུགས་རྗེ་ཆེན་པོའི་ཕྱག་མཚན་དུ་བཞེས་པའི་གངས་ཅན་བོད་ཀྱི་ཡུལ་འདིར་སངས་རྒྱས་ཀྱི་བསྟན་པའི་ཉིན་བྱེད་དྲངས་པར་མཛད་པའི་ཆོས་རྒྱལ་ལོ་པཎ་སྤྲུལ་པའི་སྐྱེས་མཆོག་རྣམས་ཀྱིས་ཐོག་མར་བསྒྱུར་བཤད་འཆད་ཉན་གྱིས་གཏན་ལ་ཕབ་པ་སྔ་འགྱུར་རྙིང་མ་དང༌། རྒྱུད་དང་མན་ངག་ཁྱད་པར་ཅན་ཕྱིས་སུ་དྲངས་པ་ལ་ཕྱི་འགྱུར་གསར་མ་སྟེ། བཀའ་སྲོལ་འདྲེན་པའི་ཤིང་རྟ་གཉིས་སུ་བྱོན་པ་ལས། སྐབས་འདིར་ཆེ་བ་དྲུག་གིས་ཁྱད་པར་དུ་འཕགས་པ་སྔགས་རྙིང་མའི་རིང་ལུགས་སུ་གཏོགས་པ་སྟེ། དེ་ལའང་ཞལ་ནས་གསུངས་པའི་བཀའ་མ། རྗེས་སུ་གནང་བའི་གཏེར་མ། བྱིན་གྱིས་བརླབས་པའི་དག་སྣང་སྟེ་བརྒྱུད་པའི་ཁྱད་པར་གསུམ་དུ་དབྱེར་ཡོད་པ་ལས། སྔ་མ་ལའང་རྒྱུད་ལས། ཕུར་པ་རྒྱུད་ཀྱི་རྒྱལ་པོ་ཡིན། །ཕུར་པ་ལུང་གི་བླ་མ་ཡིན། །ཕུར་པ་མན་ངག་ངེས་པའི་དོན། །ཞེས་གསུངས་པ་ལྟར་རྒྱུད་རྡོ་རྗེ་ཁྲོས་པ་ཀློང་ཆེན་པོ་བཅོ་བརྒྱད། ལུང་ཉི་ཤུ་རྩ་གཅིག །མན་ངག་བརྒྱ་རྩ་བརྒྱད་སོགས་གསུངས། རྒྱུད་སྡེ་ལའང་རྩ་བཤད་མན་ངག་གིས་དབྱེ་ན། རྡོ་རྗེ་ཕུར་པ་ལ་རྩ་བ་ལྟ་བུའི་རྒྱུད་གསུམ། བཤད་པའི་རྒྱུད་ལྔ། ཆ་མཐུན་གྱི་རྒྱུད་གསུམ། རྒྱུད་ཕྱི་མ་གཉིས། ཕྱི་མའི་ཕྱི་མ་གསང་བ་སྡེ་དྲུག །བསྟན་བྱའི་ལམ་གྱི་རིམ་པ་གཙོ་ཆེ་ཆུང་གིས་དབྱེ་ན། བསྐྱེད་རིམ་གཙོ་བོར་སྟོན་པའི་རྒྱུད་ལྔ། རྫོགས་རིམ་གཙོ་བོར་སྟོན་པའི་རྒྱུད་ལྔ། ལ་བཟླ་བའི་རྒྱུད་ལྔ། དྲག་པོ་རྨེ་ཐབས་ཅན་གྱི་རྒྱུད་གཉིས། ཕྲིན་ལས་གཙོ་བོར་སྟོན་པ་འབུམ་རྐོས་དང་སུམ་ཅུ་རྩ་བདུན་ཡོད་པར་སློབ་དཔོན་ལང་ལབ་ཀྱིས་བཞེད་པ་སོགས་དབྱེར་ཡོད་ཅིང༌། གང་ལྟར་ཡང་རྡོ་རྗེ་ཁྲོས་པའི་རྩ་བཤད་ལས། འདི་ལ་བརྟེན་པའི་གང་ཟག་རྣམས། །ཐམས་ཅད་གྲོལ་འགྱུར་ཐེ་ཚོམ་མེད། །རྡོ་རྗེ་ཁྲག་འཐུང་ང་ཉིད་ཀྱི། །ཡི་གེ་ཧཱུྃ་ཙམ་བཟླས་པ་དང༌། །བར་ཆད་བདུད་ཀྱིས་མི་ཚུགས་ཤིང༌། །མཚན་མ་འགྲུབ་པར་ཐེ་ཚོམ་མེད། །རྡོ་རྗེ་ཅན་གྱི་ཞིང་དུ་སྐྱེ། །ལྷ་རྣམས་ཀུན་ལ་དབང་བྱེད་འགྱུར། །འདི་སྒྲུབ་པ་ཡི་གང་ཟག་རྣམས། །སྔར་ནས་སྦྱངས་པར་ཐེ་ཚོམ་མེད། །ཚེ་གཅིག་འདི་ལ་བརྩོན་ལྡན་པས། །འཁོར་བར་མི་ལྡོག་མངོན་སངས་རྒྱ། གང་ཞིག་དབང་དང་མན་ངག་ཐོབ། །སྐད་ཅིག་ཙམ་ཞིག་མོས་གྱུར་ན། །འཆི་བ་ཞེས་ནི་རྣམ་རྟོག་སྟེ། །མཁའ་སྤྱོད་གནས་སུ་འཁྲིད་པར་འགྱུར། །གང་ཞིག་འདི་ལ་མོས་པ་ཙམ། །དབང་དང་དམ་ཚིག་འཛིན་གྱུར་ན། །སྐྱེ་བདུན་ཉིད་ནས་སངས་རྒྱས་འགྱུར། །སྐྱེ་བ་གཞན་གྱིས་བར་མི་ཆོད། །འདི་ལ་ཐེ་ཚོམ་ལེ་ལོ་སྤངས། །བརྩོན་འགྲུས་དད་ལྡན་ཅན་གྱིས་སྒྲུབས། །རྒྱུད་ནི་རྟག་ཏུ་གསང་བར་བྱ། །མཁའ་འགྲོའི་ཚོགས་ཀྱིས་བསྲུང་བར་འགྱུར། །ཞེས་འབྱུང་བ་ལྟར་ཆེས་ཟབ་ཅིང་རྒྱས་ལ་རྣོ་ཞིང་མྱུར་བའི་ཆོས་སྒོ་འདི་ཉིད་ཀྱི་རྒྱུད་ལུང་མན་ངག་ཐམས་ཅད་གུ་རུ་རིན་པོ་ཆེ་ལ་ལྷག་པར་དུ་བཀའ་བབ་སྟེ། བདག་ཉིད་ཆེན་པོ་སློབ་དཔོན་པདྨ་ཐོད་ཕྲེང་རྩལ་གྱིས་གདུལ་བྱ་དྲང་བའི་དོན་དུ་སློབ་དཔོན་པྲ་བྷ་ཧསྟི་ལས་ཕྲིན་ལས་ཕུར་པའི་ཆོས་སྐོར་ཐམས་ཅད་བུམ་པ་གང་བྱོའི་ཚུལ་དུ་གསན་པའི་ཚུལ་བསྟན། བལ་ཡུལ་ཡང་ལེ་ཤོད་དུ་ཕྱག་རྒྱ་ཆེན་པོ་མཆོག་གི་རིག་འཛིན་གྱི་གོ་འཕང་མངོན་དུ་མཛད་སྐབས་བར་ཆད་བསལ་ཞིང༌། གངས་ཅན་གྱི་ལྗོངས་སུ་ལྷ་སྲིན་དམ་ལ་བཏགས་ཤིང༌། ས་གཞི་བཏུལ་བ་སོགས་ཐམས་ཅད་ལྷ་འདིའི་སྐུར་བཞེངས་ནས་མཛད། རྡོ་རྗེའི་སྐུ་བརྙེས་པ་བི་མ་ལས་ཕུར་པའི་རྒྱུད་ཕུན་སུམ་ཚོགས་པ་དང༌། གཤམ་སྔོན་ཅན་གཉིས་ཀྱི་སྒྲུབ་ཐབས་དང་མན་ངག་གཉགས་ལོ་ཡེ་ཤེས་གཞོན་ནུ་ལ་གནང་ཞིང་གཉགས་ཆེན་གྱིས་ཕུར་པ་གདེང་པ་ཙམ་གྱིས་འཛམ་གླིང་གི་བྱ་རོག་བསྡུས་པ་དང༌། སྐུ་དགྲ་མངོན་སྤྱོད་ཀྱིས་ཚར་བཅད་པ་སོགས་གྲུབ་རྟགས་མངོན་དུ་མཛད་དེ་སོག་པོ་དཔལ་གྱི་ཡེ་ཤེས་སོགས་ལས་རིམ་པར་བརྒྱུད་དེ་བཀའ་མ་ཕུར་པ་རྒྱལ་པོ་ལུགས། ཇོ་མོ་ལུགས། ལྕམ་ལུགས། གཉགས་ལུགས། རོང་ཟོམ་ལུགས། རོག་ལུགས། འཁོན་ལུགས་སོགས་མཐའ་ཡས་པ་དང༌། གཉིས་པ་ནི་ཁྱད་པར་གསུམ་ལྡན་ཟབ་མོ་གཏེར་གྱི་ཤིང་རྟ་སྟེ། དེ་ལས་བྱོན་པའི་ཟབ་ཆོས་ལའང༌། དབང༌། རྒྱུད། བསྐྱེད་རྫོགས། མན་ངག་གི་སྒོ་མི་འདྲ་བ་བསམ་ལས་འདས་པར་བྱོན་པ་ཀུན་ཀྱང་བསྡུ་ན་སྒྲུབ་སྡེ་ཆེན་པོ་བཀའ་བརྒྱད། སྤྱི་དྲིལ་དང་བཅས་པ་དགུ་རུ་གྲགས་པ་ལས། འདི་ནི་ཕྲིན་ལས་ཀྱི་རིགས་སྒོས་སུ་སྒྲུབ་པ་ཀརྨ་ཧེ་རུ་ཀ་བདུད་འདུལ་ཕུར་པ་རོལ་པའི་སྒྲུབ་སྡེ་སྟེ། ཟབ་གཏེར་གྱི་ཤིང་རྟ་ཆེན་པོ་གུ་རུ་ཆོས་ཀྱི་དབང་ཕྱུག །རཏྣ་གླིང་པ། རིག་འཛིན་དངོས་གྲུབ་རྒྱལ་མཚན་སོགས་ཀྱི་གཏེར་བྱོན་སྤུ་གྲི་རྣམ་གསུམ། ཡང་གསང་རྣམ་གསུམ་ལ་སོགས་པ་རྒྱུད་ལུང་མན་ངག་གི་དགོངས་པ་རྒྱས་བསྡུས་དུ་མ་ཞིག་གཏེར་ཁ་ཀུན་ལས་མ་བྱོན་པ་མེད་པ་ལྟ་བུ་མཐའ་ཡས་པ་ལས། སྐབས་སུ་བབ་པ་འདི་ནི་རྒྱལ་བ་ཀུན་གྱི་མཛད་པ་རླབས་པོ་རྗེས་སུ་སྒྲུབ་པ་ལ་རྨད་དུ་བྱུང་བའི་ཐུགས་བསྐྱེད་སྨོན་ལམ་གྱི་མཐུ་ཐོབ་པ་རྗེ་བཙུན་འཇམ་དཔལ་དབྱངས་འཇིགས་བྲལ་གྱི་སློབ་དཔོན་ཆེན་པོའི་རྣམ་པར་རོལ་པ་ཀུན་མཁྱེན་བླ་མ་པདྨ་འོད་གསལ་མདོ་སྔགས་གླིང་པ་ཉིད་ཀྱིས་གངས་ཅན་དུ་བཞུགས་སོ་འཚལ་གྱི་རྡོ་རྗེ་ཕུར་པ་བཀའ་གཏེར་ཡོངས་རྫོགས་ཀྱི་སྨིན་གྲོལ་གསན། དེ་ཐམས་ཅད་བསྙེན་སྒྲུབ་ཉམས་བཞེས་དཔྱིས་ཕྱིན་པར་གནང་བས་བླ་མ་དང་ལྷག་པའི་ལྷ་ཡིས་བྱིན་གྱིས་བརླབས་པའི་རྟགས་མཚན་ཁྱད་པར་ཅན་དུ་མ་དང༌། ལྷག་པར་དགུང་གྲངས་དགུར་ཕེབས་སྐབས་སུ་སློབ་དཔོན་རིན་པོ་ཆེ་རྡོ་རྗེ་ཐོད་ཕྲེང་རྩལ་ཡབ་ཡུམ་གྱིས་རྡོ་རྗེ་ཕུར་པའི་དཀྱིལ་འཁོར་དུ་དབང་བསྐུར་ནས་བར་ཆད་བསལ་ཞིང་སྙན་བརྒྱུད་ཡང་ཕུར་སྦྲག་མའི་བཀའ་བབ་པ་དང༌། སློབ་དཔོན་པྲ་བྷ་ཧསྟི་དང༌། བདུད་འདུལ་ཤཱཀྱ་སེང་གེ་དབྱེར་མེད་པ་ལས་སྙན་བརྒྱུད་ཕྲིན་ལས་ཕུར་པའི་གནད་ཏིག་དངོས་སུ་གསན་པ་དང༌། རྡོ་རྗེ་ཕུར་པའི་གྲུབ་བརྙེས་ཟམ་མ་ཆད་པའི་བླ་མ་ས་ཆེན་ཡེ་ཤེས་ཀྱི་སྐུས་རྗེས་སུ་བཟུང་སྟེ་བཀའ་མ་འཁོན་ལུགས་ཕུར་པའི་སྨིན་གྲོལ། ཕུར་པ་རྩ་དུམ་གྱི་བཤད་རྒྱུད་དང་བཅས་ཉེ་བརྒྱུད་དུ་གསན་པ་སོགས་ངོ་མཚར་རྨད་དུ་བྱུང་བའི་བདག་ཉིད་ཆེན་པོ་དེ་ཉིད་ཀྱི་གསང་གསུམ་རྡོ་རྗེ་བཀོད་པས་བྱིན་གྱིས་བརླབས་པ་ལས། མདོ་ཁམས་གནས་ཆེན་ཉེར་ལྔའི་བྱེ་བྲག་སྐུ་ཡི་གསུང་གི་གནས་མཆོག་འོག་མིན་ཀརྨའི་རི་ཞོལ་གྱི་གནྡྷོ་ལ་ནས་བཀའ་སྲུང་ཡེ་ཤེས་ཀྱི་མགོན་པོ་ལྕམ་དྲལ་གྱིས་པདྨ་གར་དབང་འོད་གསལ་མདོ་སྔགས་གླིང་པའམ་ཁྲག་འཐུང་དཔའ་བོ་ཀློང་ཆེན་ནམ་མཁའ་འོད་གསལ་ལ་དངོས་སུ་གཏད་པའི་ཤོག་སེར་ལས་གཏན་ལ་ཕབ་པའི་རྡོ་རྗེ་ཕུར་པ་པཎ་ཆེན་བི་མ་ལ་མི་ཏྲས་གཉགས་ཆེན་ཛྙཱ་ན་ཀུ་མཱ་རར་སྙན་བརྒྱུད་གསང་བའི་ཐུགས་དམ་དུ་གདམས་ཤིང༌། གུ་རུ་རིན་པོ་ཆེ་པདྨ་ཐོད་ཕྲེང་དང་མཚོ་རྒྱལ་གྱི་ཐུགས་བཅུད་ཀྱང་ཆུ་བོ་གཅིག་འདྲེས་སུ་འདུས་པའི་ངོ་མཚར་རྨད་དུ་བྱུང་བའི་ཆོས་སྡེའི་ བྱིན་རླབས་ཀྱི་ཚན་ཁ་ཐོབ་སྟེ་ལུང་ཟིན་རྩ་བའི་ཆོས་བདག་འཇམ་མགོན་བླ་མ་རིན་པོ་ཆེར་ཕུལ་བས་དགྱེས་བཞེས་ཀྱིས་རྟེན་འབྲེལ་ལེགས་ཚོགས་སྨིན་པའི་རྡོ་རྗེ་ཕུར་པའི་རྩ་བའི་དབང་བསྐུར་ཞུ་བའི་ཆེད་དུ་མཎྜལ་ཕུལ། བླ་མ་དང་དཀྱིལ་འཁོར་གྱི་གཙོ་བོ་གཉིས་སུ་མེད་པ་ལ་དད་མོས་གདུང་ཤུགས་དྲག་པོས་པུས་བཙུགས་ཐལ་སྦྱར་དང་བཅས་གསོལ་བ་འདེབས་པ་འདིའི་རྗེས་ཟློས་མཛོད། སངས་རྒྱས་ཀུན་གྱི་ཡེ་ཤེས་སྐུ༔ ཕྲིན་ལས་སྟོབས་རྫོགས་ཀཱི་ལ་ཡ༔ དཔལ་ཆེན་ཀརྨ་ཧེ་རུ་ཀའི༔ དཀྱིལ་འཁོར་གཉན་པོར་འཇུག་པར་འཚལ༔ ལན་གསུམ། སྐྱབས་འགྲོ་སེམས་བསྐྱེད། ཡན་ལག་བརྒྱད་པའི་བསགས་སྦྱང༌། སྡོམ་བཟུང༌། རྡོ་རྗེའི་རྣལ་འབྱོར་དུ་སེམས་བསྐྱེད་པ་བཅས་སྟ་གོན་སྐབས་ལྟར་བྱས་མཐར། དེ་ཡང་གསང་སྔགས་ཀྱི་དབང་མ་ཐོབ་པར་གསང་སྔགས་འཆད་དུ་མི་རུང་ཞིང༌། བསྒོམ་པའི་སྐལ་པ་མི་ལྡན་ལ། དེས་ན་བླ་མ་མཚན་ཉིད་དང་ལྡན་པས་ཆོ་ག་མ་འཁྲུལ་པའི་སྒོ་ནས་མངོན་པར་དབང་བསྐུར་ན་ཡོན་ཏན་ཐམས་ཅད་སྐྱེ་བའི་སྣོད་དུ་འགྱུར་བ་མ་ཟད། ཟབ་མོའི་དཀྱིལ་འཁོར་འདི་ལྟ་བུར་དབང་ཐོབ་ཅིང་ལམ་བསྒོམ་ན་བརྩོན་འགྲུས་དང་སྐལ་པ་རབ་ཚེ་འདི། འབྲིང་འཆི་ཁ། ཐ་མ་སྐྱེ་བ་བདུན་ནས་དཔལ་ཆེན་པོའི་གོ་འཕང་ཐོབ་ཅིང༌། གནས་སྐབས་ཀྱི་དགོས་པའང་དཀྱིལ་འཁོར་དུ་འཇུག་པ་དང༌། རྒྱུད་དང་མན་ངག་ལྟ་ཞིང་སྒོམ་པ་ལ་དབང་བའི་དགོས་པ་དུ་མ་དང་ལྡན་ཀྱང་ཁེ་ཉེན་ཤིན་ཏུ་ཆེ་བས་ལྷ་དང་སྐལ་མཉམ་དུ་འཇུག་པར་དོན་འདྲི་བ་འདི་ལ་གསན་པས་ཁྱབ་པར་གདའ། བུ་ཀྱཻ༔ འབྲས་བུ་རྡོ་རྗེ་ཐེག་པ་ནི༔ འཇུག་པར་དཀའ་ལ་ཁེ་ཉེན་ཆེ༔ འདའ་དཀའི་ས་མ་ཡ་འབུམ་སྡེ༔ ཉམས་ན་མི་ཟད་སྡུག་བསྔལ་བྱེད༔ འདིར་ཡང་མི་འདོད་དུ་མ་འབྱུང༔ ལེགས་པར་རྟོགས་ཤིག་བློ་གྲོས་ཅན༔ ཨེ་མ་སྔགས་ཀྱི་ལམ་རྨད་བྱུང༔ འཇུག་པ་སྐལ་པ་ལྡན་པའི་བུ༔ དངོས་གྲུབ་ཡ་མཚན་རྨད་བྱུང་བ༔ ཚེ་འདི་ཉིད་ལ་བརྩོན་པས་འགྲུབ༔ དཀྱིལ་འཁོར་ཙམ་ཞིག་མཐོང་བས་ཀྱང༔ སྒྲིབ་བྱང་རྡོ་རྗེའི་རིགས་སུ་འགྱུར༔ དེ་ཕྱིར་འཇུག་པར་ཁྱོད་སྤྲོའམ༔ ཞེས་དྲིས་པས་གསང་བའི་དཀྱིལ་འཁོར་དུ་འཇུག་པ་ལ་མཆོག་ཏུ་དད་པས་སྤྲོ་བར་ཁས་བླང་བར་མོས་པས་འདིའི་རྗེས་ཟློས་མཛོད། ཀྱཻ་ཧོཿ རྡོ་རྗེ་གཞོན་ནུའི་དཀྱིལ་འཁོར་དུ༔ འཇིག་རྟེན་འདས་དང་མ་འདས་པའི༔ དངོས་གྲུབ་ཆེན་པོ་བདག་འཚོལ་གྱིས༔ དེང་འདིར་བདག་ལ་བསྩལ་དུ་གསོལ༔ དེ་ནས་གསང་སྔགས་ཀྱི་དཀྱིལ་འཁོར་དུ་འཇུག་པའི་སྔོན་འགྲོ་དམ་ལ་བཞག་པ་ལ་གསུམ་ལས། །དབང་ཐོབ་ཅིང་དཀྱིལ་འཁོར་དུ་ཞུགས་ནས་སྣོད་མིན་ལ་གསང་བ་བསྒྲགས་པ་སོགས་དམ་ཚིག་ལས་འགལ་ན་རང་བྱུང་ཡེ་ཤེས་ཀྱི་དཀྱིལ་འཁོར་མཐོང་བ་ལ་སྒྲིབ་ཅིང༌། མི་འདོད་པའི་ཆད་པ་དུ་མ་འབྱུང་བས་ཤིན་ཏུ་གཅེས་པས་དམ་ཚིག་ཐུབ་པར་སྲུངས་ཤིག་ཅེས་ཉེས་དམིགས་བཤད་པས་བཀའ་བསྒོ་བའི་སྒོ་ནས་དམ་ལ་བཞག་པ་ནི། རྡོ་རྗེ་སྙིང་གར་བཞག་ལ། ཧཱུྃ༔ རྡོ་རྗེ་གཞོན་ནུའི་དཀྱིལ་འཁོར་ནི༔ ཡེ་ནས་རང་བྱུང་སེམས་ལ་རྫོགས༔ དམ་ཚིག་ཉམས་ན་དེ་ལ་སྒྲིབ༔ དེ་བས་ཤིན་ཏུ་དམ་ཚིག་སྲུངས༔ བཛྲ་ཙིཏྟ་ས་མ་ཡ༔ ལྷ་དང་བླ་མ་ལ་གུས་ཤིང་གསང་བའི་དམ་ཚིག་ཚུལ་བཞིན་བསྲུངས་ནས་དཀྱིལ་འཁོར་དུ་ཞུགས་ན་དངོས་གྲུབ་མཆོག་གི་སྐལ་པ་ལྡན་པར་འགྱུར་བས་བག་ཡོད་པས་བསྒྲིམས་ཏེ་དམ་ཚིག་སྲུངས་ཤིག་ཅེས་ཕན་ཡོན་གྱི་སྒོ་ནས་དམ་ལ་བཞག་པ་ནི། རྡོ་རྗེ་མགོར་བཞག་སྟེ། ཧོཿ དེང་ཁྱོད་རང་སྣང་དཀྱིལ་འཁོར་ཆེར༔ མཆོག་ཏུ་གསང་བས་རབ་ཞུགས་ན༔ ཡེ་ཤེས་དངོས་གྲུབ་ཐོབ་འགྱུར་གྱི༔ གཞན་དུ་སྨྲས་པ་དེ་ལྟར་མིན༔ བཛྲ་གུ་ཧྱ་ས་མ་ཡ་ཧོཿ དམ་ཚིག་བདུད་རྩིའི་ཆུ་འདི་བྱིན་པས། དཔལ་ཆེན་ཡེ་ཤེས་སེམས་དཔའི་བྱིན་རླབས་སྙིང་གར་ཞུགས་པས་མཆོག་ཐུན་གྱི་དངོས་གྲུབ་འབད་མེད་དུ་ཐོབ་པར་འགྱུར་བ་དང༌། དམ་ལས་འགལ་ན་སྲོག་གཅོད་ཀྱི་བདུད་དང་གཤེད་མར་གྱུར་ནས་ཚེ་འདིར་མཐོང་ཆོས་ཀྱི་འབྲས་བུ་མི་བཟད་པ་དང༌། ཕྱི་མ་མནར་མེད་པའི་དམྱལ་མེས་བསྲེག་པར་འགྱུར་བས་ན་ལེགས་ཉེས་ཀྱི་ཤན་འབྱེད་ཁྲིམས་དཔང་ལྟ་བུ་སྟེ། ཕན་ཡོན་དང་ཉེས་དམིགས་གཉིས་ཀ་བསྟན་པའི་སྒོ་ནས་དམ་ལ་བཞག་པ་ནི། ནང་མཆོད་དང་དམ་ཆུ་བསྲེས་པ་བྱིན་ལ། འདི་ནི་རྡོ་རྗེ་བདུད་རྩིའི་ཆུ༔ ཧེ་རུ་ཀ་དཔལ་ཉིད་ཡིན་ཏེ༔ བསྲུང་ན་དངོས་གྲུབ་སེམས་དཔའ་སྩོལ༔ མ་བསྲུང་ངེས་པར་འཚིག་སྟེ་བརླག༔ ས་མ་ཡ་ཨི་དཾ་ཏོ་ད་ཀ་ཋ་ཋ་ཋ་ཧཱུྃ༔ སླར་ཡང་རྡོ་རྗེ་གདེང་སྟེ། དེང་ནས་བརྩམས་ཏེ་བུ་ཁྱོད་ཀྱི༔ རྡོ་རྗེ་གཞོན་ནུ་ང་ཡིན་གྱི༔ ང་ཡིས་ཇི་ལྟར་བསྒོས་པ་རྣམས༔ བརྩོན་པས་ཁྱོད་ཀྱིས་བྱེད་དགོས་སོ༔ ཁྱོད་ཀྱིས་ང་ལ་སྨད་མི་བྱ༔ གང་ཡང་ང་ལ་མ་གུས་མིན༔ གལ་ཏེ་གུས་པར་མ་བྱས་ན༔ སེམས་ཅན་དམྱལ་བ་ཆེན་པོར་ལྟུང༔ དེ་དག་གིས་སྔོན་འགྲོ་དམ་བཞག་བཞི་སོང་ནས། དངོས་གཞི་དཀྱིལ་འཁོར་དུ་འཇུག་པའི་དང་པོ་དཀྱིལ་འཁོར་པ་ལ་གནང་བ་ཞུ་བ་ནི། སློབ་དཔོན་གྱིས་བགྱི་བར་གདའ་སྟེ། སློབ་དཔོན་བཞེངས་ནས་དཀྱིལ་འཁོར་ལ་གདོང་ཕྱོགས་པས་བཏུད་དེ། བདེ་བ་ཆེན་པོ་རྣམ་པར་དག༔ དེ་བཞིན་གཤེགས་པའི་གྲོང་ཁྱེར་མཆོག༔ གསང་བའི་དཀྱིལ་འཁོར་ཆེན་པོ་འདིར༔ བདག་གིས་སློབ་མ་གཞུག་པར་བགྱི༔ ཞེས་གསོལ་བ་བཏབ་པས་ལྷ་ཚོགས་རྣམས་དགྱེས་པ་ཆེན་པོས་གནང་བ་བསྩལ་བར་གྱུར། ཞེས་གདན་ལ་བཞུགས། དེ་ནས་ཆས་སུ་འཇུག་པ་ནི། སྔོན་ཆད་གཉིས་འཛིན་གྱི་ཞེན་རྟོག་འཐུག་པོས་མིག་ལྡོང་བས་དཀྱིལ་འཁོར་གྱི་ལྷ་ཚོགས་མ་མཇལ་བའམ་མཇལ་ནའང་དཀྱིལ་འཁོར་སོ་མ་འདི་ཉིད་མ་མཇལ་བ་མཚོན་བྱེད་དུ་སྤྱན་དར་དམར་པོ་རེས་གདོང་གཡོགས་པའི་མོས་པ་མཛོད། ཨོཾ་ཙཀྵུ་བྷནྡྷ་ཝཱ་ར་མ་ཎ་ཡེ་སྭཱ་ཧཱ། ཞེས་མིག་དར་འཆིང༌། དཀྱིལ་འཁོར་གྱི་ལྷ་དང་མཇལ་བའི་ཚེ་ཕྱག་སྟོང་པར་མཇལ་མི་རུང་བས་ཨུ་དུམ་ཝཱ་རའི་མེ་ཏོག་གི་ཕྲེང་བ་ཁ་དོག་ལྔ་པ་རེ་བཟུང་བའི་མོས་པ་མཛོད། ཨཱ་ཁཾ་བཱི་ར་ཧཱུྃ། ཞེས་མེ་ཏོག་གི་ཕྲེང་བ་གཏད། ནང་འཇུག་གི་དངོས་གཞི་ཡེ་ཤེས་པ་དབབ་པའི་སླད་དུ་སྒོ་གསུམ་གྱི་གནད་གཅུན་ལ་དམིགས་པ་འདི་ལྟར་མཛོད། ལས་ཆུས་བྲན་ཏེ། ཤཱུ་ནྱ་ཏས་སྟོང་པར་སྦྱང༌། སློབ་མའི་ཕུང་ཁམས་སྐྱེ་མཆེད་ཀྱི་མཚོན་པའི་སྣོད་བཅུད་རྒྱུད་གསུམ་གྱི་ཆོས་ཀུན་སྟོང་པར་གྱུར། སྟོང་པའི་ངང་ལས་ཕྱི་སྣོད་རྣམ་པར་དག་པ་འོག་མིན་སྟུག་པོ་བཀོད་པའི་ཞིང་གི་ཟག་མེད་བདེ་བ་ཆེན་པོའི་འབྱོར་པས་བརྒྱན་པའི་དབུས་སུ། ནང་བཅུད་རྣམ་པར་དག་པ་ཁྱེད་རང་རྣམས་གང་དུ་གནས་པའི་གོ་སར་པད་ཉི་བདུད་བཞི་བསྣོལ་བའི་གདན་གྱི་སྟེང་དུ་སེམས་ཉིད་ཀྱི་ངོ་བོ་ཧཱུྃ་མཐིང་ནག་ཡོངས་སུ་གྱུར་པ་ལས་སངས་རྒྱས་ཐམས་ཅད་ཀྱི་ཡེ་ཤེས་ཀྱི་སྐུ་གཅིག་པུ་རབ་འབྱམས་སྲས་བཅས་རྒྱལ་བའི་ཕྲིན་ལས་ཀྱི་མཐུ་སྟོབས་ཡོངས་སུ་རྫོགས་པའི་འཇིགས་མཛད་ཀརྨ་ཧེ་རུ་ཀ་ཆེན་པོ་དཔལ་ཆེན་རྡོ་རྗེ་གཞོན་ནུ་སྐུ་མདོག་མཐིང་ནག་བཻཌཱུ་ཡའི་ལྷུན་པོ་ལྟར་བརྗིད་པ་དབུ་དགུའི་རྩ་ཞལ་གསུམ་དབུས་མཐིང་གཡས་དཀར་གཡོན་དམར། དེའི་སྟེང་ཞལ་གསུམ་ལྗང་སེར་ནག་པ། དེའི་སྟེང་ཞལ་གསུམ་སྨུག་མཐིང་དམར་བ། དབུ་སྐྲ་ཁམ་ནག་གྱེན་དུ་བརྫེས་པའི་དབུས་སུ་རྡོ་རྗེ་ཕྱེད་པའི་ཏོག་གིས་མཚན་པ། ཕྱག་གཡས་བརྒྱད་ཀྱིས་རྡོ་རྗེ་འཁོར་ལོ་དགྲ་སྟྭ་རལ་གྲི་མདུང་ཐོ་བ་ལྕགས་ཀྱུ་གསལ་ཤིང༌། གཡོན་བརྒྱད་ན་མེ་དཔུང་ཁཊྭཱཾ་ག་རི་རབ་ཞགས་པ་བྷན་དམར་སྡིགས་མཛུབ་མདའ་བདུད་བཞིའི་མགོ་བོ་རྣམས་བསྣམས་པ། ཕྱག་ཐ་མ་གཉིས་ཀྱིས་ཕྲིན་ལས་ཀྱི་དོན་རྟགས་རི་རབ་ལྟ་བུའི་ཕུར་པ་འདྲིལ་བ། གར་གྱི་ཉམས་དགུའི་གཟི་བྱིན་ཉི་མ་འབུམ་ལྟར་བརྗིད་པའི་སྐུ་ལ་དཔལ་དང་དུར་ཁྲོད་རོལ་པའི་ཆས་ཀྱིས་བརྒྱན་པའི་ཞབས་བཞི་བརྐྱང་བསྐུམ་གྱིས་དོར་སྟབས་སུ་འགྱིང་བའི་ཡུམ་ཆེན་འཁོར་ལོ་རྒྱས་འདེབས་མཐིང་སྐྱ་ཞལ་གཅིག་ཕྱག་གཉིས་ཀྱིས་ཨུཏྤལ་དང་དུང་ཁྲག་བསྣམས་པ། སྐུ་གཅེར་བུ་ལང་ཚོ་རྒྱས་པ་གཟིག་ཤམ་དང་རུས་པའི་ཕྱག་རྒྱ་ལྔ། ཐོད་སྐམ་གྱི་ཕྲེང་བས་བརྒྱན་པ་དང༌། ཞབས་གཡོན་བརྐྱང་གཡས་བསྐུམ་གྱིས་གཉིས་སུ་མེད་པར་སྦྱོར་ཞིང༌། གཙོ་བོའི་སྐུའི་གཡོན་ཕྱོགས་སུ་སྒྲོལ་ཡུམ་ཨེ་ཀ་ཛཱ་ཊི་ཁྲོ་གཏུམ་མི་སྡུག་པའི་གཟུགས་ཀྱིས་ཡབ་ལ་ལྟ་ཞིང་ཆགས་པའི་ཉམས་ཅན། ཕྱག་གཡས་གྲི་གུག་འཕྱར་ཞིང་གཡོན་པས་དགྲ་སྙིང་ཟ་བ། རུས་པའི་རྒྱན་དང་མགོ་རློན་གྱི་ཕྲེང་བ། ཐོད་སྐམ་གྱི་དབུ་རྒྱན་ཅན་ཞབས་བརྐྱང་བསྐུམ་གྱིས་བསྐལ་པའི་མེ་དཔུང་འབར་བའི་ཀློང་ན་འགྱིང་བའི་དཔྲལ་བར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་མཐིང་ནག་གིས་མཚན་པར་གསལ་བ་དང༌། སློབ་དཔོན་དཔལ་ཆེན་པོར་གསལ་བའི་ཐུགས་ཀའི་འོད་ཟེར་ཅིག་ཅར་དུ་འཕྲོས་པས། ཕྱོགས་བཅུའི་ཞིང་རབ་འབྱམས་རྒྱ་མཚོ་ནས་དུས་གསུམ་གྱི་རྒྱལ་བ་ཐམས་ཅད་ཞི་ཁྲོ་སྐུ་ཡི་རྣམ་རོལ་དུ་གར་ཉམས་སུ་ཁྱུག་ཁྱུག །གཟི་བྱིན་དུ་ལམ་ལམ། འཇའ་ཟེར་ཤིག་ཤིག །མེ་འོད་ལྷག་ལྷག །ཐོག་ཟེར་ཆེམ་ཆེམ། དྲག་སྔགས་འུར་འུར། ནམ་མཁའ་ས་གཞི་བར་སྣང་ཐམས་ཅད་ཁྱབ་པར་བྱོན་ནས་ཁྱེད་རང་རྣམས་ལ་སིབ་སིབ་ཐིམ་བྱུང་སྙམ་པའི་མོས་གུས་གདུང་ཤུགས་དྲག་པོ་རྩེ་གཅིག་ཏུ་མཛད་པར་ཞུ། ཞེས་བརྡ་སྦྱར་ལ། སྤོས་དང་ཌཱ་དྲིལ་དབྱངས་དང་བཅས་པས། ཧཱུྃ༔ རྡོ་རྗེ་གཞོན་ནུའི་རིག་འཛིན་རྣམས༔ སྲིད་པ་ཕུར་བུ་སྒྲུབ་པའི་ཕྱིར༔ སྔོན་གྱི་ཞལ་བཞེས་མ་བསྙེལ་བར༔ གནས་མཆོག་འདི་རུ་བྱིན་ཕོབ་ཅིག༔ ཡེ་ཤེས་ཁྲོ་རྒྱལ་འཁོར་དང་བཅས༔ འཁོར་བ་རྡོ་རྗེར་སྒྲུབ་པའི་ཕྱིར༔ ནམ་མཁའ་ཁྱབ་པའི་གར་དང་བཅས༔ གནས་མཆོག་འདི་རུ་བྱིན་ཕོབ་ཅིག༔ བྲན་དང་བཀའ་ཉན་ཕོ་ཉའི་ཚོགས༔ ཁྱོད་ཀྱི་དམ་ཚིག་དུས་ལ་བབ༔ སྔོན་ཚེ་ཁས་བླངས་དམ་བཅས་བཞིན༔ གནས་མཆོག་འདི་རུ་བྱིན་ཕོབ་ཅིག༔ ནམ་མཁའ་གང་བའི་ལྷ་ཚོགས་རྣམས༔ སྐུ་ཡི་གར་སྟབས་སྣ་ཚོགས་བསྒྱུར༔ རྡོ་རྗེའི་གླུ་བྲོ་གར་དང་བཅས༔ གནས་མཆོག་འདི་རུ་བྱིན་ཕོབ་ཅིག༔ གསུང་ནི་སྔགས་སྒྲ་འབྲུག་ལྟར་སྒྲོགས༔ དགོད་གཤེ་དྲག་ཤུལ་རོལ་པ་ཡིས༔ ས་གསུམ་འཇིགས་པའི་ང་རོ་བཅས༔ གནས་མཆོག་འདི་རུ་བྱིན་ཕོབ་ཅིག༔ ཐུགས་ནི་ཡེ་ཤེས་རྔམས་པའི་དཔལ༔ སྙིང་རྗེ་ཞི་དང་ཁྲོ་བོ་ཡི༔ རིག་རྩལ་དགོངས་པའི་གདེངས་དང་བཅས༔ གནས་མཆོག་འདི་རུ་བྱིན་ཕོབ་ཅིག༔ སྒྲུབ་མཆོག་བདག་ལ་དབང་བཞི་བསྐུར༔ བགེགས་དང་ལོག་འདྲེན་བར་ཆད་སོལ༔ མཆོག་དང་ཐུན་མོང་མ་ལུས་པའི༔ དངོས་གྲུབ་དམ་པ་བསྩལ་དུ་གསོལ༔ གུ་རུ་དྷེ་ཝ་དྷཱ་ཀི་ནི་བཛྲ་ཛྙཱ་ན་ཨ་བེ་ཤ་ཡ་ཨ་ཨ་ཨ༔ ཧྲཱིཾ་ཧྲཱིཾཿ ཕེཾ་ཕེཾ༔ ཞེས་རྟགས་མ་བྱུང་བར་དུ་ནན་ཏན་བྱ། དེ་ལྟར་དབབ་པའི་ཡེ་ཤེས་པ་བརྟན་པར་བྱས་པའི་མོས་པ་མཛོད། ཅེས་རྡོ་རྗེ་མེ་ཏོག་དང་བཅས་པ་སྤྱི་བོར་བཞག་ལ། ཏིཥྛ་བཛྲ་ཞེས་བརྗོད་པས་བརྟན་པར་བྱའོ། དེ་ནས་བརྡའི་སྒོ་དབྱེ་བ་ལ་ཐལ་མོ་ནང་བསྡམ་དཀྲོལ་བཞིན་པས་འདིའི་རྗེས་ཟློས་མཛོད། ཧཱུྃ༔ སྣང་ཞིང་སྲིད་པའི་ཆོས་སོ་ཅོག༔ ཀུན་ཀྱང་དག་པ་ལྷའི་གྲོང་ཁྱེར༔ མ་བཅོས་དོན་གྱི་ལྷ་མཆོག་ལ༔ ཚད་མེད་སྒོ་བཞི་དབྱེ་བས་འཇུག༔ བྷྲཱུཾ་པྲ་ཝེ་ཤ་ཡ་ཕཊ྄༔ དཀྱིལ་འཁོར་གྱི་སྒོ་བཞི་ཤག་གིས་ཕྱེས་པར་མོས་ཤིག །ཅེས་བྱས་ལ་ཡོལ་བ་བསལ་བ་ནི་ཕྱི་འཇུག་གོ །དཀྱིལ་འཁོར་གསུམ་ལ་ཕྱག་འཚལ་བར་མོས་ལ་འདིའི་རྗེས་ཟློས་མཛོད། ཧོཿ ལྷ་དང་རང་སེམས་བཟང་ངན་བྲལ༔ གཉིས་མེད་རང་སྣང་སྤྱི་དཔལ་ཆེ༔ ཨེ་མ་ངོ་མཚར་རྨད་བྱུང་བ༔ རྡོ་རྗེའི་ལྟ་བའི་ཕྱག་གིས་འདུད༔ ཨ་ལ་ལ་ཧོཿ གཉིས་པ་ནང་འཇུག་ནི། སློབ་དཔོན་གྱི་ཕྱག་གི་རྡོ་རྗེ་ཕྱེད་བྱིན་ཏེ། ཛཿཧཱུྃ་བྃ་ཧོཿ ཞེས་བརྗོད་པས་འདོད་སྣམ་གྱི་སྟེང་ནས་ལན་གསུམ་བསྐོར་ཏེ། ཤར་སྒོའི་ནང་དུ་ཞུགས་པར་མོས་ཤིག །སྔར་གཏད་པའི་མེ་ཏོག་དེ་དཀྱིལ་འཁོར་གྱི་ལྷ་ཚོགས་ལ་ཕྱག་རྟེན་དུ་འབུལ་སྙམ་པས་ཐལ་སྦྱར་བར་དུ་བཟུང་བས་འདིའི་རྗེས་ཟློས་མཛོད། དུར་ཁྲོད་གསང་བ་མཆོག་གི་དཀྱིལ་འཁོར་དུ༔ རིན་ཆེན་བྱང་ཆུབ་སེམས་ཀྱི་མེ་ཏོག་འདི༔ སྐུ་གསུང་ཐུགས་ཀྱི་དབྱིངས་སུ་བདག་འབུལ་གྱིས༔ དངོས་གྲུབ་རྣམ་གཉིས་བདག་ལ་བསྩལ་དུ་གསོལ༔ བོ་དྷི་ཙིཏྟ་ཨ་པྲ་ཏི་པཱུ་ཛ་ཧོཿ ཞེས་བརྗོད་དེ་མེ་ཏོག་འདོར་དུ་བཅུག་ནས་དབུས་དང་ཕྱོགས་མཚམས་གང་དུ་བབ་པ་བརྟགས་ལ་རིགས་དང་མཐུན་པའི་གསང་མཚན། རྡོ་རྗེ་ཕྲིན་ལས་གྲུབ་པ་རྩལ། བདེ་གཤེགས་སྣང་མཛད་དགྱེས་པ་རྩལ་སོགས་བཏགས། དེ་ལྟར་ཁྱེད་རང་རྣམས་ཀྱི་མེ་ཏོག་དབུས་དང་ཕྱོགས་མཚམས་གང་དུ་ཕོག་ཀྱང་འདྲ་སྟེ། དཀྱིལ་འཁོར་ལྷ་ཚོགས་ཀུན་གྱི་ཁྱབ་བདག་དཔལ་ཆེན་གཙོ་བོའི་ཐུགས་ཀ་ཁོ་ནར་བབ་པ་ཡིན་ཏེ། འཁོར་གྱི་དཀྱིལ་འཁོར་ཐམས་ཅད་ཀྱང་གཙོ་བོའི་ཡེ་ཤེས་ཀྱི་རང་མདངས་གང་འདུལ་གྱི་རོལ་པར་འཆར་བ་ཡིན་པའི་ཕྱིར། ཁྱེད་ཅག་རྣམས་ཀྱི་ལྷ་སྐལ་དུ་ཡི་དམ་དཔལ་ཆེན་རྡོ་རྗེ་གཞོན་ནུ་ཉིད་བསྙེན་ཅིང་སྒྲུབ་པར་བྱ། ལྷ་དང་མི་འབྲལ་ཞིང་རང་རྒྱུད་བྱིན་གྱིས་བརླབ་པའི་བརྡར་མེ་ཏོག་དེ་ཉིད་དབང་རྟགས་སུ་སྤྱི་བོར་བཅིང་པའི་མོས་པ་མཛོད། པྲ་ཏཱིཙྪ་གྲྀཧྣ་སྟྭཾ་ཨི་མཾ་སཏྭ་མ་ཧཱ་བ་ལ། ཞེས་མེ་ཏོག་སྤྱི་བོར་བཅིངས། མིག་དར་དང་ལྷན་ཅིག་ཏུ་མ་རིག་པའི་ལིང་ཐོག་ཀྱང་བསལ་བའི་མོས་པ་མཛོད། ཧཱུྃ༔ སྔོན་གྱི་རྒྱལ་བ་མིག་མཁན་གྱིས༔ གཟུང་འཛིན་རབ་རིབ་བསལ་བ་ལྟར༔ བུ་ཁྱོད་ཀྱི་ནི་མི་ཤེས་པའི༔ རབ་རིབ་ང་ཡིས་བསལ་བར་བྱ༔ བཛྲ་ཙཀྵུ་པྲ་བེ་ཤ་ཡ་ཕཊ྄༔ ཅེས་མིག་དར་དབྱེ། དཀྱིལ་འཁོར་བསྟན་པ་ནི། ཧོཿ བུ་ཁྱོད་རྩོལ་སེམས་མ་ཆུང་ཞིག༔ རང་བྱུང་ཡེ་ཤེས་ཕྱི་ནང་མེད༔ ཟང་ཐལ་བླ་མེད་ཡི་དམ་ལྷ༔ རང་ལ་རྟག་ཏུ་གནས་པའི་ཕྱིར༔ ཕྱི་ནང་གསང་བ་དེ་ཁོ་ནའི༔ དཀྱིལ་འཁོར་བཟང་པོ་འདི་ལ་ལྟོས༔ སྔགས་དང་ཕྱག་རྒྱའི་དངོས་གྲུབ་ཐོབ༔ རྟག་ཏུ་དམ་ཚིག་གཉན་པོ་སྲུངས༔ ས་མ་ཡ་ཨི་དན་ན་ར་ཀན༔ འདིར་སྤྲོ་ན་རྟེན་དང་བརྟེན་པའི་མངོན་རྟོགས་རྒྱས་པར་བརྗོད། བསྡུ་ན། མདུན་གྱི་དཀྱིལ་འཁོར་སྲུང་བའི་གུར་ཁང་དུར་ཁྲོད་བརྒྱད་དང་བཅས་པ་གཟུང་འཛིན་འཁྲུལ་རྟོག་གི་བདུད་བཅོམ་ཞིང་ཚོགས་བརྒྱད་དག་པའི་དབུས་སུ་དུར་ཁྲོད་འབར་བའི་གཞལ་ཡས་ཁང་རྒྱན་དང་མཚན་ཉིད་ཡོངས་སུ་རྫོགས་པ་བྱང་ཆུབ་ཕྱོགས་ཀྱི་ཆོས་རྣམ་པར་དག་པའི་ནང་དུ། ང་བདག་ཉོན་མོངས་དག་པ་རུ་ཏྲ་ལ་སོགས་པའི་གདན་ལ་དཀྱིལ་འཁོར་གཙོ་བོ་རྡོ་རྗེ་གཞོན་ནུ་དབུ་དགུ་སྒེག་གཏུམ་དཔའ་བའི་ཉམས་ཀྱིས་བརྗིད་པའི་མཚན་དཔེའི་དཔལ་དུ་འབར་ཞིང༌། ཕྱག་བཅོ་བརྒྱད་ཀྱིས་འཇིགས་པའི་མཚོན་ཆ་རྣམ་པ་སྣ་ཚོགས་འཛིན་པ། དཔལ་དང་དུར་ཁྲོད་རོལ་པའི་ཆས་ཀྱིས་བརྗིད་པས་སྦྱོར་ཡུམ་འཁོར་ལོ་རྒྱས་འདེབས་སྐུ་ལ་འཁྲིལ་ཞིང་སྒྲོལ་ཡུམ་ཨེ་ཀ་ཛཱ་ཊིས་གཡོན་ནས་བསྟེན་པ་ནི་སངས་རྒྱས་ཐམས་ཅད་འདུས་པའི་བདག་ཉིད་ཅན། ཡིད་ཆོས་རྣམ་པར་དག་པའི་རང་བཞིན། རྩིབས་བཅུ་ལ་ས་བཅུའི་དབང་ཕྱུག་ཞིང་བཅུ་སྒྲོལ་བའི་ཕྱིར་ཁྲོ་བོ་བཅུ་ཞལ་གསུམ་ཕྱག་དྲུག་གར་གྱི་ཉམས་དགུས་དཔའ་ཞིང་དཔལ་དང་དུར་ཁྲོད་ཀྱི་ཆས་ཀྱིས་སྤྲས་པ་ལ་མི་དགེ་བ་བཅུ་གནས་སུ་དག་ནས་ཕར་ཕྱིན་བཅུའི་དོན་མཐར་ཕྱིན་པའི་ཁྲོ་མོ་བཅུས་མཉམ་པར་སྦྱོར་བ། ཉོན་མོངས་པ་ཉི་ཤུ་རྣམ་པར་དག་པའི་ཕྲ་ཐབས་ཉི་ཤུ་གཡས་གཡོན་དུ་འགྱེད་པ། དཀྱིལ་འཁོར་གྲྭ་བཞིར་སྐུ་གསུང་ཐུགས་ཡེ་ཤེས་རྡོ་རྗེའི་བདག་ཉིད་ཅན་ཀཱི་ལ་ཡ་རིགས་བཞི་སྐུ་སྟོད་ཁྲོ་བོ་ལ། སྐུ་སྨད་ཕུར་བུའི་དབལ་དགྲ་བགེགས་ཀྱི་སྙིང་ལ་ཟུག་པ་ནི་རྡོ་རྗེ་བཞི་ཡི་ཡེ་ཤེས་ཀྱི་བདག་ཉིད། གཙོ་བོའི་མདུན་དང་གཡས་གཡོན་དུ་ཟླ་གམ་གསུམ་དུ་སྲིད་པ་གསུམ་གྱི་གདུག་ཅན་སྒྲོལ་བྱེད་འབར་བའི་སྲས་མཆོག་ཉེར་གཅིག །སྒོ་བཞིར་ཕྲིན་ལས་བཞི་སྒྲུབ་པའི་གདོང་ཅན་མ་བཞི། ནང་དང་ཕྱི་ཡི་ཁྱམས་ལ་ཕུང་ཁམས་རྟོག་ཚོགས་རྣམ་པར་དག་པ་དམ་ཅན་ཕུར་སྲུང་ཕོ་ཉའི་རང་བཞིན་དུ་གྱུར་པ་སྟེ། མདོར་ན་སློབ་དཔོན་ལུས་དཀྱིལ་དང་བཅས་པ་བདག་ཉིད་རྩ་བའི་དཀྱིལ་འཁོར། དེའི་འཁོར་དུ་ཕྱོགས་བཅུའི་ཁྲོ་བོའི་དཀྱིལ་འཁོར། མདུན་གྱི་དཀྱིལ་འཁོར་མཚན་མ་རྫས་ཀྱི་དཀྱིལ་འཁོར་ཏེ་ཡེ་ཤེས་རང་སྣང་གཅིག་ལས་ཐ་དད་པའི་ཚུལ་གྱིས་ཆུ་ཟླའི་གཟུགས་བརྙན་བཞིན་ཤར་བ་དེ་ཉིད་མངོན་སུམ་དུ་མཇལ་བས་མཚོན་བྱེད་དཔེ་ཡི་དཀྱིལ་འཁོར་དེས། མཚོན་བྱ་རང་བྱུང་གི་ཡེ་ཤེས་ཀྱི་དཀྱིལ་འཁོར་མཐོང་བའི་རྒྱུར་བྱས་ཏེ་ཕྱི་ནང་གི་འཛིན་རྟོག་ཐམས་ཅད་ལྷ་དང་ཡེ་ཤེས་ཀྱི་རོལ་པར་ཤར་བའི་མོས་པ་མཛོད། དེ་དག་གིས་འཇུག་པའི་ཆོས་འཁོར་དང་བཅས་པ་སོང་བས་ལམ་ལྔ་ལས་དད་པའི་ས་ཚོགས་ཀྱི་ལམ་གྱི་རྟོགས་པ་རྒྱུད་ལ་སྐྱེ་བའི་མཐུ་དང་ལྡན་པར་བྱས་པའོ། །དབང་དངོས་གཞི་ལ་བུམ་དབང༌། གསང་དབང༌། ཤེས་རབ་ཡེ་ཤེས། བཞི་པ་ཚིག་དབང་རྣམས་སུ་ཡོད་པ་ལས། བུམ་དབང་ལའང་སློབ་མ་དང༌། སློབ་དཔོན་གྱི་དབང་གཉིས་ལས། དང་པོ་རྡོ་རྗེ་སློབ་མའི་དབང་ཞུ་བའི་ཡོན་དུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས་མཛོད། ཧེ་རུ་ཀ་དཔལ་བླ་མ་དགོངས༔ བདག་ཅག་རྡོ་རྗེའི་རིགས་ཅན་དུ༔ བསྒྲུབ་པ་སྐལ་པ་ཤིན་ཏུ་བཟང༔ འཇུག་ཅིང་སྨིན་པའི་བཀའ་དྲིན་སྩོལ༔ ལན་གསུམ་བརྗོད། དངོས་གཞི་མངོན་པར་དབང་བསྐུར་བ་སྒྲུབ་པར་བྱེད་པ་ལ། རིགས་པའི་དབང་ལྔའི་ཐོག་མར་མི་བསྐྱོད་པ་ཆུ་ཡི་དབང་གི་དོན་དུ་དམིགས་པ་འདི་བཞིན་དུ་མཛོད། སྭ་བྷཱ་ཝ་སོགས། སློབ་མ་དང་དབང་རྫས་བུམ་པ་སྟོང་པའི་ངང་ལས་པད་ཉི་ལ་གནས་པའི་ཧཱུྃ་ལས་རྡོ་རྗེ་ཧཱུྃ་གིས་མཚན་པ་ལས། བཛྲ་ཧེ་རུ་ཀ་ཡབ་ཡུམ་སྐུ་མདོག་མཐིང་ནག །རྡོ་རྗེ་དང་དྲིལ་བུ་འཛིན་པ། དུར་ཁྲོད་ཀྱི་ཆས་ཐམས་ཅད་རྫོགས་པའོ། །དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ཡེ་ཤེས་པ་བཛྲ་ས་མཱ་ཛཿ ཛཿཧཱུྃ་བྃ་ཧོཿ གཉིས་སུ་མེད་པར་ཐིམ། དབང་རྫས་ཀྱི་ལྷ་ཞུ་བ་ལས་ཡེ་ཤེས་ཀྱི་བུམ་ཆུར་གྱུར་པ་སློབ་དཔོན་དང་དཀྱིལ་འཁོར་གྱི་གཙོ་བོ་དབྱེར་མེད་པས་ཐོགས་ཏེ་བཀྲ་ཤིས་པའི་རྣམ་པ་དུ་མ་དང་བཅས་ཏེ་ཁྱེད་རང་རྣམས་ལ་དབང་བསྐུར་བའི་མོས་པ་མཛོད། སློབ་དཔོན་གྱིས་རྣམ་རྒྱལ་བུམ་པས་དབང་བསྐུར་ཏེ། ཧཱུྃ༔ ཞེ་སྡང་བདུད་འཇོམས་ཧེ་རུ་ཀ༔ བཛྲ་སྤྱི་དཔལ་མེ་ལོང་གི༔ ཡེ་ཤེས་བུམ་ཆུའི་དབང་བསྐུར་བས༔ སྒྲིབ་དག་སྐལ་པ་མཆོག་ལྡན་ཤོག༔ ཨོཾ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ བུམ་ཆུ་སྦྱིན་ཞིང་ཟེགས་མ་སྤྱི་བོར་འཐོར་བ་དང་བཅས། ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང༌། དྲི་མ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན་པར་གྱུར། དེ་ལྟར་ན་ཁྱེད་རང་རྣམས་ཀྱིས་མི་བསྐྱོད་པའི་སྒོ་ནས་ཆུའི་མངོན་པར་དབང་བསྐུར་བ་ཐོབ། ཞེ་སྡང་དག །རྣམ་པར་ཤེས་པའི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་གྱུར། མི་བསྐྱོད་པའི་བག་ཆགས་དང་ས་བོན་རྒྱུད་ལ་བཞག་གོ །རིན་ཆེན་འབྱུང་ལྡན་ཅོད་པན་གྱི་དབང་གི་དོན་དུ་དམིགས་པ་འདི་བཞིན་དུ་མཛོད། སྭ་བྷཱ་ཝ་སོགས། སློབ་མ་དང་དབང་རྫས་དབུ་རྒྱན་དང་དར་དཔྱང་སྟོང་པའི་ངང་ལས་པད་ཉི་ལ་གནས་པའི་ཏྲཱྃ་ལས་རིན་པོ་ཆེ་ཏྲཱྃ་གིས་མཚན་པ་ལས་རཏྣ་ཧེ་རུ་ཀ་ཡབ་ཡུམ་སྐུ་མདོག་སེར་ནག་རིན་པོ་ཆེ་དང་དྲིལ་བུ་འཛིན་པ། དུར་ཁྲོད་ཀྱི་ཆས་ཐམས་ཅད་རྫོགས་པའོ། །དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ཡེ་ཤེས་པ་བཛྲ་ས་མཱ་ཛཿ ཛཿཧཱུྃ་བྃ་ཧོཿ གཉིས་སུ་མེད་པར་ཐིམ། དབང་རྫས་ཀྱི་ལྷ་ཞུ་བ་ལས་དབུ་རྒྱན་དར་དཔྱང་དང་བཅས་པར་གྱུར་པ་སློབ་དཔོན་དང་དཀྱིལ་འཁོར་གྱི་གཙོ་བོ་དབྱེར་མེད་པས་ཐོགས་ཏེ་བཀྲ་ཤིས་པའི་རྣམ་པ་དུ་མ་དང་བཅས་ཏེ་ཁྱེད་རང་རྣམས་ལ་དབང་བསྐུར་བའི་མོས་པ་མཛོད། རིན་པོ་ཆེའི་དབུ་རྒྱན་སྤྱི་བོར་བཅིངས་ཏེ། ཏྲཱྃ༔ ང་རྒྱལ་བདུད་འཇོམས་ཧེ་རུ་ཀ༔ རཏྣ་སྤྱི་དཔལ་ཡེ་ཤེས་ཀྱི༔ ཕྱག་རྒྱ་དབུ་རྒྱན་དབང་བསྐུར་བས༔ མཉམ་ཉིད་རྟོགས་པའི་དབང་ཐོབ་ཤོག༔ རཏྣ་མུ་ཀུ་ཊ་ཨ་བྷི་ཥིཉྩ་ཏྲཱྃ༔ མཐའ་རྟེན་བུམ་པའི་ཆུས་སྤྱི་བོ་ནས་དབང་བསྐུར་བའི་མོས་པ་མཛོད། ཨོཾ་བཛྲི་བྷ་ཝ་ཨ་བྷི་ཥིཉྩ་ཧཱུྃ། ཞེས་རྣམ་རྒྱལ་བུམ་པའི་ཆུ་ཀུ་ཤས་འཐོར་ལ། ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང༌། དྲི་མ་དག །ཆུའི་ལྷག་མ་ཡར་ལུད་པ་ལས་རྣ་ལྟག་གཡས་སུ་རིན་ཆེན་འབྱུང་ལྡན་གྱིས་དབུ་བརྒྱན་པར་གྱུར། དེ་ལྟར་ན་ཁྱེད་རང་རྣམས་ཀྱིས་རིན་ཆེན་འབྱུང་ལྡན་གྱི་སྒོ་ནས་དབུ་རྒྱན་གྱི་མངོན་པར་དབང་བསྐུར་བ་ཐོབ། ང་རྒྱལ་དག །ཚོར་བའི་ཕུང་པོ་གནས་གྱུར། མཉམ་པ་ཉིད་ཀྱི་ཡེ་ཤེས་མངོན་དུ་གྱུར། རིན་ཆེན་འབྱུང་ལྡན་གྱི་བག་ཆགས་དང་ས་བོན་རྒྱུད་ལ་བཞག་གོ །སྣང་བ་མཐའ་ཡས་རྡོ་རྗེའི་དབང་གི་དོན་དུ་དམིགས་པ་འདི་བཞིན་དུ་མཛོད། སྭ་བྷཱ་ཝ་སོགས། སློབ་མ་དང་དབང་རྫས་རྡོ་རྗེ་སྟོང་པའི་ངང་ལས་པད་ཉི་ལ་གནས་པའི་ཧྲཱིཿལས་པདྨ་ཧྲཱིཿས་མཚན་པ་ལས་པདྨ་ཧེ་རུ་ཀ་ཡབ་ཡུམ་སྐུ་མདོག་དམར་ནག །པདྨ་དང་དྲིལ་བུ་འཛིན་པ། དུར་ཁྲོད་ཀྱི་ཆས་ཐམས་ཅད་རྫོགས་པའོ། །དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ཡེ་ཤེས་པ་བཛྲ་ས་མཱ་ཛཿ ཛཿཧཱུྃ་བྃ་ཧོཿ གཉིས་སུ་མེད་པར་ཐིམ། དབང་རྫས་ཀྱི་ལྷ་ཞུ་བ་ལས་རྡོ་རྗེར་གྱུར་པ་སློབ་དཔོན་དང་དཀྱིལ་འཁོར་གྱི་གཙོ་བོ་དབྱེར་མེད་པས་ཐོགས་ཏེ་བཀྲ་ཤིས་པའི་རྣམ་པ་དུ་མ་དང་བཅས་ཏེ་ཁྱེད་རང་རྣམས་ཀྱི་ལག་པ་གཡས་སུ་གཏད་དེ་དབང་བསྐུར་བའི་མོས་པ་མཛོད། རྡོ་རྗེ་ལག་གཡས་སུ་གཏད། ཧྲཱིཿ འདོད་ཆགས་བདུད་འཇོམས་ཧེ་རུ་ཀ༔ པདྨ་སྤྱི་དཔལ་སོར་རྟོག་གི༔ ཡེ་ཤེས་རྡོ་རྗེའི་དབང་བསྐུར་བས༔ རྗེས་ཆགས་དབང་གི་དོན་རྟོགས་ཤོག༔ བཛྲི་བྷ་ཝ་ཨ་བྷི་ཥིཉྩ་ཧྲཱིཿ མཐའ་རྟེན་བུམ་པའི་ཆུས་སྤྱི་བོ་ནས་དབང་བསྐུར་བའི་མོས་པ་མཛོད། བཛྲི་བྷ་ཨ་བྷི་ཥིཉྩ་ཧཱུྃ། ཞེས་རྣམ་རྒྱལ་བུམ་པའི་ཆུ་ཀུ་ཤས་འཐོར། ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང༌། དྲི་མ་དག །ཆུའི་ལྷག་མ་ཡར་ལུད་པ་ལས་ལྟག་པར་སྣང་བ་མཐའ་ཡས་ཀྱིས་དབུ་བརྒྱན་པར་གྱུར། དེ་ལྟར་ཁྱེད་རང་རྣམས་ཀྱིས་སྣང་བ་མཐའ་ཡས་ཀྱི་སྒོ་ནས་རྡོ་རྗེའི་མངོན་པར་དབང་བསྐུར་བ་ཐོབ། འདོད་ཆགས་དག །འདུ་ཤེས་ཀྱི་ཕུང་པོ་གནས་གྱུར། སོ་སོར་རྟོག་པའི་ཡེ་ཤེས་མངོན་དུ་གྱུར། སྣང་བ་མཐའ་ཡས་ཀྱི་བག་ཆགས་དང་ས་བོན་རྒྱུད་ལ་བཞག་གོ །དོན་ཡོད་གྲུབ་པ་དྲིལ་བུའི་དབང་གི་དོན་དུ་དམིགས་པ་འདི་བཞིན་དུ་མཛོད། སྭ་བྷཱ་ཝ་སོགས། སློབ་མ་དང་དབང་རྫས་དྲིལ་བུ་སྟོང་པའི་ངང་ལས་པད་ཉི་ལ་གནས་པའི་ཨཱཿལས་དྲིལ་བུ་ཨཱཿས་མཚན་པ་ལས་ཀརྨ་ཧེ་རུ་ཀ་ཡབ་ཡུམ་སྐུ་མདོག་ལྗང་ནག་རལ་གྲི་དང་དྲིལ་བུ་འཛིན་པ། དུར་ཁྲོད་ཀྱི་ཆས་ཐམས་ཅད་རྫོགས་པའོ། །དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ཡེ་ཤེས་པ་བཛྲ་ས་མཱ་ཛཿ ཛཿཧཱུྃ་བྃ་ཧོཿ གཉིས་སུ་མེད་པར་ཐིམ། དབང་རྫས་ཀྱི་ལྷ་ཞུ་བ་ལས་དྲིལ་བུར་གྱུར་པ་སློབ་དཔོན་དང་དཀྱིལ་འཁོར་གྱི་གཙོ་བོ་དབྱེར་མེད་པས་ཐོགས་ཏེ་བཀྲ་ཤིས་པའི་རྣམ་པ་དུ་མ་དང་བཅས་ཏེ་ཁྱེད་རང་རྣམས་ཀྱི་ལག་པ་གཡོན་དུ་གཏད་དེ་དབང་བསྐུར་བའི་མོས་པ་མཛོད། དྲིལ་བུ་དཀྲོལ་ཞིང་ལག་གཡོན་དུ་གཏད་ལ། ཨཱཿ ཕྲག་དོག་བདུད་འཇོམས་ཧེ་རུ་ཀ༔ ཀརྨ་སྤྱི་དཔལ་བྱ་བ་གྲུབ༔ ཤེས་རབ་དྲིལ་བུའི་དབང་བསྐུར་བས༔ དོན་གཉིས་རྫོགས་པའི་གནས་ཐོབ་ཤོག༔ ཀརྨ་གཎྜེ་ཨ་བྷི་ཥིཉྩ་ཨཿ མཐའ་རྟེན་བུམ་པའི་ཆུས་སྤྱི་བོ་ནས་དབང་བསྐུར་བའི་མོས་པ་མཛོད། བཛྲི་བྷ་ཝ་ཨ་བྷི་ཥིཉྩ་ཧཱུྃ། ཞེས་རྣམ་རྒྱལ་བུམ་པའི་ཆུ་ཀུ་ཤས་འཐོར། ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང༌། དྲི་མ་དག །ཆུའི་ལྷག་མ་ཡར་ལུད་པ་ལས་རྣ་ལྟག་གཡོན་དུ་དོན་ཡོད་གྲུབ་པས་དབུ་བརྒྱན་པར་གྱུར། དེ་ལྟར་ཁྱེད་རང་རྣམས་ཀྱིས་དོན་ཡོད་གྲུབ་པའི་སྒོ་ནས་དྲིལ་བུའི་མངོན་པར་དབང་བསྐུར་བ་ཐོབ། ཕྲག་དོག་དག །འདུ་བྱེད་ཀྱི་ཕུང་པོ་གནས་གྱུར། བྱ་བ་གྲུབ་པའི་ཡེ་ཤེས་མངོན་དུ་གྱུར། དོན་ཡོད་གྲུབ་པའི་བག་ཆགས་དང་ས་བོན་རྒྱུད་ལ་བཞག་གོ །རྣམ་པར་སྣང་མཛད་མིང་གི་དབང་གི་དོན་དུ་དམིགས་པ་འདི་བཞིན་དུ་མཛོད། སྭ་བྷཱ་ཝ་སོགས། སློབ་མ་དང་དབང་རྫས་རྡོ་རྗེ་དང་དྲིལ་བུ་སྟོང་པའི་ངང་ལས་པད་ཉི་ལ་གནས་པའི་ཨོཾ་ལས་འཁོར་ལོ་ཨོཾ་གྱིས་མཚན་པ་ལས་བུདྡྷ་ཧེ་རུ་ཀ་ཡབ་ཡུམ་སྐུ་མདོག་སྨུག་ནག །འཁོར་ལོ་དང་དྲིལ་བུ་འཛིན་པ། དུར་ཁྲོད་ཀྱི་ཆས་ཐམས་ཅད་རྫོགས་པའོ། །དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། ཡེ་ཤེས་པ་བཛྲ་ས་མཱ་ཛཿ ཛཿཧཱུྃ་བྃ་ཧོཿ གཉིས་སུ་མེད་པར་ཐིམ། དབང་རྫས་ཀྱི་ལྷ་ཞུ་བ་ལས་རྡོར་དྲིལ་བསྣོལ་མར་གྱུར་པ་སློབ་དཔོན་དང་དཀྱིལ་འཁོར་གྱི་གཙོ་བོ་དབྱེར་མེད་པས་ཐོགས་ཏེ་བཀྲ་ཤིས་པའི་རྣམ་པ་དུ་མ་དང་བཅས་ཏེ་ཁྱེད་རང་རྣམས་ལ་དབང་བསྐུར་བའི་མོས་པ་མཛོད། རྡོར་དྲིལ་བསྣོལ་མ་སྤྱི་བོར་བཟུང་སྟེ་དཀྲོལ་ལ། ཨོཾ༔ གཏི་མུག་བདུད་འཇོམས་ཧེ་རུ་ཀ༔ བུདྡྷ་སྤྱི་དཔལ་ཆོས་ཀྱི་དབྱིངས༔ རྡོ་རྗེའི་མིང་གི་དབང་བསྐུར་བས༔ རིགས་ཀྱི་འཁོར་ལོར་ངེས་པར་ཤོག༔ ཀྱཻ་བཻ་རོ་ཙ་ན་ཨོཾ་ཨ་བྷི་ཥིཉྩ་ཧཱུྃ༔ སྔར་བྱིན་པའི་གསང་བའི་མིང་གི་ཐོག་མ་ཀྱཻ་དཔལ། མཐར་དེ་བཞིན་གཤེགས་པའོ། །ཞེས་དྲིལ་བསྒྲགས་མཐར། མཐའ་རྟེན་བུམ་པའི་ཆུས་སྤྱི་བོ་ནས་དབང་བསྐུར་བའི་མོས་པ་མཛོད། བཛྲི་བྷ་ཝ་ཨ་བྷི་ཥིཉྩ་ཧཱུྃ། ཞེས་རྣམ་རྒྱལ་བུམ་པའི་ཆུ་ཀུ་ཤས་འཐོར། ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང༌། དྲི་མ་དག །ཆུའི་ལྷག་མ་ཡར་ལུད་པ་ལས་སྤྱི་བོ་ལ་རྣམ་པར་སྣང་མཛད་ཀྱིས་དབུ་བརྒྱན་པར་གྱུར། དེ་ལྟར་ཁྱེད་རང་རྣམས་ཀྱིས་རྣམ་པར་སྣང་མཛད་ཀྱི་སྒོ་ནས་མིང་གི་མངོན་པར་དབང་བསྐུར་བ་ཐོབ། གཏི་མུག་དག །གཟུགས་ཀྱི་ཕུང་པོ་གནས་གྱུར། ཆོས་ཀྱི་དབྱིངས་ཀྱི་ཡེ་ཤེས་མངོན་དུ་གྱུར། རྣམ་པར་སྣང་མཛད་ཀྱི་བག་ཆགས་དང་ས་བོན་རྒྱུད་ལ་བཞག་གོ །དེ་ལྟར་དབང་ལྔ་བསྐུར་བས། ཉོན་མོངས་ལྔ་ཡེ་ཤེས་ལྔར་གྱུར། ཕུང་པོ་ལྔ་རྒྱལ་བ་རིགས་ལྔའི་ངོ་བོར་སངས་རྒྱས་པ་ཡིན་ནོ། །དེ་རྣམས་ཀྱི་སློབ་མའི་དབང་བསྐུར་བ་སོང་ནས། རྡོ་རྗེ་སློབ་དཔོན་གྱི་དབང་བསྐུར་བའི་དོན་དུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས་མཛོད། ཀྱེ་ཧོ་ཁྱོད་ཀྱི་བཀའ་དྲིན་གྱིས༔ བདག་ལ་རང་དང་གཞན་གྱི་དོན༔ རྫོགས་ཕྱིར་རྡོ་རྗེ་སློབ་དཔོན་དབང༔ ཐུགས་རྗེའི་སྟོབས་དང་ལྡན་པས་བྱིན༔ ལན་གསུམ། དེ་ལྟར་གསོལ་བ་བཏབ་ནས་དམིགས་པ་འདི་བཞིན་དུ་མཛོད། དབང་སྟེགས་ཀྱི་སྟེང་དུ་ཁྱེད་རང་རྣམས་རྡོ་རྗེ་གཞོན་ནུ་ཤེས་རབ་མ་དང་བཅས་པའི་སྐུར་གྱུར་ཏེ། སྟེང་དུ་གདུགས་དཀར་པོ། མཐའ་བསྐོར་དུ་མཆོད་པའི་སྤྲིན་གྱི་ཕུང་པོ་དང་བཅས་པའོ། །ཧཱུྃ་ལས་བྱུང་བའི་རྡོ་རྗེ་དང༌། ཨ་ལས་བྱུང་བའི་དྲིལ་བུ་ཕྱག་གཡས་གཡོན་དུ་བྱིན་པས་དམ་ཚིག་གསུམ་པོ་ཆབས་ཅིག་བྱིན་པའི་མོས་པ་མཛོད། རྡོ་རྗེ་ལག་གཡས་སུ་གཏད་ཅིང་གསོར་ལ། རྡོ་རྗེ་འདི་ནི་ཐབས་ཆེན་པོ༔ སྐུ་ཡི་དབང་གི་མཆོག་ཡིན་ཏེ༔ བདེ་བ་ཆེན་པོའི་ཡེ་ཤེས་ཀྱི༔ དེ་ཉིད་ཤེས་པས་ཁྱོད་ཀྱིས་ལོངས༔ མ་ཧཱ་བཛྲ་ཧོཿ དྲིལ་བུ་ལག་གཡོན་དུ་གཏད་པ་དཀྲོལ་ཞིང་དཀུར་བསྟེན་ཏེ། ཆོས་ཉིད་སྐྱེ་མེད་སྟོང་པ་ཉིད༔ འགག་པ་མེད་པའི་སྒྲ་གདངས་བཅས༔ རང་བྱུང་གསུང་སྟེ་གསུང་གི་མཆོག༔ མཚོན་པར་བྱེད་པའི་དབང་ཡང་སྦྱིན༔ མ་ཧཱ་གཎྜེ་ཧོཿ རྡོར་དྲིལ་ཐུགས་ཀར་བསྣོལ་ཏེ་བཟུང་ལ། ཨེ་མ་རྡོ་རྗེ་སེམས་དཔའ་ཆེ༔ དཀྱིལ་འཁོར་ཀུན་གྱི་དབང་ཕྱུག་གཙོ༔ ཁྱོད་ནི་རྟག་ཏུ་བདེ་ཆེན་ཏེ༔ བཅོམ་ལྡན་སྙེམས་མར་རོལ་པས་དགྱེས༔ ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ན་ཛྙཱ་བཛྲ་སྭ་བྷཱ་ཝ་ཨཏྨ་ཀོ྅ཧཾ༔ དབང་གི་ནུས་པ་ཡོངས་སུ་རྫོགས་པའི་ཕྱིར་སློབ་དཔོན་དང་དཀྱིལ་འཁོར་གྱི་ལྷ་ཚོགས་དབྱེར་མེད་པས་སླར་ཡང་རྣམ་རྒྱལ་བུམ་པའི་ཆུས་དབང་བསྐུར་བའི་མོས་པ་མཛོད། རྣམ་བུམ་བཏེགས་ལ། ཧཱུྃ༔ བུམ་པ་རང་བྱུང་གཞལ་ཡས་ཁང༔ ནང་བཅུད་རིགས་ལྔའི་ཧེ་རུ་ཀ༔ བདེ་ཆེན་བྱང་ཆུབ་སེམས་ཀྱི་ཆུས༔ རིགས་ཀྱི་བུ་ལ་དབང་བསྐུར་རོ༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ །དེ་ལྟར་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང༌། དྲི་མ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པ་ཧེ་རུ་ཀས་གཙོར་མཛད་པའི་ཁྲོ་བོ་རིགས་ལྔས་དབུ་བརྒྱན་པ་ལ་སློབ་དཔོན་གྱིས་མཆོད་པས་མཆོད་པའི་མོས་པ་མཛོད། ཨརྒྷཾ་སོགས། དེ་ལྟར་དབང་ཡོངས་སུ་རྫོགས་པའི་མཐར། རང་དོན་དུ་དཀྱིལ་འཁོར་སྒྲུབ་མཆོད། གཞན་དོན་དུ་དབང་བསྐུར་རྒྱུད་འཆད་ཉན། གཉིས་ཀའི་དོན་དུ་རབ་གནས་སྦྱིན་སྲེག་སོགས་དཀྱིལ་འཁོར་གྱི་ལས་རབ་འབྱམས་སྒྲུབ་པའི་ཡོ་བྱད་རྣམས་གཏད་དེ་མངའ་གསོལ་བའི་མོས་པ་མཛོད། རྗེས་གནང་གི་ཆས་དུང་དང་ཕྱག་ཤིང་སོགས་གཏད་ལ། བུ་ཁྱོད་ཁམས་གསུམ་ལས་རྒྱལ་བའི༔ ཆོས་ཀྱི་རྒྱལ་པོ་ཉིད་ཡིན་པས༔ རང་དང་གཞན་གྱི་དོན་ཆེན་ཕྱིར༔ སློབ་མའི་ཚོགས་ཀུན་བསྡུ་བར་གྱིས༔ རྟག་ཏུ་ཆོས་ཀྱི་འཁོར་ལོ་བསྐོར༔ ལས་རྣམས་མ་ལུས་ཀུན་གྱིས་ཤིག༔ སློབ་དཔོན་དབང་གི་ལྷ་དང་བཅས་པས་མེ་ཏོག་འཐོར་ཞིང་ཁམས་གསུམ་ཆོས་ཀྱི་རྒྱལ་པོར་མངའ་གསོལ་ཞིང་རབ་ཏུ་གནས་པར་མོས་མཛོད། ཡེ་དྷར་བརྗོད་ཅིང་མེ་ཏོག་འཐོར། དེ་དག་གིས་ཁྱེད་རྣམས་ཀྱི་རྒྱུད་ལ་སློབ་དཔོན་གྱི་དབང་ཡན་ལག་དང་བཅས་པ་ཐོབ་པ་ཡིན་པས་དཀྱིལ་འཁོར་བྲི་བ་དང་རབ་ཏུ་གནས་པ་དང་སློབ་མ་བསྡུ་བ་སོགས་ལས་རབ་འབྱམས་སྒྲུབ་པར་གྱིས་ཤིག །དེ་ལྟར་རྡུལ་ཚོན་གྱི་དཀྱིལ་འཁོར་དུ་བུམ་པའི་དབང་བསྐུར་ཐོབ་པས་བསྐྱེད་རིམ་སྲིད་པ་ཕུར་བུའི་རྣལ་འབྱོར་སྤྲོས་པ་དང་བཅས་པ་སྒོམ་པ་ལ་དབང༌། ལམ་ལྔ་ལས་སྦྱོར་ལམ་གྱི་རྟོགས་པ་རྒྱུད་ལ་སྐྱེ་བའི་མཐུ་དང་ལྡན་པར་བྱས། ལུས་ཀྱི་དྲི་མ་དག །སྤྲུལ་པའི་སྐུ་འགྲུབ་པའི་རྟེན་འབྲེལ་འགྲིག་པ་ཡིན་ནོ། །ཞེས་རྟོགས་པ་བསྐྱེད། གསང་བའི་དབང་བསྐུར་ཞུ་བའི་དོན་དུ་མཎྜལ་ཕུལ། གཟུགས་དང་ལང་ཚོས་བརྒྱན་པའི་གཟུངས་མ་ཕྱག་རྒྱའི་དོན་དུ་ཕུལ་བར་མོས་ལ་གསོལ་བ་འདེབས་པ་འདིའི་རྗེས་ཟློས། བདེ་བ་རྡོ་རྗེ་གཞོན་ནུ་ནི༔ སྟོང་ཉིད་ཤེས་རབ་རྒྱས་འདེབས་སྦྱོར༔ ཟུང་འཇུག་བླ་མ་ཧེ་རུ་ཀས༔ བདག་ཅག་སྨིན་པར་མཛད་དུ་གསོལ༔ ལན་གསུམ། སློབ་དཔོན་དཀྱིལ་འཁོར་གྱི་གཙོ་བོ་བཅོམ་ལྡན་འདས་ཡབ་ཡུམ་ཐབས་ཤེས་གཉིས་སུ་མེད་པའི་ཆོ་གས་བདེ་བ་ཆེན་པོའི་ཉམས་སྐྱེད། ཐུགས་ཀའི་ཧཱུྃ་གི་འོད་ཟེར་གྱིས་སྤྱན་དྲངས་པའི་བདེ་བར་གཤེགས་པ་རྣམས་ཞལ་དུ་ཞུགས། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཐུགས་ཀར་བྱང་ཆུབ་སེམས་སུ་ཞུ། སྐུ་ཡི་དབྱིབས་བརྒྱུད་དེ་སློབ་མའི་ལྕེ་ཐོག་ཏུ་བཞག་པར་མོས་ལ། བྷནྡྷའི་བདུད་རྩི་ལྕེ་ཐོག་ཏུ་བཞག་ལ། ཨེ་མ་ཧོཿ སངས་རྒྱས་ཀུན་གྱི་གསང་བ་ནི༔ ལྷག་པའི་བྱང་ཆུབ་སེམས་ཆེན་པོ༔ དེ་རིང་བུ་ལ་སྦྱིན་པར་བྱ༔ རྟོག་པ་བྲལ་བས་རོལ་ཅིག་བུ༔ སློབ་མས་བདུད་རྩི་མྱང་སྟེ། ཨ་ཧོ་མ་ཧཱ་སུ་ཁ་ཧོཿ ཞེས་རྗེས་ཟློས་བྱར་གཞུག །དེ་ལྟར་བྱང་ཆུབ་སེམས་ཀྱི་བདུད་རྩི་མྱངས་བས་ལུས་ཀྱི་རྩ་ཁམས་ཐམས་ཅད་བདེ་བར་སྨིན། རང་བཞིན་བརྒྱད་ཅུའི་རྟོག་པ་འགགས། །གསལ་སྟོང་བདེ་བས་བརྒྱན་པའི་ཏིང་ངེ་འཛིན་རྒྱུད་ལ་སྐྱེས་པར་མོས་ཏེ་ང་རྒྱལ་བཟུང་བ་འདིའི་རྗེས་ཟློས་མཛོད། དེ་རིང་སངས་རྒྱས་ཀུན་དང་མཉམ། །བདག་གི་བསོད་ནམས་སྐལ་པ་ནི། །དཔལ་ལྡན་ཡོན་ཏན་ཀུན་གྱི་རྒྱན། །རྡོ་རྗེ་གཞོན་ནུའི་བདག་ཉིད་དོ། །སློབ་དཔོན་དཀྱིལ་འཁོར་གྱི་གཙོ་བོ་མཆོག་གི་སྤྲུལ་སྐུ་ཤཱཀྱའི་དབང་པོའི་རྣམ་པར་བཞེངས་ནས་ཁྱེད་རང་རྣམས་བྱང་ཆུབ་མཆོག་ཏུ་ལུང་བསྟན་པར་མོས་མཛོད། ཞྭ་ཕུད། སྣམ་སྦྱར་བཞེས། ཆོས་གོས་ཀྱི་གྲྭ་ནས་བཟུང་སྟེ་རྡོར་དྲིལ་ལྷན་ཅིག་བཟུང་བ་སློབ་མའི་སྤྱི་བོར་བཞག་ལ། ཀྱེ། རྡོ་རྗེ་ཕྲིན་ལས་གྲུབ་པ་རྩལ། །ཞེས་བྱ་བའི་དེ་བཞིན་གཤེགས་པའོ། །ཨོཾ་སརྦ་ཏ་ཐཱ་ག་ཏ་བྷུརྦྷུ་ཝ་སྭ། འདི་ལྟར་ངས་ལུང་བསྟན་པས་ཕྱོགས་བཅུའི་སངས་རྒྱས་བྱང་ཆུབ་སེམས་དཔའ་ཐམས་ཅད་དང་དཀྱིལ་འཁོར་གྱི་ལྷ་ཚོགས་ཐམས་ཅད་ཀྱིས་མགྲིན་གཅིག་ཏུ་ལུང་བསྟན་པར་མཛད་པ་འདི་ནི་སྔགས་འདི་དང་ཕྱག་རྒྱ་འདིའི་མཐུའོ། །ཞེས་བརྗོད་ལ་སྣམ་སྦྱར་དང་རྡོར་དྲིལ་བཞག དེ་ལྟར་སློབ་དཔོན་གྱི་ལུས་ཀྱི་དཀྱིལ་འཁོར་དུ་གསང་བ་བྱང་ཆུབ་སེམས་ཀྱི་བདུད་རྩིས་དབང་བསྐུར་བ་ཐོབ་པས་རྫོགས་རིམ་བདེ་ཆེན་བྱང་ཆུབ་སེམས་ཀྱི་ཕུར་པ་རང་ལུས་བདེ་བ་ཆེན་པོའི་རྣལ་འབྱོར་སྒོམ་པ་ལ་དབང༌། ལམ་ལྔ་ལས་དོན་དམ་བྱང་ཆུབ་ཀྱི་སེམས་བསྐྱེད་པ་མཐོང་ལམ་ས་དང་པོའི་རྟོགས་པ་རྒྱུད་ལ་སྐྱེ་བའི་མཐུ་དང་ལྡན་པར་བྱས། ངག་གི་དྲི་མ་དག །ལོངས་སྤྱོད་རྫོགས་པའི་སྐུ་འགྲུབ་པའི་རྟེན་འབྲེལ་འགྲིག་པ་ཡིན་ནོ། །ཤེས་རབ་ཡེ་ཤེས་ཀྱི་དབང་བསྐུར་ཞུ་བའི་དོན་དུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས་མཛོད། བདག་ནི་ཐེག་ཆེན་ཆོས་ལ་སྤྱོད༔ རྟག་ཏུ་བདེ་བ་ཆེན་པོར་འདོད༔ བླ་མེད་ཐབས་ཀྱི་ལམ་མཆོག་ཏུ༔ སྨིན་པའི་སྐལ་བཟང་མཛད་དུ་གསོལ༔ ལན་གསུམ། ཁྱེད་རང་རྣམས་ལ་སློབ་དཔོན་གྱི་ཐུགས་ཀ་ནས་སྤྲོས་པའི་རིག་མ་ལོ་བཅུ་དྲུག་ལོན་ཅིང་ལང་ཚོ་ཕུལ་དུ་བྱུང་བ་མཚན་ཉིད་ཡོངས་སུ་རྫོགས་པ་བྱིན་པར་མོས་མཛོད། ཨེ་མ་བདེ་བ་ཐམས་ཅད་ཀྱི༔ འབྱུང་གནས་རྡོ་རྗེ་སྣ་ཚོགས་གཟུགས༔ བདེ་མཆོག་སྐྱེད་བྱེད་དེང་གཏད་པས༔ རྟོག་པ་བྲལ་བས་རོལ་ཅིག་བུ༔ མ་ཧཱ་ས་མུ་དྲ་ཧོཿ དེ་ལྟར་གཏད་པའི་ཕྱག་རྒྱ་ཁྱེད་རང་རྣམས་ཀྱི་མདུན་དུ་བྱོན་ནས་བདེ་དགའ་སྤེལ་བའི་སྒྱུ་རྩལ་དང་བཅས་གསང་བའི་ཆུ་སྐྱེས་བསྟན་ནས་འདི་སྐད་གསུང་པར་མོས་མཛོད། བུ་ཀྱེ་ང་ཡི་པདྨ་འདིས༔ མཆོག་ཏུ་ཟབ་པའི་ཡེ་ཤེས་སྟོན༔ སངས་རྒྱས་ཐམས་ཅད་འདི་ལས་བྱུང༔ ཁྱོད་ནི་ཡང་དག་ལམ་འདོད་ན༔ གུས་པའི་ཚུལ་གྱིས་བསྟེན་ནུས་སམ༔ གཤང་གཅི་ཁུ་བ་ཁྲག་དང་བཅས༔ རྟོག་པ་བྲལ་བར་རོལ་འདོད་དམ༔ ཞེས་དྲིས་པ་ལ་ལན་གསོལ་བར་མོས་ལ་འདིའི་རྗེས་ཟློས་མཛོད། ཨེ་མ་ཧོ་རྨད་དུ་བྱུང་བའི་ལམ༔ གསང་བ་བས་ཀྱང་ཆེས་གསང་བ༔ བདག་གིས་ཐོབ་པར་ཤིན་ཏུ་འདོད༔ རྟོགས་པར་དཀའ་བའི་ཡེ་ཤེས་དེ༔ བདག་གིས་འདོད་པས་ཁྱོད་ལ་གུས༔ གཙང་དང་དམེ་བ་རྟོག་པ་ཙམ༔ ཐམས་ཅད་མཉམ་པར་རོལ་ལ་སྤྲོ༔ ཞེས་ཞུས་པས་དངོས་གྲུབ་མཆོག་གི་རིགས་ཅན་དུ་དགོངས་ནས་དགྱེས་པའི་ཚུལ་གྱིས་པང་དུ་བྱོན་པར་མོས། རིག་མ་དེ་ཉིད་དགྱེས་ཏེ་རྒྱན་དང་བྲལ་བ་ལུས་ནམ་མཁའི་གོས་ཅན་དུ་བྱས་ལ་གུར་གུམ་དང་སྨན་དྲི་ཞིམ་པོས་བྱུག །ཆུ་སྐྱེས་ཀྱི་རྩ་མཛེས་པའི་བྷ་ག་བསྟན་ནས་པདྨའི་ཆེ་བ་བརྗོད་པར་མོས། སློབ་དཔོན་གྱིས་རིག་མའི་ལག་གཡོན་པ་ཁྱེད་རང་རྣམས་ཀྱི་ལག་གཡས་སུ་གཏད་དེ་རིག་མའི་བརྟུལ་ཞུགས་བྱིན་པར་མོས་མཛོད། ཁྱེད་རང་རྣམས་དཔལ་ཆེན་པོ་རྡོ་རྗེ་གཞོན་ནུ་དང༌། རིག་མ་འཁོར་ལོ་རྒྱས་འདེབས་མར་གསལ་བའི་ཡབ་ཀྱི་གསང་གནས་ཧཱུྃ་ལས་རྡོ་རྗེ་སྔོན་པོ་ཧཱུྃ་གིས་མཚན་པའི་ནོར་བུར་ཨོཾ། རྩེ་མོར་ཕཊ྄་དང་བཅས་པ། ཡུམ་གྱི་མཁའ་ཨ་ལས་པདྨ་ཨས་མཚན་པ། ཡབ་ཀྱི་རྡོ་རྗེ་ནོར་བུའི་རྩ་བར་རྩ་གསུམ་འདུས་པའི་རྩ་གཡས་ལ་ཨོཾ་དཀར་པོ། གཡོན་ལ་ཨཱཿདམར་པོ། དབུས་སུ་ཧཱུྃ་མཐིང་ནག །ཡབ་ཡུམ་འཁྱུད་པ་དང་ཙུམྦ་ན་དང༌། གསང་གནས་སྦྱར་བའི་འདོད་ཆགས་ཆེན་པོས་མེའི་དྲོད་སྐྱེས་ཏེ་ཐིག་ལེའི་དྭངས་མ་རྣམས་ཞུ། ཁྱེད་རང་གི་སྤྱི་བོ་ནས་འཁོར་ལོ་བཞི་བརྒྱུད་དེ་རྡོ་རྗེ་ནོར་བུའི་རྩ་བར་བྱོན་པས་དགའ་བ། དབུས་སུ་བྱོན་པས་མཆོག་དགའ། རྩ་གསུམ་འདོམ་པའི་གནས་སུ་བྱོན་པས་དགའ་བྲལ་གྱི་དགའ་བ། རྡོ་རྗེ་ནོར་བུའི་རྩེ་མོར་བྱོན་པས་མཐར་ཐུག་ལྷན་ཅིག་སྐྱེས་པའི་ཡེ་ཤེས་མངོན་དུ་བྱས་པར་མོས་ཏེ་ཅུང་ཟད་མཉམ་པར་ཞོག །ཕྱིར་བ་ཐག་ཙམ་ཡང་མ་འཛག་པར་བྱས་ཏེ་རླུང་འཕོ་བ་མེད་པའི་གདངས་དང་བཅས་ཧཱུྃ་ཞེས་དྲངས། ཡབ་ཡུམ་སོ་སོའི་ལྟེ་བའི་རྩ་འཁོར་གང་བས་དགའ་བ། ཡར་དྲངས་པ་སྙིང་གའི་རྩ་འཁོར་གང་བས་མཆོག་དགའ། ཡར་དྲངས་པ་མགྲིན་པའི་རྩ་འཁོར་གང་བས་དགའ་བྲལ་གྱི་དགའ་བ། ཡར་དྲངས་པ་སྤྱི་བོའི་རྩ་འཁོར་གང་བས་ལྷན་ཅིག་སྐྱེས་པའི་ཡེ་ཤེས་མངོན་དུ་བྱས་པར་མོས་ལ་ལུས་ཀྱི་འཁྲུལ་འཁོར་དང༌། རླུང་དང་སྤྱོད་ལམ་གྱི་སྒོ་ནས་ལུས་ཐམས་ཅད་ལ་ཁྱབ་པར་དགྲམ་པ་ལ་བརྟེན་ལུས་ཐམས་ཅད་ལ་རྩས་ཁྱབ། རྩ་ཐམས་ཅད་ལ་བྱང་ཆུབ་སེམས་ཀྱིས་ཁྱབ། དེ་ཐམས་ཅད་ལ་བདེ་བ་དང་སྟོང་པ་ཟུང་འཇུག་གིས་ཁྱབ་པ་སྟེ། བདེ་སྟོང་ཟུང་འཇུག་རྣམ་པར་མི་རྟོག་པའི་ངང་ལ་ཅུང་ཟད་མཉམ་པར་འཇོག་པར་ཞུ། དེ་ལྟར་ཐ་མལ་གྱི་རྟོག་པ་སྤངས་ནས་ལྷ་སྔགས་ཆོས་ཉིད་ཀྱི་ཐབས་མཁས་སུ་བསྒྱུར་ནས་རྗེས་ཆགས་སྙོམ་འཇུག་བདེ་བ་ཆེན་པོ་ལ་བརྟེན་ནས་ཞུ་བདེ་ལྷན་ཅིག་སྐྱེས་པ་མངོན་དུ་བྱས་ཏེ། དེའི་མཐུས་སྲིད་པའི་སྡུག་བསྔལ་ལས་འདས་ནས་བདེ་ཆེན་རྡོ་རྗེ་སེམས་དཔའ་ཉིད་དུ་ངེས་པར་འཚང་རྒྱ་བར་འགྱུར་རོ། །དེས་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་དུ་ཤེས་རབ་ཡེ་ཤེས་ཀྱི་དབང་ཐོབ། ལམ་གཞན་ལུས་བདེ་ཆེན་ཕོ་ཉའི་རྣལ་འབྱོར་ཟབ་མོ་སྒོམ་པ་ལ་དབང༌། ལམ་ལྔ་ལས་རྒྱུ་ཡི་ཐེག་པ་མཐར་ཕྱིན་པ་སྒོམ་ལམ་ཀུན་ཏུ་འོད་ཀྱི་རྟོགས་པ་སྐྱེ་བའི་མཐུ་དང་ལྡན་པར་བྱས། ཡིད་ཀྱི་དྲི་མ་དག །ཆོས་ཀྱི་སྐུ་འགྲུབ་པའི་རྟེན་འབྲེལ་འགྲིག་པ་ཡིན་ནོ། །ཚིག་དབང་རིན་པོ་ཆེ་ཞུ་བའི་དོན་དུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས་མཛོད། བླ་མ་དཔལ་ཆེན་ཀུན་ཏུ་བཟང༔ སྲིད་ཞིའི་སྤྱི་དཔལ་དགོངས་སུ་གསོལ༔ བླ་མེད་འོད་གསལ་སྙིང་པོའི་ལམ༔ མངོན་སུམ་བདག་ལ་བསྩལ་དུ་གསོལ༔ ལན་གསུམ། ཁྱེད་རང་རྣམས་ཀྱིས་བརྒྱུད་གསུམ་རིག་འཛིན་བླ་མའི་ཚོགས་ལ་མོས་གུས་རྩེ་གཅིག་གིས་བླ་སློབ་ལྷན་ཅིག་པས་གསོལ་བ་འདི་ལྟར་ཐོབ། ཅེས་བརྡ་སྦྱར། བརྒྱུད་འདེབས་དཔོན་སློབ་ལྷན་ནས་བཏང༌། བླ་མ་དཔལ་ཆེན་པོ་དངོས་སུ་གསལ་བས་ཐ་མལ་གཉིས་སྣང་གི་བགེགས་རིགས་དབྱིངས་སུ་བསྐྲད་པར་མོས་ལ་ལྟ་སྟངས་སྡིག་མཛུབ་དང་བཅས་ཕྱོགས་ཀུན་ཏུ་གཏད་ལ་ཧ་ཧ་ཞེས་པས་རྡོ་རྗེའི་གད་མོ་སྒྲོགས། རིག་པ་གསལ་སྟོང་གཉིས་མེད་མཚོན་པའི་བརྡར་རྡོ་རྗེ་སེམས་དཔའི་མེ་ལོང་འཕྱར་ཞིང༌། དགོངས་པ་རྩེ་གཅིག་ཏུ་གཏད་དེ་དབང་བསྐུར་བ་ཡིན་པས། བླ་མའི་ཐུགས་ཀར་ཨ་ཡིག་མཐིང་གསལ་ནམ་མཁའི་མདོག་ཅན་ཞིག་འོད་ཙེ་རེ་གནས་པ་ལ་སེམས་གཏོད་ཅིག །ཤེལ་རྡོ་ཕྱར་ལ། ཨ༔ ད་ལྟའི་ཤེས་པ་བློ་བྲལ་འདི༔ ཟང་ཐལ་ཀུན་ཁྱབ་ས་ལེ་བ༔ རིག་སྟོང་ཆོས་སྐུའི་དགོངས་པ་འདི༔ ངེས་དོན་རྡོ་རྗེ་གཞོན་ནུ་ཡིན༔ ཨ་ཨ་ཨ༔ དུས་གསུམ་རྟོག་པ་ལས་འདས་པའི༔ སྐྱེ་འགག་གནས་བྲལ་ཆོས་ཀྱི་དབྱིངས༔ རྣམ་ཐར་གསུམ་དང་འདུ་འབྲལ་མེད༔ ཨེ་ཀ་འཁོར་ལོ་རྒྱས་འདེབས་སོ༔ ཨ་ཨ་ཨ༔ རིག་རྩལ་ཁྱབ་བརྡལ་ཆེན་པོ་ནི༔ ཁྲོ་བཅུ་ཡབ་ཡུམ་ཕྲ་ཐབས་དང༔ སྲས་མཆོག་སྒོ་མ་དམ་ཅན་ཏེ༔ ཀུན་ཀྱང་རང་སེམས་ཉིད་དུ་རྫོགས༔ ཨ་ཨ་ཨ༔ ངོ་བོ་སྟོང་ཉིད་རྡོ་རྗེ་སེམས༔ རང་བཞིན་འོད་གསལ་ཀཱི་ལ་ཡ༔ ཐུགས་རྗེ་ཀུན་ཁྱབ་ལས་ཀྱི་ལྷ༔ བདེ་གཤེགས་སྙིང་པོའི་དཀྱིལ་འཁོར་ཏེ༔ བུ་ཁྱོད་སྐལ་པ་བཟང་བས་མཐོང༔ ལྷ་བདག་གཉིས་མེད་ལྟ་བ་སྟེ༔ རང་སྣང་རང་ཤར་སྒོམ་པའི་མཆོག༔ ཤུགས་འབྱུང་འགག་མེད་སྤྱོད་པའི་ཀློང༔ ཐིག་ལེ་གཅིག་ཏུ་ཡེ་ནས་རྫོགས༔ དོན་འདི་རྟོགས་ན་སྲིད་ཞིའི་ཆོས༔ ཀུན་ཀྱང་སྲོག་འདིས་དབང་བྱེད་པས༔ དགོངས་པ་མི་འགྱུར་དོན་གྱི་གཟེར༔ རྒྱུད་ལུང་མན་ངག་ཐམས་ཅད་འདུས༔ ཨ་ཨ་ཨ་དྷརྨ་དྷཱ་ཏུ་ཨ་ཧོཿ ཞེས་ཚིག་གིས་ངོ་སྤྲད་དེ། སྔར་དབང་གསུམ་པའི་སྐབས་ཤེས་རབ་མ་དང་སྦྱོར་བས་དཔེ་ལས་སྐྱེས་པའི་ཡེ་ཤེས་མྱོང་བ་དྲན་པར་བྱས་ཏེ་དེའི་རང་ངོ་ལ་བལྟས་པས་གདོད་ནས་དག་པའི་ཆོས་ཉིད་ངོ་བོ་སྟོང་པ་ཤེལ་ལྟ་བུ་ལས། རང་བཞིན་འོད་གསལ་འཇའ་ཚོན་ལྟར་འགག་མེད་དུ་གསལ་བའི་ཟུང་འཇུག་རིག་པའི་ཡེ་ཤེས་དེ་ཁོ་ན་དངོས་སུ་མཐོང་བའི་དོན་ལ་མཉམ་པར་ཞོག་ཅིག །ཅུང་ཟད་བཞག་མཐར་སློབ་དཔོན་གྱིས། ཕཊ྄། དྲག་ཏུ་བརྗོད། དེ་ལྟ་བུའི་ཆོས་ཉིད་ཀྱི་རང་གཤིས་དཔེ་དང་ཚིག་ལས་འདས་ཀྱང་ལུས་སྐུ་གསུམ་གྱི་བཞུགས་སྟངས། མིག་གཟིགས་སྟངས་ཀྱིས་གཅུན་པའི་སྒོ་ཡུལ་རླུང་རིག་གི་གནད་ལ་བརྟེན་ནས་འོད་གསལ་སྒྲོན་མ་བཞིའི་སྣང་བ་ལ་ལོངས་སྤྱོད་པས་ཕྱི་ནང་སེམས་ཀྱི་ཟག་པ་ཐམས་ཅད་ནང་དབྱིངས་ཆེན་པོའི་ཀློང་དུ་ཟད་པ་ཀུན་བཟང་རྡོ་རྗེ་སེམས་དཔའི་ཡེ་ཤེས་ཀྱི་གསང་ལམ་ངོ་སྤྲད་པའི་སླད་དུ་ཁྱེད་རང་རྣམས་ལུས་སེང་གེའི་འདུག་སྟངས་སུ་བཅོས། མིག་བར་སྣང་དུ་ཧ་རེ་གཏོད་ལ་ཆོས་ཉིད་ཀྱི་རང་ངོ་ལ་གཅེར་གྱིས་ལྟོས་ཤིག །ཤེལ་རྡོ་དང་རྨ་བྱའི་མདོངས་བསྟན་ཏེ། ཨ༔ སྙིང་དབུས་ཡེ་ཤེས་རིན་པོ་ཆེའི༔ ཙིཏྟ་འོད་ཀྱི་གུར་ཁང་ན༔ འོད་གསལ་སྣང་བ་བསམ་མི་ཁྱབ༔ སྐུ་གསུམ་སྒྲོན་མ་བརྡ་འདིས་བསྟན༔ ཨ་ཨ་ཨ་ཨ་ཨ༔ ཞེས་བརྗོད་ལ་ཅུང་ཟད་མཉམ་པར་བཞག དེ་ལྟར་སྣང་སྲིད་འཁོར་འདས་ཀྱི་བསྡུས་པའི་ཆོས་ཐམས་ཅད་སྐྱེ་འགག་གནས་གསུམ་དང་བྲལ་བ། བསམ་བརྗོད་ཀྱི་ཡུལ་ལས་འདས་ཤིང༌། རྣམ་ཐར་སྒོ་གསུམ་གྱི་མཚོན་བྱེད་ཅན་དེ་ཉིད་རང་གི་སེམས་བདེ་སྟོང་གི་ངོ་བོར་ཤར་བ། ལྷན་སྐྱེས་ཕྱག་རྒྱ་ཆེན་པོ་རང་བྱུང་གི་ཡེ་ཤེས་དང་གཉིས་སུ་མེད་པ་ཡིན་ནོ། །དེས་ཁྱེད་རང་རྣམས་ལ་དོན་དམ་ཡེ་ཤེས་ཀྱི་དཀྱིལ་འཁོར་དུ་བཞི་པ་ཚིག་དབང་རིན་པོ་ཆེ་ཐོབ་པས་རིག་པ་ཡེ་ཤེས་ཀྱི་ཕུར་བུ་རྡོ་རྗེ་ལྟ་བུའི་ཏིང་ངེ་འཛིན་སྒོམ་པ་ལ་དབང༌། ལམ་ལྔ་ལས་འབྲས་བུའི་ཐེག་པ་མཐར་ཕྱིན་པ་མི་སློབ་པའི་ལམ་བཅུ་གསུམ་རྡོ་རྗེ་འཛིན་པའི་རྟོགས་པ་རྒྱུད་ལ་སྐྱེ་བའི་མཐུ་དང་ལྡན་པར་བྱས། ལུས་ངག་ཡིད་གསུམ་གྱི་དྲི་མ་བག་ཆགས་དང་བཅས་པ་དག །ངོ་བོ་ཉིད་ཀྱི་སྐུ་འགྲུབ་པའི་རྟེན་འབྲེལ་འགྲིག་པ་ཡིན་ནོ། །མཚམས་སྦྱོར་སྤྱི་ལྟར་བྱས་ལ་བཀྲ་ཤིས་ཀྱི་ཚིགས་བཅད་རྒྱས་པར་བརྗོད་ཅིང་མེ་ཏོག་འཐོར་ལ་རོལ་མོ་བསྒྲགས། འོག་གི་དོན་དབང་དང་གཏོར་དབང་རྣམས་སྦྲེལ་ནས་བྱེད་ན་ཁྲུས་དང་བགེགས་བསྐྲད་དོན་དབང་གི་ལོ་རྒྱུས། མཎྜལ་འབུལ་བ་དམ་བཞག་བར་མི་དགོས། བྱིན་འབེབས་མན་ཆད་དཀྱུས་ལྟར་གྱི་དོན་དབང་རྫོགས་པ་དང་གཏོར་དབང་སྦྱར་ཞིང་ཤིས་བརྗོད་ནས་འདི་བཞིན་མཐར་དབྱུང་དགོས་སོ། དེ་དག་གིས་པཎ་གྲུབ་ལྔ་བརྒྱའི་གཙུག་རྒྱན་བི་མ་ལ་མི་ཏྲས་གསང་སྔགས་ཆུ་བོ་བཞི་ཡི་བཀའ་བབ་གཅིག་འདུས་གཉགས་ལོ་ཙཱ་བ་ཆེན་པོ་ཛྙཱ་ན་ཀུ་མཱ་ར་ལ་སྙན་བརྒྱུད་གསང་བའི་མནོག་ཆོས་སུ་བསྩལ་བའི་རྡོ་རྗེ་ཕུར་པའི་དཀྱིལ་འཁོར་ཆེན་པོའི་སྟོད་ལས་བྱང་ཆུབ་སྒྲུབ་པའི་དབང་བསྐུར་རྒྱས་པ་ལེགས་པར་གྲུབ་པ་ཡིན་པས། དབང་གི་སྲོག་གམ་གཞི་རྟེན་དུ་གྱུར་པ། སྤྱི་དང་ཁྱད་པར་ལྷག་པས་བསྡུས་པའི་རྩ་བ་དང་ཡན་ལག་གི་སྡོམ་པ་དང་དམ་ཚིག་མཐའ་དག་ཚུལ་བཞིན་དུ་སྲུང་བར་བགྱིའོ་སྙམ་པས་འདིའི་རྗེས་ཟློས་མཛོད། གཙོ་བོས་ཇི་ལྟར་སོགས། གཏང་རག་མཎྜལ། ལུས་ལོངས་སྤྱོད་འབུལ་བ། དགེ་བ་བསྔོ་བ་རྣམས་མཚམས་སྦྱོར་སྤྱི་འགྲོ་ལྟར་བྱས་ལ་སློབ་མ་གྱེས་སོ། །གཉིས་པ་རྗེས་ཀྱི་ལས་རིམ་ནི། སློབ་དཔོན་གྱིས་ལས་གཞུང་ལྟར་ཚོགས་ལ་རོལ་ཞིང་ལྷག་མ་བཏང༌། སྨོན་ལམ་གདབ། ཆད་ཐོ་བརྟན་སྐྱོང་རྟ་བྲོ་བཅས་སོང་ནས། གཏང་རག་གི་མཆོད་བསྟོད་རྒྱས་བསྡུས་གང་ལྕོག་སྦྱར། ནོངས་བཤགས་དང༌། མདུན་བསྐྱེད་ཀྱི་ཡེ་ཤེས་པ་རས་བྲིས་ལ་བརྟན་བཞུགས། དམ་ཚིག་པ་རང་ལ་བསྡུ། བདག་བསྐྱེད་འོད་གསལ་གྱི་དབྱིངས་སུ་བསྡུ་ཞིང་ཟུང་འཇུག་སྒྱུ་མའི་ལྷ་སྐུར་ལྡང༌། བསྔོ་བ་སྨོན་ལམ་བཀྲ་ཤིས་རྣམས་མཐར་ཆགས་སུ་བཏང་བས་ལེགས་པར་གྲུབ་བོ། ༈ གཉིས་པ་དབང་བསྐུར་འབྲིང་པོ་དོན་དབང་སྙིང་པོའི་ཚུལ་དུ་འབོག་ན། མཚན་མའི་དཀྱིལ་འཁོར་གཉིས་ཇི་ལྟར་འབྱོར་པའི་སྟེང་མཉྫིའི་ཁར་རྣམ་བུམ་རྒྱན་ལྡན། ལྷ་ཚོགས་ཡོངས་རྫོགས་ཀྱི་སྐུ་ཙཀ །རཀྴའི་སྔགས་ཕྲེང༌། ཕྱག་མཚན་རྡོ་རྗེ། དཔལ་གྱི་ཆས་བཅུ། ཤ་ཁྲག་རུས་གསུམ། གསང་ཐོད། རིག་ཙཀ །ཤེལ་རྡོ་བཅས་འདུ་བྱས་ལ། ལས་བྱང་གི་གཞུང་བསྲངས་ནས་བསྙེན་སྒྲུབ་ལས་ཀྱི་བཟླས་པའི་འཇུག་ཏུ་བུམ་པ་གཉིས་ཀ་སྟ་གོན་ལྟར་སྒྲུབ། ཚོགས་མཆོད་བར་དཀྱུས་ལྟར་གྲུབ་རྗེས། སློབ་མ་རྣམས་ལ་ཁྲུས་བྱ། གྲལ་དུ་འཁོད་པ་ན་བགེགས་གཏོར་བཏང༌། སྲུང་འཁོར་བསྒོམ། མེ་ཏོག་བཀྱེ་བསྡུ་གྲུབ་པ་དང༌། དེ་ལ་འདིར་བསྒྲུབ་བྱའི་ལྷ་ཆེན་པོ་རྡོ་རྗེ་གཞོན་ནུ་འདི་ནི་བྱང་ཆུབ་སེམས་དཔའི་ཚུལ་དུ་གསང་བའི་བདག་པོ། རྒྱུད་སྡེ་ཆེན་པོ་བཞི་ཀའི་ལས་རབ་འབྱམས་སྒྲུབ་པའི་ལྷ་རྡོ་རྗེ་རྣམ་པར་འཇོམས་པ། ཉམས་གྲིབ་དང་མི་གཙང་བ་ཀུན་སེལ་བྱེད་ཁྲོ་རྒྱལ་སྨེ་བ་བརྩེགས་པ། སྲུང་བའི་ལྷ་མཆོག་གཙུག་ཏོར་འཁོར་ལོས་བསྒྱུར་བ། རིགས་ཐམས་ཅད་ཀྱི་ཁྱབ་བདག་དཔལ་རྡོ་རྗེ་སེམས་དཔའ་རྣམས་ཀྱང་དཔལ་རྡོ་རྗེ་གཞོན་ནུའི་རོལ་རྩེད་དུ་གསུངས་ཤིང༌། སྒྲུབ་བྱེད་སྨིན་གྲོལ་གྱི་བཀའ་སྲོལ་ལའང་སྔ་འགྱུར་བཀའ་མ་ལ་རྒྱལ་པོ་ལུགས། ཇོ་མོ་ལུགས། ལྕམ་ལུགས། སོ་ཟུར་གནུབས་གསུམ། རོག་འགོས་ཁྱུང་གསུམ། འཁོན་ལུགས་ཀྱི་ཡང་ཕུར་དཔལ་ས་སྐྱ་པ་ལ་བཀའ་བབ་བརྙེས་པ་དང༌། གཞན་ཡང་དམ་པ་སངས་རྒྱས། ཁ་ཆེ་པཎ་ཆེན་ཤཱཀྱ་ཤྲཱི་ལས་བརྒྱུད་པ་སོགས་དུ་མ་དང༌། ཟབ་གཏེར་གྱི་རིང་ལུགས་ལས་རྒྱ་ཆེ་མུ་མེད་དུ་བྱོན་པས་མཚོན་གངས་ཅན་གྱི་གྲུབ་མཐའ་ཀུན་ལ་ལྷ་འདིའི་ཕྲིན་ལས་ཀྱིས་མ་ཁྱབ་པ་མེད་ཅིང༌། སྤྱིར་སངས་རྒྱས་ཀུན་གྱི་ཡེ་ཤེས་ཀྱི་སྤྱི་དཔལ་ཡིན་ཀྱང་ཁྱད་པར་ཀརྨ་ཧེ་རུ་ཀ་ཕྲིན་ལས་ཀྱི་ཁྱབ་བདག་ཏུ་བཞེངས་པས་སྒྲུབ་ཐག་ཉེ་བ་དང༌། བྱང་ཆུབ་སྒྲུབ་པའི་ལམ་གྱི་བར་ཆད་སེལ་བ་ལ་མེད་དུ་མི་རུང་བའི་ལྷག་པའི་ལྷ་གཅིག་པུར་མཁས་གྲུབ་ཀུན་ལ་གྲགས་ཤིང༌། ད་ལྟའི་བར་དངོས་གྲུབ་བརྙེས་པ་ཟམ་མ་ཆད་པར་བཞུགས་པ་ལྟར། འདིར་ཡང་པཎ་ཆེན་བི་མ་ལ་མི་ཏྲ། སློབ་དཔོན་སངས་རྒྱས་གཉིས་པ། གཉགས་ཛྙཱ་ན་ཀུ་མཱ་རའི་བཀའ་སྲོལ་གཅིག་དྲིལ་གྱི་རྡོ་རྗེ་ཕུར་པའི་དཀྱིལ་འཁོར་དུ་དབང་བསྐུར་བ་སྐབས་སུ་བབ་པ་སྟེ། འདི་ལའང་རྩ་བའི་སྨིན་བྱེད་རྒྱས་འབྲིང་བསྡུས་གསུམ་དུ་བཞུགས་པ་ལས། དོན་དབང་སྙིང་པོའི་བཅུད་དྲིལ་ལྟར་སྒྲུབ་པ་ལ་མཎྜལ་ཕུལ། ཙཀྵུ་བྷནྡྷ་བ་ར་མ་ན་ཡེ་སྭཱ་ཧཱ། ཨཱ་ཁཾ་བཱི་ར་ཧཱུྃ་གིས་མིག་དར་དང་མེ་ཏོག་གཏད། སངས་རྒྱས་ཀུན་གྱི་སོགས་ཀྱིས་གསོལ་བ་གདབ། སྐྱབས་སེམས་ཡན་ལག་བརྒྱད་པ་སྡོམ་བཟུང་རྣམས་ལན་གསུམ་གསུམ་བཅས་བྱ། བྷྲཱུཾ་པྲ་བེ་ཤ་ཡ་ཕཊ྄་ཀྱིས་སྒོ་དབྱེ། ཛཿཧཱུྃ་བྃ་ཧོཿས་ནང་དུ་གཞུག ཨོཾ་ན་མ་ཏེ་ཧཱུྃ། ཨོཾ་ན་མ་མི་ཧཱུྃ། ཨོཾ་ན་མོ་ན་མ་ཧཱུྃ་གིས་ཕྱག་ལན་གསུམ་བྱ། འདི་ནི་རྡོ་རྗེ་བདུད་རྩིའི་ཆུ༔ ཧེ་རུ་ཀ་དཔལ་ཉིད་ཡིན་ཏེ༔ བསྲུང་ན་དངོས་གྲུབ་སེམས་དཔའ་སྩོལ༔ མ་བསྲུང་ངེས་པར་འཚིགས་ཏེ་བརླག༔ ས་མ་ཡ་ཨི་དཾ་ཏོ་ད་ཀ་ཋ་ཋ་ཋ་ཧཱུྃ༔ ཞེས་དམ་ཆུ་མྱང༌། ཡེ་ཤེས་པ་དབབ་པ་ནི། སྣོད་ནི་འོག་མིན་སྟུག་པོ་བཀོད། །བཅུད་ཀྱི་རྟོག་པ་ཀཱི་ལ་ཡ། །མཐིང་ནག་དབུ་དགུ་ཕྱག་བཅོ་བརྒྱད། །གཡས་དཀར་གཡོན་དམར་དབུས་མཐིང་ནག །དེ་སྟེང་ཞལ་གསུམ་ལྗང་སེར་ནག །དེ་སྟེང་ཞལ་གསུམ་སྨུག་མཐིང་དམར། །གཡས་དགུ་དང་པོས་རྡོ་རྗེ་གདེང༌། །འཁོར་ལོ་དགྲ་སྟྭ་རལ་གྲི་མདུང༌། །ཐོ་བ་ལྕགས་ཀྱུ་གསལ་ཤིང་བསྣམས། །གཡོན་དགུས་མེ་དཔུང་ཁཊྭཱཾ་ག །རི་རབ་ཞགས་པ་བྷནྡྷ་དམར། །སྡིག་མཛུབ་མདའ་དང་བདུད་བཞིའི་མགོ །ཐ་མས་རི་རབ་ཕུར་བུ་འདྲིལ། །རང་འོད་ཡུམ་དང་མཉམ་སྦྱོར་བས། །ཐུགས་སྲོག་ཧཱུྃ་ལ་སེམས་བཟུང་ཞིང༌། །སྙོམས་འཇུག་སྒྲ་དང་འོད་ཟེར་སྤྲིན། །གདུང་བའི་གླུ་ཡིས་ཐུགས་དམ་བསྐུལ། །སྐུ་གསུང་ཐུགས་ཀྱི་ཕྱག་རྒྱ་ནི། །ཆར་བཞིན་བབ་སྟེ་དབྱེར་མེད་ཐིམ། །ཡེ་ཤེས་ཆེན་པོའི་བྱིན་ཐོབ་གྱུར། །སྤོས་རོལ་བཅས་ལས་བྱང་གི་བྱིན་འབེབས་བཏང་ལ་དབབ། རྡོ་རྗེ་སྤྱི་བོར་བཞག་ཏིཥྛ་བཛྲས་བརྟན་པར་བྱ། བོ་དྷི་ཙིཏྟ་ཨ་པྲ་ཏཱི་པཱུ་ཛ་ཧོཿས་མེ་ཏོག་དོར། པྲ་ཏཱིཙྪ་གྲཱྀཧྞ་ཨི་མཾ་སཏྭ་མ་ཧཱ་བ་ལས་བཅིངས། བཛྲ་ཙཀྵུ་པྲ་བེ་ཤ་ཡ་ཕཊ྄་ཀྱིས་མིག་དར་བསལ། བཅོམ་ལྡན་འདས་དཔལ་རྡོ་རྗེ་གཞོན་ནུ་བདག་ཉིད་རྩ་བ། ཕྱོགས་བཅུ་ཁྲོ་བོ། སྲས་མཆོག་ཕུར་པའི་དཀྱིལ་འཁོར་གསུམ། བཀའ་སྲུང་ཆོས་སྐྱོང་དང་བཅས་པའི་རྟེན་དང་བརྟེན་པའི་དཀྱིལ་འཁོར་མངོན་སུམ་བཞིན་དུ་མཇལ་བར་གྱུར། དེས་སྔོན་འགྲོ་འཇུག་པའི་ཆོས་རྣམས་སོང་ནས་དངོས་གཞིའི་སླད་དུ་མཎྜལ་ཕུལ། ཧེ་རུ་ཀ་དཔལ་བླ་མ་དགོངས༔ བདག་ཅག་རྡོ་རྗེའི་རིགས་ཅན་དུ༔ སྒྲུབ་པ་སྐལ་པ་ཤིན་ཏུ་བཟང༔ འཇུག་ཅིང་སྨིན་པའི་བཀའ་དྲིན་སྩོལ༔ ལན་གསུམ་གྱིས་གསོལ་བ་གདབ། བླ་མ་དང་དཀྱིལ་འཁོར་གྱི་གཙོ་བོ་དབྱེར་མེད་པའི་ཐུག་ཀ་ནས་འོད་ཟེར་འཕྲོས་པས་དབང་གི་ལྷ་ནམ་མཁའ་གང་བར་སྤྱན་དྲངས་ནས་བཀྲ་ཤིས་པའི་རྣམ་པ་དུ་མ་དང་བཅས་དགྱེས་བཞིན་དུ་དབང་བསྐུར་བར་གྱུར། བུམ་པ་སྤྱི་བོར་བཞག ཧཱུྃ༔ བུམ་པ་རང་བྱུང་གཞལ་ཡས་ཁང༔ ནང་བཅུད་རིགས་ལྔའི་ཧེ་རུ་ཀ༔ བདེ་ཆེན་བྱང་ཆུབ་སེམས་ཀྱི་ཆུས༔ རིགས་ཀྱི་བུ་ལ་དབང་བསྐུར་རོ༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ སྐུ་གང་སྒྲིབ་དག་ནུས་པ་བཞག༔ ཆུ་ལྷག་གྱེན་དུ་འཁྱིལ་བ་ལས༔ རྡོ་རྗེ་སེམས་དཔས་དབུ་བརྒྱན་གྱུར༔ ཛཿཧཱུྃ་བྃ་ཧོཿ ནམ་མཁར་བཞུགས་པའི་དབང་ལྷ་རྣམས་ཁྱེད་རང་རྣམས་ལ་ཐིམ་པར་མོས། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱས་མེ་ཏོག་སྤྱི་བོར་བཞག་ཅིང་བརྟན་པར་བྱས་ནས། ཨོཾ་བཛྲ་ཨརྒྷཾ་ནས། ཤབྡ་པྲ་ཏཱིཙྪ་སྭཱ་ཧཱས་མཆོད། ཤིས་བརྗོད་གང་རིགས་བྱ། དེ་ལྟར་བུམ་པའི་དབང་ཐོབ། ལུས་ཀྱི་དྲི་མ་དག །ལམ་བསྙེན་པའི་རྣལ་འབྱོར་བསྐྱེད་རིམ་བསྒོམ་པ་ལ་དབང༌། འབྲས་བུ་སྐུ་རྡོ་རྗེ་སྤྲུལ་པའི་སྐུ་འགྲུབ་པའི་སྐལ་པ་ཅན་དུ་བྱས་པའོ། །སྟོད་སྨད་ཀྱི་དབང་ཆེན་སྦྲེལ་བའི་གཤམ་དུ་དོན་དབང་བྱེད་ན་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དབང་འདི་དག་སྦྱར་མི་དགོས་ལ། དོན་དབང་ཁོ་ན་ཡིན་ན་ནུས་པ་འཇུག་དབང་འདི་དགོས་པས་སྐབས་ཕྱེད་པར་བྱ་དགོས་སོ། ཁྱད་པར་སྐུ་གསུང་ཐུགས་ཡོན་ཏན་ཕྲིན་ལས་ཀྱི་བྱིན་རླབས་དང་ནུས་པ་རྒྱུད་ལ་འཇུག་པའི་ཕྱིར་ལྷ་སྔགས་རིག་པའི་དབང་བསྐུར་སྦྱིན་པའི་ཐོག་མར་སྐུ་ཕྱག་རྒྱའི་དབང་བསྐུར་བ་ལ། མདུན་གྱི་ལྷ་ཚོགས་གཙོ་འཁོར་རྣམས་ཀྱི་སྐུ་ལས་ཡེ་ཤེས་ཀྱི་སྐུ་མར་མེ་གཅིག་ལས་གཉིས་མཆེད་ཀྱི་ཚུལ་དུ་བྱོན་ནས་ཁྱེད་རང་རྣམས་ལ་ཐིམ་པས་ཡེ་ཤེས་ཀྱི་ཕྱག་རྒྱ་དང་གཉིས་སུ་མེད་པར་མོས་ཤིག །ལྷ་ཙཀ་རྣམས་རིམ་པར་བསྐུར་ལ། ཧཱུྃ༔ དབུས་ཕྱོགས་གྲུ་གསུམ་གཞལ་ཡས་ནས༔ བཅོམ་ལྡན་རྡོ་རྗེ་གཞོན་ནུ་ནི༔ ཡུམ་ཆེན་འཁོར་ལོ་རྒྱས་འདེབས་སྦྱོར༔ སྒྲོལ་ཡུམ་ཨེ་ཀ་ཛཱ་ཊི་བཅས༔ སྤྲུལ་པ་སྲས་མཆོག་ཁྲོ་བཅུ་སྤྲོ༔ རིགས་ཀྱི་བུ་ལ་དབང་བསྐུར་བས༔ དཔལ་ཆེན་པོ་དང་གཉིས་མེད་ཤོག༔ རྩ་སྔགས་མཐར། ཨ་བྷི་ཥིཉྩ་ཧཱུྃ༔ ཧཱུྃ༔ སྟེང་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་ཧཱུྃ་མཛད་ཧཱུྃ༔ ཡུམ་ནི་རྡོ་རྗེ་སྒྲ་འབྱིན་མ༔ སྤྲུལ་པ་ཕག་དང་རྨིགས་བུའི་མགོས༔ རིགས་ཀྱི་བུ་ལ་དབང་བསྐུར་བས༔ སྟེང་གདོན་འདུལ་བའི་མཐུ་ཐོབ་ཤོག༔ རང་སྔགས། ཨ་བྷི་ཥིཉྩ་ཧཱུྃ༔ ཧཱུྃ༔ ཤར་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་རྣམ་པར་རྒྱལ༔ ཡུམ་ནི་རྡོ་རྗེ་མདའ་སྙེམས་མ༔ སྤྲུལ་པ་སྟག་དང་བྱ་རྒོད་མགོས༔ རིགས་ཀྱི་བུ་ལ་དབང་བསྐུར་བས༔ དྲི་ཟ་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ ལྷོ་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་གཤིན་རྗེ་གཤེད༔ ཡུམ་ནི་རྡོ་རྗེ་དུར་ཁྲོད་བདག༔ སྤྲུལ་པ་ཤ་བ་འུག་པའི་མགོས༔ རིགས་ཀྱི་བུ་ལ་དབང་བསྐུར་བས༔ གཤིན་རྗེ་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ ནུབ་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་རྟ་མགྲིན་དབང༔ ཡུམ་ནི་རྡོ་རྗེ་གཏུམ་མོ་མ༔ སྤྲུལ་པ་བྱི་ལ་པུ་ཤུད་མགོས༔ རིགས་ཀྱི་བུ་ལ་དབང་བསྐུར་བས༔ ཀླུ་གདོན་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ བྱང་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་བདུད་རྩི་འཁྱིལ༔ ཡུམ་ནི་རྡོ་རྗེ་རླུང་འབྱིན་མ༔ སྤྲུལ་པ་སེང་གེ་ཕ་ཝཾ་མགོས༔ རིགས་ཀྱི་བུ་ལ་དབང་བསྐུར་བས༔ གནོད་སྦྱིན་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ ཤར་ལྷོ་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་དབྱུག་པ་སྔོན༔ ཡུམ་ནི་རྡོ་རྗེ་སྡེར་མོ་མ༔ སྤྲུལ་པ་གཡག་དང་བྱ་རོག་མགོས༔ རིགས་ཀྱི་བུ་ལ་དབང་བསྐུར་བས༔ མེ་ལྷ་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ ལྷོ་ནུབ་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་མི་གཡོ་མགོན༔ ཡུམ་ནི་རྡོ་རྗེ་གཏུན་ཁུང་མ༔ སྤྲུལ་པ་གཟིག་དང་ཁྭ་ཏའི་མགོས༔ རིགས་ཀྱི་བུ་ལ་དབང་བསྐུར་བས༔ སྲིན་པོ་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ ནུབ་བྱང་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་འདོད་པའི་རྒྱལ༔ ཡུམ་ནི་རྡོ་རྗེ་སྙེམས་མ་དམར༔ སྤྲུལ་པ་སྤྱང་ཀི་ཁྲ་ཡི་མགོས༔ རིགས་ཀྱི་བུ་ལ་དབང་བསྐུར་བས༔ རླུང་ལྷ་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ བྱང་ཤར་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་ཁམས་གསུམ་རྒྱལ༔ ཡུམ་ནི་རྡོ་རྗེ་གསོད་བྱེད་མ༔ སྤྲུལ་པ་དོམ་དང་སྲེ་མོང་མགོས༔ རིགས་ཀྱི་བུ་ལ་དབང་བསྐུར་བས༔ དབང་ལྡན་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ འོག་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་སྟོབས་ཆེན་པོ༔ ཡུམ་ནི་རྡོ་རྗེ་སྐྱོད་བྱེད་མ༔ སྤྲུལ་པ་དྲེད་དང་བྱི་བའི་མགོས༔ རིགས་ཀྱི་བུ་ལ་དབང་བསྐུར་བས༔ ས་བདག་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ མདུན་ཕྱོགས་ཟླ་གམ་གདན་སྟེང་ནས༔ ཐུགས་ཀྱི་སྲས་མཆོག་ཀཱི་ལ་ཡས༔ རིགས་ཀྱི་བུ་ལ་དབང་བསྐུར་བས༔ གཟུགས་མེད་ཁམས་འདུལ་དབང་ཐོབ་ཤོག༔ སྔགས། ཧཱུྃ༔ གཡས་ཕྱོགས་ཟླ་གམ་གདན་སྟེང་ནས༔ སྐུ་ཡི་སྲས་མཆོག་ཀཱི་ལ་ཡས༔ རིགས་ཀྱི་བུ་ལ་དབང་བསྐུར་བས༔ འདོད་ཁམས་འདུལ་བའི་དབང་ཐོབ་ཤོག༔ སྔགས། ཧཱུྃ༔ གཡོན་ཕྱོགས་ཟླ་གམ་གདན་སྟེང་ནས༔ གསུང་གི་སྲས་མཆོག་ཀཱི་ལ་ཡས༔ རིགས་ཀྱི་བུ་ལ་དབང་བསྐུར་བས༔ གཟུགས་ཁམས་འདུལ་བའི་དབང་ཐོབ་ཤོག༔ སྔགས། ཧཱུྃ༔ གཞལ་ཡས་གྲུ་ཆད་ཤར་ལྷོ་ནས༔ ཞི་བའི་ལས་མཛད་བུདྡྷའི་རིགས༔ རིགས་ཀྱི་བུ་ལ་དབང་བསྐུར་བས༔ ཞི་བྱེད་ཕྲིན་ལས་མཐར་ཕྱིན་ཤོག༔ སྔགས། ཧཱུྃ༔ གཞལ་ཡས་གྲུ་ཆད་ལྷོ་ནུབ་ནས༔ རྒྱས་པའི་ལས་མཛད་རཏྣའི་རིགས༔ རིགས་ཀྱི་བུ་ལ་དབང་བསྐུར་བས༔ རྒྱས་བྱེད་ཕྲིན་ལས་མཐར་ཕྱིན་ཤོག༔ སྔགས། ཧཱུྃ༔ གཞལ་ཡས་གྲུ་ཆད་ནུབ་བྱང་ནས༔ དབང་གི་ལས་མཛད་པདྨའི་རིགས༔ རིགས་ཀྱི་བུ་ལ་དབང་བསྐུར་བས༔ དབང་བྱེད་ཕྲིན་ལས་མཐར་ཕྱིན་ཤོག༔ སྔགས། ཧཱུྃ༔ གཞལ་ཡས་གྲུ་ཆད་བྱང་ཤར་ནས༔ དྲག་པོའི་ལས་མཛད་ཀརྨའི་རིགས༔ རིགས་ཀྱི་བུ་ལ་དབང་བསྐུར་བས༔ དྲག་པོའི་ཕྲིན་ལས་མཐར་ཕྱིན་ཤོག༔ སྔགས། ཧཱུྃ༔ གཞལ་ཡས་ཁོར་ཡུག་ཁྲག་ཁྱམས་ནས༔ ཕུར་པའི་ལས་མཁན་དམ་ཅན་ཚོགས༔ རིགས་ཀྱི་བུ་ལ་དབང་བསྐུར་བས༔ གདུག་པ་ཀུན་འདུལ་དབང་ཐོབ་ཤོག༔ སྔགས། ཧཱུྃ༔ དཀྱིལ་འཁོར་ཕྱོགས་ཀྱི་སྒོ་བཞི་ནས༔ ཕྲིན་ལས་བཞི་མཛད་སྒོ་མ་བཞིས༔ རིགས་ཀྱི་བུ་ལ་དབང་བསྐུར་བས༔ ཚར་གཅོད་རྗེས་འཛིན་དབང་ཐོབ་ཤོག༔ སྔགས། དེང་ནས་བཟུང་སྟེ་རང་ལུས་སྣང་སྟོང་ལྷའི་སྐུ་སྒོམ་པ་དང་མ་བྲལ་བས་སྣང་བ་ཐམས་ཅད་ལ་ལྷ་སྐུ་ཕྱག་རྒྱའི་གཟེར་གྱིས་ཐེབས་པར་གྱིས་ཤིག །གསུང་བཟླས་པའི་ལུང་སྦྱིན་པ་ལ་དམིགས་པ་འདི་རྣམས་གསལ་ཐོབ་མཛོད། བདག་མདུན་གྱི་ཐུགས་ཀར་ཡེ་ཤེས་སེམས་དཔའ་བཛྲ་སཏྭ་དཀར་གསལ་རྡོར་དྲིལ་བསྣམས་པ་དར་དང་རིན་པོ་ཆེས་བརྒྱན་ཅིང་ཞབས་ཕྱེད་སྐྱིལ་གྱིས་པད་ཟླ་ལ་བཞུགས་པ། ཙིཏྟ་མཆོང་གུར་སྨུག་པོའི་དབུས་སུ་ཉི་མའི་སྟེང་དུ་གསེར་གྱི་རྡོ་རྗེ་རྩེ་དགུ་པའི་ལྟེ་བར་ཧཱུྃ་ལ་ཀཱི་ལ་ཡ་འབྲུ་དགུ་པས་བསྐོར་བའི་སྔགས་ཀྱི་ཐོག་མཐའི་མཚམས་སུ་རྟ་མགྲིན་དམར་པོ་པདྨ་དང་བྷཉྫ་འཛིན་པ་ཞལ་ནང་དུ་ཕྱོགས་ཏེ་སྲུང་བའི་ལས་མཛད་པར་གསལ། ཁྱེད་རང་རྣམས་ཀྱང་ལྷར་གསལ་བའི་ཐུགས་ཀར་ཡེ་ཤེས་སེམས་དཔའ་བཛྲ་སཏྭའི་ཐུགས་མཆོང་གུར་སྨུག་པོར་རྡོ་རྗེ་ཧཱུྃ་ཡིག་སྔགས་ཕྲེང་བར་ཆད་སྲུང་བའི་ལྷ་དང་བཅས་པ་གསལ་ཐོབ་མཛོད། སློབ་དཔོན་དང་ལྷ་ལ་མོས་གུས་བྱས་པའི་རྐྱེན་གྱིས་སྔགས་ཕྲེང་ལས་སྔགས་ཕྲེང་གཉིས་པ་བྱུང་ཞལ་ནས་ཐོན། ཁྱེད་རང་རྣམས་དང་ཐུགས་ཀའི་ལྷའི་ཞལ་དུ་ཞུགས་ནས་ཐུགས་སྲོག་ཧཱུྃ་གི་མཐར་འཁོད་པ་བཟླས་པའི་རྐྱེན་གྱིས་འོད་ཟེར་སྤྲོ་བསྡུས་དོན་གཉིས་བྱས། སྣོད་བཅུད་སྲིད་པ་ཕུར་བུའི་ལྷ་སྔགས་ཡེ་ཤེས་ཀྱི་རོལ་པར་སད་པར་མོས་ལ་སྔགས་འདིའི་རྗེས་ཟློས་མཛོད། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ྄༔ ལན་གསུམ། སླར་ཡང་གཙོ་བོའི་ཐུགས་ཀ་ནས་སྔགས་ཕྲེང་འཕྲོས་ཞལ་ནས་ཐོན་སློབ་མ་ལྷར་གསལ་བའི་ཁར་ཞུགས། ཡབ་ཡུམ་གྱི་མཁའ་གསང་ནས་ཐོན། གཙོ་བོ་ཡབ་ཡུམ་གྱི་སྦྱོར་མཚམས་ནས་ཞུགས། ཐུགས་ཀར་ཐིམ་པས་བདེ་ཆེན་ཡེ་ཤེས་ཀྱི་གཟི་བྱིན་འབར། བརྟན་གཡོའི་རྩི་ཤིང་ནགས་ཚལ་ཐམས་ཅད་ཕུར་པའི་དཀྱིལ་འཁོར་དུ་ཤར་བས་བཛྲ་ཀཱི་ལ་ཡའི་སྔགས་སྒྲ་འུར་དིར་གྱིས་སྒྲོག་པས་སྣང་སྲིད་ཡེ་ཤེས་སྒྱུ་འཕྲུལ་དྲྭ་བ་ཆེན་པོའི་འཁོར་ལོར་རྫོགས་པར་མོས་ལ་སྒྲུབ་སྔགས་འདིའི་རྗེས་ཟློས་མཛོད། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ྄་ཛཿཧཱུྃ་ཨཱཿ སླར་ཡང་ཐུགས་ཀའི་འོད་ཟེར་གྱིས་དཀྱིལ་འཁོར་གསུམ་གྱི་ལྷ་ཚོགས་རྣམས་ཀྱི་ཐུགས་རྒྱུད་བསྐུལ། དེ་རྣམས་ཀྱི་སྐུ་ལས་འོད་ཟེར་ལྗང་ནག་མཚོན་ཆའི་ཟེགས་མ་འཕྲོས། དྲག་པོ་མངོན་སྤྱོད་ཀྱི་ཕྲིན་ལས་རྣམ་པ་དྲུག་མཐར་ཕྱིན་པར་མོས་ལ་ལས་སྔགས་སྤུ་གྲི་འདིའི་རྗེས་ཟློས་མཛོད། ཨོཾ་བཛྲ་ཀཱི་ལི་ཀཱི་ལི་ཡ༔ མ་རཀྨོ་ཡཀྨོ་ཀཱ་ལ་རཱུ་པ༔ སྙིང་རྩ་ལ་ཡཾ་ཡཾ༔ སྲོག་རྩ་ལ་ཡཾ་ཡཾ༔ སྙིང་ལ་ཕྲིལ་ཕྲིལ༔ སྲོག་ལ་ཆུཾ་ཆུཾ༔ ཙིཏྟ་སྲོག་ལ་ཏུང་ཏུང༔ སྙིང་ཁྲག་སྲོག་ལ་ཤད་ཤད༔ ཐུཾ་རི་ལི་ལི༔ ཙེག་ཙེག༔ འུར་འུར༔ ཤིག་ཤིག༔ འགུལ་འགུལ༔ མྱག་མྱག༔ སོད་སོད༔ དྷ་ཏི་མ་མ་ཤྲཱི་གྷྲཾ་ཀརྨ་ཀཱ་ར་ཡེ་མ་ར་སེ་ན་པྲ་མརྟ་ན་ཡེ་ཧཱུྃ་ཕཊ྄༔ ལན་གསུམ་བཟླར་གཞུག །སྔགས་ཀྱི་ཕྲེང་བ་གཏད་པས་བཟླས་བརྗོད་ཀྱི་ནུས་པ་སྐྱེད་ཅིང་བརྟན་པར་མོས་ཤིག །ཕྲེང་བ་གཏད་ལ། ཨཱཿ ཇི་སྙེད་བརྗོད་པ་ཐམས་ཅད་ཀུན༔ རྡོ་རྗེའི་སྔགས་སུ་རྣམ་པར་དག༔ ནུས་པ་སྐྱེད་པའི་དབང་བསྐུར་བས༔ དངོས་གྲུབ་རྣམ་གཉིས་མྱུར་འགྲུབ་ཤོག༔ ཨོཾ་སརྦ་མཎྜ་ལ་ཝཱཀ་ཨ་བྷི་ཥིཉྩ་ཨཱཿ དེང་ཕྱིན་ཆད་གྲགས་སྟོང་སྔགས་ཀྱི་བཟླས་པ་ཆུ་བོའི་རྒྱུན་བཞིན་དུ་བརྩོན་ནས་བརྟན་གཡོའི་སྒྲ་སྐད་ཐམས་ཅད་ལ་རྡོ་རྗེའི་སྔགས་ཀྱིས་གཟེར་ཐེབ་པར་གྱིས་ཤིག །ཐུགས་རང་བྱུང་གི་དགོངས་པ་ངོ་སྤྲད་པའི་སླད་དུ། བདེ་སྟོང་གཉིས་སུ་མེད་པའི་ཡེ་ཤེས་ཀྱི་ཕྱག་རྒྱ་རྡོ་རྗེ་སློབ་དཔོན་གྱི་ཐུགས་ཀ་ནས་སྤྲོས་ཏེ་ཁྱེད་རང་རྣམས་ཀྱི་སྙིང་དབུས་སུ་ཐིམ་པས་ཟུང་འཇུག་འོད་གསལ་རང་བྱུང་གི་དགོངས་པ་མངོན་དུ་གྱུར་པར་མོས་ཤིག །ཕྱག་མཚན་རྡོ་རྗེ་གཏད་ལ། ཧཱུྃ༔ རྡོ་རྗེ་སྟོང་པ་ཉིད་ཀྱི་དབྱིངས༔ གཞོན་ནུ་ཡེ་ཤེས་རིག་པའི་སྐུ༔ མཚོན་བྱེད་དཔལ་གྱི་ཕྱག་མཚན་འདི༔ སྐལ་ལྡན་བུ་ལ་སྦྱིན་གྱིས་ལོངས༔ ཨོཾ་བཛྲ་ཙིཏྟ་ཨ་བྷི་ཥིཉྩ་ཧཱུྃ༔ དེང་ནས་བཟུང་སྟེ་རིག་སྟོང་ཡེ་ཤེས་ཆེན་པོའི་ངང་ལ་རྟག་ཏུ་མཉམ་པར་བཞག་པ་ལས་མ་གཡོས་པས་རྟོག་ཚོགས་ཐམས་ཅད་ལ་དགོངས་པ་མི་འགྱུར་བའི་གཟེར་དང་འཕྲོ་འདུའི་ཏིང་ངེ་འཛིན་གྱིས་གཟེར་ཐེབ་པར་གྱིས་ཤིག །དཔལ་གྱི་ཆས་ཆེན་བཅུ་དང་དུར་ཁྲོད་འབར་བའི་ཆས་བརྒྱད་རྣམས་གནས་སོ་སོར་བགོས་ཏེ་མངའ་གསོལ་བས་སྟོབས་དང་རྣམ་ཐར་ཐམས་ཅད་ཡོངས་སུ་རྫོགས་པར་མོས་ཤིག །དཔལ་གྱི་ཆས་བཅུས་མངའ་གསོལ་ཏེ། ཨོཾ༔ ཁྱོད་ནི་རྡོ་རྗེ་སྒྲོལ་བྱེད་ཆེ༔ སྔོན་ཚེ་ཧེ་རུ་ཀ་ཆེན་པོས༔ རུ་ཏྲ་སྡེ་གསུམ་བཏུལ་བ་ལས༔ རྒྱལ་བྱེད་དཔལ་གྱི་ཆས་རྣམས་ལོངས༔ ཤྲཱི་ཨཱ་ལངྐ་ར་ཨ་བྷི་ཥིཉྩ་ཧོཿ དེ་ལྟར་དཔལ་ཆེན་པོ་དང་མཉམ་པར་གྱུར་པ་ལ་དུག་གསུམ་རྒྱན་དུ་རོལ་པའི་བརྡར་རུ་ཏྲའི་ཤ་ཁྲག་རུས་པའི་བཟའ་བཅའ་གཏད་པར་མོས་མཛོད། ཤ་ཁྲག་རུས་གསུམ་གཏད་དེ། ཧཱུྃ༔ ཟ་བྱེད་རྡོ་རྗེ་འབར་བ་ཆེ༔ ཁམས་གསུམ་གདུག་པ་བསྒྲལ་བ་ཡི༔ དུག་གསུམ་མཆོད་པ་བླ་མེད་པ༔ རོལ་པའི་སྐལ་བཟང་ཁྱོད་ཡིན་ནོ༔ ཧ་ཧ་ཧ་ཨ་ལ་ལ་ཧོཿ ཞེས་ཕུལ་བ་དགྱེས་པའི་གད་མོ་དང་བཅས་ཏེ་རོལ་པས་ཚར་གཅོད་རྗེས་འཛིན་གྱི་ཕྲིན་ལས་རྔམ་པས་གདུལ་དཀའ་དབྱིངས་སུ་སྒྲོལ་བའི་མཐུ་སྟོབས་ཐོགས་པ་མེད་པར་གྱུར་པའི་མོས་པ་མཛོད། གསང་དབང་ནི། གསང་བའི་དབང་གི་སླད་དུ། བླ་མ་དང་དཀྱིལ་འཁོར་གྱི་གཙོ་བོ་ཐ་མི་དད་པ་རང་འོད་ཀྱི་ཡུམ་དང་སྙོམས་པར་ཞུགས་པའི་བྱང་ཆུབ་སེམས་ཀྱི་བདུད་རྩི་ལྕེ་ཐོག་ཏུ་བཞག་པར་གྱུར། བྷནྡྷའི་བདུད་རྩི་ལྕེ་ཐོག་ཏུ་བཞག་ལ། ཨེ་མ་ཧོཿ སངས་རྒྱས་ཀུན་གྱི་གསང་བ་ནི༔ ལྷག་པའི་བྱང་ཆུབ་སེམས་ཆེན་པོ༔ དེ་རིང་བུ་ལ་སྦྱིན་པར་བྱ༔ རྟོག་པ་བྲལ་བས་རོལ་ཅིག་བུ༔ སློབ་མས་བདུད་རྩི་མྱང་སྟེ། ཨ་ཧོ་མ་ཧཱ་སུ་ཁ་ཧོཿ ཞེས་རྗེས་ཟློས་བྱར་གཞུག །དེ་ལྟར་ན་གསང་བའི་དབང་ཐོབ། ངག་གི་དྲི་མ་དག །ལམ་ཉེ་བསྙེན་རྩ་རླུང་གཏུམ་མོ་སྒོམ་པ་ལ་དབང༌། འབྲས་བུ་གསུང་རྡོ་རྗེ་ལོངས་སྤྱོད་རྫོགས་སྐུ་འགྲུབ་པའི་སྐལ་པ་ཅན་དུ་བྱས་པའོ། །ཤེར་དབང་ནི། ཤེས་རབ་ཡེ་ཤེས་ཀྱི་དབང་གི་སླད་དུ། ཁྱེད་རང་རྣམས་སྐད་ཅིག་གིས་དཔལ་རྡོ་རྗེ་གཞོན་ནུའི་སྐུར་གསལ་བ་ལ་སློབ་དཔོན་གྱི་ཐུགས་ཀ་ནས་གཟུགས་དང་ལང་ཚོ་རྫོགས་པའི་རིག་མ་འཁོར་ལོ་རྒྱས་འདེབས་ཀྱི་ངོ་བོ་ཅན་རེ་སྤྲོས་ཏེ་ཐར་པ་བསྟེན་པར་བསྐུལ་བར་གྱུར། རིག་ཙཀ་གཏད་ལ། ཨེ་མ་བདེ་བ་ཐམས་ཅད་ཀྱི༔ འབྱུང་གནས་རྡོ་རྗེ་སྣ་ཚོགས་གཟུགས༔ བདེ་མཆོག་སྐྱེད་བྱེད་དེང་གཏད་པས༔ རྟོག་པ་བྲལ་བས་རོལ་ཅིག་བུ༔ མ་ཧཱ་ས་མུ་དྲ་ཧོཿ རང་དང་རིག་མ་འདུ་ཤེས་སུམ་ལྡན་གྱིས་སྙོམས་པར་ཞུགས་པས་དགའ་བ་བཞིའི་རིམ་པས་ལྷན་སྐྱེས་ཀྱི་བདེ་བ་རྒྱུད་ལ་སྐྱེས་པར་གྱུར། འཁྱུད་རྒྱ་བྱ། དེ་ལྟར་ན་ཤེས་རབ་ཡེ་ཤེས་ཀྱི་དབང་ཐོབ། ཡིད་ཀྱི་དྲི་མ་དག །ལམ་སྒྲུབ་པ་ཕོ་ཉའི་རྣལ་འབྱོར་སྒོམ་པ་ལ་དབང༌། འབྲས་བུ་ཐུགས་རྡོ་རྗེ་ཆོས་ཀྱི་སྐུ་འགྲུབ་པའི་སྐལ་པ་ཅན་དུ་བྱས་པའོ། །དབང་བཞི་པ་ནི། རྡོ་རྗེ་སེམས་དཔའི་མེ་ལོང་འཇའ་ཤེལ་བཟུང་ལ། ཨ༔ ད་ལྟའི་ཤེས་པ་བློ་བྲལ་འདི༔ ཟང་ཐལ་ཀུན་ཁྱབ་ས་ལེ་བ༔ རིག་སྟོང་ཆོས་སྐུའི་དགོངས་པ་འདི༔ ངེས་དོན་རྡོ་རྗེ་གཞོན་ནུ་ཡིན༔ ཨ་ཨ་ཨ་དྷརྨ་དྷཱ་ཏུ་ཨ་ཧོཿ ཞེས་དཔེ་ཡི་བརྡ་ཐབས་ཀྱིས་མཚོན་ཏེ། ཨ༔ ལྟ་བ་བློ་འདས་གདོད་མའི་བབ༔ སྒོམ་པ་མ་བཅོས་ལྷུག་པར་བཞག༔ སྤྱོད་པ་རང་གྲོལ་གཉུག་མའི་ངང༔ འབྲས་བུ་གཞི་སྣང་ཆེན་པོར་རྫོགས༔ ཨ་ཨ་ཨ༔ ཞེས་དགོངས་པ་སྐྱོང༌། དེ་ལྟར་དབང་བཞི་པ་ཐོབ། བག་ཆགས་ཀྱི་དྲི་མ་དག །ལམ་སྒྲུབ་པ་ཆེན་པོ་དབྱིངས་རིག་ཟུང་འཇུག་སྒོམ་པ་ལ་དབང༌། འབྲས་བུ་ཡེ་ཤེས་རྡོ་རྗེ་ངོ་བོ་ཉིད་སྐུ་འགྲུབ་པའི་སྐལ་པ་ཅན་དུ་བྱས་པའོ། །རྗེས། གཙོ་བོས་ཇི་ལྟར་སོགས་དང༌། དེང་ནས་བརྩམས་ཏེ་སོགས་སྤྱི་ལྟར་དང་དགེ་བསྔོ་བྱས་པས་གྲུབ་བོ། ༈ གསུམ་པ་བསྡུས་པ་གཏོར་མའི་དབང་བསྐུར་རྐྱང་པ་བྱེད་འདོད་ན། དཔལ་གཏོར་འཁོར་རང་འདྲ་བཅུ་དང་མཐེབ་ཀྱུ་གང་མང་གིས་བསྐོར་བར་སྐུ་ཙཀ་དར་གདུགས་ཀྱིས་བརྒྱན་པ་དཀྱིལ་འཁོར་དབུས་སུ་བཞག་ལ་མཆོད་པས་བསྐོར། ལས་བྱང་བཟླས་པ་དང་བཅས་པ་བཏང་སྟེ་གཏོར་མ་ཉིད་དཀྱིལ་འཁོར་ཡོངས་རྫོགས་སུ་གསལ་ཞིང་ཐུན་མཐར་ཏིང་ངེ་འཛིན་གྱི་དབང་ལེན་གྲུབ་པ་དང༌། སློབ་མ་ཁྲུས་ནས་དབྱུང༌། བགེགས་བསྐྲད། སྲུང་འཁོར་བསྒོམ། སེམས་བསྐྱེད་གསལ་འདེབས་དང་བཅས་དོན་དབང་གི་ལོ་རྒྱུས་ལྟར་སྦྱར་ཏེ། སྨིན་བྱེད་རྒྱས་འབྲིང་བསྡུས་གསུམ་ལས། བསྡུས་པ་བྱིན་རླབས་གཏོར་མའི་དབང་གིས་སྨིན་པར་བྱ་བའི་ཕྱིར་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས་མཛོད། བླ་མ་དཔལ་ཆེན་ཧེ་རུ་ཀ༔ རྡོ་རྗེ་གཞོན་ནུ་ཡབ་ཡུམ་གྱིས༔ བདག་ལ་བྱིན་གྱིས་བརླབས་ནས་ཀྱང༔ སྐུ་གསུང་ཐུགས་ཀྱི་དབང་བསྐུར་སྩོལ༔ ལན་གསུམ། དབང་རྒྱས་པ་དང་དོན་དབང་གི་གཤམ་དུ་སྦྲེལ་ན་དབང་སྒྲུབ་དང་དབང་ལེན་མཎྜལ་ནས་བྱིན་འབེབས་བར་མི་དགོས། འོག་གི་གཏོར་དབང་དངོས་ལ་འཇུག །གཏོར་དབང་ཁོ་ནའི་ཚེ། བསགས་སྦྱང་སྤེལ་གསུམ་གྱི་ཐབས་ཁྱད་པར་ཅན་རྒྱུན་བཤགས་ཡན་ལག་བརྒྱད་པ་ཚུལ་བཞིན་དུ་བྱ་བའི་འདུན་པས་འདིའི་རྗེས་ཟློས་མཛོད། རྡོ་རྗེ་སློབ་དཔོན་སངས་རྒྱས་དཔལ༔ སོགས་ལན་གསུམ། ཡེ་ཤེས་པ་དབབ་པ་ནི། སྣོད་ནི་འོག་མིན་སྟུག་པོ་བཀོད། །བཅུད་ཀྱི་རྟོག་པ་ཀཱི་ལ་ཡ། །མཐིང་ནག་དབུ་དགུ་ཕྱག་བཅོ་བརྒྱད། །གཡས་དཀར་གཡོན་དམར་དབུས་མཐིང་ནག །དེ་སྟེང་ཞལ་གསུམ་ལྗང་སེར་ནག །དེ་སྟེང་ཞལ་གསུམ་སྨུག་མཐིང་དམར། །གཡས་དགུ་དང་པོས་རྡོ་རྗེ་གདེང༌། །འཁོར་ལོ་དགྲ་སྟྭ་རལ་གྲི་མདུང༌། །ཐོ་བ་ལྕགས་ཀྱུ་གསལ་ཤིང་བསྣམས། །གཡོན་དགུས་མེ་དཔུང་ཁཊྭཱཾ་ག །རི་རབ་ཞགས་པ་བྷནྡྷ་དམར། །སྡིག་མཛུབ་མདའ་དང་བདུད་བཞིའི་མགོ །ཐ་མས་རི་རབ་ཕུར་བུ་འདྲིལ། །རང་འོད་ཡུམ་དང་མཉམ་སྦྱོར་བས། །ཐུགས་སྲོག་ཧཱུྃ་ལ་སེམས་བཟུང་ཞིང༌། །སྙོམས་འཇུག་སྒྲ་དང་འོད་ཟེར་སྤྲིན། །གདུང་བའི་གླུ་ཡིས་ཐུགས་དམ་བསྐུལ། །སྐུ་གསུང་ཐུགས་ཀྱི་ཕྱག་རྒྱ་ནི། །ཆར་བཞིན་བབ་སྟེ་དབྱེར་མེད་ཐིམ། །ཡེ་ཤེས་ཆེན་པོའི་བྱིན་ཐོབ་གྱུར། སྤོས་རོལ་དང་བཅས་ལས་བྱང་གི་བྱིན་འབེབས་བཏང་ལ་དབབ། རྡོ་རྗེ་སྤྱི་བོར་བཞག ཏིཥྛ་བཛྲས་བརྟན་པར་བྱ། དེ་ནས་དབང་དངོས་ལ་གཏོར་མ་འདི་ཉིད་དུར་ཁྲོད་ཆེན་པོའི་ཀློང༌། དཀྱིལ་འཁོར་ཡེ་ཤེས་ཀྱི་མེ་དཔུང་འབར་བའི་དབུས་སུ་པདྨ་ཉི་ཟླ་དབང་ཕྱུག་ཕོ་མོ་བསྣོལ་བའི་སྟེང་དུ་བཅོམ་ལྡན་འདས་རྡོ་རྗེ་གཞོན་ནུ་སྐུ་མདོག་མཐིང་ནག་དབུ་དགུ་ཕྱག་བཅོ་བརྒྱད་ཡུམ་འཁོར་ལོ་རྒྱས་འདེབས་མ་དང་མཉམ་པར་སྦྱོར་བའི་སྐུར་གསལ་བའི་སྤྱི་བོའི་ཨོཾ་དཀར་པོ་ལས་སྐུ་དང་ཡིག་འབྲུ་ཕྱག་མཚན་འོད་ཟེར་དཀར་པོ་དཔག་ཏུ་མེད་པ་འཕྲོས། ཁྱེད་རང་རྣམས་ཀྱི་དཔྲལ་བར་ཐིམ་པས་ལུས་ཀྱི་སྡིག་སྒྲིབ་ནད་གདོན་བར་དུ་གཅོད་པ་ཐམས་ཅད་བསལ། སྐུ་ཡི་དབང་དང་བྱིན་རླབས་དངོས་གྲུབ་མ་ལུས་པ་ཐོབ་བྱུང་སྙམ་པའི་མོས་འདུན་མཛོད། གཏོར་མ་སྤྱི་བོར་བཞག་ལ། ཧཱུྃ༔ ཐབས་ཀྱི་སྤྱོད་པས་འགྲོ་དོན་དུ༔ བྱམས་དང་སྙིང་རྗེས་གང་འདུལ་བ༔ སངས་རྒྱས་ཕྲིན་ལས་རྫོགས་མཛད་པ༔ རྡོ་རྗེ་སྐུ་ཡིས་དབང་བསྐུར་རོ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ྄་ཛཿཧཱུྃ་ཨཱཿ ཀཱ་ཡ་ཨ་བྷི་ཥིཉྩ་ཨོཾ༔ གཏོར་མ་དུར་ཁྲོད་རོལ་པ་ཡེ་ཤེས་ཀྱི་མེ་དཔུང་འབར་བའི་དབུས་སུ་པདྨ་ཉི་ཟླ་དབང་ཕྱུག་ཕོ་མོ་བསྣོལ་བའི་སྟེང་དུ་བཅོམ་ལྡན་འདས་རྡོ་རྗེ་གཞོན་ནུ་ཡབ་ཡུམ་གྱི་སྐུར་གསལ་བའི་མགྲིན་པའི་ཨཱཿལས་སྐུ་དང་ཡིག་འབྲུ་ཕྱག་མཚན་འོད་ཟེར་དམར་པོའི་ཚོགས་དཔག་ཏུ་མེད་པ་འཕྲོས། ཁྱེད་རང་རྣམས་ཀྱི་མགྲིན་པར་ཐིམ་པས་ངག་གི་སྡིག་སྒྲིབ་ནད་གདོན་བར་དུ་གཅོད་པ་ཐམས་ཅད་བསལ། གསུང་གི་དབང་དང་བྱིན་རླབས་དངོས་གྲུབ་མ་ལུས་པ་ཐོབ་བྱུང་སྙམ་པའི་མོས་འདུན་མཛོད། གཏོར་མ་མགྲིན་པར་བཞག་ལ། ཧཱུྃ༔ ཐབས་ཀྱི་སྤྱོད་པས་འགྲོ་དོན་དུ༔ བྱམས་དང་སྙིང་རྗེས་གང་འདུལ་བ༔ སངས་རྒྱས་ཕྲིན་ལས་རྫོགས་མཛད་པ༔ རྡོ་རྗེའི་གསུང་གིས་དབང་བསྐུར་རོ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ྄་ཛཿཧཱུྃ་ཨཱཿ ཝཱཀ་ཨ་བྷི་ཥིཉྩ་ཨཱཿ གཏོར་མ་དུར་ཁྲོད་རོལ་པ་ཡེ་ཤེས་ཀྱི་མེ་དཔུང་འབར་བའི་དབུས་སུ་པདྨ་ཉི་ཟླ་དབང་ཕྱུག་ཕོ་མོ་བསྣོལ་བའི་སྟེང་དུ་བཅོམ་ལྡན་འདས་རྡོ་རྗེ་གཞོན་ནུ་ཡབ་ཡུམ་གྱི་སྐུར་གསལ་བའི་ཐུགས་ཀའི་ཧཱུྃ་ལས་སྐུ་དང་ཡིག་འབྲུ་ཕྱག་མཚན་འོད་ཟེར་མཐིང་ནག་གི་ཚོགས་དཔག་ཏུ་མེད་པ་འཕྲོས། ཁྱེད་རང་རྣམས་ཀྱི་ཐུགས་ཀར་ཐིམ་པས་ཡིད་ཀྱི་སྡིག་སྒྲིབ་ནད་གདོན་བར་དུ་གཅོད་པ་ཐམས་ཅད་བསལ། ཐུགས་ཀྱི་དབང་དང་བྱིན་རླབས་དངོས་གྲུབ་མ་ལུས་པ་ཐོབ་བྱུང་སྙམ་པའི་མོས་འདུན་མཛོད། གཏོར་མ་སྙིང་གར་བཞག་ལ། ཧཱུྃ༔ ཐབས་ཀྱི་སྤྱོད་པས་འགྲོ་དོན་དུ༔ བྱམས་དང་སྙིང་རྗེས་གང་འདུལ་བ༔ སངས་རྒྱས་ཕྲིན་ལས་རྫོགས་མཛད་པ༔ རྡོ་རྗེའི་ཐུགས་ཀྱིས་དབང་བསྐུར་རོ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ྄་ཛཿཧཱུྃ་ཨཱཿ ཙིཏྟ་ཨ་བྷི་ཥིཉྩ་ཧཱུྃ༔ གཏོར་མ་དུར་ཁྲོད་རོལ་པ་ཡེ་ཤེས་ཀྱི་མེ་དཔུང་འབར་བའི་དབུས་སུ་པདྨ་ཉི་ཟླ་དབང་ཕྱུག་ཕོ་མོ་བསྣོལ་བའི་སྟེང་དུ་བཅོམ་ལྡན་འདས་རྡོ་རྗེ་གཞོན་ནུ་ཡབ་ཡུམ་གྱི་སྐུར་གསལ་བའི་གནས་གསུམ་ལས་འོད་ཟེར་དཀར་དམར་མཐིང་གའི་ཚོགས་དཔག་ཏུ་མེད་པ་འཕྲོས། ཁྱེད་རང་རྣམས་ཀྱི་གནས་གསུམ་དུ་ཐིམ་པས་སྒོ་གསུམ་ཆ་མཉམ་གྱི་སྡིག་སྒྲིབ་ནད་གདོན་བར་དུ་གཅོད་པ་ཐམས་ཅད་བསལ། རྡོ་རྗེ་གསུམ་གྱི་དབང་དང་བྱིན་རླབས་དངོས་གྲུབ་མ་ལུས་པ་ཐོབ་བྱུང་སྙམ་པའི་མོས་འདུན་མཛོད། གཏོར་མ་གནས་གསུམ་དུ་བཞག་ལ། ཧཱུྃ༔ ཐབས་ཀྱི་སྤྱོད་པས་འགྲོ་དོན་དུ༔ བྱམས་དང་སྙིང་རྗེས་གང་འདུལ་བ༔ སངས་རྒྱས་ཕྲིན་ལས་རྫོགས་མཛད་པ༔ རྡོ་རྗེའི་གསུམ་གྱི་དབང་བསྐུར་རོ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ྄་ཛཿཧཱུྃ་ཨཱཿ ཀཱ་ཡ་ཝཱཀ་ཙིཏྟ་སརྦ་ཨ་བྷི་ཥིཉྩ་ཨོཾ་ཨཱཿཧཱུྃ༔ མཐར་གཏོར་མའི་བཀའ་བསྒོ་བྱེད་ན། སླར་ཡང་གཏོར་མ་དཔལ་ཆེན་རྡོ་རྗེ་གཞོན་ནུ་ཡབ་ཡུམ་གཙོ་འཁོར་སྤྲུལ་པ་ཕྱག་བརྙན་དང་བཅས་པའི་སྟེང་གི་ཆ་ལ་རིག་འཛིན་རྩ་བརྒྱུད་ཀྱི་བླ་མ། བར་གྱི་ཆ་ལ་ཡི་དམ་རྒྱུད་སྡེའི་ལྷ་ཚོགས། འོག་གི་ཆ་ལ་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་ཏེ་བཞུགས་པ། ཁྱེད་རང་རྣམས་ཀྱི་སྤྱི་བོར་སྤྱན་དྲངས་ཤིང་བྱིན་གྱིས་བརླབས་པ་ལ་བརྟེན། སྐུ་ཡི་ཆ་ཐམས་ཅད་ནས་ཁྲོ་ཆུང་མཚོན་ཆ་མེ་དཔུང་གི་ཚོགས་འཕྲོས་པས་ནད་གདོན་བར་དུ་གཅོད་པ་ཐམས་ཅད་རྒྱང་རིང་དུ་བསྐྲད་ཅིང་བསལ། རྡོ་རྗེ་བདུད་རྩིའི་བྱིན་རླབས་ཡེ་ཤེས་ཀྱི་ཆུ་རྒྱུན་དཔག་ཏུ་མེད་པ་བྱུང་ཞིང་ཁྱེད་རང་རྣམས་ཀྱི་སྤྱི་བོ་ནས་ཞུགས། ལུས་ཀྱི་ནང་ཐམས་ཅད་གང་བས་དབང་བཞི་རྩལ་རྫོགས་སུ་ཐོབ། དངོས་གྲུབ་རྣམ་གཉིས་སྟན་ཐོག་གཅིག་ཏུ་བརྙེས་པར་མོས་ཤིག །སློབ་དཔོན་གྱིས་གཏོར་མ་ཐོགས་ལ། ཆོས་སྐུ་ཀུན་ཏུ་བཟང་པོ། ཁྱབ་བདག་རྡོ་རྗེ་སེམས་དཔའ། དཔལ་ཆེན་རྡོ་རྗེ་གཞོན་ནུ། ཡུམ་ཆེན་འཁོར་ལོ་རྒྱས་འདེབས། སྒྲོལ་ཡུམ་ཨེ་ཀ་ཛཱ་ཊི། བདུད་འདུལ་ཁྲོ་བཅུ་ཡབ་ཡུམ། སྤྲུལ་པའི་ཕྲ་ཕྱག་ཉི་ཤུ། བདུད་འདུལ་སྲས་མཆོག་ཉེར་གཅིག །ལས་མཛད་རིགས་བཞིའི་སྲས་མཆོག །སྒོ་སྐྱོང་ཁྲོ་མོ་རྣམ་བཞི། འབར་བའི་བཀའ་སྡོད་རྒྱ་མཚོ་སོགས་ཕྲིན་ལས་རྡོ་རྗེ་ཕུར་པའི་དཀྱིལ་འཁོར་གྱི་ལྷ་ཚོགས་རྣམས་དང༌། མཁའ་འགྲོ་ལས་ཀྱི་དབང་མོ། སློབ་དཔོན་པྲ་བྷ་ཧསྟི། པཎ་ཆེན་བི་མ་མི་ཏྲ། ཨོ་རྒྱན་རྡོ་རྗེ་ཐོད་ཕྲེང༌། མཁའ་འགྲོ་ཡེ་ཤེས་མཚོ་རྒྱལ། གཉགས་ཆེན་ཡེ་ཤེས་གཞོན་ནུ། སོག་པོ་དཔལ་གྱི་ཡེ་ཤེས། ཀུན་མཁྱེན་རྡོ་རྗེ་གཟི་བརྗིད། པདྨ་མདོ་སྔགས་གླིང་པ། འཇམ་མགོན་ཡེ་ཤེས་རྡོ་རྗེ་ལ་སོགས་པའི་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང༌། གཞན་ཡང་ཡི་དམ་རྒྱུད་སྡེ་བཞི་དྲུག་གི་དཀྱིལ་འཁོར་གྱི་ལྷ་ཚོགས་རྣམས་དང༌། སངས་རྒྱས་བྱང་སེམས་དཔའ་བོ་རྣལ་འབྱོར་མ། དམ་པ་ཆོས་སྐྱོང་བའི་སྲུང་མ་རྣམས་ཀྱི་རྡོ་རྗེའི་ཡེ་ཤེས་ཆེན་པོའི་གཟི་བྱིན་གྱིས་ཇི་སྲིད་རྫོགས་པའི་སངས་རྒྱས་ཀྱི་གོ་འཕང་མ་ཐོབ་བར་དུ་འགལ་རྐྱེན་བར་ཆད་ཐམས་ཅད་ལས་སྲུངས་ཤིག །མི་མཐུན་པའི་ཕྱོགས་ཐམས་ཅད་ལས་སྐྱོབས་ཤིག །མཐུན་རྐྱེན་ལེགས་ཚོགས་ཐམས་ཅད་སྒྲུབ་པར་མཛོད་ཅིག །བསྲུང་བ་དང༌། བསྐྱབ་པ་དང༌། སྦ་བའི་ཕྲིན་ལས་མཛད་དུ་གསོལ། ནད་གདོན་བགེགས་དང་བར་དུ་གཅོད་པ་ཕ་རོལ་གྱི་རྦོད་གཏོང༌། བྱད་ཟོར། གཏད་ཁྲམ། ཆག་ཆེ་ཉམ་ང་ལ་སོགས་པ་མི་མཐུན་པའི་བར་ཆད་ཐམས་ཅད་ཞི་ཞིང༌། མཐུན་རྐྱེན་ཚེ་དང་བསོད་ནམས། ནང་གི་ཉམས་རྟོགས་ཡེ་ཤེས་ཡོན་ཏན་ཐམས་ཅད་འཕེལ་ཞིང་རྒྱས་པ་དང༌། བསམ་དོན་ཆོས་བཞིན་འགྲུབ་པར་བྱིན་གྱིས་བརླབ་ཏུ་གསོལ། ལྷ་འདྲེ་མི་གསུམ་གྱི་འགྲོ་བ་དབང་དུ་འདུ་བ་དང༌། སྒོ་གསུམ་ལ་གནོད་ཅིང་འཚེ་བའི་དགྲ་བགེགས་ལོག་པར་འདྲེན་པའི་ཚོགས་རྣམས་ཀྱིས་བསམ་ངན་སྦྱོར་རྩུབ་ཐམས་ཅད་ཞི་བའི་ཐབས་ཀྱིས་འདུལ་བར་མཛད་དུ་གསོལ། གལ་ཏེ་ཞི་བའི་ཐབས་ཀྱིས་འདུལ་བར་མི་འཚལ་ན། གང་ལ་གང་འཚམ་པའི་ཆད་པས་བཅད་དེ་ལོག་སྒྲུབ་མཐའ་དག་མྱུར་དུ་ཚར་གཅོད་ཅིང་ཞི་བའི་ཕྲིན་ལས་མཛོད་ཅིག །མདོར་ན་ལས་བཞི་གྲུབ་པ་བརྒྱད་ཕྱག་རྒྱ་ཆེན་པོ་མཆོག་གི་དངོས་གྲུབ་ཐམས་ཅད་ལ་དབང་ཐོབ་ནས་གནས་སྐབས་དང་མཐར་ཐུག་གི་ཕན་བདེའི་དཔལ་ཀུན་འབད་པ་མེད་པར་ལྷུན་གྱིས་གྲུབ་ནས་མཐོང་བའི་ཆོས་འདིར་སྤྱི་དཔལ་ཆེན་པོ་ཁྲོ་རྒྱལ་སྟོབས་འདུས་ཀྱི་གསང་བ་མི་ཟད་རྒྱན་གྱི་འཁོར་ལོ་དང་གཉིས་སུ་མེད་པར་བྱང་ཆུབ་པར་མཛད་དུ་གསོལ། ཛཿཧཱུྃ་བྃ་ཧོཿ ཞེས་བརྗོད་པས་གཏོར་མའི་ལྷ་ཚོགས་ཐམས་ཅད་དགྱེས་པ་ཆེན་པོས་འོད་དུ་ལྟེམ་གྱིས་ཞུ་ནས་ཁྱེད་རང་རྣམས་ལ་ཐིམ་པས་ལྷག་པའི་ལྷ་ཡི་སྐུ་གསུང་ཐུགས་དང་དབྱེར་མེད་དུ་གྱུར་པ་ལ་ནམ་མཁའ་གང་བའི་དབང་གི་ལྷ་རྣམས་ཀྱིས་ཤིས་པ་བརྗོད་པའི་ཚིགས་སུ་བཅད་པའི་གླུ་དབྱངས་དང་བཅས་ཏེ་མེ་ཏོག་གི་ཆར་བསྙིལ་བས་དུས་གསུམ་ཀུན་ཏུ་དགེ་ལེགས་རྟག་པའི་ཉི་མ་ཁོར་ཡུག་ཏུ་འཆར་བར་མོས་མཛོད། ཁྲོ་རྒྱལ་སྟོབས་འདུས་ཕྲིན་ལས་ཀཱི་ལ་ཡ། །ཐོགས་མེད་གཅོད་པའི་མཐུ་ལྡན་རྡོ་རྗེའི་མཚོན། །སྒྲོལ་བྱེད་དྲག་པོའི་མཐར་ཐུག་ཕྲིན་ལས་ལྷ། །རྡོ་རྗེ་ཕུར་པའི་ལྷ་ཡི་བཀྲ་ཤིས་ཤོག །ཕུར་ནི་ཆོས་ཉིད་སྟོང་པ་ཉིད་ཀྱི་ངང༌། །པ་ནི་རྟེན་འབྲེལ་བསླུ་མེད་ཡེ་ཤེས་ལྔ། །ཟུང་འཇུག་འབྲས་བུའི་བཀྲ་ཤིས་གང་ལགས་པ། །དེང་འདིར་བདག་ཅག་རྣམས་ལ་བཀྲ་ཤིས་ཤོག །མཉམ་ཉིད་ངང་ལས་ཐུགས་རྗེ་ཁྲོས་པའི་གར། །གདུག་པའི་ཚོགས་ཀུན་མཐར་བྱེད་ཡེ་ཤེས་སྐུ། །དེ་བཞིན་གཤེགས་པ་ཀུན་གྱི་དམ་ཚིག་མཆོག །རྡོ་རྗེ་ཁྲོས་པའི་རྒྱལ་པོ་འགྲུབ་གྱུར་ཅིག །མེ་ཏོག་འཐོར་ཞིང་རོལ་མོ་སྙན་པར་རྒྱུན་རིང་དུ་འཁྲོལ། རྗེས་དམ་ཚིག་ཁས་བླང་གཏང་རག་ལུས་འབུལ་བསྔོ་སྨོན་དང་རྗེས་རིམ་བཅས་སྤྱི་ལྟར་བྱའོ། ༈ རྩ་བའི་གཉིས་པ་སྨད་ལས་དགྲ་བགེགས་བསྒྲལ་བའི་རྗེས་གནང་ནི། ཕྱག་ལེན་རྒྱས་པ་ལ་སྟོད་ལས་ཀྱི་དབང་སོ་སོར་བྱེད་པ་སྟེ་ཞག་གིས་བཅད་པ་ཡིན་ན། སྟོད་ལས་ཀྱི་དབང་ཆས་བུམ་པ་སོགས་བསྡུ། དཀྱིལ་འཁོར་སྔ་མའི་སྟེང་དུ་ཨེ་ཁྲོམ་གྱི་དཀྱིལ་འཁོར་རམ། བསྡུ་ན་ལྷ་ཕུར་རྣམས་དཀྱིལ་འཁོར་གྱི་ལྷ་གནས་སོ་སོའི་རང་མལ་དུ་བཀོད། ལྷ་ཙཀ་ཡོངས་རྫོགས། རཀྴའི་ཕྲེང་བ། ཕྱག་མཚན་རྡོ་རྗེ། གདབ་ཕུར། ལས་བཞིའི་ཕུར་པ་བཞི། ཕོ་ཉའི་ཕུར་པ། གུ་གུལ། རཀྟ །ཡུངས་ཀར་རྣམས་སྣོད་སོ་སོར། ཀོང་ཟོར། གཏོར་ཟོར་དངོས་སུ་དགོས། མེ་ཧོམ། མནན་ཆས་རྣམས་དངོས་སམ་ཙཀ་ལི། གསེར་སྐྱེམས་ཀྱི་སྣོད། ཕྱག་རྒྱ་བཞི། བྱ་འུག་གི་སྒྲོ། ཡུངས་ཐུན། བྱད་ཐག་སྔོ་དམར་དང་ཚོན་སྐུད་སྣ་ལྔ། དུག་ཁྲག །ཐོ་གཏུན། ཧོམ་གཟར། འབྱོར་ན་སེང་ལྡེང་དང༌། བྱ་རྒོད་ཀྱི་རྐང༌། མཆོག་ཕུར། ཙནྡན་དམར་པོ། ལྕགས། སྐྱེར་པ་རྣམས་ཀྱི་ཕུར་པའམ་མ་འབྱོར་ན་ལྕགས་སོགས་ཀྱི་གདབ་ཕུར་དྲུག །སྒྲོལ་གྲི །ལྕགས་ཧོམ། ཟན་ལིང་སོགས་འདུ་བྱ། ཚེ་འབྲང༌། ཚེ་རིལ་ཆང༌། ཚོགས་རྫས། སྨན་རཀ་གཏོར་གསུམ། དྲག་མཆོད་རྣམས་བཤམས། ཕྲིན་ལས་རྫོགས་པར་བཏང༌། ཉིན་གཅིག་ལ་སྦྲེལ་ན་མཆོད་པ་ཁ་གསོས་ལ་སྔགས་ཙམ་གྱིས་བརླབ། མ་ཏྲཾ་ཀ་རུ་དྲ་ཛཿ ལན་བདུན། མདུན་དུ་མ་ཏྲཾ་དངོས་སུ་གསལ་བར་གྱུར། རྩ་བའི་དཀྱིལ་འཁོར་གྱི་གཙོ་བོའི་ཐུགས་ཀའི་ཧཱུྃ་ལས་འོད་ཟེར་ཕྱོགས་བཅུར་འཕྲོས༔ གནོད་བྱེད་ཐམས་ཅད་བཀུག༔ མ་ཏྲཾ་ལ་ཐིམ༔ ཏྲི་ལས་མ་ཏྲཾ་སྔོ་སྐྱ་མགོ་བོ་ལྷོ་ནུབ་རྐང་པ་བྱང་ཤར་གན་རྐྱལ་དུ་གནས་པ༔ སླར་ཡང་ཐུགས་ཀའི་ཧཱུྃ་ལས་འོད་ཟེར་མ་ཏྲཾ་གི་ཏྲི་ལ་ཕོག༔ དེ་ལས་འོད་ཟེར་ནག་པོ་ཕྱོགས་བཅུར་འཕྲོས༔ ཁམས་གསུམ་རིགས་དྲུག་གི་སྡིག་སྒྲིབ་བག་ཆགས་ཐམས་ཅད་བསྡུས་ནས་མ་ཏྲཾ་ལ་ཐིམ༔ ཧཱུྃ་ལས་མཚོན་ཆའི་ཆར་འཕྲོས་པས་མ་ཏྲཾ་བསྒྲལ་བའི་ཁོག་པ་ཨེ་ཁྲོམ་གྱི་དཀྱིལ་འཁོར་དུ་གྱུར་པ་ནི༔ དབུས་སུ་མཐིང་ནག་གྲུ་གསུམ་ཁྱམས་ནག་པོ༔ ལྕགས་སྲེག་དང་མེའི་ཁྲམ་རིས་བཅད་པའི་དབུས་ཨེ་མཐིང་ནག༔ ཕྱི་རོལ་དུར་ཁྲོད་ཀྱི་གཞལ་ཡས་ཁྲག་མཚོ་དང༔ དུར་ཁྲོད་ཀྱི་ས་གཞི་དང་བཅས་པར་གྱུར༔ སླར་ཡང་ཧཱུྃ་གི་འོད་ཟེར་གྱིས་ལྷ་ཆེན་སོགས་ཕྱོགས་བཅུའི་འབྱུང་པོ་དགྲ་བགེགས་ཐམས་ཅད་བཀུག་གདན་དུ་བྱས༔ དེའི་སྟེང་དུ་དཔལ་ཆེན་པོ་རྡོ་རྗེ་གཞོན་ནུ་ཡབ་ཡུམ། སྲས་མཆོག་ཉེར་གཅིག །ཀཱི་ལ་རིགས་བཞི། ཁྲོ་བཅུ་ཡབ་ཡུམ། ཕྲ་མེན་ཕྱག་བརྙན་དང་བཅས་པ། སྒོ་བཞིར་སྒོ་མ་བཞི། བར་ཁྱམས་སུ་ཕུར་སྲུང་བཅུ་གཉིས། ཕྱི་སྒོ་རུ་སྐྱེས་བུ་གིང་བཞི། ཕྱི་ཁྱམས་སུ་དབང་ཕྱུག་ཉེར་བརྒྱད། དགེ་བསྙེན་ཉེར་གཅིག་སོགས་རྡོ་རྗེ་ཕུར་པའི་དཀྱིལ་འཁོར་གྱི་ལྷ་ཚོགས་རྣམས་སོ་སོའི་སྐུ་མདོག་ཕྱག་མཚན་རྒྱན་ཆ་ལུགས་ཐམས་ཅད་ཡོངས་སུ་རྫོགས་པར་གསལ་ཞིང༌། ཕྲིན་ལས་འདོད་རྒུར་སྒྱུར་བའི་རང་བཞིན་ཅན། དཀྱིལ་འཁོར་བར་མཚམས་ཐམས་ཅད་དུ་མཆོད་པའི་སྤྲིན་རབ་འབྱམས་སྤྲོ་བའི་བདག་ཉིད་ཅན་དུ་གྱུར། ཞེས་དཀྱིལ་འཁོར་ཞལ་བསྒྱུར་ལ། ལས་བྱང་ལྷ་བསྐྱེད་ནས་བསྟོད་པའི་བར་བཏང༌། བདག་བསྐྱེད་འོད་ཟེར་སྤྲོ་བསྡུ་ལ་དམིགས་ཏེ་བསྙེན་སྒྲུབ་ཀྱི་བཟླས་པ་དང༌། ལས་སྦྱོར་སྤུ་གྲིའི་སྔགས་ཀྱང་ཉེར་གཅིག་ཙམ་བཟླས་ལ་ཐུན་སོགས་བྱིན་གྱིས་བརླབ། སློབ་དཔོན་ཆས་སུ་ཞུགས། ཆོག་རོག་པས་རྔ་རོལ་ཙམ་འཛོམ་ན་ལེགས། གོང་ལྟར་སློབ་མ་ཁྲུས་ནས་དབྱུང༌། གྲལ་དུ་འཁོད་པ་ལ། ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་བཅོམ་ལྡན་འདས་དཔལ་ཆེན་རྡོ་རྗེ་གཞོན་ནུའི་གོ་འཕང་ཐོབ་པར་བྱ། དེའི་ཆེད་དུ་ཐར་ལམ་སྒྲུབ་པ་ལ་བར་གཅོད་བདུད་བགེགས་ལོག་འདྲེན་ཐམས་ཅད་མངོན་སྤྱོད་རོལ་པའི་ཕྲིན་ལས་ཀྱིས་ཚར་གཅོད་པར་བྱེད་པ་དྲག་པོའི་སྒྲོལ་དབང་གསན་སྙམ་པའི་ཐུགས་བསྐྱེད་གསལ་བཏབ་ལ་གསན་འཚལ། དེ་ཡང་ངོ་བོ་རྒྱུད་ཀྱི་དགོངས་པ་དང་འབྲེལ་བའི་ཚིག་དོན་ཟབ་ཅིང་རྒྱ་ཆེ་བ། རྣམ་པ་ཟབ་གཏེར་ལུང་གི་ཚུལ་དུ་བཀའ་བབ་པས་གནད་དོན་ཁ་ཚང་དོན་འདྲིལ། མཆོག་དང་ཐུན་མོང་གི་ལས་རབ་འབྱམས་སྒྲུབ་པའི་ཁྱད་ཆོས་དུ་མ་དང་ལྡན་པ་ཡང་གསང་ཐུགས་ཀྱི་ཕུར་གཅིག་གི་སྟོད་ལས་ཀྱི་དབང་བསྐུར་བ་སྔོན་དུ་སོང་གྲུབ་ནས། འདིར་ཚད་མེད་སྙིང་རྗེའི་ཕུར་པ་རིགས་དྲུག་གི་སེམས་ཅན་ཀུན་ལ་འདེབས་པའི་སྙིང་རྗེའི་དཔྱང་ཐག་དང་ལྡན་པ། མཚན་མ་རྫས་ཀྱི་ཕུར་བུ་སྒྲུབ་པའི་ལས་ཀྱི་གཟེར་ཁ་བརྣག་པའི་ཡུལ་ལ་འདེབས་པའི་ཕྲིན་ལས་སྒྲུབ་པ་ལ་དབང་བར་བྱེད་པ་སྨད་ལས་དྲག་པོ་སྒྲོལ་བའི་དབང་བསྐུར་ནས་མངོན་སྤྱོད་ཀྱི་ལས་རིམ་ལ་འཇུག་དགོས་པའི་རྒྱུ་མཚན་ནི། སྔོན་བསྐལ་པ་ཀུན་བཀོད་ལ་རུ་ཏྲ་ཐར་པ་ནག་པོ་འདུལ་བའི་ཕྱིར་ཀརྨ་ཧེ་རུ་ཀས་དུས་གསུམ་གྱི་རྒྱལ་བ་བསྐུལ་ནས་རྡོ་རྗེ་རྟ་ཡི་ཚོགས་སོགས་ཁྲོ་བོ་ཆེན་པོ་རྣམས་རིམ་བཞིན་སྤྲོས་པ་ལས་མ་ཐུལ་བའི་ཚུལ་མཛད་ནས་རུ་ཏྲའི་ཆུང་མ་ཀྲོ་དྷཱི་ཤྭ་རི་མ་ལ་མ་ཆགས་ཐབས་ཀྱིས་སྦྱོར་བས་སྲས་རྡོ་རྗེ་གཞོན་ནུ་དབུ་གསུམ་ཕྱག་དྲུག་པ་རྡོ་རྗེའི་གཤོག་པས་བར་སྣང་ཁྱབ་པ། ཀཱི་ལ་ཡའི་སྒྲ་སྒྲོགས་པ་སྐྱེས་པ་རུ་ཏྲས་མཐོང་མ་ཐག་འཁོར་དང་བཅས་པ་བརྒྱལ་ནས་འགྱེལ། ཁ་ནས་ཁྲག་སྐྱུག །འཁོར་གཏུམ་མོ་དང་སྲིན་མོ་རྣམས་ལའང་ཕག་གདོང་དང་དོམ་གྱི་མགོ་ཅན་སོགས་ལྟས་ངན་མང་པོ་སྐྱེས། བརྒྱལ་སངས་པ་དང་ལངས་ནས་འཁོར་རྣམས་བོས་ཏེ་སྨྲེ་སྔགས་མང་དུ་བཏོན་ནས་བདུད་ཀྱི་དམག་དང་མཚོན་ཆའི་ཆར་ཕབ་ཅིང་རུ་ཏྲས་ཀྱང་དབུ་གསུམ། ཕྱག་དྲུག་ཏུ་བྱས་པ་དང༌། རྡོ་རྗེ་གཞོན་ནུས་དབུ་དགུ་ཕྱག་བཅོ་བརྒྱད་པར་སྤྲུལ་ཞིང༌། ཡང་དེ་འདྲ་དཔག་མེད་སྤྲུལ་པས་ངག་སྨྲ་བརྗོད་དང་བྲལ་བར་བྱས། མཛད་པ་དེ་དང་མཐུན་པའི་སྒྲུབ་ཐབས་ཕུར་པ་མྱང་འདས་གསུངས། སླར་ཡང་རུ་ཏྲས་ཀྱང་དབུ་དགུ་ཕྱག་བཅོ་བརྒྱད་དུ་སྤྲུལ་པས་གཉེན་པོ་རྡོ་རྗེ་གཞོན་ནུས་དབུ་སྟོང་ཕྱག་སྟོང་སྤྱན་བྱེ་བ་སྟོང་དུ་སྤྲུལ། དབུ་དགུ་པ་མང་པོ་བ་སྤུའི་བུ་ག་ནས་བཀྱེས། ཁྲོ་བོ་བཅུ་སྤྲུལ་ནས་ཕྱོགས་སྐྱོང་རྣམས་གདན་དུ་གཏིང༌། བསྒྲལ་བའི་ལས་དྲུག་གིས་བསྒྲལ་བས་བདུད་དམག་སོ་སོར་བྱེར། རྡོ་རྗེ་གཞོན་ནུ་ལ་དུས་གསུམ་གྱི་བུདྡྷ་ཐམས་ཅད་ཀྱིས་རྡོ་རྗེ་སྲིན་པོའི་ངུར་དབྱངས་ཀྱིས་བསྟོད། རྡོ་རྗེ་རྟ་ཡི་ཚོགས་ཀྱིས་རྟའི་རྔམ་དབྱངས་ཀྱིས་དཔའ་བཀོང་བའི་ཚུལ་དང་མཐུན་པ་སྒྲུབ་ཐབས་ཕུར་པ་གསང་རྒྱུད་གསུངས་པས་མཚོན། མདོར་ན་དྲག་པོ་མངོན་སྤྱོད་ཀྱི་ཕྲིན་ལས་མཛད་པར་རྡོ་རྗེ་གཞོན་ནུ་ལ་དུས་གསུམ་གྱི་རྒྱལ་བས་བསྔགས་པ་བཞིན་སྔོན་བྱུང་སྟོན་པའི་རྣམ་ཐར་དང་མཐུན་པར་རྗེས་འཇུག་གདུལ་བྱའི་ཉམས་ལེན་ལ་སྦྱོར་བའི་དབང་བསྐུར་ཞུ་བའི་དོན་དུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས་མཛོད། ཨེ་མ་ཁྲག་འཐུང་དཔའ་བོ་ཆེ༔ བདག་ཅག་རྡོ་རྗེའི་རིགས་སྒྲུབ་ཕྱིར༔ དྲག་ཤུལ་རོལ་པའི་ཕྲིན་ལས་དབང༔ དེང་འདིར་མངོན་པར་བསྐུར་དུ་གསོལ༔ ལན་གསུམ། སྟོད་ལས་དང་སྨད་ལས་ཀྱི་དབང་ཞག་གིས་བཅད་ན་སྐབས་འདིར་སྐྱབས་སེམས་རྒྱུད་སྦྱངས། སྡོམ་བཟུང་རྣམས་སྟོད་ལས་དབང་གི་སྐབས་བཞིན་སྦྱར། ཞག་གིས་མ་བཅད་ན། དེ་ལ་ཐོག་མར་ཁྱེད་རང་རྣམས་ཡེ་ཤེས་ལྷའི་བསྐྱེད་རིམ་འདི་ལྟར་དུ་གྱིས་ཤིག །ཨོཾ་མ་ཧཱ་ཤཱུ་ནྱ་ཏཱ་སོགས། སྟོང་པའི་ངང་ལས་ཁྱེད་རང་རྣམས་གང་དུ་གནས་པའི་གོ་སར་སོགས་ནས། ཐུགས་ཀར་ཧཱུྃ་མཐིང་ནག་གིས་མཚན་པ་གསལ་ཐོབ་ཅིག །དཀྱིལ་འཁོར་གྱི་གཙོ་བོ་ཁྲོ་བཅུ་དང་བཅས་པ་ལས་ཡེ་ཤེས་ཀྱི་ཕྱག་རྒྱ་གཉིས་པ་རེ་འཕྲོས་པས་སོ་སོའི་སྐུ་དང་དབྱེར་མེད་དུ་བྱིན་གྱིས་བརླབས་པར་མོས་ཤིག །སྐུ་ཙཀ་རྣམས་ཀྱིས་རིམ་བཞིན་དབང་བསྐུར་ལ། ཧཱུྃ༔ དབུས་ཕྱོགས་གྲུ་གསུམ་གཞལ་ཡས་ནས༔ བཅོམ་ལྡན་རྡོ་རྗེ་གཞོན་ནུ་ནི༔ ཡུམ་ཆེན་འཁོར་ལོ་རྒྱས་འདེབས་སྦྱོར༔ སྒྲོལ་ཡུམ་ཨེ་ཀ་ཛཱ་ཊི་བཅས༔ སྤྲུལ་པ་སྲས་མཆོག་ཁྲོ་བཅུ་སྤྲོ༔ རིགས་ཀྱི་བུ་ལ་དབང་བསྐུར་བས༔ དཔལ་ཆེན་པོ་དང་གཉིས་མེད་ཤོག༔ རྩ་སྔགས་མཐར། ཨ་བྷི་ཥིཉྩ་ཧཱུྃ༔ ཧཱུྃ༔ སྟེང་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་ཧཱུྃ་མཛད་ཧཱུྃ༔ ཡུམ་ནི་རྡོ་རྗེ་སྒྲ་འབྱིན་མ༔ སྤྲུལ་པ་ཕག་དང་རྨིགས་བུའི་མགོས༔ རིགས་ཀྱི་བུ་ལ་དབང་བསྐུར་བས༔ སྟེང་གདོན་འདུལ་བའི་མཐུ་ཐོབ་ཤོག༔ རང་སྔགས། ཨ་བྷི་ཥིཉྩ་ཧཱུྃ༔ ཧཱུྃ༔ ཤར་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་རྣམ་པར་རྒྱལ༔ ཡུམ་ནི་རྡོ་རྗེ་མདའ་སྙེམས་མ༔ སྤྲུལ་པ་སྟག་དང་བྱ་རྒོད་མགོས༔ རིགས་ཀྱི་བུ་ལ་དབང་བསྐུར་བས༔ དྲི་ཟ་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ ལྷོ་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་གཤིན་རྗེ་གཤེད༔ ཡུམ་ནི་རྡོ་རྗེ་དུར་ཁྲོད་བདག༔ སྤྲུལ་པ་ཤ་བ་འུག་པའི་མགོས༔ རིགས་ཀྱི་བུ་ལ་དབང་བསྐུར་བས༔ གཤིན་རྗེ་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ ནུབ་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་རྟ་མགྲིན་དབང༔ ཡུམ་ནི་རྡོ་རྗེ་གཏུམ་མོ་མ༔ སྤྲུལ་པ་བྱི་ལ་པུ་ཤུད་མགོས༔ རིགས་ཀྱི་བུ་ལ་དབང་བསྐུར་བས༔ ཀླུ་གདོན་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ བྱང་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་བདུད་རྩི་འཁྱིལ༔ ཡུམ་ནི་རྡོ་རྗེ་རླུང་འབྱིན་མ༔ སྤྲུལ་པ་སེང་གེ་ཕ་ཝཾ་མགོས༔ རིགས་ཀྱི་བུ་ལ་དབང་བསྐུར་བས༔ གནོད་སྦྱིན་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ ཤར་ལྷོ་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་དབྱུག་པ་སྔོན༔ ཡུམ་ནི་རྡོ་རྗེ་སྡེར་མོ་མ༔ སྤྲུལ་པ་གཡག་དང་བྱ་རོག་མགོས༔ རིགས་ཀྱི་བུ་ལ་དབང་བསྐུར་བས༔ མེ་ལྷ་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ ལྷོ་ནུབ་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་མི་གཡོ་མགོན༔ ཡུམ་ནི་རྡོ་རྗེ་གཏུན་ཁུང་མ༔ སྤྲུལ་པ་གཟིག་དང་ཁྭ་ཏའི་མགོས༔ རིགས་ཀྱི་བུ་ལ་དབང་བསྐུར་བས༔ སྲིན་པོ་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ ནུབ་བྱང་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་འདོད་པའི་རྒྱལ༔ ཡུམ་ནི་རྡོ་རྗེ་སྙེམས་མ་དམར༔ སྤྲུལ་པ་སྤྱང་ཀི་ཁྲ་ཡི་མགོས༔ རིགས་ཀྱི་བུ་ལ་དབང་བསྐུར་བས༔ རླུང་ལྷ་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ བྱང་ཤར་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་ཁམས་གསུམ་རྒྱལ༔ ཡུམ་ནི་རྡོ་རྗེ་གསོད་བྱེད་མ༔ སྤྲུལ་པ་དོམ་དང་སྲེ་མོང་མགོས༔ རིགས་ཀྱི་བུ་ལ་དབང་བསྐུར་བས༔ དབང་ལྡན་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ འོག་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་སྟོབས་ཆེན་པོ༔ ཡུམ་ནི་རྡོ་རྗེ་བསྐྱོད་བྱེད་མ༔ སྤྲུལ་པ་དྲེད་དང་བྱི་བའི་མགོས༔ རིགས་ཀྱི་བུ་ལ་དབང་བསྐུར་བས༔ ས་བདག་འདུལ་བའི་མཐུ་ཐོབ་ཤོག༔ སྔགས། ཧཱུྃ༔ མདུན་ཕྱོགས་ཟླ་གམ་གདན་སྟེང་ནས༔ ཐུགས་ཀྱི་སྲས་མཆོག་ཀཱི་ལ་ཡས༔ རིགས་ཀྱི་བུ་ལ་དབང་བསྐུར་བས༔ གཟུགས་མེད་ཁམས་འདུལ་དབང་ཐོབ་ཤོག༔ སྔགས། ཧཱུྃ༔ གཡས་ཕྱོགས་ཟླ་གམ་གདན་སྟེང་ནས༔ སྐུ་ཡི་སྲས་མཆོག་ཀཱི་ལ་ཡས༔ རིགས་ཀྱི་བུ་ལ་དབང་བསྐུར་བས༔ འདོད་ཁམས་འདུལ་བའི་དབང་ཐོབ་ཤོག༔ སྔགས། ཧཱུྃ༔ གཡོན་ཕྱོགས་ཟླ་གམ་གདན་སྟེང་ནས༔ གསུང་གི་སྲས་མཆོག་ཀཱི་ལ་ཡས༔ རིགས་ཀྱི་བུ་ལ་དབང་བསྐུར་བས༔ གཟུགས་ཁམས་འདུལ་བའི་དབང་ཐོབ་ཤོག༔ སྔགས། ཧཱུྃ༔ གཞལ་ཡས་གྲུ་ཆད་ཤར་ལྷོ་ནས༔ ཞི་བའི་ལས་མཛད་བུདྡྷའི་རིགས༔ རིགས་ཀྱི་བུ་ལ་དབང་བསྐུར་བས༔ ཞི་བྱེད་ཕྲིན་ལས་མཐར་ཕྱིན་ཤོག༔ སྔགས། ཧཱུྃ༔ གཞལ་ཡས་གྲུ་ཆད་ལྷོ་ནུབ་ནས༔ རྒྱས་པའི་ལས་མཛད་རཏྣའི་རིགས༔ རིགས་ཀྱི་བུ་ལ་དབང་བསྐུར་བས༔ རྒྱས་བྱེད་ཕྲིན་ལས་མཐར་ཕྱིན་ཤོག༔ སྔགས། ཧཱུྃ༔ གཞལ་ཡས་གྲུ་ཆད་ནུབ་བྱང་ནས༔ དབང་གི་ལས་མཛད་པདྨའི་རིགས༔ རིགས་ཀྱི་བུ་ལ་དབང་བསྐུར་བས༔ དབང་བྱེད་ཕྲིན་ལས་མཐར་ཕྱིན་ཤོག༔ སྔགས། ཧཱུྃ༔ གཞལ་ཡས་གྲུ་ཆད་བྱང་ཤར་ནས༔ དྲག་པོའི་ལས་མཛད་ཀརྨའི་རིགས༔ རིགས་ཀྱི་བུ་ལ་དབང་བསྐུར་བས༔ དྲག་པོའི་ཕྲིན་ལས་མཐར་ཕྱིན་ཤོག༔ སྔགས། ཧཱུྃ༔ གཞལ་ཡས་ཁོར་ཡུག་ཁྲག་ཁྱམས་ནས༔ ཕུར་པའི་ལས་མཁན་དམ་ཅན་ཚོགས༔ རིགས་ཀྱི་བུ་ལ་དབང་བསྐུར་བས༔ གདུག་པ་ཀུན་འདུལ་དབང་ཐོབ་ཤོག༔ སྔགས། ཧཱུྃ༔ དཀྱིལ་འཁོར་ཕྱོགས་ཀྱི་སྒོ་བཞི་ནས༔ ཕྲིན་ལས་བཞི་མཛད་སྒོ་མ་བཞི༔ རིགས་ཀྱི་བུ་ལ་དབང་བསྐུར་བས༔ ཚར་གཅོད་རྗེས་འཛིན་དབང་ཐོབ་ཤོག༔ སྔགས། དེང་ཕྱིན་ཆད་གསལ་བརྟན་དག་གསུམ་དང་ལྡན་པའི་བསྐྱེད་རིམ་གྱད་དུ་གྱུར་པས་བདུད་བཞིས་ཀྱང་བསྐྱོད་དུ་མེད་པའི་གདིང་ཐོབ་པར་གྱིས་ཤིག །ལྷ་ཚོགས་རྣམས་ཀྱི་ཞལ་ནས་སྔགས་ཀྱི་ཕྲེང་བ་བྱུང༌། ཁྱེད་རང་རྣམས་ཀྱི་ངག་ལ་ཐིམ་པས་དྲག་སྔགས་ནུས་པའི་མཐུ་དབང་ཐོབ་པར་བསམ་ལ་སྔགས་འདི་རྣམས་ཀྱི་རྗེས་ཟློས་མཛོད། རཀྴའི་ཕྲེང་བ་གཏད་ལ་རྒྱས་ན་དྲག་སྔགས་ཚང་མ་དང༌། བསྡུ་ན་འདི་སྐབས་སྤུ་གྲིའི་སྔགས་རྗེས་ཟློས་ལན་གསུམ་བྱར་གཞུག །དེང་ནས་དྲག་སྔགས་ཀྱི་བཟླས་པ་ཆུ་བོའི་རྒྱུན་ལྟར་བརྩོན་པས་ངག་གི་ནུས་པ་མེ་ལྟར་འབར་ཏེ་མངོན་སྤྱོད་ཀྱི་ཕྲིན་ལས་མཐའ་དག་ཐོགས་མེད་དུ་སྒྲུབ་པར་གྱིས་ཤིག །བདེ་སྟོང་གཉིས་སུ་མེད་པའི་ཡེ་ཤེས་ཀྱི་ཕྱག་རྒྱ་རྡོ་རྗེ་སློབ་དཔོན་གྱི་ཐུགས་ཀ་ནས་སྤྲོས་ཏེ་ཁྱེད་རང་རྣམས་ཀྱི་སྙིང་དབུས་སུ་ཐིམ་པས་ཟུང་འཇུག་འོད་གསལ་རང་བྱུང་གི་དགོངས་པ་མངོན་དུ་གྱུར་པར་མོས་ཤིག །ཕྱག་མཚན་རྡོ་རྗེ་གཏད་ལ། ཧཱུྃ༔ རྡོ་རྗེ་སྟོང་པ་ཉིད་ཀྱི་དབྱིངས༔ གཞོན་ནུ་ཡེ་ཤེས་རིག་པའི་སྐུ༔ མཚོན་བྱེད་དཔལ་གྱི་ཕྱག་མཚན་འདི༔ སྐལ་ལྡན་བུ་ལ་སྦྱིན་གྱིས་ལོངས༔ ཨོཾ་བཛྲ་ཙིཏྟ་ཨ་བྷི་ཥིཉྩ་ཧཱུྃ༔ དེང་ནས་བཟུང་སྟེ་རིག་སྟོང་ཡེ་ཤེས་ཆེན་པོའི་ངང་ལ་རྟག་ཏུ་མཉམ་པར་བཞག་པ་ལས་མ་གཡོས་པས་རྟོག་ཚོགས་ཐམས་ཅད་ལ་དགོངས་པ་མི་འགྱུར་བའི་གཟེར་དང་འཕྲོ་འདུའི་ཏིང་ངེ་འཛིན་གྱིས་གཟེར་ཐེབ་པར་གྱིས་ཤིག །ཀརྨ་ཡཀྴ་ཀྲོ་དྷའི་ངོ་བོ་སྲས་མཆོག་དངོས་སུ་གསལ་བའི་ཕུར་བུ་དང༌། ལས་བཞི་སོ་སོ། ཕོ་ཉ་རྣམས་ཀྱི་ཐུན་ཕུར་བྱིན་པས་གདབ་པའི་ལས་སོ་སོ་ཐོགས་མེད་དུ་འགྲུབ་པའི་ནུས་མཐུ་ཐོབ་པར་མོས་ཤིག །གདབ་ཕུར་གྱིས་དབང་བསྐུར་ཞིང་ལག་ཏུ་གཏད། ཧཱུྃ༔ དཱིཔྟ་ཙཀྲ་ཕུར་བུའི་ལྷ༔ མཐིང་ནག་ལྕགས་ཀྱི་རལ་པ་ཅན༔ ཐམས་ཅད་ཨུཏྤལ་མདོག་ཅན་ལ༔ སྐུ་སྨད་ཨེ་ཡི་རང་བཞིན་ཅན༔ བཏབ་ན་ལྷ་ཡང་བརླག་བྱེད་ན༔ དགྲ་དང་བགེགས་ལ་སྨོས་ཅི་དགོས༔ སྒྲིལ་ཞིང་འདེབས་པའི་དབང་བསྐུར་རོ༔ ཨོཾ་བཛྲ་ཀཱི་ལི་ཀཱི་ལ་ཡ་དཱིཔྟ་ཙཀྲ་ཧཱུྃ་ཕཊ྄༔ ཨ་བྷི་ཥིཉྩ་ཧཱུྃ༔ ལས་བཞི་སོ་སོའི་འདེབས་ཕུར་གཏད་ལ། ཧཱུྃ༔ ཞི་བར་བྱེད་པ་ཕུར་བུའི་ལྷ༔ དངུལ་ལམ་དཀར་པོའི་ཤིང་དག་ལ༔ མགོ་བོ་རྒྱ་མདུད་རྩེ་ཟླུམ་པོ༔ ངོས་ལ་ཞི་བའི་ལྷ་བསྒོམས་ཏེ༔ གང་ལ་བཏབ་ཀྱང་ཞི་བར་འགྱུར༔ སྒྲིལ་ཞིང་འདེབས་པའི་དབང་བསྐུར་རོ༔ ཨོཾ་བཛྲ་ཀཱི་ལི་ཀཱི་ལ་ཡ་ཤིཾནྟ་ཀུ་རུ་ཡེ་སྭཱ་ཧཱ༔ ཨ་བྷི་ཥིཉྩ་ཧཱུྃ༔ ཧཱུྃ༔ རྒྱས་པར་བྱེད་པ་ཕུར་བུའི་ལྷ༔ གསེར་རམ་སེར་པོའི་ཤིང་དག་ལ༔ མགོ་བོ་རྒྱ་མདུད་རྩེ་གྲུ་བཞི༔ ངོས་ལ་རྒྱས་པའི་ལྷ་བསྒོམས་ཏེ༔ གང་ལ་བཏབ་ཀྱང་རྒྱས་པར་འགྱུར༔ སྒྲིལ་ཞིང་འདེབས་པའི་དབང་བསྐུར་རོ༔ ཨོཾ་བཛྲ་ཀཱི་ལི་ཀཱི་ལ་ཡ་པུཥྚིཾ་ཀུ་རུ་ཡེ་སྭཱ་ཧཱ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཐམས་ཅད་དབང་སྡུད་ཕུར་བུའི་ལྷ༔ ཟངས་སམ་དམར་པོའི་ཤིང་དག་ལ༔ མགོ་བོ་རྒྱ་མདུད་རྩེ་ཟླ་གམ༔ ངོས་ལ་དབང་གི་ལྷ་བསྒོམས་ཏེ༔ གང་ལ་བཏབ་ཀྱང་དབང་དུ་བྱེད༔ སྒྲིལ་ཞིང་འདེབས་པའི་དབང་བསྐུར་རོ༔ ཨོཾ་བཛྲ་ཀཱི་ལི་ཀཱི་ལ་ཡ་ཝཱ་ཤཾ་ཀུ་རུ་ཡེ་སྭཱ་ཧཱ༔ ཨ་བྷི་ཥིཉྩ་ཧཱུྃ༔ ཧཱུྃ༔ བརླག་པར་བྱེད་པ་ཕུར་བུའི་ལྷ༔ ལྕགས་སམ་དྲག་པོའི་ཤིང་དག་ལ༔ མགོ་བོ་རྒྱ་མདུད་རྩེ་མོ་ཨེ༔ ངོས་ལ་དྲག་པོའི་ལྷ་བསྒོམས་ཏེ༔ གང་ལ་བཏབ་ཀྱང་བརླག་པར་བྱེད༔ སྒྲིལ་ཞིང་འདེབས་པའི་དབང་བསྐུར་རོ༔ ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་ཕཊ྄༔ ཨ་བྷི་ཥིཉྩ་ཧཱུྃ༔ ཕོ་ཉ་རྣམས་ཀྱི་ཐུན་ཕུར་གཏད་ལ། ཧཱུྃ༔ བྲན་དང་བཀའ་ཉན་ཕུར་པའི་ལྷ༔ ཁྱོད་ཀྱི་དམ་ཚིག་དུས་ལ་བབ༔ གདུག་པའི་དགྲ་བགེགས་བསྒྲལ་བར་མཛད༔ སྒྲིལ་ཞིང་འདེབས་པའི་དབང་བསྐུར་རོ༔ ཨོཾ་བཛྲ་ཀཱི་ལི་ཀཱི་ལ་ཡ་མོ་ཧ་གྷ་ཏ་ཡ་མ་མ་ཤྲཱི་གྷྲཾ་ཀརྨ་ཀཱ་ར་ཡེ་ཧཱུྃ་ཕཊ྄༔ ཨ་བྷི་ཥིཉྩ་ཧཱུྃ༔ བྱུག་བདུག་བྲབ་གསུམ་གྱི་རྫས་གཏད་ལ། བྱུག་བདུག་བྲབ་གསུམ་བྱེད་པའི་རྫས་རྣམས་བྱིན་པས་ཕུར་བུའི་གཟི་བྱིན་བསྐྱེད་ཅིང་ཐུགས་དམ་བསྐུལ་བའི་མཐུ་ཐོབ་པར་མོས་ཤིག །ཧཱུྃ༔ ཕུར་བུའི་ཐུགས་དམ་བསྐུལ་བའི་རྫས༔ གཟི་བྱིན་བསྐྱེད་པའི་གུ་གུལ་དང༔ ཐུགས་རྗེ་ཆགས་པའི་རཀྟ་དང༔ བསྐུལ་རྫས་ཡུངས་ཀར་དབང་བསྐུར་རོ༔ སྤྲོ་ན་བྱུག་བདུག་བྲབ་པའི་སྔགས་རྣམས་ཀྱང་བརྗོད་པའི་གཤམ་དུ། ཨ་བྷི་ཥིཉྩ་ཧཱུྃ༔ སྔོན་དཔལ་ཆེན་རྡོ་རྗེ་གཞོན་ནུས་རུ་ཏྲ་བསྒྲལ་བའི་ཚེ་རྡོ་རྗེ་གཞོན་ནུའི་སྤྱི་གཙུག་ནས་ཧ་ས་ཡ་ར་ཧྲི་ཏ་ན་སྤྲོས། རུ་ཏྲའི་སྤྱི་གཙུག་ནས་ཞུགས། སྐྱོབ་པའི་ལྷ་དང་ཕྲལ་བས་མཚོན་གབ་པའི་སྔགས་དྲུག་སྐུ་ཡི་གནས་སོ་སོ་ནས་སྤྲོས་ཏེ་རུ་ཏྲའི་གནས་སོ་སོར་ཞུགས་པས་གདབ་པའི་ལས་དྲུག་མཐར་ཕྱིན་པར་མཛད་པས། བདུད་དམག་བྱེར་ཞིང་རྡོ་རྗེ་གཞོན་ནུ་ལ་དུས་གསུམ་རྒྱལ་བས་བསྔགས་ཤིང༌། ཁྲོ་བོའི་ཚོགས་དཔའ་བཀོང༌། རུ་ཏྲས་དགེ་སྡིག་མི་བསླུ་བར་རིག་སྟེ་སྨྲེ་བཤགས་བཏོན་ནས་ལུས་གཙོ་བོའི་གདན་དུ་གཏིང༌། འཁོར་ཕྱོགས་སྐྱོང་ཕོ་མོ་ཁྲོ་བཅུའི་གདན་དུ་ཕུལ། རྣ་བས་ཆོས་ཉན་རུ་ཏྲ་མ་ཧཱ་ཀཱ་ལ་བྱས་ནས་སངས་རྒྱས་སྟོང་གི་བསྟན་པ་སྲུང་བར་ཁས་བླངས། མཐར་འོག་ཕྱོགས་སུ་སངས་རྒྱས་པར་ལུང་བསྟན། རུ་ཏྲའི་ཐོད་མཁར་རྡོ་རྗེ་ཕུར་པའི་གཞལ་ཡས་ཁང་དུ་བྱིན་གྱིས་བརླབས་པ་སྔོན་བྱུང་སྟོན་པའི་རྣམ་ཐར་རྗེས་འཇུག་གདུལ་བྱའི་ཉམས་ལེན་ལ་སྦྱར་བས་ཕུར་པ་མཁན་པོ་གདབ་ལས་ལ་བརྟེན་ནས་འཚང་རྒྱ་ཞེས་རྒྱུད་ཀྱི་གནད་ཐོ་བཅུ་གཉིས་ཀྱི་སྒོ་ནས་མངོན་སྤྱོད་མཐར་ཕྱིན་པ་སོགས། དྲག་པོ་སྒྲོལ་བའི་ཕྲིན་ལས་ལ་འཇུག་པའི་དབང་བསྐུར་དངོས་ལ། ལྟ་བའི་རྫོང་དང་ལྡན་ཞིང་བསྐྱེད་པའི་འཕྲང་ལས་གྲོལ་ཏེ་བདག་ཉིད་རྩ་བའི་དཀྱིལ་འཁོར། ཕྱོགས་བཅུ་ཁྲོ་བོའི་དཀྱིལ་འཁོར། ཕུར་པ་རྫས་ཀྱི་དཀྱིལ་འཁོར་རྣམས་མངོན་སུམ་བཞིན་དུ་གསལ་ཞིང༌། སྙིང་རྗེའི་སྲོག་དང་ལྡན་པས་ཕྲིན་ལས་རབ་འབྱམས་ཀྱིས་འགྲོ་བ་རྣམས་ཐར་པའི་སར་བཀོད་པར་བྱ། གལ་ཏེ་ཞི་བས་མི་ཐུལ་བ་རྣམས་དྲག་པོ་མངོན་སྤྱོད་ཀྱི་ལས་བརྩམས་ཏེ་སྙིང་རྗེའི་ཀུན་སློང་དང་ལྡན་པའི་སྒོ་ནས་དྲག་པོའི་ལས་ཀྱི་སྦྱོར་བ་མཐར་ཕྱིན་པར་བརྩམས་པར་བགྱིའོ་སྙམ་པས་དམིགས་པ་རེ་རེ་བཞིན་དུ་གསལ་ཐོབ་ཅིག །ཕྱི་སྣོད་ཀྱི་འཇིག་རྟེན་ཐམས་ཅད་ཨེ་ཁྲོམ་འབར་བའི་རང་བཞིན། ནང་བཅུད་རྣམས་རྡོ་རྗེ་ཕུར་པ་རིག་འཛིན་དང་བཅས་པའི་ལྷ་ཚོགས་ཐམས་ཅད་པའི་སྐུར་བཞེངས་ཏེ་རྔམས་པའི་ཧཱུྃ་སྒྲ་སྒྲོགས་ཤིང་ལས་ལ་ཆས་པར་གྱུར། ཐུགས་དམ་བསྐུལ་བ་ནི། ཧཱུྃ༔ མཐིང་ནག་གྲུ་གསུམ་ཨེ་ཡི་དབྱིངས༔ ཆོས་ཀྱི་དབྱིངས་ཀྱི་ཕོ་བྲང་ནས༔ བཅོམ་ལྡན་རྡོ་རྗེ་གཞོན་ནུ་དང༔ ཡུམ་ཆེན་འཁོར་ལོ་རྒྱས་འདེབས་མ༔ གཉིས་མེད་མཉམ་པར་སྦྱོར་བ་ལས༔ སྤྲུལ་པའི་བདུད་འདུལ་ཁྲོ་བོ་བཅུ༔ སྦྱོར་བའི་ཡུམ་མཆོག་ཁྲོ་མོ་བཅུ༔ ཕྲ་ཐབས་ཕོ་ཉ་ཉི་ཤུ་དང༔ སྲས་དང་སྒོ་མ་བཀའ་སྡོད་བཅས༔ དཀྱིལ་འཁོར་ལྷ་ཚོགས་མ་ལུས་པ༔ སྙིང་རྗེ་ཁྲོས་པའི་ཤུགས་ཀྱིས་བཞེངས༔ འབར་བའི་བརྟུལ་ཞུགས་ཆེན་པོ་བསྐྱེད༔ ཁྱེད་རྣམས་སྟོབས་བཅུའི་ཡེ་ཤེས་བདག༔ ལས་ཀུན་དབང་བསྒྱུར་ཐོགས་པ་མེད༔ བདག་གིས་རྩེ་གཅིག་གསོལ་ལགས་ན༔ མ་གཡེལ་ཐུགས་རྗེའི་རྩལ་ཤུགས་བསྐྱེད༔ ཡེ་ཤེས་དབྱིངས་སུ་རྟོག་བྲལ་ཡང༔ ཕྲིན་ལས་འགྲོ་བ་སྒྲོལ་བའི་ཕྱིར༔ སྔོན་གྱི་ཐུགས་དམ་མ་གཡེལ་བར༔ སྡིག་ཅན་དགྲ་ལ་ལས་མཛོད་ཅིག༔ གནོད་པའི་བགེགས་ལ་རྟགས་ཕྱུངས་ཤིག༔ དམ་ཚིག་ཆེན་པོའི་དུས་ལ་བབ༔ མངོན་སྤྱོད་ཕྲིན་ལས་འགྲུབ་པར་མཛོད༔ གཉིས་པ་གསེར་སྐྱེམས་ནི། རྃ་ཡྃ་ཁྃ། གསེར་སྐྱེམས་ཟག་པ་མེད་པ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། ལན་གསུམ་གྱིས་བྱིན་བརླབ་བྱ། ཧཱུྃ། རྒྱལ་བ་དགོངས་པའི་བརྒྱུད་པ་དང༌། །རིག་འཛིན་རིག་པའི་བརྒྱུད་པ་དང༌། །སྙན་ནས་སྙན་བརྒྱུད་བླ་མ་མཆོད། །ཕྲིན་ལས་ཕུར་པའི་རིག་འཛིན་རྣམས། །རྩ་བ་བརྒྱུད་པར་བཅས་པ་ཡི། །དཔལ་ལྡན་བླ་མ་དམ་པ་སོགས། །གསེར་སྐྱེམས་ཕུད་ཀྱི་མཆོད་པ་བཞེས། །དགྲ་བགེགས་སྒྲོལ་བའི་ཕྲིན་ལས་མཛོད། །བཅོམ་ལྡན་རྡོ་རྗེ་གཞོན་ནུ་དང༌། །ཡུམ་ཆེན་འཁོར་ལོ་རྒྱས་འདེབས་མ། །འཇིགས་བྱེད་ཁྲོ་བཅུ་ཡབ་ཡུམ་དང༌། །སྤྲུལ་པའི་ཁྲ་ཐབས་ཉི་ཤུ་དང༌། །ཡེ་ཤེས་སྒོ་མ་བཞི་པོ་དང༌། །སྲས་མཆོག་ཕུར་པའི་ལྷ་ཚོགས་རྣམས། །གསེར་སྐྱེམས་ཕུད་ཀྱི་མཆོད་པ་བཞེས། །དགྲ་བགེགས་སྒྲོལ་བའི་ཕྲིན་ལས་མཛོད། །བྱ་སྤྱོད་རྣལ་འབྱོར་བླ་མེད་པའི། །རྒྱུད་སྡེ་བཞི་ཡི་ཡི་དམ་རྣམས། །གསེར་སྐྱེམས་ཕུད་ཀྱི་མཆོད་པ་བཞེས། །དཔལ་མགོན་ཕོ་རྒྱུད་མོ་རྒྱུད་སོགས། །ཆོས་སྐྱོང་སྲུང་མ་རྒྱ་མཚོ་དང༌། །དམ་ཅན་བཀའ་སྲུང་བཅུ་གཉིས་དང༌། །གིང་ཆེན་དགེ་བསྙེན་འཁོར་བཅས་མཆོད། །ཕྱི་ནང་མཁའ་འགྲོ་འཁོར་དང་བཅས། །དབང་ཕྱུག་ཉི་ཤུ་རྩ་བརྒྱད་མཆོད། །ཕོ་ཉ་ཕྲ་མེན་འབར་མ་དང༌། །མ་བདུན་སྲིང་བཞི་ལ་སོགས་མཆོད། །བདུད་འདུལ་ནག་མོ་མཆེད་བཞི་དང༌། །དཔལ་ལྡན་རེ་མ་ཏི་ལ་སོགས། །མདོར་ན་སུམ་བརྒྱ་དྲུག་ཅུ་རྣམས། །གསེར་སྐྱེམས་ཕུད་ཀྱི་མཆོད་པ་བཞེས། །དགྲ་བགེགས་སྒྲོལ་བའི་ཕྲིན་ལས་མཛོད། །ཕྱོགས་བཅུའི་འཇིག་རྟེན་སྐྱོང་རྣམས་དང༌། །གནས་བདག་ཀུན་དང་ཡུལ་བདག་ཀུན། །ས་ཡི་ཕྱོགས་ནི་འདི་ཉིད་ན། །སའམ་མཁའ་ལ་འཁོད་པ་ཡི། །ལྷ་ཀླུ་གནོད་སྦྱིན་དྲི་ཟ་དང༌། །འབྱུང་པོ་མང་པོ་གང་འཁོད་པ། །གསེར་སྐྱེམས་ཕུད་ཀྱི་མཆོད་པ་བཞེས། །དགྲ་བགེགས་སྒྲོལ་བའི་ཕྲིན་ལས་མཛོད། །གསུམ་པ་གཟུ་དཔང་གསོལ་བ་ནི། ཧཱུྃ༔ སྔོན་ཚེ་དཔལ་ཆེན་ཧེ་རུ་ཀས༔ གདུག་པའི་རུ་ཏྲ་ནག་པོ་ཡིས༔ བྱང་ཆུབ་སྒྲུབ་ལ་བར་བཅད་ཚེ༔ མངོན་སྤྱོད་རྩལ་གྱིས་བསྒྲལ་བ་བཞིན༔ ད་དུས་བསྐལ་པའི་སྙིགས་མ་ལ༔ ལས་ངན་སྤྱི་སྒོས་རུ་ཏྲ་འདིས༔ སངས་རྒྱས་བསྟན་པ་ཐབས་ཀྱིས་བཤིག༔ འགྲོ་བའི་བདེ་སྐྱིད་ངང་གིས་བཅོམ༔ ཉེས་མེད་རྣལ་འབྱོར་གཤེ་ཞིང་སྡང༔ དཀོན་མཆོག་གསུམ་གྱི་དབུ་འཕང་སྨད༔ སྣོད་བཅུད་དཔལ་འབྱོར་འཇོམས་པ་ཡི༔ ཕུང་བྱེད་བསྟན་པའི་ནང་དམེ་མཁན༔ རྡོ་རྗེ་ཐེག་པའི་ལམ་ལ་སྡང༔ དགེ་འདུན་འདུ་བའི་སྒོ་འཕྲོག་ཅིང༔ དབེན་གནས་ཆོས་འཁོར་འཇིག་པ་སོགས༔ ཉེས་པ་དུ་མས་འཚེ་བྱེད་པས༔ བྱང་ཆུབ་སྒྲུབ་ལ་བར་གཅོད་པ༔ བསྒྲལ་བའི་ཞིང་དུ་འདི་གྱུར་པས༔ ལེགས་ཉེས་ཤན་འབྱེད་ཁྱེད་རྣམས་ཀྱིས༔ བདེན་རྫུན་གཉིས་ཀྱི་དཔང་པོ་མཛོད༔ དཀར་ཕྱོགས་རྒྱབ་རྟེན་ཁྱེད་རྣམས་ཕྱིར༔ ར་མདའ་ལྷོགས་ཤིག་ས་མ་ཡ༔ བཞི་པ་ཧོམ་བསྐྱེད་པ་ནི། སྟོང་པའི་ངང་ལས་ཨེ་ལས་ལྕགས་སྲེགས་ཀྱི་ཁང་སྒྲོམ་གྲུ་གསུམ་པ་བང་རིམ་དགུ་པ། ཁ་ཁྱེར་དོག་ཅིང་གཏིང་ཟབ་པ། འོག་ན་འདོད་ཆགས་ཀྱི་ཁྲག་མཚོ་ཁོལ་བ། ལོགས་ལ་ཞེ་སྡང་གི་མེ་རླུང་འཚུབ་པ། སྟེང་ན་གཏི་མུག་གི་མུན་པ་འཐིབས་པ། མཚོན་ཆའི་ཆར་འབེབས་ཤིང་ནད་དང་དུག་གི་རླངས་པ་འཕྱོ་བ། ཐན་དང་ལྟས་ངན་གྱི་ཆོ་འཕྲུལ་མི་བཟད་པ་འཁྲུགས་པ། ལས་བྱེད་གཤིན་རྗེའི་དམག་ཚོགས་སེང་གེ་ལྟར་རྔམས་པ། སྟག་ལྟར་འཕྱོ་བ། སྲིན་པོ་ལྟར་ཁྲོས་པ། ཤ་ཟ་ལྟར་རྒྱུག་པ། རྒྱོབ་རྒྱོབ་དང་སོད་སོད་ཀྱི་སྒྲ་འབྲུག་ལྟར་སྒྲོག་པས་གང་བ། སྲིད་པ་ལས་ཀྱི་བཙོན་ཁང་དྲག་པོ་དེ་ཡི་ནང་དུ་ནྲྀ་དུད་ཁ་ཡོངས་སུ་གྱུར་པ་ལས་དགྲ་བོ་དེ་ཉིད་ལུས་གཅེར་བུ་རིད་པ། མདོག་ནག་ཅིང་དྲན་པ་ཉམས་པ། མྱ་ངན་གྱི་ཕྱག་རྒྱ་ཅན། བུ་ག་དགུ་ནས་རྣག་ཁྲག་འཛག་པ་གནོད་བྱེད་ཐམས་ཅད་འདུས་པའི་ངོ་བོར་གྱུར། ལྔ་པ་བདེན་སྟོབས་བརྗོད་ཅིང་དགུག་པ་ནི། གཡབ་དྲིལ་དང་བཅས་འགུགས་རྒྱས། ན་མོ། རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང༌། སངས་རྒྱས་ཀྱི་བཀའ་བདེན་པ་དང༌། ཆོས་ཀྱི་བཀའ་བདེན་པ་དང༌། དགེ་འདུན་གྱི་བཀའ་བདེན་པ་དང༌། གསང་སྔགས་རིག་སྔགས་གཟུངས་སྔགས་ཀྱི་ལྷ་ཚོགས་རྣམས་ཀྱི་བཀའ་བདེན་པ་དང༌། ཆོས་ཉིད་གདོད་ནས་དག་ཅིང་ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང༌། ཁྱད་པར་དུ་ཡང་བཅོམ་ལྡན་འདས་དཔལ་ཆེན་རྡོ་རྗེ་གཞོན་ནུ་བདུད་འདུལ་ཕུར་པ་ཕྲིན་ལས་རོལ་པའི་དཀྱིལ་འཁོར་གྱི་ལྷ་ཚོགས་བཀའ་སྡོད་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང༌། བདེན་པ་ཆེན་པོའི་མཐུས། བསྟན་དང་འགྲོ་བའི་སྤྱི་དགྲ། ཁྱད་པར་དུ་བདག་ཅག་ཡོན་མཆོད་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་སྔ་དགྲ་ལག་གིས་བདར་བ། ཕྱི་དགྲ་ཡིད་ལ་སེམས་པ། ད་དགྲ་གནོད་ཅིང་འཚེ་བའི་གཟུགས་ཅན་སྡང་བའི་དགྲ། གཟུགས་མེད་གནོད་བྱེད་བགེགས་ཀྱི་རིགས་ལོག་པར་འདྲེན་པ་ཐམས་ཅད་ཀྱི་བླ་སྲོག་རྣམ་པར་ཤེས་པ་ས་འོག་ས་སྟེང་ས་བླ་སྲིད་པ་གསུམ་གར་གནས་གར་བྲོས་ཀྱང་དམིགས་པའི་རྟེན་འདི་ལ་གཉིས་སུ་མེད་པར་ཁུག་ཅིག །ཀཱི་ལ་ཡའི་དྲག་སྔགས་སྦྲེལ་མའི་མཐར། ཛཿཧཱུྃ་བྃ་ཧོཿ པྲ་བེ་ཤ་ཡ་ཕཊ྄༔ ཨ་ཝེ་ཤ་ཡ་ཨས་དགུག་གཞུག་འཆིང་སྡོམ་མྱོས་དབྱེ་དབབ་ཀྱི་རྒྱ་དང་དམིགས་པས་གཟིར་བ་ལན་གསུམ་བྱ། དྲུག་པ་ཕྱག་རྒྱ་བཞིས་བཅིང་པ་ནི། ཧཱུྃ༔ བཅོམ་ལྡན་དཔལ་ཆེན་ཧེ་རུ་ཀ༔ སྤྲུལ་པ་ཡང་སྤྲུལ་བཀའ་སྡོད་དང༔ ཕོ་ཉ་དམ་ཅན་རྒྱ་མཚོའི་ཚོགས༔ འདིར་གཤེགས་བཞུགས་ཤིང་བྱིན་ཕོབ་ལ༔ དམ་སྲི་གདུག་པའི་དགྲ་དང་བགེགས༔ རྒྱལ་བའི་བཀའ་ལས་འདའ་བྱེད་ཅིང༔ རྣལ་འབྱོར་སྐུ་ལ་བསྡོ་བ་རྣམས༔ རྒྱལ་བས་བསྒྲལ་བར་གསུངས་པའི་ཕྱིར༔ གནས་པའི་ཡུལ་ནས་ཡུད་ཙམ་གྱིས༔ རྟེན་དང་ཕྲོལ་ལ་ཁྲིད་ལ་ཤོག༔ རྒྱབ་དང་ཕྲོལ་ལ་ཁྲིད་ལ་ཤོག༔ ས་གཞི་ཡན་ཆད་ཐོབ་ལ་ཤོག༔ བདུན་རྒྱུད་ཚུན་ཆད་ཁུག་ལ་ཤོག༔ མ་ཐོགས་མྱུར་དུ་ཁུག་ལ་ཤོག༔ ཨོཾ་བཛྲ་ཨཾ་ཀུ་ཤ་ཛཿ ལྕགས་ཀྱུས་གདབ། བཛྲ་པཱ་ཤ་ཧཱུྃ༔ ཞགས་པས་བཅིང༌། བཛྲ་སྥོ་ཊ་བྃ༔ ལྕགས་སྒྲོག་གིས་བསྡམ། བཛྲ་གཎྜེ་ཧོཿ དྲིལ་བུས་སྒྲས་མྱོས་སུ་གཞུག ཕོ་ཉ་རྣམས་ཀྱིས་ལྕགས་ཀྱུས་དགྲ་བགེགས་རྣམས་བཟུང་སྟེ་ལིང་ག་ལ་བསྟིམས། ཞགས་པས་བཅིངས། ལྕགས་སྒྲོག་གིས་བསྡམས། དྲིལ་བུས་མྱོས་སུ་བཅུག་པར་གྱུར། དེ་ནས་བསྒྲལ་བ་དངོས་ལ། སྔོན་དཔལ་ཆེན་རྡོ་རྗེ་གཞོན་ནུས་སྐུ་ཡི་གནས་དྲུག་ནས་གབ་པའི་སྔགས་དྲུག་སྤྲོས་ཏེ་རུ་ཏྲའི་གནས་སོ་སོར་ཞུགས་པས་བསྒྲལ་བའི་ལས་ལ་ཐོགས་པ་མེད་པས་རུ་ཏྲ་སྡེ་དང་བཅས་པ་བཏུལ་བའི་མཛད་པ་དང་མཐུན་པར་གདབ་པའི་ལས་རིམ་རྒྱས་པར་བྱ་བ་ལ། རིག་པ་མཆོག་གི་རྒྱུད་ལས། ལྷ་ཕྲལ་གཟུགས་ལ་དབབ་པ་དང༌། བྱད་དུ་གཞུགས་དང་སྨྱོ་རུ་གཞུག །རྡུལ་དུ་བརླག་དང་ཞལ་དུ་བསྟབ། །འདི་དྲུག་ཤེས་ན་ལས་རྣམས་འགྲུབ། །ཅེས་པས། དེ་ལྟར་དྲུག་ཚན་རེ་རེ་ལའང་དྲུག་རེ་འབྱུང་བས། ལས་རིམ་དང་པོ་ལྷ་དང་དབྲལ་བ་ལ། གཉེན་པོ་སྟོབས་ཀྱི་ལྷ་ཁྲོ་བོ་བདུད་རྩི་འཁྱིལ་བ་དང༌། འཇིག་རྟེན་ལས་ཀྱི་ལྷ་རྡོ་རྗེ་ལེགས་པ་ཐེའུ་རང་གི་དཔུང་དང་བཅས་པ་དཔལ་ཆེན་པོའི་དཔྲལ་བ་ནས་སྤྲོས་པ་སྤྲུལ་པའི་ཕོ་ཉའི་ཚོགས་དང་བཅས་པ་བྱ་འུག་གི་གདོང་ཅན་བུ་ཡུག་འཚུབས་པ་ལྟར་སྤྲོས་པར་མོས་ལ་ཐུགས་དམ་བསྐུལ་བ་ནི། ཧཱུྃ༔ དམ་ཚིག་ཆེན་པོའི་དུས་ལ་བབ༔ མཐུ་རྩལ་དབྱུང་བའི་དུས་ལ་བབ༔ རྦད་ཅིང་བསྐུལ་བ་ང་ཡིས་བྱེད༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ ཁྲོ་བོ་ཆེན་པོའི་བྱིན་རླབས་ཀྱིས༔ གཏོགས་ཤིག་གྲོགས་དང་བྲལ་བར་གྱིས༔ ཞེས་འཕྱང་གདགས། བསགས་པའི་རྫས་གུ་གུལ། ཁྱི་བྲུན། ཚིལ་ཆེན་རྣམས་ལིང་ག་ལ་བདུག་ལ། གབ་པའི་སྔགས། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བྃ་ཧོཿ མཱ་ར་ཡ་ཧ་ས་ཡ་ར་ཧྲི་ཏ་ན་སརྦ་བིགྷྣཱན་བྃ་ཧཱུྃ་ཕཊ྄༔ ཁྱད་པར་གྱི་ཕོ་ཉ་བསྐུལ་བས་བྱ་རོག་དང་འུག་པའི་དང་རུས་ཀྱིས་ལིང་ག་ལ་བྱབ་སྟེ། ཧཱུྃ༔ ཉེ་འབྱེད་རླུང་གི་ཕྲ་མ་མཁན༔ བྱ་རོག་འུག་པའི་གདོང་པ་ཅན༔ སྐུ་ལས་དྲི་ངན་ལྷ་སྲུང་བརྒྱལ༔ ལག་ན་དབྱེ་བྱེད་གཡབ་མོ་འབྱེད༔ དམ་ཉམས་བསྟན་པའི་ཕུང་བྱེད་འདི༔ འགོ་བའི་ལྷ་ལྔ་བྲལ་བར་གྱིས༔ སྐྱབས་དང་ཕྲོལ་ལ་གཤེད་དུ་ཕོབ༔ དམ་ལས་འདའ་བར་མ་བྱེད་ཅིག༔ བཅའ་བའི་ཕྱག་རྒྱ་ཐལ་མོ་རྒྱབ་སྤྲོད་དུ་དབྱེ་བའི་རྒྱས། གདབ་བྱའི་དམོད་པ་ནི། ཆོས་ཉིད་ཀྱི་བདེན་པའོ༔ གསང་སྔགས་ཀྱི་བྱིན་རླབས་སོ༔ སངས་རྒྱས་ཀྱི་མཐུའོ༔ ཨ་བྷི་ཙཱརྻའི་དུས་ལ་བབ་བོ༔ བརྣག་པ་དེ་ཁོ་ན་ལའོ༔ དགྲ་བགེགས་ལྷ་དང་ཕྲོལ་ཅིག༔ ཉམས་པའི་དགྲ་བགེགས་མགོན་སྐྱབས་དང་བྲལ་བར་གྱུར་ཅིག༔ ངན་སྔགས་ལས་ཀྱི་ཕུར་པ་སེང་ལྡེང་དམར་པོ་ལས་གྲུབ་པ་གནམ་གྱི་འཇུ་ཐག་གཅོད་ཕྱིར་དགྲ་བོའི་སྤྱི་གཙུག་ཏུ་གདབ་སྟེ། ཨོཾ་བཛྲ་ཀཱི་ལི་ཀཱི་ལ་ཡ་ཚནྡྷི་ཚནྡྷི་དགྲ་བགེགས་མཱ་ར་ཡ་ཧཱུྃ་ཕཊ྄༔ ཏིང་ངེ་འཛིན་ནི། དཔལ་ཆེན་པོའི་ཐུགས་ཀ་ནས་སྤྲུལ་པའི་ཕོ་ཉ་རྣམས་ཀྱིས་དབྱེ་བའི་ལས་མཛད། དགྲ་བགེགས་ལྷ་དང་ཕྲལ་ཏེ་བྱིའུ་འུར་རྡོས་ཕོག་པ་གཅིག་པུར་ལུས་པ་ལྟར་གྱུར་པར་བསམ་མོ། །ལས་རིམ་གཉིས་པ་གཟུགས་ལ་དབབ་པའི་ལ། གཉེན་པོ་སྟོབས་ཀྱི་ལྷ་ཁྲོ་བོ་མི་གཡོ་བ། འཇིག་རྟེན་ལས་ཀྱི་ལྷ་བཙན་རྒྱལ་ཡམ་ཤུད་དམར་པོ་བཙན་དམག་གི་དཔུང་དང་བཅས་པ་དཔལ་ཆེན་པོའི་ལྟེ་བ་ནས་སྤྲོས་པ་སྤྲུལ་པའི་ཕོ་ཉའི་ཚོགས་དང་བཅས་པ་བསྐལ་པའི་མེ་ལྟར་འབར་བར་མོས་ལ་ཐུགས་དམ་བསྐུལ་བ་ནི། ཧཱུྃ༔ སྤྲུལ་པ་ཆེན་པོའི་དུས་ལ་བབ༔ མཐུ་རྩལ་དབྱུང་བའི་དུས་ལ་བབ༔ རྦད་ཅིང་བསྐུལ་བ་ང་ཡིས་བྱེད༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ ཁྲོ་བོའི་ཆེན་པོ་བྱིན་རླབས་ཀྱིས༔ ཕོབ་ཅིག་རྣམ་པར་གཟིར་བར་གྱིས༔ ཞེས་འཕྱང་གདགས། བསགས་པའི་རྫས་ཡུངས་ཀར་ནག་ཁྲག་གིས་སྦག་པས་བྲབ་ལ། གབ་པའི་སྔགས། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བྃ་ཧོཿ མཱ་ར་ཡ་ཨཱ་བེ་ཤ་ཡ་ཨཱ་བེ་ཤ་ཡ་སརྦ་བིགྷྣཱན་བྃ་ཧཱུྃ་ཕཊ྄༔ ཁྱད་པར་གྱི་ཕོ་ཉ་བསྐུལ་ཞིང་ཐུན་གྱིས་བྲབ་སྟེ། ཕྱོགས་བཞིའི་དཔལ་གྱི་ལས་མཁན་མ༔ ལག་ན་འབར་བའི་སྤུ་གྲི་གདེང༔ ཕུར་པའི་ལྷ་མོ་ལག་བརྒྱ་མས༔ སྔོན་ནས་དགྲ་བོའི་བླ་ཁུག་ཅིག༔ བཅའ་བའི་ཕྱག་རྒྱ་ཐལ་མོ་ཁ་སྦུབ་ཏུ་བྱས་ཏེ། གདབ་བྱའི་དམོད་པ་ནི། ཆོས་ཉིད་ཀྱི་བདེན་པའོ༔ གསང་སྔགས་ཀྱི་བྱིན་རླབས་སོ༔ སངས་རྒྱས་ཀྱི་མཐུའོ༔ ཨ་བྷི་ཙཱརྻའི་དུས་ལ་བབ་བོ༔ བརྣག་པ་དེ་ཁོ་ན་ལའོ༔ དགྲ་བགེགས་གཟུགས་ལིང་ག་འདི་ལ་ཕོབ་ཅིག༔ དགྲ་བགེགས་ཀྱི་རྣམ་པར་ཤེས་པ་བླ་དང་བཅས་པ་ལིང་ག་འདི་ལ་བཀུག་ནས་ཐིམ་པར་གྱུར་ཅིག༔ ངན་སྔགས་ལས་ཀྱི་ཕུར་པ་བྱ་རྒོད་ཀྱི་རྐང་ལས་གྲུབ་པ་ས་ཡི་བརྟན་ཕུར་ཕྱུང་ཕྱིར་རྐང་མཐིལ་དུ་གདབ་པས་དབུགས་ཀྱི་གནད་ཆད་པར་བསམ། ཨོཾ་བཛྲ་ཀཱི་ལི་ཀཱི་ལ་ཡ་བྱཱ་གྲྀ་མུ་ཁ་ཨཾ་ཀུ་ཤ་དགྲ་བགེགས་མཱ་ར་ཡ་ཧཱུྃ་ཕཊ྄༔ ཏིང་ངེ་འཛིན་ནི། དཔལ་ཆེན་པོའི་ཐུགས་ཀ་ནས་སྤྲུལ་པའི་ཕོ་ཉ་རྣམས་ཀྱིས་དགྲ་བགེགས་རྟེན་བཀུག་ཅིང་ཕབ་སྟེ་གཟེར་བར་བསམ་མོ། །ལས་རིམ་གསུམ་པ་བྱད་དུ་གཞུག་པ་ལ། གཉེན་པོ་སྟོབས་ཀྱི་ལྷ་ཁྲོ་བོ་ཁམས་གསུམ་རྣམ་རྒྱལ་དང༌། འཇིག་རྟེན་ལས་ཀྱི་ལྷ་ཀླུའི་རྒྱལ་པོ་དམག་གི་དཔུང་དང་བཅས་པ་དཔལ་ཆེན་པོའི་ཕྱག་ཞབས་ནས་སྤྲོས་པ་སྤྲུལ་པའི་ཕོ་ཉའི་ཚོགས་དང་བཅས་པ་སྤྲུལ་པར་མོས་ལ་ཐུགས་དམ་བསྐུལ་བ་ནི། ཧཱུྃ༔ ཕྱག་བརྙན་ཆེན་པོའི་དུས་ལ་བབ༔ མཐུ་རྩལ་དབྱུང་བའི་དུས་ལ་བབ༔ རྦད་ཅིང་བསྐུལ་བ་ང་ཡིས་བྱེད༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ ཁྲོ་བོའི་ཆེན་པོའི་བྱིན་རླབས་ཀྱིས༔ ཟུང་ཞིག་རྒྱོབ་ཅིག་རྣམ་པར་ཆིངས༔ ཞེས་འཕྱང་གདགས། བསགས་པའི་རྫས་བྱད་ཐག་ཚོན་སྐུད་ལྔ་དང་ཤི་སྐྲས་ཡན་ལག་བཅིངས་ལ། གབ་པའི་སྔགས། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བྃ་ཧོཿ མཱ་ར་ཡ་ཤཱི་གྷྲཾ་ཨ་ན་ཡ་ཧཱུྃ་ཕཊ྄༔ སརྦ་བིགྷྣཱན་བྃ་ཧཱུྃ་ཕཊ྄༔ བཅའ་བའི་ཕྱག་རྒྱ་ཞགས་པས་འཆིང་ཚུལ་བྱ། གདབ་བྱའི་དམོད་པ་ནི། ཆོས་ཉིད་ཀྱི་བདེན་པའོ༔ གསང་སྔགས་ཀྱི་བྱིན་རླབས་སོ༔ སངས་རྒྱས་ཀྱི་མཐུའོ༔ ཨ་བྷི་ཙཱརྻའི་དུས་ལ་བབ་བོ༔ བརྣག་པ་དེ་ཁོ་ན་ལའོ༔ དགྲ་བགེགས་ཀྱི་དབང་པོ་ཡན་ལག་སྡོམས་ཤིག༔ དགྲ་བགེགས་འདི་གྲུ་གུ་ཐུར་དུ་ཆིངས་ཤིག༔ སྡོམས་ཤིག༔ ངན་སྔགས་ལས་ཀྱི་མཆོག་ཕུར་འབྱུང་བཞིའི་གནད་གཅོད་ཕྱིར་གསང་གནས་སུ་གདབ་སྟེ། ཨོཾ་བཛྲ་ཀཱི་ལི་ཀཱི་ལ་ཡ་བིང་བིང་དགྲ་བགེགས་མཱ་ར་ཡ་ཧཱུྃ་ཕཊ྄༔ ཏིང་ངེ་འཛིན་ནི། དཔལ་ཆེན་པོའི་ཐུགས་ཀ་ནས་སྤྲུལ་པའི་ཕོ་ཉ་རྣམས་ཀྱིས་དགྲ་བགེགས་གྲུ་གུ་ཐུར་དུ་བཅིངས་པར་བསམ་མོ། །ལས་རིམ་བཞི་པ་སྨྱོ་རུ་གཞུག་པ་ལ། གཉེན་པོ་སྟོབས་ཀྱི་ལྷ་ཁྲོ་བོ་རྟ་མགྲིན། འཇིག་རྟེན་ལས་ཀྱི་ལྷ་རྒྱལ་པོ་པེ་དཀར་ལྷ་གིང་འགོང་པོའི་དམག་དཔུང་དང་བཅས་པ་དཔལ་ཆེན་པོའི་ཐུགས་ཀྱི་རྩེ་མོ་དང་ལྗགས་དཀྱིལ་ནས་སྤྲོས་པ་སྤྲུལ་པའི་ཕོ་ཉའི་ཚོགས་དང་བཅས་པ་སྤྲུལ་པར་མོས་ལ་ཐུགས་དམ་བསྐུལ་བ་ནི། ཧཱུྃ༔ ཤྭ་ན་མུ་ཁའི་དུས་ལ་བབ༔ མཐུ་རྩལ་དབྱུང་བའི་དུས་ལ་བབ༔ རྦད་ཅིང་བསྐུལ་བ་ང་ཡིས་བྱེད༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ ཁྲོ་བོ་ཆེན་པོའི་བྱིན་རླབས་ཀྱིས༔ རིངས་པར་ཁུག་ལ་སྨྱོར་ཆུག་ཅིག༔ ཅེས་འཕྱང་གདགས། བསགས་པའི་རྫས་དུག་སྣ་ཁྲག་དང་སྦྱར་བས་བྲབ་སྟེ། གབ་པའི་སྔགས། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བྃ་ཧོཿ མཱ་ར་ཡ་ཛྭ་ལ་པ་ཡ་ཛྭ་ལ་པ་ཡ་སརྦ་བིགྷྣཱན་བྃ་ཧཱུྃ་ཕཊ྄༔ བཅའ་བའི་ཕྱག་རྒྱ་ཐལ་མོ་གཟེངས་བསྐུམ་དང་བཅས་ཏེ། གདབ་བྱའི་དམོད་པ་ནི། ཆོས་ཉིད་ཀྱི་བདེན་པའོ༔ གསང་སྔགས་ཀྱི་བྱིན་རླབས་སོ༔ སངས་རྒྱས་ཀྱི་མཐུའོ༔ ཨ་བྷི་ཙཱརྻའི་དུས་ལ་བབ་བོ༔ བརྣག་པ་དེ་ཁོ་ན་ལའོ༔ དགྲ་བགེགས་སྨྱོ་རུ་ཆུག་ཅིག༔ སྨྱོ་རུ་ཆུག་འབོགས་སུ་ཆུག༔ དྲན་པ་ཉམས་པར་གྱུར་ཅིག༔ ངན་སྔགས་ལས་ཀྱི་ཕུར་པ་ཟངས་ལས་གྲུབ་པ་ངག་འཇོམས་པའི་ཕྱིར་ལྕེ་ཡི་དཀྱིལ་དུ་གདབ་ལ། ཨོཾ་བཛྲ་ཀཱི་ལི་ཀཱི་ལ་ཡ་ན་མཿས་མནྟ་བི་ཤྭ་དྷ་བེ་ར་བེ་ར་དགྲ་བགེགས་མཱ་ར་ཡ་ཧཱུྃ་ཕཊ྄༔ ཏིང་ངེ་འཛིན་ནི། དཔལ་ཆེན་པོའི་ཐུགས་ཀ་ནས་སྤྲུལ་པའི་ཕོ་ཉ་རྣམས་ཀྱི་ཐུགས་ཀ་ནས་འོད་ཚྭ་ཚྭ་ལྟ་བུ་འཕྲོས་པས་དགྲ་བོ་སྨྱོ་རུ་ཆུག །འབོགས་སུ་ཆུག །སྨྱོས་སུ་ཆུག་པར་བསམ་མོ། །ལས་རིམ་ལྔ་པ་རྡུལ་དུ་བརླག་པའི་ཁོངས་སུ་སྤུ་གྲི་གཅིག་ཤུར་གྱི་ལས་འབྱུང་བས་དེ་ནི། བདག་དཔལ་ཆེན་པོར་གསལ་བའི་ཐལ་མོ་གཉིས་ཐབས་ཤེས་ཀྱི་རང་བཞིན་ཉི་ཟླའི་མཚན་པའི་བར་དུ་བསྙེན་ཕུར་ཡཀྴ་ཀྲོ་དྷ་དུས་མེའི་ཚྭ་ཚྭ་འཕྲོ་བར་མོས་ལ་བྱིན་གྱིས་བརླབས་ཏེ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ྄༔ ཅེས་ཉེར་གཅིག་མཐར། ཨོཾ་ལཾ་ཧཱུྃ་ལཾ་སྟྭཾ་བྷ་ཡ་ནན༔ མོ་ཧ་གྷཱ་ཏ་ཡ་བྷ་ག་ཝན༔ ཧྲཱིཿཥྚཱི་བི་ཀྲྀ་ཏ་བཛྲ་ཧཱུྃ་ཀཱ་ར་ཧཱུྃ་ཧཱུྃ་ཧཱུྃ་ཕཊ྄་ཕཊ྄་ཕཊ྄༔ བཛྲ་ཀཱི་ལི་ཀཱི་ལ་ཡ་ཛཿཧཱུྃ་བྃ་ཧོཿ སརྦ་བིགྷྣཱན༔ བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ྄༔ བཛྲ་ཧཱུྃ་ཀཱ་ར་ཧཱུྃ་ཕཊ྄༔ བཛྲ་ཧཱུྃ་ཀཱ་ར་ཧཱུྃ་ཨ་ཨཿ ཞེས་སྤུ་གྲིའི་གདབ་སྔགས་བརྗོད་ཅིང༌། དམིགས་པ། སྙིང་དཀར་ནག་གི་མཚམས་སུ་བསྒྲིལ་ཞིང་གདབ་པས་ཁོའི་གཟུགས་ཕུང་གི་འབྱུང་བཞིའི་དྭངས་མ་རིམ་བཞིན་འདུས་ནས་ཡལ། སྙིང་གར་ཚེ་རྟེན་ཨ་དཀར་པོ་འོད་ཀྱི་ཐིག་ལེའི་དབུས་སུ་ཀུན་གཞི་ནྲྀ་དུད་ཁའི་གཟུགས་སུ་གནས་པར་ཕུར་རྩེ་ཧཱུྃ་ལྡན་བཏབ་པས་ནྲྀ་ཐིག་ལེ་ཨ་བཅས་བསྡུས་ནས་རང་ལ་བསྟན་པས་ཨ་དཀར་པོ་འོད་ཀྱི་གོང་བུ་ཅན་དེ་བདག་གི་སྙིང་གར་ཐིམ། ཚེ་དཔལ་གཟི་བརྗིད་རྒྱས། སླར་ཡང་ཕུར་བུ་ལས་འཕྲོས་པའི་འོད་ཀྱི་རྩེ་ལས་གཟས་པོའི་རྣམ་ཤེས་ཨ་ཡིག་གི་གཟུགས་ཀྱིས་འོག་མིན་དུ་ཕཊ྄་ཅེས་གནས་སྤར་ནས་རྡོ་རྗེ་སེམས་དཔའ་ཡབ་ཡུམ་གྱི་སྦྱོར་མཚམས་སུ་ཞུགས། ཀཱི་ལ་ཡ་བརྗོད་པས་རྡོར་སེམས་ཀྱི་སྲས་སུ་སྐྱེས་པར་བསམ་པ་ནི་ཐུགས་རྗེའི་འོད་ཀྱི་ཕུར་བུ་ཞེས་བྱ་སྟེ་ལས་ངན་རྣམ་སྨིན་གྱི་སྐྱེ་སྒོ་བཅད་ནས་སྐྱེ་མེད་ཀྱི་དབྱིངས་སུ་སྦྱོར་བར་དམིགས་ལ་གདབ་ཕུར་བཏབ་སྟེ། ཧཱུྃ༔ ང་ནི་ཁྲོ་རྒྱལ་བཛྲ་ཀཱི་ལ་ཡ༔ སངས་རྒྱས་ཀུན་གྱི་འབར་བའི་ཡེ་ཤེས་སྐུ༔ ཁམས་གསུམ་འཁོར་བ་ཐལ་འབྱིན་ཕུར་པ་ནི༔ ཡཀྴ་ཀྲོ་དྷ་ཁྲོ་བོའི་རྗེ་བཙན་ཏེ༔ ཀླད་ལ་བསྐོར་བས་བདག་ཅག་འཁོར་བཅས་སྲུང༔ གཡས་སུ་བསྒྲིལ་བས་ཕོ་རྒྱུད་དབང་དུ་འདུས༔ གཡོན་དུ་བསྒྲིལ་བས་མོ་རྒྱུད་ལས་ལ་བཀོལ༔ སྐེད་ལ་བསྐོར་བས་མི་ལྡོག་དགྲ་ལ་ཐེབས༔ འཕྱར་བ་ཙམ་གྱིས་ལྷ་ཡང་སྐྲག་བྱེད་ཅིང༔ བཏབ་པའི་མོད་ལ་དགྲ་བགེགས་གུམ་གུམ་བསྒྱེལ༔ རྣོ་ངར་ལྡན་པས་ཐལ་བར་རློག་པ་འདི༔ བཏབ་བོ་ཉམས་པ་བདུན་ལྡན་རུ་ཏྲར་ཡ༔ སྲིད་པ་མིང་མེད་གྱིས་ཤིག་མཱ་ར་ཡ༔ དེ་ནས་རྒྱུད་ལས། ཁྲོ་བོ་བཅུ་ཡི་ཕུར་པ་ཡིས། །ལུས་ཀྱི་གནས་བཅུ་དག་ཏུ་གདབ། །ཅེས་གསུངས་པ་ལྟར་ཕྱིར་མི་ལྡོག་པའི་ཕྱིར་ཁྲོ་བོ་བཅུའི་ཕུར་པ་གདབ་སྟེ། ཧཱུྃ༔ བདག་ཅག་རྣལ་འབྱོར་སྒྲུབ་པ་པོས༔ བྱང་ཆུབ་མཆོག་ཏུ་སེམས་བསྐྱེད་ཅིང༔ དུས་གསུམ་རྒྱལ་བའི་གདུང་འཚོབ་པའི༔ རིག་འཛིན་བདག་ཅག་རྣམས་ལ་ནི༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པ་དང༔ དངོས་གྲུབ་འཕྲོག་ཅིང་འཚེ་བ་རྣམས༔ ཁྲོ་བོ་ཆེན་པོའི་བྱིན་རླབས་ཀྱིས༔ ཡུད་ཙམ་གྱིས་ནི་འདིར་ཁུག་ལ༔ མངོན་སྤྱོད་ཕྲིན་ལས་འགྲུབ་པར་མཛོད༔ ལུས་ངག་རྡུལ་དུ་བཤིག་ནས་ཀྱང༔ སྡུག་བསྔལ་ཉམས་སུ་མྱོང་བར་མཛོད༔ ཧ་ན་ཧ་ན་བཛྲ་སརྦ་བིགྷྣཱན་བྃ་ཧཱུྃ་ཕཊ྄༔ རྣམ་རྒྱལ་དཔྲལ་བ། ད་ཧ་ད་ཧ་བཛྲ་སརྦ་བིགྷྣཱན་བྃ་ཧཱུྃ་ཕཊ྄༔ དབྱུག་སྔོན་དཔུང་གཡས། པ་ཙ་པ་ཙ་བཛྲ་སརྦ་བིགྷྣཱན་བྃ་ཧཱུྃ་ཕཊ྄༔ གཤིན་རྗེ་ལྟེ་བ། མ་ཐ་མ་ཐ་བཛྲ་སརྦ་བིགྷྣཱན་བྃ་ཧཱུྃ་ཕཊ྄༔ མི་གཡོ་དཔྱི་གཡས། ཛྭ་ལ་ཛྭ་ལ་བཛྲ་སརྦ་བིགྷྣཱན་བྃ་ཧཱུྃ་ཕཊ྄༔ རྟ་མགྲིན་མགྲིན་པ། སུ་རུ་སུ་རུ་བཛྲ་སརྦ་བིགྷྣཱན་བྃ་ཧཱུྃ་ཕཊ྄༔ འདོད་རྒྱལ་དཔྱི་གཡོན། མུ་རུ་མུ་རུ་བཛྲ་སརྦ་བིགྷྣཱན་བྃ་ཧཱུྃ་ཕཊ྄༔ ཧཱུྃ་མཛད་སྤྱི་བོ། ཀ་ཏཾ་ཀ་ཡེ་བཛྲ་སརྦ་བིགྷྣཱན་བྃ་ཧཱུྃ་ཕཊ྄༔ སྟོབས་ཆེན་གསང་གནས། ཛ་ཡེ་བི་ཛ་ཡེ་བཛྲ་སརྦ་བིགྷྣཱན་བྃ་ཧཱུྃ་ཕཊ྄༔ ཁམས་གསུམ་རྣམ་རྒྱལ་དཔུང་གཡོན། ཨ་ཛི་ཏེ་ཨ་པ་ར་ཛི་ཏེ་བཛྲ་སརྦ་བིགྷྣཱན་བྃ་ཧཱུྃ་ཕཊ྄༔ བདུད་རྩི་འཁྱིལ་བ་སྙིང་གར་གདབ་བོ། ལས་རིམ་ལྔ་པ་རྡུལ་དུ་བརླག་པ་དངོས་ལ། གཉེན་པོ་སྟོབས་ཀྱི་ལྷ་ཁྲོ་བོ་དབྱུག་པ་སྔོན་པོ་དང༌། འཇིག་རྟེན་ལས་ཀྱི་ལྷ་བདུད་དམག་བྱེ་བའི་དཔུང་དང་བཅས་པ་དཔལ་ཆེན་པོའི་དབུ་ཡི་གཙུག་ཏོར་ནས་སྤྲོས་པ་སྤྲུལ་པའི་ཕོ་ཉའི་ཚོགས་དང་བཅས་སྤྲུལ་པར་མོས་ལ་ཐུགས་དམ་བསྐུལ་བ་ནི། ཧཱུྃ༔ བདག་ཉིད་ཆེན་པོའི་དུས་ལ་བབ༔ མཐུ་རྩལ་དབྱུང་བའི་དུས་ལ་བབ༔ རྦད་ཅིང་བསྐུལ་བ་ང་ཡིས་བྱེད༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ ཁྲོ་བོ་ཆེན་པོའི་བྱིན་རླབས་ཀྱིས༔ ལུས་ངག་རྡུལ་ཕྲན་བཞིན་དུ་རློག༔ ཅེས་འཕྱང་གདགས། བསགས་པའི་རྫས་མིའི་རྗེ་ངར་དང་རྡོ་རྗེའི་ཐོ་བས་བརྡུང་ལ། གབ་པའི་སྔགས། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བྃ་ཧོཿ མཱ་ར་ཡ་ཏ་ཐཱ་ཡ་ཏ་ཐཱ་ཡ་སརྦ་བིགྷྣཱན་བྃ་ཧཱུྃ་ཕཊ྄༔ བཅའ་བའི་ཕྱག་རྒྱ་ཐལ་མོ་བསྣོལ་མ་ནང་བསྐུམ་གྱིས་བརྡུང་ཚུལ་དང་བཅས་ཏེ། གདབ་བྱའི་དམོད་པ་ནི། ཆོས་ཉིད་ཀྱི་བདེན་པའོ༔ གསང་སྔགས་ཀྱི་བྱིན་རླབས་སོ༔ སངས་རྒྱས་ཀྱི་མཐུའོ༔ ཨ་བྷི་ཙཱརྻའི་དུས་ལ་བབ་བོ༔ བརྣག་པ་དེ་ཁོ་ན་ལའོ༔ དགྲ་བགེགས་གནོད་བྱེད་རྡུལ་དུ་བརླག་པར་གྱུར་ཅིག །ངན་སྔགས་ལས་ཀྱི་ཕུར་པ་ལྕགས་ལས་གྲུབ་པ་སེམས་ཀྱི་དཔྱིས་འབྱིན་པར་སྙིང་གར་གདབ་སྟེ་ཚེ་ཡི་གནད་བཅད་པར་བསམ། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བྃ་ཧོཿསརྦ་དུཥྚཾ་དགྲ་བགེགས་མཱ་ར་ཡ་ཧཱུྃ་ཕཊ྄༔ ཏིང་ངེ་འཛིན་ནི། དཔལ་ཆེན་པོའི་ཐུགས་ཀ་ནས་སྤྲུལ་པའི་ཕོ་ཉ་རྣམས་ཀྱིས་དགྲ་བགེགས་ཐལ་བའི་རྡུལ་དུ་བརླག་པར་བསམ་མོ། །ལས་རིམ་དྲུག་པ་ཞལ་དུ་བསྟབ་པ་ལ། གཉེན་པོ་སྟོབས་ཀྱི་ལྷ་ཁྲོ་བོ་སྟོབས་པོ་ཆེ་དང༌། འཇིག་རྟེན་ལས་ཀྱི་ལྷ་བཙན་དམག་དང་བཅས་པ་དཔལ་ཆེན་པོའི་གསང་བའི་སྦུབས་ནས་སྤྲོས་པ་སྤྲུལ་པའི་ཕོ་ཉའི་ཚོགས་དང་བཅས་པ་རྣམས་ཀྱིས་དགྲ་བགེགས་བསྒྲལ་བའི་ཤ་ཁྲག་ཞལ་དུ་བསྟབ་པར་མོས་ལ་ཐུགས་དམ་བསྐུལ་བ་ནི། ཧཱུྃ༔ ས་བདག་ཆེན་པོའི་དུས་ལ་བབ༔ མཐུ་རྩལ་དབྱུང་བའི་དུས་ལ་བབ༔ རྦད་ཅིང་བསྐུལ་བ་ང་ཡིས་བྱེད༔ གནོད་ཅིང་གདུག་པའི་དགྲ་དང་བགེགས༔ བདུད་དང་བར་དུ་གཅོད་པའི་ཚོགས༔ ཁྲོ་བོ་ཆེན་པོའི་བྱིན་རླབས་ཀྱིས༔ དཀྱིལ་འཁོར་ལྷ་ཚོགས་ཞལ་དུ་བསྟབ༔ ཅེས་འཕྱང་གདགས། བསགས་པའི་རྫས་མི་རྐང་གི་གཟར་བུ་ཟུར་གསུམ་པས་ཞལ་དུ་བསྟབ་ལ། གབ་པའི་སྔགས། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བྃ་ཧོཿ མཱ་ར་ཡ་བྷིནྡྷ་ཡ་བྷིནྡྷ་ཡ༔ སརྦ་བིགྷྣཱན་བྃ་ཧཱུྃ་ཕཊ྄༔ བཅའ་བའི་ཕྱག་རྒྱ་རྡོ་རྗེའི་ཐལ་མོ་ཁ་གྱེན་བསྟན་གྱིས། གདབ་བྱའི་དམོད་པ་ནི། ཆོས་ཉིད་ཀྱི་བདེན་པའོ༔ གསང་སྔགས་ཀྱི་བྱིན་རླབས་སོ༔ སངས་རྒྱས་ཀྱི་མཐུའོ༔ ཨ་བྷི་ཙཱརྻའི་དུས་ལ་བབ་བོ༔ བརྣག་པ་དེ་ཁོ་ན་ལའོ༔ ལྷ་ཚོགས་རྣམས་ཀྱིས་དགྲ་བགེགས་ཀྱི་ཤ་ཁྲག་རུས་པ་དང་བཅས་པ་ལྷག་མ་མེད་པར་རོལ་ཅིག །ངན་སྔགས་ལས་ཀྱི་ཕུར་པ་སྐྱེར་པ་ལས་གྲུབ་པ་སྲིད་པ་སྐྱེད་བྱེད་གཞོམ་ཞིང་བཀྲག་མདངས་ཀྱི་གནད་གཅོད་ཕྱིར་ལྟེ་བར་གདབ་ལ། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བྃ་ཧོཿ སུ་རུ་སུ་རུ་ཨུ་ཙུཥྨ་ཀྲོ་ཏ་དགྲ་བགེགས་མཱ་ར་ཡ་ཧཱུྃ་ཕཊ྄༔ ཏིང་ངེ་འཛིན་ནི། དཔལ་ཆེན་པོའི་ཐུགས་ཀ་ནས་སྤྲུལ་པའི་ཕོ་ཉ་རྣམས་ཀྱིས་ཤ་ཁྲག་རུས་པ་ལྷ་ཚོགས་རྣམས་ཀྱི་ཞལ་དུ་བསྟབ་པས་དགྱེས་པའི་རྐན་སྒྲ་དང་བཅས་ཏེ་གསོལ་བར་བསམ་མོ། །དེ་ལྟར་དྲག་པོ་དགྲ་བགེགས་སྒྲོལ་བའི་དབང་བསྐུར་ཡོངས་རྫོགས་གྲུབ་ནས་ལས་ཀྱི་མཐའ་སྡུད་རྣམ་གསུམ་གྱི་དབང་སྦྱིན་པའི་ཐོག་མར་ཟློག་པའི་མཐའ་སྡུད་ཟོར་རྫས་རྣམས་གཏད་པས་དགྲ་བགེགས་ཐམས་ཅད་རྩད་ནས་བརླག་པའི་མཐུ་དབང་ཐོབ་པར་མོས་ཤིག །ཟོར་རྫས་རྣམས་གཏད་ལ། ཧཱུྃ༔ དགྲ་བགེགས་གཟུགས་ཕུང་བཤིག་པའི་ཕྱིར༔ ཀེ་ཚེ་ཤང་ཚེ་ཡུངས་ཀར་དང༔ རྡོ་ཕྱེ་ལྕགས་ཕྱེ་ཁྲག་གི་ཐུན༔ ཀོང་ཟོར་རྡོ་ཟོར་ཐོད་ཟོར་དང༔ དྲེགས་པའི་ཕུར་པ་སོར་ལྔ་པ༔ འཕང་བའི་ཕུར་པ་སོར་དྲུག་པ༔ མདའ་ཟོར་དུག་གི་གཏོར་མ་དང༔ གཏོར་ཟོར་མཚོན་ཆས་དབང་བསྐུར་བས༔ དགྲ་བགེགས་ཐམས་ཅད་ཕུང་བར་གྱིས༔ སྤུ་གྲིའི་སྔགས་ཤམ་དུ། དགྲ་བགེགས་མཱ་ར་ཡ་རྦད༔ ཅེས་བཏགས་པ་བརྗོད། གཉིས་པ་བསད་པའི་མཐའ་སྡུད་སྲེག་པའི་ཧོམ་དང་གཟར་བུ་གཏད་པས་དགྲ་བགེགས་ཐམས་ཅད་རྗེས་མེད་དུ་བསྲེག་པའི་མཐུ་དབང་ཐོབ་པར་མོས་ཤིག །ཧོམ་དང་གཟར་བླུགས་གཏད་ལ། ཧཱུྃ༔ དགྲ་བགེགས་ཞལ་དུ་གསོལ་བའི་ཕྱིར༔ ཧོམ་དང་དགང་གཟར་བླུགས་གཟར་དང༔ སྲེག་པའི་རྫས་ཀྱིས་དབང་བསྐུར་བས༔ གཞིག་དང་སྤོར་བའི་ནུས་ལྡན་ཤོག༔ སྤུ་གྲིའི་སྔགས་ཤམ་དུ། དགྲ་བགེགས་མཱ་ར་ཡ་ཛྭ་ལ་རཾ༔ ཞེས་བརྗོད། གསུམ་པ་སྲུང་བའི་མཐའ་སྡུད་མནན་པའི་ཆས་རྣམས་གཏད་པས་དགྲ་བགེགས་ཐམས་ཅད་བསྐལ་པའི་མཐར་ཡང་ལྡང་མི་ནུས་པར་གནོན་པའི་མཐུ་དབང་ཐོབ་པར་མོས་ཤིག །མནན་ཆས་གཏད་ལ། ཧཱུྃ༔ ལྕགས་ཀྱི་ཁང་སྒྲོམ་འབར་བ་དང༔ ཁྱི་མགོ་ནག་པོའི་དུང་ཁང་དང༔ རོ་གཡམ་རྡོ་རྗེ་རྒྱ་གྲམ་དང༔ མནན་པའི་ཕུར་པ་སོར་བཞི་པ༔ རང་འཐག་གླིང་བཞི་རྣམས་གཏད་པས༔ མི་ལྡོག་ནོན་པའི་མཐུ་ཐོབ་ཤོག༔ སྤུ་གྲིའི་སྔགས་ཤམ་དུ། དགྲ་བགེགས་དམ་སྲི་མཱ་ར་ཡ་ནན༔ ཏྲིག་ནན་སྟྭམྦྷ་ནན༔ མོ་ཧ་ཡ་ནན༔ སྟྭམྦྷ་ཡ་ནན༔ མཐར་བཅོལ་བསྐུལ་བྱ་བ་ནི། གདབ་ཕུར་བསྒྲིལ་ལ། སླར་ཡང་བཀའ་ལ་མི་ཉན་པ་ཐམས་ཅད་འདི་ལྟ་བུའི་སྦྱོར་བས་བསྒྲལ་བར་བྱ་བ་གདོན་མི་ཟའོ། ཧཱུྃ༔ ཉོན་ཅིག་བགེགས་དང་ལོག་འདྲེན་ཚོགས༔ ང་ཡི་བཀའ་ལས་འདའ་མ་བྱེད༔ རྡོ་རྗེ་གསང་བའི་བཀའ་ལས་ནི༔ སྡིག་ཅན་གང་ཞིག་འདའ་བྱེད་པ༔ སྟོབས་ཆེན་ཁྲོ་བོ་ཆེན་པོ་ཡིས༔ ཀླད་པ་ཚལ་པ་བརྒྱར་ཁོས་ལ༔ ང་ཡི་བཀའ་ལས་འདའ་མ་བྱེད༔ ཨོཾ་བཛྲ་ཀཱི་ལི་ཀཱི་ལ་ཡ་ཧ་ཧ་ཧ་ཧཱུྃ་ཧཱུྃ་ཧཱུྃ་ཕཊ྄་ཕཊ྄་ཕཊ྄༔ དེ་རྣམས་ཀྱིས་གདབ་པའི་ལས་རིམ་རྒྱས་པར་རྫོགས་ནས། མཐའ་རྟེན་འཆི་མེད་ཚེ་ཡི་དབང་བསྐུར་བ་ལ། ཚེ་འབྲང་རྡོ་རྗེ་གཞོན་ནུའི་དཀྱིལ་འཁོར་དུ་གསལ་བས་དབང་བསྐུར་བའི་ཚེ་སྐུ་གསུང་ཐུགས་ལས་འཆི་མེད་བདུད་རྩི་འོད་ཟེར་གྱི་རྒྱུན་བྱུང༌། ཁྱེད་རང་རྣམས་ཀྱི་གནས་གསུམ་དུ་ཐིམ་པས་གསང་གསུམ་རྡོ་རྗེ་མི་ཤིགས་པའི་ཚེ་དབང་ཐོབ་པར་མོས་ཤིག །ཚེ་འབྲང་གནས་གསུམ་དུ་བཞག་ལ། ཨོཾ༔ བུམ་པ་རིན་ཆེན་ཚེའི་གཞལ་ཡས༔ འཆི་མེད་དྭངས་མའི་བདུད་རྩིས་གཏམས༔ མི་ཤིགས་རྡོ་རྗེ་ཚེ་ཡི་ལྷས༔ སྐྱེ་འཆི་མེད་པའི་ཚེ་ཐོབ་ཤོག༔ ཀཱ་ཡ་ཨཱ་ཡུ་ཛྙཱ་ན་ཏིཥྛནྟུ༔ བདུད་རྩི་མྱང་དུ་གཞུག་ལ། ཨཱཿ རང་བྱུང་ཡེ་ཤེས་བདུད་རྩིའི་རྒྱུན༔ འབྱུང་ལྔ་འདུས་པའི་དྭངས་མའི་རྒྱུན༔ ཚེ་ཡི་ལྷ་ཚོགས་བྱང་སེམས་ཀྱིས༔ རྒྱུན་ཆད་མེད་པའི་ཚེ་ཐོབ་ཤོག༔ ཝཱཀ་ཨཱ་ཡུ་ཛྙཱ་ན་ཏིཥྛནྟུ༔ ཚེ་རིལ་སྙིང་གར་བཞག་ཅིང་བྱིན་ལ། ཧཱུྃ༔ རྟག་ཏུ་འཕོ་མེད་ཚེའི་རིལ་བུ༔ ལྷ་ཚོགས་དྭངས་མ་མི་ཤིགས་ཁམས༔ སྙིང་གི་དབུས་སུ་བསྟིམ་པ་ཡིས༔ རྡོ་རྗེ་རྟག་པའི་ཚེ་ཐོབ་ཤོག༔ ཙིཏྟ་ཨཱ་ཡུ་ཛྙཱ་ན་ཏིཥྛནྟུ༔ ཚོགས་རྫས་གཏད་ལ། ཧཱུྃ༔ གཞོང་པ་རྣམ་དག་ཉི་ཟླའི་སྣོད་ནང་དུ༔ ཞལ་ཟས་སྣ་ཚོགས་བདུད་རྩིའི་རྒྱ་མཚོ་འཁྱིལ༔ ལུས་དཀྱིལ་ལྷ་ལ་ཚོགས་ཀྱི་འཁོར་ལོ་འབུལ༔ བདེ་ཆེན་ཡེ་ཤེས་མཆོག་དང་ལྡན་པར་ཤོག༔ ཅེས་གཏད་ལ་རོལ་དུ་གཞུག །མཚམས་སྦྱོར་སྤྱི་འགྲོ་ལྟར་ལ་ཡེ་དྷར་དང་ཤིས་བརྗོད་རྒྱས་པར་བྱས་ལ་མེ་ཏོག་འཐོར། རོལ་མོའི་སྒྲ་བསྒྲག། རྗེས་དམ་ཚིག་བསྒྲག་བཟུང༌། གཏང་རག་མཎྜལ། ལུས་ལོངས་སྤྱོད་འབུལ་བ། དགེ་བ་བསྔོ་བ་རྣམས་བྱས་ལ་སློབ་མ་རང་གནས་སུ་བཏང་ངོ༌། །གསུམ་པ་རྗེས་ཀྱི་བྱ་བ་ལ། སློབ་དཔོན་གྱིས་ཚོགས་ལ་རོལ་བ་སོགས་མཇུག་གི་ཆིངས་ལྟར་བྱའོ། ༈ གཉིས་པ་ཡན་ལག་གི་དཀྱིལ་འཁོར་བརྒྱ་དང་བཅུ་གཉིས་པའི་དབང་བྱེ་བྲག་ཏུ་བསྐུར་ཚུལ་ནི། དང་པོ་སྟེགས་བུའི་དབུས་སུ་གཞུང་མཐུན་གྱི་རས་བྲིས་སམ། འབྲུ་ནག་གི་ཚོམ་བུ་བཀོད་ལ། མཉྫིའི་ཁར་བུམ་པ་སོ་ལྔའི་བཅུད་ལྡན་མགུལ་ཆིངས་སྔོན་པོ་ཅན། ཐུན་མོང་རིགས་དབང་ལྔའི་ཆས། གཞུང་མཐུན་ལྷ་ཚོགས་ཡོངས་རྫོགས་ཀྱི་སྐུ་ཙཀ །སྔགས་བྱང༌། ཕྱག་མཚན། དུར་ཁྲོད་དཔལ་ཆས། ལས་ཕུར་བཅས་དང༌། རྩ་བའི་དབང་བསྐུར་སྔོན་དུ་སོང་ཟིན་ན་ཟབ་དབང་གསུམ་མ་བསྐུར་ཀྱང་རུང་ལ། འདི་ཉིད་ཁོ་ནའི་སྐབས་སྦྱར་ན་ལེགས་པས་དེ་ལྟར་ན་གསང་ཐོད་དང༌། རིག་ཙཀ་བཅས་འདུ་བྱ། མཐར་ཉེར་སྤྱོད་མཆོད་པ་དང༌། ཚོགས། དཀར་བགེགས། བཀའ་གཏེར་ཆོས་སྲུང་གཏོར་འབུལ་ཆད་བརྟན་རྣམས་འདུ་བྱའོ། །གཉིས་པ་དབང་དོན་སྒྲུབ་མཆོད་ལ་བརྒྱུད་འདེབས་སྔོན་དུ་འགྲོ་བས་ལས་བྱང་ཁྲག་འཐུང་རོལ་པའི་དགའ་སྟོན་གྱི་སྐྱབས་སེམས་ནས་བརྩམས་བཟླས་པའི་བར་དང༌། བསྙེན་དམིགས་མགོར་ཛཔ་ཁང་ཕྱེས་ལ་སྒྲུབ་པ་དང་སྒྲུབ་ཆེན་གྱི་སྔགས་གཙོ་བོར་བྱ་ཞིང༌། བསྙེན་པ་དང་ལས་སྔགས་ཐམས་ཅད་ཁྱུག་ཙམ་བཟླས་ལ་གཙོ་ལས་ཀྱི་བུམ་པ་སྒྲུབ། མཐར་མཆོད་བསྟོད་དང་ཆོས་སྐྱོང་གཏོར་འབུལ། ཚོགས་བསྒྲལ་བའི་བར་བྱས་ལ། བདག་འཇུག་གམ་རིག་པའི་མེ་ཏོག་དོར་བ་ལ་སློབ་མ་འཇུག་པར་གནང་བ་ཞུ། གསུམ་པ་དབང་དངོས་ལ་སློབ་མ་རྣམས་ལ་ཁྲུས་བྱ། བགེགས་གཏོར་བཏང་ཞིང་སྲུང་འཁོར་བསྒོམས་ནས། དེ་ཡང་ཆོས་སྐུ་མཉམ་པ་ཆེན་པོའི་ཀློང་དུ་སངས་རྒྱས་ཐམས་ཅད་བདེ་ཆེན་ཐིག་ལེ་ཉག་གཅིག་སྐུ་དང་ཡེ་ཤེས་འདུ་འབྲལ་མེད་པ་ཡིད་བཞིན་ནོར་བུ་དབང་གི་རྒྱལ་པོ་ལྟར་མངོན་པར་རྫོགས་པ་སངས་རྒྱས་པའི་འབྲས་བུའི་སྤང་རྟོགས་ལ་མངའ་དབང་བསྒྱུར་བ་ལས་བཟང་ངན་གྱི་རྣམ་དབྱེར་མ་མཆིས་ཀྱང༌། གཟུགས་སྐུ་ངེས་པ་ལྔ་ལྡན་དུ་རིགས་དང་ཕྲིན་ལས་ཀྱི་རྣམ་པར་རོལ་པ་གང་འདུལ་དུ་བསྟན་པའི་དབང་གིས་སྒྲུབ་ཐག་ཉེ་བ། ཕྲིན་ལས་མྱུར་བ་ལ་ཁྱད་པར་འཕགས་པ་ནི་ལས་ཀྱི་རིགས་ཏེ། དེ་ལས་ཀྱང་ཡབ་རྡོ་རྗེ་གཞོན་ནུ་དང༌། ཡུམ་སྒྲོལ་མ་གཉིས་པོ་ནི་ལས་དང་དངོས་གྲུབ་སྩོལ་བ་ལ་ཐོགས་པ་མེད་པའི་ཐུགས་བསྐྱེད་ཀྱི་མཐུ་ཆེ་ཞིང༌། ཕྲིན་ལས་མངོན་རྟགས་ད་ལྟའི་བར་ཟམ་མ་ཆད་པར་གསར་རྙིང་མཁས་གྲུབ་ཀུན་གྱི་ཐུགས་དམ་ལྷག་པའི་ལྷར་རྩོད་མེད་དུ་གྲགས་པ་ལ། སྔ་འགྱུར་གྱི་ཆོས་སྐད་ལ་བཀའ་གཏེར་དག་སྣང་གསུམ་དུ་དབྱེ་བའི་བཀའ་སྲོལ་རྒྱས་བསྡུས་བསམ་མི་ཁྱབ་པ་བཞུགས་པ་ལས། སྐབས་སུ་བབ་པ་འདི་ནི་གངས་ཅན་མཁས་གྲུབ་ཀུན་གྱི་གཙུག་རྒྱན། ཐུབ་བསྟན་རིས་སུ་མ་ཆད་པའི་ཤིང་རྟ། གསང་བ་རྒྱ་མཚོའི་མཛོད་ལ་མངའ་དབང་བསྒྱུར་བའི་ཐམས་ཅད་མཁྱེན་གཟིགས་འཇམ་པའི་རྡོ་རྗེ་མཁྱེན་བརྩེའི་དབང་པོ་པདྨ་འོད་གསལ་མདོ་སྔགས་གླིང་པ་ལ་བཀའ་བབ་ཆོས་མཛོད་ཆེན་པོ་བདུན་བཞུགས་པའི་བྱེ་བྲག་རྡོ་རྗེ་ཕུར་པ་པཎ་ཆེན་བི་མ་ལ་མི་ཏྲ་དང༌། གཉགས་ལོ་ཆེན་པོ་ཛྙཱ་ན་ཀུ་མཱ་ར་རྣམ་པ་གཉིས་ཀྱི་རིང་ལུགས་ཕུར་པའི་སྒྲུབ་སྡེ་ཆེན་པོ་རྨད་དུ་བྱུང་བར་བཞུགས་པ་ཉིད་བླ་མ་དང་ལྷག་པའི་ལྷའི་ཐུགས་རྗེའི་ཟླ་ཟེར་སྐལ་པ་བཟང་པོར་སིམ་པ་འཐུང་བའི་ཉེར་ལེན་གྱིས། མདོ་ཁམས་ཟལ་མོ་སྒང་གི་ཆར། སྐུ་ཡི་གསུང་གི་གནས་མཆོག་ཀརྨའི་རི་སུལ་གྱི་རྡོ་རྗེའི་གནས་སུ་ཕྱིན་པའི་སྐབས་ཀློང་ཆེན་ནམ་མཁའ་འོད་གསལ་ཨོ་རྒྱན་མདོ་སྔགས་གླིང་པ་ལ་དངོས་གྲུབ་ཏུ་ཐོབ་པའི་རྡོ་རྗེ་ཕུར་པའི་ཡན་ལག་གི་སྒྲུབ་སྡེ་ཆེན་པོ་དཀྱིལ་འཁོར་བརྒྱ་དང་བཅུ་གཉིས་པའི་དབང་བསྐུར་ཞུ་བའི་དོན་དུ་མཎྜལ་ཕུལ། གསོལ་གདབ་ནས་བརྩམས་སྐྱབས་སེམས། ཡན་ལག་བརྒྱད་པ། སྡོམ་བཟུང༌། དམ་ཆུ་སྦྱིན་པ། ཡེ་ཤེས་དབབ་བསྟིམ་བརྟན་བཞུགས། བུམ་དབང་གི་གསོལ་གདབ་བཅས་དབང་ཆེན་གྱི་གཞུང་ལྟར་ལ། དངོས་གཞི་མངོན་པར་དབང་བསྐུར་བར་བྱེད་པ་ལ། རིགས་པའི་དབང་ལྔའི་ཐོག་མར་མི་བསྐྱོད་པ་ཆུ་ཡི་དབང་གི་སོགས་ནས། རིགས་ལྔའི་ངོ་བོར་སངས་རྒྱས་པ་ཡིན་ནོ། །བར་དང་དོན་དབང་གི་རྣམ་རྒྱལ་བུམ་པའི་དབང་རིགས་ཀྱི་བུ་བརྒྱན་པའི་བར་བསྐུར་རྗེས། ཁྱད་པར་སྐུ་གསུང་ཐུགས་ཀྱི་བྱིན་རླབས་དང་ནུས་པ་རྒྱུད་ལ་འཇུག་པའི་ཕྱིར་ལྷ་སྔགས་རིག་པའི་དབང་བསྐུར་སྦྱིན་པའི་ཐོག་མར་ལྷ་སྐུ་ཕྱག་རྒྱའི་དབང་བསྐུར་བ་ལ་སོགས་ནས། གཙོ་བོ་ཡབ་ཡུམ་གྱི་རྗེས་སུ། ཧཱུྃ༔ ཉོན་མོངས་ཞེ་སྡང་གནས་དག་ཅིང༔ མེ་ལོང་ཡེ་ཤེས་ཁྲོས་པའི་སྐུ༔ བཅོམ་ལྡན་བཛྲ་ཧེ་རུ་ཀས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ྄༔ ཨ་བྷི་ཥིཉྩ་ཧཱུྃ༔ ཧཱུྃ༔ ཉོན་མོངས་ང་རྒྱལ་གནས་དག་ཅིང༔ མཉམ་ཉིད་ཡེ་ཤེས་ཁྲོས་པའི་སྐུ༔ བཅོམ་ལྡན་རཏྣ་ཧེ་རུ་ཀས༔ རིགས་ཀྱི་བུ་ལ་དབང་བསྐུར་རོ༔ ཨོཾ་རཏྣ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ྄༔ ཨ་བྷི་ཥིཉྩ་ཧཱུྃ༔ ཧཱུྃ༔ ཉོན་མོངས་འདོད་ཆགས་གནས་དག་ཅིང༔ སོར་རྟོག་ཡེ་ཤེས་ཁྲོས་པའི་སྐུ༔ བཅོམ་ལྡན་པདྨ་ཧེ་རུ་ཀས༔ རིགས་ཀྱི་བུ་ལ་དབང་བསྐུར་རོ༔ ཨོཾ་པདྨ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ྄༔ ཨ་བྷི་ཥིཉྩ་ཧཱུྃ༔ ཧཱུྃ༔ ཉོན་མོངས་ཕྲག་དོག་གནས་དག་ཅིང༔ བྱ་གྲུབ་ཡེ་ཤེས་ཁྲོས་པའི་སྐུ༔ བཅོམ་ལྡན་ཀརྨ་ཧེ་རུ་ཀས༔ རིགས་ཀྱི་བུ་ལ་དབང་བསྐུར་རོ༔ ཨོཾ་ཀརྨ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ྄༔ ཨ་བྷི་ཥིཉྩ་ཧཱུྃ༔ ཧཱུྃ༔ སྟེང་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་ཧཱུྃ་ཀཱ་ར༔ ཡུམ་ནི་རྡོ་རྗེ་སྒྲ་འབྱིན་མས༔ རིགས་ཀྱི་བུ་ལ་དབང་བསྐུར་རོ༔ ཨ་བྷི་ཥིཉྩ་ཧཱུྃ༔ རང་སྔགས་ལ། ཧཱུྃ༔ ཤར་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་རྣམ་པར་རྒྱལ༔ ཡུམ་ནི་རྡོ་རྗེ་མདའ་སྙེམས་མས༔ རིགས་ཀྱི་བུ་ལ་དབང་བསྐུར་རོ༔ སྔགས་སྦྱར་བ་འགྲེ། ཧཱུྃ༔ ལྷོ་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་གཤིན་རྗེ་གཤེད༔ ཡུམ་ནི་རྡོ་རྗེ་དུར་ཁྲོད་བདག༔ རིགས་ཀྱི་བུ་ལ་དབང་བསྐུར་རོ༔ སྔགས། ཧཱུྃ༔ ནུབ་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་རྟ་མགྲིན་དབང༔ ཡུམ་ནི་རྡོ་རྗེ་གཏུམ་མོ་མས༔ རིགས་ཀྱི་བུ་ལ་དབང་བསྐུར་རོ༔ སྔགས། ཧཱུྃ༔ བྱང་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་བདུད་རྩི་འཁྱིལ༔ ཡུམ་ནི་རྡོ་རྗེ་རླུང་འབྱིན་མས༔ རིགས་ཀྱི་བུ་ལ་དབང་བསྐུར་རོ༔ སྔགས། ཧཱུྃ༔ ཤར་ལྷོ་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་དབྱུག་པ་སྔོན༔ ཡུམ་ནི་རྡོ་རྗེ་སྡེར་མོ་མས༔ རིགས་ཀྱི་བུ་ལ་དབང་བསྐུར་རོ༔ སྔགས། ཧཱུྃ༔ ལྷོ་ནུབ་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་མི་གཡོ་མགོན༔ ཡུམ་ནི་རྡོ་རྗེ་གཏུན་ཁུང་མས༔ རིགས་ཀྱི་བུ་ལ་དབང་བསྐུར་རོ༔ སྔགས། ཧཱུྃ༔ ནུབ་བྱང་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་འདོད་པའི་རྒྱལ༔ ཡུམ་ནི་རྡོ་རྗེ་སྙེམས་མ་དམར༔ རིགས་ཀྱི་བུ་ལ་དབང་བསྐུར་རོ༔ སྔགས། ཧཱུྃ༔ བྱང་ཤར་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་ཁམས་གསུམ་རྒྱལ༔ ཡུམ་ནི་རྡོ་རྗེ་གསོད་བྱེད་མས༔ རིགས་ཀྱི་བུ་ལ་དབང་བསྐུར་རོ༔ སྔགས། ཧཱུྃ༔ འོག་ཕྱོགས་འཁོར་ལོའི་རྩིབས་སྟེང་ནས༔ ཁྲོ་བོའི་རྒྱལ་པོ་སྟོབས་ཆེན་པོ༔ ཡུམ་ནི་རྡོ་རྗེ་སྐྱོད་བྱེད་མས༔ རིགས་ཀྱི་བུ་ལ་དབང་བསྐུར་རོ༔ སྔགས། ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ རྟོག་འཇོམས་ཆེན་པོའི་ཏིང་འཛིན་ལས༔ ཕྲ་མེན་ཕོ་ཉ་ཕག་གདོང་གིས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་སུ་ཀ་ར་མུ་ཁ་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ དཔའ་གཏུམ་ཆེན་པོའི་ཏིང་འཛིན་ལས༔ ཕྲ་མེན་ཕོ་ཉ་སྟག་གི་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་བྱཱ་གྲྀ་མུ་ཁ་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ རྫིས་ཚོར་སྤངས་པའི་ཏིང་འཛིན་ལས༔ ཕྲ་མེན་ཕོ་ཉ་གཡག་གི་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་ཙ་མ་ར་མུ་ཁ་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ དུས་འཇུག་ཆེན་པོའི་ཏིང་འཛིན་ལས༔ ཕྲ་མེན་ཕོ་ཉ་ཤ་བའི་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་ཧ་རི་ཎ་མུ་ཁ་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ ཡེ་རྫོགས་ཆེན་པོའི་ཏིང་འཛིན་ལས༔ ཕྲ་མེན་ཕོ་ཉ་གཟིག་གི་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་ཏྱ་ཀི་མུ་ཁ་ཧཱུྃ༔ ཨ་བྷི་ཥིཉྩཱཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ ཐབས་མཁས་ཆེན་པོའི་ཏིང་འཛིན་ལས༔ ཕྲ་མེན་ཕོ་ཉ་བྱི་ལའི་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་བི་ཊཱ་ལ་མུ་ཁ་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ ཟ་བྱེད་ཆེན་པོའི་ཏིང་འཛིན་ལས༔ ཕྲ་མེན་ཕོ་ཉ་སྤྱང་ཀིའི་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་སྲI་ག་ལ་མུ་ཁ་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ རིགས་བཙུན་ཆེན་པོའི་ཏིང་འཛིན་ལས༔ ཕྲ་མེན་ཕོ་ཉ་སེང་གེའི་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་སིང་ཧ་མུ་ཁ་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ ཟ་བྱེད་ཆེན་པོའི་ཏིང་འཛིན་ལས༔ ཕྲ་མེན་ཕོ་ཉ་དྲེད་ཀྱི་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་རཀྵི་ས་མུ་ཁ་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ མྱོས་བྱེད་ཆེན་པོའི་ཏིང་འཛིན་ལས༔ ཕྲ་མེན་ཕོ་ཉ་དོམ་གྱི་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་རཀྵ་ས་མུ་ཁ་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ མི་འགྱུར་ཆེན་པོའི་ཏིང་འཛིན་ལས༔ ཕྲ་མེན་མ་སྟེ་རྨིགས་བུའི་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་ཨི་ཥུ་པ་མུ་ཁི་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ ཐོགས་མེད་ཆེན་པོའི་ཏིང་འཛིན་ལས༔ ཕྲ་མེན་མ་སྟེ་བྱ་རྒོད་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་གྲྀ་ཌྷ་མུ་ཁི་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ གསལ་བྱེད་ཆེན་པོའི་ཏིང་འཛིན་ལས༔ ཕྲ་མེན་མ་སྟེ་བྱ་རོག་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་ཏ་ནཱ་མུ་ཁི་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ མཐོང་བྱེད་ཆེན་པོའི་ཏིང་འཛིན་ལས༔ ཕྲ་མེན་མ་སྟེ་འུག་པའི་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་ཨཱུ་ལུ་ཀ་མུ་ཁི་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ ཐལ་བྱེད་ཆེན་པོའི་ཏིང་འཛིན་ལས༔ ཕྲ་མེན་མ་སྟེ་ཁྭ་ཏའི་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་པྲི་ཏ་མུ་ཁི་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ བཀྲག་བྱེད་ཆེན་པོའི་ཏིང་འཛིན་ལས༔ ཕྲ་མེན་མ་སྟེ་པུ་ཤུད་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་པཀྵི་ཏ་མུ་ཁི་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ སྒྲིབ་བྱེད་ཆེན་པོའི་ཏིང་འཛིན་ལས༔ ཕྲ་མེན་མ་སྟེ་ཁྲ་ཡི་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་པཉྩ་ར་ཎ་མུ་ཁི་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ གསོ་བྱེད་ཆེན་པོའི་ཏིང་འཛིན་ལས༔ ཕྲ་མེན་མ་སྟེ་ཕ་ཝཾ་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་ཏི་རི་ལ་མུ་ཁི་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ བཙལ་བྱེད་ཆེན་པོའི་ཏིང་འཛིན་ལས༔ ཕྲ་མེན་མ་སྟེ་སྲེ་མོང་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་ན་ཀུ་ལཾ་མུ་ཁི་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ ཁྲོ་རྒྱལ་ཡབ་ཡུམ་རོལ་པ་ལས༔ འགུགས་བྱེད་ཆེན་པོའི་ཏིང་འཛིན་ལས༔ ཕྲ་མེན་མ་སྟེ་བྱི་བའི་མགོས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་ཀ་ཤི་ཀ་མུ་ཁི་ཧཱུྃ༔ ཨ་བྷི་ཥིཉྩ་ཧཱུྃ༔ ཧཱུྃ༔ མདུན་ཕྱོགས་ཟླ་གམ་གདན་སྟེང་ནས༔ ཐུགས་ཀྱི་སྲས་མཆོག་ཀཱི་ལ་ཡས༔ རིགས་ཀྱི་བུ་ལ་དབང་བསྐུར་བས༔ གཟུགས་མེད་ཁམས་འདུལ་དབང་ཐོབ་ཤོག༔ ཨོཾ་བཛྲ་ཀྲོ་དྷ་ཀཱི་ལ་ཡ་ཧཱུྃ་ཕཊ྄༔ ཨ་བྷི་ཥིཉྩ་ཧཱུྃ༔ ཧཱུྃ༔ གཡས་ཕྱོགས་ཟླ་གམ་གདན་སྟེང་ནས༔ སྐུ་ཡི་སྲས་མཆོག་ཀཱི་ལ་ཡས༔ རིགས་ཀྱི་བུ་ལ་དབང་བསྐུར་བས༔ འདོད་ཁམས་འདུལ་བའི་དབང་ཐོབ་ཤོག༔ ཨོཾ་བཛྲ་ཀྲོ་དྷ་ཀཱི་ལ་ཡ་ཧཱུྃ་ཕཊ྄༔ ཨ་བྷི་ཥིཉྩ་ཧཱུྃ༔ ཧཱུྃ༔ གཡོན་ཕྱོགས་ཟླ་གམ་གདན་སྟེང་ནས༔ གསུང་གི་སྲས་མཆོག་ཀཱི་ལ་ཡས༔ རིགས་ཀྱི་བུ་ལ་དབང་བསྐུར་བས༔ གཟུགས་ཁམས་འདུལ་བའི་དབང་ཐོབ་ཤོག༔ ཨོཾ་བཛྲ་ཀྲོ་དྷ་ཀཱི་ལ་ཡ་ཧཱུྃ་ཕཊ྄༔ ཨ་བྷི་ཥིཉྩ་ཧཱུྃ༔ བྷྱོ༔ ཞི་བྱེད་ཆེན་པོའི་ཏིང་འཛིན་གྱིས༔ ཐམས་ཅད་ཞི་བར་བྱེད་པའི་མཆོག༔ གནས་ཀྱི་མ་མོ་གཽ་རི་མས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་གཽ་རི་ཧ༔ ཨ་བྷི་ཥིཉྩ་ཧཱུྃ༔ བྷྱོ༔ དབང་མཛད་ཆེན་པོའི་ཏིང་འཛིན་གྱིས༔ ཐམས་ཅད་མ་ལུས་དབང་དུ་མཛད༔ གནས་ཀྱི་མ་མོ་ཙཽ་རི་མས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་ཙཽ་རི་ཧ༔ ཨ་བྷི་ཥིཉྩ་ཧཱུྃ༔ བྷྱོ༔ གཉིས་མེད་ཆེན་པོའི་ཏིང་འཛིན་གྱིས༔ ཐམས་ཅད་མ་ལུས་གཉིས་མེད་སྦྱོར༔ གནས་ཀྱི་མ་མོ་རྨོངས་མོ་ཆེས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་པྲ་མོ་ཧེ་ཧ༔ ཨ་བྷི་ཥིཉྩ་ཧཱུྃ༔ བྷྱོ༔ དྲག་མོ་ཆེན་པོའི་ཏིང་འཛིན་གྱིས༔ ཐམས་ཅད་མ་ལུས་རྡུལ་དུ་བྱེད༔ གནས་ཀྱི་མ་མོ་ཐལ་བྱེད་མས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་བཻ་ཏ་ལི་ཧ༔ ཨ་བྷི་ཥིཉྩ་ཧཱུྃ༔ བྷྱོ༔ རྒྱས་པ་ཆེན་པོའི་ཏིང་འཛིན་གྱིས༔ ཐམས་ཅད་ཀུན་ནས་རྒྱས་པར་བྱེད༔ གནས་ཀྱི་མ་མོ་སྦོས་མོ་ཆེས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་པུཀྐ་སི་ཧ༔ ཨ་བྷི་ཥིཉྩ་ཧཱུྃ༔ བྷྱོ༔ དྲག་ཤུལ་ཆེན་པོའི་ཏིང་འཛིན་གྱིས༔ ཐམས་ཅད་མ་ལུས་བརླག་པར་བྱེད༔ གནས་ཀྱི་མ་མོ་གཏུམ་མོ་ཆེས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་གྷསྨ་རི་ཧ༔ ཨ་བྷི་ཥིཉྩ་ཧཱུྃ༔ བྷྱོ༔ ཐམས་ཅད་འགྲུབ་པའི་ཏིང་འཛིན་གྱིས༔ ལས་རྣམས་མ་ལུས་ཀུན་ཀྱང་བྱེད༔ གནས་ཀྱི་མ་མོ་སྨེ་ཤ་མས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་ཙཎྜ་ལི་ཧ༔ ཨ་བྷི་ཥིཉྩ་ཧཱུྃ༔ བྷྱོ༔ རོལ་པ་ཆེན་པོའི་ཏིང་འཛིན་གྱིས༔ ཐམས་ཅད་ཀུན་ཀྱང་འཕེལ་བར་བྱེད༔ གནས་ཀྱི་མ་མོ་མ་ཚོགས་མས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་སྨེ་ཤ་ནི་ཧ༔ ཨ་བྷི་ཥིཉྩ་ཧཱུྃ༔ བྷྱོ༔ ཁྲག་འཐུང་དཔལ་གྱི་ཕོ་ཉ་ནི༔ ཡུལ་མ་ཆེན་མོ་སེང་གེའི་གདོང༔ རྟོག་པའི་བདུད་འཇོམས་ཟ་བྱེད་མས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་སིཾ་ཧ་མུ་ཁ་ཧེ༔ ཨ་བྷི་ཥིཉྩ་ཧཱུྃ༔ བྷྱོ༔ ཁྲག་འཐུང་དཔལ་གྱི་ཕོ་ཉ་ནི༔ ཡུལ་མ་ཆེན་མོ་སྟག་གི་གདོང༔ དཔའ་བརྟུལ་འབར་བའི་ཆོ་འཕྲུལ་གྱིས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་བྱཱ་གྲྀ་མུ་ཁ་ཧེ༔ ཨ་བྷི་ཥིཉྩ་ཧཱུྃ༔ བྷྱོ༔ ཁྲག་འཐུང་དཔལ་གྱི་ཕོ་ཉ་ནི༔ ཡུལ་མ་ཆེན་མོ་ཝ་ཡི་གདོང༔ ཕུང་པོའི་བདུད་འཇོམས་ཐབས་མཁས་མས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་ཤྲི་ལ་མུ་ཁ་ཧེ༔ ཨ་བྷི་ཥིཉྩ་ཧཱུྃ༔ བྷྱོ༔ ཁྲག་འཐུང་དཔལ་གྱི་ཕོ་ཉ་ནི༔ ཡུལ་མ་ཆེན་མོ་ཁྱི་ཡི་གདོང༔ ལྷ་བུའི་བདུད་འཇོམས་མེལ་ཚེ་མས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་ཤྭ་ན་མུ་ཁ་ཧེ༔ ཨ་བྷི་ཥིཉྩ་ཧཱུྃ༔ བྷྱོ༔ ཁྲག་འཐུང་དཔལ་གྱི་ཕོ་ཉ་ནི༔ ཡུལ་མ་ཆེན་མོ་བཞད་ཀྱི་གདོང༔ ཤེས་བྱ་ཐོགས་མེད་མིག་རྣོན་མས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་གྲྀ་དྷ་མུ་ཁ་ཧེ༔ ཨ་བྷི་ཥིཉྩ་ཧཱུྃ༔ བྷྱོ༔ ཁྲག་འཐུང་དཔལ་གྱི་ཕོ་ཉ་ནི༔ ཡུལ་མ་ཆེན་མོ་ཀངྐའི་གདོང༔ འཆི་བདག་བདུད་འཇོམས་རོ་ཟ་མས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་ཀངྐ་མུ་ཁ་ཧེ༔ ཨ་བྷི་ཥིཉྩ་ཧཱུྃ༔ བྷྱོ༔ ཁྲག་འཐུང་དཔལ་གྱི་ཕོ་ཉ་ནི༔ ཡུལ་མ་ཆེན་མོ་ཁྭ་ཏའི་གདོང༔ ཉོན་མོངས་བདུད་འཇོམས་ཟད་བྱེད་མས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་ཀཱ་ཀ་མུ་ཁ་ཧེ༔ ཨ་བྷི་ཥིཉྩ་ཧཱུྃ༔ བྷྱོ༔ ཁྲག་འཐུང་དཔལ་གྱི་ཕོ་ཉ་ནི༔ ཡུལ་མ་ཆེན་མོ་འུག་པའི་གདོང༔ མི་འདོད་ཐུགས་རྗེ་དྲག་ཤུལ་མས༔ རིགས་ཀྱི་བུ་ལ་དབང་བསྐུར་རོ༔ ཨོཾ་བཛྲ་ཨཱུ་ལུ་ཀ་མུ་ཁ་ཧེ༔ ཨ་བྷི་ཥིཉྩ་ཧཱུྃ༔ ཧཱུྃ༔ དཀྱིལ་འཁོར་ཕྱོགས་ཀྱི་སྒོ་བཞི་ནས༔ ཕྲིན་ལས་བཞི་མཛད་སྒོ་མ་བཞིས༔ རིགས་ཀྱི་བུ་ལ་དབང་བསྐུར་བས༔ ཚར་གཅོད་རྗེས་འཛིན་དབང་ཐོབ་ཤོག༔ ཨོཾ་བཛྲ་ཀྲོདྷཱི་ཨངྐུ་ཤ་ཛཿ ཨོཾ་བཛྲ་ཀྲོ་དྷཱི་པཱ་ཤ་ཧཱུྃ༔ ཨོཾ་བཛྲ་ཀྲོ་དྷཱི་སྥོ་ཊ་བྃ༔ ཨོཾ་བཛྲ་ཀྲོ་དྷཱི་གཎྜེ་ཧོཿ ཨ་བྷི་ཥིཉྩ་ཧཱུྃ བྷྱོ༔ དཀྱིལ་འཁོར་ཆེན་པོའི་མཐའ་སྐྱོང་ཞིང༔ དྲག་པོ་སྲིན་པོ་ལ་སོགས་པའི༔ ཆུང་མ་ཞི་བའི་ལས་མཛད་མས༔ རིགས་ཀྱི་བུ་ལ་དབང་བསྐུར་རོ༔ མ་ནུ་རཀྴ་སི་བྷྱོ༔ བྲ་ཧྨ་ནི་བྷྱོ༔ རཽ་ཏྲཱི་བྷྱོ༔ བིཥྞ་བྷྱ་བྷྱོ༔ ཀུ་མཱ་རི་བྷྱོ༔ ཨིནྡྲ་ཎཱི་བྷྱོ༔ ཤིནྟཾ་ཀུ་རུ་སྭཱ་ཧཱ༔ ཨ་བྷི་ཥིཉྩ་ཧཱུྃ༔ བྷྱོ༔ དཀྱིལ་འཁོར་ཆེན་པོའི་མཐའ་སྐྱོང་ཞིང༔ དྲག་པོ་འཇུག་སྲེད་ལ་སོགས་པའི༔ ཆུང་མ་རྒྱས་པའི་ལས་མཛད་མས༔ རིགས་ཀྱི་བུ་ལ་དབང་བསྐུར་རོ༔ ཨ་མྲྀ་ཏཾ་བྷྱོ༔ སཽ་མྱེ་བྷྱོ༔ དཎྚ་དཾ་བྷྱོ༔ རཀྴ་སི་བྷྱོ༔ བྷཀྵ་སི་བྷྱོ༔ ར་ཏི་བཛྲ་བྷྱོ༔ པུཥྚིཾ་ཀུ་རུ་ཨོཾ༔ ཨ་བྷི་ཥིཉྩ་ཧཱུྃ༔ བྷྱོ༔ དཀྱིལ་འཁོར་ཆེན་པོའི་མཐའ་སྐྱོང་ཞིང༔ དྲག་པོ་དགའ་བྱེད་དབང་ཕྱུག་གི༔ ཆུང་མ་དབང་གི་ལས་མཛད་མས༔ རིགས་ཀྱི་བུ་ལ་དབང་བསྐུར་རོ༔ ཨེ་ཀ་ཙ་ཏི་ཎི་བྷྱོ༔ མ་ནུ་ཧ་རཾ་བྷྱོ༔ སི་ཏི་ཀཾ་བྷྱོ༔ ཝཱ་ཡ་ཝེ་བྷྱོ༔ མ་ཧཱ་མ་ར་ཎ་བྷྱོ༔ ཨགྣི་བཛྲ་བྷྱོ༔ ཝཱ་ཤཾ་ཀུ་རུ་ཧོཿ ཨ་བྷི་ཥིཉྩ་ཧཱུྃ༔ བྷྱོ༔ དཀྱིལ་འཁོར་ཆེན་པོའི་མཐའ་སྐྱོང་ཞིང༔ དྲག་པོ་གསོད་བྱེད་ལ་སོགས་པའི༔ ཆུང་མ་དྲག་པོའི་ལས་མཛད་མས༔ རིགས་ཀྱི་བུ་ལ་དབང་བསྐུར་རོ༔ ཙ་མུནྟི་བྷྱོ༔ སུ་ཏ་ནི་བྷྱོ༔ ཝ་རུ་ཎ་བྷྱོ༔ མ་ཧཱ་ཀཱ་ལི་བྷྱོ༔ ཙ་ཀ་ལ་བྷྱོ༔ ཀུཾ་བྷ་ཀརྞ་བྷྱོ༔ མཱ་ར་ཡ་ཕཊ྄༔ ཨ་བྷི་ཥིཉྩ་ཧཱུྃ༔ བྷྱོ༔ གཞལ་ཡས་ཕྱི་ཡི་སྒོ་སྲུང་མ༔ ལྷ་མཆོག་ནག་པོའི་ཆུང་མ་ནི༔ ནག་པོ་ཆེན་མོ་མ་མོ་ཡིས༔ རིགས་ཀྱི་བུ་ལ་དབང་བསྐུར་རོ༔ སིང་ག་ལཾ་བྷྱོ༔ ཨ་བྷི་ཥིཉྩ་ཧཱུྃ༔ བྷྱོ༔ གཞལ་ཡས་ཕྱི་ཡི་སྒོ་སྲུང་མ༔ ར་གདོང་ཆེན་པོའི་ཆུང་མ་ནི༔ ར་མགོ་དམར་སེར་ཆེན་མོ་ཡིས༔ རིགས་ཀྱི་བུ་ལ་དབང་བསྐུར་རོ༔ རུ་ཏི་ར་མ་ཏི་བྷྱོ༔ ཨ་བྷི་ཥིཉྩ་ཧཱུྃ༔ བྷྱོ༔ གཞལ་ཡས་ཕྱི་ཡི་སྒོ་སྲུང་མ༔ སྲིན་པོ་བུམ་སྣའི་ཆུང་མ་ནི༔ བུམ་སྣ་སྔོ་ནག་ཆེན་མོ་ཡིས༔ རིགས་ཀྱི་བུ་ལ་དབང་བསྐུར་རོ༔ བྷ་ར་ཧི་བྷྱོ༔ ཨ་བྷི་ཥིཉྩ་ཧཱུྃ༔ བྷྱོ༔ གཞལ་ཡས་ཕྱི་ཡི་སྒོ་སྲུང་མ༔ གསུས་པོ་ཆེ་ཡི་ཆུང་མ་ནི༔ གསུས་འཛིན་སེར་ནག་ཆེན་མོ་ཡིས༔ རིགས་ཀྱི་བུ་ལ་དབང་བསྐུར་རོ༔ ལམྦྷོ་དྷཱ་ར་བྷྱོ༔ ཨ་བྷི་ཥིཉྩ་ཧཱུྃ༔ དེ་ནས་བཀའ་སྲུང་གི་དབང་ནི༔ ཧཱུྃ༔ དཔལ་ཆེན་རྡོ་རྗེ་ཀཱི་ལ་ཡའི༔ བྲན་དང་བཀའ་ཉན་ཕོ་ཉའི་ཚོགས༔ ཕུར་སྲུང་ཤྭ་ན་ལྕམ་དྲལ་བཞིས༔ རིགས་ཀྱི་བུ་ལ་དབང་བསྐུར་རོ༔ མ་ཐ་མ་ཐ་བཛྲ༔ ཛྭ་ལ་ཛྭ་ལ་བཛྲ༔ སུ་རུ་སུ་རུ་བཛྲ༔ མུ་རུ་མུ་རུ་བཛྲ༔ ཨ་བྷི་ཥིཉྩ་ཧཱུྃ༔ ཧཱུྃ༔ དཔལ་ཆེན་རྡོ་རྗེ་ཀཱི་ལ་ཡའི༔ བྲན་དང་བཀའ་ཉན་ཕོ་ཉའི་ཚོགས༔ ཕུར་སྲུང་རེ་ཏི་ལྕམ་དྲལ་བཞིས༔ རིགས་ཀྱི་བུ་ལ་དབང་བསྐུར་རོ༔ མ་མ་ཝ་ཤཾ་ཀུ་རུ་མ་ཏཾ་ཉ་ཀ་ར་ཨི་དན་དྷ་ཏི་མ་མ་ཤི་གྷྲཾ་ཀཱ་ར་ཡེ༔ ཨ་བྷི་ཥིཉྩ་ཧཱུྃ༔ ཧཱུྃ༔ དཔལ་ཆེན་རྡོ་རྗེ་ཀཱི་ལ་ཡའི༔ བྲན་དང་བཀའ་ཉན་ཕོ་ཉའི་ཚོགས༔ ཕུར་སྲུང་ས་བདག་ལྕམ་དྲལ་བཞིས༔ རིགས་ཀྱི་བུ་ལ་དབང་བསྐུར་རོ༔ ཀ་ཏཾ་ཀ་ཡེ་ཛ་ཡེ་བི་ཛ་ཡེ་ཨ་ཛི་ཏེ་ཨ་པཱ་ར་ཛི་ཏེ་མ་ར་སེ་ན་བྲ་མརྡྷ་ན་ཡེ༔ ཨ་བྷི་ཥིཉྩ་ཧཱུྃ༔ དེ་ལྟར་ལྷ་ཚོགས་རྣམས་ཀྱི་སྐུ་ཕྱག་རྒྱའི་བྱིན་རླབས་ལུས་ལ་ཞུགས་པས་དེང་ནས་བཟུང་སྟེ་རང་ལུས་སོགས་ནས། གསུང་བཟླས་པའི་ལུང་གི་གཙོ་བོའི་བསྙེན་སྒྲུབ་གཉིས་གྲུབ་པ་དང༌། ལས་བྱང་གི་བཟླས་དམིགས། དཔལ་གྱི་ཐུགས་ཀའི་འོད་ཟེར་སོགས་ནས། ཀཱི་ལ་ཡ་རིགས་བཞི། སྲས་མཆོག་ཉེར་གཅིག །ཁྲོ་བཅུ་ཡབ་ཡུམ། ཕྲ་ཕྱག་ཉི་ཤུ། གནས་ཡུལ་མ་མོ། སྒོ་བཞི། དབང་ཕྱུག་ཉེར་བརྒྱད་བར་བཟླས་དམིགས་སྔོན་འགྲོའི་སྔགས་ཀྱི་རྗེས་ཟློས་ལན་གསུམ་རེ་བྱར་གཞུག །སླར་ཡང་ཐུགས་ཀའི་འོད་ཟེར་སོགས་དོན་དབང་ལྟར་ལས་སྦྱོར་གྱི་བཟླས་པ་བྱ་བ་ནས། ཐུགས་ཡེ་ཤེས་ཀྱི་དགོངས་པ་ངོ་སྤྲད་ནས་དུར་ཁྲོད་དཔལ་ཆས་ཀྱི་མངའ་གསོལ་ཞིང་བཟའ་བཏུང་གཏད་པའི་བར་སྦྱར་ལ། དེ་ལྟར་དབང་བསྐུར་ཡོངས་སུ་རྫོགས་པས་ཁྱེད་རང་རྣམས་རིགས་ཀུན་ཁྱབ་བདག་དཀྱིལ་འཁོར་གཙོ་བོ་རྡོ་རྗེ་གཞོན་ནུ་ཤེས་རབ་མ་དང་བཅས་སྙོམས་པར་ཞུགས་པ་ལ་དམ་ཚིག་གསུམ་སྦྱིན་པའི་སླད་དུ་རྡོ་རྗེ་ལག་གཡས་སུ་གཏད་པ་གསོར་ལ། རྡོ་རྗེ་འདི་ནི་ཐབས་ཆེན་པོ༔ སྐུ་ཡི་དབང་གི་མཆོག་ཡིན་ཏེ༔ བདེ་བ་ཆེན་པོའི་ཡེ་ཤེས་ཀྱི༔ དེ་ཉིད་ཤེས་པས་ཁྱོད་ཀྱིས་ལོངས༔ མ་ཧཱ་བཛྲ་ཧོཿ དྲིལ་བུ་ལག་གཡོན་དུ་གཏད་པ་དཀྲོལ་ཞིང་དཀུར་བསྟེན་ལ། ཆོས་ཉིད་སྐྱེ་མེད་སྟོང་པ་ཉིད༔ འགག་པ་མེད་པའི་སྒྲ་གདངས་བཅས༔ རང་བྱུང་གསུང་སྟེ་གསུང་གི་མཆོག༔ མཚོན་པར་བྱེད་པའི་དབང་ཡང་སྦྱིན༔ མ་ཧཱ་གཎྜེ་ཧོཿ རྡོར་དྲིལ་ཐུགས་ཀར་བསྣོལ་ཏེ་བཟུང་ལ། ཨེ་མ་རྡོ་རྗེ་སེམས་དཔའ་ཆེ༔ དཀྱིལ་འཁོར་ཀུན་གྱི་དབང་ཕྱུག་གཙོ༔ ཁྱོད་ནི་རྟག་ཏུ་བདེ་ཆེན་ཏེ༔ བཅོམ་ལྡན་སྙེམས་མར་རོལ་པས་དགྱེས༔ ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ༔ དེ་ལྟར་དམ་ཚིག་བྱིན་པས་དབང་གི་བྱེད་ལས་ཐམས་ཅད་ཡོངས་སུ་རྫོགས་པས་དཀྱིལ་འཁོར་གྱི་ལས་རབ་འབྱམས་སྒྲུབ་པ་ལ་སྐལ་ལྡན་དུ་བྱས་པའོ། །དེ་ལྟར་བུམ་པའི་དབང་ཐོབ། ལུས་ཀྱི་དྲི་མ་དག །ལམ་བསྙེན་པའི་རྣལ་འབྱོར་བསྐྱེད་རིམ་བསྒོམ་པ་དབང༌། འབྲས་བུ་སྐུ་རྡོ་རྗེ་སྤྲུལ་པའི་སྐུ་འགྲུབ་པའི་སྐལ་པ་ཅན་དུ་བྱས་པའོ། །ཛཿཧཱུྃ་བྃ་ཧོཿ ནམ་མཁའ་གང་བའི་དབང་གི་ལྷ་ཚོགས་རྣམས་ཁྱེད་རང་རྣམས་ལ་གཉིས་སུ་མེད་པར་ཐིམ་པར་གྱུར། མཆོག་དབང་གོང་མ་གསུམ་དགོས་ན་དོན་དབང་ལྟར་བྱ། དམ་ཚིག་ཁས་བླང་ནས་བརྩམས་མཎྜལ་ལུས་འབུལ་དགེ་བསྔོ་དང༌། སློབ་དཔོན་གྱིས་ཕྲིན་ལས་རྗེས་ཀྱི་རིམ་པ་མཐར་དབྱུང་བས་གྲུབ་པའོ། ༈ །གསུམ་པ་བཀའ་སྲུང་ཡེ་ཤེས་ཀྱི་མགོན་པོ་ལྕམ་དྲལ་གྱི་སྲོག་དབང་ཟབ་མོ་ཇི་ལྟར་བསྐུར་བའི་ཚུལ་ནི། སྟེགས་བུའི་སྟེང་གཞུང་མཐུན་གྱི་དཀྱིལ་འཁོར་རས་བྲིས་སམ་མ་འབྱོར་ན་མཎྜལ་སྟེང་འབྲུ་ནག་ཁྲག་གིས་གཤེར་བའི་ཚོམ་བུ་དབུས་སུ་གཅིག །མདུན་དང་གཡས་གཡོན་དུ་རེ་རེ། དེ་རྒྱབ་ཕྱོགས་རེར་གཉིས་གཉིས། མཚམས་བཞིར་རེ་རེ་བཅས་བཅུ་གཉིས། མཐའ་བསྐོར་འབྲུ་གཅལ་དུ་བཀྲམ་པའི་སྟེང་མཉྫིའི་ཁར་བུམ་པ་སོ་ལྔའི་བཅུད་ལྡན་མགུལ་ཆིངས་སྔོ་ནག །མགོན་པོ། ཡུམ་གསུམ། ཕུར་སྲུང་བཅུ་གཉིས། དབང་མོ་ཉེར་བརྒྱད་བཅས་ཀྱི་སྐུ་ཙཀ །སྔགས་ཕྲེང༌། གྲི་ཐོད། རལ་གྲི་དང་ཐོད་ཁྲག །ཕུར་པ་རཀྟ་རྣམས་དང༌། མཚོན་ཆ་སྣ་ཚོགས་ཀྱི་ཙཀ་ལི་རྣམས་བཤམས། མདུན་དུ་དམར་གཏོར་དཔུང་རོང་འཁོར་གསུམ། དེ་རྒྱབ་བཅུ་གཉིས། མཐེབ་ཀྱུ་གྲངས་མེད་ཀྱིས་གཏམས་པར་སྐུ་ཙཀ་དར་གདུགས་ཤ་ཁྲག་གིས་བརྒྱན་པ་དང༌། གཞན་ཡང་བདག་བསྐྱེད་ཀྱི་གཏོར་མ་དང་མཆོད་གཏོར། སྨན་རཀ །ཉེར་སྤྱོད་ཀྱི་མཆོད་པ་བསྐོར་བཤམས། བདག་གི་རྣལ་འབྱོར་རྒྱས་བསྡུས་སྐབས་དང་འབྲེལ་བ་སྔོན་དུ་འགྲོ་བས་བཟླས་པ་བསྡུ་ལྡང་བཅས་བྱས་ལ། ཆོས་སྐྱོང་གི་ཕྲིན་ལས་ཀྱི་གཞུང་བསྲང་ཞིང་བཟླས་པ་བྱ། བུམ་པ་རང་བྱུང་གི་གཞལ་མེད་ཁང་ཆེན་པོར་ཡེ་ཤེས་ཀྱི་མགོན་པོ་ཡབ་ཡུམ་སྐད་ཅིག་གིས་གསལ་བ་ལ་བདག་གི་ཐུགས་ཀ་ནས་བྱུང་བའི་འོད་ཟེར་གཟུངས་ཐག་ལ་འཁྲིལ་ཏེ་སོང་བ་མགོན་པོའི་ཐུགས་སྲོག་ལ་རེག་པས་སྐུ་ལས་བྱང་སེམས་བདུད་རྩིའི་རྒྱུན་བབ་པས་བུམ་པ་ཡོངས་སུ་གང་བར་བསམ་ལ་གཟུངས་ཐག་བླངས་ཏེ། ཨོཾ་ཤྲཱི་མ་ཧཱ་ཀཱ་ལ་སིཾ་ཧ་མུ་ཁ་ཧཱུྃ་ཕཊ྄༔ ལས་བུམ་ཀྱང་བདུད་རྩི་འཁྱིལ་བས་སྒྲུབ། བསྐང་བཤགས་རྒྱས་པར་བཏང་ལ་དབང་ལེན་གྱི་དམིགས་པ་ཙམ་བྱ། དམ་གཙང་སྣོད་ལྡན་གྱི་སློབ་མ་བདུན་ལས་མི་མང་བར་ཁྲུས་བྱས། བགེགས་གཏོར་བཏང༌། སྲུང་འཁོར་དང་སེམས་བསྐྱེད་གསལ་བཏབ་ལ། དེ་ལའང་བདེ་བར་གཤེགས་པ་རིགས་ལྔ་ཡབ་ཡུམ་དང་བཅས་པ་རྣམས་ཞི་བས་མི་ཐུལ་བའི་གདུལ་བྱ་གདུག་པ་ཅན་རྣམས་ཀྱི་དོན་དུ་ཐུགས་རྗེ་ཁྲོས་པ་དཔལ་ཧེ་རུ་ཀ་རིགས་ལྔ་ཡབ་ཡུམ་གྱི་སྐུར་བཞེངས་ཤིང༌། དེ་ལས་ཀྱང་སངས་རྒྱས་ཀྱི་བསྟན་པ་སྲུང་བའི་དོན་དུ་གཏུམ་ཆེན་མི་བཟད་པའི་གཟུགས་ཅན་ནག་པོ་ཆེན་པོ་ལྕམ་དྲལ་གྱི་ཚུལ་དུ་སྣང་བ་ནི་ཡེ་ཤེས་ཀྱི་ཆོས་སྐྱོང་བ་རྣམས་ཡིན་ལ། ངོ་བོ་ཡེ་ཤེས་པ་ལས་སྤྲུལ་ཞིང་རྣམ་པ་དྲེགས་བྱེད་རང་ག་བའི་སྐྱེ་རྒྱུད་ལྟར་བསྟན་ནས་དཔལ་ཧེ་རུ་ཀ་དང་སངས་རྒྱས་སྤྲུལ་པའི་སྐུ་ལས་ཆོས་ཐོས་ཤིང་བདེན་པ་མཐོང་ནས་བཀའ་དང་ཐ་ཚིག་ལ་གནས་པ་ནི་ལས་ལས་གྲུབ་པའི་ཆོས་སྐྱོང་དང༌། འཇིག་རྟེན་རང་རྒྱུད་པར་གཏོགས་པའི་དྲེགས་པ་ཅན་འབྱུང་པོ་སྔོན་གྱི་སྨོན་ལམ་དགེ་བའི་སྟོབས་ཀྱིས་མཐུ་རྩལ་གཟི་བརྗིད་དང་ལྡན་པ་རྣམས་རྒྱལ་བ་རིག་འཛིན་གོང་མས་གནད་ལ་ཕབ་སྟེ་རྡོ་རྗེའི་ཐ་ཚིག་ཕོག་ཅིང་བསྟན་པ་སྲུང་བར་བསྒོས་པ་ཆོས་སྐྱོང་འཇིག་རྟེན་པར་གྲགས་ཏེ། དེ་ལ་སྐབས་སུ་བབ་པ་འདི་ནི་རྡོ་རྗེ་ཕུར་པའི་རྒྱུད་རྩ་དུམ་ལས། ཁྱི་གདོང་རྡོ་རྗེས་གདབ་པར་བྱ། ཞེས་གསུངས་པ་ལྟར་ངོ་བོ་ཡེ་ཤེས་ཀྱི་ལྷ་གཙོ་མཆོག་དཔལ་ཆེན་པོ་རྡོ་རྗེ་གཞོན་ནུ་ཉིད། རྣམ་པ་ཕྲིན་ལས་ཀྱི་རིགས་སུ་བསྡུས་པའི་ལས་ཀྱི་སྲུང་མའི་ཚུལ་དུ་བསྟན་པའི་མགོན་པོ་སྟེ། ཨོ་རྒྱན་ཆེན་པོའི་རྡོ་རྗེའི་གསུང་ལས། ངོ་བོ་ཀ་དག་ཆོས་ཀྱི་སྐུ༔ རང་བཞིན་ལྷུན་གྲུབ་ལོངས་སྤྱོད་རྫོགས༔ ཐུགས་རྗེ་མ་འགག་སྣ་ཚོགས་སྤྲུལ༔ དཔལ་ཆེན་ཁྲག་འཐུང་ཆེན་པོ་ནི༔ འཇིགས་བྱེད་ཆེན་པོའི་གར་བསྒྱུར་བ༔ ཞིང་སྐྱོང་ཆེན་པོའི་སྐུ་རུ་སྣང༔ ཞེས་དང༌། ཆོས་ཀྱི་དབྱིངས་ལས་དཔལ་ཆེན་ཧེ་རུ་ཀ༔ ༔ལས་ལ་ཆས་ཚེ་ཕྲ་མེན་འབར་བའི་སྐུ༔ མ་ཧཱ་ཀཱ་ལ་ཕྲིན་ལས་མགོན་པོ་ནི༔ མི་འགྱུར་མཐིང་ནག་མུན་པ་ཆེན་པོའི་མདོག༔ དབྱིངས་ལ་བཟང་ངན་མེད་པས་ཁྱི་གདོང་མ༔ དམན་པའི་ཡུལ་འདས་སེང་ཞལ་ལྕགས་རལ་ཅན༔ ཞེས་གསུངས་པ་ལྟར་རྡོ་རྗེ་ཐེག་པའི་བཀའ་སྲུང་ཡེ་ཤེས་ཀྱི་མགོན་པོའི་ཡ་གྱལ་དཔལ་མགོན་ཞལ་བཞི་པ་ཞེས་གནས་ཡུལ་རྡོ་རྗེའི་ཞིང་གི་བདག་པོའི་གདམས་སྐོར་གསར་རྙིང་གི་རིང་ལུགས་དུ་མ་ནས་འབྱུང་བ་དང༌། བདུད་མགོན་སེང་གེའི་གདོང་ཅན་ཞེས་དཔལ་གྱི་ཙཱ་རི་ཏྲའི་ཞིང་སྐྱོང་གི་མགོན་པོར་བསྟན་པ་རྣམས་དང་གཉིས་སུ་མེད་པའི་བདག་ཉིད་རྡོ་རྗེ་ཕུར་པ་གཉགས་ལུགས་ཀྱི་བཀའ་སྲུང་ལས་བྱུང་བ་འདི་ཉིད་ཀྱི་སྲོག་དབང་དངོས་དང༌། བྱིན་རླབས་གཏོར་མའི་དབང་བསྐུར་གཉིས་ཀ་སྒྲུབ་པར་བགྱི་བ་ལ་སོགས་ཀྱིས་མཚམས་སྦྱར་ནས་མཚོན་ཆའི་མཎྜལ་ཕུལ། ཐོག་མར་རྒྱུད་དག་པར་བྱ་བའི་སླད་དུ། བླ་མ་དང་གཉིས་སུ་མེད་པའི་དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་རྩ་གསུམ་དམ་ཅན་སྲུང་མའི་ཚོགས་དང་བཅས་པའི་སྤྱན་སྔར་རྒྱུན་བཤགས་ཡན་ལག་བརྒྱད་པ་ཚུལ་བཞིན་བྱ་བའི་བློས་འདིའི་རྗེས་ཟློས། རྡོ་རྗེ་སློབ་དཔོན་སངས་རྒྱས་དཔལ༔ སོགས་ལན་གསུམ། སྙིམ་པ་མེ་ཏོག་དང་བཅས་པའི་ཐལ་མོ་སྦྱོར་ལ་གསོལ་བ་འདེབས་པ་འདིའི་རྗེས་ཟློས། ཧེ་རུ་ཀ་དཔལ་བླ་མ་རྗེ༔ གཉིས་མེད་དགྱེས་པས་དགོངས་སུ་གསོལ༔ བདག་ཅག་སྐལ་ལྡན་རིགས་ཀྱི་བུ༔ བརྩེ་བས་རྗེས་སུ་བཟུང་དུ་གསོལ༔ སླར་ཡང་ནན་ཏན་གྱིས་གསོལ་བ་འདེབས་ཤིང་དམ་ཚིག་རྣམས་ཚུལ་བཞིན་དུ་སྲུང་བར་ཁས་ལེན་པ་འདིའི་རྗེས་ཟློས། ཧོཿ དཔལ་ཆེན་ཁྲག་འཐུང་དཀྱིལ་འཁོར་འདིར༔ མི་ཕྱེད་དད་པས་ཞུགས་པ་ན༔ དབང་བསྐུར་མ་ལུས་བསྩལ་དུ་གསོལ༔ དངོས་གྲུབ་མ་ལུས་བསྩལ་དུ་གསོལ༔ སྐུ་གསུང་ཐུགས་དང་ཡན་ལག་གི༔ དམ་ཚིག་མ་ལུས་བདག་གིས་བཟུང༔ ལོག་པར་ལྟ་བ་ཀུན་བསྒྲལ་ནས༔ བྱང་ཆུབ་མྱུར་དུ་ཐོབ་པར་བགྱི༔ དེ་ནས་ཡེ་ཤེས་པ་དབབ་པ་ཡིན་པས། ཁྱེད་རང་རྣམས་ཀྱི་སྒོ་གསུམ་ལེགས་པར་གཅུན་ཏེ་དམིགས་པ་འདི་བཞིན་རྩེ་གཅིག་ཏུ་གསལ་ཐོབ་ཅིག །བདག་གི་ཐུགས་ཀའི་ཧཱུྃ་ཡིག་ལས༔ འོད་ཟེར་ཚ་ཞིང་རྩུབ་པ་འཕྲོས༔ སློབ་མའི་ལུས་ལ་ཕོག་པ་ཡིས༔ རྣམ་པར་རྟོག་པ་ཀུན་སྦྱངས་ནས༔ སེམས་ཉིད་ཧཱུྃ་གི་རང་བཞིན་ལས༔ སློབ་དཔོན་གྱི་ཐུགས་ཀའི་ཧཱུྃ་ལས་བྱུང་བའི་འོད་ཟེར་གྱིས་སློབ་མའི་སྒོ་གསུམ་སྟོང་པར་སྦྱངས། སྟོང་པའི་ངང་ལས་སྣོད་བཅུད་དུར་ཁྲོད་དྲག་པོའི་བཀོད་པ་ཡོངས་སུ་རྫོགས་པའི་དབུས་སུ་གྲུ་གསུམ་མཐིང་ནག་ཁྲག་མཚོ་འཁྱིལ་བར་པད་ཉི་དགྲ་བགེགས་ཀྱི་སྟེང་དུ་ཧཱུྃ་མཐིང་ནག་ཡོངས་སུ་གྱུར་པ་ལས་ཁྱེད་རང་རྣམས་དཔལ་ཡེ་ཤེས་ཀྱི་མགོན་པོ་ཕྲིན་ལས་མི་བཟད་འབར་བ་ཆེན་པོའི་ཚུལ་ལས་བཞེངས་པས་སྐུ་མདོག་ལྗང་ནག་འོད་དུ་འཚེར་བ༔ འཇིགས་པའི་གདོང་པ་སེང་གེའི་ཞལ་ཅན་ཁ་གདངས་མཆེ་བ་གཙིགས་ཤིང་ལྗགས་འཁྱུགས་པས་རྐན་སྒྲ་སྒྲོགས་པ༔ ཐོད་སྐམ་ལྔས་དབུ་ལ་བརྒྱན་ཅིང་གཡུ་རལ་གནམ་དུ་གཟེངས་པ་ལས་སྤྲུལ་པའི་སེང་ཆུང་སྤྲོ་བ༔ སྨ་ར་དང་སྨིན་མ་འབར་བའི་མེ་ལྕེ་ལས་ཚྭ་ཚྭ་དམར་ནག་ཏུ་མཆེད་པ༔ ཕྱག་གཡས་གནམ་ལྕགས་ཀྱི་ཟངས་གྲི་འཕྱར་བའི་རྩེ་ལས་སྐྱིན་ཐང་གི་བུ་ཡུག་འཚུབས་པ༔ གཡོན་པས་ཐོད་པ་ཁྲག་གིས་གང་བ་འཕྱུར་ཏེ་ཞལ་དུ་རྔུབ་པ༔ སྐུ་ལ་གསང་གོས་དཀར་པོ་ཕོད་ཆེན་ལྗང་གུ་དར་ནག་གི་བེར་དགུ་བརྩེགས་སུ་གསོལ་ཞིང༔ མགོ་ཕྲེང་སྦྲུལ་ཆུན་བེང་ཚར་རྣམས་ཀྱིས་བརྒྱན་པ༔ སྐུ་སྨད་ཆུ་སྲིན་གྱི་ཁ་ལས་ཐོན་པའི་གནམ་ལྕགས་ཕུར་བུའི་རྣོ་དབལ་ཉམས་པའི་སྙིང་དཀར་ནག་གི་མཚམས་སུ་གཟིར་ཞིང་བཞད་སྒྲ་འབྱིན་ཏེ་ཟུར་ཞལ་གཡོན་དུ་གཟིགས་པའི་ཐུགས་ཀར་ཡེ་ཤེས་སེམས་དཔའ་དཔལ་རྡོ་རྗེ་གཞོན་ནུ་ཞལ་གཅིག་ཕྱག་གཉིས་ཕུར་པ་འདྲིལ་ཞིང་དཔལ་དང་དུར་ཁྲོད་ཀྱི་ཆས་ཅན་ཡུམ་འཁོར་ལོ་རྒྱས་འདེབས་དང་གཉིས་སུ་མེད་པར་སྦྱོར་བས་བདེ་བའི་སྒྲ་དང་འོད་ཟེར་གྱིས་བླ་མ་དང་དཀྱིལ་འཁོར་གྱི་ལྷའི་ཐུགས་རྒྱུད་རང་དབང་མེད་པར་བསྐུལ་ཏེ་ཕྱོགས་བཅུ་དུས་བཞིའི་བླ་མ་རྒྱལ་བ་སྲས་དང་བཅས་པ་དཔའ་བོ་རྣལ་འབྱོར་མ། ཡེ་ཤེས་ཀྱི་ཆོས་སྐྱོང་བའི་ཚོགས་ཐམས་ཅད་སྐུ་ཕྱག་རྒྱ། གསུང་ཡིག་འབྲུ། ཐུགས་ཕྱག་མཚན་གྱི་རྣམ་པར་ཁ་བ་བུ་ཡུག་འཚུབས་པ་བཞིན་བྱོན་ཏེ་སློབ་མའི་སྒོ་གསུམ་ལ་སིབ་སིབ་ཐིམ་པས་གསང་བ་གསུམ་གྱི་བྱིན་རླབས་ཆིག་རྫོགས་སུ་ཐོབ་པར་གྱུར། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བྃ་ཧཱུྃ་ཕཊ྄་ཛཿཧཱུྃ་ཨཱཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཨོཾ་ཀུ་ཀུ་ཨ་བེ་ཤ་ཡ་ཛྙཱ་ན་ཨ་ཨཿ ཞེས་མང་དུ་བརྗོད། གུ་གུལ་བདུག་ཅིང་རོལ་མོས་བྱིན་དབབ། ཡེ་ཤེས་པའི་བྱིན་རླབས་ཀྱི་རྒྱུན་བརྟན་པར་མོས་ཤིག །ཏིཥྛ་བཛྲ། རྡོ་རྗེ་མགོར་བཞག དེ་རྣམས་ཀྱི་སྔོན་འགྲོའི་རིམ་པ་གྲུབ་ནས། དངོས་གཞི་ལ་ཐོག་མར་བུམ་པའི་དབང་གི་སླད་དུ་དམིགས་པ་འདི་བཞིན་དུ་མཛོད། སློབ་དཔོན་དཔལ་ཆེན་པོའི་ཐུགས་ཀ་ནས་འོད་ཟེར་གྱི་སྣང་བས་གདན་གསུམ་ཚང་བའི་དབང་གི་ལྷ་ནམ་མཁའ་གང་བར་སྤྱན་དྲངས། བཛྲ་ས་མཱ་ཛཿ ཨོཾ་བཛྲ་ཨརྒྷཾ་སོགས་ཀྱིས་མཆོད། ཁྱེད་རྣམས་ཀྱིས་སློབ་མ་ལ་དབང་བསྐུར་བ་བསྩལ་དུ་གསོལ། ཞེས་གསོལ་བ་བཏབ་པས་བཀྲ་ཤིས་པའི་རྣམ་པ་དུ་མ་དང་ལྡན་པས་བུམ་པའི་བདུད་རྩིས་དབང་བསྐུར་བསྩལ་བའི་མོས་པ་མཛོད་ཅིག །རྣམ་བུམ་སྤྱི་བོར་བཞག་ལ། ཧཱུྃ༔ སྣང་བ་རྣམ་དག་བུམ་པ་རུ༔ སྟོང་ཉིད་ཡེ་ཤེས་བདུད་རྩིའི་བཅུད༔ རོལ་པ་ཆེན་པོའི་དབང་བསྐུར་བས༔ ཕུང་ཁམས་ལྷ་རུ་འཆར་བར་ཤོག༔ ཀཱ་ཡ་ཨ་བྷི་ཥིཉྩ་ཨོཾ༔ ཧོཿ ཡེ་ཤེས་མགོན་པོའི་བྱིན་རླབས་ཀྱིས། སྐལ་ལྡན་སློབ་མ་རྣམས་ལ་བུམ་པའི་དབང་བསྐུར་བས་སྣོད་བཅུད་ལྷ་རུ་འཆར་བའི་དབང་དམ་པ་ཐོབ་པར་གྱུར་ཅིག །ཅེས་ཤིས་པ་བརྗོད་ཅིང་མེ་ཏོག་འཐོར་བ་འགྲེ། དེའི་མཐའ་རྟེན་དུ་སྐུ་གསུང་ཐུགས་ཀྱི་དབང་བསྐུར་རྫོགས་པར་སྦྱིན་པ་ཡིན་པས་དམིགས་པ་འདི་བཞིན་དུ་མཛོད། དཀྱིལ་འཁོར་གྱི་ལྷ་རྣམས་ཀྱི་སྐུ་ལས་རང་འདྲ་བ་འཕྲོས་ནས་སློབ་མ་ལ་ཐིམ་པས་ལྷ་དེ་རྣམས་ཀྱི་མཐུ་ནུས་ཐོབ་པར་མོས་ཤིག །སྐུ་ཙཀ་རྣམས་གཏད་ལ། ཧཱུྃ༔ མཐིང་ནག་གྲུ་གསུམ་ཨེ་ཀློང་ལས༔ འབར་བའི་སྐུ་ནི་རྔམ་ཞིང་བརྗིད༔ ནག་པོ་ཆེན་པོས་དབང་བསྐུར་བས༔ ཕོ་རྒྱུད་ལས་ལ་འགྱེད་ནུས་ཤོག༔ ཀཱ་ཡ་ཨ་བྷི་ཥིཉྩ་ཨོཾ༔ ཧཱུྃ༔ ཟླ་གམ་ལེ་བརྒན་འབར་བ་ནས༔ སྦྱོར་སྒྲོལ་གསང་བའི་ཡུམ་ཆེན་གསུམ༔ མ་མོའི་རྒྱལ་པོས་དབང་བསྐུར་བས༔ མོ་རྒྱུད་སྦྱོར་བས་དབང་བྱེད་ཤོག༔ ཀཱ་ཡ་ཨ་བྷི་ཥིཉྩ་ཨོཾ༔ ཧཱུྃ༔ མཐིང་ནག་འཁོར་ལོའི་རྩིབས་སྟེང་ནས༔ དམ་ཅན་མ་མོ་བཅུ་གཉིས་ཞེས༔ ཕུར་པའི་སྲུང་མས་དབང་བསྐུར་བས༔ དམ་ཅན་བྲན་དུ་ཁོལ་གྱུར་ཅིག༔ ཀཱ་ཡ་ཨ་བྷི་ཥིཉྩ་ཨོཾ༔ ཧཱུྃ༔ ཁོར་ཡུག་དཀྱིལ་འཁོར་མུ་རན་ནས༔ དབང་ཕྱུག་ཉི་ཤུ་རྩ་བརྒྱད་ཅེས༔ མ་སྲིང་མཁའ་འགྲོས་དབང་བསྐུར་བས༔ རྣལ་འབྱོར་བུ་བཞིན་སྐྱོང་གྱུར་ཅིག༔ ཀཱ་ཡ་ཨ་བྷི་ཥིཉྩ་ཨོཾ༔ ཧོཿ སྐལ་ལྡན་སློབ་མ་རྣམས་ལ་མ་མགོན་ལྕམ་དྲལ་བཀའ་སྡོད་དང་བཅས་པའི་སྐུ་བསྟིམ་པས་དེའི་སྐུར་བསྒོམ་པའི་མཐུ་རྩལ་དང་ལྡན་པའི་དབང་དམ་པ་ཐོབ་པར་གྱུར་ཅིག །དཀྱིལ་འཁོར་གྱི་ལྷ་རྣམས་ཀྱི་གསུང་ལས་སྔགས་ཀྱི་ཕྲེང་བ་འཕྲོས་སློབ་མའི་མགྲིན་པར་ཐིམ་པས་སྔགས་ཀྱི་ནུས་རྩལ་ཐོབ་པར་མོས་ལ་སྔགས་འདིའི་རྗེས་ཟློས་ལན་གསུམ་མཛོད། ཨོཾ་བཛྲ་ཀཱི་ལི་ཀཱི་ལ་ཡ་མ་ཧཱ་ཀཱ་ལ་སིཾ་ཧ་མུ་ཁ་ཧཱུྃ་ཕཊ྄༔ ལན་གསུམ། ཨོཾ་བཛྲ་ཀཱི་ལི་ཀཱི་ལ་ཡ༔ ཀ་ཏཾ་ཀ་ཡེ༔ ཛ་ཡེ་བི་ཛ་ཡེ༔ ཨ་ཛི་ཏི་ཨ་པ་རཱ་ཛི་ཏེ༔ མ་ར་སེ་ན་པྲ་མརྡྷ་ན་ཡེ་ཧཱུྃ་ཕཊ྄༔ ལན་གསུམ་རྗེས་ཟློས་བྱར་གཞུག བྱིན་རླབས་བརྟན་པའི་ཕྱིར་སྔགས་བྱང་མགྲིན་པར་བཞག་སྟེ་དབང་བསྐུར་བར་མོས་ཤིག །སྔགས་བྱང་ཐོགས་ལ། ཧཱུྃ༔ ཚོགས་རྗེ་ཚོགས་བདག་དབང་དང་ལྡན༔ མ་ཧཱ་ཀཱ་ལ་མཐུ་བོ་ཆེ༔ དེ་ཡི་རིགས་སྔགས་བཟླས་པ་ཡིས༔ དམོད་པ་འགྲུབ་པའི་དབང་ཐོབ་ཤོག༔ གོང་སྨོས་རང་སྔགས་མཐར། ཝཱཀ་ཨ་བྷི་ཥིཉྩ་ཨཱཿ ཧོཿ སྐལ་ལྡན་སློབ་མ་རྣམས་ལ་མ་མགོན་ལྕམ་དྲལ་གྱི་སྔགས་བསྟིམས་པས་བཟླས་པ་ལ་བརྩོན་པའི་མཐུ་རྩལ་དང་ལྡན་པའི་དབང་དམ་པ་ཐོབ་པར་གྱུར་ཅིག །དཀྱིལ་འཁོར་གྱི་ལྷ་རྣམས་ཀྱི་ཐུགས་ལས་ཕྱག་མཚན་གྱི་ཚོགས་འཕྲོས་སློབ་མའི་སྙིང་གར་ཐིམ་པས་ཡེ་ཤེས་ཀྱི་སྟོབས་རྩལ་རྫོགས་པར་མོས་ཤིག །ཕྱག་མཚན་རྣམས་གཏད་ལ། ཧཱུྃ༔ ཡེ་ཤེས་རྣམ་པ་ཐམས་ཅད་པ༔ རྡོ་རྗེའི་གྲི་གུག་གཟུང་འཛིན་གཅོད༔ ཐོད་ཁྲག་འཁོར་བ་ཆགས་པས་འཛིན༔ བརྡ་དོན་རྟགས་ཀྱིས་དབང་བསྐུར་རོ༔ ཙིཏྟ་ཨ་བྷི་ཥིཉྩ་ཧཱུྃ༔ ཧཱུྃ༔ ཡེ་ཤེས་རལ་གྲིས་སྐྱེ་རྒྱུན་གཅོད༔ ཐོད་ཁྲག་བདུད་རྩིས་འཆི་བདག་འཇོམས༔ སྲིད་པ་རང་གྲོལ་ཕྱག་རྒྱ་ཡིས༔ དབང་བསྐུར་དོན་གྱི་ས་ཐོབ་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ ཧཱུྃ༔ འབར་བ་མི་བཟད་རྔམ་པའི་མཐུ༔ ཕྲིན་ལས་མཚོན་རྣོན་ཀཱི་ལ་ཡ༔ རྣམ་པ་བཅུ་གཉིས་དབང་བསྐུར་བས༔ བདེན་དོན་དྷཱུ་ཏིར་དག་གྱུར་ཅིག༔ ཙིཏྟ་ཨ་བྷི་ཥིཉྩ་ཧཱུྃ༔ ཧཱུྃ༔ དམར་ཆེན་རཀྟ་འཁྲུགས་པ་ནི༔ ཟུར་གསུམ་རྣམ་པར་ཐར་པར་རྫོགས༔ ཐུགས་རྗེ་ཆགས་པས་དབང་བསྐུར་བས༔ དེ་ཉིད་ཡེ་ཤེས་དོན་རྟོགས་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ ཧོཿ སྐལ་ལྡན་སློབ་མ་རྣམས་ལ་ལྷ་དང་བདག་ཉིད་གཉིས་སུ་མེད་པར་བལྟས་ནས་ཕྱག་མཚན་རྣམས་གཏད་པས་དགྲ་བགེགས་ཐོགས་པ་མེད་པར་བསྒྲལ་ནུས་པའི་དབང་དམ་པ་ཐོབ་པར་གྱུར་ཅིག །ཁྲག་འཐུང་ཁྲོ་བོའི་སྤྱི་དཔལ་སྲིད་ཞིའི་ཡོན་ཏན་དཔལ་གྱི་རྒྱན་དུ་རྫོགས་པའི་འཁོར་འདས་ཟིལ་གྱིས་གནོན་པའི་དཔལ་གྱི་ཆས་རྣམས་ཀྱིས་མངའ་གསོལ་བར་མོས་ཤིག །དཔལ་ཆས་གཏད་ལ། ཧཱུྃ༔ མཐིང་ནག་དར་ཆེན་རིན་ཆེན་རྒྱན༔ མགོ་ཕྲེང་སྦྲུལ་ཆུན་དཔལ་གྱི་ཆས༔ ཡོན་ཏན་རྒྱན་གྱིས་མངའ་གསོལ་བས༔ ཟག་མེད་འབྲས་བུའི་དོན་རྟོགས་ཤོག༔ གུ་ཎ་ཨ་བྷི་ཥིཉྩ་ཨོཾ༔ མཁའ་ཁྱབ་ཀྱི་གདུལ་བྱ་གདུག་པ་ཅན་གདུལ་དཀའ་བརླང་པོར་སྤྱོད་པ་ཐམས་ཅད་ཚར་གཅོད་རྗེས་འཛིན་གྱི་ཕྲིན་ལས་མཐར་ཕྱིན་པའི་རྟགས་སུ་དྲག་པོ་སྒྲོལ་བའི་མཚོན་ཆ་རྣམས་གཏད་དེ་མངའ་གསོལ་བར་མོས་ཤིག །བསྒྲལ་ཆས་རྣམས་གཏད་ལ། ཧཱུྃ༔ གདུག་པ་བསྒྲལ་བའི་མཚོན་ཆ་ནི༔ དྲག་ཤུལ་རོལ་པ་ལས་ཀྱི་གཟུགས༔ སྐལ་ལྡན་བུ་ལ་དབང་བསྐུར་བས༔ དགྲ་བགེགས་བདུད་རྣམས་འཇོམས་པར་ཤོག༔ ཀརྨ་ཨ་བྷི་ཥིཉྩ་ཨ༔ ཧོཿ སྐལ་ལྡན་སློབ་མ་རྣམས་ལ་དཔལ་ཁྲག་འཐུང་ཆེན་པོའི་ཡོན་ཏན་དང་ཕྲིན་ལས་ཡོངས་སུ་རྫོགས་པའི་ཆེ་རྟགས་སུ་དཔལ་གྱི་ཆས་དང་བསྒྲལ་བའི་མཚོན་ཆས་མངའ་གསོལ་བས་ཡོན་ཏན་དང་ཕྲིན་ལས་ཡོངས་སུ་རྫོགས་པའི་དབང་དམ་པ་ཐོབ་པར་གྱུར་ཅིག །དེ་རྣམས་ཀྱིས་ཡེ་ཤེས་མགོན་པོ་འཁོར་དང་བཅས་པའི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དབང་བསྐུར་ཡོངས་རྫོགས་ཐོབ་པ་ཡིན་པས་ཟུང་འཇུག་དེ་ཁོ་ན་ཉིད་ཀྱི་ངང་དུ་མཉམ་པར་བཞག་པ་ལ་བརྩོན་པར་གྱིས་ཤིག །གཉིས་པ་བྱིན་རླབས་གཏོར་མའི་དབང་བསྐུར་ནི། མདུན་གྱི་གཏོར་མ་འདི་ཉིད་གཏོར་སྣོད་གྲུ་གསུམ་མཐིང་ནག་དྲག་པོ་ཨེ་ཡི་གཞལ་ཡས་ཁང་དུ་གཏོར་མ་འདི་ཉིད་དཔལ་ཡེ་ཤེས་ཀྱི་མགོན་པོ་བདུད་འདུལ་ཕྲིན་ལས་ཀྱི་ལྷ་མཆོག་ཞིང་སྐྱོང་ཆེན་པོ་སིཾ་ཧ་མུ་ཁ། སྦྱོར་སྒྲོལ་གསང་བའི་ཡུམ་གསུམ། ཕུར་སྲུང་མ་མོ་བཅུ་གཉིས་ལྕམ་དྲལ་ཕོ་ཉ་དང་བཅས་པ། མི་བསྲུན་སྡེ་བརྒྱད་ཀྱི་གཙོ་བོ། དབང་ཕྱུག་ཉི་ཤུ་རྩ་བརྒྱད་གིང་ལང་འབུམ་ཕྲག་མཁའ་འགྲོའི་ཚོགས་དང་བཅས་པ་མ་འདྲེས་གསལ་རྫོགས་ནམ་མཁའ་ལ་སྤྲིན་ཕུང་འཁྲིགས་པ་བཞིན་གསལ་བའི་སྐུ་ལས་ཕྱག་རྒྱ་ཁྲོ་ཆུང་གི་ཚོགས། ཞལ་ནས་གསུང་སྔགས་ཀྱི་ཕྲེང་བ་སྒྲ་འོད་དང་བཅས་པ། ཐུགས་ཀ་ནས་ཡེ་ཤེས་ཀྱི་ཕྱག་མཚན་རལ་གྲི་ཐོད་ཁྲག་གི་རྣམ་པར་འཕྲོས། སློབ་མའི་གནས་གསུམ་དུ་ཐིམ་པས་རྡོ་རྗེའི་གསང་བ་གསུམ་གྱི་བྱིན་རླབས་ཡོངས་རྫོགས་སུ་ཐོབ་པར་མོས་ཤིག །གཏོར་མ་ཚིག་དང་བསྟུན་ཏེ་གནས་གསུམ་དུ་བཞག ཧཱུྃ༔ དཔལ་གྱི་དམ་རྫས་བ་ལིཾ་ཏ༔ ཡོན་ཏན་ཁྱད་པར་མ་ལུས་རྫོགས༔ དམ་ཅན་ལྷ་དང་གཉིས་སུ་མེད༔ སྐལ་ལྡན་བུ་ལ་དབང་བསྐུར་བས༔ སྐུ་གསུང་ཐུགས་སུ་བྱིན་གྱིས་རློབས༔ ལུས་ངག་ཡིད་ཀྱི་སྒྲིབ་པ་སྦྱོངས༔ རྣམ་པ་ཐམས་ཅད་རྫོགས་པ་ཡི༔ དངོས་གྲུབ་འབད་མེད་ཐོབ་གྱུར་ཅིག༔ ཀཱ་ཡ་ཝཱཀ་ཙིཏྟ་སརྦ་སིདྡྷི་ཕ་ལ་ཧོཿ དེས་སྐུ་གསུང་ཐུགས་ཀྱི་དབང་ཐོབ། གཟི་བརྗིད་སྟོབས། ནུས་པ་སྔགས། ཡེ་ཤེས་ཆེན་པོའི་བྱིན་རླབས་ཞུགས། ལུས་ངག་ཡིད་ཀྱི་ནད་གདོན་སྡིག་སྒྲིབ་བསལ། ལྷ་སྔགས་ཏིང་ངེ་འཛིན་བསྒོམ་པ་ལ་དབང༌། སྣང་གྲགས་རིག་སྟོང་རྡོ་རྗེ་གསུམ་ལྡན་ཆོས་ཉིད་ཀྱི་དཀྱིལ་འཁོར་ལས་ནམ་ཡང་མ་གཡོས་པར་གྱིས་ཤིག །སླར་ཡང་སློབ་དཔོན་གྱིས་རྡོ་རྗེའི་ཐ་ཚིག་གིས་ཐུགས་དམ་བསྐུལ་བས་ཕྲིན་ལས་ཀྱི་གཉེར་འཛིན་པའི་ཕུར་སྲུང་དམ་ཅན་བཅུ་གཉིས་ལྕམ་དྲལ་བཀའ་སྡོད་བྲན་གཡོག་དང་བཅས་པའི་སྔོན་གྱི་ཐ་ཚིག་རྗེས་སུ་དྲན་ཏེ་ཇི་ལྟར་འདོད་པའི་ལས་རབ་འབྱམས་ཐོགས་མེད་དུ་སྒྲུབ་པར་མོས་ཤིག །རྡོ་རྗེ་ཆོས་སྐྱོང་བའི་སྲུང་མ་ཕྲིན་ལས་ཕུར་པའི་བཀའ་ཡི་གཉེར་འཛིན་བདུད་འདུལ་ཡེ་ཤེས་ཀྱི་མགོན་པོ་ཞིང་སྐྱོང་སིཾ་ཧ་མུ་ཁ། སྦྱོར་སྒྲོལ་གསང་བའི་ཡུམ་གསུམ། ཕུར་སྲུང་མ་མོ་བཅུ་གཉིས། བསེ་ལྕགས་དུང་གི་སྐྱེས་བུ། དཔའ་བོ་གིང་ཆེན་བཅུ་གཉིས། ས་བདག་འབྱུང་པོ་སེར་པོ། ཕོ་ཉ་སྡེ་བརྒྱད་འབྱུང་པོ། དབང་ཕྱུག་ཉི་ཤུ་རྩ་བརྒྱད། དམ་ཅན་བརྟན་མ་བཅུ་གཉིས། གིང་ལང་མཁའ་འགྲོ་འབུམ་སྡེ་ལ་སོགས་པ་སྣང་སྲིད་དྲེགས་པའི་དམག་ཚོགས་འཁོར་དང་བཅས་པ་རྣམས་ཀྱིས། ཆོས་སྐུ་ཀུན་ཏུ་བཟང་པོ། ལོངས་སྐུ་རྡོར་སེམས་ཞི་ཁྲོ། མཁའ་འགྲོ་ལས་ཀྱི་དབང་མོ། གྲུབ་ཆེན་པྲ་བྷ་ཧསྟི། པཎ་ཆེན་བི་མ་མི་ཏྲ། ཨོ་རྒྱན་པདྨ་ཐོད་ཕྲེང༌། གཉགས་ཆེན་ཡེ་ཤེས་གཞོན་ནུ། མཁའ་འགྲོ་ཡེ་ཤེས་མཚོ་རྒྱལ། སོག་པོ་དཔལ་གྱི་ཡེ་ཤེས། པདྨ་མདོ་སྔགས་གླིང་པ། ཀློང་ཆེན་ནམ་མཁའ་འོད་གསལ། རང་བྱུང་པདྨ་གླིང་པ་ལ་སོགས་པ་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་དང་དམ་ལས་མ་འདའ་བར། རྡོ་རྗེའི་སློབ་མ་འདི་རྣམས་ལ་ལུས་དང་གྲིབ་མ་བཞིན་དུ་འགྲོགས་ཏེ་བསྲུང་བ་དང༌། བསྐྱབ་པ་དང༌། སྦ་བ་དང༌། འགོ་བའི་ཕྲིན་ལས་མཛད་དུ་གསོལ། འདི་རྣམས་ཀྱི་ནད་གདོན་བགེགས་དང་བར་དུ་གཅོད་པ་ཕ་རོལ་གྱི་རྦད་འདྲེ་རྦོད་གཏོང༌། བྱད་ཟོར། གཏད་ཁྲམ། ཆག་ཆེ་ཉམ་ང་ལ་སོགས་མི་མཐུན་པའི་བར་ཆད་ཐམས་ཅད་ཞི་ཞིང༌། མཐུན་རྐྱེན་ཚེ་དང་བསོད་ནམས། ནང་གི་ཉམས་རྟོགས་ཡོན་ཏན་ཡེ་ཤེས་ཐམས་ཅད་འཕེལ་ཞིང་རྒྱས་པ་དང༌། བསམ་དོན་ཆོས་བཞིན་འགྲུབ་པར་བྱིན་གྱིས་བརླབ་ཏུ་གསོལ། ལྷ་འདྲེ་མི་གསུམ་གྱི་འགྲོ་བ་དབང་དུ་འདུ་བ་དང༌། སྒོ་གསུམ་ལ་གནོད་ཅིང་འཚེ་བའི་དགྲ་བགེགས་ལོག་པར་འདྲེན་པའི་ཚོགས་རྣམས་ཀྱིས་བསམ་ངན་སྦྱོར་རྩུབ་ཐམས་ཅད་ཞི་བའི་ཐབས་ཀྱིས་འདུལ་བར་མཛད་དུ་གསོལ། གལ་ཏེ་ཞི་བའི་ཐབས་ཀྱིས་འདུལ་དུ་མི་འཚལ་ན། གང་ལ་གང་འཚམ་པའི་ཆད་པས་བཅད་དེ་ལོག་སྒྲུབ་མཐའ་དག་མྱུར་དུ་ཚར་གཅོད་ཅིང་ཞི་བའི་ཕྲིན་ལས་མཛོད་ཅིག །མདོར་ན་ཚེ་རབས་ཐམས་ཅད་དུ་ལུས་དང་གྲིབ་མའི་ཚུལ་གྱིས་མི་འབྲལ་བར་འགྲོགས་ལ། བྱང་ཆུབ་སྒྲུབ་པའི་སྟོང་གྲོགས་དང༌། ཆོས་ལྡན་གྱི་ཕྲིན་ལས་ཅི་བཅོལ་གཡེལ་བ་མེད་པར་སྒྲུབ་པར་མཛད་དུ་གསོལ། གཏོར་མ་ལག་ཏུ་གཏད། ཧཱུྃ༔ སྔོན་ཚེ་རྒྱལ་བའི་སྤྱན་སྔ་རུ༔ ཇི་ལྟར་ཁས་བླངས་དམ་བཅས་བཞིན༔ རྒྱལ་བའི་བསྟན་པ་སྐྱོང་བ་དང༔ དམ་ལྡན་རྡོ་རྗེའི་བུ་འདི་ཡི༔ མགོན་དང་དཔུང་གཉེན་བྲན་དང་གྲོགས༔ མཛད་ཅིང་དམ་ཚིག་གཅིག་པར་མཛོད༔ ཨོཾ་བཛྲ་ཀཱི་ལི་ཀཱི་ལ་ཡ༔ ཀ་ཏཾ་ཀ་ཡེ༔ ཛ་ཡེ་བི་ཛ་ཡེ༔ ཨ་ཛི་ཏི་ཨ་པ་རཱ་ཛི་ཏེ༔ མ་ར་སེ་ན་པྲ་མརྡྷ་ན་ཡེ་ཧཱུྃ་ཕཊ྄༔ སརྦ་ས་མ་ཡ་རཀྵནྟུ༔ སརྦ་དུཥྚན་ཀརྨ་ཀུ་རུ་ཧོཿ ཞེས་བདུད་རྩི་དང་རཀྟ་སྦྱིན། དེང་ནས་བརྩམས་ཏེ་རང་འདོད་ཀྱི་འཁྲིས་མེད་པར་སངས་རྒྱས་ཀྱི་བསྟན་པ་སྲུང་བའི་སླད་དུ་ཕྲིན་ལས་ཟབ་མོས་དགྲ་བགེགས་ཀྱི་གཡུལ་ལས་རྣམ་པར་རྒྱལ་བར་གྱིས་ཤིག །དེས་རྒྱལ་བའི་བསྟན་སྲུང་ཆེན་པོ་མ་ཧཱ་ཀཱ་ལ་བདུད་འདུལ་སིཾ་ཧ་མུ་ཁ་འཁོར་དང་བཅས་པའི་སྲོག་དབང་ལེགས་པར་གྲུབ་པ་ཡིན་ཏེ། རྡོ་རྗེ་ཐེག་པའི་དམ་ཚིག་གི་རིམ་པ་སྤྱི་དང་ཁྱད་པར་དཔལ་ལྡན་ནག་པོ་ཆེན་པོའི་དམ་ཚིག་རྒྱུད་དང་མན་ངག་ལས་ཇི་ལྟར་འབྱུང་བ་ཐམས་ཅད་ཚུལ་བཞིན་བསྲུང་སྙམ་པས་འདིའི་རྗེས་ཟློས་མཛོད། གཙོ་བོས་ཇི་ལྟར་སོགས་དམ་ཚིག་ཁས་ལེན། གཏང་རག་མཎྜལ་བཅས་དབང་རྗེས་རིམ་རྣམས་སྤྱི་མཐུན་བྱ། སྲོག་དབང་འདི་ཁྱབ་བརྡལ་དུ་སྤེལ་མི་རུང་བས་ཐུན་མོང་ལ་སྲུང་མའི་གཏོར་དབང་ཙམ་བྱེད་ན། སྦྱོར་བའི་སྐབས་གཏོར་མ་ལས་དབང་རྫས་གཞན་མི་དགོས། བདག་བསྐྱེད་སྔོན་འགྲོས་བཟླས་པ་དང༌། ལས་བུམ་སྒྲུབ། བསྐང་བཤགས་མཐར། ཁྲུས་ནས་བརྩམས་ལོ་རྒྱུས་སྐབས། འདི་ཉིད་ཀྱི་སྲོག་དབང་དངོས་དང༌། བྱིན་རླབས་གཏོར་མའི་དབང་གཉིས་སུ་ཡོད་པ་ལས་ཕྱི་མ་སྒྲུབ་པ་ལ་སོགས་དང༌། ཡན་ལག་བརྒྱད་པའི་བསགས་སྦྱངས། གསོལ་གདབ་སྔ་མ། ཡེ་ཤེས་དབབ་བསྟིམ། བརྟན་བཞུགས་རྗེས། མདུན་གྱི་གཏོར་མ་འདི་ཉིད་སོགས་ཀྱི་གཏོར་དབང་བྱ་ཞིང༌། སྐུ་གསུང་ཐུགས་དབང་ཁ་ཕྲལ་ན་ལེགས་པས། སྐུ་ལས་ཕྱག་རྒྱ་ཁྲོ་ཆུང་གི་ཚོགས་སྤྲོས། སློབ་མའི་དཔྲལ་བར་ཐིམ་པས་སྐུ་ཡི་བྱིན་རླབས་ཡོངས་རྫོགས་སུ་ཐོབ་པར་མོས་ཤིག །གཏོར་མ་སྤྱི་བོར་བཞག་ལ། ཧཱུྃ༔ དཔལ་གྱི་དམ་རྫས་བ་ལིཾ་ཏ༔ ཡོན་ཏན་ཁྱད་པར་མ་ལུས་རྫོགས༔ དམ་ཅན་ལྷ་དང་གཉིས་སུ་མེད༔ སྐལ་ལྡན་བུ་ལ་དབང་བསྐུར་བས༔ རྡོ་རྗེའི་སྐུ་རུ་བྱིན་གྱིས་རློབས༔ ལུས་ཀྱི་སྒྲིབ་པ་ཐམས་ཅད་སྦྱོངས༔ རྣམ་པ་ཐམས་ཅད་རྫོགས་པ་ཡི༔ དངོས་གྲུབ་འབད་མེད་ཐོབ་གྱུར་ཅིག༔ ཀཱ་ཡ་སརྦ་སིདྡྷི་ཕ་ལ་ཧོཿ དེས་སྐུ་ཡི་དབང་ཐོབ། གཟི་བརྗིད་སྟོབས་ཀྱི་བྱིན་རླབས་ཞུགས། ལུས་ཀྱི་ནད་གདོན་སྡིག་སྒྲིབ་བསལ། ཕྱག་རྒྱ་ལྷ་ཡི་ཏིང་ངེ་འཛིན་སྒོམ་པ་ལ་དབང༌། སྣང་བ་སྐུ་ཡི་དཀྱིལ་འཁོར་ལས་ནམ་ཡང་མ་གཡོས་པར་གྱིས་ཤིག །མདུན་གྱི་གཏོར་མ་སོགས་ནས། སྤྲིན་ཕུང་འཁྲིགས་པ་བཞིན་གསལ་བའི། ཞལ་ནས་གསུང་སྔགས་ཀྱི་ཕྲེང་བ་སྒྲ་འོད་དང་བཅས་པ་འཕྲོས། སློབ་མའི་མགྲིན་པར་ཐིམ་པས་གསུང་གི་བྱིན་རླབས་ཡོངས་རྫོགས་སུ་ཐོབ་པར་མོས་ཤིག །གཏོར་མ་མགྲིན་པར་བཞག་ལ། ཧཱུྃ༔ དཔལ་གྱི་དམ་རྫས་བ་ལིཾ་ཏ༔ ཡོན་ཏན་ཁྱད་པར་མ་ལུས་རྫོགས༔ དམ་ཅན་ལྷ་དང་གཉིས་སུ་མེད༔ སྐལ་ལྡན་བུ་ལ་དབང་བསྐུར་བས༔ རྡོ་རྗེའི་གསུང་དུ་བྱིན་གྱིས་རློབས༔ ངག་གི་སྒྲིབ་པ་ཐམས་ཅད་སྦྱོངས༔ རྣམ་པ་ཐམས་ཅད་རྫོགས་པ་ཡི༔ དངོས་གྲུབ་འབད་མེད་ཐོབ་གྱུར་ཅིག༔ ཝཱཀ་སརྦ་སིདྡྷི་ཕ་ལ་ཧོཿ དེས་གསུང་གི་དབང་ཐོབ། ནུས་པ་སྔགས་ཀྱི་བྱིན་རླབས་ཞུགས། ངག་གི་ནད་གདོན་སྡིག་སྒྲིབ་བསལ། བཟླས་བརྗོད་ཀྱི་ཏིང་ངེ་འཛིན་སྒོམ་པ་ལ་དབང༌། སྒྲ་གྲགས་གསུང་གི་དཀྱིལ་འཁོར་ལས་ནམ་ཡང་མ་གཡོས་པར་གྱིས་ཤིག །མདུན་གྱི་གཏོར་མ་སོགས་ནས། སྤྲིན་ཕུང་འཁྲིགས་པ་བཞིན་གསལ་བའི། ཐུགས་ཀ་ནས་ཡེ་ཤེས་ཀྱི་ཕྱག་མཚན་རལ་གྲི་ཐོད་ཁྲག་གི་རྣམ་པར་འཕྲོས། སློབ་མའི་སྙིང་གར་ཐིམ་པས་ཐུགས་ཀྱི་བྱིན་རླབས་ཡོངས་རྫོགས་སུ་ཐོབ་པར་མོས་ཤིག །གཏོར་མ་སྙིང་གར་བཞག་ལ། ཧཱུྃ༔ དཔལ་གྱི་དམ་རྫས་བ་ལིཾ་ཏ༔ ཡོན་ཏན་ཁྱད་པར་མ་ལུས་རྫོགས༔ དམ་ཅན་ལྷ་དང་གཉིས་སུ་མེད༔ སྐལ་ལྡན་བུ་ལ་དབང་བསྐུར་བས༔ རྡོ་རྗེའི་ཐུགས་སུ་བྱིན་གྱིས་རློབས༔ ཡིད་ཀྱི་སྒྲིབ་པ་ཐམས་ཅད་སྦྱོངས༔ རྣམ་པ་ཐམས་ཅད་རྫོགས་པ་ཡི༔ དངོས་གྲུབ་འབད་མེད་ཐོབ་གྱུར་ཅིག༔ ཙིཏྟ་སརྦ་སིདྡྷི་ཕ་ལ་ཧོཿ དེས་ཐུགས་ཀྱི་དབང་ཐོབ། ཡེ་ཤེས་ཆེན་པོའི་བྱིན་རླབས་ཞུགས། ཡིད་ཀྱི་ནད་གདོན་སྡིག་སྒྲིབ་བསལ། རིམ་པ་གཉིས་ཀྱི་ཏིང་ངེ་འཛིན་སྒོམ་པ་ལ་དབང༌། ཐུགས་ཆོས་ཉིད་ཀྱི་དཀྱིལ་འཁོར་ལས་ནམ་ཡང་མ་གཡོས་པར་གྱིས་ཤིག །སླར་ཡང་སློབ་དཔོན་གྱིས་རྡོ་རྗེའི་ཐ་ཚིག་གིས་ཐུགས་དམ་བསྐུལ་སོགས་ལས་ཀྱི་གཉེར་གཏད་བྱས་ལ་གཏོར་མ་ལག་ཏུ་གཏད། སྨན་རཀ་སྦྱིན། དེང་ནས་བརྩམས་ཏེ་སོགས་ནས་དམ་ཚིག་ཁས་བླང༌། གཏང་རག་ལུས་འབུལ་དགེ་བསྔོ་རྣམས་བྱས་པ་ཐུན་མོང་དུ་སྦྱིན་པར་རུང་བའོ། །སློབ་དཔོན་གྱི་བསྐང་བཤགས་སོགས་རྗེས་རིམ་མཐའ་རྒྱས་སུ་བྱའོ། །རྒྱལ་ཀུན་སྟོབས་བཅུའི་ཡེ་ཤེས་རྩེ་བརྒྱའི་མཚོན། །ནག་ཕྱོགས་ལྷ་མིན་གཡུལ་ངོར་ཆེས་དཔའ་ཞིང༌། །མཁས་གྲུབ་རིག་འཛིན་དབང་པོའི་ཕྱག་མཚན་དུ། །བཞེས་པའི་བྱིན་རླབས་ནམ་ཡང་ཉམས་པ་མེད། །ཚུལ་དེ་བདག་རྒྱུད་དད་པའི་ཨཱ་དརྴར། །ལྷ་དང་བླ་མའི་བྱིན་རླབས་གཟུགས་གསལ་བས། །ཆོས་བཟང་ལང་ཚོ་གསར་པའི་ཚོན་རིས་འདིས། །ཐར་འདོད་ཡིད་ཀྱི་གདུང་བ་སེལ་སྲིད་སྙམ། །བཀའ་གཏེར་རིག་འཛིན་བརྒྱུད་པའི་ཕྱག་བཞེས་མ་ཉམས་གསེར་གྱི་རྩིབས་སྟོང་བཀྲ། །རྒྱུད་ལུང་མན་ངག་དགོངས་པ་དང་འབྲེལ་གཡས་འཁྱིལ་ལྟེ་བ་ཟབ་ལ་བརླིང༌། ངེས་གསང་བསྟན་མཆོག་གླིང་བཞིའི་བླ་ན་བཤད་སྒྲུབ་དཔུང་བཞིས་བཏེགས་འདིས་ཀྱང༌། །རིས་མེད་རྒྱལ་བསྟན་འགྲོ་བའི་བདེ་སྐྱིད་རྫོགས་ལྡན་མགྲོན་དུ་*འགུག་གྱུར་ཅིག །དཔལ་རྡོ་རྗེ་ཕུར་པ་རྩ་བ་ཡན་ལག་བཀའ་སྲུང་དང་བཅས་པའི་སྨིན་བྱེད་ཆུ་*འབབས་སུ་བཀོད་པ་འདི་ཡང་རྒྱལ་ཀུན་ཕྲིན་ལས་ཀྱི་མེས་པོ་འཇམ་མགོན་ཐམས་ཅད་མཁྱེན་གཟིགས་འཇམ་དབྱངས་ཆོས་ཀྱི་བློ་གྲོས་རིས་མེད་བསྟན་པའི་རྒྱལ་མཚན་གྱིས་ཆོས་སྐོར་འདི་དག་དེང་དུས་བྱིན་རླབས་ཀྱི་ཚན་ཁ་ཆེ་ཞིང༌། ཀུན་གཟིགས་མཁྱེན་བརྩེའི་དབང་པོའི་ཟབ་གཏེར་གྱི་ཆ་ཤས་ངེས་པར་ཡིན་ཞེས་དགྱེས་པ་ཆེན་པོས་དབུག་དབྱུང་བསྩལ་ཞིང༌། སྨིན་གྲོལ་རིགས་ཆེད་དུ་གསན་ནས་དབང་དང་སྒྲུབ་ཐབས་བཅས་ཆོག་ཁྲིགས་བཀའ་དྲིན་བསྩལ་ཀྱང༌། སྙིགས་དུས་ཡོ་ལངས་འཁྲུགས་པས་དབང་ཁྲིགས་ཀྱི་དཔེ་མི་མངོན་པར་གྱུར་པ་ལ། སླར་ཡང་སྔ་འགྱུར་བཀའ་གཏེར་གྱི་རིང་ལུགས་ལ་རྒྱུ་མཚན་ཤེས་པའི་ཆོས་སྤྱན་མངའ་བ་དམ་པའི་སྐྱེས་མཆོག་འཁྲུལ་ཞིག་མཆོག་སྤྲུལ་འགྱུར་མེད་ཆོས་ཀྱི་བློ་གྲོས་དང༌། རྒྱལ་བ་ཀཿཐོག་པའི་གདན་འཛིན་ཐེག་མཆོག་སྙིང་པོའི་བསྟན་པའི་གསལ་བྱེད་སྨྱོ་ཤུལ་མཁན་པོ་འཇམ་དབྱངས་རྡོ་རྗེ། སྒྲུབ་བརྩོན་བླ་མ་དམ་པ་ཀུན་དགའ་སོགས་ནས་སྨིན་གྲོལ་ཉམས་བཞེས་གནང་བཞེད་ཀྱིས་རྟེན་དང་བཅས་བསྐུལ་བའི་ཁར། འཇམ་མགོན་བརྒྱུད་པའི་རིང་ལུགས་ལ་ལས་སྨོན་དག་པས་འབྲེལ་བའི་ངེས་དོན་གྱི་རྣལ་འབྱོར་ཀློང་ཆེན་ཡེ་ཤེས་རྡོ་རྗེས་སངས་གླིང་གཏེར་བྱོན་གནམ་ལྕགས་ཀྱི་ཕུར་པའི་སྐྱེས་བཅས་ཆེད་དུ་ཡང་ཡང་བསྐུལ་བ་དང༌། ལུང་ཟིན་རྩ་བའི་ཆོས་བདག་འཇམ་མགོན་བླ་མའི་མཆོག་སྤྲུལ་འཇམ་དབྱངས་ཐུབ་བསྟན་ཆོས་ཀྱི་རྒྱ་མཚོ་དང༌། ཞེ་ཆེན་རབ་འབྱམས་སྤྲུལ་སྐུ་འགྱུར་མེད་ཆོས་ཀྱི་སེང་གེ་རྣམས་ཀྱི་སྐུ་ཚེ་དང་མཛད་ཕྲིན་ལ་བར་ཆད་སེལ་བའི་རྟེན་འབྲེལ་དུ་དམིགས་པས་མཚམས་སྦྱར་ནས། སློབ་དཔོན་པྲ་བྷ་ཧསྟི་དངོས་བྱོན་ཞེ་ཆེན་པ་རྡོ་རྗེ་དབང་མཆོག་དགྱེས་པ་རྩལ་སོགས་རྡོ་རྗེ་ཕུར་པ་དངོས་སུ་གྲུབ་པའི་རིག་འཛིན་དུ་མས་རྗེས་སུ་བཟུང་ཞིང༌། ཕུར་པ་བཀའ་གཏེར་གྱི་སྨིན་གྲོལ་བདུད་རྩིས་བློ་ཡི་བུམ་པ་ཁེངས་པའི་སྔགས་བཙུན་ཀློང་ཆེན་ནམ་མཁའ་འོད་གསལ་པདྨ་མདོ་སྔགས་གླིང་པ་ཕྲིན་ལས་དྲག་པོ་རྩལ་གྱིས་བལ་ཡུལ་ཡང་ལེ་ཤོད་ཀྱི་རྡོ་རྗེའི་ཀེའུ་ཚང་ནས་དབུ་བརྩམ་སྟེ་རིམ་གྱིས་རྫོགས་པར་བགྱིས་པའི་ཡི་གེ་པ་ནི་ཆོས་ཀྱི་རྒྱལ་པོ་གཏེར་བདག་གླིང་པའི་རིང་ལུགས་ལ་ཡིད་ཆེས་ཀྱི་དད་བློ་དགེ་བ་རྙིང་བཙུན་འགྱུར་མེད་ཐེག་མཆོག་བསྟན་འཛིན་དང༌། རང་སློབ་དད་བློ་གསལ་བ་ཨོ་རྒྱན་གཞན་ཕན་ཟུང་གིས་བགྱིས་པ་འདིས་ཀྱང་རྒྱལ་བསྟན་རིན་པོ་ཆེ་གྲུ་བཞི་ལམ་ཁྱེར་དུ་རྒྱས་ནས་ནག་ཕྱོགས་ཀྱི་གཡུལ་ལས་རྣམ་པར་རྒྱལ་བའི་དཔལ་དུ་ངེས་པར་གྱུར་ཅིག །ཤྲཱི་བི་ཛ་ཡནྟུ།། །།
[edit]

@#/__/dpal rdo rje gzhon nu gnyags chen lugs kyi smin byed bklag pas grub pa ye shes bdud rtsi'i klung chen zhes bya ba bzhugs so// @#/___/oM swa sti shrI bi dza yan+tu/_rdo rje khros pa 'bar ba'i mtshon gyis bdud tshogs bcom/_/sangs rgyas kun gyi ye shes sku gcig gzhon nu'i dpal/_/snying rje'i mtshon chen shin tu rno bas mtha' gnyis 'das/_/phrin las stobs 'dus he ru ka dpal rgyal gyur cig_/go 'phang de sgrub rgyud lung man ngag gi_/snying po'i dpal gcig skal bzang btsas thob pa/_/don mthun rdo rje'i mched kyi dga' ston du/_/mkhas grub gong ma'i gsung bzhin bsdeb la spro/_/de la 'dir snga 'gyur rdo rje snying po'i ring lugs la sgrub sde chen po brgyad du grags pa'i ya gyal/_phrin las rdo rje phur pa'i sgos bka' chen po'i bye brag_/phur pa grub pa'i rig 'dzin bi ma la mi tras gnyags lo chen por snyan brgyud gsang ba'i smar chos su gdams shing*/_sangs rgyas kun gyi phrin las kyi spyi gzugs slob dpon chen po pad+ma'i bka' srol yang chu bo gcig 'dres su gyur pa'i smin byed kyi phreng ba bklag chog dkyus gcig tu bsdeb pa la/_gzhung rtsa ba las/_dbang sbyin pa'i snod slob ma dam ldan:_dbang bskur ba'i bdag po slob dpon mtshan ldan:_smin pa'i rgyu cho ga dang ting nge 'dzin las su rung bas dbang bskur ba ni:_zhes gsungs pa ltar spyi yi gnad shes par byas la/_dbang dngos la gsum/_rtsa ba rdo rje phur pa'i dbang bskur/_yan lag dkyil 'khor brgya dang bcu gnyis pa'i dbang bskur/_bka' srung ye shes kyi mgon po'i rjes gnang ngo*/__/dang po la stod las byang chub sgrub pa'i dbang bzhi bskur ba dang*/_smad las dgra bgegs sgrol ba'i rjes gnang gnyis/_dang po la'ang rgyas 'bring bsdus gsum las thog mar dbang bskur rgyas pa bsnyen sgrub yan lag bzhis 'chad na/_/dang po rang don bsnyen pa'i las rim la bsnyen sgrub yan lag bzhi'i rnam bzhag bsnyen khrid kyi skabs su bshad zin la/_gnyis pa bdag gzhan gnyis ka'i don du nye bsnyen sta gon gyi rim pa la bzhi ste/_sgrub pa'i gnas nye bar bsnyen pa sa chog_/bsgrub bya'i lha nye bar bsnyen pa lha sta gon/_sgrub rdzas nye bar bsnyen pa bum pa dang dbang rdzas sta gon/_sgrub yul snod nye bar bsnyen pa slob ma sta gon gyi rim pa'o/__/dang po la/_rgyas par sgrub pa'i gnas kyi mtshan nyid brtags te/_rung na snang ba dang mi snang ba las rin 'jal te bslang*/_nyes pa'i phyogs sbyangs bas sa gzhi btul/_lha dang rnal 'byor gyis bsrungs te bdag gir bya ba'i tshul bzhi yin kyang sgrub pa'i khog dbub tu 'chad par 'os la/_dbang rkyang tsam la dbang stegs su dkar gtor gser skyems dang bcas pa bshams te/_rgyun gyi rnal 'byor mdor bsdus sngon du 'gro bas/_ra~M ya~M kha~M/_stong pa'i ngang las b+h+rUM las rin po che sna tshogs las grub pa'i snod yangs shing rgya che ba rnams kyi nang du 'bru gsum 'od du zhu ba las gtor ma bdud rtsi'i rgya mtsho 'dod yon gyi rnam pa cir yang 'char bar gyur/_oM AHhU~M ha ho hrIH_lan gsum gyis byin brlabs nas/_oM pri thi di wI b+hU mi pa ti sa pa ri wa ra badz+ra sa mA dzaHsa mgron spyan drangs/_sngags de'i mthar/_na maHsarba ta thA ga ta b+h+yo bi shwa mu khe b+h+ya sarba thA khaM utag te s+pha ra Na i maM ga ga na khaM g+hr-ih+Na daM ba liM ta swA hA/_zhes nam mkha' mdzod sngags btags pa lan gsum gyis bsngos la/_hU~M:_gang zhig dkar po'i phyogs 'dzin cing:_'dzam gling sa la dbang byed kun:_bdag gis gnas 'dir dkyil 'khor bzhengs:_ko long phrag dog ma mdzad par:_brngan du gtor ma gser skyems 'bul:_dgyes par bzhes la sa 'di stsol:_bcol ba'i las kun sgrub par mdzod:_ces phul bas sa yi lhas gnang ba byin par bsam mo/__/gnyis pa bsgrub bya'i lha nye bar bsnyen pa lha sta gon ni/_dkyil 'khor gyi stegs bur rdul tshon yin na thig dang tshon gyi las rim dgos kyang 'dir ras bris kyi dbang du byas te rin po che'i maN+Dal che legs la lha gtso 'khor ltar 'bru dkar dri bzang gis sbags pa'i tshom bu dbus su gtso bo/_mdun/_g.yas/_g.yon/_de rgyab phyogs mtshams steng 'og bcu/_grwa bzhi/_phyogs bzhir tshom bu re re dang mthar 'bru gcal du bkram la so so'i sngags brjod cing dri bzang dang bdud rtsi'i thig le byas pa steng du bkod/_mtha' nyer spyod mchod pas bskor/_hU~M hrIH_snang srid bde chen rol pa yi:_ye shes snang ba khyab brdal sprin:_kun bzang mchod pa bsam yas gter:_rang byung rang shar lhun gyis grub:_sarba sa ma ya pU dza hoH_oM badz+ra.ar+g+haM nas/_shab+da ma hA pU dza s+pha ra Na khaM:_zhes phyi mchod dang*/_oM ma hA sh+ma sha na ru tra b+ho gaHrU pa shab+da gan+d+he rA sa spar+she pany+tsa kA ma gu Na d+harma d+hA tu pU dza AHhU~M:_zhes nang mchod drag po'i nyer spyod dang*/_oM hU~M trA~M hrIHaH_mU~M lA~M mA~M pA~M tA~M:_sarba pany+tsa a mr-i ta kuN+Da li hU~M hrIHThA:_lan gsum gyis sman/_oM AHhU~M ma hA ka pA la rak+ta dz+wa la maN+Da la hU~M hrIHTha:_lan gsum gyis rak+ta/_oM A hU~M ma hA ba liM ta sarba kA ma gu h+ya sa ma ya hU~M hrIHThA:_lan gsum gyis gtor ma rnams byin gyis brlabs/_badz+ra s+pha ra Na khaM gis mkha' khyab tu spel/_swa b+hAs sbyang*/_mdun rten yongs su gyur pa las:_me klong b+h+rUM yig lnga ldan chad:_yongs gyur pad nyi rgya gram steng:_ye shes rang snang gzhal yas khang:_rang byung dur khrod bkod pa can:_phyi ni rtsig pa kha dog lnga:_nang ni skam rlon rnyid pa'i mgo:_gnam lcags gzer btab rak+tas sbyar:_rin chen pha gu drwa ba phyed:_chu srin rngam pa'i kha las dpyang:_shar bu mda' yab pu shu dang:_gza' dang lha klu ka gdung phyam:_rgyu skar dral gzeb zhing gi thog:_lha chen thod pa dbus phyur bu:_ma hA ru tra'i tsit+ta'i tog:_ye shes zer 'phro 'od phung 'khyil:_ro skra'i rnga yab zhing gi 'phan:_gcan gzan lpags pa'i rgyal mtshan gdugs:_phyi nang sgo bzhi rta bab brgyad:_chos 'khor ri dwags gdugs tog mdzes:_dal dbus gnam lcags 'khor lo dang:_lte ba zlum po e yis mtshan:_zla gam gsum la khrag mtsho 'khyil:_b+h+rUM bi shwa bi shud+d+he dz+nyA na kro d+ha maN+Da la hU~M:_gzhal yas dbus su rdo rje yi:_brag chen pad nyi lha chen po:_khyo shug zla gam gsum gyi steng:_pad nyi dgra bgegs drag po yi:_'khor lo rtsibs bcu re re bzhin:_phyogs skyong pho mo pad nyi dang:_sgo bzhir zhing rkyang gdan bcas gsal:_ma sUr+Ya maN+Da la:_a tsan+d+ra maN+Da la:_pa~M pad+ma maN+Da la:_hU~M:_dbus kyi chos 'byung lte ba ru:_rang rig hU~M bab yongs gyur las:_spro bsdus 'od kyis don gnyis byas:_'od kyi phung po rdo rjer gyur:_badz+ra hU~M:_de nyid yongs gyur skad cig gis:_bdag nyid ma bcos rtsa ba'i lha:_rdo rje 'chang chen he ru ka:_spyi dpal karma kI la ya:_dpal chen rdo rje gzhon nu ni:_mthing nag dbu dgu phyag bco brgyad:_rtsa zhal srin po khros pa'i zhal:_g.yas pa dkar ba ku muta da:_g.yon pa dmar nag am gtsigs bsdams:_de steng zhal gsum ljang ser nag:_steng gi zhal gsum smug mthing dmar:_kham nag ral pa gyen du brdzes:_spyi bor rdo rje phyed pa'i tog:_rwa gdeng zar bu sbrul gyis bcings:_thod skam lnga yis dbu la brgyan:_zhal bgrad mche gtsigs ljags brkyang 'dril:_hU~M phaT pheM gyi sgra drag sgrog:_khro gnyer chu rlabs lta bur 'khrugs:_sma ra smin ma me ltar 'bar:_rdo rje'i sku mchog sprin bzhin gnag:_g.yas dgu'i dang pos rdo rje gdeng:_'khor lo dgra s+t+wa ral gri mdung:_tho ba lcags kyu gsal shing bsnams:_g.yon dgus me dpung khaT+wAM ga:_ri rab zhags pa b+han+d+ha dmar:_sdig mdzub mda' dang bdud bzhi'i mgo:_tha ma'i phyag gnyis phur bu 'dril:_drag po'i stang stabs phyogs bcur g.yo:_'bar ba'i zhabs bzhi brkyang bskum gyis:_bar chad bdud bzhi brdzis shing mnan:_glang chen zhing lpags stod g.yogs shing:_stag gi sham thabs grol zhing 'ching:_sku la rus pa'i phyag rgya drug:_mgo phreng dpal gyi chas gos rdzogs:_rdo rje rin chen gshog pa gdeng:_ye shes me dpung 'bar ba'i klong:_khams gsum zil gnon chen por gsal:_pang du bde chen skyed pa'i yum:_'khor lo rgyas 'debs khro gtum sgeg:_gcer bu gzig gi sham thabs gsol:_thod skam rus pa'i rgyan gyis spras:_phyag gnyis g.yas pas yab mgul 'khyud:_ut+pal mtheb srin sbyar bas 'dzin:_g.yon pas dmar gyi b+han+d+ha stob:_nu 'bur b+ha ga rgyas pas sbyor:_sked skabs phra ldem g.yas pa'i zhabs:_yab kyi dku la 'khyud cing ldem:_g.yon pa brkyang ste dgra bgegs brdzis:_'bar ba'i brtul zhugs yongs su rdzogs:_gtso bo'i g.yon du sgrol byed kyi:_yum mchog e ka dzA Ti ma:_khro gtum sgeg pa'i gzi byin gyis:_yab la lta zhing chags pa'i tshul:_g.yas pas gri gug nam mkhar 'phyar:_g.yon pas tsit+ta khrag 'dzag za:_gcer bu rus pa'i rgyan 'phyang ba'i:_g.yer kha'i sgra las chos sgra sgrog:_phyogs bcur 'khor lo'i rtsibs rnams su:_pad nyi phyogs skyong pho mo'i steng:_hU~M rnams yongs gyur khro bcur gyur:_oM badz+ra kro d+ha hU~M kA ra hU~M:_gardza gardza hU~M phaTa?:_steng phyogs nyi zla'i gdan steng du:_hU~M mdzad sgra 'byin yab yum la:_phra men phag dang rmigs bu'i mgo:_oM badz+ra kro d+ha bi dza ya hU~M:_ha na ha na hU~M phaTa?:_shar phyogs dri za'i gdan steng du:_rnam rgyal snyems ma yab yum la:_phra men stag dang bya rgod mgo:_oM badz+ra kro d+ha nI la daN+Da hU~M:_da ha da ha hU~M phaTa?:_shar lho me lha'i gdan steng du:_dbyug sngon sder mo yab yum la:_phra men g.yag dang bya rog mgo:_oM badz+ra kro d+ha ya mAn+ta ka hU~M:_pa tsa pa tsa hU~M phaTa?:_lho phyogs gshin rje'i gdan steng du:_gshin rje dur khrod yab yum la:_phra men sha ba 'ug pa'i mgo:_oM badz+ra kro d+ha Ar+Ya a tsa la hU~M:_b+han+d+ha b+han+d+ha hU~M phaTa?:_lho nub srin po'i gdan steng du:_mi g.yo gtun khung yab yum la:_phra men gzig dang khwa ta'i mgo:_oM badz+ra kro d+ha h+ya gr-I wa hU~M:_hu lu hu lu hU~M phaTa?:_nub phyogs chu lha'i gdan steng du:_rta mgrin gtum mo yab yum la:_phra men byi la pu shud mgo:_oM badz+ra kro d+ha a pa ra dzi ta hU~M:_tiSh+Tha tiSh+Tha hU~M phaTa?:_nub byang rlung lha'i gdan steng du:_'dod rgyal mda' snyems yab yum la:_phra men spyang ki khra yi mgo:_oM badz+ra kro d+ha a mr-i ta kuN+Da li hU~M:_tshin+d+ha tshin+d+ha hU~M phaTa?:_byang phyogs gnod sbyin gdan steng du:_bdud rtsi rlung 'byin yab yum la:_phra men seng ge pha waM mgo:_oM badz+ra kro d+ha trai lo kya bi dza ya hU~M:_b+hin+d+ha b+hin+d+ha hU~M phaTa?:_byang shar dbang ldan gdan steng du:_khams gsum gsod byed yab yum la:_phra men dom dang sre mong mgo:_oM badz+ra kro d+ha ma hA ba la hU~M:_s+pho Ta s+pho Ta hU~M phaTa?:_'og phyogs sa bdag gdan steng du:_stobs chen bskyod byed yab yum la:_phra men dred dang byi ba'i mgo:_oM badz+ra ma hA kro d+ha maN+Da la hU~M:_zla gam 'khyil pa gsum gyi steng:_mdun du thugs kyi sras mchog mthing:_g.yas su sku yi sras ljang nag:_g.yon du gsung gi sras dmar nag:_mtshan ma rdzas kyi dkyil 'khor rdzogs:_dpal chen gsang ba gsum du gyur:_oM bud+d+ha rat+na pad+ma karma kro d+ha kI la ya hU~M phaTa?:_gzhal yas khang gi grwa bzhi ru:_shar lhor bud+d+ha kI la ya:_lho nub rin chen kI la ya:_nub byang pad+ma kI la ya:_byang shar karma kI la ya:_bdud bzhi 'dul ba'i phrin las rdzogs:_dzaHhU~M ba~M hoH_shar du sgo ma lcags kyu ma:_lho ru sgo ma zhags pa ma:_nub tu sgo ma lcags sgrog ma:_byang du sgo ma dril bu ma:_khrag khyams dpal gyi bka' sdod tshogs:_kun kyang rang rang rgyan chas tshogs:_rdzogs pa bka' sdod tshul du gnas:_gnas gsum oM AHhU~M gis mtshan:_rdo rje gsum du byin gyis brlabs:_bde gshegs dbang bskur ye shes lnga:_khrag 'thung rigs lnga'i phyag rgyar rdzogs:_oM AHhU~M:_hU~M oM trA~M hrIHaH_zhes gsal btab ste las rim mdor bsdus bya ba ni/_hU~M hrIH_chos dbyings mtha' dbus bral ba nas:_dpal chen karma kI la ya:_'jigs mdzad rdo rje gzhon nu che:_gnas 'di nyid du gshegs su gsol:_oM badz+ra kI li kI la ya hU~M:_sarba sa ma ya dzaHdzaH_rang bzhin ye shes kyi dkyil 'khor dam tshig gi dkyil 'khor la dbyer med du bzhugs par gyur/_hU~M hrIH_bde chen dbyings kyi gzhal yas dbus:_rang snang rig pa'i lha tshogs rnams:_gnyis su med par bzhugs nas kyang:_sku gsung thugs kyi dngos grub stsol:_sarba sa ma ya tiSh+Tha lhan:_hU~M hrIH_sangs rgyas kun gyi ye shes sku:_ngang nyid rdo rje chos dbyings las:_'bar ba'i khro bo mi bzad pa:_dkyil 'khor lha la phyag 'tshal lo:_a ti pU hoH_pra tIts+tsha hoH_hU~M:_bla med mchog gi mchod pa ni:_ye shes lnga yi 'od zer 'phro:_yul dang dbang po gnyis med pa:_bde chen longs spyod chen por bzhes:_oM badz+ra ar+g+haM nas/_shab+da rU pa shab+da gan+d+he rA sa spar+she pany+tsa kA ma gu Na d+harma d+ha tu pU dza sa ma ya hoH_ma hA a mr-i ta ba liM ta rak+ta khA hi:_ma hA maM sa rak+ta keM ni ri ti khA hi:_kha taM kha taM kha taM:_hU~M hU~M hU~M:_phaTa? phaTa? phaTa?:_ha ha ha:_hU~M:_sgeg pa dpa' ba mi sdug rdo rje'i sku:_rgod gshe drag shul sngags kyi sgra gdangs can:_snying rje rngam zhi ye shes srog ldan pa'i:_phrin las 'dus pa'i lha la phyag 'tshal bstod:_slob dpon gyis spos dang rdor dril thogs nas dkyil 'khor gyi lha la gnang ba zhu ba ni/_oM:_rdo rje rgyal po ye shes che:_sangs rgyas kun gyi phrin las lha:_'bar ba dpal chen rngam pa'i gzugs:_dkyil 'khor lha rnams dgongs su gsol:_sang ni dam tshig lhag pa'i rten:_rdo rje'i pho brang 'debs 'tshal gyis:_dgyes pa'i dam tshig ma bsnyel bar:_ci bder gnang ba bstsal du gsol:_lan gsum gyis gsol ba btab pas/_rdo rje slob dpon snying rje che:_khyod kyis rang gzhan phan gdags phyir:_sgrub pa'i cho ga tshul bzhin gyis:_bde gshegs rgyal bas byin rlobs 'gyur:_gnang ba bstsal nas 'od du zhu:_bdag dang gnas la thim pa yis:_tha mal snang zhen rab sbyangs te:_ye shes chen por byin brlabs bsam:_zhes gsal btab/__gsum pa sgrub rdzas nye bar bsnyen pa bum pa dang dbang rdzas sta gon la/_spro na rnam bum lha grangs ltar bcu gcig gam ma 'byor na gcig gis kyang rung*/_las bum bcas 'du byas pa gu gul gyis bdug cing bi shwa'i sngags dang yungs thun gyis brab/_bum rdzas so lnga dang ldan pa'i dri bzang gi chus sum nyis bkang ba lha grangs yod na dbus dang phyogs mtshams su 'god/_gcig gi tshe dkyil 'khor dbus su many+dzi la bkod/_las bum slob dpon gyi mdun du bzhag la kha rgyan sogs kyis brgyan pa rnams/_bsang sbyang*/_stong pa'i ngang las pad nyi'i steng:_kha dog lnga ldan yi ge b+h+rU~M:_yongs gyur phyi ni rin po che'i:_rang bzhin bum pa bzang po che:_mtshan nyid yongs rdzogs 'od du 'bar:_nang ni lha tshogs bzhugs pa'i gnas:_dur khrod gzhal med khang chen por:_dpal chen rdo rje phur pa yi:_dkyil 'khor gsum gyi lha tshogs rnams:_gtso 'khor sprul par bcas pa yi:_rten dang brten pa rab 'byams kun:_snang stong chu zla lta bur gsal:_gnas gsum oM AHhU~M gis mtshan:_rdo rje gsum du byin gyis brlabs:_bde gshegs dbang bskur ye shes lnga:_khrag 'thung rigs lnga'i phyag rgyar rdzogs:_oM AHhU~M:_hU~M oM trA~M hrIHaH_zhes gsal te spyan 'dren bzhugs gsol phyag mchod ni/_hU~M hrIH_chos dbyings mtha' dbus bral ba nas:_dpal chen karma kI la ya:_'jigs mdzad rdo rje gzhon nu che:_gnas 'di nyid du gshegs su gsol:_oM badz+ra kI li kI la ya hU~M:_sarba sa ma ya dzaHdzaH_hU~M hrIH_bde chen dbyings kyi gzhal yas dbus:_rang snang rig pa'i lha tshogs rnams:_gnyis su med par bzhugs nas kyang:_sku gsung thugs kyi dngos grub stsol:_sarba sa ma ya tiSh+Tha lhan:_hU~M hrIH_sangs rgyas kun gyi ye shes sku:_ngang nyid rdo rje chos dbyings las:_'bar ba'i khro bo mi bzad pa:_dkyil 'khor lha la phyag 'tshal lo:_a ti pU hoH_pra tIts+tsha hoH_hU~M:_bla med mchog gi mchod pa ni:_ye shes lnga yi 'od zer 'phro:_yul dang dbang po gnyis med pa:_bde chen longs spyod chen por bzhes:_oM badz+ra ar+g+haM nas/_shab+da rU pa shab+da gan+d+he rA sa spar+she pany+tsa kA ma gu Na d+harma d+hU tu pU dza sa ma ya hoH_ma hA a mr-i ta ba liM ta rak+ta khA hi:_ma hA maM sa rak+ta keM ni ri ti khA hi:_kha taM kha taM kha taM:_hU~M hU~M hU~M:_phaTa? phaTa? phaTa?:_ha ha ha:_hU~M:_sgeg pa dpa' ba mi sdug rdo rje'i sku:_rgod gshe drag shul sngags kyi sgra gdangs can:_snying rje rngam zhi ye shes srog ldan pa'i:_phrin las 'dus pa'i lha la phyag 'tshal bstod:_de nas gzungs thag blang la/_rang gi thugs las sngags kyi phreng:_rdo rje'i gzungs thag las brgyud de:_bum lha'i thugs dam rgyud bskul bas:_sku dang sngags las bdud rtsi'i rgyun:_dpag med byung bas bum pa'i bcud:_dngos grub kun gyi snying por gyur:_zhes gsal gdab nas bzlas pa gtso 'khor gyi 'gros dang sbyar ba ci nus mthar dbyangs gsal rten snying*/_mchod bstod/_yig brgya/_lha rnams chags pa chen pos 'od du zhu nas byang chub kyi sems su ro gcig tu gyur pa'i khar sa bon 'bru lngas mtshan par gyur/_gtso bo'i snying po brjod la dung zhal gyi dri chu bum par 'bul lo/_/las bum la dmigs nas/_las bum nang du pad nyi gnod sbyin steng*/_/bdud 'khyil ljang nag g.yas ser g.yon dud kha/_/phyag drug dang pos rdo rjes b+han dmar dkrugs/_/bar pa'i phyag gnyis rgya gram dbyug to sdigs/_/tha ma gnyis kyis drag po'i phur bu 'dril/_/rlung 'byin ljang nag g.yon nas 'khril ba'i yum/_/g.yas pa dril 'khyud g.yon pa dung dmar stob/_/dur khrod chas ldan me dpung klong du gsal/_zhes mos la/_oM badz+ra kro d+ha a mr-i ta kuN+Da li hU~M phaTa?/_ces bzlas mthar/_oM AHhU~M gis bdud rtsi'i mchod yon phul/_bum lha 'od zhu bdud rtsir gyur:_zhar byung du thod pa mtshan ldan du bdud rtsi ril bu dang bcas pa'i myos byed kyis bkang ba'i kha me long la snying po bris pas bkab par/_thod pa gzhal yas khang du lha rnams rang rang gi shes rab ma dang snyoms par zhugs pa'i byang sems ye shes kyi bdud rtsis gang bar gyur/_rtsa sngags la/_bo d+hi tsit+ta ma hA su kha a be sha ya a a:_btags pa nyer gcig_oM AHhU~M sarba pany+tsa a mr-i ta hU~M hrIHThA:_zhes dgu pa'i sngags tshar bcu tsam gyi byin gyis brlabs/_dbang rdzas rnams dkyil 'khor dang nye bar bkod la/_bsang sbyang*/_stong pa'i ngang las dbang rdzas rnams ngo bo dpal chen po rdo rje gzhon nu dkyil 'khor gsum gyi rang bzhin la rnam pa rigs lnga yab yum gyi dkyil 'khor ma 'dres gsal rdzogs su shar ba de bzhin gshegs pa thams cad kyi gsang ba gsum gyi byin rlabs nus mthu thams cad 'dus pa'i ngo bor gyur/_kI la ya cung zad bzla zhing*/_ye d+har brjod nas me tog 'thor bas lhag gnas bya'o/__/bzhi pa sgrub yul snod nye bar bsnyen pa slob ma sta gon ni/_dkyil 'khor yol bas sgrib/_de dang nye bar dpung skud/_so shing*/_do ra pad+ma 'dab brgyad tshom bu lngas spras pa/_khyor chu/_ku sha'i chun po che chung gnyis/_slob ma mchod pa nyer spyod lnga bcas 'du byas la/_snod du rung ba'i slob ma rnams bos la sgo drung du sleb pa dang*/_ji ltar bltams pa sogs kyis khrus nas dbyung*/_nang du slebs pa dang las byang ltar bgegs bskrad/_srung 'khor gyis mtshams bcad la/_'o nam mkha' dang mnyam pa'i sems can thams cad dpal chen rdo rje gzhon nu'i go 'phang la dgod par bya/_de'i ched du gsang sngags rdo rje theg pa'i lam gyi 'jug sgo dang po mngon par dbang bskur ba nod nas don nyams su len par bgyi'o snyam pa'i byang chub mchog tu sems bskyed pa dang*/_slob dpon la yi dam dngos su 'du shes pas gus pa dang*/_rang gi sgo gsum bsdam zhing rnam par mi g.yeng bar rtse gcig pa'i yid dang ldan pa ste/_chos nyan pa'i kun tu spyod pa bzang po dang bcas te gsan 'tshal/_de ltar gsan dgos pa'i rgyu mtshan yang khams gsum 'khor ba ni me yi 'obs lta bu ste gang lhung thams cad 'tshig pa'o/__/nyon mongs pa ni spu gri'i so dang mtshungs te gang la reg pas gcod pa'o/__/'dod pa ni dug gi lo ma lta bu ste yun ring du phung khrol chen po bskyed pa'o/__/skyes bu'i tshe ni 'bab chu'am glog dang 'dra ste mi brtan cing myur du 'jig pa'o/__/gtan du bde ba ni mi gnas pa'i myang 'das yin pas de yi go 'phang don du gnyer dgos la/_de thob par byed pa'i thabs thun mong ma yin pa dam pa'i chos sgrub pa'i rten khyad par can dal 'byor gyi mi lus thob dgos/_dam pa'i chos de'i khyad par yang tshe gcig gis bla na med pa'i byang chub mngon du byed nus pa gsang sngags rdo rje theg pa la 'jug dgos te/_slob dpon sangs rgyas gsang bas/_sangs rgyas mchog gis chos gsungs pa/_/'dul ba mdo sde mngon pa dang*/_/rig pa 'dzin pa'i sde bzhir gnas/_/zhes sde snod chen po bzhi dang*/_spyi mdo dgongs pa 'dus pa las/_don dam nges pa'i theg pa ni/_/gsum du nges par bstan pa ste/_/kun 'byung 'dren dang dka' thub rig_/dbang bsgyur thabs kyi theg pa'o/_/zhes gsungs pa ltar phyi kun 'byung 'dren pa/_nang dka' thub rig byed/_gsang ba dbang bsgyur thabs kyi theg pa gsum dang*/_kun byed rgyal po las/_theg pa rnam pa gnyis yin te/_/mtshan nyid rgyu yi theg pa dang*/_/'bras bu rdo rje theg pa'o/_/zhes pa ltar rgyu 'bras kyi theg pa gnyis su'ang bsdu zhing*/_dbye bsdu gang ltar byas kyang*/_lam bde ba/_dus myur ba/_thabs mang ba gsum gyis khyad par du 'phags pa ni rig pa 'dzin pa'i sde snod dam/_gsang sngags rdo rje theg pa nyid yin la/_de la'ang rgyud lung man ngag gi rnam bzhag gsum gyi phyi mo ni rgyud sde ste/_de la tan+t+ra chen po bco brgyad du grags pa'i ya gyal phur pa rol pa'i rgyud kyi dgongs pa/_sgrub sde la spyi dang bye brag gnyis las/_bye brag phrin las kyi rigs 'jig rten las 'das pa ye shes kyi dkyil 'khor chen po lnga bzhugs pa'i sgrub sde'i gtso bo phrin las phur pa'i lha 'di nyid rgya gar du slob dpon chen po pra b+ha hasti/_paN chen bi ma la mi tra/_sangs rgyas gnyis pa pad+ma saM b+ha wa sogs la bka' bab/_bod gangs can gyi ljongs su'ang rdo rje'i sku brnyes slob dpon bi ma las phur pa phun sum tshogs pa dang*/_gsham sngon can/_o rgyan gyi slob dpon chen pos rje 'bangs spyi dang bye brag la bstsal ba las byon pa mtshon phur pa bka' gter gyi rim pa rgya che mu med pa bzhugs pa las/_skabs su bab pa 'di ni gtso bo slob dpon chen po bi ma mi tras gnyags dz+nyA na ku mA ra la bstsal zhing pad+ma'i bka' srol gyi byin rlabs kyang 'dus pa'i rdo rje phur pa'i man ngag_/pad+ma gar dbang 'od gsal mdo sngags gling pa'am khrag 'thung dpa' bo klong chen nam mkha' 'od gsal la bka' bab pa'i zab mo gter gyi shing rta las byon pa ste/_'di la rtsa ba'i smin byed rgyas 'bring bsdus gsum du bzhugs pa'i dang po dbang bskur rgyas pa/_de la'ang sngon 'gro sta gon dang*/_dbang dngos gnyis las/_thog mar sngon 'gro sta gon gyi rim pa zhu ba'i ched du maN+Dal 'bul/_zhes maN+Dal phul/_bla ma dpal chen po rdo rje gzhon nu dngos yin snyam pa'i mos gus dang ldan pas phyag snyim pa me tog dang bcas gsol ba 'debs pa 'di'i rjes zlos mdzod/_he ru ka dpal rig 'dzin che:_khro bo chen po bdag la dgongs:_rdo rje'i gdung du sgrub pa'i phyir:_bdag cag dkyil 'khor cher 'jug gsol:_lan gsum/_de ltar gsol ba btab pa la skabs phye ba dang bcas gnang ba sbyin pa dang spro ba bskyed pa 'di la gsan 'tshal/_bu tshur theg pa chen po yi/_/khyod ni tshul chen snod yin te/_/gsang sngags spyod tshul cho ga ni/_/khyod la yang dag bstan par bya/_/rdzogs pa'i sangs rgyas gang 'das dang*/_/de bzhin gang dag ma byon dang*/_/da ltar byung ba'i rdzogs sangs rgyas/_/'gro la phan phyir bzhugs pa kun/_/de dag kun gyis gsang sngags kyi/_/cho ga zab mo 'di mkhyen nas/_/dpa' bo byang chub shing drung du/_/thams cad mkhyen pa tshad med brnyes/_/gsang sngags sbyor ba nyams med des/_/shAkya seng ge skyob pa yis/_drag po chen po bdud kyi sde/_/stobs chen dag kyang des bcom ste/_/'jig rten mthun par gshegs nas ni/_/'khor lo bskor nas mya ngag 'das/_/de bas kun mkhyen 'thob bya'i phyir/_/bu yi blo gros 'di gyis shig_/khyed rang rnams kyi mdun gyi nam mkhar bla ma dang gnyis su med pa'i dpal chen rdo rje gzhon nu'i dkyil 'khor la sangs rgyas byang sems dang rtsa ba gsum gyi lha tshogs sprin gtib pa lta bus bskor te bzhugs pa'i spyan sngar bdag gzhan 'gro kun sgo gsum 'jug pa gcig pas dus 'di nas byang chub snying po'i bar du skyabs su 'gro snyam pas 'di'i rjes zlos mdzod/_na mo:_bdag sogs 'gro kun sogs/_lan gsum/_mkha' khyab pha mar gyur pa'i sems can thams cad zung 'jug gi sems bskyed kyi 'phen pas sangs rgyas kun gyi rnam thar dang phrin las rdzogs par 'dzin snyam pas sems bskyed pa 'di'i rjes zlos mdzod/_mkha' mnyam sems can thams cad kun sogs/_lan gsum/_yul mchog de dag gi spyan sngar bsags sbyang spel gsum gyi thabs khyad par can rgyun bshags yan lag brgyad pa tshul bzhin du bya ba'i 'dun pas 'di'i rjes zlos mdzod/_rdo rje slob dpon sangs rgyas dpal:_sogs lan gsum/_de nas rigs lnga spyi dang bye brag gis bsdus pa sogs gsang sngags kyi thun mong ma yin pa'i dam tshig dang sdom pa rnams bzung bar bgyi'o snyam pas 'di'i rjes zlos mdzod/_ji ltar dus gsum mgon po rnams:_byang chub tu ni nges mdzad pa'i:_byang chub sems ni bla na med:_dam pa bdag gis bskyed par bgyi:_sangs rgyas rnal 'byor sdom pa la:_tshul khrims kyi ni bslab pa dang:_dge ba'i chos ni sdud pa dang:_sems can don byed tshul khrims gsum:_bdag gis brtan por gzung bar bgyi:_sangs rgyas chos dang dge 'dun te:_bla na med pa'i dkon mchog gsum:_deng nas brtsams te gzung bar bgyi:_nam du yang ni mi spang ngo:_rdo rje'i rigs mchog chen po la:_rdo rje dril bu'i phyag rgya yang:_yang dag nyid du gzung bar bgyi:_slob dpon dag kyang gzung bar bgyi:_rin chen rigs mchog chen po yi:_dam tshig yid du 'ong ba la:_nyin re bzhin du dus drug tu:_sbyin pa rnam bzhi rtag tu sbyin:_byang chub chen po las byung ba'i:_pad+ma'i rigs chen dag pa la:_phyi nang gsang ba theg pa gsum:_dam pa'i chos ni gzung bar bgyi:_las kyi rigs mchog chen po la:_sdom pa thams cad ldan par ni:_yang dag nyid du gzung bar bgyi:_mchod pa'i las kyang ci nus bgyi:_bla na med pa'i byang chub sems:_dam pa bdag gis bskyed bgyis nas:_sems can kun gyi don gyi phyir:_bdag gis sdom pa ma lus gzung:_ma brgal ba rnams bsgral bar bgyi:_ma grol ba rnams bdag gis dgrol:_dbugs ma phyin pa dbugs dbyung zhing:_sems can mya ngan 'das la 'god:_lan gsum/_dngos grub kyi ltas brtags pa'i phyir u dum wA ra la sogs pa'i so shing drang po sor bcu gnyis pa dri yis byugs shing rtse mor me tog gi phreng bas bcings pa 'di nyid khyed rang rnams kha shar du phyogs pas maN+Dal nyid gdod nas grub pa'i rigs lnga'i dkyil 'khor du dngos su mos la/_so shing rtse mos so drud pas tshe 'khor ba thogs med nas bsags pa'i sdig pa thams cad sman pa mkhas pas skyug sman btang ba bzhin skyug par bsam la tshig 'di'i rjes zlos dang bcas pas 'dor bar zhu/_lus kyi dri ma sbyang ba'i phyir:_byang chub dam pa'i so shing 'di:_rdo rje'i rigs kyi bu la sbyin:_phung po rdo rje'i lus sgrub phyir:_'chos la dkyil 'khor 'di ru dor:_badz+ra ha sa ha:_zhes brjod de dor du gzhug_de ltar so shing gi rtse mo de nyid rang ngam bla ma la bstan na mchog_/phyogs bzhir las bzhi/_steng du mkha' spyod/_'og dang mtshams bzhir sa 'og gi gter dang*/_bum pa bzang po sogs dngos grub ci rigs thob par 'gyur ro/__/ba~M las byung ba'i dri bzang gi chu nyid khyor bar lan gsum byin nas btung ba'i lhag ma rgyab tu dor bas ngag gi nyes skyon thams cad sang sang dag par mos mdzod/_rdo rje las kyi 'bar ba'i chu:_skal pa ldan pas btung nas kyang:_mi shes ngag gi dri sbyangs te:_rdo rje'i dzapa tu rtogs par gyis:_oM hrIHbi shud+d+ha sarba d+harma pa pA~M bi shud+d+ha ni tsa s+ya bi shwa d+ha ya sarba bi kalpa ma na ya hU~M:_zhes khyor chu sbyin/_stong pa'i ngang las hU~M las byung ba'i srad bu kha dog lnga pa rdo rje'i slob ma'i lus tshad dang mnyam pa lnga sgril byas pa rdo rje'i mdud pa lnga btab/_de la hU~M oM swA A~MHhA lnga bkod pa de las 'od zer 'phros pas/_rang bzhin gyi gnas nas de bzhin gshegs pa lnga bsam gyis mi khyab pa spyan drangs te yig 'bru rnams la thim/_de 'od du zhu nas srad bu la thim pas rigs lnga'i srad bur gyur/_rdo rje rang byung ye shes kyi:_mi shigs 'ching byed srad bu'i gzugs:_khyod la bcings pas bar chad thub:_ye shes dag pa'i de nyid ston:_las kyi khro bo'i sngags brjod/_rdo rje rgya gram du bzhag_/las kyi chu 'thor bar bya/_de ltar mngon par bsngags pa'i srad bu nyid skyes pa'i dpung pa g.yon/_bud med kyi g.yas su bcings pas bar chad thams cad srung ba'i mos pa mdzod/_rmi lam mi 'khrugs par bya ba'i phyir byur dang mi gtsang ba thams cad 'joms par byed pa d+hIHdang hU~M las skyes pa'i dag byed mchog tu dge ba'i rtswa mchog ku sha'i chun po chung ba sngas dang che ba stan gyi dod du byin pa longs la bla ma dang dkyil 'khor la mgo phyogs pas do nub seng ge'i nyal stabs kyis lhag pa'i lha yid la dran pas dngos grub dang mthun pa'i rmi lam bstan du gsol snyam pas nyal na rmi lam gyi mtshan ma gang yang rung ba zhig 'byung bar 'gyur ro/__/bu kyai ku sha dge ba 'di:_khyod la gtsang byed sngas dang stan:_sbyin gyis legs par nyal nas kyang:_dkyil 'khor mchog tu 'jug par rung:_zhes ku sha'i chun po lag gnyis su gtad/_phyir mi ldog pa zab mo'i chos bshad pa 'di la gsan pas khyab par gda'/_e ma bu khyod skal pa ldan:_'jig rten khams na u dum war:_sangs rgyas 'byung ba shin tu dka':_de bas rdo rje theg 'di ni:_skal pa mchog gi rigs can las:_nam du yang ni mi 'byung zhing:_dus gsum rgyal ba thams cad kyi:_nges pa'i gsang ba bla med pa'i:_rnyed pa chen po de ring rnyed:_'di ni dbang po mchog gi lam:_rmad du byung ba'i thabs mang zhing:_ring por mi thog mngon 'tshang rgya:_dka' thub gdung ba dang bral te:_zung 'jug ye shes tshe 'dir bskyed:_de phyir khyed rnams spro dga' bskyed:_sang ni dkyil 'khor yang dag 'jug:_blo gros nges par smin pa'i tshe:_rnal 'byor zab mor 'jug par gyis:_de nas gzhi lus dang bcas pa'i sgo gsum lha yi sku gsung thugs su byin gyis rlob pa yin pas dmigs pa 'di ltar gsal thob cig_/ces gdams/_stong pa'i ngang las hU~M las rdo rje sems dpa' dkar po rdor dril 'dzin pa/_dar dang rin po ches brgyan pa/_zhabs sems dpa'i skyil krung gis pad+ma dang zla ba'i gdan la bzhugs par gyur/_dri'i thig le gnas gsum du byas la/_spyi bor sku rdo rje'i ngo bo oM dkar po/_mgrin par gsung rdo rje'i ngo bo AHdmar po/_thugs kar thugs rdo rje'i ngo bo rdo rje dkar po rtse lnga pa'i lte bar hU~M yig gis mtshan par gyur/_slob ma rnams kyis bden gnyis zung 'jug tu sems bskyed pa'i mos pa mdzod/_oM bo d+hi tsit+ta u pa da ya mi:_de brtan par byed pa'i phyir slob dpon gyis rdo rje me tog dang bcas pa snying gar bzhag ste/_su ra ti sa ma ya s+t+waM sid+d+hi badz+ra sad tha su khaM:_de ltar sgo gsum rdo rje gsum gyi rang bzhin du gyur pa de mchod pa'i yul du bzung bas dbu la me tog_/shangs la bdug spos/_spyan lam du mar me/_thugs kar dri yi byug pa/_zhas zas ljags la phul bas mchod par mos/_mchod pa rnams gnas so sor 'bul tshul bya/_oM badz+ra puSh+pe pra tIts+tsha hoH_oM badz+ra d+hU pe pra tIts+tsha hoH_oM badz+ra A lo ke pra tIts+tsha hoH_oM badz+ra gan+d+he pra tIts+tsha hoH_oM badz+ra nai wi d+ya pra tIts+tsha hoH_zhes mchod nas/_des rdo rje phur pa'i dkyil 'khor du smin byed dbang gi sngon 'gro slob ma sta gon gyi chos rnams nges par grub pa lags pas dge ba rdzogs byang du bsngo bar zhu/_zhes brjod la slob ma rnams rang gnas su gtang ngo*/__/gsum pa sgrub pa la bzhi las/_sgrub gzhi dkyil 'khor 'du bya ba/_sgrub chos rten dang rgyan bkod pa/_sgrub pa bskyed bzlas kyis gzhung bsrang ba/_sgrub pa'i khyad par las la sbyar ba'o/__/dang po gnyis so sor dbye na tshogs sgrub kyi khog dbub dang sbyar te smin lam sgrub dbang chen mo'i phyag bzhes yod kyang*/_skabs 'dir slob ma rjes 'dzin kho na dbang rkyang deng sang gi phyag bzhes ltar sa bcad dang po gnyis gcig tu bsdus te 'chad pa la/_stegs bu'i steng ras bris kyi dkyil 'khor mtshan nyid dang ldan pa bkram pa'i dbus su many+dzi'i khar sta gon byas pa'i bum pa lha grangs yod na gtso 'khor ma nor bar bkod/_rnam rgyal bum pa gcig las med na dkyil 'khor dbus su many+dzi'i khar bsham/_shar du rin po che'i dbu rgyan/_lhor rdo rje/_nub tu dril bu/_byang du rdor dril lhan cig pa/_mtshams su gsang dbang gi thod pa bdud rtsis bkang ba/_rig tsaka_/shel rdo rnams bkod/_mdun phyogs gang bder sman raka gtor gsum chu gnyis nyer spyod bskor bsham bya/_phyogs gang bder rjes gnang chas gdugs/_glegs bam/_dril bu/_dung dkar/_'khor lo rnams dang*/_mig dar/_me tog_/mig thur/_phyag shing*/_las bum bcas dang*/_sngon 'gro'i bgegs gtor/_tshogs kyi yo byad/_gtor 'bul sogs spyi ltar tshogs par bya'o/__/gsum pa sgrub pa bskyed bzlas kyi gzhung bsrang ba ni/_brgyud pa'i gsol 'debs sngon du 'gro bas las byang ltar bzlas pa'i bar mthar chags su btang*/_las byang dkyus ltar dzapa khang dbye/_dzapa bskul dang bcas bsnyen sgrub las kyi bzlas pa'i gzhung bsrang*/_khyad par sgrub pa'i dzapa bzlas mang du bya/_sta gon skabs ltar bum pa yang bsgrub/_mthar gtang rag gi mchod bstod dang*/_srung ma'i gtor chog_/tshogs byin rlabs nas rol pa'i bar bya'o/__/bzhi pa sgrub pa chen po la/_bdag don du dngos grub blang ba/_gnyis don du dbang blang ba/_gzhan don du slob ma gzhug pa gsum las/_dang po ni bsnyen sgrub kyi yi ge dag tu bshad pas shes par bya dgos la/_gnyis pa dbang chog rgyas pa ltar ram/_bsdu na don dbang snying po'i tshul du slob dpon bdag nyid 'jug pa'am rig pa'i me tog dor la slob ma 'jug par gnang ba zhu/_gsum pa la dngos dang rjes rim gnyis las/_dang po ni/_dkyil 'khor yol bas sgrib la slob ma rnams bos te khrus nas dbyung*/_las byang ltar bka' bsgo dang drag sngags gul yungs dang bcas pas bgegs bskrad/_srung 'khor bsgom pas mtshams bcad/_gral la 'khod nas me tog bkye bsdu dang bcas/_gang gsan par bya ba'i chos ni 'jig rten dbang phyug 'phags mchog thugs rje chen po'i phyag mtshan du bzhes pa'i gangs can bod kyi yul 'dir sangs rgyas kyi bstan pa'i nyin byed drangs par mdzad pa'i chos rgyal lo paN sprul pa'i skyes mchog rnams kyis thog mar bsgyur bshad 'chad nyan gyis gtan la phab pa snga 'gyur rnying ma dang*/_rgyud dang man ngag khyad par can phyis su drangs pa la phyi 'gyur gsar ma ste/_bka' srol 'dren pa'i shing rta gnyis su byon pa las/_skabs 'dir che ba drug gis khyad par du 'phags pa sngags rnying ma'i ring lugs su gtogs pa ste/_de la'ang zhal nas gsungs pa'i bka' ma/_rjes su gnang ba'i gter ma/_byin gyis brlabs pa'i dag snang ste brgyud pa'i khyad par gsum du dbyer yod pa las/_snga ma la'ang rgyud las/_phur pa rgyud kyi rgyal po yin/_/phur pa lung gi bla ma yin/_/phur pa man ngag nges pa'i don/_/zhes gsungs pa ltar rgyud rdo rje khros pa klong chen po bco brgyad/_lung nyi shu rtsa gcig_/man ngag brgya rtsa brgyad sogs gsungs/_rgyud sde la'ang rtsa bshad man ngag gis dbye na/_rdo rje phur pa la rtsa ba lta bu'i rgyud gsum/_bshad pa'i rgyud lnga/_cha mthun gyi rgyud gsum/_rgyud phyi ma gnyis/_phyi ma'i phyi ma gsang ba sde drug_/bstan bya'i lam gyi rim pa gtso che chung gis dbye na/_bskyed rim gtso bor ston pa'i rgyud lnga/_rdzogs rim gtso bor ston pa'i rgyud lnga/_la bzla ba'i rgyud lnga/_drag po rme thabs can gyi rgyud gnyis/_phrin las gtso bor ston pa 'bum rkos dang sum cu rtsa bdun yod par slob dpon lang lab kyis bzhed pa sogs dbyer yod cing*/_gang ltar yang rdo rje khros pa'i rtsa bshad las/_'di la brten pa'i gang zag rnams/_/thams cad grol 'gyur the tshom med/_/rdo rje khrag 'thung nga nyid kyi/_/yi ge hU~M tsam bzlas pa dang*/_/bar chad bdud kyis mi tshugs shing*/_/mtshan ma 'grub par the tshom med/_/rdo rje can gyi zhing du skye/_/lha rnams kun la dbang byed 'gyur/_/'di sgrub pa yi gang zag rnams/_/sngar nas sbyangs par the tshom med/_/tshe gcig 'di la brtson ldan pas/_/'khor bar mi ldog mngon sangs rgya/_gang zhig dbang dang man ngag thob/_/skad cig tsam zhig mos gyur na/_/'chi ba zhes ni rnam rtog ste/_/mkha' spyod gnas su 'khrid par 'gyur/_/gang zhig 'di la mos pa tsam/_/dbang dang dam tshig 'dzin gyur na/_/skye bdun nyid nas sangs rgyas 'gyur/_/skye ba gzhan gyis bar mi chod/_/'di la the tshom le lo spangs/_/brtson 'grus dad ldan can gyis sgrubs/_/rgyud ni rtag tu gsang bar bya/_/mkha' 'gro'i tshogs kyis bsrung bar 'gyur/_/zhes 'byung ba ltar ches zab cing rgyas la rno zhing myur ba'i chos sgo 'di nyid kyi rgyud lung man ngag thams cad gu ru rin po che la lhag par du bka' bab ste/_bdag nyid chen po slob dpon pad+ma thod phreng rtsal gyis gdul bya drang ba'i don du slob dpon pra b+ha hasti las phrin las phur pa'i chos skor thams cad bum pa gang byo'i tshul du gsan pa'i tshul bstan/_bal yul yang le shod du phyag rgya chen po mchog gi rig 'dzin gyi go 'phang mngon du mdzad skabs bar chad bsal zhing*/_gangs can gyi ljongs su lha srin dam la btags shing*/_sa gzhi btul ba sogs thams cad lha 'di'i skur bzhengs nas mdzad/_rdo rje'i sku brnyes pa bi ma las phur pa'i rgyud phun sum tshogs pa dang*/_gsham sngon can gnyis kyi sgrub thabs dang man ngag gnyags lo ye shes gzhon nu la gnang zhing gnyags chen gyis phur pa gdeng pa tsam gyis 'dzam gling gi bya rog bsdus pa dang*/_sku dgra mngon spyod kyis tshar bcad pa sogs grub rtags mngon du mdzad de sog po dpal gyi ye shes sogs las rim par brgyud de bka' ma phur pa rgyal po lugs/_jo mo lugs/_lcam lugs/_gnyags lugs/_rong zom lugs/_rog lugs/_'khon lugs sogs mtha' yas pa dang*/_gnyis pa ni khyad par gsum ldan zab mo gter gyi shing rta ste/_de las byon pa'i zab chos la'ang*/_dbang*/_rgyud/_bskyed rdzogs/_man ngag gi sgo mi 'dra ba bsam las 'das par byon pa kun kyang bsdu na sgrub sde chen po bka' brgyad/_spyi dril dang bcas pa dgu ru grags pa las/_'di ni phrin las kyi rigs sgos su sgrub pa karma he ru ka bdud 'dul phur pa rol pa'i sgrub sde ste/_zab gter gyi shing rta chen po gu ru chos kyi dbang phyug_/rat+na gling pa/_rig 'dzin dngos grub rgyal mtshan sogs kyi gter byon spu gri rnam gsum/_yang gsang rnam gsum la sogs pa rgyud lung man ngag gi dgongs pa rgyas bsdus du ma zhig gter kha kun las ma byon pa med pa lta bu mtha' yas pa las/_skabs su bab pa 'di ni rgyal ba kun gyi mdzad pa rlabs po rjes su sgrub pa la rmad du byung ba'i thugs bskyed smon lam gyi mthu thob pa rje btsun 'jam dpal dbyangs 'jigs bral gyi slob dpon chen po'i rnam par rol pa kun mkhyen bla ma pad+ma 'od gsal mdo sngags gling pa nyid kyis gangs can du bzhugs so 'tshal gyi rdo rje phur pa bka' gter yongs rdzogs kyi smin grol gsan/_de thams cad bsnyen sgrub nyams bzhes dpyis phyin par gnang bas bla ma dang lhag pa'i lha yis byin gyis brlabs pa'i rtags mtshan khyad par can du ma dang*/_lhag par dgung grangs dgur phebs skabs su slob dpon rin po che rdo rje thod phreng rtsal yab yum gyis rdo rje phur pa'i dkyil 'khor du dbang bskur nas bar chad bsal zhing snyan brgyud yang phur sbrag ma'i bka' bab pa dang*/_slob dpon pra b+ha hasti dang*/_bdud 'dul shAkya seng ge dbyer med pa las snyan brgyud phrin las phur pa'i gnad tig dngos su gsan pa dang*/_rdo rje phur pa'i grub brnyes zam ma chad pa'i bla ma sa chen ye shes kyi skus rjes su bzung ste bka' ma 'khon lugs phur pa'i smin grol/_phur pa rtsa dum gyi bshad rgyud dang bcas nye brgyud du gsan pa sogs ngo mtshar rmad du byung ba'i bdag nyid chen po de nyid kyi gsang gsum rdo rje bkod pas byin gyis brlabs pa las/_mdo khams gnas chen nyer lnga'i bye brag sku yi gsung gi gnas mchog 'og min karma'i ri zhol gyi gan+d+ho la nas bka' srung ye shes kyi mgon po lcam dral gyis pad+ma gar dbang 'od gsal mdo sngags gling pa'am khrag 'thung dpa' bo klong chen nam mkha' 'od gsal la dngos su gtad pa'i shog ser las gtan la phab pa'i rdo rje phur pa paN chen bi ma la mi tras gnyags chen dz+nyA na ku mA rar snyan brgyud gsang ba'i thugs dam du gdams shing*/_gu ru rin po che pad+ma thod phreng dang mtsho rgyal gyi thugs bcud kyang chu bo gcig 'dres su 'dus pa'i ngo mtshar rmad du byung ba'i chos sde'i _byin rlabs kyi tshan kha thob ste lung zin rtsa ba'i chos bdag 'jam mgon bla ma rin po cher phul bas dgyes bzhes kyis rten 'brel legs tshogs smin pa'i rdo rje phur pa'i rtsa ba'i dbang bskur zhu ba'i ched du maN+Dal phul/_bla ma dang dkyil 'khor gyi gtso bo gnyis su med pa la dad mos gdung shugs drag pos pus btsugs thal sbyar dang bcas gsol ba 'debs pa 'di'i rjes zlos mdzod/_sangs rgyas kun gyi ye shes sku:_phrin las stobs rdzogs kI la ya:_dpal chen karma he ru ka'i:_dkyil 'khor gnyan por 'jug par 'tshal:_lan gsum/_skyabs 'gro sems bskyed/_yan lag brgyad pa'i bsags sbyang*/_sdom bzung*/_rdo rje'i rnal 'byor du sems bskyed pa bcas sta gon skabs ltar byas mthar/_de yang gsang sngags kyi dbang ma thob par gsang sngags 'chad du mi rung zhing*/_bsgom pa'i skal pa mi ldan la/_des na bla ma mtshan nyid dang ldan pas cho ga ma 'khrul pa'i sgo nas mngon par dbang bskur na yon tan thams cad skye ba'i snod du 'gyur ba ma zad/_zab mo'i dkyil 'khor 'di lta bur dbang thob cing lam bsgom na brtson 'grus dang skal pa rab tshe 'di/_'bring 'chi kha/_tha ma skye ba bdun nas dpal chen po'i go 'phang thob cing*/_gnas skabs kyi dgos pa'ang dkyil 'khor du 'jug pa dang*/_rgyud dang man ngag lta zhing sgom pa la dbang ba'i dgos pa du ma dang ldan kyang khe nyen shin tu che bas lha dang skal mnyam du 'jug par don 'dri ba 'di la gsan pas khyab par gda'/_bu kyai:_'bras bu rdo rje theg pa ni:_'jug par dka' la khe nyen che:_'da' dka'i sa ma ya 'bum sde:_nyams na mi zad sdug bsngal byed:_'dir yang mi 'dod du ma 'byung:_legs par rtogs shig blo gros can:_e ma sngags kyi lam rmad byung:_'jug pa skal pa ldan pa'i bu:_dngos grub ya mtshan rmad byung ba:_tshe 'di nyid la brtson pas 'grub:_dkyil 'khor tsam zhig mthong bas kyang:_sgrib byang rdo rje'i rigs su 'gyur:_de phyir 'jug par khyod spro'am:_zhes dris pas gsang ba'i dkyil 'khor du 'jug pa la mchog tu dad pas spro bar khas blang bar mos pas 'di'i rjes zlos mdzod/_kyai hoH_rdo rje gzhon nu'i dkyil 'khor du:_'jig rten 'das dang ma 'das pa'i:_dngos grub chen po bdag 'tshol gyis:_deng 'dir bdag la bstsal du gsol:_de nas gsang sngags kyi dkyil 'khor du 'jug pa'i sngon 'gro dam la bzhag pa la gsum las/_/dbang thob cing dkyil 'khor du zhugs nas snod min la gsang ba bsgrags pa sogs dam tshig las 'gal na rang byung ye shes kyi dkyil 'khor mthong ba la sgrib cing*/_mi 'dod pa'i chad pa du ma 'byung bas shin tu gces pas dam tshig thub par srungs shig ces nyes dmigs bshad pas bka' bsgo ba'i sgo nas dam la bzhag pa ni/_rdo rje snying gar bzhag la/_hU~M:_rdo rje gzhon nu'i dkyil 'khor ni:_ye nas rang byung sems la rdzogs:_dam tshig nyams na de la sgrib:_de bas shin tu dam tshig srungs:_badz+ra tsit+ta sa ma ya:_lha dang bla ma la gus shing gsang ba'i dam tshig tshul bzhin bsrungs nas dkyil 'khor du zhugs na dngos grub mchog gi skal pa ldan par 'gyur bas bag yod pas bsgrims te dam tshig srungs shig ces phan yon gyi sgo nas dam la bzhag pa ni/_rdo rje mgor bzhag ste/_hoH_deng khyod rang snang dkyil 'khor cher:_mchog tu gsang bas rab zhugs na:_ye shes dngos grub thob 'gyur gyi:_gzhan du smras pa de ltar min:_badz+ra gu h+ya sa ma ya hoH_dam tshig bdud rtsi'i chu 'di byin pas/_dpal chen ye shes sems dpa'i byin rlabs snying gar zhugs pas mchog thun gyi dngos grub 'bad med du thob par 'gyur ba dang*/_dam las 'gal na srog gcod kyi bdud dang gshed mar gyur nas tshe 'dir mthong chos kyi 'bras bu mi bzad pa dang*/_phyi ma mnar med pa'i dmyal mes bsreg par 'gyur bas na legs nyes kyi shan 'byed khrims dpang lta bu ste/_phan yon dang nyes dmigs gnyis ka bstan pa'i sgo nas dam la bzhag pa ni/_nang mchod dang dam chu bsres pa byin la/_'di ni rdo rje bdud rtsi'i chu:_he ru ka dpal nyid yin te:_bsrung na dngos grub sems dpa' stsol:_ma bsrung nges par 'tshig ste brlag:_sa ma ya i daM to da ka Tha Tha Tha hU~M:_slar yang rdo rje gdeng ste/_deng nas brtsams te bu khyod kyi:_rdo rje gzhon nu nga yin gyi:_nga yis ji ltar bsgos pa rnams:_brtson pas khyod kyis byed dgos so:_khyod kyis nga la smad mi bya:_gang yang nga la ma gus min:_gal te gus par ma byas na:_sems can dmyal ba chen por ltung:_de dag gis sngon 'gro dam bzhag bzhi song nas/_dngos gzhi dkyil 'khor du 'jug pa'i dang po dkyil 'khor pa la gnang ba zhu ba ni/_slob dpon gyis bgyi bar gda' ste/_slob dpon bzhengs nas dkyil 'khor la gdong phyogs pas btud de/_bde ba chen po rnam par dag:_de bzhin gshegs pa'i grong khyer mchog:_gsang ba'i dkyil 'khor chen po 'dir:_bdag gis slob ma gzhug par bgyi:_zhes gsol ba btab pas lha tshogs rnams dgyes pa chen pos gnang ba bstsal bar gyur/_zhes gdan la bzhugs/_de nas chas su 'jug pa ni/_sngon chad gnyis 'dzin gyi zhen rtog 'thug pos mig ldong bas dkyil 'khor gyi lha tshogs ma mjal ba'am mjal na'ang dkyil 'khor so ma 'di nyid ma mjal ba mtshon byed du spyan dar dmar po res gdong g.yogs pa'i mos pa mdzod/_oM tsak+Shu b+han+d+ha wA ra ma Na ye swA hA/_zhes mig dar 'ching*/_dkyil 'khor gyi lha dang mjal ba'i tshe phyag stong par mjal mi rung bas u dum wA ra'i me tog gi phreng ba kha dog lnga pa re bzung ba'i mos pa mdzod/_A khaM bi+A ra hU~M/_zhes me tog gi phreng ba gtad/_nang 'jug gi dngos gzhi ye shes pa dbab pa'i slad du sgo gsum gyi gnad gcun la dmigs pa 'di ltar mdzod/_las chus bran te/_shU n+ya tas stong par sbyang*/_slob ma'i phung khams skye mched kyi mtshon pa'i snod bcud rgyud gsum gyi chos kun stong par gyur/_stong pa'i ngang las phyi snod rnam par dag pa 'og min stug po bkod pa'i zhing gi zag med bde ba chen po'i 'byor pas brgyan pa'i dbus su/_nang bcud rnam par dag pa khyed rang rnams gang du gnas pa'i go sar pad nyi bdud bzhi bsnol ba'i gdan gyi steng du sems nyid kyi ngo bo hU~M mthing nag yongs su gyur pa las sangs rgyas thams cad kyi ye shes kyi sku gcig pu rab 'byams sras bcas rgyal ba'i phrin las kyi mthu stobs yongs su rdzogs pa'i 'jigs mdzad karma he ru ka chen po dpal chen rdo rje gzhon nu sku mdog mthing nag baiDU ya'i lhun po ltar brjid pa dbu dgu'i rtsa zhal gsum dbus mthing g.yas dkar g.yon dmar/_de'i steng zhal gsum ljang ser nag pa/_de'i steng zhal gsum smug mthing dmar ba/_dbu skra kham nag gyen du brdzes pa'i dbus su rdo rje phyed pa'i tog gis mtshan pa/_phyag g.yas brgyad kyis rdo rje 'khor lo dgra s+t+wa ral gri mdung tho ba lcags kyu gsal shing*/_g.yon brgyad na me dpung khaT+wAM ga ri rab zhags pa b+han dmar sdigs mdzub mda' bdud bzhi'i mgo bo rnams bsnams pa/_phyag tha ma gnyis kyis phrin las kyi don rtags ri rab lta bu'i phur pa 'dril ba/_gar gyi nyams dgu'i gzi byin nyi ma 'bum ltar brjid pa'i sku la dpal dang dur khrod rol pa'i chas kyis brgyan pa'i zhabs bzhi brkyang bskum gyis dor stabs su 'gying ba'i yum chen 'khor lo rgyas 'debs mthing skya zhal gcig phyag gnyis kyis ut+pal dang dung khrag bsnams pa/_sku gcer bu lang tsho rgyas pa gzig sham dang rus pa'i phyag rgya lnga/_thod skam gyi phreng bas brgyan pa dang*/_zhabs g.yon brkyang g.yas bskum gyis gnyis su med par sbyor zhing*/_gtso bo'i sku'i g.yon phyogs su sgrol yum e ka dzA Ti khro gtum mi sdug pa'i gzugs kyis yab la lta zhing chags pa'i nyams can/_phyag g.yas gri gug 'phyar zhing g.yon pas dgra snying za ba/_rus pa'i rgyan dang mgo rlon gyi phreng ba/_thod skam gyi dbu rgyan can zhabs brkyang bskum gyis bskal pa'i me dpung 'bar ba'i klong na 'gying ba'i dpral bar oM dkar po/_mgrin par AHdmar po/_thugs kar hU~M mthing nag gis mtshan par gsal ba dang*/_slob dpon dpal chen por gsal ba'i thugs ka'i 'od zer cig car du 'phros pas/_phyogs bcu'i zhing rab 'byams rgya mtsho nas dus gsum gyi rgyal ba thams cad zhi khro sku yi rnam rol du gar nyams su khyug khyug_/gzi byin du lam lam/_'ja' zer shig shig_/me 'od lhag lhag_/thog zer chem chem/_drag sngags 'ur 'ur/_nam mkha' sa gzhi bar snang thams cad khyab par byon nas khyed rang rnams la sib sib thim byung snyam pa'i mos gus gdung shugs drag po rtse gcig tu mdzad par zhu/_zhes brda sbyar la/_spos dang DA dril dbyangs dang bcas pas/_hU~M:_rdo rje gzhon nu'i rig 'dzin rnams:_srid pa phur bu sgrub pa'i phyir:_sngon gyi zhal bzhes ma bsnyel bar:_gnas mchog 'di ru byin phob cig:_ye shes khro rgyal 'khor dang bcas:_'khor ba rdo rjer sgrub pa'i phyir:_nam mkha' khyab pa'i gar dang bcas:_gnas mchog 'di ru byin phob cig:_bran dang bka' nyan pho nya'i tshogs:_khyod kyi dam tshig dus la bab:_sngon tshe khas blangs dam bcas bzhin:_gnas mchog 'di ru byin phob cig:_nam mkha' gang ba'i lha tshogs rnams:_sku yi gar stabs sna tshogs bsgyur:_rdo rje'i glu bro gar dang bcas:_gnas mchog 'di ru byin phob cig:_gsung ni sngags sgra 'brug ltar sgrogs:_dgod gshe drag shul rol pa yis:_sa gsum 'jigs pa'i nga ro bcas:_gnas mchog 'di ru byin phob cig:_thugs ni ye shes rngams pa'i dpal:_snying rje zhi dang khro bo yi:_rig rtsal dgongs pa'i gdengs dang bcas:_gnas mchog 'di ru byin phob cig:_sgrub mchog bdag la dbang bzhi bskur:_bgegs dang log 'dren bar chad sol:_mchog dang thun mong ma lus pa'i:_dngos grub dam pa bstsal du gsol:_gu ru d+he wa d+hA ki ni badz+ra dz+nyA na a be sha ya a a a:_hrIM hrIMH_pheM pheM:_zhes rtags ma byung bar du nan tan bya/_de ltar dbab pa'i ye shes pa brtan par byas pa'i mos pa mdzod/_ces rdo rje me tog dang bcas pa spyi bor bzhag la/_tiSh+Tha badz+ra zhes brjod pas brtan par bya'o/_de nas brda'i sgo dbye ba la thal mo nang bsdam dkrol bzhin pas 'di'i rjes zlos mdzod/_hU~M:_snang zhing srid pa'i chos so cog:_kun kyang dag pa lha'i grong khyer:_ma bcos don gyi lha mchog la:_tshad med sgo bzhi dbye bas 'jug:_b+h+rUM pra we sha ya phaTa?:_dkyil 'khor gyi sgo bzhi shag gis phyes par mos shig_/ces byas la yol ba bsal ba ni phyi 'jug go_/dkyil 'khor gsum la phyag 'tshal bar mos la 'di'i rjes zlos mdzod/_hoH_lha dang rang sems bzang ngan bral:_gnyis med rang snang spyi dpal che:_e ma ngo mtshar rmad byung ba:_rdo rje'i lta ba'i phyag gis 'dud:_a la la hoH_gnyis pa nang 'jug ni/_slob dpon gyi phyag gi rdo rje phyed byin te/_dzaHhU~M ba~M hoH_zhes brjod pas 'dod snam gyi steng nas lan gsum bskor te/_shar sgo'i nang du zhugs par mos shig_/sngar gtad pa'i me tog de dkyil 'khor gyi lha tshogs la phyag rten du 'bul snyam pas thal sbyar bar du bzung bas 'di'i rjes zlos mdzod/_dur khrod gsang ba mchog gi dkyil 'khor du:_rin chen byang chub sems kyi me tog 'di:_sku gsung thugs kyi dbyings su bdag 'bul gyis:_dngos grub rnam gnyis bdag la bstsal du gsol:_bo d+hi tsit+ta a pra ti pU dza hoH_zhes brjod de me tog 'dor du bcug nas dbus dang phyogs mtshams gang du bab pa brtags la rigs dang mthun pa'i gsang mtshan/_rdo rje phrin las grub pa rtsal/_bde gshegs snang mdzad dgyes pa rtsal sogs btags/_de ltar khyed rang rnams kyi me tog dbus dang phyogs mtshams gang du phog kyang 'dra ste/_dkyil 'khor lha tshogs kun gyi khyab bdag dpal chen gtso bo'i thugs ka kho nar bab pa yin te/_'khor gyi dkyil 'khor thams cad kyang gtso bo'i ye shes kyi rang mdangs gang 'dul gyi rol par 'char ba yin pa'i phyir/_khyed cag rnams kyi lha skal du yi dam dpal chen rdo rje gzhon nu nyid bsnyen cing sgrub par bya/_lha dang mi 'bral zhing rang rgyud byin gyis brlab pa'i brdar me tog de nyid dbang rtags su spyi bor bcing pa'i mos pa mdzod/_pra tIts+tsha gr-ih+na s+t+waM i maM satwa ma hA ba la/_zhes me tog spyi bor bcings/_mig dar dang lhan cig tu ma rig pa'i ling thog kyang bsal ba'i mos pa mdzod/_hU~M:_sngon gyi rgyal ba mig mkhan gyis:_gzung 'dzin rab rib bsal ba ltar:_bu khyod kyi ni mi shes pa'i:_rab rib nga yis bsal bar bya:_badz+ra tsak+Shu pra be sha ya phaTa?:_ces mig dar dbye/_dkyil 'khor bstan pa ni/_hoH_bu khyod rtsol sems ma chung zhig:_rang byung ye shes phyi nang med:_zang thal bla med yi dam lha:_rang la rtag tu gnas pa'i phyir:_phyi nang gsang ba de kho na'i:_dkyil 'khor bzang po 'di la ltos:_sngags dang phyag rgya'i dngos grub thob:_rtag tu dam tshig gnyan po srungs:_sa ma ya i dan na ra kan:_'dir spro na rten dang brten pa'i mngon rtogs rgyas par brjod/_bsdu na/_mdun gyi dkyil 'khor srung ba'i gur khang dur khrod brgyad dang bcas pa gzung 'dzin 'khrul rtog gi bdud bcom zhing tshogs brgyad dag pa'i dbus su dur khrod 'bar ba'i gzhal yas khang rgyan dang mtshan nyid yongs su rdzogs pa byang chub phyogs kyi chos rnam par dag pa'i nang du/_nga bdag nyon mongs dag pa ru tra la sogs pa'i gdan la dkyil 'khor gtso bo rdo rje gzhon nu dbu dgu sgeg gtum dpa' ba'i nyams kyis brjid pa'i mtshan dpe'i dpal du 'bar zhing*/_phyag bco brgyad kyis 'jigs pa'i mtshon cha rnam pa sna tshogs 'dzin pa/_dpal dang dur khrod rol pa'i chas kyis brjid pas sbyor yum 'khor lo rgyas 'debs sku la 'khril zhing sgrol yum e ka dzA Tis g.yon nas bsten pa ni sangs rgyas thams cad 'dus pa'i bdag nyid can/_yid chos rnam par dag pa'i rang bzhin/_rtsibs bcu la sa bcu'i dbang phyug zhing bcu sgrol ba'i phyir khro bo bcu zhal gsum phyag drug gar gyi nyams dgus dpa' zhing dpal dang dur khrod kyi chas kyis spras pa la mi dge ba bcu gnas su dag nas phar phyin bcu'i don mthar phyin pa'i khro mo bcus mnyam par sbyor ba/_nyon mongs pa nyi shu rnam par dag pa'i phra thabs nyi shu g.yas g.yon du 'gyed pa/_dkyil 'khor grwa bzhir sku gsung thugs ye shes rdo rje'i bdag nyid can kI la ya rigs bzhi sku stod khro bo la/_sku smad phur bu'i dbal dgra bgegs kyi snying la zug pa ni rdo rje bzhi yi ye shes kyi bdag nyid/_gtso bo'i mdun dang g.yas g.yon du zla gam gsum du srid pa gsum gyi gdug can sgrol byed 'bar ba'i sras mchog nyer gcig_/sgo bzhir phrin las bzhi sgrub pa'i gdong can ma bzhi/_nang dang phyi yi khyams la phung khams rtog tshogs rnam par dag pa dam can phur srung pho nya'i rang bzhin du gyur pa ste/_mdor na slob dpon lus dkyil dang bcas pa bdag nyid rtsa ba'i dkyil 'khor/_de'i 'khor du phyogs bcu'i khro bo'i dkyil 'khor/_mdun gyi dkyil 'khor mtshan ma rdzas kyi dkyil 'khor te ye shes rang snang gcig las tha dad pa'i tshul gyis chu zla'i gzugs brnyan bzhin shar ba de nyid mngon sum du mjal bas mtshon byed dpe yi dkyil 'khor des/_mtshon bya rang byung gi ye shes kyi dkyil 'khor mthong ba'i rgyur byas te phyi nang gi 'dzin rtog thams cad lha dang ye shes kyi rol par shar ba'i mos pa mdzod/_de dag gis 'jug pa'i chos 'khor dang bcas pa song bas lam lnga las dad pa'i sa tshogs kyi lam gyi rtogs pa rgyud la skye ba'i mthu dang ldan par byas pa'o/__/dbang dngos gzhi la bum dbang*/_gsang dbang*/_shes rab ye shes/_bzhi pa tshig dbang rnams su yod pa las/_bum dbang la'ang slob ma dang*/_slob dpon gyi dbang gnyis las/_dang po rdo rje slob ma'i dbang zhu ba'i yon du maN+Dal phul/_gsol ba 'debs pa 'di'i rjes zlos mdzod/_he ru ka dpal bla ma dgongs:_bdag cag rdo rje'i rigs can du:_bsgrub pa skal pa shin tu bzang:_'jug cing smin pa'i bka' drin stsol:_lan gsum brjod/_dngos gzhi mngon par dbang bskur ba sgrub par byed pa la/_rigs pa'i dbang lnga'i thog mar mi bskyod pa chu yi dbang gi don du dmigs pa 'di bzhin du mdzod/_swa b+hA wa sogs/_slob ma dang dbang rdzas bum pa stong pa'i ngang las pad nyi la gnas pa'i hU~M las rdo rje hU~M gis mtshan pa las/_badz+ra he ru ka yab yum sku mdog mthing nag_/rdo rje dang dril bu 'dzin pa/_dur khrod kyi chas thams cad rdzogs pa'o/__/dpral bar oM/_mgrin par AH_thugs kar hU~M/_ye shes pa badz+ra sa mA dzaH_dzaHhU~M ba~M hoH_gnyis su med par thim/_dbang rdzas kyi lha zhu ba las ye shes kyi bum chur gyur pa slob dpon dang dkyil 'khor gyi gtso bo dbyer med pas thogs te bkra shis pa'i rnam pa du ma dang bcas te khyed rang rnams la dbang bskur ba'i mos pa mdzod/_slob dpon gyis rnam rgyal bum pas dbang bskur te/_hU~M:_zhe sdang bdud 'joms he ru ka:_badz+ra spyi dpal me long gi:_ye shes bum chu'i dbang bskur bas:_sgrib dag skal pa mchog ldan shog:_oM a b+hi She ka te sa ma ya shrI ye hU~M:_bum chu sbyin zhing zegs ma spyi bor 'thor ba dang bcas/_zhes gsung zhing bum pa'i chus spyi bo nas dbang bskur/_sku gang*/_dri ma dag_/chu'i lhag ma yar lud pa las mi bskyod pas dbu brgyan par gyur/_de ltar na khyed rang rnams kyis mi bskyod pa'i sgo nas chu'i mngon par dbang bskur ba thob/_zhe sdang dag_/rnam par shes pa'i phung po gnas gyur/_me long lta bu'i ye shes mngon du gyur/_mi bskyod pa'i bag chags dang sa bon rgyud la bzhag go_/rin chen 'byung ldan cod pan gyi dbang gi don du dmigs pa 'di bzhin du mdzod/_swa b+hA wa sogs/_slob ma dang dbang rdzas dbu rgyan dang dar dpyang stong pa'i ngang las pad nyi la gnas pa'i trA~M las rin po che trA~M gis mtshan pa las rat+na he ru ka yab yum sku mdog ser nag rin po che dang dril bu 'dzin pa/_dur khrod kyi chas thams cad rdzogs pa'o/__/dpral bar oM/_mgrin par AH_thugs kar hU~M/_ye shes pa badz+ra sa mA dzaH_dzaHhU~M ba~M hoH_gnyis su med par thim/_dbang rdzas kyi lha zhu ba las dbu rgyan dar dpyang dang bcas par gyur pa slob dpon dang dkyil 'khor gyi gtso bo dbyer med pas thogs te bkra shis pa'i rnam pa du ma dang bcas te khyed rang rnams la dbang bskur ba'i mos pa mdzod/_rin po che'i dbu rgyan spyi bor bcings te/_trA~M:_nga rgyal bdud 'joms he ru ka:_rat+na spyi dpal ye shes kyi:_phyag rgya dbu rgyan dbang bskur bas:_mnyam nyid rtogs pa'i dbang thob shog:_rat+na mu ku Ta a b+hi Shiny+tsa trA~M:_mtha' rten bum pa'i chus spyi bo nas dbang bskur ba'i mos pa mdzod/_oM badz+ri b+ha wa a b+hi Shiny+tsa hU~M/_zhes rnam rgyal bum pa'i chu ku shas 'thor la/_zhes gsung zhing bum pa'i chus spyi bo nas dbang bskur/_sku gang*/_dri ma dag_/chu'i lhag ma yar lud pa las rna ltag g.yas su rin chen 'byung ldan gyis dbu brgyan par gyur/_de ltar na khyed rang rnams kyis rin chen 'byung ldan gyi sgo nas dbu rgyan gyi mngon par dbang bskur ba thob/_nga rgyal dag_/tshor ba'i phung po gnas gyur/_mnyam pa nyid kyi ye shes mngon du gyur/_rin chen 'byung ldan gyi bag chags dang sa bon rgyud la bzhag go_/snang ba mtha' yas rdo rje'i dbang gi don du dmigs pa 'di bzhin du mdzod/_swa b+hA wa sogs/_slob ma dang dbang rdzas rdo rje stong pa'i ngang las pad nyi la gnas pa'i hrIHlas pad+ma hrIHsa mtshan pa las pad+ma he ru ka yab yum sku mdog dmar nag_/pad+ma dang dril bu 'dzin pa/_dur khrod kyi chas thams cad rdzogs pa'o/__/dpral bar oM/_mgrin par AH_thugs kar hU~M/_ye shes pa badz+ra sa mA dzaH_dzaHhU~M ba~M hoH_gnyis su med par thim/_dbang rdzas kyi lha zhu ba las rdo rjer gyur pa slob dpon dang dkyil 'khor gyi gtso bo dbyer med pas thogs te bkra shis pa'i rnam pa du ma dang bcas te khyed rang rnams kyi lag pa g.yas su gtad de dbang bskur ba'i mos pa mdzod/_rdo rje lag g.yas su gtad/_hrIH_'dod chags bdud 'joms he ru ka:_pad+ma spyi dpal sor rtog gi:_ye shes rdo rje'i dbang bskur bas:_rjes chags dbang gi don rtogs shog:_badz+ri b+ha wa a b+hi Shiny+tsa hrIH_mtha' rten bum pa'i chus spyi bo nas dbang bskur ba'i mos pa mdzod/_badz+ri b+ha a b+hi Shiny+tsa hU~M/_zhes rnam rgyal bum pa'i chu ku shas 'thor/_zhes gsung zhing bum pa'i chus spyi bo nas dbang bskur/_sku gang*/_dri ma dag_/chu'i lhag ma yar lud pa las ltag par snang ba mtha' yas kyis dbu brgyan par gyur/_de ltar khyed rang rnams kyis snang ba mtha' yas kyi sgo nas rdo rje'i mngon par dbang bskur ba thob/_'dod chags dag_/'du shes kyi phung po gnas gyur/_so sor rtog pa'i ye shes mngon du gyur/_snang ba mtha' yas kyi bag chags dang sa bon rgyud la bzhag go_/don yod grub pa dril bu'i dbang gi don du dmigs pa 'di bzhin du mdzod/_swa b+hA wa sogs/_slob ma dang dbang rdzas dril bu stong pa'i ngang las pad nyi la gnas pa'i AHlas dril bu AHsa mtshan pa las karma he ru ka yab yum sku mdog ljang nag ral gri dang dril bu 'dzin pa/_dur khrod kyi chas thams cad rdzogs pa'o/__/dpral bar oM/_mgrin par AH_thugs kar hU~M/_ye shes pa badz+ra sa mA dzaH_dzaHhU~M ba~M hoH_gnyis su med par thim/_dbang rdzas kyi lha zhu ba las dril bur gyur pa slob dpon dang dkyil 'khor gyi gtso bo dbyer med pas thogs te bkra shis pa'i rnam pa du ma dang bcas te khyed rang rnams kyi lag pa g.yon du gtad de dbang bskur ba'i mos pa mdzod/_dril bu dkrol zhing lag g.yon du gtad la/_AH_phrag dog bdud 'joms he ru ka:_karma spyi dpal bya ba grub:_shes rab dril bu'i dbang bskur bas:_don gnyis rdzogs pa'i gnas thob shog:_karma gaN+De a b+hi Shiny+tsa aH_mtha' rten bum pa'i chus spyi bo nas dbang bskur ba'i mos pa mdzod/_badz+ri b+ha wa a b+hi Shiny+tsa hU~M/_zhes rnam rgyal bum pa'i chu ku shas 'thor/_zhes gsung zhing bum pa'i chus spyi bo nas dbang bskur/_sku gang*/_dri ma dag_/chu'i lhag ma yar lud pa las rna ltag g.yon du don yod grub pas dbu brgyan par gyur/_de ltar khyed rang rnams kyis don yod grub pa'i sgo nas dril bu'i mngon par dbang bskur ba thob/_phrag dog dag_/'du byed kyi phung po gnas gyur/_bya ba grub pa'i ye shes mngon du gyur/_don yod grub pa'i bag chags dang sa bon rgyud la bzhag go_/rnam par snang mdzad ming gi dbang gi don du dmigs pa 'di bzhin du mdzod/_swa b+hA wa sogs/_slob ma dang dbang rdzas rdo rje dang dril bu stong pa'i ngang las pad nyi la gnas pa'i oM las 'khor lo oM gyis mtshan pa las bud+d+ha he ru ka yab yum sku mdog smug nag_/'khor lo dang dril bu 'dzin pa/_dur khrod kyi chas thams cad rdzogs pa'o/__/dpral bar oM/_mgrin par AH_thugs kar hU~M/_ye shes pa badz+ra sa mA dzaH_dzaHhU~M ba~M hoH_gnyis su med par thim/_dbang rdzas kyi lha zhu ba las rdor dril bsnol mar gyur pa slob dpon dang dkyil 'khor gyi gtso bo dbyer med pas thogs te bkra shis pa'i rnam pa du ma dang bcas te khyed rang rnams la dbang bskur ba'i mos pa mdzod/_rdor dril bsnol ma spyi bor bzung ste dkrol la/_oM:_gti mug bdud 'joms he ru ka:_bud+d+ha spyi dpal chos kyi dbyings:_rdo rje'i ming gi dbang bskur bas:_rigs kyi 'khor lor nges par shog:_kyai bai ro tsa na oM a b+hi Shiny+tsa hU~M:_sngar byin pa'i gsang ba'i ming gi thog ma kyai dpal/_mthar de bzhin gshegs pa'o/__/zhes dril bsgrags mthar/_mtha' rten bum pa'i chus spyi bo nas dbang bskur ba'i mos pa mdzod/_badz+ri b+ha wa a b+hi Shiny+tsa hU~M/_zhes rnam rgyal bum pa'i chu ku shas 'thor/_zhes gsung zhing bum pa'i chus spyi bo nas dbang bskur/_sku gang*/_dri ma dag_/chu'i lhag ma yar lud pa las spyi bo la rnam par snang mdzad kyis dbu brgyan par gyur/_de ltar khyed rang rnams kyis rnam par snang mdzad kyi sgo nas ming gi mngon par dbang bskur ba thob/_gti mug dag_/gzugs kyi phung po gnas gyur/_chos kyi dbyings kyi ye shes mngon du gyur/_rnam par snang mdzad kyi bag chags dang sa bon rgyud la bzhag go_/de ltar dbang lnga bskur bas/_nyon mongs lnga ye shes lngar gyur/_phung po lnga rgyal ba rigs lnga'i ngo bor sangs rgyas pa yin no/__/de rnams kyi slob ma'i dbang bskur ba song nas/_rdo rje slob dpon gyi dbang bskur ba'i don du maN+Dal phul/_gsol ba 'debs pa 'di'i rjes zlos mdzod/_kye ho khyod kyi bka' drin gyis:_bdag la rang dang gzhan gyi don:_rdzogs phyir rdo rje slob dpon dbang:_thugs rje'i stobs dang ldan pas byin:_lan gsum/_de ltar gsol ba btab nas dmigs pa 'di bzhin du mdzod/_dbang stegs kyi steng du khyed rang rnams rdo rje gzhon nu shes rab ma dang bcas pa'i skur gyur te/_steng du gdugs dkar po/_mtha' bskor du mchod pa'i sprin gyi phung po dang bcas pa'o/__/hU~M las byung ba'i rdo rje dang*/_a las byung ba'i dril bu phyag g.yas g.yon du byin pas dam tshig gsum po chabs cig byin pa'i mos pa mdzod/_rdo rje lag g.yas su gtad cing gsor la/_rdo rje 'di ni thabs chen po:_sku yi dbang gi mchog yin te:_bde ba chen po'i ye shes kyi:_de nyid shes pas khyod kyis longs:_ma hA badz+ra hoH_dril bu lag g.yon du gtad pa dkrol zhing dkur bsten te/_chos nyid skye med stong pa nyid:_'gag pa med pa'i sgra gdangs bcas:_rang byung gsung ste gsung gi mchog:_mtshon par byed pa'i dbang yang sbyin:_ma hA gaN+De hoH_rdor dril thugs kar bsnol te bzung la/_e ma rdo rje sems dpa' che:_dkyil 'khor kun gyi dbang phyug gtso:_khyod ni rtag tu bde chen te:_bcom ldan snyems mar rol pas dgyes:_oM sarba ta thA ga ta ma hA a nu rA ga na dz+nyA badz+ra swa b+hA wa at+ma ko\u0f85haM:_dbang gi nus pa yongs su rdzogs pa'i phyir slob dpon dang dkyil 'khor gyi lha tshogs dbyer med pas slar yang rnam rgyal bum pa'i chus dbang bskur ba'i mos pa mdzod/_rnam bum btegs la/_hU~M:_bum pa rang byung gzhal yas khang:_nang bcud rigs lnga'i he ru ka:_bde chen byang chub sems kyi chus:_rigs kyi bu la dbang bskur ro:_oM sarba ta thA ga ta a b+hi She ka te sa ma ya shrI ye hU~M:_/de ltar bum pa'i chus spyi bo nas dbang bskur/_sku gang*/_dri ma dag_/chu'i lhag ma yar lud pa las mi bskyod pa he ru kas gtsor mdzad pa'i khro bo rigs lngas dbu brgyan pa la slob dpon gyis mchod pas mchod pa'i mos pa mdzod/_ar+g+haM sogs/_de ltar dbang yongs su rdzogs pa'i mthar/_rang don du dkyil 'khor sgrub mchod/_gzhan don du dbang bskur rgyud 'chad nyan/_gnyis ka'i don du rab gnas sbyin sreg sogs dkyil 'khor gyi las rab 'byams sgrub pa'i yo byad rnams gtad de mnga' gsol ba'i mos pa mdzod/_rjes gnang gi chas dung dang phyag shing sogs gtad la/_bu khyod khams gsum las rgyal ba'i:_chos kyi rgyal po nyid yin pas:_rang dang gzhan gyi don chen phyir:_slob ma'i tshogs kun bsdu bar gyis:_rtag tu chos kyi 'khor lo bskor:_las rnams ma lus kun gyis shig:_slob dpon dbang gi lha dang bcas pas me tog 'thor zhing khams gsum chos kyi rgyal por mnga' gsol zhing rab tu gnas par mos mdzod/_ye d+har brjod cing me tog 'thor/_de dag gis khyed rnams kyi rgyud la slob dpon gyi dbang yan lag dang bcas pa thob pa yin pas dkyil 'khor bri ba dang rab tu gnas pa dang slob ma bsdu ba sogs las rab 'byams sgrub par gyis shig_/de ltar rdul tshon gyi dkyil 'khor du bum pa'i dbang bskur thob pas bskyed rim srid pa phur bu'i rnal 'byor spros pa dang bcas pa sgom pa la dbang*/_lam lnga las sbyor lam gyi rtogs pa rgyud la skye ba'i mthu dang ldan par byas/_lus kyi dri ma dag_/sprul pa'i sku 'grub pa'i rten 'brel 'grig pa yin no/__/zhes rtogs pa bskyed/_gsang ba'i dbang bskur zhu ba'i don du maN+Dal phul/_gzugs dang lang tshos brgyan pa'i gzungs ma phyag rgya'i don du phul bar mos la gsol ba 'debs pa 'di'i rjes zlos/_bde ba rdo rje gzhon nu ni:_stong nyid shes rab rgyas 'debs sbyor:_zung 'jug bla ma he ru kas:_bdag cag smin par mdzad du gsol:_lan gsum/_slob dpon dkyil 'khor gyi gtso bo bcom ldan 'das yab yum thabs shes gnyis su med pa'i cho gas bde ba chen po'i nyams skyed/_thugs ka'i hU~M gi 'od zer gyis spyan drangs pa'i bde bar gshegs pa rnams zhal du zhugs/_oM sarba ta thA ga ta ma hA a nu rA ga Na dz+nyA na badz+ra swa b+hA wa at+ma ko\u0f85haM/_thugs kar byang chub sems su zhu/_sku yi dbyibs brgyud de slob ma'i lce thog tu bzhag par mos la/_b+han+d+ha'i bdud rtsi lce thog tu bzhag la/_e ma hoH_sangs rgyas kun gyi gsang ba ni:_lhag pa'i byang chub sems chen po:_de ring bu la sbyin par bya:_rtog pa bral bas rol cig bu:_slob mas bdud rtsi myang ste/_a ho ma hA su kha hoH_zhes rjes zlos byar gzhug_/de ltar byang chub sems kyi bdud rtsi myangs bas lus kyi rtsa khams thams cad bde bar smin/_rang bzhin brgyad cu'i rtog pa 'gags/_/gsal stong bde bas brgyan pa'i ting nge 'dzin rgyud la skyes par mos te nga rgyal bzung ba 'di'i rjes zlos mdzod/_de ring sangs rgyas kun dang mnyam/_/bdag gi bsod nams skal pa ni/_/dpal ldan yon tan kun gyi rgyan/_/rdo rje gzhon nu'i bdag nyid do/__/slob dpon dkyil 'khor gyi gtso bo mchog gi sprul sku shAkya'i dbang po'i rnam par bzhengs nas khyed rang rnams byang chub mchog tu lung bstan par mos mdzod/_zhwa phud/_snam sbyar bzhes/_chos gos kyi grwa nas bzung ste rdor dril lhan cig bzung ba slob ma'i spyi bor bzhag la/_kye/_rdo rje phrin las grub pa rtsal/_/zhes bya ba'i de bzhin gshegs pa'o/__/oM sarba ta thA ga ta b+hur+b+hu wa swa/_'di ltar ngas lung bstan pas phyogs bcu'i sangs rgyas byang chub sems dpa' thams cad dang dkyil 'khor gyi lha tshogs thams cad kyis mgrin gcig tu lung bstan par mdzad pa 'di ni sngags 'di dang phyag rgya 'di'i mthu'o/_/zhes brjod la snam sbyar dang rdor dril bzhag_de ltar slob dpon gyi lus kyi dkyil 'khor du gsang ba byang chub sems kyi bdud rtsis dbang bskur ba thob pas rdzogs rim bde chen byang chub sems kyi phur pa rang lus bde ba chen po'i rnal 'byor sgom pa la dbang*/_lam lnga las don dam byang chub kyi sems bskyed pa mthong lam sa dang po'i rtogs pa rgyud la skye ba'i mthu dang ldan par byas/_ngag gi dri ma dag_/longs spyod rdzogs pa'i sku 'grub pa'i rten 'brel 'grig pa yin no/__/shes rab ye shes kyi dbang bskur zhu ba'i don du maN+Dal phul/_gsol ba 'debs pa 'di'i rjes zlos mdzod/_bdag ni theg chen chos la spyod:_rtag tu bde ba chen por 'dod:_bla med thabs kyi lam mchog tu:_smin pa'i skal bzang mdzad du gsol:_lan gsum/_khyed rang rnams la slob dpon gyi thugs ka nas spros pa'i rig ma lo bcu drug lon cing lang tsho phul du byung ba mtshan nyid yongs su rdzogs pa byin par mos mdzod/_e ma bde ba thams cad kyi:_'byung gnas rdo rje sna tshogs gzugs:_bde mchog skyed byed deng gtad pas:_rtog pa bral bas rol cig bu:_ma hA sa mu dra hoH_de ltar gtad pa'i phyag rgya khyed rang rnams kyi mdun du byon nas bde dga' spel ba'i sgyu rtsal dang bcas gsang ba'i chu skyes bstan nas 'di skad gsung par mos mdzod/_bu kye nga yi pad+ma 'dis:_mchog tu zab pa'i ye shes ston:_sangs rgyas thams cad 'di las byung:_khyod ni yang dag lam 'dod na:_gus pa'i tshul gyis bsten nus sam:_gshang gci khu ba khrag dang bcas:_rtog pa bral bar rol 'dod dam:_zhes dris pa la lan gsol bar mos la 'di'i rjes zlos mdzod/_e ma ho rmad du byung ba'i lam:_gsang ba bas kyang ches gsang ba:_bdag gis thob par shin tu 'dod:_rtogs par dka' ba'i ye shes de:_bdag gis 'dod pas khyod la gus:_gtsang dang dme ba rtog pa tsam:_thams cad mnyam par rol la spro:_zhes zhus pas dngos grub mchog gi rigs can du dgongs nas dgyes pa'i tshul gyis pang du byon par mos/_rig ma de nyid dgyes te rgyan dang bral ba lus nam mkha'i gos can du byas la gur gum dang sman dri zhim pos byug_/chu skyes kyi rtsa mdzes pa'i b+ha ga bstan nas pad+ma'i che ba brjod par mos/_slob dpon gyis rig ma'i lag g.yon pa khyed rang rnams kyi lag g.yas su gtad de rig ma'i brtul zhugs byin par mos mdzod/_khyed rang rnams dpal chen po rdo rje gzhon nu dang*/_rig ma 'khor lo rgyas 'debs mar gsal ba'i yab kyi gsang gnas hU~M las rdo rje sngon po hU~M gis mtshan pa'i nor bur oM/_rtse mor phaTa? dang bcas pa/_yum gyi mkha' a las pad+ma as mtshan pa/_yab kyi rdo rje nor bu'i rtsa bar rtsa gsum 'dus pa'i rtsa g.yas la oM dkar po/_g.yon la AHdmar po/_dbus su hU~M mthing nag_/yab yum 'khyud pa dang tsum+ba na dang*/_gsang gnas sbyar ba'i 'dod chags chen pos me'i drod skyes te thig le'i dwangs ma rnams zhu/_khyed rang gi spyi bo nas 'khor lo bzhi brgyud de rdo rje nor bu'i rtsa bar byon pas dga' ba/_dbus su byon pas mchog dga'/_rtsa gsum 'dom pa'i gnas su byon pas dga' bral gyi dga' ba/_rdo rje nor bu'i rtse mor byon pas mthar thug lhan cig skyes pa'i ye shes mngon du byas par mos te cung zad mnyam par zhog_/phyir ba thag tsam yang ma 'dzag par byas te rlung 'pho ba med pa'i gdangs dang bcas hU~M zhes drangs/_yab yum so so'i lte ba'i rtsa 'khor gang bas dga' ba/_yar drangs pa snying ga'i rtsa 'khor gang bas mchog dga'/_yar drangs pa mgrin pa'i rtsa 'khor gang bas dga' bral gyi dga' ba/_yar drangs pa spyi bo'i rtsa 'khor gang bas lhan cig skyes pa'i ye shes mngon du byas par mos la lus kyi 'khrul 'khor dang*/_rlung dang spyod lam gyi sgo nas lus thams cad la khyab par dgram pa la brten lus thams cad la rtsas khyab/_rtsa thams cad la byang chub sems kyis khyab/_de thams cad la bde ba dang stong pa zung 'jug gis khyab pa ste/_bde stong zung 'jug rnam par mi rtog pa'i ngang la cung zad mnyam par 'jog par zhu/_de ltar tha mal gyi rtog pa spangs nas lha sngags chos nyid kyi thabs mkhas su bsgyur nas rjes chags snyom 'jug bde ba chen po la brten nas zhu bde lhan cig skyes pa mngon du byas te/_de'i mthus srid pa'i sdug bsngal las 'das nas bde chen rdo rje sems dpa' nyid du nges par 'tshang rgya bar 'gyur ro/__/des kun rdzob byang chub sems kyi dkyil 'khor du shes rab ye shes kyi dbang thob/_lam gzhan lus bde chen pho nya'i rnal 'byor zab mo sgom pa la dbang*/_lam lnga las rgyu yi theg pa mthar phyin pa sgom lam kun tu 'od kyi rtogs pa skye ba'i mthu dang ldan par byas/_yid kyi dri ma dag_/chos kyi sku 'grub pa'i rten 'brel 'grig pa yin no/__/tshig dbang rin po che zhu ba'i don du maN+Dal phul/_gsol ba 'debs pa 'di'i rjes zlos mdzod/_bla ma dpal chen kun tu bzang:_srid zhi'i spyi dpal dgongs su gsol:_bla med 'od gsal snying po'i lam:_mngon sum bdag la bstsal du gsol:_lan gsum/_khyed rang rnams kyis brgyud gsum rig 'dzin bla ma'i tshogs la mos gus rtse gcig gis bla slob lhan cig pas gsol ba 'di ltar thob/_ces brda sbyar/_brgyud 'debs dpon slob lhan nas btang*/_bla ma dpal chen po dngos su gsal bas tha mal gnyis snang gi bgegs rigs dbyings su bskrad par mos la lta stangs sdig mdzub dang bcas phyogs kun tu gtad la ha ha zhes pas rdo rje'i gad mo sgrogs/_rig pa gsal stong gnyis med mtshon pa'i brdar rdo rje sems dpa'i me long 'phyar zhing*/_dgongs pa rtse gcig tu gtad de dbang bskur ba yin pas/_bla ma'i thugs kar a yig mthing gsal nam mkha'i mdog can zhig 'od tse re gnas pa la sems gtod cig_/shel rdo phyar la/_a:_da lta'i shes pa blo bral 'di:_zang thal kun khyab sa le ba:_rig stong chos sku'i dgongs pa 'di:_nges don rdo rje gzhon nu yin:_a a a:_dus gsum rtog pa las 'das pa'i:_skye 'gag gnas bral chos kyi dbyings:_rnam thar gsum dang 'du 'bral med:_e ka 'khor lo rgyas 'debs so:_a a a:_rig rtsal khyab brdal chen po ni:_khro bcu yab yum phra thabs dang:_sras mchog sgo ma dam can te:_kun kyang rang sems nyid du rdzogs:_a a a:_ngo bo stong nyid rdo rje sems:_rang bzhin 'od gsal kI la ya:_thugs rje kun khyab las kyi lha:_bde gshegs snying po'i dkyil 'khor te:_bu khyod skal pa bzang bas mthong:_lha bdag gnyis med lta ba ste:_rang snang rang shar sgom pa'i mchog:_shugs 'byung 'gag med spyod pa'i klong:_thig le gcig tu ye nas rdzogs:_don 'di rtogs na srid zhi'i chos:_kun kyang srog 'dis dbang byed pas:_dgongs pa mi 'gyur don gyi gzer:_rgyud lung man ngag thams cad 'dus:_a a a d+harma d+hA tu a hoH_zhes tshig gis ngo sprad de/_sngar dbang gsum pa'i skabs shes rab ma dang sbyor bas dpe las skyes pa'i ye shes myong ba dran par byas te de'i rang ngo la bltas pas gdod nas dag pa'i chos nyid ngo bo stong pa shel lta bu las/_rang bzhin 'od gsal 'ja' tshon ltar 'gag med du gsal ba'i zung 'jug rig pa'i ye shes de kho na dngos su mthong ba'i don la mnyam par zhog cig_/cung zad bzhag mthar slob dpon gyis/_phaTa?/_drag tu brjod/_de lta bu'i chos nyid kyi rang gshis dpe dang tshig las 'das kyang lus sku gsum gyi bzhugs stangs/_mig gzigs stangs kyis gcun pa'i sgo yul rlung rig gi gnad la brten nas 'od gsal sgron ma bzhi'i snang ba la longs spyod pas phyi nang sems kyi zag pa thams cad nang dbyings chen po'i klong du zad pa kun bzang rdo rje sems dpa'i ye shes kyi gsang lam ngo sprad pa'i slad du khyed rang rnams lus seng ge'i 'dug stangs su bcos/_mig bar snang du ha re gtod la chos nyid kyi rang ngo la gcer gyis ltos shig_/shel rdo dang rma bya'i mdongs bstan te/_a:_snying dbus ye shes rin po che'i:_tsit+ta 'od kyi gur khang na:_'od gsal snang ba bsam mi khyab:_sku gsum sgron ma brda 'dis bstan:_a a a a a:_zhes brjod la cung zad mnyam par bzhag_de ltar snang srid 'khor 'das kyi bsdus pa'i chos thams cad skye 'gag gnas gsum dang bral ba/_bsam brjod kyi yul las 'das shing*/_rnam thar sgo gsum gyi mtshon byed can de nyid rang gi sems bde stong gi ngo bor shar ba/_lhan skyes phyag rgya chen po rang byung gi ye shes dang gnyis su med pa yin no/__/des khyed rang rnams la don dam ye shes kyi dkyil 'khor du bzhi pa tshig dbang rin po che thob pas rig pa ye shes kyi phur bu rdo rje lta bu'i ting nge 'dzin sgom pa la dbang*/_lam lnga las 'bras bu'i theg pa mthar phyin pa mi slob pa'i lam bcu gsum rdo rje 'dzin pa'i rtogs pa rgyud la skye ba'i mthu dang ldan par byas/_lus ngag yid gsum gyi dri ma bag chags dang bcas pa dag_/ngo bo nyid kyi sku 'grub pa'i rten 'brel 'grig pa yin no/__/mtshams sbyor spyi ltar byas la bkra shis kyi tshigs bcad rgyas par brjod cing me tog 'thor la rol mo bsgrags/_'og gi don dbang dang gtor dbang rnams sbrel nas byed na khrus dang bgegs bskrad don dbang gi lo rgyus/_maN+Dal 'bul ba dam bzhag bar mi dgos/_byin 'bebs man chad dkyus ltar gyi don dbang rdzogs pa dang gtor dbang sbyar zhing shis brjod nas 'di bzhin mthar dbyung dgos so/_de dag gis paN grub lnga brgya'i gtsug rgyan bi ma la mi tras gsang sngags chu bo bzhi yi bka' bab gcig 'dus gnyags lo tsA ba chen po dz+nyA na ku mA ra la snyan brgyud gsang ba'i mnog chos su bstsal ba'i rdo rje phur pa'i dkyil 'khor chen po'i stod las byang chub sgrub pa'i dbang bskur rgyas pa legs par grub pa yin pas/_dbang gi srog gam gzhi rten du gyur pa/_spyi dang khyad par lhag pas bsdus pa'i rtsa ba dang yan lag gi sdom pa dang dam tshig mtha' dag tshul bzhin du srung bar bgyi'o snyam pas 'di'i rjes zlos mdzod/_gtso bos ji ltar sogs/_gtang rag maN+Dal/_lus longs spyod 'bul ba/_dge ba bsngo ba rnams mtshams sbyor spyi 'gro ltar byas la slob ma gyes so/__/gnyis pa rjes kyi las rim ni/_slob dpon gyis las gzhung ltar tshogs la rol zhing lhag ma btang*/_smon lam gdab/_chad tho brtan skyong rta bro bcas song nas/_gtang rag gi mchod bstod rgyas bsdus gang lcog sbyar/_nongs bshags dang*/_mdun bskyed kyi ye shes pa ras bris la brtan bzhugs/_dam tshig pa rang la bsdu/_bdag bskyed 'od gsal gyi dbyings su bsdu zhing zung 'jug sgyu ma'i lha skur ldang*/_bsngo ba smon lam bkra shis rnams mthar chags su btang bas legs par grub bo/__!__gnyis pa dbang bskur 'bring po don dbang snying po'i tshul du 'bog na/_mtshan ma'i dkyil 'khor gnyis ji ltar 'byor pa'i steng many+dzi'i khar rnam bum rgyan ldan/_lha tshogs yongs rdzogs kyi sku tsaka_/rak+sha'i sngags phreng*/_phyag mtshan rdo rje/_dpal gyi chas bcu/_sha khrag rus gsum/_gsang thod/_rig tsaka_/shel rdo bcas 'du byas la/_las byang gi gzhung bsrangs nas bsnyen sgrub las kyi bzlas pa'i 'jug tu bum pa gnyis ka sta gon ltar sgrub/_tshogs mchod bar dkyus ltar grub rjes/_slob ma rnams la khrus bya/_gral du 'khod pa na bgegs gtor btang*/_srung 'khor bsgom/_me tog bkye bsdu grub pa dang*/_de la 'dir bsgrub bya'i lha chen po rdo rje gzhon nu 'di ni byang chub sems dpa'i tshul du gsang ba'i bdag po/_rgyud sde chen po bzhi ka'i las rab 'byams sgrub pa'i lha rdo rje rnam par 'joms pa/_nyams grib dang mi gtsang ba kun sel byed khro rgyal sme ba brtsegs pa/_srung ba'i lha mchog gtsug tor 'khor los bsgyur ba/_rigs thams cad kyi khyab bdag dpal rdo rje sems dpa' rnams kyang dpal rdo rje gzhon nu'i rol rtsed du gsungs shing*/_sgrub byed smin grol gyi bka' srol la'ang snga 'gyur bka' ma la rgyal po lugs/_jo mo lugs/_lcam lugs/_so zur gnubs gsum/_rog 'gos khyung gsum/_'khon lugs kyi yang phur dpal sa skya pa la bka' bab brnyes pa dang*/_gzhan yang dam pa sangs rgyas/_kha che paN chen shAkya shrI las brgyud pa sogs du ma dang*/_zab gter gyi ring lugs las rgya che mu med du byon pas mtshon gangs can gyi grub mtha' kun la lha 'di'i phrin las kyis ma khyab pa med cing*/_spyir sangs rgyas kun gyi ye shes kyi spyi dpal yin kyang khyad par karma he ru ka phrin las kyi khyab bdag tu bzhengs pas sgrub thag nye ba dang*/_byang chub sgrub pa'i lam gyi bar chad sel ba la med du mi rung ba'i lhag pa'i lha gcig pur mkhas grub kun la grags shing*/_da lta'i bar dngos grub brnyes pa zam ma chad par bzhugs pa ltar/_'dir yang paN chen bi ma la mi tra/_slob dpon sangs rgyas gnyis pa/_gnyags dz+nyA na ku mA ra'i bka' srol gcig dril gyi rdo rje phur pa'i dkyil 'khor du dbang bskur ba skabs su bab pa ste/_'di la'ang rtsa ba'i smin byed rgyas 'bring bsdus gsum du bzhugs pa las/_don dbang snying po'i bcud dril ltar sgrub pa la maN+Dal phul/_tsak+Shu b+han+d+ha ba ra ma na ye swA hA/_A khaM bI ra hU~M gis mig dar dang me tog gtad/_sangs rgyas kun gyi sogs kyis gsol ba gdab/_skyabs sems yan lag brgyad pa sdom bzung rnams lan gsum gsum bcas bya/_b+h+rUM pra be sha ya phaTa? kyis sgo dbye/_dzaHhU~M ba~M hoHsa nang du gzhug_oM na ma te hU~M/_oM na ma mi hU~M/_oM na mo na ma hU~M gis phyag lan gsum bya/_'di ni rdo rje bdud rtsi'i chu:_he ru ka dpal nyid yin te:_bsrung na dngos grub sems dpa' stsol:_ma bsrung nges par 'tshigs te brlag:_sa ma ya i daM to da ka Tha Tha Tha hU~M:_zhes dam chu myang*/_ye shes pa dbab pa ni/_snod ni 'og min stug po bkod/_/bcud kyi rtog pa kI la ya/_/mthing nag dbu dgu phyag bco brgyad/_/g.yas dkar g.yon dmar dbus mthing nag_/de steng zhal gsum ljang ser nag_/de steng zhal gsum smug mthing dmar/_/g.yas dgu dang pos rdo rje gdeng*/_/'khor lo dgra s+t+wa ral gri mdung*/_/tho ba lcags kyu gsal shing bsnams/_/g.yon dgus me dpung khaT+wAM ga_/ri rab zhags pa b+han+d+ha dmar/_/sdig mdzub mda' dang bdud bzhi'i mgo_/tha mas ri rab phur bu 'dril/_/rang 'od yum dang mnyam sbyor bas/_/thugs srog hU~M la sems bzung zhing*/_/snyoms 'jug sgra dang 'od zer sprin/_/gdung ba'i glu yis thugs dam bskul/_/sku gsung thugs kyi phyag rgya ni/_/char bzhin bab ste dbyer med thim/_/ye shes chen po'i byin thob gyur/_/spos rol bcas las byang gi byin 'bebs btang la dbab/_rdo rje spyi bor bzhag tiSh+Tha badz+ras brtan par bya/_bo d+hi tsit+ta a pra tI pU dza hoHsa me tog dor/_pra tIts+tsha gr-Ih+Na i maM satwa ma hA ba las bcings/_badz+ra tsak+Shu pra be sha ya phaTa? kyis mig dar bsal/_bcom ldan 'das dpal rdo rje gzhon nu bdag nyid rtsa ba/_phyogs bcu khro bo/_sras mchog phur pa'i dkyil 'khor gsum/_bka' srung chos skyong dang bcas pa'i rten dang brten pa'i dkyil 'khor mngon sum bzhin du mjal bar gyur/_des sngon 'gro 'jug pa'i chos rnams song nas dngos gzhi'i slad du maN+Dal phul/_he ru ka dpal bla ma dgongs:_bdag cag rdo rje'i rigs can du:_sgrub pa skal pa shin tu bzang:_'jug cing smin pa'i bka' drin stsol:_lan gsum gyis gsol ba gdab/_bla ma dang dkyil 'khor gyi gtso bo dbyer med pa'i thug ka nas 'od zer 'phros pas dbang gi lha nam mkha' gang bar spyan drangs nas bkra shis pa'i rnam pa du ma dang bcas dgyes bzhin du dbang bskur bar gyur/_bum pa spyi bor bzhag_hU~M:_bum pa rang byung gzhal yas khang:_nang bcud rigs lnga'i he ru ka:_bde chen byang chub sems kyi chus:_rigs kyi bu la dbang bskur ro:_oM sarba ta thA ga ta a b+hi She ka te sa ma ya shrI ye hU~M:_sku gang sgrib dag nus pa bzhag:_chu lhag gyen du 'khyil ba las:_rdo rje sems dpas dbu brgyan gyur:_dzaHhU~M ba~M hoH_nam mkhar bzhugs pa'i dbang lha rnams khyed rang rnams la thim par mos/_oM su pra tiSh+Tha badz+ra ye swA hAs me tog spyi bor bzhag cing brtan par byas nas/_oM badz+ra ar+g+haM nas/_shab+da pra tIts+tsha swA hAs mchod/_shis brjod gang rigs bya/_de ltar bum pa'i dbang thob/_lus kyi dri ma dag_/lam bsnyen pa'i rnal 'byor bskyed rim bsgom pa la dbang*/_'bras bu sku rdo rje sprul pa'i sku 'grub pa'i skal pa can du byas pa'o/_/stod smad kyi dbang chen sbrel ba'i gsham du don dbang byed na sku gsung thugs yon tan phrin las kyi dbang 'di dag sbyar mi dgos la/_don dbang kho na yin na nus pa 'jug dbang 'di dgos pas skabs phyed par bya dgos so/_khyad par sku gsung thugs yon tan phrin las kyi byin rlabs dang nus pa rgyud la 'jug pa'i phyir lha sngags rig pa'i dbang bskur sbyin pa'i thog mar sku phyag rgya'i dbang bskur ba la/_mdun gyi lha tshogs gtso 'khor rnams kyi sku las ye shes kyi sku mar me gcig las gnyis mched kyi tshul du byon nas khyed rang rnams la thim pas ye shes kyi phyag rgya dang gnyis su med par mos shig_/lha tsaka rnams rim par bskur la/_hU~M:_dbus phyogs gru gsum gzhal yas nas:_bcom ldan rdo rje gzhon nu ni:_yum chen 'khor lo rgyas 'debs sbyor:_sgrol yum e ka dzA Ti bcas:_sprul pa sras mchog khro bcu spro:_rigs kyi bu la dbang bskur bas:_dpal chen po dang gnyis med shog:_rtsa sngags mthar/_a b+hi Shiny+tsa hU~M:_hU~M:_steng phyogs 'khor lo'i rtsibs steng nas:_khro bo'i rgyal po hU~M mdzad hU~M:_yum ni rdo rje sgra 'byin ma:_sprul pa phag dang rmigs bu'i mgos:_rigs kyi bu la dbang bskur bas:_steng gdon 'dul ba'i mthu thob shog:_rang sngags/_a b+hi Shiny+tsa hU~M:_hU~M:_shar phyogs 'khor lo'i rtsibs steng nas:_khro bo'i rgyal po rnam par rgyal:_yum ni rdo rje mda' snyems ma:_sprul pa stag dang bya rgod mgos:_rigs kyi bu la dbang bskur bas:_dri za 'dul ba'i mthu thob shog:_sngags/_hU~M:_lho phyogs 'khor lo'i rtsibs steng nas:_khro bo'i rgyal po gshin rje gshed:_yum ni rdo rje dur khrod bdag:_sprul pa sha ba 'ug pa'i mgos:_rigs kyi bu la dbang bskur bas:_gshin rje 'dul ba'i mthu thob shog:_sngags/_hU~M:_nub phyogs 'khor lo'i rtsibs steng nas:_khro bo'i rgyal po rta mgrin dbang:_yum ni rdo rje gtum mo ma:_sprul pa byi la pu shud mgos:_rigs kyi bu la dbang bskur bas:_klu gdon 'dul ba'i mthu thob shog:_sngags/_hU~M:_byang phyogs 'khor lo'i rtsibs steng nas:_khro bo'i rgyal po bdud rtsi 'khyil:_yum ni rdo rje rlung 'byin ma:_sprul pa seng ge pha waM mgos:_rigs kyi bu la dbang bskur bas:_gnod sbyin 'dul ba'i mthu thob shog:_sngags/_hU~M:_shar lho 'khor lo'i rtsibs steng nas:_khro bo'i rgyal po dbyug pa sngon:_yum ni rdo rje sder mo ma:_sprul pa g.yag dang bya rog mgos:_rigs kyi bu la dbang bskur bas:_me lha 'dul ba'i mthu thob shog:_sngags/_hU~M:_lho nub 'khor lo'i rtsibs steng nas:_khro bo'i rgyal po mi g.yo mgon:_yum ni rdo rje gtun khung ma:_sprul pa gzig dang khwa ta'i mgos:_rigs kyi bu la dbang bskur bas:_srin po 'dul ba'i mthu thob shog:_sngags/_hU~M:_nub byang 'khor lo'i rtsibs steng nas:_khro bo'i rgyal po 'dod pa'i rgyal:_yum ni rdo rje snyems ma dmar:_sprul pa spyang ki khra yi mgos:_rigs kyi bu la dbang bskur bas:_rlung lha 'dul ba'i mthu thob shog:_sngags/_hU~M:_byang shar 'khor lo'i rtsibs steng nas:_khro bo'i rgyal po khams gsum rgyal:_yum ni rdo rje gsod byed ma:_sprul pa dom dang sre mong mgos:_rigs kyi bu la dbang bskur bas:_dbang ldan 'dul ba'i mthu thob shog:_sngags/_hU~M:_'og phyogs 'khor lo'i rtsibs steng nas:_khro bo'i rgyal po stobs chen po:_yum ni rdo rje skyod byed ma:_sprul pa dred dang byi ba'i mgos:_rigs kyi bu la dbang bskur bas:_sa bdag 'dul ba'i mthu thob shog:_sngags/_hU~M:_mdun phyogs zla gam gdan steng nas:_thugs kyi sras mchog kI la yas:_rigs kyi bu la dbang bskur bas:_gzugs med khams 'dul dbang thob shog:_sngags/_hU~M:_g.yas phyogs zla gam gdan steng nas:_sku yi sras mchog kI la yas:_rigs kyi bu la dbang bskur bas:_'dod khams 'dul ba'i dbang thob shog:_sngags/_hU~M:_g.yon phyogs zla gam gdan steng nas:_gsung gi sras mchog kI la yas:_rigs kyi bu la dbang bskur bas:_gzugs khams 'dul ba'i dbang thob shog:_sngags/_hU~M:_gzhal yas gru chad shar lho nas:_zhi ba'i las mdzad bud+d+ha'i rigs:_rigs kyi bu la dbang bskur bas:_zhi byed phrin las mthar phyin shog:_sngags/_hU~M:_gzhal yas gru chad lho nub nas:_rgyas pa'i las mdzad rat+na'i rigs:_rigs kyi bu la dbang bskur bas:_rgyas byed phrin las mthar phyin shog:_sngags/_hU~M:_gzhal yas gru chad nub byang nas:_dbang gi las mdzad pad+ma'i rigs:_rigs kyi bu la dbang bskur bas:_dbang byed phrin las mthar phyin shog:_sngags/_hU~M:_gzhal yas gru chad byang shar nas:_drag po'i las mdzad karma'i rigs:_rigs kyi bu la dbang bskur bas:_drag po'i phrin las mthar phyin shog:_sngags/_hU~M:_gzhal yas khor yug khrag khyams nas:_phur pa'i las mkhan dam can tshogs:_rigs kyi bu la dbang bskur bas:_gdug pa kun 'dul dbang thob shog:_sngags/_hU~M:_dkyil 'khor phyogs kyi sgo bzhi nas:_phrin las bzhi mdzad sgo ma bzhis:_rigs kyi bu la dbang bskur bas:_tshar gcod rjes 'dzin dbang thob shog:_sngags/_deng nas bzung ste rang lus snang stong lha'i sku sgom pa dang ma bral bas snang ba thams cad la lha sku phyag rgya'i gzer gyis thebs par gyis shig_/gsung bzlas pa'i lung sbyin pa la dmigs pa 'di rnams gsal thob mdzod/_bdag mdun gyi thugs kar ye shes sems dpa' badz+ra satwa dkar gsal rdor dril bsnams pa dar dang rin po ches brgyan cing zhabs phyed skyil gyis pad zla la bzhugs pa/_tsit+ta mchong gur smug po'i dbus su nyi ma'i steng du gser gyi rdo rje rtse dgu pa'i lte bar hU~M la kI la ya 'bru dgu pas bskor ba'i sngags kyi thog mtha'i mtshams su rta mgrin dmar po pad+ma dang b+hany+dza 'dzin pa zhal nang du phyogs te srung ba'i las mdzad par gsal/_khyed rang rnams kyang lhar gsal ba'i thugs kar ye shes sems dpa' badz+ra satwa'i thugs mchong gur smug por rdo rje hU~M yig sngags phreng bar chad srung ba'i lha dang bcas pa gsal thob mdzod/_slob dpon dang lha la mos gus byas pa'i rkyen gyis sngags phreng las sngags phreng gnyis pa byung zhal nas thon/_khyed rang rnams dang thugs ka'i lha'i zhal du zhugs nas thugs srog hU~M gi mthar 'khod pa bzlas pa'i rkyen gyis 'od zer spro bsdus don gnyis byas/_snod bcud srid pa phur bu'i lha sngags ye shes kyi rol par sad par mos la sngags 'di'i rjes zlos mdzod/_oM badz+ra kI li kI la ya hU~M phaTa?:_lan gsum/_slar yang gtso bo'i thugs ka nas sngags phreng 'phros zhal nas thon slob ma lhar gsal ba'i khar zhugs/_yab yum gyi mkha' gsang nas thon/_gtso bo yab yum gyi sbyor mtshams nas zhugs/_thugs kar thim pas bde chen ye shes kyi gzi byin 'bar/_brtan g.yo'i rtsi shing nags tshal thams cad phur pa'i dkyil 'khor du shar bas badz+ra kI la ya'i sngags sgra 'ur dir gyis sgrog pas snang srid ye shes sgyu 'phrul drwa ba chen po'i 'khor lor rdzogs par mos la sgrub sngags 'di'i rjes zlos mdzod/_oM badz+ra kI li kI la ya sarba big+h+nAn ba~M hU~M phaTa? dzaHhU~M AH_slar yang thugs ka'i 'od zer gyis dkyil 'khor gsum gyi lha tshogs rnams kyi thugs rgyud bskul/_de rnams kyi sku las 'od zer ljang nag mtshon cha'i zegs ma 'phros/_drag po mngon spyod kyi phrin las rnam pa drug mthar phyin par mos la las sngags spu gri 'di'i rjes zlos mdzod/_oM badz+ra kI li kI li ya:_ma rak+mo yak+mo kA la rU pa:_snying rtsa la yaM yaM:_srog rtsa la yaM yaM:_snying la phril phril:_srog la chuM chuM:_tsit+ta srog la tung tung:_snying khrag srog la shad shad:_thuM ri li li:_tseg tseg:_'ur 'ur:_shig shig:_'gul 'gul:_myag myag:_sod sod:_d+ha ti ma ma shrI g+h+raM karma kA ra ye ma ra se na pra marta na ye hU~M phaTa?:_lan gsum bzlar gzhug_/sngags kyi phreng ba gtad pas bzlas brjod kyi nus pa skyed cing brtan par mos shig_/phreng ba gtad la/_AH_ji snyed brjod pa thams cad kun:_rdo rje'i sngags su rnam par dag:_nus pa skyed pa'i dbang bskur bas:_dngos grub rnam gnyis myur 'grub shog:_oM sarba maN+Da la wAka a b+hi Shiny+tsa AH_deng phyin chad grags stong sngags kyi bzlas pa chu bo'i rgyun bzhin du brtson nas brtan g.yo'i sgra skad thams cad la rdo rje'i sngags kyis gzer theb par gyis shig_/thugs rang byung gi dgongs pa ngo sprad pa'i slad du/_bde stong gnyis su med pa'i ye shes kyi phyag rgya rdo rje slob dpon gyi thugs ka nas spros te khyed rang rnams kyi snying dbus su thim pas zung 'jug 'od gsal rang byung gi dgongs pa mngon du gyur par mos shig_/phyag mtshan rdo rje gtad la/_hU~M:_rdo rje stong pa nyid kyi dbyings:_gzhon nu ye shes rig pa'i sku:_mtshon byed dpal gyi phyag mtshan 'di:_skal ldan bu la sbyin gyis longs:_oM badz+ra tsit+ta a b+hi Shiny+tsa hU~M:_deng nas bzung ste rig stong ye shes chen po'i ngang la rtag tu mnyam par bzhag pa las ma g.yos pas rtog tshogs thams cad la dgongs pa mi 'gyur ba'i gzer dang 'phro 'du'i ting nge 'dzin gyis gzer theb par gyis shig_/dpal gyi chas chen bcu dang dur khrod 'bar ba'i chas brgyad rnams gnas so sor bgos te mnga' gsol bas stobs dang rnam thar thams cad yongs su rdzogs par mos shig_/dpal gyi chas bcus mnga' gsol te/_oM:_khyod ni rdo rje sgrol byed che:_sngon tshe he ru ka chen pos:_ru tra sde gsum btul ba las:_rgyal byed dpal gyi chas rnams longs:_shrI A lang+ka ra a b+hi Shiny+tsa hoH_de ltar dpal chen po dang mnyam par gyur pa la dug gsum rgyan du rol pa'i brdar ru tra'i sha khrag rus pa'i bza' bca' gtad par mos mdzod/_sha khrag rus gsum gtad de/_hU~M:_za byed rdo rje 'bar ba che:_khams gsum gdug pa bsgral ba yi:_dug gsum mchod pa bla med pa:_rol pa'i skal bzang khyod yin no:_ha ha ha a la la hoH_zhes phul ba dgyes pa'i gad mo dang bcas te rol pas tshar gcod rjes 'dzin gyi phrin las rngam pas gdul dka' dbyings su sgrol ba'i mthu stobs thogs pa med par gyur pa'i mos pa mdzod/_gsang dbang ni/_gsang ba'i dbang gi slad du/_bla ma dang dkyil 'khor gyi gtso bo tha mi dad pa rang 'od kyi yum dang snyoms par zhugs pa'i byang chub sems kyi bdud rtsi lce thog tu bzhag par gyur/_b+han+d+ha'i bdud rtsi lce thog tu bzhag la/_e ma hoH_sangs rgyas kun gyi gsang ba ni:_lhag pa'i byang chub sems chen po:_de ring bu la sbyin par bya:_rtog pa bral bas rol cig bu:_slob mas bdud rtsi myang ste/_a ho ma hA su kha hoH_zhes rjes zlos byar gzhug_/de ltar na gsang ba'i dbang thob/_ngag gi dri ma dag_/lam nye bsnyen rtsa rlung gtum mo sgom pa la dbang*/_'bras bu gsung rdo rje longs spyod rdzogs sku 'grub pa'i skal pa can du byas pa'o/__/sher dbang ni/_shes rab ye shes kyi dbang gi slad du/_khyed rang rnams skad cig gis dpal rdo rje gzhon nu'i skur gsal ba la slob dpon gyi thugs ka nas gzugs dang lang tsho rdzogs pa'i rig ma 'khor lo rgyas 'debs kyi ngo bo can re spros te thar pa bsten par bskul bar gyur/_rig tsaka gtad la/_e ma bde ba thams cad kyi:_'byung gnas rdo rje sna tshogs gzugs:_bde mchog skyed byed deng gtad pas:_rtog pa bral bas rol cig bu:_ma hA sa mu dra hoH_rang dang rig ma 'du shes sum ldan gyis snyoms par zhugs pas dga' ba bzhi'i rim pas lhan skyes kyi bde ba rgyud la skyes par gyur/_'khyud rgya bya/_de ltar na shes rab ye shes kyi dbang thob/_yid kyi dri ma dag_/lam sgrub pa pho nya'i rnal 'byor sgom pa la dbang*/_'bras bu thugs rdo rje chos kyi sku 'grub pa'i skal pa can du byas pa'o/__/dbang bzhi pa ni/_rdo rje sems dpa'i me long 'ja' shel bzung la/_a:_da lta'i shes pa blo bral 'di:_zang thal kun khyab sa le ba:_rig stong chos sku'i dgongs pa 'di:_nges don rdo rje gzhon nu yin:_a a a d+harma d+hA tu a hoH_zhes dpe yi brda thabs kyis mtshon te/_a:_lta ba blo 'das gdod ma'i bab:_sgom pa ma bcos lhug par bzhag:_spyod pa rang grol gnyug ma'i ngang:_'bras bu gzhi snang chen por rdzogs:_a a a:_zhes dgongs pa skyong*/_de ltar dbang bzhi pa thob/_bag chags kyi dri ma dag_/lam sgrub pa chen po dbyings rig zung 'jug sgom pa la dbang*/_'bras bu ye shes rdo rje ngo bo nyid sku 'grub pa'i skal pa can du byas pa'o/__/rjes/_gtso bos ji ltar sogs dang*/_deng nas brtsams te sogs spyi ltar dang dge bsngo byas pas grub bo/__!__gsum pa bsdus pa gtor ma'i dbang bskur rkyang pa byed 'dod na/_dpal gtor 'khor rang 'dra bcu dang mtheb kyu gang mang gis bskor bar sku tsaka dar gdugs kyis brgyan pa dkyil 'khor dbus su bzhag la mchod pas bskor/_las byang bzlas pa dang bcas pa btang ste gtor ma nyid dkyil 'khor yongs rdzogs su gsal zhing thun mthar ting nge 'dzin gyi dbang len grub pa dang*/_slob ma khrus nas dbyung*/_bgegs bskrad/_srung 'khor bsgom/_sems bskyed gsal 'debs dang bcas don dbang gi lo rgyus ltar sbyar te/_smin byed rgyas 'bring bsdus gsum las/_bsdus pa byin rlabs gtor ma'i dbang gis smin par bya ba'i phyir maN+Dal phul/_gsol ba 'debs pa 'di'i rjes zlos mdzod/_bla ma dpal chen he ru ka:_rdo rje gzhon nu yab yum gyis:_bdag la byin gyis brlabs nas kyang:_sku gsung thugs kyi dbang bskur stsol:_lan gsum/_dbang rgyas pa dang don dbang gi gsham du sbrel na dbang sgrub dang dbang len maN+Dal nas byin 'bebs bar mi dgos/_'og gi gtor dbang dngos la 'jug_/gtor dbang kho na'i tshe/_bsags sbyang spel gsum gyi thabs khyad par can rgyun bshags yan lag brgyad pa tshul bzhin du bya ba'i 'dun pas 'di'i rjes zlos mdzod/_rdo rje slob dpon sangs rgyas dpal:_sogs lan gsum/_ye shes pa dbab pa ni/_snod ni 'og min stug po bkod/_/bcud kyi rtog pa kI la ya/_/mthing nag dbu dgu phyag bco brgyad/_/g.yas dkar g.yon dmar dbus mthing nag_/de steng zhal gsum ljang ser nag_/de steng zhal gsum smug mthing dmar/_/g.yas dgu dang pos rdo rje gdeng*/_/'khor lo dgra s+t+wa ral gri mdung*/_/tho ba lcags kyu gsal shing bsnams/_/g.yon dgus me dpung khaT+wAM ga_/ri rab zhags pa b+han+d+ha dmar/_/sdig mdzub mda' dang bdud bzhi'i mgo_/tha mas ri rab phur bu 'dril/_/rang 'od yum dang mnyam sbyor bas/_/thugs srog hU~M la sems bzung zhing*/_/snyoms 'jug sgra dang 'od zer sprin/_/gdung ba'i glu yis thugs dam bskul/_/sku gsung thugs kyi phyag rgya ni/_/char bzhin bab ste dbyer med thim/_/ye shes chen po'i byin thob gyur/_spos rol dang bcas las byang gi byin 'bebs btang la dbab/_rdo rje spyi bor bzhag_tiSh+Tha badz+ras brtan par bya/_de nas dbang dngos la gtor ma 'di nyid dur khrod chen po'i klong*/_dkyil 'khor ye shes kyi me dpung 'bar ba'i dbus su pad+ma nyi zla dbang phyug pho mo bsnol ba'i steng du bcom ldan 'das rdo rje gzhon nu sku mdog mthing nag dbu dgu phyag bco brgyad yum 'khor lo rgyas 'debs ma dang mnyam par sbyor ba'i skur gsal ba'i spyi bo'i oM dkar po las sku dang yig 'bru phyag mtshan 'od zer dkar po dpag tu med pa 'phros/_khyed rang rnams kyi dpral bar thim pas lus kyi sdig sgrib nad gdon bar du gcod pa thams cad bsal/_sku yi dbang dang byin rlabs dngos grub ma lus pa thob byung snyam pa'i mos 'dun mdzod/_gtor ma spyi bor bzhag la/_hU~M:_thabs kyi spyod pas 'gro don du:_byams dang snying rjes gang 'dul ba:_sangs rgyas phrin las rdzogs mdzad pa:_rdo rje sku yis dbang bskur ro:_oM badz+ra kI li kI la ya sarba big+h+nAn ba~M hU~M phaTa? dzaHhU~M AH_kA ya a b+hi Shiny+tsa oM:_gtor ma dur khrod rol pa ye shes kyi me dpung 'bar ba'i dbus su pad+ma nyi zla dbang phyug pho mo bsnol ba'i steng du bcom ldan 'das rdo rje gzhon nu yab yum gyi skur gsal ba'i mgrin pa'i AHlas sku dang yig 'bru phyag mtshan 'od zer dmar po'i tshogs dpag tu med pa 'phros/_khyed rang rnams kyi mgrin par thim pas ngag gi sdig sgrib nad gdon bar du gcod pa thams cad bsal/_gsung gi dbang dang byin rlabs dngos grub ma lus pa thob byung snyam pa'i mos 'dun mdzod/_gtor ma mgrin par bzhag la/_hU~M:_thabs kyi spyod pas 'gro don du:_byams dang snying rjes gang 'dul ba:_sangs rgyas phrin las rdzogs mdzad pa:_rdo rje'i gsung gis dbang bskur ro:_oM badz+ra kI li kI la ya sarba big+h+nAn ba~M hU~M phaTa? dzaHhU~M AH_wAka a b+hi Shiny+tsa AH_gtor ma dur khrod rol pa ye shes kyi me dpung 'bar ba'i dbus su pad+ma nyi zla dbang phyug pho mo bsnol ba'i steng du bcom ldan 'das rdo rje gzhon nu yab yum gyi skur gsal ba'i thugs ka'i hU~M las sku dang yig 'bru phyag mtshan 'od zer mthing nag gi tshogs dpag tu med pa 'phros/_khyed rang rnams kyi thugs kar thim pas yid kyi sdig sgrib nad gdon bar du gcod pa thams cad bsal/_thugs kyi dbang dang byin rlabs dngos grub ma lus pa thob byung snyam pa'i mos 'dun mdzod/_gtor ma snying gar bzhag la/_hU~M:_thabs kyi spyod pas 'gro don du:_byams dang snying rjes gang 'dul ba:_sangs rgyas phrin las rdzogs mdzad pa:_rdo rje'i thugs kyis dbang bskur ro:_oM badz+ra kI li kI la ya sarba big+h+nAn ba~M hU~M phaTa? dzaHhU~M AH_tsit+ta a b+hi Shiny+tsa hU~M:_gtor ma dur khrod rol pa ye shes kyi me dpung 'bar ba'i dbus su pad+ma nyi zla dbang phyug pho mo bsnol ba'i steng du bcom ldan 'das rdo rje gzhon nu yab yum gyi skur gsal ba'i gnas gsum las 'od zer dkar dmar mthing ga'i tshogs dpag tu med pa 'phros/_khyed rang rnams kyi gnas gsum du thim pas sgo gsum cha mnyam gyi sdig sgrib nad gdon bar du gcod pa thams cad bsal/_rdo rje gsum gyi dbang dang byin rlabs dngos grub ma lus pa thob byung snyam pa'i mos 'dun mdzod/_gtor ma gnas gsum du bzhag la/_hU~M:_thabs kyi spyod pas 'gro don du:_byams dang snying rjes gang 'dul ba:_sangs rgyas phrin las rdzogs mdzad pa:_rdo rje'i gsum gyi dbang bskur ro:_oM badz+ra kI li kI la ya sarba big+h+nAn ba~M hU~M phaTa? dzaHhU~M AH_kA ya wAka tsit+ta sarba a b+hi Shiny+tsa oM AHhU~M:_mthar gtor ma'i bka' bsgo byed na/_slar yang gtor ma dpal chen rdo rje gzhon nu yab yum gtso 'khor sprul pa phyag brnyan dang bcas pa'i steng gi cha la rig 'dzin rtsa brgyud kyi bla ma/_bar gyi cha la yi dam rgyud sde'i lha tshogs/_'og gi cha la mkha' 'gro chos skyong srung ma'i tshogs dang bcas te bzhugs pa/_khyed rang rnams kyi spyi bor spyan drangs shing byin gyis brlabs pa la brten/_sku yi cha thams cad nas khro chung mtshon cha me dpung gi tshogs 'phros pas nad gdon bar du gcod pa thams cad rgyang ring du bskrad cing bsal/_rdo rje bdud rtsi'i byin rlabs ye shes kyi chu rgyun dpag tu med pa byung zhing khyed rang rnams kyi spyi bo nas zhugs/_lus kyi nang thams cad gang bas dbang bzhi rtsal rdzogs su thob/_dngos grub rnam gnyis stan thog gcig tu brnyes par mos shig_/slob dpon gyis gtor ma thogs la/_chos sku kun tu bzang po/_khyab bdag rdo rje sems dpa'/_dpal chen rdo rje gzhon nu/_yum chen 'khor lo rgyas 'debs/_sgrol yum e ka dzA Ti/_bdud 'dul khro bcu yab yum/_sprul pa'i phra phyag nyi shu/_bdud 'dul sras mchog nyer gcig_/las mdzad rigs bzhi'i sras mchog_/sgo skyong khro mo rnam bzhi/_'bar ba'i bka' sdod rgya mtsho sogs phrin las rdo rje phur pa'i dkyil 'khor gyi lha tshogs rnams dang*/_mkha' 'gro las kyi dbang mo/_slob dpon pra b+ha hasti/_paN chen bi ma mi tra/_o rgyan rdo rje thod phreng*/_mkha' 'gro ye shes mtsho rgyal/_gnyags chen ye shes gzhon nu/_sog po dpal gyi ye shes/_kun mkhyen rdo rje gzi brjid/_pad+ma mdo sngags gling pa/_'jam mgon ye shes rdo rje la sogs pa'i rtsa ba dang brgyud par bcas pa'i dpal ldan bla ma dam pa rnams dang*/_gzhan yang yi dam rgyud sde bzhi drug gi dkyil 'khor gyi lha tshogs rnams dang*/_sangs rgyas byang sems dpa' bo rnal 'byor ma/_dam pa chos skyong ba'i srung ma rnams kyi rdo rje'i ye shes chen po'i gzi byin gyis ji srid rdzogs pa'i sangs rgyas kyi go 'phang ma thob bar du 'gal rkyen bar chad thams cad las srungs shig_/mi mthun pa'i phyogs thams cad las skyobs shig_/mthun rkyen legs tshogs thams cad sgrub par mdzod cig_/bsrung ba dang*/_bskyab pa dang*/_sba ba'i phrin las mdzad du gsol/_nad gdon bgegs dang bar du gcod pa pha rol gyi rbod gtong*/_byad zor/_gtad khram/_chag che nyam nga la sogs pa mi mthun pa'i bar chad thams cad zhi zhing*/_mthun rkyen tshe dang bsod nams/_nang gi nyams rtogs ye shes yon tan thams cad 'phel zhing rgyas pa dang*/_bsam don chos bzhin 'grub par byin gyis brlab tu gsol/_lha 'dre mi gsum gyi 'gro ba dbang du 'du ba dang*/_sgo gsum la gnod cing 'tshe ba'i dgra bgegs log par 'dren pa'i tshogs rnams kyis bsam ngan sbyor rtsub thams cad zhi ba'i thabs kyis 'dul bar mdzad du gsol/_gal te zhi ba'i thabs kyis 'dul bar mi 'tshal na/_gang la gang 'tsham pa'i chad pas bcad de log sgrub mtha' dag myur du tshar gcod cing zhi ba'i phrin las mdzod cig_/mdor na las bzhi grub pa brgyad phyag rgya chen po mchog gi dngos grub thams cad la dbang thob nas gnas skabs dang mthar thug gi phan bde'i dpal kun 'bad pa med par lhun gyis grub nas mthong ba'i chos 'dir spyi dpal chen po khro rgyal stobs 'dus kyi gsang ba mi zad rgyan gyi 'khor lo dang gnyis su med par byang chub par mdzad du gsol/_dzaHhU~M ba~M hoH_zhes brjod pas gtor ma'i lha tshogs thams cad dgyes pa chen pos 'od du ltem gyis zhu nas khyed rang rnams la thim pas lhag pa'i lha yi sku gsung thugs dang dbyer med du gyur pa la nam mkha' gang ba'i dbang gi lha rnams kyis shis pa brjod pa'i tshigs su bcad pa'i glu dbyangs dang bcas te me tog gi char bsnyil bas dus gsum kun tu dge legs rtag pa'i nyi ma khor yug tu 'char bar mos mdzod/_khro rgyal stobs 'dus phrin las kI la ya/_/thogs med gcod pa'i mthu ldan rdo rje'i mtshon/_/sgrol byed drag po'i mthar thug phrin las lha/_/rdo rje phur pa'i lha yi bkra shis shog_/phur ni chos nyid stong pa nyid kyi ngang*/_/pa ni rten 'brel bslu med ye shes lnga/_/zung 'jug 'bras bu'i bkra shis gang lags pa/_/deng 'dir bdag cag rnams la bkra shis shog_/mnyam nyid ngang las thugs rje khros pa'i gar/_/gdug pa'i tshogs kun mthar byed ye shes sku/_/de bzhin gshegs pa kun gyi dam tshig mchog_/rdo rje khros pa'i rgyal po 'grub gyur cig_/me tog 'thor zhing rol mo snyan par rgyun ring du 'khrol/_rjes dam tshig khas blang gtang rag lus 'bul bsngo smon dang rjes rim bcas spyi ltar bya'o/__!__rtsa ba'i gnyis pa smad las dgra bgegs bsgral ba'i rjes gnang ni/_phyag len rgyas pa la stod las kyi dbang so sor byed pa ste zhag gis bcad pa yin na/_stod las kyi dbang chas bum pa sogs bsdu/_dkyil 'khor snga ma'i steng du e khrom gyi dkyil 'khor ram/_bsdu na lha phur rnams dkyil 'khor gyi lha gnas so so'i rang mal du bkod/_lha tsaka yongs rdzogs/_rak+sha'i phreng ba/_phyag mtshan rdo rje/_gdab phur/_las bzhi'i phur pa bzhi/_pho nya'i phur pa/_gu gul/_rak+ta_/yungs kar rnams snod so sor/_kong zor/_gtor zor dngos su dgos/_me hom/_mnan chas rnams dngos sam tsaka li/_gser skyems kyi snod/_phyag rgya bzhi/_bya 'ug gi sgro/_yungs thun/_byad thag sngo dmar dang tshon skud sna lnga/_dug khrag_/tho gtun/_hom gzar/_'byor na seng ldeng dang*/_bya rgod kyi rkang*/_mchog phur/_tsan+dan dmar po/_lcags/_skyer pa rnams kyi phur pa'am ma 'byor na lcags sogs kyi gdab phur drug_/sgrol gri_/lcags hom/_zan ling sogs 'du bya/_tshe 'brang*/_tshe ril chang*/_tshogs rdzas/_sman raka gtor gsum/_drag mchod rnams bshams/_phrin las rdzogs par btang*/_nyin gcig la sbrel na mchod pa kha gsos la sngags tsam gyis brlab/_ma traM ka ru dra dzaH_lan bdun/_mdun du ma traM dngos su gsal bar gyur/_rtsa ba'i dkyil 'khor gyi gtso bo'i thugs ka'i hU~M las 'od zer phyogs bcur 'phros:_gnod byed thams cad bkug:_ma traM la thim:_tri las ma traM sngo skya mgo bo lho nub rkang pa byang shar gan rkyal du gnas pa:_slar yang thugs ka'i hU~M las 'od zer ma traM gi tri la phog:_de las 'od zer nag po phyogs bcur 'phros:_khams gsum rigs drug gi sdig sgrib bag chags thams cad bsdus nas ma traM la thim:_hU~M las mtshon cha'i char 'phros pas ma traM bsgral ba'i khog pa e khrom gyi dkyil 'khor du gyur pa ni:_dbus su mthing nag gru gsum khyams nag po:_lcags sreg dang me'i khram ris bcad pa'i dbus e mthing nag:_phyi rol dur khrod kyi gzhal yas khrag mtsho dang:_dur khrod kyi sa gzhi dang bcas par gyur:_slar yang hU~M gi 'od zer gyis lha chen sogs phyogs bcu'i 'byung po dgra bgegs thams cad bkug gdan du byas:_de'i steng du dpal chen po rdo rje gzhon nu yab yum/_sras mchog nyer gcig_/kI la rigs bzhi/_khro bcu yab yum/_phra men phyag brnyan dang bcas pa/_sgo bzhir sgo ma bzhi/_bar khyams su phur srung bcu gnyis/_phyi sgo ru skyes bu ging bzhi/_phyi khyams su dbang phyug nyer brgyad/_dge bsnyen nyer gcig sogs rdo rje phur pa'i dkyil 'khor gyi lha tshogs rnams so so'i sku mdog phyag mtshan rgyan cha lugs thams cad yongs su rdzogs par gsal zhing*/_phrin las 'dod rgur sgyur ba'i rang bzhin can/_dkyil 'khor bar mtshams thams cad du mchod pa'i sprin rab 'byams spro ba'i bdag nyid can du gyur/_zhes dkyil 'khor zhal bsgyur la/_las byang lha bskyed nas bstod pa'i bar btang*/_bdag bskyed 'od zer spro bsdu la dmigs te bsnyen sgrub kyi bzlas pa dang*/_las sbyor spu gri'i sngags kyang nyer gcig tsam bzlas la thun sogs byin gyis brlab/_slob dpon chas su zhugs/_chog rog pas rnga rol tsam 'dzom na legs/_gong ltar slob ma khrus nas dbyung*/_gral du 'khod pa la/_nam mkha' dang mnyam pa'i sems can thams cad kyi don du bcom ldan 'das dpal chen rdo rje gzhon nu'i go 'phang thob par bya/_de'i ched du thar lam sgrub pa la bar gcod bdud bgegs log 'dren thams cad mngon spyod rol pa'i phrin las kyis tshar gcod par byed pa drag po'i sgrol dbang gsan snyam pa'i thugs bskyed gsal btab la gsan 'tshal/_de yang ngo bo rgyud kyi dgongs pa dang 'brel ba'i tshig don zab cing rgya che ba/_rnam pa zab gter lung gi tshul du bka' bab pas gnad don kha tshang don 'dril/_mchog dang thun mong gi las rab 'byams sgrub pa'i khyad chos du ma dang ldan pa yang gsang thugs kyi phur gcig gi stod las kyi dbang bskur ba sngon du song grub nas/_'dir tshad med snying rje'i phur pa rigs drug gi sems can kun la 'debs pa'i snying rje'i dpyang thag dang ldan pa/_mtshan ma rdzas kyi phur bu sgrub pa'i las kyi gzer kha brnag pa'i yul la 'debs pa'i phrin las sgrub pa la dbang bar byed pa smad las drag po sgrol ba'i dbang bskur nas mngon spyod kyi las rim la 'jug dgos pa'i rgyu mtshan ni/_sngon bskal pa kun bkod la ru tra thar pa nag po 'dul ba'i phyir karma he ru kas dus gsum gyi rgyal ba bskul nas rdo rje rta yi tshogs sogs khro bo chen po rnams rim bzhin spros pa las ma thul ba'i tshul mdzad nas ru tra'i chung ma kro d+hI shwa ri ma la ma chags thabs kyis sbyor bas sras rdo rje gzhon nu dbu gsum phyag drug pa rdo rje'i gshog pas bar snang khyab pa/_kI la ya'i sgra sgrogs pa skyes pa ru tras mthong ma thag 'khor dang bcas pa brgyal nas 'gyel/_kha nas khrag skyug_/'khor gtum mo dang srin mo rnams la'ang phag gdong dang dom gyi mgo can sogs ltas ngan mang po skyes/_brgyal sangs pa dang langs nas 'khor rnams bos te smre sngags mang du bton nas bdud kyi dmag dang mtshon cha'i char phab cing ru tras kyang dbu gsum/_phyag drug tu byas pa dang*/_rdo rje gzhon nus dbu dgu phyag bco brgyad par sprul zhing*/_yang de 'dra dpag med sprul pas ngag smra brjod dang bral bar byas/_mdzad pa de dang mthun pa'i sgrub thabs phur pa myang 'das gsungs/_slar yang ru tras kyang dbu dgu phyag bco brgyad du sprul pas gnyen po rdo rje gzhon nus dbu stong phyag stong spyan bye ba stong du sprul/_dbu dgu pa mang po ba spu'i bu ga nas bkyes/_khro bo bcu sprul nas phyogs skyong rnams gdan du gting*/_bsgral ba'i las drug gis bsgral bas bdud dmag so sor byer/_rdo rje gzhon nu la dus gsum gyi bud+d+ha thams cad kyis rdo rje srin po'i ngur dbyangs kyis bstod/_rdo rje rta yi tshogs kyis rta'i rngam dbyangs kyis dpa' bkong ba'i tshul dang mthun pa sgrub thabs phur pa gsang rgyud gsungs pas mtshon/_mdor na drag po mngon spyod kyi phrin las mdzad par rdo rje gzhon nu la dus gsum gyi rgyal bas bsngags pa bzhin sngon byung ston pa'i rnam thar dang mthun par rjes 'jug gdul bya'i nyams len la sbyor ba'i dbang bskur zhu ba'i don du maN+Dal phul/_gsol ba 'debs pa 'di'i rjes zlos mdzod/_e ma khrag 'thung dpa' bo che:_bdag cag rdo rje'i rigs sgrub phyir:_drag shul rol pa'i phrin las dbang:_deng 'dir mngon par bskur du gsol:_lan gsum/_stod las dang smad las kyi dbang zhag gis bcad na skabs 'dir skyabs sems rgyud sbyangs/_sdom bzung rnams stod las dbang gi skabs bzhin sbyar/_zhag gis ma bcad na/_de la thog mar khyed rang rnams ye shes lha'i bskyed rim 'di ltar du gyis shig_/oM ma hA shU n+ya tA sogs/_stong pa'i ngang las khyed rang rnams gang du gnas pa'i go sar sogs nas/_thugs kar hU~M mthing nag gis mtshan pa gsal thob cig_/dkyil 'khor gyi gtso bo khro bcu dang bcas pa las ye shes kyi phyag rgya gnyis pa re 'phros pas so so'i sku dang dbyer med du byin gyis brlabs par mos shig_/sku tsaka rnams kyis rim bzhin dbang bskur la/_hU~M:_dbus phyogs gru gsum gzhal yas nas:_bcom ldan rdo rje gzhon nu ni:_yum chen 'khor lo rgyas 'debs sbyor:_sgrol yum e ka dzA Ti bcas:_sprul pa sras mchog khro bcu spro:_rigs kyi bu la dbang bskur bas:_dpal chen po dang gnyis med shog:_rtsa sngags mthar/_a b+hi Shiny+tsa hU~M:_hU~M:_steng phyogs 'khor lo'i rtsibs steng nas:_khro bo'i rgyal po hU~M mdzad hU~M:_yum ni rdo rje sgra 'byin ma:_sprul pa phag dang rmigs bu'i mgos:_rigs kyi bu la dbang bskur bas:_steng gdon 'dul ba'i mthu thob shog:_rang sngags/_a b+hi Shiny+tsa hU~M:_hU~M:_shar phyogs 'khor lo'i rtsibs steng nas:_khro bo'i rgyal po rnam par rgyal:_yum ni rdo rje mda' snyems ma:_sprul pa stag dang bya rgod mgos:_rigs kyi bu la dbang bskur bas:_dri za 'dul ba'i mthu thob shog:_sngags/_hU~M:_lho phyogs 'khor lo'i rtsibs steng nas:_khro bo'i rgyal po gshin rje gshed:_yum ni rdo rje dur khrod bdag:_sprul pa sha ba 'ug pa'i mgos:_rigs kyi bu la dbang bskur bas:_gshin rje 'dul ba'i mthu thob shog:_sngags/_hU~M:_nub phyogs 'khor lo'i rtsibs steng nas:_khro bo'i rgyal po rta mgrin dbang:_yum ni rdo rje gtum mo ma:_sprul pa byi la pu shud mgos:_rigs kyi bu la dbang bskur bas:_klu gdon 'dul ba'i mthu thob shog:_sngags/_hU~M:_byang phyogs 'khor lo'i rtsibs steng nas:_khro bo'i rgyal po bdud rtsi 'khyil:_yum ni rdo rje rlung 'byin ma:_sprul pa seng ge pha waM mgos:_rigs kyi bu la dbang bskur bas:_gnod sbyin 'dul ba'i mthu thob shog:_sngags/_hU~M:_shar lho 'khor lo'i rtsibs steng nas:_khro bo'i rgyal po dbyug pa sngon:_yum ni rdo rje sder mo ma:_sprul pa g.yag dang bya rog mgos:_rigs kyi bu la dbang bskur bas:_me lha 'dul ba'i mthu thob shog:_sngags/_hU~M:_lho nub 'khor lo'i rtsibs steng nas:_khro bo'i rgyal po mi g.yo mgon:_yum ni rdo rje gtun khung ma:_sprul pa gzig dang khwa ta'i mgos:_rigs kyi bu la dbang bskur bas:_srin po 'dul ba'i mthu thob shog:_sngags/_hU~M:_nub byang 'khor lo'i rtsibs steng nas:_khro bo'i rgyal po 'dod pa'i rgyal:_yum ni rdo rje snyems ma dmar:_sprul pa spyang ki khra yi mgos:_rigs kyi bu la dbang bskur bas:_rlung lha 'dul ba'i mthu thob shog:_sngags/_hU~M:_byang shar 'khor lo'i rtsibs steng nas:_khro bo'i rgyal po khams gsum rgyal:_yum ni rdo rje gsod byed ma:_sprul pa dom dang sre mong mgos:_rigs kyi bu la dbang bskur bas:_dbang ldan 'dul ba'i mthu thob shog:_sngags/_hU~M:_'og phyogs 'khor lo'i rtsibs steng nas:_khro bo'i rgyal po stobs chen po:_yum ni rdo rje bskyod byed ma:_sprul pa dred dang byi ba'i mgos:_rigs kyi bu la dbang bskur bas:_sa bdag 'dul ba'i mthu thob shog:_sngags/_hU~M:_mdun phyogs zla gam gdan steng nas:_thugs kyi sras mchog kI la yas:_rigs kyi bu la dbang bskur bas:_gzugs med khams 'dul dbang thob shog:_sngags/_hU~M:_g.yas phyogs zla gam gdan steng nas:_sku yi sras mchog kI la yas:_rigs kyi bu la dbang bskur bas:_'dod khams 'dul ba'i dbang thob shog:_sngags/_hU~M:_g.yon phyogs zla gam gdan steng nas:_gsung gi sras mchog kI la yas:_rigs kyi bu la dbang bskur bas:_gzugs khams 'dul ba'i dbang thob shog:_sngags/_hU~M:_gzhal yas gru chad shar lho nas:_zhi ba'i las mdzad bud+d+ha'i rigs:_rigs kyi bu la dbang bskur bas:_zhi byed phrin las mthar phyin shog:_sngags/_hU~M:_gzhal yas gru chad lho nub nas:_rgyas pa'i las mdzad rat+na'i rigs:_rigs kyi bu la dbang bskur bas:_rgyas byed phrin las mthar phyin shog:_sngags/_hU~M:_gzhal yas gru chad nub byang nas:_dbang gi las mdzad pad+ma'i rigs:_rigs kyi bu la dbang bskur bas:_dbang byed phrin las mthar phyin shog:_sngags/_hU~M:_gzhal yas gru chad byang shar nas:_drag po'i las mdzad karma'i rigs:_rigs kyi bu la dbang bskur bas:_drag po'i phrin las mthar phyin shog:_sngags/_hU~M:_gzhal yas khor yug khrag khyams nas:_phur pa'i las mkhan dam can tshogs:_rigs kyi bu la dbang bskur bas:_gdug pa kun 'dul dbang thob shog:_sngags/_hU~M:_dkyil 'khor phyogs kyi sgo bzhi nas:_phrin las bzhi mdzad sgo ma bzhi:_rigs kyi bu la dbang bskur bas:_tshar gcod rjes 'dzin dbang thob shog:_sngags/_deng phyin chad gsal brtan dag gsum dang ldan pa'i bskyed rim gyad du gyur pas bdud bzhis kyang bskyod du med pa'i gding thob par gyis shig_/lha tshogs rnams kyi zhal nas sngags kyi phreng ba byung*/_khyed rang rnams kyi ngag la thim pas drag sngags nus pa'i mthu dbang thob par bsam la sngags 'di rnams kyi rjes zlos mdzod/_rak+sha'i phreng ba gtad la rgyas na drag sngags tshang ma dang*/_bsdu na 'di skabs spu gri'i sngags rjes zlos lan gsum byar gzhug_/deng nas drag sngags kyi bzlas pa chu bo'i rgyun ltar brtson pas ngag gi nus pa me ltar 'bar te mngon spyod kyi phrin las mtha' dag thogs med du sgrub par gyis shig_/bde stong gnyis su med pa'i ye shes kyi phyag rgya rdo rje slob dpon gyi thugs ka nas spros te khyed rang rnams kyi snying dbus su thim pas zung 'jug 'od gsal rang byung gi dgongs pa mngon du gyur par mos shig_/phyag mtshan rdo rje gtad la/_hU~M:_rdo rje stong pa nyid kyi dbyings:_gzhon nu ye shes rig pa'i sku:_mtshon byed dpal gyi phyag mtshan 'di:_skal ldan bu la sbyin gyis longs:_oM badz+ra tsit+ta a b+hi Shiny+tsa hU~M:_deng nas bzung ste rig stong ye shes chen po'i ngang la rtag tu mnyam par bzhag pa las ma g.yos pas rtog tshogs thams cad la dgongs pa mi 'gyur ba'i gzer dang 'phro 'du'i ting nge 'dzin gyis gzer theb par gyis shig_/karma yak+sha kro d+ha'i ngo bo sras mchog dngos su gsal ba'i phur bu dang*/_las bzhi so so/_pho nya rnams kyi thun phur byin pas gdab pa'i las so so thogs med du 'grub pa'i nus mthu thob par mos shig_/gdab phur gyis dbang bskur zhing lag tu gtad/_hU~M:_dIp+ta tsakra phur bu'i lha:_mthing nag lcags kyi ral pa can:_thams cad ut+pal mdog can la:_sku smad e yi rang bzhin can:_btab na lha yang brlag byed na:_dgra dang bgegs la smos ci dgos:_sgril zhing 'debs pa'i dbang bskur ro:_oM badz+ra kI li kI la ya dIp+ta tsakra hU~M phaTa?:_a b+hi Shiny+tsa hU~M:_las bzhi so so'i 'debs phur gtad la/_hU~M:_zhi bar byed pa phur bu'i lha:_dngul lam dkar po'i shing dag la:_mgo bo rgya mdud rtse zlum po:_ngos la zhi ba'i lha bsgoms te:_gang la btab kyang zhi bar 'gyur:_sgril zhing 'debs pa'i dbang bskur ro:_oM badz+ra kI li kI la ya shiMn+ta ku ru ye swA hA:_a b+hi Shiny+tsa hU~M:_hU~M:_rgyas par byed pa phur bu'i lha:_gser ram ser po'i shing dag la:_mgo bo rgya mdud rtse gru bzhi:_ngos la rgyas pa'i lha bsgoms te:_gang la btab kyang rgyas par 'gyur:_sgril zhing 'debs pa'i dbang bskur ro:_oM badz+ra kI li kI la ya puSh+TiM ku ru ye swA hA:_a b+hi Shiny+tsa hU~M:_hU~M:_thams cad dbang sdud phur bu'i lha:_zangs sam dmar po'i shing dag la:_mgo bo rgya mdud rtse zla gam:_ngos la dbang gi lha bsgoms te:_gang la btab kyang dbang du byed:_sgril zhing 'debs pa'i dbang bskur ro:_oM badz+ra kI li kI la ya wA shaM ku ru ye swA hA:_a b+hi Shiny+tsa hU~M:_hU~M:_brlag par byed pa phur bu'i lha:_lcags sam drag po'i shing dag la:_mgo bo rgya mdud rtse mo e:_ngos la drag po'i lha bsgoms te:_gang la btab kyang brlag par byed:_sgril zhing 'debs pa'i dbang bskur ro:_oM badz+ra kI li kI la ya mA ra ya phaTa?:_a b+hi Shiny+tsa hU~M:_pho nya rnams kyi thun phur gtad la/_hU~M:_bran dang bka' nyan phur pa'i lha:_khyod kyi dam tshig dus la bab:_gdug pa'i dgra bgegs bsgral bar mdzad:_sgril zhing 'debs pa'i dbang bskur ro:_oM badz+ra kI li kI la ya mo ha g+ha ta ya ma ma shrI g+h+raM karma kA ra ye hU~M phaTa?:_a b+hi Shiny+tsa hU~M:_byug bdug brab gsum gyi rdzas gtad la/_byug bdug brab gsum byed pa'i rdzas rnams byin pas phur bu'i gzi byin bskyed cing thugs dam bskul ba'i mthu thob par mos shig_/hU~M:_phur bu'i thugs dam bskul ba'i rdzas:_gzi byin bskyed pa'i gu gul dang:_thugs rje chags pa'i rak+ta dang:_bskul rdzas yungs kar dbang bskur ro:_spro na byug bdug brab pa'i sngags rnams kyang brjod pa'i gsham du/_a b+hi Shiny+tsa hU~M:_sngon dpal chen rdo rje gzhon nus ru tra bsgral ba'i tshe rdo rje gzhon nu'i spyi gtsug nas ha sa ya ra hri ta na spros/_ru tra'i spyi gtsug nas zhugs/_skyob pa'i lha dang phral bas mtshon gab pa'i sngags drug sku yi gnas so so nas spros te ru tra'i gnas so sor zhugs pas gdab pa'i las drug mthar phyin par mdzad pas/_bdud dmag byer zhing rdo rje gzhon nu la dus gsum rgyal bas bsngags shing*/_khro bo'i tshogs dpa' bkong*/_ru tras dge sdig mi bslu bar rig ste smre bshags bton nas lus gtso bo'i gdan du gting*/_'khor phyogs skyong pho mo khro bcu'i gdan du phul/_rna bas chos nyan ru tra ma hA kA la byas nas sangs rgyas stong gi bstan pa srung bar khas blangs/_mthar 'og phyogs su sangs rgyas par lung bstan/_ru tra'i thod mkhar rdo rje phur pa'i gzhal yas khang du byin gyis brlabs pa sngon byung ston pa'i rnam thar rjes 'jug gdul bya'i nyams len la sbyar bas phur pa mkhan po gdab las la brten nas 'tshang rgya zhes rgyud kyi gnad tho bcu gnyis kyi sgo nas mngon spyod mthar phyin pa sogs/_drag po sgrol ba'i phrin las la 'jug pa'i dbang bskur dngos la/_lta ba'i rdzong dang ldan zhing bskyed pa'i 'phrang las grol te bdag nyid rtsa ba'i dkyil 'khor/_phyogs bcu khro bo'i dkyil 'khor/_phur pa rdzas kyi dkyil 'khor rnams mngon sum bzhin du gsal zhing*/_snying rje'i srog dang ldan pas phrin las rab 'byams kyis 'gro ba rnams thar pa'i sar bkod par bya/_gal te zhi bas mi thul ba rnams drag po mngon spyod kyi las brtsams te snying rje'i kun slong dang ldan pa'i sgo nas drag po'i las kyi sbyor ba mthar phyin par brtsams par bgyi'o snyam pas dmigs pa re re bzhin du gsal thob cig_/phyi snod kyi 'jig rten thams cad e khrom 'bar ba'i rang bzhin/_nang bcud rnams rdo rje phur pa rig 'dzin dang bcas pa'i lha tshogs thams cad pa'i skur bzhengs te rngams pa'i hU~M sgra sgrogs shing las la chas par gyur/_thugs dam bskul ba ni/_hU~M:_mthing nag gru gsum e yi dbyings:_chos kyi dbyings kyi pho brang nas:_bcom ldan rdo rje gzhon nu dang:_yum chen 'khor lo rgyas 'debs ma:_gnyis med mnyam par sbyor ba las:_sprul pa'i bdud 'dul khro bo bcu:_sbyor ba'i yum mchog khro mo bcu:_phra thabs pho nya nyi shu dang:_sras dang sgo ma bka' sdod bcas:_dkyil 'khor lha tshogs ma lus pa:_snying rje khros pa'i shugs kyis bzhengs:_'bar ba'i brtul zhugs chen po bskyed:_khyed rnams stobs bcu'i ye shes bdag:_las kun dbang bsgyur thogs pa med:_bdag gis rtse gcig gsol lags na:_ma g.yel thugs rje'i rtsal shugs bskyed:_ye shes dbyings su rtog bral yang:_phrin las 'gro ba sgrol ba'i phyir:_sngon gyi thugs dam ma g.yel bar:_sdig can dgra la las mdzod cig:_gnod pa'i bgegs la rtags phyungs shig:_dam tshig chen po'i dus la bab:_mngon spyod phrin las 'grub par mdzod:_gnyis pa gser skyems ni/_ra~M ya~M kha~M/_gser skyems zag pa med pa ye shes kyi bdud rtsi'i rgya mtsho chen por gyur/_oM AHhU~M/_lan gsum gyis byin brlab bya/_hU~M/_rgyal ba dgongs pa'i brgyud pa dang*/_/rig 'dzin rig pa'i brgyud pa dang*/_/snyan nas snyan brgyud bla ma mchod/_/phrin las phur pa'i rig 'dzin rnams/_/rtsa ba brgyud par bcas pa yi/_/dpal ldan bla ma dam pa sogs/_/gser skyems phud kyi mchod pa bzhes/_/dgra bgegs sgrol ba'i phrin las mdzod/_/bcom ldan rdo rje gzhon nu dang*/_/yum chen 'khor lo rgyas 'debs ma/_/'jigs byed khro bcu yab yum dang*/_/sprul pa'i khra thabs nyi shu dang*/_/ye shes sgo ma bzhi po dang*/_/sras mchog phur pa'i lha tshogs rnams/_/gser skyems phud kyi mchod pa bzhes/_/dgra bgegs sgrol ba'i phrin las mdzod/_/bya spyod rnal 'byor bla med pa'i/_/rgyud sde bzhi yi yi dam rnams/_/gser skyems phud kyi mchod pa bzhes/_/dpal mgon pho rgyud mo rgyud sogs/_/chos skyong srung ma rgya mtsho dang*/_/dam can bka' srung bcu gnyis dang*/_/ging chen dge bsnyen 'khor bcas mchod/_/phyi nang mkha' 'gro 'khor dang bcas/_/dbang phyug nyi shu rtsa brgyad mchod/_/pho nya phra men 'bar ma dang*/_/ma bdun sring bzhi la sogs mchod/_/bdud 'dul nag mo mched bzhi dang*/_/dpal ldan re ma ti la sogs/_/mdor na sum brgya drug cu rnams/_/gser skyems phud kyi mchod pa bzhes/_/dgra bgegs sgrol ba'i phrin las mdzod/_/phyogs bcu'i 'jig rten skyong rnams dang*/_/gnas bdag kun dang yul bdag kun/_/sa yi phyogs ni 'di nyid na/_/sa'am mkha' la 'khod pa yi/_/lha klu gnod sbyin dri za dang*/_/'byung po mang po gang 'khod pa/_/gser skyems phud kyi mchod pa bzhes/_/dgra bgegs sgrol ba'i phrin las mdzod/_/gsum pa gzu dpang gsol ba ni/_hU~M:_sngon tshe dpal chen he ru kas:_gdug pa'i ru tra nag po yis:_byang chub sgrub la bar bcad tshe:_mngon spyod rtsal gyis bsgral ba bzhin:_da dus bskal pa'i snyigs ma la:_las ngan spyi sgos ru tra 'dis:_sangs rgyas bstan pa thabs kyis bshig:_'gro ba'i bde skyid ngang gis bcom:_nyes med rnal 'byor gshe zhing sdang:_dkon mchog gsum gyi dbu 'phang smad:_snod bcud dpal 'byor 'joms pa yi:_phung byed bstan pa'i nang dme mkhan:_rdo rje theg pa'i lam la sdang:_dge 'dun 'du ba'i sgo 'phrog cing:_dben gnas chos 'khor 'jig pa sogs:_nyes pa du mas 'tshe byed pas:_byang chub sgrub la bar gcod pa:_bsgral ba'i zhing du 'di gyur pas:_legs nyes shan 'byed khyed rnams kyis:_bden rdzun gnyis kyi dpang po mdzod:_dkar phyogs rgyab rten khyed rnams phyir:_ra mda' lhogs shig sa ma ya:_bzhi pa hom bskyed pa ni/_stong pa'i ngang las e las lcags sregs kyi khang sgrom gru gsum pa bang rim dgu pa/_kha khyer dog cing gting zab pa/_'og na 'dod chags kyi khrag mtsho khol ba/_logs la zhe sdang gi me rlung 'tshub pa/_steng na gti mug gi mun pa 'thibs pa/_mtshon cha'i char 'bebs shing nad dang dug gi rlangs pa 'phyo ba/_than dang ltas ngan gyi cho 'phrul mi bzad pa 'khrugs pa/_las byed gshin rje'i dmag tshogs seng ge ltar rngams pa/_stag ltar 'phyo ba/_srin po ltar khros pa/_sha za ltar rgyug pa/_rgyob rgyob dang sod sod kyi sgra 'brug ltar sgrog pas gang ba/_srid pa las kyi btson khang drag po de yi nang du nr-i dud kha yongs su gyur pa las dgra bo de nyid lus gcer bu rid pa/_mdog nag cing dran pa nyams pa/_mya ngan gyi phyag rgya can/_bu ga dgu nas rnag khrag 'dzag pa gnod byed thams cad 'dus pa'i ngo bor gyur/_lnga pa bden stobs brjod cing dgug pa ni/_g.yab dril dang bcas 'gugs rgyas/_na mo/_rig 'dzin rtsa brgyud kyi dpal ldan bla ma dam pa rnams kyi bka' bden pa dang*/_sangs rgyas kyi bka' bden pa dang*/_chos kyi bka' bden pa dang*/_dge 'dun gyi bka' bden pa dang*/_gsang sngags rig sngags gzungs sngags kyi lha tshogs rnams kyi bka' bden pa dang*/_chos nyid gdod nas dag cing chos can rgyu 'bras bslu ba med pa'i bden pa dang*/_khyad par du yang bcom ldan 'das dpal chen rdo rje gzhon nu bdud 'dul phur pa phrin las rol pa'i dkyil 'khor gyi lha tshogs bka' sdod dam can rgya mtsho'i tshogs dang bcas pa rnams kyi bka' bden pa dang*/_bden pa chen po'i mthus/_bstan dang 'gro ba'i spyi dgra/_khyad par du bdag cag yon mchod 'khor dang bcas pa rnams la gnod cing 'tshe bar byed pa'i snga dgra lag gis bdar ba/_phyi dgra yid la sems pa/_da dgra gnod cing 'tshe ba'i gzugs can sdang ba'i dgra/_gzugs med gnod byed bgegs kyi rigs log par 'dren pa thams cad kyi bla srog rnam par shes pa sa 'og sa steng sa bla srid pa gsum gar gnas gar bros kyang dmigs pa'i rten 'di la gnyis su med par khug cig_/kI la ya'i drag sngags sbrel ma'i mthar/_dzaHhU~M ba~M hoH_pra be sha ya phaTa?:_a we sha ya as dgug gzhug 'ching sdom myos dbye dbab kyi rgya dang dmigs pas gzir ba lan gsum bya/_drug pa phyag rgya bzhis bcing pa ni/_hU~M:_bcom ldan dpal chen he ru ka:_sprul pa yang sprul bka' sdod dang:_pho nya dam can rgya mtsho'i tshogs:_'dir gshegs bzhugs shing byin phob la:_dam sri gdug pa'i dgra dang bgegs:_rgyal ba'i bka' las 'da' byed cing:_rnal 'byor sku la bsdo ba rnams:_rgyal bas bsgral bar gsungs pa'i phyir:_gnas pa'i yul nas yud tsam gyis:_rten dang phrol la khrid la shog:_rgyab dang phrol la khrid la shog:_sa gzhi yan chad thob la shog:_bdun rgyud tshun chad khug la shog:_ma thogs myur du khug la shog:_oM badz+ra aM ku sha dzaH_lcags kyus gdab/_badz+ra pA sha hU~M:_zhags pas bcing*/_badz+ra s+pho Ta ba~M:_lcags sgrog gis bsdam/_badz+ra gaN+De hoH_dril bus sgras myos su gzhug_pho nya rnams kyis lcags kyus dgra bgegs rnams bzung ste ling ga la bstims/_zhags pas bcings/_lcags sgrog gis bsdams/_dril bus myos su bcug par gyur/_de nas bsgral ba dngos la/_sngon dpal chen rdo rje gzhon nus sku yi gnas drug nas gab pa'i sngags drug spros te ru tra'i gnas so sor zhugs pas bsgral ba'i las la thogs pa med pas ru tra sde dang bcas pa btul ba'i mdzad pa dang mthun par gdab pa'i las rim rgyas par bya ba la/_rig pa mchog gi rgyud las/_lha phral gzugs la dbab pa dang*/_byad du gzhugs dang smyo ru gzhug_/rdul du brlag dang zhal du bstab/_/'di drug shes na las rnams 'grub/_/ces pas/_de ltar drug tshan re re la'ang drug re 'byung bas/_las rim dang po lha dang dbral ba la/_gnyen po stobs kyi lha khro bo bdud rtsi 'khyil ba dang*/_'jig rten las kyi lha rdo rje legs pa the'u rang gi dpung dang bcas pa dpal chen po'i dpral ba nas spros pa sprul pa'i pho nya'i tshogs dang bcas pa bya 'ug gi gdong can bu yug 'tshubs pa ltar spros par mos la thugs dam bskul ba ni/_hU~M:_dam tshig chen po'i dus la bab:_mthu rtsal dbyung ba'i dus la bab:_rbad cing bskul ba nga yis byed:_gnod cing gdug pa'i dgra dang bgegs:_bdud dang bar du gcod pa'i tshogs:_khro bo chen po'i byin rlabs kyis:_gtogs shig grogs dang bral bar gyis:_zhes 'phyang gdags/_bsags pa'i rdzas gu gul/_khyi brun/_tshil chen rnams ling ga la bdug la/_gab pa'i sngags/_oM badz+ra kI li kI la ya dzaHhU~M ba~M hoH_mA ra ya ha sa ya ra hri ta na sarba big+h+nAn ba~M hU~M phaTa?:_khyad par gyi pho nya bskul bas bya rog dang 'ug pa'i dang rus kyis ling ga la byab ste/_hU~M:_nye 'byed rlung gi phra ma mkhan:_bya rog 'ug pa'i gdong pa can:_sku las dri ngan lha srung brgyal:_lag na dbye byed g.yab mo 'byed:_dam nyams bstan pa'i phung byed 'di:_'go ba'i lha lnga bral bar gyis:_skyabs dang phrol la gshed du phob:_dam las 'da' bar ma byed cig:_bca' ba'i phyag rgya thal mo rgyab sprod du dbye ba'i rgyas/_gdab bya'i dmod pa ni/_chos nyid kyi bden pa'o:_gsang sngags kyi byin rlabs so:_sangs rgyas kyi mthu'o:_a b+hi tsAr+Ya'i dus la bab bo:_brnag pa de kho na la'o:_dgra bgegs lha dang phrol cig:_nyams pa'i dgra bgegs mgon skyabs dang bral bar gyur cig:_ngan sngags las kyi phur pa seng ldeng dmar po las grub pa gnam gyi 'ju thag gcod phyir dgra bo'i spyi gtsug tu gdab ste/_oM badz+ra kI li kI la ya tshan+d+hi tshan+d+hi dgra bgegs mA ra ya hU~M phaTa?:_ting nge 'dzin ni/_dpal chen po'i thugs ka nas sprul pa'i pho nya rnams kyis dbye ba'i las mdzad/_dgra bgegs lha dang phral te byi'u 'ur rdos phog pa gcig pur lus pa ltar gyur par bsam mo/__/las rim gnyis pa gzugs la dbab pa'i la/_gnyen po stobs kyi lha khro bo mi g.yo ba/_'jig rten las kyi lha btsan rgyal yam shud dmar po btsan dmag gi dpung dang bcas pa dpal chen po'i lte ba nas spros pa sprul pa'i pho nya'i tshogs dang bcas pa bskal pa'i me ltar 'bar bar mos la thugs dam bskul ba ni/_hU~M:_sprul pa chen po'i dus la bab:_mthu rtsal dbyung ba'i dus la bab:_rbad cing bskul ba nga yis byed:_gnod cing gdug pa'i dgra dang bgegs:_bdud dang bar du gcod pa'i tshogs:_khro bo'i chen po byin rlabs kyis:_phob cig rnam par gzir bar gyis:_zhes 'phyang gdags/_bsags pa'i rdzas yungs kar nag khrag gis sbag pas brab la/_gab pa'i sngags/_oM badz+ra kI li kI la ya dzaHhU~M ba~M hoH_mA ra ya A be sha ya A be sha ya sarba big+h+nAn ba~M hU~M phaTa?:_khyad par gyi pho nya bskul zhing thun gyis brab ste/_phyogs bzhi'i dpal gyi las mkhan ma:_lag na 'bar ba'i spu gri gdeng:_phur pa'i lha mo lag brgya mas:_sngon nas dgra bo'i bla khug cig:_bca' ba'i phyag rgya thal mo kha sbub tu byas te/_gdab bya'i dmod pa ni/_chos nyid kyi bden pa'o:_gsang sngags kyi byin rlabs so:_sangs rgyas kyi mthu'o:_a b+hi tsAr+Ya'i dus la bab bo:_brnag pa de kho na la'o:_dgra bgegs gzugs ling ga 'di la phob cig:_dgra bgegs kyi rnam par shes pa bla dang bcas pa ling ga 'di la bkug nas thim par gyur cig:_ngan sngags las kyi phur pa bya rgod kyi rkang las grub pa sa yi brtan phur phyung phyir rkang mthil du gdab pas dbugs kyi gnad chad par bsam/_oM badz+ra kI li kI la ya byA gr-i mu kha aM ku sha dgra bgegs mA ra ya hU~M phaTa?:_ting nge 'dzin ni/_dpal chen po'i thugs ka nas sprul pa'i pho nya rnams kyis dgra bgegs rten bkug cing phab ste gzer bar bsam mo/_/las rim gsum pa byad du gzhug pa la/_gnyen po stobs kyi lha khro bo khams gsum rnam rgyal dang*/_'jig rten las kyi lha klu'i rgyal po dmag gi dpung dang bcas pa dpal chen po'i phyag zhabs nas spros pa sprul pa'i pho nya'i tshogs dang bcas pa sprul par mos la thugs dam bskul ba ni/_hU~M:_phyag brnyan chen po'i dus la bab:_mthu rtsal dbyung ba'i dus la bab:_rbad cing bskul ba nga yis byed:_gnod cing gdug pa'i dgra dang bgegs:_bdud dang bar du gcod pa'i tshogs:_khro bo'i chen po'i byin rlabs kyis:_zung zhig rgyob cig rnam par chings:_zhes 'phyang gdags/_bsags pa'i rdzas byad thag tshon skud lnga dang shi skras yan lag bcings la/_gab pa'i sngags/_oM badz+ra kI li kI la ya dzaHhU~M ba~M hoH_mA ra ya shI g+h+raM a na ya hU~M phaTa?:_sarba big+h+nAn ba~M hU~M phaTa?:_bca' ba'i phyag rgya zhags pas 'ching tshul bya/_gdab bya'i dmod pa ni/_chos nyid kyi bden pa'o:_gsang sngags kyi byin rlabs so:_sangs rgyas kyi mthu'o:_a b+hi tsAr+Ya'i dus la bab bo:_brnag pa de kho na la'o:_dgra bgegs kyi dbang po yan lag sdoms shig:_dgra bgegs 'di gru gu thur du chings shig:_sdoms shig:_ngan sngags las kyi mchog phur 'byung bzhi'i gnad gcod phyir gsang gnas su gdab ste/_oM badz+ra kI li kI la ya bing bing dgra bgegs mA ra ya hU~M phaTa?:_ting nge 'dzin ni/_dpal chen po'i thugs ka nas sprul pa'i pho nya rnams kyis dgra bgegs gru gu thur du bcings par bsam mo/__/las rim bzhi pa smyo ru gzhug pa la/_gnyen po stobs kyi lha khro bo rta mgrin/_'jig rten las kyi lha rgyal po pe dkar lha ging 'gong po'i dmag dpung dang bcas pa dpal chen po'i thugs kyi rtse mo dang ljags dkyil nas spros pa sprul pa'i pho nya'i tshogs dang bcas pa sprul par mos la thugs dam bskul ba ni/_hU~M:_shwa na mu kha'i dus la bab:_mthu rtsal dbyung ba'i dus la bab:_rbad cing bskul ba nga yis byed:_gnod cing gdug pa'i dgra dang bgegs:_bdud dang bar du gcod pa'i tshogs:_khro bo chen po'i byin rlabs kyis:_rings par khug la smyor chug cig:_ces 'phyang gdags/_bsags pa'i rdzas dug sna khrag dang sbyar bas brab ste/_gab pa'i sngags/_oM badz+ra kI li kI la ya dzaHhU~M ba~M hoH_mA ra ya dz+wa la pa ya dz+wa la pa ya sarba big+h+nAn ba~M hU~M phaTa?:_bca' ba'i phyag rgya thal mo gzengs bskum dang bcas te/_gdab bya'i dmod pa ni/_chos nyid kyi bden pa'o:_gsang sngags kyi byin rlabs so:_sangs rgyas kyi mthu'o:_a b+hi tsAr+Ya'i dus la bab bo:_brnag pa de kho na la'o:_dgra bgegs smyo ru chug cig:_smyo ru chug 'bogs su chug:_dran pa nyams par gyur cig:_ngan sngags las kyi phur pa zangs las grub pa ngag 'joms pa'i phyir lce yi dkyil du gdab la/_oM badz+ra kI li kI la ya na maHsa man+ta bi shwa d+ha be ra be ra dgra bgegs mA ra ya hU~M phaTa?:_ting nge 'dzin ni/_dpal chen po'i thugs ka nas sprul pa'i pho nya rnams kyi thugs ka nas 'od tshwa tshwa lta bu 'phros pas dgra bo smyo ru chug_/'bogs su chug_/smyos su chug par bsam mo/__/las rim lnga pa rdul du brlag pa'i khongs su spu gri gcig shur gyi las 'byung bas de ni/_bdag dpal chen por gsal ba'i thal mo gnyis thabs shes kyi rang bzhin nyi zla'i mtshan pa'i bar du bsnyen phur yak+sha kro d+ha dus me'i tshwa tshwa 'phro bar mos la byin gyis brlabs te/_oM badz+ra kI li kI la ya hU~M phaTa?:_ces nyer gcig mthar/_oM laM hU~M laM s+t+waM b+ha ya nan:_mo ha g+hA ta ya b+ha ga wan:_hrIHSh+TI bi kr-i ta badz+ra hU~M kA ra hU~M hU~M hU~M phaTa? phaTa? phaTa?:_badz+ra kI li kI la ya dzaHhU~M ba~M hoH_sarba big+h+nAn:_badz+ra kI li kI la ya hU~M phaTa?:_badz+ra hU~M kA ra hU~M phaTa?:_badz+ra hU~M kA ra hU~M a aH_zhes spu gri'i gdab sngags brjod cing*/_dmigs pa/_snying dkar nag gi mtshams su bsgril zhing gdab pas kho'i gzugs phung gi 'byung bzhi'i dwangs ma rim bzhin 'dus nas yal/_snying gar tshe rten a dkar po 'od kyi thig le'i dbus su kun gzhi nr-i dud kha'i gzugs su gnas par phur rtse hU~M ldan btab pas nr-i thig le a bcas bsdus nas rang la bstan pas a dkar po 'od kyi gong bu can de bdag gi snying gar thim/_tshe dpal gzi brjid rgyas/_slar yang phur bu las 'phros pa'i 'od kyi rtse las gzas po'i rnam shes a yig gi gzugs kyis 'og min du phaTa? ces gnas spar nas rdo rje sems dpa' yab yum gyi sbyor mtshams su zhugs/_kI la ya brjod pas rdor sems kyi sras su skyes par bsam pa ni thugs rje'i 'od kyi phur bu zhes bya ste las ngan rnam smin gyi skye sgo bcad nas skye med kyi dbyings su sbyor bar dmigs la gdab phur btab ste/_hU~M:_nga ni khro rgyal badz+ra kI la ya:_sangs rgyas kun gyi 'bar ba'i ye shes sku:_khams gsum 'khor ba thal 'byin phur pa ni:_yak+sha kro d+ha khro bo'i rje btsan te:_klad la bskor bas bdag cag 'khor bcas srung:_g.yas su bsgril bas pho rgyud dbang du 'dus:_g.yon du bsgril bas mo rgyud las la bkol:_sked la bskor bas mi ldog dgra la thebs:_'phyar ba tsam gyis lha yang skrag byed cing:_btab pa'i mod la dgra bgegs gum gum bsgyel:_rno ngar ldan pas thal bar rlog pa 'di:_btab bo nyams pa bdun ldan ru trar ya:_srid pa ming med gyis shig mA ra ya:_de nas rgyud las/_khro bo bcu yi phur pa yis/_/lus kyi gnas bcu dag tu gdab/_/ces gsungs pa ltar phyir mi ldog pa'i phyir khro bo bcu'i phur pa gdab ste/_hU~M:_bdag cag rnal 'byor sgrub pa pos:_byang chub mchog tu sems bskyed cing:_dus gsum rgyal ba'i gdung 'tshob pa'i:_rig 'dzin bdag cag rnams la ni:_gnod cing gdug pa'i dgra dang bgegs:_bdud dang bar du gcod pa dang:_dngos grub 'phrog cing 'tshe ba rnams:_khro bo chen po'i byin rlabs kyis:_yud tsam gyis ni 'dir khug la:_mngon spyod phrin las 'grub par mdzod:_lus ngag rdul du bshig nas kyang:_sdug bsngal nyams su myong bar mdzod:_ha na ha na badz+ra sarba big+h+nAn ba~M hU~M phaTa?:_rnam rgyal dpral ba/_da ha da ha badz+ra sarba big+h+nAn ba~M hU~M phaTa?:_dbyug sngon dpung g.yas/_pa tsa pa tsa badz+ra sarba big+h+nAn ba~M hU~M phaTa?:_gshin rje lte ba/_ma tha ma tha badz+ra sarba big+h+nAn ba~M hU~M phaTa?:_mi g.yo dpyi g.yas/_dz+wa la dz+wa la badz+ra sarba big+h+nAn ba~M hU~M phaTa?:_rta mgrin mgrin pa/_su ru su ru badz+ra sarba big+h+nAn ba~M hU~M phaTa?:_'dod rgyal dpyi g.yon/_mu ru mu ru badz+ra sarba big+h+nAn ba~M hU~M phaTa?:_hU~M mdzad spyi bo/_ka taM ka ye badz+ra sarba big+h+nAn ba~M hU~M phaTa?:_stobs chen gsang gnas/_dza ye bi dza ye badz+ra sarba big+h+nAn ba~M hU~M phaTa?:_khams gsum rnam rgyal dpung g.yon/_a dzi te a pa ra dzi te badz+ra sarba big+h+nAn ba~M hU~M phaTa?:_bdud rtsi 'khyil ba snying gar gdab bo/_las rim lnga pa rdul du brlag pa dngos la/_gnyen po stobs kyi lha khro bo dbyug pa sngon po dang*/_'jig rten las kyi lha bdud dmag bye ba'i dpung dang bcas pa dpal chen po'i dbu yi gtsug tor nas spros pa sprul pa'i pho nya'i tshogs dang bcas sprul par mos la thugs dam bskul ba ni/_hU~M:_bdag nyid chen po'i dus la bab:_mthu rtsal dbyung ba'i dus la bab:_rbad cing bskul ba nga yis byed:_gnod cing gdug pa'i dgra dang bgegs:_bdud dang bar du gcod pa'i tshogs:_khro bo chen po'i byin rlabs kyis:_lus ngag rdul phran bzhin du rlog:_ces 'phyang gdags/_bsags pa'i rdzas mi'i rje ngar dang rdo rje'i tho bas brdung la/_gab pa'i sngags/_oM badz+ra kI li kI la ya dzaHhU~M ba~M hoH_mA ra ya ta thA ya ta thA ya sarba big+h+nAn ba~M hU~M phaTa?:_bca' ba'i phyag rgya thal mo bsnol ma nang bskum gyis brdung tshul dang bcas te/_gdab bya'i dmod pa ni/_chos nyid kyi bden pa'o:_gsang sngags kyi byin rlabs so:_sangs rgyas kyi mthu'o:_a b+hi tsAr+Ya'i dus la bab bo:_brnag pa de kho na la'o:_dgra bgegs gnod byed rdul du brlag par gyur cig_/ngan sngags las kyi phur pa lcags las grub pa sems kyi dpyis 'byin par snying gar gdab ste tshe yi gnad bcad par bsam/_oM badz+ra kI li kI la ya dzaHhU~M ba~M hoHsarba duSh+TaM dgra bgegs mA ra ya hU~M phaTa?:_ting nge 'dzin ni/_dpal chen po'i thugs ka nas sprul pa'i pho nya rnams kyis dgra bgegs thal ba'i rdul du brlag par bsam mo/__/las rim drug pa zhal du bstab pa la/_gnyen po stobs kyi lha khro bo stobs po che dang*/_'jig rten las kyi lha btsan dmag dang bcas pa dpal chen po'i gsang ba'i sbubs nas spros pa sprul pa'i pho nya'i tshogs dang bcas pa rnams kyis dgra bgegs bsgral ba'i sha khrag zhal du bstab par mos la thugs dam bskul ba ni/_hU~M:_sa bdag chen po'i dus la bab:_mthu rtsal dbyung ba'i dus la bab:_rbad cing bskul ba nga yis byed:_gnod cing gdug pa'i dgra dang bgegs:_bdud dang bar du gcod pa'i tshogs:_khro bo chen po'i byin rlabs kyis:_dkyil 'khor lha tshogs zhal du bstab:_ces 'phyang gdags/_bsags pa'i rdzas mi rkang gi gzar bu zur gsum pas zhal du bstab la/_gab pa'i sngags/_oM badz+ra kI li kI la ya dzaHhU~M ba~M hoH_mA ra ya b+hin+d+ha ya b+hin+d+ha ya:_sarba big+h+nAn ba~M hU~M phaTa?:_bca' ba'i phyag rgya rdo rje'i thal mo kha gyen bstan gyis/_gdab bya'i dmod pa ni/_chos nyid kyi bden pa'o:_gsang sngags kyi byin rlabs so:_sangs rgyas kyi mthu'o:_a b+hi tsAr+Ya'i dus la bab bo:_brnag pa de kho na la'o:__lha tshogs rnams kyis dgra bgegs kyi sha khrag rus pa dang bcas pa lhag ma med par rol cig_/ngan sngags las kyi phur pa skyer pa las grub pa srid pa skyed byed gzhom zhing bkrag mdangs kyi gnad gcod phyir lte bar gdab la/_oM badz+ra kI li kI la ya dzaHhU~M ba~M hoH_su ru su ru u tsuSh+ma kro ta dgra bgegs mA ra ya hU~M phaTa?:_ting nge 'dzin ni/_dpal chen po'i thugs ka nas sprul pa'i pho nya rnams kyis sha khrag rus pa lha tshogs rnams kyi zhal du bstab pas dgyes pa'i rkan sgra dang bcas te gsol bar bsam mo/__/de ltar drag po dgra bgegs sgrol ba'i dbang bskur yongs rdzogs grub nas las kyi mtha' sdud rnam gsum gyi dbang sbyin pa'i thog mar zlog pa'i mtha' sdud zor rdzas rnams gtad pas dgra bgegs thams cad rtsad nas brlag pa'i mthu dbang thob par mos shig_/zor rdzas rnams gtad la/_hU~M:_dgra bgegs gzugs phung bshig pa'i phyir:_ke tshe shang tshe yungs kar dang:_rdo phye lcags phye khrag gi thun:_kong zor rdo zor thod zor dang:_dregs pa'i phur pa sor lnga pa:_'phang ba'i phur pa sor drug pa:_mda' zor dug gi gtor ma dang:_gtor zor mtshon chas dbang bskur bas:_dgra bgegs thams cad phung bar gyis:_spu gri'i sngags sham du/_dgra bgegs mA ra ya rbad:_ces btags pa brjod/_gnyis pa bsad pa'i mtha' sdud sreg pa'i hom dang gzar bu gtad pas dgra bgegs thams cad rjes med du bsreg pa'i mthu dbang thob par mos shig_/hom dang gzar blugs gtad la/_hU~M:_dgra bgegs zhal du gsol ba'i phyir:_hom dang dgang gzar blugs gzar dang:_sreg pa'i rdzas kyis dbang bskur bas:_gzhig dang spor ba'i nus ldan shog:_spu gri'i sngags sham du/_dgra bgegs mA ra ya dz+wa la raM:_zhes brjod/_gsum pa srung ba'i mtha' sdud mnan pa'i chas rnams gtad pas dgra bgegs thams cad bskal pa'i mthar yang ldang mi nus par gnon pa'i mthu dbang thob par mos shig_/mnan chas gtad la/_hU~M:_lcags kyi khang sgrom 'bar ba dang:_khyi mgo nag po'i dung khang dang:_ro g.yam rdo rje rgya gram dang:_mnan pa'i phur pa sor bzhi pa:_rang 'thag gling bzhi rnams gtad pas:_mi ldog non pa'i mthu thob shog:_spu gri'i sngags sham du/_dgra bgegs dam sri mA ra ya nan:_trig nan s+t+wam+b+ha nan:_mo ha ya nan:_s+t+wam+b+ha ya nan:_mthar bcol bskul bya ba ni/_gdab phur bsgril la/_slar yang bka' la mi nyan pa thams cad 'di lta bu'i sbyor bas bsgral bar bya ba gdon mi za'o/__hU~M:_nyon cig bgegs dang log 'dren tshogs:_nga yi bka' las 'da' ma byed:_rdo rje gsang ba'i bka' las ni:_sdig can gang zhig 'da' byed pa:_stobs chen khro bo chen po yis:_klad pa tshal pa brgyar khos la:_nga yi bka' las 'da' ma byed:_oM badz+ra kI li kI la ya ha ha ha hU~M hU~M hU~M phaTa? phaTa? phaTa?:_de rnams kyis gdab pa'i las rim rgyas par rdzogs nas/_mtha' rten 'chi med tshe yi dbang bskur ba la/_tshe 'brang rdo rje gzhon nu'i dkyil 'khor du gsal bas dbang bskur ba'i tshe sku gsung thugs las 'chi med bdud rtsi 'od zer gyi rgyun byung*/_khyed rang rnams kyi gnas gsum du thim pas gsang gsum rdo rje mi shigs pa'i tshe dbang thob par mos shig_/tshe 'brang gnas gsum du bzhag la/_oM:_bum pa rin chen tshe'i gzhal yas:_'chi med dwangs ma'i bdud rtsis gtams:_mi shigs rdo rje tshe yi lhas:_skye 'chi med pa'i tshe thob shog:_kA ya A yu dz+nyA na tiSh+Than+tu:_bdud rtsi myang du gzhug la/_AH_rang byung ye shes bdud rtsi'i rgyun:_'byung lnga 'dus pa'i dwangs ma'i rgyun:_tshe yi lha tshogs byang sems kyis:_rgyun chad med pa'i tshe thob shog:_wAka A yu dz+nyA na tiSh+Than+tu:_tshe ril snying gar bzhag cing byin la/_hU~M:_rtag tu 'pho med tshe'i ril bu:_lha tshogs dwangs ma mi shigs khams:_snying gi dbus su bstim pa yis:_rdo rje rtag pa'i tshe thob shog:_tsit+ta A yu dz+nyA na tiSh+Than+tu:_tshogs rdzas gtad la/_hU~M:_gzhong pa rnam dag nyi zla'i snod nang du:_zhal zas sna tshogs bdud rtsi'i rgya mtsho 'khyil:_lus dkyil lha la tshogs kyi 'khor lo 'bul:_bde chen ye shes mchog dang ldan par shog:_ces gtad la rol du gzhug_/mtshams sbyor spyi 'gro ltar la ye d+har dang shis brjod rgyas par byas la me tog 'thor/_rol mo'i sgra bsgrag/_rjes dam tshig bsgrag bzung*/_gtang rag maN+Dal/_lus longs spyod 'bul ba/_dge ba bsngo ba rnams byas la slob ma rang gnas su btang ngo*/__/gsum pa rjes kyi bya ba la/_slob dpon gyis tshogs la rol ba sogs mjug gi chings ltar bya'o/__!__gnyis pa yan lag gi dkyil 'khor brgya dang bcu gnyis pa'i dbang bye brag tu bskur tshul ni/_dang po stegs bu'i dbus su gzhung mthun gyi ras bris sam/_'bru nag gi tshom bu bkod la/_many+dzi'i khar bum pa so lnga'i bcud ldan mgul chings sngon po can/_thun mong rigs dbang lnga'i chas/_gzhung mthun lha tshogs yongs rdzogs kyi sku tsaka_/sngags byang*/_phyag mtshan/_dur khrod dpal chas/_las phur bcas dang*/_rtsa ba'i dbang bskur sngon du song zin na zab dbang gsum ma bskur kyang rung la/_'di nyid kho na'i skabs sbyar na legs pas de ltar na gsang thod dang*/_rig tsaka bcas 'du bya/_mthar nyer spyod mchod pa dang*/_tshogs/_dkar bgegs/_bka' gter chos srung gtor 'bul chad brtan rnams 'du bya'o/__/gnyis pa dbang don sgrub mchod la brgyud 'debs sngon du 'gro bas las byang khrag 'thung rol pa'i dga' ston gyi skyabs sems nas brtsams bzlas pa'i bar dang*/_bsnyen dmigs mgor dzapa khang phyes la sgrub pa dang sgrub chen gyi sngags gtso bor bya zhing*/_bsnyen pa dang las sngags thams cad khyug tsam bzlas la gtso las kyi bum pa sgrub/_mthar mchod bstod dang chos skyong gtor 'bul/_tshogs bsgral ba'i bar byas la/_bdag 'jug gam rig pa'i me tog dor ba la slob ma 'jug par gnang ba zhu/_gsum pa dbang dngos la slob ma rnams la khrus bya/_bgegs gtor btang zhing srung 'khor bsgoms nas/_de yang chos sku mnyam pa chen po'i klong du sangs rgyas thams cad bde chen thig le nyag gcig sku dang ye shes 'du 'bral med pa yid bzhin nor bu dbang gi rgyal po ltar mngon par rdzogs pa sangs rgyas pa'i 'bras bu'i spang rtogs la mnga' dbang bsgyur ba las bzang ngan gyi rnam dbyer ma mchis kyang*/_gzugs sku nges pa lnga ldan du rigs dang phrin las kyi rnam par rol pa gang 'dul du bstan pa'i dbang gis sgrub thag nye ba/_phrin las myur ba la khyad par 'phags pa ni las kyi rigs te/_de las kyang yab rdo rje gzhon nu dang*/_yum sgrol ma gnyis po ni las dang dngos grub stsol ba la thogs pa med pa'i thugs bskyed kyi mthu che zhing*/_phrin las mngon rtags da lta'i bar zam ma chad par gsar rnying mkhas grub kun gyi thugs dam lhag pa'i lhar rtsod med du grags pa la/_snga 'gyur gyi chos skad la bka' gter dag snang gsum du dbye ba'i bka' srol rgyas bsdus bsam mi khyab pa bzhugs pa las/_skabs su bab pa 'di ni gangs can mkhas grub kun gyi gtsug rgyan/_thub bstan ris su ma chad pa'i shing rta/_gsang ba rgya mtsho'i mdzod la mnga' dbang bsgyur ba'i thams cad mkhyen gzigs 'jam pa'i rdo rje mkhyen brtse'i dbang po pad+ma 'od gsal mdo sngags gling pa la bka' bab chos mdzod chen po bdun bzhugs pa'i bye brag rdo rje phur pa paN chen bi ma la mi tra dang*/_gnyags lo chen po dz+nyA na ku mA ra rnam pa gnyis kyi ring lugs phur pa'i sgrub sde chen po rmad du byung bar bzhugs pa nyid bla ma dang lhag pa'i lha'i thugs rje'i zla zer skal pa bzang por sim pa 'thung ba'i nyer len gyis/_mdo khams zal mo sgang gi char/_sku yi gsung gi gnas mchog karma'i ri sul gyi rdo rje'i gnas su phyin pa'i skabs klong chen nam mkha' 'od gsal o rgyan mdo sngags gling pa la dngos grub tu thob pa'i rdo rje phur pa'i yan lag gi sgrub sde chen po dkyil 'khor brgya dang bcu gnyis pa'i dbang bskur zhu ba'i don du maN+Dal phul/_gsol gdab nas brtsams skyabs sems/_yan lag brgyad pa/_sdom bzung*/_dam chu sbyin pa/_ye shes dbab bstim brtan bzhugs/_bum dbang gi gsol gdab bcas dbang chen gyi gzhung ltar la/_dngos gzhi mngon par dbang bskur bar byed pa la/_rigs pa'i dbang lnga'i thog mar mi bskyod pa chu yi dbang gi sogs nas/_rigs lnga'i ngo bor sangs rgyas pa yin no/__/bar dang don dbang gi rnam rgyal bum pa'i dbang rigs kyi bu brgyan pa'i bar bskur rjes/_khyad par sku gsung thugs kyi byin rlabs dang nus pa rgyud la 'jug pa'i phyir lha sngags rig pa'i dbang bskur sbyin pa'i thog mar lha sku phyag rgya'i dbang bskur ba la sogs nas/_gtso bo yab yum gyi rjes su/_hU~M:_nyon mongs zhe sdang gnas dag cing:_me long ye shes khros pa'i sku:_bcom ldan badz+ra he ru kas:_rigs kyi bu la dbang bskur ro:_oM badz+ra kI li kI la ya sarba big+h+nAn ba~M hU~M phaTa?:_a b+hi Shiny+tsa hU~M:_hU~M:_nyon mongs nga rgyal gnas dag cing:_mnyam nyid ye shes khros pa'i sku:_bcom ldan rat+na he ru kas:_rigs kyi bu la dbang bskur ro:_oM rat+na kI li kI la ya sarba big+h+nAn ba~M hU~M phaTa?:_a b+hi Shiny+tsa hU~M:_hU~M:_nyon mongs 'dod chags gnas dag cing:_sor rtog ye shes khros pa'i sku:_bcom ldan pad+ma he ru kas:_rigs kyi bu la dbang bskur ro:_oM pad+ma kI li kI la ya sarba big+h+nAn ba~M hU~M phaTa?:_a b+hi Shiny+tsa hU~M:_hU~M:_nyon mongs phrag dog gnas dag cing:_bya grub ye shes khros pa'i sku:_bcom ldan karma he ru kas:_rigs kyi bu la dbang bskur ro:_oM karma kI li kI la ya sarba big+h+nAn ba~M hU~M phaTa?:_a b+hi Shiny+tsa hU~M:_hU~M:_steng phyogs 'khor lo'i rtsibs steng nas:_khro bo'i rgyal po hU~M kA ra:_yum ni rdo rje sgra 'byin mas:_rigs kyi bu la dbang bskur ro:_a b+hi Shiny+tsa hU~M:_rang sngags la/_hU~M:_shar phyogs 'khor lo'i rtsibs steng nas:_khro bo'i rgyal po rnam par rgyal:_yum ni rdo rje mda' snyems mas:_rigs kyi bu la dbang bskur ro:_sngags sbyar ba 'gre/_hU~M:_lho phyogs 'khor lo'i rtsibs steng nas:_khro bo'i rgyal po gshin rje gshed:_yum ni rdo rje dur khrod bdag:_rigs kyi bu la dbang bskur ro:_sngags/_hU~M:_nub phyogs 'khor lo'i rtsibs steng nas:_khro bo'i rgyal po rta mgrin dbang:_yum ni rdo rje gtum mo mas:_rigs kyi bu la dbang bskur ro:_sngags/_hU~M:_byang phyogs 'khor lo'i rtsibs steng nas:_khro bo'i rgyal po bdud rtsi 'khyil:_yum ni rdo rje rlung 'byin mas:_rigs kyi bu la dbang bskur ro:_sngags/_hU~M:_shar lho 'khor lo'i rtsibs steng nas:_khro bo'i rgyal po dbyug pa sngon:_yum ni rdo rje sder mo mas:_rigs kyi bu la dbang bskur ro:_sngags/_hU~M:_lho nub 'khor lo'i rtsibs steng nas:_khro bo'i rgyal po mi g.yo mgon:_yum ni rdo rje gtun khung mas:_rigs kyi bu la dbang bskur ro:_sngags/_hU~M:_nub byang 'khor lo'i rtsibs steng nas:_khro bo'i rgyal po 'dod pa'i rgyal:_yum ni rdo rje snyems ma dmar:_rigs kyi bu la dbang bskur ro:_sngags/_hU~M:_byang shar 'khor lo'i rtsibs steng nas:_khro bo'i rgyal po khams gsum rgyal:_yum ni rdo rje gsod byed mas:_rigs kyi bu la dbang bskur ro:_sngags/_hU~M:_'og phyogs 'khor lo'i rtsibs steng nas:_khro bo'i rgyal po stobs chen po:_yum ni rdo rje skyod byed mas:_rigs kyi bu la dbang bskur ro:_sngags/_hU~M:_khro rgyal yab yum rol pa las:_rtog 'joms chen po'i ting 'dzin las:_phra men pho nya phag gdong gis:_rigs kyi bu la dbang bskur ro:_oM badz+ra su ka ra mu kha hU~M:_a b+hi Shiny+tsa hU~M:_hU~M:_khro rgyal yab yum rol pa las:_dpa' gtum chen po'i ting 'dzin las:_phra men pho nya stag gi mgos:_rigs kyi bu la dbang bskur ro:_oM badz+ra byA gr-i mu kha hU~M:_a b+hi Shiny+tsa hU~M:_hU~M:_khro rgyal yab yum rol pa las:_rdzis tshor spangs pa'i ting 'dzin las:_phra men pho nya g.yag gi mgos:_rigs kyi bu la dbang bskur ro:_oM badz+ra tsa ma ra mu kha hU~M:_a b+hi Shiny+tsa hU~M:_hU~M:_khro rgyal yab yum rol pa las:_dus 'jug chen po'i ting 'dzin las:_phra men pho nya sha ba'i mgos:_rigs kyi bu la dbang bskur ro:_oM badz+ra ha ri Na mu kha hU~M:_a b+hi Shiny+tsa hU~M:_hU~M:_khro rgyal yab yum rol pa las:_ye rdzogs chen po'i ting 'dzin las:_phra men pho nya gzig gi mgos:_rigs kyi bu la dbang bskur ro:_oM badz+ra t+ya ki mu kha hU~M:_a b+hi Shiny+tsAhU~M:_hU~M:_khro rgyal yab yum rol pa las:_thabs mkhas chen po'i ting 'dzin las:_phra men pho nya byi la'i mgos:_rigs kyi bu la dbang bskur ro:_oM badz+ra bi TA la mu kha hU~M:_a b+hi Shiny+tsa hU~M:_hU~M:_khro rgyal yab yum rol pa las:_za byed chen po'i ting 'dzin las:_phra men pho nya spyang ki'i mgos:_rigs kyi bu la dbang bskur ro:_oM badz+ra sra[I] ga la mu kha hU~M:_a b+hi Shiny+tsa hU~M:_hU~M:_khro rgyal yab yum rol pa las:_rigs btsun chen po'i ting 'dzin las:_phra men pho nya seng ge'i mgos:_rigs kyi bu la dbang bskur ro:_oM badz+ra sing ha mu kha hU~M:_a b+hi Shiny+tsa hU~M:_hU~M:_khro rgyal yab yum rol pa las:_za byed chen po'i ting 'dzin las:_phra men pho nya dred kyi mgos:_rigs kyi bu la dbang bskur ro:_oM badz+ra rak+Shi sa mu kha hU~M:_a b+hi Shiny+tsa hU~M:_hU~M:_khro rgyal yab yum rol pa las:_myos byed chen po'i ting 'dzin las:_phra men pho nya dom gyi mgos:_rigs kyi bu la dbang bskur ro:_oM badz+ra rak+Sha sa mu kha hU~M:_a b+hi Shiny+tsa hU~M:_hU~M:_khro rgyal yab yum rol pa las:_mi 'gyur chen po'i ting 'dzin las:_phra men ma ste rmigs bu'i mgos:_rigs kyi bu la dbang bskur ro:_oM badz+ra i Shu pa mu khi hU~M:_a b+hi Shiny+tsa hU~M:_hU~M:_khro rgyal yab yum rol pa las:_thogs med chen po'i ting 'dzin las:_phra men ma ste bya rgod mgos:_rigs kyi bu la dbang bskur ro:_oM badz+ra gr-i D+ha mu khi hU~M:_a b+hi Shiny+tsa hU~M:_hU~M:_khro rgyal yab yum rol pa las:_gsal byed chen po'i ting 'dzin las:_phra men ma ste bya rog mgos:_rigs kyi bu la dbang bskur ro:_oM badz+ra ta nA mu khi hU~M:_a b+hi Shiny+tsa hU~M:_hU~M:_khro rgyal yab yum rol pa las:_mthong byed chen po'i ting 'dzin las:_phra men ma ste 'ug pa'i mgos:_rigs kyi bu la dbang bskur ro:_oM badz+ra U lu ka mu khi hU~M:_a b+hi Shiny+tsa hU~M:_hU~M:_khro rgyal yab yum rol pa las:_thal byed chen po'i ting 'dzin las:_phra men ma ste khwa ta'i mgos:_rigs kyi bu la dbang bskur ro:_oM badz+ra pri ta mu khi hU~M:_a b+hi Shiny+tsa hU~M:_hU~M:_khro rgyal yab yum rol pa las:_bkrag byed chen po'i ting 'dzin las:_phra men ma ste pu shud mgos:_rigs kyi bu la dbang bskur ro:_oM badz+ra pak+Shi ta mu khi hU~M:_a b+hi Shiny+tsa hU~M:_hU~M:_khro rgyal yab yum rol pa las:_sgrib byed chen po'i ting 'dzin las:_phra men ma ste khra yi mgos:_rigs kyi bu la dbang bskur ro:_oM badz+ra pany+tsa ra Na mu khi hU~M:_a b+hi Shiny+tsa hU~M:_hU~M:_khro rgyal yab yum rol pa las:_gso byed chen po'i ting 'dzin las:_phra men ma ste pha waM mgos:_rigs kyi bu la dbang bskur ro:_oM badz+ra ti ri la mu khi hU~M:_a b+hi Shiny+tsa hU~M:_hU~M:_khro rgyal yab yum rol pa las:_btsal byed chen po'i ting 'dzin las:_phra men ma ste sre mong mgos:_rigs kyi bu la dbang bskur ro:_oM badz+ra na ku laM mu khi hU~M:_a b+hi Shiny+tsa hU~M:_hU~M:_khro rgyal yab yum rol pa las:_'gugs byed chen po'i ting 'dzin las:_phra men ma ste byi ba'i mgos:_rigs kyi bu la dbang bskur ro:_oM badz+ra ka shi ka mu khi hU~M:_a b+hi Shiny+tsa hU~M:_hU~M:_mdun phyogs zla gam gdan steng nas:_thugs kyi sras mchog kI la yas:_rigs kyi bu la dbang bskur bas:_gzugs med khams 'dul dbang thob shog:_oM badz+ra kro d+ha kI la ya hU~M phaTa?:_a b+hi Shiny+tsa hU~M:_hU~M:_g.yas phyogs zla gam gdan steng nas:_sku yi sras mchog kI la yas:_rigs kyi bu la dbang bskur bas:_'dod khams 'dul ba'i dbang thob shog:_oM badz+ra kro d+ha kI la ya hU~M phaTa?:_a b+hi Shiny+tsa hU~M:_hU~M:_g.yon phyogs zla gam gdan steng nas:_gsung gi sras mchog kI la yas:_rigs kyi bu la dbang bskur bas:_gzugs khams 'dul ba'i dbang thob shog:_oM badz+ra kro d+ha kI la ya hU~M phaTa?:_a b+hi Shiny+tsa hU~M:_b+h+yo:_zhi byed chen po'i ting 'dzin gyis:_thams cad zhi bar byed pa'i mchog:_gnas kyi ma mo gau ri mas:_rigs kyi bu la dbang bskur ro:_oM badz+ra gau ri ha:_a b+hi Shiny+tsa hU~M:_b+h+yo:_dbang mdzad chen po'i ting 'dzin gyis:_thams cad ma lus dbang du mdzad:_gnas kyi ma mo tsau ri mas:_rigs kyi bu la dbang bskur ro:_oM badz+ra tsau ri ha:_a b+hi Shiny+tsa hU~M:_b+h+yo:_gnyis med chen po'i ting 'dzin gyis:_thams cad ma lus gnyis med sbyor:_gnas kyi ma mo rmongs mo ches:_rigs kyi bu la dbang bskur ro:_oM badz+ra pra mo he ha:_a b+hi Shiny+tsa hU~M:_b+h+yo:_drag mo chen po'i ting 'dzin gyis:_thams cad ma lus rdul du byed:_gnas kyi ma mo thal byed mas:_rigs kyi bu la dbang bskur ro:_oM badz+ra bai ta li ha:_a b+hi Shiny+tsa hU~M:_b+h+yo:_rgyas pa chen po'i ting 'dzin gyis:_thams cad kun nas rgyas par byed:_gnas kyi ma mo sbos mo ches:_rigs kyi bu la dbang bskur ro:_oM badz+ra puk+ka si ha:_a b+hi Shiny+tsa hU~M:_b+h+yo:_drag shul chen po'i ting 'dzin gyis:_thams cad ma lus brlag par byed:_gnas kyi ma mo gtum mo ches:_rigs kyi bu la dbang bskur ro:_oM badz+ra g+hasma ri ha:_a b+hi Shiny+tsa hU~M:_b+h+yo:_thams cad 'grub pa'i ting 'dzin gyis:_las rnams ma lus kun kyang byed:_gnas kyi ma mo sme sha mas:_rigs kyi bu la dbang bskur ro:_oM badz+ra tsaN+Da li ha:_a b+hi Shiny+tsa hU~M:_b+h+yo:_rol pa chen po'i ting 'dzin gyis:_thams cad kun kyang 'phel bar byed:_gnas kyi ma mo ma tshogs mas:_rigs kyi bu la dbang bskur ro:_oM badz+ra sme sha ni ha:_a b+hi Shiny+tsa hU~M:_b+h+yo:_khrag 'thung dpal gyi pho nya ni:_yul ma chen mo seng ge'i gdong:_rtog pa'i bdud 'joms za byed mas:_rigs kyi bu la dbang bskur ro:_oM badz+ra siM ha mu kha he:_a b+hi Shiny+tsa hU~M:_b+h+yo:_khrag 'thung dpal gyi pho nya ni:_yul ma chen mo stag gi gdong:_dpa' brtul 'bar ba'i cho 'phrul gyis:_rigs kyi bu la dbang bskur ro:_oM badz+ra byA gr-i mu kha he:_a b+hi Shiny+tsa hU~M:_b+h+yo:_khrag 'thung dpal gyi pho nya ni:_yul ma chen mo wa yi gdong:_phung po'i bdud 'joms thabs mkhas mas:_rigs kyi bu la dbang bskur ro:_oM badz+ra shri la mu kha he:_a b+hi Shiny+tsa hU~M:_b+h+yo:_khrag 'thung dpal gyi pho nya ni:_yul ma chen mo khyi yi gdong:_lha bu'i bdud 'joms mel tshe mas:_rigs kyi bu la dbang bskur ro:_oM badz+ra shwa na mu kha he:_a b+hi Shiny+tsa hU~M:_b+h+yo:_khrag 'thung dpal gyi pho nya ni:_yul ma chen mo bzhad kyi gdong:_shes bya thogs med mig rnon mas:_rigs kyi bu la dbang bskur ro:_oM badz+ra gr-i d+ha mu kha he:_a b+hi Shiny+tsa hU~M:_b+h+yo:_khrag 'thung dpal gyi pho nya ni:_yul ma chen mo kang+ka'i gdong:_'chi bdag bdud 'joms ro za mas:_rigs kyi bu la dbang bskur ro:_oM badz+ra kang+ka mu kha he:_a b+hi Shiny+tsa hU~M:_b+h+yo:_khrag 'thung dpal gyi pho nya ni:_yul ma chen mo khwa ta'i gdong:_nyon mongs bdud 'joms zad byed mas:_rigs kyi bu la dbang bskur ro:_oM badz+ra kA ka mu kha he:_a b+hi Shiny+tsa hU~M:_b+h+yo:_khrag 'thung dpal gyi pho nya ni:_yul ma chen mo 'ug pa'i gdong:_mi 'dod thugs rje drag shul mas:_rigs kyi bu la dbang bskur ro:_oM badz+ra U lu ka mu kha he:_a b+hi Shiny+tsa hU~M:_hU~M:_dkyil 'khor phyogs kyi sgo bzhi nas:_phrin las bzhi mdzad sgo ma bzhis:_rigs kyi bu la dbang bskur bas:_tshar gcod rjes 'dzin dbang thob shog:_oM badz+ra krod+hI ang+ku sha dzaH_oM badz+ra kro d+hI pA sha hU~M:_oM badz+ra kro d+hI s+pho Ta ba~M:_oM badz+ra kro d+hI gaN+De hoH_a b+hi Shiny+tsa hU~M_b+h+yo:_dkyil 'khor chen po'i mtha' skyong zhing:_drag po srin po la sogs pa'i:_chung ma zhi ba'i las mdzad mas:_rigs kyi bu la dbang bskur ro:_ma nu rak+sha si b+h+yo:_bra h+ma ni b+h+yo:_rau trI b+h+yo:_biSh+Na b+h+ya b+h+yo:_ku mA ri b+h+yo:_in+d+ra NI b+h+yo:_shin+taM ku ru swA hA:_a b+hi Shiny+tsa hU~M:_b+h+yo:_dkyil 'khor chen po'i mtha' skyong zhing:_drag po 'jug sred la sogs pa'i:_chung ma rgyas pa'i las mdzad mas:_rigs kyi bu la dbang bskur ro:_a mr-i taM b+h+yo:_sau mye b+h+yo:_daN+Ta daM b+h+yo:_rak+sha si b+h+yo:_b+hak+Sha si b+h+yo:_ra ti badz+ra b+h+yo:_puSh+TiM ku ru oM:_a b+hi Shiny+tsa hU~M:_b+h+yo:_dkyil 'khor chen po'i mtha' skyong zhing:_drag po dga' byed dbang phyug gi:_chung ma dbang gi las mdzad mas:_rigs kyi bu la dbang bskur ro:_e ka tsa ti Ni b+h+yo:_ma nu ha raM b+h+yo:_si ti kaM b+h+yo:_wA ya we b+h+yo:_ma hA ma ra Na b+h+yo:_ag+ni badz+ra b+h+yo:_wA shaM ku ru hoH_a b+hi Shiny+tsa hU~M:_b+h+yo:_dkyil 'khor chen po'i mtha' skyong zhing:_drag po gsod byed la sogs pa'i:_chung ma drag po'i las mdzad mas:_rigs kyi bu la dbang bskur ro:_tsa mun+ti b+h+yo:_su ta ni b+h+yo:_wa ru Na b+h+yo:_ma hA kA li b+h+yo:_tsa ka la b+h+yo:_kuM b+ha kar+Na b+h+yo:_mA ra ya phaTa?:_a b+hi Shiny+tsa hU~M:_b+h+yo:_gzhal yas phyi yi sgo srung ma:_lha mchog nag po'i chung ma ni:_nag po chen mo ma mo yis:_rigs kyi bu la dbang bskur ro:_sing ga laM b+h+yo:_a b+hi Shiny+tsa hU~M:_b+h+yo:_gzhal yas phyi yi sgo srung ma:_ra gdong chen po'i chung ma ni:_ra mgo dmar ser chen mo yis:_rigs kyi bu la dbang bskur ro:_ru ti ra ma ti b+h+yo:_a b+hi Shiny+tsa hU~M:_b+h+yo:_gzhal yas phyi yi sgo srung ma:_srin po bum sna'i chung ma ni:_bum sna sngo nag chen mo yis:_rigs kyi bu la dbang bskur ro:_b+ha ra hi b+h+yo:_a b+hi Shiny+tsa hU~M:_b+h+yo:_gzhal yas phyi yi sgo srung ma:_gsus po che yi chung ma ni:_gsus 'dzin ser nag chen mo yis:_rigs kyi bu la dbang bskur ro:_lam+b+ho d+hA ra b+h+yo:_a b+hi Shiny+tsa hU~M:_de nas bka' srung gi dbang ni:_hU~M:_dpal chen rdo rje kI la ya'i:_bran dang bka' nyan pho nya'i tshogs:_phur srung shwa na lcam dral bzhis:_rigs kyi bu la dbang bskur ro:_ma tha ma tha badz+ra:_dz+wa la dz+wa la badz+ra:_su ru su ru badz+ra:_mu ru mu ru badz+ra:_a b+hi Shiny+tsa hU~M:_hU~M:_dpal chen rdo rje kI la ya'i:_bran dang bka' nyan pho nya'i tshogs:_phur srung re ti lcam dral bzhis:_rigs kyi bu la dbang bskur ro:_ma ma wa shaM ku ru ma taM nya ka ra i dan d+ha ti ma ma shi g+h+raM kA ra ye:_a b+hi Shiny+tsa hU~M:_hU~M:_dpal chen rdo rje kI la ya'i:_bran dang bka' nyan pho nya'i tshogs:_phur srung sa bdag lcam dral bzhis:_rigs kyi bu la dbang bskur ro:_ka taM ka ye dza ye bi dza ye a dzi te a pA ra dzi te ma ra se na bra mar+d+ha na ye:_a b+hi Shiny+tsa hU~M:_de ltar lha tshogs rnams kyi sku phyag rgya'i byin rlabs lus la zhugs pas deng nas bzung ste rang lus sogs nas/_gsung bzlas pa'i lung gi gtso bo'i bsnyen sgrub gnyis grub pa dang*/_las byang gi bzlas dmigs/_dpal gyi thugs ka'i 'od zer sogs nas/_kI la ya rigs bzhi/_sras mchog nyer gcig_/khro bcu yab yum/_phra phyag nyi shu/_gnas yul ma mo/_sgo bzhi/_dbang phyug nyer brgyad bar bzlas dmigs sngon 'gro'i sngags kyi rjes zlos lan gsum re byar gzhug_/slar yang thugs ka'i 'od zer sogs don dbang ltar las sbyor gyi bzlas pa bya ba nas/_thugs ye shes kyi dgongs pa ngo sprad nas dur khrod dpal chas kyi mnga' gsol zhing bza' btung gtad pa'i bar sbyar la/_de ltar dbang bskur yongs su rdzogs pas khyed rang rnams rigs kun khyab bdag dkyil 'khor gtso bo rdo rje gzhon nu shes rab ma dang bcas snyoms par zhugs pa la dam tshig gsum sbyin pa'i slad du rdo rje lag g.yas su gtad pa gsor la/_rdo rje 'di ni thabs chen po:_sku yi dbang gi mchog yin te:_bde ba chen po'i ye shes kyi:_de nyid shes pas khyod kyis longs:_ma hA badz+ra hoH_dril bu lag g.yon du gtad pa dkrol zhing dkur bsten la/_chos nyid skye med stong pa nyid:_'gag pa med pa'i sgra gdangs bcas:_rang byung gsung ste gsung gi mchog:_mtshon par byed pa'i dbang yang sbyin:_ma hA gaN+De hoH_rdor dril thugs kar bsnol te bzung la/_e ma rdo rje sems dpa' che:_dkyil 'khor kun gyi dbang phyug gtso:_khyod ni rtag tu bde chen te:_bcom ldan snyems mar rol pas dgyes:_oM sarba ta thA ga ta ma hA a nu rA ga Na dz+nyA na badz+ra swa b+hA wa at+ma ko\u0f85haM:_de ltar dam tshig byin pas dbang gi byed las thams cad yongs su rdzogs pas dkyil 'khor gyi las rab 'byams sgrub pa la skal ldan du byas pa'o/__/de ltar bum pa'i dbang thob/_lus kyi dri ma dag_/lam bsnyen pa'i rnal 'byor bskyed rim bsgom pa dbang*/_'bras bu sku rdo rje sprul pa'i sku 'grub pa'i skal pa can du byas pa'o/__/dzaHhU~M ba~M hoH_nam mkha' gang ba'i dbang gi lha tshogs rnams khyed rang rnams la gnyis su med par thim par gyur/_mchog dbang gong ma gsum dgos na don dbang ltar bya/_dam tshig khas blang nas brtsams maN+Dal lus 'bul dge bsngo dang*/_slob dpon gyis phrin las rjes kyi rim pa mthar dbyung bas grub pa'o/__!__/gsum pa bka' srung ye shes kyi mgon po lcam dral gyi srog dbang zab mo ji ltar bskur ba'i tshul ni/_stegs bu'i steng gzhung mthun gyi dkyil 'khor ras bris sam ma 'byor na maN+Dal steng 'bru nag khrag gis gsher ba'i tshom bu dbus su gcig_/mdun dang g.yas g.yon du re re/_de rgyab phyogs rer gnyis gnyis/_mtshams bzhir re re bcas bcu gnyis/_mtha' bskor 'bru gcal du bkram pa'i steng many+dzi'i khar bum pa so lnga'i bcud ldan mgul chings sngo nag_/mgon po/_yum gsum/_phur srung bcu gnyis/_dbang mo nyer brgyad bcas kyi sku tsaka_/sngags phreng*/_gri thod/_ral gri dang thod khrag_/phur pa rak+ta rnams dang*/_mtshon cha sna tshogs kyi tsaka li rnams bshams/_mdun du dmar gtor dpung rong 'khor gsum/_de rgyab bcu gnyis/_mtheb kyu grangs med kyis gtams par sku tsaka dar gdugs sha khrag gis brgyan pa dang*/_gzhan yang bdag bskyed kyi gtor ma dang mchod gtor/_sman raka_/nyer spyod kyi mchod pa bskor bshams/_bdag gi rnal 'byor rgyas bsdus skabs dang 'brel ba sngon du 'gro bas bzlas pa bsdu ldang bcas byas la/_chos skyong gi phrin las kyi gzhung bsrang zhing bzlas pa bya/_bum pa rang byung gi gzhal med khang chen por ye shes kyi mgon po yab yum skad cig gis gsal ba la bdag gi thugs ka nas byung ba'i 'od zer gzungs thag la 'khril te song ba mgon po'i thugs srog la reg pas sku las byang sems bdud rtsi'i rgyun bab pas bum pa yongs su gang bar bsam la gzungs thag blangs te/_oM shrI ma hA kA la siM ha mu kha hU~M phaTa?:_las bum kyang bdud rtsi 'khyil bas sgrub/_bskang bshags rgyas par btang la dbang len gyi dmigs pa tsam bya/_dam gtsang snod ldan gyi slob ma bdun las mi mang bar khrus byas/_bgegs gtor btang*/_srung 'khor dang sems bskyed gsal btab la/_de la'ang bde bar gshegs pa rigs lnga yab yum dang bcas pa rnams zhi bas mi thul ba'i gdul bya gdug pa can rnams kyi don du thugs rje khros pa dpal he ru ka rigs lnga yab yum gyi skur bzhengs shing*/_de las kyang sangs rgyas kyi bstan pa srung ba'i don du gtum chen mi bzad pa'i gzugs can nag po chen po lcam dral gyi tshul du snang ba ni ye shes kyi chos skyong ba rnams yin la/_ngo bo ye shes pa las sprul zhing rnam pa dregs byed rang ga ba'i skye rgyud ltar bstan nas dpal he ru ka dang sangs rgyas sprul pa'i sku las chos thos shing bden pa mthong nas bka' dang tha tshig la gnas pa ni las las grub pa'i chos skyong dang*/_'jig rten rang rgyud par gtogs pa'i dregs pa can 'byung po sngon gyi smon lam dge ba'i stobs kyis mthu rtsal gzi brjid dang ldan pa rnams rgyal ba rig 'dzin gong mas gnad la phab ste rdo rje'i tha tshig phog cing bstan pa srung bar bsgos pa chos skyong 'jig rten par grags te/_de la skabs su bab pa 'di ni rdo rje phur pa'i rgyud rtsa dum las/_khyi gdong rdo rjes gdab par bya/_zhes gsungs pa ltar ngo bo ye shes kyi lha gtso mchog dpal chen po rdo rje gzhon nu nyid/_rnam pa phrin las kyi rigs su bsdus pa'i las kyi srung ma'i tshul du bstan pa'i mgon po ste/_o rgyan chen po'i rdo rje'i gsung las/_ngo bo ka dag chos kyi sku:_rang bzhin lhun grub longs spyod rdzogs:_thugs rje ma 'gag sna tshogs sprul:_dpal chen khrag 'thung chen po ni:_'jigs byed chen po'i gar bsgyur ba:_zhing skyong chen po'i sku ru snang:_zhes dang*/_chos kyi dbyings las dpal chen he ru ka:_:las la chas tshe phra men 'bar ba'i sku:_ma hA kA la phrin las mgon po ni:_mi 'gyur mthing nag mun pa chen po'i mdog:_dbyings la bzang ngan med pas khyi gdong ma:_dman pa'i yul 'das seng zhal lcags ral can:_zhes gsungs pa ltar rdo rje theg pa'i bka' srung ye shes kyi mgon po'i ya gyal dpal mgon zhal bzhi pa zhes gnas yul rdo rje'i zhing gi bdag po'i gdams skor gsar rnying gi ring lugs du ma nas 'byung ba dang*/_bdud mgon seng ge'i gdong can zhes dpal gyi tsA ri tra'i zhing skyong gi mgon por bstan pa rnams dang gnyis su med pa'i bdag nyid rdo rje phur pa gnyags lugs kyi bka' srung las byung ba 'di nyid kyi srog dbang dngos dang*/_byin rlabs gtor ma'i dbang bskur gnyis ka sgrub par bgyi ba la sogs kyis mtshams sbyar nas mtshon cha'i maN+Dal phul/_thog mar rgyud dag par bya ba'i slad du/_bla ma dang gnyis su med pa'i dpal chen rdo rje gzhon nu'i dkyil 'khor rtsa gsum dam can srung ma'i tshogs dang bcas pa'i spyan sngar rgyun bshags yan lag brgyad pa tshul bzhin bya ba'i blos 'di'i rjes zlos/_rdo rje slob dpon sangs rgyas dpal:_sogs lan gsum/_snyim pa me tog dang bcas pa'i thal mo sbyor la gsol ba 'debs pa 'di'i rjes zlos/_he ru ka dpal bla ma rje:_gnyis med dgyes pas dgongs su gsol:_bdag cag skal ldan rigs kyi bu:_brtse bas rjes su bzung du gsol:_slar yang nan tan gyis gsol ba 'debs shing dam tshig rnams tshul bzhin du srung bar khas len pa 'di'i rjes zlos/_hoH_dpal chen khrag 'thung dkyil 'khor 'dir:_mi phyed dad pas zhugs pa na:_dbang bskur ma lus bstsal du gsol:_dngos grub ma lus bstsal du gsol:_sku gsung thugs dang yan lag gi:_dam tshig ma lus bdag gis bzung:_log par lta ba kun bsgral nas:_byang chub myur du thob par bgyi:_de nas ye shes pa dbab pa yin pas/_khyed rang rnams kyi sgo gsum legs par gcun te dmigs pa 'di bzhin rtse gcig tu gsal thob cig_/bdag gi thugs ka'i hU~M yig las:_'od zer tsha zhing rtsub pa 'phros:_slob ma'i lus la phog pa yis:_rnam par rtog pa kun sbyangs nas:_sems nyid hU~M gi rang bzhin las:_slob dpon gyi thugs ka'i hU~M las byung ba'i 'od zer gyis slob ma'i sgo gsum stong par sbyangs/_stong pa'i ngang las snod bcud dur khrod drag po'i bkod pa yongs su rdzogs pa'i dbus su gru gsum mthing nag khrag mtsho 'khyil bar pad nyi dgra bgegs kyi steng du hU~M mthing nag yongs su gyur pa las khyed rang rnams dpal ye shes kyi mgon po phrin las mi bzad 'bar ba chen po'i tshul las bzhengs pas sku mdog ljang nag 'od du 'tsher ba:_'jigs pa'i gdong pa seng ge'i zhal can kha gdangs mche ba gtsigs shing ljags 'khyugs pas rkan sgra sgrogs pa:_thod skam lngas dbu la brgyan cing g.yu ral gnam du gzengs pa las sprul pa'i seng chung spro ba:_sma ra dang smin ma 'bar ba'i me lce las tshwa tshwa dmar nag tu mched pa:_phyag g.yas gnam lcags kyi zangs gri 'phyar ba'i rtse las skyin thang gi bu yug 'tshubs pa:_g.yon pas thod pa khrag gis gang ba 'phyur te zhal du rngub pa:_sku la gsang gos dkar po phod chen ljang gu dar nag gi ber dgu brtsegs su gsol zhing:_mgo phreng sbrul chun beng tshar rnams kyis brgyan pa:_sku smad chu srin gyi kha las thon pa'i gnam lcags phur bu'i rno dbal nyams pa'i snying dkar nag gi mtshams su gzir zhing bzhad sgra 'byin te zur zhal g.yon du gzigs pa'i thugs kar ye shes sems dpa' dpal rdo rje gzhon nu zhal gcig phyag gnyis phur pa 'dril zhing dpal dang dur khrod kyi chas can yum 'khor lo rgyas 'debs dang gnyis su med par sbyor bas bde ba'i sgra dang 'od zer gyis bla ma dang dkyil 'khor gyi lha'i thugs rgyud rang dbang med par bskul te phyogs bcu dus bzhi'i bla ma rgyal ba sras dang bcas pa dpa' bo rnal 'byor ma/_ye shes kyi chos skyong ba'i tshogs thams cad sku phyag rgya/_gsung yig 'bru/_thugs phyag mtshan gyi rnam par kha ba bu yug 'tshubs pa bzhin byon te slob ma'i sgo gsum la sib sib thim pas gsang ba gsum gyi byin rlabs chig rdzogs su thob par gyur/_oM badz+ra kI li kI la ya sarba big+h+nAn ba~M hU~M phaTa? dzaHhU~M AH_oM ru lu ru lu hU~M b+h+yo hU~M:_oM ku ku a be sha ya dz+nyA na a aH_zhes mang du brjod/_gu gul bdug cing rol mos byin dbab/_ye shes pa'i byin rlabs kyi rgyun brtan par mos shig_/tiSh+Tha badz+ra/_rdo rje mgor bzhag_de rnams kyi sngon 'gro'i rim pa grub nas/_dngos gzhi la thog mar bum pa'i dbang gi slad du dmigs pa 'di bzhin du mdzod/_slob dpon dpal chen po'i thugs ka nas 'od zer gyi snang bas gdan gsum tshang ba'i dbang gi lha nam mkha' gang bar spyan drangs/_badz+ra sa mA dzaH_oM badz+ra ar+g+haM sogs kyis mchod/_khyed rnams kyis slob ma la dbang bskur ba bstsal du gsol/_zhes gsol ba btab pas bkra shis pa'i rnam pa du ma dang ldan pas bum pa'i bdud rtsis dbang bskur bstsal ba'i mos pa mdzod cig_/rnam bum spyi bor bzhag la/_hU~M:_snang ba rnam dag bum pa ru:_stong nyid ye shes bdud rtsi'i bcud:_rol pa chen po'i dbang bskur bas:_phung khams lha ru 'char bar shog:_kA ya a b+hi Shiny+tsa oM:_hoH_ye shes mgon po'i byin rlabs kyis/_skal ldan slob ma rnams la bum pa'i dbang bskur bas snod bcud lha ru 'char ba'i dbang dam pa thob par gyur cig_/ces shis pa brjod cing me tog 'thor ba 'gre/_de'i mtha' rten du sku gsung thugs kyi dbang bskur rdzogs par sbyin pa yin pas dmigs pa 'di bzhin du mdzod/_dkyil 'khor gyi lha rnams kyi sku las rang 'dra ba 'phros nas slob ma la thim pas lha de rnams kyi mthu nus thob par mos shig_/sku tsaka rnams gtad la/_hU~M:_mthing nag gru gsum e klong las:_'bar ba'i sku ni rngam zhing brjid:_nag po chen pos dbang bskur bas:_pho rgyud las la 'gyed nus shog:_kA ya a b+hi Shiny+tsa oM:_hU~M:_zla gam le brgan 'bar ba nas:_sbyor sgrol gsang ba'i yum chen gsum:_ma mo'i rgyal pos dbang bskur bas:_mo rgyud sbyor bas dbang byed shog:_kA ya a b+hi Shiny+tsa oM:_hU~M:_mthing nag 'khor lo'i rtsibs steng nas:_dam can ma mo bcu gnyis zhes:_phur pa'i srung mas dbang bskur bas:_dam can bran du khol gyur cig:_kA ya a b+hi Shiny+tsa oM:_hU~M:_khor yug dkyil 'khor mu ran nas:_dbang phyug nyi shu rtsa brgyad ces:_ma sring mkha' 'gros dbang bskur bas:_rnal 'byor bu bzhin skyong gyur cig:_kA ya a b+hi Shiny+tsa oM:_hoH_skal ldan slob ma rnams la ma mgon lcam dral bka' sdod dang bcas pa'i sku bstim pas de'i skur bsgom pa'i mthu rtsal dang ldan pa'i dbang dam pa thob par gyur cig_/dkyil 'khor gyi lha rnams kyi gsung las sngags kyi phreng ba 'phros slob ma'i mgrin par thim pas sngags kyi nus rtsal thob par mos la sngags 'di'i rjes zlos lan gsum mdzod/_oM badz+ra kI li kI la ya ma hA kA la siM ha mu kha hU~M phaTa?:_lan gsum/_oM badz+ra kI li kI la ya:_ka taM ka ye:_dza ye bi dza ye:_a dzi ti a pa rA dzi te:_ma ra se na pra mar+d+ha na ye hU~M phaTa?:_lan gsum rjes zlos byar gzhug_byin rlabs brtan pa'i phyir sngags byang mgrin par bzhag ste dbang bskur bar mos shig_/sngags byang thogs la/_hU~M:_tshogs rje tshogs bdag dbang dang ldan:_ma hA kA la mthu bo che:_de yi rigs sngags bzlas pa yis:_dmod pa 'grub pa'i dbang thob shog:_gong smos rang sngags mthar/_wAka a b+hi Shiny+tsa AH_hoH_skal ldan slob ma rnams la ma mgon lcam dral gyi sngags bstims pas bzlas pa la brtson pa'i mthu rtsal dang ldan pa'i dbang dam pa thob par gyur cig_/dkyil 'khor gyi lha rnams kyi thugs las phyag mtshan gyi tshogs 'phros slob ma'i snying gar thim pas ye shes kyi stobs rtsal rdzogs par mos shig_/phyag mtshan rnams gtad la/_hU~M:_ye shes rnam pa thams cad pa:_rdo rje'i gri gug gzung 'dzin gcod:_thod khrag 'khor ba chags pas 'dzin:_brda don rtags kyis dbang bskur ro:_tsit+ta a b+hi Shiny+tsa hU~M:_hU~M:_ye shes ral gris skye rgyun gcod:_thod khrag bdud rtsis 'chi bdag 'joms:_srid pa rang grol phyag rgya yis:_dbang bskur don gyi sa thob shog:_tsit+ta a b+hi Shiny+tsa hU~M:_hU~M:_'bar ba mi bzad rngam pa'i mthu:_phrin las mtshon rnon kI la ya:_rnam pa bcu gnyis dbang bskur bas:_bden don d+hU tir dag gyur cig:_tsit+ta a b+hi Shiny+tsa hU~M:_hU~M:_dmar chen rak+ta 'khrugs pa ni:_zur gsum rnam par thar par rdzogs:_thugs rje chags pas dbang bskur bas:_de nyid ye shes don rtogs shog:_tsit+ta a b+hi Shiny+tsa hU~M:_hoH_skal ldan slob ma rnams la lha dang bdag nyid gnyis su med par bltas nas phyag mtshan rnams gtad pas dgra bgegs thogs pa med par bsgral nus pa'i dbang dam pa thob par gyur cig_/khrag 'thung khro bo'i spyi dpal srid zhi'i yon tan dpal gyi rgyan du rdzogs pa'i 'khor 'das zil gyis gnon pa'i dpal gyi chas rnams kyis mnga' gsol bar mos shig_/dpal chas gtad la/_hU~M:_mthing nag dar chen rin chen rgyan:_mgo phreng sbrul chun dpal gyi chas:_yon tan rgyan gyis mnga' gsol bas:_zag med 'bras bu'i don rtogs shog:_gu Na a b+hi Shiny+tsa oM:_mkha' khyab kyi gdul bya gdug pa can gdul dka' brlang por spyod pa thams cad tshar gcod rjes 'dzin gyi phrin las mthar phyin pa'i rtags su drag po sgrol ba'i mtshon cha rnams gtad de mnga' gsol bar mos shig_/bsgral chas rnams gtad la/_hU~M:_gdug pa bsgral ba'i mtshon cha ni:_drag shul rol pa las kyi gzugs:_skal ldan bu la dbang bskur bas:_dgra bgegs bdud rnams 'joms par shog:_karma a b+hi Shiny+tsa a:_hoH_skal ldan slob ma rnams la dpal khrag 'thung chen po'i yon tan dang phrin las yongs su rdzogs pa'i che rtags su dpal gyi chas dang bsgral ba'i mtshon chas mnga' gsol bas yon tan dang phrin las yongs su rdzogs pa'i dbang dam pa thob par gyur cig_/de rnams kyis ye shes mgon po 'khor dang bcas pa'i sku gsung thugs yon tan phrin las kyi dbang bskur yongs rdzogs thob pa yin pas zung 'jug de kho na nyid kyi ngang du mnyam par bzhag pa la brtson par gyis shig__/gnyis pa byin rlabs gtor ma'i dbang bskur ni/_mdun gyi gtor ma 'di nyid gtor snod gru gsum mthing nag drag po e yi gzhal yas khang du gtor ma 'di nyid dpal ye shes kyi mgon po bdud 'dul phrin las kyi lha mchog zhing skyong chen po siM ha mu kha/_sbyor sgrol gsang ba'i yum gsum/_phur srung ma mo bcu gnyis lcam dral pho nya dang bcas pa/_mi bsrun sde brgyad kyi gtso bo/_dbang phyug nyi shu rtsa brgyad ging lang 'bum phrag mkha' 'gro'i tshogs dang bcas pa ma 'dres gsal rdzogs nam mkha' la sprin phung 'khrigs pa bzhin gsal ba'i sku las phyag rgya khro chung gi tshogs/_zhal nas gsung sngags kyi phreng ba sgra 'od dang bcas pa/_thugs ka nas ye shes kyi phyag mtshan ral gri thod khrag gi rnam par 'phros/_slob ma'i gnas gsum du thim pas rdo rje'i gsang ba gsum gyi byin rlabs yongs rdzogs su thob par mos shig_/gtor ma tshig dang bstun te gnas gsum du bzhag_hU~M:_dpal gyi dam rdzas ba liM ta:_yon tan khyad par ma lus rdzogs:_dam can lha dang gnyis su med:_skal ldan bu la dbang bskur bas:_sku gsung thugs su byin gyis rlobs:_lus ngag yid kyi sgrib pa sbyongs:_rnam pa thams cad rdzogs pa yi:_dngos grub 'bad med thob gyur cig:_kA ya wAka tsit+ta sarba sid+d+hi pha la hoH_des sku gsung thugs kyi dbang thob/_gzi brjid stobs/_nus pa sngags/_ye shes chen po'i byin rlabs zhugs/_lus ngag yid kyi nad gdon sdig sgrib bsal/_lha sngags ting nge 'dzin bsgom pa la dbang*/_snang grags rig stong rdo rje gsum ldan chos nyid kyi dkyil 'khor las nam yang ma g.yos par gyis shig_/slar yang slob dpon gyis rdo rje'i tha tshig gis thugs dam bskul bas phrin las kyi gnyer 'dzin pa'i phur srung dam can bcu gnyis lcam dral bka' sdod bran g.yog dang bcas pa'i sngon gyi tha tshig rjes su dran te ji ltar 'dod pa'i las rab 'byams thogs med du sgrub par mos shig_/rdo rje chos skyong ba'i srung ma phrin las phur pa'i bka' yi gnyer 'dzin bdud 'dul ye shes kyi mgon po zhing skyong siM ha mu kha/_sbyor sgrol gsang ba'i yum gsum/_phur srung ma mo bcu gnyis/_bse lcags dung gi skyes bu/_dpa' bo ging chen bcu gnyis/_sa bdag 'byung po ser po/_pho nya sde brgyad 'byung po/_dbang phyug nyi shu rtsa brgyad/_dam can brtan ma bcu gnyis/_ging lang mkha' 'gro 'bum sde la sogs pa snang srid dregs pa'i dmag tshogs 'khor dang bcas pa rnams kyis/_chos sku kun tu bzang po/_longs sku rdor sems zhi khro/_mkha' 'gro las kyi dbang mo/_grub chen pra b+ha hasti/_paN chen bi ma mi tra/_o rgyan pad+ma thod phreng*/_gnyags chen ye shes gzhon nu/_mkha' 'gro ye shes mtsho rgyal/_sog po dpal gyi ye shes/_pad+ma mdo sngags gling pa/_klong chen nam mkha' 'od gsal/_rang byung pad+ma gling pa la sogs pa rtsa ba dang brgyud par bcas pa'i dpal ldan bla ma dam pa rnams kyi bka' dang dam las ma 'da' bar/_rdo rje'i slob ma 'di rnams la lus dang grib ma bzhin du 'grogs te bsrung ba dang*/_bskyab pa dang*/_sba ba dang*/_'go ba'i phrin las mdzad du gsol/_'di rnams kyi nad gdon bgegs dang bar du gcod pa pha rol gyi rbad 'dre rbod gtong*/_byad zor/_gtad khram/_chag che nyam nga la sogs mi mthun pa'i bar chad thams cad zhi zhing*/_mthun rkyen tshe dang bsod nams/_nang gi nyams rtogs yon tan ye shes thams cad 'phel zhing rgyas pa dang*/_bsam don chos bzhin 'grub par byin gyis brlab tu gsol/_lha 'dre mi gsum gyi 'gro ba dbang du 'du ba dang*/_sgo gsum la gnod cing 'tshe ba'i dgra bgegs log par 'dren pa'i tshogs rnams kyis bsam ngan sbyor rtsub thams cad zhi ba'i thabs kyis 'dul bar mdzad du gsol/_gal te zhi ba'i thabs kyis 'dul du mi 'tshal na/_gang la gang 'tsham pa'i chad pas bcad de log sgrub mtha' dag myur du tshar gcod cing zhi ba'i phrin las mdzod cig_/mdor na tshe rabs thams cad du lus dang grib ma'i tshul gyis mi 'bral bar 'grogs la/_byang chub sgrub pa'i stong grogs dang*/_chos ldan gyi phrin las ci bcol g.yel ba med par sgrub par mdzad du gsol/_gtor ma lag tu gtad/_hU~M:_sngon tshe rgyal ba'i spyan snga ru:_ji ltar khas blangs dam bcas bzhin:_rgyal ba'i bstan pa skyong ba dang:_dam ldan rdo rje'i bu 'di yi:_mgon dang dpung gnyen bran dang grogs:_mdzad cing dam tshig gcig par mdzod:_oM badz+ra kI li kI la ya:_ka taM ka ye:_dza ye bi dza ye:_a dzi ti a pa rA dzi te:_ma ra se na pra mar+d+ha na ye hU~M phaTa?:_sarba sa ma ya rak+Shan+tu:_sarba duSh+Tan karma ku ru hoH_zhes bdud rtsi dang rak+ta sbyin/_deng nas brtsams te rang 'dod kyi 'khris med par sangs rgyas kyi bstan pa srung ba'i slad du phrin las zab mos dgra bgegs kyi g.yul las rnam par rgyal bar gyis shig_/des rgyal ba'i bstan srung chen po ma hA kA la bdud 'dul siM ha mu kha 'khor dang bcas pa'i srog dbang legs par grub pa yin te/_rdo rje theg pa'i dam tshig gi rim pa spyi dang khyad par dpal ldan nag po chen po'i dam tshig rgyud dang man ngag las ji ltar 'byung ba thams cad tshul bzhin bsrung snyam pas 'di'i rjes zlos mdzod/_gtso bos ji ltar sogs dam tshig khas len/_gtang rag maN+Dal bcas dbang rjes rim rnams spyi mthun bya/_srog dbang 'di khyab brdal du spel mi rung bas thun mong la srung ma'i gtor dbang tsam byed na/_sbyor ba'i skabs gtor ma las dbang rdzas gzhan mi dgos/_bdag bskyed sngon 'gros bzlas pa dang*/_las bum sgrub/_bskang bshags mthar/_khrus nas brtsams lo rgyus skabs/_'di nyid kyi srog dbang dngos dang*/_byin rlabs gtor ma'i dbang gnyis su yod pa las phyi ma sgrub pa la sogs dang*/_yan lag brgyad pa'i bsags sbyangs/_gsol gdab snga ma/_ye shes dbab bstim/_brtan bzhugs rjes/_mdun gyi gtor ma 'di nyid sogs kyi gtor dbang bya zhing*/_sku gsung thugs dbang kha phral na legs pas/_sku las phyag rgya khro chung gi tshogs spros/_slob ma'i dpral bar thim pas sku yi byin rlabs yongs rdzogs su thob par mos shig_/gtor ma spyi bor bzhag la/_hU~M:_dpal gyi dam rdzas ba liM ta:_yon tan khyad par ma lus rdzogs:_dam can lha dang gnyis su med:_skal ldan bu la dbang bskur bas:_rdo rje'i sku ru byin gyis rlobs:_lus kyi sgrib pa thams cad sbyongs:_rnam pa thams cad rdzogs pa yi:_dngos grub 'bad med thob gyur cig:_kA ya sarba sid+d+hi pha la hoH_des sku yi dbang thob/_gzi brjid stobs kyi byin rlabs zhugs/_lus kyi nad gdon sdig sgrib bsal/_phyag rgya lha yi ting nge 'dzin sgom pa la dbang*/_snang ba sku yi dkyil 'khor las nam yang ma g.yos par gyis shig__/mdun gyi gtor ma sogs nas/_sprin phung 'khrigs pa bzhin gsal ba'i/_zhal nas gsung sngags kyi phreng ba sgra 'od dang bcas pa 'phros/_slob ma'i mgrin par thim pas gsung gi byin rlabs yongs rdzogs su thob par mos shig__/gtor ma mgrin par bzhag la/_hU~M:_dpal gyi dam rdzas ba liM ta:_yon tan khyad par ma lus rdzogs:_dam can lha dang gnyis su med:_skal ldan bu la dbang bskur bas:_rdo rje'i gsung du byin gyis rlobs:_ngag gi sgrib pa thams cad sbyongs:_rnam pa thams cad rdzogs pa yi:_dngos grub 'bad med thob gyur cig:_wAka sarba sid+d+hi pha la hoH_des gsung gi dbang thob/_nus pa sngags kyi byin rlabs zhugs/_ngag gi nad gdon sdig sgrib bsal/_bzlas brjod kyi ting nge 'dzin sgom pa la dbang*/_sgra grags gsung gi dkyil 'khor las nam yang ma g.yos par gyis shig_/mdun gyi gtor ma sogs nas/_sprin phung 'khrigs pa bzhin gsal ba'i/_thugs ka nas ye shes kyi phyag mtshan ral gri thod khrag gi rnam par 'phros/_slob ma'i snying gar thim pas thugs kyi byin rlabs yongs rdzogs su thob par mos shig__/gtor ma snying gar bzhag la/_hU~M:_dpal gyi dam rdzas ba liM ta:_yon tan khyad par ma lus rdzogs:_dam can lha dang gnyis su med:_skal ldan bu la dbang bskur bas:_rdo rje'i thugs su byin gyis rlobs:_yid kyi sgrib pa thams cad sbyongs:_rnam pa thams cad rdzogs pa yi:_dngos grub 'bad med thob gyur cig:_tsit+ta sarba sid+d+hi pha la hoH_des thugs kyi dbang thob/_ye shes chen po'i byin rlabs zhugs/_yid kyi nad gdon sdig sgrib bsal/_rim pa gnyis kyi ting nge 'dzin sgom pa la dbang*/_thugs chos nyid kyi dkyil 'khor las nam yang ma g.yos par gyis shig_/slar yang slob dpon gyis rdo rje'i tha tshig gis thugs dam bskul sogs las kyi gnyer gtad byas la gtor ma lag tu gtad/_sman raka sbyin/_deng nas brtsams te sogs nas dam tshig khas blang*/_gtang rag lus 'bul dge bsngo rnams byas pa thun mong du sbyin par rung ba'o/__/slob dpon gyi bskang bshags sogs rjes rim mtha' rgyas su bya'o/__/rgyal kun stobs bcu'i ye shes rtse brgya'i mtshon/_/nag phyogs lha min g.yul ngor ches dpa' zhing*/_/mkhas grub rig 'dzin dbang po'i phyag mtshan du/_/bzhes pa'i byin rlabs nam yang nyams pa med/_/tshul de bdag rgyud dad pa'i A dar+shar/_/lha dang bla ma'i byin rlabs gzugs gsal bas/_/chos bzang lang tsho gsar pa'i tshon ris 'dis/_/thar 'dod yid kyi gdung ba sel srid snyam/_/bka' gter rig 'dzin brgyud pa'i phyag bzhes ma nyams gser gyi rtsibs stong bkra/_/rgyud lung man ngag dgongs pa dang 'brel g.yas 'khyil lte ba zab la brling*/_nges gsang bstan mchog gling bzhi'i bla na bshad sgrub dpung bzhis btegs 'dis kyang*/_/ris med rgyal bstan 'gro ba'i bde skyid rdzogs ldan mgron du [*]'gug gyur cig_/dpal rdo rje phur pa rtsa ba yan lag bka' srung dang bcas pa'i smin byed chu [*]'babs su bkod pa 'di yang rgyal kun phrin las kyi mes po 'jam mgon thams cad mkhyen gzigs 'jam dbyangs chos kyi blo gros ris med bstan pa'i rgyal mtshan gyis chos skor 'di dag deng dus byin rlabs kyi tshan kha che zhing*/_kun gzigs mkhyen brtse'i dbang po'i zab gter gyi cha shas nges par yin zhes dgyes pa chen pos dbug dbyung bstsal zhing*/_smin grol rigs ched du gsan nas dbang dang sgrub thabs bcas chog khrigs bka' drin bstsal kyang*/_snyigs dus yo langs 'khrugs pas dbang khrigs kyi dpe mi mngon par gyur pa la/_slar yang snga 'gyur bka' gter gyi ring lugs la rgyu mtshan shes pa'i chos spyan mnga' ba dam pa'i skyes mchog 'khrul zhig mchog sprul 'gyur med chos kyi blo gros dang*/_rgyal ba kaHthog pa'i gdan 'dzin theg mchog snying po'i bstan pa'i gsal byed smyo shul mkhan po 'jam dbyangs rdo rje/_sgrub brtson bla ma dam pa kun dga' sogs nas smin grol nyams bzhes gnang bzhed kyis rten dang bcas bskul ba'i khar/_'jam mgon brgyud pa'i ring lugs la las smon dag pas 'brel ba'i nges don gyi rnal 'byor klong chen ye shes rdo rjes sangs gling gter byon gnam lcags kyi phur pa'i skyes bcas ched du yang yang bskul ba dang*/_lung zin rtsa ba'i chos bdag 'jam mgon bla ma'i mchog sprul 'jam dbyangs thub bstan chos kyi rgya mtsho dang*/_zhe chen rab 'byams sprul sku 'gyur med chos kyi seng ge rnams kyi sku tshe dang mdzad phrin la bar chad sel ba'i rten 'brel du dmigs pas mtshams sbyar nas/_slob dpon pra b+ha hasti dngos byon zhe chen pa rdo rje dbang mchog dgyes pa rtsal sogs rdo rje phur pa dngos su grub pa'i rig 'dzin du mas rjes su bzung zhing*/_phur pa bka' gter gyi smin grol bdud rtsis blo yi bum pa khengs pa'i sngags btsun klong chen nam mkha' 'od gsal pad+ma mdo sngags gling pa phrin las drag po rtsal gyis bal yul yang le shod kyi rdo rje'i ke'u tshang nas dbu brtsam ste rim gyis rdzogs par bgyis pa'i yi ge pa ni chos kyi rgyal po gter bdag gling pa'i ring lugs la yid ches kyi dad blo dge ba rnying btsun 'gyur med theg mchog bstan 'dzin dang*/_rang slob dad blo gsal ba o rgyan gzhan phan zung gis bgyis pa 'dis kyang rgyal bstan rin po che gru bzhi lam khyer du rgyas nas nag phyogs kyi g.yul las rnam par rgyal ba'i dpal du nges par gyur cig__/shrI bi dza yan+tu//__//

Footnotes

Other Information