JKCL-KABUM-02-KHA-042

Previous Text"KHA" is not a number. Back to Volume Page"KHA" is not a number.Next Text "KHA" is not a number.

Wylie title
Location	chos kyi blo gros bka' 'bum Volume , Text 42, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"KHA" is not a number.

<ul><li>":Property:textsubnumber|textsubnumber" can not be assigned to a declared number type with value 1.</li> <!--br--><li>"KHA" is not a number.</li></ul>

Tibetan Text

Wylie

[edit]

དཔལ་ཆེན་རྡོ་རྗེ་གཞོན་ནུ་ལ་བསྟོད་པ་རྡོ་རྗེ་ཁྲོས་པའི་གད་རྒྱང་ཞེས་བྱ་བ་བཞུགས་སོ། །ན་མཿཤྲཱི་བཛྲ་ཀུ་མཱ་ར་ཡ། དུས་གསུམ་བདེ་གཤེགས་རྒྱལ་བ་ཐམས་ཅད་ཀྱི། །མཐུ་སྟོབས་ཕྲིན་ལས་གཅིག་ཏུ་བསྡུས་པ་ནི། །བླ་མ་དཔལ་ཆེན་རྡོ་རྗེ་གཞོན་ནུ་ཞེས། །སྐུ་གསུམ་ཞིང་གི་སྟོན་པས་རབ་བསྔགས་པ། ༡། བདུད་ཀྱི་བདུད་ཆེན་མ་ལུས་འདུལ་བའི་གཤེགས། །ཁྲོ་ཚོགས་ཏིལ་གྱི་གང་བུ་ལྟ་བུ་ཡི། །སྤྱི་བཙན་དཔལ་ཆེན་བཛྲ་ཀུ་མཱ་ར། །རིག་འཛིན་བྱེ་བ་འབུམ་སྡེས་བསྙེན་པའི་ལྷ། ༢། མི་བཟད་འཇིགས་རུང་གར་དགུའི་ཉམས་དང་ལྡན། །དཔལ་དང་དུར་ཁྲོད་རོལ་པའི་ཆས་ཀྱིས་བརྒྱན། །ལྷ་ཆེན་ཕོ་མོའི་གདན་ལ་འགྱིང་བའི་སྐུ། །དུས་མཐའི་མེ་རླུང་འབར་བའི་དབུས་ན་རོལ། ༣། སྣང་སྲིད་ཐམས་ཅད་ཕུར་བུས་ཐལ་མར་འབྱིན། །ཡེ་ཤེས་ཕྱག་རྒྱའི་འདུ་འཕྲོ་འཁྲུགས་པ་ལས། །བརྟན་གཡོ་ཐམས་ཅད་རྡོ་རྗེ་ཁྲོས་པར་བསྒྱུར། །གདོད་ནས་རྣམ་དག་རང་བྱུང་དོན་གྱི་ལྷ། ༤། ས་ཆུ་མེ་རླུང་འབྱུང་བའི་རང་སྒྲ་དང་། །ངག་གི་འཕྲོ་འདུ་རླུང་གི་འཇུག་རྩོལ་རྣམས། །ཀཱི་ལ་ཡ་ཡི་སྔགས་ཀྱི་རང་སྒྲར་ཤར། །ལྷ་སྔགས་གཉིས་མེད་དཔལ་ཆེན་སྲོག་སྙིང་ཆེ། ༥། རྣམ་ཤེས་རྟོག་ཚོགས་བྱང་ཆུབ་སེམས་ཀྱི་དངོས། །སྐྱེ་དང་འགགས་པའི་རང་བཞིན་མི་དམིགས་ཤིང་། །རྟོག་བྲལ་འོད་གསལ་རྡོ་རྗེ་འདུས་མ་བྱས། །རང་བྱུང་རིག་པ་དོན་དམ་གཉུག་མའི་ལྷ། ༦། ཀུན་བརྟག་བློ་ཡིས་བསྐྱེད་པའི་དཔལ་ཆེན་པོས། །དོན་དམ་རྡོ་རྗེ་གཞོན་ནུ་ལ་སྦྱོར་བས། །སྤྲོས་པའི་མཚན་མ་རབ་ཞི་ཡོངས་གྲུབ་སྐུ། །མངོན་སུམ་དབང་པོའི་གཞུ་རིས་ལྟར་གསལ་ཞིང་། ༧། ཁམས་གསུམ་འཁྲུལ་པའི་གདོན་ཆེན་གྱིས་ཟིན་པའི། །རུ་ཏྲའི་ཚོགས་རྣམས་བསྒྲལ་ལ་ཟླ་མེད་ཀྱི། །མཐུ་སྟོབས་ནུས་པའི་དབང་ཕྱུག་ཀཱི་ལ་ཡའི། །གསང་གསུམ་ཡོན་ཏན་དྲན་བཞིན་བསྟོད་པར་བགྱི། ༨། གནས་སྐབས་སུ་ཡང་བྱང་ཆུབ་སྒྲུབ་པ་ལ། །འཁུ་ཞིང་སྡང་བའི་སེམས་ལྡན་གདུག་པའི་ཚོགས། །སྙིང་རྗེས་བསྒྲལ་བའི་དམ་ཚིག་ལ་གནས་པས། །ཕུང་པོ་རྡོ་རྗེར་ལྟམ་སྟེ་འཕང་བར་བྱ། ༩། དེ་ལས་ཚོགས་ཆེན་མཐའ་ཡས་རབ་རྫོགས་ཤིང་། །བདག་གཞན་སྒྲིབ་གསུམ་མ་ལུས་ཀུན་བྱང་ནས། །ལྷག་པའི་ལྷ་མཆོག་དཔལ་ཆེན་ཧེ་རུ་ཀ། རྡོ་རྗེ་གཞོན་ནུ་ཉིད་དང་དབྱེར་མེད་ཤོག༡༠། ཅེས་པའང་ལྷ་འདིའི་རིག་སྔགས་ལ་གཞོལ་བའི་ཁྲུམ་ཟླའི་དམར་ཕྱོགས་ཀྱི་རྒྱལ་བ་གསུམ་པར་པདྨ་ཡེ་ཤེས་རྡོ་རྗེས་གསོལ་བ་བཏབ་པ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ། ཤིན་ཏུ་དགེ་ཞིང་བཀྲ་ཤིས་པར་གྱུར་ཅིག ། །།

[edit]

dpal chen rdo rje gzhon nu la bstod pa rdo rje khros pa'i gad rgyang zhes bya ba bzhugs so/____/na maHshrI badz+ra ku mA ra ya/__dus gsum bde gshegs rgyal ba thams cad kyi/____/mthu stobs phrin las gcig tu bsdus pa ni/____/bla ma dpal chen rdo rje gzhon nu zhes/____/sku gsum zhing gi ston pas rab bsngags pa/__1/__bdud kyi bdud chen ma lus 'dul ba'i gshegs/____/khro tshogs til gyi gang bu lta bu yi/____/spyi btsan dpal chen badz+ra ku mA ra/____/rig 'dzin bye ba 'bum sdes bsnyen pa'i lha/__2/__mi bzad 'jigs rung gar dgu'i nyams dang ldan/____/dpal dang dur khrod rol pa'i chas kyis brgyan/____/lha chen pho mo'i gdan la 'gying ba'i sku/____/dus mtha'i me rlung 'bar ba'i dbus na rol/__3/__snang srid thams cad phur bus thal mar 'byin/____/ye shes phyag rgya'i 'du 'phro 'khrugs pa las/____/brtan g.yo thams cad rdo rje khros par bsgyur/____/gdod nas rnam dag rang byung don gyi lha/__4/__sa chu me rlung 'byung ba'i rang sgra dang /____/ngag gi 'phro 'du rlung gi 'jug rtsol rnams/____/kI la ya yi sngags kyi rang sgrar shar/____/lha sngags gnyis med dpal chen srog snying che/__5/__rnam shes rtog tshogs byang chub sems kyi dngos/____/skye dang 'gags pa'i rang bzhin mi dmigs shing /____/rtog bral 'od gsal rdo rje 'dus ma byas/____/rang byung rig pa don dam gnyug ma'i lha/__6/__kun brtag blo yis bskyed pa'i dpal chen pos/____/don dam rdo rje gzhon nu la sbyor bas/____/spros pa'i mtshan ma rab zhi yongs grub sku/____/mngon sum dbang po'i gzhu ris ltar gsal zhing /__7/__khams gsum 'khrul pa'i gdon chen gyis zin pa'i/____/ru tra'i tshogs rnams bsgral la zla med kyi/____/mthu stobs nus pa'i dbang phyug kI la ya'i/____/gsang gsum yon tan dran bzhin bstod par bgyi/__8/__gnas skabs su yang byang chub sgrub pa la/____/'khu zhing sdang ba'i sems ldan gdug pa'i tshogs/____/snying rjes bsgral ba'i dam tshig la gnas pas/____/phung po rdo rjer ltam ste 'phang bar bya/__9/__de las tshogs chen mtha' yas rab rdzogs shing /____/bdag gzhan sgrib gsum ma lus kun byang nas/____/lhag pa'i lha mchog dpal chen he ru ka/__rdo rje gzhon nu nyid dang dbyer med shog10/__ces pa'ang lha 'di'i rig sngags la gzhol ba'i khrum zla'i dmar phyogs kyi rgyal ba gsum par pad+ma ye shes rdo rjes gsol ba btab pa bzhin du 'grub par byin gyis brlab tu gsol/__shin tu dge zhing bkra shis par gyur cig__/__//_