JKCL-KABUM-11-DA-089

Previous Text"DA" is not a number. Back to Volume Page"DA" is not a number.Next Text "DA" is not a number.

Wylie title
Location	chos kyi blo gros bka' 'bum Volume , Text 89, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"DA" is not a number.

<ul><li>":Property:textsubnumber|textsubnumber" can not be assigned to a declared number type with value 1.</li> <!--br--><li>"DA" is not a number.</li></ul>

Tibetan Text

Wylie

[edit]

ནོར་བུ་སྨན་ཕྱུགས་གསོལ་མཆོད་འདོད་དོན་རེ་སྐོང་བཞུགས། ཨོཾ་སྭསྟི། སྣང་སྲིད་དབང་སྡུད་པདྨ་རྒྱལ། །དབྱེར་མེད་བླ་མར་གུས་བཏུད་ནས། །ཡུལ་སྐྱོང་ནོར་བུ་སྨན་ཕྱུགས་ཀྱི། །གསོལ་མཆོད་ཉུང་ངུར་སྤེལ་བར་བྱ། །གཏོར་མ་དཀར་དམར་དང་གསེར་སྐྱེམས་སོགས་བཤམས་ལ་ཆུ་ཆང་གིས་བྲན། ཨོཾ་ལས་རིན་ཆེན་སྣོད་མཆོག་ཡངས་པ་རུ། །ཨཱཿལས་མཆོད་གཏོར་ཡངས་ཤིང་རྒྱ་ཆེ་བ། །ཧཱུྃ་གིས་གང་མོས་མཐུན་པའི་རྫས་གྱུར་ཏེ། །ཧ་ཧོ་ཧྲཱིཿཡིས་ནམ་མཁའ་མཉམ་པར་སྤེལ། ནམ་མཁའ་མཛོད་ཀྱི་སྔགས་རྒྱ་ལན་གསུམ་གྱིས་བརླབས། ཀྱཻ། རྩ་གསུམ་ཀུན་འདུས་པདྨ་ཐོད་ཕྲེང་གི །ཟབ་གཏེར་བསྟན་པ་བསྲུང་བར་ཞལ་བཞེས་པ། །ཀླུ་བཙན་ནོར་བུ་འཕན་ཕྱུགས་འཁོར་བཅས་རྣམས། །འདིར་གཤེགས་རང་རང་དགྱེས་པའི་གདན་ལ་བཞུགས། །ལོ་ཀ་པཱ་ལ་ནི་དྷི་པ་ཏི་བཛྲ་ས་མ་ཡ་ཛཿཔདྨ་ཀཱ་མ་ལ་ཡ་སྟྭྃ། ཀྱཻ། ནོར་ལྷ་ཆེན་པོ་གཡུལ་རྒྱལ་རྫུ་འཕྲུལ་ཅན། །བཻཌཱུའི་མདོག་ཅན་མདུང་དར་ནོར་བུ་འཛིན། །དར་བེར་རིན་ཆེན་རྒྱན་གྱིས་རྣམ་པར་བརྒྱན། །ཁྲབ་རྨོག་འཁོར་གསུམ་བརྗིད་པའི་ཆས་ཀྱིས་རྔམ། །རྟ་མཆོག་སྔོན་པོའི་སྟེང་ན་འགྱིང་ཞིང་སྒེག །རེས་འགའ་བཙན་གཟུགས་ཁྲག་གི་མདོག་ཅན་སྟོན། །བེ་ཅོན་ཐོད་ཁྲག་འཛིན་ཅིང་དགྲ་བགེགས་སྒྲོལ། །སྐབས་འགར་དགེ་བསྙེན་དམར་ནག་སྟག་གཟིག་གི །བེར་ཐུལ་གསོལ་ཞིང་ཁྱི་སྤྱང་རོལ་དུ་ཁྲིད། །འཁོར་དུ་ཀླུ་སྨན་འབུམ་དང་བཙན་གྱིས་བསྐོར། །ཡུལ་འཁོར་སྲུང་ཞིང་དགྲ་སྡེའི་སྲོག་ལ་རྔམ། །ཆད་ལ་བཙན་ཞིང་རྣལ་འབྱོར་དམ་ལྡན་ལ། །འདུད་ཅིང་སྐྱོང་བའི་གཏེར་བདག་ཆེན་པོ་རྣམས། །གཏོར་མ་སྐྱེམས་ཕུད་དཀོར་ཆ་འདི་བཞེས་ལ། །སངས་རྒྱས་བསྟན་པ་རིན་ཆེན་སྤེལ་བ་དང་། །དེར་འཛིན་འཕགས་ཚོགས་འདུས་པའི་སྡེ་ཆེན་རྣམས། །ཐུགས་མཐུན་བཤད་སྒྲུབ་དར་ཞིང་རྒྱས་པར་མཛོད། །ཡུལ་ཕྱོགས་ཀུན་ཏུ་ནད་མུག་མཚོན་འཁྲུགས་ཞི། །དགྲ་ཇག་འབྱུང་པོའི་རྒྱུ་ལམ་རབ་བཅད་ཅིང་། །བཙའ་སད་སེར་བའི་གནོད་པ་ཐམས་ཅད་སྲུངས། །ལོ་ཕྱུགས་ལེགས་ཤིང་འབྲུ་ནོར་འཕེལ་རྒྱས་མཛོད། །བདག་འཁོར་ཡོན་བདག་བྱམས་པའི་ཐུགས་ཀྱིས་སྐྱོང་། །ཕ་རོལ་མི་དང་མི་མིན་བྱད་ཁ་བཟློག །ཕུན་ཚོགས་དགེ་ལེགས་དབྱར་གྱི་ཆུ་གཏེར་ལྟར། །དར་ཞིང་རྒྱས་པའི་ཕྲིན་ལས་མཛད་དུ་གསོལ། །ཅེས་གཏོར་མ་སྐྱེམས་ཕུད་མཆོད། གཏོར་ཆོག་གཞན་དང་མ་འབྲེལ་ན། །མཆོད་མགྲོན་ཚོགས་རྣམས་རང་རང་གནས་སུ་གཤེགས། །སླད་ནས་བདག་ལ་དགྱེས་ཤིང་འགོ་བར་མཛོད། །ཅེས་བརྗོད་པས་གཤེགས་སུ་གསོལ། ཅེས་པའང་ལྷ་ས་དགོན་གྱི་བླ་མ་བསོད་ནམས་སྟོབས་རྒྱལ་ནས་བསྐུལ་ངོར་མཁྱེན་བརྩེའི་སྤྲུལ་མིང་འཛིན་པ་ཆོས་ཀྱི་བློ་གྲོས་པས་སོ།། །།

[edit]

nor bu sman phyugs gsol mchod 'dod don re skong bzhugs/__oM swasti/__snang srid dbang sdud pad+ma rgyal/__/dbyer med bla mar gus btud nas/__/yul skyong nor bu sman phyugs kyi/__/gsol mchod nyung ngur spel bar bya/__/gtor ma dkar dmar dang gser skyems sogs bshams la chu chang gis bran/__oM las rin chen snod mchog yangs pa ru/__/AHlas mchod gtor yangs shing rgya che ba/__/hU~M gis gang mos mthun pa'i rdzas gyur te/__/ha ho hrIHyis nam mkha' mnyam par spel/__nam mkha' mdzod kyi sngags rgya lan gsum gyis brlabs/__kyai/__rtsa gsum kun 'dus pad+ma thod phreng gi__/zab gter bstan pa bsrung bar zhal bzhes pa/__/klu btsan nor bu 'phan phyugs 'khor bcas rnams/__/'dir gshegs rang rang dgyes pa'i gdan la bzhugs/__/lo ka pA la ni d+hi pa ti badz+ra sa ma ya dzaHpad+ma kA ma la ya s+t+wa~M/__kyai/__nor lha chen po g.yul rgyal rdzu 'phrul can/__/baiDU'i mdog can mdung dar nor bu 'dzin/__/dar ber rin chen rgyan gyis rnam par brgyan/__/khrab rmog 'khor gsum brjid pa'i chas kyis rngam/__/rta mchog sngon po'i steng na 'gying zhing sgeg__/res 'ga' btsan gzugs khrag gi mdog can ston/__/be con thod khrag 'dzin cing dgra bgegs sgrol/__/skabs 'gar dge bsnyen dmar nag stag gzig gi__/ber thul gsol zhing khyi spyang rol du khrid/__/'khor du klu sman 'bum dang btsan gyis bskor/__/yul 'khor srung zhing dgra sde'i srog la rngam/__/chad la btsan zhing rnal 'byor dam ldan la/__/'dud cing skyong ba'i gter bdag chen po rnams/__/gtor ma skyems phud dkor cha 'di bzhes la/__/sangs rgyas bstan pa rin chen spel ba dang /__/der 'dzin 'phags tshogs 'dus pa'i sde chen rnams/__/thugs mthun bshad sgrub dar zhing rgyas par mdzod/__/yul phyogs kun tu nad mug mtshon 'khrugs zhi/__/dgra jag 'byung po'i rgyu lam rab bcad cing /__/btsa' sad ser ba'i gnod pa thams cad srungs/__/lo phyugs legs shing 'bru nor 'phel rgyas mdzod/__/bdag 'khor yon bdag byams pa'i thugs kyis skyong /__/pha rol mi dang mi min byad kha bzlog__/phun tshogs dge legs dbyar gyi chu gter ltar/__/dar zhing rgyas pa'i phrin las mdzad du gsol/__/ces gtor ma skyems phud mchod/__gtor chog gzhan dang ma 'brel na/__/mchod mgron tshogs rnams rang rang gnas su gshegs/__/slad nas bdag la dgyes shing 'go bar mdzod/__/ces brjod pas gshegs su gsol/__ces pa'ang lha sa dgon gyi bla ma bsod nams stobs rgyal nas bskul ngor mkhyen brtse'i sprul ming 'dzin pa chos kyi blo gros pas so//__//