JKCL-KABUM-03-GA-123

Previous Text"GA" is not a number. Back to Volume Page"GA" is not a number.Next Text "GA" is not a number.

Wylie title
Location	chos kyi blo gros bka' 'bum Volume , Text 123, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"GA" is not a number.

<ul><li>":Property:textsubnumber|textsubnumber" can not be assigned to a declared number type with value 1.</li> <!--br--><li>"GA" is not a number.</li></ul>

Tibetan Text

Wylie

[edit]

ལྷ་སྲས་དམ་འཛིན་རྣམ་པར་འཕྲུལ། །དགེ་རྩེ་བླ་མ་རིན་པོ་ཆེ། །བསོད་ནམས་བསྟན་འཛིན་ཞེས་བྱ་བ། །དང་པོར་དཔལ་ཡུལ་ཆོས་སྒོར་ཞུགས། །ཕྱག་རྒྱ་ཆེན་པོའི་ཁྲིད་ནོས་ཤིང་། །བར་དུ་ཞེ་རྫོགས་བླ་མ་བསྟེན། །གངས་ཁྲོད་སོ་གསལ་སྒྲུབ་པ་བྱས། །ཙཱ་རི་ཏྲ་ལ་སོགས་པ་ཡི། །རྡོ་རྗེའི་གནས་ཆེན་བསྒྲོད་བྱས་ནས། །ཐ་མར་ཀུན་མཁྱེན་ཞབས་བསྙེན་སྟེ། །སྙིང་ཐིག་ཆོས་ཀྱི་བདག་པོར་གྱུར། །བོད་ཆེན་ལྗོངས་ཀྱི་སྐྱེ་འགྲོ་རྣམས། །བྱང་ཆུབ་སེམས་ཀྱིས་འདུལ་བ་དང་། །ཕྲིན་ལས་བསམ་མི་ཁྱབ་པ་ཡི། །མཁས་དང་གྲུབ་པའི་རྣམ་ཐར་ནི། །ངོ་མཚར་ཅན་གྱི་སྐྱེས་བུ་བསྐྲུན། །རྩ་བ་གསུམ་གྱིས་བྱིན་གྱིས་བརླབས། །ཐུགས་གཏེར་བདེ་ཆེན་ལམ་མཆོག་གསལ། །གཞན་ཕན་རྨད་དུ་བྱུང་བ་ཡི། །བྱང་ཆུབ་རྡོ་རྗེར་གསོལ་བ་འདེབས། །རྟག་ཏུ་བདག་ལ་བྱིན་གྱིས་རློབས། །བློ་ངན་དམ་པའི་ཆོས་སུ་འགྲོ། །འཁྲུལ་པའི་སྣང་བ་རྒྱུན་ཆད་ནས། །རིག་པའི་ཡེ་ཤེས་སྒྲོན་མེ་ནི། །མྱུར་དུ་སྦར་བར་མཛད་ནས་ཀྱང་། །སྒྲིབ་པའི་བུད་ཤིང་བསྲེག་ཏུ་གསོལ། །ཡེ་ཤེས་སྣང་བ་ལམ་མེ་བ། །མཐའ་ཡས་ཀུན་ཏུ་ཁྱབ་པ་དང་། །སྐུ་གསུམ་གོ་འཕང་ཐོབ་ནས་ཀྱང་། །སྲིད་པ་དོང་ནས་སྤྲུག་པར་ཤོག །

[edit]

lha sras dam 'dzin rnam par 'phrul/____/dge rtse bla ma rin po che/____/bsod nams bstan 'dzin zhes bya ba/____/dang por dpal yul chos sgor zhugs/____/phyag rgya chen po'i khrid nos shing /____/bar du zhe rdzogs bla ma bsten/____/gangs khrod so gsal sgrub pa byas/____/tsA ri tra la sogs pa yi/____/rdo rje'i gnas chen bsgrod byas nas/____/tha mar kun mkhyen zhabs bsnyen ste/____/snying thig chos kyi bdag por gyur/____/bod chen ljongs kyi skye 'gro rnams/____/byang chub sems kyis 'dul ba dang /____/phrin las bsam mi khyab pa yi/____/mkhas dang grub pa'i rnam thar ni/____/ngo mtshar can gyi skyes bu bskrun/____/rtsa ba gsum gyis byin gyis brlabs/____/thugs gter bde chen lam mchog gsal/____/gzhan phan rmad du byung ba yi/____/byang chub rdo rjer gsol ba 'debs/____/rtag tu bdag la byin gyis rlobs/____/blo ngan dam pa'i chos su 'gro/____/'khrul pa'i snang ba rgyun chad nas/____/rig pa'i ye shes sgron me ni/____/myur du sbar bar mdzad nas kyang /____/sgrib pa'i bud shing bsreg tu gsol/____/ye shes snang ba lam me ba/____/mtha' yas kun tu khyab pa dang /____/sku gsum go 'phang thob nas kyang /____/srid pa dong nas sprug par shog__/_