JKW-KABAB-01-KA-017

🚧 This website is under continued development. We appreciate your patience!

Previous Text"KA" is not a number. Back to Volume Page"KA" is not a number.Next Text "KA" is not a number.

དམ་ཅན་སྤྱིའི་གཏོར་མའི་ཆོ་ག་ཉུང་ངུར་བསྡུས་པ།

Wylie title	dam can spyi'i gtor ma'i cho ga nyung ngur bsdus pa
Location	mkhyen brtse'i bka' babs Volume , Text 17, Pages 631-646 (Folios 1a to 8b2)
Author	གཏེར་བདག་གླིང་པ་འགྱུར་མེད་རྡོ་རྗེ་
Less details More details
Tertön	གཏེར་བདག་གླིང་པ་འགྱུར་མེད་རྡོ་རྗེ་ (Gter bdag gling pa 'gyur med rdo rje)
Citation	Gter bdag gling pa 'gyur med rdo rje. Dam can spyi'i gtor ma'i cho ga nyung ngur bsdus pa . In Rdzong sar 'jam dbyangs mkhyen brtse'i dbang po'i bka' babs, Vol. 1: 631-646. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Revelations - gter ma  ·  Torma-offering Rituals - gtor chog
Deity	dam can
Karchag page	JKW-KABAB-Volume-02-KHA-Karchag"KA" is not a number.
RTZ	In the Rinchen Terdzö: https://rtz.tsadra.org/index.php/Terdzo-DI-015
Colophon	དམ་ཅན་སྤྱིའི་གཏོར་མའི་ཆོ་ག་ཉུང་ངུར་བསྡུས་པ་འདི་ནི་རྒྱུན་གྱི་ཉམས་ལེན་ལ་འཇུག་པ་བདེ་བའི་ཕྱིར་རིག་པ་འཛིན་པ་འགྱུར་མེད་རྡོ་རྗེས་ལྷ་ལྡན་གྲུ་འཛིན་གྱི་རི་བོར་སྦྱར་བའོ།།
	dam can spyi'i gtor ma'i cho ga nyung ngur bsdus pa 'di ni rgyun gyi nyams len la 'jug pa bde ba'i phyir rig pa 'dzin pa 'gyur med rdo rjes lha ldan gru 'dzin gyi ri bor sbyar ba'o//

"KA" is not a number.

Tibetan Text

Wylie

[edit]

༄༅། །དམ་ཅན་སྤྱིའི་གཏོར་མའི་ཆོ་ག་ཉུང་ངུར་བསྡུས་པ་བཞུགས་སོ།། །། ༄༅། །ཨོཾ་སིདྡྷི་རསྟུ། བླ་མ་མཆོག་དང་དབྱེར་མེད་ཡི་དམ་ལྷ། །དམ་ཅན་རྒྱ་མཚོའི་ཚོགས་ལ་ཕྱག་འཚལ་ནས། །དེ་མཉེས་བྱེད་པའི་གཏོར་མའི་ལས་རིམ་དག །དང་པོའི་ལས་ཅན་དོན་དུ་ཉུང་ངུར་བྲི། འདིར་དམ་ཅན་སྤྱིའི་གཏོར་མའི་ཕྲིན་ལས་ལ་འཇུག་པར་འདོད་པས་ཡིད་དང་མཐུན་པའི་གནས་སུ། སྐུ་རྟེན་སྤྱན་གཟིགས་སོགས་མཛེས་པར་བསྟར་ཞིང་གཏོར་སྣོད་གསུམ་གྱི་ནང་དུ་བླ་མ་ཡི་དམ་དབྱེར་མེད། ནག་པོ་ཆེན་པོ་ཡེ་ཤེས་དམ་ཅན་གྱི་གཏེར་སྲུང་གཞི་བདག་དང་བཅས་པའི་གཏོར་མ་རྒྱན་ལྡན། སྨན་རག་ཉེར་སྤྱོད་དང་བཅས་པ་བཤམ། རང་གི་མདུན་དུ་ནང་མཆོད། རྡོར་དྲིལ། ཐོད་རྔ། མེ་ཏོག་སོགས་མཁོ་བའི་ཡོ་བྱད་རྣམས་ཚོགས་པར་བྱས་ལ། བདག་གི་རྣལ་འབྱོར་བཟླས་པའི་བར་སྔོན་དུ་འགྲོ་བས། མཆོད་གཏོར་རྣམས་རྃ་ཡྃ་ཁྃ་གིས་བསང་སྦྱང༌། སྟོང་པའི་ངང་ལས་ཡཾ་ལས་རླུང༌། རཾ་ལས་མེ། ཀྃ་ལས་མི་མགོའི་སྒྱེད་པུ་གསུམ་ལ་བསྟེན་པའི་ཨ་ཡིག་ལས་བྱུང་བའི་ཐོད་པའི་སྣོད་དུ་བཅུད་ཐམས་ཅད་ཧཱུྃ་ཨོཾ་སྭཱ་ཨཾཿཧཱ། མཱུཾ་ལཱཾ་མཱཾ་པཱཾ་ཏཱཾ་ལས་བདུད་རྩི་ལྔ་དང་སྒྲོན་མ་ལྔར་གྱུར་པ་སོ་སོའི་ས་བོན་གྱིས་མཚན་པ་དང་བཅས་པའི་འོག་གི་རླུང་གཡོས་མེ་སྦར་རྫས་ཐམས་ཅད་ཞུ་ཞིང་འདྲེས་པའི་སྟེང་གི་ནམ་མཁའ་ལ་ཨོཾ་ཨཱཿཧཱུྃ་གི་ཡི་གེ་གསུམ་གནས་པ་ལས་འཕྲོས་པའི་འོད་ཟེར་གྱིས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་བཀུག་ཡི་གེ་གསུམ་ལ་ཐིམ་སྟེ་རིམ་པར་ཞུ་བ་ལས་དམ་ཚིག་གི་རྫས་དང་རོ་གཅིག་ཏུ་གྱུར་པར་བསམས་ལ། ལག་གཡོན་གདེངས་ཨོཾ་གྱིས་སྦྱང༌། གཡས་གདེངས་ཨཱཿས་སྤེལ། སྙིམ་པ་བཀན་ཏེ་ཧཱུྃ་གིས་ཁ་དོག་དྲི་རོ་ཕུན་སུམ་ཚོགས་པར་བྱས། མཁའ་ལྡིང་གི་རྒྱས་ཧོཿཞེས་ཟག་མེད་ཀྱི་བདུད་རྩིར་བསྟས་ལ་བྱིན་གྱིས་བརླབ། དེ་ནས་མགྲོན་བསྡུ་བ་ནི། རང་གི་སྙིང་གའི་ཧཱུྃ་ལས་འོད་ཟེར་ལྕགས་ཀྱུའི་རྣམ་པ་ཅན་གློག་འཁྱུག་པ་ལྟར་འཕྲོས་པས་དཔལ་ཡེ་ཤེས་ཀྱི་མགོན་པོ་སོགས་དམ་ཅན་ལྕམ་དྲལ་བཀའ་སྡོད་འཁོར་དང་བཅས་པ་ཐམས་ཅད་རང་བཞིན་ཆོས་ཀྱི་དབྱིངས་ལས་སྒྱུ་འཕྲུལ་གྱི་རོལ་པ་ཞི་ཁྲོའི་ཉམས་དུ་མར་འཆར་བ་རྣམ་འཕྲུལ་བསམ་གྱིས་མི་ཁྱབ་པའི་བཀོད་པ་ཆེན་པོས་མདུན་གྱི་ནམ་མཁར་བཛྲ་ས་མཱ་ཛཿས་སྤྱན་དྲངས་པར་བསམས་ཞིང༌། ཧཱུྃ། །ཆོས་དབྱིངས་མཁའ་ལྟར་དག་པའི་དབྱིངས། །མི་གཡོ་འོག་མིན་ཉམས་དགའི་གནས། །རྡོ་རྗེ་གདན་དང་ན་ལེནྡྲ། །དུར་ཁྲོད་བརྒྱད་དང་ཉེར་བཞིའི་ཡུལ། །ཕྱོགས་བཅུའི་ཞིང་ཁམས་རབ་འབྱམས་ནས། །དཔལ་ལྡན་མགོན་པོ་ལྕམ་དྲལ་ནི། །བཀའ་སྡོད་དམ་ཅན་རྒྱ་མཚོར་བཅས། །བདག་གིས་དད་པས་སྤྱན་འདྲེན་ན། །སྔོན་གྱི་ཞལ་བཞེས་དམ་བཅས་ལྟར། །བསྟན་པ་སྲུང་ཕྱིར་གཤེགས་སུ་གསོལ། །ཨོཾ་ཤྲཱི་བཛྲ་དྷརྨ་པཱ་ལ་ས་པ་རི་ཝཱ་ར་བཛྲ་ས་མ་ཛཿས་སྤྱན་དྲངས་ལ། ཧཱུྃ། དུས་གསུམ་སངས་རྒྱས་ཐམས་ཅད་ཀྱི། །བསྟན་པ་བསྲུང་མཛད་དམ་ཚིག་ཅན། །ལྕམ་བྲལ་བཀའ་སྡོད་འཁོར་དང་བཅས། །འདིར་ནི་དགྱེས་པར་བཞུགས་སུ་གསོལ། །ཛཿཧཱུྃ་བྃ་ཧོཿ ས་མ་ཡ་ཨཱ་ས་ན་ཏིཥྛནྟུ། ཞེས་བཞུགས་སུ་གསོལ། སྲུང་མ་རྣམས་ཀྱི་སྤྱི་བོར་རྡོ་རྗེ་བཞག །བདུད་རྩི་ལྗགས་ལ་བྱིན་པར་མོས་ཏེ། ཨོཾ་བཛྲ་ས་མ་ཡ་ཧ་ན་ཧ་ན་ཧཱུྃ་ཕཊ། ཞེས་དམ་ལ་བཞག ཧཱུྃ། ཐུན་མོང་ཁྱད་པར་བླ་ན་མེད། །ཕྱི་ནང་གསང་བའི་མཆོད་སྤྲིན་ནི། །དངོས་བཤམས་ཡིད་ལས་བྱུང་བ་དག །ནམ་མཁའ་གང་བར་སྤྲོས་ཏེ་མཆོད། །ཨོཾ་ཤྲཱི་བཛྲ་དྷརྨ་པཱ་ལ་ས་པ་རི་ཝཱ་ར་ཨརྒྷཾ་པྲ་ཏཱི་ཙྪ་སྭཱ་ཧཱ། དེ་བཞིན་དུ་སྦྱར་ཏེ། པཱ་དྱཾ། པུཥྤེ། དྷཱུ་པེ། ཨཱ་ལོ་ཀེ །གནྡྷེ། ནཻ་ཝིདྱེ། ཤཔྡ་པྲ་ཏཱིཙྪ་སྭཱ་ཧཱ། ཞེས་མཆོད། མ་ཧཱ་ཨ་མྲྀ་ཏ་པཱུ་ཛ་ཁཱ་ཧི། མ་ཧཱ་རཀྟ་པཱུ་ཛ་ཁཱ་ཧི། ཞེས་སྨན་རག་སྟོབ། གཏོར་མ་འབུལ་བ་ནི། ལྷ་རྣམས་ཀྱི་ལྗགས་ཧཱུྃ་ལས་བྱུང་བའི་རྡོ་རྗེའི་སྦུ་གུ་ཅན་གྱི་འོད་ཟེར་གྱིས་གཏོར་མའི་བཅུད་དྲངས་ཏེ་གསོལ་བར་བསམས་ལ། རྡོར་ཐལ་ཁ་ཕྱེ་ནས། ཨོཾ་གུ་རུ་མཎྜལ་དེ་ཝ་ག་ཎ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་བྷུ་རུ་ཀུ་རུ་ཨི་ཙི་ཀི་བྱི་ཨུ་ཙུཥྨ་ཀྲོ་དྷ་ཧཱུྃ་ཕཊ། ཨོཾ་མ་ཧཱ་ཀཱ་ལ་ཨེ་ཀ་ཛཱ་ཊི་གུ་ཎ་ཧྲྀ་ད་ཧཱུྃ་ཕཊ། ཨོཾ་ཤྲཱི་མ་ཧཱ་ཀ་ལ་ཀྵིཾ་ཀྵེ་ཏྲ་བིགྷྣན་བི་ན་ཡ་ཀ་ཧཱུྃ་ཕཊ། ཨོཾ་ཤྲི་མ་ཧཱ་ཀཱ་ལ་ག་ཎ་གུ་ཧྱ་རཾ་སིདྡྷི་ཧཱུྃ་ཕཊ། ཨོཾ་མ་ཧཱ་ཀཱ་ལ་བི་ཀཱ་ལ་ཏྲི་ཡཾ་ཛ། ཨོཾ་བཛྲ་ཀི་ལི་ཀཱི་ལ་དྷརྨ་པ་ལ། ཨོཾ་རོ་རུ་ཨེ་ཀ་ཛཱ་ཊི་སྙིང་ཁ་རགྨོ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཛཿཛཿ ཨོཾ་མ་ཧཱ་དེ་ཝ་ཛཿཨུ་མ་དེ་ཝཱི་ཧྲིཾ་ཧ་རི་ནི་ས་པ་ཤཾ་ཀུ་རུ་ཧོཿ ཧྲཱི་ཤག་རུ་རག་རཾ་ནཱ་ག་ཙིཏྟ་ཏྲཾ་མ་མ་ཡོ་ཟ་འགྲམ་ཧ་ཧ་ག་ཤ་ལ་ཛཿཛཿ ཨོཾ་མ་ཧཱ་རཱ་ཛ་ས་མ་ཡ་བཻ་ཤྲ་མ་ཎཱ་ཡ་སརྦ་ཙིཏྟ་རཏྣ་ཧྲིཾ་ཛཿ ཨོཾ་མ་མ་ར་ལི་པྲ་མ་ཡ་ཀཱ་ལི་ཡེ་ཛཿཛཿ ཨོཾ་ཡ་མ་རཱ་ཛ་ས་མ་ཡ་ཧཱུྃ་ཕཊ༔ ཨོཾ་བཛྲ་སཱ་དྷུ་ས་མ་ཡེ་བྷག་ཏྲཾ་ཤེ་ནི་ཀྲ་མ་ནི་ས་མ་ཡ་སཱ་དྷུ་ཏྲི་ཛཿཛཿཧཱུྃ་བཾ་ཧོཿ ཨོཾ་བཛྲ་དྷ་ཀི་ནཱི་ཨཱ་ཡུཿཥེ་ཤྭ་རི་ཧྲཱིཿམཱྃ་ལྃ་ཨཾ་ཏཾ༔ ཨོཾ་ནཱ་ག་ཙནྟྲི་ཙ་ར་ར་ཏྲི་གིངྐ་ར་ཡཀྵ་ཡཀྵ་ས་མ་ཡ་ཙིཏྟ་ཧྲིཾ་ཧྲིཾ་ཛཿཛཿ ཞེས་སྙིང་པོ་ཀུན་གྱི་མཐར་ས་པ་རི་ཝཱ་ར་མན་ཆད་བཏགས་པ་གསུམ་མམ་བདུན་གྱིས་གཏོར་མ་ཕུལ་ལ། དཔལ་མ་ཧཱ་ཀཱ་ལ་ཁྲག་འཐུང་གི་རྒྱལ་པོ། གཙུག་ལག་ཁང་དང་དཀྱིལ་འཁོར་གྱི་སྲུང་མ། དུག་གསུམ་ནད་ཀྱི་སྨན་པ། རྣལ་འབྱོར་ཡོངས་ཀྱི་དགྲ་ལྷ། བདུད་དཔུང་སྒྲོལ་བའི་དཔའ་བོ། བསྟན་པའི་བཀའ་སྲུང་ཆེན་པོ། ལེགས་ལྡན་རྡོ་རྗེ་སྲིན་པོ་ཚོགས་ཀྱི་བདག་པོ། ནག་པོ་ཆེན་པོ་ཕྱག་བཞི་པ། མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ། དཔལ་མགོན་མ་ནིང་ནག་པོ། མཐུ་ཆེན་དྲག་པོ་ཞལ་བཞི། རྡོ་རྗེ་ཕྲ་མེན་ཤྭ་ན་ཆེན་པོ། མ་མོ་སྔགས་ཀྱི་སྲུང་མ། ལྷ་ཆེན་དབང་ཕྱུག་ཆེན་པོ། ཁྱབ་འཇུག་དུག་གི་སྤུ་གྲི། རྒྱལ་ཆེན་རྣམ་མང་ཐོས་སྲས། ཞིང་སྐྱོང་དུར་ཁྲོད་ཀྱི་མ་མོ། ལས་གཤིན་འཆི་བདག་ནག་པོ། དམ་ཅན་རྡོ་རྗེ་ལེགས་པ། བཀྲ་ཤིས་ཚེ་རིང་མཆེད་ལྔ། བཙན་རྒོད་འབར་བ་སྤུན་བདུན་ལ་སོགས་ཏེ་དམ་པ་ཆོས་སྐྱོང་བའི་སྲུང་མ་བཀའ་སྡོད་ཕོ་ཉའི་དམག་ཚོགས་འཁོར་དང་བཅས་པ་རྣམས་ཀྱིས་མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ། སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། དགེ་འདུན་དང་ཆོས་ཀྱི་རྒྱལ་སྲིད་སྐྱོངས། འཇིག་རྟེན་གྱི་རྒུད་པ་སོལ། སེམས་ཅན་གྱི་ཕན་བདེ་སྤེལ། རྣལ་འབྱོར་པ་རྣམས་ཀྱི་སྟོང་གྲོགས་མཛོད། སྔགས་འཆང་རྣམས་ཀྱི་ཕྲིན་ལས་སྒྲུབས། སྡང་བའི་དགྲ་ཐུལ། གནོད་པའི་བགེགས་ཆོམས། ཁྱད་པར་དམ་ཚིག་འདིར་འདུས་པ་རྣམས་ཀྱི་ཕྱི་ནང་གསང་བའི་འགལ་རྐྱེན་ཞི་བ་དང༌། མཐུན་རྐྱེན་སྨོན་པའི་ལེགས་ཚོགས་ཐམས་ཅད་འཕེལ་ཞིང་རྒྱས་པ་དང༌། མཆོག་དང་ཐུན་མོང་གི་དངོས་གྲུབ་མ་ལུས་པ་མྱུར་དུ་འགྲུབ་པའི་ཕྲིན་ལས་མཛོད་ཅིག །ཅེས་ཕྲིན་ལས་གསོལ། བསྟོད་པ་ནི། ཧཱུྃ། འཇིགས་བྱེད་ཁྲག་འཐུང་དཔལ་ལྡན་ནག་པོ་ཆེ། །བདུད་དཔུང་མཐར་བྱེད་དུར་ཁྲོད་སྒྲོལ་བའི་གིང༌། །སྒྲུབ་པོའི་རེ་སྐོང་ལེགས་ལྡན་ཚོགས་ཀྱི་བདག །རྒྱལ་བའི་བཀའ་སྡོད་མཐུ་ཆེན་ཁྱོད་ལ་བསྟོད། །མི་འགྱུར་རྣམ་དག་ཆོས་དབྱིངས་ངང་ཉིད་ལས། །ཡེ་ཤེས་ཆེན་པོ་ཐུགས་རྗེའི་སྐུར་སྤྲུལ་པ། །མ་རུངས་འདུལ་མཛད་མ་ཧཱ་ཀཱ་ལའི་གཙོ། །དྲག་པོའི་སྟོབས་ལྡན་ཁྱོད་ལ་ཕྱག་འཚལ་བསྟོད། །གཏུམ་ཆེན་འབར་བ་མི་བཟད་ཧེ་རུ་ཀ །གདུག་པ་འདུལ་མཛད་ཐུགས་རྗེ་ཆེན་པོའི་སྐུ། ལོག་རྟོག་རབ་འཇོམས་ཧཱུྃ་དང་ཕཊ་སྒྲ་ཅན། །ཡེ་ཤེས་ཐུགས་ལྡན་འཁོར་དང་བཅས་ལ་བསྟོད། །འཇིག་རྟེན་འདས་པའི་དུས་ན་སྔོན་བྱུང་བ། །ཆེ་མཆོག་ཧེ་རུ་ཀ་དཔལ་སྐུ་གསུམ་རྫོགས། །སྲིད་རྩིའི་བདག་འཛིན་རུ་དྲ་སྡེ་གསུམ་འདུལ། །རྩལ་ཆེན་ཕྲིན་ལས་མཛད་ལ་ཕྱག་འཚལ་བསྟོད། །རབ་འཇིགས་དུར་ཁྲོད་བསྐལ་མེ་འབར་བའི་ཀློང༌། །རིག་འཛིན་སྲོག་ཤིང་རྣལ་འབྱོར་དགྲ་ལྷ་ཆེ། །བསྟན་པའི་བཀའ་སྲུང་མཐུ་སྟོབས་རྫུ་འཕྲུལ་ཅན། །དྲེགས་པ་ཀུན་འདུལ་ཁྱོད་ལ་ཕྱག་འཚལ་བསྟོད། །རྡོ་རྗེ་གཞོན་ནུ་ཡབ་ཡུམ་མཁའ་ཀློང་ནས། །ཐུགས་ཆེན་དྲག་གཏུམ་ཁྲོས་པའི་ཆོ་འཕྲུལ་ལས། །མི་སྲུན་མ་ཧཱ་ཀ་ལ་ཤྭ་ན་ཆེ། །ཕྲ་མེན་འཁོར་དང་བཅས་ལ་ཕྱག་འཚལ་བསྟོད། །ཀུན་བཟང་ཐུགས་ཀྱི་སྤྲུལ་པ་ཁྲག་འཐུང་ཡུམ། །ཡེ་ཤེས་མ་མོ་རྡོ་རྗེ་རལ་གཅིག་མ། །གསང་སྔགས་བཀའ་ཡི་སྲུང་མ་མཐུ་མོ་ཆེ། །སྡེ་ལྔ་འཁོར་ཚོགས་ཕོ་ཉར་བཅས་ལ་བསྟོད། །སྤྱན་རས་གཟིགས་སྤྲུལ་དབང་ཕྱུག་ལྷ་ཆེན་པོ། །འཇིག་རྟེན་མེས་པོ་ཁམས་གསུམ་ཀུན་གྱི་བདག །དངོས་གྲུབ་མཆོག་སྩོལ་ཡོན་ཏན་རྫོགས་པའི་ལྷ། །རྒྱལ་བའི་བཀའ་སྡོད་མཐུ་ཆེན་ཁྱོད་ལ་བསྟོད། །ཧེ་རུ་ཀ་དཔལ་ཐུགས་ལས་སྤྲུལ་པའི་སྲས། །འཇིགས་བྱེད་མི་བཟད་སྡེ་བརྒྱད་དྲེགས་པའི་གཙོ། །དྲག་ཤུལ་ཕྲིན་ལས་ཀུན་སྒྲུབ་རཱ་ཧུ་ལ། །སྲིང་བཞི་སྡེ་བརྒྱད་འཁོར་དང་བཅས་ལ་བསྟོད། །ས་བརྒྱད་དབང་ཕྱུག་སེམས་དཔའ་རིན་ཆེན་མང༌། །ནམ་མཁའི་མཛོད་མངའ་དབུལ་བའི་གདུང་བ་ཕྲོག །ཡིད་བཞིན་འདོད་དགུའི་ཆར་འབེབས་དཔག་བསམ་ཤིང༌། །རྣམ་མང་ཐོས་སྲས་ངལ་བསོས་པོ་ལ་བསྟོད། །མི་འགྱུར་བདེ་ཆེན་ཆོས་དབྱིངས་ངང་ཉིད་ལས། །མ་རུངས་འདུལ་ཕྱིར་དྲག་མོའི་སྐུར་སྟོན་མ། །སྒྱུ་འཕྲུལ་རྡོ་རྗེའི་གར་མཛད་མ་མོའི་གཙོ། །རྒྱལ་བའི་བསྟན་སྲུང་གཙོ་ལ་ཕྱག་འཚལ་བསྟོད། །མྱུར་མགྱོགས་མཐུ་རྩལ་ཐོགས་མེད་ཕྲིན་ལས་ཀྱིས། །གདུག་ཅན་དགྲ་དང་བདུད་བགེགས་ཕམ་མཛད་པ། །གཤིན་རྗེ་གཤེད་པོའི་བཀའ་ཉན་དམ་ཚིག་ཅན། །བཻ་བྷ་ས་ཏྭ་འཁོར་དང་བཅས་ལ་བསྟོད། །སྔོན་ཚེ་ཤཱཀྱ་ཐུབ་པའི་སྤྱན་སྔ་རུ། །བསྟན་པ་སྲུང་ཞིང་ལེགས་ཉེས་སྟངས་འཛིན་པ། །དགེ་བསྙེན་ཆེན་པོ་རྡོ་རྗེ་ལེགས་པ་སྟེ། །འཇིག་རྟེན་སྐྱོང་བ་ཁྱོད་ལ་ཕྱག་འཚལ་བསྟོད། །ཡེ་ཤེས་བསྐྱེད་མཛད་ཆོས་སྐུ་ཡུམ་ཆེན་མོ། །རྒྱལ་ཀུན་རྡོ་རྗེའི་བཙུན་མོ་རྣལ་འབྱོར་མ། །གངས་ཅན་སངས་རྒྱས་བསྟན་སྲུང་འཁོར་ལོའི་བདག །བཀྲ་ཤིས་ཚེ་ཡི་དབང་ཕྱུག་མ་ལ་བསྟོད། །དཀྱིལ་འཁོར་སློབ་དཔོན་པདྨ་སཾ་བྷ་ཝའི། །བཀའ་ཉན་དམ་ཚིག་རྗེས་དགོངས་གཏེར་གྱི་བདག །མཐུ་རྩལ་ཐོགས་མེད་རྣམ་བཞིའི་ཕྲིན་ལས་ཀྱིས། །དམ་ལྡན་རེ་སྐོང་བཙན་རྒོད་ཁྱོད་ལ་བསྟོད། །ཅེས་བསྟོད་ཅིང༌། གཏེར་བདག་སྤྱིའི་གཏོར་འབུལ་ནི། རང་གི་ཐུགས་ཀའི་ས་བོན་ལས་བྱུང་བའི་འོད་ཟེར་གྱིས་གཏེར་གྱི་བདག་པོ་འཁོར་བཅས་སྤྱན་དྲངས་པར་བསམ་ཞིང༌། ཧཱུྃ། སྔོན་ཚེ་པདྨ་འབྱུང་གནས་སྤྱན་སྔ་རུ། །ཟབ་གཏེར་སྲུང་མར་ཞལ་བཞེས་དམ་ཚིག་ཅན། །མཐུ་ཆེན་གཏེར་གྱི་བདག་པོ་ཆེན་པོ་རྣམས། །རང་རང་གཡོག་འཁོར་བཅས་པ་འདིར་གཤེགས་ཤིག །ནི་དྷི་པ་ཏི་ས་པ་རི་ཝཱ་ར་བཛྲ་ས་མཱ་ཛཿས་སྤྱན་དྲངས། ནི་དྷི་པ་ཏི་ས་པ་རི་ཝ་ར་ཨརྒྷཾ་ནས་ཤཔྡ་པྲ་ཏཱི་ཙྪ་སྭཱ་ཧཱ། ནི་དྷི་པ་ཏི་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། མ་ཧཱ་པཉྩ་ཨ་མྲྀ་ཏ་ཁཱ་ཧི། མ་ཧཱ་རཀྟ་ཁཱ་ཧི། ཞེས་མཆོད་པ་དང་སྨན་གཏོར་རཀྟ་རྣམས་འབུལ། ཟབ་གཏེར་བསྲུང་མའི་དབང་པོ་འཁོར་དང་བཅས་པ་རྣམས་ཀྱིས་མཆོད་པ་དམ་པ་འདི་བཞེས་ལ་སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། དགེ་འདུན་དང་ཆོས་ཀྱི་རྒྱལ་སྲིད་སྐྱོངས། འཇིག་རྟེན་གྱི་རྒུད་པ་སོལ། སེམས་ཅན་གྱི་ཕན་བདེ་སྤེལ། རྣལ་འབྱོར་པ་རྣམས་ཀྱི་སྡཽང་གྲོགས་མཛོད། སྔགས་འཆང་རྣམས་ཀྱི་ཕྲིན་ལས་སྒྲུབས། སྡང་བའི་དགྲ་ཐུལ། གནོད་པའི་བགེགས་ཆོམས། ཁྱད་པར་དམ་ཚིག་འདིར་འདུས་པ་རྣམས་ཀྱི་ཕྱི་ནང་གསང་བའི་འགལ་རྐྱེན་ཞི་བ་དང༌། མཐུན་རྐྱེན་སྨོན་པའི་ལེགས་ཚོགས་ཐམས་ཅད་འཕེལ་ཞིང་རྒྱས་པ་དང༌། མཆོག་དང་ཐུན་མོང་གི་དངོས་གྲུབ་མ་ལུས་པ་མྱུར་དུ་འགྲུབ་པའི་ཕྲིན་ལས་མཛོད་ཅིག །ཅེས་ཕྲིན་ལས་གསོལ། ཧཱུྃ། དུས་གསུམ་རྒྱལ་བའི་བཀའ་སྡོད་དཔའ་བོ་ཆེ། །རིག་འཛིན་ཀུན་གྱི་ཅི་བགྱིའི་དམ་ཚིག་ཅན། །ཟབ་གཏེར་བསྟན་པ་སྲུང་བར་དམ་མནོས་པའི། །གཏེར་གྱི་བདག་པོ་འཁོར་དང་བཅས་ལ་བསྟོད། །ཅེས་པས་བསྟོད། གཞི་བདག་སྤྱི་གཏོར་ནི། གཏོར་མ་ཨ་མྲྀ་ཏས་བསང། སྭཱ་བྷ་ཝས་སྦྱངས། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཟབ་ཅིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་བསམ་ལ། ཨོཾ་ཨཱཿཧཱུྃ་ཧོཿ ལན་གསུམ་བརྗོད། བྷུ་མི་པ་ཏི་ས་པ་རི་ཝཱ་ར་བཛྲ་ས་མ་ཛཿས་སྤྱན་དྲངས། བྷུ་མི་པ་ཏི་ས་པ་རི་ཝཱ་ར་ཨོཾ་ཨ་ཀ་རོ་མུ་ཁཾ་སརྦ་དྷརྨཱ་ཎཱཾ་ཨཱདྱ་ནུཏྤནྣ་ཏྭ་ཏ་ཨོཾ་ཨཱཿཧཱུྃ་ཕཊ་སྭཱ་ཧཱ། ལན་གསུམ་གྱིས་དབུལ། ཨོཾ་བཛྲ་ཨརྒྷཾ་ནས་ཤཔྡ་པྲ་ཏཱིཙྪ་སྭཱ་ཧཱའི་བར་དང༌། མ་ཧཱ་པཉྩ་ཨ་མྲྀ་ཏ་ཁཱ་ཧི། ཅེས་ཕྱི་ནང་གིས་མཆོད། གཞི་བདག་གཉུག་མར་གནས་པ་འཁོར་དང་བཅས་པ་རྣམས་ཀྱིས་མཆོད་པ་དམ་པ་འདི་བཞེས་ལ་སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། དགེ་འདུན་དང་ཆོས་ཀྱི་རྒྱལ་སྲིད་སྐྱོངས། འཇིག་རྟེན་གྱི་རྒུད་པ་སོལ། སེམས་ཅན་གྱི་ཕན་བདེ་སྤེལ། རྣལ་འབྱོར་པ་རྣམས་ཀྱི་སྡོང་གྲོགས་མཛོད། སྔགས་འཆང་རྣམས་ཀྱི་ཕྲིན་ལས་སྒྲུབས། སྡང་བའི་དགྲ་ཐུལ། གནོད་པའི་བགེགས་ཆོམས། ཁྱད་པར་དམ་ཚིག་འདིར་འདུས་པ་རྣམས་ཀྱི་ཕྱི་ནང་གསང་བའི་འགལ་རྐྱེན་ཞི་བ་དང༌། མཐུན་རྐྱེན་སྨོན་པའི་ལེགས་ཚོགས་ཐམས་ཅད་འཕེལ་ཞིང་རྒྱས་པ་དང༌། མཆོག་དང་ཐུན་མོང་གི་དངོས་གྲུབ་མ་ལུས་པ་མྱུར་དུ་འགྲུབ་པའི་ཕྲིན་ལས་མཛོད་ཅིག །གཞི་བདག་ཆེན་པོ་ཁྱེད་རྣམས་ཀྱིས། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང༌། །དཔལ་དང་གྲགས་དང་སྐལ་བ་བཟང༌། །ལོངས་སྤྱོད་རྒྱ་ཆེན་ཀུན་ཐོབ་ཅིང༌། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་དང་ནད་རྣམས་དང༌། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང༌། །འབྲུ་རྣམས་འཕེལ་ཞིང་ཕྱུགས་འཕེལ་བ། །དགེ་ལེགས་ཐམས་ཅད་འབྱུང་བའི་གནས། །ཡིད་ལ་འདོད་པ་ཀུན་འགྲུབ་མཛོད། །ཅེས་བརྗོད། དེ་ནས་འབུལ་གཏོར་ལ་དམིགས་བྱ་འགུགས་པ་ནི། ན་མོ། རིག་འཛིན་རྩ་བརྒྱུད་ཀྱི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང༌། སངས་རྒྱས་ཀྱི་བཀའ་བདེན་པ་དང༌། ཆོས་ཀྱི་བཀའ་བདེན་པ་དང༌། དགེ་འདུན་གྱི་བཀའ་བདེན་པ་དང༌། གསང་སྔགས་དང་རིག་སྔགས་དང་གཟུངས་སྔགས་དང་སྙིང་པོ་དང་ཕྱག་རྒྱ་དང་ཏིང་ངེ་འཛིན་གྱི་བདེན་པ་དང༌། ཆོས་ཉིད་གདོད་ནས་སྟོངས་ཀྱང་ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང༌། ཁྱད་པར་རྡོ་རྗེའི་ཆོས་སྐྱོང་བའི་སྲུང་མ་བཀའ་སྡོད་ཕོ་ཉའི་དམག་ཚོགས་འཁོར་དང་བཅས་པ་རྣམས་ཀྱི་བཀའ་བདེན་པ་དང༌། བདེན་པ་ཆེན་པོའི་མཐུ་ལ་བརྟེན་ནས། བསྟན་དང་འགྲོ་བའི་སྤྱི་དགྲ། ཁྱད་པར་རིག་པ་འཛིན་པ་བདག་ཅག་ཡོན་མཆོད་འཁོར་དང་བཅས་པ་རྣམས་ལ་སྔ་དགྲ་ལག་གིས་བསྡར་བ། ཕྱི་དགྲ་ཡིད་ལ་སེམས་པ། ད་དགྲ་ཐད་དུ་འཛུགས་པའི་གཟུགས་ཅན་སྡང་བའི་དགྲ་དང༌། གཟུགས་མེད་གནོད་བྱེད་བགེགས་ཀྱི་ཚོགས་དང་བཅས་པ་ཐམས་ཅད་སྲིད་པ་གསུམ་གྱི་ཁོངས་གར་གནས་གར་བྲོས་ཀྱང༌། སྐད་ཅིག་ཡུད་ཙམ་ལ་དམིགས་པའི་རྟེན་འདི་ལ་ཁུག་ཅིག །རྩ་སྔགས་ཤ་ས་ནའི་མཐར་ནྲྀ་ཏྲི་བཛྲ་ཨངྐུ་ཤ་ཛཿ ཛཿཧཱུྃ་བྃ་ཧོཿ ཞེས་བསྟིམ། ཨོཾ་ཨཱཿཧཱུྃ་ཧོཿས་བརླབ། ཨོཾ་མ་ཧཱ་ཀཱ་ལཱ་ཡ། ཤཱ་ས་ན་ཨུ་པ་ཧཱ་རི་ཎི། ཨེ་ཥ་ཨ་པནྩི་མ་ཀཱ་ལོ་ཨ་ཡཾ། ཨི་དཾ་རཏྣ་ཏྲ་ཡཱ་ཡ་ཨ་པ་ཀཱ་རི་ཎ་ཡ་དི་པྲ་ཏི་ཛྙཱ་སྨ་ར་སི་ཏ་ད་ཨི་དཾ་དུཥྟན་ཁ་ཁ་ཁཱ་ཧི་ཁཱ་ཧི། མཱ་ར་མཱ་ར། གྲྀཧྞ་གྲྀཧྞ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ་དི་ན་མེ་ཀེ་ན་མ་ར་ཡ་ཧཱུྃ་ཕཊ། ས་པ་རི་ཝཱ་ར་སོགས་གསུམ་གྱིས་ཕུལ་ལ། ཧཱུྃ། ཆོས་ཀྱི་དབྱིངས་ནས་འབར་བའི་སྐུར་བཞེངས་པ། །མཐུ་སྟོབས་དབང་ཕྱུག་རྡོ་རྗེ་ནག་པོ་ཆེ། །ལྕམ་དྲལ་བཀའ་སྡོད་དམ་ཅན་རྒྱ་མཚོའི་ཚོགས། །འཁོར་བཅས་ཐུགས་དམ་དབང་གིས་འདིར་གཤེགས་ཤིག །ཕྱི་ནང་གསང་མཆོད་སྨན་རག་བ་ལིཾ་ཏ། །དགྲ་བགེགས་ཤ་ཁྲག་ལ་སོགས་མཁོ་དགུའི་རྫས། །སོ་སོའི་ཐུགས་ལ་ཅི་བཞེད་དེར་འཆར་བའི། །རྨད་བྱུང་དགྱེས་པའི་མཆོད་སྤྲིན་ཆེན་པོ་འདི། །སྔར་མཛད་ལེགས་པའི་ལས་ཀྱི་གཏང་རག་དང༌། །སླད་ནས་གཡེལ་བ་མེད་པའི་ཕྲིན་ལས་བཞིའི། །འདོད་པའི་དངོས་གྲུབ་སྩོལ་སླད་འབུལ་ལགས་ན། །དགྱེས་པ་ཆེན་པོས་བཞེས་ཤིང་རོལ་ནས་ཀྱང༌། །བསྟན་དང་འགྲོ་བའི་ཕན་བདེ་ཀུན་སྤེལ་ཞིང༌། །ཁྱད་པར་བདག་ཅག་དཔོན་སློབ་འཁོར་བཅས་རྣམས། །ནད་མེད་པ་དང་མི་འགྱུར་ཚེ་སྲོག་དཔལ། །གྲགས་དང་འབྱོར་པ་རྒྱ་མཚོས་མཐོ་བ་དང༌། །མ་རུང་བདུད་དགྲའི་རྒོལ་བ་ཀུན་ཞི་ཞིང༌། །རྣམ་མང་ཕྲིན་ལས་རྒྱ་མཚོ་ཡིད་བཞིན་སྒྲུབས། །ཕྱོགས་ལས་རྣམ་པར་རྒྱལ་བའི་རུ་མཚོན་ཕྱོར། །བྱང་ཆུབ་བར་དུ་སྲུང་ཞིང་སྐྱོང་བར་མཛོད། །ཅེས་གཏོར་མ་སྟོབ་ཅིང་འདོད་དོན་གསོལ་ལོ། །ཡང་ན་འབྲུ་གསུམ་གྱིས་བྱིན་བརླབ་དང༌། སྔགས་མཆོད་སྔོན་དུ་འགྲོ་བས། དམ་ཅན་རྒྱ་མཚོའི་ཚོགས་རྣམས་ཀྱིས། །མཆོད་སྦྱིན་གཏོར་མ་འདི་བཞེས་ལ། །སོགས་ཀྱིས་གཏོར་མ་གཙང་སར་ཕུལ་ནའང་རུང་ངོ༌། །གཏང་རག་དོན་དུ། ཨོཾ་ཤྲཱི་བཛྲ་དྷརྨ་པཱ་ལ་ས་པ་རི་ཝཱ་ར་ཨརྒྷཾ་ནས་ཤཔྡའི་བར་དང༌། ཧེ་རུ་ཀ་དཔལ་སྤྱན་སྔ་རུ། །དམ་བཅས་ཇི་བཞིན་ད་ལྟ་འདིར། །བསྟན་པ་སྲུང་ཞིང་སྐྱོང་མཛད་པའི། །དམ་ཅན་ཀུན་ལ་བསྟོད་པར་བགྱི། །ཞེས་མཆོད་ཅིང་བསྟོད། མ་རྙེད་ཡོངས་སུ་མ་ཚང་དང༌། །གང་ཡང་ནུས་པ་མ་མཆིས་པའི། །འདིར་ནི་བགྱི་བ་གང་ནོངས་པ། །དེ་ཀུན་ཁྱོད་ཀྱིས་བཟོད་མཛད་རིགས། །ཞེས་དང་ཡིག་བརྒྱས་ནོངས་པ་འཆགས། རྟེན་ཡོད་ན། འདིར་ནི་གཟུགས་དང་ལྷན་ཅིག་ཏུ། །འཁོར་བ་སྲིད་དུ་བཞུགས་ནས་ཀྱང༌། །ནད་མེད་ཚེ་དང་དབང་ཕྱུག་དང༌། །མཆོག་རྣམས་ལེགས་པར་སྩལ་དུ་གསོལ། །ཞེས་པས་དམ་ཡེ་གཉིས་ཀ་བསྟིམ། མེད་ན། ཨོཾ། ཁྱེད་ཀྱི་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང༌། །སླར་ཡང་འབྱོན་པར་མཛད་དུ་གསོལ། །བཛྲ་མུཿས་ཡེ་ཤེས་པ་གཤེགས། དམ་ཚིགས་པ་བདག་ལ་བསྟིམ། འཇིག་རྟེན་པ་རྣམས་གཙྪ་གཙྪ་སྭཱ་བྷཱ་ཝན་གྱིས་རང་གནས་སུ་བཏང༌། །དགེ་བ་འདི་ཡིས་མྱུར་དུ་བདག །ཧེ་རུ་ཀ་དཔལ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་དགེ་བ་བསྔོ། ཧོ། རབ་འབྱམས་དཀྱིལ་འཁོར་རྒྱ་མཚོའི་འཁོར་ལོའི་མགོན། །གསང་གསུམ་འགྱུར་མེད་བདེ་ཆེན་རྡོ་རྗེའི་སེམས། །འགྲོ་ལ་ཕན་བདེའི་མཆོག་སྩོལ་དཔག་བསམ་ཤིང༌། །རྩ་བརྒྱུད་བླ་མ་རྣམས་ཀྱི་བཀྲ་ཤིས་ཤོག །ཆོས་སྐུའི་མཁའ་ལ་གྲངས་མེད་གཟུགས་སྐུའི་སྤྲིན། །ཞི་ཁྲོ་ཉམས་བརྒྱའི་རོལ་པར་འཆར་བ་ལས། །དངོས་གྲུབ་འདོད་དགུའི་ཆར་དུ་བསྙིལ་མཛད་པའི། །ཡི་དམ་ལྷ་ཚོགས་རྣམས་ཀྱི་བཀྲ་ཤིས་ཤོག །ཧེ་རུ་ཀ་དཔལ་སྙིང་རྗེའི་རོལ་གར་ནི། །གཏུམ་ཆེན་བཟོད་པར་དཀའ་བའི་གཟི་བརྗིད་ཀྱིས། །ནག་པོའི་རྩ་ལག་སྡེར་བཅས་མཐར་མཛད་པའི། །དཔལ་འབར་མ་ཧཱ་ཀཱ་ལའི་བཀྲ་ཤིས་ཤོག །རྒྱལ་བའི་བཀའ་སྡོད་མི་བཟད་དྲག་ཤུལ་ཅན། །བདུད་དཔུང་ཚར་གཅོད་སྒྲུབ་མཆོག་བུ་བཞིན་སྐྱོང༌། །ཕྲིན་ལས་རྣམ་བཞིས་བསྟན་པ་སྲུང་མཛད་པའི། །དམ་ཅན་རྒྱ་མཚོའི་ཚོགས་ཀྱིས་བཀྲ་ཤིས་ཤོག །ཅེས་སོགས་བཀྲ་ཤིས་བརྗོད་པར་བྱའོ། །དམ་ཅན་སྤྱིའི་གཏོར་མའི་ཆོ་ག་ཉུང་ངུར་བསྡུས་པ་འདི་ནི་རྒྱུན་གྱི་ཉམས་ལེན་ལ་འཇུག་པ་བདེ་བའི་ཕྱིར་རིག་པ་འཛིན་པ་འགྱུར་མེད་རྡོ་རྗེས་ལྷ་ལྡན་གྲུ་འཛིན་གྱི་རི་བོར་སྦྱར་བའོ།། །།

[edit]

@#/__/dam can spyi'i gtor ma'i cho ga nyung ngur bsdus pa bzhugs so//__//__@#/__/oM sid+d+hi rastu/__bla ma mchog dang dbyer med yi dam lha/__/dam can rgya mtsho'i tshogs la phyag 'tshal nas/__/de mnyes byed pa'i gtor ma'i las rim dag__/dang po'i las can don du nyung ngur bri/__'dir dam can spyi'i gtor ma'i phrin las la 'jug par 'dod pas yid dang mthun pa'i gnas su/__sku rten spyan gzigs sogs mdzes par bstar zhing gtor snod gsum gyi nang du bla ma yi dam dbyer med/__nag po chen po ye shes dam can gyi gter srung gzhi bdag dang bcas pa'i gtor ma rgyan ldan/__sman rag nyer spyod dang bcas pa bsham/__rang gi mdun du nang mchod/__rdor dril/__thod rnga/__me tog sogs mkho ba'i yo byad rnams tshogs par byas la/__bdag gi rnal 'byor bzlas pa'i bar sngon du 'gro bas/__mchod gtor rnams ra~M ya~M kha~M gis bsang sbyang*/__stong pa'i ngang las yaM las rlung*/__raM las me/__ka~M las mi mgo'i sgyed pu gsum la bsten pa'i a yig las byung ba'i thod pa'i snod du bcud thams cad hU~M oM swA aMHhA/__mUM lAM mAM pAM tAM las bdud rtsi lnga dang sgron ma lngar gyur pa so so'i sa bon gyis mtshan pa dang bcas pa'i 'og gi rlung g.yos me sbar rdzas thams cad zhu zhing 'dres pa'i steng gi nam mkha' la oM AHhU~M gi yi ge gsum gnas pa las 'phros pa'i 'od zer gyis de bzhin gshegs pa thams cad kyi thugs ka nas ye shes kyi bdud rtsi bkug yi ge gsum la thim ste rim par zhu ba las dam tshig gi rdzas dang ro gcig tu gyur par bsams la/__lag g.yon gdengs oM gyis sbyang*/__g.yas gdengs AHsa spel/__snyim pa bkan te hU~M gis kha dog dri ro phun sum tshogs par byas/__mkha' lding gi rgyas hoHzhes zag med kyi bdud rtsir bstas la byin gyis brlab/__de nas mgron bsdu ba ni/__rang gi snying ga'i hU~M las 'od zer lcags kyu'i rnam pa can glog 'khyug pa ltar 'phros pas dpal ye shes kyi mgon po sogs dam can lcam dral bka' sdod 'khor dang bcas pa thams cad rang bzhin chos kyi dbyings las sgyu 'phrul gyi rol pa zhi khro'i nyams du mar 'char ba rnam 'phrul bsam gyis mi khyab pa'i bkod pa chen pos mdun gyi nam mkhar badz+ra sa mA dzaHsa spyan drangs par bsams zhing*/__hU~M/__/chos dbyings mkha' ltar dag pa'i dbyings/__/mi g.yo 'og min nyams dga'i gnas/__/rdo rje gdan dang na len+d+ra/__/dur khrod brgyad dang nyer bzhi'i yul/__/phyogs bcu'i zhing khams rab 'byams nas/__/dpal ldan mgon po lcam dral ni/__/bka' sdod dam can rgya mtshor bcas/__/bdag gis dad pas spyan 'dren na/__/sngon gyi zhal bzhes dam bcas ltar/__/bstan pa srung phyir gshegs su gsol/__/oM shrI badz+ra d+harma pA la sa pa ri wA ra badz+ra sa ma dzaHsa spyan drangs la/__hU~M/__dus gsum sangs rgyas thams cad kyi/__/bstan pa bsrung mdzad dam tshig can/__/lcam bral bka' sdod 'khor dang bcas/__/'dir ni dgyes par bzhugs su gsol/__/dzaHhU~M ba~M hoH__sa ma ya A sa na tiSh+Than+tu/__zhes bzhugs su gsol/__srung ma rnams kyi spyi bor rdo rje bzhag__/bdud rtsi ljags la byin par mos te/__oM badz+ra sa ma ya ha na ha na hU~M phaT/__zhes dam la bzhag__hU~M/__thun mong khyad par bla na med/__/phyi nang gsang ba'i mchod sprin ni/__/dngos bshams yid las byung ba dag__/nam mkha' gang bar spros te mchod/__/oM shrI badz+ra d+harma pA la sa pa ri wA ra ar+g+haM pra tI ts+tsha swA hA/__de bzhin du sbyar te/__pA d+yaM/__puSh+pe/__d+hU pe/__A lo ke__/gan+d+he/__nai wid+ye/__shap+da pra tIts+tsha swA hA/__zhes mchod/__ma hA a mr-i ta pU dza khA hi/__ma hA rak+ta pU dza khA hi/__zhes sman rag stob/__gtor ma 'bul ba ni/__lha rnams kyi ljags hU~M las byung ba'i rdo rje'i sbu gu can gyi 'od zer gyis gtor ma'i bcud drangs te gsol bar bsams la/__rdor thal kha phye nas/__oM gu ru maN+Dal de wa ga Na sa pa ri wA ra i daM ba liM ta kha kha khA hi khA hi/__oM b+hu ru ku ru i tsi ki byi u tsuSh+ma kro d+ha hU~M phaT/__oM ma hA kA la e ka dzA Ti gu Na hr-i da hU~M phaT/__oM shrI ma hA ka la k+ShiM k+She tra big+h+nan bi na ya ka hU~M phaT/__oM shri ma hA kA la ga Na gu h+ya raM sid+d+hi hU~M phaT/__oM ma hA kA la bi kA la tri yaM dza/__oM badz+ra ki li kI la d+harma pa la/__oM ro ru e ka dzA Ti snying kha rag+mo ru lu ru lu hU~M b+h+yo hU~M dzaHdzaH__oM ma hA de wa dzaHu ma de wI hriM ha ri ni sa pa shaM ku ru hoH__hrI shag ru rag raM nA ga tsit+ta traM ma ma yo za 'gram ha ha ga sha la dzaHdzaH__oM ma hA rA dza sa ma ya bai shra ma NA ya sarba tsit+ta rat+na hriM dzaH__oM ma ma ra li pra ma ya kA li ye dzaHdzaH__oM ya ma rA dza sa ma ya hU~M phaT:__oM badz+ra sA d+hu sa ma ye b+hag traM she ni kra ma ni sa ma ya sA d+hu tri dzaHdzaHhU~M baM hoH__oM badz+ra d+ha ki nI A yuHShe shwa ri hrIHmA~M la~M aM taM:__oM nA ga tsan+t+ri tsa ra ra tri ging+ka ra yak+Sha yak+Sha sa ma ya tsit+ta hriM hriM dzaHdzaH__zhes snying po kun gyi mthar sa pa ri wA ra man chad btags pa gsum mam bdun gyis gtor ma phul la/__dpal ma hA kA la khrag 'thung gi rgyal po/__gtsug lag khang dang dkyil 'khor gyi srung ma/__dug gsum nad kyi sman pa/__rnal 'byor yongs kyi dgra lha/__bdud dpung sgrol ba'i dpa' bo/__bstan pa'i bka' srung chen po/__legs ldan rdo rje srin po tshogs kyi bdag po/__nag po chen po phyag bzhi pa/__myur mdzad ye shes kyi mgon po phyag drug pa/__dpal mgon ma ning nag po/__mthu chen drag po zhal bzhi/__rdo rje phra men shwa na chen po/__ma mo sngags kyi srung ma/__lha chen dbang phyug chen po/__khyab 'jug dug gi spu gri/__rgyal chen rnam mang thos sras/__zhing skyong dur khrod kyi ma mo/__las gshin 'chi bdag nag po/__dam can rdo rje legs pa/__bkra shis tshe ring mched lnga/__btsan rgod 'bar ba spun bdun la sogs te dam pa chos skyong ba'i srung ma bka' sdod pho nya'i dmag tshogs 'khor dang bcas pa rnams kyis mchod sbyin gyi gtor ma rgya chen po 'di bzhes la/__sangs rgyas kyi bstan pa srungs/__dkon mchog gi dbu 'phang bstod/__dge 'dun dang chos kyi rgyal srid skyongs/__'jig rten gyi rgud pa sol/__sems can gyi phan bde spel/__rnal 'byor pa rnams kyi stong grogs mdzod/__sngags 'chang rnams kyi phrin las sgrubs/__sdang ba'i dgra thul/__gnod pa'i bgegs choms/__khyad par dam tshig 'dir 'dus pa rnams kyi phyi nang gsang ba'i 'gal rkyen zhi ba dang*/__mthun rkyen smon pa'i legs tshogs thams cad 'phel zhing rgyas pa dang*/__mchog dang thun mong gi dngos grub ma lus pa myur du 'grub pa'i phrin las mdzod cig__/ces phrin las gsol/__bstod pa ni/__hU~M/__'jigs byed khrag 'thung dpal ldan nag po che/__/bdud dpung mthar byed dur khrod sgrol ba'i ging*/__/sgrub po'i re skong legs ldan tshogs kyi bdag__/rgyal ba'i bka' sdod mthu chen khyod la bstod/__/mi 'gyur rnam dag chos dbyings ngang nyid las/__/ye shes chen po thugs rje'i skur sprul pa/__/ma rungs 'dul mdzad ma hA kA la'i gtso/__/drag po'i stobs ldan khyod la phyag 'tshal bstod/__/gtum chen 'bar ba mi bzad he ru ka__/gdug pa 'dul mdzad thugs rje chen po'i sku/__log rtog rab 'joms hU~M dang phaT sgra can/__/ye shes thugs ldan 'khor dang bcas la bstod/__/'jig rten 'das pa'i dus na sngon byung ba/__/che mchog he ru ka dpal sku gsum rdzogs/__/srid rtsi'i bdag 'dzin ru dra sde gsum 'dul/__/rtsal chen phrin las mdzad la phyag 'tshal bstod/__/rab 'jigs dur khrod bskal me 'bar ba'i klong*/__/rig 'dzin srog shing rnal 'byor dgra lha che/__/bstan pa'i bka' srung mthu stobs rdzu 'phrul can/__/dregs pa kun 'dul khyod la phyag 'tshal bstod/__/rdo rje gzhon nu yab yum mkha' klong nas/__/thugs chen drag gtum khros pa'i cho 'phrul las/__/mi srun ma hA ka la shwa na che/__/phra men 'khor dang bcas la phyag 'tshal bstod/__/kun bzang thugs kyi sprul pa khrag 'thung yum/__/ye shes ma mo rdo rje ral gcig ma/__/gsang sngags bka' yi srung ma mthu mo che/__/sde lnga 'khor tshogs pho nyar bcas la bstod/__/spyan ras gzigs sprul dbang phyug lha chen po/__/'jig rten mes po khams gsum kun gyi bdag__/dngos grub mchog stsol yon tan rdzogs pa'i lha/__/rgyal ba'i bka' sdod mthu chen khyod la bstod/__/he ru ka dpal thugs las sprul pa'i sras/__/'jigs byed mi bzad sde brgyad dregs pa'i gtso/__/drag shul phrin las kun sgrub rA hu la/__/sring bzhi sde brgyad 'khor dang bcas la bstod/__/sa brgyad dbang phyug sems dpa' rin chen mang*/__/nam mkha'i mdzod mnga' dbul ba'i gdung ba phrog__/yid bzhin 'dod dgu'i char 'bebs dpag bsam shing*/__/rnam mang thos sras ngal bsos po la bstod/__/mi 'gyur bde chen chos dbyings ngang nyid las/__/ma rungs 'dul phyir drag mo'i skur ston ma/__/sgyu 'phrul rdo rje'i gar mdzad ma mo'i gtso/__/rgyal ba'i bstan srung gtso la phyag 'tshal bstod/__/myur mgyogs mthu rtsal thogs med phrin las kyis/__/gdug can dgra dang bdud bgegs pham mdzad pa/__/gshin rje gshed po'i bka' nyan dam tshig can/__/bai b+ha sa twa 'khor dang bcas la bstod/__/sngon tshe shAkya thub pa'i spyan snga ru/__/bstan pa srung zhing legs nyes stangs 'dzin pa/__/dge bsnyen chen po rdo rje legs pa ste/__/'jig rten skyong ba khyod la phyag 'tshal bstod/__/ye shes bskyed mdzad chos sku yum chen mo/__/rgyal kun rdo rje'i btsun mo rnal 'byor ma/__/gangs can sangs rgyas bstan srung 'khor lo'i bdag__/bkra shis tshe yi dbang phyug ma la bstod/__/dkyil 'khor slob dpon pad+ma saM b+ha wa'i/__/bka' nyan dam tshig rjes dgongs gter gyi bdag__/mthu rtsal thogs med rnam bzhi'i phrin las kyis/__/dam ldan re skong btsan rgod khyod la bstod/__/ces bstod cing*/__gter bdag spyi'i gtor 'bul ni/__rang gi thugs ka'i sa bon las byung ba'i 'od zer gyis gter gyi bdag po 'khor bcas spyan drangs par bsam zhing*/__hU~M/__sngon tshe pad+ma 'byung gnas spyan snga ru/__/zab gter srung mar zhal bzhes dam tshig can/__/mthu chen gter gyi bdag po chen po rnams/__/rang rang g.yog 'khor bcas pa 'dir gshegs shig__/ni d+hi pa ti sa pa ri wA ra badz+ra sa mA dzaHsa spyan drangs/__ni d+hi pa ti sa pa ri wa ra ar+g+haM nas shap+da pra tI ts+tsha swA hA/__ni d+hi pa ti sa pa ri wA ra i daM ba liM ta kha kha khA hi khA hi/__ma hA pany+tsa a mr-i ta khA hi/__ma hA rak+ta khA hi/__zhes mchod pa dang sman gtor rak+ta rnams 'bul/__zab gter bsrung ma'i dbang po 'khor dang bcas pa rnams kyis mchod pa dam pa 'di bzhes la sangs rgyas kyi bstan pa srungs/__dkon mchog gi dbu 'phang bstod/__dge 'dun dang chos kyi rgyal srid skyongs/__'jig rten gyi rgud pa sol/__sems can gyi phan bde spel/__rnal 'byor pa rnams kyi sdaung grogs mdzod/__sngags 'chang rnams kyi phrin las sgrubs/__sdang ba'i dgra thul/__gnod pa'i bgegs choms/__khyad par dam tshig 'dir 'dus pa rnams kyi phyi nang gsang ba'i 'gal rkyen zhi ba dang*/__mthun rkyen smon pa'i legs tshogs thams cad 'phel zhing rgyas pa dang*/__mchog dang thun mong gi dngos grub ma lus pa myur du 'grub pa'i phrin las mdzod cig__/ces phrin las gsol/__hU~M/__dus gsum rgyal ba'i bka' sdod dpa' bo che/__/rig 'dzin kun gyi ci bgyi'i dam tshig can/__/zab gter bstan pa srung bar dam mnos pa'i/__/gter gyi bdag po 'khor dang bcas la bstod/__/ces pas bstod/__gzhi bdag spyi gtor ni/__gtor ma a mr-i tas bsang/__swA b+ha was sbyangs/__stong pa'i ngang las b+h+rU~M las rin po che'i snod zab cing rgya che ba'i nang du gtor ma kha dog dri ro nus pa phun sum tshogs par bsam la/__oM AHhU~M hoH__lan gsum brjod/__b+hu mi pa ti sa pa ri wA ra badz+ra sa ma dzaHsa spyan drangs/__b+hu mi pa ti sa pa ri wA ra oM a ka ro mu khaM sarba d+harmA NAM Ad+ya nut+pan+na twa ta oM AHhU~M phaT swA hA/__lan gsum gyis dbul/__oM badz+ra ar+g+haM nas shap+da pra tIts+tsha swA hA'i bar dang*/__ma hA pany+tsa a mr-i ta khA hi/__ces phyi nang gis mchod/__gzhi bdag gnyug mar gnas pa 'khor dang bcas pa rnams kyis mchod pa dam pa 'di bzhes la sangs rgyas kyi bstan pa srungs/__dkon mchog gi dbu 'phang bstod/__dge 'dun dang chos kyi rgyal srid skyongs/__'jig rten gyi rgud pa sol/__sems can gyi phan bde spel/__rnal 'byor pa rnams kyi sdong grogs mdzod/__sngags 'chang rnams kyi phrin las sgrubs/__sdang ba'i dgra thul/__gnod pa'i bgegs choms/__khyad par dam tshig 'dir 'dus pa rnams kyi phyi nang gsang ba'i 'gal rkyen zhi ba dang*/__mthun rkyen smon pa'i legs tshogs thams cad 'phel zhing rgyas pa dang*/__mchog dang thun mong gi dngos grub ma lus pa myur du 'grub pa'i phrin las mdzod cig__/gzhi bdag chen po khyed rnams kyis/__/mchod sbyin gtor ma 'di bzhes la/__/rnal 'byor bdag cag 'khor bcas la/__/nad med tshe dang dbang phyug dang*/__/dpal dang grags dang skal ba bzang*/__/longs spyod rgya chen kun thob cing*/__/zhi dang rgyas la sogs pa yi/__/las kyi dngos grub bdag la stsol/__/dam tshig can gyis bdag la srungs/__/dngos grub kun gyi sdong grogs mdzod/__/dus min 'chi dang nad rnams dang*/__/gdon dang bgegs rnams med par mdzod/__/rmi lam ngan dang mtshan ma ngan/__/bya byed ngan pa med par mdzod/__/'jig rten bde zhing lo legs dang*/__/'bru rnams 'phel zhing phyugs 'phel ba/__/dge legs thams cad 'byung ba'i gnas/__/yid la 'dod pa kun 'grub mdzod/__/ces brjod/__de nas 'bul gtor la dmigs bya 'gugs pa ni/__na mo/__rig 'dzin rtsa brgyud kyi dpal ldan bla ma dam pa rnams kyi bka' bden pa dang*/__sangs rgyas kyi bka' bden pa dang*/__chos kyi bka' bden pa dang*/__dge 'dun gyi bka' bden pa dang*/__gsang sngags dang rig sngags dang gzungs sngags dang snying po dang phyag rgya dang ting nge 'dzin gyi bden pa dang*/__chos nyid gdod nas stongs kyang chos can rgyu 'bras bslu ba med pa'i bden pa dang*/__khyad par rdo rje'i chos skyong ba'i srung ma bka' sdod pho nya'i dmag tshogs 'khor dang bcas pa rnams kyi bka' bden pa dang*/__bden pa chen po'i mthu la brten nas/__bstan dang 'gro ba'i spyi dgra/__khyad par rig pa 'dzin pa bdag cag yon mchod 'khor dang bcas pa rnams la snga dgra lag gis bsdar ba/__phyi dgra yid la sems pa/__da dgra thad du 'dzugs pa'i gzugs can sdang ba'i dgra dang*/__gzugs med gnod byed bgegs kyi tshogs dang bcas pa thams cad srid pa gsum gyi khongs gar gnas gar bros kyang*/__skad cig yud tsam la dmigs pa'i rten 'di la khug cig__/rtsa sngags sha sa na'i mthar nr-i tri badz+ra ang+ku sha dzaH__dzaHhU~M ba~M hoH__zhes bstim/__oM AHhU~M hoHsa brlab/__oM ma hA kA lA ya/__shA sa na u pa hA ri Ni/__e Sha a pan+tsi ma kA lo a yaM/__i daM rat+na tra yA ya a pa kA ri Na ya di pra ti dz+nyA sma ra si ta da i daM duSh+tan kha kha khA hi khA hi/__mA ra mA ra/__gr-ih+Na gr-ih+Na/__ban+d+ha ban+d+ha/__ha na ha na/__da ha da ha/__pa tsa pa tsa di na me ke na ma ra ya hU~M phaT/__sa pa ri wA ra sogs gsum gyis phul la/__hU~M/__chos kyi dbyings nas 'bar ba'i skur bzhengs pa/__/mthu stobs dbang phyug rdo rje nag po che/__/lcam dral bka' sdod dam can rgya mtsho'i tshogs/__/'khor bcas thugs dam dbang gis 'dir gshegs shig__/phyi nang gsang mchod sman rag ba liM ta/__/dgra bgegs sha khrag la sogs mkho dgu'i rdzas/__/so so'i thugs la ci bzhed der 'char ba'i/__/rmad byung dgyes pa'i mchod sprin chen po 'di/__/sngar mdzad legs pa'i las kyi gtang rag dang*/__/slad nas g.yel ba med pa'i phrin las bzhi'i/__/'dod pa'i dngos grub stsol slad 'bul lags na/__/dgyes pa chen pos bzhes shing rol nas kyang*/__/bstan dang 'gro ba'i phan bde kun spel zhing*/__/khyad par bdag cag dpon slob 'khor bcas rnams/__/nad med pa dang mi 'gyur tshe srog dpal/__/grags dang 'byor pa rgya mtshos mtho ba dang*/__/ma rung bdud dgra'i rgol ba kun zhi zhing*/__/rnam mang phrin las rgya mtsho yid bzhin sgrubs/__/phyogs las rnam par rgyal ba'i ru mtshon phyor/__/byang chub bar du srung zhing skyong bar mdzod/__/ces gtor ma stob cing 'dod don gsol lo/__/yang na 'bru gsum gyis byin brlab dang*/__sngags mchod sngon du 'gro bas/__dam can rgya mtsho'i tshogs rnams kyis/__/mchod sbyin gtor ma 'di bzhes la/__/sogs kyis gtor ma gtsang sar phul na'ang rung ngo*/__/gtang rag don du/__oM shrI badz+ra d+harma pA la sa pa ri wA ra ar+g+haM nas shap+da'i bar dang*/__he ru ka dpal spyan snga ru/__/dam bcas ji bzhin da lta 'dir/__/bstan pa srung zhing skyong mdzad pa'i/__/dam can kun la bstod par bgyi/__/zhes mchod cing bstod/__ma rnyed yongs su ma tshang dang*/__/gang yang nus pa ma mchis pa'i/__/'dir ni bgyi ba gang nongs pa/__/de kun khyod kyis bzod mdzad rigs/__/zhes dang yig brgyas nongs pa 'chags/__rten yod na/__'dir ni gzugs dang lhan cig tu/__/'khor ba srid du bzhugs nas kyang*/__/nad med tshe dang dbang phyug dang*/__/mchog rnams legs par stsal du gsol/__/zhes pas dam ye gnyis ka bstim/__med na/__oM/__khyed kyi sems can don kun mdzad/__/rjes su mthun pa'i dngos grub stsol/__/sangs rgyas yul du gshegs nas kyang*/__/slar yang 'byon par mdzad du gsol/__/badz+ra muHsa ye shes pa gshegs/__dam tshigs pa bdag la bstim/__'jig rten pa rnams gats+tsha gats+tsha swA b+hA wan gyis rang gnas su btang*/__/dge ba 'di yis myur du bdag__/he ru ka dpal 'grub gyur nas/__/'gro ba gcig kyang ma lus pa/__/de yi sa la 'god par shog__/ces dge ba bsngo/__ho/__rab 'byams dkyil 'khor rgya mtsho'i 'khor lo'i mgon/__/gsang gsum 'gyur med bde chen rdo rje'i sems/__/'gro la phan bde'i mchog stsol dpag bsam shing*/__/rtsa brgyud bla ma rnams kyi bkra shis shog__/chos sku'i mkha' la grangs med gzugs sku'i sprin/__/zhi khro nyams brgya'i rol par 'char ba las/__/dngos grub 'dod dgu'i char du bsnyil mdzad pa'i/__/yi dam lha tshogs rnams kyi bkra shis shog__/he ru ka dpal snying rje'i rol gar ni/__/gtum chen bzod par dka' ba'i gzi brjid kyis/__/nag po'i rtsa lag sder bcas mthar mdzad pa'i/__/dpal 'bar ma hA kA la'i bkra shis shog__/rgyal ba'i bka' sdod mi bzad drag shul can/__/bdud dpung tshar gcod sgrub mchog bu bzhin skyong*/__/phrin las rnam bzhis bstan pa srung mdzad pa'i/__/dam can rgya mtsho'i tshogs kyis bkra shis shog__/ces sogs bkra shis brjod par bya'o/__/dam can spyi'i gtor ma'i cho ga nyung ngur bsdus pa 'di ni rgyun gyi nyams len la 'jug pa bde ba'i phyir rig pa 'dzin pa 'gyur med rdo rjes lha ldan gru 'dzin gyi ri bor sbyar ba'o//__//