JKW-KABUM-16-MA-022-002

Previous Text Back to Volume PageNext Text

ཀློང་ཆེན་སྙིང་ཏིག་གི་རབ་གནས་བཀྲ་ཤིས་འདོད་འཇོའི་ཕྱག་ལེན་རེག་ཟིག་ཉུང་གསལ།

Wylie title	klong chen snying tig gi rab gnas bkra shis 'dod 'jo'i phyag len reg zig nyung gsal
Location	mkhyen brtse'i bka' 'bum Volume 16, sde tshan 22, Text 2, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཇིགས་མེད་གླིང་པ་ ('jigs med gling pa)
Citation	'jam dbyangs mkhyen brtse'i dbang po. klong chen snying tig gi rab gnas bkra shis 'dod 'jo'i phyag len reg zig nyung gsal. In 'jam dbyangs mkhyen brtse'i dbang po'i bka' 'bum, Vol. 16: . Khams sde dge rdzong sar dgon: Rdzong sar blo gros phun tshogs, 2020.
Genre	Consecration Rituals - rab gnas cho ga
Cycle	ཀློང་ཆེན་སྙིང་གི་ཐིག་ལེ་ (klong chen snying gi thig le)
Notes	This text does not appear in the pecha, hence there are no corresponding page numbers.

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །ཀློང་ཆེན་སྙིང་ཏིག་གི་རབ་གནས་བཀྲ་ཤིས་འདོད་འཇོའི་ཕྱག་ལེན་རེག་ཟིག་ཉུང་གསལ་བཞུགས་སོ།། །། སྭསྟི། རབ་གནས་ཀྱི་ཆོ་ག་བཀྲ་ཤིས་འདོད་འཇོ་དངོས་སྟ་ཉིན་གཉིས་མའི་དབང་དུ་བྱས་ན། ཐོག་རབ་བཅས་བཤམས་ནི། རྟེན་གྱི་མདུན་ནམ་གང་བ་དེར་སྒྲུབ་དཀྱིལ། རྣམ་རྒྱལ་དང་ལས་བུམ་དབང་རྫས་སོགས་ཚང་བར་བཤམས། དེའི་གཡས་སུ་ཁྲུས་དཀྱིལ་དཀར་པོ་པད་འདབ་བརྒྱད་ཀྱིས་མཚན་པའི་དབུས་སུ་མཉྫིར་ཁྲུས་གཞོང་དང་མེ་ལོང་། འདབ་མ་བརྒྱད་ལ་ཁྲུས་བུམ་བཅུད་ལྡན། དེའི་མདུན་དུ་རིན་པོ་ཆེའི་གཞོང་པ་མེ་ཏོག་གིས་བཀང་བར་དབུས་སུ། གཟུངས་བུམ་དྲི་བཟང་གི་ཆུས་གང་བའི་ཁར་མེ་ལོང་ལ་རྟེན་སྙིང་བྲིས་པ། དེའི་མདུན་དུ་དུང་ཆོས་དྲི་བཟང་གི་ཆུས་གང་བ། གུལ་ཡུངས་སོགས་སྦྱངས་ཆས། ཁྲུས་རས་དང་གོས་ཟུང་སོགས་ཁྲུས་ཀྱི་ཉེར་མཁོ། དབང་པོའི་སྐྱོན་བསལ་གྱི་ཐུར་མ་རྣས་དང་བཅས་པ་བཤམས། དཀྱིལ་འཁོར་གྱི་གཡོན་དུ་མངའ་དབུལ་གྱི་མཎྜལ། ཙཱ་རུའི་བཟའ་བ། དེའི་མཐའ་བསྐོར་དུ་མངའ་དབུལ་གྱི་ཙཀླི་དང་མཆོད་པས་བསྐོར། སློབ་དཔོན་གྱི་མདུན་དུ། རྡོར་དྲིལ། ཌཱ་རུ། ནང་མཆོད། ནས་ཟེག་སོགས་འདུ་བྱའོ། །ཆོག་དངོས་ལ། ། ༈ ཉིན་དང་པོར། ཆོས་སྤྱོད་རྒྱས་བསྡུས་གང་རིགས། ལས་བྱང་གི་བརྒྱུད་འདེབས་ནས་བཟླས་པའི་བར། བཟླས་པ་ཅི་ནུས་རྗེས། རྣམ་བུམ་སྒྲུབ་པ་ནི། རབ་གནས་རང་གཞུང་ལྟར་མདོར་བསྡུས་སམ། རྒྱས་པར། བདག་འཇུག་དབང་དོན་རྒྱ་མཚོ་ལས། ཤུ་ནྱ་ཏྭཱ་ཝས་སྦྱངས། སྟོངས་པའི་ངང་ལས་ནས་བུམ་པ་གང་བར་གྱུར་བར། རྩ་སྔགས་དང་། དབྱངས་གསལ། སུ་པྲ་ཏིཥྛ་རྣམས་སྦྲེལ་ནས་བཟླ། མཐར། བདག་མདུན་བུམ་པ་གསུམ་ཀ་ལ་དམིགས་ཏེ། རྡོ་རྗེ་ལྷ་མོ་བཅུ་དྲུག་གིས་མཆོད། ལས་གཞུང་གི་བསྟོད་པས་བསྟོད། ཡིག་བརྒྱ་ལན་གསུམ། ཨོཾ་ཨཱཿཧཱུྃ་གིས་དུང་ཆོས་ཀྱི་ཆུ་མཆོད་ཡོན་དུ་ཕུལ་བས། ལྷ་ཚོགས་རྣམས་བདེ་སྟོང་ཆེན་པོའི་ངོ་བོར་ཞུ་བ་ཀུམ་ཆུ་དང་རོ་གཅིག་ཏུ་གྱུར། ཅེས་བརྗོད་ལས་རུམ་སྒྲུབ་པ། ལས་ཐས་ཅད་པ། ནས་རྡུལ་ཕྲ་རབ་ཏུ་གྱུར། བར་གཞུང་ལྟར། གཟུངས་ཁྲུས་ཀྱི་བུ་སྒྲུབ། ཨ་མྲྀ་ཏས་བསངས། སྭ་བྷཱ་བས་སྦྱངས། སྟོང་པའི་ངང་ལས་མེ་ཏོག་མ། ས་དྷ་ནི་སྭཱ་ཧཱ། བར། འདི་ལ་རྟེན་སྙིང་བརྒྱ་རྩ་བཟླས། དེ་ནས་རྟེན་སྙིང་ཉེར་གཅིག་བར་ལས་རྡོར་གྱིས་རྟེན་རྙིང་བཀྲུ་བ་སོགས་བྱ། ཁྲུས་སྔགས་རྣས་བདུན་རེ། ཨ་བྷི་ཥེ་ཀ །བརྒྱ་རྩ། སྤྱན་མའི་སྔགས་ཉེར་གཅིག་མཐར། ཡིག་བརྒྱ། རྟེན་སྙིང་བཅས། སྦྱོང་རྫས་གཞུང་ལྟར་སྔགས། བདག་འཇུག་བསྡུས་པ། ཨོཾ་བཛྲ་ས་མ་ཡ་ཨོཾ། སོགས་རིག་པའི་མེ་ཏོག་དོར་བ་ཙམ་མམ། རྒྱས་པར་དབང་དོན་ལྟར་བྱ། དེ་ནས་མཆོད་དཔོན་གྱིས་ཞྭ་ལག་ཏུ་བཟུང་། རབ་ཏུ་གནས་བྱའི་རྟེན་རྣམས་ལ་ཞི་བའི་སྒོ་ནས་སྦྱོང་བ་གནང་བར་ཞུ། ཐམས་ཅད་ཀྱིས་རྡོར་དྲིལ་འཛིན་ཅིང་། ཨོཾ་སརྦ་བིགྷཱན། སོགས་ལན་གསུམ། ཡང་སྔར་བཞིན་ལ། ཕྱེད་མའི་སྒོ་ནས་སྦྱོང་བ་སོགས་ཞུ། ཐམས་ཅད་ཀྱིས་རྡོ་རྗེ་གསོར་དྲིལ་བུ་དཀྲོལ་ལ། སུམ་བྷ་སོགས་ལན་གསུམ། དྲག་པོའི་སྒོ་ནས་སྦྱོང་བ། སོགས་ཞུ། ཨོཾ་བཛྲ་ཀྲོ་ཏ་ནས། སུཾ་བྷའི་བར་གཞུང་བཞིན་ལ། ན་མོ་རྗེ་བཙུན་སོགས་ལན་གསུམ་གྱི་དང་པོ་གཉིས་ལ་སྦྱོང་གཏོར་དཀྱིལ་འཁོར་ནས་ཕྱིར་ཅུང་ཟད་སྐྱེལ། ཕྱི་མ་ལ་རོལ་ཆེན་དྲག་པོ་དང་བཅས་ཏེ་ཕྱིར་དོར། སློབ་དཔོན་གྱིས་ཡུངས་ཐུན་གུ་གུལ་བཅས། སུཾ་བྷ་བཟླ་བཞིན་པར་བགེགས་བསྐྲད་ལ་ཕེབས། སླར་འཁོར་ནས། མཆོད་དཔོན་གྱིས། གནས་བྱའི་རྟེན་དང་བདག་ཅག་ཡོན་མཆོད་མི་ཤེས་པ་སྦྱོང་བ་ལ་ཐུགས་གཏད་པར་ཞུ། ཞེས་ཞུས་ནས་ལས་སྔགས། ཨ་མྲྀ་ཏ་ནས་ཤཱནྟིཾ་ཀུ་རུ་སྭཱ་ཧཱ། བར་གཞུང་ལྟར། ཡང་མཆོད་དཔོན་གྱིས། བདག་དང་སྦྱིན་པའི་བདག་པོའི་སྡིག་སྦྱོང་བ་ལ་ཐུགས་གཏད་པར་ཞུ། ཞེས་ཞུ། བདག་དང་སོགས་གཞུང་ལྟར། དེ་ནས་ཁྲུས་ཀྱི་བྱ་བ་ནི། བཅོམ་ལྡན་འདས་ནས། ཝ་སྟྲ་ཡེ་པྲ་ཏཱིཙྪ་སྭཱ་ཧཱ། བར་གཞུང་ལྟར་ལ། ཕྱག་ལེན་རྣམས་མཆན་བུ་དང་མཐོང་རྒྱུད་ལྟར་བྱ། འདི་མཚམས། དཔོན་སློབ་དཔོན་ཕྱོགས་ཐམས་ཅད་དུ་ལྟ་ཁྲུས་དགོས་ན་ཕེབས། སླར་ཚུར་འཁོར་བ་དང་། སེམས་ཅན་གང་དག་སོགས་བཀྲ་ཤིས་བརྗོད་རྟེན་བསྐྱེད། ཨོཾ་ཤུ་ནྱ་ཏཱ་ནས། ཨོཾ་ཙཀྲ་བཱརྟི་བྷྲཱུྃ། ཞེས་པའི་བར་གཞུང་ལྟར་རྟེན་གྱི་གཙོ་བོ་དར་སེར་ཕོས་དགག་པས། དེ་ནས། མ་མགོན་ལྕམ་དྲལ། གཟའ། ཚེ་རིང་མ་བཅས་གཏོར་འབུམ་མགོ་བར། ཕྱི་རོལ་ཏུ་ཆ་གསུམ་བཏང་། སྦྱིན་སྲེག་བྱེད་ན། སྦྱིན་སྲེག་གི་གནས་སུ་ས་ཆོག་བྱ། ནང་དུ་ལོག །སྦྱིན་སྲེག་གི་ཚེ་སྤྱན་དྲངས་རྒྱུའི་ཚོམ་བུ་སྟ་གོན་ལ། མཎྜལ་གྱི་ངོས་སུ་ལྷ་གནས་རྣམས་སུ་གཙོ་འཁོར་གྱི་སྔགས་སོ་སོར་བརྗོད་བཞི་ནང་པས་དྲིའི་ཐིག་ལེ་དང་ཚོ་བུ་བཀོད་ལ་དཀྱིལ་འཁོར་དུ་བཤམས། ཚོགས་བསྐང་ནས་སྨོན་ལམ་བཀྲ་ཤིས་བར་ལས་གཞུང་ལྟར་བྱའོ། ། ༈ ཉིན་གཉིས་པལ། ཆོས་སྤྱོད་ནས་བརྩམས་ཏེ། བུམ་པ་སྒྲུབ་པ་ཡན་ཉིན་དང་པོ་ལྟར་བྱ། །བདག་འཇུག་དབང་དོན་རྒྱ་མཚོ་ནས། ཇི་ལྟར་བལྟམས་པ་ནས། ཆ་ཡིས་ཀྱང་ནི་སྤྱད་དུ་གསོལ། བར་གཞུང་ལྟར་མཐར། ཛཿཧཱུྃ་བྃ་ཧོཾཿ ནམ་མཁར་བཞུགས་པའི་དབང་གི་ལྷ་རྣམས་ཀྱང་རང་ལ་ཐིམ་པར་གྱུར། ཅེས་བརྗོད་ནས། སྤྱོད་པ་དང་། ཁྲུས་ཀྱི་བྱ་བ་སྟ་གོན་ལྟར་བྱ། དེ་ནས། གང་འདིར་བཅོམ་ལྡན་འདས། ནས། ཕངས་པ་མེད་པར་བཏང་བར་བྱ། བར་དོངས་གཞིའི་གཞུང་ལྟར། རྟེན་བསྐྱེད། ཤཱུནྱ་ཏཱ་ནས། ཨོཾ་བཛྲ་ཨཱ་ཝེ་ཤ་ཡ་ཧོཿ བར་སྟ་གོན་ལྟར། དབང་བསྐུར་བ། རང་གི་སྙིང་གའི་ནས། རྣམ་པར་བྱོན་ནས་དེ་ལ་བཞུགས་བར་གྱུར། བར་དངོས་གཞིའི་གཞུང་ལྟར་ལ། སུ་པྲ་ཏིཥྛ། བརྒྱ་རྩ། བྷུ་ཁཾ། ལྔ་བཅུ། རྟེན་སྙིང་བརྒྱ་རྩ་སོགས་སྐབས་བསྟུན། ཤིས་བརྗོད། བྱང་ཆུབ་སྙིང་པོར་གཤེགས་པ། ནས། ཡེ་དྷརྨ་སོགས་ཀྱི་མཐར་མཐོར་ནས་ལ་ཕེབས། ཚུར་འཁོར་བ་དང་། མངར་དབུལ་གྱི། ཐུབ་དབང་མཆོད་གནས། སོགས་ནས། ཐེག་པ་ཆེན་པོའི་ལམ་ལ་གནས་པར་ཤོག །བར་གཞུང་ལྟར། དེ་ནས་ཙཱ་རུའི་བཟའ་བ་ལ་ཆབ་དྲན། བྱིན་གྱིས་བརླབས་ཚང་ནས་ལས་རྡོར་གྱི་རྟེན་གྱི་དྲུང་ཏུ་བཏེགས་ཞལ་རས་རོ་བརྒྱ། སོགས་ཀྱིས་འབུལ། ཕྱི་རོལ་ཏུ་རྒྱས་པའི་སྦྱིན་སྲེག་ཡག་ཆ་ཟུར་གསལ་ལྟར་བྱ། གལ་ཏེ་མ་གྲུབ་ན་ལྷག་ཆག་སྐོང་བའི་ཕྱིར་ཡིག་བརྒྱ་ཚར་ཁ་ཡར་འདོན་པ་ཕྱག་ལེན་དུ་སྣང་། ནང་དུ་ལོག་ནས་མཐའ་རྟེན་གྱི་བཀྲ་ཤིས། ཡེ་དྷརྨཱ་སོགས་ནས་ཚིགས་བཅད་ཚང་མ། གསོལ་ཁ་གཏོར་འབུལ་མགོ་བར། ཕྱི་རོལ་ཏུ་ཆ་གསུམ། ནང་དུ་ལོག་ལ་ཚོགས་སྐོང་ལྷག་མའི་བར། མ་མགོན་ལྕམ་བྲལ་གྱི་སྐོང་བར་ང་། །གནས་དེའི་སྲུང་མ་ལ་གཏོར་མ་ཕུལ། བཛྲ་རཀྵ་ཤཾ་ནས། རྒྱུན་མི་འཆད་པར་མཛོད་ཅིག །བར་གྱིས་སྲུང་མ་བསྒོ། ཚོགས་ཀྱི་ལྷག་མ་ནས་གཟུང་ཐུན་མཚམས་ཀྱི་ལྟར་ལྡང་བའི་བར་ལས་བྱང་ལྟར། གཏོར་རག་གི་མཆོད་བསྟོད་དང་བཤགས་པ་གཞུང་ལྟར་བྱ། ཡོན་བདག་གྲལ་ལ་འཁོད་པ་དང་། ཐོག་མར་ཙཱ་རུའི་བཟའ་བ་དང་། དེ་རྗེས་བསམ་ལྷུན་འདོད་ལ་མཆོད་ཡོན་ཐམས་ཅད་ལ་ཚོགས་དྲངས། ཡོན་བདག་བསྒོ་བ་དངོས་ཟུར་གསལ་དང་། རྟེན་ལ་མཆོད་པའི་བར་གཞུང་ལྟར་ལ། ཡོན་མཆོད་ཐམས་ཅད་ཀྱིས་སྨོན་ལམ་ཇི་ལྟར་རིགས་པ་གདབ་ནས་བཀྲ་ཤིས་རོལ་མོ་དང་བཅས་གྲོལ། དེ་ནས་བསྔོ་སྨོན་དང་། བཀྲ་ཤིས་ལས་བྱང་ལྟར་དང་། དོང་སྤྲུགས་སྨོན་ལམ་ཤིས་བརྗོད་སོགས་མཐའ་རྒྱས་སུ་བྱའོ། ། ༈ གལ་ཏེ་ཉིན་གསུམ་དུ་བྱེད་ན། ཉིན་དང་པོ་སྟ་གོན་འདྲ་བ་ལ་སྦྱིན་སྲེག་གིས་ཆོག་མི་བྱེད། གཉིས་པ་ལ་བརྒྱུད་འདེབས་ནས་བཟུང་འཐོར་ནས་ཡན་སྔརསྨོས་པའི་ཉིན་གཉིས་པ་ལྟར་ལ། འཐོར་ནས་བཞག་ནས། ཆོས་སྲུང་སྐོང་བ། ཆ་གསུམ། སྦྱིན་སྲེག་གི་ས་ཆོག །ཚོམ་བུ་སྟ་གོན། ཚོགས་སྐོང་ནས་བཀྲ་ཤིས་པར་ལས་གཞུང་ལྟར་བྱ། ཉིན་གསུམ་པ་ལ། འཐོར་ནས་ཡན་སྔར་ཉིན་གཉིས་པ་ལྟར། དེ་ནས་འཐོར་ནས་ཕེབས། དེ་མཚམས་མངའ་དབུལ་མན་སྔ་སོར་དངོས་སྟ་ཉིན་གཉིས་མའི་སྐབས་སུ་བཤད་པའི་ཉིན་གཉིས་པ་སོར་བཞག་བྱའོ། ། ༈ ཡང་ཉིན་གཅིག་ཏུ་བྱེད་ན། དཀྱིལ་འཁོར་གྱི་བཤམས་བཀོད་ཕལ་ཆེར་སྔར་སྨོས་པ་ལྟར་ལ། དམིགས་བསལ་ཁྲུས་བུམ་གཅིག་གིས་ཆོག །འདོད་ཆ། བརྒྱུད་འདེབས་ནས། རབ་གནས་ཀྱི་རྒྱས་གདབ། ཙིཏྟ་བཛྲ་སྭ་བྷཱ་བ་ཨཱཏྨ་ཀོ྅ཧཾ། བར་སྟ་གོན་བཞིན་ལ། དེ་ནས་དབང་བསྐུར་བ། རང་གི་སྙིང་ཁ་ནས་འོད་ཟེར་འཕྲོས་པས། སོགས་མན་དངོས་གཞི་སེར་བཞག་ལ་རྒྱས་པའི་སྦྱིན་སྲེག་མི་དགོས་སོ། །གཞན་འདོན་གདངས་དང་ཕྱག་ལེན་སོགས་ཕལ་ཆེར་མཆན་བུས་གསལ་བ་ལྟར་རོ། །དགེའོ།། །།སརྦ་དཱ་ལྱཱ་ཎཾ་བྷ་ཝ་ཏུ།། །།

[edit]

klong chen snying tig gi rab gnas bkra shis 'dod 'jo'i phyag len reg zig nyung gsal/ @#/__/klong chen snying tig gi rab gnas bkra shis 'dod 'jo'i phyag len reg zig nyung gsal bzhugs so//____// swasti/__rab gnas kyi cho ga bkra shis 'dod 'jo dngos sta nyin gnyis ma'i dbang du byas na/__thog rab bcas bshams ni/__rten gyi mdun nam gang ba der sgrub dkyil/__rnam rgyal dang las bum dbang rdzas sogs tshang bar bshams/__de'i g.yas su khrus dkyil dkar po pad 'dab brgyad kyis mtshan pa'i dbus su many+dzir khrus gzhong dang me long /__'dab ma brgyad la khrus bum bcud ldan/__de'i mdun du rin po che'i gzhong pa me tog gis bkang bar dbus su/__gzungs bum dri bzang gi chus gang ba'i khar me long la rten snying bris pa/__de'i mdun du dung chos dri bzang gi chus gang ba/__gul yungs sogs sbyangs chas/__khrus ras dang gos zung sogs khrus kyi nyer mkho/__dbang po'i skyon bsal gyi thur ma rnas dang bcas pa bshams/__dkyil 'khor gyi g.yon du mnga' dbul gyi maN+Dal/__tsA ru'i bza' ba/__de'i mtha' bskor du mnga' dbul gyi tsakli dang mchod pas bskor/__slob dpon gyi mdun du/__rdor dril/__DA ru/__nang mchod/__nas zeg sogs 'du bya'o/____/chog dngos la/____/_!_nyin dang por/__chos spyod rgyas bsdus gang rigs/__las byang gi brgyud 'debs nas bzlas pa'i bar/__bzlas pa ci nus rjes/__rnam bum sgrub pa ni/__rab gnas rang gzhung ltar mdor bsdus sam/__rgyas par/__bdag 'jug dbang don rgya mtsho las/__shu n+ya twA was sbyangs/__stongs pa'i ngang las nas bum pa gang bar gyur bar/__rtsa sngags dang /__dbyangs gsal/__su pra tiSh+Tha rnams sbrel nas bzla/__mthar/__bdag mdun bum pa gsum ka la dmigs te/__rdo rje lha mo bcu drug gis mchod/__las gzhung gi bstod pas bstod/__yig brgya lan gsum/__oM AHhU~M gis dung chos kyi chu mchod yon du phul bas/__lha tshogs rnams bde stong chen po'i ngo bor zhu ba kum chu dang ro gcig tu gyur/__ces brjod las rum sgrub pa/__las thas cad pa/__nas rdul phra rab tu gyur/__bar gzhung ltar/__gzungs khrus kyi bu sgrub/__a mr-i tas bsangs/__swa b+hA bas sbyangs/__stong pa'i ngang las me tog ma/__sa d+ha ni swA hA/__bar/__'di la rten snying brgya rtsa bzlas/__de nas rten snying nyer gcig bar las rdor gyis rten rnying bkru ba sogs bya/__khrus sngags rnas bdun re/__a b+hi She ka__/brgya rtsa/__spyan ma'i sngags nyer gcig mthar/__yig brgya/__rten snying bcas/__sbyong rdzas gzhung ltar sngags/__bdag 'jug bsdus pa/__oM badz+ra sa ma ya oM/_sogs rig pa'i me tog dor ba tsam mam/__rgyas par dbang don ltar bya/__de nas mchod dpon gyis zhwa lag tu bzung /__rab tu gnas bya'i rten rnams la zhi ba'i sgo nas sbyong ba gnang bar zhu/__thams cad kyis rdor dril 'dzin cing /__oM sarba big+hAn/__sogs lan gsum/__yang sngar bzhin la/__phyed ma'i sgo nas sbyong ba sogs zhu/__thams cad kyis rdo rje gsor dril bu dkrol la/__sum b+ha sogs lan gsum/__drag po'i sgo nas sbyong ba/__sogs zhu/__oM badz+ra kro ta nas/__suM b+ha'i bar gzhung bzhin la/__na mo rje btsun sogs lan gsum gyi dang po gnyis la sbyong gtor dkyil 'khor nas phyir cung zad skyel/__phyi ma la rol chen drag po dang bcas te phyir dor/__slob dpon gyis yungs thun gu gul bcas/__suM b+ha bzla bzhin par bgegs bskrad la phebs/__slar 'khor nas/__mchod dpon gyis/__gnas bya'i rten dang bdag cag yon mchod mi shes pa sbyong ba la thugs gtad par zhu/__zhes zhus nas las sngags/__a mr-i ta nas shAn+tiM ku ru swA hA/__bar gzhung ltar/__yang mchod dpon gyis/__bdag dang sbyin pa'i bdag po'i sdig sbyong ba la thugs gtad par zhu/__zhes zhu/__bdag dang sogs gzhung ltar/__de nas khrus kyi bya ba ni/__bcom ldan 'das nas/__wa s+t+ra ye pra tIts+tsha swA hA/__bar gzhung ltar la/__phyag len rnams mchan bu dang mthong rgyud ltar bya/__'di mtshams/__dpon slob dpon phyogs thams cad du lta khrus dgos na phebs/__slar tshur 'khor ba dang /__sems can gang dag sogs bkra shis brjod rten bskyed/__oM shu n+ya tA nas/__oM tsakra bArti b+h+rU~M/__zhes pa'i bar gzhung ltar rten gyi gtso bo dar ser phos dgag pas/__de nas/__ma mgon lcam dral/__gza'/__tshe ring ma bcas gtor 'bum mgo bar/__phyi rol tu cha gsum btang /__sbyin sreg byed na/__sbyin sreg gi gnas su sa chog bya/__nang du log__/sbyin sreg gi tshe spyan drangs rgyu'i tshom bu sta gon la/__maN+Dal gyi ngos su lha gnas rnams su gtso 'khor gyi sngags so sor brjod bzhi nang pas dri'i thig le dang tsho bu bkod la dkyil 'khor du bshams/__tshogs bskang nas smon lam bkra shis bar las gzhung ltar bya'o/____/_!__nyin gnyis pal/__chos spyod nas brtsams te/__bum pa sgrub pa yan nyin dang po ltar bya/____/bdag 'jug dbang don rgya mtsho nas/__ji ltar bltams pa nas/__cha yis kyang ni spyad du gsol/__bar gzhung ltar mthar/__dzaHhU~M ba~M hoMH__nam mkhar bzhugs pa'i dbang gi lha rnams kyang rang la thim par gyur/__ces brjod nas/__spyod pa dang /__khrus kyi bya ba sta gon ltar bya/__de nas/__gang 'dir bcom ldan 'das/__nas/__phangs pa med par btang bar bya/__bar dongs gzhi'i gzhung ltar/__rten bskyed/__shUn+ya tA nas/__oM badz+ra A we sha ya hoH_bar sta gon ltar/__dbang bskur ba/__rang gi snying ga'i nas/__rnam par byon nas de la bzhugs bar gyur/__bar dngos gzhi'i gzhung ltar la/__su pra tiSh+Tha/__brgya rtsa/__b+hu khaM/__lnga bcu/__rten snying brgya rtsa sogs skabs bstun/__shis brjod/__byang chub snying por gshegs pa/__nas/__ye d+harma sogs kyi mthar mthor nas la phebs/__tshur 'khor ba dang /__mngar dbul gyi/__thub dbang mchod gnas/__sogs nas/__theg pa chen po'i lam la gnas par shog__/bar gzhung ltar/__de nas tsA ru'i bza' ba la chab dran/__byin gyis brlabs tshang nas las rdor gyi rten gyi drung tu btegs zhal ras ro brgya/__sogs kyis 'bul/__phyi rol tu rgyas pa'i sbyin sreg yag cha zur gsal ltar bya/__gal te ma grub na lhag chag skong ba'i phyir yig brgya tshar kha yar 'don pa phyag len du snang /__nang du log nas mtha' rten gyi bkra shis/__ye d+harmA sogs nas tshigs bcad tshang ma/__gsol kha gtor 'bul mgo bar/__phyi rol tu cha gsum/__nang du log la tshogs skong lhag ma'i bar/__ma mgon lcam bral gyi skong bar nga /____/gnas de'i srung ma la gtor ma phul/__badz+ra rak+Sha shaM nas/__rgyun mi 'chad par mdzod cig__/bar gyis srung ma bsgo/__tshogs kyi lhag ma nas gzung thun mtshams kyi ltar ldang ba'i bar las byang ltar/__gtor rag gi mchod bstod dang bshags pa gzhung ltar bya/__yon bdag gral la 'khod pa dang /__thog mar tsA ru'i bza' ba dang /__de rjes bsam lhun 'dod la mchod yon thams cad la tshogs drangs/__yon bdag bsgo ba dngos zur gsal dang /__rten la mchod pa'i bar gzhung ltar la/__yon mchod thams cad kyis smon lam ji ltar rigs pa gdab nas bkra shis rol mo dang bcas grol/__de nas bsngo smon dang /__bkra shis las byang ltar dang /__dong sprugs smon lam shis brjod sogs mtha' rgyas su bya'o/____/_!_gal te nyin gsum du byed na/__nyin dang po sta gon 'dra ba la sbyin sreg gis chog mi byed/__gnyis pa la brgyud 'debs nas bzung 'thor nas yan sngarasmos pa'i nyin gnyis pa ltar la/__'thor nas bzhag nas/__chos srung skong ba/__cha gsum/__sbyin sreg gi sa chog__/tshom bu sta gon/__tshogs skong nas bkra shis par las gzhung ltar bya/__nyin gsum pa la/__'thor nas yan sngar nyin gnyis pa ltar/__de nas 'thor nas phebs/__de mtshams mnga' dbul man snga sor dngos sta nyin gnyis ma'i skabs su bshad pa'i nyin gnyis pa sor bzhag bya'o/____/_!_yang nyin gcig tu byed na/__dkyil 'khor gyi bshams bkod phal cher sngar smos pa ltar la/__dmigs bsal khrus bum gcig gis chog__/'dod cha/__brgyud 'debs nas/__rab gnas kyi rgyas gdab/__tsit+ta badz+ra swa b+hA ba At+ma ko\u0f85haM/__bar sta gon bzhin la/__de nas dbang bskur ba/__rang gi snying kha nas 'od zer 'phros pas/__sogs man dngos gzhi ser bzhag la rgyas pa'i sbyin sreg mi dgos so/____/gzhan 'don gdangs dang phyag len sogs phal cher mchan bus gsal ba ltar ro/____/dge'o//________//sarba dA l+yA NaM b+ha wa tu//____//