ཐུགས་སྒྲུབ་ཡིད་བཞིན་ནོར་བུ་ལས། གུ་རུ་སྨན་གྱི་བླ་མའི་ཁྱད་པར་གྱི་ཕྲིན་ལས་ལས་ཚོགས་དང་བཅས་པ་ཡིད་བཞིན་སྨན་གྱི་ནོར་བུ།

🚧 This website is under continued development. We appreciate your patience!

Previous Text Back to Volume PageNext Text

Wylie title	thugs sgrub yid bzhin nor bu las/ gu ru sman gyi bla ma'i khyad par gyi phrin las las tshogs dang bcas pa yid bzhin sman gyi nor bu
Location	dil mgo mkhyen brtse bka' 'bum Volume 9, Text 22, Pages 182-187 (Folios 1a to 6b6)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Tertön	མཆོག་གྱུར་གླིང་པ་ (mchog gyur gling pa)
Citation	Khyentse, Dilgo. Thugs sgrub yid bzhin nor bu las gu ru sman gyi bla ma'i khyad par gyi phrin las las tshogs dang bcas pa yid bzhin sman gyi nor bu. In Skyabs rje dil mgo mkhyen brtse rin po che'i bka' 'bum, Vol. 9: 182-187. Delhi: Shechen Publications, 1994.
Genre	Activity Manual - las byang  ·  Sadhanas - Evocation Ritual - sgrub thabs
Cycle	བླ་མའི་ཐུགས་སྒྲུབ་ཡིད་བཞིན་ནོར་བུ་ (bla ma'i thugs sgrub yid bzhin nor bu)
Deity	gu ru sman bla
Recension Link	Other Versions on this site: ཐུགས་སྒྲུབ་ཡིད་བཞིན་ནོར་བུ་ལས། གུ་རུ་སྨན་གྱི་བླ་མའི་ཁྱད་པར་གྱི་ཕྲིན་ལས་ལས་ཚོགས་དང་བཅས་པ་ཡིད་བཞིན་སྨན་གྱི་ནོར་བུ།
Colophon	།ཅེས་ཐུགས་སྒྲུབ་ཡིད་བཞིན་ནོར་བུའི་མན་ངག་བཅུ་གསུམ་གྱི་གཉིས་པ་གུ་རུ་སྨན་གྱི་བླ་མའི་ཕྲིན་ལས་ཏེ་ལེའུ་ཚན་གསུམ་པའོ།།
	/ces thugs sgrub yid bzhin nor bu'i man ngag bcu gsum gyi gnyis pa gu ru sman gyi bla ma'i phrin las te le'u tshan gsum pa'o//

Tibetan Text

Wylie

[edit]

༄༅། ཐུགས་སྒྲུབ་ཡིད་བཞིན་ནོར་བུ་ལས། གུ་རུ་སྨན་གྱི་བླ་མའི་ཁྱད་པར་གྱི་ཕྲིན་ལས་ལས་ཚོགས་དང་བཅས་པ་ཡིད་བཞིན་སྨན་གྱི་ནོར་བུ་བཞུགས།།

༄༅། མཁྱེན་བརྩེ་བདུད་རྩིའི་ཟིལ་ཆར་གྱིས། །འགྲོ་ཀུན་དུག་གསུམ་རྒྱུ་འབྲས་ནད། །སེལ་མཛད་གུ་རུ་སྨན་གྱི་ལྷར། །གུས་བཏུད་དེ་སྒྲུབ་ལས་རིམ་འཆད། །གཉིས་པ་དངོས་གཞིའི་ལས་རིམ་ལ་དངོས་དང༌། གཞན་ཕན་ཕྲིན་ལས་ཀྱི་ཚུལ་གཉིས་ལས། དང་པོ་ལ་ཆོ་གར་མ་གཏོགས་པའི་སྦྱོར་བ་ནི། སྒྲུབ་པ་པོ་ཁྲུས་དང་གཙང་སྦྲ་ལ་གནས་པས་གཞུང་མཐུན་གྱི་རྟེན་བཀྲམ་པའི་མདུན་དུ་རྡུལ་ཚོན་གྱི་པདྨ་འདབ་བརྒྱད་དང༌། མ་འབྱོར་ན་འབྲུའི་ཚོམ་བུ་དགུ་བཀོད། མདུན་དུ་མཆོད་གཏོར་དཀར་ཟླུམ་འཁོར་བཞི་ཅན་དང༌། ཉེར་སྤྱོད་ཀྱི་མཆོད་པ་སོགས་བཀོད་མཛེས་སུ་བཤམས། དབང་དང་འབྲེལ་ན་དཀྱིལ་འཁོར་དབུས་མཉྫིའི་སྟེང་སྨན་ཨ་རུ་གཙོ་བོར་གྱུར་པའི་ཉེར་ལྔའི་བུམ་པ་རྫས་ལྡན། རྒྱུན་འབབ་ཀྱི་ཆུས་བཀང་བ་དང༌། གཞུང་མཐུན་སྐུ་དང༌། སྔགས་བྱང༌། མེ་ལོང༌། ཚུལ་བཞིན་སྒྲུབ་པའི་སྨན་གྱི་རིལ་བུའམ་ཨ་རུ་རས་བཀང་བའི་སྣོད་བཅས་བཀོད། ཆོ་གར་གཏོགས་པའི་སྤྱི་ཆིངས་ནི་སྤར་ཁབ་ལྟར་ལ། གཉིས་པ་ཆོ་ག་དངོས་ཀྱི་དང་པོ་བདག་གི་རྣལ་འབྱོར་ནི། སྭ་བྷཱ་ཝས་སྟོང་པར་སྦྱངས། མ་བཅོས་དབྱིངས་ལས་རང་རྩལ་ཧཱུྃ་མཐིང་ག༔ དེ་ལས་རང་ཉིད་བླ་མ་སྨན་བླ་མཐིང༔ མཚན་དཔེ་རབ་རྫོགས་ཆོས་གོས་རྣམ་གསུམ་གསོལ༔ ཕྱག་གཡས་སྐྱབས་སྦྱིན་སྨན་མཆོག་རྣམ་རྒྱལ་དང༔ གཡོན་པས་བདུད་རྩིས་གང་བའི་ལྷུང་བཟེད་བསྣམས༔ འགྲོ་འདུལ་ཚུལ་གྱིས་བཟང་པོའི་བཞུགས་སྟང༌། མཆན། པད་ཟླའི་གདན་ལ་བཞུགས༔ འཁོར་དུ་དྲང་སྲོང་རིགས་བཞི་སྤྲུལ་སྐུའི་ཚུལ༔ དཀར་སེར་དམར་ལྗང་དར་གྱི་ན་བཟའ་གསོལ༔ སྐྱབས་སྦྱིན་ཕྱག་རྒྱས་ཨ་རུ་རྣམ་རྒྱལ་འཛིན༔ ཀུན་ཀྱང་འོད་འབར་གཟི་བརྗིད་ལྡན་པར་བསྒོམ༔ དམ་ཡེ་དབྱེར་མེད་ཀུན་གྱི་ཐུགས་ཀ་རུ༔ ཟླ་བའི་གདན་ལ་ཧཱུྃ་ཡིག་རང་མདོག་གི༔ འོད་ཟེར་ཀུན་འཕྲོས་བདག་དང་སེམས་ཅན་གྱི༔ དུག་ལྔ་ལས་བྱུང་ནད་གདོན་བར་ཆད་བསལ༔ འཁོར་འདས་ཀུན་གྱི་ནད་སེལ་བདུད་རྩིའི་རིགས༔ བསྡུས་ཏེ་རང་གི་བ་སྤུའི་ཁུང་ནས་ཞུགས༔ བདུད་རྩིའི་ལུས་གང་འབྱུང་བ་ཆ་སྙོམས་ཏེ༔ སྒྲིབ་མེད་དྭངས་གསལ་རྡོ་རྗེའི་སྐུ་ཐོབ་བསམ༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཏདྱ་ཐཱ་བྷཻ་ཥ་ཛྱེ་བྷཻ་ཥ་ཛྱེ་མ་ཧཱ་བྷཻ་ཥ་ཛྱེ་རཱ་ཛ་ས་མུཏག་ཏེ་སྭཱ་ཧཱ༔ ཞེས་ཇི་ལྟར་འོས་པ་བཟླ། དབྱངས་གསལ་རྟེན་སྙིང་ལན་གསུམ་དང༌། ཧཱུྃ་ཧྲཱིཿ རིག་འཛིན་འདུས་པ་བླ་མའི་ལྷ་ཚོགས་ལ༔ ཕྱི་ནང་གསང་བ་ཛཔ་བསྙེན་མཆོད་པ་འབུལ༔ ཡོན་ཏན་རྗེས་དྲན་རྡོ་རྗེའི་གླུ་ཡིས་བསྟོད༔ ཉམས་ཆགས་ཀུན་བཤགས་མཆོག་ཐུན་དངོས་གྲུབ་སྩོལ༔ མ་ཧཱ་ཨ་མྲྀ་ཏ་རཀྟ་བ་ལིཾ་ཏ་ཁཱ་ཧི༔ ཡིག་བརྒྱས་ནོངས་པ་བཤགས། དཀྱིལ་འཁོར་ལྷ་ཚོགས་ཐུགས་ཀ་ནས༔ རང་འདྲའི་སྐུ་དང་འོད་ཟེར་ཚོགས༔ ནམ་མཁའ་གང་བའི་སྤྲོ་བསྡུ་ཡིས༔ གང་འདོད་དོན་ཀུན་ལྷུན་གྲུབ་གྱུར༔ ཞེས་མོས་གསོལ་འདེབས་བསམ་པ་ལྷུན་གྲུབ་ཚང་བ་དང༌། སེམས་ཅན་སྒྱུ་ལུས་འཇིག་པའི་ནད་བྱུང་ཚེ༔ མི་བཟོད་སྡུག་བསྔལ་ནད་ཀྱིས་ཉེན་པ་ན༔ ཡིད་གཉིས་ཐེ་ཚོམ་མེད་པར་གསོལ་བ་འདེབས༔ གུ་རུ་སྨན་གྱི་བླ་དང་དབྱེར་མེད་པས༔ ཚེ་ཟད་མ་ཡིན་བར་ཆད་ངེས་པར་སེལ༔ ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ བསམ་པ་ལྷུན་གྱིས་འགྲུབ་པར་བྱིན་གྱིས་རློབས༔ ཅེས་གྲངས་བསགས། སློབ་མ་རྗེས་འཛིན་སོགས་མ་དགོས་ན་འདི་ནས་རྗེས་རིམ་ལ་འཇུག་ཀྱང་རུང་ངོ༌། གཉིས་པ་མདུན་བསྐྱེད་ནི། ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ༔ མདུན་གྱི་དཀྱིལ་འཁོར་མི་དམིགས་སྟོང་པར་གྱུར༔ སྟོང་པའི་ངང་ལས་ཡེ་ཤེས་རང་སྣང་གི༔ མངོན་པར་སྤྲུལ་པའི་གཞལ་མེད་ཁང་ཆེན་དབུས༔ སྣ་ཚོགས་པདྨ་འདབ་བཞིའི་ལྟེ་བ་རུ༔ སེང་གེས་བཏེགས་པའི་རིན་ཆེན་པད་ཉིའི་སྟེང༔ དབུས་སུ་ཧཱུྃ་ལས་གུ་རུ་སྨན་གྱི་བླ༔ མཐིང་གསལ་སྤྲུལ་སྐུའི་ཆ་ལུགས་ཆོས་གོས་གསོལ༔ མཚན་དཔེ་ཀུན་རྫོགས་འགྲོ་བ་འདུལ་བའི་ཚུལ༔ ཕྱག་གཡས་སྐྱབས་སྦྱིན་དང་བཅས་སྨན་མཆོག་འཛིན༔ གཡོན་པས་བདུད་རྩིའི་གང་བའི་ལྷུང་བཟེད་བསྣམས༔ ཕྱོགས་བཞིར་དྲང་སྲོང་དཀར་སེར་དམར་ལྗང་བཞི༔ སྨན་མཆོག་འཛིན་ཅིང་དར་དང་རིན་ཆེན་བརྒྱན༔ བཞེངས་སྟབས་འཛུམ་པའི་སྟབས་ཀྱིས་གཙོ་ལ་གཟིགས༔ ཀུན་གྱི་གནས་གསུམ་ཨོཾ་ཨཱཿཧཱུྃ་ཡིག་ལས༔ འོད་འཕྲོས་བཻཌཱུར་སྣང་བའི་ཞིང་ཁམས་ནས༔ སྨན་ལྷ་རིགས་ལྔ་འཁོར་བཅས་སྤྱན་དྲངས་གྱུར༔ སྤོས་བཏུལ་ཐལ་སྦྱར་ཤར་ཕྱོགས་གདོང་འདུད་དེ༔ ཧཱུྃ་ཧྲཱིཿ ཆོས་དབྱིངས་རྣམ་དག་ལོངས་སྐུ་ལྷུན་གྲུབ་ལས༔ སྤྲུལ་པའི་ཞིང་ཁམས་བཻཌཱུར་སྣང་བ་ནས༔ འཚོ་མཛད་སྨན་ལྷ་རིགས་ལྔ་འཁོར་དང་བཅས༔ སྔོན་གྱི་ཐུགས་དམ་བཞིན་དུ་འདིར་གཤེགས་ཤིག༔ བཛྲ་ས་མ་ཛཿ ཧཱུྃ་ཧྲཱིཿ རིན་ཆེན་གཞལ་ཡས་མཛེས་པ་འདིར༔ ཉི་ཟླ་པདྨའི་གདན་སྟེང་དུ༔ མ་ཧཱ་གུ་རུའི་ལྷ་ཚོགས་རྣམས༔ དགྱེས་ཤིང་བརྟན་པར་བཞུགས་སུ་གསོལ༔ ཛཿཧཱུྃ་བཾ་ཧོཿཛྙཱ་ན་ས་མ་ཡ་ཏིཥྛ་ལྷན༔ ན་མོཿ སྐྱེ་འགག་འགྱུར་མེད་ཕྲིན་ལས་རྫོགས༔ རང་བྱུང་ཐུགས་རྗེས་འགྲོ་རྣམས་སྒྲོལ༔ ཡིད་བཞིན་དངོས་གྲུབ་ཆར་འབེབས་པའི༔ རིག་འཛིན་ཚོགས་ལ་ཕྱག་འཚལ་ལོ༔ ཨ་ཏི་པཱུ་ཧོཿ པྲ་ཏཱིཙྪ་ཧོཿ ཧཱུྃ་ཧྲཱིཿ བླ་མ་ཡི་དམ་མཁའ་འགྲོའི་ཚོགས་བཅས་ལ༔ ལྷ་རྫས་ལས་གྲུབ་མཆོད་ཡོན་ཞབས་བསིལ་དང༔ མེ་ཏོག་བདུག་སྤོས་མར་མེ་དྲི་བཟང་ཆབ༔ ཞལ་ཟས་རོལ་མོ་ཕྱི་ཡི་མཆོད་པ་འབུལ༔ གཟུགས་སྒྲ་དྲི་རོ་རེག་བྱ་ཆོས་ལ་སོགས༔ འདོད་ཡོན་ལྔ་ལྡན་ནང་གི་མཆོད་པ་འབུལ༔ བཅུ་དྲུག་རིག་མས་ལྷ་རྫས་མཆོད་པའི་ཚོགས༔ མི་ཟད་ཀུན་བཟང་རྣམ་རོལ་རྒྱ་མཚོ་འབུལ༔ སྣང་སྲིད་རྣམ་དག་འདོད་ཡོན་བ་ལིཾ་ཏ༔ རྨད་དུ་བྱུང་བ་གཏོར་མའི་མཆོད་པ་འབུལ༔ ཆོས་ཉིད་རོལ་པའི་མཆོད་སྤྲིན་རྒྱ་མཚོ་འདིས༔ རྩ་བ་གསུམ་གྱི་ཐུགས་དམ་བསྐང་གྱུར་ཏེ༔ ཕྱི་ནང་གསང་བའི་སྡུག་བསྔལ་ཞི་བ་དང༔ མཆོག་ཐུན་དངོས་གྲུབ་ཡིད་བཞིན་བསྩལ་དུ་གསོལ༔ ཨོཾ་ཨཱཿཧཱུྃ་བཛྲ་གུ་རུ་དྷེ་བ་དྷཱ་ཀི་ནཱི་ས་པ་རི་ཝཱ་ར་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནེ་བི་དྱ་ཤཔྟ་པྲ་ཏཱིཙྪ་སྭཱ་ཧཱ༔ ཧཱུྃ། དམིགས་མེད་ཞི་བ་ཆེན་པོའི་ངང་ཉིད་ལས༔ མཁྱེན་དང་བརྩེ་བས་སྨན་པའི་སྐུར་བཞེངས་པ༔ བཅོམ་ལྡན་ལྷ་ཡི་ལྷ་མཆོག་བཻཌཱུར་མདངས༔ སངས་རྒྱས་ཀུན་གྱི་རྗེ་ལ་ཕྱག་འཚལ་ལོ༔ བླ་མའི་བླ་མ་རིགས་འདུས་སྨན་པའི་རྒྱལ༔ ཉོན་མོངས་གཅོང་ནད་དྲུང་ནས་འབྱིན་མཛད་པ༔ ཆོས་ཀྱི་ཉི་མ་གདུང་སེལ་ཟླ་བ་ཆེ༔ མཉམ་མེད་བཅོམ་ལྡན་ཁྱེད་ལ་ཕྱག་འཚལ་བསྟོད༔ བཞི་བརྒྱ་རྩ་བཞིའི་ནད་འཇོམས་སྡུག་བསྔལ་སེལ༔ འཚོ་མཛད་རིགས་ཀྱི་སྐུར་བཞེངས་རྫུ་འཕྲུལ་ལྡན༔ དྲང་སྲོང་འཇིག་རྟེན་ཀུན་གྱི་སྐྱབས་དང་མགོན༔ འགྲོ་བའི་དོན་རྣམས་མཛད་ལ་ཕྱག་འཚལ་བསྟོད༔ ལྷ་རྣམས་ཐུགས་ཀར་ཟླ་སྟེང་ཧཱུྃ་ཡིག་ལས༔ འོད་ཟེར་ཀུན་འཕྲོས་རྒྱལ་རྣམས་ཐུགས་དམ་བསྐུལ༔ ཐམས་ཅད་སྨན་པའི་རྒྱལ་པོའི་ངོ་བོར་བྱོན༔ མདུན་བསྐྱེད་ལྷ་ཚོགས་རྣམས་ལ་གཉིས་མེད་ཐིམ༔ གཞན་ཡང་ལྷ་དང་དྲང་སྲོང་ཐམས་ཅད་ཀྱི༔ ནུས་རྩལ་འཁོར་འདས་ཀུན་གྱི་བདུད་རྩི་ཡི༔ བཅུད་རྣམས་ཀུན་འདུས་ལྷ་ཚོགས་སྐུ་ལ་ཐིམ༔ བདུད་རྩིའི་རྒྱུན་བབས་བདག་ལུས་གང་བར་གྱུར༔ སྒྲིབ་མེད་དྭངས་གསལ་རྡོ་རྗེའི་སྐུ་ཐོབ་བསམ༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཏདྱ་ཐཱ་ཨོཾ་བྷཻ་ཥ་ཛྱེ་བྷཻ་ཥ་ཛྱེ་མ་ཧཱ་བྷཻ་ཥ་ཛྱེ་རཱ་ཛ་ས་མུཏག་ཏེ་སྭཱ་ཧཱ༔ ཞེས་བཟླ། གསུམ་པ་བུམ་སྒྲུབ་ནི། ཨ་མྲྀ་ཏས་བསང༌། སྭ་བྷཱ་ཝས་སྦྱངས་ཏེ། མདུན་དུ་པདྨ་ཟླ་བའི་དཀྱིལ་འཁོར་སྟེང༌། །བུམ་པ་བྷྲཱུྃ་ལས་མཚན་ཉིད་ཀུན་རྫོགས་ནང༔ བདུད་རྩིའི་རྒྱ་མཚོར་འཁྱིལ་བའི་དབུས་སུ་པྃ༔ དེ་ཉིད་པདྨ་ལྔ་ཚོམ་ཟླ་གདན་བཅས༔ དབུས་སུ་ཧཱུྃ་ལས་གུ་རུ་སྨན་གྱི་བླ༔ མཐིང་གསལ་སྤྲུལ་སྐུའི་ཆ་ལུགས་ཆོས་གོས་གསོལ༔ མཚན་དཔེ་ཀུན་རྫོགས་འགྲོ་བ་འདུལ་བའི་ཚུལ༔ ཕྱག་གཡས་སྐྱབས་སྦྱིན་དང་བཅས་སྨན་མཆོག་འཛིན༔ གཡོན་པས་བདུད་རྩིའི་གང་བའི་ལྷུང་བཟེད་བསྣམས༔ ཕྱོགས་བཞིར་དྲང་སྲོང་དཀར་སེར་དམར་ལྗང་བཞི༔ སྨན་མཆོག་འཛིན་ཅིང་དར་དང་རིན་ཆེན་བརྒྱན༔ བཞེངས་སྟབས་འཛུམ་པའི་སྟབས་ཀྱིས་གཙོ་ལ་གཟིགས༔ ཀུན་གྱི་གནས་གསུམ་ཨོཾ་ཨཱཿཧཱུྃ་ཡིག་ལས༔ འོད་འཕྲོས་བཻ་ཌཱུརྻ་སྣང་བའི་ཞིང་ཁམས་ནས༔ སྨན་ལྷ་རིགས་ལྔ་འཁོར་བཅས་སྤྱན་དྲངས་གྱུར༔ ཧཱུྃ་ཧྲཱིཿ ཆོས་དབྱིངས་རྣམ་དག་ལོངས་སྐུ་ལྷུན་གྲུབ་ལས༔ སྤྲུལ་པའི་ཞིང་ཁམས་བཻ་ཌཱུར་སྣང་བ་ནས༔ འཚོ་མཛད་སྨན་ལྷ་རིགས་ལྔ་འཁོར་དང་བཅས༔ སྔོན་གྱི་ཐུགས་དམ་བཞིན་དུ་འདིར་གཤེགས་ཤིག༔ བཛྲ་ས་མ་ཛཿ ཛཿཧཱུྃ་བཾ་ཧོཿ ཨ་ཏི་པཱུ་ཧོཿ པྲ་ཏཱིཙྪ་ཧོཿ ཧཱུྃ། དངོས་འབྱོར་ཡིད་ཀྱིས་རྣམ་སྤྲུལ་པའི། །ཀུན་ཏུ་བཟང་པོའི་མཆོད་སྤྲིན་གྱིས། །ཆོས་དབྱིངས་རྒྱས་པར་བཀང་བྱས་ཏེ། །སྨན་པའི་རྒྱལ་པོ་འཁོར་བཅས་མཆོད། །ཨོཾ་གུ་རུ་བྷཻ་ཥ་ཛྱེ་རཱ་ཛ་ས་པ་རི་ཝཱ་ར་པུཥྤེ་དྷཱུ་པེ་ཨཱ་ལོ་ཀེ་གྷནྡྷེ་ནཻ་བི་དྱ་ཤཔྟ་པྲ་ཏཱིཙྪ་ཡེ་སྭཱ་ཧཱ༔ ཧཱུྃ༔ དམིགས་མེད་ཞི་བ་ཆེན་པོའི་ངང་ཉིད་ལས༔ མཁྱེན་དང་བརྩེ་བས་སྨན་པའི་སྐུར་བཞེངས་པ༔ བཅོམ་ལྡན་ལྷ་ཡི་ལྷ་མཆོག་བཻ་ཌཱུར་མདངས༔ སངས་རྒྱས་ཀུན་གྱི་རྗེ་ལ་ཕྱག་འཚལ་ལོ༔ བླ་མའི་བླ་མ་རིགས་འདུས་སྨན་པའི་རྒྱལ༔ ཉོན་མོངས་གཅོང་ནད་དྲུང་ནས་འབྱིན་མཛད་པ༔ ཆོས་ཀྱི་ཉི་མ་གདུང་སེལ་ཟླ་བ་ཆེ༔ མཉམ་མེད་བཅོམ་ལྡན་ཁྱེད་ལ་ཕྱག་འཚལ་བསྟོད༔ བཞི་བརྒྱ་རྩ་བཞིའི་ནད་འཇོམས་སྡུག་བསྔལ་སེལ༔ འཚོ་མཛད་རིགས་ཀྱི་སྐུར་བཞེངས་རྫུ་འཕྲུལ་ལྡན༔ དྲང་སྲོང་འཇིག་རྟེན་ཀུན་གྱི་སྐྱབས་དང་མགོན༔ འགྲོ་བའི་དོན་རྣམས་མཛད་ལ་ཕྱག་འཚལ་བསྟོད༔ ལྷ་རྣམས་ཐུགས་ཀར་ཟླ་སྟེང་ཧཱུྃ་ཡིག་ལས༔ འོད་ཟེར་ཀུན་འཕྲོས་རྒྱལ་རྣམས་ཐུགས་དམ་བསྐུལ༔ ཐམས་ཅད་སྨན་པའི་རྒྱལ་པོའི་ངོ་བོར་བྱོན༔ བུམ་ནང་ལྷ་ཚོགས་རྣམས་ལ་གཉིས་མེད་ཐིམ༔ གཞན་ཡང་ལྷ་དང་དྲང་སྲོང་ཐམས་ཅད་ཀྱི༔ ནུས་རྩལ་འཁོར་བཅས་ཀུན་གྱི་བདུད་རྩི་ཡི༔ བཅུད་རྣམས་ཀུན་འདུས་ལྷ་ཚོགས་སྐུ་ལ་ཐིམ༔ བདུད་རྩིའི་རྒྱུན་བབས་བུམ་པ་གང་བར་གྱུར༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཏདྱ་ཐཱ་བྷཻ་ཥ་ཛྱེ་བྷཻ་ཥ་ཛྱེ་མ་ཧཱ་བྷཻ་ཥ་ཛྱེ་རཱ་ཛ་ས་མུཏག་ཏེ་སྭཱ་ཧཱ༔ ཞེས་ཅི་ནུས་སུ་བཟླ། མཐར་མཆོད་བསྟོད། ཨོཾ་སརྦ་ཏ་ཐཱ་ག་ཏ་གུ་རུ་མ་ཧཱ་བྷཻ་ཥ་ཛྱེ་རཱ་ཛ་ས་པ་རི་ཝཱ་ར་ཨརྒྷཾ་སོགས་ཤཔྟ་པྲ་ཏཱིཙྪ་སྭཱ་ཧཱ༔ དུག་གསུམ་རྒྱུ་དང་འབྲས་བུའི་ནད་རྣམས་སེལ། །མཚན་ཐོས་ངན་སོང་གསུམ་གྱི་འཇིགས་ལས་སྐྱོབས། །སྨོན་ལམ་ཆེན་པོ་བཅུ་གཉིས་གྲུབ་པ་ཡི། །བཅོམ་ལྡན་སྨན་གྱི་བླ་མར་ཕྱག་འཚལ་བསྟོད། །སེམས་ཅན་སྒྱུ་ལུས་སོགས་གསོལ་འདེབས་མཐར། བུམ་པའི་ལྷ་རྣམས་དགྱེས་པ་ཆེན་པོའི་འོད་དུ་ཞུ་བ་བདུད་རྩིའི་ཆུར་གྱུར། ཞེས་མོས། སླར་ཡང་གཏང་རག་གི་མཆོད་བསྟོད་བྱ། གཉིས་པ་གཞན་ཕན་ཕྲིན་ལས་ཀྱི་ཚུལ་ནི། ནད་སེལ་སྨན་གྱི་རིལ་བུ་སྒྲུབ་པར་འདོད་ན། ཨ་རུ་སྐྱོན་བྲལ་གཙོ་བོར་གྱུར་པའི་དབང་ལག་དང་ཀ་ར་རྣམས་སྦྱར་བའམ། གཉན་ནད་ལ་ཀ་ར་ཕྲི་བའི་ཚབ་བཙན་དུག་དང་ཤུ་དག་སྦྱར་བ་རིལ་བུ་གླ་བའི་རིལ་མ་ཙམ་དུ་དྲིལ། གཏེར་བྱོན་རིག་པའི་ཡེ་ཤེས་ཀྱི་སྨན་རིལ་ཕབ་ལྡན་བྱ། རིལ་ཆག་ཐེམས་ནས་ཐོད་པ་མཚན་ལྡན་དུ་བླུགས་པ་དར་སྣས་བཀབ་པ་དཀྱིལ་འཁོར་དབུས་སུ་བཞག །མདུན་རྟེན་ལ་དམིགས་ཏེ། ཐོད་པ་བྷྲཱུྃ་ལས་གཞལ་ཡས་ཁང་གི་ནང༔ པད་ཟླ་ལྔ་ཚོམ་དབུས་མར་ཧཱུྃ་ཡིག་ལས༔ བླ་མ་སྨན་བླ་ལོངས་སྤྱོད་རྫོགས་པའི་སྐུ༔ མཉམ་བཞག་ཐོད་པ་སྨན་གྱི་བཀང་བ་འཛིན༔ ཕྱོགས་བཞིར་དྲང་སྲོང་རིགས་བཞི་རིགས་ཀྱི་མདོག༔ སྨན་མཆོག་འཛིན་ཅིང་དར་དང་རིན་ཆེན་བརྒྱན༔ ཉོན་མོས་རང་གྲོལ་རིགས་ལྔའི་ངོ་བོ་ལ༔ རིགས་ཀྱི་ཡུམ་ལྔ་གཉིས་མེད་མཉམ་པར་སྦྱོར༔ བདེ་བའི་འོད་ཀྱིས་འཁོར་འདས་ཐམས་ཅད་ཀྱི༔ མཆོག་དང་ཐུན་མོང་བདུད་རྩི་ཀུན་བསྡུས་ནས༔ ལྷ་ཚོགས་ཀུན་གྱི་ཞལ་ཞུགས་སྐུ་ཡི་ནང༔ བདུད་རྩིའི་གང་ནས་ཡབ་ཡུམ་སྦྱོར་མཚམས་བབ༔ འོད་ཀྱི་རང་བཞིན་བདུད་རྩིའི་གོང་བུའི་ནང༔ ཨོཾ་ཨཱཿཧཱུྃ་གིས་མཚན་པ་གྲངས་མེད་པ༔ ཐོད་པ་གཞལ་ཡས་ཁང་གི་ནང་གང་བསམ༔ ཨོཾ་ཧཱུྃ་ཏྲཱཾ་ཧྲཱིཿཨཿཧཱུྃ་མྃ་ཨ་མྲྀ་ཏ་ར་ས་ཡ་ན་སིདྡྷི་ཕ་ལ་ཧཱུྃ་ཧཱུྃ༔ ཞེས་རྟགས་མཐོང་བའམ་བཟླས་གྲངས་མ་ཐེམས་པར་སྒྲུབ། དུས་མཐའི་གཉན་རིགས་སེལ་བའི་ཆེད་དུ་དམིགས་བསལ་དགོས་ན་མི་ཕམ་རིན་པོ་ཆེའི་སྔགས་འབུམ་རྡོ་རྗེའི་མེ་འབར་བཟླས་པས་རྣོ་འདོན་བྱས་ན་ལེགས་པར་སེམས་སོ། །དུག་གསུམ་ནད་ཀྱིས་གདུང་ཀུན་ལ། །སེལ་བྱེད་སྨན་གྱི་ནོར་བུའི་ཆར། །འབེབས་པས་ཕན་བདེ་ཀུན་དགའ་བའི། །ལང་ཚོ་བརྟན་པ་དར་གྱུར་ཅིག །ཅེས་ཐུགས་སྒྲུབ་ཡིད་བཞིན་ནོར་བུའི་མན་ངག་བཅུ་གསུམ་གྱི་གཉིས་པ་གུ་རུ་སྨན་གྱི་བླ་མའི་ཕྲིན་ལས་ཏེ་ལེའུ་ཚན་གསུམ་པའོ།། །།

[edit]

@#/_thugs sgrub yid bzhin nor bu las/_gu ru sman gyi bla ma'i khyad par gyi phrin las las tshogs dang bcas pa yid bzhin sman gyi nor bu bzhugs// @#/_mkhyen brtse bdud rtsi'i zil char gyis/_/'gro kun dug gsum rgyu 'bras nad/_/sel mdzad gu ru sman gyi lhar/_/gus btud de sgrub las rim 'chad/_/gnyis pa dngos gzhi'i las rim la dngos dang*/_gzhan phan phrin las kyi tshul gnyis las/_dang po la cho gar ma gtogs pa'i sbyor ba ni/_sgrub pa po khrus dang gtsang sbra la gnas pas gzhung mthun gyi rten bkram pa'i mdun du rdul tshon gyi pad+ma 'dab brgyad dang*/_ma 'byor na 'bru'i tshom bu dgu bkod/_mdun du mchod gtor dkar zlum 'khor bzhi can dang*/_nyer spyod kyi mchod pa sogs bkod mdzes su bshams/_dbang dang 'brel na dkyil 'khor dbus many+dzi'i steng sman a ru gtso bor gyur pa'i nyer lnga'i bum pa rdzas ldan/_rgyun 'bab kyi chus bkang ba dang*/_gzhung mthun sku dang*/_sngags byang*/_me long*/_tshul bzhin sgrub pa'i sman gyi ril bu'am a ru ras bkang ba'i snod bcas bkod/_cho gar gtogs pa'i spyi chings ni spar khab ltar la/_gnyis pa cho ga dngos kyi dang po bdag gi rnal 'byor ni/_swa b+hA was stong par sbyangs/_ma bcos dbyings las rang rtsal hU~M mthing ga:_de las rang nyid bla ma sman bla mthing:_mtshan dpe rab rdzogs chos gos rnam gsum gsol:_phyag g.yas skyabs sbyin sman mchog rnam rgyal dang:_g.yon pas bdud rtsis gang ba'i lhung bzed bsnams:_'gro 'dul tshul gyis bzang po'i bzhugs stang*/_mchan/_pad zla'i gdan la bzhugs:_'khor du drang srong rigs bzhi sprul sku'i tshul:_dkar ser dmar ljang dar gyi na bza' gsol:_skyabs sbyin phyag rgyas a ru rnam rgyal 'dzin:_kun kyang 'od 'bar gzi brjid ldan par bsgom:_dam ye dbyer med kun gyi thugs ka ru:_zla ba'i gdan la hU~M yig rang mdog gi:_'od zer kun 'phros bdag dang sems can gyi:_dug lnga las byung nad gdon bar chad bsal:_'khor 'das kun gyi nad sel bdud rtsi'i rigs:_bsdus te rang gi ba spu'i khung nas zhugs:_bdud rtsi'i lus gang 'byung ba cha snyoms te:_sgrib med dwangs gsal rdo rje'i sku thob bsam:_oM AHhU~M badz+ra gu ru pad+ma sid+d+hi hU~M:_tad+ya thA b+hai Sha dz+ye b+hai Sha dz+ye ma hA b+hai Sha dz+ye rA dza sa mutag te swA hA:_zhes ji ltar 'os pa bzla/_dbyangs gsal rten snying lan gsum dang*/_hU~M hrIH_rig 'dzin 'dus pa bla ma'i lha tshogs la:_phyi nang gsang ba dzapa bsnyen mchod pa 'bul:_yon tan rjes dran rdo rje'i glu yis bstod:_nyams chags kun bshags mchog thun dngos grub stsol:_ma hA a mr-i ta rak+ta ba liM ta khA hi:_yig brgyas nongs pa bshags/_dkyil 'khor lha tshogs thugs ka nas:_rang 'dra'i sku dang 'od zer tshogs:_nam mkha' gang ba'i spro bsdu yis:_gang 'dod don kun lhun grub gyur:_zhes mos gsol 'debs bsam pa lhun grub tshang ba dang*/_sems can sgyu lus 'jig pa'i nad byung tshe:_mi bzod sdug bsngal nad kyis nyen pa na:_yid gnyis the tshom med par gsol ba 'debs:_gu ru sman gyi bla dang dbyer med pas:_tshe zad ma yin bar chad nges par sel:_o rgyan pad+ma 'byung gnas la gsol ba 'debs:_bsam pa lhun gyis 'grub par byin gyis rlobs:_ces grangs bsags/_slob ma rjes 'dzin sogs ma dgos na 'di nas rjes rim la 'jug kyang rung ngo*/_gnyis pa mdun bskyed ni/_oM ma hA shU n+ya tA dz+nyA na badz+ra swa b+hA wa At+ma ko\u0f85 haM:_mdun gyi dkyil 'khor mi dmigs stong par gyur:_stong pa'i ngang las ye shes rang snang gi:_mngon par sprul pa'i gzhal med khang chen dbus:_sna tshogs pad+ma 'dab bzhi'i lte ba ru:_seng ges btegs pa'i rin chen pad nyi'i steng:_dbus su hU~M las gu ru sman gyi bla:_mthing gsal sprul sku'i cha lugs chos gos gsol:_mtshan dpe kun rdzogs 'gro ba 'dul ba'i tshul:_phyag g.yas skyabs sbyin dang bcas sman mchog 'dzin:_g.yon pas bdud rtsi'i gang ba'i lhung bzed bsnams:_phyogs bzhir drang srong dkar ser dmar ljang bzhi:_sman mchog 'dzin cing dar dang rin chen brgyan:_bzhengs stabs 'dzum pa'i stabs kyis gtso la gzigs:_kun gyi gnas gsum oM AHhU~M yig las:_'od 'phros baiDUr snang ba'i zhing khams nas:_sman lha rigs lnga 'khor bcas spyan drangs gyur:_spos btul thal sbyar shar phyogs gdong 'dud de:_hU~M hrIH_chos dbyings rnam dag longs sku lhun grub las:_sprul pa'i zhing khams baiDUr snang ba nas:_'tsho mdzad sman lha rigs lnga 'khor dang bcas:_sngon gyi thugs dam bzhin du 'dir gshegs shig:_badz+ra sa ma dzaH_hU~M hrIH_rin chen gzhal yas mdzes pa 'dir:_nyi zla pad+ma'i gdan steng du:_ma hA gu ru'i lha tshogs rnams:_dgyes shing brtan par bzhugs su gsol:_dzaHhU~M baM hoHdz+nyA na sa ma ya tiSh+Tha lhan:_na moH_skye 'gag 'gyur med phrin las rdzogs:_rang byung thugs rjes 'gro rnams sgrol:_yid bzhin dngos grub char 'bebs pa'i:_rig 'dzin tshogs la phyag 'tshal lo:_a ti pU hoH_pra tIts+tsha hoH_hU~M hrIH_bla ma yi dam mkha' 'gro'i tshogs bcas la:_lha rdzas las grub mchod yon zhabs bsil dang:_me tog bdug spos mar me dri bzang chab:_zhal zas rol mo phyi yi mchod pa 'bul:_gzugs sgra dri ro reg bya chos la sogs:_'dod yon lnga ldan nang gi mchod pa 'bul:_bcu drug rig mas lha rdzas mchod pa'i tshogs:_mi zad kun bzang rnam rol rgya mtsho 'bul:_snang srid rnam dag 'dod yon ba liM ta:_rmad du byung ba gtor ma'i mchod pa 'bul:_chos nyid rol pa'i mchod sprin rgya mtsho 'dis:_rtsa ba gsum gyi thugs dam bskang gyur te:_phyi nang gsang ba'i sdug bsngal zhi ba dang:_mchog thun dngos grub yid bzhin bstsal du gsol:_oM AHhU~M badz+ra gu ru d+he ba d+hA ki nI sa pa ri wA ra ar+g+haM pA d+yaM puSh+pe d+hU pe A lo ke gan+d+he ne bi d+ya shap+ta pra tIts+tsha swA hA:_hU~M/_dmigs med zhi ba chen po'i ngang nyid las:_mkhyen dang brtse bas sman pa'i skur bzhengs pa:_bcom ldan lha yi lha mchog baiDUr mdangs:_sangs rgyas kun gyi rje la phyag 'tshal lo:_bla ma'i bla ma rigs 'dus sman pa'i rgyal:_nyon mongs gcong nad drung nas 'byin mdzad pa:_chos kyi nyi ma gdung sel zla ba che:_mnyam med bcom ldan khyed la phyag 'tshal bstod:_bzhi brgya rtsa bzhi'i nad 'joms sdug bsngal sel:_'tsho mdzad rigs kyi skur bzhengs rdzu 'phrul ldan:_drang srong 'jig rten kun gyi skyabs dang mgon:_'gro ba'i don rnams mdzad la phyag 'tshal bstod:_lha rnams thugs kar zla steng hU~M yig las:_'od zer kun 'phros rgyal rnams thugs dam bskul:_thams cad sman pa'i rgyal po'i ngo bor byon:_mdun bskyed lha tshogs rnams la gnyis med thim:_gzhan yang lha dang drang srong thams cad kyi:_nus rtsal 'khor 'das kun gyi bdud rtsi yi:_bcud rnams kun 'dus lha tshogs sku la thim:_bdud rtsi'i rgyun babs bdag lus gang bar gyur:_sgrib med dwangs gsal rdo rje'i sku thob bsam:_oM AHhU~M badz+ra gu ru pad+ma sid+d+hi hU~M:_tad+ya thA oM b+hai Sha dz+ye b+hai Sha dz+ye ma hA b+hai Sha dz+ye rA dza sa mutag te swA hA:_zhes bzla/_gsum pa bum sgrub ni/_a mr-i tas bsang*/_swa b+hA was sbyangs te/_mdun du pad+ma zla ba'i dkyil 'khor steng*/_/bum pa b+h+rU~M las mtshan nyid kun rdzogs nang:_bdud rtsi'i rgya mtshor 'khyil ba'i dbus su pa~M:_de nyid pad+ma lnga tshom zla gdan bcas:_dbus su hU~M las gu ru sman gyi bla:_mthing gsal sprul sku'i cha lugs chos gos gsol:_mtshan dpe kun rdzogs 'gro ba 'dul ba'i tshul:_phyag g.yas skyabs sbyin dang bcas sman mchog 'dzin:_g.yon pas bdud rtsi'i gang ba'i lhung bzed bsnams:_phyogs bzhir drang srong dkar ser dmar ljang bzhi:_sman mchog 'dzin cing dar dang rin chen brgyan:_bzhengs stabs 'dzum pa'i stabs kyis gtso la gzigs:_kun gyi gnas gsum oM AHhU~M yig las:_'od 'phros bai DUr+Ya snang ba'i zhing khams nas:_sman lha rigs lnga 'khor bcas spyan drangs gyur:_hU~M hrIH_chos dbyings rnam dag longs sku lhun grub las:_sprul pa'i zhing khams bai DUr snang ba nas:_'tsho mdzad sman lha rigs lnga 'khor dang bcas:_sngon gyi thugs dam bzhin du 'dir gshegs shig:_badz+ra sa ma dzaH_dzaHhU~M baM hoH_a ti pU hoH_pra tIts+tsha hoH_hU~M/_dngos 'byor yid kyis rnam sprul pa'i/_/kun tu bzang po'i mchod sprin gyis/_/chos dbyings rgyas par bkang byas te/_/sman pa'i rgyal po 'khor bcas mchod/_/oM gu ru b+hai Sha dz+ye rA dza sa pa ri wA ra puSh+pe d+hU pe A lo ke g+han+d+he nai bi d+ya shap+ta pra tIts+tsha ye swA hA:_hU~M:_dmigs med zhi ba chen po'i ngang nyid las:_mkhyen dang brtse bas sman pa'i skur bzhengs pa:_bcom ldan lha yi lha mchog bai DUr mdangs:_sangs rgyas kun gyi rje la phyag 'tshal lo:_bla ma'i bla ma rigs 'dus sman pa'i rgyal:_nyon mongs gcong nad drung nas 'byin mdzad pa:_chos kyi nyi ma gdung sel zla ba che:_mnyam med bcom ldan khyed la phyag 'tshal bstod:_bzhi brgya rtsa bzhi'i nad 'joms sdug bsngal sel:_'tsho mdzad rigs kyi skur bzhengs rdzu 'phrul ldan:_drang srong 'jig rten kun gyi skyabs dang mgon:_'gro ba'i don rnams mdzad la phyag 'tshal bstod:_lha rnams thugs kar zla steng hU~M yig las:_'od zer kun 'phros rgyal rnams thugs dam bskul:_thams cad sman pa'i rgyal po'i ngo bor byon:_bum nang lha tshogs rnams la gnyis med thim:_gzhan yang lha dang drang srong thams cad kyi:_nus rtsal 'khor bcas kun gyi bdud rtsi yi:_bcud rnams kun 'dus lha tshogs sku la thim:_bdud rtsi'i rgyun babs bum pa gang bar gyur:_oM AHhU~M badz+ra gu ru pad+ma sid+d+hi hU~M:_tad+ya thA b+hai Sha dz+ye b+hai Sha dz+ye ma hA b+hai Sha dz+ye rA dza sa mutag te swA hA:_zhes ci nus su bzla/_mthar mchod bstod/_oM sarba ta thA ga ta gu ru ma hA b+hai Sha dz+ye rA dza sa pa ri wA ra ar+g+haM sogs shap+ta pra tIts+tsha swA hA:_dug gsum rgyu dang 'bras bu'i nad rnams sel/_/mtshan thos ngan song gsum gyi 'jigs las skyobs/_/smon lam chen po bcu gnyis grub pa yi/_/bcom ldan sman gyi bla mar phyag 'tshal bstod/_/sems can sgyu lus sogs gsol 'debs mthar/_bum pa'i lha rnams dgyes pa chen po'i 'od du zhu ba bdud rtsi'i chur gyur/_zhes mos/_slar yang gtang rag gi mchod bstod bya/__gnyis pa gzhan phan phrin las kyi tshul ni/_nad sel sman gyi ril bu sgrub par 'dod na/_a ru skyon bral gtso bor gyur pa'i dbang lag dang ka ra rnams sbyar ba'am/_gnyan nad la ka ra phri ba'i tshab btsan dug dang shu dag sbyar ba ril bu gla ba'i ril ma tsam du dril/_gter byon rig pa'i ye shes kyi sman ril phab ldan bya/_ril chag thems nas thod pa mtshan ldan du blugs pa dar snas bkab pa dkyil 'khor dbus su bzhag_/mdun rten la dmigs te/_thod pa b+h+rU~M las gzhal yas khang gi nang:_pad zla lnga tshom dbus mar hU~M yig las:_bla ma sman bla longs spyod rdzogs pa'i sku:_mnyam bzhag thod pa sman gyi bkang ba 'dzin:_phyogs bzhir drang srong rigs bzhi rigs kyi mdog:_sman mchog 'dzin cing dar dang rin chen brgyan:_nyon mos rang grol rigs lnga'i ngo bo la:_rigs kyi yum lnga gnyis med mnyam par sbyor:_bde ba'i 'od kyis 'khor 'das thams cad kyi:_mchog dang thun mong bdud rtsi kun bsdus nas:_lha tshogs kun gyi zhal zhugs sku yi nang:_bdud rtsi'i gang nas yab yum sbyor mtshams bab:_'od kyi rang bzhin bdud rtsi'i gong bu'i nang:_oM AHhU~M gis mtshan pa grangs med pa:_thod pa gzhal yas khang gi nang gang bsam:_oM hU~M trAM hrIHaHhU~M ma~M a mr-i ta ra sa ya na sid+d+hi pha la hU~M hU~M:_zhes rtags mthong ba'am bzlas grangs ma thems par sgrub/_dus mtha'i gnyan rigs sel ba'i ched du dmigs bsal dgos na mi pham rin po che'i sngags 'bum rdo rje'i me 'bar bzlas pas rno 'don byas na legs par sems so/__/dug gsum nad kyis gdung kun la/_/sel byed sman gyi nor bu'i char/_/'bebs pas phan bde kun dga' ba'i/_/lang tsho brtan pa dar gyur cig_/ces thugs sgrub yid bzhin nor bu'i man ngag bcu gsum gyi gnyis pa gu ru sman gyi bla ma'i phrin las te le'u tshan gsum pa'o//__//