JKW-KABUM-16-MA-021

🚧 This website is under continued development. We appreciate your patience!

Previous Section"MA" is not a number. Back to Volume Page"MA" is not a number.Next Section "MA" is not a number.

Wylie title
Location	mkhyen brtse'i bka' 'bum Volume , sde tshan 21, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum "MA" is not a number.

1 Texts in this Section (sde tshan or chos tshan)

141-143	སྔགས་སྲུང་མའི་གཏོར་བསྔོས་ཉེར་བསྡུས། sngags srung ma'i gtor bsngos nyer bsdus Dedications - bsngo ba   ·   Protector Rituals - gsol mchod   ·   Torma-offering Rituals - gtor chog	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

"MA" is not a number.

Tibetan Text

Wylie

[edit]

སྔགས་སྲུང་མའི་གཏོར་བསྔོས་ཉེར་བསྡུས།

༄༅། །དཔལ་སྔགས་ཀྱི་སྲུང་མའི་གཏོར་བསྔོ་ཉེར་བསྡུས་བཞུགས་སོ།། ན་མོ་གུ་རུ་ཤྲཱི་ཧེ་རུ་ཀཱ་ཡ། དཔལ་སྔགས་ཀྱི་སྲུང་མའི་གཏོར་འབུལ་ཁྱེར་བདེ་ནི། ཇི་ལྟར་འབྱོར་བའི་གཏོར་མ་རྃ་ཡྃ་ཁྃ་གིས་བསང་སྦྱང་། ཨོཾ་ཨཱཿཧཱུྃ་ཧོཿས་བརླབ། རང་གི་སྙིང་ག་ནས་འོད་ཟེར་འཕྲོས་པས་དཔལ་སྔགས་ཀྱི་སྲུང་མ་ཨེ་ཀ་ཛ་ཊཱི་སྣང་སྲིད་མ་མོ་བྱེ་བའི་ཚོགས་འཁོར་དང་བཅས་པ་བཛྲ་ས་མཱ་ཛཿས་སྤྱན་དྲང་། རྟེན་ཡོད་ན། ཛཿཧཱུྃ་བྃ་ཧོཿས་བསྟིམ། ས་མ་ཡ་ཏིཥྛནྟུ། ཞེས་པས་བརྟན་པར་བཞུགས་སུ་གསོལ། ཨོཾ་ཏྲཀ་རཀྴ་ས་པ་རི་ཝཱ་ར་ཨརྒྷཾ་ནས། ཤབྡའི་བར་དང་། ཨ་མྲྀ་ཏ་རཀྟ་པཉྩ་ཀཱ་མ་གུ་ཎ་པྲ་ཏཱི་ཙྪ་སྭཱ་ཧཱས་མཆོད། ཡེ་ཤེས་ཀྱི་མ་མོ་འཁོར་དང་བཅས་པའི་ལྗགས་རྡོ་རྗེའི་སྦུ་གུ་ཅན་གྱི་འོད་ཟེར་གྱིས་གཏོར་མའི་བཅུད་དྲངས་ཏེ་གསོལ་བར་བསམས་ལ། རྡོར་ཐལ་ཁ་གྱེན་དུ་ཕྱེ་ནས། ཨོཾ་རོ་རུ་ཨེ་ཀ་ཛ་ཊཱི་སྙིང་ཁ་རཀྨོ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཛཿཛཿས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གསུམ་མམ་བདུན་གྱིས་གཏོར་མ་ཕུལ་ལ། མ་མོ་སྔགས་ཀྱི་སྲུང་མ་འཁོར་དང་བཅས་པས་མཆོད་པ་དམ་པ་འདི་བཞེས་ལ། སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། དགེ་འདུན་དང་ཆོས་ཀྱི་རྒྱལ་སྲིད་སྐྱོངས། འཇིག་རྟེན་གྱི་རྒུད་པ་སོལ། སེམས་ཅན་གྱི་ཕན་བདེ་སྤེལ། རྣལ་འབྱོར་པ་རྣམས་ཀྱི་སྟོང་གྲོགས་མཛོད། སྔགས་འཆང་རྣམས་ཀྱི་ཕྲིན་ལས་སྒྲུབས། སྡང་བའི་དགྲ་ཐུལ། གནོད་པའི་བགེགས་ཆོམས། ཁྱད་པར་དམ་ཚིག་འདིར་འདུས་པ་རྣམས་ཀྱི་ཕྱི་ནང་གསང་བའི་འགལ་རྐྱེན་ཞི་བ་དང་། མཐུན་རྐྱེན་སྨོན་པའི་ལེགས་ཚོགས་ཐམས་ཅད་འཕེལ་ཞིང་རྒྱས་པ་དང་། མཆོག་ཐུན་མོང་གི་དངོས་གྲུབ་མ་ལུས་པ་མྱུར་དུ་འགྲུབ་པའི་ཕྲིན་ལས་མཛོད་ཅིག ཅེས་ཕྲིན་ལས་གསོལ། བསྟོད་ཅིང་བསྐུལ་བ་ནི། བྷྱོཿ ཀུན་བཟང་ཐུགས་ཀྱི་སྤྲུལ་པ་ཁྲག་འཐུང་ཡུམ། །ཡེ་ཤེས་མ་མོ་རྡོ་རྗེ་རལ་གཅིག་མ། །གསང་སྔགས་བཀའ་ཡི་སྲུང་མ་མཐུ་མོ་ཆེ། །སྡེ་ལྔ་འཁོར་ཚོགས་ཕོ་ཉར་བཅས་ལ་བསྟོད། །བསྐལ་པའི་མེ་ལྟར་འབར་བའི་དུར་ཁྲོད་ན། །ཤིན་ཏུ་བཟོད་དཀའི་སྨུག་ནག་ཁྲོས་མ་ནི། །ནམ་མཁའི་ལུས་ཅན་ལྷོ་སྤྲིན་གོས་སུ་གྱོན། །ཙིཏྟ་ཟ་ཞིང་དམ་ཉམས་སྙིང་ཁྲག་འདྲེན། །ཞིང་ཆུང་དབྱུག་པས་དགྲ་སྙིང་ཚལ་པར་འགེམས། །འཇིགས་བྱེད་ཆེན་པོ་རལ་པའི་ཐོར་ཚུགས་ཅན། །དཔྲལ་ན་མིག་གཅིག་སྲིད་གསུམ་ཁུངས་ནས་འབྱིན། །ཞལ་ན་ཚེམས་གཅིག་དགྲ་བོའི་སྲོག་གཅོད་མ། །བྲང་ན་ནུ་གཅིག་སྒྲུབ་མཆོག་བུ་བཞིན་སྐྱོང་། །ཤ་ཁྲག་ལོངས་སྤྱོད་དམར་གཏོར་འདི་གསོལ་ལ། །དམ་ཚིག་དབང་གིས་དམ་ཉམས་གཤེད་མ་མཛོད། །མ་མོ་སྲོག་ལ་དགྱེས་ཕྱིར་འདི་གསོལ་ལ། །བདག་གིས་བཅོལ་པའི་ཕྲིན་ལས་སྒྲུབ་པར་མཛོད། །དམ་ཚིག་དུས་ལ་བབ་པོ་ས་མ་ཡ། དེ་ནས་རྟེན་ཡོད་ན། ཨོཾ་སུ་པྲ་ཏིཥྛ་བཛྲཱ་ཡ་སྭཱ་ཧཱས་བརྟན་བཞུགས་དང་། མེད་ན། བཛྲ་མུཿས་གཤེགས་སུ་གསོལ་བར་བྱའོ། །ཞེས་པའང་རིག་འཛིན་གྱི་བཙུན་པ་མཚོ་སྐྱེས་བླ་མ་དགྱེས་པའི་འབངས་ཀྱིས་བཀྲ་ཤིས་ཟླ་གམ་དབང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།།

[edit]

sngags srung ma'i gtor bsngos nyer bsdus/ @#/_/dpal sngags kyi srung ma'i gtor bsngo nyer bsdus bzhugs so// na mo gu ru shrI he ru kA ya/__dpal sngags kyi srung ma'i gtor 'bul khyer bde ni/__ji ltar 'byor ba'i gtor ma ra~M ya~M kha~M gis bsang sbyang /__oM AHhU~M hoHsa brlab/__rang gi snying ga nas 'od zer 'phros pas dpal sngags kyi srung ma e ka dza TI snang srid ma mo bye ba'i tshogs 'khor dang bcas pa badz+ra sa mA dzaHsa spyan drang /__rten yod na/__dzaHhU~M ba~M hoHsa bstim/__sa ma ya tiSh+Than+tu/__zhes pas brtan par bzhugs su gsol/__oM traka rak+sha sa pa ri wA ra ar+g+haM nas/__shab+da'i bar dang /__a mr-i ta rak+ta pany+tsa kA ma gu Na pra tI ts+tsha swA hAs mchod/__ye shes kyi ma mo 'khor dang bcas pa'i ljags rdo rje'i sbu gu can gyi 'od zer gyis gtor ma'i bcud drangs te gsol bar bsams la/__rdor thal kha gyen du phye nas/__oM ro ru e ka dza TI snying kha rak+mo ru lu ru lu hU~M b+h+yo hU~M dzaHdzaHsa pa ri wA ra i daM ba liM ta kha kha khA hi khA hi/__gsum mam bdun gyis gtor ma phul la/__ma mo sngags kyi srung ma 'khor dang bcas pas mchod pa dam pa 'di bzhes la/__sangs rgyas kyi bstan pa srungs/__dkon mchog gi dbu 'phang bstod/__dge 'dun dang chos kyi rgyal srid skyongs/__'jig rten gyi rgud pa sol/__sems can gyi phan bde spel/__rnal 'byor pa rnams kyi stong grogs mdzod/__sngags 'chang rnams kyi phrin las sgrubs/__sdang ba'i dgra thul/__gnod pa'i bgegs choms/__khyad par dam tshig 'dir 'dus pa rnams kyi phyi nang gsang ba'i 'gal rkyen zhi ba dang /__mthun rkyen smon pa'i legs tshogs thams cad 'phel zhing rgyas pa dang /__mchog thun mong gi dngos grub ma lus pa myur du 'grub pa'i phrin las mdzod cig__ces phrin las gsol/__bstod cing bskul ba ni/__b+h+yoH__kun bzang thugs kyi sprul pa khrag 'thung yum/__/ye shes ma mo rdo rje ral gcig ma/__/gsang sngags bka' yi srung ma mthu mo che/__/sde lnga 'khor tshogs pho nyar bcas la bstod/__/bskal pa'i me ltar 'bar ba'i dur khrod na/__/shin tu bzod dka'i smug nag khros ma ni/__/nam mkha'i lus can lho sprin gos su gyon/__/tsit+ta za zhing dam nyams snying khrag 'dren/__/zhing chung dbyug pas dgra snying tshal par 'gems/__/'jigs byed chen po ral pa'i thor tshugs can/__/dpral na mig gcig srid gsum khungs nas 'byin/__/zhal na tshems gcig dgra bo'i srog gcod ma/_/brang na nu gcig sgrub mchog bu bzhin skyong /__/sha khrag longs spyod dmar gtor 'di gsol la/__/dam tshig dbang gis dam nyams gshed ma mdzod/__/ma mo srog la dgyes phyir 'di gsol la/__/bdag gis bcol pa'i phrin las sgrub par mdzod/__/dam tshig dus la bab po sa ma ya/__de nas rten yod na/__oM su pra tiSh+Tha badz+rA ya swA hAs brtan bzhugs dang /__med na/__badz+ra muHsa gshegs su gsol bar bya'o/__/zhes pa'ang rig 'dzin gyi btsun pa mtsho skyes bla ma dgyes pa'i 'bangs kyis bkra shis zla gam dbang phug tu bris pa dge legs 'phel//__//sarba mang+ga laM//