JKW-KABUM-15-BA-030-004

From Khyentse Lineage - A Tsadra Foundation Project
Revision as of 19:50, 2 March 2022 by Mort (talk | contribs) (Text replacement - "|editortib=རྫོང་སར་བློ་གྲོས་ཕུན་ཚོགས་" to "|editortib=")
(diff) ← Older revision | Latest revision (diff) | Newer revision → (diff)

སྦྱིན་སྲེག་ལ་སྒྲུབ་མཆོད་སྐབས་ཚོམ་བུ་སྤྱན་འདྲེན་སོགས།
Wylie title sbyin sreg la sgrub mchod skabs tshom bu spyan 'dren sogs JKW-KABUM-15-BA-030.pdf
Location mkhyen brtse'i bka' 'bum
Volume 15, sde tshan 30, Text 4, Pages 567-572 (Folios 4a5 to 6b2)
Author འཇམ་དབྱངས་མཁྱེན་བརྩེའི་དབང་པོ་
Less details More details
Tertön འཇིགས་མེད་གླིང་པ་ ('jigs med gling pa)
Citation 'jam dbyangs mkhyen brtse'i dbang po. sbyin sreg la sgrub mchod skabs tshom bu spyan 'dren sogs. In 'jam dbyangs mkhyen brtse'i dbang po'i bka' 'bum, Vol. 15: 567-572. Khams sde dge rdzong sar dgon: Rdzong sar blo gros phun tshogs, 2020.
Genre Fire Offerings - sbyin sreg
Cycle ཀློང་ཆེན་སྙིང་གི་ཐིག་ལེ་ (klong chen snying gi thig le)

":Property:textsubnumber|textsubnumber" can not be assigned to a declared number type with value 1.

[edit]
༄༅། །སྒྲུབ་མཆོད་སོགས་ཀྱི་སྐབས་ཚོམ་བུ་སྤྱན་འདྲེན་དང་འབྲེལ་ན། དཔལ་ཆེན་གྱི་ཚེ༔ ཧཱུྃ༔ བྱིན་ཟའི་ལྟོ་བ་འབར་ཞིང་སྲེག་པའི་ཀློང་༔ བྷྲཱུྃ་ཡིག་ཡོངས་གྱུར་སྤྲུལ་པའི་གཞལ་མེད་ཁང་༔ སོགས་ནས། ཨ་ཙནྡྲ་མ་དྷ་ལ་བར་ལས་བྱང་ལྟར། དེ་ནས། ཧཱུྃ༔ འོག་མིན་ཆོས་དབྱིངས་བདེ་ཆེན་ཞིང་ཁམས་ནས༔ ལྷུན་གྲུབ་རོལ་པ་ཡེ་ཤེས་ཀློང་དགུའི་གར༔ ཞི་ཁྲོ་རབ་འབྱམས་དཔལ་ཆེན་བཀའ་བརྒྱད་ལྷ༔ གདུག་པ་འདུལ་ཕྱིར་གནས་འདིར་གཤེགས་སུ་གསོལ༔ ཨེ་ཧྱ་ཧི་ཛཿཧཱུྃ་བྃ་ཧོཿ ས་མ་ཡ་ཧྲིང་ཧྲིང་ཛ་ཛཿ ཞེས་རོལ་མོ་རིང་པོར་བཅས་ཚོམ་བུ་སྤྱན་དྲངས་པའི་རྩེ་མོ་ནས་ཅུང་ཟད་ཐབ་ཏུ་དོར་ལ༔ ཧཱུྃ༔ མ་དག་སྣང་བ་དག་པ་རབ་འབྱམས་ཀྱི༔ རྟེན་དང་བརྟེན་པའི༷་འཁོར་ལོར་ཡོངས་ཤར་བ༔ ཏིང་འཛིན་སྤྲུལ་པའི་ཞིང་མཆོག་ཉམས་དགའ་བར༔ དམ་ཡེ་གཉིས་མེད་ངོ་བོར་བརྟན་པར་བཞུགས༔ ས་མ་ཡ་ཨ་བེ་ཤ་ཡ་ཏིཥྛ་ལྷན༔ ཞེས་བཞུགས་སུ་གསོལ། དེ་ནས་ཞལ་ཕྱག་གསལ་འདེབས་པར་སྤྲོ་ན། ཐབ་ཀྱི་དཀྱིལ་འཁོར་གཞལ་ཡས་དབུས༔ ཆེ་མཆོག་བཛྲ་ཐོད་ཕྲེང་སྩལ༔ སོགས་ནས། དགའ་བཞི་བདེ་བ་ཆེན་པོར་བཞུགས༔ ཕྱོགས་བཞི་མཚམས་བཞིའི་རྩིབས་སྟེང་དུ༔ ཤར་དུ་བཛྲ་ཧེ་རུ་མཐིང་༔ སོགས་ནས། མ་འདྲེས་ཡོངས་རྫོགས་ཆེན་པོར་བཞུགས༔ ཞེས་པའི་བར་ལས་བྱང་ལྟར་གསལ་གདབ་ལ། ཧཱུྃ༔ རང་བྱུང་རང་ཤར་སྤྲུལ་པའི་དཀྱིལ་འཁོར་ལ༔ སོགས་ནས། བདུན་བརྒྱ་ཉེར་ལྔའི་དཀྱིལ་འཁོར་ལྷ་ལ་བསྟོད༔ དེ་ནས་བྱོན་སྐྱེམས་འབུལ་བ་སོགས་གཞུང་ལྟར་རོ། །རིག་འཛིན་སྐབས། ཧཱུྃ༔ མེ་ལྷ་འབར་ཞིང་སྲེག་པའི་ཀློང་༔ ཕོ་བྲང་གཞལ་མེད་ཉམས་དགའ་བ༔ གྲུ་བཞི་སྒོ་བཞི་མཚན་ཉིད་ལྡན༔ བརྡ་དོན་རྟགས་གསུམ་ཡོངས་རྫོགས་པའི༔ ཕྱི་ནང་ཟང་ཐལ་ཆེན་པོའི་དབུས༔ སྣ་ཚོགས་པདྨ་ཉི་ཟླའི་གདན༔ ཡེ་ཤེས་འོད་ཟེར་འཕྲོ་བར་གྱུར༔ ཞེས་གསལ་གདབ། ཧཱུྃཿ ཨོ་རྒྱན་ཡུལ་གྱི་སོགས་ཚོམ་བུ་སྤྱན་དྲངས། ཧཱུྃཿ ཐབས་ཀྱི་བསྐྱེད་པའི་དཀྱིལ་འཁོར་འདིར༔ ཤེས་རབ་དབྱིངས་ནས་དྲངས་པའི་ལྷ༔ རིག་འཛིན་བླ་མའི་དཀྱིལ་འཁོར་རྣམས༔ གཉིས་མེད་ངང་དུ་དགྱེས་པར་བཞུགས༔ བཛྲ་ས་མ་ཡ་ཏིཥྛ་ལྷན༔ ཚོམ་བུ་དོར། ཐབ་ཀྱི་དཀྱིལ་འཁོར་གཞལ་ཡས་དབུས༔ དུས་གསུམ་སངས་རྒྱས་ཀུན་གྱི་དངོས༔ སྣང་སྲིད་ཟིལ་གནོན་པདྨ་འབྱུང་༔ སོགས་ནས། གསལ་ལ་མ་འདྲེས་ལྷུན་གྱིས་གྲུབ༔ བར་དང་། ཧཱུྃ༔ ལྷ་ཉིད་རང་ལ་རང་ཉིད་ལྷ༔ སོགས་ནས། དཀྱིལ་འཁོར་ཡོངས་རྫོགས་ལྷ་ལ་ཕྱག་འཚལ་བསྟོད༔ ཅེས་པའི་བར་ལས་བྱང་ལྟར་རོ། ། ༈ སྭསྟི། ཡུམ་བཀའི་མེ་མཆོད་གཞིར་བཞག་ནས། རིག་འཛིན་དང་། ཐུགས་རྗེ་ཆེན་པོ་ལ་ཁ་བསྒྱུར་བའི་ཚུལ་ནི། སྦྱོར་བའི་སྐབས། རྫས་བ་གླང་གཞོན་ནུའི་ཤ་མཁའ་འགྲོའི་དམ་རྫས་དམིགས་བསལ་ཡིན་པས་འདིར་མི་དགོས། ཐབ་འོད་ཕྲེང་དང་རྡོ་ར་ཟླུམ་པོར་བསྐོར་བའི་དབུས་སུ་གདན་དང་ལྷ་མཚན་མངོན་རྟོགས་ལྟར་བཀོད། དེའང་རིག་འཛིན་ལ། མུ་ཁྱུད་རིམ་པ་གཉིས་ཀྱིས་བསྐོར་བའི་དབུས་སུ་ཉི་ཟླའི་གདན་ལ་ཐིག་ལེ་དམར་སྐྱ། དཀར་པོ། ཐིང་ག་རྣམས་བརྩེགས་མ་མུ་ཁྱུད་དང་པོར་སྣ་ཚོགས་པདྨ་འདབ་བརྒྱད་ལ་ཟླ་གདན་གྱི་སྟེང་དུ་ཕྱོགས་བཞིར་ཕྱོགས་མདོག་དང་། མཚམས་བཞིར་ཐིག་ལེ་མཐིང་ག །གཉིས་པར་པད་འདབ་བཞི་ལ་ཟླ་གདན་གྱི་སྟེང་དུ་ཐིག་ལེ་ཕྱོགས་མདོག་རེ་བྲི། ཐུགས་རྗེ་ཆེན་པོར་མུ་ཁྱུད་ཉིས་རིམ་གྱི་དབུས་སུ་ཉི་ཟླའི་གདན་ལ་ཐིག་ལེ་དམར་སྐྱ་དང་། དམར་པོ་བརྩེགས་མ། མུ་ཁྱུད་དང་པོར་འདབ་བཞིར་ཟླ་གདན་དང་། གཉིས་པར་ཉི་གདན་ལ་ཐིག་ལེ་ཕྱོགས་མདོག་རེ་བྲིའོ། །ངག་འདོན་གཞན་འདྲ་བ་ལ། མཉམ་སྦྱོར་བྱིན་ཟ་འབར་བའི་ཀློང་༔ ཞེས་པའི་མཚམས། རིག་འཛིན་འདུས་པར། ཕོ་བྲང་གཞལ་མེད་ཉམས་དགའ་བ༔ གྲུ་བཞི་སྒོ་བཞི་མཚན་ཉིད་ལྡན༔ བརྡ་དོན་རྟགས་གསུམ་ཡོངས་རྫོགས་པའི༔ ཕྱི་ནང་ཟང་ཐལ་ཆེན་པོའི་དབུས༔ སྣ་ཚོགས་པདྨ་ཉི་ཟླའི་སྟེང་༔ ཧཱུྃ་ལས་སྐད་ཅིག་དྲན་རྫོགས་སུ༔ དུས་གསུམ་སངས་རྒྱས་ཀུན་གྱི་དངོས༔ སྣང་སྲིད་ཟིལ་གནོན་པདྨ་འབྱུང་༔ སོགས་ནས། དཀྱིལ་འཁོར་ཡོངས་རྫོགས་ལྷ་ལ་ཕྱག་འཚལ་བསྟོད༔ བར་ལས་བྱང་ལྟར་བྱ། དགང་བླུགས་བཟུང་ལ། ཧཱུྃ༔ དགང་བླུགས་དཀྱིལ་འཁོར་མ་ལུས་པའི༔ ཞལ་གྱི་ངོ་བོ་རྣམ་དག་ཅིང་༔ རྡོ་རྗེའི་ལྗགས་སྟེང་ཧཱུྃ་ཡིག་གིས༔ བསྲེག་རྫས་བདུད་རྩིའི་རྒྱུན་དྲངས་ནས༔ ཟག་མེད་བདེ་བས་རབ་ཏུ་མཉེས༔ ལས་མཐུན་འོད་ཟེར་འཕྲོས་པ་ཡིས༔ མཆོག་ཐུན་དངོས་གྲུབ་ཐོབ་པར་གྱུར༔ ཅེས་བརྗོད་ཅིང་བསམས་ལ། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ སརྦ་པཱ་པཾ་ཤཱནྟཾ་ཀུ་རུ་སྭཱ་ཧཱ། ཞེས་བདུན་གྱི་མར་ཁུ་ཕུལ། རྣལ་འབྱོར་པ་བདག་དང་ཡོན་གྱི་བདག་པོའི་ནད་གདོན་སྡིག་སྒྲིབ་འགལ་རྐྱེན་བར་ཆད་ཉམས་ཆགས་ཉེས་ལྟུང་གསང་སྔགས་ཀྱི་ལྷག་ཆད་ལ་སོགས་པའི་ཉེས་པ་ཐམས་ཅད་ཤཱནྟིཾ་ཀུ་རུ་སྭཱ་ཧཱ༔ ཞེས་འདོད་དོན་གསོལ། དེ་ནས་ཡམ་ཤིང་འབུལ། དེ་རྗེས་རྫས་གཞན་རྣམས་ཀྱང་གཅིག་ཏུ་སྦམ་སྟེ་འབུལ་ཚུལ་འདྲ། རྒྱས་པ་སོགས་ཀྱི་ཁ་བསྒྱུར་གཞུང་ལྟར། ཚོགས་མཆོད་དང་དངོས་གྲུབ་བླང་བ་སོགས་དམིགས་བསལ་རྣམས་རིག་འཛིན་གྱི་ལས་བྱང་ལྟར་བྱ་བ་མ་གཏོགས་གཞན་འདྲའོ། ། ༈ ཐུགས་རྗེ་ཆེན་པོ་ལ། མཉམ་སྦྱོར་བྱིན་ཟ་འབར་བའི་ཀློང་༔ ཞེས་པའི་མཚམས། རང་སྣང་ལྷུན་གྲུབ་རི་བོ་པོ་ཏཱ་ལ༔ བརྡ་རྟགས་མཚན་ཉིད་རྫོགས་པའི་དཀྱིལ་འཁོར་དབུས༔ སྣ་ཚོགས་པདྨ་སྟོང་ལྡན་ཉི་ཟླའི་སྟེང་༔ ཧྲཱིཿ ཡིག་ཡོངས་གྱུར་འཕགས་མཆོག་སྙིང་རྗེའི་ལྷ༔ སོགས་ནས། དཀྱིལ་འཁོར་ཡོངས་རྫོགས་ལྷ་ལ་ཕྱག་འཚལ་བསྟོད༔ བར་ལས་བྱང་ལྟར་དང་། དགང་བླུགས་བཟུང་ལ། ཧཱུྃ༔ དགང་བླུགས་དཀྱིལ་འཁོར་མ་ལུས་པའི༔ སོགས་གོང་ལྟར་ལ། ཨོཾ་མ་ཎི་པདྨེ་ཧཱུྃ་ཧྲཱིཿ སརྦ་པཱ་པཾ་ཤཱནྟིཾ་ཀུ་རུ་སྭཱ་ཧཱ། སོགས་སྦྱར་བ་དང་། ཚོགས་མཆོད་སོགས་རང་གཞུང་ཆོག་བསྒྲིགས་ལྟར་བྱ་བ་མ་གཏོགས་གཞན་འདྲའོ། ། ༈
[edit]

sbyun sreg la sgrub mchod skabs tshom bu spyan 'dren sogs/ @#/_/sgrub mchod sogs kyi skabs tshom bu spyan 'dren dang 'brel na/__dpal chen gyi tshe:__hU~M:__byin za'i lto ba 'bar zhing sreg pa'i klong :__b+h+rU~M yig yongs gyur sprul pa'i gzhal med khang :__sogs nas/__a tsan+d+ra ma d+ha la bar las byang ltar/__de nas/__hU~M:__'og min chos dbyings bde chen zhing khams nas:__lhun grub rol pa ye shes klong dgu'i gar:__zhi khro rab 'byams dpal chen bka' brgyad lha:__gdug pa 'dul phyir gnas 'dir gshegs su gsol:__e h+ya hi dzaHhU~M ba~M hoH__sa ma ya hring hring dza dzaH__zhes rol mo ring por bcas tshom bu spyan drangs pa'i rtse mo nas cung zad thab tu dor la:__hU~M:__ma dag snang ba dag pa rab 'byams kyi:__rten dang brten pa'iX 'khor lor yongs shar ba:__ting 'dzin sprul pa'i zhing mchog nyams dga' bar:__dam ye gnyis med ngo bor brtan par bzhugs:__sa ma ya a be sha ya tiSh+Tha lhan:__zhes bzhugs su gsol/__de nas zhal phyag gsal 'debs par spro na/__thab kyi dkyil 'khor gzhal yas dbus:__che mchog badz+ra thod phreng stsal:__sogs nas/__dga' bzhi bde ba chen por bzhugs:__phyogs bzhi mtshams bzhi'i rtsibs steng du:__shar du badz+ra he ru mthing :__sogs nas/__ma 'dres yongs rdzogs chen por bzhugs:__zhes pa'i bar las byang ltar gsal gdab la/__hU~M:__rang byung rang shar sprul pa'i dkyil 'khor la:__sogs nas/__bdun brgya nyer lnga'i dkyil 'khor lha la bstod:__de nas byon skyems 'bul ba sogs gzhung ltar ro/__/rig 'dzin skabs/__hU~M:__me lha 'bar zhing sreg pa'i klong :__pho brang gzhal med nyams dga' ba:__gru bzhi sgo bzhi mtshan nyid ldan:__brda don rtags gsum yongs rdzogs pa'i:__phyi nang zang thal chen po'i dbus:__sna tshogs pad+ma nyi zla'i gdan:__ye shes 'od zer 'phro bar gyur:__zhes gsal gdab/__hU~MH__o rgyan yul gyi sogs tshom bu spyan drangs/__hU~MH__thabs kyi bskyed pa'i dkyil 'khor 'dir:__shes rab dbyings nas drangs pa'i lha:__rig 'dzin bla ma'i dkyil 'khor rnams:__gnyis med ngang du dgyes par bzhugs:__badz+ra sa ma ya tiSh+Tha lhan:__tshom bu dor/__thab kyi dkyil 'khor gzhal yas dbus:__dus gsum sangs rgyas kun gyi dngos:__snang srid zil gnon pad+ma 'byung :__sogs nas/__gsal la ma 'dres lhun gyis grub:__bar dang /__hU~M:__lha nyid rang la rang nyid lha:__sogs nas/__dkyil 'khor yongs rdzogs lha la phyag 'tshal bstod:__ces pa'i bar las byang ltar ro/___/__!__ swasti/__yum bka'i me mchod gzhir bzhag nas/__rig 'dzin dang /__thugs rje chen po la kha bsgyur ba'i tshul ni/__sbyor ba'i skabs/__rdzas ba glang gzhon nu'i sha mkha' 'gro'i dam rdzas dmigs bsal yin pas 'dir mi dgos/__thab 'od phreng dang rdo ra zlum por bskor ba'i dbus su gdan dang lha mtshan mngon rtogs ltar bkod/__de'ang rig 'dzin la/__mu khyud rim pa gnyis kyis bskor ba'i dbus su nyi zla'i gdan la thig le dmar skya/__dkar po/__thing ga rnams brtsegs ma mu khyud dang por sna tshogs pad+ma 'dab brgyad la zla gdan gyi steng du phyogs bzhir phyogs mdog dang /__mtshams bzhir thig le mthing ga__/gnyis par pad 'dab bzhi la zla gdan gyi steng du thig le phyogs mdog re bri/__thugs rje chen por mu khyud nyis rim gyi dbus su nyi zla'i gdan la thig le dmar skya dang /__dmar po brtsegs ma/__mu khyud dang por 'dab bzhir zla gdan dang /__gnyis par nyi gdan la thig le phyogs mdog re bri'o/__/ngag 'don gzhan 'dra ba la/__mnyam sbyor byin za 'bar ba'i klong :__zhes pa'i mtshams/__rig 'dzin 'dus par/__pho brang gzhal med nyams dga' ba:__gru bzhi sgo bzhi mtshan nyid ldan:__brda don rtags gsum yongs rdzogs pa'i:__phyi nang zang thal chen po'i dbus:__sna tshogs pad+ma nyi zla'i steng :__hU~M las skad cig dran rdzogs su:__dus gsum sangs rgyas kun gyi dngos:__snang srid zil gnon pad+ma 'byung :__sogs nas/__dkyil 'khor yongs rdzogs lha la phyag 'tshal bstod:__bar las byang ltar bya/__dgang blugs bzung la/__hU~M:__dgang blugs dkyil 'khor ma lus pa'i:__zhal gyi ngo bo rnam dag cing :__rdo rje'i ljags steng hU~M yig gis:__bsreg rdzas bdud rtsi'i rgyun drangs nas:__zag med bde bas rab tu mnyes:__las mthun 'od zer 'phros pa yis:__mchog thun dngos grub thob par gyur:__ces brjod cing bsams la/__oM AHhU~M badz+ra gu ru pad+ma sid+d+hi hU~M:__sarba pA paM shAn+taM ku ru swA hA/__zhes bdun gyi mar khu phul/__rnal 'byor pa bdag dang yon gyi bdag po'i nad gdon sdig sgrib 'gal rkyen bar chad nyams chags nyes ltung gsang sngags kyi lhag chad la sogs pa'i nyes pa thams cad shAn+tiM ku ru swA hA:__zhes 'dod don gsol/__de nas yam shing 'bul/__de rjes rdzas gzhan rnams kyang gcig tu sbam ste 'bul tshul 'dra/__rgyas pa sogs kyi kha bsgyur gzhung ltar/__tshogs mchod dang dngos grub blang ba sogs dmigs bsal rnams rig 'dzin gyi las byang ltar bya ba ma gtogs gzhan 'dra'o/___/__!_thugs rje chen po la/__mnyam sbyor byin za 'bar ba'i klong :__zhes pa'i mtshams/__rang snang lhun grub ri bo po tA la:__brda rtags mtshan nyid rdzogs pa'i dkyil 'khor dbus:__sna tshogs pad+ma stong ldan nyi zla'i steng :__hrIH__yig yongs gyur 'phags mchog snying rje'i lha:__sogs nas/__dkyil 'khor yongs rdzogs lha la phyag 'tshal bstod:__bar las byang ltar dang /__dgang blugs bzung la/__hU~M:__dgang blugs dkyil 'khor ma lus pa'i:__sogs gong ltar la/__oM ma Ni pad+me hU~M hrIH__sarba pA paM shAn+tiM ku ru swA hA/__sogs sbyar ba dang /__tshogs mchod sogs rang gzhung chog bsgrigs ltar bya ba ma gtogs gzhan 'dra'o/___/__!

Footnotes

Other Information